أمل موعوود ,,,

هذي القصة للكااتبة " الســــــديم" وماااتحلل أي احد ينقلهااا الا يقووول اسمها ^^
اول شي احب اقول لكم ان القصة سعووودية

تعريف بالشخصيات:-

الجد:عبد الله ,,,,,,, الجدة :مزنة
عندهم 3 اولاد وبنت
""محمد\ابراهيم\منيرة\طلال""
-----------
محمد .... زوجته خلود عيالهم......((ناصر - وليد - سارة - مشاعل - مشعل - لولو))

ناصر: "29س" متزوج عنود بنت عمه وعندهـ ولد "عزوز 3س"
وليد: "25س" متوظف بشركة عمانه شخصيته هاااادية مرررة
سارة: 23"س" كانت تدرس بالجامعة عاقلة وثقيلة ورزينة
مشاعل: "20س"تدرس ثاني جامعة حبوبة وطيبة ملامحها هادية وعيونها حلووة ونعوومة
مشعل: "18س" رايح ثالث ثنوي دمه خفيف بس عصبي وااااجد<<مزيوون
لولو: "17س"رايحة ثاني ثنوي اللي في قلبها علي لساانها توأم روحها هنوف بنت عمتها

----------
ابراهيم.....زوجته نورة عيالهم..... (( عنود - خالد - ريم - شهد - سالم))
عنود: "27س" متزوجه ناصر ولد عمها عندها ولد وهي حامل
خالد: "25س" يدرس بكندا مزيووووون والبنااات ينهبلون عليه بس انه ثقيل ومايحب هالحركات
ريم: "24س" اليوم عرسها من نايف ولد عمتها حبووبة مرة 
شهد: "21س" تدرس بالجامعة طيووبة مررة ملامحها مرة حلوة عيونها كبار وخشمها صغير وشعرها ناااعم طويل فيها غمازات الكل ينهبل عليها
سالم: "19س" رايح اولى جامعة عنييييييد مرررة <<يحب يتكشخ
---------
العمة منيرة متزوجة منصور ....... عيالهم........((نايف - نواف - شيخة - راشد - هنوف))
نايف: "26س" اليوم عرسه بيتزوج ريم بنت خاله يموووت فيها
نواف: "23س" بالجامعة مزيوون جسمه عضلات وحلو رجة بس بوقت الجد رزيين
شيخة: "22س" بالجامعة ملامحها نعومة بييضاء رموشها كثيرة دمها خفيف والكل يحبهاا
راشد: "19س" رايح اول جامعة مربوووش وعصبي بس انه راعي هبال
هنوف: "17س" رايحة ثاني ثنوي بيضا بس مو زي شيخة اختها ملسوونة مايضيع لها حق طيبة مرة بس اذاا عصبت لا
--------
طلال....... "30س" زوجته متوفية ....
رزة وكشخة عيال اخوااانه وبنات اخوانه يحبوونه مرة كانه واحد من عيا عمهم 
عنده بنت ....نوف: "5س" بزرة حدهاا ملسووونة




الجزء الأوول :-
الفصل الأول----

أم خالد : شهــــد رووحي شوفي اختك اذا تبي شيء
شهد: انزيييين ,,,,,,,,,, وطلعت لاختها
---------
ميساء"الكوافيرة" : ممكن انسة ريم تسبتي شوية!!!
ريم متوترة : لا والله مب على كيفك
,,,, دخلت شهد عليهم....
شهد :هااا أخباار العرووس
ميساء :والله مبعرفش ياستي العروسة مش عايزة تسبت شووية
ريم :والله مب مني انتي اللي غثيتيني امسكي العلبة ارفعي راسك نزلي راسك
شهد :افف ليتني ماجيت صدع راسي يلا عاد خلصينا
ريم :تراا انا اختك الكبيرة ان كان ماتدرين ... ماجو بنات عماني ؟؟
شهد: بالطريق الحين
ريم : أهاااا ,,,,, اااي ووجع شوي شوي يعوور
ميسااء عصبت : بأى كدا مش بيعور بلاش دلع
ريم: تزف بعد .. ان شاء الله عمتي
-----------------
دخلوا البناات "شيخة وهنوف ولولو وسارة ومشاعل"
البناااات : مبرووك ياعرووسة
شيخة : اف اف الله يعييين اخووي لاينجلط بس .. رووعة شكلك
ريم: والله ماظنه مع هالعلة اللي تزين شعري
شيخة : ههههههههه شكل الاوضاع متوترة 
ريم : من جد رفعت ضغطي ... بناات تكفوون وحدة فيكم تنزل تحت فيه الصندل حقي داخل كيس ازرق
شيخة: اناا بنززل من بينزل معي
سارة: انا بنزل بس تعاالي ماناخذ شيلتنا احتياط
شيخة: لاماعليك أنا وهنوف وصيناهم بعدين هذي صالة الحريم وش يجيبهم 
سارة : طيب طيب اعصابك
شيخة: ههههههه طيب يللا خل نتسابق ,,, 1,,,,,,2,,,,,3 انطلق
((وترركض شيخة على تحت وسارة ماهمها تمشي على مهلها اما شيخة فصخت صندلها وجلست تركض عالدرج لفت شيخة تشوف سارة وراها ولا لا بس صدمت في شي وطااحت عالارض ويطير منها الصندل وطقه))
شيخة : آآآآآآآي
.......: اااي اعصابك ليه مستعجلة بعدين أأح كم مقاس رجلك
شيخة وهي مفتشلة شوي: وانت مين وليه واقف هنا ووش جابك صالة الحريم وبعدين لك وجه تتكلم
.........: ههههههههه وش فيك انتي سؤال سؤال
شيخة انتبهت انها مو متغطية ((كانت لابسة بلوزة سودا فيها شك نحاسي بدون اكمام...مع تنورة مشرشرة سودا على الركبة وصندل ربط بس كانك فاصخته))
ركضت فوووق بسررعة
ضحك علييها الرجال وطلع
----------------------------------------------------------


مين هو الرجال اللي صدم شيخة؟؟؟
بيصير شي بالعرس ولا بيمر تمام؟؟؟


بليييز ابغى ردودكم عشان اكمل كتابة القصة


الجزء الأول :
الفصل الثاني-----



رااحت شيخة تركض فووق متححسفة انها ماسمعت كلام سارة....

شافت سارة واقفة عند الغرفة...

سارة: بسم الله شفيك تركضين
شيخة:لا ولا شي خل ندخل
سارة وهي مستغربة :يلا
((دخلوا سارة وشيخة للغرفة))
ريم :ها جبتوا الكيس
شيخة :يوووووهـ نسيت
ريم :احلفي !! وش قاعدة تسوين طول هالوقت 
((شيخة تذكرت السالفة وقعدت تضحك))
شهد :حمد الله والشكر عندي بنت عمة الله لاا يبلانا انا بروح اجيبه بس
------------
((نزلت شهد جابت الكيس ماكان الرجال فيه طلعت فوق وجلسوا يسولفون مع ريم الى اذن المغرب))
مشاعل: خل ننزل بنات ونساعدهم
شيخة : ايه والله بتذبحنا امي لو مانزلنا
ريم : لا والله بتخلوني لحالي يعني
هنوف: خلاص اناا بقعد معاك
لولو: وانا بعد بقعد
سارة :ايه اكيد تقعدين مو توأم روحك فيه
((ونزلوا باقي البنات تحت))
--------
------ عند الرجال-------
العم ابراهيم"ابو خالد" :حمد الله عالسلامة ياولدي
خالد يبوس راس ابوهـ :الله يسلمك يبة شرايكم بالمفاجئة
ابراهيم :احلى مفاجئة بتستانس اختك اذا شافتك
خالد :تصدق مشتاق لكم
العم طلال:احم احم واحنا مالنا رب
خالد : طلووول أخباااارك واخباار نوفة ونجلا
((طلال يوم سمع اسم نجلا تغيرت ملامح وجهه من الضحكة والوناسة للاكتئاب وضيقة الصدر
الكل سكت وخالد تذكر انها توفت وتحسف مليووون مرة على كلامه))
مشعل حب يغير جوهم شوي:هااخلودي .. باقي لك شي ولا خلصت
خالد تنحتح:لاخلاص اخذت الماجستير وجيتكم
العم محمد:ماقلت لي ياخالد وش تخصصك
خالد : ياعمي تخصصي شبكات ونظم
العم محمد :بالتوفيق ان شاء الله
ابرااهيم :خلاص اجل راح نسوي عزيمة بالمزرعة يوم الاربعاء بمناسبة رجواع خالد ولدي
خالد : تسلم يبة
راشد : يوووهـ عمي شراايكم ننام فيها كذا اسبوع اسبوعين من زمان مانمنا فيها والحين صيف يعني مافيه دراسة
ابراهيم :نشوف ان شاء الله
العم محمد : الحين من قاعد مع نايف
سالم : فيه نواف وفيه وليد وفيه جدي وفيه زوج عمتي 
ابراهيم :فشلة خل نروح نقعد مع العريس بس لاتنسون الاربعاء

-----------------
((((( نرجع للحريم )))))
الناس بدوا يجوون عنوود جالسة عشانها ماتقدر تقوم واجد بسبة حملها 
نوف تقول للعنود : عنود عنود 
عنود : نعم !!
نوف : الحين اليووم يعني نايف وريم تزوجوا
عنود : ايه ((ماتدري وش القنبلة اللي بتقولها نوف))
نوف : شلوون يعني تزوجوا
عنود : يعني بيعيشون مع بعض زي أنا وناصر
نوف : الله وناااسة اجل ابي اتزووج عزوز ولدك
عنود : هههههههههههه بس انتي صغيرة
نوف : لاعااادي
عنود : طيب هو أصغر منك ماتقدرين 
نوف : امممم طيب اجل مشعل اكبر مني
عنود : نشوف بعدين نسأل مشعل
---
امتلت الصالة بالناس (( صالة العرس كبيييرة مرة وزفة العروس تنزل مع الدرج ))
وازعااااج الطق والرقص والوناسة ... 11ونص بيزفون العروس طلعت شهد ومشاعل وشيخة وسارة فوق عند ريم
شهد : ريييم يلا الحين الزفة
ريم اللي حدهت متوترة وخايفة : يووهـ لازم زفة
شيخة : الناس ينتظرون تحت اذا تبين نقولهم العروس هونت ترا عادي
نزلت تحت ووراها شهد وشيخة وسارة ومشاعل وصلت للكوشة وبدوا الناس يبااركون لها وبدوا يطقون ويرقصون ...
---
شيخة :يلا بيدخل العريس الحين
ريم : يوووهـ شهد تعاالي وين رايحة
شهد : بقعد بس اذا كان عادي عندك نايف يشوفني
ريم : يلا رووحي باي
دخل نايف وابووهـ وابو خالد وسالم وخالد والعم طلال والعم محمد ...
(( شيخة يوم شافت خالد في خاطرها يووووهـ هذا وش جابه مرة ثانية))
شيخة : شهد من هذا 
شهد : وين
شيخة : هذاك اللي جنب خالي ابرااهيم
شهد شهقت : هذاا خااالد
شيخة في خاطرها ((يوووهـ هذا خالد تغير والله من 6 سنين ماشفته ))
شهد : شوفي نايف الحين بيسلم على ريم
-----
نايف باس جبين ريم : مبروك
ريم : الله يبارك فيك
(( وقف نايف جنبها جا أبو نايف سلم على ريم وجا ابو خالد والعم طلال والعم محمد وسالم ))
قرب خالد عند ريم : مبرووك ريوومة
ريم رفعت راسها شافت أخووها لمته وبدت تصيح :الله يبارك فيك
خالد : ليه تصيحين انزين ..
ريم :خاالد اشتقت لك مووت
خالد : وانا بعد بس فييه ناس غااروا << يأشر على نايف
ريم اللي اسحت وخرت عن خالد ...
خالد :شرايك بالمفاجئة
ريم : روووعة متى بترجع
خالد :أفااا تبيني ارجع ترا ماعندي مانع
ريم :هههه لالا بس اسأل
خالد : اووكي ريم شوفيهم سفطوا علي ورااحوا ولوو اقعد اكثر كفخني نايف
---------------
راحوا ريم ونايف للمطار ... والناس راااحوا ماباقي اللا القراب
شيخة :صبااايا الشباب بيدخلون
البناات لبسوا عباياتهم << عشان التنانير قصيرة
((دخلوا العيال ... خالد راح للبنات عشان يسلم على شهد وعنوود وباقي بنات عمه))
شهد وهي تصاارخ : خااااالد حمد الله عالسلااامة
خالد :الله يسلمك وش فيك كان احد يلحقك شوي شوي
شهد : طيب .. شخبااارك شخبار كندا اوف من زمااان عنك ليه ماتجي المناسبات وحتى عرس عنود قبل 4 سنين مااجيت ليييه
خالد : هههههههه شكله طبع فيكم الاسئلة الواجد
شيخة مفتشلة منه حدهااااااا
هنوووف : شيـــــــــــــــخــــــــــــــــة !!!!
شيخة : هاه وشوو
هنوف : لا ابد بس لو ولد خالك توه راجع من سفر وش تقولين له
شيخة بعفوية :حمد الله عالسلاامة
خالد من سمع صوتها ابتسم عرف انها هي اللي صدمت فيه ..: الله يسلمك
---------------------
رقصوا الشباااب واستانسوا 
عنوود : مشــــــــعل تعااال نوف تبيك
(( رااح مشعل عند الحريم والبنات )) مشعل : شبغيتي نووف
نوف : أبي اتزوووجك
مشعل : هااااااهـ
نوف : وشوو هاهـ ابي اتزوجك متى تسوي عرس عشان نعيش مع بعض
مشعل يكلم عنود : تستهبل ذي
عنود : هههههههههه لالا من جدهاا كانت بتتزوج عزوز بس انه اصغر منها قالت أجل مشعل
مشعل : مشعل خلاص أجل يلاا ترجعين معنا البيت
نوف : لا والله لااازم تسوي زي زوااج ريم ونايف كذااا
مشعل : والله مالي دخل اللي يبي يتزوجني يتحمل
نوف : رووح زين بروح اتزوج سالم ولا رشود
مشعل : لا تكفين انتي بمووت تصدقين لو ماتزجك
نوف : روح عني (( وراحت لرشود))
مشعل : الله يعيينك ياولد عمتي
ضحكوا البناااات على هبال مشعل وعلى نووفة البززر
-------------------
شهد : بنااات بنااات 
لولو : نعم
شهد : اليوم بتنامون عندنا صـــح 
سارة : ايه المفروض بس انه اخووك توهـ جااي من سفر ولازم تقعدون مع بعض
شهد : يوووووه ياقدمك خلود راااح ينام منذ مبطي
هنوف : اجل وش تنتظرون يلا
مشاعل : يلا الحين بنمشي
--------------------------------------- 

بيت العم ابراهيم وصلوا البنااات الساعة 6 الصباح ....

أم خالد : يلا يابناات لا تسهرون وااجد 
شهد : ان شاااااااء الله يمة
وطلعوا البنااات لبسوا بجاماتهم كانوا مجهزينها من الصباح في شنطة جلسوا في غرفة شهد يسولفون عن العرس وعن اللي جا واللي ماجا 
شيخة : تعااالي شهد ليه ماجات لطيفة
شهد :اليوم عرس خالها
شيخة : اهاااا ,,, شكل البنااات ناموا
شافوا البنااات كانوا كلهم نايمين وفيه سارة تلعب بجوالها بس مانتبهوا لهاا
شهد : اشكاالهم رهييبة لايفووتك شكل هنوف
شيخة : هههههههه الله يفشلها بس
شهد : شكله جاااني نوووم
شيخة : اصبري فااتك اليووم مووقف صار لي مع اخووك
شهد : سالم ؟؟
شيخة :لااااخالد
شهد : بل امداه يصير شي قولي قولي
شيخة : بس هاااا لاتضحكييين((وقالت شييخة السالفة لشهد ))
شهد : هههههههههههههههههه طقيتي اخووي بالصندل وانا اقول ليه جبهته وارمة
سارة : هههههههههههههههههههههاااي عشان كذا جايتني وجهك احمر
شيخة : بسم الله وش قومك انتي
سارة : مانمت كنت العب بالجوال
شيخة : اقوول ناااموا أحسن لكم وفتحت الباب بتطلع
شهد : وين بتروحين لساعة 8 الصبح
شيخة : كييييفي بيت خالي ... 
((نزلت شيخة تبي تشرب موية فتحت الثلاجة بتاخذ موية لفت تبي كاس وتصدم ويطيح الكاس ))
خالد كان يحسب انها أخته : ماتشوفين انتي
شيخة للحين مومستوعبة : هاه وشو
خالد عرفها : هذا انتي مرة ثانية
شيخة : كيفي جاية بيت خالي ماجيت فوق راسك .. طلعت بسرعة من المطبخ وراحت فوق ضحك خالد عى شكلها 
ناموا البناات كلهم ....



--------- 
وش تتوقعون الاحداث اللي بتصيير بعد لاتحرموني من ردودكم ^^
من بكرة الساعة 4 العصر كل البنات قاموا باقي هنوف وهي معروفة اكثر وحدة تحب النوم .. حاولوا البنات فيها صرخوا باذنها سحبوا الغطا عنها بس مافيه فايدة
شيخة :ايه انا اعرف طريقة تقومها
مشاعل: نورينا
شيخة : حنا الحين بالصيف والحر بسكر المكيف وافتح الشباك ونشغل التلفزيون عالعالي ونطلع واضمن لكم 10 دقايق وهي قايمة
شهد: ههههههه يامجرمة
شيخة :والله امي في البيت دايم تسوي كذا فينا
وسكروا البنات المكيف وفتحو الشباك والتلفزيون وطلعوا راحوا غرفة ريم...بعد 5 دقايق
قامت هنوف معصبة وراحت لهم وهاوشتهم وهم يضحكون عليها
هنوف :سخيييفاات
لولو: توأم روووحي صح النوم
هنوف : لولو ترا الاخلاق زفت ابعدي عني لو سمحتي
شهد : هههههههه طيب واللي يقولك بشارة
هنوف : قولي
شهد: كم لي
هنوف عطتها نظررة محترمة << اخلاااقها ززفت اذا قامت من النوم
شهد:طيب طيب بقوول ... الاربعاء بنروح المزرعة وبننام هناك اسبووع
مشاعل :وناااااااسة
هنوف : ليه وش الطاري عليهم
شهد :عشااان خلوود ابوي بيسوي عدا يوم الاربعاء وقرروا اننا ننام هناك
هنوف : حلو
شييخة : اللا فلللة ووناسة وهبال
سارة : اجل بنررجع البيت الحين نجهز الاغراض
شهد:خيير تو الناس
شيخة : لاصادقة سارة انا بجيب البلعة
مشااعل : وانا المسجل والاشرطة
شهد :وانا بجيب الاونو والالعاب والطرطعان
شهد : يللا اجل تبون سواقنا يوصلكم
شيخة : ابوو الطردة يللا امرنا لله غصب عنا نروح
سارة :واحنا بعد بنرووح
لولو:ايه قبل ننطرد
شهد : ههههههه بل ماصارت علي كلمة
هنوف للحين طبعا اخلاقها خايسة ماخذت كفايتها بالنوم
لبسوا عباياتهم ونزلوا تحت سلموا على شهد وطلعوا .. يوم ركبوا السيارة
شيخة :يووووهـ نسيت جوالي
هنوف:احووول بسرعة جيبيه
شيخة: لاتنفخين انا اختك الكبيرة .... نزلت شيخة راحت فوق تجيب الجوال
شهد :بسم الله ماارحتي
شيخة :لهالدرجة تبين الفكة مني
شهد :هاه لابس اسأل
شيخة : ماشفتي جوالي
شهد : لا آخر مرة كان في غرفتي عالمكتب 
شيخة :طيب بروح آخذه
شهد :باي
راحت شيخة أخذت جوالها ولفت شيلتها ونزلت بسرعة يوم وصلت الباب وقفت تدخل الجوال بالشنطة ويفتح الباب ويطق راسها
شيخة:ووجع ان شاء الله ماتشوفين <<وترفس برجلها اللي واقفة قدامها
فتحت شيخة عينها شافت خالد .... شيخة في قلبها ((اووف انا لله والله انه علة دايم اشوفه في وجهي هذا وهو امس راجع)) وتطلع شيخة مرة ثالثة بدون ماتعطي خالد فرصة يتكلم
خالد يفكر (( أحوول وانا 3 مرات ماشوف اللا هي كانها الوحيدة من بنات عمامي))وطلع غرفته 
شيخة ركبت السيارة وكانت حدها اعاج مشغلين شريط منوعات اجنبية هنوف ولولو جالسين بالمرتة الورانية (بالجمس) ويرقصون ويستهبلون
شيخة ولاتكلمت ولا كلمة سارة ومشاعل استغربوا منها بس مابغوا يضايقونها
------------------------------------------------------------ 

الجزء الثاني:-
الفصل الثاني ------------------


الحين نتكلم عن المزرعة 
المزرعة حقة الجد كبيييرة مرة وفيها قسمين حريم ورجال في كل قسم مطبخ وصالة وغرف نوم ومجلس صغير وفيه بالمزرعة مجلس كبييييير
اذا سوو عزايم كبيرة .... وعندهم دجاج وغنم وفيه كلب حراسة وفيه مسبح داخلي بين قسم الحريم والرجال وفيه ملعب كورة قدم وباقي الارض
مزروعة حشيش "ثيل" اخضر وفيها ورود واشجار << ان شااء الله فهمتوا 

::::::::::::::::::::::::::::::::::::

((((((((((((((((( العصر )))))))))))))))
عند الشباب ........ وليد ونواف نايمين وخالد عند التلفزيون ... رشود ومشعل وسالم يولفون 
سالم : شباااااااب الليلة بنسبح
راشد : لالا جتتني اوامر من الجهات العليا مافيه سباحة اليوم 
مشعل : تصدق جتني نفس توصياتك
سالم : ايه ادري حتى انا جاني نفسكم ترا
راشد : والله هنوفووه رافعة ضغطي اليوم خل نقهرهم 
مشعل : عشان تتكفخ بالكعب
راشد :لاصدق خل نسويها ونقهرهم
سالم : بقول لخلووود 
خالد : لالالا انا موصى اني ما اسبح
سالم : يابن الحلال بنجلس اسبوع عندهم وقت يسبحون خل نرفع ضغطهم اليوم
خالد : يلا ماورانا شي خل نجرب

::::::::::::::::::::::::::::::::::::::
نفس الوقت البنات .....
طبعا كل قسم فيه 3 غرف نوم قسم الحريم مقسمينها غرفة للعنود والبنات وغرفة للحريم الكبار وغرفة للشغالات
اما الشباب مقسمينها غرفة للشياب وغرفة لمشعل وراشد وسالم وغرفة لناصر ونايف ووليد ونواف وخالد
,,,,,,,,,,,,,,,,,,,,,,,,,,,,,,
بغرفة البناات 
البنات جالسين يرتبون الملابس بالادراج.....
هنوف: هابنات كلكم وصيتوا اخوانكم عالمسبح 
لولو: انا ايه
شهد : وانا بعد ايه
هنووف : وناسة اجل بنسبح الليلة 
سارة: خلصتوا ترتيب
شهد : انا باقي لي ترتيب شنطة عنود
مشاعل : بتنام معنا
شهد : تقول انها بتنام مع الحريم بس بتخلي اغراضها هنا
مشاعل : اهاااااا وعزوز زي دايم مع الشغالات 
سارة : ايه بس نوف هالمرة معنا
لولو: افااا ليه
هنوف : امي تقول خلوها معكم مب مع الشغالات تحس انها لحالها 
البناات : اهااااااا
:::::::::::::::::::::::::::::::::::::::

الساعة 10 بالليل عند الشباب بالمسبح
وليد : ياشييخ انتم مجرمييين 
نواف : والله بيجينا تكفيييخ
خالد : الحين نواف انت وراشد احس خواتكم معذبينكم 
نواف : لابس تعال يوم واحد وشف هنوفوه ام لسانين وشيوخ تولع الهوشة وتطلع منها
خالد : هههههههه الله يعينك
راشد يدف سلوم للمسبح :ههههههههههههه بدت الحرب
مشعل شاف راشد قريب من المسبح جا يركض يبي يدفه وجا وليد مد رجله وطاح مشعل على راشد بوسط المبح 
ناصر كان معاهم بس شايل عزوز ولده وعزووزي كان يضحك عليهم وهم يطيحون
ونطوا الباقي بالمسبح ,,, ناصر اخذ ولده وطلعوا

::::::::::::::::::::::::::::::::::::::::::

(((((( عند الحريم )))))
ام ناصر : ماشاء الله يابنتي والله بطنك صاير كبير هالمرة
ام نايف : اي شهر انتي عنود ؟؟
عنود : بالسابـــع
ام خالد : الله يقومك بالسلامة يابنتي
عنود : الله يسلمك يمة

,,,,,,,,,,,,,,,,,,,,, 
اما البنات جهزوا المايوهات حطوها بكيس عشان يغيرون عند المسبح وكانت نوف معاهم بعد وأخذوا معاهم شيلهم عشان يمكن وهم طالعين يقابلون واحد 
من العيال نزلوا ويوم قربوا من غرفة المسبح يسمعون صوت موية واصوات ضحك 
هوف : سووها فينا الخايسين 
لولو : شكلهم مب معدين على خير
مشاعل : نوفة حبيبتي روحي طلي مين فيه
نوف : تعالي معي مشاعل
مشاعل : يللا جيت
لولو :لاوصيك ميشو اذا العيال هاوشيهم زيين
هنوف : انا بجي معك اهاوش
دخلت مشاعل وهنوف ونوف وشافوا العيال 
هنوف : نوااااااااااف رشووووووووود وش تسوون 
راشد يقول لمشعل :رحنا فيها
مشعل : من جد شكلها معصبة
راشد : لا هي دايم كذا
سالم : الله يعينكم عليها
مشعل : شف هذي مشاعل معها .. بحاول اتمصلح شوي
راشد : ورنا شغلك
مشعل يكلم اخته بصوت عالي : ميييشو 
مشاعل : خير وشوو
مشعل : السااالفة طوييييييييييييييييلة بعدين اقولك 
وليد : والله مشاعل مب منا كله من نواف
نواف خاف من هنوفووه لاتهاوشه : لااااااا واللله مب مني خلود هو اللي قاللي
هنوف : سخييييييفين مفروض اليوم احنا نسبح وانا قايلة لكم
مشاعل زعلت : ايه والله سخيفين ...... ولفت تبي تمشي
وليد اخوها يعرفها زين اذا زعلت لو ايش ماترضا 
وليد : ميييشووو قربي اقول لك 
لفت عليه مشاعل وقربت من المسبح تمشي بسرعة تبي تشوف وش يبي يقول وتززززلق بمووية عالارض وتطيح بوسط المسبح
البناااات يطلون من ورا الباب مو قااادرين يفهمون السالفة مشاعل زلقت وطاحت على نواف ونواف بدون مايحس بنفسه مسكها الكل يطالعهم
البنااات والشباب .. مشاعل مو قادرة تفهم السالفة نواف للحين ماسكها وبدون شعوور كان يطالعها هنووف واقفة مكانها

:::::::::::::::::::::::::::::::::::::::::::::::::

حســــت مشاعل باللي حولها وبـــدت عيونها تدمع نواف شاف اللي قدامه ,,, ملاك بريء ونعوومة وشعرها اللينصه طاح على وجهها ونصه عالموية
فكها نواف وراحت ترركض برا امسبح وليد حس باخته وكان بيلحقها 
وليد : مشااااااااعل
مشاعل ماردت عليه راحت ترركض لغرفة البنات والبنات لحقوها بسررعة اما العيال كانوا مندهشين 
بس مشعل ماعجبه انهم كانوا يفكرون باخته وغير الموضوع وكملوا سبحتهم بس نواف ماكان على بعضه طوول الوقت

:::::::::::::::::::::::::

عند البناات مشاعل تصيح والبنات يهدونها
شهد : خلاااص ميشو ماصار شي
مشاعل : وشو ماصار شي كل هذا وماصار شي
البنات كلهم ضاقت صدورهم وقالوا لنوف ماتعلم احد بالموضوع
مشاعل نامت من كثر الصياح هنوف ولولو بالصالة يسولفون ويتابعون تلفزيون 
شهد وسارة وشيخة بالغرفة جالسين
شهد : بنااات خل ندق على ريم الحين
شيخة : تعجبيني خل ننكد عليها شوي
سارة كم الوقت عندهم الحين ؟؟؟
شهد : الحين عندنا الساعة 11 ونص وهم في ايطاليا يعني كم ؟؟
سارة : امممم يمكن 9 ونصشيخة : يلا دقي
شهد : عطيني كف احسن .. يلا بدق
سارة : يلا يلا ((ويوم شافت نظرة شهد سكتت))
سارة : لو سمحتي
شهد : ايه اشووى ..... قاعد يرن اوص
شيخة : اكيد نايف بيرد هاتي
"سحبت شيخة التلفون من شهد "
شيخة : الوو 
نايف : هلا والله
شهد تكلم شيخة : ياهوووهـ حطي السبيكر 
حطت شيخة السبيكر
شيخة : ايه شخبارك شلونك عساك بخير
نايف : والله بخير انتم شلونكم
شيخة : تمااام ,,, شلوون شهر العسل وياكم
نايف: فلة والله روما احلى شي 
شيخة : يعني اذا تزوجت انا تنصحني اروح لروما
نايف : امحق انتي ابها وتخب عليك
شيخة : ووجع رح ناد ريم بــس
نايف : لا
شيخة : خير
نايــف : مابيك تخربين اخلاق زووجتي
نايف : لاصفقيني بالنعلة احسن
شيخة : آآآآآهـ بس لو انك قدامي
نايف : هههههه لو ^^
شيخة : اقول رح بس ناد لي ريم
رااح نايف ونادى ريم ,,,0
ريم : هاااااااااااااي
شهد : ماكأن عندك اخت تسألين عنها يالخايسة
ريم : والله هالأخت اصغر مني ومفروض هي تدق علي مب انا
شيخة : هلاااااا ريم كيفك ,,, وكيف روما معكم ؟؟
ريم : تمااااام شرايك تجين معنا
شيخة : ايه عشان يكفخني نايف
ريم : لييييه
شيخة : بخررب عليه الو الرومانسي
سارة : هاي ريموو ماعليك من شيخة بس شلونك انتي شلون نيوف معاك
ريم : هلا سارة انا تمام ونايف بعد تمااام
شهد : متى بترجعوون ريم
ريم : اممم والله مدري بس يمكن نمددها
شيخة :لهالدرجة اخوي اعجبك
ريم : فديييييته اخوك والله
شيخة : لالا حالة مستعصية ذي خل اسكر بس لايجينا فضايح اكثرر
شهد : من جد والله مب هذي ريم اللي اعرفها
سارة : هذا وانتوا ماكملتوا شهر
شيخة : لالا خلها تكمل بـــس 3 شهوور ولك مني ضماااان تعاف الدنيا كلها
ريم خافت : لاااا مب لهالدرجة
شيخة : اسألي اي احد يعرفه 
ريم وهي واثقة : بس انا مب اي احد
شهد : اقووول يالحبيبة الحالة مستعصية باااي
ريم : هههههههه بايات وسلمووولي عالباقي
شهد : يوووصل
ريم : مع السلامة

:::::::::::::::::::::::::::::::::::::::::::::::::: :

طلعوا البنات يسولفون مع الحريم ولقوا هنوف ولولو هناك وجلسوا يسولفون 
شهد : ترا ريم تسلم عليكم
الحريم : الله يسلمكم
ام خالد : شخبارها ريومة وشخبار نايف
شهد : كلهم بخير 
ام ناصر : اللا وين مشاعل 
شهد : نايمة ياخالة
ام ناصر : غريبة مب من عوايدها تنام بدري
شهد : يمكن امس مانامت زين
لولو : ويييين من 11 وشخيرها واصل غرفتي"سكتت يوم شافت شهد تخزها"
بعدين قالت تبي ترقعها : بس اني اسمع صوت الباب كل شوي اكيد مانامت زين
هنوف حنبها تقول لها بصوت واطي : ايييه رقع يامرقع
لولو : اسكتي بس مدري شلون طيحت نفسي بهالسالفة
وانتبهوا البنات على شكل جدتهم وهي قاعدة معهم وناااايمة وهي جالسة <<شكلها يفطس ضحك يعني
هنوف : اقووول جدتي
ام محمد " الجدة " وهي نصها نووووم : نعم
هنوف : ماتبين تتعشين ولاااا بتنامين
ام محمد : لالا مانمت 
هنوف : ايه اشوى عاد مايصير انتي اللي تعزمينا وتنامين
ام محمد وهي ماتدري وش السالفة من النوم : ايه ايه صح
ضحكوا عليييييها البنااات وهي نايمة ولان عشا اليوم طااح من على هوف الخايسة دبرت نفسها
ماصدقت هنوف ونقزت عند جدتها : يلا جدة عطيني الفلوس
بدت الجدة تصحا : اي فلوووس
هنوف : يوهـ ياجدة توك قايلة بتدفعينها
ام محمد : لاماقلت
هنوف : نونونو ياامزنة مايصيير هيييك انتي كذا شكلك خرفتي << الوتر الحساااس
الجدة : لا مافوت هاتي المحفظة من على الطاولة هناك
راحت هنوف بسرعة قبل تهون جدتها 

::::::::::::::::::::::::::::::::::::::::::::::::


اما عند العيال وليد وخالد وراشد وسالم يلعبون بلووت ومشعل عالنت ونواف جالس يفكرر باللي صار اليووم 
كان يحس بشعور غريب وقتها اول مرة يصير فيه هالموقف كان دايم يشوف بنات خواله بالصدفة بس هالمرة غيييير
قدامهم كلهم وقدامه اخوانها شلووون جاته الجرأة يمسكهاا كذا ولا قعد يطاااالع فيها بعد بس يحمد ربه ان اخوانها ماقالوا له شي تنهـــــــد
مشعل : ابوووو الشبااااب وين وصلت 
نواف : لا مارحت مكان هنا
مشعل : تبي النت قبل اسكررهـ 
نواف : لالا بروح اسبح

::::::::::::::::::::::::::::::::::::::::::

الساعة 3 ونص كانوا البنات نايمين ماباقي اللا سارة وشيخة وشهد
شيخة : بنااااااات بدق على واحد من اخواني اهاوشه على خيانته اللي اليوم من تنصحوني اكلم
شهد : مب راشـــــد
شيخة : لييييييه
شهد : لانكم بتقلبونها هوووشة
شيخة : ايه صدق مالي خلقه بدق على نواافوهـ اجل
شهد : ايه حطيه عالسبيكر
شيخة : هههههههههه تحلمين
شهد : افااا ليه
شيخة : اخاف يقول لي شي ولا شي وطبعا مابيكم تسمعون
شهد + سارة : هههههههههههههه فيه شياااات اجل رحمناك ماراح نسمع
دقت شيخة على نواف طوول مااارد يووووم رد
عند العيال كانوا وليد وراشد وسالم ومشعل يلعبون بلوت ونواف يسبح وحاط جواله عالطاولة
وخااالد كان جالس بالغررفة ومسرررح لبعيييييد رن جوااال نواف وراح خالد يشوف لقا مكتوب العلة 1
ضحك عالاسم وتذكر ان نواف مسمي خواته علة 1 و 2 

رد عالجوال .......

خالد : الوو
شيخة ماركزت من اللي رد : يالخاااايس يالخااااين ليه تسبحوووون اليوم مب انا متفقة وياكم 
خالد : نعــــم
شيخة ركزت بالصوت : هاه
خالد : مين
شيخة : وش تبي انت 
خالد : انتي ميييين
شيخة : وين اخوي
خالد : تبينه 
شيخة :ايه
خالد : يسبح الحين اذا طلع قلت له يكلمك 
شيخة سكرت السماعة في وجهه

::::::::::::::

شيخة: شفيكم تطالعوني كذا
سارة : زش السالفة 
شيخة : واحد من عيال خوالي رد على جواله
شهد : مييييين
شيخة : شدراني انا
....
وجلسوا سوالف وضحك 

عند العيال كانوا كلهم شابكين وصلة السوني ويلعبون طلع عليهم نواف 
وليد : نعيييما
راشد : بدري كان طولت
مشعل : حشا لك سااعة اللا ربع وانت تتحمم والله لو انك وشووو
نواف : الله ينعم عليك ...وسفط مشعل وراشد ..
خالد : ايه ترا العلة 1 دقت عليك
نواف : عسا مارديييت
خالد : اللا ليييه
نواف : هذي شيخة بتلعن خيري عشان مقلبنا اللي اليوووم
خالد : عااادي طنش اللا تعاااال ليه مسمي شيخة 1 وهنوف 2
نواف : ياخلودي ياحبيبي 
خالد : هااااهـ
نواف يكمل : انا ابداهم بالكبر فهمـــت
خالد : اها

::::::::::::::::::::::



من بكررة الساعة 11 عند البنااات مشاعل اول وحدة قامت لانها نايمة بدرري قعدت شووي بعدين طفشت حاولت تقووم البنات
محد قااام زهقت مشاعل من القعدة لحالها لبست وطلعت عند الحريم
ام ناصر : هلاا ببنيتي شفيك نايمة بدري امس مب من عوايدك
ابتسمت مشاعل : هلا فيك يمة والله حسيت راسي مصدع شوي
وجلسوا الحريم طبعا سوااالف وحش بخلق الله
عنود تقول لمشاعل : يوووهـ جو العلل
مشاعل : اي علل
عنود : فيه غيرهم نوف وعزوز .. تدرين وش قالت لي يوم عرس ريم
مشاعل : عطينا من درر الانسة نوووف
عنود : تقول تبي تتزوج عزووز ويووم قلت لها لا قالت اجل رشوود ونشبت في حلقه ذاك اليوم
مشاعل : هههههههههههه رهييبة البنت تبني مستقبلها
عنود : من جد 
"راحت مشاعل بالغرفة كانت حاطة في بالها تقوم اول بنت تشوفها دخلت الغرفة شافت هنوف قدامها فكرت والله لو ايش ماروح لها راحت لشهد بما انها اقرب وحدة لها"
مشاااعل : قووووووووووووووووووووومي شهد 
شهد : هاااااااهـ
مشاعل : قومي طفشت لحالي
شهد : وجع مشاعل الغرفة كلها مالقيتي اللا اناااا
مشاعل : شسووي اموووووت فيك
شهد : ايه مررة شدقتك بروح اسبح واصلي
مشاعل : اووكي
"دخلت شهد تتسبح وجلست مشاعل ضمت رجولها على صدرها وقعدت تتذكر امس تذكرت شكلها اول مازلقت تذكرت وشلون طاحت بوسط المسبح وتذكرت نواف شلون كان يطالعها اول شي دمعت عيونها وهي تتذكر بعدين تذكرت شكله يوم انهبل اول مادمعت عيونها وتركها فطســــــــــــــــــــــــــــت من الضحك على طلعة شهد "
شهد : بسم الله شفييك
مشاعل : تذكرت امس
حمد الله والشكرر وش يضحك امس مب انتي اللي كنتي بتموتين صياح
مشاعل : مدري بس كل ماتذكرت شكل نواف اول مابديت اصيح اقعد اضحك 
شهد : اللهم عافهم ولا تبتلينا بــــس
مشاعل :قسم بالله لو شفتي عبووونه شلون مبققها ولا ملامحه اول مابديييت الصيح هههههههههههههه
شهد : هههههه اجل قلبتوا فلم هندي امس

:::::::::::::::::::::::::::::::::::::::::::

الساعة 4 العصر عند الشباب كانوا جالسين يسولفون ويعلقون شوي ورن جوال نواف يشوف الرقم العلة 1
نواف : يوووووووووهـ سفطت عليها امس
رد عليها ,,,
نواف : هلاااا وغلااااا باختي الحبيبة اشتـــــــــقت لك 
شيخة : ايه مرررة صدقتك ,,, تعال نوافووهـ
نواف : هاه
شيخة : ليه مادقيت علي أمس
نواف : ايه انه خلود ماقال لي اللا اليوووم
خالد بصووت عااااااااالي : كذااااااااااب من امس وانا قااااايل له
نواف : ايه نسيت ادق عليك " وكان يبي يصررف الموضوع " ماقلتي لي وش بغيتي
شيخة : ايه صح شف هنووف تبي تهاوشك على امس
نواااف انقهر على كيفهم انا كل شوي يهاوشوني قام سكر السماعة بوجه هنوف وصارت تدق عليه وعلى رشود وماااترد 
هنووف : الخايس اللي مايستحي سكر السماعة بوجهي
لولو : خل نقهرهم اليوووم
سارة : اسمعوا شرايكم نخليهم يسبحون ونرمي طرطعان عليهم 
لولو : ليه ان شاء الله اليووم الدور على من يطييح <<هالبنت ماتتحكم بلسانها
كلهم سكتوا وطالعوا مشاعل ولولو تحسفت على كلامها بس انهبلوا لما شافوها فااااااطسة من الضحك 
هنوف : بسم الله وشووو 
مشاعل : هههههههههههههههه ياااربي كل ماااذكر هالساالفة اضحك ههههههه
سارة : الحمد الله والشكرر
شيخة : تلقين اخووي الحين ضميره يأنبه وانتي هنا تضحكين
مشاعل : ههههههههه شيخة والله لو شفتي شلووون نقززت عيونه وفتح فمه هههههههههه شكله كان خطييييير 
هنوف : اخس ياخووي صرت خطير وانا مدري 
مشاعل : المهم عطونا خطة غير كذا
هنوف تنحنتحت : بناااااااات مب انا اعرف اسووووق
شهد : ايه
هنوف : خل نسرق مفتاح الونيت وافحط فيكم برا
سارة : تستهبلين انتي تخيلي لو انقلبت فينا السيارة
هنوف : افاا عليكم هنوو تسوق وتنقلب السيارة
سارة : مادري والله
شهد : لااااا أنا ادري تفحيط ووناسسة واللي بيسووق فينا وحدة من البنااات مب ولد يقعد يغثنا
مشاعل : اييييه والله فلة
لولو : انا طبعا بركب جنب السواق
شيخة : ونووف بناخذها ورا معنا ونمسكها زين
شهد : يلا عاد سارة لاتصيرين نحيسة
هنوف : ااصلا بتجي بتجي صـــح
سارة : ان شاااء الله عمتي هنوف بجي بس شلوون ناخذ المفتاح
شيخة : هذي خلووها علي انااا
شهد : ياااحلوتي شلووووون
شيخة : كل وحدة تصررف اخوانها ولا نسووي مقلب ولا شي وانا بدخل اخذه واطلع
هنوف : ششااااااطرة والله اختي
شيخة : هنا فيه مخ
هنوف : ووين تلقين المفتاح ؟؟ ولو شافوك الشياب 
شيخة : اذااا عالشياب سهلة كلهم ينااامون بعد الغدا
هنووف : بنااااااااات عندي لكم خطة للشباب
مشاعل :عطينا من الدرر
هنوف : مشاعل توسين نفسك مغمى علييك ولولو تدق على اخواانها وخالي طلال
شيخة : وباقي العيال
هنوف : راشد ونواف بيطلعوون يشوفون السالفة
شهد : ايه حتى سلوم وخلود
شيخة : ومــــــع الربشة محد بيفقدني 

:::::::::::::::::::::::::::::::::::::::::::::::::: ::::::::::::


سوو الخطة وطلعوا عند الملعب ومشاعل سوت نفسها مغما عليها ولولو ماسكتها ودقت سارة على وليد 
وليد : هلا سارة
سارة تسوي نفسها تصيح : وليد الحق مشاعل طاح ومدري وش فيها تعااال تكفى انت والعيال عند الملعب احنا
وليد : طيب طيب جايين الحين
طلال : وش السالفة
وليد : مشاعل اغمى عليها عند الملعب
نوااف بدا قلبه يدق بسررررررعة مايدري ليه بس انه توتر : يلا زين وش تنتظرون امشوا
طلعووا كل الشباب راحوا للملعب ولقوا البنات 
وليد : وش السالفة 
لولو ماسكة مشاعل : مدري كنا نمشي وطاحت علينا
هنوف تكلم شيخة بشوي شوي : شيوووخ روحي جيبي المفتاح كل العيال هنا
زراحت شيخة بسرررعة داخل والعيال والبنات مرتبكين برا اللاااا واااااااحد سمع هنوف وهي تقول بشيخة راح بسررعة لحقها
دخلت شيخة بسررعة قسم العيال وهي على اعصابها وجلست تدووور المفتاح مالقته فتحت الدرج اللي بالصالة لقت المفاتيح لفت تبي تطلع وتطيح المفاتيح





جات شيخة بتطلع بس انها شهقت وطاحت منها المفاتيح
خالد : هاااي
شيخة : ...... << مبققة عيونها في خالد
ضحك خالد عليها وعلى عيونها شلون مبققتها : شوفي شيووخ انا سمعتك انتي واختك قبل شوي وادري وش قالت لك وادري ليه تبين المفتاح
وادري انه اذا خليتي المفتاح ماراح اقول حق العيال وزي ماتعرفين رشود ونواف بيهاوشونك
شيخة : .......
فتح خالد الباب وهو فيه الضحكة على شكل شيخة : يلا خلي المفتاح وروحي قولي للبنات يوقفون اللعبة لا أجي واكفخكم
شيخة للحين متنحة : هاهـ طيب ....... وطلعت من عندهـ تغطت وراحت عند الملعب
قربت شيخة من اذن مشاعل : خلاص قومي كشفونا
مشاعل بصوت واطي : يووييلي عسا مب مشيعل
شيخة : بعدين بعدين انتي الحين سوي نقسك تعبانة
قامت مشاعل والكل تحمد لها بالسلامة حتى البنات بعد
خالد في باله " ايه والله ان كيددهن عظيم "


----------------------------------------------------

لولو : لييييييه
شيخة : والله كشفني خالد
شهد : خلوود ,, يويييلنا رحنا فيها شلون شافك ياحظي
شيخة : كدري لقيت المفتاح بالدرج ولفيت بطلع اللا وهو بوجهي 
سارة : بـــل شدرااهـ
شيخة : كل من هنووفوهـ الخايسة الحين وين بودي وجهي من الولد
مشاعل : يوووهـ ياويلي اخاف يعلم مشيعل و وليد اني انصب والله وش يفكني منهم علل
شيخة : من هالناحية لا تخافين خلود وعدني
شهد : اخس اخس وصار فيه وعوداات بعد ,, ماخليك اللا تقولين لي كل شي صاار
شيخة : والله انك فاااضية ,,, تعاالوا بنات الحين وش بنسووي اليوم
سارة : من جد بيصير طفش
شيخة : ايه والله تشهويت على التطعيس
هنوف : خسااارة
~~~~~~~~~

بالليل الساعة 10 ونص دق خالد على شهد
شهد : بنااات يوووه خلود دق علي اخاف يهاوشني
سارة : لالالا ماظن لو بيهاوش هاوش من زمان مب بعد 6 ساعات
هنوف : ايه صح ,,, ردي خل نشوف وش عنده
شيخة كانت سااكتة ومنحرج من خالد بعد هالموقف وش ردة فعله ووش بيقول و.. و... 
شهد ردت : ألوو
خالد : هلا شهد
شهد : هلا والله
البسو شيلكم واطلعوا برا انتي والبنات
شهد : ليه
خالد : انزلوا وتعرفون
شهد : انزين جايين
~~
شهد يقول البسوا شيلكم واطلعوا برا
لولو : شيبي ذا
هنوف : يمكن بيهاوشنا وجه لوجه
شهد : الله يستر خل نطلع بس
::::::::::::::::::::::::::::::::::

طلعوا البنات برا لقوا خالد ينتظرهم وهو واقف جنب الجمس
سارة تكلم البنات : بسم الله الرحمن الرحيم
شيخة : حشى شايفة جني تراهـ ولد عمك
شهد : الله يستر
خالد : مطوووليــــن هنــــــــاك ؟؟؟
شهد : وش تبينا نسوي
خالد : مب انتم تبون تطعيس
كلهم علطول لفو على شيخة وطالعوها
شيخة :شييكم تطالعوني والله مدري من علمه
لولو : بـل شدرااك
خالد : تبون ولا لا 
هنوف : اللاااا اكيد نبي
خالد : اجل يللا اركبو
ركبت شهد جنب خالد ومشاعل وراهـ وسارة ورا شهد وشيخة بالنص وهنوف ولولو بالاخير
مشا فيهم خالد لمكان فااضي مافي ولا وولا شي ...
خالد : أجل مسوين خطة عشان تاخذون المفتاح هااا.. يللا تبون تطعيس انا اوريكم شلون التطعيس
وبدا يطعس فيهم والبنات يصارخون مستانسين وفجأة وقفت السيارة
شهد : شفيك خلود حررك
خالد : يحاول يشغل السيارة وعيت تشتغل
لولو : ياللي قداااام شالسااالفة حركووا
خالد : عيت تشتغل السيارة بنزل اشووف 

نزل خالد فتح الكبوت ماعرف وش الخرب فيه .. ناظر الكفرات وحاول بس ماقدر 
رجع للبنات فتح باب السيارة وركب ولا قال شي 
شهد : خلوود وش فيك
خالد وهو ضايق صدرهـ :السيارة .... مدري وش بلاها وزي ماتعرفوا المكان معروف ان فيه بسم الله الرحمن الرحيم
شيخة نقزت:يوووه لا تقول 
خالد وهوو متوتر وضاق صدرهـ : هذا اللي صار
مشاعل : انزين خل ندق على واحد من العيال يجي ياخذنا
خالد :لاتحاولين مافيه ارسال وبعدين ..... "سكت خالد وفتح عيوونه على يده اللي بدت ترتفع"
شهد : وش فيه
خالد وهو للحين فاتح عيونه على يده : مدري فيه شي قاعد يحرك يدي
ما كمل كلمته اللا البنات صرخوا بصوت عاااالي اللي تصيح واللي تتشهد واللي تدعي
هنوف : اشهد ان لا اله اللا الله 
شيخة وهي تشاهق من الصياح : يعني وش بنسوي الحين
خالد ماتمل اشكالهم تفطس من الضحك : هههههههههههههههههههههههههههههههههههههههههه
شهد وهي ميته صياح : ووجع ان شاء الله وش يضحك
لولو : هذا بدال ماتتشهد
خاالد : ثاني مررة لا تلعبون علييينا ,,,, رديتها لكم ههههههههههه
البناات : سخيييييف
سكتوا شوي بعدين تذكروا اشكالهم وجلسوا يضحكون رجعهم خالد للبيت وكملوا سهرتهم هناك
سارة : اما اخوك عليه انتقامات جهنمية
شهد : اسكتي بس ماشفتي شي
مشاعل : انزين الحين تو الناس الساعة 12 وش نسوي
لولو : خل نسبح
هنوف : والله فكرة
سارة : لااا لااا مااابي خلوها بكرة مالي خلق
شيخة : حتى انا مالي خلق 
شهد :اجل نشغل اغاني
مشاعل :اوكي بس لانرفع الصوت الناس نايمين ...
شغلوا البنات اغاني بدت اغنية عبد المجيد عبد الله " ثلاث ايام"
ثلاث أيام مرّنْ في حياتي غير 

ثلاث أيام عشت الحب و أغليتك 

ثلاث أيام و أتهجي كلام الطير 

كلام أعذب من أعذب من تفديتك

رسالة حب شاهدها غلا و تعمير 

على فوادي تربع واسكن في بيتك

أقول أنا شقد أنا عطشان وأنت البير 

دلو فكري نضح من كلمتي ليتك

حبيبي والعطا يحتاج للتقدير 

إذا صرحت أنا اللّي حيك وميتك 

ثلاث أيام لكن مدري ش التفسير 

بس أدري من ثلاث أيام حبيتك 

شيخة طرى على بالها خالد له تقريبا ثلاث ايام من رجع السعودية
وتذكرت المواقف وياهـ اول مارجع يوم تصقعه بالصندل ويوم هي بالمطبخ ويوم يصفقها بالباب ويوم يكشفها بالمفاتيح
كل هذا بثلاث ايام الله يستر وش بيصير الايام الجاية
ابتسمت شيخة من اللي تفكر فيه
شهد : وش عندك سرحااانة
شيخة : ابد سلامتك
وراحت بدت ترقص مع البنات

قرب اذان الفجر وسكروا البنات المسجل وجلسوا يسولفون بعدين صلو الفجر وناموا

"""""""""""""""""""""

من بكرة الساعة 2 الظهر كل البنات قاموا اللا هنوف عجزوا لا يقومونها راحوا لقسم الرجال لانهم بيتدون هناك
!!!!قامت هنوف معصبة من من طق الباب الخارجي حق قسم الحريم شافت حولها مالقت البنات راحت تفتح الباب!!!
طبعا كانت متنحة توها صاحية من النوم
فتحت هنوف الباب ودخل مشعل بسرعة وسكر الباب
مشعل : بسم الله
هنوف : منك ان شاء الله 
مشعل : احد كلمك
هنوف : اجل تكلم الجني الازرق .. بعدين شتبي داخل قسم الحريم
مشعل مايدري وش يقول : كلب الحراسة برا يلحقني
ما امدى مشعل يكمل كلمته اللا هنوف فاطسة من الضحك 
عصب مشعل عليها وبغا يقهرها : اقول انتي شوفي شكلك وانتي توك صاحية بعدين اضحكي على راحتك
هنوف تذكرت انها مو لابسة شيلة وانها للحين ببجامتها وتوها صاحية من النوم 
راحت ترركض بسرعة لداخل بس طبعا مايسير تصير هي الطرف الخسران
هنوف : محد طلب رااااايك .. وصفقت الباب وراها ورجعت تناام << ماتمل من النوم

"""""""""""""""""""

جات الساعة 5 وقوموا البنات هنوف غصب عنها وكالعادة قامت معصبة تدور احد تتهاوش معه
هنوف : افطرتوا؟؟؟
مشاعل : تغدينا وانتي الصادقة
لولو : تغدينا بقسم الرجال روحي جيبي لك ان كانك تبين
هنوف قامت راحت لبست ملابسها وطلعت راحت قسم الرجال دخلت المطبخ ودخل عليها راشد ومشعل تغطت ...
راشد : شتبين جاية هنا
هنوف عطته نظرة وقالت : باخذ غدااي
مشعل يبي يقهرها : طيب اصبري شوي يصير عشا
هنوف لللحين حاقدة عليه : انت بس رح تحرش بالكلب وخله يلحقك
مشعل عصب : والله اذا صارت المزرعة باسمك تعالي كلميني
هنوف بدا يرتفع صوتها : مزرعة جدي والله
مشعل : جدي قبل مايسير جدي
هنوف : الحين انت وش تبي تكلمني لا ولي امري ولا شي
مشعل وصلت معه : جاية قسمنا وتتحكمين فينا
هنوف تقلده : والله اذا صارت المزرعة باسمك تعال كلمني
راشد للحين فاتح فمه ومايدري وش السالفة ولا وش عندهم يتهاوشون بس يدري انه لازم يوقفهم لان كل زاحد 
فيهم ملسون وعصبي ....
راشد : هنووفوهـ اسكتي خلاص
هنوف : شمعنى انا اللي تسكتني ماتشوف ولد خالك المصون 
مشعل عصب بغا يتكلم بس انه شاف نظرة راشد له يبيه يسكت ,,, طلع وصفق بالباب وراهـ
راشد : عاجبتك طوالة لسانك الحين
هنوف : والله هو اللي بدا ,,, 




شهد : مشاعل شفيك مسرحة اليوم
شيخة : اللي ماخذ قلبك
سارة : يتهنا بووهـ
مشاعل : اي قلب واي خرابيط بس هذا وجه حب
شيخة تغمز لها : وحبيب القلب اللي طحتي عليه
مشاعل : هههههههههههههههه وانتي لازم تذكريني
دخلت عليهم هنوف جاية من عند العيال وكانت معصبة
سارة : بسم الله وش فيك
هنوف : ابد سلامتك ولا شي بس رشود الخايس عطاني زفة قدام مشيعل
شيخة : وش مسووية بعد هالمرة
هنوف : فاضية لكم انا اقعد اقول لكم السالفة .. بروح ادور لي شي اكله

~~~~~~

راحت هنوف المطبخ وشافت عنود جالسة وماسكة بطنها وشكلها تتألم
هنوف : عنود فيك شي
عنود : آآآآي بطني هنوف مرة تعبانة دقي على ناصر
هنوف : طيب ... وراحت تركض لغرفة البنات
سارة : وش فيه هالمرة؟؟
هنوف : عنود تعبانة كلموا نااصر
مشاعل : هااااهـ
هنوف بصوت عاالي : كلــــموا نـــاصـــر
دقت مشاعل على ناصر وقال انه بيجي .. لبسوا عنود عبايتها وجاها ناصر 
ناصر : سارة تعالي معي المستشفى
شهد : وانا بعد بجي
ناصر : انزين ,, بس لاتقولون للحريم
مشاعل : ان شاء الله
راح ناصر وعنود معاهم سارة وشهد وناصر يسووق بسررعة ليين وصلوا الرياض باقل من نص ساعة
وراحوا لوحدة من مستشفيات الرياض << عشان ماتسوي دعاية يعني ^^

دخلوا عنود الطوارئ بسرعة وراح ناصر للدكتور
ناصر : وش فيها زوجتي
الدكتور : مافيش حاقة بس المدام بتولد دلوأتي
ناصر : بالسابع
الدكتور : ايوة زي ما انتا عارف لانو هي حامل بتوأم
سارة + شهد : تووأم
ناصر : ايه توأم بس احنا ماعلمنا احد
دخل الدكتور وجلسوا يمكن 4 او 5 ساعات والبنات كل شوي يكلمونهم....

طلع الدكتور,,,,,,,
ناصر : ها دكتور بشر؟؟
الدكتور : مبروك جالك بنتين
ناصر : وزوجتي ؟؟
الدكتور : مراتك كويسة بس هي دلوأتي نايمة تعالوا ليها بكرة
ناصر : طيب
شهد : يتربون بعزكم ان شاء الله
سارة : مبروك ماجاكم
ناصر : الله يبارك فيك
سارة : يللا نرجع المزرعة ونبشرهم .....
ورجعوا للمزرعة بس ناصر ماحرص عالسرعة بالطريق مثل الروحة....
وصلوا المزرعة وبشروا الكل ,,, وكلهم باركوا لناصر 
وقرروا انهم يرجعون من بكرة الصباح لأن الوقت كان متأخر " 2ونص بالليل "
جهزوا شناطهم وشنطة عنود وعزوز قبل ماينامون ,,,,,

"""""""""""""""""""""""""


من بكرة الساعة 8 وناصر راح للعنود دخل الغرفة عليها وكانت جالسة عالسرير
ناصر : هلا وغلا بالغالية
عنود : هلا فيك ناصر
ناصر : مبروووك ياقلبي
عنود ابتسمت : الله يبارك فيك ويتربون بعزنا ان شاء الله ... سميتهم ؟؟
ناصر : لا للحين انتي وش قررتي
عنود : امممممم وش رايك في و ضي
ناصر : ايه تماام بروح اكمل الاوراق حقتهم
عنود : اوكي


"""""""""""""""""""""""""
بالعصر كانت عنود جالسة عالسرير انفتح الباب لفت تشوف لقت امها وابوها وشهد وسالم وخالد
سلموا عليها كلهم وتحمدوا لها بالسلامة
عنود : هاا شفتوهم 
شهد : ياااالبى قلوبهم يدننوووون ,, تقولين وش سميتيهم ؟؟؟
عنود : في و ضي
شهد : عاشد الاسامي ...

" طبعا شوي اللا الغرفة مليانة بعيال عمهم وبنات عمهم جايين يباركون "

طبعا كان الجو مايخلوا من خبال الثلاثي المرح " راشد ومشعل وسالم "
هنوف مب طايقة نفسها ودها تقوم وتكفخ مشعل ماتدري ليه

بعد اسبوعين من ولادة عنود مكالمة بسن شهد وصديقتها لطيفة
شهد : هلا بالقاطعة
لطيفة : هلا فيك وش اسووي بعد بعد عرس خالي رحتوا انتم للمزرعة واحنا سافرنا وتونا امس راجعين
شهد : انزين انزين اجل تعالي بيتنا
لطيفة : وليه ما أنتي تجين بيتنا
شهد : مدري اخاف ازعجكم توكم واصلين امس
لطيفة : يابنت الحلال .. اصلا كل اهلي طالعين مافيه اللا انا وتركي ورنا
شهد : اوكي بقول لامي
لطيفة : انتظرك ترى
شهد : ان شاء الله يللا باي
لطيفة : بايات
سكرت شهد وراحت تركض لامها
شهد : يــــــمــــة يمة
ام خالد : نعم يمة وش فيك
شهد : لطوف رجعوا من سوريا
ام خالد : ما شاء الله حمد الله على سلامتها
شهد : ايه و ودي اروح لها
ام خالد : ورى ماتجيك هي
شهد : بيتهم مافيه احد بعدين هي كله تجيني من زمان مارحت لها
ام خالد : زين زين روحي 
شهد : مشكووورة يا احلى ام
راحت شهد تلبس بسررعة ... من زمان ماشافت شهد 
اشتاقت للطيفة واشتاقت حق اخوها تركي اللي تحبه من زماان بس ماحبت تعلم احد 
حتى لطيفة لأنها تتوقع مافيه أمل من زواجهم لأن أهل لطيفة مب نفس مستوى أهل شهد 
اهل شهد اغنى وارقى منهم يعني في بالها مافيه امل زواج وقد ماحاولت تنسى تركي ماتقدر

لبست شهد برمودا جينز فيه خرز تفاحي مع بلوزة تفاحية كت ...

وصلت شهد عند لطيفة وفتحت لها الباب ... 
لطيفة : هااااايوو حبيبتي من زمااان عنك
شهد : ايه والله اشتقت لك
لطيفة : وانا بعد .. افصخي العباية ليه لابستها
شهد : مدري فيه تركي اخوك
لطيفة : لا تخافين هو فوق في غرفته مب نازل
شهد : ووين رنا طيب
لطيفة : فووق فووق قصري صوتك لا تنزل

"" لطيفة صديقة شهد الروح بالروح من ايام المتوسط وهم مع بعض عايلة لطيفة ماعليها قصور بس مب زي عايلة شهد ..
اخوان لطيفة ...

*تركي..(25س) يدرس بالجامعة اخر سنة مزيوون مرة واللي يشوفونه من اول مرة يحسبونه شايف نفسه بس اذا جلسو معه يعرفونه
لطيفة : (22س)مع شهد بالجامعة حبووبة مرة وتحب فيصل ولد عمها وهو بعد يحبها
روان :17نة ثاني ثنوي رهيييبة وفلة وتحب الوناسة مررة
رنا :(14س)ثالث متوسط عليها خبال خاصة اذا اجتمعت مع شوق بنت عمها وعيارتها في البيت السوسة
راكان :(10س)رابع ابتدائي دلوع الماماواخر العنقود


جلسوا يسولفون شوي اللا رنا داخلة عليهم 
رنا : ماشااء الله وليه ماقلتوا لي ان شهد فيه
لطيفة : اووهـ انتي ماطلعتي مع امي
رنا :يعني صدقتك الحين
شهد : هلا وغلا برنا
رنا تحط يدها على خصرها : لا والله وانتي ليه ماقلتي رنا بناديها حبيبتي
شهد : هههههه وانا وش يدريني انك فيه
رنا : طيب طيب بسامحك اخر مرة
شهد : ههههههههه زين والله حلت رحمتك
رنا : شهد شفتي تركي انكسررت رجله في سوريا
شهد : احلفي .. ووشلونه الحين 
رنا : والله الحين يمشي على عكازاته
شهد : من وش انكسرت رجله
رنا حست ان شهد مهتمة بزيادة << قلت لكم متأثرة بالافلام 
رنا : ههههه توقعي
شهد عصبت : يللا عاد رنا بلا سخافة وقولي
رنا : بل بل والله لو انا اللي منكسرة ما سألتي عني هالكثر
شهد هنا تغيرت ملامح وجهها وتلون بكل الالوان بس علطول حاولت تنسى الموضوع
لطيلفة : احم احم نحن هنااااا 
وجلسوا يسولفون شوي بعدين راحت لطيفة تجيب الهدية اللي جابتها لشهد
رنا : شهووودة
شهد : نعم
رنا : شخبااارك
شهد استغربت اكيد عندها سالفة هالسوسة
شهد : بخير
رنا : انتي تحبين ؟؟
شهد استحت شوي بعدين قالت : لا
رنا : اكييييييييد
شهد : ايه اكيد اجل تحسبين زي افلامك الهندية ولا القصص كل واحد لازم يحب احد
رنا : طيب طيب اعصاابك بس سؤال
شهد : وانتي تحبين
رنا : آآآآآآه يااااليت
شهد : هههههه ماعندك حيا انتي
رنا : الحب مب عيب ولا حرام 
جات لهم لطيفة وجلست شهد عندهم لين الساعة 7
لطيفة : وين وين بدري
شهد : من عمرك بس لازم اروح الحين بعدين توكم راجعين من السفر 
لطيفة : بس كيفك ان جت روان ودرت انك جيتي بتزعل
شهد : لا عااادي تعالوا لي كلكم بعدين
رنا : من كلنا
شهد : يعني انتي واخوانك
رنا تبي تقهرها : وتركي
لطيفة متنحة تحسب انها من هبال اختها وجلست تضحك
شهد : ها ها ها ماتضحك ... وطلعت برا البيت
لطيفة : بل شفيها ذي
رنا ببرائة : مدري

:::::::::::::::::::::::::::::::::::::::::::::::::: ::::::::


من بكرة كل العوائل (( بيت ابو ناصر + بيت ابو خالد ))
مجتمعين في بيت العمة منيرة عشان بيرجع نايف وريم
---------------

الساعة 7 المغرب طلع كل العيال من البيت ناصر و نواف وخالد ووليد ومشعل وسالم وراشد و ابو نايف وابو ناصر وابو خالد
يستقبلون نايف وريم 

في الطيارة .......
ريم بتطير من الفرحة عشانهم قربوا من السعودية ونايف ودهـ لو قعد اكثر مع ريم
نايف : ريوومتي
ريم : عيونها
نايف : يؤ يؤ لا مقدر انا على كلام الحب
ريم : نااااايف
نايف يقلدها : عيووونه
ضحكت ريم عليه .. يحليله من يوم تزوجوا وهو معها تمام كل شي تبيه يسويه مايتعبها واهم شي انه يحبها .. الله لا يغير عليهم ..
نايف : يللا وصلنا اربطي الحزام
ريم : انزين 
----------------

في المطار العيال مسوين لجة وينتظرون نايف وريم ,,,,
راشد : ايه هذاك نايف
نايف : السلااااام
ريم : السلام عليكم
ابو نايف : هلا وعليكم السلاام
ابو ناصر : هلا والله وغلا
ابو خالد : هلا ببنيتي والله
نايف وريم سلموا عالكل وركبوا السيارة مع ابو نايف وابو خالد ولسواق

------------------


الأحــــــــــد ...


ابو نايف وابو خالد مسوين لهم عشا عائلي بمناسبة رجوع عيالهم


عند الحريم,,,

ريم جالسة جنب ام نايف والبنات حبوا يقهرونها شووي 
سارة : ريووم ليه ماتجين تجلسين معنا 
شيخة : لالا خليييها من لقا احبابه نسى اصحابه
شهد : وانتي الصادقة .. من لقا ام احبابه نسى اصحابه ^^
هنوف : والله واخوي لعب في حسبتك من جد
ام نايف : ههههه خلو البنت تقعد باللي تبي
ريم تمد لسانها عالبنات...
مشاعل : هذي اللي والله مافيه امل تعقل
ريم : اموت انا عالعقاال
شهد : اقول ريمو تعالي معنا بس

..... وراحت معهم ريم .....
شهد : حيا الله اختي
ريم : الله يحييك
هنوف : هاا وش اخبار اخووي
ريم : ماشي حاله
شهد : مافيه شي بالطريق مني مناااك
ريم : لااااا وييييين تو الناس
مشاعل : هههههه طيب طيب اعصابك
هنوف : يوووهـ بنات صبر امي تناديني


راحت هنوف لامها ولقتها تبي هنوف تجيب اغراض من نايف
هنوف : يووه طيب شوفي زوجته هنا خل تروح
ام نايف : اقول بلا دلع وروحي بس
هنوف : انزين انزين رايحة الحين ...

-------------------

راحت هنوف تدور نايف برا ماشافت اللا نواف وخالد و راحت داخل عند قسم الرجاال تدووره
اللا تلقا الثلاثي المرح " راشد-مشعل-سالم"
راشد : هلا باختي بغيتي شي
هنوف : لا مابي شي
مشعل يحب يتحررش فيها : اجل وش جابك هناا
راشد في قلبه "يااادين الله بديييينا"
هنوف : انت وش دخلللك اصلااا محد كلمك
مشعل : خلاص خلاص اااسف حقك علينا
هنووف : لااا وشو حقي عليييكم متى مابغيت تبدا تدبدا ومتى مابغيت توقف توقف مب على كيييفك
مشعل : احوول هذي والله النشبة يبه انا مشغووول الحين
هنوف :شف شف هذا .. اصغرر عيالك انااا تقولي كذا
راشد : خلااص عاد هنووفوه فكينا من لسانك لو سمحتي !!!
هنوف : ارووح ادور اخووي احسن لي من مقابل هالوجيه الخايسة
سالم : بل كانها سبتنا
مشعل كاان مستااانس انه قهرها ,, مايدري ليه هو يستااانس اذا قهرها .. اصلا هو يحب يقهر العالم كلها مثل لولو اخته بس 
لولو تسفط عليه اما هنوف تررد الصاع صااعين ,,,
رااحت هنوف وهي معصبة واخذت الاغراض من نايف... 

شيخة : اقوول انا الحين بروح اجيب لي شي اشررب
سارة : اوكي
شيخة : انزين ماحد يبي يجي معي
شهد : لالا احنا الحين مشغولين روحي بسرعة وتعالي
لولو : وجيبي هنوو معاك
شيخة : اوامر ثانية مدام
شهد : لا شكرا ماتقصرين
شيخة : اشوا
... راحت شيخة اخذت لها ببسي وراحت تدور هنوف 
شيخة : يممة ماشفي هنووف
ام نايف : لا والله انا لي وقت مرسلتها لنايف ولا رجعت روحي شوفيها لي يابنيتي
شيخة : ان شاء الله
... راحت شيخة برا تدور هنوف اختها وخلصت الببسي اللي معها ورمتها .. وكأنها صفقت لها شي فيها لفت شيخة تشوف 
لقت نفسها صقعت كلب الحراسة فيها ...
شيخة : يـــــــــــــــــــمـــــــــــــــــــــــــــــ ـــــــة << وراحت تهج ماتدري وين تروح
كانت شيخة ترركض والكلب وراهااا يركض ماشافت شيخة ولا شي قدامها كانت بس تبي تروح اي مكان عن الكلب
كانت قدامها حصاة وطراااااخ تطيح ,,, لفت تشوف الكلب ماشافت اللا غبارها هاجة لفت الجهة الثانية وشافت نوااف ونايف وهنوفووهـ اخوانها .. ومن معهم
معاهم خالد ياااافشلتها

كان شكلها يمووت من الضحك كانت جالسة عالارض والبااقين كلللهم واقفين فوقها 
لفت علطوول لخالد شافت شكله كان كاتم ضحكته قدامها
شيخة : ايه ايه اضحك 
خالد ماكذب خبرر اللا ويفقعها ضحك على شيخة ويكملونها البااقين
شيخة عاادي ماهمها الموضووع لانها متعودة عالطياح بس انحرررجت من خالد يوووهـ والله فشلة ماعمرهـ شاافني بشي اللا بربشة
عدلت غطاها وراح لهنوف : وانتي يالسعلوة لو مو منك كان ماحقني اللي ماينتسمى
هنوف : انتي احلفي وانا وش دخلني
شيخة : جاية ادوورك امي تبيك داخل ..
هنوف :اوكي جااي

راحت هنوف وشيخة دااخل وخالد متشقق على شيخة ....

..... راحوا الشباب كللهم والثلاثي المرح تجمعوا عند الشياب

ابو نايف : الحين الدور على وليد وخالد للعرس
مشعل : وهذا ولييد ناوي على العررس
ابو نايف : ماشااء الله ومن متى
مشعل : من زمااااان عمي اصلا هو ناوي يتزوج شيخة بنتك << طبعا هذي وحدة من مزحات مشعل اللي احيانا تتمادى ولا توقعهم ياخذونها جد
ابو نايف : الله يهداك ياوليدي خل الولد يتكلم 
وليد بطبعه هاادي وانحررج من كلام مشعل اخووهـ ولا حب يحرجه قدام الرجال ولا حب يحرج ابو نايف اللي اخذ الموضوع جد
ابتسم وليد واكتفى انه يهز راسه بالاثبات 

خالد مايدري وش جااهـ صدع رااسه فجأة وطلع من عند الرجال شافه نواف وطلع وراهـ بسررعة
نواف : خلووود وقف 
خالد لف عليه ببرود : نعم 
نواف : شبلاك طلعت من هناك متنكد لا باركت لوليد ولا شي
خالد : مافيني شي بس خلنييي
نواف : لا يبة ماراح اخليك لو تموت
خالد : اقوول نوافوهـ فكني من شررك تكفى ترا ماني برايق لك
نواف : وش كدررك مررة وحدة
خالد حس انه يحتاج يقول حق اي احد ونوااف هو اقررب واحد له من عيال عمه : اباارك له انه بيتزوج اللي احبهااا
نواف : تحبهاا ؟؟
خالد : اييه من رجعت من السفر وانا مب قاادر اشيل تفكيري عنها البنت عاجبتني الكل يحبها على خفة دمها وعلى حركاتها
وحركاتها هذي تعجبني ... بصرااااحة مابيها لغيري وبتقول ليه ماتكلمت ,,, وين اتكلم وانا ماصار لي شهر من رجعت من كندا
نواف للحين مب مستوعب : انت تتكلم عن شيخة اختي
خالد بدا يهدا شوي : ايه شيخة اختك
نواف : والله ياخووي مدري وش اقول لك
خالد : آآآآهـ خلها على الله بس خل ندخل

::::::::::::::::::::::::::::::::::::::::


عند البناات مايدرون وش اللي صاير الحين من تخطيطات ,,,

هنوف : بنااااات فاااتكم قبل شوووي طاحت شيوخ طيحة محتررمة
شهد : مب شي جديد بس قولي لنا من بدع الانسة شيخة
هنوف : ههههههههه كنا انا ونايف ونواف وخالد واقفين برا مادرينا اللا بشي يشخط اللا هو عند رجوولنا
شيخة : اقوول بس ماتعفين تقولين سالفة انتي خليني انا اقولها
ؤيم : ماشاء الله وبكل ثقة انتي اللي بتقولين السالفة 
شيخة : ايه عاد وش اسووي موقف وصار 
مشاعل : انزين يللا قوولي
شيخة : طيب ... "" وقالت لهم السالفة ""
شهد : ههههههههههههههههههههههههههههههههههه خساارة ليتني معكم ..
مشاعل : اجل رميتي الببسي على الكلب هههههههههههه
سارة : هههههههههه ياحليييلك بس انتي
ريم : خخخخخخخ ووش سوى خلوود اخوي
شيخة : يوووهـ والله يا انا تفشلت منه
شهد : لييييه عادي دايم تطيحين قدام عيال عمي
شيخة : مدري مدري بس احس خالد غير
اللا شهد نااقزة عندها : شلووون يعني غييير
شيخة : مدري هو الوحيييد اللي اذا صار شي افتشل منه بزيادة
شهد تبي تحرجها : مافهمت .. شلون يعني
شيخة ووجهها محمر : اوووهووو عاد شهيد انتي افهمي
ريم : انتي قووليها ترا احنا دلوخ بقر مانفهم
شيخة ووجهها صاير طماطة : امم يعني ,, يعني ,, احبه
لولو : نعم ماسمعت 
شيخة : اوووهوو أحــــبـــــه
شهد : الله ونااسة بروح ابشر اخووي
شيخة مسك شهد مع يدها : ان طلع هالموضووع منكم ماتلومون اللا نفسكم,,,
البنات : ان شاااااااااء الله



:::::::::::::::::::::::::::::::::::::::::::::::::: ::


خالد ونواف رجعوا داخل عند الشباب ...

خالد : مبرووك ولييد
وليد : على وش
خالد في قلبه "بيتزوج شيخة البنات ويقول على وش"
نواف : على زواجك ولا نسييت
وليد : وانتم صدقتوا ... هذي وحدة من نصبات مشيعل
نواف : شلون يعني 
وليد : انا اصلا مب ناوي عالزوااج
نواف : اجل ليه هزيت راسك
وليد : مدري ماكنت ابي احرجه قدام الرجال وبعدها بشووي هو قال انه يمزح يوم شاف السالفة صدق
خالد مستاااانس مرة مب مصدق اللي صاار .. يعني شيخة مارااحت منه
نواف لف على خالد يشووف ردة فعله لقاهـ مب مصدق بيطييير من الوناسة
نواف بينه وبين خالد : اجل نبارك لك انت
خالد : اهجد علينا توني راجع من السفر مايسير اخطب الحين بس تكفى لا تزوجها احد 
نواف : انت وحظك الموضوع مب بكيفي ولا بكيفك بكيف شيخة وابووي
خالد يفكر " اجل ان شاء الله اليوم بقول له "
نواف : بس انت اصبر لا تقول من الحين
خالد : ليه
نواف : مدري اول شي توك راجع من السفر ثاني شي اهجد شوي اثقل
خالد : شسووي احبهااا
نواف : هيييه عاد قلتها مرة سكتنا بس ترا اللي تتكلم عنها اختي 
خالد : هههههههه طيب 

من بكرة مكالمة بين لطيفة وشهد 
شهد : يل عاد تعااالي انتي وخواتك
لطيفة : والله صعبة اخووك في البييت
شهد : احلفي بس يعني انا عادي اجي واخوك في البيت بس انتي لا
لطيفة : صكيتي علي زي دايم يللا الحين جايتك
شهد : وروان ورنا بعد 
لطيفة : اوامر ثانية
شهد : لالا خلاص
لطيفة : اوكي اجل يللا باي
شهد : باي



لطيفة راحت لامها تقول لها .... 
ام تركي : بس يابنتي بيجي اليوم فهد ولد عمك هو مع شوق
لطيفة فتحت فمهاا " يااااانشبة والله الحين وش اسووي من زمان ماشفت فهوودي بنفس الوقت ماتبي تزعل شهد "
لطيفة : متى بيجون
ام ترركي : يعني تقريبا 8 او 9 لانهم مبعد مشوا من الدمام....
لطيفة تطالع ساعتها : اييييه يمة الحين تو الناس الساعة 2 اذا جات 3 او 3 ونص رحت لشهد ووعد انه 8 وانا عندك
ام تركي : انزين يابنتي 
لطيفة : ايه صح وترا روان ورنا بيجون معي
ام تركي : زين
راحت لطيفة بسررعة تقول لخواتها اللي ماكذبوا خبر لبسوا بسررعة وجهزوا.......



اما عند شهد سكرت من لطيفة وكلمت شيخة وسارة عشان يجون هم وخواتهم لان كل بنات عمانها يعرفون لطيفة وخواتها




تجمعوا البنات على الساعة 4 كلهم في بيت بو خالد ,,,


روان ورنا وهنوف ولولو مع بعض والباقي مع بعض,,,,


مشاعل : ياحي الله الشيخة لطيفة
شيخة : من طول الغيبات جاب الغنايم
لطيفة : قال غنايم قال تدرون انه فهودي بيجي اليوم بس انا قلت لاااا مايسير اخلف بوعدي
شهد : احلللفي بيجي فهد ,, احلى احلى من قدهااااا
لطيفة : طبعا محد قدي
سارة : ههههههههه والله خبلات
شهد : ومتى بيجي 
لطيفة : هو بيوصل تقريبا 8 او 9 وانا بسنترر في البيت من 8 اللا ربــــع
شيخة : اكشـــخ حبتين بتشوف حبيب قلبها
لطيفة : يؤيؤ استحي

شهد : بنااااات 
البنات : نعم وشو
شهد : خل نلعب جرائة وصراحة
البنااات : قدام يللا
طبعا نادوا روان ورنا وهنوف ولولو
""اللي مايعرف لعبة الصراحة والجرائة هذي يجلسون داائرة وبالنص فيه قارورة ولا قلم ولا اي شي يدور
بعدين الجهة اللي يوقف فيها من قدام هذي البنت اللي تسأل والجهة الثانية هي البنت اللي تنسأل
واذا اختارت صراحة طبعا تحلف انها ماتكذب
واذا قالت جرائة لاااازم تسوي اللي يطلب منهاا""



صفوا البنات على شكل دائرة ولفوا القارورة وجا الوجه الأول على شيخة والثاني على روان
رواان : هاهاهاهااي يللا جرائة ولا صراحة
شيخة : امممممم صراحة 
روان : احم احم احم ,, اول احلفي انك تقولين الصدق
شيخة : اقسم بالله ان اقول الحق ولا شيء غير الحق
روان : ايه تمام .. يلا اول شي انتي تحبين ؟؟ واذا كان ايه قولي مين
"بوصف لكم شكل شيوخ تقلب وجهها كل الالواان وش تسووي فيهم ذو والله ينشبون في حلقها"
شيخة : احم احم يعني اجاوب الحين
شهد : والله اذا ودك
شيخة : امممم أنـ...ـنـــ..ـاا أحـب خـــ...خــ... خالد
شهد : احلللفي
شيخة : اقول اسكتي عاد
لطيفة : اوووهـ اووهـ اموووت انا عاللي يستحوون
شيخة : ويييه تكفين ياللي ماتحبين
لطيفة : يووه يووه فديييته فهودي غير
روان : ونااااسة خل نقلبها اعترافات اجل
رنا : قدااام ,, يللا شهوود من تحبين
شهد : انا
رنا : لا جدة منى ,, ايه انتي من تحبين
شهد : ماااحد
رنا : كذاااااابة
كلهم طالعوا في رنا مستغربين وش سالفتها ذي يعني محد يدري اللا هي
شهد : هاااهـ
رنا تروح تكلم شهد عند اذنها : تحبين ترووك صح
هي رنا قالت كذا ووجه شهد تصفق كذا ,,, شهد : رنوو تعالي تعالي معي برا الغرفة
رنا : يمممة ياوييييلي
سحبت شهد رنا برا الغرفة والبنات يفكرووون يوهـ من تحب شهوود
شهد : رنو قولي بسرعة وبدون لف ودوران شدراك
رنا : كح كح كح من مصادري المعروفة ووكالاتي الخاصة اعررف كل شي أنااا
شهد خربت اخلاقها : شدرااك ؟؟
رنا : والله ماحد قاللي انا اللي توقعت كذا لانه مبين عليك
شهد : يللا طيب ياست محللة نفسية هو يحبني
رنا : للحين مادري .. بس تبيني اقول له انك تحبينه
شهد : لا مانتي بصاحية ابد اليوم انتي
رنا : اللا وبكامل قواي العقلية
شهد : اقول امشي ادخلي داخل
رنا : اوكي

---------------------------
جلسوا البنات ويا بعض الييين الساعة 8 راحوا لطيفة ورنا وروان طبعا ترووك اللي جايبهم...
لطيفة راكبة قدام : هااا رنوو قولي لي من تحب شهود
رنا : مب وقته الحين
لطيفة : اللا وقته
روان : بناااات اوووص تروك يطالعكم
لطيفة : لا مالي دخل قولي لي من تحب شهد
رنا : والله بالبيييت اقول لك
ليفة : وعد ؟؟
رنا : وعد ,,!!
روان : لطووف باخذ منك بلوزتك الخضراء تذكرينها
لطيفة : اي وحدة
روان : هذيك اللي لبستيها يوم نروح لخالتي وداد
لطيفة : ايييييه هذيك .. لا انا ابي البسها بكررة
روان : مااالي دخل باخذها
لطيفة : هذا ان دخلتي قبلي

اول ماوقف تركي رااحت روان ولطيفة يتسابقون لداخل اول مادخلت لطيفة وقفت بسررعة
وصدمت فيها روان وطاحت عالأرض ,, "لطيفة شافت فهد كان جالس هو وأخته شوق"
هجت لطيفة فوووق وروان للحين ماتدري وش الساالفة وجالسة تتوعد في لطيفة
روان : آآآآآآآآي حسبي الله عليك عورتيني والله لاوريــ..<<توها تشوف فهد
راحت رواان هجت فوق وفهد مطير عيونه يطالعها
شوق : هييييه يالحبيب وش تفكر فيه
فهد : لا ولا شي 
شوق : العب على غييري بس وش فيك
فهد : من هي اللي لابسة برمودا جيشي
شوق : ليه
فهد : اول قولي لي
شوق : هذي روان ,, بس ليه؟؟
فهد : هذي اللي بالثنوي
شوق : ايه ثاني ثنوي
فهد : أهاااا << وابتسم ابتسامة من قلبه
شوق : فهيييييد
فهد : وشووو
شوق : مب انت تحب لطيفة
فهد انصدم : اناا من قاله ؟؟ ومن متى ؟؟
شوق : كل حركاتك تقول كذا
فهد : بس انا ماعمرري قلت كذا ..... وقف فهد وقال : شووفي شويق انا هذي لطيفة ماعمري حبيتها أصلا 
وان كانت تحبني مب غصب تشبكوني فيها
شوق عصبت من كلام أخوها على لطيفة : أقول انت شايف نفسك على وش من قال ان لطيفة تحبك ,, او حتى لو انت حبيت 
روان من قال انها بتقبل فيك انت مافيك اللا العافية بس رجال ابوه متوفي وعليه مسؤوليه امه واخته اسفة فهد بس هذا الصدق 
انت عالعين والراس بس صدق رفعت ضغطي
فهد مارد عليها وطــــلــــع من البيت
رنا : شوووق
شوق تفاجأت ان رنا فيه : من متى وانتي فيه
رنا : فهد ,, مايحب لطوف
شوق : اووص لا تسمعك الحين
رنا : وش الحل
شوق تهز كتوفها : علمي علمك


:::::::::::::::::::::::::::::::::::::::::::::::::: :: 

.... من بكررة ....

لهالدرجة عيوني فاضحتني اني أحبـــــــــه ؟!؟!
بس المشكلة انه هو مايحبني حتى لو حبني مافيه أمل نتزوج أوووف ليه حظي كذا خايس

"تــــركي" والله اني امووت فيك بس ليه ماتحس فيني
ماعمره عبرني لا بنظرهـ ولا بكلمة ولا بشي ...
وفووق هذا كله ينكشف حبي له 

تعبت شهد من كثر التفكير بهالموضوع قررت تنزل تحت شووي نزلـــت تحت
ولقت خالد أخوها جالس عند التلفزيون راحت جلست بالكرسي اللي قباله
شهد : هلااا وغلااا خلود
خالد : هلا
شهد : شمسووي خيوو
خالد : ولا شي
شهد : تدري ان الخايسة شيووخ بتتزووج وتسفط علي اهئ اهئ
خالد وقف على طووله : وشوووو
شهد : ايه بتتزوج شيخة بنت عمتي منيرة
خالد : من منه .. ومن متى .. وليه مادريت انا
شهد : مادري اليووم اهي قالت لي انه جاها ناس خطبوها وان الولد ماعليه خلاف
خالد عصب : كلللله من نواااافوهـ قاللي لا تخطبها الحين والحين راحت علي 
راح خالد بيطلع فوق اللا يسمع صوت اخته ميتة من الضحك
خالد : ممكن اعرف ليه تضحكين
شهد : ههههههههههههههههههههههههه لعبت علييييييك شيوخ ماحد خطبهااا
خالد : هااااهـ
شهد : يالخااايس تحبها وانا اخر من يعلم
خالد للحين مو مستوعب : تلعبين علي
شهد : ايه البنت للحين عززباء ولا احد خطبها
خالد : هيييين هيييين والله لاردها لك
شهد : هههههه طيب خلوود ودني المجمع بلييييز
خالد : شف شف شييين وقواية عين والله ...
شهد : لالا بتصل على بنات عمي محمد وبنات عمتي منيييرة بعد 
خالد : اذا كذا ماعندي مانع
شهد : اجل برووح ادق علييهم الحين

... اتصلت شهد عليهم وقالت لهم واتفقوا انهم يروحون الساعة 8 ...

الساعة 8 بالضبط .. دخلت شهد على خلود أخووها 
شهد : الله الله وش هالكشخة كلها
خالد : احم احم عشان تشوفني شيووخ وتحبني
شهد في بالها " هيين هيين والله ماعلم احد ان الثاني يحبه خلكم تتعذبون ههههههه "
شهد : اخس والله على هالكشخة كل بنات الرياض بيحبونك مب بس شيخة
خالد : كح كح وانا مابي اللا شيخة
شهد : زين زين يللا شغل السيارة
خالد : والله لو شيخة مب موجودة بالرووحة كلها كان مامشيت
شهد : ههههههههههههه

:::::::::::::::::


\\\\ السيــــــــارة \\\\

بالطريق لبيت عمتهم منيرة خالد وشهد يسولفون
شهد : وانت ان شاء الله ليه ماعلمتني انك تحب طويلة العمر من زمان
خالد : مدري
شهد : اييييه ياعمري علي لازم اكتشف المعلومات من نفسي ماحد يقول لي
خالد : ياااحرااااام كسرتي خاطري والله
خالد : ودك تركبين ورا
شهد : انت احلف بس
خالد : هههههههه قسم بالله
شهد : ومن بيجلس هنا ان شاء الله
خالد : مايبيلها كلام شيخة
شهد : باي صفة ؟؟
خالد : زووجتي المستقبلية 
شهد : يمكن ماتتزوجك 
خالد : بسم الله فالك ماقبلناه
شهد : شف حبيبتك تووها تطلع من البيييت واحنا لنا ساعة ننتظرها
خالد : عســــــل على قلبي
شهد : مالت عليك انت وياها
::::::
دخلوا شيخة وهنوف وسلمووا .. شيخة جلست ورا خالد وهنوف ورا شهد 
خالد : شخبارك شيخة 
شيخة : ماشي الحال .. وانت شلونك
خالد : آآآآآهـ بخير جعلك بخير
هنوف :وانا مالي رب
خالد : هاااهـ اللا بس اممم نبدا بالكبر ,, شلونك هنوف
هنوف : تمااام وانت
خالد من غير نفس : بخير

:::: خذوا بنات عمهم محمد وتوجهوا للمجمع :::
وصلوا البنات المجمع وكلهم راحوا بسررعة وشيخة يوم جات بتطلع تعلق عبايتها بحق الكررسي
وتنادي البنات محد يرد عليها وقعدت تدعلي عليهم بصوت مسموع
خالد توهـ نازل من السيارة وبيقفل الباب لف على جنب والتفت على جنب وشافها...
شيخة : حسبي الله عليكم والله لورييكم انا الحين عباتي ناشبة ومبتلشة وهم حضراتهم يتمشون ولا طقوا فيني خبر
ماحست شيخة اللا بيد تفك لها العباية .. لفت تشووف اللا تلتقي عينها بعين خالد
خالد : سلام
شيخة : مشكوور ماقصرت .. لفت شيخة بتروح اللا تسمعه يناديها ,,, ماتدري ليه ماقدرت تسفط عليه زي كل مرة
لفت عليه شيخة : هلا
خالد : امم ادري ان هذا مب المكان المناسب ولا الوقت المناسب للكلام اللي بقوله بس بصراحة ماقدر 
اكتم اللي بقلبي

شيخة على أعصاااابهاا

خالد : شييخة أنااا أحبك من رجعت من السفر وانتي اللي ملكتي قلبي مايجيني النوم كله وانا افكر فيك أحبـــــــك
شيخة : ......
خالد : آآسف على اني اخذت وقتك
شيخة : لا عادي ,,, وراحت بسررعة تلحق البنات وخالد يطالعها وهو يفكر ياااربي بتتقبل الوضع ولا بتكرهني ولا وش بيصير
شيخة راحت للبنات وهااااوشتهم وخالد يطالع فيهم من بعيد عشان ياخذون راحتهم ويضحك على شكل شيخة ...


دخلوا البنات محل عطورات واخذوا لهم عطرين واحد هنوف وواحد للولو
جو البنات بيمدون له الفلوس اللا راعي المحل يمسك يد هنوف وهي تعطيه الفلووس
هنوف : أيااا قلييييل الأدبـــ وين الأمن بس نادي لي الأمن لولو
الهندي : ايس في ماما وشو سوي انا
هنوف : صدق انك ماااتستحي على وجهك ضف وججهك ورح مناااك بس
لولو : هنوود آآآآخر زمن والله قليل الأدب هذا
<<< طبعا تجمع عليييهم ناس ملاقيف يبون يشوفون الهوشة
راح خالد بسررعى يشووف لأنه شاف البنات دخلوا هالمحل
دخل خالد بين النااس ووصل قدام .. سمع صوت يعرفه ويطاالع فيها اللا هي الله يفشلهم فشلوني بالسوق
خالد : هنوووف لولو قصروا صوووتكم
هنوف : والله شف هالهندي قليل الأدب وش يسووي
لولو : لا ويقول ايش يقول اس فيه
هنوف : تقلقلت ضرووسه بعد
لولو : من جد هاللي مايستحي على وجهه
خالد بصووت عااالي : بـــــــــــس
""الصووت خلى كل الموجودين يسكتووون وأكثرهم راح مابقى اللا قليييل"
خالد : وانتم متى بتستحون على وجيهكم فشلتونا كل مارحنا مكان تتهاوشون لنا يا مع هندي يا مع فلبيني يامع مدري وش يعني متى تعقلون
البنات ساااااااااااكتين ولولو مييته من الخوف وهنووف ودها تررد بس حست ان خالد من جد من جد معصــــب
خالد : يللا قدامي عالسيارة يللا
راححوا البناات وهم هااادين << تشووف اشكالهم عكسهااا بالرووحة هههههه
ركبوا السيارة ركبت شيخة ورا شهد وسارة ورا خالد ومشاعل بالنص ولولو وهنوف نطوا ورا من اول ماركبو
في السيااارة الجو هاااااااادي خالد يفكر خلاص انتهت المشكلة وانا مب كل يوم بقعد مع حبيبة قلبي زي كذا
خالد : احم احم تبون اي مطعم اعشيكم فيه
شهد : امممم ودنا امممم بناات وش تبوون شيخة انتي وش تبيين
كلهم الحين يطالعونها وهي وجهها تقللللب كل الالوااان وخالد رووق عالآآخر
شيخة : ماله داعي مطعم خل نروح ستار بكس
خالد : أفااا عليك وهو كذلك
شهد : الله الله عاااشوا طيب أنا ابي مطعم
خالد : ماااعلي منكم انا الحين اشتهيت ستار بكس
ورااحوا البنااات ستاربكس وطلبوا اللي يبون هناك ,,,
مشاعل : ليييت شيوخ تجي معنا كل يوم تدرون ليه
البنات : لييييه
مشاعل : عشان خالد يباشر علينا كل مررة
خالد ناظر شيخة لقا عينها بالارض وشكلها مستحييية ورفعت عينها عليه وعطاها ذييك الابتساامة تذوب الصخر
ونزلت علينها بسررعة وضحك عليها خالد وحب يحرجها زيادة
خالد : والله اذا جات شيخة ماعندي ماانع لو اوديكم المرييخ بس اذا ماجات لو تبون بيت الجيران ماوديكم
شهد : الله عااااشوا ههههههههههههه
شيخة تكلم مشاعل لانها جنبها : هييين هيين والله لوريكم بس خل نرجع البيت
مشاعل تستهبل : وش تقولين شيخة ما أسمع
شيخة : سلاامتك ماقلت شي 

راحوا البنااات للسيارة وجلسوا نفس قبل شوي وخالد مرووق يسووق على مهله
شغل خالد المسجل على أغنية تبي الصراحة لـ يوسف شافي اتوقع

تـــــــــــبي الصــــراحة تـــراني صـــدق حبيــــتك ...

... وأحتــــرت وشــــلون أعبــــر لك عن أشــــــــواقي

يابعــد هالنـــــــاس أنا من قلبـــــي اغليــــــتك...

...حبــــك جرى في العــــروق وعــــــاش أعمــــــماق 

..... الخ

خالد : شيييخة 
شيخة : هلا
خالد : اهداااء للغاااااااالين
شيخة : ....... << خلاااص ماتت من الحيا
شهد : لالا مااااقدر أناااااااااااااا
البنات : عاااشوا والله ^^
,,,,,,,

نزلهم خالد كل وحدة في بيتها ...

دلخت شيخة بسرررعة وراحت لغرفتها فووق وجلست تصيح ماتدري ليه تصيح من الوناسة ولا لانها خايفة من حبها ولا لانها تخاف ماتجتمع فييه بس جلـــســـت تصيييح ليييين مانامت


بيت ابو تركي ....

رنا جالسة هي وشوق وتركي ورنا تحاول تمدح في شهد قدام اخوها << وطبعا فهمت شوق السالفة .. اصلا شوق ورنا مابينهم اسرار

رنا : شفتي ياشووق شهد وش مسووية
شوق : وش مسوية 
رنا <<< ابتلشت : امممم خلي عنك وش سووت بقول عنها شوي
شوق : عطيينا كله شهد وشهد وشهد قولوا لنا شووي عن هالشهد << وتغمز لرنا
رنا : ايييييه وش نسووي من غلاتها هالبنت ياناس تجنن حتى وجهها ماتعطينه انه عمرها 21 تعطينها 17 او 18
شوق : وحليييلها والله
رنا : اييييه واللا اذا جات تتكلم كل الموجودين يسكتون عشان يسمعون سوالفها
تركي قام من عندهم ولا حتى لف يطالعهم وراح لغرفته
شوق : وليييييل هذي خطة أ راحت
رنا : الحين نسوي خطة ب
شوق : وشيي 
رنا : ننتظر شووي اذا ماقال شي باغتناه
شوق : هاهـ
رنا : لالا ولا شي


... فووق عند تركي ...
حسبي الله عليهم يعني غصب طيب يذكروني فيها .. دايم يهذرون عنها من كلامهم انها حلوة وحبوبة بس وشوو اخاف انهم بس يخرطون
لالا وش يخرطون وش يستفيدون اذا خرطوا وانا شعلي بكرة ان شاء الله اكلم لطوف واشووف السالفة



... عند لطيفة ...

لطيفة تكلم شهد : ايييه بقول لك وش صاار لي امس مع فهودي
شهد : عطيييينا
لطيفة : تخيلي داخلين انا وروان نتسابق داخل المهم انا شفته هو وشوق موجودين وقفت بس 
روان صقعت فيني وطاحت عالأرض وانا هجييت فووق هههههههه
شهد : ههههههههههه الحين شبيقول عنك الولد زوجة المستقبل خبلة
لطيفة : ههههههه تعاالي ,, ماتبين تسألين عن ناس
شهد : مين
لطيفة : نااس
شهد : امممم راكان
لطيفة : اخوو راكان
شهد : اخوهـ
لطيفة : اقووول ترا رنا قالت لنا
شهد : .....
لطيفة : لا اموووت انا عاللي يستحون
شهد : اقوول لاتنشرين الخبر
لطيفة: هههههه ياقدمك تلقين رنا اكييد قالت لشووق 
شهد : ولييييل
لطيفة : تبين اقول لترووووك
شهد : اقووول ضفي وجهك مناك
لطيفة : شرااايك بالحب
شهد : الحب عذااااااب وخاصة اذا صار اللي تحبينه مايدري عنك
لطيفة : انا اخليه يدري ترا عادي
شهد : اقووول ضفي وجهك مناك بس
لطيفة : هههههههه اخس تستحين
شهد : اقول وش اخبار عين السيح
لطيفة : من تركي
شهد : لاااااااعين سيحك انتي
لطيفة : اهااا فهودي فدييييته والله
شهد : هههههه اقول لطوف امي تناديني الحين اكلمك بعدين
لطيفة : اووكي

::::::::::::::::::::::::: 

: تـــــعــــالي يمة شوفي خواتك فيه
شهد : جــاية

نزلت شهد تحت وسلمت على خوااتها وجلست ساااعة عند عيال عنود لين مابدوا يصيحون
عنود : خلاااص طفشتيهم ترا
شهد : ياااادلبس والله يدننوووون
ريم : طااالعين على خالتهم ريم
شهد : والله فيووونة طالعة علي
عنود : هيييه هيييه على كيييفكم تحجزون كل وحدة فديتهم وحدة علي والثانية على ابووها
ريم : طسي مناااك بس وحدة فيهم طالعة علي
شهد : اقووول ترا احنا مب نايف نقعد ندلعك
ريم : الشرهة عاللي يجيكم مرة ثانية جيتكم وخليت نيووفي بلحاله
شهد : يمة طالعي هذي لاحيا ولا مستحا تتكلم عن زوجها كذا
ام خالد تعطي شهد على قد عقلها : اذا اعرستي تكلمي عن رجلك كذا
سكتت شهد وطرا على بالها تركي وابتسمت
ريم : شف هذي عجبتهااا الفكرة اقوووول استحي على وجهك بس
شهد : فدييييته والله رجلي حبيبي
عنود : بنااات اخر زمن

ريم : يمة ماتتكلمين طالعي بنتك
ام خالد : وانا وش اقدر اسووي خلها تتكلم على راحتها مدام انا بلحالنا
ريم : لاااا يمة ترا تتعود على كذا وتتكلم زي كذا قدم الناس
شهد : وانتي ماتعقلين تراااك اعرستي ما اقول اللا الله يعين نايف عليك

اللا بدخلة طلال ونووف بنته
طلال : السلاااااام عليكم
الكل : وعليكم السلاام
شهد : كييييفك عمووو
طلال : بخييير وانتي شخبارك
شهد : والله ماشي حالي بس لولا ماتوحدوا علي الساحات ذولي
ريم : ماااعليك منها بس بززر للحين وجاية تتكلم
طلال : ههههههههه عليكم فيها اجل .. وش اخبارك ريوم وش اخبار نايف 
ريم : تماام الحمد الله 
شهد : شلووونك نووفة
نوف : طيبة وييين في وضي
عنود : غرييبة ماسألتي عن عزوز
نوف : لا يقول بابا انتي بنت ولازم تلعبين مع البنات
عنود : يعني عزووز مسكين مايلعب مع احد
نوف : لالا الحين اذا راح بابا بلعب معه
شهد : والله قواية عين بعد
عنود : لييييه ماتحبين في وضي
نوف : لااا بس تطقينهم يصيحون مب زي عزووز رجال مايصيح
طلال : شف شف هذي تغرل بالولد ولا عليها من احد
شهد : هههههههههههه شفتي هذولي بنات اخر زمن مب انا ياعمري علي
نوف : بابا بروووح العب مع عزووز وانتم خلوا البنات لكم مابيهم
شهد : وش تبين بالبنات وعندك عزوز يغنيك عن الدنيا كلها
عطتها نوف ابتسامة حلووة ابتسااامة برائة وطفوولة وراحت
شهد : والله طلعت برييئة البنت وانا احسبها ساحرة
طلال : هذي نوووفة حبيبة قلبي بنت الرجال هي اللي تذكرني بالغااالية الله يرحمها
الكل : الله يرحمها
عنود : عمي طلال ابيك شوي بسالفة
طلال : الله يستر من سوالفك

راح طلال مع عنوود داخل ,,,,


ريم : الله يستر بس عسا مايعصب ..
شهد : ليييه وش بتقول له عنود
ريم : تبيه يتزوج وحدة من صديقاتها
شهد : اي وحدة ؟؟؟
ريم : تعرفين نورة
شهد : اييييييه ذييك اللي شعرها ناعم مرة
ريم : قولي ماشاء الله ^^
شهد : ههههه بس اتذكرها
شوي اللا يجيهم عزوز يصيح
شهد : وش فيييك عزووز
عزوز : وييين امي
شهد : الحين تجي
عزوز : ابيييي امي
شهد : من زعلك طيب
عزوز : نوووف طقتني
ريم : نووووف نوووف
نوف : نعم وشوو وش تبين
ريم : ليه طاقة عزوز
نوف : غثني كل ماقلت له شي ولا شي قال امي امي رفع لي ضغطي
شهد : نووف حبيبتي انتي بنت خلي عنك العربجة
نوف : وشو عربجة بعد انتي 
ريم : هههههههههه مالك امل تتعدل
شهد : من جد
نوف : خلاص ارووح
شهد : ايه روحي
غزوز : خلاث اروح
شهد : بل مب كانك توك تصيح عندنا
عزوز : برووح العب مع نووف
شهد : ايه ابشر يللا رح
... راح عزوز يلعب مع نوووف...


::::

طلال : نعــــم
عنود : ايه ياعمي مافيها شي اعرف انك تحب نجلا وان مكانها كبير بقلبك بس مهما صار نوف بنت ولازم لها حرمة تربيها
طلال : عنود انسي
عنود : لا ياعمي ماراح انسى احنا مانضغط عليك اللا عشانك وعشان نوف
طلال : وعشاااااني تكفووون سكروا المووووضوع
عنود : على راحتك
طلال : أناااا بروح البيت
عنوود : عموو طلال لاتسوق وانت معصب تكفى
طلال : من قال اني معصب
وطلع طلال ...
طلال : نوووووووووووف
نوف : نعم بابا
طلال :امشي نرجع البيت
نوف : لا بابا ابي اقعد مع عزووز
طلال : اقووول لك تعااالي
نوف : يووه طيب مع السلاااامة عمة نورة
ام خالد : مع السلامة بنتي
شهد : باااايوو نوفة
نوف : باااااااي شهود
ريم : افا وانا مالي شي 
نوف : طيب يللا باي
طلال : بسرررعة نوووف
نوف : طيب يللا جييييت
نوف : بااااي .. وعطتهم ابتسامة حلووة ماتعودوا عليها كذا 
شهد : وحليييلها بتدخل اولى هالسنة صح
عنود : ايه ان شاء الله
شهد : توزع ابتسامات اليووم
ريم : ياحبيلها والله اني ارحمها
عنود : الله يهدي ابوووها بس
ام خالد : مارضى عمك يابنيتي
عنود : لااا طبعا


:::::::::::::::::::::::::::::


بالسيااارة طلال يسووق بسرعة مرررة ونووف خااايفة
نوف : شوووي شووي يابابا لاتسوق بسرعة
طلال: نووف حبيبتي لو سمحتي اسكتي
نوف : بابا ليش ماعندي ام زي عزوز وفي وضي
طلال : قلت لك يانووف ماما راحت الجنة
نوف : ولييييه ام عزوز ماراحت الجنة ليه بس ماما اللي تروح الجنة انا ابغاها يابابا
كل اللي معي في الروضة عندهم ام بس انا لا .. لييييش
طلال : ياابنتي الله اختارها من بين الناس هذا يعني انه الله يحبها ويحبنا كلنا
نوف : بس اناا ابغاهااا... كانت نوف تصييح وطلال اول مررة يشوفها كذا مايدري وش فيها 
طلال : ماعليييه يانووف لاتصيحين حبيبتي
نوف : باابااا انتبه سيااارة
طلال ماشاااف السياارة وصدم فييها ... بعدها بكم دقيقة كانوا الناس مجتمعين عليهم كاان الحادث قووي وجاا من جهة
الراكب اللي نوف كانت جالسة فيه منظرهم يخووف السياارتين كلهم متضررات كثيييير خاصة سيارة طلال متضررة اكثر
جات سيارة الاسعااف وقدروا يطلعون طلال ونوف والسايق الثاني

... بالمستشفى...

دخلوا طلال غرفة الطوارئ ... ونووف نفس الشي 
كلموا على بيت العم ابراهي لانه كان اخر رقم كلم عليه

رد عليه عزوز : الوووو
الموظف : الو السلام عليكم
عزوز : وعليكم الثلام
الموظف : عندك احد
عزوز : فيه ماما
الموظف : عطني ياها
عزوز : يممممة
عنود : نعم
عزوز : تلفون
عنود : مين 
عزوز : مااادري
عنود : الوو
الموظف : السلام عليكم
عنود : وعليكم السلام
الموظف : انتي اخت طلال بن عبد الله الـ....؟؟؟
عنود : لا انا بنت اخوه ليييش
الموظف : والله الاخ طلال مسوي حادث ونبغا احد يجي يشوف الاجرائات
عنود : وشووووو
الموظف : معليش اختي بس هذا اللي صار
عنود : لالا عمي طلااال مافيه شي لااااا
الموظف : ان شاء الله مايصير فيه شي اختي ,, مع السلامة
عنود :........
ريم : عنوود وش فيك
عنود تصيح : عمي طلال
ريم : وش فييييه عمي عنوود
عنود : سووى حادث << وانهااارت من الصياح
ريم : بتصل على نايف يروح المستشفى
ريم : الوو نايف << وهي خانقتها العبرة
نايف : هلا ريم وش فيك 
ريم : عمي طلاال
نايف: وش فيييه طلوول
ريم:سووى حادث وهو بالمستشفى .. وبدت تصييح
نايف : ريووومة حبيبتي وللي يسلمك لاتصيحين
ريم : طيب .. نايف تكفى رح لعمي
نايف : ولايهمك الحين برووح له باي مستشفى
قالت له ريم كل شي ... والكل عررف انه بالمستشفى بس اللي نسوا عنها هي نووف الكل يسأل عن طلال بس انهم نسوا ان نوف
كانت وياهـ

بالمستشفى راح نايف وناصر ونواف وخالد ووليد وابو خالد 
اما الباقين كانوا في بيوتهم عشان مع الحريم

الدكتور : السلام عليكم
نواف : شخبار عمي طلال؟؟
الدكتور : آآآهـ طلال ان شاء الله بعد 24 ساعة نشووف وان شاءالله يطلع من مرحلة الخطر .. بس
نواف :بس وشوووو
الدكتور: البنت الصغيرة اللي كانت معه
خالد : نوف ؟؟
الدكتور : مش عارف
خالد : وش فيييها
الدكتور : البئية في حياتكم
خالد : ماتت ؟؟
الدكتور : عزم الله أجركم
كلهم منصدمين مايدرون وش لون صار كل هذا في وقت قصيير طلال سووى حادث سيارة صحيح انها مب اول مرة بس اننه خسر بنته
طلال خسر بنوته دلوووعته نوفة الخبلة اللي دايم تتهاوش مع الناس
وشلون صار هذا العصر كانت معهم هي وطلال 


وصل الخبر للحرييييم وجلسوا يصيييحون عليه واكثر وحدة عنود تحس انها هي السبب في مووتتها هي اللي خلت طلال يعصب لو انها مافتحت
الموضوع وياهـ كان ماصار اللي صااار ,,,,
شهد وصووتها انبح من الصياح على بنت عمها اللي تمووووت فيها : بسك ياعنوود خلاص يكفي
عنود : انا السبب ياشهد انا السبب
شهد : لا تقولين هالكلام ياعنود البنت الله يرحمها توفت يمكن الله كاتب انه احسن لها 
عنود : ماادري ياشهد مااادري
شهد : خلاص عنودة هوونيها على عمتي منيرة هي اللي بتموت نفسها من الصياح......

شهد راحت كلمت لطوف وقالت لها السالفة ... 
لطيفة : الله يرحنها نوووفة والله اني كنت احبها هي وسوالفها
شهد بدت تصيح : الله يررحمهااا :(
لطيفة : خلاص ان شاء الله شهوود اكلمك بعدين الحين مشغولة شوي



::::::::::::::

مرت الساعات صعبة على العايلاات ومن بكرة بدا العزا ...
طلع العم طلال من مرحلة الخطر وراح له خالد وناصر ووليد مع شيخة وعنود وشهد ومشاعل
مشاعل : حمد الله عالسلامة عمي
طلال : الله يسلمك ميشووو
ناصر : خطاك السوو طلال
طلال : تسلم
وجلسوا عندهـ شووي طبعا ماقالو له ان نوف توفت ولا شي بس قالوا له ان المستشفى مانعين الاطفال




ثاني يوم عزا ... بالمستشفى


طلال يكلم النيرس : لو سمحتي
النيرس : ايوة
طلال: عاادي بنتي تجي اليووم
النيرس : آآآهـ طبعا دا مسمووح بالاطفال بوقت الزيارة
طلال :مسمووح للأطفاال ؟؟؟
النيرس : آآآهـ .. عاوز حاقة تانية
طلال : لاخلاااص

....طلعت النيرس من عنده وجلس يفكرر يااااااربيه ليه طيب لعبوا علي نوف صار فيها شي ,, لا ان شاء الله
مادري وش بسووي لو يصير فيها شي بنتي وحيدتي هي اللي تذكرني بالغالية ,, طرد طلال عنه الافكار وفكر انه اذا جو عيال
اخوانه بيشوووف ....





في البيت الكبير "بيت الجد"
الكل مجتمع ويستقبلون الناس ... اكثرر شخص متأثر العنود تحس بتأنيييب ضمييير بقوووة
لطيفة وخواتها حتى شوق مافارقوا شهد ولا لحظة صايرين راعين بيييت وقفوا معهم وقفة مايوقفها اي احد
سارة وريم وشيخة كانوا أهدا ثنتين وكانوا يهدون في امهاتهم اللي راااحمين طلال من جهة وحزينين على وفاة نووف الحبوبة
مشاعل بعد متأثررة حيييييييل لأنها كااانت تحب نووف بشكل رهيييييب
هنوف ولولو متشتتين صحيح انهم كانوا يحبون نووفة بس بنفس الوقت مايبون يبينون للغير انهم ضايقة صدورهم يبون يهونون عليهم بس مايقدرون قلوبهم تطغى

اما عند العيال ,,,,
ناصر طبعا متأثر لانه عمه طلال هو اقررب الناس له بحكم تقارب الاعماار بيناتهم 
بس الباااقي طبعا متماسكين وتركي وفهد معهم من اوول يووم 

بالعصر رااحت عنود مع ناصر لطلال بالمستشفى ,,

طلال : وين بنتي
ناصر : طلوول عااد قلنا لك ممنووع اصطحاب الاطفال
طلال : لااا مب ممنوع انا سألت النيرس اليووم
عنود وناصر كانه مكبوب على وجيهم موية بااردة عنود ماتدري وش تسووي ووشلون تواجه طلال خاصة انها هي بنفسها مأنبها ضميرها
طلال : اقول لكم وين بنتي
ناصر: الأعمار بيد الله ياعمي
طلال: وشلووون يعني
ناصر : عظم الله اجرك
طلال : لالا تلعب علي أنت لاااا هذا اللي بقا لي من الغالية مااايصير كذا تروووح
ناااصر مب صدق اللي تقوله
ناصر تنهد : قضاء وقدر هونها وتهوون طلال
عنود وهي تصييح : عمي تكفى لاتكدر خاطرك
طلال :انتي جاااااب ولا كلمة انتي السبب لو مافتحتي معي هالموضووع ماطلعت وانا معصب
عنود بصوت مبحوح : بـ..س انا قلت لك لا تسوق وانت معصب
طلال: اطلعوا برا لو سمحتوا
ناصر : طوول بالك ياعمي مايصيير نخليك وانت بهالحالة
طلال : اقول لكم اطلعوا مدام اني للخين هاااادي
ناصر : بس ياااعمي
طلال : برااااا
أخذ نااصر عنود وهي ميته من الصيااااح وتشااهق 
ناصر : يالله عااد عنودي
عنود : ناصر أنا السبب ياناااصر
ناصر يمسك يدها : هذا قضاء وقدر وصدقيني مب بسبتك بعدين انتي قلتي له لاتسوق وانت معصب
عنود : بس ياناصر ...
ناصر : لا بس ولا شي هدي اعصابك حبيبتي









::::::::::::::::::::::::::::::






بنفس الوقت ببيت الجد ,,,,,

شهد ولطيفة وروان ورنا وشوق وهنوف ولولو ومشاعل وريم جالسين
ريم : شهد حبيبتي بسك صياح
شهد : حرااام والله حرااام ماتذكرين ريم شكلها شلوون يوم تطلع كانها تدري انها اخر مرة تشوووفنا << طبعا من بين شهقاتها
ريم : هنووو روحي جيبي مووية لو سمحتي
هنوف : طيب جاية
رنا : بجي معاك
هنوف : طييب
دخلوا المطبخ واخذوووا موية ,, ويوم جات بتطلع لفت وشاافت اللي مالها خلقه ابــــد
هنوف : هيييييه غض البصر انت
مشعل : انزين اطلعي برا ان كان ماتبين 
هنوف : مب علي انا قصدي على بنت الناس << تقصد رنا لان مشعل كان يطالعها
مشعل : كيييييفي
هنوف : مشييييعل ترا قسم بالله مب رايقة لك
مشعل : احلفي عادي ,, ماصدق
هنوف : مشـــــعل
مشعل : هههههه طيب آآآسف
هنوف :برااا
مشعل : ابي مووية 
هنوف : انزين خل البنت تطلللع تراها للحين بالمطبخ لا شيلة ولا شي
مشعل يطاااالع هنوف : عااادي كانك انتي اللي متغطية 
هنوف تطالع في شكلها انهبلت قامت سحبت رنا وياها وطلعت براا
هنوف : وانتي خيييير توقفين قدام الولد كذا
رنا : النظرة الاولي حلال
هنوف : قالوا نظرة ما قالوا تمقلي
رنا : والله مزيوون من هذا
هنوف : هيييييه هيييييه حدك
رنا : ليييه من هذا
هنوف : هذا مشعل اخو لولو
رنا : اهاااا طيب وانتي ليه تعصبين
هنوف : بس لاتتكلمين عنه
رنا : اوووهـ اوووهـ عندنا أحبااااب
هنوف : اقووول ضفي وجهك بس
رنا : ههههههههه طيب انا برقا فوووق يمكن تشوفين الحبيب بالمطبخ روحي شوفي 
هنوف : شف قليلة الأدب ,, تراااك للحين بززر على هالحركات
رنا : ايه يسييير خير تشاااااااو
هنوف : اصبرررري جييييتك

حاولوا البنات ينسون شهد همها ولا كانوا يدرون للحين عن طلال وعنود وناصر اللي بالمستضفى متعذبين
رنا تكلم شهد : ماتبين اخباار الحبيب << صدق انها سووسة
شهد : والله انك فاااضية ,,
رنا : بس والله صدق شكله يحبك
شهد : صـــــدق
رنا : ههههههههه قال فاضية قال
شهد : هههه والله انك سوسة
رنا : ايييه كذا وسعي الصدر

لطيفة : شعندكم تتساسروون
رنا : نحش فييك
شهد : ونسووولف عن فهوودي
رنا وشوووق تغيرت اشكالهم يوم قالت شهد كذا
شهد : صح رناا
رنا : هاا ايه ايه صح
مشاعل : اووووف بنااات جوووعانة ماكلت شي من بعد الغدا امس
شهد : ماالي نفس أنا
مشاعل : خلاص أنا بنزل لحالي
هنوف : خذي الشيلة يمكن فيه عيال << وتطالع رنا علطوووول ورنا ابتسمت في وجهها
مشاعل : طيب
ونزلت مشاعل تحت طبعا زي ماقلت ان مشاعل كاانت هي وشهد وعنود اكثر من تأثر على وفااة نوفة فشي أكيد انها تكون صااحت
وعيوونها كانت حمرا وكان تحت عييينها هالات سوودا دخلت المطبخ كان فييه مشعل معاه سالم
هي دخلت اللا مشعل سحب سالم وطلعوا ماله خلق يهاااوشها وكذا
قابلهم نواف وهم برا
نواف : شفيكم طلعتوا
مشعل : ابد مشاعل فييه وقمت سحبت المتنح
نواف استااانس بس مايبي يبيين : أهاااا
اووول ماراح عنه مشعل راح نوااف بسرعة على داخل وشااف مشاعل لأنة زي ماقلت فيه بابين للمطبخ واحد على
برا والثاني من الصالة ,, اخذت مشاعل الصحن تبي تحط فيه شوي اكل .. سمعت صووت وراها لفت شاافت شخص تمنت الارض تبلعها
شاافت وجهه علطووول تذكرت المووقف اللي بالمسبح وبدت تضحك نواف شافها كذا وانهبل صح انه متوقع انها تكون
تصيح ولا ضايق صدرها بس تضـــحــــك ليه ؟؟؟؟ تغطت مشاعل طبعا
نواف : احم احم عظم الله اجرك
مشاعل كاتمة ضحكتها : اجرنا واجرك .. ما امدى مشاعل تخلص جملتها اللا هي نقعت من الضحك
نواف قام يتلفت يدور شي يضحك .: امم فيه شي يضحك ؟؟
مشاعل : هههههه ايييه نواف تذكر ذاااك اليوم ههه يوم يوم هههههههه المسبح << مشاعل نااااسية ان اللي تكلمه نواف
نواف علىوجهه أكبر علامة استفهاام : .......
مشاعل : ....... << كانها فهمت بس ان صووتها وهي كاتمة ضحكتها طالع
نواف : اممم طيب مشاعل انا جيت كنت ابي اكلمك بموضوع بس شكله مب وقته
مشاعل حست بجدية نواف : لاا عادي وقته
نواف طالعها وابتسم .. مشااعل ذااااااابت من شكله
نواف : طيب أناا بصراااحة من اللي خبري خبررك بصراحة انا حبيتك وانا شاااريك باللي تبين
والله اني صرت افكر فيك اكثرر وقتي مشاعل أنـــــا أحبك..
ادري الحين مب وقته بس مالقيت وقت مناسب زي هذا بصرااحة أناا ناوي أخطبك رسمي بس قبل ابي اعرف رااايك
مشاعل : ......
نواف : ادري تحتاجين تفكرين ,, انا ان شااء الله بالبيييت بفهم شيووخ ولا هنوف وابيك تقولين راايك .. يللا فمان الله
مشاعل : .....
طلع نواف من المطبخ ومشاعل فاااتحة فمهاااا وابد ماااتوقعت هالشي يصيييير نواااف ,, هي صح حست انها تميل له
بس انها حاولت تنسى هالشعوووور رااحت مشااعل تررركض فوووووق طبعا انسدت نفسها عن الأكل راااحت تبي تقول حق شهد 
مشاعل : شهووود لايفووتك
شهد : وشووو
مشاعل : نواف 
شهد : وش فيييييه
مشاعل : ههههههه
شهد : الله يستر من هالضحكة
مشاععل : يقول انه بيحبني وانه يبي يخطبني بس يبي يعرف رايي اول 
شهد : وان شاااء الله قلتي له موااافقة ؟؟؟؟!!!
مشاعل : صااااحية انتي مالقيتي اللا انا اقولها
شهد : ايييه اشوى
مشاعل : يقول يبيني اقول لشيووخ رايي
شهد : وانتي وش رااايك
مشاعل ابتسمت ونزلت عييينها تحت
شهد : لالا مقدر عاللي يستحوون .. مبروووك قلبوو
مشاعل : بل للحين ماصار شي
شهد : ان شاااء الله كلها كم اسبووع ويخطبك

:::::::::::::::::: 

طلع طلال من المستشفى وكانت يدهـ مكسوورة ورقبته تألمه طبعا غيير الجرح اللي بنزززف داخله بفراااق الغاااالية وبنتهااا مايصييير
ليييييه ياربي كذا ليه انا حظي كذااا يعني مايكفي راااحت عني نجلا تاااخذ مني نوووف


::o:: يا وقت وشـ باقي حزن تخفيهـ ؟؟ أظن حزن الناس كلهـ وصلني !! كل التعاسهـ والألم عايشـ أنا فيهـ !!حتى الأمل خيب بها اليوم ظني !!!! ::o::


آآآآآآهـ بس ياطلال الله يعييينك عالأيااام الجاية ,,, الشي الوحيد اللي صبرهـ على فرااق نجلا هو نوف
والحين وش يصبرهـ على فراااقها :(
نووف كان يعاملها احسسن معاملة رفض يتزووج عليها خااف انه مااتحن عليها زووجته لو تزوج
انتم تعرفووون شلون يعني فرااق شخص غاااالي 
تعرفوون شلون يحس الواحد لين فقد ظناااهـ
عاااد وشلوون اذا كان الظنا يذكرهـ بشي غاالي من جـــد عليه " نجلا " للأسف ماحققت وصيتك ..
يتذكرها يووم كانت على فراش الموت كان قلبه بيمووت عشانها بس انها كانت مبتسمة له رغم اللي فيها ,, ايه نعم كان فيها السرطان
وما اكتشفووهـ اللا بعد ما انتشر بدمها لانه كان بالدم يعني فااات الوقت وصته نجلا ببنتهم قالت له بالحرف 
نجلا : طلال حبيبي انتبه على نوف تذكرني كل ماشفتهاا ابيك تحافظ عليها تراها اماانة
طلال : ..... نجلا محد يعوظني عنك لا نوف ولا الف من نووف نجلا صدقيني انا احــــبـــــك
نجلا ابتسمت بمرارة : وانا بعد طلال أحبك ... اشهد ان لا اله اللا الله واشهد ان محمد رسول الله
جا ملك المووت عليها وطلال يطالعها .. ماقدر يتحمل صدمة موتتة حبيبة عمرهـ كانوا عايشين احلا قصة حب
كل اهلهم كانوا يدرووون كان طلااال يموووت في شي اسمه نجلا وما يرد لها طلب
بس هيييهات تجري الرياح بما لاتشتهي السفــــن ماتت نجلا واول ما ماتت جات طلال زي الحالة النفسية ,, مايتكلم ولا ياكل ولا شي
بعدين صااار يكره نووف بشكل مب طبيعي كان يتذكر فيها اشين ذكرى عليه ,, ذكرى وفاة حبيبته
كاانت نوووف تشبه امها نفس الشكل نفس طريقة الكلام نفس كل شي ...
تعلق طلال ببنته ورفض يتزووج بعد نجلا أحــــد 
واليوووم تووفت نووف ليه كل ماتعلقت بأحد يتركني لييييييه 

نززلت دمووع طلال على فراااق بنته وعلى ذكرى حبيبته ,,,,,,,,
قرر انه لاااازم ينسى الماضي بيكلم منيرة اخته تدور له على عروووس 
لازم ينسى الماضي 
لازم ينسى الماضي
لازم ينسى الماضي 



::::::::::::::::::::::




مرر أسبووع على وفااة نووف صحيح قلوبهم للحين حزييينة عليها لكن وش يقدرون يسوون 
بعدين لااازم يحاولون يطلعون طلال من كآآبته هذي ,,,,


اجتمعوا بالمزرعة بيتغدون فييها ,,,

طبعا كلللهم جو ,,,,, طلال ناااوي انه يقول لمنيرة تخطب له
نواف قال لشيخة السالفة ووصاها تعرف رد مشاعل لأنه يخاف يخطب رسمي وتتزوج وهي ماتبيه
مشعل وهنوووف وش اااخر هوشااااتهم؟؟؟
شهد اللي صاااار تفكيييرها كللله في ترركي بزيااادة من بعد مادرا أحد عن حبها وصارت تفضفض له
شيخة ودهااا تشوووف خالد من زمااان ماشافته يمكن من أكثرر من اسبووع

كل هذا بنشوووف وش بيسوون بالمزرعة ,,,,





(((((((((((((((((( المزززرعة )))))))))))))))


كل العوايل اجتمعوا عالسالعة 1 ونص الظهر .. تغدوا وخلصوووا ,,,

بعد الغدا ....

هنوف ولولو جالسين لحالهم 
شيخة تبي تصيد مشاعل لحالهم
شهد مب يم العالم بس انها جالسة مع ريم وسارة وهم يسولفون
اما العيال...
راشد ومشعل وسالم مع بعض
خالد ونواف يسولفون
نايف ووليد وناصر مع بعض
العم طلال رااح يبي يكلم منيرة لانه خلااااااص مل من الدنيا في الاسبووع اللي فااات حس انه مخنووووق
مااعندهـ نوووف يتونس معها ولا عندهـ شي وبعدين ثاني شي اهله كانوا يضغطون عليه من زمان ماعنده شي يخسره 
خل يتزوج عااادي مايضرهـ

منيرة : ادخل
طلال : سلااام 
ام نايف : وعليكم السلام هلا طلال
طلال: هلا منوور شخبارك شمسووية
ام نايف : والله بخيير وانت وش مسووي
طلال : عاااايشين
ام نايف : بغيت شي طلول
طلال ابتسم ابتسامة بااااااردة : ايه
ام نايف : امر
طلال : مايامر عليك عدو ,, بس بغيت اعرس
ام نايف : هاااا
طلال : ايه عادي وش فيها
ام نايف : لااا لااا واحد قال فيها شي بالعكس من بكررة بدور لك على بنت الحلال
طلال : ايه شكرااا بايوووو
ام نايف : في امان الله

ام نايف راحت قالت لام خالد لانها ماتغبي عنها شي لان ام خالد دايم تشووور عليها
ام خالد : صدق ألف الف مبروووك
ام نايف : يوووه انا اقول مدري وش فيه الولد وانتي تقولين مبروك
ام خالد : لاتلومينه يام نايف ترا اللي مر يه موو سهل ابد ... فقد زووجته اللي كلنا ندري انه كان يمووت فيها
وضحا بكم بنة من عمرره عشان يرربي بنته لانه يخاف ان تزووج تطلع زووجته ماتحن ولا تعطف على نووف الحين ماتت نوف
لازم يلهي نفسه بشي ثاااني
ام نايف : بس الزواااج مو لعبة يلهي نفسه فيها وبنت الناس بعد مالها ذنب
ام خالد : والله مادري بس الله يسهل عليه 
ام نايف : ااامين


:::::::::::::::::::



اما عند شيخة ومشاعل 
شيخة : هااا وش رايك بالمووضوع
مشاعل : اي موضوووع
شيخة : تستهبليييين
مشاعل : لا صدق اي موضوووع
شيخة : اووف يللا نتخيل انك صدق مافمتي ,,, موضوووع نواف اخووي
مشاعل : اهااااا
شيخة : وشووو يعني اهااا اقول لنوافوهـ اهاا
مشاعل : ههههههههه طيب هدي اعصابك علي
شيخة : ااسفة يللا قوولي رايك نواف غثني بالتلفووونات
مشاااعل : خل يخطبني رسمي طيب
شيخة : لااا اخووي ديموقرااطي يبي ياااخذ رايك قبل عشان يخاف انه اذا خطبك رسمي يزوجونك اياه غصب وانتي ماتبين
مشاعل : اهاااا طيب انا مواافقة
شيخة : هااا .. كذا يعني على بلاطة تقولينها
مشاعل : خخخخخ وش اسوي لك اجل اقعد انزل راااسي واحمررة واستحي ترا مافيه اللا انتي 
شيخة : وانا بس حاااقرتني ... بعدين تعااالي تتوقعين عادي تتزوجين قبل سارة 
مشاعل : اصلا سااارة مخطوووبة لها يمكن قبل تمووت نوف بكم يوم
شيخة : احلللللفوا وليه ماقلتي لي
مشاعل : والله تعرفين الضرووف
شيخة : انـ ... << يرن الجوال
شيخة ترد على نواف بنبرة ضيق شووي : هلا نواف 
نواف : وافقت؟؟؟
شيخة : ياااخوي الزواج قسمة ونصيييب
نواف : يعنيي !!!
شيخة : مدري وش اقول لك والله
نواف : مارضت صح والله اني دااري ياربييه الحين وش بسووي
شيخة : تعااال انت اعصابك البنت مواافقة هع
نواف : صـــــدق 
شيخة : ايييه مبروك
نواف : الله يبارك فيك ,, عقبالك
شيخة : من بؤك لباااب السما 
نواف : اقوول لاتصدقين نفســــك بس يللا بااااي
شيخة : اييييه قبل شووي تترجاني والحين بتصكها وجهي
<< ما امداها تكمل جملتها اللا نواف صك بوجهها 
شيخة : ياخي قلييييل أدب هالوولد
مشاعل : هييييييه حدك عاد على نواافي
شيخة : الله الله من اووول شيخة وشيخة اثرك من زمان ناوية على نواف وتتمصلحين وياااي ياعمري علي ويووم ضمنتيه صفطتي علي
مشاعل : ههههههههههههه







:::::::::::::



~ ~ ~ ~ ~ ~ ~ ~ ~ ~ ~ ~ ~ ~ ~
ياخسارة حبيت واحد مادرى عني..
ياخسارة أشقيت نفسي بالتمني..
ياخسارة حبيت واحد مادرى عني..
ياخسارة أشقيت نفسي بالتمني..
الحقيقة الزين 
الزين مايدري..
هو في دنياي 
شمسي وبدري..
الحقيقة الزين
الزين مايدري..
هو في دنياي
شمسي وبدري..

اوووووووف وانا لمتى بقعد على هالحال يعني أعترف له اني أحبــــــه لالا أخاف اطيح من عييينه .. يووهـ زين الحب مب حراااام .. بس لاااا عند العررب عيب المرة هي تقول عن حبها
يااااربييييه وش اسووووي انااااا

سارة : شهـــــــــــــــــــد ألووووو
شهد : هاااهـ هلا وشوو
سارة : ابد سلامتك خلصت السالفة
ابتسمت شهد في وجه سارة ولفت تكمل افكاااارها مسكينة والله ماتدري وش تسوووي والله الحب من طرف واحد عذااااااااااااااااااب والمشكلة ماتدري هو يحبها او يكرهها او يحب احد غيييرها
وحتى لو يحبــــــــــــها ماتتوقع انها تتزوجه لان بكل بساطة اهله مب من مستوى اهلهاا .. احيااانا تكررهـ المستوى العالي عشانها ماتقدر تسوي اللي في بالها بعكس كل زميلاتها وصديقاتها
حظي من جد خـــــــــايس



لو لو : اقول انا طفشت خل نسوي شي نستانس
هنوف : يللا قدام من زمان ما استهبلنا
لولو : يللا خل نقول للباقي
هنوف : بناااااااااات
كل البنات جاو يشوفون وش صاااير 
ريم وسارة ومشاعل وشهد وشيخة 
شيخة : نعم وشووو
هنوف : طفش نبي نستهبل
شيخة : انتي احلفي بس جاااايبتنا من هناك عشان نبي نستهبل بس
هنوف : والله من جد اجل تمر الاجازة كذا طفش
شيخة : هو صح انه صااااير طفش بيتنا بس وش نسووي عطينا افكار
شهد : ايييييه عطينا افكار نبي نوسع صدورنا شوي
هنوف : اممممم نسرق السيارة
البنات : لاااااااااا
هنوف : هههههههه طيب
لولو : شراااايكم نسووي موقف بخالد
شيخة : ووش معنى خااااالد يعني
لولو : ههههههه عشانك تحبينه
شيخة : احم احم فيييييه عندنااااا ناااااااااااس بعد يحبون نواف
لولو : احلللللى ميشوو حبيتيه اخيرا
شيخة : ايه خل نسوي موقف بنواف
هنوف : امممم خل نحط وردة عند ثوبه ولا عند شي له
شيخة : الله حلووووووو ابي اسووي لخالد 
سارة : لا وشووو خالد مايدري انك تحبينه للحين
شهد في بالها .. هيييين والله ماعلمها
شيخة في بالها : هاهاهاااي هذا وانتو ماتدروون شقال لي

شيخة : لاااا مالي دخل بحط يعني بحط
مشاعل : واشوووف سفطتي على نواااف
شيخة : والله انا برووح احط لخالد
مشاعل : وحطي لنواف عالطريق
شيخة : اوووووف طيب طيب هاااتي
مشاعل : جيبي من الحديقة
شيخة : انتي احلفي بس ,, نجيب لهم من الحديقة
ريم : ايييييه عادي حلووة
شيخة : طييب بكيفكم اجل
مشاعل : انا بروح اجيب وانتي تحطينها عندهم 
شيخة : اووكي
------
جابت مشاعل الوروود وعطتها شيخة وردة نواف جوري حمرة وحق خالد بعد جوري ابيض وأطرافه حمرة
شيخة : يللا بنااات ادعوا لي
لولو : الله يوصلك بالسلامة 
الباقي : يللا عاااشوا شيوووخ

راحت شيخة واخذت معها شيلتها " مب ناقصة فضايح " تلثمت شيخة عشان ماتتفاجأ لو شافت أحد 
دخلت قسم الرجال مااافيه أحد هااادي الحمد الله ,,,
دخلت غرفة العيال نايف ونواف وناصر وخالد ووليد ونواف يووهـ كل ذولي لو يدخل واحد منهم .. يؤ ونا وش بسووي
بحط الوردة واهج .. ماشااااء الله والوردة عادي بعد ,,,

شيخة : اوووف بس مب متفلسفة على نفسي بروح بسررعة أحطها واجي

دخلت شيخة شوووووي شووووي للغرفة ... لقتها حوووووسةدووورت ليييين لقت أغراض نواف حطت له الوردة
وجلســت تدوور أغراض خالد ,,

خالد : شتسووووين
شيخة طاحت منها الورده من الهبلة بعدين لفت عليه خالد عرفها من عيونها 
خالد : أوووهـ هلاا والله شيوخ
شيخة في قلبها الحين وش بيفكر فيه ,,,,, خالد طالع الارض لقا الوردة أخذها من الارض ومدها لشيخة
خالد وهو يخززها مايدري وش تبي بالوردة : طاحت منك 
شيخة ماتدري وش تقول ,, تقول انا جبتها لك ولا تاخذها وتنحاش ماتدررري وش تسوي
خالد : خوووذي
شيخة بصووت وااااطي : خالد
خالد : لــــبــــيه << وابتسم في وجهها
شيخة خقت من بعد الابتسامة ماعاد تدري وش تقول : اممم اممم لو يدخل نواف ويشوفنا وش بيقول انا بطلع باي
خالد : لحـــــظة
شيخة : هلا
خالد : ماااخذتي الوردة 
رمت شيخة القنبلة على خالد : انا جبتها لــــك <<<< وهجت من بعدهاااا هجة
ياااااربية انا وحلايا هالوجه لا واقول وش اقول هنوف ام لسان يااااربيه وش بيقول عني الولد
بيقول ماصدقت اقول لها أحبك تقوم تعطيني وردة ....

من جهة ثانية خاالد مستااااااااااانس ,, يعني هي تحبني ماتكرهني اخييرا تأكدت من مشاعرها
شيخة تحبني ,, شيخة تحبني ,, شيييييخة تحبني مدري ليه ماخطبها انا ووجهي يللا الله يستر الله يكتب اللي فيه خير


شهد هل بتنسى ترركي اللي شغل تفكيرها ولا بيزيد تفكيرها فيه ؟؟؟
شيخة منحرررجة حدهاا من خالد وخاالد مب شايلته الدنيا من الوناسة !!!
هنوف ومشعل بيستمرووون على هالحال ولا شلووون ؟؟؟
مشاعل ونواف الله يكتب لهم الخير !!!
فهد مع لطيفة وروان وش بيسوون وش الحل ووش بيخططون عليه شوق ورنا ؟؟؟
العم طلال .. هل بيتزووج ولا بيصيير شي يمنعه ؟؟؟


لا تحرموني من ردووودكم ولا من توقعاتكم ,,,,


بعدها بكم يووم ,,

..... عند ابو تركي .....

لطيفة : اففففف طفش كم باقي عالدراسة ؟؟
روان : اممم يمكن شهر او ثلاث اسابيع
لطيفة : قرربت
روان : اووف لاتذكريني
لطيفة : اووهـ عليك تراكمي صح ؟؟
روان من دون نفس : اييييه
لطيفة : أهاا
لطيفة : اووف من زمان عن فهد ,,
روان : اي من زمان يابنت الحلال امس كنا جالسين معاهـ
شوووي اللا شوق ورنا داخلين 
شوق : احم احم سلاااااااااااام
لطيفة + روان : وعليكم السلاام
رنا : من كنتوا تحشون فيه 
روان : فيييكم
رنا : الله اخذ حسناتكم فلة
شوق : بنات عندي لكم بشاااارة
لطيفة : وش هي
شوق : اليوووووم فهود بيمشييينا
روان : الله ونااااسة متى
شوق : الحين البسوا عباياتكم وانزلوا
روان : قدااام
لطيفة : يللا انا بلبس عبايتي وانزل
روان : يللا وانا بعد
رنا : لاتطولون لا نمشي ونخليكم
لطيفة : اقول روحي بــــس

راحوا وجلسوا شوي بعدين جو روان ولطيفة ركبوا ,, شوق قدام وروان وراها ورنا بالنص ولطيفة ورا فهد

فهد شغل أغنية ,, بلغ حبيبك " الجسمي "



بلغ حبيبك وقله باخذك منه 
هذا هو الحل ومالي أي حل ثاني 
ما أقدر أقعد وأشوفك بس وأستنه 
كل يوم عنك بعيد يزود جناني 

من يوم شفتك وأنا في داخلي ونه 
ولعت قلبي ترى شبيت وجداني 
قله ترى أموت لو ما تبتعد عنه 
لازم أنا أهوالك ولازم إنت تهواني 

ياليت قلبك عرفني من صغر سنه 
والله لحبك واضمك بين أحضاني 
حبيب قلبي منعت القلب لكنه 
يبغيك إنته ولا يبغي أحد ثاني 




ورااافع الصووووت أعلى شـــــــــي لطيفة مستانسة تحسب انهاا إهداء لها ماتدري انه يقصد روان 
وروان من جهة ثانية ماطقت خبرر بالاغاني أصلا ما تدري انه يحبهاا وهي معتبرته عااادي زي اخووها


لطيفة : خل نرووح كوفي
روان : لاااا وععع مابي خل نتمشى وناخذ ايس كريم احلى << كان قصدها تحرج فهد اذا اختار الكوفي ولا هي ماتدري عن اللي في قلبه
فهد : ايه والله أحسن لنا من الحر وحنا الحين بالحر
لطيفة وروان ابد ماتوقعوا انه يكون رده كذاا ,,,,

لطيفة انقهرت بس ماحبت تبين ,,, شوق ورنا متوترين بس حاولوا يغيرون الجو .. روان ماطقت خبر << ماهمتها الدنيا هالبنت

اخذوا ايس كريم ولطيفة ماتكلمت ولا كلمة بس فهد عااادي عنده كل همه انه يسمع سوالف روان بس ماحس بكذا اللارنا وشوق
روان : اييييه مابقى عالدراسة شي وععع 
فهد : اييه الله يعيينكم للحين تدرسون
شوق : ايييه مافيه اللا انت ولطيفة ماتدرسوون <<وتطالع فهد
فهد خززها خزهـ خافت منها وقال : لطيفة أخت عزيزة وغالية والله


,,,, لطيفة انصدمت من كلااامه " اخت عزيزة وغالية " شيقصد يعني .. هو مايحبني يعني
السنييين اللي فاتت كلها عشتها وانا احبه يجي يهدمهاا بهالكلمة .. يعتبرني أخته 
وش بتسووي صدمة عمررها هذي ماعمرها حسبت حسابها لهاليووم أبداااا
::: الله يسترر :::

روان عادي ماستوعبت السالفة أصلاا بس شوق ورنا مااااتوقعوا انه يقول لها بوجهها

لطيفة بصووت واطي وهي تحاول تكتم عبرتها : فهد ممكن ترجعني البيت
فهد لف المراية الي قدام عشان يطالعها : ليش
لطيفة : ابي البييييت فهد لو سمحت
فهد : ماااانرجع البيت الحين تونا طالعين
روان : اقول فهيد عن الملاغة رجعنا البيت
فهد : خلاص خلاص الحين برجعكم
لطيفة وهي عاظة على شفايفها : غريبة ليه غيرت رايك
فهد : لأن روان قالت 


لطيفة انصدمت مررة ثانية ودها تموووت قبل لايصير فيها اللي صار اليووم ,, ماتدري طاح من عينها ولا كرهته 
كثر ماكانت تحبه ولا للحين تحبه ,,, ان كانت تحبه فهي غبية من الدرجة الاولى .....

اما روان منقهررة منه بس تحسبه يمزح عشان يقهر لطوف شوي فماعبرت الموضووع كثير 

من بكرة



في بيت ابو ناصر الاخوان مجتمعين بالصالة

مشاعل ولولو يطالعون مسلسل وتحمسوا معه واااااجد
وليد جالس معهم وعالنت ... سارة كانت طالعة السوق مع امهاا ومشعل يتهزا بلولو
مشعل : صااااااااااحــــت
لولو : مشييييعل ووجع ترا بوريك شغلك اسكت خلني اشوف المسلسل تكفى
مشعل : اييييه اذكر اني قد شفت المسلسل ترا هذا مب ميت بيطلع من المستشفى
لولو عصـــبت لان مشعل حرررق عليها كل المسلسل : مشـــــــــــــــــعل هين بس لو اصيدك بوريك شغلك
مشعل : بنت امك طقيني
-----ويرن جوال لولو-----
مشعل مسك جوال لولو ...
مشعل : توأم روحك تتصل بك
لولو : عطني يااااهـ
مشعل : من هذي
لولو : هنوف بنت عمتي
مشعل : بررد عليها
لولو : لالالا مب ناقصة هوشات من جوالي
طبعا ماعبرها مشعل ورد عليها.....
مشعل : الو مرحبا
هنوف : الو السلام 
مشعل : وعليكم السلام
هنوف : مب هذا جوال لولو
مشعل : لا ماعندنا أحد بهالاسم
هنوف طالعت جوالها بتتأكد : اللا هذا جوالها تستهبل من انت
مشعل : اقول لك مب جواالها
هنوف : شف ان كانك مشيعل ماتلوم اللا نفسك
مشعل : اصغرر عيالك مشيعل
هنوف : عطني لولو
مشعل : ماعندنا لولو
هنوف : ترااا مب من صالحك مشيعل
مشعل : طااح قلبي تصدقين
هنوف : ها ها ها ماتضحك
مشعل : واحد قال لك اضحكي
لولو : اقووول انت ماتنعطى وجه عطني الجوال اشوووف :::: سحبت الجوال من يده

لولو : هلا هنوف سووري مشعل يستهبل
هنوف : والله اني كنت متوقعته مالت عليه
لولو : هههههههههه أعصابك عالولد 
هنوف : شسووي له يرفع ضغطي 
لولو : تصــــدقين يقولون أقوى حب اللي يجي بعد الكره
مشعل كان واقف جنبها وأخذ المخدة ورماها عليها
مشعل : سخيييييييييييييييفة
هنوف : ايه والله سخييييييفة
لولو : اخييييرا اتفقتوا على شي
هنوف : ايه عندك مانع يلا انا الحين بطلع تبين نمررك
لولو : وييين بتروحون
هنوف : شيخة تبي السووق وبروح انا معها 
لولو : أهااا أجل بقابلك هناك
هنوف : اووكي
لولو : اي سووق
هنوف : صحارى
لولو : أووكي أجل اذا وصلنا دقيت عليك
هنوف: اوكي باااي
لولو : بااي


لولو : مشااااااااعل
مشاعل : نعم !!
لولو : شيخة وهنوف بيروحون صحارى ويبونا نجي تجين معي
مشاعل : ايه وش ورانا خل نطلع
لولو : اووكي بس من يودينا
مشاعل : ولييييد حبيبي شرايك تودينا
وليد : مشغول,,,
لولو : ومشغووول في وش ان شاااء الله انت طوووول يومك عالنت واذا قلنا لك شي تقول مشغول ابي اعررف بس انت وش تسوي عالنت
وليد مارد عليها اكتفى بالحقرااان
لولو : مالت عليك .. مشيعل تودينا
مشعل : راشد معهم 
لولو : أكييد اتوقع هو اللي وداهم
مشعل : اجل يللا قدامي
راحوا لولو ومشاعل لبسوا عباياتهم وراحوا صحارى .. طبعا دقوا على شهد كانت تبي تروح للطيفة ...






:::::::::::::::::::::::::::::::::::::::


شهد راحت للطيفة 


روان كانت جالسة مع شوق ورنا كانت رنا خلاص معزمة تقول لها
لطيفة أخذت شهد للغرفة لحالهم وبدت تصيح

شهد : لطيفة وش فييييك
لطيفة : ......
شهد : لطيييفة وشوووو
لطيفة : مافيني شي
شهد : لطييفة تلعبين علي أنتي
لطيفة : فهد
شهد : وش فيه ؟؟؟
لطيفة : مادري ياشهد مادري
شهد : لطييفة خوفتيني فهد صار فيه شي
لطيفة هدت شووي وقالت لها لسالفة
لطيفة : أحس انه يبي يقهررني بهالحركة ..
شهد : لا ماتوقع لطوووف
لطيفة : اللا ياشهد ماشفتي شكله وشلووون
شهد : لطووف حبيبتي روحي غسلي وانا انتظرك برا عند البنات
لطيفة : طيب

....
رنا : روان
روان : هلا
شوق : لو يحبك واحد وش تسوين
روان : مدري والله حسب الشخص وحسب وحسب اشياء واجد 
شوق : طيب لو كان مثلا مثلا واحد امممم شلون اقول لك

شهد : سلااااام
رنا وشوق طالعوا بعض كانه مالهم حظ بهالسالفة ابد
روان : اهلييين وعليكم السلاام
رنا : هلا والله يالقاطعة
شهد : حرم عليك مالنا اللا يمكن اسبووع واحد
رنا : وتحرمينا منك اسبووع كامل
شهد : هههههههه يا أنك عيارة .. شخبار اخوك
رنا : من راكااان
شهد : ههههههههههههه إيه
رنا : تمااام يسلم عليك
شهد : فديته والله
رنا : عيييب استحي
روان : ورااكم شي انتم الثنتين
شهد : هههههههههههههههههههههه



:::::::::::::::::::::::::


في السوووق

لولو تكلم هنوف 
لولو : وييينكم فيه حنا دخلنا ومشيعل قاعد يزن فوق راسي
هنوف : ووش جابه
لولو : عشان راشد
هنوف : من قال ان راشد هو اللي معنا
لولو : اجل
هنوف : نواف
لولو : هههههههه نواف اللي معكم
هنوف : ايه نواف
لولو : اجل ياااويلي من مشعل
هنوف : اووكي احنا عند لمتد توو 
لولو : اووكي الحين بنجيكم 

مشاعل : نوااف معهم
لولو : هههه ايه
مشاعل : حسبي الله عليك الولد توهـ خاطبني
لولو : طيب وش اسووي لك انا
مشاعل : طيب وش نقول لمشعل
لولو : مشــعل
مشعل : هاهـ
لولو : ترا راشد مب هو اللي جا
مشعل : اجل
لولو : نواف
مشعل : أهااا << اصلا ماكان يبي راشد كان يبي يقهرر هنوفوهـ
لولو : بس أها مافيه الله ياخذك ولا شي
مشعل : يعني غصب تبين 
لولو : لالا خلاص اسفين يللا بتطلع ولا تجي معنا
مشعل : لااا بجي معكم اكيد
لولو : طيب يللا


اجتمعوا وسلموا على بعض 
شيخة تقول لمشاعل : ماشاء الله جيتي عشان الحبيب فيه
مشاعل على اعصابها متوووترة : قسسم بالله ماكنت ادري انه هو احسبه راشد
شيخة بصول عالي : ووش فرررقه راااشد عن نواااااف
نواف سمع شيخة وعرف انه يتكلمون عنه وابتسم
مشاعل : اووووص حسبي الله علييييك فضحتييني والله لا اوريك انتي شغلك عندي
شيخة : هههههههه زلة لسان
مشاعل : مالت عليك زيين

لولو : هااا هنوفوهـ لقيتي شي
هنوف : لا مااالقيت شي زين طفششششت
لولو : تعالي ترا ملكة سارة اختي قريبة خل ندور لنا شي
هنوف : صـــدق يووووهـ يللا خل ندور أجل
لولو : يللا
مشعل : تعالوا تعالوا بنات
لولو وهنوف : هاهـ
مشعل : وين رايحين
لولو : بنروح ندور لنا ملابس
مشعل : لحالكم
هنوف : اييه في مشكلة
مشعل : مشااكل مب بس مشكله
هنوف : خييير وش تبي انت تتلقف
مشعل : مايسير تروحون لحالكم بجي معكم
هنوف : عن الملاغة ووخر عني لو سمحت 
مشعل : قلت لك بجي معكم
هنوف :مشيييييعل شف أخووي ماقال لي شي تجي أنت تقول لي
لف مشعل يدور نواف لقاهـ رااح مع شيخة ومشاعل
مشعل : راحوا
هنوف : واحنا بعد بنروح
مشعل : واقعد بحالي
هنوف تكلمه كأنه بزر : لا تخاف حبيبي كلها شوي ويجونك ماما وبابا .. حسبي الله عليك تراك رجال وشو اللي تخلوني بروحي
مشعل عـــــصـــــب من هنوف وراح عنهم ...
لولو : خل نمشي
هنوف راحت وهي معصبة مع لولو دخلوا محل شافت هنوف لبس وراحت توري لولو 
هنوف : شرايك لولو
لولو : ههههههههههههه يا أنه ذوووقك خايس وانتي معصبة
هنوف : انقلعي جزاتي اللي اشاورك
لولو : من جد ماينفع ذووقك اذا صرتي معصبة

,,,, طبعاا ماكانوا يدرون عن مشعل انه كان يلحقهم ,,,,
مشعل يفكر .. اووووف هنووف والله اني أحبهااا بس مافييه أمل اعتررف لها لأنها اكيييد بتصدني اعرفها اكثر وحدة تكرهني بالعايلة هي
بس وش اسوووي أحبها واحب اشووفها وهي معصبة .. واحاول الفت انتباها باي طريقة ولا القى اللا اني اقهرها بس بخليها هي اللي تجيني
وتقولي احبك ,,,


لولو اشتررت لها لبس وردي نعووووم
هنوف طبعا ما اشترررت شي ,,,


اما عند شيخة ومشاعل ونواف ...
نواف يكلم شيخة بصوت واطي : انتي ليه ماتضفين وجهك وتخلينا لحالنا
شيخة : لا والله وبأي صفة اخلييكم
نواف : زووجتي المستقبلية
شيخة : اهااا أجل شف هذاااك المزيون شفته
نواف : وين
شيخة تأشر عليه
نواف : ايه وش فيه
شيخة : هذا ياطويل العمر يحبني وبيتقدملي قرييب وش رايك اروح انا وياهـ بما انك انت ومشاعل بتقعدون لحالكم
نواف : لااااااااااا والله انهبلتي انتي
شيخة : هههههههههههههههههههههههههههههههههههه وش اسووي لك مالقيت شي اقنعك فيه
نواف : مالت عليك زييين
شيخة : ههههههههههههه 
:::::::::::::::::::::::::::::::::::::::::::::::::



اما في بيت ابو تركي ,,

كانت 9 بالليل

لطيفة : ايييه شهوود وش اخبارك بعد 
شهد : والله اسأل عنك ايييه صح بنات
روان : هلا
شهد : ملكة سارة بنت عمي ترا بعد اسبوعين ابيكم تجون
شوق : خسااااارة ماقدر اجي
شهد : لييييييه
شوق : بنرجع الجمعة هذا
شهد : يعني بعد 4 ايام
شوق : ايه عشان الدراسة قرربت
شهد : اهااا خسارة والله
شهد : بس انتوا غصب تجون
لطيفة : ان شاء الله
رنا : يحليلها سارة وش اسمه اللي بتتزوجه
شهد : اسمه جاسم اتوقع
رنا : مزيوون .؟؟
شوق : اسكتي بس لاتسمعك سارة
روان : والله توريك شغلك ههههههههه


تركي من جهة ثانية كان جاي هو وفهد وراكان من برا وفهد وراكان تحت تركي راح فوق عشان يلبس وينزل لهم ثانية
دخل تركي عليهم عشانه متعوود يدخل ويطلع حتى لو ان شوق فييه تكون دايم شيلتها معها وتتغطا اول مايدخل فما يحتاج يتكلم

تركي : رنا قولي للشغالة تحط لنا اكل في الصـ...

طبعا شوق وشهد كلهم ماتوقعوا ان تركي يدخل فما عندهم الغطا
تركي ماطالع شوووق ولا اهتم لهاا قعد يطالع في شهـــــد
روان راحت بسررعة لتركي ودفته مع كتوفه 
روان : شكل الوضع عااجبك كذااا اطلع براا فيه ناااس
بعد ماطلعوا برا ...
تركي : من هذي
روان : شهد
تركي : هذي هي شهد صديقة لطووف
روان : ايه هذي لييييه وش تبي فيييها
تركي : لا ابد سلااامتك .. خلي الشغالة تحط العشا بالصالة
روان : ان شاء الله
تركي : وسلمي لي على شهد 
روان : نعم نعم ماسمعت 
تركي : ههههههههههههههه سلااام


راح تركي فووق وغير ملابسه .. وهوو يفكر صدق انهم ماكذبوا عنها شوق ورنا
والله انها حليييوة واااجد مابين عليها انها كبر لطوف ...


نزل تركي تحت عند فهد وراكان ...
تركي : راكان تعال اقول لك شي
راكان : نعم
تركي يكلم راكان بصوت واطي : شووف بوصيك على شي
راكان : وشوو
تركي : ابغاك ترقا فووق عند البناات ليييين تروح شهد واذا راحت تجي عندي وتقول لي كل شي قالووهـ
<<< طبعا راكان صح عمرهـ 10 بس انه اذا احد وصاه على شي خلااص يضمنه ويضمن انه مايطلع لاحد بس فيه مشكلة وحدة ... مادي ^^
راكان : وش لي
تركي : انت اخووي وعزيز وغالي والدليل توني مطلعك
راكان : الطلعة هذي قبل الطلبة
تركي : انزيين اممم شرايك اشتري لك اكس بكس
راكان : لاااا ابي سووني المحمولة
تركي : يوووهـ طيب طيب بكررة نطلع انا وانت نجيبها
راكان : طيب يللا انا بطلع الحين عندهم
تركي : يللا سلااام
فهد : ياخي هالولد جني ولا شلون
تركي : ههههههههه لا تسألني بس أهم شي انه يحفظ سري
فهد : بس يااهو يفظي جيييبك 
تركي : ههههههههههه ايه طبعا ..





::::::::::::::::::::::::::
بنفس الوقت كان فيه مكالمة بين العمة منيرة " ام نايف" 
وام خالد زوجة ابراهيم,,,,

ام خالد : هااا يام نايف بشري لقيتي بنت الحلال لطلال
ام نايف : ايييه لقيت 
ام خالد : ها بشريني عنها
ام نايف : والله هي بنت اجاويد اسمها عبير وهي ارملة عندها بنية عمرها 4 سنين
ام خالد : مادري اخاف انه مايبي عيال وهالبنت بتذكره بنووف بنته 
ام نايف :لالا هو قال لي انتي سووي كل شي وانا برضا فيه
ام خالد : اجل براحتك بس لازم تقولين له
ام خالد : ايه ماقلتي لي وش اسم البنية؟؟
ام نايف : ريناد
ام خالد : أهاااا اجل توكلي على الله
ام نايف : ايه بكرة بكلمه بالموضوع
ام خالد : حصل خير ان شاء الله
ام نايف : تمرين بشي يام خالد 
ام خالد : ابيك سالمة
ام نايف : الله يسلمك
ام خالد : مع اللسلامة




من بكررة العمة منيرة كلمت طلال وقالت له يجي عندها

طلال :هلا والله ام نايف
ام نايف : هلا والله طلول
طلال : امري يامنيرة بغيتي شي
ام نايف : بس كنت ابي اكلمك بموضوعنا
طلال : ايه 
ام نايف : لقيت لك بنت الحلال .. بس انها
طلال : اللي انتي تختارينه انا موافق مهما كان
ام نايف : بس انت اسمعني للآخر
طلال : منيرة يرحم والديك لاتفتحين علي المواجع انا قلت لك اللي انتي تختارينه انا موافق عليه .. بس ابي العرس بأقرب وقت
ام نايف : خلاص ان شااء الله انا اليوم بكلمهم واشووف لك ..
طلال : بس زي ماقلت لك بأسررع وقت
ام نايف : ان شااااء الله ...










مرت الاسبوعين اللي فاتت بسررعة واليوم ملكة سارة .. بالاسبوعين اللي فاتوا .
ام نايف كلمت اهل عبير ووافقوا وتمت الخطبة والملكة بتكون بعد ملكة سارة باسبوع يعني قبل الدراسة باسبوع
شيخة وخالد كل يوم يتعلقون في بعض اكثر خااالد يبي يخطبها بس مايدري ليه متردد 
مشعل للحين يحب هنووف ويحاول يلفت انتباها باي طريقة
نواف قرر يتقدم لمشاعل رسمي بعد زواج طلال
شوق وفهد راحوا ورنا قررت ماتقول لروان ولطيفة عن حب فهد لروان
لطيفة ماتدري وش في فهد صاير كذا عليها
روان ماطقت خبر على فهد خير شرر
وترركي اللي صار يفكر في شهد اكثر من اوول وصار فيه تقدم وشكله بيخطبها
وشهد اللي كل يوووم يزيد حبها لتركي عكس محاولاته
الــــــــــــــــــيوم ملكة سارة ^^

شهد تكلم لطيفة ...

شهد : يالخااايسة وينكم ليه ماجيتوا ؟؟؟
لطيفة : الحين بنجي بالطريق احنا .. جا أحد
شهد : اييييه جاو شوي ناس
لطيفة : احنا الحين قرربنا ..



طلعت شهد برا تستقبل لطيفة واهلها ..
الرجال كانوا عند المجلس الكبيييير وفيه لهم باب خاص والحريم بالصالة والمجلس الثاني ولهم باب لحالهم بعد 
دق الجرس راحت شهد فتحت الباب
شهد : هلا والله يالخايسة كان تأخرتوا بعد
,,, تصنمت شهد في مكانها مااتوقعت انها تشوفه ابد "تركي"وهي ماكانت لابسة شيلة ولا شي كانت لابسة فستان قصيير
يووووه من جد فشلة ورجوولها ماتقدر تشيها من الارض وعينها كانت بعين تركي فتررة حست انها سااعااات

من جهة تركي يوم درا ان شهد لها دخل بالعزيمة راح معهم واصرر بعد بس بحجة انه من زمان ماشاف نواف وخالد .. بس يوم فتحت له الباب انصدم 
باللي شااف صحيح كانت حلوة اخر مرة شافها بس الحييين ملااااااااااك بالفستان التفاحي ووردي مطلع بياااضها .. ماااقدر يشييل عيونه عن عيوونها عذااب
كاانت ...... ليين فهم السالفة وشال عينه عنها وصد وهي راااحت تركض داخل

طبعا ماشاف هالسالفة اللا رنا .... روان ولطيفة وامهم كانوا بالسيارة توهم ينزلون 
رنا في قلبها والله لا اوووريك ياشهيييد بحررجك قدامهم اليوم

راحت شهد داخل بسرررعة اول ماصد عنها ترركي 

تركي يكلم رنا قبل تجي امه وخواته : بسررعة رنا هذي شهد صح ؟؟
رنا : ليييييه تسأل خيووو
تركي : تستعبطين الحين
رنا : تقدر تقول
تركي :ماقووول اللا اذا كان لك عند الـ
رنا : هييييه هييييه كانك بديت تخوور خلصني قل لي وش تبي وانا افكر
تركي : سلمي لي عليها
رنا تبي تقهرره : عييييييييييب
تركي : هاااه لا وش اسوووي والله ابيها تدري اني اميل لها بس لاااااتقولين لها اني قلت لك كذا بس سلمي لي عليها
رنا في بالها وناااسة بتحررج شهد :امممم اوكي احاول بس وش لي
تركي : وش تبين
رنا : مابي واجد ياخوووي بس ابيك تجيب لي جهاز جديد وابي لابتوب ترضى اختك حبيبتك ماعندها لابتوب
ترركي : امحق حبيبتي والله اقول بس روحي داخل يللا
رنا : مااالت عليك بس



دااااخل عند البنات

شهد : هاا لطوف مشتاقة لفهيد
لطيفة : فهيييد في عينك قولي فهد
شهد : ااااسفة عمتي
رنا : هاسوييرة ماقلتي لي مزيون جاسم ولا لا
سارة : ايه نعم مزيوون
رنا : الله ونااااسة ابي اشوووفه اذا دخل بنشب معكم 
سارة: بدري عليك بدري
رنا : والله شمعنى العالم يحبون انا ابي احب
سارة : وتحبين زووجي يامال الماحي
رنا : اي احد اهم شي مزيوون 
اييه ووش رايك انتي تاخذين ترركي اخوي عشان يصير فلة اخو واخت ماخذين اخو واخت فلة
شهد : أحــــم أحــــم 
رنا : فيك شي شهد ؟؟؟
شهد تخززها : لا ابد سلاااامتك
رنا : ايه اشوى 
شيخة : اقووول رنا
رنا : وشوو
شيخة : عندك نواف اخووي مزيون شرايك فيه
رنا : الله قاموا يتحذفون علي العيال
مشاعل : أقووول أقووول عاد اللا نوااافي
رنا : اخس اخس نوافي ياقليلة الادب
مشاعل :ههههههههههههه والله مدري من اللي تدور لها احد
شهد : انزين خالد اخووي
شيخة : أنتي احلفي بس وانا وين ررحت
شهد : ههههههههههههه عادي
رنا : اممممم عطوني احد مايحب
شهد : عندك رشووود
رنا : راشد .. اممم مدري افكر بالموضوع
شيخة : حلللوة ذي افكر
رنا : اييييه تعالي شهد
شهد : نعم
رنا : ترركي يسلم عليك
لطيفة وروان : هااااه
رنا : ايه تركي يسلم عليها تو هو موصيني
شهد تغيييييرت الواااانها 
شهد : رنا شدق
رنا : قســــــــــــــــــم بالله
شهد وجهها صار طمااااااااطة
رنا : ماتبيني اوصل له شي
روان : هههههههه رنا احرجتي البنت
لطيفة : وحليييله اخووي من قدها شهد صار اخوي يحبها
شيخة : هيييه هيييه تعالوا وش السالفة
لطيفة : هههههههههههه مايدرون ؟؟
شهد هززت راسها يعني لاا
مشاعل : وشو ندري ماندري احنا عن شي
روان : شهد تحب ترووك اخوي
لطيفة : وهذا ترركي بدا يحب شهيد
رنا : بركاتي انا وشوووق
هنوف : وش هببتوا فييه
لولو : عسا ماجبتوها له على بلاطة
رنا : معليه اتقبل اهانات بس شغلك بعدين
لولو : ههههههههههه
شهد : وش سويتوا فيه
رنا : وش سوينا في مين
شهد : يووووه رنا بلا استهبال
رنا : من جدي انا ميين
شهد : ترركي
رنا :وش فيه تركي
شهد : مااالت عليك زيين
البنات : ههههههههههههههههههههههههههه




: : : : : : : : : :: : : : : : : : : : : : : : : : : : : : : 


مررت الملكة على خيييير سارة حبت جاسم وجاسم اخذ رقمها عشان يكلمون بعض


الكل مجتمع في البيت الكبير.......

البنات فوق والشباب برا والثلاثي المرح عند الشيبان

ام نايف والجدة وطلال مع بعض لحالهم
ام نايف : طلال بقول لك شي
طلال : وشوو
ام ايف : تعرف عبير
طلال : شفيها مب انا قلت لك لاتجيبين لي طاريها
ام نايف : بس انت لااازم تعررف
طلال : يللا ورينا
ام نايف : اممم تراها ارملة وعندها بنت اسمها رناد 
طلال : شكبر بنتها
ام نايف : 4سنين
طلال : وليه ماقلتوا لي من اول
الجدة : ياااوليدي كل ماحاولنا نقول لك تقول لنا غيروا الموضوع
طلال : طيب خلاص مايصير اغير رايي
الجدة : طلاااال اعقل تراك رجاال
طلال : وشووو أعقل تحسبووونه هين علي اني اتزووج غير نجلا ماتزووجت اللا عشان ينسيني همومي وانا
ماكنت ناوي اجيب عيال عشان مايذكرني بنووف تججي هي عندها بنت
ام نايف : طلاال فكر بالموضووع انت عطيتهم كلمة
طلال : يااااااااربي ليه انا كل ماتعلقت باحد يمووت ليه ما امووت وافتك لييييييه
ام نايف والجدة بدوا يصيحوون على حال طلال من جد يحززن تعلق في زووجته وتوفت يوم قدر انه ينساها او
يتناساها وتعلق في بنته تتووفى بنته والله يكسسسر الخاطر


: : : :: 

 
 
نواف وخالد يسولفون...
نواف : آآآآآهـ ياااخالد متى يخلص عرس خالي على خير عشان اخطب مشااعل
خالد : قريب ان شاء الله
نواف : الحين انت وش بلاك هاليومين ؟؟
خالد :لاابد سلامتك
نواف : اكيييييد
خالد في قلبه ..وش اقووول لك يانواف اختك عذبتني ماعاد انام الليل وانا افكرر فيها واخاف ترووح
مني مااادري ليه حاس بهالشـــــي 
نواف : يااااهو خالد عطنا وجه
خالد : هلا هلا معك
نواف : ايييه واضح
خالد ابتسم له : اللا متى ناوي تخطب حبيبة القلب
نواف : لاااا انت ابد مب معي مارااح اخليك اللا اذا قلتلي وش فيك
خالد : لاياخوي بس مدري وش جايني هالايام راسي مصدع بشكل فظيع
نواف : رح دكتور
خالد : لالا مايحتاج لاتخاف علي رجاال
نوواف :وانا اشهد ,,
خالد : يعني لو اخطب اختك بتوافقون علي
نواف : اكييييد مايبيلها كلاام وانا اخووك لايكون هذا اللي شاغلك بس
خالد : هاه لالا عادي اقول انا برووح للشياااب
: : : : : : : : :

اليووم يوم الاثنين وباقي عالدراسة تقريبا اسبوعين او اقل بشوووي




عند بيت ابو تركي ... تركي ورنا بالصالة
رنا : بكرة عرس عم لطيفة
تركي : تبون تروحون له
رنا : لالا عائلي
تركي : ليييه 
رنا : عشانه كان متزوج وماتت زوجته وبنته
تركي : الله يرحمهم
تركي : سلمتيلي على شهد ذاك اليوم
رنا : طبعاااا بس انتظر للحين اللي انوعدت فيه ماجاني شي
تركي : تخسييين يجيك شي
رنا : تروك تروك انت تحبها طيب تزوجها وفكنااا
تركي ابتسم على حركات رنا حشا ماتعقل هالبنت : يعني تتوقعين 
رنا : ايييه ليه لا انت تحبها وهي تحبك << وتحسسفت على الكلمة اللي قالتهااا من قلب
تركي : نعم نعم وش قلتي
رنا : لا سلامتك
تركي : اللا قلتي شي
رنا : لالا ماقلت شي سلامتك يللا باااي
راحت رنا بسرررعة طبعا تركي سمع اللي قالته بس ماتدري من جدها ولا تنصب
بس عجبتـــه فكرة انه يتزوجهاا ليه لا والله هي حلووووة واحلى من الحلوة بعـــد
خلاص بيقول لامه تخطبها له .....
رنا رااحت تركض لاختها لطيفة 
رنا تطق الباب على لطيفة : افتحي بسررعة لطوف
لطيفة : هاه وش تبين
رنا : مافيه تفضلي
لطيفة : ادخلي خلصينا
رنا : ايه هلا شلونك شخبارك من زمان عنك
لطيفة : هاتي من الاخير
رنا : امممم لا ولا شي بس اشتقت لاختي الغالية
لطيفة : العبي على غيييرنا ياحلوة
رنا : انزين بقول لك بس ان عصبتي يااااويلك
لطيفة تطالعها : وش مسوية لنا هالمرة
رنا : شفتي تركي اخونا
لطيفة : اييه
رنا : وشفتي شهد
لطيفة : اييييه
رنا : تركي يحب شهد هو قال لي ,, بس اني قلت له ان 
لطيفة : اييييييه
رنا : قلت له ان شهد تحبه
لطيفة : هههههههههههههههههههههههههههههه كذاابة 
رنا : ايه قلت له
لطيفة : لو تدري شهد ياوييييلك منها
رنا : لطوووف فديت قلبك لاتعلمينها
لطيفة : اللا ابي اعرف ردة فعلها وشلوووون
رنا :يوووه عسا ماتزعل مني
لطيفة : لاا بس بتهاوشك وشوي تكفخك والله يستر عن العاهات
رنا : تتمسخريييين هااااا ,, باي
راحت رنا لغرفتها ...
لقت جوالها يررن ردت طلعت شوق بنت عمها ..
رنا : هلااااا وغلا ببنت العم
شوق : هلا رنا
رنا : شفيك شوق
شوق كانت معـــصبة : افففف اخوي هذا اللي مايستحي على وجهه
رنا : فهد
شوق : اييييه
رنا : وش فيه بعد << رنا كانت تكررره فهد
شوق : ناااوي يخطب روان قبل تبدا المدرسة
رنا : وشلووووون
شوق : ايه قال لي كذا قبل شوي
رنا : يعني .. ولطيفة
شوق : مدري عنه
رنا : شوق طلبتك حاولي تقنعينه عالأقل اذا هو مايبي لطيفة ماياخذ روان شوق اخاف يتفرقون خواتي شوق انتي ماتدرين
شلون لطيفة تموووت في فهد ذا مادري وش بتسوي اذا درت انه يبي غيرها ومن هي اللي يبيها روان اختها
شوق : والله اني مدري وش اقول لك يارنو بس والله حاولت فيييه من كل قلبي
رنا : أنا بحاول اقول لهم

"الحين تحسبون ان رنا مكبررة الموضووع بس فكروا فيه زين .. بنت تحب واااحد وتمووت فيه وحااطة في راسها انه هو يحبها بعد
تعلقت فيه اكثر من اي شخص بنت احلامها انها بتتزوجه وانه هو يبيها طبعا اذا خطب غيرها شلون بتحس اكيد بتنقهر
اجل شلوون لو كانت اختها تخيلوا معي اني اللي تحبونه يتقدم لاختك حتى لو اختها رفضت عشانها مالها امل تتزوجه لانها ماعاد تبيه




اما عند شوق وفهد ....

شوق راحت له بالغرفة ..
فهد :ادخـــل
شوق : هلا
فهد : هلا والله 
شوق : فهد بقول لك شي
فهد : لايكون ذيك السالفة 
شوق : ايه ذيك السالفة انت ماقنعتني
فهد : وش اسوووي لكم طيب اتزوج وحدة مابيييها انزين
شوق : ليييييه ماتبيها والرسايل اللي كنت ترسلها لها والورود اللي اوصلها لها وكل الكلام اللي تسولف لي عنها
صح انك ماقلت بلسانك أحبها بس حرركاتك واضحة ترسل لها اشعااار وورود من بين بنات عمي الثانيات بالعقل وش معناتها الحركة
فهد : انزييييين كيفي بسوي اللي ابيه وانا بتزوج روان واللي في باله شي خل يقوله
شوق : صــدق انك اسخف انسان شفته بحياااتي
فهد : عاااادي اتقبل اهانات بس يكون في علمك الخميس الجاي انا بروح اخطبها رســـمي وعمي يحبني ومب رافض حتى لو البنت رفضت
شوق :صدق انك ماتستحي تتزوج بنت تدري انها تكرررهك
فهد : طيييب انا حرر كيفي ...
شوق : تدري الشرهة عاللي مقابلة وجهك اروح غرفتي ازين لي
فهد : يكون احسن بعد
شوق في قلبها ياااحظها رنا اخوها حبووب ويحب الوناسة مب زي هالخااايس مالت عليه بلعب على البنت ويروح يتزوج اختها وبالغصب بعد
وشلووون بتكون ردة فعل لطيييفة لو تدري اخاف انها ماتكلمني بعد انا لالا مالي ذنب ولطيفة تدري 

يوم الاربعااء يوم عرس طلااااال ,,,

طلال طبعا مايعتبرررهـ عرس يعتره شي عادي بقلبه ماكان مستانس ولا شي كان ضايق صدررهـ
حتى زوجته عبييير بعد ضايق صدرهااا .. كلهم اتفقوا انه العرس عائلي وانه مافيه سفر ولا شي
وكاان بااااااارد من قلب ... طبعا العرس ببيت الجد والجدة


بالمغررب قبل يجون الناس ..
ام نايف : هنوف يمة روحي للمجلس بخريه قبل يجون الرجال
هنوف : طيب .. لولو تعالي معي
لولو : يووهـ مقدر الحين امي تبيني اجيب الاغراض اللي برا
طلعت هنووف للمجلس الخارجي بحالها .. وقعدت تبخر وكاانت تغني ومروووقة عالآآآخر فجأة سمعت صوت رجال جايين من جهتها 
ماتدري من هم ولا تدري وش السالفة بس مايمديها تطلع لانهم قربوا مرة .. حطت المبخرة عالطاولة اللي بالنص وراااحت تركض
تتوزى تحت الكنب ,,,,

دخل مشعل وسالم ولد عمه داخل المجلس

سالم : ممكن اعرف ليه ساحبني عن رشوود شكله حس
مشعل : افففف حشا الواحد مايقول لك اسرار اسكت وخلني اتكلم
"طبعا هنوف فتحت اذانيها من اللقافة تبي تعرف "
مشعل : لو اقول لرشود يكفخني
سالم : ههههههه ليه
مشعل : انا احب هنوف اخته 
سالم : هااااه ام لسان
مشعل : مااتدري بصرااحة سلوم انا احبهااا من زمااان بس صدقني هذا طبعي وانت تعررف وانا ما اسوي كذا اللا ابي الفت انتباها
سالم : بس بحركاتك هذي تخليها تكرهك
مشعل : وش اسووي اجل
سالم : اعترف لهاا
مشعل : أخاف تصدني
سالم : طيب انت الحين تكرهها فييك اكثر واكثر فهمها الموضوع
مشعل : وشلوون افهمها
سالم : خل اختك توصل لها الكلام
مشعل : سالم اسمعني ترا أحسها ماتتحمل مني اي حركة اصلا احيانا هي تدور اي شي عشان تتهاوش معي
بس أحبـــــــــــها .. ويتنهد
هنوف من جهة ثانية تصييييح ماتدري ليه هي تصيح هل لأنها مصدوومة وكانت تصيح بصــــمت دموعها تنزل على كل كلمة يقولها مشعل
شوي اللا جوالها يرن اغنية راشد الفارس ..عزاهـ .. << هالأغنية انواع الازعااج
مشعل وسالم سمعوا الصوت وانهبلوا قاموا يدورون في كل مكان مشعل طالع تحت الكرسي وانهبل : هنوووووف
هنوف :......... << كانت تصييييح
مشعل منصدم مايدري وش يقول ماقال ولا كلمة
سالم : شعلة وش فييييك
مشعل : ......
مشعل قام على طوله اخذ سالم وطلعوا بررا هنوف ماصدقت مشعل يطلع برا رااحت ترررركض برا ..
شافتها لولو بالحوش .. لولو : هنووف وش فيك
هنوف ماردت عليها وراااحت تبي اي مكان تقعد فيه بحالها ..
راحت فووق سكرت على نفسها وحدة من الغررف وقعدت تصيييييح طلعت صياح لين قالت بس وهي تفكر في مشعل
يعني شلون هو يحبني بس كل هالحركااات اللي يسويها والهوشات والتحريشات مب حركات واحد يحب يعني الحين شلوون .. ماقدرت هنوف تفكر اكثر
بس اللي في بااالها ماياقي اللا مشعل يحب هنووف بنت منصووور وععع يخسي والله اووريه اخليه يندم انه يوم فكر فيني .. اكررهك اكرررهك يامشعل
مسحت دموعها ونزلت تحت حاولت تكون طبيعية بس طبعا حست فيها لولو 
لولو : هنو وش فيك
هنوف : ولا شي
لولو : العبي على غيري
هنوف : قلت لك ولا شي خلاااص .. راحت وخلتها

::: اما مشعل للحين ماستوعب السالفة يعني الحين هنوف درت انه يحبها يعني انهانت كرامتي قدامها وانا اللي طول هالوقت
مابي اهين كرامتي ابيها هي تحس اني احبها من دون ماقووول بس عرفت اني أحبهاا شلون يااربيييه
سالم : ابو الشباب روق روق ماصار اللا الخير ان شاء الله
مشعل : هاه طيب
,,,,,,,,,,,,

طلال : الحين وشلون الحرمة عندها بنت انا كل السالفة اني فكررت اتزوج عشان نوف ماتت وابي اطلع من اللي انا فيه
تجي هي عندها بنت الحين شسووي انا اصلا لو ما امي ومنور كان فسخت الخطبة بس وش اسوي
ناصر : طلاااال عاد خلاص مصختها تراااك انت اللي رحت لهم وقلت انك تبي الزواج ماحد جاك وطقك على يدك وقال لك تزوج 
حرام عليك تظلم بنت النااس معك فااهم
طلال سكت ماتوقع ان ولد اخوه يقول له كذا ,,,
ناصر راح وخلاه مع نواف وخالد,,,,


من جهة ثاانية فيه انسانة شبه محطمة تحس بالكآآبة من قلب "عبيـــر" كله من ابوها غصبها عالزوااج .. 
عبير بنت امها مطلقة ومتزوجة ساكنة بعيد وناسية ان عندها بنت اسمها عبير اصلاااا
وابوها متزوج وحدة وعنده عيال وزوجته ماتطيق عبير واول ماطق بابهم احد وافقوا عليه لاسألوا ولا شي ,, اصلا عبير ماتعرف شي عن طلال اللا اسمه
بعدين مادرت عن الزواج اللا قبله باسبووعين بالضبط....
تزوجت من قبل مررة .. كانت تحب زووجها وجابت بنت سمتها رناد كانت رناد عمرها تقريبا 6شهور 
يوم جاذاك اليووم تهاوش احمد مع عبير وطلع وهوو معصب من البيت كان يسووق بسرعة جنونية وصدم الإشارة كان حادث شنيع 
كل الناس تجمعوا عبير كانت تكلم احمد وكان مغلق عورها قلبها واول مادرت انه توفي اغمى علييها وجلست بالمستشفى فتررة
جاها اكتئااب حست انها السبب في وفاته طلع وهو معصب عليها وسوى حادث يعني يوم يموت وهو مب راضي عنها الله يعييين
--
خلص زوااجهم على خيــــــــر بما انه عائلي ماطول الساعة 12 طلعوا كل الناس
قرروا البنات ينامون في بيت عمتهم منيرة...

هنوف راحت مباشرة للغرفة بس لولو لحقتها
هنوف : لولو خليني بحالي تكفين ابي انااام
لولو : ماخليييك لين تقولين لي وش فيك
هنوف : مافيني شي يللا باي
لولو : اللا فيييك
هنوف :والله مااااافيني اللا الخير
لولو : براااااحتك اذا ماتبين تقولين لي انتي حررة
وطلعت لولو برا هنوف كانت تعبانة حطت راسها عالمخدة وراحت بسابع نووومة
لولو راحت عند البنات لقت عندهم انوااع الوناسة والضحك
مشاعل : وين هنوف اجل
لولو : تقول تعبانة ونامت
مشاعل : أهااا
رن جوال سارة شافت الرقم وضحكت
شهد : هذا جسوووم
سارة : جسووم بعينك هذا جاااسم حبيبي
شيخة : حبتك القرادة ياقليلة الادب
سارة : طيب طيب روحي للفراش انتي
ردت سارة على جاسم وطلعت تكلمه برا.....
شيخة : شف اللي ماتستحي انا مافيني نووم
شهد : اقول شيوخ العبي على غيييرنا شوفي عيونك شلون صارت
شيخة : احلى من هالعيون مافيه
شهد : وعيوون خاالد
شيخة : عاد خالد فديت قلبه والله
مشاعل تقول لشهد : ههههه بدت تخور سحبي منها الكلام
شهد : لاتوصين حرييص
شهد : تعاالي انتي الحين ماتدرين خلود يحبك ولا لا 
شيخة : اللا ادري
شهد : من قال لك
شيخة : هو بنفسه
شهد : متى
شيخة : ذاك اليوم يوم بالسيارة يوم نروح المجمع هنوف ولولو تهاوشوا مع راعي المحل
شهد : ذاك اليوم يوم يهديك اغنية 
شيخة : ايه فديت قلبه
شهد : وش قاللك
طبعا شيخة قعدت تقول لهم كللل السالفة ومشاعل وشهد ولولو ميتين من الضحك علييها ,, شيخة معروف عنها اذا جاها النوم تتنح 
وتخوووور ,, دااايم يسحبون منها كلاام البنات 


من بكرررة هنوف نفسيتها زززفت واخلااقها شينة ومحد يكلممهااااا ,,,


لولو : ها شيووخ شخبار خلود
شيخة : تعالوا اللي صار امس صدق ولا حلم
مشاعل : هههههههههههه لالا صدق الصدق
شيخة : وانتم ماتستحون تسحبون مني كلاااام 
مشاعل : هههههههههههههه والله ونااااسة 
سارة : بس والله شي ولد عمي طلع روومنسي
شيخة : اقول متى بترجعون بيتكم بس تفكوننا
سارة : ههههههههه لهالدرجة ضيقنا عليك
شهد : انا بكلم خالد يجي ياخذني
شسخة : عشان اذبحك
شهد : هههههههههههههه
مشاعل : هنوف شفيك اليوم هادية
هنوف : ....
مشاعل : هنووووووووف
هنوف : هاهـ
مشاعل : وش في الحلو سااكت
هنوف : لا عادي مالي خلق
مشاعل : أيه طيب براحتك


تركي خلااص قرر وقال لامه وابوه واتفقوا انهم بيروحون الاحد يخطبوون

شهد ولطيفة يكلمون بعض
لطيفة : شهيد حنا في حالة محد بينفعنا اللا انتي
شهد : وشوو
لطيفة : رنا
شهد : وش فيها رنوو
لطيفة :مدري وش جاها هاليومين صايرة اي كلمة والثانية تروح تصك على نفسها وتصيح ومتغيرة واااجد صايرة منعزلة
ماادري وش جاها
شهد : فديييتها والله انا اليوم بجيكم وبعرف لك وش فيها
لطيفة : اووكي ننتظرك

::::

بالعصر راحت شهد للطيفة 
لطيفة نادت رنا وروان. وسلموا على شهد وجلسوا ...
لطيفة : اييه بنات بقول لكم 
روان : وشوو
لطيفة : فهوودي وامه بيجون لنا بكررة
روان : وشوق 
لطيفة : بتقعد عند خالتها مب جاية
رنا قامت وهي خانقتها العبررة راحت لغرفتها من جد طااح من عينها فهد مايستحي على وجهه بيجي يخطبها يعني
لطيفة : شفتي هذا حالها دايم ...

راحت شهد لرنا تشوفها ..
شهد : سلام
رنا : نعم
شهد : رنو حبيبتي ممكن اعرف وش فيك
رنا : مافيني شي بس تعبانة شوي هاليومين
شهد : ايه وش متعبك
رنا : شوفي شهد بقول لك بس عطيني وعد ماتقولين للطيفة وروان
شهد : وعد 
رنا : فهد 
شهد : وش فيه
رنا : بيتزوج روااااان
شهد : هاااه
رنا فهمتها السالفة كلها ,,,
شهد : يووهـ والله طاح من عيني هالفهد
رنا : شفتي شلووون مايستحي
شهد : بس روان طبعا مب قابلة فيه
رنا : ما اتوقع تقبل بس اخاف
شهد : وش تخافين منه
رنا : ابوي يمووت بشي اسمه فهد بعدين بما انه ابوهـ متوفي اللي هو اخو ابوي فأبوي مايبي يروح العلاقات 
فيبي الزواج يتم بعدين روان ماعندها عذر عشان تررفضه يشتغل ودخله زين ...
شهد : الله يستررررر والله
رنا : ايه الله يستر
شهد : انزين رنو رووقي نفسك قلبوو
رنا تطالعها : ويلوموني يوم بغيتك لتركي
شهد : اقول بديتي تقلبين عجييز من هالسوالف
رنا : هههههههه يللا خل ننزل
شهد : يلا
فتحت شهد الباب بتطلع اللا تركي كان طالع من غرفته والغرف متقابلة وقفت حست برعشة في جسمها والله اني أحبه 
تركي طالعها وطــــق ابتسامة عريييضة
رنا : انتم احلفوا بس .. ترا هنا فيه بزران << وتأشر على نفسها
شهد خزززت رنا وراحت تحت وهي تركض وتركي ناااقع من الضحك 
تركي : حللوة الخززة رنووو
رنا : مالت عليك زييين

الخميس


اليووم بيجوون فهد وامه للرياض رنــا على أعصابها ولطيفة مستااانسة ماتدري وش ناااوي عليه فهيد
لطيفة : يالخايسة شووفي الصالة مارتبتيها زيين
رنا : لطووف عاد تراك غثيتينا
روان : ماتنعطين وجه صدعتي براسي من كثر الحنة
لطيفة : شسوووي عاد هذا فهوود
رنا عصـــبت : أقوول من زينه اليووم بتعررفين شكثر هو حقيير وبيطييح من عينك مثل ماطاح من عيني ياكثر مانصحتك
وقلت لك مارتحت لهالوللد بس ماكنتي تسمعيني تحسبين اني بزر وقاعدة اخرربط
لطيفة مب فاهمة شي : شتقولين انتي
رنا خرتها من فوق لتحت وهي معصبة : كلها كم ساعة وتعرفين
لطيفة مستغررربة من رنا اللي طلعت فوق غرفتها .. 
لطيفة تكلم روان : شفيها ذي
روان : مادري عنها من يومها حاقدة على فهيدان مدري ليه
لطيفة : آآآهـ وهي تحصله بس فديت قلبه
رن الجررس وراحت لطيفة تفتحه طلع فهد وامه سلمت على ام فهد بحرارة وراحت روان تسلم على ام فهد
ام فهد : هلا هلا والله ببنيتي هلا
روان : هلا خالتي
ام فهد : والله كبررتي ياروان من زماان ماشفتك
روان : تسلمين خالتي
ام فهد : اللا وين امك
لطيفة : الحين برووح اناديها خالتي
::طبعا فهد راح عند تركي بعد ماسلم على مرت عمه ::
ام فهد : والله ياوخيتي ام تركي انا جايتك اليوم وابي القرب منكم
ام تركي : الساعة المباركة يام فهد
ام فهد : الله يبارك لك يالغالية بس ابي فهد ولدي لروان بنتي
ام تركي استغرربت شووي فيه فرق كبير بينهم يعني فهد 24تقريبا وروان 17 يعني 7سنين الفررق
ام فهد : فهد ناوي يكلم ابو تركي عن الموضوع بس متى يجي؟؟
ام ترركي : على وصوول يمكن نص ساعة ويجي ...
ام فهد : على خير ان شاء الله
ام تركي : اللا يام فهد الشوق ليه ماجات
ام فهد : والله قاعدة مع بنات خالاتها تقول انه المدرسة قريبة ولا اشترت لها اغراض
ام تركي : اهاا يحليلها والله شوق

اما عند الرجال .. 
فهد : هلا والله عمي صالح
ابو تركي : هلا بفهد شخبارك ياولد الغالي
غهد : بخير جعلك بخير خالي
بعد فتررة شوي من الصمت بين فهد وتركي وصالح
فهد : ياعمي انا اليوم بصراحة وزي ما انت تدري ابوي الله يرحمه متوفي وجدي بعد متوفي وماعندي خوال كلهم حريم
فلازم اجي بلحالي ولو ان هذي مب العادات
ابو تريكي : خير ياولدي فيه شي ناقصك شي
فهد : لاعمي مافيني اللا الخير بس انا جايكم ابي امم << تورط شوي فهد لانه ماعمره جررب ولا توقع يسوي كذا
فهد : جيتكم ابي القررب منكم ياعمي
ابو تركي : الساعة المباركة ياوليدي
فهد : انا جيت ابي اخطب روان بنتك ياعمي
ابو تركي : والله هذي الساعة المباركة ياولدي ومانلقا احسن منك بس اختها اللي اكبر منها ماتزوجت
فهد : ,,,,,,
ابو تركي : بس ان شا الله مايصير اللا الخير طبعا البنت للحين ماكملت دراستها
فهد : ايه ياعمي بس انا قلت مابيها تروح مني
تركي بقلبه منقهرر من اسلووب فهد حشا ماكأنها بنت كأنها صفقه ولا شي قال مابيها تروح مني قال مالت
عليك شاايف نفسه على وش
ابو تركي : خلاص ياوليدي شرايك تكون الملكة بعيد الضحية
تركي هنا تدخل : بس يابووي للحين ماشاورنا روان
ابو تركي : ماراح تلقا احسن من فهد يابن الحلال اقعد بس
فهد : على خير عمي وهو كذلك عيد الضحية يالله فمان الله
ابو تركي : وين يابوك تو الناس
فهد : ياعمي ورانا كم مشوار انا والوالدة
ابو تركي : والشوووق وينها ماجات معكم
فهد : لاياعمي ماجات خيرها بغيرها فمان الله
ابو تركي : الله معــــك
اول ماطلع فهد من عندهم ترركي معصصصب ليه مايشاورون البنت عالأقل
راح ابو تركي بيبشرر روان ..
ابو تركي : رواااان رواااان
روان : سم يـــــبه
ابو تركي :تعاالي انتي وخواتك
روان : ان شاء الله .. نادت خواتها وراحت تحت
روان : هلا يبه فيه شي ؟؟
ابو تركي : كل خير ان شاء الله




يوم الخميس اللي قبل المدرسة .
لولو كلمت هنوف
هنوف : هلا والله
لولو : اهليييييييييييين هنوووفة
هنوف : هلا والله لولو
لولو : ها هنوف اشتريتي شي للمدرسة
هنوف : تصدقين للحين!!!
لولو : خلاص اجل نروح انا وانتي اليووم
هنوف : أهااا اوكي ..
لولو : هنوف شفيك راكدة
هنوف : مافيني شي
لولو : اكيييد
هنوف :ايه اكيد
هنوف : اوكي متى بتجين
لولو : الحين بروح اتمصلح مع مشيعل
هنوف من سمعت اسم مشعل غيرت رايها بالروحة : هاه لالا خلاص لولو بروح مع راشد
لولو : ليه غيرتي رايك
هنوف : لا مب عن شي بس ..
لولو : اقول كلمة الرجال وحدة بس تعالي معي
هنوف : احم احم ايه طيب
لولو : ههههههه لايسمعك رشود يلعن خيرك والله
هنوف : هههههههه اوكي
لولو : بنمررك ترى
هنوف :لالا مايحتاج
لولو : بنمررك عااد لاتصيرين سخيفة
هنوف : اف طييب
لولو : بااي
هنوف : بايات

:::::::
عشر دقايق اللا مشعل عند الباب ...
لولو دقت على العنود ومشعل قال لها تحط على المايك
لولو : هلاا وغلا
هنوف : اهلييييين لولو
لولو : هلا فيك شلونك شخبارك
هنوف : ماشي حالي ها جيتوا
لولو : اممم قربنا .. تصدقين مشعل ماعارض يوم قلت له انك بتجين معنا
هنوف :..... أهاا طيب
لولو : المهم هنوفة شوفي احنا عند الباب
هنوف : يللا الحين بجي باي
لولو :باي
ركبت هنوف ورا لولو ومشعل لف المراية عليها وهي سافطة عليييه

شغل اغاااني ولا أعجبه شي ,, بعدين شغل اغنية الجسمي .. بلغ حبيبك
بلــــــــغ حبيبك وقله باخذك منه
هـــــذا هو الحل ومالي أي حل ثاني
ما أقــــدر أقعد واشوفك بس واستنة
كل يوم عنك بعيد يزود جناني
ياليت قلبك عرفني من صغر سنه
والله لاضمك واحطك بين احضاني
حبيب قلبي عرفت القلب لاكنه
يبغيك انته ولا يبغي احد ثاني

ويطااالع هنوف من المراية وهي ساافطة عليه
هي تشوووفه بس ماتبي تبين انه تطالعه

اما مشعل كان يحس انه يموووت فيها صح انها عندها عززة نفسها فوق كل شي
بس يحـــــبها ويمكن هالشي اللي حببه فيها اكثر ..
جات الأغنية وحس انها هي الاغنية اللي تصلح قام رفع الصووت وجلس يغني معها ويطالع هنوف من المراية
يبيها تفهــــم بس مايدري شكلها مافهمت
وصلوا السووق ونزلهم .. ونزل معاهم
لولو : ترا نعررف نروح بحالنا
مشعل : مايطاوعني قلبي
لولو : مشييعل
مشعل : هاه
هنوف : اقول لولو خليه ماعليك منه
مشعل سمعها بس سوا نفسه ماسمعها ويقول في قلبه " بعديها لك هالمرة"
لولو : يللا باي خيوو
مشعل : ........
هنوف : روحة بلا ردة
مشعل بهدوء : هنوف لو سمحتي عن الغلط
هنوف : ماقلت شي غلط ... ولفت عنه
مشعل : تراني ماسك اعصابي هنوف
.. لف مشعل يدورها مالقاها وتوووعد فيها والله اوووريها اللي ماتستحي...
راحوا هنوف ولولو يتمشووون وطبعا تهاوشوا لهم مع كم واحد واشترو اغراض المدرسة
يوم خلصوا كلمت لولو مشعل
لولو : هلا مشعل خلصنا تعال خذنا
مشعل : ماقدر انا مشغول
لولو : مشييعل انت قلت بتجيبنا وترجعنا
مشعل : هذا أول الحين غيرت رايي
لولو : مشيييعل وش بلاك
مشعل : لا أبد مافيني شي سلامتك يللا انا مستعجل سلام
وسكر بوجهها ..
هنوف : وشوو
لولو قالت لهنوف السالفة ,, وهنوووف عصـــــبت بس انها تلومت شوي انها هي اللي زعلته بعدين 
فكررت انا وش قلت له اصلا ماقلت شي...

مــــــــــر أول اسبووع دراسي على خييير ,,

أيام الدراسة متعودين يجتمعون كل أربعاء مع بعض في البيت الكبير 


هنوف للحين مب قااادرة تطييق مشعل من كـــــل قلبها
تركي خلاص قرر يخطب شهد الاسبوع الجاي..
لطيفة تركت الجامعة وشهد تحاول تقنع فيها .. << طبعا بتعرفون وش كثر ضاق صدرها بالاجزاء الجاية
روان بالاول رفضت بس صار اللي يتوقعونه وابوها جبرها 
خالد كلم ابوه عن الزواج بس ابوهـ قال له ماكونت نفسك للحين

الثلاثاء ..
:::::::: بيـــــــــت ابو تركي::::::::



روان ولطيفة ورنا بالغرفة .....
لطيفة : رواان فديت قلبك بسك صياح
روان : طيب لطيفة انتي الحين ليه تركتي الجامعة مب عشان فهد
لطيفة : لاااا كم مرة قلت لك مااابيه مااابيه فهد


<<<< طبعا تبون تعرفون وش صار باليوم اللي فهد خطب روان ...
دخل أبو تركي على لطيفة بالغرفة ..
ابو تركي : معليه أدخل ؟؟
لطيفة : ولو البيت بيتك يبة
ابو تركي دخل عند لطيفة .. لطيفة جلست على كرسيها وهي موفاهمة وش السالفة
لطيفة : خير يبة شصاير
ابو تركي : كل خير يابنتي !! غهد ولد عمك خطب روان اختك اليوم وقلت ابي اشاورك
لأنــــك أنتــي الكبيرة ...
لطيفة ترددت هالكلمة في بالها .."فهد خطب روان أختك " شلون يخطب روان فهد يحبني .. الورود اللي يعطيني ياها
والرسايل .. والشعر شلون يعني كان يلعـــب علي ؟!؟!
ما سمعت شي من كلام ابوها بعد ما سمعت هالكلمة " خطب روان أختك" حست الدنيا تدور فيــها
بس حاولت تضغط على نفسها لو قدام أبوها..
لطيفة : نعــم ؟؟
ابو تركي : فهد خطب روان اختك .. وهو ولد عمها وأولى من الغريب وانتي تعرفينه ماعليه كلام
وبيحفظ أختك ويحطها بعــيونه .... شرايك يابنيتي ؟؟
لطيفة : اللي تشوفه يبه
أبو تركي : يعني ماعندك مانع
لطيفة ابتسمت بمرارة : لا يبة هذا نصيب أختي مايصير أوقف في طريقها.. ومثل ما انت قلت فهد رجال ولا كل الرجاجيل
ابو تركي : والله اني عرفت شلون اربيك يابنيتي .. يللا أنا الحين بروح اشاور روان ..
أول مااطلع أبو تركي من غرفتها راحت على سريرها وبدت تصيــــح من خاطر ,, صدق انه حقير ونذل
بس هين والله مايستاهل دمعة مني ’’’’’’ وعدت لطيفة نفسها ماتطيح منها دمعة عليه أصلا من يكون عشان تصيح عليه بس مسكينة روان شراح تسوي ؟؟
---
راح أبو تركي لروان ورنا كانوا جالسين مع بعض ..
أبو تركي مبتسم : هلا والله ببناتي
رنا : اهلااااا ابو تركي شخبارك
ابو تركي : هلا رنوو .. شخبااركم؟؟
روان : تمام يبة وانت شمسوي
ابو تركي : بخير الحمد الله .. روان ابيك بكلمة راس
رنا: أهاا طيب طيب أنا الحين بظف وجهي تشاااو
طلعت رنا من الغرفة وأبو تركي لف على روان وابتسم لها .. روان ماتدري وش السالفة وخافت شوي
روان : شصاير يبة ؟!
أبو تركي : والله يابنيتي فهد ولد عمك خطبك اليوم وهو بصراحة ماينعاب وامك ولطيفة بعد موافقين عيه وفرحوا لك بعد .. شقلتي يابنيتي !!
روان مب مستوعبة بس كان ردها عفوي : لايبة مب موافقة
أبو تركي مستغرب : وشوو ؟؟؟
روان وهي تشد بيدها على ملابسها : يبة أنا للحين ماكملت دراستي
أبو تركي : ايه ماعليه يابنتي ماتتزوجين لين تخلصين الثنوية
روان : يبة تكفى انا مب موافقة
أبو تركي : طيب لييه ؟!!
روان في قلبها "وش أقول لك يابوي أقول انه لطيفة تحبه .. بس لحظة شلون ابوي يقول بطيفة موافقة والله مب فاهمة شصاير !!"
روان : مادري يبة مب موافقة وبس
ابو تركي : عطيني عذر مقنع
روان عصبت : يبة خلاااص عاد مب موافقة .. طلبتك يبة لاتفتح معي هالموضوع مرة ثانية
ابو تركي : شوفي ياروان فهد رجال ونعم فيه واذا ماعطيتيني سبب مقنع انك ترفضينه ترا والله .... وانتي الظاهر فهمتي قصدي
:: طلع ابو تركي من عند روان ::
روان للحين مب قادرة تستوعب ان فهد خطبها وافكار كثير تدور براسها ((وحبه للطيفة كان وشو )) لا مستحيل اوافق عليه
عشان لطيفة تحبه .. وقعدت تصيـــح وتفكر في لطيفة شلون موقفها من فهد وهي صدق درت ولا لا .. بدت تصيح بصوت عالي شوي اللا الباب يطق
روان : ميين !!
لطيفة : أنا
روان زاد صياحها ...
لطيفة دخلت وضمت روان والدمعة بجفونها بس حاولت ماتصيح عشان تحسس روان ان ماعاد يهمها لانها تدري ان ابوها راح يسوي اللي في راسه
بعدين تكلمت لطيفة : ياحبيبتي ياروان الحين ليه تصيحين ؟!
روان للحين تصيح بس زاد صياحها بعد سؤال روان ,,
لطيفة : روان حبيبتي أنا دريت .. عن ,الموضوع << لطيفة حست بالغصة
روان للحين تصيــح ..
لطيفة : أنا من جهتي موافقة لآن فهد ماعليه كلام وجال ولا كل الرجاجيل
روان : طيب وانتي
لطيفة : انا وش فيني
روان : أنتي تحبينه ؟؟ صــح ؟؟ .... رجعت روان تصييح
لطيفة ماسكة صييحتها : لااا من قال
روان : اللا انتي كنتي تحبينه والكل يدري بس الحين ماتبين تقولين لي
لطيفة : لا ياقلبي لو انا احبه كان اقول لك ارفضيه بس انا ماكنت احبه بس املي فراغيي العاطفي .. فهمتي
روان تصيح بس كانها هدت من كلام لطيفة وصدقت شوي من كلامها ..
لطيفة : روان ياقلبي انتي لازم توافقين اولا لان فهد مكون نفسه ولا عليه اي كلام ثانيا عشان العاايلة وثالث شي وهو اهم شي
مفروض تفكرين فيه أبووي ... صح كلامي ولا لا ؟؟
روان هدت شوي : صح !! بس أحس اني توني صغيرة على العرس
لطيفة : هههههه حلوة صغيرة انتي ثاني ثنوي مو صغيرة يعني السنة الجاية ثالث والصيفة اللي بعدها تتزوجين .. ها وش قررتي
روان : مدري والله احس اني ماني قادرة اخذ قرار ؟!
لطيفة : خلاص الحين ارتاحي وبعدين نتفاهم
لطيفة وهي تبتسم ابتسامة صفرا : أوكي ؟؟
روان ترد لها الابتسامة : اوكي
طلعت عنها لطيفة وقعدت روان في غرفتها تفكر لييين نامت من كثر التفكير
لطيفة راحت غرفتها كانت تبي تصيح بس هي وعدت نفسها ان ماتنزل ولا دمعة عشانه وانها تحاول قد ماتقدر تنساه عشان
اهي ماتتعب وعشان اختها المسكينة ,, تنهدت بقووة وحاولت انها تنام وترتاح من هالافكار والهموم اللي في راسهاوبعد عنااء نامت ..

:::::::::::::::::::::::


الأربعـــــــــــاء .. العزيمة في بيت ابو خالد اليوم ..

البنات كانوا مجتمعين بالصالة اللي فوق ..
ريم : اقول شهيد .. شكلك قلبتي عربجية
شهد : ايه شسوي لك عاد كل اللي بالبيت انا وخالد وسلوم
عنود : على طاري سلوم ماشوفه سجل في جامعة
شهد : يابنت الحلال احمدي ربك طلع من الثنوي
عنود : ايه من زين النسبة عاد
شهد : يقول بيشتغل بالشركة
سارة : اقول بنات فيه وحدة سرحانة ..
مشاعل : شيوووووخ
شيخة : هاه هلا
مشاعل : وين وصلتي
شيخة : قريب مابعدت
لولو : ايييه وصلتي تحت عند العيال
شيخة : فدييييت قلبه والله
شهد تكلم شيوخ بصوت واطي : ياحظك متأكدة انه يحبك ..!!
شيخة : طيب وانتي مب متأكدة يعني .؟؟
شهد : مدري احيانا احس انه يميل لي واحيانا لا .. بعدين احس حتى لو تقدم لي أهلي بيرفضوون !؟!
شيخة : صاحية انتي ليه يرفضزن
شهد : اف مدري مدري والله
عنود : شعندكم انتوا
شهد : أبد سلااامتــــــــك ..
عنود : طيب يسير خير
سارة : اقول بنات خل ننزل تحت عند الحريم
ريم : ايه والله يللا !!
نزلوا البنات تحت سلمو ..
شيخة : السلااااااام عليييييييييكم!!.!.!
الحريم : وعليكم السلام.
عبير :هلا والله بنات شخباركم
ريم : اهليييين عبير ششخبارك
عبير : بخير ياقلبي
ريم: واخبار عمو طلاال
عبير : ماشي الحال
ريم : مافيه نونو بالطريق ولا شي ؟!؟!؟
عبير ولع وجهها .. أنا أجيب ولد من طلال ماعمري فكررت بهالشي أصلا يووه اصلا شلون افكر بهالشي
وانا ماشووفه اللا كم مرة باليوم ..
عبير والحزن بين على وجهها : لا ياعمري :(
ريم حست علي دمها : الله يكتب اللي فيه خير
شيخة : أقووول أقول وين البزارين
أم خالد : فووق بالغرفة
شيخة : بروح اجيبهم فديييتهم والله ..
طلعت شيخة فوق شافت البزارين يووهـ 4 مرة وحدة شلون بنزللهم
شيخة : شلون بنزلكم الحين؟؟
عزوز : هاهـ
شيخة : جب جب أكلم رناد أنا
عزوز : دب انتي
ريناد : اشيل ضي بدالك
شيخة : هههه لاحبيبتي انا بشيلهم مب ناقصين احد يتكسر بسبتي انا بشيلهم وانتي وعزوز الحقوني
رناد راحت تفتح الباب .. فتحت الباب ولقد خالد قدامها وريناد تموت في خالد
ريناد : هلااا خلووود
خالد : اهلين ام الشبااب
ريناد : شخبارك ياخي من زمان عنك
خالد : ماشاء الله السبت انا شايفك
ريناد : ايه طيب طيب يسير خير مع السلامة انا بنزل تامر شي
خالد : لا سلامتك عمتي رناد .. حشا عجوز مقعدة هالبنت
شيخة : قعدت تضحك على شكل رناد وهي تكلم خالد ...
خالد انتبه لها يوم سمع الضحكة رفع راسه وشافها شايلة البزران قال هذي الفرصة عشان احرجها ..
خالد ابتسم لشيخة ووقف
شيخة من جهة ثانية ابتلشت بنفسها خالد ساد الباب عليها وهي شايلة البزارين بيدينها الثنتين ولا عندها شيلة
خالد طالعها من فوق لتحت بعدين : ما أقول اللا ياحظ البزارين اللي شايلتهم بحظنك
شيخة وللع وجهها من كلامه وهو راح عنها وهو يضحك ... نزلت تحت وهي مفتشلـــــــلة من المووقف مرة

""""" """""" """" """""
تحت عند الحريم ...
لولو : هنوفوهـ تعالي برا شوي
هنوف : وش عندك
لولو : انتي تعالي وتعرفين ....
هنوف : اف طيب جيييت
::
طلعوا هنوف ولولو راحوا مكان بعيد شوي
لولو : الحين ممكن تقولين لي وش فيييك انتي
هنوف : بسم الله انتي وش فيك مطلعتني من هنااك
لولو : هنوف انتي متغييرة ابي معد تسولفين مثل اول ولا انتي هنوف الاوليه اللي طول عمري اعرفها وتوأمة رووحي ..
ابيك تقولين لي من جد وش فيك ولاا تلعبين علي لاني اعررفك زين ....
هنوف : انا .. مافيني شي !!
لولو : هنوووف ..
هنوف : ....
لولو : تكلمي
هنوف : لولو حبيبتي مب وقته الحين صدقيني بعدين وعد مني اقول لك بس كل شي في وقته حلو
لولو : ليه مب وقته الحين ؟؟
هنوف :لولو وعدتك اقول لك خلااص عاد
لولو : طيب براحتــــك


:_:_:_:_:_:_::_:_:_:_:_:_:_:_ 

الخميس بالعـــصر عند ابو خالد ..
العنود جاية هي وعيالها .. وفيه بالصالة خالد وسالم وشهد وعيال العنود .. والعنود عند امها بالمطبخ
شهد : بل بل ابي شووي هدوء عشان اكلم البنت
خالد : ههههه تبطين عظم يا أخيتي
شهد : سويييلم ياخي صدق انك بززر ياخي خل البزر في حاله
سالم : أصلا هذا خويي انتم ماتدرون .. صح عزوز
عزوز : رووح بث
شهد : ههههههاي خشمك سلووم
سالم : أفا تفشلني يابو الشباب
عزوز : كيفي
سالم : طيب طيب مدام انه بكيفك انا الحين بروح البقالة برووحي
عزوز : حالي بلوح معك
سالم : مش بوزك .. تبطي عظم .. مالك أمل .. نو وي .. مافيه روحة
عزوز : تكفى حاالي
شهد : هههههههه تكفى تهز رجال سلوم
سالم : مااالي دخل
خالد : قم وانا خالك قم انا بوديك
عزوز : يللااا
خالد : يللا نروح ولا يقعدون يذلونك بعض النااس
سالم : يوووهـ خلود خربت علي متعتي
شهد : ويه افتكينا من وااحد باقي ثنين .. سلومي حبيبي
سالم : وشو
شهد : شرايك تاخذ التوأم وتروح فوق معاهم وتلعب وتستانس وياهم ..
سالم : انتي قولي والله بس
شهد : زعلت خلااص مابي شي رح عني
سالم : فكة .. أصلا انا الحين بروح لاخوياي تامرين بشي
شهد : ايه جبلي واحد بي ام وثنين همر وانتي بالطريق
سالم : ابشرري اوامر ثانية عمتي
شهد : لالا مابي اكلف عليك
سالم : طييب مع السلامة
::::
طلع سالم وراحت شهد طواالي للتلفون وكلمت لطيفة ..
رنا :الوو
شهد : هلا وغلا
رنا : هلا بالقاطعة هلا
شهد : بدينا بالتشره
رنا : ايييه ياعمري علي ناسية ان فيه وحدة بالكون اسمها رنا بنت عبد العزيز
شهد : يالييييييل مطولك مطولة اليوم شكلك .. عطيني عطيني لطيفة بس
رنا : أصلا انا زعلت وبنادي لك لطيفة مب عشانك بس كذا مزاااجي

لطيفة : الووو
شهد : احلــى الو والله فديتك
لطيفة :هلا والله
شهد : أهلين شخبارك لطووف
لطيفة : تماام وانتي
شهد : تمام
لطيفة : شهد قولي تم
شهد : وشو
لطيفة : قولي تم
شهد : تم
لطيفة : تعال بيتنا اليوم
شهد : اممممم اوكي
لطيفة : أصلا غصب عليك
شهد : ترا بهون
لطيفة : لالا تعالي عالأقل العلة من عزلتها
شهد : روان ؟؟!؟
لطيفة بضيق : ايه
شهد : اممم لطيفة انتي للحين تحبين فهد
لطيفة : شهد قلت لك لاا
شهد : انزين انتي كنتي تحبينه من صدق مب بس تشغلين فراغك المدري وشو
لطيفة : ايه كنت احبه بس الحين لا
شهد : أهااا ,, تعالي يالخايسة متى ترجعين للجامعة ؟؟
لطيفة : من الاسبوع اللي بيجي
شهد : ايه اشووى
لطيفة : يللا انتي متى بتجين
شهد : امممم خالد برا يودي عزوز البقالة اذا رجع اشوف
لطيفة : يدلبوووس عزوز
شهد : ايه ايه ما فشلك قدام العالم
لطيفة : ههههه عسل والله زيزو
شهد : اهئ اهئ جتنا الثانية
لطيفة : مين
شهد : عربجيتنا رناد
لطيفة :فديييت قلبها هاتيها
شهد : ريناااد
ريناد : نعم
شهد : تعالي كلمي
ريناد : مين ؟!
شهد : لطيفة
ريناد : خويييتي
شهد : مشبكة الأخت
ريناد : اقول هاتي هاتي بس
رناد : ألوو
لطيفة : أحلى الووو سمعتها بحياتي
ريناد : شلونك لطوف شخبارك من زمان ماكلمتي
لطيفة : ايه والله اشتقت لك ياقلبي .. شخبار الدراسة
ريناد : تدرين البنات اللي معي ودي اكفخهم
لطيفة : افا لييييه
ريناد : حشا تقول جايين المدرسة عشان يصيحون مب عشان يستانسون من يجون لييين يروحون وهم يصيحون
لطيفة : ليييه
ريناد : يقولون يبون امهم
لطيفة : هههههههه طيب عطيني شهد
ريناد عطت شهد الساعة
شهد : هاااي
لطيفة : هلاا ..
شهد : اقول لطيفة بروح اقعد مع عمي وزوجته عشان قبل لا أجيكم
لطيفة : اوكي
شهد : نص ساعة او ساعة واجيكم
لطيفة : انتظررك قلبو


:_:_:_:_:_:_:_:_:
شهد : حيا الله عمي وزوجته
عبير : الله يحيك شهودة
شهد : شخباركم
عبير : تمام وانتي كيفك
شهد : تمام التمام . . صراحة عندك بنت تحفــة
عبير : هههههه ايه بالمووت جت هنا يوم قلنا لها ان خالد وعزوز فيه
شهد : ههههه ماتخاوي بنات
عبير : ماتتعامل .. وينهم عاد شوفيها تدورهم
شهد : هههههههههه راحوا البقالة
عبير : اهاا
ريناد : الحين وين خالد
شهد : روحي انتظريه بالحوش
راحت رناد تركض بتطلع اللا خالد وعزوز جاو
ريناد : ناشاااء الله وين رايحين ولا اخذتوني
خالد :هاه لا سلامتك عمتي ريناد
ريناد : مرة ثانية انتظروني طيب
خالد : ان شااااء الله
:::
شهد راحت لخالد ..
شهد : خلووودي حبيبي ..!!!
خالد : الله يستر خلودي و حبيبي وش تبين
شهد : يوووهـ لاتظلمني عاد
خالد : اقول خلصينا شتبين
شهد : فديييته اخوي يقرا أفكاري
خالد : ايه يسير خير وش عندك
شهد : ابي اروح بيت لطيفة
خالد :روحي
شهد : ايه ابيك توديني
خالد : يوووهـ تبيني اطق مشوار
شهد : يلا عاد خلووود ... عندي لك اخبار عن بعض الناااس
خالد : البسي عبايتك وانا انتظرك بالسيارة
شهد : ههههههه فديت اللي يسمعون الكلام ..
لبست شهد عبايتها ويوم جات تطلع ..
شهد : تااامرون شي انا طالعة
عبير : سلامتك حبيبتي
شهد : احم احم لايغارون بعض الناس ..
عبير مافهمت علطول اول مافهمت لفت على طول لطلال لقته يطالعها ينتظر ردة فعلها نزلت عينها بالارض واحمرت خدودها
شهد : هههههههه مع السلاااامة
....
عبير اول ماطلعت شهد راحت عشان تدور عنود وام خالد بالمطبخ اول ماقامت
طلال : وين
عبير : بروح اساعد عنود وام خالد بالمطبخ
طلال : لا مافيه اقعدي
عبير في قلبها " حسبي الله عليك يا شهيييد كله منك فتحتي علي باب " : طلال والله عيب هم فالممطبخ وانا جالسة ماساعدهم
طلال : ابيك بموضوع
عبير جلست : آآمر
طلال : شرايك بحياتنا
عبير : طلال مب وقته
طلال : الا وقته
عبير : اذاا رجعنا البيت طلااال
طلال : لا مالي دخل الحين يعني الحين
عبير : طلاال والله مو وقته
طلال : اجل متى وقته
عبير : بالبيت
طلال : اجل قومي نرجع البيت
عبير : الحييين
طلال ابتسم لها : ايه
عبير : طلال شفيك اليوم شارب شي
طلال : امممم لا بس مويلة وببسي ليه
عبير : لاسلامتك ,, بس فشلة تونا واصلين مامدى
طلال : لالاعادي يللا
عبير : طيب
طلال : نوووووف تعالي نرجع البيت <<< نطق اسم نوف بالغلط
عبير سمعته ينادي نوف وتذكرت نوف بنته اللي قالوا لها عنهاا ......
:_:_:_:_:_:_:_:_:
في بيت العم طلاااال ..
اول ماوصلوا طلاال جلس على الكنب : يلا الحين وقته ؟؟؟
عبير تكلم ريناد : رنوودة حبيبتي روحي شوفي التلفزيون
ريناد : انزين انزين برووح يللا سلاام
راحت ريناد وعبير رفعت عيونها لاقت طلال يطالعها ويبتسم
عبير : طلاااال شفيك تطالعني كذا اليووم
طلال : مب عيب ولا حرام زوجتي ويحق لي اسوووي كذا وأكثر بعد !<< وغمز لها
عبير وجهها قلب طماااطة من كلام طلال بس بنفس الوقت تحس بشووي فرحة اليوم طلال غير عن دايم يسولف معي ويكزح معي ويعطيني وجه
من يوم تزوجنا ماسوى كذا .. يعني فيه تقدم ان شاء الله
طلال : عبير ..
عبير : هلا
طلال : تعالي اجلسي ..!
عبير : طيب ... وراحت جلست على واحد من الكنبات
طلال : ممكن تجاوبيني على سؤالي
عبير تستغبي : أي سؤال ؟؟
طلال : وش رايك بحياتنا مع بعض
عبير :عادية
طلال :عبير ب لف ودوران عاد قولي لي ..
عبير احتارت فيه ماتدري وش تقول له....
عبير : اممم تبي الصراحة ما أحس بالاستقرار
طلال : شلون يعني ..؟؟
عبير : يعني دايم اجلس في البيت لحالي انا وريناد واذا جيت ياتجي تخذني عشان نروح عند اهلك ولا تجي عشان تتعشى وتنام
طلال : ووش الوضع اللي بيريحك طيب ؟؟
عبير : اللي يريحك
طلال : عبيير !!
عبير : امم ودي اكون مثلي مثل اي وحدة متزوجة مابي اكثر من كذا .. << رفعت عبير عينها
لقت طلاال يطالعها وهو يبتسم ابتسامة خبيثة شووي حست انه فهمها غلط ..
عبير :لالا مب قصدي اللي في باالك !! أنا قصدي ابغى احس بالاستقرار يعني تسولف لي اسولف لك
تاخذ وتعطي معي مب عايشين مع بعض ولا كأنا عايشين ..
طلال حس انه ظالمها صحيح انه تألم كثير يوم فقد بنته بس ولو هو اللي قال لأهله ابي اتزوج هي مالها ذنب اظلمها معي ..
راح طلال وجلس جنبها ..
طلال : اسمعيني ياعبير ,, أنا قبل كم سنة كنت متزوجة وحدة وكنــت احبها بشكل ماتتصورينه . تعلقت فيها وتعلقت فيني
بس انها توفت كان فيها لوكيميا .. توفت وخلت لي بنتنا .. كانت صغيرة مرة يوم تموت امها ربيتها على كل شي
يوم جا مررة كنت اسووق وانا معصب سوينا حادث وكان الحادث من جهتها وتوفت اما انا الحمد الله عدت على خير اول ماتوفت خلاااص
فقدت الامل في كل شي حسيت اني كا ماتعلقت باحد يموت ويخليني عشان كذا تشوفيني احاول قد ما أقدر اني ما أعلق نفسي فيك ولا في رنودة
بس اني اليوم اكتشفت ,, انه ربي عوضني بدال بنتي وزووجتي الله يرحمهم .... ياعبير صدقيني مابي منك شي كثير
كل اللي ابيه انك تفهميني وتحسين فيني
عبير : ,,,,,,
طلال : وانا ان شاء الله ماخليك تحتاجين شي ولا تحتاجين احد ..
عبير دمعت عينها لطلال بس ماتكلمت وطلال فضل السكوت وقعدوا يطالعون بعض واكتفوا بلغة العيوون .....
<< الحمد الله شكلها بداية خير في حياة عبير وطلال ..

:_:_:_:_:_:_:_:_:_:_:_:_:_:_:_:_:
في جهة ثانية هنوف قاعدة لحالها تفكر في كل شي صار لها مع مشعل من اول هوشة لين اخر هوشة مب بس هو اللي يبداها دايم
حتى انا اتحررش فيه احيانا .. احس اني للحين احبه مادريي ليه رد فعلي يوم عرفت انه هو يحبني .. اصلا انا كنت احبه بس اني كرهته
من حركاته وهوشاته وياي وطلعت هوشاته طريقة مدري شلون قايلة للتعبير انه يحبني .. بس حتى ولو حبيته ولا ماحبيته انا غلطت عليه ولو
انه اي واحد غير مشعل كلن لعن خيري بس انه سكت لي ,, يعني للحين يحبني!!!
شلووون بعتذر له الحين ,. ارسل له مسج ... لالا وشوو مسج بعد خلني ادق عالبيت يمكن يرد علي
:: طبعا من حظ هنوف انه لولو ومشاعل وسارة طالعين السوق مع امهم ووليد فوق في غرفته كالعادة ومافيه بالصالة اللا مشعل ::
مشعل : ألووو
هنوف :....
مشعل : ألووو
هنوف :... ألو
مشعل فز قلبه لصوتها بس انه للحين منقهر من اللي سوته فيه وش تبي داقة يمكن تبي تتهاوش بس والله ماسكت لها ان غطلت علي
مشعل : مرحبا
هنوف : ايه نعم .. لولو طالعة الحين اذا رجعت بخليها تكلمك
هنوف بعفوية : لااا مشعل انا ابيك !!
مشعل مب مستوعب : نعم ..؟؟
هنوف (( انا ووجهي وشو انا ابيك بعد من وين طلعت ذي ))
هنوف : مشعل ..
مشعل : نعم
هنوف : امممم مدري بصراحة وش اقول لك بس آآسفة عاللي صار ذاك اليوم
مشعل : طيب ..!!
هنوف : مشعل انت زعلان
مشعل : أنا ,, ليه ازعل ماسويتي لي شي
هنوف بخيبة امل : لاخلاص ولا شي
مشعل : تامرين شي
هنوف :ابيك سالم
مشعل : الله يسلمك .. مع السلامة
هنوف : فمان الله
((( مشعل سكر السماعة وفرحان انه سمع صوتها .. بنفس الوقت ضايق صدرره هي يمكن بس حيت بتأنيب الضمير عشان اللي سوته
يعني مب بس عشاني ... ايه اكيد بس أنبها ضميرها هي بلسانها قالت انا كنت احبك يعني الحين ماتحبني
خلني محتفظ بكرامتي واللي مايبيني مابيه حتى لو ادوس على قلبي اهم شي عزة نفسي...)))
(((هنوف من جهة ثانية اول ماسكرت من مشعل قعدت تصييييح حست ان مشعل مستحييييل يرجع يحبها شكله اخذ بخاطره مرة من حركتها
هذي .. أصلا مب من حقي اني أهاوشه بس خاص أنا اعتذرت له مرة وش يبيني اسوي .. يبي يرضا كيفه مايبي يرضا بالطقاق )))



اليـــــــــوم الجمعة ...
حالة استنفار في بيت ابو خالد ... خالد : شهـــــــــد
ريم: شهد الحين مب يمك
خالد :ليه شعندها
ريم : ههههههههقاعدة تصيح
خالد: هالخبلة حمد الله والشكر الناس يصيحون يوم عرسهم مب الخطبةماشاءالله..
ريم : عاد هالرقلة شهيد شسوي لها ..
خالد : المهم .. ابيك تشوفين سوو قهوة ولا للحين
ريم : طيب طيب الحين بروح
عنود عند شهد : شهييييد
شهد تطالعهاوتبتسم : هلا
عنود : دريتي ؟!
شهد : عن وش
عنود : ريم
شهد بتناحتها المعهودة : وش فيها
عنود : ابد تسلم عليك
شهد : راحت بيتهم
عنود : شهيييييدركزي معي زين
شهد : هلا
عنود : ريم حامل
شهد : يحلييييلها
عنود: ايه بالشهر الثاني
شهد : أهااا
"" اللا بدخلة ريم عليهم وهي مستعجلة ""
ريم : الحييين انا من اليوووم وانا اشتغل ولا احد جا يشوفني اثاريكم هنا وتسولفون
شهد : لا تعصبين ترا مب زين للي في بطنك..
ريم : اناوولدي حرين فديييت قلبه
شهد : هههه مبروك
ريم : عقبااالك
شهد : من قال اني بتزوج
ريم :وسعيد الحظ اللي الحين بيجي
شهد فكت عيوونها : الحييين تو الناس
ريم : لا خلاص طلعوا من المغرب
شهد :يوووهـ
ريم : مزيون هو ولا لا ؟؟
شهد: مزيون خايس مايهمك .. 
ريم : مالت عليك زين
شهد : مالت عليك وعلى اللي في بطنك
ريم : من زينك .. اصلا بروح اشوف رجلك<<وترركض
شهد : هههه حمد الله ماكأنها حامل

_+_+_+_+_+_+_+_+_+_+_+_+_+_+_+_+_


يـــــوم الأربعاءفي بيت ام نايف ....


هنــــــوف صاحية متحمسة من الصبح عشانها بتشووف مشـــعل

تجمعوا كلهم ...
عند لولو وهنوف جالسين يسولفون بلحالهم..
لولو : وبعدين معك يعني ؟!
هنوف : وش فيك !!!
لولو : الى متى بتقعدين على هالحال طول وقتك سرحانة وضايق صدرك ...
هنوف : اففف لولو قلت لك بقول لك كل شي بس في وقتـــه
لولو : ايه الحين وقته واليووم من جد ماراح أخليك ليين ماتقولين لي
هنوف استسلمت للولو .. وبعد تبي تشكي لأحد همها ..
هنوف : طيب بس خل نطلع برا احسن
" طلعوا لولو وهنوف بالحديقة وقعدوا عالكراسي "
لولو : يلا ممكن تقولين لي
هنوف تنهدت من خاطر :- مشــ..عل
لولو : مشعل ..؟!..وش فيه
هنوف : شوفي لولو اول شي بقول لك شي بس مابيك تقولين لي متى ولا شلون ومابي أي تعليق .. اوكي ؟
لولو بدت تفهم شوي : اوكي
هنوف وجههها حنر بعدين قالت : أنـ..ــا أحـ...ــب مشعل
((من طرف ثاني مشعل كان يسمع الحوار كان ميت من الوناسة يعني هي صدق للحين
تحبني مب مثل كلامها .. قرر يطلع لهم لانه اصلا امه مرسلته ينادي لولو)) ...
هنوف للحين مستــــحية ... ومشعل دخل
مشعل : لولو !!
لولو : هههههه الطيب عند ذكررهـ
مشعل يفكر"خل اطفر فيها" : اكيد تحشون فيني
هنوف تغمز للولو عشان تسكت ...
لولو : لحد يغمز
هنوف ماتت من الحيا ووجهها أحمـــر ... بس بنفس الوقت حاقدة
على لولو .... والله اوريها .. !!!
مشعل ماقدر يقاومها وهي معصبه تجنن : وليييه ان شاء الله تتغامزون .. هااا .؟؟؟ << كان كأنه معصب
هنوف خلاص حست نفسها بتصيـــح
مشعل يخز هنوف : ماتردين انسة هنوف ..
هنوف في قلبها " يووهـ وش فيه رجع زي أول ,, يعني رجع يكرهني الحين ولا شلوون
اوووف الله يعيييني عليه "
هنوف : و .. واللـ.. والله ماسويت شي
مشعل (( يالبى قلبها )) .. << بس انه قرر يكــمل اللعبة عشان تحس بتأنيب الضمير : أها طيب .. باي
مشعل كان بيطلع بس سمع صوت هنوف وهي تشــهق من الصيااح .. لف عليها وتقطع قلبه
ماتوقعها بتسووي زي كــذا ...
مشعل : هنوف ..
هنوف : مشعل لو سمحت خلني بحالي
مشعل : هنوف .. لاتصيحين
هنوف : وانت وش يهمـــك أصلا اصيح ولا أسكـــت بعدين انت كل همــــــك تقهرني كأنك مانخلقت
اللا عشـــان تقهرني .. تجي الحين تسألني وش فيني ؟!؟!
مشعل : هنـ.. هنوف أهدي شوي
هنوف :- ........ << كانت تصيــح
مشعل : هنوف صدقيـــــني أنا أحبك .. لا مب بس أحبك .. أنا اموووووت بهواك
صدقينــني هنوف كــل كنت أسوويه كنت ابيك تحسين فيني .. بس يمكن ماقدرت اوصل لك اللي في قلــبي .. هنوف آآسف
هنوف : ......
لولو : انزين مشعل فهمنا عليك ممكن تطلع
مشعل : أول خل تسكت هنوف بعدين بطلع
هنوف سكتت شوووي .. بعديــن استوعبت السالفة وعلطول لفــت للولو وشافتها كاتمة ضحكتها
هنوف صـــدت عن لولو وهي مبوزة ولولو ماتت من الضحك
مشعل لف علـــى هنوف وقال لها : آآآآهـ والله اني أحبـــــــك ..<< وطلع بسررعة من عندها
هنوف ولللع وجهها ولولو متشققة ..
هنوف : ارتحتي نفسيا الحين
لولو تبتسم لها : نفسيا ومعنويا بعد
هنوف : انقلعي عن وجهي بــس !!
لولو : ههههههه أقول امشي ندخل بس
:_:_:_:_:_:_:_:_:_::_

داخل عند شهد وشيخة يسولفون ..
شيخة : وش اخبار .. احم احم
شهد : هاه وشو
شيخة : شهيد لا تستغبين
شهد : وشووو
شيخة بصوت عااالي : تـــــركي
شهد : اوووص اوووص فضحتيني
شيخة : أحســن ماعندنا ناس يستغبووون ...
شهد : طيب طيب يسير خير
شيخة : ايه صح ماباركنالك
شهد : الله يبارك فيك .. عقبالك
شيخة نزلــت راسها وهي ضايقة : بحياتك قلبــوو
شهد حست عليها : شيووخ وش فيـــك حبيبتي
شيخة ابتسمت لشهد : لا سمتك
شهد ماحبت تكدر خاطرها زود : براحتك
شيخة : متى الـملكة انتي
شهد : تصدقين مدرري
شيخة : انك خبلة والله
شهد : محد قال لي شي
شيخة : طيب طيب تعالي نروح للباقي بــس ..
:_:_:_:


بيت بو تركي ..
تركي : لطيييييفة
لطيفة : هااه
تركي : وجعاه قولي لبيه
لطيفة : شتبي
تركي : كلمي شهد
لطيفة : قل قسم بس
تركي : قســــم بالله العظيم
لطيفة : اليوم هم يجتمعون مع أهلهم
تركي : خسااارة ..
الا بدخلة رنـا عليهم
رنا : سلااااام
لطيفة وتركي : وعليكم
تركي : وش في الحلوة زعلانة
رنا : مافيني شي
لطيفة : اقول اهرجي بس وش فيك
رنا : بقول بقول بس لاتعلمون امي
تركي : والله مانعلم
رنا : امممم وقعت تعهد زيادة
تركي : نعم
رنا : اقول وقعت تعهد
لطيفة : وهالمرة وش سبته
رنا : مااااسويــــــت شي يستااهل تعهـــد والله ...
تركي : طيب اعصابك ماصار شي كلها تعهد
لطيفة : كلها تعهد ببطننك هذااا
روان : السلام عليكم
تركي : نوووورت الصالة
لطيفة : وعليكم السلام
روان ابتسمت لهم غصب عنها. ..
روان : وش مهببة اختنا في الله
رنا : اقول ضفي وجهك قبل شوي اسولف مادريت اللا انتي خامدة
روان : هههههههه اندري عنك اجل أحد ينط من شباك مدرسة دورين
تركي : وين ذلفتي يوم هجيتي
رنا : ماتمت ولا كان بروح فصل صديقتي
لطيفة : ووش لون صادوووك
رنا : نسييييت ان الغرفة اللي تحتنا هي غرفة الوكيلة
روان ولطيفة وتركي ماااتوا من الضحك عليها ...
رنا : ماقول اللا ياتعس حظي بس ناطة ومجهزة كل شي عشان نطب فوق التراب
تركي : ههههههههههههههه وش ههههه وش قالت لك
رنا : تقول اني ياغبية يا استهبل << كان وجه رنا يضحك وهي تقول كذا
تركي : هههههههههه << ويرن جوال تركي
تركي طالع روان وابتسم ورد عالتلفوون ..
تركي : هلااا والله بالنسيييب
روان صخت مكانها تغيرت ملامحها كانت ناسية ليييه الحين يدق ليه لازم يجي شي ويذكرها...
لطيفة حست موية بااااردة مكبوبة على وجهها ضاق صدرها بس تذكرت .. روان اختها وتذكرت وعدها لنفسها
تذكرت كل شي بعدين لفت على روان لقتها تطالعها ,, ابتسمت لطيفة لروان وروان ابتسمت لها بالمقابل ..

تركي : ايه .. ايه .. متى بكررة .. الله يحييك ,, ايه اكيد بتتشقق ولوو .. ههههههه اسفين خلاص .. اوكي باي

رنا : وشو ؟!
تركي : بيجي فهيد
روان قامت من عندهم وراحت لغرفتها سكرت الباب على نفسها وبدت تصيح بهدوووء ..
ولطيفة من جهة ثانية الدنيا تسكرت بوجهها كـــانت تتحمس لكل مرة يجووون فيهابس الحين خلاص خلاص .. انا ليييه مب قادرة انساااهـ
خلاص فهد صار من الماضي لازم اصير قوية .. وخاصة قدااامه .. ياااربيه عسا ما أضعف قدامه واصيييح لا ان شاء الله لا
تركي : اللي ماخذ عقلك يتهنا بوهـ
لطيفة من دون نفس : مالت عليييه
رنا فهمت السالفة ابتسمت وقامت تكلم شوق وتشووف اخر اخبارها....
_______________ 
الخميييييس

اليوووم لطيفة بتشوووف فهد اول مرة تشووفه بعد السالفة الله يستر والله اني خااايفة ... مانامت امس كله
وهي تتخيل وشلـــون هو بتكون ردته ,,, هل بيكون جاف معها ولا بيكون عاادي وينكت ويضحك ,,, ولا شلوون شلوووووووون
"" قاموا كل البيـــت وقاعدين بالصالة وفهد دخل الرياض ... روان فيها الصيحة تحس نفسها بتصيح لو تشووفه
ولطيفة اللي خاااايفة تضعف قداامه وهذا آآخر شي تتمنااهـ ,, اما رنا فهي حاقدة على فهد من يووومها ""
لطيفة وروان يتساسرون
روان : الله يستر لطوف احس اني بموووت مابيه مابي اشوووفه
لطيفة : روان قوي قلبك فديييتك
روان : شسوووي ماحبه ماااحبه
لطيفة وهي تكتم العبرة : روان طلبتك لاتقولين كذا والله فهد حليو
روان ماحبت تكدر على لطيفة اكثر لانها حست انها حدها متووووترة : أوكي
فهد : السلااااام عليكم ..
الكل : وعليكم السلاام..
فهد : أخباركم بنات شمسوين
رنا : ماشي الحااال
فهد : وروان شلونك
روان بعيونها الدمعة ياربيييه ماثقل دمك ماطيييييقك : تمام
لطيفة كانت تقلـــب بالقنوات وروان راحت شوي وبترجع مافيه بالصالة اللا رنا وفهد ولطيفة
لطيفة تفر بالقنوات وتفضي حرررتها بالرمووت ..
فهد : أعصابك عالريموت
لطيفة وهي صاكة باسنانها : ريموتنا كيفنا
فهد : بل شفيك معصبة
لطيفة : ابد سلامتك
فهد :انتي زعلانة عشان خطبت روان اختك .. صح ؟؟
لطيفة : ليه عادي نصيبها
فهد : لطيفة انا بصراحة مادري وش اقول لك
لطيفة قررت تقوم لانها لو قعدت أكثر ماراح تمسك نفسها من الصياح : لاتقول شي تدري ليه .. لانه مايهمني اللي انت تقوله اصلا انت ماتهمني
انت ولا شي بحياتي ماعمررك كنت شي بحياااتي ولا تحسب اني كنت احبك لاا بالعكس ترا كل شي تجيبه يرووح الزبالة بدون ماشوفه
بس انت الحين ما اثبت اللا شي واحد يوم خطبت روان ,, اثبت لي انك في اعللى درجاات الحقارة والنذالة.... << راحت لطيفة
فوق وسكرت على نفسها الباب وحاولت تسلي نفسها باي شي ... كلمت شهد ..
شهد : هلا والله بالغالية اخت الغالي
لطيفة : هلا شهد
شهد : هلا لطيفة .. وش في صوتك
لطيفة : توقعي مين عندنا
شهد : مين
لطيفة : فهيييد
شهد : وش يبــــي
لطيفة بضييق : جا عشان يقوول انه عنده شغل بالرياض ومر يسلم .. طبعا كان يبي زوجته
شهد : ماصار بينكم شي
لطيفة : ممم يعني ,, بس قلت له اشيا واااجد بقلبي قلت له ياها
شهد : الله وناسة شقلتي
لطيفة قالت لشهد السالفة وشهد استانست على لطيفة .. والله انك شي لطوووف

_____________________________________



مشعل سرق جوال لولو ... واخذ رقم هنوف ... يبي يرسل لها رسالة ........ ايه خلاص هي بتصير زوجتي بعد فتررة
ارســـــــل مشعل وسائط لهنووف .. أغنــية لراشد الماااجد .. أمـــــــــل موعوووووود ..
وكتب لها تحت .. أتمنى ماتزعلين علي بس والله ماقدرت امسك نفسي ..
أحبـــك .. مشعل

()()()()()()()()()()()()()()()()()()()()()

هنوف من جهة ثاانية كان فيها نوووووم منسدحة على فراشها بتنااام وسمعت صوت المسج فتحته .. تعرف هالرقم
صحيح ماعمرها ارسلت له ولا كلمته بس حااافظة رقمه صــم ...
فتحتها شافت وسائط شغلتها ...
أنا اللي لك زرع قلبه غرام ونبتت وردة
قطفها لك وقدمها هدية قلبه الموعود
ياليت احساسك المرهف يمد لوردتي يده
بحس ان الامل ينوي لدنيا فرحتي بيعود
تعال نعيش ,, فرحتنا
ونوقف للجفا ,, ضده
حرام تعاند احلامك وقلبك عني ترده
اجيلك بالوله والقى طريقك بالجفا مسدود
اذا ضاقت بك الدنيا انا عنتني بشدة
واكيد اني على حبك تراني يالغلا محسود
تعال نعيش ,, فرحتنا
ونوقف للجفا ,, ضده
تعال نعيش فرحتنا ونوقف للجفا ضده
ندور عالم ثاني غدا مابيننا مفقود
وعدنا الحب بالفرحة ولا احد وفا بوعده
ووعد الحر في قلبك وفي قلبي ترا موجود
تعال نعيش ,, فرحتنا
ونوقف للجفا ,, ضده
احبك كلمة ضلت شفاه الحب من مدة
نست حتى ابتسامتنا وضحكة العيون السود
عسا ربك يجمعنا وننسا الهم ونصده
نعيش ايامنا الحلوة بلا هجر وجفا وصدود
تعال نعيش ,, فرحتنا
ونوقف للجفا ,, ضده
-----
فدييييييت قلبه مشعل والله ... بعدها علطووول جاها مسج ثاني منه ..
هنوف اذا انتي الحين فاضية دقي علي ضروووووري :(
هنوف ماتدري وش فيه مشعل تبي تعرف وش فيه بس ماتبي تكلللمه
ترددت كثيييير بس قررت ترسل له
ارسلت له رسالة
مشعل سلامات وش فيك .. مشعل سوري ماقدر ادق عليك اذا فيك شي قل لي بالمسجات .. وسوري عالازعاج

مشعل ماكذب خبر دق عليييها علطووول وهنوف في قلبها بل بل انا اقول له دز مسج يقوم يدق ..
احتارت هنوف شووي ماتدري ترد ولا لا من جد محتاارة .. قررت تجررب وردت
هنوف : ...
مشعل : الووو هنوف
هنوف : هلا
مشعل : شخبارك
هنوف : تمام وانت
مشعل : بخير دامني سمعت هالصوووت
هنوف :.....
مشعل : هنوف
هنوف : نعم
مشعل : أحـــــــــبك
هنوف خلاص تحس نفسها بتموووووت من الحيا : .... مشعل
مشعل : عيوووووونه
هنوف : أنا الحين بسكر
مشعل تحطم شوي : ليييه بدري
هنوف : من عمرك بس الحين بروح اناااام
مشعل : نووم العوااافي
هنوف : تصبح على خير..
مشعل : وانتي من اهله
هنوف ماجااها نوم من الوناااسة ... تغييييير مشعل صار يبيين بحركاته انه يحبها .. فدييييته والله اني اموووت فيه
مااادري وش بسووووي من دوووونه



________________________________

هنوف ومشعل اخييييرا حبوا بعــض واعترفوا بحبهم.....
لطيفة الحمد الله تغلبت على ضعفها قدام فهد بس هل بيدووم...
وروان وش بتسوووي مع فهد مااااتطيقه...
شهد وترركي الملكة باجازة عيد الفطر...
شيووخ وش اللي مضيق خلقها من ناحية خالد ... 

يوم الأحد ... 3:30
ببيت العمة منيرة ::::::::::::::::::::::::

شيخة : هنووووووووف
هنوف نايمة من بعد المدرسة : ......
شيخة : هنوفوووهـ ووجع قومي لولو تقول روحي لها ضروووري
هنوف : اطلعي برا وسكري الباب وراك
شيخة عصـــبت : هنووووووووووووف
هنوف فزت من مكانها كان صوت شيخة يفجر الأذن : وصمـــة ان شاء الله وش تبين
شيخة : لا قاعدة اكلم نفسي طول اليووم
هنوف : اقول لا يكثر بس وش تبين ..
شيخة : اقول لك لولو تقول روحي لها ضرووري ..
هنوف : وانتي طال عمررك بتجين ..؟!
شيخة : لااا مابيك .. بروح لشهد
هنوف : طيب .. بلبس وانزل ,, من بيودينا ؟!
شيخة : مدري بنشوف
هنوف : طيب طيب يللا برا
شيخة : تراني ساكته لك الحين
هنوف : شـــكرا يلا باي
هنوف وشيخة جهزوا ونزلوا تحت كان راشد فيه ...
شيخة : رشووودي شرايك تودينا بيت خالي
راشد : اممم لا
هنوف : ههههاي شيوخ خشمك
راشد : عناد في الخايسة بوديكم وين تبون ؟!
شيخة : خالي محمد وخالي ابراهيم
راشد : بل
شيخة : أنا ابي بيت خالي ابراهيم وهنوفوهـ تبي بيت خالي ابو ناصر ..
راشد : لا مب لازم نوديها بيت خالي ابراهيم خل تقعد
شيخة : هههههه لالا حراام
راشد : اممم طيب براحتك يللا قدامي عالسيارة بس ترا مالي دخل فيكم بالرجعة
شيخة : ابـــشر
راشد : بروح انا وسلوم للربع
هنوف : ومشيعل
راشد : يقول تعبان بيقعد بالبيت
هنوف : أهااااا
راحوا .. أول شي نزل شيخة بعدين هنوف .....


::::::::::::::::::::: بيت ابو خالد :::::::::::::::::


شهد وشيخة قاعـــدين يسولفون ...
شهد : تدرين خلوود كان بيطلع بــس غير رايه يوم عرف انك بتجين
شيخة استانست : فديييته والله .. وينه فيه الحين
شهد \: الحين ماتدرين اللا هو ناقز لك ..
شيخة : ياحبي له
شهد : عن الغزل الزايد بس .. شرايك نطلع للحديقة..
شيخة : لااا ماودي حـــــر
علطووول جا صوت خالد من وراها وهو يقلد عصووتها : لااا ماودي حـــــر
شيخة انهبلت ولفت ورا شاافته وتغطت بســرعة ...
شهد : شــدخلك انت ومن سألك ..؟؟
خالد : لو سمحتي سؤاال سؤاال مقدر أنا كذاا .. 
خالد : أول شي دخلني الباااب ... وثاني شي أنا سألت نفسي هاهاها
شيخة + شهد : سخيييييف
خالد : والله كيفي محد طلب رايكم عني ولا أبي رايكم فيني بــس يهمني راي وي وحدة غااالية علي
حيييل فديتها ...!!
شهد : من من ؟؟
خالد : هههههههه ياحبك للسوالف استحي << يستهبل ..
شيخة بدت تنرفز : بسرعة خالد اعتررف << مصدقة
خالد عـرف انها عصبت يقول في قلبه (( يالى قلبها تجنن وهي معصبه ))
خالد : أنتي وش دخلك
شهد ...ســــاكتة ...
شيخة : حلوة ذي وش دخلني بسرعة اقول لك .. قل لي من هي
خالد (( هين هين والله لخليك تندمين انك سألتيني ))
خالد : وحدة حــلووة وامووووت فيها وغالية علي حيييييل واعشقها بعد .. تبون تعرفوون اسمها
شهد : اكييد
خالد : اسمــــها شيخة بنت منصووور وهي جالسة الحين قدااامي ...
شيخة سكتت ولا نطقت ولااا حررف .. ووجهها أحمـــــر ..
خالد وهو ميت من الوناسة لأنه حس انها انحرجت بس حب يحرجها أكثر ..
خالد : عرفتيها ولا للحين .؟!
:::: شهد كانت مييييييتة من الضحك ::::
وشيخة للحين ساكتة ولا قالت ولا كلمة بس بنفس الوقت كانت مستانسة ..
خالد : شيخة ..
شيخة (( وش عنده الحين)) رفعت راسها له وشافته يطالعها ويبتسم استحت ونزلت راسها مرة ثانية 
شيخة : هــلا << بالمووت كان ينسمع صوتها من الحيا
خالد : ليه سكتتي .. شكلك تعرفينها ؟؟؟
شيخة خلاااص ماتت من الحيا وقامت تــــمشي تبي تروح فوق لغرفة شهد ..
خالد رفع صوته عشان تسمعه : تصدقين أحبـــها حتى وهي مستحييية امووووت فيها
شيخة راحت ركض فووق ..
شهد + خالد : ههههههههههه
خالد : فدييييتها والله
شهد : انت كذا << وتأشر له باصبعها
خالد : روحي شوفيها مستحية فديتها
شهد راحت فوق عند شيخة .. اللي كانت بالغرفة منحررجة بس بنفس الوقت ارتاحت انه
ماكان يقصد احد غيرها ... وبعج تضحك على حركته .. فديته والله اني امووت فيه ..
دخلت شهد على شيخة وأول مادخلت ..
شهد : ههههههههه فديته اخووي من جده يحب
شيخة : ياجعلني فداه والله .. بس اسكتي قال الغالية ومدري وشو حسيت اني بمووت من الغيرة
بس يوم قال شيخة بنت منصوور ههه حسيت قلبي وقف آآآهـ ياشهد احبه امووت فيه
شهد : ترا أغار منه ..
شيخة : فديييتك عاد أنتي غيييير .. وضمتها
شهد : الله يجمعكم ببعض قولي آآمين
شيخة من خاطر : آآآآآآمين 
شهد : من قلب طالعة 
شيخة + شهد : هههههههههههه
وجلسوا يسولفون مع بعض لين ماجات الساعة 6 ...
شيخة : يوووهـ الساعة 6 اللا ربع خل ارجع البيت قبل تظلم علينا الدنيا ..
شهد : لااا تو الناس
شيخة : انتي بس خل القا لي احد يوصلني ..
شهد : خالد 
شيخة : اقول بس لو ايش ما اروح معه الحين فشلة بعد اللي قبل شوي ..
شهد : بل بل ايييزي
شيخة : لا مابي
شهد : طيب أعصابك .. يللا دوري أحد يوديك غير أخوي ..
شيخة ابتلشت نواف يوم الأحد مايرجع عندهم عزيمة .. وراشد قال لهم مب مرجعهم
شيخة : امممم طيــ..ـب خالد مب مشغول ..!
شهد : لالا فاضي ... << وقبل تقول شيخة اي شي راحت شهد تركض لخالد ..
شهد : خاااااالد
خالد : هاه
شهد: امم شيخة مافيه أحد يرجعها وتبيك ترجعها البيت عادي
وبدخلة شيخة عليهم : شهيييد ووجع وراك رحتي ركض
خالد : بدري ياشيخة تو الناس
شيخة : هااا ,, بدري من عمرك بس لازم ارجع
خالد : براحتك يللا البسي عبايتك ..
شهد : ياااهوووهـ تراني ابي اروح معكم..
خالد : يوووهـ لااازم << ويطالع شيخة
شيخة (( خل اروح لو اقعد اكثر مدري وش بيقوول ))
شيخة : بروح اجيب عبايتي
________________________
بالسيارة شيخة وخالد وشهد مستانسيين عالآآخر خالد يشغل أغاني ويغني معها 
خالد : اممم يللا وصلنا البيييت 
شيخة : يوووووهـ بتذبحني امي 
شهد : ههههه ليه
شيخة : نسييييت عن هنوف
خالد : نرجع ناخذها
شيخة انحرجت : لالا مابي اكلف عليكم بعدين هي تصرف نفسها
خالد : لا عادي مافيه كلافة
شيخة : لا والله خلها تصرف نفسها 
شهد : براااحتك ترا اخوي ماعنده مانع بس طبعا لازم انتي تجين
شيخة : اقول خالد
خالد : هلاا
شيخة : شرايك تحطها عند تركي بس
خالد : هههههه يالييييت بس خل يتزوجوون احش رجولها لو تقبل عندنا
شهد :بقعد على قلبـــــــك لييين ما انت تتزوج وتطلع من البيت
خالد : آآآهـ بس متى اتزووجها 
شهد : من هي
خالد : اممممم هي نفسها شيخة منصور اللي قلت لك عنها
شيخة صار وجهها طمااااطة .. :يلا مع السلااامة 
خالد : ههههههه الله يسلمك...باااي وسلميلي على عمتي
شيخة : يوصل ان شاء الله فمان الله 
خالد + شهد : فمان الكريم ...


>>>>>>>>>>>>>>><<<<<<<<<<<<<<<< 

>>>>>>>>>>>>>>><<<<<<<<<<<<<<<<
وصلــت شيخة البيت 
شيخة : السلااااام
ام نايف : هلا والله يبنيتي .. شيخوووهـ وين اختك
شيخة (( ياويلي )) : امممم يمة خالد وشهد يسلمون عليك 
ام نايف : الله يسلمك ويسلمهم .. واختك ماجات
شيخة : لاااا يمة اختي بعد شووي بتجي تقول للحين ماخلصت
ام نايف : ايييه طيب خلاص انا الحين بدق عليها واشووفها
شيخة : لاا يمة انا بدق انتي خليك
ام نايف : طيب
:::: راحت شيخة فوق لغرفتها وفي بالها (( يوووه الله يعينني على طوالة لساانها ))
هنوف : الو
شيخة : هلا والله هنوف
هنوف : هلا والله .. وينك
شيخة : اممم بالبيت
هنوف : نعــم
شيخة : ايه رجعت البيت والله اني نسيتك
هنوف : يعني الحين مفروض هذي ترقيعة
شيخة : مفروض
هنوف :طيب خلي راشد ولا نواف يمرني
شيخة : لالا هم مشغولين اليوم
هنوف : وانتي شلون جيتي
شيخة : مع خالد
هنوف : انزين وانا شسوي
شيخة : ارجعي مع وليد ولا مشعل
هنوف :وليد طالع ومشعل نايم
شيخة : قوومي مشعل
هنوف : لامابي
شيخة : اقول عن السخافة الى متى انتي وياه بمناقر << ماتدري عن اللي صار
هنوف : مابي يعني مابي
شيخة : اجل اقعدي 
هنوف : والله لا اعلم ابوووي عليك
شيخة : هنوفوووه اعقلي
هنوف :هين هين خل ارجع اوريك شغلك
شيخة : يمة خفت تصدقين
:: هنوف سكرت بوجه شيخة ::
هنوف :لولو
لولو :هممم
هنوف : نايمة انتي وهالوجه
لولو : وش تبين << وهي ناايمة
هنوف : اوف مافيه احد يرجعني
لولو : نامي هنا
هنوف : لولو عن الهبال بكرة مدرسة ولا معي شي
لولو : يوووه غيبي اي شي بس وخري عني
هنوف شوي وتصيح : لووولووو بلااا سخافة
لولو : هنوفوه ترا بتوطى ببطنك اطلعي شوفي مشيعل نايم
هنوف : طيب قومي عشان تجين معنا
لولو : يوهوووو وبعدين معك ترا مانمت زين امس روحي معه ولد خالك مب غريب
هنوف : هيين والله لوريييك يالولو انتي وشيخة ورطتوني الحين
راحت هنوف شوي شوي غرفة مشعل ..
فتحت الباب وشغلت اللمبة شافته نايم عالسرير والغطا طايح عالأرض اول شي تحسفت انها دخلت خصوصياته المفروض ما ادخل
بس تشجعت ومشت .. شافت له صووره عالطاولة تجنن كان لابس نظارة ومبتسم ..خذتها بسررعة ةحطتها بجيبها وعلطوول سمعت صوته
مشعل : شتسوين
هنوف فززت : هااا
مشعل : لولو ؟؟
هنوف بصوت واطي : لا انا هنوف
مشعل : من هنوووف ؟؟
هنوف :هنوف بنت عمتك
مشعل : بل بل هنوووف << تو يستوعب
هنوف : ايه 
مشعل : توو مانورت الغرفة شمجيبك
هنوف :اممم مشعل ان كانك فاضي ابيك توديني بيتنا لانه مفروض ارجع مع شيخة والخايسة رجعت وخلتني .. اذا انت فاضي طبعا
مشعل : لاااا انا مب فاضي ... بس افضي نفسي لك
هنوف مستحيية منه : تسلم .. انا بلبس عبايتي وانتظرك تحت
مشعل : 5 دقايق واكوون معك
راحت هنوف للولو تحاول فيها بس لولو فيها نوووم ولا عبرتها ومشاعل وسارة طالعين يعني مالها اللا انها تروح بحالها
نزل مشعل ولقاها لابسة عباتها وبروحها تحت..
مشعل : وين لولو
هنوف : نايمة حااولت اقومها وعيت
مشعل : اهااا طيب يللا نروح السيارة 
هنوف ماردت بس انها طلعت معاه ..
يوم جات عند السيارة جات بتركب ورا ..
مشعل : بـــل بـــل بل تراني ولد خالك مب سواق ابوك تركبين ورا
هنوف حست موقفها بايخ وشو تقعد ورا خير راحت ركبت قدام ..
مشعل ركب السيارة ..
مشعل : حيا الله بنت عمتي
هنوف : الله يحييك
....وجلسوا ساااكتين....
مشعل : امم هنوف
هنوف : هلا
مشعل : اممم اسف على ذاك اليوم يوم اتصل عليك
هنوف تذكرت ذاك اليوم واستحت شوي : لا عادي
مشعل زهق من السكووت قرر يلعب باعصاب هنوف : وهنوف
هنوف : نعم
مشعل :مدري شقول لك بصراحة بس اممم بس انا لازم اتركك
هنوف : نعم نعم
مشعل: بصراحة بقول لك شي ماعمري قلته لاحد
هنوف : وشو
مشعل : انا متزوج وحدة من ايطاليا
هنوف انصدمـــت : وشوووو من متى وليه وباي حق :: وراح صوتها بالصياح :: .. وأنـ..ـنـ..ــا ؟؟
مشعل : بصراحة هنوف انا كنت اعرفها من قبل بس تزوجتها يمكن من امممم .... ولف يطالع هنوف لقاها تطالعه من ورا النقاب
وتصيــــح ..
مشعل : ههههههههههههههههههههههههههههههه هنوووف 
هنوف : وش يضحك الحيييين ..
مشعل : لهالدرجة تحبيني .. والله والله والله اني العب علييييك
هنوف : لااا
مشعل : وشو لااا والله اني اموووت فيك ومستحيل اتزوج غيييرك يابعد عمري
هنوف استحت : هييييييه
مشعل : هههههههههه طيب طيب ااسف ياحبيبتي
هنوف : مشعـــل
مشعل : عيووونه
هنوف : اوص اوص ..
مشعل شغل الاف ام .. وسكتوا هو وهنوف.. هنوف كانت مستحيييييية منه مرررة وفي قلبها تتوعد في شيخوووه ولوولووووو
مشعل :وصلنا
هنوف : الله يافيك ماقصرت
مشعل : ولوو في الخدمة
هنوف : مع السلامة
مشعل : سلمي على عمتي ..
هنوف : يوووصل

:_:_:_:_:_:
هنوف دخلت البيت معصـــبة وقابلت امها عند الباب
ام نايف : لا بدري كان نمتي بعد
هنوف تطالع الساعة : يمة تو الناس الحين 9
ام نايف : ولييييه ماجيتي مع اختك
هنوف : من زييينها اختي سااافطة علي يمة مادريييت اللا وهي داقة علي تقول انا في البيت صرفي نفسك بالرجعة
ام نايف : العبي على غيييرنا شيخة تقول انه انتي اللي بغيتي القعاد
هنوف : كذاااابة وافين كذااابة 
<< واستمررت الهوشة ..



:::::::::::::::::::::::::::::




من بكررة بالمدرسة هنوف ولولو ...
بحصة الرياضياات .. 
لولو : اف طفش الحصة ..
هنوف : جب ولا كلمة انتي
لولو:عااد كنت نعسااانة وش اسووي لك
هنوف : انقلعي هبل فيني امس
لولو : هههههه وش قال
هنوف : يقول انه تزوج وحدة امريكية ومدري وشو بعدين قال اصلا انا مستحيل اتزوج غيرك
لولو تغمز لها : هههه احللللى
هنوف جات بترمي الدفتر عليها اللا هو يفلت ويطق الابلة .. والبنات ماااتوا من الضحك
الابلة : من قليلة الادب اللي طقتني فيه
هنوف ولولو يضحكون ومنزلين راسهم ..
الابلة : اذا ماقلتوا مين ترا بنقص كل الفصل
قامت وحدة من الدوافير : ابلة هنوف ولولو
هنوف :وررب البيييت يا ابلة بالغلط
لولو : ههههههههه والله ماكنا نقصد
الابلة : ماعندي انا اطلعوا برا الفصل
لولو : لالا يابلة ااخر مرة << شاطرة
الابلة : ياتطلعوون ولا انادي لكم المديرة
هنوف سحبت لولو مع كمها : لالا يا ابلة احنا طالعين باااي ..
طلعوا هنوف ولولو براا ..
لولو : يالخايسة من دخلت الثنوي ماعمري انطردت
هنوف :ايه كله تطيح على راسي انطردت ولا 20 مرة
لولو : ايييييه المهم وش قال لك مشعل
هنوف : امشي نتمشى واقول لك
لولو : لااا وش نتمشى ولو صادونا
هنوف : لاتخافين محد يحس انا اعرف
لولو :طيب وش ورانا
راحوا يتمشون وهنوف قالت للولو السالفة ... ولولو ماااتت من الضحك ..!!!!!






::::::::::::::::::::::::::::::::::: 

:::::::::::::::::::::::::::::::::::

اما عند لطيفة وخواتها واخوانها
لطيفة : راكاااان
راكان : هاااه
لطيفة : وجعاه قول لبيه
راكان : وش تبين
لطيفة : قوم جب لي موية
راكان : تلايطي بس 
تركي : راكان اسمع كلام اختك
راكان : على كم
رنا : ترا بالنعااال وشو على كم حشا كل شي بالفلوس عندك
راكان : محد كلمك انتي
روان : ههههههههههههههههههههههاااي رنا لقطي وجهك
رنا : افا راكان اوووريك اوريييك تجيني تقول رنا تكفين عطيني ببسي لو تموووت
راكان : مابي منك شي اصلا
رنا : هييين هييين ان ماخليتك تندم
راكان : خفت تصدقين
تركي : ما ابزر منه اللا انتي رنا خليه عنك
راكان يكش على رنا ورنا تمد لسانها ..
روان : البزر بزر مافيه امل يكبر
رنا :جب جب جب انتي
تركي : امممم لطيفة 
لطيفة : نعم ؟؟
تركي : ابوي يبي يكلمك ...
لطيفة : ليه
تركي : مدري عنه
لطيفة : متى .؟؟
تركي : مدري اذا رجع من الدوام ..
لطيفة استغربت ابوها مب كذا دايما يجي يكلمها بدون ماياخذ موعد غرييبة والله .... الله يستررر
لطيفة تنادي رنا ..
رنا : نعم
لطيفة بصوت واطي : ماتدرين وش عنده ابوي
رنا : وش دراني عنه
لطيفة : يالسوووسة عن الاستهبال اكيد تعرفين
رنا : قسم بالله ماعررف هالمرة
لطيفة : الله يستر والله اني خايفة
رنا : يااابنت الحلال عااادي
لطيفة : يللا ان شاء الله خير




_____________________________________________



رمضان قررب ... 
ملكة شهد ومشاعل ملكتهم ثاني العيد مع بعض ...
وسارة عـــرسها بعدهم بـ5 ايام ...



ياترى وش بيصييير .. خالد وشيخة وش بيصيير لهم 
هنوف ومشعل هل بيدووومون لبعض ولا بيصير شي ..
شهد وتركي وملكتهم اللي قرربت..
مشاعل ونواف بعد قربت ملكتهم .. 

ابو تركي دخــل البيت وسلموا عليه ...
لطيفة راحت له وسلمت بعدين قالت له بصوت واطي
لطيفة : يبة
ابو تركي: هلا
لطيفة : بغيتني..؟؟
ابو تركي : ايه يابنيتي بس خليني اغير ملابسي واجيك بغرفتك ..!!
لطيفة : اوكي انتظرك ...

ابو تركي غير ملابسه وراح فوق ...
لطيفة : هلا يبة
ابو تركي : هلا يابنيتي
ابو تركي ..
ابو تركي : يابنيتي انتي تعرفين انتي معد انتي بصغيرة واختك انخطبت .. وانتي جاك نصيبك والرجال بصراحة
ماينعاب وانا وامك تكلمنا والراي الاول والاخير لك
لطيفة (( انا اتزوج غير فهد شلووون .. خبلة انا فهد بااعني ولازم ابيعه وانساااهـ))
ابو تركي : فكري واستخيري وردي لي ...
لطيفة : ان شاء الله ...
طلع ابو تركي من عندها وجلست تفكـــر .. وتــــفكر شلون اتزوج غير فهد انا مابنيت احلامي اللا مع فهد
انا احـــبه بس هو خاين مايحـــبني ولا عمره حبني بس عشان يقهرني خطب اختي صدق مايستحي شلووون انا للحين احبه
ماادري ليه يااااااربيه وش هالحال اتمنى اني اشووفه كل يوم واشتاق له واذا شفته احس
بالراحة حتى وانا ادري انه مافيه امل يكون لي اصلااا خلاص عافه الخااااطر لازم انساااه وابدى حياة جديدة ))
نزلت من لطيفة دمعة قهر دمعة الم خلاص انمحت كل ذرة امل ان فهد يتزوجها مسحت لطيفة دمعتها على انها
ااخر احزنها وان حياتها بتتعدل ان شاء الله ....
رنا دخلت عند لطيفة شافتها تمسح دمعتها سوت نفسها ماشافت
رنا : وش عنده دادي
لطيفة : فيه واحد خاطبني
رنا : صـــــدق مبروووك
لطيفة : اوووف رنا للحين ماوافقت
رنا :ووش ناوية عليه
لطيفة : اف مادري والله مادري يارنا
رنا : يا لطيفة ان كان على فهد فهو باااعك ومن باعني برخيص بتراب ابيعه
لطيفة : اوووف رنا والله احبه
رنا بصوت واطي عشان ماتمر روان : وعععع مالت عليه من اصلي وانا ماحبه
لطيفة نزلت راسها : بحاول انساه
رنا ترفع راس اختها : بتقدرين تنسينه ..
لطيفة : ياخي سوووسة انتي هذا الخبر وعرفتيه روحي انشريه يللا
رنا : ايه اول شي ببشر روانووه عشان تتطمن انك ماعاد تبين ذاك الخايس
لطيفة : رنوو لاتزلين قدام روان تراها مب ناقصة
رنا : ابشررري


""""""""""


الـــيوم أول يوم من رمضان ...
كل العوايل مجتمة في بيت الجد .. عبد الله!!!

مع اجوااء اول يوم طبعا الكل مستانس ... ^^

افطروا كـــلهم .. وبعد التراويح جلسوا على مجموعات ...
عنود وريم وعبير جالسين معاهم في وضي ..
ريم : ياحلووووها فيوونة كم صار عمرهم الحين ؟؟
عنود :5 شهور
ريم : والله يجننووون ..
عنود : قولي ماشاء الله ..
ريم : يووه ماشاء الله بس طبعا مب صايرين احلا من هذا << وتأشر على بطنها
عبير : هههه اكييد ولد ريوومة ونايف لازم يطلع حلو
عنود : ويه تكفين والله لو انهم في ولا ضي ولاا شيخ المزايين عزوز
ريم : اقول وانا اختك تعلمي الكلام الزين من عبيير ونعم القدووة
عبير : اي شهر ريوم
ريم : اممم الثالث او الرابع
عبير : أهاا
ريم : عقبال ماتحملين بعبودي
عبير مستغربة :عبودي ؟!
ريم : ايه عمي طلال اكثر واحد متعلق بجدي ومن قبل يتزوج وهو معروف ابو عبد الله
عبير : أهاا
""""
اما جمعة باقي البنات ((سارة وشيخة ومشاعل وشهد وهنوف ولولو))
لولو تكلم هنوف بصوت واطي : اقول هنوفوهـ
هنوف :نعم
لولو :الحين محد يدري انك تحبين مشعل
هنوف : اقص لسانك لو تعلمين احد
لولو : بل بل لييه
هنوف :خلهم يحسبوني للحين اكرهه بكيفهم
لولو : ليه طيب
هنوف : بس مابي استحي
لولو بدت تضحــك بصوت عاالي خلا البنات يلتفتون لها
هنوف بصوت واطي : الله يااااخذك سخييفة
مشاعل :بسم الله شفيييك..
لولو : ههههه لالا سلامتـ..ـك ههههه
شهد : الله يعطينا العقل
مشاعل :ااامين يارب العالمين
هنوف : لالا ماعليكم منها لولو من يومها خبلة
لولو : انا خبلة ياللي ماتستحين ترا بفضحك
هنوف : فدييييت قلبك لولو
لولو : لالا خلاص بقول
شيخة : اقول لايكثر وانا بنت عمتك بس خلصينا
لولو : هنوف عااادي
هنوف بصوت واطي : والله ان قلتي شي اخر مابيني وبينك
لولو : بل بل يعني شلون برقعها
هنوف :والله انتي طيحتي نفسك فيها كالعاااادة
لولو : ههههه طيب شفيك الحين معصبة
هنوف رفعت صوتها : لا والله شلون ماتبيني اعصــب وانتي بتقولين لهم اني ...<<سكتت يوم شافت البنات يطالعونها
شيخة تحمست : انك ايش ؟؟!
هنوف :اني اني امم ..
لولو : انهااا تهاوشت بالمدرسة اليوووم
هنوف : ايه ايييه اني تهاوشت اليوم
شهد : وهذا اللي صاجينا عليه
سارة : مدري عنهم مب شي جديد دايم تتهاوشين
لولو تبي تسوي مغامرة بالسالفة عشان يصدقون : ايييه ووقعت تعهد
شيخة : تعهد تعهد ..
هنوف : ايييه تعهد تعهد شسوويلك عاد
شيخة : ماشاء الله بعقل بعقل علينا معدل تراكمي ..
هنوف : عاد خذي وخلي وانا اختك
شيخة : ايه بنشوف وش بتسوين اذا درت امي
هنوف : اييزي ياعزيزي واذا درت تهاوش تهاوش وخلصنا
لولو : المهــــــم تراكم صجيتونا
شهد :ايه شيوووخ ترا خالد يسلم عليك
شيخة : .....
هنوف :بل بل وين راح اللسان اللي تو
شيخة : جب جب بس
سارة : لالا مقدر انا عاللي يستحون
شيخة تبي تطلع الموضوع من فوق راسها : سارووهـ كم باقي على عرسك
سارة بلعت ريقها :وانتي لازم تذكريني
مشاعل : حتى انا وشهيد ملكتنا
سارة : اففف بس هذا عررس بعدين بننقل الجبيل بعييييدة
مشاعل: ايه بس حمد الله فيه تلفونات وتقدرين تجينا كل فترة
شيخة : وعلى وين شهر العسل
سارة تقلد صوت جاسم : خليت لك شهر العسل مفاجأة
البنات مااتوا من الضحك على شكلها ...
سارة دمعت عينها :وربي بشتااق لكم حيييل
مشاعل :بدييينا بمناحتنا اليومية
سارة : هذا اخر رمضان اقعده وياكم
شهد :بل فاال الله ولا فالك يابنت الحلال تراك بالسعودية احمدي ربك ماتضطرون تروحون امريكا او اوروبا
سارة : ..... الحمد الله على كل حال


._._._._._._._._._._._._._._._ ._._._._.


مر اسبوع من رمضان ... ومع قررب العيد وقرب ملكة شهد ومشاعل وقرب عرس سارة ....

شيخة قاعــدة في الغرفة طفشانة وطرا على بالها ملكة شهد ومشاعل ماااااشريت شي كان همي كله بالعرس يووهـ صدق اني خلبة ..
شيخة بقلبها :: خل اروح السووق بس الحين راشد ونواف طالعين وهنوفووهـ مالي امل تروح معي توني متهاوشة ..
امممم بروح مع السواق وبمر شهد خل ادق عليها !!!
ماكملت كلامها اللا والتلفون يدق ..
شهد : السلااااااام
شيخة : وعليكم السلام يالجنية ..
شهد : افا لييه جنية حرام علييك ؟!؟
شيخة : لا لاني كنت افكر فيك
قاطعتها شهد : فديييت قلبك والله تفكرين فيني بس مب كانها غريبة .. شعندك اعتررفي تفكرين فيني ولا في مين ؟؟
شيخة : بل بل شفيك انتي بس كنت ابيك تروحين معي السوق عشان اغراض الملكة ..
شهد شهقت : ياااقليلة الادب للحين ماشريتي لملكتي
شيخة : هههه لا شريت حق العرس بس ماشريت حق الملكة اليوم بروح تروحين معي ..
شهد : بس من بيودينا
شيخة : السواق
خالد سمع شهد وهي تقول من يودينا : أنا اللي بوديكم
شهد : خــاالد بيودينا قامت القيامة !!
خالد : ليه عادي ابي اوديكم
شيخة من جهة ثانية كانت مستااانسة انه خالد بيوديهم بس في قلبــها خل اقهرره شوي
شيخة : أقووول شهيد
شهد : نعم
شيخة : خلاص خلاص هونت ماعاد ابي اروح
شهد : ليييه عااد خل نروح ماشريتي شي للحين تكفييين
شيخة : مابي اروح مع أخـــوك
خالد اللي اخذ السماعة وسمع اخر جملة بعدين قال لشيخة : اوكي يابنت منصور برااحـتك بس حبيت اسوي معرووف
شيخة حست انه حزت في خاطره : آآسفة خالد والله ماكنت اقصد بس انا ماكنت ابي اثقل عليك فديتك والله
لاتزعــل ... << سكتت على طول يوم استوعبت وش قالت .. انا تفديت خالد يووهـ وش بيفكني منه عاد
اما خالد كان مستانس على "فديتك"..
خالد : اوكي بـــس بشررط
شيخة : لا والله خص انا تأسفت يوم غلطت وش تبي اكثر
خالد : أجل شهد أخــــتي ماتروووح
شهد تصارخ : هييييه هيييه وشهد لعبة بيدينكم تروح ماتروح على كيفك انت وياها
خالد اشر لها تســكت وقعدت تتحلطم على عمرها ..
شيخة : وشو شرطك طال عمرررك
خالد : اممم مابي شي كثير بس ابيك تركبين قدام ..
شيحة : لااا والله قل قســـم بس
خالد : ههههه والله
شيخة : .....
خالد : هاا .. وش قلتي وافقي ولا ماتروح شهد ...!!
شيخة وهي مضطررة تروح المجمع ولا كان والله ماتوافق بعدين حرام تحمست شهد ..وهو ولد خاالي عااادي ..
شيخة بصوت واااطي : طيب << وسكرت السماعة على طووول
خالد : هههههههه والله أحبـــها
شهد : هااا بنرووح ؟؟!؟
خالد : اييه يللا روحي البسي ..
شهد وهي تركض فوق : دقااايق واجيييك ..
خالد بعج راح وتكشخ .. ونادى شهد يوم نزلت
شهد : الله الله شهالزيين
خالد يسوي زي عرض الأزياء :شرايك
شهد : هههههههه مالت عليك ياخوي ترا كله ثوب وغترة وعقال
خالد : اييه مالبست كبوس زي دايم احمدي ربــك
شهد : مالت علي مب عشاني عشان .. << وقبل تكمل كلامها قاطعها خالد
خالد : وبعدييين يعني يلا خل نروووح ..
شهد : اوووف كله بس شهد اللي تتهزأ وياعمري ياشهد تسكت ماقول اللا الله يعيييني عليكم
خالد : اقول عن التحلطم ويلا السيارة ..
راحت شهد وركبت قدام ويوم جا خالد : هيييه هيييه ام الشباب وين طامرة لي قدام شيخة اكبر منك ترا
شهد : واذا يعني انا اخـــتك يعني ..
خالد : وانتي ماتفهميين وهي زووووجتي المستقبلية افهمـــي
شهد : ماااتدري عن الظروف
خالد : فال الله ولا فالك يللا قدامي روحي ورا
شهد : الله يصبررني عليك وعلى زوووجتك المستقبلييية ...
. . .
طلعوا شهد وخالد ومروا على شيخة ....
دقوا هرن ( بوري) .. طلعت شيخة وهي مترددة بس خص قالت له طيب لازم تكون قد كلمتها ايييه انا بنت رجال
راحت تمشي للسيارة وشافت شهد راكبة ورا والمكان اللي قدام فاضي رفعت عينها شافت خالد يضحك .. يووهـ الحين انا وش
موقفني خل اركب مسوية يعنني اتغلى ههههههه حمد الله والشكـــر
ركبت قدام وهي تتحلطم .. 
شيخة : السلام عليكم << بصوت واطي
خالد +شهد : وعليكم السلاام ..
حررك خالد السيارة وهو حده مستااانس وكل شوي يلتفت عليها ويبتسم << من قده راكبه حبيبته جنبه ..
بعــــد شووي سكووووت ..
خالد : شيخة
شيخة في قلبها وش عنده الحين بعد :لبيه
خالد : لبيـــتي حاجة وانا محررمك هههه.
شهد ميييتة من الضحك تتخيل شكل شيخة الحيــــن .......
شيخة مستحيــــــــة وفي قلبها تقول آآآمين
بعدين سكتوا ووصلـــوا للفيصلية ..
خالد : بس هااا ترا مانبي نتأخر
شيخة : بل توونا داخلين
خالد : خلاص خلاص كل شي ولا زعل الغالية
شهد : اقوول عاد تراك مصختها ترا بعلم عليييك
خالد : علمي عادي واحد ويحب بنت عمته...
شيخة : ..
شهد : طوييييلة العمر عاجبها الكلام
شيخة قبصت شهد .. 
شهد : أي أح أي يعووور
شيخة بصوت عالي : احسن
شهد : ههههه
شهد : خاااالد
خالد :هاه
شهد : احم احم خلنا ناخذ راحتنا واحنا نشتري
خالد :ترا ذوقي حلللو خل اختار لكم لبس
شهد : والله انا مابي شي شيخة للحين ماشررت
شيخة :هاه ايه الحين بشترري < وتسحب شهد ويمشون
خالد : بس لاا تتأخرووون


راحوا شيخة وشهد يشترون وشيخة لقت لها شي حلو ...
دقت شهد على خالد وجاهم وشهد لزمت على شيخة ترجع معهم البيييت .. 
اول ماوصلوا البيت !!
خالد : أقول شيخة
شيخة والله ماقول لبيه : هلا
خالد : وريني فستانك
شيخة : ليه
خالد : بس كذا ابي اشوفه
شيخة : طيب
شهد : خذي هذا هو الكيس
شيخة طلعت الفستان وشافه خالد وشهق : لااا والله
شيخة : وشوو
خالد : بتلبسين هذا
شيخة مستغربة : ايه عادي
خالد : لا مب عااادي ..
شيخة :بل تحت الركبة عادي
خالد : مابي أحد يشوفك
شيخة عصبت : ولي أمري وانا مدري
خالد : ولووو ماتلبسين هذا
شيخة : بلبس يعني بلبس
خالد نررفز : قدها
شيخة بتحدي : وقدود
خالد مشى عنها وهي حست ان موقفها سخيف بس حتى ولوو ماله اي حق انه يقرر وش البس وش ما اللبس
شهد : ياااهوو ردي علي
شيخة : هاه
شهد : وش فيها الأخلاق خرربت
شيخة : مافيني اللا العافية
شهد : عاادي هذا خالد تشوفينه اليوم كذا بكرة يجي يكلمك ولا كأن شي صار
شيخة : ان شاء الله .. 

اما عند بيت ابو ترركي ...
الأخوان قاعدين بالصالة!
تركي صدع راسه من مناقر رنا وراكان ..
تركي : تعالي انتي ماعندك اختبار بكرة
رنا :ايه مفروض
تركي : قومي ذاكري وفكيني من ازعاجك
رنا : افا ماهقيتها منك وانا اخوووك تطرردني
تركي : نعم نعم شقلتي
راكان : ايه شفيك ترووك هذا اخوونا الثالث
تركي : رنووهـ
رنا :هههههههه قصدك رواف
روان : رواف ولا نواف هاهاهااااي
لطيفة : هيييه هييييه عاد حدك لاتتمصخرييين على رواااف
روان : هاااه
رنا : يالخبلللة هذا خطيييب لطيفة اسمه رواف
روان : اووه اووه اسفين اختي ماكان قصدنا
تركي : نرجع لكلامنا الاول شتقولين انتي وانا اخووك
رنا : اففف امززح امزززح مافيه حس فكاهة الله يعييين شهد عليك ثقيل دم
روان : ههههههه حرام عليك يالظالمة حطمتي اخوووي وملكته قرييبة
تركي : اووووف متى تجي بس
راكان :الحمد الله عالعقل اخواني خبلااان
رنا : لالا ماقدر انا عالعااااقل
لطيفة : رنووووه تراك رفعتي ضغطي احسك بزززر
رنا : أنــا روان بنت فيييصل تقولين عني بزر
لطيفة : اقول طيري عني بس
رنا : اوووف راكانوووهـ امش نروح الغرفة اخوانا استخفوا كل واحد بيعررس وجتهم حالة نفسية
راكان : اجل هونت مابي اتزوج اذا كنت بصير مثلهم
رنا :انت تقولها مرة وانا ألـــف
ماحست رنا اللا بالنعلة فارة راسها ...
رنا لفت علييهم .. 
رنا : من قليييل الأدب اللي مايستحي اللي رما النعلة علي
تركي : هييه لا تسبيني
رنا :ويعتررف بعد ...
تركي : ايه عادي كيييفي
رنا قرربت من جهة تركي : قـــدها
تركي : قدها ونص بعد
رنا :أنا اوريييك << وتبدا رنا ترررفس فيه
تركي : خلصتي ؟!
رنا : لا باقي هذي << وتررفسة رفسة قوية وتنحاش غرفتها
تركي : ايييييه انحاااااشي يالدجاجة
رنا :دجاااجتين اذا تكسررت مب نافعني انت

<><><><><><><><><>

الأحد ..... الساعة 5 ونص العصر


عند عــــــــبير وطـــلال ...
عبير تطالع تلفزيون وهي سااكته وريناد في غرفتها تلعب ,,,,,
عبير مندمجة مع المسلسل وفجأة ..
طلال : بووووو
عبير : يوه بسم الله
طلال : وش فيك
عبير : هبلتني يعني وش فيني ^^
طلال :أفاا ماعاش من يهبل عبووورتي
عبير :هههههه في احد يدعي على نفسه
طلال : اذا السالفة فيها عبير عاادي
عبير : الستغفر الله
طلال : آآآهـ عبييير
عبير : شفييك
طلال : أحبــــــــــــك !!
عبير : .... << مستحية
طلال : للحين تستحيين
عبير : ..
طلال : عبورة
عبير : هلا
طلال : بسألك سؤال وابيك تجاوبيني
عبير : ....
طلال : تحبيـــني
عبير : ..
طلال : عبييير عاد لاتسكتين من صدق انا اتكلم
عبير هزت راسها : ايه طبيعي .. أنــت زوجي
طلال : قووولي قسم بالله
عبير :قسم بالله
طلال :عبييير
عبير : نعم
طلال : انتي ليه ماتقولين لي عن أهلك شي أنا ماعرف اللا انه امك وابوك مطلقين وكل واحد متزوج احد ثاني
عبير : وش تبي تعرف اكثر من كذا ؟؟
طلال :عبير أنا زوجك أنا فتحت لك قلبي وقلت كل شي عني اذا انتي تحبيني قولي لي
عبير: طلال صدقني كل شي عادي مافيه شي يسووى اقول لك
طلال : اجل لييه ماعمري شفتك تكلمينهم ولا عمررك فكرتي تقولين برووح لهم ..<< بعدين هدا نبرة صوته
طلال :عبير صدقيني الواحد يرتاح اذا قال اللي بقلبه
بدت عبير تصيـــح وتقول في قلبها (( وش أقول لك ياطلال أقول لك انه ابوي ماصدق اني انخطبت على طول وافق
ولا اقول لك اني ماشفت امي من اكثر من 15 سنة ولا عن اخواني اللي كل واحد اشين من الثاني ))
طلال بدا ينرفز منها : عبيـــر تكلمي
علير : وش أقـووول
طلال : قولي اللي بقلبك طلعييه
عبير : ...
طلال : اذا أنتي تحبيني قولي لي اللي بقلبك !!!
عبير(( مهما كان مايصير اشووهـ سمعة اهلي قدام زوجي لازم يحس ان وراي اهل يسألون عني )) :......
طلال بصوت واطي : يعني ماتحبيبي
عبير :والله مب عن كذا طلال صدقني
طلال عصــب اخذ مفاتيحه وطلـــع .......
عبير قعدت مكانها وجلست تصيييح طرى على بالها أحمــد يوم يطلع وهو معصــب ويتووفى لالا الله يسترر لالا لازم اوخر هالافكار
من راااسي ان شاء الله مايصير اللا الخير .....


:::: طلع طلال من عند عبير ::::
كان معصب شووي ... ركب سيارته وقعد يفرفر شووي بالشوارع بعدين فكر شووي (( مب من حقي اني اعرف اذا هي ماتبي تقول لي
مب غـــصب .. بس أنا زووجها يوووه حتى ولو انا في اشياء ما قولها لها عن اهلي )) حس طلال ان موقفه بايخ
بس ماله خلق يرجع البيت راح لبيت ناصر ولد اخووهـ ويوم وصل عند الباب دق على ناصر
ناصر : هلااا والله عمي
طلال : والله مدري من العم انا ولا انت
ناصر :ليييه
طلال : كله انا اللي ادق عليك طال عمرك ماتدق
ناصر : شسووويلك عاد مشغووول
طلال :الحين انت بالبيت
ناصر : ايه .. ليه ؟؟
طلال: انا عند الباب افتح
ناصر : عند بابنا
طلال : لالا عند باب جيران خالي سعود
ناصر :هيهيهي تستهبل
طلال :احاول
ناصر : الأهل وياك
طلال :لا انا بلحالي
ناصر : انزين فتحت لك الباب تعاال
طلال راح له وسلم عليه ودخل شااف عنود وعيالها كلهم جالسين
عنود : انت قل قسم بالله .. كم لنا من اسبوع ماشفناكم
طلال يتصنع برائة : 3
عنود : ايه ايه المهم شخبارك
طلال : تمااام
عنود تطل من وراهـ : لييه ماجبت العيال
طلال : مرة ثانية ان شاء الله
عنود : أهااا
طلال :عزوووزي
عزوز : هلا والله عمي
طلال : هلا ابو الشباب
عزوز : عموو
طلال :هلا
عزوز : جب
طلال: شف قليل الأدب
عزوز : كيفي
طلال يطالع عنود وشافها تضحك : عنييد وش يقول ولدكم
عنود : كل شي تحت راس ابووهـ هو اللي يقول له كل شي
طلال :نصووور
ناصر : اسمع والله انه يجنن وهو يقولها
طلال : الله لا يبلانا .. شف هذووولي السكرات
وشال وحدة من التوأم : ياحلوووها فيووونة
عنود :ههههههه عمي هذي ضي
طلال : شدراني عاد .. اللا تعالي شلون تفرقين بيناتهم ؟؟
عنود : سهلة شف شف في امتن من ضي وضي فيها حبة خال في يدها بس ضي لا
طلال : ايه ايه يسير خير والله مافرق بينهم لو اييش
عنود :هههههههههههه
طلال يشوف ساعته لقاها 10 ونص
طلال (( يوووهـ تأخرت)) : يلا انا برجع الحين
عنود : بدري ياعمي
طلال :من عمرك عنودة .. بس هااا لاتقطعوون ترا انا عمكم مب نتم عمامي
ناصر : ان شاء الله عمي...
طلال : فمان الله
عنود +ناصر :فمان الكريم


طلع طلال من عندهم وراح للبيت ..
بس عند عبير بدت تخاااف تدق على جواله بالاول مايرد بعدين مقفل الله يستــــر وش صااار والله ماسااامح نفسي لو صار فيه شي .. كانت
عبيير تصيــــح ومتقطع قلبها كانت من قللللب خايفة على طلال لأنه من يوم طلع وهي تتذكر أحمد زووجها الأول
وشلوون حياتي بتكوون من دون طلال .. برجع لأهلي لابوي لزوجة ابووي ولا لاخواني اللي كل واحد انذل من الثاني ...

طلال وصل البيت على الـ 11 اللا ربع << تعرفون مشاوير لرياض ..
دخل طلال البيت اول مادخل شاف عبير كانت تصيــــح بشكل يقطع القلب وماحست فيه يوم دخل ...
طلال قرب منها شوي وقال لها بصوت اقرب للهمس :عبير
عبير رفعت شعرها عن عيونها وشافت طلال ماحست بنفسها وطااارت بحظنه وقعدت تصيـــح ..
طلال :خلاص عبورة حبيبتي لاتصيحين اهدي
عبير :طلال تكفى ... لاعاد تطلع وانت زعلـ... زعلان مني اذ زعلت علي هـ.. هاوشني طقني ســـ...و فيني اللي تبــ.. بي بس طلبتك
لااا تطلــع وانت زعــ.. ـــلان مني تكـ...ــفى ..<<< كانت تشهق من بين كلامها شكلها من جد يكسر الخاطر ..
طلال : عبير ياقلبي انتي والله اهدي الحين وامسحي دموعك واذا هديتي قولي كل اللي تبين
عبير : ....
طلال مسح دموع عبير من وجهها ورفعت راسها له وابتسم لها
عبير :طلال
طلال :عيووونه
عبير والدمعة بعينها : أحبك
... وكل منهم ظل ساكت بس ان عيووونهم مافارقت عيوون بعض ...





:::::::::::::::::::::::::: 

اما ببيت ابو تركـــي ...
كل الأخواان قاعدين مع الأم والابوو ..
رنا : اوووف من زمان ماطلعت
تركي : يالنصااابة مالنا 3 ايام يوم اوديك للعزيزية
رنا :يوووهـ ذيك تسميها طلعة .. ابي طلعة وناااسة وفلة
لطيفة : صدق ماتنعطى وجه
روان : معد ترووح معنا خلاص زعلنا عليها
رنا : ويييه ميتة على طلعاتكم وش ابي فيييكم وعندي ابووي فدييييييت قلبه والله
روان : يمة تغااازل رجلك قدامك وانتي ساكتة
ام تركي : ماعليك انتي عطيها على قد عقلها
رنا : نعم نعم نعم وشوو على قد عقلي شايفيني راكان وانا مادري
تركي : اللا ابززر عالأقل راكان الحين مفتكين من شره يلعب كورة بالشارع
رنا : خلاص بفككم من شري وبرووح العب معه
راحت رنا تركض بس مسكها تركي من طرف ملابسها من ورا وجرها
تركي : خير وين رايحة
رنا : بروح العب بالشاارع ياخي فكني
تركي : قولي قســـم بالله
رنا : قسم بالله العظييييم
تركي : الله يخلف علييك اقعدي اقعدي بس
رن التلفوون حق تركي وشاف الرقم طالع روان وابتسم بعدين رد...
فهد : هلا بالنسييييب
تركي : هلاااا والله ببو نســـب
فهد : شخباارك
تركي : تمااام يالقاطع وانت شلونك
فهد : انا القاطع ياقليل الادب
تركي : ايه ايه يسيير خير
فهد : وش الجديد عندكم بعد
تركي : ابد ايييه ماقلت لك لطيفة اختي انخطبت
فهد سكت : .......
تركي : الوووووو
فهد تغيرت نبرة صوته : .. مبروك
تركي : الله يبارك فيك ..
فهد : اقول ترووك ماطول عليك انا فمان الله
تركي :فمان الكريم ولا تقطع يابو الشباااب ..
فهد : اووكي .. سلم عاللي عندك
تركي :يوصل ان شاء الله
فهد : مع السلامة
تركي : مع السلامة
تركي : يسلم عليكم فهد ...

: : : : : : : :
فهد من جهة ثانية سكر السماعة وحط راسه على الطاولة قعــد يفكر .. يفكر انا وش سويـــت
انا .. انا كنت احب لطيفة ولا لا ؟! مادري مادري والله ماادري وش اللي فيييني ...
هي كانت تحبــني وأنا بعتها .. ماسوت لي شي هي !!!
فكر فهد قال خل اروح لشوق اقول لها
فهد راح عند شوق طق الباب
شوق :أدخل
فهد : السلاام
شوق :وعليكم السلام
فهد :شخبارك
شوق :تمام
فهد : شمسوية
شوق :فهيد اعرفك هات من الاخر
فهد : امممم لطيفة بنت عمي فيصل
شوق :ايه وش فيها
فهد :انخطبت
شوق :ايه ادري .. يعني تحسبها بتتوقف علييك يعني مب متزوجة غيييرك ..؟!؟!؟
فهد انصدم من اخته : .... شوق شفيك
شوق :فهد يعني انت الحين نادم ولا شسالفتك
فهد : .... مادري والله مادري ياشووق 
شوق :لازم تدري
فهد : حب لطيفة كان حب مراهقة
شوق : أولا وش هالمراهقة انت 25 وهي 22 ثانيا مدام انه حب مراهقة وش فيك الحين ضايق صدرك
فهد : أحس اني تحسفت على خطبة روان .. شوق انا ماحب روان بس انجذبت لشكلها
شوق انقهرررت منه كل شوي له كلاام : فهد انت فيك واحد من اثنين يا انك واحد لعاب وتحب تلعب بالبنات ولا فيك حالة نفسية
فهد : الشرهة علي اني جيت اشكيلك
شوق :والله محد طلب منك تشكيلي
فهد : يعني ...
شوق : يعني وش ؟؟
فهد : ابي افصخ الخطبة احس ان روان ماتبيني
شوق فقدت اعصابها بس تبي تتعامل مع فهد بهدوووء : فهد أعقل ترا هذا منقوود بعدين هي بنت عمك تجي تخطبها وبعد فترة تفصخ الخطبة 
وش بتقول لعمي ووش بتقول لتركي ياااخي ترا كأنك بزززر صاير
فهد :بس روان ماتبيني
شوق :سبحاااان الله من اوول انا اقول لك البنت ماتبيك وتقول بس انا ابيها وبخليها تحبني الحين أنت اللي تقول ابي افصخ الخطبة تلااايط بس
فهد :..... << مايدري وش تقول اصلا مايدري شلون كان يفكر بالوقت اللي رااح !!!

فهد طلع من غررفت شوق وراح غرفته ...
قعد يفكر باللي سوااهـ يفكر وشلون بيعيش مع روان ووشلون لطيفة بتعيش من دونه !!!
لطيــــفة ..
خل ادق على لطيفة بشووف هي للحين تحبني وهي موافقة على خطيبها ولا لا .!!!
فهد دق على لطيفة اللي حافظة رقمه للحين مانسته وكانت جالسة مع أهلها بس قامت
يوم شافت الرقـــم وهي مستغربة راحت غرفتها وسكرت الباب وردت وهي مترددة بس تبي تعرف وش يبي !!
لطيفة : ...
فهد : الو السلام
لطيفة :وعـ..ليــكم السلام
فهد : شخبارك لطيفة
لطيفة : بخير
فهد : جعله دووم .. عرفتيني؟؟
لطيفة : ايه .. فـ..ـهــد؟
فهد : ايه فهد .. مبروك الخطبة
لطيفة : الله يبارك فيك
وبعدها سكتوا كلهـــم ...
فهد :لطيفة
لطيفة بطفش :هلا
فهد : انتي راضية بزواجك
لطيفة :ايه طبعا
فهد : وأنا ..!
لطيفة استغربت صدق انه وقح : انت شفيك انت خلاص عافك الخاطر
فهد : ......
لطيفة : تامر شي انا الحين بسكر
فهد : سلامتك
لطيفة : الله يسلمك .. فمان الله
فهد :فمان الكريم ..


::::::::::::::::::::::::::::::




اما شيـــخة قاعدة في غرفتها وتفكر بخالد ... صدق انه حركته قهرتها بس بعد تحس بتأنيب الضمير 
يعني وش بيضرها لو خلته على عماه تقول له طيب بعدين تلبس الفستان والله مايطق خبر ..
بس لااا لازم انا وهاللسان .. يووهـ هو الغلطاااان وش دخله فيني ألبس اللي ابي كييييفي ..
خل ادق على شهيييد
دقت شيخة على شهد ..
شهد : هلا والله بالزييييين كله 
شيخة : هلا فيييك
شهد : يالقاطعة من زمان مادقيتي علي يعني تزعلين على خالد اوكي بس انا وش دخلني
شيخة : شخبار خالد على طاريه
شهد : امممم تصدقين تصدقين كل ماحاولت اجيب طاريك يغيير الموضووع ...
شيخة : ............
شهد : بس صدقيني مصيره بينسى 
شيخة : مادري ياشهد مادري .. اذا جا يوم الاربعاء واجتمعنا بعتذر له
شهد : اممممم براحتك ..!!
شيخة : يوووهـ متى يجي الأربعـــاء
شهد تبي تفرط باعصاب شيخة : امممم بس الله يستر انتي اهنتي كرامته والله
شيخة شوي وتصيح بس تسوي قوية : والله انا ماسويييت شي مسألة حرية شخصية البس اللي ابي
شهد : ههههههههه خلاص خلاص أصـــــــــلا خالد يحبك ومستحيل يزعل على شي تافه زي كذا بس يتغلى عليييك 
شيخة : مالت عليك .. أنا الحين بسكر اوكي
شهد : اووكي
شيخة : بااي
شهد : بااايات


: : : :

جا يـــــــــــــوم الأربعاء ... 
شيـــخة : هنووووووف والله ان ماقمتي الحيييين ترا بنروح ونخليك
هنوف : .... << ولا كأنها تسمع
شيخة : هنوووووووووووووووووووووووووووووووف
راشد جا يركض : بسم الله شفييكم
شيخة : شف هالخيشة للحين نااايمة
راشد : وانا احسب عندكم ساالفة مالت عليكم ..
شيخة : راشد تكفى قومها
راشد : ماطلبتي شي ياا أختي الغااالية 
رااح راشد قرب من هنوف أخذ قطعة منديل ولفها ودخلها في أذن هنوف 
هنوف : هممم
راشد : شرايك اذا ماعليك امر تقومين عشان نروح بيت عمي ابراهيم
هنوف :وش نبي نروح له
راشد : هنووفوووهـ الحين انتي تعرفين انا بنروح بيت عمي اليووم تنامين لييييييه
هنوف :والله ماجربت المدرسة
راشد : لا ابد ماجربتها بس 12 سنة وانا ادرس 
هنوف تخززهـ
راشد : 13 سنة طيب
هنوف : انزين اطلع قمت خلاص ..
راشد : اصلا بطلع بكرااامتي
شيخة : ها ها ها فشلووووه
راشد : الشرهة عاللي يقعد عندكم
شيخة : راشد راشد لحـــــظة
راشد لف عليها :نعم
شيخة : خشـــمك شفه ههههههههههاي
راشد : لالا لاتضحكيني تكفين مالي خلق
شيخة كشت عليه
راشد :حمد الله بزر الله يعين اللي بياخذك
شيخة : وهوو يحصل له شيـــخة بنت منصووور
راشد : الله لا يبلانا << وطلع من عندهم 

جهزوا كلهم وراحوا اجتمعوا في بيت العم ابراهيم وافطروا عندهم
البنات قاعدين
شيخة : من اللي باقي على عرسها 3 اسابيع
شهد +مشاعل :سااارة
سارة : صدق انكم بزرااان
شيخة : تعالي للحين مفاجئة شهر العسل
سارة : ايه 
شيخة : شي والله رومااانصي هالولد
شهد : مب ارمنس من خالد اخووي
سارة : ههههههههههههه حلووة ارمنس
شهد : اهم شي اعجبت العروس
شيخة تذكرت شي : شهد شهد
شهد : هاه
شيخة : تعالي تعالي
شهد راحت لها ........
شيخة :وش الدبرة مع اخوك
شهد:امممممم والله مدري عنه
شيخة : اووووف
شهد : طيب خل يطلع وقولي له ...
شيخة : لالا خلاص ماله داعي هو يرضى من نفسه !!
شهد :اكيييد
شيخة :ايه
شهد براااحتك
شيخة : خل ندخل

دخلوا داخل وشافوا أبو اللجة والصجة العيال كلهــم داخلين ويسولفون مع البنات والحريم ...
شيخة + شهد :السلاااام
العيال كلللهم :وعليكم السلام
شيخة : شخبار عيال خوالي
راشد :واخوانك يعني مالهم رب
شيخة : هاه لا والله توني شايفتك اليووم يا أخي العزيز << شيخة كانت متوووترة من نظرات خالد لها
خالد :هلا والله شخبارك شيخة
شيخة : ..... الحمد الله بخير وانت
خالد : عايشيين
شيخة : ............
قعدوا خالد وشيخة يطالعون بعض ماحســـوا باللي حولهم كأنه مر عليهم سارة أو ساعتين وهي أقل من دقيقة
شهد : ياهوووووووو عطينا فيس
شيخة :هاه
شهد : اللي ماخذ عقلك 
خالد : يتهنااا به
شيخة خززت خالد وراحت عنهم جلست تسوولف مع البنات بس انها متووترة لانه خالد يطالعها ...






هنوف تكلم لولو :اوووف من زمااان عن مشعل 
لولو :شوفيه قدامك الحين
هنوف : افففففف قصدي من زمان ماصار لي اكشن ومغااامرة معه
لولو : سوي لك حركة
هنوف :زي ايش
لولو : انتي فكررري




هنوف تكلم لولو :اوووف من زمااان عن مشعل
لولو :شوفيه قدامك الحين
هنوف : افففففف قصدي من زمان ماصار لي اكشن ومغااامرة معه
لولو : سوي لك حركة
هنوف :زي ايش
لولو : انتي فكررري
هنوف :اممممم مافيه شي ببالي
لولو : مالت عليييك زين
هنوف :تلااايطي بــس
لولو : لاترفعين صوتك
هنوف :آسفة عمتي لولوة ماكنت اقصد
لولو :وجــع لااا تقولين لولوة ماحب
هنوف :لولوة لولوة لولوة
لولو :بزر بزر بزر
هنوف :مالت عليييك << وتكش عليها
لولو تكش بيدينها الثنتين
هنوف :ياااقليلة الأدب أنــــا هنوف بنت منصور تكشين علي
لولو: ماقول اللا الله يعين مشيعل عليك لين تزوجك
هنوف لفت تطالع مشعل لاشعوريا شافته يطالعها ويبتســـم ..
هنوف طالعته وتفكر هو الحين يفكر باللي افكر فيه يوووهـ فشلة
نزلت هنوف راسها وشافتها لولو وضحكت
هنوف :لولو تتوقعين سمع شي
لولو :من شكله ... ايه كــل شي
هنوف :حسبي الله عليييك ......
لولو :هههههه وناسة






مـــــــــر رمضان على خير ..... وايان العيد .. واليوووم ملكة مشاعل وشهد ..
خالد للحين ماكلم شيخة بس انه عادي وياها بس مب زي اول وهالشي مضيق خلق شيخة 
هنوف ومشعل كل يوم يزيد حبهم ببعـــض
مشاعل مستانسة بتجتمع هي ونوااف .
وشـــهد حدها مشتانسة بس بنفس الوقت متوووووترة انها بتسولف وياه هي ماعمرها سولفت وياه












العزيمة كانت ببيت الجد عبد الله .... والحريم كانوا بالصالة .. والرجال بمجلس الرجال الخارجي لأنه كبييير
وفيه ناس وااااجد .!.!.!.!.
عند البنات كلهم جالسين ولطيفة وخواتها بعد
روان تسلم على شهد :مبرووك ياقلبي
شهد : الله يبارك فيك عقبالك
روان ابتسمت لشهد ببرود :بحياتك ..
والبنات يسوولفون ..
شهد تكلم شيخة : ههههههه يعني لازم العناد ماشريتي فستان ثاني ؟!
شيخة :شسوووي عاد شريته وعاجبني
شهد :اذا سألني ترى بقول له انك لابسته
شيخة :بالطقاااق عادي 
شهد :بيييزعل
شيخة :عاااادي
شهد : ههه عيني بعينك عاادي ؟!
شيخة : .....
شهد :ههههههههه قوليها
شيخة :خلاص خلاص مب عادي بل واقفة لي هنااا << وتأشر على حلقها ..
شهد :ههههههههههههههههه

ريم جت عندهم ...
ريم : سلااام
الكل :وعليكم السلام
ريم : يللا ياعروسة
شيخة :اي عرووووسة في ثنتين !!
ريم :يللا شهد 
شهد : لا خلي مشاعل اول
هنوف :ههههههههههههه حلوة ذي على كيفكم
شهد :ايييه ملكتي كيييفي
رنا :يعني بتصيرون دور دور
ريم :ههههههه ابشرك
شهد : متى تجي ملكتك رنوو والله ماسكتلك اشياااء وااجد
رنا :هاااه من قال اني بتزووج اصلا
شهد :يسسيير خير !!
ريم : يللا خلصوونا
شهد :يلا شيووخ تعالي
شيخة :مابي عجزانة
شهد :شييخة تعاااالي
شيخة : بل بل طيييب !!
دخلوا شهد وشيخة ولطيفة وروان ورنا وام شهد وريم وعنود وراكان وام تركي وابو تركي
طبعا البنات كللهم متغطين لان خالد وتركي فيه !!

خالد : يللا بدخل تركي !!
ام خالد :يللا ياوليدي
شهد ترتجف ولطيفة وشيخة واقفين جنبها ...
لطيفة :شهد هدي اعصااابك تونا بس الملكة مب العرس
شهد : ... ان شاء الله !!
لطيفة :يللا دخل فارس الاحلام ...
دخل تركي وشهد حدها متوترررة وترتجف وسلمت على تركي وجلسوا جنب بعـــض .!.!
شهد مستحييية كل اللي فيه مركزين عليها وعلى تركي ...
ماتقدر تررفع عينها بس قاعدة تفكر ::: يوووهـ ماركزت عليه زيين من يوم خطبني خل اطالعه:::
توها رفعت عينها شافتع يطالعها وهو مبتسم ,, نزلت راسها على طول بطريقة خلته يضحك ...
وتركي من طرف ثاني مستااانس منها ... عيووونهاا وغمازاتها وكل شي فيها يعذذذب !!!
تركي :شخبارك شهد
شهد :بخير
تركي :والدراسة شلونها
شهد :الحمد الله
تركي : جهزتي شنطتك عشان تجين معي الحين
شهد رفعت راسها بسرعة وطالعته :وييين
تركي :هههههههه لالا ولا شي بس ابي اشووف وش بتسوين
شهد تفشلت ونزلت راسها وتركي مستااانس عليها !!

جا وقت تلبيس الشبكة ...
اخذ تركي اخاتم وأخذ ادها وحطها فوق يدهـ ومسك اصبعها ودخل الخاتم بعدين حبها مع يدها وهي بتذوووب من الحيا
طلع السلسال وجا بيركبه عليها ورفعت شعرها وحطه بعدين قرب من عند اذنها وهمس لها ..
تركي :ترى والله ما آآكل شفيك خايفة مني
شهد : .......
تركي :هههههه طيب براحتك


طلعوا كلهم من عندهم بعد مالبسها الشبكة ... 
شيخة راحت فصخت عبايتها لانه لبسها زي ماقلنا كان قصير !!
شيخة : بل حرررر
وطلعت برا قريب من عند المجلس اللي فيه شهد وتركي ..
وهي تمشي ماتدري من اللي واقف عند مجلس شهد وتركي !!
شيخة تمشي بعدين شافته يطااالعها وقفت مكانها ماقدرت تتحررك .. 
خالد يطالعها من فوق لتحت ماقدر يمنع عيووونه وهو مبتسم اما شيخة فهي سااااكتة اول مرة تشوفه لحالهم بعد المووقف ذاك
خالد وهو على نفس نظراته : يعني انتي على رايك ماغيرتيه لبستي الفستان
شيخة : ......
خالد نزل راسه حل انه مسخها بس حى ولو بيحرجها : بس تصدقين لو سمعتي كلاامي ماصار لك هالموقف بعدين بيني وبينك شكلك روووعة بالفستان
راح خالد وخلاها وهي مب فاهمة شالسااالفة ...

اما عند شهد وترركي 
بعد هدوووء ...
تركي : مبرووك
شهد :الله يبارك فيك .. عقبالك << متنحة البنت
تركي :ههههههههه يعني عادي اسويها ثانية
شهد استوعبت اللي قالته وتفشلللت :يوه طلعت بالغلط
تركي :هههههههههههههههههههه شكلك من قلب متوووترة
شهد ابتسمت ونزلت راسها بالارض 
تركي : ياحلو أهل الغمازات
شهد حمررررر وجهها وتركي مستااانس عليها !!
تركي : ايه وش مسوية بعد
شهد :عايشين
دخل عليهم خالد وهو كان يضحك على شيخة للحين ...
تركي يكلم شهد : بل بل يعني لازم ينكد
شهد : هههههه
خالد :ايييه حشوا حشوا خل اخذ حسناتكم
تركي :ههههههههه شدرااك ان نحش فيك
خالد : احم احم انا ادري عن كل شيييي !!
تركي : ماشاء الله عليك 
خالد : ايه عاد لين متى ناوي تقعد ترى فيه دور ناس بعدك
تركي :يووهـ مستانس عاد لازم اروووح
خالد :والله تبي تاخذها معك حلالك ترا عادي
تركي :من ناحية حلالي خلاص هي صارت حلالي
خالد :يللا بروح اقول لامي تجهز شنطتها
تركي :لااااا خلنا نقظي ملابس مع بعض ^_*
خالد :يكون احسن يللا نشوفك بعدين شهد باااي
شهد في قلبها (( يووه ياسخفكم ودي افصخ الكعب وافقع راااسكم فيه))
خالد :لايكون صدقتي انتي هيييييه قومي
شهد قامت وهي تخزز خالد وتركي يضحك عليييها .......


طلعت شهد من هنا وراحت شاااخطة لعند البناااات !!!
شيخة : هااا بشرينا 
شهد : يوووهـ حسبي الله على خاالد فشللللني
شيخة :هههههههه مشتغل تفشيل للكل شكله
شهد :افا ليييه
شيخة قالت لها السالفة وشهد مااااتت من الضحك
شهد : هههههههههههههههههه صااادق والله اخوووي
شيخة :ايه ماعلينا منه بس قولي لي عن ترركي وش قال وش قلتي ووش قال لك وهو يلبسك السلسال ترا ماسمعت
شهد :بل علييييك متى امداك تشوفينه
شيخة : احم احم انا شيييخة بنت منصووووور لازم اكون اعرف كل شي !!
شهد قالت لشيخة كل شــــي وجات لطيفة وباقي البنات وسألووها بعد !!
رنا : عطااك رقمه
شهد :ايه
رنا :يااحبي للرومنسي بس
شهد :. ....
روان : ماتستحين انتي
رنا :ايييزي وش فيها واحد توه متملك اكييد بيكون رومنسي


جا دوور مشاعل والحمد الله عدا هاليوووم على خييير !!!
باااقي كم يوم على عررس سارة مسويين حفلللة كبيرة لها والكل مجهز ملاابسه وكل شي !!
وش بيصيير من أحداااث في عرس سااارة وهل بيمر على خييير !! 
وشيخة وخااالد وش بيصييير فيهم ؟!؟!
مشعل مخطط على شي مع سالم وراشد بس وشوووو ؟؟؟؟؟؟
مشعل وهنوووف وش بيصير عليهم !!
تركي وشهد بيقعد تركي على هالرومنسية على قولة رنا ولا بيتغييير ؟؟ 

 
   
   
 
   
 
بعد الملكة .. كل البنات جالسين فوق بالصالة يسولفون !
لولو : يللا شهيد قووولي لنا كل شي
هنوف : من طق طق للسلام عليكم
شهد :بل ياالقفكم
هنوف :وبكل فخرر
مشاعل +شيخة +سارة :هههههه
شيخة تكلم مشاعل :الحين انتي جايك الدور خل نخلص من شهد ونشوفك
مشاعل : ايه ايه يسييير خير
لولو :يللا شهيييد قولي
شهد :انزين انزيين
وقالت لهم شهد عن كل شي من البداية للنهاية يوم خالد يفشلها
شهد :خايس رفع لي ضغطي
شيخة : والله انه كبر في عيني
شهد : اقول متى تجي ملكتك والله لاشتغل عليك تمسخر
شيخة تغير الموضووع : ايه مشاعل قولي لنا
مشاعل: ابد والله ماصار شي بعدين حضرتك كنتي فييه
شيخة : هاه لا بس مانتبهت واجد
مشاعل : طيب
شيخة :وشوو طيب قولي
ومشاعل بعد قالت كل شي
هنوف :يحليييلكم والله كبرتوا
شيخة :لابينتظرونك لين تأذنين لهم
هنوف:هي هي هي ماتضحك
شيخة :محد قال لك اضحكي
شهد :وانتي كله هواااش
شوي ويدخل عليهم مشعل وراشد وسالم < الثلاثي المرح
شيخة : بل بل بل شجااايبكم هنا انتم
راشد :لهالدرجة ماتبوونا
مشعل :اشوى انا بنرووح ونفتك منهم
شهد :وعلى وين النية
سالم :مااالكم دخل
مشاعل :يللا عااد وين رايحين
هنوف :ايه يمكن نجي معكــم
مشعل : لا مانبي بنااات
هنوف :اصلا انا مابي الروحة معكم ولو ابي ابووي سفرني وين ما ابي ووش ابي بالرووحة معكم
مشعل يطالع ساعته ويطالع هنوف :بل كم كلمة تتكلمين بالثانية
الكل ضحك وهنووف تفشلت وانقهرت من مشعل !!
لولو :الزبدة وين بتروحون
سالم :الزبدة ولا القشطة هاهاي
لولو :لالا مقدر اتحمل بطني بيعورني من الضحك
سالم :مالت عليك محد طلب منك تضحكين
لولو :بيت جدي كييفي
سالم :جدي قبل يصير جدك
لولو تكش على سالم : مالت عليييك
سالم يكش بيدينه عليها :مالت عليك انتي
شهد :جد والله سلووم وين رايحين
سالم :يااطويلين العمر رايحين لبانكوك
هنوف : وعععع مالت عليكم ان كان بتروحون روحوا مكان سنع
مشعل :ليه شفيها بانكوك
هنوف :خااايسة روحوا فرنسا ولا ايطاليا
لولو :ولا روحوا فينيسيا
مشعل ضحك عليها :يالخبلة فينيسيا في ايطاليا
لولو تفشلت بس تبي ترقع :ايه ادري بس يعني
مشعل :مالت عليك بس البحرين والامارات يخبون عليك
لولو :ايه وش ابي بالطيارات بسم الله علي
هنوف :اووف من زماان ماركبت طيارة لي سنة وزيادة
مشاعل كأنها تذكرت شي : مشـعل
مشعل :وشو
مشاعل :متى قلت بتروحون
مشعل :هههه بعد اسبووع
مشاعل :والدراسة متى
مشعل :مب السبت اللي بكرة الاسبوع اللي بعده
مشاعل :ووش بتسوي
مشعل :بسفطها .. يعني تبيني اضيع سفرة مع عيال عمي عشان مدرسة
مشاعل :كم بتقعدون ؟!
مشعل :اسبوع او اسبوعين
هنوف :والله انكم داجين الأخ الكريم ساقط ثالث ثنوي وشكل الاخ الثاني بيلحقه
مشعل :مااافيها شي مب عيب ولا حرام الواحد يسقط بعدين المثل يقول بلا دراسة بلا هم دامك هلالي لاتهتم
شيخة :وحظررة الأخ هلاالي بعد
مشعل : ايه طبعا
شيخة : وع مالت عليكم كلكم هلالين
مشعل :ليه طويلة العمر وشو
هنوف :نصراوية طال عمرها
مشعل يطالع هنوف :والأخت عسى مب نصراوية
هنوف :لاااا أنا هلالية 100%
مشعل :ونعععم والله
هنوف خشت جو مع سالفة الكورة : شفت ياسر يده شفيها
راشد :ايوة دخلنا بالكورة وش بيفكنا اكرمينا بسكوتك يا أخيتي
هنوف تتحلطم على نفسها :بل شذا كيفي أسوي اللي ابي اسولف متى مابغيت واسكت متى مابغيت ان تهاوشت هاوشتوني وان سولفت هاوشتوني مدري وش يبيني اسوي الحمد الله
شيخة ولولو كانوا جنبها ويسمعونها وماااتوا من الضحك عليييها !!

رجعوا كلهم لبيوووتهم !!

في بيت العمة منيرة !!
هنوف في غرفتها تفكــر ....
((مشعل بيرووح تايلند بيقعد هناك اسبوعين يعني اسبوعين كاملين ماراح تشوفه ولا تسمع صوته هي تعودت عليه
بس هو مب اول مرة يسافر دايم يسافر بس هالمرة مدري مدري احس اني مابيه يسافر قلبي ناغزني .!
بس كييفه بعد الولد خل يروح يستانس !! وحتى لو قلت له كأنه بيسمع كلامي !!))
حاولت هنوف تنام لييين ما أنه جاها نوووم!!


عــــــرس سارة بالعصر !...
فيه قاعة كبييييرة ماخذينها للعرس !!
سارة ماسكتها مناحة من يوم قامت لانها بتسكن بالجبييل بعيييييدة 5ساعات الطريق ...
والبنات فيه ويهدووونها ....
شهد :عاادي ياسارة على الأقل بالسعودية مب مكااان بعيد زي اوروبا ولا أي مكااان !!
سارة :..
شهد ابتسمت لسارة : سارة حبيبتي اليوم عرسك مايصيير تصيحين مفروض تستانسين
سارة ابتسمت لشهد بس ماردت عليها :..
شيخة وهنوف توهم جايين ويتهاوشون زي العادة
شيخة : اخيييرا وصلنا كله منك دايم تأخرينا
هنوف :والله أجهز ملابسي
شيخة :وانا امس اقول لك ياهنوف جهزي ترا بكرة بنروح للقاعة بدري بس لااا لازم عناد
هنوف :والله كييييفي اهم شي جينا
شيخة :جينا والحين الناس بيبدون يجون
هنوف تطالع ساعتها :بل بل بل تووونا ترى الساعة ماجت 4
شيخة :خلاص اوص ولاكلمة
هنوف :مالت عليك
شيخة :احترمي نفسك
شهد : الله يعيييينكم على بعض دايم كذا انتم
شيخة وهنوف يطالعون بعض ويضحكون
هنوف :ماانستغني عن بعض
شيخة تكلم شهد :عادي الحين تراضينا خمس دقايق بالكثير واحنا متهاوشين عااادي
هنوف :شلووون العروس
سارة ابتسمت :تماام
شيخة :وليه الخشم احمررر
شهد :اوص لاتذكرينها ماصدقت انها تسكت
وبدوا يسولفون بعدين يتناوبون بعضهم ينزلون وبعضهم يقعدون فوووق عند سارة
. على الساعة 12 وقت الزفة !!
سارة : مشااعل
مشاعل :هلا
سارة :مايصير بس يجي ياخذني بدون زفة
مشاعل :لهالدرجة مستعجلة على الروووحة
سارة :لاااااااااا بس مابي زفة كلهم بيصيرون يطالعونني
مشاعل :لا والله يعني تبينهم يشوفون الجدار ولا وش بعضهم بعد ماجا اللا عشاان يشوفونك !!
سارة :مشاعل لاتزيديني
مشاعل :ههههه طيب طيب خلاص مب صاير شي لاتخافين
شيخة تدخل عليهم :السلااااام يللا سويرة ماتبين تنزفين
سارة : اووف يللا
زفوا ساارة للكوشة حقتها وكاانت كلاسيك مابغت فيها اشياء مبالغ فيها
والحمد الله مررر العرس اللي كانت خااايففة منه على خييير اخذها جاسم وراحوا للأوتيل

يوم الثلاثاء البنات كلهم مجتمعين في بيت بو ناصر "" مشاعل ولولو""
مشاعل :بكرة بيروحون الشباب
شيخة :ايييه قهر ماعاد فيه اللا نواف يودينا ونواف يذل الواااحد
مشاعل :هيييه عن الغلط
شيخة :اوه نسيت حرم السيد نواف وجودة هنا
مشاعل :احم احم
لولو :هنوف شفيك انتي
هنوف بضييق :ابد ولا شي
لولو :يعني عشان مشعل بيسافر
شهد :ايه واذا مشعل بيسافر مفروض تستانسين
هنوف :اقول لايكثر بس وش اللي استانس بعد انتم
شهد :شفيك انتي
شيخة :ايه ترانا ندري انك تحبين مشعل
هنوف : ......
شهد :من يدري وليه ماقلتوا لي
مشاعل :ههههههه مبين عليهم ياخبلة
شهد سكتت :ايه والله من زماااان ماتهاوشوا
هنوف :طيب ايه انا أحب مشعل ارتحتوا خلاص << وراحت لغرفة لولو
لولو راحت فوق عند هنوف
لولو :هنوف حبيبتي شفييك
هنوف :مدري يالولو قلبي ناغزني على روحة العيال مابيهم يروحون
لولو :والله مايسمعون كلامك هم مخططين عليها من زمان
هنوف دمعت عينها: والله يالولو اني احس انه بيصير شي
لولو :تعوذي من الشيطان
هنوف :اعوذ بالله من الشيطان الرجيم
لولو :يرحمكم الله
هنوف :هههههه امشي امشي ننزل تحت
فتحت هنوف الباب وراحت طبعا ماعليها شيلتها لانها ماتدري انه فيه احد ...
هنوف تمشي وهي منزلة راسها ولا شافت من اللي صقعت فيه
هنوف رفعت راسها بتشوف مين وشااافت مشــــــــعل
ماتدري وش الإحساس اللي حست فيه حست بفرررحة بوناسة كأنها ماشافته من شهر وبدون ماتحس بدت تنزل دموعها من جد اللي تحس فيه
الحين غرييييب المفروووض ماصيح لفت هنوف عنه وراحت عند غرفة لولو ودخلت لانه ماكان عليها شيلة
راحت داخل وخلت مشعل بحيرة .. شفيها هنوف تصييح ؟! خل اروح اشوووف لازم اعرف
مشعل طق باب غررفة لولو
لولو :نعمم
مشعل :عادي ادخل
لولو :لحظة شوووي
تغطت هنوف ودخل مشعل !!!
مشعل :السلام عليكم
هنوف + لولو :وعليكم السلام
مشعل :هنوف ممكن اعرف وش فيك
هنوف : ......
مشعل : هنوووف
هنوف :هلا
مشعل :وش فيك تصيحين قبل شوووي ؟!
هنوف :ولا شي عادي
مشعل :وشو اللي عادي اذا عادي عندك انا مب عادي عندي ابي اعرف وش فيك
هنوف نزلت راسها : ....
لولو :مشعل انا بقول لك هنوف تقول قلبها ناغزها على روحتكم بكرة
مشعل اخذ له كرسي وجلس عليه :هنوف تعوذي من ابليس مب صاير اللا اللي كاتبه ربي
هنوف سكتت وفي قلبها ودها تروووح له وتضمه ماتدري ليييه تحس انه خلاص بيروح منها مشعل ....
هنوف :مشعل ..
مشعل بدون مايحس :عيووون مشعل انتي
هنوف مانتبهت لكلامه :تكفى انتبه لنفســـك
مشعل :أفا عليك هنوف .. وانتي بعد انتبهي لنفسك ولا تروحين مكان اللا بعد ماتستأذنين مني
هنوف :نعم نعم نعم
مشعل :ههههه رجعتي على طبيعتك !!
هنوف ماقدرت اكثر من انها تبتسم هذا هو مشعل رجع لها الابتسامة بعد ماكانت تصيح فديييييته والله اموووت فيه

نزلت هنوف ولولو تحت وقعدوا يسولفوووون مع البنات لين ما جا الليل وكلهم رجعوا بيوتهم


بيت العم ابراهيم ""ابو خالد ""
شهد وخالد جالسين مع بعض !!
خالد :شخبار احم احم
شهد :شخبار مين
خالد :شيوووووختي
شهد :تمام
خالد :مابي بس تمام ,,.ابي اخبارها !!!
شهد :خالد انت منت ناوي تخطبها
خالد :من قال
شهد :أنا أقول
خالد :اللا ناوي
شهد :متى ان شاء الله تراها درت خطاب واااجد عشانك والعمر يمشي
خالد :قريب ان شاء الله
شهد :ليه ماتستعجل
خالد :أنا قلت لابوي وقال لي بعدين
شهد :ذكره
خالد :مانساني عشان اذكررره
شهد :خااالد عن العناد ترا اذا راحت من يدك البنت مب نافعك العناد
خالد : قلتها قبل وبقولها الحين .. أنا مارااح اخذ غييير شيخة وشيخة ماراح تاخذ غيري اللا ان فرقنا الموووت
شهد :بعد عمر طوييل ... أنا بس حبيت أذكرك ان كانك ناسي << وراحت شهد فوق غرفتها وكلمت ترركي!


اليووم الأربعاء الشباب راحوا لبانكوك وهنوف ماودها برووووحتهم وصاكة على نفسها الغررفة
شيخة دخلت على هنوف :هنوو الغدا
هنوف :مابي شي
شيخة :لييييه
هنوف :مالي نفس
شيخة :عشان احم احم سافروا
هنوف :شيخوووه لاتذكريني تكفين
شيخة :هههههههه هنوف شفيك مكبررة السالفة
هنوف :اقووول لك هالمررة اول مرة احس قلبي ينغززني
شيخة :لأنها اول مرة مشعل يساافر من بعد ماتعلقتوا ببعض مب من شي واجد انتي مكبرة السالفة
هنوف :الله يسترر
شيخة عصبت :هنوفوووووهـ أعقليي عاد العقل نعمة ترا
هنوف : ...... طيب خلاص بس مابي اكل
شيخة :والله تحلف لك انه مايطب بطنها شي لييين تتغدين
هنوف :شييخة والله مالي نفس
شيخة :أنا حلفت ووالله انا جوووعانة .. أهووون عليييك !؟
هنوف : هههههه ايه
شيخة :مالت عليك اجل تعااالي بالغصب ماتنعطين وجه
هنوف :يللا


أما عند الشباب كانوا رايحين .. مشعل وسالم وراشد وزيادة ربعهم صالح ومحمد وبدر صديق مشعل
يعني 6 عيال وصلوا تايلند "بانكوك" الساعة 4 العصر !


وراحوا طوالي على الاوتيل وناموا !!




مــر أسبوع على روحة الشباب والدراسة بدت ورجع الروتين والشباب كل يوم يكلمون وجا يووم الأربعاء
الكل مجتمع في البيت الكبير .....
ريم :يووهـ متى يجي هاللي ببطني ويلعب معكم
ريناد :ان كانه ولد لعب معي انا وعزوز وان كانها بنت لعبت مع في وضي
ريم :وليييه مب انتي تلعبين مع البنات
ريناد :لاااا انا مع العيال
ريم :ليييه
ريناد :عشاان عزوووز ماعنده اخو
ريم :اهاا طيب طيب روحوا العبوا فوق
ريناد راحت ترض بعدين فحطت وعزوز يقلدها ..
عبير :ههههه مادري متى تعقل هالبنت
ريم :عادي خليها تستانس
عبير:بس معرربجة مرة
ريم :عشان مافيه اللا عزوز بس خل يكبرون في وضي وتصير معهم
------
مشاعل :هنوفووهـ وين وصلتي
شيخة :اللي ماخذ عقلك يتهنا به
هنوف : اليوم ماكلم راشد ولا مشعل ولا سالم صح ؟!
شهد :ايه عادي الحين بيكلمون
هنوف :ان شاء الله
اللا بررنة تلفون البيت لان العيال يدرون ان الكل مجتمع في البيت الكبير
هنوف راحت تركض :الوو
مشعل :هلا
هنوف :اهلين
مشعل :هلا والله هنوف شخبارك
هنوف :الحمد الله وانتوا شلوونكم وشلون تايلند
مشعل :تسلم عليك
هنوف دمعت عينها :ومتى بترجعووون
راشد :بل بل لهالدرجة فقدتيني
هنوف :ايه كثر منها بس
راشد :مالت عليك روحي نادي امي
هنوف :احسن
:: وراحت هنوف نادت امها وكلمت العيال ::

___

مشعل وراشد وسالم واللي معهم بيصير شي زي ماتتوقع الهنوف ولا هنوف مكبرة الموضووع ؟! 

يوم الخميس "تاايلند"بانكوك ::


الشباب كلهم (( راشد وسالم ومشعل وبدر وصالح ومحمد))
..طبعا اللي ماتعرفونه انه مشعل وبدر صداقتهم من اقوى الصداقات حتى مشعل اول من قال له
عن هنووف هو بدر .... كان ياخذ راحته وياه مررة
كانوا الشباب يتمشون تحت المطرر ..
راشد : سلوم كلمت الاهل اليوم
مشعل :يالييل جانا الشايب
راشد :أعقل ياولد
سالم :بل بل تراه مب اكبر منك اللا بسنتين
مشعل :المهم بس احنا الحين بنسبقكم
بدر :ايه انا ومشعل بنروح لهذاك المحل << ويأشر على محل بالشارع الثاني

::::: مشوا بدر ومشــعل بالشارع وبلمح البصرر جات السيارة وصدمت بدر ومشعل ... أما باقي
الشباب واقفين يستوعبون الموووقف خاصة راشد ماكان مصدق كان يشوف مشعل .. مشعل اللي يعتبرره
اخوه اللي ماجابته امه .. كاان وهو يشوف المنظر قدامه يحس ان الدم وقف فيه ,,, شلون يشوف
ولد خالد يموووت قدامه وهو مايقدر يسووي شي واقف مكانه :::::
أما سالم وصالح ومحمد راحوا بسررعة لمشعل وبدر كاانت أشكالهم من قلب تخرع كان الدم مالي
وجههم لدرجة انه ملامحهم مابينت من الدم اللي فيهم
سالم يصارخ على راشد وهو خايف على مشعل :رااااااشد تعاااااال بسرررعة
راشد حس و أوتعى على الدنيا وراح لسالم دون مايقول شـــي ..
جا الإسعاف وأخذ بدر ومشعل للمستشفى راشد ركب معاهم بالإسعااف وهو يشوف مشعل وبدر كان
خايف على كل واحد فيهم بــدر كان حيل قريييب من مشعل لدرجة انه يعررف كل أهل مشعل
والكل يدري عن غلا مشعل عند بدر والعكس .. الله يسترر علييييهم
اما صالح ومحمد وسالم راحوا بالسيارة ورا الإسعاف ..

--------

بالمستشفى راشد وسالم متروا المستشفى رايحييين وراجعين ومحمد يهديهم ...
محمد يحط يده على كتف رااشد : راشد ادع ربـــك انه يطلعهم بالسلامة
راشد :محمد .. هذا مشـــــعل !! تعرف من هو مشعل .. مدري شلون
بعيش لو يصيــر شي فييييه ...
محمد : راشد ... قلت لك توكل على ربك .. برك كريييم

-------


طلع الدكتور عليهم وراشد راح له بسررعة .. كان مايعرف يتكلم بلغتهم والدكتور حس بهالشي ..
الدكتور : can you speak english?{{{تعرفون انجليزي
راشد : yes,, But Doctor what happened to the pasiont
<<< ايه بس دكتور وش صار على المريضين
الدكتور : I hate to have to tell you that But 
<<< ماودي أقول لكم بس
راشد : But what ? Doctor what happend ??
<<< بس وشو يادكتور وش صاار ؟
الدكتور نزل راسه: Well it was too late and .. and one of them died
<<< كنتو متأخرين مرة و .. وواحد منهم توفى
راشد أنـــصدم من اللي سمع ولا تكلم ...
محمد : Who is the one that died ?
<<< من فيهم اللي توفى
الدكتور : Come with me and see
<<< تعالوا تعرفوا عالجثة



راحوا الشباااب وهم كلهم خوووووف خاصة راشد هو الحين تأكد انه فقد واحد منهم ..
بس مايدري بدر أو مشعل والله كلهم غالين على قلبه كان كل خطووة يمشيها يحس قلبه يدق
مليووون دقة .. دخلوا الغرفة اللي كان فيها سرير مغطى بالابيض !!
حاول راشد يتشجع تقدم ووراهـ سالم اللي كان خايف على ولد عمه وخويه ...
راشد اللي شال الغطا عن وجهه كان راشد منزل راسه كان خايف من اللي بيشوفه سكر عينه
وتمنى ان يفتحها ويكونون بالسعودية ولا كأن شي صااار .. ماراح اقدر اوصل لكم
شعووور راشد ماراح يفهمه اللا مر بهالتجررربة
--
فتح راشد عينه وشاف شكله .. شافه وهو عالسرير الأبيض ما كأنه هو اللي يمزح معهم
قبل كم ساااعة .. ماقدر راشد يتحمل شكله لف وجهه من الجهة الثانية وهو حاس بضيييق
راشد بضيق مبين عليه :اللـ..ــه يــ...ــــرحمـ.....ك يا بـ.......ـــدر
كلهم :الله يررحمه
راشد حس انه تذكرر شي وراح بسرررعة للدكتور
راشد : Doctor what happend to the other one ?
<<< وش صار على المريض الثاني 
الدكتور ""طبعا كان يتكلم بالانجليزي بس بكتبه مرة وحدة اسرع"" : حالته جدا خطيرة
وكان يحتاج لنقل دم ونقلنا له دم بس يحتاج 24 ساعة عشان يطلع من مرحلة الخطر
راشد : بيكون بخير ؟؟
الدكتور :نتمنى
راشد :طيب ماتدري وش فيه كسور او رضوض او اي شي
الدكتور : بكرة نقدر نتأكد من كل شي .. ليش ماتروح ترتاح ماراح يصحى
قبل عالأقل 24 سااعة ..
راشد :أوكي

------------ 
بالأوتيل كان راشد منسدح عالسرييير يحاول ينام وسالم كان جالس قريب منه اما صالح ومحمد
راحوا يجيبون شي ياكلون ..
راشد تنهد :سالم
سالم :هلا
راشد : تتوقع مشعل يطلع بالسلاامة ؟!
سالم :نقول ان شاااء الله
راشد :والله اني خااايف .. خااايف اني أفقد انسااان غالي على .. خايف انه اذا
صار شي لاسمح الله وش بنقول للأهل تدري سالم ... هذي أول مرة أخاف فيييها هالكثر
سالم اللي ضايق صدرره على وفاة خويه بدر .. زخايف على ولد عمه :راشد كلنا نحب مشعل
ترى وكلنا نتمنى انه يقول بالسلامة واحنا مابيدنا شي غير انا ندعي له ...
راشد بضيييق اكثر :واذا طلع على قولتك بالسلاامة .. شلوون بنقول له عن بدر أنــه
عن بدررر أنه .....توفى سالم انت تعررف بدر ومشعل وشكثر مايستغنون عن بعض
ااسبووع أجل شلون لو عررف انه خلاااااص راح عنه للأبد
سالم :راشد لا تستبق الاحداث بدر الله يررحمه ومشعل الله يصبرره على فراقه
راشد بحسرررة : هذا اذا شفنا مشعل سالم أحس انس هلاص بفاارق مشعل
سالم عصب : رااااشد خلاص لاعاد تفتح لي هالسييرة ونم احسن لك عشان الصبح نروح لمشعل
راشد :انزيييييين بحاول << ويرن جواله بهالوقت
سالم مستغررب :مين ؟
راشد بضيقه :الواااالدة
سالم :بتقول لها ؟!
راشد :لاماتوقع
سالم :ايه أحسـن بعد !!
راشد رد : ألوو .. ايه هلا يمة .. الحمد الله احنا بخير وانتوا شخباركم ؟؟ هنوفوه وشيووخ
شخبارهم .. الله يسلمهم .. سلمي لي عليهم ... يللا .. يوصل .. فمان الله
سكر راشد الجوال ونام أو حااول ينام .. ولا أكلوا هو وسالم من الاكل اللي جابوه محمد وصالح
وطبعا اذا على بدر ان شاء الله السفارة بتتولى الاجرائات كلها ......

-----------

من الصباح راشد ومحمد وصالح وسالم راحوا المستشفى ..
راشد يكلم الدكتووور : ها دكتور وش صار على المريييض << بالانجليزي طبعا ..
الدكتوور : للحين ماوعى
راشد :طيب مالقلت لي وش طلع فيه من كسور وكذا
الدكتور :فيه كسر بيده اليسار غير الرضوض اللي في باقي اعضاء جسمه
راشد :طيب اقدر أشووووفه ؟!
الدكتور :ايه عادي بس مايصير كلكم مع بعض لازم واحد واحد وزلام تغلسون يدكم ..
راشد :أوكي

:::::::: دخل راشد أول وااحد .. كان خايف مايدري وش راح يشوووف هل بيشوفه على صحته بس نايم
ولا بيشوفه اقررب لبدر ولا كيييف .... دخل راشد وشاف الأجهزة حووله .. شاف مشعل ولد
خاله .. مشعل القوي .. مشعل اللي دايم يضحك دايم .. الحين أجهزة في كل مكان حوله وهو
توه بشبابه .. للحين عمرره 18 سنة شكله كان يحزن كان كابر 10 سنين قدام .. كان يحزززن
ماكان مشعل اللي يعررفه .. آآهـ يامشعل لو يقوم ويعررف وش اللي صاار ببدر خويك ووش صار فييك
لو تشوف شكلك من بين الاجهزة شلون صاييير :::::::::
(( لف راشد يبي يطلع بس سمع صوت .. صوت مبين عليه التعب والارهاق وانه ماتكلم من فتررة ))
مشعل :راشد !!
راشد لف عليه بسررعة واول ماطاحت عيونهم ببعض ابتسم راشد لمشعل ابتسامة مبينه انها من قللللب
راشد :حمد الله على سلااااامتك
مشعل :الله يسلمك ....... راشد ؟!
راشد :هلا
مشعل : عسـ..ــى مابلغــ..ــ..ت الأهـ..ــ...ل بشي ؟!!؟ << كان مبين على صوته التعب
راشد هز هز راسه بالنفي ....
مشعل : ولا تـ...ــقـ..ول لهـ....م طيب ؟؟!
راشد : يسيير خير ..مشعل لاتتعب نفسك بالكلام الحين انت ريح شوي ونااام وانا بروح اشوف الدكتور
مشعل :راشـ..ــد وين .. وين بدر ؟!
راشد جمد محله مايدري وش يقول له (( وش أقول لك يامشعل وش اقول لك .. تبيني أقول لك انه توفى
أقول لك انه راح عنط وخلاك وحيد من بعده .. تبيني أقول لك وانت بهالحالة الصعبة مستحيــــل ))
راشد حاول يبتسم ويبين طبيعي : هو تعب شوي وفي غررفة ثانية بالمستشفى
مشعل :هو بخير ؟
راشد حس انه خلااص ماعاد يقدر يستمر بالكذب يحس انه ينكشف : مشعل .. أنت الحين تعبان
لاتتكلم واجد ترا مب زين لصحتك ...
هز مشعل راسه يعني طيب ...
راح راشد للدكتور وقال له انه صحى .........

------------- 

 
 
أما في السعودية ..
وبعيد عن أحداث الحزن كان نواف .. مع مشاعل كان متكشخ ورايح لها
نواف :ميييشو
مشاعل :هلا
نواف :ابي اسالك
مشاعل:اسأل
نواف : أنتي الحين ليه اذا صرنا مجعين بالاربعاء ماتطلعين
مشاعل :وين اروح له ؟؟
نواف :قصدي تجين تسلمين علي
مشاعل (( الحين أنا اللي اروح له ولا هو اللي مفروض يجيني .. صدق رجال آآخر زممن ))
مشاعل : مب احنا نسلم على بعض بالتلفوون !؟
نواف :مااالي دخل تطلعين لي يعني تطلعين لي .. أجل لي مدري كم من تملكت عليك ماشفتك اللا 3 او 4 مرات
وهذا واحنا كل اربعا نجتمع بعد
مشاعل (( يوووهـ شكله بينشب لي ))
مشاعل :طيب طيب خلاص حقك علينا
ضحك نواف عليها :هههههه ليه خرربت الأخلاق ؟!
مشاعل :لا أبــد سلااامتك
نواف :لاصدق ميشو شفيييك
مشاعل :والله مافيني شي
نواف :تصدقين بقول لك شي خطييييييير مررة
مشاعل تحمست :قوووول
نواف : أحبـــــــــــــك موووووووووووت
مشاعل : ...... << مشتحية
نواف يبي يحرجها :ميشوووو
مشاعل (( وشو بعد الحين )) :هلا
نواف :هههههههههههه تتكرين سالفة المسبح
::: مشاعل هنا خلااااص ماتت من الحيا لو انها عالتلفون كان صرفته بس انها الحين قدااامه
وش تقدررر تسوي ماقدرت مشاعل تقول شي بس انه وجهها حمرررررر
نواف :لالا يعذبوووني انا اللي يستحووون
مشاعل :نواااااف
نواف مشتانس عليها :عيونه وقلبه وعمررره وروحه أنتي .. آآآمري
مشاعل ماتكلمت بس انها خززته وهي مستحية وهو ضحك عليها
نواف :الله لاااا يحرمني من هالنظراااات
مشاعل :(( يووووووه’ لوين يبي يوصل هذا ))
شوي اللا دق جوال نواف
نواف شاف الرقم شافه نايف أخوووهـ
نواف : يوووووهـ نسييييته هذا الحين بيعطيني محاضرة
نواف رد عالتلفون :ألو
نايف : ولك وجه ترد بعد الحين انا لي ساااعة انتظرك بالشمس وييينك ؟!
نواف :ليييه ماعندك مفتاح الفلة
نايف : اللا عندي بس موزيه
نواف : ههههههههههههههههه حلوووة منك ياخوي
نايف رجع يهاوش :والله انك رااايق صاافطني هنا أحتمي تحت الشمس وتلقاك عند المكيف ولااا أحلى
نواف كان مبعد المساعة عن اذنه لان صوت نايف كان عالي
نواف :انزين انزين جايك الحين
نايف :بسرررعة << وسكر ..
نواف قعد يتحلطم : يصك بوجهي هو ووجهه من زينه اصلا محد قال له يروح بالظهر احنا متواعدين بعد
الظهر ماحددنا وقت لا بس لااازم يهاوش بل
لف نواف على مشاعل وشافها ميته من الضحك عليه
نواف :اييييه اضحكي يابنت محمد
مشاعل :هههههههه شكلك حلووو وانت تضحك
نواف :من يووومي حلو فديتني



-------




أما في بيييت ابو تررركي ..
تركي قاعد مع لطيفة وروان ... 
تركي :اوف فهد دق علي ...
روان من دون نفس : وش عنده
تركي :لا ولا شي بس يبيني اروح الشرقية
لطيفة :تصددددق من زماااااان ماشفت شوق
روان :ايه والله من زماااان
تركي :تعالي لطيفة متى قلتي ملكتك ؟
لطيفة :بعد شهر يمكن
تركي :يعني بوسط الدرراسة ؟
لطيفة :ايه عادي .. بس ليييه
تركي :لا بس فهد يسأل .. وين رنا
روان : ههههه شوفها بالغرفة تقرا لها قصة
تركي :قصة ؟؟؟؟
لطيفة :ايه رنا وقصصهاا بعد رح شوفها
تركي :طيب انا بروووح واشوفها ..
راح تركي وطق الباب على رنا ..
رنا :ادخلي
تركي دخل :تراني أدخل مب ادخلي
(( تركي شاف رنا وهي تمسح دموعها ))
تركي :رنوو شفيك
رنا :أنا لا مافيني شي
تركي :شفيك كنتي تصيحين
رنا خنقتها العبررة : ترررركي
تركي :هلا
رنا :مااات البطل
تركي :اي بطل
رنا :اللي بالقصة تركي والله كان يجنن
تركي :يعني عشان كذا تصيحين
رنا :ايه
تركي ضحك عليييها ونزلت دموعه من الضحك ..
رنا :وجع ان شاء الله وش يضحك
تركي الحين تصيحين عشان واحد بالقصة مات
رنا :تررركي والله يجنن روووومنسي
تركي :ايوة رومنسي
رنا : اييييييه رومنسي تصدق يبغالك تقرا عشان تتعلم تشوي حركتات انت وشهد
تركي حط يده على خد :زي وش يا ست رنا
رنا : يعني مثلا الحين تخيل معي تخيل
تركي :تخيلنا ..
رنا : تخيل ابوي قال لك طلللق شهد
تركي :لييييه
رنا :امممم عشااان هو متهاوش مع ابوها
تركي : ايه اطلقها عادي
رنا فتحت عيووونها عالآآخر : نعــــــــم
تركي :هههههههههههه شسوي لك اعطيك على قد عقلك
رنا : مااالت عليك اطلع احسن لك
تركي :افا تطرديني .. أصلا أنا كنت بطلع بكراااااامتي





من بكـــــــــــرة ...
شهد تكلم خالد بالغررفة ...
شهد :خااالد
خالد :نعم
شهد :ابي اسألك 
خالد :اسألي
شهد :انت الحين تبي شيخة ولا لا
خالد :شهييد شهالكلام اكيد ابيها وانتي اكثر من يعررف
شهد :اجل لييييه للحين ما خطبتها ترا جاها خطاب واجد بس هي ماقبلتهم واذا ماتبيها قل لي
عشان اخليها تعيش حياتها مب كذااا .
خالد :شهد شتقولين انتي 
شهد :طيب ليه ماتخطببها
خالد :ابوووي
شهد :وش فيه ابوووي
خالد : كل ماحاولت افاتحه اني ابي اتزوج يقعد يتعذر لي ويقول بعدين
شهد :طيب الحين هو فاضي رح واعرف منه الساالفة
خالد : مدري 
شهد : اقول لك رح
خالد :لا تعالي عطيني كف أحسن تراني عطيتك وجه بزيادة 
شهد :يمة يمة اعصااابك علي
خالد :انا بروح لابوووي
شهد :اوكي

***
راح خالد عند ابوه في المكتب اللي في البييت ...
خالد طق الباب ..
ابو خالد : ادخل ..
خالد بعد مادخل : السلام عليكم
ابو خالد :وعليكم السلام .. هلا خالد
خالد : هلا يبة
ابو خالد :بغيت شي وانا ابوك
خالد : يبه بصراحة ابي اقول لك شي
ابو خالد :قول 
خالد : بصراحة ابي اعرف انت ليه كل ماحاولت افتح معك موضوع الزواج تسكرة
ابو خالد : لأن البنت اللي ابيك لها وابيها لك رافضة تتزوج 
خالد :اي بنت 
ابو خالد : عشان تتزوج بنت سلمان زميلي بالعمل
خالد : نعم !!
ابو خالد :اللي سمعته .. انا ابيك حق بنت سلمان ... البنت والنعم فيها ولا عليها كلام وابوها اعررفه
خالد بعفوية :طيب ولنعم فيها .. بس على اهلها .. وان شاء الله تلقا لها اللي احسن مني .... وانا بصراحة ابي شيخة بنت عمتي
ابو خالد : وش بيفرق معاك كلها زوااج 
خالد حاول يهدى شووي : يبه .. أنا احب شيخة
ابو خالد سكت شوي : وش هالكلام ياخالد 
خالد اللي من جد منقهررر :يرضيك اني اتزوج البنت وما أسعدها او حتى اريحها .. 
ابو خالد :......
خالد حس ان ابوه بدا يقتنع : يبه الله يخليييك والله انب أحبها بعدين هي بنت اختك وانت مربيها وحسبة ابوها بعد
تــكفى يايبه طلبتك لا تردني ...
ابو خالد بعد تفكير شوي : خلاص خلاص سو اللي تبيه
خالد اللي طار من الفرررح وراح حب راس ابووهـ
خالد : الله يخليييك لنا ويطول بعمرررك وان شاء الله اشوف البيت مليااان عيال وبنات
ابو خالد يضحك :وش فيك مستعجل على العيال
خالد :لأن امهم شيييخة
ابو خالد حس انه عطاه وجه : اثقل ياخالد
خالد حب راس ابوه مرة ثانية : آآسف طال عمرك .. يبه 
ابو خالد : نعم
خالد : نرووح اليوم نخطب ؟؟
ابو خالد :الحين انا قبل شوي شقلت لك 
خالد كقلت لي اثقل 
ابو خالد : الثقل زين اذا رجعوا الشباب فيها حلال .. بس مدري ليه طولوا بسفرتهم غير عن دايم
-- ابو خالد وخالد قعدوا يسولفون عن الشباب وغيروا موضوع شيخة --

**** هنوف تكلم امها : يمه
ام نايف :هلا
هنوف :ليه طول راشد
ام نايف :والله مدري عنه 
هنوف :بكلمه
ام نايف :براحتك
هنوف دقت على راشد اخوها 
راشد : الوو
هنوف :هلاا والله رااااشد
راشد :هلا بك
هنوف :تراني اختك شفيك تكلمني على اني ولد
راشد :أيه انا الشباب عندي يانايف
هنوف :يا معـــــقد انت
راشد : هههههههه شتبيني اسوي لك
هنوف :المهم متى بترجعون
راشد :الاسبوع الجاي
هنوف :شعندكم طولتوا
راشد :لا ابد بس كذا
هنوف :راااشد والله اني حاسة انه فيييه شي
راشد :لا ابد
هنوف :راااااشد تكفى قل لي وش يكم
راشد : بس ماتعلم أحـــد
هنوف :والله ماعلم ولا احد
راشد : ولا شيخة ولا امي ولا اي احد
هنوف :محد بيدري ابد بس قووول
راشد :مشعل سوى حادث واحنا ننتظره يطلع من المستشفى وبنرجع
هنوف للحين ماستوعبت : هاه
راشد : مشعل سوى حادث سيارة .. وتدري بدر خويه توفى الله يرحمه
هنوف ماهتمت : مشعل الحين شخبااره
راشد :الحمد الله زييين
هنوف : طيب مع السلامة
راشد :وش ذا الاسلووووب
هنوف :شسوي لك مع السلامة اقووول لك ..
راشد :طيب طيب مع السلامة 
سكرت هنوف من راشد وقعدت تصييييييح طلع اللي بقلبها صدق مب بس توقعات وخووف ,,,


راشد يوم راح لمشعل ..
مشعل :اليوووم بيطلعوني
راشد : صدق حمد الله على سلامتك اجل بنرجع بكرررة للسعودية
مشعل :بس بدر طلع ولا للحين
راشد سكت فترررة بعدين قال :مشعل .. بدر عطاك عمره
مشعل :نعم نعم ؟!
راشد : الله يرحمه يامشعل 
مشعل نزل راسه :امين
مشعل :ليه ماقلتوا لي من قبل
راشد :شبون تبينا نقول لك وانت بحالتك هذيك 
مشعل :ماكان فيني شي
راشد : واااااضح
مشعل دمعت عينه : يعني خلااص معد راح اشوف بدر خويي
راشد ساااكت ..
مشعل دمعت عينه بس مسحها على طووول !!

اليووووم بيرجعون الشباب ..ماعلموا احد يبون يرجعون كل واحد لبيته ويسوون مفاجأة يعننهم
خالد وهنوف اكثرر 2 استانسوا لرجعة الشباااب ...
هنوف عشان تتطمن على مشعل ..
وخالد عشان يخطب شيخة ..



****
خاالــــد خطب شيخة وكلم ابوووه يبي الملكة تكون قريبة بس ابوه قال له باجازة الربيع يعني تقريبا شهرين
***

اما ريم ولــــدت وجابت بنووتة حلوووة وسمتها وجدان
وطلعت الحمد الله من المستشفى ..
اليوم كل البنات جايين يزورونها

مشاعل :ياحلوووووها تجنن
شهد :على خاالتها
عنود :ايه والله على خالتها عنود
ريم : لا اصلا ناايف يقول انها طالعة علي
شهد : يلعــــــــب عليييييك ولا هذي الملاك الحلوووة تطلع عليك انتي فررررق
عنود : لالا خلاص هذي بتصير مرت ولدي 
ريم :والله مابقا اللا هذي بنتي الحلوووة تتزوج عزيييز
عنود :خلاص اصلا هونت

** 
***
اليوم ملكة لطيفة من رواااف ...
فهد بيجي يحضررها .. وشهد بتجي .. << مب جاي ناس واجد عشان كذا جات شهد لحالها
شهد تسولف مع لطيفة 
شهد : من قدك بتشوووفين رواااف
لطيفة : اقول اسكتي بس قلبي يطق زيران
شهد :هههههههههههه
تركي دق على شهد وقال لها خل تنزل هي ولطيفة
نزلت لطيفة مع شهد ...
تركي : اوه اوه على الزين مقدر انا
لطيفة :انا ولا شهد
تركي : لااا شهد طبعا انتي ادخلي داخل عند زوجك يمدحك
لطيفة : مالت عليك ..
دخلت لطيفة عند رواف واستانست معه مررررة حبوب ..
اما عند شهد وتركي برا ..
تركي :مشالله طالعة تجننين كذا
شهد ابتسمت له : تسلم هذا من ذوقك
تركي يتسند على الجدار : ياويييل حالي مقدر أنا على لغمازة هذي
شهد : .....
تركي : يوووه بدخل عيهم ذولا كاني عطيتهم وجه بزياة
شهد : هههههه ايه صح طولوا يكفي
تركي : ونعم والله كذا الزوجة السنعة

طلعت لطيفة هي وتركي اخوها ..
شوي اللا جاهم فهد .. لطيفة تغطت عنه ..
فهد :السلام عليكم
تركي + لطيفة : وعليكم السلام
فهد : مبروووك يابنت العم
لطيفة وهي تخزززهـ : الله يبارك فيييك
فهد : يللا تركي انا الحين برجع للشرقية
تركي :لا وش اللي ترجع لازم تنام عندنا
فهد : لا مايحتاج بعدين انا مستعجل حتى اني ماجبت شووق ولا حتى امي عشان ماتلزمون علينا
تركي:اف لهالدرجة ماتبينا
فهد : ههههههههه مب عن بس اني مستعجل
تركي :خلاص زعلت يللا ظف وجهك
فهد :انا بطلع بدون ماتقول ..يللا مع السلامة
تركي :في امان الله
***

من بكرة تركي دخل عند أهله وهو ضااايق صدررهـ ...
ام تركي : بسم الله شفيك ياوليدي
ابو تركي :عسا ماشر وش فيك ؟!
تركي : فهد ولد عمي
رنا :وش فيه
تركي :سوا حادث أمس باالخط و ...
ام تركي : و وش ياتركي
تركي تنهد : يقولون بيشوفون اذا جلس 24 ساعة ماصحى بيدخل بغيبوبة ..
روان مستغربة : غيبوبة
ابو تركي : ياروان هذي قسمة ربي وانتي ادعي ربك انه مايصير فيه اللا الخير ..
روان في قلبها مستغربة امس كان عندهم .. واليوم يمكن يدخل بغيبوبة .. ماتدري وش كان شعورها بالفرح لانه 
ان دخل بغيبوبة خلااص ماعاد بتتزوجه بس بعد حرااام من بيقعد ذخر لشوق وام فهد .. الله يسترر بس ..

***

وتمــــر الأيااام والكل عايش ...
فهد خلاص دخل في غيبوبة الله اعلم متى بيصحى منها ....
واليوم خلص التررم الأول وهذي الإجازة اللي بين الترمين ....
اليوووم ملكة شيخة وخاااالـــد ..
كانت حفلة كبيييييرة في بيت الجد !!!
خالد كان طاااير من الونااسة قاعد مع الرجال ..
نواف :يابو الشباب اثقل
خالد : مقدر مقدر مستااانس
نواف : الله يعينك على نفسك
**
اما شيخة قاعدة فوق وحدهااا متوتررررة وخايفة ...
شهد : يابنت الححلال اهجدي شوووي مب انتي تتمصخرين علي بملكتي اجل احسسن
شيخة : مالت عليك زييييين
شهد :هههههههههه خلاص شيوووخ والله خالد حليو ومايسوووي لك شي
شيخة خززتها ...
شهد : ههههههه خلاص خلاص اسفين ..
شيخة : اففففف ابي اصييييح
شهد : لايرحم اهلك الا الصياااح
شيخة : تصدقين شهد ماتوقعت انه بيجي هاليوم
شهد : ليييييه
شيخة : مدري خـــفت انه مب خاطبني
شهد : لا والله تدري انه قال انا لشيخة وشيخة لي ومايفرقنا اللا الموت
شيخة ابتسمت على حيا
شهد : لالا مقدر انا .. اقول غيري هالحيا ترا خالد مايحبه
شيخة : هاااه
شهد : اييييه خالد يبيك حية كل شوووي كلام حلو ويعني زي كذا
شيخة :ايه يسير خيييير
شهد : هههههههههههههه
مشاعل دخلت عليهم ..
مشاعل :نواف يقول يللا ..
شيخة : اووووف لازم يعني يشوفني يعني
مشاعل :ايه طبعا لاااازم ولا بس احنا اللي يشوفونا ازواااجنا
شيخة : انزين انزين ..
"شيخة كانت لابسة فستان عناابي .. على الساق وكت من فوق وكانت طالعة بييضا فيه "
نزلت شيخة شافت نواف اخوها ينتظرها
نواف :هلا بالعروس
شيخة : هلا فيك
نواف :تبين تدخلين 
شيخة طالعته :والله اذا على رايي لا 
نواف :اجل خلاص مب لازم
شيخة :والله عادي مب لازم
نواف :اقول ماتنعطين وجه يللا قدامي ..
دخلت شيخة وكان خالد للحين مب فيه ..
نواف :يللا الحين انا بجيب العريييس
راح نواف بعدين دخل خالد 
خالد راح سلم على شيخة بس باليد ....
خالد جلس جنب شيخة ونواف اخوها فيه ..
خالد :شخبااارك شيووووخ
شيخة :تمام ..... وانـ..ت
خالد :بخييير بشوفتك
شيخة : ........
خالد : مبروووك
شيخة : الله يبارك فيك
وقعد نواف وخالد يسولفون وشيخة سااااكتة ..
خالد :ياخي ماتحس انك مسختها شووي
نواف :ياقليل الأدب انا اخو زوجتك احترمني
خالد : شسوي لك ابي اقعد مع زوووووجتي
نواف :زين بطلع يمة منك بتاكلني
طلع نواف ..
خالد :اخيييرا الواحد يقدر ياخذ راحته
شيخة ابتسمت وهي منزلة راسها ..
خالد :شيووووختي
شيخة :هلا
خالد : تصدقين اني احبك ومدري شسوووي لو ماتزوووجتك الحين انتي صرتي زوووجتي يعني لي .. لي لحالي
شيخة مسغربة وش فيه متحمس ذا .. بس ماحبت ترد عليه
خالد قال لها السالفة ان ابوه كان يبيه حق بنت زميله بالعمل وشيخة انقهررررررت
شيخة :ايه اشوى انك ماخطبتها
خالد : وش ابي فييييييها أنا عندي شيييخة البنات واخذ لي وحدة حتى ماعرفها
شيخة : ...........
اللا نواف دخل عليهم ...
خالد : اففففف نواف عمره احد قال لك انك تنشب بالحلق
نواف : لا
خالد :اجل ترا انا اول من يقول لك ..
نواف : والله عااادي عندي بالعكس احس انه مدحة ..
طلعت شيخة وراحت فوووق طبعا بعد ما أخذ خالد منها رقمها

شيخة طبعا قالت لشهد السالفة والبنات الثانيات بعد ............. 

مرررت هالأيام بسررررررعة على الكل
لطيفة تزوجت رواف ...
ومشاعل تزوجت نواف والحين همبشهر العسل ...
شيخة وخالد على مكالماتهم بالتلفوووون وحبهم يكبر كل يووم ...
فهد للحين في غيبوبة ...
شهد وتركي عرسهم قرررب ...

اليوم اول ايام الإجازة 
مشعل كان يكلم ابوووهـ ...
مشعل :يــــبه 
ابو ناصر : هلا
مشعل :بقول لك من الحين .. انا بصراحة ماعندي سالفة بالدراسة وانت تعرفني فأنا ابي اتووظف بالشرركة
ابو ناصــر : خير خير ان شاء الله
مشعل :ويبه بعد ابي اقول لك ابي اخطـــــب
ابو ناصر :بهالسرعة توك مخلص ثنوي
مشعل :بس خطبـــة يبه
ابو ناصر :انزين للحين ماكونت نفسك
مشعل :يبه أوووول راتب أخذه اروح اخطبها
ابو ناصر : ان شاء الله بس متى بتداوم
مشعل :بكرررة
ابو ناصر :ههههههههه مستعجل وش فيك
مشعل :مااابي البنت تروح من يدي
ابو ناصر :ومن هي سعيدة الحظ 
مشعل : هنوووووف بنت عمتي منيرة
ابو ناصر فرررررح من قلب : صدق . مبرووووك ياولدي الف الف مبروووك مقدما
مشعل بفررررح :الله يبارك فيك يبه .. بس من أول راتب لاتنســــــــى
ابو ناصر : شدعووووة بنسى ولدي مشعل ..


***


(((((((((((( الـــــــــيوم يوم عرس شهد وتـــــــــركي ))))))))))
رنا :يابنت شفييييك خايفة انتي مب اول ولا اخر وحدة تتزوج
شهد :اييييه بس متوووترة كيفي عيب ولا حرام يعني
رنا :اكلتيييني بقشووووري 
شهد :مالت عليك بدال ماتهديني
***
زفوا شهد .. ودخلوا عليهم تركي وراكان وخالد وسالم وابو تركي وابو خالد 
سلموا على شهد وتركي ..
ابو خالد: انتبه لشهد زيين ياتركي
تركي :شهد بعيوووووووني خالي
ابو خالد :يللا مع السللامة يابنتي
خالد يسلم على شهد : مع السلاااامة ياعرووووسة
شهد دمعت عينها :مع السلاااااامة خالد << ولمته
خالد بغرور يكلم تركي :كل وحدة من خواتي بعررسها لازم تلمني وتصيح ياخي ما أدري ليه الكل يحبني كذا
تركي : ههههههههههههه وش خلوا لزوجتك .....
خالد : مدري عنهم تلقاها هناك شابة نااار ..
تركي : هههههههههههههههههههههه
خالد بجدية :المهم ياتركي ترا هذي شهد اختي اغلى خواتي علي انتبه لها زين وحط بالك عليييها
تركي :افا عليك خالد شهد بعيووووووووني ..

***




اليووووم مشعــــــــل عند بيت عمته منيرة بيخطبون هنوف رسمي
مشعل مستااااااااانس من قلب ماتحسون شلوووون فرحته ....
مشعل يكلم وليد : ياخي ابي اشووووفها
وليد :ههههه خلك ثقل ياخي 
مشعل : مالت عليك زييين
راشد : مــــــشعل 
مشعل : هلاهلا
راشد :تبي تشووفها
مشعل : أكيييييييد
راشد :هههههههههههههه طيب طيب اعصابك
مشعل :شفيكم كلكم علي اليووووم
راشد :لأن اليوم يووومك ..
راح مشعل دخل ... بعدين دخلت هنووف ..
هنوف :السلام عليكم 
مسعل :وعليكم السلام
هنوف : .....
مشعل : شخبارك هنوف
هنوف :زينه
مشعل : شخبار الدراسة 
هنوف طالعته : احنا بالصيف شجاب لجاب
مشعل : لا بس ادوور لي سوالف
هنوف : .....
قعد شووي بس ماطول لين ما راشد طلعه

***
مشـــــــــعل الحمد الله انكتب له وخطب بنت عمته بس باقي التحاليل
شيخة وخاالد تملكوا والحمد الله يحبووون بعض موووت
تركي وشهد والحب في باااريس ^^
مشاعل تزووجت نواف والحمد الله عايشين تماام سمن على عســـل
والصغاار ... عزوز بيدخل روووضة السنة الجاية وريناد بتروح اول ابتدائي والتوأم صار عمرهم سنة
ووجدان عمررها 4 شهوور ............ 


اليــــــوم كل العايلة مجتمعة في المــــــــــزرعــة ...


تغدوا وخلصـــــــوا ....
وطلعت شيخة لأن خالد دق عليها ويبيها تطـــلع ..





كان خالد واقف مع شيخة وبيده ببسي وقاعد يسولف مع شيخة

خالد : الله كل هالزين لي تسلمييين

شيخة بغرور : من قال انه لك

خالد يسوي نفسه معصب :وان شيء الله لمن ..

شيخة :لاهلي

خالد : يعني انا مو اهلك

شيخة وهي تضحك وتتكلم بدلع : انت اهلي وناااسي بعد

خالد خق عليها بقووة : يابعد عمررري والله انتي .. شيخة !!

شيخة :هلا

خالد : شرااايك نقدم الزواج

شيخة : بس الزواج باقي عليه بس شهرين

خالد : اووف بعييييييد .... بعدين قعد يشررب ببسي ..وهي تطالعه

خالد :تبين ؟!

شيخة : لاتسلم مابي

خالد :اللا تبين

شيخة : لا والله مابي

خالد :اللا بتشررربين واذا ماشربتي ماراح اكلمك اللا بعد مانتزووج بشهرر

شيخة تكابر :عااادي

خالد يسوووي نفسه زعـــلان وبيروحخ المجلس قال وهو مسوي نفسه زعلان :اوووكي براحتك

لهالدرجة انا موغاالي عندك

شيخة حست انه زعل بس وشوو كله ببسي وش بيضرها : خلاص خلاص بشررب

خالد استانس بس قال خلني اتغلللى : لاخلاص مب لازم انا كان ودي يكون برضاك

بس شكلك كذا مغصوووبة انك تشربينه خلاص مب لازم

شيخة :خااالد ياقلبي انت تدري اني ماحب اشررب من بعد حتى امي

خالد يقاطعها :بس اناااا زوجـــــــــك

شيخة استحت : طيب هات بشرب عشان تدري انك غالي

مد خالد يده وعطاها الببسي وهو مستانس .. وقعد يطالعها وهي تشررب ..

شيخة : وش تطالع

خالد : اوووف شيخة والله احبــك واموووووت فيييييك

شيخة استحت بعـــد : اوكي خالد انا بروح داخل واكلمك بعدين

خالد : فدييييت اللي يستحون بس ابي منك شي قبل تدخلييييين

شيخة مستغربة : وشووو ؟!

خالد : بــــــــوسة

شيخة ماااتت من كثر ماهي مستحية قالت بــدلع :خاااالد والله استحي

خالد : خلاص خلاص هالمرة سماح والايام بيننا



راحت شيــخة داخل بسرررعة وهو يضحك عليها ويقول في نفسه أمووووت فيها يانااااس




----------------------



في جهة ثانية من المزرعــــة ..

هنوف ولولو طالعين الحديقة يتمشون ومايحسون بعيون مشعل اللي تراااقبهم من بعيد ..

كانت هنوف تبي تدخل البيت بس شافت صرصور ووقفت

لولو :ادخلي

هنوف :لا مابي فيه صرصوووور

لولو :يووووهـ شلووون بندخل ساد عالباب حضررة جنابه

هنوف :من جد ماايســتحي على وجهه

مشعل يوم سافهم وقغوا قرب منهم

مشعل :شعندكم ؟!

هنوف :لا ولا شي

لولو :فيييييه صرصووور ساد الباب

هنوف :ايه مالت عليه مانقدر ندخل الحين ..

مشعل :هنووف

هنوف :هلا !!

مشعل :الصرصووور ... على رجلك !!

هنوف نقزت وانحاشت ورا مشعل اللي مات من الضحك عليها

مشعل :هههههههههههه والله وطلعت زوجتي خفيييفة

هنوف :هاهاها سخييف .. طيب لو جتني جلطة

مشعل : لا سلامتك في لولو ولا فيك

لولو : انت هيييه تراني واقفة

مشعل : اجل يجي فو هنوووفتي شــي

هنوف :وين وين الصرصور

مشعل : مدري

هنوف : شف شف نعــــــااالك

مشعل : هاهاها ماا أخااف أنـــاا

هنوف :قســــــم بالله مشعل على رجلك

مشعل شاف رجله وشاف الصرصـــور وبسرررعة رماها الشبشــــــب بعيييد

هنوف :ههههههههه من هو الخفيف هااااا ؟!

مشعل : هذاااا جزاتي اني فكيتكم من الصرصوور أنا كنت متعمد أصلا

لولو :ايه صح صح صدقت 

 
 
اليــــوم مشعل بيرووح ياخذ التحالي حقة فحص الزواج .. كان مستعجل

عشان يـــروح لبيت عمته منيرة .. كان يبي يرجع عشان يتفق معهم ان الزواج يكون

بأقرب وقت كان يبي يتزوج هنووووف كان كل يوم يجي يحس انه يحب هنوف

اكثــــــر من اليوم اللي قبلــــه كان يموووت فيها بكل معنى الكلمة ..


بس دخل المستشفـــتى وشاف دكتووور فيصل وكان الدكتور يطالعه نظراته غريبه

مايدري نظرة شفقة او وش هي .!! بطبيعة مشعل مايحب احد يرحمه قال يبي يشووف وش عنده

مشعل :السلام عليكم

الدكتور : وعليكم السلام

مشعل :شخبارك

الدكتور للحين على نفس نظراته : بخير .. مشعل !!

مشعل :هلا

الدكتور اللي كان يعرف مشعل معرفة سطحية من قبل : تعال معي المكتب بقول لك شي

مشعل :دكتور ضروري .. لأني باخذ نتيجة التحاليل وارووح مستعجل

الدكتور : لايامشعل لازم أكلمك الحين

مشعل في قلبه " الله ينشب عدوه وش يبي انا ابي ارووح بيت عمتي بسرررعة "

دخل الدكتور فيصل ومشعل وراه للغرفة ..

فيصل : يامشعل خل ايمانك بربك قوي .. واعرف انه كل شي مقدر ومكتوب ..

مشعل : دكتور وش فيييه

فيصل :طبعا قبل ما أقول لك شي .. انا اعرفك والله انك اخلاقك زينة ولا انت براعي حركات شباب هاليومين

مشعل :دكتووور خوفتني وش فيه

الدكتور تنهد : انت يامشعـل فيك الإيدز ..

مشعل ماسمع زين : نعم!!

الدكتور :الإيـدز يامشعل .. بس انت حامل للمرض يعني هذا مايحرمك من شي بالدنيا .. بس انك ماتتزوج ..

مشعل للحين مب مصدق :طيب ...من وش جاني !!

الدكتور : حاول تتذكر .. أخذت ابرة من أحد او نقلوا لك دم .. أو اي شي

مشعل سكت يحاول يتذكر بس عقله مشتت

مشعل : يعني صدق فيني اللإيدز

الدكتور تقطع قلبه على شكل مشعل .. كان مب مصدق اللي فيه : مشعل .. انت بتعيش عااادي ماراح يمنعك من شي

بس انت حاول اغراضك الخاصة ماحد يجيها !!

مشعل ماركز بشي من كلام الدكتور كان كل تفكيره بأهله وفي هنووف شبتسوي هنووف

لو تدري ياربــي والله اني أموووت فيها ليه ربي ماكتب لي أجتمع

وياهاا .. ليـــه ماتكوووون لي ليــــــــــه ياربـي يعني مكتوب علي اموووت مليــون مررة باليوم وانا حــي

واشوفها تــروح لغيري ,,, شلون بعيش كذا .. بعدين أهلي وأخواني شبيقولون عني أكيــد بيشكون فيني .. بس والله والله اني ماسويت شي

شلوون بقول لهم أصلا .. والله ياليــت الأرض تنشق وتبلعني ولا أقول لهم شي .. خلاص حس مشعل لو تنشق الارض

وتبلعه انه أهون عليه من انه ينحط بهالموقف .. بعدين حس لو يفكر بالموضوع أكثــر من كذا بينها أو بيصير فيه شي




كلك مشعل راشـــد يبيه يمره ..

مشعل :هلا راشد

راشد : هلا والله مشعــل

مشعل :تعال خذني أنا بالمستشفى

راشد :سلامات شفييه

مشعل مايبي يتكلم خلاص حس بغصة :اذا جيت قلت لك ..

راشد :دقااايق وانا عنــدك ..

ومااامرت دقايق اللا راشد عند البـــاب ... 

 
 
مشعل ركـــب السيارة وهو حده ضايقة فيه الدنيا يحس انه من كثر ماهو ضايق موقادر يتنفــس

راشد كان ساكت التفت علـــى شان مشعل ..لأن يحس انه فيه شي .. بس ماحب يزعجه لأنه اذا يبي يقول

يقول من نفسه مثل دايم .. لف راشد على مشعل بس انصدم من اللي شافه انصدم لأنه اول مرة يشوف مشعل بهالحالة

مشعل القوي .. مشعل اللي مايهزه شي .. مشعل اللي كان مستحيل يبين لأحد انه ضعيف حتى من يوم انهم صغار

ماشاف مشعل باللي هو الحين فيه .. كان يصيـــح ؟!

مشعل ماكان حاس بدموعه اللي تنزل غصب عنه وهو يفكر بهالموضوع ..

راشد منصدم من مشعـــل : مشعل ... شفيك ؟!؟!

<< وقف راشد السيارة على جنب ..

راشد : مشعل تكلم الله يخليييك .. وقفت قلبي تكلم مشعل !!

مشعل اللي يحاول او مايدري شيقول حاول يضغط على نفسه ويتكلم : راشد .. أنا .. وأنها مشعل قعد يصيح

بشكل يقــطع القلب مبين انه شي كبييير اللي فيه راشد انجن قعد يحاول في مشعل مافيه فايدة ..

مشعل : راشد .. أنا فيني الإيـــــدز .. << سكت مشعل وبدت دموعه تنزل بدون صوتــ

اما راشد أنصدم صدمه قويــة ماحس ان وده يصيح وده يفهم مشعل وش فيه ووده يهدي مشعــل بس لسانه

يحس انه مربووط ماقدر يتكلم ... بس بعد فترة سكووت قال راشد : شلون جاك طيب ؟

مشعل حاول يقوي قلبه لأنه حس ماله داعي يزيد من النوبة قدام راشد : يقول الدكتور يمكن عن طريق نقل دم او ابرة



بعدين رجع السكووت مرة ثانية مشعل يفكر بحاله وشلون راح تتغير وراشد يفكر بمشعل شلون كل هذا يصير فيه ..

وقطع الصمت هالمرة مشعل : راشد .. شلون بقول لأهلي ؟؟ شلون بقول لهنوف ؟؟ آآآه ياراشد على الهنوف تلقاها تنتظرني الحين

ماتدري انها تنتظرر كلام راح يذبحها ويذبحني معها .. وأبوي وأمي وخواتي بعد وكل أهلي شلون بيكون موقفهم مني

ياااااربي ساعدني .... حط مشعل راسه بين يدينه وراااح بأفكاره بعيييييد للمستقبل



حرك راشد السيارة وهو يحاول يواسي مشعل اللي كان شبه منهار وراح لبيتهم لأن حالة مشعل ماتسمح انه يشوف

او يكلم أحــد وان شاء الله انه الحين بيدق على ابوهـ وعلى خاله محمد ...

وصلوا للبيـــت وراشد كلم ابوهـ وخاله محمد .. وقال لهم يجون ضروري ..

بعد مارجع راشد للملحق وشافه ســـرحان ....

راشد : مشعل

مشعل رافع راسه له بدون ما يتكلم وعيونه باقي حمرا

راشد : أنا دقيت على أبوي وخالي وبيجون أن شاء الله بعد شوي

مشعل وفيه غصــة : وش أقول ؟!

راشد احتار وش يقول لمشعل : مشعل أنا ادري ان اللي انت فيه صعب عليك بس ماتدري يمكن انه

خيره لك والله مايسوي شي اللا اذا فيه خير وصالح لك

مشعل حس انه بدا ينكتم من الهوا بالغرفة : ونعم بالله

وسكت مشعل رجع لسرحانه من وش جاه المرض ؟!؟!؟!؟

مشعل :راشد .. يوم بانكوك نقلوا لي دم

راشد يتذكر :ايه

مشعل : يعني اكيييد من هذيك الروحة أصلا كلها نكد في نكد

وقعدوا شوي لين جو ززوج عمته وابوهـ ...ابو ناصر : خير ياراشد متصلين علينا وش فيكم .؟!؟!؟

مشعل تكلم : بصراحة أنا بقول لكم شي وابيكم تركزون معي للآخر

ابو ناصر :قوول ..

مشعل : احنا يوم سافرنا تايلند بالاجازة اللي فاتت ... انتم تدرون انه بدر خويي توفى

بس انه ماكان بدر لحاله اللي مسوي الحادث .. أنا صدمت بالحادث معه ونزفت دم كثيير واحتجت نقل دم

وللأســف الدم اللي نقلوه لي .. كان .. في الايدز

ابو ناصر : ...... << منصدم

مشعل : وأنا مادريت عنه اللا اليوم يوم طلعت نتايج فحص الزواج ..



مشعل ماتحمل شكلهم وهم يطالعونه وبعيونهم مليووون استفهاام ...

مشعل : أنا بطلع الحين تبون شي

ابو نايف :سلامتك ...

مشعل :فمان الله << وطلع !!




------- 

-------




راشـــد قرر انه بيقول لهنوف بس راشد يعرف ان هنووف ومشعل يموتون في بعض الله يعيييينها !!


راشد : هنوف ابي اكلمك شوي ..

هنوف :هلا راشد

راشد :تعالي

هنوف : طيب << راحت هنوف لراشد ..




راشد يحاول يقول لها بطريقة ماتخليها تنهار ..

راشد :هنوف .. تذكرين يوم أقول لك أن مشعل سوى الحادث

هنوف مستغربة : ايه اللي في بانكوك ؟؟

راشد :ايه ..

هنوف: وش فيه ؟!

راشد : ايه كان مشعل نــزف دم كثيــر ويحتاج نقل دم ونقلوا له دم .. وطلع الدم اللي فيه .. فيه ..فيه إيدز

هنوف :وشوو؟! << للحين مب مستوعبه

راشد : هنوف .. مشعل فيه الايدز ولا راح يتزوجك

هنوف طاحت عالأرض مغمى عليها .. وودوها المستشفى وشخصوا حالتها انه فيها انهيار عصبي .... وقالوا لهم

لا تقولون لها أخبار مب زينه او شي !!







مشعـــل عرف عن هنوف وأن اللي فيها بسبته لأن راشد قال له !!

قرر مشعل يروح لهنوف ..

مشعل تنحنح .. وهنوف تغطت

هنوف :ادخل

مشعل دخل عليها وشافها جالسه على السرير تنتظر من اللي بيدخل شافت مشعل .. مشعل حبيبها مشعل خطيبها اللي بنت كل احلامها معه

معه هو وبــــس اللي من كل قلبها حبته واخلصت له وهي متأكدة أنه بعد يحبها ويمووووت فيها زي حبها له شافته وهو يدخل عليها

متجه جهتها ماحست هنوف بنفسها بس دموعها طاحت بكت على حظها انها ماراح تجتمع مع حبيبها انها بتكون لغيره حست انها بتخونه

بس هي ماتقدر تاخذهـ ولا تقدر تغير شي بالمستقبل .. ومشعل الله يعيييينه على دنيته شلون بيعيش وهو حامل للمرض يعني ماراح يتزوج

أما مشعل شاف زوجته أو اللي مفروض تكون زوجته بس ماجمعهم القدر .. شافها وسمع صوتها وهي تصيح ..

مشعل حاول يتظاهر بالقوة قدامها عشان ترتاح شوووي ...

مشعل : هنوف ..

هنوف : ........

مشعل : هنوف انتي تدرين ان اللي فيني مب باختياري .. وأنتي تعرفين انا شكثر أحبك بس مب مكتوب لنا انا نكون لبعض

هنوف .. أبي أوصيك على نفسك بصراحة .. مابيك تضيقين خاطرك على شي خلاص صار وانتهى حاولي تنسين الماضي وابدي مستقبل

جديد هنوف انتي للحين صغيرة يعني العمر قدامك .. يلا أنا بطلع الحين راشد ينتظرني برا مع السلامة ... ابتسم مشعل لهنوف وطلع ..

هنوف اللي من طلع مشعل أخذت المخدة وقعدت تصيـــــح على حظها وتصيح على حظ مشــــعل حبيبها اللي تهوااااه من كل قلبها ..




أمـــا مشعل طلع من عندها وراح لسيارته حط راسه على الدركسون قعد يفكر بالمستقبل شلون بيعيش بدون هنوف ..
حياته .. ووشلون بتكون نظرة الناس له والأهل شلون تقبلوا الموضوووع ........




مـاعــمر الدمع هل من عيوني والجفــون... .
...غـــير هـالايــام الـعــصــــيبــة
صـــاروا الـعـــالم لــي يـــواســون... .
...وانــا اللي أول اواسـيهم بالمصيبة
بـس مصيـبــتي ماهـــي بالكره والخــون... .
...مــصـيبـتـي باللي ربــي بلانـي به
حــبيـــبـــتي اللـــي تسـوى هالــكون... .
...جـبـرني على فـراقها ظــروف رهـيبة
ماهو بشوري أو شورها أو الاهل يتشاورون... .
...لكـن جبرني المرض علـى فراق الحبــيبة
صــرت أواســيهـا وقلــبي هو المطــعـون... .
...خلاص بنفترق للأبد..وهذا حظي وراضي به
مــاقــول غير انـا لله وانا اليه راجعون... .
...والله يـــهــون عـلــي هالـمصــيبـة




مشعــــــل وش راح يصير في مستقبله .. وهنوف بتقدر تنساه ولا لا 

مـــــــــــــرت 3 سنوات من آآخر حدث ^^

شيــخة وخالد تزوجوا وجابوا بنت اسمها غلا عمرها سنتين
شهد وتركي عندهم بنتين فجر سنتين و ندى 6شهور
وجدان بنت ريم صارت 3 سنين وهي الحين حامل
اما عنود ماجابت غير عزوز اللي الحين بيروح للمدرسة وفي وضي اللي عمرهم 4 سنوات
اما عبير زوجة طلال جابت ولد وسمووه عبد الله وهي الحين سنتين
اما مشاعل ونواف ماكتب لهم ربي للحين ^^


لطيفة جابت ولد من رواف وسمته محمد .. وهو الحين سنتين ...
اما فهد صحى من الغيبوبة كأنه انسان ثااني تغير كثييير تزوج روان اول ماخلصت الثنوي ومستانسة معاه 





(( بالنسبة لفهد تغير حيــل .. ندم على اللي سواه مع لطيفة .. وحاول يعوض روان << طبعا ساكنين في بيت فهد بالشرقية .. وام فهد وشوق ساكنين معاهم .. شوق الحين بأول جامعة ))

روان تسولف مع شوق ..
روان : تدرين فهد يقول بكرة يمكن نروح الرياض
شوق : وش طرى عليه
روان : يقول عنده شغل هناك وان كان نبي نروح معه عادي .. قلت له والله بروح معك عالأقل اشوف اهلي
شوق : اوف قهر اختبارات انا هالفترة
روان :يعني ماتقدرين تجين
شوق : لا طبعا ..
روان : خسارة والله !!

........................................



الـــيوم اربعاء وزي العادة احفاد عبد الله كلهم مجتمعين في بيت الجد ^^

كلهــــــم فيه اللا مشعل ... طبعا مشعل انعزل عن العالم بعد اللي صار فيه ..



هنوف تكلم لولو : لولووو
لولو : هلا
هنوف بتردد : شخبـار ... مشعل ؟!
لولو تنهدت : على ماهوو عليه .. مايطلع ولا يكلم احد وبالمووووت يضحك ..
هنوف :الله يعييييييين
لولو : ايه والله .. حيل تغير ماعاد مشعل الاول
هنوف : ايه عساهـ يرجع زي أول .. درى عن خطبتي
لولو : لا للحين
هنوف :متى بتقولين له
لولو : خل يهدى شووي مب الحين
هنووف : 3 سنين ماهدى يالولو بيتغير في هاليومين .. الله يكون بالعوون 
لولو :آآمين


اما عند البنات الثانيات ....
شيخة : شوفوا شلون طالعة قمر من بينهم ...
ريم : ايه وجوودي ادري والله
شيخة :من جاب طاريها هالعربجية 
ريم : والله احسن من دلوعة ابووها
شيخة :ياحلووها والله

شوي اللا وجدان بنت ريم جاتهم ...
وجدان : يمـــة ....
ريم : نعم 
وجدان : عطيني فلوس بروح البقالة مع عزوز
ريم : ههههههه يعني الحين ماقلتي لي انك بتطلعين بس جيتي عشان لفلوس
وجدان : ايه
شيخة : هههههههههههههه هذي اللي فرحانة فيها ...
ريم : مالك دخل .... << وتكلم وجدان بصوت واطي .. :فشلتينا خليك ناعمة
وجدان : يللا مع السلامة ..

((( دقييقة اللا خالد دخل عليهم البنات تغطوا )))

خالد : وين غلاااااتي
شهد : هذي هي << وتأشر على شيخة 
خالد : ههههههه عاد هذي حياااااتي والله
شيخة تطالع شهد نظرة انتصار .........................
غلا : باباتي
خالد : عيووون باباتك انتي
شيخة تكلم ريم : شفتي تقول باباتي وماماتي .. مب يمة ويبة ترا توها بزر
ريم : ماعليهااا بنت رجااال ..
غلا : ثووف عبود تقني
خالد : عيدي عيدي مافهمت
شيخة : ههههههههههه تقووول شف عبود طقها
خالد : افا .. من طق غلااااتي 

من بكرررررة




كان عالسرير في غـــرفته .. مرت 3 سنوات من عرف باللي فيه ... في هالـ ((3)) سنوات ماسوى شي غير انهفي غرفته على فراااشه مايطلع ولا يروح ولا يجي يجي له احيانا راشد يحاول معه بس مايقدر ....
تذكر يـــوم عرف بالخبر كان أسوأ خبــر في حياته ...
خلاااص الدنيا كلها تسكرت في وجهه .. وان دروا الناس بيشكون فيه طبعا .. مع انه مب راعي هالحركات ... ترك دراسته وقعد بالبيت .. يقول ماله داعلي يتوظف ويشتغل وهو بيمووت .. ولا راح يتزوج بعد !!
هنوفته الغالية اللي حبـــــها من كل قلبه .. عطاهاا الحب والاخلاص .. وهي عطته نفس المشاااعر .. تذكر اول الايام يوم كانوا يتهاوشون على كل صغيرة وكبيرة .. تذكر يوم سمعها تقول لأخته عن حبها شلون طار من الوناسة .. تذكر حركاااته بعد ما دروا عن بعض تذكــر يوم راح يخطبها شلون كان من قلــــــب مستانس .. كانت هذيك آآخر فرحة له وانقتلت بعد ماعرف عن المرض .... تذكر يوم ياخذ التحاليل من الدكتور .. تذكر يوم قال لابوووهـ وزوج عمته .. وتذكر بعدها بفتررة يوم تطيح هنوف بالمستشفى .. وتذكر بعدها نظررة بعض الناس .. يا اما بالشفقة أو نظررة غريبة يتهموونه بشي .. آآآآآآهـ وش هالدنيا .. وش هالحظ ... لييييتني اموت وافتك .....
(((( وطق الباب على مشعل .. غريبة محد يجيني بهالوقت ))))
مشعل : مييين
لولو :انا
مشعل : نعم ؟!
لولو :ابي اكلمك
مشعل : طيــب ادخلي
لولو ابتسمت لاخوها : السلام عليكم
مشعل :وعليكم السلام ..
لولو ظلت تطالع في مشعل تغيـــــر شكله .. صار نحيف ومب مهتم بشكله حتى عيونه صار تحتهم هالات ...
مشعل : لولو لاتطالعني كذا !!
لولو : أنت اللي جبتها لنفسك
مشعل : أنــــا ؟!!؟ شسويت يالولو ماسويت شي الحظ كذا انقلب علي فجأة ..
لولو :ادري هذا مب ذنبك بس اللي مخلي الناس ينظرون لك هذي النظرة مب المرض لا بالعكس .. عاللي انت مسويه بنفسك
مشعل سكت مارد عليها ...
لولو : مشـــعل الى متى بتقعد على كذا .. ليه ماتطلع تستانس تتعرف على ناس .. تغيـــر جو البيت ..
مشعل : .........
لولو : مشعل .. العمر يمضي ولازم تتحدى اللي فيــــك ... ترا مصيبتك تهوون عند مصيبة غيرك ..
مشعل يطالعها بنظرة يعني شلوون ..!!!
لولو : شف الناس اللي مايقدرون يحركون ولا شي فيهم طول يومهم عالسرير ومع كذا عايشين حياتهم ما اهتموا بنظررة الناس لهم .. وفيه غيرها واااجد لو أعدد لك ...
مشعل : لولو ...
لولو ابتسمت : هلا
مشعل : انزين هنــ..ـوف شخبارها 
لولو خفت ابتسامتها : اممم مشعل مثل ماقلت لك العمر يمضي وانت لازم تعيش حياتك هنوف انخطبت لواحد اسمه يوسف 
مشعل انصدم بالواقــع ... يعني خلاص ماراح تصير لـــي .. هنوووفتي حبيبتي بتروح لغيري !!
مشعل : من هذا ؟؟؟
لولو : يوسف ولد عبد الرحمن .. اللي كان يشتغل بالشركة مع ابوي وعمامي ..
مشعل يحاول يتذكر : والله ماعرفه بس الله يكتب اللي فيه خير لــ .... للهنوف << قالها بنبرة حزن
لولو حست انه بدا يتخطى اللي فيه ارتاحت شووي ....
لولو : مشعل شرايك نطلع نتمشى !!
مشعل مستغرب : وين نروح
لولو : نتغدى برا وعلـــى حسابي
مشعل ابتسم : يللا اجل قدام
لولو استاااانست من قلـــــــــــــــــب على انه بيطلع معها !!!!

ركبوا السيارة .....
لولو : كم لك ماسقت السيارة أخ مشعل
مشعل : اممممم 3 سنين ماسقت
لولو : بـــــل 3 سنين يالظالم
مشعل : ايه بعد اللي صار فيني معد لي خلق شي
لولو مسكت يد مشعل : وععععع مايتفع شكلك كذا وانت معصقــل ياخي اسمن ارجع زي اول
مشعل : ايه طيب أي مطعم بتعشينا ؟!
لولو : امممممم انت وش تبي
مشعل : يحلييييلها والله لولو صارت كريمة
لولو : من اصلي كريمة فدييييتني
مشعل : يللا طيب بروح لـ ...... << يعنني ماسوي دعاية هع ^^

• * * * * *


عند بيت فيـــــصل ....((ابو تركي))

كانت روان فيه ولطيفة بعد فيه وشهد بما انها ساكنة بالبييت !!
اما تركي وفهد ورواف برا وراكان طالع مع اخوياهـ


رنا :صراااحة مالكم داعي ليه ما جت شوق ...
روان : تقووول عندها اختبارات ومب فااضيية تجي معنا
رنا : ايه فرحانة طال عمرها انها بالجامعة ...
روان : ايه صح انتي للحين بززر بالمدرسة
رنا : ايه كلها كم شهر واطلع منها
روان : ايه ان طلعتي هالسنة
رنا : هييه عن الغلط !!
لطيفة : اقول شخبار خطيبة حموودي
شهد : هههههههه ماشي حالها انواااع الازعاج والله
لطيفة : أجل زعلنا مانبي نزوجها ولدنا
شهد : عاد ندى وش يفكك منها احسها ملسووونة حتى اكثر من فجر
لطيفة : على طاري فجر تراها طاقة حمووودي من شوي
شهد : ايه عادي اكيد مسوي لها شي بنيتي ماتخلي لها حق 
لطيفة : ايييه مالقيتي الا حمودي دلوع ابووه وامه يسوي شي !!
شهد : ايه والله ترا احسه خكري انتبهي له
روان : افااا ليه خكري ...
شهد : تدرين اذا قلتي له وش اسمك وش يقووول
روان : وش
رنا : انا حمووودي محمد حمووود
روان : ههههههههههههههههههه وش باقي مادلع نفسه
رنا : ايه الله يستر منه !!!
شوي اللا تركي دخل عليهم ...
روان : هااااي خيوووووووو
تركي : هلا والله وغلا
روان : شخبارك وش الجديد وش مسوين
تركي: الحمد الله وانتي شخبارك
روان : زينة
تركي : ايه حبيبتي القهووة جاهزة
روان :وانا شدراني
تركي : انا ماكلمك اكلم شهد
رنا :هههههههههههههههههههههههه فشلووووووها


......................................... 


مــــــــــــــــــــرت الايااام بســـــرعة والكل على ماهو عليه مشعل تغير للأحسن ... والكل يشهد بهالتغيير ..... شهرين مروا 
أمــــا هنــوف .... اول ماعرفت عن خبر مشعل ... والمرض اللي فيه اغمى عليها وودوها المستشفى ومشعل زارها هناك وحاول يهديها !
بعدها ماعاد شافته بس ذكراااهـ ظلــــت في قلبهاا تحبه وتمووووت فيه بس انه بيعيش الحزن باقي حياته .. لايقدر يتزوج غيرها ويحاول ينساها .. ولا بيده يسووي أي شي مسكين والله يامشعل .. تذكرت انها جلست 3 سنواات ماشافته .. تذكرت اليوم اللي انخطبت فيه ماكانت تدري توافق ولا لا .. قلبها كان يبي مشعل .. بس عقلها كان يقوول انها هي ومشعل مافيه امـــــل ولا واحد من مية يجمعهم الزواج آآآهـ تذكرت يوم شافته بعد الثلاث سنوات ... كان نحيـــــف وحتى ممحة متغيرة مبين عليه انه نفسيته تعبانة .. كااان ودها يوم شافته تلغي الخطبة وتتـــزوج مشعل ودهاا ترووح له وتهديه آآآهـ يامشعل الله يعييينك على هالمصيبة .. ويعيني على نسيااانك !!!
اللي تعرفهم كلهم حبوا وتزوجوا اللي حبوهم .. شيخة وخالد حبوا بعض وتزوجوا .. مشاعل ونواف حبوا بعض وتزوجوا ريم ونايف حبوا بعض وتزوجوا شهد وتركي حبوا بعض وتزوجـــــــو بعد .. بس انا لا .. ليه ياااربي ليييييه اللهم لا اعتراض .......


واليوووم عــــرس هنـــوف من يوســـف ...
هنوف سلمت نفسها للأمر الوااقع .. بس مابغت تكون حفلة كبيييرة !! 


الكل كان مجتمع في الاستراحة اللي اخذوها للعرس ... 
شيخة : مبروووك ياعروووسة
هنوف :الله يبارك فيك
شيخة : اخييرا اعرستي وفكيتينا
هنوف : والله قاعدة فبييت ابووي ماضايقت احد
شيخة : بل بل مزحة خفة دم اضحكي ابتسمي جاملي .. كله تحطيم بهالعايلة مافيه اللا خلووودي هو اللي معطيني وجه ..
ريم : شيسوي زوجك ومجبر فيك يعني لا تحسبين انه مسوي كذا حبا فيك
شيخة : يمة منها ذي ... شفييك بعد انتي حاقدة علي يعني عشان بنتك العربجية تحطين الحرة فيني
هنوف :ياخي بزراااان
لولو : من قلـــــب
مشاعل دخلت عليــــهم ... 
مشاعل :تدروووون من اللي جات
البنات : مييين !؟
مشاعل : سارونة اختي
هنوف :فدييييتها والله من زمان عنهــا 
لولو : ايه والله يحليلها وينها الحين
مشاعل :مع ولدهااا
لولو : يوووه زادوا بزر الحين يااكثر البزاارين 
شهد تدخلت : لا اله اللا الله .. قولي مشاء الله لا تنظليننا بعد
لولو : مشاء الله ...
هنوف بصوت واطي تكلم لولو : مشعل بيجي اليوم
لولو لفت على هنوف بدون ماترد .. قعدت تطالع في ملامح هنوف كانت جادة في سؤالها .. 
لولو : هنوف انتي اليووم عرســـك ومايصير تفكرين بواحد غير زوجك ... ترى هذي تعتبر خيانة ...
هنوف نزلت راسها : انزين .. بس بيجي ؟!؟!؟
لولو : ايه اتوقع .. بعدين ليه مايجي خلاص انتم لاااازم تنسون بعض يعني معقولة انتي وياه في هالثلاث سنوات للي ماشفتوا بعض فيها .. معقولة مانسيتةوا بعض ...
هنوف : الصراحة الصراحة لا بالعكس كان كل يوم يزيد شووقي له واني اشووفه .. بس خلاص هذا مكتوب .. وان شاء الله اتناسا ذكراهـ 

 
 
أمــا من جهة ثانيــــة ... كان خلاص قرر يرووح 
مشعل حط في باله انه بيروووح لعــرس >>الهنوووف<<
قرر يتحدى نفسه ويروح لعرسها .. صح بيكون شي صعب عليه .. لكن لازم يروح ويحضر العرس .. عشاان هنــــــوف

كان متجه للاستراحة كان مشغل الرادوو ويسمع اغاني .... بس جت الاغنية اللي مب وقتها خاصة على مشعل ...




بحضر زفافك يا حياتي**
بحضر زفاف الـى هويتـه


وبرزف عشانك لاتحاتي**
وبهديك كل الـى بغيتـه


بهديك دمعى واعبراتـي**
والهم الـى فينـى رميتـه


بحضر ولو فى عرسك مماتي**
شايل معى قلبا نسيته


واجمل قديـم الذكرياتي**
والضيم الى منك خذيتـه


وبذكر الليالى الماضياتي**
كنت الوليف الى اهتويته


كنت الذى لجلـه اباتـي**
ساهر ونومى ما هتنيتـه


بهديتك فى ليلـه وفاتـي**
حلم الليالى الـى طويتـه


واعطيك من قلبى امنياتي**
تلقى الهنا بدرب مشيتـه


وتعشي فى راحه وسباتي**
ويالـذى عقبـى لقيتـه



كانت عالصميــــم لمشعل ... حس بكل كلمة بغصة حاول يكتمها بس ماقدر .. ماذرف دمعة من عرف بزواج هنوف .. كأنه ماكان مصدق .. بس الحين خلاااص .. تأكـــد انها راح ترووووح منه بكى على حظه بكى على حياته الجاية بكى على كل هالظروف .. سمح لعيونه تنـــزل الدموع اللي في هالثلاث سنوات ماحس ان له ونيس غيرها .. آآهـ من هالدنياااا 



يا وقت وشـ باقي حزن تخفيهـ ؟؟
أظن حزن الناس كلهـ وصلني !!
كل التعاسهـ والألم عايشـ أنا فيهـ
!!حتى الأمل خيب بها اليوم ظني !!!! 


خلااااص وقف السيارة على جنب قريب من مسجد .. حط راسه على الدركسون ... وقعد يفكر بهنوف .. هل بتحب اللي بتتزوجه اليوم كثر ماحبتني .. وان حبته هل بتنساني ببساطة !!
قعدت الافكاار تروووح براسه وتجي ... 

 
 
(((( خلاص هنوف بترووح عنـــه وهو يتمنى لها كل خير .. صح يحس ا رووحه بتطلع منه من كثر الهموم اللي فيه .. بس ما بيده شي يقدر يســـويه .. حرك مشعل سيارته 
ورجع للبيت .. للأســـف ما قدر يواجه الموقف خــاف ا دموعه تخونه قـــدام
رجال .. كلم راشد واعتذر منه .. وراشد قدر موقف مشعل ...)))




هنوف كل شوي تسأل لولو عن مشعل .. ولولو تقول لها اكيد انه جا .. بس ان لولو كانت تدق علييه وماحد يـــرد ....


- 
- - - - - - - - - 


الكــــــــل عاش حياته بصحه وخير .... 
شيخة وخالد ... مشاعل ونواف ... شهد وتركي ... روان وفهد ...... والكل بدون استثناء


تزوجت هنوف من يوسف ... والحمد الله يوسف رجال ولا كل الرجال .. ونعم فيه وعيشها بنعمة وخيــــر ^^ ...


مشعل حــس بندم انه ما حضر عرس هنوف .. حس بضعفه وانه ماقدر يقاوم .. حاول يقوي نفسه .. حاول يحتك مع المجتمع يسوي صداقات ما أهتم لنظراات بعض الناس له ماكان يبي اللا انه ينسى همومه والحمد الله قدر ينساها .. أو يتناساها ...
ورجع تقريبا مثل أول ...... بس كان فاقد شي مهم .. اللي هي هنوف حبيبته 




- - - - - - - -


النهـــــــــاية ..... 

انتهت قصـــة أمل موعود .. 

والله الصراحة هذي أول قصة اكتبها ... واتمنى انها نالت اعجابكم ... 

وبقول بكم كم شي عن القصة !!

بصراحة القصة مب بس أنا اللي كاتبتها .. انا وخوياتي 

والوالدة بعد تعطيني أفكاار الله يعافيها ...
ههههههههه ومن كثر ما أزعجتها بالقصة عطتني نهاية حلوة .. قالت لي خليهم كلهم مجتمعين في عرس وينفجر البيت ويموتون << احسها طالعة من قلب ههههههههه


اممم اما عن مشعل والله اني من بديت القصة كنت ناوية اذبحه .. بس كل خوياتي اعترضوا .. وحاولت اعصـــر مخي لين طلعت فكرة الايدزة

أما الباقي كانوا يساعدوني يعطوني افكار ومواقف .. وكل شي

ما أطـــول عليكم ... بس حبيت اشكر كل اللي قروا قصتي ... سواء ردوا أو بس قروها ... وكل من شجعني على القصة ... و تـــــــــــــــمت 




ni~boy~ce@nimbuzz.com
http://saif.waphall.com