●● ღ القلـب ماهـو لعبـة بيدينـك يـا ღ فــلان ღ ●●
للكاتبه : ألم إنسآن



(¸.•´ ( * الفصــــــل الأول * ) `•.¸) 
( `•.¸ `•.¸ ) 
¸.• )´ 
(.•´
`v`


حمدان : مهاري أرجووج خبريني ليش تغيرتي علي .. انا شو سويت لج ؟؟!
مهره وهي تصييح : حمدان بليييز ماقدر استحمل .. ابتعد عني واعتبر اني ما كلمتك
يقاطعها حمدان : ابتعد مني والدرب وانا مب فاهم شي .. لييييييش قوليلي لييييش 
مهره تهمس له : ليش تخووني .. انا شو سويت لك .. ليش لعبت عليه .. حمدان خلاص ..
قاطعها حمدان وبصوت عالي : شو خلااص .. انتي شو يالسه تقولين .. متى خنتج ومتى لعبت علييج ؟؟!
مهره وهي تمسح دموعها : خلاص حمدان اعتبر ان الي بينا ما صار ولا استوى .. انته الي بديت وانته تتحمل
حمدان : ...... ( مب قادر يتكلم .. مهره عرفت انه خانها ومع منوووه .. عدوتها ....)
مهره تصارخ : جووووف ما تقدر تتكلم ولا ترد على كلامي .. لأن كل كلمه قلتها لك صح .. يا خاااين 
... وطااااااااااااااااااخ .. في ويهه (( قويه الأخت خخخخخ ..


هالحوار الي صار له اكثر من شهر .. مـــر مثل المسلسل في ذكرى مهره .. وهي يالسه تصيييح وتتذكر حب حياتها حمدان كيف خانها .. لا ويا منوو عوااااش السباله عدوتها ..

ورن موبايلها .. جافت الشاشه مكتوب عليها ( توأم روحي ) .. وردت على طوول لأنها تبا تنسى كل شي يذكرها بــ حمدان 

فطووم : اففففففف شو هالأرف .. شو هالملل .. بموووت خلاااص بنتحرررر ..
مهره وهي تبتسم : بسم الله .. الناس تسلم .. شو فييييييج 
فطووم : افففففففف بااااااجر أي يووووم ؟؟!
مهره : الحمدلله والشكر .. باجر الأحد يالمخرفة ..
فطووم : انزين شو معناته .. بااجر بنرد حق عواار الرااااس .. والله ما تهنينا فالاجازة .. 
مهره وهي تتذكر السكووول : هيه والله صدقج ما تهنينا .. بس شو نسوي .. أمممم بصراحه انا اشتقت حق الربع وسوالفهم ..
فطوووم : حبيبتي . هااااي آخر سنة لنا .. يعني ماشي سوالف ومصخره .. ولازم نشد حيلنا علشان نيييب النسبة الي ترفع الراااااس ...
مهره : هههههههههااااااي طاعووا منو يرمس .. اونه نشد حيلنا .. معقوووله فطووم تقوول ماشي سوالف ومصخره .. هههههههه لا تضحكيني حبيبتي ..
فطووم : جب جب .. ما بقوولج شي .. لأني مب فايقه لج ولسخافاتج وتعليقاتج ... يلاا ذلفي خليني ارقد .. والله اشك اني ارقد من كثر التفكييير في باجر ..
مهره تبا تغير الجوو : زين مالت عليييج .. براويج باجر .. يلااا بااااي .. وتصبحين وانتي تحت السرير خخخخخخخخخخخ
فطووم : ههههههههه حسبي الله عليج .. تحت السرير مره وحده .. زين ما علييييه يلااا بااايااات ..
... طووط طووط طووط ...
مهره وهي تطالع الشاشه : طاااع السباله بندت في ويهي .. ما علييه براويج باجر ..

وييييه ساعه 1 ونص شو بيقومني باجر اففففففففف

وتلحفت بالفرااش وقالت بصووت شوي عالي : الله يلعنك يا حمدان انته ويا عواااش السباله .. علكم ما تتوفقووون ... وخمدت 

......



اووووه صح نسيييت أعرفكم بنفسي .. أنا اسمي مهره وعمري 18 .. وهاااي ااخر سنه لي بالمدرسة .. يعني صف ثالث ثانوي .. وان شاء الله انجح واييب نسبه ترفع الراااس .. مع اني اشك بس ما علييييه .. اممممم والي كنت اكلمها قبل شوي .. ربيعتي فطووومتوأم روحي هاااي.. من صغرنا ويا بعض لين الحين ..

المهم .. بسكم عاااد الباقي باجر .. تصبحوون على خير .. وخمدت ^^






..,:" الســاعه 7:30 صباحـــا ":,..

أم مهره : مهرووووووووووه حسبي الله على بليييسج .. قومي عفنتي وانتي راقده .. هاااه أول يوووم لج وانتي خامده الله يستر من الايام اليايه ..

مهره : ماشي فايده من هالصراااخ .. << ســـابـــ 7 ــــع نوووومـــه 

أم مهره : ما عليييه انا براويج ..انتي ما تيين الا بهاااي الحركه .. صبري شوي ..
مهره تبطل عين وحده : جني سمعت صوووت امايه تزقرني ..



وفجأة !!! 



لاااااااااا بااااااااارد اميييييييه حرااام عليييييج .. ليش تسوين فيني جذيييه .. 

ام مهره : انتي ما تين الا جيي .. حشى من ساعه وانا يالسه اقووومج وانتي ااامده .. يلاااا قومي وراااج مدرسه ( وطلعت ) ..



راحت مهره تسبح وتتلبس وتتعدل وتتكشخ >> أول يوم دراسة ( مب مدرسه عررررس هههههه ) ..

نزلت مهروووه تتريق .. وخلصت .. على طوول اتصلت في فطووم ..

مهرووه بصوت عالي : هااااااااااااااي

فطووم : بسم الله الرحمن الرحيم .. انتي جنيه ولا شو .. الناس تسلم وانتي تصارخين 

مهرووه : يلاااا طلعي بررررع لا أضربج ..

فطووم : خيبه مسرع ما وصلتوا .. بعدين تو الناس ليش مستعيله حضرتج ؟؟

مهره : انتي تعرفين اول يووم كيف الزحمة على لستت الأسامي .. فطووم قولي يارب نكوون ويا بعض بنفس الصف ..

فطووم : يارب يارب يارب .. ارتحتي .. 


مهرووه : هيه يلااا بررررع بسرعه .. باااااي


... طووط طووط طووط ...


وركبت مهروو السياره مع الدريول .. ومرت على فطووم ..

أول ما ركبت فطووم السياره .. قرصت مهرووه على جتفها بالقووو 

مهره متفاجأه من القرصه : آآآآآآآآآآي يالحماره يعور .. ول مب أصابع علييييج .. 

فطووم وهي معصبه : تستاهلين يالعنزه .. عيل أنا تقصين علي اونج برررع وبسررعه طلعي 

مهره : حبيبتي رديت لج الحركه .. مثل ما بندتي في ويهي البارحه ..

فطووم : سخييفه .. مالت عليج ..


وكملووا دربهم للسكووووووول ..


طبعا مهرووه وفطووم اكتشفووا انهم في صف واحد .. وعلى طوول راحوا صفهم وحجزوا لهم مكااان ويلسووا ..

مهرو كانت خايفة بالأول بس شوي شوي تأقلمت مع الوضع لان فطووم وياها فالصف .. واكتشفوا ان في صفهم 3 بويات .. مهروو خااايفة منهم خخخخخخخ .. وفطووم يالسه تهديها ..

المهم مر أول يوم على خير وماصارت فيه أحدااث وايده ..

وصلت مهروو البيت الساعه 2:30 وراحت تسبح وتغير ملابسها .. وتوها بترقد بس تذكرت شي .. قالته البارحه بس ما كملت ..

مهره : اممممم سوري نسيت أكمل لكم التعريف بنفسي وبعائلتي ..

اممممممم طبعا انا عمري 17 .. وعندي اخت وحده أصغر مني اسمها ساره عمرها 9 سنوات .. وهي صف رابع ابتدائي ... واخوووي العود اسمه محمد وعمره 26 .. متزوج بنت خالتي اسمها نوره وعمرها 21 .. عندهم ولد اسمه عبدالله وايد شيطان ماييلس مكان واحد 

وامايه فديتها ما استغنى عنها .. هي شوي تكرهني لاني عنييده ووايد ادلع عليها بس شو أسوي احب العوزها 

وهاااي عائلتي الكريمه 



__ ورقدت بدون ما تحس __





.,:" الساعــه 5:15 العصــر ":,.

قامت مهره على صراااخ عبود ولد اخووها .. كان يصييييح ويصارخ وامه محتشره علييه ..

مهره : افففففف يا ربي الواحد ما يقدر يرتاح في هالبيت .. كل يوم على هالحال لازم حشره وضرابه ..

راحت تتوضا وصلت الظهر لانها نست من التعب .. وصلت العصر .. ولبست جلابيه بيت .. ونزلت تحت .. مالقت حد .. قالت بتطلع بررع بتغير جو ..

راحت اول شي صووب المطبخ ما لقت حد .. وخبرتها ميري البشكاره ان امها خذت سارووه وراحووا بيت خالتها .. ومحمد طلع ويا حرمته وعبووود وياهم ..

شوو من أهل هاييل .. خلوني بروحي فالبيت ..


ما اشتهت تتغدى أو تاكل شي .. بس خذت لها عصيير و شلت اللابتوب مالها وسارت صووب الحديقة .. ويلست عالعشب تحت .. وتمت تتأمل الورود والسما والشمس .. وردت لها ذكرى بايخه ومؤلمه لها .. بس مهره قامت وشلت اللابتوب مالها وياها .. ماتبا تتذكر أي شي من الي صاار لها ويا حمدان ..

راحت صووب باب الصاله .. وقبل ما تدخل .. سمعت صوت لفت ورا ولقت سياره داخله بيتهم .. استغربت منو هااا ... شكله ريااال ..

وقفت السياره فنص الحوي .. ونزل منه واحد .. واول ما شافته مهرووه انصدمت منه !!

مهرووه : ياربي هذا شو يايبنه ..!! 



-=-=-=-=- CUT -=-=-=-=-

" خلــص البـــــارت " 

===

(¸.•´ ( * الفصــــــل الثانـــــــي * ) `•.¸) 
( `•.¸ `•.¸ ) 
¸.• )´ 
(.•´
`v`


فــــي هــالـزمن لا تـحـسـب للخاين حساب
ولا يــغــرك لـــبــســـه و طـــيـــب مـضــــــهـــره
ترى فـي هـالـزمن كل من فوق التراب تراب
و دلـــــيـــــل كــــلامــــي صــــاحــب و يــا محقره
لــو مــانـي بـذيـب تــوحــدو فــيـنـي ذيـــاب
و الــوقـــت لـــو مـــا قــدرنــي أنــا اللي بـــقـــدره
صـاحــب مــا يـفـيد معه الطيب و كثر العتاب
عـــاذل(ن) مـــا قـــهــرنـــي و أنــا الــــلـي بقـهره


مهره بعدها واقفه مكانها ولا تحركت .. وكانت خايفه لأن محد فالبيت غيرها .. ويمكن يسويلها أي شي ..

تجدم لها حمدان وهو يفصخ النظاره : سلااام علييييج 

مهره بعدها منصدمه منه وخايفه ومب قادره تتكلم ..

حمدان وهو واقف جرييب منها : ليش جي تطالعيني ؟؟!

مهره وهي تلصق فالباب علشان تقدر تشرد : خييير شو تبا 

حمدان : انا ماياي أطر منج .. بس بغيت خالوووه أبي أكلمها ..

مهره وهي تطالعه بكل حقاااره : نعم !! أمي محد .. واونك تستعبط وانته تدري انها في بيتكم 

حمدان وهو يبتسم لها : ههه هيه ادري انها في بيتنا .. بس انا ياي لج انتي 

مهره وهي معصبه : انته شو تبا مني .. قلتلك خلاااص ماباك غصب !!
وبعدين اطلع محد فالبيت غيري .. وانتبهت الغبية على كلامها 

حمدان وهو فرحان : صدق .. يعني انا وانتي رووحنا هنيه ..( ويطالعها بنظرات خوفتها ) يعني اقدر اشلج الحين واوديج مكان محد يعرف عنه أي شي .. 

مهره خافت .. ويايه بتصكر الباب في ويهه .. بس حمدان مسك الباب وزخها من ايدها .. وبكل عصبيه سحبها وياااه لين السياره ..

صخرت بأعلى صوتي : حمدااان هدني .. والله أخبر عليك محمد ... وتميت أصييح 

أظن بعد صياحي حس بالي قاعد يسويه .. دزني عالأرض وركب سيارته وراااااح ..

قمت من مكاني وأنا أصيييح من القهر ومن حياتي الي راحت ويااا هالزفت .. دخلت البيت وعلى طووول رحت غرفتي .. وانسدحت عالشبريه

وتميت اذرف دموعي بصمت .. كنت برقد بس سمعت صوت الأذان يعلن عن دخوول وقت صلاة المغرب ...



.,:" الســـــاعه 7:25 ":,.

بعد ما خلصت صلاتي سمعت صراااخ عبوود ولد أخووي محمد .. كل يوم على هالحال

تذكررت المدرسه .. بس الحمدلله ما عطونا الكتب فكه 

نزلت تحت لقيتهم كلهم متيمعين .. سلمت عليهم ويلست صوب أمايه وقلتلها :

مهره : ليش ودرتوني انتي وساروو ورحتوا عني بيت خالوووه عايشه >> افففف اسمها مثل اسم عدوتي خخخخخ

أمايه : دقيت عليج الباب بس انتي كنتي راقده وما حبيت ازعجج 

سكت مارديت عليها .. وردت لي ذكرى هالجلب حمدان وهو يسحبني .. افففف حسيت اني بمسلسل ..

فاجأني عبوود يوم عفد عليه وتم يضحك ويصارخ .. صح اني احب اليهال بس يوم يزاعجوون أكرهم .. 

وانا يالسه الاعب عبووود سمعت محمد يقولي : هااه مهروووه شو الدراسه أول يوم 

رديت عليه وانا لايعه جبدي من المدرسه : اففففف أرف وملل وقهر .. بس أحلى شي ان فطوووم وياي فالصف 

وتم يعايب عليه لأني ارووح المدرسه .. صديت صووب نوره مرت أخووي وسألتها : شو فيج .. مالج حس 

ردت عليه وهي تبتسم : ماشي مافيني شي .. أنتي الي شو فيج كل شوي وسرحتي .. هاااه ليكووون الحب وعمايلووو


انصدمت من كلامها 

وحسيييت أن امايه ما عيبها الكلام وحتى أخووي محمد

بس هااااي ليكوون درت بالي بيني وبين هالحماااار .. أو اكيييد هو خبرها ويبا ينتقم مني ..

بس رديت عليها وانا استعبط : ههههه أي حب وأي خرابيط

غمزت لي : عليييييييينا 

هاااي شكلها تعرف .. بس انا غيرت السالفه ابتسمت لها ورحت صوب عبووود .. وتميت العب وياااااه 

مليت من عبووود زخوووووه ( خخخخ ) وقلت برووح غرفتي بكلم فطوووم النحسه ما اتصلت اليوم ..

بس تراجعت يوم سمعت صوت الجرس .. وكانت يارتنا يايه ..

افففففف منها هاااي مزعجه .. تقهر ووايد تتفلسف بس ماعليه بيلس شوي وبروووح .. لاني اذا رحت الحين أدريبها بتيلس تطنز على امايه وبتقووول بنتج ما فيها أدب ومن هالكلام الي ما يخلص ..

دخلت وسلمت علينا كلنا ويلست صووب امايه .. وانا يلست صوب نوره ومحمد 

وبدت تتكلم هاااي 

أم حمد : هاااااه مهرووه شو الدراسه وياج 

افف منها . رديت ليها وانا اتصنع الابتسامه : أحلى شي المدرسه .. تصدقين كان خاطري اذاكر وآكل الكتب اليوم بس ما عطونا الكتب 

أم حمد تطنز : وييييه معقووله انتي تقولين هالكلام . ما صدق

وحبت امايه تغير السالفه : هههههه وشحاال ولدج حمد . أحيده بيرد الاسبوع الياي من لندن 

أم حمد : هيه فديته ولدي بيرد وويااه هااييج الشهاده الي ترفع الرااااس 

قلت بصووت واطي : مالت عليج وعلى ولدج .. من زينه عاااد 

وقمت من مكاني ورحت صووب ساروووه .. كانت تلعب بليستيشن وتميت العب وياها ..

أم حمد : على طاري حمد ولدي .. زين انكم كلكم يالسين .. حبيت اخبرج يا ام محمد .. 

انصدمت يوم قالت : تراني ابا بنتج مهروووه لولدي حمد 

انا لساني انربط وكلهم انصدمووا من طلبها .. بس بعدين حسيتهم فرحوا لان حمد ربيع محمد اخوووي 

قالت امايه : هاي الساعه المباركه .. ونحن ما بنحصل حد احسن من حمد 

حسيت ان امايه وافقت وما خذت شوري .. وصديت صوبهم ووقفت 

وقلت : انا بعدني على الزواج .. وأبي اكمل دراستي 

عصب اخووي محمد وقالي : ايييه انتي وقفي عدل وانطبي

رديت عليه وانا معصبه : شو كيفكم انتو تبووون الفكه مني .. وبعدين مستحييل آخذ حمد مادانيييه ما أطيييقه

وسكت فجأه حسيت اني مصختها شوي 

أم حمد : لا والله شو قصدج انتي .. وبعدين أحمدي ربج ان واحد مثل ولدي ياخذج ولا أنتي ام اللسان منو يبااااااج

امايه تحاول تهديها : يا أم حمد الينت ما كانت تقصد شي .. هااي صغييره وما تفهم في هااي السوالف ..

أم حمد : صغييره ولسانها أطول عنها .. وصدت صوبي : بس الشووور مب شورج أمج وأخووج العوود هم الي يقررووون مب انتي 

قهرتني هاااي العيوووز ورديت عليها : لا والله الحين انا يهاالو .. وبعدين الشوور شوي وانا الي بتزوج مب امايه ولا محمد .. وهاااي حياتي وولدج ما بااااخذه ... وركضت صوب حجرتي

قفلت ع رووحي الباب .. وانسدحت ع شبريتي وانا اصيييح ... ياربي شو ها الي قاعد يصير لي .. حمدان من صووب وهالحمد من صووب .. وأخوووي محمد ما بيطوفها هالحركه أكييييد 

الله يستر بس من اليااااااااااااااي 

ورن موبايلي وكانت فطوووم متصله .. مارديت عليها 

رحت صووب الحمام وغسلت ويهي .. مب كيفهم يزوجوني حمد .. 

وشليت موبايلي واتصلت في فطووووم

رن رنه وحده ... ردت بس تمت ساكته .. وااي خوفتني هاااي 
قلت وانا مستغربه من سكوتها : ألوووووووو

فطوووم : ......
بس كنت اسمع صوت خفيف كأنها تصيييح . واااي خوفتني قلتلها : فطووووم شو فيييج ساكته . انتي تصيحيييين ؟؟!

فطوووم : ماشي رد ... بس سمعت صوت خفيف اشبه بالهمس : ميااااه

اميييييييييييييه شو هااا يمكن جنيه هاااي .. قلت : فطووووم عن العبط 

: .... ماشي رد 

بسم الله الرحمن الرحيم .. شو بلاااها هاااي ..

بندت ورديت اتصلت مره ثانيه .. ردت عليه وهي تقوول : مهرووووه يالخايسه شو فيييج تتصلين ولا ترمسيين .. تستهبلين عليه حضرتج

ويييه شو السالفه .. قلتلها : فطوووم انا من متى اكلمج وانتي ساكته وبعدين سمعت صووت كأنج تصيحين .. وبعدين سمعت صوت قطوه 

ردت عليه بسرعه : الله يلعنج .. شو تقولين انتي .. يعني تلفوني مسكوون ولا شو .. لا تخوفيني 

قلتلها وانا خايفه : فطووووم والله انا سمعت صوت صيااح وقطوه 

: ..... ماشي رد ..

شوي وقطع الخط .. اميييه شو هاا زياغه .. رديت اتصلت فيها ..

ردت علي وسمعت بصووت عااالي وصريخ بعد : ميااااااااااااااااااااااااااااااااا

وااااااااي ما كملت . على طووول بندت وقمت ركييض صوب باب غرفتي .. كنت بطلع بس تذكرت الموقف الي صااار مساعه .. مابي حد يجووفني وانا جي .. افففف شو هالي يصيييير 

طررررت من مكاني .. يوم سمعت رنة المسج الي وصلني 

فتحته وكان من فطووووم ومكتووب : كنتي معانا ضيفه حلوه في برنامج صادووووه خخخخخخخخخخ

الله يخسج يا فطووووم .. سباااله عقيتي قلبي .. واااي أول مره يستوي فيني جي 

واتصلت فيها السباله وردت : ههههههههههههههههههههههههههههههه
والله خليتج مصخره الموسم خخخخخخخخخ

رديت عليها وانا مرتاحه انه كان مقلب مو صدق : يا حماااره خوفتيني .. والله قلبي طاااح في بطني 

فطوووم : هههههه مصخررره ... المهم شو تسوين

رديت عليها : ماشي .. كنت بتصل فييج مساعه بس ما تفيجت 

قالت : هييييييه زين زين .. شو مستعده لليوم الثاني خخخخخ

قلتلها وأنا أسمع دق عالباب : ههههه سخيفه .. اقولج شوي وبتصل اسمع دق عالباب 

قالت : أوكي .. بااااااااااي

وبندت عنها ورحت صوب الباب .. ترددت اول شي لأني ادري انه محمد ياي وبيكلمني عن الي صار .. بس لازم اواجهم علشان ما يسوون الي في راسهم ويزوجوني ..

بطلت الباب .. ودخل محمد واشر لي ابند الباب .. الله يستر ..

قالي بجديه : ليش جي سويتي ؟؟

ترددت اول شي .. بس بعدين قلت : امممم مادري ..

قال بصووت أعلى شوي : ليييش ما تبين حمد .. جايفه عليه شي ؟؟

افففف جني في محكمة : اممم لا ماجفت عليه شي .. بس انا ابي أعرس الحييين 

محمد : لييييش .. ماباقي لج شي الا هااي السنه ويتخلصين دراسه .. وبعدين حمد مب كبيييير عليج عمره 24 

قاطعته : محمد بلييز مابي الحييين .. يوم بخلص دراستي بعدين يصيير خير .. وانته تعرف هااي آخر سنه لي ولازم ما انشغل في شي علشان اييب النسبه الحلوه 

حسيييته ارتاح شوي من ردي وقال : اهااا زين خلاص بخبر امايه تقوول لأم حمد انها لا تستعيل .. علشان ما يشغلج شي غير دراستج وبس ..

نش من مكانه .. ورااح صوب الباب .. انا كنت امشي وراااه .. بس فاجئني يوم لف مره وحده صوبي وكأنه تذكر شي .. 

وقااال : حمدان اتصل فيني ..

جفته مره وحده وانا متفاجأه .. أكيييد قاله شي يا ويييلي

كمل وهو معصب : ليييش سويتي جي ؟؟!

لااا أكيييد اليوووم بموووت الله يرحمني .... 



___ CUT ___

" وخلـــص البـــــــــارت "

===

(¸.•´ ( * الفصــــــل الثالــــــث * ) `•.¸) 
( `•.¸ `•.¸ ) 
¸.• )´ 
(.•´
`v`

نش من مكانه .. ورااح صوب الباب .. انا كنت امشي وراااه .. بس فاجئني يوم لف مره وحده صوبي وكأنه تذكر شي .. 

وقااال : حمدان اتصل فيني ..

جفته مره وحده وانا متفاجأه .. أكيييد قاله شي يا ويييلي

كمل وهو معصب : ليييش سويتي جي ؟؟! 

لااا أكيييد اليوووم بموووت الله يرحمني .... 






مسكني من ايدي ورص عليها : الريااال ياي البيت وانتي تطردينه .. مب عييب عليج

تصدقوون بغييت ايره بكف وأطير ويهه مثل ما طير قلبي .. وااااي صدق ارتحت يوم قالي هالكلام .. عبالي حمدان الزفت خبره كل شي كان من بينا

رديت عليه وانا اتألم اففف راص على ايدي : والله ما طردته .. هو قال يبي امايه ... آآآآآآآي هدني يعور ... وانا قلتله انها مب موجوده وراااح

هد ايدي بعصبيه وساار عني.. اف يقهر هالأخوو حشى عدو مب اخوو 

سمعت صوت الأذان دخلت حجرتي صليت العشى والحمدلله خلصت 

فكرت أنزل تحت بس أكييد الجوو متكهرب شوي .. شليت موبايلي وقلت بتصل في فطووم 

اتصلت اول مره ما ردت علي .. ورديت اتصلت مره ثانيه ردت عليه وتمت ساكته 

قلت بصووت عالي : يا حمااره والله بلعن صيرج اذا سويتي لي الحركه مره ثانيه 

_ _ : ماشي رد ......

قلت وانا مقهووره منها : فطوووم والله مب متفيجه لج بسرعه ردي علي انا في مشكله ارجووج

_ _ : احم .. فاطمه محد


!!


انصدمت 


!!


انصعقت


!!


اتكهربت


!!



بسم الله منو هذا ؟؟!!!!!

وعلى طووول بندت في ويهه 

افففف منها هاااي ويا مقالبها الي ما تخلص .. والله بديت أكرهها بسبب هالحركات الماصخه

تميت ادوور مثل الخبله فالحجره .. شو اسوي ملل

لمحت لابتوبي عالشبريه .. سرت صوبه وقبل لا امسكه سمعت دق عالباب 

قلت بصووت عالي : منووووووووووو

_ _ : ماشي رد ......

امممممم ليكوون هاااي فطووم بعد هههههههه تسويها الجنيه

رحت صوب الباب وفتحته .. لقيت عبوود ولد أخووي محمد لاصق فالباب .. شكله شارد عنهم وياي هنيه

شليته وقلت بنزل تحت .. وبالمره بتعشى لأني ميته يوووع

عبوود يالس يرافس يبا ينزل اففف طفرني .. 

وصلت الصاله ومالقيت غير ساروو يالسه تلعب

سألتها : وينهم ؟؟!

ردت علي وهي مندمجه فاللعبه : امايه ونوره فالمطبخ ومحمد طلع

نزلت عبوود وخليته عندها .. ورحت صوب المطبخ

دخلت المطبخ ولقيت نوره يالسه تعابل فالطبخ وامايه وياها .. 

بس اول ما جافتني على طوول قالت وهي معصبه : بعد لج عين يايه .. يلااا فووق غرفتج .. سودتي ويهي جدام الحرمه .. حسبي الله عليج من بنت

انصدمت من كلامها .. معقوووله امايه حاطه في خاطرها .. الله يستر بس 

لو تميت ساكته أدري الكل بياكلني ومحد بيقدر موقفي 

رديت عليها وانا مرتبكه شوي : امايه هااي حياتي الشخصيه وانا لي بعيشها مب انتو .. وبعدين حمد أكبر مغازلجي وانا مابااااه

من سمعت امايه كلامي حسيت انها عادي تطبخني اليوم وأكوون وجبة العشى الرئيسية

على طوووول شرررررررررده خخخخخخخخخ

قبل لا أدخل الصاله صديت وراااي اطالع يمكن بعد امايه تلحقني تسويها عادي عندها هههههه

المهم دخلت الصاله ورحت صوب سارو وعبوود .. بس لمحت ان حد واقف عدالهم اكييييد هذا محمد أخووي رد .. افففف يلاعاااد الحين بيستلمني 

حبيت العوزه شوي يمكن ينسى سالفة مساعه .. كان يالس مجابلنهم

يييت شوي شوي من وراااه وحطيت ايدي على عينه .. هو تفاجأ وزخ ايدي بالقوو وتم ساكت

انا استغربت من سكووته .. تميت ساكته .. جفته طول الأخ

استسلمت وحاولت اسحب ايدي .. لكن ماشي فايده هو راااص عليها بالقوو

قلتله : محمد هدني والله آسفه ماعيدها مره ثانيه 

_ _ : تم ساكت وماسك ايدي

لمحت ساروو تضحك .. قلتلها : بلاااج تضحكييين 

قالت وهي ميته ضحك : يا غبيه هذا مب محمد .. هاا حمدان ولد خالوووه



! !! !!! !! !





شووووووووووووووه ؟؟!!




حمــــــــــداااااااان !!!





لاااااااااااااااااااااااااااا






شل ايدي عن عينه وصد صوبي وتم ماسك ايدي بس برقه
وهمس : فديتج حياتي .. ما اشتقتي لي

انا منصدمه .. لمحت سارو تلحق عبوود لأنه ظهر بررع و انتبهت للكلام الي قاله قبل شوي وايده الي ماسكه ايدي وقلتله بصووت عالي : انته ما تستحي .. هدني يا حقييييير 

وتميت احرك ايدي بالقوو علشان يهدني .. بس هو مسكني بالقوو ودزني صووب حظنه ورص علي وهمس : صدقيني لو شو تسوين والله ما اهدج ( علا صوته ) فااااااهمه !

بدت دموعي تنزل .. وانا مثل الورقة بين ايده و حظنه .. وحسيت اني اشتقت له .. بس من تذكرت خيانته لي انتبهت على روحي 

ويمكن أي حد يدخل علينا ترجيته يهدني بس هو ماشي فايده منه

لين سمعنا صوت هرن سيارة أخووي محمد هدني وراااح بررررع صوووبه
وانا طبعا على طووول الحجره وقفلت على روحي الباب 

عقيت عمري على الشبريه وتميت أصييييح 

معقوووله الي صااار قبل شوي .. انا كنت في حظن حمداااان .. لا وغيير الكلام الي قاله انه ما بيهدني

لااااا مابييييه خاااااين حمااار حقيييييير نـــــــذل

وعلى هالحاااااال رقدت بدوون ماحس بعمري ...










~& الســـ( 7:15 صباحــا )ـــاعــه &~


كالعاده .. صرااااخ أمايه طيرني من شبريتي .. بس انتبهت انها ادق الباب .. غريبه ما دخلت الحجره .. يمكن انا قفلت الباب البارحه

وييه شو صااار البارحه .. هيه تذكرت حمداان الحمااار هو السبب 

سمعت امايه ادق بالقوو عالباب .. لو الباب عنده ايد هههه كان بيكفخها 

المهم نشيت من مكاني ورحت فتحت الباب واستلمتني امايه وهي تزاعج : ليش قاافله الباب .. انا كم مره قلتلج لا تقفلينه

رديت عليها وانا مووول مشفره : امايه نسييت وخلاااص ما صار شي صمختيني

ردت علي : ما علييه يا مسودة الويه دواااج عندي .. ان ما زوجتج حمد ماكووون ام محمد


وراااحت 


قولي الي تقولينه .. ما يهمني بس حمد ما باخذه لو يموووت 

رحت اسبح والبس .. صليت الفجر .. وشليت كل أغراضي وطبعا مبايلي ما انساااه والشنطه .. طلعت من الحجره جفت الساعه كانت ( 7:45 ) اففف اليوم ثاني يوم ملل وارررف

نزلت تحت لقيتهم كلهم موجودين ويتريقون >> غريبه

الحمدلله امايه مب موجووده ولا بتفضحني

المهم سلمت عليهم ويلست اتريق .. عقب ما خلصت شليت مبايلي وكنت بتصل في فطوووم بس لقيت مسج منها وتقوول انها بتي ويا أخوها العوود

على طاري اخوها العوود .. ليكوون هو رد علي البارحه يوم اتصلت وقاال انها محد

شكلها مسويه شي عوود علشان جي ما ترد ( الله يستر )

نش اخووي محمد وسلم على مرته وولده ورااح صوب امايه فالمطبخ

وانا زقرت سارو .. وطلعنا ويا الدريول >> الى المدرســه







::|| الحصــــة الأولـــــى ||::


الحين انا يالسه فالصف والأبله يالسه تبربر .. والله مب فاهمه شي .. وهاااي فطووم السباله مايت قصت علي

صديت ورا وجفت هالشله الوصخه (( البويات )) يالسات عدال بعض .. والله يخوفوون 

ياريت لو وحده او ثتنيت .. حشى عليهم أربع ؟!!

لمحت وحده منهم تأشر لي .. وتقصد بهالحركه اني ليش اطالعهم معجبة فيها .. وععع من زينهم .. 

صديت صوب الباب يوم تبطل ولا فطوووم داشه .. وأشوه ان الحصة توها باديه ولا ما بتدخلها هاااي العيووز 

يت ويلست عدالي ..وتمت ساكته وتطالع جدامها كأنها تفكر في شي وسرحانه

قرصتها على جتفها علشان تنتبه .. بس طالعنتي بنظره وبعدين ردت تطالع جدامها

وييييه الله يستر شوفيها هااااي .. والله أشك ان السالفه كبييييره 

خصوصا انها البارحه ماردت عليه .. وبعدين اخوها رد .. واليوم مطرشه مسج وتقوول انها بتي ويا اخووها

خليتها في حالها يمكن ما تبا تشكي همومها .. انا روحي عندي هم >> حمدان السبال طبعا محد يدري .. حتى فطووم ما خبرتها عن حمدان

المهم ... خلصت الحصة .. ,, آآآآآي ×× ظربه قويه على جتفي

من منوو ؟؟!!

صديت .. جفت فطووم واقفه ويالسه تضحك بصووت عالي 

طالعتها بنظرات .. وحطيت ايدي مكان الضربه .. واااي تعور

بصراااحه عصبت من حركتها .. بس مافيني عالضرايب هاااي ربيعتي الوحيده 

صرخت عليها : يا حماااره يعور .. كسرتي جتفي 

ردت وهي تضحك : والله طاااعي ويهج ههههه جنج مهرج خخخخخخخ

يالله اشتغلنا الحين .. بدت التعليقات الماصخه .. بس بسايرها لازم أعرف شو سالفتها

قلتلها وانا اوني مهتمه : فطوووم شو كان فيج مساعه

ردت وهي تبتسم : ماشي اوني مندمجه ويا الأبله ومابي العب نفس كل سنه 

تصدقوون كنت بفلعها بالكتاب الي جدامي .. بس الا أعرف شو سالفت أخوها

قلتلها : انزين انا البارحه اتصلت فيج ما رديتي علي .. وبعدين أخوج رد وقال انج محد .. وحضرتج اليوم يايه متأخره ويا أخووج بعد .. خبريني شو السالفه ؟؟

يلست عالكرسي وقالت : ماشي .. امممم بس كنتي معااي في برنامج حيلهم بينهم خخخخخخخخخ وشردت

حيلهم بينهم .. ماعليه وخلت اخوها يرمسني بعد .. قمت شليت الكتاب وركضت وراها الخااايسه .. دوووم تسويلي هالمقالب 

يالله طاااعو الفضيحه يالسات نراكض فالصف .. طلعت فطووم برع وانا كنت بطلع وراها بس وقفتني وحده من البويااات وقالت : فديتج لا تركضين أخاف عليج لا اطيحين ويستوي فيج شي

الله يلعنها الحقيره .. فديتج اونه قلتلها : ما يخصج فيني .. وبعدين لا تيين صوبي انا مب مثلج يالــ... ( كنت بكمل بس الأبله دخلت فجأه 

وكل وحده ردت مكانها .. ولا كأنه شي صــااار 

المهم مرووا الحصص على خير ودق الجرررس .. طبعا الكل فرررح والي تركض والي تطييير ..حشى مب مدرسه سجن







*&*& الســــاعه __ 2:30 __ الظهـــر &*&*



وصلت البيت وعلى طوول تسبحت وغيرت ملابسي ونزلت تحت .. مالقيت حد .. كنت يوعانه موووت

سرت صوب المطبخ لقيت امايه تعابل ويا الجدوور سلمت عليها .. وردت عليه وكأنه مب صاير شي من بينا 

سألتها وأنا أدلع : شو طابختلنا يا أحلى أم بالدنيا ؟؟

ردت من دون نفس : كل خير .. يلا سيري داخل وتريي اخوج ومرته واختج لين يوصلوون وكلنا بنتغدى ويا بعض


ولبستنــــي ..!!


ما عليه لين متى بتم زعلانه .. وكل ها علشان حمد هالسبال .. ما عليه انا براويك انته وامك هاااي سوسة الفريج

دخلت الصاله ولقيت سارو توها يايه وسارت تبدل ثيابها 

جابلت التلفزيون .. وتميم أجلب فالقنوات اففف ملل مافي شي 

غفلت بدون ماحس .. 

حسيت بثجل على بطني .. بطلت عيوني لقيت عبوود يالس على بطني ويناقز 

تضايجت شوي بس يحليله ياهل مافيني اضربه وبعدين يحشرني محمد 

قمت وشليته .. لقيت امه يالسه تلعب ويا سارو بليستيشن 

سألت نوره : تغديتوو ؟؟

ردت علي وهي مندمجه فاللعبه : هيييي 

بطلت حلجي وعيوني وقلت : لييييش ما قومتوني ؟؟!!!

ردت علي : امج قالت انج شبعانه وما تبين 

لاااا مستحيييل هاااي تكوون أمي .. انا قلتلها فالمطبخ اني ميته يووع وهي تقوللهم اني شبعانه ومابي آكل 

نزلت عبوود عند نوره وسألتها : وينها ؟؟

ردت : منوو ؟؟!!

قلت و بديت أعصب : أمييي بعد نووه !!

صدت صوبي نوره متفاجأه من نبرة صوتي : بسم الله شو فيج عن تاكلينا .. مادري يمكن في غرفتها

لبستها ورحت صوب حجرة امايه .. بطلت الباب بالقوو .. لقيتها يالسه تتكلم فالتيلفوون ..

ويوم جافتني معصبه بندت وقالت : انتي شو فيج .. الناس يدقوون الباب نحن مب حيوانات جدامج جي تدخلين علينا

قلتلها : ليييش ما قومتوني حق الغدا ؟؟

ردت وهي مب مهتمه : جفناج راقده ما حبينا نزعجج .. ويلاا طلعي خليني ارقد تعبانه

ما حبيت اتمادى وياها مافيني عالحشره .. قلتلها : انزين ابا غدا يوعانه انا

انسدحت عالشبريه وقالت : سيري المطبخ حطينا لج غدا 

بدون اي همسه حتى عطيتها ظهري وكنت بطلع .. بس وقفتني جملتها : حمد يسلم عليج 

كملت طريجي للباب وفتحته .. طلعت وقبل لا ابند الباب قلت : الله لا يسلم فيه ولا عظمه قولي آمين .. وان شاء الله ما يرد

وركييييض للمطبخ 


تغديت .. الحمدلله .. طلعت بررررع الجوو حاار وعععع .. رحت غرفتي والحمدلله ما لقيت حد يالس برررع

فتحت اللابتوب وتميت أقرا قصص من الملل ..

ومر الوقت .. ماصارت أحدااث فيه .. طبعا امايه ما جفتها من بعد الكلام الي قلته لها عن حمد 

وعالساعه 11 رقدت وانا كلي أمل في يوم جديد خالي من ريــاح هالزمن العاصفة





هاااي .. انا الحين فالصف الحين ..وهاي الحصة الثالثه وبعدها بتكوون الفسحه ( وأخييرا )

دق الجررررس ليعلن عن بداية الفسحه .. وعلى طوول طلعنا برررع كلنا 

الي راحت المطعم تاكل والي راحت تتمشى والي والي .....

انا وفطوووم تمينا نتمشى ونعلق عالبنات شوي والأبلوات شوي ..

المهم وصلنا عند الحمام وقلت برووح أغسل ايدي .. فطووم الحماره كعادتها ويا مقالبها الماصخه >> طيحتني عالرمل

دخلت الحمام ومالقيت حد أحسن .. غسلت ايدي وخلصت 

طاحت مقلمتي تحت نزلت علشان أشلها .. سمعت صوت باب الحمام يتسكر ( طرااااااخ ) بالقوو 

أكييد فطوووم بدت ويا مسلسلاتها الي ما تخلص .. حاولت افتحه لقيته ما يتبطل ..

وفجأه سمعت صووت ياي من وراي : ياك الموت يا تارك الصلااااااه !!  

صديت مره وحده .. وتفاجأة من الي جافته عيني .. وقلت بقلبي ياريتني ما صديت ولا دخلت الحمام بالأساس ... 



 __ __ CUT __ __

" وأنتهــــىىى البــــــــارت "

===

.:: || همســـــــــــ( ة ) || ::.


حبيت أضييف بعض التفاصيل عن بعض الشخصيات ..





×|_ مهــره _|×


بطلة القصة .. أبوها توفى في حادث و كان عمرها تقريبا 6 سنوات .. طبعا كانت دلوعه واااايد 

طبعا هي ضعيفه .. وشكلها وااايد حلوو وكيوت 

بدت علاقتها ويا حمدان وهي كان عمرها 15 سنه .. لأنه ماكان جدامها غيره وهو ولد خالتها .. ومع الأيام كبر حبهم ومحد يدري عنه 

وهي الحين عمرها 18 سنه 


بسكم عاد 




" حمـــدان "

شاب وسيم وطويل .. جسمه رياضي شوي .. طايش وأناني .. و ما يحب الا نفسه وبس .. 

عمره الحين 22 سنه .. هو صح فالبدايه حب مهره .. بس يوم تعرف على (( عوااش )) حب يغير من الي عنده > مهروو 

طبعا حمدان عايش ويا أمه وأخته .. أبوه كان رياال كبير فالسن وتوفى قبل سنه تقريبا .. وعنده أخت اسمها ( سلامه ) بنفس عمر ساروو ووياها فالصف بعد  .. وأخته نوره العوده > متزوجه محمد ولد خالتها > اخو مهره 

هو ما يشتغل .. بس معتمدين كلهم على معاش أبوهم التقاعد .. يعني حالتهم زينه 




,, محمد ,,


جــاد في تعامله ويا الكل .. ومايحب يأجل أي شغل لوقت ثاني .. 

عمره 26 سنه .. متزوج نوره بنت خالته >> أخت حمدان

عندهم ولد واحد اسمه عبدالله 

طبعا هو مسؤول عن الكل فالبيت .. من بعد أبوه درس وتعب واشتغل علشان أهله ما يضيعوون 

بس مراات يتمصخر شوي ويا الي فالبيت 



&& فطووم &&

شخصية مرحه لأبعد الحدود .. تحب تسوي مقالب فالناس .. وخصوصا في مهره 

عمرها 18 سنه .. وهي عايشه ويا أمها وأخوها العود اسمه عبيد عمره 27 سنه >> مب متزوج .. وهو المسؤول عنهم .. ..... وعندها اخت عوده متزوجه واحد من أهلها 

طبعا أبوهم متوفي .. وحالتهم الماديه واااايد زينه .. عندهم شركه عووده وعبيد هو الي يديرها



^ حمــد ^

شاب عمره 24 سنه .. خلص دراسته بررع طبعا >> بزنس .. وبيرد على نهاية الأسبوع .. 

طويل وايد ..وشكله حلوو وايد ..

طبعا هو قال حق امه تدور له وحده .. وهاااي على طوول قالت له مهره .. وهو عيبته السالفه 



وبــــــــــــس 


هاااي تقريبا الشخصيات الي لها أدوار رئيسية فالقصة .. والباقيين شخصيات ثانوية مافي داعي أتكلم عنهم ..

===

(¸.•´ ( * الفصــــــل الرابـــــــــــع * ) `•.¸) 
( `•.¸ `•.¸ ) 
¸.• )´ 
(.•´
`v`



طاحت مقلمتي تحت نزلت علشان أشلها .. سمعت صوت باب الحمام يتسكر ( طرااااااخ ) بالقوو 

أكييد فطوووم بدت ويا مسلسلاتها الي ما تخلص .. حاولت افتحه لقيته ما يتبطل ..

وفجأه سمعت صووت ياي من وراي : ياك الموت يا تارك الصلااااااه !! 

صديت مره وحده .. وتفاجأة من الي جافته عيني .. وقلت بقلبي ياريتني ما صديت ولا دخلت الحمام بالأساس ...



دزتني بكل قوه على اليدار حتى اني حسيت ان عمودي الفقري رااح فيها 
قالت وهي ترص على رقبتي : منووو انتي علشان تصديني انا .. تعرفين منو انا .. الكل في هاااي المدرسه ما صد عني والي اباه اسويييه على كيفي فاهمه 

حاولت افج عن ايدها بس السباله راصه على رصه وحسييت اني بموووت خلاااص 

قلتلها : بلييز هديني حرااام عليج بمووووت
لا حياة لمن تنادي .. تمبت أصارخ بصوت عالي علشان فطوووم تسمع صوتي 

والحمدلله حسيت ان حد فتح الباب ودخل علينا .. شوي ولا أحصل ضربه قويه على راسي .. جفت فطووم تطالعني وتضحك .. انتبهت لنفسي لقيت عمري فالصف 

واااااااااااااااي الحمدلله طلع حلم 

هههههههههه والله خفت لو هالموقف يستويلي .. خلاص ما بروووح صوب الحمام أبدااا

صديت وراا ما لقيت هالشله الوصخه .. اكيييد شاردات الحين فكه منهم 

المهم انتهى الدوام ومر وقت الظهر والعصر على خييييير من دووون أي تعليقات من امايه .. لاني ما جفتها اليوم موووول 

لاني اول مارديت من المدرسه تغديت وصليت الظهر وخمدت 

انتبهت لنفسي .. لقيت عمري طايحه تحت من ع الشبريه .. لا حوووول .. هاااي العاده ما تخووز عني من صغري لاصقه فيني

قمت من الأرض ورتبت فراشي انتبهت للساعه كانت 6:30 رحت اتغسل وصليت المغرب .. قلت بنزل تحت بجوووف آخر الأخبار فهالبيت .. والله اشك اني بنتهم .. عنبو محد يسأل عني حيه ميته ماكله يوعانه صاحيه مريضه

تميت امشي شوي شوي لاني يالسه اسمع حشره وأصوات غريبه .. وصلت عند آخر الدري تحت .. وييييه هاااي الحشره أم حمد افففف منها مزعجه .. كنت بشرد بس زختني امايه وقالت لي اروح واسلم .. لو عاندت بتعاند زياده وبدخل في متاهات مالها اول ولا تالي 
دخلت الصاله ام حمد ونوره يالسات وسلمت من بعيد : سلام عليكم .. ويلست بعيد عنهم

قالت المزعجه : هاااه يا قليلة الأدب تعالي سلمي .. انتي صدق مب مربايه

قهرتني .. كنت برد عليها بس امايه يت وكملت بعد : هيه والله هااي مب مربايه .. الظاهر انا ما ربيتها عدل .. ويلست صوبهم

ما سويت لهم سالفه .. الحين صدق والله بديت اصدق اني مب بنتهم انا لقيطه !! لاااا ما اصدق ... بسم الله بلااي قمت اشفر 

نشيت من عندهم ورحت الصاله الثانيه وخذت تيلفون البيت وقلت بكلم فطووم 

اتصلت على موبايلها ماردت .. هااي بعد تقهر .. اتصلت على بيتهم .. رد علي أخوها العووود بصوته الرجوولي : ألو

بصراحه صوته اربكني وقلت بصوت خفيف : سلام عليكم 

رد علي : وعليكم السلام

حسيته مثل أخووي محمد يرد علي بجديه 

قلت : وين فاطمة ؟

قالي : منو أقول لها ؟؟

يا ربي داشه تحقيق انا ..قلتله : مهره

رد علي : عاشت الأسامي مهاري .. لحظه شوي

انصدمت من حركته .. هااه طفس بعد شو يبا يقردني
بس والله صووته عذاااب وحلووو >> عاشقه الأخت

سمعت صوت فطووم تقوول : انتي شو سويتي في أخووي 

قلتلها وانا مستغربه : نعم !! .. ما سويت شي

قالت : لا سويتي .. جوفي اخووي يالس يمدحج ويقوول كلام حلوو عنج 

وااي كفايه حمدان علي وحمد هذا الي ظهر لي عالخط بعد .. ييلي هذا اففف

رديت عليها : مادريبه هو روحه يوم قلتله وين فاطمة قالي منو انتي قلتله مهره وقال قليل الادب عاشت الاسامي مهاري بعد اونه يدلعني هالطفس

ردت وهي تضحك : هههههه لا ادي اخووي دوومه جي .. صح هو جدي شوي بس يحب يسولف 

قلتلها :اهاا وانا اقول انتي طالعه على منو

قالت : غرييبه عيل متصله هالوقت ؟

رديت عليها : شوووو مب عايبنج يعني .. خلاص بااااااي 

قالت بسرعه : لا لا لا اتمصخر انتي شو ما تستحملين المصخره موليه 

قلت : صراااحه مليت من حركاتج ومصخرتج ولعبج ومقالبج السخيفه بعد 

قالت : خييييبه تخيبج كلها كره .. مالت واونه انتي اعز صديقه 

رديت بقهر شوي : جب جب اعز صديقه وكل يوم مسوتلي سالفه مره جن ومره اخووج هالطفس 

لمحت امايه يايه صوبي .. قالت لي : تعالي ام حمد تباج شوي 

اشرت لها صبري شوي .. وقلت حق فطووم : يلاا فارجي امايه تباني شوي 

قالت : قليلة الأدب ما عليه براويج باجر .. باااي 


وبندت في ويهي الماصخه


رحت صوب امايه وقلت لها : جوفي اذا كلمتني عن ولدها بقول لها اني مب موافقه وبرووح غرفتي على طول

دزتني وقالت : والله يا ويلج ان سويتيها .. بخلي اخووج محمد يضربج ضرررب لين تتأدبين

الحييين 50% تأكدت اني مب بنتهم .. حشى وحوووش مب ناااس

دخلت الصاله ويلست بعيد وقلت بصووت عالي شوي : نعم شو تبين ؟

قامت ام حمد ويت صوبي وقالت : انتي والله حسافه ازوجج لولدي .. الله يستر بعدين شو بتسوين فيني

قلتلها وانا متعمده اقوول هالكلام علشان اتهون علي : والله كيفج يامالج من هالكلام وأكثر بعد

بس الحــ.. استغفر الله .. معانده مادري شوياها وفجأه قالت : فديت روحج مهااري انتي عسل على قلبي والله .. والي تبينه بسويلج اياااه بس وافقي 

طاااع هاي وين تبا .. تبا تغريني اونها بس ماشي بصر على رايي .. صح ان حمد حلييو ومليووم بنت تتمناه بس انا ما اطيقه يقهرني وتصرفاته بعد تقهر .. اصلا انا ما افكر بالزواج حاليا 

والسبب الثاني حمداااااااان الخاين قص علي وخلاني احبه وما جفت حد غيره .. ويالله يالسه آكلها الحين ودرني وراااح عند عواااش السباله .. عاد ما لقى غير عدوتي 

انتبهت لنفسي .. انا شو يالسه اخربط .. قمت من مكاني وقلت : بفكر 

وعلى طوول رحت غرفتي .. مافيني عالحشره .. وانا قلت هالكلام علشان يسكتوون عن السالفه لين ايي هالحمد ويصيير خير بعدين ..




......................
............
......
...
.

مروو هاليومين على خير .. بدون تعليقات من امايه .. ولا جفت محمد اخووي ( أحسن ) وام حمد مايت ( فكه ) 

ويا اليوم المنتظر لــ >> ام حمد 

يوم الأربعاء .. وصــول حمد من الخارج .. بعد ان انتهى من دراسته وأحضر معه الشهاده العاليه 

.
...
......
............
........................




أنا الحين يالسه فالصاله روووحي .. كلهم راحوو عند هالزفت حمد .. مالت ..لا وامايه تقولي بعد لاتييين اونه العروووس انتي ما يصيير اتجووفينه

هاااي وين تبا .. انا مستحيل آخذه .. تبون تعرفون ليش .. بخبركم

مره يوم كنت صغيره .. كان حمد يلعب وياي انا واخووي محمد في بيتنا .. وكنا انا وحمد مندسين عن محمد اخووي وهو يدورنا .. المهم انا كنت في المطبخ مندسه .. وفجأه جفت حمد يا وتم وياي اونه مايعرف وين يرووح .. 

وانا مالت عليه اوني بعد اقووله هي تعاال وياي .. وماكنت ادري بنيته الشييييينه .. الله ياخذه 

كاان يبا ... ما بقوول .. استحي .. المهم من بعد هاليوم كرهت شي اسمه حمد 

بس كنت خايفه وماخبرت حد عن الي صااار .. وطبعا ماخليته يسوي الي يبااه .. كفخته بالجدر الي كان عدالي وشردت عنه 

هههههه بس والله ضحكني اليوم الثاني يوم يا بيتنا وكان لاف راسه .. شكلها الضربه يابت مفعووول قوي ههههههههههه

وبس .. هالسبب الي ما يخليني ارتبط فيه .. أحسه مكااار وخاايس ولعاااب ..

اففف وايد طوولو ملل .. عالأقل هم هنيه في حد أضارب وياه او اتلاسن ويا امايه خخخخخخخ

جفت الساعه كانت 8:30 فليل الحين بيأذن بعد شوي .. بسيير أصلي واذا مايوو بتعشى وبرقد .. الصرااحه مافيني على امايه ادريبها بتيلس تمدح فييييه لين اوافق وهالشي مستحيييييييييل



خلصت صلاتي والحمدلله .. ملل شو اسوي .. قلت بقرا قرآن لين ايوون 

قريت تقريبا 13 صفحه .. ودخلت عليه امايه .. أظن انها تفاجأت يوم جافتني وانا اقرا قرآن .. يت ويلست حذالي .. خلصت انا ورديت القرآن مكانه .. ورحت صوبها وبست راسها 

قالت : ما شاء الله تقرين قرآن .. من متى ؟؟

من لهجتها حسيت انها تطنز علي .. قلتلها : من زمان أقرا .. والحمدلله

قالت : المهم ما علينا .. حمد يسلم عليج 

من قالت جي نشيت على طوول من مكاني .. مابي أعطيها فرصه انها تفتح لي أبواب وانا مب فايقه الحين وقلت : أ أ أ انا يوعانه برووح اتعشى 

كنت بشرد بس انصدمت بـ محمد يوم طلع جدامي فجأه ..

يا ويلي الحين كفايه امايه .. هالمره محمد .. الله يستر بس 


قالي : على وين يا حلوه ؟؟!

رديت لورا .. وسمعت امايه تقول : أختك تبا تفضحنا وتشرد من البيت علشان ما تاخذ حمد 


         

ليييين هنيه وبس .. الحين انا متى قلت بشرد من البيت .. خيييبه قويه الصراااحه 

صديت صوبها وقلت : امايه انا متى قلت اني بشرد من البيت .. وبعدين مب كيفكم اتزوج حمد .. هاي حياتي الخاصة مالكم خص فيها

سمعت محمد من وراي يالس يقوول وشكله كان يأشر حق امايه : صح كلامج .. هاي حياتج الخاصة ونحن مالنا خص فيها .. يالله امايه تعالي أباج شوي ... وطلعوا 

أكيييد ورا محمد شي .. والحين بييلسون يخططون علشان آخذ حمد باي طريقه .. بس الي أبا أعرفه ليش هم مصممين اني آخذ حمد ؟؟! معقوله يبون الفكه مني .. يمكن لأني مب بنتهم .. 

وييه بلاي قمت أخررف .. اوووف والله تعبت من كثر التفكيير .. خلهم يسوون الي يبونه .. بس حمد مستحييييل آآآآآخذه

سكرت باب غرفتي وانسدحت على شبريتي .. ملل ماعرف شو أسوي .. لو نزلت تحت ما بخلص من نغزاتهم وتعليقاتهم ..

وتميييت على هالحــال لين غفلت و رقدت ..






اليوم الخميس .. آخر يوم دوام لهذا الأسبوع ..


كالعاده ازعاااج عالصبح .. وحشرة ساروو الي ما تبا ترووح المدرسه ..

والهدووء وكأنه مافي حد فالصف >> الحصة الأولى >> طبعا الكل مشفر ورااااقد والأبله روحها تحشر خخخخخخخخ

المهم مر السكوووول على خير .. ورديت البيت .. بدلت ملابسي .. وصليت الظهر .. ونزلت تحت 

دخلت الصاله لقيت امايه وسارو ونوره وعبوود ولدها وتوهم بيطلعون من الباب .. لحقتهم ووقفت جدامهم وقلت : على وين ماشاء الله ؟؟!

دزتني امايه بايدها عالخفيف وقالت : بنرووح بيت ام حمد .. عازمتنا عالغدا 

وييييه مالت عليها هااي العيوز بعد تعرف تعزم .. قلت : انزين انا ابا غداا يوعااااانه ؟!

قالت لي امايه وهي طالعه : رووحي المطبخ وغري لج شي غداا هناك وزطي ..

تميت واقفه اطالعهم وهم يطلعوون واحد ورا الثاني .. وجني مب موجووده جدامهم .. الا نوره قبل لا تطلع قالت لي : ماعليييه هااي أمج لو شو تسوي وتقوول لج .. وراحت

تذكرت شي ولحقتها : نووره .. محمد وين بيتغدا ؟؟

قالت وهي تصارخ : محمد بيتأخر فالدوام ومابيرد الا فليل ..

الحمدلله فكه منه .. يعني بكوون روحي فالبيت .. كنت بدخل داخل بس تذكرت حمداان .. غريبه من فتره ما جفته من هااك اليوم .. أحسن 

سرت قفلت باب الحوي علشان ما أيي هالجني ويدخل علي فجأه ..

ورحت صوب المطبخ وغرفت لي وتغديت وخلصت .. وااي بطني انترس 

غسلت ايدي ويلست فالصاله أجلب القنوات ..ملل .. قلت بسيير اييب لابي وبيلس اتحوط فالنت ..

قمت من مكاني متجهه لغرفتي علشان اييب اللاب .. بس وقفني صوت جرس الباب يوم رن .. اففف منو هالمتفيج بعد ياي .. محمد فالدوام وقوم امايه بيت ام حمد ومابيردوون الا فليل ..

رحت أجووف منو عند الباب .. فتحته .. وجفت واحد طويل واقف ومعطني ظهره

ويوم انتبه ان في حد فتح الباب لف صوبي .. وانصدمت منه .. هذا ليش ياي ؟!؟!؟!؟!؟!؟!؟!

كنت بسكر الباب في ويهه .. بس تفاجأت يووم دزه بالقوووو !!!!!!!!


،، ،، ،، ،، ،، ،،

،، ،، ،، ،، ،،

،، ،، ،، ،،

،، ،، ،،

،، ،،

،،



__ __ CUT __ __


  " انتهــــىىى البــــــــاااارت "   

===

(¸.•´ ( * الفصــــــل الخـــــامــــــــس * ) `•.¸) 
( `•.¸ `•.¸ ) 
¸.• )´ 
(.•´
`v`




رحت أجووف منو عند الباب .. فتحته .. وجفت واحد طويل واقف ومعطني ظهره

ويوم انتبه ان في حد فتح الباب لف صوبي .. وانصدمت منه .. هذا ليش ياي ؟!؟!؟!؟!؟!؟!؟!

كنت بسكر الباب في ويهه .. بس تفاجأت يووم دزه بالقوووو !!!!!!!!





قلتله : أطلع بررررع .. والله بخبر عليك محمد 

ما سوا لي سالفه .. زخني من ايدي بكل عصبيه .. ووداني صووب الحديقه .. ودزني بالقوو على العشب تحت الشير 

وقال : منو تكونين انتي علشان ترفضيني ؟؟!

كنت يالسه اتألم من الضربه الي يتني بسبب طيحتي عالارض .. بس هو ما عيبه سكوتي .. زخني من شعري وقال : انطقي يا حمااااره

تميت أصارخ بصووت عالي .. يمكن أي حد يسمع صوتي وايي يفكني من هالفك المفترس .. بس أبدا لا حياة لمن تنادي 

حسيت به عصب من حركتي علشان جي حط ايده على حلجي .. كنت أختنق .. وشكله حس فيني وشل ايده عني

وقفني ولفني صوبه وخلاني أابله وقال بصوت أهدى شوي: ليش رفضتيني .. شو جايفه علي .. انا احبج وامووت فيج 

كنت بررد عليه .. بس ما قدرت أتكلم ولا أنطق بحرف واحد ..

زخني من جتوفي وهزني بالقوو وقال : ردي علي 

والله ابا ارد عليه بس مب قادره .. تدرون ليش ..








لأني






لأنـــــــي





لأنـــــــــــــــــــــــــــــــــــــــي









كنت أطالع الشخص الي واقف ورااه .. ويطالعني بكل حقد وكره وجرم واحتقااار .. هو سمع كلام حمد وشكله كان يراقبنا من اول ما فتحت الباب .. 

جفت حمد انتبه اني يالسه اطالع ورااه .. وصد .. وتفاجأ من حمدان الي كان واقف وراااه .. كان بيقوول شي بس حمدان ما عطاااه مجال انه يتكلم .. لأنه عطاااه ضربه خلته يرقد عالأرض من قوتها ..

انا أكييد يالسه أجووف مسلسل جدامي .. حمدان عفد على حمد وتموو يتضاربوون .. ولييش علشاني أنا !!

تميت أصارخ وأزقر حمدان وحاولت أيوده .. لكنه دزني بالقوو وطررررت صوب الشير .. آآآي .. راسي ضرب بالكرسي الي تحت الشيره وماحسيت بروحي .....



انتبهت لنفسي .. حاولت افتح عيني بس ما قدرت .. احسها ثجيله 

اسمع أصواات .. امايه تتكلم ويا نوره وأخووي محمد .. وييييه حمدان وحمد !! شو صاار لهم ..

قمت فجأه .. وتميت اطالع انا وين .. في غرفتي وعلى شبريتي منسدحه .. شو السالفه .. حمد وحمدان وينهم .. 

انتبهوو عليه .. ويو صوبي .. قولت لي امايه : الحمدلله على سلامتج 

رديت عليها وانا بعدني متفاجأه : الله يسلمج .. شو صاار ؟؟!!!!

قالت : مادريبج .. شو صار لج .. اتصل فينا حمد وقال انه لقااج طايحه فالحديقه ومغمى عليج ..

كنت برد على امايه بس محمد فاجأني يوم قال : شو صار لج .. وليش كنتي طايحه ؟!!

ويييه شو أقوله .. اقوله ان حمد كان ياي .. وبعدين يا حمدان وتضاربوو .. علشاني انا !!!

قلتله وانا متردده : اممم مادري .. كنت أتمشى فالحديقه وو .. لا اقصد كنت أركض أسوي رياضه وجي .. ودعمت الشيره وماحسيت بعمري ..

تم يطالعني بنظرات شك .. وبعدين طلع .. اففف الحمدلله طافت عليهم .. 

نشوو أمايه ونوره وطلعووا 

لمحت الساعه كانت 8:30 فليل .. يوعانه .. قمت من شبريتي وحاولت أمشي بس بصعووبه .. جسمي يعورني .. وراسي يدوور واااي .. تيودت باليدار ودخلت الحمام تغسلت وطلعت .. صليت المغرب والعشى 

وطلعت من حجرتي .. جفت عبوود ولد أخووي .. شليته وتميت العب ويااه .. ثجييل حتى اني كنت بطيح .. ماعندي توازن ..

نزلت تحت جفتهم كلهم متيمعين .. سلمت عليهم ويلست 

طبعا عبود من جاف أبووه رااح صوبه .. وسمعت صوت يقولي : الحمدلله على سلامتك مهره .. ما تجوفين شر

وييييه هااي شو تبا بعد أم الحشره .. رديت عليها من دون ما اطالعها : الشر ما اييج .. وسكت

جفت امايه تطالعني باحتقار .. شكلها مقهوره من ردي

ما سويت لهم سالفه قمت من مكاني ورحت صوب المطبخ .. حطيت لي عشا وتعشيت فالمطبخ الداخلي ..

خلصت عشاي ( الحمدلله ) ورديت غرفتي ورقدت من التعب ...


نشيت من رقادي وجفت الساعه كانت 11:00 ص .. تغسلت وصليت الفجر .. وبعدها يلست اقرا قرآن لين أذان الظهر .. اليوم الجمعة .. يعني كلنا بنكوون موجودين عالغدا اففففف والتنغيزات بتبتدي الحين ..

كملت ساعه ونص تقريبا وأنا أقرا .. بصراااحه حسيت براااحه .. مادري ليش ..

بدلت ملابسي >> أوني عااد كاشخه .. قبل لا أطلع من الحجره رن موبايلي .. جفت الشاشه .. هااي فطوووم 

رديت عليها : هلا هلا بالقاطعه

قالت : أهلين .. أولا انا مب قاطعه .. انتي ليش ما تتصلين ؟؟ ... وثانيا .. الحمدلله على السلامه شو يااااج ؟؟ هههههههههههههههه

طااعو تضحك عليه ما علييه : ما فيني شي .. يلااا فارجي خليني أرقد 

ردت علي : قليلة الأدب .. المهم بيي بيتكم وبتغدا عندج .. وبعدين بنسيير الستي أو امارات مول .. أوكي ؟؟

وين تبا هاااي .. : أنتي خبله .. اونه نطلع تبين محمد يذبحني ..

فطووم : روحي ولي .. اذا انتي خوافه انا بخبره وما علي منج ... يلاا باااااي

وكالعاده .. سكرت الخط في ويهي 

يالله أحس أن مشكله يديده يايه فالطريج .. طلعت من حجرتي ونزلت تحت .. لقيت محمد توه ياي من صلاة الجمعه .. وشكله ماخذ عبوود وياه .. بس الظاهر عبوود مطفرنه .. أحسن يستاهل

رحت بست راس امايه .. شكلها راضيه عني اليوم أجوفها تبتسم لي ..

يلست صوب نوره .. تمينا انسولف عن مواضيع مختلفه .. بس استغربت ان مايابو طاري حمد أبدا .. الحمدلله

وييييه تذكرت .. فطوم قالت بتي حق الغدا .. قلت حق امايه : مامي .. فطووم ربيعتي بتي حق الغدا

قالت : حياها الله .. البيت بيتها 

زين والله تحبها بعد .. عبالي بتضايج ولا شي .. بس محمد شكله تضايج شوي .. مادري شو سالفته هذا ..

بعد ربع ساعه وصلت فطووم .. ورحنا غرفتي أول شي .. تمينا نسولف هناك .. ويت نوره وقالت ان الغدا زاهب ..

طبعا انا وفطووم كلنا فالميلس .. والباقين كلوو فالصاله .. لأن محمد أخووي بعد اونه يدلع (( مالت )) هههههههه

كلينا وشبعنا .. والحمدلله .. طلعنا برررع انا وفطووم ونوره وعبوود صوب الحديقه .. لأن الجو كان روووعه .. اما امايه راحت غرفتها تريح شوي .. ومحمد يالس فالميلس ..

تمينا نسولف ونلعب .. طبعا ربطنا عين نوره .. وتمت تلحقنا خخخخخ لين دعمت الشيره .. والله اضحك .. المهم ما كملت ويانا لأنها تعبت وراحت فووق أو عند ريلها .. مادري 

أنا وفطووم تمينا نتحوط فالبيت لين الساعه 4:30 تقريبا ..

وقالت فطووم : اييييه يلاا ماشي وقت .. خلينا نرووح الحين علشان نرد من وقت وما نتأخر 

رديت عليها : فطووم والله محمد ما بيرضى .. انا ادريبه .. هو من كم يوم كله يعاندني مادري شو فيه عليه .. حتى أمايه 

دزتني وقالت يلاا بلا دلع .. روحي خبريه .. هو فالميلس رووحه يالس .. وقولي له ان أخووي عبيد بيوصلنا وبيردنا

من طرت اسم عبيد .. حسيت بشي في داخلي تحرك .. افففف هالانسان كل ما اذكره يحرك فيني مشاعر .. وااااي الله يستر بس 

بعد طلعت الروووح وافقت .. ورحت صوب الميلس .. جفت نعال واحد .. الحمد لله محمد روحه يالس .. دخلت جفته يعابل ويا التلفزيون .. قلتله : محمد انا برووح الستي ويا فطووم .. وأخوها عبيد هو الي بيوصلنا وبيردنا .. بلييييز خلني أرووح 

صد صوبي .. وانصدمت منه .. هذا من وين طلع لي ..

قلت : حمد !!!!!

كنت بشرد بس دعمت محمد الي كان واقف ورايه .. وقال : لا والله .. انتي ما تستحين تدخلين على الريال .. لا وتسولفين ويااه بعد 

هذا شو فيه جي حقيير .. ماخذ عني فكره سيئه .. قلتله وانا مغيظه : مادري عبالي انته روحك هنيه .. ووو خلاص انا طالعه .. 

قبل لا اطلع مسك ايدي وقال : جوفي ..روحي بس ماشي تأخير .. فاهمه .. قبل اذان العشا لازم انتي فالبيت 

رديت عليه من دوم ما اطالعه : انزين .. ورحت

السبال .. الحقير .. النذل بعد .. شو يتحرى عمره .. لا وهذاك بعد ويا راسه واقف ويتطمش .. زين ماقالي خذي رايه بعد

لمحت فطووم واقفه برررع وتتكلم في مبايلها : خلاص تعاال الحين اوكي .. باي

قلتلها : تكلمين منو انتي ؟؟
قالت : كلمت عبيد اخووي وقال بيي الحين .. يلاا روحي تلبسي 

قلتلها : انتي على كيفج تقررين .. وبعدين كيف عرفتي ان محمد وافق ؟؟!

قالت : هههه حبيبتي .. انتي يوم رحتي .. جفت محمد طالع من الصاله وعرفت ان حمد داخل .. خخخخخخخخ .. وقلتله ووافق 

رديت عليها وانا اظربها : حماااره وخايسه .. 

قالت : آآآىي .. ول مب ايد عليج .. ملااااااااس .. وبعدين ليش تسبين ؟؟

قلتلها : كيفي .. ويلاا خلينا نرووح نتلبس 

سرنا فوق لحجرتي .. وتمينا ربع ساعه .. تلبسنا فيها وتكشخنا .. واتصل عبيد اخوها وقال انه بررررع ..

قبل لا أطلع رحت عند امايه .. وقلتلها اني برووح الستي ويا فطووم وعبيد اخوها بيوصلنا وبيردنا بعدين .. وافقت بدون تردد ( غريبه صح )

مب جنه يبوون الفكه مني .. اكيييد وراهم شي .. والله يستر منهم 

المهم وصل أخوو مهره .. وانا كنت وايد خايفه مادري ليش .. من اول ما سمعت صوته .. وانا احس بشي ( يجذبني له ) واااي ليكوون حبيته .. خيبه احبه وانا ماجفته .. بلاي عبيطه .. حسيت بقرصه ..

آآآآآآآآآآآآآآآآآآي

فطوووم الحماره قرصتني ونبهتني ان اخووها واقف جدامنا .. وقالت : يلااا ما بتركبين شو ؟؟!

هزيت راسي لها .. وركبت ورااه .. والله ماكنت ابا هالمكان .. بس شو اسوي خلاص انا يلست واستحي اتحرك ..

سلمت وتميت اطالع بررررع .. ما بجووف الجامه الي فالنص .. ادريبه من كلامه وياي اهاييج المره شكله واحد لعاااب وماصخ ..

سمعت رده علي .. وكان عادي .. وسكت 

طبعا طوول الدرب تمينا ساكتين ولا حد فينا نطق بحرف لين ما وصلنا الستي .. ونزلنا انا وفطوووم .. 

الحمدلله اخوها راااح .. عبالي بعد بينزل .. 

دخلنا الستي .. وكان الجوو روعه بس وااايد زحمه .. اففف اكره المكان الي فيه زحمه .. بس انا فرحانه الحين لاني من زمان ما طلعت 

زخيت ايد فطووم وتمينا نتمشى .. سمعت فطووم تقول : هاااه شو رايج بأخووي

هااي وين تبا .. قليلة الأدب قلتلها : والله انا ركبت السياره وعيني برررع لين ما وصلنا هنيه .. وبعدين ليش تسأليني هالسؤال ؟؟!

قالت : لا ماشي .. تعالي ندخل زارا 

أحسها تبا تغير السالفه .. أحسن .. دخلنا زارا واتشرينا كم بدله وطلعنا من المحل ..

ونحن طالعين .. صادفت حمداان النحس جدامي .. لا ومنو بعد وياه .. عواااش السباله كنت بشرد بس جافني ويووه صوبنا صوبنا ..

لمحت فطووم مسكت ايدي وتبانا نشرد .. هي ما تدري ان هالحمااار ياي ويايب مصييبه وياااه .. يودتها ورحنا شوي بعيد .. وقلتلها : اشفييج .. هذا حمدان ولد خالوووه 

احسها استغربت .. وبعدين قالت : حمدااان !! اممم انزين ليش ياي صوبنا .. اتجوفيينه ماسك ايد هااي البقره عواش .. افففف انا بسييير ويوم بتخلصيين منهم تعالي عندي ..

قلتلها : لااا تبين توهقيني وياهم .. حبيبتي نحن يايين ويا بعض واتمين وياي فاهمة .. وبعدين ما بنسوي لهم سالفه كانه ما جفناهم .. يلااا طوفي 

صدينا الصوب الثاني وتمينا نمشي .. وهم لحقونا لين ما مسك ايدي حمدان .. صديت صوبه وتميت اطالعهم باحتقااار وقلت : نعم في شي ؟؟

ردت علي عواش : هلا والله بمهرووه .. شحالج وشخبارج .. تقوول هالكلام وهي ماسكه ايد حمدان كأنه بيطير منها واونها تبا تغايضني 

رديت عليها : جب .. مالج حق تسألين عني .. لا أعرفج ولا تعرفيني انتي ويا هالسبال الي وياااج 

وطفت عنهم .. أدري انهم تفشلوو أحسن هذا الي أباااه ..

بس استغربت من حمدان .. يعني ما تكلم ولا يا صوبي مره ثانيه ..فكه

كملنا حواطتنا فالستي .. ورحنا صوب المطاعم وطلبنا لنا عشا وتعشينا .. واتصلت فطووم في عبيد أخوها .. ويا شلنا

وصلت البيت تقريبا الساعه 8ونص .. سلمت على فطووم ولمحت عبيد يالس يطالعني .. قلتله : في شي >> قويه صح هههههههه

قالي : لا سلامتج وابتسم 

دخلت بيتنا .. وجفت سيايير داخل .. شو السالفه .. ليكوون امايه عازمه نااس وماخبرتني ..

وصلت عند باب الصاله .. بس جفت ايد مسكتني وايد ثانيه على عيني وويهي ..تميت اصارع مع هالشخص بس أبدا ماقدرت اقاوم ..

وداني صوب الحديقه .. يامامي .. منو هاا اخاف يذبحني ..

وصلنا لآخر الحديقه وهدني .. لفيت لقيت حمدان السبال واقف وشكله معصب واااايد .. وقال : منو هاااا .. مب كفايه حمد ؟؟؟

جوفووو السخيف .. اففففففف شو اقوله الحين .. ادري لو قلت اي شي ما بيصدق .. 

قلتله : ما يخصك .. انته شو تبا فيني .. انا ارووح اي مكان انته مالك أي حق فيني فاهم

زخني من رقبتي ولصقني فاليداار : جب ولا كلمه .. حسيت بانفاسه عاليه .. وكاان معصب واايد ..

كمل : انتي بتمين لي أنا وبس فاهمه 

قلتله : هدني ..آآآآي .. والله بخبر عليك محمد .. حاولت اصارخ يمكن حد يسمعني بس ما قدرت راااص عليه 

يوم حس اني بمووت .. اونه مالت عليه هدني وابتعد عني خطوات 

وانا ابتعدت عنه وتميت أكح .. قلتله : انته خاين .. واليوم جفت أكبر دليل بعد يالخاين .. شو تبا فيني .. خلاص فكني عندك عوااش واشبع وياها

من شكله ما توقع كلامي .. بس مادري شو صاار فيه وعطاني ظهره ورااااح

واول ما ابتعد عني شوي .. ركضت صوب الباب الي ورا وقلتله بصوت عالي : جوووف ما تقدر تواجهني يا خاااااين يا حقيييير ...

ودخلت داخل الصاله من وراا علشان محد يجوفني .. وسييييده رحت فوق لغرفتي ..

تغسلت وبدلت ملابسي .. طلعت اغراضي الي شريتهم من الستي ورتبتهم فالكبت ..

جفت الساعه كانت 9:00م امممم ملل شو أسوي .. طحت على شبريتي وتميت استرجع كل الي صارلي .. خيانة حمدان لي .. كره امايه لي ومعاملتها السيئه بعد .. اصرارهم على زواجي من حمد .. وتهجم حمد علي فالبيت .. وضرابة حمدان وحمد .. وعبيد الي مادري من وين طلع لي .. 

حشى لو انا يسوون عني مسلسل ما بيخلصوون .. بيوصلوون للحلقه 10000000 وبعد ما بخلص ..

اففففف كرهت كل شي في هالدنيا .. محد يباني .. الا فطووم فديتها ويا مقالبها .. 

شليت اللابتوب .. وتميت أتحووط بين المنتديات..

سمعت دق عالباب .. رحت افتحه .. لقيت محمد أخووي .. الله يستر .. صرااحه شكل ويهه يبشر بمصيبه عووده يايه فالطرييييج

قالي : متى رديتي ؟؟

قلتله : قبل شوي .. ليش ؟؟!

طلع لي أوراق وملف .. وعطاني قلم وقال : ممكن يعني توقعين هنيييه 

تفاجأت من طلبه .. بعدين ما بوقع لين أعرف شو السالفه : لييييش ؟؟!

قالي : ما يخصج وقعي ولا تسألين 

قلتله : ما بوقع لين أعرف شو السالفه 

زخني من شعري بقووه وقاال : لا تعانديني .. والله بذبحج تراني .. وقعي وفكيني ... بسرررررررررررررررعه 

تميت ازااعج واصارخ : مابي مب كيفك .. ما بوقع على اورااق ماعرف شو فيها ..

قالي وهو يكفخني : هااي اوراااق ملجتج على حمد .. فاهمه

هالشي الوحيد على مايا على بالي .. وانا اقوول شو كانو يخططون هو وامايه .. اثاري جي السالفه .. ما بوقع علهم الحرررق 

قلتله : ما بي مابي حمد .. ما بتزوووووووج .. مب كيييييفكم تغصبوني على شي ماابااااه 

ما عطاني فرصه أكمل كلامي .. بس كافي انه يرني بكف طيرني بعيييد عنه .. وياليت روحي تطلع بعد علشان ما آخذ هالزفت حمد .. مااااااابيييييييييييييييييييييه .....





~~~ CUT ~~~

" انتــــهى البــــــــــــاااارت "

===

(¸.•´ ( * الفصــــــل الســــــــادس * ) `•.¸) 
( `•.¸ `•.¸ ) 
¸.• )´ 
(.•´
`v`



ما عطاني فرصه أكمل كلامي .. بس كافي انه يرني بكف طيرني بعيييد عنه .. وياليت روحي تطلع بعد علشان ما آخذ هالزفت حمد .. مااااااابيييييييييييييييييييييه .....


انتبهت لنفسي .. أنا وين .. قمت لقيت عمري طايحه حذاال الكبت .. ياربي شو صاار لي .. محمد كان يضربني .. هييه .. حمد .. تذكرت .. عرسي .. معقووووووووله .. انا بعرس .. لا وبعدني ما خلصت الثانويه .. 

مستحيل يصير هالشي من دون رضااي .. نحن مب فالعصر الحجري .. مب كيفهم يحددون مصيري .. لازم أشرد .. علشان كل شي يتوقف .. بس وين أرووح .. وعند منوو أروح ..

لا لا شو أشرد .. بفضح عمري وبفضح أهلي .. مافيني ع رمسة الناس ..

حاولت انش من مكاني .. آآآي ريلي تعورني وراسي .. جفت فالجامه ويهي .. خيبه مكفخه عدل .. الله يتنقم منك يا محمد يا أخووي .. والله أشك انه أخووي .. 

رحت اتغسل .. وخلصت .. طلعت من الحمام .. ولا أخووي الوحش في ويهي واقف ويطالعني بنظراات غريبه ..

كنت بطووف عنه بس يودني من ذراعي بالقوو ووداني صوب شبريتي وقال : يلاا لبسي شي حلوو ونزلي الناس يتريونج تحت 

خييييييبه .. انا عبالي الوقت مررر وصار اليوم الثاني .. نحن بعدنا ما خصلنا من هالسالفه .. بس هو يباني اكشخ وانزل علشان اوقع .. واوافق اني اتزوج .. لااا مابي مابي ..

قلتله ودموعي تنزل : محمد ليش تسوون فيني جذي .. أنا ظريتكم بشي ؟؟!

رد علي : لا .. بس نبا مصلحتج .. وحمد بيحطج في عيونه .. وانتي الا هنيه حذال البيت ما بتروحين بعيد 

قلتله : ودراستي .. انا ابا اخلص الثانويه وبعدين اكمل مابي ايلس اربي عيااال فالبيت 

قال : والله هالشي راجع لريلج الي هو حمد .. خلصي الثانويه وبعدين كيفه بيخليج تكملين ولا لا

ترجيته : محمد أرجووك مابي اتزوج .. أنا بعدني صغيره وماعرف شي في هالسوالف 

رد علي وشكله بدا يعصب : لا والله .. يعني كل الي تزوجوو قبلج وأصغر من سنج كانوو يعرفون شي .. الا أغبى منج بعد .. ويلاااا بلا فلسفه زايده .. عندج 10 دقايق وبيي آآخذج تحت .. مفهوووووم !!

دزني عالشبريه وطلع من حجرتي 

تميت أصييح على حالتي .. حراام عليهم .. ليش يسوون فيني جي .. انتحر !! .. ولا أشرد !! 

بشرد ! وبروووح عند فطوووم .. بس كيف وحجرتي فوق .. مافيني اعفد واتكسر .. خبروني شو أسوي ..

بصراحه ما قدرت ايود نفسي .. خذت مبايلي واتصلت في فطووم .. وخبرتها عن كل شي صااار لي ..

علاقتي ويا حمدان .. وحمد الزفت الي مادري من وين طلع لي .. والله حسيت براااحه يوم فضفضت ..

وفطووم على طوول قالت بتي .. ودقايق ولا هي داشه عليه الحجره .. يت ولوت علي ..

فطوم : ليش يسوون فيج جي .. والله امج تحت يالسه ومستانسه بعد .. وانتي هنيه محد يدري عنج 

دخل علينا محمد اخووي فجأه .. بس يوم انتبه لفطووم تم واقف عند الباب وزقرني ..

رحت صوبه بس تميت شوي ورا الباب علشان ما يسحبني .. يسويها الخايس .. قالي : يلاا تعالي تحت 

قلتله : محمد انا ما تلبست .. واذا بتوديني تحت علشان اوقع .. يييب كل شي هنيه بوقع وخلاص .. مابي انزل 

قالي : أوكي أحسن بعد

ورااااااااااااح

رحت صوب الجامه عند التسريحه وقلت : يعني خلاص .. أنا بتزوج .. بس انا صغيره .. " انقهرت " .. بس ما بخاي العرس الحين .. ماعليه يا حمد أنا براويك .. ان ما راويتك مهروو الحلوه الدلوعه الأموره الي تباها .. بس بشكل ثاني نهائيا..

رااح أخليك تندم انك مجرد فكرت فيني .. رااح تجووف مهره >> الوجه الآخر لها

ويا أنا ......... يا انته !!!!!

يت فطووم صوبي وقالت : انتي شو فيج بسم الله .. تخبلتي .. شو يالسه تخربطين

رديت عليها وأنا معصبه شوي ومنقهره من الكل : لاااازم أخليييه يتعذب مثل ما أنا تعذبت بسبته .. ويبا العرس بعد .. انزين .. ان ما خليته يعفن وهو يتريا هاليووم .. ما علييييييييييييه 

رحت صوب الكبت وطلعت أحلى بدله عندي .. ولبستها وكشخت آخر كشخه .. وقلت لفطووم تحطلي ميكب حلوو بس يكون خفيف .. 

خلصت كشختي وقلت بنزل .. ولازم أرووح اشرط عليهم وأخرب شوي .. وأخليهم يعصبوون وينقهرون مني مثل ما خلوني انقهر واعصب ..

طلعنا انا وفطووم من حجرتي .. وسرنا صوب الدري .. بس تفاجأت بمحمد وهو ياي صوبنا وهو بعد تفاجأ منا ووقف بنص الدري .. وقال : شووو .. توج قلتي ما بتنزلين .. شو الي غير رايج ؟؟!

قلتله وبا اقهره شوي : ماشي .. طبعا هذا عرسي كيف تباني احبس نفسي فوق .. " صديت عنه وتميت اطالعه بطرف عيني " .. طبعا انا ابا انزل تحت علشان الكل يجوفني .. وما بوقع الا اذا كتبتوو شروطي وكل شي أباه .. علشان محد يتحكم فيني بعدين ..

قالي وشكله انقهر عدل : انزييييين .. نزلي ولا تطولين وااايد ..

مسكت ايد فطووم ورصيت عليها .. ونزلت .. طبعا الكل انبهر فيني مادري ليش .. وانا ابين لهم (( الوجه الآخر )) لي علشان العب فيهم لعب ..

رحنا انا وفطووم ويلسنا على الغنفة .. وويت امايه وهي مستانسه من الخاطر صوبي وقالت : فديتج يا بنتي .. وأخيرا صرتي عرووس .. وان شاء الله اجووفج في بيت ريلج .. وأجووف عيالج بعد .. وباستني على خدي يمسن ويسااار .. ويلست حذالي ..

طبعا أنا مقهوووووره منها .. لأنها خططت ويا محمد حق هاليوم .. 

أبا أقوول لها بس مابي أخرب خطتي .. اففففف ماقدر اسكت لازم اقوول ..

صديت صوبها وقلت : ماعليييه خططتي ويا محمد على هاليوم من وراي لا..

حسيت انها قفطت زقالت : انا ما يخصني .. محمد هو الي خطط وسوا كل شي .. " وراحت صوب الحريم الباجيات "

الحين محمد هاااه .. ما عليه انا براويكم ..

لمحت ام حمد يايه صوبي .. هااي الضحيه الثانيه من ضحاياي .. شاقه الحلج بعد .. تعالي .. ايوه تعالي .. براويج بعدين .. تعالي انتي بس تعالي يا عمتي .. يا أم ريلي فديتج تعالي عندي ..

وصلت عندي وهي فرحانه : هلا والله بمرت ولدي .. " وباستني "

قلتلها : أهلييين بعمتي .. شحالج وأخبارج 

ردت علي وشكلها مستغربه من ردي لها وترحيبي : بخير الحمدلله .. 

سكتت شوي وقالت : الا بسألج .. شو الي غير رايج بهاااي السرعه ؟؟!

جووفووا الفضول .. قلبها بيتقطع الا تعرف كل شي .. 

قلتلها : والله فكرت فالموضوع عدل .. وجفت اني راح ( ارتاااح ) ويا حمد ..

باستني مره ثانيه ورااحت 

انتبهت لفطووم الي هزتني وقالت لي بصوت خفيف : والله حراام الي تسوينه .. ترااه مب زين لا لج ولا لهم ..

قاطعتها : أرجوج فطووم لا تخربين علي .. ما تجوفينهم كيف خططو وسوو كل شي .. وما فكروو فيني !!

قالت : مهما يكون .. تراهم أهلج ويبون مصلحتج ..

رديت عليها : مصلحتي مب ويا حمد 

فطوم : عيل ويا منووه ؟؟!!!!!

رديت عليها بسرعه : محد !! .. وبعدين لا تشكين فيني .. انا مالي علاقه ويا حد غير حمدان وانتهت خلاااص .. ولا تحرين اني اباااه يخسي .. لو يتم آخر واحد بالدنيا ما باخذه

جفت محمد أخووي ياي صوبنا وزقرني .. رحت صوبه وانا اتصنع الخجل .. ولا بداخلي خاطري ادخل داخل واذبحهم كلهم الي هنيه ..

محمد : تعالي داخل الميلس 

قلتله : شووو !! وين تبا ادخل داخل .. لا مابي 

محمد منقهر مني : لا تخافين محد داخل .. بس حمد والريال الي بيملج عليكم وبــــس 

ارتحت .. علشان اتشرط على كيفي ..براويك يا حمد

دخل محمد ودخلت وراه .. اوني مستحيه وسلمت عليهم ويلست بعيد عنهم 

جفت حمد من تحت الغشاوه .. صراااحه .. ما توقعت بيكوون بهالحلاااه .. معقوله هذا ريلي .. لا أنا أحلم ..

وييييه لاااني قمت أخربط .. هزيت راسي ابعد عني فكره اني احبه او انعجب فيه ..

ما بيييي مستحيل احبه .. انا اعتبره مجرم .. لانه حاول قبل انه ..... و يبا يدمر حياتي الحين بعد ..

سمعت الريال يقول : قولي الي في خاطرج يا العروس

انقهرت من هالكلمه .. بس قلت : أممم اول شي ابي اعرف ... اذا انا قلت شروطي و " تصدقون توهقت .. شو اقول ريلي ولا المعرس ولا حمد ... فشييييله " كملت .... حمد ما نفذها بعد الزواج .. شو بيصير ؟؟

جفت علامات تعجب واستفهام في ويوههم .. الا محمد .. علامات غضب وحقد .. 

قال حمد : اكييد يا مهره .. انتي غاليه علي .. ومستحيل أضرج بشي .. آآمري 

طنشت محمد هالجني .. والله جنه ساحر شوي وبيطير ههههههههه

قلت : امممم طبعا انا ابا اكمل دراستي .. واخلص الثانويه .. واكمل فالكليه 

قاطعني حمد : الثانويه على عيني وراسي .. اما الكليه لا مستحييل أخليج

قلتله : لا والله .. بدينا من الحين .. توك تقولي آآمري 

سمعت محمد يقول : ما عليكم منها .. بتخلص الثانويه وبتجابلك يا حمد " وطالعني بنظرات " ... بصراحه خفت منه 

قلت: اممم هيه موافقه .. وشرطي الثاني .. ماشي زواج لين أخلص دراستي ..

انقهروو .. وبدوو يعصبون حمد ومحمد .. وهذا الي اباااه .. 

وقفت ورحت صوب المطوع .. خذت القلم ووقعت وطلعت .. والله احس اني في محكمه .. أحيد العرووس تيلس في غرفتها ما تطلع .. اما انا عاندتهم .. وهذا شويه انا وراهم !!!!

طلعت من الميلس .. وعفدت فطووم علي .. خوفتني .. وحظنا بعض .. اففف مادري ليش مب حاسه بأني خلااااص صرت على ذمة انســـان .. واتمنى ما أطوول وياااه ..

خازت عني فطووم وقالت : مبرووك حبيبتي .. والله يهنيكم 

رديت عليها : الله يبارك فيج .. وعقبالج 

فطوم : هههه لا حبيبتي .. انا بعدني 

دخلنا داخل .. وعلى طوول عفدت علي ام حمد : فديتج مرت ولدي .. مبروووك حبيبتي .. والله احطج بعيوني .. 

تميت اتصارع وياها .. حشى حررررب .. اففففف راصه علي ... أخيرا ودرتني .. سلمت على باجي الحريم .. وكانو شويه 

ويتني خالووو ام حمدان بعد وسلمت علي وباركت لي ..

بعدها يتني نوره مرت أخوي وحظنتني : مبرووك مهرووه .. وعقباال العرس والبيبي 

صرااحه تميت في حظنها .. لين صحت .. 

تميت أصييح .. مادري شو ياني مع اني ما كنت ابا هالشي يصييير .. بس شو اسوي 

مشيت دموعي بايدي .. احس ويهي صاار مهرج ..

خازت عني نوره .. ويت امايه حظنتني : مبرووك حبيبتي .. والله يهنيكم ويخليكم لبعض

بس قلتلها بصوت خفيف : الله يبارك فيج .. بس يهنينا ويخلينا لبعض .. مستحيييييييييييل !!

ورحت ركض لغرفتي .. قفلت على نفسي الباب .. وتميت اصييح بصووت عالي ..

معقوووله .. أنا عرووس .. بعرس ... انا بستوي عروس وبعرس وبييب عيال وبصيير أم !!!!!

لاااااااااااااااااااااااااا مستحييييييييييييييييل ... من منوووو ... حمد !!!!!!!

مااااااااااااااااااااااااااابيييييييييييييييييييي

لييييييييييييش أنا بالذاااااااات لييييييش 

كلهم مجرمييييييين .. وحقيرييييييييييين .. تميت أفر كل شي وأكسر .. لين سمعت دق عالباب .. 

امايه : مهره .. بطلي الباب .. شو صاار لج بطلي 

وتمت تدق بالقوو .., بس انا سكت وتميت اصييح بصمت وسط أغراااضي المنتشره فالحجره ..

مستحييل أخلي هالشي يصيييير .. مستحييل أخلي حمد يغابني .. واماايه تفرح لانها افتكت مني .. هي ومحمد الزفت .. وام حمد بعد ما رااح أخليها تفرح بزواج ولدها ... 

حمداااااااااااان ..

وينك اختفيت فجأه .. أكيييد عرف .. علشان جي ما بين اليوم .. بس غريبه هالوحش الثاني ما سوى شي ..

أكييييد ياي فالطريج .. وبيسوي أكشن ومسلسل بلا نهايه .. 

اجرام × اجرام

الكلام ما منه فايده .. جفت الساعه كانت .. 12:50 .. الحمدلله باجر السبت .. يعني اجازه ..

قمت من مكاني ورحت ابدل ملابسي .. وتميت ارتب الاغرااض الي فريتها ..

رحت صوب المستواليت ورتبت الاغراض وجفت نفسي .. صراااحه ما يليق علي دوور المجرمه .. انا عمري 18 .. بعدني .. الا توني داشه مرحلة الشباب ويصير فيني جي ..

بس شو أسوي .. دامهم هم الي بدوو واعلنوو الحرب .. انا بعد بعلن وبدافع عن نفسي لين آآخذ حقي منهم واحد واحد !!

وانسدحت على شبريتي .. ورقدت من التعب ..وأحلام مجرمه يا مهره ......




نشيت اليوم الثاني تقريبا الساعه .. 12 .. خييييبه عفنت عدل هالمره .. 

رحت اتسبح وخلصت .. تلبست لبس عادي .. وماحطيت شي ع ويهي .. وصليت الظهر ونزلت تحت .. جفت نوره يالسه ويا ولدها .. رحت صوبهم

مهره : سلاااام عليكم " ويلست "

نوره : هلا والله بالعروس .. شحالج

جفتها بنص عين : تمام .. بس تعبانه راسي يعورني 

نوره : هههههههههه كل ها تفكرين في زوج المستقبل 

قهرتني : يخسي أفكر فييه .. هذا الي ناقص بعد .. يحمد ربه اني وافقت عليه 

نوره : خيييبه من الحين وهالكره .. ليش انزين ؟؟!

اففففففف تحقيق بدينا : اممممم ماشي .. عااادي .. ويييين امااايه ؟؟

نوره : فالمطبخ تعابل ويا الغدا أضني 

رحت شليت عبوود وتميت العب وياااه .. متن يحليله .. من زمان ما جفته .. من المصايب الي ع راسي 

سألت نوره : سارو وينها .. ما تنجاف هالأيام

ضحكت نوره : ههههههههه .. أختج وما تدرين عنها .. وانتو في نفس البيت بعد .. الله يعلم يوم بتسيرين بيت ريلج بتنسينا كلنا بعد

اففف بدينا من الحين بهااي التنغيزاات الماصخه .. جفتها بقهر وقلت : ريلج اونه .. وييينها ؟؟

البارحه يوم خالووو وسلامه بيردوون البيت .. لصقت فيهم سارو وراحت وياهم 

قلتلها : غريييبه ريلج ما قال لها شي عيل ؟!!

نوره : الا كلاها بالاول .. بس أنا اقنعته وبعدين وافق

وقفت وشليت عبوود : اهااا اقوول بعد مستحيل محمد يوافق مني والدرب .. لازم حشره ومذله

وتفاجأت بصوووته يوم قال : منوو هالي يحشركم ويذلكم ..

نقزت والتفت صوب باب الصاله .. جفته واقف وحااط ايده على خصره ..

قلت بصووت واطي لنوره : والله ريلج هااه جني أصلا مب انسان 

لمحت نوره تضحك .. بس حطت ايدها على حلجها يوم يا محمد صوبنا 

يا صوبي هالجني وشل عني عبوود وقال : هاااه يالعرووس .. شحالج

رديت عليه بجفاف : بخيييير .. بس انا بعدني ما عرست

قالي : لا والله ... عيل الي صاار البارحه شووو

قلتله : مجرد ملجه لا أكثر 

قالي : انزين .. تراااها ملجه .. يعني عادي اي وقت ايي ريلج ويشلج من دوون ما نتكلم نحن ..

بديت أعصب أو يمكن هو يبا يلعب بأعصابي ...

رديت عليه : مب كيييفه .. وبعدين انا مب لهااي الدرجه رخييصه عنكم ..

قالي : والله انا ما يخصني .. هو ريلج الحين .. ومتى ما يباج بيي يشلج 

ورااااح غرفته

يلست بالقوو عالغنفه .. يارب ارحمني برحمتك .. ليش كل هالكره ليييييييييييش

كنت بصييح .. بس خلااص تعبت مابي اصييح ..نشيت من مكاني .. كنت بروح برع فالحديقه

بس سمعت امايه تقوول : تعاالي يلااا الغدا جاهز ..

اففف لازم يخربوون عليه الجو الرومانسي .. سرت صوب غرفة العام الي بررع طبعا . ويلست اترياهم .. ودخلوو محمد ونوره ويا عبوود الحشره .. 

اففف وقته بعد هاا يالس يصييح ومصدع الكل .. وامايه بعد يت ويلست

الحين انا يالسه آآكل شوي شوي .. وكل شوي أطالع في ويه كل شخص .. 

طبعا محمد معصب وهو ياكل حشى جنه الأكل بيشرد خخخخخخخخ .. وامايه عاديه بس أحس تبا تقوول شي وحد مخرب .. يا أنا أو نوره ..

المهم كلت لين أنطر بطني .. واي شبعت .. والحمدلله .... طبعا محد علق علي .. والغريب ان امايه ساكته ولا قالت شي ..

المهم قمت ورحت أغسل ايدي .. وانا عند المغسله اسمعهم يرمسوون مادري شو يقولون ..

أكيييييييد طايحين حش فيني .. أعرفهم انا .. اذا ما يحشوون ما يرتاحووون 

لبستهم وطلعت .. سرت صوب الحديقه .. وتميت اتمشى شوي .. اليوم الجو شوي حاار 

رحت صوب باب الصاله ولا اسمع صوت سياره داخله البيت .. التفت ورا .. ولا حمداااااااااااان النحس .. اففف شو يايبنه هذا بعد 

اممممم لو الحين دخلت داخل بيلحقني وبيغصص علي .. أدريبه الوحش ياي ينتقم شكله ..

على طووول من جفته نزل ويا صوبي .. ركضت صوب غرفة الطعام .. 

هههههههههههههه والله شكله يضحك وهو منصدم مني ومن حركتي .. يستاهل لازم البسه علشان ما يتمادى وياي أكثر ..

وصلت عند الباب .. وكنت بدخل .. بس سمعت حشرة أمايه ومحمد .. خيبه شو فيهم مساعه ساكتين .. لصقت فالباب .. ابا اعرف شو يقولون ..

بصراااحه .. لو كنت تامه مكاني .. وحمدااان خاطفني بعد يكوون أهون من اني اسمع امايه تقوول لمحمد : تقهرني يوم تزقرني امايه وامايه .. انا مب امها ليش تقولي جي .. اففففف منها بلوة وابتلشنا فيها .............



؟؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟

؟؟؟؟

؟



" وانتهــــــــــىىى البـــــــــــــــــارت "

===

(¸.•´ ( * الفصــــــل السابــــــــــع * ) `•.¸) 
( `•.¸ `•.¸ ) 
¸.• )´ 
(.•´
`v`


بصراااحه .. لو كنت تامه مكاني .. وحمدااان خاطفني بعد يكوون أهون من اني اسمع امايه تقوول لمحمد : تقهرني يوم تزقرني امايه وامايه .. انا مب امها ليش تقولي جي .. اففففف منها بلوة وابتلشنا فيها .............



يعني الي كنت افكر فيه .. اني .. معقوووووله !! مب بنتهم .. عيل منو أمي وأبووي ؟؟؟؟؟!!!

وما حسيت الا والدنيا مظلمة ف عيوني .....


فتحت عيوني بصعووبه .. أنا وين ؟؟ ... تميت أطالع المكان .. ظلام .. لين لمحت عيوني شخص واقف بس معطني ظهره .. بسم الله منو هاااه ..

تميت أتحرك شوي عشان ينتبه لي .. ومن حس اني نشيت .. يا بسرعه صوبي ..

وييييييييه هاا منووه ؟؟؟ وشو يسوي هنييييه !!

يلس حذالي عالشبريه وهمس في اذني : الحمدلله على السلامه مهره

صراااحه مادري ليش تميت خايفه وارتجف من قربه لي .. رديت عليه : الله يسلمك .. وين أنا .. و و منو انت ؟؟!!

قالي وهو مستغرب من سؤالي : اونج ما تعرفيني .. انا ريلج !

بسم الله الرحمن الرحيم .. هذا شو يالس يخربط .. انا متى تزوجت أصلا .. 

عصبت عليه : انته شو يالس تقوول .. انا مب متزوجه .. وين أهلي .. منوو انته ؟؟

حسيت انه عصب شوي : انتي الي شفيييج مخرفه .. انا حمد ريلج .. شو بلاااج مهرووو نسيتي .... بعدين انتي فالمستشفى .. ومن 5 أيام بعد ..

اويييه ها يقول انه ريلي واسمه حمد .. بس انا ماعرف حد .. وبعدين يالس يقولي اني فالمستشفى .. ليييييش ؟؟ شو صار لي ؟؟

قلتله : انا شو صار لي بالضبط ؟؟

جرب مني وحاول يسحبني لحضنه .. بس دزيينه بالقوو بعيد عني وقلتله : انته ما تستحي على ويهك .. يا قليل الأدب .. قووم عني .. والله أخبر عليك أبوووي !!

تذكرت أهلي وسألته : وييين أبووي .. اميي .. واخواني ؟؟؟

هو كان معصب من حركتي يوم دزيته .. فقاام وراح بعيد عني .. وقال : انتي ما يفيد وياااج غير محمد وامج .. تريي بس ..... وطلع

ويين ساااار .. ومنوو محمد .. ياربي .. بلاااي جي تخبلت ..

افففف ابا اطلع من هنيه ملل .. انتبهت للباب يوم تبطل فجأه .. ودخل الدكتور وكان وراه هذا الي اسمه حمد ..

مادري ليش من جفته حسيت برعشه في جسمي .. وااااااي الحين هذا ريلي ..

طووول وعرض وعضلات وجماال .. بعد شو ابا اكثر من جي .. بس ماحيد اني متزوجه ..

أصلا انا ماذكر شي ..!!!!!!

سمعت الدكتور يقولي : ازيك يا مهره عامله ايييه ؟؟

رديت عليه وانا اطالع حمد الي يالس يعابل في مبايله : بخييير 

قالي : بتحسي باييييه .. بيوجعك اييييه ؟

طفرت منه : الحين انته الدكتور ولا انا .. ماعرف شي .. افففففف

استغرب من ردي .. وحتى حمد تم يطالعني بنظرات وبعدين ظهر من دوون ما يقول شي ..

استغربت منه ليش ودرني ورااح .. اباااه يتم عندي .. انا روحي هنيه اخااااااف ..

سألت الدكتور : دكتور شو السالفه .. انا ليش هنيه .. وشو فيني بالضبط ؟؟

رد علي : ما فيش حاجه يا مهره .. بس لازم ترتاحي وتاكلي كويس 

قلتله : دكتور كيف ما فيني شي .. وانا هالحمد يقولي من 5 ايام انا هنيه .. كيف جي وما حسيت بروحي .. شو صاير دكتوور خبرني دخيلك ..

قالي وهو يتفحصني بنظراته : انتي مالك .. كل شي تمام والحمدلله .. بأه ارتاحي ولا تتعبي نفسك كتيير ..

اففف ما منه فايده هالشيبه .. الظاهر ما راااح يقوول لي شي .. سألته : ساعه كم الحين ؟؟

رد علي وهو عند الباب : الساعه 4ونص العصر >>>وطلع 


يا ناااس .. يا عااالم .. خبروني .. شو الي قاعد يصيير من وراي .. انا ليش هنيييه شو فيهم علييييييه .. شو سوييييت لهم انا ؟؟؟؟؟!!!!!!

تميت على هالحال تقريبا نص ساعه .. لين دخل علي واحد ما عرفته ..

تم واقف ويطالعني بحقد وكره وغضب وحاط ايده بنص خصره .. بسم الله منو هاااه بعد .. اول مره أجوووفه ..

قلتله : خييير أخويه في شي ؟؟!!!!

تم واقف مكانه .. وفجأه ضحك بصووت عالي اشبه بالاستهزاء .. وقال : سويتيها هااااااه

ويا صوبي ..

قلتله بصوت مرعوب : انته مب صاحي الظاهر .. كلكم مخرفين هنيه .. شو بغيت ... أطلللللللع

مسكني من ايدي بالقوو .. صرخت بصوت عالي : آآآي يعور .. يا مجرم..

وما خلاني اكمل لانه حط ايده على حلجي .. واااي والله احس اني بموووت .. تميت اتصارع معااااه .. لكن ماشي فايده ..

لين حسيت راسي يدور .. وأظلمت الدنيا فيني .....



انتبهت لأصوااات غريبه فالغرفه .. منو هاييل بعد .. فتحت عيوني .. ولمحت أشخااص ما عرفتهم .. 

وأول ما انتبهو لي .. يو كلهم عندي ..

مادري ليش حسيت بنغزه بقلبي وانا اطالعهم .. أشكالهم مب غريبه عني .. بــس .. اففف شو بلاي انا ناسيه ومخرفه ..

انتبهت لوحده ويبين عليها كبيره فالسن تقولي : الحمدلله على سلامتج .. ما تشوفين شر

رديت عليها : الله يسلمج .. 

كانت تطالعني بنظرات .. صرااحه كرهتها هااي الحرمه ونظراتها لي .. جنها جنيه بسم الله ..

التفت لوحده كانت واقفه حذالي يوم قالت وهي مبتسمه : الحمدلله على سلامتج مهاري .. يلااا بلا دلع .. البيت بدونج مب حلوو ترااا ...

كانت بتكمل رمستها بس قاطعتها هااي الوحشه وقالت : لا لا لا اي بيت بعد .. من هنيه لبيت ريلها .. 

خييبه تخيبج من عيوووز .. قلتلها : أي ريل واي بيت .. انا اصلا متى تزوجت .. وبعدين منو انتوو .. انا ماعرفكم .. ووييييين أهلي ؟؟؟!!!!


جفت علامات تعجب واستفهام في ويوههم .. قالت لي هالبنت الطيبه : مهره حبيبتي .. شو فيج .. نحن أهلج ....

ردت وقاطعتها هالشيطااان : انتي شو فيج عليها .. أي أهل .. 

وصدت صوبي : انتي كنتي ويا أ÷لج فالسياره .. وسويتو حادث .. واهلج توفوو كلهم وما بقيتي الا انتي .. ومن 5 ايام انتي فالمستشفى مرقده .. بس يحليلج شكلج فقدتي ذاكرتج ..

وتمت تمثل اونها تصيييح ..


بس معقووووله كلامها بيكووون صح .. كيف وليش .. ياربي والله مب قادره استوعب اي شي .. وحده تقوول كلام والثانيه ترد عليها بألف وتزاعج .. وبعدين تقولي اهلج كلهم ماتوو وما بقيت الا انا ؟؟؟!!!!!

تميت أصيييح بصوت عالي .. مادري ليش .. أصيح على حالتي .. ولا على كلام هااي المتوحشه ...

بس فجأه التفت صوب البنت الي واقفه عندي وقلتلها : ارجووج خبريني شو الي صاير .. لا تخشوون عني أي شي .. خبريني و ما عليج من هاااي العيوز .. أدريبها مخرفه وشكلها تكرهني .. ويالسه تخرط علي 

الظاهر شفقت علي وتمت تصييح وياي .. وحظنتني ..

اما الوحشه بعد ما سمعت كلامي .. يت صوبي وزختني من شعري وقالت : انتي يا قليلة الأدب .. تقولين لي هالكلام .. الحين انا مخرفه .. الظاهر ما عرفت اربييييج عدل يا بنت أموووووووول 

وتمت تضربني .. والبنت تحاول تبعدها عني .. بس انا مادري من سمعت كلامها .. مادري شو ياني وعفدت عليها .. وحاولت اكفخها .. هههههه أول مره تيني هالجرأه .. ودزيتها بكل قوه عالأرض ..

صرااااحه انصدمت من حركتي .. وفجأه تبطل الباب ودش علينا واحد ملامحه جامده .. ومن جاف هالعيوز طايحه عالارض .. ركض صوبها وشلها ..

طبعا العيوز اشتغلت : اذبحها هاااي السباله .. تهجمت علي ودزتني .. وتبا تضربني .. عندك اياها محمد

ومن دووون سابق انذار >> عاشت اللغه العربيه >>> يا صوبي على طووول وكفخني بكف طيرني بعييد .. واااي خلاص انا ما بعيش بعد اليوم .. احس جسمي تكسر خلاص انتهيت ..

وما كفاااه الدزه .. يا وتم ايرني من شعري ويضربني بكل اجراااام وهو يقوول : يالسباله .. يالحقييره .. تتهجمين على عمتج وتاجت راسج يالزبااااله .. 

ما همني كلامه الي يالس يجرحني به .. وأحمد ربي يوم دخلوو علينا الدكاتره وخوزوو هالمجرم عني .. وطلعوهم كلهم برررع .. وتميت انا طايحه بمكاني مب قادره اتحرك..

ساعدتني وحده فلبينيه وودتني على شبريتي .. 

قلتلها : ابي ماااي 

يابت لي الماي وشربته .. وكأني مب شاربه من سنه ..

حطيت راسي عالمخده .. وظربتني أبره .. الظاهر مهدي .. وعلى طوول رقدت .....




انتبهت لنفسي مره ثالثه .. وايد ارقد صح .. جفت هالبنت الطيبه كانت يالسه عدالي ..

اشرت لها .. ويت صوبي .. سألتها : انتي ش اسمج ؟؟

ردت علي وهي مستغربه : مهرووه شو فيج .. انا نوره بنت خالتج ومرت أخووج .. 

أخووووي .. سألتها : وييين أخوووي ؟؟ 

نزلت راسها تحت .. احسها انحرجت من سؤالي .. قلتلها : نوره .. وين اخووي الي تقولين عنه ؟؟

قالت وهي مفتشله : الي ....

كانت بتكمل بس تبطل الباب فجأه .. ودخل هالي اسمه حمد ووياه حرمه عووده ..

اكملت بعد .. هذا شو يبا بعد .. ياي يكمل عليه ..

يت الحرمه صوبي وسلمت عليه زباستني على راسي : الحمدلله على سلامتج يامييييه .. الله يقومج بالسلامه 

رديت عليها : الله يسلمج ..

يلست .. وتمينا كلنا ساكتين .. وقامت نوره وخذت هالحرمه وحمد برررع .. غرييبه .. شو قيهم ..

شوي ورد حمد روحه بس .. ويا صوبي .. ويلس حذالي ولصق فيني ..

خذاني في حظنه وهمس : شحالج حياتي .. 

حاولت ابعده عني .. تضايجت من حركته : انته شفبك جي قليل الأدب .. قوم عني .. ما تستحي .. ريال غريب عني وتلصق فيني ..

رص علي وقال : انا حمد ريلج .. وبلااا دلع .. انتي فقدتي ذاكرتج .. بس نحن بنحاول ويااج وان شاء الله تستعيدين الذاكره ..

مادري ليش هديت شوي .. وقلتله : انزين .. انا شو صار لي بالضبط خبرني كل شي بالتفصيل .. يمكن اتذكر شي ..

مسك ايدي بحنان .. تمنيت ايده ما تودر ايدي .. وقال : الصراحه انا ماعرف شو الي صار بالضبط .. كنت فالبيت واتصل فيني اخوج محمد وقال لي انج طحتي عليهم فالبيت ويابوج هنييييه ..

سألته : وين أخووي محمد ؟؟

قالي : مساعه كان عندج ويا امج بعد .. ورااحو البيت يريحوون شوي وبيوون فليل ..

قلتله : ليش الحين الساعه كم ؟؟

جاف الساعه وقال : الحين ساعه 6 المغرب .. بس غريبه ماشي جامه هنيه ..

قلتله : احس اني في سجن .. واحس ان الكل يعاملني بقسوه ومحد يحبني ..

جرب مني اكثر وهمس في اذني : لا تهتمين بهم .. أهم شي اني انا ريلج احبج وانتي لي وانا لج .. وما عليج من الباقين 

صراااحه مادري ليش انا مستانسه واحس براااحه من قربه لي .. وما ابييييه يخليني .. بس شو الي يثبت اني حرمته .. على قولته ؟؟

قلتله : نحن من متى متزوجين ؟؟

رد علي : حبيبتي .. نحن بس ملجنا .. يعني انتي بعدج ما ييتي في بيتنا .. وما سوينا عرس ..

ورقع ايدي .. لمحت خاتم صغير .. حلوو كان شكله .. بس ماري من جفته أحسن اني يالسه اتذكر شي .. 

أحداااث تمر جدامي مثل المسلسل .. 

V
V

حمدان : مهاري أرجووج خبريني ليش تغيرتي علي .. انا شو سويت لج ؟؟!

مهره وهي تصييح : حمدان بليييز ماقدر استحمل .. ابتعد عني واعتبر اني ما كلمتك

يقاطعها حمدان : ابتعد مني والدرب وانا مب فاهم شي .. لييييييش قوليلي لييييش 

مهره تهمس له : ليش تخووني .. انا شو سويت لك .. ليش لعبت عليه .. حمدان خلاص ..

قاطعها حمدان وبصوت عالي : شو خلااص .. انتي شو يالسه تقولين .. متى خنتج ومتى لعبت علييج ؟؟!

مهره وهي تمسح دموعها : خلاص حمدان اعتبر ان الي بينا ما صار ولا استوى .. انته الي بديت وانته تتحمل

...................

حمدان وهو يبتسم لها : ههه هيه ادري انها في بيتنا .. بس انا ياي لج انتي 

مهره وهي معصبه : انته شو تبا مني .. قلتلك خلاااص ماباك غصب !!
وبعدين اطلع محد فالبيت غيري .. وانتبهت الغبية على كلامها 

حمدان وهو فرحان : صدق .. يعني انا وانتي رووحنا هنيه ..( ويطالعها بنظرات خوفتها ) يعني اقدر اشلج الحين واوديج مكان محد يعرف عنه أي شي .. 

مهره خافت .. ويايه بتصكر الباب في ويهه .. بس حمدان مسك الباب وزخها من ايدها .. وبكل عصبيه سحبها وياااه لين السياره ..

.........................

لبستها ورحت صوب حجرة امايه .. بطلت الباب بالقوو .. لقيتها يالسه تتكلم فالتيلفوون ..

ويوم جافتني معصبه بندت وقالت : انتي شو فيج .. الناس يدقوون الباب نحن مب حيوانات جدامج جي تدخلين علينا

قلتلها : ليييش ما قومتوني حق الغدا ؟؟

ردت وهي مب مهتمه : جفناج راقده ما حبينا نزعجج .. ويلاا طلعي خليني ارقد تعبانه

ما حبيت اتمادى وياها مافيني عالحشره .. قلتلها : انزين ابا غدا يوعانه انا

انسدحت عالشبريه وقالت : سيري المطبخ حطينا لج غدا 

بدون اي همسه حتى عطيتها ظهري وكنت بطلع .. بس وقفتني جملتها : حمد يسلم عليج 

كملت طريجي للباب وفتحته .. طلعت وقبل لا ابند الباب قلت : الله لا يسلم فيه ولا عظمه قولي آمين .. وان شاء الله ما يرد

.........................

قلت : وين فاطمة ؟

قالي : منو أقول لها ؟؟

يا ربي داشه تحقيق انا ..قلتله : مهره

رد علي : عاشت الأسامي مهاري .. لحظه شوي

انصدمت من حركته .. هااه طفس بعد شو يبا يقردني
بس والله صووته عذاااب وحلووو >> عاشقه الأخت

سمعت صوت فطووم تقوول : انتي شو سويتي في أخووي 

قلتلها وانا مستغربه : نعم !! .. ما سويت شي

قالت : لا سويتي .. جوفي اخووي يالس يمدحج ويقوول كلام حلوو عنج 

وااي كفايه حمدان علي وحمد هذا الي ظهر لي عالخط بعد .. ييلي هذا اففف

.............................

تميت ازااعج واصارخ : مابي مب كيفك .. ما بوقع على اورااق ماعرف شو فيها ..

قالي وهو يكفخني : هااي اوراااق ملجتج على حمد .. فاهمه

هالشي الوحيد على مايا على بالي .. وانا اقوول شو كانو يخططون هو وامايه .. اثاري جي السالفه .. ما بوقع علهم الحرررق 

قلتله : ما بي مابي حمد .. ما بتزوووووووج .. مب كيييييفكم تغصبوني على شي ماابااااه 

............................

رحت صوب الجامه عند التسريحه وقلت : يعني خلاص .. أنا بتزوج .. بس انا صغيره .. " انقهرت " .. بس ما بخاي العرس الحين .. ماعليه يا حمد أنا براويك .. ان ما راويتك مهروو الحلوه الدلوعه الأموره الي تباها .. بس بشكل ثاني نهائيا..

رااح أخليك تندم انك مجرد فكرت فيني .. رااح تجووف مهره >> الوجه الآخر لها

ويا أنا ......... يا انته !!!!!

يت فطووم صوبي وقالت : انتي شو فيج بسم الله .. تخبلتي .. شو يالسه تخربطين

رديت عليها وأنا معصبه شوي ومنقهره من الكل : لاااازم أخليييه يتعذب مثل ما أنا تعذبت بسبته .. ويبا العرس بعد .. انزين .. ان ما خليته يعفن وهو يتريا هاليووم .. ما علييييييييييييه 

رحت صوب الكبت وطلعت أحلى بدله عندي .. ولبستها وكشخت آخر كشخه .. وقلت لفطووم تحطلي ميكب حلوو بس يكون خفيف .. 

خلصت كشختي وقلت بنزل .. ولازم أرووح اشرط عليهم وأخرب شوي .. وأخليهم يعصبوون وينقهرون مني مثل ما خلوني انقهر واعصب ..

طلعنا انا وفطووم من حجرتي .. وسرنا صوب الدري .. بس تفاجأت بمحمد وهو ياي صوبنا وهو بعد تفاجأ منا ووقف بنص الدري .. وقال : شووو .. توج قلتي ما بتنزلين .. شو الي غير رايج ؟؟!

^
^

رديت للواقع .. وجفت الي يالس حذاالي .. هذا هو نفسه حمد .. صرخت عليه : انته ما تستحي .. يالس حذالي بعد .. قوووم عني .. وتميت اصارخ عليييه

ابتعد عني شوي وقال : انتي شو تخبلتي .. والله اشك انج مب فاقده الذاكره الا تخبلتي .... وطلع من الحجره

وتميت اصييييح .. وأصيييح .. على حالي الي وصلت له .. 

تبطل الباب .. وجفت نوره داخله علي .. : نوووره ؟؟

يت صوبي وحظنتني : واا فديتج مهااري .. أخيرا رديتي لنا .. ردت لج ذاكرتج 

قلتلها : لييش أمايه تقص علي .. وتقولي ان اهلي ماتوو .. واني تميت روحي ؟؟؟

ردت علي وهي تيلس حذالي : مادري حبيبتي امج ليش جي تكرهج .. بس الحمدلله ردت لج ذاكرتج .. 

لمحت حمد مو موجود فالحجره .. أحسن فكه منه .. حرامي يقص علي ويباني أحبه وهو يعرف اني فاقده ذاكرتي .. ما علييييه يا حمدووو .. أنا ورااااك وراااك ..

صديت صوب نوره وسألتها : نوره .. شو الي يابني هنيه .. اباج تخبريني بالضبط شو صاار لي ؟؟

قالت وهي تتذكر : اممم .. تذكرين يوم كنا فالبيت يالسين نتغدا .. انا وانتي ومحمد اخووج وامج .. يوم سارو كانت رايحه بيتنا ..

حاولت اتذكر .. يلست أعصر مخي بس ماشي فايده قلتلها : ماااذكر !!

نوره : المهم .. انتي خلصتي غداج وطلعتي .. ونحن تمينا نسولف شوي .. وأول ما محمد بطل الباب كان بيظهر .. جافج طايحه عند باب غرفة الطعام .. وحمدان شكله كان واصل بنفس الوقت .. ويابووج هنيه ..

مهره : امممم يعني أكييد شي صار لي وخلاني أطيح هااي الطيحه .. لا وفقدت ذاكرتي بعد 

نوره وهي تهز جتوفها : مادري والله .. كل شي جايز 

تبطل الباب .. جفت باقة ورد كبيره تمشي روحها .. اميييييييييييييه شو هااا 

قلت حق نوره وانا متيوده بايدها : بسم الله .. شوها ورده جنيه .. 

نوره شكلها روحها خايفه : لا شو تخربطين انتي .. 

وطلعت وحده من ورا هالباقه .. واول ما جفتها .. نقزت وصرخت بصوت عالي : فطووووووووووووووووووم

لمحت نوره حاطه ايدها على اذنها .. وشكلها تتحرطم علي او يمكن تسبني بعد ..

يت فطووم صوبي وعفدت علي .. وخذوو عاااد يلسنا نصييح .. ليش مادري !!

تمينا على هالحال تقريبا 10 دقايق .. 

نوره : بسكم عاااااد .. الي يقوول سيلانيات ما شايفات بعضهن من سنه 

ضحكنا انا وفطووم على تعليقها ..

فطوم : الله يخسج مهروو .. جي عاااد تخيسيني أرووح المدرسه وأكرف كل يوم هناك .. وانتي طايحه تدلعين عليهم هنيه 

مهره : هههههههه شو أسوي .. والله ما حسيت بروحي الا اليوم .. 

فطوم : علييينا .. " وهي تغمز " .. أصلا انتي بالعمده تسوين هالحركات اونج عاااد 5 ايام .. والحين نهاية الاسبوع .. يا حظج والله

قلتلها : تدرين كنت فاقده ذاكرتي 

جفت علامة تعجب على ويها : والله !!!!

ردبت عليها وانا ابتسم لها : هيه والله .. مادري شو ياني وخرفت

وكملنا سوالفنا .. لين تقريبا حزت العشا .. جفت اخووي محمد مره وحده زارني من عقب الموقف الي صار ويا امايه .. خخخخخخخخخ والله يضحك .. بس كسرت خاطري ..

هي ليش تكرهني وتتحرش فيني .. الله على الظالم ..

وطبعا حمد هالمزعج .. مادري ليش كرهته وجلبت عليه فجأه .. وتذكرت كيف مساعه كان ماسك ايدي .. وحاظنني .. وانا مستانسه بعد ويااااه ..

وزيين منه بعد ياب لنا عشا وتعشينا انا وهوو .. لان نوره راحت ويا محمد ..

وفطووم ما يلست عندي .. وقالت انها باجر بتيني .. 

عشان جي اضطريت اتعشى واتم روحي ويا حمد .. انا اصلا اول شي ما طعت .. بس هو عصبني .. وقالي انا ريلج ولي حق علييييج ..

افففف احس اني في سجن .. ابا اعرف ساعه كم الحين .. يمكن الفجر بعد وانا مادري ..

ضغطت على الزر الي موجوده حذالي .. ويتني النيرس ..

سألتها : ساعه كم تالحين ؟؟

النيرس : ساأه فيه واهد ونس فااااجر >> فلبيني + عربي خخخخخخخخ

ضحكت على رمستها المنقعه .. وطلعت من عندي .. يالله ساعه وحده ونص ..

غفلت من دون ماحس .. 

اسمع صوت فالحجره .. لا ماشي .. انا مغمضه عيني وخايفه .. مافيني على سوالف المستشفيات وبلاويهم الي ما تخلص ..

يا ربي أحس حد واقف عندي ويطالعني .. افتح عيني ؟؟!! .. لا أخاف انصدم .. يمكن جني ولا حد واقف بعد مافيني ..

فجأه !!





حد .. حط ايده على عيني ورقبتي .. 




وااااي بموووووت ... يا ناااس الحقوووني .. بختنق .. واااي .. ماقدر اتنفس ...


تميت اتصارع ويا هالمجهوول الي يبا يذبحني .. 

حسيت ان هالشخص هدا شوي من قبظته .. اشم ريحة عطر نسائي .. منو هااااي ..

خازت الايد عن عيني .. وانصدمت من الي موجوووود وقلت بصوووت عالي : عااااااااااااااااااشه !!!!!!!!!!!



" وانتهـــــــــــــىىىى البـــــــــــــــــــــــارت "

===

(¸.•´ ( * الفصــــــل الثامـــــــــن * ) `•.¸) 
( `•.¸ `•.¸ ) 
¸.• )´ 
(.•´
`v




تميت اتصارع ويا هالمجهوول الي يبا يذبحني .. 

حسيت ان هالشخص هدا شوي من قبظته .. اشم ريحة عطر نسائي .. منو هااااي ..

خازت الايد عن عيني .. وانصدمت من الي موجوووود وقلت بصوووت عالي : عااااااااااااااااااشه !!!!!!!!!!!


هجمت علي مره ثانيه وقالت : هيه حبيبتي .. انا عاشه .. عمتج وتاجت راسج بعد 

حاولت ابعدها عني .. بس ماقدرت الحماره راصه علي بالقوو .. 

سمعتها تقول : انتي بعدج حيه .. لييش ما متيي .. كنت بفتك منج ومن ويهج ..

قلتلها وانا احاول اخوز ايدها عني : لييييش .. ماكله حلالج .. ولا خاطفه ريلج ؟؟

قالت : وانتي الصااجه حبيبتي .. ماخذه حبيبي .. ومب مخلتني اتهنى وياااه ..

رديت عليها على طوول : حبيبج عندج .. وأشبعي منه .. انا مابييييه .. وأصلا هو الي دووم يلاحقني ومب مخلني في حالي ..

لمحت حمدان ياي صوبي .. وكل علي وقال : لا تألفيين .. انتي اصلا يا بنت الشوارع تلاحقيني .. 

" ولف صوب عاشه وقال لها " : عندج اياها زيديها هالعنز .. بنت الشوارع !!!

التفتنا كلنا صوب الباب يوم تبطل بقوه .. وحمدت ربي يوم جفت حمد واقف ..

وانا على طووول صرخت بصووت عالي : حمممممممد .. تعاااال فجني من هااااي الحماره .. تبا تذبحني هي وهالزفت حمدان

حمد من سمع رمستي .. يا أول شي صوب عاشه ويرها من شعرها ( تستاهل البقره ) ودزها بالقو على حمدان .. الي بدوره يا اونه يبا يدافع عن نفسه .. بس حمد ما عطااااه مجال .. على طوول كفخه ببكس على ويهه وطيره بعييييد ..

يااااااااااااي .. كشخه .. فلم هندي جدامي ..

زين والله من زمااان ما دخلت السينما هههههههههههههه

شلهم حمد ويا الدكاتره والسستر الي من سمعوو الحشره على طوول يوو للغرفه .. وطلعوهم بررررع .. وان شاء الله يودونهم السجن ..

رديت لورا واتساندت على المخده .. مديت ايدي لقلاص الماي وشربته كااااامل ..

أحس نفسي كنت بمووووت من هاااي الوحشه .. 

التفت للباب يوم تبطل ودخل حمد .. كان مبتسم ويا صوبي .. يلس حذالي ومسك ايدي وقال بهمس : شي يعورج حبيبتي

انحرجت منه .. اففف انا كل ما ابا ابتعد عنه ألف خطوه هو يقربني له مليووون خطوه ..

رديت عليه وانا منزله راسي : لا

قالي : خلاص عيل .. اليوم راح نطلعج من هنيه وراح تردين البيت 

انصدمت من هالخبر .. وقلتله : أخيرا بطلع وبفتك من المستشفى ..

ومادري شو الي خلاني اعفد عليه واحضنه .. ويوم انتبهت لنفسي تفشلت .. ويهي حرقني بالقوو .. الحين شو بيقول عني اخيييييييييييييج 

قال حمد وشكله استانس من حركتي : والله ياريت لو كل يوم تدخلين هنيه وانا اقولج بيطلعونج الحين عشان تسوين نفس الحركه الحلوه 

ابتعدت عنه وضربته على جتفه : قوووم عني مااااصخ ..



&&&&
&&
&



انتبهت لنفسي .. انا وين .. هاي حجرتي .. بسم الله متى ييت هنيه وكيف ؟؟!!

قمت ورحت اغسل ويهي ورديت لحجرتي .. رحت صوب الدريشه .. فتحتها : الله الجو روووووعه .. اكييد العصر الحين .. جفت الساعه كانت 4ونص 

زين تو الناس برووح آكل شي يوعانه .. وبروح ايلس فالحديقه 

نزلت تحت ولقيت امايه يالسه ويا عبود ولد محمد اخوي 

تميت واقفه بمكاني شكلهم ما انتبهو لي قلت : سلام عليكم

جفت علامات استفهام على ويه امايه وقالت : انتي ليش قايمه من فراشج ؟؟

استغربت من سؤالها .. قلتلها : ليش ممنوع ولا حرام !!!

ردت علي بنفسيه : لا هذا ولا ذاك .. بس انتي اونج مريضه .. بس انا اجوفج مثل السبلان تناقزين ومافيج شي 

خيبه تخيبها هااي عنبو مره وحده سبلان .. قلتلها : امايه الحين انا سباله ؟!

نشت من مكانها وشلت وياها عبود وقالت : انتي سباله ؟؟

قلتلها : لا طبعا !!

قالت : عيل خلاص .. انجبي " ورااحت فوق "

ول عليها صدق وحشه

والغريب فيها انها ما قالت لي شي بعد ما دزيتها فالمستشفى .. هههههههه تستاهل عيل يالسه تتبلى علي وعلى امي ..

ما اهتميت لها .. ورحت صوب المطبخ غرفت لي الغدا وخذت عصير ورحت صوب الحديقه ويلست عالارض وتميت آكل ..

خلصت اكلي وغسلت ايدي .. توني بطلع من المطبخ ولا اخوي محمد في ويهي ..

تيبست مكاني .. بعدني اخاف منه ومن نظراته لي .. من بعد هاك اليوم يوم دزيت أمه وهو كارهني ويطالعني باحتقار ..

رديت لورا عشان اعطيه المجال انه يدخل .. بس تم مكانه وتساند على طرف الباب وهو يبتسم ..

الظاهر بيطول الأخ .. مشيت عنه وكنت بطلع .. بس مسك ايدي ودزني داخل المطبخ وقال : ليش تشردين مني ؟؟

استغربت من هالسؤال .. قلتله بخوف : ماشردت .. بس انا عطيتك مجال انك تدخل المطبخ وانت ما دخلت فقلت بطلع .. وبس ..

تم يضحك علي ويتمصخر .. الحين ابا اعرف شو الي يضحك 

سألته : ليش تضحك ؟؟!

سكت فجأه .. وقال بجديه : ما يخصج .. كيفي اضحك وقت ما ابا .. لان هذا بيتي وبيت امي وبس .. وانتي مالج اي حق فيه .. فااااااهمه 

رديت لورا وانا خايفه من صوته .. الحمااار عور اذني من كثر ما يصارخ 
قلتله : انزين انا ما يخصني .. انت وامك كيفكم وخذو البيت حقكم .. انا بتزوج وبفتك منكم كلكم 

مادري انا الغبيه شو الي خلاني أقول جي .. يا ويلي الحين اكيييد بيكفخني تكفيخ 

زخني من شعري ..وقال : عبالج اني بخليج تتهنين بزواجج .. لا يا مهروو براويج نجووم السما .. وحتى حمد بخليه يكرهج ويعاملج مثل البشاكير 

تميت اصارخ بصوت عالي .. والله كلامه جرحني .. قلتله : حراام عليك هدني .. هد شعري قطعته .. يالمجرم ليش تسوي فيني جي انا شو سويتلك 

دزني على الثلاجه وقال : تذكري الي سويتيه لأمي فالمستشفى .. انا لين الحين ما بردت حرتي من هالسالفه .. وبحرمج من ورث ابوي 

وطلع .. طلعت روحه ان شاء الله 

يا ناس .. سا عالم .. خبروني شو الي يالس يستوي فيني .. حرااام عليهم انا شو يخصني اذا ابوي تزوج على امه ويابني 

حاولت اقوم من مكاني .. مب قادره .. تيودت بالثلاجه ونشيت .. وقفت على ريولي .. وما حسيت الا والدنيا تدور فيني .. 

بس تفاجأت باليد الي مسكتني .. جفت الشخص 

قلت : حمد خذني منهم لا تخليني وياهم .. بيذبحوني .. كلهم يكرهوني ويتمنون موتي اليوم قبل باجر 

حمد : يخسوون الا هم .. محد يقدر يسوي فيج شي دام انا موجود .. انا ريلج ومسوؤل عنج الحين 

خذاني في حضنه .. وطلعني من المطبخ ..رحنا داخل الصاله ماكان فيها حد .. وداني فوق لحجرتي ويلسني على الشبريه 

حمد : ارتاحي حبيبتي .. بروح اييب لج ماي وبيي .. لا تتحركين

مسكت ايده وترجيته : حمد لا تخليني بروحي .. اخاف يون وانت محد ويذبحوني

قالي : لا تخافين الحين بيي .. وطلع

انسدحت على الشبريه وبنفس الوقت خايفه لا يدخل علي محمد او امه ويسوون فيني شي .. 

الوقت يمر .. وحمد لين الحين مايا .. شو السالفه ؟؟!!!

قمت من مكاني قلت بروح اجووفه .. بطلت باب الحجره وطلعت شوي شوي .. رحت صوب المطبخ ما حصلت حد .. وين اختفى !!

نزلت تحت ما لقيت حد ! .. طلعت برع الصاله .. سيارته موجوده ؟!

رحت صوب الميلس .. بطلت الباب ما لقيت حد !!

اففففف شو اسوي الحين .. والمشكله اني ما عرف رقمه .. مالت علي ريلي وماعرف رقمه ..

رديت لغرفتي .. توني بفتح اللابتوب .. ولا يدخل علي حمد ..

مادري حسيت بشعوور غريب .. احس اني فقدته من زمان .. رحت صوبه وقلتله : وين رحت ؟؟

لف ايده علي وقال : رحت ويا محمد مشوار ورديت 

قلتله : انزين انت قلت بتيب لي ماي .. ومارديت !!

حسيته توهق .. وعقب قال : اممم انا ييت بس لقيتج راقده وما حبيت ازعجج ورحت 

!!!!!!!!!!!! معقوووووووله !!!!!!!!!!!!!

الحين انا متى رقدت ؟؟؟؟

سألته : بس انا ما رقدت ؟؟

رد علي وهو يتعبث في مبايله : لا كنتي راقده .. يمكن غفلتي وحا حسيتي بروحج ..

شكيت فالموضوع .. بس طوفت السالفه 

تميت ساكته .. وهو بعد سكت 

قلتله : ليش ساكت ؟

حمد : حبيبتي بقولج شي بس لا تزعلين

قلتله : قول ما بزعل 

ابتعد عني شوي وقال : انا أجلت عرسنا .. بعد ما تخلصين دراستج .. يعني فالصيف 

مادري شو الي خلاني اقول : لا لا لا لا لا .. مابي .. انا ودي اليوم قبل باجر ..

استغرب من ردي : معقوووله .. مب انتي قلتي تبين يكون العرس بعد ما تخلصين الدراسه .. شو الي غير رايج الحين ؟؟

رحت صوبه وقلت : حمد بليييز مابي اتم وايد هنيه انا اخاف منهم .. انت يوم محد كلهم يعاملوني بوقاحه ..

رد يطمني ومسك ايدي : حبيبتي لا تحاتين .. كل يوم بكون عندج .. تامريني بشي بروح الحين

قلتله : ويين ؟

حمد : شو بدينا من الحين 

قلتله : ليش شو قلت ؟؟

حمد : ماشي .. يلا مع السلامه

وطلع ....... افففف شو اسوي الحين .. 

استوى المغرب الحين .. الوقت ما شاء الله الوقت كيف يمر بسرعه ..

رحت اتوضى .. وصليت الصلوات الي فاتتني .. 

وعلى طوول اول ما خلصت .. رحت وقفلت الباب علي .. هيه ما فيني يهجمون علي هالوحوش ..

تذكرت فطوووم .. هاااي اختفت فجأه .. تميت ادور مبايلي عشان اتصل فيها .. اويه وينه ..

تذكرت اني خذته وياي المطبخ .. ياربي يعني لازم انزل ..

فتحت الباب شوي شوي .. وتميت امشي بهدوء جني حراميه ..

س تفاجأت بصووت : شو تسوييييييييييين ؟؟؟!!!!

وعلى طووول ركييييييييييض .. ورحت للمطبخ .. خخخخخخخخ والله شكلي يضحك .. دورت مبايلي .. ما حصلته .. وينه ؟؟

جفت البشكاره ( الفنش ) عنبو مب اسم .. ههههههههههههههههه

قلتلها : الفنش خخخخخخ ما جفتي مبايل هني داخل مطبخ ؟

ردت علي : انتي ليش يدحك مشان اسم .. انا خبر ما ما مشان سوي جنجال انتي 

قلتلها : خييبه تخيبج مستويه شراتهم وحشه .. ويا هالويه .. اذلفي عني لا اكفخج بالملاس الحين .. ههههههههه عاد ما لقيتي غير هالاسم .. الفنش هههههههههههههههههههههههه

اونها تدلع ويا ويها وراحت .. قلت بصوت عالي : مالت عليج وعلى الي يابج هنيه ..

نقزت فجأه يوم سمعت الصوت الي وراي : نعم نعم نعم .. شو قلتي .. 

التفت .. وييييه مالت علي انا الي قلت هالكلام .. : اممم .. ماشي سلامتج .. 

كنت بشرد بس وقفتني جملتها يوم قالت : ما تستحين تراج .. طالعه على امج قليلة الأدب 

لا عاااد لين هنيه وبس .. رحت صوبها .. كنت بزخ كندورتها .. بس كسرت خاطري حرمه عوده ومب حلوه اسوي فيها جي ..

جفتها بنظرات اجراااام وقلت بنبرة تهديد : جوفي .. ان قلتي مره ثانيه شي عن امي .. والله لا اراويج شي عمرج ما جفتييييه .. انا لين الحين ساكته عنج وعن ولدج هالسبال .. بس الايام يايه وانا براويكم كلكم الي في هالبيت ..

وطلعت على طووول من المطبخ .. والله ما ايوون الا بالعين الحمرا ..

المهم .. رحت صوب الحديقه ولقيت مبايلي طايح تحت .. شليته ورحت حجرتي ..

اتصلت في فطووم .. اربع رنات وردت علي ..

فطوم : هلا والله بالقاطعه 

ابتسمت وحسيت براحه يوم سمعت صوتها : هلا فيج .. الحين انا القاطعه ولا انتي 

فطوم : شو اسوي تعرفين السكووول و..

قاطعتها : وييه على طاري السكوول .. انا كم صارلي وما داومت ؟؟

فطوم : اممم تقريبا اسبوعين .. عادي تونا بداية السنه ليش مستعيله .. انا بدالج ما بسييير بعد خلهم يولون ..

قلتلها : لا والله .. بس فالحه حق هالسوالف انتي ..

فطوم : المهم خبريني .. شخبار ريلج .. وشو صار وشو ماصار من بينكم يلااا قولي 

ضحكتني هااي الخبله : هههه بلاج متحمسه .. ما صار شي 

فطوم ك لا تألفين .ز انا اعرف بسوالف الغزل هاااي قبل العرس

مهره : ليش يعني قبل العرس .. عقب العرس بعد شي هالسوالف 

فطوم : لا حبيبتي .. قبل العرس توج عااد فرش .. ويدلعج لآخر دلع .. اما عقب العرس بيمل منج ومن ويهج بعد

مهره : هههههههههههههه يخسي هو .. يحمد ربه اني وافقت عليه .. بس تدرين .. تذكرين يوم الملجه شو قلت انا 

فطوم : امممم قلتي براويهم كلهم وبنتقم منهم كلهم .. هههههه

مهره : هيييييه .. بس انا لين الحين مصره على رايي وما بغيره .. الا حمد ما بسوي فيه شي .. لاني احسه وايد طيب وحبوب بعكس ما تصورته قبل ..

فطوم : عاااشت عاااشت مهرووووه قامت تحت .. يلاا قولي قصيده في هالوقت .. 

مهره : عنبو قصيده اونه .. خليني افلح اول فالعربي وبعدين بقووول بحر من القصايد 

فطوم : انزين متى بداومين ؟؟

قلتلها : امممم بداية الاسبوع الياي ان شاء الله ..

فطوم : هيييه زين زين .. تعالي عبيدوو اخوي يسلم عليج 

ويييييه فديييته .. هههه : يالحماره عيييب عليج انا على ذمت رياال عيب .. والله يسلمه خخخخخخخ

فطوم : اونج عاااد .. تراااه لين الحين يباج هو .. وانا تراني ما قلتله انج ملجتي .. الله يعين لو اقوله شو بيسوي ؟؟

تفاجأت من كلامها .. معقوله عبيد يباني .. مالت علي ليش وافقت على حمد .. انا من جفته تخبلت عليه .. : فطووم انتي متأكده انه يباني .. 

فطوم : امم هيه اذكر مره كان بقول حق امييي شو رايج في مهره ربيعت فطووم ..

مهره : يلعنج فطووم ليش ما خبرتيني من قبل لا اوافق وآخذ هالحمد .. حراام عليج .. اتم ويااج في امان ولا عند ام حمد هالوحشه 

فطوم : ههههه عاد هذا نصيبج .. وانا كنت ناسيه وتوني تذكرت 

مهره : خلاص الحين ماشي فايده .. انا على ذمة هالحمد وما يصير اتعلق بغيره عييييب على قولتج ويا هالويه 

فطوم : والله كيفج .. اطلبي منه انكم تنفصلون وخلاص ما يبيلها شي .. وانتو توكم مكملين اسبوع تقريبا من ملجتوو

مهره : مينونه انتي .. تبين محمد يهد هالبيت على راسي .. هو ما صدق يفتك مني 

فطوم : تستاهلين .. محد يأدبج غير هالمحمد وامه .. ههههههههههههههه

قلتلها : ولي يلاا بسيير اخمد مالت عليج تظحكيين هااااه .. علج بريل خسف وما يتشاهد خخخخخخخخخخخ

فطوم : عادي فدييييته المهم قلبه .. احبه ويحبني 

مهره : مالت ليج وعلى الي بياخذج .. والله اشك انه يتم وياج ليله وحده من حركاتج وسوالفج هالماصخه 

فطوم : انتي تغارين .. لاني باخذ الي اباه .. مب انتي ماخذه واحد ما تحبينه 

مهره : على الاقل حلووو ريلي فديييته وفديت ويهه وجسمه وكل شي فيييه .. واحي مع الايام بيي .. بس تدرين .. احس اني اميل له هالايام .. لانه وايد اييني تقريبا كل يوم اجوووفه 

فطوم : بعد تقولين مساعه اونه ما صار شي هاااه .. الا بلاوي ورااج انتي .. المهم يلاا بسير اخمد انا وراي سكوول باجر .. مب شراتج فالبيت معفنه

مهره : عالاقل .. ما اعور راسي كل يوم انش من صباح الله خير واعفد مني ومناك وادور الا الشيله او الشنطه ومن هالسوالف الي تعور الراس

فطوم : ما علييه يصير خير .. بتين تراج الاسبوع الياي وين بتشردين من عوار الراس على قولتج هههههههه .. يلااا سي يووو

مهره : اوكي بااااي 

..::.. طووووووووووووووووووووووووووووط ..::..






&& &&& && &&& &&

&& &&& &&

&&

|| بعد مرور .. يوم .. يومين .. .. عشر .. شهر .. 4شهور .. سنه ||

&&

&& &&& &&

&& &&& && &&& &&






مرت الأيام مثل ماهي .. كل يوم طبعا ضرايب وحشره ويا محمد .. وامه .. والفنش خخخخخخ .. وحمد وزياراته الي قلت لي .. مادري شو سالفته ..

المهم .. طبعا الحمدلله نجحت وكانت نسبتي .. 89.7 .. وفطوم بعد نجحت بس يابت اكثر عني ما شاء الله عليها .. 95.6 .. 

طبعا ما باقي شي على العرس .. اسبوع فقط ..

وانا الحين يالسه اتشرى واتزهب للعرس .. طبعا محد وياي غير فطوم ونوره مرت محمد ..

وخلال هااي السنه .. عرفت ان حمدان خطب عايشه .. علهم ... استغفر الله مافي ادعي وتنجلب الدعوى علي .. ومن بعد سالفت المستشفى ما جفته مووول .. احسن ..

واكتشفت مصيبه ثانيه .. حمد طلع عنده خوات .. لا وعايشين وياه في نفس البيت .. بس انا ماحيد اني جفتهم يوم كنت صغيره .. وحتى يوم كبرت ولا سمعت عنهم .. احيييد حمد روووحه كان وماعنده اخوان ولا خوات ..

وكل ما اسأل حد يقولي ماعرف .. شو سالفتهم ما يبون يقولون لي شي .. والله حسيت وقتها اني في لعبه .. وهم كلهم يلعبون فيني ..



المهم خواته الي ماعرف من وين طلعو .. 3 هم .. حمده العوده ومتزوجه وعندها بنت ..

وخوله ( 19 سنه ) يعني قدي .. وموزة ( 10 سنوات ) .. وعلى قولتهم كلهم .. ع=هاييل الثنتين كانو يدرسون في مدارس خارجيه .. برع البلاد ..



يعني انا بعيش ويا >> حمد .. وامه .. وخوله .. وموزة >> الله يعيني ..

عاد يارب ما يكونون مثل امهم .. 


&&&&&
&&&
&


باقي على العرس 3 أيام .. انا حاليا في مول الامارات .. يالسه اتشرى أغراض للسفره .. حمد قالي بنسيير شهر العسل اونه .. عاد وين .. مادري .. 

المهم قالي آخذ بدلات وجاكيتات .. لان برد هناك ..

الحين انا اتالي روحي هنيه واتشرى .. نورة حامل وماتقدر تتحوط .. يلست فالكوفي ويا عبود ولدها .. 

وهالحمد المفروض ايي وياي .. مالت عليه .. انا مرته ومخلني اتالي روحي ..

دخلت محل بيرشكا .. وانا يالسه اتالي وادور .. رديت لورا .. ودعمت .. حسيت اني دعمت شخص .. لفيت .. وجفت هالشخص .. هذا شو يسوي هنيه .. 

كان يطالعني .. ويطالع الاغراض والاجياس الي في ايدي .. 

وقالي بنبره حاده شوي : ليش سويتي فيني جذي .. ليش لعبتي علي ؟؟!!!

وضحك باستهزاء : هه هه هه .. عبالج بخليج في حالج ويا هالحمدمالج !!!!!!!!!!














تدرووووووون 



















وللأسف يعني .. 




" انتهــــــــــــىىىىى البـــــــــــــــااارت "

===

(¸.•´ ( * الفصــــــل التاســــــــــع * ) `•.¸) 
( `•.¸ `•.¸ ) 
¸.• )´ 
(.•´
`v





كان يطالعني .. ويطالع الاغراض والاجياس الي في ايدي .. 

وقالي بنبره حاده شوي : ليش سويتي فيني جذي . . ليش لعبتي علي ؟؟!!!

وضحك باستهزاء : هه هه هه .. عبالج بخليج في حالج ويا هالحمدمالج !!!!!!!!!!





قلتله وانا مستغربه : انت شو تخربط ..انا متى لعبت عليك .. أصلا شو الي بيني وبينك عشان تقولي هالكلام !!

رد علي : اونج ما تعرفين شو الي بينا .. نسيتي ولا تستهبلين 

مهره : جووف .. انا واثقه من نفسي واعتقد انك خرفت او انك مضيع حد يشبهني .. 

لفيت عنه كنت بروح .. بس وقفتني مسكت ايده لايدي ولفني صوبه 

قلتله : انت ما تستحي على ويهك .. هدني .. والله لا اصرخ وايمع عليك الناس واقولهم انك تتحرش فيني 

هد ايدي وقال : فيج خير سويها ان ما فضحتج عند ريلج بسوالفج ويا حمدانووووه حبيب القلب سابقا ..

حطيت ايدي على حلجي .. مادري ليش خفت من هالجمله الي قالها 

قلتله : عبيد .. شو تبا مني الحين وخلصني 

رد علي بجديه : تطلقين .. والحين .. وانا باخذج

خيييبه خييبه خيييبه .. قويه هاااي .. اتطلق من حمد .. شو مينون هذا ولا شو .. 

رديت عليه : انت تخبلت .. شو يالس تقوول .. اتطلق !!

عبيد : هيه والحين بعد .. عادي ما فيها شي .. وايدين غيرج سووها

مهره : ا مستحيل اسويها .. انا احب حمد وهو يحبني .. وانت شوفلك وحده غيري ..

سكت شوي وكملت : وانت شو الي يخليك جي واثق اني انا اباك ؟؟

قالي : تصرفاتج وكلامج وياي .. اكبر دليل انج تحبيني وتبيني .. وانا بعد حبيتج وبتم احبج طوول عمري 

التفت اطالع يمين ويسار .. مافيني عالفشيله والمشاكل 

قلتله : انزين مب جنه مصخناها .. الناس تطالع .. وبعدين نوره مرت اخوي هنيه ويمكن في اي لحظه تي وتجوفنا .. انا برووح وانت خلك بعيد عني لاني مستحيل انفصل عن حمد

قالي : صدقيني ما بتلقين واحد يحبج كثري .. حمد بيلعوزج تراااه انا اعرفه اكثر عنج 

مهره : اممم خله يلعوزني .. المهم انا احبه وخلاص (( هالكلام مب من قلبي .. صح اني حبيت عبيد .. بس قرب حمد لي فالفتره الي طافت نستني عبيد وحبي له .. وما جفت جدامي غير حمد وبس .. حتى حمدان الجني الي كان يطلع لي في اي وقت اختفى فجأه .. فكه منه ومن بلاويه .. 

حط ايده في مخباه وشل قميص لونه اسود وقال : تبين حمد .. خذيه واشبعي منه .. بس بعدين لا تين وتقولين عبيد تعال خذني منه .. بس اباج تعرفين شي واحد .ز محد في هالدنيا كلها حبج او يحبج كثري .. وراح تكون ايامج مثل هذا ... فر القميص على ويهي ..

الله يخسه فشلني .. شليت القميص من ويهي وكنت برد عليه .. بس تفاجأت انه اختفى .. بسم الله شو حتى ها جني بعد ..

نقزت يوم رن المبايل .. جفت المتصل حمد .. وييه هذا شو يبا بعد .. 

فريت القميص بعيد ورديت عليه : هلا حمد

قالي : انتي وينج

مهره : السلام ببلاش >> اوني اتمصخر

حمد وهو يصارخ : لا تستهبلين علي .. وينج !!

اميييه شفيه هذا : حمد شفييك تصارخ علي .. انا في مول الامارات يالسه اتشرى لي اغراض 

حمد بنفس النبره : وانتي كيفج اتالين وتطلعين رووحج

طلعت من المحل .. ويلست على الكرسي بعيد شوي عن الناس 

قلتله : حمد انا قلتلك تعال ودني .ز انت قلت لي مب فايق لج .. شو اسوي يعني .. وبعدين انا مب روحي نوره وولدها وياي بعد

رد وهو يبا يجذبني الحرامي : وينهم ما اسمع صوتهم ؟؟

قتله : نوره تعبت ويلست فالكوفي ويا عبوود .. وانا قتلها بروح آخر محل بتشرى منه وخلاص برد عندها 

حمد : انزين متى بتردون البيت

مهره : عقب شوي .. بس انت ليش معصب ماحيدك تعصب علي 

حمد : والله كيفي .. وبعدين منو انتي عشان ما احرج عليج او اعلي صوتي عليج .. هااااه منو انتي

بسم الله شفيه جلب علي : انزين خلاص كليتني .. 

حمد : يلاا بسرعه اباج قبل المغرب فالبيت .. بتصل فيج وبجووفج اذا مب فالبيت بطلع عينج فاهمه

مهره : انزين خلاص بنرد الحين (( افففف >> طبعا في خاطري مب جدامه عشان ما ياكلني ^_^

.:. طووووووووووووووووووووووووووووووووووط .:.


خيييبه تخيبه مالت عليه .. بند في ويهي صدق ما يستحي .. 

آآآه .. عبيد وينك تعال خذني بايدك عالفرح .. خخخخخخ

قمت من مكاني ورحت صوب قوم نوره .. جفتها تضحك علي ..

سألتها : ليش تضحكين ويا هالبطن ؟؟

نوره : مادري شكلج يضحك وانتي شاله هالاغراض .. تصدقين تذكرت ايام يوم كنت اتشرى حق عرسي .. كشخه كل يوم محمد كان يوديني ..

قتلها : مب انا مالت علي .. يحليلي اتالي روحي ويالله يالله أحصل حد يي وياي ..

اتصلت نوره في محمد .. ويا خذانا .. وصلت البيت على الاذان ,, نزلت من السياره وزقرت البشكاره تشل وياي الاغراض ..

جفت ( الوحشه ) طالعه من الصاله ويايه صوبي .. ادريبها تبا تطنز الحين ... وبدت ..

ام محمد : هاااه .. اجوفج خامه السوق كله ويايه .. عنبو مب عرس هااااه .. خسرتي الريال وفضحتينا .. 

ما رديت عليها .. مشيت لين الصاله .. وقفت عند الباب .. متردده اقولها ولا لا ..

اخاف محمد يلحقني ويزخني .. واذا زخني الله يعلم شو بيسوي فيني ..

انا شعلي .. يومين وبفتك منهم .. بسويلهم اكشن شوي .. وبراويهم الويل قبل لا افتك منهم ..

لفيت لورا .. جفت البشكاره في ويهي .. فتحت لها الباب ودخلت ويا الاغراض .. فصخت نعالي .. وحطيته فالجيس وشنطتي بعد وعطيتهم لها عشان توديهم فوق وما يخربون علي 

فتحت الباب عدل عشان اقدر اشرد واركض .. جفتهم بعدهم واقفين هناك ..

رفعت عباتي وربطتها على خصري وقلت بصوت عالي : مالت عليج وعلى ولدج هالديايه .. متى بس افتك منكم ومن شيفكم .. الا نوره فديتها وولدها ....

جفت محمد ينزل ولده تحت وياي صوبي .. على طوووول ركييييييييييييض .. وصلت عند آخر الدري .. لااااااااااااااااااااا طحت 

الحين بيزخني .. جفته ياي .. شو اسوي ..

لا اراديا .. فصخت العبااه وفريتها عليه .. ههههههههههههه شكله يضحك والعباه على راسه يحليله ..

قمت شوي شوي .. تميت اعري بسرعه لين الحجره .. دخلت وسكرت الباب وقفلته ..

وصلت عند الشبريه وطحت عليها .. وااااي جسمي تكسر .. الله ما يضرب بعصا .. استاهل .. ليش اسوي فيهم جذي .. 

عادي المهم بردت جبدي شوي .. اكيييد الحين الوحشه تحترق من داخل عالكلام الي قلته لها ..خخخخخخخخخخخخخخ

سمعت مبايلي يرن .. طلعته من الشنطه .. وكان حمد .. رديت على طول : هلا حبيبي

اوييييه كيف قلت جي فشييييله ..

بس حسيته استانس يوم قال : حبيبي مره وحده .. لا ما نروووم ما نروم على هالكلام الحلووو .. 

قتله : امممم تراني رديت البيت

حمد : هيه زين زين .. المهم بخليج عيل دامج وصلتي .. وبتصل بج بعدين اوكي 

مهره : اوكي .. باي

مادري ليش ارتحت من سمعت حسه وهو مستانس .. بس مساعه كان لوعة جبد وهو محرج ..

توضيت وصليت العصر والمغرب ..

شليت الاغراض الي شريتهم وحطيتهم على صوب .. يلست اتعبث بالموبايل .. اففف ملل .. شو اسوي ....

انسدحت على الشبريه .. وتذكرت الحركه الي سويتها مساعه في محمد وامه ههههههه يستاهلون .. براويهم باجر بيكون آخر يوم وياهم بطلع عينهم من الصبح لين الفليل .. 

وتذكرت عبيد .. الله يخسه شو سوابي اليوم .. فشلني جدام الناس ..

بتصل في فطوووم وبخبرها .. لا فشله .. مابي افضحه جدامها لان الحركه سخيفه 

بس بتصل وبجس النبض خخخخ 

توووت ..... توووت ... توو : ألووووووو

مهره : السلام عليكم ورحمة الله وبركاته

فطوووم : وييه غريبه من وين نازل هالأدب عليج .. وعليكم السلام

مهره : انتي قليلة الأدب .. انا اسلم عليكي سلاما كاملا وانتي تردين بكلمتين 

فطوم : ههههههههههههه الله يخسج .. عليكي اونه خخخخخخخخخخخخخخخخ

مهره : خسفك الله يا مجنونة لماذا تضحكين ؟

فطوم : بسج عاااد مب فايقه ارمسي عدل 

مهره : اقوولج العاشق الولهان وينه عيل اليوم ؟؟

فطووم : اممم مادريبه والله .. من طلع العصر ومارد لين الحين .. يتالي بررع البيت ..

صراحه خفت عليه .. ماحيده يطول بررع البيت : بس غريبه يعني هو دوومه فالبيت .. واذا طلع بالكثير ساعه ساعتين ويرد 

فطووم : وانا شو يخصني فيه .. كيفه

مهره : شو شو يخصج انتي اخته .. جوفيه يمكن فيه شي

فطوم : انتي شو فيج اليوم .. عندج ريل شو تبين في اخووي يلاا بعيد بعيد .. بعدين لا تفاولين عليه ان شاء الله ما فيه شي ... هااذووه وصل

مهره : انزين اسأليه وقوليله وين كنت 

سمعتها الحماره تقوله مهره تقول وين كنت .. الله يخسها فشييييله شو بيقول عني الحين 

سمعت صوته : شو تبين مني .. 

امييييييييييه .. بندت في ويهه على طول من سمعت رمسته

الله يغربلج يا فطووم براويج .. الحين شو بيقول عني .. فشييييييله

رن مبايلي .. وكانت فطووم .. ما رديت خلها تولي .. او يمكن يكون عبيد .. افففففف صدق وهقه ..

ما اهتميت وايد طز فيهم .. بس براويها فطووم ما بودرها على هالحركه البايخه ..

أذن العشا .. رحت أصلي .. خلصت وتميت اقرا شوي قرآن ..

جفت الساعه كانت 9 بالضبط .. ملل شو اسوي .. وااااي باجر آخر يوم لي فهالبيت .. بفتك منهم ومن حشرتهم ..

فتحت الابتوب و فتحت قصة .. أنا حر ما انهان والحر ما يرجع لشخص يهينه .. للكاتبة معاني .. هاااي آخر قصة كتبتها وبعدها ما خلصتها .. بس مادري ليش وقفت .. وصار لها فتره ما نزلت بارت يديد .. قصصها رووووعه .. المهم تميت اقرا جزء ورا الثاني ..

انتبهت للساعه جفتها كانت 2 وربع فجر .. وييييه الوقت يمر بسرعه .. 

بندت كل شي .. ورحت أخمد .. وانا كلي شوق لغدا .. بطلع عين ام محمد وولدها ..خخخخخخ




&&&&&

&&&

&




نشيييت من رقادي ساعه 12 الظهر .. تسبحت وبدلت ثيابي .. ونزلت تحت 

جفت ام محمد يالسه روحها .. خخخخخ هاي فرصتي براويها ..

رحت صوبها ويلست عندها : سلام عليييج

ام محمد : وعليج السلام .. روحي زهبي اغراضج .. باجر بتذلفين بيت ريلج وبتفكينا من ويهج 

مهره : والله محد بيفتك منكم غيري .. والله أخيرا باخذ راحتي في بيت ريلي ..

ام محمد : والله هذا ويهي ان استانستي دقيقه وحده بس 

قتلها : شو تقصدين ؟؟!!!

ام محمد : ولا شي ولا شي .. فكيني من صدعتج وروحي عني 

لفيت عنها هالخبله .. عيوز مخرفه .. لمحت حذالي مسدس صغير مال العاب .. الي يترسونه ماي مال عبود اكييد 

يتني فكره هع هع هع .. الحين ببرد حرتي .. صبري علي ..

شليته وخشيته وراي .. رحت صوب الحمام .. ترسته ماي ..

تميت امشي شوي شوي .. واندسيت ورا الغنفه الي هي يالسه عليها .. 

رشيت رشه من فوق راسها .. خخخخخخخ سمعتها تقول : بسم الله من وين هالماي ؟؟

ضحكت بصوت خفيف .. ورشيت رشه ثانيه ... وثالثه .. لين قامت من مكانها خايفه ..

تميت اضحك واضحك .. لين حسيت بحد واقف وراي .. صديت لقيتها واقفه ومحرجه ..

ام محمد : اثاريج انتي السباله ترشين .. 

كانت بتكفخني بالنعال بس انا قمت وركضت بعيد عنها .. وتميت ارشها من بعيد وهي تصارخ وتهدد

ام محمد : والله اراويج يالخايسه .. ان ما خبرت عليج محمد 

ههههههههههه والله اضحك هااااي الخبله .. 

ودرتها ورحت فوق حجرتي .. وتميت ارتب اغراضي .. واطالع شو بلبس حق الطياره ..


++ وبجذي انتهى هاليوم .. وطبعا محمد اونه يا يدق علي الباب عشان يحرج علي عالحركه الي سويتها بأمه .. بس انا تميت ساكته ولبسته ++


&

&&&

&&&&&



أنا الحين فالصالون .. ونوره وفطووم وياي .. طبعا ما قلت شي حق فطووم عن السالفه الي صارت .. 

تحنيت .. وسويت شعري .. والحين يالسين يمكيجوني ..

نوره وفطوم خلصوو ..

سمعت دق عالباب .. فتحته نوره .. ودخلو 3بنات ماعرفتهم ..

يو ويلسو عندي .. كل وحده أحلى عن الثانيه .. 

تكلمت الأولى وشكلها أكبر وحده فيهم : شحالج يا مرت أخونا .. ما شاء الله قمر طالعه ..

مرت أخونا !!! ... ويه اكييد هاييل خوات حمد .. اففف الحمدلله من اشكالهم يبينون انهم طيبااات 

رديت عليها وانا ابتسم : بخيير الحمدلله .. 

قالت : اظن انج ما عرفتينا .. انا حمده .. واشرت على الثانيه .. وهااي خوله وهي قدج .. واشرت على الصغيره .. هاااي موزووه ..

سلمت عليهم كلهم .. وطلعو عني .. يت نوره صوبي وقالت : يلاا الحين بتنزلين للقاعه 

تصدقوون حسيت بشعور غريب .. جسمي يرتجف .. والله مادري ليش خايفه .. قلبي بيطيح ..

قتلها : نوره مابي انزل .. اخاف

نوره : لا تخافين .. وبعدين هالشعور كل وحده تحب به يوم العرس .. انا شو سويت قبل .. 

زختني من ايدي ووقفتني .. جفت نفسي بالمنظره .. ما توقعت اني بهالجمااال ..

نوره : طالعه قمر .. تف تف تف ما شاء الله عن الحسد ..

ضحكت على حركتها : اييييه ههههه بسج عاااد عن الحركات .. وينها فطووم ..

نوره : الحين بتي ..

ولا تدخل فطووم علينا وهي تقول : يلاا يالعروس الحين بتنزلين ..

يت صوبي وحضنتني .. تميت اصييح .. بس نوره يت وخوزتنا عن بعض 

نوره : يالخبايل بتخيسوون بعض .. طاعي مكياجج ساااح تبين يضحكون عليج .. مهرج ولا عروس انتي ..

ضحكت على تعليقها .. رتبت نفسي .. وطلعنا من الحجره .. سرنا صوب اللفت .. ونزلنا تحت .. 

وااااي والله زياغه .. قتلهم : خلااص انا مابي اعرس .. فطووم تعالي بدالي 

فطوم : انتي شفيج خرفتي .. شو بدالج بعد .. يلا دشي بلا حركات 

وقفت مجابله الباب .. سمعت صوت موسيقى رومانسيه .. تبطل الباب .. ودزتني فطووم عشان ادخل ..

اول ما دخلت القاعه .. ولا دخااان في ويهي .. تروعت بسم الله وين داشه بيت الرعب انا .. 

المهم تميت امشي شوي شوي .. والموسيقى شغاله .. عيبني اللحن ..

طبعا فطووم ونوره كل شوي يأشرون لي .. ويقولون لي سوي هالحركه ومادري شو ..مرات اسوي مثلهم .. ومرات البسهم ..

والله اضحك فطوم يوم تعصب ليش اني ما اسوي الحركات عدل خخخخخخخ

وصلت للكوشه وجابلت الحريم والناااس كلهم .. وااااي مكثرهم .. عااد انا يالسه ابتسم غصب ..

يت فطووم صوبي ويلستني عالكرسي .. وبدوو الحبايب بالرقص والحشره ..

والحريم يو سلموو علي .. خوات حمد من اول ما يلست وهم يالسين عندي ويسولفون وياي ..

بس ام حمد يت سلمت وسارت بعيد .. مادري شو فيها .. ما تهمني المهم خواته طلعو طيبات فديتهم ..

والوحشه ام محمد ما يت تسلم علي .. بلعنه ههههههه

مر الوقت .. ويت حمده غشتني لان حمد بيدخل ووياه محمد وحمدان .ز اخيج هالعله ليش ياي بعد ..

دخل حمد .. والشياطين وراااه .. وصل عندي وباسني على راسي ..

جفت محمد يسلم على حمد .. ويا صوبي اونه يمثل جدام الكل .. حضني .. انا ويا ويهي استانست اول شي .. بس كرهته وكرهت قربه لي يوم قال في اذني : واخيرا بفتك منج .. وبيكون البيت لي ولامي ..

حقييير .... نذل ..... وقح .. كرهته .. الله يلعنه .. لمحته وهو ينزل وانا اقول في قلبي يعله بتخرطف ويطيح .ز بس السبال مشى وطلع ..

حمدان التيس بعد سلم على حمد .. وقالي .. مبروووك يا حلوه بصوت خفيف طبعا .. وراااح 

انتبهت لايد حمد يوم مسكني ورص على ايدي .. جفته وابتسمت له .. 


المهم مر العرس على خير .. وصراااحه استانست وايد وارتحت يوم ما جفت عوووش البومه خطيبة حمدان العنز .. 

تمينا نتصور انا وحمد .. ورحنا فوق للغرفه الي حجزها حمد .. عشان نتعشى ونبدل ونروح المطار ..

طلب حمد العشا وراح يتسبح .. تميت انا اجلع الي على راسي .. وفصخت الطرحه ..

سمعت دق عالباب .. خفت عنبو منو ياي الحين .. جفت حمد طالع من الحمام ويطالعني : ليش ما تبطلين الباب ؟؟

قتله : مادري .. منو ياي الحين ؟؟

قالي : بلااج خايفه .. يايبين العشا هههههههههه

بطل الباب .. صح طلع العشا .. مالت علي اوني عااد خايفه خخخخخ

شليت اغراضي ورحت اتسبح .. طبعا بدلت وخلصت كل شي في غرفة الملابس .. مابيييه يجوفني استحي منه ..

طلعت ورحت يلست حذاله .. مسك ايدي وتم يطالعني ..

قتله : اول مره تجوفني ؟؟

حمد : لا فديتج بس محلوه اليوم واااايد ..

دزيت ويهه بطرف صبعي وقلت : عن المصاخه خلنا نتعشى ..

استانس من حركتي ونش .. وياب العشا عالطاوله وتمينا ناكل .. 

خلصنا عشانا .. وبدلنا ثيابنا .. وجهزنا الاغراض .. ركبت السياره وحمد حط الاغراض ورا وركب ..

قالي : جاهزه حبيبتي .. ما ناقصنج شي ؟؟

قتله وانا مستحيه من قربه لي : لا حبيبي ما ناقصني شي 

قال : يلاا عيل توكلنا .. بسم الله

سندت راسي عالسيت وتميت اطالع برررع وانا كلي شوووق بحيااه سعيده ويا حمد .....




"" وانتهـــــــــىىىى البــــــــــــــارت ""

===

(¸.•´ ( * الفصــــــل العاشــــــــــر * ) `•.¸) 
( `•.¸ `•.¸ ) 
¸.• )´ 
(.•´
`v




وصلنا المطار .. سألته : حمد .. وين بتخلي السياره ؟؟

حمد وهو يأشر ورا : أخووج بيي وبيشلها 

وععععع يعني بعد بجووف ويه النحس محمد اففففف ..

نزلت من السياره .. وشليت شنطتي الصغيره في ايدي .. وصل محمد صوبنا .. وعلى طول سار صوب حمد .. تمو يتكلمون مادري عن شو .. 

المهم نزلنا اغراضنا من السياره وحمد زقر العامل عشان يشلهم .. 

دخلنا المطار .. انصدمت .. ما توقعت مطار دبي بهالكبر .. وااايد حلووو .. تميت اطالع حولي لين يت عيني في عين حمد .. قفطت ونزلت راسي تحت مستحيه ..

سمعته قالي : شو اول مره تدخلين المطار ؟

قتله بدون ما اجوفه : هيه .. وما توقعت انه جي حلووو 

جفته سكت .. سألته : نحن وين بنسافر ؟؟

قالي : بنروح استراليا ..

الله مكااان بعيييد .. أحسن بعيد عن محمد وامه عشان ما يوصلون عندنا خخخخ >> تفكير يهال .. صح ؟؟؟ ))

زخ ايدي ويرني صوبه .. وصلنا للسوق الحرة بعد ما خلصنا كل الاجراءات ..

مكان طويييييل .. ووسييييع .. وحلووو .. محلات من كل جانب .. شي روووعه .. صراحه بلادنا تطورت وايد .. وانا مالت علي كنت معفنه فالبيت لا أطلع ولا شي .. بس مره يوم رحت ويا فطووم للستي .. ومره امارات مول ويا نوره يوم كنت اتشرى واتزهب لعرسي ..

رحنا صوب المطاعم .. وطلبنا عصاير .. اول ما يلست جفت جدامي .. يااااي منظر روووعه .. الطيارات جدامي .. قلت حق حمد : عادي اروح هناك واطالع الطيايير ؟؟

ضحك علي : انتي شفيج .. والله طالعي اليهال احسن عنج يالسين وما يسوون شراتج

لفيت ويهي عنه .. الحمار يالس يطنز ويحط علي وأنا مالت علي ماقدر ارد عليه .. ما فيني على لسانه ..

نقزت يوم قالي حمد : يلاا قومي !!

سألته : ليييييش ؟؟؟؟

حمد وهو واقف : شو بتمين هنييييه .. يلااا بنركب الطياره بعد شووو 

زادت دقات قلبي .. مادري ليش .. يمكن لأني اول مره اركب شي اسمه (( طياره )) ..

على طول لصقت في حمد .. حسيته استغرب من حركتي .. بس ما مانع مسك ايدي وسرنا ..

دخلنا في مكان طويل وضيج شوي .. سألت حمد : نحن وين الحين ؟؟

ابتسم لي وقال : نحن في خرطوم الطياره .. هالمكان يسمونه خرطوم الطائرة .. والحين بندخل فالطياره هههههههههه

وصلنا لبوابه صغيره وعندها واقفه وحده خذت منا تذاكر او ..امممم .. مادري شو السالفه .. 

المهم دخلنا الطياره .. ويلسنا .. طبعا انا كنت ما ابغي عند الجامه لاني اخاف .. بس حمد الزم علي لان الكرسي الثاني الناس يمرون ومب حلوه ايلس هنيه ..

يلست مكاني وانا خايفه .. بس الحمدلله ان الدنيا ليل عشان ما أجوف شي تحت خخخخخ

سمعت حمد يقولي : يلا اربطي الحزام 

طالعته : أي حزام ؟؟

حمد : جوفي تحتج .. وبتحصلين حزام .. واربطييييه بعد شو 

قتله : ماعرف ..!!!

جافني باستغراب وقال : تستهبلين .. في حد ما يعرف يربط الحزام .. ويا ويهج خوزي ايدج بربطلج اياه

شليت ايدي .. وجفته يتقرب صوبي .. حط ويهه بويهي .. حاولت ابعده عني بس ما فج ..

قتله : ايييه عييب شو تسوي 

ابتسم بخبث وقال : ههههههه عادي حبيبي انا ريلج ما فيها شي .. بعدين كلهم اجانب عادي عندهم هالشي 

دزيته بعيد عني وقلت : حتى ولو عييييييب 

خاز عني وقال : والله انتي مرتي وانا كيفي اسوي الي اباه فييييج "" وحط راسه عالسيت وغمض عينه "

من سمعت رمسته قلت في قلبي الله يستر من الياي 

وابوووووك .. اميييييه زياغه .. لصقت في حمد وزخيت ايده .. انتبه علي وقال : شفييييج !!

قتله : اخاااااف .. 

ضحك علي السبال .. : ههههههههههه والله انتي ياااااهل " وحط ايده ورا ظهري وجربني صوبه ..

قتله : يوم تعرف اني ياهل ليش خذتني ؟؟

حمد : والله انا اباااج لاني احبج .. بس انتي مادري شو فيج تكرهيني 

قتله : اظن انك نسييييت شو كنت تبا تسوي فيني قبل .. المهم ما علينا .. متى بنوصل راسي يدور

حمد : خيييييبه .. توها الطياره طايره وتفكرين متى نوصل .. حبيبتي بنتم 7 ساعات فالجو وبعدين بتنزل ترانزيت في ماليزيا .. وبعدين بنكمل لين ( جولد كوست ) بعد سبع ساعات ..

بطلت عيني عالاخييييير : خييييييييييبه بموووت انا خلال هالساعات

ضحك حمد علي وانا بعد ضحكت مادري ليش .. 

ورحت في سابع نووووومه .. وأحلام سعيده يا مهروووووووووووو ^_^


*.. .. .. .. .. .. .. .. ..*
*.. .. .. .. .. ..*
*.. .. ..*
..



مهره .... مهره ...... مهرووووو وصمخ .....!!!!!

آآآآي ... خلني ارقد افففف تعبانه ... حرام عليك هدني ..

فضحتينا .. يلااا قومي بننزل .. 

انت قلت سبع ساعات .. مسرع ما مروووو 

فكيني وقومي .. بلا فضايح .. يلااااااا



بطلت عيني بصعوبه .. جفت الناس يالسه تطلع من الطياره .. صديت صوب حمد وقتله : نحن ليش يالسين .. يلااا خلنا ننزل بسرعه شو تتريا 

حمد : لا والله .. تستهبلين حضرتج .. وانا من متى شو يالس اقولج ..؟؟

مهره : امممم مادري .. المهم يلاا ننزل 

حمد : انزين .. يلا شلي كل شي .. لان بنريح شوي تقريبا نص ساعه وعقب بنركب طياره ثانيه

مهره : ليييييش ؟؟

حمد : افففف لوعتي جبدي بهالاسئله .. قومي وفكيني 

رتبت نفسي .. وقمت من مكاني .. طلعنا من الطياره .. ورحنا نتمشى في مطار ماليزيا .. مطارهم حلوووو بعد 

لفيت صوب حمد وقتله : حمد يوعانه ..

قالي بدون ما يطالعني : الحقيني .. !!

وطااااار .. بسم الله شفيييه جي .. يالس يمشي وانا ورااه .. افففف شوي وبركض عشان الحقه بعد ..

وصلنا صوب المطاعم وخذنا أكل وتمينا ناكل .. 

حمد يالس ياكل شوي شوي ومنزل راسه .. مادري شو فيه .. عنبو نحن معاريس وجي .. الله يعيني عليك يا حمد .. ولا هااي دعاوي عبيد وحمدان علي يمكن ..

تكلمت اوني ابا اغير جو : الجو هنيه حرر شوي ..

وتميت اطالع حولي .. اترياااه ينطق .. لكن ابد ماشي اجابه ..

قتله : حمد شو فيك ؟؟

رفع راسه وطالعني بنظره ما حبيتها وقال : ما يخصج .. زطي وانتي ساكته .. وخلصي بسرعه شوي وبطير الطياره " وصد عني "

عكر مزاجي هالانسان .. خلاص مابا آكل .. قمت من مكاني ..

وقال حمد : على وين ؟؟

قتله : خلصت .. يلا نروح

حمد : يلسي بعده تو الناس ..

مهره : لا والله تستهبل حضرتك .. قبل شوي تقوول يلا خلصي بسرعه ومادري شو .. والحين تقولي تو الناس !!

حمد : بس انتي ما خلصتي اكلج ..؟

مهره : خلاااص مابي انسدت نفسي وشبعت .. 

...,, ولفيت عنه ,,...

وقف وقال : يلاا انزين خلينا نرووح 

تمينا نتمشى ونحووط شوي لين يعلنون عن موعد الطيران ..


وأخيييرا .. ركبنا الطياره .. اففف بعد سبع ساعات .. لاعت جبدي .. بس مساعه كنت راقده وما حسيت .. عاد الحين طار الرقاد عني .. امممم شو أسوي ..

لمحت شاشه صغيره جدامي .. سألت حمد : شو هاااا ؟؟

حمد : تلفزيون .. 

قتله : انزين شغلي اياه ملانه ..

صد حمد صوبي وقال : سولفي وياي مب لازم اشغله لج ..

صديت عنه وقلت : مابي اسولف .. حلجي يعورني 

حمد : هههههههههههههههههههه والله انج خبله 

ترجيته : يالله عااااد حمد شغله افففففف 

حمد : انزين .. جوفي هالروموت .. " واشر صوب مسند الايد " هاتيه ..

سحبته .. ما يطلع .. يرييييته بالقووو .. وضرب ويهي ..

صرخت : آآآآي 

بطل حمد عينه وقال : يا حماره فضحتينا .. 

فريت الرموت في حظنه بالقو وقلت : انت الحمااااار 

حمد : ياهل عشان جي ما برد عليج 

مادري شو سوا هالجني .. وشغله .. وعطاني الرموت وقال : جوفي دقي على ها وبدلي على كيفج .. اوكي 

قتله بدون ما اجوفه : انزين .. وانت اخمد لا تيلس تطالعني كل شوي .. تراني اجوووفك 

ضحك علي وساند راسه عالسيت ورقد ..

كان شي فلم مال يهااال .ز افففف ملل .. سويت مثل ما قالي حمد .. وتميت اغير القنوات .. لين لقيت شي حلووو عن السحر ومن هالسوالف وتميت اطالع ..

عاااد الحين على ما اظن جريب الصبح .. والليتات مبندينهم لان الناس رقووود .. وانا مالت علي ما فيني رقاااد ..

شليت الرموت .. ويلست اطالعه .. الحين وايد اشياء فيه .. جفت فص عليه صورة حرمه .. دقيت عليه .. لاني اذكر حمد قالي فيه العاب .. وانا عبالي لعبه ..

مرت دقيقتين .. وجفت وحده يايه من بعيد صوبنا .. امييييه خفت ..

على طوول صديت الصوب الثاني وسويت عمري راقده ..

سمعتها تكلم حمد .. وحمد مادري شو قال لها ..

يوم راحت .. صد صوبي وقال ..: انتي لين متى بتمين جي ياهله ؟؟

جفته وقلت : ما يخصك كيفي .. كنت العب ويت هاااي مادري شو تبا .. هههههههههههه

حمد : خخخخخخخ انزين جفتج يوم دسيتي الرموت وانخشيتي خخخخخخخخ

لو مخلنها تهزبج زيين عشان تتأدبين مره ثانيه ..

قتله : روووح ول .. 

عفاني الله ما عنده اسلوووب مثل الناس .. لوعلي جبدي .. بس والله حلووو طررررر ههههههههههه

تمينا على هالحال لين ما قالي حمد .. : يلاا اربطي الحزام الحين بتنزل الطياره ..

ربطته .. ويودت ايده .. وهو ما مانع .. 

عاااد الحين الصبح وكل شي يبين تحت .ز وانا يالسه اطالع .. جفت تحتنا كله مااااي ..

قلت حق حمد : اييييه طالع كله ماي تحت وين بتنزل الطياره هنيه 

حمد : بلاج انتي جي وذى وحشره .. مطارهم عند البحر ولا تحشريني ..

سكت وصديت اطالع برررع لين نزلت الطياره .. 

نزلنا منها افففف فكه .. 

رحنا صوب الجوازات .. جفت شرطي يمشي صوبنا .. ويوم وصل جريب .. تعلقت في حمد وكتمت صرختي ما بي افتضح ..

حمد : بلااااج هديني .. شو فييييييييييج

قتله : طالع جلب .. جلب .. قوله يخوزه انا اخاااااف ..

حمد : لا تخافين وخلج عاديه .. اذا سويتي هالحركات بيتحرى عندج شي ممنوع مثل المخدرات وبيعفد عليج .ز

امييييييه الله يخسه يالس يخوفنيهااااه .. تميت واقفه عادي اوني ماخاف .. بس الجلب يا صوبي .. وانا موووول شوي وبشووووته ..

افتكينا من هالمكان ورحنا صوب الشنط .. وهناك اخس والعن .. كل واحد يتحوط بجلب .. ويدورون صوب الشنط .. الله يغربل بليسهم ..

شلينا شنطنا .. وقالي حمد طلعي الجاكيت والبسيييه .ز لان الجو بارد هنيه ..

قتله : وييين نحن فالطياره جفت الجو مب مغيم 

حمد : سمعي الكلام وفكيني .. جوهم جي مغيم ولا صافي كله واحد برد وهوا بعد ..

قتله : صافي ولا هامووور انا شو يخصني خخخخخخ

جافني بنظرات حقاره وصد عني ..

مالت علييييك ما تعرف تجامل عالاقل .. 

لبست الجاكيت ومشيت ورااااه .. طلعنا من المطار وركبنا سياره خاصه ..

صح كلامه الجووو بااااارد كااااان .. التفت لحمد يوم سمعته يقولي : ترا بنتم فالطريج 3 ساعات تقريبا لين نوصل ( جولد كوست ) 

بطلت عيني : خيييييبه .. بنعفن فالسياره 3 ساعات .. كفايه علي الطياره ..

مارد علي .. تميت اطالع بررررع .. صرااحه مكااان روووووعه .. ووايد عندهم ملاهي .. كشخه ابا العب .. 

مر الوقت بسرعه .. ووصلنا الفندق .. افففف ما بغينا .. 

اول ما نزلت من السياره .. الجوو كان روووووووعه .. هوا باارد وشمس .. صدق رومانسيه خخخخخخخخ

لفيت صوب الفندق وانا اطالعه من تحت لين فوووق .. رووووووووووووعه 

ولا السوووق الي تحت عند الفندق .. زين بعد جريب .. اي وقت اقدر اروح بروحي .. طبعا اذا خلاني هالوحش ..

نقزت يوم سمعت حس حمد : يالخبله .. تعالي هنيه وين سايره ؟؟

قتله : اففف انت مخرب الاحلام .. ما تخلي الواحد يستانس وهو يتأمل هالمكان الروووعه ..

حمد : انزين بعدج ما جفتي شي .. يلااا تراهم ودو اغراضنا داخل ونحن هنيه بررررررع .. 

يرني من ايدي .. بس هالمره وهو مبتسم ومستانس ويضحك .. مادري من وين نزلت هالرحمه عليه ..

دخلنا الفندق .. كان ولا أروع بعد .. رحبو فينا أحلى ترحيب .. وودونا لين الشقه ..

دخلنا .. وكانت رووووعه بعد .. انا صراحه بطلت حلجي .. اول مره ادخل مكان بهالجماااااال والانااااقه .. 

كل شي مرتب وحلوو .. حتى الالوان متناسقه ويا بعض .. 

حط حمد الاغراض عند الباب .. وقال : انا برووح اييب شي ناكله لأني ميت يوم ..

قتله : زين .. انا برتب الاغراض 

وطلع .. فصخت عباتي والشيله .. وحطيتهم عالغنفه فالصاله .. 

تميت ادوور فالصاله .. زين وسيعه بعد .. رحت صوب الدريشه .. وااااااااااااو المنظر رووووعه بررررع .. عااد نحن فوووق ويبين كل شي .. يبالي أصور كل شي 

رحت وطلعت الكيمرا من الشنطه .. وصورت اول شي الصاله بكبرها .. وبعدين رحت اصور المنظر برررع .. 

اممم بشرح لكم الشقه كيف .. اول ما تدخلونها .. الصاله عاليمين .. وجدامكم المطبخ وهو مفتوح عالصاله .. وبعدين صوب اليسار شي ممر .. رحت امشي فالممر .. شي اربع بيبان .. فتحت الاول صوب اليمين .. كانت غرفه لشخصين لان فيها شبريتين .. وفتحت الباب الي مجابل الغرفه .. وكانت غرفة غسيل ..

مشيت شوي جدام وبطلت الباب الي صوب اليسار .. كان حمام .. بندته .. ما بقا الا جدامي شي باب .. فتحته .. انصدمت !!

نحن ويين .. في قصر .. مستحيييل .. الغرفه وااااااايد فخمه ورووووووعه 

زين هااي حمامها داخل .. يعني هاي غرفتنا لان فيها سرير واحد ..

عاد تميت اصور الغرفه وكل شي .. رحت يبت الشنط داخل .. وتميت اطلع اول شي ثياب حمد واغراضه ورتبتهم .. 

وعقب ما خلصت من اغراضه .. حطيت اغراضي انا وثيابي .. شليت فودتي وقلت بسبح بمااااي حااار ادفي جسمي ..

تسبحت وخلصت .. وانا طالعه سمعت صوت باب الصاله يتسكر ..

بدلت مال بسرعه عشان حمد ما يجوفني جي .. 

لبست كل شي وخلصت .. بس غريبه ما سمعت ولا حس غير صوت الباب بس .. بطلت الباب شوي شوي .. وقلت : حممممممد ؟؟

...: ما شي رد ..

امييييييه ليكووون حرامي .. مشيت شوي لين ما وصلت فــ الصاله .. رحت صوب الباب لقيته مقفوووول ....!!!!!!

شو السالفه .. قلت في قلبي خلني ارد الحجره احسن ..

اول ما لفيت ورا .. لقيت واحد طويييل وعريض شوي واقف ولابس لون اسود كامل .. ومغطي ويهه .. صرخت بصووت عالي .. ومن بعدها ما حسيت برووووحي والدنيا اظلمت في عيني ,,,....







"" نهـــــــــاية الفصـــــــل العاشـــــــــــر ""

===

(¸.•´ ( * الفصــل الحـــــادي عشـــر * ) `•.¸) 
( `•.¸ `•.¸ ) 
¸.• )´ 
(.•´
`v


اول ما لفيت ورا .. لقيت واحد طويييل وعريض شوي واقف ولابس لون اسود كامل .. ومغطي ويهه .. صرخت بصووت عالي .. ومن بعدها ما حسيت برووووحي والدنيا اظلمت في عيني ,,,....



بطلت عيني بصعوبه .. أحس مثل الغباااار .. رديت سكرتها ..

حسيت بأيد اتهزني .. بطلت عيوني بقوه .. لقيت نفس الشخص الي جفته من شوي ..

صرخت بصوت عالي .. ومادري فلت منه وركضت صوب الحجره .. بس تخرطفت وطحت جريب الباب .. حاولت اوقف علشان ادخل الحجره .. بس هالشخص زخني من ريلي وسحبني بقوه صوبه .. 

تميت ارافس واصارخ .. وما حسيت الا بكف طير ويهي ..

رجع وزخني من شعري .. ودزني صوب الحجره .. عاد انا ما صدقت .. على طول نشيت وسرت داخل وقفلت الباب ..

سمعت دق بالقو عالباب .. تميت اصييييح بصووت عالي .. 

قلت بصوت عالي : حممممممممممممد وييييينك ...

حمد : هلا حبي .. شفيييج بطلي الباب ..

استغربت .. بسم الله يمكن انا احلم .. 

لصقت فالباب وقلت بصووت واطي : حمد ..؟؟

حمد : هلا مهاري .. بطلي شفيييج قافله الباب 

خفت أول شي .. بس قلت بفتح والي فيها فيها ..

وقبل لا افتح الباب .. جفت مقبض الباب يتحرك بقوه .. 

حمد : بطلي بلاااااج 

التفت حولي .. لمحت غرشة العطر على الطاوله .. شليتها اوني عاااد بحمي نفسي بها .. << شو هالغبااااااء ^_^

أول ما فتحت القفل .. تبطل الباب بالقووو .. ودش نفس الشخص المتلثم .. صرخت ورحت فوق الشبريه .. وقلت ..

مهره : والله لو قربت خطوه .. بفرك بالعطر على راسك ..

مسك الي على ويهه وشله .. جفت حمد وويهه محمر .. وتم يضحك عليه .. 

خبروني .. شو أسوي فيه الحين .. اجتله ..

من القهر الي فيني .. فريته بغرشة العطر ورحت الصاله .. شغلت التلفزيووون وتميت اطالع .. مع اني ماعرف شو فيه .. 

يا حمد صوبي .. ويلس حذالي .. ولف ايده على جتفي ..

حاولت ابتعد عنه وقلت : قووم عني ماباااك .. انته مينون وحمااااار 

حمد : ههههههههه ليش تسبيني .. شو سويت لج 

طالعته وقلت : تستهبل .. انت ماسويت شي صح ..

هز راسه وقال : صح ما سويت شي .. 

ضربته على صدره بالقو : قوووم عني ماحبك .. انت وايد خقاق وجايف نفسك

ضحك باستهزاء وقال : عادي مب لازم .. المهم اني انا ابااج واحبج " وطلع لساني يغايضني "

حاولت ابتعد عنه بس هو سحبني .. ولصقني بصدره وهمس : حياتي أمووت فيج .. ليش تكرهيني ؟؟

قتله : ليش قيب شوي .ز كنت تخوفني .ز انت تعرف اني ما استحمل هالمصخره ..

مادري ليش لصقت فيه وقلت : حبيبي انا وايد اخاف .. لا تروووح عني بعيييد 

حضني حمد بقوه وقال : فديييييييت روحج انا .. انا بعد احبج واموووت فيج وما بخليج حبي .. انتي لي انا وبس فاهمه

هزيت راسي وقلت : فاهمه حبيبي .. " وجنه ماصار شي مساعه " 


,,.,,.,,.,,.,,.,,.,,.,,.,,


فتحت عيني فجأه .. قلبي يدق .. يلست بمكاني .. أطالع المكان .. انا وين ..

جفت حمد راقد .. صح نحن في استراليا .. 

تذكرت حركة حمد يوم خوفني .. أول شي كنت مقهوره منه .. بس مادري شو الي خلاني أغير رايي واسامحه ..

ومن بعد الي صار .. تغدينا وخمدنا من التعب ..

رحت اغسل ويهي .. وتوضيت ..

طلعت من الحمام .. ورحت صوب الدريشه .. جفت برررع المنظر روووووعه .. بس كله ظلام وبس الليتات تبين .. كشخه 

رحت أصلي الظهر والعصر والمغرب ..

خلصت الصلاه .. ورحت صوب حمد .. 

هزيته عالخفيف : حمد ...... حمد .. يلا قوم بسك رقااااد 

تحرك شوي ويلس .. وتم يتمدد ..

حمد : جوووفي هنااااااااااك

صديت وراي اطالع على شو يأشر .. ما جفت شي ..

بس فاجأني يوم سحبني بالقوو لحضنه وقال بصوت واطي : مرتاحه حبي وياي ؟؟

ضحكت على حركته وقلت : هي .. بس هدني 

فج عني وقام .. شل فودته وراح صوب الحمام .. وقبل لا يدخل قالي : تلبسي بنطلع عقب شوي " ودخل الحمام "

رحت صوب الكبت وطلعت لي بدله حلوه .. وجاكيت .. الجو وااايد بارد .. 

تلبست وكشخت عدل .. ولبست جاكيتي الطويل .. 

طلع حمد وبدل ثيابه وكشخ بعد ..

وقبل لا نطلع جفته واقف بنص الصاله ويالس يطالعني وحاط ايده على خصره ..

استغربت من نظراته لي وقتله : ليش جي تطالعني ؟؟

حمد : بتطلعين جي ..؟؟!

جفت نفسي وقتله : هيه .. ليش شو فيها ؟؟

يا حمد صوبي وهو محرج : يلااا جدامي روحي لبسي عباتج .. وعن المصاخه .. ما عندي هالسوالف انا .. 

قتله : حمد تراني لابسه هالجاكيت الطويل وهو مغطي على لبسي بعد..

حمد يدزني للحجره : مااااشي .. لبسي العباه وفوقها الجاكيت .. 

افف ادريبه ماشي فايده من عناده .. لبست عباتي وفوقها لبست جاكيت قصير شوي .. وطلعت له .. وقفت عند الباب وتميت ساكته اترياااه يقووم من مكانه ونطلع ..

يا صوبي وقال : جي أوكي .. بس ليش غيرتي الجاكيت .ز

قتله من غير ما اطالعه : كيفي .. 

حمد : بس مب حلوو هذا روحي غيريه ..

طالعته وقلت : شو تجوفني هنديه تباني البس عنقااااش 

ضحك علي .. وفتح باب الشقه .. طلعت وطلع وراي ..


,,.,,.,,.,,.,,.,,.,,.,,.,,


طلعنا من الفندق وتمينا نمشي في مكان روووووعه .. كله محلات ومطاعم ونااس وايدين ..

استغربت ان شي عوائل امراتية بعد موجودين .. كشخه ههههه

التفت لحمد يوم سألني : تعرفين هالمكان شو اسمه 

قتله : لا طبعا

جافني بنظرات وقال : اسمه (( بردايس سنتر ))

قتله من غير ما اطالعه : مبروووك .. شو اسوي في اسمه 

لبسني ومشى عني .. حسيته عصب من الخاطر وماقدر يسوي فيني شي جدام الناس .. 

افففف تعبت وانا امشي وراااه وهو طاير عني .. جفته لف صوب المطاعم ويلس على طاوله بعيده شوي عن الناس ..

رحت صوبه ويلست على الكرسي الي مجابلنه .. بس ماكنت اطالعه .. 

سمعته يقول : شو تبين تاكلين ..؟؟

من غير ما اجوفه قلت : اي شي 

عصب وقال : يوم برمسج طالعيني ..

جفته .. بسم الله ويهه متغير موووول .. قتله : ماعرف انزين .. انت يايبني هنيه وانا ماعرف شي ..

وقف وقال : زين قري مكانج .. بسيييير اييب اي شي على ذوقي " وسااار "

يقهرني يوم يسوي عمره زعلان .. 

صراااحه المكان روووعه وايد .. بس ويا حمد متقلب المزاج ملل وأرف .. 

انتبهت له يوم وصل وحط الأكل عالطاوله ..

كلنا وخلصنا .. وكل واحد ساكت .. 

قام حمد وقالي : يلا قومي بناخذ اسكريم ..

بطلت عيني وقتله : خيييبه في هالبرد اسكريم .. انت جني شو ماتحس ..

ابتسم حمد " زين مزاجه اعتدل " : لا والله حلو الاسكريم .. جربي وما بتندمين 

قتله : اوكي بجرب .. بس اذا صار فيني شي ومرضت انت السبب ..

ضحك ولف ايده علي ورحنا صوب محل الاسكريم .. وخذنا الاسكريم ورحنا صوب البحر نتمشى ..

صراحه طعمه وااايد حلووو .. وجوهم بارد بس ماشي هوا .. أحسن ..

تعبت من المشي وقلت حق حمد : بسنا تعبت .. يلااا نرد الفندق 

حمد : اوكي ..

وردينا الفندق بسلااااااااااااااااااام

طبعا انا من دخلت الشقه على طووول رحت الحمام قبله وتسبحت بماي داااااافي .. وخمدت Z_Z


,,.,,.,,.,,.,,.,,.,,.,,.,,


الله يغربلج من ذبابه .. اففففف قومي .. وحركت ايدي بالقووو .. نقزت يوم سمعت صرخة حمد ..؟؟!

فتحت عيني وجفته حاط ايده على خده ويطالعني ..

قتله : شوفييييك ؟؟

حمد : تستهبلين حضرتج !!

قتله : ليش .. ماسويت شي !!؟

حمد : عيل منو صفعني .. جنية *_*

عدلت يلستي وقتله : يعني انت الي كنت تلعوزني .. وانا عبالي ذبابه وحركت ايدي كنت بخوزها عني .. ههههههههههههههه

دز ويهي عالخفيف وقال : يلااا قومي لبسي بنرووووح مكان حلووو 

قتله : ويييييييين ؟؟

حمد : امممم بنروح رحله فالغابات ..

قتله : لاااا خبايل شووو .. مابي 

ضحك حمد : انتي هبله .. نحن مب في فلم ولا رسوووم .. يلا عن الدلع قومي لبسي خلينا نطلع .. ترى الباص يتريانا تحت 

قتله : أي باص بعد ؟؟

حمد : الباص الي بيودينا بعد شو .. وفي ناس ويانا مب روحنا ..

قتله : انزين ساعه كم الحين ؟؟

حمد : اممم ساعه 6 الصبح

بطلت عيني : خييييييبه من الفير نروح غابات .. 

قام حمد وشلني .. عاد انا صرخت عليه : هدني يالمينون .. خلاص والله بلبس 

نزلني عند الحمام ودخلني داخل وبند الباب ..


,,.,,.,,.,,.,,.,,.,,.,,.,,


نحن الحين فالباص متجهين لغابة حمد .. انا جي سميتها لانه من صباح الله متحمس ويبا يرووح غابات ..

قتله : متى بنوصل غابتك ؟؟

ضحك على تعليقي وقال : ليش مستعيله .. ساعه ونص لين نوصل ..

قتله : افففف يعني بمل فهالباص .. باص المدرسه .."اتخيل يتحول مثل مال الرسوم وندخل فالورود خخخخخخ تفكير يهاال .. الحمدلله والشكر"

وصلنا لغابة حمد .. نزلنا من الباص .. وبدينا نمشي ..

أنا قلت حق حمد بنتم فالنص علشان اذا يانا اي شي ياكل الي جدامنا او ورانا .. ضحك علي وقالي انتي اول وحده بفرها صوبه وبفتك منج ..

هو طبعا قالها بالمصخره .. بس انا اوني ابا ادلع عليه وخليت عمري زعلانه .. بس شكله نسى السالفه ولبسني .. مالت علي حظي دووم نحس ..

جفت الطريج جدامنا ونحن نمشي .. على طول قلت حق حمد : انا ما بكمل .. انتو سيرو ويوم بتخلصون تعال شلني ..

ضحك حمد وقال : انتي خبله ولا شو .. نحن يوم بنرد بيكون طريج ثاني .. 

قتله : مابا حمد .. انا اخاف .. لو تبطل الجسر وطحنا .. انت بتشلني ..

حمد : ههههههههههههه يلاا طوفي .. لا تخافين بيودج انا .. يلا سارو عنا بسرعه ..

يودت ايده وسرنا عالجسر المعلق .. والله يخوف .. تحت كله ماي .. وحذالنا شلالات .. انا ندمت اني ييت هالمكان ..

افف الحمدلله طفنا الجسر بسلام .. واول ما طفناه على طول طلعت كيمرتي ويلست أصور المكان .. كان روووعه الشلال يوم ينزل بقوه ... تخيلت لو اييب محمد هنيه وادزه خخخخخخخخ

بعد ما خلصت التصوير .. لقيتهم كلهم شغالين يصورون مب بس انا .. وقبل لا نرووح بدا حمد بطفاسته .. يا من وراي وتم يخوفني ..

لف ايده على خصري وشلني فووق .. انا اول شي ماكنت ابا اصارخ .. بس شو اسوي حسيته مصخها ويلست اصارخ والناس تمو يضحكون علينا .. لين تفشل حمد ونزلني ..

رحت بعيد عنه .. ويا صوبي قتله : جووف حمد لا تسويلي هالحركات والله ماحبها 

ابتسم ولف ايده علي : حبيبي نحن في شهر العسل خلينا نلعب ونستانس 

قتله : اوكي .. بس مب جي تسوي .. والله فشيييييله 

حمد : خلاص آآآآسف .. يلا طوفي ..

وكملنا طريجنا .. وصلنا عند استراحه وقالو لنا ناخذ اي شي ونركب الباص .. 

انا خذت لي جبس وعصير .. وحمد نفس الشي ..

وتحرك الباص .. سألت حمد : الحين وين بنسيير ؟؟

حمد : اممم مكان أحلى بعد عن الغابه ..

تميت اطالع برررع .. وشوي شوي أجووف ان نحن يالسين نرتفع فوق .. شو السالفه .. لفيت صو حمد : تدري اني اخاف من المرتفعات .. تبا تذبحني انت 

حمد : حبيبي قتلج لا تخافين دام اني انا ويااااج .. 

سكت .. طالعت مره ثانيه بررع .. لاااااا ماااااابي .. يخوووووووووووف .. لصقت في حمد .. وهو يالس يضحك علي ..

غمضت عيوني وتميت أدعي في قلبي ان نوصل ومايطيح الباص من فوووق .. شوارعهم تخوف .. والباص مووول عالطرف يمشي .. جن هاذييل متعودين على هالسوالف ..

أول ما وقف الباص طالعت بررع .. جفت مزرعه كبييييييره .. وكلها فواكه .. كشخه .. خاطري آكل من كل نوووع ..

نزلنا من الباص .. وكل حد راح بصوووب .. انا وحمد رحنا صوب الاناناس .. مكاااان كبيييير .. كله اناناس .. 

استانست يوم حمد قال : يلاا حبيبي بنروح نركب هالقطار " أشر ورا " وبيحوطنا فالمزرعه بكبرها ..

قتله : اوكي .. بس عادي ناكل منها ؟؟

حمد : هيه عادي .. وتقدرين تشترين الي تبينه ..

رحنا وركبنا القطار .. حلووو المنظر ونحن نروح فوق وتحت كشخه .. وكل ما نوقف عند نوع من الفواكه .. يعطونا شوي وناكل .. " يوعتكم صح " 

خلصنا جولتنا .. ورحنا صوب الباص مره ثانيه .. وقبل لا نركب جفت ححيوان مثل الجمل ..

سألت حمد : شوها ؟؟

حمد : هذا يسمونه (( لاما )) .. تعالي بنصور وياااه 

قتله : لاااا مابي .. اخاف ..

ضحك حمد : هههه حبيبي ما يسوي شي .. تعالي 

وسحبني وياااه صوبه .. انا كنت خايفه .. جلده كله صوووف جنه خروف بس رقبته طويله .. سبحان الله ..

صورنا وخلصنا .. ركبنا الباص وقالو بنسير مطعم بنتغدى .. وبتنتهي الرحله ..

تغدينا وشبعنا .. عاد الحين بس ابا ارقد .. من ركبنا الباص ولصقت راسي بجتف حمد وغفلت ..

انتبهت لنفسي يوم حمد كان يدقني عالخفيف : يلا قومي وصلنا ..

تغشيت علشان ما يبين ويهي اني راقده .. نزلنا من الباص 

رحنا صوب اللفت وانا يالسه اجووف حمد .. شكله متغير .. وملامحه جامده .. الله يستر عيل ..

وصلنا للشقه .. بس استغربت يوم حمد قالي : دشي داخل .. بروح شوي وبرد ..

قتله : وين .. بتخليني روحي .. 

حمد : مهروو الله يخليج .. دخلي وخليني .. شوي وبيييج ..

ما حبيت اتمادى وياااه .. ادريبه بيعصب وبيكفخني بعدين .. دخلت الشقه وبندت الباب ..

بدلت ثيابي وانسدحت .. حاولت ارقد بس ماياني رقاااد .. وحمد حضرته استوى جريب المغرب ولين الحين ما شرف .. 

وانا مالت علي ما عندي موبايل ولا شي .. شو اسوي ..

رحت للصاله ويلست انافخ وافكر وين ممكن يكون حمد الحين .. وشو يسوي 

انا جفته مضايج .. اكيد يوم كنت راقده استوى شي وخلاه يضايج .. 

التفت للباب يوم تبطل ودخل حمد .. جفت ملامحه جامده .. وواقف يطالعني 

وقفت ورحت صوبه سألته : حمد شو فيييك .. شو صاير ؟؟

مارد علي .. لان الي طلع من وراه فجأه .. كان جوابه ..

مب معقوووووووووول .. قلت بصوت عالي : انتي شو تسويين هنييييييييييه ؟؟؟!!!!!!!!!

===

(¸.•´ ( * الفصــــل الثانـــــي عشــــــر * ) `•.¸) 
( `•.¸ `•.¸ ) 
¸.• )´ 
(.•´
`v



التفت للباب يوم تبطل ودخل حمد .. جفت ملامحه جامده .. وواقف يطالعني 
وقفت ورحت صوبه سألته : حمد شو فيييك .. شو صاير ؟؟
مارد علي .. لان الي طلع من وراه فجأه .. كان جوابه ..
مب معقوووووووووول .. قلت بصوت عالي : انتي شو تسويين هنييييييييييه ؟؟؟!!!!!!!!!


يت صوبي اونها تبا تسلم وهي شاقه الحلج .. 

من وصلت صوبي انا رديت لورا وقلت : ويا منو يايه ؟؟!!!

خوله : ويا اميي وموزوووه بعد منو ..

قتلها : وليش يايين ؟؟

جفت ملامها تغيرت .. وحمد يا صوبنا بسرعه وحب يلطف الجو : اكييد يايين يستانسوون ..

قاطعته وقلت : لا والله .. يعني ما يعرفون ان نحن يايين شهر عسل .. الحين امك بتخليه شهر بصل ..

ولفيت عنهم ورحت الحجره .. قفلت على نفسي الباب ويلست عالشبريه وتميت اصييح .. 
شو هالحض النحي الي عليه .. كل ما افرح لازم يطلع لي شي ويخرب كل فرتي .. 

مشيت دموعي بايدي .. اكييد هاي امه هي السوسه تبا تخرب عليه .. بس براويها عيووز الدهر ..

قمت ورحت الحمام غسلت ويهي .. وتعدلت .. وطلت لهم ..

لقيت حمد وخوله يالسين فالصاله ويسولفون .. 

رحت صوبها وقلت لها : سووري عالكلام الي قلته .. كنت منفعله ومنصدمه من وجودكم وبـــس .. " وابتسمت لها "

ردت لي الابتسامه : لا عادي .. انا لو كنت مكانج كنت بسوي مثلج واكثر ..

سكتت شويه وكملت : بس اميي هي الي الزمت علينا اونه بنونسكم ..

سألتها : وينها عيل هي واختج ؟؟

خوله : قالو بيريحون شوي .. ترانا ساكنين هنيه عندكم .. وفي نفس الطابق ..

ما حبيت آخذ واعطي وياها .. لاني ادري بتصيير مشكله بعدين .. سكت .. وصديت صوب حمد .. جفته يطالعني ..

نش من مكانه وقالي : تعالي ابااج 

قلت في قلبي " الله يستر من هاللهجه "

نشيت ورت صوبه .. دخلت الحجره .. وسمعته يقول لاخته : خذي رحتج .. بس شوي وبنيي ..

دخل الحجره وبند الباب .. يا صوبي وزخني من رقبتي وقال : انتي متى بتودرين عنج هالاسلوب الوقح ..

حاولت ابعد ايده عني .. بس ما رمت .. 

هزني بالقوو وقال : تكلمييييييييييي 

دزني عالشبريه وعفد علي .. على طول قلت : والله آسفه ما كنت اقصد .. والله انصدمت من وجودها بس ..

حمد : ادريبج تكرهين اميي .. بس والله مهروو اذا سمعت امي تشكت منج او قتيلها شي .. صدقيني بخليج هنيه وبرد البلاد ..

لفيت ايدي على رقبته وقلت : والله حبيبي ما بعيدها .. وما بسوي شي لأمك .. بس اباك تكون راضي علي ..

ابتسم وقال : هيه حبي جي أبااااج .. " باسني على خدي وكمل " يالله روحي عند خولوو وانا بريح شوي لين وقت العشى علشان كلنا بنطلع نتعشى برررع .. 

قمت ورحت بررع .. لقيتها منسدحه عالغنفه .. شكلها رقدت ..

بس براويها .. لازم ابرد حرتي ولو شوي ..

سرت يبت ماي في ايدي .. ورشيته عالخفيف عليها .. طارت من مكانها وهي تطالعني باجرااام ..

خوله : يا حماره شو سويتي ..

ضحكت عالخفيف وقلت : ماشي .. ملانه وابا العب وياااج .. حمد بيرقد وماعندي غيرج ..

ردت انسدحت مكانها وقالت : مب توج ما تبينا .. شو الي غيرج ..

رديت عليها : عادي .. كنت مضايجه والحين خلاص .. 

خوله : انزين وين سرتو .. وشو سويتوو ..

قتلها : ماشي .. ليش تسألين ؟؟

قالت : امممم .. ماشي .. عادي .. أحس كشخه يوم الوحده تكون في شهر العسل ويا ريلها الي تحبه .. صح ؟؟

قتلها بقهر : هي والله .. بس الظاهر في ناس بعد ما يستانسون في شهر العسل ..

ضكت : والله ادريبج تقصدينا .. بس انا مايخصني .. اميي قالت بنروح وقتلها اوكي ..

قتلها : انزين .. باجر حمد بيودينا مدينة الالعاب .. يقول انها وايد عووده وفيها وااااايد العاب ..

خوله : كشخه عيل بنلعب واااااايد باجر .. 

مهره : اكييييييييييد .. اممم شو رايج نسيير صوب قوم امج ^^

نشت خوله وقالت : يالله ..

قتلها : تريي بخبر حمد وبييج ..

" طبعا حمد وافق .. ورحنا عندهم ... "

دخلنا شقتهم .. ولقينا موزه يالسه فالصاله وتلعب ..

سألتها خوله : وين اماااايه ؟؟

ردت عليها : فالحجره 

سارت خوله عند امها وانا رحت صوب موزه .. اوني بلعب وياها ..

سألتها : تعرفيني منو انا ؟؟

قالت : هيه .. انتي الي خذتي حمد من ماما

انصدمت من ردها .. خييييبه .. اكيييد هااي امها علمتها .. بس انا براويج يا ام حمد ..

قلت حق موزه : لا حبيبتي .. انا احبج واحب حمد .. بس امج تسولف وياااج .. وتتمصخر .. وانا ما خذت حمد عنكم ..

...... : لا تألفيييين .. ولا تيلسين تلعبين بعقل بنتي مثل ما لعبتي بعقل ولدي وخذتيه عني ..

وووووووول عليها من عيوووز .. نشيت ولفيت صوبها .. جفت خوله مب موجوده .. احسن باخذ راحتي الحين ..

تجدمت صوبها وحطيت ايدي على خصري وقلت : جوفي .. ولدج خلاااص اباج تنسييينه .. لانه دخل قلبي ومستحيل اطلعه .. فااااااااهمه ..

ردت لورا .. حسيتها خافت من لهجتي .. بس قالت : تحلمين انتي .. أصلا حمد يحبني اكثر عنج .. وانا الي بخرب من بينكم وبعلمج الأدب .. ومدت ايدها كانت بتصفعني .. بس انا مسكت ايدها ودزيتها شوي بعيد عني ..

وقلت : هااي آخر مره تمدين ايدج علي فااهمه .. المره اليايه بكسرها لج .. وانا براويج مثل ما تبين تخربين علينا انا وحبيبي شهر عسلنا .. بخليييه ينساكم للابد .. بس مب الحين .. الايام اليايه .. 

وطلعت .. سمعتا محتشره ومادري شو تقوول .. رحت شقتنا وقفلت الباب .. 

دخلت عند حمد لقيته راقد .. رديت الصاله ويلست عالغنفه وافكر بالتي ..

يالله .. ليش يصير فيني جي .. انا ماكنت ابا اكبر السالفه .. الله يستر لو قالت حق حمد الكلام الي قلته لها .. لا وجدام موزووووه .. عاد هاااي على طووول بتوقف ويا امها .. اففففف شو أسوي الحين ..

لازم اتقرب من حمد هالفتره واااااااايد .. علشان ما يخليني هنيه روحي .. والله يسويها هالمجرم .. كلهم نفس الطينه هو ومحمد وامهاتهم .. 

حسبي الله عليهم كلهم .. بس انا الحمد لله ان ورث ابووي مسجل باسمي .. وخصوصا البيت .. وهذا اهم .. 

علشان اذا صار شي .. بطردهم كلهم وبتم روحي فالبيت .. ويلست اصيييييح على حالتي ..

ما انتبهت لنفسي وغفلت .. مادري كم مر من الوقت .. بس انتبهت لايد حمد الي كانت تهزني عالخفيف ..

حمد : حبيبي شو فيج .. ليش راقده هنيه ..

فكرت اقوله عن الي صااار .. بقوول وبريح نفسي .. يمكن يشفق عليه ..

قتله : حمد امك ليش تكرهني ..؟؟

جفت ملامه تغيرت وكأنه استغرب من كلامي : امييي .. ليش شو قالت لج ..

قتله : مساعه يوم رحت عندهم .. يتني الصاله وقالت لي اني انا خذتك منها .ز وهي تكرهني .. بس حبيبي والله سامحني ماكان قصدي .. بس رديت عليها اني بخليك لي انا روحي وبس ..

وطلعت من عندهم وييت هنيه .. بس هذا الي صاااار ..

يلس حمد حذالي ولف ايده علي : حبيبي .. عادي .. بحاول افهم امايه السالفه .. بس انتي لا تحطين في خاطرج ..

قتله : يعني انته مب مضايج من حركتي ؟؟

ابتسم وقال : شوي بس .. وادريبج قلتي هالكلام مب من قلبج .. صح ؟؟

طالعته وقلت : صح .. " اكرهها ومادانيهاااااااا " 

انزين حبي .ز انا بروح اييب عشا وبنتعشى كلنا ويا بعض اوكي ..

قتله : وامك ؟؟

قال : ما عليه .. بروحلها وبرمسها ..

قتله : خلاص اوكي .. وقولها ماتي صوبي .. ولا تضايج بي ..

باسني ووقف : خلاص حبي ما يصيير خاطرج الا طيب ..

+++ وطلـــــــــــــــــــع +++





^^^^^^^^^^^^^^
.,،.,،.,،.,،.,،.,،.,،.,،.


طبعا حمد كلم امه .. ومادري كيف اقنعها .. بس شكلها ما رضت ( مالت ) ههههه .. واليوم الي عقبه رحنا مدينة الالعاب ولعبنا لين ما تكسرنا .. في العاب حمد كان يلعب ويانا وفي العاب ماكان يخلينا نلعبها لانها وايد خطيره ..

وجدولنا كان يوميا .. نطلع الظهر .. نتغدى برررع .. مد وامه ييلسون في الكوفي .. انا وخوله وموزو .. نروح نتمشى ونتشرى اغراض .. 

ومرات نرووح رحلات ومرات نروح مراكز كبيره وبعيده .. وتاخذ لها فالطريج تقريبا ساعتين ..

وانتهى شهر البصل .. وردينا البلاد ..

والي استغربت منه .. ان محمد وامه .. كانو موجودين فالمطار واستقبلونا .. غريبه صح .. 

بس انا ما سويت لهم سالفه .. كنت لاصقه في حمد لصقه .. وما خزت عنه ^_^

طبعا استقريت في بيت مد وامه وخواته .. واخته العوده بعد كانت تزورنا بين فتره والثانيه .. 

وطبعا الضرايب مستمره ويا ام حمد .. وموزوووه الملسونه ..

وحتى فطوووم مادري عنها .. اختفت مره وحده ..


.،,.،,.،,.،,.،,.،,.،,.،,.،
vvvvvvvvvvvvvvvvvv








`•.¸ ) بعد مـــرور ( 3 ) شهــــــور (¸.•´


العصر .. ساعـــــة// 5 //

كنت يالسه فالحوي .. وأفكر يالايام الي طافت .. أحداثها كانت تمر بسرعه .. 

وممد وامايه ما جفتهم من بعد ما يونا المطار .. لين اليوم .. أحسن افتكيت من مشاكلهم ..

وام حمد طبعا لين الحين تكرهني بس أخف عن قبل ..

وحمد .. متقلب المزاج .. يوم مافي احسن عنه .. ويوم زفت وكله يزاعج .. حتى اهله يزاعج عليهم ويضاربهم ..

لمحت سياره داخله البيت .. وقفت وتغشيت .. ورحت عند باب الصاله ..

بس وقفني صوت محمد : لحظه مهره ..!!!

صديت .. ابتسمت يوم جفته مادري ليش .. 

تجدمت صوبه ومديت ايدي : هلا محمد .. شحالك 

رد لي الابتسامه وقال : انا بخير الحمدلله .. انتي وينج عنبو ولا كأنه عندج أهل .. ما تسألين عنا موليه .. ولا حمد فر مخج علينا ..

ماحبيت رمسته عن حمد وحاولت ادافع عنه : لا حمد ما يخصه .. بالعكس هو دووم يسالني عنكم .. ويقولي ليش ما تزورين اهلج

قال : وليش ما تزورينا ؟؟

وييييه شو اقوله الحين .. حبيت اغير السالفه وقلت : اممم عيل نوره وينها .. وشخبار الحمل وياها 

فصخ نظارته وقال : نوره بخير .. وتسلم عليج ... انزين انا ياي وبغيتج في موضوع مهم ..

افففففف بدينا الحين بالمشاكل .. اكييد ورااه مصيبه .. : حيااك الميلس مافيه حد ..

ورحنا للميلس .. يلس محمد ويلست جريب منه : يلا قول شو عندك ؟؟

محمد : اول خبريني ريلج وينه ؟؟

قتله : حمد راقد .. ليش ؟؟

محمد : لا ماشي .. المهم انا ياي وابا اتفاهم وياج على سالفت البيت ..

قتله : أي بيت ؟؟؟

محمد : بيت ابوي بعد اي بيت 

مهره : انزين شو بلاه ؟؟

محمد : انتي تدرين انه ابووي مسجل البيت باسمج .. اتصدقين مادري كيف كان حاس ان بنلعوزج ..

وقفت وقتله : انته مينون شو يالس تخربط ..

وقف محمد وقال : جوفي .. اباااج اتيين وياي وتحولين البيت باسمي .. فااااهمه ..

قتله : مابي .. ومب كيفك .. وحتى لو عندي ريل .. البيت بيكون لي .. واحمدو ربكم اني مخلتنكم فييييه ..

حسيته عصب من كلامي .. يا صوبي : ترااا عبيد كان خاطبنج قبل حمد .. بس انا رديته ..

استغربت من كلامه : وانا شو يخصني تقولي هالكلام

ضحك بخبث وقال : جوفي .. اذا ما سجلتي البيت باسمي .. بكل سهوله بقول لريلج انج على علاقه بعبيييد .. وانج كنتي تطلعين من ورانا ويااه .. ويوم انا زخيتكم وافقتي على حمد لانج فالاول ما كنتي موافقه عليه .. وانتي تعرفينه حمد يصدق اي شي اقووله له ..

ابد ما توقعته بهالنذاله : تتبلى علي .. انته شييطااان مب انسااان .. " نزلت دموعي " حراام عليك انا اختك تسوي فيني جذي .. 

وصل عند الباب وقال : انا خبرتج وانتي حره .. وعندج مهله اسبوووع واحد وبـــس " وطلع " الله ياخذه ..

النذل الحقييير شو ناوي يسوي فيني .. 

الحين شو اسوي .. البيت مستحيييييل اعطيييييه للجلب .. 

وحمد لو قاله محمد هالكلام شو بيسوي فيني .. والله حرام عليهم كلهم ..

والحين لو قلت حق حمد .. الله يعلم محمد اكيييد بيخبره على طوول ما بيتريا اسبوووع .. 

مشيت دموعي .. وخليت عمري عاديه .. رحت داخل .. ولقيت ام حمد يالسه فالصاله روحها .. مابيت ايلس عندها ورحت فوق .. بس هي وقفتني 

ام حمد : على وين ؟؟

لفيت صوبها : بروح عند حمد .. تبين شي ؟؟

وقفت ويت صوبي : واخووج ليش كان ياي .. شو يبا .؟

ول عليها .. كيف جافته : انتي شو درااج 

ام حمد : ليش عيوني .. عباج انتي روحج في هالبيت .. لا تحلمين بهالشي بعد ..

قتلها : اخووي وياي يسلم علي .. فيها شي ؟؟

ام حمد : لا غريبه يعني .. مب من عوايده .. احيده هو وامه ما يدانونج ؟؟

قتلها : مهما يسوون فيني .. بيتم اخووي .. وهاييج امه .. مرت ابووي .. انتي ليش محتشره

ورحت عنها فوق .. مافيني عالضرايب .. 

دخلت الحجره .ز ولقيت حمد يالس .. 

قتله : يبيأذن المغرب ..

نش من مكانه وراح صوب الحمام .. تغسل وطلع ..

كنت يالسه عالغنفه بعد ما رتبت السرير .. وفتحت الليتات فالحجره ..

جفته ياي صوبي .: محمد كان هنيييه ..

استغربت منه .. كيف عرف .. : هيه .. وانت كيف عرفت 

طالعني بنظرات وقال : كنت قايم ورحت صوب الدريشه وجفته كان واقف وياج فالحوي .. وبعدين دخلتيه الميلس .. 

ارتبكت : هيه .. عادي .. كان ياي يسلم وبس ..

وقف : اهاا علشان جي طلع بسرعه .. وماتريا يسلم عليه مالت عليه ..

وقفت وياه : سألني عنك قتله انك راقد 

لبس كندورته وراح صوب الباب : بروح اصلي وبرد ..

اول ما طلع .. يلست على طوول مكاني .ز مادري كيف تخلصت منه .. حشى كأنه يعرف بالي صاير والي قاله محمد .. ويمكن يباني انا اتكلم .. بس كيف بيعرف .. هو قال جافنا من فوق ..

اففف لازم انسى السالفه علشان ما ارتبك واطلع كل شي وافضح عمري ..

مر هاليوم على خير .. والايام مرت .. وخلص الاسبوع .. وانا نسيت السالفه ..

لكن غيري ما نساها .. والي كان يحسب الايام ويعدها يوم ورا يوم .ز علشان يحقق الي في باله .. 

كنت يالسه فالحجره بعد الغدا ويا حمد .. يالسن نسولف .. 

رن مبايل حمد : الووو ... هلا والله ... تمام ومن صوبك ... اهاا اوكي ياينك ..

حمد : حبي .. شوي بروح برع عند ربيعي وبييج اوكي ..

وطلع .. بدلت ثيابي .. رحت الحمام اتغسل .. وطلعت ..

اول ما طلعت لقيت حمد واقف ومعطني ظهره ..

سألته : بسرعه رديت .. وين ربيعك عيل ؟؟

لف صوبي وقال : شو تبين فيييه .. ؟؟

خفت من ملامحه : ماشي .. " ورحت صوب الشبريه كنت بنسدح " 

بس حمد يرني من شعري بالقو صوبه : يا حقيييييره ويين ذااالفه ..

صرخت بصوت عالي من قبضته : آآآي حمد راسي تقطع هدني ..

دزني بالقوو عالارض .. حسيت نفسي في دوامه ..

عفد علي : ابد ما توقعتج تكونين بهالحقاره .. يالساقطه .. يالي مب متربيه " ويلس يكفخني .. ويكفخني .. لين اغمى عليه وطحت عالارض "

بطلت عيني بصعوووووبه .. وين انا ..

جفت حد يا صوبي .. : منووو انت ؟؟

حمد : حبيبي انا حمد ريلج ..

قتله : وين انا ؟؟

حمد : فالمستشفى حبي .. لا تتكلمين واتعبين نفسج ارتاي 

قتله : شو صااار .. انت ... انته ضربتني ص .. ليش .. شو استوى ..

لف ايده علي : حبيبي سكتي لا ترمسين .. خلاص انسي 

حاولت ابعده عني : مابا .. ليش ضربتني .ز انا شو سويت ..

حمد : يعني لازم افضحج .. ما توبيييين سكتي قتلج 

يلست بمكاني .. وتميت اصارخ ابا اي حد اييني ويخبرني بالي صاااار ..

دخلوو الدكاتره علينا .. وخوزووه عني .. 

ضربوني ابره .. وما حسيت بروحي مره ثانيه ورقدت ..

++++++++

سمعت اصوات غريبه .. حد يتكلم وحد يهمس .. شو السالفه ..

قلت بتم وما بتحرك يمكن اعرف شو الي صاار ..

وسمعت هالكلااام ...

.... : يحليلها .. راح عنها .. 

..... : الله يعينها .. صدق انها تعذبت في حياتها وما ترقعت ..

.......: الحين لو عرفت شو بتسوي .. الله يعينها على ما بلاها ..

" وييه شو مستوي .. الله يستر "

....... : الحين كيف بنقوول لها انها فقدت الجنين .. حسبي الله عليك يا حمد لازم تكفخها .

من سمعت هالجمله .. نشيت وصرخت بأعلى صووتي : لااااااااااااااااااااااااااااااااا


"" وانتهــــــــــــــــى البـــــــــــــــارت ""

===

(¸.•´ ( * الفصــــل الثالـــــث عشــــــر * ) `•.¸) 
( `•.¸ `•.¸ ) 
¸.• )´ 
(.•´
`v



....... : الحين كيف بنقوول لها انها فقدت الجنين .. حسبي الله عليك يا حمد لازم تكفخها .

من سمعت هالجمله .. نشيت وصرخت بأعلى صووتي : لااااااااااااااااااااااااااااااااا


كلهم تيمعوو علي .. نوره وخوله وام حمد و ام محمد .. وفطوووووووم ..

من جفتها على طووول مديت ايدي لها .. ويت صوبي وطحت في حظنها ..

تميييت اصييح بصوت عالي : قوليلي ان الي سمعته كله جذب ارجووووج ..

فطووم : بس حبيبتي .. اهدي لا تسوين في نفسج جي .. وان شاء الله الله بيعوظج بغيره

قتلها : لاااا مابي .. مستحيييل اتم وياااه هالمجرم .. 

فطووم : لييش حبيبتي 

رديت عليها وانا اطالعها : خله يطلقني .. انا مابااااه لو يمووت مابرد له خله يولي المجرم .. ما بسامحه 

ظمتني فطووم لصدرها : لا مهرووه حراام انتي بعدج صغيره لا تسوين في روحج جييه 

يت خوله صوبي : مهره والله حمد متندم وااايد انه مد ايده عليييج ..

انصدمت من كلامها .. بعد فاضحني جدامهم انه مد ايده علي .. كفايه الي سواااه فيني وذبح الي في بطني .. والله يا حمد بردها لك وبتجوووف ..

قتلها : وانتي يالسه ادافعيين عنه .. لانه اخووج وما ترظين عليه .. بس انا براااويه .. وما برد له .. روحي قوليله يطلقني الحييين 

وتمييت على هالحااال لين اغمى علي مره ثانيه وطحت ..



انتبهت لنفسي .. ويلست .. جفت حمد وامه يالسين عندي .. وعلى طوول تذكرت شو سواا فيني ..

قتله : ليش ياي .. شو تبا مني ؟

يا ويلس عندي .. حاولت ابتعد عنه بس هو لف ايده علي ولصق فيني : شفييج حبي .. ليش ما تبيني ..

قتله : لا تحاول تغريني نفس قبل .. خلاص كرهتك .. طلقني مابااااك 

حسيته بدا يعصب شوي : مب كيفج .. باجر بيي وبشلج وياي للبيت 

طالعته : انت شو ما عندك قلب .. كلكم جي عفاني الله ما عندك قلووب تحسون فيها .. لعوزتوني .. وبهدلتو حياتي .. والحين ذبحت ولدي وتباني ارد لك .. مستحيييييييييييل 

ابتعد عني ووصل عند الباب : جوفي قولي الي تبينه .. وانا طلاق ما بطلق .. " وطلع "

جفت امه نشت وبتروح وراه : انتي يايه تطمشين علي .. قوليله يطلقني 

ام حمد : والله انا ودي اليوم قبل باجر .. خلاص مامنج فايده .. وبدور له غيرج مالت عليج ..

تحركت كنت بلحقها .. مادري شو ياني كنت ابا اكفخها .. بس مادري شو الي منعني .. وهي طلعت .. رديت راسي لورا وانسدحت ..

يالله شو هالحياه .. كل مشكله اكبر من الثانيه .. انا ليش جي حياتي معاناه × معاناه

وهالحمد مستحييل ارد له .. لازم يطلقني وارد بيتي .. 

على طاري بيتي .. هالمحمد هو السبب .. هو سبب كل المشاكل الي تصيير لي .. وقبله حمدان والحين هو ..

لكن انا بكون لك بالمرصاااد يا محمد انت وامك وياااك ..



طق . طق . طق .

التفت صوب الباب الي تبطل ودخل الدكتور ووياه واحد اول مره اجووفه وفي ايده دفتر ..

سألني الدكتور : عاامله اييه يا مهره ؟

عدلت شيلتي ويلستي : بخييير 

الدكتور : بتحسي بعوار او اي حاجه ؟

قتله : لاا .. متى بطلع ؟

ابتسم : لييه مستعجله .. لسه .. هنعمل لك الفحوصات بعد يومين وخير ان شاء الله ..

أشر على الي دخل وياه : ده المحقق وعاوز يحقق معاكي عن سبب سقوط الجنين ..

انصدمت من كلامه .. بس بعد استانست .. لو قتله ان حمد ظربني بقدر آخذ حقي ويطلقني ..

المحقق : سلام عليج اختي ..

وييييه فشيله مواطن .. اخييييج استحي : وعليك السلام

المحقق : ما بطول عليج بس بسألج كم سؤال وبخلص ..

هزيت راسي بالموافقه .. وبدا 

المحقق : ابي اعرف شو صار بالضبط .. وهل الي اعتدى عليج اخوج ولا زوجج ولا شو ؟؟

احس فشييله شو اقووله هذا بعد .. ما لقو الا مواطن .. : امممم زوجي

يلس يكتب : وشو السبب ؟

اقووله ولا لا .. لا ما بقوول بألف اي شي : اممممم مادري .. انا ما حسيت بعمري الا وهو يكفخني واغمى علي ..

استغرب من ردي : اهاااا .. انزين ماشي من بينكم مشاكل ممكن تخليه يعصب عليج .. او اي شي يعني ؟؟

قتله : لا ما بينا مشاكل ولا شي ..

طالعني : يعني من دون سبب بيضربج ؟؟

رديت عليه بسرعه : مادري .. يمكن حد يكرهني قاله شي عني .. وجي

قال : يعني لج اعدااء ويكرهونج بعد ؟!

نزلت راسي : هيه .. وايدين بعد .. ومادري ليش يكرهوني ودووم يسوولي مشاكل ..

سكت .. فكملت : المهم انا ابااه يطلقني .. هو ذبح اغلى شي عندي .. وخلااص مابي اعيش ويااه .. وهو مب راضي يطلقني .. شو اسوي ؟؟

وقف : والله حاليا ماقدر اقولج شي .. بس ان شاء الله برد لج خبر .. " وطلع "

يلست افكر .. شو اقدر اسوي علشان يطلقني هالحمد .. خلاص والله كثر ما كنت احبه .. كرهته وللابد ..

امممم بتصل في فطووم وبخليها اتي وتشلني وبرووح بيتهم .. انزين ومحمد بيخليني في حالي .. مستحييل

اممم هيه .. برفع قضية على حمد وبخليه يطلقني .. واذا عاند محمد يدخلني البيت .. برفع عليه هو الثاني لان البيت باسمي .. ياااااي ذكيه ما شاء الله عليه .. تف تف ههههههه


" اتصلت في فطووم وخبرتها بالخطه .. هي معارضه طبعا .. بس حاولت اقنعها .. المهم اقتنعت بس مب اكيييد ^_^ .. وخبرتها تقوول لاخوها عبيد يساعدني .. خبرته وهو رفض فالبدايه .. وبعدين وافق بعد مشقه والحمدلله المحامي كان ربيعه واتفق وياه على كل شي "

+ أنا الحين في بيتي .. طبعا بعد معاناة وافق حمد .. لاني قصيت عليه وقتله برووح بيتنا بريح كم يوم .. ومحمد مووول ما جفته .. لانه خايف .. مادري ليش .. +

وامه طبعا دووم تقولي بسج روحي بيت ريلج .. خايفه عالبيت .. براويج الويل صبري علي .. << مجرمه خخخ

ونوره يحليلها دووم تحاول وياي تباني ارد بيت حمد .. وهي عارفه اني ماباااه .. بس انا معانده .. 

بعد يومين .. اتصلت فيني فطووم وقالت ان اخوها عبيد حصل محامي اوكي .. وخبره عن الي اباه .. وهو طلاقي من حمد لانه ظربني وذبح ولدي .. 

ورحت وياهم .. طبعا محد يدري غيرنا نحن الــ 3 وبس .. خلصنا كل شي .. وعبيد لابسني .. بس يتكلم شوي ويلبسني ..

وصلت البيت وانا مرتاحه ومبتسمه .. دخلت الصاله لقيتهم كلهم يالسين ..

سلمت عليهم من دووم ما اصد صوبهم .. 

سألني محمد : من وين يايه وشاقه الحلج ؟؟

وقفت شوي اوني ابا اقهره .. ولفيت بعدين صوبه وقلت : كنت عند فطووم ربيعتي .. في شي ؟؟

استغرب من جرئتي في ردي عليه : لا ذلفي ..

انقهرت كنت ما برد عليه بس يوم قال ذلفي قلت : بنجووف منو بيذلف انا ولا انت .. ورحت حجرتي .. 

يااااااااي اول مره استانس من الخاطر .. بس ان شاء الله يطلقني حمد وافتك منه .. وببتدي في خطتي اليديده .. والاجرااام والاكشن .. وبراويهم كلهم منو انااااااااا ..

نشيت اليوم الثاني من وقت .. على حسب اتفاقنا .. ان اروح ويا فطوم وعبيد المحكمه .. لاني ادري اذا عرفو كلهم بالسالفه .. ما بيخلوني وبيبهدلوني ..

رحنا المحكمه .. ويلت روحي .. لين حمد ايي .ز طلبو والحمد لله يا .. اول ما دخل استغرب من وجودي : شو تسوييييين هنيه ؟؟؟!!!

دخل المحامي وقاله : اتفضل ايلس ..

طالعني باحتقاار ويلس .: خير شو مستوي ؟؟

قاله : جووف هااي حرمتك رافعه عليك قضيه .. وتباك اطلقها 

انصدم : انتي ... ابد ما توقعتج بهالجرأه .. كييييف ..

كنت خايفه لا يسوي فيني شي : طلقني وفك عمرك وخلني ارتاااح .. انا مابااااك بعد الي سويته فيني 

وقف : مستحييل اطلقج .. تبين عبيييد حبيب القلب .. ماشي .. ما بطلق آسف 

ضحكت باستهزاء وقتله : لا يا حبيبي مب كيفك .. بطلق وريلك فوق راسك 

عصب وكان بيضربني .. بس وقفه المحامي وقاله اذا دقني بيسجنه .. يحليله صدق كل شي لانه خايف ..

وقاله : جووف اذا ما طلقت الحين .. بتنسجن .. لانك ذبحت جنين وهالشي ما بيسكتون عليه .. فهمت !!

طالعني حمد وقال : سويتيها .. بس بتجووفيييين .. انتي طاااالق طاالق طاااالق .. وانا وراااج والزمن طوييييييل " وقع على الاوراق وطلع .."

  

(( انا مب مجرمه .. بس ابا آخذ حقي .. والساكت عن الحق شيطان اخرس .. ولا تاخذون فكره سيئه عني .. لاني اذا ما سويت هالشي .. كنت بولي وبكوون تحت رحمته هو وامه .. وبيلعبون فيني لعب .. ))


؟
؟؟؟
؟؟؟؟؟؟
ولو كنتوا انتو مكاني .. شو كنتو بتسوون وحالكم من حالي ؟؟؟ 
؟؟؟؟؟؟
؟؟؟
؟




دخلت البيت .. ولقيت الحبايب متيمعين .. كلهم طبعا ..

محمد وامه وحمد وامه 

سلمت عليهم بس محد رد علي .. جفت محمد ينش وايي صوبي .. ركضت للدري وقلت : جوووف مالك اي حق علي ادقني .. 

واشرت على حمد : وانته مابي اجووفك هنيييه .. شل امك واطلع بررررررع البيت بسررررعه .. مابي وصخ في بيتي ..

محمد : بيتي !! .. هههههههه لا حبيبتي هالبيت بيتنا انا وامي .. وانتي بررررررع يا حلوه ..

حطيت ايدي على خصري وقلت : منو قاك يا حبيبي 

ابتسم : والله محد قالي .. انا اخوج العود .. ابوي سجل البيت باسمج .. اوكي بس غصبا عنج بتردينه باسمي .. 

ضحكت بصووت عالي : ههههههاااااااااااي حلوه هااااي .. حبيبي " بطلت شنطتي الصغيره وطلعت منها اوراق وفريتهم على ويهه " اقراهم عدل .. اوكي واذا ما فهمت منههم شي تعاال وبفهمك ..

البيت بيتي .. ومحد له شي عندي .. يعني انت وامك الحين تحت رحمتي .. وهااي النسخ والاصليات عند ناااس ما تعرفونهم .. يعني بالحفظ والصووون ..

واشرت على حمد ك وانت .. يلااا انا قتلك اطلع بررررع بيتي .. ولا تباني اتصل فالشرطه يشلوونك غصب !!

قام حمد ويا امه : ما عليييه براويييييج يالسباله .. وطلعوو 

ام محمد : صدق ما تستحين على ويهج .. زخها برد جبدي محمد ادبهااا هااي البقره

عفد علي محمد ويرني من ايدي وتم يضربني 

حسيت نفسي راحت خلااص كنت بمووت .. بس مادري استحملت لين شبع ورااح عني 

قلت : براااويييك انت وامك .. آآآآي حسبي الله عليكم 

حاولت اقووم من مكاني .. جفت شنطتي طايحه بصووب والاغراض برررع .. لمحت ساعتي الي يودها هالسبال وعقها مني ..

يت في بالي فكره .. افره فالسجن .. ليش لا بأدبه كم يوووم وعقب ما يعفن بتنازل عن القضية وبطلعه .. براويك ليش تضربني .. اتحمل الي بييك خخخ

شليت الساعه من اطرافها ورحت حجرتي .. 

فكرت وفكرت .. لين مخي نشف من التفكييير .. وحصلت فكره حلوه .. بس ان شاء الله ما تنجلب علي .. واي غلطه بروووح فيها انا ..

************



نشيت اليوم الي عقبه من وقت .. وترييت محمد يطلع من البيت ,, وانا محاسبه كل شي للخطه ..

من طلع وتأكدت .. رحت لحجرتهم .. بطلت الباب شوي شوي .. سمهت صوت الماي فالحمام .. اشوه نوره تسبح ..

بس اهم شي عادله الفراااش زين علشان ما تطالع شي .. رحت صوب مخدت محمد وحطيت الساعه داخل المخده ..

وطلعت بسرعه قبل لا تطلع نوره وتزخمي ..

ياااااي ان شاء الله تنجح الخطه وابرد جبدي منه .. ليش يكسرني البارحه .. 

صح ما يهون علي .. أخووي .. بس لازم أأدبه على الي سواااه فيني ..

لاني اذا ما ادبته بيزيد وكل يوم بيلعوزني ويا امه لين ما اتنازل لهم بكل شي ..

طمع .. كفايه البيزات الي عندهم بعد شو يبون مني .. يقدرون يشترون بدال البيت عشر .. 

امممم الحين بتصل فالشرطه وبخبرهم ان ساعتي غاليه وضاعت .. بس لازم اطلع الفاتوره مالتها ..

رحت للحجره وتميت ادور .. ان شاء الله احصلها ..

الساعه غاليه .. حمد خذالي اياها يوم ردينا من استراليا .. اونه مسولي مفاجأه .. آآآه يا حمد .. انت جنيت على نفسك .. وخذت اغلى شي كان عندي .. وهو ولدي الي راااح بسبتك .. وانا ما بسامحك ..

الحمدلله حصلتها .. امممم بس باقي اتصل واخبرهم .. ويوم بيون بيدورون بقولهم ان اخووي البارحه شلها مني يوم طاحت عني .. وطبعا هو سحبني من ايدي وحط ايده عالساعه .. يعني بصماته موجوده على الساعه بعد .. هههههههههه

طوووط .....طووووط ..... طووووط ..

ألو 

سلام عليكم 

وعليكم السلام والرحمه

اممم بس بغيت ابلغ اخووي عن ساعتي .. انسرقت وهي واايد غاليه

.....


.....


اوكي مع السلامه ..

خخخخخخخخ يااك الموت يا محمد ..

نزلت للصاله ومحد كان فيها .. يت نوره ويلست عندي 

نوره : شحالج مهره ؟

صديت صوبها واوني حزينه شوي : بخييير .. انتي شحالج .. وشحاال البيبي

حطت ايدها على بطنها : والله زييينه .. بس البيبي ملعوزني شوي ومتعبني 

قتلها : اهااا يلاا شدي الحيل .. 

قالت : ما عليه كلها 4 شهوور وبربي ان شاء الله 

حسيتها تغايضني .. بس سكت عنها >> استوت شراتهم .. بس ما تهوون علي اسوي فيها شي ..

سالتني : انتي مرتاحه بعد كل الي سويتيه ؟؟

قتلها : لييش .. شو سويت انا !!

قالت : كل هالي سويتيه بعد تقولين شو سويت .. والله حراام حمد ما يستاهل الي .

قاطعتها : انتي ما يخصج .. ريلي وذبح ولدي تبيني اسكت عنه .. الحين لو محمد يضربج ويعق الي في بطنج بترتاحييين انتي وبتسكتيين .. مستحيل 

بطلت عينها : خيييبه .. كلتيني .. عنبو مب صووت عليج .. شفييج استويتي شرانيه 

طالعتها باحتقاار لان كلامها ما عيبني : كيفي .. جوفي سوالف ريلج وامه .. وهااك الي كان ريلي شو سوو فيني .. بهدلوو حياتي .. تبيني اسكت عنهم .. صبري علي الويل ياينهم كلهم ..

واحمدي ربج انج مب ويااهم ولا الحين انتي من ظمنهم بتكونين ..

قالت : وييييه خلج بعيده عني .. وان جربتي صوبي بخبر عليج حمدان بيبج الجديم ..

طالعتها منصدمه من كلامها .. حمدان مستانس ويا حبيبة القلب .. يحليلهم .. 

حبيت اغايظها شوي : وييه ذكرتيني .. كنت ناسيه ساس البلى اخووج .. ولا نسيتي .. تراااه هو السبب لعوزني فالبدايه وقص علي اونه يحبني وطلعلي قرووون .. والحمد لله افتكيت منه

ولا تخليني احطه في راسي وابهدله وياهم .. هو ويا خطيبته عوووش وهي كانت عدوتي فالسكووول بعد ..

سكتت .. شكلها خافت من كلامي فقلت : تدرين .. البارحه كنت افكر ان حراام الي بسويييه في هااييل الوحووش .. بس الحين احس بمتعه واتلذذ بعذابهم واحد ورا الثاني .. وبتجووفين 

وسكت عنها لاني اذا زدت شكلنا بنضارب .. سمعت صوت الجرس .. لبست شيلتي ورحت صوب الباب ..

كنت خايفه .. بطلت الباب وجفت الشرطي .. 

قالي : يانا اتصال بان شي ساعه مسرووقه ..

قتله : هيه انا الي اتصلت .. تفضل للميلس ..

دخل الشرطي .. ووياه كانو اثنينه فالسياره .. بس هو روحه دخل .. 

كنت ببند الباب .. ولا محمد في ويهي ..

ويييه هذا شو يابه .. مب وقتك بعدين تعاال ..

سألني متفاجأ : شو صاااير ؟؟

قتله : اممممم ساعتي انسرقت .. وانا اتصلت فيهم يدورونها 

دزني داخل وراح صوب الضابط دخله للميلس .. وانا رت فالصاله .. ونوره يالسه تطالع وهي ساكته ..

يا محمد وقال : انتي مينونه .. تبين تفضحينا جدام النااااس .. 

قتله : شوو ساعتي مسرووقه .. والساعه غاليه مب رخيصه .. ويمكن يكوون الحرامي موجود فالبيت .. خلهم يدورونه ..

نوره : شو قصدج نحن حراميه .. انتي اصلا ما تستحين على ويهج .. وانا كنت غلطاااانه اني وقفت ويااج طوول الفتره الي طافت بس انتي ما تستحقسن ..

قتلها : شو يخصج انتي بالسالفه .. انا ماقلت انتي الي سارقه 

ردت : دامج قلتي حراميه فالبيت يعني اكييد انا ولا محمد ولا عموووه .. او البشاكير ..

لبستها وقلت لمحمد : خله ايي الضابط ويطالع الغرفه يمكن يحصل شي 

طالعني بنظرات حقد وسااار ..

يا الشرطي وراويته الفاتوره .. وقال : الساعه قيمتها عااليه .. واكيييد الي سرقها يعرف قيمتها عدل ومخطط لها من زمان ..

كنت ابا اخلص الموضوع بسرعه ويشلونه هالوحش الي يالس يطالعني بحقد .. 

يت ام محمد : ويديييه شو مستوي .. ليش الشرطه يايه

محمد : حضرة الآنسه سارقين ساعتها ومخبره الضابط 

طالعتني بنظرات ناريه : انتي ما تستحين .. اي ساعه بعد .. انتي حافيه ومنتفه من وين لج هالساعه لا وغاليه بعد ..

طالعتها باحتقار : الساعه عطاني اياها حمد ريلس سابقا هديه 

ولفيت صوب محمد : اعتقد انك عارف الحرامي زين ما زين 

استغرب محمد : ماعرفه .. شو تقصدين انه موجود بينا الحين ؟؟

قتله : هيه .. تذكر البارحه يوم ضربتني .. وقتها الساعه طاحت من ايدي .. ومحد غيرك شلها وانت عارف سعرها وانها ثميييينه 

محمد : لا تتبلين علي .. انا ما سرقتها .. وليش اسرقها 

قاطعته : لانك دووم تتمنى الشر لي .. وقلت بتنتقم مني لربيعك او لان البيت هذا بكبره لي انا بروووحي 

حاول محمد يمد ايده علي بس الضابط يوده : حراام علييج انا مالي خص فيج ولا في سااااعتج

ابتعدت عنه وقلت : حراام عليك انت الي بهدلت حياتي وجلبتها فوق تحت .. وفرقت بيني وبين ريلي .. لا تخليني افضحك زياده .. ويلااا طلع الساعه اكييد خاشنها مكان في حجرتك 

يت نوره صوبي وقالت : انتي ليش تتبلين على ريلي .. مب حراام عليج 

قاطعتها : حرمت عليج عيشتج انتي وريلج .. حراميه طلعوو ساعتي بالزين 

الضابط : خلاص نحن لازم نفتش الحجره واذا ما لقيناها بيصير كلام ثاني ..

ورحنا كلنا لحجرتهم .. 

طبعا الضابط ياب الشرطه الي وياه وتمو ينبشون فالاغراض والكبت والسدات .. 

ويوو عند الشبريه شلوو كل الفراش .. ومن بينهم طاحت الساعه ..

انصدم محمد ونوره وام محمد وياهم ..

الضابط : شو هذا يا محمد .. وتنكر بعد .. تسرق اختب .. مب عيب عليك 

محمد : والله انا مالي ذنب انا ما سرقتها ..

الضابط : هالكلام تقووله فالمركز مب هنيه عندي .. شلوووووه 

وشلوووه وياهم .. فكه ..

طلعت من الحجره ورحت برع اراقبهم كيف يدخلونه السياره وهو منزل راسه .. ونوره وامه يصيحوون عليه ..

دخلت داخل وانا قلبي بدا يحن على محمد .. حرام ما تهوون عليه يا خووي بس انت الي جنيت على نفسك .. ومثل ما لعوزتني .. بخيسك فالسجن شوي ..

يت نوره صوبي وهي تصيح ودزتني : مب حراام عليج تسوين في اخووج جذي .. ليييش يا مهره ليييييييييش

تميت اطالعها .. والله قلبي عورني .. بس شو اسوي 

يت ام محمد : انتي شو ما تستحين تتبلين على اخووج .. الله ينتقم منج يا بنت امج .. 

عااد هاي لازم ارد عليها : حبيبتي .. الي يوقف بطريجي ويبهدل حياتي انهيه من الوجوود فاااااهمه ..

وولدج كان يضربني ويبا يسرق بيتي ويهددني وفضحني جداام ريلي وهو السبب في موت ولدي لانه وصل كلام كله خررط حق ريلي وحمد صدقه وظربني .. وتبيني اسكت عنه .. مستحيييييييييييييييييييييييل




" نهـــــــــــــاية الفصـــــــــــــل "

===

(¸.•´ ( * الفصــــل الرابــــــع عشــــــر * ) `•.¸) 
( `•.¸ `•.¸ ) 
¸.• )´ 
(.•´
`v



" كم يا ظالم كم زمن حبك رعيته .. كنت أشوفك شمعتـ (ن) في ليل داري "

" انت قدرك ياحبي نهيتــه .. وأصبح بذكراك تذريـــه الذواري "


" لا حزن لا جرح والماضي نسيته .. ولا بقالك في ذيج الأيام طاري "

" شيعت جثمان ماضيك ورثيته .. واتمنى يوصلك آخر قراري "

||.. آخـــــــر قـــــــراري ..||




نشييت على صووت دق الباااب .. اففف منو في هالصبح يزعجني بعد ..

قمت بكسل ورحت بطلت الباب .. لقيت نوره تصيييح 

نوره : مهرووو والله راام عليج طلعي محمد .. والله مب قادره ارقد من دووونهه ارجوووج

لصقت فالباب وربعت ايدي : لا والله .. حراام عليه اني سجنته ومب حراام عليه هو باللي سواااه فيني .. دمر حياتي .. وتبيني اسكت عنه ؟؟؟

يودت ايدي : ارجوووج والله بسوي الي تبييينه بس طلعيييه والله حرااام

سحبت ايدي منها .. صح أخووي بس مستحيل انسى الي سواه فيني مب شويه .. 

دخلت الحجره ولحقتني : ههه الحين تترجيني " ولفيت صوبها " نسيتي معاملتج وكلامج البارحه لي ..

نوره وهي تمسح دموعها : والله آسفه وما بعيدها .. بليييز مهروووه طلعييييه علشان خاطر عبوود ولدي والي في بطني 

يلست عالكرسي مجابلتنها وحطيت ريل على ريل : والله .. متى ما احس انه تأدب بطلعه على كييييفيييي .. ويلااا طلعي بررررع خربتي رقااادي 

قامت من مكانها وراحت صوب الباب : انزين يا مهروووه انا اراويييييج الوييييييييييل " وطلعت "

افتك من عله وتطلع لي عله ثانيه .. افتكيت من حمد ومحمد طلعت لي هاااي الجنيه .. 

شكلي موول ما بترقع في حياتي ..

رحت صوب مبايلي اجيك عليه .. لقيت الف مكالمه من فطوووم .. وكم مكالمه من رقم غريب

جفت الساعه كانت (( 9 ونص الصبح )) امممم الحين يمكن تكوون راقده .. لانها بعد ما خلصت دراااسه استوت بطااليه مثلي .. بس انا تزوجت حمد .. والله حراام اشتقت لاياام استراليا .. 

بس الله يغربل الي كاان السبب .. ويستاهل السجن والشنق بعد .. دمر حياتي .. 

يا ربي ليش سوو فيني جي .. اولهم حمداان السبال بعد ما خلاني اتعلق فيه بهدلني ولعوزني .. وخاني ويا عدوتي عووووش .. 

وعقبه محمد ويا امه .. طلعوو الشعر الابيض من راسي .. وزوجوني حمد غصبا عني ..

وعقب ما تعلقت في حمد وحبيته .. طلعتلي امه هالجنيه ..

وعقبها طلع مره ثانيه محمد الجلب وهنييييه دمرني .. وخلاني ما حس بروحي وبتصرفاتي .. 

والحين حرمته .. الله يستر منها شو بتسوي بعد ..

لو كان هالنحس محمد موافق على عبيد .. والله كنت برتاااااح لو اي شي يسوي فيني .. ما بخلييه لانه نظيييف واخوو ربيعتي .. بس ما خبرني انه تقدم ليه ولا كنت بسوي كل شي وآخذه ..

وايد متأثره بالافلام والمسلسلات خخخخخخ



رن موبايلي جفت رقم غريب .. مارديت ما فيني على المشاكل ..

وتم يرن ويرن .. لين نقع ..

قلت برد وبجووف منو : ألوو 

سمعت صوت واحد : سلام عليج

ماعرفته : وعليك السلام .. منو وياي ؟

سكت شوي وقال : حمدان

اففففف شو يبا بعد : خييير شو تبا 

شكله استغرب من ردي : ليش جي تكلميني ؟؟

حبيت اغايضه : كيييفي .. يلاا فكني شو تبا 

حمدان : زين ماعليه .. المهم شو هاااي الحركه البايخه الي سويتيها ؟

أدريبه يقصد سالفة محمد : امممم أي حركه ؟؟

حمدان : لا تستهبلين علي .. روحي طلعي محمد بسرررعه 

قاطعته : انت منو تكوون علشان تتأمر علي .. وانا كيفي متى ما أبا اطلعه بطلعه .. فاااااااهم 

حمدان : يعني السالفه عنااااد 

قتله : والله افهمها مثل ما تبي .. ويلاا باااي 

وبندت في ويهه .. مسوي عمره زعييم اونه ويتأمر علي .. 

بس اخاف ايي هنيه البيت ويعفد علي .. 

نشيت من مكاني ورحت صوب الباب علشان بروووح تحت وبقفل البيبان الي بررع وحتى باب الصاله ..

نزلت تحت ومالقيت حد .. والبيت هادي .. رحت برع عند باب الحوي وسكرته وقفلته عدل ..

رديت داخل الصاله وسكرت الباب وقفلته .. ويوم لفيت شهقت بالقوو من الي جفته : انت شو تسوي هنيه .. اطلع برررررررع

يا صوبي : زين والله قفلتي الباب علشان محد يخرب علينا صح حبيبي ..

ابتعدت عنه ورحت صوب الدري : حمد ارجوووك اطلع بررررع .. انت طلقتني .. ومالك حق علي الين اطلع برررررررع .. والله بتصل فالشرطه يشلونك ويا محمد 

ضحك باستهزاء : والله حبيبتي مب كل مره بتسلم الجره .. وانا ياي الحين وباخذ حقي منج 

صرخت : اي حق انت بعد .. مالك شي عندي .. اذلف برررررررررع

ركض فجأه صوبي وزخني من شعري : براويج الحين منو حمد الي لعبتي علي ويا هالخسيس حبيب القلب عبييييد 

دزني بالقو عالارض وتم يكفخني ويرفسني .. انا كنت اصارخ بصووت عالي .. بس كل الي افكر فيه متى يهدني وافتك منه ويطلع ..

حسيت اني بمووت .. خلاص جسمي تكسر وماشي فايده .. 

بس الحمدلله ان البشكاره بت وضربته بالبرووش على راسه بالقوو .. يستااااااااهل ..

طااح حمد حذالي .. وانا حاولت ابتعد عنه .. بس هو شكله وايد تألم وزخني علشان ما اشرد ..

صرخت : رووحي اتصلي فالشرطه بسررررررررررررررررعه

حط ايده على ويهي وقال بتهديد : والله يا مهره بتجوفيين الويل مني .. 

نش بسرعه وطلع بررع البيت ..

يت البشكاره وساعدتني لين يلست عالغنفة الجريبه مني .. يابت لي مااي وثلج وتمت تحط على ويهي وريلي .. 

والله براويك يا حمد ان ما خليتك تندم طووووول عمرك وبخلي هاليوم ذكرى سووووده لك للابد ما تنساااااااه

سألتها : وين ماما محمد ؟؟

قالت : ماما رووح بيت خالووه

احسن فكه منها .. : انزين نوره وين ؟؟

ردت : نوره بعد رووح مع ماما

روحه بلا رده هااي الثانيه بعد .. اكيد هي الي خبرت حمدان وخلته يتصل فيني ..

قتلها : سيري بسرعه قفلي كل البيبان برررع وداخل بسرررررعه ..

الفنش : جيين ماما ..

وراحت قفلت البيبان وردت : ماما خلاص كل باب في قفل جين ..

قتلها : جوفي ايحد بيدق الجرس لا تفتحين له الباب .. انزيين ..

الفنش : جييين ماما

كملت : وأي حد بيي خبريني اول منو يكوون انزين 

وهي تهز راسها : جين ماما .. 

نقزت فجأه يوم رن الجرس .. قتلها : جوفي اول منو .. ولا تفتحين 

راحت صوب باب الحوي وانا وقفت عند باب الصاله اطالع ..

يت صوبي وقالت : ماما فطوووم في بررع 

قتلها زين انا بفتح الباب .. راحت حجرتها وانا رحت صوب الباب 

وقلت بصوت عالي : فطووووم ؟؟

سمعت حسها تصارخ : فتحي احترقت يالعنز

فتحت الباب شوي شوي ودخلت وهي متغشيه .. سكرت الباب وقفلته 

لفيت صوبها .. وهي اول ما جافتني شهقت : خيييبه شو يااااج .. بسم الله بلااج مستويه مهرج هعهعهعهعهعهعه

سحبتها من ايدها : طوفي جدامي ويا ويهج .. تضحكين علي .. ما عليه .. ما بقولج ولي

لفت ايدها علي : والله حاسه فيج وبمعاناتج ويا أهلج .. بس شو اسوي قلت بمر عليج وبونسج .. من زمان ما جفتج مالت عليج 

طالعتها بنظره : لا والله .. وليش هالمالت علي يعني ..

طلعت لسانها : كيفي ما يخصج .. المهم خبريني شو صار لج 

دخلنا الصاله ويلسنا .. زقرت الفنش وقتلها تييب عصير لنا 

فصخت فطووم عباتها وشيلتها ويلست حذالي : يلاا غردي ^_^

قتلها : هه تدرين اخاف اقولج وتشردين عني ..

استغربت : لييش .. شو مسويه غير الي سويتيه في حمد ؟؟

ضحكت : هههه يحليلج يا فطووم .. الا قولي شو الي ما سويته بعد ..

تدرين دخلت محمد اخووي السجن .. والحين هو هناك ..

انصدمت فطووم : خيييبه تخيبج .. ليييش حراام عليج هاا اخوووج 

قتلها : شو اسوي .. قلت لازم انتقم منه واادبه على الي سواه فيني .. وانتي تدرين انه هو سبب طلاقي من حمد .. 

فطووم : حتى ولو .. ما يصير .. الناس شو بتقوول عنج ..

قتلها : يقولون لين ينطوون انا ما يهمني حد خلااص .. الي في راسي بسويه .. والحين بنتقم من حمد الحماااار 

فطووم : ليييش شو سوابج بعد .. كفايه سحبتيه للمحكمه وخليتيه يطلقج 

ربعت ايدي وقلت : تدرين من شوي تهجم علي هنيه فالبيت وظربني ضرب لين يت الفنش هالبشكاره وظربته بالبرووش على راسه وطاااح .. وهددني وطلع عقبها ..

بطلت عينها وحلجها : خييبه .. انتي لهااي الدرجه يكرهونج .. وبعدين كيف هجم عليج ما يستحي هاااه .. والله لو انا بدالج بضربه ضرب بعد .. ما بخليه يطلع وهو صاحي 

ضحكت على كلامها : ليش هااي الفنش خلته يطلع وهو صاحي هههههه

فطووم : هههههههه يحليلج يا مهره .. والله ما تستاهلين الي يصير لج .. 

سألتها : شخباار عبيد اخووج ؟؟

طالعتني بنظرات : ليييش .. شو تبين فيه 

قتلها : ماشي .. خلاص لا تجاوبين يالطفسه

فطووم : هههاااااي .. تسألين عنه .. وهو يسأل عنج بعد وكل يوم

قتلها : والله .. " هزت راسها " .. غريييبه

فطووم : لييش غريبه .. نسيتي انه كان يباااج 

قتلها : اممم ما نسيت بس احسه كرهني من خذت حمد 

فطووم : لا ما يكرهج .. دووم يسأل عنج ويقولي لا تخلينها بروحها من عقب ما تطلقتي 

قلت في قلبي : فدييييته يحاتيني ويخاف علي ..

دزتني فطووم : حووووه وين رحتي .. 

قهرتني : وياااااااااااااااااااااااااااااااج 



" وتمينا نسولف ونسولف لين أظن الظهر .. رحنا حجرتي وصلينا .. بعد ما خلصنا صلااه نزلنا تحت .. "

اتصلت فطووم في اخووها عبيد علشان ايي وياخذها ..

قتلها : ليييييش .. تمي عندي محد فالبيت .. محمد فالسجن معفن هناااك .. وامه راحت بيت اختها ويا نوره

فطووم : امممم اوكي .. شو رايج بعد ما نخلص غدا بنخلي عبيد يودينا اي مكان نتحوط برررع ونتكشت .. والله من زمان ما طلعنا ويا بعض 

استانست .. : زين بعد ابا اغير جو .. بس جوفي ويهي ما فيه شي ؟؟

فطووم تطالعني : لا .. من شوي بس كان منتفخ صوب برطمج والحين خلاص مافي شي ..

ضحكت على رمستها : هههههههه زين فشلتينا الناس تقرا القصة وانتي كلامج يفشل هههههه

فطووم : والله القصة قصتج انتي مب قصتي انا .. انا لو منج بقول لهم كل شي حلووو .. مب انتي كله حزن في حزن مالت عليج 

ههههههههههههه الله يخسج يا فطوووووم ..

يلسنا نسولف لين رن الجرس .. رحت اطالع منو

وقفت ورا الباب : منووو ؟؟

سمعت حس نوره : بطلي الباب .. ليش قافلتنه ؟؟

قلت : علشان الحثاله الي مثلج ما يدخلوون البيت .. شو تبين ريلج فالسجن انتي ليش يايه .. تمي بيت اهلج

نوره : فتحي مهروووه متنا حر .. وموودي راقد والشمس عليه فتحييييييي

اول ما فتحت القفل .. اندز الباب بقوه .. الحمدلله اني ما كنت ورا الباب ولا طرت ..

طلعلي حمدان الحماااااااار : شو تبااا ليش ياي ..

تم يطالعني وهو معصب : نحن بشاكيير عندج منقعتنا برررررررع .. انتي ما تستحين

رحت صوب باب الصاله : والله البيت بيتي وانا بكيفي ادخل الي اباااه والي ماباااه .. وانت ماباااك اطلع بررررع بيتي يلااااا برررررررررررررع

الظاهر ما عيبه كلامي : ما بطلع .. واليوم برقد هنيه في هالبيت .. 

انقهرت من كلامه : انزين ارقد .. ويوم بتنش بتلقى عمرك فالسجن ويا هالزفت محمد 

صارخت ام محمد : انتي زفته يا قليلة الأدب 

قاطعتها : لو سمحتي لا تغلطين علي وانتي تراااج في بيتي .. ولا تخليني اطردج الحين 

ام محمد : لو فيج خير سويها 

قتلها : زين ما عليه .. انا اراويكم الحين ..

دخلت داخل ورحت عند فطووم : قومي تعالي غرفتي بسررررررعه 

نشت فطووم وركضت وياي لحجرتي وقفلنا الباب ..

قتلها : فطوووم شو اسوي الحين .. حمدان ونوره وام محمد ما بيطلعوون .. وهم اصلا يايبين حمدان وياهم علشان يلعوزني .. شو اسويييي

فطووك : اممممم بتصل في عبيد وبخليه ايي ويطلعهم 

صرخت : لالاااااا الا عبيد ارجوووج لا تدخلينه فالسالفه .. هاييل ملاعين بيبهدلونه وياي .. خليه بعيييييد .. بس خليني افكر كيف اطلعهم الحين .. وهاااي ام محمد تتحداني .. انا اراويها ان ما طردتها من البيت ماكوون مهرووووووه .. وحمدان بعد براويييييه الويل ويا حمد .. ليش يتهجموون علي وفي بيتي بعد .. ما عليييييييه 


,,,,,,,,,,,,,,,,,,,,,,,,,,,,,,,,,,,,,,,


استوت الساعه 2 .. قلت بننزل انا وفطوووم تحت وما علينا منهم ..

نزلنا ولقيناهم كلهم يالسين فالصاله ..

ما سوينا لهم سالفه .. وطبعا تعليقاتهم ما خلصت من نزلنا وهم يعلقوون لين رحنا برررع فالمطبخ

قلت حق الفنش تحط لنا غدا .. وتغدينا والحمدلله .. ما يو صوبنا ..

بعد ما خلصنا فطووم قالت تبا ترووح البيت ..

قتلها : لا فطوووم بلييييز رقدي عندي اليووم .. والله ما بيخلوني في حالي وانا بروحي .. تمي وياي ..

اتصلت فطووم في عبيد وخبرته انها بترقد عندي وما ايي ياخذها .. بس هو مادري معاند وما وافق .. وعلى الساعه اربع العصر مر عليها وخذاها ..

انا اوني بصيييح : عبيييد بلييييز خل فطووم عندي بس اليوم وباجر خذها 

عبيد يطالعني بنظرات لوم : الحييين تترجيني يا مهره .. تذكرين قبل يوم كنت اباااج ودرتيني ورحتي عند حمد .. 

كنت صدق بصيييح من سمعت كلامه : انزين انا شو ذنبي يوم محمد ما خبرني انك تقدمت لي .. 

عبيد : عااد الحين خلاص ما ينفع .. خلي حمد ينفعج "" ورااااااحوو "

سكرت باب الحوي وتميت اطالع باب الصاله .. افففف الين وين ارووح عند هالوحووووش .. الله يستر منهم بس

|| .. لحظــــــــة ضعـــــف .. والانتقــــــــام الكبيـــــــــر .. ||




      



دخلت الصاله ولقيت الفنش تنظف .. سألتها : وينهم ؟؟

الفنش : ماما محمد رووح نوم .. وماما نوره فووق في غرفه 

قتلها : وحمدان ؟؟

الفنش : ما يعرف وين روووح ..

امممم الله يخسه مادري وين ذلف .. يمكن عند نوره في حجرتها..

رحت لحجرتي .. وقفلت الباب علي .. كنت بعق عمري عالشبريه بس تبطل باب الحمام فجأه .. وانا طرت من جفت حمدان السبااال طالع منه ونظرات خبث في عينه ..

صرخت : شو تبا .. اطلع برررررررررررررررع ..

يا صوبي : حبيبي خلينا نبدي صفحه يديده .. والله بعوضج كل الي فاااات 

ابتعدت عنه : لاااا مابي .. خلاص انا كرهتك ومادانيييك .. اطلع برررع حراام عليك

حمدان وهو تقرب مني وزخني من جتوفي : مهره والله انا اموووت فيييج .. 

عقني عالشبريه وانا تميت اصارخ وارافس .. وهو بدا يعصب وتم يضربني علشان ما اقاوم ..

بس انا شليت مبايلي الي كان عند راسي وكفخته على عينه .. وهو تم يصارخ ويتألم 

حتى اني حسيت انه خلاص فقد عينه .. بس يستاهل .. 

طلعت من الحجره ورحت عند نوره : بطلييي الباااااااااااااب

بطلت نوره الباب : خييير صمختينا الله ياخذج

صرخت عليها : روووحي طلعي اخوووج الي ما يستحي على ويهه من غرفتي .. ياي يتهجم عليه 

نوره : اخووي اشرف منج وما عنده هالسوالف ..

قتلها : نورووووه جوفي لا تتحرين انج حامل يعني خلاص ماقدر اسوي فيج شي .. 

ربعت ايدها وطالعتني بحقد : لو فيج خير سوي شي .. بطلع عينج انا .. تراني مب جايفتني ساكته عنج خلاااص قلتي نوره طيبه وبقدر عليها .. 

قتلها : زييين ما عليه .. الظاهر الطيب ما ينفع وياااج .. ودزيتها بالقووو عالباب وهي تمت تصااارخ ورحت عنها ..

طلع حمدان من حجرتي : ما علييييه يا مهروووه انا اراويج .. بس دقايق برووح وبرجعلج .. وماكون انا حمدان ان ما قضييت عليج اليووووووم ..

صرخت عليه من فوق الدري : روووحه بلااا رده .. واذا كنت رياااال تعااال وواجهني ..

حسيته انقهر وهو واقف تحت وشكله ما يروووم ايي من الضربه الي في عينه ..

واول ما طلع وتأكدت انه طلع .. رحت صوب غرفة ام محمد وبطلت الباب عليها ..

ربعت ايدي ووقفت عند الباب : شو تسويييين يا سندرييييلاااااا 

انصدمت من وجودي وتمت تطالع حوليها : ما يخصج .. طلعي بررررررع انتي وحده فاسقه وراعية الريايييييل ..روحي عند عبيد حبيبج يلااا برررررع

قهرتني .. رحت صوبها وسحبتها من ايدها بالقوو : انتي الي بتطلعييين برررع بيتي .. يلاااااااااااااااااا

وتميت ادزها لين وصلتها عند باب الصاله تحت .. ودزيتها عالارض : خيسي هنييه دقايق علشان اييب الخايسه الثانيه واطردكم مثل الجلاب برررررع هالبييييييت

ورحت عند نوره .. دخلت حجرتهم ولقيتها يالسه عالشبريه .. واول ما جافتني تمت تطالع باحتقااار : طلعي بررع حجرتي 

ضحكت عليها : هههههههاااااااي .. حبيبتي انتي الي بتطلعيييين الحيييين ..

ورحت صوبها وتميت اسحبها من كشتها لبرررع الحجره وهي تحاول تقاوم .. بس ما قدرت علي .. وصلتها عند ام محمد 

يلاااا طلعوو برررع بيتي بسررررعه ..

نوره : بنطلع بس صدقيني بتندميين يا مهره والله بتندمييين

طالعتها باحتقااار : جب ولا تعلين صوووتج علي .. يلااا بررررررررررررع قالت بندم .. بنجووف منو بيندم يا مرت راعي السجوووون

اتصلت نوره في دريولهم ويا خذاهم .. وقبل لا يطلعوون قتلها : على فكره .. ترى محمد اقدر اطلعه في اي وقت ابا .. بس انا بخليه يخييييس عدل هنااااك لين يتأدب .. وعقب ما بتأدب .. بخليج انتي تترجيني مثل الجلبه اطلعه ..

ترييتهم لين ذلفووو وصكرت الباب ..

الحين بشتغل عليكم يا حمد وحمدان ..


رحت عند الفنش وقتلها تييب لي اي واحد هندي بس يعرف سوالف السيارات ..

وطبعا تعرفوون بعد البشاكير هالايااام يعرفوون نص رياييل البلد .. ويابت لي واحد شكله يزيغ

قتلها : شوها جنيي .ز انا ابا رياال مابا جن 

ضحكت وقالت : ماما هازا واجد اوكي في شغل اي شي كربااان مال سياره ..

قتلها : تعرفين سيارة مد الي واقفه برررع ..

هزت راسها : هيه مدام

قتلها : جوفي خبرييه خليه الفليل يرووح عند السياره ويخرب البريك مالها زيييين

قالت : جيييين ماما 

قتلها : الفنش .. مابي حد يجوووفه .. وخلييه يخلص بسرعه ..

راحت وخبرته .. وترييت فليل اراقب بيت ام حمد وجفته توه نازل من السياره 

رحت بررع عند باب الحوي وقلت : شحااالك حمد ..

انصدم مني وقال : شو تبيني اييج البيت .. شكلج محد عندج ..

وييييه مالت علي ..شو الي خلاني اكلمه : لا مشكووور تم في بيتكم احسن

ابتسم بخبث : لا عادي تراني اعرف اونس الحلوات مثلج عدل ..

شو قصده الحمااار : ما يحتاااي يالماااااااصخ .. وبندت الباب في ويهه ..

ما علييييه بجووفك كيف بتتونس الحييين بسيارتك يا حلوووو ..

ترييته يدخل البيت .. وعقبها ترييت تقريبا نص ساعه لين هدى الوضع وقلت حق الفنش تجووف شغلها ..

راحت خبرت الريال .. وهو راح صوب سيارة حمد وتم يعابل فيها صوب التواير وانا يالسه اطالع واراقب المكان والموقف .. وادعي ان حمد ما يطالع من غرفته ..

خلص الهندي شغله وتأكدت منه ان حمد يوم بيسوووق سيارته والبريك بيكوون خرباان وما بيقدر يوقف .. يستاهل الخسيس عيل يبا يونسني الخبيييييث ..

خلصت من حمد وباقي حمدان اشتغل عليييه الحين ..

يلست افكر وافكر .. ويت في بالي فكره حلوه بس خطييييييره ..



رحت عند حبيبتي الفنش وقتلها تييب لي وحده من الشارع وتكوون خبيييثه ومن بنات الي يروحون الديسكو وهالسوالف ..

يابتها لي وكانت الساعه 2 بعد منتصف الليل ..

عطيتها كيمرا وخذت منها الي طلبته >> حبه منومه )) وفهمتها على كل شي وشو الي بتسوييه هيه .. 

خشيتها في حجرة ام محمد واتصلت في حمدان ..

حمدان : شو تبييين ..

اوني ادلع مالت عليه : حمداان ويييينك

رد علي : ما يخصج شو تبين متصله هالوقت ؟؟

سويت ( مالت عليه ) : اممم شو رايك تي عندي .. انا ملانه وماعندي د فالبيت برووووحيييييييي

حسيته ما صدق : اممم انزين ليش طردتي نوره وخالووووه

قتله وانا ادلع : حبيبي لعوزوني عقب ما طلعت انت .. المهم شخبار عييينك

مالت علي لازمك اذكره : ذكرتيني .. اممم ولا اقوول ما بسويلج شي .. ايييييج الحين ؟؟

قتله : هيه تعاال بسرعه .. ويوم بتوصل عند البيت اتصل فيني وبفتح لك الباب .. اوكي 

مدان وهو متشقق : اووكييييييييه حبييي الحين ياينج ..

وصكر في ويهي .. ما عليه يا حمدان انا اراويك الحين منو مهروووووه ..

رحت تحت للميلس وزهبت له الحفله هنااااك .. وخلصت طلعت وقفلت الباب ..

اتصل فيني حمدان : هلا حمدان

شكله وايد مستانس : هلا مهااري .. انا بررع عند الباب

قتله : اوكي يايتنك الحين ..

طبعا كنت متكشخه لهالحفله الي بتصيير الحين ..

رحت وفتحت له الباب وجفته شاااااق الحلج

دخل وقفلت الباب عدل .. ودخلنا الصاله .. 

يلسنا شوي نسولف .. وعقب قالي : شورايج نروح فوق لحجرتج علشان ناخذ راحتنا اكثر حبي ..

قتله : اوكي حياتي يلاا نروووح

اتصلت في الفنش وقتلها تييب العصير لنا فووق ..

يابته وقتله : حبيبي اشرب العصير وبرد على جبدك

قالي : لا فديتج شوفتج بس كم تسوى عندي

اوني زعلت : مابا .. اشرب حبيبي عااد انا تعبت وسويتلك .. اباك تجرب بس

شل العصير وشربه كامل مره وده ..

قتله : هههههه شوي شوي على عمرك عن تموت علي مافيني 

يا صوبي ومسك ايدي : تحبيني

اففف مب وقتك تريا شوي : هيه حبيبي

حاول يتجرب اكثر بس قتله : امممم لحظه شوي بروح الحمام وبييك اوكييه 

ابتسم : اوكي حبي خذي راحتج

دخلت الحمام وترييت تقريبا ربع ساعه .. 

وبطلت الباب شوي شوي .. لقيته واقف في ويهي 
حمدان : شو تسوين هالكثر فالحمام ..

ارتبكت وخفت : اممممم .. هاااه .. امم ماشي .. كنت اعدل شعري بس ..

ابتسم وقال : اوكي تعالي وياي " مسك ايدي ووداني صوب الغنفة ويلسنا عليها " 

قالي : غمضي عيونج

خفت .. الله يخسها هالهندية قصت علي مابي اتوهق وياااه : لييييش حبيبي

قالي : غمضي انتي وما يخصج لييش بتعرفين الحين 

خفت وغمضت عيني .. طولت السالفه .. وهوماسك ايدي وما سوا شي ..


قتله : حمدان تراني تعبت وانا مغمضه .. 

ماشي جوااب ..

قتله : حمدااااااااااااااان

بطلت عيني .. لقيته راقد الحبيب عالغنفه .. يــــــــــــــــــس ^^

وأخيرررا .. 

اتصلت على مبايل الفنش وقتلها تيني فالحجره .. يت وسحبناااه لين الميلس .. 

وسرت زقرت هااي الي يابتها البشكاره .. زين فلبينيه بعد ..ودخلتها على حمدان وقتلها تسوي شغلها ..

ترييت لين الساعه 4 .. وطلعت هالفلبينيه من هناك وهي مخلصه كل شي ..

وخذت منها الصور وحطيتهم في ظرف وكتبت عليه ..

00 رســالة من مجهــول الـــى عاشـــــه 00

وقلت حق هالفلبينية اتي عندي باجر الصبح ..

طلعت هاي بصووب ورحت انا والفنش بصووب على طوول عند حمدان وسحبناه مره ثانيه لحجرتي وخليته عالغنفة مكان ما كان يالس فيه علشان ما يشك في شي ..

وانا خليت عمري خايفه عليه طبعا يوم بينش الحبيب ..

يلست اطالع ويهه .. الحين يا حمدان بنجوووف منو الي انتقم من الثاني .. فرق بيني وبينك .. انت انسان طمااع واناني وماتب الا نفسك .. وتسوي المستحيل علشان توصل للي تباااه .. وقلت بتنتقم نمني .. لكن صاار العكس أنا الي غلبتك وباقي تنش وتسيير عند حبيبة القلب عوااااش .. 

جفته تحرك ويتجلب مكانه .. رحت صوبه اوني خايفه عليه .. قتله : حبيبي شو صاار لك .. ليش رقدت ..

تم يطالعني وقال : اممم مادري .. ماذكر شو صااار ..

حبيت اغير الموضوع وافتك منه : انزين خلاص يلاا قوم رووح بيتكم قبل لا اي حد يشك فيينا يلاا ..

قاام المسكين وطلع ..

وتميت اتريا الساعه تصيير 9 وعلى طوول اتصلت فالفلبينية وقتلها تيني البيت ..

يت ورحت بدلت ثيابي وشليت الظرف وياي وطلعنا من البيت .. خذنا تاكسي انا والفلبينية والفنش ويانا ..

رحنا صوب بيت قووم عوووش .. قتلها تنزل وتدق الجرس .. واي حد يفتح الباب تعطيه الظرف وترد التاكسي .. طبعا نحن وقفنا شوي بعييييد وانا متغشيه وخايفه ..

خلصنا شغلنا وردينا البيت .. وعطيت هااي الفلبيينوو بيزات وسارت ..

وانا رحت بررع جفت سيارة حمد واقفه مكانها .. يحليلك يا حمد .. الله يعينك .. بس اباك تعرف ان الي يتعرض لي الحين اراويه العين الحمرا ..

دخلت داخل وقفلت البيبان ورحت حجرتي ورقدت ..



نقزت على صوت صريييخ نوروووه عند باب الحجره 

اففف شو تبا هاااي بعد ..وكيف دخلت .. ماعليه يالفنش اراااويييييييج ..

رحت وفتحت الباب : خيييييييير 

صارخت في ويهي : انتي ما تستحيين على ويهج .. بعد ما شبعتي من حمد وعبييد يايه صووب اخوويه .. جووفي مهرووه ابتعدي عنه احسن لج 

قتلها : والله اخووج هو الي ياني البارحه .. وانا ما يخصني ..

انصدمت : يعني صدق الكلام الي سمعته .. انتي لهااي الدرجه حقييييره ..

استغربت من كلامها : أي كلااام .. ولا تسبيييين

حطت ايدها على خصرها : الكلام الي انقاال ان حمدان ياينج البارحه البيت ونص الليل .. وطلع الفير .. 

ويييييه منو خبرها هاااي : مادري عنه .. انا كنت راقده ..

صارخت في ويهي : مهرووووه لا تستهبلييين .. ترااها ام حمد متصله لامج وخبرتها انها جافت بالصدفه من جامتها ومدان يدخل عندج البيت ..

مشيت عنها للدري وقتلها : وانتي ليش معوره راسج .. فكيني .. وطلعي بررررع بيتي ومابي اجوووف رقعت ويهج لين يطلع ريلج 

كنت بنزل .. بس سحبتني من شعري وتمت تضربني طراقات عل ويهي : انتي يالخايسه .. ابتعدي عن اخوووي وخليييه بعييد عنج .. انا ادريبج .. انتي وحده فاسقه وخربانه ومالج ولي 

صرااحه ما قدرت اصبر على كلامها .. سحبتها من ايدها وطاحت من الدري من فوووق لين تحت .. وانا اطالع الموقف ومنصدمه ..

ما توقعت هالي بيصييير ..

رحت صوبها : نووووووره نوووره .. قوومي ..

صحت وفي نفس الوقت تميت ارتجف مكاني وانا خايفه .. اخاف اني ذبحتها .. وبيفروني مثل محمد فالسجن .. ماااااابييييييييييييي

رحت وزقرت الفنش وشليناها ويانا للمستشفى ..

من جافوو حالتها على طوول دخلوها غرفة الانعااش ..

وانا يالسه اصييييييح .. حرااام .. والله ما توقعت وماكنت اقصد اني اعقها من فووق .. كنت ابي احمي نفسي من ايدها الي تكفخني .. بس الظاهر الله بيعاقبني الحين على الي سويته .. 

حمد وحمدان بيروحون ضحايا يمكن بسبتي .. 

وصلت ام حمدان ووياها ام محمد .. ام ممد تمت تصارخ علي وعبالها اني انا ضربتها ..

قتلها : والله ما سويت شي .. هي كانت تضربني وطاحت من الدري انا مااا يخصنييييييييييييييي

سحبتني من شعري وانا ماس بروووي .. كل الي افكر فيه ان الله يقومها .. 

تمينا على هالحال لين طلع الدكتوور وقاال : الباقي في حياتكم .. 

نحن كلنا عبالنا الجنين ماات بس قال : الاثنيييين .. وراااح

من سمعت هالكلمه .. انصعقت .. ما توقعت انها بتموووت ..


والله ماكان قصدي .. انا الي عقيتها من فوق الدري .. وانا الي سحبتها من ايدها بالقوو .. وهي كانت تضربني .. بس انا حاولت ادافع عن نفسي وما كان قصدي اعقها من فوق الدري ..

صرخت بصووت عاااااااالي : لااااااااااااااااااااااااااااااااااااااااااااا

جفت ام حمدان طاحت واغمى عليها .. ماقدر ارووح اشلها .. يلست تحت عند الباب وتميت اصيييييح ..

محد بيصدقني .. عقيت اخووي فالسجن .. وبهدلت حياتهم كلهم فوق تحت .. والحين نوووره .. لااااا .. راحت وبسبتي .. 

كلهم بيدورون ضدي .. لانهم يكرهوني .. فطوووم تعالي لحقي علي .. 

انا قااتله .. في نظر الناس .. كلهم حاقدين علي .. ليييش .. مادري

والحين خلااص بيكرهوني وبيتمنون موتي الحين .. لاني قاتله .. 

تذكرت حمد .. اذا ساق السياره بيرووح فيها .. جفت الساعه .. 12 الظهر .. اكييييد طلع من البيييييت ..

دورت مبايلي .. بتصل فيه وبقوله لا يطلع .. مابي ازيييد الهم علي .. كفايه الي صاار بنوووره ..

حصلت رقمه .. وقبل لا ادق عليه .. سمعت حشره بعييييد .. والدكاتره تيمعوو ..

مروو صوبي .. وكاااااان حمدااااااااااااااااااااان .. مستحييييييييييييييييل .. ليييييييييييييييش .. شو الي صاااااااااااااااااااااار 

جفت ام عوااش واختها ويااه .. رحت صوبهم : شو صااااار له 

ام عوااش : مادري .. اتضاربو هو وعواش .. وما واحالنا الا وهي تطعنه في صدره بالسجييين .. وطاح علينا ..

انصدممممممممممممممت .. كفايه نووووووووره .. وحمداااان بعد .. لااااااااااااااا

اتصلت حق حمد .. رد علي : حمد ويييينك ..

سمعت حس غريب : منو الاخت ..

قتله : وييين حمد ..

قالي : اي حمد ؟؟

قتله : صاحب الرقم .. لا تستهبل علي ..

سألته : منوو انته ؟؟

: ويااج الضابطـــ......


من سمعت هالكلمه .. خلاص ريوولي ماقامت تشيلني .. ورحت بعاالم ثانــــــــــــــــــــــــــــــــي .......


" وانتهـــــى البــــــــــــــــارت "

===

الجزء الخامس عشر والأخير


انتبهت لنفسي .. طالعت حولي .. انا فالمستشفى .. شو السالفه !!
دخلت علي السستر .. ومن جافتني واعيه يت صوبي وهي مبتسمه : شحالج الحين
قتلها وانا اهز راسي : الحمدلله احسن 

تمت تكتب فالملف الي في ايدها .. وعقب لفت تبا تطلع

قتلها : امممم شو السالفه .. ليش انا هنيه
طالعتني مستغربه : ماتذكرين شو صاار ؟؟
حاولت اعصر مخي واتذكر شي .. بس مافي فايده .. كل الي اعرفه اني هنيه وبس
قتلها : امممم لا .. ليش شو مستوي ؟؟
تمت تفكر وتطالعني : لا مب صاير شي .. انتي بس ارتاحي وخلاص ... وطلعت

تميت اطالع الغرفه واحاول اتذكر شي .. تذكرت فطووم ربيعتي فديتها .. احس اني من زمان ما جفتها ..

دخلت علي الدكتوره : هلا مهاري .. شو تسوين
طالعتها : ماشي
اشرت عالباب : يايتنج ظيفه
استغربت : منو ؟؟
دخلت وحده وكانت متغشيه .. سالتها : منو انتي ؟؟
شلت الشيله عن ويها وقالت : فطووووووووووووووم هنااااااااااا
بطلت عيني وشقييت حلجي : فطووووووم " ومديت ايدي لها "
ركضت صوبي وحضنا بعض ..
حسيتها تدمع : عظم الله أجرج حبيبتي .. والله ما تستاهل الي ياها ..
ابتعدت عنها شوي : بسم الله ليش جي تقووليين ؟؟
طالعتني : وفاة نوره شو بلااج ..

تميت اطالعها .. منو نوره .. حاولت اتذكر بس ماشي فايده .. احس راسي بينفجر
هزتني فطووم : ايييييه شو بلاااج تستهبليين علي ولا شو ؟؟
لمحت الدكتوره ترمس بصووت واطي بعدين لفت فطوم صوبي وهي فاتحه عينها : مهرووه حبيبتي ما تذكرين شي ؟؟
استغربت : يعني شو تبيني اتذكر !!
يلست حذالي عالشبريه : امج ابوج اخوانج .. اي حد ما تذكرينهم ..
تميت افكر بس ماشي فايده مخي مب راضي يستوعب شي غير فطووم الي جدامي 
قاطعت تفكيري : المهم انا يايه اليوم علشان اطلعج وآخذج عندي في بيتنا 
قتلها : ليش وبيتنا ؟
ارتبكت : امممم ماشي تراكم تعدلوونه ومحد فيه وقلت اوديج عندي ونستانس ويا بعض ..
ابتسمت لها : اوكي .. متى بطلع ؟
الدكتوره : ان شاء الله بعد المغرب .. وطلعت
تمينا نسولف انا وفطووم .. وتمت تذكرني بأيام المدارس لين يا وقت المغرب ..
رن مبايل فطووم .. شلته : هلا عبيد
ويييييه منو هاااه بعد .. دزيتها عالخفيف واشرت بايدي " منو ها "
ابتسمت لي وسوت بايدها " مالت "
سمعتها تقوول : يلاا تعال خذنا ماشي وقت 
حطيت ايدي على حلجي وقلت بهمس : يالطفسه منو هذا بعد تبينه يمر علينا 
حطت ايدها على حلجي لين خلصت من التيلفوون وبندت
شلت ايدها : انتي يالعنزه هذا اخوووووووووووووووووي نسيييتيييييه حبيب القلب 
ظربتها : جب يالماصخه حبيب القلب اونه ..
قامت بعيد عني : انتي شكلج ما تذكرين شي .. يلاا قومي خلينا نرتب اغراضج لين ايي اخووي ويودينا البيت ...

استوا المغرب .. وصلينا ..
اندق باب الغرفه .. راحت فطووم صوبه وفتحته : حيااك محد غريب 
الحمدلله اني كنت حاطه الشيله على جتوفي .. لحفت راسي بها ويلست عالشبريه ورتبت نفسي .. من جفته تغشيت على طوول ونزلت راسي ..
شكله مب غريب علي .. احس اني جايفتنه مكان بس وين .. الله أعلم ..
سمعته يقولي : الحمدلله على السلامه ..
رديت علي بصوت واطي : الله يسلمك 
لف صوب فطووم وقال : بروح اوقع على باجي الاوراق وبييكم علشان نطلع ..
>>>>> وطلع >>>>>
سويت " مالت " بايدي صوبه وقلت : بلااه يتكلم من طرف خشمه .. كأني ماكله حلاله 
جافتني فطووم بنظرات ما فهمتها : بعدين بتعرفين يا حلوه .. خلينا نوصل البيت وبخبرج كل شي ..
يا اخووها وشلينا اغراضي وطلعنا من المستشفى .. احس اني من زمان ما طلعت برررع ..
وصلنا بيتهم ونزلنا .. طبعا اخوها نزلنا وراااح على طوول .. خقااااااااااق ^^
دخلنا بيتهم .. حسيته مب غريب علي البيت .. كأني ييته من قبل .. 
المهم سلمت على ام فطووم وتحمدت لي بالسلامه ورحبت فيني في بيتهم ..

خلصنا من السلام ورحنا فوق لحجرة فطووم .. قالت لي : تسبحي وبدلي ثيابج وانا برووح اييب لنا شي ناكله .. اوكي

قتلها : زييين ذلفي عني ^^
طلعت لي فوده وفرتها علي وشردت .. ما عليه اراويج بعدين ..

سبحت وبدلت ثيابي .. ويابت فطووم كيك وعصاير وشبس ^^
يلست جدامي وقالت : الحين بقولج كل شي صار لج من اولها لآخرها وانتي حاولي تذكرين .. اوكي 
طالعتها باهتمام وحسيت بخووف شوي : اوكي 
فطوم : قبل سنه تقريبا توفى ابووج .. وانتي تميتي عند مرت ابووج واخووج العود محمد .. وكان محمد متزوج بنت خالته نوره وعندهم ولد اسمه عبووود ..
" حاولت اتذكرهم بس ماقدرت "
طبعا محمد وامه كانو يكرهونج ويعذبونج لان ابووج سجل البيت والحلال كله باسمج .. وامج كانت متوفيه من زماان ..
انتي كنتي تحبين ولد خالة اخووج محمد .. الي هو حمـــــدان .. وكانت بينكم علاقة حب .. بس حمدان خانج وتعرف على عدوتج فالمدرسه عووووش .. جان تذكرينها .. الي دووم نضارب وياها ..
" قتلها : هيه هيه عرفتها .. تذكرت حمدان السبال يوم تضاربت ويااه وقتله يا انا ولا هي وهو اختارها الجلب "
انزيييييييييييييييييييييييييييييييييين .. اخووج زوجج من واحد اسمه .. حمد كان ولد يرانكم .. تذكرين امه الي كانت تي بيتكم ووايد تتكلم وتتفلسف ..
" اممممم .. هيه حمد اذكر يوم سافرنا انا وهو استراليا .. بس وينه الحين ليش ما اجووفه "

فطووم : انتو الاثنين تضاربتو وتطلقتو .. وهو الحين فالمستشفى سوى حادث ...

تذكرت .. لاااااااااااااااااااااااا .. وييييينه ..
احييد اني اتصلت ورد علي واحد قالي انا الضابط .. و و وبعدين ماذكر شو صاار 
هييييييه احيييد ان نوره كانت فالمستشفى و .... كنا نصييييح .. اذكر واحد يابووه بعد وكان كله دماااان .. وامه قالت ان عوووش طعنتـــ.... ... هذا حمداااااااااااااان ..

زخيت فطووم من جتوفها وهزيتها : دخيلج خبريني شو صااار .. ليش كل هذا مستوي ..

حاولت تهديني فطووم : مهروووه ترى كل هذا صاار بسبتج ولا نسيتي يوم قلتي بتنتقمين منهم ..
استغربت : انااااااااااا انتقم .. ليش ؟؟!!!


ابتعدت عني وقالت : هيه انتي .. نسيتي يوم انتقمتي من اخووج محمد ودخلتيه السجن .. اتهمتيه انه سرق ساعتج .. والحين هوه مفرور فالسجن ..
ولا نسيتي يوم انتقمتي من حمدان ليش انه خانج ولعوزج .. ويبتيله وحده في بيتكم وخليتيها تتصور ويااه وطرشتي الصور حق خطيبته عوووش وهي تضاربت ويااه وطعنته بالسجين وتخبلت ..
ولا نسيتي حضرتج يوم انتقمتي من حمد ليش انه تزوجج بالغصب ولعوزج .. مادري شو سويتي في سيارته وسوا حادث .. والحين هو فالمستشفى بعد ..
صدت صوبي وقالت : نسيتي يوم تضاربتي ويا نوره مرت اخووج في بيتكم ودزيتيها من فوق الدري وماتت هي والي في بطنها ..

خبريني شو من بشر انتي .. " تجدمت صوبي وزختني من جتوفي " ليش جي سويتي يا مهروووه ليييييييييييش 

ابتعدت عنها ويلست عالشبريه .. ما قدرت ايود نفسي .. صحت بقوه ..
قتلها : يعني شو تبيني اسوي .. اخووي حرمني من اني اتزوج الشخص الي حبيته الي هو اخووج عبيد وفوق هذا قص علي وزوجني حمد وحاول ياخذ كل حلالي .. وتبيني اسكت عنه مستحيييييل ..
ولا حمدان الي بهدلني وخلاني احبه من كل قلبي .. بكل بساطه يودرني .. ليش علشان عووووش ..
ولا حمد عقب ما عرف عني بهدلني هو وامه ولو ما تطلقت منه كان بيذبحني قهر وحره ..
بس نوره صدقيني ما دزيتها .. هي كانت تضربني وانا يودت ايدها ومادري بالغلط طاحت من فووق ..

يت فطووم وضمتني لصدرها : بس خلااص .. اهم شي انج تذكرتي كل شي .. نوره راحت والله يرحمها .. حمدان استوى معااق والحين هو فالمستشفى .. وعووش تخبلت من طعنت حمدان ودخلوها مستشفى للمعاقين .. وحمد سوا حادث والحمدلله حالته مستقره الحين وما فيه شي .. باقي اخووج محمد .. روحي تنازلي عن القضية وطلعيييه من السجن ..
سالتها : ام محمد وعبوود ولده وينهم الحين ؟؟
فطوم : ام محمد في بيت اختها وهي وايد ندمانه انها لعوزتج ..
مسحت دموعي : انزين هم يعرفون اني انا السبب فيـــ
قاطعتني : لا محد يعرف غيري انا وانتي وبـــــــــــــس 
سالتها : انزين ومحمد يدري ان مرته توفت ..
فطوم : هيه يدري .. تدرين انه استوى مطوع ولحيته طويله ..
طالعتها : وانتي شو درااج ؟؟!
ابتسمت : عبيد اخوي يخبرني عنهم .. وهو يزووره بعد فالسجن 
قتلها : اهاا زين .. خلاص باجر ان شاء الله من الصبح بحاول اصلح كل شي ..

" نزلنا تحت وتعشينا .. ردينا فوق مره ثانيه ورقدنا .. وان شاء الله باجر كل شي بيتصلح .. ويارب سامحني على الي سويته .. شو أسوي كانت لحظة ضعف مني والشيطان لعب في مخي وفكرة الانتقام كانت مسيطره علي ....... "

&&&&&&&&&&&
الصبح الساعـــــــــــه " 10:30 "

مهرووووووووووووووووووووووه
مهروه : وااااااااااااااااااااااااااااااااااااااااااااااااا ااي
فطوم : ويعااااااااااااااااااااااااااااااااااااااااه
مهروه : تووووويعععععععععععععععععععج

شليت المخده وتميت اضربها ضرب لين ريحت قلبي وطلعت حرتي ..

نشت فطووم وسارت بعيد عني : يالسباله ما دريت انج وحشه ومجرمه بعد في نفس الوقت
حسيتها تنغز : جب جب .. يالعنز عيل تخوفيني وانا راقده .. سباله طرت من رقادي عبالي يالسه أطيح من فوق الجبل ..
فطوم : انزين يلا نشي تغسلي وبدلي خلينا نتريق ونجووف شو بتسوين في سالفتج
يلست عالشبريه : هيه والله شو بسوي .. بس الله يستر ..

نشيت ورحت اتغسل وبدلت ثيابي ونزلت تحت .. ما لقيت حد فالبيت .. 

يلست فالصاله أطالع تلفزيوون ..
حسيت بحركه ورااي .. التفت جفت عبيد اخو فطووم ياي صوبي ..

يا ووقف عندي : شحالج مهره ؟
وقفت وتميت اطالعه : انا بخير الحمدلله .. احسن عن البارحه 
تم يطالعني فتره عقب قال : زين اذا بغيتي اي شي لا تستحين .. اعتبريني مثل محمد
انصدمت من كلامه وقلت : مثل محمد ؟؟!!
استغرب : ليش .. شو تعتبريني انتي ؟؟
ويييه فشيله شو اقوله الحين : اممممم ماشي خلاص انسى .. وين فطووم ؟؟
حسيته انقهر : محد .. ااا اقصد يمكن فالمطبخ .. " وطلع برع البيت "
شو بلااه هذا تخبل .. لا اونه اعتبريني مثل محمد .. الظاهر انه مقهوور ليش اني خذت حمد وما خذته .. 
رديت يلست مكاني .. اففف وينها هاااي ..
فطووم وهي يايه من بعييد : مهروووه 
رديت عليها : وعله 
فطوم : تعلج .. وينج انتي 

جفتها يايه من المطبخ والريووق وياها .. حطته عالارض ويلسنا ناكل ..
قتلها : انزين .. شو بنسوي الحين ..
فطوم : انتي لازم تطلعين محمد من السجن .. وتردين امه البيت وولده عبود بعد
تميت افكر : اممم مادري .. خايفه من محمد
فطوم : ليييييش ؟؟
شربت العصير : مادري .. اخافه يطلع ويتوحد فيني مره ثانيه .. عاد صدق مابقدر اشرد عنه
فطوم : لا ما اتوقع يسويها .. لانه التزم ووااايد بعد .. وخصوصا بعد ما عرف بموت مرته
سألتها : تعالي .. أنا كم كملت فالمستشفى ..
تمت تفكر : اممممم تقريبا اسبوع
بطلت عيني : ول .. وانا ما حسيت بعمري .. المهم محد سأل عني ؟؟
فطوم : ام محمد كانت تزورج وخوات حمد بعد
سالتها : انزين بيتنا شو صار عليه ؟؟
فطوم : اممم الله يسلمج ام محمد شلت اغراضها بنفس اليوم الي توفت فيه نوره وراحت بيت اختها .. وطبعا مفاتيح البيت كلها عندي .. ومحد دخله لين الحين ..
رديت عليها : خييبه .. اخافه مسكوون وكله جن 
فطوم : ههههههههه عنبو تفكير يهاالوو 
وقفت : انزين بسج عن تنطرين .. خلينا نروح بيتنا .. بشكارتنا وين ؟؟
فطوم وهي شاله الصينيه : هنيه عندنا
قتلها : خلاص عيل .. بنشلها ويانا وبنروح بيتنا بنظفه وعقب بجووف ام محمد وسالفت محمد ..

وصلنا صوب بيتنا ونزلنا انا وفطووم والفنش .. وقلنا للدريول يمر علينا يوم بنتصل فيه ..

فتحت الباب بالمفتاح وبطلته : بسم الله الرحمن الرحيم 
فطووم وراي : ايييه بلاج جي تخوفيني انتي 
قتلها وانا روحي خايفه : بلااج مافي شي الدنيا صبح وانتي خايفه
تميت اطالع الحوي .. كله غبار ووصخ 
سارت الفنش صوب غرفتها .. اما انا وفطووم رحنا صوب باب الصاله
فطووم ادقني : يلاا افتحي .. تقولين مافي شي .. شو تتريين ؟؟
دزيتها : اوووف منج لاصقه فيني ليش .. بفتح وعن الحشره
حركت المفتاح وحطيت ايدي عالمقبض .. توني بفتح الباب ولا الفنش من ورانا : مداااااااااااااااااام
نقزنا انا وفطووم وطرنا لين نص الحوي .. قتلها : بلااااج تزاعجييييييييييين ؟؟
فطووم : الله يلعنج .. طيحتي قلبنا .. مينونه انتي 
الفنش وهي تضحك علينا : مداام .. كلوو وسخ داخل مطبخ 
قتلها : لا والله .. ادري انه وصخ وما تجوفين البيت كله وصخ وغباار ويا ويهج ..

رحنا صوب الباب وخليت الفنش تفتحه ونحن لاصقين فيها ..

دخلت وقالت مافي شي .. على طوول رحت بطلت الستاير فالصاله علشان يدخل النور فالبيت .. 
الارضيه كلها مغبره .. قلت حق فطووم : الحين نحن بنظف كل هذا
فطووم تفكر : امممم مادري .. شو رايج نتصل حق هاييل مال الشركات ايوون وينظفوون ..
قتلها : صح كلامج .. يلاا اتصلي

اتصلت فطووم حق شركه من الشركات واتفقت وياهم على تنظيف البيت كامل بررع وداخل .. 

يلسنا نريح فالصاله وقلت حق الفنش تسوي لنا عصيير ..
فطووم : مهرووه . تخيلي يستوي نفس افلام الرعب .. 
قتلها : جب جب مافينا .. انطمي
فطوم : انزين شغلي التلفزيون عالاقل ما نتخيل اشياء ونطالع اي فلم او مسلسل .
نشيت ورحت صوب التلفزيون .. توني بشغله ولا احصل فاار يعفد من ورااه ..
صرخت بصوت عالي : فااااااااااااااااااااااااااااااااااااااااار

وركضت صوب فطووم وهي نشت وعفدت عالغنفه وانا وياها ..
فطوم : حسبي الله عليج من وين ظهر هذا ؟
قتلها : وانا شو دراني .. الله يلعنه 

طرنا من الغنفه وطاحت ليلوه عالارض يوم سمعنا الفنش : عصييييييييييييييييييير

قتلها : بلااااااااج ليش تزاعجيييين
الفنش : مدام انا يسوي سيم مال فلم في واااجد خووووف 
سحبت فطووم من ايدها : لا والله عبالج في بيت رعب نحن
فطووم : هدييني خليني اادبها هااي البقره
ضحكت عليها : ههههههه والله طاعي شكلج خخخخخخخخخ
فطووم : ضحكتي من سرج بلاا .. 

هالمره طرنا ثلاثتنا يوم سمعنا دق عالباب .. قلت : ويييه منو يدق الباب
فطووم : يا ويلي بمووت منو هالجني الي متفيج وياي هالوقت .. انزين تريا لين ايي الليل

واندق الباب مره ثانيه

قلت حق الفنش : سيري بطلي الباب يالبطله .. تخوفينا والحين روحج خايفه .. يلااا بطلي الباب
الفنش : والله انتو مجانين ..
وسارت بطلت الباب .. تمت شوي عقب يت
الفنش : مدام هادا نفر مال تنظيف
حطيت ايدي عقلبي وخذت نفس طوييل : واااي حسبي الله عليهم .. دخليهم 
دخلناهم وبدو بالتنظيف .. خليتهم ينظفون اول شي حجرتي .. وعقب ما خلصو منها وديت اغراضي داخل وتمينا انا وفطوم يالسين داخلها .. وقلت حق الفنش تسوي لنا غدا على قدنا نحن الثلاثه .. لان الساعه استوت ( 1:15 ) الظهر ..

ومر الوقت لين الساعه ( 2:30 ) خلصوا مال التنظيف .. راحوا وقلت حق الفنش تحط لنا الغدا تحت .. وخليتها تتغدى ويانا ^^

خلصنا الغدى وقلت حق فطوم : جوفي ساعه خمس العصر بنرووح اول شي مركز الشرطه وبتنازل عن القضيه وبطلع محمد .. وعقبها بنمر عند ام محمد وبنيبها هي وولد اخووي ..

العصر الساعه (( 5:30 ))
قومت فطووم من الرقاد بعد ما ريحنا نفسنا شوي .. تغسلنا وبدلنا ثيابنا ..
قلت حق الفنش ترتب غرفة محمد وامه وتبخر البيت بكبره ..

اتصلت فطووم في اخوها عبيد علشان ايي ويانا المركز ..
رحنا هناك والحمدلله كان ضابط طيب ووقعنا على كل شي وخلاص تنازلت .. بس قتلهم يخلونه يوقع على تعهد انه ما يلمسني ولا يضربني ..
وافق الضابط وطلب محمد للمكتب .. 

تمينا نتريا فتره يمكن ربع ساعه .. ودخل علينا واحد طويل وضعيييف ولحيته غليظه
اول ما جافني قال : مهرووووه " ويا صوبي وحضني بقوه "
محمد : حبيبتي ليش سويتي فيني جذي ليييش ؟؟
قتله وانا ميته صيااح : سامحني محمد والله ما كنت حاسه بنفسي .. وانا الي جفته منكم مب شويه
محمد : أدري .. انتي بعد سامحيني و سامحي نوره الله يرحمها اذا ضايقتج في يوم
تذكرت نوره .. يحليلها طول ما كانت عايشه ويانا عمرها ما ضايقت بي الا يوم عرفت ان اخوها يا عندي وخافت عليه مني (( يوم الانتقام الكبير خخخخ ))
قتله : خلاص محمد انا تنازلت عن القضيه وخلنا نرد البيت ونعيش حياتنا من اول ويديد ..
اتصدقوون .. أول مره اجووف محمد اخووي مستانس ويصييح .. حسيته ياهل .. بس زين انه اصطلب والظاهر انتقامي منه ياب نتيجه زينه وحلوه بعد خخخخخخ
خلصنا باقي الاجراءات وقبل لا نطلع .. الضابط : محمد صبر بغيتك شوي
عرفت انه بيخليه يوقع على التعهد ^^
طلعنا من المركز وعلى طول رحنا بيت خالة محمد .. وقفنا عند بيتهم وتمينا يالسين فالسياره .. انا كنت خايفه انزل لا يقولون عني مجرمه ولا شي ..

تمينا تقريبا ربع ساعه ونحن يالسين .. لين سمعت محمد يقول : مهره نزلي وازقري امييييه
بطلت عيني : لا والله .. انا ما بنزل اخاف منهم
محمد : لا تخافين .. محد بيقول انج انتي الي دزيتيها من فوق 
انصدمت .. الا انصعقت : هاااااه .. وانت شو دراك
طالعني محمد : دريت وبس .. يلا نزلي .. وبعدين هذا قضاء وقدر ..
مادري ليش حسيت ان السالفه فيها مؤامره علي .. نزلت ووكلت امري لله
دقيت الجرس وبطلت لي البشكاره وقتلها : ازقري ام محمد
راحت تزقرها .. وانا برع اسمع صوت ام محمد تسأل البشكاره منو يباني ؟؟
تغشيت على طول علشان ما يستوي فيها شي من تجوفني ..

بطلت الباب وقالت : هلا
وييه جفت ويها .. ملامحها تحولت من شر الى طيبه .. الله يستر .. اخافها لابسه قناع خخخخخ
قالت : خير اميييه بغيتي شي ؟
قتلها : ما عرفتيني ؟؟
مالت علي .. عنبو حد يسأل هالسؤال مره وحده 
ام محمد : لا والله ما عرفتج
نزلت راسي تحت وشليت الشيله عن ويهي وطالعتها ..
ام محمد بطلت عينها : مهره ..
هزيت راسي : هيه نعم مهره .. شكلج نسيتيني بالمره ؟؟
حسيتها خايفه مني : لا فديييتج .. حياج قربي قربي 
قتلها : لا مشكووره .. بس انا يايه اتسامح منج يوم طردتج من البيت .. وانا آسفه .. سامحيني
حسيتها شوي وبتصييح .. يت ولوت علي على طوول 
ام محمد : انتي يا مهره سامحيني على الي سويته فيج .. والله مادري شو كان فيني وخلاني اعذبج والعوزج .. سامحيني يمه سامحيني
نزلت دمعه من عيني : لا يا خالتي لا تقولين جي .. مهما صار من بينا بنتم اهل وعايله وحده ..
تذكرت محمد وقتلها : لحظه خالوا يايبتلج مفاجأه
رحت صوب السياره وقلت حق محمد انه ينزل
نزل محمد .. واول ما جافته ام محمد طاحت واغمى عليها .. ركضنا انا ومحمد وتلاحقنا عليها .. تم محمد يضربها عالخفيف .. ولمحت ام نوره ( خالة محمد ) يايه صوبنا : وييه بلاها اختي " وجافت محمد " ويييه محمد طلعوووك .. " كلولولولووووووووووووووش " فديتك يمه متى طلعت ؟؟
محمد صد صوبها : اليوم .. ييبو ماي بسرعه ..

سمعنا ام محمد تقول : ماله داعي حبيبي ..
رفعها محمد : امااايه شفييج تدلعين علينا ولا شو
وضحكنا كلنا بصووت عالي ..

##((##))##((##))##((##))##((##))##

..|| بعد اسبـــــــــــــــوع ||..
نشيت على صرااخ عبووودي .. وااافدييته من زمان ما سمعت هالصريييخ ..
نزلت تحت بعد ما تغسلت وبدلت ثيابي وصليت الفير .. كانت الساعه ( 9:00 ) .. لقيت محمد وولده يالسين يطالعون تلفزيوون ..
سلمت عليهم وشليت عبوود وخليته في حضني الاعبه ..
انتبهت لمحمد يوم قالي : في واحد تقدم لج
جفته كان يطالعني وهو مبتسم : قتله منوو ؟؟
قالي : عبيد .. أظن انج تعرفينه ؟؟
حسيته يتطنز : هيه اخو فطووم ربيعتي 
محمد : شو رايج فيه ؟؟
قتله وانا استهبل : مادري الشور شورك يا خووي " من هناك انا ميته عليه وخاطري اقوول هيه موافقه "
محمد : ان شاء الله خير ...
ام محمد من ورااي : كلولولولولوووووووووووووووووووووووووش وأخيرا بيصير عندنا عرس 
ضحكنا وقتلها : عاد ما صار شي بعده تو الناس
ام محمد : لا تقولين جي .. ان شاء الله بتاخذينه وبنفرح فيج وعقبج بنفرح في محمد فديته
جافها محمد بنظرات : امااايه عااد انا مب مال عرس .. مابي وحده تي مكان نوره وتبهدل ولدي فديييته
يت في بالي فطووم .. هي الوحيده الي تصلح له وبتكوون طيبه وما ينخاف منها

قتله : محمد شو رايك في فطووم ربيعتي ؟؟
محمد : انتي بعد ؟؟!!!
تشجعت : هي فدييتك شو رايك تخطبها ونسوي عرسنا انا عبيد وانت وفطووم في يوم واحد .. يلاا حبيبي موافق صح كلولولوووووش

محمد يضحك : اييه عن الخبال .. انا مب موافق 
قتله : لا بتوافق مب على كيفك
محمد : خلاص الي تجووفينه
قمت وعلى طوول اتصلت في فطووم .
ردت علي : فدييتج مهرووه واخيرا بتين بيتنا .. اكييد موافقه الا غصبا عنج توافقين ..
ضحكت على خبالها : خيبه مب لسان عليج خليني اسلم اول ..
فطوم : المهم موافقه .. يلاا متى العرس خلينا نرووح نختار لج فستااان رووعه وانا الي بختاره وطبعا بيكوون حلوو لانه من ذوقي 

صرخت عليها : ايييييييييه بس جب صمختيني .. ول عليج .. يا مرت اخووي
فطووم : لا حبيبتي انتي مرت اخووي 
قتلها : وانتي بعد مرت اخووي محمد .. انا خطبتج له وانتي موافقه خلاص وبيكون عرسنا نحن وانتو في يوم واحد
فطووم : مهرووه يالسباله انا متى وافقت على اخووج .. اصلا اخووج كان معرس وعنده ولد
قاطعتها : فطووم عاد شو فيها اذا كان معرس ولا عنده ولد 
سكتت شوي وعقب قالت : اممم انزين بوافق بس بشرط 
قتلها : قووولي
فطوم : ما ابيه كل شوي ينساني ويزقرني نوره
قتلها : يا مسخفج .. ما بيقوول لا تخافين ..

مرت الايام وسوينا الخطبه وحفله بسيطه من بينا بس ..
ومن عقبها ماجفت عبيد وانا ما خليت محمد يروح عند فطووم
عااد فطووم دوم تتشكى " اخووج هالماصخ ليش ما يسال عني " وانا ارد عليها " خلي اخووج يسال عني بالاول عقب بخلي اخووي ايي عندج " ودووم على هالحال ..


..&& ليلـــــــــــــــة العرس &&..
عنــــــــــــد بـــــــــــــاب القاعـــــــــــــــــة 

انا وفطووم لابسات الفساتين البيض وكل شوي نتخيل اشياء مره تخيلي لو طحنا ومادري شو ^^
تبطل باب القاعه وانا قلت حق ام محمد : خالوو تعالو امشو ويانا نحن خايفات
ام محمد تضحك : يحليلج يا مهروووه .. ودمعت عينها
عاد منو يقوول .. انا وراها .. ويت عندي على طوول مسحت دموعي وقالت : عااد لا تخربين ليلتج .. يلا دخلوو

يودت ايد فطووم ودخلنا القاعه .. كانت كبيييره والليتات مسكره الا الكشافات ساطعه علينا
والحمدلله وصلنا بسلام على الكوشه ويلسنا .. عاد يونا الحريم يسلمون علينا ويتصورن ..

لين استوت الساعه 12 قالو بيدخلون المعاريس .. 
رصيد على ايد فطوم : وااي بمووت قلبي بيوقف
فطووم : سكتي انا اول مره جي اخاااف

ودخلو علينا المعاريس .. صراحه كانوا احلى من القمر
وصلوا عندنا وكل واحد راح صوب مرته ..
يلسنا عقب ما تصورنا وياهم .. 
عاد انا خايفه وقلبي شوي وبيطيح في بطني ..
سمعت عبيد يقول : شحالج حبي ..؟
وااااي قفطت : بخير
عبيد : عنبو ماشي شحالك ولا شي .. زطيه
قتله : جب
ضحك علي : بعدج ياهل ما كبرتي .. شكلي بعاني ويااج
طالعته بنظرات اوني زعلت من كلامه 
عبيد : فدييتج اتمصخر حياتي .. 
قالي : انزين قولي احبك او حبيبي او اي شي خليني احس صدق انج تحبيني لين الحين
قتله : مابي
قالي : خلاص زعلت
قتله : ازعل
وتمينا ساكتين لين يا الوقت انا نطلع من القاعه لانها استوت ساعه وحده ..
قمنا ومشينا لين ما طلعنا من القاعه .. انا وعبيد جدام وفطووم ومحمد ورانا ..
حسيت ان عبيد كان متضايج شوي
قتله : شو فيك ؟
طالعني وقال : ماشي حياتي .. يلا ركبي 
ركبنا اللفت بعد ما ودعناهم كلهم والصيااح طبعا ما فارقنا ورحنا فوق لغرفتنا .. قالي عبيد ابدل ثيابي وعقب بنروح المانيا .. وفطوم ومحمد بيروحون فرنسا ..
بدلت ثيابي واتصلت في عبيد : عبيد تراني خلصت .
عبيد : اوكي .. الحين ياي
يا وبدل ثيابه ولبس بدله ..
طلعنا من الفندق وركبنا سيارة عبيد ورحنا المطار ..
وقف سيارته وشلينا الشنط ودخلنا المطار .. خلصنا كل شي وركبنا الطياره .. عاد هالمره ما خفت لاني ركبت قبل ويا حمد
اول ما اعلنو عن تحركنا .. ربطت الحزام وانا ادعي ان ما يصير فينا شي ونوصل بالسلامه .. ودعيت ان الله يوفقني ويا عبيد 
طارت الطياره وانا متقبضه فالكرسي خخخخخخ شكلي ياهل وعبيد ولا معبرني
دزيته عالخفيف : اييه شو فيك 
قالي بدون ما يطالعني : ماشي
قتله : اممممم انزين .. " بهمس " أحبك
قالي : شووووووووووو
قتله : احبببببببببببببببببببببببببك وامووووت فيييييييييييييييييييييك
علة طوول حضني وباسني على خدي : انا بعد احبج واموووت فيييج حياتي ...


ღ .. النهـــايــــــــــــــــــــــــــة .. ღ


" وبجذي انهي قصتي انا مهرووه ويا معاناتي وآلامي وانتقامي وحبي "
طبعا حمد .. من عقب الحادث .. تم فالمستشفى لمدة شهر وعقب طلع ومافيه شي .. وكمل حياته من غير زواج ..
وحمدان طاح مشلول من طعنة خطيبته عووش .. ولين الحين مشلول فالبيت ..
وعووش .. مكانها مستشفى الميانين .. اللهم لا شماته ..

www.saif.waphall.com