« قلوب ملكتها الشياطين »
      بقلم: الحكواتي


      لا مكان للحب ...
      لا مكان للوله ...
      لا مكان للعشق ...
      لا مكان للشوق ...
      هنا المكان لـ ...

      قلوب مكلتها الشياطين !!
      قلوب ملكتها الأحقاد !!
      قلوب ملكتها القسوة !!
      قلوب لا تعرف الرحمة !!
      قلوب لاتعرف الشفقة !!
      قلوب سودتها الذنوب !!
      قلوب ظالمة !!
      قلوب قاسية !!

      اعذروني هنا سيكون الواقع .. لا مكان للأحلام .. لن أتكلم عن شخص أسطوري أنقذ 
      حبيبته من الموت وهو كامل الصفات .. ولن أتكلم عن شخص شرير ويمتلك أسوء 
      الصفات .. !!! 

      كل انسان يملك الجانبين فسترى العيوب والأخطاء ... والإيجابيات والروائع ... 
      سترى 
      الظلم والعدل .. والقسوة والرحمة .. والشفقة والإستحقار .. والعطف والحنان !! 


      هنا الواقع ... والحقيقة ... فيجب أن لا نهرب منهـا بل نواجهه ونصحح أخطائنا 
      .. قد أبالغ وأخطأ في بعض ما سأكتب فأنا أظل " انسان " والكمال ليس من صفات 
      الإنسان فإني مرحب بنقدكم ،، بأي وقت وأي زمان !!

      الفصل الأول

      " بين الماضي والحاضر "


      قبل عشر سنوات ... 

      12:01
      تقدم بكل سرعة وهو يسمع صرخاتهم طالعة برا وانصدم من المنظر كانت أخته تمسك 
      أبوه وتترجاه عشان لا يطلق أمه لكن لحظتها سمع صرخة أبوه وهو ينطق الطلقة 
      المحرمة : أنتي طالق .. طالق .. طالق .. ومالك مكان في بيتي يالخاينة .. 
      ولحظتها اكتشف أن كل شيء انتهى !!

      1:00
      .... : أنت وش قاعد تقول أنا خسرت كل أملاكي ... مستحيل ... أنت انسان وضيع 
      وحقير وسافل ..
      .... : القانون لا يحمي المغفلين !!!!
      .... : لكن أنت ولدي كيف تغافلني !!
      .... : مثل ما دست على غيرك ... جا اليوم اللي عيالك يدوسنك فيه 
      .... : الله لا يسامحكم ... الله لا يسامحكم ... وبدء صوته يضعف حتى سقط بكل 
      جبروته وأملاكه ... وصار تحت التراب !!!!!!!



      2:00
      كان يدعو ربه أنه يوصل بالوقت المناسب قبل لا يصير شيء وبعد دقائق بسيطة شعر 
      أنها أيام وصل وما صدق أنه وصل أخيراً وبسرعة قعد يركض ودخل البيت لين سمع 
      صوته وتقدم وهو ناوي يقتله مهما كلف الثمن !!!


      2:30
      تقدم بكل خوف وهو يشوف الباب مفتوح ويدعو ربه ما يكون اللي في باله ودخل بكل 
      جنون وانصدم صدمة عمره وهو يشوف أخته مع أعز انسان له حاول ينكر اللي يشوفه 
      لكن خلاص كل شيء واضح والموت مصيرهم !!!!!


      بعد أربع أيام ... 

      12:23
      تقدم بكل جبروت وطغيان ولما وصل لولده كان يحول بينهم القضبان وبهدوء نطق ... 
      : حطيت راسي بالتراب !!
      .... : يبا صدقني الأمر غصب علي مب بكيفي !!!
      .... : اسكت لا تتكلم ... أنت مب ولدي 
      .... : يبااااا سامحني والله غصبا علي
      .... : قلت لك أنت مب ولدي وأنا متبري منك .. !!

      قعد يصرخ ينادي أبوه لكن خلاص كل شيء انتهى والحكم المؤبد معناه أن حياته راح 
      تنتهي هنــــــــــا !!!!!!!!!


      بعد خمس سنوات ... 
      ..... : بشرنا يا دكتور عن أخوي ؟
      الدكتور بألم : البقاء لله
      ابتسم بسخرية وهو يقول : مسكين الله يرحمه .. هذا القدر المكتوب لكل انسان 
      وقعد يضحك وأخوانه مبتسمين معاه والدكتور مصدوم أنه ممكن هالناس تكون بشر من 
      لحم ودم !!!!!

      بعد ثلاثة أيام ... 

      .... : أخوي اعذرني لكن قررت أسافر الشرقية !
      .... : وليه بتسافر ؟
      .... : مالي مكان بينكم أنتم طبعكم غير وأنا طبعي غير وعشان نظل أخوان أتمنى 
      تخلوني أروح الشرقية وبظل أجي لكم بين فترة وفترة 
      .... : يكون أفضل واذا ما جيت صدقني ماراح نسأل عنك 


      // × // × //× // × //



      بعد خمس سنوات .. ( في الحاضر ) .. 

      أبوفهد : يارجااااااال يبغا لنا كل مرة في الشهر نجي للإستراحة .. ترانا 
      قطعناها من ثلاث سنوات وكله عشان الشغل !!
      أبو عبد الله : صدقت ياخوي يبغا لنا نريح مرة كل شهر ونجي بالحريم والعيال 
      هنا يستانسون وحنا نرتااااح من هم الشغل !!
      أبوفهد : ... أقول ما تلاحظ سلطان تآخر ... ؟
      أبوعبد الله : يعني ما تعرف أخوك ... أكيد بكون في الشغل ونسى كل الدنيا
      أبوفهد : صدقت ... سلطان من يشوف الشغل ينسى الدنيا كلها ...
      أبوزياد ببرود : تتكلمون عني .. مشاء الله !

      كان لحضور ( أبوزياد ) هيبة خاصة وكل من يشوفه تلقائي راح ينهض احترام له 
      ولحدة ملامحه وشخصيته !!

      أبوفهد بإبتسامة صادقة : بالخـيـر يالـغـالـي 
      أبوزياد : ما ظنتي فيه أغلى من الفلوس عندك يا أبوفهد 
      أبوفهد بضحكة : الله يقطع سوالفك ... وينك يا رجال تآخرت ؟
      أبوزياد : خلصت كم شغلة وجيتكم ...
      أبوعبدالله : شفت يا راشد مثل ما قلت لك من يشوف الشغل يضيع وينسى الدنيا ...
      أبوزياد : لا تلومني ياخوي .. هذا حلالي ومالي واذا ما راح أوقف أنا وراه من 
      يوقف ... ؟ الدكتور زياد اللي يغيب عن البيت بالشهور ولما أسأله يقول يقول 
      شغل في المستشفى ولا أخلي بنتي تمسك عني !!!!
      أبوعبد الله : لا ياخوي ما قلنا كذا ... ريح نفسك ليوم على الأقل ..؟
      أبوزياد : هذا أنا جيت أريح اليوم هنا !!؟
      أبوفهد : سلطان اتفقنا أنا وحمد نخلي الطلعة مرة في الشهر حتى نروح عن نفسنا 
      من هالشغل وهمومه .. وش رأيك ؟
      أبوزياد : خلاص ومثل ما قلتم نرتاح شوي من الشغل وهمومه ...

      // × // × //× // × //


      فهد : وليه بتسافر للشرقية بكرا ... ؟
      عبد الرحمن بهدوء : عندي هناك شغل مع عمي سعود 
      فهد : خلاص أجل احسب حسابي لأني بصرااااحة زهقان وبأخذ اجازة وأجي معك ... 
      ولا وش رايك يابوفهد ..؟
      عبد الرحمن : من ألحين أبو فهد يارجال خلنا نتزوج أول عشان يصير فيه فهد 
      فهد : لا تغير السالفة وقلي وش رايك يا دحوووم 
      عبد الرحمن : تكلم بأسلوب عشان أجاوبك !!! دحوم ؟ أصغير عيالك !!
      فهد بخبث : يعني تبي تغير السالفة ...؟ لا تحاااااول جاوبني بصراحة تبيني 
      أروح معك ولا لا ...
      عبد الرحمن بهدوء غامض : بصراحة لا .. ولا تسألني عن السبب لكن أقدر أقولك هي 
      مفاجآة للجميع !!
      فهد : ياشيخ علييييك أسلووووب عجيب ... أجل مفاجآة تحاول تصرفها عشان مآجي لا 
      تخاف راح أجي غصباً عليك واذا مفاجآة فأبي أعرفها قبل الكل
      عبد الرحمن : فهد صدقني السالفة مفاجآة ومب ألف وأدور معك ... وروحة معي مافي 
      سواء رضيت ولا ما رضيت ...
      فهد : يقطع أبو النذااااااالة اللي عليك !!! على كل راح نصبر لكن شف بصبر 
      يومين غير كذا أنسى والله أجيك البيت وأذبحك فهمت !!
      عبد الرحمن : ههههههههههههه .. الله يقطع سوالفك يارجااااال 
      فهد : أجل وش على بالك أنا فهد ولد راشد وحصة !!
      عبد الرحمن : هههههههههههههههههههههه .... الناس تتفاخر بإسمه واسم أبوه واسم 
      جده وأنت تقول ولد راشد وحصة !! أحد يتفاخر بإسم أمه !!!!! الله يقطع سوالفك 
      بس !!
      فهد : ولا تزعل فهد بن راشد بن مالك ... تصدق أحسب نفسي في مدرسة 
      عبد الرحمن : أقول لا يكثرررررر 

      كان يتقدم لهم بغرور واستحقار لهم وكان هذا باين على نظراته بقوة ...

      عبد الله : وش بلاكم تضحكووون ... صوتكم واصل لآخر الإستراااحة !!
      مشعل بإبتسامة صادقة : يارجااال بلاك ما تعرف ... اذا تشوف مسخرة العائلة فهم 
      فهييييد ودحييييم !!!
      فهد : ياللي ماتستحي فهيييد !!!!!!!!!
      عبد الرحمن : دحيييييم في عينك ... أنا أخوك الكبير يالبزر !!!
      مشعل : أفى زعلت يا أبومشعل ... سامحني تراك بالقلب يالغالي
      عبد الرحمن : وش بلاكم علي اليوم للحين تزوجت ثنتين وحده بتجيب لي فهد 
      والثانية مشعل !!!
      فهد : هي وحدة ياعبد الرحمن وسمها فهد كناية على اسمي وثانياً على اسم أبوك 
      ...
      مشعل : ماتخسي إلا أنت ... أبوي يستاهل .. لكن أنا عارف عبد الرحمن بسمي ولده 
      على اسمي من محبته لي !!!
      عبد الرحمن : لا ماراح أسميه عليك ولا على فهد ..!!
      عبد الله : يلا بس مشعل خلنا نروح نلعب كوووورة 
      مشعل : أوكيي ... يلا عبد الرحمن وفهد قوموا معنا ...
      فهد : بعد شوي نجيكم ... !!
      مشعل : يلااا ننتظركم
      فهد وهو يناظرهم وهم يبتعدون : كيف تخلي أخوك يمشي مع عبد الله 
      عبد الرحمن : يارجااال خلها على الله .. والله عن نفسي منب مرتاح لكن أرقابه 
      وانتبه له وللحين ما ضره الرجال
      فهد : ياخي صدقني هذا الولد منب مرتاااح له ... تحسه غير يعني مثلا مشعل معنا 
      فررري وأنت مشاء الله أخوي اللي ماجبته أمي ولكن هالإنسان مادري يا مريض نفسي 
      يا ... .. !
      عبد الرحمن : وش فيك سكت 
      فهد : مادري وش الكلمة المناسبة لكن بإختصار هالإنسان واضح أنه راعي خرابيط 
      وبعد أخوك عنه ولا بصير أخوك مثله !!
      عبد الرحمن : ترى الرجال ماشفنا منه شيء وبعدين أخوي رجااال عارف الصح من 
      الغلط وأنا الحمد لله واثق منه ومع ذلك أظل أنتبه له ...!!
      فهد بإبتسامة : يلااااا خلنا نقوم نلعب معهم كووورة قبل لا يجينا مشعل يدوسنا 
      .....
      عبد الرحمن وهو يقوم : بهذي صدقت .. !!
      عبد الرحمن : 30 سنة .. مشعل : 22 سنة .. 
      فهد : 29 سنة .. عبد الله : 22 سنة .. 

      // × // × //× // × //


      تقدمت بهدوء واضح واحترام تسلم على عمتها وحبت رأسها وبعدين سلمت على زوجات 
      عماتها اللي كان غرورهم واضح وتكبرهم اللي ماله حدود ... 
      أمل بسخرية : هلا فيك يا مشاعل... بشرينا عن أحوالك وأحوال أمك .. ؟
      مشاعل وهي ملاحظة أسلوب السخرية في كلامها : الحمد لله بخيـر ..
      حصة بسخرية جارحة : أمك حية ولا ماتت ... خبري أنها تطلقت من أبوك من عشر 
      سنوات ولاعاد شفناها ... ايه الله يعافينا ولا يبلينا !! إلا أبوك يسمح لك 
      تروحين لها ؟
      مشاعل بصبر : ايه .. !!!
      أمل : بصراحة اعذريني يا مشاعل لكن لو أنا مكان أبوك أمنعك من الروحة لها 
      عشان ما تاخذين طباعها الشينة ... تعرفين أبوك ماطلقها إلا لشيء فيها مب زين 
      وبيني وبينك أنا لا يمكن أسمح لولدي عبد الله يتزوج وحده متطلقة أمها حتى لو 
      بنت عمه !!
      مشاعل بنفاذ صبر : احترمي نفسك ... والزمي حدودك .. !!
      وطلعت من عندهم وهي معصبة .. !!
      أمل : وش بلاها زعلت .. ؟
      حصة : هذي بنت سلطان يا أمل يحق لها تزعل .. !!
      أمل : آخ بس هذا اللي قاهرني وبصراحة ما راح أرتاح لين أشوف هذا سلطان تحت 
      التراب لأنه مدامه عايش لا يمكن نستفيد من شيء ... !!!
      حصة : لا تخافين يا أمل في راسي موال ندفن سلطان في التراب وهي حي !!
      أمل : عطينا مما عندكم ... !!
      حصة : اصبري علي ألقى الوقت المناسب ونوقف سلطان عند حده ...
      أمل : صراحة أنتي ما ينقدر عليك .. يكفي أن راشد مثل الخاتم عندك !!
      حصة : بس بغى يضيع منا لما تزوج بنت الفقر ليلى لكن في الأخير ماتت وارتحنا 
      منها ...

      هنا دخلت هند بكل هدوء وثقة وكانت ملامحها تدل على انسانة هادئة واكتسبت 
      الكثير من الحياة ولها خبرة كبير في الدنيا ... 

      هند وهي تصب الشاهي لأمل : وشلونك يا أمل 
      أمل : بخير يا هند ... أنت بشرينا عن أحوالك وأحوال عيالك ...!
      هند : أنا بخير لكن عيالي ما يحتاج رجاجيل وما عاد الواحد يسأل عنهم
      حصة بصدق : صراحة يا هند جبتي رجال يفتخر الواحد فيهم ... مع كل اللي صار لك 
      ...
      هند : الوحدة منا ياحصة ما توقف عند نقطة في الحياة .. فقدت أبوي وثم زوجي 
      لكن الحمد لله على كل شيء .. ويكفيني عيالي اللي عوضوني عن كل شيء ...

      وقعدوا يكملون سواليفهم واللي كانت تتسم بالبساطة والهدوء وإن كانت بعض 
      النفوس مليئة بالحقد والسواد ...

      // × // × //× // × //


      تقدم لهم بعد ما مسحت دموعها والألم يعتصرها .. وش ذنبها اذا أبوها طلق أمها 
      هل هي تحاسب على هذا الذنب .. لا لا لا لازم ما أبكي يكفي دموع دائما عماتها 
      كذا ناس بدون مشاعر يدسون على مشاعر الناس ويبتسمون فالأمر متعوده عليه .. !!
      آخ ليتك جيت يا زياد على الأقل يكون فيه أخوي اللي يشعرني بالآمان مايكفي أني 
      خسرت واحد من أخواني والثاني له أكثر من شهر وهو مسافر للشغل .. !!
      عبير : وينك شعولة .. تآخرتي !!
      مشاعل بألم : لا بس سلمت على عماتي وجيتكم ..
      الهنوف : وش فيك مشاعل .. ؟
      مشاعل : مافيني شيء ... 
      الهنوف : حاولي مع غيري .. أنا أعرفك لما تكونين متضايقة وبعدين مافي أحد 
      غريب أنا وعبير وأنتي إلا اذا تشوفينا غرب !!
      مشاعل : لا وش دعوة أنتم مثل خواتي وأكثر .. لكن
      عبير بإبتسامة : فهمت عليك أكيد أمي قالت لك شيء 
      الهنوف : ومرة أبوي بالطبع لازم تكون قالت لك شيء ...
      مشاعل : ...........
      الهنوف : مشاعل صدقني الأمر عادي ولا تشيلين همه ... اذا أنتي زعلت من كلمة 
      فأنا كل يوم حصة تسمعني كلمات وتضربني واذا فكرت أقول لأبوي بتقلبه وبتخليه 
      يضربني ... هذي زوجته الغالية وزين منه أنه مازال يعرف أني بنته .. 
      مشاعل حسب بضعفها فالهنوف تشوف الظلم والعذاب بكل أصنافه وساكته وهي زعلت من 
      مجرد كلمات .. !!
      مشاعل : ياقلبي يالهنوف .. سامحني والله أنا آسفة ... وحضنتها مشاعل وهي تحس 
      بألمها وحرقتها ...
      عبير بدموع : خلاص يكفي والله صيحتوني معكم ... حنا جينا الإستراحة نستانس 
      ونفرح يلا عاد خلاص ...!!
      الهنوف وهي تمسح دموعها : سامحوني أنا السبب
      مشاعل : لا أنا .. !
      عبير تقاطعهم : خلاص محد السبب بس يلا خلنا نمشي ترا الجوووو عذااااب ...
      مشاعل : صدقتي الجو مشاء الله ما يتفوت ...
      عبير : يلا أجل نمشي شوي وبالمرة نشوووف وش سبب صرخاااات العيال ... مشاء 
      الله الصراااااخ واصل لآخر الدنيـا !!!

      عبير : 24 سنة ... مشاعل : 19 سنة .. الهنوف : 19 سنة .. !

      كان يمشون وهم يتكلمون ويضحكون وكان الجو رائع والإستراحة تتسم بالفخامة 
      والجمال وكانت واسعة بمعنى الكلمة ولكن كان منظره يدل على أن أصحابه أول مرة 
      يزورونها من فترة طويلة ...

      عبير : ... آخ قوية !!
      مشاعل كانت بتسأل ايش لكن انتبهت لنظراتها الموجهة للشباب وهم يلعبون كورة 
      كان لحظتها فهد دفع عبد الله بقوة ...
      الهنوف : أنا أشهد أنه قاصدها ...
      عبير : على كل عبد الله أخوي يستاهل لأنه واضح أنه كان ينرفز فهد .. !!!
      الهنوف : بهذي صدقتي أخوي فهد أكره ما عنده واحد ينرفزه ..
      مشاعل : .........
      الهنوف بإستفهام : وش فيك مشاعل ساكتة 
      مشاعل بألم : تمنيت زيـاد يكون موجود معهم
      عبير : إن شاء الله في أيام ثانية 
      مشاعل : ما أظن ... زياد يمر شهر ولا أشوفه في البيت ... !!
      الهنوف : عادي يا بنت ... تراك اليوم قالبتها لنا مسلسل نهايته حزينة !!
      مشاعل بضحكة : وش هالوصف اللي عليك
      الهنوف : أعرف كيف أخليك تبتسمين
      عبير : أكيد من قدك يا الهنوف في هذي الأمور ...


      // × // × //× // × //


      تقدم بكل هدوء وخوف من المجهول .. كلها لحظات ويطلع للحرية .. كلمة ما كان 
      يدرك معناها وأهميتها إلا لما فارقته لحظتها عرف وش معنى الحرية ومذاقها .. 
      كان يشعر بالدقائق توقفت والثواني تجمدت .. وقف لحظة ونظر للخلف والماضي ثم 
      نظر للأمام والمستقبل وشعر أنه في هذي اللحظة " بين الماضي والحاضر " .. .. 
      .. 

      سعود : كل شيء انتهى ..
      تركي بألم : أخاف يا سعود أمشي للمستقبل وأكتشف أني مازلت مسجون .. !!!
      سعود : لا ياولد أخوي كل شيء انتهى وانسى الماضي والغلطة اللي غلطتها بتمسحها 
      الأيام
      تركي : .........

      تقدم تركي مع سعود بهدوء ولما طلع للحرية بهدوء نظر للشمس وهو ينظر لها نظرة 
      غير فهو الآن يشوفها بدون قيود أو قضبان بل يشوفها وهي في قلب السماء بجمالها 
      وشموخهـا ... وبدون ما يشعر سجد سجدة شكر على الأرض والناس من حوله تناظر 
      مستغربة الموقف لكن لحظتها كان الموقف يدل أكبر من أي كلمة ... شعور الإنسان 
      لما يفارق الحرية لعدة سنوات ثم ترجع له شعور لا يمكن يوصفه إلى شخص ذاق 
      طعمها ... !!!

      تركي : الحمد لك يارب ..
      سعود بإبتسامة : الحمد لله ..

      وفي هذي اللحظة التقت عيون تركي بعيون شخص له معزة خاصة في قلبه ويكفي وقفت 
      هالشخص معه في هذي الظروف لكن هذي اللحظة يحس له سنين ما شافه مع أنه الأسبوع 
      اللي راح كان عنده لكن فرق لما تشوف انسان أمامك ولما تشوفه من ورا قضبـان .. 
      !!!! تركي تقدم وحضن عبد الرحمن بكل قوة ومحبة وأخوة ....

      عبد الرحمن : الحمد لله يا تركي ... قلتها لك الله بفرجها عنك بس توكل على 
      الله 
      تركي : الحمد لله ... يشهد الله يا عبد الرحمن أن وقفتك معي كل هالسنين أنت 
      وسعود ما راح أنساها أبد ...
      سعود بألم : سعود !!! ... لا تنسى أني عمك ياولد
      تركي بإبتسامة : وأحلى عم في الدنيـا .. 
      سعود : تسلم يالـغـالـي .... ألحين لازم تروح شقتي وتضبط وضعك وتتنظف ... !!!
      تركي بعصبية : ليه شايفني وسخ !!!!!!
      عبد الرحمن بسخرية : لا واضح النظافة فيك
      تركي : يارجااال خلها على ربك اذا على النظافة فهو أمر هين ...
      سعود : يلا خلناااا نمشي عشان تتنظف وتغسل وكل شيء وتعرف نشتري لك ثوب جديد 
      وبعدهااا .... هنا سكت سعود ....
      تركي : أقابل ... أبـ... أقصد سلطان !!!
      عبد الرحمن بإستنكار : ليه ما تقولها ... أبوك !!!
      تركي : يارجااااال أكذب على نفسي ولا عليكم ... سلطان ما عاد صار أبوي خلاص 
      هو تبرى مني ويكفي أن الناس تناديه أبوزياد وأنا ولده الكبير !!
      سعود : لكن يا تركي في أمور كثيرة تغيرت وترى بنظر الكل أنت محكوووم عليك 
      مؤبد ... يعني خروجك من السجن مستحيل .. !!!
      تركي : لكن الله كتب أني أطلع ...
      سعود : الحمد لله ... أبوجاسر طلع رجااال وتنازل عن حق ولده
      تركي بعصبية : لا تذكر اسم ولده قدااااااامي ... !!
      عبد الرحمن : تركي ما يحتاج تعصب ... أنت غلطت وقتلت الرجال وبدون لا نعرف 
      السبب فأنت ظلمته وبنفسك اعترفت أنك فقدت أعصابك وما قصدت ... صحيح أن الرجال 
      قعد عشر سنوات والقضية تتأجل لكن في الأخير عفا عنك وهذا الأهم ...
      تركي بألم : صدقت ...
      سعود : يلا خلااااص هذي صفحة نطويها إن شاء الله ... وأبوك يا تركي بسامحك 
      بإذن الله بس عاد يلا تعال تنظف ولا ...
      تركي بسخرية : أزعجتنا تراااك ... تنظف ... تنظف .. !!! 
      سعود : أقصد استحم ... تروش ... اللي تبي لكن المهم تنظف
      عبد الرحمن : ههههههههههههه .. !!

      تركي : 32 سنة .. سعود : 36 سنة !
      // × // × //× // × //


      أبوفهد : وش تقول ... ؟
      أبوزياد : سعود يبغا يشوفني يقول عنده موضوع مهم .....
      أبوفهد بإستغراب : ما قال الموضوع !!!
      أبوزياد : لا ... كل اللي قاله موضوع مهم وضروري وما يتأجل !!! وش رايك يا 
      أبوفهد ؟
      أبوفهد بخوف : لا يكون الموضوع اللي خبري خبرك
      أبوزياد بعصبية : لا يمكن يفكر سعود يتكلم عن هذا الموضوع لأنه يعرف مصيره 
      وهذا الموضوع تسكر من أربع سنوات ولا يمكن يفتحه هو أو غيره !!!
      أبوفهد : طيب لا تزعل وأنا أخوك ..... أنا بس أحط احتمالات !!
      أبوزياد : الموضوع هذا يا راشد مافيه احتمالات لأنه لو فكر يتكلم بكون حسابه 
      عندي 
      أبوفهد : إن شاء الله مافيه إلا كل خير ..
      أبوزياد : لازم يكون خير عشان ما أقبل كل شيء عليكم ....
      أبوفهد : لاتعصب يا بوزياد تراك اذا عصبت انقلب وضعنا
      أبوزياد : المهم بعد ما أقابله بكون بينا اتصال ..
      أبوفهد : خير ...

      // × // × //× // × //


      تقدم بألم وعذاب وهو عرف من سعود أمور كثيرة منها أن أهله تركوا الشرقية بعد 
      جريمته وأنهم في الرياض وهذا معناه أن أبوه صعب يقبل وسعود أكد له أنه ممكن 
      يحتاج لوقت عشان أبوه يسامحه ... !!!
      كانت القصور خمسة تجتمع تحت سور واحد وتدل على فخامة أصحابه ولكل شخص بيت ... 
      سلطان وراشد وهند وحمد وسعود ... ولكل شخص منهم بيت لكن الأقل فخامة كان بيت 
      عمته هند واللي صدمه أن زوج عمته توفى وخسر كل ثروته لأنه كان يلعب فيها قمار 
      وهذا أمر صدمه لأنه يعرف زوج عمته انسان يخاف ربه لكن سبحان الله ناس من 
      الظاهر شيء والداخل شيء ثاني ... !!!!
      بهدوء تقدم لقصر أبوه الأكبر فخــامــة .. والخوف في قلبه خاصة أن سعود بلغ 
      أبوه بوصولهم لكن بدون ما يعرف أنه مع سعود وطبعا استأذن عبد الرحمن حتى يترك 
      تركي مع أبوه براحتهم .. !!!

      سعود : أنت مستعد يا تركي ولا تبينا نتراجعد
      تركي بقوة : لا يمكن أتراجع .. ما جاء اليوم اللي تركي يتراجع فيه يا عم !
      سعود بإبتسامة : وعشان كذا قتلت انسان لأنك عجزت تتراجع ... الله يهديك يا 
      تركي ظلمت نفسك وظلمت انسان بريء ...
      تركي بألم : وتقول أبوي بسامحني ... اذا أنت مازلت شايلها لي بقلبك ... كيف 
      أبوي اللي قلبه من حجر !!!
      سعود : الأبو ما يصير قلبه من حجر على ولده يا تركي !!
      تركي : أبوي قلبه أقسى من الحجر

      سكت سعود لأنه عرف أن تركي يتكلم بدون ما يركز على كلماته ... وتقدم قبل تركي 
      ودخل بعد تركي للقصر وهنا تألم تركي من فخامة القصر وهو أنه حرم نفسه من 
      أشياء كثيرة ... لكن خلاص الماضي راح وألحين هو في الحاضر ... وفي لحظة شاف 
      انسانه افتقدها طيلة هالسنين .. مع أن عمرها أصبح أكبر بعشر سنين لكن لا يمكن 
      ينساها ... كيف ينساها وهي أخته ... !!! يحس أنه ظلمها لما بعد عنها وهي 
      صغيرة يكفي خسارتها لأمها ثم بسبب غضبه وطيشه خسر نفسه وخسر أخوانه .... 
      وأبـــوه !!!!

      تقدمت مشاعل للدرج .. وهي مستغربة رجعت أبوها بهذا الوقت لكن قال لها أن عمها 
      سعود يبغاه في موضوع مهم .. ما عطت للموضوع أهمية وقررت تنزل تشوف شيء 
      بالتلفزيون خاصة أن بنات عمها في الجامعة وهي تعبااانة اليوم ومالها نفس تروح 
      للجامعة عشان كذا ماراحت ... !!
      وهي تنزل انصدمت وهي تشوف شخص مع عمها سعود واستغربت كيف سمح له يدخل وقبل لا 
      ترجع سمعت عمها سعود يناديها ..: مشاااااعل وين بتروحين .. !!
      مشاعل أشرت على الرجال اللي جنبه واللي استغربته أنه ينظر لها بوقاحة 
      وابتسامة والمصيبة عمها ساكت ومبتسم ... ممكن هي تحلم أو في غلط بالموضوع 
      حاولت ترجع لكن عمها نادها للمرة الثانية .. !!

      سعود : أفى يا مشاعل ما عرفتيه !!
      مشاعل : .........
      سعود : معقولة العشر سنين نستكي ملامحه 
      مشاعل بنفسها : لا يمكن يكون هو ... أبوها قال أنه مااااات خلاص انتهت حياته 
      ... كيف !!؟؟ أكيد عمها سعود يقصد شخص ثاني بس !!!
      سعود : هذا أخوك تركي يا مشاعل ...
      مشاعل بصدمة : مستحيللللللل
      سعود بألم : أخوك تركي يا مشاعل رجع .... بعد عشر سنين !!!
      مشاعل : لكن أبوي قال أنه مااااااااات ... الميت ما يرجع للحياااااااااة !!! 
      جاي تكذب علي وتجيب رجااااااال غريب وتقوووووول أخوي !!!
      تركي بألم وعذاب : أنا أخوك يا مشاعل
      مشاعل لحظتها تأكدت أنه أخوها ... لا يمكن تنسى صوته ... وفي لحظت نست كل 
      الدنيا وركضت له .. وهو حضنها بأقوى ما عنده وهي تبكي وهو يبكي ويعتذرها له 
      بكل ألم وعذاب ودموع : سامحيني يا مشاعل ... سامحني ... والله ما قصدت أخليكم 
      ... غصباً علي ... !!!!!!
      مشاعل وبدموع : ليه يا تركي رحت ... من بعدك ضعت ... أمي وتركتني وأبوي 
      مايخليني أزورها إلا مرة بالشهر ... وزياد ما أشوفه إلا مرة بالشهر ... كلكم 
      تركتوني .. حتى أبوي ما عاد مثل أول تغيير يا تركي صااااار قااااااسي !!!
      تركي بنفسه : أصلا متى كان أبوي يحس مثلنا ... طول عمره قاااااااااااااااسي
      تركي بألم ودموع لأول مرة تتفجر من عشر سنوات : ما راح أتركك ... خلاص بقعد 
      معك .. بس سامحني وسامحوني كلكم ... ... !!!

      لحظتها انتقلت كل العيون لشخص نزل بطغيانه الواضح وبحدة ملامحه .. لحظتها 
      انصدم سلطان وهو يشوف انسان نساه من عشر سنوات .. لا يمكن يكون نفس الشخص 
      أكيد في خطأ أو أنه يتخيل !!
      سلطان ببرود : من هذا الرجال اللي مدخله بيتي يا سعود وقاعد مع بنتي 
      !!!!!؟؟؟!!
      سعود : في أحد يسأل عن ولده !!
      سلطان ببرود : ولدي ماااات ... ولدي محكوم عليه مؤبد ... !!!!!!!
      سعود : أبشرك أبوالولد سامح وعفا عنه واليوم بس طلع !!
      سلطان : قصدك أن هذا تركي ولدي 
      تركي بخوف وتردد : أيه يبا أنا ولدك تركي
      سلطان بصرامة : يا تركي أظنك تذكر قبل عشر سنوات وش قلت لك لحظتها ... أنت 
      حطيت راسي بالتراب وأنت من ذيك اللحظة مب ولدي ومتبري منك ... ولوسمحت اطلع 
      براااااااا بيتي !!!!
      مشاعل بدموع وهي تحب يد أبوها : يباااااا تكفى لاتطرده ... يبا هذا ولد وأخوي 
      ... تكفى يبا سامحه
      سعود : تكفى ياخوي .. يابوتركي .. سامح عن ولدك ... هذا من دمك ولحمك
      سلطان : أنا أبوزياد ... وولدي تركي ماااات من زمان أما هذا الإنسان فأنا ما 
      عرفه فأحسن له يطلع براااااااا
      سعود بصدمة : أنت مستحيل تكون انسان
      سلطان : ولوسمحت يا سعود اطلع أنت وياااه ولا عاد أشوفك فاهم !!!!!

      تركي بكل ألم وقهر خرج من البيت وهو يحاول يمسك أعصابه .... تركي بنفسه : 
      خلاااص أبوي لا يمكن يسامحني ... لكن على الأقل أنا مب ندمان على قتلي للحقير 
      جاسر ولو انكتب له يرجع راح أقتله من جديد !!!!!!!!





      الفصل الثاني

      " غلطة الماضي "



      في شقة سعود المتواضعة والتي تمتاز بصفة البساطة .. صفة رائعة تصنع جمال خاص 
      لا يعرفه إلا البسطاء .. !!
      تركي : قلت لك يا سعود ... أبوي لا يمكن يسامحني !!
      سعود : وأنا قلت لك يا تركي أنه بتحتاج وقت عشان يسامحك .. ورح مرة ومرتين 
      وثلاثة وفي النهاية أنت ولده من لحمه ودمه !!
      تركي : ياحليلك يا عم .. هذا سلطان بن مالك !!! ما يعترف في لحم ولا دم 
      سعود : أنت يا تركي مصعبها ومعلن استسلامك !!! وين تركي اللي كان ما يعترف 
      بالهزيمة مهما صار له !!!!
      تركي : قالها أبوي تركي مااااااات !!!!!!
      سعود : أقول لا يكثر وخلني أروح أجيب لنا غداء ... وإلا اذا بنتناقش بضيع 
      الوقت وبأموت من الجوع 
      تركي بإبتسامة : أفى يا عم .. ما يهمك إلا بطنك !!
      سعود : استح ياولد ... أنا عمك تقول عني هالكلام !!!
      تركي : خلاص آسفين
      سعود : المهم أنا رايح أطلب الغداء وأجيك .. ما راح أطول !!
      // × // × //× // × //


      أبوفهد : ولدك تركي طلع من السجن !!
      أبوتركي : ايه يا راشد .. شفته واقف قدااامي 
      أبوفهد : خلاااص يابوتركي .. اعف عن ما سلف !!
      أبوتركي : حط راسي في التراب وداسني وتقول اعف عن ماسلف !! أنت تعرف أنه أمر 
      مستحيل أسامحه مهما صااااار بالنسبة لي تركي ماااات من عشر سنوات .. 
      أبوفهد : اسمعني ياخوي ... أنت محتاج لتركي يدعمك ويوقف معك وأظنك شايف حالك 
      .. مرهق نفسك بالشغل وما في واحد يوقف جنبك .. !!! زياد الله أعلم بأحواله 
      !!! يغيب بالشهر والشهرين وبعدين ياخي عشان بنتك !!! والله يابوتركي أن حالها 
      يقطع الصخر
      أبوتركي : ..........
      أبوفهد : أنت فكر ياخوي لكن خذها مني ... تركي بفيدك كثير وأنت محتاج لولدك 
      هالفترة وأظن الكل عارف وش كان تركي في الماضي وبالذات بالشركة .. !!! أنت 
      تاخذ اجازات بالشهر ولا تهتم لأن ولدك تركي موجود لكن ألحين محد واقف جنبك 
!!!
      أبوتركي : خير .. أفكر وأشوف !
      أبوفهد : خذ راحتك بالتفكير وصدقني بتوصل لنقطة أن عودة تركي لك مهمة حتى لو 
      مارضيت عليه بس يوقف معك !!!!
      أبوتركي : أشوف الموضوع ويكون خير .. 

      // × // × //× // × //


      فهد بصراخ : وش تقووول ... ؟!
      عبد الرحمن : وش بلاك معصب ... تركي طلع من السجن !!
      فهد بإستنكار : محكوم عليه مؤبد !!! كيف يطلع ؟؟
      عبد الرحمن : الحمد لله أبوجاسر عفا عنه ؟!
      فهد : كيف يسامحه !!!!
      عبد الرحمن بإستغراب : ياخوي وش فيك أنت !!! فهد هذا تركي خوينا !! بدل ما 
      تفرح أنه أعفي عنه !! أشوفك معصب !!
      فهد : لا تلومني لأني اكتشفت معدن تركي الحقيـر !!!!!
      عبد الرحمن بصدمة : فهد أنت صاحي ولا وش فيك !! وش معدنه !! 
      فهد : تركي انسان حقـيـر وأنا شفت حقيقته ... بس لا تسألني !! هذي اللي أقدر 
      أقوله ... !!

      وطلع فهد معصب وعبد الرحمن مصدوم .. !! وش اللي صار بين فهد وتركي وهم مثل 
      الأخوان وأكثر !! أكيد في شيء ولا زم يعرفه !!

      مشعل : وين وصلت يالحبيب ... ؟!
      عبد الرحمن بألم : ما وصلت لشيء .. !!
      مشعل : المهم الوالدة تقول تعال أنت وفهد تراها جهزت الفطور ..؟
      عبد الرحمن : خلااااص فهد راح !
      مشعل : أجل تعااال .. ترا الفطووور ما يتفوووت كالعادة ..
      عبد الرحمن : فيه أحد يفوت فطور أم عبد الرحمن !!
      مشعل : بهذي صدقت ياخوي .... فطور الوالدة ما يتفوت !!

      وتقدم عبد الرحمن ومشعل وكل واحد حب راس أمه وجلس .. عبد الرحمن كان ضايع في 
      هذي اللحظة وهي يبي يعرف وش سالفة فهد مع تركي !!

      أم عبد الرحمن : وين وصلت يا عبد الرحمن
      عبد الرحمن بإبتسامة : لا يالغالية بس شبعت ... الحمد لله
      مشعل بإستغراب : ما أكلت شيء يارجااال !!
      أم عبد الرحمن : ايه يا ولدي ما كلت شيء
      عبد الرحمن : والله شعبت يما ... وبعدين اليوم ورانا شغل بالشركة وتعرفين عمي 
      سلطان شديد في التأخير وهذي الأمور مع الكل وأنا يالله أوصل ثمان !! 
      أم عبد الرحمن : على راحتك ...

      خرج عبد الرحمن وبدل ملابسه واستحم وبعدها مشى لسيارته المتواضعة أمام فخامة 
      سيارات عيال عمه لكن طول عمره عبد الرحمن يحمد الله .. !! كان يتألم كل ما 
      سمع أن أبوه أخذ كل ما تملك أمه على أساس يستثمره لكن الحقيقة طلعت أنه يلعب 
      قمار وخسر كل شيء ومن الصدمة أبوه توفى .. !!!
      ومن ذيك اللحظة وعمانه يحقدون عليهم لأنهم عياله وهو سبب خسارة أمهم لكل شيء 
      .. وهو متأكد مب من محبتهم لأختهم لكن طمعهم في الفلوس !!!


      // × // × //× // × //


      أبوفهد : وش فيك معصبة ؟
      أم فهد : كيف ما تبيني أعصب وأنت تقول ولد أخوك لا بارك الله فيه رجع !
      أبوفهد : واذا رجع وين المشكلة .. ؟
      أم فهد : في مضااااااااااار كثيررررة !
      أبوفهد : وش هي المضار ؟
      أم فهد : راشد تعرف ولد أخوك من وين طلع ؟؟
      أبوفهد بإستغراب : وش قصدك ؟!
      أم فهد : ولد أخوك طالع من السجن وبجريمة قتل !!! اذا عرف أحد هذي الحقيقة من 
      راح يرضى في فهد ولا من راح يخطب بنتنا فجر !!؟ وحتى رهف اذا كبير مستقبلاً 
      من راح يرضى فيها وهم ولد عمهم قااااااااتل مجررررم !!؟؟
      أبوفهد : والله صدقتي يا حصة !!؟ بالذات البنات فجر ورهف والهنوف من راح 
      يخطبهم بعد سالفة تركي ... الله لا يبارك فيك يا تركي !!!
      أم فهد : لازم يظل تركي بعيد !!
      أبوفهد : خلاااص اليوم أروح له أنا وحمد ونتفاهم معه في هذا الموضوع .. من جد 
      لا يمكن نرضى يجيب ولده ونخسر سمعتنا .. !!
      أم فهد : من جد بالذات بناتي فجر ورهف ... ولا الهنوف بالطقاق الله لا يوفقها 
      !!
      أبوفهد بعصبية : هذي بنتي !!! تقولين عنها هالكلام ما تستحين أنتي !!!!!
      أم فهد : سامحني يا بوفهد .. بس وش تبيني أقول في بنت ليلى اللي فرقتنا وكنا 
      بنتطلق بسببها !!
      أبوفهد : ليلى الله يرحمها .. وفي الأخير تظل الهنوف بنتي وصدقني مهما صار لا 
      يمكن أتركها تضيع فاهمة
      أم فهد بعصبية : فاااااهمة !!
      أبوفهد : يلا أجل حطي الغداء عشان أنام شوي قبل لأروح لأخوي سلطان 
      أم فهد : إن شاء الله 

      // × // × //× // × //


      أبوفهد : ياخوي بصراحة في موضوع نبي نتكلم فيه معك ..
      أبوتركي : آمرني ياخـوي .. !؟
      أبوفهد بتوتر : بخصوص ولدك تـركـي !!
      أبوتركي : شف يا بو فهد اذا بتقولي رجعه فانسى الموضوع لأني منب مقتنع برجعته 
      .. !!! هو غلط ولا يمكن أسامحه
      أبوفهد براحة : بصراحة أنا معك
      أبوتركي بإستغراب : لـيـه ؟
      أبوفهد بإرتباك : عشان عيالنا وعيالك بعد يا سلطان !!
      أبوتركي : .... ؟
      أبوعبد الله : راشد يبغى يقول ... أن رجعتنا تركي بيني وبينك تضرنا وأنت أعلم 
      بحالنا .. !!! لو تقدم واحد لبنتي أو بنتك أو بنت راشد وعرف بحقيقة تركي 
      بتكون مشكلة ولا ... ؟
      أبوفهد : سلطان لا تاخذها بعصبية وصدقني يظل ولدك ويقدر يجي بس يعني ما يسكن 
      هنا في الرياض عشان لا يضرنا ولا يضرنا سمعتنا !!؟؟!
      أبوتركي : أنا ما كان لي نية أسامحه
      أبوفهد بنفسه : الحمد لله !!


      // × // × //× // × //


      سعود : عارف أن الشقة مقلوبة فوق تحت !! لكن هذي وضع العزوبية !!
      تركي بإبتسامة : ما نويت تطلق العزوبية يا عم !؟
      سعود : لا يارجااال !!؟؟ مافي أحلا من الحرية ولا أنا غلطان
      تركي بصدق : صدقت ياعم .. !!! الحرية مافي أحلا منها ... لكن سعود ليه ما 
      تتزوج ترى أنت محتاج لوحدة تهتم فيك وخاصة أنك في الأربعين !!!
      سعود بإستنكار : وشو الأربعين !! تونا ستة وثلاثين شبااااب !!
      تركي بإستهزاء : لا ياشيخ !!؟؟ ما عاد باقي على الأربعين شيء
      سعود : بمنطقية تركي من راح يرضى فيني وأنا في هذا العمر !!؟؟ ترى ما حد يزوج 
      بنته لرجال في عمري إلا أن كان راعي فلوس وخير وأنت شايف حالي 
      سعود : أفى يا سعود !! تراك فخر لأي رجال تناسبه بأخلاقك ويكفي أنك محامي 
      وتدافع عن كل مظلوم وياما وقفت في قضايا بدون ما تاخذ شيء ومنهم ... بعد صمت 
      ... قضيتي !!
      سعود : يقولون القرد في عين أمه غزال !!؟؟
      تركي : يارجااال في عين أمه مب ولد أخوه
      سعود : ما فرقت تظل قريب مني وبتجاملني 
      تركي : يعني ما في نية 
      سعود : ياخوووي ليه ما تتزوج أنت !!؟؟ بدل ما توقف على راسي
      تركي بألم : ومن يرضى في مجرم .. !!!؟؟! يكفي أني كنت مخطوب لفجر بنت عمي من 
      يوم أني صغير مع عدم رضاي لكن أبوي قالها لي وقتها من تكبر فجر زوجتك سواء 
      رضيت ولالا ؟؟ وآخرتها من عرف عمي بدخولي السجن جاني وقالها حتى لو طلعت لا 
      عاد تجيني واللي صار اعتبره كلام واندفن !!!!
      سعود :ياخوي .. بصراحة احمد ربك !! فجر هذي انسانة ما تستاهلك وأنت قلتها ما 
      تعرفها ووقت الكلام عمرها 16 سنة وأنت وقتها اكتشفت حقيقتها وبصراحة الله 
      يعين أختها الهنوف ورهف عليها وبالذات الهنوف والله هالإنسانة مسكينة ماتت 
      أمها وتخيل أنها جت فترة كانت تخاف من أبوها وأخوها والجميع يارجاال لكن 
      الحمد لله تشافت !!
      تركي بألم : الله يعينها !! ومن ناحية انكشفت حقيقة فجر فأنا عرفت وقتها 
      معادن أخوياي وعرفت اللي يعزني ... وبألم ... واللي ما يعزني !!
      سعود : تركي .. هونها !! والله يجوني ناااس لهم قضايا وأنصدم من كلامهم 
      ومشاكلهم وأحمد الله أن مصيبتي هينة كثير قدام مصايبهم !!!
      لحظتها رجع تركي لناصر خويه اللي معه في السجن طول العشر سنوات ووصيته له قبل 
      لا يطلع من السجن بفترة !!!
      تركي بألم : والله صدقت !
      سعود : المهم تركي لا زم تدور لك شغل على الأقل هذي الفترة لين يسامحك أبوك !
      تركي : يضحك بهستيرية .. ههههههههههههههههههههههههههههههههههههههه .... !!
      سعود : قلت شيء يضحك !!
      تركي : تمزح !! وين أتوظف !! ولا بدخل بشهادتي اللي قبل عشر سنوات واللي ايش 
      شهادة ثانوية !! يارجال أي وظيفة أي خرابيط !!؟
      سعود : أجل بقعد أصرف عليك
      تركي : لا تزعل ولا شيء كلها كم أسبوع وبدبر عمري 
      سعود : كيف تدبر عمرك وأنت ما راح تشتغل 
      تركي بغموض : أنت ما عليـك !!


      // × // × //× // × //


      فـجـر : نعم وش تبين !!؟؟
      الهنوف : لوسمحتي فجر توطين صوت التلفزيون عشان أقدر أركز !!؟
      فجر بإستحقار : ومن قالك تدرسين عندي !!؟؟ ولا هذا الحقد اللي زرعته فيك أمك 
      العقربـ ... !
      وقبل لا تكمل فجر كلمتها جتها صفعة قاسية من الهنوف وكانت تصرخ فيها : 
      العقربة هي أمك ياحقيرة !!! تبين أعلم أبوي عن سواليفك يا تافهة !!
      فجر بعصبية وهي ما سكه مكان صفعة الهنوف : أنا حقيرة !! والله راح تندمين على 
      هالكلام يا بنت العقربة !!

      فجر : 26 سنة !

      طلعت فجر فوق بعصبية وهي تتوعد والهنوف راحت غرفتها وهي تبكي وتتألم !! هذا 
      حالها من توفت أمها صارت لا شيء في البيت والكل يكرها حتى أبوها اللي يحبها 
      يعاملها بقسوة وما يرضى على بنته فجر كأنها مب بنته وانسانه !!!!

      فهد بعصبية : نعم !! !!
      فجر بألم : الهنوف ضربتني كف وتقول أني ما تربيت وأني حقيرة !!!
      فهد : هي قالت كذا !!
      فجر : ياليت بس كذا حتى أنها قالت أمي حقيرة وسافلة
      فهد بجنون : والله راح تندم

      لحظتها فهد صعد لغرفتها وكل الحقد متجمع في قلبه عليها !! من يوم دخلت ليلى 
      بيتهم وهم عايشين في عذاب وجحيم لكن يوم ماتت رجعت حياتهم لهدوئها لكن وجود 
      الهنوف بينهم سبب بعض المشاكل خاصة أنه أبوه كان ما يرضى عليها لكن مع كل سنة 
      يقل حب أبوهم لها ويزداد حبه لهم وهذا ما يسعده وكان أمنيته أن الهنوف تتزوج 
      ويرتاحون منها !!!!

      فهد دفع الباب ودخل بقوة وتقدم وقعد يضرب الهنوف بجنون وهو يحط كل حقد يملكه 
      فيها : ياحقيييييييييرة !! أنتي تتكلمين عن الأخلاق يا بنت ليلى ياللي ما 
      تستحين !!! أنتي شكلك نسيتي نفسك !!! ونسيتي فعايلك !!!!!!! والله راح أندمك 
      وأخليك تبكين دم !!!!!!!!!!

      الهنوف حاولت تفلت لكن قبضة فهد قوية وبدا يضرب بجنون وحقد وكره متجمع في 
      قلبه عليها وكانت تشعر بالألم وأن هذي هي النهاية ولحظتها استسلمت واعترفت 
      أنها خلاص انتهى كل شيء !!!!!

      .... : ابعد عنها .. وش سويت يا مجنون !!!!!؟؟
      فهد : يبا خليني عليها !!؟ ما تستحي تقول عن أمي حقيرة وأن أختي ما تربت 
      وأنها سافلة !!! خلني يبا أعلمها الأخلاق !!!
      أبوفهد : قلت لك ابعد عنها لأ ... !
      فهد : يبـا ... !! يبـا !! وش فيك !!
      أبوفهد بصعوبة : مويـ ... ! مويـــ .... ـه !
      فهد بسرعة : إن شاء الله 

      وراح يجيب الموية لكن قبل لا يوصل سمع صرخة أمه وقعد يركض بجنون ولما دخل شاف 
      أبوه طايح وبجنون شاله وهو يدعو ربه أن الوقت ما فات وبدون لايفكر بشيء انطلق 
      في أبوه لأقرب مستشفى !!


      // × // × //× // × //



      أبوتركي : السـلام .. !
      فهد بألم : وعليكم السلام
      أبوتركي : بشر يا فهد وشلون حال أبوك
      فهد بألم : تعباااااان ياعمي والطبيب ما عطاني شيء محدد كل اللي قاله بشوف 
      الفحوصات ويقرر !!
      أبوتركي : خلك قوي ياولدي ... والرجال تظهر في الشدايد !!
      فهد : ...............
      أبوتركي بخوف : وأختك الهنوف وش سويت فيها !؟
      فهد وكأنه فهم عمه : لا تشيل همها .. قلت لأمي تهتم فيها وتنتبه لها واذا 
      تعرف طبيبة تجي تزورهم لكن ما ياخذونها لأي مستشفى
      أبوتركي بإبتسامة : تعجبني ياولد أخوي .. !!! أهم شيء لا تروح مستشفى ولا 
      بكون فيها تحقيق وممكن يتسبب في دخولك للسجن !
      فهد بعصبية : هي سبب اللي صار لأبوي الله لا يبارك فيها بنت الـ ..... سكت 
      فهد وهو يتذكرها أنها بنت أبوه !
      أبوتركي : فهد الغلطة غلطتك !! مفروض ما ضربتها ياخي قدر حالة أبوك !!!
      فهد : وش أسوي فقدت أعصابي لحظتها بسبب كلامها
      أبوتركي : صار خـيـر .. !
      تقدم لهم الدكتور وبتردد : من .. من ولده فيكم !
      فهد : أنا ولده يادكتور
      أبوتركي : وأنا أخوه
      الدكتور بعصبية : ياخي الرجال تعبااان وحالته صعبة وصدقني المرة هذي انكتب له 
      يعيش وبسلامة لكن المرة الثانية اذا عاش بكون مشـلول !!!
      أبوتركي ببرود : ألحين هو بخير !
      الدكتور : الحمد لله .. حالته طيبة لكن لازم ما يتعرض لضغط وتبعدونه عن أي 
      خبر يزعجه أو بسبب له قلق
      فهد : إن شاء الله يا دكتور .. متى نقدر نشوفه !؟
      الدكتور : متى ما تبون !
      فهد : شكـراً يا دكتـور !

      // × // × //× // × //


      أم فهد بدموع : الله لا يبـارك فيها .. هي السبب !!
      أبوفهد بتعب : ولدك هو السبب ولا يضرب أخته قدام عيوني ... أنتي ما تخافين 
      ربك ! والله راح تتعاقبين على كل اللي تسوينه في بنتي ويمكن يكون في أحد 
      بناتك !
      أم فهد : الله لا يقوله !!
      أبوفهد بصعوبة : أجـ.. أجل لا تقعدين تعذبين الهنوف ولا صدقني ما راح أرضى 
      عليك !
      أم فهد بعصبية : إن شاء الله
      فهد تقدم من أبوه وحب راسه وبهدوء : سامحني يبـا 
      أبوفهد : الله يسامحك ياولدي .. وبإستفسار .. وين الهنوف وفجـر .. و رهف !؟
      أم فهد : الهنوف تعبااانه وخليت عندها فجر !!! أما رهف فالبنت مسكينة نامت من 
      التعب وما حبيت أقومها !؟
      أبوفهد بشوق : المرة الجاية يا حصة جيبي معك رهف ...
      أم فهد بإبتسامة : من عيوني يالغـالـي .. !
      فهد بإبتسامة : رجعت المياه لمجاريها !!
      أبوفهد : وفيه أحد يزعل من أمك
      أم فهد : الله يسلمك يابوفهد 

      // × // × //× // × //

      أبوعبد الله : ما فهمتك ياخوي !
      أبوتركي : الأمر سهل يا حمد ... وأظنك شايف حالة أخوك وضربة وحدة تقضي عليه 
      وبصراحة هذا اللي أبغى أوصله
      أبوعبد الله بخوف : تذبح أخـوك !!!!!!!
      أبوتركي : لا راح نذبح ولا شيء ... بنخلي غيرنا اللي يخلصنا منه
      أبوعبد الله بتوتر : تكفى ياخوي لا تورطنا في مشاكل مع أبوفهد ويكفينا الخير 
      اللي حنا فيه
      أبوتركي : صدقني ما راح يرضيني غير حلال أبوفهد كله يكون بيني وبينك !!
      أبوعبد الله في نفسه : وبعدها تتخلص مني .. أنت مستحيل تكون انسان في يوم يا 
      سلطان
      أبوتركي : وش فيك ...!
      أبوعبد الله : خيـر خلني أفكر في الموضوع ويصـيـر خير
      أبوتركي : لا تطول !
      أبوعبد الله : المهم ما ودك نزور أبوفهد اليوم
      أبوتركي : زرته أول ما طلع لكن كان نايم وأظن ألحين عياله عنده نخليها بكره 
..


      // × // × //× // × //


      تقدمت لها بطفولة وعذوبة وابتسم لـهـا بكل حب وحضنها وهو يشوف البراءة اللي 
      تريحه من هم الدنيا ومشاكلها .. يالله ما أروع براءة الأطفال هذي هي الكلمة 
      اللي دايم ينطقها لسانه ويحمد ربه أنه منحه طفلة مثل رهف !!
      رهف : بابا ... وقعدت تصيح
      أبوفهد : لا تصيحين يالغالية ... صدقيني كذا تتعبين قلب أبـوك !
      رهف بطفولة : خفت عليك
      أبوفهد يا بعد قلبي ... لا تخافين أنا بخيـر وصحة .. 
      ووجه نظره لفجر وبإبتسامة : هلا وغلا فيك يالغالية
      فجر حبت رأس أبوها وبحب : هلا فيك يالغالي ...!!
      أبوفهد بإستفسار : فجر
      فجر : هـلا
      أبوفهد : وين الهنوف وأمـ... أمك !
      فهد : يبـا لا تشيل هم الهنوف وبخصوص أمي فهي معها عشانها تعبانة شوي ولكن 
      بكرة بتكون عندك
      أبوفهد : وش بكرة !! أنا اليوم بطلع من المستشفى
      فهد : لكـ....
      قاطعه أبوفهد : قلت لك أنا بطلع اليوم ... الحمد لله صرت بخير وماني محتاج 
      أني أقعد !!
      فهد : إن شاء الله أبلغ الدكتور !!
      رهف : 9 سنوات
      // × // × //× // × //


      خرج من الحي اللي يدل على فقره وهو نفذ وصية ناصر الوحيد اللي كان يتكلم معه 
      في السجن وحس بالألم وهو يتذكر الماضي واللي صار وقتله لجاسر وفي نفس الوقت 
      حس أنه نفذ الوصية وهذا طلب ناصر ولا يمكن يخذله .. !
      وحس بالألم لناصر وخاصة أنه محكوم عليه عشرين سنة بسبب اختلاسه مبلغ كبير 
      وغير كذا ديونه الكبير اللي تقدر بالملايين هذي هي الحقيقة ناصر كان تاجر 
      مشهور وفي النهاية خلف القضبان أمر غريب !! 
      سبحان الله اللي يبدل حال الناس حتى تركي كان مساند أبوه وفي ظرف سنتين رفع 
      الشركة بطرق ذكية ومجنونة خلت أبوه يعطيه الصلاحية بكل شيء في الشركة لكن في 
      النهاية قتل انسان وحكم عليه مؤبد لكن أبوجاسر سامحه .. !!
      قعد يرجع لسنوات وهو يتذكر الماضـي وكيف كان هو وفهد وعبد الرحمن وشعر بالألم 
      لما تذكر فهد وتذكـر .... انقطع تفكيره وانتبه للمكان اللي وصله !! معقولة 
      تقوده رجوله من جديد هنـا بعد كل شـيء !! 
      كان يصرخ في نفسه ما يكفي يا تركي خسرت كل شيء وتبي تخسر نفسك !!! خلاص هو 
      قالها خسرت كل شيء هي فارقه وش أخسر بعدها خلاص دمرت من حولي ودمرت نفسي 
      وتسببت في آلام غيري .. !!! تذكرها وحس بالحقد لنفسه وحقارته وهو يلوم نفسه 
      هو السبب في كل شيء !!!

      // × // × //× // × //



      عبد الرحمن : الحمد لله على سلامته لكم
      فهد : الله يسلمك يالغالي
      ابتسم عبد الرحمن وهو يشوف عمانه متجمعين ويتكلمون عن الشغل ويتحمدون لأبوفهد 
      بالسلامة كان يتمنى لو يكون أبوه بينهم لكن هل كان ممكن يتكلمون معه كذا .. 
      !! لا يمكن أبوه كان ... والله ماني مصدق أبوي اللي كان مثلي يطلع انسان 
      مستهتر ويخلينا تحت رحمة عماني .. الله يسامحك يبا ويغفرلك !!
      فهد بصراخ : وين وصلت
      عبد الرحمن بإبتسامة : معك
      فهد : واضح !! بالله وش كنت أتكلم عنه
      عبد الرحمن : ها ... عن أبوك !
      فهد : واضح بالمرة أنك معي
      مشعل وهو يجلس جمب فهد : لا تغلط على أخوي ولا راح تشوف شيء ما يعجبك !!
      فهد : إن شاء الله ياطويل العمر تآمرني بشيء
      مشعل : تعجبني أبيك كذا مطيع
      فهد : والله لولا أنكم ضيوف كان عرفت أعطيك الرد المناسب !!!
      مشعل : جرب حظك وبتشوف مصيرك !!
      فهد : بجرب حظي في يوم ثاني ... إلا ليه ما جاء عبد الله !!
      مشعل : والله مدري وش فيه ... أمس اتصلت عليه وقال أنه بسافر لـ جدة عنده شيء 
      ضروري !! 
      عبد الرحمن : غريبة من متى عبد الله عنده شيء ضروري
      مشعل : وأنت مشاء الله تدور عليه سبب عشان أبعد عنه لكن أقولها لك .. عبد 
      الله أخوي وصديقي !!
      عبد الرحمن : ما قلنا شيء .. لكن ... سكت لما سمع صوت الجوال ورفعه وشاف اسم 
      سعود واستغرب .. !!
      عبد الرحمن : هلا سـعـود 
      سعود : هلا عبد الرحمن بالله بسألك ما شفت لي تركي
      عبد الرحمن : لا من يوم قابل أبوه ولا عاد شفته
      سعود : غريب ياخوي الرجال طلع من عندي على أساس يرجع للعشاء .. لكن ما عاد 
      رجع أبد !!
      عبد الرحمن : ما شريت له جوال
      سعود : لا ... على أساس بكرة نروح نشتري الجوال له لكن ... المهم دور عليه 
      وأنا بشوف يمكن يرجع بعد شوي !!
      عبد الرحمن : خير ... وبعد ما سكر الجوال
      فهد : وش فيه سعود متصل
      عبد الرحمن : تركي اختـفـى
      فهد : الله لا يرجعه بعد !!
      مشعل : ياخي هالإنسان منب مرتاح له وبصراحة مدري وشلون هو خويكم !!
      فهد : يارجااال بالنسبة لي خلاااص ما عاد أعرفه ولا عاد يكلمني وهو أصلا لا 
      يمكن يفكر يكلمني !!
      عبد الرحمن : وش سبب مشكلتكم يا فهد !!! ياخي ما أخبرك شايل على الرجال ولا 
      عشان قتل انسان خلاص نسيته !! ياخي كلنا نخطي وتركي اعترف بذنبه!!
      فهد : الأمر ما وقف على كذا ياخي هذا خويه ومع ذلك غدر فيه وغير كذا أمور 
      ثانية عرفتها عنه و... سكت !!
      عبد الرحمن : وش هي .. !!؟
      فهد : اعذرني يا عبد الرحمن ما جا وقتها
      عبد الرحمن : لكن صدقني يا فهد راح أعرف السبب منك ولا من تركي ؟!
      فهد : خـيـر ...


      // × // × //× // × //


      كان يمشي بصعوبة وما صدق أنه وصل بسلامة وكان بالصعوبة يشوف الطريق وبهدوء 
      نزل من السيارة وتقدم لقصر أو بالأصح القصور اللي يمتلكها عمانه وبهدوء تقدم 
      ولا حظ السكون عليها ما عدى أحدهم وتأكد أنهم هناك يجتمعون وابتسم بإستحقار 
      وهو يشعر بالنصر أنه متواجدين !!!
      كان يمشي بصعوبة وكل من راح ينظر له بتأكد أن فيه شيء وهو لحظتها ما فكر في 
      هذي الأمور لأنه كان شبه فاقد الوعي ولا يدري باللي يسويه وتقدم وقبل لا يدخل 
      طلع له أحدهم ونظر لـه بخبث وعلى وجهه ابتسامة غامضة !!!!





      الفصل الثالث

      " أحقاد خفية "



      كان يمشي بصعوبة وما صدق أنه وصل بسلامة وكان بالصعوبة يشوف الطريق وبهدوء 
      نزل من السيارة وتقدم لقصر أو بالأصح القصور اللي يمتلكها عمانه وبهدوء تقدم 
      ولا حظ السكون عليها ما عدى أحدهم وتأكد أنهم هناك يجتمعون وابتسم بإستحقار 
      وهو يشعر بالنصر أنه متواجدين !!!
      كان يمشي بصعوبة وكل من راح ينظر له بتأكد أن فيه شيء وهو لحظتها ما فكر في 
      هذي الأمور لأنه كان شبه فاقد الوعي ولا يدري باللي يسويه وتقدم وقبل لا يدخل 
      طلع له أحدهم ونظر لـه بخبث وعلى وجهه ابتسامة غامضة !!!!

      تركي بتلعثم : هلا بالـغـالـي فـهـد
      فهد بإحتقار : سكـران !!! طول عمرك ما تتغير !! انسان سافل وحقيـر ! صدقني 
      موتك ما راح يريحني !!! 
      تركي بعصبية : طبعا أنت ما يريحك شيء لكن صدقني أنا ... وبسخرية ... يكفيني 
      مـوتك
      فهد : استغفر الله العلي العظيم !!! كنت عارف أنك لا يمكن تترك هالخرابيط عنك 
      !!!!
      تركي : ..........

      تقدم فهد بحقد ومسك تركي اللي يعترض لكن ما قدر يقاوم خاصة وهو في وضع سيء 
      وما يدرك باللي يصير ... سحبه فهد معه لسيارته وهو يفكر وين يبعده خاصة عن 
      عمه سلطان ما يبغى يسبب مشاكل لعمه ولأبوه ومنظر تركي سكران وممكن يتكلم كلام 
      يدمر كل شيء في لحظـات ..
      انطلق فيه وهو معصب على الآخر وشاف الحل الوحيد يروح الشرقية لسعـود لكن وش 
      بكون رده لأبوه وعبد الرحمن وحتى أمه عن اختفائه فجأة !! ماكان يدري وش الحل 
      لكن الأهم يبعد " تركـي " !!!

      // × // × //× // × //

      عبد الرحمن : وينك يافهد ..!؟
      فهد بإرتباك : خوي اتصل علي تعبااان وما عنده سيارة فأنا معه بالمستشفى وشوي 
      وأجيكم
      عبد الرحمن بخوف : أي مستشفى !؟
      فهد : ما يحتاج بس دقايق وأكون عندكـم !!
      عبد الرحمن بشك : خلاص لا تطول ننتظركـ .. 

      // × // × //× // × //


      سعود : وش فيه !؟
      فهد : كان سكـ... ـران والحمد لله أني جبته ولا فضح نفسه قدام أبوه وأبوي 
      وعماني كلهم !!!
      سعود بإستنكـار : سكـ...ـران !!؟؟
      فهد : للأسف .. قلتها لكم هذا الإنسان تافه ولا يمكن ينفعه سجن ولا غيره وعلى 
      كل الموضوع تستر لكن مرة ثانية أنا بنفسي بفضح كل شيء عنه ووقتها ما ظنتي 
      بتشرف أبوه أن يتكلم معه !!!!!
      سعود : استغفر الله !! المهم أنا بنتبه له وأنت لا تقول لأحد عن اللي شفته
      فهد : ما راح أتكلم عشاني وعشان سمعتنا لكن لو السالفة على تركي كان من زمان 
      قلت عن كل شيء أعرفه عنه !!! المهم انتبه له يا سعود بس لا تقوله أني جبته 
      هنـا أو أي شيء !!! دبر له سالفة ثانية !!!
      سعود : خلاص وانتبه لنفسك
      فهد بضيق : إن شاء الله

      طلع فهد من عند عمه سعـود ويحس بضيقة وتمنى أن تركي مات قبل عشر سنوات كان 
      ممكن في أشياء كثيرة تتغيـر في حياتـهم لكن ... ! ما ينفع الندم كل شيء صـار 
      وانتـهـى !!!

      // × // × //× // × //

      فجـر بدلع : هـلاا حبيبي
      أحمد : هلا فيك يا قلبي .... اشتقت لك !؟
      فجر بغنج : وأنـا أكـثـر !
      أحمد بإبتسامة : فجـر بصراحة مليت من التلفونات وأبـغـى أشوفك
      فجر بدلع : ما تكفيك الصورة
      أحمد : لا طبعاً ما يرضيني إلا أشوف جمالك على الطبيعة !! 
      فجر : بشوف يوم نتقابل فيه
      أحمد : صدق
      فجر : أكـيـد !
      أحمد : تسلمـيـن يا قـلـبي .. 
      فجر بكذب : يلا أحمد أمي .. جات 
      أحمد : مع السلامة يا قلبـي !!

      ابتسم أحمد وهو يتوعد " بسيطة يا فجر والله راح تندمين وراح أحطم مستقبلك مثل 
      ما حطمتي مستقبل أخوي وراح أكسر غرورك وأعلمك وش مصير اللي يقـرب من أخـوي " 

      أحمد : 29 سنة ... 

      أحمد بإبتسامة : خلاص يا فارس انسى الموضوع ومثل ما قلت لك راح أنتقم منها 
      وأعلمها الحق !!
      فارس بألم : أحمد قلت لك لا تضرها والله يسامحها .... أنا خلاص نسيتها و...
      أحمد يقاطعه : تكذب علي ولا تكذب على نفسك !!! فهد قايل لي أنه لك أسبوع ما 
      داومت !!! المهم فارس أنا تعرف وراي شغل لكن أبيك تطلع من هذي العزلة وتنسى 
      الموضوع وهذي فجر راح أردها لها وبتندم كثير على اللي سوته فيك !!! ... ولبس 
      النظارة وبإبتسامة : المهم فارس بكرة داوم وانسى الموضوع أوكي !
      فارس : أوكـي ..

      // × // × //× // × //


      فتح عيونه بصعوبة وقعد يحاول يستوعب " وين أنا ... !!! " وبعد دقايق تذكر هذي 
      شقة عمه " سعود " لكن الأكيد أنا أمس ما كنت هنـا أتذكر أني رحت لـ ... !! 
      لكن ما جيت هنا يمكن رحت لبيتنا !!! آخ ماني قادر اتذكر !! استغفر الله ليه 
      رجعت له لـيـه !!!!!!!!!!
      سعود بهدوء : آخيـراً صحيت !
      تركي بتوتر : وش جابني هنـا ؟
      سعود بسخرية : أنت ما تتوب يا تركي توك طالع من سجن وشكلك تبي ترجع من جديد 
      !!! تخيل بس أنك ذبحت لك رجال وأنت سكران !!! بتثبت عليك جريمة سكر وقتل !!! 
      تركي بعصبية : أنت وش عليك !!!! سؤالي محدد وش جابني هنا !!! أنا متأكد أن 
      رحت لبيتنا ولا اتذكر وش صار
      سعود : أكيد ما راح تتذكر ... !!! .. بكذب ... أنا جبتك هنا كنت رايح لبيتكم 
      وبالصدفة أنت كنت جاي وسكران وسحبتك عشان لا تسبب مشاكل مع أبـوك !!!! 
      واسمعني تركي لازم تترك عنك هالخرابيط ولا صدقني بتضيع صحتك ونفسك و دينك و..
      تركي بعصبية يقاطعه : أنت وش عليك !! أنـا حررر أضيع اللي أضيع أنت مالك دخل 
      !!!!!
      سعود بآلم : أجل لوسمحت تركي دورلك مكان ثاني لا يمكن تسكن هنا
      تركي بغضب : الحمد لله أنها جت منك لأني كنت ناوي أطلع سواء وافقت ولا رفضت !

      وبغضب طلع وسكر الباب من وراه وسعود كان جالس وهادي وفي نفسه " سامحني يا 
      تركي لكن لازم أطلعك من اللي أنت فيه !!! قبل لا تضيع من جديد " 

      // × // × //× // × //


      تركي بإبتسامة : أنت وش تبغى تعرف .. !؟
      عبد الرحمن : الحقيقة !!! وش صار بينك وبين فهد !!؟
      تركي ببساطة : ولا شيء !
      عبد الرحمن : تركي لا تكذب علي !!! أنت قلتها ما يفهمني كثرك يا عبد الرحمن 
      !!! وأنا متأكد بينكم شيء كبير بس ايش !!
      تركي بألم : عبد الرحمن لا تحـاول !! صح بينا شيء كبـيـر وأنا ما أنكر أني 
      السبب فيه لكن يخص انسان ممكن ينهدم مستقبله لو أحد عرف بالسالفة وأظنك ما 
      ترضاهـا !!
      عبد الرحمن : ما دام السالفة كذا راح أسكت !!! وأتمنى تتفاهم مع فهد وتنتهي 
      المشاكل بينكم !!!
      تركي : المشكلـة كبيرة ولا يمكن تنحل بأي طريقة !
      عبد الرحمن : ياخوي وش دعوة !!! نسينا كيف كنا أنا وأنت وفهد !!!
      تركي : انسى الموضوع ... المهم رحت لأبوي اليوم !
      عبد الرحمن : بشـر ؟
      تركي بألم : قرر يسامحنـي لكـن ..
      عبد الرحمن بفرح : مبـروك !! صدق سعود وأنت تظل ولده في النهاية ولا يمكن 
      يتخلى عنك 
      تركي : لكن فيه شرط
      عبد الرحمن : وش الشـرط ؟؟
      تركي : أتـزوج .. 
      عبد الرحمن يقاطعه : مشاء الله تتزوج !! شكل أبوك رضى عليك بالمرة ..
      تركي : أنت ما تفهم .. !! 
      عبد الرحمن بإستفسار : وش ما أفهم
      تركي : يبيني أتزوج ... وبعد فترة صمت ... الـهـنوف !
      عبد الرحمن بإستنكـار : ايش !!! الهـنـوف لكن 
      تركي يقاطعه : طبعا مب حب فيني لكن عشان يضمن أنه يقدر يلوي ذراع عمي راشد !!
      عبد الرحمن : معقـولة !؟
      تركي : متـأكـد !! والدليل أنه كان ناوي يخطبها لزياد لكن زياد رفض وقال ما 
      راح يتزوج إلا على مزاجه مب على مزاج أبوي !!
      عبد الرحمن : وأنت وش عرفك
      تركي بتهرب : سعود قالي !
      عبد الرحمن : أنت طيب وش رايك
      تركي : ياخي اذا علي لا يمكن أوافـق !!؟ البنت توها بزر ما تخرجت من الجامعة 
      !! وأنا بالثلاثين !! لـكـن الأمر مب بيدي غصب لازم أوافق ولا أبوي طول عمره 
      ما راح يرضى !
      عبد الرحمن بتردد : عادي يارجال ترى الفرق بينكم 13 سنة .. !
      تركي : عادي !! ياخي البنت صغيرة علي وبصراحة أكثر أنا راح أظلمها معي !!! 
      عبد الرحمن : ياخـي أنت قلتها بتوافق خلاص يعني ما ينفع كلامك هذا !!
      تركي بضيق : الله يعـين .. 

      // × // × //× // × //


      مشاعل : آخيـراً أبوي رضـى عليك !! 
      تركي : الحمد لله !!
      مشاعل : صدق عمي سعود لما قالي أنه بيرضى عليك في الأخير لأنك ولده
      تركي : ما رضى من حبه لي !!!
      مشاعل : ليه ؟
      تركي : اشترط أني أتزوج الهنوف عشان يرضى علي !!!
      مشاعل بعصبية : وشـو !!!!!!
      تركي ببساطة : طلب مني أتزوج الهنوف
      مشاعل : وأنت كيف توافق
      تركي بدون اهتمام : هذا أبوي وأبغى رضـاه !
      مشاعل : حسـافة أنك أخوي
      تركي : نعم !؟
      مشاعل : أجل ترضي أبوي وتظلم انسانة مالها دخل !!! وكله عشان ترضى أنت وأبوي 
      مخططاتكم !!! صراحة أقولها لك حسـافـة مية مـرة أنـك أخـوي ... !!!
      تركي : أنا وش ذنبي !! تبيني أرفض طلب أبوي ويظل غاضب علي !!!!!!!
      مشاعل : تركي اعترف ولا تكذب أنت وأبوي نفس الشيء ظالمين وما تعرفون الحق !!! 
      والله لايسامحك !!! لكن إن شاء الله أن عمي راشد بيرفضك !!
      تركي : اسمعيني .. سكت لأن مشاعل طلعت فوق وهي تبكي وحس بتأنيب ضميره لكن 
      خلاص أنا عطيت أبوي خبر ولا عاد أقدر أغير رايي !!!


      // × // × //× // × //


      أبوتركي : جيتك بطلب يا راشد ولا ظنتي ترفضني !!
      أبوفهد : أنت أخوي وتآمـرني آمـر ..
      أبوتركي : بصراحة وبدون مقدمات أبي بنتك الهنوف لولدي تـركـي .. !!
      أبوفهد بصدمة : نـ ... ــ .. ـعـ...ـم !
      أبوتركي : كأن كلامي مب عاجبك !؟
      أبوفهد : لا بس .. تركي !! يعني أنت مب راضي عليه !!؟؟
      أبوتركي : رضينا عليه والحمد لله !!! وجاي أبدء معه صفحة جديد وأزوجه وأفرح 
      فيه
      أبوفهد بشك : بس ما تلاحظ العمر بينهم وبعدين هو كان خاطب فجـر وأخاف هذا 
      يأثر على فجر !!!
      أبوتركي : فجـر الله يحفظها لك رفضت عن قناعة ولوتبغاه ما رفضته !! وفارق 
      العمر لازم بين أي زوجين والفارق بينهم عادي !!
      أبوفهد : خيـر أنا أسأل البنت وأعطيك خـبـر
      أبوتركي : من متى حنا نسأل بناتنا يا راشد ! الأمر بإيدك وأن قلت ايه بنتك 
      مالها كلمة بعدك !!
      أبوفهد : لكن هذا زواج ومهما كان أسمع رأيه حتى لو كنت موافق
      أبوتركي : خيـر ... المهم ما تطول .. !!


      // × // × //× // × //


      سعود : تركي تقدر تبلغ أبوك أنك مب موافق !!! ياخي والله حـرام تظلم بنت عمك 
      !!
      تركي : خلاص أبوي توه مكلمني ويقول أنه كلم أبوفهد وبصراحة رفضي الموضوع 
      بخليني أخسر أشياء كثـيرة أنا منب مستعد أخسرهـا .. .. !
      سعود : صدق ما كذب فيك فهد !!! أنت انسان ما تهمك إلا مصلحتك ومثل أبوك لكن 
      تذكر أن الله حق !!
      تركي بسخرية : زين أنك عرفت !! ومصلحتي عندي فوق كل اعتبـار !!
      سعود : وبنت عمك عادي عند تظلمها
      تركي : عادي بالعكس أحس بمتعة بالظلم !
      سعود : تركي راجع نفسك ولا راح تندم !!! توقعت عشر سنوات سجن ممكن تخليك 
      تنتبه لنفسك لكن زادتك ظلم وطغيان !!!
      تركي وهو يقوم : المهم تـآمر بشيء ... لأن وراي مشـوار وبيني وبينك أبوي قالي 
      متى ما تبي تعال البيت ولك غرفة جاهزة لين تتزوج ويشتري لي بيت !! يعني مثل 
      ما أنت شايف مغريات كثيرة كيف تبيني أرفض أتزوج !!!
      سعود بعصبية : والإنسانة اللي بتظلمها
      تركي : عااادي !! يا سعود أول شيء قبل لا تتهمني بالظلم شف نفسك وبعدين تعـال 
      تكلم
      سعود بصدمة : وش قصدك
      تركي : قصدي واضح وأنت تعرفـه ... ! سـلامـ ..


      // × // × //× // × //

      أبوفهد : حصة ..؟
      حصة : آمرني !؟
      أبوفهد بتوتر : اليوم تقدم ولد أخوي تـركـي للهنـوف
      حصة : نعم ؟
      أبوفهد : أقول اليوم ولد أخوي تركي تقدم للهنوف
      حصة : الهنـوف ؟
      أبوفهد : أيـه
      حصة : ايه لما رفضته فجـر جاي ياخذ أختها ما درى أنه مافي فجر في الدنيا كلها 
      إلا وحده !!
      أبوفهد يقاطعها : وش رايك أوافق ولالا !
      حصة ببساطة : وافق 
      أبوفهد بعصبية : أوافق أزوج بنتي لتركـي ؟
      حصة : ايه وافق !! مزعجنا بنتك !!! تراها اذا ما تعرف مريضة نفسيـاً وصحيح 
      أنها تعالجت ولكن مالها إلا سنتين ويمكن ترجع لها الحـالـة وتحمد ربها أنها 
      لقت أحد يتقدم لهـا ... 
      أبوفهد : الله وكبر عليـك !!! يوم كان خاطب فجر استحقريته وطلبتي مني يطلقها 
      ولما خطب الهنوف وافقتي !!! وش الفرق بينهم ولا عشان هذي بنتك وهذيك بنت ليلى 
      !!!
      حصة : صدقني السالفة مب كـذا ياراشد لكن فكر فيها من عشر سنوات وكل من تقدم 
      للهنوف من يعرف أنها كانت مريضة نفسيا يمشي وبسببها وقفت بنتي فجر إلى من 
      يتقدمها لها واحد ويعرف حقيقة أختها يخاف ويختفي !!!!!
      أبوفهد : بس الهنوف بنتي كيف تبيني أتركها لتركي !!!!
      حصة : لا توافق لكن تتوقع في أحد بيرضى يتزوجها !؟
      أبوفهد : .............. !
      حصة : شفت ما عندك جواب لأنها الحقيقة !! خلاص يابوفهد وافق والله يهنيها مع 
      تركي !!
      أبوفهد : لكن بسألها عن رأيها ... !!

      طلع فوق الدرج وهو يتمنى من أنه ما يظلم بنته ويجبرها على شخص ما تبيه وبهدوء 
      تقدم لغرفتها وفتح بابها لأول مرة من توفت زوجته الثانية ليلى يدخل لغرفة 
      بنته !! هو ابتعد عنها من يوم وفاة زوجته وكانت الغرفة ظلام والهنوف جالسة 
      بهدوء وكان واضح أنها شاردة بخيالها لكن لمحة الحزن واضحة وحس لحظتها أبوفهد 
      بالحقد على نفسه !! كيف ترك هالملاك يعيش بحزن وألم وهو عايش !!! 

      أبوفهد بهدوء : هنـوف !
      الهنوف بإستغراب : يـبـا ...؟
      أبوفهد : بغيتك بموضوع .. !!
      الهنوف بإبتسامة : آمرني يالغالي
      أبوفهد في نفسه : " سامحني يا ليلى ما اهتميت في الهنوف وظلمتها وخليت حصة 
      تظلمها !! سامحني ما كنت قد الأمانة "
      أبوفهد بألم : أنتي مشاء الله كبرتي وبدون أي مقدمات ولد عمك تركي تقدم لك !
      الهنوف بصدمة : تركي !!
      أبوفهد : ايه ولد عمك تركي ... وبهدوء ... شوفي يابنتي أنا عارف أنك ممكن 
      ترفضينه لأنه توه طالع من السجن لكن ..
      الهنوف قاطعته : أنا موافقة يبـا .. !
      أبوفهد : لكـن ..
      الهنوف : قلت لك يبـا أنا موافقة وبعدين أنا مريضة نفسياً من راح يرضى فيني 
      !!!
      أبوفهد : من قال هالكلام
      الهنوف : ما يحتاج احد يقوله يبا !!! كلكم عارفين أني كنت مريضة نفسياً !!! 
      وبعدين ما يحتاج الله يخلي عمتي حصة كل يوم وهي تعيد الكلام لين حفظته !!!
      أبوفهد : أنتي الحمد لله طبتي وصرتي زينة ..!
      الهنوف : قلت لك يبـا أن موافقة وعن قناعة ... ولما شافت نظرة أبوها الخائفة 
      ... وما يحتاج تخاف يبـا !!
      أبوفهد : الله يوفقك يا بنتي وماراح أوقف في طريقك !!!

      ولما طلع أبوفهد قعدت الهنوف تبكي بـألـم ودموع وهي تصرخ في نفسها " الله لا 
      يسـامـحـك أنت السبب .. !! الله لا يسامحك أنت اللي هدمت مستقبلي ودمرت 
      حيـاتـي ... !!! "


      // × // × //× // × //


      مشـعـل : الحمد لله على سلامتك عبـود !!
      عبد الله : الله يسـلـمك يالـغـالـي .. !
      مشعل : يارجااال مع أنك غبت يومين لكن اشتقت لك
      عبد الله : تسلم يالـغـالـي !! المهم ما ودك بحفلة حلوة اليوم
      مشعل بإبتسامة : المهم فيه شراب
      عبد الله ما يحتاج هذا الأساس 
      مشعل : أجل هلا وغلا... 
      عبد الله : خلاص الساعة ست أوكـي .!
      مشعل : أوكيـ ...!
      عبد الله : يلا عاد بروح أسلم على أهـلـي ..!!

      وتقدم عبد الله لقصرهم وهو يبتسم وسعيد ومرتاح أن الوضع استقر !!! ومشعل ما 
      درى عن حقيقة السفرة !!! طول عمره غبي هالإنسان لكن إن شاء الله بعطيه درس 
      أعلمه الشغل الصح !!!!!

      عبد الله بإبتسامة : هلا يبا
      أبوعبد الله : هلا وغـلا !! زين شرفتنا !! ممكن تعطيني سبب للسفرة المفاجآة 
      ولا تحسبني غبي بصدق سالفة الشغل !! أنت طول عمرك ترفض تشتغل معنا في الشركة 
      توافق ألحين تشتغل في مكان ثاني !!!!
      عبد الله : بصراحة يبـا لقيت هناك شغل حـلـو في جدة و...
      أبوعبد الله : وشو الشغل ؟!
      عبد الله بكذب : بشتري أراضي وشقق وبتاجر فيهم
      أبوعبد الله : من وين لك الفلوس !
      عبد الله : الله يخليك لـنـا يبـا !
      أبوعبد الله : وتحسبني بأعطيك !!! لازم توريني الشقق وعقود الشراء وأحضر معك 
      لما توقع !! لحظتها ممكن أعطيك فلوس !!
      عبد الله : وليه كل ذا !!!!
      أبوعبد الله : عشان لا تتغافلني !!! 
      عبد الله : أنا ولدك يبـا كيف أتغافلك !!!
      أبوعبد الله : حتى لوكنتي أبوي !! لا يمكن أضمنك !!
      عبد الله : ما عندي مشكلة أحدد موعد مع صاحب العمارة !!
      أبوعبد الله : خلاص وبعطيك المبلغ اللي تطلبه واذا نجحت بأزيدك !!
      أم عبد الله بإبتسامة : هلا وغلا فيك يالغـالـي !!
      عبد الله : هلا يمـا ..
      أبوعبد الله : جهز الغداء
      أم عبد الله : ايه ... وأنت ياعبد الله بدل ملابسك لين أجهز غداك تعرف ما 
      حسبنا حسابك ...!
      عبد الله : إن شاء الله .. !!



      // × // × //× // × //


      رهف ببراءة : يعني خلاص أنتي تتزوجين 
      الهنوف وهي تحضنها : ايه يا قلبي
      رهف : بس مابيك تروحين أنا أحبك !! ما في أحد يلعب معي إلا أنتي !!
      الهنوف : ياقلبي بزورك كل يوم ..
      رهف ببراءة : صدق
      الهنوف : أكـيـد ..
      رهف : احبك مررررة
      رهف : وأنا أكثر
      فجر بسخرية : أجل ببتزوجين تركي !! ايه بعد ما رفضته راح لك يتوقع بلقى مثلي 
      ما درا أنه مافي مني 
      الهنوف : ............ !
      فجر : وش بلاك ساكتة !!! أكيد من الفرحة مانتي قادرة تتكلمين من الفرحة ولا 
      من يرضى في وحدة مجنونة !!!!!!!
      الهنوف : ............!
      فجر بعصبية: تكلمي !!!! ردي لما أتكلم معك مب تسكتين !!
      الهنوف بصياح : أنتي وش تبين !!! كاني مب أختك !!! لما أسكت تعصبين ولما 
      أتكلم تعصبين !!! أنتي وأمك وفهد كلكم تكرهوني !! يمكن ما ألوم أمك لكن أنتي 
      أختي وفهد أخوي ومع ذلك في حياتي كلها ما حسيت في أخوتكم بس رهف هي اللي 
      تحسسني أنها أختي !! يعني اذا تكرهيني ارحميني على الأقل !!!! 
      فجر : ايه أسلوبك هذا ما ينفع معي !!!!! ما كذبت أمي فيك !!! تبين تجمعين 
      الكل حولك عشان تصيرين السيدة في هذا البيت لكن تخسين !!! أنتي بتظلين ولا 
      شيء طول عمرك !!!!!
      فهد بعصبية : وش فيكم !! 
      فجر : بارك لأختك انخطبت !
      فهد بصدمة وخوف : أيـش !؟
      فجـر : أقولك انخطبت ما تسمع !!!!!
      فهد بتوتر : من خطبها ؟!
      فجر : خطيبي السابق تركي !!! المجرم !! دايماً الناقصة للناقص !!! والكاملة 
      للكامل !!! وأنتي مريضة نفسياً وهو مجرم قاتل !!! صراحة وشلون بجون عيالكم 
      !!! أظن واحد ..
      فهد يقاطعها : أنتي وافقتي !! ... وهو يطالع الهنوف ينتظر الجواب منها !
      فجر : أكيد بتوافق أصلا من يرضى فيها !!!!!
      فهد : فجر ما سألتك !!! هنوف أنتي وافقة عليه
      الهنوف بهدوء : ايه
      فهد بعصبية : كيف توافقين !!! 
      الهنوف : وأنت وش دخلك !!! أبوي موافق وأنا موافقة وأنت مالك راي علي
      فهد بعصبية : بسيطة ...........!!

      طلع فهد معصب وثاير وهو يمشي بالسيارة ولا يعرف وين يروح لكنه متأكد لازم 
      يلقاه ألحين ويصفي كل شيء ... خلاص عشر سنوات سكت لازم يتكلم ويضع حد 
      لتجاوزاته وظلمه !!! كان يمشي ولا يعرف بالضبط وين يروح !!!

      فهد : السلام
      سعود : وعليكم السلام ... هلا فهد آمـر .. !!
      فهد : تركي عندكـ .. !؟
      سعود : عندي بس ليه تسأل ؟
      فهد : اسمعني يا سعود وبدون نقاش طلبتك تروح برا الشقة وهو لا يطلع أبيه 
      بموضوع مهم وبصراحة خاص بس لا يعرف أني جاي لأنه بيطلع ولا راح يرضى يقابلني
      سعود : خيـر وش الموضوع !!
      فهد : قلت لك يا سعود الموضوع خاص وما ينفع أقوله لأبوي !!! تكفـى يا سعود 
      طلبتك !!
      سعود : خلاص تـآمـر .. !! ( وبصوت منخفض ) بس تعـال بـسـرعة ترى يجهز أغراضه 
      بيمشي لبيت أخوي سلطان !
      فهد : خلاص دقايق !!!!!

      كان فهد يتمنى يوصل بسرعة وتمنى الوقت يتوقف عشان يوصل لتركي !! خلاص لا يمكن 
      يأجل الموضوع وبعد فترة وصل وحس أنه سنوات وبسرعة طلع من السيارة وبعد ما 
      قفلها طلع الدرج وهو يتمنى يوصل للشقة قبل لا يطلع تركـي .. !! ولما وصل ضرب 
      الجرس وهو ينتـظـر المجـهـول !!



      // × // × //× // × //


      مشاعل : وافقتي .. !!!
      الهنوف بإبتسامة : ايه وافقت ...
      مشاعل : ليه توافقين !!
      الهنوف : ليه ؟
      مشاعل : هنوف عشاني لا توافقين والله تركي ما يستاهلك أنتي تستاهلين رجااااال 
      أحسن منـه !
      الهنوف : مشاعل هذا أخوك !!! وصدقني أنا ما راح أغير رايي مهما حاولتي ...
      مشاعل : هنوف عشاني صدقيني تركي ... وسكت ما عرفت وش تقول
      الهنوف : مشاعل أنا وافقت عن قناعة .. وبصراحة يكفي أن أكون معك وأكون زوجة 
      أخوك ..!! 
      مشاعل بدموع : هنوف فكري برايك والله يوفقك ... !!
      الهنوف : يلا مشاعل ... عمتي حصة تناديني .. مع السلامة
      مشاعل : مع السلامة ... !!

      الهنوف بعد ما سكرت قعدت تبكي وهي تقول " مفروض تقولين أحمد ربي أن واحد مثل 
      تركي بغاني أنا انسانة مريضة !!! الله لا يسامح اللي كان السبب !!! الله يعذب 
      أهله مثل ما عذبني !!! "

      // × // × //× // × //


      ابتسمت لبنتها وحييت فيها ... كانت ملامحها تدل على كبر السنين وأن الزمن أثر 
      عليها والحزن يخيم ملامحها ومع ذلك يظهر ثباتها وهدوئها وفهمها لأمور .. !!

      مشاعل بدموع : يمـا أبوي بظلم هنوف .. !!
      حضنتها نورة وبهدوء : مشاعل لاتبكين .. !! وبعد ما هدئت شرحت لها الموضوع .. 
      !!
      نورة : مشاعل أبوك لا يمكن يظلم بنت أخوه
      مشاعل : لكن يـمـه أنتي تعرفين أكثر مني كيف أبوي ظلمك أول والكل يعرف ظلمه 
      للناس !! اذا حنا عياله يظلمنا توقف على بنت أخوه !!
      نورة : يا مشاعل لا تذكرين سالفة أنا وأبوك هذيك كانت لها ظروفها والله يسامح 
      أبـوك .. !! لكن أنتي قلتي بزوجها تركي وتركي لا يمكن يظلمها وأنا واثق من 
      ولدي !!
      مشاعل : يـمـا .. تركي صار مثل أبوي تغيير ما عاد مثل أول !! واللي سوى جريمة 
      قتل ممكن يسوي أي شيء ... !!
      نورة : مشاعل أنا متأكدة أخوك انظلم في القضية لكن الله سبحانه تعالى بظهر 
      الحق سواء في الدنيا أو الآخرة ..
      مشاعل : ياليت يمـا يطلع تركي مظلوم ... ياليت هذا أخوي !! لكن ألحين هو طلع 
      وانتهينا من هالموضوع !!! المهم ألحين الهنوف والله راح يظلمها أبوي بزواجها 
      من تركي !!! تركي ما ينفع لها وفارق السن كبير .. !!
      نورة : شوفي مشاعل بكلم أخوك .. !! وبتفاهم معه .. !!
      مشاعل : يمـا تركي زارك !!؟
      نورة : لا .. !!
      مشاعل بصدمة : ولا كلمك ..؟
      نورة : ولا كلمني ..!!
      مشاعل بضعف : شفتي ما قلت لك تغيير ولا في ولد في الدنيا ما يزور أمه !!! وهو 
      توه طالع من سجن مفروض الواحد يشتاق لأهله وأظن أمه أولى من غيرها وهو له 
      أكثر من أسبوعين ولا سأل عنك !!!
      نورة : أنا عاذرته يا بنتي ... !!
      مشاعل : يـمـا تآمـريـني بشيء .. لأني تآخرت
      نورة : سلامتك .. وانتبهي لنفسك !
      مشاعل : إن شاء الله يما ... وحبت راسها

      وطلعت وهو تدعي أن الله يوفق الهنوف ولا تنظلم بزواجها من تركي .. !!


      // × // × //× // × //


      فتح الباب وانصدم صدمة عمره !! مستحيل يصدق اللي يشوفه !! آخـر انسان يتوقع 
      أنه يواجهه في هذي اللحظات !! تحسف أنه ما طلع من قبل هو مب مستعد لهذي 
      المواجهة ولا يمكن يغامر ويواجه فهد في هذي الـظـروف !!!

      فهد بإستحقار : قلي تفضل على الأقل !!! ولا تدري الأمر ما يحتاج أذنك لأن 
      الشقة لعمي سعود مب لك !!
      تركي وهو يسكر الباب ويدخل ويجلس معاه وبهدوء : وش بغيت !؟
      فهد : جاي تسأل !! أنت انسان تافه !! 
      تركي بهدوء : مـشـكـور .. !! ويجي منك أكثر يا فهد
      فهد بعصبية : تدري وش مشكلتك أنك تنفع تمثل !! تظن قدامك عبد الرحمن عشان 
      تقعد تظهر طيبتك يالحقـيـر !!! أنا عرفت معدنك وأقولها للمرة المليون حسـافـة 
      أني كنت في يوم من الأيام خويك !!! 
      تركي بصراخ : وش تبغى !! جاي تغلط وأنا ساكت لك
      فهد : تعجبني اظهر على حقيقتك
      تركي بعصبية : ايه بظهر على حقيقتي !! أني انسان حقير !! وش تبغى !! ولا تبغى 
      أمسحك عن وجه الأرض مثل ما ذبحت الغبي جاسر !!! مسكين مثلك ظن أنه يقدر يوقف 
      في طريقي !!! عشان كذا مسحته عن وجه الأرض !!!!!
      فهد وهو يقوم : كل هذا حقد على هالمسكين لأنه عرف حقيقتك وأنك انسان ظالم !!! 
      حسـافـة أن أبوجاسر ما عرف حقيقتك وظنها لحظة عصبية منك وعفى عنك !!! 
      تركي : أنت جاي تسمعني هالكلام !!
      فهد : لا .. ممكن أعرف ليه خطبت الهـنـوف ؟
      تركي بإبتسامة : ألحين جاي عشان هالسؤال !!! أنت أعرف بالجواب !!
      فهد : أنا لا يمكن أصدق أنك خطبتها عشان تصحح غلطتك !!
      تركي : صدقت ولا ما صدقت ما يهمني !! 
      فهد بعصبية : الله لا يسامحك !!! ظلمت هالإنسانة وهي طفلة وخليتني أكرهها مع 
      أنه ما لها ذنب إلا أنه جاء واحد نذل مثلك ... وبعد فترة صمت ... واعتدى 
      عليها !!! هدمت مستقبلها ودمرتها !!! وألحين بكل بساطة جاي تخطبها وأنا متأكد 
      زواجك منها عشان تظلمها مب تصحيح لغلطتك !! يعني ما كفاك أنك ظلمتها قبل عشر 
      سنوات جاي تظلمها ألحين !!! وأنت عارف أنها لا يمكن ترفض !!! أصلا كيف ترفض 
      وأنت ... !! سكت فهد ما عرف وش يقول لكن الدموع نزلت من عيونه ولحظتها نطق 
      ... اسمعني يا تركي راح أسكت ولا أقول شيء لأن كلامي راح يضر الهنوف قبل لا 
      ينفعها لكن اسمع لو فكرت تغلط عليها صدقني راح أذبحك !! اللي منعني قبل عشر 
      سنوات أذبحك ما يقدر ألحين يمنعني !!! وقلتها لك أحذرك ... !!!


      وهنا طلع فهد وصفق الباب ولحظتها تركي كان واقف بجمود وضعف وبصعوبة قعد يتنفس 
      ومسك الكرسي وجلس وهو يصرخ في داخله " الله لا يسامحني ظلمتها !!! أنا السبب 
      !!!!! " وهنا حس بضعف في نظره وكل شيء يظلم وثم سقط ... !!!

      // × // × //× // × //


      وصلت للبيت وهو تحس بالألم يقطعها والدموع تغطيها .. !!! وهي تدعي من قلب أن 
      الله يوفق الهنوف !!! علاقتها مع الهنوف كانت علاقة أخت مع أختها !! عكس عبير 
      هي صديقتهم وعزيزة عليهم لكن الهنوف غير هذا أختها وروحها !!! حبتها في الله 
      !! وطول عمرهم يتمنون للمستقبل وحتى كل وحدة اتفقت تسمي أول بنت على اسم 
      الثانية لكن .. !!!!!!!
      بعد ما فتحت الباب دخلت ومشت وهي تبي تطلع فوق لكن في صوت وقفها ونظرت للخلف 
      وشافته !!! مستحيل !! آخـيـراً رجع !! وبإبتسامة قالت : زيـااااااااااااد .. 
      !!! 

      // × // × //× // × //





      الفصل الرابع

      " ودفنت الآسرار "


      سعود بصراخ : تركي رد علي وش فيك !!!! ليه فهد طلع معصب !!! تركي رد علي 
      !!!!!!!!
      تركي بصعوبة : أنا تعبااان وأبي أرتاااااح خلااااااااص
      سعود : ارتاح ياولد أخوي !!!!! 
      تركي : ..............
      سعود بهدوء وخوف : تركي .. !! تركي .. !!
      تركي : ..............
      سعود بصراخ : تركييييييييييييييييييييييييييي !!!!!!!!!!
      تركي : ...........
      سعود بدموع : تكفى لا تروووح يا تركي !!!
      تركي : .........
      سعود بصراخ : لااااااااااااااااااااااااااااا !!!!!!!!!!!

      // × // × //× // × //



      التفت زياد لمصدر الصوت وابتسم ابتسامة صافية وبهدوء قال : بدون صراخ .. هلا 
      وغلا فيك .. !!!
      وحضن أخته وهي تبكي !!! اشتاق لأبوه ولأخته وحتى لأخـوه !!!
      زياد بإبتسامة : وينه تركي ..؟
      مشاعل بصدمة : كيف عرفت ؟
      زياد بإبتسامة : ما يخفى على زياد شيء !!
      مشاعل بألم : ما أدري عنه !!
      زياد : وش فيها الدكتورة زعلانه !!!
      مشاعل : أي دكتورة !!؟
      زياد : أنتي إن شاء الله بتكونين دكتورة على أخوك ولا تبين تطلعين .. وبسخرية 
      .. خريجة سجون على تركي !!!! وقعد يضحك
      مشاعل : هذا أخوك !!
      زياد : بس بصراحة ما يشرفني !!!
      مشاعل : ............... !
      زياد : بالله تبين أقول للناس أخوي خريج سجون !! والله يضحكون علي !!! بس مع 
      ذلك يظل تركي أخوي ويعز على قلبي مهما صار قالها بإبتسامة !
      مشاعل : ترى تركي بتزوج !!
      زياد بصدمة : بتزوج !!! ليه أبوي رضى عنه !!
      مشاعل بإستغراب : ايه رضى عنه بس أنت كيف عرفت أنه
      زياد قاطعها : مشاعل لا تسألين خلاص عرفت وبس !!! وبسخرية .. ومن بيتزوج الأخ 
      تركي !!
      مشاعل بهدوء : بتزوج الهنوف
      زياد بعصبية : نعم ؟؟؟؟؟؟؟
      مشاعل : وش فيك معصب !!!
      زياد بصراخ : جاوبيني من بتزوج
      مشاعل : لا تصارخ طيب !!!! قلت لك الهنوف !!!!!! 
      زياد : كيف يتزوجها الأمر مب على كيفه !!!!!!
      مشاعل : أبوي يبغى ينفذ مخطاطاته ولما رفضت أنت الهنوف راح لتركي ولا فرقت 
      عنده الهنوف من تاخذ المهم ينفذ اللي يبي وتركي من قده برجع يسكن هنا وكل شيء 
      و .....

      لكن زياد ما انتظرها تكمل وطلع وهو معصب !!!!!!!!


      // × // × //× // × //


      الدكتور : الحمد لله الأمر بسيط ... ومجرد زيادة ضغط .. !! لكن ...
      سعود : خير يا دكتور ؟
      الدكتور بهدوء : لازم تهتمون بصحة المريض .. ولا تسببون له أي ضغط !! واضح 
      أنه يعاني نفسياً !! وبصراحة يفضل يروح لطبيب نفسي .. !!
      سعود : بس ما ظنتي يرضى !!
      الدكتور : الأمر ضروري ومهم صدقني مع قلة خبرتي في الطب النفسي لكن الأخ .. 
      وشاف اسمه بالملف ... تركي يعاني نفسياً ويحتاج للطبيب النفسي وأنا هنا ما 
      أقول .. لا قدر الله .. أنه مجنون !! وهذا نظرة خاطئة من المجتمع
      سعود : بالعكس يا دكتور !! الطبيب النفسي انسان اساسي في المجتمع وممكن 
      الكثير يحتاج له لكن القلة يتقبلون الأمر !! وإن شاء الله أقنعه !! متى يقدر 
      يطلع دكتور .....!
      الدكتور : يقدر يطلع من الآن .. ووصفت له أدوية يستخدمها لمدة أسبوع وبإذن 
      الله أنه يتحسن وأي خدمة أنا حاضر ...
      سعود : مشكور يا دكتور .. !

      // × // × //× // × //


      أبوتركي : بـشـر يـاخـوي .. ؟
      أبوفهد بألم : على بركت الله .. البنت وافقت وأنا موافق !
      أبوتركي : أجل مبروووكـ ... !
      أبوفهد : الله يبارك فيكـ .. !
      أبوتركي : وبخصوص موعد الزواج أن أقول خلنا نخليه الشهر الجاي !
      أبوفهد : لكن ما تشوف أنه قريب !!
      أبوتركي : بالعكس شهر يكفي .. !!
      أبوفهد بهدوء : أجل على بركت الله

      // × // × //× // × //


      عبد الرحمن : مشعل .. !
      مشعل : آمـر .. 
      عبد الرحمن بإبتسامة : تجهز اليوم بنروح لبيت عمك سلطان الليلة !!
      مشعل : ليه ؟؟!
      عبد الرحمن : كل خيـر !!
      مشعل : في عزيمة هناك ولا ..
      عبد الرحمن يقاطعه : كل خير أنت بس تجهز والبس لبس زين وبإذن الله بكون كل 
      خـيـر ... !!
      مشعل بإستغراب : إن شاء الله .. !!

      طلع مشعل فوق وعبد الرحمن يبتسم وهو يدعوا في قلبه " الله يوفقك ياخوي"

      أم عبد الرحمن بهدوء : عبد الرحمن فكر بغير بنت عمك سلطان !!
      عبد الرحمن : يـمـا فيها شيء بنت عمي سلطان عشان ترفضينها !!
      أم عبد الرحمن : لا والله بنت مافيها مثلها أخلاق وجمال وهدوء ودين ومال 
      ويكفيها أنها بنت عمكم لكن مشعل انسان مستهتر وبعدين عمك سلطان ما ظنتي يوافق 
      !!! وحتى اذا وافق لاتنسى أن ... وبهدوء ... زوجة عمك متطلقة !!!
      عبد الرحمن : أفى يـمـا .. !! وش هالكلام !! حنا بنخطب بنت عمي مشاعل وأي كان 
      سبب طلاق مرة عمي فهو أمر ماله دخل !! ويـمـا أنتي فكري فيها تخيلي الناس 
      عرفت حقيقة أبوي ورفضت عيالك أو كان عندك بنات وش بتكون ردة فعلك ... !! 
      أم عبد الرحمن بألم : طيب ما تشوفها صعبة أخوك يتزوج وأنت ما تزوجت ؟
      عبد الرحمن : يما أخوي بس نخطب والزواج لا حقين عليه أما أنا بإذن الله بتزوج 
      وأنتي اللي بتخطبين لي بعد !!
      أم عبد الرحمن بإبتسامة : آخيـراً ما بغيت تقولها ... خلاص أدور لك على أحسن 
      بنت !!
      عبد الرحمن : يـمـا لا تستعجلين خلينا نخلص من مشعل ونخطب له وبعدين تدورين 
      على راحتك ...
      أم عبد الرحمن : تـآمر يالغـالـي ..
      عبد الرحمن : المهم يمـا تجهزي اليوم عشان تروحين معنا ولا ترى مشعل يزعل 
      عليك ويقول ليش تفضلين عبد الرحمن علي !!!
      أم عبد الرحمن : لا والله كلكم عيالي وغلاكم واحد
      عبد الرحمن : عارف هالشيء يالـغـالـية ..


      // × // × //× // × //

      تركي : أنت وش تبي !!!!
      سعود : أبيك ترتاااح !
      تركي بعصبية : ياخي خلاص مافيني شيء !!! تعب بسيط وراح غصب تبيني أجلس أقابلك 
      !!! ياخي رح قابل زوجتك بدل ما تقابلني !!!
      سعود بصدمة : وش تقول أنت ؟؟ 
      تركي : لا تحسبني ما عرف من ذاك اليوم يا سعود وأنا عارف !! 
      سعود بإرتباك : تركي وش تخربط أنت !!! كيف أنا متزوج !!
      تركي بعصبية : أوه لا تقعد تزعجني قلت لك رح قابل زوجتك أحسن لك !! 

      // × // × //× // × //


      أحمد بصراخ : فااااااااارس خلااااااااااص ياخي !!! أنت بس تبي تقعد هنا 
      وتنـام !!!!! هذي هي حياتكـ ... !!!!!!! استسلمت !!! 
      فارس : أنت ما تفهم شيء !!!!
      أحمد : ياخي وش أفهم !!! يا رجال ألحين أنت ليش مستسلم !!! عشان فجر !! الله 
      ياخذها ويدمرها !!! 
      فارس بألم : لا تدعي عليها ....!
      أحمد : اسمعني يا فارس أنساها مجرد أنك حبيتها وقالت لك انساني تحطمت !!!!! 
      يا رجل الحياة أصعب من كذا اذا هذا الموقف هزك وش تقول عن ناس تفقد عيالها 
      وانسان يفقد أبوه أو وولده ويصبرون وأنت تحطمت عشان وحدة حبيتها وتركتك !!
      فارس : هذي مب أي وحده !!!!!
      أحمد : خلاااااص يا فااااارس انســـــــى !!!!!!!!
      فارس : ما أقدر
      أحمد : بكرة تداوم ولا صدقني اذا عرفت أنك ما داومت بصير بينا كلام ثاني !!

      وطلع أحمد لغرفته وهو يحس بالقهر !!! أخوه متحطم وأخته تعبااانة !!! وضعهم 
      صعب وهو لا زم يتصرف !! رفع الجوال ودق عليها وهو ينتظر ردها وابتسم لما ردت 
      ..
      أحمد : هلا وغلا في قلبي وهواي !!
      فجر : الله وش هالكلام !!
      أحمد : هذا الكلام لقلبي وروحي وفجري !!
      فجر : يسلم قلبك .. آمرني حبيبي وش بغيت
      أحمد بهدوء : فجر أبغى أقابلك
      فجر بنفسها : ياحليلك حاول غيرك ودفنتهم في الأرض جاي أنت تحاول !!! ما تخسى 
      إلا أنت !!!
      فجر : إن شاء الله بس لازم تجيب معك شيء !! 
      أحمد : أفى تطلبين مقابل !! 
      فجر : وليه حبيبتك ما تستاهل !!
      أحمد : تستاهل !! خلاص بس لازم نحدد موعد !!
      فجر بدلع : خلااااص بأشوف وضعي وأعطيك موعد !!
      أحمد بإبتسامة : تـم .. أنتظر ردك يا قلبي ... سلام
      فجر : سلام .. !!

      فجر بنفسها : ياحليله !! شكل صلاحيته انتهت ويبغى لنا نغييره !! خلاص أقوله 
      المرة الجاية أن كل شيء بينا انتهى ويعرف قدره هالتافه !!! أجل أنا فجر 
      الأمورة الحلوة تقابل واحد تافه مثل هالإنسان أنا لا يمكن أرضى إلا بشخص 
      يستحقني مب انسان تافه مثل هذا !!

      // × // × //× // × //


      تقدم بألم وحزن وفتح الباب ودخل وابتسم وهو يشوف أخته تبتسم له من جديد ... 
      !!!!
      تركي : هلا وغلا ...
      مشاعل : زياد رجع .. !
      تركي بإبتسامة : والله وينه !!
      مشاعل : طلع بس أظن برجع بعد شـويـ ... وقطعت كلامها لما شافت زياد يدخل ...
      تركي : الطيب عند ذكره 

      تقدم له زياد بعصبية وهو يقول : تسمح لي .. !! وعطاه كف !!!!!!!!!!!!!!!

      مشاعل : لاااااااااا !!! 
      زياد : أنا آسف ياخوي لكن يمكن هذا الكف يصحيك !!!
      تركي بعصبية : كيف تسمح لنفسك !!!!!!!!!
      زياد : مو مهم لكن أتوقع أنه بصحيك !!!!!
      تركي : زياد يا... لكن ما كمل كلامه لأن زياد حضنه !!
      زياد : والله اشتقت لك يا تركي !!!
      تركي بإبتسامة : وأنا أكثر ... !
      زياد : المهم اسمعني انسى الهنوف !!!
      تركي : لا يكون تبيها !! أخبرك رفضتها !!
      زياد : رفضتها ولا أبغاها !! لكن ما ارضى أخوي ياخذ وحده رفضها أخوه الصغير 
      من قبل !!!
      تركي : ياخي أنا موافق أنت وش عليك !!؟
      زياد : كيف توافق عليها !!!!!!!!! أنا رفضتها وأنا ما أرضى على أخوي ياخذ من 
      رفضتها أنا !!!!!!!!!
      تركي : صدقني الآمر عادي ولا يحتاج تعصب
      زياد : أنت أخوي يا تركي !! 
      تركي : وأنت أخوي والهنوف بتزوجها سواء أعجبك ولا ما اعجبك
      زياد : أكيد عادي عندك !! مدامك بتنفذ أوامر أبوي !!!!!! تركي أنت للأسف ما 
      تغيرت !!!
      تركي : هذا رايك !!!! 
      زياد : لكن صدقني مع كل هذا بتظل أخوي !! واذا أحتجت أي شيء بكون بالخدمة !!! 
      المهم أستأذن أنا وراي شغل !!
      تركي بإبتسامة : بالسـلامـة وانتبه لنفسك 
      زياد : إن شاء الله ياخوي !


      // × // × //× // × //

      أبوتركي : تركـي ..
      تركي : سـم يـبـا !
      أبوتركي : لا تروح بعد شوي بجي عبد الرحمن يبيني بموضوع مهم وأبيك تكون حاضره 
      ... !!
      تركي : إن شاء الله .. !!!

      // × // × //× // × //

      مشعل : تراك مستعجل علينا بدون سبب !!
      عبد الرحمن : إلا سبب مهم ... !!
      مشعل : يلا يـمـا 
      عبد الرحمن : لا أمي ما راح تجي !!
      مشعل : لـيـه !!
      أم عبد الرحمن بإبتسامة : أول نتأكد من موافقة أبوتركي على زوا...
      قاطعها عبد الرحمن : يـمـا !!! 
      أم عبد الرحمن : آسفة نسيت !!
      مشعل : يا ناس فهموني !!!!!؟؟؟ والله مب زينة نروح لبيت عمي سلطان وأنا مآدري 
      ليش ؟؟
      عبد الرحمن : طيب !! بنروح نخطب لك مشاعل !!
      مشعل : ههههههههههههههههههههه !! والله ياخوي عليك طلعات مدري وش تبي !! تخيل 
      عاد مشعل ومشاعل !!!
      عبد الرحمن : أنا ما أمزح !!
      مشعل بخوف : يعني صدق بنروح نخطب مشاعل !!؟؟
      عبد الرحمن : أنت ما تبي
      مشعل بخجل : والله ما عندي مشكلة 
      عبد الرحمن : ياحليلك ياخوي ... يالله امش قدامي بس لا نتآخر ويطردنا عمي 
      سلطان
      مشعل : بهذي صدقت يطردنا ونص ... !!!!!

      ابتسمت أم عبد الرحمن وهي تدعي أن الله يوفق عيالها ويسهل لهم أمورهم ... 
      ويوافق أبوتركي وإن كانت خايفة أخوها يرفض وهذا بسبب صدمة لولدها خاصة أنه 
      يبغى استقرار أخوه وراحته !!! الله يوفقك يا عبد الرحمن طول عمرك مهتم في 
      أخوك أكثر من نفسك !!!!!


      // × // × //× // × //


      أبوتركي : هلا وغلا في عيال أختي .. !
      عبد الرحمن : هلا فيك ياعم ..
      مشعل : هلا والله ... !!
      أبوتركي ببرود : وشلونها هند ؟
      عبد الرحمن : الوالدة بخير !!
      تركي : وشلونك عبد الرحمن
      عبد الرحمن بإبتسامة : بخـيـر يا تركي أنت وشلونك
      تركي بإبتسامة : الحمد لله !!
      مشعل بنفسه : وش جاب تركي ؟؟؟؟!!!!!! هالإنسان ما أرتاح له أبد !!!!!!!
      عبد الرحمن : عمي سلطان حنا جاينك بطلب وإن شاء الله ما تردنا
      أبوتركي : آمرني ياولد أختي وأنتم تطلبون اللي تبون وأنا أنفذ
      عبد الرحمن : أنا يشرفني أني أخطب بنتك لأخوي مشعل !!!!
      أبوتركي : ............
      تركي بصدمة : !!!!!!!!!!!!!!!!!!!!
      أبوتركي ببرود قاسي : والله ياولد أختي يشرفني أن أخوك يكون زوج بنتي وأنت 
      مشاء الله أخلاقك معروفة عند الكل وأخوك بعد ... 
      عبد الرحمن : تسلم ياعم .. 
      أبوتركي بقسوة : لكن الناس مقامات ياولد أختي وأنتم مقامك مب من مقامنا صح 
      أنتم عيال أختي وساكنين معنا !! لكن بيتكم دفعناه أنا وأخواني ولا أنتم الله 
      يسامح أبوكم ضيع فلوسكم !! ومع ذلك رضينا فيكم بينا لكن زواجك أو حتى زواجك 
      أخوك من أحد عيالنا ما أظن أحد أخواني يقبله !!! لأنك مب من مقامنا !!!
      عبد الرحمن : أفى ياعم !! مقامات !! ألحين ولد أختك وصار فيها مقامات !!! وش 
      الفرق كلنا عيال عم وأخوان ولو السالفة على المقامات كان رفض عمي يزوج الهنوف 
      لتركي !!! 
      أبوتركي بإحتقار : في فرق !! تركي يملك فلوس والفلوس تغطي العيوب وبعدين 
      ياولد أختي لا تنسى الهنوف مريضة !!! وبعدين أنت وش عليك اذا وافق أخوي 
      يزوجها تركي ولالا .. !!! ولا الحقد اللي في قلبك على عيالي عشانهم متفوقين 
      وأنتم !! ولا ما يحتاج أكمل واضحه حقيقتكم !! أنت تشتغل عندي وأخوك تارك 
      الجامعة وقعد يمشي مع عبد الله !!!!!!!!
      مشعل نظر له نظرة حقد لكن شعر بخوف ولا قدر يرد وفضل يسكت !!!!!
      عبد الرحمن : عمي أنت أعرف من الكل من يكون تركي بالنسبة لي !!! هذا أخوي !!!
      أبوتركي : أجل أعرف أن تركي ما يتشرف في أخوتك !!!!!
      عبد الرحمن نظر لتركي ينتظر اجابته !!
      أبوتركي بهدوء : ولا يا تركي !؟
      تركي : صدقت يـبـا ... !!!!!
      عبد الرحمن هنا شعر بصدمة وقهر وبهدوء : مشكور يا عم على الضيافة .. !! وهي 
      كلمة أبغاك تسمعها وبعدها انسى كل شيء جيت عشانه !!
      أبوتركي بسخرية : تفضل !!
      عبد الرحمن : عمي سلطان .. يشهد الله أني أحترمك لكن أنت بغيت وتجبرت !!!! 
      وكلنا نخطي وأنت أخطيت واعتبرها نصيحة من ولد أختك !!! ارجع لنفسك وصلح حال 
      عيالك ولا تبغى وتتجبر وصدقني آخرتها النعيم بزول ولا راح ينفعك إلا ما تعمله 
      للآخرة أما الدنيا بتزول وبزول سلطانك !!! 
      أبوتركي : خلصت !!
      عبد الرحمن : يلا يا مشعل !!

      قام مشعل وطلع مع عبد الرحمن ومن وراهم أبوتركي يضحك بسخرية واستحقار 
      !!!!!!!!!!!!!!!!

      // × // × //× // × //


      أم عبد الرحمن : بشـر !
      مشعل : أي بشر !!! مشاء الله على عمي سلطان بهذل فينا الأرض وطلعنا ولا شيء 
      !!! وكأنه قاعد يصرف علينا !!!!! الله لا يسامحه !!!!! وبصراحة ما أتشرف في 
      هذا العم !!! حسافة يكون عمي !!!!!
      مشعل وهو يصرخ : وأنت يا عبد الرحمن ياخوي الكبير مزعجني لا ترافق عبد الله 
      وأنت مرافق الحقيـر تركي !!!!!! شفت كيف وقف مع أبوه وداسك وداسني ومسح في 
      كرامتنا الأرض !!!!!!!!
      عبد الرحمن بصعوبة : وش بالك تصرخ !!! كان صرخت يومك قدامه !!!!
      مشعل بصراخ : حسافة قلت أخلي الكلام لك لكن طلعت منت كفـو !!!! بس خليتنا 
      نروح ويمسح بكرامتنا الأرض ونرجع !!!
      عبد الرحمن : .........

      طلع مشعل وهو معصب وأم عبد الرحمن تبكي ... !!!
      عبد الرحمن : يمـا .. لا تصيحين !! صدقيني الموضوع ما يستاهل !!
      أم عبد الرحمن : كيف ما يستاهل !! أنا كنت حاسة أخوي سلطان ما يحترم أحد !!! 
      عبد الرحمن : يـمـا صدقيني الموضوع عادي ... وبصعوبة ... بطلع أنام أحس أني 
      تعبان شوي !!
      أم عبد الرحمن : سلامتك يالغـالـي تبي أسويلك عصير !!
      عبد الرحمن : لا ما يحتاج ... !!
      // × // × //× // × //


      عبد الله : بشويش !! تراك كذا بتسكر !!!
      مشعل بصراخ : أبي أسكرررررررر !!!!!!! أبغى أنســـــــــــــى 
      !!!!!!!!!!!!!!!! الحقير تخيل طردني أنا وأخوي وداسنا كأننا مب ناس مثله كأنه 
      الإنسان الوحيد في الأرض والبقية حيوانااااااااااااااااااااااااااات عنده 
      !!!!!!!!!!!!
      عبد الله بهدوء : من يومه عمي سلطان وهو يدوس الكل !!!!!
      مشعل : والله رااااااااااااح أقتله !!!!!!!!! أبغى أشوف دمه عشاااااااااااان 
      أرتااااااااااااااح !!!!!!!
      عبد الله : رح له بيته واقتله وارتاح ... وبخبث ... واقتل معه تركي عشان أنا 
      أرتاح !!!!!
      مشعل : عندك مسدس !!!!!!!!!!!!!!!!!!
      عبد الله بإبتسامة : أيـه .. !

      وتقدم عطاه المسدس وهو يبتسم ويشعر بالسعادة أنه قدر يوصل للي يبغـاه .. !!

      عبد الله : اسمعني يا مشعل اقتل عمك وولده تركي عشان ما عاد أحد يطالبك بشيء 
      ......!!! بس من تقتلهم سافررررر لا عااااد ترجع للبلد ولا راح يذبحونك 
      !!!!!!!
      مشعل بضحك : صح عليــك !!!!!! بفضيه في راس سلطان وولده تركي !!!!!!!
      عبد الله : اشرب .. اشرب ..
      مشعل وهو يشرب : وآخيـراً راح يرتاح الكل ويموت سلطان وولده !!!!!!!!!!!
      عبد الله : صدقت الكل برتااااااح وصدقني الكل بعتبرك وبساعدونك وحتى أم تركي 
      بتسقط حق زوجها وولدها وبترجع سعيد ورافع راسك أنك قتلت الظالم سلطان وولده 
      !!!!!
      مشعل سحب المسدس : بروح ألحين أقتلهم
      عبد الله بخبث : مب اليوم !!! خلها الأسبوع الجاي !!!!!
      مشعل : بس كيف أنتظر أسبوع !!! أبي أرتاااااااااااااااح
      عبد الله : لاتخاف كلها أسبوع وترتاح
      مشعل بصوت خفيف : صدقت !!!!!!!!!

      // × // × //× // × //


      أحمد : هلا وغلا يا قلبي !!
      فجر ببراءة : سامحني يا أحمد بس أنا انخطبت !!! وبصراحة خلاااص ما أقدر أكلمك 
      !!!
      أحمد : لكن فجر أنتي قلتي نتقابل !!!!!
      فجر : بصراحة يا أحمد أنا مليت منك وتقابلني هذا في أحـلامـك .. !!
      أحمد : يالحقيـرة !!!!!! أنا أخو فارس اللي كذبتي عليه !!!!
      فجر : أول احترم نفسك ولا تهيني ولا صدقني أمسح فيك الأرض اذا ما تعرف أنا 
      فجر وممكن أسوي لك بلاوي فأحسن لك الزم حدودك !!
      أحمد بخبث : قصدك أنا بسوي لك بلاوي !!! بأعرف كل شيء عنك وبرسل الصور اللي 
      ارسلتيهم لي لأهلك و...
      فجر وهي تقاطعه : ياحليلك وتحسبني غبية عشان أعطيك صورتي الحقيقة !!!!
      أحمد : وش تقصدين !!!!!!!
      فجر : يعني خدعتك زي أخوك ورقمي بغيره اليوم وصدقني اذا فكرت تلعب من وراي 
      بألغي رقمك ويمكن أنهي حياتك فأحسن لك خلك بعيد !!!!

      وسكرت السماعة في وجهه ... !!!!!!!!!

      أحمد بصراخ : حقيـرة !!!!!! سافلة !!!!!!!!!!!! قدرت تخدعني !!!!!!!!!!!!!! 
      سامحني يا فارس ما قدرت أحفظ حقك !!!!!!!! بدل ما انتقم لك هي خدعتني 
      !!!!!!!!!!!!!!!

      // × // × //× // × //


      مشاعل : تركي ... !!!
      تركي بهدوء : نعم
      مشاعل : ليه ما زرت أمي من طلعت من السجن !!!!!
      تركي : وليش أزورها !!!!!؟
      مشاعل : هذي أمك
      تركي : مب أمي !!!!!!! 
      مشاعل : تركي أنت تستهبل
      تركي : ما أبي أقابلها ولا أشوفها !! وإن سألت عني قولي لها تركي يقولك أنكي 
      ميتة في نظره من عشر سنـوات !!!!!!
      مشاعل : ليـه ؟؟؟؟؟؟؟؟؟!!!!!! 
      تركي : خلاص قولي لها هالكلام وبس

      // × // × //× // × //


      أبوفهد : بما أنكم موجودين كلكم فأنا عندي شيء مهم بقوله 
      فهد بهدوء : خيـر يبـا !؟
      الهنوف : ........؟
      حصة : آمر يا راشد ؟
      فجر : .....
      أبوفهد : اليوم تقدم زياد لكي يا فجر !!؟
      فجر :........... !
      حصة : زياد مين ؟؟!!
      أبوفهد بهدوء : ولد أخوي سلطان زياد الدكتور !!!
      حصة بإبتسامة : الدكتور زياد !!!!! والله والنعم هذي الناس اللي نتشرف فيها 
      مب المجرمين !!!
      الهنوف : يـبـا !! بطلع أنام تعبانه تآمرني بشيء !
      أبوفهد : ما تباركين لأختك !!
      حصة : مع أن فجر باركت لها لكن سبحان الله الحقد وما يسوي !!!!!!
      أبوفهد : حصـة !!!
      الهنوف : مبرووووووك فجر !!
      فجر : " مازالت مصدومة " !!!!!!!!!!!
      بعد ما طلعت الهنوف ... !
      فهد : يبـا وأنت موافق
      أبوفهد : وليش ما أوافق زياد دكتور وولد أخوي وبعدين أكبر من أختك بأربعة 
      شهور يعني فرق ممتاز وكل شيء يأهلهم للزواج !!! 
      فهد بألم : مبروووووووك فجـر !
      حصة : ما سمعنا رايك يا فجر
      فجر بخجل : اللي يشوفه أبوي ... !!

      وطلعت فوق وهي تبتسم وأبوها من وراها يقول : أجل مبروووووووك وبكلم أخوي 
      أبلغه عشان يجون ونحدد كل الأمور الشكلية !!!!! ووصلت غرفتها وهي تبتسم 
      آخيـراً زياد انسان تمنته !! مواصفات أي بنت تتمناه !!! مال وجمال ودكتوووور 
      وش أحسن من كذا !!! آخيـراً جاء اللي يرضي غروري !!!!!!!!!

      // × // × //× // × //


      زياد بصراخ : يبا مب أنت اللي تحدد مصيري !!!!!!!!!!!! ما يحق لك تخطبها من 
      دون علمي !!!!!!!!!!
      أبوتركي : أنا أبوك وأحدد مستقبلك مثل أخوك !!!!
      زياد : ما قلنا شيء أخوي حدد له لكن أنا مب تركي !! ولا يمكن أتزوج فجر مهما 
      صااااار !!!!!
      أبوتركي بعصبية : اذا رفضت منت ولدي ولا أعرف
      زياد : يبـا ما ودي أعصيك لكن سامحني لا يمكن أتزوج فجـر !!
      أبوتركي بعصبية : كيف تبي أبرر لأخوي الموقف !!! أقول له زياد ما كان يدري أن 
      أخطب بنتك !!!!
      زياد : والله أنت حطيت نفسك في الموقف !!!!!! 
      أبوتركي : زياد منت ولدي اذا ما تزوجت فجر !!!!!
      تركي : لا يبـا زياد بتزوجها لا تعصب عليه !!!!
      زياد بصراخ : لا ماراح أتزوجها ولا أبي أكون ولدك !!!!! زوجة تركي الهنوف 
      بالغصب وهو ما قدر يقولك شيء عشانه شرط مسامحتك وتبي الكل يتبعك !!!!!!! يكفي 
      عاد ظلم !!!!! ظلمت عيالك وظلمت الناس وتبيني نمشي مثلك !!!!!!!!!!!!!! 
      اسمعني يبا أنا ما راح أتزوج فجر !! حتى لو ما رضيت ما يهمني رضااااااك !!! 
      أهم شيء سعادتي ولا يمكن أتزوج وحده عشان رضاك !!!!! خلااااااااص من بكرة 
      بسافر براااااا ولا عادني راجع ولا عاد أبغاكم تسألون عني للأبد واعتبر ولدك 
      زياد ..... مــــــــات !!!!!!!!!!!!!!!!!!!
      أبوتركي بعصبية : خلاااااااااص أجل اطلع برااااااا وزياد ولدي 
      ماااااااااااااااااات والله لا يسامحك !!!!!!!!!! والليلة تطلع من البيت وما 
      تشيل غرض واحد لأنها بتعبي مب من فلوسك !!!!!!!!
      زياد : خلها لك مابي فلوسك هذا اللي يهمك في الدنيا مستعد تدوس عيالك عشان 
      فلوسك ما عاااااااد أبي الفلوس !!!

      طلع زياد معصب وتركي يحاول يهدي أبوه ومشاعل كانت تبكي وتتألم وهي تشوف 
      أخوانها وأبوها يتفرقون ولاتقدر تسوي شيء حاولت تكلم أبوها لكن طلع فوق 
      لغرفته معصب ..........!!!!!!!!!!!!!!!!


      // × // × //× // × //

      عبد الرحمن : يـمـا رجع مشعل !!!!
      أم عبد الرحمن بخوف : له أسبوع يا عبد الرحمن تكفى بلغ الشرطة يمكن يلقونه 
!!!
      عبد الرحمن : نصبر اليوم اذا ما رجع بلغت !!
      أم عبد الرحمن بدموع : ياااااااارب أنك ترجعه !!!
      سعود وهو يفتح الباب ويتقدم من أخته هند ويحب راسها ... وشلونك هند !!
      أم عبد الرحمن : ما نبي بخير ياخوي وولدي بعيد عني !!
      سعود : دورته بكل مكان ولا لقيته لكن نصبر لنا اليوم وبعدها نبلغ
      عبد الرحمن : نفس كلامـي ... !!
      سعود : سألت عبد الله !؟
      عبد الرحمن : سألته ويقول حتى هو ما شافه من أسبوع !!! بس أحسه يكذب
      سعود : مب مهم حنا نصبر يوم وبعدين اذا ما جاء نبلغ عنه في الشرطة وإن شاء 
      الله خيـر .. يلا تآمروني شيء بروح
      أم عبد الرحمن : وين تروح ياخوي أنت تعباااااان ريح عندنا اليوم وبكرة رح 
      لبيتك !!!!
      عبد الرحمن قبل لا يتكلم سعود : صادقة الوالدة يا سعود !!
      سعود : تآمرني يالغالية أنتي أختي الكبيرة وتآمرين !!
      أم عبد الرحمن : تسلم يالغـالـي .. !! وقعدت تدعي أن الله يرجع مشعل سالم 
      !!!!!!!

      // × // × //× // × //


      زياد يفتح جواله ويروح لرقم فجر اللي قدر ياخذه من جوال مشاعل بدون ما تدري 
      !!! بعد ما لقاها ناسيته !! وبعد ما حجز تذكرة وكل شيء كان لازم ينهي موضوع 
      فجر بطريقته قبل لا ينهيه أبوه .. !!

      قعد يدق وهو ينتظر لين سمع فجر ترد بعذوبة : هلا .. !
      زياد : هلا .. معي فجر !!
      فجر : ايه !! بس من أنت ؟!
      زياد : أنا زياد !!
      فجر بحب : هلا وغلا ... " بنفسها : من حبه ما صبر علي واتصل " !!!!!!!
      زياد : ................................!!!!!!!!!!!!!!!!!! !!!!!!!!!!!!!

      // × // × //× // × //


      عبد الله : مشعل خف على نفسك لك أسبوع وأنت تشرب !!!! خسرتني وأنت رحت فيها 
      وأخوك سألني عنك !!!!
      مشعل : أنا تعبااااااان أبي أرتااااااااح !!!
      عبد الله : المسدس معك رح أذبحهم وارتاااااااااااح
      مشعل : لازم أذبحهم عشان أرتاااااااااااح 
      عبد الله : أكيد لازم !! أبوتركي وتركي لازم يموتون !!!!!!!!!
      مشعل : ألحين !!!!!
      عبد الله بخبث : ألحين رح واذبحهم وارتاااااااااح وريح الكل منهم !!!!!!!!
      مشعل : خلاااااااااااااص

      وقام وطلع وهو يمشي بصعوبة وعبد الله يضحك من وراه وهو يقول في نفسه " غبـي 
      طول عمرك ... غبي !!!!!!! مثلهم كلهم !!!!!! وكذا نرتاح من اثنين ويبقى لي 
      فهد !!!!!! لأني ما أظن عبد الرحمن بتحمل صدمة أن أخوه قاتل فلازم يروح وراه 
      وذاك اعدام ويبقى فهد ثم كل شيء يصير لي وبس !!!!!!!!!!!!!!!!!!!!!!!! " 


      // × // × //× // × //


      كان مشعل يمشي بالسيارة بصعوبة وممكن في أي لحظة يصدم وبالصعوبة وصل ونزل وهي 
      يمشي بصعوبة وتقدم لقصر سلطان العالي بشموخ وجبروت ولما وصل ضرب الباب ثم صرخ 
      " سلطاااااااااااااااااااااان انزللللللللل أنت وولدك !!!!!!!!!!!! اذا أنت 
      رجااااااااال انزل أنت وولدك !!!!!!! "
      " أكيد خايفين خلااااااااااااااااااااااص بترتاحون وأنا 
      أرتاااااااااااااااااااح " !!!!!!!!!!!!!!!!!!!!!!!!!





      الفصل الخامس

      " وكسرت القيود "



      زياد يفتح جواله ويروح لرقم فجر اللي قدر ياخذه من جوال مشاعل بدون ما تدري 
      !!! بعد ما لقاها ناسيته !! وبعد ما حجز تذكرة وكل شيء كان لازم ينهي موضوع 
      فجر بطريقته قبل لا ينهيه أبوه .. !!

      قعد يدق وهو ينتظر لين سمع فجر ترد بعذوبة : هلا .. !
      زياد : هلا .. معي فجر !!
      فجر : ايه !! بس من أنت ؟!
      زياد : أنا زياد !!
      فجر بحب : هلا وغلا ... " بنفسها : من حبه ما صبر علي واتصل " !!!!!!!
      زياد : فجر طبعا مفروض ما أتصل عليك لأنك ما صرتي زوجتي بعد بس في كلام مهم 
      ولا زم أقوله لك .. !
      فجر بنعومة : تفضل ..
      زياد بهدوء : فجر حنا مب لبعض وبصراحة أكثر أبوي خطبكي لي بدون لا يشاورني 
!!!
      فجر بصدمة : نعـ...م!
      زياد : وأنا بصراحة ما أبغى أتزوج وقلت لأبوي لكنه استعجل وخطبكي وبلغته يعلم 
      عمي برفضي لأني حالياً ما راح أتزوج فأنا حبت أبلغك عشان أبوي يرفض هالكلام 
      فإذا جاء الرفض منك يكون أحسن على الأقل ما أبغى الرفض فالناس بتظن أن فيك 
      شيء خلاني أرفضك ... على العكس اذا جاء الرفض منك الأمر ما راح يضرني ولا 
      يضرك .. !!! 
      فجر : .... تبكـي ... 
      زياد بهدوء : سامحني فجر لكن أنا لا يمكن أعيش مع انسانة ما أبغاها عشان أبوي 
      راح خطبها بدون علمي وصدقيني لا يمكن نتوفق بهذي الطريقة وأنتي بجيك اللي 
      يستاهلك والله يوفقك .. !!

      وسكر الخط وهو يتمنى أنه ينتهي الموضوع بهدوء وسلام ... !!


      // × // × //× // × //


      فجر بدموع : مستحيللللللل أنا يرفضني أحد !!!!!!! فارس ركض وراي ودسته وأخوه 
      نفس الشيء يجي زياد ويرفضني !!!! من يحسب نفسه عشان يرفضني !!!!! الله ياخذك 
      وينتقم منك !!!!!! 

      // × // × //× // × //



      كان مشعل يمشي بالسيارة بصعوبة وممكن في أي لحظة يصدم وبالصعوبة وصل ونزل وهي 
      يمشي بصعوبة وتقدم لقصر سلطان العالي بشموخ وجبروت ولما وصل ضرب الباب ثم صرخ 
      " سلطاااااااااااااااااااااان انزللللللللل أنت وولدك !!!!!!!!!!!! اذا أنت 
      رجااااااااال انزل أنت وولدك !!!!!!! "
      " أكيد خايفين خلااااااااااااااااااااااص بترتاحون وأنا 
      أرتاااااااااااااااااااح " !!!!!!!!!!!!!!!!!!!!!!!!!
      كان يضرب الباب ويصرخ وهو يبكي " خلااااااااص كل شيء بنتهي !!!!!!!!!!!!!! 
      بترتاحوووووووون كلكم وأنا أرتاااااااااااااح " !!!!!!
      تقدم أبوتركي بطغيانه المعروف وصرخ في وجه مشعل : أنت ما تستحي !! الفجر تضرب 
      على الناس في بيوتهـ ... !!!!!.. بصدمة ... مشعل !!! وش جابك هنا !! رح لأخوك 
      ولا راح تشوف شيء ما يعجبك !!!!
      مشعل بغرابة : خلاااص يا سلطان كل شيء لازم ينتهي .. !!
      أبوتركي بصدمة : سـكـرانـ .. !!!!!! للأسف أختي ما عرفت تربيك لكن ما راح 
      ألومها !!! أبوك كان انسان مثلك تافه ماله هدف بالحياة إلا يلعب القمار وفي 
      الآخيـر خسـر كل شي .. !!
      مشعل بصراخ : لا تتكلم عن أبوي !!!!!! أبوي أشرف منك يا .......!! وقبل لا 
      يكمل كلامه جاه كف قوي لدرجة أن طاح !!!!!!
      أبوتركي : ما جاء اليوم اللي تتطاول على سلطان يا مشعل !!! ترى للحين ما غلطت 
      عليك وهذي مجرد تنبيه لأنك تظل ولد أختي !!! اقصر الشر ورح لبيتك وبنسى كل 
      شيء شفته !!!!!
      مشعل بصراخ : تنسى !!!! وش تنسى !!!!!!! أنت تظلم وتدوس الناااااااااااااس ثم 
      تظهر نفسك البريء !!!!!!!!!! تحسب أني مصدق خرابيطك عن أبوي !!!!! أنا متأكد 
      أنه كان أنجح منك لكن دمرتوه وحطمتوه .... !!!!!!!!!! أنت طغيت على الكل وجاء 
      اليوم اللي يوقفك واحد عند حدك !!!
      أبوتركي : أنت كذا تعديت حدودك !!! وجاء بضربه كف ثاني لكن هالمرة مشعل مسك 
      يده وبعدها .. !!
      مشعل : اذا مديتها ثاني مرة بكسرها لك !!!!!!
      أبوتركي بصدمة : يالحقـير !!!!
      مشعل : ايه خلاااص ما عاد تهمني واليوم جاي أصف كل حساباتي معك !!!! ... وهنا 
      طلع المسدس ...
      أبوتركي بصدمة : أنت مجـنـون !!!!!
      مشعل بإبتسامة : صدقت مجنون والمجنون لا يحاسب !!!!!!!! ... وقعد يضحك بطريقة 
      غريبة وبصوت عالي وأبوتركي يطالعه بهدوء وصمت !!!!!!!
      أبوتركي : .......!
      مشعل : أنت ألحين حياتك بيدي اذا بغيت ذبحتك واذا بغيت خليتك تروح !!!!!!
      أبوتركي بجمود : مشعل تذكر أني عمك سلطان !!!! وبعدين الكل يعرف سلطااااااان 
      لا يمكن تكون حياته بيد أحد إلا رب العالمين !! ياولد أختي !!! 
      مشعل : خلااااص بتشوف كيف دمك يسيل وصدقني كذا بأرتاح وبرتاح الكل من ظلمك
      أبوتركي : ...............
      مشعل بصراخ : بس لازم الكل يشهد على موتك ونهاية طغيانك !!!!! خلاص كل شيء 
      بنتهي وأنت بتكون ولا شيء !!!!!!!! وبشوف فلوسك وش راح تنفعك !!!!!! وبخبث 
      ... وأنا بتزوج بنتك وغصباً عليك !!! بعد ما تموت وبأذلها مثل ما ذليتنا يا 
      .. !!!
      هنا تلقى صفعة من أبوتركي وطاح على الأرض وانصدم وبصراخ : كيف تتجرأ
      أبوتركي : اليوم اللي بتقرب فيه على أحد عيالي بكون آخر آيامك فاهم !!!!!!!
      تركي : يبـا وش فيـ... !!!!!!!!! بصدمة ... مشعل !!!!!!

      كان المنظر غريب مشعل طايح بالأرض ومعه مسدس وأبوه واقف بكل برود يناظر لمشعل 
      بإستحقار وبعد لحظات تقدم أبوفهد وأبوعبد الله ... !!! 

      أبوفهد : وش فيه يابوتركي ؟
      أبوعبد الله بصدمة : مشعل !!!!!! وينك أخوك يدورك من أسبوع و!!!!!!!
      مشعل يقاطعه ويقوم وهويقول : زين أنكم جيتم عشان تشهدون على موت أخوكم
      أبوفهد بصدمة : !!!!!!!!!!!!!!
      تركي : وش تقول أنت ؟؟؟؟؟؟
      مشعل بهدوء غريب : لا تستعجل الدور جايك يا تركي وبتموت !!!!! ورفع المسدس 
      أمام أبوتركي .. !!!!
      أبوعبد الله بخوف : أنت مجنون !!!!!!!
      فهد : وش فيـ... !!!!! مشعل وش قاعد تسوي !!!!!!!!!!
      مشعل : لا زم أذبحهم ونرتاح
      فهد تقدم ومسك مشعل وقاله : أنت سكراااااان !!!!!!!!! 
      دفه مشعل وهو يقول : ابعد عشان ما أذبحك !!!!!!!
      تركي بعصبية : والله أني اللي راح أذبحك !!!!!!!!
      تقدم له تركي بجنون لكن في هذي اللحظة انطلقت الرصاصة وهو يصرخ : لاااااااااا 
      !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!



      // × // × //× // × //


      .... : لااااااااااا !!! بسم الله الرحمن الرحيم !!! .. نزل بسرعة والخوف في 
      قلبه وشاف أمه وبخوف واضح سألها : يمـا وش فيه !!؟؟ سمعت صوت رصاص !!!
      أم عبد الرحمن بدموع : من بيت عمك سلطان تكفى ياولدي رح !!!!!! الحق أخاف صار 
      شيء لعمك !!!!!! وسعود راح هناك من شوي الحق عليهم !
      عبد الرحمن بخوف : إن شاء الله !!!!!!!

      تقدم عبد الرحمن وفتح الباب وتقدم لقصر عمه سلطان وانتبه أن عمانه وتركي وحتى 
      مشـعل !! موجودين وفي أحد لكن ما قدر يميزه وتقدم بخوف وياليته ما تقدم 
      !!!!!!!!!!!!!!

      تركي بصراخ ودموع : زياااااااااااااااااااااااد !!!!!!!!!! تكفى يا 
      زياااااااااااااااد لاتموووووووووت !!!!!!!!!
      زياد بصعوبة والدم في جسمه : تركي .. !!
      تركي : سم ياخوي !!!! آمرني !!!!!!
      زياد بصعوبة : تركي .. !! وسكت .. !!
      عبد الرحمن : وش اللي صاير !!!!!!!!
      مشعل بصراخ : أنااااااااااا اللي ذبحته !!!!!!!!!
      عبد الرحمن تقدم له وبعصبية : ايش !!!!
      مشعل : والله ماقصدته !!!!!!! سامحني يازياد !!!!!!!!!! 
      عبد الرحمن : أنت ... وسكت وهو يشوف المسدس بإيده !!!!!!!
      فهد : يلا شيلوه جبت السيااااارة بسرعة

      وتساعد تركي وفهد وعبد الرحمن وسعود وشالوه للسيارة ومعهم أبوفهد وأبوعبد 
      الله لكن أبوتركي كان واقف بجمود وهدوء وملامحه غامضة ولا انتظر أحد منه رد 
      أو فعل وانطلقت سيارة فهد للمستشفى وهو بكل برود رجع للقصر .. !!!

      مشعل : أروح معكـ .... !
      عبد الرحمن بصراخ : انطق بالبيت لين أرجع وأوريك شغلك !!!!!!!

      ومشت السيارة ومشعل يناظر بخوف ولحظتها مالقى إلا حل واحد " الهرب " إن قعدت 
      بحكم عليه الموت وبتم فيه القصاص لا يمكن يقعد وبخوف نظر حوله ومشى لسيارته 
      وراح ...... !!!!!!!!

      // × // × //× // × //


      فهد كان يمشي بسرعة ويتمنى يوصل بأسرع وقت ولما وصلوا شالوه وجاء الطوارئ 
      عشان يتم نقله لغرفة الطوارئ وقبل لا يدخل كان زياد ينادي بصوت ضعيف : 
      تركـ..ـي ..
      تركي : سم ياخوي !!
      زياد بصعوبة : تركي قل .. لأبوي يسامحـ... ـني !! ولفـجر تسامحني !! وقل 
      لمشاعل تسامحنـي لأني بروح عنها !!
      تركي بدموع : لا يازياد ما راح تروح لا تقولها !!!!!!
      زياد بصعوبة : تركـ...ـي ..أبيكم تسامحوني ولا تنساني يا تركي من 
      الدعـ....ـاء ... وبصعوبة ... مشعل سامحـ...ـوه لأنـ.....ـي مسـ...ـامحـ...ـه 
      .. !!!!!!
      تركي : لا تخاف ياخوي بتعيش معنا بإذن الله و
      زياد بألم : طلب آخيـ...ـر !
      تركي : آمرني ياخوي !
      زياد : الهنوف ياتركي حطها بعيونك !! 
      تركي : تآمرني ياعيوني !!!!!
      زياد بإبتسامة : اذا جاكم ولد سموه زياد وأبيك تكون أبوزياد ...
      تركي : أنت اللي بتسميه ياخوي !!!!!!
      زياد : تـ...ـركـ...ـي قـلـهـ...ـا تـ...ســ...ـامـــ...ـحـ...نـ...ـي .. 
      الوالـ...ـدة .. !!!!!!! والدفــتـ..ـ..ر.!

      هنا صمت زياد وتركي كان خايف لكن ما قدر يعرف شيء لأنه دخل غرفة العمليات 
      والكل وقف برا وهو واقف عند باب غرفة العمليات وبدموع قعد يتذكر اللي صار ... 
      !!!!! " تقدم له تركي بجنون لكن في هذي اللحظة بدون ما ينتبه مشعل ضغط على 
      الزناد وانطلقت الرصاصة لكن الصدمة هي أن زياد من وقف قدام تركي وجت فيه 
      الرصاصة ونجى تركي !!!!!!!!!!!!!! وفي لحظتها صرخ تركي : لاااااااااااااا 
      زياااااااااااد !!!!!! " ليه يازياد !!! أنا ما أستـاهـل !!! أنا اللي 
      مفرووووض أمـوت !!!!! مب أنت يـالـغـالـي .. !!!!!!!!!!!!

      مرت ساعتين والهدوء يعم المكان والكل ينتظر بخوف وترقب وبعد لحظات خرج 
      الدكتور تقدم له تركي وملامحه الدكتور كانت غامضة ما تقدر تميز وش اللي صار 
      بالعملية وبهدوء : دكـتـور !
      الدكتور بهدوء : البقية في حياتكم .......!!!!!!
      تركي تقدم له ومسكه وهو يصرخ : زيااااااااااااااد لا يمكن يمـوووووووت 
      !!!!!!!!!! هذا أخوي يادكتور !!!!!!! مفروض الرصاصة تجي فيني لكن هو 
      حماااااااني ويمووووووووت !!!!!!!!! أنا اللي مفروووووووووض أموت !!!!!! 
      تقدم فهد وسعود ومسكوه وهم يهدونه لكن كان متحطم متدمر وكان يبكي : ليـه !!! 
      أنا اللي مفرووووض أمـوت !!!!!!! ليه !!!

      بعد دقايق قام تركي وتقدم منه سعود وهو يقول : وين بتروح !!
      تركي بعصبية : مالك دخل فيني !!!!!!
      سعود : تركي أنت تعبااان !
      تركي بعصبية : سعود ابعد عن طريقي ولا صدقني لأذبحك !!!!!! تراني ماني فاضيلك 
      !!!!!!!!!

      خرج تركي من المستشفى وهو معصب ولا يدري وين يروح !!!!!!!!!!!!!!

      // × // × //× // × //


      عبد الرحمن بألم : لا تخاف يا سعود ماراح يروح بعيد
      سعود : لكن أنت شايف حالته !!!!! لكن والله ما ألومه !!!!!! الله يرحمك يا 
      زياد !!!!!!!!
      فهد بألم : الله يرحمه .. !
      أبوفهد بهدوء : يلا نرجع بس .. !!
      سعود بإستغراب : إلا وين سلطان !!!؟
      أبوعبد الله بضحك : في بيته تحسب بسأل عن ولده !!!! شكلك للحين ما عرفت منه 
      سلطان يا سعود !!!!!!!
      سعود : أنت عندك احساااااااس !!!! ولد أخوك متوفي وتضحك !!!!!! 
      أبوعبد الله : يلاااااا بس نمشي !!!!!!

      تقدم أبوعبد الله وأبوفهد ومن وراهم فهد وعبد الرحمن وسعود !!!!!!!!!!!!!

      // × // × //× // × //


      تقدم وفتح الباب وسكره بعصبية وقعد يصرخ : سلطااااااااااااااااااان 
!!!!!!!!!!
      أبوتركي جالس على الكنب وبهدوء : وش صار في زياد !!!!
      تركي بصراخ : خلاااااااااااااص يبااااااااااا زياااااااااااد 
      مااااااااااااااااااات ما عااااااااااد راح تشوفه ولدك راااااااااااااح 
      !!!!!! أتمنى أنك تحس بمعنى هذي الكلمة !!!!!!!!! ارتحت أنه راح من طريقك
      أبوتركي : ..................... !!!!!!
      مشاعل كان تنزل في الدرج والدموع تسبقها : كيف زياااااد !!!
      تركي : خلااااااااص يا مشااااااااعل زياد راااااااااااااااح !!!!!!! 
      ماااااااااااات !!!!!!!!
      مشاعل بصراخ ودموع : ايش !!!!!!!!!!!!!!!!!!
      تركي وهو يوجه كلامه لأبوه : من اليوم ماراح أبغى أكون ولدك وانسى أن عندك 
      ولد واعتبرهم كلهم ماتوا !!!!! وخلاص أنا بعيش براااااا وأتمنى عيشتكم أنت 
      وأخوانك تكون زينة بالظلم في النااااااس !!!!!!!!!

      طلع تركي من البيت بعصبية ومشاعل من وراه كان تصرخ وتبكي 
      !!!!!!!!!!!!!!!!!!!!! خلااااااااص كل شيء تحطم وانتهى للأبد واليوم تصفية 
      الحساب الآخيـر .......... !!!!!!!!!!!!!!!!!!!!!!!!!!!!!!!!!!!!!

      // × // × //× // × //


      مرت أربع أيام وانتهت أيام العزاء وكان عزاء الرجال في بيت أبوتركي والحريم 
      في بيت أبوفهد وفي طول هذي المدة كان تركي مختفى ومشعل وحتى عبد الله كان 
      مختفي ولكن الكل انشغل بالعزاء والحزن ونسى كل هالأمور !!!!!! وحتى فجر 
      انصدمت وبكت على موت زياد ... !! الكل كان يحس بالألم والحزن والفراق لزياد 
      وسلطان كان هادئ ولا عاد تكلم بحرف واحد من حادثة موت زياد ..... !!!!!!!!!!!


      // × // × //× // × //


      أبوفهد : لكن ياولدي !!
      تركي : عمي بدون لا نطول السالفة !!! زواجي على الهنوف بعد أسبوعين لأني 
      مسـافـر للشرقية !!!!
      أبوفهد : لكن أخوك ماله متوفي إلا أربع أيـ...ـام !
      تركي : الزواج بكون بدون شيء وبكون هنا ببيتكم ...!
      أبوفهد بعد صمت : خلاص ..
      تركي : أجل أنا بجهز الشقة هناك في الشرقية وبعد أسبوعين بجي نتمم الزواج 
      وأسافر
      أبوفهد : خلاص ..

      // × // × //× // × //


      أم تركي : يا بنتي تصبري وزياد راح للي أرحم منا كلنا ....!!!
      مشاعل : بس يمـا من يبقى لي غيره !!!! زياد وراااااح وتركي برووووووح !!!!!!! 
      خلااااااااص كلهم تخلوا عني !!!!!!
      أم تركي : لا تنسين الله سبحانه وتعالى دائماً موجود ولكن المهم نكون حنا 
      صادقين معه ونصلي ونقوم بكل العبادات بنية صالحة ... !!

      كانت أم تركي صابرة مع أنها تتحطم بدل المرة مليون لكن ما كان لها إلا الصبر 
      خاصة وهي تشوف بنتها متحطمة وتحاول تصبرها !!!


      // × // × //× // × //


      تقدم له سعود وهو يلاحظ هدوء أخوه الغامض ما يدري هي من الصدمة أو أن أخوه 
      كما هو بجبروته وطغيانه ما راح يتغير !!! مع كل اللي صار كان يتمنى أخوه يكون 
      بخيـر ... !!

      سعود : سلـطـان ..
      سلطان : ..........
      سعود : ياخوي قل اللي في خاطرك ... !!!! ياخوي لازم تشيل الهموم عنك ويكفي 
      ظلم لنفسك ولغيرك !!!
      سلطان بهدوء :........
      سعود بإبتسامة : سلطان بقول مافيك شيء لكن تذكر متى ما احتجتني تعرف وين أكون 
      ... واليوم أنا برجع تعرف وراي أشغال .. !! وصدقني زياد غالي عليك وعلينا 
      كلنا والله يرحمه !!!!!!

      طلع سعود وهو يتمنى من الله أن يهدي سلطان للطريق الصحيح وتكون هذي المصيبة 
      فيها خيرة !!!!!!!!


      // × // × //× // × //

      أم عبد الرحمن وهي تبكي : بـشـر ياولدي لقيت مشعل !
      عبد الرحمن بألم : لا يـمـا .. ولا أتوقع بنشوفه !! 
      أم عبد الرحمن بدموع : رااااااح وليييييدي !!!!!!
      عبد الرحمن : يـمـا حتى لو رجع تتوقعين عمي سلطان يتنازل أو تركي !!!!!! قتل 
      زياد واختفى !!!!! 
      أم عبد الرحمن وهي تبكي : طيب اسأل عبد الله
      عبد الرحمن : رحت له لكن أبوه قال عنده شغل ومسافر !!! 
      أم عبد الرحمن : يعني خلاااص مشعل راااااح !!!!!
      عبد الرحمن : لكن أنا متأكد هالسم اللي كان يشربه من ورا عبد الله لكن بسيطة 
      من يرجع أنا لي تصرف معه !!!!!


      // × // × //× // × //


      بعد مرور أسـبـوعين .. !

      تقدم تركي بهدوء وهو يحس بالتعب وما صدق أنه خلص كل أمور زواجه من " سارة " 
      وباقي اليومي يتزوج الهنوف !!! آمر غريب أنه يتزوج مرتين خلال أقل من شـهـر 
      لكن خلاص لا يمكن يقعد هـنـا .. !!
      قرر كل هذي الأمور بسرعة يبغى يبعد عن الرياض مع حبه لها لكن يبغى ينسى زياد 
      وهناك في الشرقية بيبدء من الصفر ويبني نفسه وبطريقته مب بطريقة أبـوه .. !!

      أبوتركي بصعوبة : تـ...ـ...ركـ...ـي !
      تركي : جيت أخذ أغراضي وأمشي ... بسافر الشرقية وترى يبا اليوم زواجي من بنت 
      عمي الهنوف وبكون زواج بسيط وعادي !!
      أبوتركي بهدوء : مـ...ـ..بـ...روك !
      تركي : ما راح تجي
      أبوتركي : ما يحتاج أختك قلها تجي .. ! 
      تركي : يبـا .. !
      أبوتركي : ........ ؟
      تركي بصعوبة : زياد قبل لا يموت طلب أننا نتنازل عن مشعل !!

      راح أبوتركي لغرفته بدون ما يعطي أهمية لكلمات تركي و كان مظهره يدل على ضعفه 
      حس تركي لحظتها بضعف الإنسـان أبوه كان القاسي اللي يظلم ويطغى ويتجبر بضربة 
      وحدة سقط وصار انسان ضعيف ومتحطم ... !!
      صحيح أبوه ما أظهر حزنه لـكـن واضح أن الضربة قاسية بقوة عليه والدليل ما 
      تكلم من وفاة زياد إلا اليوم تردد تركي يرجع لأبوه ويطلب يسامحه ولا بس يكمل 
      طريقه !!
      تقدم لغرفته لكن قبل لا يدخل شاف غرفة أخوه زيـاد ما قد دخلها لازم يدخلها 
      ويشوف يمكن يلقى شيء مهم وما يعرف ليش أصلاً يدور لكن شعور وتقدم للغرفة كانت 
      بسيطة وفي لمسات زياد الطبية وأدواته وقعد يتفرج ولقى دفتـ...ـر على السرير 
      تقدم له !!!

      د . زياد بن سلطان بن مالك .. !!
      كل ما داخل الدفتر خاص فيني !!
      يمنع قراءته إلا بعد مـوتـي !! 

      دمعت عيون تركي وقعد يقلبه ولقى عناوين كثيرة في الدفاتير لكن مب متفرغ 
      يقراها ألحين لكن بياخذه معه ممكن يقراه في وقت ثاني وتقدم سكر الغرفة وهي 
      يدعى من قلبه " الله يرحمك يـا زيـاد " !!!!

      // × // × //× // × //


      فجر تقدم لها وحضنتها وهي تبكي وتهمس " سامحيني يالهنوف والله أني ندمانه على 
      كل شيء سويته لك ... أنا كنت أكرهك بدون سبب مع أنك ما قد سببت لي شيء لكن 
      أمها الله يسامحها زرعت في قلبي كرهك بدون سبب "
      الهنوف وهي تبكي " أنتي أختي ولا قد شلت عليك والله يسامحك .. !! "
      فجر بإبتسامة : لا تصيحين اليوم عاد زواجك !
      الهنوف بألم وخوف : الله يعيين
      فجر : الهنوف اذا انتي زعلانه عشان الزواج بكون عادي فما يلام تركي لأن ... 
      بصعوبة قالتها ... زياد توفى قبل أسبوعين !
      الهنوف : بالعكس ما تهمني هذي الأمور .. !!
      فجر في قلبها : " الله يرحمك يا زياد صفعتني صفعة خلتني أقوم من اللي أنا 
      فـيـه !! والله عرفت قدري وأن كل اللي كنت أسويه ما راح يفيدني !! الله 
      يسامحني ظلمت أختي بدون سبب !! الله يسامحني !! "

      // × // × //× // × //


      تقدم للباب وفتحه وانصدم وهو يشوف أخوه " سلطان " لكن ما كان سلطان اللي 
      يعرفه كان انسان ثـانـي حالته صعبة ومظهره يدل أنه انسان هموم الدنيا كلها 
      فوقه !!
      سعود بإبتسامة : تفضل وأنا أخـوك .. !!
      دخل سلطان ولما جلس قال بصعوبة : سـ...ـعود أنا تعبان !! 
      سعود : قلي وش فيك ياخوي !!! كل اللي عند قله !!!
      سلطان : سعود موتت زياد كسرت ظهري !!! الله يسامحك يازياد !!! كنت أتمنى 
      أحضنه قبل لا يروح لكن ... سكت ... استغفر الله العلي العظيم !! والله يا 
      سعود في حياتي كلها ما عرفت كيف أخلي الناس تحبني الكل كان يخاف مني حتى 
      عيالي وتركي بالتحديد من يومه صغيري وهو معاي من خوفه مب حبه لي !! وبنتي 
      كرهتني عشـان طلاقي من أمها وزياد كان بعيد عنا وعايش حياته ومتأكد أنه في 
      حياته ما حبني !! ظلمت نفسي وعيالي وأخواني وكل الناس اللي حولي !! حتى ولد 
      أختي هند ظلمته بدل المرة مرتين !!!!!! 
      سعود بهدوء : كلنا نغلط يا سلطان حتى أنا غلطت والكل لأننا بشر لكن نطلب 
      التوبة وإن شاء الله رب العالمين يغفر لنا أخطائنا !! والمهم ما نرجع لها 
      وأنا أخوك .. !!
      سلطان : تصدق في حياتي ما حسيت بالسعادة !! كنت أجمع الفلوس وبس بدون فايدة 
      ولا سعادة !!
      سعود بإبتسامة : أفى عليك وأنا أخوك بعد شوي نروح لمكان بتكون مرتـاح فيه 
      بإذن الله .. !!

      تقدم سعود مع سلطان وهو يمشون ولما اقترب سلطان عرف المكـان " بيت الله " 
      المسجد أعظم مكان بالنسبة للعبد لما تضيق فيه الدنيا صحيح أن سلطان ما ترك 
      الصلاة مع كل ظلمه لكن هالمرة لما دخل كان الأمر غيـر حس بروحانية وراحة 
      وتمنى يقعد أطول فترة ممكنة في المسجد ولحظتها بس عرف أن السعادة مب في المال 
      ولا السلطان ولا كنوز الدنيا كلها بل بعبادة الله تعالى ... !!!

      // × // × //× // × //


      تقدم تركي بهدوء وثقة وهو يعرف أن الليلة ببدء حياة غير مع " انسانة " ظلمها 
      ولا يدري وش بكون شعورها !! هل هي تعرف أني السبب في كل ظلمها ولا ما تدري .. 
      !! هو ما فكر في يوم يتزوج لأنه يشوف نفسه مستهتر لكن تزوج الهنوف يمكن مجرد 
      رحمة عشان يصلح غلطته ولا كان ممكن يرفض طلب أبوه وبعد وفاة زياد كان له 
      الخيار من جديد لكن أصر إلا يتمم الزواج !! لكن وش شعور الهنوف اذا درت أني 
      سبب معاناتها !!!!!

      // × // × //× // × //


      فجر بإبتسامة : والله قمـر !! صراحة القمر مفروض يقوم ويخليك مكانة
      الهنوف بإبتسامة : لا تبالغين ...
      فجر : بالعكس هذا أقل وصف !! 
      ابتسمت الهنوف لأختها وهي تحس براحة أنها معها صحيح أن مشاعل معها الآن لكن 
      فجر غير تظل أختها .. !!
      مشاعل : يـلا هنوف الكل ينتظرك.. !!
      عبير بإبتسامة : ينتظرون طلة القمر !!
      ابتسمت الهنوف بخجل لكن صوت عمتها طلعها من كل أحلامها !!!!!!
      حصة بقسوة : ما خلصتي يابنت ليلى !!! لا يكون مصدقة نفسك وتحسبين أنك عروس !! 
      مريضة نفسية لمجرم والله تنفعون لبعض !!!!!
      مشاعل : لا تغلطين على أخوي !
      حصة بدون اهتمام لكلام مشاعل : يلا بسرعي انزلي !!
      هنا رجع الخوف للهنوف وهي تبي تعرف ردة تركي وهي يعرف الحقيقة المرة المخفية 
      من عشر سنوات ما تدري كيف وافقت عليه ودها تتراجع لكن خلاص كل شيء تم 
      !!!!!!!!!!!!!!!!

      // × // × //× // × //


      سلطان : والله ارتحت .. تسلم يا سعود !!
      سعود : المهم يا سلطان ألحين وراك خطوة صعبة وهي ترجع أخوانك للطريق الصح مثل 
      ما رجعت أنت !!! يمكن يرفضونك ويستنكرونك لكن تذكر أنت أخوهم الكبيـر مع كل 
      شيء ...... !!!
      سلطان : أنا غلطت وأكيد راح أتعب عشان أصحح أخطائي !!
      سعود : وأنا معك ياخوي .. !!
      سلطان : أشوفك على خيـر .. وقبل لا يطلع .. سعود وش صـار على زوجتك 
      !!!!!!!!!!!\
      سعود بصدمة : زوجتـــــــي !!!!!!!!!!!


      // × // × //× // × //





      الفصل السادس

      " قلوب محطمة "



      سلطان : والله ارتحت .. تسلم يا سعود !!
      سعود : المهم يا سلطان ألحين وراك خطوة صعبة وهي ترجع أخوانك للطريق الصح مثل 
      ما رجعت أنت !!! يمكن يرفضونك ويستنكرونك لكن تذكر أنت أخوهم الكبيـر مع كل 
      شيء ...... !!!
      سلطان : أنا غلطت وأكيد راح أتعب عشان أصحح أخطائي !!
      سعود : وأنا معك ياخوي .. !!
      سلطان : أشوفك على خيـر .. وقبل لا يطلع .. سعود وش صـار على زوجتك 
      !!!!!!!!!!!
      سعود بصدمة : زوجتـــــــي !!!!!!!!!!!
      سلطان : ايه زوجتك ..
      سعود : تقصد زوجتي وعد !!!!
      سلطان : ليه تزوجت غيرها ... 
      سعود : سلطان أنت علمت أحد أني كنت متزوج ؟
      سلطان بإستغراب : كنت !؟
      سعود : ايه صارت ماضي وبس ... !!!
      سلطان بألم : يعني من يوم طلقتها ولا رجعت لها ..
      سعود : لا خلاص وأظن أنها تزوجت .. !!
      سلطان : لكن يا سعود تبيها !! يوم عرفت طلاقك من وعد ويومها أتذكر طلبت أن 
      أصلح الوضع بينكم لكن للأسف وقتها ما كنت أشوف إلا الفلوس لكن أنا متأكد أنك 
      تبيها .. أنت تزوجتها وعطيتني خبر مع أنك تدري أن برفض فكرة زواجك من بنت مثل 
      وعد فقيرة !!
      سعود : ما أنكر أن أبيها لكن خلاص ما انكتب لنا نصيب .. !!!
      سلطان : ممكن طيب سبب طلاقكم !
      سعود بألم : بدون سبب أنا كنت أسبب مشاكل معها عشان تطلب الطلاق لين يوم 
      خليتها تجرحني عشان ألقى سبب يخليني أطلقها !!!
      سلطان : ليـه ؟
      سعود : خايف يا سلطان !!!! أخاف يجيني منها عيال ويظلمون الناس وأزرع في 
      قلوبهم الكره والحقد مثل ما سوى أبوي فينا وزرع في قلوبنا الحقد والكره !!! 
      صرنا نكره بعض وأنت تعرف هالشيء بالله قد سولفت مع أخواني سواليف من قلوبكم 
      وأحد منكم شكى همه للثاني !!!!! لا يمكن لأننا ما نملك لبعض أي محبة !! 
      بالعكس نكره بعض بسبب أبوي !!!!!! وللأسف زرعناه في عيالنا وأظنك شفت نتائج 
      أفعالك يا سلطان !!! عيالك كرهوك واحد انقتل والثاني الله أعلم وش ناوي عليه 
      !!!!! وبنتك المظلومة بينكم لا رضيت تزوجها ولد عمها ولا خليتها تقعد عند 
      أمها دمرتها وحطمتها !!! ولا أقولك عن حال عيال أخوي حمد ولا عيال أخوي راشد 
      !!! ولا أتكلم عن أختي هند اللي ظلمناها ولا اهتمينا في أخوتها !!!!! 
      سلطان بألم : طيب كان ممكن تعيش عيالك على الصلاح أو حتى ما تجيب منها عيال 
      !!!!
      سعود : سلطان خلنا واقعيين كيف ما أجيب منها عيال !!! تتوقع ترضى تعيش بدون 
      عيال طول عمرها مع أننا سليمين بس بسبب قناعاتي واذا أبنيهم على الصلاح فأنا 
      أقولها وبصراحة أنا مثلكم ظالم وأخاف الله يعاقبني في عيالي على اللي سويته 
      .. !!
      سلطان : أنت ما سويت شيء يا سعود !!
      سعود : لكن سكت على اللي سويتوه وهذا ظلم !!! خليتكم تظلمون وأنا أشوفكم وبس 
      بدون لا أوقفكم !!!!
      سلطان : يعني خلاص ما راح ترجعها !!
      سعود : لنا سنة متطلقين وخلاص هي من يوم وصلت ورقتها ما عاد اتصلت يعني يمكن 
      تزوجت والله يوفقها بحياتها لكن مع غيري ... !!!
      سلطان من قلب : الله يوفقك يا سعود ...

      // × // × //× // × //


      عبد الرحمن بهدوء : وش فيك يا فهد ؟
      فهد بألم : مقهور !!! خلاص كل شيء تم وصار اللي يتمناه تركي !!!
      عبد الرحمن : مشكلتك يا فهد ما تخليني أفهم وش بينك وبين تركي ؟
      فهد بعصبية : مب لازم تفهم ياخي !!!!!
      عبد الرحمن : على راحتك بس لا تقعد كل يوم تزعجني وأنت تسب في تركي !!!!!!
      فهد : خلاص ما راح أزعجك !!!!!!

      دخل فهد لبيتهم وهو معصب ومقهور أنه تم زواج تركي من أخته الهنوف وعبد الرحمن 
      يشوف الفراغ اللي تركه مستغرب .. !!!

      تقدم للبيت وهو يتألم ويحس بأن وضعهم من أسوء لأسوء ولما دخل صار اللي توقعه 
      وهو أن أمه جالسه تصلي وتدعي وحس بالألم والقهر وهو يدعي في نفسه " الله 
      يسامحك يا مشعل هدمت قلوب ناس كثيرة !!! الله يرجعك سالم ويصلح أحوالك "

      // × // × //× // × //


      أبوفهد بإبتسامة : هلا وغلا فيك ياخوي !! ما بغيت تطلع .. !!
      أبوعبد الله : والله لما اتصل علي أبوفهد وقال أخوي سلطان يبينا عنده فرحت 
      يارجال انسى كلنا ماشين على هذا الطريق وارجع للشركة ترى بهذي الطريقة بنخسر 
      كل شيء ... !!
      أبوفهد : صدقت يا حمد ... !
      أبوتركي بهدوء : أنا بعد قلت كلنا ماشين على هذا الطريق .. وبصراحة وفاة ولدي 
      زياد صحتني وخلتني أقرر أمور كثيرة وأبي رايكم ؟
      أبوعبد الله بإهتمام : آمر ياخوي ؟
      أبوتركي : نرجع لكل صاحب حق حقه !!!
      أبوفهد : كل صاحب حق حقه !! صراحة ما فهمتك ؟
      أبوتركي : كلامي واضح !! كل واحد سرقناه وكلنا حقه بنرجعه له !! عشان لا يجي 
      اليوم اللي ينتهي عمرنا فيه يا راشد ونحاسب عند رب العباد
      أبوعبد الله : وش هذا الكلام الفاضي يا سلطان !!! حنا ما سرقنا أحد !! ولا في 
      أحد له حق عندنا وأنت تدري !!!!!
      أبوتركي : أنتم تكذبون على نفسكم !!! حنا سرقنا وكلينا حق ناس وأنا لا يمكن 
      أرضى أعيش على مال حرام !!!!
      أبوفهد بعصبية : لا عاد هنا حدك !! يعني حنا نعيش على مال حرام ونأكل عيالنا 
      من الحرام !!!!! سلطان اذا أنت متعود على كذا حنا لا كلنا حرام ولا راح ناكله 
      !! لاتجي تتهمنا !!!
      أبوتركي : تبوني أذكركم وش سوينا ومن سرقنا !!؟؟
      أبوعبد الله : سلطان وش بالك تتهمنا !!!!!! لا تذكر لنا أحد ولا شيء لأننا ما 
      سرقنا بس شكلك وفاة ولدك ضربت مخك وخلت تقول كلام مب ما تدري عنه !!!!!!!
      أبوتركي : اسمعوني بنرجع الحق لأصحابه سواء رضيتم ولا لا ....
      أبوفهد بعصبية : مدام الكل وصل لهنا خلاص ياخوي اذا تبي نظل أخوان خلنا ناخذ 
      حقنا وكل واحد بطريق !! 
      أبوعبد الله : صدق أخوي تعطينا حقنا ونفترق ونظل أخوان وكل واحد يسوي بفلوسه 
      اللي يبي !!! 
      أبوتركي : لا راح نفترق ولا شيء وبنرجع الحق لأصحابه
      أبوفهد بغضب : اسمع يا سلطان حنا ما راح نرجع شيء وحلالي بأخذه بالطيب ولا 
      الغصب !!! لا تخلينا ياخوي ندخل أبواب المحاكم ونصير على لسان الناس !!!! 
      عطني حقي ولا عاد عليك فيني إن شاء الله أرميه في الشارع أنا مسئول عن نفسي 
      ولا اذا شفتني في يوم خسرت فلوسي وأترجاك تساعدني لا تساعدني !!!!!!!
      أبوتركي : ما يحتاج محاكم وخلاص مثل ما تبون كل واحد ياخذ حقه والله يوفقكم 
      لكن صدقوني بحاول أرجعك للحق قبل لا يصير لكم اللي صار لي !!


      // × // × //× // × //


      تقدم بخوف للشقة وهي تتبعه كان الزواج بسيط وعادي ولكن ما يهم بالنسبة له 
      الأهم يطلع ويصحح كل أخطائه !! 
      فتح باب الشقة وبهدوء : تفضلـي .. 

      تقدم الهنوف والخوف يسيطر عليها وهي تدعي ربها أنه يسهل أمرها وتقدمت وكان 
      تركي يعلمها الغرف لكن ما كانت معه .. !!

      تركي بهدوء : وهذي غرفتك .. !! وو.. وهذي غرفتي !!!! وبس !!
      الهنوف كانت تناظره وساكته ...
      تركي بإبتسامة : فهمتي ولا لازم أعيد !! أصلا الشقة صغيرة وسهلة ما تحتاج فهم 
      ومثل ما قلت لك هذي غرفتك .. فسخي عبايتك وبدلي ... وبإرتباك .. وأنا عندي 
      شغلة أخلصها وأجيك بسرعة !!!!!!


      طلع تركي بغرابة وهي تحس بالخوف من المستقبل ولا تدري وش ينتظرها !!

      // × // × //× // × //


      أبوعبد الله : وش رايك ياراشد بكلام سلطان ؟؟
      أبوفهد بعصبية : واضح أن أخوك بدا يخرف !!!!
      أبوعبد الله : خايف يطلع كلام منا ولا منا !!!!
      أبوفهد : لاعاد اذا طلع حرف واحد بكون له حساب معي والله أكرهه عيشته !!! أجل 
      عقب ما ظلم الناس جاي يقول أنتم اللي ظلمتم !!! كلام فاضي !!!!!!!!!

      تقدم أبوفهد لبيته ومثل ما توقع كانت زوجته تنتظره وحس بضيقة يوم شافها وكان 
      هذا الوقت يحتاج راحة ومب فاضي لها أو لغيرها !!!

      حصة : وش كان يبغى فيكم !!
      أبوفهد : يتهمنا أننا سرقنا الناس ولازم نرجع لكل واحد سرقناه حقه !!
      حصة بعصبية : لا أخوك بدا يخرف من جد وجا الوقت اللي واحد يوقف عند حده ويكسر 
      له راسه !!!!
      أبوفهد بعصبية : خلاص بياخذ حقه ولا عاد له دخل فينا !!
      حصة في قلبها : " بسيطة أنا ببدا أسوي اللي في راسي وبكسر راسك يا سلطان 
      وأخليك تعرف حدودك زين !! "
      أبوفهد : وين سرحتي ؟؟؟
      حصة : معك !! بس بتتأثرون بدون سلطان لأن له النصيب الأكبر !!
      أبوفهد : بصراحة بخليه يشتري نصيبه من الشركة ويروح وبكذا نقدر نعوض الخسارة 
      خاصة أن الشركة قايمة وماشية ممتاز !!!!!
      حصة : على خير إن شاء الله .. !!

      // × // × //× // × //


      بعد ما طلع من عند الهنوف تنفس بهدوء كان بس يبغى يهرب وطلع بالدرج لفوق وكان 
      يقصد شقة محددة وابتسم وضرب الجرس ينتظر الرد .. !!
      وبعد دقايق انفتح الباب وابتسم لها ودخل .. !!
      تركي بإبتسامة : مثل ما وعدتك !!
      سارة بخجل : ايه .. !!
      تركي : يسلم لي الخجلان !!!!!
      سارة : خلاص عاد تركي !!
      تركي بضحك : يلا سوي لي عشاء تراني جوعااان على الآخر
      سارة : يخسى الجوع وأنا موجودة !!
      تركي : أجل شدي حيلك .. !!
      ابتسمت له سارة وراحت ستوي له العشاء ودخل سيجارة وقعد يشربها وهو يحس بضيق 
      وغمض عيونه وغاص في الماضي .. !!

      ################


      آخر يوم له في السجن !!
      ناصر : تركي طلبتك !!
      تركي : آمـر ..؟
      ناصر : عقب ما تطلع أبيك تروح لبيتنا " وقعد يوصفه " وتشوف حال أخواني .. 
      وبتوتر .. وتتزوج أختي سارة !!!
      تركي بصدمة : أتزوج أختك !!
      ناصر : عارف أنك بتقول هذا انسان ما يستحي لكن والله أختي مالها أحد في 
      الدنيا من بعدي !!! أخواني يأذونها وبعذبونها وأنا ما ظنتي أطلع من هنا فما 
      لي غيرك ياخوي !!!!!
      تركي بإبتسامة : والله لوتطلب راسي أعطيك إياه يا ناصر .. طول هالسنين وأنت 
      تصبرني !! تآمر آمر وأنا أخطب ألحين منك !!
      ناصر بإبتسامة : هي لك ياخوي ..

      ################


      ابتسم تركي وهو يتذكر ناصر بس حسافة ما عاد زرته من يوم طلعت من السجن لا زم 
      أزوح أزوره والله اشتقت له !!!

      سارة : يلا حبيبي جهز العشاء 
      تركي بإبتسامة : تسلمين .. !!
      سارة بخوف : تركي بتقول للهنوف عن زواجنا !!
      تركي بدون اهتمام : أكيد لازم أقولها !! أنا رجال ما أحب أخدع انسان !! لازم 
      أقولها الحقيقة وبوفق بينكم ولا راح أظلمكم .. !!
      سارة : تركي أنا بقولك شيء بس لاتزعل ..
      تركي بإبتسامة : أفى أزعل من سارة !!
      سارة بإبتسامة : ايه نشوف .. وبتوتر .. ليه تزوجت بنت عمك الهنوف وأنت تقول 
      ما تبيها ؟
      تركي بعصبية : شوفي يا سارة هذا الموضوع لا تحاولين تفكرين فيه لأنه شيء خاص 
      فيني ولا لك دخل فيه .. !!
      سارة : شفت أنك عصب .. !!
      تركي : لا ما عصبت بس مثل ما قلت أنتي ما عليك !! المهم بعدل بينكم ولا لك 
      دخل في غير كذا !!!!

      // × // × //× // × //


      أبوتركي : وش رايك .. ؟
      سعود : والله ما عندي أي مانع بالعكس ممكن يغير جو التوتر اللي صاير !!
      أبوتركي : خلاص أجل أبلغ أخواني .. !! وبلغ تركي !!
      سعود : تآمـر !!
      أبوتركي : وش اشتغل تركي !!
      سعود : والله للحين ما اشتغل .. !!
      أبوتركي : المهم بلغه أنا بنجتمع في الإستـراحة حقت الوالد .. !!
      سعود : خلاص تم .. !!

      // × // × //× // × //


      عبد الله : مشعل خلاص ارجع لأهلك ؟
      مشعل : أنت مجنون لا يمكن أرجع عشان يذبحوني !!!
      عبد الله : إن شاء الله يذبحونك أنا وش دخلني فيك !!!!!
      مشعل : أنت تقول بتساعدني ولا خلاص تخليت عني !!
      عبد الله بسخرية : أنا أقول كثير بس ما أنفذ شيء
      مشعل وهو يمسكه : يا حقـير !!!!!!
      عبد الله : شل ايدك ولا بتصل على الشرطة وأبلغهم ببساطة أن في قاتل عندي 
      !!!!!!!!!!
      مشعل بعصبية : بسيطة يا عبد الله أنا رايح لكن تذكر أنك راح تندم !!!!
      عبد الله بإبتسامة : ياليت أبغى أندم !!
      طلع مشعل وعبد الله يضحك من وراه وهو يشعر أنه ألحين بس يقدر يرجع بهدوء ولا 
      أحد راح يشك فيه !!!

      // × // × //× // × //


      تقدم بخوف وهو يتأكد أن مافي أحد وبهدوء راح لبيتهم وفتح الباب بعد ما لقى 
      الفتح وحمد ربه أن المفتاح كان معه وقعد يطلع لغرفته بهدوء عشان ياخذ أغراضه 
      ويسافر برا للأبد !!
      سحب أهم أغراضه ولما طلع نظر لغرفته أمه وهمس بقلبه " أودعك يالغاليه .. 
      أتمنى تسامحيني .. " ثم شاف غرفة أخوه وهمس في قلبه " سامحني ياخوي والله ما 
      أستاهلك أخو !! أنت أحسن مني في كل شيء !! حسافة أني أخوك "
      ونزل وقعد ينظر للبيت قبل لا يفتح الباب نظرة أخيرة وكأنه يودعه خلاص كل شيء 
      انتهى وقبل لا يطلع سمع صوت وراه والتفت وانصدم !!!!!

      أم عبد الرحمن : تبي تروح وتخليني ياولدي .. !!
      مشعل ركض له وحضنها وقعد يبكي : يمـا سامحيني .. !! والله ما قصدت أذبحه !! 
      والله ما قصدت !!!
      أم عبد الرحمن : مسامحتك يمـا !!!!!
      مشعل بعد عنها : يمـا أنا مسافر !!!
      أم عبد الرحمن : ليه تسافر !!!!
      مشعل : يما كيف تبيني أقعد !!!! عشان يذبحوني !!!!!
      عبد الرحمن : زياد تنازل !!
      مشعل بصدمة : عبد الرحمن !!
      عبد الرحمن بإبتسامة : سمعت صوت أمي وخفت ولكن الحمد لله طلع خير .. !!
      مشعل : زين أنك نزلت عشان أودعك قبل لأسافر !
      عبد الرحمن : أنت ما تفهم !! زياد قبل لا يتوفى طلب من تركي يتنازل عنك !! 
      وعمي سلطان يقول أنه متنازل عنك والله يسامحك !!!!!
      مشعل بإبتسامة : صدق ولا بس تستهبلون علي !!
      عبد الرحمن : والله .. بس عاد لازم تروح تسلم نفسك !!!
      مشعل بخوف : أسلم نفسي !!!!!!!!!
      عبد الرحمن : هذي اجراءات يا مشعل !! ولا تخاف بس يروح عمي سلطان ويقدم 
      التنازل وخلاص ينتهي الأمر !!!
      مشعل : صدق يا عبد الرحمن ولا بس عشان ما تبيني أسافر !!!!!
      عبد الرحمن : أنا أخوك مستحيل أسلمك للموت !!!! وبعدين تتوقع لويبغون يقبضون 
      عليك بخلونك تسافر بكل بساطة !!!!!
      مشعل حضن أخوه وهو يقول : سامحني ياخوي .. !!
      عبد الرحمن بإبتسامة : مسامحك يالـغـالـي .. !!

      // × // × //× // × //


      تقدم تركي بهدوء للشقة وكان الصمت يطبق على المكان وتأكد لحظتها أن الهنوف 
      نايمة وارتاح ما كان شايل هم مواجهتها حتى لو هي ما تدري أن السبب في 
      معاناتها !!!
      كان مقرر أنه كل واحد ينام في غرفة على الأقل لين يتفاهمون وبعدها ينامون في 
      غرفة وحدة !! تقدم لغرفته لكن سمع صوت في غرفة الهنوف تقدم لها وانصدم كان 
      متكومة على نفسها في الفراش وتبكي .. !! كان وده يدخل لها ويعرف سبب دموعها 
      لكن تراجع وراح لغرفته ولما دخلها حس بالقهر والألم وضيقة في نفسه !!!!!
      " أنا السبب !!!!!! ليه يا زياد رحت وعشت أنا !!!! كله منك يا جاسر دمرتني 
      !!!! " وهنا صرخ " ليه رحت مفروض ترجع عشان أذبحك مرة ثانية وثالثة ورابعة " 
      ورمى نفسه على السرير وغاص في الظلام .....!!!!!!!!!!!!!!!!

      // × // × //× // × //


      من يوم طلع تركي وهو تحس بملل وممكن حتى جلوسه بزيد الأمر سوء ما كنت تدري وش 
      ينتظرها لكن اللي ريحها أنه كل واحد بغرفة على الأقل لين تتعود عليه لكن في 
      النهاية بعرف الحقيقة !!!!!
      كانت متكومة في غرفتها وتبكي بس تحس نفسها تبي ترتاح وخاصة أنه مافي أحد لكن 
      بعد فترة سمعت صرخة تركي وهو يتكلم مع أحد وتكومت أكثر على نفسها !!!!!!

      // × // × //× // × //


      بعد أسبوع انتهت اجراءات مشعل وخرج واتفق الجميع على الإجتماع في الإستراحة 
      الليلة وخاصة أن سلطان بنهي موضوع أخوانه اليوم إما ينفصلون أو يرجعون .. !!

      أبوفهد : وشلونك يا سعود !!
      سعود : بخير ياخوي .. أنت كيف وبشرنا عن أحوالك !!
      أبوفهد : الله يعين بس وأنا أخوك !!!!!
      أبوتركي : تفضلي وأنا أخوكي .. !!

      دخلت هند وسلمت على أخوانها وكانت لها فترة ما تقابلهم إلا بالنادر مع أنهم 
      ساكنين تحت سور واحد لكن ما كان أحد يهتم فيها على عكس البقية يتلاقون عشان 
      مصالحهم بإستثناء سعود !!

      أبوتركي : اليوم جمعتكم عشان نتفق بخصوص الحلال !!
      أبوعبد الله : لكن وش دخل هند !! حلالها كله زوجها !!!!؟
      أبوتركي : هذي أختنا !!
      أبوفهد : مالها حق عندنا !!
      هند بهدوء : أنا جاية على طلبك يا سلطان ولكن صدقوني أنا يكفيني شوفتكم ولا 
      ما أبغى شيء !!
      أبوفهد : سمعت !!!
      أبوتركي : خلاص ما تبي شيء لكن هي أختنا يحق لها تسمع كل اللي نبي نقوله !!
      أبوعبد الله : عطنا اللي عندك .. !!
      أبوتركي : وش قررتم !!
      أبوفهد : خلاص نفترق !!
      أبوتركي بألم : على راحتكم .. !! تشترون حصتي في الشركة ولا أنا أشتري حصتكم 
      في الشركة ؟
      أبوعبد الله : حنا نشتري حصتك بالشركة
      أبوتركي : خلاص بكرة نروح المحكمة ونخلص الإجراءات !!
      أبوفهد : على بركة الله !!
      أبوتركي : وألحين عاد خلنا ننسى الشغل ونسولف ترانا نظل أخوان
      أبوفهد : ماهي مشكلة مثل ما قلت نظل أخوان .. !!

      // × // × //× // × //


      أمل : وش ناوية عليه يا حصة !!
      حصة : اصبري علي والله أخلي سلطان خاتم في اصبعي !!
      أمل : الله يستر منك !! تسوينها ونص !! أعرف !!
      حصة : عن أذنك بروح شوي وأجيك
      أمل : خذي راحتك ... 

      // × // × //× // × //


      مشاعل بإبتسامة : تتوقعين وش تسوي ألحين الهنوف
      عبير : أكيد تسوي حركات مع الحبيب تركي !!
      فجر : ههههههههههههه شكلها كذا .. !! .. وبهدوء .. تصدقون أني كنت غبية لما 
      كنت أقعد بلحالي وأنتم هنا تسولفون والله كنت أحسكم تافهين و
      مشاعل بإبتسامة : أنا أشهد أنك غبية !!!!!
      فجر : بدينا بالغلط !!
      مشاعل : أمزح يا قلبي .. لا تزعلين !!
      فجر : أزعل على الكل إلا عليك يا مشاعل !!
      مشاعل بحزن : الله يرحمك يا زياد .. ولا كان فرحنا فيكم !!
      عبير : مشاعل خلاص الله يرحمه هذا قدر ومكتوب !!
      مشاعل بدموع : إلا بسبب أبوي ومشعل !! ما دري وشلون أبوي يتنازل عن حق زياد 
      لكن أنا راح أخذ حقه !!
      فجر : مشاعل وش تاخذين حقه !! خلاص يا مشاعل هذا اللي قدره الله وانسى اللي 
      صار !!
      مشاعل : أنسى كيف وفقد اثنين من أخواني الأول تركي اللي راح الشرقية والثاني 
      زياد اللي خذه الموت مني !!! حتى أمي !! والهنوف !! كل من يحبني يتركني 
!!!!!!
      حضنتها عبير وهي تهديها : خلاص حبيبتي !!
      رهف ببراءة : ليه تصيحين يا مشاعل !!
      عبير بألم : شفتي المسكينة حست عليك !!
      مشاعل وهي تمسح دموعها : ما أصيح يا قلبي !!
      رهف : إلا عشان هنوف صح ؟
      مشاعل بإبتسامة : صح يا قلبي !!
      رهف : حتى أنا أبيها ترجع !! فجر ما تحبني !!
      فجر : أفى أنا أختك تقولين عني هالكلام !!
      رهف ببراءة : ايه هنوف تقول لا تكذبين !!
      فجر : هين يارهييييييييف أوريك !! وقعدت تلحقها ورهف تركض وتضحك وعبير ومشاعل 
      يضحكون !!!!!
      // × // × //× // × //



      أم تركي بصعوبة تحاول تمسك التلفون وتتنفس بصعوبة كانت تقاوم وتحاول تقوم لكن 
      ما تقدر تحس بصعوبة .. حاولت لكن خلاص تحس كل شيء يختفي !!! وبصعوبة طاح 
      التلفون وبدت تضغط في الأرقام وهي طايحة وبدا يرن .. !!!!
      وبعد دقايق سمعت صوت بنتها " هلا يـمـا " !! حاولت تنطق لكن ما قدرت !! " 
      يمـا !! يـمـا !! شكل الخط انقطع !! " وهنا نطقت " مشـاعل سـامحـيـنـي !! 
      سامـحـنـي يـا تـركـ...ـي !! سامحوني كلكم !!! "

      // × // × //× // × //


      مشاعل بخوف : ما ترد عليه ولما اتصل يكون مشغول !!
      عبير : لاتخافين يا مشاعل مافيها إن شاء الله إلا الخيـر
      مشاعل : حتى جوالها ما ترد !!
      فجر : مشاعل أنتي حاولي واذا ما ردت قولي لأبوك !!
      مشاعل : خلاص بشوف !!

      // × // × //× // × //


      هند : اسمعني ياخوي عندي منك طلب .. !!
      أبوعبد الله بعصبية : لا تطلبين فلوس أنا ما عندي شيء !!
      هند بألم : وأنت تظن كل الحياة فلوس !
      أبوعبد الله : المهم وش تبين !
      هند : بصراحة ودي أخطب عبير لعبد الرحمن !!
      أبوعبد الله : عبير !!!
      أبوتركي : والله والنعم في عبد الرحمن .. !!
      أبوعبد الله بإستنكار : ما بقي إلا توافق بالنيابة عني !! .. وهو يوجه نظراته 
      لهند .. اسمعي أنا بالنسبة لي ما عندي مانع بشوف البنت وأعطيك خبر !!
      هند بهدوء : الله يكتب اللي فيه الخيـر .. !!
      أبوتركي وهو يشوف جواله يرن : عن أذنكم .. !!

      بعد عنهم ورد بخوف : هلا مشاعل !! 
      مشاعل : يبـا .. أمي أتصل عليها ما ترد !!
      أبوتركي : لاتخافين ما فيها إلا الخيـر .. !!
      مشاعل : يبـا المشكلة أنها اتصلت على وانقطع الخط ثم اتصلت عليها لكن ما ترد 
      !!
      أبوتركي : خلاص تجهزي عشان نروح لها .. !!
      مشاعل : شـكـراً يـبـا .. !!

      بعد ما سكر الخط جاء بيرجع عشان يبلغ أخوانه وقفه صوت ناعم والتفت ولقى حرمة 
      متغطية !! استغرب !!!!!!

      سلطان : نعم ؟
      حصة : أنا حصة زوجة أخوك راشد
      سلطان بهدوء : تبين راشد أناديه !!
      حصة : لا أبيك أنت !!
      سلطان : نــــــــعـــــم ؟؟؟؟؟؟؟؟؟؟؟؟
      حصة وهي تفتش عن وجهها : يعني تسوي نفسك ما سمعت !! قلت أبيك أنت
      سلطان بصدمة : أقول أنتي وش تسوين !!
      حصة : ما أسوي شيء جاية لك في طلب !!
      سلطان بعصبية : تغطي أول !!
      حصة : ما يحتاج !!
      سلطان : أقولك تغطي أول ولا بروح !!
      حصة بإبتسامة : ليه تغار علـ ...... !! لكن ما كملت كلامها جاها كف قوي !!
      سلطان بعصبية : يا سافلة !!! أنتي مستحيل تكونين انسانة !! تعرضين نفسك علي 
      وأنتي زوجة أخوي !! لا احترمتي أخوي ولا احترمتي عمرك ولا حتى خفتي من ربك !! 
      حتى يوم أني ظالم ما فكرت أقرب من أي انسانة بدون ما يربطني فيها شيء وأنتي 
      يا حقـيرة جاية تعرضين نفسك !! تخيلي عيالك يشوفونك !!!!!! الله ياخذك قولي 
      آمين !! راح أستر عليك عشان ما أهدم بيت أخوي لكن أن شفتك مرة ثانية بتندمين 
      !!!

      وبعد عنها وحصة تقول في نفسها " والله راح تندم على الكف وبتدفع ثمنه 
      غــــــــالـــــــي " !!!!!!!!!!!!!!!!!!



      // × // × //× // × //


      تقدم سلطان بخوف مع مشاعل بنته لبيت زوجته اللي شاره لها عشان تسكن فيه 
      ويقابلونها عيالها فيه .. وكان الخوف يملي قلبه لا يصير فيها شيء وينعكس على 
      بنته .. !!
      مشاعل بخوف : يبـا ما ترد على الباب !!
      أبوتركي : ما عندها شغالة !! 
      مشاعل : لا سافرت وقالت بتجيب بعدين !!!
      أبوتركي : الله يهديك ولا تقولين !! شوفي ألحين وش نسوي !!!!!!
      مشاعل : تكفى يبـا .. اكسر الباب !!
      أبوتركي : ما يحتاج !! وقعد يطلع شيء من جيبه وابتسم .. الحمد لله عندي مفتاح 
      احتياط !!
      مشاعل بإبتسامة : إن شاء الله إنها بخـيـر .. !!
      أبوتركي فتح الباب : يلا روحي شوفيها !!

      ركضت مشاعل وكان أبوتركي ينتظرها برا ولما تذكر فعلة زوجة أخوه حس بكره لهذي 
      الإنسانة والمصيبة أنها زوجة أخوه وتخونه مع أخوه !!! معقولة توصل الناس لهذي 
      الدرجة !! والله عشان عيال أخوي وبيته ولا كان صار شيء ما يعجبها بنت ... 
      توقف عن التفكير لما سمعت صرخة بنته واندفع للبيت بجنون !!!!!

      مشاعل بدموع : يـمـا حـرام عليك !! لاتروحين عشاااااااني يـمـا !!!
      أبوتركي : وش فيها !!
      مشاعل : يبـا تكفى قلها لا تروح .. !! والله يبـا أموت وراها اذا راحت 
      وأنتحـر !!!!!!!!
      أبوتركي شالها وقال لمشاعل : يلا بسرعة نوديها المستشفى !!!!!

      // × // × //× // × //


      تركي : ما دري عنها من يوم أفطرت قلت لها بطلع شغل ولاعاد رجعت لها !!
      سارة : تركي طيب ليه تزوجتها مدامك تهرب منها !!
      تركي بعصبية : قلت لك ما لك دخل في هذا الموضوع .. !!
      سارة : آسفة .. لقيت شغل !!
      تركي : لا .. قررت أفتتح لي محل حق أجهزة كمبيوتر !!
      سارة : فكرة حلوه
      تركي بإبتسامة : أنا عارف .. أصلا أفكـار دايم حلوه !! المهم يا حلوه روحي 
      جهزي العشاء !!
      سارة حست بالخجل من كلمة " ياحلوه " وقالت : تآمر من عيوني !!
      تركي بإبتسامة : تسلم عيونك .. !!!


      // × // × //× // × //


      الهنوف : ملل .. !!! الله يسامحك يا تركي تطلع وتخليني ولا حتى فكر يقولي 
      خلنا نطلع مطعم !! يعني مافي شهر عسل وقلنا عادي لكن حتى طلعات مافي .. !! 
      وفي نفسها كانت تصرخ " لا تنسين نفسك أنتي مو بنت !!!!!! ومريضة نفسياً 
      !!!!!! احمدي ربك قبل فيك !!!!!! " 

      // × // × //× // × //


      فتحت الشقة وأنا أحس بالتعب وأبغى أوصل للفراش ولما دخلت انصدمة كانت الهنوف 
      متكومة على الكنب حس بالضيق من نفسه كيف يتركها وهي بثاني أيامها !!! 
      تقدم لها بهدوء وهمس : هـ....ـنـوف !!
      بدت تفتح عيونه وابتسم لها : قومي .. وبدون شعور .. حبيبتي !! نامي في الغرفة 
      !!
      الهنوف بهدوء : وين كنت !!
      تركي بإبتسامة : مو مهم روحي نامي !!
      الهنوف بألم : أكيد مب مهمة مشاعري !! أصلا أنا مب انسانة !!!
      جت بتدخل غرفتها لكن تركي مسكها لأول مرة ولحظتها بس حست الهنوف بذاكرتها 
      ترجع ورى قبل عشـــر سـنوات !!!!!!!!!!!

      ################





      أم فهد بعصبية وهي تكلم بالتلفون : أنا جاية ألحين لا تعصب !!! .. والتفت 
      لفجر .. يلا يا فجر !!!
      فجر : يلا ماما !!!
      الهنوف ببراءة : أروح معكم !؟
      أم فهد بصراخ : أنتي اقعدي هنا !! 
      الهنوف : أخاف !!
      أم فهد : لا تخافين ما راح يجيك شيء !!

      وطلعت وسكرت الباب وتركت الهنوف وحيدة حتى الشغالة خذتها معها والهنوف من 
      الخوف قعدت في الكنب تبكي وبعد فترة سمعت أصوات برا وببراءة حسبت أنه أبوها 
      وفتحت الباب وهو تقول : بابا !!!!!
      لكن طل شخصين واحد كبير والثاني ما شافته !!! وتقدم الكبير وهو يبتسم لها 
      بخبث : هلا حبيبتي !!!! والله وطحتي في يدي !!!
      الهنوف بخوف : وش تبـ......!!!!!!
      قطعت كلامها لأنها مسكها وهو يقول : لا تصرخين عشان ما أذبحك 
      !!!!!!!!!!!!!!!!!

      ################


      صرخت : والله ما راح أصرخ بس لا تقرب مني !! وتكومت في الأرض !!!!!!!!!!!
      تركي بخوف : الهـنـوف !!! كانت تبكي ولا ترد عليه !! ولحظتها تأكد تركي أنه 
      تذكرت الماضي ولا يدري تذكرته ولالا .. !!!
      الهنوف : والله ما راح أصرخ بس لا تلمسني !!!
      تركي بهدوء : خلاص لا تخافين .. !!! ولأول مرة ينطقها ... جـاسـر مـات 
      يالهنوف ولا يمكن يرجع !!! خلاص قتلته بأيدي !!!!!!!!
      الهنوف هنا وقفت عن الدموع ولحظتها بس عرفت كل شيء .............!!!!!!!!!!!

      ################


      جاسر : لا تصرخين عشان ما أذبحك !!
      الهنوف بدموع : ما راح أصرخ !!
      جاسر : مع أنك بزرة بس يلا حلوه !! وتقدم منها ومسكها وفك ملابسها بالقوة لكن 
      لحظتها انفتح الباب وتقدم منه شخص !!!!!
      تركي بعصبية : يالحقير يـالسـافل !!!!!!!!!!
      جاسر : وش جابك !!!!!!!!!
      تركي : والله راح تموت على يدي يالمنحط !!!!!!!!!!

      قدر جاسر يبعد تركي وركض برا بخوف وتركي تقدم من الهنوف ومسكها ويحاول يهديها 
      لكن لحظتها في شخص تقدم من الباب وهنا انصدم تركي صدمة عمره !!!!!!!!!

      فهد بصدمة : تركي مستحيل !!!!!! أنت !!!!!!!!!!!
      تركي بخوف : فهد أنا ...
      فهد بصراخ : لا تتكلم ياحقير !!!! والله راح أذبحك !!

      وتقدم له فهد بغضب وقعد يضرب فيه وتركي ما يحاول يقاوم لكن بعد فترة دفه تركي 
      وقاله : افهم الموضوع أول !!
      فهد : وش أفهم ياحقير !! أفهم فعلتك !!!!!!

      لما تأكد تركي أنه مافي أمل يتفهمه فهد دفه بعيد عنه وطلع بـرا 
      !!!!!!!!!!!!!!!

      ################


      الهنوف : تذكرت كل شيء يعني هو ما .......!!!!!!
      تركي كمل : ما لمسك !!!!!!! 
      الهنوف : يعني أنت قتلت جـاسـر !!!
      تركي بإصرار : ايه قتلته ودست عليه !!!!!!! وهنا رجع تركي لعشر سنوات !!!!!!

      ################


      كان تركي يركض ولا يدري وين يروح !! بس يبغى يلقى جاسر وعرف وين بيلقاه !!! 
      كان يمشي برجوله ولا صدق أنه وصل للمكان المقصود وهناك لقى جاسر طالع من 
      المسجد والدموع في عيونه !! لكن لحظتها تركي تقدم له !!
      جاسر بخوف : تركي !!!!!!!!!
      تركي : ما تستحي أنت !!!!!!!!!!! تدخل المسجد بعد فعلتك !!!!!!!!!
      جاسر : تـ....ـركــ...ـي اسمـ...!! لكن ما كمل كلامه لأن تركي مسكه وطرحه في 
      الأرض وقعد يخنقه بقوووووة !!!!!!!!
      تركي : مــــــــــت !!!!!!! لازم تمــــــوت !!!!!
      جاسر بصعوبة : تـ...ـــترررك.......!!!!!!
      تركي : موووووووووت !!!!!!!!!!!!!

      تجمع الناس حولهم ويحاولون يبعدونه وبالصعوبة أبعدون لكن لحظتها بس ابتسم 
      تركي وقعد يضحك : مـات خلاص !! قتلته !! خلاص صار ميت !! وكانت الناس تشوف 
      بصدمة وألم وتركي يضحك لين وصلت الشرطة المكان وتم القبض عليه !!!!!!!!!

      ################


      الهنوف بدموع : ليـه !!! 
      تركي : كان لازم يمـوت !!!! 

      قعدت تبكي الهنوف وهي بس الآن رجعت لها ذاكرة اللي صار من عشر سنوات كانت 
      صدمة لها وجلس تركي في الكنب وهي تبكي وتركها براحتها لين سكتت ولحظتها تأكد 
      أنها نامت وشالها بهدوء وحطها في فراشها وراح لغرفته !!


      // × // × //× // × //


      أبوتركي : بـشـر يا دكتور !!
      الدكتور : والله وضعها حرج جداً هي عندها سكر ومهملة نفسها !! بنحاول قد ما 
      نقدر لكن الشفاء بيد رب العالمين !!!!
      أبوتركي : آميـن .. !!
      مشاعل : يبـا قولها لا تروح ترا بموت اذا راحت !!
      أبوتركي بخوف : بسم الله عليك إن شاء الله بترجع لك أمك ولا راح يصير فيها 
      شيء .. !!!

      وبعد عنها شوي واتصل في تركي وقعد ينتظر الرد .. 


      // × // × //× // × //


      سمع صوت جواله يرن ورفعه بصعوبة ورد : نعم ؟
      أبوتركي : تركي الحق على امك !!
      تركي قام بخوف : أمي وش فيها !!
      أبوتركي بألم وبصوت خفيف : أمك بتفارق الدنيا يا تركي !!!!!! حنا في مستشفى 
      .... !!!!!

      انصدم تركي أمه اللي ما شافها من يوم طلع من السجن بتروح خلاص مع زياد !!!!! 
      بجنون لبس ملابسه وطلع وركب السيارة وانطلق وهو يدعي أنه أمه ما تـمـوت 
      !!!!!!!!!

      // × // × //× // × //


      سعود : لا حول ولاقوة إلا بالله .. إن شاء الله راح تكون بخيـر .. !!
      أبوتركي : ما أظن !!!
      طلع الدكتور تقدم أبوتركي بخوف وبنته وراه تنتظر : بشـر .. !!
      الدكتور : البقية في حياتكم !! عظم الله أجركم !!!!!
      مشـاعل بصرخة : لااااااااااااااااااااااااااااااااااااااااااااااااا 
      اااااااااااا
      تقدم لها أبوتركي لأنها طاحت وبسرعة تم نقلها وهو يبكي على حال عياله !!!!!!!
      الدكتور : لازم تقعد تحت الملاحظة لين تتعدى الأزمة !!
      أبوتركي بألم : لا حول ولاقوة إلا بالله !! سمعت يا سعود عيالي ضاعوا مني !! 
      أنا دمرتهم !!!!!!
      سعود : وش هالكلام وأنا أخوك !!!!!!!!

      وتركي وصل وما صدق أنه وصل وقعد يسأل لين وصل لهم وشاف أبوه وعمه سعود وحس 
      بقلبه ينبض بقوة وبخوف وتقدم لهم وكان ما يبغى يتكلم عشان لا يسمع الخبر اللي 
      يصدمه !!!!

      أبوتركي بألم : شد حيلك وأنا أبوك !!
      تركي : أمي ماتت !!
      أبوتركي بألم : الله يرحمها !!
      تركي بإبتسامة : تخيل يبـا راحت بدون لأشوفها !! آخر مرة شفتها من عشر سنوات 
      !!!!!! وقعد يضحك وفجأة تقدم لغرفتها وحاول الأطباء يمنعونه لكنه صرخ : خلوني 
      آشوفها آخـر مرة تكفوووون !!
      وبعد جهد قدر يدخل وتقدم لها وشافهم مغطينها ودمعت عيون تركي ورفع الغطا عن 
      وجهها وهنا حس بألم يقطعه ورجع غطاها وطلع ونظر لأبوه ولعمه ومشى بدون أي 
      اهتمام !!!!!!

      // × // × //× // × //


      " بعد أسبوعين "

      تقدم أبوتركي لبنته اللي من طلعت من المستشفى وهي حابسة نفسها في غرفتها .. 
      !! كان ما يبي يخسرها يكفي أنه خسر زياد وألحين أم عياله راحت حتى إن كان 
      يكرهها ولا يبيها تظل أم عياله !! ضرب الباب بشويش لكن ما سمع رد !! فتح 
      الباب وكان الغرفة باردة مثل الثلج والهدوء يغطي المكان ولقى مشاعل جالسة على 
      الفراش وهادية .. !!

      أبوتركي بهدوء : مشـ....ـاعـ..ل !؟
      مشاعل : .......... !
      أبوتركي : مشاعل حبيبتي !!
      مشاعل : .............!
      أبوتركي قرب منها وبهدوء : مشـاعل !؟
      مشاعل بعصبية : وش تبي ما كفاك ذبحت زياد وذبحت أمي !!! تبي تذبحني يلا 
      اذبحني خلني أرتاح !!!
      أبوتركي بألم : وش هالكلام أنا أذبحك !!!
      مشاعل : ليه فارق معك !! أنت ذبحت زياد وأمي !!!!! خلاص خلني أرتاح وألحقهم 
      !!!
      حضنها أبوتركي : سامحني يابنتي !!
      مشاعل وهي تبعده : الله لا يسامحك !! واذا صدق تبيني أعتبرك أبوي وافق على 
      زواجي من مشعل !!!!!!
      أبوتركي بصدمة : زواجك من مشعل !!!!!!
      مشاعل بغضب : ايه
      أبوتركي : لكن مشعل هو اللي .....!!
      مشاعل بعصبية : لا أنت اللي ذبحت زياد مب مشعل !!!!!!! شف يبـا اذا ما وافقت 
      صدقني أنتحـر !!!!!!!
      أبوتركي بخوف : خلاص بوافق ولا تسوين بنفسك شيء .. !!

      طلع أبوتركي من الغرفة ودخل غرفته وجلس على الكرسي وهو يحس أنه خلاص خسر 
      عياله للأبد ولا راح يرجع أحد فيهم له !! " حتى أنتي يا مشاعل ما عاد تبيني " 
      !!!!!!!!!!!

      // × // × //× // × //


      تركي : هنوفـ .. !
      الهنوف بإبتسامة : آمر ..
      تركي : لوسمحتي بس كاس موية !!
      الهنوف : من عيوني !!

      ابتسم تركي من يوم تصارح معها وتحسن وضعهم صحيح وفاة أمه بعدهم لكن وقفتها 
      معه خلتهم يتقاربون من بعض أكثر !! لكن حس أنه لازم يصارحها أنه تزوج لأنه ما 
      يبي يخدعها !!!!!
      تقدم لغرفته ولقى دفتر زياد وحس بشوق ليعرف محتواه وتقدم وفتحه لأول الصفحات 
      وهي يحس بالصدمة من اللي يقراه !!!!!!!!

      ############

      قد تقرأ الكتاب وتستنكر ما سيوجد داخله ولكن حقاً لا أعلم وضع الأشخاص 
      المذكورين في هذا الوقت لذلك لكل من يقرأه هو مجرد أشياء تخصني فلا تعاقب بها 
      شخص لا ذنب له !!!!!!
      قبل عشر سنوات قتل أخي شخص دون أي ذنب وكل ما عرف أنه صديق لأخي وحكم عليه 
      بالإعدام !!! لكن بالنسبة لي حاولت زيارته حتى استطعت واكتشفت أن أخي حكم 
      بالمؤبد ولكن أبي لا يريد منا زيارته لايهم !! قابلته وشعرت بالراحة وعلمت 
      منه الخبر المفرح لكن تم اسقاط كل شيء عنه بتنازل " أبوجاسر " وفرحت جداً .. 
      !!
      قبل فترة طلب مني والدي أن أتزوج من بنت عمي " الهنوف " لكن رفضت وبشدة ولكن 
      ما لم يعلمه أبي أني وبصدق كنت أتمنى وأحلم بالهنوف وأريد الزواج بها مع كل 
      ما سمعته عنها أنها مريضة نفسياً وما إلى ذلك من الكلام الفارغ ولكني كنت 
      أعرف الحقيقة !!! نعم حقيقة الهنوف وسجن تركي !!!
      أخي الذي ضحى بعشر سنوات من عمره وقتل انسان في سبيل انقاذ طفلة !! لقد كشفت 
      الأمر على سبيل الصدفة !!! 
      أخي " تركي " شخص أفتخر به فقد ضحى بحياته ومع أن الناس يتهمونه بالقتل 
      والجريمة وهو في الحقيقة بريء منها ولكن لهدف عظيم قرر أن يتنازل عن حياته !! 

      حسنـا حينما علمت بالأمر نسيت أو حاولت أن أتناسى حبي " للهنوف " من أجل أخي 
      " تركي " لا أعلم ولكن هو شعور أنها لن تكون لي وهي تستحق شخص رائع مثل " 
      تركي " كم أتمنى أن يفكر بها لتكون له ولحظتها سأكـون سعيد لسعادة أخي ولسبب 
      مهم وهو أني أبي يريد أن أتزوجها ليحقق أهدافه وأنا لا أريد أن أكون أداة 
      بيده !!!!!!

      ############

      تركي بصدمة : معقولة !!! زياد كان يحـ...ـب " الهنوف " !!!!!!!!!!!!
      الهنوف بإبتسامة : تفضل
      تركي بعصبية : الهنوف ترا بقولك أني متزوج !!!
      الهنوف بصدمة : ايش !!!!!
      تركي : أقولك متزوج واللي متزوجها ساكنة فوق وأبيك تتعرفين عليها وبعدل بينكم 
      !!!!!!
      الهنوف بصدمة : ليـه !!!!
      تركي : أولاً كنت متزوجها قبلك وثانية ما جاء اليوم اللي تجين أنتي أو غيرك 
      يسألوني ليه !!!!!!
      الهنوف : طيب مدامك متزوجها ليه تزوجتني !!! 
      تركي : أنا أتزوج اللي أبي وبدون سبب !!!!!!!!!
      الهنوف بألم : مشكور يا تركي !! أنت واضح أنك ما تبيني وصدقني ما عندي مانع 
      تطلقني !!!
      تركي بعصبية : نعم ؟؟؟؟؟؟؟
      الهنوف : طلقني !!؟ واذا على أهلي لا تهتم بقولهم أني أنا السبب بس طلقني 
      !!!!!!
      تركي بسخرية : ما جاء اليوم اللي تمشيني فيه بنت على هواها !! أنا رجال لما 
      بأطلق بطلق بمزاجي وكيفي !!!
      الهنوف بإستفزاز : أنت أصـلا مـب رجـال .. !!
      تركي صفقها كف وهو يقول بعصبية : شوفي إن عندتي هالكلمة مرة ثانية دفنتك هنا 
      !!!!!!!! ... وبصراخ ... فاهمــــة !!

      طلع تركي وصفق باب الشقة بقوة ومن وراه الهنوف تبكي وهي مصدومة من كلام تركي 
      !!!!!!


      // × // × //× // × //


      تقدم لنفس المكان اللي سبب دماره وهلاكه لكن يحس بالضيق وما راح يرتاح إلا 
      هـنـا .. تقدم بهدوء وضرب الجرس وهو ينتظر الرد وكان يدعي في قلبه ما يسمع رد 
      عشان يرجع قبل لا يضيع وينجرف من جديد !!!!!!!!

      // × // × //× // × //


      سعود : تفضلي .. !!
      الحرمة بصياح : تـكـفـى ياسعود !! أبيك تساعدني !!!
      سعود : آمري يا أخت ..
      الحرمة : منال !
      سعود : آمري أخت منـال .. !!
      الحرمة : بنتي يا سعود تزوجت رجال ما يخاف الله وظلمها وداس على كرامتها 
      ورافض يطلقها وما لنا بعد الله غيرك !!!!!
      سعود استغربت طريقتها كلامها وبهدوء : أنا وش دخلني !!!
      الحرمة :ماعرفتني يا سعود ؟؟؟؟ ... أنا منال أم وعد يا سعود !!!!!!
      سعود بصدمة : أم وعد !!!!!!!!!!!!!

      // × // × //× // × //


      كانت تبكي وتحس بالألم وسمعت صوت الجرس وحست بخوف !! " معقولة يكون تركي !! 
      لكن هو عنده مفتاح الشقة !! يمكن نساها " تقدمت للباب بهدوء وخوف .. !!
      الهنوف بصوت ضعيف : مين !!
      لكن ما سمعت رد وظل الجرس يضرب وقررت تفتح الباب وجابت غطا للإحتياط وفتحت 
      الباب شوي لكن اندفع الباب وتقدم منه شخص وسكره وهو يبتسم لها بخبث .. !!!



      الهنوف بصدمة : أنت !!!!!!!!!!!! 
      ...... : وآخيـراً يا هنوفتي صرتي بين ايديني !!!!!!!!!!!!!!!!!!!!!!!!!!!!!!

      // × // × //× // × //

      الفصل السابع
      " وتحطمت الأحلام "



      كانت تبكي وتحس بالألم وسمعت صوت الجرس وحست بخوف !! " معقولة يكون تركي !! 
      لكن هو عنده مفتاح الشقة !! يمكن نساها " تقدمت للباب بهدوء وخوف .. !!
      الهنوف بصوت ضعيف : مين !!
      لكن ما سمعت رد وظل الجرس يضرب وقررت تفتح الباب وجابت غطا للإحتياط وفتحت 
      الباب شوي لكن اندفع الباب وتقدم منه شخص وسكره وهو يبتسم لها بخبث .. !!!

      الهنوف بصدمة : أنت !!!!!!!!!!!! 
      ...... : وآخيـراً يا هنوفتي صرتي بين ايديني ... تقدم ومسك يدها بكل وقاحة 
      ... وهنا تلقى كف صدمه !!!!!!
      ..... بعصبية : كيف تتجرأين والله راح أندمك !!!!! وتقدم لها وفي لحظتها 
      الهنوف ركضت للمطبخ وهو يلحقها ويبتسم ولما دخل المطبخ انصدم !!!
      الهنوف بخوف : والله اذا قربت لأذبحك !! ... كانت ماسكة السكين بخوف وتردد
      .... : هنوف يا قلبي أنتي تبغيني وانا أبغاك لا تخلينا أستخدم أسلوب ما يعجبك 
      !!
      الهنوف : تخسى !!! قلت لك اذا قربت بأذبحك !!!!!
      .... : هنوف ليه أنتي قاسية علي !!! أنا كنت أحبك وبظل أحبك لا تنسين أني 
      تقدمت لك لكن أنتي رفضتيني وقبلتي في تركي !!!!! سامحني لكن أنا لا يمكن 
      أتنازل عنك !!!!! وبدا يقرب منها بحذر ...
      الهنوف بخوف : أنتي ما تستحي أنا بنت عمك !!!!!! اسمعني يا عبد الله اذا قربت 
      راح أذبحك !!!!!
      عبد الله بغضب : بسيطة أنا طالع لكن صدقيني راح أرجع وأندمك على الكف .....

      وطلع من الشقة بعصبية والهنوف مشت للباب بخوف ولما تأكدت أنه طلع سكرته 
      وقفلته وقعدت تبكي بخوف ودموع وألم ........

      // × // × //× // × //


      سعود بألم : لاحول ولاقوة إلا بالله .. !!!
      أم وعد : طلبت يا سعود بنتي مالها غيرك !
      سعود : يا أم وعد أنا بسوي اللي أقدر عليه ... ممكن تكتبين لي عنوان زوجها 
..؟
      أم وعد : ما عندي مشكلة 
      قدم لها سعود ورقة ...
      أم وعد : تفضل
      سعود : خلاص بتصرف في الموضوع ولا تشيلون هم .. ..
      أم وعد : الله يوفقك ياولدي وين ما تروح ...
      سعود بهدوء : ويوفق الجميع إن شاء الله ...

      // × // × //× // × //


      كان يحس بالتعب والألم خلاص كل شيء راح لا ولد ولا حتى زوجة وحتى بنته خلاص 
      ما تبيه !!!! طول عمره ظالم لنفسه ولغيره وفي حياته ما حس بالسعادة مع أنه 
      ملك أهم أسبابها بنظره سابقاً وهو المال لكن المال ما يجيب السعادة وألحين 
      قاعد يدفع ثمن لأغلاطه ويتمنى لو يقدر يصلحها لكن خلاص شكل كل شيء راح وبخسره 
      !!!!!! تقدم لغرفة بنته مشاعل ولما فتحه لقاها مثل ما هي في الفراش تضم نفسها 
      وتبكي تقطع قلبه وحس بنفسه ولا شيء وتمنى أنه هو اللي مات على الأقل ما كان 
      راح يبكي عليه أحد وبالعكس يمكن يكون سعادة الكثيرين أنه يموت !!!!

      أبوتركي : بنتـي مشـاعل ؟
      مشاعل بعصبية : ماني بنتك .. !!!! 
      أبوتركي بألم : حرام عليك يابنتي تعذبيني وتعذبين نفسك ... خلاص هذا قدر الله 
      سبحانه وتعالى وهذا يوم أمك
      مشاعل : وليه أمي !!!! ليه أنت ما تموت ؟؟؟؟!! كان ارتحنا منك !!!!!

      أبوتركي انصدم صدمة قاسية ولحظتها حس الدنيا تظلم وبصعوبة طلع من غرفة مشاعل 
      وقعد يمشي لين وصل لغرفته وهو يتنفس بصعوبة .. معقولة بنتي مشاعل تتمنى موتي 
      !!!!!!! خلاص كل شيء انتهى ... وقعد يبكي أبوتركي ألم وقهر على عياله اللي 
      دمرهم بظلمه !!!!

      // × // × //× // × //


      سمعت صوت الباب يفتح وهي تبكي وتتألم وسمعت صوت تركي يصرخ : هنــوف 
      !!!!!!!!!! ... خافت وبدت تضم نفسها ولكن صوت تركي زاد وبخوف تقدمت له وهي 
      تبكي ما تدري تقوله ولا تسكت .. !!!!

      تركي بعصبية : لما أناديك تردين فاهمة !!!!
      الهنوف بخوف : تركي أنـا ... وهنا بصدمة جاها كف من تركي !!!!
      تركي بعصبية : أنتي ايش ؟؟؟؟!!!!! وبصراخ ... تحبين زياد !!!!! يعني كنتي 
      متفقة معه !!! ليه ياهنوف تخونيني !!! ما تعرفين اللي يخون تركي وش يصير له 
      !!!! ... اللي يخون تركي لازم يمـوت .... !!!!!!
      الهنوف بدموع : أنت وش تقول ؟
      تقدم لها تركي وبجنون ضربها وهو يصرخ : ليــــــه تخونيني !!!!!!! والله راح 
      أذبحك وأخليك تلحقين في زياد !!!!!! أنا يا الهنوف تخدعيني والله راح تندمين 
      !!! تبيني أطلقكي عشان تتزوجين زياد لا خلاص زياد ماااات وأنتي ما راح تكون 
      لغيري !!! بذبحك عشان لا تاخذين غيري بعد ما أموت !!!!!!!!كانت تبكي وهي يضرب 
      فيها ودخلت غرفتها وقفلت على نفسها وتركي يضرب الباب بقوة وعصبية ... !!

      تركي : ردي علي !! لا تخليني أكسـر الباب !!!!!! 
      الهنوف : ................
      تركي بألم : هنوف خلاص افتحي الباب صدقني اذا ما راح تفتحين الباب راح أحرق 
      البيت وأرتاح !!!!!!
      الهنوف : ..............

      هنا سكت تركي واظلمت الدنيا في عيونه واستسلم وطاح ................


      // × // × //× // × //


      عبد الرحمن بضيق : ياخي أحس أننا متفرقين أكثر عن أول !!!
      فهد بهدوء : صدقت مع أن عمي سلطان بدا يحاول يصلح اللي سواه لكن بالعكس 
      الأمور زادت !!! 
      عبد الرحمن : عمي سلطان الله يكون بعونه فقد ولده وزوجته وهذا غير تركي اللي 
      مسافر وتاركه !!!!!
      فهد : تصدق يبغا لنا عزيمة أو شيء يجمعنا من جديد ... 
      عبد الرحمن بإبتسامة : قريب ...
      فهد : لا شكل في عندك كلام
      عبد الرحمن : إن شاء الله بس ننتظر موافقتها !
      فهد بصراخ : بتتزوج !!!!!!!
      عبد الرحمن : يعجبني فيك أنك تفهمني !
      فهد : والله وبتصير راعي مسئولية يا عبد الرحمن بس علمني من تعيسة الحظ اللي 
      بتتزوجها ...!!!
      عبد الرحمن بهدوء : عبيـر بنت عمي حمد ..
      فهد : مبروك والله تستاهل ...
      عبد الرحمن : خلها توافق وبعدين بارك على كيفك
      فهد : متأكد أنها بتوافق وفي أحد يلقى مثلك ويرفض ؟؟
      عبد الرحمن : أكيد ما راح تلقى مثلي !!
      فهد بسخرية : ياشين الغرور !!

      // × // × //× // × //

      أبوعبد الله بهدوء : عبيـر ..
      أم عبد الله : مب ألحين يا حمد !!!
      أبوعبد الله : لازم تعرف ألحين ماراح أجل الموضوع أكثر
      عبير بإستغراب : وش فيه يـبـا .. وش فيه ؟
      أبوعبد الله : وأنا أبوك ... عبد الرحمن ولد عمتك تقدم لكي وش رايك .. !!
      عبير : " مصدوووووووووووووووومة "
      أبوعبد الله : ..... ؟
      أم عبد الله : بنتي الأمر راجع لك ومحد راح يغصبك ؟؟
      أبوعبد الله : وأنا أبوك أنا أشوف عبد الرحمن رجال والنعم وبصراحة ما قدر 
      أرفض عشان كذا أنا بس حبيت أبلغك لأني عطيته الموافقة ولا أظن ترضيني أروح 
      أقولهم لا توني أخذ راي بنتي وطلعت رافضة !!!!!!
      أم عبد الله : لكن يا حمد الموضوع مب سهل هذا زواااج ؟
      أبوعبد الله : أنتي مالك دخل ومثل ما قلت بنتفق على موعد الملكة والزواج ... 
      خلاص وأنا أبوك

      وبدون ما ينتظر ردها طلع فوق وعبير ظلت تطالع مكان أبوها الفاضي بصدمة وألم 
      وخوف ........!!!!!!!!

      // × // × //× // × //





      تقدم للعنوان المكتوب كان المكان حالته حالة وضرب الجرس ينتظر الرد وبعد 
      دقايق فتح واحد الباب وقعد يناظره من فوق لتحت بنظرة تعالي واستحقار ولكن 
      سعود ما أهتم وبهدوء تقدم له ...

      سعود : السلام عليكم !
      سالم : خير وش تبي ؟؟
      سعود : أقدر أفهم أنك تقولي تفضل أدخل ؟
      سالم بقهر : ادخل .. !!

      وبعد ما جلس سعود وسالم ...

      سالم : خير وش بغيت !! لأني ما قد شفتك ولا أعرفك ؟؟؟ ولا أظنك من الناس اللي 
      يطالبوني بديون !!!!!
      سعود بإبتسامة : بالعكس أنت غلطان أنا أطالبك بدين لكن بسيط
      سالم بعصبية : شف يا ........؟
      سعود : سعود !
      سالم : اسمعني يا سعود ...!! أنا ما قد شفتك واذا كنت في يوم أخذت منك شيء 
      وأنا ناسي فسامحني ما عندي لك ريال واذا مب عاجبك المحاكم فاتحة أبوابها رح 
      وقدم شكوى !!!!
      سعود بإبتسامة : واضح أنك واثق من نفسك !!!
      سالم : الأمر مب ثقة ولاشيء لكن أنا ألحين ما عندي شيء تبي تنتظر حياك الله 
      بس لا تقعد كل يوم تجيني يمكن ما أدفعلك إلا بعد خمسين سنة مالك دخل أنتظر 
      وبس ..
      سعود : ديني موجود عندك وكلمة وحدة بس بتنهي كل ديونك اللي عندي !!
      سالم بإستغراب : وش قاعد تخربط !!!
      سعود بهدوء : طلق وعد !!!!!
      سالم بصدمة : نعم ؟؟؟؟؟؟؟؟!!!!!!!!!!! 
      سعود : أفضل أنك تطلقها بالهدوء !!
      سالم : وأنت مين أصلاً !!! لا يكون من أقاربها !؟
      سعود : أنا زوجها السابق ... !!
      سالم بصدمة : أنت زوجها !؟؟؟!!!!!! .. وبعد فترة صمت .. أنت قلتها السابقة 
      يعني مالك دخل فيها
      سعود : اسمعني يا سالم .. راح تطلقها سواء برضاك أو غصباً عليك !! 
      سالم : هذا أعتبره تهديد !!
      سعود : أعتبره تهديد !!! في النهاية راح تطلقها فهمت لك مهلة أسبوع صدقني ما 
      راح يكون لك خير !!!
      سالم : أنا قلتها لوعد وبعيدها لك تبي طلاقها تدفع لي مئة ألف هذي جزء من 
      مصاريفي عليها !! وغير كذا لا يمكن أطلقها واذا مب عاجبك روح المحاكم واللي 
      تبي وصدقني في النهاية راح يصير اللي أبيه أنـا .......
      سعود : أنا راح أعطيك أسبوع وبعدها بجيك ويكون بينا كلاااااام ...

      // × // × //× // × //


      فتح عيونه بصعوبة وقعد يناظر واستغرب " أنا وين ... " وفي لحظة عرف أنه في 
      شقته و... " جيت سكران معناها الهنوف وش صار لها ؟؟؟؟ " وقام بصعوبة وقعد 
      ينادي : هـ...ـنـوف ؟!
      وتقدم لغرفتها وحاول يفتح الباب لكن كان مقفل !!!!

      تركي بخوف : هنــــوووووف ؟!؟؟
      تركي : هنوووووف بالله ردي علي !!!! الهنـوف !!!!!!!!!!!!!!!!!!

      وبعصبية تقدم وقعد يضرب الباب بقوة وفي المرة الرابعة انكسر وتقدم للغرفة 
      وانصدم ..... !!!!!!!!!!!!

      // × // × //× // × //


      أم عبد الرحمن : مبروك ياولـدي ... توه عمك حمد متصل ومبشرني أن عبير وافقت
      عبد الرحمن : الحمد الله ... !!
      أم عبد الرحمن : عاد باقي نتفق على موعدة الملكة والزواج ... وطبعا ما أنسى 
      روح لهم اليوم عشان النظرة الشرعية مهما كـان لازم تشوفها !!!
      عبد الرحمن بخجل : لازم يعني !
      أم عبد الرحمن : وش هالكلام ياوليدي أكيد لازم !!!!
      عبد الرحمن : الله يعين أجل !!!
      أم عبد الرحمن : الله يوفقك أنت ومشعل !!
      عبد الرحمن : إلا يـمـا وين مشعل لا عاد أشوفه !!!؟
      أم عبد الرحمن : صار يطلع ويرجع وينام وبس هذي حياته حتى الأكل يالله ياكل 
      بعد ما أقعد فوق راسه ساعة عشان يقتنع !!!!!
      عبد الرحمن بألم : مفروض ينسى خلاص الموضوع وانحل وكل شيء انتهى .....!!!
      أم عبد الرحمن : حاولت فيه لكن الله يهديه رافض ويقول لا يمكن يسامح نفسه
      عبد الرحمن بضيق : لازم أكلمه ...؟ 
      أم عبد الرحمن : خلاص ياوليدي رح له يمكن يسمع منك !!!!!

      طلع عبد الرحمن لغرفة أخوه بتردد واضح ولكن عزم وضرب الباب مرة ومرتين وثلاث 
      ولا سمع رد فقرر يفتحه وبهدوء مسك الباب وفتحه وتقدم للغرفة بتردد وخوف ولقى 
      مشعل جالس على السرير بهدوء .. !!

      عبد الرحمن : مـشـعـ...ـل !
      مشعل : .......
      عبد الرحمن : مشعل ياخوي !؟
      مشعل بضعف : نعم ؟
      عبد الرحمن : وش فيك يامشعل !!! حالتك حالة وكأنك تنتظر الموت !!!
      مشعل : هذي الحقيقة أنا أنتظر الموت !!! 
      عبد الرحمن : وش هالكلام يا مشعل !!!!!
      مشعل بعصبية : وش تبيني أقول !!!!! أقولك عندي أمل في الحياة خلاص أنا قاتل 
      ومجرم وهذا مسجل وياليتهم اعدموني كان ارتحت من الدنيا !!! بالله من أروح 
      أقابل !!!! عبد الله اللي كان سبب في كل شيء !!!
      عبد الرحمن بتردد : عبد الله سبب كل شيء !!!!
      مشعل : ايه الحقير هو سبب كل شيء هو اللي قالي اذبح عمك وولده وخلاني أسكر 
      وأنسى وأضيع لكن والله راح يندم وأنا راح أدفعه ثمنها غالي !!!
      عبد الرحمن : وش هالكلام يا مشعل !!!!!
      مشعل : وش تبيني أقول !!! قتلت زياد اللي ماله ذنب ياليتها جت بغيره كان يمكن 
      تهون لكن زياد انسان لا ظلمني ولا سوا لي شيء بالعكس طلبهم يعفون عني !!!!!! 
      والله ما أستاهل ... وقعد يصيح !!!!
      عبد الرحمن : استغفر الله العلي العظيم !!! وأنا أخوك قم صل لك ركعتين 
      وبترتاح صدقني
      مشعل : عبد الرحمن تكفى خلني ولا عليك فيني خلاص أنا حياتي انتهت من يوم مات 
      زياد ... وقعد يصيح وعبد الرحمن يحاول فيه !!!!!!

      // × // × //× // × //


      تركي بصدمة : الهنوف .. !

      كان منظرها يهز اللي قلبه حجر كان متكومة على نفسها وتبكي وآثار ضرب تركي لها 
      باينة ولما فتح تركي الباب تكومت أكثر على نفسها حس بألم لحظتها تركي وتمنى 
      أنه يصحح كل أغلاطه معها .. !!

      تركي تقدم لها بتردد وخوف : هـنـوف ..أنا .....
      الهنوف تقاطعه وهي تبكي : أنت ايش !!! آسف !!!!! تروح وما ترجع إلى آخر الليل 
      وتضربني بسبب السم اللي تشربه وتقول آسف !!!!
      تركي بندم : والله أنا آسف يالهنوف سامحيني ما كنت أقصد !!!!
      الهنوف : تركي خلاص لا تتكلم !!!! كنت قبل لا تجي بلحظات ممكن أموت وثم تجي 
      أنت تكمل علي وتضربني !!!
      تركي بصدمة : بغيتي تموتين !!!!!
      الهنوف بدموع وألم : مالك دخل واطلع برا !!!! 
      تركي قرب منها وضمها بخوف : سامحني والله ما قصدت !!
      الهنوف وهي تحاول تبعده : تركي أمـانة اذا لي معزة في قلبك طلقني !!!!!
      تركي بعصبية : مستـحيـل !!!!
      الهنوف : وش تبي فيني مدامك ما تبيني !!! بس عشان تروح تشرب سمك وتجي تسبني 
      وتضربني !!! 
      تركي بعصبية : أنتي ما تفهمين قلت لك ما راح أعيدها خلاص وطلاق ماراح أطلق 
      والله لو يذبحوني !!!!!
      الهنوف بصراخ ودموع : ليه يا تركي ... حرااام عليك يا تركي ليه تبي تعذبني 
      وتضربني وتذلني !!! وش سويت لك في حياتك !!! 
      تركي : هنوف طلاق ما راح أطلق !!!!!
      الهنوف بدموع : ليه .. !! أنتي ما تبيني بس عشان تضربني !!!!!
      تركي بعصبية : اسمعيني ياهنوف أنتي ارتاحي وبعدين بكون بينا كلام .. !!
      وطلع تركي لكن سمعها وهي تدعي وتقول : الله لا يسامحك يا تركي .. الله ينتقم 
      منك !!
      لكن لما نزل تركي همست الهنوف بقلبها : استغفر الله .. الله يسامحك ويهديك .. 
      ويااارب أنك تساعدني !!! ياااارب !!!!

      وصل تركي تحت وهو معصب وكان يمشي في الشارع يبغى يروح لسيارته لكن في لحظة 
      شاف سيارة جاية له وبسرعة وحاول يتحرك لكن حس بالعجز وكأنه استسلم وعرف 
      لحظتها أنها نهايته !!!!!!!!!!!!!!!

      // × // × //× // × //



      أبوتركي بألم : خلاص يعني ما راح تتراجعون !!!
      أبوعبد الله : لا ما راح نتراجع اذا تبي نظل أخوان !!! لا تخلينا ياخوي 
      نوصلها لمحاكم !!!
      أبوفهد : قالها حمد خل الموضوع ينتهي بينا وحنا نشتري حصتك في الشركة ونظل 
      أخوان برا الشغل !!!
      أبوتركي : الله يعين أجل ... 

      // × // × //× // × //


      كان مغمض عيونه ومستسلم يمكن بموته يرتاح الناس وهو يرتاح لكن فجأة سمع أصوات 
      وشاف السيارة انحرفت وكان يسب فيه ويصرخ " أنت واقف في نص الشارع ما تستحي 
      !!!! والله كنت بأدوسك تحت سيارتي لكن احمد ربك أني انتبهت " ومشى وهو مازال 
      يسب فيه وتقدم تركي لسيارته وهو يحمد الله وما يدري كيف قدر ينجو !!!!!!


      // × // × //× // × //


      تقدم بكل هدوء وألم خاصة بعد ما تمت البيعة واستلم الفلوس وكل شيء انتهى 
      وصارت الشركة لراشد وحمد .. !!! يتمنى هذا الأمر يقربه من ناحية الأخوة حتى 
      لوبعدهم من ناحية الشغل لكن المهم عنده أخوانه .. !!! وبهدوء تقدم لبيت أخته 
      " هند " اشتاق لها كثير صحيح أنه قريبة لكن يحس من زمان ما شكى لها وتكلم 
      معها الفلوس فرقتهم وسودت قلوبهم ... !!!

      عبد الرحمن بإبتسامة : هلا عمي سلطان تفضل ... 
      أبوتركي : هلا والله فيك ياولدي .. 
      هند بفرح : هلا بأخوي الغالي .. !
      أبوتركي وهو يحب راسها : هلا فيك يالغالية والله اشتقت لك
      هند بضحكة : اشتاقت لك العافية والله حتى أنا ياخوي ...
      أبوتركي : ياحلوها الكلمة " أخوي " اشتقت لهذي الكلمة ياما سمعتها من أخواني 
      لكن بدون أي عواطف بجفاف وسواد وظلم وقهر .. !!!

      جاء بمشي عبد الرحمن عشان يتركهم على راحتهم لكن وقفه صوت عمه وهو يناديه ..: 
      سم ياعمي ؟
      أبوتركي : ياولدي .. اذا مازال أخوك مشعل يبي مشاعل ترى يشرفنا !!!
      عبد الرحمن بتردد : بس زيـ.... !
      أبوتركي يقاطعه : زياد ياولدي كان هذا قدره والله يرحمه ويومها مشعل كان 
      سكران وكان يقصدني وبالعكس وفاة ولدي زياد صحتني مع أنها ضربة أوجعتني كثير 
      لكن صحتني وخلتني أرجع للطريق قبل لا يضيع كل شيء ... " في نفسه : وإن كان كل 
      شيء ضاع لكن الحمد لله على كل شيء " ..
      هند : خلاص أجل ما عندنا أي مشكلة بس المهم مشاعل ورايها !!
      أبوتركي : لا تخافين مشاعل نست الموضوع ولا راح ترفض إن شاء الله .. !!


      // × // × //× // × //


      مشاعل بإبتسامة : الحمد لله ... آخيـراً ياخوي ( وهي تناظر صورة زياد ) بأخذ 
      حقك من مشعل وبأقتله !!! ... وبدموع ... وبعدها ألحقك لأني ما عاد أبيهم كلهم 
      زي أبوي ظالمين ما تهمهم إلى الفلوس حتى الهنوف تخلت عني وراحت مع تركي 
      باعتني عشانه لكن ما يهمني أنا بجيكم بس أخذ حقك من مشعل ولا تنسى ياخوي تبلغ 
      أمي سلامي وتنتظرني لأني قريب بجيكم !!!!


      // × // × //× // × //


      مشعل بتردد : وقبلت ؟
      عبد الرحمن : ايه مشاعل قبلت وقالت بالعكس هي تعرف أنه مالك ذنب ومسامحتك !!! 
      بس ...
      مشعل بخوف : بس ايش ؟
      عبد الرحمن : تبي زواج بدون ملكة ولا شيء تعرف أخوها وأمها توهم متوفين .. !!
      مشعل بإبتسامة : ما عندي مشكلة .. الحمد لله لك ياارب .. !!
      عبد الرحمن : يلا بتسبقني .. وبتتزوج !!!
      مشعل بإبتسامة : بس ما قدر أشوفها !!!!
      عبد الرحمن : يا رجال وش تشوفها كلها شهـر وتتزوج !!!!
      مشعل : صدقت !!!
      عبد الرحمن : المهم تآمر شيء لأن بروح بيت عمي حمد عشان تعرف بنشوف المرة !!!
      مشعل : ياحليلك ياخوي بتشوف حرمتك أجل ... وبإبتسامة صادقة ... الله يوفقك يا 
      عبد الرحمن .. !!!
      عبد الرحمن : ويوفق الجميع إن شاء الله .. !!


      // × // × //× // × //


      كان ينتظر بخوف وترقب هو ما أقدم على الخطوة إلا بعد ما صلى واستخار وارتاح 
      إن شاء الله ويكفي أن أمه تمدح في عبير وهذا شيء خلاه يتقدم لها وبعد لحظات 
      سمع صوت عمه .. !!

      أبوعبد الله : بخليكم شوي وراجع .. !!

      كانت عبير مترددة وبخوف تقدمت وشايلة الشاهي وخايفة وتدعي ربها أنه مايطيح 
      ولما وصلته للطاولة جلست ولا رفعت راسها لكن كلام عبد الرحمن أحرجها بقوة .. 
      !!

      عبد الرحمن بإبتسامة : ارفعي راسك عشان أشوفك !!!

      رفعت راسها بتردد واضح وبعدها بلحظة نزلت ابتسم عبد الرحمن من قلب وارتاح 
      وبعد دقايق جاء عمه وقالها تروح وقدمه الشاهي لكن وقتها عبد الرحمن سرح بعيد 
      عن عمه !!

      // × // × //× // × //


      كانت تضرب الجرس بضيق واضح ولما فتحت لها " الهنوف " الباب دخلت بدون لا 
      تنتظر ردها وتقدمت للصالة وجلست والهنوف تطالع فيها بصدمة واستغراب .. !!

      سارة : أنا سارة زوجة تركي !!!!
      الهنوف : أنتي زوجة تركي !
      سارة : أكيد قالك أنه متزوج المهم أنا لا علي ما طبيت شقتك لكن وش أسوي تركي 
      لزم علي .. وبدلع .. ولما حبيبي تركي يلزم علي شيء ما قدر أرفضه وتعرفيني ما 
      أبغى يتعذب برفضي وبس عشانه تنازلت وجيت عندك !!!!!
      الهنوف بسخرية : فيك الخير أنك تنازلتي !!
      سارة : اسمعني يا الهنوف أنا بقولك كلمة وبس ... تركي لي أنا وبس !!! أنا 
      انسانة مالي أحد في الدنيا ولا يمكن أرضى أنه تركي يظل زوجك فأتمنى بنفسك 
      تطلبين الطلاق لأن عندك أهل لكن أنا ما عندي أحد بس أخوي اللي ما صدق أنه 
      ارتاح مني وقالي اذا بتطلقين لا ترجعين لي مهما صار !!! وبصراحة يالهنوف اذا 
      بتظلين مع تركي أنا راح أطلب الطلاق ووقتها بتنهدم حياتي كلها واذا قلبك يرضى 
      هالشيء فالأمر راجعلك .. !!!!

      وطلعت سارة بعد ما ألقت قنابل ليدور داخل الهنوف عواصف كبيرة ما تعرف وش 
      بتكون نهايتها !!!!!!!!!!!!!!!

      // × // × //× // × //


      سعود : يعني ما راح تتطلق .. !!
      سالم بعصبية : ما راح أطلق لين تدفع اللي طلبته غير كذا ما عندي كلام !!!!!!
      سعود : تذكر بس أنك جنيت على نفسك وراح تطلق غصباً عليكـ .. !
      سالم : نشوف يازوجها السابق والمحاكم مفتوحة وقدم الشكوى والطلاق ما راح أطلق 
      وبخليها معلقة !!! 
      سعود : يارجال خاف ربك ... !!! 
      سالم : أقول لا تكثر كلام الضيافة انتهت وأنا بطلع
      سعود بضيق : استغفر الله ... الله يهديك !

      // × // × //× // × //


      تقدم بهدوء للشقة وكانت هادية وابتسم وحس بالندم على اللي صار بينه وبين " 
      الهنوف " كان جايب عشاء له ولها وبنفس الوقت يراضيها تقدم وقعد يناديه وما 
      سمع ردها وتوقع أنها في غرفتها كالعادة ... !!

      تركي بهدوء : هنـ .. !! سكت وانصدم من منظرها وتقدم لها وهو يهمس ... هنوف 
      سامحيني والله ما قصدت !!
      الهنوف بدموع : تركي طلبتك ولا تردني
      تركي بعفوية : آمريني حبيبتي !!!
      الهنوف : طلقني
      تركي بعصبية : ما راح أطلقك انسى هذا الموضوع ولا تفكرين فيه !!!!
      الهنوف : تركي مب عشاني لكن عشان سارة هي تبيك وأنت تبيها وهي مسكينة ما 
      عندها أحد .. !!! وأنا وأنت لا يمكن نعيش مع بعض عادي رجعني لأهلي وبقولهم 
      أنا السبب في الطلاق !!!
      تركي بصراخ : هنوف طلاق انسى ما راح أطلق !!! وسارة حسابها عندي .. !!!

      ومشى يطلع والهنوف حاولت تمسكه لكن دفها وطلع فوق لسارة وهو معصب وثاير على 
      الآخر !!!!!

      // × // × //× // × //


      حصة بتوتر : يا راشد !!
      أبوفهد وهو يناظر الأخبار في التلفزيون : هلا !
      حصة : أبيك بسالفة بس أخاف تعصب !!
      أبوفهد : لا تخافين ما راح أعصب .. !! وبإبتسامة .. أنتي حصة الغالية
      حصة بدت تبكي : اذا غالية وقف أخوك عند حده
      أبوفهد بإستغراب : تقصدين سلطان !!!
      حصة : ايه لما كنا في الإستراحة .. حاول سلطان أنه .. وسكتت !!
      أبوفهد وهو يناظر لها : حاول ايش !!!! 
      حصة بصوت خفيف : حاول يعتدي علي 
      أبوفهد بصراخ : ايش !!!!!!!!!!!!!
      حصة : بس أنا منعته ووقفته عند حده !!
      أبوفهد وهو يمسك ايدها بقوة : حصة أنتي من جدك تتكلمين !! حصة الموضوع فيه 
      مصيبة بتصير !!!!
      حصة بخوف : ايه أنا صادقة !!
      أبوفهد بصراخ : حصة ترى والله لو طلعتي تكذبين أطلقك !!!!
      حصة بتردد : أنا .. 
      أبوفهد بعصبية : أنتي ايش !!!! تعرفين وش تقولين هذا أخوي سلطان ولد أمي 
      وأبوي كيف يفكر كذا والله راح أندمه

      وطلع معصب وحصة ندمت أنها تكلمت وبدت خايفة في مكانها !!!!!

      // × // × //× // × //


      تركي : سارة ردي علي وش الكلام الفاضي اللي قلتيه للهنوف !!!
      سارة : ما قلت إلا الصدق أنت لي وما راح تكون لغيري !!! ولا راح أسمح للهنوف 
      تكون لك !!!!
      تركي : اسمعيني يا سارة أنا منب لك ولا لغيرك فاهمة واذا تعديتي حدودك ثاني 
      مرة صدقيني وقتها ما راح يفكك مني شيء !!
      سارة بخوف : تركي سامحني بس أنا أحبك افهمني مالي غيرك في هذي الدنيا

      لكن تركي طلعت بدون أي اهتمام .... !!

      // × // × //× // × //


      كان يمشي بصعوبة والتنفس ينخفض والدنيا يحس تظلم لحظة بلحظة وتقدم لبيت أخوه 
      والدموع تسبقه لأول مرة من سنوات ما نزلت دموعها لكن المصيبة اللي سمعها من 
      زوجته كبيرة لا يمكن يصدقها معقولة أخوه يحاول ........!!! ماقدر يكمل تفكير 
      لأن شيء مستحيل لا يمكن يصدقه لكن سلطان ظالم وممكن يسوي كل شيء لكن بسيطة ما 
      راح يعيش .. !!!

      أبوفهد بصراخ : سلطااااااااااااااان

      أبوتركي لما سمع الصوت استغرب ونزل بالدرج وشاف أخوه فهد وهو تعبان من ملامحه 
      ويطالعه بنظرة عتب وحقد وكره واستغرب وتقدم وهو خايف وش بقول أخوه معقولة 
      تركي سوا مصيبة !!!!!!

      سلطان : خيـر ياخوي وش فيك .. اجلس واضح أنك تعبان !!!
      أبوفهد بدموع : سلطان ريحني وقلي أنك ما سويتها !!
      سلطان بصدمة : وش فيك ياخوي !!!!! 
      أبوفهد : ليه تغدر فيني يا سلطان !!! تحاول تعتدي على زوجتي أم عيالي !!! ما 
      تخاف ربك يا سلطان !!! يمكن تظلم وتسرق وتنهب مثل ما سرقت حلال الناس وخدعتهم 
      وظلمت الكل لكن تحاول تعتدي !!! وعلى زوجتي !!! ليه ما تدري أنها زوجة أخوك 
      !!!!! الله لا يسامحك ياخوي لا دنيا ولا آخرة ... !! وهنا طاح أبوفهد مصدوم 
      ومتحطم !!!!!!!!
      سلطان بصدمة : رااااااااااااااااااااااااااااااشد !!!!!!!

      وفي مكان قريب كان مشاعل تسمع وانصدمت وهي تحس بالإحتقار والكره لأبوها !!! 
      من الكلام اللي سمعته "وفي نفسها همست : حسافة أنك أبوي .. " 


      // × // × //× // × //


      كان يبتسم بخبث وهو يهمس : تفضل
      تركي : عبد الله بالله تراني تعباااان وأبي أرتاااااح
      عبد الله : لا تزعل نفسك ... عندي لك شراب بريحك .. !!!
      تركي : مشكـور 
      عبد الله : العفو ... " بنفسه : أنت اشرب وارتاح وأنا أنفذ اللي براسي " !!


      // × // × //× // × //


      سعود بصدمة وهو ماسك التلفون : وش تقول !!!!!!!!!!
      أبوتركي : توه طايح ... الله يستر !!!
      سعود : أنا جايكم ألحين يلا ..!!

      سحب أغراضه وكل شيء وقفل مكتبه لكن قبل لا يطلع انصدم باللي يتقدم منه !!!

      سعود بهمس : وعـد !!!!!!!!!

      // × // × //× // × //


      كان يتقدم وهو متأكد أنه مافي أحد ويسخر من غباء " تركي " وآخيـراً بحقق 
      الأمنية ومسك المفتاح وهو يضحك وتقدم للعمارة واقترب من الشقة وفتحها وهو يحس 
      بالسعادة وبهدوء تقدم وعرف أنها بغرفتها لأن الوقت متآخـر .. !! وفتح الغرف 
      لين وصل لغرفتها وبهدوء فتحها وتقدم لها ... !!

      عبد الله بهمس : هنـ...ـوف ! ... رفع صوته شيء ... هنـ...ـوف !

      الهنوف كانت تعبانه ونايمة فتحت عيونها بشويش وهي تهمس : تـ..ـركي !!
      عبد الله بحالمية : لا ياقلبي عبد الله حبيبك !!
      الهنوف استوعبت من واقف قدامه وبخوف قامت ودفته وطلعت برا الغرفة وعبد الله 
      يضحك بسخرية وهو يقول : اليوم ما راح تروحين مني خلاص تركي مثل الغبي تركته 
      يسكر !! يعني أنتي اليوم لي وبس !!!!!!!

      تقدم لها وهي كانت بالصالة وماسكة سكين وتهدده وبهدوء تقدم لها وسحب السكين 
      ورماه في الأرض وهو يقول : هنـوف خلاص لاتحاولين وخلينا نستانس أنا أحبك 
      وأنتي تحبيني لا تكذبين على نفسك أنتي تحبيني مثل ما أحبك واليوم مافي لا 
      تركي ولا غيره .. وتقدم لها وعلى وجهه ابتسامة خبيثة !!!!!!!


      // × // × //× // × //


      كان سكران على الآخر وقعد يطلع الدرج بصعوبة ولكن قدر يستوعب نفسه ولكن حمد 
      ربه أنه بالصدفة انكسر الكأس ولا يمكن سكر زيادة والغريب مفتاحه ضايع !!! ولا 
      يدري وين راح عبد الله ما اهتم كثير وقعد يطلع الدرج بثقل وصعوبة !!!
      لما وصل لشقته لقى الباب مردود بغى يتقدم لكن وقف وانصدم وهو يسمع صوت انسان 
      يميزه زين !!! كان " عبد الله " وانصدم من اللي كان يقوله عبد الله لأحد معاه 
      واستنتج أنها أكيد الهنوف !!!!

      " هنـوف خلاص لاتحاولين وخلينا نستانس أنا أحبك وأنتي تحبيني لا تكذبين على 
      نفسك أنتي تحبيني مثل ما أحبك واليوم مافي لا تركي ولا غيره " 

      حس بالقهر والحقد ولحظتها بس دف الباب وتقدم لعبد الله بجنون ومسكه وهو يضرب 
      فيه بحقد الدنيا كله كان يبغى يذبحه لكن عبد الله قدر يفلت وطلع وهو يتوعد " 
      والله راح أردها لك يالسكير الخايس " 

      ولما طلع جاء هو بلحقه لكن سمع الهنوف تناديه بخوف ودموع : تركـ...ـي أنا 
      مالي دخل !!! هو مادري وشلون دخل للشقة !!
      تركي بعصبية وتعب : اسكتي لا تتكلمين
      هنوف بصياح : تركي هذي ثاني مرة يجيني بس المرة اللي راحت وقفت عند حده 
      واليوم مادري كيف دخل !!
      تركي بصراخ : خلاص يكفي ... وبألم .. هنوف أنتي طالق .. !!!!!!!!

      وطلع وهو يحس كل شيء ينتهي والدنيا من حوله تدور لين هوى على الدرج وهو يسمع 
      صرخات الهنوف تناديه !!!!!!!!!!!!!!!!!!!!!!!!!!!!

      // × // × //× // × //





      الفصل الثامن

      " غموض "



      فتح عيونه بصعوبة وهو يشوف الأجهزة حوله وحس بصعوبة فرجع غمض عيونه ويحاول 
      يتذكر اللي صار .. !
      كان نازل من الدرج وطاح وسمع الهنوف تبكي وتصرخ وتناديه ثم انقطع الرؤية ولا 
      عاد يدري وش صار بس ليه كان طالع .. ! حاول يتذكر لكن حس بعجز في تذكر سبب 
      اللي صار هو دخل ولقى الهنوف مع !!!! حس بضيق وقرر أنه يستسلم للنوم !!!!

      // × // × //× // × //


      تقدم للمستشفى وهو مصدوم من الكلام اللي سمعه وخاصة أن اليوم تلقى صدمة وعد 
      لما جت له المكتب والكلام اللي صار بينهم وصدمة طيحة أخوه الغالي " راشد " 
      وألحين صدمة ثالثة وهي أن ولد أخوه " تركي " بالمستشفى ولا يعرف السبب بس 
      الهنوف اتصلت وهي تبكي وتبلغه أن تركي في المستشفى والمشكلة كيف يبلغ أخوه 
      الخبر وخاصة أخوه في أصعب حالاته بعد وفاة " زياد " !!

      سعود بلهفة : هـنـوف
      الهنوف بدموع : عمي الحق علي تركي بروح مني
      حضنها سعود وهو يحاول يهديها وحس بالألم لحالها خاصة أن الهنوف تعذبت من زوجة 
      أبوها وبدل ما ترتاح في الزواج ألحين هذي هي تعبانه ويمكن تفقد تركي .. !!
      سعود : خلاص يابنت أخوي لا تخافين إن شاء الله بكون بخيـر .. !!
      الهنوف : ياعمي مالي أحد في الدنيا غيره واذا راح بأروح وراه
      سعود : وش هالكلام يابنت !! لا إن شاء الله بقوم بالسلامة !!!

      وابتعد عنها شوي ورفع تلفونه واتصل على أخوه وهو يدعو في قلبه أنه ما يرد 
      لأنه خايف يبلغه لكن رد عليه سلطان .. !!

      أبوتركي بقلق : وينك يا سعود !! وصلت ؟؟
      سعود بهدوء : لا أخوي ولا أظن بجي اليوم !!
      أبوتركي : ليه خير ؟؟ وش صار !!!
      سعود : أنت رجال مؤمن وتعرف أن الإنسان اذا أحبه الله ابتلاه !!
      أبوتركي بخوف : تركي فيه شيء !
      سعود : تركي في المستشفى !!
      أبوتركي بألم : تركي ولدي في المستشفى .؟؟؟ أي مستشفى !!!!
      سعود : في الشرقية مستشفى ....... !!!
      أبوتركي : خلاص أنا أتطمن على أخوي " راشد " وأجيكم .. !!
      سعود : أنتبه لنفسكـ .. ياخـوي !!



      // × // × //× // × //


      فهد : خيـر يا عمي !؟
      أبوتركي : ولدي تركي في المستشفى
      فهد بألم : سـلامـات !!
      أبوتركي : إن شاء الله مافيه إلا الخيـر .. أنا بشوف الدكتور وأطمن على أبوك 
      وبمشي تآمر بشيء ياولدي
      فهد : لا سـلامتك ياعمي .. !
      عبد الرحمن : عمي سلطان بروح معك لتركي !!
      أبوتركي : ما يحتاج اقعد عند عمك راشد !!
      عبد الرحمن : لكن ..
      أبوتركي يقاطعه : قلت لك اقعد هنا عند عمك راشد واذا جاء عمك حمد بلغه أني 
      رحت عشان ولدي تعبان !! 
      عبد الرحمن : إن شاء الله .. !!


      // × // × //× // × //


      سعود : بـشـر يا دكتور .. !!
      الدكتور : أنت أبوه !
      سعود : لاعمه خيـر يا دكتور فيه شيء !!
      الدكتور : ياخي هالرجال يبغى ينتحر !!! واضح من التحليلات والفحوصات أنه 
      متعاطي خمر !!! ياخي يخاف الله في نفسه !! أنا راح أسكت عن الموضوع ولا 
      المفروض أبلغه عنه لأن هذا في عقوبها ولا يحتاج أفهمك .. !!
      سعود : مشكور يا دكتور وصدقني راح نعالجه .. 
      الدكتور : أتمنى وصدقوني حنا بالخدمة أنتم بس عالجوه أهم شيء .. !!
      سعود : إن شاء الله .. !!
      أبوتركي بخوف : خير وش صار عليه .. !!
      الدكتور : أنت أبوه !!
      أبوتركي : أيه أنا أبوه
      الدكتور : ياخي اذا أنت مب قد تربيته ليه جبته !!! ياخي معقولة ولدك يتعاطى 
      خمر بهذا الشكل وأنت ساكت !!! ياخي هذا ولدك أمانة عندك وشلون تواجه ربك يوم 
      الحساب !!!!
      أبوتركي بصدمة : ولدي مدمن خمر !!!!!!
      الدكتور : يعني أنت ما تعرف !! هذي مصيبة ثانية !!!!! ياخي شكلك ما تعرف دور 
      الوالدين في تربية أبنائهم !!! يعني أمه وينها عنه وأنت وينك عنه أنا بقدر 
      وضعكم ومكانتكم وراح أسكت عن الموضوع لكن لازم تعالجون الولد ولا صدقوني 
      بتدمر وبتفقدونه ووقتها ولدكم بخسر كل الشيء والأهم دينه .. !!

      راح الدكتور عنهم وأبوتركي يتنفس بصعوبة وجلس على الكرسي وفك زرار ثوبه وقعد 
      يتنفس بعمق وهو يحس بالدنيا تضيق عليه وكأنه خسر كل شيء لا من عياله ولا من 
      أخوانه وش بقى له بعد .. !!

      سعود : هد بالك ياخوي الدكتور مب عارف شيء ولا يدري وش ظروفك .. !!
      أبوتركي بضيق : خلاص يا سعود لا تحاول أنا خسرت كل شيء .. أخوي راشد طاح 
      بسببي وهو بين الحياة والموت .. !!
      سعود بخوف : أخوي راشد ليه وش قال الدكتور ؟؟؟؟؟؟
      أبوتركي بألم : قال هذي المرة عدت على خير لكن ممكن اذا صارت مرة ثانية ممكن 
      يروح فيها أو لاقدر الله يجيله شلل كامل !!!
      سعود : لاحول ولاقوة إلا بالله !!! الله لا يقوله !! طيب وش اللي صار له !!!
      أبوتركي : أنا السبب .. ( وذكر له السالفة كاملة ) .. !!
      سعود : حصة معقولة !!!!! طيب ليه ما تقول لأخوك عنها !!
      أبوتركي : لا ياخوي تبيني أهدم بيت أخوي !!! أنت تدري وش بصير لو عرف يمكن 
      يروح فيها وبنهدم بيته ولا راح أرضاه له .. !!
      سعود : وتفقد أخوك ؟؟؟؟؟
      أبوتركي : بفقده ولكن يظل عايش ولا أخسره للأبد !!! يكفي اللي سويته وظلمت في 
      الناس !!! هذا عقابي من رب العباد !! يمهل ولا يهمل .. !!! يارب اغفر لي 
      .....!!!!!!!!

      سعود حس بالألم وهو يشوف أخوانه يتدمرون من حوله هذا اللي اختاروه كل واحد 
      ظلم وتكبر وبدا ينهدمون والله يستر باللي جاي .. !!

      // × // × //× // × //


      أبوعبد الله : ايش ؟؟؟؟؟؟؟
      فهد بألم : هذا كلام الدكتور !!!
      أبوعبد الله : طيب وأمك علمتوها ؟
      فهد : لا !!! وش تبيني أقولها !!! هي تتصل علي وأنا ما أرد عليها !!!
      أبوعبد الله : لازم تعرف !!! رح لها وبلغها
      فهد : لكن أبوي
      أبوعبد الله : أنا عنده لا تخاف !!
      عبد الرحمن : يلا يا فهد !!! أكيد أمك ميتة من الخوف !! لا أنت ترد ولا أبوك 
      !!!
      فهد : خلاص ...

      وراح عنهم فهد ،،

      أبوعبد الله : ايه ياولدي يا عبد الرحمن !!! وشلونك !!
      عبد الرحمن : بخيـر ..
      أبوعبد الله بهدوء : بخصوص زواجك من عبيـر ... بس حبيت أبلغك بالمهر !!
      عبد الرحمن بإستغراب : عمي أظنك ملاحظ الوضع ما يناسب هالكلام
      أبوعبد الله : إلا يناسب وأنا ما عندي وقت فاضي !!!
      عبد الرحمن بضيق : عمي المهر اللي تبيه راح أدفعه بس خله وقت ثاني !!!
      أبوعبد الله : خلاص .. المهم أنا ماشي وراي أشغال متى ما قام راشد اتصل بلغني 
      ...
      عبد الرحمن بصدمة : تترك أخـوك ؟؟
      أبوعبد الله : وش تبيني أسويله !! أقعد أداريه !!! الرجال لا يدري عني ولا 
      راح أنفعه أروح لأشغالي وأشغاله أحسن !!!!!
      عبد الرحمن بنفسه : " وش قاعد يقول !!! أشغاله !!! وأخوه بالمستشفى !!!!!!!! 
      هذي الفلوس وما تسوي !!!!! "


      // × // × //× // × //


      أم فهد بخوف : فهد وينه أبوك ليه ما جاء معك !!!!!!
      فهد : .................. !!!!
      أم فهد وهي تمسك ايده : رد علي وينه أبـوك !!!!
      فجر بخوف : فهد وين أبوي !!!
      فهد بتردد : أبـ..ـوي بالمستشفى !!!!!!
      أم فهد بصراخ : ايييييييييييييييييييش !!!!!!!!!!!!!!!!!!!! أي مستشفى 
      !!!!!!! بروح له ألحين
      فهد : ما ينفع الوالد ألحين نايم ولا راح يصحى إلا الليل ..
      أم فهد : ما يهمني بروح لأبوك فاهم واذا ما تبي توديني بروح مع السواق
      فهد : خلاااص يمـا بـوديكم !!
      فجر : وأنا بروح معكم !!
      فهد : وش تروحين !!!!!!
      أم فهد : فجرررررر جيبي أختك رهف تلقينها عند ميري بسرررعة لأني ما راح 
      أقعدها بلحالها مع الخدامة !!!!!
      فجر : إن شاء الله يـمـا ...

      راحت فجر وجابت رهف ولبست هي وأمها العباية ومشوا للمستشفى عند أبوفهد 

      // × // × //× // × //


      تقدمت بخوف ما صدقت اللي سمعته !!! هي استغربت أنه ما جاء لها اليوم !!! ولما 
      طال الإنتظار راحت لشقة اللي ما تتسمى لكن الصدمة ما لقت أحد ولما رجعت لقت 
      اتصال من " الهنوف " استغربت وحست بالخوف ولما ردت أنصدم أن الهنوف تبلغها أن 
      تركي بالمستشفى أكيد هي السبب والله راح أندمها وأخلي تركي يطلقها !!!!! 
      وأقوله أنا ولا هي !!!!!!!!!!!
      تقدمت وسألت لين عرفت مكان غرفته وطلعت له بخوف وهي تخاف تنصدم بخبر يدمرها 
      ما عاد بقى لها في الدنيا أحد كل شيء خسرته أخوها الغالي " ناصر " وراح مالها 
      غيره !!!

      سارة بتردد : هـنـوف ؟
      الهنوف : مين سارة ؟
      سارة بدموع : ايه هنوف أمانة وينه تركي !!! تكفين قولي له لا يروح والله ما 
      عندي أحد غيره بالدنيا !!!
      الهنوف تألمت لحال سارة وحضنتها وهي تهديها كأنها أختها وإن كان قلبها يشتعل 
      بالغيرة لكن حكمت عقلها وحاولت تهدي سارة .. !
      سعود بإستغراب : هـنوف !!
      الهنوف بهمس : آمرني ؟
      سعود : مين الأخت !!
      الهنوف بألم : زوجة تركي !!
      سعود بصدمة : اييييييييييش !!!
      أبوتركي : وش تقولين يابنتي هذي زوجة تركي !!!!! تركي متزوج وحدة ثانية 
      !!!!!!!

      قطع حالة الصمت تقدم الدكتور لهم وهو يقول بهدوء : ميييين فيكم سارة !!!
      سارة بخوف : أنـا !
      الدكتور : ممكن تتفضلي لأن الأخ تركي صحى وطلبك بالإسم !!!

      الهنوف انهارت هذي اللحظة وكل شيء تحطم بنظرها خلاص تركي طلب سارة بالإسم 
      يعني يفضل سارة عليها وأكيد ما راح يرجعها بالعكس يمكن هالمرة بطلقها وهو 
      صاحي ويعيش مع سارة !!! راحت لأقرب كرسي وجلست بألم وهي تبكي بهدوء وتحس أن 
      حياتي ابتدت بالسواد وبتنتهي بالسواد !

      أبوتركي تقدم لسعود وبهدوء قاله : سعود حاول تهديها والله حرام اللي يصير 
      فيها .. وأنا بروح شوي أحس بضيقة
      سعود : خلاص إن شاء الله .. وتقدم للهنوف وبهدوء ..
      سعود وهي يهديها : وأنا عمك لا تاخذين تركي على اللي سواه وصدقني هذي اللي 
      اسمها سارة بقوله يطلقها غصباً عليه !!
      الهنوف بدموع : لا ياعمي الله يوفقه ويهنيه !!! أنا مالي حظ بالحياة .. وتركي 
      أساساً طلقني !!
      سعود بصدمة : ايييييييييييش تقولين طلقك !!!!!!! 
      الهنوف قالت له كل السالفة ...
      سعود : استغفر الله العلي العظيم .. لكن كان سكران وأظن اذا شخص كان سكران 
      وطلق ما تصير طلقة على كل وأنا عمك صدقيني برجعك غصباً عليه مب علي كيفه ولي 
      كلام ثاني معه
      الهنوف : لا أنا راضية خل يسوي اللي يشوفه وأنا بتحمل !!
      سعود بعصبية : وليه أنتي تتحملين وتصيرين ضعيفة !! ليه ما تحطين حد لتركي 
      وتعطينه كف يوقفه عند حده
      الهنوف بضحكة : ههههههههههههه ! أعطيه كف !! 
      سعود بإبتسامة : ايه وأنا عمك اضحكي ... وبضيق ... صدقيني الدنيا ما تسوى !!!

      // × // × //× // × //


      تقدم بإبتسامة وخوف ودموع وآخيـراً تركي اختارها ولا كان طلب " الهنوف " 
      المهم ألحين عندها يطلع بالسلامة ثم بعدها يصير خيـر وكل موضوع بكون له وقت 
      ... !!

      سارة بإبتسامة : الحمد لله على سلامتك يا قلبي .. !!
      تركي بصعوبة : سارة
      سارة : لا تتعب نفسك وتتكلم .. ارتاح
      تركي : سارة سامحيني .. !!
      سارة : أنا مسامحتك ياتركي بس أنت لا تتعب نفسك
      تركي : سارة .. وبصعوبة .. أنتي طالق !!
      سارة بصدمة : نعم !!
      تركي بصعوبة : وبرسلك كل حقوقك وبتوصلك الورقة الأسبوع الجاي ... سامحيني .. 
      لكن هذا الحل اللي لقيته !!!
      سارة بصياح : ليش يا تركي تطلقني عشانها بنت ابليس اللي ما تستحي !!!
      تركي بألم : الهنوف مالها دخل .. وصدقيني بتعرفين بعدين أن هذا خير لك !!!!!!
      سارة : خير لي تكذب علي أنت !!!!! أنا مالي غيرك وأنت عارف تبيني أرجع لأخوي 
      صالح عشان يذبحني ضرب واهانة
      تركي بألم : سارة اطلعي برا خلاص مابيني وبينك شيء برااااا !!

      تقدم الدكتور وسحبها بالقوة وهي تبكي ألم وتحس المرارة فيها !!!!! تحطمت ألف 
      مرة خلاص كل شيء خسرته ولا عندها شيء بعد !!! الهنوف هي السبب في كل شيء !!!! 
      ما راح تسكت لها أبد بتحطمها وبتخلي تركي يطلقها مثل ما طلقها علي وعلى 
      أعدائي خلاص كل شيء انتهى !!!!!!!!!!!!


      // × // × //× // × //


      فهد : بـشـر يا دكتور ؟
      الدكتور : خلاص ألحين هو صحى وتقدرون تدخلون عليه لكن بهدوء ولا تخلونه يتكلم 
      كثير .. وأتمنى أخ فهد أنه ما يتعرض لأي ضغط لأنه ممكن يقضي عليه لذلك أتمنى 
      تنتبه له !!
      فهد بخوف : إن شاء الله ..

      راح فهد وبلغ أمه وأخته عشان يدخلون على أبوه ووصاهم ما يتكلمون معه كثير 
      لأنه تعبان وممكن كثرة الكلام تزيد حالته سوء ... تقدمت أم فهد وفجر وفهد 
      ورهف وكل واحد الحزن مغطيه وبالذات أم فهد وهي تحس أنها كانت بتقضي على زوجها 
      عشان طمع في نفسها .. !! 

      أم فهد بدموع : سلامات يالغالي .. سامحني يالغالي .. !!
      رهف وهي تبكي ببراءة : بابا ليه أنت هنا !!! أنت تعبان !!
      أبوفهد حضن رهف وبصعوبة نطق : لا يا روح بابا ماني تعبان !!
      رهف : اجل ارجع معنا
      أبوفهد : من عيوني يا قلبي .. 
      فهد : سلامتك يبـا
      فجر وهي تصيح : سلامتك يالغالي ياليته فيني ولا فيك!!
      أبوفهد : لا يا بنتي وش هالكلام لو صارلك شيء بروح فيها ... الأمر بسيط ولا 
      يستاهل .. وحتى اليوم بطلع إن شاء الله
      فهد بخوف : وش تطلع لازم ترتاح لك كم يوم 
      أبوفهد بعصبية : أنا أكره المستشفيات ولا يمكن أقعد رح قل للطبيب يرخص لي 
      اليوم .. 
      فهد : لكن 
      أبوفهد : أقولك رح له !!
      فهد : إن شاء الله .. !!

      مشى فهد بالمستشفى وهو يحس بالضيق والخوف على أبوه .. ويبغى يعرف وش صار 
      معقولة يكون عمه سلطان ظلم أبوي بشيء ولا تحمل !!! ممكن عمي سلطان طول عمره 
      ظالم ولا يهتم بأحد وش يدرينا أنه تاب ممكن يبي يظهر هالشيء وهو في قلبه حقد 
      وكره !!! بسيطة راح أعرف ووقتها بكون لي حساب .........!!

      فهد بهدوء : دكتور !
      الدكتور : هلا !!
      فهد : الوالد يقول يبغى يطلع اليوم
      الدكتور : يطلع اليوم شكل أبوك مستعجل !!! قله معليش .. وبإبتسامة .. الضيف 
      له حق ثلاث أيام وقبلها ما راح يطلع .. !!
      فهد بإبتسامة : أجل اقنعه بحق الضيف ولا هو مافي أمل يقتنع
      الدكتور : خلاص ما عندي مشكلة .. !!
      تقدم الدكتور لغرفة أبوفهد وابتسم له وهو يقول : الـسـلام عليـكم .. !
      أبوفهد : وعليكم السلام .. هلا يا دكتور 
      الدكتور : وش هالكلام اللي سمعناه ياعم !!! تبي تطلع أفى عليك بس لازم حق 
      الضيف ثلاث أيام
      أبوفهد بضيق : تسلم ياولدي لكن معليش أنا رجال وراي أشغال وماني مستعد أضيعها 
      بالمستشفى !!
      الدكتور : المهم اذا أنت تبي تطلع خلاص بكتب لك خروج لكن انتبه لنفسك وابعد 
      عن أي ضغوطات ..
      أبوفهد : خير إن شاء الله .

      // × // × //× // × //


      طلعت وهي تبكي وتحس كل شيء متحطم !!! تأملت لما طلبها لكن بكل حقارة داسها 
      وطلقها !! بسيطة يا تركي اذا ما خليتك تندم ما راح أكون سارة !!! صدقني أخليك 
      تبكي قدامي وتترجاني أرجع لك !!!

      تقدمت منها الهنوف وهي تهمس : وش فيك يا ..
      سارة قاطعتها : لا تنطقين يالعقرب !!! وتدعين المثالية !!!!! كلكم مثل بعض 
      أنتي وياه متفقين علي !! بسيطة والله راح أندمكم وأدفعكم ثمنها غالي بسيطة 
      !!!!!!!!!
      الهنوف : وش تقصدين .. !!
      في هذي اللحظة سارة فقدت السيطرة على نفسها وعطت الهنوف كف بكل كره وحقد وهي 
      تصرخ فيها : أقولك اسكتي !!!!!! وقولي لتركي راح تندم على اللي سويته !!!!!

      سعود كان واقف وانصدم من اللي شافه وتقدم لسارة وهو يقول بعصبية : أنت كيف 
      تمدين ايدك عليها .. !!
      سارة بعصبية : أنت وش تبي !!!!!!!
      سعود بإندفاع : أقولك كيف تمدين ايدك عليها !!!!!!!
      سارة : اسمع أنت لا توقف في طريقي وتندم !!! وراحت عنه وفي قلبها حقد وكره 
      عليهم كلهم !!!!!!!!!!!
      سعود : هنوف !!!
      الهنوف : " تصيح "
      سعود : خلاص ياهنوف لا تقطعين قلبي !!!! هذي واضح أنها تربية شوارع !! صدقني 
      ما راح أسكت لها .. !!
      الهنوف : الله يسامحها ... !!
      سعود بعصبية : أنت مشكلتك الطيبة الزايدة وش الله يسامحها قولي الله ياخذها 
      والله راح تندم .. !!! وألحين بدخل عند تركي وأحط حد لهذي المهزلة .. !!!

      حاولت الهنوف توقفه لكنه دخل عند تركي بعصبية حس بإحتقار لسارة كيف تركي يرضى 
      يتزوجها !!! أصلا منظرها يدل على أنها جاية من الشوارع لكن راح يوقف تركي عند 
      حده خلاص هذا الإنسان بغى وتكبر وتجبر وجا الوقت اللي يوقف أحد ضده !!!!

      سعود بعصبية : أنت ما تستحي تتزوج على الهنوف ولا متزوج واحدة جايبها من 
      الشارع !!!!!!!
      تركي بهدوء : لا تعصب يا سعود واجلس
      سعود : وش لا تعصب !!!!!! ضربت الهنوف كف اللي ما تستحي !!!!!
      تركي بعصبية : اييييييييييش !!!!!!
      سعود : لا ياشيخ لا تعصب علينا بس !!!!!! يعني وش بتسوي !!!!!! شف تطلقها 
      ألحين ووكلني أخلص لك كل أمور الطلاق ما عندي أي مشكلة !!
      تركي بسخرية : رح شف مشاكلك وحلها عشان تجي تحل مشاكلي .. !!
      سعود : تركي أنت وش دخلك في مشاكلي !!!!!
      تركي : اسمعني لا تقعد تلف وتدور مشاكلي كيفي مالك دخل إن شاء الله أبقي سارة 
      أطلقها كيفي أنا مب على كيفك ولا على كيف غيرك .. !!
      سعود بعصبية : إلا على كيفي !! الهنوف بنت أخوي ومثل بنتي !!
      تركي : يارجال لا تعصب علينا أبوها ما درى عنها ووالله لو أرميها بالشارع ما 
      راح يهتم !! تجي أنت تهتم فيها يكفي كذب على نفسك رح شف وعد واهتم فيها بدل 
      رميتك لها !! ولا تظن الخرابيط اللي قلتها لها بتخليني أصدق !! أنا عارف ليش 
      طلقتها ياعم وهذا خلاني أكتشف أنك مثلهم انسان قلبك أسود مثل أبوي وعماني 
      كلهم مابينكم فرق وأنا مثلكم وكلنا مثلكم مافينا أحد فيه خير عشان كذا حاول 
      تصلح غلطاتك ثم تعال حاسبني ... وبسخرية : ياعمي سعود !!!!!!!!!!
      سعود بعصبية : أنا طالع لكن أحب أقولك أنك وأنت في سكرتك وشربك للسم طلقت 
      الهنوف
      تركي بصدمة : ايييييييييييييييييش
      عصب سعود وحس بالحقد على ولد أخوه وطلع من الغرفة وتركي من وراه مصدوووووم 
      .......!!!!!!!


      // × // × //× // × //


      أبوعبد الله : أقول اسم ياعبد الله اذا ما جيت اليوم للبيت صدقني راح يكون لي 
      حساب ثاني معك فاااااهم !!!!!!!!
      عبد الله بتوتر : يـبـا والله عندي شغل في جدة وبرجعلك .. !!
      أبوعبد الله : اسمع ياعبد الله اذا ما جيت اليوم ما نت ولدي ولا أعرفك
      عبد الله : خلاص لا تزاعق بجي !!!!!!! 
      أبوعبد الله : أنتظرك اليوم على العشاء !!!!
      عبد الله بكره : طيب لا تزعجنا .. !!

      // × // × //× // × //

      أبوتركي : وش فيك يا سعود !!
      سعود بكذب : في عندي شغلة مهمة أخلصها وأرجع .. وتركي صحى تقدر تدخل له !!
      أبوتركي بإبتسامة : الحمد لله على سلامته .. يلا أجل أشوفه 
      سعود بتردد : ودخل معك الهنوف
      أبوتركي شاف الهنوف جالسة على الكرسي وساكته وهمس : ما يحتاج توصي عليها
      سعود : يلا أجل فمان الله !!
      أبوتركي : فمان الله ... ويوجه كلامه للهنوف ... هنوف وأنا عمك تعالي معي 
      ندخل لتركي !!
      الهنوف بهدوء : هو ما يبغى يشوفني .. 
      أبوتركي : وش هالكلام الفاضي غصباً عليك راح يشوفك يلا بس ..
      مشت معه الهنوف وبهدوء تقدم لغرفة تركي ودخل كان تركي مغمض عيونه وحس بصوت 
      حوله وفتحها بصعوبة وشاف أبوه والهنوف لكن رجع غمضهم أكيد هو يحلم !!!!! " 
      أبوه هنا مستحيل " !!

      أبوتركي : السـلام عليـكم ..
      تركي : يـبـا !!!!!!!!!!!!!!!!!!!!!!!
      أبوتركي بألم : سامحني وأنا أبوك ظلمت وظلمت أختك !!! سامحوني كلكم !! 
      تركي : معليش يـبـا ما عاد ينفع كلامك .. !! لوسمحت يـبـا .. وبصعوبة .. 
      اطلـع !!
      أبوتركي : تركي أنا جيتك مع أني أبوك وأطالبك تسامحني لكن صدقني اذا طلعت 
      هالمرة انسى أني أبوك !!!
      تركي : وأنت انسى أني ولدك !!
      أبوتركي بألم : الله يهديكـ .. يا تـركـي .. !!

      طلع أبوتركي بألم وقهر وهو يحس أن كل شيء انتهى خلاص خسر كل عياله ولا عاد 
      عند أحد !!!!!!!!!!!!!!!!!!!!!!!!!!!

      الهنوف بدموع : ليه كذا تسوي في أبوك ياتركي !!!! هذا أبوك !!!!
      تركي : ماعليك من أبوي وأنا وياه نتفاهم !!! وبهمس غامض : هـنـوف !
      الهنوف : .............
      تركي : سامحني .. أنا مدري وش اللي سويته وقتها لكن سعود قال أني .. وسكت .. 
      !!
      الهنوف : ............
      تركي : هنوف أنا صدق غلطان لكن وعد مني خلاص نبدا حياتنا من جديد وصح اذا 
      بتوافقين صدقيني راح أسعدك وأنا ما راح أقولك أنا بنعيش سعادة أبدية لا أكيد 
      راح نزعل ونتمشكل لكن اذا الله كتب أننا نكمل حياتنا مع بعض راح نعيش بإحترام 
      ... وبعد صمت ... وبحب !!!!!!!
      الهنوف بدموع : لكن أنت طلقتني !!!!!!!
      تركي : بقول لسعود روح يسأل شيخ وأظن أن في حالة السكر ما يقع !!
      الهنوف بثقة : لكن بشرط
      تركي : آمري !
      الهنوف : تترك عنك هذا السم !!
      تركي : على ايدك أنتي بس أوقفي معك !! ولا أنا ما أبغى هالسم لكن الله لا 
      يسامح اللي كان السبب !!!!
      الهنوف : بس سـارة !؟
      تركي : خلاص سارة طلقتها ولا عاد لي فيها
      الهنوف بخوف : ليه طلقتها !!!!
      تركي : مالك في هذا الموضوع يالهنوف المهم أنا راح أحجز لنا شـهـر برا نسافر 
      ونستانس .. وش رايك .. ؟
      الهنوف بخجل : ما عندي مانع 
      تركي : وعاد بحجز لنا شهر لكن بنكون في غرفة وحده !! وغمز لها !!
      الهنوف : " خجلت وسكتت " 
      تركي : ياحبي للخجلان !!!!!!

      // × // × //× // × //


      وصل للبيت واللي كان مظلم وحس بالضيق وهو يشوف بيت أخوه لأنه اتصل على فهد 
      وبلغه أنه طلع بالسلامة لكن ما حب يروح له كيف بواجه أخوه وأصلا يمكن يسبب له 
      طيحة ثانية وما يبغى يسبب لأخوه مشاكل خلاص حتى هذا القصر شكله ببيعه ويروح 
      عياله ولا يبونه وأخوانه ما عاد يكلمونه من بقى له في الدنيا !!!!!

      مشاعل بحقد : متى بتم الزواج !
      أبوتركي بألم : إن شاء الله بعد أسبوعين .. أنتي بس تجهزي .. !!
      مشاعل : ما يحتاج أنا متجهزة ولو تبون الزواج بكرة !!
      أبوتركي : " استغرب استعجالها وحس في شيء بالموضوع " !!!!!!!


      // × // × //× // × //

      بعد أسـبـوعـيـن .. 

      أبوتركي صار يطلع ولا عاد يرجع إلا الفجر ومشاعل ما تكلمه حتى وجبة الأكل ما 
      يلتقون وبالصدف يشوفها ولا عاد شاف أحد من أخوانه .. أبوفهد خذ له راحة أسبوع 
      في البيت ثم رجع للشغل ونسى الموضوع ولا عاد أهتم فيه .. وتركي طلع من 
      المستشفى وجهز كل أمور السفر اللي بكون في نفس ليلة زواج أخته مشاعل وبكون 
      إلى " لندن " .. سعود صار يقعد في الشغل أطول فترة ممكن ولا عاد يقابل أحد .. 
      وعبد الله رجع وصار يشتغل مع أبوه خاصة أن أبوه يبى ياخذ اجازة .. وملكة عبد 
      الرحمن على عبير بتكون بعد شهر من زواج مشاعل بمشعل ثم يتبعها زواجهم بعد 
      شهرين ......!!!!


      // × // × //× // × //



      تركي بإستغراب : سعود !!
      سعود وهو يدخل : ايه جيت بس أقولك ترى زواج أختك مشاعل اليوم !!!!
      تركي بصدمة : زواااج أختي مشاااااعل !!!!! متى صار ومن مين ! وأنا ليه توني 
      أعرف !!!!
      سعود بدون اهتمام : بتتزوج من مشعل المهم الزواج اليوم وأنت بما أنك جاي 
      الرياض جاي خلاص سلم عليها بالمرة وسافر !!!!

      وطلع وهو تارك تركي مصدوم !!!!

      الهنوف وهي شايلة العصير : وهذا العصـيـ .. قطعت كلامها .. وينه عمي سعود ؟
      تركي بضيق : قالي أن زواج مشاعل اليوم وراح !!!!
      الهنوف : اييييييش !! مشاعل اليوم تتزوج !!!! " حست بالألم صديقتها وأختها 
      وأكثر من وقف معها مشاعل تتزوج اليوم وهي ما تدري " !!!!!
      تركي : بتتزوج من مشعل !!!!! مستحيل أصدق !!!!
      الهنوف : !!!!!!!!!!!!!!!!!
      تركي : هنوف اليوم بنروح لهم في الزواج !! هذا الزواج لا يمكن يتم !! مشاعل 
      لا يمكن تفكر تقبل في مشعل وهو تسبب في وفاة زياد عشان كذا الموضوع فيه شيء 
      ولازم نعرفه !!


      // × // × //× // × //


      أم عبد الرحمن بإبتسامة : الله يوفقك ياوليدي !
      مشعل : تسلمين يالـغـالـية .. كثري دعواتك ترانا ما نسوى من غيرك شي !!!!!
      أم عبد الرحمن : بدعيلك في كل لحظة أنت ولدي الغالي 
      عبد الرحمن : احـم .. احـم .. وأنا وش أطلع ولد الجيران !
      أم عبد الرحمن : لا عاد أنت غير يما .. أنت الغالي بكري .. وزواجك بكون غير !
      مشعل : أفـى نسيتيني !!
      أم عبد الرحمن : أوف منكم .. كلكم عيالي وخلصنا
      عبد الرحمن + مشعل : هذا الكلام الصح !!!!
      عبد الرحمن : يلا مشعل تجهز .. ايه يا عريس من قدك !!
      مشعل : ياشيخ روقنا عرس بكون بين العايلة !!
      عبد الرحمن بضيق : لا تلومها يا مشعل أخوها متوفي و .. سكت !!
      مشعل بضيق : ايه وأنا اللي تسببت في موته !!!!! ياخي ما تفهمون والله ما كنت 
      أقصد ياناس تراني أحس بالعذاب كل لحظة !!!
      عبد الرحمن : خلاص يا مشعل انسى الموضوع
      مشعل : وشلون أنسى وأنتم تذكروني فيه بكل لحظة !!
      أم عبد الرحمن : وش هالكلام ياوليدي .. صدقنا ما راح نذكرك .. !! تراك غالي 
      علينا ولا نرضى زعلك
      مشعل بإبتسامة باهته : مشكورين على مشاعركم ..
      عبد الرحمن بسخرية : يلا عاد بلا تدلع
      مشعل بخجل كاذب : إن شاء الله !!
      أم عبد الرحمن : يلا ياوليدي لا يطير العرس وأنت ما تجهزت .. !!
      عبد الرحمن : وأنا بروح أكد على سفركم اليوم ..
      مشعل : يلا أجل رح وأكد وكل شيء .. وأنا بتجهز .. !!

      // × // × //× // × //





      مشاعل كانت تبتسم لصورة زياد وهي تهمس : أنت غير عنهم يا زياد ليه رحت 
      وخليتني !!! أنا كنت عارفة أنك مظلوم !! كنت أعرف له كنت تختفي وتغيب !!! 



      أبوتركي بعصبية : أنت ما تستحي !! متى تصير رجال !!! تغيب عن البيت شهور 
      وأسابيع وتقولي شغل !!!! ياخي اترك عنك هالشغل ما نبيه وتعال عندي في الشركة 
      أو حتى أفتح لك مستشفى خاص فيك أما شغلك الفاضي ذا اتركه عنك !!
      زياد : يبـا ما يحتاج نعيد ونزيد شغل هذا ما راح أتركه ومب فاضي ويهمني وراح 
      يغير مستقبلي كامل !!
      أبوتركي : أنا أبوك !!!!!!!!
      زياد : أبوي على عيني وراسي لكن شغلي ما راح أخليه .. سامحني !!!! ... وتركه 
      وطلع فوق ولحقته مشاعل تبي تكلمه لكن وقفت وهي تسمعه يتكلم بالتلفون 
      .........!!

      زياد : هلا جمـال .. ايه لا تخاف قفلت المختبر وكل شيء ... ايه لا تخاف .. شف 
      أقدر أقولك اذا استمر الشغل كذا إن شاء الله راح ألقى علاج لمرض " الإيدز " 
      أنت بس شد حيلك .. مثل ما وصيتك ايه الأمر سري ولا يعرف فيه أحد لين ننتهي من 
      كل شيء وينجح العلاج !!! ادع يااااارب أنه ينجح ياشيخ من يدري يمكن الله يكتب 
      علاج ناس مظلومين على يدنا !!!!!




      همست في نفسها : " ايه يازياد كنت غير تدور علاج تساعد فيه الناس المظلومين 
      !!! ولكن مشعل قتلك وأنا ألحين بأخذ حقك منه .. اليوم بخلص كل شيء وبعدها 
      أجيـك .. !!


      // × // × //× // × //


      تركي بهمس : حبيبتي .. أنتي انزلي ألحين عند أهلك وأنا بروح لبيتنا شوي .. 
      بكلم مشاعل !!
      الهنوف بإصرار : أنا بعد أشوف مشاعل !!! هذي أختي وصديقتي !!
      تركي : هنوف لوسمحتي عشاني بس اقعدني عند أهلك وسلمي عليهم وبعدين راح أجيك 
      أخذك لمشاعل
      الهنوف بتردد : وعـد !
      تركي بهمس : وعـد !!

      نزلت ووقف تركي السيارة ومشى وهو مقرر يحط الـنقـاط على الـحـروفـ .. !!

      // × // × //× // × //


      تقدمت لبيتها " اشتاقت له مع أنها ما شافت فيه إلا العذاب " ولكن مع ذلك راح 
      تتحمل كل شيء عشان أبوها وأختها الغالية ... وحتى أخوها فهد تعزه لكن هو طول 
      عمره حاقد عليها بدون سبب .. !!!!

      الهنوف بهدوء : الـسـلام علـيـكم .. !!
      أم فهد بسخرية : مييييين الهنوف !!!! للحين عايشة على بالي تركي ذبحك من 
      زمااااااان !!!!!!
      أبوفهد بصدمة : الهنوف .. هلا وغلا وأنا أبوك تعالي اجلسي
      فهد بضيق : أنا يـبـا طـالـع .. !!
      الهنوف : لا تطلع ياخوي .. خلاص أنا بطلع فوق اقعدون على راحتكم ..
      أم فهد : والله يكون أحسن
      فجر تقدمت لها وهي تقول بإصرار : لا نبيك تقعدين معنا !! صح يبـا
      أبوفهد بتردد وهو يطالع أم فهد : لا وأنا أبوك خلها تروح فوق يمكن تبغى ترتاح 
      في غرفتها شوي !!
      أم فهد : ايييييييييه صدقت .. واذا تبين روحي معها وخذي رهف خلها تقعد تنتبه 
      لها .. !!
      فجر بضيق : إن شاء الله ...

      وطلعت مع الهنوف ورهف ...
      // × // × //× // × //


      تقدم للبيت كان ظلام وبهدوء صعد الدرج وبدا يطلع درج درج وكان يحس بالغصة 
      والألم ما يدري ليه بس هذا البيت له ذكريات كثيرة لكن ما يتذكر فيه إلا 
      السواد والحقد والحسد والظلم .. !!!
      كان بعد ما يطلع من الدرج على يمينه غرفته ثم غرفة زياد وعلى اليسار في الآخر 
      جناح أبوه وفي الوسط تقريبا غرفة أخته مشاعل تقدم لها وهو يحس بقلبه قابضه ما 
      يدري ليه .. !!فتح الباب بهدوء وتقدم لقى مشاعل هادية وبدا الخوف يطغى عليه 
      وتأكد أنه شكوكه صحيحة !!!!!

      تركي بخوف : مشـاعل ليه ما تجهزتي ؟
      مشاعل بإبتسامة : اتصلت على الكوافيرا وألحين بتجي مع فجر وعبير .. 
      تركي بعصبية : أنتي كذابة !!! أساساً ما راح تتجهزين أنتي كل الزواج هذا مب 
      متقبلته !!
      مشاعل بسخرية : زين أنك عرفت !! 
      تركي بتردد : أبوي غصبك !
      مشاعل :لا أنا اللي وافقت عشان أرجع زياد !!!
      تركي بعصبية : وش حق زياد !!!!!!!! أنتي مجنونة تبين تذبحين مشعل .. !!!
      مشاعل : اييييييه لازم أطبق فيه الحق ليه أبوي يتنازل ولا عطته أم مشعل فلوس 
      عشان يتنازل !!! طول عمره أبوي ما تهمه إلا الفلوس !!!!!
      تركي بصراخ وهو يمسك يدها : اسمعيني يا مشاعل زواجك من مشعل مرفوض واذا فكرتي 
      تذبحين مشعل لازم تذبحيني أول فاهمة !!!!
      مشاعل بصدمة : وش بالك تدافع عنه !!!! ايه أنت مثلهم وأكيد هذا أخو الغالي 
      عبد الرحمن لكن صدقني لا أنت ولا عشرة راح يوقفون ضدي خلاص أنا خسرت كل شيء 
      لا أم ولا أبو ولا أخو عندي كلهم ما توا وأنا بلحقهم !!!!!!!
      تركي عطاها كف وهو يصرخ : قومي يا مشاعل من اللي أنتي فيه !!!! زياد انكتب له 
      ذاك اليوم أنه حياته تنتهي !! ومشعل كان ناوي علي وعلى أبوي لكن انكتب أنها 
      تجي في زياد .. !!
      مشاعل بإندفاع : ياليتها جتك وارتحنا منك !!!!! أنت سبب كل شيء !!!!! مشعل ما 
      سكر إلا من وراك أنا عارفة هالشيء !!!!!!!
      تركي بصدمة : ايييييييش !!!!!!!!!!!!!
      مشاعل : ياليتك ما طلعت من السجن وقعدت والله كنا مرتاحين منك !!!!!!!
      تركي بعصبية : اسمعيني يا مشاعل زواجك من مشعل ما راح يتم !!
      مشاعل : تشوف راح يتم غصباً عليك وأنا شارية لبس العرس وبلبسه !!
      تركي : مشاعل اصحي أنت تبين تذبحين واحد !! الدنيا مب سايبة في قانون والله 
      تروحين فيها !!!!!
      مشاعل بإندفاع : بأنتحر !!!!!
      تركي : انصدم وحس الدنيا ضاقت عليه وتأكد أن مشاعل ألحين ما تدري وش تقول 
      ويمكن وصلت لحالة نفسية مدمرة لدرجة صارت ما تدرك معنى أفعالها !!!!!!! 
      تركي بمحاولة أخيرة : مشاعل أنا متأكد أنك مصدومة من موت زياد وعشان كذا 
      مانتي عارفة وش تسوين .. !!! وحاطة اللوم علينا لكن مشاعل انتبهي لنفسك واذا 
      تبين تتزوجين مشعل هذا أمر يخصك وحاولي يمكن ينكتب لحياتك السعادة أو لا 
      تتزوجين !!! أما سالفة بتاخذين حق زيادة أنا أعرفك أنك لا يمكن تسوين شيء !!! 
      يا مشاعل لا تتظاهرين بالقوة أنتي ضعيفة !! مشاعل أتمنى تسامحيني إن كنت 
      أخطيت بحقك وترى بسافر اليوم .. وبإبتسامة .. نقضي شهر أنا والهنوف ونعوض بعض 
      الأيام لكن من يدري اذا ما نكتب لي حياة بعد كذا صدق أتمنى تسامحيني أنا 
      ظلمتك وظلمت كثيرين والله يسامح أبوي اللي بنى بيني وبين زياد حقد لدرجة .. 
      وسكت هنا وما عاد عرف وش يقول .. الله يسامحك يا يبـا ...!!

      وترك مشاعل مصدومة وتبكي ألم على اللي سمعته ما تدري وش شعورها !!!!! هل تتمم 
      الزواج ولا ايش .. !!!!!!!! ما فهمت شيء من كلام تركي حسته يودعها !!!!!!!!! 
      لكن وشلون يودعها !!!!!! لحظتها قعدت تهمس بصعوبة وهي تنادي : تـركـي لا 
      تـروح !!!!!!!!!!!!

      // × // × //× // × //


      تركي بإبتسامة : هنوف لا تسألينها عن شيء اذا شفتيها تصيح لأنها ألحين تعبانه 
      وشوفي اذا قالت أنها ماتبي الزواج قولي لأبوي أما اذا بغت تتمم الزواج خلاص 
      تتوكل على الله .. والله يكتب اللي فيه الخيـر .. !!
      الهنوف : طيب ليه وش فيها الهنوف
      تركي : بعدين .. وبإبتسامة .. والمهم جهزي أغراضنا عشان نسافر .. !!
      الهنوف بإبتسامة : إن شاء الله .. بس أنت وين بتروح !!
      تركي بتوتر : لا بس في واحد من الربع متصل وموقفة عليه السيارة بروح أوصله 
      لبيته وبجي
      الهنوف : توصل بالسلامة ..

      نزلت الهنوف وابتسم لها وتركي وانطلق بالسيارة وهو ماشي بسرعة جنونية .. 
      !!!!!!!!!!!!!!!!!!!!!!!!!!!!!!!!!!!!!!!!

      // × // × //× // × //


      الفصل التاسع

      " دماء بريئة "



      ابتسمت الهنوف لمشاعل وهي تحضنها بكل أخوة ومحبة وحست لحظتها " مشاعل " أن 
      الروح رجعت لها برجعة صديقتها وهي الوحيدة اللي تقدر تقول لها كل اللي في 
      خاطرهـا .. !!!
      مشاعل وهي تبكي : آخ يالهنوف وين رحتي وخليتيني !!! أنا من غيرك ضعت خسرت كل 
      اللي حولي لا من أخو ولا أم ولاحتى أبو !!
      الهنوف وهي تهديها : وش هالكلام يا مشاعل أنا وين رحت اعتبريني أختك وأمك 
      وأبوك وأخوك وكل شيء تبين !!!!
      مشاعل وهي تبعدها : أنتي مثلهم تركتيني ورحتي
      الهنوف : لا يا مشاعل أنتي ظلتي بقلبي ما أنساك أنتي أختي وصديقتي .. !!
      مشاعل بعصبية : لا أنتي مثلهم وخلاص لوسمحتي اطلعي برا !!!
      الهنوف بصدمة : مشاعل أنتي أكيد تمزحين .. !!
      مشاعل : قلت لك برا !!! أنتي مثلهم ولا تفرقين عنهم !!!!!!
      الهنوف بدموع : أنا أختك وصديقتك يا مشاعل
      مشاعل بسخرية : لا تبكين علينا يالبزر وروحي برا لوسمحتي

      الهنوف ما تحملت وطلعت وهي تحس بمشاعل تغيرت لا يمكن تكون هذي مشاعل صديقتها 
      اللي كانت أختها وصديقتها وأكثر .. !!!!!

      // × // × //× // × //


      سعود بإبتسامة : مبـروكـ .. يا مشعل !
      مشعل بإبتسامة : الله يبـارك فيـكـ ..
      أم عبد الرحمن : هلا وغلا بسعود !! وينك ياخوي تغيب عنا بالأسابيع ولا نشوفك
      سعود بضيق : والله أنك بالقلب يالغالية بس وش أقول عندي قضية شوي صعبة والله 
      يعين .. !!
      أم عبد الرحمن : الله يعيينك ياخوي .. ويرزقك ببنت الحلال !!
      سعود بألم : أي بنت حلال خلاص كبرنا !! الزواج لمشعل وعبد الرحمن أما أنا 
      راحة علي ...
      عبد الرحمن بإبتسامة : سمعت اسمي خيرر !! لا يكون تحشون فيني !!!!!
      أم عبد الرحمن : أفى وأنا أمك .. أحد يقول عنك كلمة وأنا موجودة
      عبد الرحمن وهي يحب رأس أمه : تسلمين يالـغـاليـة مدامك موجودة أكيد حق ما 
      راح يضيع ..
      سعود : اجلس ياولد أمك ..!
      عبد الرحمن بسخرية : مقهور وش أسوي اذا أمي ما تدلعك !!!!
      سعود بعصبية : صدق أنك ما تنعطي وجه ..!
      عبد الرحمن : إلا وين راح مشيييييييعل !!!!
      سعود : غريبة توه هنا ... تلقاه راح شوي يكمل التجهيز وبجي .. !!
      عبد الرحمن بإبتسامة : مستانس
      سعود : الله يديم عليه
      أم عبد الرحمن بضيق : بس مدري منب مرتاحة
      سعود : لـيـه ؟
      أم عبد الرحمن : أخـاف سلطان غصبها ! 
      سعود : أفى يا هند !!! هذا كلامك وأنتي اللي تعرفين كيف سلطان تغيير !!
      أم عبد الرحمن : أنا عارفة لكن مشاعل متعلقة في زياد وصاحت كثير عليه وبصراحة 
      استغربت لما جانا أخوي سلطان يقول أنها وافقت !!
      سعود بهدوء : مادري ممكن كلامك منطقي لكن سلطان لا يمكن يغصب بنته !!!
      أم عبد الرحمن : إن شاء الله تكون موافقة عن اقتناع ......

      // × // × //× // × //


      فهد بتردد : يقول عمي سعود أن الزواج بتم عندنا عشانك يعني صحتك تعبانه !!
      أبوفهد : ما عندي مشكلة .. الله يحييهم .. !!
      فهد بتأكيد : كلهم ؟
      أبوفهد بهدوء : أيـه كلهم !!!!! 
      فهد بإرتياح : تـم .. 

      // × // × //× // × //


      تقدم لبيته بضيق وعذاب في نفسه يحس خلاص بالنسبة له الحياة انتهت وكل لحظة 
      يتمنى حياته تنتهي .. !! كل شيء خسره يعيد هالكلام على نفسه وبسببه !!!!! 
      تقدم للبيت المظلم اللي ما عاد في نور الحياة مع أن اللمبات مولعة لكن بنظره 
      البيت مظلم لا فيه حياة ولا حركة ورجعت ذاكرته لورى قبل إحدى عشر سنة .. !!




      تركي بإبتسامة وهو يحب راس أبوه : هلا فيـكـ يـبـا !
      أبوتركي ببرود : وشلونك يا تركي ؟ ووشلون الجامعة معك !!!
      تركي : ماشين يالغـالـي ! كله سنة وأريح
      أبوتركي : تريح !! وش هالكلام الفاضي تكلم زي الناس ولا تتكلم !!!! وشغلك معي 
      ولا بتنساه !!!!
      تركي : أفى يالغالي أنا معك على طول الطريق
      أبوتركي : تعجبني .. المهم يتم اللي في راسي وتتزوج من فجر وبعدها تقدر تدخل 
      في حلال أبوفهد !!
      تركي بضيق : أنت يبـا خطط وأنا بنفذ
      أبوتركي : والله أنك ترفع راسي يا تركي .. !!





      ابتسم وهو يتذكر الماضي .. زرع في تركي الحقد والكره وفي الأخير هو اللي خسر 
      مب غيره وياليته اكتفى زرع أكثر من كذا لكن مب هو السبب كل شيء سببه أبوه زرع 
      بينهم الحقد والكره .. لين صار يكره أخوانه ويتمنى موتهم 
......!!!!!!!!!!!!!!




      قبل أربعة عشر سنة .. !

      مالك بعصبية : اسمعني يا سلطان لازم تفهم الشغل صح .. !! في هذي الدنيا لا 
      راح ينفعك أخوك ولا أبوك لازم تدوس الكل من صغير لين الكبير واللي يوقف في 
      وجهك امسحه !!!
      سلطان : ما يحتاج يـبـا .. !!
      مالك : أبيك تصير فخر لي .. ويكفي أن من بين عيالي ما في مثلك !!!!!




      كان يعيد نفس الكلام عليه وعلى أخوانه وصار الكره طبعهم لكن سعود وهند 
      اختلفوا عنهم وصار أبوه يكرهم وزرع في قلبه وقلب أخوانه كرهم وفي الأخير أبوه 
      حصد وهو حصد والكل قاعد يحصد ومن يزرع الشوك لا زم بحصده !!!!!
      تمنى أنه ما نفذ كلام أبوه ولا زرع في ولده الحقد ويكفي اللي زرعه بين زياد 
      وتركي من حقد ومع ذلك ما تأثر زياد كثير بالعكس كان هادي ويمكن تركي اللي 
      تأثر لأنه كان يكره زيـاد لكن كل شيء تغيير لما طلع من السجن وصار علاقتهم 
      ممتازة وهو خسر في الـنـهـاية .. !!!!!!!!


      // × // × //× // × //


      فجر بألم : وش فيك هنوف ؟
      الهنوف بصياح : مافيني شيء
      فجر : شوفي نفسك تبكين من يوم جيتي من مشاعل ليه ؟؟؟؟؟ وبتردد : هي قالت لك 
      شيء !!!
      الهنوف بدموع : ياليت .....!!
      فجر بإستغراب : ياليت !!!! هنوف وش فيك لا يكون انهبلتي !!!
      رهف ببراءة : هنوف أنتي صرتي مجنونة !؟
      الهنوف بضحكة : لا .. فجر هي المجنونة !!
      فجر بعصبية : أنا مجنونة هذا جزاتي قاعدة أسكتك وآخرتها مجنونة !!!
      الهنوف بإبتسامة : هذا جزاك أجل تقولين عني انهبلت !!!
      فجر : لا تلومني جاية وتبكين ولا تقولين وش فيك يعني يا أنك انهبلتي أو أنك 
      مجنونة !!
      الهنوف وهي ترمي عليها المخدة : ترجع وتقول مجنونة !!!!!
      فجر : خلاص نعتذر !! ممكن تقولين وش فيك !!
      الهنوف : مافيني شيء بس مشاعل .. طردتني !!!!
      فجر : عادي مشاعل هالكم يوم طردتني ما ترضى إلا عن عبير وبالصعوبة 
      الهنوف : ليه وش فيها
      فجر : هي شوي تعبانة يمكن عشانها بتتزوج !!
      الهنوف : لا أنا أعرف مشاعل في شيء مضايقها !!
      فجر بخوف : لا تخوفيني !!!!
      الهنوف : مدري بس أنا مب مرتاحة !
      فجر : إن شاء الله مافيه إلا الخيـر وعشان تطمنين عبير بتروح لها بعد شوي 
      عشان تجهزها وبخليها تهديها وتطلب رضاك !!!!
      الهنوف بإبتسامة : تسوينها
      فجر بفخر : أكيد أنا فجر بنت سالم 
      رهف ببراءة : هنوف أبي أروح ألعب تحت
      الهنوف وهي تقوم : يلا حبيبتي ...
      فجر : وييييين تروحون أنا جاية معكم !

      // × // × //× // × //


      عبير بخوف : وش فيك يا مشاعل ؟؟!
      مشاعل بعصبية : عبييير قلت لك ما فيني شيء
      عبير : تكذبين علي ولا تكذبين على نفسك !!!! ممكن تقولين ليش طردتي الهنوف 
      !!!! 
      مشاعل بقهر : لأنها مثلهم !!
      عبير بإستغراب : مثل من
      مشاعل : ولا أحد !!
      عبير : مشاعل هذي الهنوف اللي تعزينها تراها زعلت وصاحت وهي خايفة عليك !!
      مشاعل بألم : ما يهمني !!
      عبير بشك : متأكدة أنه ما يهمك !!
      مشاعل بإستسلام : بكلمها بعد شوي وبقولها تسامحني
      عبير بإبتسامة : كنت عارفة أنك لا يمكن تزعلين على الهنوف
      مشاعل بألم : أكييييد هذي أختي الغالية !
      عبير : يلا عاد عشان تتجهزين يا عروس !!
      مشاعل بضيق : يـلا !


      // × // × //× // × //


      تقدم لبيت أخوه بتردد وخوف ... ما يهمه رفض أخوه له لكن يخاف أخوه يعصب ويصير 
      له شيء ويكون هو السبب خلاص هو مستعد يسوي أي شيء هو ظلم كثير في الناس وتكبر 
      وتجبر واللي يصير له يستحقه ما يقدر ينسى كيف داس على ناس وظلمهم وحتى أخوانه 
      ظلمهم وهو متأكد ما كان فيهم أحد يحبه ... !!
      تقدم عند باب بيت أخوه وكان مفتوح وتقدم ولقاهم متجمعين أخوه سعود وراشد وحمد 
      ويتكلمون وكان يحس بجو أخوي كان غايب عنهم من زمان لكن ما كان مكتمل فيه برود 
      بالذات من أخوه حمد ويمكن دخوله خلى المكان يغرق بالصمت .. !!!
      تقدم سعود لسلطان وجلسه مكانه وهو جلس جنبه وكان راشد جنب سلطان وحس بالضيقة 
      لما جلس عنده سلطان لكن سكت وما عطى له اهتمام وقعد يكمل كلامه مع حمد .. 
      !!!!!!


      // × // × //× // × //


      كانت أسوء لحظة في حياتها في يدها تتراجع وتلغى كل مخططاتها وتنهي السالفة 
      لأنها لا يمكن تسعد مع " مشعل " الورقة قدامها وينتظر اعلان موافقتها 
      وتوقيعها وينتهي الأمر .. !!
      كلام " تركي يتردد في قلبها تتراجع ولا لا .. !!! بدأت تذكر كيف كان زياد 
      والحقد يزداد خلاص هي قررت ولا يمكن تتراجع راح ترجع حق زياد وما يهمها شيء 
      ثاني وبعد تردد كبير وقعت وأعلنت موافقتها ومن حولها بدأت الأفراح وبنظرها 
      بدأت صفحة " الأحقـاد " !!!!!!

      // × // × //× // × //


      خلاص كل شيء انتهى وقعت مشاعل ووافقت ولحظتها بس تأكد أن مشاعل راحت ما يدري 
      وش السبب لكن مشاعل تبغى تبعد عنه ولا كان ما وافقت لأنه يعرف مشاعل مستحيل 
      تقبل في مشعل بعد اللي سواه .... !!

      سعود بإبتسامة : مبروك يابوتركي .. والله يوفق مشاعل !!!
      سلطان بضيق : الله يبارك فيك .... !! المهم سعود بروح للبيت لأني شوي تعبان 
      .. !
      سعود بإستغراب : وش هالكلام يا سلطان مشاعل بعد شوي زفتها وأنت تقول بتروح 
      ترضى بنتك تسافر بدون ما تودعك
      سلطان : لا بس شوي أنا تعبانة وبروح أخذ دواي وأرجع !!
      سعود بخوف : خيـر تعبان عسى ما شر
      سلطان : لا بس صداع خفيف
      سعود : خلاص على راحت بس لا تطول .. وبإبتسامة .. ولا يمكن تزعل مشاعل علينا 
      !!!!
      سلطان بإبتسامة باهتة : لا تخاف ما راح أطول .. !

      طلع سلطان من المكان واستغرب راشد لكن ما سأل ولا اهتم فيه وهو يشعر بالكره 
      لأخوه وكان مقرر أنه يبيع بيته وينتقل لبيت ثاني لا يمكن يرضى بعد اليوم يعيش 
      هنا عند أخو غدر فيه .. !!!

      فهد بإستغراب : وين راح عمي سلطان ؟
      سعود : لا هو شوي تعبان وبجي ... المهم تجهز مشعل ولا توه !!!
      فهد بسخرية : يا رجال يتنافض من الخوف على بالي أنه رجال طلع مب رجال !!
      سعود بخبث : الوعد في يوم زواجك
      فهد بإبتسامة : على بالك بتزوج هالزواج العادي ... أنا غير قصر أفراح فخم ما 
      راح أرضى
      سعود بسخرية : أقول يلا بس اتصل على عبد الرحمن وخل مشعل يجهز بسرعة .. !!!!!
      فهد : إن شاء الله .. 

      // × // × //× // × //


      وصل لبيته وتقدم بكل ضعف وجلس بكنب الصالة بكل ثقل كان البيت مظلم ولا في أحد 
      حتى الخدم في بيت أخوه راشد عشان زواج بنته !!! يحس بالضيق مع أنه مفروض 
      اليوم بالذات يكون سعيد لكن لا عياله يبونه والكل تخلى عنه حتى أخوانه ما بقى 
      له منهم أحد إلا سعود .. !!!!!!

      سنوات مرت وهو كان يظلم وألحين بس عرف كيف شعور المظلوم هذا هو انظلم ومن 
      أخوه أقرب الناس له ولكن عادي عنده ولا أنه يصدم أخوه بحقيقة أن زوجته " حصة 
      " تكذب لأنه ممكن ينصدم وقتها ويروح فيها وهذا اللي ما راح يرضاه على أخوه 
      ...... !


      // × // × //× // × //


      مشاعل كانت خايفة بعد شوي بدخل " مشعل " لكن اللي زايد خوفها " الهنوف " ما 
      جت للحين ولا تدري ليش تبي تشوفها تودعها قبل لا تسافر يمكن تشوفها مرة ثانية 
      لأنها ما راح تطول السالفة وفي أقرب فرصة تبي تاخذ حق زياد .....!!!!!

      // × // × //× // × //


      أم فهد بعصبية : هنوف وش بلاك تحوسين وتدورين !
      الهنوف بخوف : ولا شيء يا خالتي بس أدور على رهف !!!
      أم فهد بخوف : رهف ليه وينها فيها
      الهنوف : بس كنت ألعب معها وركضت تتخبا ولا أدري وين راحت !
      أم فهد بصراخ : اسمعيني تدورينها ألحين وتجيبينها وتقعدين معها فاهمة مب 
      تتركينها تراكض .. !!! ترا والله يصير شيء ببنتي أذبحك .. !!
      الهنوف : طيب
      أم فهد : يلا روحي جيبيها ولا تقعدين تراكضين معها .. !!

      وراحت أم فهد والهنوف الخوف يزداد لأن لها ساعة تحوس بالبيت ولا لقت رهف وفجر 
      راحت عند مشاعل عبير على أساس بتلحقها لكن رهف ما تدري وين متخبية ... !!! .. 
      همست في نفسها " وينك يا رهف .. الله يستر إنشاء الله بس ما تكون طلعت برا !! 
      " 

      // × // × //× // × //


      مشعل بخوف : وين بتروح عني يا عبد الرحمن ... !!
      عبد الرحمن : ياخوي عمي حمد وسعود معك .. أنا شوي رايح بشوف وين تركي وبعدين 
      بجيك يلا لا تدلع
      مشعل بتوتر : الله يعين .. !!

      // × // × //× // × //


      أحمد : اسمعني يا فارس !!
      فارس بضيق : ياخوي وش تبي .. تراك مزعجني شغل ورجعنا ومع ذلك واقف على راسي 
      وتزعجني !!
      أحمد : انت أخوي ما تفهم ! اسمعني .. فهد خوي وعرفت أنه عنده أخت عشان كذا وش 
      رايك تتزوجها !!!!!
      فارس : شف زواج ما راح أتزوج يعني شيل الفكرة من راسك
      أحمد : وليـه طيب ؟؟؟؟؟؟!!!!!!
      فارس : ياخوي غصب الزواج !!
      أحمد بعصبية : لا تقول أنك للحين متعلق بفجر ترا قسم بالله ...
      قاطعه فارس : لا خلاص !!
      أحمد : أجل خلاص بروح لفهد وأكلمه نحدد موعد !!
      فارس : على كيفك هي ؟؟!
      أحمد : أنت خلنا نتوكل وشف البنت وبعدين استخر والله يكتب اللي فيه الخير
      فارس : الله يعيني عليك .. صدق أنك حنان ... الله يعين زوجتك عليك
      أحمد بغرور : أصلا هي تلقى مثلي
      فارس : أنا أشهد مافي مثل حنتك أحد !!!
      أحمد بعصبية : صدق أنك ما تستحي !!

      // × // × //× // × //


      طلع عبد الرحمن برا وقعد يتصل على تركي لكن جواله مغلق ... حس بالخوف هو من 
      زمان يبي يواجه تركي ويصلح كل شيء بينهم يظل تركي ولد عمه وخويه الغالي ... 
      رجع لورا .. قبل عشر سنوات .. !!!!!



      تركي : يا رجال الشغل هالكني .. !!
      فهد : ايه وحنا تنساني يا بوفهد !!
      تركي : أفى بس أنساكم .. !! أنتم بالقلب يابوتركي
      عبد الرحمن : على كيفك أنت وياه كل واحد يسمى ولده على الثاني وأنا طلعت برا 
      الحسبة
      فهد : وش نسوي عاد
      عبد الرحمن : وش رايكم بس نهاية الأسبوع نطلع للبر طلعة محترمة
      تركي : ما عندي أي مشكلة .. !
      فهد : وأنا بعد جاهز
      عبد الرحمن : خلاص أجل نجهز الوضع ثم نلتقي .. !!





      رجع للواقع وتحسر على الماضي .. وهذي آخر طلعاتهم ولا صارت طلعت البر ... 
      توفى جدهم ثم انسجن تركي وكل شيء صار بغموض ومازال للحين يبي يعرف وش اللي 
      صار يومها لازم يكون في شيء صار بين فهد وتركي هم كانوا أخوان ومعزة لكن كل 
      انتهى بينهم ... !!!!!!!
      كان معطى ظهره للباب الرئيسي للسور المحيط لقصور عمانه وبيتهم ولما التفت لقى 
      رهف تمشي ببراءة ولكن لحظتها شاف سيارة داخلة من الباب و ..... ووصرخ : 
      لااااااااااااااااااااااااااااااا رهف 
      !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!


      // × // × //× // × //


      سمع صوت سيارة توقف بطريقة قوية وحس بالخوف وقلبه انقبض وبسرعة تقدم للباب 
      وفتحه والخوف يحيطه وتقدم بسرعة وانصدم صدمة عمره .. خلاص كل شيء راح لكن وش 
      اللي يشوفه قدامه .. !!!! مستحيل يصدق !!!! أكيد هو يحلم ... تمنى أنه يرجع 
      ... تمنى أن الدنيا ترجع عشر سنوات ورى عشان ما يصير إلا صار 
      !!!!!!!!!!!!!!!!!





      الفصل العاشر

      " كسرت ظهري ياخوي ؟ "



      سمع صوت سيارة توقف بطريقة قوية وحس بالخوف وقلبه انقبض وبسرعة تقدم للباب 
      وفتحه والخوف يحيطه وتقدم بسرعة وانصدم صدمة عمره .. خلاص كل شيء راح لكن وش 
      اللي يشوفه قدامه .. !!!! مستحيل يصدق !!!! أكيد هو يحلم ... تمنى أنه يرجع 
      ... تمنى أن الدنيا ترجع عشر سنوات ورى عشان ما يصير إلا صار 
      !!!!!!!!!!!!!!!!!
      حاول يتراجع لكن اللي يشوفه حقيقي وانتبه لعبدالرحمن اللي جاي وهو ينادي بخوف 
      " رهف " والأكثر صدمة السيارة اللي صدمت رهف واقفة ولكن الصدمة هي اللي 
      يسوقها وطايح على الدركسون " تركي " !!
      تقدم بخوف وتردد ولما قرب من رهف همس لـ عبد الرحمن : ودها المستشفى 
      بسررررررعة لا تروح البنت !!!!!
      عبد الرحمن بخوف : وعمي راشد
      أبوتركي : عبد الرحمن رح ودها وأنت ما عليك من شيء ثاني بسرعة
      عبد الرحمن وهو يشيلها : إن شاء الله .. !!!

      منظرها قاسي كانت تنزف والدم مغطيها وهنا قعد يطالع أبوتركي سيارة عبد الرحمن 
      وهي تبعد والتفت لولده تركي اللي طايح على الدركسون !!! 
      تقدم وفتح الباب ولقاه مفتوح وقعد يحرك تركي ... وبعد فترة فتح عيون تركي 
      بصعوبة وهو يطالع !!!!
      أبوتركي : اسمعني يا تركي أنت ألحين تروح للمطار وتنتظر لين يجي موعد طيارتك 
      في لندن وتسافر ولا عاد ترجع لين أقولك فاهم
      تركي بخوف : وش فيه وييييين أنا !!!!!!!
      أبوتركي بألم : أنت كنت سكران وصدمت رهف .. !!! لازم تسافر ولا بتروح 
      فيها!!!!!!
      تركي بصدمة : اييييييش أنا صدمت رهف !!!! يبا وش قاعد تقول يبا تكفى لا تقول 
      أنه صدق !!!!!!
      أبوتركي : تركي مافي وقت للكلام لازم تسافر أنت فاهمني لا يمكن أسمح لهم 
      يرجعونك السجن لازم تسافر ولا عاد ترجع لين أقولك
      تركي : كيييييييييييييييييف أهرب !!!!! أنا ما كنت أقصد كنت ..
      أبوتركي بصراخ : كنت ايييييش سكران هذا عذر !!!!! مثل ما قلت لك سافر لا عاد 
      ترجع لين أبلغك .. يلا ألحين رح !!!!!
      تركي : يبا كيف تبيني أروح
      أبوتركي : بتروح غصباً عليك لا يمكن أخليهم ياخذونك فاهم أنا خسرت زياد لكن 
      أنت ما راح أخسرك لازم تسافر ألحين .. !!

      مسك أبوتركي ... تركي ودفه للسيارة وقاله يمشي ومشى تركي وهنا تنفس أبوتركي 
      خلاص ضمن أن ولده طلع منها والباقي بتدبره هو .. !!!!!





      // × // × //× // × //

      الهنوف بدموع : والله دورتها في كل مكان
      أم فهد وهي تضرب الهنوف بعصبية : ياحقييييييرة .. أكيد ذبحتيها !!! بنتي يا 
      بنتي وينك رحتي وينك رحتي !!!!!! والله لو صار لها شيء أن أذبحك !!!!
      فجر وهي تبعد أمها : يما الهنوف مالها دخل .. لا تحطين كل شيء عليها !!
      أم فهد : هي السبب في كل شيء عارفة أن قلبها أسود لكن والله راح أندمك اصبري 
      بس ألقى رهف وحسابك عندي يالحقيييييرة !!!!!!

      // × // × //× // × //

      انصدم صدمة عمره ويش يسوي هو في موقف صعب !!! كلمه سلطان وبلغه أن رهف في 
      المستشفى وبس لا أكثر ولا أقل وخايف يبلغ أخوه !!!!!!

      سعود بهمس : فهد ..
      فهد بسخرية : وش فيك صاير محترم
      سعود بتردد : فهد اسمعني .. أختك رهف في المستشفى
      فهد بعصبية : ايييييييييش ؟
      أبوفهد وهو انتبه لفهد : وش فيك يافهد ؟
      فهد بدون انتباه : رهف يبا .. رهف في المستشفى .. !!!


      // × // × //× // × //

      كان جالس على أحد الكراسي وسلطان يمشي ويدور بعصبية .. ما يدري وش سوى عمه 
      سلطان بتركي !!! كان يحس أن عمه بمصيبة خاصة لما يعرف عمه راشد أن اللي صدم 
      رهف تركي بتكون أكبر مصيبة !!!!!! 

      سلطان كان يمشي بعصبية وهو شايل هم أن أحد يعرف أن تركي هو سبب المشكلة .. لا 
      يمكن يسمح لهم يمسكونه تركي خلاص لازم يغادر برااااا هذا الأمر منتهي ... 
      مستحيل يخلي أحد يعرف بحل المشكلة بطريقته وما يهم التضحيات المهم في النهاية 
      تركي يطلع من السالفة .. !! بعد دقايق انتبه لسعود جاي ومعاه .. !!!!! استغرب 
      وانصدم كان أخوه راشد ما توقع أن سعود يقوله لأن الموقف صعب وصحة راشد صعبة 
      .. !!!

      أبوفهد بخوف : وييييييينها رهف .. وينها يا سلطان قلي وينها
      أبوتركي بضيق : هد نفسك ياخوي .. 
      أبوفهد بعصبية : وش أهدي نفسي هذي رهف لو صار لها شيء بروح فيها !!!!!!! 
      أم فهد بصياح : وينها بنتي رهفففففففف أبي أشوفها .. !!

      هنا طلع الدكتور وتقدم الكل منه وهو قال بهدوء : وين أبوها !!
      أبوفهد : أنا أبوها .. طمنا يا دكتور !
      الدكتور : ما دري وش أقولك بس البنت تحتاج عملية سريعة ..!
      أبوفهد : ايييييييييش عملية !!!!!!!
      الدكتور : اذا ممكن توقع على الأوراق
      أبوفهد بخوف : أنت مجنون تقول عملية البنت صغيرة !!! كيف عملية !!!!!!
      الدكتور : ياخي صدقني البنت محتاجة للعملية ... وضعها خطر ولا يسمح بالتأجيـل 
      .. !!
      أبوفهد : لاحول ولا قوة إلا بالله .. يلا وينها الأوراق أوقعها ...

      وعطاه الدكتور أوراق ووقعها وهو خايف ومتردد ...


      // × // × //× // × //

      كان يمشي بالسيارة بسرعة جنونية وقلبه يضرب بخوف .... !!!!! " وش اللي سويته 
      ؟؟!! صدمت بنت عمي رهف !!!! يااااارب سامحني !!! " وبعد دقايق لقى مسجد قريب 
      ... قرر يوقف يصلي ويريح ثم يروح للمطار ... !!!


      // × // × //× // × //

      كان يمشي بتردد وخوف !!! اتصل على أخوه عدة مرات ولا كان مافي رد !!! كان 
      كلمات فهد صدمة للجميع وهو أن بنت عمه رهف في المستشفى الكل راح وكان بروح 
      لكن أخوه " عبدالرحمن " قاله يقعد مع زوجته .. !!! ومشاعل من يوم سمعت بالخبر 
      وهي تصيح وهو مب قادر يسكتها ولا عارف كيف يتصرف ... !!!
      // × // × //× // × //

      كان يطالع أخوانه وهو يدعو بقلبه أن العملية تنجح ويكتب الله شفاء " رهف " 
      لأن لا قدر الله صار لها شيء بكون النهاية بالنسبة لأخوه " راشد " لأن لا 
      يمكن يتحمل أي صدمة ثانية ... !!!

      سعود بهدوء : سلطان
      أبوتركي : نعم ..؟
      سعود : وش اللي صار مع رهف ؟! 
      أبوتركي : صدمتها سيارة !!
      سعود وهو يحاول يهدي صوته عشان ما يسمعه راشد : ايييش ؟ من اللي صدمها 
      تعرفونه ولا ..؟
      أبوتركي : مو مهم ... إن شاء الله تنجح العملية وبعدين نشوف من صدمها وكل 
      هالكلام ...
      سعود بهدوء : الله يشفيها ... !

      // × // × //× // × //
      كان يمشي بسرعة في السيارة .... يبغى يبعد لا يمكن يتخيل موقف الكل منه 
      وبالذات " الهنوف " وش بسوي أبوه !! معقولة يعلمهم بالحقيقة !! ما يدري ولا 
      يقدر حتى يفكر يحس نفسه مشلول الفكر ... !!!
      كان يمشي بسرعة وباقي دقايق ويوصل للمطار وبعدها ينتظر لين يقلع بالطيارة ... 
      ! فجأة بدا يحس بضيق تنفس والدنيا تظلم ولحظتها بس حس الماضي يرجع كل شيء صار 
      له بدا يتذكره ..... !!!!!!!!

      " تركـ ...ـي اسمع ... لا تذبحني !!! " 

      " تركييييييييييييييييييي "

      " لااااااااااااااااااااا "

      " الله يسامحك يا تركي " 

      " اسكت لا تتكلم ... أنت مب ولدي " 

      " قلت لك أنت مب ولدي وأنا متبري منك .. !! " 

      " سامحني تركي أنا عارف أنك بتنصدم لكن لازم تضحي عشان غيرك يعيش !!!! "

      وبلحظة حس الدنيا تقفل وكل شيء انتهى والسيارة تنقلب فيه أكثر من مرة لين 
      وقفت ومعها غمض عيونه واستسلم ..... !!!!!!!!!


      // × // × //× // × //

      طلع الدكتور والكل تقدم منه ... !!!

      أبوتركي : بـشـر يا دكتور ..!!
      الدكتور : ....
      أبوفهد بألم : وش صار يا دكتور !!
      الدكتور : ادعوا لها بالرحمة ... عظم الله أجركم ... !!!!!!!!
      أم فهد بصراخ : لاااااااااااااااااا بنتييييييييييييييييييييييي رهف 
      !!!!!!!!!!!!!!!!!!!!!!!!


      // × // × //× // × //

      كان سلطان يشوف أخوه مصدوم ومتألم ومذبوح من " الألم " من سمع الخبر سكت وجلس 
      ... !!! وأم فهد من الصدمة أغمى عليها !!! أما الهنوف وفجر فهم عند أم فهد 
      والألم مغطيهم لكن أخوه " راشد " ساكت ولا أعطى أي رد ... !!!

      // × // × //× // × //

      سعود كان جالس وهادي ... اليوم أول أيام العزاء وأبوفهد راح لغرفته ولا عاد 
      طلع ... وأم فهد بالمستشفى والبنات بالعزاء وفهد مع الرجال بالعزاء !!! ما 
      يلوم أخوه على هذا الإنعزال .. !!! اذا هو ما تحمل كيف أخوه !!! هذي كانت 
      نظرة سعود !!!!!!
      وبعد دقايق شاف أخوه " سلطان " يقوم ويمشي وبهدوء لحقه وهو مستغرب وش يخلي 
      سلطان يطلع من العزاء .. !!!!!!!!!!!!

      سعود : وش فيك سلطان
      أبوتركي : ولدي يا سعود في المستشفى !!!!
      سعود : اييييييييش ؟؟!!! ... بروح معك
      أبوتركي : يلا بسـرعة ... !!

      // × // × //× // × //

      مشاعل بدموع : بروح لها لازم أوقف معها
      مشعل : خلاص روحي لها وأنا بروح لعزاء الرجال ..
      مشاعل : مشكور .. !!

      // × // × //× // × //

      الدكتور بهدوء : مادري ايش أقول لكن ...
      أبوتركي يقاطعه : لكن ايش يا دكتور !!!!!
      الدكتور : بصراحة تركي جاله شلل نصفي !!!!!
      أبوتركي بعصبية : ايييييييييش تقول !!!
      الدكتور : هذا اللي صار ..
      أبوتركي بألم : وممكن يتعالج ولا ..
      الدكتور : ممكن لكن يحتاج عملية .. 
      أبوتركي : ما عندي مشكلة بسفره برا وأدفع كل مصاريف علاجه ... !!
      الدكتور : على راحتك ... 
      سعود : ليه يا سلطان خله يتعالج هنا
      أبوتركي : مستحيل بسافر برا ولو أدفع كل ما عندي ... تركي لازم يتعـالـج 
      .....!!!!!!!!

      // × // × //× // × //

      أبوفهد : في نفسه " خلاص يا راشد راحت الغالية !!!! ايه رهف الغالية !!! بنتك 
      المدللة راحت !!!!! وش بقي لك بـعـد !!!!!! ولا شيء !!! كل شيء راح من بعد 
      يالغالية !!!!!!!! ياليتني مت وارتحت ولا تروح رهف ... لييييييييييييييييييه 
      رهف ؟؟؟!!! الغـالـيـة رهف راااااااااحت يا راشد راااااااااحت !!!!! من بقي 
      لي في هذي الدنيـا خلاص كل شيء راح معك يالغالية ياليييييييييتني أقدر أرجع 
      اللي كان وأودعك لو مرة أخيرة أو .. أروح مكانك !!!!!!!!! يااااااااارب اغفر 
      لها ودخلها فسيح جناتك !!!! يارب سامحني فإني عصيت وظلمت الناس !!!!!! 
      يااااااارب !!!!! "

      // × // × //× // × //

      سعود : خلاص بتم كل شيء ؟
      أبوتركي : ايه يا سعود بتمم كل شيء لازم تركي يتعالج بـرا ....
      سعود بضيق : الله يـعـيـن ..
      أبوتركي : يلا نروح للعزاء ..
      سعود بألم : يـلا ...

      // × // × //× // × //

      الهنوف وهي تبكي : لييييييه تروح رهف !!! ياليتني أنا مت مكانها ياليت !!!
      فجر وهي تهديها : خلاص يا هـنـوف ...!!! والله حرام عليك ... ترا كذا أنا 
      أتعذب !!!!! خلاص رهف راحت للي أرحم مني ومنك ....
      الهنوف : لييييه رهف ... كان رحت أنا مكانها
      فجر بعصبية : خلاص ياهنوف استغفري ربك ... هذي أمر الله ومحد يعترض ... والله 
      يرحمها ... !!!
      الهنوف بألم : استغفر الله ... ! يااااااارب أنك ترحمها يااااارب
      فجر وهي تصرخ في نفسها " ياااااارب أنك تصبرني ..... لازم أبقى قوية عشانهم 
      !!! أبوي ضعف وأمي طاحت والهنوف ضعيفة وحتى فهد ضعف لازم أكون القوية بينهم 
      ... !! "


      // × // × //× // × //

      كان جالس بين الرجال وهم يعزون لكن قلبه مب معه ولا يدري وش يقولون !!! أصلا 
      هو مب متصور هالكلام !!! رهف خلاص راحت للأبد !!!! مستحيل أكيد يمزحون ولازم 
      بعد شوي تطل عليهم !!! هذي الغالية اللي لها مكانة بقلبهم كلهم .... ياما 
      تمنت رهف تشوفهم على قلب واحد !!! لكن ما صار اللي تتمنى !! ياما كانت تدعي 
      ببراءة أن عمانها يتصلحون لكن ...! كانت متحطم ومتدمر ويحس نفسه جسد بدون روح 
      وكأن روحه راحت مع رهف !!!!!!!!!!!!!!!!!!!

      // × // × //× // × //

      ابتسم بهدوء وراحة بـال .. في يوم ما توقع يقول هالكلمة لكن قالها وبفخر : 
      أصيلة يا بنتي والله أصيلة ... الله يوفقك دنيا وآخرة ... وإن شاء الله أختك 
      رهف راحت للي أرحم مني ومنك ...
      الهنوف : عمي بروح أجهز أغراضي عشان أسافر مع تركي ..؟
      أبوتركي : خلاص يا بنتي تجهزي اليوم ... وترى سفرتكم بكـرا وودعي أهلك تدرين 
      يمكن تطولون ... !!! بروح معكم عبدالرحمن ... وبقعد لين تنتهي العملية ثم 
      يرجع ...
      الهنوف : إن شاء الله يا عمي .. اليوم أجهز كل أغراضي .. !!

      // × // × //× // × //

      انصدمت صدمة عمرها وهي تسمع فجر تقولها أن تركي جاه حادث سيارة وبسافر يتعالج 
      برا !!!
      قالت لها فجر أنه سمعت عمها " سلطان " وعمها " سعود " يتفقون على موعد السفر 
      والحجز ... !!!
      كانت في أصعب موقف في حياتها لكن " فجر " شجعتها توقف مع زوجها .. لأن رهف 
      ألحين تحتاج منهم الدعاء والعمل الصالح لها وما راح ينفع البكاء عليها .. !!!

      // × // × //× // × //

      ابتسمت " فـجـر " بهدوء .. بالصدفة سمعت عمها سلطان وعمها سعود يتكلمون عن 
      أنهم بحجزون تذكرة لشخص ثم سمعت اللي صدمه سفرة علاج لتركي صار له حادث كيف 
      وشلون ومتى ما تعرف !!!!! هذا اللي فهمته لما دخلت عليهم فجأة وقالها سعود 
      ووصاها ما تقول لأحد لكن قالت لأختها ما وقدرت تقنع أختها تروح مع زوجها لازم 
      توقف معها لأن الحياة ما تتوقف عند شخص ... !!! 
      رهف غالية عليهم وعليها هي بالذات لكن عشان رهف لازم تكون قوية وتقومهم من 
      الحال اللي هم فيه ... عشان يرجعون لحياتهم لأن رهف تحتاج الدعاء والعمل 
      الصالح مب الدموع والحسرات !!!!!
      كانت تشيل أغراض الهنوف ولقت دفتر غريب وكتب عليه 

      د . زياد بن سلطان بن مالك .. !!
      كل ما داخل الدفتر خاص فيني !!
      يمنع قراءته إلا بعد مـوتـي !! 

      استغربت وش وصل هالدفتر للهنوف ؟؟ أو يكون دفتر خاص بتركي حاولت ترجعه لكن 
      فضولها خلاها تدور بين الصفحات وهي تقرأ سريع قبل لا تجي الهنوف الغرفة 
      وتشوفها وفجأة طاحت ورقة ومكتوب عليها

      إلـى أخي تـركـي 

      وقرأت الكلام اللي في الورقة وانصدمت صدمة عمرها مستحيييييييل اللي تقراه هذا 
      كان ردة فعلها !!!!!!! 
      " مستحيل أن تركي يكون !!!!! " " لا مستحيييييييل " !!!! " معقولة الهنوف 
      تعرف ولا ..................!!!!!!!!!!! " 

      هنا حست الدنيا وقفت بالنسبة لها ولا قدرت تفكر لحظتها ولا عرفت وش تسوي رجعت 
      الورقة للدفتر لما سمعت صوت أحد جاي ودخلت الدفتر في الشنطة ... !!!

      فجر بألم : هنوف هذا الدفتر لـ .. مين ؟
      الهنوف وهي تطالع الدفتر : مادري .. بس يمكن لتركي خليه في الشنطة بعدين 
      أشوفه !!
      فجر بنفسها : " معقولة ما تعرف !!!! أقولها !!!!!!! أخاف أهدم حياتها اذا 
      تكلمت !!! لكن اذا سكت ممكن .. أدمـرها !!!!!! يااااارب ساعدني وش أسوي ... " 
      !!!
      الهنوف بألم : فجر ليه تبكين ...
      فجر بكذب : ولا شيء بس .. بشتاق لك ..
      الهنوف : حتى أنـا 
      وحضنتها فجر بقوة وهي تهمس في نفسها " سامحني ياهنوف ماقدر أقولك أخاف أنصدم 
      بحقيقة أنك ما تنعرفين !!! وأخاف أنصدم أنك تعرفين والخوف الأكبر أن المكتوب 
      حقيقة !!!!!!!!!!!!!!!!! "

      // × // × //× // × //

      تقدمت لأبوها بتردد كان جالس بغرفته والصمت في الغرفة تام ما عدا صوت المكيف 
      !!!!! 
      الهنوف بدموع : يـبـا أنـا مـسـافـرة وجيـ.. ـ ت أودعك !
      أبوفهد يطالعها : ....................
      الهنوف حبت راسه : سامحني يبـا اذا في يوم أخطيت في حقك أنا بسافر ولا أعرف 
      بكتب الله أني أرجع في يوم ولا لا ...
      أبوفهد : .....................
      الهنوف : مع الـسـلامة يالغـالي ... وحبت راس أبوها وطلعت وهي تبكي

      // × // × //× // × //

      انصدم صدمة عمره وهو يشوف أختـه " الـهـنوف " تودعه مع أنه دايم يسبب أي 
      مشكلة عشان يضرب الهنوف بسبب أو بدون سبب حتى ومع كل هذا الهنوف جاية تودعه 
      .. !!!!!
      فهد بألم : انـتـبـهي لنفسك هـنـوف واذا احتجتي شيء تراني حاضر
      الهنوف بإبتسامة : مابي إلا سلامتك ياخوي
      فهد بدموع : أخوي ؟؟ للحين تشوفيني أخوك مع كل شيء سويته !!!
      الهنوف : يافهد كلنا نخطي ومنب معصومين والله يسامحك ياخوي دنيا وآخرة
      فهد وهو يحضنها : سامحيني يالغالية ... والله يسهل دربك ويوفقك ...!!

      // × // × //× // × //




      الهنوف وهي تهدي مشاعل : خلاص يا مشاعل .. !!
      مشاعل وهي تبكي : كيف تبيني أسكت وأنتي بتروحين عني .. !!
      الهنوف : مشاعل تأكدي أنك قريبة مني كل لحظة .. وبعدين كلها كم شهر وإن شاء 
      الله ونرجع أنا وتركي .. !! 
      مشاعل بألم : هنـوف لما يصحى تركي .. بلغيه أني مشتاقة له حيل ويسامحني على 
      كل شيء ..... أنا ظلمته .. !!
      الهنوف وهي تبتسم : من عيوني .. " وسلمت على مشاعل وودعتها "

      // × // × //× // × //

      أبوتركي : انتبه لهم يا عبد الرحمن تراهم أمانة ...
      عبدالرحمن : أفى بس يا عمي ... توصيني على أخواني .. تركي أخوي الغالي وحتى 
      الهنوف أختي الغالية ...
      أبوتركي بألم : الله يوفقك ياولدي ... " وطالع الهنوف " وأنا عمك اذا احتجتي 
      أي شيء بلغيني ...
      الهنوف : ما أبغى إلا سلامتك عـمـي .. !
      أبوتركي : الله يسلمك يا بنت الـغـالـي 

      // × // × //× // × //


      أبوفهد : وينها الهنوف
      فجر : راحت يـبـا .. !

      جلس أبوفهد على الكنب وهو يهمس في نفسه " سامحني يا ليلى ما وفيت في وعدي ولا 
      حافظت على بنتي كنت ظالمها .... سامحني يالغالية ما نفذتي وصيتك الأخيرة وهي 
      أني أحافظ على الهنوف .. !!! ما كنت قد المسئولية ظلمتها وهي صغيرة وظلمتها 
      وهي كبيرة ... !!!! الله يرجعك بالسلامة يالغالية ... "

      // × // × //× // × //

      مشعل : كان ودي يا مشاعل أوديك لأحلى شهر عسل لكن الظروف مثل مانتي شايفة ... 
      متى ما تحسنت إن شاء الله بنـروح ...!
      مشاعل ببرود : ما عندي مشكلة
      مشعل : تسلمين يا مشاعل ... وإن شاء الله بعوضك بأحلى سفرة ..
      مشاعل بهدوء : مشكور ..!

      // × // × //× // × //

      لأول مرة من فترة طويلة تجتمع كل العائلة عدا بغياب عبدالله .. وتركي والهنوف 
      .. وعبدالرحمن ... لكن اجتماعهم كان على " حـزن " !


      سعود : إلا يا حمد وين ولدك عبدالله
      أبوعبدالله بإرتباك : عنده شغل واليوم بالكثير يرجع
      سعود : الله يعين ...
      أبوفهد بألم : سلطان ...
      أبوتركي : سـم ياخـوي ؟
      أبوفهد : وش اللي صار لرهف ؟؟ كيف راحت المستشفى ..
      أبوتركي بهدوء : ياخوي الأمر ما كان بقصدي ... كنت على أساس بطلع وجت رهف في 
      وجه السيارة وحاولت أوقف لكن ....ووقف هنا لما سمع أخوه يصرخ : كسرت ظهري 
      ياخوي ؟؟ كسرت ظهري ......!!!!!!!!!!!!!!!!!!!!!!!!!!!!!!!!!!!!!!!!!!!! 
      !!!!!!!!
      " قلوب ملكتها الشياطين "

      بعد ثلاثة شهور ...

      رجع عبدالرحمن بعد ما تم اجراء العملية لتركي ونجحت وتركه يكمل علاجه الطبيعي 
      وانصدم لما عرف أن عمه سلطان حط سبب حادث رهف فيه ... وحاول يتكلم لكن عمه 
      سلطان حذره وما علم عبدالرحمن إلا سعود بالسالفة كاملة .. 

      أبوفهد من بعد ما قاله أخوه سلطان أنه السبب في حادث رهف انعزل عن أخوانه 
      وصار يرفض يقابلهم كلهم وسلم ولده فهد كل ما يخص الشركة ...

      تركي نجحت عمليته وألحين قاعد يتعالج بالعلاج الطبيعي ويحتاج ثلاثة شهور عشان 
      يقدر يمشي بشويش ثم ثلاثة شهور ثانية ممكن يرجع يمشي ممتاز !

      مشعل سافر مع مشاعل لماليزيا عشان يغير عليها الجو بس لاحظ صمتها وصدها له 
      واستغرب وقرر يرجع ويضع حد لزواجهم ....

      أبوعبدالله كان ضايع في الشغل ومعطي ولده كل شيء ومسوي له توكيل كامل في 
      الشركة ...

      سعود نقل مكتبه للمحاماة للرياض ...





      كان يبتسم لها وفي قلبه ألف سؤال وسؤال ... انصدم لما شاف نفسه بالمستشفى 
      وتذكر كل شيء لكن الأغرب اللي حوله !! ناس ما تعود عليهم ..!!

      ويلقى عبدالرحمن اللي بلغه بكل شيء وبلغه أن محد يدري عن أنه السبب في حادث 
      رهف وحس بالراحة ...
      وكانت الهنوف دايم تشجعه وتقويه وكان مرتاح إنها ما تدري لكنه متأكد أنه في 
      النهاية لا يمكن يقعد معها لازم تعرف بحقيقة أنه تسبب في وفاة أختها .... !!


      // × // × // × // × //


      كانت تطالعه وهو نايم على الكنب تعبااان ... كان طول وقت سفرتهم لماليزيا 
      يحاول يتكلم معها وهي تصده وهو ينام بغرفة وهي بغرفة واستانست لما قالها أنه 
      برجعون ..
      ورجعوا لبيت عمتها هند واستغربت رجعتهم بدري بس مشعل قال لأمه أنه اشتاق لها 
      فطلع عبدالرحمن عشان يتركهم براحتهم وأم عبدالرحمن راحت نامت وهو قال بنام في 
      الكنب وهي تطلع فوق 
      وفهمت من هدوئه أنه راح يضع حد لموضوعهم ولحظة بس تذكرت أن الفرصة ما راح 
      تجيها أكثر من مرة ... لازم تتخلص منه ألحين ...
      خذت سكينة من المطبخ وتقدمت له كان نايم ويتنفس بضيق وكانت بتضربه بالسكين 
      لكن وقفت في اللحظة الأخيرة ورجع لورى تبكي وهي تقول " سامحني يا زياد ما قدر 
      أخذ حقك ! ... سامحني " وقعدت تبكي ولحظتها مشعل حس بصوت وقام ولقاها تبي 
      واستغرب ولما تقدم لها شافها تتراجع وبيدها سكين استوعب كل الموضوع ...

      مشعل : مشاعل ... أنتي تزوجيتني بس عشان تنتقمين لأخوك ... خلاص هذا أنا 
      قدامك ما راح أتحرك وانتقمي لكن تأكدي أني ما قصدت أذبحه أو أذبح غيره .. 
      وقتها كنت مب بوعيي ...
      مشاعل وهي تبكي : ما قدر ... ماقدر ..
      لحظتها تقدم لها مشاعل وبهدء شال السكين وحضنها وهي تبكي وتتألم ...
      // × // × // × // × //

      بعد مـرور .. ثلاثة شهور أخـرى :

      سعود : الحمد لله على السلامة .. عشانك بس .. خلاص بخليك ترتاح ... إن شاء 
      الله ... خلاص .... تـم ..
      عبدالله بهدوء : ميين هذا ؟؟
      سعود بإبتسامة : تركي رجع بس لا تبلغ أحد ... هذي مفاجآة للجميع !
      عبدالله بخبث : أوكـ .. وهو بجي أول لهنا ولا ... ؟
      سعود : لا شقته .. بريح ثم يجي هنـا ... !!
      عبدالله : صار يمشي ولا لا 
      سعود : والله بيني وبينك ما سألته خفت أجرحه بس ما أظن لأنه كان قالي ونبرة 
      صوته تدل على الحزن ... الله يعينه ... وهو حسب كلام عبدالرحمن أن الدكتور 
      قال بعد ثلاثة شهور بقدر يمشي شوي شوي .. 
      عبدالله بهدوء : الله يعينه .. 

      // × // × // × // × //


      آخيـرا ً رجع للوطن ... كلمة ما يحس بمعناها إلا اللي فقدها ... كان يحس 
      بالألم وهو يشوف الهنوف تدفه ... صحيح أنه بدا يمشي لكن يحتاج ثلاثة شهور 
      عشان يرجع يمشي ... !

      وصل للشقة ودخل مع الهنوف ولحظتها حس براحة ... وابتسم لها وقال : هنوف 
      سامحني أنا ظلمتك كثيييير 
      الهنوف : لا تقول هالكلام .. أنت ما ظلمتني ولا شيء !!
      تركي بنفسه " ما تدري أن سبب وفاة أختك ... الله يسامحني " 
      شوي ويدق الباب هنا ابتسم تركي وقال : شكله عمي سعود .. مع أني قلت لا يجي 
      خلنا نرتاح بس شكله يبي يزعجنا
      الهنوف بإبتسامة : بروح أفتح له أجل ...

      وتقدمت وما فتحت إلا واندفع الباب بقوة وتسكر وتقدم شخص ما تمنى تركي يشوفه 
      هذي اللحظة .....

      عبدالله بخبث : الحمدلله على السلامة .. بشر صرت تمشي ولاخلاص ما عاد في أمل 
!
      تركي بعصبية : وش جابك ؟؟؟ وش تبغى مني !!!!!!
      عبدالله : لا تعصب ترا أقدر أذبحك ولا حد يوقف بوجهي
      تركي بصراخ : تهدد ياحقييييييير !
      عبدالله : لا أهدد ولا شيء ... جيت أخذ حقي منك !!
      تركي : أي حق 
      عبدالله وهو يطالع الهنوف : الـهـنوف ... لي ... 

      وهنا قام لها وقال بوقاحة : أبغى أشوف كيف بتمنعني عنها ... يا عاااااجز 
!!!!!
      تركي لحظتها حس بفكره ينشل وانصدم وهو يشوف عبدالله يمسكها بكل حقارة وهي 
      تحاول تبعد وتنادي بإسمه لكن ....

      حاولت يقوم كان يمسك بالكرسي ويحس أن رجله تقطعه لكن كان يحاول يصلب نفسه لأن 
      الهنوف ركضت للمطبخ وعبدالله لحقها ...

      كان يمشي ولما وصل شافه طايحة بالزواية وهو يتقدم لها بكل حقارة ... حاول 
      يمشي بهدوء ما يبغى يحس عليه عبدالله لأن عبدالله بقدر عليه بسهولة ... 
      ولما صار ورى عبدالله سمعه يقول : لا تقاومين ... تركي عاااجز ولا راح يساعدك 
      وخلينا نستانـ....

      ولا كمل كلمته لأن تركي مسكه وطيحه على الأرض وطاح عليه وقعد يخنقه وهو يقول 
      : ياحقييييييييييير .... والله ما راح تفلت مني ..... ثم صرخ في الهنوف ... 
      روحي شنطتي وبتلقين مسدس جيبيه .....

      ولحظتها حس عبدالله بالخوف وحاول يقوم لكن تركي كان ماسكه بقوه ولما جاء 
      المسدس قال للهنوف خليه بيدك اذا حاول يقرب منك اطلقيه عليه ...

      وقال لعبدالله : اطلع من الشقة لو حاولت تقرب منها راح تذبحك ... فااااهم

      وقام عن عبدالله اللي قام بسرعة وطلع برا الشقة وهو يتوعد تركي ولحظتها تركي 
      طاح على ظهره من التعب وهو يحس أنه خلاص ما راح يقدر يمشي للأبد .....!!!!

      // × // × // × // × //


      : أنت وش تقوووووول ؟؟؟؟؟؟
      عبدالله بصراخ : قلت لك خذ حرمتك وبنتك واطلع براااااا
      أبوعبدالله بعصبية : هالكلام لي أنـا ؟؟؟؟؟؟؟؟!!
      عبدالله : ايييييه لك أنت ..... خذ حرمتك وانقلع براااااااا
      أبوعبدالله : أنا أبوك ؟
      عبدالله : أبوي ولا مب أبوي ... البيت والشركة لي وأنت وحرمتك وبنتكم تطلعون 
      براااا فاهم ... أنا طالع لكن لما أرجع ما بي ألقاك
      أم عبدالله بصياح : الله لا يسامحك ... لا دنيا ولا آخرة !!
      عبير بصياح : حرااااام عليك يا عبدالله هذا أبوك !!
      عبدالله بصراخ : اسكتييييي أنتي وياها .... وطالع أمه وقال .... أنت ورجلك 
      وبنتكم تنقلعون لما أرجع ولا والله بستدعي الشرطة .... وأكشف الحقيقة كلها 
      ... وأقول لهم من اللي ذبح زوج عمتي هند ... ومن سرق فلوس عمتي هند وكل شيء 
      ....... بروح ولما أرجع ما بي ألقاكم هنا !!

      بعد هالكلام طلع عبدالله وسكر الباب بعصبية ... كان ضايق من اللي سواه تركي 
      فيه وبسرعة راح بالتوكيل اللي سواه أبوه له ونقل كل شيء بإسمه ... 

      لحظة خروج عبدالله كان أم عبدالله تهدي أبوعبدالله وتقوله : ما عليك منه 
      بيرجع البيت والشركة لك غصبا ً عليه ..
      أبوعبدالله وهو يتنفس بصعوبة : الله لا يسامحه .. الله لا يسـ....... !!

      طاح أبوعبدالله وصرخت وقتها أم عبدالله وعبير ركضت لأبوها وهي تصرخ وتبكي !!!

      // × // × // × // × //


      سعود : اييييييييييييييييش ؟؟؟؟؟؟؟؟؟؟؟؟؟؟؟؟؟؟؟؟؟؟
      أبوتركي بألم : أخوي حمد بالمستشفى ... بسرعة يا سعود 

      طلع سعود وركض للمستشفى ولقى أخوه سعود وحتى أبوفهد اللي كان رافض يجتمع مع 
      سلطان وهند ... ولحظة وصول عندهم طلع الدكتور وتقدم الكل من عنده

      سعود : بشـر دكتور ؟!
      الدكتور بأسف : ما دري وش أقول ... لكن ما راح يعيش طبيعي .. صدمة عصبية 
      تسببت بشلل ...
      سعود بصراخ : اييييييييييييييش !!!!!
      سلطان بألم : لا حول ولا قوة إلا بالله ....

      // × // × // × // × //


      بعد مرور شـهـر ...

      كان الكل واقف بهدوء وصمت ... وينتظرون قدوم سعود اللي جمعهم كل بدون استثناء 
      ... عدا عبدالله اللي بعد عملته في أبوه باع البيت والشركة واختفى ...
      والشاري كان سلطان اللي رفض يروح لغريب ولما شراه الحلال من عبدالله رجعه من 
      جديد لأخوه ....... !!

      وتركي ما قابل أبوه خلال الشهر كله ... خاصة بعد سالفة عبدالله ... عرف باللي 
      صار في عمه فقرر ما يقابل أبوه في الفترة الحالية ... لكن هاليوم طلب منه 
      سعود يجي معه ......

      انفتح الباب وتقدم سعود ومعه تركي اللي يمشي بعكاز والهنوف ...

      أبوتركي بصدمة : تـ...ـركي ! ولدي ... ركض أبوتركي لولده وحضنه وتركي كان 
      يحضنه ويحب يده وراسه !!

      والهنوف تقدم من أبوه وهي تبكي وتحضنه وهو كان يبكي ويقول لها : سامحني يا 
      بنتي ظلمتك كثييييير ... سامحيني .... 

      سعود بهدوء : اليوم جمعتكم كلكم عشان نقول الحقيقة كاملة للكل .....
      أبوعبدالله وهي ينطق بصعوبة : أي حـ.... قـيـ...قـة !
      سعود : الحقيقة كاملة لازم يعرفها الكل .... الحقيقة أن أخوي سلطان قدر قبل 
      عشر سنوات يخدع أبوي ... أبوي اللي زرع فينا كره بعض وكان ظالمنا وظالم نفسه 
      ... خدعه سلطان بعد ما وثق فيه أبوي وقربه منه وورثه وهو حي ... وسرق الحلال 
      ويومها انصدم أبوي صدمة عمره وتوفى من الصدمة وهي أن عياله سرقوه وورثوه وهو 
      حي .......

      بعدها بسنوات توفى أبوك يا عبدالرحمن أنت ومشعل ... والحقيقة هو ما كان في 
      حياته مقامر ... الحقيقة أن حنا سرقنا حق أختنا ولما عرف أبوكم انصدم وحاول 
      يساعد أمكم ويرجع حقه وراح واشتكى لكن ما حد سمع له وهو توفى بعدها لأنه مرض 
      وما قدر يتكلف بعلاجه ورفضنا نتكفل في علاجه ... مع أن أختي هند جت وترجتنا 
      وقعدت تبكي لكن قلوبنا وقتها كانت مملوكة من الشياطين ......

      عبدالرحمن : ايييييييييش ... أبوي ما كان راعي قمار أجل ليييييش !!! 
      ليييييييييش تكذبون علينا !!!!! ليييييييه توك تفكر تقولنا وهنا صرخ .... 
      لييييييييه 
      مشعل : " مصدوووووووووووووم "

      سعود : عبدالرحمن أنا أعترف أني غلطت لما سكت عن الحق لكن حقكم برجع لكم
      عبدالرحمن وهو يقاطعه : ما تهمني الفلوس .... أنا أبي أبوي اللي اتهمتوه 
      وخليتونا نكرهه وهو مظلوووووم ... يا حسافة أنكم أعمامي ... يا حسافة بس 
!!!!!

      جاء بطلع عبدالرحمن لكن سعود قال : ما خلصت كلامي ... باقي أقول أن سلطان مب 
      اللي تسبب في حادث رهف

      أبوتركي بصراخ : سعود ... اسكت أحسن لك !!!!!!!! 

      تركي : أنا السبب .. أنا كنت سكران وصدمتها .. أعترف !!!!!!!

      فهد بصراخ : اييييييش ... ما كفاك اللي سويته أول جاي تكمل ..... يا حسافة بس 
      !!

      أبوفهد بعصبية : فهد .... أنا مسامحه ...

      فهد : يبـا أنت مسامحه ... لأنك ما تعرف وش مسوي من قبل ... هذا انسان ما 
      يستاهل من يسامحه !!

      أبوتركي : فهد ... ممكن تعلمني وش مسوي لك تركي .. ؟

      فهد بقهر : تبي تعرفون حقيقة هذا الإنسان ... 

      الهنوف وهي شوي تبكي .. : لا فهد ... أنت ما تعرف السالفة .. لا تقول شيء ولا 
      لك دخل

      فهد بعصبية : لا زم يعرفون حقيقته يكفي ما تحملتيه وأنتي صغيرة ... هذا 
      الواطي حاول يعتدي على الهنوف وهي صغيرة !!!!!!!!!!!!

      أبوفهد بصدمة : مستحيييل !!

      أبوتركي لحظتها حس بالألم والقهر وعجز يتكلم !

      مشاعل وهي مصدومة همست : مستحييييل !

      أبوفهد : اسمعني يا سلطان اذا راح يقعد ولدك بينا ماله مكان .. 

      أبوعبدالله وهو ينطق بصعوبة : سـ.. لـطـ...ان .. راشـ...د .. لا ... 
      تـعـ...صبـ...ون 

      أبوتركي بألم : تركيييي !!!! مستحيييييييييل !!! ... وبصعوبة ... تركي اطلع 
      بـرا !!
      تركي بألم : يـبـا ...
      أبوتركي بغضب : قلت لك اطلع برا .. أنا مـ
      مشاعل وهي تبكي : لا يبـا ... لا تقولها
      أبوتركي بدون ما يهتم لكلامها : أنا متبري منك ... أنت مب ولدي !!!

      تركي بعد كلام أبوه طلع بألم بدون ما يهتم ... لكن اللي صدم الكل الهنوف 
      لحقته بدون لا تعطي لأحد أهمية ... !!



      الهنوف وهي تبكي : تركييي ... لا تروح .. أنـا ..

      تقدم منها تركي وحضنها بقوة وهو يهمس لها : هنوف ... أنا أحبك .. لكن هذا 
      لمصلحتك ... سامحيني .. أنتـي ... طـالـق .. !!!!

      وتركها تركي تايهة وضايعة ..............


      // × // × // × // × //


      تقدم لأبوه وحضنه وكان أبوه يبكي ألـم على فراق ولده ... تركي قال لأبوه 
      ومشاعل السالفة كلها والحقيقة ... ولكن قرر يتركهم ويسافر ... وحسب كلامه أنه 
      أحسن له ولهم ........

      أبوتركي بألم : تركي مب لازم تسافر ... أنا بقول لأخوي كل شيء ... لازم 
      يعرفون الحقيقة ......
      تركي بألم : يبـا .. لما أسافر تقدر تقولهم كل شيء وبتفهم بعدين السبب بكل 
      اللي صار .....
      أبوتركي بألم : على راحتك ... والله يوفقك بس لا تنسى تزورنا !
      تركي بألم : أكيد ..

      وسلم على أبوه وراح سلم على أخته وصديقه عبدالرحمن ثم راح للمطار لكن قبل لا 
      يوصل لقى أن في وقت عشان يصفي آخر حسـابـاته !!!!!!!!!!!



      // × // × // × // × //


      كانت تبكي وهي تتألم ... انصدمت لما قالها تركي وانهارت الكل كان يلومها أنها 
      اختارته وفي النهاية طلقها بدون سبب ... مع ذلك هي ما حملت عليه شيء ...

      فجر : خلاص يا هنوف .. والله حرااااام عليك
      الهنوف : هم ما يعرفون شيء ...
      فهد بعصبية : أنتي ليه تصيحين ... ممكن أعرف ؟؟ .. يعني فوق ما أنه تركك 
      وطلقك رغم كل اللي سواه لك مفروض يحمد ربه أنك رضيتي فيه !!!!!!
      الهنوف : أنت ما نت فاهم شيء .... أنت ظلمته مثلهم !!!!!
      فهد بصراخ : طيب قولي الموضوع .!!!!!!!
      الهنوف : تركي انسجن بسبتي ..
      فهد : وش تخربطين أنتي !!!
      الهنوف : صديقه هو السبب ... هو اللي حاول ... وقعدت تصيح ثم كملت ... وتركي 
      قتله !!!!!!!
      فهد بصدمة : ايييييييييش !!!!!! معقووووولة !!!!!!!!!!!

      وطلع يركض برا وهو يتمنى يلحق تركي قبل لا يسافر لأنه عرف أنه بسافر برا ولا 
      عاد يفكر يرجع !!!!!!!

      // × // × // × // × //


      تقدم للشقة وضرب الجرس ينتظر أحد يرد ... وبعد وقت فتح شخص الباب وتقدم له 
      تركي بوحشية ودفعه على الأرض ....


      تركي بسخرية : مثل ما توقعت نفس المكان
      عبدالله بخوف : أنت وش جابك هنا!!!!!
      تركي : جيت أخذ حقي منك يالواطي !!!!
      عبدالله : أي حق أنت مجنووووون ... اطلع برا !!!!!
      تركي طلع المسدس ووجه لعبدالله وقال بكل حقد : ضيعتني وخلتيني أسكر وأضيع 
      وفوق كل هذا حاول تتعدى على زوجتي وتقول أي حق ... !!!!
      عبدالله بخوف : تبي فلوس بعطيك بس فكني من شرك !!!
      تركي بسخرية : الفلوسك لك ولأشكالك ... أنا حقي أسحب روحك معي ...
      عبدالله بخوف : أنت مجنون ... بعدمونك لوذبحتني ... تركي لا تخلي الشيطان 
      يلعب براسك 
      تركي بسخرية : أنا ميت ميت ... ما عاد تفرق معي ... وما في شيطان غيرك ... مع 
      السلامة يا ولد العم والحساب بالآخرة !!!!!! 

      وانطلقت الرصاصة وصرخ عبدالله ورمى تركي المسدس وطلع وهو يحس أن كل شيء انتهى 
      ....... !!!!!!!!!


      // × // × // × // × //


      فجر : هنوف بسألك سؤال ..
      الهنوف وهي تمسح دموعها : وش تبين !
      فجر بتردد : تركي لمسك !!!!
      الهنوف تطالعها : فجر وش تقولين أنتي مهبولة !!!!!!
      فجر : تكفين هنوف ريحيني وقولي لي !!!!
      الهنوف : ممكن أعرف ليش تسألين
      فجر : جيبي مذكرات زياد وبتعرفين كل شيء!
      الهنوف : أنا لقتيها عندي ونسيت أقول لتركي !
      فجر : روحي جيبها

      ولما جابتها الهنوف طلعت فجر ورقة منها وعطتها الهنوف بخوف ...

      رسالة من زياد لتركي ..


      سامحني يأخي فقد ظلمتك ... حينما علمت بخروجك أظهرت غضبي ولكن فيما بعد فرحت 
      ... والسبب ببساطة .. أني أبحث عن علاج لمرض الإيدز ولكن وجدت لقاح يقي المرض 
      وبصراحة لم أجد شخص مناسب والأمر فيه مسئولية كبيرة لذلك .. وضعته لك دون أن 
      تشعر ثم زرعت بك مرض الإيدز على أمل أن ينفع اللقاح ولكن الصدمة أن المرض 
      انتقل لك واللقاح لم يشفك .. وقتها كنت أرى الأمر بسيط لأنك ستذهب ضحية العلم 
      وبنظري هذا أمر يحق لك الإفتخار به ولكن حينما وقفت مع نفسي ندمت وبكيت ... 
      ولكن خشيت أن أخبرك لذلك وضعت هذي الرسالة لك لما بعد موتي ... وسامحني على 
      هذا الخطأ المدمر فأنا ظلمتك ........!!!!!!

      الهنوف وهي تبكي : مستحييييل ... عشان كذا ما لمسني تركي ... مستحيل !!
      وقعدت تبكي وتهديها فجر !!!!!!!!


      // × // × // × // × //


      كان يمشي بسرعة وجنون في المطار لين لقى تركي وركض له وناداه والتفت له تركي 
      اللي انصدم من قدوم هذا الشخص !!!!!

      تركي : فهد ... 
      فهد : سامحني يا ولد عمي .. سامحني ياخوي .. ظلمتك ... عرفت كل شيء !!
      تركي : خلاص يا ولد العم ما عاد ينفع الندم ... 
      فهد : خلاص اترك الرحلة ... وسامحني ياولد العم ... ومستعد أرجعك للهنوف .. 
      تركي : ياولد العم .. أنا مسامحك .. لكن ما عاد ينفع الندم .. خلاص لازم 
أسافر
      فهد : لييييه !
      تركي بألم : أنا مصاب بالإيدز ......!!!!!
      فهد : اييييييييييش !!!!!
      تركي : وذبحت ولد عمي عبدالله 
      فهد بصدمة : أنت وش قاعد تقووووول ... أنت أكيد تمزح صح !!!!
      تركي : لا ياولد العم ... سامحني وقل للهنوف تسامحني وكلكم سامحوني وأبيكم 
      تذكروني بالخيـر ...
      فهد حضن ولد عمه بألم وهو يحس أنه عانى كثييير ...وهمس له : اقعد صدقني في حل 
      لا تهرب !!
      تركي بألم : اهرب ... أي هروب ... أنا ميت ميت ... أنا بس أبغى أبعد شري عن 
      الناس وأعيش آخر حياتي براحة باال .. وأطلب من الله يغفر لي ..

      ولما سمع نداء الرحلة ودع ولده عمه وركب الطيارة .....!!




      // × // × // × // × //


      تقدم للطيارة وقعد في مكانه وبعد فترة من الوقت بدا يحس بالتعب وقرر ينام 
      وهمس في نفسه " هل راح أقوم مرة ثانية ولا خلاص هذي آخر نومة لي في الحياة " 

      غمض عيونه ورجع يتذكر ماضييه بكل لحظاته وحس وقتها أنهم كانو بكل بساطة قلوب 
      ملكتها الشياطين ... هذا هو الإنسان ... ضعيف مهما أدعى القوة .. لما تحين 
      لحظة الوداع يصبح أضعف المخلوقات ... ولما يكون بصحة يتجبر ويطغى ويتملكه 
      الشيطان ...

      حقـآ .. تلـكـ .. قـلـوبـ... مـلـكـتـهـا ... الـشـيـاطـيـن 

      تـمـت ،




ni~boy~ce@nimbuzz.com
http://saif.waphall.com