عطيتكـ اغلى ما عنديـ ... و غدرتـ بيـ !!
للكاتبه : محدن يقدر علي
-----------------------------

عنوانـ قصتيـ هو مسجـ طرشتهـ بطلة القصة ( الريمـ ) للانسانـ الليـ حبتهـ منـ قلبها بسـ للأسفـ ما كانـ قد الحبـ الليـ وهبتهـ (الريمـ ) لهـ للأسفـ جرحها بالصميمـ ....

سمعوا قصتها بسـ بالاولـ ابيـ ردودكمـ الحلوة تنور قصتيـ عسبـ اتشجعـ .....


البارتـ الأولـ
الساعة 9:30 الصبح 
الريم راقدة بحجرتها ويت البشكارة توعيها عسب تسير كليتها :: البشكارة تدق الباب :: تعرفون دفاشتهم ما يحتاي اوصفلكم اياها :: خخخخخخخـ :ماما الريم قوم انتة في لازم يروخ كوليج ...
الريم وهي معصبة من دفاشه بشكارتهم اللي تعبت وهي تعلمها الذوق بس ما شي فايدة :: انزين صخي ... غربلاتج ... الحين بنش ... انتي انجعلي ويا ويهج ....

نشت الريم واللي حالتها مولية ما تسر من سبة هالعنز اللي تحبه واللي اسمه ناصر .. و طبعا سيدة سارت صوب المنظرة تشوف ويها اللي منتفخ من سبة الصياح والسهر ... يحليلها ضعفت وايد من سبة هالحب صدج هد حيلها هالناصر ...


المهم شيختنا نشت وسارت ( الله يعزكم ) الحمام و تسبحت وغيرت ثيابها و تكشخت ==> يحليلها تكشخ عسب تخفي آثار السهر من اهلها و نزلت تحت ولقت امها واعية سارت عندها وحبتها ع راسها و يلست سوالف وياها الين الساعة 11:30 و عقب توكلت وسارت كليتها
اوووووه نسيت اخبركم عن ريم وعيلتها :::

الريم:: اكبر وحدة وعمرها 20 سنة تحب ولد عمها ناصر اللي توه من سنتين راد من امريكا تدرس بالتقنية ثاني سنة محاسبة
عبدالله:: عمره 14 سنة
راشد:: عمره 12 سنه
عادل:: عمره 10 سنوات 
ام الريم(ميثة) حرمة عودة شغلها كله بالبيت
و ابو الريم(سالم) ريال متقاعد و عربيد رقم واحد حياته كله خمر وصياعة عمره ما سأل عن عياله اذا محتاجين شي بس همه فلوس عسب يسكر ===> الله يهديه
الريم بالسيارة تدور عـCD الاحزان و لقته وجان تسمع خالد الأحمد يوم يقول::
كافي صدمات بحياتي:: جاي تصدمني بعد
والله هالدنيا غريبة:: وش بقى فيها بعد
الريم: الله عليك يا خالد صدج ضربت عالوتر الحساس عندي ...( هذي هي الريم انسانة حساسة بطريقة مب طبيعية تحب هالاغاني اللي ع قولتها تخلي الفؤاد منكوس والرنج مجلوب) خخخخخخخ حلو ستايل هالبنت ...

فجأة يرن فونها ع الاغنية الخاصة بالقلب ناصر واللي هي::
والله لأوريك كيف البعد تعبني::موت فبعادي مثل ما مت فبعادك
لازم تعاني وتتعب يا معذبني::جرب عنداي مثل ما ذقت انا عنادك
علمتني كيف اقسى و انت عارفني::تلميذ شاطر في تعذيبك و في ودادك ==> ماجد المهندس 
ترددت ترد ولالأ بالذات بعد ضرابة امس ... بس بالأخير ما هان عليها و ردت

الريم:: مرحبا ناصر شحالك؟ (بكل برود)
ناصر:: مرحبتين حياتي شحالج؟ ... بلاج جي باردة
الريم:: حمدلله.. ما بلاي شي .. بس يالسة اسوق مادري ارمسك ولا اركز بالسواقة ... 
( الريم توها مظهرة الليسن ووايد جبانةخخخخ..) 
ناصر:: اهاا .. عيل خلاص يوم توصلين كليتج اتصلي اباج بسالفة بخصوص امس ..
الريم::يسير خير ان شالله ( يعني بالمشمش خخ)
ناصر فهم تلميح الريم و قالها:: تراني اتريا اتصالج و اذا ما اتصلتي تعرفين وين بتحصليني..
الريم:: لا يكون بتيي بيتنا .. لا يا بوي ما فيني ع رمسة ابوي ..
ناصر:: والله انا مب غريب عسب تمنعيني من بيت عمي ياللا سوقي عن تدعمين ... باي
( وصكر الفون بويهها)
الريم وشوي بتصيح::الله يغربل ابليسك يا قلبي يوم خليتني احبه..

المهم ... وصلت الريم الكلية وعرفت انه الاستاذ غايب قالت فرصة اني اتصل بالنسر نصور ما فيني ع مشاكله و اتصلت و رد عليها قبل لا تقول الو..
ناصر:: هلا بقلبي ريماتي..
الريم اهلين..
ناصر:: اشوفج اتصلتي شو ما عندج كلاس الحين..
الريم:: لا ما عندي الاستاذ غايب.. و بعدين اتصلت عسب اشوف شو عندك..
ناصر يبي يغير الجو:: شحالج يا قلبي عساج مرتاحة اليوم؟؟
الريم باستغراب:: حمدلله بخير ... اشحالك انته؟؟
ناصر: وحد ما يكون بخير يوم يسمع صوتج..
الريم:: ناصر !!
ناصر:: عيون وقلب وروح ناصر..
الريم::شو ياينك اليوم علي؟؟
ناصر::احبج يا بنت العم..عندج مانع
الريم:: لا بس مو من عوايدك انك تكون جي..
ناصر:: خلاص يا قلبي لازم تتعودين علي احنا صارلنا سنتين نرمس بعض و نحب بعض المفروض تكونين اكثر وحدة تعرف طبايعي.. وبعدين انتي تدرين اني يوم اكون تعبان ما احب ارمس حد.. حقج علي يا قلبي اذا غلطت بحقج امس..
الريم:: لا مسموح..
ناصر:: اوك دام انا سمن ع عسل ابي اشوفج اليوم..
الريم فهمت مقدمات الأخ أثاريه مخطط لشئ::اسمحلي نصور ما اروم...
ناصر:: ليش يا قلبي حرام عليج تراني متولة عليج واااايد مب كفاية انج حارمتني من شوفتج هالشهر كله بلييز حسي فيني...

كـــــــات

-----------------------------
(( من فينا هالليلة ينام... والشوق صاحي ما ينام... كل منه يا حبيبي... شايل بقبله كلام))

الريم::خلاص اوكـ ... خلني اخلص دوامي وبرمسك عقب عسب اجوف وين نتلاقى...
ناصر(و هو طاير من الفرحة)::فديت قبلج يا قلبي..خلاص اوكـ بتريا اتصالج انا...لا تبطين علي..
الريم(بدون نفس)::انشالله...يالله نصوري بخليك الحين...تامرني بحاية؟؟؟
ناصر::لا سلامة عمرج..بس لا تبطين علي..(وصكر الفون)

(الريم يلست باستغرابها طول الوقت... صح انه هاي مب اول مرة تشوف فيها ناصر بس اول مرة يصر بهالطريقة).....و بعد ما خلصت كلاساتها اتصلت بناصر...

ناصر::هلا حياتي...تصدقين اني تحريتج هونتي...
الريم::اهلين نصوري.. لا فديتك بعدني ما هونت..توني مخلصة كلاساتي...
ناصر::افاا كنتي تبين تهونين وتخليني... المهم بلا رمسة زايدة تعالي الكوفي شوب اللي دوم اشوفج فيه....
الريم::انشالله... ربع ساعة واكون عندك....ياللا باي..
ناصر(معصب)::ياخي جم مرة اقولج يا حمارةقولي مع السلامة بدال باي هذي...
الريم (وهي ناقعة من الضحك)::خلاص مع السلامة...
ناصر::مع السلامة...

وصلت الريم الكوفي شوب وحصلت ناصر يترياها في نفس المكان...

تعالوا... انا نسيت ارمسكم عن ناصر...

((ناصر ولد عمها واكبر عنها بخمس سنوات كان يدرس بامريكا و توه راد من سنتين يشتغل و راتبه محترم و عنده شقة بعيدة عن اهله...
احلى شي فيه سماره و جاذيبيته اللي ع قولتهم تطيح الطير من السما... بس هالانسان خبيث ونذل وماخذ وايد من طبايع الغرب من حيث العربدة و غيره..))

المهم ناصر شاف الريم من بعيد واشرلها ع مكانه...
الريم::اوووف.. سوري اذا طولت عليك .. بس والله مالقيت مكان ابركن سيارتي...زحمة..
ناصر::لا قلبي خذي وقتج...شو من مذهب عندج..ما تسلمين...لا يكون بركنتي عقلج بدال سيارتج...
الريم(مبتسمة)::لا ما نسيت بس خلني اخذ نفسي.. شحالك؟؟؟
ناصر:: انا بخير يا قلبي...ريماتي انا آسف اذا ضايجتج امس و غلطت بحقج بس والله كنت مضايج عسب التعب اللي فيني..
قاطعته الريم بابتسامه::لا حياتي عادي..والله عاذرتنك...
ناصر (مستانس)::و اخيرا نطقتيها اليوم..آخ شكثر معذبتني يا حمارة بحبج...ذبحتيني ذبوح...
اليوم(ناقعة من الضحك)::ههههههه...ليش الاخ نوع من انواع المواشي...هههههه....عسب ينذبح...

((و تصالحوا عصافير الحب و تمو سوالف لين المغرب وعقب ردت البيت و الابتسامة سابقتنها))

((انا يالغالي رضيت...واكتفيت بكلمتك...هذا بس اللي بغيت...ودي تحس بغلطتك...))


بعد ما سارت الريم بيتها يلس ناصر بالكوفي شوب يفكر....

(الحين لا يكون انا احب هالخبلة...حشا علي...انا لازم افكر بالانتقام قبل كل شي...اوووووه يزوي فديتها ما اتصلتبها... اكيد تحاتيني...خلني اتصل اشوف علومها...))


كـــــــــات!!!!!!

-----------------------------
البارت الثالث


(ناصر يتصل بيزوي جان ترد من اول رنه)
يزوي:: هلا حياتي[COLOR="DarkRed"]
ناصر::والخيبة ما خليتيه يرن...
يزوي::هههههـ .... ما تضحك... ههههههههـ [/COLOR]( وهي ميتة من الضحك):S_029:
[COLOR="DarkRed"]ناصر::والله يا قلبي محد جابرنج انج تضحكين... المهم شحالج؟؟
يزوي(مبوزة)::توا الناس تسأل عني يالدب...
ناصر::افاا انا دب يا قلبي...any way...تعالي الكوفي شوب...اللي دوم اشوفج فيه..[/COLOR](يزوي وحده تعرف عليها بامريكا..حبته من كل قلبها...بس هو الله يهديه يباها لشي ثاني)

يزوي::انشالله يا قلبي..دقايق وبكون عندك..مع السلامة..
ناصر::مع السلامة قلبو.. (وصكر الفون)

(عقب ربع ساعة يت يزوي فـ نفس المكان اللي دوم يتلاقون فيه)

يزوي::ها شو تأخرت عليك؟؟
ناصر::لا فديتج(تيت)..ادريبكم البنات تاخذون وقت وايد عسب تتعدلون...
يزوي::شو نسوي..نبي نستوي حلوات غصب..ما فينا نخرع خلق الله...
ناصر::ههههههـ .... فديتج والله...

(يزوي حست بشي يقولها ان ناصر ما كان بروحه)

يزوي::حبيبي قول والله اقول الصدج....
ناصر::والله اقول الصدج...
يزوي::كنت يالس ويا حد قبل لا اييك..
ناصر(منصدم):: هاا... كنت ويا بنت عني الريم...
يزوي(بقهر)::اوووووف ما بنخلص من هالعقربة...
ناصر::حياتي انتي تدرين انا ليش الين الحين وياها...خلني ارد اعتباري وعقب بخلص منها...
يزوي::وانا؟؟؟؟
ناصر::انتي القلب و الروح وكل شي...
يزوي:::فديتك يا ربي عسى الله لا يحرمني منك...
ناصر::ولا يحرمني منج يالغلا..
يزوي::آآآآآآآآآآآآآآآآمين


(تموا سوالف ويا بعض الين ما استأذنت يزوي وردت بيتهم)

(((اكييييد كلكم تموتون وتعرفون شو اللي يخلي ناصر ينتقم من بنت عمه)))

(خلنا نرد اربع سنوات لورا)

ناصر يفكر (آخ فديتها ليت عندها اخو كبري جان كل يوم يالس عندهم واشوفها)....و فجأة..يرن فونه:

:مرحبا...نصور شحالك؟
ناصر:هلا بو شهاب ..بخير يسرك الحال شحالك انت..؟
احمد:انا بخير حمدلله عالسلامة.. وينك يا ريال طولت بالغربة اشوف عيبك جو امريكا وبناتها...
ناصر::واللي يرحم والديك فكني ..تراني مصدع حييييل...
احمد::خير نصور .. شفيك؟؟
ناصر(لاشعوريا)::احب..والله احب..وقسم بالله احب..خذت عقلي الله ياخذ عقلها..
احمد:ههههههـ .. منو هذي اللي ماخذة عقلك..
ناصر(عقب ما استوعب اللي قاله):مو شغلك يالله فارج بنزل عند اهلي.. باي(وصكر الفون)

خلوني اعرفكم بعايله ناصر


ناصر كلكم تعرفونه ما يحتاي ارمس عنه..بس بضيف شي واحد عنه عقب بتعرفونه مع الايام..
غيث اصغر عن ناصر باربع سنوات يشتغل بشركه العايله ويا ابوه و متزوج وعنه ولدين محمدسنه ونص وسالم ثلاث شهور
عذاري اصغر عن نصور بخمس سنوات وربيعه الريم الروح بالروح
حمدان وزايد توأم اصغر عن ناصر ب10 سنوات 
ابو ناصر(راشد)ريال والنعم فيه يا يكون بالشركه او بالعزبه او بالميلس ويا الشيوبه
ام ناصر(العنود)يكفي انها ربت عيالها و تحملت قسوة الزمان


ناصر وهو يزاعج:: امااااااااية ابوووووووووي...ويييييييييينكم؟؟؟؟
ام ناصر::انا هنيه يا ولدي تعال؟؟
ناصر ساير صوب الميلس حب امه ع راسها ويلس عدالها::شحالج يالغاليه؟؟
ام ناصر::بخير دامك بخير وجدام عيني..شحالك انت يا ولدي؟؟
ناصر::انا بخير ...امي(متردد) اباج بموضوع ياليت تساعديني فيه..
ام ناصر:: امر يا ولدي و تدلل..
ناصر:: امي انا بصراحه ابي اخطب وحده......

كــــــــــــــــــــــــــــــــــــــــــات

-----------------------------
البارت الرابع


ام ناصر::والله هذي الساعة المباركة يا ولدي انشالله من باجر اشوفلك احسن بنت بالامارات كلها.... انا جم ناصر عندي...
ناصر::تسلمين اماية بس انا في وحده ببالي و اباج تخطبينها....
ام ناصر(بعصبية)::شوووو تباني اخطبلك وحدة من الشوارع لا يا ولدي انا مب موافقة جان تبى تخطب بخطبلك وحدة سنعة نعرف اهله...
ناصر::بس اللي اباها تعرفينها .... وتعرفينها عدل بعد
ام ناصر(بحيرة)::منو؟؟؟؟



ناصر::الريم بنت عمي سالم
ام ناصر::تصدق انها هذي البنات اللي في بالي اخطبلك اياها من زمان والله وعرفت تنقي يا ولدي....
ناصر::ياللا يما سيري رمسي ابوي قبل لا تطير البنيه من ايديني...
ام ناصر::انشالله بس خل ابوك يرد من العزبة و برمسه....
ناصر::فديتج يما عسى ربي يخليج لي...المهم الغاليه انا بظهر الحين تامريني بحايه قبل لا اظهر....
ام ناصر::لا فديتك.. بس دير بالك عـ عمرك..
ناصر::انشالله يما ياللا مع السلامة (وظهر من البيت)
ام ناصر::الله يحفظك يا ولدي من كل شر ويحققلك كل اللي تباه...

وشوي....


يدش بو ناصر

بو ناصر:: السلام وعليكم
ام ناصر وعليكم السلام والرحمه شحالك الغالي؟؟
بو ناصر::يسرج الحال يالغاليه(ويتلفت يمين ويسار) اشوف البيت هادي وين الشباب؟؟
ام ناصر::عذاري بحجرتها.... وغيث وحمدان وزايد توهم ظاهرين المول... اما ناصر....اوووووه زين ذكرتني...اقول نصور يبي يخطب(وابتسمت)
بو ناصر(مستانس)::والله هذي الساعه المباركة...شو لقيتيله وحده.؟.؟.؟
ام ناصر::وحده زوينه كنت حاطه عيني عليها واثاري ولدك يباها....من تتوقع؟.؟.؟.؟.
بو ناصر::منو؟.؟.؟.
ام ناصر::ريم بنت اخوك سالم
بو ناصر::هاي الساعه المباركة احين بدق لأخوي وببشره عساني القاه صاحي(من الشرب)

(يود تلفونه واتصل ع اخوه مرة واثنين وثلاثه محد رد عليه عرف انه اخوه مب صاحي ومطنشنه..)


بو ناصر بضيج::انا اقول ولو تسيرين ترمسين ام عبدالله احسن 
ام ناصر::انشالله الحين بدق لهم..


ام ناصر::السلام وعليكم
ام عبدالله:: وعليكم السلام شحالج يالغاليه وينج من زمان محد يسمع صوتج؟؟؟
ام ناصر::حمدلله بخير يسرج الحال والله موجودين ولاهيين بهالدنيا انتي شحالج وشحال العيال وشحال الريم....
ام عبدالله ::والله تمام ...



(تموا سوالف اليييييييييييييييين......)

ام ناصر::الصراحه ياوخيتي انا داقتلج وابي القرب منج بولدي ناصر...
ام عبدالله::هذي الساعه المباركه الريم بنتكم ووين بتلقى احسن عن ولد عمها...
ام ناصر::تسلمين يا وخيتي...
ام عبدالله::عالعموم انا بشاور بوعبدلله(حست بغصه وهي تقولها) وبردلكم خبر
ام ناصر::خلاص عيل اتريا ردج..
ام عبدلله انشالله يالغلا
ام ناصر ياللا عيل انا بخليج الحين
ام عبدالل خلاص عيل ... سلمي عالاهل
ام ناصر يوصل ... مع السلامه
ام عبدالله مع السلامه (وصكوالفون)

الريم يالسه فوق تسولف ويا ربيعتها وبنت عمها عذاري


عذاري:: ايه ما قلتلج اخوي نصورامس رد من امريكا تصدقين اني ما دريت الا اليوم الظهر يوم رديت من المدرسه..
الريم::: خخخخخخ ....زين سوا فيج مقلب عسب ما تحشرينه الا ما قلتيلي شو يابلج؟؟؟ من الغربه
عذاري::تصدقين اني ما سألته...لحظه شوي (ترمس اخوها اللي كان يالس عدالها) انته ايه شو يبتلي وياك من امريكا هاي مالتك؟؟؟
ناصر::شو ايه ... اصغر عيالج؟ و بعدين دامج قلتيلي ايه قصورج تاخذين هداياج...
الريم:: خخخخخخخـ ...دواج تستاهلين... حد يقول لأخوه العود
(ايه)...
عذاري ( مبوزة)::ريموه واللي يعافيج فارجي..
(و صكت الفون بويه الريم)

ناصر انتفض يوم سمع اسم الريم::عذورتي...زعلانه؟؟
عذاري::لا ترمسني ما احبك...جي تفشلني جدام الريم؟
ناصر::ما كنت ادري انج ترمسين الريم..تحريتها وحده من ربيعاتج..
عذاري(معصبة)::يا سلام يعني جدام ربيعاتي عادي تسبني...مالت عليك وعالخسفة اللي بتاخذك (وظهرت من الميلس)
ناصر(ناقع من الضحك)::انتي ايه..حرمتي هب خسفة..فديتها قمر اربعتعش...


في بيت سالم


الريم نازله الميلس::السلام وعليكم
ام عبدالله::وعليكم السلام الغاليه.. الحين توني بزجرج يتي بوقتج..
الريم::خير اماية فيج شي؟؟
ام عبدالله::لا يا قلبي ما فيني الا العافيه..بس يا بنتي انتي الحين كبرتي وغديتي حرمه..
الريم(ببراءة):: احمـ احمـ ... ادري..(وابتسمت)
ام عبدالله::والله اليوم ام ناصر اتصلت بي ويبونج لولد عمج ناصر...
الريم::شووووووووووووووووووووووووووووووو.....انا اخذ ناصر ....يخسي....
ام عبدالله::ليش يا يما شو فيه ناصر عسب ترفضينه..ولد عمج ريال ما ينعاب...
الريم::امايه ناصر معاق..شو تبيني اخذ معاق..لا فديتج..(عطت امها ظهرها)::يكفي يقولولي بنت السكير وبعد تبين يقولولي حرمه المعاق ماما والله واااايد..قوليلهم ما تبي تعرس بعدها صغيره تبي تكمل دراستها....
ام عبدالله::بس يا يما عيب هالرمسة هذا ولد عمج انتي مالج غير ولد عمج يحافظ عليج..
الريم::من غير بس انتي قولي هالكلام واذا ما ترومين انا بقولهم..
الريم ظاهرة من الميلس:: انا بسير حجرتي ....باي...


كــــــــات؟؟؟؟؟؟؟

-----------------------------
البارت الخامس


ناصر يالس بالسياره يسمع اغاني::

آه من قلب(ن) غـدا حبـه جنونـي
و آه من خـل(ن) على بالي طـرا
لي سطـا في الروح وتملـك شجونـي
ومن صدوده ياما لـه دمعي جـرا
في المحبه ياعـرب لاتعذلونـي
لان حبـه في فوادي قـد سـرا
يا بـدر نوار مابين المزونـي
منزلك فوق الثريـا والثـرا
لو يهون الحـب قدرك مايهونـي
لان عيني غيرك انتـــه ماترا
من غـلاك اتخيلك دوم فعيووووونـي
شوف حالي كيف عقبــك مخطـــرا
لك غـلا لك حب في دمـي مخزونـي
يا لزيمـي حتى نوم الكـرا
بس رجـوه لاتخيب لي ظنونـي
لاتشمـت بي عذول(ن) مادرا


ناصر::آه متى بأخذج يا قلبي ..متى؟؟؟؟

فجأة يرن فونه


ام ناصر::ناصر يما وينك؟؟
ناصر::داخل السياره ...خير يما في شي؟؟
ام ناصر::تعال اباك شوي..
ناصر::انشالله يما..


((اكيد كلكم شوفوا الفرق بين ناصر الحين وناصر قبل اربع سنوات))

ناصر::خير يما فيج شي خرعتيني...
ام ناصر::تعال يا ولدي..(يلس ناصر عدالها)...انت ريال و ما فيك عيب والله بيعوضك ببدال الريم
ناصر::ليش الريم رفضتني؟.؟.
ام ناصر::هيه(مرتبكه)..تقول تبي تكمل دراستهاو اونها بعدها صغيره....
ناصر(وقف وسار صوب الباب)::انا لازم اعرف السالفه...(وظهر من البيت ساير صوب بيت عمه)

عقب ربع ساعه وصل بيت عمه جان يدش ويزاعج:: الريييييييييييييم ...ريموووووووووووووه 
ام عبدالله(مصدومه)::ناصر ..هلا والله فيك يا ولدي تعال اقرب

ناصر ساير صوب حرمه عمه وحبها ع راسها::عموتي الريم وينها ازجريها اباها بسالفه..

الريم كانت توها نازله من فوق كانت فاله شعرها ولابسه تنوره قصيرة وكات وردي

الريم::خير بلاك تزاعج وين تتحرى عمرك
ناصر(يطالعها من فوق لين تحت)::انتي ايه شو لابسه..وين تتحرين عمرج...سيري فوق غيري ثيابج و تعالي اباج بسالفه.....
الريم(بأستهزاء)::شوووووو....داش بيتنا لا احم ولا دستور وتزاعج جنك ببيتكم ولا بعد تتحك بي منو تتحرى عمرك ..هااااا
ناصر(متفاجئ ونعقد لسانه)
الريم(بغرور)::قول سالفتك واخلص ترى وراي شغل اهم منك.
ناصر::ابي اعرف ليش رفضتيني...في حد بحياتج؟؟؟
الريم::مسرع مالخبر انتشر...لا يا ولد العم محد بحياتي...بس لي اسبابي..
ناصر::ممكن اعرفها؟؟؟
الريم(تطالع امها)::اسمع يا ناصر...انا رفضتك لانك معاق(طالعته بغرور)انااا الريم سالم ال(....) تباها تاخذ معاق ...كفايه ابوي سكير..وبعد ريلي معاق..
ام عبدالله(مستحيه)::الريم بس صخي حشمي ولد عمج
الريم::هو اللي يبي يعرف ليش ما اباه(وطالعته)عرفت الحين اسبابي..(صدت عنه)انا برد حجرتي واتمنى ما تاخذ بخاطرك مني..(وظهرت)

(ناصر واقف بمكانه منصدم يحاول يستوعب)

ام عبدالله::ناصر يما سامحها تراها ياهل..


(ناصر شل بعمره وظهر)



"كلكم تبون تعرفون شو اعاقه ناصر....طال عمركم ناصر جفن عينه اليسار نازل شوي عـ تحت وعنده حول بسيط..."


المهم عقب السالفه اللي استوت ببيت الريم ناصر شل بعمره وسار صوب بيتهم و لم قشاره وسار للمطار حجز عـ اول طيارة لأمريكا وسار هناك بدون ما يعلم اهله



كـــــــــــــــــــــــــــــــــــــات؟؟؟؟؟

-----------------------------
البارت السادس




اسافــر عنك و تسافــر معايا...
ترافــقني فــي حلي وارتحالي...
اغيــب واتــرك العـالم ورايــا...
ولا احمــل غيــر طيفك في خيالي...


ناصر ببلاد الغربه....يرن تلفونه

ناصر(بدون نفس)::الــو
ام ناصر::ناصر يما وينك يالسه احاتيك من ظهرت ما رديت ... فيك شي يا يما...
ناصر::لا يما ما فيني شي بس انا سافرت..
ام ناصر(منصدمه)::ليش يا ولدي تسافر وما تعلمنا ما شبعنا منك...
ناصر اسمحيلي يما بس كان عندي كورس ضروري...المهم امايه بخليج الحين مع السلامة
(وصكر الفون بدون ما يعطيها مجال تسألها اي اسئله ثانيه)

ناصر::ما عليه يالريم ان ما خليتج تدفعين الثمن غالي و اخليج تبجين بدال دمعج دم ما اكون انا الناصر ولد عمج)


بختصرلكم حياة ناصر اللي عاشها عقب رفض الريم له...

تعرف عـ شلة فاسدة علمته السهر وبلاويه... وتعرف عـ يزوي اللي حبته من خاطرها وحاولت قد ما تقدر تنسيه الريم ما قدرت لانه مب حاط فـ باله حاليا الا الانتقام.. اما بالنسبة لاعاقته دور عـ اخصائي تجميل في امريكا سواله كذا عمليه عسب يتخلص من الاعاقة ونجحت... بالنسبه للريم دور عـ ايميلها وتم يجردنها بالايميل الين ما حس انها حبته من خاطرها عرف عن نفسه على اساه انه ولد عمها ناصر اللي رفضته...و طبعا هي الحين ميته بحبه وكل يوم تعتذرله عـ رفضها له وتقوله شكثر ندمانه انها رافضتنه... بس للأسف قلب ناصر استوى صخر ما يحس بشي....

و خلصت الاربع سنين....ورد البلاد



(والحين...)


ناصر شارد....

يزوي::نصور .... متى بتوثق عقد زواجنا.؟.
ناصر::هااا.. انشالله بس خلني اخلص من الريم..
يزوي::وجم سنه يبالك عسب تخلص منها صارلنا سنتين مزوجين عرفي وكل ما ارمسك بالموضوع تقولي يوم انتقم من الريم....لا يكون حنيت للحب القديم
ناصر::اي حب جديم اي خرابيط... خل عنج اللواته وياللا بنسير الشقة..
يزوي::هيه هذا هو يوم تباني تعالي نسير الشقة... ايه انته لا يكون عبالك انك كل ما بغيتني بييك اشقة لا يا قلبي انا من اليوم اقولك تباني اكون وياك على طول وثق العقد ولا خلاص....(تصيح)....طلقني....
ناصر::شووووو انتي من صدجج تبيني اطلقج لا يا قلبي طلاق شلي من بالج لو الموت...و خل اللي شرجج علي ينفعج...باااااااااااااااااي
(وظهر من الكوفي شوب ويزوي تمت بمكانها تصيح من القهر مب عارفه شو تسوي صدج هالناصر ظلمها .... وهي بعد تستاهل)

عند الريم توها داشه البيت

الريم(تزاعج)::امايه عبدالله راشد عادل وينكم....
راشد::خير شعندج تزاعجين
الريم(مبتسمه)::يبتلك شي تمووووت عليه...شو تتوقع؟؟
راشد(مبطل عيونه)::شو يبتيلي ..لا يكون شريط ps3 ....
الريم::شطوووووووووووووووووور..مب انا وعدك لو نجحت بالامتحانات ايبلك الشريط...

فجأة يتبطل الباب ويدش سالم(بوعبدالله)وهو يغني::

[COLOR="Sienna"]حبيبي ارب بص وبص وبص
زعلان ازعل ازعل نص نص
لا احسن ابعد ابعد اه ونص
و حتبأ انت اكيد خسران[/COLOR]<==اسمحولي هب حافظتنها 
ويطالع الريم::بلاج تطالعينييالحماره جي مب تارس ويهج..ياللا يا مسوده الويه حطيلي الغدا(يمشي شوي جان يطيح)
الريم(تركض صوبه)::ابويه ابويه بلاك
بو عبدالله::ما بلاي شي بعدني ما مت فارجي فارجت روحج يسدج(و يعطيها كف محترم ع ويهها)
بو عبدالله(يزاعج)::ميثه ميثوووووه والصمخ
ام عبدالله بخوف::خير يا سالم بغيت شي(وتلمح الريم ويه ميته من الصياح)..الريم يما شفيج..
بو عبدالله::بنتج قليله ادب تراددني يوم اقولها حطيلي الغدا<==اي غدا الله يهداك الحين حزة عشا...شكله مسطل الاخ خخخخخخ
ام عبدالله::خلاص انت ارتاح هنيه وانا بييبلك الغدا(تأشر عالريم)..الريم يما تعالي..
الريم(وهي تمش دموعها)::انشالله
عبدالله(توه داش البيت ويغني و ايوول )<==الله يستر الليلة ما بتخلص::


[COLOR="DarkOrange"]كفايه جرحك الاول .. ولا تجرحنيه ثاني
جروح الروح تتعبني .. لماذا انته اناني
عطيتك صادق الاحساس .. وقلبك خاري ارماني
لماذا وكيف انا برظيك .. طلبه بشارت ابناني
انا حاظر قسم برظيك .. وشانك يالغلا شاني
وعطني مثل ما بعطيك .. حرام عليك تنساني
ارى صدك يرد عليك .. وبيحرمك الاماني
عطيتك قلبيه في ديك .. وهذا حب برهاني
عطيتك روحي وعيني .. يا قايد غيد غزلاني
ولو يسمحليه ديني .. بعبدك انته الثاني
غلاتك من غلا روحي .. حرام عليك حرماني
كفايه جرحك الاول .. ولا تجرحنيه ثاني[/COLOR]<==ما انتهبه لوجود ابووه

بو عبدالله:: ايه يالخبل وين داش 
عبدالله بخوف::ابويه انته هنيه
(وسار صوب ابوه عسب يحبه عـ راسه)
بو عبدالله::لا هناك..قم قم لا تحبني..لا بارك الله فيك ولا في امن يابتك..
عبدالله::ليش يا بوي انا شو سويت
بو عبدالله::داش البيت و تغني ..لا احسن ييب ربعد وسوو جلسه طرب بالبيت...انته شو ما تحشم<===خلينا الحشمة لك 
ام عبدالله::دوج العشا بالعافية

الريم عقب ما حطت السفرة سارت فوق حجرتها وتمت تصيح و شوي تطرش مسج لناصر تقوله فيه::


مــافي احد مرتاح..كــل واحد معه همه على قده
حتــى انا يا صاح..هم القلب عندي قد بلغ حــده
لكننــي صابر ..و صبري بالهـــوي اقــوى سلاح
مـــافي احــد مرتــاح...


و شوي يتصل ناصر

الريم:: الــو
ناصر هلا والله
الريم::اهلين نصور
ناصر:: ريماتي فيج شي
الريم(تصيح):ابوي صفعني بدون سبب
ناصر::شووووه هذا اكييد مب صاحي
الريم::نصور لو سمحت لا تغلط عـ ابوي
ناصر:: وكيف تبيني اسكت دامنه صفعج... المهم اليوم كنت ابي اقولج سالفه بس حسيت انه الوقت ما كان مناسب 
اليوم::خير قول فديتك
ناصر::ريماتي حياتي لو تقدمتلج الحين مرة ثانية بترفضيني؟.؟..
الريم(منصدمه ما عرفت كيف ترد)
ناصر::ردي علي....تراج رفضتيني عسب اعاقتي والحين ما عندج حجه انج ترفضيني...
الريم::مستحيــــل ارفضك
ناصر::وشمعني ذيج المره رفضتيني
الريم::هاااا..كنت ياهل و بعدين الحين عرفت انه مالي غير ولد عمي(اه يالمنكر عليكم يالبنات)
ناصر::بس عسب هالسبب
الريوم::هيه بس 
ناصر::يعني مب لانج تحبيني
الريوم(ويهها انقلب احمر اخضر وبنفسجي)
ناصر::ردي علي تحبيني ولالأ؟.؟.؟.
الريوم::اموت فيك نصوري يكفي اني رفضت كل اللي تقدمولي عشانك
ناصر::خلاص اوك انا باجر بسير بيتنا وبرمس امايه..
الريم(مستحيه)::اوكـ
ناصر::ياللا حياتي خليني ارقد باجر وراي دوام وانتي وراج كليه.... اوووه نسيت انج مسائي
الريم::ههههههـ ... تصبح على خير
ناصر::وانتي من اهله... اقول الريم..
الريم::هلا
ناصر::تحبيني؟.؟.؟.<===لواتة شباب خخخخـ
الريم::نصور باي..( وتصكر الفون)
ناصر::هههههـ يحليلج يا بنت العم .. صدج غبيه ان ما خليتج تبجين بدال دمعج دم ما اكون نويصر


كـــــــــــــــــــات

-----------------------------
البارت السابع



الساعة 3 العصر... في بيت بو ناصر

ام ناصر::زارتنا البركه..وينك يا ولدي ما تزورنا و ما تقول عندي اهل اسأل عنهم..
ناصر::اسمحيلي يا يمه عندي اشغال ماخذه كل وقتي المهم... ابغيك بسالفه
ام ناصر::خير يا ولدي
ناصر::الخير بويهج..ابس اخطب الريم
ام ناصر متفاجأة::انت ما تبي غير الريم(تصييح)..اختار اي وحده وانا بخطبلك اياها
ناصر(باصرار)::انا ما ابى غير الريم الحين ترمسين عمتي

(ويظهر فونه ويدق)

الريم::الــو
ام ناصر::السلام وعليكم
الريم:: وعليكم السلام
ام ناصر::الريم يما شحالج
الريم::هلا عموتي شحالج انتي انا طيبه
ام ناصر::الحمدلله الا اميثه وينها
الرييم(مستانسه)::صبري بزجرها

(صوب ام عبدالله)::امييييه عمتي العنود تباج
ام عبدالله بخاطرها::شو سالفتها العنود متصله احيد من عقب رفض الريم لناصر ما اتصلت ....خلني اروح اشوفها

ام عبدالله::السلام وعليكم شحالج العنود
ام ناصر::وعليكم السلام يسرج الحال شحالج انتي عساج بخير وشحال عيالج
ام عبدالله::والله الحمدلله ما نشتكي باس....وينج يالقاطعه لا حس ولا خبر افااا قطعتي مرة وحده انا لو ادري ان رفض الريم بيسوي جي جان غصبتها ولا اخسرج يالغاليه
ام ناصر::والله اسمحيلي يالغاليه الدنيا اشغلتني 
ام عبدالله:: مسموحه بالحل
ام ناصر::والله يالغاليه انا متصله فيج وابغي بنتج الريم لولدي ناصر
ام عبدالله(منصدمه)::شووووووه
ام ناصر::انا ادري ان الريم كانت ياهل يوم رفضته خلنا نشوف الحين يمكن يضبط النصيب
ام عبدالله::انشالله بشاور البنت وبرد عليج خبر
ام ناصر::عيل اتريا اتصالج..لا تبطين
ام عبدالله::انشالله...مع السلامه
ام ناصر::مع السلامه

الريوم يالسه تسمع اغني من اللاب توب.....


يا كيف تزعل وانت تسوى عيوني
وأنا بعيوني يا عيوني أداريك
حبي لك انت حب عذري وجنوني
من كثر ما أحبك أزعلك وأرضيك
وأعاتبك من قلب مشفق حنوني
قلب (ن) يحبك حب صادق ويغليك
يا سيدي ياللي سهر عيوني
تسهر عيوني وانت تغفي وأغفيك
والله لو كل البشر يعذلوني
الموت أهون بس مقدر أخليك
كل شي لأجلك يا حبيبي يهوني
كل المشاعر يوم تامر تلبيك
ما شفت مثلك في حياتي و كوني
حسن و دلال و طيب قلبك يحليك
يا صاحبي ياللي تحرك شجوني
يكفي زعل ما اقوى عالصد أجاريك


جان تدش ام عبدالله::الريم يمه ...شو رايج بولد عمج ناصر..تراه يباج من خاطره والدليل انه نسى السم اللي قلتيله قبل اربع سنوات وتقدملج مرة ثانيه....يا بنتي فكري عدل قبل لا ترفضينه...


كـــــــــــــــــــــــــــــات

-----------------------------
البارت الثامن




الريم ساكته ومستحيه و امها بعدها تصر تبي تعرف ردها الحين

ام عبدالله::ها يما شو قلتي؟؟ موافقه ولا شو؟؟
الريم(اونها مستحيه)::اللي تشوفونه يما سووه
ام عبدالله::عيل مبروك يا بنتي 



عقب ما وافقت الريم على ناصر تمت الملجه وبسلام 



يزوي::نصور انت مصدجك ملجت على الحثاله الريم انتو شو اللي براسك قول ا فكي لااااااااا
ناصر((بهدوء))::انتي عطيني مجال ارمس وعقب بتعرفين 
يزوي((تحاول تيود اعصابها))::ارمس 
ناصر::يوم العرس.......
((وقالها عالخطه اللي ناويين يسوونها بالريم ويزوي استانست لانها صدج خطه شريره))

يزوي::فديت افكارك وانت كنت طول عالفترة تخطط من وراي وانا اللي ظالمتنك.... المهم انا عندي لك خبر بعد بقولك اياها..
ناصر::قولي فديتج
يزوي((مستحيه))::نصوري انا حامل...
ناصر ((منصدم))::شوووووووووو
يزوي::هيه حامل بلاك ... انا حامل ...الحين مالك اي حق ترفض اخلص من الريم وتعال وثق زواجنا احمد ربك انه اهلي لين الحين ساكتين عن السالفه ....
ناصر::بخليج الحين باي((وصكر الفون بويهها))

مرت الايام والريم تزهب لعرسها لانهم حددوا العرس بالصيف يعني عقب 3 شهور 

اما بالناسبه لناصر اطر انه يوثق الزواج بس يتم بالسر لين يخلص من الريم وبيعلن زواجه منها




الريم بحجرتها كانت تعبانه من كثر ما كانت تتشرى تعبت لانه فيها ربو و موب زين لها الطلعه بالشمس بس هي ما رحمت عمرها بالمره


و في يوم من الايام 




عادل::يمااااااااااااااااا لحقي الريم طاحت 
ام عبدالله:: الريم يما شو فيج؟؟ عبدالله خل الدريول يجهز السيارة بنودي اختك المستشفى شكلها تعبانه


في المستشفى....



الدكتور::بنتكم وايد تعبانه حاله الربو زايده عندها في شي موترنها وشاغل بالها هي ولازم ترتاح
ام عبدالله::تراها عروس يا دكتور ويالسه تتزهب لان ماشي وقت لعرسها باجيلها كم من اسبوع
الدكتور::بعد ما يصير لازم بنتج ترتاح جم من يوم عندنا وعقب بنرخصها

كـــــــــــــــــــــــــــــــــــــــــــــــــ ــات

-----------------------------
البارت التاسع



انصدمت بوقتها وجني انعميت
وكل قطرة دم بعروقي انشفت
وانهدم قدام بعيني ما بنيت
والظنون الطيبه بلحظه اختفت


ناصر:: سلامات يالغلا ما تشوفين شر .. لو كنت ادري ان الزهبخ جي بتتعبج جان خليت اهلي يزهبون لج ...
الريم((مستانسه من اهتمام نصور)):: عادي فديتك انا مب يالسه ازهب حق عمري وبس انا ازهب حقك بعد..


قالت الريم لناصر شو اتشرت و هو وايد مستانس لانها مصدقه انه يباها وبياخذها وحليلها ما تدري شو بيصير



ليتني اقدر اقولها نويصر يقص عليج


آآآآآآآآآآآآآآآآآآآآآآآآآآآخ





المهم



مرت الايام



قبل العرس بيوم



:: مرحبا
الريم:: هلا 
::انتي الريم
الريم:: هيه نعم انا الريم منو معاي؟؟
::فاعله خير بغيت انصحج واقولج انه ريلج يقص عليج وهو يحب وحده ثانيه ويوم يا يخطبج كان مغصوب..
الريم:: انتي شو يالسه تهذربين .. نصور يحبني ويموت فيني انتي حد مطرشج لي عسب تخربون بيني وبينه لان باجر عرسنا
::حليلج عـ قد نياتج .. باجر بتجوفين شو بيصير وبتتمنين لو سمعتي رمستي بس عـ قولتهم:لا فات الفوت ما ينفع الصوت يللا تشااااااو

(صكرت الفون وخلت الريم بحيرتها)


الريم تدق لناصر

ناصر:: هلا بحرمتي ريماتي
الريم:: اهلين نصور
ناصر((حب انها مضايجه)):: بلاج حبي فيج شي
الريم:: شي وحده متصله وقالتلي رمسه (وقالتله السالفه)
ناصر::وانتي شو قلتيلها
الريم:: جذبتها بس هي قالتلي اني باجر بندم نصوري انا وااايد خايفه
ناصر::خايفه من شو يا عمري من باجر بتصيرين وياي شو يخوف
الريم::ما اعررررف
ناصر:: سمعي يا حياتي.. انتي الحينه ارقدي ولا تشغلين بالج باجر وراج مليون شي لازم تسوينه ولا نسيتي
الريم:: صدقت يا قلبي 
ناصر:: ياللا يا عمري تصبحين على خير
الريم:: وانته من اهله


ناصر يدق ليزوي

اليازيه::هلا ميري ديل
ناصر::يعل قلبج البط قولي امين
اليازيه::شو فيك محرج
ناصر::انتي منو مخبره خططتنا يا هانم
اليازيه::اختي روضه
ناصر:: واختج المصون يا حلوة متصله تفضحنا عند الريم حمدي ربج اني سكرت الموضوع وخلي اختج تلم ثمها ولا ايي اقص لسانهه...

وبند فويهها


اليازيه::رويييييييييييض يعلج الموت يالخايسه
روضه::هلا يزوي بلاج تدعين علي
اليازيه::سوي عمرج بريئه انتي ليش متصله بالريم
روضه::حرام عليكم اللي بتسووه بالبنت كسرت خاطري جان اتصل احذرها
اليازيه:: انا براويج يالخايسه

(وضربتها ضرب عمرها ما انضربته)

روضه::حسبي الله عليج انتي و نويصر مالج هذا ما بقول غير الله فوق
اليازيه::سيري ولي لاااااااا


كـــــــــــــــــــــــــــات

-----------------------------
البارت العاشر(قبل الاخير)



صباح يوم العرس تقريبا الساعه11


الريم::اممممممممممممممم
ناصر:: حياتي بعدج راقده عروس خستي رقاد تراج
الريم::خليني راقده وربي تعبانه
ناصر:: ايه انتي ما وراج صالون وعفسه يللا قومي ابي اجوف حرمتي اليوم ملكه جمال الكووووووووون كله ابي افتخر بها جدام العالم كله اقولهم طاعوا يا عالم جوفوا حرمتي شحلاتها
الريم::انزين بقوم يللا باي 

نشت الريم وتسبحت ونزلت تحت تتريق وشوي تتصل حرمه عوووودة

الحرمه العوده:: السلام وعليكم
الريم::وعليكم السلام تريي بزقرلج امايه
الحرمه العوده:: انتي الريم
الريم::هيه خالوه انا الريم
الحرمه العوده:: يا بنتي واسمعي رمستي عدل انا ما اعرفج ولا اعرف ناصر اللي بتاخذينه بس انا اعرف امج وحلمت حلم انج ما بتتوفقين بحياتج وياه
الريم::خالوه انتي شو يالسه تقولين

وتبند الحرمه العيوز الفون

ام عبدالله تدش 
ام عبدالله:: الريم يما بلاج سرحانه خلي ابوج يوديج الصالون ورااج مليون شغله
الريوم::انشالله يما


الريم تدش ميلس ابوها

الريم::ابوي نش ودني الصالون
ابو عبدالله::شعندج بالصالون جي حلوة لازم خساير هاتي الفلوس محتاجهم
الريم::ابوي انا عروس اليوم انت همك السم اللي تشربه
ابو عبدالله::وتراددين يا ملعونه الصير كله من امج اللي دلعتج انتي المفروض تعنسين ولا تعرسين
الريم::حسبي الله عليك حتى بيوم عرسي تدعي علي بدال ما تدعيلي بالخير انت شو من البشر
ابوعبدالله::ابوج يالخايسه ترمسيه جي ((واستلمها ضرب من الخاااااااااطر ))
الريم::ابوي حرام عليك تراني عروس ليش تسوي فيني جي


ناصر في هالوقت عند يزوي

يزوي::واخيرا اليوم بنفتك من التافهة بنت عمك
ناصر::صدجج يا الغلا
يزوي::ناصر
ناصر::عيونه
يزوي::تحبني ولا تتسلى بي
ناصر::بالله عليج اتسلى بج واسير اوثق زواجنا ؟؟
يزوي::يعني تحبني؟؟
ناصر::الا اموت واتخبل عليج
يزوي::دام السالفه جي يوم نخلص من الريم ابي بيت نعيش فيه انا وانت
ناصر::بس جي ؟؟
يزوي::هيه

وشوي تتصل الريم

ناصر::هلا حياتي
الريم::ناصر ما ابي اعرس خلاص الغي العرس
ناصر::ليييييييييييش؟؟؟؟
الريم(تصيح)::ابوي ضربني ضرب العنز 
ناصر:: انا الحين ياي بيتكم

وشوي اييهم ناصر

الريم::ناصر جوف حالي جيف ما اروم اعرس وانا جي

((كان صدج حالتها تروع بكل مكان علامه ويهها كله علامات يعني بمعنى اخر شوهها))

ناصر::حياتي لا تخربين فرحتنا عسب ابوج الخايس خله يولي انا بوديج الصالون وبيبج واذا ما تبين بخلي دريولنا يوديج اوكيك يا عمري
الريم((تصيح))::نصور ما ادري ليش احس اني خايفه 
ناصر::لا تخافين يا روح نصور ياللا تلبسي وبشلج الصالون

المهم

سارت الريم الصالون وخلت الحرمه تسويلها مكياج يخفيي آثار الضرب قد ما تقدر وهاللي استوى بالضبط

ويوم خلصت اتصلت بنصور 

ناصر::هلا بعروسي هلا
الريم::اهلين قلبي مر علي خلصت 
ناصر::افا عليج دقايق و اكون عندج

نصور شلاها للبيت ولبست فستانها وامها دخنتها ويوم خلصوا من اللمسات الاخيرة سارو العرس

ابغي اقولكم انه الحين بيبدأ الأكشن صح




كان العرس روووووووووعه وصدج قد المقام اللي يليق بناصر والريم وكل الناس مستانسين بالعرس الا وحده يالسه بزاويه تتريا اللحظه الحاسمه

-----------------------------
البارت الحادي عشر والاخير


الفرحه هذي غير 
ياللا عساها دوم
الليله صباحي
هالليله ما شي نوم

عالساعه 12 دشت الريم وكل العيون صوبها صدج كانت ملاك بصورة انسان احلى ما فيها عيونها اللي رسمولها اياه بالاسود الذهبي ولبست عدسات زرقا وايد بينت بياضها وفستانها اللي يخبل كان صدج تحفه 

دشت على اغنيه::

وش هالذي عيني تجوفه 
وجهن بدر او مطلع الشمس
الله يا محلى وصوفه
من حسنه هذا ببصم بخمس

يسلت عالكوشه شرا الاميرة والكل يطالعها وام عبدالله طول الوقت تقرا عـ بنتها عن يحسدونها

يلست تتصور وعقبها بساعه قالو للحريم المعرس بيدش وهنيه استوت المفاجأة






بدال ما يدخل ناصر دخل صندوق يحملونه الخدم وعبال كل الناس هديه يايبنها ناصر لعروسه قبل العرس

المهم ناصر اتصل بامه وقالها خلي الريم تفتح الصندوق اول ما يوصلها

ام ناصر::يما يالريم نصور يقولج فتحي الصندق اول ما يوصلج عالكوشه
الريم::انشالله خالوه




يوصل الصندوق وتفتحه الريم وياليتها ما فتحته 








كان بالصندوق العود اللي غرنا شكله ورقه تقول::







بنت عمي الريم




سامحيني عاللي سويته بس انتي هنتي كبريائي قبل 4 سنوات يوم انج رفضتي تاخذيني عسب اعاقتي حطمتيني من الخاطر وانا لازم اردلج الحركه ... انتي طالق طالق طالق





ورقه طلاقج بالصندوق 





لا تدورون علي انا سافرت ويا حرمتي يزوي خبري اهلي يسامحوني عاللي سويته

ناصر






طبعا الريم دارت بها الدنيا و ما عرفت شو تسوي وجان يغمى عليها بالكوشه





يا الاسعاف وشلاها للمستشفى بفستان عرسها اللي حلمت ان يجوفها الانسان اللي حبته من خاطرها لكن للاسف تحطم حلمها بسبب الانتقام


الريم حالتها ما تسر حطوها بالعنايه استوتلها جلطة وتمت هناك تقريبا سنه على نفس الحال لين الله رحمه....



اما عند ناصر حالته سيئه اكتشف انه يزوي خذته لانها طمعانه ببيزاته وطلع سالفه حملها جذب بجذب بس عسب تربطه فيها و ما يفكر يطلقها ما كمل وياها بالغربه ست شهور ورد ...

سار بيتهم والكل كارهنه عاللي سواه ويلوموه اذا استوى بالريم شي

ويوم وفاتها سار ناصر يزورها وجاف حالتها و تم يصيح سامحيني يالريم والله الغرور عماني سامحيني وحضنها بالقو وتم يصارخ بس عسب تحس فيه بس خلاص
الريم ماتت بحضن الانسان اللي حبته اكثر من اي شي
الريم الانسانه الرقيقه ماتت بحضن انسان عماه الانتقام اكثر من اي شي
الريم ماتت بحضن الانسان اللي وعطته اغلى ما عندها وغدر بها 
الريم ماتت بحضن الانسان اللي عطته قلبها و غدر بها 
الريم ماتت بحضن الانسان اللي فضل وحده ثانيه عليها


ابو عبدالله يوم عرف انه بنته ماتت الحمدلله الله هداه لانه حس بالذنب وصار ما يقطع فرض و ودر الشرب وصار انسان ثاني والحمدلله علاقته باخوه ابو ناصر ردت شرا قبل

اما بالنسبه لناصر و يزوي

يزوي رفعت عليه قضيه نفقه بحكم انها كانت حرمته لمده ست شهور او انه يعطيها بيت تسكن فيه
اضر ناصر انه يعطيها بيت هو البيت اللي كان مسواي للريم 

يزوي عقب ما طلقها ناصر صارت سمعتها على كل لسان بمعنى اخر صارت بنت شوارع


اما بالنسبه لناصر 

استخف هالريال وتم يهاذي بالريم ليل ونهار و ما يردد غير ::


نادره ما عرفت الدنيا قدرها
يوم راحت ما بقى في الناس طيب
جسدت كل العواطف في صورها
وارحلت عني على دموع ونحيب
والله اني كنت واقف وانتظرها
مالها عاده على وعدي تغيب
طحت من طولي على لحظه خبرها
وانكسر عمري ولالي من يثيب
ليت امر الموت ياني ولا امرها
لكن الاقدار في الدنيا نصيب
حكمه الله خالق الارض وبشرها
في شروق الشمس يا مروي المغيب
وقفت قلبي واهي وقف عمرها
وارتجف من الحزن والموقف صعيب
آه ويلي يوم نزلت في قبرها
شاب عقلي من قبل قلبي يشيب
كن روحي خنجر(ن) ياها ونحرها
وهل دمع العين ع ثيابي صبيب
صرت اخايلها واهي تنشل شعرها
تنثر الداجي على الغصن الرطيب
صرت اخايلها على ميلة خصرها 
راح ذاك الزين والحسن العجيب
يعلها في جنات الخلد في قصرها
تقطب الاثمار من عود(ن) قريب
في هنى ما تفارق البسمه ثغرها
ادعي الله ياسميع ويا مجيب


   

THE END



اختكمـ


محدنـ يقدر عليـ


www.saif.waphall.com