العنا وش هو العنا .. غير أنتيـﮯ وجروحك وأنـا !
للكاتبه : فواااااغي
----------------------------

[ البارت الاولــ ] 


فجر ( الامارات )

نشت علايه على صوت امها ... 

ام محمد : يالله علايه نشي ماتم شي عن الطياره 

عليا ترفع ايدها وتطالع الساعه : اممم اووكي 

نشت علايه وتلبست واتكشخت على سنقة عشره ---- على قولة اخوانا المصريين ----

طلعت علايه وتشوف البيت حشره مرت على خواتها الصغار توهم مخلصين وكل وحده فيها رقاد .. ومصطله .. وابوها يطالع الاخبار وشكله مستعيل وامها من مكان لين مكان وطبعا اخوها حمود المتفيج ع النت يلعب اللعبه 

علايه " افففف كان خاطري ادش المسن واودعهم كلهم بس يالله ماشي تايم .. خيرها بغيرها .. " 

ركبو السياره كلهم وقفلو بيبان الحوي وكانت الساعه توها 4 وربع الفجر .. مرو على بيت يدة علايه ... ورن تيلفون حمود ..وفي نفس الوقت ركبت يدتهم 

حمود : الوو 

تيلفون حمود مشفر قام يحط الصوت عا لسبيكر .. 

صوت فطيم بنت عمته .. : الووو ... ها حموود انتو ويين ؟ 

حمود : لحظه اتريي شوي .. 

قام يحطه ع العادي .. 

شويه رمسها وفر التيلفون على علايه 

علايه : هلا فطيم 

فطيم : هلالا والله ... هاا شو االاخبار 

علايه : امم لين اللحين كل شي عاادي 

فطيم : يااااااااالللللله خااطري اسافر حسيت باحساس السفر

علايه : هههههههه ان شالله السنه اليايه 

فطيم : هاااا عاد اتصلي ما اوصيج 

علايه: ان شالله ..

تمت فطيم ترمس علايه شوي وتوصيها الوصايا العشر ... وتحذرها عن "( الطيحات )" لانه معروف عن علايه انه توازنها شبه معدوم ووعلى ادنات الدون بتطيح .. 
وصلوو مطار دبي وكان المطار موول زحمه .. ولاجنه الفجر وبتقولون الناس راقده ولاشي.. بالعكس كان عالم ثاني ..دشوو ونزلو الاغراض وسلمو ع العايله اللي بتسير وياهم ... كانو هم 4 بنات وولدين .. اكبرهم حمد عمره 22 .. وعقب روضه عمرها 17(بس مجدمينها سنه ) .. وعقب عنود عمرها 11 .... وعقب مريم عمرها سنتين .. وعقب رفيعه عمرها سنه وشوي ... 

لكن قوم علايه امها وابوها ويدتها وعلايه اكبر وحده عمرها 18 .. عقب محمد عمره 13 .. وعقب ميره وعمرها 12 ..... وعقب ريم عمرها 1 وشوي .. 

في البدايه ماتوالفت علايه ويا العايله الثانيه فكانت منعزله نوعا ماا .. كانو كلهم يمشون حزب ولكن علايه متاخره شوي عنهم وشاله الاب توب ع قولتها " ابا اشبك بالشبكه هناك .. " 

وكل ماتتعب تحرك الاب توب من ايد لين الايد الثانيه ... خلصو تقريبا نص الاجراءات ووصلو عند مال الشحن وعلايه كانت اتدز عربه ويا قوم ابوها .....كان ابو العايله الثانيه اسمه " محمد " وابوها " خليفه " .. ووراهم علايه واتدز عربتين لانه وحده حمود اخوها خلاها وسار عنها وكل مايتجدم السيد هي تجدم لعربتين ووراها حمد .. ويوم اتجدم السيد يايه بتجدم العربه الاولى توها جان تسمع حمد يتأفف .. صدت عليه وطالعته بنظرة استغراب ... وتقول في خاطرها " بلاه ها يتأفف جنه عيوز ماوراها ليله ..هههههه يالله وانا شعليه منه " يا حمود اخوها وقبضته العربتين لانه تصرف حمد عكر مزاجها سارت عند يدتها اللي كانت يالسه ووطت الاب توب ع طرف ويلست بتعب 

علايه : يالللله بالستر

يدة علايه : يالله ها شو عندج ؟ 

علايه : ماشي تعبت 

يدة علايه تبا تتفلسف : مب من شي من الاثقال اللي شالتنه في ايدج فري ها المكينه ماتبينها .. انتي سايره تتكشين عند البراد .. ماتبينه

علايه فجت عينها : لااااااا كله ولا الكمبيوتر 

كانت يالسه حذالهم عايله قطريه كلهم بنات ولا ريال وياهم ... وفي بنت شكلها اكبر عن علايه كل شوي وتشوف علايه ... 

والبنات الثانيات يالسات بعيد .. وعلايه متملله جان تقول في خاطرها " خلني اقردن ها البنت بنظراتي " 

طبعا علايه تسولف لانه ماتحب ها السوالف بعدين علايه نظرها ضعيف وتلبس نظاره طبيه ..بس جنها شمسيه .. يعني عليها عاكس وماتبين عيونها .. وهي مستانسه لانها تشوف اللي تباه .. وهم مايشوفونها هي شو تشوف .. يوم ملت اكثر سارت عند امها والحرمه واليهال يالسين يطالعون الطيايير .. وقبضت كيمرتها ويلست تصور مريامي وريامي ورفوع ...

ويا ابو علايه عندهم : يالله بنسسسير ... 

شلو قشارهم ومشوو ... واستوت زحمه شويه عند بوابه .. طاف حمد وهو ميود كيس وضرب علايه ... صدت عليه علايه وشافته بنظره ... عطاهاا نظره احتقار .. وخطف .. 

علايه " انزين ليش عاااد ؟ " 

صد عليها ابوها .. : عليا بابا تعالي عندي 

اتجدمت علايه عنده ..وفتح الشنطه الدبلوماسيه ع قولتهم اللي فيها الاشياء المهمه وطلع الجوازت وعطى علايه الشنطه واتجدمو العايلتين عند الكاونتر .. وقامو يزقرون ... طبعا يزقرون الاسم .. ويطالعون الشيفه ..قصدي الويه .. هههههه 

الموظف : محمد ... ميره ... حصه (الام ) ... خليفه (الابو ) ... ريم ... غبيشه (اليده ) ..
... سوجي ( الشغاله ) .. عليا .... 

عاد يوم وصل عليا تم يطالع الصوره ... : امممم هاي انتي ؟؟ 

علايه صدت ع ابوها باستغراب... وخذ ابوها الجواز يطالع .. : هيه هاي عليا !! 

الموظف : هههههه لا هني شكلها غير 

وتم يطالع الصوره ويطالعها ... خطفو كلهم وطبعا علايه الاخيره ويا اثقالها اقصد لابتوبها .. وهي طايفه جدام الموظف ..: اسمحيلي شكلج غير

علايه وهي مالها بارض : ادري غاويه .. 

الموظف : هههههه في الصوره فنانه 

علايه ابتسمت ومشت عنه وهي تهز راسها ... ووصلت عند ابوها : ابويه شو مشكلته ؟ 

ابو عليا : هههه متغيره .. زين مازخوج 

علايه : يعني حلوه ولا لا ؟ 

غبيشه ( اليده ؟) رزت ويهاا : هو شو يباها يتخبر عنها بيخطبها يعني .. نحن مانيوز واحد يخدم في المطار .... 

ابو عليا : هههههه يامايه مايخدم .هاي شغلته .. 

اليده : ماتشوفه ملبس شرات الخدام .. 

علايه : هههههههههه يدتي ها شرطي بس مال المطار .. 

غبيشه : ماعليه امنه انا .. بس هو شله يتخبر عن بنتها ويطالعها .. 

علايه : امايه كانو بيزخوني لانه شكلي غير وصورتي غير . 

غبيشه : ناوليني جوازج انتي 

حمود داش عرض ..: امااايه هاي مواتن... ماعندها بو طير .. عندها بو لنج 

علايه عطته بالخفيف ع راسه : سخيف ... 

اليده يلست اتطالع صورة عليا في الجواز : هيه والله انها غير عني شعرج مستوي اشقر .. 

علايه توايج : ههههههه امايه هاي الاضاءه 

اليده : وبرطمج حمر 

علايه : امايه ها مرطب 

اليده يودتها من اذنيها : يعني مب ديرم 

علايه تتويع : وغلاااتج ما احط لاديرم ولاشياته لانه ماحب ها الشي الثجيل ع البرطم .. 

اليده تسكر الجواز وتناوله بو عليا : ههههه هيه اتحسب 

علايه تتجدم لين امها : ماما صورتي سوت جدل ع المستوى الاجتماعي .. 

ام عليا اتدز عربة اختها الصغيرونه ريم : هههههه لانه متغيره طشونه 

علايه : انزييييين قولو محلوه وخلااص .. لين اللحين محد طايع يعترف 

كملو دربهم وكل حد في حاله ... خاصه علايه وايد هاديه لين ما تتأقلم ع الجو .. عاد اذا اتاقلمت قولو على الدينا السلام لانها تاكل الجوو ....اذا عن الحلاه فهي ملكت الجمال الهادي .. شعرها اسود بالحيلي .. والجمر ملوعات في شفايفها .. حنطيه .. عيونها مب كببااار ولاصغاار ... متوسطات بس رموشها صل الله وبارك .. ع قولتهم " رموش ناقه " دوم قصتها قصيره وتنزلها ع يبتها 

.. دشو سوق الحره وهي تطالع الناس تطالعها عشان نظارتها اللي تلفت للنظر .. وهي تبتسم .... ماشالله ع الهنود قطعوها بالنظرات ... هههههه 

رفعت ايدها وتطالع الساعه اتذكرت فطيم بنت عمتها .. علايه شهقت في الخرطوم اللي يودي ع الطياره .. : اوييييييه نسييييتها .. 

صد عليها حمد ... ورفع حاجب ... وهي تمت تمشي بسرعه تبا توصل لحمود اخوها وتشل تيلفونه عشان ترمس فطيم ولحقت ع فطيم .. ورمستها طشونه قبل لاتركب .... 

علايه : بصيييييح والله اني بصييييح سلمي عليهم كلهم كلهم ... 

حمد كان وراها .. : احمم احمم 

علايه صدت : اووه اتفضل .. 

ونشت عن دربه وهو كمل جان يصد ../ وانتي بتباتين هني .. 

علايه صخت وهو كمل دربه وهو يبتسم باستهزاء .. : ههههه يالله فطامي ببند دبووه يتروني انا الوحيده عشان اركب وطبعا قلت كله ولاحبيبتي الفطم 

فطيم وهي اصلا راقده : ههه حبيتي انتي يالله عيل تيك كير واتصلي من هناك .. 

وبندت علايه بسرعه وهي شويه وبتصيح وتعدل شليتها وشاله الاب توب والتيلفون في ايدها ومتلعوزه وفي عينها دمووع وواقفين المظيفات عند الباب ... وهم يقولون لها " هلوو " 

رفعت عينها على ممر الطياره .. زحمه ... بالقو .. والطياره ضيجه .. يعني في النص ممر وع كل طرف 3 كراسي .. وكل شوي تكفخ حد ع ايده .. ولايبهته ... وبرمجت لسانها على كلمة " سوري " طول الدرب .. قالو لها شي مكانين.. واحد وراا .. وشي حذال روضه وعنود ..

علايه : خلاص اوكي بيلس حذال روضه .. 

وطت علايه الاب توب وصدت تبتسم ع روضه وتعدل شيلتها وتدخل شعرها اللي ظهر .. صدت ورا حصلت امها وخواتها هنتين .. وصدت حذالها حصلت حمود اخوها يبتسم بغباء وحمد صاد الصوب الثاني واخوه يالس حذال الدريشه 

علايه " افف مابا ايلس صوب الممر...ابا ايلس صوب الدريشه " صدت ع عنود وشافت ملامحها مب قابله للتجادل ع المكان ردت راسها ع ورا وهي تفكر ... شو بتسوي في ها الرحله ..!! 

سمعو في الطياره انه لازم يحطون حزام الامان وكل حد شبط عمره واتحزم .. 

ام عليا ترمس بناتها الصغار : يالله كل وحده تتيود في اذنها ..

علايه صدت مستغربه : كيف بعد جي تتيود في اذنها 

ام عليا : هههههه نحن يوم كنا صغار كانو يقولون لنا جي .. 

علايه : اها .. 

وردت براسها ع جدام وبدت الطياره تطير .. وقررت علايه تكسر حاجز الصمت وتبدا بالكلام ويا روضه .. : روضه كم كانت نسبتج ؟ 

روضه ابتسمت : 78.9.. علمي 

علايه : ماشالله وايد زين 

روضه تلعب بطرف شيلتها : لاماكنت ابا جي . وايد وايد نزلت ها السنه كله من التقارير .. 

علايه : هيه حتى انا نزلت ها السنه كنت اتلعب 


روضه : كم يبتي ؟ 

علايه : يبت 90.1

روضه : هيه زين ... 

وسكتوو .. صدت علايه ع حمود اخوها : هااااا الطياره تعطيه ريس .. 

حمود : هيييه اللحين بتشل ع تاايريين 

صد حمد ولاول مره من ركب الطياره صوب علايه وعطاها نظره .. علايه استغربت وع طول صدت الصوب الثاني وتحاول بنظراتها تلقط الجو من فوق .. وبما انه هم على الطيران القطري .. لازم ينزلون ترانزيت في قطر .. وبيغيرون ها الطياره الكجره .. وبيركبون طياره قوم بو خمس نجوم ع قولتهم .. 

وفعلا خلال 45 دقيقه .. وصلو بالسلامه ارض قطر الحبيبه ... 

وخلصو اجراءات المطار بشكل اسرع عن مطار دبي .. وركبو الطياره وكانت شي عايله قطريه وعلايه تموت ع اهل قطر .. وتامه حاطه ايدها ع قلبها وهي مستانسه حدها .. كان في قطري صغيرون تقريبا عمره 14 .. عليا تخبلت عليه .. 

علايه تطالعه " ربيه يحفظك .. ويخليك لاهلك ... ياربييه يشبهه ..؟؟ لا لالا شو كل الناس تشبه .. ولا اانا جي اتخيل ؟؟ " 

علايه ماحببت تعذب عمرها بالذكرى والتفت عنه الصوب الثاني وتمت تطالع الطياره اللي بيركبون فيها وهي متامله خير انه ها الطياره بتكون احلى من الطياره الثانيه .. ونزلوو من الباص وهي بعدها اتجاهد ويا اثقال الاب توب .. بس كانت شوي متالمه من الذكرى اللي طرت لها .. عليا ها المره كانت متجدمه عنهم وتسمع صوت ابوها يزقرها : عليا بابا اتريي شووي لاتسيرين 

عليا ابتسمت وطالعوها 2 .. شكلهم قطريين .. لكن طبعا هم مايعرفون انه علايه كفشتهم لانه نظراتها ماتبين وهم مايدرون انها تشوفهم وهم يشوفونها .. علايه تضحك في خاطرها " هههههههه اسميه ها النظاره مسوتلي سوالف " 

اتجدمو الناس وعقب دشت عايلة قوم علايه ... وعايله قوم محمد اتجدموو من زمان .. 

ها الطياره فيها كرسيين ع الاطراف .. وفي النص 4 كراسي .. يعني كانت اوسع واحسن عن الاوليه .. يلست علايه وحذالها يدتها .. وفي الكراسي الاربعه الشغاله واختها.. والصوب الثاني امها واختها الصغيرونه وحمود اخوها ويا ابوها . 

وقوم حمد كانو بعيد عنهم وها الشي اللي ريح حمد .. وريح علايه ... 

ملاحظه [ حمد يستوون انساب لقوم علايه يعني خال علايه ماخذ خالة حمد وجي .. يعني فيه معرفه سطحيه بس مايلتقون دوم وولقائهم نادر يعني بس في المناسبات ..والافراح .. والاحزان اللي يبعدها عنا وعنكم ] 

طارت بهم الطياره وتسمع يدتها طول الدرب تذكر ربها وهي ميته من الزيغه .. علايه تامه تتعبث بالتلفزيون اللي صوبها وحطت لها فيلم هندي " دووم 2 " . وعقب اتغدت .. ورقدت ساعه تقريبا .. ونشت ماحصلت يدتها صدت ع ورا وحصلتها منسدحه ع الكرسيين .. وضحكت شكلها يضحك .. نشت علايه من مكانها ترتب عمرها لانه بتسير الحمام دورت بعينها ع الحمام وشافت انه درب طويل لين ماتوصله المهم طافت وهي تمشي تحس بانها مدوخه وتطالع الناس منسدحين ع قوم بو 4 كراسي وراقدين .. وهي تطالع .. استوت مطبه هوائيه قويه شويه وعقتها ... بس عقتها ع القطري ... الصغيرون وهو حليله نش قفز .. 

نش الولد : ش صاير ؟؟؟ 

علايه متلومه : هااا لاماشي رد ارقد اسمحلي استوت مطبه واندبغت (اتلومت من الخاطر )

الولد : ههههههه ايي ع بالي تحظنيني وانا نايم 

علايه فجت عينها " شو ها التفكيييير " 

علايه استحت : هههه لا لا انا اسفه يالله رد ارقد . نوم العوافي 

الولد : أي شدعوه .. خلاص طار النوم والسبه انتي 

علايه : اوييييييه انا اسسفه .. 

الولد : لا لا خلاص ها بقعد ... (ويلس ع الكرسي .. ويمسح على ويهه ) 

علايه : خلاص عيل اسمحلنا .. 

الولد يطالعها : لاماعليه مسموحه .. 

طافت عنه علايه وهي تبتسم ... ع الموقف الغبي ... وشافت انه فيه حد في الحمام .. وتمت تترياالدور وفي الكرسي اللي جدامها .. كانو اثنينه ريال وحرمته سعوديين ياليسين ع الكرسي جدام الحمام بشوي ...وشكلهم في شهر العسل وملتعوزين يبون يرقدون وكل شوي ويغيرون وضعيتهم وعلايه تكفش .. وتسمع صوت من وراها ...: بوووووووووو 

علايه نقزت : ياحماااار .. لاتسوي جي مره ثانيه انا اتروع 

كان الولد القطري .. : هههههههههههه تنطرين لدور 

علايه تتساند ع الكرسي : هيه 

الولد : تبيني اوديج الحمام اللي جدام فيه حمام 

علايه ابتسمت وتقول في خاطرها " صدق انه مخاوي شما " 

علايه : لالا عادي بتريا .. 

الولد : ممكن سؤال

علايه : آمر 

لولد : كيف هاي نظارتج جي 

علايه : سلمك الله هاي نظاره طبيه وشمسيه يعني توو ان ون 

الولد : اهاا .. 

وطلعت حرمه من لحمام .. جان يقول : يالله دشي انتي 

علايه : لا انته اول 

الولد : نوو ليدز فريست .. 

علايه : انته شو اسمك 

الولد : علي 

علايه : عاشت الاسامي وانتي ؟ 

علايه : عليا .. 

الولد : انتي من قطر ؟ 

علايه : لا 

الولد : عيل من وين 

علايه : من الامارات .. 

الولد : حي الله اهل الامارات ... 

علايه : الله يحييك .. يالله بيبي نايس تو ميت يوو 

ويايه بتمشي عنه يودها من ايدها وطالعته : اييه فجني 

علي : شنو قلتي ؟ 

علايه : بيبي 

علي : منو البييبي ؟؟ 

علايه : انته 

علي : هههههه لعلمج يالبقره انا عمري 18 ..بس الله خلقني قصير نوعا ماااااا 

علايه : شووووووووووووو 

علايه " وابويييه يالفشله !! " 

علي يضحك من الخاطر : هههههههههههه شوووووووو .. اييييه صج عمري 18 ياحلوه 

علايه وهي مفتشله : انا بسير

علي يضحك عليها وع ويها اللي تكسر ..: مع السلامه 

ودشت الحمام وغسلت ويهاا واتعدلت شويه وظهرت وماحصلت علي .. وقالت بتمر على امها .. ومرت شويه وخبرتها عن ها علي بس ماقالت لها انه عود وخل امها تتحسب انه عمره 14 شرات ما علايه كانت تتحسبه ردت علايه يلست مكانها وهي تفكر في علي ... " ياربييييه والله انه يشبهه .. ونفس الاسلوب ... ليش انا احبه لييييييش ؟؟؟ " جان تدمع .. وفتحت الغطا عن الدريشه وتمت تطالع السحاب من فوق وتفكر في حياتها التعيسه من عقبه .. وتسمع الام بي 3 .. مقاطع عن السفر .. وعقب شغلت الاب توب ويلست تقرا القصه وحطت اغنية " مالك رجاا " --- ميحد طبعا ذوق علايه --- 

جان تغني بصوت واطي : مالك رجا ياقلبي فيهم ولا لي .. حيله على نسيانهم لو تناسيت .. 
راحوو وانا عايش وحيد لحالي .. تايه ولا لحظه بعدهم تهنيت .. 

سمعت صوت واحد : حد قالج اتحبينه البدوي ؟؟ 

علايه صدت بعيونها المليانه دموع : شوو ؟؟ 

حمد : هـه مايهم .. وين شنطة اختج الصغيره ... 

علايه : انته شو كنت تقول قبل .. 

حمد : انسي 

علايه : والله ما انسى 

حمد : على هواج .. انا ابا شنطة اختج مال الحليب .. 

يوم شافها سرحت عنه ونسته جان يخطف عنها 

علايه وهي مصدومه " هذا شو يعرف بالظبط .. شو مشكلته ؟؟ شو يبا مني .. ليش قال لي جي .. وليش .. ومنو يطري البدوي .. ليكوووون " 

هني سكرت الاب توب بقوه وحطت راسها وتصيح بقهر .. " ليش يقولون لي جي .. البدوي ...هـه .. سعيد .. ااااخ كله منك ياسعيد .. خليتني جي ... والله احبه ... بس هوو مايستاهل والله مايستاهل .. سمعت صوت المضيفه وهي تعطيها الكلينكس الحار والمعطر .. وعلايه تمسح دموعها وشلت عنها الكلينكس .. ومسحت دموعها ... وهي تقول " ياقلبي لاتبكي على ضيم حالي .. انسى ترى مالك رجا ةان ترجيت .. " 

وعقب يا واحد اجنبي وراها يعني صوب مب يدتها منسدحه وقال لها انه ها مكانه .. 
اليده وهي تلم عباتها وتشل الرطب والدلال من مكان الريال وتتجدم لين علايه : وييييييه اتغربل الحمر 

علايه تضحك : هههههه يعني شوو بتسوين ها مكانه 

اليده : عاد انا قلت بنسدح شويه .. لابركتن فيه

علايه حطت لها السماعه ويلست تطالع فيلم هم عارضينه اللحين التلفزيون شفر وماتروم تسوي شي .. الا انه تطالع ها اللي حاطينه وهي تتذكر حبها الوحيد اللي دام 4 سنين وانتهى بالخيانه والنكران ... وهني تبدا قصة عذابها .. 

طاف الوقت بطيء وتحس بشي يهزها .. طلعت يدتها تبا تعابل التلفزيون وتشوف الفيلم 

اليده : دوج عليوه حطي لي شراتج 

علايه : ههههه اوكي 

ويلست تتعبث وحطت لها الفيلم ويلسو يطالعون لين مااعلنو انه اللحين بينزلون مطار " ميونيخ " .. 
وتمت تطالع علايه هي ويدتها المناظر من فوق ويعلقن انه كيف بلاد الخليج تنشاف من فوق كلها صحراء ومن هني الخضره والماي واليبال ... 

حان تقول علايه : نحن مانبا اسواق .. نحن نبا الخضره والماء والوجه الحسن 

اليده : هههههههه يارج الله انتي يالعيوز 

علايه : ههه لاتسبين انتي بروحج عيوز 

اليده : صخي صخي .. رمستج مامنها فايده اذكري ربج اللحين بنهبط 

علايه : هبوط اضطراري 

اليده : شوو ظراطي .. بعد 

علايه تسكت يدتها : اووووص عيب ويانا عرب ... 

اليده : وانا شعليه وهم امره ماعندهم شغله الا يتصوخون 

علايه طبت العيوز لانه ماتروم تتعيا وياهم .. وطبعا قبل لايهبطون ماشالله ع حريم الخليج كلهم اصطفو ع الحمام وبدلو ثيابهم وفصخو الشيله والعباه وقالو على الدنيا السلام .. ( طبعا مب كلهم )

نزلو من لطياره بسلام واليده لين اللحين متروعه وتامه تدعي ربها .. وهم نازلين اتريوو لين ماتخف الزحمه وعقب اتجدمو كلهم وكالعاده علايه متاخره .. وهي تنزل على اخر درتين .. " طااااااااااااااخ " 

شوو السالفه ؟؟ علايه طاحت .. لكن الله سلم وكان وراها سعودي ويودها : اسم الله عليكي .. 

علايه نشت بسرعه .. : مشكور .. 

شافت علايه حمد ورا السعودي ويطالعها بنظرات ناريه ... وخطف حذالها .. ودفرها بغيض .. : والله لولا الملامه جان لي رمسه ثانيه وياج ... عنبوج انتي خليتي حد ... من بدوي لين سعودي .. لين قطري .... 

علايه فجت عينها هذا يقول .......: ايييه انته شو تقوول .. 

حمد دش المطار من الباب وكلهم متجدمين .. 

حمد صد وطالعها : اولا انا مب اييه .. انا اسمي حمد .. ثانيا .. انا شو اقوول .. اسالي عمرج انتي شو مسويه 

علايه تمت واقفه مكانها ومبهته ... وتحاول تعصر مخها وتقول في خاطرها " انا شو مسويه " 

----------------------------
( البــــــــــارت الثــــــاني ) 





علايه تمت واقفه مكانها ومبهته ... وتحاول تعصر مخها وتقول في خاطرها " انا شو مسويه " 

حمد يقول في خاطره " افففففففف انا ليش جي ..؟؟ ياربيه دوم مخرب .. حمد اذكر ربك والكاظمين الغيظ .. والكاظيمن الغيظ .. وهاي خلت فيها شي .. ليتني ماييت .. ليتني والله .. .لازم ارد البلاد ولا اجابلها ماروم .." 

علايه دمعت ... شافها القطري .. : افا عليا شيخة الحريم تبجي ؟ 

علايه ابتسمت : هلا علي

علي ..وهو زايغ عليها .. : شنو فيج 

علايه : صداع خفيف وبيروح .. 

علي : اكيد .. 

علايه : اكيد .. 

علايه شافت امها يايه صوبها .. : ها امايه 

ام عليا : يالله ياميه طوفي شو ياج وقفتي 

علايه : يالله انزين .. ماما هذا علي

ام عليا : هيه ماشالله مشكور علي .. 

علي مستغرب . : بس على شنو 

علايه : هههههههه ع خدمتك عند الحمام 

علي : ههههههههههههههه ايييييه صح ولو خالتي مامن بينا .. ها الكلام .. كلنا اخوان 

ام عليا : بارك الله فيك يالله اميه طوفي

طافت علايه وهي تقول له : يالله ربيه يحفظك .. 

ومشوو ويالسين يسحبون الشنط من الممر الي يمشي الشنط وعلايه تلحق شنطتها الحمرا وكلام حمد ملعوزنها وايد .. والشنطه ثجيله تبا تسحبها .. جان تحس بايد سحبت وياها .. يوم صدت حصلت حمد وحط شنطتها في العربه ومشى عنها وهو يقول : انتي الوحيده اللي متاخره .. وانتي دوم اللي لازم تكونين غير ... 

علايه هني خلااااص كان ودها تفصخ النعال وتعطيه ع راسه ... وسوت حركه بانها ميوده اعصابها رفعت كفوفها الثنين وقوت قبضتها على الايديين وزمت بشفايفها وفي نفس الوقت صد حمد عليها .. وانتبه للحركه .. بس طنشها وقال : بالمناسبه ... دخلي شعرج من جدام .. ومن ورا ظاهره خصله لو سمحتي عليا ماحب جي .. 

طبعا علايه ها الشي الوحيد اللي ماتروم ترده فيه . اتحجبت وطلعت الخصله اللي توصل لين اخر ظهرها واطول بشبر تقريبا وفتحت الشيله ولفت الخصله ع رقبتها وحمد يطالعها ويبتسم .. يوم خلصت الحركه صدت عليه .. وقالت : نعم فيه شي 

حمد يبا يتسهبل عليها : هيه 

علايه : شوو 

حمد : اجلبي ويهج 

علايه : ............... 

ومشت عند الحريم .. وتمت تسمعهم وبالها مب وياها .. وهي تتالم بشوي شوي . ومحد حاس بها .. ومن غير يا ها " الحمد " وتحس بانه هو اللي يضغط ع الجرح ويدميه .. وجود حمد في حياتها وبتلميحاته الغير مباشره تعتبره ها الشي .. ملح .. ع الجرح ... 

خلصو اجراءات المطار وطلعو برع عند السيايير .. والسيارات الكشخه عندهم بالهبل بس سوم ركبو سيارات االاجار كل وحده اكبر عن الثانيه وايد كبار .. مال قوم عليا لونها اسود .. ومال قوم بوحمد لونها رصاصي وعليها بالاحمر .. ومال قوم عليا جنها مال الاستخبارات مال امريكا يعني كانت اشكالهم جنقل وايد 

بس سيارة قوم عليا كانت ضيجه شوي .. وقالو انه لازم حد يخف من عند قوم خليفه ويسير عند قوم عايله محمد .. وعلايه هي الهدف الاول بلا منازع.. بس في الدرب من المانيا لين النمسا ماسوت لهم 1 ..2 .. ع طول رقدت وسوت لهم طاف .. 

كلهم نزلو من السيايير عند الفندق .. أي فندق ياحسره هوو بيت وفيه حجر اونهن شقق وفوق يبل يعني في منطقه مرتفعه .. وفيه 4 طوابق .. المهم كلهم نزلو من السياره وتمت علايه مرقده 

ام حمد ترمس روضه : رويض سيري وعي عليا قولي لها وصلنا 

روضه : ماتشوفيني شاله رفوع .. 

ام حمد : عيل وين عنود 

روضه : هيييي يهاا .. عنود اول وحده دشت 

ام حمد : واعليييه عليها تعبانه حليلها ومخلينها جي رقبتها بتعورها .. 

روضه : بتنش اللحين ماعليه 

حمد انتبه لامه وروضه ... وهو شال شنطه وشكله متلعوز .. : شوو تبون اميه ؟ 

ام حمد : ماشي عليا راقده داخل السياره 

حمد : اهلها ورانا 

ام حمد : مب جي حليلها رقبتها بتعورها .. 

حمد : خلاص بسير اوعيها 

روضه : واغشييه ع الجو الغاوي .. الجو مغيم والمطر ترتووب 

حمد يطرب وهو يمشي صوب السياره : ليتني غيمه في سماكم جان بمطر في حويكم .. 

ويوم وصل صوب السياره وبحكم انه السياره مب مظلمه شافها انه متسانده ع الباب يعني لو فتحه بتطيح .. فسار من الصوب الثاني وفتح الباب وعفد داخل وتم يقول بصوت واطي وهو مستحي . : عليا .... عليا 

لاجووااااااب .. 

قام يدزها بشوي شوي ع جتفها .. : عليووه .. عليوي ... 

علايه كانت متغشيه وهي راقده .. : هممممممم

حمد : نشي وصلنا 

علايه : مابا ...

حمد فج عينه : مب ع كيفج انزلي

علايه وهي تحلم .: الحقه لاتهده .. والله حلفت اني اضربه ..

حمد ضحك وعرف انها تحلم .. : هههههههههههه ايووه واعطيه طراق

علايه ترمس بعدها : سعيد ياويلك لو خليتني مره ثانيه اوكي 

حمد نزل مفول ورضخ بالباب ... وشل الشنطه وخطف من جدام امه وهو لابج .. 

ام حمد : يالله بسترك شو مستوي .. 

ولحقته ام حمد .. : شو مستوي حمد 

حمد : يعلها برقاد ماتنش منه 

ام حمد استغربت : بلاك

حمد : مب طايعه تنش 

ام حمد : مب طايعه وتدعي عليها حرام .. 

وايج من الدريشه : هاا .. اهلها اوصلو افتكينا 

وطلع عن امه 

ام حمد : الله يهديك ان شالله ... الله يهديك 

حمد وهو طالع اتجابل ويا روضه .. : اسمعيني .. هاي اللي اسمها علايه ماباج تمشين وياها 

روضه استغربت : ياخي بلاك ؟؟ ماسوت شي

حمد رفع صوته : كيييييفي .. انا ومزاجي .. ها البنت اللي اسمها عليا انا ما ارتحت لها ... جي زيييييين 

علايه كانت واقفه عند باب الممر مال الحجر .. : مشكور 

وشلت شنطه الاب توب وخطفت وهي ميوده عمرها ودشت الحجره ودشو اهلها وراها من شاف حمد خليفه ابو عليا.... حمد حس بالذنب ونزل راسه وتلوم وطلع برع ... تم يمشي ... وطلع صلب .. وتم يدوخ ... وكان يطيح مطر ... تم يمشي وبهدووء حصل كرسي تحت الشير .. ويلس ورد شعره ع ورا وغمض عينه .. 

حمد " اااه ياربييه ؟؟ انا شو يخصني فيها ... بس هي حطمتني والله ... اكرهـها .. هي السبب .. خلتني استوي حمد الضعيف جدام الكل ... انتي يا علايه ." 

وطلع من جاكيته رزمة اوراقه اللي مايسير مكان بدونهن وملفه اللي حاطنه في الشنطه .. وقام يشخبط 

علايه يلست تلم اغراضها ويرتبون الغرف واستوت الساعه 9 واظلمت الدنيا على ارض النمسا .. وقامو ينسحبون للغرف بهدووء .. وتمت علايه تطالع التلفزيون وحست به شوي وصخ واصلا ماتفهم شي من اللي يقولونه .. قامت لبست جاكيت ع البجاامه ولفت شيله ع راسها وقالت بتطلع بس طلعت في الممر .. كان مظلم وايد ... وسحبت شمعه .. ومشت في الممر وكان في الممر الخشبي لوحات فيهن صور شخصيات تزيغ وكان تغمض عيونها ووتعوذ من الشيطان ... كانت بتمر على قوم روضه تشوفهم بس استحت ..كانت الساعه 11 بتوقيت النمسا يعني في االامارات 1 .. وهي تمشي طلع لها واحد طويل جدامها .. 

علايه طاحت عنها الشمعه وحست انها بتحرق البقعه .. وتامه تقول : بسم الله ..بسم الله 

الريال ..طبعا باللانجليزي ومخبص ويا نمساوي .. : ماذا تفعلين هنا ؟؟ 

وعلايه ولغتها المكسره بالانجليزي : لاشي ..فقط اتجول 

الريال : في هذه الساعه المتأخره .. 

علايه ماعرفت شو ترد جان تقول له : سوف اذهب وانام الان الى اللقاء 

الريال : الى اللقاء .. ردت بسرعه وهي ميته من الزيغه وخاصه انه الشمعه انطفت ..وسارت ترقد .. وطبعا مارقدت عدل والسبب انه الجو متغير عليها نشت الفجر ... وصلت وسوت لها نسكافيه ع السريع وشافت الجو برع مايتفوت وشلت كيمرتها الكينون ... وظهرت برع .. تمت تصور وهي مستانسه .. ويلست ع الكرسي اللي يلس عليه حمد امس ... اصلا ماشي الا ها الكرسي لانه هم فوق اليبل والمنطقه مافيها اشياء وايد ... 

تمت تقول قصيدة (سعيد بن دري الفلاحي ) ..: هيمن على ارض الجمال ولمه .. وجمع ثقافات البشر في تاجه .. وقمه على قمه وذوقه قمه ..ذوق وجمال وغرتـ(ن) وهاجه .. 

جان تحصل قطعة ورقه .. فيها تاريخ .. 13- 2007
يعني هاي ورقة امس حد كاتبنها 

( تلعب ع الحبلين ... يامصاحب القلبين .. ليت ربي ياخذها ولاعيني تناظر عينها ... ) وتحت مكتوب كلام بس مب مفهوم لانه المطر خرس الورقه وحاولت تقرا بس انتبهت لاسمها بالانجليزي .. ربعت الورقه وحطتها في مخبى جاكيتها .. خطف واحد نمساوي ع السيكل جدامها .. وابتسم لها ..وقالها : هلووو 

علايه ردت له الابتسامه : هلووو 

وخطف عنها شويه ورد لها وطبعا انجليزي على نمساوي .. وجان تتوهق علايه .. : صباح الخير

علايه : صباح انور 

الولد : ماذا تفعلين في هذا الصباح الباكر ؟ 

علايه تخبص : لم استطع النوم الليله الماضيه .. 

الولد كيف ويلس حذالها .. : انتي من اين ؟ 

علايه : انا من الامارات – دبي 

الولد : اهاا .. هل تعرفين ؟؟ 

علايه : ماذا ..؟؟ 

الولد : استطيع اتحدث العربيه فانا تركي في الاصل ..
علايه هني استناست بدال الفشله .. جان تقوله : اذا تحدث باللغه العربيه لانني لا اجيد اللغه الانجليزيه

الولد : هههههه حسنا .. انا ولدت هنا ولكن اصلي تركي 

علايه بقرت يرمس لغة عربيه بالفصحى احسن عن ابلة العربي مالهم .. : اها 

الولد : احب ان ارى العرب هنا.. 

علايه : نعم ( متوهقه )

الولد : لابد انك تخجلين مني ..

علايه : ههههه هيه شوي

الولد : اذن سوف اتركك .. 

علايه : وانا بدخل الجو بدى يبرد 

الولد : سوف اوصلك 

علايه : لا عادي اروم اسير بروحي 

الولد : لا لا .. سوف اوصلك 

علايه : هههههه على هواك 

ومشى ع السيكل وهي وراه .. ووقفت عند لباب ورفعت راسها شافت حمد في البلكونه ويدوخ .. ويطالعها هي والتركي ... ع طول دشت داخل وهي شوي وبتصيح من رمسته الامسيه .. وطبت التركي .. وطبعا التركي استغرب منها .. وياي بيركب .. بس حمد زقره ... وقاله اصبر 

تم حمد يرمس التركي وعلايه تطالعهم من البلكونه ومغطيه على ويها بالستاره عشان مايلمحها حمد ومشى عنه التركي وهو يهز راسه ويبتسم وعلايه بتموت وتبا تعرف شو حمد قال للتركي .. ومن الملل ردت توطي راسها ورقدت لكن حمد من داخله نار وتحتاج من يطفيها ..؟؟ وطبعا هو انه يخلي علايه شراته والعن من حالته !! 

ع الساعه 10 ونص استوت الحشره وكل حد نش .... 

نشت علايه وهي مستغربه المكان وجنه فقدت الذاكره وتمت طايحه ع الفراش واتذكرت انه هي مسافره – توه الناس لول – 

نشت وتريقت وقالو انه اليوم مابيطلعون وبيتمون يتحوطون في نفس المنطقه عنثر البارحه .. سارت علايه تلبست ولبست مخوره حمراا من الخاطر وعباه مفتوحه وحطت جحال ومرطب .. وتوها بتظهر 

اليده : ياحاافظ ع الحمر .. 

علايه : عرفت اييب راسج يالبدويه بالحمر اللي يخلي راسج يفتر

اليده : رفجه عليه ما ايوزج الا واحد يحب الحمر 

علايه : لالا.. مابا 

اليده : قصورج 

علايه : جان بتيوزني واحد يلبسني برقع ماعندي اخلاف

اليده : خلاص .. برقع .. برقع 

علايه حاست ثمها : هونت مابا اعرس 

اليده عصبت : تهبين .. تمين اتمين عانس .. شرات ها البنات 

علايه تمت تبدل التلفزيون وتجاهلت سؤال يدتها .. ويدتها فتحت محاظره تحت عنوان ( فضائل الزواج المبكر ) ههه 

علايه سحبت الام بي 3 .. وظهرت في الجو الغاوي وفصخت العباه لانه بعدهم مابيظهرون اللحين وتامه بالشيله وهي تتصوخ وتطرب وياهم .. وهي تمشي شافت جلب لونه اسود وكبير .. كان يحوط ومايسوي شي ..بس وفجاه توحش .. وهي بعدت شويه عن البيت .. وايي صوبها .. عاد منو يقوول .. تركض علايه بسررررررررعه وترفع المخوره والشلحه تطلع من تحت والشيله شوي وبتطيح وتصد تشوف الجلب يمط طرف شيلتها وتفج شيلتها وتركض وكل اهالي ها القريه تامين فاجين ثمهم ومب عارفين شو يسوون .. علايه خلاص تصيح ومب عارفه شو تسوي لانها هبلا .. هي تذكرت انه الجلب يوم يشوف حد يركض .. يركض وراه .. 

وشافت حرمه لابسه عباه ووياها عايله وتيود الحرمه وهي نصخها انقطع من كثر الركض .. الحرمه يودتها وتمت تقرا عليها 
والريال اللي ويا الحرمه حوش الجلب ورد شيلتها وهي تصيح

الحرمه : خلاص ياحبيبي اهدي . ماصار شي 

علايه : لاااااا كنت بمووت 

الريال : انتي وين ساكنه 

علايه تاشر فوق اليبل : هني 

الريال : اهلج وين ؟ 

علايه : في البيت 

الحرمه : خلاص حنا بنوصلج .. ماكو مشكله 

علايه : مشكورين .. 

وخطف حمد وابوه وشالين اغراض من السوبر ماركت وعلايه اندست ورا الحرمه ماتباهم يشوفونها .. لكن حمد لمح حركتها وطنشها .. ومشى هو ابوه 

حمد " جي يالسباله .. كل يوم عند حد ..؟؟ دواج عندي " 

وتم حمد يسولف ويا ابوه .. 

ابو حمد : حمد يابويه امك خبرتني انك مستوي ها الايام عصبي .. وعلى ادنات الدون تعصب شوياك ؟ 

حمد : هههه ماشي ابويه حالات 

ابو حمد : متى بتبدا الدوام ؟ 

حمد : انشالله قريب .. ع شهر 9 

ابو حمد : زين زين .. شد حيلك 

حمد : ان شالله 

ابو حمد : انزين يابويه متصل لي عمك يقول انه بنته غايه ياينها خطاب وجانها في خاطرك قول 

حمد نزل راسه – اونه مستحي - : مادريبك شو تقول 

بو حمد : والله الشور شورك 

حمد : لاترخصونها .. اباها .. 

بو حمد شق الحلج ..: على بركة الله .. 

حمد : بس ماباكم تستعيلون .. انا بعدني 

بو حمد : ليش شو ناقصنك !! الخير عندنا والدوام بتستلمه جريب ومب قاصرنا شي

حمد : لا ماعليه كل تاخيره وفيها خيره .. 

بو حمد : خلاص اللي تباه .. ومابتضوي على احسن من بنت عمك 

حمد : هي تراه جي .. 

وكملو دربهم .. 

علايه وصلوها الحرمه ولريال ودشت فندقهم وكان الممر ظلام لانه برع الجو مغيم والدرايش مايوصلها النور . 

حمد من فوق الدري : ها المره منو بعد ! 

علايه تمشي ومب مسوتله سالفه .. 

حمد يغني وينزل ع الدري بخفه .. : مالك رجى ياقلبي فيهم ولالي .. حيله على نسيانهم لو تناسيت 
راحو وانا عايش وحيد لحالي .. تايه ولا لحظه بعدهم تهنيت .. 

حلييلج والله عيل خلاج البدوي هاا .. !! اويييه حراام مب زيين جي ... ( ويتقرب منها ) .. ليش خلاج .. شو السالفه ؟ ( ويستهبل اكثر ) مايباج .. شو سويتي .. لالا مب زين جيي .. 

علايه ميوده دموعها وغمضت عينها بقوه : حمد اكسر الشر 

حمد يعاند : هههه ماتبين تتذكرينه .. ذكراه تعذبج .. صدق . صدق كم تميتي تحبينه 

علايه بعصبيه : انته شو تعرف ؟ منو مخبرنك .. شو تبا مني 

حمد يطنز : انااااا .. حشى عليه ماابا شي .. 

علايه وهي تدمع وصوتها يتغير : خلاااص رووح .. خلني بروحي 

حمد : يعني انا اذكرج به .. تتعذبين ..؟؟ 

علايه تصيح وتحط ايدها ع اذنها . :حراام خلني .. خلني .. شو تعرف عني قوول وريحني .. 

حمد مستانس ع دموعها : تستاهلين اللي ياج .. يعلج بالزود .. 

ركضت علايه برع ماتبا تسمع شي من عند حمد .. 

علايه تصيح " هذا يعرف شي ... اكيد يعرف؟؟ شو يعرف .. منو مخبرنه ؟ سعيييييد وينك .. ليش خليتني .. ليييش .. عايبنك اليي يستوي لي .. حتى وانته بعيد تعذبني .. خلاص سعيد ابعد عني صح اني احبك بس مب تخليني اتعذب من عقبك .. " 

انخشت تحت شيره اللي حذال الكرسي .. وتمت تصيح ... يا حمد ويلس ع الكرسي .. : انتي هني ..

علايه وهي مستلمه لاسلوب حمد الاستفزازي .. : حمد شو تعرف ؟ 
حمد يطلع صلب وتم يدوخ .. وهو يبا ينهي ها الشي : تعالي ايلسي .. 

علايه نشت ويلست ع الكرسي بس من بينهن مسافه بعيده وتسمح دموعها .. : ييت 

حمد : علايه 

علايه تطالع الغيم وهن يتحركن ومب طايعه تصد صوبه : هممم 

حمد بدا يضعف : تذكرين عرس خالج وخالتي .. قبل 4 سنين 

علايه بدت تدمع : هييه 

حمد : اول مره شفتج فيها كنتي صغيره .. 

علايه :هييه .. 

حمد : اول ماقلبي تعلم يحب .. تعلق بالصغيرونه اللي شفتها .. انتي علايه .. 

علايه انذهلت .. 

حمد ويقولها بألم : في نفس الوقت انتي حبيتي سعيد امره في نفس الوقت .. كان عمري حزتها 18 .. كنت ارمس ربيتعج سلمى ع المسن .. كانت تييب لي اخبارج مب هي كانت ربيعتج وفي شلتكم .. وهي بنت يرانا .. 

علايه مصدومه : هيه 

حمد : وصلنا .. هي خبرتني انج انتي تحبين البدوي مال العين . 

علايه نشت معصبه . : ليييييييييييييش .. هي مب ع كيفها 

حمد بعصبيه : جبببببب .. لاترمسين مابا اسمع صوتج .. 

علايه صدت صوبه وتدمع وبصوت خفيف : ليش سويتي جي ؟ ليش ؟؟ 

حمد تقرب منها ووقف جدامها : ليش هاا .. ها درس لازم تتعلمينه في الحياه انه ماتثقين في حد لو كان اقرب الناس لج .. لو كان اقرب الناس تسمعين 

علايه تهز راسها بالايجاب .. 

حمد يدوخ بزياده ويحرق صدره بقهر وكان خاطره يدمع على ماضيه الاليم .. : انتي سبب في تحطيمي علايه 

علايه : اانا ؟ 

حمد : هيه انتي .. 

علايه : انا مالي خص 

حمد : جبببب 

علايه : ............... 

حمد : صدمتني سلموه بانج انتي تحبين .. كنت اقولها كيف ها الياهل تحب ... كيييف ؟؟ كنت اشوفج ملاك .. كنت اتريا اشوفج .. كنت راسملج صوره حلوه في بالي وانتي شوهيتها .. 

علايه تبا تنهي الموضوع .. وتبا ترد بسرعه لانها تاخرت ع البيت : والمطلوب 

حمد انصدم كان بيعبر لها اكثر كيف كان عاشقنها وكيف هي حطمته .. صد وهو مصدوم من رمستها .. وببرودها القاتل .. حس بالاهانه .. بانه يعبر لها كيف كان يحبها وهي ولاشي كان 

حمد معصب لدرجة انه كان خاطرها يوسمها بالجيكاره .. : انفدي يعل العين ماتشوفج .. ويعل روحج تفارقج .. هاا .. عشقتي البدوي شو استوى لج . خلاج ... وانا اللحين خطبت بنت عمي 

علايه حزنت ع حالها : انا راضيه باللي الله كاتب لي 

حمد بدا يضعف مره ثانيه : وانا ؟ 

علايه صاحت : انته شوو ؟ حمد فديت خشمك ريحني شو تبا ؟ انته تستفزني بطريقة غير مباشره ما اتحمل والله 

حمد :خليني اخبرج انا حبيت من عقبج عشان انساج .. لين ماخانتني ... واتضاربت ويا واحد ها اللي تعرفه عشانها يا جاتل يامجتول .. ضربني بالسلاح طحت شهر مرقد في المستشفى .. وانا حبيتها من خاطري عشان انساج وقلت لسلموه توصل لج خبر باني احب ... كانو كلهم يعايروني مينون يتضارب عشان وحده .. ومب صاحي .. انا كنت ضعيف جدام ربعي .. كل ما اطوف يقولون طالعو العاشق المينون .. اونه بيذبح روحه عشان وحده خانته .. كانت توصلني رمسه قويه .. طبعا قوم ابويه عرفو ها السالفه من يوم اتضاربت ويا هاك الولد من خلصت الثنويه ع طول وداني ادرس خاري يبا يبعدني عن الناس وعن الرمسه اللي ماترحم .. اتغربت عن داري واهلي .. وابعدوني .. وفي الغربه كنت كل ما اتذكر رمسة الناس احزن .. ع حالي .. لين مارديت البلاد وشفتج في المستشفى عند خالتي يوم كانت مربيه .. وهني حسيت اني احبج اكثر عن قبل واكثر واكثرررر .. لين ييتو بيتنا هاك اليوم وطلبتي من روضه اتدشين النت وروضه يابت لج لاب توبي وكنت تبينه عشان ترمسين سعيد وانتي نسيتي انه الرمسه تتخزن وعلى حظي انصدمت لين ماحسيت باني تافه احب وحده شراتج .. مايي ع بالها وانااستوى لي كل ها عشان انساها .. 

علايه ثمت تتذكر هاك اليوم يوم سلمى تخبرها انه حمد ولد يرانهم يحب ..ويوم ربت خالتها وشافته .. ويوم طلبت الاب توب تمت ها المواقف تمر في بالها .. وجي .. 

حمد : انا بها السالفه بديت اتعقد من شي اسمه بنت وحب بس كنت احس انج انتي في بالي .. صح اني حبيت هاييج بس بعد كنتي تيين ببالي وكل ما اتذكر انج اتحبين سعيد انقهر واتذكر محادثتكم وكيف كان يحبج وتحبينه .. ... لين ماقمت ادوخ ولسبب انتي .. كنت كل ما افكر في كل اللي استوى اتذكر انج انتي السبب .. وسرت خذت ايميل سعيد حبيبج واتعرفت عليه وفي نيتي شر .. .. وخاطري اقوله انه احبج .. بس اسكت .. لين ماخليته يبعد عنج ( ويضحك )

علايه صدت وهي خاطرها تضربه .. : كيييييييييييييييييييييييييييييييييف 

حمد : دعمته بالسياره وانا متعمد .. 

علايه انهارت .. : انته !! .......انته اللي دعمت سعيد .. 

حمد : ههههههههههههههه هيه نعم انا .. 

علايه صدق صدق انهارت وهي مب مصدقه : انته اتخبلت .. 

حمد يزاعج : هيييييييه ... تمو يعايروني بالمينون والسبب انتي .. لين مابعدني ابويه ووداني دار الغربه .. قلت ماعليه .. رديت وواشوفج جدامي من ربت خالتي وحسيت اني مب بس احبج واني اموت عليج .. وقلت ماعليه .. لين ماشفت محادثتج متخزنه ع لاب توبي وانتي ترمسين سعيد .. هني خلاااااص حدج لعب ... كفايه عليوه .. كفاايه . انا استويت الصايع المينون .. عشانج ولاهمج ... تبين سعيد .. انفدي له 

علايه تصيح : انته متاكد انك صاحي والله ماجذبو يوم قالو انك مينون 

حمد : لانج انتي وسعيد دمرتو حياتي .. اكرهج علايه على كثر ماحبيتج وضحيت باغلى حياتي وزهرة شبابي .. اكرهج 

علايه مب عارفه شو تسوي : سعيد خلاااااااااااااني .. خلااااااني ارتحت 

حمد : تحبينه ؟؟

علايه :........

حمد بصوت اعلى : تحبييييييييينه 

علايه : ......................

حمد فر الجيكاره بعصبيه .. : تحبيييييينه ؟ 

علايه :.......... 

حمد حصل زجاج مكسوروحاد وايد حذاله وفره صوبها عشان تصد عليه بس غلط وضربت طرف ايدها وانطرت شويه ... علايه ع طول لمت ايدها وحضنتها وتمت ميودتنها وعاطيه حمد ظهرها .. ولفت صوبه واتجدمت صوبه وبما انه علايه طويله ماشالله عليها كانت شوي وبتوصل له .. بس يتم حمد اطول .. 

علايه تضغظ ع ايدها بقوه ويطلع الدم من بين صبوعها وترفع ايدها صوبه : اتعرف ها الجرح اللي جرحتني ااياه في ايدي ولاشي بالنسبه للجرح اللي جرحتني اياه في قلبي

حمد :....................

علايه بعصبيه ماتقل عن عصبية حمد: اتقول اني انا حطمتك .. وضحيت باغلى حياتك وزهرة شبابك ... تراني يالسه ادفع الثمن .. ولعنت حبك حلت عليه اللحين ... بعدتني عن سعيد .. برافوو .. بصفق لك ( جان تصيح ؟) انا بعد مب ذنبي اني حبيت شرات العالم ولناس .. وانه حبيبتك خانتك انا ادفع الثمن واتقول لي انتي .. وانتي ... ع العموم في نفس ها الفتره من حياتك انته كنت تعاني ... ابشر ياحمد .. انا اللحين اعاني .. تعادلنا حمد مبروك عليك 1-1 .. 

ولفت عنه وبدا الدم يقطر ورفعت ايدها الميروحه ومسحت دموعها وخاس وييها بدمها .. 

حمد مارام يتحمل جان يصرخ بصوت رجوولي مجروح : احبـــــج 

علايه صدت عليه وهي تصيح وشاف وييها متخيس بالدم وركض صوبها ... تمت هاديه وتصيح وتشهق بصوت عالي .. حط ايده بيمسح الدم عن ويهاا غمضت عينها ... جان يقول لها : ضحيت باغلى حياتي بس ماضرك .. 

علايه خوزت ايده وقالت بصوت خفيف : انا بخير .. 

حمد طالع ايده اللي تخيست بدمها ودموعها .. وهو مب متخيل ها الخطوه الجريئه اللي سواها ... وعلايه منصدمه كيف خلت ها الغريب يلمسها جي ... 

حمد : علايه انا اسف ع اللي سويته ... انا قلت لسعيد اني احبج قبل لا ادعمه... 

علايه فجت عيونها على وسعهن : شو قاال 

حمد ونبرة صوته كلها حزن .. : قال انا احبها بس مستحيل اخذها ... لانه اهله مابيطعون لانه محيرين له بنت خالته 

وفي ها الوقت بالظبط جنه السما حست بالجوو ولبقت السما بالبرق وصوت الرعد قام يهز الشير من قوته وطاااح المطر بقوه وحتى صوتهم استوى يالله يالله ينسمع من قوة المطر ... 

حمد رفع الجاكيت ع راسه : علاايه دشي داخل بسرعه 

علايه تامه تطالع للمدى البعيد وكل امل مقتول في ردت سعيد لها ... انقتل .. رفعت راسها للسما ... وقالت بصوت عالي ورفعت ايدها وهي تدعي وبصوت جريح ...

( اللهم اني اخترت مصيبة فراقه وهي علي عظيمه .. خوفا منك وابتعادا عن نارك .. فخذه من قلبي كما اخذته من عالمي .. وأكفني شر الحنين اليه .. اللهم اميين )

كررت دعاءها حول الـ 3 مرات .. وحمد يطالعها وهو مذهول " هاي شو تسوي ؟؟ " 

علايه صدت عليه : حمد مشكور وصلت لي الخبراللي يبعدني عن غناة الروح وللابد .. 

حمد : وانا بعد ببتعد عنج وللابد .. بنت عمي غويه استوت لي ... 

علايه بابتسامه مجروحه : الله يهنيك ... بس كنت لازم اتخاف الله في اللي سويته في سعيد 

وركضت عنه داخل .. دخلت بروح مقتوله .. تترجي الرحمه من ربها .. دشت بدلت ثيابها وتلحفت .. زقروها ع الغدا وقالت لهم مصدعه وتمت ع حالها لين الساعه 6 ... اما عن حمد تم يمشي في المطر وهو يدرك مدى الالم اللي سببه لسعيد وعلايه عشان هو يستانس .. 

دش عليها ابوها وامها ويدتها وهي متلحفه 

ابو عليا : عليا 

علايه خوزت اللحاف عن وييها وهي تصيح وايدها حاطتلها لزقتين عشان اليرح .. 

ام عليا من شافت ايدها اتخبلت : شووووو مستوي ..؟؟ 

علايه طحت على صينه وانيرحت طشونه 

ام عليا تيود ايدها وتطالع ايدها .. : ها طشونه يرح طوله طول الصبع تقولين طشونه 

علايه وهي منتهيه : بيخف 

اليده : شو اللي مرقدنج لين اللحين .. مب زين ترقدين هالشكل 

علايه : بنش اللحين 

بو عليا : علايه شو اللي مستوي اليوم 

علايه خافت : ليش شو استوى ؟ 

بو عليا : فيه شي نحن مانعرفه ؟ 

علايه : لايابويه ماشي 

بو عليا : اكيد 

علايه وهي تعبانه : اكيد 

اليده : نشي .. بسج كسل بيودنا عند البط وبنلقمهم خبز 

بو عليا غير المود شوي بس قلبه ناغزنه انه فيه شي مستوي .. : ههههه ياحافظ 

دش حمود وهو يغني : اسمحلي اشووفك قبل مااروح ... اسمحلي اداوي الجرح وارتاح 

اليده تصفق : هييييه .. هييييه عاش بو جاسم 

حمود يلس يبس في النص بس جي مال خبال : مرحببببببببباااا السااع – قالها بطريقة البدوو – 

اليده : ياحافظ عليك 

حمود صد ع ابوه : اليوم البدو اللي شفناهم يرمسون جي ... 

علايه دشت عرض من سمعت بالبدو قلبها انقبض : كيف شكلهم ها البدو ؟ 

حمود : فيهم طبر كبير .. واذن طويله .. ويقولج بعد يايين من الفضاء

علايه : عن السخافه ارمس عدل 

حمود : قالنا انا بطي ولد عبيد الـ (......) 

علايه تبنجت عيونها على حمود ... هذا ابوووووه ... 

----------------------------
علايه تبنجت عيونها على حمود ... هذا ابوووووه ... 

علايه نشت بسرعه وسارت الحمام .. كلهم استغربوو .. تمت تصيح وتصيح وغسلت وييها مره ومرتين و3 

المهم لبست كويتي لونه تركوازي لين الركب وتحته بنطلون جينز وتحت الكويتي ايد طويله لونها بيج يناسب الورد اللي في الكويتي ولبست سكارف تركوازي .. وحطت بودره واتجحلت وحطت المرطب .. ولبست النظاره الشمسيه البنيه عشان ماتبين عيونها انها صايحه وطلعت وهي غاويه وكانت طالعه قصتها ع طرف 

ام عليا : ماشالله عليج .. ماشالله .. 

عليا ابتسمت وهي تخفف على نفسها : امايه عادي اظهر بليا عباه 

ام عليا : انا عادي عندي بس شوفي ابوج 

عليا : امم مافيني اسير واقوله انا بظهر جي واذا انهزبت تراني انهزبت .. 

ام عليا : هههههههههههه على هواج 

طلعت علايه في الممر وشافت روضه ... ومن شافتها روضه دشت الحجره .. علايه عرفت انه مب منها من اخوها ( جامبو الجبار حمد ) .. 

طاف بو عليا ووياه بو حمد وهم يرمسون صد بو عليا وابتسم وكان شكله مستانس علايه حمدت ربها انه ماقالها شي ..شافت الشغاله اتدز اختها الصغيره ريم برع سارت علايه خذت ريم عنها وتمت تحوطها وشافت رفيعه طالعه من الفندق تركض وشلتها ... وطلع حمد يركض وراها ... ومن شاف علايه انقبض قلبه ... كانت طالعه حلوه .. وقفت علايه ع حيلها وهي شاله ريم ورفيعه يعني هنتين وتبغي تتوازن عن اتطيح ... لانه دوم تنجلب 

حمد يود عمره وخلى عمره عادي ويطالع ايدها اللي ملزقتنها وقلبه مقبوض : هاتيها عنج ماترومين لهن هنتين 

علايه بهدوء ناولته رفيعه وشلت اختها ونزلت بها تحت .. حمد حظن رفيعه بهدوء وهمس في اذن رفيعه .. : احبها 

نزلت علايه وهي تفكر في سعيد " ثره جي السالفه تلعب بقلبي .. تحبني ( هيه ) وتاخذني ( لا ) .. حرام عليه جان اني حبيتك ها الكثر ... " 

شافت حمود اخوها ع السكيت وياي مسرع .. ووقف حذالها وتم يخربط وهي مب رايمه تلقط الرمسه ...بالها مب وياها .. حمود خذ لفه على علاييه ويود راسها وصد براسها الصوب الثاني .. وقالها : هذاااااا هوو البدووي .. مرحبااااااااااا الساااااع 

صد بطي ع حمود وضحك : ههههههههه مرحباااا الساع .. جيف الحال ؟

حمود يطنز ويرمس شراتهم : بخييييير وسهااااله .. 

بطي يمسح ع شعره : ههههههه مب هين انته 

وصد على علايه اللي كانت ميوده ريم ..: شحالج اميه ؟ 

علايه رفعت النظاره الشمسيه لانها كانت لابسه عدسات طبيه شفافه : بخير الحمدلله وانته شحالك 
بطي : بخير وسهاله ربي يعافيج ياحيكم والله ريحة البلاد 

علايه ابتسمت . وحمود طبعا مايسكت : تعطيني ناقه 

بطي : ههههههههههههههه افا عليك اعطيك ناقه حامل جان تبا بعد 

حمود : خل الحامل لك اباها صاحيه اخافها تربي وتموت 

بطي : ههههههههههههه خلاص تم 

حمود ابتسم 

بطي : يالله عيل بخليكم فمان الله 

علايه : ربيه يحفظك 

نزل حمد وشاف ابو سعيد هني اتبنج ... قلبه تم يدق بسرعه وبلع ريجه مليون مره من الزيغه " هذا شو يايبنه هني ؟ شو يسوي ... ليش يرمس قوم علايه ؟؟" 

ورد حمد صوب قوم ابوه ويسمع ابوه يرمس في التيلفون .. : هيييييه زين زين يوم عزمتوو .. والله انه ها الدار غاويه وماعليها كلام .. شو الخضره .. شو البراد .. بتستانسون والله .. عقب اسبوع .. هيه زين .. خل ها التركي " حقي " يحجز لكم ويانا .. وبنسير وبنرد كلنا رباعه .. ههي خلاص تم .. 

وسكر عنهم .. 

حمد : منو ترمس ابويه ؟ 

بو حمد : ارمس عمك حارب بييون هني ويانا 

حمد بطريقه عفويه : غايه بتي ؟ 

بو حمد قام يسوي حركاته : هاااا .. هااااا.. اشوف بدينا هيه اتطمن غايه بتي .. يعني شو بيخلونها تحرس البيت 

حمد نزل راسه : لا مب جي 

بو حمد حط ايده ع جتف حمد :اذا كانت على هاييج اللي ماتنطرى انساها انته اللحين حمد الريال اللي كل حد يعتمد عليك انا ماقسيت عليك الا عشان احصل حمد القبلي .. مابعدتك عنا الا عشان اباك تنسى كل شي استوى لك قبل .. انته غالي ياحمد غالي .. 

حمد حظن ابوه : والله مابتعرف اللي في قلبي 

بو حمد بعده شوي وطالعه : خبرني شو فيك انا ابوك 

حمد وهو مشوش : خلااص ماشي 

بو حمد : غايه في خاطرك ياحمد 

حمد : هيه في خااطري اباها من خاطري .. 

بو حمد : تعالي امايه شو فيج 

حمد صد وراه وحصل علايه " لااا ليش دوم انحط في مواقف وياها .." 

علايه ترد تحط النظاره ع عيونها عشان ماتخونها دموعها وهي كل ماتشوف حمد تتذكر فراقها ... وتدوس ع قلبها وبصوت خفيف : مافيني شي 

بو حمد : تعالي عندي .. 

اتجدمت علايه وهي تير ريولها .. : هلا 

بو حمد : ولدنا معرس اللحين .. وبنفتك منه .. هههه وانتي هااا متى ناويه تفكينا 

علايه رفعت راسها : بالبركه عليكم خطبة حمد وانا خلوني بعيد 

بو حمد زعل : افاااا شو ها الرمسه .. عمج يبا يشوفج عرووس 

ويا بو عليا .. : ها اشوف عليا موقفه هني 

بو حمد :لا شفتها تمشي وزقرتها .. – وصد على علايه – اخبره ؟ 

علايه ابتسمت : ههه برايه خبره 

بو عليا رد قلبه ينغزه : شوو 

بو حمد : اسمع بنتك اونها ماتبا العرس 

بو عليا : احسن بتفتك من الصدعه 

عليا : هيه صح 

بو عليا غير رايه : يالله ماعندنا بنات يتم بليا عرس امره من تخلصين المدرسه وحد ايي ويخطبج ع طول بنيوزج .. لو كان ريال زين .. 

حمد لا ارادي : لا

كلهم صدو عليه .. ومستغربين .. 

بو حمد : شو لا

حمد اتوهق : لا يعني بعدها صغيره من تخلص الثنويه 

بو عليا : هههههههه عاد اللي يسمع الخطاطيب واقفين طوابير عند الباب .. 

عليا وهي تمشي عنهم : هيه والله .. 

ودشت داخل واحصلتهم تقريبا كلهم في الممر وسارت صوب روضه ... وهمست لها : بعدج مابترمسيني 

روضه طالعتها بفشله : والله ماعرف ها حمد اخويه 

علايه حطت ايدها ع جتف روضه : ماعليه حبيبتي انا مابيي صوبج عشان ما اسوي لج مشاكل ويا اخوج بس والله انا تراني ما أأكل ههههه 

روضه : هههههه ادري فديتج بس ماعرف هو تراه هفات اللي ياه مب شويه 

واتفاجو به واقف جدامهم روضه ماتت من الزيغه 

علايه بخوف : انا اللي رمستها مب هيه 

حمد ينقل نظراته بين علايه وروضه ... ومد ايده وسحب روضه ومشى وياها وخلو علايه في الممر وكلهم كانو طالعين .. تمت تمشي علايه بهدوء ووتتذكر سعيد وتبتسم شويه .. وتبوز شويه .. وتضحك شويه .. كل ماتتذكر موقف من مواقفها وياه .. وتمت تمسح على ايدها اليمين تبا اتدفي عمرها وتمت تتبعهم بهدووء وصلو سوق حلوو واايد هادي .. وتمو يتمشون لحريم وحمد كان ويا اليهال .. وعلايه يالسه اتطالع المحل من ورا الجامه وعيبها قلب فيه حجر في النص وايي عليه شي لولبي يلتف بالفصوص .. وتمت تطالعه والجو كان باره .. 

صوت رجالي وراها : عيبج 

علايه وبدون لاتصد عليه لانه حفظت حسه .. : هيه 

حمد : بكم ؟ 

علايه :850 يورو يعني تقريبا بيي بـ 4 الاف وشي 

حمد : اها .. يناسب الخطيبه 

علايه صدت عليه وابتسمت ومشت عنه ... 

حمد ماتحمل يرمسها جي .. " يعني انا حمار مب كفايه اللي ياها ... بس تستاهل اتبديه عليه .. " 

تمت تمشي وتطالع ورن تيلفون امها اللي كان عندها كانت فطوم بنت عمها .. 

علايه كانت حاسه انها محتاجه فطوم اكثر شي وفتحت التيلفون بسرعه وبصوت عاالي .. : حبيبة ألبييييييي 

فطوم مستانسه : ويييييييه عليوه .. توحشتك برشا برشا .. 

علايه : دبه دبه دبه .. 

فطوم : هههههههه والله تولهت علييييج 

حسن اخو فطوم : كلنااا علييوه كلناااا 

علايه حطي سبيكر .. : جب انته ياالدب .. 

حسن : عليوه اتعرفين وين سايرييييين 

علايه : اهىء اهىء ادري بوظبي .. يالخايينين يعني جان اترييتو شهر شو بيستوي عليكم 

فطوم وميثا اختها الكبيره : ههههههههه مانروم كلهم هناك وشو وناسه 

علايه : اييييييه بس بس بصيييييح اقولكم سلمو ع نادي الضباط وقولو له اني احبببببببه والله احببببببه 

حمد كان يمشي ورا وشال رفيعه وسمع اخر شي ( والللله احببببببببببه ) 

علايه شافته وقالت الا تخسس به : وبعد اني اتولهت عليه والله يعافيه ان شالله لو يبا صحتي بعطيه لو يبا عيوني بعد 

حمد هني ماااات " هاي منو ترمس ؟؟ واللعنه تلعنها مالي خص ... " 

حسون ك بسم الله عليج منو ها الميهود ؟ 

علايه :ههههههههههه اسولف

حسون : علايه شو الشقر 

علايه : يعيبنك ... 

حسون : افا علييج صوبنا عيل

علايه : تباهن 

حسون : هههههههه لا مافيني 

ميثا : عرسه شهر 11 ويقول جي .. .

علايه : جب انزين وانتي شهر 1

ميثا: الله يغربل ها العرس مانباه 

فطوم : اخبررررررر .. 

وقطع الاتصال شافت رصيد امها كان 1.28 فلس وكان فيه 70 درهم 

علايه : خييييييييييبه كيف يطيرن البيزات .. 

وسكرت التيلفون وسارت صوب قوم امها وخبرت امها انها خلصت رصيدها 

ام عليا : وييه حسبي الله ع بليسج انتي وفطيم .. وعلى خرفاتكن – سوالفكم – 

علايه : ههههههههههههه والله اتولهت عليها حرام عليج 

ام عليا : هههه ماعليه بنطرش من عند ابوج رصيد

علايه : قصدج تصرقين 

ام عليا : ههههههههههههههه سيري طرشي لي

علايه : مب اللحين جي ينجك .. يوم بنسير الشقه بسوي عمليات الصرقه 

ام عليا خلاص اوكي 

وتمو يتمشون شويه وسارو اشترو عشا وردوو البيت وكل حد باله مشغول من صوب 

علايه اليوم تعلن الحداد على قلبها .. 

وحمد .. يدعي ربه يوفجه في حياته ويا غايه ... ويدعي ربه انه ينسيه الماضي من بداية حبه لعلايه لنهاية حادث سعيد ... 

وصلو البيت وتعشو وقامو ينسحبون للحجر بهدووء .. وعلايه سارت فتحت شنطتها الخاصه وضربت الابره في ايدها واتخدرت ووطت راسها ومادرت بعمرها 

.................................................. .................................................. ...........................

الجهه الثانيه من البلاد .. – الامارات – دبي 

بوحمدان يالس وياام حمدان .. 

ام حمدان : ها شوو رديت ع العرب ..؟ 

بو حمدان : خلاص ردينا عليهم وقلنا لهم انه البنت يباهم ولد عمها 

ام حمدان : زين ماسويت ..بس انا بعدني متهوبه ( زايغه ) من حمد 

بو حمدان : اذا على سوالفه القبليه تراه اللي كان يحبها خلاص نساها .. حرام عليكم الولد اتعذب والخلق قامو يعايرونه وابوه سفره خاري وبعده عن اهله واتغرب ومب مكفنكم ؟ 

ام حمدان ماعرفت شو تقول : تراها هاي حياه .. وعمر بنتك بتعيشه ويا ولد عمها 

بو حمدان يقاطعها : سمعي دام انه ولد عمها قال يباها خلاص غويه مابتسير لاي حد غريب .. وان رخصها تراه ماعندنا اخلاف انها تعرس 

ام حمدان : على هواكم .. بس تراه 

بو حمدان عطاها نظره : شو ؟ 

ام حمدان : غايه مب موافقه .. اوين الريال مب صاحي 

بو حمدان عصب : وهي العرس بشورها .. جان ولد عمها وقالت عنه جي .. عيل شو خلت للناس هاي مافيها خير بنتج .. وينها ؟؟ ( ونش من مكانه )

ام حمدان تلحق عليه وتيوده من ايده ..: حلفت عليك ماتقول لها شي اتصيح في الحجره عايفه الولد ماتباه الصراحه وياها حق قبل بغى يموت عشان وحده ومحد تم ماعرف عن سالفته صدق انه مب صاحي .. 

ودخل حمدان ولدهم العود وعمره 22 كبر حمد .. وشاف ابوه معصب وامه ميود ايد ابوه .. واستغرب .. 

حمدان : السلام عليكم شو مستوي 

الكل :: وعليكم السلام 

بو حمدان : طالع اختك تبا تسود ويهنا وترد ولد عمها 

حمدان غمضه حمد : حرام عليها والله انه حمد اصطلب وغدى ريال وتراه قبل كان ولد مراهق بطيشه واللحين قبض مذهبه 

بو حمدان : تسمعين .. اسمعي ولدج 

حمدان يود امه ويلسها : امايه اذا على حمد تراني انا دوم وياه .. والله اتغير .. حرام عليكم حسو به ها الفقير ماتم حد ماعايره .. عاشق ومينون .. بس عاد ها كله من زمان وكان طيش شباب .. انا بعد كنت اقص على عمري واسوي عمري احب .. بس طبعا انا ما اتخبلت وسرت اضارب الخلق .. امايه افهمي حمد اللحين اتغير .. والله انه اتغير

ام حمدان : انا ماقلت شي بس اختك ماتباه 

بو حمدان : مب كيفها . 

حمدان : انا برمسها .. 

بو حمدان : سير فهمها بارك الله فيك 

وسار حمدان وركب الدري وهو يرتب الكلام في باله كيف بيرمس اخته . دق الباب عليها وماترد .. تم يدق وفتحته .. وانصدم من شاف اخته غايه بنت حلوه ماشالله عليها ونعومه وايد وعمرها 19 والشهر الياي بدش الـ 20 .. وهي تدرس في التقنيه .. 

حمدان انصدم من شكلها : انتي بلاااج ؟ 

غايه صاحت بعصبيه : مااباااه .... ماباااااه .. 

حمدان : غايووه حطي عقلج في راسج .. هذا ولد عمج من لحمج ودمج 
غايه تصيح وتقاطعه : على عيني وعلى راسي ماقلت شي بس ماباه هو كان يحب قبل ومينون 

حمدان عصب وعطاها طراق .. : شو مينووون انتي المينونه اللي بتردين واحد شراته .. 

غايه : ماابااه .. ماابااه 

حمدان : مب كيفج حمد شيخ الرياييل ولو يباج خدامه عنده بنخليج خدامه تفهمين 

غايه : والله يخسي ... ( وتصيح ) 

حمدان ماهان عليه يقسي قلبه اكثر ع اخته وحظنها : حبيبي غايووه بس عااد والله صياحج مابينفع .. سمعيني نحن بنسافر وياهم وانتي شوفي عمرج بترتاحين ولا لا .. وصلي انتي استخاره .. 

غايه : ورديتو هاذيلاك 

حمدان : غويه فيصل ريال والنعم ( جان تزيد الريس غايه ع الصياح ) .. وهو اخويه قبل لايكون ولد يرانا .. بس تراه ولد عمج احسن لج من الغريب اانا عاشرت فيصل بس ماعرف كيف يتعامل ويا امه وخواته في البيت لكن ولد عمج عارفينه وعارفين طباعه حمد طيب وينحط ع الجرح يبرى .. انتي ماتعرفين حمد .. انتي ماسمعتي عنه االا الشين .. وماعرفتي عنه الزين 

غايه تصيح وتمسح دموعها : وهذا فيه شي زين بعد .. خل يسير يخطب اللي متضارب عشانها .. ( وقامت تزاعج ) خل يسيرررررر .. 

حمدان : غايه صلي انتي الغاليه واستخيري ربج 

غايه معانده : ماباه .ز 

ويوم رفعت راسها لقت ابوها واقف ونظراته ناريه .. : سمعيني ماتبين منو ؟ 

غايه وهي تشهق : مابا حمد 

بو حمدان : ومنو تبين ؟ 

غايه : يعني انا كانو يايين يخطبوني وكنت عادي بوافق .. (وتنش تيود ايد ابوها ) ليش تسير وتشاور عمي .. لييش ؟؟ 

بو حمدان : ها الواجب .. وانا سويت الواجب .. وزين يوم اني شاورته لانج طلعتي في خاطر ولد عمج 

غايه تزاعج : انا مب في خاطره .. في خاطره اللي كان يبا يموت عشانها .. 

بو حمدان : وتبين فيصل .. !! ا

غايه متردده : ماعرف بس مابا حمد 

بو حمدان : يعني تبين فيصل 

غايه تحط ايدها ع راسها : ماعرف .. ماعرف 

بو حمدان غمضته بنته وسار ويودها ويلسها حذاله ع الشبريه : سمعي بنتي .. احسن من ولد عمج مابتلقين بغض النظر عن ماضيه ولكن بعده ريال وتفز له رياييل .. انشدي بو محمد كيف يحب حمد ( قصده خليفه بو عليا ) واتخبري عنه الرياييل في الفريج وكلهم بيقولون لج انه اصطلب .. انتي استخيري ربج وردي عليه خبر .. 

غايه هدت شووووويه : اوكي 

وطلع حمدان وبوحمدان وهم يتشاورون في ها السالفه .. ع طول غايه نقزت قفلت الباب ودشت المسن .. وماشافته اون لاين .. ويايه بتطرش له ايميل .. ودش اون لاين 

غايه : فيييييييصل 

فيصل : ما من بينا كلام خلاص 

غايه : والله اني احايلهم مابا ولد عمي 

فيصل : غويه اتصلي جي ماينفع 

غايه تصيح من خاطرها : اوكي 

دورت غايه تيلفونها وع طول اتصلت ع رقم فيصل . 

شله فيصل وفي صوته ضيجه . : غويه 

غايه وبتموت من الصياح : هممم 

فيصل غمضته : بس عااد .. بس ها النصيب 

غايه : لاااااا انا ( تشهق ) أأ ح ... بك 

فيصل دمع .. : حتى انا والله احبج وانا خطبتج بس ردوني 

غايه تصيح من خاطرها : والله مب لعيبن فيك .. لانه ولد عمي اونه مارخصني 

فيصل : اعرف .. ( وخانته دموعه ) 

غايه : هاالمينون انا ابتلي به لييييييش ؟؟ 

فيصل وصوته مول يبين انه تعبان . : خلاص غايه ها النصيب ومكتوب لنا جي 

غايه . : يعني خلااص 

فيصل : غويه فديت خشمج راسي يعورني واحس انه مخنوق .. اتصلي اخلاف باي 

وبند في وييهاا .. حس فيصل بطعن في رجولته لانه حبيبته اللي حبها اتقدم لها وردته .. ع طول فر التيلفون وفتح الكمدينو وطلع البخاخ ورش كمن رشه .. واتحلف ورقد 

لكن غايه تمت تطالع التيلفون مذهوله وهي تدعي ربها انه حمد يهون عنها .. وطلعت صورة فيصل في لاب توبها وتمت تمرر صبوعها على ويهه وهو يبتسم .. فيصل ماشالله عليه وسيم وايد شعره طويل وبني .. وفيه غمازات كان جميل بمعنى الكلمه احلى عن غايه وطافها في الحلاه ..بس فيصل حبها من خاطره من يوم كانو صغار وهي تلعب وياه .. وتمناها تكون حرمته .. وصح انه تواصل وياها بالمسن .. وبالمسجات ساعات ونادر اوقات الضروره يرمسها في التيلفون بس كانت مرات تنعد ع الاصابع .. 

تمت غايه تطالع صورته وهي تتحسر على سنين حبها وتصيح بالم وبحسره ... ومن التعب ومن كثر ما صاحت غفت عينها ورقدت .. 

وع الساعه 2 الا عشر .. رن تيلفون غايه .. ورن وماشلته .. 

ورد يرن ع الساعه 2 بالظبط .. وهني انتبهت لتيلفونها وشلته وصوتها كله رقاد .. : الوو 

فيصل : عيوني 

غايه فزت من مكانها .. واستوعبت انه فيصل وتمت تصيح ومايسمع الا صوت نصخها وهي تصيح 

فيصل : غايه طلبتج 

غايه بدون تردد : عطيتك .. 

فيصل : ابا اشوفج فديتج دقايق .. 

غايه انصدمت من طلبه : متى اللحين ؟؟ 

فيصل : هيه اطلعي عن باب سكتكم الصغير من ورا البيت 

غايه : بس اللحين ظلام واتروع 

فيصل : والله مابطول .. ( وبحزن ) لاتحرميني من اخر طلب اطلبه منج 

غايه هني ماتت من الصياح .. وسكتو ودمع فيصل 

غايه : خلاص بدبر عمري وبرد اتصل لك 

فيصل : اترياج 

وبندت عنه وسارت تغسلت وفتحت الباب وحاطت داخل البيت وتمت تحط اذنها ع كل حجره وتسمع اذا في حد واعي ولا لا .. وعقب ردت حجرتها واتصلت لفيصل وقالت له دقايق وبتظهر .. 

سارت لبست شيلة مال البيت ورتبت عمرها شويه .. وطلعت تمشي بشوي شوي على اطراف اصابعها .. وفتحت باب السكه الصغيره وتوها بتفتحه ويطلع لها في ويهها ..: بووووو 

غايه ماتت من الزيغه وضربته بالخفيف ع جتفه : بغيت امووت وياويهك 

فيصل ضحك : ههههههه تستاهلين .. ( وبحزن ) عيل بتخليني .. ؟ 

غايه مارامت تتحمل وصاحت .. 

فيصل دمع وياها مارام يتحمل الموقف ها الشي اكبر منه ومنها وسحب كيس كبير ودش بيتهم وحطه بين الزرع ... ورد ظهرخاري وغايه تامه ساكته وتصيح ... 

فيصل : ماروم اتم اطالعهن واتذكرج وانتي بتكونين لواحد غيري 

غايه تصيح من خاطرها : ليش ؟؟ لاتقول جي 

فيصل : خلاص الغاليه .. خلااص بس ها الشي اللي كنت ابا اعطيج اياه 

ولف عنها .. 

----------------------------
ولف عنها .. 

وصوت رجولي وراها : غايوووووه 

غايه صدت وهي منصدمه .. واتجدم حمدان لها وعطاها طراق من الخاطر ... وتمت تصيح .. فيصل مات من الزيغه وقال انا اليوم ميت .. ميت 

واتجدم له حمدان وهو لابس وزار وفانيله ووقف جدام فيصل : هاي اخرتها 

فيصل : ............... 

حمدان ماتحمل وتم يضرب فيصل من خاطره وفيصل مايسوي شي .. لنه يدري انه غلطان ... حمدان يوم شاف انه فيصل مايقاومه وكان ساكت والجرح اللي فيه اعظم .. قرر يخليه لكن عقب شوو طلع من ثمه دم واترضض .. غايه ماتحملت اتشوف فيصل ينضرب جدامها ركضت داخل وهي تدري انه ياينها الدور .. 

حمدان عقب ماشبع من ضرب فيصل وقف فيصل نفس الطير الجريح جدامه : مشكور 

حمدان ميود عمره : فيصل نش من جدامي مافيني ارتكب فيك جريمه 

فيصل صاح جدام حمدان ويوده من ايده : دخيلك لاتاذيها انا السبب 

حمدان دفر فيصل وسكر باب السكه وصيخه من تحت ومشى كالوحش الكاسر ... ودش على غايه وهي ميته من الصياح وقفل الباب .. وبعصبيه : انتي تعرفين شو سويتي 

غايه لاجواب غير الدموع ........

حمدان : اتعرفين ولا ماتعرفين 

غايه : بس .. خلااااااص 

حمدان اتجدم لها وضربها ضرب اليهد ... وهو يضربها : سودتي ويهنا ... يالسباله 

ويضربها اكثر .. وغايه تحس بالم الفراق اعظم واقوى من الم الضرب ... 

حمدان وهو يضربها : تبيني اخبر ابويه .. هاااااا ( ويمطها من شعرها )

غايه تهز راسها لا ...

حمدان يضربها زود وزود .. : عيل ولد عمج بتاخذينه وانتي سباله ... سامعه وانتي شوو ؟ 

غايه تزاعج من الالم : سباااله 

حمدان : وبنخلي كل شي يستوي بسرعه من نرد من السفر .... وانا تراني مابخبر ابويه ولا ااميه مب عشان سواد عيونج .. لانه اخاف عليهم يستوي بهم شي وينصدمون من سوات بنتهم الوحيده 

وظهر عنها بس شل تيلفونها ولاب توبها عنها .. وسار عند تيلفون الصاله وشل الواير ودش حجرته وكسر لاب توبها ... وكسر موبايلها وظهر البطاقه وكسرها ... ومارام يرقد هاييج الليله .. لافيصل .. ولا حمدان ... ولا غايه .. 

.................................................. .................................................. ............................................


الجهه الثانيه من الارض – النمسا – 

حمد نش وهو مصحح .. وحاس بانتعاش .. وشاف اخته روضه تلبس مريامي وطاف وضرب روضه على راسها بس جي مال سوالف .. 

حمد :ههههههه غريبه ماقلتي شي

روضه : مب فايجه 

حمد : ههههه هبلا

مريامي وبلغتها الطفوليه : لوضه .. 

روضه وهي تتأف ملت من مجابل اليهال : هااااه 

مريامي : انا ما احب اختج كله تصيحني 

حمد اونه معصب : وينها عنوود ؟؟ تبيني اضربها 

مريامي وهي تزاعج : لاااااااا

حمد بنفس طريقتها : عييييييييل 

مريامي : هاي اللي تمشي ويا روضه 

حمد باستفسار .. : علايه ؟ 

مريامي : هيه هااي 

روضه : ليش هاي ختاه ( اونه اختها ) ماتسوي شي 

مريامي تصيح : ما احبها .. 

وسمعو حد يدق ع الباب .. وكانت علايه لابسه جلابيه عاديه وشيلة الصلاه وشاله صحن فيه خبز خمير وطاسه فيها دبس .. وحمد فتح لها الباب .. وشاف بساطتها ... واتساند ع الباب وقرر يغلس عليها 

حمد : خير فيه شي 

علايه : كل خير ان شالله 

حمد ابتسم على برود اعصابها .. : شو تبين؟؟ 

علايه ابتسمت : انا مب يايه اشحت .. دوك ها خبز خمير ودبس من صوب يدتي .. 

ولفت بتروح ... جان تزقرها روضه .. 

روضه : صبري .. 

علايه صدت وابتسمت من خاطرها : هلا والله ( وبصوت واطي ) اخيرا استويتي ما تخافين من جامبو الجبار 

حمد يطالعها وهي ترمس بصوت واطي .. 

ويت روضه ويودت ايد علايه وصدت ع ورا وعيبت على حمد : يالله جابل مريوم انا بسير اقولها كلمة راس 

حمد بعدم اهتمام : برايج 

شويه ورد يصد عليها : لااااااااا ياويلج 

روضه ركضت وسحبت ايد علايه ونزلت بسرعه وهي تضحك وتفكر شو بتكون ردة فعل اخوها ودشو غرفه مال الالعاب . 

روضه سكرت الباب واتساندت عليه . وعلايه يلست ع كرسي مال طاولة المكعبات وتطالعها باستغراب 

روضه : هههه بخبرج شي 

علايه ابتسمت : خبريني اشياء مب شي 

روضه : لا هو شي واحد امس عرفته بعد 

علايه : اوكي قولي 

روضه : اممم حمد اخويه نحن ضارين نسافر كل صيف بس هو يتعذرنا وها المره اتعذرنا في البدايه وعقب من عرف انكم انتو اللي بتسيرون عزم ويانا ... ( وهي تتحرك من مكانها وتيلس ع الكرسي مال المكعبات بعد ) وطبعا ها لشي كل حد استغرب منه ... وقلنا اكيد السالفه فيها " ان " .. لين ماكشف لي امس انه يحبج ... ومن زمان بعد ... تتخيلين انتي ها الشي .. حمد اخويه اللي كان يحب هايج لدرجة الخبال .. يحبج من قبلها واللحين يحس انه يحبج ..(وبنظره حالمه ) امممممم اتصدقين والله انه احسن له من هاذيج الله يغربلها غربلت حياتنا كلنا .. 

علايه ابتسمت بالم وتذكرت كلام حمد البارحي وردت تحس بالتعب بالتدريج .. : بس حد اخوج خطب 

روضه انصدمت ها الخبر يديد عليها واول مره تسمعه ومن علايه : شوووووووووو 

علايه : هيه حمد اخوج خطب .. 

روضه : كيف ؟؟ ومتى .. ؟؟ ومنووو ؟؟ 

علايه : اتوقع انها بنت عمج 

روضه ماعندها الا ها البنت عم : غويه ؟؟؟ ( وانصدمت ) لاااااااااااا كيف جي ... و فـ ... 

وع طول اتدراكت الموقف وسارت حضنت علايه : والله سووري ماكنت قاصده والله ماكنت ادري انه خطب بس كيف هو يقول لي امس انه يحبج وهو خطب غويه .. 

علايه تبتسم على الجرح .. : كل شي جايز 

روضه ردت تعتذر لعلايه واستسمحت منها وردت تركب لدري وحمد كان يترياها على اعصابه ويبا يعرف شو اخته خبصت 

دشت روضه وعطته نظره ويلست ع الكرسي اللي مجابل التلفزوين وتمت تهز ريلها بعصبيه .. سار حمد ويلس وياها : انتي شو قلتي 

روضه انفجرت : تخطب وماتخبرني 

حمد نقع من الضحك : هههههههههههههههههههههههههههههه هيه 

روضه : كيف امس تقول لي انك تحب علايه واتخطب ؟ 

حمد انصدم : رديتي تقولين لها اني احبها 

روضه : شو افهم من كلمة رديتي هاي ؟؟ يعني انته جد مخبرنها من قبل 

حمد نزل راسه وسار صوب البلكونه وبألم : هيه 

روضه : شو كانت ردت فعلها .. 

حمد : علايه مب لي وانتهينها 

روضه اتجدمت له وحنت عليه : اتفكر في هاييج 

حمد : روضه لازم ارمسج 

وسحبها من ايدها ويلسو في البلكونه .. وشرح له قصته من بداية حبه لعلايه لنهاية امس ... 

.................................................. .................................................. ............................................

الجهه الاخرى – الامارات – دبي 

غايه في حجرتها ماظهرت ... كيف بتجابل اهلها ... وويها كله مشوه ... مرزق ومخضر .. ماشي الا انها تجذب وتقول انها طاحت من ع الدري فليل ... ولكن دموعها وحزنها هن اللي بيفضحنها .. 

نزلت بشوي شوي .. وطافت جدام حجره حمدان ماحصلته وحصلت بقايا لاب توب وموبايل .. وحطت ايدها ع ثمها من الصدمه ماتوقعت نهاية ممتلكاتها الخاصه حطام ... وتمت تلم قطع بقايا الاب توب والموبايل وتصيح بألم .. 

نشت من مكانها وطالعت من بلكونه حمدان انه سيارته ماشي يعني ظهر برع البيت ... واتذكرت الجيس اللي وطاه فيصل ونزلت تربع بسرعه وشافتها امها وانصدمت من ويهها وخبرتها غايه بحزن انها طاحت ع الدري فليل .. وطافت ع العيوز ..واترخصت اونها بتسير المطبخ اللي برع .. وسارت شلت الجيس وركضت حجرتها وقفلت الباب .. 

فتحت الجيس الكبير وكان فيه هدايا غايه اللي يابتهن لفيصل .... وتمت اتطلع بوكس بوكس.. بحسره ... وتصيح بالم اكبر ... 

اما عن فيصل فمن دش الحجره ماظهر منها خذ له بندول نايت ورقد رقاد وكل ماينش يرد ياخذ بندول نايت ... وعلى ها الحال لين فليل ... وباجر دوام ولازم ينش بس هووو شكله مب ناوي يداوم .. ومن غير يحس انه متكسر من الضرب اللي ياه ... 

بيت غايه يالسه في حجرتها ولمت الاغراض وحطتهن مفرقات في الكبت وعلى اساس انه اغراضها وردت تتلحف وغمضت عينها وسمعت دق قوي ع الباب 

نشت تفتحه ودش حمدان ويطالعها من فوق لين تحت ... : زهبي شنطتج جدمنا موعد الطياره وبيكون ورا باجر 

غايه بهدوء وتهز راسها باستسلام : ان شالله 

حمدان : ع فكره رمست ابويه انج موافقه ع حمد وقلت له العرس يكون من نرد من السفر يعني على اول شهر 9 انتي زاهبه ... وتقنيه انسي لانه بسحب اوراقج 

غايه انصدمت 

وظهر حمدان وتم الباب مفتوح وغايه تمت تطالع الممر وطافت امها وهي شاله وياها " ثمول " ... ويلست غايه بهدوء ع الشبريه ويلست امها اتحط لها ع مكان الرضات في جسمها ... 

.................................................. .................................................. .........................................

الجهه الثانيه – النمسا – 

علايه يالسه تتعدل لانه بيظهرون بيسيرون التلفريك ... فوق اليبل .. واليوم علايه لبست احمر لانه تموت ع اللون الاحمر ... ومالبست عباه اليوم لانه لابسه شي طويل ... وظهرت في الصاله 

بو عليا : يلله ع الحمر 

عليا : ههههههه غاوي صح 

بو عليا : هيه ماشالله غاو ي

وميره اللي لابسه احمر بعد : ياسلام يعني انا بعد لابسه احمر ومحد قال لي شي 

اليده : انتي بعدج ياهل ... 

عليا يلست وياهم ويسولفون .. شويه وبو عليا يقول : علايه ترانا بنسير المانيا نوديج المستشفى 

علايه زاغت : ليش ؟ 

بو عليا حط ايده ع جتفها وطلع يمشي وياها لين برع ..: عشان نطمن عليج بابا .. 

علايه ابتسمت : اوكي 

ونزلو تحت وحصلو عايله قوم بو حمد زاهبين .. ويت روضه صوب علايه . : ها اشوف الحمر يزقر من بعيد .. 

علايه : هههههههههههه هيه على هواج 

روضه تشوف فوق اليبل : الله بنعفد فوق 

علايه : صخي يدتي ميته من الزيغه 

روضه : ههههههه حليلها ... 

علايه : عيل وين حمد ما اشوفه 

روضه : علايه ؟

علايه : هممم 

روضه : انتي صدق كنتي اتحبين واحد بدوي غير 

علايه صدت بطريقه سريعه ع روضه وطالعتها بنظره ومشت عنها وهي تسب حمد في خاطرها " كله منك فضحتني ... كله منك ... (وتمشي بعصبيه ) وينك ياسعيد .. محتاجتنك .. والله محتاجتنك " 

وياها حمود اخوها : عليووه اكوه مرحباا االسااع 

علايه غصبا عنها ضحكت : وينووه ؟ 

حمود :ويا قوم ابويه .. 

علايه تمت تطالع وهي قلبها ناغزنها انه ها ابو سعيد بس ماتشوف حد وياه .. وويوم صدت مالقت حمود اخوها ثره حمود سار له .. وتمت علايه تمشي ورا الحريم .. شوي ورد لها حمود 

حمود : علايه .. 

علايه وهي مصدعه : هاااه 

حمود : مرحبا السااع اليوم بيسافر

علايه بحزن لانه خابت ظنونها ..: الله وياه 

بس لاحظت في وجود مرحبا الساع ع قولة حمود اخوها.... يعني بطي اللي علايه حاسه بانه هو ابو سعيد ... حمد يختفي عن الساحه .. وماتشوفه ولاحظت هاك اليوم بعد انه حمد رجع ع ورا من شاف بطي ... وتمت الافكار تيبها وتوديها 

روضه اتجدمت لعلايه وهي حاسه بالذنب : زعلانه 

علايه وهي تكابر : لا عادي ..بس هاي حياتي الخاصه ومحد يروم يدخل فيها 

روضه : انزين انا اسفه 

علايه : لا عادي لا تتاسفين 

روضه تبا تغير السالفه : قوم عمي بيون باجر 

علايه : قصدج خطيبه حمد 

روضه وهي مفتشله : ههيه 

علايه بعدم اهتمام : زين ... زين 

روضه : بس تعرفين احس انج بتحبين غايه 

علايه : انا اصلا ما اكره حد 

روضه وهي مصره اترد ع السالفه : وع كل اللي سواه حمد ماتكرهينه 

علايه بعصبيه : روضه بس عاد انتي شو تبين توصلين له بالظبط . قلت لج اني ما اكره حد وخلاص 

وتمت معصبه وها الشي ياثر عليها ... ومن وقفة الشمس .. سارت وسحبت شنطتها الصحيه وسارت بعيد شوي وسحبت الابره وبطلت عن ايدها .. ويايه بتضرب الابره وحمد لمحها وشافها وهي تتويع وعقب تمت تمسح ع مكان الابره وردت ايد البدي مالها .. حمد انصدم .. هي شو مشكلتها ؟؟ 

حمد مارام يتم على اعصابه ويشوفها وهي تتويع .. اتجدم لها : عليا 

عليا بتعب : هلا 

حمد : شو فيج 

عليا : مايخصك 

حمد : انا ارمسج ردي عليه 

عليا : مافيني شي 

حمد : بتقولين لي ولا لا ؟؟ وشو ها الابره 

علايه ترد الابره مكانها وتسكر الشنطه اللي مليانه ادويه : مالك خص 

حمد عصب : نفاد 

وسارت تمشي عند قوم امها " هه اونه يحبني هذا أي حب خبرني ؟ حب بالضرابه جنه ؟ " 

وركبو التلفريك وهن عباره عن تلفريك طويل مقسم 3 اقسام ولكل قسم باب القسم االاول احتلوه العرب واستوى زحمه .. وتمو مستانسين وهم يطالعون المناظر الغاويه من فوق وعلايه متجاهله حمد .. 

وحمد بيموت وبيعرف علايه شو فيها ... 

وصلو فوق وانتشرو في البقعه الغاويه وعلايه انشغلت بالتصوير .. وحمد تم يرمس في التيلفون وكان يرمس حمدان ولد عمه 

حمد : ها تبوني باجر اييكم ..؟؟ 

حمدان : لا عادي مانبا نعبل عليك 

حمد :لا عباله ولاشي كل شي عشان الخطيبه يهون 

حمدان : هههههههههه يعني كل ها عشان خاطر غايوه ( وهو متحسر على حمد .. ) 

حمد : لازم نداري زوجة المستقبل 

حمدان : دام انك مشتط جي شورايك اتعرسون قريب 

حمد : كيف يعني 

حمدان : يعني ع بداية الدوامات 

حمد : بيكفيها تتزهب في شهر 

حمدان : هيه بعد شو 

حمد : بس انا احيد انه البنات يالله يالله يسدنهن 6 شهور لين مايتزهبن 

حمدان : مب ع كيفها . 

حمد استغرب من حمدان : اها والله انا ماعندي اخلاف شاور االعروس .. 

حمدان : العروس ماعندها مانع 

ودش حجرة غايه وهي يالسه ترتب اغراضها بهدوء 

حمد : يعني تم 

حمدان : تم امره 

حمد : يالله بخبر ابويه 

حمدان : ههههههههه مستعيل 

حمد : امم شو نسوي يالله انته شد حيلك 

حمدان : وين ياريال بعدنا مالقينا بنت الحلال

حمد : مكودات بس خل العيوز تشغل الرادار 

حمدان : ههههههههههه ماعليه بنشوف نحن 

حمد : عيل خلاص ولد العم نشوفك باجر

حمدان : على خير ان شالله 

وبندو عن بعض .. وصد حمدان على غايه وخبرها .. وطبعا غايه ماتروم تحط عينها في عين اخوها واستوت هاديه اكثر من الللازم ... والالم يعصر قلبها .. ظهر حمدان ونشت وقفلت الباب ... وتمت تصيح .. كل يوم على ها الحال يا ساكته يا تصيح .. وفتحت سدتها الخاصه بالمفتاح وطلعت ظرف وفي الظرف صوره فيصل وحضنت الصوره وتمت تصيح من خاطرها " ماتم لي االا ها الصوره ... والله احبك ياروح غايه ... " ودست الصوره بين ثيابها ... وسكرت الشنطه ولازم اتسير واتخبر فيصل انها بتسافر .. وهي بتموت وتبا تتطمن عليه .. سارت كتبت رساله قصيره وايد بس عشان محد يجكها .. " هلا فيصل .. انا اسفه والله .. وتراني احبك والله وانا باجر مسافره لاتنساني ... " وربعت الستيكر الصغار وتمت تحوط في الحجره ومب عارفه شو تسوي اخوها في البيت ... سارت وزقرت الشغاله وقالت لها اعطيني تيلفونج ... وطرشت غايه مسج ع تيلفون فيصل انه بتطرش له ستيكر .. وها تيلفون الشغاله يعني لايرد يتصل عليه ولاشي وطمنته انها بخير ... 

غايه : ميري ها وديه بيت ماما عايشه .. 

ميري : انجين .. 

غايه : اعطيه بابا فيصل .. قولي له هذا من عند بابا حمدان 

ميري: انجين 

وسارت ميري وحصلت ام فيصل يالسه وفيصل يالس يتريا الشغاله ودشت ميري 

ميري : السلام عليكم 

وردو السلام عليها .. 

فيصل نش واتجدم لها

ميري : هذا من باابا همدان .. هق انتي .. 

فيصل : سحب الورقه .. وقراها وتغير ويهه 

فيصل معصب : متىى في سافر ؟

ميري : اليوم فجر 

فيصل ضرب بايده ع اليدار ... 

ام فيصل زاغت ع ولدها واتجدمت له : خير يابويه شو في الورقه 

فيصل : ماشي ( وصد ع ميري ) ميري صبري شوي اوكي 

وسار فيصل وكتب ورقه لغايه .. " احبج والله ياغويه ومستحيل انساج ... ليش يبون يبعدونج عني مب كفايه اني ماعرف اخبارج . ماروم اعاتب والوم ..بس اعرفي انه قلبي فيج مجنون .. " 

وحطت الورقه في صندوق صغيروني وشكله مال كاكاو عشان محد يجك السالفه 

ونزل بسرعه ع الدري وهو يطوف دريه . ودرتين .. وعطا الصندوق ميري .. 

فيصل : هذا حق ماما غايه .. اوكي لاتعطينه حد ثاني معلوم 

ميري بصوتها لمزعج : ايوه معلوم هدا هق ماما كايه ... 

فيصل : هيه زين يالله توكلي 

وظهرت ميري وقبضته امه .. : يا فيصل شو فيك يامايه وانته من 3 ايام مب ع بعضك 

فيصل : تعبانه يامايه 

ام فيصل : وليش ماداومت اليوم 

فيصل : حتى باجر مابدوام .. 

ام فيصل : وليش ؟ 

فيصل : يامايه قلت لج تعبان خلاص 

ام فيصل : عشان بنت فاطمه ردتك جانك تبانا نخطب لك من باجر امره بنخطب 

فيصل صد ع امه : عرس مابعرس ارتحتوو 

وشل سويجه وطلع برع بالسياره وهو يحوط وفيه ضيجه ... فيصل اتعود وجود غايه في حياته دوم من يوم هم صغار وغايه هي ملازمه فيصل ... حلاة فيصل غطت على حلاة غايه لانه فيصل وسيم من الخاطر ... ولكن اطباع غايه خلت فيصل يحبها .. وكبرو ويا بعض وحبو بعض .. 

ام فيصل تمت مستهمه على ولدها وخاصه انها سمعته يقول للشغاله اعطيه ماما غايه ... وسفر .. وما سفر .. تمت تحاتيه ويالسه على اعصابها وسارت تتصل حق بنتها موزه .( معرسه وماخذه ولد خالتها ) 

ام فيصل : الوو السلام عليج 

موزه : وعليكم السلام .. هلا امايه 

ام فيصل : شحالج 

موزه : بخيير الحمدلله وانتي ؟ 

ام فيصل : بخيير 

موزه : خير اميه بلاه صوتج 

ام فيصل استغبت : اخوج ياميه من يوم ردوه قوم الـ ... وهو متغير وتم شكله ذاوي .. فيه شي الولد استوى مب صاحي 

موزه : اميه تراه شي مب هين وكلنا نعرف انه فيصل كان يحب غويه لكن ولد عمها الله يهداه 

ام فيصل : اتصلي له بارك الله ورمسيه وعقليه 

موزه : انا بعقله .. فيصل عاقل ويعرف اللي يسويه

ام فيصل : لالا انتي بعدج رمسيه 

موزه : ان شالله .. 

.................................................. .................................................. ........................................

عليا كانت يالسه وتشخبط في ورقه من الملل عندهم 12 الا عشر ... وطبعا كل الناس رقوود .. حطت قطعة الواير لس وحاولت تشبك وماطاع يستوي ... 

ظهرت هي والاب توب وطبعا المكان ظلام ... وتتريا انه يشبك بس ماشي فايده ... وطلعت برع الفندق .. ماشي ارسال ... وتمت متاففه ويلست في نص الشارع ... وحطت الاب توب جدامها وتربعت تحت وحطت ايدها ع خدها وتترياه يلقط ارسال .. عشان تشبك بالنت ... 

وسمعت صوت من البلكونه وكانت روضه ... : عليووووه يالساحره 

علايه تضحك : هههههههه ابا القط ارسال ابا ادش النت 

روضه : رمسي مارتن ؟؟؟ بس مب اتمين جي بسم الله والله اول شي اتحسبتج وحده من قوم بو حرفين ( اونه تقصد الجن ) 

علايه : رويض والحل ؟ 

روضه : تعالي حجرتنا يالسين رواحنا

علايه : وين اخوج ؟ 

روضه : امم من ظهر مارد لين اللحين 

علايه : اوكي بيي 

ويايه بتنش وكان اصلا حمد واقف وراها وهي ماتدريبه ... وشلت الاب توب جان يتقرب حمد من اذنها ويزااعج ... علايه قفزت ومن الزيغه شلت الاب توب وضربته ع ايده 

علايه انتبهت انه حمد : اوييييييييييه انته 

حمد يهوس على ايده : خييييييييييييبه جونقر مب علايه 

علايه : حد قالك تسوي جي تستاهل 

حمد : بخبر حرمتي سويتي لي " واوا " 

علايه بصوت واطي : ياشين الدلع عليك 

حمد عرف انها تتحرطم : نعم 

علايه : ها لاماشي 

حمد : وشو ميلسنج في نص الطريج لوتي سياره وتدوسج 

علايه : انته شو يعورك 

حمد يقلدها : انته شو يعورك .. 

علايه : اتوكل انزين 

حمد : انتي شو تسوين هني ؟ 

علايه : ابا اشبك بالنت 

حمد : لقط ؟ 
علايه : للاسف لا

حمد يودها من ايدها ويلسها في الطريج . : ايلسي عيل خلينا نخبص 

علايه تمت تشوفه وتبغي تحسسه انه اللي سواه غلط يوم قبضها من ايدها .. 

وروضه تشوفهم من البلكونه وحاطه ايدها ع خدها وتطالعهم .. 

حمد : وانتي شو تشوفين يالله دشي داخل 

علايه مطت الاب توب عنه : وانا بعد بدش داخل 

حمد مط الاب توب من الصوب الثاني : ايلسي لااه خلج ويايه 

علايه اونه عصبت : حمد 

حمد يبتسم : عيونه 

علايه استحت : عيب عيب .. 

حمد : هههههههه اتدرب حق المدام 

علايه ابتسمت وهي تحس انها مب فاهمه لها الحمد : زين 

حمد : لو طلبت منج شي بتسوينه 

علايه تفكر : ممم حسب 

حمد : اابا عصير برتقال سيري هاتي لي

علايه : اوكي بس عقب بدش داخل 

حمد : اوكي ....تم 

مشت علايه وهي تتحرطم ع حمد .. وحمد ع طول قام ينبش في لاب توبها وعاد لاب توب علايه معفس ع سطح المكتب مليون شي .. وفي المستندات صور وحاله .. وفتح الصور وانصدم بعلايه في الصور ... كانت ملكة جمال شويه عليها .. تم يطالع الصور وهو كل ماتطوف صوره يفتح ثمه من حلاتها تامه جنها عروسه مال اليهال من حلاتها .. بس لفتت نظره صوره كانت يالسه ولابسه بدي بني كت وفاله شعرها .. وقصتها القصيره نازله ع عيونها وشعرها قاصتنه مدرج ومسشور ع برع ع طوله .. وواحد يالس وياها وشكله المكان في شقه وياكلها كيك .. دقق حمد في الملامح وع طول يا بباله سعيد ..... ومن الغصه سكر لاب توبها بقوه ويوم يت علايه وهي شاله الكوب نش حمد من ع المكان وشل عنها القلاص مال العصير .... 

حمد بعصبيه : لانج انتي اللي يايبتنه جزيت من العصير ... ( وشل العصير من ايدها وفر القلاص ع الارض .. وانكسر الزجاج وتناثر العصير .. ) 

علايه تامه مبتهته ومنصدمه من تصرف حمد الغريب ... ومشى عنها حمد في الظلام وروضه وهي متروعه من تصرف حمد تامه متنحه وتطالع ... 

علايه زاعجت باعلى صوتها ونبرة صوتها ممزوجه بالالم ويبين انها بتصيح .. : انته صدق انك مب صاحي ومينوون .. اكرهك حمد اكرهك ... 

ونزلت وشلت الاب توب بعصبيه ...

حمد وقف ويشوفها وهي اتطوف حذاله ولاحظ عصبيتها ودموعها اللي كانت تمسحها بيدها ... وصورتها ويا ها الواحد تتراوى له ومستنكر على علايه ها الشي .. صح انه انصدم انها تحب .. وكان يعتبرها ملاك بس انها تلتقي بسعيد في شقه ها الشي الوحيد اللي مخه عجز انه يتخيله .....قلبه عوره ع عمره اللي قضاه يحب فيه علايه ... واخر شي تطلع جي ... 

دشت علايه وهي تصيح ونشت اليده وتمت تقرى عليها وع بالها اليده انه علايه تعبت عنثر المرض ...لين ماغفت عينها .. 

.................................................. .................................................. ............................................

الامارات – فجر مدينة دبي – 

غايه ماتنهت في رقاد كانت كله تحلم كوابيس ... صلت الفجر وتمت تدعي ربها انه تتغلب ع محنتها وترد ولد عمها حتى لو ماتاخذ فيصل بس اهم شي انها ماتاخذ حمد .... فتح حمدان الباب وشافها ع السياده تدعي وتصيح 

قلبه عوره .. وخاف انه لو تم اكثر يحن عليها ... رجع حجرته وهو يفكر انه يخلي عرسهم اقرب من جي لانه قام يحس انه هم اخته مثل الطوق .. مب رايم يتهنى في رقاد ولا اكل ... وباله دوم مشغول عليها ... وقرر انه تتزهب اخته من هناك وكل شي يكون على حساب حمدان ومن يردون يسون لهم العرس وحمدان عليه كل شي .. المهم من يردون من السفر تعرس وتسير ببيت ريلها ........... 

غايه خصلت من صلاتها ونشت وتلبست وظهرت في الحوي بتسير تعطي الشغاله شيلتها وعباتها عشان تكويها ... وكان فيصل يالس يفكر فيها ويدوخ فوق البيت .. هو من متى مودر دواخه عشان غايه واللحين رد لها من يوم استوت السالفه .... تم يطالع غايه وعيونها ولمعة الحزن اللي فيها وكانت ترمس الشغاله بهدوء وفجأه وجنه حد نبها وقالها صدي فوق ... 

صدت غايه وابتسمت ونزلت دموعها غصبا عنها ... فيصل من انتبهت له غايه تم يطالعها وقالها بحركة الشفايف .. " احبج لاتنسيني .. " 

غايه نزلت راسها وحطت ايدها ع ثمها تكتم شهقتها .. ودشت داخل ... فيصل رد اتساند ع اليدار وهو يفكر فيها وبيموت بيسوي أي شي بس عشان يكسب حب حياته له .... 

دشت غايه الحجره وتمت تتنفس بسرعه ... ودشت الحمام تمسح دموعها واتعوذت من الشيطان ودشت الشغاله وحطت عباتها وشيلتها ... وسارت تحط ميكب خفيف يعني خط جحال مايبين ... وبودره خفيفه وقلوس شفاف .. 

دشت ام حمدان عليها 

ام حمدان : ها غويه انقفضتي 

غايه : هيه خلاص 

ام حمدان : توه اخوج يرمسنا ويقول انج مستعيله وتبين العرس من نرد وماعندج اخلاف صدق ها الكلام 

غايه اتفاجات من تصرف حمدان المتهور ... ويايه بتقول " لا" 

بس شافت حمدان متساند ع الباب ورا امها ويطالعها بنظرات جنه يقول لها " ياويلج " 

وتمت غايه ساكته فتره وهي متردده ... لكن تحت ضغط نظرات اخوها .. قالت بصوت واطي : انا ماعندي اخلاف اللي تبونه سووه 

ام حمدان عورها قلبها ع بنتها الوحيده : لا اللي انتي تبينه بيستوي .. 

حمدان بنبره عصبيه : لا البنت ماعندها شور .. وتقبض سيدها قيدها .. نحن اهلها نحن ادرى بمصلحتها وانا اشوف انه العرس من ني وايد احسن لها .. واعتبرو عرس غايه هديه مني لها ... 

غايه كظمت غيضها تصرف اخوها يخليها تفقد اعصابها .. : لا ليش نستعيل

ام حمدان : هيه ماله داعي العيله 

حمدان : يوم الرياييل يرمسون البنت ماتتكلم .. وانا حمد خبرته وهو موافق ويبا العرس اليوم قبل باجر 

وظهرعنهم وهو محمق على غايه من الخاطر ... " كيف خدعتينا بطيبج .. كيف ياختي يا بنت امي وابويه ... وليش ... انتي غايه اللي مانتوقع منج الزله يطلع كل ها منج .. ياحسافه .. " 

وشويه وركبو كلهم السياره وتوجهو لمطار دبي الى ميونيخ .... 

.................................................. .................................................. ............................................

اليده نشت الصبح ويودت بو عليا 

اليده : تراها بنتك دوم اسمعها تصيح فليل ... ودها الدختر طالعها شو منه تشكي ؟ 

بو محمد : ليش ؟ هي قالت لج شي 

اليده : ويده انته ماتطالع ويها مصفر وكل يوم فليل تتويع .. وتصيح .. اكيد فيها شي 

بو محمد : ان شالله بنوديها المانيا وبنطالعها 

اليده : هي احسن والله انه فواديه ينقبض من اسمع صياحها.. 

بو محمد غمضته بنته ..ودشت عليهم عليا بابتسامه اتعودت عليها .. ودشت عقب ام محمد ويلسو يتريقون ... 

عليا : ها ابويه اليوم وين بنسير ؟ نبا مكان بعيد وحلو 

بو محمد : بنوديكم ان شالله " زا لامسي " 

علايه : امم هيه اوكي ...

وسارت تتلبس بس ها المره لبست عباتها المسكره وتحتها البنطلون وحطت ميكب خفيف يناسبها وحطت أي شدو تركوازي .. وقلوس وردي وطلعت ناعمه وايد .. ويالسه اتدور في الاكسسوارات ولقت خاتم فيه فصوص تركوازيه يلتف بشكل حلزوني غريب .. وها الخاتم هديه من فطيم ... 

وطلعت علايه الصاله 

ام محمد : عليا تعالي امايه شلي ريم واظهرو خاري 

عليا :ان شالله .. 

ميره : علايه اليوم انتي حلوه 

عليا استانست وصدت على امها ..: واخيرا حد مدحني اعترفوو .. اني جميله .. 

ام محمد : هههههه انزين منو قال انج خسفه 

علايه تفكر : امممممممم محد 

ام محمد : عيل خلاص اظهري انتي وخواتج انا بقفل البيبان وبلحقكم .. ميره شلي شنطة اختج 

وطلعت علايه واختها وهن يسولفن سوالف عاديه .. ومن ظهرت لقت ابوها ويدتها وبو حمد وحمد وام حمد يسولفون .. ومن طلعت علايه كلهم صدو صوبها 

بو محمد زقرها : تعالي عليا 

علايه اتجدمت وهي متعمده انها تطالعهم كلهم الا حمد وحمد ماشل عينه عنها 

بوحمد : ها علايه بتسيرين اليوم 

علايه تضحك : هههههههه عيل شو بتخلوني بروحي 

بو حمد : بنخليج ويا حمد تحرسون لين مايوصلون قوم حارب " ابو حمدان " 

علايه : الصراحه ماروم اطوف " زا لامسي " 

حمد بعناد : ولا انا اروم اطوف " زا لامسي .. " 

هني صدت عليه علايه وطالعها حمد بنظره احتقار .. 

علايه تغير السالفه : متى بنسير

بو محمد : اللحين خل تي امج 

اليده ترمس بو حمد : ترانا نحن بنخطف ع الدار الجريبه من ها البلاد بنودي عليا نطالعها في الدختر 

بو حمد باهتمام : ليش عسى ماشر 

علايه تطالع ابوها بترجي انه مايخبرهم ... وابوها فهم نظراتها .. : لاماشي هي دوم تصيح من راسها يعورها وقلنا بنخطف بنكشف عليها 

ام حمدان حست انه فيه شي : فديتج الله يعافيج امايه 

ويت روضه من بعيد وهي ميوده رفوع من ايدها .. وعنود ميود مريامي ..

روضه : يالللللله نبا نسير تعبت من ها البلاوي 

كلهم ضحكو لانه شكلها صدق متلعوزه 

ركبو كلهم السيايير وانطلقووحمد متلعوز من امس مارقد والسبه صورة علايه.. ويت بباله فكره انه يخبر بو عليا ع علايه واللي فيها فيها .... بس تراجع لانه يحس انه هو بعد غلط وتم محتار قلبه مشتعل نار ... ومب متخيل لين اللحين انه علايه تطلع من ها النوع ... 

وعقب انشغل وهو يفكر في غايه اللي ماشافها من زمان بس يتذكر انها حليوه وطيوبه وكيف بتكون حياتهم ويابعض وخاصه انه حمد ساعات يحس انه يكن لعليا اعظم درجات الحب .... وساعات يحس بالاحتقار 

لين ماوصلو المدينه وكانت ها المدينه فيها عرب اكثر وتمو واقفين عند بحيرة البط وفيها قوارب والمكان حلو وايد ... يلست علايه ويا اليهال وتفر الخبز للبط وهي مستانسه وعقب يوم شافتهم مطولين شلت الام بي 3 ويلست تسمع اغاني وتمشي ع الممشى وهي تتذكر سعيد 

" ااااه كيف احبك ... طافن عليه 9 شهوور من اخر مره رمستك فيها ... ليش كرهتني في الفتره االاخيره ... اكيد حمد .. هو السبب .. ( دمعت ) ياربييه والحادث اللي سمعت انه سواه طلع صدق .. والمجرم جدامي ... ااخ ماروم اسوي شي ... سعيد بعادك حطمني ... غيابك صعب .. واالاصعب وجودك واناا في الحالتين اتعب واعاني ... تركني بدون سبب .. اهم شي اني وفيت لك ياغناتي ... ( رفعت راسها للسما ؟) اذكرني ياروحي .. ولو دقيقه .. "

قطع تفكيرها صوت جلب ينبح عليها جان تركب ع الحد مال البحيره وهي ميته من الزيغه والعيوز اللي كانت ويا الجلب تضحك عليها 

علايه تسوي بايدها حركه انه حوشيه :goo,,,

وطاف واحد اجنبي .. ومد ايده انه بينزل عليا من فوق وعليا ميته من الزيغه ... وبتقول بصوت عالي : الله يغربلكم يالجلاب شو تبون بي ؟؟؟ نشوو عني .. زين جي مفضحيني 

الولد : انتي من الامارات 

علايه شكلت : هااااااه 

الولد : ههههههههههههههههههههههههههههههههههه 

علايه : اييييييه بصييييييييييح 

الولد : انزين انزلي مابيسوي شي جربي

علايه تطالعه : ع ضمانتك 

الولد ميت من الضحك .: هيه اعطيج السيفتي من عندي 

علايه يايه بتحط ريلها نبح اكثر ... وردت مكانها بسرعه وماتوازنت وكانت بتطيح في البحيره ع وراها جان يسحبها الولد من عباتها لين ماتجدمت ع جدام وطاحت ع الولد ................. 

يخررررررررررب بييييييييييييت الفشله 

علايه يوم استوعبت السالفه والجلب تم يشمها نشت بسرعه ع حيلها والولد ميت من الضحك ودمعت عينه من الضحك : هههههههههههههههههههههههههههههههه وربي تحفه ... 

ويا حمد من شافها اتكودت وخاطره يضحك بس عصب لانه طاحت ويا الولد ... ومن شافت حمد ركضت واندست وراه والجلب وراها .. وكل ما ايي الجلب من صوب يبا اييها هي تدز حمد .. وحمد كان مفول من العصبيه بس يوم شافها اتحركه ع كيفها تم ميت من الضحك .. يحس انها لعبت به... 

حوشه حمد ويته العيوز تستمح من حمد وقالت له انه الجلب لفته السلاسل اللي نازله من شنطة البنت .. جان تفصخ السلاسل من الشنطه وحطتهن في ايد حمد عشان يناولهن الجلب 

علايه : امره خذ كل شي بس خلني دخيلك 

حمد : عليوه بس خلاص ساروو 

وصد عليها ... وهي بسها انتهت ايدها ترتجف من الزيغه حمد طالع ايدها واستغرب رجفة ايدها 

حمد : شو هااااا 

علايه : شوو 

حمد تقرب منها وايد وبصوت واطي : ايدج 

علايه : شو 

حمد : طالعي كيف ترتجف ... 

علايه : من الزيغه والله ( وتنهدت براحه )

حمد كان قريب منها وايد وبهمس : فديتج 

علايه هني حست بشي غلط يستوي وانتبهت للمجرم واقف جدامها وبعصبيه : ان قلت ها الكلام مره ثانيه ياويلك 

حمد يصفر : اها مفهوم سيدي 

علايه تبا تاخذ بقضا سعيد وقضاها من حمد بس مب عارفه كيف بس اتذكرت بحزن " سعيد مايباني ليش ادافع عنه ؟؟ بس انا احبه ....ولكنه اعترف انه مستحيل ياخذني ........... بس ... لازم انساه ... " 

عدى ها اليوم حلو ع الكل باستثناء حمد اللي يخطط لكشف حقيقة علايه ويبا يوصل ل لاب توبها بشتى الطرق 

.................................................. .................................................. ............................................

ارض النمسا .. 

وصلت عايلة بوحمدان وغايه الالم يحاصرها ... تعبت وايد ها الكمن يوم ... امها حست بشي مستوي ..بس سكتت .. وصلو نفس الفندق اللي ساكنين فيه قوم بو حمد ونزل حمدان االاغراض ... وحمد كان واقف برع ويترياهم .. وكان الوقت ع المغرب عندهم .. كانت غايه ورا السياره تنزل شنطه متوسطه وتمشي لين داخل حمد من شافها ارتاح لها وسلم ع حمدان وعمه ومرت عمه وعقب سار صوب غايه 

حمد : هلا غايه 

غايه كارهتنه وحاسه ودها تذبحه : اهلين 

حمد مد ايده : هاتي بشل عنج 

غايه : لا مب مشكله مب ثجيله 

حمد : ترديني 

غايه طالعته وحست انها حنت له شويه : لا 

حمد استانس : عيل هاتي 

وشل عنها الشنطه ونزلت لهم روضه .... ومن شافت روضه غايه استانست .. لكن غايه من شافت روضه فجت مناحه كلهم استغربو ها الشيي باستنثاء حمدان اللي كان حاس انه عشان فيصل وتم يطالعها بغضب 

روضه دخلت غايه حجرتهم وسكرت الباب وهي حاسه بشي.... صياح غايه مب طبيعي :بسم الله عليج غويه شوو مستوي

غايه تشاهق : هــ ...هـــ ددددـــمووو حيي.....ااااا..تييييييي

روضه غمضتها ولمت غايه في حظنها وانفتح الباب ودشت رفوع الصغيرونه ويلست في ثبان روضه وتطالع غايه بخوف من صياحها .. 

غايه : حمدان دمرني وبعدني عن فيصل .. عرف اني احب فيصل ويحبني عشان جي يبا ايوزني حمد.. 

روضه انصدمت : اووووووووونه متى استوى ها كله ... 

غايه خبرت روضه السالفه ... بس كان فيه طرف ثالث يسمعهم ومصدوم .. 

----------------------------
علايه كانت بتدش اتسلم ع غايه خطيبة حمد بس من سمعت ها الكلام تمت متالمه لالم غايه لانها اتعرف كيف الفراق صعب وسبحان الله في الطرفين يكون حمد سبب للفراق ... 

حمد شاف علايه واقفه عند الباب ... وسمع تقريبا شويه من لسالفه بس على اخر شي يوم كانت غايه تقول لروضه : حمدان اللحين غصبني ع العرس ......... وهو متكفل بكل شي .. بكل شي ... 

حمد : انتي شو تسوين هني .. 

علايه مرتبكه : كنت بدش اسلم بس 

حمد يتقرب منها وفي راسه الف شيطان من اللي سمعه : بس شوو 

علايه : ماشي بسلم وخلا ص 

ظهرت روضه وغايه على صوت حمد العالي وانصدمو .. وغايه حطت ايدها ع قلبها تخاف لو علايه ولا حمد سمعو السالفه 

علايه صدت وابتسمت بارتباك وسلمت على غايه وحمد يطالع غايه بنظرات خاليه وجنه يقولها " ليش ؟ " 

غايه من شافت نظرات حمد ارتبكت زود ودشت الحجره وكملت مناحتها ... 

حمد دش الحجره وراها وسكر الباب : غايه 

غايه تصيح 

حمد : انتي مغصوبه 

غايه تفكر كيف بتكون ردت فعل اخوها حمدان لوعرف جان تغمض عيونها بقو وتتذكر الضرب : لا

حمد : انا سمعت الكلام 

غايه طالعته وهي مصعوقه : عرفت 

حمد : انتي حمد غصبج على انج تاخذيني صح 

غايه ارتاحت لانه لو عرف عن فيصل مابيكون هادي جي .. : لا مب جي 

حمد بحنيه : عيل كيف ؟ 

غايه : هم وايد مستعيلين وانا وايد متهوبه من العرس 

حمد وهو شاك شويه : جي يعني 

غايه حاولت تمحي شكوك حمد وتكسبه لصالحها عشان اخوها ما يدفنها : حمد 

حمد بياس : هلا 

غايه : انته تحبني ؟ 

حمد احتار ... وسال عمره مليون مره " انا احبها ولا لا ..؟؟" بس مايلقى ااجابه : انا اخترتج من بد البنات لانه احس بج انتي اللي تناسبيني ...( سكت شويه وجنه يسالها ) ..وانتي تحبيني 

غايه ماعرفت شو تقول بس هي مضطره انها تجذب : ماعرف 

حمد : شو افهم من ها الماعرف .. 

غايه عقب فترة سكوت وبصوت واطي : هييه 

حمد استاااااانس وحس ولاول مره انه حد يحبه صدق .. وحس بعمره انه استحى وطلع عنها وهو يحس بارتياح .. 

غايه من طلع حمد صاحت صياح يقطع القلب " سااااامحني فيييييصل ... سااااااااااااااااامحني مجبووره والله " 

عقب دشت علايه وروضه .. وروضه منزله راسها ويلسو وغايه تصيح .......... سارت روضه تسكر الباب 

روضه : غايه 

غايه تمسح دموعها ..: هلا

روضه : علايه عرفت كل شي 

غايه رفعت عينها وهي مصدومه 

علايه تحاول تدافع عن عمرها : انا والله ماكان قصدي اني اتصوخ ولاشي .. بس كنت يايه اسلم عليج وسمعت بالصدفه وكان الباب ملايم ومن يا حمد شافني واقفه وماعرفت شو اقول له وتم معصب لانه سمع على اخر السالفه والله 



غايه وهي تحس خلاص بانه ها كله مايهم دام انه حمدان درى قولو على الدنيا السلام ... علايه ماهانت عليها غايه وتمت يالسه وياها وتهديها وظهرت عنهم روضه صوب امها .. وتمت علايه وغايه يسولفون وارتاحو لبعض ... وايد وقبل لايظهرون من الحجره 

غايه :عليا 

علايه : هلا

غايه : تعالي حجرتي فليل 

علايه : افا عليج انا فاضيه 

غايه : اترياج 

طلعت عليا صوب اهلها وتمو يتعشوون وعقب يوم سارو يرقدون لبست بجامتها الحرير ولونها اسود ..و لفت شيلة الصلاه وفتحت الثلاجه وشلت كولا وكاكاو ولبست شب شب لونه اسود وعليه عنزه بالابيض .. وظهرت خاري وهي ميته من الزيغه لانه ظلام وهوست ع الفص اللي يفتح ع الليت بكوعها وشافت حمدان بيدش الحجره ومن انفتح الليت صد ع طول صوب علايه 

تم حمدان فتره يطالعها وهو اول مره يشوفها ومستغرب وجود البنت فليل بس ضحك ع شكلها .. علايه ماكانت لافه الشيله اوكي قصتها وطرف من شعرها نازل ع جتفها ... 

مشت علايه بتكمل دربها وطلع في وييها حمد نازل من فوق ..: على وين ان شالله ؟ 

علايه : بسير عند غايه عندك مانع 

حمد : وانتي ماتظهرين الا تالي الليل 

علايه : هي عزمتني وانا مابردها 

حمد يبتسم باستهزاء : سيري سيري الرب يحفظج 

مشت عنه علايه وماسوت له سالفه لانه اتحس بانه حمد مول مب طبيعي .. يعني ساعات بيكون حبوب ووايد اوكي وساعات بيعصب وبيضارب ... عشان جي حست انه لازم يودونه عند مطوع جي ماينفع 

حمدان سمع رمستهم ونزل حمد عن حمدان .. 

حمدان : منو هاي ؟ 

حمد استغرب سؤال حمدان : هاذيل نعرفهم شوي من بعيد ويايين ويانا في السفر

حمدان : قصدك قوم الـ ... 

حمد : هيه هم 

حمدان : ماشالله خليفه عنده بنت ها الكبر

حمد : لايغرك الطوول تراها ياهل 

حمدان فتح باب الحجره ودشو يلسو داخل : يعني كم عمرها 

حمد يولع جيكار: 18 

حمدان : هههههه اللحين هاي ياهل خلاص شكلها غاية العرس 

حمد : وانته تعال ليش تسال عنها وايد 

حمدان استغرب لهجته : ليش عادي استغربت منها وبس 

حمد : اها 

حمدان : بس ماشالله عليها غاويه تامه جنها عروسه ... 

حمد اتنرفز من تشبيه حمدان وتم يدوخ بغيض .. وحمدان طبه وفتح التلفزيون وتم يطالع ويفكر شو علاقة غايه بها البنت ؟ وهم الاتوهم ويا بعض ... 

حجرة غايه ... 

دشت علايه وهي متلومه من ها الولد اللي شافته لانه شافها وهي مبهدله وخبرت غايه عن ها الولد .. 

غايه تاكل كاكاو : امم جان هذا مب حمدان اخويه 

علايه تشرب كولا: انتو بس ولد وبنت 

غايه : هيه 

علايه : اها زين زين الله يخليكم لبعض 

غايه بحزن : آآمين 

علايه : عيل وين رويض ؟ 

غايه : قالت بترقد ماتروم تسهر ... 

وسكتو فتره ... جان تسال غايه علايه ... : انتي حبيتي من قبل 

علايه ارتبكت من سؤالها : انا 

غايه : هيه عادي لا تستحين كلنا بنات واعتبريني اختج بس لو ماتبين تقولين براحتج 

علايه بارتياح : لالا افا عليج 

غايه : يعني هيه 

علايه نزلت راسها : هيه حبيت 

غايه : ولين اللحين ولا ؟ 

علايه بقولج السالفه ... وهي تطالع الدريشه وترمس وبالها بعيدوجنها تتذكر ..: عرفته من النت واكتشفت انه يقرب لي من بعيد بعيد .. يعني فيه معرفه من صوب يدتي وجي .... حبيته .. ها السنه الرابعه .. بس من 9 شهور .. قطعني فجاه .. طاف شهر... دش ايميله ولد خالته وقال لي انه مسوي حادث .. طبعا ماصدقت .. تم يحلف لي ... اوكي صدقت قلت له شو استوى له .. قال كل خير ان شالله .. ماطاع يخبرني شو فيه .. وعقب طافن شهر وشهرين وثلاثه .. واربعه لا ايميل ولا شي.... والشهر الخامس دش وقال لي بخبرج كل شي بس عقب ماتخلصين امتحانات كان بالباجر بيكون عليه امتحان نص السنه ..وكان اخر امتحان ... ماطاع يقول لي اونه انا ادريبج مابتحلين عدل في الامتحان والسبه انا .. وعقب يوم ياست منه قال لي برد ادش اخلاف وبخبرج ... وقلت له اوكي .. قبل لا يظهر قال لي " علايه والله العظييييييييييم احبج " وطلع ..... ( طاحت دمعه ) ومن هاك اليوم مارد يدش وخطفن 4 شهور .. 

غايه متأثره : هو شافج ... 

علايه : اممم هيه من بعيد يوم العيد بس ... 

غايه : شفتيه انتي 

علايه : هيه طشونه 

غايه : حلوو 

علايه : امم تبين الصدق هو وايد عادي ... 

غايه بحزن : اها 

علايه : وانتي شو بتسوين ؟ 

غايه دمعت : مااعرف علايه .. ماعرف .. 

ونشت غايه وفتحت الشنطه وطلعت الظرف بين ثيابها وظهرت صورة فيصل .. ومن شافته علايه انصدمت من حلاته كان وسيم بمعنى الكلمه يعني هي قالت في خاطرها انه فيصل احلى عن غايه بوايد .. 

علايه تطالع الصوره : ماشالله عليه غاوي الله يحفظه 

غايه طالعت علايه بنظره اونها تغار 

علايه ضحكت : هههههههههههه اونها تغااار 

وسكتوو شوي لانه غايه تحس بالذنب اتجاه حمد اللي يقولون اونه خطيبها ... وعلايه كانت تفكر في نفس النقطه 

علايه : بس انتي اللحين تعتبرين خطيبة حمد ولازم تنسين فيصل ... 

غايه : ماااروم والله ماروم ... انا اروم اقص عليكم واقولكم اني نسيت فيصل وبكمل حياتي عادي .. بس من هناك اكون ا نا جذابه واكون بعدني احبه ... 

علايه بياس ومب عارفه شو تسوي ... هاي هي الحياه .. قسمه ونصيب .. سارت وفتحت شعرها وطاحت ع الغنفه وتمت تشوف التلفزيون وغايه تطالعها وتبتسم : جنج خذتي راحتج 

علايه انجلبت ع بطنها وتمت تطالع غايه : ليش حد بيي 

غايه : امم لا 

علايه ترد تنجلب على ظهرها وتبدل التلفزيون : عيل خلااص باخذ راحتي اونه حجرتي .. 

وحطت ريل ع ريل وهي طايحه وتمت تلعب بخصله من شعرها .. 

غايه : هههه عيل خلاص مابتلوم فيج تمي طالعي التلفزيون وانا بدش اسبح طشونه احس بعمري متكسره 

علايه : ههههه خذي راحتج 

غايه وهي تطلع ثيابها : اونتي بعد اخذي راحتج 

دشت غايه الحمام وتمت علايه اتطالع التلفزيون وحست بشي يقرصها في ريلها ويوم بطلت ريلها كان طالع دم .. ثره بعوضه قرصتها وعاد البعوضه في النمسا كل وحده اكبر عن الثانيه وجنها عنكبوت ... وشلحت عن ريلها لين ركبها وتمت تمسح على ريلها لانه قرصتها تعور ... 

وفجاه انفتح الباب : على اد ماعشت وايه .. جربت اكثر من اللي نفسي فيه .. جيتي انتي بسرعه يابنت االيه .. ببساطه كده البي ادرتي عليه 

علايه تمت تطالع الباب وكان حمدان داش الحجره وتنح من شاف علايه ... وعلايه اتلومت و عطول حطت الشيله ع راسها ووقفت ونست بنطلون البجامه المرتفع 

وحمدان يطالعها ... وتاميين ساكتين .. علايه مستحيه وهو متلوم بس يطالعها 

حمد يطالع حمدان : اييه بلاك ماتتحرك ... حد داخل ؟ 

حمدان لاحياه لمن تنادي 

ولاعلايه رايمه ترمس 

حمدان " يخرب بيتها ... " 

حمد اتجدم ... من شاف حمدان مايرد عليه ومن انتبه له حمدان دز حمد عشان مايدش .. : ايييييه شي بنت هني ... 

علايه اتجدمت بتظهر .. وحمد انتبه انه حمدان متنح يطالعها بس انتبه لبنطلون البجامه وعصب ها المره بزود " هاي على شو ناويه ؟ " 

نزلت علايه بسرعه ع الدري ونزل بنطلون البجامه بروحه حمد حلف مايخليها وركض وراها وحمدان استغرب ... بلاه حمد يركض وراها ؟؟؟.......علايه تنزل بسرعه متجاهله حمد اللي ينزل وراها 

حمد يوم حس انها مابتوقف : انتي ايه صبري

علايه وقفت وهي تتنفس بسرعه : شوو 

حمد : شو ها الحركه اللي سويتيها اليوم ؟ 

علايه : انا ماسويت شي 

حمد : وريلج ليش مظهرتنها جدام الريال وهو مب محرم عليج 

علايه باستغراب صدت ع ريلها بنطلون البجامه كان نازل وعادي .. : ماظهرت شي 

حمد معصب : انا بموت قاصر عمر والسبه فعايلج .. كيف ماظهرتي شي واانا شفتح بغيني 

علايه وهي تتذكر : هييييييييييه .. ( وحطت ايدها ع ثمها ) اويييييييه كانت قارصتني بعوضه وهذا دش 

حمد يعيب عليها : هيييه اوييييييييييييييه اللحين يامسودة الويه .. اوييييييه 

علايه نزلت راسها : والله مب قاصده .. 

حمد : اففففف بموت والله 

حمدان نزل وراهم ...: ليش بتموت ؟ 

حمد صد عليه : ليش نازل انا اللحين بي

حمدان : ليش يعني 

حمد استغرب لهجة حمدان : ماشي 

حمد صد على علايه : وانتي دش الحجره واشوفج اظهري فليل مره ثانيه انزين 

علايه وهي تتافف : انزيييييييييييي 

حمد يبا يضحك عليها وهي معصبه : ههههههههههههههههههه انزييييين 

علايه بصوت واطي : جب سخيف

ودشت الحجره واتجدم حمدان لحمد : ياخي بلاك عليها انته اول مره تشوفها 

حمد يمشي عن حمدان ويركب الدري : انا اعرفها ... من زمااااان ... ( ويمد ها الكلمه مره ثانيه ويتنهد ) من زماااااااااان ..

حمدان استغرب تصرف حمد .. وعلايه بتموت من المستحى كيف انه هذا شاف ريلها ... حمدان هز راسه بانه " لاحول لا قوه " ويقول في خاطره انه ها الولد مب طبيعي بالمره .. يعني تصنيفات ... 

وركب الدري ورا حمدان ... ودشو حجرة غايه .. واستغربو انه غايه مب موجوده ... يلس حمد ع الطرف ويلس يبدل التلفزيون وحمدان فاتح الثلاجه ويدور له شي ياكله لانه يوعان .. 

حمد حصل ظرف صغيرون طايح ع الغنفه وسحبه .. وياي بيطلع اللي داخله .. بس طلعت غايه من الحمام ولابسه جلابيه حرير عنابيه وايدها قصيره واايد .. ولافه الفوطه ع راسها .. ومانتبهت لحمد .. بس حمد تمي يطالعها .. وهي انتبهت لحمدان ..

غايه : عيل وين سارت علايه ؟ 

حمدان يوم شافها جي عصب لانه حمد يالس .. وصد يطالع حمد اللي ميود الظرف بين ايده ويطالعها ... 

----------------------------
حمدان يوم شافها جي عصب لانه حمد يالس .. وصد يطالع حمد اللي ميود الظرف بين ايده ويطالعها ... حمد استحى ع دمه وفر الظرف : احمم احمم

غايه صدت بعفويه وشهقت : اويييييييييه 

وركضت الحمام ... وحمد طلع ع طول .. وحمدان سار صوب الحمام : غايوه ظهر اظهري ومره ثانيه اتحذري 

غايه طلعت : ياسلام الذنب مب ذنبي انا دشيت اسبح واحيد انه البنت ميلسه هني وما اتوقعت انكم بتوون 

حمدان : عاد يينا شو بتسوين اتحسبج عند قوم امايه 

غايه تطالعه وبجرأه ..: قوم اميه راقدين ها الوقت 

حمدان : المهم حصل خير وزين انج كنتي مغطيه شعرج 

غايه تلف صوب الصاله وتشوف انه الظرف اتحرك من مكانه وكان حمد في المكان وماتت من الزيغه وصدت بسرعه صوب حمدان اللي كان يشرب عصير : علايه وين ؟؟ 

حمدان استغرب رجفة ايدها : البنت الصغيره 

غايه : ههيه 

حمدان يتذكرها : ههههههههههه حليلها روحت 

غايه : ليش ؟؟ 

حمدان مبتسم ولاول مره من عقب سالفة غايه : دشيت عليها وهي منسدحه 

غايه لاحظت تاثير علايه على اخوها وانه قام من عقب ماشاف علايه يبتسم في ويه غايه .. 

غايه : ويه غربلا بليسك ... 

حمدان وهو يظهر : انتي اقفلي الباب عليج وارقدي 

غايه وهي تمشي وراه عشان تسكر لباب : ان شالله 

وظهر حمدان وهو مستانس .. وحمد وهو يفكر في غايه ... ويرد يفكر في علايه وكيف يتصرف وياها ... 

.................................................. .................................................. ............................................

النهار الثاني ... 

علايه تمت متخدره لين الساعه 11 ونص بتوقيت النمسا ... 

وبغوها تنش وماطاعت وكلهم طلعو عنها يتمشون ... وخلو الشغاله وياها .. نشت علايه وهي تحس بانها متكسره .. ولفت شعرها مال أي شي وتمت تتريق وعقب لبست عباه مسكره و شيله سودا عاديه ... ونزلت ماحصلت حد تحت وشافت حمدان .. 

حمدان قال بيرمسها شويه .. : تبين تسيرين وياهم 

علايه وهي مضيعه : هيه وين سارو أي صوب ..

حمدان ياشر لها على اخر الفريج .. : امشي لين اخر شي ولفي وبتلقين سووق صغيرون هم هناك 

علايه تطالع المسافه : يااالله درب 

حمدان : يعني مابتسيرين 

علايه متعايزه : لاشكلي هونت ماروم تعبانه بقر مكاني 

ويلست ع حصاه كبيره شوي ولبست نظارتها الشمسيه اليوم طلعت عليهم الشمس .. حمدان سار يلس في السياره الاجار وكان يشرب نسكافيه ويطالع علايه من ورا نظارته الشمسيه ... وطلع بو حمد ... وبو محمد .. وبو حمدان .. 

بو محمد: ها علايه شو ميلسنج هني بابا 

علايه : سارو عني 

بو محمد : حد قالج مرقده لين القايله 

علايه : تعبانه شوي 

بو محمد يتقرب منها : خذتي الابره ؟ 

علايه : اخلاف 

بو محمد : لا سيري اللحين 

علايه مبوزه : والله تخبقت ايدي من الابر بس تعبت 

بو محمد يحط ايده ويمسح راسها : ماعليه اتحملي بابا 

علايه : ان شالله 

واتقرب بو حمد وبو حمدان .. وحمدان وياهم 

بو حمد : ها علايه خلوج بروحج 

علايه وتصد صوبه : هيه شو اسوي خونو فيني 

بو حمدان : ماشاالله محمد بنتك 

بو محمد : هيه هاي البجر 

بو حمدان : ربي يحفظها 

بو محمد : آمين 

بو محمد : عيل بتمين هني بروحج 

علايه : ماعليه بترياهم 

بو محمد : عن يتحيرون 

بو حمدان : خلها تمشي ويانا وبنوصلها السوق عندهم وبنكمل دربنا 

بو حمد : هيه جان الا جي 

بو محمد : ها بتسيرين 

علايه وهي متهايزه بس بتسير لانه بتم بروحها : هيه مب مشكله 

بو محمد : يالله عيل 

ومشو الرياييل جدام وعلايه وراهم ... وعقب اتاخر حمدان شوي .. 

حمدان يسالها : بتسيرين صف ثالث ثنوي 

علايه تبتسم : لا خلصت ها السنه 

حمدان : ماشالله كم النسبه ان شالله تبيض الويه ..

علايه : لا زينه يبت 90.1 

حمدان : ماشالله .. زين زين ...ووين ناويه تسيرين عقب 

علايه : اممم انا سجلت في جامعة الشارجه 

حمدان : تبين الصدق جامعة الشارجه شهادتها قويه ووايد زينه .. 

علايه : هيه تراه جي 

حمدان : وشو التخصص اللي تبينه 

علايه : انا في خاطري اعلام بس الراس العود ( تاشر على ابوها ) مب راضي 

حمدان : ههههههههههههههه لالا اعلام ممكن تمارسينه كهوايه بس انه لشغل تراه مول ماينفع صدقيني .. ادخلي بزنس 

علايه : افكر تراني 

حمدان : زين زين 

علايه : وانته شوو تشتغل ؟ 

حمدان : اشتغل في بنك 

علايه : اها زين بس احس تعب 

حمدان : هيه وايد .. نتعب خاصه يوم الانتداب والاسهم وها السوالف نتم لين المغرب ساعات 

علايه : اسمييييييكم 

حمدان : هيه تعب 

علايه : ماتفكر في مشروع صغيرون 

حمدان : افكر اني اسوي لي تجاره بس مب في بالي فكره معينه 

علايه : انا ابا افتح محل تصميم بطاقات اعراس لانه احب اصمم وعندي افكار وايد لها السوالف 

حمدان عيبته لفكره : حلوو والله .. شو رايج نشترك في محل .. 

بو محمد وبو حمد وبو حمدان كانو يسمعون رمستهم لانه كانو امره وراهم ... ومن سمع بو محمد ها الفكره عيبته .. 

بو محمد : هيه علايه اتحب ها السوالف ودوم اتاذيني افتح لي محل .. وافتح لي بس احس انها صغيره على ها السوالف 

حمدان يتجدم لبو محمد : اسمع كبدايه بيكون راس المال عليه انا ... وبدخلها ويايه كشريك .. هي تحط الافكار وتصمم والمواد الخام وها السوالف والعمال انا بييبهن .. هي بس عليها اتصمم وبنشوف الربح اذا الله فتحها علينا بنكمل .. واذا ماشي رزق بنوقف .. 

بو محمد عيبه كلام حمدان .. : والله انا ماعندي اخلاف .. 

علايه تتجدم وتمشي حذال ابوها من الصوب الثاني : انا موافقه .بس متى بتفتح المحل .. 

بو حمدان : والله دام انه علايه بنت خليفه ويانا امره لو تباه من باجر بنفتحه 

حمدان يطالع ابوه : هييييييه بدينا من اللحين .. تراني نذل واسويها ما افتح لكم المحل 

علايه بشطانه : بو محمد مابيقصر ولا بوحمدان صح 

بو محمد : هههههههههههههه يالشيطانه انتي هيه نعم مابنقصر

حمدان يطالعها : هيييه جرجييهم عليه .. 

علايه : عيل اصطلب ولاتسوي حركات النذاله لانه الفكره دشت في بالي وببدا من اليوم احط تصاميم 

حمدان : هيه زين نبغي وحده نشيطه . وتشتغل 

علايه :افا عليك 

ووصلو السوق واليده شافت علايه بين الرياييل وتمت محتشره وحمد انتبه لعلايه تمشي ويا الرياييل وداقه سوالف ويا حمدان .. هني غيض حمد صك مليون وفار دمه صح انه ويا خطيبته ومجابلنها بس ماتحمل فكرة انه حمدان قريب من علايه ويسولفون وهم اصلا ماعرفو بعض الا امس ... و عطول فر الاجياس ع اخته روضه وغايه ..وسار يمشي بسرعه .. 

حمد وهو محمق : نشي عند البنات 

كلهم استغربو لهجة حمد في الكلام وبو محمد مول ماحب تصرف حمد ويا بنته .. علايه طالعت ابوها .. وابوها يطالعها بعيونه انه سيري خلاص ... 

تم حمدان يطالع علايه ومستغرب تصرف حمد ...واتجدم حمد لحمدان ولاحظ نظرات حمدان لعلايه 

حمد يتقرب منه وبصوت واطي عشان بو محمد مايسمعه : انته شو تبا منها 

حمدان : ليش عادي 

حمد : لا اشوفنا قمنا نتعلق 

حمدان يضحك : ههههههههه ياريال البنت الا اليوم نسولف وياها شو بعد نتعلق .. جيه لعبه اشوفها اليوم واتعلق بها في نفس الوقت وين عايشين الحمدلله مخي نظيف 

حمد : عيل داق سوالف 

حمدان : اممم فكرنا نفتح محل لبطاقات الاعراس .. 

حمد بحقد : زين زين الله يهني سعيد بسعيده 

حمدان استغرب : شو يخصه !! 

ومشى حمد عنه وهو يفكر " دام اني خاطب بنت عمي .. ليش افكر فيها ..؟؟ خلاص كفاني منها اللي ياني .. عشانها اوني قصيت على عمري وحبيت غيرها عشان اراويها اني احب غيرها وانها ماتهمني ... واتحسبها اتعرف اني احبها .. واتخبلت واتضاربت ويا هاك الخايس عشان اللي احبها واراويها اني مخاوي شما وما اخون وادافع عن الحب .. واتحسبها تعرف اني احبها ... لين ماسفرني ابويه خاري ... عشان ابتعد عن رمسة الناس ... وشفتها مره ثانيه واتحسبها اتعرف اني احبها .. لين ماحسيت اني اموت فيها .. واتحسبها اتعرف اني احبها .. ويوم عرفت اني احبها ... سرت وخطبت غيرها ... ااااااااخ انا شو اسوي ؟؟؟ اقص على اهلي وعلى غايه المسكينه ( ويطالع غايه ) واقول اني اباها وقلبي متعلق بغيرها ....... احس اني نذل جي ...؟؟ " 

تعب حمد من التفكير وطلع جيكاره وتم يدوخ .... 

غايه ماحبت تصرف حمد يوم فر الاكياس عليهم .. ويتهم علايه وهي ماده البوز شبرين تصرفات حمد قامت تكدرها ومن غير حصلت هزبه محترمه من صوب يدتها .. 

غايه وهي تطالع صوب حمد " اللحين انا مخطوبه لها الشخص ... ياربييه كيف بتحمل ها كله... صح انه هو طيب ويايه ..بس انا مابااه والله ماابااه .. انا احب غيره ... ومستحيل اتم اقص على عمري وامثل اني احبه .... نفسي ماتتقبله .. قلبي مايباه .... محتايه فيصل ... وينك ؟؟؟ تعال خذني وياك بعيد عنهم .. بعيد .." 

ولمعت عيونها بدموع الحزن .... وتمو يتحوطوون وعقب سارو يتغدون في مطعم .. 

يلسو ع طاوله ام محمد وام حمد وام حمدان واليده 

وع طاوله ثانيه عنود وميره وموزه والشغاله 

وع طاوله 3 علايه وروضه وغايه ومريامي الصغيره وياهم 

وع طاوله 4 بو محمد وبو حمد وبو حمدان و علاوي 

وع طاوله 5 حمدان وحمد ومحمد ... 

اتغدو وخلصو وتمت ريم اتصيح وامها مب عارفه شو تسوي بها .. وزقرت علايه تمشيها .. وسارت علايه وشلت ريم وتمت اتحوط بها شويه وسارت شلت شنطتها وطلعت الابره وسارت مكان بعيد شوي ورفعت ايد العباه وضربت عمرها ودمعت ... 

ريم تشوف اختها : مني واوا 

علايه تمسح مكان الابره : هيه حبيبي واوا 

ريم تمت تطالع اختها . وحمدان انتبه لعلايه والابره وسار صوبها ويلس ع طرف النافوره اللي علايه يالسه عليها 

حمدان : خير عسى ماشر ؟ 

علايه : كل خير ان شالله 

حمدان فهم انها ماتبا تقول ..: اها وشو تسوين هني بروحج 

علايه : احوط الريم 

حمدان يشل الريم : وااااايه فديتها الكتكووته هاي بناخذها عنكم 

علايه : ههههههههه برايها ماتعول 

حمدان ايلسها في ثبانه : اتصدقين تاخذ منج وايد 

علايه : هههههه هيه يعني بس انا احلى 

حمدان : ههههههههه يالله يالثقه 

علايه : اسولف اسولف 

حمدان يلشها ويرفعها فوق واونه بيحطها في الماي مال النافوره : علايه بحطها وبخليها تلقط اليوروات اللي مفرورات في الماي 

علايه تزاعج : لااااااااا ها التمني 

حمدان : أي صمختيني .. ادري مال التمني ... تتحسبيني ثوور 

علايه افتشلت : ههههههههههههههههه 

حمدان يقرب ريم من الماي وعلايه زايغه : لااااااا حراام عليك حمداان عااد 

حمدان يتنذل ويقربها اكثر ... 

علايه تتقرب منه وتسحبه من ايده عشان يردها : حمدااااااان حراام عليك 

حمدان صد في ويهها وكانت وايد قريبه منه : اترجيني اكثر 

علايه ماتحب ها الاسلوب : بس عاد هاتها 

حمدان : شو بتسووين يالله جانج حرمه 

علايه تتحدى : جاني حرمه هاا ... ( وتيوده من ايده بقوه ... هني حمدان حس بنفضه واستحي .. ) 

حمدان يبتسم وهو مستحي .. ويقرب ريم منه ويبوسها : ااااح فديتها هاي ... 

وطبعا حمد موقف وهو بيموت من القهر .... " انته ليكون ياحمدان ياي عشان تسولف وياها وتاخذها مني ... مستحيل علايه اتروح مني مره ثانيه ... بس انا عندي غايه ... امم عادي باخذ غايه ..بس علايه تحلم اتعرس .. ولاتفكر مجرد تفكير انها تحب مره ثانيه .. عانيت مره .. وتهورت مره .. وماروم اسوي ها المغامرات وها الخبال مره ثانيه ... " 

واتجدم وهو يبا يخرب .. : ماشالله سايرين بعيد عنا شو عندكم 

علايه تشل ريم من ايد حمدان ووتتجدم ماتبا تحتك بحمد موول لانه يوترها وينرفزها وتنقهر منه وايد وتنقهر اكثر يوم تتذكر هاك اليوم يوم يعترف لها ... 

ومشت بدون لاتصد صوبه وسارت عند قوم امها 

حمد اييلس على طرف النافوره .. : تراها ماتنفع لك انته ماتعرفها كثري

حمدان استغرب كلام حمد وحب يستفسر : ليش 

حمد : انا اعرف عنها كل شي 

حمدان استغرب : كيف كل شي ؟؟ شو اتعرف

حمد : اشوفك مهتم 

حمدان : ياخي حمد بلاك جلبت عليه مره وحده ها البنت اعدها شرات غويه 

حمد : هيه واضح تتخشون بعيد عنا وتسولفون وتعتبرها شرات غايه 

حمدان : لاحول ولاقوة الا بالله ... 

حمد : المهم بس حبيت اقولك انها ماتنفع لك 

حمدان : انته سامع عن البنت شي ؟ 

حمد نسى انها كانت تحب .. وطوفها لانه محد مايحب كل الناس تحب ..بس سالفة الصوره عالقه في باله ومب رايم يخوزها وتتراوى له دوم وهي تتبسم وسعيد ياكلها ... الكيك .. 

حمد : ماعرف 

ومشى عن حمدان وتم حمدان يفكر" شو مشكلة حمد ويا علايه وليش حاقد عليها ويبا يكرهني فيها بس البنت حبوبه واتدش الخاطر "

صوب غايه يالسه وسرحانه وبتموت تبا اترمس فيصل باي طريقه .. وروضه في حالها .. وعلايه معتفسه وييا اختها ريم لانه تامه اتصيح فشلت تيلفون امها وتمت تراويها الصور اللي داخل الموبايل .. وتمت ريم مستانسه وتطالع الصور وعقب شافت حمود واقف ويا حمد ويشترون اس كريم جان تنطلق ريم وتربع صوبهم وفي ايدها الموبايل ... 

حمد انتبه لها وشلها وتم يبوسها يحس بها تشبه علايه وايد وتم يلعبها وشل التيلفون من ايدها وتم يشوف الصوره كانت صورة ريم وعلايه ميودتنها وطايحه ع الشبريه بس كانت لابسه شيلة مال البيت 

وعقب جلب الصوره وانصدم من الصوره و ع طول سال حمود 

حمد : حمود منو هذا 

حمود يزط االاس كريم : هذا عمي احمد 

حمد انصدم : متأكد 

حمود اونه عصب : ياخي انته بلاك كم مره تباني اقولك ... والله هذا عمي احمد 

حمد حس بندم فضييييييع ... " انااااااا غبي .. كيف افكر في علايه جي .. مهما كان صح علايه تحب ..بس ماتسوي جي .....هذااا عمها . بس يشبه سعييييد .. يشبهه وااااايد .. لاحول ولاقوة الا بالله .. عوذ بالله من الشيطان .. كيف تفكيري خلاني افكر في علايه جي ... ؟؟؟ اغلط عليها وهي مالها خص ... وكنت ناوي اخرب بيتها عند ابوها ... " 

تم حمد متلوم من علايه وكيف انه يفكر فيها انه تلتقي ويا سعيد في شقه وراوحهم ... واخر شي طلع عمهاا ... وصد صوبها بيأس ... واعترف اعتراف اخير وبهمس ضعيف .. --...[ احبها والله احبها .... ] 

وعقب روحو كلهم وكل حد سار في دربه .... 

.................................................. .................................................. ............................................

علايه فليل مافكرت انها تظهر مره ثانيه وفليل وهي تحاول قد ماتقدر انها ماتلتقي بحمد لانه وجوده ينرفزها .. وتمت يالسه ع الاب توب وتكتب لكم القصه ( هع هع .. اونها تكتب قصه مب جني انا اللي اكتب .. ) .. 

في حجرة " غايه " يالسه وملانه وتبا اتسوي أي شي عشان ترمس فيصل وطلعت في البلكونه ومب عارفه شو تسوي ؟؟؟ وهي تطالع المنظر برع لفت انتابهها كبينه مال التيلفون ... وقالت لازم ارمس فيصل .. 

بس تخاف تظهر بروحها في ها الظلام وقالت " مالي الا علايه .." 

ولبست شيلة البيت ونزلت تحت ودقت الباب ع قوم علايه 

علايه زاغت ومن وراا الباب : منوو ؟ 

غايه بهمس : انا .. اانا 

علايه استانست وفتحت الباب : هلا هلاا والله نورت الحجره 

غايه مستانسه : هههههههه خلي عنج السوالف اباج في موضوع 

علايه وبملامح جديه : خير؟ 

غايه : كل خير تعالي ويايه بنظهر خاري ابا ارمس فيصل 

علايه زاغت : خافي ربج في ها الظلام وفليل 

غايه : امم عندهم الساعه 2 ونحن 12 .. 

علايه متردده : اممم ماعرف والله 

غايه : نشي .. يالله بسرعه عشان خااطري 

علايه : غويه انتي مخطوبه انسي فيصل 

غايه : ها المستحيل وان شالله حمد بيرد عني .. 

علايه : لا والله اتعرفين انج تلعبين بالنار 

غايه : لاحوول علايه قولي انج مابتين وخلاص 

علايه غمضتها : لااااا .. خلاص ثواني بلبس شيلتي وبييج 

غايه : اوكي اترياج .. 

وتمت غايه واقفه عند الباب على اعصابها .. ولمحت حمد بيدش حجرة حمدان اللي في نفس طابق قوم علايه .. 

وحمد انتبه لها بس سوى عمره مايشوفها ماله نفس يرمسها لانه تفكيره محصور بعلايه ومحد غيرها .. 

وهو يفتح باب حجرة حمدان بالمفتاح طلعت علايه ... وبصوت عالي : يالله سرنا بس فكري في الشي قبل لاتسوينه 

غايه تحط ايدها على ثم علايه : اييييييه اووووووووووص 

علايه استغربت : شوو 

حمد سمعها بس قال بيدش الحجره عشان مايشكن فيه بس هو قال بيشوف شو تحت راسهم .. 

يوم دش حمد .. غايه يودت ايد علايه ومشت بها بسرعه وطلعووو ويوم طلعو برع الفندق 

علايه وقفت : اييييه غااايوووه .. والله اني ميته من الزيغه ماتشوفين كيف ظلام 

غايه : طووفي .. طووفي .. عشان خاطري .. 

علايه تمشي وياها بشوي شوي . : امري لله .. 

وصلو صوب الكبينه .. ودشت غايه تتصل ..بس علايه تمت برع تراقب ... غايه طلعت من الكبينه تصيح 

علايه : بلاج 

غايه : مايستوي مادري شو السالفه .. وحطيت فلوس وايد تقريبا حق ساعه ... حراام بموت الا ارمس فيصل 

علايه : عيل خلينا انرد .. 

غايه : عليوه جربي بدالي يمكن ايدج فيها ابركه .. 

علايه: اعطيني الرقم

ودشت علايه الكبينه وغايه واقفه عند الباب .. وتنقلها الرقم ... وعلايه تضرب الرقم ... 

علايه عاطيه ظهرها غايه : الله يغربلج اسميه رقم فيصلوه غاوي ثنائي منو يروم له ... 

غايه :........................

علايه تسمعه يرن ولا لا ...: غايوووووووه تعالي اكووه يرن يافرحة قلبج 

حمد وهو معصب بالقو وبصوت رجالي : رقم منوو اللي يرن ؟؟ 

علايه اتشهدت على عمرها ... وخلت السماعه ... : هااااا 

وتمت اتدور غايه بعيونها مالقتها 

حمد يقرب منها ..: منو فييييييييصل 

علايه وهي ميته من الزيغه : هاااااه 

حمد : انا سالتج وردي على قد السؤال ... منو فيصل 

علايه محتايه غايه ها الوقت بس مالقتها .. : ولد عمي 

حمد : ولدد عمج ... 

علايه شويه وبتصيح : هيه ولد عمي 

حمد : ومن وين طلع ها الفيصل ... 

علايه: ماعرف ... 

حمد معصب وشاك فيها :وشو لها غايه تزقرينها .. تبين تغازلين غازلي بروحج بعيد عن خطيبتي 

غايه يتهم وهي ميته من الزيغه وتتراوى لها صورة حمدان وهو يضربها .. 

علايه طالعت غايه وارتاحت انها ردت لها وتمت تشوفها بالنظرات يعني انقذيني .. 

حمد : غايه منو هذا فيصل 

غايه ماتت من الزيغه : مادريبه 

حمد : لا والله .. ( وهدوء اعصابه اللي كان ميودنها قام يفقدها ؟) بتجابوني ولا 

غايه تتذكر حمدان يوم يضربها وقالت لازم اتطلع عمرها من السالفه قبل لاتقول شي علايه وتفضحها وحمدان يجتلها ها المره من الضرب .. 

غايه : انا مالي خص هاي علايه تبا ترمسه 

علايه فتحت عينها على اخر شي ... : انا .. والله ماعرفه .. 

غايه تبا تطلع عمرها من السالفه : انا قلت لعلايه مب زين ترمسينه وها غريب ... واللحين فليل وماروم اظهر وياها بس حنت عليه الا اظهر 

علايه فتحت ثمها من الجذب .. اخر شي توقعته من غايه انها تجذب ها الجذبه لا وجدامها اشكره .. عيني عينك 

علايه تصيح : والله ماعرفه ها اللي اسمه فيصل .. احلف بالله اني ماعرفه ( ومشت عند غايه وتصيح بصوت عالي من ظلم غايه لها باعترافها الباطل ) والللله اني ماعرفه اللي اسمه فيصل ... ليش ياا غايه ليش 

غايه متلومه من اللي تقوله بس لازم اتطلع عمرها من السالفه " سامحيني علايه ... سامحيني .؟؟ " 

حمد يود علايه وعطاها طرااق محترم ... ويودها من شعرها وعلايه تتويع وتصيح وتزاعج بصوت عالي : ااخ هدني .. والله ماعرفه ... والله ... احلف بالله اني ماعرفه ها الفيصل .. والله .. 

حمد قوى قبضته على شعر علايه ويمطها بقوه من ورا الشيله وكل غصب الدنيا فيه : اونج ماتعرفينه سباااااااله ... انتي وحده خايسه ... ترمسين واحد ماتعرفينه في التيلفون وانصاف الليالي .. لا وساحبه خطيبتي وياج تبينها تصيع شراتج يالصايعه .. وبعدين غايه عندها تيلفونها .. لو كانت هي اللي تبا جان قبضت تيلفونها بس هي حشيم ومافكرت انها تخون ريلها يالصايعه انتي تمي صيعي ويا فيصل .. تفووو عليج 

علايه تطالع غايه بالم .. وغايه منزله راسها وتدعي ربها انها ماتنكشف 

----------------------------
علايه تصيح بهستيريه وكانت بتقول عن غايه بس سكتت مافيها تفتح لها سالفه .. وتسوي لها في السما دروب .. 

علايه بضعف : والله ياحمد وانا احلف يمين .. ماعرف فيصل ( وبهمس ) ماعرفه .. والله 

حمد هدها وصد على غايه .. وبحنان العالم : حبيبي غايه 

غايه استحت من خاطرها اول مره يقولها شي وتبا تكسب حمد لصفها : عيوون غايه ... 

حمد يتقرب منها : اتحبيني ؟؟ 

غايه وهي تدوس على عمرها : امووت فيك ... ( وتمت متردده قبل لاتحلف بس قالت خلني احلف عشان يتاكد ) .. والله احبك 

حمد ارتاح : عيل ماباج ترابعينها وتمشين وياها .. اليوم مودتنج ترمس فيصل مالهاوباجر الله يعلم شو بتسوي 

علايه انصدمت من تناقض غايه ... وكلام حمد صعقها ... وتمت تصييح صياح يقطع القلب هي مظلومه ومب رايمه اتدافع عن عمرها ... 

حمد صد صوبها وغيض الدنيا كله فيه ويودها من ايدها بقوه ..: انتي يالخايسه .. سيري رمسي ربيعج فيصل خل ينفعنج .. وابعدي عن حبيبتي وخطيبتي ... غايه .. والله لو عرفت انج كلمتيها .. ماتلومين الا نفسج .. انتي خساره انه يكون ابوج خليفه الـ ... انتي لازم اتسيرين عند ربيعج فيصل .. وتفكينا منج ... حسافه .. والله حسافه .. 

ودز علايه ع الارض في الكبينه ... وصد صوب غايه : يالله غناتي غايه مشينا ... 

غايه اتخربطت من ها الموقف وحست انها نذله ..بس اونها مجبوره انها تكون نذله في ها المواقف وعشان تكسب حمد لها قالت له : اوكي حبيبي

علايه تمت تطالعهم باحتقار وهي حاسه بالظلم ... وتم تصيح بهستريا ... ولمت عمرها في زوايه من الكبينه وتمت تصيح بقهر لانها مظلومه .. وموقف غايه وياها موول ماتوقعته وصعقتها رمسة حمد ... 

وقالت بصوت عالي : الله يسامحج ياغايه ... الله يسامحك ياحمد ... الله يسامحك يافيصل ياللي ما اعرفك ولا تعرفني ... ليش ياغاايه بعتيني لها الدرجه ليش شوهتي صورتي .. ع الاقل لو مب عشاني .. عشان خاطر اللي تحبينه .. مب انتي تحبين فيصل ... ليش ما اعترفتي وافتكيتي من حمد .. ولا انتي تلعبين ياغايه .. ( وتصيح بقهر ) تلعبييييييين 

بس في شخص رابع كان في السالفه ... فيصل تم ع الخط ومصدوم صدمة عمره من غناته .. غايه ... كييييف ومنو هاي علايه اللي انظلمت .. وكيف .. وتم سرحان .. في اكثر المكالمات صدمه له ... وطاحت دمعة قهر ... وحزن : ياخسارة حبي لج ياغايه .. ياخسارة ... 

علايه نشت ع حيلها ويايه بتسكر السماعه وبترد داخل وهي بتموت من الصياح .... بس سمعت نصخ حد ع الطرف الثاني 

علايه بنبرة حزن وهي بتموت من الصياح : الوو 

فيصل ماصدق حد يرد عليه وعرف انه مب صوت غايه لانه صوت ها البنت ناعم وايد : الوو 

علايه انصدمت انه فيصل ع الخط ..: انته .. انته ( وتشهق ؟) فييصل 

فيصل دمع وياها لانه كانت بتموت من الصياح : هيه انا ( وبحزن ؟) فيصل 

علايه بدون وعي واتصيح : لييش يافيصل ... لييش ... حطمتوني ... والله شوهتو سمعتي... 

فيصل وهو منصدم من حب حياته ومتألم لانه حبيبته ظلمت ها البنت وباعته في نفس الوقت واختارت ولد عمها .. 

فيصل يقاطعها : علايه انا سمعت كل شي وعرفت كل شي ... انتي طاهره وعفيفه ومالج خص .. والرمسه اللي يتج لاتحفلينها عشان خاطري ... انتي لاتسيرين صوبها اخاف يمشكلونج اسف عليا اسف بس ابا اعرف شي واحد شو قالت لج هي بالظبط 

علايه وهي بتموت من الصياح بس مامنعها ها الشي انها تخبر فيصل السالفه كلها من اول ماشافت غايه لين توه .. فيصل كان مستمع لها ولاسلوبها ... وحزن عليها لانه انظلمت وماتوقع من غايه انها تطلع نذله .. 

وعقب ثلث ساعه من كلام عليا ويا فيصل ... وقبل لاتسكر .. 

عليا : قبل لا اسكر تراني مب من النوع اللي في بالك ... والله مالي خص ... وانا انصدمت في غايه انها سوت جي .. 

فيصل : اتعرفين انا منصدم اكثر منج كنت مستعد اسوم روحي لاجلها ...بس باعتني ... وشوهت سمعتج ... ليش ماتخاف ربها ... 

عليا وهي ماوقفت صياح بس هدت شوي : الله فووق ... ( وبعجز ) الله فوق 

فيصل : ممكن طلب عليا .. 

عليا : امر .. 

فيصل : لاتخبرين حد عني وعن غايه ... عشاني 

عليا : مب انا النذله اللي اسوي جي .. وانا ادري بعمري اني انا على حق ... وماغلطت ... والله فوق

فيصل تعاطف وياها ..وفي خاطره " ها الناس .. الطيبه ... ليش ياغايه .. خليتني افكر فيج جي .. ليش هدمتي كل شي .." 

فيصل : خلاص عيل اللحين توكلي وانتي خلي كل شي عليه وانا صدقيني لو بعدت عنج وماعرفتي عني شي لكن مابنسى لج ها الموقف .. وكل شي بيطلع اخلاف ... 

علايه بتعب وتبا تسكر بسرعه : خلاص مايهمني شي ... ربي بياخذ حقي منهم 

فيصل تعبان من الخاطر ومصدوم : خلاص بس مثل ماوصيتج .. وانا بتصرف اتحملي على عمرج عليا 

عليا : ان شالله 

وسكرت ... 

وزين انه غايه كانت حاطه فلوس وايد عشان تكفي المكالمه ... 

علايه خلاص ماعندها طاقه انها تتحمل اهانة حمد لها ... ومواقفه الارف ... علايه قامت تمشي بحزن ومنصدمه من غايه وتناقضها بين امس واليوم ... وقالت انها مابتظهر وبتخلي ابوها يردهم الامارات باسرع فرصه ماتروم اتم مجابله اهانة حمد لها ... ونذالة غايه .. 

حمد يالس ويا غايه في الممر اللي صوب حجرتها وطبعا عقب ماغازلها ... وهي تامه مستحيه ... وبالها مشغول من الشي الحقير اللي سوته .. وتخاف علايه لو تسير وتفضحها .. 

حمد قرر ينسى علايه بالمره وينشغل بخطيبته لانه علايه ماتستاهل انه يكن لها الحب العظيم اللي فيه وقرر انه يحط غايه بديل ويحبها .. ويتناسى علايه 

حمدان استغرب انه حمد ماياه وقال له انه بيي .. حمد يوم دش شقة حمدان كان حمدان في الحمام وما انتبه لحمد يوم يدش ويظهر .. فقرر انه يظهر يدوره .. وهو طالع شاف علايه يايه من برع وكان يطيح مطر صبيب من ربع ساعه تقريبا وداشه وهي خرسانه ومبهدله .. وتصيح ... وتمشي جنه حد مسولها تنويم مغناطيسي .. 

حمدان سار صوبها وزايغ عليها : علاايه 

علايه صدت عليه وخشمها محمر و عيونها حمر من كثر الصياح : مظلومه والله مظلومه .. حسبي الله ونعم الوكيل .. 

حمدان زاغ من الخاطر : شوو الساااالفه عليا ... شووو خبريني 

علايه كانت بتخبر حمدان على غايه عشان يتصرف وياها ..بس قالت " لا مافيني .. خلني اسوي اللي قال لي عنه فيصل " 

حمدان مستغرب وايد : خبرييييييني ..علاييه دخيلج 

علايه تصيح وتمشي عنه : من وين ابدى ولا من وين انتهي ... انا ظلموني ... والله ظلموني .. 

وتم حمدان يطالع علايه وهي تمشي وتقطر ماي والممر كله خاس ماي منها .. ودش داخل وسوى له نسكافيه وطلع في البلكونه .. ويفكر في علايه .." شو كانت تسوي برع ..؟؟ شو ياها ؟؟ اكيد حد تعرض لها ... خيبه .. لا لا بسم الله عليها ؟؟ بس شو مستوي .. ياللللله يالوسواس .. والله ماتهون " 

دش حمد وهو ندمان من خاطره انه حب علايه ومرتاح وايد من ناحية غايه .. 

حمدان حط النسكافيه ع الطاوله : حمد شفت علايه داشه من برع وتصيح غمضتني ... اكيد شي مستوي تمت تقول لي .. ظلموني .. وظلموني .. وحسبي الله ونعم الوكيل 

هني حمد فز .. : خلها الخايسه ولاتجرب صوبها .. هاي الا وحده من ها اللوث 

حمدان عصب : اييه شو تخربط انته هاي ابوها خليفه الـ ,,, نسيت انته ولا شوو 

حمد : هاي حرام انه يكون ابوها خليفه والله ماتستاهل 

حمدان معصب : بس عاد انته من يومك حاط دوبك من دوب ها البنت وتضاربها على ادنات الدون 

حمد يدوخ بعصبيه : ماشي دخان بليا نار 

حمدان : لازم اطالعها 

حمد ايوده من ايده : والله تخسي ... خلها برايها 

حمدان : خل النفس طيبه وخلني اسير اشوف شو فيها البنت شكلها مب طبيعي 

حمد : حمدان خلها واخلاف بتعرف كل شي 

حمدان : يعني البنت مافيها شي 

حمد : انا كنت وياها برع مافيها شي اطمن 

حمدان استغرب اكثر :انته ... يعني انته قلت لها شي 

حمد : حمدان قسم بالله اني مصدع اللحين خلني وان شالله الصباح رباح وبتعرف كل شي 

وبجي انهو الموضوع وسكتوو وغيرو السالفه ... 

لكن غايه ماهدى لها بال .. وهي زايغه من ردة فعل علايه ..وتمت تحوط في الحجره سايره .. يايه ... وتيلس ع الغنفه شويه وتهز ريلها بتوتر وعصبيه " ياربييييييييه انا شو سويت .. هاي بتفضحني .. وحمدان بيذذبحني .. والله بيذبحني .. يارب سامحني .. سامحني .. غلطت .. ياربيييييه فيصل وينك ؟؟ ( وتمت تصيح ) .. وعقب قالت بتسير تنزل وتشوف علايه ولبست شيلتها .. 

ونزلت تحت ودقت الباب .. ونشت علايه اللي كانت تنشف شعرها عقب مادشت تسبح وفتحت الباب وهي اتدمع ومن شافت غايه انصدمت بس استغلت الفرصه وسكرت باب الشقه وراها وطلعت في الممر ... 

علايه بنبره عصبيه : انتي يالنذله خليني اشوفج مره ثانيه هني 

غايه بخوف : علايه اسفه والله بس انا سويت جي عشان حمدان اخويه لو عرف بيذبحني يا علايه ( وتصيح ) بيذبحني 

علايه تصيح وياها : بس مب تطلعين عمرج من السالفه ع حسابي انا ... ( ورفعت راسها صوب غايه بعصبيه ويودتها من كلر البجامه من فوق بقوه ودزتها ع اليدار ) اسمعيني ياغايه ... ياأسوء حظ في حياتي انتي ... اعتبريني مب موجوده وانسي كل شي ... وانسي علايه ومابا اشوفج .. 

غايه بخوف : مابتخبرين 

علايه تقوي قبضتها وتزاعج : مااااااااااابخبر .. ليش انا نذله شراتج ... بس اتاكدي انه فيه فوق رب وهو الوحيد عارف بالحال 

غايه ساكته ... 

علايه ترخي قبضتها : سيري عني يعل العين ماتشوفج وليتني ماعرفتج ياغايه ( جان تصيح ) .. واتاكدي اذا كنت ساكته عنج مب عشان سواد عيونج ... عشان خاطر اللي تحبينه ... 

غايه انصدمت شو تقصد ..: منو اللي احبه 

علايه تبتسم باستهزاء بين دموعها وتصد بدش الحجره : فيصل يا غايه فيصل...

غايه : كيف يعني مافهمت ... 

علايه تسكر الباب في ويهها : بتعرفين كل شي ياخاينه .. بتعرفين ... 

غايه انهارت قلبها نغزها حست بشي ... حست بقلبها مقبوض ... " فيصل فيه شي ؟؟ اكيد فيه شي ياربيه قلبي يدق بسرعه .." 

وركبت الدري .. وهي زايغه من الايام اليايه وهي تخطط كيف تمثل على حمد .. عشان ماتنضرب مره ثانيه 

.................................................. .................................................. ........................................

الامارات – دبي – 

فيصب جفاه النوم ... وسبحان الله ع الحب اللي حب فيه غايه لكنه كرهها من خاطره من سمعها ودرى باللي سوته 

فيصل يطلع في البلكونه وصد صوب بيتهم المظلم " ليتنيه ماحبيتج هاك الحب .. ولا انتي ياغايه ماتستاهلينه .. عيل انتي غايه الهاديه .الحبوبه .. تسوي جي ؟؟؟ انتي اللي انهت وانضربت عشانج .. اخر شي تبدين ولد عمج عليه وتبادلينه الحب ... في ظرف ايام ......... اااااااه ياحسافة ما مضى والله ... والله اني ندمان قد شعر راسي لاني حبيتج من خاطري ... والله منصدم فيج ياغايه ... بس شو ذنبها عليا ها الفقيره المسكينه تنضرب وتنهان وتنسب .. وهي ماتعرفني ولا اعرفها ... ليش ياغايه تظلمين نفسج .. وتظلمين غيرج وياج .. ماتخافين ربج .... ياصدمتي فيج والله ... عفتج من خاطري ... من خاطري ياغايه ... " 

وطلع صلب وتم يدوخ بحره ... لين ماسمع الاذان طفى الجكياره وداسها بقهر .. وسار يصلي في المسيد وتم يقرا قران ... عشان يرتاح باله .... وعقب سكر المصحف وتم متساند ع العمود في المسيد ومغمض عينه وهو يتذكر احداث البارحه ... 

ياه المطوع وحط ايده ع ركبت فيصل وكان لمطوع مواطن ومتدين وصغير بعده مب عود .. : شو فيك يافيصل عسى ماشر 

فيصل : تعباان 

المطوع : هموم الدنيا ...

فيصصل بتنهد بتعب : هذا حال الدنيا 

المطوع : اذكر ربك .. يافيصل ... 

فيصل بحيره : اذا حد انظلم في ها الدنيا ومب رايم يسوي شي .. ياترى بيتم مظلوم ولا ؟ 

المطوع يبتسم لفيصل : المظلوم له الله .. واتاكد بانه دعوة المظلوم مستجابه .. وبات مظلوم ولاتبات ظالم 

فيصل وهو سرحان : هيه والله بات مظلوم ولاتبات ظالم 

ونش فيصل وسلم ع المطوع وظهر خاري ... وطلع النور شويه وهو مقرر انه مايدوام اليوم لانه تعبان ...وعلى ها الغياب شكله بيروح فيها ... 

دش البيت وحصل امه واعيه وتمشي صوب النخل .. سار حبها على راسها .. 

ام فيصل : هلا وليدي .. 

فيصل وشكله تعبان : هلا الغاليه 

ام فيصل وهي تتعذب يوم تشوف ولدها جي .. : ياولدي خلاص عاد انساها .. لاتفكر فيها 

فيصل ابتسم لامه : امايه خلاص عفتها ... ماباها والله يهنيها ويا ولد عمها 

ام فيصل استانست من الخاطر : يعني خلااااااص ماتباها 

فيصل يلم امه : هيه خلااص مااباها 

ام فيصل :ادور لك غيرها 

فيصل : لا يامايه مابا 

ام فيصل ويمت : عيل بتم جي وانته مب صغير .. 

فيصل: اخلاف لين ما القى بنت الحلال .... 

ام فيصل : ماتبا شيخه بنت خالتك ... 

فيصل يمشي صوب البيت وامه وراه : لا

ام فيصل : هند بنت خالتك سلمى 

فيصل : لا

ام فيصل : عيل اكيد تبا ميره بنت عمك ..

فيصل يضحك على امه : ههههههههههههههه بعد لا 

ودش البيت ويلس صوب الريوق ويت امه تيلس وياه ... : عيل منو تبا انته اشر بس 

فيصل باله مب في العرس .. باله مشغول في سالفة امس .. : امايه 

ام فيصل : عوونك 

فيصل : اتعرفين خليفه الــ..... 

ام فيصل : وين ساكنين ... 

فيصل : هني في دبي 

ام فيصل : والله مادلهم تباني انشد عنهم

فيصل : هههههه الله يهداج يامايه لاتنشدين ولا شيات خلج 

ام فيصل : تبا اتخطب من عندهم 

فيصل: هههههههه متفيجه قسم بالله امايه ... لا اخطب ولا هم يحزنون عفت العرس .. 

ام فيصل : تعااال ابده خليفه عبدالله الـ........... 

فيصل : والله ماعرف الا خليفه الـ .... 

ام فيصل : اذا كان خليفه عبدالله ... تراه هم يران بيت اختي سليم ( اونه سلمى ) 

فيصل : اظني ماعرف 

ام فيصل : انزين ماخبرتني شو تبا منهم 

فيصل : ابا بيت شعبي

ام فيصل تضربه ع جتفه بالخفيف : لا تتمصخر 

فيصل يضحك : هههههه والله عيل شو اسووي ... 

ام فيصل : ليكون مواصل انته 

فيصل : هيه 

ام فيصل : ويده شو ها الحاله والدوام يابويه 

فيصل : مب مشكله شكلي بتم مواصل بدوام وبترخص ع الساعه عشر وبرد البيت و بحط راسي وبرقد 

ام فيصل : الله يهديك يابويه 

فيصل سرح عن امه وهو يفكر ..ويفكر 

.................................................. .................................................. ............................................

ارض النمسا .. – حجرة قوم علايه -


علايه من نشت من الرقاد ع طول فتحت لابوها الموضوع ...



بو محمد : خلاص امره معزمه نسيرالمانيا 

علايه : هيه اليوم قبل باجر 

بو محمد : بشاور بو حمد 

علايه : مب لازم 

بو محمد: ويده يايين وياهم ولازم انرد وياهم مايستوي جي ... لازم انكون ويا بعض 

علايه بوز ت : انزين انا تعبانه شو اسوي بعمري 

بومحمد : خلاص برمسهم وان شالله باجر بنسير المانيا

علايه ابتسمت : اوكي 

بو محمد : بس يالله حطو اغراضكم من اللحين ... 

علايه : ان شااااااااااالله 

وسارت عند يدتها وامها اللي يالسين في البلكونه : يالله يافتيات الخليج حطو اغراضكم بنسير المانيا باجر

ام محمد : ما اسرع 

علايه : انا قلت اني ابا اسير 

اليده : هيه اخير لها بنسير نوديها الدختر نطالعها و انا بعد بسوي جيك اب 

ام محمد تضحك : ههههههه عاشت اللغه ام خليفه 

اليده : هيييه على هواج اللحين اعرف اقول للحمر " هلوو " 

علايه وهي مالها نفس تضحك بس ضحكت : ههههه بعدد 

اليده : هيه وفي طياره اقولهم اني ابا " كوفي " 

علايه تضحك هي وام محمد : اوووووووووه خطييره 

اليده : هيه وبعد شو يسمونه يوم اشتري شي اقولهم " طانكشن .. = شكرا بالالماني " 

علايه : عااشت العيوز قومو عنها 

ام محمد : انزين ولو هم قالو لج " طانكشن " شو بتردين عليهم .. 

اليده بفخر : بتيشن .. " بتيشن = عفوا بالالماني " 

ام محمد : الصراحه مانروم لج 

علايه سرحانه ... وقالت تبا تسوي حركة اخساس في غايه عشان تحس شويه .. باللي سوته البارحه ... 

علايه كانت لابسه تنوره لين الركب لونها زيتي وفيها حزام كبير شوي وعلى اطرافه باللماعي .. وتحت بنطلون جينز ... والبدي يده قصيره وحرير لونه فضي .. وفوقه جاكيت بالدانيتيل مخرم .. وحطت ميكب خفيف .. وحطت بلشر وطلعت نعومه وايد ...وتمت تمشي وهي زايغه شوي بس ركبت لين طابق قوم غايه ؟؟؟ وشافتها يالسه في حجرة قوم امها .. وباب حجرتها مفتوح ... دشت عطول علايه حجرة غايه وتمت تنبش في شنطتها عن الظرف اللي فيه صورة فيصل .. لين ماحصلتها بس سمعت صوت سارت واندست تحت الشبريه عن تنجك .. 

----------------------------
غايه كانت تلبس عباتها : يالله يايه بقفل الباب وبنزل .. 

وهي يايه بتطلع وتقفل الباب .. حست انه شنطتها مفتوحه ومختبصه ... بس ماحطت ببالها شي وع طول طلعت وقفلت الباب .. طلعت علايه من تحت الشبريه وحاست ثمها .. شو بتسوي ... 

سارت فتحت البلكونه وشافت المسافه شوي بعيده عن الارض .. 

علايه تاخذ نفس : اانا يبته لعمري لازم اعفد من فوق ولا بتم محبوسه وبنجك .. 

ربعت الظرف وحطته في مخباها ... ونطت من الدريشه وطاحت ع ايدهاوتمت تعورها وااااايد ... ويودت ايدها ... 

نشت وهي ميوده ايدها وتهوس عليها ...: اييييي ... يعور 

وشافها ابوها : علايه من وين عافده 

علايه اتدور مكان .. : امممممم من فوق السور 

بو محمد : خيبه حصان 

علايه شافته بنص عين : قول ما شالله عن اتكسر 

بو محمد : هههههههه ما شالله 

علايه : ها شو قالو 

بو محمد : بيوون ويانا 

علايه بوزت وخطفت عنه وهي تسب حمد وغايه في خاطرها " اففففففف الله يغربلكم كرهتكم ... خيبه وين مانسير لاحقينا .." 

ودشت داخل وتمت تطالع التلفزيون وتحس بويع في ايدها ... حست انه ايدها انفصلت .. بس تمت متحمله الويع 

وعقب دشو كل الحريم حجرتهم وهم رادين من السوق وطبعا غايه من بينهم .... وتمو يراونهم شو شارين وجي .. جان تسحب ام حمدان ... صندوق وفتحته ... 

ام حمدان تراويهم : هذا حمد اشتراه لغايه خطيبته 

علايه من شافت القلب انصدمت : نفس القلب اللي كانت تباه 


غايه كانت منزله راسها وماتبا اتشوف علايه ... ولكن علايه من قهرها نشت عنهم 

ام محمد : وين سايره علايه ؟ 

عليا : بحط اغراضي عشان نشتل باجر 

ودشت علايه بسرعه الحجره وقفلت الباب وتمت اتصيح ... تحس بانها تكرهه غايه وحمد من خااطرها وتمت تفر ثيابها في الشنطه مال أي كلام وهي تصيح من الظلم ... وتتذكر ضرب حمد واهانته لها ... وتتذكر جذب غايه الفضيع .... 

حمدان يالس ويا اليهال برع يلعبون وحمد ويا الرياييل يا حمود ويلس صوب حمدان

حمدان : ها البطل حمود سير العب

حمود : تعبت 

حمدان : اها 

حمود : بتون ويانا االمانيا باجر 

حمدان : هيه اذا الله راد 

حمود : اقولك بسالك سؤال بس لا تعصب

حمدان يبتسم على اسلوب حمود : انزين مابعصب

حمود : هذا حمد مينون ؟؟ 

حمدان استغرب من رمسة حمود : ليش يعني 

حمود : والله قسم بالله ساعات احس انه تيه هفااات ( ويمد الكلمه ... ويمد ايده لجدام ) 

حمدان يبا يضحك على اسلوب حمود وفي نفس الوقت منصدم من كلام حمود : لا هو عادي 

حمود ينش عنه : بس انا ما دانيه واحس انه فيه هفه .. طرشوه عند امطوع .. 

حمدان يضحك : ان شالله 

حمود يمشي عنه : بارك الله فيك 

حمدان يعلي صوته : يارك يالله يالشيبه .. امره رمست شواب .. 

حمود يركض بعيد وسار يلحق الكره ... 

يا حمد ويلس ويا حمدان ... 

حمدان : ها مابتخبرني عن علايه 

حمد كان رايق : شو تبا اتعرف

حمدان استغرب : اممم اللي انته اتعرفه قول لي عنها 

حمد بابتسامه باهته : امممم يقولك 0 ويخبره السالفه 0 . ( يوم كان عرس خالي من زمان ............. عرفت انها تحب ......... حبيت غيرها عشان اراويها انها اروم اعيش بدونها وهي كانت ماتعرف شي موول عني ......... دعمته بالسياره .... ثاني يوم يينا ....... اعترفت لها ......... وامس ....... ترمس ........ وضربتها ........الخ ) 

المهم خبره السالفه كلها ... وحمدااااااان مصدووووووووووووومـ ...........

حمدان : انته صدمتني الصراحه .. اسمع حمد سالفة انها كانت تحب خلها ع ينب ..لانه كلنا انحب وها شي طبيعي 
( ويتذكر غايه اخته )لكن انك اانته اتحبها وخبالك ها كله عشان ها الشي الصراحه السبب تافهه .. اسمحلي حمد .. انته صدق فيك شي .. انته انسان مب طبيعي بالمره ... ( عصب حمد ) وعن اللي اتقول انه ترمسه ..انته متاكد بانها ترمس واحد ... (وحمدان قلبه ناغزنه انه اخته ورا ها السالفه بس طبعا مابيفضح اخته عشان حمد مايعرف شي ويهون ..بس بيأدب اخته لانه شكلها مايازت .. والاعظم من جي انها استوت تجذب ... وتحقد ع الناس وتشوه مسعت الناس .. ) 

حمد : دام انها رمست هاك مابترمس ها اكيد هذا ربيعها اليديد 

حمدان معصب: حمد استح ع ويهك كيف ترمس عن البنت جي .. هي فقيره مالها ذنب ... يمكن انته فاهم السالفه غلط وها المسائل عمرها ماكانت تنحل بالضرب ...للاسف انته مب ريال تستقوي ع بنت ... والله فيها خير ها البنت ماخبرت ابوها عليك 

حمد يضحك باستهزاء : اتخبر ابوها ع شوو .. ع سواد ويهها ..؟؟ هي اكيد ماتروم اتخبره لانها زايغه اني افضحها .. 

علايه كانت بتطلع برع وبتزقر اخوانها وسمعتهم ...: لا يا اخ " حمد " انا مب زايغه .. انا محشمه خطيبتك بس .... واذا انك فضحتني عند حمدان .. وخبرته عني كل شي .. لاتنسى انك مجرم وانك متعمد انك تدعم سعيد ... وها بحد ذاتها جريمه ... يا اخ حمد ... وانا لو شفتني ساكته على اهانتك لي .. وضربك .. لعلمك .. مب انا اللي انضرب وانهان .. اللي ياني منك بنساه ..بس انا احلف لك مره ثانيه والله ماعرف ها اللي اسمه فيصل والله 

حمد بعصبيه : جااااااااااب ... يعل اليمين يقصج 

حمدان من طرت اسم فيصل انتفض .. وحس انه لازم يتصرف علايه ومظلومه واخته استوت الظالمه ... وقام يخاف على اخته ... ويتعاطف ويا علايه اللي تتحمل غلط اخته غايه .. ويالسه تدفع الثمن .. والثمن هو سمعتها اللي استوت في الحضيض .. 

علايه وميوده عمرها عن تصيح : اسمع مابترجاك اتصدقني ..بس في يوم بتندم يا حمد ... وها ويهي ... 

ومشت عنه وهي مقهوره وزقرت خوانها وردت خطفت من جدامهم ... وزقرها حمدان بس دشت داخل ولحقها .. 

علايه : هلا حمدان 

حمدان : امم علايه انا عرفت انج اتحبين قبل 

علايه : تقريبا ها السالفه انتهينا منها وطافت مده طويله ومافي داعي نرمس فيها .. ومثل ما كل الناس تحب انا اعتبروني وحده حبت وانتهت سالفتها ومن زمان 

حمدان : عرفتي انه حمد دعمه 

علايه بحزن : خبرني ها المينون 

حمدان حز في خاطره : بس اعذريه هو شوي يته حاله مب طبيعيه 

علايه : ها الحاله يخليها لعمره مب يجتل خلق الله 

حمدان : كان يحبج 

علايه : لاتنسى انه خطيب اختك 

حمدان ماعرف شو يقولها .. يقولها يمين .. تقوله يسار .." ها البنت مب سهله " 

حمدان : واللحين ابا اعرف منو ها فيصل 

علايه باستهزاء : تسالني انا ..؟؟ 

حمدان هني ااتاكد من نبرة صوتها انه فيصل ولد يرانهم " ياحيوان وصلت لعلايه بعد ؟؟ " 

علايه : بس لعلمك .. انا مظلومه ... والله بياخذ قضايه منهم .. 

حمدان : منهم ؟؟؟ منو تقصدين 

علايه : في اطراف في السالفه .. 

حمدان اتاكد مليون بالميه انه فيصل .... وقرر يسكت عن اخته لين مايردون البلاد ويلعن خيرها ..بس بيخليها طبعا تحت المراقبه كفايه اللي سوته في ها الفقيره .. وكفايه من لعبها وطيشها ... 

حمدان : انا مصدقنج عليا ومستحيل اصدق أي كلام مب زين في حقج 

علايه استانست انه في حد واقف وياها : مشكور 

حمدان يلطف الجو : هههههه ولو شريكتي في المحل 

علايه بابتسامه باهته بس للمجامله : هيه حق المصلحه عن اخرب لك الشغل ع فكره سويت كمن تصميم براويك اياهن اخلاف .. 

حمدان : اوكي ... ياعيني ع النشاط 

علايه : هيه على هواك 

ودش حمد وطالعهم بنظره وركب الدري وهو يهز راسه ...: ولهم عين يجابلون خلق الله 

علايه نزلت راسها ... وحمدان حز في خاطره لانه مالها ذنب ... وحمد اهانها وايد وضربها ... واخته ماقصرت 

علايه : انا بترخص 

حمدان بروحه متلوم : برايج 

ومشت عنه ودشت الحجره ودشو داخل ويلسو يتغدون .. وعقب الغدا ... 

بو محمد : اخبركم بما انه اليوم اخر يوم لكم هني طوفو بنوديكم مكان غاوي بتستانسون فيه 

حمود اشتط : هيييه يالله يالله 

ام محمد : وين ؟ 

بو محمد : صوب الثلج فوق اليبل 

اليده يودت راسها : وااااااه لقعتيه .. يا ولديه تبا تنفدنا انته 

علايه اشتطت يوم عرفت بالثلج : اللللللله هيه هيه نبا نسير يالله 

بو محمد : الله عليج انتي يالشيطانه مايطوفج شي .. من الصبح مبوزه ومويمه ويالسه صاخه ومن سمعت بالثلج استوت منشكحه 

علايه تضحك من خاطرها ع كلمة منشكحه : ههههههههههههههههههههههههههههه حراام يعني 

ام محمد : ههههههه ان شالله دووم 

علايه : هه حليلي ... اونه دووم ... ثرني انا انشكحت في يوم .." 

اليده : والمكان بعيد ولا جريب 

بو محمدد : لالا مب بعيد الا هني بس في 3 محطات للتفلريك .. 

علايه اتحمست ... 

وسارو يتلبسون وانطلقو كلهم للثلج نزلو متفرقين وعلايه مول ماقربت صوب غايه وروضه اللي بعدها ماتدري بشي ... ومستغربه نفور علايه منهم .. وبالذات من غايه .. لانه كانو اول يومين سمنه على عسل ..بس اللحين انجلب حالهم .. 

علايه كانت ميوده ريم وتدزها في العربه ركبو اول تلفريك .. وهو مقسوم مكانين يعني يكفي لعايلتين وعلى حظ علايه ركبوو عايله كويتيه وعايلة قوم علايه .. وهني ارتاحت علايه 

وفي المحطه الثانيه كان التلفريك احمر وصغيرون وعلى شكل دائري ومايضم الا عايله وحده وهاا لشي ريح علايه اكثر ... 

لكن في التلفريك الثالث انزربو فيه جنهم هووش ... وحطو " حمود على عبود " ... دشت عليا ولصقت صوب الدريشه ع الزاويه وهي شاله ريم وعاطيه ظهرها للناس لانها ماتبا اتجابل حد وخاصه غايه وحمد 

حمد لاحظ تصرفات علايه وصدها الواضح ... يعني تقريبا الكل لاحظ ها الشي .. ونزلو من التلفريك وسار بو محمد صوب بنته 

بو محمد : عليا شو فيج ؟ 

عليا تطالع ابوها : مافيني شي 

بو محمد : مادري احس انه فيج شي

عليا : تعبانه شوي 

بو محمد: طبعا ماخذتي الابره 

عليا : طبعا 

بو محمد : انتي بتروحين والسبب اهمالج هذا 

عليا : ماعليه شر 

بو محمد : ماعليج شر وانتي تعبانه فهميني 

عليا : بستوي احسن اللحين لاتحاتي 

بو محمد : الله يهدييج 

ومشى عنها .. وتمت ميوده اختها ريم عن اتطيح لانه المكان كان روعه شويه عليه الجو مغيم والثلج بااااااااااارد .. وكان فيه وايد عرب فووق .. وزين انه علايه لابسه جوتي ... وتمت تمشي وقوم امها كل شوي وحرمه تزحلق وتندبغ على ويهها .. والاجانب منطرين من الضحك عليهم .. 

علايه : هههههههههههههههههههههههههههههه اماايه تعالي

اليده ميوده ايد حمود : بسم الللله .. عليناا ... بنطيح بنتكسر

علايه : افااااا خابت الشجاعه 

اليده : يالله يالمتسقويه عيل اربعي في ها الثلج 

علايه بتحدي : لا تتحدين 

اليده : هيه اشوفج اربعي ان ماطحتي ع ويهج وضحكو عليج ها الحمر ... 

علايه : يهبووووون 

اليده : يالله عيل 

ام محمد : لالا عليا ايلسي لاتركضين 

حمود : امبلا امبلا خلها تركض .. عشان اتطيح 

علايه : اتهبي مابطيح .. 

ام حمد : هههههه علايه من صغرج تركضين 

علايه : ماعليه بس نتحدى .. 

ام حمدان : احسن خلها اتطلق رويلاتها مب نحن كل شوي ووحده زلقت 

اليده يلست ع الثلج لانه تعبت وماتروم اتكمل : يالله اشووف عليوه اربعي 

حمود : لا لا صبري علايه بيي وياج

علايه : اووكي 

سمعهم حمدان : ههههههه شوو سباق 

علايه اتصد عليه : هيه يالله تعال 

اليده ترمس حمدان : يالله انطلق وياهم .. وما اوصيك خرطف عليوه 

علايه تصد على يدتها وترفع نظارتها الشمسيه : مايستوي غش 

اليده : يالله عليه اللي بيفوز بعطيه 500 يورو .. 

علايه استانست وحمدان اتحمس وحمود اشتط وروضه قالت بتشارك عقب العرض المغري .. وحمد من سمعهم قال بيركض .. وسحب طبعا غايه ... 

وقفو عند علامه برتقاليه وعلايه فصخت عباتها .. كانت لابسه بدي طويل لونه وردي وعليه حرمه غاويه وتقريبا فوق الركب .. وشوي يحدد جسمها وبنطلون جينز وجوتي ملون ... وغايه لابسه بدي تركوازي غاويه ووقايه على اطرافها باللماعي ولابسه نظاره شمسيه وكانت كاشخه ... اما روضه كانت لابسه كويتي لونه عنابي وسكارف تقريبا نفس الالوان اما الاولاد بنطالين وقمصان ( هع ماعرف اشرح حق الاولاد يالله يالله شرحت لبس البنات )

علايه من عرفت انه غايه وحمد بيتسابقون لاعت جبدها بس هي تبا تتحدى يدتها ... 

وحدوو البدايه عند العلامه البرتقاليه والنهاية بيت الثلج .. 

اليده : 1 .....2 ....3 

انطلقو كلهم وكانو يتنافسون في البدايه حمدان وحمد .. وغايه .. ومتاخرين علايه وروضه وحمود .... بس في نص الدرب غايه تعبت وطاحت وتعتبر طلعت من السباق .. وروضه انسحبت لانه تعبت ... وحمد ماطلع من السباق ولكن اتاخر لانه تعب وتم التنافس بين علايه وحمدان وحمود ... حمدان عند النهايه بدى يتعب وتاخر وعلايه تزيد الريس عشان تسبق وتراوي يدتها وكانت بتزحلق في النهايه وحمود بيغلب ..بس استوى العكس .. حمود ازحلق .. وعلايه غلبت .......وفازت بالـ 500 يورو ... 

كان السباق متعب من الخاطر ... اول ماوصلت علايه ع طول طاحت ع ركبها ... ويا حمدان صوبها ... ومد ايده ... 

حمدان : مبروك 

علايه استحت تمد ايدها : هههههه الله يبارك فيك 

حمدان : احم احم 

علايه : مدها جدام يدتي عشان تعطيك البيزات وهاتهن 

حمدان عرف انها مابتمد ايدها ... وصد صوب اليده وهي تحتشر بس مايسمعونها : تبيني اقطع كل ها الدرب ماااروم 

علايه تنش ع حيلها ..: اااااااااخ تعبت نصخي انقطع ... 

جان تلمح زحلاقيه عوده والناس يتزحلقون عليها .. جان تصارخ ..: اللللللللللللللللللللللللله ابا ارررررررركب 

حمدان سد على اذنه : وصييييييييييييييييييييييخ يدش في اذنج 

علايه حطت ايدها ع ثمها لانه كل الناس اللي حولها صدو عليها .. وياها حمود وهو يتحرطم ..: انتي غشاشه اصلا .. غش .. 

علايه تضحك : هههههه بعيد بعيد ... 

ووصلت روضه صوبهم .. : مبرووووووووووك عليج الـ 500 يورو النص بالنص ها ما اوصيج 

علايه : ههههههه يالله يالمصحله .. 

جان تلمح غايه وحمد يمشون ويا بعض ويضحكون ويايين صوبهم جان تمشي عنهم بسرعه .. حمدان نزل راسه وغمضته علايه بس طبعا مستحيل يفضح اخته .. وشي اكيد انه بيبدي اخته ... بس الساكت عن الحق شيطان اخرس .

روضه اتجدمت لحمدان وهي مستغربه : شو مشكلتها ؟ 

حمدان يطالع صوب علايه اللي تمشي وهي منزله راسها : مادريبها 

روضه : صدق صدق ابا اعرف شو سالفتهم انته لو شفت حمد اخويه كيف يعاملها .. انا شفته يفر قلاص العصير عنها وهزبها مت من الزيغه 

حمدان : اتعرفين روضه ... حمد اخوج مب طبيعي يباله مطوع يقرا عليه .. 

روضه تعدل شيلتها : حتى انا اقول جي ... لانه ساعات احس انه يمصخها 

حمدان : ساعات وبس الا دوم 

روضه استغلت الوضع وحبت تجرج حمدان على خطبه حمد وغايه ويفركشها عشان غايه ترد لفيصل .. لانه غامضتنها ...

روضه : عيل ليش تباه حق اختك 

حمدان طالعها باستغراب : انزين هذا اخوج 

روضه : ادري انه اخويه بس انته توك اتقول انه مب صاحي انته كيف تامن على مستقبل اختك ويا واحد مب صاحي 

حمدان فسر كلام روضه انها ززعلت لانه قال عن حمد جي .. بس روضه قصدها ثاني 

حمدان : امممم مادري والله شو اقولج بس كل شي قسمه ونصيب .. ( ويحط ايده في مخباه من البرد ويتنهد بحسره على اخته اللي منخدع فيها ) ااااااااه .. كل شي قسمه ونصيب ... 

وابتعد عنها روضه ضايعه بين ها العالم الغريب ..... 

وصل حمد وغايه وتمو يشربون كوفي ويلسو ع الطاوله مجابلين الزحلاقيه ويطالعون الناس .. 

حمد يحرك الخاشوقه في الكوفي : اممم غايه 

غايه ترفع راسها بحيا ( تمثيل ) : عيونها 

حمد مستانس وعايش حلم وردي : تسلم لي عيونها .. شو رايج من انرد نملج ع طول ونسوي العرس عقب شهر 

غايه رفعت راسها وهي مصدومه ..ماتبا يستوي ها الشي هي تبا تنتهي من حمد .. وهو يفكر يربطها وياه وللابد 

غايه : اممم بس ماتحس انه ..... 

ويسحب الكرسي حذالها حمدان : اممممم كملي اخت غايه 

غايه حست من نبرة صوته انه مب ناوي ع خير .. : امم ماشي ( ونزلت راسها )

حمد يسال حمدان : شو رايك انته ؟ 

حمدان : امم انا وياك .. 

حمد استانس .. وصد صوب علايه وحزن في خاطره " ليش يا علايه ليش ؟؟؟ لازم انساج .. لازم .. عشان جي بسوي المستحيل عشان اجدم العرس وانساج واقهر قلبج انج بعتي واحد شارنج ....والله احبها بس هي هدمت كل احلامي ...احبج عليوه ويا ها الراس ... احبج " 

حمدان : اييييه حمود انا ارمسك من الصبح 

حمد : هااه ..(وانتبه لغايه ) " وهاي اللي يسمونها خطيبتي وبنت عمي .. شو ذنبها ..؟؟ في كل اللي يستوي ..يارب اعيني ..."

حمدان : انا اقول انه نجدم العرس ونخليه قبل الدوامات 

حمد : عيل دام انه جي يبالنا انرد من البلاد من وقت 

حمدان : هيه يبالنا وانا اصلا لازم ارد عقب 3 ايام لانه ورايه دوام اجازتي بتخلص 

حمد : علة خير ان شالله 

غايه منزله راسها وتبا اتصيح ؟؟ " غناتي فيصل ... احاول اني ابعد عنه بس مب رايمه ... يالله يارب اتخلصني من ها الكابوس ... فيصل شو حالك اللحين ؟ شو مسوي ؟؟؟ لاتنساني يالغالي ... لاتنساني ( ولمعت عيونها بالدموع ) "

وقطع تفكير كل واحد فيهم صريخ علايه وهي نازله من الزحلاقيه .... وشيلتها شوي اتبطلت وطارن خصل على ويههها ... وكان شكلها كيوت وتبين صغيرونه وايد .. وهي نازله كان شي ولد جدامها ويا اخته الصغيره وتبا اتوقف بس مب رايمه وماشي الا انه يداعمون الولد شل اخته الصغيرونه في حظنه ودعمته علايه وانجلبت جلبتين وغط ويهاا في الثلج وكااان باااااااارد وركض الولد ويودها من ايدها وطلع وهي مب رايمه اتشوف شي من الثلج اللي على ويهها فسحب الولد طرف شيلتها ويلس ع مستواها وتم يمسح وييها وعلايه اتصيح من البرد والولد يضحك .. حمد من شاف ها الولد عندها نش بسرعه صوبها ونسى غايه .. ووصل لها .وغايه استغربت تصرف حمد وحمدان هو عارف بكل شي .. صد حمدان على غايه 

حمدان بنغزه : حليلها ماتستاهل ها الظلم 

غايه صدت عليه وباستفسار : أي ظلم ..

حمدان : ظلمني صاحبي اكبر ظليمه .. ظلمني دون قدر ودون شيمه .. وانا لي كنت له بالظلم راضي.. ولو هو مرتكب اعظم جريمه 

غايه : حمدان شو فيك 

حمدان وده ينش ويدفنها ..: حسابج في البيت ياغايه 

غايه زاغت : ليييييش شوو سوويت 

حمدان ينش عنها : احس انج ابليس ... 

غايه : خيبه 

حماد يعطيها ظهره : ههههه ماعليه .. كل شي بيبن .

ومشى عنها ... 

حمد : شو استوى 

الولد سعودي : والله حادث بسيط 

علايه من شافت حمد نشت بسرعه ومشت ..ولحقها 

حمد يلحق علايه : اتعورتي 

علايه : ....... 

حمد وقلبه يلين عليها وهو يحس بالضعف من اول ويديد .. : خبريني علايه شو يعورج 

علايه كان طبرها يعورها لانه كانت شي حصاه تحت الثلج وصقعت واتحس بانه طلعت لها قمبوعه ( خخخخخخ يعني ورمه )

حمد : خبريني انزين .. زعلانه مني صح 

علايه : حمد دخيلك اللي من بينا انتهى من اول امس 

حمد عصب فجاه : بالطقاااااااااق صايعه واترجاها ... مالت عليج 

علايه هزت راسها ... هذا حمد من اول يوم اتلاقت وياه اكبر لغز في حياتها وحيرها .. اعجب تناقض لقته .. 

عقب تمت تمشي بروحها وحصلت تمثال لبقره ويلست تحته .. وتمت تطالع الساير والراد .. ولفتو انتباهها بنات مواطنات يعني من ريحة البلاد وياها حمود اخوها 

حمود : علايه 

علايه مب مسوتله سالفه 

حمود: سيري اتعرفي ع ها البنات 

علايه : ليش ان شالله

حمود : اتشوفين اللي ع اليسار اللي مطلعه شعرها حلوه 

علايه ضحكت : ههههه انزين 

حمود : سيري اتعرفي عليهم وعقب قولي لهم ابا ايميلاتكم 

علايه تضحك على غباء حمود : هههههههه والله حاله يهال اخر زمن .... سير اتعرف على اخوهم انا مالي خص 

ونشت عنه 

حمود : ماعليييه ياعلايه .. ماعليه 

علايه تمت تمشي وشافت 3 يسون رجل الثلج ويتفارون بالثلج وهي مستانسه وتطالعهم كانو ربشه من الخاطر . وفجاه تيها كره ثلج على ويها وصدت تطالع منو شافت يدتها ... وتمت تضحك علايه 

علايه : اخ يالقويه شو تسوين واصله لين هني 

اليده :فزتي وكبر راسج 

علايه : هههههه عشان تعرفين منو تتحدين 

اليده : هيه اتحدى مايكل جاكسون 

علايه حاست بوزها : شخصه ولا هاي كلمه يديده توج اتعلمتيها 

اليده : تتمصخرين عليه عيل احلمي بال، 500 يورو 

علايه تمد ايدها : لاتحاولين يالزطيه ( سوالف طبعا )

اليده تضحك : هههههههههه ابوج الزطي 

علايه : بخبره تراني ..

اليده : نفاد .. 

علايه :ههههه ماعلينا بخبره اخلاف اول اعطيني انتي بقزر بهن في السوق 

اليده تناولها وبحسره : دووج ليتني ماقلت لج 500 

علايه : هههه على هواج عاد ... 

وتمو يتمشون شويه وسارت علايه اتصور رجل الثلج ... ومن عقبها مول ما تلاقت ويا حمد لانه تام لازق في غايه ... وروضه بعيد ويا الييهال قوم عنود وميره وحمود .. وحمدان يحوط ويا الرياييل .. وعلايه سارت عند الحريم وغايه بتموت من كلام حمدان واتحس انه علايه قالت شي وهي تتحلف لعلايه في خاطرها وقالت بتخبر حمدان على علايه انها كانت تحب عشان يكرهها ... ومايقرب صوبها وماتروم علايه تنطق بشي عن غايه .. 

ومن عقبها ردت علايه تتزلج واتعودت ع الجلبات ... وسارت فوق وشبطت الوقايه على طبرها ( خخخ راسها ) عشان ماتطيح ويلست جان اييون اولاد وبنات مواطنين صغار وقالها اكبر واحد فيهم يمكن عمره 11 .. 

الولد : انتي من الامارات 

علايه تصد عليه : هيه وانتو 

الولد هيه حتى نحن انتو من وين بالظبط 

علايه : نحن من دبي

الولد : هيه نحن من العين 

من قال العين تم قلب علايه يدق بسرعه .. : انتو شو من الجبايل ؟ 

الولد : من قوم الـــ .... 

علايه خاب ظنها : اها .. انزين يالله تتسابقون ... 

الولد : هيه يالله 

وصف الاولاد والبنات الصغار جان ايي واحد كبير .. وشال الزلاقه ماله ..: صبروووو انا وياكم .. 

علايه كانت ع الطرف ودار حذالها ويتحسبها بحرينيه .. كويتيه مايدري انها اماراتيه ..: اسمحيلنا عاد 

علايه تضحك: هههههه لا مب مشكله بس سير بعيد عن اشاوح عليك .. 

صد عليها وهو مستغرب ..: اوووووووه يااحيهم والله هل البلاد 

علايه تعدل عمرها ع الزلاقه : الله يحيييييك 

الولد الصغيرون :بسكم سوالف يالله خلونا نتسابق .. 

علايه : يالله انا بقول ... نبدا ..1

كل اليهال وياها : اثنيييييييييييييييين 

وبصوت اعلى قال الولد لعود وياهم : ثلااااااااااااااثه .. 

وسوو حشره وكل اللي تحت صدو عليهم .. وانطلقو وكان شكلهم وايد حلوو ..والولد العود لف على علايه وعلايه لفت ع الصغير واخر شي اداعموو .. وتمو يضحكوون على ها الخبال ... 

يت ميروه اخت علايه تزقرها لانه بيرحون ..

علايه تنفض عمرها عن الثلج ..وصدت عليهم : يالله بنروح بخليكم ...( وتسوي لهم بيبااي )

الولدين لكبير والصغير : فرصه سعيده .. بيبااي 

ومشت عنهم جان تحصل كرة ثلج على ظهرها .. وصدت حصلت الولد الصغير فارنها .. جان يزاعج من بعيد : عشان تتذكرينا 

علايه تضحك وتزاعج : ان شالله ... 

وتنزل وتسوي كرة ثلج وتفرالولد الصغير وهي تزاعج : عشان تتذكروني .. 

وضحكو كلهم وسارت ... وردو وهي متجاهله حمد وغايه وكلهم امره ... ويوم ردو في الدرب مرو على الحديقه اللي صوب الملعب ونزلو اليهال ونزلت علايه وياهم اتغير الجو . وشلت الام بي 3 .. وتمت تسمع وتطالع اخوانها وهم يلعبون .. 

علايه " يالله ياسعيد ... طافن شهور .. وهنت عليك .. ماترمسني وانا في حقك ما خطيت .. يالله الله يهنيك ويا بنت عمك .. خالك .. خالتك .. اللي يكوون ... عساك اتعيش في افراح وسعاده ان شالله ... وخلني انساك بالبطيء ... بس مستحيل اكرهك .. ومستحيل ارد واحبك .. لانه ادري يا سعيد .. حتى لو رديت .. بترد تفارقني مره ثانيه يوم بتعرس .... الله كريم .." 

وعقب يوو ولدين طوال وشقر من النمسا ... وتمو يلعبون كره ويا اخوها حمود وولد صغييرون من العين اسمه سعيد بعد ... وتمو يلعبون 2 ضد 2 ... وعلايه يالسه ع المريحانه وتسمع ام بي 3 .. والولد بو شورت اسود يسوي لها حركات انه تعالي العبي وعلايه متحمسه تبا تلعب بس ماتروم .. وعقب يوو 4 مال الامارات ... وعقب واحد خطف بالسياره ونزل عياله كانو اثنينه .. واستوو 10 .. يعني بيلعبون 5 ضد 5 .. وعلايه من قبل كانت تشجع فريق الشقر .. وكل ما اييبون قوول اتصفق له .. والاشقر مستانس عليها وهي تشجعهم .. وكل ما اييبون قول وماتصفق يصد عليها وياشر لها صفقي .. وعلايه شاده حيلها 

بين اللعب يت الكره عند علايه ويودتها وصدت تطالعهم كانو كلهم يتريونها تفر وحمود اخوها متحرطم : عليووووووه فري عاااد لاتاخرينا 

جان ايي بو شورت اسود الاشقر .. صوبها وشل الكوره جان يقول لها " I love u 

علايه ضحكت جان تقوله " مي 2 " 

بو شورت اسود اونه استحى وشل الكوره وتم يركض وسار بيفرها جان يصد ويغمز لها وعلايه ناقعه من الضحك على حركات الاشقر اسمه " ريتشارد " .. 

كان طيب وحبوب وهي مستانسه اونه عقيت االاشقر من قدي ... وعقب يا ابوها وعفد فوق السور ويلس وياها ع المريحانه وبندت الام بي 3بسرعه ويلست تسولف وياه 

بو محمد : انتي حطيتي ثيابج ولا بس تبين تحوطين 

علايه تتذكر شنطتها اللوث وترتيبها الخرطي : هيييييييه حطيتها وخلصت 

بو محمد : ماشالله متى 

علايه : من الصبح 

بو محمد : لها الدرجه تبين تسيرين .. 

علايه : هيييييه 

بو محمد : انزين نشي بنروح وشكله اخوج بيتم خله يرد مشي 

علايه نشت وسارت تعفد فوق السور .. : اوكييييك 

وسارت خبرت خواتها وورحووو ... وبجي انتهى ها اليوم على خير ... 

بس قبل الرقاد غايه يالسه ترتب شنطتها واتدور الظرف وهي متخبله ... عفست الحجره فوق تحت مالقت الصوره وتمت زايغه .... ومتخربطه ومب عارفه شو اتسوي ومن الزيغه تمت اتصيح واتصيح " ياربيييييييييه بموووت بيذبحني حمدان لو عرف ..بيذبحني ........" وتمت اتصيح لين مارقدت 

----------------------------
البارت السابع 

- المانيا – ميونيخ – 

وصلو الفندق ونقدر نسميه فندق لانه فيه رسيبشن وغرف وعلايه استانست ودام انه فندق دلع .. اكيد شي نت وتمت متشققه وهي تمشي من كثر ماكانت مستانسه حتى حلجها مب رايمه تسكره من الوناسه 

حمد 24 لازق في غايه يبا يبعد علايه عنه عشان مايتذكرها ويحن لها او شي من ها االاشياء ... وغايه مخها مول مب وياها تعبانه من الخاطر 

"اااااخ لو الصوره طاحت في ايد حمدان والله بيذبحني .. انا اتنذلت وطلعت عمري من هاذيج السالفه .. بس اخاف الصوره تفضحني .. ياربيييه ليش يبت صورة فيصل .. اكيد هو نساني اللحين .... اكييد عيل شوو ؟؟؟ ( ودمعت )" 

حمدان يطالع غايه اخته وبيموت ويبا يادبها وسار لها ويودها من ايدها بقوه : اشوفج اطلعي برع الحجره نحن بنرد باجر او اللي عقبه حسب الظروف وعرسج انا بتكفل به واذا عاندتي ماتلومين الا نفسج 

غايه اونها مب مهتمه : اوكي اللي تشوفه .. لانه احس عمري ارتحت ويا حمد 

حمدان بعصبيه : ياحيوانه ارتحتي ويا حمد وهو منخدع فيج مثل ماخدعتينا .. حرام تربية امايه وابويه لج .. والله حرام انا بادبج اللحين وبفرج في حلج ريلج ويتصرف وياج 

غايه منصدمه : كيف يعني حمدان ؟؟ 

حمدان يصد عنها الصوب الثاني ويطالع علايه وهي مستانسه : بخلي الملجه من يوم نرد باسبوع ...يعني لين مايردون قوم عمي وانا اتكفلت بالملجه كلها ... والعرس بيكون عقب 3 اسابيع وبسس ... 

غايه انهارت .. ويلست ع الكرسي بسرعه وهي تتنفس بسرعه وتفكر انها لازم اترمس فيصل باسرع وقت .. باسرع وقت .. 

استقرو كلهم في الحجر ومن عدى بهم الليل اتعشو وارقدوو وعلايه ع طول نزلت الرسيبشن وكان حمد وحمدان يالسين في الكوفي اللي تحت .. وسارت طلبت خدمة النت وجي وشغلو لها ... 

حمد يطالع صوبها : وتلومني فيها تطلع بروحها لاحسيب ولارقيب 

حمدان منقهر منه وايد : عليك بحرمتك مالك خص ببنت الناس 

حمد اعتدل في يلسته وهو مستغرب : لا والله .. قمت اسمع رمسه يديده 

حمدان نش وهو مفول ماكان له نفس يجابل المجرم الظالم .. خطيب اخته اللي انخدع فيها : والله برايك ... تسمع ماتسمع ها الشي راجع لك 

حمد نش ويود ايد حمدان : ياخي شو فيك .... انته تحبها 

حمدان : انا وين والحب وين .. حبيت يوم كنت مراهق وقصيت على عمري .. لكن اللحين اذا بفكر اني احب لازم افكر اني اعرس عشان احبها .. 

حمد : انته ناوي يعني 

حمدان : يوم الله بيريد 

حمد : واللي تباها علايه 

حمدان صد عليه : لا ماقلت ابا علايه ..

حمد ارتاح : الحمدلله 

حمدان : اسمعني ... انته اللحين خطيب اختي وبتستوي ريلها في ظرف ايام .. ماباك تفكر في علايه انساها ... 

وشل البطاقه مال الحجره ونش عنه .. وحمد مستغرب اسلوب حمدان وياه .. 

وعلايه وهي مروحه الحجره وشافت حمدان وابتسمت له وهو يا صوبها : سهرانه ما شالله .. 

علايه تمشي وياه : امم لا اللحين بسير الحجره كنت اطلب خدمة الانترنت .. قالو لي بس حطي الواير لس واشبكي 

حمدان : زين زين ... 

علايه : انته فاضي 

حمدان : هيه فاضي ( وصد صوبها وطالعها بابتسامه ريحتها ) شي في خاطرج قولي 

علايه : هيه بيلس وياك طشونه عن اذنك يعني 

حمدان ابتسم على اسلوبها هي وحمود اخوها اسلوبهم شوي غير وطريقة كلامهم تلفت : هههههه افا عليج 

علايه :اتريا في هاي الاستراحه وبييك ثواني 

حمدان : من عيوني .. 

علايه دشت الحجره وحصلت يدتها تتفرك بفكس اونها تعبانه .... 

اليده : ها عليوه وين سرتي 

علايه تشل لاب توبها من الجرج .. وقطعة الواير لس .. : امم سرت اطلب خدمة النت المهم انا بظهر عند حمدان براويه كمن تصميم حق مشروعنا 

اليده : هيه انتي مشاريعج كلها ويا مفرخه بخبر عليج ابوج انتي 

علايه تضحك : هههههههههه خبريه 

وظهرت من الحجره ومن شافت حمدان ابتسمت ويلست هي ع كرسي وحمدان ع الكرسي اللي حذالها وحطت الاب توب ع الطاوله اللي مجابله الكرسيين واتجدمو هم الثنينه شوي ع جدام عشان يندموجون 

علايه : امم حمدان براويك كمن تصميم بس اسمحلي فيني دوده ابا افتح ايميلي اتحرقص ابا ادش من زمان مادشيت .. 

حمدان : ههههههه خذي راحتج اليهال مشاكل 

علايه ماتحب ها الاسلوب جان اتدوسه ع ريوله : عشان ماتقول جي مره ثانيه 

حمدان : هههه الحمدلله مايعور 

وفتحت مال المسن والمسن عندها يفتح اوتماتيكي من تدش النت .. وحصلت 7 نيو ايميل .. وتمت تطالع منو اون لاين عندها واستغربت انه اللسته مصفره .. عندها وحمدان يطالع وياها ويسالها عن ايميل ايميل وهي تضحك عليه وهو يقرا الايميلات .. كانت عندها لسته فيميلي ... وفريند ... وماعرفهم بس محد فيها يعني ها اللسته مخلتنها حق أي حد يضيفها وماتعرفه تحطهم هني لين مايدشون اون لاين وجي ......واللسته الاخيره .. كان بيت شعر .
[ وانته ياماضي على نفسك جنيت ] 

حمدان : افتحي ها اللسته .. 

علايه نزلت راسها : انته تعرف 

حمدان طالعها بنظره تريحها : اوكي افتحي مابقولج شي 

علايه فتحت اللسته وكان فيه 3 ايميلات .. 

حمدان : الاول منو ؟ 

علايه : هذا سعيد 

حمدان : والثاني 

علايه : ايميل اخوه من الابو احمد 

حمدان : والثالث 

علايه : بعد ايميل اخوه واحد ثاني من الابو اسمه خليفه .. 

حمدان : يعرفون انه يحبج 

علايه اتنهدت : امممم هيه بس من اربع سنين 

حمدان نزل راسه : ليش ماسويتي دليت بس حاطه بلوك 

علايه : تباني اسوي 

حمدان متسانس : هيه يالله اشووف 

علايه ابتسمت وسوت لاخوان سعيد بس يوم يت بتسوي لايميل سعيد .. طالعت حمدان بنظره : ماروم 

( ولمعت عيونها بالدموع ) 

حمدان : عيل جي مابتنسينه 

علايه بتحدي : اسمعني اذا ع سالفة النسيان تراه الايام متكفله بها الشي ... بس اني اكره مستحيل .. واني ارد له واحبه بعد مستحيل .. ( وصدت عليه مره وحده وتقربت شوي منه وحطت صبعين على راسه ودزته يابتها بطريقه فكاهيه ) فهمـــــــــــت 

حمدان يضحك على اسلوبها سبحان الله هي وحمود اخوها اسلوبهم غريب يرمسون بسرعه ومرتبين الكلام وطريقتهم غريبه يوم يرمسون : هههههههههههههههههههههه فاااااهم .. فاهم 

علايه عيل خلنا انبند ..ونراويك التصاميم .. 

حمدان : واالايميلات 

علايه : هههههههههه حاضرين تبا اتشوفهم 

حمدان متحمس ويتجدم جدام : هيييه هييه يالله 

علايه فتحت كانو كلهم خرابيط من الهوت ميل والفور ووررد .. وبس 

حمدان :بس 

علايه تضحك : هيه بس عيل شو تتحسب 

حمدان : شدرانيه ..؟؟ 

علايه : عندك ايميل

حمدان : هيه عندي بس ما ادش دوم 

علايه : عيل عطني اياه عشان اضيفك ويوم نرد البلاد نتناقش عشان مشروعنا 

حمدان : ماعندج موبايل 

علايه : امم قبل لا ادش الجامعه ابويه بيشتري لي 

حمدان : ايووا خلااص اعطيني انا بضيف عمري عندج ( وغمزلها ) 

علايه ناولته الاب توب .. حمدان ضاف عمره بس تم ماخذ راحته ويرمس ربيعة علايه من المنتدى وعلايه متلومه .. وكل ماحد يدش ايميلها ايتم يرمسهم وعلايه اتقوله بس .. يقولها خليني اغازل .. وعلايه تضحك 

علايه :بسك لاتغازل وايد مب زين 

عاد هني خطف حمد وسمع كلام علايه وع باله انه حمدان يغازل علايه وهم يالسين ومكيفين ويضحكون وداقين سوالف ... وطلعت غايه من الحجره اونه بتسير عند روضه وبتشكي لها الحال بس شافتهم هم الـ 3 برع .. يعني كانو علايه وحمدان ع طرف وداقين سوالف .. وحمد كان خاطف .. 

حمد معصب وصد ع غايه : وانتي شو مظهرنج نص الليل سيري داخل 

غايه زاغت : بسير عند روضه 

حمد : ماشي سيري الحجره .. 

غايه تتجدم لحمد بحيث انه علايه وحمدان يشوفونهم بس مايسمعونهم شو يقولون : حبيبي 

حمد هي تنح : هلا 

غايه بدلع : ليش معصب عليه انا ماسويت شي 

حمد : فديتج بس متضايج شويه 

غايه تطالع صوب علايه وحمدان : عشانها 

حمد صد عليها : والله اتخسي 

غايه بتمثيل : فديتك ( صدت صوب علايه وحمدان ) شو يسوون هم 

حمد : داشين النت جنهم ويغازلون بعض 

غايه نست الجمله الاخيره اللي قالها حمد اللي هي " يغازلون بعض " وتم قلبها يدق بسرعه من قال " داشين النت " 

غايه سرحت " الحمدلللللللله واخيرررررررا برمس فيصصصصل .. ياربيييييييه احبه .. والله احبه واخيرا ..فديتك فصولي .. "

حمد انتبه انها سرحانه : خلاص سيري داخل 

غايه باسلوب جاف وايد : برايك باي 

حمد استغرب منها توه .. حبيبي وفديتك وتدلع .. ومن عقب ماسرحت .. برايك 

حمد بصوت مسموع : هاي شو ياها ..؟؟ 

جان ايسير وييلس ع كرسي مجابل حمدان وعلايه .. ومن يا ويلس طالعوه كلهم بس علايه ع طول نزلت راسها وسحبت الاب توب من عند حمدان وبندت ايميلها وعقب ردت الاب توب ع الطاوله وتمت تراويه التصاميم وتشرح له الافكار وحمدان كان قريب نوعا ما منها .. 

علايه وهي تاشر ع الشاشه : هاي البطاقه البيج والعنابي انا اقول لو نزل من ع الطرف سلاسل وفيهن كرستال تقريبا ثلاث باللون البيج وانا بستخدم برش .. اللي اييك محيس .. يناسب 

حمدان مستانس من افكار علايه لانه طرحت له كذا فكره وتكون غريبه شووي .. 

حمدان : ماعليج انا من برد البلاد بحاول اني افتح المحل باسرع وقت ... لعيونج على نشاطج هذا الصراحه تستاهلين 

علايه تضحك : ههههههههه اافا علييك ولو 

حمدان يصد على حمد وهو يطالعهم بنظرات خايسه .. جان يسحب الاب توب ويفتح الوورد ويكتب لها .." سيري داخل عليوه عشان خاطري . بلييز ماباج تحتكين بحمد " 

علايه صدت عليه وابتسمت وشلت الاب توب وطافت من جدام حمد .. 

حمد : جان يلستي بعد ولا انا خربت 

علايه صدت ع حمدان واشر لها كملي ... وكملت علايه دربها ودشت الحجره 

حمد نش وهو معصب صوب حمدان 

حمد : انته اتقول انه مامن بينكم شي وكل شي عادي اللي يشووفكم يقول هاذيل عاشقين 

حمدان يضحك : هههههههههههه االله يهداك كانت تراويني تصاميم للمحل 

حمد : وانته من صدقك بتفتح لها محل 

حمدان : البنت تستاهل وبعدين انا بفتح المحل لي ولها .. يعني هي شريكه 

حمد : واسمعك تغازلها 

حمدان تم ناقع من الضحك : هههههههههههههه أي اغازلها ياحسره انا كنت اغازل ربيعتها ع المسن 

حمد : فتحته جدامك 

حمدان استغرب : هيه عادي ليش 

حمد : منو عندها 

حمدان : امم عادي 

حمد يعرف انه حمدان مابيقول له .. : اها زين زين 

ومشى عنه .. وهو يغني .. ( بديت اتحب .. بديت اتغار .. بدى قلبك يعيش بنار .. ) وصد عليه وغمز له 

حمدان يضحك ويقول في خاطرها " ههههههه الله يهداك ياحمد انا ما عدها اكثر من اخت لي انظلمت وانت واختي السبب .. "

.................................................. .................................................. ............................................

صباح المانيا – مستشفى المانيا – 

دشت علايه وبو محمد واليده المستشفى .. وسوو فحوصات لليده اول ... 

علايه : ابويه وانا ؟؟ 

بو محمد : انتي ماشي بس بنطالع شو بيقولون لج عن حالتج يعني بس بنطمن عليج 

علايه : ياربييه انا بخير

بو محمد : بخير وتشتكين انج تعبانه 

علايه : امم ساعات 

بو محمد خلينا نفحص ونطالع لانج انتي في الفتره الاخيره قمتي تخبصين في الاكل ع كيفج وماتتريضين ( يعني تسوين رياضه ) .. والابره تاخذينها في اوقات على كيفج .. 

جان تزقر السستر بو عليا عشان اليده ودش وياهم .. وعلايه نزلت راسها وهي زايغه من النتيجه لانه كلام ابوها صح وها الشي كله بياثر على صحتها 

.................................................. .................................................. ..........................................

المانيا – الفندق – ميونيخ 

غايه قالت حق حمود اخو علايه اييب لها لاب توب علايه اونها تباه ... وحمود ماصدق سار وياب لها اياه وهو طاف جدام حمد يعني حمد شاف حمود 

" امم اكوه لاب توبها وانا ابا اوصل له بشتى الطرق ... امم بخلي حمود اييب لي اياه عقب شوي " 

غايه من ياب لها حمود الاب توب .. من شدة الفرحه باسته ..

حمود يمسح مكان البوسه واستحى : عيب ... 

غايه تضحك : هههههههههه ياويلي ع الريال 

حمود طلع عنها وهي ع طول فتحت النت ومن فتح النت فتح ايميل علايه وعقب طلعت من ايميلها وماكانت فايجه اشتوف منو عندها من شدة الوناسه .. لكن اييميلها ماطاع يفتح ... فقالت بتضيف فيصل على اييميل علايه .. وضافته .... وعقب تم تتريا وتتريا مادش .. ويوم ياست ويايه بتبند المسن وهي محطبه شافته استوى اون لاين ماتت من الفرحه ... وامبونه فيصل كان داش يوم ضاقت به الدنيا وقال بيطرش لغايه ايميل .. وطبعا مب أي ايميل . ايميل عتاب ... 

دشت عليه غايه بسرعه : فييييييييييييصل غنااااااااتي 

فيصل استغرب : منو انتي 

غايه : انا غايه .... 

فيصل انصدم : كييييييييف ها ايميل منوو ؟ 

غايه : ايميل وحده يايه ويانا ... لانه ايميلي النحس مب طايع يفتح 

فيصل : اخت خطيبج 

غايه حز في خاطرها : لا لا ماتعرفهم قوم الـ ....... 

فيصل : اها اسمها عليا 

غايه انصدمت : وانته شدراك .. ماعليه يافيصل اتعرف وحده من ورايه . 

فيصل : ياغايه ياحبيبتي ... انسيني خلاص 

غايه : مارديت عليه اتعرف وحده من ورايه .. وظهر فيصل ويايه بتنبند البوكس لكن كتب لها ها الشي ( هل تود بتخزين المحادثه .. المهم شي جي .. ) 

عاد غايه حطت لا ... شويه ورد دش فيصل 

فيصل : باك 

غايه : ولكم 

فيصل : يسلمو 

غايه : ربي يسلمك 

فيصل : بقولج كلمتين 

غايه : قبل لاتكمل انته تعرفها.. (وحطت الويه الحزين واللي يصيح ) 

فيصل : لا حليلها ما اعرفها بس ناس خلوني اعرفها غصب 

غايه مافهمت له : شو تقصد 

فيصل : انسيني وخلاص 

غايه :احبك والله احبج يافيصل واموت ع الارض اللي تمشي عليها فديت قلبك لاتخليني 

فيصل قلبه عوره : بس بس دخيلج ... اتصلي جي مول ماينفع عمر المسن ماكان يحل المشاكل من ها النوع 

غايه : بحاول ... لكن أنا امووت فيك .. افهمني يافيصل 

وسكرت الاب توب بسرعه لانه سمعت حس حمدان ... وفعلا دش حمدان عليها وهي فرت االاب توب ع الشبريه وغطته باللحاف 

حمدان حس انه فيه شي : شو تسوين ؟ 

غايه : مااشي 

حمدان : المهم سيري امايه تباج 

غايه : أأ ...ان شالله .. 

وطلع عنها ولبست شيلتها وظهرت في الممر توايج اتدور حمود .بس مالقته وحصلت ميروه اخت علايه وزقرتها .. 

غايه : تعالي حبيبتي ردي ها الاب توب مال اختج مكانه 

ميره : اوككيه 

وشلته وسارت تمشي لين الحجره وشافها حمد 

حمد : ميره 

ميره صدت عليه : هاتي الاب توب 

ميره تتحرطم : اووهووو كلكم تبون لابت توب علايه عادي مادري شو فيه 

حمد ضحك عليها .. وشل الاب توب ودش الحجره وفتحه وهو متحمس ... وفتح المستندات قال مايبا يشوف صور يبا يفتح الوورد ويشوف شو كاتبه ... حصل قصص .. واشعار ... يعني كان كل شي عادي وخطف على كمن صوره من صورها ... بس انتبه لفولدر " سجل المحادثات " وع طوول فتحه وماكان شي الا محادثه وحده اللي هي محادثة غايه لفيصل الاخيره وكان بايميل علايه ... حمد انصدم من الخاطر وفتح مال المسن وشاف انه نفس الايميل يعني ها ايميل علايه ودش اون لاين بايميلها بس ماحصل فيصل ... وسكر الاب توب وهو معصب من الخاااااااطر ... 

.................................................. .................................................. ............................................

المانيا – المستشفى – 

علايه من الملل سارت لمكينه الكوفي وحطت له نسكافيه عشان تصحصح شويه وكان وراها واحد وهي يايه بتلف دعمته وانجب شويه عليه وحترق 

الولد : ااااااااي يحررق انتي شو عميا ماتشوفين 

علايه زاغت : والله اسفه ماكنت اقصد 

الولد يشوفها ويوم حس انها زايغه صدق ابتسم لها : لا عادي 

علايه : مب معصب 

الولد عيبه اسلوبها وهي ترمس : ههههههه لا مب معصب 

علايه : عيل برايك 

وطافت عنه وسحبت الكوفي ويلست ع الكرسي وتشرب ... وطلع ابوها ويا اليده واليده اونها تتويع 

علايه : ها شو قاالو 

بو محمد : زينه الا شويه هي ماتحاسب على عمرها عشان شرايين القلب ضعاف 

علايه : يعني كل شي تمام 

بو محمد : هيه تمام .. يالله انتي بنوديج .. 

علايه : اوكييه 

وطافو لين دكتور عليا ودشوو وسو لها فحوصات وقالو لازم تتريا شوي لين ماتطلع النتيجه ... وعند الدكتور قال لها 

( بكتب لكم بالعربي .. بس طبعا هو يرمس بالانجليزي لوول مافيني اخبص )

الدكتور : هل تاخذين ابر السكري في موعدها 

عليا : نوو 

الدكتور : اوكي والحبوب .. 

عليا : ليس دائما 

الدكتور : من خلال الفحوصات لاحظنا بانك لاتهتمين بصحتك .. فانتي تتناولين الكاكاو وهذه الاشياء

علايه تتذكر انها تاكل ها السوالف : يس 

الدكتور : يجب ان تهمتي بصحتك اكثر لان السكري مرض متعب جدا ويؤثر عليك بشكل سلبي فقد تتعرضين لنوبة السكري فحينها لاينفع شي قد تصابين بالعمى او تؤثر ع الذاكره 

علايه : حسنا سوف اهتم اكثر 

الدكتور : يجب ان تذهبي مع النيرس لقد تعطيك الدوا وتضربك الابره 

اليده : دام انه مطولين ودني عيل الفندق برتاح شويه 

بو محمد يصد على علايه : عادي عليا بابا بتمين 

عليا : هيه عادي بس انته لاتبطي 

بو محمد : لا ان شالله مسافة الدرب 

عليا : اوكييه 

ومشى بو عليا ويا اليده ... عشان يروحون وتمت عليا ويا النيرس عشان تعطيها الدوا والابره وهي تحاتي صحتها اللي صدق مهملتنها وخاصه في الايام الاخيره 

.................................................. .................................................. ............................................

طرف ثاني من المستشفى ...

الولد 1 : ياخي شفت بنت حليوه جبت عليه الكوفي 

الولد 2 : وانته مستانس انها جبت عليك الكوفي 

الولد 1 : انته ماشفتها جان ماقلت جي 

الولد 2 : يعني انته من ييت ماشفت بنات مواطنات 

الولد 1 : تراهن مكودات بس هاي فيها شي غريب يوم ترمس بسرعه 

الولد 2 : هههههه تباني ارمس بسرعه وبتنعجب فيني .. 

الولد 1 يدزه بالخفيف : سير لااه من زينك 

الولد 2 : يعني هي حلوه حلوه 

الولد 1 يفكر : اممممممممم هيه حلوه يعني احلى عني وعنك 

الولد 2 : هههههههههه وياويهك ... يالله قم نروح 

وفي نفس الوقت اللي طلع فيه بو محمد .. دش حمد المستشفى وجنه الوحش الكاسر وبيكسر كل اللي جدامه من عصبيته ويبا يجتل علايه من الضرب لانه يحس انها ما اتووب 

" عقب كل اللي استوى لها وبعدهاا الحيوانه الصايعه بتموت وبترمس فيصل مالها .. بس وين بتسيرين عني .. ويين ؟؟ " 

حمد يركض شويه ويمشي بسرعه شويه ويدورها عشان يضربها ويبرد حرته فيها ... علايه كانت يالسه ويا النيرس وتشرح لها كم تاخذ الدوا وجي ويايه بتطلع برع الحجره ومن شافها حمد من اخر الممر ركض صوبها ويودها من ايدها بقوووووه : ياااسباله اليوم بذبحج ما اتوبين عن فيصل مالج 

علايه بعيون مصدومه : انا ماسويت شي والله 

حمد يدزها داخل الحجره ويدفرها على طاوله فيها سوالف المستشفيات ( ابر .. مقصات .. شاش .. ولزق وجي ..) وطاحت ع الطاوله ودزها بالقو ومطها من شعرها بقهر وتم يرفسها من قهره ... 

علايه تصيح بقهر : انته ماتقرب لي ياحمد ومالك شور عليه مالك حق تضربني 

حمد :تهبين يالخايسه تبينه فيصل 

علايه بضعف : والله ماعرفه ... ( وتيود ريله *) والله ماعرفه ياحمد ارحمني 

الباب كان ملايم والنيرس ظهرت قبل علايه وطاف (الولد 1) وسمع اللي يقولونه ويشوفها وهي تنضرب وتم واقف ومصدوم 

الولد 1 : والله لاضربه السبال 

الولد 2 طوف عنه : ياريال خله مالك خص 

الولد 1 : ماتشوفه كيف يضربها حليلها تحلف ماتعرفه وهايكفخها .. لا وبعد مايقرب لها ....وين اهلها ؟؟

الولد 2 : لاتمشكل عمرك هني في امن بيظهرونه خاري وبيفكون البنت من شره 

دش (الولد 1) ودز حمد عن علايه اللي هلكت من الضرب وزقر السيكورتي وطلعوو حمد برع المستشفى وماخلوه يدش وتم منقهر منها وهو برع المستشفى ويزاعج بعصبيه : والله اطلعي براويج ياحيوانه .. براويج 

(الولد 2) ما انتبه لشي لانه من دش (الولد 1) عند علايه هو سار بعيد ويلس في الكفتيريا ... وياه( الولد )1

الولد 1 : والله لو تم اكثر كان جتلته من الضرب 

الولد 2 : شو تباه ياريال خله 

الولد 1 : بس احس اني شايفنه 

الولد 2 : خله يولي نحن مانصدق نطلع من هنه ونفتك 

الولد 1 : خست هاا 

الولد 2 : الا شوو ماخست عفنت 

الولد 1 : بترد حصاان 

الولد 2 : هب هباك الله انا ثره اللي استوى لي انته السبب 

الولد 1 : لا حبيبي عيني بارده 

الولد 2 : يالله خلنا نروح 

الولد 1 : يالله 

وتمو يتمشون وخطفو جدام نفس الحجره اللي كانت فيها علايه والنيرس حطت لها لزق مال الخياطه ع يبتها لانه انطرت شويه يوم طاحت ع الطاوله ضربها لمقص و ايدها معلقتنها بعلاقه لانه تعورها بس ما انكسرت الحمدلله ... علايه في عيونها دموع بس كانت تبتسم للنيرس 

يوم طلعت برع شافت الولدين ومن شافتهم انصدمت وطاحت دموعها مره ثانيه 

علايه حطت ايدها ع ثمها وتمت عينها تطالع عينه 

الولد تم يطالعها " ها العيون انا حافظنها واعرفها واعرف راعيتها " 

علايه بصوت جريح .. وبألم وبضعف .. : سعييد 

سعيد"( الولد 2 )" من قالت اسمه عق العكاز اللي في ايده ع الارض وولد خالته من شاف انصدم .. 

عبود ( الولد 1 ): انتو اتعرفون بعض ؟؟

سعيد خلى لعكاز ع الارض واخر ما توقعه شوفت علايه .. وصد الصوب الثاني ..: قم عبود روحنا ..

وتم يمشي وهو يعري وعبود انصدم لانه مشى سعيد بدون عكاز وهو تقريبا من 3 شهور الا يتعالج علاج طبيعي من عقب الحادث ...

----------------------------
الجزء الثامن 

سعيد خلى لعكاز ع الارض واخر ما توقعه شوفت علايه .. وصد الصوب الثاني ..: قم عبود روحنا ..

وتم يمشي وهو يعري وعبود انصدم لانه مشى سعيد بدون عكاز وهو تقريبا من 3 شهور الا يتعالج علاج طبيعي من عقب الحادث ... 

علايه وهي تصيح بصوت اعلى ..وتقول من بين دموعها ..: نامت عيونك ياخلي البال وانا عيوني ماغفت والله .. بايت وبي هم وبي ولوال .. من ظلم ناس ما تخاف الله 

سعيد من قالت بداية كلامها وقف بس تام عاطنها ظهره وعبود تام متنح يطالع علايه اللي تصيح وتقول بيت الشعر وبين سعيد اللي عق العكاز وقام يمشي بروحه .. 

علايه بالم وهي تتذكر حبها الوحيد وكيف عانت من عقبه : 

وان جيت تسال كيف صار الحال .. حالي عدم من من بد خلق الله 

من زود حبن صار لي غربال .. يامن يعين القلب يا اهل الله 

خلي رحل والحب بي ما ازال ... ياكيف انسى ياعباد الله 

دمعي على فرقاه ابد همال .. انوي الفراق وقال لي يالله 

وعقب نزلت راسها وتمت تصيح بهدووء ... وكل حد سكت ... سعيد من حس بالهدوء وقالها بصوت مجروح 

سعيد قالها بيت شعر كان دوم يقولها اياه : حب الغوامي دعاني مولعن وانوح .. وابجي ودمعي على الخدين نضاحي .. شيبني الشاب عقلي وزادت الجروح ..ياصاح مادري متى من الهم برتاحي ؟ 

(( لها ذكرى عزيزه ع قلبي ها القصيده )) 


سعيد ماتحمل يشوفها جدامه وكمل كلامه جان يقوول : ياشوق روح بعيد لبعيد ياشوق .. روح وتناسى ودك اللي نساني 

علايه تمت تصيح بهدوء : يامن عطيته حب ماطاقه الشوق .. روحي وعمري وليتني بعمر ثاني ويامن سقاني السم في فرحة الشوق .. ويامن وفيته وللاسف ما اوفاني ... حسبي على عشقن تمناك ياشوق .. عمري عذاب وفرحتي به ثواني .. بعت الامل ياشوق . خلاص ياشوق انسى وتناسى ود مايعود ثاني 

سعيد اللي يالس يشوفه ويسمعه فوق طاقته رفع عينه وطالعها بنظراته وجنها يودعها بنظراته اصلا هو مول ماكان حاط بباله ها الموقف وانه ممكن يلتقي بعلايه مره ثانيه في حياته ...بس الدنيا دوراه ... وقال لها ... والم الفراق يعذبه هو اكثر مما يعذبها لانه هو السبب ... : 

واللحين روح بعيد ولبعيد ياشوق .. يعلك سعيد وطول عمرك تهاني ... 

ورد يقول وهو يمشي للباب .. : ودعتكم وياليت ما كان .. يوم الوداع القلب ممحون ... وتسالني ويش الذي كان ..؟؟ لي مفارق احبابه وش يكون ؟؟ 

ومشى وهو يعري ... وصوته يبين انه بيصيح : عبود قم روحنا 

عبود منصدم من اللي يستوي وسعيد كمل دربه .. وعلايه هني انتهت .. خلاااص ... 

عبود يتقرب صوبها : انتي علايه حبيبة سعوود 

علايه رفعت عيونها وهي محمره وخشمها احمر ..: هيه .. وانته عبود ... ايش ايش 

عبود يتذكر سالفة ايش ايش .. : هههههههه هيه انا 

علايه : فرصه سعيده انا بسير

ومشت جدامه ... وهي مب متحمله اللي استوىىى وعبود شل عكاز سعيد وركض عندها .. 

عبود : علايه ممكن اتدشين المسن برمسج شويه 

علايه وهي تصيح : كيف 

عبود : بدش بايميل سعوود اوكي وانتي دشي دخيلج برمسج 

علايه تتجدمه : على الله ... 

وطلعت وحصلت حمد واقف ويا سعيد ...وطلع عبود 

سعيد يحاول يتدارك الالم .. ورمس حمد : ياريالل وينك ..؟؟ مب دعمتني وجسحتني وماقمت تسال ولاتنشد 

حمد عاطي ظهره للباب ويدوخ : اسمحلنا والله هاك اليوم ظلام وماريتك وانته تمشي ( مب جنه متعمد ) 

سعيد : يالله هانت بس تراني بتم اعري على طوول .. لانه الركبه تعبت 

علايه سمعته وشهقت من الصياح ... ومشت شويه وطلع ابوها وراها .. 

بو محمد : علايه 

من زقرها كلهم صدو صوبها حمد وسعيد وعبود .. واتجدم لها بو محمد 

بو محمد زايغ عليها كانت بتموت من الصياح ومن غير ايدها اللي معلقتنها .. ويبهتها فيها يرح هني حمد زاغ .. 

بو محمد ميت من الزيغه : شو استوى لج ؟؟؟ 

علايه تصيح : طحت من ع الدري وانته تعرفني انا كيف اندبغ 

بو محمد : الله يهدااج يا عليا شو ماتشوفين 

هني حمد ارتاح ....وعبود فول وخاطره يضرب حمد ... ويضربها بعد لانها ماقالت الصدق ... وسعيد مايبا يشوفها مايبا يتذكرها 

علايه تمت تصيح وسارت وحضنت ابوها وتمت تطالع سعيد .. سعيد عوره قلبه من الخاطر صد الصوب الثاني وتم يصيح من الخاطر ومشى عنهم وهو يعري .. وحمد شافه وابتسم " احسن تستاهل ... يعلكم بزياده انته وعلايه ها اللي كنت ااابا اوصله .." 

عبود شاف بطي ابو سعيد ياي صوبهم وع طول حمد لف الصوب الثاني وتم يشمي بسرعه ومايبا يتجابل ويا ابو سعيد " افففففففف وانته يالشيبه المخرف شو يايبنك " ؟
واتجدم لبو محمد وبعد بو محمد علايه من حظنه وسلم عليه 

بطي : هاا ما من شر نشوفكم هني 

بو محمد : خير ان شالله ياين نسوي فحوصات للوالده ولعليا فيها السكري 

صد بطي على عليا اللي تصيح بصوت واطي وميوده ايدها اللي متعوره وغمضته : الله يعافيها ان شالله .. وشو فيها تصيح وايدها متعوره 

ببو محمد : امم هيه الله يهداها دوم تنجلب ومانتبهت للدري وطاحت 

بطي : لاحووول طيحة العود مشكله .. يالله اجر وعافيه ان شالله اتحملي على عمرج يابويه 

بو محمد : وانتو شو عندكم هني .. ؟؟ 

بطي : ولدنا هني من 3 شهور يتعالج 

بو محمد : حليله الله يعافيه ان شالله 

بطي يزقر سعيد اللي كان يدمع وعاطنهم ظهره .. 

بطي : ابويه سعيد تعال 

سعيد صد وع طول عينه التقت بعلايه اللي تطالعه من الصبح .. واتجدم وهو يعري .. وشافه ابوه بليا عكااز واستانس ....

بطي : سعوووود تروم تمشي بليا عكااز 

سعيد يحاول مايبين انه يصيح : هيه يابويه توه الا اكتشفت ها الشي ... 

عبود : هيه الا توه 

بطي مستانس : الحمدلله ع سلامتك .. ياوليدي ... 

سعيد وصل لهم وسلم على ابو محمد وع طول صد صوب علايه اللي تمت تصيح من خاطرها .. وسعيد قلبه عوره 

سعيد مب متحمل يشوف علايه جي " فديتج والله ياعليوه ... يالسباله اتولهت عليج بس مجبور والله مجبوور .. لا اتمين اتصيحين بس عاااد ... احس اني نذل لاني خليتج .. بس انا مب باييدي شي امايه مستحيل توافق ... ولا ابويه ... " 

علايه هني مارامت تتحمل وتمت تتذكر مواقف يوم حمد يعترف لها بكل شي .. ويوم غايه تتنذل فيها .. ويوم حمد يعق عليها كلام ويضربها ضرب اليهد ....... واليوم يوم شافت سعيد ... وفجاه دوخت وطاحت عليهم 

شلها بو محمد وركض بها داخل ..... 

وكشف عليها الدكتور واللي توقعه الدكتور طلع صح .. علايه اتعرضت لنوبة السكري وتحتاج انها اتم تحت الملاحظه عندهم ... 

بو محمد حزين ع حال بنته : لاحول ولا قوة الا بالله ... 

بطي كان واقف وياه : لاتخاف يا ريال ان شالله بتنش بالسلامه 

بو محمد : ان شالله 

بطي : سير انته الفندق ارتاح مابتنش هي اللحين 

بو محمد : بسير اخبر امها 

بطي : ورودو لها اخلاف .. 

سعيد تم برع وماحب يدش ويشوف علايه وهي بها الحاله ....

عبود تم واقف وياه : مسكينه ماتستاهل 

سعيد : انا مالي خص 

عبود طالعه :وحد قالك انته شي 

سعيد : لا مب جي 

عبود :اممم هي شكلها اتحبك وايد

سعيد يتهند : ياريال خلها على الله 

عبود : والله غامضتني ..بس ها اللي اسمه حمد موول ما ارتحت له 

سعيد : شو تبااه 

عبود :قاهرني ياريال

سعيد مشى عنه وهو يعري ويسير لفندقهم اللي كان قريب من المستشفى ولكن فندق قوم علايه يسيرون له لازم بالسياره .. 

من عرفو اهل قوم عليا بانه علايه في المستشفى تمت امها اتصيح وسارت لها ع الطول واتمزر المستشفى ... كانت ام محمد وام حمد وام حمدان وغايه وروضه وبو محمد وبو حمد وحمد وحمود اخوها واليده ..... لكن حمدان وبو حمدان تمو عند اليهال في الفندق ..... 

ام محمد تصيح .... واليده تدعيلها ... ويالسين الحريم يسولفون في سوالف عاديه في الاستراحه يقضون الوقت اللي يخطف بطيء وايد في المستشفى لكن الدكتور قالهم ماشي فايده من يلستهم لانها بتم تحت الملاحظه تقريبا لمة 48 ساعه يعني يومين .... فكلهم اترخصو لانه يلستهم مامنها فايده .. 

الساعه 3ونص – فجر ميونيخ – 

في الشقه يالس سعيد يطالع المنظر من البلكونه ويفكر في علايه ... حس بايد ع جتفه وكان ابوه .. وصد وراه يطالعه ويبتسمله ابتسامه باهته 

بطي : شو فيك يابويه 

سعيد يطالع للمدى البعيد : تعبان شويه 

بطي : شو يعورك 

سعيد : اممم ماشي 

بطي : شو ماشي وتوك اتقول شي 

سعيد : خلااص ماشي ..بس ابويه ابا ارد البلاد في اقرب وقت 

بطي : والعلاج 

سعيد : باجر بتخبر المستشفى عن حالتي واذا يستوي اترخص ترانا على اقرب طياره بنرد البلاد

بطي : على خير ان شالله .. ( ويمشي عنه ) يالله لا اتم واعي سير وط راسك وارقد 

سعيد يفكر في علايه ويحس بانه موقف امس بالنسبه له جنه حلم : ان شالله 

وسارو يرقدوون وسعيد مب مهتني في رقاد لانه حلم انه هو وعلايه كانو في مكان يغطيه بكبره الثلج ومحد فيه يعني مهجوور وعلايه تصيح ع الارض وحاطه ايدها ع ثمها ويطلع دم وسار لها سعيد وهي وقفت وقالت له : لاتخليني ... سعيد كان يدمع وحضنها وخاست فانيلته دم من ثمها ... وباسها ع راسها وقالها : مجبوور اخليج .. وطاحت ع الثلج وهو مشى عنها في ممر طوويل واستوى المكان عقب ظلاام وموحش ..

- المستشفى – المانيا – 

حمد من الساعه 7 هو وام محمد وبو محمد يالسين عند علايه ... حمد ماياه رقاد لانه يحس بالذنب . بس يقول في خاطره " ياربييه شو سويت بها ..؟؟ انا احبها .. ( وبضعف ) والله احبها بس هي ماتستاهل وربي ماتستاهل ... خلها اتموت في فصوول مالها لا وشافت حبيبها السابق سعيد ( ويحيس حلجه باستهزاء ) هــه مب قلب عليها فندق ... "

وتاميين بو محمد وام محمد واليده على اعصابهم .. بنتهم لين اللحين مانشت ... 

بو محمد : الله يهديها كنت اذكرها دوم بالابره .. وهي ماتهتم لين ماياها اللي ياها 

اليده : وبعد تراها ماتحاسب على اكلها تلقط الا من ها البهانس وهاك سيرها ماتقول صحتي وانا مريضه ماعليها من شي 

ام محمد : تراها اتشوفهم كلهم ياكلون وهي تاكل وياهم 

بو محمد : بس هي اتعرف انه هي غير يعني هي مريضه لازم تاخذ الحبوب واالابر في موعدنهن اناا اشوفها تاخذ ابرة الصبح في أي وقت تباه الا ع هواها .. 

ام محمد : شو نسوي الله يعافيها ان شالله .. الله يقومها بالسلامه ( جان اتدمع ع حال بنتها ) 

- الفندق – المانيا – 

غايه بتموت .. وترمس فيصل ... وقررت انها تسير حجرة امها وتشل موبايل امها واللي فيها فيها ... 

دشت الحجره 

غايه : السلام عليكم 

الكل : وعليكم السلاك 

غايه : على وين ان شالله ؟ 

حمدان يطالعها : بنسير عند عليا وغصبا عن عينج بتيين 

غايه بعناد : مابا

حمدان : مب كيفج 

غايه اتصد على امها : امااااايه عاد رمسيه مابا اسير

ام حمدان : خلها على هواها ماتبا اتسير 

بو حمدان : زيارة المريض واجب 

غايه : وهي شدراها اني اييت .. هاي شكلها بتموت خلااص 

كلهم استغربو من كلام غايه .. وحمدان فول ... بس كانت غايه اتحس بعمرها مضغوطه .. يعني صورة فيصل مب محصلتنها .. وكلام فيصل مخبلنها .. ومجلتها اللي موعدها قريب ملعوزنها .. وحمد بتصرفاته اللي تنرفزها وغزله الماصخ ينفرزها ... وحمدان وبتمليحاته الغير مباشره تقهرها ...

حمدان معصب وبيتقرب منها وبصوت حازم : غصبا عنج بتطوفين جدامي .. صح وبمر بج السوق اليوم تتزهبين حق الملجه وع حساابي امره 

ام حمدان عصبت : بتخبرك انته شحقه مستعيل ع مجلة اختك جنها الا طايحه في جبدك 

حمدان : ماعليه نازعيني اللحين عشانها بس بعدين بتقولين والله وريحتنا منها 

غايه طالعته بعيون مذهوله تخاف ينطق بشي جدام ابوها وتمت اتطالعه بنظراتها وتترجاه ..بس هوو حن عليها وقبض مذهبه وظهر عنهم عن لايخبر امه وابوه ويطلع حرته وع طول طلعت غايه وراه وهي اتدمع وسارت تتلبس 

- المانيا – المستشفى – 

سعيد رخصه الدكتور وقال له تقدر تكمل علاجك هناك دام انك قدرت تمشي بليا عكاز ها الشي فرحهم واايد وبشروو امه ... وسار عبود يحجز لهم على اقرب طياره وحصل حجز بالباجر فليل ... واستعدوو كلهم ... 

عند قوم علايه الاوضاع مثل ماهي لاجديد ... شوي ويشوفون قوم حمدان وبوحمدان وام حمدان وغايه يايين 

حمد حس انه متولهه ع غايه لانه اتعود عليها وها الكمن يوم ماسولف وياها .. وغايه كانت طول الوقت معصبه ومب طايعه اتطالع في ويه حد وحمدان اخوها محمق عليها ... 

يلسوو شوي وعقب .. 

حمدان : يالله انا وغايه بنترخص بوديها السوق عشان تتزهب للملجه مااشي وقت جريب وبنسافر 

ام حمدان : لاتبطون وهالله هالله في اختك 

حمد : انا بيي وياكم 

غايه باعتراض : لا والله شحقه عيل ليش نسوي ملجه دام انك بتشوف الفستان والاغراض 

كلهم استغربو اسلوب غايه الجاف ... وحمد لاحظ ها الشي ... وافتشل جدامهم كلهم 

حمدان يلطف الجو : ماعليك منها من زين اللي بتاخذه الا فستان عنقاش 

غايه : هيه امره جان بتاخذ ها الفستان العنقاش حق حرمتك مب لي انا غايه بنت حارب 

بو حمدان : والنعم ... خذلها امره تاخذ اللي تباه 

حمد يطالعها بنظره خايسه ومنزل راسه ويهز ريله بعصبيه " طالعو السخيفه كيف اترمسني ... دواج عندي قامت تستقوي وتركب ع راسي .. " 

وظهر حمدان ويا اخته غايه ... 

ام محمد : بو محمد خلنا اندش نطالعها يستوي 

بو محمد : هيه يستوي بس مابتنش اللحين 

ام محمد غامضتنها بنتها : خلني ادش شوي عن خاطري 

بو محمد : دشي شويه انزين 

ودشت ام محمد داخل ... وعقب شوي خطفوو بطي وولد سعيد وعبود .. ومن شاف حمد هاييل يايين نقع الشرده وسار صوب الكفتيريا ... 

وسلمو الرياييل ع بعض والحريم سارو بعيد .. 

بطي : ها بو محمد شو حالها بنتك 

بو محمد وشكله تعبان : والله لين اللحين مانشت 

بطي : الله يعافيها ان شالله شو قالو عنها بالظبط 

بو محمد : بعيد الشر عنك قالو انه يتها نوبة سكري ... ( وبعتاب ) الله يهداها ماتنتبه لصحتها ماتاخذ الابر في وقتهن والاكل تخبص من هذا ومن هذاك .. 

سعيد تام قلبه مقبوض عليها ومب رايم يتحمل اكثر من جي ها الموقف اللي امس استواله اكبر من طاقته واللي يسمعه عن حبيبته الاولى والاخيره .. مب رايم يتحمله فقرر يطلع ويرد البلاد باسرع وقت ويبتعد عن علايه مايبا شي يذكره بها .. 

عبود تام متحسر ع الحب الكبير وكيف يروح بغمضة عين ... وهو يبا علايه تنش بالسلامه لانه عنده رمسه وايد يبا ايقولها اياها ع المسن .. 

بطي : الله يعافيها ان شالله وتقوم بالسلامه ... 

بو محمد : ان شالله ... ها متى بتسافرون 

بطي : الليله الفجر 

بو محمد : يالله توصلون بالسلامه 

بطي : تامرنا بشي بو محمد 

بو محمد : لا سلامتك امرره ... وسلم ع الاهل 

بطي : الله يسلللللللمك ... 

واترخصو عنه وسعيد طول الوقت ساكت وصدق كان مهموم من الخاطر ... 

- السوق – 

تقريبا غايه ماخلت شي من الاغراض وخمت السوق ها كله عناد في اخوها لانه يقهرها وقالت هي بعد بتقهره .. 

غايه : بعدني اابا 

حمدان يعرف انها تستفزه : هههه وحياتج عسل ع قلبي يوم انه ها زهابح لانج بتفكينا 

غايه عصبت وكل ما اتطوف ع بدي ولا نعال ولا اكسوارا شلته تقهره ... وعقب حطته جدام الكاشيره وطالعت اخوها بنظره : ادفع 

حمدان يطلع الفيزا : هه من عيوني تراه ها الزهاب حق العرس والملجه بالمره 

ودفع وغايه مول مب متحمله اسلوب حمدان 

حمدان شال الاجياس : اممم بتكون الملجه عقب مانرد باسبوع زهبي عمرج .. والعرس عقب 3 اسابيع ... يعني خمي السوق بكبره ما اوصييج 

غايه كانت تمشي جدامه ووقفت من سمعت كلاامه وبقهر : ان شاااااااااااااللله ( ومدت الكلمه ) 

وتمت تكمل حواطه وهي تتشرى وماخلت شي ها كله عناد في اخوها .. 

- المستشفى – ميونيخ – الساعه 2 فليل 

سعييد كان يحوط في الممر وبباله شي ... طبعا يبا يشووف علايه للمره الاخيره في حياته ... رفع ايده وطالع ساعته وشاف انه ماشي وقت لازم يطلعون الساعه 4 عشان يسيرون المطار ويخلصون الاجراءات .. ووقف جدام حجرة علايه ... ومتررد من اللي بيسويه .. لانه يعرف انه ها الشي غلط .. وشي جريء وهو سعيد بروحه يستحي ويتلوم .. 

" افففففف انا خبله ادش عليها جي ومحد وياها .. والله مب حلوه ..بس خلني اجبر ها اللعين ( وياشر ع قلبه ) عشان اودعها للمره االاخيره .. خلني اشوفها للمره الاخيره .. " 

دش سعيد بهدوء وماكانت لابسه شيله وشعرها يتناثر حولها بهدووء وويها مصفر وقصتها القصيره نازله ع وييها .. وشكلها جنه ياهل ومبتسمه بهدووء . سحب شيتلها من ع الطرف وحطها ع راسها وهو يبتسم اول مره يسوي ها الحركه .." هههه انا اهبل والله بس مافيني اخذ اثمها ... بس ها الشي غلط وخلني اطلع " 

سحب سعيد الكرسي بهدوء وتم يطالعها ... 

علايه ترمس وهي راقده : هممم .. أحبك والله 

سعيد ضحك لانها ترمس وهي راقده .. وقال بصوت واطي وحزين : وانابعد .. 

علايه حركت صبوعها شوي ... وفتحت عينها وهي ترمش بسرعه لانها رقدت وايد والليت اللي فوق راسها قوي .. سعيد استانس لانها نشت .. 

علايه بصوت واطي : ابااا مااي 

سعيد صب لها ماي وناولها وشربته .. 

علايه عقب ماشربت ناولته القلاص وحطه ع الكمدينو ..بس استوعبت علايه شوي وقامت اتدمع ... : ليش ياي ؟ 

سعيد استغرب منها : هاا ... ماشي 

علايه وصوتها بدى يعلى : اقوولك ليش يااي 

سعيد : شوو فيج عليوه 

علايه صدت عليه بطريقة غريبه وعيونها حمر ..: اصلا خبرني انته منو ؟ 

سعيد مبقر . : هااااا .. انا سعيد 

علايه استوعبت : اها سعيد ... ؛( ونزلت راسها بحزن ) انته شوو اهون ؟ 

سعيد : الحمدلله ع كل حال يالله اسمحيلي بسير

علايه قامت تصيح : لا لاتسسير تم ويايه 

سعيد قرر يطلع قبل لاتخونه دموعه ها المواقف مول مايحبها ..: ياي اسلم عليج قبل لا ارد البلاد .. وبس 

وسار يمشي صوب الباب . 

علايه تصيح : سعيد انا احبك ... واذا ودك تاكد شف الله كيف ليدينك هداني ... وطلبتك اخر طلب 

سعيد عاطنها ظهره : اطلبي اللي تبينه علايه ... 

علايه تصيح وبالم ومركزه ع نقظه في الحجره وتامه تشوفها وترمس وجنها تفكر في المدى البعيد : يوم بترد وبتعرس وبتييب بنوته حلوه سمها علايه اوكي 

سعيد قامت عيونه تحرقه وصد صوبها : ان شالله ... من عيووني وانتي بعد لو يبتي ولد صغيروني حلو سميه سعيد .. 

علايه تصييح من خاطرها ونشعت المغذي اللي في ايدها : انا مابعرس انزيييين .. ماابعرس ... 

سعيد ماعرف شو يسوي وكيف يهديها وطلع الدم من مكان الابره لانها نشعت الابره بقووه وسار صوبها وسحب كلينكس وتم يمسح على مكان الدم وهي تمسح بايدها الثانيه دموعها ... : خلني سعيد .. دخيلك ساافر ... مااتحمل اشوفك هني .... 

سعيد كان منزل راسها ويمسح مكان الدم وطاحت دمعه من دموعه ع ايدها .. وشل بعمره وع طول ظهر من الحجره ... 

علايه تمت تطالع ايدها مكان الدم . ومكان دمعة سعيد ... وتمت تصييح ودشت عليها النيرس وتمت تهديها وتعطيها الدووا وجي .. 

وع الصبح يوو قوم امها واستغربو انها نشت لكنها كانت ساكته وتطالع صوب الدريشه وهااديه واييد ... والدكتور زقر بو محمد 

ورد دش بو محمد وطلع كل اللي عندها وبدا يشرح لهم حالة علايه .. 

بو محمد : ام محمد اسمعي طيحة البنت كانت نوبة سكري وها الشي قال لي الدكتور أثر ع ذاكرتها .. يعني البنت مابتروم تتذكر الاشياء وايد ولازم حد دوم يذكرها .. وبتنسى بسرعه ويبالها برامج لتنشيط الذااكره .. وبيعطونها ادويه وحبوب 

تمت ام محمد اتصيح واليده دمعت .... ودشوو عندها ... 

ام محمد سارت وحضنتها ..: فدييييييييييييت عمرررررج 

علايه حضنت امها ..وتمت هاديه وتدمع ... وسارت اليده تسلم عليها 

اليده : الحمدلله ع سلامتج 

علايه : الله يسلمج 

ام محمد : انتي شوو احسن اللحين امايه 

علايه : انا احسن هيه ...... امايه بسير اصلي 

ام محمد استغربت ..: شو تصلين اللحين الساعه 11 .. 

علايه : االصبح ... الصبح اطمني ماخرفت انا الدكتور شرحلي حالتي قبل لايشرح حق ابويه ...انا نسيت اصلي الصبح 

بو محمد : يعني يابنتي انتي تعرفين بس بتنسين لانه بتكون الذاكره 

علايه تقاطعه : ادري .. والله ادري .. خلوني بنش اصلي ... 

وسارت تيدد ولبست شيلة لصلاه وفرشت السياده وبدت تكبر ... بس طولت وايد وماركعت وكلهم تمو يشوفونها .. وقطعت صلاتها ويلست ع الارض وتمت اتصييح وركضت وحضنت امها 

ام محمدزاغت عليها 

ام محمد : بلااااااج ياعليا شو فيج 

عليا : أأ ...أأ .. ماعرف اقول شي في الصلاه نسيت صورة الفااتحه ... 

وتمت اتصيح في حظن امها واليده قبضتها من ايدها وتمت تقرا عليها وعلايه طايحه ومغمضه عيونها وعقب يودها الابو وتم يحفظها الايات القصار من اول ... مع انها هي حاظفه 5 اجزاء من القران بس اللحين مول ماتحيد شي منهن 

بو محمد : حفظتي بابا 

عليا وهي تعيد الايه مره ثانيه جدامهم .. ويوم خلصت 

بو محمد : شااطره ماشالله عليج يالله صلي فديتج 

وفعلا نشت علايه اتصلي وصلت ويوم سلمت 

بو محمد : بارك الله فيج 

ام محمد : ها شو تحسين اللحين 

علايه :احسن ... ( ونزلت راسها )

بو محمد : انتي بس يبالج حد يذكرج بالاشياء اللي نستيهن 

علايه : انا زينه .... بس ... ابا اروح 

ام محمد : انا حتى احسن انه نروح احسن تمينا هني واستانسا واللحين لازم انجابل بنتنا 

علايه : انا مافيني شي 

ام محمد : صح انه مافيج شي ...بس خلونا كلنا انرد بتكون ملجة حمد وغايه قريبه ويبالنا نزهب ونجابل بيتنا 

بو محمد : ها الوالده شو رايج 

اليده : هيه نروح يالله بسنا بسنا ....... مالنا غير دارنا .. 

بو محمد : خلاص انا برمس الرياييل وبنتشاور ع الرده 

علايه طول الوقت ساكته وعيونها تلمع بالدموع وهي تتذكر مواقفها الاخيره .. وجرح الفراق في قلبها بعده مابرى ... وضرب حمد ونذاله غايه للحين تذكرهم ...

سار بو محمد اتشاور ويا الرييايييل وكلهم وافقو وقررو يردون على اقرب طياره وسارو وحجزو وحصلو رده باجر العصر ......

-المستشفى – رخصو علايه وخلوها اترد الفندق وطبعا عقب ماوصفو لها مليون دوا ووالابر وحالتها لله علايه اول ماوصلت الفندق فتحت الاب توب ودشت المسن وعلى حظها ماحصلت حد اون لاين وبندته وسارت تسبح وعقب طلعت وتمت اتنشف شعرها وكان الباب ملايم .. وحمد كان طايف وشاف باب حجرتها مفتوح وفتحه بشوي شوي وشافها وهي تنشف شعرها بالفوطه وعقب سحبت السشوار وتمت تسشور بكلتها وخلتها نازله على عينها يوم صدت شافت طرف حد عند الباب لبست شيلتها ع السريع وفتحت الباب وانصدمت بحمد واقف عند الباب وكان منزل راسه 

عليا بعصبيه : شو تبا ؟ 

حمد رفع راسه وتم يطالعها : أأ .. ماشي بس كنت ابا اقولج 

عليا تطالع ساعتها : نوو تايم فكني من الصدعه 

حمد عصب : جب 

عليا : جب جبك 

ورقعت الباب في ويهه ... وتقول في خاطرها " أخر زمن انا اسوي ( ...) خواشيق ..." 

( هع هوو مثل شعبي بس شوو طفس لوول .. طووفوو اكيد اتعرفونه ) 

وردت فتحت الاب توب وحصلت فيصل اون لاين وهي ماتعرف منو ها ؟

دش فيصل وكان نك نيمه .. [ غرتك دنيا .. والله وانتهيت واستحل القلب غيرك ياهوى . وانته يامضي ع نفسك جنيب .. مستحيل الحب يجمعنا سوى ] : اخبرج ما اتصلتي 

علايه شكلت وكان نك نيمها .. [ بعد ذاك الود للفرقى نويت ؟؟ خذ غرامك قلبي للفرقى نوى ...!! ] وعقب تي كلمه I love u بس الالوان وشكلها نعومي 

وفجأه كلهم غيروه نفس النك والنيم وخلوه [ مستحيل ارجع لو مت وحييت .. ابعد وببعد ...ولكني هويت !! ... ] 

فيصل : يالله تقليييييييد 

علايه : اخويه انته منو تباا ؟ 

فيصل : انتي مب غايه ؟؟ 

علايه فتحت ثمها .: لا اخويه انته غلطان فمان الله 

فيصل : عيل عليا 

علايه بقرت : ايييييييه انته من وين تعرفني 

فيصل : علايه انا شو قلت لج انتبهي لعمرج .. 

علايه : لحظه انا مب فاهمه شي .. 

فيصل : عليا اللي ماتعرفينه انه غايه رمستني من ايميلج ... ااول امس اتوقع 

علايه : جييييييييييييه السالفه عيل 

فيصل : ليش شو استوى ؟؟ 

علايه : اول خبرني انته فيصل صح 

فيصل : لا لا اخخووه 

علايه : صددق 

فيصل: هههههههه طالعو صدقت لا فيصل بلاج 

علايه : برب طشونه 

وسارت تدور في الفولدرات مالها وحصلت سجل المحادثه مال فيصل وغايه وتمت تقراها وهي مندصمه شويه ودشت ميروه اختها ... وركضت تبوسها ... 

ميره : عليوووووووه اتولهنا عليج 

علايه اونه مستحيه : شكرا ... شكرا 

ميره توايج في الاب توب : شوو تسوين 

علايه تسكر الشاشه شويه : ونتي شلج ؟ 

ميره : اووهووو كله تجعموني 

علايه : اطلعي وسكري الباب انا بطيح برقد شويه 

ميره تمشي صوب الباب : ع فكره يوم انتي محد كل حد خذ لاب توبج ... 

علايه : منو 

ميره صوب الباب : حمد وغايه وانا هزبت حمد بس ماسوى لي سالفه 

وطلعت ميره وسكرت الباااب .. وهني ها الساعه وضحت لعلايه السالفه ... 

علايه : باك 

فيصل : ولكم .. يالله ها الكثر طشونه انتي منو ترمسين 

علايه بحزن : ما ارمس حد بس اكتشف شي

فيصل : ليش خبريني شو استوى 

علايه كتبت له السالفه كلها ع المسن ... 

فيصل : صدددددددق ضربج الحقيييييييييييييييييييييييير 

علايه : هيه والله فيصل انا مابا مشاكل سو لي بلوك وديليت 

فيصل ملتوم فيها : والله اسف 

علايه : انته مالك خص 

فيصل : بس انتي اترومين تسيرين تخبرين بس انا مب مخلنج 

علايه : لو ابا اسير اخبر جان خبرت من زمان بس انا مابا والله فوق 

فيصل : والله مب عارف شو اقولج 

علايه: لاتقول شي بس سوو لي بلوك وانتهى مافينا ع المشاكل 

فيصل : خلاص اوكي اللي يريحج بس بين فتره وفتره لو استوى أي شي طرشي لي ايميل ومثل ماقلت لج انا مابسكت 

علايه : ان شالله خلااص ... بس لاتسوي شي مافينا ع الصدعه 

فيصل : ان شالله 

علايه : عيل برايك 

فيصل : مع السلامه 

وع طول سوت علايه بلوك وديليت وارتاحت من هم فيصل وسكرت الاب توب ووطته حذالها وحطت راسها ومن كثر التعب رقدت 

----------------------------
مطار – ميونيخ – 

كلهم اتيمعو بيرحون بس علايه مسويه اكبر طاف لحمد وغايه ... وحمد بيموت يباها اتقول أي شي ؟ اتسوي أي شي ؟ بس المهم يطلع اكشن من صوبها .. لكن علايه ساكته وهاديه اكثر من اللزوم ..... سارو الرياييل يسوون اجراءات المطار والشنط وها السوالف والحريم كلهم يلسو ع طرف 

ام حمد : ها غايه فديتج مستعده للمجله 

غايه واللي يالسه تحرق في عمرها تبغي تنهي ها السالفه باي طريقه : اممم والله ماعرف 

ام حمد ماعيبها رد غايه .. وام حمدان متغمضه ع حال بنتها .. وعلايه مسويه اكبر طااف 

شويه وياهم حمد ووياه شنطه صغيرونه شرات الهاند باق هاي بيشلونها في الطياره .... 

حمد : يالله شو تتريون مشينا 

ام حمد : يالله انزين 

كلهم اشتلو وسارو وركبو الطياره وها المره كل حد ساكت ومايرمس موول وكل حد ساكت بهمه ... وكانو يالسين متفرقين لكن ها المره علايه يالسه صوب الدريشه بروحها وتذكركت شي وطلعته وكانت صورة فيصل تمت تطالعها وتشوف تقاسيم ويه فيصل جان اتدمع 

" ااااه يافيصل ... انته لعوزتني وانته ماتعرفني ولا اعرفك ... الله يسامحك انته وحبيبتك.. بس خلها الصوره عندي عشان اقهر قلبج ياغايه " .. 

وغايه صابتها حاله مب طبيعيه .. الصوره كانت شاغلتنها وتبا اترمس فيصل وهي اتحس بموتها قريب .. تبا فيصل يكون لها ... تبغي تنتهي من حمد باي طريقه بس مب عارفه .... ومن كثر ماهي متوتره طافت تمشي في الممر تاخذ لفه عليهم كلهم .. وطافت صوب كرسي حمد وشافت الهاند باق ماله مفتوحه والكرسي اللي حذاله فاضي وعليه اوراق وايد استغربت شو ها الاوراق ويلست مكانه وتمت تجلب الاوراق بين ايدها وهي منصدمه وتمت اتصييح .. 

روضه يتها : اييه غايوه شو تسوين ؟ 

غايه صدت ع روضه وهي تصيح : اخووج يحبها ... يوم اقولكم ماباااه ... ( وتنش تيود ايد روضه ) سيري رمسي امج قولي لها مابا حمد هو يبا علايه يالله سيري .... 

روضه اشتغربت وحضنتها في الممر ..: بسسس .. اوووص .. عن حمدان يسمعج 

غايه رفعت صوتها شويه : براويه الاوراااق خل ايشووف ... ومنو يبا ايوزني 

وياهم حمد واستغرب منهم وع طول صدت عليه غايه وبتهديد وعيونها حمر واتقربت منه : اسمعني اذا مابطلت الملجه اليوم ياويلك 

حمد استغرب من اسلوبها : شو بلاها هاي ؟ 

غايه تسحب الاوراق بعصبيه : شوووو هااااااا ؟؟؟؟؟ 

حمد انصدم يوم شاف الاوراق بين ايدها وسحبهن بسرعه : انتي مالج خص 

غايه تمت تصيح وياهم حمدان مستغرب : اييه بلاكم حاشرين البقعه 

غايه : ماابااه .. مابا اخذه ... 

حمدان يودها من ايدها بقوه ووداها بسرعه كرسيها : ياحيواااانه ماتبين منو سمعيني 

غايه : مابا حمد ماباخذه

حمدان غيض عليها : قسم بالله وانتي سباله بتاخذينه 

غايه : سير شوفه منو عاشق ها المره عاشقله ست الحسن والدلال عليا خانوم 

حمدان سكت بس اتدارك الموقف : واحد واحد ... وانتي فاهمتني والريال مايتحاسب ع ماضيه لكن البنت اللي عندها ماضي تحمد ربها اذا ريال شرات حمد شارنها وغصبا عن خشمج بتاخذينه 

غايه سكتت اخوها واقف ويا ولد عمها وظالمنها تمت غايه تصيح حظها ومشى حمدان وهو متضايج صوب حمد .. وحمد بروحه ياللس على اعصابه ومن شاف حمد حمدان ع طول زقره 

سار حمدان ويلس ع الكرسي اللي حذال حمد 

حمدا : شو استوى يا حمدان 

حمدان : لاتحاتي هي بتاخذك وهي سباله 

حمد : لا حرام لاتقول جي

حمدان :المهم عطني الاوراق 

حمد اتروع : شو تباهن 

حمدان : ابا اقرا لو سمحت يعني

حمد ناوله كم ورقه وهن اللي قرتهن غايه وكان عليهن تاريخ جديم وتقريبا من سنه وكله عن حبيبته هاييج و علايه لكن الاكثر عن علايه 

حمدان هز راسه وجسف الاوراق : لاحوول كم بنفهم ياريال انته بتعرس انسى ها الماضي افتح صفحه يديده 

حمد متضايج وايد : ماروم 

حمدان : مهما كان هاي اختي وتراها اتحس 

حمد : غايه على عيني وراسي وماكنت قاصد اني اجرحها 

حمدان : الملجه بتستوي تراها وماعليك منها 

حمد : سير راضها اكيد زعلانه عليه 

حمدان : يوم بنوصل البلاد يصير خير ...

تم حمد متضايج لانه ماكان يبا غايه تقرا ها السوالف ... وخاصه واضح من تعبيره انه يحب علايه من خاطره وكان ناوي يحرق الاوراق اول مايوصل عشان الملجه وعشان ينسىى علايه وللابد .... ولكن..... [ تجري الرياح بما لاتشتهي السفن ]

غايه يالسه تصيح وعلى واعصابها تلفت وروضه يالسه تهديها وفكرت في فكره بس تتريا التنفيذ عشان تكسر قلب حمد وترده عن الملجه بس بالطريقه المعنويه لانه العنف والعناد ماينفع ويا اخوها فمالها الا حمد والتحطيم المعنوي ..

" ويييينك فييصل .. والله احبك والله واعشق الارض اللي تمشي عليها ( تمت تصيح لين ماغفت عينها شوي )" 

نشت روضه عنها وسارت مكانها وكان حمدان ناش من عند حمد وبيرد مكانه بروحه كان مشغول في المحل ويفكر كيف يفاجىء علايه بالمحل اللي كان شبه زاهب لانه حمدان اتصل لربيعه وقاله عن المحل وربيعه في البلاد ويا
ساعده وهو يمشي في الممر انتبه لعلايه اللي كانت تشوف التلفزيون وابتسم لها وهي ابتسمت له 

حمد : اممم انتي تسوين مصايب وانتي يالسه 

علايه : شو سويت بعد .. اطمن مارمست حد غير فيصل بعد ها المره منو ان شالله ؟؟

حمدان استغرب اسلوبها : اييه انتي شو تقولين 

علايه : ماشي 

حمدان : يالله برايج 

ومشى عنها ماحب اسلوبها كانت ترمسه باسلوب مب حلو وعلايه اتلومت منه وعقب ساعه تقريبا يتها غايه وهي مفوله ويلست حذالها 

غايه بهدوء اعصاب : ماشالله ع حبيبة حمد يالسه مكيفه 

علايه صدت ع التلفزيون وسوت لها اكبر طاف 

غايه : حوو ارمسج انا 

علايه بعد طااف 

غايه سحبتها بقوه عشان تصد صوبها 

علايه نزلت السماعه : فيه شي ؟؟ 

غايه : اسمعيني انتي اابعدي بشرج

علايه : اها اللحين انا استويت الشر ... وانتي الخير زين زين .. بعدين كيف تبين فيصل وحمد مره وحده 

غايه : افهم من كلامج انج تبين حمد 

علايه : خليه حقج واشبعي به بعد لانه انا عايفه حمد 

غايه : صح صح 

علايه : عن اذذنج بسير الحمام ... 

وخطفت جدام غايه وسارت وهي تدمع " لين اللحين يتهموني ... لين اللحين ... ماكفاهم شفت المرض واليهد الا من عقبهم متى اوصل البيت . وافتك .." 

تمت علايه في الحمام اتهدي عمرها الانفعال مب زين لها ... اتخاف يرتفع عندها السكري وهي مب ناقصه .. المهم ردت كرسيها وردت راسها ع ورا وغمضت عيونها ويوم فتحت عينها شافت حمد واقف ويشوفها .. ردت اتدمع .. 

حمد كان يطالعها وهو مب رايم يتحكم بعمره .. ع قولتهم " ها الحب " .. علايه من شافته حست بكره فضيع تمت منقهره بس ساكته ويوم شافته طول ... 

علايه : شو تبا ؟ 

حمد بضعف : اباج 

علايه دمعت : انته صدق مب صاحي ريال بلحيتك وخاطب وتباني انا الصايعه ماعرفنا لك ياحمد والله انك مينون 
( وهزت راسها .. ) 

حمد انصدم منها " هااي اتقول لي جي وهي سارت ولا يت اتم صايعه ربيعة سعود وفيصلووه ... والله اتهبي .." 

حمد قالها اغنية ميحد بس بالكلام ..: ياقلبي لاتنحي لحد ولا اشوفك ... وشلك في بنت فنون الغدر دارسته 

علايه ضحكت باستهزاء : هــه .. ( جان اتقول بيت بعد من اغنية ميحد بس بالكلام ) : ابعد بطيفك عيني ماتبا شوفك ... تراك بجرح الخفوق بجد لامسته .. 

حمد كتم غيضه ... ومشى عنها وهو يحس باحساس مزعج فيه .. يحس انه يحبها من خاطره والله من خاطره بس كل مايحاول يتقرب منها ويصلح اللي من بينهن هي تهدم كل شي وهو يزيد الطين بله ..... علايه حست انها حنت على حمد من عقب ها الموقف واتحس انها مستويه جاسيه وايد بس كل ماتتذكر كلامه وضربه تنقهر 

" حرام عليك ياحمد انته طيب والله بس ماعرف ليش تقسى عليه .. دام انك ع قولتك اتحبني ... ليش تسوي جي ..؟؟ ولا ها مرض... يارب ترحمني .. ذكرى سعيد مب طايعه اتفارجني .. و حمد مادري شو احس صوبه ... " 

.................................................. .................................................. ...........................................

الامارات – دبي – 

فيصل طايح ع الشبريه ويطالع الصقف وحاط ايده ورا راسه ويفكر ... كيف يرمس علايه ؟؟ شو يسوي عشان غايه ؟؟؟ 

" غايه حرام عليج الللي سويتيه فيني ... قسم بالله كنت احبج حب... ( كان متحسر من الخاطر ع حبه ) انتي الوحيده اللي دشيتي خاطري وتسوين فيني جي ... فديت قلبج .. غويه .. طلعتي خاينه من الصغار .. هههههه والله كنتي خبله وكنت اموت فيج ..بس كله منج هدمتي كل شي .. هدمتي حياتي اللي مب عارف شو اسوي فيها من عقبج .. وهدمتي حياة بنت وشوهتي سمعتها وهي مالها ذنب .. حليلها مظلومه جان مادعت عليه وعليج ليل ونهار واروح فيها ... ااه ياغايه الله يسامحج .. " 

دشت عليه امه وهي مول مب عايبنها حالة ولدها .. 

ام فيصل : فيصل الغالي 

فيصل اعتدل : هلا اامايه عونج 

ام فيصل : قم ودني بيت عمتك سليم اليوم خطبة بنت عمك 

فيصل : هيه صح الله يهنيهم 

ام فيصل : الله يهني الجميع فديتك وانته متى بتفرحني جريب بتدش الـ 23 واللي كبرك معرسين 

فيصل : فديت روحج بعدني صغير 

ام فيصل: عيل يوم خطبنا لك بنت فاطمه ماقلت بعدني صغير كنت متخبل تبا اتعرس اليوم قبل باجر 

فيصل بحزن : قبل غير واللحين غير

ام فيصل دمعت : والله ماحب اشوفك جي فوادي يتقطع عليك كله ساكت ومويم وماتظهر خاري .. يابويه انساها ماتصلح لك ملجتها جريبه 

فيصل : الله يهنيها ماقلت شي انا .. 

دشت ( عنود اخت فيصل عمرها 18 ماشالله عليها تشبه فيصل وايد ووايد حلوه شراته بس بعد فيصل طافها في الحلاه ... ) 

دشت عنود وهي اتدز الكرسي مالها لانه ريلها مكسوره كانت تركض تلعب كرة سله واندبغت وانكسرت وتقريبا يباله الجبس اسبوعين وبيشلونه وهي متلعوزه ..

عنود اتدز الباب : هاااي 

فيصل تعبان ورد يطيح ..ام فيصل ساكته ومويمه 

عنود : خيبه بلاكم بايعين بخساره .. ليكون عشان غايه .. خلاص فصوول عااد .. مايسوى عليك 

فيصل عصب : ياربييه انتو بلاكم غايه خلااص نسيتها والله يهنيها .. 

عنود : عيل قم ودني السوق بشتري فستان لملجتها 

فيصل انقبض قلبه : ملجتها !! ( ونزل راسه )

عنود : هيه يالله عقب كمن يوم 

فيصل : ماروم تعبان 

عنود : ياربيه اميه رمسيه والله ماعندي شي البسه فستان عرس موزه خلاص صغر عليه .. يوم البسه قصير عليه لين الركب شوو مطوع .. 

ام فيصل : انزين الغالي فيصل نش خطفو بي ودني بيت خالتك سليم وعقب مر بها السوق خلها تشتري لها شي 

فيصل نش وهو مويم : ان شالله بتلبس .. وبوديكم ... 

وظهرو عنه .. تم فيصل يالس ع الشبريه وحاط راسه بين ايده وهو صدق متضيج من خاطره ومارام يمتع دموعه من انها تنزل 

" فديتج غايوه .. خلاص بتسيرين عني .... بس خلااص انا ماباج ... والله ماعرف كيف حبيتج جي .. اكبر غلطه في حياتي انتي ياحياتي ... الله يقدرني ع نسيانج بس ... ولله يهنيج ماروم اقسي قلبي عليج اكثر .. " 

نش تلبس وتكشخ من الخاطر .. وطلع وحصل اخته جاهزه وامه ترقبه بنظراتها وتبغي تفرح ولدها باي طريقه مهما كان ها الولد الوحيد ... 

وصل امه بيت خالته وودى اخته السوق . نزلو الستي .. وكان يدز اخته بالكرسي ويسولفون ..... وعنود ماكانت متغشيه 

فيصل : انتي فشله يالس ادزج جي 

عنود : يالله عااد انا عنوده اختك وحبيبتك 

فيصل : والله لو مب غلاتج جان ماخليتج اتسيرين وتشترين 

عنود : احم فصول تحبني 

فيصل يضربها ع راسها بالخفيف : شو يعني اختي واحبج 

عنود تصد عليه : حتى انا احبك واللله .. 

فيصل يضحك : هههههه مشكوره خليتني استحي ... يالله وين تبين اتسيرين 

عنود هاك اللي هناك ع الزاويه خلنا نطمش .. 

فيصل : اخبرج انتي كيف بتقايسين وانتي عويج 

عنود : دش ويايه لبسني هع 

فيصل اونه عصب : يالمستخفه انتي طفسه 

عنود : بلاك اسولف .. باخذ ع قياسي وبحاول البسه في البيت واذا يباله تعديل او شي برده اخلاف 

فيصل : ان شالله عمتيه 

دشو المحل وكانو شي بنات داخل تقريبا 3 وشكلهن خوات وهن حلوات بس مب من البنات الفري كانن حشام ... فيصل استحى وياي بيظهر وبيخلي اخته في المحل .. 

عنود : فيصل بتخليني بروحي 

فيصل : هيه عيل شو اسوي استحي 

عنود حاست ثمها ..: اوكي بس لاتبعد اخاف 

فيصل : ان شالله .. 

وظهر فيصل .. وتمت عنود اتدز الكرسي وتطالع الفستايين وعقب تمت هاي اللي في المحل تساعدها وتنزل لها الفساتيين وجي واخر شي اختارت فستان بسيط فيه شج بسيط وناعم ولونه ماروني يناسب بشرتها ... وعقب دش فيصل ودفع عنها وظهرو وتم فيصل يدز عنود اخته وكانو بينزلون باللفت وحذاله دري لكن فيصل شاف ربيعه 

فيصل : اووه عنوده حبيبتي بسير اسلم ع ريال دقايق وبرد لج 

عنود : اوكي لاتتحير .. 

كانت عنود امره حذال الدري يعني مجابله الدري وواحد اجنبي اهبل يالس يصور ويرد على وراا وهو يرد دز كرسي عنود وع طوول عفدت ع الدري وتمت تزاعج من قمة راسها ... وكل الناس تمو يشوفونها .. فيصل من شافها ركض بسرعه يبا يلحق عليها بس خلاص ماشي فايده طاحت نزل بسرعه فيصل وشل عنها الكرسي وكانت طايحه ومفتشله وتصيح ويجب من خشمها دم 

فيصل متروع عليها ويحطها في حظنه وماعليه من الناس .. ونزل ربيعه وياه 

مايد : مامن شر

فيصل زايغ : لا ان شالله خير .. 

عنود اتصيح واتقربت من اذن فيصل وويها نصه خاس من الدم اللي ينزل من خشمها : ابا اروح 

فيصل : ان شالله فديتج .. 

مايد : قم نسير المستشفى 

عنود : لالا مابا انا بخير ..بس ابا اروح 

وشلها فيصل وخلاها متسانده عليه ومايد شل الكرسي ونزله لين اخر الدري وعقب يايبلهم مايد ماي وكلينكس عشان تمسح خشمها وروحت ... وصلو البيت وعنود مفتشله وتسب الاجنبي... 

فيصل : ههههههههه بس شكلج كان تحفه 

عنود : اييييه والله حرام انا بروحي متكسره بعد اتكسر زياده 

فيصل : هههههههههههههههههههههههه والله كان يبالج صوره والله اني مالحقت عليج مع اني ركضت 

عنود : يالله طافت 

فيصل : يالله لو اميه تدري بتسوي لي مناحه 

عنود : ههههه تستاهل .. 

ووصلو صوب البيت ... وفي نفس الوقت كانو قوم بو حمدان واصلين ... هني فيصل من شاف السياره تم متنح ويطالع غايه اللي نازله من السياره بس كانت متغشيه وتمشي بسرعه ... ووراها امها وابوها .. وتم حمدان ويا الشغالات خاري ينزلون الشنط 

عنود : احم .. فيصلوه فديت خشمك انساها والله ماحب اشوفك جي 

فيصل من شافهم عوره قلبه : ان شالله ... 

نزل فيصل من السياره وسار صوب الدبه ونزل الكرسي وسار صوبها وركبها ع الكرسي وهو متردد انه يسير يسلم على قوم حمدان ولا لا ... هاي اول مره يشوف حمدان من هاك اليوم وقال بيسير واللي فيها فيها .. 

عنود : وانا ؟؟ 

فيصل : دشي بعد شوو ... 

عنود : لا انته تعال 

فيصل : عنوده عن الحركات ادريبح ماتبيني اسير صوبهم بس بسير 

عنود : انا قلت لك وانته حر 

لكن حمدان انتبه لعنود وتم يشوفها وهي ترمس فيصل وشكلها زعلان شويه .... واستغرب .." هاي منو ؟ " 

سار فيصل صوب حمدان وهو مستحي منه وحمدان مسوله طاف ويالس ينزل الاغراض ويحاول يتجنب فيصل كثر مايقدر لانه لو رمسه بينهد عليه وبيرد يضربه ولو بيده جان ذبحه ... 

فيصل وهو متلوم : السلام عليكم 

ومد ايده ... صد عليه حمدان وشافه بنظرة احتقار من فوق لين تحت وانتبه لعنود اللي كانت واقفه عند الباب وترقب اخوها ومن شافت حركة حمدان ماتت من غيضها وكانت بتسبه من قهرها بس اتعوذت من الشيطان ودشت 
داخل عقب ماطالعت حمدان بنظرات تقهر الواحد .. 

حمدان : يالله ميري ودي الاغراض داخل وسكري الباب اخلاف

ودش داخل البيت وفيصل كان طول الوقت ساكت ويطالع حمدان ومنصدم ...

" يالله يالدنيا اللحين انا ربيعك اخرتها جي تسويلي ... معذوور ياحمدان .. معذوور .." 

----------------------------
البارت التاسع 


كل حد وصل بيته ومنهدين من السفر .. علايه اول ما وصلت ماسوت 1 ..2 .. سارت ورقدت .. لانها تعبانه من الخاطر ... 

لكن حمدان تم يفكر في موقفه ويا فيصل وقلبه يعوره " هاي اخرة الربعه والعشره اللي من بينا يا فيصل ... !! " 

وتم يمشي لين ماركب فوق وكالعاده بيتهم هادي امه وابوه في الحجره وغايه بعد في الحجره وهو خاطف بيسير حجرته قال بيدش على غايه ... وهو يبا يطلع حرته فيها من السفر .. 

فتح الباب وشافها مظهره ثيابها بتدش تسبح .. 

حمدان : ها اخت غايه ؟؟ شومسويه ؟ 

غايه وهي مالها نفس : شو بعد ؟ 

حمدان :ارمسي عدل .. 

غايه .:انزين 

ويايه بتدش الحمام .. 

حمدان : غايه خليني ارمسج رمسة اخو يخاف على اخته .. انتي تراج ماتوبين وانا ساكت بس لانج اختي بس احترمي الناس بتحترمج انتي احمدي ربج .. انه السالفه اللي سويتيها هناك عدت على خير بس لو درى حمد جان رحتي فيها ( وكتم غيضه عن ينش ويضربها ) غايه قسم بالله لو تميت اكثر احس اني بجتلج من الضرب ..بس وقسم بالله خليني اسمع شي يديد مستوي وازهبي الملجه عقب 3 ايام وانا ع كيفي فاهمه .. ربيعي يزاه الله خير ماقصر وسوى لي الترتيبات الاساسيه و زهابج انتي ماشالله عليج ماقصرتي خميتي السوق بكبره ومحل علايه بعد زاهب .. 

غايه : مشكور اخ حمدان .. وع طاري المحل اشمعنى ماقلت محلك وقلت محل علايه 

حمدان : هديه مني حقها عنثر ظلمج يا اختي الحبيبه ... ( ومارام ايود عمره ونش لها ..) 

حمدان يودها من شعرها وكان وده يصيح لانه اخته نزلت راسهم ..: ياحيوااااانه انتي لو تموتين وتفكين الناس من شرج احسن ... وحمد بتاخذينه وانتي سباله ... 

ودزها عن يضربها اكثر ومشى عنها وسكر الباب وهو يحس بانه تعب صدق من سالفة اخته ... 

غايه لمت ثيابها في حضنها وتمت اتصيح .... 

.................................................. .................................................. ............................................

في ها الثلاث ايام كانت استعدادت الملجه على قدم وساق وكل حد مشغول .... وفيصل تام متضيج من الخاطر ويحاول ينساها بس مب رايم هاي حياته اللي تمناها ... 

دش النت وتم يطالع ايميلاتها وكل شي يخصه ويخصها .. وهو متحسر ع الحب اللي كان يكنه لها .. 

قال بيطرش ايميل لعلايه وهو يبا يطمن عليها وشو بتسوي عشان اللي استوى لها .. 

" هلا والله .. عليا شحالج .. ربج الا بخير ؟؟ امم حبيت اطمن عليج شو مسويه ؟؟ صح نسيت اقولج الحمدلله ع السلامه .. اممم حبيت اسالج اذا بتيين ملجه غايه ولا لا ..؟؟ ابا اعرف بليز قولي لي ... " 

وتم بقرا الايميل مره ومرتين وثلاث وهو متردد يطرش .. يعني مستحي ... 

فيصل بصوت مسموع : اففف واللحين انا شلي انشدها اذا بتي الملجه ولا لا ... والله يمكن اشوفها .. هههه شو بستوي ناطور عشان اشوفها .. 

عنود :هاااا منوو هااي ؟ 

فيصل : بسم بالله الرحمن انتي بلاج ؟؟ 

عنود : خبرني عن منو ترمس توه ..؟؟ تبا اتشوف منو 

فيصل : ام دويس منو يعني ؟ 

عنود : لا بعد قلنا يمكن وحده نيو 

فيصل : سيري لاه ... انا مابحب خلاص .. 

عنود : بس بتعرس 

فيصل بحزن : من عقبها ما اظن انا احبها والله احبها 

عنود غامضنها اخوها : بس عاااد والله هي اختارت حياتها والله يهنيها وانته بعد بتعيش حياتك وبتنساها 

فيصل يتنهد : ااه الله كرييم . 

.................................................. .................................................. ............................................

غايه في البيت متضيجه من الخاطر تبا توصل لفيصل باي طريقه ...بس حمدان اخوها في البيت وهي بروحها مستويه وايد اتوسوس واتخاف من حمدان ... لكن تبا اترمس فيصل باي طريقه 

دش حمدان عليها وهي سرحانه .. 

حمدان : اقولج 

غايه التفت له وهي ساكته 

حمدان : رمستي علايه ؟ 

غايه بانفعال : لا .. ومابا ارمسها 

حمدان : مابتعزمينها ع الملجله 

غايه : والله مايندرى بها .. انا مايخصني فيها 

حمدان : اعصابج 

غايه سكتت عنه وتمت سرحانه .. 

حمدان : يالله ماتم شي ورا باجر عرسج 

غايه : حمدان امايه سالتني عن موبايلي 

حمدان عصب : وانتي لج عييييييييييين ... يوم بتعرسين خل ريلج يعطيج موبايل اذا يبا 

وظهر عنها ورضخ بالباب كل مايتلاقى وياها يحس انه بعد مابرد حرته ... وعقب اتصل لربيعه عشان المحل .

.................................................. .................................................. ...........................................
علايه كانت يالسه في حجرتها وترتب اغراضها ومستويه تنسى بسرعه يعني تحط شي في مكان . ويوم يسالونها وين حطته ؟؟ تنسى ..... 

دشت عليها امها .. 

ام محمد : ها علايه شو تسوين ؟ 

علايه : ارتب الاغراض ... 

ام محمد : بتيين ملجة غايه 

علايه تطالع للمدى البعيد من الدريشه ..: يصير خير 

ام محمد :لا تعالي الناس حليلهم ماقصرو ويانا في السفر 

علايه " هيه صح وخاصه غايه ماقصرت ويايه ..." 

علايه : بنشووف 

ام محمد تظهر وتسكر وراها الباب : يالله رقدي لا اتمين سهرانه 

ومن ظهرت ام محمد نشت علايه وتمت تفر الثياب وتصييح .." ليييش انا جي ؟؟ ليش مستويه جي ... وييينك ياسعيد... انا من لي عقبك ... " 

صابتها حاله انه تمت بس تتذكر الماضي وومب رايمه تنساه وجنها يالسه اتعيش الماضي ... سارت دشت الحمام وترست البانيو ماي حار ودشت تسبح وريحت بالها شوي ومن ظهرت سارت فتحت الاب توب ويلست ع النت دشت ايميلها ووكالعاده ولا وحده من ربيعاتها معبرتنها .. وشافت انه عندنا نيو ايميل سارت وفتحته وثرت ايميل فيصل وهي تقراه كانت تبتسم .." ههههه حليلك يافيصل " 

ردت تطرش له .." هلا فيصل .. انا بخير وصحه .. وانته شحالك ؟ وعن الملجه انا ان شالله بيي لو قدرت .. ومشكوور ع السؤال .. " 

وسكرت النت عقب ما لاعت جبدها ونشت من ع الشبريه وهي تقول : ماعاد به النت شي يغري .. صارت تشابه دخلتي من عدمها .. 

طلعت في الصاله وكان هدووء رفعت ايدها تطالع الساعه شافتها 3 ... جان تقول خلني ارقد احسن لي ... 

.................................................. .................................................. ............................................

حمد في نفس الوقت بباله علايه ... ويحس انه مب رايم ينساها ... كان يالس يلم اوراق ماضيه .. كان ملف كبير لونه اسود وعليه شخابيط بالرصاصي اللاماعي .. وقلب مكسور باللاماعي بعد ... وفييه اوراق واايد تم يرتب الاوراق ويفكر في طريقه يتخلص منهم وبالمره يتخلص من ماضيه ... 

.................................................. .................................................. .......................................

اليوم الثاني .. 

روضه الصبح تمت اتحن على امها انه تسير عند غايه ويسيرن الصالون ويا بعض 

روضه : اميه عاد خليني اسير وياها 

ام حمد : انا مالي خص شاوري ابوج 

روضه : ماعنده اخلاف 

ام حمد : ومنو بيوديج ..؟؟ 

روضه : ريلها المصون حمد .. 

ام حمد : انزين قلتي له 

روضه : بقوله 

وينزل حمد من فوق .. 

حمد : شو تبين ؟ 

روضه :بسير الصالون ويا غايه 

حمد : انزين سيري 

روضه : منو بيوديني بيتهم 

حمد يلعب بالسويج في ايده .:/ يالله طوفي 

روضه : صدق 

حمد : لا اقص عليج يالله طووفي 

روضه : بلبس عباتي ثواني وبيي .. 

حمد : يالله انزين اترياج في السياره 

ركضت روضه تلبس عباتها ... و ام حمد اتطالع حمد ...

حمد : شو فيج الوالده معجبه ؟ 

ام حمد : ابويه انته مرتاح من الملجه 

حمد : الحمدلله 

ام حمد : الله يهنيك .. 

ابتسم حمد لامه وهو حاس بشي بس مب عارف شوو هوو.. طلع وسار يحر السياره ... ونزلت روضه وركبت السياره ووصلها بيت عمه .... 

سارو غايه وروضه الصالون ويا بعض ووداهم حمدان ... وطبعا سوو سوالف البنات وخاصه غايه لانها العروس واتحنو وجي ... 

غايه يالسه ويا روضه ويسولفون .. 

غايه : روضوه والله بصيح ..

روضه اللي حاسه بمعاناة غايه : ها النصيب 

غايه تدمع : اتخيلي انا اللحين اتزهب لمجلتي باجر وفيصل اللي احبه مارمسته ولا اعرف شي عنه 

روضه وهي تحس بانه قلبها يعورها على غايه ... 

غايه تطالع روضه برجى ..: اعطيني موبايلج برمسه 

روضه انصدمت : انتي اتخبلتي والله انج مب صاحيه ..

غايه طاحت دمعتها : رويض بليز اخر طلب 

روضه ماعرفت شو تقولها : اعقلي يا غايه انتي باجر بتستوي حرمة اخويه لاتخربين بيتج ولا تخربين بيت اخويه 

غايه بانفعال : اخوج يبا علايه سيرو يوزوه علايه انا ماباه ( ووترفع ايدها تمسح دموعها ) ابا فيصل 

روضه بعصبيه فرت موبايلها في ثبان غايه ونشت : يوم بتخلصين رضاع تيلفون تعالي انا بوقف خاري بتريا حمدان .. 

ومشت عنها وماسوتلها سالفه .. لكن غايه تمت تطالع روضه وهي تمشي صوب الباب بذهول وحركت عيونها صوب التيلفون اللي طايح في حضنها ... وتمت تطالع التيلفون .." انا شو اسوي ؟؟ انا من عقب فيصل اتخربطت ... احب فيصل ..بس ماابا اخون حمد .. والله اني احب فيصل .... هاي فرصتي ولازم استغلها .. برمس فيصل ..لازم .. " 

وضربت رقم وهي ترتجف ومن رن صرطت ريجها ... 

فيصل كان بيسير صوب بيت خالته ورن تيلفونه وهو في السياره واستغرب رقم غريب جان يشله .. 

فيصل بجديه : الوو 

غايه من سمعت حسه صاحت : فيصل

فيصل انقبض قلبه ها الحس حافظنه هاي غناته ..: عيونه 

غايه تصيح من خاطرها ودشت حجره خاليه عن الحريم ..وتمت تشهق : اأأنا ... بيوزووني غصباا عني ... 

فيصل مب رايم يتحمل نفاقها ... كيف اللي تقوله شي واللي يسمعه شي ..: حبيبي الله يهنيج 

غايه انصدمت : كيف يعني ؟؟ 

فيصل : قهر تعيش بقلبي كذابه .. 

غايه : انا لين اللحين اباك والله مابا حمد 

فيصل : غايه انا عرفت كل شي ... 

غايه : ليش شوو ؟ 

فيصل : اتذكري انتي شو مسويه من نذاله في سفركم عالعموم ماعندي وقت اشرح بس حبيت اقولج انه .. انا كنت ع الخط .. وانصدمت فيج عشان جي ابا اقولج شي واحد ياغناتي .. شوفي دربج وحياتج وغلاتج عندي ما احسدج والله يهنييج وانا لي الله من عقبج 

غايه مصدوومه ودموعها تنزل بسرعه وقلبها يدق : بس انا أحبك 

فيصل نزل راسه والالم يعصره : حتى انا كنت احبج ...بس عقب اللي عرفته عافج الخاطر غناتي .. والله يوفقج مع السلامه 

وماترياها ترد عليه وسكر في وييها .. غايه من سمعت صوت القطار ( قصدي تووت تووت هع ) خوزت التيلفون عن اذنها وتمت تطالعه وتهز راسها جنه مب مصدقه اللي يستوي ... ردت تتصل مره ومرتين وثلاث بس مايرد عليها .... وتمت تصيح اكثر واكثر ... 

فيصل تم متضايج وحط راسه ع السكان لانه وصل بيت خالته وسمع دق ع الدريشه وكان ولد خالته ( علي ) 

فيصل صد ع الدريشه وعيونه حمر وابتسم ابتسامه باهته ونزل الدريشه 

علي : عنبوو ساعه اترياك وانته ميلس في السياره يالله طوف انزل .. 

فيصل : ان شالله 

نزل فيصل ويا علي ودشو الميلس ... 

وسار علي شويه وتم فيصل يفكر في غايه ومب رايم يخوزها من باله " اااخ كيف جسيت عليها جي والله ماتهون عليه بس هي هدمت كل شي ... " 

..[ هذا جزاء من كان يسهر ليالي ... ياما عليهم في دجى الليل ونيت ... لجل الوفا اشقيت فكري وبالي .. كلن نسى الماضي وانا اقوول " ياليت " ] ... 

----------------------------
الجزء العاشر - 


قطع حبل افكاره مسج .." يعني انت تظلمني وانا ما اتكلم ..
واذا انا اخطيت صارت جريمه 
يعني انت تتالم وانا ما اتألم ..
انا على فكره حياتي اليمه 
انا حياتي كلها هم في هم ..
وصدمات عمري من زماني عظيمه " 

عرف فيصل انه ها المسج من صوب غايه لكن انقهر من المسج شو تقصد بها الكلام ..؟؟ يعني هي اللي سوته شويه ... خيانه عيني عينك .. احبك واموت فيك تقولها لولد عمها .. ويسمعها باذنه وتباه يسامحها ... 

كذبت وقلت ما احبك عشان الحب يعذب حيل مايرحم ابعدك عن دنياي ولا ابي اوقف بدربك ولا ابي اظلمك وياي ... 
وانا والله مالي قلب احب بعدها
اندم .. 


وفي ها اللحظه عند قوم غايه وصل حمدان وشلت روضه تيلفونها وركبت غايه وهي متغشيه وتذرف دموعها من تحت الغشوه وكل حد ساكت في السياره وبس صوت الاف ام ... 

فيصل تم يتريا رد من صوبها بس ماطرشت شي جان يقول " احسن انا مابا ا وارد ارمسها ... واحبها اكثر واندم .." 

دش علي وامه وياه .. وتمو يسولفون ... ويحاول فيصل انه ينسى غايه ويبدى حياه يديده بعيد عنها وعن ذكراها خلاص بها اليوم حس انه لازم ينهي كل شي له علاقه بغايه ... شويه ودشت عفرا بنت خالته وهي مبتسمه وكانت متحجبه ... ويلست وياهم ... 

ام علي : ها فيصل يقوولون باجر ملجة اللي كنت خاطبنها قبل بنت حارب ... ( طبعا بدفاشه ) 

فيصل قلبه عوره : هيه الله يهنيهم 

ام علي : ان شالله بنسيرر وبنطالع 

فيصل " اففف ليش ياخالتي اتمين تقولين لي جي كفايه اللي فيني " 

تمت عفرا تطالع فيصل ولمعة الحزن في عيونه ومنزل راسه ويشرب الجاهي 

علي : احم انا بعد بعرس 

ام علي : خل اختك اول اتعرس 

فيصل : متى العرس 

ام علي : عقب شهر اونه مستعيلين 

فيصل : زين زين بالبركه ان شالله 

ام علي : وانته متى ناوي اتعرس 

فيصل رفع راسه وطالع خالته بنظره جنه يقولها " بس كافي .." وشاف عفرا اطالعه واستحى ونزل عينه عنها 

فيصل : يوم الله بيريد ولا انا مالي خاطر في العرس 

ام علي : عيل كان لك خاطر يوم سارو يخطبون لك هاايج 

فيصل بعناد : هيه كان لي خاطر ومن عقبها خلاص ... 

ام علي : والبنات انزين مكودات وجدامك سير واتنقى 

فيصل يصد وبعناد ويطالع عفرا : وانا مابا .. حد من البنات انا باخذ لي بنت من الشمال 

ام علي ..: جان مب شايفلك شوفه 

فيصل : ههههههههه ياحسره انا اصلا من متى اسير الشمال عشان اشوف لي شوفه يالله عن اذنكم بترخص الربع يتريوني 

وظهر بدون لا يسمع ردهم لانه كان متضيج من كلام خالته يدري بها دفشه من يومها .. 

وظهر وراه علي : ياريال انته تدري بها الوالده 

فيصل : ماعليك مني بس ابا اعرف ليش يسالوني متى بتعرس ومتى بتعرس شو يالس ع راسهم انا 

علي : هههه برايهم طبهم عنك .. 

وتنهد فيصل من الخاطر اليوم بالذات ماله نفس لاي شي ... 

.................................................. .................................................. ...........................................

غايه في البيت دشت حجرتها وفتحت مناحه وتمت تصيح من خاطرها فيصل بايعنها مايباها .... مخها عيا يفهم شو استوى . مب رايمه تستوعب انه خلااص كل شي انتهى ... مرت على امها وتمت تسولف وياها بهدوء لين ما استوت الساعه 12 .. عقب امها سارت ترقد ونشت غايه بتسير حجرتها وهي قلبها يعورها لانها مب رايمه توقف اللي يستوي ... وكاتمه دمعتها في عينها واول مادشت الحجره سكرت الباب واتساندت عليه وغمضت عينها بقوو عشان تحاول تمنع دموعها ... وتتذكر مواقفها من يوم كانت صغيره لين ماكبرت ويا فيصل .. كلامهم .. حبهم .. شوقهم .. ضرابتهم .. كل شي .. كل شي .. جمعها بفيصل .. فتحت عيونها ببطىء ونزلن دموعها بسرعه التفت للباب وقفلته قفلتين بالمفتاح من غيضها ... ومشت بتعب لين الشبريه ويلست ورفعت ايدها وتمت تجلبها في الهوى بين عيونها وتطالع اثار الحنا المنقوشه على ايدها ... وابتسمت من بين دموعها .. 

" بياخذوني عنك يافيصل .. حرام عليك والله احبك .. ليش بتخليني ..؟؟ ليش قلت لي جي .؟؟ شو استوى .. شو تغير .. مب رايمه افهم شو يصير ..؟؟ ( ردت ايدها في ثبانها ونزلت راسها وتمت تصيح بهدوء ) .." 

عقب فتره من الهدوء والصياح اللي ماينفع ... نشت غايه بعصبيه صوب التواليت وتمت تفتح السدات بعصبيه كبيره وهي ترمس بصوت مسموع وهي تصيح : مستحيل اخليهم يكملون اللي سووه .. مستحيللل .. بوقفهم عند حدهم ... بوقفهم ... 

ومن عصبيتها قامت اتطلع السدات من مكانهن وتفرهن في الحجره بقوه ع اليدار لين مااتحولت الحجره لدمار ... وقفت غايه مذهوله للي سوته بين حطام حجرتها وتطالع الحجره بنظرات خاليه من اي شعور ... 

" حياتي خذتوها .. !! دقيتو المسامير في نعش حبي ... وصلبتو اطهر واشرف مشاعري ... اللي هي حبك يافيصل .. ( ويلست ع الارض ولمت عمرها وحطت راسها ع ركبتها في نص الحجره وتشهق من كثر الصياح .. ) حبك يافيصل ... " 

جان تنتبه للشي اللي تدوره من الصبح ومدت ايدها للولاعه اللي كانت دوم في حجرتها عشان تلبق شموعها ... سحبت الولاعه وتمت تجلبها من الايد اليمين للايد اليسار وهي تبا تتاكد من صحة اللي تسويه .... وبصوت مسموع : ماعاد شي يهمني ..!! ذبحتو قلبي .... وانا اللحين بذبح عمري عشان تفتكوون كلكم مني .. (وطالعت بيت قوم فيصل من الدريشه ) وانته اولهم يافيصل بفكك مني .... 

هوست ع الولاعه وطلعت الضوو فكرت في فكره غبيه انها تحرق عمرها ..بس هزت راسها بالنفي .. هي اكبر من جي ... نار جهنم ماتقول لا للي يبون ينتحرون ؟؟؟ بس .. كيف اتوقفهم عند حدهم ... 

انطفت الضوو ردت تشغلها مره ثانيه وتقربها من ايدها وتحس بحرارة النااار وبدت تحرق الحنا عشان يخووز وتتألم .. لين ماقتربت الضوو وايد منها وسوت أثر للحرق .. ومن كثر الالم صرخت غايه من الالم ونشت تركض الحمام وشغلت الماي البارد وتمت حاطه ايدها تحت الماي البارد عشان الحرق ... وتطالع انعكاس صورتها في الجامه وهي تصيح ... وتقول : غبيه ياغايه ... من يومج غبيه ... حمد واقع في حياتج انفرض عليج .. مثل ما انفرض عليج بعد فيصل ... ( سكتت فتره ) لا لا كله ولا فيصل .. ادري يحبني .. ادري يباني ... ادري بيرد لي .. 

سكرت فوز الماي بهدوء وانسحبت للحجره وفتحت كبتها طلعت فستانها وحطته ع الارض بين حطام حجرتها ردت اتصيح بشده .. واتطالع الفستان : اكررهكم .. كلكم ... اكرهك حمدااااااااان ... اكرررررهك ... 

سارت وداست ع الفستان وع طول سارت للشبريه وتلحفت وتمت اتصيح واتصيح ... لين مارقدت ... وماحست بكل الغباء اللي سوته في ليلتها الماضيه ... وغفت عينها على حلم مزعج .. وكابوس الواقع ... 

.................................................. .................................................. ...........................................

اليوم الثاني .. 

علايه نشت من وقت يعني ع الساعه 8 وربع ... سوت لها عصير برتقال وشلت الام بي 3 مالها وظهرت خاري في الجو الحار ... وتمت تتحوط في الحوي وشافت سيكل حمود اخوها جان تسير وتركبه وتمت تسوق السيكل ... جان تشوف سياره داشه داخل ع طول علايه سارت ورا الفله عن يشوفونها سارت لبست شيلة البيت واتحجبت ونزلت تحت وتمت توايج من الدريشه .. وشافت حريم ينزلون ... وعقب انتبهت انهم عيال عمها .. وطلعت برع تركض وع الدري تنقز جان اتطيح ع الدري طبعا .. كل اللي صوب السياره صدو عليها .... علايه رفعت راسها اتشوفهم 

فطيم من بعيد تزاعج : هههههههههههههههههه وانتي هاي ماركتج مانعرفج الا يوم تنجلبين .. 

علايه تبتسم بس ركبتها تعورها من الطيحه ونشت على حيلها : ااي ... تعالي دبوه ببوسج 

فطيم يت تمشي ونشت لها علايه وحضنتها اول ماشفتها .. طبعا دمعوو ... وسلمت عليها عقب سلمت على بنت عمها الكبيره ميثا ومرت عمها وكان الدريول يايبنهم ودشو كلهم داخل 

علايه : ماشالله عليكم يايين من وقت 

فطيم : جب يالسباله انتو من متى يايين ونحن ماشفناكم متولهين عليكم 

علايه : طالعي ساعتج 

فطييم : الساعه عشر طعش كيفنا البيت بيتنا متى مانبا ني بني .. 

ام حسن ..: هههههه اسميج ياعلايه سووالف ... امج راقده 

وتدش ام محمد .. وسلمت عليهم 

ام محمد : ماشالله شو ها المفاجاه 

علايه : افف مايخلون الواحد ياخذ راحته حتى الصبح بيلزقون فيه 

فطيم : يارج الله نحن يايين نسلم علي خالتي مب عليج مالت عليج 

ميثا : هههه اميه قومي نضرب عليوه تامه مستقويه 

علايه : ههههههههه اسوولف بلاكم والله نورتوو ... البيت بيتكم كلكم الا فطيم 

فطيم طالعتها بنظره وضحكت علايه وتمو يسولفون ... وكانت لمه حلوه .. ويقولون لهم سوالف السفر .. شوي ويسمعون دق ع الباب وصوت رجالي ... 

...: هوود هوود 


ام محمد وام حسن اتحجبن لكن علايه من سمعت حسه ع طول نقزت للباب وحضنت عمها الصغيرون " أحمد " عمره 20 ووايد حبوب ووايد ويا علايه ... تمت علايه حاضنتنه وتصيح من خاطرها ... تم احمد مستانس ويمسح على ظهرها .. ودمعت عينه هاي دلوعته عليوه ... بعدها عن حضنه وهي تمسح دموعها وتضحك 

احمد : ههههههههه توني ادري اني غالي لها الدرجه 

علايه تدزه بالخفيف : جب 

احمد : عليوه خلنا نعيد اللقطه ههههه 

علايه : احمدوووه بات عندنا اليوم والله اتولهت عليك 

احمد كان يطالع صوب بنات اخوه والحريم في الصاله ومتلوم لانه ماسلم عليهم : احم احم السلام عليكم ياقووم 

فطيم تيلس : نحن مب لازم انسلم ملينا منك 

احمد : امره الغياره .. 

فطيم : هاهاها ما اغار 

علايه لزقت في عمها وسارت تمشيه لين الغنفه ويلست حذالها امره لاصقه فيه شويه وبتيلس في حظنه جان يصد عليها وهو يسولف : اخبرج تعالي ايلسي في حضني بعد .. 

علايه : احمدووه والله اني اتولهت عليك 

ام محمد : علايه بس عاد خلي عمج ياخذ راحته 

علايه ويمت : انزيييين 

احمد طالعها بنظره وابتسم ... وتم يسولف وياهم 

.................................................. .................................................. .......................................

بيت قوم حمد ... ع الظهر ... 

كل حد مرتبش من صوبه عشان الملجه اليوم والاتصالات شغاله من الصبح ... وكان كل شي اوكي .. . باستثناء روضه اللي ياها اتصال اليوم الصبح ونرفزها .... بس حاولت تبين للكل العكس .... وقت الغدا دشت روضه حجرة حمد على اطراف اصابعها وهي تفكر في كل اللي تسويه بس في النهاية قالت .." انا عبدا مأمور " .. 

وقفت في نص الحجره ويايه بترد من وين مايت ولفت بتسير صوب الباب ... " لاياروضه .. هي طلبتج طلب وانتي مابتردينها .... بس حمد اخويه .. ليش احطمه كثر مما هو متحطم ... ااااه انا بسوي والله يعين اخويه بس .. " 

ولفت تاخذ شغلها وظهرت تركض لحجرتها .... 

اما غايه من نشت الصبح شافت حطام حجرتها ورتبتها ع السريع وطالعت مكان الحرق قي ايدها استوى الحرق قبيح ولونه مايل للزرق والاخضر والاحمر .. مخلي علامه قبيحه في ايدها .. بين نقوش الحنا .. ويتها امها وتمت تسولف وياها عن الملجه وامها قلبها معورنها على بنتها اللي انظلمت وسايرت ظروف العادات والتقاليد ... على حساب سعادتها ورضت بولد عمها اللي كان يبا غيرها ويتمنى ويرتجي حب غيرها ... طبعا ها الكلام حسب وجهة نظر ام حمدان ..

ويت اللي بتعدل غايه وغايه متوتره حدها 

ام حمدان : ها يابنتي تبين شي ..؟؟ 

غايه سرحانه والحرمه يالسه تسوي شعرها : هااه لا خلاص اميه ماشي .. 

ام حمدان شوي وبتصيح : انتي راضيه ياغايه 

غايه وهي تطالع للمدى البعيد وتتنهد بتعب : اااااه راضيه ياميه راضيه ... ( وابتسمت بهدوء ) ها النصيب ( وصدت على امها ) ولا شو رايج ؟ 

ام حمدان ريحتها ابتسامة بنتها : بارك الله فيج يامايه .... يالله بخليج بسير اطالع البشكاير شو سون وخل الحرمه تنقفض اللحين العصر شوي وبين الحريم .... وبيمتزر البيت 

عقب شوي قام البيت يمتزر من الناس ... والحريم ... وبرع يابو فرقة المزيود ويرزفون ... وطبعا يابوهم قبل المغرب بساعه عشان الحر ومايرومون يتمون وايد برع ... واتيمعن سيايير واايد جدام بيتهم وقامو الشباب يمارسون هوايتهم يصيحون ويلات ويحرقون التايرات ... الخ ... والحشره لين داخل ... غايه يالسه في الحجره ويحطون لها لمساتهم الاخيره وقلبها يدق بسرعه وكانت هاديه وايد دشت روضه عليها اللي كانت متعدله وتامه حلوه وايد ... وفي ايدها اوراق وايد ... ووطتهن على طرف الشبريه ... واول مادشت روضه غايه ابتسمت لها ولكن روضه تمت مكتفيه وهي تراقب لمسات المكياج الاخيره على ويه غايه الطفولي اللي يعكس مشاعرها الشريره المتولده في قلبها من يوم ابعدوها عن فيصل ... شويه وخلصت الحرمه ودشت ام حمد على غايه وسلمت عليها 

ام حمد : ماشالله عليج عيني عليج بارده ربيه يحفظكم لي ... ويخليني لين ما اشوف عيالكم 

غايه دمعت وبصوت واطي : اميين 

ام حمد تمت تطالع غايه وهي تحلم احلام اي ام بتكون اليوم ملجة ولدها ..وغايه تبادلها الابتسام وهي تحس بانه كل اللي يستوي مثل الحلم .. ياما اتمنت ها الليله ويشاركها فيصل فرحتها وتكون فرحتهم وحده ... هي وفيصل وبس .. 

ام حمد : يالله بترخص بسير اجابل الحريم ... واقري على عمرج قبل لاتنزلين ان شالله غناتي 

غايه تبتسم بهدوء : ان شالله من عيوني .. 

وطلعت ام حمد ولمت الحرمه قشارها وطلعت ورا ام حمد وسكرت الباب وراها ... روضه ماتحملت كل اللي يستوي تحس بالذنب عشان اخوها وتحس باحساس مب حلو صوب غايه لانها تعبانه نفسيا ونفسيتها مووول ... مب شي 

سارت روضه بدون لاتقول شي وحضنت غايه .. غايه خذت راحتها في حظن روضه وتمت مغمضه عيونها وتبتسم ع سخرية القدر .. انها اليوم حرمة حمد .. مب حرمة فيصل 

روضه دمعت وبعدت غايه عن حضنها ومسحت دموعها عشان لايخربن الميكب .. وصدت صوب الاوراق وشلتهن وحطتهن جدام غايه ... 

غايه تناولت الفايل من ايد روضه وفتحته وقرت اول صفحه بصوت مسموع : وصية ميت مب مرحوم ... اتصدقين عنوان غريب ... كيف يكون الميت مب مرحوم ؟؟ هذا اي نوع من الموت ؟؟ شو مرتكب ها الميت من جرائم عشان يكون مب مرحوم غريب ها الحمد ... غريب ... 

روضه بألم : ماعرف بس ياغايه فكري في كل اللي تسوينه 

غايه تجلب الفايل : فكرت ...وفكرت ... ( وتسكت شوي لانها تقر اللي مكتوب ) اتصدقين .. الحياه لعبه ( رفعت راسها ) وانا خسرت في اللعبه واحس اني يوم عن يوم استسلم للقدر .. يعني لازم اعترف ... GAME OVER 
وفيصل ... ااه يافيصل ... بيتم لي الحبيب الاول .. والاخير 

روضه انسحبت بهدوء برع عشان تسلم وتنسى اللي تقوله غايه وتخربط وتقول في خاطرها " مينون بياخذ مينونه .. عاشو والعيال شو بيطلعووون .. ههههههههههههههههههههه جني اتمصخر عليهم بس والله عيزت منهم ابا افهم كل واحد شو في خاطره ليش كل ها العالم يعيشون في غموض ..الحياه بسيطه مايبالها كل ها التعقيد .. !! " 

نزلت روضه تحت والحريم اللي كانو موجودين كانو كلهم تقريبا من الاهل والمعارف لانه المعازيم بيوصلون عقب المغرب ... يوم الجو بيتعدل شوي وكان الحوي روعه مزين بطريقة راقيه .. المرواااح في كل مكاااان كبار وصغار يعني اللي يشوف الحوي من فوق بيحس انه الحوي استون له اجنحه وبيطير .. من الكثر المرواح .. وكانت فيه كوشه صغيرونه على طرف الحوي كرسي حديدي يلتف بكريقة حديديه حلوه وجدام الكرسي قوس ورد منسق بطريقة حلوه والورد منتشر ع كل الحوي ... عقب المغرب تيمعو الحريم واستوت الزحمه وفي حجره غايه كانن بنات غايه كانت تربطها بهم معرفه سابقا .. 

فجأه دشت علايه اول مادشت الحوي بطلت الغشوه عن وييهها وطلعت شعرها برع العباه وتمت تنقل نظراتها في ارجاء الحوي الواسع وتحاول انها تحصي بنظراتها عدد الحريم اللي ياليسين ... وقام قلبها يدق بسرعه بسرعه .. 

" شو فيج ياعلايه شو ياج ؟؟ ليش جي قلبج يدق بسرعه ... معقوله بها السرعه حمد يخطب ويعرس ... ليش انا زعلانه ؟؟ ليش !! " 

ام محمد صدت على بنتها اللي تمت واقفه عند الباب : عليا يالله اميه طوفي 

عليا شوي وبتصيح : مابا ابا اروح . مابا اتم .. ابا اروح اللحين .. 

ام محمد : عليا طوفي يامايه شو ها الرمسه .. مب حلوه جي الناس قامت تطالعنا 

عليا دمعت : دخيلج اميه اابا اروح .. 

شويه وينفتح الباب اوتدش حرمتين وبنت ع كرسي متحرك ... 

الحريم : السلام عليكم 

ام محمد تمشي صوب الباب عند علايه : وعليكم السلام 

ام محمد: يالله عليا فديتج طوفي امشي شو ياج

علايه اتطالع امها بنظرات خوف : مابا اميه ابا اروح .. اللحين اللحين مابا اتم 

ام محمد ماعرفت شو تسوي الحريم قامن يطالعن علايه .. وعلايه مصره ع رايها انها تروح .. اتقربت ام محمد من بنتها وهمست لها في اذنها : ايلسي شويه عشان خاطر ام حمدان وام حمد وعقب بتروحين يالله عاد عليا استوي حرمه 

عليا هزت راسها بالايجاب ومشت ويا امها وسلمو على ام حمد وام حمدان ويتهم روضه وسلمت عليهم وتمت يالسه ويا علايه .. علايه كانت تبتسم بألم ... " اللي كانو يحبوني اشوفهم كل يوم ينسحبون من حياتي ... اتألمت لفراق سعيد ورحل عني وخلاني ... ومن عقبها حمد .. مع اني ماحبيته لكنه هو كان يحبني ... بعد رحل عني .. واليوم .. اليوم سجل ياتاريخ واشهد يازمن على معاناتي(وتتذكر اهانة حمد لها ) مع خالص احتقاري محبوبتك لعام 2007 .. " 

روضه شافت بنت تاشر لها من بعيد نشت روضه عقب ما استاذنت من علايه وسارت لها البنت وها البنت كانت عنود بنت يران قوم غايه طبعا اتعرفها من زمان 

روضه : هلا هلا وينج من زمان ماشفناج ( وسلمت عليها 

عنود : شو نسوي انتي وينج اللي مختفيه ... ؟؟ 

روضه : اتعرفين كنا مسافرين 

عنود : ايووا الحمدللله ع السلامه 

روضه : ها الحمدلله ع السلامه مامن شر اشوفج على كرسي ؟ والريل متكسره 

عنود : صخي عني اتكودت وانكسرت ريلي 

روضه : ههههه مب احسن من حال عليوه 

عنود : منو عليوه بعد ؟ 

روضه : هاذيج اللي يالسه هناك ( وتاشر صوبها )

عنود : ايواا قصدج راعية الفستان الحمر هههههه من الصبح انطالعهم ماشالله عليها الحمر طالع عليها غاوي 

روضه : ههههه اسمحلينا ماينفع التقردين 

عنود : احم وديني صوبها بنتعرف وبنتقردن 

روضه : لا يالله عيب عيب 

عنود : هههههه ويا راسج ... 

روضه : اوويه يالفشله ماسلمت على اهلج 

عنود : ياللي ماتستحين ولاتخيلين يالله نشي مافيج مذهب امره 

روضه تضحك وتسير اتسلم على ام فيصل وام علي ... لكن ام فيصل كانت شويه وبتصيح عشان ولدها اللي حالته ماتسر لاعدو ولاصديق ... عشان ملجة غايه ... 

غايه في الحجره وجدامها الكتاب تطالعه بنظرات غريبه وبشعور بايخ .. وبابتسامه صفراء خادعه للناس .. وبقلب مجروح مزيف ... وقعت بلامبالاه .. وع طول فرت القلم وسط الكتاب الكبير وحطت ايدها على وييها ... وتنهدت بحيره وبتعب كان الوحيد اللي موجود في الحجره وياها حمدان عشان توقع ويضمن انها وقعت .. 

حمدان يطالعها وكانه هم وانزاح : مبروك يا .... ياا .. اتصدقين احترت فيج .. انتي اختي ولا ابليس 

غايه بنظرات كره وحقد والشرار يتطاير من عيونها لانه هو السبب الاول في تحطيمها وصدت عليه وبعيون حمر : استانس يا .. ياا .. ماعرف شو اقولك .. اتصدق احترت فيك انته اخويه ولا عدوي ...؟؟ 

حمدان ابتسم عمره ماتخيل ها المشاعر الكريهه تكون متبادله بينه وبين اخته عقب الموده والمحبه والانسجام .. ماتوقع عقب ها كله يستوي من بينهم هاالخصام .. سحب الكتاب بهدوء وظهر عنها وتمت غايه ... تطالع الكتاب اللي بين ايد حمدان واعلنو للكل ها الحزه ... غايه لحمد .... 

في هاا للحظه فيصل قافل على عمره الباب ضاربنه ضيج فضيع البخاخ في ايده كل دقيقه يرش رشتين ولايحاسب على عمره تقريبا لين اللحين حول 44 مره رش البخاخ في حجله .. ويدخل عليه نور فرحة بيت يرانهم ويتسلل لعيونه نش بضعف وانكسار وسكر الستاره عشان يحجب ليت الكشاف الساطع في الحجره .. يحس انه بيختنق الهم يعصره .. حبيبته راحت ... وماتم له الا الذكرى .... 

نزلت غايه للحريم تواجهم بابتسامه حلوه للناظرين ... لكنها ترسلها مجامله للالم .. حطو لها زفه وهي تمشي عليه وكانت في ايدها باقه صغيرونه كانت تمشي بثقه انها خلاص فقدت كل امل في رجوع غاليها .. امتلت عيونها بدموع واستوت لها غمامه دموع حجبت عنها من شوفة ويوه الناس مدت اطراف اصابعا لطرف عيونها وضغطت بصبعها على طرف عينها وتسربت دمعتها السجينه على طرف صبعها مانتبه لها الحركه انها دموع الا ام فيصل ... وصلت غايه للكرسي وابتسمت بألم ورفعت راسها ليت قوم فيصل .. شافت ظل فوق البيت منعكس ليت الكشاف يمنعها من شوفة الملامح لكن غايه عرفته عرفت انه فيصل ..... تمت مركزه نظرها فوق صوب فيصل وفيصل ماخوز عينه عنها ومب طايع يرمش حتى وهو يطالع حبيبته لغيره ... عنود اخته حست وع طول صدت صوب بيتهم وانتبهت للظل وع طول ظهرت تيلفونها وطرشت له مسج (( عيب هي على ذمة ريال ثاني ... )) ... 

مد فيصل ايده في مخباه وقرى المسج ... ماتوقع انه بيصيح صد صوبها ووشافها لاخر مره وطالع السما وتمنى لها حياه سعيده من عقبه ونزل لحجرته وسحب سويجه وطلع من البيت ... 

دش حمد بابتسامه وبخطوات واثقه يوزع ابتسامه علىالخلق .. علايه كانت تبا اتروح قبل لايدش حمد تم قلبها يدق بقوو بقوو ... تمت تسمي بالرحمن .. وتتعوذ من الشيطان ماشي فايده .. قلبها يعاندها ... اتحس بقفصها الصدري من داخل اتكسر من قوة ظربات قلبها .... رفعت عينها طالعتهم ع طول يت عينها في عين حمد 

حمد يحس بالخيبه .. يحس بضعفه عمره اللي قضاه يترياها فيه راح .. واحتلته انسانه ثانيه نبض احساسه مب قادر يوجه لها اي مشاعر ... !! يمكن اتعاطف وياها .. حاول يحبها .. بس مايوصل لنص حبه لعلايه .. ع طول غير نظره لصوب غايه ويقول في خاطره .. 

" تمنيتها وايد .. ودعيت انها اتكون من نصيبي ..بس هي هدمت كل شي ... ماتباني .. تبا فيصل و سعيد ... الله يهنيها وياهم ... " 

[تمنيت قلبن يحس فيني ثواني.. ويعطف على قلبن متيم ومفتون
تمينت لكن ما هي بيدي الأماني.. ما كل من طلب حبيبن له يكون] 

واخيرا نطق حمد : مبروك غايه 

غايه ببراعة وجوده في التمثيل : الله يبارك فيك الغالي 

حمد شل العقد من الصندوق الضخم البني اللي ميودتنه روضه ولبسها بحنان واللي يشوفهم يقول احلى اثنين ... علايه مب رايمه تتحمل اكثر نشت بسرعه وقالت لامها بتسير الحمام ... سارت علايه تركض ذرفت دمووع ماتدري دموع شو بالظبط ... بس الي عرفته انها زعلانه على عمرها ... !! 

بدو المعازيم يشتلون واستوى المكان هادي ومحد فيه الا القليل .. حتى قوم علايه روحو وماتم الا الاهل .. اهل غايه واهل حمد وبس .. روحو ام حمد وبو حمد روضه واليهال عقب ماسلمو على غايه وحمد وروحو وعقب سارو بوحمدان وام حمدان يرقدون لانه تعبو عنثر اليوم وتم حمدان وحمد وغايه .. وطبعا حسب طلب حمد يبا يشوف غايه وييلس وياها حمدان مامانع بالعكس وافق ... سار حمدان ييلس في الصاله وياه اتصال من ربيعه وقال له انه بيمر عليه وطلع وياه شويه وبيرد لانه مايبا يتاخر وايد عشان حمد في البيت .. ووهو واثق في حمد وايد عشان جي برايهم ودام انها ويا ريلها برايها المهم افتك من هم اخته ... وللابد 

كانت يالسه غايه وتهز ريلها وحاطه ظفورها في ثمها وتقرضهم من كثر ماهي متوتره ومب حاسبه لوجود حمد اي حساب .. 

حمد يلس ع الكرسي اللي حذالها ورمسها بحنان : شوبلاج ؟ 

غايه صدت عليه بعيونها اللي ولعن باللون الاحمر تنذر بليله صعبه ع الشخصين : ومابلاني غيرك ذاك اللي بلاني 

حمد ابتسم على تعليقها واعتدل في يلسته وعدل غترته اللي تامه جنها كوبرا لول . : تصدقين انتي طالعه حلوه اليوم 

غايه مب متحمله كلام حمد وتحس انه روحها بتطلع ..: بس دخيلك بس .. ارحمني 

حمد هني زاغ ويودها من ايدها اللي كانت ترتجف ..: بسم الله عليج شو ياج 

غايه بنفاذ صبر : حمد بليز ثواني بسير وبيي 

حمد : لو تبيني اروح بروح بس لاتضايجين بعمرج 

غايه : لا لا اباك دقايق اوكي 

حمد من قالت له ( اباك ) قومو عنه اتشقق من الفرحه ... وتم يطالعها بعيونه وهي تظهر ... ومن غمض عينه اتذكر نظرة علايه له ..... واتحولت ابتسامة الفرحه لابتسامة حزن .... شويه ودشت غايه وهي شاله رزمة اوراق في ايدها ... ودشت الميلس وقفلت الباب وراها والتفت لحمد وابتسمت بخبث .... وتقول في خاطرها " اللحين بخليك تهون عني بالتحطيم المعنوي .... " 

حمد يطالعها باستغراب وهو يخمن في باله شو بتسوي وليش قفلت الباب ..؟؟ ولو يا حمدان شو بيقول عنهم ؟؟؟ 

حمد : بس ليش قفلتي الباب ... 

غايه ابتسمت ولمعت عيونها بالدموع .. وفرت الملف عند ريل حمد ونزل عينه للملف اللي طايح عند ريله وحس انه مب غريب عليه ها الملف وهني سرت بجسمه رجفه رفع عينه يطالع غايه منهاره حاضنه اورااق واايد 

غايه بألم ودموع يتيمة وتقوي قبضتها ع الاوراق :ليش فهمني ...؟؟ ليش انا يستوي بي جي ؟؟؟ انته تبا علايه سير لها علايه ... اعشقها وموت فيها .... 

حمد : اناا ... 

غايه تقاطعه : انته تحب علاايه ماتحبني ... ( واستخدمت وصية اوراق ميت مب مرحوم عشان تشهد ضده ) 

حمد اتنرفز واعصابه قام يفقدها ويحاول يهدي عصبية غايه : افهميني خلينا نحل كل شي بالهداوة ... 

غايه تفر الاوراق في الهوى وتتناثر الاوراق في سما الميلس وتطير في الهوى وجنه الميلس تحول للون الابيض لفجأه غمض حمد عينه بالرغم من خفة حجم الاوراق ..... ولكن اللي مكتوب في ها الاوراق اعظم مشاعره ... 

غايه نفس الشي من تناثرت واتطايرت فوقها الاوراق غمضت عينها بقوه وهي تحاول تستوعب اللي يستوي لها 

حمد مب عارف شو يسوي ؟؟؟ هي في اللحظه تهين قلبه ... وتهين حبه ومشاعره اللي خطتها ايده في ها الاوراق ... وصيته ... وصيت ميت مب مرحوم بددتها غايه ... 

غايه تصيح وساح جحالها واستوت جنها ( مدمنة مخدرات ) [ احم احم كح .. ونعم التشبيه الصراحه لوول طوفو ] .. 

حمد ع طول انقبض قلبه تذكر علايه ... تذكر اللي كان يحبها ... 

غايه مدت ايدها لكمن ورقه كانن حذالها وقريبات منها وسحبتهن صوبها ونشت ع حيلها وقامت اتطر ورقه ورقه واتفرهن في الهوى من اول ويديد واتقول له : تبا علايه صح ... سير لها ... خذ علايه لكن انساني انا .. انا تعبت خلاااص 

حمد : غايه انتي اليوم حرمتي وعلايه اعتبرها ماضي ارجوج افهمي ها الشي .. 

غايه تفر الاوراق جدامه : تباني اعيش وياك وانته تفكر في غيري 

حمد : علايه عشاني انسي لانه ها كله ماضي وقسم بالله ماضي خلينا نبدى صفحه يديده من اليوم انتي لي وانا لج 

غايه بعصبيه مبالغ فيها : بعد علاااااااااايه ... بعد علااااااااااااااايه ... الله ياخذ ها العلاااااايه ... خلاص ياحمد انساني خلني ... انا وانته ما اناسب بعض 

وظهرت غايه تركض عنه ورفعت طرف فستانها لحجرتها ووقفت في نص الدري تبا فيصل .. تبا اترمسه ... رفعت راسها تدعي ربها (( يارب يارب ... رد لي فيصل .... )) 

حمد تمنى ها الليله ليله يحطم فيها كل ذكرى لعلايه .. ليله ينهي فيها الماضي بالمره .. ليله تبعده عن علايه وللابد .. بس اكتشف العكس ها الليله خلته يعيد حساباته مليون مره ... ويرد يصارح عمره بجرح دومه مفتوح ومستحيل يندمل .... تم واقف يطالع جريمة غايه ... يطالع نفورها .. عصبيتها .. فصخ غترته وعقاله وفرهن ع الغنفه ويلس ع الارض ويلم وصيته ... وصية ميت مب مرحوم ... عمره ماحس بعنوانه الا اليوم ... يمع اوراقه وفتات اوراقه ومخلفات ماضي تعيس ... يبشره بمستقبل اتعس منه بعيد عن علايه قريب من جنون غايه ... 

سار صوب الغنفه ونزل شوي وحط الغتره ع جتفه وشل عقاله وضمهن ويا اوراقه وع طول سار للبحر ... فر الغتره والعقال في السياره وشل وياه الاوراق ... 

حمدان رد البيت وحصل هدوء ودش الميلس محد فيه وين اختفو هاذيل سار يركب فوق وفي الدرب يالس يطالع تيلفونه ويتصل لحمد ... وحط التيلفون على اذنه وهو يدق الباب على غايه اللي كانت تصيح من خاطرها وهي مب مستوعبه اللي سوته اليوم .. سواه ماتسويها وحده عاقله لا وفي ليلة ملجتها .. انتي شو من البشر ياغايه ؟ !! 

حمدان باستغراب : غايه ؟؟ 

غايه تصيح وتحاول تعدل نبرة صوتها : اصبر حمدان ابدل ثيابي .. 

حمدان : عيل برايج بس وين حمد .. 

غايه : روح ماتم وايد بس عشر ... دقايق

حمدان : اها اوكي .. 

وسار حجرته وهو يرد يضرب اتصال على رقم حمد اللي كان فار تيلفونه في السياره ويالس يدوخ ويطالع البحر .. حس حمد بانه تيلفون يرن ورد للسياره وسحبه وشاف حمدان يتصل ... وشله 

حمد يبين عمره انه عادي ومب متضيج : الووو 

حمدان مستاانس : هلاااا والله بالمعرس وينك ياريال ...

حمد يتنهد : موجود ع البحر 

حمدان : ياعيني والله ع الرومنسيه توك الا طالع عن الحرمه 

حمد : لا وحياتك اطالع الرومنسيه على وصيتي ؟؟ 

حمدان : شو السالفه ياحمد شو فيك نبرة صوتك متغيره شو تقصد 

حمد : مافيني شي سلامت راسك الغالي ... 

حمدان : انا بيي عندك اوكي 

حمد : لا ماله داعي ... 

حمدان : ياريال احس انه فيه شي .. ( وبشك ) غايوه قالت لك شي ؟ 

حمد يتذكر ويكتفي بابتسامه تجرح قلبه : لا حليلها .. كاانت ( ويمد الكلمه وجنه يقولها باستخفاف ) طيييييييبه 

حمدان : حمد شو فيك ؟ 

حمد : مافيني شي انا اللحين بروح البيت لاتحاتي ... 

حمدان تم قلبه ناغزنه وحس انه مستوي شي بس غايه كانت وايد عاديه يوم ترمسه وحمد حس انه فيه شي عقب استوى عادي ..... حط حمد التيلفون في جراجة السياره وحط السي دي اغنية عبد المجيد " بريحك مني " .. 

وشل اوراقه اللي كانن ع السيت الثاني ومرتبنهن ترتيب مال اي كلام ... ووصل للسيف وعقهن على بعض واستون شرات العرقوب الصغير .. وظهر جيكاره وتم يدوخ .. 

" اليوم اللي فكرت اني بقتل حبج ياعلايه ... ردت غايه تحي حبج في قلبي ... وانا اتحرى انه اليوم هو اليوم اللي ببتعد فيه عنج لكن بتصرفها احس اني اتعلق فيج اكثر .... ( ويدمع ) عادي علايه لو كنتي تبين فيصل .. لو كنتي تبين سعيد ... لكن انا انا اباج ... والله احبج .... وانتي عمري ماحسيتي بي ... ادري غلطت ... بس ماغلطت عليج الا من كثر ما احبج ... من كثر ما احبج ياغناتي .." 

نفس الشي حال علايه ... لابسه بجامتها الحرير الورديه وعلى اطراف اكمام البجامه دانتيل بالاسود وفاله شعرها الاسود ومبنده ليتات الحجره ومشغله الابجوره وقافله الباب ... وميوده الستاره بايدها وتطالع من الدريشه النجوم والسما ... وتدمع بهدوء وكل ماتنزل دمعه تمسحها وهي تبتسم .. 

" علاايه ليش زعلانه ؟ شو الشي اللي يستاهل انج تصيحينه .. انه سعيد خلاج ... ( ابتسمت ) وانه اليوم حمد خلاج ... ماعليه ربج كريم ... ( غمضت عينها ) اليوم اشهدووو عليه يانجووم ... واشهدو لمشاعر الحب والاحتقار بتوديع قلبين ... اشهدوو عليه .... مع خالص احتقاري محبوبتك لعام 2003 ( تقصد هني سعيد ) ومحبوبتك لعام 2007 ... ( تقصد حمد ) " 

وحست بطعم مالح في ثمها ومسحت على شفايفها بلسانها ..ها طعم دموعها مالحه ... شرات ايامها ... مافيه شي حلو في ايامها ... كل يوم والثاني يتشابه ويا اللي قبله 

ع البحر بين هدوء الليل ... وتاليه ... عشاق يتهامسون ... قلوب ترتجف من لوعة الفراق .. انين الحزن ... صرخات حب لكن محد يسمعها ... هذا هو تالي الليل ...!! على ارض دولتنا 

صد حمد وهو مربع ايده ويطالع كومة الاوراق اللي حذاله ويطالع الشخص الغريب اللي ياي صوبه .. ها الغريب حس بحمد وسمع الاغاني اللي كان مصدرها السياره .. وانتبه للاوراق ويا يمشي بهدووء مايختلف عن هدوء الليل .. وغربة المشاعر .. 

الريال الغريب : السلام عليك 

حمد بنظرات مافيها اكشن : وعليك السلام 

الريال الغريب كان شكله مبهدل ماكان حاله احسن من حمد وكانهم حاسين ببعض .. بس ملامحهم ماكانت تبين في ظلمة الليل 

حمد : خير اخويه ؟ 

الريال : والله كل خير بس شفتك وقلت ايي عندك 

حمد : اها 

الريال : شو ها الاوراق ؟ 

حمد يطالع البحر مره ثانيه ويحول نظره عقب للسما ويبتسم : وصيه ... 

الريال باستغرابب : وصيه !!!! 

حمد يطالع الريال المنصدم ويضحك : هههه هيه وصيه شو فيك ؟ 

الريال : وصيه ها الكثر اوراق ... 

حمد يحول نظره للاوراق : هيه هاي وصية ميت مب مرحوم 

الريال استغرب منه وايد .. : كيف يكون الميت مب مرحوم ؟؟؟ واي نوع من الموت يكون ؟؟ عشان ماينرحم عوذ بالله .. 

حمد : ها الموت بدون موت ... 

همستي انا فواغي ونظرتي لـ [ الموت بلا الموت ] 

(( فبيننا الكثير من الموتي يتحدثون .. يتحركون .. يأكلون .. يشربون .. يضحكون .. لكنهم موتى يمارسون الحياه بلا حياة ... فمهاميم تحتلف من شخص الى أخر فهناك من يشعر بالموت حين يفارق شخصا عزيزا ويخيل اليه ان الحياه قد انتهت وان ذلك العزيز قد رحل واغلق ابواب الحياه خلفه .. وان دوره في الحياه بعد قد انتهى !! 

فلم يعد المعنى الوحيد للموت هو الرحيل من الحياه فهناك من يمارس الموت بطرق مختلفه ويعيش كل تضاريس وتفاصيل الموت .. وهو مازال على قيد الحياه !! .. 

فالكثير منا يتمنى الموت لحظة الانكسار .. ظنا منه ان الموت هو الحل الوحيد .. والنهاية الوحيدة لسلسلة العذاب .. ولكن هل سأل احدهم نفسه ..؟؟ ياترى ماذا هناك بعد الموت ؟ 

نعم ماذا بعد الموت .. 

حفرة ضيقه 
دامسه ومظلمه 
وغربة موحشه 
وسؤال عقاب وعذاب !! 
اما جنه او نار ... !! 

ونحن مازلنا هنا 
مازال في الجسد دم 
وفي القلب نبض 
وفي العمر بقية
فلماذا نعيش بلا حياه 
ونموت بلا موت ؟؟ 

فاكس عاجل من فواغي الى حمد .. 

مازلت تتنفس وقلبك ينبض وجسدك يتحرك ولكنك ياحمد منذ زمن فارقت الحياه !!

حمد عفوا .. ربما ادخلتك دائرة الموت فاكسر سياج الدائره وأقفز فوق الباب فان لم يفتح لك ... فالحياه تستحق ..^_^ )) 

اردكم لعالم الواقع بعيدا عن خطوط خيالي لـ أغرب تناقضاتي [ حمد ] 

الريال : انته غريب والله 

حمد : ....... 

وفجأه فر الجيكاره الملتهبه بين الاوراق وطاحت على ورقه وتحولت طرف الورقه لرماااد ... 

حمد : اليوم نهاية ها الموت بدون الموت ... 

ونزل لمستوى الاوراق يعني يلس على ركبه وحط ايده في مخباه وظهر الولاعه وتم يهوس عليها ومايظهر الضوو .. يعني خلصت... حمد مد ايده للريال .. : لو سمحت ولاعه .. 

الريال ابتسم وحط ايده في مخباه وظهر الولاعه وفرها على حمد .. ولقفها حمد .. صفق له الريال : برافو لقيف .. 

حمد يهوس ع الولاعه ويبتسم ابتسامه باهته : اعجبك .. 

وبدى حمد يحرق اطراف مختلفه من عرقوب الوصيه ... واتوجهت انظارهن صوب كتلة الضو الملتهبه على الارض عشان تزيد من حرارة الجو .. وتزيد من تلوث القلوب ... بالدخان .. وتزيد من حرارة ولوعة الفراق .. وألأم الماضي .. وتعذيب وجرح الماضي ... 

ولا واحد منهم رفع عينه عن الضوو ... وكلهم ساكتين ويطالعون الاوراق وهي تتاكل جدام عيونهم ... رفعو عيونهم بابتسام لكن فجأه اختفت الابتسامه ... 

----------------------------
البارت العاشـــ 10 ــــر - 

ولا واحد منهم رفع عينه عن الضوو ... وكلهم ساكتين ويطالعون الاوراق وهي تتاكل جدام عيونهم ... رفعو عيونهم بابتسام لكن فجأه اختفت الابتسامه ... 

حمد : فيـــــــــــصل 

فيصل انصدم لسانه انشل .. ماتخيل انه ممكن يكون ها الشخص حمد .. المكان ظلام .. وع طول ها العشر دقايق اللي يسولف فيها ويا حمد عمره ماشك ولو بنسبة 1% انه يطلع حمد .... ولا حمد شك انه يكون فيصل .. اعتبرو نفسهم كل واحد غريب عن الثاني .. لين ما اشتعلت الضوو .. واشعل لقااائهم ... وياه 

فيصل نزل راسه وده يصيح شرات اليهال على صدر ها الرمل ... ريل حبيبته واقف جدامه ... لكن حمد بالعكس استانس لانه من زمان ماشافه من شهور .. صداقتهم عاديه يعني السلام عليكم وعليكم السلام ... فيصل ربيع حمدان لكن مب وايد ويا حمد وماجمع حمد وفيصل الا حمدان ... 

حمد : شو تسوي هني ؟ 

فيصل عيونه تتألم تبغي تدمع تصيح ظلم وقهر : ماشي عن اذنك بترخص ... 

ومشى في الرمل وهو يتعثر وحركته تقل لانه يمشي ع الرمل او لانه تخربط وحس بعمره مدوخ وحساباته تخربطت بس من ظهر ها الحمد .. وماحسب لشوفته اي حساب ... كيف اليوم ملجته وهو حاله ماكان احسن عن حال فيصل ؟؟؟ 

اختفى فيصل .. قبل لايرتكب جريمه تذكرها صفحات العشاق ويذكرونها على مدى الايام ... ويطلع عاشق ومينون ثاني ... !! 

حمد استغرب منه ورفع جتفه على اساس انه مايدري شو السالفه ... وتم مركز نظره على اسم علايه بالخط الكبير ويالس يحترق جدامه ورد قلبه ينقبض ... " ليش احبج ؟؟ وانتي عمرج مافكرتي فيني .. بلعنه ها القلب اللي يذكرج ... بلعنه يا اللي حطتمتيني .. انتي يا عليا خليفه ... انتي ... " 

بدت النار تخمد ورد الظلام يخيم ع المكان بس فيه اطراف ناريه باقيه على اطراف الاوراق وريحة الاوراق ... قصدي ريحة الميت غير مرحوم ... انتشرت في المكان ... تعلن عن الموت بدون الموت ... حرك حمد ريله ودفن االاوراق ومشى للسياره ودق سلف ورجع بيتهم وسبح وحط راسه وع قولتهم ... [ النوم نسيان اليوم ] 

.................................................. .................................................. ............................................

عدت الايام ... طافت بدون اي تفاعل بين حمد وغايه .. وكل حد مصر على رايه .. روضه ماحبت تسال عن اخوها ... حمد حاول يبتعد عن البيت وعن امه بالتحديد اللي كانت تساله دوم عن غايه ... ويتم برع البيت تقريبا طول اليوم ... علايه سارت تتدرب عشان تاخذ ليسن ... وهي بروحها اتعرف من قبل تسوق ونجحت في التراي ... وطبعا كانت تسير المستشفى ع المراجعات اللي عندها عشان تنشيط الذاكره ... بس في تحسن .. لكن تنسى بسرعه بعدها .. وخاصه ويا الاشياء المؤقته انا وضحت قبل يعني تحط شي ويسالونها وين تحطه تنسى ؟؟؟ وياما ضيعت فواتير هههههههههه 

قبل الدوامات بـ 3 ايام ... 

علايه طايحه راقده ع الساعه 9 تسع دق قوي ع الباب نشت تفتح الباب وهي متأففه ... وترتب شعرها من فتحته حصلت عمها في وييها .. 

عمها يود قبضة الباب ورد يسكره ورد يفتحه : بسم الله الرحمن الرحيم .. عوذ بالله من الشيطان الرجيم .. سكنهم في مساكنهم 

علايه وهي مب فايجه : احمدووه وقسم بالله اني مب فايجه فيني رقااااااد ( وتزااااعج ) رقااااااااد اهل الكهف .. 

احمد يصد على اذنه : وصيييييييييخ 

علايه : امبيدوووووو ( اونه تدلعه لانه في مسرحيه كانو يقولون لواحد اسمه احمد امبيدوو وهي علقت عليها من هاك اليوم ) فكني شو تبا ؟؟ 

احمد : اليوم ببات بيتكم 

علايه تتثاوب : مبروك 

احمد يعطيها على راسها : وياراسج اقولج ببات تقولين لي مبروك مالت عليج .. بخبر اميه 

علايه : فديتك امبيدو وقسم بالله فيني رقاد .. 

احمد : لا ماشي يالله انزلي براويج شي 

ويودها من ايدها وهي تقاومه وتتيود في مقبض الباب وهو يسحبها 

احمد : قسم بالله شي حلوو 

علايه : اييييي احمدوه صبر بسير اتغسل وبصلي وبنزل 

احمد يصد في ويييها : والله حلوه يالله تعالي .. 

ويسحبها من ايدها وحتى انه بجامتها نزلت عن ايدها وطلع جتفها وطلعها في الحوووي ... : اففف اصبر( وترد بجامتها عشان تستر جتفها ) فصختني 

علايه من شافت الشي بغمت من قمة راسها : اللللللللللللللللللللللللللللللللللللللللللللللللل لللله 

كلهم سدو اذنيهم وهي تنزل ع الدري اللي جدام الصاله وتطالع الي اللي طول عمرها تحلم به ... وتندبغ الدري ويركض لها احمد عمها وهو ناقع من الضحك ويودها ... وتصد على ركبتها اللي ظهر منها الدم بس ماسوت لها سالفه ... وتمشي صوب حلمها وعشقها ... حطت ايدها عليه وجنها مب مصدقه ... وتصد على عمها .. 

علايه بحلم وبغباء : احلم صح !! 

احمد : هههههههههههههههههههههههه هيه 

علايه : اقرصني .. 

احمد ماقصر سار وقرصها : ايييييه يعور وبعدين عيب يالطفس 

احمد : ههههههههههههههههه 

جان يحط السويج جدام عيونها وتسحب السويح بسرعه وتفتح الباب وتدش السياره اللي حلمت بها من يوم عمرها 15 وهي تبا ميني كوبر .... وتحلم بالميني كوبر ... صح انه السياره عاديه بس هاي احلام علايه .. عمها اشترى لها سياره ميني كوبر حمرا .... لونها المفضل ... ركبت علايه السياره بسرعه وقفلت البيبان وشغلتها واول ماشغلتها كان فيها سي دي ... كان عمها يرمس اول شي 

احمد يرمس في السي دي : بنت اخويه العزيزه ... والله من كثر مااحبج يبت لج ها السياره لج ولعيونج ... ان شالله تستانسين بها الهديه وادري انها مب قدرج يالغاليه بس اعرف انه هاي غرامج ... ووو الله يعطيج خيرها ويكفيج شرها .. ما اوصيج مب تستوين جوله وتتدعمين شبج العزبه ... وتعفدين فوق اشخر شرات قبل يوم كنا في البر ... ها الله ها الله في الرزانه والعقل يمدحونه ... مع خالص ... احتقاري ... احمدوه والعالم .. هههههههههههههههه ... وتبدى مقاطع اغاني ... وتطالع احمد عمها بعيون كلها امتلت دمووع ... محد علمها ها الشعار غيره .. كان دوم يقولها مع خالص احتقاري احمدوه والعالم .. ماتعلمت مع خالص احتقاري الا من عمها ... احمد عرف انها يالسه تسمع السي دي ... جان تفتح الدريشه وبشطانه ركبت ع الحد مال الدريشه مال السياره شرات يوم تستوي المسيره .. واحمد يود قلبه : اييييييييييه يديده قسم بالله وكااااله كاش مب اقساط .. اخ قلبي .. 

علايه والرقاد طار : لو شاطر الحقني .. 

احمد فج عينه : ايييييه يالخبله تعالي ... بعدها ع التمرين .. 

علايه ردت يلست ع السيت مال السياره ودقت سلف وردت ريوس وطلعت برع البيت وهي تضرب هرناااااات وسوت زهبه وحشرت الفريج .. ع طول ركب عمها احمد سيارته وشخطها ورا ها الخبله لا ولابسه بجامه وبدون شيله والسياره ماعليها مخفي واحمد متخبل لو يدري ابوها جان نحره قبل لاينحرها ... واحمد ياشر لها انه خل ترد لانه مب لابسه وقايه ... يوم رفعت راسها تشوف احمد من الجامه انتبهت انها بدوون شيله ... وعند بيت يراانهم عطته ريس وكان واحد واقف في السياره ويطالع ها البنت اللي في السياره 

......: هههههه شكلها عراقيه يخرب بيتها عاطتنه ريس عن تدعم ... 

عاد علايه من كثر ماهي متلومه لانها نست سالفة الشيله واكيد عمها بينحرنها .. والسياره ماعليها مخفي دحت بريك عند الزباله اللي مجابله بيت يرانهم وكانت بتدعم ومن قوة البريك سوى صوت وطلع غبار شويه صدت ع السيت اللي ورا حصلت دبدوب وحاطين له عصامه وبوكسات هدايا وايد .. سحبت الغتره ولفتها ع راسها واتلثمت .. الولد ركض يشوف البنت 

الولد من شافها متغتره وتوه بدون شيله ... استغرب تم واقف في النص الشارع الخالي مب عارف يسير لها ولا يرد مكانه ... يا عمها بسرعه ونزل من السياره ومن شافها نقع من الضحك لانه موخيه ع السكان وماتباه يشوفها اونه مول ماشافها وشاف الولد اللي واقف في نص الشارع 

احمد يدري انه ها زايغ : ههههههه لاتتروع تراه بنت اخويه خبله توه مظهرين لها السياره 

ابتسم له الولد ورد عند سيارته ... وسار احمد يدق الدريشه : عليوه افتحي والله مابهزبج .. 

علايه موخيه ومب طايعه ترفع راسها : قول وقسم بالله ما اضربج ( وبدت ترمس بالمصري )وما امدش ولا صباع .. ولا خطااااف على بيتربان( اونه حافظه مال الرسوم مال بيتر بان ) .. اوه قصدي على علايه 

احمد ميت من الضحك : افتحي والله مابضربج ... بس شويه ... عشان تتادبين 

علايه فتحت القفل وفتح احمد الباب جان تحضنه قبل لايضربها تم يضحك : اييه بس فجيني ها تام فاتح ثمه يقول شو ها الميانين على صباح الله خير ... 

علايه دمعت : عمي احمدوه 

احمد نزل ع ركبه وهي فاتحه صوب الباب مالها وتمسح دمعتها : لاتخليني اوكي ؟؟ 

احمد استغرب : بلاج عليوي ؟ 

علايه : احلف انك مابتخليني .

احمد : اولله مابخليج ... بس شو ياج ؟ 

علايه : لانه احس اني بموت قريب ... 

احمد يعطيها على راسها : عن ها الرمسه يالله زين انج غطيتي شعرج ولا اقولج صبري قبل لاتفضحينا 

سار فتح الباب اللي ورا وطلع من بوكس عباه وشيله وطقم ااونه هديه وناولها اياها ولبستهن 

احمد يصفر : كاااشخه وسامته 

علايه ابتسمت لعمها الطيب .. : ههههههه يالله بنحووط 

احمد : اول بنرد البيت وسيري بدلي ثيابج وبنمر على ابوج المكتب ... وبنسوي له سبرايز ... 

علايه : هيه هيه يالله اوكي ... 

تم هاك الولد يشوفهم وعلايه حركت السياره وسار احمد صوب سيارته وصد ع الولد ... :اسمحلنا .. 

( ورفع ايده جنه يسلم عليه من بعيد ) 

الولد من بعيد : مسموووووح ... 

سارت علايه البيت ودشت على امها وحضنت امها من الفرحه وسارتتصلي وتسبح و تكشخت من الخاطر حطت ميكب شوي ولبست بنطلون وبدي طويل لين الركب عليه جمحمه بالوردي وفي النص حزام عليه جمجمه كبيره وكلها فصوص .... وبوت طويل شوي ... ولبست النظاره وصفر لها عمها ... 

احمد : كاااااااشخه وسامته ... بس دخلي شعرج 

علايه : اوكي يوم بنطلع خلني اللحين ادلع عليكم 

ام محمد : مشكور يا احمد ... 

احمد : يالله يا ام محمد ها المره المليون اللي تقولين لي فيها مشكور ولو ها ولاشي ... 

ام محمد : يالله لو يدري بج حمود جان بيخليج تحوطين به الفريج 

احمد يضحك : هههههه وانتي يوم مابتحصلين حمود صوب الدكان بدال لا اتمين تصيحين وتطرشين البشكاره اتدوره وتركبين ويا الدريول وتحوطين في الفريج عندج ( ويدح علايه على ظهرها ) جونقر علايه راعية الجوله الذهبيه .. دعيمة الزبالات الفريجيه ... 

تمو يسولفون شوي وعقب ركبت علايه سيارتها وعمها ركب وياها ... وطبعا علايه اللي تسوق ... ويالسين يسمعون السي دي اللي مسولها اياها عمها بس مقاطع ومسمي المقاطع ..( عيون علايه ) .. 

خطفو ع بيت يران قوم علايه واحمد كان مرتبش ع اغنية ( آآه من قلب ) ومن شاف الولد رفع الولد ايده ويضحك جان يتجدم حمد صوب علايه ويضرب ع الهرن ... اونه سلام ... 

علايه : اييه احمدوه توك تقول لي ها لله هالله في العقل واللحين بيحفظون سيارتي وكل مابيشوفني بيضربون لي هرنات يسلمون 

احمد : هههههه انتي شو يبون بج ولا انتي ناسيه العقل يوم طلعتي برع البيت بالبجامه وماعليج شيله وناسيه السالفه ... 

علايه ويمت : احمد انته تدري ... اني انسى بســ 

احمد ماحب يعقد بنت اخوه : اوووص .. النسيان نعمه ... 

علايه وهي تخفف السرعه : بس انا غير ... انا مريضه وهبلا وانسى بسرعه 

احمد سكت عنها ... 

علايه : شو فيك ؟ 

احمد : منو الهبلا ؟؟؟ ليش تقولين عن عمرج جي والله مب زين كل حد ينسى مب بس انتي .. 

علايه : عمي انا زايغه على مستقبلي كيف بدش الجامعه ؟؟ كيف بنجح ... منو بيوظف وحده دوم تنسى ... مالي مستقبل 

احمد : انتي تسبقين الاحداث انتي جربتي كيف حياة الجامعه انتي تعلمين الغيب انج بتنسين كل شي ... انتي منو قالج انج مابتتوظفين .. ان شالله خير .. تفاؤلوا بالخير ... تجدووه 

سكتت علايه وسكت احمد عمها ... وتم يدليها مكان مكتب ابوها ... 

علايه وهي ناسيه : انته متاكد انه هني مكان مكتب ابويه ؟ 

احمد :لأا اقص عليج يعني شوو وين بوديج ديسكو مثلا 

علايه : عادي انزين انا مابقولك لا اذا سرت هارد روك 

احمد يضربها ع راسها بالقووو ها المره عشان تتادب : اييييييه والله يعوور اااااااخ طبري 

احمد : عليوه اسمعيني هالرمسه اللي تقولينها مب زين بنت تقولها فاهمه ... نحن عطيناج كل شي تبينه واي شي تتمنيه .. اللحين انتي استويتي حرمه مب نحن نقولج شو الصح وشو الغلط ... انتي عاقله وفاهمه الحياه شو تبا ؟؟ لاتضيعين المذهب وخلج حشيم ... 

علايه مافهمت شو مناسبة ها المحاضره بس سكتت احتراما لعمها وصلو للمكان وكانت بنايه كبيره شوي وفيها تحت محلات ... استغربت .. تفصخ النظاره وتطالع عمها وهي فاتحه ثمها : oooooomg 

احمد يبتسم : ههههههههههههههههههههههه 

علايه تامه فاتحه ثمها : اوووووووووووه مااااااااااااااي قاااااااااااااااااااااااااد 

وعقب تشوف سيايير واقفه وراهم ونزلو حريم وايد .... حطت ايدها على ويها تبرد حرارة الموقف .... 

شافت مكتوب (( محل فواغي لتصميم بطاقات الاعراس .. )) 

[ احم احم بعدني ماسويته ان شالله في المستقبل لووووووول ] .. 

احمد : انزلي يتريونج ... 

علايه ابتسمت بهدوء وحطت النظاره ع عينها وسكرت الباب وراها وهي تعدل عباتها وكانو واقفين عند الباب .. الرياييل .. حمدان طبعا وهو شاق الحلج ومستانس من وناسة علايه ... وابوها وهو يطالعها وهي تسوق واللحين تستلم محلها وهو يحس بانه يفتخر ببنته وخاصه لانه مريضه ويحسون انه مستقبلها بيضيع والسبب مرضها فعوضوها بها المحل عشان تكمل مستقبلها اللي مابدى ... وكان بو حمدان واقف ويصفق لها وهي تمشي وهي متلومه وع طرف اتحاشت انه تطالع صوب وبنظرات حزينه كان حمد يشوفها وهي راسمه ابتسماتها على وييها والحريم كانو توهم يايين يحتفلون ويا علايه ...

علايه ع طول سارت حضنت ابوها .. وتمت لاويه عليه وهو بعد تام حاضننها لمعت عيونه بالدموع الثنينه حاسين بنفس الاحساس .. انه ها بداية لمستقبل علايه اللي ممكن انه مرضها يخرب عليها .... 

بو حمدان : يالله عاااد اضحكوووو 

حمدان دش المحل ودش وراه بو محمد وسحب بنته عليا من ايدها وعقب دشوو كلهم واخر شي دش احمد 

كان المحل مب كبير وايد بس زين شوي واسع وديكور ولا اروع ... كان باللون النحاسي والباذنجاني يعني البنفسجي الغامج ومن غير الديكورات الستايل الروووعهـ ... تمو كلهم واقفين سوالف وجي وعقب دشن الحريم وسلمو على بعض وكان طاقم العمل حريم عشان يوم علايه تيلس في المحل تاخذ راحتها ... كانت وياها لبنانيه .. وفلبينيتن يساعدنها 

علايه : اولله مب عارفه شو اقوول اليوم من الصبح كله مفاجاات ... 

حمدان يبتسم لها : صح مبروك ع السياره الله يعطيج خيرها ويكفيج شرها .. 

علايه : اميين .. 

بو حمدان : ههااااااه علايه شو احساسج ... 

روضه اللي كانت تصور بكيمرة الفيديو من بداية الحدث : ههههه ولله مب عارفه شو اقوول بس ان شالله نبيض الويه ... 


حمد طلع من المحل وهو متضيج متكدر مهموم .. غايه مب موجوده وياهم اكيد ماتبا اتشوفه ... قال بيسير يسلم عليها وبيشوف شو ردة فعلها ... لانه عرسهم تم عليه اسبوع وهم مثل ماهم ......... تمو تقريبا كلهم في المحل لين الساعه 12 الظهر وروحو كلهم وتمت علايه ويا عمها احمد وحمدان ... 

حمدان : علايه متى ماتبين تيين المحل تعالي حياج الله 

علايه : ان شالله بس ابا اعرف منو قالكم اني احب ها الاسم ؟ 

حمدان يطالع احمد : عمج ... 

علايه : اوووونه انته كيف عرفت بعد 

احمد : ههههه احيدج قبل يوم تشتركين في منتديات كله فواغي وفواغي ويوم نسالج شو يعني فواغي ؟؟ ( يقلدها ) مااعرف .. ماااااعرف ... 

علايه وحمداان : هههههههههههههههههههه 

احمد : انااا ميت من اليووووووووووع 

علايه : يالله قم بنسير نتغدى ... 

احمد : ههههه اوكي يالله تامرنا بشي حمدان .. 

حمدان : لا سلامتكم .. بس ها علايه ما اوصيج ع المحل 

علايه : لا افا عليك في عيوني المحل . وان شالله نبيضها 

وترخصو عن حمدان وركبو السياره وعلايه تهف على عمرها بايدها ..: والله والله مب مصدقه اليوم احلى يوم والله .. ( جان تبوس السكان ) ااااح فديتها انا .... 

احمد مااات من الضحك وقام يحب ايده ورا وجدام اونه الحمدلله والشكر .. الله يكمل لج بعقلج .. 

علايه : هههههههههه يالله عااااد ... 

احمد : عليوه ( وهو يقلد اليهال ) عفيه .. عفيه .. غديني في مطعم ع حسابج ... 

علايه وهي متلعوزه وتفتح بوكها وتعد الفلوس واحمد وياها ويطلعون من البوك .. يعني علايه تطلع من البوك وتناولهن احمد اللي ملصق راسه ع راسها وعينهم هم الثنينه ع البوك 

احمد : اميه .. ميتين .. ثلاثميه ... اربعميه ... واربع ريال حلوووو يغدينا في قيصر 

علايه تصد عليه وهي مستانسه : يالله فووووقه 

احمد : صبري علايه شويه 

علايه : اوكي 

نزل احمد بسرعه المحل .. وشاف حمدان يالس ع المكتب ويطالع اوراق وجي ... ورفع حمدان راسه وشاف احمد يضحك بعبط .. 

احمد : لو سمحت 

حمدان مستغرب ويبتسم : ااامر احمد ؟ 

احمد : ابا عصا بليز .. 

حمدان استغرب : ليش ؟ 

احمد : لانه علايه جوله تسرع والسياره ع التمرين وبحط العصا عندي عشان لو سرعت اضربها ع صبوعها 

حمدان : هههههههههههههههههههههههههههههههههههه تحفه انا قول علايه طالعه ع منو نفس الاسلوب سبحاان الله ... هيه عندي خيزرانه في السياره لحظه بييب لك اياها .. 


وسار حمدان وطلع العصا من السياره وناولها احمد .. شل احمد العصا وهو يدورها بين صبوعه : يابس .. يابس .. 

وعلايه تشوفه وتضحك ... 

احمد : حمدان خشمك 

ويتخاشمون ... 

حمدان : ههههههههههههه يالله توكل حليلها تتريا ... 

ولف احمد بيروح وحمدان ياشر على احمد من وراه انه بيضربج ويسوي حركه بايده في الهوى انه بيضربج ... من شافت علايه حمدان يسوي لها جي جان تقفل بيبان السياره ... 

احمد يفتح الباب كمن مره : عليووه افتحي .. 

علايه تنزل الدريشه شويه .: احلف ماتضربني 

احمد يصد على حمدان اللي يضحك : اااااااخ يالهيس خبرتها ... 

حمدان : خخخ هيه تراها ماتهون شريكتنا في المحل 

احمد : يالله انزين انتي افتحي بس بسوي يابس - يتمصخر طبعا - 

علايه : اول شي قول وقسم بالله ( وتحول مصري ) ما امدش صباع ولا خطاف على علايه ... 

احمد : يالله انزين ما امدش صباع ولا خطاف على علايه يالمذله افتحي بس بنسوي الميدان ويابس داخل افتحي 

علايه فتحت ويوم ياي بيركب سحبت العصا من ايده وحطتها ع صوبها صوب الباب ... 

وردت ريوس بتطلع من الباركن رفع احمد ايده يسلم على حمدان اللي واقف ويشوفهم جان يتقرب صوب علايه ويضرب هرن جان تسحب علايه العصا وتضربه على ايده : بس بس خربت الهرن ... 

احمد يرفع اصبوعه بسرعه عن الهرن : ياسباله سوقي لاتنشغلين عن السواقه شكلي انا اللي برقد في المستشفى والسبه انتي 

علايه : عيل ماتشوف عمرك خربت الهرن من كثر ما اتدقق عليه .. 

احمد : كيفي سيارتي ببيزاتي 

علايه : هييييييييه بتستوي المذله 

احمد : عيل ليش انا شارلج اياها الا عشان المذله يقولج المثل سوي الشي عشان تذلين 

علايه تشوف الشارع : صحيح .. صحيح .. 

وصلو المطعم ودشو داخل وطلبو لهم اكل ويلسو يزطوون طبعا عقب ما اتصل احمد لابو علايه وخبره ... 

.................................................. .................................................. ............................................

حمد من رد فصخ كندورته وتم بالوزار والفانيله ويتذكر من هاك اليوم ... من اسبوعين تقريبا وشوي ... حياته اتغيرت كليا ... ابديا... نهائيا ... 
صارت حياته اليمه ... يعيش على الم الماضي ... يتذكر جرح المستقبل ... تنهد ومسح ويه وهو مقرر يزور غايه اليوم ويقطع الشك باليقين ويشوف رايها ؟؟ مستحيل ايتم يعذب عمره بالافكار اكثر ... 

دشت روضه وقطعت عليه حبل افكاره ... : حمد 

حمد انتبه لها : هلا رواضي ..؟؟ 

روضه يت وحطت التيلفون على اذنه ... ويود حمد التيلفون وع طول ظهرت روضه وسكرت الباب وراها ...

حمد تم يسمع الاغنيه .. : خلني عسى ربي يخليك .. واتبع هوى من قلب يهواك .. الله يسهل لك خطاوياك .. مارمت امشي انا ع ممشاك .. ماكنت والله بخليك في يوم ولا اقدر انساك ... 

حمد سمع ها المقطع وقلبه عوره ... هو مايحبها ليش مخلنها لين اللحين .. بس مب حلوه انه يخلي بنت عمه عقب ماوقف في طريقها وطلبها ومايوقف في نص الدرب ... ماكان من الاول مايطلبها ويخليها ... 

حمد بصوت متقطع : غايه .. 

غايه احساس الذنب يعذبها .. فيصل بايعنها .. كيف بتشتري حمد ؟؟ 

غايه بصوت جريح : هلا حمد 

حمد : ماتم شي .. وبيضمنا صقف واحد .. 

غايه : ها النصيب .. 

حمد : انتي راضيه .. 

غايه : وانته راضي .. 

حمد : الحمدلله ع كل حال 

غايه : انته راضي ..؟؟ 

حمد : راضي ياغايه ... بس انتي ماتبين واذا ماتبين بقولهم 

غايه انصدمت " ليش ؟؟؟ بعد مره ثانيه ؟؟؟ ليش تسوي جي ياحمد ؟؟ جان خليتني من الاول .. اللحين عقب ماهدمت حياتي بتخليني ... فيصل وراح ... وثقة اخويه وراحت ... شو تم لي ياحمد ؟؟ " 

غايه : انته اللي ماتبا 

حمد " صح انا اللي مابا خلني اقولها ماباها .. انا ابا عليا ... يالله ياحمد فرصتك ." 

غايه : ماتبا صح .. تبا عليا .. ؟؟ 

حمد : انا ماقلت 

غايه صاحت : انته ماتقول ياحمد انته ماتقول شي ... بس قلبك يقول .. عيونك تقول .. اوراقك ( وتشهق * ) تقوول .. كل شي يخصك ياحمد يقوول انك تباها ... 

حمد نزل راسه " لها الدرجه مفضوح ؟؟ " 

حمد : خلاص ياغايه خلاص .. 

غايه : والحل ؟ 

حمد : اختر الحل الصعب ... ياتفارق ياتحب ؟ 

غايه غمضت عينها بقهر .. " اللحين افارق .. عقب ماخسرت .. افارق ...؟؟ " 

غايه : انا بخليك 

حمد متضيج : دخيلج مب عارف والله مب عارف احس عمري متخربط ريحيني ياغايه ... 

غايه باستسلام : اللي تباه بيستوي تبا العرس عقب كمن يوم بيستوي .. ماتباه .. مابيستوي ...باي 

وبندت في ويهه وفر التيلفون على الشبريه وغمض عينه بقهر وتلحف ... 

----------------------------
البارت الـ 11 - 

وبندت في ويهه وفر التيلفون على الشبريه وغمض عينه بقهر وتلحف ... 

غايه ردت سماعة بيتهم بأسى ... مابقى على الدوامات شي يومين بالكثير والناس كلها تنشغل ... وعقب كمن يوم بالظبط هي تنزف لغير فيصل ... وكانت دوم تظهر عشان تتزهب عشان تخطف ها الكمن يوم كالحلم... وسارت غايه ها اليوم ويا حمدان المحل عشان تختار بطاقه العرس لكن علايه ماكانت موجوده في المحل ... وروحت غايه البيت وع العصر علايه سارت المحل .. 

علايه : السلام عليكم 

حمدان اللي كان يالس ع المكتب : وعليييكم السلام هلا والله براعية المحل 

علايه تيلس ع الكرسي اللي جدام المكتب : هلا والله بشريكي في المحل شحالك اليوم ؟ 

حمدان : تمام والله .. انتي شحالج ؟ 

علايه : بخير .. 

حمدان : امم تراه اليوم غايه يت واختارت البطاقه اللي تباها .. 

علايه حاست ثمها بس مانتبه لها حمدان : اها اوكي اشوف 

حمدان يسحب الكاتلوج اللي ع طرف ويفتح ع البطاقه اللي اختارتها غايه ..: هاي 

علايه تسحب الكاتلوج من ايده وتبتسم بخبث : اها .. اوكي ... 

حمدان تم يطالع علايه وهي تشوف التصميم وسرحانه .. فجأه صدت عليه علايه وابتسمت بحيا .. استحى حمدان واتلوم ونزل راسه اونه يطالع الاوراق اللي جدامه ... شويه ويدشون حرمتين ... جان ينش حمدان عن الكرسي .. 

حمدان وهو يرمس علايه : خلاص عليا شوفي المحل انا بسير وبرجع اخلاف 

علايه تبتسم لحمدان اللي يطوف من جدامها : ان شالله .. 

سارت تيلس علايه مكان حمدان وظهر حمدان وين الحرمتين .. 

علايه تبتسم بطيبه للحرمتين وهي مب متعوده للوضع لانه توها يديده .: هلا والله ... نورتو المحل (( عاشت تقردن عشان يسون عندها لول ))

كانن حرمتين وحده كبيره لابسه برقع والثانيه صغيره ولابسه نقاب ... 

الحرمه : هلا فديتج يامايه يايين نطالع البطاقات عندكم .. 

البنت تفصخ النقاب وتحطه ع طرف وكانت بنت متوسطة الجمال ملامحها بدويه بس عاديه وايد .. ابتسمت لها علايه .. 

البنت ترد الابتسامه : الغاليه نحن عرسنا بعده بس نحن من العين وقلنا دام انه في دبي بنمر نطالع البطاقات عندكم ..

علايه : افا عليج تفضلي الغاليه ها الكتلوجات خذي راحتج .. (( ومدت لها الكتلوجات )) 

البنت تناولتهن عنها ويلست تشوف هي وامها وعلايه تنقل نظراتها من بين ها الحرمتين .. وتشوف نظرات الاعجاب في عيون البنت وشكلها مستانسه ع التصاميم وعلايه تطالعها وحاطه ايدها على خدها ومبتسمه .. وهي تبتسم لمحت من برع الزجاج حمد واقف ومتساند على بونيت سيارته ويشوفها .. ويبتسم .. علايه من شافته شلت ايدها من تحت خدها واعتدلت في يلستها ونزلت راسها .. حمد تم مبتسم لها .. 

البنت تصد على علايه اللي تغيرت ملامحها وصابها الجمود .. 

البنت : تقدرون تسون من هاي .. وايد عيبتني 

علايه : افا عليج .. بس كم وحده تبون ؟؟ 

البنت تسال امها : امايه شو رايج الف بطاقه .. 

الحرمه ترمس علايه : يالله يالبزا اللحين لازم لكل بيت خمس بطايق ولا بيزعلون وبيسون لنا سالفه .. 

علايه : هههه هيه لازم اونه قدر 

الحرمه : يرحم ايام لأول 

علايه ابتسمت للحرمه .. 

الحرمه : ان شالله اسعاركم موالمه ... ( مناسبه )

علايه : لا ن شالله تنسابكم .. 

البنت : خلاص عيل نحن بنحجز عندكم لانه خطفت على كذا محل ومادشت خاطري الا ها البطاقه 

علايه : تسلمين والله ... بس متى العرس 

البنت : امم بعده عقب اربع شهور 

علايه فتحت ثمها : اربع شهور ومن اللحين تحجزون يمكن تنزل اشكال يديده احلى 

البنت : تعرفين نحن في العين وييتنا لدبي ثجيله شويه وصعبه عشان جي 

علايه : خلاص براحتج .. بس ابا اعرف الاسامي ... 

البنت ملت علايه الاسامي .. علايه فتحت ثمها من الصدمه ورفعت عيونها بذهول صوب البنت ... وعقت القلم بسرعه ع المكتب 

علايه : انتي ؟؟ انتي حمده ... مرت سعيد بطي الـ ...... 

حمده بحيا : هيه انا ليش تعرفين حد من صوبنا 

علايه بجفاف : لا .. اسمحولي بزقر لكم اللبنانيه ورايه مشاوير .. 

دشت علايه داخل الحجره الصغيره وقلبها يدق ويدق ... وتتنفس بصعوبة .. وهي تاخذ طلب ها البنت حست بقلبها يقرصها .. هاي هي حرمت سعيد ... غطت ويها بكفوفها .. " عوذ بالله من الشيطان .. شو فيني جني استلبست عشان حرمت سعيد ... ( مارامت تتحمل مهما كان ها حبيبها الاول والاخير دمعت عينها )

تينا اللبنانيه : ايي شو بيك عليا ؟ 

عليا تسحب كلينكس قريب منها وتمسح عينها : ماشي تينا سيري شوفي الزباين برع انا برد البيت اوكي تعبانه شوي 

تينا : سلامتك حبيبتي مابتشوفي شر 

عليا تجسف الكلينكس في ايدها : ماتششوفين شر يالله مع السلامه 

وظهرت للحرمتين وهن مستغربات من ها البنت الصغيره اللي مولينها ها المحل الكبير .. ومستغربين من ملامحها المصدومه من عرفت انه هاي مرت سعيد ... حمده تمت تطالع علايه وهي طالعه من الحجره الصغيره بنظرات حقد وحاسه انه فيه شي .. 

علايه تشل شنطتها وسويجها من ع الطاوله وهي تحاول انها تضبط عمرها ع الاقل جدام مرت حبيبها .. : يالله مع السلامه اسمحولي ورايه كمن شغله نسيتهن 

الحرمه : مسموحه فديتج بس ها المحل مالج 

علايه قبل لاتطلع التفت للحرمه بابتسام مجامله للحرمه الكبيره في السن : هيه خالتي .. 

الحرمه : يالله ربي يوفقج بس جنج الا صغيرونه على ها السوالف 

علايه : هههه ها المحل حلمي من يوم انا صغيرونه يالله اسمحولي فمان الله ... 

فتحت علايه الباب الزجاجي بتعب ولاول مره تحس بانه الباب ثجيل عليها وايد وعانت لين ماتفتحه ؟؟ ولا الهم اللي فيها اتعبها وهد حيلها .. 

طلعت علايه وهي تلف شيلتها عدل وانتبهت لطرف لكندوره ومن رفعت راسها هذا حمد ... 

علايه وقفت جدامه باستسلام وهي اللي شافته توه فوق طاقتها .. حرمت حبيبها يالسه داخل .. حمد واقف بابتسامه صفراء مايدري ليش يا هني ... وهو يدري انه ياي عشانها ..؟؟ 

علايه رفعت عيونها لعيونه وعيونها مليانه دموع وتلمع من العدسات واللي زاد بريق عيونها دموعها .. وحمد واقف يشوفها 

حمد : ماا حب اشوفج جي ضعيفه ؟ 

علايه تحمر عيونها ع الاطراف تنذر بدموع وخشمها بدى يحمر : انا من يومي ضعيفه ... 

حمد باستسلام لمشاعره صوبها : لا انتي اقوى من جي .. ما احب دموعج اللي دوم محبوسه في عينج 

علايه تخطته وهي تحس بانه كل خليه من خلايا جسمه تتألم لعذابها ... ماتتحمل عرس سعيد مثل الصدمه ع راسها .. حمد اللي يقول انه يحبها .. عرسه جريب عقب كمن يوم واللي تسمعه من اكثر مصادر عذابها في الفتره الاخيره (تقصد حمد ).. يخليها تتألم اكثر وتحط السويج في السياره وتفتح الباب .. دشت علايه السياره ويايه بتسكر الباب يود حمد الباب عنها .. 

علايه ترفع عباتها داخل السياره .. : شو تبا حمد تراني مستعيله 

حمد يطالعها وجنه مب شايفنها من زمان ويحس انه يموت فيها : ابا ج... ابااج والله .. 

علايه تطيح دمعتها جدامه : دخيلك روح .. 

ويرن تيلفونها اللي كان هديه من عمها بعد وكان من ضمن الهدايا اللي في السياره ... 

علايه تضغط ع الزر : الوو هلا ابويه .. هيه انا مروحه اللحين بيي البيت .. ادري ماتميت وايد لانه احس عمري تعبانه شوي .. هيه بس ين حرمتين وظهرت لانه تعبت .. لا لا خذت الابره لاتحاتي .. خلاص ان شالله .. اوكي اوكي ... يالله مع السلامه .. 

رفعت عينها ماحصلت حمد وشافته يالس في سيارته سكرت الباب نزل الدريشه من الصوب الثاني واشر لها انه نزلي الجامه نزلت علايه الجامه .. عقب اشر لها " صبري " 

علايه يالسه وتحر السياره ووتتريا حمد شو يبا منها ؟؟ بالرغم من كل اللي ياها من ها الحمد الا انه ماتدري ليش من يطلبها قلبها مايطاوعها اترده .. 

حمد كان يعابل المسجل شويه وارتفعن صوت الاغاني من سيارة حمد وكان لحن عود حزين شوي .. تمت علايه تطالع جدام ولاتصد صوب سيارة حمد وتسمع للحن بكل هدوء ... لين مابدى المغني يعني .. 

خذني بقايا جروح .. ارجوك داويني .. لاتروح الروح .. 

كفايه عذابي منك .. ليش تشكيني ؟؟ 

خذني بقايا جروح .. ارجوك داويني .. لاتروح الروح .. 

( مازالت علايه مستمعه للحن والكلمات وماحركت راسها ))

مافوق جرحي جرح وجروحي تاويني 

و صبري فقدته بجرح 

الموت له حروه خوفي يمسيني .. !! 

حمد تم يطالع علايه وهي تصارع دموعها ... ولاحظ انها ردت راسها ع السيت وغمضت عينها 

ياخلي يامرتاح ليتك تواسيني .. لاتنوي المرواح .. 

ملامحي جروح .. وش منك يشكيني .. 

حمد مارام ايود عمره يطالع شكلها التعبان والحسره تسير وترد بصدره كيف يخلي علايه ... عشق المراهقه للشباب .. ؟ 

مابين عصف وريح الهم طاويني .. وانته لاتمريح 

ابيك لعمري يوم بالوجد تعطيني ... 

من خلصت الاغنيه غمضت علايه عيونها بقوه ورفعت راسها وعضت على شفايفها عشان تكتم الونه .. وحمد طول ها الخمس دقايق و 23 ثانيه يطالعها .. منتبه لحركتها فتحت علايه عينها وشافت انه الحرمه وحمده ... طالعين من المحل ويشوفونها في السياره ... نزلت راسها بألم ... واختفت حمده وامها من لفو في اللفه مال البنايه ع طول ردت تصد صوب حمد اللي ماخوز عينه عنها وهو يحس بانه خسران .. خسرها .. خسر الانسانه اللي حبها .. والسبب عناده ... 

علايه صدت عليه ودموعها تلمع في عيونها وابتسمت لحمد وسكرت الدريشه ... وردت ريوس وطلعت من الباركنات واختفت بين ملايين السيايير وحمد يرقبها بعينه وهو يعيش فراقها لحظه .. بلحظه .. بلحظه ويحس بالموت بدون الموت ... 

.................................................. .................................................. ...........................................

مرت الايام بسرعه وكل حد بدى يداوم .. وانشغل بحياته علايه دوامها ويا المدارس تاريخ 26 -8 لانه هي في جامعة الشارجه ... قبل العرس بيوم الساعه 12 علايه في حجرتها طبعا مسكره الليت ومشغله الابجوره ويالسه ع الشبريه وجدامها الاب توب وبين ايدها بطاقه بنفسجيه فخمه ووتجلبها بين ايدها وهي تضحك على سخرية القدر ... باجر عرس حمد وغايه وهي موقفها الاخير ويا حمد مب رايمه تنساه ... ومشاعر حمد مب رايمه تتجاهلها ... وصوت الاغنيه اللي اهداها اياها تحس بها لين اللحين .. هاك لحن العود الحزين تحس به في اذنيها .. ضمت ريلها على صدرها وابتسمت بانكسار وحطت ايديها الهنتين على اذنيها ... وهي تسمع لحن الاغنيه في اذنها تمت ع حالها هذا تقريبا خمس دقايق ... 

عقب اتربعت فوق الشبريه وحطت في الاب توب اغنية عبدالكريم بعد بالعود .. " ردي الزياره .." تحب لحن ها الاغنيه واايد وفتحت على منتدى الم الامارات ويلست اتجيك ع قصتها وتشوف ردوودكم الحلوه .. (( تراها قصتي اصلا لول مب قصة عليوه انا تعبانه عليها لول )) .. وهي تتذكر سعيد وتدندن ويا عبد الكريم ها لمقطع الرهيب .. 



من يوم وادعت زولك 
والقلب ملتاع 
الحب سلطان 
امره مقضي ومسموع 
لايشغلك قول الواشين 
فالقول خداع .. 
مافيه دروب المحبه حاجز وممنوع 

ها المره الوحيده من بين كل المرات اللي تذكر فيها سعيد وحمد مصدر عذابها .. ماتصيح .. اصلا الصياح استوى لها روتين .. ردت تبتسم ع الجرح الكبير ..؟؟ وتجامل ها الجرح في قلبها 

مد الخطاوي وعاود ياخلي بساع 
في خافقي صار .. حبك يالزين مطبوع 
الحب بيني وبينك مكشوف لقناع .. 
يعطي البراهين مابين اهات ودمووع .. 

ردت سحبت البطاقه وهي تشوف حركتها الخطيره اللي سوتها في بطاقة حمد وغايه .. كتبت شعارها بخط رفيع وايد ومايبين وايد الا للي يدقق فيها ... مكتوب في البطاقه بالخط الابيض الشفاف اللي مابينتبه له الا اللي بيدقق .. كاتبه [ مع خالص احتقاري .. محبوبتك لعام 2007 ] 

دشت علايه ايميلها وتشوف ايميل سعيد اون لاين وهي اصلا بس عاطتنه بلوك بدون ديليت .. ع طول شلت البلوك .. 

علايه دشت عليه .. 

علايه : السلام عليكم 

ايميل سعيد : وعليكم السلام 

علايه : شحالك ؟ 

ايميل سعيد : بخير وسهاله وانتي شحالج ؟ 

علايه : تمام .. منو ؟؟ 

ايميل سعيد : انا عبود .. 

علايه ابتسمت لانه مب سعيد .: هلا عبود 

عبود : وينج ياحرمه ... كم مره دشيت وماريتج 

علايه : مشغوله .. 

عبود : يالله يالدنيا عليا تنشغل 

علايه : جفت عاد 

عبود : عليا صح الحمدلله ع السلامه 

علايه حطت الفيس الحزين : الله يسلمك .. اممم 

عبود : ادري تبين تسالين عنه ؟ 

علايه : هيه 

عبود : لاتحاتينه سار بريطانيا يدرس هناك 

علايه حطت الفيس المصدوم : صدق 

عبود : هيه والله 

علايه : الله يوفجه .. 

عبود : الجميع ان شالله 

علايه : شو كنت تبا تقول لي عبود لين اللحين اتذكر 

عبود : عليووووووووووووووه .. 

علايه : اميه بسم الله عليك شو ياك ؟ 

عبود : ههههههه اتصدقين بقولج شي بس متلوم 

علايه : قول 

عبود : طلعتي حلوووه ماكنت حاط ببالي انج جي 

علايه : ههههههههههه بس ها الشي 

عبود : لا بس عليوه والله بقولج تراه سعيد يحبج وايد والله .. انتي ماتعرفين كيف يحبج ... 

علايه : هيه صح عشان جي عرسه عقب شهر ... 

عبود حط الويه المصدوم : انتي شدراج 

علايه : اليوم حرمته يت المحل مالي 

عبود استغرب : المحل مالج ..؟؟ اي محل ؟ 

علايه : هههههه يقولك فتحت محل تصميم بطاقات اعراس 

عبود : اوووووب اووب قومو عنها منو قدج .. يستوي اي واسلم عليج .. 

عليا : تهبي بخبر ابويه 

عبود : هههههههه خلاص اسف .. بس والله اني استغربت يالله بالتوفيج ان شالله يوم عرسي بيي عندج بس سوي لي ديسكاونت 

عليا : هههه ان شالله .. 

عبود : تعالي تعالي .. ممكن اسالج .. 

عليا : هيه اسال 

عبود حط الويه المعصب : ليش حمد الحيوان هاك اليوم يضربج ويقولج انتي ترمسين واحد ؟؟ ممكن اعرف شو السالفه ؟؟ 

عليا حطت الويه المبتسم وهي تتذكر وكتبت له السالفه بس بالمختصر المفيد يعني .. 

عبود معصب موول : بلعن اصله الحقير ... مستقوي عليج وانتي هبلا ماتخبرين ابوج والله بادبه لج 

عليا اتدافع عن عنه : لا خلاص خله كل شي انتهى باجر عرسه 

عبود حط الويه المصدوم : ماسرع مابيعرس ؟؟ 

عليا : هههه الدنيا اتدور .. والايام اتخطف بسرعه 

عبود : هيه والله ... 

عليا تشوف الساعه استوت 1 ونص .. : خلاص عبود فرصه سعيده انا بظهر بسير ارقد 

عبود : بشوفج بعدين ؟ 

عليا : ان شالله اذا فضيت 

عبود : هيه خلاص كبر راسج يا راعية البزنس .. ههههه 

عليا : لووول تيك كير 

عبود : فديتج 

عليا حطت الويه المصدوم : اييه 

عبود : ههههههه حشى محد يسولف تبين اوصل لسعود شي .. 

عليا بدون تردد : هيه 

عبود : شوو ؟ 

عليا : قوله . رد قلبي.. ورد لي عمري .. لايغني الحزن مواله باي 

وطلعت اوف لاين بسرعه ومسحت ويها بسرعه وسكرت لااب توب بسرعه ونشت بسرعه وهي متضايجه .. جان تسمع دق ع الباب استغربت سارت فتحت الباب وشافت عمها احمد واقف ... 

علايه بصدمه : احمدوووه 

احمد يدز الباب ويدش داخل ويطيح ع شبريتها : اااااااخ تعباااااان برقد اليوم هني 

علايه تبتسم لعمها : حياك الله .. 

احمد ينجلب ع بطنه ويجابل علايه اللي واقفه بعدها عند الباب : عليوه بنطلب من الكافتيريا شو رايج والله يوعان 

علايه : اوكي يالله .. 

احمد وهو طايح طلع تيلفونه : انتي شو تبين ؟ 

علايه : اممم اي شي ؟؟ نفسك .. 

احمد : اوكي 

واتصل احمد للمطعم وطلب له وعلايه تشوف عمها .. 

احمد يشوفها سرحانه : بلاج معجبه ؟ 

علايه : عندي فكره .. 

احمد : شووو ؟؟ 

علايه : بنسوي شي .. 

سارت فتحت سده التواليت الاخيره وطلعت بوكس كبير شوي ومتروس شموع وتفتح الكفر ( الغلاف مال البوكس ) وتحط الصندوق ع الشبريه .. احمد يوايج داخل الصندوق 

احمد : خيبه شو ها مصنع شمع 

علايه تيود عمها من ايده وتسحبه بايد وميوده البوكس بايد : يالله قوم ويايه 

احمد ابتسم لها ونش وياها وطلعو برع في الحوي .. بس احمد وقف .. : حو وين بتسيرين 

علايه : تعال انته وبس .. 

احمد مشى وراها وسارو ورا البيت فيه دري حديدي يودي لفوق البيت وملتف بشكل حلزوني احمد وقف يطالع طول الدري .. وعلايه تبتسم وتجدمته تركب ع الدري .. وسار وراها احمد لين ماركبو فوق نزلت علايه الصندوق ع الارض ومدت ايدها لعمها اللي كان توه واصل ويبتسم لها في ها الليل .. احمد اتساند على طرف اليدار ويطالع بنت اخوه اللي انشغلت بالشموع اللي داخل البوكس وتطلع شمعه .. شمعه وتصفهن بطريقه دائريه على الارض .. وسار صوبها احمد وقام يشل وياها ويساعدها ... 

وسحبت الولاعه من البوكس كانت ولاعه حديديه فوشيه وعليها حرفها ويتداخل ويا الحرف قلوب بالحفر .. كان شكل الولاعه راقي وايد .. 

علايه وهي تولع الولاعه وترفع راسها تشوف عمها : اليوم يومي ويومك .. 

احمد مافهم لها بس اكتفى بابتسامه يريحها فيها وجنه يقولها " كملي وبنشوف شو تحت راسج " 

بدت علايه تولع شمعه .. شمعه ونور المكان من ضوء الشموع ... وبانت ملامحهم وقفت علايه في نص الدائره وسار لها احمد وهي تطالع نسخه سعيد الثانيه واقف جدامها .. اللي يحببها في عمها هو الشبه الكبير بينه وبين سعيد يعني اللي يشوفهم يقول هاذيل توام ... من كثر الشبه .. 

احمد يضحك : وبعدين عليوه على شو ناويه ... نرقص مثلا في ها الحر 

علايه : لا قلت لك اليوم يومي ويومك .. 

احمد : وقسم بالله مب فاهملج علايه 

علايه : افهمني احمد .. اليوم خلنا ننسى كل شي .. انته تنسى حبيبتك .. وانا ابدى حياه يديده 

احمد مب فاهم شي : ليش تذكرينها ؟ 

علايه : ليش انته تحبها لين اللحين ؟ 

احمد بحزن : اكيد ... 

علايه : خلاص اوكي .. خلنا نعيش حياتنا لحظه بلحظه ( وتصد صوب ليتات الشارع لي مجابل بيتهم ) بدون حزن ... 

احمد سكت ها اللحظات الغريبه اللي تخلقها بنت اخوه يحس بها عظيمه في نفسه تريحه .. وتهديه .. 

علايه يودته من ايده وتطالع عيون عمها الحزينه وتقول خاطره : هل تعلم قبلك كنت أحلم باشياء كثيره .. معك كنت لا احلم الا بك ( وتبتسم ).. بعدك .. اصبحت لا احلم ابدا .. 

وهل تعلم ؟؟ قبل ان التقيك كنت اتمنى ان التقيك ... وبعد ان التقيتك تمنيت ان لا اافارقك ابدا ... وبعد ان فارقتك فقدت شهية التمني للابد .. 

(( سكتت علايه وهي تحس بدموعها تخرس اهدابها .. ابتسم عمها لها ووهو يتذكر حبيبته اللي توفت بالسرطان من سنه بالظبط ... اليوم كملت سنه بالظبط وهو يعرف ليش علايه سوت ها كله عشان تنسيه الحزن اللي انولد في نفس عمها من يوم فراقها . 

احمد : وهل تعلمين ؟؟ ان رحيلكي ارعبني .. وأختصر مراحل عمري .. وقذف بي في الصفحه الاخيره من كتاب عمري .. 

وهل تعلمين ؟؟ انكي كنتي كل خاتمة الاشياء في حياتي .. لذلك لن احاول البدء بعدك من جديد 

سكت احمد وهو يحس بانه مخنوق ...ها الخاطره اللي كانو دوم هو وعلايه يقوولونها ... تسوي له ازمه تذكره بحبيته .. 

علايه ابتسمت وردت تقول : هل تعلم ؟؟ اني الى الان لا اعرف ان كنت في حياتي حقيقه ... استكثرتها الظروف علي ام انك كنت حلما جميل في حياتي .. ( بحزن وتنزل راسها ) مجرد حلم جميل .. واستيقظت ليلة البارحه منه
( وهي تتذكر حرمة سعيد يوم يتها المحل ) 

وهل تعلم ؟؟ اني في كل ليلة اتسلق جبال النسيان .. والقي بذاكرتي من اعلى قمة الجبل .. ومع هذا مازالت ذاكرتي بك .. في كامل قواها العقليه والعاطفيه .. 

جان يقول احمد .. : علم أخر انه الحياه انتهت في تلك الليله 

علايه تهز راسها بانه " لا " ... وتحط ايدها ع ثم عمها : لا .... عفوا .. انهم يثيرون احتقارك فماذا تنتظر .. اقلب صفحتهم من حياتك وابدا من جديد او مزقها نهائيا .. فكتاب حياتك يجب ان لايحوي سوى تاريخك الجميل وصفحتك المضيئه .. 

سكت احمد اول مره علايه تقول ها الكلام .. كان كلامها غير .. كلام علايه اثار الشكوك في نفس عمها ... 

فوق سطح بيت قوم علايه كانت نهاية لقصتين حب .. تقلص في عدد العشاق في هذي الليله شخصين .. وانضم لعداد الفراق .. بعد شخصين ... هم علايه وعمها ... 

كلمتي لهم .. ولكم مني انا فواغي .. 

[ ومضى ومضت وطويت خلفها حكايه تتكرر في كل الازمنه والامكنه .. فالاحزان تتشابه والاالام تتشابه .. والنهايات وحدها هي التي تختلف .. ] 

ابتسم احمد عمها بحزن ونزل راسه .. وعلايه اليوم ذرفت اخر دموع على فراق سعيد ... طالعت عمها بويه خرسته دموعها الهاديه ... فتح احمد ايده لعلايه ... علايه ماترددت و لمت عمها باسى وكل حد منهم يحاول يحمل بقايا الذكريات ويركنها في زوايا ها القلب .. علايه هدت شويه من عقب حضن عمها وهي في الاساس ماتباه يشك فيها فرفعت راسها وشافته وابتسمت وسارت عنه ويابت كيمرتها الكانون اللي كانت حاطتنها بعد في البوكس .. وردت تدش داثرة الضوو .. وناولت عمها الكيمرا وصورته ورد هو صورها وعقب سارت حطت الكيمرا ع حد اليدار .. وركضت لعمها وحضنها وهي تضحك ولبق الفلاش في السما وهم يضحكون من عقب معاناه ودموع وخذت لهم احلى صوره .. وفجاه يسمعون هرن .. عاد احمد من الزيغه يركض وينزل تحت ناسي علايه بروحها فوق علايه حطت ايدها ع قلبها من الزيغه وشلت كيمرتها وخلت الشموع ونزلت ورا عمها عقب عرفت انه راعي الكفتيريا هو اللي ياي .. 

احمد شال الكيس ومنطر من الضحك ..: ها عليوه تزيغين تركضين 

علايه ناقمتنه : هيه صح حتى تبادلنا الادوار استويت انا الريال وانته البنت تخليني بروحي فوق 

احمد : هههههه هيه انا بعدني ابا عمري مسوليتنا جو السحر مالج وبعد ماتبيني ازيغ 

علايه بهدوء : بس صدق ماا ارتحت 

احمد يوقف صوبها : امبلا ارتحت ... لانج انتي ياعليوه يا بنت اخويه عليج افكار ...تخلي الواحد يستانس عليها .. يعني باختصار تسوين لج اكتفيتي وتونسين عمرج ... وعندج طقوس غريبه ها الشي اللي يحبنني فيج .. غموضج .. 

علايه ابتسمت بهدوء ومشو صوب الصاله عشان ياكلون وعقب يرقدوون .. 

----------------------------
البارت ألــ 12 - 

يوم العرس .. ع المغرب ... 

كل الاستعدادت جاهزه .. وكل شي تمام التمام .. باستثناء المعرس والعروس ... اللي كل حد منهم رافض الثاني ... ومب متخيلين كيف بيتاقلمون ؟؟ غايه من عقب صد فيصل عنها .. ماعاد شي يهمها تعرس اليوم .. ماتعرس ابدا .. استوى كله واحد عندها ... 

يالسه غايه بهدووء وتحط راعية المكياج لماستها الاخيره على غايه والهدوء يلف المكان باستثناء صوت الاغاني اللي برع ... وقامت تثبت الطرحه في تسريحة غايه ... نشت غايه جدام المنظره الطويله وطالعت عمرها .. كانت لابسه جلابيه حرير ورديه ناعمه وايدها كت وخفيفه عشان يوم تفصخها ماتخرب المكياج والتسريحه .. وتطالع عمرها باعجاب .. بالرغم من احساسها الجامد اليوم الا انه ها الشي مايمنع انها تكون مرتبكه ... ومعجبه بعمرها .. كانت طالعه غايه ملاك من حلاتها ... مكياج عيونها اللي ابرز جمالها .. وتسريحتها زادتها حلاه فوق الحلا .. دشت روضه وام حمد وهم مستانسين ... روضه كانت طالعه وايد نعومه ... رغم ضالة جسم روضه لكن كانت طالعه حلوه بعد اليوم ... ولابسه فستان فوشي حرير ووايد بسيط بس مايمنع فخامته .. ومسويه بشعرهاالبني الخفيف اللي يوصل لنص ظهرها كيرلي ... ورافعه قصتها ع فوق .. ع قولتهم مسويه حركة " البف " لووول وسلمت على غايه وهي مستانسه وناسيه انه غايه اليوم متحطمه معنويا ... وام حمد بعد سارت تسلم على غايه .. 

روضه بروح مرحه : يالبي فديت مرت اخويه ما حلاها 

غصبا عن غايه ابتسمت لروضه : ههههههه حبيبتي والله 

ام حمد تطالع غايه شويه وبتصيح .. : فديتكم ياربي ... 

روضه تحط ايدها على جتف غايه : هاا امايه مب تصيحين اليوم مانبا حد يصيح .. 

غايه رفعت راسها صوب روضه اللي وراها وحاطه ايدها على جتفها وباستسلام : وانا ؟؟ 

روضه فتحت عينها على وسعهن جنه تحذر غايه وتقولها " مب وقته " ... 

ام حمد : يالله فديتج غايه اللحين بنسير وبنرد لج اخلاف بنجابل المعازيم .. 

غايه : اوكي خذو راحتكم .. 

طلعت ام حمد وسارت روضه صوب المنظره الطويله .. ويلست تعدل نعالها الكعب لانها مب متعوده عليه .. وتشوف انعكاس غايه في المنظره وهي سرحانه .. 

روضه صدت عليها : متى بتلبسين الفستان ؟؟ 

غايه بصوت هادي : اللحين .. 

روضه : اساعدج .. 

غايه : هههههه لو ممكن يعني 

روضه من شافت غايه تضحك استانست من خاطرها ... وبدلت غايه بمساعدة روضه ولبست فستانها الابيض وتحس بعمرها متوهقه الفستان اثجل مما تتوقعه وتحس بانه لابسه مدرعات مب فستان عرس ... وسارت روضه تناولها الباقه غايه ابتسمت لها ... خلاص غايه رضت بالواقع عقب كل المحاولات اليائسه عشان ترد ها اليوم .. لكن خلاص ماشي فايده ع قولتهم " طاح الفاس بالراس .. " 

في نفس الوقت وصلو قوم علايه عند البوابه بس ها المرت وصلت علايه ونفسيتها مرتاحه وداشه وهي تدعي لهم بالسعاده .. صح انها ماشافت منهم الشي الزين .. بس بعد مب حلوه انها تدعي عليهم و اقل شي تسويه انها تتمنى لهم حياه حلوه ويا بعض ... سلمت على الحريم في الاستقبال ..بس استغربت استقبال ام حمد لها اول ماشافت عليا .. حضنتها ... تمت حاضنتنها ... وعليا مستغربه من ام حمد .. حتى انه ام علايه ويدتها مستغربات ... خوزت ام حمد علايه من حضنها وتمت تشوفها ... وعلايه مستحيه ومب عارفه شو تسوي ... 

علايه بحزن وهي ماتدري شو السالفه : مبروك خالتي ... 

ام حمد : الله يبارك فيج فديتج ... 

يت روضه من بعيد وهي تبتسم لعلايه التفت علايه لروضه وخازت عن الدرب عشان الحريم يطوفن .. سارت روضه سلمت على ام عليا ويدتها وعقب تمت واقفه ويا علايه .. 

روضه تطالع علايه : قومو عنها طالعه حلوه .. 

علايه : ههههه والله انتي الاحلى .. طالعه عروس .. 

روضه اونها استحت : احم احم .. ( وتتقرب من اذن علايه ) يعني بنخطب .. 

علايه تضحك وتحط ايدها على ثمها : ههههههههه هيه ان شالله .. 

روضه : طوفي نسير نيلس جدام حاجزتلنا طاوله جدام امره مجابلين الكوشه 

علايه : اوكي ... 

مشت علايه ويا روضه وهي تشوف نظرات الحريم .. طبعا بيسالون منو هاي اللي ويا اخت المعرس .. !! وتمت تنقل علايه نظرها في القاعه العوده وتشوف الموجودين .. تحس بهم ناس وايد ... والقاعه فيها اضاءه حلوه والترتيب وايد حلو .. والخدمه خدمة المركز التجاري .. يعني مدلعين المعازيم دلع ... وصلت علايه وروضه للطاوله وسحبت علايه الكرسي ورفعت طرف عباتها ويلست ع الكرسي بحيث انها مجابله الكوشه امره ... حطت صبوعها بين شعرها وردت قصتها على ورا .. كانت وايد بسيطه .. بس ها البساطه خلتها تطلع حلوه .. مكياجها اللي بارز عيونها وفستانها الاصفر اللي كان فيه شج وايد ويبين انه فخم من الخاطر ... روضه يلست حذالها وهي تبتسم ... 

روضه اتقربت من راس علايه عشان ترمسها لانه صوت الاغاني حشره : عليوه افصخي العباه 

علايه صدت عليها بعيون مصدومه : انتي تبين يدتي تنحرني .. 

روضه : هههههه اسمعي تراج بتفصخين العباه وبترقصين بعد .. 

علايه : لا والله .. اسمعي انا ماعندي اخلاف برقص بس سو لي اضاءه ديسكو .. اول 

روضه تغمز لها : ههههههه افا عليج ... ( بجديه ) بس بترقصين 

علايه : لا يامايه بعدني ماتخبلت .. تبين يدتي تنحرني .. 

روضه : انا برمسها .. 

علايه : اكوه الدرب سيري رمسيها بس لو هزبتج انا مالي خص 

روضه تطلع لسانها : هههههه ياويلي .. 

علايه : ههههههههههههه 

روضه : انزين عطيني عباتج وشنطتج بوديها داخل وبخبر يدتج انج بترقصين ويايه .. وانا بروحي بعطي يدتج 500 يورو اذا وافقت 

علايه وهي تتذكر يوم الثلج : ههههههههههه اوكي 

نشت علايه ونشت وياها غايه وفصخت علايه عباتها وكل الحريم يطالعونهم شلت روضه العباه والشيله وحطتهن على ايدها بحذر عن تتجسف وجي .. وهي في الدرب تتدور يدة علايه ومن شافتها نقعت من الضحك وسارت صوبها وباست راسها اول .. 

روضه : امايه 

يدة علايه تصد على روضه : عونج امايه 

روضه : طلبتج 

يدة روضه : ومارديتج 

روضه : اباا علايه ترقص ويايه اليوم 

يدة علايه تضحك : هههههههه امره هاك الدرب على هواها .. 

روضه وهي مستانسه : صدق 

يدة علايه : هيه اليوم عرس ولدنا حمد برايها خل ترقص لين ماتقول بس 

روضه تضحك : مشكووره فديتج ( وطالعت ام علايه اللي تبتسم وغمزت لها جان تضحك ام علايه ) 

ومشت عنهم روضه وسارت ووطت عباه علايه وشيلتها وردت تظهر لانه غايه كانت يالسه ويا ربيعاتها مال ايام الدراسه .. 

ولمحت عنود تمشي صوبها وكانت طالعه حلوه وايد .. وسلمت عليها .. 

روضه : طوفي عنوده بوديج عند عليوه جدام .. 

عنود تغمز لها : الغاويه راعية الفستان الحمر 

روضه تضحك على سوالف عنود : انتي ما اتوبين من ايام المدارس وانتي ماعندج الا سوالف التقردين 

عنود : هههههه نقزر وقت وحياتج ...بعدين ويا ها الراس محد يسولف 

روضه تيودها من ايدها : انزين تعالي ويايه .. 

وصلو للطاوله وكانت علايه يالسه تاكل " لوول " ومن شافتهم ياييين صوبها ع طول حطت الشوكه في الصحن ونشت لهم .. 

علايه : هلا والله 

عنود وهي مستانسه : اهليين 

روضه : احم عنود هاي علايه ( وتاشر على علايه ) ... علايه هاي عنوده ( وتاشر على عنود ) 

جان يضحكن .. 

علايه : اسميج اليوم شي فيج 

روضه : هيه شاورت يدتج وقالت برايها خل ترقص امره لين باجر 

علايه : اوووووووونه غريبه 

روضه : ماعليج من العيايز تراهن الا هفات .. 

علايه فجاه صدت لعنود اللي تطالعها .. وابتسمت لها عنود وردو ييلسون ع الطاوله ويسولفون شويه لين ماقالو انه العروس بتطلع بندو كل ليتات القاعه وتوجهت الاضواء بس صوب البوابه الكبيره ... كل انظار الحريم صوب البوابه ... روضه استاذنت عن علايه وعنود وسارت صوبهم ... انفتح الباب بشوي شوي .. وطلعت غايه بفستانها الابيض الكبير وهي تطالع الكوشه وتبتسم باستهزاء ... وتسمع زغاريط الحريم ولحن زفتها تحس به صام له اذنيها ومب رايمه تتحكم في دقات قلبها ... وهي تهدي عمرها ..

" مايهمج شي ياغايه .. لافستان ابيض .. ولامعازيم ولاناس .. ولاكوشه .. ولامعرس .... انتي اليوم خسرتي اللي غيابه عن كل غياب .. انتي اليوم غفرتي لناس عمرها ماتستحق المغفره ... في ها القاعه دفنت حبك يافيصل ... انا يافيصل نسيت الناس ولكن مانسيتك عجزت انساك حتى لو ثواني ... !! عطيتك شي ماهو عند غيرك ولاقصرت ولكنك اناني ... ( وخانتها دمعه على خدها وابتسمت للكيمره اللي فضحت تفاصيل حزنها ودموعها على الشاشه الكبيره ) حبيبي لاتواخذني ولكن ابيك اتحط نفسك في مكاني .. !! " 

مشت غايه وهي تفكيرها ماخذنها لعالم بعيد .. بعيد عن نظرات الحريم .. عن صوت امها وصوت مرت عمها .. وصوت زفتها ... حست بالدرب قصير كيف وصلت للكوشه .. والدرب كان طويل .. شو سوت في ها الكمن دقيقه .. وقفت جدام الكرسي اللي بيجمعها من عقب ها الكرسي .. بيت واحد بحمد ... غمضت عينها وهي تشوف الكرسي اللي كان ممكن في يوم يجمعها بفيصل .. مب بحمد .. التفت بالحركه البطيئه وواجهت الناس ..بدفن حبها اليوم .. لانه من عقب ها اليوم يحرم عليها ... ذكرى فيصل .. 

يلست غايه وانفتحت الاضواء وجو الظلام اللي حست به غايه والوحشه في ها القاعه الكبيره اللي حستها قبل اشوي اختفت .. حتى لحن زفتها كان حزين .. وجنه اللحن كان حاس بمعاناتها .. بدو الحريم يسيرون فوق يسلمون على غايه وهي تقهر الحزن وتجاملهم بابتسامه باهته مالها اي معنى ... ويوم خفت الزحمه .. بدى قلب علايه يدق بسرعه ... الهدوء اللي اتحلت به اول مادشت القاعه بدت تفقده ... شو صابها من دخلت غايه ... ماتعرف ... 

نزلت علايه راسها وتحس بقلبها يحطمها ... ونزلت راسها وحطت ايدها على قلبها عشان تهدي عمرها انتبهت عنود لها الحركه ... 

عنود بخوف : شو فيج .. 

علايه رفعت راسها : هااه .. لاماشي .. 

روضه : طوفو بتسلمون عليها .. 

علايه عيونها بدت تحرجها .. تحس بدموعها بتفضحها ... عنود بروحها موقفها ماكان احسن من موقف علايه كيف بتجابل حبيبة اخوها .. شو بتكون نظرة غايه لها ...؟؟ بس عشان تهدي عمرها يودت ايد علايه وبصوت قريب للهمس : يالله عليا 

علايه نشت على حيلها وهي تحس لولا ايد عنود اللي قابضتنها جان ريلها ماشلتها ..صوب غايه .. 

كل الناس تطالع علايه وعنود اللي ميودات ايد بعض ويرقون الدري اللي يودي لغايه وغايه عينها مافارقت راعية الفستان الاصفر .. شافت وحده من بعيد ملامحها هاديه جمالها هادي ... عرفت انها علايه قلب غايه تم يدق بسرعه من شافت علايه وتم يدق ضعف دقاته من شافت عنود ميوده ايد علايه ... نزلت نظراتها للباقه اللي جدامها وهي تعد كم ورده في الباقه عشان تبعدهم عن تفكيرها وهم اصلا على بعد كم متر منها ...!! 

علايه وهي تركب انجسفت ريلها ع الدري .. ويودتها عنود وهي تبتسم : بسم الله عليج شو ياج ؟ 

علايه تخفف التوتر عنها بضحكه صفراء : ههههه دوم متعوده 

عنود ابتسمت لها وكملو دربهم لغايه .. وصلت عنود وسلمت عليها وهي مب شاله في خاطرها مول : مبروك غايه .. 

غايه رفعت عيونها اللي امتلت دموع وهي تشوف فيصل جدامها : الله يبارك فيج .. 

علايه واقفه شوي بعيد وشافتها غايه .. وابتسمت لها : شو مابتسلمين عليه علايه .. 

علايه منزله راسها وبصوت خفيف وشوي وبتصيح : امبلا ... 

اتجدمت علايه لغايه وهي تحس بعمرها خلاص منتهيه .. هاي حرمت حمد جدامها ... اللي غيرت حياتها جدامها .. طبعا غيرت حياتها للاسوء ... معاناتها ... كانت هي سببها ... بس بالرغم من كل الذكريات الحزينه اللي طرت لها مامنعت عمرها من انها تلم غايه بحنان ... غايه ماعرفت شو تسوي حزتها .. كيف ظلمت انسانه مالها ذنب ..؟؟ كيف فضلت سعادتها على تعاسة ها البنت الصغيره ..؟؟ علايه ابتعدت عن غايه وهي تمرر صبعها على رموشها اللي تحت لانها دمعت ... 

علايه بصوت حزين : مبروووك غايه .. والله يهنيج ... 

روضه من شافتهم جي ... قالت لازم اتغير الجو وسارت للدي جي وقالت لهم يحطون لهم اغنيه ربشه .. وحطو لهم اغنيه ربشه .. روضه وقفت في نص الممر مال الكوشه وتمت ترقص بدلع وهي مجابله علايه اللي كانت بتنزل .. علايه كانت بتتخطى روضه .. بس روضه لفت ووقفت جدامها 

روضه : يالله عليوه عشان خاطري 

علايه ترفع ايدها بانه لا ماتروم : لا روضه والله ماروم .. 

عنود ورا علايه : يالله عليوه عشان خاطرنا .. 

علايه تبتسم : ههههه اول شي حطو لي اضاءة الديسكو .. 

روضه اشرت لفلبينه بانه تحط لهم اضاءه غير شوي .. سارت الفلبينه وغيرت الاضاءه واتلونت القاعه بكل الالوان .. ..

عنود : يالله بنزل بصفق لكم تحت .. 

روضه قالت لهم يغيرون الاغنيه وحطو اغنية " العمر ايام " لحسين الجسمي .. ..... وطولن ع الصوت واتحمسو ... كانت القاعه في كل صوب السماعات ... تمت علايه واقفه متلومه وروضه كانت ترقص بدلع ... جدام علايه وتغني وياهم : العمر ايام وايامي ثواني .. وعشت عمري بلذة عمرها .. مابلاني غير ذاك اللي بلاني .. وقمت احسب ايامها وانسى شهرها 

علايه صدت على غايه .. غايه ابتسمت لها وتقول لها " يالله عشاني ارقصي " 

وعشانهم كلهم ... قامت ترقص ويا روضه .. وهي تحس بالحيا .. بس شويه واتعودت عالجو كانت حركاتها حلوه ورقصها هادي كل البنات اتيمعو تحت عند الكوشه ويصفقن .. 

جان تغني روضه وتشار علي علايه : غانيه تحسب في مفانتها الغواني .. ثغرها الصبح دجى الليل بشعرها .. ( وتغمز لها ) عتقت في ثغرها كرب ودماني .. يعل كل الحسن فدوه عن ثغرها .. 

وعنود مرتبشه وتصفق لهم وربع غايه كلهم تمو يصفقون لهم ... ويوم خلصت الاغنيه .. تمن البنات يصفقن ويصافرن ... علايه يايه بتنزل وهي متلومه مارقصت الا عشان خاطر روضه اولا .. وغايه ثانيا .. 

وتلقفتها عنود تحت .. : ياخطيره انتي .. 

علايه تبتسم بحيا .. : ههههههههه ... يالله نسير نيلس احس كلهم يشوفوني .. 

روضه تمت ترقص ويا ربيعة غايه فوق .. وهي مستانسه ع الجو ... روضه كانت مستانسه من وناسة اخوها .. شويه وقالو بيدخلون المعرس .. سارو يلبسون عبيهم كلهم .. يت روضه صوب علايه .. 

روضه : عليوه اللحين بيدش المعرس .. 

علايه : ويه غربلا ابليسج .. وعباتي 

روضه : سيري داخل حجرة اللي صوب المدخل بسرعه عن يدش .. 

علايه نشت بسرعه وتركض شويه وتمشي بسرعه وهي سايره صوب المدخل شافت رياييل داشين ... وماعرفت شو تسوي وهي مجابله الرياييل .. حمد رفع عينه وقبل لاتطيح عينه على عروسه .. طاحت عينه على حبيبته .. وحتى انه وقف في نص الدرب .. وعلايه ركضت داخل الممر اللي فيه الحجر ... 

حمدان : ايه دش بلاك ؟ 

حمد يصد عليه ويبتسم : ان شالله .. 

دشو داخل وكل الحريم طبعا يشوفون بس مالحقو على حمد يوم يشوف علايه لانه ااستوى الموقف في المدخل واللي شهدو الموقف ينعدون ع الاصابع .. 

علايه من دشت الحجره سكرت الباب وراها وهي تتنفس بسرعه لانها ركضت ومن غير الموقف اللي اربكها .. بس خذت شيلتها وعباتها .. ولبست عباتها ودخلت شعرها داخل .. وحطت الشيله ع راسها وتحجبت .. وابتسمت لعمرها في المنظره .. وقالت في خاطرها " الله يهنيهم .."وسارت صوب شنطتها وطلعت الظرف البني اللي تم اقل من شهر عندها وتمت تطالعه وهو بين ايدها وقلبها يحذرها من ها الشي ..!! بس قوت قلبها 

اما فيصل كان واقف برع وهو يطالع حمد وهو يحدر داخل .. يعني يحدر عند حبيبته .. وحرمت حمد حاليا وقلبه يتقطع وهويدعي ربه انه يهنيها .. ومن كثر ماهو مب متحمل انه ييلس اتصل لتيلفون عنود اخته 


طلعت علايه برع وسارت يلست مكانها ... وهي تيلس يالسه تعدل عباتها وترمس عنود ... ومن اعتدلت رفعت عينها صوبهم .. ابتسامة شفاتها اختفت من شافت حمد يطالعها ... علايه ارتبكت وتبغي تلمح له " لاتطالعني .. طالع حرمتك " ... بس لاحياة لمن تنادي ... عنود انتبهت لها الشي .. 

عنود : بلاه يطالعنا ؟ 

علايه تصد الصوب الثاني : ماعرف ... 

حمدان وهو نازل انتبه لعلايه وهي يالسه وسوى لها بايده حركة بيبااي .. هههههههه جنهم يهال .. علايه ردت رفعت ايدها وسوت لها بيبااي بس سوتها من تحت الطاوله عشان محد ينتبه وهي تضحك لكن حمد انتبه لهم وتم يحرق في عمره ومب متخيل انه علايه ممكن في يوم تكون من نصيب حمدان .. 

عنود كانت ترمس اخوها .. ويوم خلصت صدت على علايه .. 

عنود : يالله فديتج بترخص اخويه يتريانا خاري .. تامريني بشي 

علايه تعدل شيلتها : لافديتج سلامتج وشوفتج 

عنود تغمز لها : 050 ******* .. اتصلي يالقمر اترياج عقب الساعه 12

علايه تضحك وتحط ايدها ع ثمها : ههههههههههههههههههههههههههه وياها الراس ... لاترقمين عيب .. بخبر امايه ليج 

عنود تلف عنها : ارمس جد مااوصيج لاتقطعينا..

علايه : ردي قولي لي كم رقمج .. 

وردت تقولها الرقم وتخزن علايه الرقم في التيلفون وهي تبتسم ومن رفعت راسها صوب الكوشه انتبهت لحمد اللي مويم .. وموخي ... وشكله موول تعبان من الخاطر .. 

عنود اختفت بين الحريم اللي يطلعن بس من يوصل المعرس .. ويت يدت علايه عند عليا .. 

يدة علايه : طوفي عليوه بنش اسلم عليهم 

علايه : لا اتلوم ماروم 

يدى علايه : نشي وعن البزا 

علايه : تعالي سملي عليهم من تحت 

يدة علايه : اخ عليج من بنت تردين يدتج 

علايه " هيه اسمحيلي في ها الشي بردج ... " 

يدة علايه مشت لطرف الكوشه ويتها روضه ويلست على ركبها مجابله يدت علايه وترمسها شويه واشرت روضه لحمد وغايه على يدة علايه انها تسلم عليهم 

بس حمد نش من مكانه واتجدم صوب يدة علايه ويلس ع ركبه حذال روضه وتمو يرمسونها ويضحكون 

يدة علايه : هههههههه اللحين الغوي بتنقمنا ننشناك من مكانك وهي اليوم عروس 

حمد : افا عليج كله ولا ام خليفه ... ولا العروس لاحقين عليها .. ( وابتسم ورفع عينه صوب علايه اللي يالسه ع الكرسي وتطالعهم وعيونها تلمع بدموع الحزن وهي تتذكر موقفها الاخير ويا حمد ) 

حمد يقول بصوت عالي : وانتي علايه مابتسلمين .. 

علايه طالعته بعيون مذهوله " هذا تخبل جدام الناس اسلم عليه ؟؟ وين ابا ..!! " 

يدة علايه : تعالي عليوه سلمي على معرسنا ويالله انتي ياينج الدور 

علايه وصلت صوب الكوشه وكانت واقفه شوي ورا يدتها .. 

علايه بصوت هادي وماينسمع من حشرة الاغاني : مبروك حمد 

حمد ابتسم كيف يفرح من يشوفها وهي مجابلتنه .. في قربها يحس بالراحه ..: الله يبارك فيج .. (وقالها بالم ) عقبالج 

علايه ماتحملت ولفت بوييها الصوب الثاني ومشت عنهم ... 

يدة علايه : وييه حسبي الله على ابليسج ياعليوه امره هاي البنت فيها شي جنها الا ماتداني العرس .. اكيد عين ... هيه عين وماصلت ع النبي .. امره مادري شو ياها باغضه طاري العرس عافانا الله .. 

حمد : هههههههههه ان شالله بييها نصيبها .. 

وسملت يدة علايه على حمد وعلى غايه اللي يالسه تشوفهم بهدوء ... وسارت عنهم يدة علايه وركبت موتر علايه .. علايه كانت تجلب الاف ام تتريا يدتها ... ومن ركبت اليده .. تمت تحتشر على علايه عشان العرس .. وانها ماتبا تعرس وعلايه تسوق وهي تضحك في خاطرها على يدتها . ... 

----------------------------
البارت الــ 13 - 

طافت الايام وكل حد انشغل بدوامه .. علايه من اول ماداومت وهي شاده حيلها لانها زايغه انه مستواها ينزل في الدراسه وهي كلها طموح انها تكمل دراستها وخاصه من عقب مرضها اللي لعوزها ... ومازالت على هاك الموال .. دوم تسير المراجعات في المستشفى وطبعا مقسمه وقتها كله بين الجامعه والمذاكره والمستشفى والمحل .. يعني كانت ماتروم اتفكر في شي زياده ... 

اما المعاريس .. وحسب طلب المدام " غايه " .. مابغت انها تسافر وحبت تيلس في البيت بين اهل حمد .. الي هم قوم عمها ... هاا لشي يريحها اكثر من وجودها هي وحمد بروحها ولاثالث لهم .. ! 

وكل حد عايش يومه بيومه .. كالروتين المعتاد .. 

في يوم ... علايه من عقب مايت من الجامعه سارت المحل ويلست وياهم تطالع طلبية بطايق سعيد ... وهي حرصت كل الحرص انه تطبق حركتها الخطيره اللي هو شعارها .. [ مع خالص احتقاري محبوبتك لعام 2003 ] .. طبعا ماترددت في لحظه انها اتحط الشعار بشكل خفيف وهادي مايزعج لا العروس ولا المعرس ولا اي حد من المعازيم ... وعشان ماتخسر زباينها بحركه ممكن توديها في 60 داهيه ... 

يالسه تطالع الكرتون اللي استوى جاهز والعدد كامل .. ودش حمدان .. 

حمدان : هلا والله ... براعية المحل 

علايه صدت صوبه : اهلين ... شحالك يالدب ؟ 

حمدان ييلس ع الكرسي اللي مجابل المكتب : ااااااخ متكسر .. 

علايه ابتسمت له ..: سلامتك 

حمدان يعتدل في يلسته : الله يسلمج ماشالله اشوفج اليوم هني 

علايه : هيه اليوم تسليم طلبية قوم سعيد بطي الـ... وييت ااتاكد 

حمدان : الله يعطيج العافيه شاله الشغل ع راسج .. 

علايه : هههههههههه ولو ... 

حمدان : اسمحيلي انا ما امر هني دووم بس تعرفين ظروف شغلي ماتسمح لي 

علايه : لا انا يوم اكون فاضيه تحصلني دوم هني .. 

حمدان يبتسم لها ويطلع تيلفونه من مخباه ويقر المسج اللي واصلنه .... علايه حست بانه قلبها يدق بسرعه من شافت السياره اللي خطفت جدام المحل ... 

علايه : امم حمدان انا بسير شويه وبرجع مشوار ساعه 

حمدان يرفع راسه : وين ؟ 

علايه : احيد امايه قالت لي اييب المخاوير مالها ونسيت 

حمدان : اها اوكي خلاص برايج 

علايه : المهم لو وصلو قوم الـ ... تراه كل شي زاهب ومثل مايبون ( وتضحك بخبث ) 

" ههههههه اونه مثل مايبون مب جني انا تنذلت وحطيت لمستي الخاصه ع البطاقه .. اسفه سعيد .. اسفه حمده .. بس مجبوره .. " 

شلت علايه السويج والموبايل وطلعت وهي طالعه انتبهت لسعيد اللي يمشي بيدش المحل ... ظنونها ماخابت واحساسها ماخانها .. اللي توقعته كان صح ... من شافته اتغشت .. انتبه لها سعيد ... ونزل راسه .. عرسه عقب اسبوع وشوي وهو نازل اجازه عشان العرس ... وقلبه تم يدق بسرعه من شافها واتاكد انها هي يوم تغشت لانه عبود خبره انها فتحت محل وحرمته يت هني ... كان خاطره يشوفها ويرمسها بس مايروم ... مايبا احساسه يخونه صوبها ويرد ويضعف ويقول انه يحبها ويباها .. ويسوي له في السما دروب .. علايه حمدت ربها انها طلعت قبل لايدش لانه لو تمت وياه في نفس المكان تدري انها بتضعف وبتعترف انها تحبه لين اللحين ومب رايمه تنساه ... ها المره ماصاحت تعبت من كثر ماتصيح .. وياريت لو انها اتصيح وينفع .. المشكله انها بس تزيد عواار راسها اتصلت ع تيلفون فطوم بنت عمها وقالت لها تطلع بتحوطها شوي لانها ملانه ... ووصلت بيت عمها ودقت هرنات وحشرت الفريج كامل لين ماطلعت فطيم وهي محتشره ... كانت فطيم لابسه عباه اسلاميه يعني ع الطرف مفتوحه .ولابسه تحتها تي شيرت لين الركب لونه اصفر وعليه دبدوب كبير وتحت شلحه ولابسه زنوبه عليها ليدي بيرد يعني كانت عنقاش ومال اي شي .. علايه من شافتها ضحكت ... 

ركبت فطوم السياره : خسج الله ياعليوه ... حد يدق هرنات جي عوذ بالله طيرتي حمامة فوادي 

علايه : هههههههه والله ملانه يافطوم بس خليني اتصل ع اميه 

علايه اتصلت لامها وقالت انها بيت عمها وبتاخذ فطوم وعقب بتسير المحل .. 

فطوم تطالع عمرها في المنظره وتتعدل .. : اقولج وين بتوديني .. 

علايه : بس جي نقزر وقت ... 

فطوم تطلع فاتوره من شنطتها : انا احيد انه عباتي مخلصه طوفي نسير بو هيل اييب عباتي دام انه فاضيات .. 

علايه : اوكي ماعندي اخلاف 

علايه شغلت الاف ام وتمت تتذكر سعيد وتامه سرحانه في الدرب .. وفطوم ساكته بعد ... وصلو صوب بو هيل وتمو يدورون باركن وبدت فطوم تكفش ... 

ويدورن لهم باركن وصلو لين جدام وماحصلو .. فطوم يالسه تطالع وراا .. 

فطوم : عليووه ردي ردي .. شي واحد بيطلع 

علايه تصد ورا : اوكي برد ريوس وانتي شوفي اذا حد ورا .. 

فطوم : اوكيه يالله 

علايه تمت ترد ع ورا بهدووء 

فطوم : بعد .. بعد ... ردي وراا .. بعدد شووي ... ( ومانتبهت فطيم جان تزاعج ) عليووووووووووووووه وقفي .. 

علايه حطت ريلها ع البريك ودحت بريك قووي من الخاطر لين ماهي وفطوم نقزو ع جدام علايه ضرب ثمها السكان ع طرف وانطر شوي وقام يطلع الدم وفطوم صقعت الجامه وراسها يعورها بس يعني رضه ... علايه تم قلبها يدق بقووو قلبها بيطلع من مكانه .. هي حست انها دعمت حد فتحت الباب وسارت ورا السياره وشافت واحد شال اكياس وطايح وشكله متعور شوي ... بس يعني لين اللحين سليم ... 

فطوم تمت في السياره زايغه ... 

علايه : فيك شي ؟؟ 

الولد ماكان ولد كان ريال تقريبا في حدود الـ 25 ... نش ع حيله وهو يتأوه .. يعني الولد متعور .. وبين انه طويل وايد وابيضاني وله لحيه خفيفه فصخ النظاره الشمسيه وانتبه لثمها اللي ينزف دم ..وهو يبتسم يبا يطمن البنت اللي شويه وبتصيح 

الريال : اطمني انا بخير بس حاسبي .. 

علايه : والله ماكنت ادري بس زين انه الله سلم ... 

الريال : انا الحمدلله ماا ستوى لي شي بس انتي اتعورتي ؟ 

علايه تذكرت اليرح وحطت ايدها ع ثمها وطالعت الدم وضحكت : ههههههههههه دام انه الا جي سليمه ان شالله 

الريال : انزين اللحين تعرفين تبركنين السياره ولا لا ..؟؟ 

علايه نزلت راسها بحيا : عقب ها الموقف اشك .. 

الريال ضحك : هههههههههههههه دوج الاغراض ببركن لج عن تجتلين حد بعد 

صح انه علايه انقهرت من رمسته هي تعرف اتسوق بس انه فطوم ماا نتبهت له عشان جي ... المهم يودت الاغراض وسارت زقرت فطوم عشان تنزل ونزلت فطوم وهي متغشيه .. ووقفن ع طرف الباركن .. الولد ركب في السياره ريحة السياره دخون استايلها من داخل ناعم ورقيق ومعلقه سلسله مكتوب فيها ( علايه ) ... وابتسم وسكر الباب ... وانتبه للسي دي اللي كان طالع طرف منه ومكتوب مقاطع عيون علايه .. استغرب وحطه ووبدى يرد ريوس وهو يسمع رمسة عمها ومستانس على ها الحركات الحلوه وانتبه على كرت صغيروني فيه مكتوب (محل فواغي لتصميم بطاقات الاعراس ) وارقام التيلفون والمكان .. مكتوب ع طرف البطاقه (محل عليوه الخبله ) ... استغرب الريال مع انه البنت شكلها صغير بس كيف يكون عندها محل وسياره فيها شي غير ... بركن الريال في الباركن وهو يحس انه خاصرته تعوره شوي ونزل من السياره وشاف علايه اللي عرف انها راعية السياره وربيعتها واقفات .. سار صوب علايه وشل الاجياس ... 

الريال : يالله بركنتها لج واتحملي مره ثانيه 

علايه : لا افا عليك مشكوور تعبناك ويانا 

الريال : ولو تعبكم راحه .. يالله فمان الله 

وسار عنهم .. جان تلبج فطييم 

فطيم : يخرب بيتج ياعليوه يالجوله بقره ماتعرفين مره ثانيه مب طالعه وياج 

علايه : فكيني اللحين بتذلين اخلاقي .. على ها السالفه 

فطيم : فشلتينا في الريال شو بيقول اللحين ؟؟ 

علايه : مابيقول شي ان شالله ... ( وابتسمت ) 

فطيم : ويا ها البرطم المشوهه .. 

علايه تفتح شنطتها وتطلع منظره وتمت تطالع شفايفها وهي تمشي كان اليرح يبين للكل ... بحيث انه ياي بشكل طولي من فوق لين تحت وهم داشين شافو ها الريال واقف ويا حرمه متنقبه .. 

فطيم : اويييييييه معرس لو حرمته تدري انه بركن لج السياره جان نحرتج 

علايه بعدها تطالع المنظره وتضحك : هههههههههه صخي لو تدري اني دعمته شو بتسوي بي .. 

الولد من شافهم تم يضحك ويخبر الحرمه اللي وياه عن الموقف .. 

فطوم متغشيه : يخرب بيتج يطالعونا .. 

علايه : انزين برايهم .. الله يهنيهم

فطوم مسكره عباتها بايدها عشان ماتطلع فضايح البجامه وتمشي بسرعه متجدمه علايه وعلايه تضحك عليها .. سارو يابو العباه وعقب طلعوو وفطوم تامه تقرا المعوذات الا شوو ختمت القران بعد عشان توصل البيت سليمه بدون مشاكل .. نزلت علايه بيت عمهم عشان اذن المغرب وبتنزل بتصلي وبترد المحل شويه وبتروح البيت وبتتجهز لباجر عشان الجامعه .. 

علايه وهي ساجده تصلي تمت تدعي لسعيد انه الله يهنيه من عقبها وان الله يوفقها في حياتها ... ومن خلصت الصلاه تمت يالسه ع السياده وتذكر ربها ... فطوم يالسه تقايس العباه وواقفه جدام المنظره .. 

فطوم : عليوه طالعي .. 

عليا : هيه اوكي حلوه ... 

فطوم : اممم عليوه عرس حسون قريب ... اخاف فستاني يخترب 

عليا : هههههه الله يعينج ... 

فطوم : اللحين وين بتسيرين .. 

علايه كانت تلبس عباتها وشيلتها : برد المحل ..؟؟ 

فطوم : بيي وياج ... ( جان تفكر شوي ) ولا اقولج عقب موقف توه ما اتوقع خلاص هونت 

علايه تمشي صوب الباب وهي طايفه ضربت فطوم ع راسها بالخفيف : حماره .. 

فطوم تحط ايدها ع راسها مكان الضربه : اخ اليوم ددعمت من جدام واللحين تضربين راسي من ورا شو انتي حالفه انه راسي مايتم صاحي قبل العرس .. 

علايه تمشي في الممر وتنزل ع الدري وتسلم على ام فطوم ويلست وياهم شوي يسولفون عن العرس اللي بيكون ورا بالباجر .. يعني بيصادف يوم الجمعه .. 

ميثا : ياربيييه والله انه العرس هم 

فطوم تشرب جاهي : ياينج الدور 

عليا : ما وصيج ميثانه البطايق عندنا ان شالله 

ميثا : ههههههه هيه ان شالله بس هالله هالله في الديسكوانت ..

عليا : يالله انزين بخليييكم بسير المحل وعقب بروح 

ميثا : ويا ها المحل جنه محد فتح محل الا انتي 

عليا : مسؤليه والله ... احس اني يوم ما امر ع المحل اول واحد ايي ببالي حمدان حرام انه هو متعب عمره وفاتح لي المحل وما اسوي له سالفه .. يعني احاول اني اتعب فيه عشان يبين في عينه 

ميثا تغمز لها : ومافيش كده ولا كده 

عليا ترفع ايدها : ياربي انته تعلم انه نيتي صافيه ومافي قلبي حركات الصياعه .. اللهم اميين 

ميثا تضحك : ههههههههههههههههههههههههههههههههههههههه توكلي يا اميه ربي يحفظج 

عليا تضحك وتطلع برع وركبت السياره وسارت المحل وماحصلت حمدان وسالت اللبنانيه عن طلبية قوم سعيد وقالت لها انه استلمو الطلبيه والريال خلى لها ظرف ... علايه استغربت .. ظرف ومن سعيد ؟؟ شو فيه يارب استر .. سارت علايه وفتحت السده وحصلت ظرفين .. الظرف الاول ابتسمت من شافته .. والظرف الثاني ظرف سعيد ... حطت الظرف الخفيف في شنطتها عقب ماجسفته بالرغم من الفضول اللي ياكل قلبها ولكنها فضلت تحتفظ بها اللحضات لها بروحها بعيد عن عيون الناس ... وفتحت الظرف الثاني وطلعت صورة فيصل وتمت تبتسم وهي تتذكر غايه وحمد .. اللي للحين تذكرهم لحظه بلحظه ... تذكر نذالة غايه .. واهانة حمد ... !! وحب حمد ... واخر نظره لعيون غايه ... تمت تتامل صورة فيصل وتقاسيم ويه 

" وانته يافيصل شو اللي مخلنك عندي لين اليوم ماكنت بخليك تسير ويا غايه في اول ليله من عرسها .. ماكنت انته الهديه اللي بهديها غايه في ليلة عرسها عشان تذوق ربع اللي ذقته .. بس وربي ها القلب مايقوى انه يسوي ها الحركه .. ولو كان قاوي ... تراه الدنيا ماتستاهل اني اسوي ها كله ... " سكتت شويه " جان تقول بصوت مسموع : روووووووح والقلب دااااااعيلك .. 

وفجأه دشو حرمه وريالين .. علايه من انتبهت لاطراف ناس داشين بالحركه السريعه حطت الصوره ع المكتب وفوقه الظرف واستاذنت ثواني لكنها مادققت في الملامح اللي اقتحمت عليها الهدوء .. دشت علايه داخل الحجره الصغيره ويلست الحرمه ع الكرسي وتمو الولدين واقفين .. فيه واحد كان واقف جدام المكتب .. وواحد على طرف المكتب يعني قريب من الظرف وبحركه عفويه مايله للفضول عشان يقضي الوقت لين ماتيهم البنت .. حرك طرف الظرف عن الصوره وفتح ثمـــــــه ... 

" هاااااااااااااااي صوووووورتي .. شو تسوي هني ؟؟؟ كانت عند ها البنت ؟؟؟ ها محل حمدان صح ..! بس منو هاي البنت توني ادري انه بنت تشتغل ويا حمدان .. ياعمي ماتهمني ها البنت كثر ماتهمني صورتي اللي بين ايدها ( ويتذكر شوي ) ها الصوره ماكانت الا عند غايه .. ااااااه ياحبيبة العمر .. ليكون حمدان شلها عنها وحاطنها هني .. بس ليش ها ا لبنت كانت تشوفها ... ؟؟" 

قطع حبل افكاره علايه اللي طالعه من الحجره وشاله كتلوجات وهي تبتسم بس ما اسرع ما اختفت ابتسامتها من شافت راعي الصوره .. يعني فيصل مجابلنها ... وع طول غيرت نظرها للصوره وهي مرتبكه وقلبها قام يدق .. وصرطت ريجها . تخاف لو انه انتبه .. بس هي حاطه الظرف فوق يعني الصوره ماتبين .. ومشت بسرعه للمكتب وشلت الصوره والظرف وحطتهن في السده وقفلت السده بعد ووحطت المفتاح في الشنطه فيصل ابتسم باستهزاء .. تتحسبه ماشافها .. 

علايه بصوت مرتجف : هلا مرحبا .. 

البنت بصوت رقيق وبطلت النقاب : اوووووه عليا هلا والله ... 

علايه: اهلييييين وسهليين بنت يرانا هني ... ههههههه توه مانور المحل 

البنت : هههههههههه ثرج انتي شريكة حمدان توني ادري ... علوه هاي علايه بنت يرانا 

علي يحاول يتذكر: امممم والله اني ناسي هي الله يهداها ماتي بيتنا ههههههههه بس يالله دام انج بنت يرانا نبا سعر اوكي 

علايه : ههههههههههههههه ان شالله .. 

ابتسمت علايه بحيا وناولتها الكاتولج عشان يختارون 

علي تم يشوفها .. واخته يوم لاحظت جان تقوله : علي طالع الكاتولج عن ها الحركات 

علي تلوم : هههه ان شالله 

لكن فيصل تم مبحلق فيها وبيموت يبا يعرف صورته شو تسوي عندها ؟؟ علايه تمت مرتبكه عمرها من فتحت المحل محد تم يشوفها كثر هاذيل يمكن علي انشغل ويا اخته .. لكن فيصل تم يطالعها ونظراته ابركتها .. وحتى انه ايدها قامت تترجف .." عليوه هدي ؟؟ ما استوى شي ؟؟؟ اخ قلبي احس انه فيه شي .." 

اختارت البنت البطاقه واتفقو على كل شي واترخصو عنها .. وطلعووو 

من طلعو علايه اتنهدت : ااااااااااااااه ( وترفع ايدها ) الحمدلله عدت على خير ... ثانكس قاد .. 

شويه ويرد لها فيصل .. : لوسمحتي ؟؟ 

علايه رد الخوف يسطير عليها : هلا

فيصل مد ايده : الصوره ؟ 

علايه تستهبل وهي تدري انه يبا صورته اكيد احساسها ماخانها : اي صوره 

فيصل بعده ماد ايده : الصوره 

علايه : ماعندي شي 

فيصل : اوكي افتحي السده اللي تحت 

علايه عرفت انه ماشي مجال للجذب وسحبت المفتاح من الشنطه وهي بكبرها ترتجف ماتحب ها المواقف الفشله وخاصه ويا الغرب ... ظهرت الظرف وحطته ع المكتب .. 

يلس فيصل .. وتناول الظرف وفتحه ..ورد يراويها الصوره : منو ها ؟؟ 

علايه وهي متلومه : انته 

فيصل : انا منو 

علايه استحت تحس يعاملها مثل اليهال وبصوت خفيف : فيصل 

فيصل فتح عينه هاي تعرفه وتعرف اسمه .. منو هاي ويضوق عينه ويطالع ملامحها الهاديه ويحس انها مب غريبه عليه وتذكرالبنت اللي في الميني كوبر : انتي عليا بنت خليفه الـ ........ 

علايه فتحت ثمها من قال اسمها واسم ابوها : هاااااه .. 

فيصل : هههههههههههههههههه والله فرصه حلوه عليوه تعرفين لو كنتي وحده غير علايه اللي انا اعرفها ( ويتذكر يوم انها انظلمت ) جان مسحت الارض فيج .. بس صورتي شو تسوي هني ؟؟ 

علايه بخبث : نذاله .. 

فيصل : لا والله .. 

علايه : هيه صرقت صورتك من يوم كنا مسافرين عشان يحترق قلب غايه ع الصوره وتحط ببالها مليون احتمال وين اختفت الصوره ... عشان تتعب نفس ماتعبتني 

فيصل : هههههههههههههه مب هينه بس ها ولاشي بالنسبه اللي هي سوته لج 

علايه : اممم الله فوق .. ( وتطلع تيلفونها اللي يرن )

علايه : الو هلا امايه ؟؟ انا في المحل .. انشالله برد .. ادري انه ورايه دوام .. شوو ليش ماداوم باجر عشان العرس .. لا خلى يولي العرس كله ولا الجامعه .. ههههههههههههه . اوكي برد اللحين .. يالله فمان الله .. 

علايه ترد تيلفونها في الشنطه : امم انا بترخص اوكي 

فيصل يبتسم حس انه بيمصخها لو تم يالس ويالبنت وهو توه يعرفها ويعق عمره عليها وهي مالها في ها السوالف .. 

علايه وقفت ووقف فيصل .. 

علايه : فرصه سعيده فيصل .. 

فيصل يبتسم لها : ولو كل يوم بنط عندج 

علايه : ههههه اتحمل 

فيصل : ههههههه اسولف بس والله استانست من شفتج وانا دوم تين ببالي اقول حليلها .. 

علايه : حليلها هااه ... يالله شو بقول .. الله كريم .. اسمحلي بترخص 

ومشت جدامه وتم يطالعها وهي تمشي وهي طالعه وصدت عليه وقبل لاتطلع شافته يطالعها : فيصل بقولك شي .. 

فيصل استانس يوم زقرته : ههههه امري .. 

علايه : نظراتك .. 

فيصل استغرب : نظراتي !!

علايه : هيه حتى وانا عاطتنك ظهري احس بها ... ( ونزلت راسها ) 

فيصل ماعرف شو يقولها بس نزل راسه هو بعد..... ومن رفع عينه ماحصلها اختفت ... ودخل الصوره في الظرف وطلع وحصلها في السياره ويقرا رقم سيارتها 111 ( بس مابقولكم نمرة شو عشان ماتدورن هع )

طبعا ها الرقم رقم عيد ميلادها بعد هديه من عمها لانه عيد ميلادها ( 1-11 ) عشان جي ... علايه قلبها ع نار تبا ترد البيت بسرعه واتصال امها انقذها من فيصل ونظراته وماعرفت شو سر نظراته ... وبتموت وتعرف شو في الظرف .. 

وصلت علايه البيت وهي مستعيله وسلمت على امها وابوها وتمت يالسه وياهم حول ساعه وفي ها الساعه قلبها ياكلها .. تبا تعرف شو في الظرف .. !! 

ويوم نشت عنهم ع طول ع الدري تركض .. ودشت الحجره واتساندت ع الباب وفرت الشنطه ع الارض عقب ماطلعت الظرف وحضنته .. وعقب تمت تشم الظرف فيه ريحة سعيد ... 

فتحت الظرف وشافت انه فيهن كمن ورقه .. بس نست تقفل الباب ردت تقفل الباب وفرت الظرف ع الارض وطلعت الورقه الاولى .. وكان مكتوب " احبج بخط كبير بالكمبيوتر بالاحمر " والورقه الثانيه فيها كلام .. 

(( هلا علايه شحالج ..؟؟ عساج بخير ... تبيني ارد لج قلبج وعمرج ... اوكي موافق .. بس انتي قبلي ردي لي قلبي وعمري ... وبجي بنكون متعادلين ... 

آآآآآآآســــف ... ماروم ابعدج عن تفكيري .. تدرين بي احبج ... وكل اللي استوى غصبا عني .. 

لاتنسيني علايه .. وربي اكتب لج وانا متضيج من خاطري ماروم اطول اكثر ... اخاف يخوني التعبير ... مشكوره حبيبتي عليوه ... احبج والله 

وعقب مكتوب شعر تحت الورقه 

الله يـسـامح هـالـزمـن خـلانـي أحـيا بـدونها
مـدري كـيـف أوضـاعـهـا 
عـصاها الزمن أو طاعـها 
تسعـدها ذكراهـا معي أو تـزيـد أوجـاعـهـا
الحـب بعـدي شـافـته والا مـثـلي عـافـتـه
تضحك حياتي وتبتسم والا حـزينه وساكته

وحاط حرف (s) ... ))

طبعا بلا شك دموعها تنزل .. مهما كان .. ومهما قالت انه بتنساه ماتروم ... ماتروم .... ردت الاوراق في الظرف وحطتهن في سدة المكتب ... وقفلته المفتاح وسارت تبدل ثيابها وبتصلي وبترقد عنثر التعب ... 

[ خلي رحل والحب بي مازال . ياكيف انسى ياعباد الله !!! ] .. 

.................................................. .................................................. ......................................

يوم عرس ولد عم علايه .. حسن ... 

ع المغرب القاعه توه اييونها اهل المعرس والعروس .... دشت علايه وهي مالها نفس للعرس اصلا من اول امس وهي نفسها خايسه حتى انها زجمت من كثر مب مغصصه على عمرها .. مب طايعه تقتنع انه سعيد ماضي .. والمفروض تنساه .. طبعا علايه كانت على عكس فطيم اللي مستانسه من الخاطر .. وشاله العرس ع راسها وهو اصلا بعده مابدى .. 

فطيم كانت لابسه فستان ذهبي حرير وفيه شج بالبنفسجي .. كان طالع عليها دلع .. والمكيب الخطير وفاله شعرها الاشقر ( مصبوغ ) لين اخر ظهرها .. وتامه رهيبه ... 

علايه لابسه فستان تركوازي حرير وفيه شج رووعه بس ها المره كان كت ... ومنزله قصتها القصيره وملففه بالفير بس من تحت شعرها اللي يوصل لين اخر ظهرها واطول منه بشبر تقريبا وكانت طالعه في قمة الروعه ... مكايجها الاسود والتركوازي ابرز عيونها ... 

كانت هي يالسه في حجرة العروس اللي مخلصه وزاهبه وتلعب بتيلفونها وفطوم يالسه تسولف ويا العروس .. 

فطوم نشت وسحبت علايه من ايدها : حوو البارده قومي نوقف في الاستقبال ... 

علايه بنفس خايسه : يالله طوفي .. 

طلعن برع وشافن انه المكان استوى زحمه وفطوم ميوده ايد علايه وتبتسم لكن علايه منزله راسها ومويمه ... علايه تمت واقفه في الاستقبال شويه وسارت تيلس ... لكن فطيم مااشالله عليها .. تسير وترد .. طبعا الحريم قامن يشوفن فطيم اللي مرتبشه .. لكن علايه الهاديه بس تطالع الناس ...لين ماطافت ساعه ساعه ونص تقريبا قالو بيطلعون العروس .. دشت العروس على زفه حلوه .... وكل الناس تطالع .. كانت العروس حلوه ماشالله عليها ... عقب مايلست العروس .. ردو ينقلون عرس الرياييل اللي كان في القاعه اللي مجابله .. اصلا غلط يسون عرس الرياييل والحريم في نفس اليوم لاونفس المكان .. ويكونون ويا الحريم ... بس عشان الحجز .. 

حطو اغنية ( آآه من قلب ) في الدي جي .. ماتدري ليش اتذكرت عمها احمد وتحس انها متولهه عليه ... ومن قالت جي حطو الكيمره عليه وهو ييول ويالشباب ... وتمت تضحك وتطالع وتشرب بيبسي .. ( ماشالله مكيفه ولاجنها بنت عم المعرس ) وطلعت صورة واحد مشبهه عليه ومن اتذكرته تمت تكح وتكح .... شرقت بالبيبسي ... تمت تكح لين ماحست انها خلاص بتموت عيونها احمرن من كثر ماتكح ... سارت تدور امها وهي تمشي وتكح .. ومن وقفت الكحه صابتها دوره ... وطاحت وهي تمشي ... فطيم من شافتها ركضت لها هي وميثا اختها عن الحريم يتمن يرمسن مايبن يخبرن الحريم الكبار عن يجلبنها مناحه وكل الحريم يطالعن ومستغربات.. وودوها الحجره داخل وطيحوها ويابو لها عطر قوي وتمو يضربونها على خدها عشان تنش .. تفتح عينها شوي وترد تسكرها ..... فطوم اول واحد يا ببالها عمها احمد ماتبا حد يعرف .. ويخترب العرس .. >> فايجه 

فطوم : الوو هلا عمي احمد .. الحق عليوه طاحت علينا 

احمد زعج : شووووووواستوابها ..؟؟ 

فطوم شويه وبتصيح : تعال بسرعه .. ( وبندت عنه )

فطوم لبست عباتها وشيلتها وسارت هي وميثا يلبسن علايه عباتها وشيلتها ... وسوو درب لعمهم احمد عشان يدش يشلها ... شلها احمد وفطيم وراه 

احمد وهو يزاعج : ردي داخل انا بوديها .. 

فطيم من الزيغه ركضت داخل ... احمد مشى بها لين السياره .. لكن اتلعوز السويج في مخباه وعلايه شالنها كيف بيظهر السويج وشاف ربيعه ميود تيلفونه وحارق تيلفون احمد ... لانه زاغ عليه من عقب الاتصال اللي ياه .. 

احمد من شافه حس بالراحه هو بينقذه من ها الموقف .. 

احمد :سلطون تعال فديتك طلع السويج من مخبايه 

سلطان يطالع البنت اللي شالنها احمد ومنصدم ... وتحرك بسرعه لانه الوضع مايتحمل التاجيل ..؟؟ وظهر السويج من مخبى احمد وفتح الباب اللي ورا لاحمد ودخل احمد علايه ع السيت اللي ورا وركب جدام وشخط بالسياره صوب المستشفى ... سلطان تم يطالع احمد اللي يبتعد بسيارته ويطالع البنت اللي بين ايده ويحس انها مب غريبه .. بس منو تكون ؟؟ اخته ؟ ماعنده خوات ...؟؟ حرمته .. احمد مب معرس .. منو هاي .. والله انه مب غريبه .. صح انه ظلام وماشفت الا ملامح .. بس وربي مب غريبه .. 


استغرب انه هو مهتم لها الدرجه .. بس حب انه يلحق ربيعه دام انه محد وياه .. !! .. وركب سيارته وتم يمشي في الشارع ... ومب عارف احمد اي صوب ساار ..؟؟ واي مستشفى سار له ... 

اتصل لاحمد .. 

احمد بضيح : الو هلا سلطون 

سلطان : ياريال انته وين ؟ 

احمد : في مستشفى راشد ... 

سلطان : اها انا اللحين ياينيك 

احمد : لا لا خلك لاتي 

سلطان : ياريال محد وياك خلني بيي 

احمد حس بالضعف هاي علايه هو يدري انه لو كانت " نوبة سكري " ممكن تروح فيها ... مب رايم يتخيل علايه تروح عنه هاي يعتبرها شي مهم في حياته ويتذكر كلامها يوم تقولها 
(( عمي لاتخليني ..!! احس اني بموت قريب )) ... 

----------------------------
البارت الـ 14 - 

سلطان : احمدووووووووه وينك ؟؟ ارمسك انا 

احمد : اترياك 

سكر التيلفون وتام حاط ايده ع ويهه يتريا اي حد يطلع ويطمنه ... ويدعي ربه انه ماتكون نوبة سكري ثانيه هاي البنت صغيره وجسمها ضئيل ومريض ... والادويه اتعبتها .. ومن غير الابر اللي هلكتها ... وصل سلطان وهو يمشي بسرعه ... وصل شاف احمد حاط ايده ع ويه ... اصلا زين يوم انه فكر ايي عند ربيعه ومايخليه جي .. بروحه محد وياه ... وصل سلطان وحضنه 

سلطان : خير ان شالله لاتحاتي ؟؟ 

احمد شويه وبيدمع : انته ماتعرف هاي شو تعني لي . 

سلطان : منو هاي ؟؟ 

احمد : بنت اخويه 

سلطان : اها ... ان شا الله خير لاتحاتي ... 

طلعت الدكتوره من داخل وابتسمت من شافت احمد وقالت له ايي وياها المكتب ... 

احمد : اتريا هني اوكي بسير وبرد

ابتسم له سلطان وتم يالس ع الكرسي اللي مجابل ها الحجره .. ونش واتقرب من الحجره حط اذنه يبا يسمع شي .. ماشي الا الهدووء .. فتح الباب شوي ... يتحسبها لابسه العباه ..بس كانت طايحه ع الشبريه ولابسه فستانها التركوازي ... وشعرها متناثر حولها .. من شافها سلطان بها الوضع ع طول غض البصر >> عقب شو مادقق ههههههه .. 

استحي ... وطلع ورد يلس ع الكرسي ... " هاي هيه .. والله انها هيه ... !! .. ... يخرب بيتها هني طالعه حلوه بس شوو ما استحي بنت اخو ربيعي واشوفها والله اني مضيع المذهب .. استغفر الله .. استغفر الله .. " 

طلع احمد من عند الدكتور وهو مطمن انه بس ارتفع السكري عندها من الانفعالات في الفتره الاخيره وعطتها اجازه عشان تريح فيها ... لا ااكثر .. وحمد ربه مليون مره انها ماكنت نوبه سكري ثانيه ... من شاف سلطان ابتسم له .. 

سلطان نش وهو مستهم : مامن شر

احمد : الحمدلله تتدلع البنت 

سلطان ابتسم .. 


احمد : برايك توكل اللحين 

سلطان استحى انه يصر عليه انه يتم وياه وهو كل شوي ويروغه .. عذره .. لانه بنت اخوه ومايبا يعرضها على حد غريب وخاصه انها متعدله .. احترم سلطان رغبة احمد .. وظهر ودش احمد عن علايه اللي كانت طايحه ومغمضه عينها بتعب 

احمد سار وحبها على راسها : الحمدلله ع سلامتج 

علايه فتحت عينها : الله يسلمك 

احمد يطالع وييها : مستويه حلوه اليوم وياها الفستان المفصخ 

علايه بهدوء : ههههههه 

احمد : يالله نشي عن الدلع بنردج العرس

عليا : بعده ماخلص

احمد : والله مادري ..بس خلينا انرد 

علايه تسحب عباتها وشيلتها ... وتوقف .. احمد وقف يساعدها وهي تلبس العباه والشيله .. 

علايه تتغشى :امبيدو مب فشله يايه المستشفى بحفلتي 

احمد : هههههههههه صخي عني مافتكرت في حفلتج هاذيج الساعه بس اللحين يوم استويتي زينه متلوم اطلع بج جي .. بيقولون هاذيل معاريس يداد معرسين في المستشفى 

علايه : هههههه ... طوف انته جدامي وانا بلصق فيك ... عشان محد يشوف الفستان 

احمد : اوكي .. 

طلع وسحب ايدها وتم يمشي وياها وعلايه منزله راسها ماتبا تشوف اي حد يطالعهم تحس بفشله .. وركبو السياره وسارو صوب العرس .. علايه دشت القاعه وكان حسن داش .. من نص ساعه تقريبا ... من شافتها فطيم ركضت وحضنتها وتمت تبوسها 

فطيم : الحمدلله ع السلامه 

علايه : الله يسلمج 

فطيم : زين يوم انج ييتي من الصبح ينشدون عنج 

علايه : امايه سالت 

فطيم : هيه مليون مره 

علايه : ياويلي شو قلتو لها 

فطيم : قلنا لها في الحجره وكل ماتبا تي الحجره نروغهاا انا وميثوه 

علايه : ههههههه اسميكم 

علايه اول شي حطت ببالها انها تشوف امها وتطمنها سارت لامها وحضنتها من ورا ... ام علايه اتروعت وصدت ع ورا : عليووه حسبي الله على ابليسج وين سرتي 

علايه : الا هني مانهيت بعيد .. 

تمت علايه تطالع الاجواء المرتبشه من دش المعرس .. وقالت بتسير تسلم عليهم فوق .. وهي المفروض تريح عمرها .. ركبت علايه الكوشه ونظرات الحريم اللي بعدهم في القاعه مافارقتها وجنه نظرات الحريم تحرسها لين ماتوصل لين المعرس والعروس علايه ابتسمت لهم من بعيد واتقربت من العروس وسلمت عليها كانت العروس آيه من الجمال .. عرف يختار ولد عمها .. وباركت لولد عمها ويتهم فطيم وهي تقولهم انه تبا اتصور .. 

فطيم يودت علايه وسحبتها صوبها ورا الكرسي مال المعاريس وحضنتها ... وبالحركه السريعه باست علايه .. علايه صدت عليها مستغربه 

عليا : شو مستوي ؟ 

فطوم بحيا : هههه بعدين بخبرج 

عليا : هههههه اوكي 

وقفو اتصورو كلهم وعقب سارو المعاريس يصورون داخل ... وتمو الحريم يتعشون وعقب كلهم روحو ... ودامت ديارهم ودياركم .. عامرة بالافراح والمسرات .. 

.................................................. .................................................. ......................................

بدى الجد في الدارسه وكل حد شاد حيله سواء فيدارسته او حياته اليوميه .. من بين حمد وغايه .. ويحاولون انهم ينجحون ها الزواج باي شكل من الاشكال ... لكن علايه معاناتها في الدارسه ... النسيان المؤقت اللي تعاني منه .. كانت تذبح عمرها من الدراسه لدرجة انها تسير الامتحان وهي مواصله ... وآآخر شي ... 

وصلت علايه لمكان مكتب ابوها وهي تحس بالخيبه كيف بتواجه ابوها .. بس قبل لاتدش على ابوها ... صاحت من خاطرها .. مستقبلها اللي من يوم كانت صغيره تخطط له انتهى ... !! حلم حياتها تكمل دراسة الجامعه كانت اتموت في حياة الجامعه ... تمت تصيح عمرها الصغير اللي ضاع .. وتمت تصيح عمرها اللي بيخطف بدون دراسه ... !! 

عقب شوي قوت عمرها وقوت قلبها وحطت نظارتها الشمسيه ع عيونها عن حد يلاحظ انها كانت صايحه ودشت عند ابوها .. دورته بعيونها .. مالقته وحصلت كمن ريال واستحت ... 

الريال : خير بنتي بغيتي شي ؟؟ 

عليا : هااااه .. أأ لا خلاص مشكور .

وطلعت من المكتب وردت لسيارتها واتصلت لابوها .... بس محد يشله وقالت بترد وبتنشد عنه دشت وحصلت ابوها .. 

بو عليا من شافها ع طول وقف : عليا ..!!!

عليا ميوده عمرها : ابويه اباك طشونه 

بو عليا : ان شالله ... تعالي ( ومشى صوب حجره ثانيه ) وصد ع الرياييل ..( عن اذنكم ) 

دشت عليا وسارت لللحجره اللي دش داخلها ابوها ... وسكرت الباب وراها وتمت واقفه عند الباب لكن بو عليا قلبه نغزه ويلس ع الكرسي 

علايه تفصخ النظاره وبانت عيونها .. بو عليا ماتحمل حس انه فيه شي كبير مستوي ... علايه سارت وحضنت ابوها بهدوء ... وغمضت عيونها وسمحت لدموعها الرماديه المختللطه بالجحال انها تطيح بحريه على كندورة ابوها ناصعة البياض .. 

عليا : انا حياتي الجامعيه انتهت ... كل تعبي في ها الجامعة ولا شي ... انا يابويه رسبت ... وخلاص ماشي امل اني ارد وادرس 

بو عليا صدمته كانت كبيره .. اول فرحته ... بجره " علايه " اللي لو تطلب عيونه بيسلمها ااياها في حين ولحظه ... كيف يشوفها منهاره جدامه جي وهي كل حلمها جامعة الشارجه ... وانها تاخذ الشهاده الجامعيه وترفع راس امها وابوها ... كيف يشوف اول فرحته تذبل جدامه اولا بمرضها ... ثانيا برسوبها ... والاشياء المخفيه تراها اعظم واعظم ... 

ماسوى شي بو عليا غير انها حضنها بقوه وخلاها تصيح شبابها .. وتهدي عمرها ... وهو ماله الا انه يدعي لها .... 

بو عليا : ماعليه عليا انتي سويتي اللي عليج وماقصرتي بس هاي حكمة ربج .. انا ادري بج كيف كنتي تذاكرين .. وياما ناس رسبو في حياتهم الجامعيه بس مب معناته انهم راسبين .. وفاشلين في الحياه .. انتي من قبل لاتكونين ناجحه في دراستج .. تراج اثبتي انج ناجحه في حياتج بالنسبه للمحل الصغير اللي عندج اللي بديتو تربحون منه بفضلج انتي وحمدان .. انتي بعدج توج الا 18 وقريب بتدشين الـ 19 ... فيه وحده مثلج فتحت محل ونجحت جي .. صدقيني فيه بس نادر .. وها الشي فخر ... انتي فخر ابووج ... انتي ياعلايه .. 

علايه تامه في حضن ابوها وتسمع لكلمات ابوها .. يعني ماشي جامعة عقب اليوم .. يومها بيكون اطول .. ممل اكثر ... بس هي بروحها تخلق اللحظات الحلوه .. مب اللحظات الحلوه هي التي تخلق الفرحه لنا ..!! 

بو عليا : ماعليه علايه نشي ردي البيت وان شالله تعوضين في المحل ... 

علايه ترفع راسها عن جتف ابوها : لا انا بسير المحل وعقب برجع البيت .. 

بو عليا : خلاص غناتي .. سيري .. بس ردي ع الغدا .. 

علايه : ان شالله ... 

طلعت علايه ونست نظارتها الشمسيه تحطها ع عيونها وانتبهت لنظرات ربع ابوها كيف يشوفون انها صايحه .. بس مامنعت عمرها انها تبتسم " والله انه الشواب حركات " 

وركبت سيارتها وروحت صوب المحل ويلست لين الغدا . وطبعا حمدان مب موجود لانه في الدوام .. واخلاف ردت البيت .. 

.................................................. .................................................. ......................................

عند حمد وغايه ... حياة بارده .. اشبه بالصقيع .. مافيها احساس .. مافيها أكشن ... وجنهم بعدهم ماتزوجو في الاساس .. 

حمد الصبح دوام يرد يرقد .. ينش ع المغرب ويظهر ويا ربعه ومايرد الا يوم يتاكد بانه غايه رقدت .. 

غايه ضايعه في ها البيت الكبير... وتقضي الوقت البطيء ... بسوالفها ويا روضه . وام حمد ... وتساعد اليهال في دروسهم للمدرسه .. 

حياتهم ممله بارده ... وطبعا كل واحد مدرك انه مستحيل يتنازل عن حب الطرف الثاني .. حمد مستحيل انه يمر عليه يوم مايذكر علايه حبه من المراهقه للشباب ....!!

وغايه مستحيل تنسى فيصل ... بداية مراهقتها ... اول جرحها ... احلى احساسها ... وهي حاطه بالها انها لو خسرت حمد بيكون شي سهل وايد عليها .. لانه 

( الصديق .. او بالامعنى الاصح .. الزوج اللي ماكسبت امحبته ماتخسره )

.................................................. .................................................. ......................................

انقضت ايام كئيبه ع الكل ... وخاصه على علايه ... علايه من كثر ماتحب انها تتعلم كانت دوم تسير وتشتري كتب واتم تقرا الكتب ليل ونهار .. نهار وليل ... وكانت تشلهن وياها المحل ... واتم تقرا هناك .. 

دش حمدان ويطالع علايه مندمجه في الكتاب .: السلام عليكم ياقوم 

علايه ماشلت عينها عن الكتاب : وعليكم السلام والرحمه .. 

حمدان يسحب الكتاب من بين ايدها : بسج بسج .. ارحمي حالج ... كل ما ادش تقرين .. 

علايه تبتسم وتفصخ نظارتها الطبيه وتحطها ع طرف المكتب .. هي سوت ها الحركه وهي تقصدها عشان تبين لها العالم كله بالضباب وماتبا تنتبه لاي تفاصيل في ها الحياه ... ماتبا تفتح عينها الا في كتب ... كانت تشغل عمرها في اي شي .. حتى انها تسوي تقارير ثنويه عامه للطلاب .. بس عشان اتحس انه منها فايده في ها الدنيا ... !!

حمدان يطالعها وهي سرحانه : شو المحل 

عليا : تمام .. التمام 

حمدان : زين زين ... 

عليا : حمدان 

حمدان يبتسم : عونج 

عليا : ليش ماتعرس 

حمدان انصدم : اعرس !! 

عليا : هيه تعرس ؟؟ كل اللي كبرك عرسو 

حمدان : امم مادري والله .. بعدنا 

عليا : ههههههه كل مره تقولون بعدنا ... الشباب صنفين .. صنف مستعيل ويبا ياكل خبزه ني .. والثاني .. بارد ويحاول يتهرب من العرس باي طريقه 

حمدان : ههههههههههه لا مب جي انا وسط .. يعني انه عادي بعرس ... بس بعده شوي .. 


وتدش حرمه وريال ... وطبعا ها المره استقبلوهم علايه وحمدان ... وناولهم الكاتلوجات واختارو .. 

عليا : عرس منو منكم .. 

البنت بحيا : عرسي انا ... 

عليا رفعت عينها وتحاول تتذكر وين شايفتنهم بس ذاكرتها وخاصه ها الوقت ما اسعفتها .. : مبروك 

البنت : الله يبارك فيج .. 

عليا تصد ع الولد وتحاول انها تتذكر بس ماشي فايده : عقبالك 

من قالت علايه " عقبالك " ..... الولد تضيج من الخاطر ونش ع طول بسرعه وركب سيارته .. علايه صدت تطالع حمدان وهي مستغربه .. 

البنت عصبت : انتي مالج خص فيه ... تقولين له عقبالك ... اخويه مايحب ها السوالف ... سامعه .... 

علايه زاغت بس حمدان انقذ الموقف : لا ماعليه حصل خير اختي ماكانت تقصد بس هي ماغلطت ولاسبت بس قالت عقبالك ... 

البنت حست انها زودتها بس مهما كان ها اخوها وماتحب تشوفه جي : ماعليه اسمحولي .. 

عليا تبتسم : لا ماعليه انتي اسمحيلي .. 

البنت ابتسمت واستحت لانها عصبت بسرعه ويوم خلصت طلعت برع ..

عليا : يالله ( وتطالع الساعه ) .. يالله الساعه 9 .. ببند .. 

حمدان : ههههههههههه تروغيني يعني 

عليا : هههههه عيل انته تم وياهم انا بروح تعبانه 

حمدان حس انها متضايجه : اوكي تبيني اوصلج 

علايه اللي كانت ترد اغراضها في الشنطه رفعت راسها صوبه : هااااه .. 

حمدان : اوه نسيت انج تسوقين .. 

علايه تحاول تبين انها اوكي : ههههههههه ومب سادتنك ها الغاويه الحمرا اللي خاري 

حمدان : ههههههههه امبلا ... 

علايه تنش من مكانها وتشل الكتاب وياها : يالله عيل ... تامرني بشي 

حمدان ينش بعد : لا سلامتج 

علايه :الله يسلمك .... مع السلامه 

حمدان : مع السلامه 

روحت علايه للبيت وهي تسمع في الدرب (آآه من قلب ) ع طول اتذكرت عمها احمد .. يحب ها الاغنيه وايد ... جان تسحب تيلفونها وتطرش له مسج عادي ... دشت البيت وحصلت ابوها وامها ويدتها .. استغربت وجود يدتها ... بس سارت تسلم عليها 

يلسو يسولفون شوي .. جان يقول بو محمد .. 

بو محمد : علايه .. 

علايه كانت تشرب جاهي صدت ع ابوها : هلا ابويه 

بو محمد : اتزهبي ... باجر بنسافر العمره 

علايه شرقت : بااااااااجر 

بو محمد : هيه باجر .. عشانج انتي ياعلييا 

علايه نزلت راسها : والمحل ؟ 

بو محمد : حمدان مابيقصر .. 

علايه : كم بنتم ؟ 

بو محمد : ان شالله 10 ايام .. واذا كثرنا اسبوعين .. 

علايه تبتسم شو احلى من سيرة بيت الله : ان شالله 

بو محمد استانس من شافها تضحك ..: ان شالله خير طيارتنا باجر العصر

علايه : اها اوكي ان شالله .. 

اليده : هااه علييوه ها المره مب يالسه حذالج في الطياره انتي تخربيني .؟ 

علايه فتحت عينها : انا اخربج 

اليده : هيه تحطين لي افلام هنود فيه مفاصيخ 

علايه تلومت : انزين هاي اغنيه والله انا مالي خص 

بو محمد : هههههههههههههههههههه امايه انتي شدراج 

اليده : عليوه حطت لي اونه شوفي هذا غاوي 

عليا ماتدري ليش من سمعت يدتها تجذب ومع انه جذبتها عاديه . بس اتذكرت غايه ... نفس الشي ... !! 

ابتسم بو محمد وهو يشوف علايه تبتسم ومرتاحه .. 

وبالباجر ... سافرو قوم علايه بشكل سريع .. حتى انه حمدان ماعرف الا يوم شاف انه علايه ماداومت من كمن يوم .. واتصل لها ع تيلفونها وهاي اول مره يتصل لها ويسالها عن اخبارها وخبرته انها في العمره .. 

حمدان : يالخاينه ياعليوه 

علايه تمشي في الابراج : هههههههههههههههههه 

حمدان : جب لاتضحكين انا زعلان .. والله انكم خاينين اعطيني ابوج 

علايه : ههههههه انا ويا يدتي اللحين 

حمدان : عيل باي باي بتصل لابوج بهزبه 

علايه : ههههههههههههههههه بنشووف 

حمدان :ارمس جد بتصل لابوج 

علايه : اوكي اتصل .. 

حمدان : باي 

علايه : باي 

اليده طبعا كانت تتصوخ : عليوه منو كنتي ترمسين ؟ 

علايه : هذا حمدان حارب ألـ ..... اتعرفينه ولا لا 

اليده : هيييييه وانتي يامسودة الويه ليش ترمسينه شو تبين به 

علايه : تراني وياه في المحل وماخبرته اني مسافره عشان جي يتصل ينشد عني لانه ماداومت 

اليده : هيييييه ماشالله 

علايه تهوس ع اللفت عشان يركبون واليده تتحرطم لانه تبا تروح بسرعه .. وعلايه بس تضحك .. ويوم فتح اللفت .. 

دشت علايه وتمت اليده .. واليده ماعرفت اي وحده علايه لانه علايه كانت لابسه الغشوه ... جان تزقرها : حووو عليوه الناقه ... تعالي يالطويله خليتيني خاري 

علايه اتلومت وردت تيود يدتها من ايدها ودشت اللفت وهي ويها معورنها .. ماتم حد ماسمع .. دشو الحجره واليده تحتشر على علايه لانه خلتها .. وعلايه تضحك ... 

ام محمد وبو محمد من شافو علايه استانسوو وايد ... يلست اليده ع الغنفه وهي اتحط ايدها ع ركبها .. وعلايه فصخت الغشوه وسارت تصب لها ماي بارد عنثر الحر ... وويها محمر وخصلات من شعرها عرقانه ولاصقه ع طرف يبهتها .. 

بو محمد : علايه تعالي عندي 

علايه شلت وياها كوب الماي ويلست حذال ابوها .. ومسح ابوها ع راسها .. 

بو محمد : اتوقع انه يية العمره خير لنا كلنا .. وانتي اولنا .؟ 

علايه : ليش يابويه شو مستوي ؟ 

بو محمد : علايه اليوم في حرمه اتصلت لامج يبون يخطبونج لولدهم .. ويبون ردج في ها اليومين يعني العرب مستعيلين .. والصراحه ها الوقت وايد زين انه نشاورج فيه لانه نحن في العمره يعني استخيري ربج 

علايه انصدمت عيونها توسعن .... واليده استانست ... 

اليده : هيه هذا هو العرس .. هاه عليوي ( اونه تغايضها وتقلد ) مابعرس .. مابعرس ... 

علايه بالرغم من صدمتها ولكنها ضحكت بحيا : هههههههههه 

ام محمد : علايه الغاليه فكري زين العرب زينين وايد والكل يمدحهم 

بو محمد : وانا اتصلت بعرب هناك عشان ينشدون عنهم لانه قالو انهم مستعيلين وانا ما بيكفيني اني انشد عنهم عشان جي ... 

اليده : الله يكتب اللي فيه الخير .. 

الكل : ان شالله ... 

تمو كلهم يسولفون ويطالعون التلفزيون لين الساعه 12 وعقب سارت علايه ويدتها حجرتهم وابو محمد وام محمد رقدوو ... 

دشت علايه الحجره وعقلها مب وياها .. هي تنخطب اليوم ... ويتريون موافقتها .. ابوها وامها ويدتها .. وايد مؤيدين لها الزواج .؟؟ وانا شو موقفي ؟؟؟ ..... تمت تطالع الحرم من الدريشه والليتات مسكره واليده راقده .. 

" سعيد رحل وشاف حياته وعرس .... و حمد نفس الشي ... وفطوم بعد انخطبت وبتعرس .. وميثا اختها بعد .. وحمدان قريب ... وروضه ان شالله بعد قريب .... يعني الزواج سنه ... هيه سنه الحياه ع الكل ... بس منو ها الانسان اللي انا ماعرفه ؟ انا بروم اتاقلم وياه ولا لا ... وامايه تقول عرب زينين وايد .... اااااااه انا لو قايلين لي ها الكلام قبل كمن شهر جان رديتهم ع طول .. بس اللحين فيه شي يخلييني اصبر واستخير ربي والله يكتب اللي فيه خير .." 

جان تسمع تيلفونها يرن ... ركضت ع طول تشله عن يدتها تنش ... 

علايه :الوو 

صوت حرمه : الوو 

علايه باستغراب وتسحب شيلتها اللي ع الكرسي : هلا 

الحرمه : اهلين .. منو ويايه 

علايه تفتح باب الحجره : انتي منو تبين الغاليه ؟ 

الحرمه : انتي عليا 

علايه : هيه نعم انا عليا 

الحرمه : هيه زين عليا انا حبيت اخبرج شي.. بس ياريت تفهميني .. وها الشي عشان ......................

تمت عليا تسمع للحرمه بكل هدوء وهي منصدمه .. صدق .. صدق .. صدق منصدمه من الخاطر ... 

علايه تتنهد : ان شالله عشانكم بس والله 

الحرمه تقاطعها: لا لا مب عشاانا .... عشان .... 

علايه تبتسم ماتدري ليش حاسه بالراحه بالرغم من الكلام اللي سمعته ماله اي صله بالرااحه : ان شالله خير واطمني دام اني وعدتج خير بتلقين الخير

الحرمه : اصيله ياعليا ... صدقيني مابنسى لج ها الموقف طول حياتي لوو ..... 

علايه تقاطعها: لا ماعليه .. بتلقون اللي يسركم ان شالله .. 

ردت تدش علايه داخل الحجره وهي الليله مارامت ترقد من كلام الحرمه ... كيف تضحي بحياتها وتجذب على امها وابوها وتدس عنهم الحقيقه .. والحلقه المفقوده عشانهم ؟؟؟ كيييييف ... ولها الدرجه يعني السالفه مب معروفه .. ولها الدرجه ها الناس واثقين انه مابيوصل الخبر .. بس يالله االله كريم ... وسارت تتيدد وصلت استخاره بس حلمت انها في كانت يالسه في مكان اخضر وريحته حلوه وايدها كانت متحنيه ... وهي تبتسم ومرتاحه في ها المكان ... 


من اذن الفجر ... نشت اليده وتوعي علايه ... 

اليده : عليوه عليوي .. 

علايه : اممم اوكي انا بسير بركض 

اليده : غربلج الله ياعليوه شو تركضين ؟؟ 

علايه تنتبه : هااه الساعه كم ( وتطالع الساعه ) يالله بنش 

نشت علايه تسبح ع السريع وطلعت برع وهي تنشف شعرها ومجابله الحرم وتقول في خاطرها " الله كريم " .. 

كانت نفسيتها مرتاحه اتحس انه بيكون منها فايده في ها الحياه... ومستانسه ... وتدعي ربها انه الحلقه المفقوده في السالفه ماتنكشف ...ع الاقل قبل العرس !! 

يلسو في الحرم يصلون وخلصو علايه تمت تقرا قران وتحاول تراجع الاجزاء اللي نستهن ... شويه ورن تيلفونها وشافت مكتوب ع الشاشه " امبيدو " 

علايه : هلا اواللللللللله 

احمد شويه متضيج : هلا عليوي 

علايه بصوت خفيف عشان محد يسمعها : بلاك ؟ 

احمد : علايه ابا ارمسج 

علايه : رمسني 

احمد : عن خطبتج .. 

علايه : انا اللي ابا ارمسك .. 

احمد : شو 

علايه نشت عنهم وتمت تمشي في الممر: دخيلك مابا ابويه وامايه يعرفون تراه .......................... 

احمد منصدم: جذااااابه يعله في ذمتج 

علايه : اولله احمد دخيلك ها الشي خله بيني وبينك ... 

احمد يبا يقنعها تهون: عليا هاي حياه .. وعمر .. ودهر .. مب يوم ولايومين .. 

علايه باقتناع : انا راضيه 

احمد : ترضين بـ .......... 

علايه تقاطعه : هيه راضيه بس احلفك بالله ماتخبر امايه وابويه ولا اي حد 

احمد : تراه محد يعرف الا اقرب الناس وماتوقعت انج تعرفين .. 

علايه قلبها بدى يدق : ان شالله خير

احمد يرمس بحسره : طول عمرج يابنت اخويه تحبين المغامرات .. تحبين التضحيات .. تبين تخلقين لج لحظات ... 

علايه تقاطعه : اخلق لحظات حلوه للي يحاتجونها مب لي اانا 

احمد يبتسم لانه حس انه علايه مرتاحه : فديتج والله .. احبج عليوه 

علايه تضحك : ههههه فديت عمي والله لاتغازلني انا في الحرم اخلاف برمسك 

احمد : اوكي فديتج لاتنسين اتصلي وانا برمس ابوج 

علايه : ما اوصيك 

احمد بضيج شوي : ان شالله .. 

وسكر احمد عنها وهو متضيج مايدري كيف بنت اخوه تفكر ؟؟؟ علايه ردت مكانها وامها تبا تسالها ... 

ام محمد : ها عليا شو رايج ؟؟ 

عليا تطالع الكعبه وهي تبتسم : امايه انا استخرت ربي ووايد مرتاحه ... وان شالله خير

ام محمد : يعني شو نرد ع العرب .. 

عليا تصد ع امها : انتي مرتاحه 

ام محمد : هيه فديتج .. 

عليا تطالع يدتها : اونتي يالغاليه .. 

يدتها اتغبت : والله ياعليا انا فوادي اشوفج وانتي عروس .. وربي يعلم كم ترجيت احمدوه يعرس بس يقول لي مب وقته ... ويوم انه احمدوه مشيبني ... خاطري اشوفج انتي يالطويله عروس 

علايه تضحك : ههههههه ان شالله 

ام محمد استانست : يعني مواااااااااااافقه 

علايه تهز راسها " هيه " .. وتطالع فرحة امها ويدتها وتدري انه ابوها اكيد بيتسانس ..بس هم مايعرفون شي ... الشي ها وايد خاص .. واايد سري .. ومايعلم به الا اشخاص ينعدون ع الاصابع .. واخر ها الاشخاص كانت " عليا " 

طلعو من الحرم ويلسو كلهم في التوسعه وبو محمد مستانس من رد علايه 

بو محمد : انا خبروني انه الريال زين وماعليه كلام وهم توهم منتقلين دبي الا من شهر .. اصلا كانو في العين ... وكل حد يمدحه .. 

اليده : فديت عليوه العرووس 

ام محمد : بس تراهم مستعيلين ... يعني يبون العرس عقب شهر 

علايه فجت عينها :لا شوووو شهر 

ام محمد : مستعيلين يامايه .. 

بو محمد : انتي ماوراج جامعه وان شالله كل يوم بنوديج تتزهبين وبتخلصين 

علايه نزلت راسها : والمحل ؟؟ 

بو محمد : انتي سويتي الي عليج .. وكفيتي ... لو ريلج يباج تسيرين المحل بتسيرين .. لو مايبا بتخلين المحل .. 

علايه : ان شالله ... 

تمو يسولفون عن العرس وعلايه كانت نفسيتها مرتاحه .. كانت كل يوم تسير الحرم وتدعي ربها انه يهني سعيد قبل لايهنيها .... !! وتحاول تنساه لانه خلاص بتكون ع ذمة ريال مايستاهل الا كل خير .. 

العد التنازلي لعرس علايه بدى .. ومن ردو البلاد ويوو يخطبون الرياييل رسمي ... انتشر الخبر بلمح البصر .. انه فلان الفلاني .. خطب عليا خليفه الـ .... 

ليلة خطبة علايه .. علايه يالسه ويا الحريم داخل ... كانن حريم طيبات ... وعايله على نياتها .. ماعندهم الا بنت وعرست .. و3 اولاد ... واحد ومعرس .. والثاني ريل علايه .. والثالث يدرس في التقنيه بعده .. 

علايه يالسه بين الحريم في الصاله ولابسه جلابيه حمرا فخمه ومتحنيه كانت طالعه ناعمه وايد ... وحاطه ميكب خفيف .. شويه يت ويلست حذالها اخت المعرس 

نوره ( اخت المعرس ) : هلا والله بعروستنا .. 

علايه : ههه اهلين .. 

نوره : ممكن نسير ارواحنا .. 

علايه : هيه 

علايه يودت ايد نوره وسارو فوق حجرتها .. فتحت عليا الباب وحصلت ميروه اختها يالسه ع الاب توب .. 

عليا : ميروه شو تسوين 

ميروه بعيون زايغه : والله االعب 

عليا : هههههههههههه انزين شليه وياج برع 

ميروه استانست وع طول شلت الاب توب برع وسكرت الباب وراها .. علايه التفت لنوره اللي تطالعها من الصبح 

نوره يلست ع الشبريه واشرت لعلايه تي وتيلس حذالها .. 

يت علايه ويلست حذالها 

نوره ترمس بحنان : عليا عندي رمسه من المعرس لج ... انتي اذا ماتبين تربطين عمرج بواحد شراته اللحين ترومين تردين عنه 

علايه : انا مقتنعه والله 

نوره دمعت : انتي والله انج اصيله ... ماتعرفين كيف اخويه استانس ... والله انه مستانس .. علايه سعادة اخويه وياج صدقيني بتكون وياج والله انه غالي عندي ها الانسان ماتتخيلين كيف احبه .... وانتي طيبه ياعليا وايد طيبه 

علايه : انا ماسوويت شي لاتشكريني .. تراه حالي مب احسن من حال اخوج 

نوره تبتسم : عشان السكري ... ماعليه حبيبتي ... ربج كريم 

علايه ابتسمت لها .. رن تيلفون نوره وكان ريل علايه .. نوره غمزت لعلايه : ههههههههه بعلج 

علايه استحت ونزلت راسها .. 

نوره : لو طارين مليون جان زين .. هيه هيه استريح يالسه وياها .. شو قالت ..؟؟ بخبرك يوم بنرد .. اللحين خيبه مستعيل .. لا لا اخلاف ... بس عاد لاتحشرني . ههههههه فديتك ان شالله يوصل.. لا سلامتك .. انزين بقولها 

نوره تصد على علايه : يقولج المعرس تامرين شي ؟ 

علايه بصوت خفيف : لا سلامته 

نوره : ههههههههه ياعيني .. تستحي .. تقولك سلامتك ... ادري انك ماسمعت صوتها اطمن مابترمس .. لاحق لاحق عرسكم وايد قريب ... ان شالله .. تحمل ع عمرك فديت روحك .. يالله الغالي .. فوداعة الله 

سكرت نوره عن المعرس وصدت على علايه ... 

نوره : علايه تبين ملجه 

علايه بخوف : لا مابا .. دخيلج دام انه العرس عقب شهر الملجه مالها داعي دخيلج 

نوره شكت في تصرفها : خلاص براحتج 

ونشت نوره : يالله ننزل عيل 

علايه : ان شالله .. 

نزلو تحت واتعشوو وعقب روحو .. 

علايه ترمس امها : امايه ترني مابا ملجه !

ام محمد : ليش عليا احلى وقت الملجه ... 
عليا : لا امايه ماعرف جي ... دام انه العرس عقب شهر ماله داعي ملجه ماروم اجهز لمناسبتين تكفيني وحده 

ام محمد : فديتج والله ... ( وحضنت بنتها اللي كبرت واستوت عروس ) 

شويه ويسمعون عالباب .. : هوود .. هوود 

علايه تزاعج : امبيدووووووووووو 

احمد يوايج : هههههههههه عيوووووووووووونه 

علايه : بات عندنا ليوم 

احمد : هيه انزين ان شالله ريلج العور بييب لي ثياب ولاجان بسبح وباخذ من ثيابج 

علايه تفكر : امم هيه صح عندي بجامه سبورتيه .. 

احمد : هههههههههه عشان يطلع عليه القميص طالع البطن والبنطلون برمودا .. والله شكلي بيكون دلع 

علايه تفل شعرها وتصد على امها : امايه انتو شو مخليني البس اليوم والله ماحب ها اللبس احس اني لابسه خيمه 

احمد يتقرب منها : مين أدك ياعروس .. ( ويغمز لها ) 

علايه تضربه ع صدره بالخفيف : جب نتفاهم بعدين 

احمد يصد على ام محمد : هييييييه حركات البنات ... اونها مستحيه اشك انج تعرفين تستحين .. 

حمود نازل من فوق وحاط اغنيه في تيلفونه : اييييييييييه اليوم عمي احمد هني يعني انا مابرقد ع الشبريه 

علايه : جب مالك خص .. خله كيفه 

حمود يغمز لعلايه وينش يرقص رقص غبي ويدور في الصاله : ياعيني ع ا لعرووس .. ( ويغير الاغنيه في التيلفون ) صبووحه خطبها نصييب .. هيييييه خطبها نصيب 

علايه عصبت : امايه طالعيه .. 

ام محمد تضحك : هههههههههه خليه 

حمود ييلس ويتعبث في تيلفونه : اميه .. 

ام محمد : عونك 

حمود : ابا يخطبوني شرات عليوه ... اشمعنى عليوه تخطب هاك الطويل وانا ما اخطب 

احمد : هههههههههههههههههههههههههههههههه اونه اختك اللي خطبت .. اختك انخطبت .. هو اللي ياها مب هي اللي سارت له شو وين عايشين في الهند .. 

ام محمد : هههه ان شالله يوم بتبكر اخلاف وبتغدي ريال بنخطب لك .. 

حمود : يعني انا مب ريال مثلا اللحين 
احمد : صخ صخ انا اللي اكبر عنك بعشر سنين ماخطبت تي انته ياالنتفه وتبا تخطب بعيد 

علايه صدت عليه : بتخطــــــــــــــب !!! 

احمد : ويا ها الراس ... امره ماتصدق .. 

علايه بوزت : انزين برايك بسير اصلي وببدل ثيابي .. 

احمد يطالعها ويدعي له في خاطرها ان الله يهنيها .. موقفها من خطبتها وايد كبير ... قام يفتخر ببنت اخوه ... !! 

سارت عليا فوق وجيكت تيلفونها وحصلت مسج .. بس مسج من حمدان وكاتبلها " مبروك شريكتي في المحل .. بس بعد ها لمره خونتي فيني .. تبيني اعرس واتعرسين انتي قبلي ... ع العموم الله يهنيج يالغاليه .. " 

ابتسمت علايه للمسج .. ماحبت في حمدان كثر ماحبت طيبته ...

.................................................. .................................................. ......................................


عقب الخطبه باسبوعين ... وقبل العرس باسبوعين 

دش حمد البيت وهو متضيج كانت الساعه 1 ونص ... من يوم انخطبت علايه .. وهو خلاص بدى يفقد خيوط الامل في رجعتها ... له ..!! كيف ترجع له وهو معرس اصلا من غيرها .. ويفتح الباب بهدوء عن تنش غايه .. 

وطالع غايه منسدحه ع الشبريه وحاطه ايدها ع عينها .. طالعها وهز راسه ... وحط غترته وعقاله ع الغنفه ويلس ومسح ويه .. 

غايه نشت ويلست : انخطبت ..

حمد صد عليها وعيونه حمر : هيه 

غايه : زين افتكينا 

حمد : انتي بلاج شو فيج ؟ 

غايه : هههههههه ماشي افتكينا من وصيتك ... 

حمد حس انها تستهين بمشاعره : انتي ايه شو فيج 

غايه : انا شو فيني ولا انته شو فيك .. ولاجني حرمتك ... ع الاقل قبل خطبتها كنت تي وترمسني ونطلع سااعات ومن انخطب ست الحسن والدلال .. عيونك .. روحك .. عشقك .. مادري تسميها غرامك .. وانته حالك متغير .. ماترد الا تالي الليل ... عاد من زينها ومن زينك انته بعد ... صدق انه الطيور على اشكالها تقع فقدتكم انته وهيه فوقك .. 

حمد شل سويج سيارته وكالعاده طنشها وطلع . .. من يوم انخطبت علايه ويحس انه غايه تغار .. تغار من اللي فقده حمد ... فقد حبه من المراهقه للشباب ..!! وقلب ياما اتمنى يملكه .. 

.................................................. .................................................. ......................................

طافت الايام بسرعه بدون ماتحس بهن علايه .. لانه كل يوم طالعه سايره تتزهب ... وكل مايطوف يوم .. تحاول تطالع ملامح امها وابوها اذا يعروفون شي ولا لا ...!! ويوم تشوفهم طبيعين تحمد ربها ... 

قبل العرس بيوم علايه راده من الصالون وتطالع بيتهم الكبير المزين بالليتات ومنور البقعه كلها ومنور الفريج حتى 
وهي تحس بعمرها تعبانه ركبت فوق بتعب ووياها فطيم بنت عمها سارت بتفتح حجرتها بس حجرتها ماتنفتح .. عصبت علايه اعصابها ها الايام ماتتحمل شي موول .. 

علايه توايج من فوق : امااااااااايه .. اماااااااااااااااااااايه 

ام محمد : هااه علايه بلاج تباغمين 

علايه : منو قافل حجرتي .. 

ام محمد : بسم الله عليج انتي شاله المفتاح وياج 

علايه تتذكر : انا ؟ 

ام محمد : هيه انتي .. 

علايه تفتح شنطتها وتنبش بس مالقت شي .. وتصد ع فطيم اللي ترمس ريلها في التيلفون : طالعي مفتاح الحجره عندج 

فطيم تطالع الشنطه : لا 

علايه ردت تفتح الباب وانفتح ها لمره والحجره ظلاااااااام وبااااارده .. استغربت توه حايلته كان مقفول واللحين انفتح فطيم تطالع من ابعيد .. 

فطيم تزاعج : بسم اللللللللللله بيتهم مسكووووون 

فطيم ترمس ريلها : خلوف تعال شلني بيتنا اميه بيتهم مسكوون .. ههههههههه مسود الويه ... ماعليه بخبرها 

علايه تطالع فطيم .. 

فطيم ترمس علايه : عليوه يقولج خلوف انه حجرتج مسكونه وجان مايلبسج جني قبل العرس باجر

علايه زاغت : حسبي الله ع بليس خلوووف ... بندي في ويه .. ممنوع ترمسينه في بيتنا فاهمه 

فطيم تضحك وترد ترمس ريلها .. علايه فتحت الباب واتسكر الباب وراها والحجره ظلام وماتشوف شي... هني علايه زاعجت من الخاطر .. فطيم سمعت الصرخه وتركض تفتح الباب بس الباب مقفول... 

فطوم شويه وبتصيح : خلوف الحق عليوه انقفل الباب عليها مره ثانيه 

خلوف : اميييييييه ببند عنج افطوم مابرمسج اخاف الجني اللي في بيتهم يظهر لي من السماعه برايج برايج 

فطوم تضحك : هههههههههه والله مب وقته خلوف .. شو اسوي ... 

تمت تحايل الباب بس ما انفتح لها وتمت اتدق .. 

علايه تامه ساكته وتطالع الشاشه الكبيره اللي جدام عينها كان فيديو بالـmove maker 

كان ريلها اللي انصدمت بشكله .. انه مب غريب عليها موول ... واحمد عمها ميودنها من ايدها .. ولحظات هدووء .. 

كانو في السياره احمد وريل علايه ... اول شي احمد يرمس في الفيديو وحاطين لحم حزين شوي .. 

احمد ينزل من السياره وييلس ع الحصى جدام البحر ... 

احمد يرمس في الفيديو : حبيبتي بنت اخويه الغاليه ... علايه ... ( يغني ) تحيه طيبه وبعد التحيه .. 

ويطلع صوت رجالي من ورا الكيمرا كان ريل علايه : صخ صخ .. صوتك يزيغ .. 

احمد يرفع حاجب ويرقق صوته ويرمسه طبعا كله في الفيديو : صخ انته تتمناني .. 

ويرد يصد ع الكيمرا ويرمس جد : علااااااااااااايه ( قالها بصوت عالي ) احبج والله احبـــــــــــج ... جان تذكرين انتي دوم اللي تخلقين لي اللحظات الحلوه .. بس انا حبيت اخلق لج ذكرى حلوه ... قبل لاياخذج الثور اللي ورا الكيمراااااا .. انتي ماشفتيه ياعليوه بتتروعين .. اميييه ( يرقق صوته ) يخووف يمه .. ابي امي ابي ابوي .. ابي زوووجي لا ماني قادره ( ويرفع ايده في الهوا اونه مايتحمل ) ... ع العموم غناتي ... انتي الفخر اللي عرفته في ها الحياه ... انتي كبرتي في عيني الاضعاف ... موقفج هذا خلاني مب بس احبج .. الا اموت فيج ... حبيبتي والله .... 

صوت من ورا الكيمرا وينسمع في الفيديو : احم احم .. 

احمد ياشر : ههههههه ورا الكيمرا فيه ناس تغار .. المهم نحول المايك .. ويتحول التصوير .... وينقطع احمد عن الكلام وتبدى تطلع صور .. صور ريلها وهو يسوق السياره .. وهو يسبح في البحر .. وهو ياكل في المطعن وهو يسوق الدراجه ... وهو راقد .... وعلايه كل ماتطلع لقطه تضحك من بين دموعها ... لين ماطلعن صور قلبها يعورها ... وانكتب ع الصور ... كلام 

(( عليا .. انتي ضحيتي بحياتج عشان تقضين عمرج ويايه .. مابا اعور قلبج بها الصور قبل لاتعرفين بالحال .. بس هذا حالي ... انا صح اني ماعرفج ولاتعرفيني .. بس احبج ... لاتساليني كيف ... كفايه انج وافقتي ع واحد شراتي .. عافوه كل البنات ورضيتي به انتي ... افديج بروحي .. وعمري .. وعيوني .... وو دمي .. ياعليا .. )) 

وعقب طلع فيديو ... كان ريلها يمشي ع البحر واحمد يصوره .. وعقب يا ريلها صوب الكيمرا ويرمس : علايه .. راعية الميني كوبر الحمرا ... هههه ( وينزل راسه في الفيديو ويرد يرفع عينه ) راعية المحل الغاوي .. – ويسال احمد – عادي اقول شي .. – احمد من ورا الكيمرا – هههههه برايك هاي حرمتك ... 

ريل علايه يكمل : ههههههههه اوكي ... ويتقرب من الكيمرا .. ويقول بصوت خفيف : احبج ... ويخلص الفيديو بكلام اخر شي .. 

(( مبروك علايه . ... الله يهنيكم .. عمج .. احمد 2007-2008 )) 

وفتح الليات احمد وطالع علايه اللي كانت تصيح ودموعها اربع اربع ... احمد فتح ايده وهو يضحك .. علايه لمت عمها وتمت تصيح ... : احبك احبك .. احبك ... 

احمد يمسح ع ظهرها : فديتج والله ... وانا امووت فيج بتخليني يالدبه .. بس والله يستاهل ريال طيب .. 

علايه تبتعد عن حضن عمها : اتصدق .. 

احمد : شو ؟ 

علايه : غاوي 

احمد يعطيها ع راسها : ههههههه طفسه .. 

عليا استحت جان تشهق : اوييييييييه فطيم 

احمد بحذر : لا علايه لاتراوينها ترجاني مليون مره انه ها الفيديو ماينعرض الا عليج انتي .. 

عليا : عشان !! 

احمد : هيه عشان 

عليا هزت راسها بالايجاب ..: اوكي شله .. بس تعال من وين حصلت الداتا شوو 

احمد : ههههههههه صخي مصروقه من الدوام لجل عينج .. ويلست اركبه ساعتين .. 

عليا : ههههههههههههههههههههههههههههههههه وياويهك خله بنشوف عليه افلام 

احمد : الحمدلله والشكر مب صاحيه انتي باجر عرسج 

عليا : ماشي مشاكل الحياه حلوه ( وتطلع لسانها ) 

احمد : هههههههه وانتي محلتنها سيري طالعي البغام بنت عمج شو تسوي اكيد ترضع التيلفون ويا ريلها حشى مايملون عاد الا هيه فطيم 

علايه تفتح الباب وتطالع فطيم طايحه ع الغنفه وترمس في التيلفون ومن شافت علايه نشت : انتي زينه ؟ 

علايه : هههههههههههه توه الناس .. هيه زينه 

فطيم : منو داخل .. 

علايه : عمي احمد 

فطيم : هيه انا من سمعتج انكتمتي قلت اكيد مافيها شي 

علايه تفج عينها : انزين وياها الراس لو انكتمت يعني حد جتلني عادي بعد 

فطيم تدز الباب : انا شدراني .. 

فطيم من شافت الشاشه شهقت : خيااااااااااااااانه عيني عينك ... شو كنتو تشوفون 

احمد يغير السي دي .. : مالج خص كنا نشوف بوكاهاتنس انتي شلج 

علايه دشت الحمام بدلت ثيابها وظهرت ... وسارت تصلي ... وعقب يلست ع الشبريه .. وتطالع عمها اللي يالس ع النت .. وفطيم ترمس في التيلفون .. 

علايه : امبيدو شكلنا بنروغ وحده اليوم 

احمد : هيه روغيها حشى ذلتنا جنه محد عرس غيرها .. 

فطيم : مالكم خص 

وصدت الصوب الثاني .. 

سارت علايه حطت سي دي فيلم " انا ستازيا " رسووم ويابت مخدتين حقها وحق عمها وبندت الليت وطاحو ع الارض ويلسو يشوفون الرسووم لين ماخلص ... وتمو سهرانين يسولفون وحاشرين البقعه ويتهم ام محمد وبو محمد الفجر يسولفون وياهم عن العرس وجي وعقب كل حد حط راسه .. 

.................................................. .................................................. ......................................

ع المغرب كانت علايه في القاعه وراعية الصالون عندها والبنات كلهن مخلصات ع المغرب ... راعية الصالون تشتغل في عليا وسوت لها شغل حلوو وطلعت علايه متغيره 180 درجه من غير انها صبغت شعرها خصلات بنيه استوت حلوه بزياده .. كان قلب علايه يدق بسرعه كل ماتطوف ساعه .... ماهمها منو يا يسلم عليها .. ولا كيف فستانها .. ولا كيف مكايجها .. بكثر ماكانت مهتمه ... بشوفة ريلها وكيف بتكون حياتهم ويابعض ... دشت عليها عنود وروضه وفطيم وميثا .... واصطفن كلهن جدامها وتمن ساكتات ويطالعنها ... علايه استغربت .. 

علايه : اييه شو فيكم ؟ 

ولا وحده ترمس ماشي ولا اكشن ... شو مستوي ... قلبها تم يدق بسرعه بسرعه ... 

----------------------------
البارت الـ 15 -

علايه : اييه شو فيكم ؟ 

ولا وحده ترمس ماشي ولا اكشن ... شو مستوي ... قلبها تم يدق بسرعه بسرعه ... 

علايه : شو مستوي ؟ 

فجاه تنقع من الضحك فطيم ...... : ماشي انتي اليوم عرووس .. ومسوين لج شي نبا نسمعج اياه .. 

وتشغل ميثا تسجيل في تيلفونها : انا ولله مابعرس .. انا وين والعرس ويييييين ... هه احلموو اني اعرس انزين 

علايه : هههههههههههههههههههههههههه 

روضه : منو اللي مابيعرس هااه 

عنود تغمز لها : ههههه حركااااااات بنات .. 

ميثا : بنسمع ريلج 

علايه ابتسمت وسرحت عنهم 

شويه ويدشن بنات ربيعات علايه مال الدراسه تمت علايه مستغبنه كيف بتسير ؟؟؟ وبتخليهم .. كان صدق احساس صعب ... عقب طلعو عنها عشان المصوره تصور علايه ... وقفت علايه جدام المنظره .. تشوف التغيرات كانت قمه في الروعه .. فستانها الابيض منعكس على بشرتها .. كان شويه عاري .. يعني حفر .. وكله شج وشغل ... وبكبره يلمع ... ووتطالع ميكبها الخفيف بس عرفت كيف راعية الصالون تبرز جمالها .. شويه ودشت ام ريلها عليها .. 

علايه اول ماشافتها ماتعرف ليش حست انها بتصيح ... ع طول دشت امه وسكرت الباب وراها .. وحضنت علايه تمت حاضنتها والام تصيح .. 

علايه دمعت : بس فديتج خالتي ليش تصيحين .. 

ام ريلها : فديتج الغاليه .. والله انج اصيله وبنت ناس ... وافقتي على وليدي وهـو 

علايه تقاطعها : هو مابلاه شي وانا راضيه ... 

ماتحملت علايه تشوف ام ريلها جي ... حضنتها مره ثانيه هي كبيره في السن وخاطرها تشوف ولدها معرس .. بس ماكان له نصيب ... او محد رضى به .. الا هاي الانسانه اللي واقفه تضحي بحياتها بس عشان يكون لها فايده في الحياه !! 

علايه تحط يدها وتمسح دموع عمتها ام ريلها من تحت البرقع وهي تبتسم والعمه تضحك اول مره حد يسوي لها ها الحركه ... عقب سحبت عمتها ووقفتها حذالها وصورتهم المصوره ... شويه ودشت ام علايه .. وسارت حضنت بنتها على طول خلاص اللحين بتطلع ومن بتطلع للناس .. بتطلع لبيت ريلها ... بعيده عن عيون امها .. بعيده عن دفىء ابوها ... ام عليا تمت حاضنتها لكن انه لفستان هو مخرب شوي بس مامنع دموع ام علايه .. وعلايه ها المره صاحت ... 

ام عليا : لا لا بيخترب المكياج 

علايه تحط صبعها على طرف عيونها وتضغط عشان تطلع الدموع ومايخترب الميكب .. وام ريلها تطالع ام عليا .. وسارت لها : يازين ماربيتي يام محمد .. عليا طلعت اصيله .. ومافي منها .. دورنا منها .. بس وربي مالقينا .. الا هي .. 

ام عليا مافهمت شو السالفه .. شو دورنا ومالقينا ..بس على حسب شخصية ام عليا انه على نياتها طوفت .. وعلايه خافت انه تخبر امها بس ظهرت عنهم شويه وطلعت علايه للناس ... وقفت جدام الباب تتريا الباب ينفتح لها وتطلع تجابل حياتها تحت مسمى المجهول .. بعيد عن ذكريات ماضي خذلها... وطعنها ... وجرحها .. بتترك كل الامها ورا ها الباب الخشبي الكبير .. وبتنسى كل شي من اليوم .. اليوم علايه يديده ... مايقيدها ماضي حبها .. ولا ماضي احزانها ... 

علايه ماكانت رايمه تتامل ويوه الحريم اللي يالسات ويطالعنها ويدققن في كل تفاصيلها .. لانه الفلاشات عامتنها .. والفستان ثجيل عليها .. بس لولا ميثا وفطيم هي ماتدري شو بتسوي ... ركبت ع دري الكوشه وحست انها بتطيح .. وفعلا اتخرطفت شوي وكانت بتطيح بس لولا ايد ميثا جان هي من الصبح طايحه من فوق الكوشه .. 

فطيم تضحك تحت : هههههههههههههه عليوه ماركه ماركه 

علايه طنشت سمعتها بس ضحكت وكملت دربها لين ماوصلت الكرسي وواجهت ها العالم كله عقب مانورت القاعه وابتسمت للناس اللي وصلت عشان تحضر عرسها .. بدو الحريم اييون ويسلمون عليها ... وكانت واقفه حذالها روضه .. 

علايه تسحب روضه : روضوه وين غايه ؟ 

روضه تطالع علايه : مايت .. 

علايه انصدمت : ليش 

روضه : اتقول تعبانه وتسلم عليج 

علايه نزلت راسها وتمت تطالع الباقه اللي في ايدها : اها .. 

ماتدري ليش لمعت عيونها بالدموع بس كل اللي تعرفه انها ماغلطت في حق ها الانسانه حتى في اللحظه اللي كانت تبا تغلط فيها قلبها ماطاوعها .. !! 

فجاه سمعو انه المعرس بيدش .. علايه قلبها تم يدق بقوو .. تحس بانه قفصها الصدري من داخل اتهشم من قوة ضربات قلبها ... تمت تتنفس بسرعه ... ايدها قامت ترتجف بالقوو والورود اللي في ايدها قامت تنتفض من نفضة ايدها ... دش ريلها وابوها وعمها احمد وحمود اخوها .. وهي عينها على ريلها ... عرفته .. خلاص اخيرا اتذكرته ... !! نزلت راسها ... 

اتجدم لها ريلها وباسها ع يبهتها وقالها بصوت خفيف : مبروك .. 
علايه بصوت خفيف : الله يبارك فيك 

سلم عليها ابوها وتم حاضننها .. وعلايه حضنته .. عقب يا دور عمها ... عمها من شافها سوى حركته فتح لها ايده .. علايه ضحكت .. : اعفد .. 

احمد : ههههه اعفدي .. 

علايه نزلت الباقه ع الكرسي واتجدمت لعمها اللي تام فاتحلها ايده وحضنته بقوه .. وهو تم حاضننها .. حضنها بقووه من خاطره .. وحتى علايه ... تم ريلها يشوفها وهي يبتسم .. وحتى بو خليفه .. بو خليفه قلبه يعوره هاي البجر .. غلاها غير ... !! دمعت عينه وطلع بسرعه عن يصيح جدامهم .. حتى احمد ماتحمل ها الموقف وصاح ... وبعدها عن حضنه وتم منزل راسه ويحط ايده عند عيونه ويمسح دموعه بسرعه .. علايه دمعت بس ماصاحت .. ومن شافت حمود مويم ... نزلت شويه وخاشمته وباسته ع خده : حبيبي انته 

حمود : خلاص خطبتي سلطون الطويل وماتبينا وبتسيرين وياه 

علايه اتلومت :اييه صخ انا ماخطبته .. 

سلطان يوقف شراتها وينزل لمستوى حمود : انا اللي خطبتها مب هي .. 

وصدت علايه عليه وصد هو عليها وكان ويهه قريب من وييها .. واستحت ونزلت راسها .. 

ها النظره تكفي سلطان انه يموت ويحيا .. 

ردت علايه تيلس مكانها وشلت الباقه في ايدها ويلس عمها ع طرف الكرسي وتم يسولف وياها ورد سلطان مكانه ويلس ويرمس حمود 

حمود يرمس سلطان في اذنه : تراه عليوه تسوق لاتخليها تسوق وخل تعطيني السياره .. 

سلطان يصد صوبها وهي ترمس عمها : ههههه ان شالله 

حمود : تباني ايوول 

سلطان : هيه 

حمود : انزين بس مثل مااتفقنا ابا سيارة عليوه 

سلطان : هههههه ان شالله 

احمد سار جدامهم ويلس على ركبه مجابلنهم هم الثنينه وحاط ايد ع ركبة علايه وايد على ركبة سلطان .. 

احمد : المهم خلوني اوصيكم .. عليوه ما اوصيج ع سلطون تراه والله انه طيب وان شالله ترتاحين وياه وانته ايه بو راس ( اونه يزقر سلطان ) مب تزعل عليوه كله ولا علايه .. 

علايه تضحك وتصد ع سلطان : تسمع 

سلطان من سمع صوتها ع طول صد صوبها وقرب راسه من راسه : اسمع فديتج 

علايه استحت وترمس بصوت واطي : اهزبه يغازلني 

احمد : هههههههههههههههههههههههههه وياها الراس ريلج ماروم اقوله شي .. 

سلطان : هههههه اونه يغازلني .. قوم نضربها احمدوه 

احمد : والله انته ماتوب .. 

سلطان ياشر على حمود : طالع حموود شاد حيله 

احمد يعدل غترته : انا بيوول .. 

علايه : عن اتطيح الكوبرا 

احمد يطالعها بنظره ويقلدها : عن اتطيح الكوبرا صخي صخي تامه جنج مال قمه .. 

سلطان ضيج بعينه : شو مال قمه 

احمد : هيمن على ارض االجمال ولمه .. ( جان تقول علايه وياه ) وجمع ثقافات البشر في تاجه .. ( وعلايه تاشر هي وعمها بنفس الحركات ) وقمه على قمه وفوقه قمه ... ذوق وجمال وغرتن وهاجه .. 

سلطان تم ناقع من الضحك : والله انته وبنت اختك كوبل .. رهيب .. 

احمد يضحك ويسير صوب الدي جي ويقولهم يحطون له اغنيه اوكي .. عشان اييول عليها تمت علايه تطالع عمها واخوها .. وسلطان نفس الشي .. وحس سلطان بالفرحه .. ويود ايد علايه اللي كانت بااااااارده .. علايه ع طول صدت ع ايده بس استحت اتشل ايدها وخلت ايدها في ايده .. صد عليها سلطان وهي تطالع ايدها وايده .. سلطان يقرب راسه من راسها .. : اطمني مابهدج ... 

علايه : ههههههههه انزين لاتهدني .. 

سلطان يطالع عيونها : وانتي بعد دخيلج لاتخليني .. 

علايه حست بقلبها يدق بسرعه وتم تتطالع عيونه : مابخليك .. 

سلطان اتقرب منها وباسها .. : هههههههههههه احبج بس جب صدي جدام 

علايه ضحكت عليه وتمت تطالعهم .. والقاعه فضت .. وسارو يصورون .. وعقب اتيمعو كلهم يتعشوون وبدلت علايه ثيابها .. وسارت البيت تسبح وتبدل ثيابها وتشل شنطتها لصغيره ... عمها احمد حاجزلهم في برج العرب لين مايسافرون باجر .. 

علايه يلست تسلم على اهلها وسلطان يترياها في السياره .. وطبعا ابوها تمت حاضننها .. كله ولاعلايه وامها تصيح ... وميروه وريم لصغيره تصيح .. وحمود واقف مبوز ع طرف ... 

بو خليفه : علايه لاتنسين الابره فديتج 

علايه : ان شالله ابويه 

ميروه : انزين ابويه لاتخاف خلاص عليوه عرست واللحين بتيب لنا يهال .. 

علايه ويها اتغير 180 درجه ... 

بو خليفه يضحك : ههههههه ان شالله 

علايه حبت تغير السالفه : امايه بس عاد ما احب اشوف دموعج .. 

وطلعت يدت علايه من داخل .. : يامسودة الويه امره بتروح بدون ماتسلم على يدتها هيه كبر راسج يابنت ابوج 

علايه تمشي ليدتها وتبوس راسها : فديت عمرج .. 

اليده : ما اوصيج على سلطان حطيه في عيونج .. 

ينزل سلطان يسلم ع اليده ويحب راسها : فديت اللي تحاتيني .. 

اليده : وانته حط عليوه في عينك 

حمود : طالعو يدتي جنه الراهب مال الكينسه يوم يزوج الاجانب .. 

اليده : طالعو الهرم .. 

كلهم يضحكوون .. 

سلطان : خلاص بنترخص نحن 

سلمو عليهم وصاحت علايه وركبت السياره وهي مويمه ... 

سلطان : لاحوول بس عااد علايه والله ماتهونين 

علايه تصيح : اتخيل مابشوفهم 

سلطان : ههههه ثرج وين بتسيرين .. 

علايه : .......... 

وصلو برج العرب ونزلو الشنط نزلت علايه وتغشت .. وسار صوبها سلطان ويودها من ايدها وهي خذت راحتها يودته بعد .. وسارو لحجرتهم .. دشو الحجره وسارو الحجره ووطت علايه شنطتها الصغيره وظهرت لها بجامه خفيفه .. 

سلطان يطلع له ثياب بعد : منو بيدش انا ولا انتي .. 

علايه بحركات : عفيه .. عفيه .. انا 

سلطان : ههههههه اوكي بس لاتطولين 

علايه : اوكي انا بس ببدل ثيابي .. 

دشت علايه وبدلت ثيابها وطلعت كان شكلها صغيرونه .. توها بنت 18 .. حتى مادشت 19 .. وهو عمره 25 

دش سلطان الحمام يسبح .. وهي يلست تسحي شعرها .. وهي تنزل قصتها ع يبتها وتتعطر .. وتطالع لون شعرها مخلنها تتغير وايد .. ومستويه حلوه وايد .. شويه وتشوف ريال لابس كندوره وغتره وعقال .. وداش الحجره بس يمشي بالريوس .. هني علايه اتبنجت .. جان تزعج من الخاااااطر .. 

سلطان تم زايغ .. ع طول حط الفوطه وظهر خاري ... وعلايه تامه حاطه ايدها ع ثمها والريال مايتحرك سلطان سار له وهو ناوي يضربه وعلايه لحقت سلطان تمشي وراه ... جان يصد عليهم ... : صااااااااااااااااادوووووووه .. 

سلطان معصب : وقسم بالله يا احمدووووووووووووووه كنت بضربك ضرب اليهد 

احمد : هههههههههههههههههههههههههههههه 

علايه : سخيييييييييييف وقفت قلبي سبال 

احمد : هيه هيه بنت اخويه عندج سلطون ( ويصد عليه ) وبعدين تعال انته ماتستحي ظاهر جي جدام البنت رد داخل 

سلطان معصب صدق ودش الحمام يلبس ثيابه ... 

علايه : اوييييييييه زعل .. 

احمد يقلدها : اويييييييه زعل 

ويسحبها من ايدها : اتولهت عليج تعالي يايبلج شي .. 

دشت الصاله وحصلت عشاا .. وبلي ستيشن ع الطرف .. احمد يركب البلي ستيشن ويحط لها شريط " كارش سيارات " 

علايه اتخبلت ها شريطها الحبيب ع قولتها " لايقاوم " ويلست تلعب ويا احمد ومتحمسين .. سلطان طلع .. 

سلطان منصدم : انته بعدك هني ؟ 

طااااااااف لاحياة لمن تنادي شادين حيلهم في اللعبه .. جان يسير يوقف جدام التلفزيون ويهوس احمد " ستارت " .. 

احمد : ياخي نش .. 

سلطان يطالع علايه اللي شكلها يياهل : مابا .. اليوم يومي . .

احمد : سلطون لاتمصخها .. بنت اخويه وبتشلها شهر عنا مالي خص 

سلطان : احمدوه ياريال اليوم عرسي 

احمد : انزين وخير اقول طالبلك عشا سير اتعشى 

سلطان : مابتعشى لين ماتتعشى حرمتي ويايه 

احمد : لاحوووووووول قومو 

نشت علايه ونش احمد .. ويود سلطان ايد علايه . جان يصد عليهم احمد ويطالعهم من فوق لين تحت ... ويقول بدلع : حركات مراهقين 

علايه صدت على سلطان : تسمعه 

سلطان يقولها شي في اذنها : احبج خليه .. متغايض

علايه ضحكت : ههههههههههههههههههههه اوكي 

احمد ييلس ويرفع ايد كندوره يعني يشمر عن السواعد .. : تعالو يا عصافير الحب .. 

علايه استحت صدق من الخاطر ... كيف بتعيش ويا سلطان صح انه طيب واايد .. بس هي بتحبه ... هي من يوم واحد وتحس انها تحبه .. مب عشان شي لانه الشي الاول اللي يجبرها انها تحبه هو انه ريلها .. حلالها .. 

يلسو يتعشوون وكل ماياكلون احمد يصد عليهم ويقولهم : ياللللللللللللللله .. يالللللللللللللله .. اووووونه .. اوووووووونه .. 

سلطان : هههههههه ياخي اسكت فكنا انته احمد ربك انه ماطردناك لين اللحين 

علايه : لا كله ولا امبيدوو 

سلطان : هيه كله ولا امبيدوو 

احمد : يالله يالتقليد .. 

احمد عقب ماخلص اكل .. : اسمعو اانا بحترم اللحظات الحلوه وبخليكم عشان تتذكرونها ... ( وبدى يرمس جد ) الله يهنيكم ان شالله .. فديت عليوه والله .. 

ويسير يحضنها يحط ايده من ورا رقبتها ويحط راسه حذال راسها عقب حبها ع راسها وطلع عنهم .. من طلع احمد علايه ويمت وحطت الشوكه وربعت ايدها .. سلطان كان ياكل .. 

سلطان يطالعها : شو فيج ؟

علايه دمعت : والله احبه .. 

سلطان : احم 

علايه : ههههههههههههههههه 

علايه سارت تتغسل وعقب شافت الدريشه صوب البحر ... وفتحتها وتمت تشوف البحر .. وحطت ايدها على حد الدريشه وحطت ايدها تحت خدها وتمت تطالع البحر .. يا سلطان وحط ايده ع جتفها 

سلطان : علايه احبج 

علايه وهي سرحانه : حتى انا .. 

سلطان : انتي ماتعرفين .. من يوم شفتج اول مره يوم دعمتيني ...ويوم كان مغمى عليج يوم عرس ولد عمج وبعد مره في المحل .. بس جنج ماتذكريتي شي .. لانه من شفتج حسيت بج ماتتذكريني .. 


علايه تتذكر : انا اقوول انه شكلك مب غريب .. بس من شفتك ع الكوشه اتذكرتك 

سلطان : ههههههه وايد عليج 

علايه : ليش انته ماتعرف اني ... 

سلطان : امبلا فديتج اعرف .. وانتي تعرفين اني 

علايه صدت عليه وحطت عينها في عينه : اعرف .. وانا راضيه ... ( وصاحت ودمع سلطان وياها ) 

ها المره علايه حضنته اتعودت على عمها .. وها مب غريب عنها ..!! تم سلطان حاضننها يخليها تصيح .. براحتها .... وتم يمسح على ظهرها ... ابتعدت علايه عن حضنه وتمسح دموعها : اسفه 

سلطان : ع شوو 

علايه : لاني صحت .. احسبك اتضايجت 

سلطان : بالعكس .. اباج تصيحين وتعبرين عن شعورج ولا انج اتمين ساكته .. 

علايه ابتسمت له ومشت عنه الحجره ... رد يطالع البحر .. وهو يتمنى حياه سعيده وها هاي البنت الصغيره اللي اقتحمت قلبه قبل حياته .................. 

----------------------------
البارت الـ 16 - 



يا اليوم الثاني وسافرو علايه وسلطان وحسب طلب علايه تبا تسير النمسا ... صح انه ها الدار لها ذكريات تعيسه بس هي عشقت النمسا حبتها بحلوها ومرها ... وصلو للفندق اللي بيستقرون فيه ومن وصلو ع طول دقو بعمارهم من التعب ... 

وع المغرب نشووو من الرقاد وكانت علايه ناشه قبل سلطان .. ويالسه تطالع التلفزيون .. وسلطان طالع من الحمام وكاشخ وينشف شعره بالفوطه ومن طلع علايه يلست تشوفه .. صح انها تسولف وياه بس تحس انها تستحي منه لين اللحين ..وتحس به اخوها الكبير مب ريلها وضحكت على ها الافكار وطالعها سلطان وهي تضحك 

سلطان مستغرب : بسم الله عليج بلاج تضحكين ؟ 

علايه تحط ايدها ع ثمها : لا ولا شي .. 

سلطان يغمز لها : عليناا .. 

وسار يمشي صوبها ويلس ع الارض وتربع بحيث انه عاطنها ظهره وعطاها الفوطه وصد عليها : نشفي لي شعري 

علايه ابتسمت له وتناولت الفوطه وبدت تنشف شعره .. 

سلطان صد عليها : بس جي .. طلعتي رخوه .. 

علايه فرت الفوطه في ثبانه : رخوه هااه .. نشف بروحك .. 

ونشت عنه بتسير تبدل ثيابها .. وتم يضحك عليها .. دشت علايه تبدل ثيابها لبست تنورة جينز و بدي طويل لونه برتقالي وعليه بنت كيووت يعني ثيابها مايخصها انها عروس وجنها توها بنت صغيرونه .. رفعت شعرها بطريقة " مالي بارظ " وطلعت وايد كيووت وحطت ميكب وطلعت في الصاله .. 

سلطان من طلعت تم يشوفها وعلايه اونه مب مستوله سالفه .. 

علايه صدت عليه : فيه شي ؟ 

سلطان ينش من مكانه ويسير صوبها : هيه 

علايه تطالع عيونه وهو يطالعها : شو 

سلطان : ان شالله بتطلعين جي 

علايه : انا لابسه شي ساتر

سلطان : اسمحيلي اذا قبل بيت اهلج يخلونج تظهرين بليا عباه تراني انا ماابا حرمتي تظهر جي 

علايه ماتضايجت بس لمست في شخصيته شي ثاني .. انه يغار عليها .. ابتسمت له .. جان يحط ايده في قصتها وتم يردها ع ورا وهي تبتسم وعقب باسها ع يبهتها : يالله سيري البسي عباتج بنظهر شوي .. 

علايه : ان شالله .. 

سارت لبست عباتها وشيلتها وطلعت وياه وشي طبيعي سلطان مابيفجها تم قابضنها من ايدها ... هو صار له 3 ايام وياها ويحس انه مايبا يفارقها .. وانها شي مقدس في حياته ... وعلايه كانت تحس انها مابتروم تتاقلم وياه وبيكون صعب انها تتفاهم وياه .. بس من عرست وعاشت وياه حست انها اتجاوزت كل الحدود وانها عايشه حياه ولا احلى وياها السلطان وهي بروحها تقول ..

" لو كنت ماخذه غير سلطان ما اتوقع اني بكون مرتاحه كثر اللحين !! "

تم يتمشى سلطان وعلايه بين الاجانب وطبعا لازم يطالعونهم .. كان الجو مغيم وباارد .. وها الشي خلى سلطان يلم علايه في حضنه ع الكرسي اللي مجابل البط ... ويطالعون البط وهم ساكتين ... 

سلطان : عليوه .. 

علايه : همم 

سلطان : مرتاحه ويايه ؟ 

علايه صدت عليه : انته شو تخربط 

سلطان : مجرد سؤال 

علايه : هيه مرتاحه فديتك 

سلطان : يعني مابيي يوم وبتقولييين 

علايه تقاطعه : اششش.. دام اني رضيت من البدايه لاتتوقع اني في يوم بيي وبقولك خلاص 

سلطان كان كل يوم يبا يكسب علايه له عن تتغير عليه في يوم وتطلب انها تبتعد عنه لانه مايتخيل حياته بدونها .. سلطان كان يحب علايه ضعف الاضعاف ... صح انه علايه حبته بس سلطان بزياده ... 

فديت علايه والله صبرتي ع الظلم .. ونلتي قلب يحبج ومستحيل يكرهج ... الله يهنيكم ..!! 

.................................................. .................................................. ......................................

عقب اسبوعين .. – البلاد- دبي – 

دش فليل بو محمد البيت وهو معصب ووده يكسر كل شي جدامه ... ويزاعج من قمة راسه ... 

بو محمد : ام محمد .. ام محمممممممممممد 

وتطلع اليده من الصاله الثانيه : خير شو بلاك تباغم ياخليفه شو ياك ؟ 

بو محمد : ابا ام محمد 

اليده : شو مستوي ؟؟ 

بو محمد معصب ويلس ع الكرسي ويهز ريله بعصبيه : ازقريييها 

اليده : انزين اصبر طشونه بيروحون الحريم اللي في الميلس وبتي .. لاتحرق اعصابك شو مستوي ؟ 

دشت ام محمد وهي مبتسمه .. بو محمد نش بعصبيه 

بو محمد معصب : ايلسوو خلوني اخبركم عن اهل ريل بنتي اللي قاصين علينا ويتحسبونا مابنعرف عن سواياهم الخايسه .. عيل هاي سواه يسوونها فيني وفي بنتي ... يخلونها تاخذ مريض بالثلاسيميا .. ومابتييب عيال واذا يابت تراهم بيكونون مرضى شرات ابوهم ..... بنتي البجر اللي ربيتها وكبرتها واستانست يوم عرست .. بتقضي عمرها ويا واحد مريض .. ومابتييب لنا عيال صاحيين .. ( ويصد على ام محمد وعيونه حمر وبهدوء ) مابتشوفين عيال بنتج يا ام محمد مابيشوفون الدنيا عيالها ... ( ودمع هني ورد يعصب ) لكن والله ماا اخليها عنده دقيقه ووووحده اللحين بتصل له يرده البلاد ومابتم وياه بنتنا نباها ... بنطلقها منه وبنخليها تشوف حياتها بعيد عن واحد مريض وفيه ستين عله ... 

ام محمد دوم ساكته .. لكن ها المرم تمت تصيح .. وتصيح ... واليده صاحت .. كيف جي شو استوىىى ؟؟ 

بو محمد بألم : عيل انا انا خليفه الــ .. يقصون عليه ... مالقو الا بنتي ياخذونها ... لكن اللحين بحجز لهم خلهم يردوون ولا انها اتم وياه دقيقه وحده ولادقيقه 

اليده تنش تيوده من ايده : حلفت عليك بالله ياخليفه ماتتصل له لين مايردون ارواحهم من السفر .. حرام عليك تكسر قلب بنتك .. توها عروس .. حرام ياخليفه خاف ربك البنت بعد مريضه .. ع الاقل خلهم ها الشهر ... واخلاف ماعليه .. شلها عنه .. 

بو محمد بألم : ليش تحلفين يامايه ..ليش ؟؟ انا ابا بنتي ... هم مافكروو انهم بيحزنون قلب امها وابوها .. وفكرو بولدهم وسعادته 

اليده : عليا اصيله لو بغت اتم ويا ريلها تراها بتم وبعدين.. هذا نصيبها في ها الدنيا تعيش وياه بدون يهال .. والله بيعوضهم بخير 

بو محمد : لا تخسي عليا اتم وياه خلهم يردون من شهر العسل وانا لي كلام ثاني هاذيج الساعه والله يصبرني لين مايردون .. والله يامايه لو مب حلافج جان انا سايرلهم هناك وشليتها عنه .. 

وظهر عنهم بو محمد وهو متضايج من الخاطر وتمت ام محمد تصيح .. 

ام محمد : استغفر الله .. ليش يستوي جي .. الولد كان طيب واهله طيبين .. ليش يقصون علينا وع البنت 

اليده تهدي ام محمد : ماعليه ان شالله خير .. وصدقيني بنتج اكيد عرفت ولو ماتباه جان اتصلت لكم من اول يوم وقالت ماباه .. بس هي تباه .. لاتكسرون قلب بنتكم هو يباها ... ياحصه ماتدرين به .. كيف يحبها وحاطنها في عينه .. يوم اتصلت لي عليوه هاك اليوم ... رمسته .. والله من رمسته وربي شاهد انه بيموت عليها من كثر مايحبها .. ( وتدمع اليده كله ولا علايه .. ولا انه حياتها تنهدم ) ولا انتي عايبنج انه بنتج اتم مطلقه بيت ابوها وماتدرون بييها نصيبها اخلاف ولا لا ... 

ام محمد لاجواب الا الدموع قلبها انفطر على بنتها .. 

.................................................. .................................................. ......................................

فليل .. – النمسا – 

علايه وسلطان ياليسين يلعبون بلي ستيشن ... وحاطين " كراش " ومتحمسين ... 

علايه تشرب الكوكاكولا .. جان يسحبها سلطان من ايدها ويشرب من وراها .. 

علايه تطالعه بنص عين : امررررره حاسدين الفقير 

سلطان مهوس ستارت ويشرب الكوكاكولا وخلصها كلها : اااااااااااااااح .. انتعاااش .. 

وعلايه تطالعه بنص عين : جب جب 

ونشت بتسير تيب لها وحده ثانيه ... 

سلطان : اييه الطويله هاتي لي وياج .. 

علايه تدور في الثلاجه : جب بو راس لاترمسني .. 

سلطان ينش لها : ههههه بو راس هاااه ... 

جان تطلع علايه الكوكاكولا الاخيره .. ويسحبها عنها سلطان ويرفعها فوق بايده : جانج حرمه هاتيها .. 

علايه تمت تنقز تباها بس مارامت توصل .. : انزين ماشي لفت .. 

سلطان : عطلان فيه دري .. ( وجسف ركبته ) اركبي .. 

علايه : ههههههههههههههه بس عاد سلطون والله عطشانه .. 

سارت فتحت السده مال المطبخ ولقت " بيباات " وعطته واحد وشلت واحد .. وحطو الكوكاولا ع الطاوله وحطو البيبات داخل وتمو يشفطوون وكل شوي يرفعون عينهم يطالعون بعض .. ويوم خلصو سار سلطان وانسدح ع الغنفه يحس انه بطنه انترس وسارت طلعت علايه كيمرتها وتمت تصوره وهو يدري بها انها تصوره بس مب مسولها سالفه وتام منسدح ع بطنه ومغمض عينه .. عقب حطتها ع المكتبه مال التلفزيون وركضت صوبه ويلست ع الغنفه يعني رصته شوي وصورتهم الكيمره وهم يضحكون .. كانت احلى من صور العرس كلهن .. كان شكلهم كيووت واايد 
طافن الايام ع سلطان وعلايه احلى منهم ماشي ... قامت تصريحات الحب من علايه تبين ... قامت تقوله .. أحبك !... كل يوم لازم يسمعها ... حتى هوو كان لازم كل يوم يقولها ... وقبل لايروحون بيوم .. كانو سايرين مطعم تركي ويالسين يتغدوون ... 

دشيت انا واخويه اللي اصغر عني المطعم التركي بنطلب لنا ... 

سلطان يرمس اخويه : هاااه وين ابوك 

اخويه حمود : هني بيبركن السياره وبيي 

ويصد سلطان على علايه : تعرفنا عليهم يوم ساير اصلي الجمعه .. 

علايه ابتسمت بحيا .. 

سلطان يرمس حمود اخويه : وين اماكن سرتو لها ؟؟ 

فواغي اللي هي " انا " .. احم رزيت بويهي ورمسته : سرنا وايد اماكن . .ٍسرنا زالامسي .. والحديقه .. ويورو بارك 

سلطان يرمسني : سرتو عند الثلج .. 

فواغي مستانسه : هيه سرناا .. 

سلطان يصد على علايه : هااه شو رايج 

علايه بحيا : شو خلاص نحن بنروح باجر .. 

حمود اخويه طلع عني وتميت انا اشوفهم كانو حلوين الريال والبنت وشكلهم وايد كيوت ... 

فواغي بدفاشه : انتو يايين شهر العسل .. 

سلطان صد على علايه وعلايه استحت : هههههههه هيه 

فواغي بحركتها المعتاده ( يعني انا هع ) : يااااااالللللللله .. ياللللله .. اووووووونه .. اووووووونه 

علايه وهي ميته من المستحى : ههههه بس عااد 

سلطان : اوونه احمرت عليوه تستحي .. 

علايه مستحيه : ههههه يالله خلصنا 

سلطان يمسح ثمه بالكلينكس : يالله فديتج 

ونشو ويودو ايد بعض .. وطافو حذالي .. سلطان يرمسني : يالله مع السلامه .. وسلمي على ابوج .. 

فواغي تبتسم لهم : ان شالله يوصل واتحملو على عماركم .. 

علايه ترمسني : ان شالله حبيبتي وانتي بعد .. 

حط سلطان ايده ورا ظهر علايه وظهرو من المطعم ويا حمود اخويه ناخذ الطلبيه وانا في بالي فكره عن ها الثنينه انه بكتب لهم قصه وفعلا .. كتبتها ... !! كانو اساس فكرة قصتي ها الثنينه اللي شفتهم .. 

لاااا مب النهايه ... كملوو لوول 

.................................................. .................................................. .....................................

اليوم الثاني ع الصبح وصلو المطار ... لاسلطان ولا علايه يدرون باللي مستوي في البلاد ... كانت مشتعله حمى الوطيس بين الاهل وخاصه اهل علايه ... يوم خلصو الاجراءات خطفو بيظهرون علايه شافت ابوها وهو ياي صوبهم كان سلطان ميود ايد علايه .. 


سلم بو محمد عليهم ع السريع ويود ايد علايه ومشى عن سلطان .. سلطان استغرب شو السالفه .. وعلايه بعد استغربت .. 

علايه : ابويه اصبر سلطان ..!!

بو محمد معصب: جببببب ولا كلمه .. ماباج تشوفينه 

علايه شويه وبتنهار شو ها الرمسه اللي تسمعها : شوو ما اشوفه ابويه هذا ريلي .. 

بو محمد يقوي قبضة ايده عليها : انا قلت لج سلطان هذا بيطلقج وهو حمار وبتردين انتي عندنا فاهمه ... 

علايه تبا تخوز ايدها من ايد ابوها : لا مابخليه انزين ( وتصيح ) مابخليه 

وشافت عمها ساير يمشي صوب سلطان اللي كان واقف مكانه ومنصدم ويطالع علايه وابوها وهم يبتعدون عنه .. ومن شاف علايه تصيح انقبض قلبه حس انه فيه شي .. 

احمد بضيج ويسلم ع سلطان ويحط ايده ع جتف سلطان اللي سرحان ويطالع علايه ويا ابوها : سلطان يبونك اتطلق علايه واليوم قبل باجر

سلطان لسانه انشل .. علايه حياته وعمره ..؟؟ يبونه يطلقها .. مستحيل 

سلطان بعصبيه : مستحيل هاي حرمتي كيف اخليها .. 

احمد بضيج : ابوها راكب راسه ومب راضي يسمع لحد 

سلطان بدى يفقد اعصابه وياشر على عمره : وانا يا احمد ؟؟ وانا ؟؟ شو حياتي من عقبها .... كيف بحيا بدونها خبرني .. 

احمد : خلاص ياسلطان الكلام مامنه فايده طلقها .. 

سلطان ماسوى سالفه لاحمد وكمل دربه وهو يدز عربة الشنط وقلبه مشتعل نار .. مستحيل يتخلى عنها .. حط الشنطه في السياره ودق سلف وسار صوب بيت قوم علايه ... ونزل .. وكان وراه احمد .. 

احمد يركض صوبه : سلطاااااان .. سلطاااااااان .. دخيلك رد .. اخويه معصب اللحين مابيروم يتفاهم وياك رد ياسلطان 

سلطان دش الميلس ع طول وكان ابو محمد يالس في الميلس يدري انه سلطان بيدش .. 

بو محمد واقف ويطالع سلطان اللي واقف عند الباب : هاي سواه تسويها ياسلطان ؟؟ افا والله افا 

سلطان بالم ومب متخيل انه بيفارق علايه : عمي .. خلني افهمك 

بو محمد يعلي صوته :لاتفهمني ولاشي ... ابا طلاق بنتي واللحين 

سلطان بعناد : لا مب مطلق هاي حرمتي 

بو محمد : وهاي بنتي قبل لاتكون حرمتك 

سلطان بدى يضعف : عمي والله ماغلطت في حقها 

بو محمد بدى يضعف هو الثاني : ادري ياسلطان بس غلطت انك ماخبرتنا ... انا ابا اشوف عيال بنتي 

سلطان : لو قلت لكم عن مرضي بتوافقون ؟ 

بو محمد سكت لو كان يعرف انه سلطان مريض اكيد بيرده .. 

سلطان يكرر السؤال : لو قلت لكم عن مرضي بتوافقون .. 

احمد ساكت ويطالع ... 

بو محمد : ها الكلام كله ماينفع .. نبا الطلاق 

دشت اليده وهي محتشره ع ولدها : انته ماتخاف ربك في بنتك ... بتموت من الصياح .. تباهم يطلقون وهم توهم رادين من شهر معرسين .. هاي بنتك من لحمك ودمك .. تبا اتطلقها .. ياخليفه .. الطلاق ابغض الحلال .. استهدي بالله .. الريال شارنها .. والعيال تراهم بييون بس مابيكونون صاحين .. 

بو محمد دمع : انا اشوف عيال بنتي مب صاحين ليش ؟؟ ليش اعذبهم في ها الدنيا ... خبريني يامايه ليش اعذب بنتي وعيالها ؟؟ 

سلطان تم منزل راسه ... وفجأه اتدش علايه والشيله ع جتفها .. ولابسه العباه ... ووقفت حذال ابوها .. وهي بتموت من الصياح 

بو محمد مب متحمل : طلقها يا سلطان طلقها .. 

علايه تصيح وصدت على سلطان اللي كان يطالعها : ماروم ياعمي ماروم 

بو محمد عصب : طلقها اللحين ولا من بينا المحاكم 

احمد يهدي الوضع : سلطان .. روح اللحين واخلاف يصير خير

سلطان بدى يضعف ويطالع علايه اللي تصيح : كيف اروح واخليها . كيف فهمني .. تبوني اسير عنها ... ماروم والله ماروم 

علايه انهارت من سمعته ويلست ع الغنفه وغطت وييها بايدها وتمت تصيح .. 

بو محمد : انته جذااب .. جذاااب .. خدعتونا ... فيكم .. قالو لنا الريال صاحي وزين مادرينا انه الريال مريض 

علايه تصيح ومب رايمه ترمس ... 

اليده : ياخليفه استهدي بالله ... الطلاق مب حل 

بو محمد : امبلا الطلاق احسن حل وبنتنا بتشوف حياتها من عقبك ... 

سلطان ياشر على عمره وصاح : وانا ياعمي انا ؟؟؟ انا شو اسوي من عقبها .. خبرني ... تبوني اخليها ... اتعرف لو تطلب عيوني اللحين بعطيك اياها .. بس خل بنتك عندي .. ماروم اطلقها 

بو محمد بعناد : عيل من بينا المحاكم .. 

علايه انهارت خلاااص ... وتطالع احمد بعيونها انه تحرك سوو شي ؟؟ 

احمد ماحب يشوف ها المواقف ..: سلطان ان شالله يصير خير اخلاف ... روح اللحين 

سلطان انهار : مابروح لين ماتي علايه ويايه ... نشي عليا 

عليا رفعت راسها وعيونها حمر ... وتطالع ريلها وتطالع ابوها ... 

بو محمد يطالعها ..: تمي علايه 

شويه ويسمعون هرن برع .. كان عمر اخو سلطان الصغير ياي عنده من عقب اتصال احمد ... 

احمد : عليا اطلعي برع .. 

بو محمد : لاتمي والبسي شيلتج لانه بيطلقج اللحين 

علايه وهي تصيح تحجبت واليده اتطالع .. ودش عمر وهو مستعيل .. 

عمر : السلام عليكم .. 

وسار سلم على بو محمد واحمد وسلطان .. ووقف حذال سلطان اللي دموعه تطيح وهو مستغرب .. 

عمر زايغ : خير مامن شر .. 

بو محمد : نبا طلاق بنتنا اللحين 

سلطان مصر : مب مطلق 

بو محمد عصب : بتطلق ولا شووو ؟ ( واتجدم له )

وتسير اليده وتيوده من ايده : خله ياخليفه .. خله بارك الله فيك بيطلجها اخلاف .. رد واكسر الشر .. 

عمر بهدوء : نبا نسمع راي البنت .؟؟ ( ويصد صوبها ) عليا ... 

علايه رفعت راسها وعيونها حمر : تبين الطلاق ولا راضيه .. 

علايه تطالع ابوها وابوها يحذرها بنظراته : ماعرف 

سلطان انصدم ماتوقع انها تقول جي هو واقف في ويه ابوها وبيتحدى العالم كله عشانها وهي اخرتها تقول " ماعرف " 

بو محمد : بنتي مالها شور 

عمر : نبا راي البنت .. شي من الثنينه .. يا تبينه .. او لا ... ؟؟ ارمسي عليا .. 

عليا تطالع سلطان وتتذكر احلى شهر مر عليها : هيه 

وطلعت تركض برع وسار وراها عمها ... بو محمد ماتوقع انه بنته تبا واحد مريض ... واليده استانست من رد علايه .. 

اليده : سمعت بنتك تباه وهو يبااها .. حرام تحرق قلبهم يا خليفه .. ( وتصيح ) حراام .. ماغمضك الريال بلحيته يترجاك يبا حرمته ... 

عمر حضن اخوه ويهديه ... بو خليفه فتح العقم مال الكندوره ويلس ع الغنفه ... 

سلطان مسح دموعه وسار حبه ع راسه : عمي والله وانا احلف بالله ... انه ماتخيل حياتي بدونها .. عمي ( وبتوسل ) اترجاك ... ماروم اطلقها 

خليفه : ............... 

اليده : خليفه خلهم يتوكولون ع الله وانته عندك محمد وميره وريم والله بيطول بعمرك لين ماتشوف عيالهم .. وان شالله بعد عليا بتشوف عيالها .. بس لاتكسر قلوبهم ... ولاتراني بحلف عليك 

بو محمد اتسسلم ورفع راسه : لاتحلفين يامايه .. الله يهنيهم ( ولف بويهه ) 

سلطان استااااااااااااااااااااانس من الخاااااااااطر وحضن عمه .. خليفه تم بارد .. بس عقب حضن سلطان وتم يصيح لانه يحس انه ظلم بنته ..عمر تم مستانس ... وسارت اليده تبشر الام واحمد وعلايه ... 

علايه دشت الميلس ... من شافها سلطان ع طول سار لها وحضنها بقوووووه وهي تمت تصيييح 

سلطان : مابطلقج عليووه .. بتمين وياايه .. بتميين .. 

علايه مستحيه لانه حضنها جدام عمها وابوها ويدتها واخوه ..وبصوت خفيف: بس سلطان 

سلطان يخوزها عنه وهي تمسح دموعها وسارت تحب راس ابوها وقالت له في اذنيه : ماكنت ابا ازعلك .. بس بعد ما اتوقع انك ترضى اني اكون مطلقه ... ولقب مطلقه يلصق بي وانا توني بنت 18 .. 

احمد يسمعهم ويبا يلطف الجو: جذااابه دشيتي الـ 19 .. 

عليا تضحك وتمسح دموعها : ههههه انزين جب .. 

بو محمد حضن بنته وباسها ع راسها .. 

علايه : راضي عليه يابويه 

بو محمد :راضي عليج فديتج 

عمر : احم نترخص عنكم 

عليا بصوتها المبحوح : اقرب عمر تتغدى عندنا 

عمر يطالع سلطان : اممم يتريونكم في البيت 

عليا تصد ع سلطان : نروح ؟ 

سلطان يبتسم لها ويطالع بو محمد اللي اتجلب حاله 180 ..

بو محمد : سيرو بارك الله فيكم .. 

احمد وامه واخوه تم يطالعونهم عقب ماسلمت عليا على اهل البيت .. وعقب مامرن اخس ساعتين عليهم كلهم .. ردت علايه ويا سلطان .. بيت الزوجيه ...كان بيت علايه وسلطان بو طابيقين بس صغيرون شوي .. يعني على قدهم ... وروعه من داخل ... كانو اهل سلطان هناك .. يعني امه واخته واخوه عمر .. لكن ابوهم متوفي من زمان .. و اخوه العود ومرته ماييو ... 

علايه دشت وشافتهم كلهم واقفين يتريونهم ... ع طول سارت سلمت على ام سيف .. اللي هي ام سلطان بعد .. 

وطبعا حسب طلب سلطان انه مايبا حد يعرف عن السالفه اللي استوت توه ... وخاصه امه ... دشت علايه وشكلها يبين انها متضايجه .. وحتى سلطان .. بس يحاولون انهم يضغطون على عمارهم عشان مايعرفون الاهل شي 


عقب الغدا يالسين كلهم ويشربون جاهي 

ام سيف : هاااه شو الدار اللي نهيتو لها .. ان شالله غاويه 

سلطان يشرب الجاهي ويطالع علايه : يالللللله يامايه اسكتي لاتتخبرين ... عينج اتصح من الخضره اللي تطالعينها ... بس ها المره استانست دام انه عليوه ويايه 

علايه من سمعت اسمها صدت عليهم : جنكم تحشون فيني 

ام سيف : هههههه الا يغازلج ... 

علايه احمرت ... 

عمر بنقمه : ههههه طالعووو والله مستانسين .. ثره جي يوم يعرسون انا اول مره اشوف سلطون متشقق جي .. 
يالله امايه هزي طولج واتنقي لي احلى بنت في الامارات كلها اول شي بنسوي تراي يعني نرمسها في الفون وعقب نطلع وياها .. واذا عيبتني باخذها ..واذا ماعيبتني بخلي سلطون ياخذها الثانيه .. عن اتطيح في جبدي 

علايه تضحك : ههههه انزين عادي عندي .. 

سلطان : لا والله 

نوره : يالله بيتضاربون 

علايه : هيه لو يبا ياخذ ثانيه ماعندي اخلاف .. بس بعد يخليني اشوف حياتي 

سلطان عصب : لمي ثمج واسكتي فاهمه 

ام سيف تطالع عمر اللي يضحك بصوت خفيف : غربلا ابليسك ياعمور زين جي خليتهم يتضاربون والسبه رمستك الخايسه 

عمر يهز راسه : افااااا بس افا ... انا ( وياشر ع عمره ) عمور حبيبش نظر عينش ... رمستي خايسه ... 

ام سيف : هيه يالله قم عن الهذره الزايده وصلنا البيت خلهم يرتاحون توهم واصلين 

نوره تظهر تيلفونها اللي يرن في الشنطه .. : هذا ريلي متصل .. وصلوني البيت ع دربكم 

عمر : عيل يالله طووفوو 

عليا : تعالونا كل يوم 

عمر يصد عليها : بنت 19 ماترمس .... اللحين هاااي ( وياشر عليها ) كبري ... والله حاله .. ( ويصد ع سلطان ) انته منو قاص عليك تاخذ ياهل .. 

عليا تطالعه بنص عين : انته انته ... !! عوذ بالله منك 

ام سيف تيوده من ايده : ماعليج يامايه من رمسته خل يولي .. 

عمر : ههههه ماعليه مرددوده يالوالده ... 

نوره : طوف فكنا انا خطبتها لاخويه .. 

عمر : وانا لو قلت ابا اعرس ان شالله بنت كم بتخطبينلي .. بنت 13 سنه .؟؟ 

نوره : هيه بنت عمتك مابتقولك لا 

عمر : عوذبالله من ها الطاري .. اقولكم يالله نروح 

ام سيف : هههههههه احسن تستاهل من نيب لك طاريها تشرد امره 

عمر : ههههه انزين ورايه مشاوير يالله بوصلكم .. 

مشو كلهم لين الباب وسلمو عليهم وقبل لايركب عمر السياره ... 

عمر : عليووه زهبي عمرج كل يوم انا عندكم .. مب تقولين عمور ماقال ... 

عليا : هههههههههه ان شالله نترياك 

ورحو عقب اهل سلطان وسكرو الباب وردو الصاله .. 

سلطان : ماشالله اشوفج داقه سوالف وياه .. 

عليا : عليه سوالف 

سلطان يدقق في ملامحها : اتعرفين شفت موتي اليوم 

علايه نزلت راسها : دخيلك انسى .. خلنا نبدى صفحه يديده .. 

سلطان : والله ماتعرفين شو صابني هاذيج الساعه لا ومن قلتي ماعرف .... هني انا انتهيت ... 

علايه نزلت راسها وتلعب بظفورها : بس نحن بعد غلطنا 

سلطان ييلس حذالها ويرفع قصتها عن عينها : انا اباج .... ولو خبرتهم اني مريض اكيد بيردوني .. وكان رايج الاهم في السالفه كلها وانتي رضيتي ... بس اكيد اهلج بيرفضون .. وانا باخذج انتي ماباخذ اهلج كلهم عشان جي شاورتج في ها السالفه .. ولا انتي لج كلام ثاني ؟ 

عليا : لا مب جي ... صح انه رايي هو الاهم في سالفتك .. بس ع الاقل يكون عندهم علم بالشي 

سلطان : يكون عندهم علم بالشي .. وتبينهم يردوني .. وما اخذج 

عليا تصد عليه : دام انه انا وانته ويا بعض اللحين ليش نرمس في ماضي بيتعبنا ؟؟ 

سلطان يبتسم : فديتج والله ... احبج عليوه والله احبج 

عليا تبتسم بحيا لين اليوم تحس انها تستحي منه : ههه انا بعد 

ونشت عنه .. : بسير ارتاح شويه 

سلطان : ههه اوكي انا بعد ... 

وسارو يرقدون لين المغرب ................ 


.................................................. .................................................. ......................................

غايه يالسه في حجرتها والملل يحيط بها من كل صوب .. كل ماحاولت تقضي شغله تحس انها تخلص بسرعه وما ا اسرع ماترد حجرتها وتيلس بروحها وترجع تفكر في ماضيها .. حياتها قبل .. كانت تسير الكليه وترد .. كانن عندها ربيعاتها وناسه سوالف .. كان عندها فيصل .. تقضي يومها فليل وياه ع النت ... حياتها وايد اتغيرت .. سارت صوب الدريشه وتمت تطالع الحوي وتشوف عيال عمها يلعبون خاري ... رن تيلفونها في ايدها رنه وحده وبندوو ... 

هزت راسها " افففف ناس فاضيه ..؟؟ وانا بعد فاضيه ..." 

يت ببالها فكره جهنميه ... ع الاقل بس تسمع صوته . بس تطمن عليه وتبرد قلبها بحسه ... هي تعرف انها متزوجه .. وتعرف انه اللي تسويه غلط ... بس شيطانها قوي .. ههههههه 

سارت قفلت باب حجرتها واتصلت على رقم فيصل .. تامه حاطه ايدها ع قلبها .. هي تعرف انه بيرد لانه مايعرف رقمها اليديد ... بس ليش ها المره مارد ... !! 

تم يرن لين ماقطع بروحه محد يرد .... تمت تهز ريلها بعصبيه .. " انا شو ابا فيه . انا متزوجه ..؟؟ هههههه انا اقص ع منو اونه متزوجه ... !! " 

سارت تكتب له مسج [خدعـــني بكلماتة من اول ما تلاقينا .. قالي يا اعز الناس احبـــك حييييل صدقني .. و للأسف صدقتــة .. ولا ادري عن الحب الي يخفية .. مشيت دروب كــذبــاتـــة .. وشوف وين ودتني.. غايه ] 

تمت تتريا ربع ساعه ومحد رد عليها ويوم ياست فرت التيلفون وفتحت الباب وظهرت ثيابها بتسبح ودشت الحمام .. شويه ويدش حمد دورها وماحصلها ... تم يطلع اوراق من السده .. شويه وسمع صوت مسج .. سار وبطبع فضولي شوي عشان يطالع المسج بس انصدم ... من قرا المسج .. تم يقراه مره ومرتين وثلاث ... معقوله !! 

[حلاتك لي عشقتني تعشقني لـ يوم الدين .. 
غرام نسكن ضلوعة حشيمة من مجانينة .. 
جفا يجمع معزتنا ولا عشق يذل اثنين ..
واخر شي مكتوب : فيصل ] 

بتهور وبحركه جنونيه .. اتصل حمد ع نفس الرقم من تيلفون غايه ... ع طول شله فيصل .. 

فيصل : الووو .. الوو

حمد ساااااااااكت ومايرد بولا كلمه وبس ينسمع صوت نصخ حد ع الطرف الثاني 

فيصل : خلاص ياغويه انسيني ياحرمه انتي معرسه اللحين .. واذا شي في خاطرج قوليه اللحين لانه بسكر .. 

حمد بند في ويهه وع طول بحرقة .. وبألم .. فر التيلفون بكل غضب ع اليدار .. قام يتعوذ من الشيطان .. ويفرك ايده بعصبيه وساير وراد في الحجره .. مب متخيل موول انه غايه تخونه ...!! .. غايه .. بنت عمه .. يعني حرمته .. 

تم يتردد في باله اسم فيصل ... فيصل ... 
حمد صد بعيون ناريه صوب باب الحمام ... يترياها بس تطلع .. رجع بذاكرته لورا شوي .. في هاك اليوم المشؤؤم تحت المطر في عز البرد ... ظلم اعز انسانه له .. والسبب ... غايه .... كانت تترجاه يصدقها .. وجذبها .. كانت تترجى رحمته عقب الظرب .. كان يهينها اكثر .... لو ماجذبت غايه جان هو خذ علايه اللحين وعاش وياها احلى ايامه بعيد عن ها الكآبه ... بس اااااخ ... 

حاست غايه مفتاح قفل الحمام عشان تطلع من الحمام وتبتعد عن بخار الماي اللي كتم على نفسها ماكانت تتدري انه في شي اكبر من بخار الماي بيكتم على نفسها وللابد ...!! 

طلعت غايه وهي تشوف حمد يطالعها ومافيه اي اكشن طبعا كالعاده طالعته بنظره احتقار وسارت صوب التواليت وبطلت الفوطه عن شعرها الخرسان وتناثر على وييها وجتفها .. بنعومه .. طالعت غايه انعكاس حمد في الجامه بس ماتعرف ليش قام قلبها يدق بقو من شافت شي اسود صغيرون طايح ع الارض ... 

غايه بصوت مرتجف .: أأأ .. حـحـ ...مــد . 

حمد بهدوء : ياعيون وروح وقلب حمد .. 

----------------------------
البارت الـ 17 - 

غايه بصوت مرتجف .: أأأ .. حـحـ ...مــد . 

حمد بهدوء : ياعيون وروح وقلب حمد .. 

غايه استغربت : شو فيك حمد ..؟؟ 

حمد قام نش صوبها ويلس ع ركبته وقام وحط ايده ع خدها ويمررها بنعومه .. غايه غمضت عينها حست بالوضع مب طبيعي .. 

غايه تطالعه وتكرر سؤالها : شو فيك حمد ؟ 

حمد بدى يفقد الهدوء ثانيه بثانيه : غايه 

غايه بجفا : هلا 

حمد ينزل ايده من خدها ويحطها ع رقبتها وفجأأأه .. قوى قبضته على رقبتها وجنه بيزغدها .. هني غايه اختنقت مب رايمه تتنفس .. 

غايه تصيح من الالم وتحاول تبعد ايده اللي لاصقه في رقبتها وترد براسها ع ورا عشان يبعد بس ماشي فايده 

غايه تصيح من الالم .. 

حمد يوم حس بانه لونها اتغير فج ايده عنها وقبضها من شعرها وقربها منه : انتي ياااااااااحققققققيرررررررررررره .. ياااااااخااااااااااااينه ... انتي جذااااابه ياغااااايه .. انتي اللي تبينه فيصل .. مب علايه اللي تباه ... 

غايه فجت عينها من سمعت وتمت ساكته وتطالعه بعيون مذهوله .. 

حمد : كله منننننننج ياغايه هدمتي قلبي .. ومن عقبها هدمتي حياتي .. الله ياخذج يالخاااااااااااااااايسه .. الله يااااااااااخذج 

غايه استقوت وتقاوم الالم : انا خايسه ولا انته الخايس اللي تربع ورا وحده مب مسوتلك سالفه .. وطابني انا حرمتك ولاتدري بي .. يابابا انسى انه علايه صارت لواحد غيرك .. هاذيج الحيوانه خربت حياتي .. الصايعه 

حمد يدزها ع الارض وينش يكفخها من خاطره : اتخسين ياسباله والله اني ندمان اني خذتج .. وغلطت على علايه .. كله منج ... 

حمد ضربها من خاطره ... من خاطره ... تم يضربها ويصيح ... ويقول لها : ليش ياغايه ليش ؟؟؟ ليش الخيانه ...؟؟ وعلايه شو ذنبها .. 

عقب ماتعب من الضرب وحس انه مابيستفيد نش وشل الشنطه اللي فوق الكبت وحطها ع الارض وطلع ثيابه وقام يفرهن في الشنطه بعصبيه ... وسكر الشنطه وسار صوب الخزنه وشل ظرف فيه فلوس وااااااااايد .. وشل جوازه ... وحطهن في مخباه ... وسار ياب تيلفونه واتصل لربيعه ... انه يدور له حجز وبسرعه يبا يسافر ... 

وغايه لامه عمرها وتصيح من خاطرها .. وتطالعه ... حمد شل شنطته وياي بيظهر من الباب .. بس تام عاطي غايه ظهره .. 

حمد بألم : غويه الله يهنيج في حياتج من عقبي .. وعلى الله ايي ها الفيصل مالج ويشلج ... وماتسوين بلاوي للناس ... انتي طالق ياغايه .. طالق .. طالق 

وشل قشاره ونزل وحمد ربه انه امه ولا روضه في البيت .. بس كانت عنود شاهد من بعيد لبعيد يوم يظهر حمد وردت تركض حجرتها من الزيغه ... 

غايه تامه في نص الحجره واثار الضرب مبينه عليها بشكل واااضح .. شكلها تشوه نشت وقفلت الباب .. وردت تطالع عمرها في المنظره وهي متكسره ... وتشوف انها وييها اتشوه .. ونصه دم .. طالعت عمرها بارف .. وبحقد .. وقامت تزاعج وتحط ايدها في شعرها وتمطه : اكرررررررررررررهج علاييييييييه . اكررررررررررهج ياحقيره .. والله لاندمج ع الييوم اللي ييتي فيه .. 

وسارت الحمام ترد تغسل جسمها عن الدم ... وتفكر في مليون فكره .. شو بتسوي من عقب اليوم ؟؟ 

.................................................. .................................................. ......................................

مر اسبوع بطيء ع الكل ... باستثناء علايه وسلطان اللي حاسين بحلاوة الدنيا من عقب الالم والفراق .. 

فليل علايه يالسه ويا سلطان ويطالعون فيلم ومبندين ليت الصاله ومخلين بس ليت الابجوره الطويله مشتغل .. 

سلطان : عليوه .. 

علايه مندمجه : هممم 

سلطان : ماحلو جي .. خلينا نسير السينما .. 

علايه شهقت : حسيبك الله ياسلطون طالع الساعه كم .. 

سلطان : ههه الساعه الان الواحده بعد منتصف الليل طووط

علايه : يعني ماشي طلعه وقر مكانك 

سلطان ايودها من ايدها : عفيه . عفيه .. 

علايه تطالعه وهي تضحك : هههههههههههه انزين 

سلطان : فيلم رومنسي بحت ( ويغمز لها )

علايه : ههههههههههه لا لا نبا رعب 

سلطان : طالعووو .. اقولها رومنسي . تقول رعب .. شتان مابين وبين 

علايه تشل تيلفونها :بتصل حق احمدوه .. 

سلطان يحيس ثمه : لا والله 

علايه : هيه هيه 

سلطان يسحب تيلفونها ويغلقه : جب اليوم بس لنا انا وانتي 

علايه تطالعه وهي تحس بالسعاده : اصلا كل يوم لنا انا وانته 

سلطان ابتسم وينزل راسه ويحط ايده بين شعره .. شويه ورد يرفع راسه ويطالع الصقف ويزااعج : ياربيييييييييييييه احبهاااااااااااااااااا ... احبهااااااااااااا 

علايه استحت .. هذا سلطان من عرفته وهو يموت عليها .. وهي بعد تحبه ... ماتنكر انها في يوم حبت سعيد .. بس حب الحلال .. له طعم ثاني ... !! 

سارت علايه تتجهز وقررت تقهر سلطان ليش انه بيظهرها فليل وتكشخت من الخاطر.. وطلعت من الحجره .. سلطان يطالعها من فوق لين تحت : حضرتج وين سايره 

عليا : عرس 

سلطان : هيه حتى انا اقول .. وياهاالويه بيقولون مواعدين ويها الكشخه 

عليا : وربي دلع .. 

سلطان : كشختج بس هني في البيت وجدامي مب جدام الخلق 

عليا : يعني شو اسوي ؟ 

سلطان : يعني بدلي .. 

عليا : هههههه اوكي انا براويك 

سارت علايه ولبست بدي اسود كت وعليه جمجمه بالفضي .. وبنطلون اسود وفوقه بوت لين الركب عليه جمجمه كبيره ع الطرف .. وحطت جحال غليظ وحطت روج احمرررررر .. وفلت شعرها اللي طول .. ولبست كاب مال سلطان عليه جمجمه بعد ... وطلعت له 

من شافها .. اتخبل ... 

سلطان يقولها قصيده : يقولج الشااعر يا عليا بنت خليفه الـ ..... 

ما دِمتْ غالي وقلبي صــــار بيدينــــك 
راضـي حبيبي تدلَّـــع بس بالراحـــــه 
ماقـدر أواجه دلـــــع همساتك وعينـــــك 
يكفي عيــــــونك بلا تغنيج ذبَّاحــــــــــه 
خف الدلع لا تّـثنى شـد من لينــــــــــــك 
في مشيتك يكفي انّـك تقلب الساحــه 
المشكله هالدلــع ذايب بتكوينــــــــــك 
ذايب مثل سكِّـرٍ ذايب بتفَّـاحَــــــــــــه 
زيد الدلع خلّ يقتل كل معادينـــــــــــك 
يَا عَـلْ يفدى وطاتك ليــــل بصباحــــه 
خلاص بادلّـعك لو مِتْ في عينــــــــــك 
راضي حبيبي تدلّـــع .. بس بالراحــــه 


سلطان : يخررررررررب بيتج ياعليوه .. اتدلعي بس بالراحه .. خفي عليه 

علايه تسوي حركة قوم واتس اب : ههههههه على هواك 

سلطان : هههه اوكي انا براويج .. 

سار سلطان ولبس بدي كت لونه اسود بعد وعليه جمجمه وبرمودا اسود .. ورد شعره الطويل شوي ع ورا .. وطلع 

علايه من شافته تخبلت : سلطوووووووووووووون دلع .. دلع ... فديييييت ريلي طالع غاوي 

وسارت له وتطالع الجمجمه اللي ع فانيلته : وااااااااو ياخطيره انتي .. 

سلطان يعطيها ع راسها بالخفيف .. : ههههه اتحسب حبتني انا ...ثرج مغرمه في هاي الجمجمه .. ليتني جمجمه تحبيني كثر ماتحبيهم حشى .. مب حب هذا.. 

علايه : طوف نطلع بنصيع في الممزر 

سلطان : ههههههههههه صدق اني ماخذ ياهل .. 

علايه تطلع لسانها :يالله انزين .. 

سلطان يطالعها وهو مغرم : امم البسي عباتج المسكره واتحجبي عدل والبسي نقاب .. 

علايه تحط ايدها ع خاصرتها : لا والله احلف انته بس ... اتنقب ولابسه مال الجماجم وين ابا .. 

علايه تطالعه : اصبر شووي سلطون 

سارت الحجره وطلعت كيمرتها ... ويلست تضبط العدسه :يالله ايلس ... 

قامت تاخذ لقطات حلوه لسلطان وطالع في الصور روعه ... شويه وسحب هو لكيمرا وقام يصور علايه بلبسها الخطير ... شويه وقامو يحطون الكيمرا ع الطاوله وتصورهم بروحها ... وكانت صورهم رهيبه 

سلطان يطالع : خيبه استوت هنتين يالله هزي طولج بسرعه انقفضي 

علايه : اوكي ... اصبر دقايق 

وسارت علايه تحت تيب عباتها وشيلتها وترتب عمرها وتمسح روجها الحمر وخرابيطها لانه بتظهر ... ااما سلطان فيلس ينزل الصور ع اللاب توب ماله وكل ماتطلع علايه في صوره يتفداها ... قام يحبها بخبال .. 

ركبت علايه الدري وتشوفه مندمج في الاب توب يت ويلست صوبه .. وتوايج في الاب توب ... وسلطان يخوز راسها : حشى ما اشوف 

عليا : ياخي كيفي .. ( تطالع الصور ) اللللللللله اجنن جني عروسه مال اليهال 

سلطان : صخي صخي .. بطرانه .. 

عليا : هههههههههههه انزين نش 

سلطان يسكر الاب توب وعلايه تطالعه : وانتي ليكون بتظهر جي .. 

سلطان يغمز لها : ترانا اليوم بنصيع 

علايه : عيل بفصخ العباه 

سلطان طالعها بنظره .. علايه زاغت :خلاص اسفه بس يالله طوف 

وظهرو سايرين السينما ... ودشو الفيلم وكانت تقريبا السينما فاضيه .. تمو يطالعون الفيلم وطبعا سلطان مخوز اللي يحطون ايدهم عليه وعلايه لزت صوبه وحاط ايده ع جتفها وهي حاطه راسها عليه ويالسين يطالعون ومندمجين .. ورن تيلفون سلطان علايه طالعت انه اخته اللي متصله ... شله ع طول سلطان 

سلطان : الوو .. نوره ؟؟ شو فيج .. مامن شر ... هيه انا وياها في السينما .. اممم اوكي لحظه ثواني .. 

سلطان يصد على علايه : عليا حبيبي بسير شويه وبرد اوكي 

عليا : اييه شو تخليني بروحي 

سلطان : اولله ثواني بسير وبيي .. 

عليا : اوكي بس لاتحيير 

سلطان يبطل ايده من ايدها وينش عنها وعلايه ترقبه بعيونها وهو طالع من السينما ويرمس في التيلفون .. تمت علايه تطالع ساعتها .. كل ماتطوف عشر دقايق قلبها ينغزها شو مستوي ؟؟ طافت ساعه الا ربع وهو مارد والفيلم بيخلص ... 

علايه نشت بتطلع وتلاقت وياه عند مدخل السينما 

سلطان بجفا وعيونه حمر: شو مطلعنج بعد 

علايه طنشت نبرة صوته المتغيره : انته تحيرت عليه .. 

سلطان : طوفي بنروح تعبان ..

ومشى عنها .. وعلايه تركض وراه : سلطان تعبان ..؟؟ شو فيك ... تروم تسوق ولا لا .. اذا ماتروم انا بسوق 

سلطان يفاتن عليها : انتي ايه شو فيج ... اقولج تعبان اشحقه مسوتلي تقرير 

ومشى عنها وتمت علايه واقفه ومنصدمه صوته عالي لدرجة انه استوى صدى .. صدت تطالع حولها كانو شي شباب شويه وكانو يطالعون علايه حست بالفشله كيف انه يزاعج عليها جدام الناس وفي مكان عام .. مشت وراه وهي متغشيه وتمو يمشون للباركنات .. وكان سلطان متجدم .. ركب سلطان الصوب الثاني .. علايه عرفت انه سلطان تعب ... هي ماتسوق عنه الا يوم هو يتعب .. وماتحب تشوفه وهو تعبان اتم تصيح ... كانت دوم يوم تسير المستشفى كل شهر عشان يبدلون له دم اتم اتصيح عليه وهو تعبان يبتسم لها ويمسح دموعها ويحبها ع راسها ويطمنها انه هو بخير .. بس سلطان متغير ها المره .. ركبت علايه السياره وفر سلطان السويج في وييها .. استغربت علايه تصرفه بس قالت يمكن متضايج لانه رد يتعب مره ثانيه .. وحطت السويج وشغلت السياره وع طول حطت الاف ام تبرد الجو .. وتحاول تهدي قلبها ... 

هات العذاب وهات حزنك و اللآلام , و اضحك يا >> سلطان << و اجعل الهم نسيان , 
هات الشقا و الهم و بعون الايام , خذ فرحتي و الشوق يا أغـلـى انـســـان

تم سلطان يطالع الصوب الثاني من الدريشه وكل ماتصد عليه علايه تشوفه ساكت ومويم ... وقررت هي تبدا وتساله 

عليا : سلطان 

سلطان : .......

عليا : سلطان شو فيك شو مستوي 

سلطان يفاتن عليها : سوقي وانتي ساااااااكته مابا اسمع صوتج .. اسكتي خلاص

عليا انصدمت من خذت سلطان ماجد رفع صوته عليها .. حتى يوم ابوها كان يبا يطلقها منها كان موقفه وايد غير ... حتى يوم ردت البيت بالعكس شلها ع راسه وحطها في عينه بالرغم من انه خليفه قسى عليه ... !! لكن حاول يثبت للكل العكس انه هو شارنها .. بس اللحين شو فيه .. معقوله ينتقم ؟

وصلت علايه البيت .. وبعدها حتى مابركنت نزل بسرعه والسياره تمشي وسكر الباب بقوه ودش البيت وهو يرمس في التيلفون .. علايه استغربت وضعه ... وبركنت السياره في الكراج وتمت تطالع الميني كوبر وتحس انها تولهت عليها وصدت ع بيتهم الصغيرون واتنهدت بحسره ودشت داخل البيت .. حتى ماكلف عمره يفتح ليتات الصاله .. شلت السويج وتمت تلعبه في ايدها وهي ترقى الدري .. شافته نازل تحت ... 

علايه : سلطان وين بتسير

سلطان : ماللج خص 

وظهر سلطان وسكر الباب ... علايه ركضت وراه هذا اتخبل .. تعبان وبيظهر .. منو بيشوفه ... ركضت وفتحت باب الصاله وشافته يرمس في التيلفون ويمشي في الحوي .. ردت سكرت الباب وهزت راسها بيأس .. وردت تركب فوق وبدلت ثيابها .. لبست البجامه اللي يحبها سلطان لونها اسود وحرير وعليها عنز صغار .. وفلت شعرها وتعطرت سارت توايج من البلكونه شافته يالس في ها الحر ع الكرسي وحاط راسه بين ايده وهي مستنكره حاله شو فيه وشو ياه مره وحده ..؟؟ قررت تنزل له .. وفعلا نزلت له علايه انتبه لها سلطان بس ماسوى لها سالفه .. 

علايه حست انها بتصيح .. مستحيل يخليها ... مستحيل تتخيل انه سلطان ريلها اللي تحبه وهو يموت فيها في يوم يعاملها بها الطريقه .. ماترردت لحظه انها تسير له .. ويلست ع ركبها مجابلتنه .. ويودت ايده وبعدتها عن ويه وهي تدمع .. 

علايه بصوت مبحوح : شو فيك ؟؟ سلطان لاتعذبني دخيلك قول 

سلطان يطالعها بعيون حمر : تعبان علايه تعبان .. 

علايه ماتحملت ونشت وحضنته .. ويلست تصيح : انا ماتخيل انه في يوم بتخليني ياسلطان او بتعاملني جي انته مالاحظت انه اليوم اول يوم تزاعج فيه عليه .. 

سلطان : اعذريني 

علايه : خبرني شو مستوي ؟ 

سلطان : ماشي انسي .. وانسي سلطان بعد 

علايه تمت يالسه ع الكرسي ومشى عنها سلطان .. وهو داش داخل ماتخيلت انه يسير عنها او تنساه في يوم قالت اكيد تعبان ولانه تعبان يقول جي .. 

نشت علايه وحضنته من ورا ..: لاتخليني سلطان .. ( وتصيح ) لاتخليني عقب ماتعلقت بك ... ( حطت راسها ع ظهره وتمت تصيح .. يود ايدها اللي ميودتنه ورفعها وباسها ... ) 

سلطان عقب مابعدها عنه تم يطالعها .. : اخليج .. !! 

ومشى عنها .. تمت ها المره علايه واقفه مكانها مب فاهمه شو يستوي .. تبا حد يفهمها ... سارت دشت داخل وع طول شلت تيلفونها وع طول اتصلت لنوره بس ماترد عليها حرقت تيلفونها ونوره ماترد .... وعقب اتصلت لعمها احمد تبا حد يواسيها وهي في الصاله اللي تحت سايره وراده وحاطه ايد في خاصرتها والايد الثانيه ميوده التيلفون .. لانوره ولا احمد يشلونه ... رفعت ايدها الثانيه وتطالع الساعه كانت الساعه 4 الا خمس .. يعني الناس رقود .... 

سارت يلست ع الغنفه وتتريا حد يتصل لها منهم وسرحانه وتترياه ياذن وبتسير تصلي ... 

اما سلطان فكان فوق طالع في البلكونه ويفكر .. ويفكر .. لين ما اتخذ قرار .. لا وعزم عليه بعد ..!! .. نزل سلطان ع الدري وشاف انه الصاله ظلام .. سار صوب الابجوره وشغلها شاف علايه طايحه ع الغنفه وراقده ماتردد لحظه انه يسير لها .. سار لها ونزل لمستواها وتم يطالع وييها 

" فديت ها الويه ياربيه ..!! ( وباسها ع راسها ودمع ) انا اخليج ... وين اروم ؟؟ بس والله محتار غناتي .. محتار .. شو اسوي ... عمري كله ماتوقعت انه في يوم بيستوي جي .. ( وحاس ثمه باستهزاء ) وانا شو بخسر ...انا مابخسر شي .. الا روح عشقتها لحد الموت ... " 

طاحت دمعه من عين علايه ... وبيأس من سلطان عشان يخفف على عمره سار وباسها ع خدها .. وحس بطعم مالح عرف انه دموعها ابتعد عنها ومسح دمعتها ونش عنها سار يصلي .. 

علايه من سمعت صوت الباب نشت تمت تدوره وماحصلته .. سارت تتمسح وتدعي ربها انه يعدي ها السالفه على خير .. 

سلطان من طلع مارد لين الساعه 7 الصبح وحصل علايه راقده ... سار وطالعها ولحفها عدل وسكر الباب وسار الحجره الثانيه ورقد ووقت المنبه ع الساعه 9 ... .. وعقب ساعتين ... نش سلطان وظهر برع البيت ... 

ع الساعه 11 نشت علايه دورت سلطان اتصلت له مايرد عليها .. اتصلت لنوره مليون مره ماترد عليها ... 

تمت تحاتي وايد ... ومن استوت الساعه 12 ردت تتصل لسلطان وشله 

سلطان متضيج : الو 

علايه بخوف : هلا سلطان انته وينك ماييت ترقد ؟ 

سلطان : امبلا رقدت طشونه في الحجره الثانيه 

علايه انصدمت : الحجره الثانيه ؟؟ ( وبصوت خفيف ) ليش ؟؟ 

سلطان بجفا : فكيني تبين شي .. 

علايه : هاه لا لأأ .. بتي تتغدى 

سلطان : تغدي بروحج باي 

وسكر في وييها ردت تتصل له مايرد عليها ... ويوم ضاجت من حالها سارت تتلبس وسارت المحل وهي تعبانه واول ماوصلت المحل ماحصلت حمدان وحطت راسها ع الطاوله وتمت طايحه وهي تحس بتعب .. طلعت الابره من شنطتها وضربت عمرها بالم .. 

رد سلطان وماحصلها واستانس انه مالقها .. يعني ماله داعي يودعها .. عرف انها في المحل .. سار وظهر شنطته وحط ثيابه .. وظهر برع وطالع البيت للمره الاخيره ... وشاف صورتها وصورته في برواز ع الطاوله شل الصوره وباسها وردها مكانها ... 

"اسمحيلي ماروم اودعج .. وعمري ماكنت حاط ببالي اني بفارقج .. بس ها النصيب .. " 

ردت علايه البيت العصر لانه تعبت وايد ... والبيت خالي استغربت .. سارت فوق تركض اتحس انه فيه شي مستوي دورت سلطان مالقته بس سيارته هني ..؟؟ 

فتحت الحجره شافت الكبت مفتوح وطالعت داخل ثيابه ماشي ..؟؟ والمعلايق طايحه ع الارض والحجره معفوسه شوي .. حصلت ع التواليت ورقه . 

(( علايه غناتي انا سافرت وماعرف متى برد انتي سيري بيت اهلج ... لانه محد بيتم وياج وماعرف كم بتم هناك بس مطول ها المره ... تحملي ع عمرج ))

اطرافها ماقامت تشلها من قرت الورقه حست بعمرها خفيفه ..؟؟ شو يعني ردي بيت اهلج .. وشو يعني مطول ؟؟ ها الوضع ماينسكت عنه اتصلت لنوره .. بس بعد نوره ماترد عليها .. مالها الا عمها .. شلت تيلفونها واتصلت لعمها .. 

علايه شويه وبتصيح : عمييييه 


احمد : هلا 

علايه : سلطان خلاااني 

احمد استغرب : خلااااج 

علايه : هيه حاط لي ورقه ومكتوب فيها – خبرته شو في الورقه - .. امبيدو والله هو من امس مب مسولي سالفه وكله معصب ومارقد في البيت تخيل .. او يعني ( بصوت خفيف ) مارقد عندي .. 

احمد استغرب : انزين انتي ردي بيت اهلج اللحين كيف بتمين في البيت بروحج 

علايه : انزين وسلطان ؟ 

احمد : اممم برمس عمر 

علايه تمسح دمعتها : اوكي 

بندت علايه عن احمد عمها وسارت تيمع اغراضها بترد بيت اهلها .. واتصل احمد لعمور اللي اصلا مغفي ومايدري شو السالفه .. 

علايه من خلصت تحط اغراضها قفلت البيبان وشلت الشغاله وياها وسارت بيت اهلها ... دشت البيت وهي تعبانه وويها مصفر .. سلمت على امها وميروه اختها اللي كانو يالسين في الصاله 

ام محمد : خير عليا شو فيج 

عليا وهي سرحانه : هاه لاماشي بس سلطان مسافر وييت هني مافييني اتم بروحي 

ام محمد شكت : تعبانه انتي ؟ 

عليا تهدج صوتها : لا ... امبلا .. امبلا .. شويه بس .. 

ام محمد : نشي فديتج ارتاحي .. 

علمتني كيف اعزك ولعيونك أشتاق 
بس...................
نسيت تعلمني الدنيا بغيابك كيف تنطاق ؟

.................................................. .................................................. ......................................

عقب شهرين ... 

مرن شهرين على علايه بدون ماتعرف شي عن سلطان وسلطان كان يعرف اخبارها من احمد .. وكانت بس ام سيف كل اسبوع تمر على علايه في البيت لكن نوره مول مايتها ولاحتى اتصلت لها تيلفون ... 

احمد في المستشفى يرمس سلطان .. 

احمد : اف صخ عني والله ميت من الزيغه مادري شو بيقولون لها 

سلطان : والله يا احمدوه ان طلع فيها شي بضربك ضرب 

احمد معصب : ليش مني انا ولاممنك انته اللي خليتها ببند عنك اللحين 

سلطان : لا حلفت عليك ماتبند خل السماعه وجنك ماترمس حد 

احمد باستسلام : اااه امري لله .. 

طلعت علايه وهي منزله راسها ... وشافت احمد بعيون تلمع بالفرحه والخيبه بعد ... تمت تمشي وهي لابسه احمد اللي يسالها شو قالو لها ... علايه وقفت برع المستشفى عند الباب وتحس انه ها المكان الوحيد اللي بعيد عن عيون الناس وتروم تخبر عمها عن اللي فيها 

احمد : ارمسي عليوه 

عليا عيونها تلمع وتطالع الشمس : انا حامل يا احمد ( وتطالع الشير اللي يتحركن في المدى البعيد ) اتخيل انا حامل ... 

احمد بصدمه : حاااااااااامل 

عليا تهز راسها بالايجاب .. وسكتت شويه وعقب قالت : لكن انا ماكنت ابا احمل ..

احمد يبتسم : ماكنتي تبين!! احمدي ربج غيرج يتمنون .. 

عليا تقاطعه : همم لا لا .. ماقصدت جي ... ليش اعذب عيالي .. ويكونون مرضى ... مب كفايه امهم متعذبه بعيد عن ريلها .. اللي مايندرى به متى يرد .. مب كفايه انها تعاني بروحها ... واللي بيطلع ولا اللي بتطلع .. بتعاني شرات ما ابوهم يعاني .. ؟؟ 

احمد يبتسم ويهديها : انتي عرستي والمفروض انج كنتي تحطين ببالج انتي تييبين عيال ع الاقل واحد .. او اثنينه .. 

عليا اتحط ايدها ع بطنها : لو درى سلطان شو بيسوي ؟؟ بيرد ولا بيتم مخلني هني ماا عرف شي عنه 

احمد صد الصوب الثاني وقرب السماعه من ثمه وبصوت خفيف : حوو اخبرها 

سلطان ساكت ومويم في الطرف الثاني وكانت عيونه مليانه دموع : لا خلها جي .. مع السلامه 

وع طول قطع الاتصال سلطان تم يشوف شقته ويطالع صورها اللي ماليه المكان .. طلع كل الصور اللي في الاب توب واشترى براويز على عدد الصور وترس الحجره من صورها ... ومايخلي حد يدش شقته .. اصلا ماتعرف على حد هناك .. عايش لحاله . عازل عمره عن الناس .. عن الكل .. الكــــل .. حتى عن حبيبته !! 

.................................................. .................................................. ......................................

احمد في السياره يسوق وعلايه تطالع الشارع من الجامه وهي سرحانه وتفكر في سلطان ؟؟ شو يسوي اللحين ... يسال عنها ولا لا .. ايي في باله ولا لا .. ؟؟ اكيد ايي في باله ع الاقل لو دقيقه .. صح سلطون ايي ببالك .. !!

عليا بصوت خفيف : لو يبت ها الياهل بيكون مريض 

احمد : عليا سمعي حسب معلوماتي البسيطه .. اذا كانت الام مريضه بالثلاسيميا تراه العيال مب كلهم اييون فيهم ها المرض .. لكن لو كان الابو هو اللي مريض تراه اتاكدي انه بيكون الياهل حامل للمرض .. وتراه الذكر يحمل المرض اكثر من الانثى .. بس الثلاسيميا نوعين .. نوع بيتا صغرى .. والنوع الثاني بيتا كبرى .. لو كان من النوع الاول اللي هو البيتا الصغرى تراه بيكون وايد هين .. وبس بياخذ ادويه .. ولكن لو بيتا الكبرى .. تراه الياهل بيتعب وانتي احمدي ربج في كل الحالتين انه بيكون عندج ياهل هاي نعمة ربج .. وان شالله يكون خير .. ومافيهم شي .. واذا كان فيهم يكون فيهم االنوع الاول .. 

عليا : ان شالله 

احمد غير دربه ووقف عند مكتب السفريات : عليا فديتج ثواني وبرد لج .. 

نزل احمد من السياره.. واتصل لخليفه ابو عليا 

احمد : خليفه انا وصلت مال السفريات .. هاه احجز ولا لا 

خليفه : هيه شو تشوفها .. 

احمد مايبا يخبرهم انها حامل لانه مابيخليهم يسافرون : هيه محتاجه تغير جوو وانا عندي اجازه اسبوع 

خليفه : على خير ان شالله 

احمد : خلاص بحجز 

خليفه يتنهد : على هواك يا احمد دام انها ضايجه خلها تسير وياك بس هاه حط بالك عليها .. 

احمد : ان شالله 

دش احمد مكتب السفريات وطول شوي لين ماحصل لهم حجز حق باجر ... لكن علايه ماحست بالوقت لانها اتعودت انها تقضي ها الوقت الطويل في التفكير ... ماتوقعت انه غياب سلطان عن عينها بيسوي بها كل ها .. ؟؟ 

ركب احمد السياره وهو مستهم لانه اتاخر عليها .. 

احمد يربط حزام الامان : اتاخرت عليج 

عليا : ماعرف 

احمد صد صوبها : ايه انتي شو ماتعرفين انا من ساعه داخل .. 

عليا : هيه شويه 

احمد : ياللللله ها كله عشان سلطان 

عليا صدت عليه وعيونها حمر .. : عمي ليش يخليني .. انا احبه .. قوله يرد ... مب عشاني .. عشان اللي في بطني .. 

احمد مارام يرد عليها .. سلطان راكب راسه .. مايبا يرد اللحين ع الاقل لين مايهدى يخاف يرتكب في حقه وفي حقها شي يندم عليه بعدين .. يبا يبتعد سنه . سنتين .. ثلاث .. المهم يبتعد ويدري انه عليا ع ذمته ... مايبا يكون في البلاد وهو مطلقنها .. !! 

اذا لك شف في شوفي 
تراني على شوفتك صحيت الاماني 
زرعت الشوق كله في انتضارك 
وخذت الانتضار وجيت عاني 
نسيت الناس ولكن مانسيتك 
عجزت انساك حتى لو ثواني 
مليت الكون واشغلت الجوارح
نظر عيني سمع اذني . لساني 
عطيتك شي ماهو عند غيرك ولاقصرت ولكنك اناني
انا احبك واذا ودك تاكد شف الله كيف ليدينك هداني 
غيابك صعب والاصعب وجودك وانا في الحالتين اتعب واعاني 
حبيبي ولاتواخذني ولكن ابيك اتحط نفسك في مكاني 
اذا جيتك وانا مشتاق تقفي .. تجاهلني وكانك ماتراني 
واذا صديت وقلت ابرحل وقف قلبك على الباب ودعاني 
ولو سويت نفسي ما اشوفك يميل القلب صوبك ويحداني 
انا يابن الحلا اصعب حكايه كتبني الوقت ولكن ماقراني 
مضى عمري وتقدر تعتبرني غريب وفي زمن ماهو زماني 
زماني راح مع نصفي ونصفي نسى نفسه مع الوقت ونساني 
اساس الحزن والصحبه ثلاثه انا والصبر وسهيل اليماني 
واذامريت في بلاد الطفوله فتحت الصدر للحزن وطواني 
هنا دمعة جرت من عين ياهل 
هنا لاقيت همي والتقاني
هنا باعتني الديره واهلها 
هنا ضحيت لسلطان وجفاني ... 
هنا حاولت اصيح وماسمعني سوى بعض الشوارع والمباني 
انا ياسيدي دقه جديمه بغيت اخذ من الوقت و خذاني 
على الانقاض واقف دون حيله
اشوفك وجهتي بين المواني
تعال وطف بايدينك حنيني 
تملكني وانا اشعلك حناني
تعال وضمني ياتاج قلبي .. 
دخيلك لاتخليني عشاني .. 
انا شاعر عيونك ياحبيبي
مع التحريف في بعض المعاني 
ومانيل المطالب بالتمني 
ولكن شوفتك كل الاماني 
محبة صادق النيه قصايد 
ومحبة ساقط النيه اغاني 
قسم بالله لو موتي بيدك 
واموت الفين مره ماكفاني 
اذا باقي من الطلقات طلقه 
دخيلك حطها بين المحاني 

~[~ رصاصة الــرحـــ م ــه ~]ْ~للشاعر * عبدالله * بس ماعرف شو اسم ابوه هع 

احمد بدفاشه : عليوه 

علايه تصد عليه : هلا 

احمد : باجر بنسافر 

علايه فجت عينها : انسافررررر ؟؟ انته تخبلت 

احمد : لا وحياتج عاقل حبتين .. 

علايه ضحكت : هههه صدق صدق بنساافر والله وناسه 

احمد استانس : انتي موافقه 

علايه : حد يقولون له بتسافر ويقول لا .. 

احمد : الحمدللللله 

علايه باستفسار : بس تعال منو بيسافر ؟ 

احمد يرمس بالمصري : لوحدنا ..

عليا : ااه كويس اووي 

احمد : بوكاهانتس . بوصي .. 

عليا تستهبل وياه : فييين 

احمد : طرزان بيطير .. 

عليا : ههههههههههههه وياويهك 

احمد : دووم ان شالله الضحكه 

عليا ابتسمت : وياك .. ( وبصوت عالي ) انزيييين وين بنسير

احمد : مفاجعه .. 

عليا : هههههه اوكي مب لازم اعرف المهم اني اسافر واغير جو والله ماتعرف كيف ياامبيدو محتايه اني اغير جوو بالقوو 

احمد : فديتج والله 

عليا : انزين قوم ابويه مايدرون اني حامل ؟ 

احمد : لا ومابنخبرهم نحن بنسير اسبوع بالكثير وبنرد 

عليا : اوكي مب مشكله 

احمد : سيري زهبي شنطتج من اللحين 

عليا : ان شالله 

احمد يدخل السياره في الحوي : يالله اترياج باجر 

عليا : ان شالله .. 

نزلت عليا وها المره اتدش البيت وهي فيها روحين ... لا تقصد 3 ارواح .. روحها وروح ولدها الصغيرون . وروح حبيبها سلطون .. !! 

دشت وهي مرتاحه رغم بعد سلطان عنها ولكنها دوم تقول " عسى خير ..! " دشت الصاله وماحصلت حد كالعاده بيتهم دوم متفرقين كل حد مشغول في عمره ... 

دشت حجرتها وهي تحس بتعب ظهرت الشنطه وقامت تحط ثياب تقريبا لاسبوع ... شويه ويرن تيلفونها وكانت روضه متصله .. 

روضه : الوو 

عليا : هلا ولله 

روضه : اهليين وسهلييين 

عليا : وينج انتي مختفيه 

روضه : اتعرفين الدراسه وجي ... !!انتي شحالج شو مسويه من عقب العرس 

عليا تتنهد : اااااه بخير

روضه : فيه شي 

عليا ترد قصتها ع ورا وتساند ع طرف الشبريه : لا لا بس باجر مسافره ويا عمي 

روضه : ليش ريلج وين ؟ 

عليا : مسافر .. 

روضه : اها 

عليا : عيل وين غايه عنج ؟ 

روضه : ليش انتي ماتعرفين 

عليا : شو اعرف ؟ 

روضه بحزن : حمد .. 

عليا زاغت :شو فيه 

روضه : لا لا مافيه شي .. بس حمد طلق غايه .. 

عليا انصدمت صدق :لييييييييييش !! 

روضه : محد يعرف الا انا .. 

عليا حبت تتاكد : ليكون عشان اللي بالي بالج 

روضه : تقصدين فيصل . 

عليا بألم : هيه ( وبهمس ) فيصل .. 

روضه دمعت : هيه 

عليا : .................... 

روضه : وفيه شي بعد ؟ 

عليا بحزن : شو 

روضه : فيصل خطبني .. 

عليا : وافقتي .. 

روضه : شو مينونه انا . صح انه فيصل ريال ومايعيبه شي . لكن انا مب نذله اخذ واحد كانت تحبه بنت عمي واتم هي تشوفه ويايه .. شو بيكون موقفي .. وموقفها .. مب حلو جي .. 

عليا : الله يجدم اللي فيه الخير فديتج .. بس ( وترددت ) شو حال حمد ؟ 

روضه : تعبان ياعلايه تعبان .. تعبان وايد ( وتصيح ) ماتتخلين عليوه .. كيف تام اول مره اشوفه جي .. 

عليا : وينه ؟ 

روضه : مسافر يكمل دراسه .. يتغرب مره ثانيه .. قبل اتغرب عشان هاذيج خانته .. واللحين اتغرب عشان حرمته خانته .. وانتي في قلبه ياعلايه .. انتي وبس .. 

عليا سكتت : .................. 

روضه : صح انج معرسه بس وربي الشاهد ع رمستي ياعليوه امايه اتعرف انه حمد يحبج من قبل لاياخذ غايه ... ولو انتي مب معرسه اللحين جان حمد خاطبنج ... لانه يموت فيج 

عليا : الله كريم ياروضه ها النصيب .. وحمدان شحاله من عقب العرس سرت كم مره المحل وماريته 

روضه : ههه حمدان .. الخطيب النيو 

عليا فجت عينها بوناسه :لاتقولييييييييييييين 

روضه : ههههه هيه على هواج 

عليا استانست صدق :فدييييييييييييتج والله تستاهلون حمدان شيخ الرياييل كلهم .. وشهادتي فيه مجروحه ها الريال ينحط ع الجرح يبرى والله 

روضه : احم احم بس بس مدحتيه لين ماقال بس 

عليا : ههههه يستاهل .. 

روضه : اوكي الغاليه بخليج لانه امايه تتصل ع الخط الثاني 

عليا : خلاص فديتج سلمي عليها .. 

روضه :يوصل وانتي بعد سلمي .. 

سكرت عليا عن روضه وهي تحس باحساس غريب وين كانت هي ها الفتره كلها ؟؟ شو استوى ... لها الدرجه كانت عازله عمرها .. عشان منو .. عشان سلطان .. اللي باعها وخلاها ... صدت تطالع تيلفونها وبحركة يائسه اتصلت ع رقمه وعطاها .. " ان الهاتف الذي طلبته مغلق .. او خارج نطاق الخدمه حاليا يرجى الاتصال فيما بعد " .. 

فرت تيلفونها ع الشبريه وسرحت في ها الدنيا وكيف تتغير في ظرف شهرين بس ..!! 

----------------------------
البارت الـ 18 - 

اليوم الثاني – المطار .. – 
يرجى من الساده المتوجهين الى مطار لندن هيثرو التوجه الى البوابه 123 ... 

احمد : يالله عليوه النداء الاخير

علايه تشرب عصير : حشىى تونا واصلين 

احمد : زطي في الطياره يالله اركبي .. 

علايه : هههههههه انزين 

وسار يركبون الطياره وها المره علايه مستانسه صدق ماتعرف ليش ..!! بس جي احساس .. ركبو الطياره ويلسو علايه واحمد حذال بعض وعلايه طبعا صوب الدريشه واحمد صوب الممر .. احمد يربط حزام الامان وهو في باله اشياء واشياء عشان ها السيره ؟؟ 

.................................................. .................................................. ......................................

سلطان كان يالس في شقته وناوي يطلع برع لبس الجاكيت الطويل وعيونه على صورتها وهي تبتسم وجنها يالسه تشوفه ... 

" اتولهت عليج غناتي ... ليش سويتي جي .. خبريني ليش ؟؟ .. " 

وبحركه سريعه رد شعره ع ورا ..وصد ع المنظره اللي في الممر ويطالع شكله وايد اتغير .. شعره طول اكثر عن قبل ولحيته غلظت .. حط ايده ع لحيته وهو يتذكرها 

علايه : سلطون اوقف .. 

سلطان : ههههه عليوه ادري شو بتسوين 

علايه تضحك : ههههه انزين يوم تدري عيل خلاص 

سلطان : هاه يالله 

علايه : تعال بسلم عليك 

سلطان تم يضحك عليها واتجدمت له علايه وسلمت عليه وحطت خدها ع خده وتمت تحرك خدها ولحيته تنغزها وهي تضحك 

سلطان : ههههه عليوه بس عااد 

عليا : هههههه كشخه 

سلطان : ادري يالطفسه 

عليا خازت عنه وفجت عينها :انا طفسه !!

سلطان بخبث : هييه انتي عيل هاي حركات بنت معرسه .. اهم شي الاخلاق يعني .. 

عليا تطالعه بنظره : هيه صح اهم شي الاخلاق 

ابتسم سلطان ونزل راسه وسار فتح الباب بيتحوط برع لانه ضاج من الشقه وهو مايعرف كم بيتم هني .. 

طلع سلطان وتام يفرك ايده ويطالع الناس وهم يمشون الجو كان رمادي من كثر الغيوم السود ويا لون الشير الاخضرر سبحان الله كيف طبيعتهم تريح البال .. التفت للكوفي اللي مجابلنه واشر له واحد متعرف عليه هو ورباعته وكلهم اصغر عنه بس يقزر الوقت وياهم .. رد سلطان لفافة الرقبه ع ورا وابتسم بألم .. وسار يكتم ع الجرح ويسايرهم ويسولف .. ولاجنه شي مستوي 
.................................................. .................................................. ......................................

غايه يالسه في الصاله وتطالع التلفزيون من يوم اتطلقت ومحد يروم يقول لها شي .. امها متغمضه عليها وابوها نفس الشي .. لكن حمدان من عرف انها اتطلقت ع طول سار وخطب مايبا يعور راسه ويا اخته اكثر من جي .. صح انه حمد ماطرى لهم انها خانته !! او انه كان لها علاقه ويا واحد .. وكتم هاا لشي وخلاه بينه وبينها .. 

بالعكس بين لهم انه هو اللي مايستاهلها .. وهو يبا يطلقها لانه ما ارتاح وياها وخاصه امه حست انه يبا علايه لين اللحين .. لكن ماخفي هو اعظم .. 

السالفه الصدقيه محد كان يعرفها الا روضه .. وعلايه ... وطبعا روضه عرفتها من غايه .. 

غايه ماكانت حاسه بالندم بالعكس كانت تحس بانه قيد وانفج عنها .. لكن كرهها وحقدها عمنها خلنها تبا اتشوف الناس كلهم شراتها .. حزن وكآبه وهم .. استوت تكره الكل .. ماتقارب حد ... هي تدري انه عقب كل اللي استوى فيصل مستحيل يرد لها ... 

تمت تجلب التلفزيون بقهر وردت حرتها في الريموت وهو ماله ذنب وتفكر 

" كانت حياتي حلوه وايد حلوه ويا فيصل .. بس حمد الحقير خرب كل شي .. ومن غير علايه الحيوانه .. ماكنت اتوقع انه حياتي كلها بتتغير جي .. مول ماتوقعت . " 

.................................................. .................................................. .....................................

وصلت علايه ويا عمها المطار ... وخلصو الاجراءات وسارو صوب الفندق وع طول وطوو راسهم ورقدو عنثر التعب لانه مارامو يرقدون في الطياره .. احمد نش عقب نص ساعه واتلبس وشاف علايه وهي راقده بهدوء وتم يطالع وييها وهي راقده وشو بيسوي عشانها عشان ماتحس بالحزن ... 

سار فتح الصاله وحصل ع حذال التلفزيون نوته مال الفندق وقلم رصاص سار وكتب لها 
انه بيظهر بيقضي حايه وبيرد ومابيتحير ..

طلع احمد وهو ميت من البرد كان برد فضيع وطلع تيلفونه من مخباه وتم يدق ع تيلفون سلطان بس مايشله .. 

احمد يطالع التيلفون : اااخ يالهيس رد .. 

شويه ويرد سلطان : ألوو 

احمد : هااه تفيجت 

سلطان بتعب : شو فيك احمد 

احمد : قم هز طولك واطلع ابا اشوفك 

سلطان : احمدوه لاتتمصخر 

احمد : ياغبي انا في لندن 

سلطان بصدمه : اوووووووونه 

احمد يقلده : اووونه هيه اوونه 

سلطان : اوكي بييك بس انته وين ؟؟ 


وتلاقوو ع المكان وفي ظرف ربع ساعه وصل سلطان .. وسلم ع احمد بحراره .. لازم فيه ريحة علايه ..
يلسو في كوفي .. 

سلطان يطالع احمد وهو ساكت واحمد بعد .. احمد نزل عينه وتم يلعب بالمفتاح اللي في ايده 

احمد : انا هني ييت وياها 

سلطان فتح عينه وثمه : جذااااااااااااااااب 

احمد : اصغر عيالك جذااب 

سلطان : وينها ؟ 

احمد : خليتها راقده تونا واصلين من ساعه تقريبا 

سلطان ويم ونزل راسه : اها 

احمد بجديه : اسمع انا يبتها هني لسبيين الاول اباها ترتاح نفسيا والثاني انته تتخذ قرارك تباها ولا لا .. اصلا كلنا نقول هذا شو ياه ؟؟ للعلم ابوها يتحسب انك ساير بتقضي شلغه وبترد ويتحسب انك ترمسها .. يعني علايه مفهمتنهم انها ترمسك في التيلفون .. وهي اصلا في الاساس ماتعرف شي عنك .. بس لانها لين اللحين تباك . ياخي انا اللي هو انا عمها وربيعك ماعرف ليش انته سويت كل ها !! .. وانا لانه انقهرت اكثر منها .. اشوف بنت اخويه كل يوم تذبل وساكته ومويمه وبعد مقهوره لكن مابيدها شي .. حبيت اني ارمس بدالها ... يبتها هني عشان تشوفها .. ولو ماتباها .. طلقها وخلنا نرد البلاد وتنسى وهي تنسى ويا الايام وانتو مب اول ناس تتطلقون ... اتصدق ( ويرفع عينه في عين سلطان بتحدي ) اهون لي اشوف بنت اخويه مطلقه ولا هذا حالها ... 

سلطان كل كلمه قالها احمد تطعنه وتجرحه كيف يخليها .. محد بيفهمه .. منو بيتحمل اللي فيه .. محد .. كلهم يلومونه .. ومافكروو في كل الضغط النفسي .. اللي يعانيه والسبب هي .. 

سلطان بتردد : يعني نطلق .. 

احمد انصدم ماكان متوقع انه سلطان يطلق بسرعه جي وبدون مقاومه شرات هاك اليوم يوم ردو من المطار لكن مستحيل احمد يصبر اكثر من جي .. 

احمد باصرار : هيه طلق ياسلطان .. 

سلطان يبتسم بألم : ان شالله لكم اللي تبونه 

احمد ابتسم بحزن ويقول في خاطره " ماتستاهلين يا بنت اخويه .." 

سلطان ينش عن الكرسي وهو يحس انه دموعه بتخونه جدام احمد : اسمحلي .. بترخص عنك 

وعطاه ظهره ومشى عنه ....احمد دفع الحساب بسرعه ونش وراه ويدوره بين الناس ويمشي بسرعه يبا يلحق عليه .. سلطان كان متساند ع يدار بنايه وجاسف ريل ومنزل الكاب ع ويه ومربع ايده .. وشاف احمد وهو خاطف جدامه وهو متاكد انه يدوره .. ! بس ماسواله سالفه وطنشه وتم على وضعه هذا ويهدي من رجفة قلبه قبل فراقها .. 

سلطان كان تعبان من الخاطر .. خلاص يبونه يطلق .. بيلطق .. التفكير ذبحه .. بيموت من الوسواس .. 

احمد يوم يأس من كثر مايدور قرر يرد لعلايه الشقه .. وهو خلاص يأس .. كان ناوي يصلح من بينهم بس ماشي فايده .. سلطان عزم .. ولازم يفتح ويا عليا الموضوع ويفهمها وهي بييها نصيبها ان شالله 

سلطان تم يمشي بانكسار .. وهو يسال عمره ... " يعني هذا هو الفراق ... !! ..خلاص ببعد مادام انه عندي اراده .. صفيت لها وكنت احسب انها صافلتي .. عليوه تبغين الحقيقه .. كرهت الحب وجهاده " 

علايه كانت واعيه من الاساس وتشرب كوفي وتطالع الناس من الدريشه وتحس بويع في بطنها بس مطنشه .. الجو روعه احلى منه ماشي ... يالسه تطالع من الدريشه وهي تدندن 

علايه : وش جرى لك صرت ماتسال .. يالغلا عني وعن احوالي .. شفت حال الورد من يذبل .. هذا حالي يابعد حالي ..!! 

دش احمد وهو متضايج .. خلاص سلطان بيطلقها وبيردون البلاد وهي مطلقه ... بس علايه من شافت عمها دش نشت ع طوول .. وهي شاقه الحلج 

حان تغني له : في غيابك كل شي يزعل .. تنتهي بالكون امالي .. !!

احمد ابتسم لها " حليلج ماتعرفين ياعليوه .." 

احمد : هاه متى نشتي 

علايه : ماطولت لانه احس ببطني يعورني .. 

احمد باهتمام : وايد ولا شويه 

علايه : لا عادي ويع خفيف .. 

احمد :اها 

علايه : انته وين سرت ؟ 

احمد : الا هني 

علايه بدلع : امبيدوو .. قم نطلع نحووط .. 

احمد بحزم : لا 

علايه : ياسلام ييايين نيلس داخل 

احمد بجفا : هيه 

وخطف جدامها وهو متضايج وفصخ جاكيته وفره ع الغنفه ودش الحجره وسكر الباب وراه ... علايه استغربت وويمت يعني شو مثلاا اتم في الشقه وتطالع التلفزيون .. وردت تطالع من الدريشه وفتحتها شويه ودش هوا بارد طير خصلات شعرها وهي تبتسم .. سمعت صوت فتحت باب وصدت عا لباب وشافت عمها احمد يطالعها وهي توايج وابتسم لها مايبا يزعلها ... هو يايبنها هني عشان تستانس مب عشان تكدر بعمرها وخاصه انه اللي بييها مب شويه 

احمد يبتسم لها : نشي عليوي بنطلع 

علايه ماصدقت ع طول سارت دشت الحجره وطلعت من شنطتها الثياب ولبست عباتهاا المسكره وسكارف تركوازي ولبست جاكيت طويل لونه بيج وحطت ميكب خفيف وطلعت صغيرونه .. 

احمد يطالعها : هههههه شكلج جنج بعدج في الثنويه مب جنج ام 

علايه : هههه خلنا نعيش حياتنا 

احمد يقلدها : الحياه حلووه 

علايه تتذكر : بس اهم شي الاخلاق يعني ! 

احمد مستغرب : الاخلاق ... شو يخصه ! 

علايه صدت وهي تبتسم : ههههه ماشي يالله نظهر عن تغير رايك .. 

طلعو علايه واحمد وتموو يمشوون واااايد .. وااااايد .. المهم انه احمد يبعد علايه عن منطقتهم ويسير بها مكان بعيد شويه عن تلتقي ويا سلطان ويصير اللي مب في الحسبان ... 

علايه بتعب : اااااه احمد بس والله هلكت ارحمني 

احمد يغمز لها : بعيشج احلى ايام حتى احلى من شهر العسل 

علايه وقفت من طرى شهر العسل وويمت .. احمد صد عليها .

احمد يضحك : خخخخخ ليش وقفتي 

علايه : ماله داعي تذكرني 

احمد يسحبها من ايدها : انته جي ولا جي تذكرين .. وبعدين غصبا عنج بتنسين فاهمه 

علايه : لو بسوي عمري ناسيه ( تيود بطنها ) وهذا بعد بنساه 

احمد : لا مابتنسينه بس ع الاقل ها الايام 

علايه تبتسم : ان شالله .. 

تمو يمشون مسافه طويله وهم يسولفون ومايحسون بالوقت .. ماخلو شي ماتناقشو فيه .. الخليج برع في الغرب ؟ اللي يدرسون برع ...؟؟ منو الزين .. ومنو الشين ...؟؟ شو سوالف البنات هني .. وسوالف الشباب .. ؟؟ وطبعا ماخلو سالفه في البلاد ماطروها .. لين ما اظلمت الدنيا .. 

علايه تطالع السما : حشى يا امبيدوو تعبت مايسوى علينا 

احمد يصد بعد فوق ويطالع السما : هههههه انزين بنسير نتعشى في مطعم ع السريع وبنرد البيت لانه تحيرنا 

علايه بابتسامه : اوكي يالله 

مشى بها احمد ودشو المطعم كان مطعم هادي وفيه اضاءه خفيفه وايد وتقريبا اغلب الموجودين اجانب .. وواحد خليجي ويا حرمته وشكلهم في شهر العسل .. 

سحب احمد الكرسي لعليا ويلست وهي تضحك اللي يشوفهم بيقول ريال وحرمته مب بنت وعمها .. وطلبو لهم اللي يبونه ويابلوهم الطلبيه وتمو يزطون شويه ورن تيلفون احمد وكان سلطان اللي متصل .. ع طول احمد شل التيلفون عن علايه تلمح الاسم .. 

احمد : الوه 

سلطان بضيج : هلا احمد 

احمد بجفا : اهلين 

سلطان : انته وين 

احمد : اتعشى ويا الاهل ( قال جي عشان علايه ماتحس انه سلطان )

سلطان : هيه وياك 

احمد : هيه 

سلطان بحزن : اها 

وتمو ساكتين فتره .. 

احمد : تامرني بشي 

سلطان : واللي طلبته اليوم 

احمد : شي راجع لك 

سلطان : اوكي .. 

احمد بجفا : اوكي 

سلطان : بخليك اللحين واخلاف بتصل لك 

احمد بسرعه : حياك الله 

وع طول بند عنه وهو منقهر صدق من سلطان .. مب طايع يقول شو فيه .. وشو مستوي ... !! ع الاقل لو قاله هوو يمكن يحل المشكله وياه بس هو ساكت ..ومب طايع ينطق بشي .. رفع راسه صوب علايه وهي تاكل ومندمجه رفعت علايه راسها وشافت عمها يشوفها .. 

عليا : اووهوو ( وتحط الشوكه في حلجها وتاكل الباستا ) ماحب يوم اكل حد يشوفني 

احمد سكت ورد يكمل اكله 

خلصو العشا وردو البيت وماطوولو شويه وردو يرقدوون عن المشي اللي مشوه اليوم .. 

سلطان جفاه النوم مب رايم يرقد .. خلاص عزم ع الطلاق ... مب رايم يتحمل .. صح انه قلبه يعوره عليها .. بس هو بعد شو ذنبه ها كله يستوي .. 

" ااااااه ياعليوه .. بخليج تشوفين حياتج بعيد عني .. انتي حلوه وبعدج صغيره ومليون واحد يباج .. بس .. ولدي ... وولدج .. او بنتي ... وبنتج .. شو مصيرهم .. شوو ! " 

ع الساعه 1 فليل نشت علايه وهي حاطه ايدها ع بطنها وتمسح بطنها وتقرى على عمرها الويع كل ماياه ويزيد ويزيد .. تمت تتجلب ع الشبريه وتذكر ربها الويع فضيع تحس بالموت .. لين ماقامت اتدمع ..بس زاد الويع فجأه .. وتمت تصيح بصوت عالي شوي احمد نش وهو زايغ .. وعفد من شبريته صوبها ويلس حذالها وخلاها طايحه في حضنه وتم يقرى عليها 

احمد ييقرى عليها : اييه بلاج ؟ 

علايه تتقرب من اذنه وبهمس : بمووت ( وتيود بطنها ) 

احمد : شوو يعورج 

علايه تصيح : ااااخ بمووت والله بمووت 

احمد من شاف حالتها جي ماينسكت عنها ع طول امره ماسوى 1 ..2 .. سار ياب لها عباتها وشيلتها وتلبس ع السريع ووداها المستشفى بالسياره ... ع طول دخلوها بسرعه لانه حالتها ماتتحمل التاجيل ..... ومن عقب 7 ساعات متواصله .. واحمد يالس على اعصابه شخط الممر ساير ياي من كثر ماكان متوتر وعلى اعصابه .. واتصل له سلطان بس من اتصل ع طول غلق تيلفونه وتم يسير ويرد جدام الحجره بيأس .. وكل ماتطوف ربع ساعه يطالع الساعه وهو يدعي ربه انها تقوم بالسلامه .. ع الساعه 8 الصبح طلع الدكتور وخبره الدكتور انها عقت ... وخطف عنه الدكتور .. لكنه لحقه وسار له يساله شو مستوي ... ؟ 

طلع احمد من حجرة الدكتور وهو منزل راسه وصدق متضايج فتح الباب وطل بوييه وطالعها وهي طايحه وراقده دش عليها .. واتقرب من وييها وهي تعبانه موول ووييها مصفر وراقده ... تم يطالعها وهو يتذكر رمسة الدكتور انه علايه عقت وسو لها غسيل معده و من الاساس الجنين كان متوفي .. وهو توه ولد شهرين .. سحب احمد كرسي وحط راسه ع الشبريه ورقد من التعب ... 

سلطان حرق تيلفون احمد بس احمد مايرد .. خلاص معزم ع الطلاق .. ويبا يقوله انه من يردون البلاد بيطرش لهم ورقة الطلاق ... 

ع الساعه 1 الظهر في لندن علايه فتحت عينها وهي تحس بويع خفيف وتعب ... وتمت ترمش بعيونها وتحرك عيونها شويه وانتبهت لعمها اللي حاط راسه صوب ايدها وراقد من التعب .. ابتسمت له .. وبحركه بطيئه حطت ايدها ع بطنها ومسحت مره وحده وغمضت عينها ... عرفت شو استوى !! 

" راحت روح ولدنا ياسلطان .. وراحت روحي ويا روحك ياروحي .. يامتى روحي اتهنى بك ؟ " 

احمد من حس بحركه نش وشافها وع طول مسح ويه مره وحده وبصوت ثجيل شوي : ها فديتج الحمدلله ع السلامه 

علايه بصوت خفيف : الله يسلمك 

احمد يتقرب صوبها ويمسح ع راسها : فديتج عليوه لاتزعلين اصلا كان بعده ولد شهرين 

علايه بابتسامه هاديه : الله كريم .. 

احمد باسها ع راسها : جي اباج قويه 

علايه يودته من ايده ودمعت : بس هووو وينه ؟ 

احمد بجفا : مادريبه ولاتفكرين فيه انسيه 

عليا : انته اتعرف هو وين بس ماتبا تخبرني صح ... 

احمد تقرب منها ويبا يفهمها : اسمعي علايه ... اقرب حل توصلنا له الطلاق .. 

عليا فجت عينها وجرحها انفج مره ثانيه : اتطلق ؟؟ ليش ؟؟ ( وبصوت اقرب للهمس ) انا ماسويت له شي والله ياعمي .. والله ماسويت شي .. 

احمد : لاتحلفين انا مصدقنج .. علايه مب طايع يخبرني شو السالفه شو مستوي ؟؟ وراكب راسه .. خلاص خل يطلقج وانتي بتشوفين حياتج انتي اللي يبونج مليون ..

عليا رفعت عيونها للصقف وتمت تفكر بهدوء وتطالع الاجهزه اللي مركبه وهي تبتسم على سخريه القدر ... 

" لعنت حبك ياسعيد .. او لعنت حبك ياحمد حلت عليه ... !! ... " 

احمد طلع عنها يوم شافها سكتت وفتح تيلفونه وهو ساير الحمام .. وشاف 77 مس كول من سلطان و 4 مسجات .. منه بعد ..رد اتصل له وهو صدق متنرفز وخاصه انه ناش من الرقاد 

احمد متساند ع اليدار : الوو 

سلطان : الوو ياريال انته وينك شو مستوي ؟ 

احمد يضحك باستهزاء : هههه شو مستوي .. صباح الخير جان ييت تشوف حرمتك ... تراها في المستشفى 

سلطان تم قلبه يدق بسرعه : المستشفى ؟؟ شو مستوي ؟ 

احمد يتنهد : اااااه عقت 

سلطان صخت به الدنيا .... وتم احمد ساكت بعد ... شويه وماسمع احمد الا صوت القطار "لوول " طوط طووط 

سلطان طالع التيلفون ..مافيه ارسال .. عشان جي قطع .. بس هو غلقه ماله نفس يرمس حد .. وبحركه سريعه وبضيج وبحسره .. لازم يكون وياها وخاصه ها الفتره .. 

" ااااااه لازم اسير لها واشوفها .. بس انا بطلقها .. كيف اطلقها واسير لها جي بتعلق فيها ... ( وتم يطالع الشقه ويطالع صورها اللي ماليه المكان ") اصلا حتى وانا بعيد عنها احس بها ويايه ... " 

سار صوب الباب وتناول الجاكيت اللي معلق ع الطرف ولفافة مال الرقبه وظهر برع تم يمشي ... ويمشي .. وحس بالتعب ... صدق صدق كان تعبان رفع راسه وشاف بناية ربيعه متعرف عليه من فتره قريبه وقال بيسير له سار سلطان بتعب ووقف جدام البنايه وهو يطالع ارتفاعها دخل داخل ويطالع بنت اجنبيه صغيرونه وحلوه يالسه تطالعه بعيونها تقرب منها سلطان ونزل لمستواها وباسها ع راسها .. كم يتمنى انه يشوف عياله ... من قاله احمد انه علايه حامل وهو كان مستانس انه بيشوف عياله من علايه ..؟؟ بس شو ذنب عيالهم ع قولت عليا ... انه يعيشون وهم مب صاحين ... 

سلطان " وانا شو ذنبي .. ؟"

تنهد سلطان بحسره وهو يطالع الدري الطويل شوي وركب ع الدري وهو يركض عليه يحاول ينسى .. يحاول يريح باله بس ماشي فايده .. من وصل الطابق الثالث تم يتنفس بسرعه من كثر الركض .. اول مره ايي عند ربيعه الشقه .. وهو متلوم .. بس حس انه مرتاح له تم واقف في النص وهو يقرا ارقام الشقق .. 

سلطان بصوت مسموع : 31 ..33 ..35 .. ايووه 35 .. 

شويه وينتفح باب الشقه اللي حذاله وتطلع بنت لابسه شيله وعيونها خضر وميكب بالقوو ومن شافت سلطان ابتسمت 

البنت : لو سمحت ..؟؟ 

سلطان صد عليها : هلا 

البنت : بتدش هني ؟ 

سلطان ماله نفس : هيه ..ليش ؟

البنت : اها لا ماشي .. 

وتساندت ع الباب وتمت تطالع .وسلطان يضحك في خاطره ويقول " بلاها هاي الهبلا ؟ " ودق جرس ع شقة ربيعه .. 

فتح ربيعه الباب : هلااااا سلطوون 

وتخاشم وياه .. 

سلطان : ههه انزين مابدخلني يعني 

####: ههههه امبلا افا عليك 

جان يصد ربيع سلطان على البنت : انتي هني .. شو تبين ..!! 

البنت ابتسمت : انته اكثر واحد اتعرف انا شو ابا ؟ 

ودشت وسكرت الباب .. 

سار يلس سلطان داخل الشقه الصغيرونه اللي كانت شويه معفسه ويضحك عليه .. تقريبا نصها اوراق 

سلطان يرفع الاوراق عن الغنفه ويحطهن ع الطاوله اللي جدامه : ياعيني ع الطالب المجتهد 

ربيعه يالس يرتب نص الاغراض اللي مخربه المكان : ههههههه على هوااك .. انزين شو تشرب .. 

سلطان : اول شي خبرني عن هاي البنت شو سالفتها .. 

ربيعه : اخلاف بس اول قول لي شو تشرب 

سلطان يتذكر علايه انها تموت ع النسكافيه :: امم نسكافيه واترسه شكر 

سار يمشي ربيعه صوب المطبخ الصغيروني : من عنوني 

سار عنه ربيعه وتم سلطان يتامل الشقه الصغيره ستايلها حلو بس هو الله يهداه مايرتب فرك ايده من البرد وشاف الاوراق اللي جدامه انتبه انه الخط بالعربي مب بالانجليزي يعني مالهن خص في الدراسه .. سحب الاوراق وشاف مكتوووب " وصية ميت مب مرحوم البارت الثاني " 

سلطان قرب الاوراق من عينه وقرى العنوان تقريبا 3 مرات بصوت خفيف .. 

" ميت ومب مرحووم .. عوذ بالله .. شو ها الوصيه ..؟؟ ومنو ها الميت .. لاحول ولاقوة الا بالله .. شو ها الرمسه .. " 

فتح الورقه الثانيه والفضول ياكله يبا يعرف شو سالفة وصية ميت مب مرحوم .. 

----------------------------
البارت الـ 19 .. والاخيــــر - 

سار عنه ربيعه وتم سلطان يتامل الشقه الصغيره ستايلها حلو بس هو الله يهداه مايرتب فرك ايده من البرد وشاف الاوراق اللي جدامه انتبه انه الخط بالعربي مب بالانجليزي يعني مالهن خص في الدراسه .. سحب الاوراق وشاف مكتوووب " وصية ميت مب مرحوم البارت الثاني " 

سلطان قرب الاوراق من عينه وقرى العنوان تقريبا 3 مرات بصوت خفيف .. 

" ميت ومب مرحووم .. عوذ بالله .. شو ها الوصيه ..؟؟ ومنو ها الميت .. لاحول ولاقوة الا بالله .. شو ها الرمسه .. " 

فتح الورقه الثانيه والفضول ياكله يبا يعرف شو سالفة وصية ميت مب مرحوم .. 

(( ليلة طلاق .. " من قرا طلاق تم متبنج ورفع راسه صوب ربيعه هذا كان معرس مايبين عليه . انزين يمكن مب هوو " 

تغربت قبل سنين لانه حبيبتي خانتني .. ورديت اعشق عليا خليفه الــــ ... سافرت وياها .. وللاسف كانت نفسيتي زفت ... متقلبه المزاج .. طبعا من عقب رمسة المطوع .. انه نوع من انواع المس .. هههههههه خيبه انا ممسوس .. الصراحه كان فيني خبال مب طبيعي .. ما اروم اتحطم في اعصابي .. وخاصه وياها .. ولا حتى مشاعري .. ماروم اتحكم فيهن من اشوفها .. ع العموم .. ارد لسالفة ليلة طلاق ... يوم انه الله ماكتب لي نصيب وياها .. تراني عرست عشان انساها لانها حسب رمستي القبليه صايعه .. خايسه .. 

لااااااا وييين ..؟؟ مستحيل الغاليه تكون جي ... اففف شو اخربط .. هي معرسه اللحين وع ذمة ريال ثاني .. الله يهنيها ... وربي انها طاهره .. ادري ياحمد لو كتبت اللي كتبته ماتمحي خطاايا ماضي .. بس عسى حبر الاقلام يمحي خطايا الايام .. وتعيش الغاليه في سعاده .. ))

وصل سلطان لها النقطه وهو مصدووم .. من الخاطر ..شو السالفه .. ها اسم عليا هني .. رفع راسه ويطالع حمد اللي شال الصينيه ويطالعه بنظرات انه مالك خص في خصوصياتي .. 

حمد وطى الصينيه وسحب الاوراق من ايد سلطان بسهوله .. سلطان ع طول نزل راسه الدم قام يفور في دمه .. ها الاوراق اللي بين ايد حمد تكشف ماضيها صح ... وبيعرف الصح من الغلط 

حمد باستفزاز: مب حلوه الحركه .. هاي خصوصيات يا سلطان ( وتم يحرك الخاشوقه في الكوفي ..)

سلطان بهدوء : حمد حياتي بين ايدك عطني .. 

حمد رفع راسه مستغرب : شو حياتك بين ايدي .. اقولك خصوصيات اسمحلي سلطان .. 

سلطان بترجي : دخيلك ياحمد .. خلني اكمل ... حياتي هني .. والله هني .. انته حمد عيل ... !! 

حمد مستغرب : هيه انا حمد .. شو السالفه ؟؟ 

سلطان يتقرب من حمد وييلس ع نفس الغنفه اللي عليها حمد : دخيلك حمد خبرني عن ماضيك 

حمد : اسمحلي 

سلطان بصوت خفيف : عليا خليفه الـ ... هاي حرمتي 

حمد صد عليه بصدمه : حرمتك ؟؟؟؟؟؟؟ انته سلطان ريلها 

حمد تمنى الارض تنشق وتبلعه ولا انه سلطان يقرى اللي قراه رد حمد بسرعه يفتح الورقه اللي قراها سلطان .. ها الورقه من وصيته .. وصية ميت مب مرحوم كفايه انها تكشف لسلطان ماضي .. وبسببها غناته تعيش مطلقه من عقبها .. !! 

سلطان يوم شاف حمد صخ : خبرني يا حمد خبرني .. 

حمد تم منصدم شو اخبره .. انها كانت تحب .. اتمنيتها اتحبني .. حرمتي اتبلت عليها .. حرمتي خاينه .. شو يبا يعرف بالظبط 

حمد : انتي شو تبا اتعرف يا سلطان ؟ 

سلطان حس انه حمد مابيرمس لين مايخبره السالفه : اسمعني ياحمد .. دام اني حصلتك وماتوقعت في يوم اني بشوفك .. بس ربك .. انا مريض ياحمد .. بالثلاسيميا .. انا مب ياي اخبرك اني مريض .. بس ها جزء من السالفه ..و عليا ( ويبتسم ) اللي هي مكتوبه في اوراقك .. هي حرمتي ورضت فيني .. بس اهلها مايعرفون اني كنت مريض ها كله مايهم كثر مايهم انهم كانو يبوني اطلقها طبعا ماطعت وبعد ها مايهم . .في يوم ( وهو يتذكر ) هيه يوم .. اتصلت لي اختي وخبرتني برمسه من وحده .. ع قولتها حرمت حمد الـ... بس انها وايد واثقه من الكلام اللي اتقوله .. انك انته .. هيه قالت لي واحد اسمه حمد .. حمد الــ .... له علاقه بحرمتي ... من قبل لا اخذها انته ياحمد طلقت حرمتك الي هي اتصلت لاختي وتصيح انه عليا هي سبب طلاقها منك لانه هي تحبك وانته تحبها وبتاخذون بعض .. لانه ماتباني انا لانه انا شوو ( وياشر ع عمره وهو معصب ) لانه انا مرييييييض بالثلاسيميا .. لانه انا مرييييض .. ماتبااني وتباك انته وانته بعد تبااااااها .. ( نش وقف من العصبيه ) انا شو ذنبي ...!! دام انكم تبون بعض من الاساس ليش انته عرست وخذت غيرها وليش هي وافقت يوم انها ماتبا واحد مريض وميهود وفيه مليون عله .. ليش وافقت ع واحد ع قولتها مب من مستواها ,, 

يلس سلطان من كثر عصبيته خلاص تعب .. قام يتنفس بسرعه .. 

حمد يبتسم وبصوت خفيف : غايه مره ثانيه ... 

سلطان صد عليه وهو تعبان وعيونه حمر وتلمع بالدموع خلاص اللحين بيطلقها وطلع تيلفونه واتصل لاحمد وهو صدق معصب 

سلطان : الووه 

احمد بتعب : هلا 

سلطان : احمد عطني عليا 

احمد : ليش 

سلطان برجى : دخييييييييلك 

حمد يطالع سلطان وهو يرمس ومب عارف شو تحت راسه .. ؟؟ 

عليا شلت التيلفون وهي مستانسه شويه وبتصيح : الووه 

سلطان من سمع صوتها طاحت دمعته " لازم اطلقها ..( رفع راسه وشاف حمد ) واللحين " 

سلطان بصوت مرتجف : عليا .. انتي .. طــأاا

حمد من سمعه يقول جي ... ع طول دفره وشل التيلفون من ايده .. وبند التيلفون وغلقه .. 

حمد ميود التيلفون : انتي مينووووووووون انته تخبلت .. بتطلقها .. 

سلطان معصب : هيه بطلقها وجدامك بعد عشان تسير وتاخذها .. انزين .. سير خذها ( هني صدق انهار ) انته تباها وهي تباك 

حمد : اسمحلي اقولك انك مب ريال يوم انك صدقت كلام وحده حاقده .. ع الاقل .. اقل شي اسمع السالفه مني انا .. اسمع من الطرفين ماسالتني شو تستوي لي حرمتي هاي بنت عمي قبل لاتكون حرمتي كنت اروم اخذ عليا الثانيه بدون لا اطلقها عشان ما اسوي سالفه ويا الاهل .. بس للاسف حرمتي مريضه وحاقده 

صد حمد ع الغنفه وشل وصية مب مرحوم .. وفرها في ويه سلطان .. : اقرا فديتك وافهم .. افهم يا سلطان 

عليا من سمعت حس سلطان استانست بس من قطع الاتصال صح انه عمها فهمها انها لازم تتطلق منه بس من سمعت صوته نست كل كلام عمها بس جست انه كان يبا يطلقها 

احمد : شو استوى ؟ 

عليا سرحانه : مادري قطع 

احمد شل التيلفون ورد اتصل وكان مغلق .. ورد صد عليها : مغلق ؟؟ 

عليا بيأس : خلاص ياعمي صح احبه بس تعبت والله تعبت .. كم رقمه ؟ 

احمد : شو تبين به .. 

عليا : شويه بس لاتردني 

احمد ينقلها رقم بريطانيا وهي تخزنه فتحت رساله جديده وقامت تكتب مسج .. 

" الله يسامح يوم في حقي اخطيت .. 

ولا انا ما اسامح الدهر كله .. 

ما اسامحك يوم انته عني تخليت .. 

وعذبتني شهرين من دون زله .. 

مع خالص احتقاري .. محبوبتك .. لعام [ 2007 ] .. " 

وهوست على ارسال وهي تطالع شاشة التيلفون تم مطول لين ماكتب لها تم الارسال وجنه الارسال حس انه بيكون ارسال مسج عشان يضم زوجين لعداد الفراق ... عشان جي طول لين مايطرشه .. من كتب لها تم الارسال وطت التيلفون حذالها ولمت عمرها وتمت تصيح .. خلاص رضت بالطلاق ... اكيد كان بيطلقها .. اكيد . صح انها استانست من سمعت حسه بس بعد هي ماترضى المذله ... علايه اتطالع عمها .. 

عليا وهي تصيح : غلطة زماني يوم طعته وحبيت .. وصدقت قلبي فيه الله يشله .. 

احمد حضنها ..: خلاص عاد اليوم بنطلع وبتنسين كل شي 

عليا : انسى .. شو انسى بالظبط .. اني عقيت ولده .. ولا انه بيطلقني ..؟؟ 

احمد : بس عاد علايه والله مايسوى عليج هو بيحس ع دمه وبيرد لج صدقيني هذا سلطون اعرفه بو راس .. من عرفته وهو بغام ع كيفه يفهم الاشياء 

علايه ضحكت من قال عمها .. بو راس وبغام .. لو يدري انه قال له بو راس بيعصب 

في الشقه خلص حمد حكايه ماكانت علايه فيها بطله ولكنها كانت اهم الاحداث .. وكانت تحاول تبعد عنها ها الاجواء .. جو حمد .. وحرمته ولكنها كانت دوم اقرب وحده للاهانه والسب والضرب .

سلطان تم يقرا الاوراق وسمع لحمد .. يعني كل اللي عرفه جذب ... حرام انه هو عاش ها الفتره كلها بعيد عنها .. حرام انه غلط عليها ها الكثر .. 

حمد : يعني ياسلطان احلف لك بالله علايه مالها خص فيني .. صح اني كنت ماصخ شوي قبل بس خلاص هي عرست وانا مادريبها من يوم ردينا البلاد انا حلفت لك بالله ياسلطان وانته ع كيفك

سلطان مستاااااااااااانس : مصدقنك ياحمد مصدق .. والله ريحتني ماتدري كيف كانت حالتي ياحمد في ها الايام اللي خطفن 

حمد: سبحان الله فيه ناس تعيش من بينا مريضه وفيهم مرض يبون يخربون حياتهم وحياة غيرهم .. بس ربك كريم 

سلطان مستانس حده : وانته ماخبرتني شو سالفة البنت ؟ 

حمد يضحك : ههههههه صخ انته قريت الاوراق 

سلطان : هيه 

حمد : قريت عن البنت اللي كنت احبها قبل اول شي وعقب اتغربت من عقبها 

سلطان فتح ثمه : هييييييه 

حمد : هاي هيه .. اقولك ذاله عمرها ذل تباني ارد لها بس والله تخسي .. 

سلطان يبتسم له : ياخطير انته ( وتذكر شي ) امم لازم اتصل لاختي واقولها انه عليا بريئه ومالها خص 

حمد ابتسم له وسكت وتم يلم وصيته مره ثانيه .. وهو مستانس انه انقذ نهاية حياة حبيبته في اللحظه الاخيره كم يسوى انه يكون لك الفضل في رسم ابتسامه على ويوه ناس تستاهلها ..؟؟ وكم يسوى انك تمسح دمعة ناس تحبهم ... 




سلطان يتصل لاخته نوره ويبشرها انها علايه طلعت بريئه وماوصلهم الا كلام ناس حاقده وهمها تفرق الناس .. وهو يفتح تيلفونه يالس يرتب الكلام عشان يرمس نوره وعقب بيسير يشوفها .. توله عليها ... وبيرد وياها البلاد 

اول مافتح تيلفونه وصل له المسج .. حمد نقز يطالع الشاشه .. وقرو المسج ويا بعض .. سلطان عرف رقمها بس لانه حمد مايعرف رقمها عرفها من الشعار ... وتذكر بطاقة عرسه .. اكتشف حركتها عقب عرسه بشهر .. يوم كان يدقق فيها .. انتبه للمسه السحريه .. 
لمسة احتقارها 

نزل حمد راسه وابتعد وهو يفكر شو ردها ؟؟ بترد له ولا لا ؟؟ ولو ماردت له !! 

سلطان تم قلبه يعوره من قرا المسج ليش يوم بيرد لها طرشت هالمسج .. اول اتصل لاخته وبشرها .. 

نوره متلومه : صدق ياسلطون 

سلطان بندم : هيه يانوره صدق 

نوره : والله مب عارفه شو اقوول 

سلطان :لاتقولين شي يوم بنرد يصير خير بس الله يهداج انتي امره ع طول صدق انكم حريم 

نوره متلومه : حد قالك تصدقني 

سلطان ضحك : هههههههههههههه لا والله احلفي انتي بس المهم انا بسير المستشفى عندها واخلاف يصير خير

نوره بصوت عالي : مستشفى ليييييييييييش 

سلطان : خير ان شالله يالله اخلاف برمسج باي 

بند سلطان عن نوره وصد ع حمد اللي يجلب الاوراق بين ايده ..

سلطان سار له ووقف حمد وحضنه ... 

حمد : سير لها يا سلطان وراضها .. ولاتحط ببالك شي .. تراني اعرف الصح من الغلط 

سلطان ابتسم له : افا عليك ياحمد ..

حمد ابتسم بألم ... 

سلطان : يالله عيل بترخص عنك 

حمد : هههه يالله برايك وسلم عليهم 

سلطان : انشالله 

ظهر سلطان ويلس حمد بسرعه ع الغنفه ويطالع سلطان وهو يطلع وسحب الاوراق اللي جدامه .. وكتب 

( صدفه .. شفت ريلها عندي في الشقه ومنو يتخيل .. انه يستوي ها كله .. ااااااااه احس اني ماروم اكتب بس الله يهنيها ان شالله ... ) 

وفتح الورقه الثانيه الفاضيه وكتب بخط عوود : العنا وش هو العنا .. غير انتي وجروحك وانا !! 

وحط خطين تحت جروحك .. ونقطه تحت وكتب التاريخ ووقع باسمه .. " حمد " 

.................................................. .................................................. ......................................

دش سلطان المستشفى وسار يسال عن اسمها وخبروه وين ... !! اول شي سار للدكتور وسال عنها وخبره وقال انه باجر بيرخصونها 

طلع سلطان من عند الدكتور وقلبه يدق بسرعه وهو يمشي وقف جدام الحجره .. كيف بتستقبله ؟؟ ه وشو بيقولها .. شو بيفهمها ..؟؟ 

دق الباب واتوكل على الله .. فتح الباب وشافها تطالع الباب تتريا حد يدش .. وهي يالسه وتطالع الجريده اللي جدامها وحذالها ورود بيض .. وفاله شعرها من تحت الشيله ويبين .. سلطان دخل وسكر الباب وراه وتم متساند ع الباب ويطالع الحجره احمد مب موجود يعني بس وهو .. 

علايه تمت تشوفه وهي مب مصدقه .. نشت من مكانها وشلت المغذي وياها .. ووقفت جدامه وهي تبتسم .. 

علايه : بتطلق ؟ 

سلطان فتح ثمه .. جان يقول بيلعب باعصابها : هيه بطلق 

علايه ماتخيلت انها تتطلق وضغطت على عمرها اكثر وبصوت هادي : يالله (وبحزن ودمعت شوي ) طلق 

سلطان : بطلق الزعل ... وباخذج ويايه 

علايه طالعته بصدمه : ..................

سلطان : ههههههههههههههههههههههه أموووووووووووووووووت فييييييييييييييييييييج 

وحضنها بقووووووووووه وباسها ع راسها و ع خدها .. وعقب رفع راسها بايده وشاف وييها وهي تصيح وتم يطالع عيونها 

عليا : والله أحبك سلطون لاتخلييني مره ثانيه 

سلطان : ان شالله 

وسحبها من ايدها وخلاها ترد وتطيح ع الشبريه وتم ميود ايدها ويفهمها شو استوى .. وعقب نص ساعه دش احمد وهو منصدم ... 

احمد فج عينه : طالعوووووووووووو

علايه تضحك : ههههه تعال بلاك 

احمد : رضيتي عليه .. 

علايه تهز راسها بانه " هيه " 

سلطان يجدم ويسلم عليه .. ويضربه احمد 

احمد يعطيه ع راسه : جب لاترمسني سير هاي سواه تسويها حمار سبال بو راس ( ويصد ع علايه ) وانتي ايه ليش ترضين عليه لو انا بدالج مابرمسه شهرين زياده 

سلطان يطالعها : تروم هيه .. 

احمد اونه معصب : جب اطلع برع لاترمسني 

سلطان : اييه بلاك 

احمد : اطلع قلت لك 

سلطان يطالع علايه .. 

علايه : شو فيك احمد ربك يسامح نحن البشر ليش مانسامح كل حد يغلط .. 

احمد ابتسم : ويا ها الراس مب زعلان بس لاتعيدها 

سار وحضنه سلطان . وعلايه تطالعهم .. 

ويلسو ويا بعض .. ويسولفون وفي نص السالفه جان تقول علايه : اهم شي الاخلاق يعني .. 

سلطان : ههههههههههههه هيه الاخلاق .. 

احمد : سخافه .. 

سلطان يتقرب منها ويبوسها ع خدها .. اونه يغايض احمد 

احمد يطالعهم من فوق لين تحت .. : حركااااات مراهقين 

سلطان : قول انك متغايض .. 

عليا : اوونه تعال عمي .. 

وماصدق احمد وسار عندها ودز سلطان من الصوب الثاني .. 

احمد : يالله يالله مانباك .. يالله عليوه قولي الشعار .. 

عليا : احم مع خااااااالص .. ( ويقول احمد وياها ) احتقااااااااري .. ( تكمل علايه ) محبوبتك لعام .. 2007 .. 

سلطان تم يطالعها بنظرات وشل تيلفونه وتم يرمس شويه وماعرفو منو يرمس .. بس عقب عرفوو 

سلطان : هيه عمي انا وياها .. لا لا ماعليه بتم وياها ومابخليها ان شالله .. ههههههههههه هيه شهر عسل ثاني بنسوي .. ان شالله .. امييين .. يالله تامرني بشي .. الله يسلمك .. مع السلامه 

سلطان يطالع احمد ويغايضه : اخ احمد تراك بترد البلاد وبنتم انا وحرمتي وبنسوي شهر عسل ثاني 

احمد اونه زعل : نعممممممم تخلوني اروح .. ( ويطالع علايه ويمسح ع لحيته ) ماعليه اللي يسفرج مره ثانيه خاينه 

علايه : هههههههه انا مالي خص اتفاهمو 

سلطان : انا حرمتي بتم ويايه ومابتفج عني تسمع 

احمد ابتسم : الله يهنييكم ان شالله وان شالله ماتفج انته عنها ولا هي تفج عنك والله يخليكم لبعض قولو اميين 

سلطان وعلايه يبتسمون : امييييييين 

********************* THE END *************************************

www.saif.waphall.com