بسم الله الرحمن الرحيم 


اتعــبـني الهـجر لكن مانزل راسي 000

شــيـخة البنات 

كتبت القصه : 7_ 6 _ 2007 

قصه فيها من الواقع والخيال 000


فطامي واقفه جدام الدريشه واطالع المطر خاري والهواء يلامس خدها المحمر وتسترجع ذكرياتها 0000

اتعبني الهجر لكن مانزل راسي (1)

نبدأ بالقصه 

هل المره بذكر الشخصيات في نص القصه 

اول شي بعرفكم على فطامي الي بتكون بطله القصه 
فطامي عمرها 17 وبعد كم شهر بتدخل 18 وهي احين في صف ثالث ثانوي فطامي تميزت بجمال خليجي او بمعني اصح جمالها جمال بدوي شعرها بني وطويل ويوصل الين اخر ضهرها وعيونها بنيه شرا لون شعرها وبشرتها مايله علي البرونز واحلي مافيها شامتها الي علي خدها اليمين 


في مدرسه من مدارس دبي 
فطامي : ههههه بسكن تعليقات ماخليتن حد في حاله 
مريوم : ههه لا طالعو هااي كيف شكلها اظاهر اليوم نست تحط جحال ولا باودر 
حصوه :فطامي انتي جب تحش وعقب تقول بسكن تعليقات 
فطامي اطالع مريوم ومسويه عمرها حزينه 
مريوم : مالج خص في فطامي اعصابج عليها لا اتصارخين ميروه طالعي غبوش كله تعصب علينا انا وفطامي 

امم بعرفكم على صديقات فطامي من ايام الطفوله 
مريوم حبوبه وحليوه واحلى مافيها اعيونها العسليات الكبار وشيطانه ولسانها طويل 

حصوه يسمونها غبوش طيوبه بس عصبيه تعصب على اتفه الاشياء 

ميروه : فطامي ومريوم يسمونها طرزان عقب بتعرفون ليش 
واطول وحده فيهن علي فكره كلهن نفس الطول الي ميروه وشيخوه حبوبه شخصيتها حلوه 

شيخوه يسمونها كيكوز طويله وخبيله اشوي امم اصلن الشله كلهن مينونات حليوه طيوبه 

بسوم اسمها الثاني ام جسوم هاي عاد في حاله خاصه مسولفجيه وسوالفها ابدن ماتنمل المدرسه من دونها مش حلوه 

نهلوه مسميه عمرها نحول وهاي صديقتهن بس هب وايد معاهن لنها كانت في مدرسه ثانيه وتعرفت عليهن من فتره ودايمن مناقر مع مريوم 

ميروه : غبووش انتي شكلج ماكله فلفل اليوم 

ويرن الجرس في هاي اللحظه 
بسوم : ايه انا بشرد مالي خلق حق احياء واموات وهاي السوالف التافهه 
مريوم : انا ويااج 
شيخو هب معاهن في نفس الصف هيه في الصف الي عدالهم : انا باروح ماعرف شو علينا 
غبوش بعصبيه : اييه شو تشردن انتن اخر سنه ثانويه عاااامه والله مافيكم عقل فطووم قومي قومي عن هاييل 
فطامي بدلع غير مقصود: مااااااااريد ماااااريد يا سلاااااام انا احظر الحصه الممله وهن لا لا اسمحيلي فديتج ايم سوري روحي انتي برووح اتمشي معاهن وبتحوط ويوم بشبع بفكر اي 
بسوم : صح كلامها شو دراسه ما دراسه اتعرفين العلم نور والنور كهربه والكهربه خطر فلماذا نتلعم 
حصوه وهي تنش عنهن : انا راايحه انزين وانتن اقعدن اهنيه كيفكن 
نهلووه بتمين ولا بتروحين 
الكل التفت علي نهلوه الي كانت محتاره واخر شي قالت : خلاص باروح معاج 
مريوم : احسن روحي لازم اتبين علامه زينه 
ميروه : هيه احنا مالنا خص لو صقطي احنا عادي لنا بقر بس انتي ملقعه فروحي احسلج 
نهلوه :شكلن تبن الفكه مني 
مريوم وهي تهز راسها : وهو كذالك 
حصوه تسحب نهلوه من ايدينها ويروحن الصف وشيخو راحت معاهن 
اما عند الربع الي مش مهتمات راحن يتمشن في المدرسه 
فطامي : اييه شو رايكن انرووح عند المس مالت الحاسوب نينن فيها اشوي 
بسوم : هيه 
وراحولها ودخلن طبعن بكل دفاشه 
الربع بصوت عالي: السلااااام عليكم 
مس بسمه : وعليكم السلام 
فطامي ومريوم : شحااااالج مس اخبااااارج وراحن سحبن كراسي وقعدن جدامها
مس بسمه : بخير يسركن الحال 
ميروه وهي اطالع المس شو قاعده تكتب : مس اساعدج 
مس بسمه : لا دخيلكن الا انتن ماريد منكن اي خدمه توبت اعطيكن شي 
بسوم : افا افا ليش عااد 
المس : حاظراتكن كاتبات علي الاوراق اغاني ومادري شو 
بسوم : مس الصراحه الكلام الى مكتوب ماعيبنا فاحنا غيرنا اشوي 
المس : لا والله 
كلهن : هيه والله 
فطامي : مس انتي احين في اي شهر 
المس : انا احين في شهري 
فطامي : انزين شو قالولج بنت ولا ولد 
المس : بنت 
فطامي : هيه انزين سميها قمر شورايج 
المس : فطامي شو قمر لا لا مش حلو 
فطامي : مس انتي ماتعرفين اسامي هل الايام 
مريوم : لا مس سميها مريوم 
فطامي : لا سميها اليازيه 
المس : مشكلتيه ما احب الاسامي الي تبدا بالالف 
فطامي وهي تفكر : هيه سميها ورد حلو هل الاسم 
المس : يوم بربي هاك الساعه بفكر 
مريوم : انزين انتي خبرينا عسب انيج المستشفي مايصير ما انيج انتي مستنا الطيوبه احسن من المسات الوقدات الثانيات 
بسوم وهي تكمل: الي دايمن معصبات علينا والله شو هاي الحاله 
ميروه : شو حاله غازيه ولا سائله ههه 
الكل: ههههه 
فطامي : انزين مس اليوم بني بيتكم بنتعشي 
مريوم : هيه مس بني انا وفطامي 
بسوم : هيه سووها سالفتهن هاييل الثنتين تيمون وبومبا مس قوليهن لا واايد ياكلن 
فطامي : مس ماعليج منها انزين مس يوم بني سويلنا معكرونه بالباشميل 
ومريوم : هيه ونبا كيك و ورق عنب 
وفطامي: ونبا عصير مع الاكل 
ميروه : صدق انه ويهكن لووح 
فطامي : مس صح عادي 
المس وهي حليلها متعوده علي هاييل الميانين : اكيد فديتج 
فطامي وهي تظهر لسانها : ويووووو ويوووو 
بسوم : بسكن قومن بنروح نتمشي مليت من القعده ونشن بيروحن 
ميروه : علي فكره مس القعده معاج ماتنمل بس شو نسوي انتي ادري بالظروف 
المس : صح انتن شو عليكن 
بسوم : علينا احياء وامواااااااات 
المس : واشعنه شاردات 
مريوم : لااااا حشا احنا اصلن مش شاردات المس قالت مش لازم نحظر 
المس : لا والله احلفن 
بسوم : لا اسمحينا مس احنا مانحلف على اشياء تافه 
ميروه : يالله يا الهوش ظهرن 
المس وهي تهز راسها : لا حول ولا قوه الا بالله الله يهديكن 
فطامي وهي واقفه عند الباب وتستعد حق الشرده : ويهدييييييج معانا وتشرد
وتمن الحبايب يتمشن الين ماخلصت الحصه وبعدها راحن الصف خبلن اشوي في البنات وفي المعلمات وانتهي الدوام المدرسي 
في الصف فطامي وهي تقوم من علي الكرسي : ياااااني رقاااااااد رقدتني بعوضه الله ينطبها ويووووعاااااااانه 
امم بعوضه مستهم مالت الفيزياء طبعن هل الاسم هم الي مختارينه 
بسوم : خيبه كلتينا 
مريوم : انا بعد يوعانه 
حصوه : انتو ماتشبعون من الاكل 
فطامي : اذكرو الله فينا 
وقعدن يلبسن عبيهم وظهرن خاري 
ميروه : اووه ابويه يايني اليوم 
بسوم : اوووووووه سلمي عليه 
ميروه : تعالن سلمن عليه 
وراحن وسلمن علي ابو ميروه وردن مره ثانيه مكانهن 
يترين سياييرهن 
فطامي : نا نا ناا نااااااا يوني ويييووو خيسو مريوم بتين معايه 
مريوم : لا جسوم اخويه بيني 
فطامي : اوه ريلي 
علي فكره فطامي خاطبتلها جسوم اخو مريوم وغنوم اخو شيخو بس عمرها ماجافت اشكالهم بس هب صدق تمزح حاظرتها 
حصوه : جب جسوم حقي 
فطامي : مالج خص في ولد يرانا 
حصوه : انقلعي عيوزتج تتريااج في البيت 
فطامي : وفديت عيوزي يلا بباي بسوم ام جسوم ام السمسوم ريلي الثاني غنوم يسلم عليج ههه 
بسوم : جب انقلعي 
ويات البشكاره وشلت الجنطه عن فطامي وراحت البيت 

فطامي وهي تحدر البيت وتصرخ لازم تسويلها تحيه : السلاااااام علييييكم فطاااااااامي الحلوه وصلت 
اليده : وفديتها انا بنيتيه 
فطامي تبوس يدتها علي راسها وتنسدح وتحط راسها علي ريل يدتها : وااي يدووه اسميني تعبانه 
يد وه : اماايه كم مره قايتلج مالج حايه في المدرسه الا صدعه الراس البنت مالها غير بيت ريلها ودراسه هاي الايام خربطان فديتج <<< ونعم اليده 
فطامي : هيه والله صدقج اماايه لكن شو انسوي يوم الريل بعده ماوصل 
يدوه : لا انشاء الله قريب روحي امايه غيري ثيابج وتعالي عسب نتغدا 
فطاامي وهي تقوم من علي ريل يدوتها وتقد جدامها: اماااايه لين احين ماتغديتي 
يدوه : هيه غناتي اترياج ما اقدر اكل من دونج 
فطامي : اماايه فديتج كم مره اقولج اتغدي قبلي انا اوصل البيت الساعه 3 وانتي اتمين في يوعج 
يدوه : ما اقدر يا امايه اكل وانتي محد عني 
فطامي وتفز واقفه : بسرعه احين بروح اغير ملابسيه كله ولا عيوزي اتم يوعانه وانا السبب 
وراحت تغير ملابسها 

000 فطامي من يوم هيه صغيره وهي عايشه عند يدتها في دبي وام فطامي وابوها في بوظبي واخوانها بعد الا فطامي تمت في دبي مع يدوتها لنها فطامي مسمينها علي يدوتها وعسب جيه يدوتها تحبها واايد 000 

تسبحت فطامي ولبسه كندوره عربيه وشيله صلاه ووجحلت اعيونها وتعطرت ونزلت عسب تتغدا مع يدتها 

وبعد الغدا قعدت مع يدوتها تخورط عليها ما اتوب فطامي وراحت تنام بعدها

اتعبني الهجرلكن مانزل راسي 000(2)
المغرب الساعه 6 
في دبي 

فطامي ترمس امون بنت خالتها : انزيييين تعالي 
امون : امم بفكر 
فطامي : ايييه يا السباله شو اتفكرين تعالي بسرعه وان ما ييتي باروح عند اماايه وبقولهاانج ماتبين اتين واتصرفي عاد انتي يوم العيوز تعصب مشكله 
امون : انزين انزين اف امحق بنت خاله 
فطامي : ايييييييه ماماتي مش خاله والله 
امون : ههه فطووووم يوم بي بقووولج شي خطير 
فطامي : انزين تعالي بسرعه ويوم بتين لا اتين وايدج خاليه السموحه مانستقبل ناس ما ايبون معاهم كافي وايسكريم 
امون : زولي خل ريلج يشتريلج 
فطامي : وااااي فديت ريلي انا قصبن عنه بيشتريلي انزين دبوه اريد ايسكريم وكافي وريد بول
امون : الدكان الصوب الثاني 
فطامي وهي تصرخ : جااااااااب عن العبط 
امون : هههه يلا انقلعي 
فطامي : الله يقلعج وسكرت اليتلفون 
وتمت قاعده اشوي وبعدها جافت التاريخ في تيلفونها وصرخت 
واااي باجي كم يوم عن عيد ميلادي كيكوز ودقت حق ميروه 
فطامي : ميروه عيد ميلادي كيكوز يوم الخميس 
ميروه : ادري 
فطامي : انزين شو قلتو بتسولها 
ميروه : انا باجر باروح اشتريلها هديه وحصوه قالت بتيب الكيك 
فطامي : انزين وانا بعد بروح اشتريلها هديه وبجوف ميامي جانها بتخاويني 
ميروه : انزين بس لا اتيبين طاري لشيخوه انه بنسويلها حفله 
فطامي : ليش وين بتسوونها 
ميروه : في المدرسه 
فطامي : اووكي عيل بباي 
ميروه : بباي 
سكرت فطامي عن ميروه وراحت عند يدوتها الي كانن عندها ياراتها 
فطامي وهي تحدر الصاله : السلام عليكم 
الحريم : وعليكم السلام 
راحت فطامي توايهن وقعدت عدال يدوتها 
ام حمد : وشحالج اماايه ربج بخير 
فطامي : بخير وسهاله خالوه ومن صوبج 
ام حمد : يسرج الحال 
فطامي وهي تكلم يدوتها بصوت خفيف : اماايه امون بنت خالوه بتي احين واريد اروح معاها المول اشتري كم حايه 
يدوه : اشو بعد المول 
فطامي : يدوه المركز العوود الي يبيعون في اشياء واايد 
يدوه : انزين بس منو بيروح معاج روحه بروحكن ماشي 
فطامي : بشل الخدامه معايه مابنبطي نحن في السوق اماااايه الله يخليج اريد اروح 
يدوه كسرت خاطرها فطامي : انزين امايه بس لا تبطين 
فطامي وهي تبوس يدوتها : من اعيوني فديتج ونشت واللتفت لحريم 
تامروني بحايه 
الحريم : لا سلامتج الغاليه 
وراحت تتلبس فطامي وياتها امون بنت خالتها 
امون وهي تفتح باب غرفه فطامي : مرحباااااا الساااااااع 
فطامي وهي تروح توايها : المرحب بااااااجي 
امون : شحاالج 
فطامي : بخير امون احين بروح المول
امون : وي غربالله عدووج 
فطامي : ليش ؟؟
امون : لابسه كندوره فشله 
فطامي : ابدن هب فشله 
امون : والله فشله 
فطامي : انزين انا بلبس كندوره شراتج 
امون : هيه جيه اوكي البسي الي شرات كندورتيه 
فطامي : اوكي وراحت غرفه الملابس عسب تغير الي لابستنه وهي في غرفه الملابس تصرخ علي امون : اموووون قولي حق ايماان خل تكوي عبايتيه وشيلتيه السااده وقولي حق جودي تغير ملابسها لنها بتروح معانا 
امون : اوكي وزقرت البشكاره وعطتها الشيله والعبايه 
ولبست فطامي كندورتها وجحلت اعيوناتها وحطت غلوس بنكي خفيف وخدودها مايحتاي تحطيلهن شي امبونهن ورديات 
ولمت شعرها وسوتلها كبابه << كبابه في البعض يسميها كيكه 
ولبستلها سااعه وخواتم ويات البشكاره وحطت العبايه 
ايمان : الله فطوم انتي يجي حلوه اليوم 
فطامي وهي تبتسم حق البشكاره : قولي ماشاء الله 
ايمان : ماشاء الله عليكن 
فطامي وامون : ههه << ولبست شيلتها وعباتها وتعطرت ونزلت تحت هيه وامون 
فطامي : امااايه اناااا رحت 
يدوه : الله يحفظكن انشاء الله 
وراحن مول الامارات 
وهن في المول يشرن هديه حق كيكوز 
فطامي : امون اريد اروح اسحب من البنك 
امون : ليش ماسدنج الفلوس 
فطامي : لا سدني بس بروح اخذ حق يدوه دهن عود 
امون : انزين تعالي عند 4ever شي مكينه 
فطامي وامون يمشن والخدامه شاله الاكياس ماليلهن 
3 خطفو عليهم واحد منهم : ياااويل حالي انا 
الثاني : الله علي اللباس الغاوي الي لابساتنه وفديت العربيات انا 
فطامي وامون سولهم طاف وسحبت فطامي وراحت فطامي تشتري حق يدوتها دهن عود وامون خذتلها عود 
ودقن حق الدريول عسب ايهم 
فطامي : اريد فرابجينو 
امون : اوكي بنروح ستار بكس بناخذ وبنظهر مافيه اجوف حمود ولا خلوف ويسلوولي سالفه 
فطامي: اوكي
حدرن ستار بكس وكانو شباب قاعدين عدال الباب واول ماحدرو فطامي وامون الكل التفت وطالعم وخاصتن الشباب 
مستقربين بنات هل الايام ويلبس كنادير واين المول 
وراحن طلبن 2 فرابجينو كراميل وقعدن يترين الين ماتخلص طلبيتهم ويوم خلصت شلو الفرابجينو وكانو شربونه وهن يمشون 
ويوم خطفو عدال الشباب : اه ياقلبي ياليتني الفرابجينو وقام وراهن هو وربيعه 
فطامي وهي ترمس امون وماكانت منتبه انه هم وراهم : اع لو هو الفرابجينو بجز الله يارفه السبال 
سمعها يوم قالت جيه جان يقول بصوت عالي تتمنين اصلن يكون الفرابجينو انا 
فطامي سوت طاف وكملت مشي وعلى بالها راحو جافت بنت عاد الله لا يراويكم العبايه محدده علي الجسم امره واشوي وبتنطر والشيله وجودها وعدمها وااحد وفول ميكاب وعاد هيه شيفه 
فطامي ماتروم لو ماتعلق العبايه وسيعه ماشاء الله ليش جيه متعبه عمرج 
امون : ههه االا هب وسيعه والله علي الحجاب متحجبه ماشاءالله حتي واصل الحجاب الين حياتها 
فطامي : وحليلها طالعي حتي مخلصه الباودر الي عندها ومن غير شاله مال اختها ولا 
امون : لا لا امحطيه طحين انتي ماتعرفين 
فطامي : وين تبا هااي فقتها الخايسه الظاهر مغلطه بروح اقولها العرس الصوب الثاني هب اهنيه 
هذيل الثنينه كانو وراء فطامي وامون وسمعو كل الكلام الي قالوه عن البنت وتمو ناقعين من الضحك علي تعليقاتهم 
فطامي : يوم خطفت البنت عدالها امره بس شي مساحه بعيده اشوي 
جان تقول فطامي بصوت مسموع : العرس الصوب الثاني الغاليه وطالعتها بنظره وراحت والبنت فولت لو جفتو ويها كيف غدا 

وجافو الدريول وموقف السياره عدال الباب وراحو واركبو ا السياره وكانت جيه الساعه 9 ونص 

هايل الاثنين وصلوهم الين السياره بس فطامي وامون ماكانن منتبهات 
الشاب 1 : والله انها طر هاي الحلوه 
الشاب 2 : انزين ثنتيناتهن حلوات 
الشاب 1 : لا هاي الي فيها شامه علي خدها 
الشاب 2 : شكلهن مال مدارس 
الشاب 1 : هيه بس احسبهم حشام 
الشاب 2 :الصراحه هيه اول مره اجوف بنات يظهرن ويروحن المول في كنادير 
الشاب 1 : الله يحفظهم انشاء الله 
وراحو عند ربعهم 
فطامي وامون وصلو البيت لانه البيت واايد قريب من الامارت مول لنه قوم فطامي ساكنين في جميرا مجابلين برج العرب 
فطامي : يدووه ها الدهن عود حقج 
يدوه : اشعنه امايه تعبتي عمرج ماريد غير سلامتج الغاليه 
فطامي وتروح تبوسها علي خدها : فديت روحج انا ياماماتي انزين شميه قولي رايج فيه 
اليده وهيه تشم الدهن عود : ماشاءالله ريحته غاويه 
امون : يدوه وها بعد حقج 
يدوه : ياربي عليكن من بنات اشعنه متعابت اعماركم مابا منكن غير سلامتكن 
امون وتقعد عدال يدتها وتتكلم شرات العيايز: فاطمه احنا عاد يايبيلج اياهن وتردينهن يااختي اشعنه جيه عاد مامبينا شي
يدوه : لا يا مايه بس ما ابا شي منكم غير سلامتكم 
فطامي : انزين سلامتنا يوم بتاخذين الي احنا يايبيلج ايه عاد لو يابيلج شي يسوا بنقول ماعليه 
يدوه : فديتكم والله يعلني فداكم وسكتت شوي فطامي اماايه 
فطامي : لبيه 
يدوه : لبيتي في منى انشاء الله امج تتخبر عنج اتقول اليوم مارمستيها 
فطامي وهي تظهر تيلفونها من جنطتها :وي اماايه داقتلي 3 مرات 
امون : احين بتلاقين خالوه جالبه الدنيا في بوظبي 
يدوه : لا اطمنت يوم قتلها انج رايحه ها المركز الي مايخلص
0
امم مارمست عن امون احين بخبركم

امون بنت خاله فطامي وهيه قدها بس في مدرسه ثانيه وهيه احين جريب وبتملج علي فهد ولد عمتها وهي طيوبه وشخصيتها تقريبن شرا فطامي 

فطامي بصوت طفولي : ماااماااتي شحاااالج 
ام فطامي : فطوم فديتج وينج امايه مادقيتلي اليوم 
فطامي : انشغلت اشوي 
ام فطامي : شو من الشغل ياحسره انتي وقتج كله علي الاب توب
فطامي : لا اليوم ماقعدت رحت الامارت مول اشتري حق كيكوز هديه 
ام فطامي : وي فديتها شواخ اشحالها 
فطامي : بخير يسرج حالها 
ام فطامي : فطامي يوم الخميس بني دبي 
فطامي : والله ولهت عليكم ماماتي وين ابويه 
ام فطامي : ظاهر مع عمج فديتج 
فطامي : انزين حبيبتي بسكر عنج احين بدقله 
ام فطامي : الله يحفظج غناتي 
فطامي : يو 2 احبج وسكرت 
ودقت علي ابوها الي كان في بيت اخو وكان يسولف مع اخو عن الشركات وهاي السوالف وجاف علي الشاشه شيخة البنات 
فطامي بدلع : الوو 
بو فطامي : وفديت انا الو شحالج امايه 
فطامي : باباتي اي مس يو 
بو فطامي : اي مس يو تو حبيبتي وينج انتي ماتتخبرين عن باباتج 
فطامي اونها زعلانه : انا زعلانه منك 
بو فطامي : افا ليش 
فطامي : لنك ماتتخبر عني 
بو فطامي : لني مشغول غناتي وانتي ليش ماتتخبرين عن ابوج 
فطامي : انا اتخبر دايمن بس انت كله مشغول في الشركه ولا تسافر 
بو فطامي : شو اسوي امايه مشاغل الدنيا 
فطامي : انزين بس هب تشغلك عن بنت الصغيره 
بو فطامي : شو اسوي يوم انتي في دبي وانا في بوظبي
فطامي : انزين ( تمدها ) يوم الخميس اتي دبي وان ماييت بزعل منك
عم فطامي يرمس اخوه : عطني ارمسها 
بو فطامي : غناتي عمج احمد يريدج 
عم فطامي : الو 
فطامي : عمييييي حبيبي شحالك 
عم فطامي : بخير الغلا وينج انتي امايه ماتين 
فطامي : اتعرف المدارس وانا اخر سنه لازم اييب نسبه << امحق نسبه دام هي تشرد من الحصص

بخبركم عن عايله فطامي وعمها 
بو فطامي اسمه عيسي طيب وراعي سوالف لكن في وقت الجد جد وقت الضحك ضحك 
ام فطامي اسمها علياء وهي تصير بنت عمه ريلها وطيبه وحنونه علي اعيالها 
امل عمرها 20 وهي تدرس في المعهد البترولي في بوظبي طبعن 
وحلوه ماشاء الله عليها اعيونها كبار واوساع وبيضه تاخذ من ملامح فطامي اشوي 
منصور عمره 23 وحليو واحلى مافيه اعيونه الذبوحيه وراعي سوالف وطيب ويشتغل مع ابوه في الشركه 

عايله احمد اخو بو فطامي 
احمد طيب وحبوب ويحب اعياله 
وحرمته اسمها جميله وحبوبه وطيوبه 

هزاع عمره 23 قد منصور وتوام روحه واايد معاه وياخذ ملامح من فطامي في العيون ولون الشعر الي يجوفهم يقول اخوان مغرور بس فيه رحامه هب في حد 

اليازيه قد فطامي وهيه ثالث ثانوي وشراتها وحليوه 

نرجع للقصه 

بو هزاع : خلاص من تخلصين دراسه اتين بوظبي احين من متي هب جايفنج 
فطامي : تم السااع من اعيوني 
بو هزاع : يا حيج انزين امايه تامرين بحايه 
فطامي : سلامت راسك الغالي 
وسكرت فطامي عن عمها وقعدت تسولف مع يدوتها وامون وعقب راحت بيتهم وراحت فطامي تنام


اتعبني الهجر لكن مانزل راسي 000(3)
اليوم الثاني في المدرسه 
في حصه الرياضيات طبعن الشله الفاسده كلهن قاعدات في قروب واحد ومش منتبهين حق المس << ماينلامون بنات ادبي هب علمي اللقيعو 
فطامي : انا خذتلها هديه البارحه 
غبوش : انا رحت اطلب كيك من الفندق وقتله يجهزلي اياها علي الساعه 7 الصبح 
مريوم : اييه شلوق اطالعنا 
بسوم : لا هيه مش قاعده اطالعنا اطالع هاييل الدحيحات 
مريوم وهي تغني : ياامهموم تعال ابجي علي صدري يامهموم 
غبوش : اييه انتي انجبي << وادوسها علي ريولها 
مريوم بصوت عالي : ايييي ياحيوانه 
مس الرياضيات : مريم بس اذا هب عايبتنج الحصه اظهري خاري 
مريوم وهي تصد اطالع حصوه : بتجوفين يا السباله
امم شلوق هاي مستهم مالت الرياضيات هيه شلقا شوي والبنات مايعطونها سالفه والبنات هن الي يمشن المس هب المس الي تمشيهم 

نهلوه : فطامي ميروه بتغيب اليوم 
فطامي : لا البارحه امكلمتنها قالت بتي بس مادري ليش مايت ياويلها اذا غابت 
بسوم : شو علينا الحصه الثانيه؟؟
مريوم : الحجاب والحجاب 
الحجاب والحجاب هاي المس مالت الدين ومسمينها ها الاسم 
المس : انتو القروب الي وراء حليتو الورقه الي عطيتكم اياها 
فطامي : هيه نعم حليناها بس ماخلصنا ماجيلنا كذا مساله 
المس : فاهمين ولا 
مريوم : اكييد فاهمين 
بسوم بصوت واطي : اصلن انتي تعرفين تشرحن عسب نفهم 
غبوش : بس اسكتو 
فطامي كانت قاعده تحل المسائل لنها عرفت تحلهم لو ماعرفت جان سوتلها طااف وهي تكتب ومندمجه في الحل المس كانت تشرح الدرس وقالت حق البنت الي واقفه اظربي وبيعطيج الناتج 
فطامي وهي تكتب : لا مس حرام الضرب ماماتي قالت لا تضربين حد عيب سوري انا ماضرب 
كل الصف : هههههههههههه 
فطامي توها استوعبت الكلام الي قالته جان تضحك 
غبوش تضرب فطامي علي ايدها : بسج لا تعلقين اف مادانيكن انتي وبسوم يوم تنكتن 
فطامي : اييه انا ماضربتج عسب تضربين اعصاابج اف انتي ليش يوم اتين الصبح تكونين معصبه 
مريوم بدلع غير مقصود : هييييه حصوه كله تعصب علينا 
بسوم : ههه مضاربه ويا الحبيب 
غبوش : جب بسوم 
فطامي بصوت عالي : خلاااااااااااااصت 
المس : اجوف الحل 
وراحت فطامي قعدت الورقه علي طاوله المس عسب اتصلحها وعقب ماخلصت تصحيح جافت الاسم مكتوب فيه سمو الشيخة فطامي حفظها الله ورعاها وجعلها ذخر للدوله امين << خيبه هب اسم هاا لوووووول 
المس وهي تضحك علي ينون هاييل البنات صح انه وايد يخبلوبها لكن تحبهم وايد 
علي الحصه الثانيه يات ميروه والشله الفاسده كانو وااقفين عدال الصف وكلهن ربعن عند ميروه يسلمون عليها 
بس ميروه كانت مويمه وسااكته وصلت مس الدين وسلمت وقعدو 
فطامي الي قاعده عدال ميروه : ميروه تعبانه 
ميروه : لا 
فطامي : شو فيج جيه اليوم ؟؟
ميروه : علوه البارحه سوا حادث 
فطامي وتفتح اعيونها : جذابه !
ميروه : والله وهو احين في العنايه المركزه 
فطامي :وشو حالته 
ميروه : مادري 
فطامي : الله يشافيه انشاء الله 
ميروه : امين 

000 ميروه تحب ولد خالتها علي وهو ساكن في العين وهو بعد يحبها ومحيرينهم حق بعض 00

طبعن دروا الشله في الي استواء حق علوه وتموا مضايقين وكانو ساكتين طول اليوم والمسات مستغربات انهم اليوم هاديات 
وبعد ما انتهي الدوام المدرسي رجعن كل وحده الي بيتها 

في بوظبي
بيت قوم فطامي 
الساعه 3:30 
امل وتزقر امها : اماااااااااايه امااااااااااايه 
ام فطامي : تعالي امايه انا قاعده مع مرت عمج 
امل وهي رايحه عند قوم امها ووايهت مرت عمها وتمت تسلوف وياهن 
منصور وهزاع توهم ضاوين من الشركه : السلام عليكم 
هزاع : شحالج مرت عمي ربج بخير 
ام فطامي : يسرك الحال الغالي ومن صوبك 
هزاع : بخير مانشكي باس ويلتفت علي املوه : شحااااالج املوه 
امل : بخير وسهااااااله 
هزاع: واعلوم الدراسه 
امل : ماشي حالها 
منصور : اماايه 
ام فطامي : عونك غناتي 
منصور : عانج اللله الا وين فطوم السباله ما ادق الا اذا احنا بندق عنبو ماتنجاف مسوده الويه 
امل : كل ماتي من المدرسه ادقلي واتخبرني في كل الي استوالها 
منصور: السباله ماتتخبر عني ويظهر تيلفونه من مخباه 
ويدق علي رقمها وفطوم محطيه اغنيه هنديه واول ما سمع اغنيه حط سبيكر 
ام هزاع : ابويه انت حق منوه دااق 
منصور : ههههههه امايه طالعي بنتج المستخفه شو محطيه 
هزاع : ههه فيها عرج هندي ياخي 
وفي ها اللحظه ترد فطامي الي صوتها شرات صوت اليهال وكله دلع 
فطامي : الو مرحبا سمو الشيخة فطامي معاكم علي اليتلفون مباشره حايه اماره 
منصور : فطااااامي غنااااااتي 
فطاااامي بدلع : منصووووري حيااااااااااتي اموااااااااح تولهت عليك ليش ماتتخبر عني انا زلعانه خلاص 
منصور وهو بيموت علي دلع اخته : افاااا تزعلين من منصور وانا الي قايل باي دبي عشااااانج وبخليج تسويلي كيكه 
فطامي بفرح : يعله في ذمتك انك بتي 
منصور : والله في ذمتيه اني بي باااجر مع امايه واملوه وابويه 
فطامي : ياااويل حالي بروح الصالون بتعدل عيل 
ام هزاع : امبونج غاويه اشعنه صالون 
فطامي وهي تصرخ : خاااااااالو جمييييله فدييييييييت روحج انا تولهت عليج 
ام هزاع : يا الحماره ما تتخبرين عن امج الثانيه ولا عن خويتج يزوي 
فطامي : خاااالوتي ماريد حماره قولي غزاله 
ام فطامي : واحلى من الغزال بنيتيه 
هزاع وهو كان مستغرب من الحب الي يحبونه فطامي وهو اخر مره جايفنها يوم كانت صف خامس ومايذكر شكلها كل الي يذكره انها كانت تشبه اشوي ودلوعه البيت 
هزاع : القرد في عين امه غزال 
سكتت فطامي استغربت منو هذا الي اتكلم 
منصور : اتهبي عاد زوزو انت تعرف انت فطامي تشبهك 
فطامي بغرور : ها هااي اصلن انا ماحد يشبهني لا زو زو مالك ولا غيره << وهي بعدها ما تعرف زوزو منوه
هزاع : بنت العم تتمنين انج تشابهين الشيخ هزاع بن احمد 
فطامي وهي احين عرفت هزاع بس ماتتذكر شكله : ولد العم المفروض تشكر ربك مليون مره لو قالولك انك تشبه شيختك فطامي 
امل : عااشت ختيه 
فطامي : منصوري غناتي اترياااااك باجر انت والدبه الي عدالك ببااي << ماسوت واحد اثنين
سكرت فطامي عنهم وراحو هزاع وامه بيتهم وهو طول الطريق يبا يعرف كيف شكل فطامي استوا ومتغايض منها لنها اول بنت تقوله جيه المعروف انه البنات ميتات عليه شل التفكير عن فطامي وبعدها راح يتسبح ونام 

عند فطامي في دبي 
الساعه 5:13 
فطامي قاعده مع العيوز تهمزها 
فطامي : امايه باجر قوم امايه بيون اهنيه 
يدوه : حياهم الله البيت بيتهم اماايه سوي حق خالج سلطان اليوم ماسوالي مادري ليش اخاف الا شي فيه 
فطامي : لا امايه لا توسوسين مافيه الا العافيه يمكن مشغول 
وسوتله تيلفون ورد عليها 
فطامي : مرحبا ملايين ولا يسدن في ذمتيه 
خالها سلطان : هلا ومرحبا شحاااااالج فطوم 
فطامي : يسرك الحال اعلومك خالي من كم يوم مفتقدينك ياخي 
خالها سلطان : شو اسوي يوم اني مطيح البنات عسب جيه ما اقدر اي 
فطامي وهي تضحك علي خالها : هه انزين يا الغرشوب من متي ماخبرتني عن ربيعاتك 
خالها سلطان : عقب اشوي بخطف عليكم وجهزيلي مسجات حلوه 
فطامي : افا عليك تامر امر 
خالها سلطان : انزين بنت حسون 
فطامي : خااااااااالييييي 
خالها سلطان : اقطعي ههه 
امم الله يسلمكم فطامي خالها ولد خالتها اخو امون يسمونها بنت حسون عسب كانت يوم تروح مع يدها الله يرحمه و حسون مال يدها الي يدوديه وايبه ومن غير يشتغل في محلات يدها هو يكون ماسكانها ويوم تصيح يوديها الدكان يشتريلها 
فطامي : اوكي اوكي بو ميد مابطرشلك مسجاات 
خالها سلطان : جب اعطيني امايتي 
عطت فطامي التيلفون يدتها وراحت قالت حق البشكاره تحط الفواله وتسوي عصير وقعدت تساعدها اشوي وعقبها راحت تتسبح وغيرت ثيابها وتعطرت ونزلت تحت وجافت خالها سلطان يالس يخبر امه عن البنات الي يغازلنه 
فطامي بدلع : خااالي ازيك عامل اييه 
خالها سلطان : تمااااام يلا وين المسجات 
فطامي وهي تورح تقعد عدال خالها : عنبو توني ياايه انزين اتخبر عن اعلومي 
خالها سلطان : اعرف انج بخير مايحتاي 
يدوه : ابويه اصبلك قهوه 
خالها سلطان : لا ماريد 
فطامي : ها خالي اعلوم ربيعاتك 
خالها سلطان : اسكتي تذكرين عن هاايج الي خبرتج عنها ظهرت معرسه وعندها عيال 
فطامي : ههه محد قالك تغازلها 
خالها سلطان : انا ماغزلتها هيه الي غازلتني شو اسوي يوم اني حلو 
فطامي : صح صح البنات هن الي يغازلنك انت ابدن ماتغازل حشاك 
خالها سلطان : هاي هيه الي قالت حق ربيعتها جوفي اعيونه حلوات 
فطامي : هيه صح ماشاء الله 
يدوه : فقتهن من بنات امره امضيعات المذهب ابويه يوم بتظهر تعال خل اقرا عليك عن يحسدنك 
خالها سلطان : انشااء الله من اعيوني مافيه يحسدني انزين بنت حسون ابا مسجات حب 
فطامي : امااااااايه طالعي ولدج شو يقول 
يدوه : هههه امايه يمزح معاج 
خالها سلطان : انزين يلا اقريهن 
تمت فطامي تقرا حق خالها المسجات وطرشتله كمن مسج 
خالها سلطان : مشكوووره بنت الاخت نخدمج في الافراح 
فطامي : كم تدفع لوول 
خالها سلطان :ولا شي 
فطامي وهي تذكر : خااااالي صح قلت بتوديني اشتري من باسكن 
خالها سلطان : باجر باجر 
فطامي : خاااالي من السنه الي طافت وانت اتقول بتوديني مايسوا عليه 
خالها سلطان : مشغول مشاغل الدنيا بعد 
فطامي : انزين متي بتوديني 
خالها سلطان وهو يغير السالفه : اعلوم ديانا الحداد 

ديانا الحداد هذا اسم املوه الثاني بس خالها جيه يسميها اونه عسب املوه جمالها شامي هب خليجي وبيضه غير عن فطامي بس تشابها اشوي في الملامح

فطامي : املوه بخير لا تغير السالفه 
خالها سلطان : انزين بوديج بس عقب يوم بخلص اشغال 
فطامي : انزين ادري انك مابتوديني 
خالها وهو يقوم عسب بيروح ويمطها من شعرها وبعدها ضربها ضربه خفيفه علي راسها : يلا باي 
وراح يبوس امه علي راسها : اماايه تامرين بحايه 
يدوه : سلامتك الغالي اتحمل علي عمرك وسلم علي مريم 

الله يسلمكم خالها سلطان مزوج وعنده ولد وبنت بس مع هذا يغازل وحرمته تدري بهل الشي لانه ساعات يسلوف عن ربيعاته جدامها وهو طيب وراعي سوالف عمره 29 

راح خالها سلطان وتمت فطامي قاعده مع يدوتها ويتها امون وبعدها راحت فطامي تربت الهديه مالت كيكوز لانه باجر عيد ميلادها

اتــعــبـني الهجر لكن مانزل راسي 000 (4)
اليوم الثاني في المدرسه 
الحصه الثالثه وكانو فاضين المس غايبه البنات قاعدات يخططن شو يسون حق شيخوه 
فطامي : هم شو عليهم احين 
حصوه : مادري
مريوم : عليهم فيزياء وهن احين في المختبر 
ميروه : اوكي بنروح احنا احين قبل لا اين وبنحط الهديه ولان الالاء يايبتلها هديه 
بسوم : انزين حصوه يبتي الكيمرا 
حصوه : هيه 
فطامي : ايه انا ومريوم بنروح ناخذ عصاير وانتو حطوا الكيك علي الطاوله وجهزن الكيمرا عسب اول ما اتي الصف انصورها 
ميروه : انزين احنا اول شي بنسير صفهم نحط الهديه وبنرد الصف نقعد وبنقول حق وحده من البنات تزقرها 
فطامي : اوكي يلا مريوم نروح 
راحن فطامي ومريوم يشترن عصير 
ودق الجرس وعقب دقايق يتهن شيخو ومعاها ميروه لنها كانت تترياها عند الباب واول ماحدرن نقعوا الشلق الي فيه اوراق وغبوش كانت تصور كل شي وشيخو انصدمت من الحركه الي سووها وبعد فرحت لانها عرفت ربيعاتها مستحيل ينسون هل اليوم 
وفطامي اول وحده عفدت علي شيخو حضنتها وباستها علي خدها وباركتلها وكلهن ين يسلمن علي شيخو وقعدن عقب ياكلن الكيك ويسولفن وكل بنات الصف يحسدنهن علي هالصداقه الحلوه 

وفي بوظبي 
الساعه 10:30 ص
في المكتب عند هزاع ومنصورالي كان قاعد معاه 
هزاع : ياخي شو يوديك دبي اقعد فليل بنروح المقهي عند الشباب
منصور : والله متوله علي فطامي ماريتها من اسبوع 
هزاع : اممم بتخبرك ليش فطامي قاعده في دبي ؟؟
منصور : ليش ماتعرف الصكه الي صارت ؟؟
هزاع : نو ؟
منصور : امم الله يسلمك فطامي من يوم كانت صغيره كانت تحب يدوه ومتعلقه فيها ويوم انتقلنا بوظبي تمت تصيح تبا يدوه وابويه اول شي ما وافق انها اتم في دبي تعرف عاد دلوعته ما يقدر يستغنى عنها وعقب موت ابويه وافق انها تروح عند يدوه وفطامي اتشققت من عرفت انه ابويه وافق ومن غير ربيعاتها الي ماقدرت تستغنى عنهم 
هزاع : اها احين عرفت انزين ليش ماتي وايد بوظبي
منصور: عسب يدوه لنها مريضه وماتقدر تخليها تعرف فطوم احسها غير عن كل البنات فديتها والله يوم حد يصير فيه شي تروح وتواسيه وعمري ماريتها مضايقه ولا شي اعرف ساعات يوم تضايق اتروح وتقعد علي الاب ولا بتلاقيها قاعده بروحها وتكتب في دفترها الابتسامه مافارقت ويها وحتي يوم ترمس في التيلفون بتلاقيها مبتسمه ااه متي ترد ماقدر على فراقها 
هزاع وهو مستغرب من هاي فطامي هو صح كان يلعب معاها يوم كانوا يهال بس من كبروا ماجافوا بعض 

هزاع : امم انزين يعني اليوم بتروح عني < واونه مسوي عمره زعلان 
منصور : هيه < وهو ينش من مكانه 
هزاع : تعال وين رايح 
منصور : شورايك انروح المارينا 
هزاع : هيه تبا ابويه وابوك يقلعونا برع الشركه 
منصور : لا فديتك انا بقول حق ابويه باخذ حق فطامي هديه بما انه عيد ميلادها الاسبوع الياي 
هزاع وهو مل من هاي فطامي كل شوي والا يطريها منصور حس انه وده يجوفها كيف صارت وليش كل حد يموت فيها 
هزاع : يلا نروح 
وراحوا الاثنين يقولون حق ابهاتهم انه بيظهرون واول شي ماوافقو وعقب اصرار منصور وافق ابوه وراحوا المارينا 
ونرجع لدبي مره ثانيه0000
في المدرسه عند البنات 
مس العربي كانت توها حادره الصف وجافت اقروب فطامي 
قاعدين يسولفون 
مس العربي وهي ومعصبه وتفر الكتب على الطاوله والبنات مستغربات منها ونشن كل البنات عسب يسلمن علي المس 
مس العربي وهي توجه الكلام حق قروب فطامي : لا لا جان ماقمتن الي حادره عليكن بشكارتكن شو هل الادب الي عندكم 
والبنات مستغربين شوفيها 
مريوم وهي تطالع فطامي وفي ويها علامات استفها م 
فطامي الي كانت عدال ميروه : شو فيها سيلانيه البدو 
000 سيلانيه البدو هذا اسم المس لانها بدويه وفطامي الي مسمتنها هل الاسم لانها قالت حق ربيعاتها لو بدويه ابن عن يد بيكون منطوقها غاوي هب خايس لنه المس صدق كان اسلوبها هب حلو وهي قالت يمكن هيه كانت تشتغل عند البدو وخلت عمرها بدويه 
المس وهي تطالع الاقروب بنظرات احتقار ووجهت كلامها للبنات : حليتن الواجب 
البنات الي في منهن قال هيه والي لا 
المس: الي هب حال الواجب يوقف واشرت علي الاقروب : بنات الشيخ حالات الواجب ولا 
الاقروب ماكانن يعرفن انه عليهن واجب وقالن حق المس انهن هب حالات 
واحتشرت عليهن ووقفتهم طول الحصه وطبعن شله فطامي غايضن في المس تمن يسولفن وامسويها اكبر طاف لنهن ماسون شي وعقب الحصه يوم راحت سيلانيه البدو 
قعدن علي الكراسي 
ميرو: اف يعلني بلاها شو فيها علينا 
بسوم : خليها شكلها مضاربه ويا ريلها وظهرت حرتها فينا 
فطامي وهي مفوله منها :والله اكره شي عندي انه حد يطاااالعني بنظره احتقار منو تكون هيه عسب اطالعني جيه معلمتيه علي عيني وراسي بس انها تهازب واطالع بنظارت احتقار ما اسمحلها 
مريوم : فطامي ثرج ماقصرتي رديتيلها النظره 
حصوه : مادري علي شو جايفه عمرها كله انا وانا 
بسوم : خذنها بروح رياضيه واتبعوا هل الشعار ( طنش تعش ) 
وتمن يتحرطمن عليها الين مايت مستهم 

( امم ملاحظه : انا هب قصدي شي في هل الموقف الي استوا للبنات بس هل الشي صارلي انا وربيعاتي وهب قصدي اني اسئ للمعلمات بس لنه في البعض اسلوبهن هب حلو مع البنات والسموحه )

خطف الوقت بسرعه وردت فطامي البيت وهي مستانسه بما انه اليوم امها وابوها واختها واخوها بيون 
وأول ما وصلت البيت راحت تاخذ شور وبعدها راحت تتلبس واتكشخت وراحت تسوي كيك حق اخوها وبعدها دقت حق امون 
فطامي وهي ادق حق امون :اوهوو هذيل ساعه الين مايردون علي تيلفون بيتهم حشى لو شي صاير جان احين وسكتت لنها سمعت صوت واحد من اعيال خالتها 
فطامي : الو مرحبا الساع 
عمور : بنت حسووووووون 
فطامي وهي تحيس بوزها : هاااااااا اف انت ليش رديت علي التيلفون 
عمور : كيفي بيتنا وانا حر 
فطامي : انزيين وين اختك الدبه 
عمور: ماعرف بخليها ادقلج 
فطامي : امم انزين اريدها ضروري في موضوع خاص فيه حياه وموت 
عمور: انزين اجلبي ويهج 
فطامي : مالت عليك يا السبال < وتصرخ < باااااااااااي
عمرو : حشى هب صوت 
فطامي : جب وسكرت التيلفون 
وهي ماسكه التيلفون ما تعرف حق منوه ادق ملت من القعدت وهي تتريا هلها لين مايوصلون ويدتها ماحد رايحه مع الدريول يشترون حق البيت ماجله 
فطامي وهي تفكر : هييييييه يزوي بنت عمي من زمان مادقيتلها 
اف بس كم رقم بيتهم يااااااربي نسيت وسكتت اشوي وعقب اذكرته هيه عرفته ودقت علي الرقم 

في بيت عمها 
هزاع كان توه بيروح غرفته بس سمع تيلفون البيت يرن وماجاف حد قاعد 
هزاع : اووووهو منو السخيف الي داق وراح يشل التيلفون 
فطامي بصوتها الطفولي : مرحبا الساااااع سمو الشيخه فطاامي معاكم 
هزاع وهو ناسي انه بنت عمه اسمها فطامي وعلى باله وحده بيبي مغلطه : منو تبين ماما 
فطامي بعفويه : ابيه يعني هذا هب بيت عمي 
هزاع : الغاليه انتي تبين بيت منو 
فطامي : هذا هب بيت احمد ال 000 
هزاع : هيه هذا بيت احمد ال00 انتي منوه 
فطامي وهي تذكر : امم انت اكيد هزاع 
هزاع : هيه كيف عرفتي 
فطامي وهي ماحبت هل الهزاع تحسبه جايف نفسه : اف انا للاسف بنت عمك فطامي 
هزاع بغرور : ههااي اصلن يحصلج الشرف يوم انا اكون ولد عمج 
فطامي بغرور بعد : ابدن منو تكون انت عسب يحصلي الشرف لاسف انك ولد عمي وهاي حقيقه ما اقدر انكرها اسمع المهم لا اطولها وهي قصيره اريد يزوي 
هزاع وهو يحس عمره منعجب في شخصيه فطامي : امم والله عندها تيلفون ودقيلها لني ماريتها 
فطامي بافف : اف يعلني بلاك ياولد عمي باي 
هزاع وهو يظحك حس انه حركاتها حركات يهال : بباي بنت عمي البيبي
فطامي عصبت : منو البيبي يا اخ هزااااااعوووووووو 
هزاع وهو عايبتنه السوالف معاها : اولن انا اسمي عمي هزاع انزين حبوبه 
فطامي : عم عم انشاء الله ضلوعك يا الكريه المعفن
هزاع : هههه اونه معفن مال اول انتي منو علمج ها الرمسه مماتي 
فطامي : احين ليش تظحك اف انا ما عندي سالفه اني ياسه ارمس واحد شراااااااااتك ياااااااا الدب وبعدين مابضيع وقتي مع بتاني باي
هزاع : عادي قولي الي بتقولينه مايهمني 
فطامي : الله يقلعك باي<< وسكرت التيلفون 
وهزاع تمت يظحك عليها حس انها ياهل من صوتها الي شرات صوت اليهال وراح يقول حق يزوي انه فطامي دقت وهي استانست وبس ماقالها شو سوا في فطامي 

من بعد ماسكرت فطامي عن هزاع تمت تسبه ومعصبه عليه من الخاطر لو كان جدامها جان صفعته لووول

نهايه البارت 
كيف بيكون استقبال فطامي لهلها؟؟؟


وشو التطوارت الي يمكن تستوي في القصه ؟؟


اتعبني الهجر لكن مانزل راسي 000(5)

فطامي وهي قاعده اتكلم امون وتسولف معاها حدر منصور اخوها اول شي وما انتبهت هيه عليه يوم حدر فراح وراها وحط ايديه علي اعيونها 
فطامي: منو السخيف الي حاط ايده علي عيني 
منصور وهو يغير صوته :منو انا 
فطامي اتروعت من الصوت وكانت شوي وبتصيح : امااااااايه حرام قول منو انت 
منصور وهو حن عليها ويشل ايده وصدت فطامي اطالعه وشهقت يوم جافته : منصووووور
منصور : اعيووون منصور 
فطامي راحت وطاحت في حظنه وتمت تصيح 
منصور وهو يمسح على شعرها :فدييييت روحج يافطامي 
اموله وهي تحدر الصاله : حووو فطوم شو فيج اتصيحين 
ام فطامي وهي تحدر : وايه شو فيها دلوعتيه 
فطامي وهي تبتعد عن صدر منصور وتبوسه علي خده : فدييييتك يا اخويه والله تولهت عليك من سبوعين ماريتك وتضربه علي صدره بالخفيف وبعدها راحت توايه امها واختها 
فطامي : ليكووووون ابوووويه ما يا 
بو فطامي الي كان خاري يرمس في الفون : فدييييت انا حبيبتيه 
وتربع فطامي لحظن ابوها 
املوه : فطوم خذتي عنا الحنان كله 
فطامي وهي بعدها في حظن ابوها وتتدلع : كييفي باااباتي جوف شو اتقوول 
منصور : يحقلج فديت روحج 
وتحدر امون في هل الوقت وهي شاله البيت بصوتها العالي : مرحبااااا ملاااايين ولا يسدن في هل بوظبي وراحت توايه خالتها وبنت خالتها وبعدها سلمت علي منصور وابوه وقعدوا في الصااله يسولفون 
منصور : اموووون يا الدبه متنتي جنج درام متحرك يمشي
امون : قول والله 
منصوروهو صدق يرمس :والله 
امون بمزح : انزين لا تخبر حد ههههههه 
منصور : ههه سخيفه يا هل الويه 
ام فطامي : عيل وين امايه 
فطامي : ماحد 
بو فطامي : واعلوم ابوج الغاليه ؟
امون : والله يسرك حاله عمي 
املوه : منصووووووور 
منصور : هلا 
املوووه : نبا نظهر ظهرنا 
ام فطامي : عنبو تونا الاواصلين خلي اخوج يرتااح 
فطامي : انااا بروح اييب الكيك 
امون : عزالله اتسممنا 
فطامي : انزين عادي لا تاكلين بتوفرين علينا 
راحت فطامي تحط الفواله ويت يدتها وتموا قاعدين مع بعض يسولفون وكان الجو عندهم واااااايد حلو وطبعن الي محلي السوالف امون وامول وفطامي الثلاثي المرح وبعدها ظهروا وراحو الامارت مول 

ونروح المول 
فطامي وهي ماسكه ايد منصور وتسولف معاه 
وامون واملوه مع بعض واجتمن الثلاثي المرح وماخلن حد ما علقن عليه ومنصور ميت من الضحك على تعليقاتهم وراحوا السينما وتموا يطالعون فلم 
ويوم ظهروا 
كانو ا يتمشون ومنصور جاف ربعه وراح يسلم عليهم وتمن البنات يشرن وبعدها ردن البيت وامون باتت عندهم وسهروا الين الصبح مع اخوان امون الي يوا اخر الليل يسهرون مع منصور 

واحلام حلوه للجميع 0000

بوظبي 
بيت احمد عم فطامي 
الساعه 12 الظهر 
اليازيه : هزااااااعووووووووه
هزاع : هزاااااعووه في عينج يالسباله هب اصغر عيالج اتقولين هزااعوه 
اليازيه : تعال انت البارحه شو امسوي في فطامي 
هزاع وهو مسوي عمره هب مسوي شي : انااا شوسويت بعد 
اليازيه : قاعد تغايض فطامي 
هزاع : ههه والله بنت عمج تحفه 
اليازيه : اسميها دعت عليك الين ماقالت بس بعدك ماتعرف فطامي يوم تعصب كيف 
هزاع : لا والله يوم بتعصب هب علي الشيخ هزاااع 
اليازيه : اتعرف انت وفطاااامي لايقين لبعض 
هزاع : لا فديتج انا ماحد شراتي 
اليازيه : لا والله الا شراتك امره شرات لون الشعر ومن غير لونها الي مايل للبرونز واعيونها ومن غير الخقه الي فيك فيها 
هزاع : اوووه ثرج طفرتيبي في فطامي 
اليازيه بتحدي : ابصم بالعشره لو جفتها بتغير رايك وبتصبح تحلم فيها 
هزاع : انا اهاذي بيهال ماعندي سالفه عندي الي احلى عنها
اليازيه : ههاااي بس ماين شي عند فطامي جمال واخلاق وطيبه وكل شي من كثرهن ما اقدر اعدد 
هزاع وهو مل من فطامي ويحس انه مايستسيغها : اقولج اجلبي ويهج ثرج طفرتيني بهاي فطامي خليني ادق علي منصور 
فز قلب يزوي من طرا منصور 
هزاع وهو يدق حق منصور 
عند منصور 
فطامي : منصوووري تيلفونك يرن 
منصور وهو كان قاعد ياكل :منو 
فطامي : امم توام روحي 
منصور : هيه ردي وقولي برجع اتصل خلاف 
فطامي وهي ترد 
هزاع: طبعن طبعن من رحت دبي نسيت خويك يا السبال ولا دقيت تنشد عن ولد عمك حبيبك
فطامي وهي تحيز بوزها : اولن انا الشيخة فطامي
هزاع فرح من سمع حسها مايدري ليش بس بنفس الوقت هب حاب فطامي: ههااي اونه الشيخة فطامي ريتي ويهج قبل في المنظره 
فـطامـي بغرور: قمر مايحتاي
منصور : فطامي غناتي قولي حق هزاع خلاف بدقه 
فطامي : ولد العم يقولك عمك منصور خلاف بيدقلك تامر بحايه 
هزاع : امم هيه 
فطامي : امر 
هزااع وهو يستهبل: اممممم 
فطامي : شو ؟؟
هزااع : ماشي بس استهبل 
عصبت فطامي : عنلاتك يالسبال ثرك طفرتبي
هزاع : كيفي 
فطامي : اقلب ويهك 
هزاع : شوهل الكلمات يالبيبي عيب باباتي يقولون حق الي اكبر عنهم جيه انزين بابا 
فطامي وهي تصرخ على منصور : منصووووور جوف ولد عمك ان ماياز عني والله لاكفخه السبااااااااال 
منصور : احين يااي لحظه 
هزااع وهو يرمس فطامي : يالدلووعه 
فطامي ويها غدا احمر لانه يطفربها وهي اكره شي عندها انه حد يطفربها : جااااااااب مالك خص اذا انا دلوعه حق عمري يادرام متحرك 
منصور وهو يضحك عرف انه هزاع مايوز عن حركاته 
منصور : عطيني التيلفون 
فطامي وهي تعطيه الفون : اف اكره سخيييييييف 
منصور : هههه 
فطامي وهي تحط ايديها على خصرها : لا والله ليش تضحك 
هزاع وهو يرمس منصور : هههه ختك والله انها ياهل 
منصور وهو يطالع فطامي : هههه انت شو قتلها خليت ويها يغدى احمر
هزاع : ههههه ماشي بس استهبل انزين يالسبال انت من ييت دبي نسيت خويك عنبو مخوتك مخوت بوش 
منصور : حرام عليك من جفت فطامي نسيت الدنيا فديتها متوله عليها 
هزاع : يااااهاي الفطامي انت من صوب ويزوي من صوب 
منصور وهو امبونه متوله علي يزوي ويتفداها في خاطره 
هزاع : حووووو وين سرحت 
منصور : وياك 
هزاع: الي ماخذ عقلك يتهنابه 
منصور : يااااريااااال ماحد ماخذ عقلي ولا شي 
هزاع : علينا 
منصور : هيه 
هزاع: انزين متى بترد بوظبي
منصور : باجر 
هزاع : اي وقت 
منصور : بنظهر انا واملوه على العصر وامايه وابويه عقب بيروحون يسلمون على الاهل 
هزاع : انزين يوم بتوصل تعال بنروح عند داغر عازمنا 
منصور : اوكي جاو
سكر منصور عن هزاع ولتفت لفطامي الي كانت قاعده علي لاب وتقرا قصه 
منصور ويروح يقعد عدالها : شو اتسوين يالحلوه 
فطامي : اقرا قصه 
منصور : يا غناتي ما مليتي وانتي اربع وعشرين ساعه علي لاب اعيونج ارحميهن شوي
فطامي : منصوري انا ما اقدر استغنى عنه 
اليده وهي تحدر عليهم الصاله 
منصور وهو يقوم ويوايه يدوته : مرحبا السااع بالغرشوبه 
يدوه : المرحب باجي فديتك اعلومك الغالي 
منصور : والله اعلوم الخير 
فطامي : امااااااايه خذتي دواج 
يدوه : هيه فديتج 
فطامي : انزين اصبلج قهوه 
يدوه : هيه امايه 
فطامي قعدت الاب علي الطاوله وصبت حق يدوتها قهوه وحق منصور 
املوه وامون توهن ناشات من النوم ويحدرن الصاله : السلام عليكم 
الكل : عليكم السلااام وراحو يوايهون يدوتهم 
يدوه : حشى هب رقاد وانتي امنه احين بتغدين حرمه بيت حد ينش هل الوقت امف عليج من بنت 
امون وهي تفتح اعيونها : اماايه حرام كنت تعبانه 
يدوه : وشو مسويه لا انج مغسله ولا منظفه ماتسون شيخة البنات فطامي 
امون : يدووه 
يدوه : اقطعي مسوده الويه باجر الريل مايباج جانج ناشه هل الوقت انتي وهاي الثانيه الي وياج 
منصور وفطامي يضحكون علي شكل امون واملوه الي حصلن هزبه حلوه 
منصور وهو يزيد : هيه امايه جانهن ينشن هل الوقت الريل امره مايريدهن 
يدوه : سمعتن سودا الله ويهكن خليتن الريال ينغد عليكن
املوه : اماايه حرام وهذا احنا باجر بنروح عنج جيه تكسرين بخاطريه وتخليني ازعل منج 
يدوه : لا فديتج لا تزعلين ولا شياته بس انا اباكن تغدن حرمات بيت مايقولن امهاتهن ماعرفن يربنهن 
امون وهي تروح تحضن يدوتها : لا بنبيض الويه انشاءالله 
منصور : اخ يالدهان سير الي تسونه 
املوه وهي تطالع منصور بنضرات تهديد 
منصور وهو يرن تيلفونه في هل الوقت وكان ذياب داقله 
منصور وهو يرد : مرحبا السااااع بالغرشوب ذياب 
املوه وهي صدت طالع منصور وفطامي وامون ضحكن على حركتها 
فطامي : او اوه ولد الخااااااله شحاااااااله 
منصور : وشحالك ياريال 
ذياب : بخير شحالك يا البتاني بوصروال فسفوري 
منصور : هههه يال سبال لين احين تذكر هل الاسم انا احيده اسم املوه 
ذياب : ههه كيفي بعدين انا ما ارضي اتقول عن الخطيبه بتاني بسروال فسفوري ها كان ايام زمان يا ريال 
منصور : هههه 
يدوه : ابويه عطني بكلمه 
منصور : يالسيلاني يدوه تباك 
منصور وهو يعطي يدوته التيلفون 
يدوه : مرحبا الساع في ولديه 
ذياب : هلاومرحبا بشيوخ دبي شحالج اماايه 
يدوه : والله بخير وسهاله وين انت ابويه ماتنشد ولا تخطف علينا 
ذياب : والله تعرفين امايه مشاغل الدنيا واليوم عشايه عندكم 
يدوه بفرح : يعله في ذمتك انك بتينا 
ذياب : في ذمتيه امااااايه اريد هاك العشي الغاوي 
يدوه : من اعيوني فديتك واعلوم امك وخواتك ويدوتك 
ذياب : كلهم بخير مايشكون باس 
يدوه : انزين عيل الغالي تحمل علي عمرك وبلا سرعه 
ذياب : من عيوني فديت خشمج 
يدوه : تسلم اعيونك ربي يحفظك 
سكرت اليده عن ذياب وملوه من عرفت انه الشيخ ذياب حبيب القلب بي تشققت وفطامي وامون ميتات من الضحك وراحت تتكشخ حق الحبيب 

امم بعرفكم على عايله ذياب 
الام طيبه وحبوبه وهي صديقه ام فطامي من ايام الطفوله ورابين ويا بعض واسمها سلامه
وعيالها : مريم عمرها22وحليوه واحلى مافيها اعيونها الكبار 
وشما عمرها 20 وهي صديقه املوه 
وذياب : وعمره 23 وهو صديق منصور وهزاع وحليو ماشاء الله عليه يشابه عبدالله الرميثي الي يشل شلات جماله بدوي واحلى مافيه عيونه الكبار 
ومها عمرها 17 وهي صديقه فطامي وشراتها مدمنه على الاب والقصص والمنتديات 
اممم وهم يعتبرون قوم فطامي شرات عيال خالتهم لانهم رابين ويا بعض من يوم هم يهال وعايشين في بوظبي 


نهايه البارت 
اممم شو من التوقعات الي يمكن تصير ؟؟

ابا كل واحد يكتب توقعاته اوك ؟؟؟؟

اتعبني الهجر لكن مانزل راسي 000 (6) 
راحت امول فوق تتعدل تعرفون اونه الخطيب بيي وامون وفطوم فاهمات السالفه وطول الوقت يعلقن 
بخبركم عن سالفه امل وذياب هذيل من يوم يهال كانوا يعايرونهم ويقولون لذياب منو تبغي فطامي ولا اموله وهو يقول ماريد حد اونهن خسفات وفهذا الوقت امول كانت قاعده وماتت قهر يوم سمعت ذياب يقول جيه فهي عصبت وقالت هو شو فاكر نفسه من حلاته هذا البتاني بوصروال معفن المهم ها الثنائي قصتهم عجيبه يحبون بعض من يوم هم يهال بس ولا حد يعترف للثاني وكان يفرح ذياب يوم يقولون خطيب امل المهم مابطول عليكم بتفهمون سالفتهم بعدين 
نرجع لاامل في الغرفه
قاعده الحبيبه تجحل عيونها الكبار على فكره هذا احلى مافيها ولبست كندوره مخوره تلي مالت زمان اول ولونها حمراء وشيله صلاه حمراء وقاعده تتمنظر عمرها << امم مقولتيه الدايمه ان كان حبيبك ثور البسله احمر هيهيهيه
وفجاءه يحدرن امون وفطوم عليها ويغنن ياحلاه التلاقي يوم البتاني والسيلاني يتلاقون ويبسن وحالتهن حاله 
وطبعن امول معصبه عليهن طبعن حبيب القلب ماترضى عليه 
فطوم وامون ناوين على نيه انهن يبن يفشلونها جدام الخطيب 
في الصاله تحت ذياب حدر البيت 
منصور :مرحبا مرحبا مليون ولايسدن 
ذياب وهو شاق الابتسامه :هلا هلا المرحب باجي علومك ياعنز الحاره 
منصور :اتهبي انت يابتاني ها خلني ساكت لا خبر يدوه عن علومك وسواياك 
وذياب يعرف الاعيبه 
منصور: ها اخبر اخبر يدووه تعرفين ها الجلب الي جدامي شو مسوي مسود الويه 
اليده معصبه وهي في نص الحرجه:شو مسوي يامسود الويه عنلاتك يا الخام 
ذياب : بلاكم خذتوني بشراع وميداف ماسويت شي يدوه 
منصور: خبرها عن الشقرا امهات التنانير القصار وغيرهن 
اليده: يعلني بلاك ياذيابوه شو مسوي فبنات دار الكفره حسبي الله على بليسك من ولد نزلت راسنا 
منصور بنذاله : يدوه ويقول بعد حق هذيل الكفار ان يدوه تعرف شباب وتواعد واحد عند الزباله كل يوم
اليده : يعلني بلاك يامسود الويه انا حرمتن دينه تخاف ربها قوم عن ويهى سود الله ويهك
ذياب قاعد ولا على البال طبعن يتريا حبيبته القلب مفتقدنها 
وشوي الا امون وفطوم حدرن عليهم 
امون وفطوم : السلام عليك يا بتاني 
ذياب : بتاني فعينكم يا الهروم يعلني بلاكم اقول الدب القطبي
روحي روحي كلي ثرج بتموتين علينا 
امون : ههههه سخيف ماتضحك
ذياب : منو قالج اضحكي انزين 
فطوم : اقول قيس اشحالك 
ذياب وهو مول مايستسيق فطوم دامن مناقر معاها من يوم كانوا صغار 
ذياب : جب جب ياتنكر عود معفن 
وراحن البنات يدلعن على منصور عسب يوقف معاهن 
ويقمز ذياب لمنصور ان بيننون فيهم 
ذياب : اععع منصور روح عنهن بعيد ريحتنهن صنان ريج 
منصور : قول والله منو فيهن عسب ارش عليها مبيدات حشريه لقتل الجراثيم 
البنات : ايييه اتخسون اصلن تتمنون ريحتنا 
ذياب : ابدن مانتمنا ياخي منصور تعرف الدب القطبي يوم ييوع ومايحصل اكل تظهر منه روائح يا اخي ابتعد عن المعفنات 
وبهذي الحركات ماتن قهر البنات فقرووا انهن ينتقمن من ذياب
وفكروا بخطه وطبعن امل ماتعرف بوجود ذياب
طبعن فطوم وامون
امهات الدواهي والافكار قررن ان يحرجون ذياب جدام امل لان مسوي عمره جدامها انتر تيقر
الخطه هي ان راحوا لامل فوق 
امون وفطوم : امول امول الحقي بسرعه ذياب وصل تحت وكان مسوي حادث وهو تعبان وااايد وبكبره دم ومثلن انهن قاعدات يصيحن لواتي ها البنات 
امل وهي مش مصدقه وشوي وبتصيح:جذابات حرام عليكن لاتقولون جيه 
امون : تعالي بنراويج بعينج عسب تعرفين ان نحن مانجذب
فطامي وراحت تنفذ الخطه ظربن عصفورين فحجر واحد: 
شلت البالون اللي يسوي صوت يوم يقعد الشخص عليه >اكيد عرفتو ا شو اقصد
المهم راحت فطامي وشلت مبايل امل وطرشت مسج لذياب مكتوب فيه الحق مصيبه يايتنك في الطريق فا احسلك خذ الحذر لاتتسال انا منوه انا فاعل خير 
ويوم وصل المسج لذياب وقف ومستغرب منه 
منصور: شو فيك وقفت مره وحده 
ذياب: ياخي يايني مسج من رقم غريب اندوك اقرا 
منصور اهبل ماعرف رقم اخته مانتبه :هيه والله منوه ها اكيد حد من الربع هاي سوالف هزاع 
فطامي استغلت الوقت وراحت من وراهم من دون مايحسون وحطت البالون مكان مايقعد ذياب 
وطبعن مع اتفاق امون ان ينزلون امول بها الوقت 
امون وامول يحدرن الصاله وفطوم ميته من الضحك
وامون نفس الشي
امل : ذياب الحمدا الله على السلامه ماتشوف شر انزين شي عورك اتحس بشي رحت المستشفى وشو قالو خبرني
ذياب ومنصور فاتحين ثمهم مش عارفين شو السالفه 
اليده : اندوكم انا بذبحها ها البنت تعالي اقولج تعالي اضربج بها العصا ويديه شعنه تتفاولين على الريال علني بلاج يا املوه 
امول وهي تشوف فطوم اومون وفهمت ان هاي خطه من خططهم
امول : اسمحيلي يدوه هذيل البقر روعني سوولي فلم هندي وعاد انا صدقت 
اليده : فطوم منوه يعلني افارج ويوهكن يا الحمير اشعنه تتبلن على الريال 
ويدخل عرض ذياب فا السالفه 
ذياب : هيه يدوه عندج ياهن عطيهن من ها الزين عيل يرضيج يتفاولون عليه 
اليده: لاغناتي يعلني افداك انت تسواهن هذيل الشيف 
ذياب وهو ميت ضحك يحليله مايعرف شو اللي ينتظره
امل : اوه صح نسيت اسلم اشحالك ذياب
اليده : اخ عليج من بنيه اشعنه احنا يهود ماتسلمين علينا بس ذياب 
وفي هاالوقت ارتسمت ملامح الخجل على ويه امل وطالعها ذياب بنظره خلاها تستحي 
منصور : ياريال بلاك واقف جيه مانثبرت مكانك تقول صنم
ذياب وهومتلوم : ياخي نسيت شغلتني سالفه المسج 
امل والفضول يذبحها مش عارفه شو السالفه<< اونها تغار 
ويقعد ذياب على البالوون وينقع المدفع لووول تخيلو الموقف
اهنيييه البنات ماتن ضحك وامل معاهن 
ومنصور ماسوا واحد اثنين شغل التسجيل وسجل 
اليده : اخ عليك من ولد شو سويت عكرت الجو ماتستحي حشى لااحم ولا دستور ياخي حشم 
امل: ههه يدوه ريحت بواليييع 
ذياب في خاطره اوكي يا املوه انا براويج تضحكين 
طبعن عرف ان سوايا ها الثنتين 
ذياب :انا اراويكن على الحركه تحطون بالون ها 
تريا انت ياصبي الفريج ان ماراويتك <<يقصد امون هذا لقبها لانها دوم تحوط فالحاره وتلعب مع الاولاد يوم صغيره
امل تريد تغلس عليه: اقول ذياب من وين ماخذ ها العطر ريحته تجنن
ذياب: ههه سخيفه جب انتي يا سيلاني ام صروال فسفوري مقطن 
امل: عادي احسن ماكون بتاني بوصنان وصاحب روائح كريها
منصور: صدقتي يا اختي فاضحنا فضيحه في كل زمان ومكان 
وتمت السوالف والضحك
ونرجع لبوظبي
بيت ذيــاب
مريوم : امااايه اريييييد اروح العين 
ام ذياب : ماشي في الصيف بتروحن احين امتحانات عليكن في الجامعه 
شما : عاادي امااايه مافهيها شي عيل السيد ذياب ماتقوليله شي يوم يظهر 
ام ذياب : ذياب ريال عادي 
مها : امااايه انا اريد اروح دبي ولهت على فطوم 
شما وهي دايمن ضرابه مع فطوم وهي ترمس بصوت الله لا يراويكن كيف كلحد يكره صوتها : مالت عليج انتي وفطوم انا ولهانه على اموله حبيبتي 
ام ذياب : فديت فطامي انا والله انج ماتسوينها يامسوده الويه فديتها وفديت منطوقها الغاوي يالت وحده منكن تشابها من حد اييهن تفز وتحط الفواله وتعابل هب شراتكن كل وحده ماتتنزل تسوي شي ولا اموله ياحافظ عليها عليها جمال ماشالله ربي يحفظها والله ياني مشتاقه لسوالفها الحلوه امل واايد اجتماعيه مع كل حد 
مريوم : امممم هب لازم نحن انسوي عيل ليش عنا خدامات 
شما : امييه شو قلتي اول بنروح دبي اريد اروح اخذ ملابس وعقب بنروح العين 
مريوم : هب كيفج هب رايحين دبي عسب تشترين ملابس 
ام ذياب : منو قال اني بوديكن اسبوع الياي بنروح كلنا نحن وقوم فطامي 
مها بفرح : يااي عجيب 
مريوم وهي تقوم : اناااا بروح بيت خاالوه ولبست شيلتها شلت معاها البشكاره وراحت بيت خالتها مشى لنه قريب 
نرجع لدبي 
الساعه 11ونص فليل 
ذياب وهو يقوم : يلا انا رايح تامرون بحايه 
بو فطامي : الغالي بات اهنيه وباجر اسرح بوظبي شو يوديك احين ليل 
يدوه : هيه ورفجه ماتروح 
ذياب :بس 
وتقطع كلامه ام فطامي : الغالي ماتظهر احين وانت بتنام اهنيه والبيت كبير ويسد هب من صغره وانا برمس احين سلامه
راحت ام فطامي ترمس سلامه ام ذياب 
وذياب في هل اليوم متشقق بيبات في البيت الي فيه حبيبه القلب واملوه شراته في هل اليوم ماقدرت تنام الليل
من فينا ها الليله ينام وكل واحد شايل بقلبه كلام 
اليوم الثاني هو يوم السبت 
وراحو قوم منصور واملوه وذياب بوظبي وعقبهم بشوي بعد ام فطامي وبوها 
وفطامي من راحوا افتقدتهم وبعدها راحت تتصل في ربيعاتها تتخبرهم جان عندهم امتحان ولا واجب وسولفت مهاهن وبعدها اكيد راحت تقعد علي المنتدي ويدتها كانت بيت اليران 
فطامي ويرن تيلفونها وكانت تومتها دوده يعني مهو اخت ذياب 
فطامي : الو مرحبا سمو الشيخه فطامي معاكم علي التيفون مباشره 
مهو : سبااله 
فطامي : حيوانه شو من المذهب فيج جيه الناس يسلمون يا ويه العنز 
مهو : هههه كيفي 
فطامي : ها مهو اجوفج ماتحدرين المسن 
مهو : احدر انزين نزلوا بارت القصه ولا 
فطامي : فااتج نزلت الكاتبه بارت واسميه يجنن 
مهو : جذااابه متى 
فطامي : البارحه نزلت بارت قلت قريبه مارديتي 
مهو : البارحه كنت رايحه سويحان مع قوم عمي 
فطامي وهي تصرخ : يااااا السباااله تعرفين اني احب سويحان وفي خاطريه اروح سويحان ليش تروحين من دوني يالعنز 
مهو : انزين اخبرج على الاسبوع الياي بنروح العين نحن وانتوا 
فطامي : جذاابه 
مهو : والله 
فطامي : ياااي عجيب انزين يلا انقلعي عندي خط 
مهو : باي 
سكرت فطامي عن مهو قدعت ترمس يزوي بنت عمها 
امم فطامي ويزوي علاقتهم ما انقطعت يعني غير عن فطامي وهزاع الي مايعرفون بعض 
وبعدها راحت تقعد تسولف مع يدوتها ولين نامت وهي هل اليوم نامت عند يدوتها 
يوم الاحد 
في المدرسه 
فطوم وبسوم يضاربن فطامي : حراااام عليج بسوم خليني اجوف شو كتبتي 
بسوم وهي تخش الدفتر عن فطامي : ماريد بتسرقين شعري 
فطامي : مالت عليج شو ابابه يلا خليني احين بتي شلوق 
بسوم : ماشي عقب عقب 
مريوم : فطااامي 
فطامي وهي تصد علي مريوم : لبيه 
مريوم : تعالي اجوف في الشيره شي لوووز قومي نروح ناخذلنا 
فطامي : هيه يلا 
وراحت تيمون وبومبا عند شيره اللوز وقعدن يخرفن لوز والبنات يطالعنهن وهن مسويات طاف 
وارحت الصف والمس كانت قاعده وهن حدرن وسلمن وقعدن ياكلن 
حصوه : انتو بسكم من هل الووز بطنكم بيعوركم 
مريوم : لا مايعورنا انتو ماتعرفون فطاامي باجر بنيب ليمون وملح حق الووز << اممم هن كانن ياكلن الووز الي لونه اخضر الي بعده ما استوى والكل مستغرب 
مريوم : فطامي عطيني لوز 
فطامي : خلص 
ميروه : خيبه مش بطن عليكن 
مريوم وهي تقوم وتروح عند المس : مس خليني اروح عند شيره الووز اريد لوووز 
المس : ماشي 
عاد مريوم شغلت الونان مالها : ابااا لوووووز ابااااا لووووز
المس : عقب الحصه 
مريوم : لااا ابااا لوووز << اشوي وبتصيح وكل الصف يضحك عليها 
المس بعد ماطفرت من حشرتها قالتلها اتروح لنهن خلصن الدرس اصلن 
مريوم وهي واقفه عند باب الصف : فطامي يلا 
راحن رقيه وسبيجه عند شيره الوز وطبعن ما يطولنها لنهن هفن كل الووز الي كان قريب منهن 
مريوم وفطامي يزقرن طرزان : طرزااان تعاال نبا لوز 
وميروه وبسوم يضحكن عليهم لنه شكلهن وهن واقفين عند الشيره ويضحك وخصوصن انه فطامي كانت شاله خشبه طويله بس ماقدرت تطيح شي 
ويت ميروه وخطفت لوز وسكتتهن 
وراحن الصف 
بسوم : فطامي اسمعي شو كتبت 
انا مليت من الدراسه وشكل الطالبات 
مليت من المدرسه والسبه المعلمات
يامرن وينهن وكل يوم امتحانات 
ولا وبلئخير يقوولون راسبات 
وكله خرط اصلن نص الاوراق مش مصلحات 
والبنت الكاشخة والحلوه شهادتها كلها دويحات
والبنت الخايسه الخسفه شهادتها كلها اميات 
اه يالقهر يابنات 
احسن نظهر من المدرسه ونشتغل شغالات 
ولا نسرق ونغدي مختربات 
تاليف : بسوم ام جسوم صدق ثره هب جذب 
وكانت تسوي حركات وهي اونها تلقي الشعر وربيعاتها ناقعات ضحك عليها وعلي الاسلوب الي يابت فيه الشعر 
ومر يومهن في المدرسه بسرعه لدرجه ماحسن فيه

اتعبني الهجر لكن مانزل راسي (7)


عقب مرور كم يوم واليوم الثلاثاء 
امون وهي تكلم فطامي : فطووووم بموت قربت الملجه ياااااويل حالي باجي كم يوم بموووووووووووت 
فطامي : عافان الله هب فهود جيه يسويلج عنبو 
امون : احبببه 
فطامي : انزين حبيه متى بتروحين تشرين 
امون : اليوم بروح المول بجوف شو عندهم تعالي معايه 
فطامي : امم اوكي بقول حق يدوه 
امون : مابتقول شي اتعرف انه ماعندي خت غيرج انتي وامول 
فطامي : اوكي يلا بباي بدق حق املوه بجوفها جانها اجهزت 
امون : اوكي 
سكرت فطامي عن امون ودقت حق املوه اتجوفها شو من التجهيزات الي اجهزتها وخلاف سكرت عنها وراحت عند يدوتها عسب انها بتظهر ووافقت 

نروح لبوظبي 
هزاع وهو يكلم ربيعته : افا عليج انا من ريتج وتخبلت من جمالج 
سحرتيني حتى ماقدرت انام اليل من كثر التفكير فيج 
منصور وهو قاعد عدال هزاع ويسمع الجذب الي يخرطه هزاع 
منصوروهو يرمس هزاع : ان ماسكرت والله لا افضحك واقولها يقص عليج 
هزاع وهو يبعد التيلفون من اذنه ويكلم منصور : صبر خلني اقردنها ههه والله انها مال مقصه 
منصور : هزااااعوه ان ماسكرت احين والله لا اقول 
هزاع وهو يرد الفون علي اذنه : فديتج خلاف برد ادقلج عندي ولد عمي 000 هيه اوكي 00 خلاص عيل 00 انشاء الله من اعيوني 0وسكر عنها ولتفت لمنصور : هااااا زين جيه خربت علينا الصيده اليديده 
منصور : هزاع انت عندك اخت وانت قاعد تلعب على بنات الناس خاف ربك ماتخاف انه هل الشي يرجع لختك 
هزاع : والله لا اذبحها وثانين البنات هن الي فارات نفسهن هب انا وهيه الي يت يوم كنا في الكوفي وطلبت رقميه 
منصور : انزين جان وقفيتها عند حدها هب تسايرها وشو تذبح ختك بعد والله ان سمعت مسوي حق يزي شي والله لا اذبحك 
هزاع وهو يطالع منصور بنظرات : نعم 
منصور وهو يعترف حق هزاع :شو انا احب يزوي وبتقدملها جريب بس اتريها تخلص الثانويه وماباجي غير شهر وبتخلص 
هزاع تم ساكت لانه منصور ولا مره اعترف لهزاع انه يحب يزوي 

نرجع لدبي 
خلصن البنات من التشري وراحن يتعشن وبعدها رجعن البيت 
اليوم الثاني في المدرسه 
كلهن قاعدات يسولفن ماعادا حصوه كانت قاعده علي طاولتها ومحطيه راسها علي الدرج 
مريوم وفطامي يوم راحولها 
فطامي: حصوه شو فيج؟؟
مريوم : هيه من ييتي وانتي زعلانه شو فيج 
حصوه : ماشي 
فطامي : جذابه
حصوه : صدق مافيه شي 
مريوم : بسوم ميروه تعالو هااااي شو فيها ؟
ين بسوم وميروه يقعدن معاهن واتخبرنا شو فيها وعقب موت قالت 
: عبود عرسه 4_6 
مريوم وفطامي وبسوم بصدمه : هاااااااااا 
حصوه وهي تضحك بالم : هههه شو فيكن 
فطامي : حصوه عن الجذب 
مريوم :هيه لا تجذبين مستحيل هو يحبج 
بسوم : احين بتقول كنتو في برنامج صادوه 
ميروه : شو فيكن صدق السالفه 
مريوم : انا ما اصدق 
فطامي : انا بعد ما اصدق
حصوه : جابرينه 
فطامي : مستحيل الريال يجبرونه 
حصوه : لا جابرينه لانه ابوه وصى قبل لا يموت انه ياخذ بنت عمه 
مريوم : عيل ليش قال انه يحبج وعقب ماحبيتيه صدق انه سبال 
حصوه : هب جيه السالفه امه البارحه قالتله متى بتاخذ بنت عمك ويوم قالته ظهر من البيت ويوم رد قالتله العرس والملجه في نفس اليوم وانا حددت وهو ماقدر يقول لا هذي وصيه عادي شو فيكن اطالعني جي الله يوفقه 
000 الله يسلمكم غبوش تحب ولد خالت امها وتكلمه في المسن وهو يحبها وهي تحبه وهو عمره 22 

بسوم : اوكي عرسه بيصادف اخر يوم امتحاناتنا بنروح العرس وبتروحين معانا 
حصوه : شو تروحون انا هب رايحه العرس
فطامي : لا بتروحين مش على كيفج 
مريوم : هيه بنتكشخ وبنروح نطالع العروس كيف شكلها 
ميروه : عبود بينصدم لو جافج يايه 
حصوه : اصلن قتله انا هب يايه 
فطامي: هب كيييييييييفج بتروحين عسب يعرف انه عااااااااادي عندج 
وتمن البنات يازرن حصوه عسب ماتكون مضايقه والحمدالله قدرن يضهرنها وبعدها ردن البيت وطاف هل اليوم بسرعه 
اليوم ملجه امون 
وهل بوظبي يو وبعد اهل ذياب وحتي يزوي بنت عم فطامي 
البنات في الصالون يتعدلن في منهن راحوا عمرو وفي منهن راحوا اروشي 
وخلصن ويترين حد ايي ايشلهن 
فطامي وهي ادق حق منصور اخوها 
عند هزاع منصور كان معاه في السياره ومنصور كان نازل محطه البترول وفي هاي اللحظه رن مبايل منصور وجاف على الشاشه دلوعتيه 
هزاع : هااااا دلوعتيه ويقول ماعنده سوالف بنات مابنات ان ماريدت واخرب عليه ما اكون انا هزاع 

هزاع : الو مرحبا الساااع 
فطامي كانت هب منتبه حق الصوت : منصور حبيبي وين انت 
هزاع فتح اعيونه ويقول في خاطره : لا ويقول مايكلم بنات 
فطااامي : منصووووور وييييييينك 
هزاع : هلا 
فطامي : هزاااااعوه ؟
هزاع وهو عرفها : فطوم وريل يشلج خيبه هب صوت 
فطامي : امييييييين يارب العالمين وافتك منك المهم وين شيخك منصور 
هزاع : اف منج من بنت . منصور احين ياي 
فطامي : انتو وين ؟
هزاع : وانتي شو لج ؟
فطااامي : اف ياربي اريد حد اي ياخذنا من الصالون 
هزاع : امممم اتري والله انا بنزل عند ربيعي وبخلي منصور اي جداكم انتو في اي صالون ؟
فطامي : احنا في عمرو الي في شنغريلا
هزاع : اوكي يا ام لسان بقوله 
فطامي : اوكي يلا اقلب ويهك 
هزاع : جب يامسوده الويه 
فطامي : انا برونزيه الويه ويييييييييييييييو 
هزاع : والله انج ياهل 
فطامي : عاااااادي باااااااااي 
سكرت فطامي عن هزاع وقالت حق البنات يجهزن لانه منصور بيخطف عليهم 
وبعد نص ساعه خطف منصور عليهم وراحوا بيت امون لانه الملجه في بيتهم

في بيت امون 

امون كانت لابسه فستان وردي بنوتي شكله وجنان ظهر عليها, من منيش وفطامي لابسه فستان فوشي وظهر خبال عليها وامول فستانها لونه احمر يغرم الصراحه وكل وحده اتقول حق القمر قوم انا بقعد الصراحه كل وحده احلي عن الثانيه وخصوصن امون اللي تغير شكلها وايد حلو 
في غرفه امون 
امون وهي ترمس البنات الي معاها : اييييه احس شكلي مش حلو 
امول : لا بالعكس تخبلين 
فطامي : احين فهود بيتخبل 
يزوي الي يت من بوظبي عسب ملجه امون :هيه والله امون شكلج وايد حلو خل خالوه تقرى عليج 
وتمن البنات يسولفن الين ما يا عمور اخوها وعطاها الكتاب عسب توقع 
علي الساعه 10 نزلت امون والكل انبهر من شكلها لانها كانت واايد حلوه هب امون ام كشه الي متعودين يجوفونها كانت ضاهره كيوت 
وقعدت وين الحريم يسلمن عليها وبعدها اشتغلن البنات في الرقص 
واعلنو دخول فهد 
امون وهي ترمس فطامي : ايييييه فطوم ماريد يحدر بموت يامامي 
فطامي : ههه هب فهود جيه يسويلج 
امون : فطوم تمي معايه وازقري املوه السباله راحت 
فطامي : انا بعد احين بروح يلا بااي
امون : تعاااالي يالسباله 
فطامي ستوتلها طاف وراحت 
وحدر فهود وابوه واخوان امون عليها وهي كانت منزله راسها وبعده ماجافها وسلمو عليها وباسها فهود على راسها وتم واقف عدالها وهو لين احين ماجافها 
وين ام امون وام فهود يباركون حق امون وفهود وراحن 
فهود وهو يرمس امون : مبروك 
امون بمستحى : الله يبارك فيك 
فهود : انزين صدي خليني اطالعج 
امون وهي خلاص بتموت : استحي 
فهود : انزين بس صدي طالعيني 
امون وهي تصد اطالعه 
فهود انصدم ماكان متوقع انه صبي الفريج تكون بهل الجمال 

0000 على فكره امون وفهود يحبون بعض من يوم هم صغار ومحيرين حق بعض بس فهود ماجاف امون من كم سنه لانه كان يدرس برع 000
فهود : امووووون يخرب بيتج كيف حلوه 
امون بدون حاسيه : اييييه يالسبال قول ماشاء الله 
فهود : ايوا ايوا اظهري على حقيقتج هاي امون الي اعرفها بدفاشتها 



امون : هههه ماروم لازم اظهر علي حقيقتيه 
وتموا امون وفهود يسولفون ويتصورون 
وراحوا قوم فطامي البيت وقوم هزاع ردوا بوظبي 
في سياره هزاع 
ام هزاع : يحافظ على فطامي مجملها 
يزوي : هيه تخبل كل ما اجوفها تحلو ازياده ماشاء الله عليها 
ام هزاع : ثره في ناس كانو يتخبرون عن امول ويوم دروا انها مخطوبه حق ذياب اتخبرو عن فطامي ولا ام سيف قالت اريدها حق ولديه جان اقولها لا محجوزه لولديه 
هزاع بصدمه : شو 
ام هزاع : هيه والله انا في خاطريه انك تضوي فطامي ويوم جفت الحريم انه يبن فطامي قلت انها محجوزه لولديه 
هزاع تم ساكت ومايعرف انه اذا هو موافق عليها ولا بس في شي يحسه انه يحبها وفي نفس الوقت لا لانه مايعرف كيف شكلها وتم سرحان طول الطريق وام هزاع ويزوي يسولفون وهزاع ساكت 


نهايه البارت

اتعبني الهجر لكن مانزل راسي 00(8)



جربن الامتحانات والبنات شادات حيلهن وكلن لاهي في حياته 
في بوظبي في سياره منصور 
هزاع : منصور بكمل دراستيه 
منصور : اوكي بس وين لا تقول برع ياويلك 
هزاع : لا هنيه في الامارت 
منصور : وين 
هزاع : امم الصراحه انا فكرت في الجامعه الامريكيه 
منصور : والله اوكي ليش لا بس بتدرس وبتشتغل في نفس الوقت 
هزاع : هيه لانه ابويه وابوك معتمدين علينا في الشغل وانت بروحك مابتقدر تدير الشركه 
منصور : ثره ابويه وعمي معايه عادي 
هزاع : لا عادي بداوم الصبح وباخذ مساقات وقت العصر 
منصور : والله الي يريحك
هزاع : انت مابتكمل دراسه 
منصور : لا دام الشغل وعندي شو ابا في الدراسه 
هزاع : بس شهاده الجامعه تنفع اكثر من الثانويه 
منصور : اعرف بس الحمدالله الخير عنا والشغل عنا يعني مالي حايه عسب اني اكمل دراستيه 
في هل الوقت رن تيلفون منصور وكانت فطامي داقه 
منصور : هلا ومرحبا في الشيخه فطاااااامي 
فطامي بضيجه : هلا منصور 
منصورحس فيها : شو فيج غناتي ؟؟
بهل الوقت صد هزاع يبا يعرف شو فيها 
فطامي : مااعرف احس اني مضايقه ووراء باكر امتحاناتي واخاف ما اييب نسبه واحين كل ما افج كتاب احس مش فاهمه شي ابدن 
منصور : فديتج فطامي انتي لا تحطين في بالج انج مابتيبين نسبه وروحي صليلج ركعتين واقريلج قران وانشاء الله بتحسين انج احسن 
فطامي : انشاء الله انت وين غناتي
منصور : والله ظاهر مع هزاع ولد عمي 
فطامي : اها انزين تامرني بحايه 
منصور : لا سلامت روحج 
سكرت فطامي عن منصور ، وتم هزاع يسولف مع منصور 

في بيت ذياب 
ذياب وهو يكلم امه : امااااااايه انااا اريييد املج عليها في الصيف مالي خص كلمي خاااااالوه احين 
ام ذياب : انزين يا ذياب لا تاكل فوادي 
ذياب : كلميها احيين البنت من متي وانا محيرنها 
ام ذياب : انزين فديتك بقولها بس لا تحن عليه 
ذياب : انزين من يخلصون امتحانات بملج ماااالي خص 
ام ذياب وهي خلاص طفرت من ولدها الي من الصبح وهو يحن عليها : انشااااااااء الله من اعيوني
ذياب وهو يبوس امه : فديتج يا احلي ام في الدنيا
وراح عنها ذياب وراحت ادق حق ام فطامي وتقولها 
في دبي 
وبالتحديد في بيت امون 
امون : فهووود حبيبي مش عقب الامتحانات امره 
فهد : امون ياحبيبي شو بيستوي لو خليتي العرس عقب الامتحانات لازم اتريا شهرين 
امون : فهد فديت خشمك انا ما اتجهزت الين احين وامتحاناتي بتبدي يوم الاربعاء وعقب ما اخلص بجهز ويالله يالله شهرين يسدني 
فهد بتحديد : والله يا امون ان قلتي باجل العرس عقب كم شهر لا اذبحج وبطلقج بعد 
امون بدلع : اهووووووون علييك انا حرمتك حبيبتك من ايام الطفوله اتهدني خلاص انا زعلانه لا اتكلمني يلا باااااااااااي 
وسكرت التيلفون سيده وهي تضحك لانها تدري فهود بيرديتصل 
دقايق وانه فهود داق 
فهود : امووون غناتي زعلتي ؟؟
امون : هيييييييييييه زعلت 
فهود وهو مصدق : والله امون فديتج مش قصدي اني ازعلج اتعرفين انج ماتهونين عليه 
امون : ادري بس استهبل. وضحكت ضحكه غبيه : هيهيههيههيه
فهود : مالت عليج وعلى ويهج يالدبه
امون : هيههيههيه<<< طبعن هاي الضحكه هيه وامول وفطامي يضحكونها يوم يستهبلن 

فهود : انزين حبيبي بدقلج خلاف مروان ولد عمتيه يترياني 
امون : اها اوك 
فهود وهو اذكر شي : هيه صح تعالي منو يوم الملجه لابس فستان فوشي جيه شكله غريب 
امون : هااااااا اعترف ليش تتخبر قول لا اذبحك احين 
فهود : لا مش انا بس مروان جاف وحده كانت ظاهره وهيه مش متغشيه ماكانت منتبه انه حد واقف وتخبل عليها وماذني عليها 
امون : هييه اضن فطامي بنت خالتيه لانه ماحد ظهر غيرها وهيه فستانها فوشي غريب شوي 
فهود : اها انزين عيل يلا بباي حبيبي
امون : ربي حفظك 
سكرت امون عن فهود 
وراحت قعدت عند امها 
ومرن هل اليومين بسرعه وبدو البنات امتحاناتهم وكان اول يوم عليهم تاريخ وراحن يمتحن ويرجعن البيت ويرقدن اشوي وبعدها يردن يدرس حق اليوم الثاني وطاافن اياام الامتحانات بسرعه واليوم اخر يوم في المدرسه عند شلتنا وبعد ماظهرن من الامتحان 
ميروه : ها شو سويتن 
حصوه : الحمدالله كان اوكي بس اشوي في الفراغات خبصت 
ميروه : انتي ميامي شو سويتي
ميروه : اوكي احس انه كان سهل 
فطامي : هيه بس دقيق واايد 
بسوم : انا راسبه في الامتحان فلا تحاولون 
البنات كلهن التفتن صوبها : ليش لايكون ماحليتي 
بسوم : لا انا الصراحه حليت الي اعرفه والي ما اعرفه خليته فاضي والله العلم ليس في الفيزياءوالاحياء العلم في الدين 
ميروه : ههه والله انه انتي سوالف
وينهن كيكوز ونهلوه واتخبروهم شو سون في الامتحان وبعدها قعدن علي الكراسي يسولفن لانهن اليوم اخر يوم وسلمن علي ربيعاتهم 
نهلوه : بسمكم قصيده كاتبنها فيكم 
فطامي : سمعينا 
نهلوه : مـاروم انا على فراقكن والله ماروم000
خلاص تعودت على شوفتكن كل يوم 000
بشتاق لسوالفج يابسوم والله بتوله عليج يا ام جسوم 
وميامي يلي دومج عكس كلامي 000
وفطامي شــيـخة دلـع ايـامي وزماني000 
بشتاقلج والله ياميراني 000
بدونكن ماعرف كيف بيغدي حالي000 
بموت من الشوق بفراقج ياغبوش 000
فديتكن والله ياشله الهوش 000
تاليف : نهلوووه عضوه جديده من اعضاء شله المغرومات

فطامي : حلوه صح لسااااااانج 
نهلوه : صح بدنج 
فطامي : نهلوه عطيني الدفتر الي عندج بكتبها 
مريوم : احين نهلوه انا عكس كلامج 
نهلوه : هيه انتي دايمن تغايضيني 
مريوم : حرام انا احبج 
بسوم : فطااامي فطااااامي الحقي 
فطامي : شو ؟؟
بسوم: هكي x.o
فطامي : جب ياحيوانه 
بسوم : ماايستوي فطامي لازم تروحين تسلمين عليها هيه وصاحبه الواحه 
البنات كلهم : خخخخخ ماعدا فطامي الي مفوله 
فطامي وهي تصرخ : جاااااااااااااااب 

000 الله يسلمك بخبركم شو سالفه x.o وصاحبه الواحه 
بسوم ومريوم قالو بيوهقون فطامي فيوم فطامي كانت غايبه راحن بسوم ومريوم عند صاحبه الواحه وقالولها فاطمه تسلم عليج وهي تحبج واااايد بس تستحي اتقولج فيوم رجعوا البيت قالوا حق فطامي السالفه وهي عصبت عليهم والمره الثانيه يوم كانوا واقفين عند المقصف يشترون كانوا واقفين فطامي وبسوم ومريوم وفي بنت مصريه واقفه جدامهن ومتييينه وعلى شيلتها مكتوب x,o فبسوم سمتها اكس اوه وكانو ينغزونا فيوم تصد يردون وعقب يردون مره ثانيه نفس الحركه وهن ميتات ضحك وعقب قالن حق بنات الصف فطامي تحب صاحبه الواحه واكس اوه وهيه ابدن لا تحبهم ولا شي 
امم صاحبه الواحه سموها جيه اونه على قولتها مركز الواحه مالهم وهيه خراطه طبعن لووول

بسوم : ياااااريال مايصير جيه ماتسلم عيب ياخي
فطامي : بسوووووووم يالدبه والله لا تتصفعين 
مريوم : قومن نظهر خاري يونا اكيد 
وظهرن البنات خاري وسلمن على بعض وراحن بيوتهن وكل وحده منهم متشققه خلصن امتحانات
فطامي وهي تحدر البيت : ياااااااااااي يدوووووه خلصت 
يدوه : يامسوده الويه يافطيم جيه الناس يوم تحدر 
فطامي وتورح وتبوس يدوتها : السلاااام علييييكم يا احلى يده وأم وصديقه وكل شي 
يدوه : فديت روحج يا فطامي انزين امايه شو سويتي في الامتحان 
فطامي : الحمدالله واخيرن خلصت 
يدوه : هيه ماورا عليكم وانتو تدرسون امايه لايكلفه الله نفسن الاوسعه << مقوله يدوه 
فطامي : صح كلامج يايدوه 
ورن تيلفون البيت وتروح فطامي تشله 
منصور : مبرووووووووك فطاااامي 
فطامي : الله يبارك فيك اخيرن والله مابغيت 
منصور : عاد نتريا النسبه 
فطامي : يامامي والله اني شاله هم النسبه 
منصور: لا انشاء الله ناجحه 
فطامي : انشاء الله منصور تعال دبي ولهااانه علييييك ماريتك من متى 
منصور : انا بسافر باجر وبخطف عليج لاني اريد اسلم على يدوه
فطامي : نعم نعم نعم بتسااااافر لا عيوني وليش اتسافر من دون شوري وين بتسافر بعد ومع منو وليش؟؟ 
منصور: خيبه خيبه عنبو ولا لسان مصريه حشى اولن يا دلوعتيه مره ثانيه باخذ شورج انشاء الله من اعيوني وبعدين انا بسافر عسب عندنا مشروع في المانيا وبسافر بروحي وعقب بيلحقني هزاع فهمتي 
فطامي وهي تحيس بوزها : اف اف اف انا الصراحه اغار من هزاع كله معاك اربع وعشرين ساعه 
منصور:ههه ماعرف ليش انتي وهزاع ماتتقابصون 
فطامي : لانه يقهر 
منصور : هه ولد حلال هكو عندي على الخط بسكر عنج حبيبتي تامرين بحايه 
فطااامي : سلااااامت روووووحك ياحبيبي وحيااااتي اموااااااح احبك 
منصور: ههههه فديت روحج وسكر عنها 
راحت فطامي عند يدوتها عسب اتقولها انه اليوم بتروح عرس واول شي ماوافقت لكن يوم رمستها ام غبوش وافقت 

العصرالساعه 4:00 في دبي في بيت غبوش 
كانت قاعده وتسمع اغنيه :
هذا حبيبي هجرني ونساني 000كان دايم يحلفي يباني 
كان يصون حبي وحناني 000 ودار الزمن عليه وفرقني 
وكانت في هل الحظات تمسح دمعتها الي اطيح على خدها ودمعه وورا دمعه الين ماصارن شلال كان شكلها يحزن صدق وفي هل الوقت حدرن شيخوه وفطامي عليها لانهن يايات مع بعض 
فطامي يوم جافت حصوه جيه راحت وحضنتها : حصوه فديت روحج لا اتصيحين مايستاهل دمعه من دموعج خلاص فكري انه هو اليوم بيكون ملك غيرج انسييه 
حصوه وهي تصيح : حراام فطامي الي يسونه فيناوالله حرام هو يحبني وانا احبه ليش يحرمونا من بعض ليييييش وتصيح بحرقه وصاحن معاها فطامي وشيخو وبعدها تمن يهدنها وين باقي البنات عسب يروحن الصالون وعلى الساعه 5 راحن 0000

في الصالون يتعدلن البنات الي هن ( فطامي ـ غبوش ـ ميروه ـ بسوم ـ مريوم ـ شيخوه )
فطامي حق راعيه الصالون : لا لا اريد يكون وااااايد خفيف 
مريوم : فطامي خل تسويلج المكياج شرا الي في الصوره 
فطامي : لا ماريد جيه اريد << وترمس الي تمكيج : تحطين اهنيه خفيف واشوي تقمجين اللون من فوق واريد قليتر خفيف 
وسوتلها شرا مابغت وسون شعرهن صح احين انه هن مالهن خص في ها كله بس ها كله عسب خاطر غبوش مايبنها تحزن 
وغبوش ماشاء الله ظهرت اتجنن ويوم ظهرت حق البنات قعدن يصفرن والي تصفق وحالتهن حاله وبعدها راحن كراون بلازا عسب العرس هناك واول ماحدرن البنات الكل كان يتخبر عنهن وراحن قعدن وبعدها ين بنات يقربن حق غبوش تعرفن البنات على بعض ويوم وقت حزت العروس كلهن صدن على الباب يطالعن العروس فيوم حدرت البنات الي هن ربيعاتنها اعيونهن معلقه على الباب يترينها وفيوم اجدمت اشوي روها وكانت حليوه ماشاء الله عليها وقعدت تمشي شوي شوي الين ماقعدت في مكانها وبعدها بدت الربشه 
غبوش : اييييه بنات قومن 
البنات : وين 
غبوش : قومن بنرقص والله لا اراويك ياعبود عسب يوصلوله الكلام انه عااادي عندي 
البنات : شو نرقص انتي عادي اما احن فمانقرب حق حد عيب الكل بينغد علينا 
غبوش : والله دخيلكم فطامي بليز 
فطامي وهي متشككه : امممم 
غبوش : والله لو ماقمتوا لا ازعل عليكم 
وقامن كلهن وركبن فوق الكوشه والكل التفت يطالعهن والبنات الي كانن يايات مساعه قعدن يشجعن تحت ورقصن وماشاء الله عليهن سكتن وبعد مارقصن قعدن والعروس استانست يوم جافت العرس بدي يرتبش اشوي حليلها امبونها ماتبغي هل العرس 
فعقب على الساعه 11 ونص حدر المعرس وكان شكله متغير حصوه انصدمت يوم جافته بس الى قهرها يوم جاف العروس شق الحلج 
وتصاصر فطامي الي كانت قاعده عدالها : طالعي يوم جافها شق الحلج 
فطامي وهي ترد تصاصرها : حصوه شو قلنا خلاص ادعيله انه الله يوفجه وانتي لا تهتمين ابدن 
حصوه : اصبري ان ماقمت احين اروح اسلم على العروس 
وبعد دقايق راحت حصوه وسلمت على العروس والربع قاعدات يطالعنها لانهن قاعدات على طاولتهن عند الكوشه عبود اول ماجاف حصوه ويهه تغير 180 درجه فالي سوته انها سلمت وباركتلهم ونزلت تحت وهو منصدم ماكان متوقع انها تحدر وبعدها رجعن البيت


اتعبني الهجر لكن مانزل راسي 000(9)

اممم بعد مرور شهر من الاحداث السابقه 
وطبعن في هل الشهر صارت تغيارت وايده ومنها سفر هزاع ومنصور والي رجوعهم اليوم ومن غير ذياب تقدم ل امول وملجتهم حدودها بعد عرس امون وقرب موعد عرس امون وهي احين حليلها من مركز لمركز وحصوه نست عبود لانه بعد العرس باسبوع تقدملها ولد عمها ووافقت 
امم وظهرن نتايج البنات والحمدالله كلهن ناجحات ويايبات نسب تبيض الويه امم تقريبن هل الاشياء الي صارت في هل الشهر 


في بوظبي في بيت احمد عم فطامي 
يزوي كانت قاعده ترتب قسم هزاع اخوها الي اليوم بي 
يزوي : اف عنبو هب غرفه هاي استور في كل مكان مخشش اشيائه ياهل ياهل حشى وتزقر البشكاره : مليتا مليتا 
وياتها البشكاره وقعدت تساعدها وبعدها دخنتها وغيرت اللحاف وعطرته وظهرت يوم تاكدت انه كل شي مرتب ظهرت ترتب الفواله وادخن البيت ها كله عسب منصور اليوم بي بيتهم لوول 
وبعد كم ساعه ضوا الشيخ منصور وهزاع ومنصورعينه على يزوي ويزوي مفتشله وويها غدا احمر من الفشله 

امم يزوي ومنصور يحبون بعض من زمان بس طبعن برود يزوي مايبن انه يحبون بعض ومنصور مقرر يتقدم حق يزوي بس لين احين ماقرر متى 
يزوي وهيه ويها احمر : الحمدالله على السلامه 
هزاع ومنصور : الله يسلمج << وراحت يزوي توايه هزاع اخوها قعدوا يسولفون طبعن مع وجود ام هزاع وابو هزاع وام فطامي وابو فطامي واملوه وكانت القعده حلوه بس مفتقدين فطامي 

في دبي 
بيت امون 
امون : فهووود حبيبي قلت لا يعني شو بيصير فيك لو ما ارمسك اسبوع وكم يوم 
فهود : بموووت 
امون : فهووووووووود والله لا ازعل ان قلت هل الرمسه مره ثانيه 
فهود : هيه بمووووووت من الوله عليييييج وعلى صوتج وعلى استهبالج وعلى كل شي فيج 
امون : علني فداك الغالي انا قلت انه نبتعد عن بعض عسب تشتاقلي الين العرس 
فهد : اصلن انا لو اغيب عنج دقايق اشتاقلج 
امون : فهد حياتي خلاص اسمع كلامي وخل اتم على رايي انه مانكلم بعض لمده اسبوع وكم يوم 
فهد وهو زعلان : خلاص خلاص الي يرضيج وتحملى على روحج غناتي تامرين بحايه 
امون : هيه 
فهد : امري ؟
امون : تشتاقلي ووو << اونها تفكر << هيه وبعد تحلمني كل يوم ومن غير والي هو اهم شي تتحمل على عمرك يااااااا حبيبي 
فهد : من اعيوني ياعيوني 
امون : تسلملي اعيونك الغالي يلا فديتك فداعت الله 
فهد : ربي يحفظج 
وسكرت امون عن فهد وراحت عسب اتقول حق امها تريد اتيب الكنادير من الخياط 0000


اليوم الثاني 
في بيت فطامي 
فطامي : يدوووه 
اليده : امري علني فداج 
فطامي : مايامر عليج عدو اممم شورايج انروح العين 
اليده : وشو اتسوين في العين 
فطامي : امااااااايه ماتعرفين اني اموت في العين اماااايه باقولج سر ثرني انا قايله مابضوي الا واحد جتبي من العين لحبي القاتل لهم 
اليده بنغمه وهي تضربها في عصاتها : انف عليج من بنيه امره امضيعه المذهب جانج بتتنقين من بين الريايل 
فطامي : ههههههه يدوه بس اسولف انزين بس شو اسوي يوم انا احب هاي القبيله احبهاااااااااااا 
اليده : حبيها انزين لكن هب انج اضيعين المذهب وانتي بتضوين ولد عمج وماشي رمسه غيرها 
فتحت فطامي اعيونها بكبرها : شوووو لا لا ماريد هزااعووه بو لسان طويل 
اليده : هب كيفج هزاع شيخ الشباب وانتو لايقين لبعض واايد 
فطامي : ابدن ابدن ابدن الله لا يقوله اني اخذه بموووت 
اليده : انزين بسج من هاي الرمسه الماصخه وقومي اتصلي في امج اليوم ابدن ما اتصلت ماقالت عندي ام لازم اتخبر عنها 
فطامي : الظاهر مشغوله عسب جيه مادقت 
اليده : فزي اتصليلها بلا رمسه فاضيه 
راحت فطامي ادق حق امها وردت عليها وقعدت اتكلمها وتسولف معاها وبعدها عطت السماعه يدوتها 
في بوظبي 
في المارينا مول الساعه 8ونص العشاء 
ذياب : ههه ياخي بس خلهن في حالهن 
هزاع : عنلات صيرها من بنيه ماتجوفها كيف
منصور: انزين انت شولك ياخي بس سولهن طاف 
هزاع : ياخي شو اسوي يوم اني مزيون والكل يحبني 
ذياب: ياريال ! هه خف علينا اشوي 
منصور : يلا خل نروح الكوفي الشباب هناك يتريونا 
ذياب : غايتيه يلا نروح 
وراحوا قعدوا عند الشباب وقعدوا يسولفون عن السيايير والاسهم وهل السوالف 

اما في دبي الوضع عند مروان غير 
اممم يمكن نسيتوا مروان ،مروان يصير حق فهد وهو عمره 21 
مروان : والله يافهود اني حبيتها مادري ليش دخلت خاطريه هل البنت بتقول كيف حبيتها وانا جفتها مره وحده 
فهد :صح كيف ؟؟ يمكن اعجاب ياخي
مروان : اعجاب بيتم من يوم جفتها الين يومك وانا افكر فيها مادري كيف سهرتني هل الانسانه 
فهد : مروان الغالي لا تفكر فيها لانها هيه ماتعرفك ولا بتعرف شي عنك فكيف تتعلق في وحده ماتعرف عنك ولا شي 
مروان وهو يتنهد : وهل الي قاعد اسويه اني انساها امم صح اشحال امون وياك 
فهد وهو يسوي عمره يذكر شي محزن : اسكت ياخي لا اذكرني بس الحمد الله بدا العد التنازلي ماباقي غير كم يوم عن العرس والله اني مشتاقلها السباله وتقول بعد بكل سهوله لا اتكلمني عسب شو عسب اتوله عليها وربي هل البنت خبيله 
مروان : هههه امم تبا تكلمها 
فهد بسرعه : اكيد 
مروان : كم رقمها ؟
فهد وهو يطالعه بنظرات! نعم 
مروان : انت مش قلت تبا تكلمها 
فهد : هيه 
مروان : انزين انا بدقلها وبقولها لحقي ريلج في المستشفي مريض فيه حمى 
فهد وهو يكفخه على راسه : عنلاك تبا تمرضني وانا صاحي مالت عليك 
مروان : امم والله انا قتلك الخطه وانت خسرت كيفك انت الخسران مش انا 
فهد : لا لا خلاص يلادق << وعطاه الرقم 
عند امون يوم جافت الرقم اول شي ماردت ويوم جافته رقم غريب 
فهد : رد دق مره ثانيه بترد اعرفها الفضول بيذبحها هل البنت 
ورد دق مره ثانيه وردت وتمت ساكته 
مروان وهو ينفذ الخطه : الو مرحبا امنه 
امون فتحت عينها جنه بقره جايفه حريجه : شو 
مروان : امم انا مروان ولد خالت فهد 
امون : هيه هيه عرفتك شحالك وشحال هلك وتواليك 
مروان : والله كلهم بخير وسهاله يسرج حالهم امم بصراحه بغيتج في موضوع خاص 
امون : خير ؟؟
مروان وهو ينفذ الخطه : امم الصراحه ماعرف كيف ابدا 
امون : مروان ثرك روعتني شو صاير 
مروان : امم انا بقول والي فيها فيها الصراحه فهد مرقد في المستشفى عليه حمى يهاذي باسمج عسب جيه قلت لازم ادقين ولا اتروحيله المستشفي واصله 40 وانا الصراحه يوم رحت سمعت 
امون : مروان قول الصدق يعني هو احين بخير مافي شي اكيد 
مروان : انتي قولي الحمدالله انه عدا مرحله الخطر لانه كان بيدخل في غيبوبه << يلعن ابو الخرط لوول
امون وهي تدمع عينها : مايستاهل فديته انزين هو في اي مستشفى 
مروان وهو يطالع فهود وفهود ياشر له يقوله انه بيظهرونه احين 
مروان هو يرد يرمس امون : امم والله هو احين يمكن يضهرونه شو رايج ادقين على الموبايل 
امون : اوكي خلاص يلا باي 
سكرت امون عن مروان ودقت حق فهود بسرعه 
فهد يرد ويسوي عمره يكح 
امون : صحه صحه 
فهد: على قلبج 
امون : فهد حبيبي شو فيك لين احين تعبان ؟
فهد وهو يضحك ويكمل التمثيليه : هيه تعبان ومشتاقلج حيييييل وبموت لو ماجفتج على الاقل ولو وسكت عسب ماترف انه يجذب فتم يكح ويكح 
امون : صحه صحه 
فهد : على قلبج غناتي ولهت عليج 
امون : انا بعد 
فهد : امون اريد اجوفج ؟؟
امون وهي ناسيه الي الي قالته : انزين حياك اقرب البيت بس انت تعبان حبيبي 
فهد : لا ماعليج انا يوم بجوفج بنسى المرض والعوق الي فيه 
المهم الجذبه مشت على امون وفهود متشقق من الوناسه 

امم مرن الكم يوم بسرعه واليوم عرس امون والكل كان موجود 
امون : اماايه ماريد اخاف 
فطامي : احين تخافين 
امون : هيه املوه انزلي معايه 
امول : لا فديتج انا بس باوصلج عند الباب 
اليازيه : امون اول مره اجوفج جيه خايفه 
امون : بصيح والله متروعه اتخيلن وانا امشي اتخرطف واطيح مااماتي ...:s
وشوي ويسمعن دق على الباب وكانن خوات فهد 
ايمان : هلا والله في حرمت اخويه 
امون : ايماانوووه متروعه بمووووت خلاص ماريد اعرس بس ماريد 
نجود اخت فهد الي قد امون وفطامي ويزوي : هيه تبين فهد اييج لين هنيه يمطج من كشتج المعفنه 
امون : جب انا عروس واتسبيني 
يزوي : فطامي نسينا نقرصها 
ويترابعن الثنتين عسب يقرصن امون 
نجود اطالعهن وهيه مستغربه :؟ ليش تقرصنها ؟؟؟
يزوي : عسب نزوج عقبها 
فطامي : لا لا تخافين بتعرسين منصور يباج 
والبنات تمن يغمزلها وسولها حركات وهي مفتشله 

عند الشباب الوضع غير 
منصور وهزاع وذياب شادين حيلهم في اليوله وفهد حليله متلعوز كل شوي والمصور يصوره 
في هل الوقت منصور وهزاع وذياب سووا حركه المروحه وهم ايولون والكل تم يطالع يولتهم الي الصراحه ماعليها كلام 
الساعه 11 نزلت امون والكل انبهر لانه شكلها متغير6800 درجه ضعفت عن اول والضعف محلنها اكثر وكانت تمشي كانه ملاك يمشي على الارض وبعدها قعدت مكانها 

علي الساعه 12 حدر فهد ويوم جاف امون انصدم وفي وقتها متشقق من الوناسه وسلم عليها ويالوا اخوان امون جدامها وبعدها سلمو عليها وظهروا وبعدها قعدوا المعاريس يصورون وبعدها زفوهم لانه طيارتهم الفجر بيروحون اوروبا 

في هل الوقت هزاع كان قاعد في السياره عدال الباب يتريا امه واخته وخالته الي يت معاهم العرس 
فظهرت وحده ومشت قدام سياره هزاع وكانت متغشيه فعلق النعول في الفستان وهي قاعده اتعدل طاحت الغشوه هزاع من جافها انصدم 
هزاع : شت شت ما احلاها ياويل حالي اخ يالمشيه كيف شيوخيه 
لانها البنت ماحصلت السياره وردت داخل 
هزاع : لا لا تمي واقفه الا انزل واغازلها يوم كان توه بينزل جاف امه وخالوته وخته راكبين السياره

وبهل اليوم اكتملت فرحه امون وفهد يلي زواجهم اليوم 
وراحو قوم هزاع بوظبي مع انه اليده قالت حق ام هزاع انها تبات بس مارضت ومنصور رد بيت يدوته 

في بيت اليده بعد العرس 
منصور : ياويل حالي غرشوبتين عدالي ماروم 
فطامي وهي تقوم توقف وهي بعدها في فستانها ومكياجها وتمشي شرات عارضات الازياء 
منصور : شت يا فطيم اليوم الظاهر عديتي على العروس
فطامي : لا لا هب انا طالع امولي هيه احلى قمر فديتها ختيه 
وتروح تقعد عدال منصور وتحظنه واملوه من الصوب الثاني حاضنتنه 
منصور : فديتكن ياخواتيه اباكن جيه تكشخن في عرسي
اليده : يالله متى ايي هل االيوم الي اجوف فيه منصور معرس واموله وبنتي فطامي شيخة البنات 
نشت فطامي من حظن منصور وراحت لحظن يدوتها 
في هل الوقت يرن تيلفون منصور وكان هزاع الي متصل 
منصور : مرحبا ملايين الشيخ هزاع بن احمد
هزاع : احم احم اخجلت تواضعي
منصور : اونه ها وصلتوا 
هزاع : هييييه حاليا انا في غرفتيه ومنسدح على السرير وافكر في الغرشوب الي خذا عقلي 
منصور :والله 
هزاع :هيه والله اخبرك كنت قاعد في السياره فظهرت وحده كانت متغشيه وقفت عدال سيارتيه وانا كنت مسكر الليتات وهيه الظاهر شي علق في فستانها وطاحت الغشوه ومن جفتها انصدمت مجملها يالبي ولا على مشيتها الي كانت كلها شموخ وكبرياء وراسها مرفوع فوق 
منصور وهو يقاطعه: خيبه خيبه خليت شي ماقلته 
هزاع : اتصدق لين احين صورتها في بالي 
منصور : اول مره اجوفك تهتم غريبه 
هزاع : اتصدق حتى انا مستغرب من عمري 
اليده : ابويه عندك هزاع 
منصور : هيه امايه 
اليده : قوله زعلانه منه اشعنه مايخطف عليه ولا يسلم 
منصور : هزاع اشعنه ماتخطف اتسلم على العيوز 
هزاع : علني فداها يدوه عطني بسلم عليها 
عطها منصور التيلفون اليده واستلمته سلام قعدت تهزأه ومنصور وفطامي وامول يضحكون 
وبعدها راحو ينامون 
نهايه البارت 

شو تتوقعون يصير ؟؟
منو الشخص الي جافها هزاع هل بتاثر في القصه ولا ؟؟
مروان تعتقدون فطامي بتعرف عنه ولا؟؟ وبياثر في القصه ولا ؟؟؟

--------------------------------------------------------------------------------

اتعبني الهجر لكن مانزل راسي 000(10)
في اوروبا بعد مرور اسبوعين 
امون : فهوووووود حبيبي يلا قوووم 
فهد وهو بعده راقد : همممم 
امون : قوووم يلا بسك رقاد متى بنظهر 
فهد وهو يقوم ويقعد :اول شي صباح الخير ثاني شي انتي ماتعرفين توعين ريلج حبيبج برقه لازم بدفاشه 
امون وهي تروح تقعد عداله وتبوسه على خده : سوري من اليوم وساير بوعيك بكل رقه بس يلاااا قووم والله مليت من القعده من متى وانا ناشه حتى سويتلك ريوق انما اييه يا ابني حتاكل اصابعك وراك 
فهد وهو ينش ويروح الحمام : خلاص بنجوف الريوق الي تطرينه 
في الامارات 
في دبي بالتحديد في بيت فطامي الساعه تسع الفليل
فطامي وهي ترمس ربيعاتها مسوين شبك خطوط : انزين اي جامعه احين بتمون على القرار ولا بتغيرون 
ميروه : غبوش تقول هيه مابتكمل دراسه لانه عرسها بيكون في شهر تسعه وبنكون في بدايه الجامعه 
فطامي : يعني قراركن الاخير الجامعه الامريكيه 
مريوم : هيييه اكيد 
شيخو : يااويلي احب الاجانب انا من احين اقولكم بتعرفلي على اجنبيه ولا اجنبي مالي خص 
بسوم : انزين انزين فكينا 
فطامي : اخبركن هههه لعوزت في يدوه البارحه انتو تعرفون اني احب واعشق اسم حمدان والكل يعرف قلت حق يدوه مابضويلي الا على حمدان الجتبي وهزاتني تهزيـأ من الخاطر ههه وهاي ثاني مره ولا اتوب 
بسوم : تستاهلين ماحد قالج 
000 فطامي تحب اسم حمدان وتعشق هل الاسم وخاصه اسم حمدان الجتبي ويوم حد يتخبرها تقول هذا خطيبي ومناك كله خربطيشن 0000
مريوم : فطامي امم انتي ليش تحبين اسم حمدان الكتبي 
فطامي : الله يسلمكم انا قريت قصه وفي هاي القصه في واحد اسمه حمدان الكتبي وانا امبوني اعشق اسم حمدان وهذا حمدان يحب وحده اسمها فطوم ومن يومها صرت اعشق اسم حمدان الكتبي ومن غير شخصيته اتجنن ومن القصه حسيت اني اعشق قبيله بني جتب والكل يعرف 
ميروه : والله انج مينونه 
بسوم : عيل 
وبعدها تمن يسولفن ويوم سكرت راحت عند اليده 
فطامي : هاا يدوه شو قلتي عن روحه العين حرام نبا نروح مارحت مكان وخاصه انا في اجازه وبعد مابنسافر عسب ملجه اختي الحلوه عقب 3 اسابيع وعقب بتجهز حق الجامعه 
اليده : انزين يا مايه خلاص ثرج كلتيلي فوادي خبري قوم امج انه باجر بنروح 
فطامي : ثرنا بنروح عند قوم خالوه سلامه 
اليده : انزين ولا تقعدين تحنين على راسي 
فطامي راحت تبوس يدوتها وبعدها راحت ادق حق املوه واتقولها انه باجر بيروحون العين عند قوم خالتها سلامه ام ذياب 
وبعدها سكرت ودقت حق مهو اتقولها انه بيونهم ودقت على بيت عمها 
فطامي : الو مرحبا سمو الشيخه فطامي الحلوه تتحدث معاكم شخصين 
وبالصدفه هزاع الي راد : اخبرج انتي انقوح وايد مصدقه عمرج 
عصبت فطامي : اييه انت شو فيك عليه عنبو ليش تكرهني كل هل الكره حشا ماكلت حلالك عسب اطول لسانك عليه وافهم يوم انا برمسك باحترام رد باحترام سمعت يا هزاااااااااعوووووووووه 
وسكرت التيلفون بويه من الحرجه 
عصب هزاع : منو تكون هي عسب اتسكر التيلفون في ويهي عنلاتها من بنت ماطول لسانها خيبه هب لسان حشا 
ورد دق مره ثانيه على رقم بيت قوم فطامي 
فطامي : الو
هزاع : ايه انتي ام لسان ان ماحترمتي عمرج لا اييج دبي واعطيج كف يعدل لج ويهج 
فطامي بغرور : ههااااااي بعده مايابته امه الي يمد ايده عليه وابويه راسه يشم الهواء على العموم انا مالي رمسه وياااااااك باااااااااااي 
وهزاع تم متغايض منها وهي معصبه 
ومرهل اليوم على خير
الساعه 4 العصر دبي
واليوم الثاني نشت فطامي بكل نشاط عسب روحه العين
فطامي وهي تكلم املوه : يلا اظهرو احين الساعه 4 متى بتظهرون ؟؟
املوه : انزين بس نتريا منصور هو الي ماخرنا وابويه مسافر واحنا بني معاه 
فطامي : منصور يستهبل ولا يستعبط ولا ولا 
املوه : لا اتحنين وانتو اصلن بعدكم ماظهرتو 
فطامي : مخلصين انا ويدوه بس تتريا دلال الجاي والقهوه ماتعرفين فاطمه بنت محمد لازم وين ماتروح ويا دلالها اخبرج مهو عندي على الخط يلا باي
املوه : باي
سكرت فطامي عن املوه وردت على مهو 
فطامي : هلو 
مهو : ياحيوانه وينكم متى بتظهرون 
فطامي : لا تحنين اذا حنيتي مابني 
مهو : يلا عاد من متى وانا اتريا تعالي عسب نسرق السياره واحوطج في الحاره ادورين على حمدان الكتبي مالج هههه
فطامي : وااااااااايه يعلني فداااااه حمداني اصلن هو يترياني ولا اتعبين عمرج وثانين ماريد اركب معاج بضحيبي وانا انسانه اريد ازوج 
مهو : انقلعي مش كيفج بتركبين معايه 
فطامي : انزين انزين بجوف يوم بي منو عندكم 
مهو : محد بس قوم عمي 
فطامي : اها انزين دوده بسكر عنج بنظهر احين اسمع يدوه تزقرني 
مهو : يلا انقلعي 
فطامي : الله يقلعج 
وسكرت وراحت مع يدوتها العين وطول الطريق وفطامي تقول حق يدوتها اريد اروح هاي المنطقه ولا هاي 
وطبعن قوم املوه ظهروا بعد 
على طريق دبي للعين 
فطامي: يدووووووه اريد اروح الشويب 
اليده : وشو اتسوين فيها 
فطامي : يدوه هاي المنطقه اغلبيتها بني جتب وانا اريد اروح اعيش معاهم 
اليده : الله يهداج من بنيه 
وكملو طريقهم وبعد ساعه وصلو العين 
طبعن قوم سلامه كانوا في العين قبلهم لانهم تقريبا كل اجازه يروحون العين 0وقوم فطامي رايحيلهم
واول ماوصلو سلمو وشربولهم قهوه وريحو وقوم املوه وصلو بعد قوم فطامي على طول 
عند ذياب ومنصور الي قاعدين في الميلس 
ذياب : ياخي ليش مايا هزاع 
منصور: مادري والله قال انه عنده اشغال 
ذياب : اها انزين قوم بنروح العين مول وعقب بنروح امبزره 
منصور : غايتيه يلا نروح 
وراحوا المول وعند البنات 
فطامي راكبه الدراجه مع مهو وقاعدات يلعبن واملوه كانت قاعده مع شموه ومريوم 
خاري عند البنات 
فطامي : مهو شورايج نظهر في الحاره 
مهو : هيه تبين ذياب ومنصور ينسفونا من الوجود 
فطامي : مش كيفهم والله ومالحقت تكمل لانه مهو طيرتها في الدراجه وفطامي تباغم 
وبعدها حدرن داخل قعدن مع الحريمات يسولفن ويخبرطن عليهم من تاليفاتهن الي يسونها 
عند الشباب في المول 
ذياب : تعال بنروح صوب السينما انطالع شو الافلام الموجوده 
منصور : اوكي تعال اول اريد اروح السلام اريد اخذلي عطر 
وراحو وطبعن شراله عطر وجاف عطر فيرزاجي الي لونه اسود على بنفسجي عطر فطامي المفضل وخذالها اياه 
ذياب : لا والله وليش ماتاخذ حق خطيبتيه 
منصور : ماريد اعناد 
ذياب : عادي لا تاخذ انا الي باخذلها بدال العطر الواحد عشره 
منصور: امزح ياخي بس املوه ماعرف شو الي يعيبها بس فطوم اعرفها تموت على هل العطر اتعرف شو باخذ حق املوه شراتها 
ذياب: هيه زين جيه وبعدها راحوا السينما وعقبها راحوا امبزره وعلى الساعه 1 ردو البيت بعد ما الكل رقد الا البنات 
قعدوا مع البنات يلعبون ورقه وطفروهم اشوي وراحو نامو 
اما السواحر البنات مانامن لانهن بيشردن راحو ركبو دراجه مريوم ال 160 املوه ومريوم وفطامي ومهو كلهن مداعسات على دراجه وحده ومريوم تسوق وكانو مسوين شرات الرمله في بيتهم ونكود صغير حق يصعدون في الدراجه وهم من الساعه 3 وهم يلعبون 
وقفت مريوم في الدراجه وحولت املوه كانت شي اتسوي 
فطامي وهي تصاصر مريوم : روحي عنها روحي 
مريوم : اوكي0 <<وراحت عنها واملوه تربع وراها وهم مشتلين وناقعين من الضحك على شكل املوه وهي تربع وراهم 
مريوم : احين بتجوفين ام الدويس وراج يايه من ورا الشير 
وتصارخ املوه وكانت تركض واخر شي يوم يئست قعدت على الرمله 
ويتها مريوم : هاا شو شعورج عقب المارثون اليومي 
املوه : عنلات صيرج ياحيوانه خليتيني اركض ركض امبوني اضعيفه يعني بضعفيني ازيد 
مريوم : هههههههه شعور حلو صح 
املوه وهي تركب الدراجه : جب ياحيوانه 
مهو : مريوم يلا ركزي 
وركزت مريوم المره الاولى ماصار شي والمره الثانيه نفس الشي والمره الثالثه يوم ركزت انجلبو من على الدراجه كلهن فوق بعض وميتات ضحك وتموا يلعبون الين الساعه سبع 
وعقبها املوه ومهو على دراجه وحده ومريوم وفطامي على دراجه ويوم كانوا يلعبون مريوم وفطامي طبعن مريوم اتسوق وفطامي وراها وكانت مريوم مشتله وفطامي الهبله ماكانت متمسكه لانها قاعده تعدل شعرها الي نفج وفي نزله صغير وعقبها صعده ويوم صعدت مريوم طاحت فطامي من الدراجه وتمت تتقلب على الارض ومريوم ماتدري وفطامي عقب ماطاحت تمت قاعده مكانها واملوه ومهو ومريوم الي يت تمن ناقعات من الضحك على فطامي 
فطامي : ماالت على شيفكن والله اتكسرت انزين < وهي الحبيبه فيها صيحه بس ماسكه عمرها واديها كانت تعورها بس قامت وركبت الدراجه مره ثانيه وعقبها حدرن البيت يريحن شوي لانهن من الساعه 3الفجر وهن يلعبن 
وهن في الغرفه 
مريوم : شموه نايمه ؟؟
املوه : هيه 
فطامي : شو رايكن على الساعه 10 نروح السينما نطالع فلم هندي والعين مول بيكون فاضي الصبح 
مريوم : هيه بنروح 
مهو : تحلمن ذياب ومنصور هنيه مابيخلونا 
املوه : هب كيفهم نبا نروح يقولون عن الفلم الهندي وايد حلو 
مريوم : هيه سمعت عنه 
وراحن يتسبحن ولبسن كنادير وظهرن وراحن الصاله وجافو اليده قاعده تتريق وقعدن معاها البنات وبعدها نشن ام ذياب وام فطامي 
مريوم : امااااايه ثرنا الساعه عشر بنروح العين مول 
ام ذياب : وشو اتسون 
مريوم : بنروح اماااااايه حرام نبا نظهر 
ام فطامي : سلاموه خليهن يروحن البشكاره بتروح معاهم 
وشوي ويحدر ذياب 
ذياب : السلام عليكم 
الكل : وعليكم السلام 
ذياب ويروح عند اليده ويبوس راسها : شحالج يدوه وشو اصبحتي 
اليده : بخير وسهاله الغالي ومن صوبك 
ذياب : بخير ما اشكي باس وراح سلم على امه وام فطامي وهو عينه على املوه متشقق انه جايفنها وبعدها نش منصور وقعدو يتريقون وعلى الساعه عشر نشن البنات وراحن يوعن شمووه عسب تروح معاهن وعقب مالبسوا عبيهم وكانوا بيظهرون 
ذياب : على وين انشاء الله 
البنات كلهن : على العين مول 
منصور : لا والله ماشي روحه 
احتشرن البنات عليه وبعدها وافق بتدخل ام فطامي وام ذياب 
وراحن يطالعن فلم هندي والقاعه كانت فاضيه مافيها غير البنات وواحد هو وزوجته 
وقعدن على لاين واحد وفي بدايه اللاين فطامي وعدالها مريوم وعدال مريوم املوه وعدال املوه شموه واخر وحده مهو 
وقاعدات يصيحن فطامي وهي تمسح دمعتها وتوزع تيشو عليهن ويكملن صياح ويوم خلص الفلم راحن الحمام وانصدم باشكالهن كل وحده منهم اعيونها مورمه اتغشن عشان محد ايجوف اعيونهن وبعدها ردن البيت وخذنها برقده لانهن مش راقدات 
في بيت احمد عم فطامي
الساعه 5 العصر 
هزاع : امايه ثرني بكمل دراستيه 
ام هزاع : انزين زين وين بتدرس 
هزاع : والله انا فكرت في الجامعه الامريكيه احسها اوكي 
ام هزاع : هيه احسن لانه في هل الايام الواحد مايمشي الا بشهادته ومنصور مابيكمل معاك 
هزاع : لا منصور مابيكمل 
ام هزاع : هم باجر بيرجعون من العين 
يزوي : هيه فطامي احين متشققه راحت العين الي تطريها من متى وماذيه الواحد عليها 
ام هزاع : هه ادريبها تموت علي العين 
يزوي : والله هاي البنت مينونه امايه عيل بذمتج جفتي حد يحب شخص وهمي 
هزاع في هل الوقت صد يطالع يزوي وحس بالغيره يوم قالت حب وبنفس الوقت عادي 
يتبع لانه ما كفاا <<

ام هزاع : لا 
يزوي : الله يسلمج فطوم تحب اسم حمدان 
ام هزاع : ادريبها قايله ثرها اونها ماتزوج واحد الا اسمه حمدان وذا ماخذت واحد اسمه حمدان بتسمي ولدها حمدان 
يزوي : انزين لا بعد الحبيبه قاريه قصه وفيها واحد اسمه حمدان الجتبي ويحب وحده اسمها فطوم وهيه حبت حمدان الجتبي اونه شخصيته اتجنن يوم حد بيتقدملي بتخليه يقرا هاي القصه اذا كانت شخصيته شرا هذا بتزوجه واذا لا ماتريده 
ام هزاع : ههه والله هاي البنت سوالف الله يعينك ياهزاع عليها 
هزاع في هل الوقت يت في باله البنت الي جافها يوم عرس امون وتم سرحان 
في العين نشن البنات وتغدن واليده عصبت عليهن انهن راقدات الين المغرب واونه لا صلاه ولا عباده 
وين بنات عم قوم مهو وقعدن البنات مع بعض وبعدها راحن يتسبحن في الحوض وعقب كملن لعب بالدراجه وعلي الساعه وحده فليل خلن منصور وذياب يظهرونهم وظهرونهن وراحو شارع خليفه وبعدها راحو جدا امبزره 
فطامي اهنيه اشتطت : اريد انزل مالي خص ليش الي في القصه راحوا مبزره وانا مارحت 
املوه : فطوم عن الخبال اي شي في القصه بطبقينه 
منصور : يابنت الحلال احين اصلن مسكره باجر بيبج 
فطامي : باجر بترجع بوظبي واحنا بنرجع دبي 
منصور : لا لا بيبج 
فطامي : اكيد 
منصو ر: هيه 
ذياب : يلا بنرد البيت وهم رادين عند كل دورا ذياب يخبلبهم يلف كم دوره على الدوار الواحد الين مارجع البيت وهن معصبات من حركته وراحو ناموا الا فطوم ومهو لعبن في الدراجه وبعدا حدرن يقرن قصه وعلي الساعه 7 الصبح يوم خلصن قرايه القصه شلن مفتاح السياره وشردن ومهو الي تسوق وفطامي قاعده عدالها وتمن يحاوطن في الحاره وبعدها ردن البيت وخذنها برقده الين العصر ويوم نشن اليده عصبت ورجعت هي وفطامي دبي على طول وفطامي ماراحت مبزره وتمت معصبه 
عند امون وفهد 
امون : فهود تعال يلا بنلعب هاي اللعبه احسها اتجنن 
فهود : يلا 
وراحو يلعبون القطار وامون تباغم وفهود ناقع من الضحك عليها وبعد ماخلصو 
فهود وهو يمسك امون ويقربها من صدره : شورايج حبيبتي 
امون : اتجنن بس تعبت خل نروح ناكل شي عقب نرجع الفندق اريد اناااااام 
فهود : تعالي بنروح ناخذ ايسكريم احس يشهي 
امون : اوكي0<<< وراحو ياخذون ايسكريم
امون عايشه احلى ايامها مع فهود 
نهايه البارت 
امم شو توقعاكم للبارت ؟؟؟

اتعبني الهجر لكن مانزل راسي 000(11)

قربت ملجه املوه وامون رجعت من السفر وهم يجهزون حاليا حق الملجه 
ام ذياب وهي ترمس ام فطامي في التيلفون : انزين عليوه رمستي قوم هدى بنت احمد 
ام فطامي : هيه رمستها هدوه قالت بتي الملجه واسميها استانست يوم درت انه ذياب بيضوي اموله 
ام ذياب : هيه ادريبها فديتها ثرها دقتلي وباركتلي انزين متى بنروح دبي نشرى حق الملجه 
ام فطامي : انا باجر بروح بتخاويني 
ام ذياب : هيه 
ام فطامي : انزين على الساعه 9 بنسرح دبي 
ام ذياب : انشاء الله 
وتمو يسولفون 

في دبي في بيت امون 

ايمان اخت فهد : ها امون بشرى ماشي خبر 
امون باستغراب : امم مثل شو 
نجود وهيه فهمت على اختها : يعني بيبي
امون وهي تفلعهن بكرتون الكلينكس : عنلاتكن من بنات الله لا يقوله بعدني صغيره عن اييب يهال يوم بيكون عمري 19 خل اعيش سنه على راحتيه وعقب انشاء الله 
نجود : هب كيفج نبا بيبي امووووووت في اليهال 
امون : اسكتي ذكرتيني في فطامي بنت خالوه قايتلي يوم بتيبين يهال انا بسميهم انتي وريلج ماتعرفون تسمون واونه هيه الي بتربيهم بتعلمهم على الاتكيت من يوم هم يهال 
نجود : فطوم هبله الله يعين عيالها تعالي الين احين ادق حق خالج عبدالله اتخليه ايب اعياله 
امون : هيه ساعات يوم ايون الامارات اسميها تموت فيهم من يوم كانت صف رابع مادري ثالث وهي مربتنهم اتخيلي يسمونها ماما فطومه 
نجود : دقيلها خليها اتي 
امون : بجوفها 
وقعدن يسولفون ودقت حق فطوم بس اليده ماخلتها تروح عسب كانت الساعه 9 الفليل 

في بوظبي 
هزاع : هاا ذيابوه شو نفسيتك قرب موعد الملجه 
ذياب : اسكت احس في وناسه ياخي حلو يوم تزوج وحده تحبها 
هزاع : ياحيك عاد ماوصيك في بنت عمي خلها في عيونك وان غثيتها في شي لا تلوم الا نفسك سمعت 
ذياب : امول في عيوني من دون ماتقول 
هزاع : ياخي منصور وسيف يبالهم وقت الين ما ايون عنبو كيف يطفرون في الواحد 
ذياب : قوم قوم بنتمشي شوي مليت من القعده 
هزاع : يلا0<<< وراحوا يتمشون في المول 

في بنت امول 
امول : شموه تعالي باجر معايه نيلز نسوي اظافرنا 
شموه : اوكي يحتاي انه نسوي اظافرنا 
يزوي الي كانت قاعده معاهم : فطامي متى بتي بوظبي
امول : وراء باجر الين مايخلص فستانها 
يزوي : يحتاي انه نسوي حمام زيت حق شعرنا 
امول : هيه وبعد اريد اصبغه 
شموه : يحتاي تقصينه من تحت طالعي كيف صاير 
يزوي : شموه ليش مايت مهو 
شموه : راحت بيت عمي هيه ومريوم 
يزوي : انا بروح المطبخ حد يبا شي 
شموه : هيه ييبلي معاج عصير ولا ايسكريم 
يزوي : اوكي اموله ماتبين شي 
امول : لا ماريد اخبرج بنروح غرفتيه تعالينا فوق 
يزوي : اوكي 
وراحن غرفه امول وهن فوق في الصاله 
شموه : فطوم غرفتها شرات ماهيه ولا غيرتها 
يزوي : لا غيرتها صابغتنها حمراء بس اتجنن طالعيها 
وحدرت شموه غرفت فطامي وتمت اطالع الصور يوم كانو يهال وصورها يوم كبرت 
شموه: تعرفين احس فطوم تشابه هزاع 
يزوي الي كانت يايه وسمعت طاري اخوها : شو فيه شيخ الشباب 
شموه : ماشي بس اقول يشابه فطوم 
يزوي : هه اسكتي لو سمعوج هيل الثنينه لا ينسفونج نساف 
شموه : ليش ؟؟
يزوي : من ادق فطامي وهزاع الي يرد لازم ضاربه من بينهم تقولين ديج وديايه من كثر مايظاربون الله يعين يوم بيتزوجون كيف ؟
امول : ليش هزاع يبا فطامي 
يزوي : لا امايه الي قايله 
امول : قولي حق فطوم واسمعي الي بيج 
شموه : انزين يلا نروح غرفتج 

في دبي 
فطامي : يدوه انا مسويه اكله لكن شو خبال 
اليده : واشو بعد مسويه 
فطامي : اسبقيتي يم يم يمي لذيذه احين بحطلج 
وراحت تحط حق يدتها وعمر في هل الوقت حدر 
عمور: السلام عليكم فاطمه بنت محمد 
اليده : وعليكم السلام يامرحبا والله في الغالي شحالك فديتك 
عمور وهو يبوس راسها : بخير وسهاله الغاليه 
اليده : واعلومك عساك مرتاح 
عمور :اعلومي طيبه طاب حالج عيل وينها عنج بنت حسون 
فطامي وهي سمعت صوت عمور : يالسبااااال ياعمور احين انا بنت حسون يامسود الويه 
عمور : جب يلا حطي الاكل اسميني يوووعااااان وبموت من اليوع 
اليده : اماايه قوليلهم يحطون العشاء عيل 
فطامي انشاء الله من اعيوني 

راحت فطامي تقولهم يحطون العشاء 

في بيت حصوه اربيعت فطامي

حصوه وهي ترمس اختها: هنووود يلا عاااااد عطيني الاب 
هنود : قولي حق ريلج 
 ياحرامحصوه : اووه ريلي فديته مااحد ساااااافر  
في هل الوقت سمعن حد يهود ولبسن شيلهن بسرعه 
حصوه : هدا هدا 
وحدر عبدالله : السلام عليكم 
حصوه من جافته انصدمت وتمت واقفه وفاتحه اعيونها 
عبدالله : شحالج حصه 
حصوه ساكت وماترد هنود الي عرفته انه اختها بعدها منصدمه ودزتها من جتفها وانتبهت حصوه : هاا شو 
عبدالله وهو فهم انه لين احين هيه مصدومه : قلنا شحالج 
حصوه : بخير 
هنود : امم اقرب عبدالله استريح بروح ازقر اماايه 
راحت هنود تزقر امها وحصوه تمت قاعده وساكته 
عبدالله : امم حصاصي 
وحصوه صدت اطالعه بسرعه لانه هو الوحيد الي يسميها حصاصي 
عبدالله : والله مانسيج ومكانج في قلبي 
حصوه وهي تدمع عينها : اسمحلى بروح داخل تعبانه وباجر حمدان بيوصل لازم اقوم من وقت <<< حمدان ولد عمها 
عبدالله وحس طعنه في صدره وتم ساكت 
وركضت حصوه غرفتها وطاحت على السرير وحاضنه دبدوبها واتصيح : ليش يوم نسيته رد ظهرلي مره ثاانيه ليش وتمت تصيح الين مارقدت 

اليوم الثاني 
الساعه 10 الصبح 
فطامي : يدوه يلا متى بنروح بوظبي ؟؟
اليده : احين امايه اتري حطو الاغراض في السيااره 
فطامي : هيه اماايه حطوها انزين الغاليه خذتي دواج 
اليده : هيه فديتج يلا نظهر 
فطامي : اماايه ثرنا بنخطف على مريوم بنت خالي بتي معانا 
اليده : انشاء الله 
فطامي وهي ادق حق امون اتقولها انهم بيظهرون وامون قالتها بيون العصر 
وظهرو وخطفو على مريوم وراحو بوظبي
على الطريق 
مريوم وهي تكلم الدريول : عبد الغفور اوقف عند المحطه 
اليده : اشعنه 
مريوم : اريد اخذ ماي وحلاوه يوعانه 
فطامي : خيبه مريوم من متى وانتي تاكلين ههه 
مريوم : ههه شو اسوي والله يوعانه اكل اكل البلا بس مايظهر فيه 

000 مريوم بنت خالها عيسى بس هيه هب واايد مع البنات دايمن تكون بروحها طبعن مع ربيعاتها وهي صف 10 رايحه 11 وطيوبه وشكلها طفولي على خبالها 000 

وقف الدريول عند المحطه وحولن البنات 
وحدرن السوبر ماركت الي في المحطه وهفن كل شي 
مريوم : فطوم خذي ايسكريم 
فطوم وهي عند الثلاجه مال الايسكريم وااقفه واطالع 
مريوم : ايييه يالهبله ما اقولج اتاملى الثلاجه قلت شلى ايسكريم 
فطوم : جب ثرني انا اوقف اول شي واجوف كل الايسكريمات وعقب افكر شو اخذ عرفتي يابلخي <<< هذا اسم مريوم الثاني 
مريوم : الله ينطبج يافطوم اسكتي فضحتينا ماتجوفين الريال الي واقف عند الحلاوه احين بيقول شو هل الاسم 
فطوم : ههه انجبي يلا خذت تويكس وجلكسي 
مريوم : اوكي 
وراحن يدفعن الريال : 75 ماام 
مريوم وهي تستهبل : كم اخر 
فطامي وهي تستهبل وياها : اخر كم 
مريوم : كم اخر 
فطامي : اخر كم 
الريال وهو هب فاهم شي: سوري 
فطامي :ههه << دفعت وراحت وعند الباب 
مريوم: فطووووم جان نقصتيه شو 75 لا لا غالي غالي مايصير 
فطامي : ههههههه 
مريوم : قومي نرد نضارب ويااه ههههههههه 
فطامي : الله ينطبج يامريوم وطي صوتج الريال يضحك علينا 
مريوم بعبط : ليش الي يحدر الواحه مايضحك والله هب كيفه احنا كيفنا يوم بنضحك يوم بتكون المحطه باسمه خل يقول شي
فطامي : امشي امشي خل نرووح 
وركبن السياره وبعدها ويهو بوظبي وطول الطريق ضحك 

على الساعه 11 ونص الضحى تقريبن وصلو بوظبي 
وحدرو البيت ويات البشكاره تشل اغراض فطامي توديهن غرفتها وغراض مريوم بعد 
واليده قعدت في الصاله تشربلها قهوه تعدل راسها لوووول 
اليده :فطيم امايه وين امج واملوه 
فطامي : مادري اماايه احين رايحه اطالعهم فوق 
وراحت فطامي فوق مع مريوم وحدرن غرفه املوه وجافوها ناايمه 
مريوم: فطوم تعالي بننخش في الحاف وبنقرقطها 
فطامي وهي ترفع حياتها وتنزلهن وتبتسم ابتاسمه خبث : هه اوكي 

وراحن الثنتين وانخشوا في اللحاف وقعدن يقرقطن املوه ونشت وهي معصبه وفطامي ومريوم يضحكون 
مريوم : املوووووووه شحاااااااالج 
املوه : انقلعن برع الغرفه بسرعه 
مريوم : اف اف اسكتي ريحت ثمج وااصله لين عنا واطيح على الفراش اونها دوخت وفطامي تهف عليها 
املوه وهي تصرخ : ظهرن 
ظهرن الثنتين 
فطامي : انا بروح اجوف منصور 
مريوم : انا ويااج بس اريد اروح المطبخ هههه 
فطامي وهي تفلع مريوم في قوطي الكلينكس الي كان جدامها: بسج يامريوم عنبو مكينه 
مريوم : مادري واايد ايوع هل الايام 
فطوم وهي تروح غرفه منصور و تحدر وجافته ناايم 
فطامي وهي تروح عند السرير وقعدت عداله 
مريوم : لا لا هب جيه يوعون 
فطامي باستغراب : كيف عيل 
مريوم : اوقفي فوق السرير وناقزي 
فطامي : لا ياهبله منصور واايد عصبي اذا حد وعاه وهو راقد لا ينش ويدفن الشخص الي يوعيه

تابع >><<
مريوم : وي وي بعيد بعيد انا انسانه اريد ازوج انتي واتصرفي معاه 
فطامي وهي تلعب بشعر منصور وتهمس في اذونه 
منصور بدى يصحصح وفتح اعيونه : فطامي 
فطامي : اعيونها 
منصور : متى ييتو 
فطامي : تونا 
منصور : الحمدالله على السلاامه 
مريوم وهي ترز في ويها : انا اهنيه انزين سلم عليه 
منصور : اوه اوه بلخي انتي اهنيه 
مريوم : لا هناك اسكت اسكت ريحت ثمك خايسه ظربني لوعان
منصور :هههههههههههه شحالج 
مريوم : بخير يلا نش بسك رقاد امف عليك من صبي نش يلا نش 
منصور : هه انزين احين ناش 
نش منصور وظهرو فطامي ومريوم من عنده وراحن تحت
وجافن املوه تتريق وقعدن يسولفن ويت بعدها ام فطامي وسولفو 
ويا هزاع الي كان يبا يجوف فطامي بس ما جافها لانها ظهرت راحت بيت قوم ذياب عند مهو 
وبعدها هزاع ومنصور ظهروا يخلصون مشاويرهم 

الساعه 9ونص الفليل يوم ردت فطامي 
راحت غرفتها وشلت الاب عسب تحدر النت وجافت انه النت مقطوع عصبت 
فطامي :اف شو هل القهر اليوم بينزلون بااااااااااارت القصه اف شو هاي الحاله 
مريوم وهي تحدر عليها : شوفيج ؟؟
فطامي : النت مقطوع بصيح البارت بينزلونه اليوم 
مريوم : امم اوكي شورايج انروح انرده 
فطامي : اوكي يلا بيلس عباتي وبنروح قولي حق املوه 
مريوم : املوه قاعده مع منوه تحت توها يت 
فطامي : والله 
مريوم : هيه يلا بسرعه عقب بنمر ناخذ حلاوه 
فطامي : بسج ياحيوانه خيبه واايد تاكلين بتخلصين اكلنا 
مريوم : جب بيت عمتي وانا حره 
فطامي : لا هب كيفج هه 
ولبست فطامي عباتها وشلت بوكها ومبايلها وحولت تحت 
اليده : وين رايحه فطيم 
فطامي : بروح ارد النت 
ام فطامي : ماشي ماتردينه 
فطامي وهي تروح تحظن امها : اماااااااايه حرام احنا احين في اجازه وماعندي شي اسويه بليييييييز حراااااااام وكانت شوي وبتصيح 
ام فطامي : يابوج خلاص روحي بلا حنه 
املوه وامون الي ين من الميلس : وين بتروحون 
فطامي : بروح ارد النت 
املوه : انا بروح وياج يلا امون 
ودقت امون حق فهد تقوله انه بتروح ووافق 
وراحن يردن النت وبعدها راحن الدكان 
امول : امم شو رايكن نزل 
امون : اوكي يلا 
ونزلن امون ومريوم وامول وفطامي 
واشرن حلاوه وماخلن شي ما اشرنه 
وقبل لا يظهرون مريوم شاله اربع ايسكريمات في ايدها 
وقالت حق راع الدكان : رفيق هذا مجاانن انا شتري واايد سامان 
وراحت الحبيبه من دون ماسمعت الرد وركبت السياره 
مريوم: ايييييييه يبتلكم ايسكريم هههههه 
فطامي : االي اييب ايسكريم يظحك 
مريوم: لا ها الايسكريم مجانن 
امول : كيف 
مريوم : شليت الايسكريم ورحت والله احنا شارين من الدكان ب50 لازم يعطينا شي فريه 
امون : الله ينطبج يامريوم 
مريوم : اكلن اكلن قبل لا بطنكن يعوركن اكيد البتاني متحسر عليه 
البنات : ههههههههههه 
امول : لا حرام ردوه 
مريوم وهي تكلم الدريول : روح روح يلابسرعه 
وراح الدريول ومريوم مستانسه بطعم الايسكريم وانها مابترده لوووول << الي يسمع يقول هب جاايفه خير 
امون : اييه اليوم لازم نسوي سهره حلوه 
فطامي : ليش بتباتين اهنيه 
امون : هيييييه عقب معاناه فهود حبيبي واافق
مريوم : حبتج القراده قولي امين 

وفي بيت فطامي الساعه عشر وربع 

هزاع الي ياي يسلم على اليده 
اليده : زيييين جفناك يا ابويه 
هزاع: والله شو اسوي مشاغل الدنيا اماايه 
اليده : لي مراده الصلاه ماتفوته 
منصور وهو يلتفت يمين ويسار كانه يدور على شي : امااايه وين البنات 
وفي هل الوقت صد هزاع الي كان يبا يعرف 
اليده : والله ظهرن 
منصور : وين راحن 
اليده : اسمع فطامي تقول بتسير ترد النت 
هزاع في قلبه ماالت وانا الي كنت اريد اجوف البيبي ام لسان الي متكبره امم احسلي اروح لاني تعبان واريد اناااااام 
هزاع : عيل انا رايح احين تامرين بحايه اماايه 
اليده : لاسلامتك الغالي وسلم على امك وختك 
هزاع : انشاء الله من اعيوني 
وراح هزاع بيتهم وبعده بخمس دقايق وصلن البنات البيت وقعدن يسولفن وراحت اليده تنام والكل راح ينام معادا البنات تمن قاعدات في غرفه فطامي يسولفن 
مريوم وهي شاله لابها : ايييييه استوى النت 
فطامي : يااهبله بس مانرد بس جيه يكون مال اللاسلكي 
اموون : اووووه هب حاله هاي فطوم دقيلهم 
فطوم وهي تشل تيلفونها وادق 101 وتمت ساعه وهي تتريا ومايردون
فطامي : اف شو ها مايردون 
مريوم : عطيني التيلفون انا بدق 
ودقت وبعد مايردون عليها 
امون : صبروا بندق كلنا بنجوف جذبهم اونهم مشغولين او عندهم مكالمات 
فطامي : وبعد مكالمتكم تهمنا لو تهمنا جان رديتو 
امول : اف لازم مايردون مايعرفون انه احنا امراات اعمال 
فطامي : شو رايكم اندق على الاستعلامات وانقولهم ليش مايردون ههههه 
مريوم : هيه هيه دقي وانا برمس 
امول : هههههه الله بنطب عدوكن بيقولون وين يبون 
امون : محد قالهم مايردون علينا 
دقت فطامي وعطت الفون مريوم 
مريوم : الو السلام عليكم 
الريال الي في الاستعلامات : وعليكم السلام 
مريوم وهي ترمس شرات العيايز : ابويه بغيت اسال انا عن فاتروه النت كل ما ادقلهم مايردون عليه اشعنه عاد ويقولون المكالمه تهمنا لو تهمنا جان ردو 
الريال : اختي انتي تمي على الخط وبيردون عليج 
مريوم بعبط : انت اتصل وقوله خل يرد علينا عسب رصيدي خلص من كثر ما اتصل 
والبنات ناقعات من الضحك 
الريال : عفون بس مجاني 
مريوم : لا لا انت اتصل وقولهم يدرون ولا يوم بيردون انت رد اتصل وخبرني اتصل على ها الرقم انزين
الريال : اختي انتي تمي على الخط وهم بيردون عليج 
مريوم : انزين يلا باي 
سكرت مريوم والبنات ناقعات من الضحك 
وردت مريوم ادق على مال النت وتسمع الحرمه ترمس 
مريوم : اقطعي اقطعي مسوده الويه ردي يلا ردي وراانا احنا مسن ومنتدي قوليهم يردون النت مال بيت عمتي بسرعه يلا احين 
وبعدها سكرت والبنات ناقعات من الضحك 
امول : خلاص سكرن لاب وبنسولف 
سكرن البنات لاب وقعدن يسولفن 
مر هل اليوم كله ضحك بضحك 


اتعبني الهجر لكن مانزل راسي000 (12)
اليوم ملجه امول والبنات كانن في الصالون يتعدلن ويتهن يزوي واستانست على مريوم
وعند الشباب ذياب كان متشقق في هل اليوم اخيرن انه امول بتكون ملكه خلاص 
في غرفه امول 
امنه : ياسلام على بنت خالوتي والله انج طر
امول: يعني هزرج بيستانس عليه ذياب 
امنه : هيه عيل اف والله لوكنت ولد جان خذتج 
امول : هههههههه زين ماكنتي ولد عشان اخذ ذياب حبيبي
فطامي: منو قدج اليوم واخيرا قيس وليلى بيكونون ملك بعض
امول: اسكتي انا بروحي هب مصدقه 
مريوم: يزيوي اسمعي السيلانيات موديل 2007 شويرمسن
يزوي: ههههههه والله انج سوالف 
مريوم:امول ياحظج بتملجين اخ متي بييني فارس احلامي
امول: ههههههه ياحليلج يام عيون ذبوحيه 
امون: لا وانتي الصادقه ام قصه مبتره 
مريوم: جب جب انزين اصلن بتعذرون عني يوم قصتي بتطول
امول: اييي الله ينطبكم قولو شكلي حلو ولا
يزوي:هيه ذليتينا حلوه حلوه 
فطامي: والله تجننين 
امول : ياربي استحي متى ها اليوم بيطوف بسرعه استحي من ذيابوه بوصروال اصفر
امون: ههههه الله يخسج يا امول تذكرين
فطامي: اونه بنات اسمعن امول تستحي
مريوم : ماعليج منها ام لسان لاتستحي ولا شي
يزوي:امبونها هيه تريا ها اليوم اصلن لونحن هب موجودين جان امول راكضه برع عند ذياب هيه والزنوبه مالتها 
امول: هههه الله يخسكم حرام استحي
فطامي: هههه مستحيل اصلن املوووه من تشوف الشخص تقعد ترمس شرات السيلانيات 
امل بطبعها اندماجيه مع الكل وطبعا فطامي دوم تعلق عليها لانها تسولف مع كل حد 
ام يزوي: يله بنات انزلن تحت الحريم يتخبرن عنكن 
شما: امول حبيبتي يله بتنزليين احين ذياب حشرنا يريد يدخل 
امول في خاطرها فدييييته والله 
امول : انشاالله الحين بنزل 
امون: يله انا نازله تبين شي
امول : والله ان زلتي ياويلج تمي معايه انا خايفه 
امون : فديتج والله 
حان وقت نزول امول 
تسكرن كل الليتات ونزلت على لحن هادئ
الكل انبهر في جمالها صدق كانت ملفتت النظر وراحت قعدت في المكان اللي مرتبيلها ياه وبدن البنات في الرقص
امون : ماشا الله عليهابنت خالوه يابختك فيها ياذياب 
شما وهي تكلم ذياب: ثرك حشرتني الحين بتشوفها 
ذياب : قولي كيف طالعه حلوه 
شما : ماشالله ربي يحفظها الصراحه احلى وحده في المكان كله 
ذياب: فديتها والله يله مافيني صبر ترا والله بدخل عليكن بسرعه دخلوني 
شمابنذاله :ذيابوه امول تقول ماتريد تشوفك اونها تستحي وبعدين تتغلى 
سكر ذياب وهو معصب على امول
نروووح حق الرياييل 
منصور: شفيك ذياب معصب
ذياب : ماتشوف اختك اونها ماتريد تشوفني شو هو على كيفها 
هزاع : ها اجوفك من اليوم بديت تتحكم 
ذياب : ياخي حرمتيه وكيفي
منصور : بل بل محد يرمسك انت 
ذياب : اليوم بدخل يعني بدخل مش على كيفهم
منصور: ياخي هد اعصابك بتدخل انت ماعليك
نرجع للبنات 
الجو هناك فن الصراحه الحريم يتخبرن عن البنات الي كانن الصراحه حلوات 
فطامي وهي ترمس امون : يلا امون ياااااااااابس يااااااابس 
امون : ها السي دي هب حلو 
فطامي : انزين روحي وغيريه 
مهو اخت ذياب وهي تكلم فطامي : فطووووووم روحي عند يدوه تريدج 
راحت فطوم عند يدتها 
امون وهي ترمس يزوي : يزوي تعالي بنحط دقني 
وراحن وحطن الاغنيه وارتبشن البنات وخاصتن امووووون الي تحب هاي الاغنيه 
مريوم اخت ذياب : عاااااشوا << وتصفق 

الصراحه الجو يجنن عند البنات 
ام ذياب وهي ترمس البنات : بنات اتغطن ذياب بيحدر 
وراحن البنات يتغطن 
عند الشباب 
منصور : ها اخ ذياب بتحدر احين ارتحت 
ذياب وهو يعطيهم ابتسامت اكرست : يااااااولي حالي عليج يا امووول 
هزاع : والله امول عيل يابت راسك ياذيابوه 
ذياب مارد عليه طالعه بنظهر ومنصور وهزاع يضحكون عليه 
وحدر ذياب مع منصور وعم فطامي وابو فطامي 
اول ماحدر ذياب فتح اعيونه 
امون وهي تهمس حق فطامي : طالعي جنه اعيون بومه 
فطامي : ههههههههه حلوه حلوه 
مريوم بنت خالها : ليش مارقمتيها 
فطامي : لاسف ظهرت عبده كركركركر
امول في هل الوقت مفتشله ويها غادي احمر 
وذياب ذاب من جاف امول 
وراح وصل عندها وباسها على راسها 
منصور : مبرووووك امول وباسها 
امول : الله يبارك فيك عقبالك 
منصور وهو يدور بعيونه على غناته ويوم جافها وقف قلبه << لا تخافون مامات لوول 
وباركو عم فطامي وبو فطامي ل امول وراحو 
ومنصور الي راح يكلم امه يظهرلها الف علثه وعلثه عسب بس يجوف يزوي 
مريوم بنت خالهم : والله منصور لو ماكان يحب يزوي جان حبيته 
يزوي الي تمت اطالعها بنظرات 
مريوم : شو شو ولد عمتيه وكيفي 
يزوي : ولد عمي وكيفي 
مهو : لا تضاربن بس جب خلونا انطالع البتاني والسيلاني احين 
عند ذياب وامول 
ذياب وهو يمسك ايدين امول ويهمسلها : فديييييتج يا امول وربي قمر ربي يحفظج شاله جمال الكون ماشالله عليج 
وتمت المصوره اتصورهم وبعدها راح وقعد معاها في الميلس وراحوا المعازيم 
ام هزاع : يلا يزوي هزاع يتريانا خاري 
يزوي : اوكي احين يايه 
رواحت اتسلم على البنات وراحت وركبه السياره 
هزاع : ها اماايه شو العروس 
ام هزاع : اسميها خبال يا حظ ذياب فيها ربي يسعدها انشاء الله 
الكل : امين 

في الميلس عند امول وذياب الي متشقق وطاير من الفرحه 
ذياب : ماتصورين يا امول شقد مستانس 
امول : انشاء الله دوم 
ذياب : خلاص احين اقدر اكلمج متى ما ابا وظهر وياج واقعد معاج بروحنا 
ويحدر منصور : اخ ذياب تام از فينش يلا اظهر نبا انام وامول بعد 
ذياب وهو يطالع منصور بنظرات وبعدها صد على امول : ها حبيبتي تبيني اتم ولا اروح 
امول الي غدا ويها احمر من هل السوال منصور يطالعها 
امول وهي منزله راسها : امم على راحتك 
منصور : ماشي يلا روح بيتكم باجر تعال ختيه تعبانه 
ذياب : انزين انزين يا منصوروه ادري احين عاد بتوقفلي عظم في البلعوم 
منصور : جفت يلااااا قوم 
ذياب وهو يقوم ويطالع امول بنظرات حب : بدقلج خلاف 
منصور وهو يظحك : لا ماشي عيب ومنغود 
ذياب : جب يلا جب انا احين ريلها وكيفي ارمسها انزيين 
وظهروا اثنيناتهم وتمت امول قاعده في الميلس وهي تتفدى ذياب في خاطرها 
وحدرن مريوم وفطامي عليها 
فطوم : ها اموووووووول شو صار 
مريوم : شو كان شعورج خبريني عسب يوم ازوج اكون عارفه 
امول : ياااااويل حاااااالي احبه احبه صح وين امون 
فطامي : راااحت مر عليها فهد 
امول : حرام ماخلاها 
فطامي : هيه لو تمت كنا بنستانس 
امول : هيه والله 
وبعدها راحن البنات فوق وغيرن ملابسهن وتمن يسولفن الين الساعه 2 ودق ذياب حق امول وتمت تسولف معاه الين الساع 4 وراحت تصلي بعدها ونامت 


اليوم الثاني 
في بيت ذياب 
ام ذياب : ها الغالي انشاء الله مستانس 
ذياب وهو يروح يحظن امه : اسميني يا اماايه مستانس اخيرن الا امول صارت ملكي خلاص 
ام ذياب : البارحه الكل مدح في جمالها صدق كانت تعق الطير من السما 
ذياب بغرور : اكيد دامها حرمت ذياب ال000
ام ذياب : الله يوفجكم انشاء الله 

في بيت هزاع 
وبالاخص في غرفه هزاع الي كان منسدح على السرير 
هزاع وهو يكلم عمره : اف شو هاي الحاله في خاطريه اجوف فطوم ام لسان من يت اهنيه ماريتها وشوي خطرت في باله البنت الي جافها عند سيارته 
هزاع : اكيييد فطوم ماتشابه هاي الغرشوبه امم بس انا ما اذكر شكلها عدل اف شو هاي الحاله بس بي يوم وبجوفج يافطوم 
في بيت فطامي 

امول الي هل اليوم نشت بكل راحه ونشاط 
وفطامي الي نشت واول مانشت قالتلها يدتها بيروحون دبي 
ورجعوا دبي بعد الغدا على طول 
العصر 
في حوش قوم فطامي 
هزاع وهو ينزل من سيارته الرنج سبورت : اليوم بجوفج يافطوم يعني بجوفج وين بتروحين عني وحدر 
واول ماحدر جاف مرت عمه وامول قاعدين 
هزاع : السلام عليكم 
ام فطامي وامول : وعليكم السلام 
ام فطامي : يامرحبا الساع حياك اقرب الغالي 
هزاع وهو يقعد : شحاالج مرت عمي ربج بخير 
ام فطامي : بخير ربي يعافيك ومن صوبك 
هزاع : والله رقيص > ويلتفت على امول < ها العرووس شحاالج 
امول : بخيييير ربي يعافيك عقبالك وتغمزله 
هزاع فهم قصدها والتفت على مرت عمه : عيل وين يدوه 
ام فطامي : راحت دبي من بعد الغدا 
هزاع في خاطره مااااااااالت ماااااالت شو هل الحظ : افا وليش ماقعدت 
ام فطامي : قالت اونه البيت ماحد فيه ومايصير وراحت هيه مع مريوم وفطامي عاد فديتها مريوم بنت اخويه مابغت اتروح 
امول : هيه ثرها مستانسه اهنيه وفطوم قالت زين بتروح اتسجل حق الجامعه 
هزاع : ليش ما اتسجل في جامعه زايد مع يزوي 
امول : مابغتها عسب يدوه بتم روحها في دبي 
هزاع : انزين ليش ما اتي يدوه اهنيه احسلها بدال ماتقعد روحها في دبي هيه وفطامي 
ام فطامي : قلنالها يا ابويه بس هيه مابغت 
في هل الوقت يحدر بو فطامي : حيالله هزاع 
هزاع وهو يروح يوايه عمه : هلا عمي شحاالك 
بو فطامي : بخير يعلك الخير ومن صوبك 
هزاع : والله ما اشكى باس 
وتم هزاع يسولف مع عمه وبعدها يا منصور وظهرو مع بعض 
ومر هل اليوم بسرعه 


<< بعد شهر << من الاحداث 
فطامي :ميروه يلا ماباقي شي لازم نروح نسجل حق الجامعه 
ميروه : اوكي باجر بخطف عليج وبنروح وبنقول حق شيخو وبسوم ومريوم 
فطامي : اوكي 
ميروه : تعالي متى عرس اموله 
فطامي : عرسها بعد اسبوع 
ميروه : اجهزتي وخلصتي 
فطامي : هيه اليوم بروح اييب فستاني من منيش وثركم بتون العرس هب الملجه ماييتن 
ميروه : لا افا عليج اكيد بني 
فطامي : هيه ان ماييتن بزوالكن
وتمت فطامي تسولف مع ميروه 

عند امون 
امون : فهد حبيبي 
فهد : اعيوونه حيااته وقلبه وكل شي 
امون : اتحبني ؟
فهد الي كان طايح على ريلها ويلعب بشعرها ويوم قالت جيه مطها من شعرها : عيل لو ما احبج ليش باخذج 
امون : كنت ادري انك بتقول جيه بس حبيت اختبرك لوول 
فهد : مالت عليج يالسباله 
امون : حبيبي شو سباله قول اي شي بس سباله سوري ما ارضاها 
فهد : انزين يلا قومي عازمنج على العشا اليوم 
امون : وين 
فهد : المكان الي تامريبه 

في بوظبي بيت بو فطامي 

امول : اماايه اريد اروح دبي اخذلي كم حايه 
ام فطامي : انشاء الله باجر بنروح دبي والفستان مالج اشو عنه 
امول : اوكي باجر منصور بيبه 
ام فطامي : وحجزتي حق الصالون 
امول : هيه باروح وراء باجر 
ام فطامي : انزين واغراضج الي خذتيهن حطيهن في الشنطه لاني الي سمعته ذياب يقول بيسافر عقب العرس طيارتكم بتكون على الساعه اربع 
امول : انزين امايه عندي وقت اسبوع 
ام فطامي : اشو اسبوع انتي وراج صوالين وراج وراج حطي اغراضج من احين عسب عقب تكونين جاهزه 
امول : اوكي 
وبعدا ظهرت امول مع شموه ومريوم ومهايه خوات ذياب راحن الخياط اييبن كناديرهم وبعدها راحوا المول يشرون 

في دبي 
اليوم الثاني راحن البنات يسجلن حق الجامعه 
وسولهم امتحان وقبلوهم في جامعه الامريكيه 

وهزاع نفس الشي سجل في الجامعه وتم قبوله 
ومرن الايام بسرعه




اتعبني الهجر لكن مانزل راسي 000(13)


امول : والله متروعه 
شما : سمي باسم الله وامشي ولفي يمين وسيار 
امول : ازقري اماايه 
راحت شما تزقر ام امول وين البنات حق امول 
وبعدها ظهرت امول واول ماظهرت 
الكل ذكر ربه كانت تمشي ملاك بهيأت انسان كانت قمر بمعني الكلمه والكل يوم جافها انصدم لنها صدق كانت متغيره حتى ام ذياب يوجافتها انصدمت وكانت تمشي اشوي اشوي الي كان مخوفتها الكوشه لانه الاستيج الي كانت تمشي فيه كان زجاج وشكل الكوشه يجنن الصراحه والي صدم امول انه فطامي كانت تغني بصوتها غنيه قالوبانا نورها غطاعلى نور الكثير قالو اسمها امل والنور منها حتى القمر واهو القمر خلا مكان الها يصير 
وكانت فطامي مسويه شريط بصوتها اتفقت مع مال الصوتيات انه يسون بس نسخه وحده وكان صوت فطامي ظاهر جنان لانها دايمن كانت اتقول حق امول بعرسج بغني هل الاغنيه 
والكل مدح امول وراحت قعدت 
واول ماقعدت راحت فطامي لامول تباركلها 
امول وهي تدمع عينا : فطوووم فديت رووج والله انصدمت يو سمعت صوتج 
فطامي : امول غنااتي لا تصيحين بيخترب الميكاب عقب ذياب بيتروع يوم بيجوفج 
امول وهي تمسح عينها : خلاص 
فطامي : ولعيونج احين برقصلج 
وحطو اغنيه وقالت فطامي حق المغنيه الي يايبينها تقول اهداء من اخت العروس للعروس 
ورقصت فطامي ابروحا اول شي والحريم كانن يتخبرن عنها وام هزاع تقولهن مخطوبه لولديه 
وبعدها قامن البنات ورقصن والصرااحه الجو عندهم يجنن 

عند الشباب 
ذياب وااقف من بين ابوه وابوفطامي ومشقق الحبيب والكل كان ايي يسلم عليه ويباركله 
وهزاع ومنصور ماقصروا الصراحه في اليوله كانت يولتهم فن وبعدها قامو ربعهم ويالو معاهم والجوعندهم مسكت 

في قاعه الحريم كلهن تغطن عسب المعرس بيحدر 
اول ماحدر ذياب وهو عينه على امول وكان يمشي بسرعه جنه العروس بطير 
واول ماجافها تم مبهت ومنصوره هز جتفه وبعدها باس ذياب راس امول وتصورو وياها وقام منصور ويال جدامهم 
والبنات كانن يتخبرن منو الي ايوول ويزوي شوي وبتصيح يوم سمعت وحده تقول يجنن ما احلاه واتفدته 
واتصور المعاريس وخفوا الحريم اصلن هن من بعد مايت العروس راحن وتمن الحريم الي فيهن فضول كيف شكل المعرس 

وقبل لا يزفون المعاريس راحت اليده تركب الكوشه وراحت مريوم بنت ولدها تساعدها وراحت تسلم علي المعاريس وتباركلهم 
اليده : عاد ماوصيك الغالي في اموله تحطها في اعيونك 
ذياب : اماايه اموله في اعيوني من زمان 
وبعدها اتصورت اليده من بينهم وراحت تحت تقعد لانها تعبت من الوقفه وعلى الساعه 1 زفو المعاريس 

وبعدها سوو مسيره لكن شو خبال الين ماوصلو بيت قوم امول عسب تشل اغراضها وعلى الساعه 2 ونص سلمو على الاهل والي صاح والي يضحك على الي يصيح وبعدها راحو المطار 

اليوم الثاني 
في بيت امون 
امون : فهد قووم فديتك 
فهد : اموووون خليني انام بس خمس دقايق 
امون : شو خمس دقايق انت عندك شغل وقايل اوعيك الساعه 8 ونص 
فهد : خل يولي الشغل ارييييد انااااااام 
امون : انزييييييين كيفك انا قتلك بس انت الي رفضت 
راحت امون تحت عند عمتها تقعد معاها وعلى الساعه تسع ردت توعي فهد 

في بيت فطامي 
فطامي الي كانت لابسه بجامه وفاتحه شعرها ويايبتنه على الصوب اليمين اول ماحدرت الصاله : السلاام عليكم 
اليده وبوفطامي وامها : وعلييكم السلااام 
فطامي وهي تروح توايهم : شحااااالكم شو اصبحتو 
الكل : بخير وسهاله 
وفطامي وهي تقرب دله جاي الحليب : عيل مريوم مانشت 
اليده : ليش هي مارقدت معاج في الغرفه 
فطامي وهي تثاوب : لا رقدت في غرفه امول 
بو فطامي : فطامي شكلج فيج رقاد 
فطامي وهي تيلس قلاصها علي الطاوله وتنسدح علي القنفه : هيه والله البارحه رقدت الساعه اربع اسمني تعبت 
بو فطامي : انزين ومتى بتبدين جامعه 
فطامي : على الاسبوع الياي ابوووووويه 
بو فطامي : امري 
فطامي : اريد فلووس 
بو فطامي : كم تبين 
فطامي : الي بتعطيني اياه 
ام فطامي : فطييم هب انا عاطتنج فلوس من كم يووم 
فطامي وهي تقوم وتتربع وتقعد : امم خلصن 
ام فطامي : عيل خلاص ماشي فلوس منو قال تخلصين فلوسج 
فطامي : امااااايه اريد اشرى حق الجامعه حراام 
بو فطامي : انزين خلاص بنعطيج 
منصور وهو يحدر : السلاام عليكم 
الكل : وعليكم السلاام 
ويروح يوايهم منصور وبعدها قعد عدال العيوز : فطامي صبيلي جاي حليب 
فطامي وهي تصبله : احطلك محلا 
منصور : لا ماريد 
وصبتله وعطته قلاصه 
اليده : فطيم روحي وعي مريوم بنرج اليوم دبي 
بو فطامي : اشعنه عموه تمو اهنيه 
اليده : الغالي البيت فاضي ما اقدر اخليه 
وقبل لا تروح فطامي يو هزااع ويزوي
يزوي الي قالت حق هزاع اتريا خاري عن فطامي ولا مريوم يكونون قاعدين 
يزوي : السلاام عليكم 
الكل : وعليكم السلام 
بوفطامي : حيالله اليازيه اشحاالج فديتج 
يزوي وهي توايه عمها : بخير ربي يعافيك وراحت تسلم علي اليده وام فطامي ومنصور اعيونه عليها 
يزوي : فطاامي هزاع واقف خاري روحي لبسي 
فطامي وهي بخاطرها :ماااااالت عليك ياهزاعوه بس مابنزل بتم فوق هب فايجه اني اجوفه ها المتكبر لوريته اعرف بضارب معاه وعقب شو بيفكني من لسان العيوز 
وراحت فطامي فوق 
وحدر هزاع وهو يترا متى فطامي تنزل بس هيه مسويه اكبر طاف 

ويوم اذن الظهر راحو الشباب يصلون وهزاع رجع بيتهم وماجاف فطامي 
على الساعه اربع رجعو ا قوم فطامي دبي 

في فينا 
امول : حبيبي بس والله شبعت 
ذياب : لا بتاكلين يلا فتحي ثمرج 
امول: مااااا ريد والله اندحقت 
ذياب وهو يسوي عمره زعلانه : افا ترديني 
وفتحت امول ثمها واكلها ذياب 
امول : بس ماباكل بعد 
ذياب : شورايج انروح نتمشي الجو واايد حلو ورومانسي بعد حقنا 
امول : اوكي 
ودفع ذياب الفلوس ورااحو يتمشون كان عندهم فليل والجو واايد حلو 

في دبي 

امون : فهودي بفتقد اموووول واايد مابقدر اكلمها كل يوم حرااااام 
فهد : انزيين هب لازم تكلمينها كل يوم كلميني انا 
امون : انت قاعد معايه اقدر اكلمك متى مابغيت بس امول لا وانت تعرف اني واايد معاها 
فهد : حبيبي خلاص انزين الحرمه عرست قعدي جابلي ريلج حبيبج اهم صح 
امون : فهودي انت معااااااايه وانا مجابلنك بس احين مابقدر اكلم امول في اي وقت 
فهد : مالت عليج جاملي انزين احين انا ريلج جيه تقوليلي 
امون: حبيبي لاتزعل 
فهد وهو يتدلع عليها : خلاث انا زعلت 
امون وهي تبوسه : لا خلاص كله ولا زعلك 


في بيت قوم فطامي 
كانن عندها ربيعاتها 
شيخو : انزين نبا نروح نشرى خلاص جربت الجامعه 
بسوم : انزين وعرس غبوش ثاني يوم من دواماتنا 
ميروه : اوكي عادي بنروح لانه على حسب الجدول الي سويناه اخر كلاس عنا الساعه خمس وبعد مانظهر من الجامعه بنروح الصالون على طول 
فطامي: اوكي 
مريوم ربيعتتهن : هزركن عبود لين احين يحبها 
فطامي : امم يمكن ليش لا 
شيخو : لا اكيد يحب حرمته لاني الي سمتعه انها حامل 
ميروه : والله 
شيخو : هيه 


بسوم : اخبركن اذا يتني الرقصه في العرس برقص عرس خويتنا 
لازم 
فطامي : اتوقع منج كل شي
البنات: هههه
مريوم : تذكرن قبل يوم ابتساموه كانت تبا تفرق من بينا 
فطامي: هيه اونه دقتلي قالتلي حصوه ناشره رقميته وماعرف شو لا تكلمينها فطوم بتخربج هاي البنت 
ميروه : انا هاي الانسانه ما ادانيها بس اسميني سكتيتها يووم قالت انا ماقلت ومادري شو 
فطامي : لا السباله تعرفين شو اتي اتقولي رمسه وترد تقول حق حصوه رمسه 
ميروه : ادريبها عيل قايتلي مريوم اتقول عنج انج خايسه ومادري شو 
مريوم : هيه اتبلت عليه حليلي وانا ماقلت 
بسوم : اصلن هيه منقهره لانه احنا واايد ويا بعض وكل المعلمات كانو مستغربين من صداقتنا 
شيخو : الله يخلينا لبعض 
بسوم : فطيم احس يدوتج مويمه اليوم 
فطامي : مريضه فديتها 
ميروه : انزين باجر بنروح نشري 
فطامي : اسمعن ماخبركن باخر التطورات 
وخبرتهن فطامي عن سوالفها ويا هزاع وتمن البنات ميتات ضحك عليها 

في بوظبي 

منصوور : ها هزاع انشاء الله بعد كم يوم دوام في الجامعه ؟؟
هزاع : هيه انشاء الله 


منصور : تصدق ذياب اله فيه وحتى املوه فديتها اتولهت عليها 
هزاع : هيه عاد هيه الي كانت معاك في البيت 
منصور : الاقول هيه كانت تنسقلي كل شي 
هزاع : الله يوفقها انشاء الله انزين شو سويت عن الموضوع 
منصور : لا خلاص انحل 
هزاع : زين زين والله 
منصور : اكيد دام اني منصور ال0000 اكيد بحله 
هزاع : لا والله 
منصور : هيه والله ياريال يلا قوم بنروح القهوه عند الشباب 
هزاع : يلا 

وراحو القهوه ومر هل اليوم بسرعه 

وطافن الكم يوم بسرعه 
قبل الجامعه بيوم 
فطامي : يدوه فديتج اشو فيج ؟
اليده : مافيني شي امايه بس جنه الضغط منخفض عندي 
فطامي : عيل بروح اييبلج الدواء 
وارحت فطامي اتيب الدواء وبعدها كملت سوالف مع يدوها وقالتها باجر بتبدا الجامعه ونامت عند يدوتها في هل اليوم

اتعبني الهجر لكن مانزل راسي 000(14)

نشو البنات بكل نشاط لان اليوم اول يوم الهم في الجامعه 
وبندا بكل وحده 

ميروه : اول مانشت تلبست وكانت متفائله بهل اليوم 


بسوم : طبعن عندها الحياااه جدن عاديه وتبا تعرف منو بيكون وياها في الكلاس 

شيخوه : الي كانت متحمسه وبتجوف اجانب على قولتها وبتعرف عليهم وااايد مستانسه 

مريوم : متروعه من هل اليوم تحس انه غير عن ايام المدرسه بما انه الجامعه مخطلط 

فطامي : كاانت واايد متفائله بس تحس بخووف ماتعرف ليش وكانت متحمسه لانها بتعرف ناس يداد عيلها واتحس عمرها صدق كبرت غير عن المدرسه 

وبعد ماخلصن كل وحده ادق حق الثانيه تتخبرها عسب بيروحن في سياره وحده جنه حرب عندهم 

وراحن الجامعه 

في الجامعه 
فطامي: اوووه هاي شمووه
ميروه : وين ماجوفها 
فطامي : هذيج ام شنطه جفنشي 
ميروه : هيه جفتها بنسلم عليها عقب 
فطامي : ربيعت املوه اهنيه 
ميروه : منو ربيعتها 
فطامي : عذوب 
مريوم:اييه يلا نروح 
وراحن البنات عند عذوب وسلمن عليها وبعدها راحن ربيعاتها عنها وتمت هيه مع عذوب 
عذوب : خسل الله بليسج يافطوم 
فطوم : والله شو ها 
عذوب : انتي بعدج ماتعرفين شي في الجامعه صح 
فطوم : هيه يامه اليوم يوم ادخل كلاس يوم ارد اظهر ماعرف شي 
وهن يمشن ويسولفن 
فطامي : تعرفين احس غير انه الجامعه ومخطلط وماعرف شو 
عذوب :هيه لازم بس عقب تبتعودين بس في البدايه جيه يعني انا كنت شراتج وبتحصلين هينه من الشباب استهبالات لكن يوم تبين شي بيساعدونج مابيقصرون حتى السير ولا المس كلهم اوكي 
وبراويج المكتبه جان تبين كتب ولا اذا تبين تدرسين 
فطامي : مشكوره ماتقصرين تعالي احين انتي وين امودتني 
عذوب : بنروح صوب الكوفي في ستار بكس اهنيه 
فطامي : والله 
عذوب : هيه 
وكملن سوالف 
واول ماحدرن انصدمت فطامي بالي جافته وايد قاعدين بنات وشبااب حست انه هيه صدق اكبرت عن قبل 
فطامي : عذوبه روحي قعدي على الطاوله وانا بروح اطلب 
عذوب : اوكي اريد فرابجينو 
فطامي : اوكي 
وراحت فطامي تطلب وبعد ماطلبت لفت جسمها بس ويها كان جدا الي في الكوفي ومانتبهت ودعمت الريال الي واقف امجابلنها 
تمت فطامي اطالع الريال وبعدها نزلت عينها ويها غدا احمر 
اما الريال ماصدق الي يجوفه جدامه سكر عينه ورد فتحا مره ثانيه وتم وااقف يطالعها 
فطامي : السموحه الشيخ ماريتك 
الريال : مسموحه فديتج عادي 
وراحت قعدت وعذوب الي شهدت الموقف تمت تضحك عليها لانه فطامي بعده ويها احمر 
عذوب : خسالله بليسج يافطوم لو جافوج البنات انج دعمتيه بيكرهنج 
فطوم باستغراب : ليش 
عذوب : هاذا طالب يديد عدنا والبنات ماتن عليه يوم جافنه اونه حلو الا غرشوب كل البنات يرمسن عنه سوا ضجه في الجامعه 
فطامي : انا عاد احسبه عادي مادري ليش حسيته جايف عمره 
عذوب : بس تعرفين صدق حلو لو ماكنت مخطوبه لسعيد جان حبيته 
فطامي: ههه خيبه مره وحده عاد 
عذوب: هيه عيل وين راحن ربيعاتج 
فطامي : مادري بدقلهن 
دقت فطامي لربيعاتها وبعد ربع ساعه ين وقعدن معاهن 
شيخو : وي وي وي لحقن بمووت 
البنات : ليش 
شيخو : خلاص انا حصلت ريل المستقبل 
ميروه : خيبه حصلتيه بهاي السرعه 
شيخو : هيه هذا صدن طالعنه الي قاعد على هاذيج الطاوله عدال الباب الي لابس سفره الي معاه واحد لابس كاب احمر 
صدن البنات يطالعن الي تطريه شيخو 
فطامي وعذوب تمن يضحكن 



شيخو : ضحكتن انشاءالله بيا ضروس 
عذوب: الله يسلمج فطوم وهي تمشي جان تدعمه 
ميروه : هههه فطووم لازم جيه 
مريوم : ماحد حصوه جان علقت عليج امسمتنج الدفشه 


عند الريال 
هزاع : اوه ما اصدق اني ريتها ياخي هاي البنت الي خلتني افكر فيها ليل ونهار 
حمد : اوه اوه هزاع اتيب راسه وحده لا لا ما اصدق
هزاع : مالت عليك انا بس افكر فيها لكن ما احبها بس عيبتني 
محمد وهو يانينهم 
محمد : مرحبا شباب 
توايهو الشباب وقعدو 
محمد : ياخي تعب الجامعه 
هزاع : عنبو وها انت اول يوم 
محمد : هيه مليت لو ادري جيه جان ماكملت 
هزاع : بتتعود بس في البدايه جيه 
محمد : ياخي في بنت عايبتني اهنيه 
حمد : بتخبركم انتو يايين حق اطالعون البنات ولا تدرسون 
محمد : الاثنين انزين هزاع طالع هذيج الي قاعده مع شله بنات 
هزاع ويت عينه في عين فطامي فطامي طالعته بنظره وصدت الصوب الثاني 
بعد دقايق نشن البنات والشباب لانه عندهم كلاس 
ويوم راحو انصدم هزاع انه هو بيكون بنفس الكلاس الي فيه فطامي 
وتم قاعد يطالعها 
وشيخو ترمس عنه بعد الكلاس ردن البيت وخلص يومهن بسرعه 
هزاع راح بوظبي 



في بوظبي 
في بين احمد 
ام هزاع : ها ابويه شو الدوام وياك 
هزاع وهو طايح على ريول امه : والله اوكي 
يزوي: بس تعب ياخي اليوم يوم رحت اظهر من مكان يوم ارد ناسيه كل شي 
هزاع : صح بس في البدايه 
ام هزاع : الله يوفجكم انشاء الله 
بوهزاع وهو توه ياي : هلا والله في حرمتيه ام عيالي 
يزوي: طالع طالع بس حق اماايه احنا ماشي << وتروح توايه ابوها 
بو هزااع : ها عيالي شو الجامعه وياكم 
هزاع ويزوي : والله اوكي 
ويحدر عليهم منصور 
منصور : السلام عليكم 
الكل : عليكم السلام
بو هزاع : حيالله منصور 
منصور وهو يوايه عمه وهزاع وباس حرمت عمه على راسها وقعد 
منصور : شحاالج يزوي ربج بخير 
يزوي : بخير وسهاله ومن صوبك 
منصور : امره رقيص <ويلتفت على هزاع <ها هزاع شو الجامعه معاك اليوم 
هزاع : اوكي بس في شي انما اييه يا خي 
منصور : عمي يبتلك اوراق المناقصه 
بو هزاع : انزين خلهم وانا بجوفهم عقب 
منصور : انزين هزاع وشو عن الدوام 
هزاع : انا رتبتلي جدول خليت كلاساتي الصبح بس هب كل يوم 
منصور : انزين جيه اوكي تقدر يعني تدوام العصر 
هزاع : هيه 
ام هزاع : بس هب تعب ابويه عليك 
هزاع : لا عاادي 00 يزوي صبيلي قهوه 
صبت يزوي حق الكل وعطتهم ومنصور بياكلها بعيونه 
يزوي: باروح فوق تبون شي 
الكل : لاسلاامتج 
وراحت يزوي وقعدت على المسن ترمس ربيعاتها وبعدها قعدت على المنتدي 


في فينا 
امول : حبيبي اريد ادق حق قوم امايه كيف ؟
ذياب: انا بدق على تيلفون خالوه وبعطيج الفون 
امول : اوكي اليوم بنظهر مكان 
ذياب: احنا هب متفقين انه اليوم نسويلنا جو رومنسي 
امول : هيه عيل انا بروح البس الين ماتكلم امايه وعقبك عطني بكلمها 
ذياب : من اعيوني ياعيوني 
امول : تسلم لي اعيونك 
وراحت تغير ملابسها ورمس ذياب هله وبعدها ردمس هل امول وزقرها عسب اتكلم امها 

دبي 
فطامي : يدوه غناتي 
اليده : امري فديتج 
فطامي : باجر عرس حصوه ربيعتيه وبروح بتخاويني 
اليده : ماشاء الله باجر عرسها حصه 
فطامي : هيه باجر بتخاويني ؟؟
اليده : لا فديتج ما احب الاعراس تعرفيني
فطامي : انزين امايه خذتي دواج 
اليده : هيه انزين تعالي فديتج همزيني اشوي ريولاتي تعروني 
قعدت فطامي تهمز يدوتها وبعدها راحت غرفتها ترمس ربيعاتها 


في بوظبي 
هزاع : اتخيل يا منصوره ريت البنت الي خبرتك عنها في الجامعه جفت الصدف كيف لا وازيدك معايه في الكلاس 
منصور : ههه جذاب كيف جيه 
هزاع : اسكت امبوني منصدم
منصور : احين تقدر تعرف اسمها وبتجوفها كل ماتروح 
هزاع : هيه اسميه بطفربها 
منصور : غبي بتكرهك شرات ما فطامي ختيه ماتستسيقك 
هزاع : والله اختك مبزايه ولسانها طوييييييييل 
منصور : ها عاد حدك كله ولا فطيم 
هزاع : انزين خلنا ما الدبه فطوم ونرجع لمحور حديثنا باجر يوم بروح الجامعه بجوفها انت ماريت البنات اليوم بيكالوني بعيونهم 
منصور : هههه اونك عااد ماجنك من هناك مستانس 
هزاع : تصدق عادي عندي صح قبل كنت استانس بس احين عاادي ماعرف ليش 
منصور : غريبه هزاع ال0000 يكون عنده الوضع عادي 
هزاع : هيه عاد ريت كيف انزين خلنا نروح البيت خلاص اتسنتدرت اريد انام وباجر ورايه جامعه بنجوف الغرشوبه 
منصور : هههه انزين يلا 
وراحو البيت ومر هل اليوم بسرعه 
اليوم الثاني راحن البنات الجامعه وهزاع بعد 
في الكوفي في الجامعه 


فطوم : اف يقهكر كيف يطالع ان ماشل اعيونه لا اخش الفورك في عينه 
بسوم : خييبه انا احيدج داخله هندسه هب اجرام 
مريوم : ههههه 
شيخو : لو انا مكانج فطوم حبيته وااااااااي معانا في نفس الكلاس هب مخلني اركز 
ميروه : عنبو شيخو ثاني يوم وجيه 
شيخو : ريتي عاد 
مريوم : انزين اليوم كتى بنروح الصالون اخر محاظره عنا بتكون الساعه 4 ونص 
فطامي وهي تشرب العصير : امم اوكي اول مانظهر من الجامعه بنروح الصالون 
شيخو : يلا بنروح احين محاضرتنا 
ونشن البنات وراحن الكلاس وهزاع بعد نش 
وقعدن فطامي وربيعاتها عدال بعض وشوي حدر هزاع مع ربعه وقعدو قريب من فطامي وربايعها 
فطامي كانت تشخبط في الورقه وما كانت منتبه 
المس : فااااطمه 
انتبهت فطامي وصدت اطالع المس 
وهزاع في خاطره استانس : ياي وعرفت اسمها انزين انزين اسمع عيل فاطمه الا اخافج تظهرين شرا فطوم بنت عمي بس انشااء الله هاي يبين عليها هاديه ومغروره وكلها شموخ فطوم ما اتوقعها جيه تكون يمكن تكون حلوه بس هب جيه 
المس : هزاااااااع 
وصدت فطامي اطالعه واذكرت هزاع ولد عمها بنفس الوقت بس اجاهلت هل الشي وانتبهت حق المس
وبعدها يوم خلص الكلاس ظهرن وتمن يسولفن وهزاع تام يطالعها ويم راحت تاخذ ماي هو بعد راح 
هزاع : هل الكثر حب ولا اعجاب وطالها بنظره 
فطامي وهي اول مره ترد عليه : انا اطالع واحد شراتك ليش ماعندي سالفه وطالعته بنظره هزاع ماقدر يفسرها 
هزاع انصدم من ردها قال : انا احين الي كل البنات يموتون فيه هاي جيه ترد عليه وراح عند ربعه في نفس الوقت الي هيه راحت عند ربايعها 
فطامي : مسود الويه اكره اكره 
عند هزاع : وااااايد جايفه عمرها منو تكون 
فطامي : اونه هل الكثر حب حبتك انشاء الله حنيه قول امين 
هزاع : انا الي كل البنات يترين نظره مني وهي جيه اوكي انا اراويج يافطووم 
اما ربع هزاع مستقربين هو ليش جيه متهندق 
وربايع فطوم بعد جيه 
ومر يومهم بسرعه ومن بين نظارات القهر من فطوم وهزاع 
وهو طول الطريق يفكر فيها 
هزاع : صح فطوم بنت عمي في الجامعه ماتلاقيت ويهاها اوه انا الغبي كيف اتلاقى ويها وانا ماعرف شكلها ماعيه مافيه اجوفني وعقب تقول عني شي ولا شي اعرفن البنات لازم جيه 

عند فطامي وربيعاتها الي وصلن الصالون واتعدلن وطرشت فطامي الدريول اييب فستانها من البيت وربايعها بعد 
على الساعه 8 ونص خلصن وراحن القاعه وسلمن على ربيعاتهن وبعدها راحن عند حصوه وقعدن يطفرنها 
ويوم صارت الساعه عشر ونص نزلت حصوه وربيعاتها كانن يترينها على الكو شه ودمعت عينهم وهن يجوفهن ربيعتهم اليوم عروس وغاديه احلى عرس بعد 
وقعدت حصوه ورقص ربيعاتها عسب خاطرها على 11 ونص يا المعرس وردن البنات البيت 
وخلص هل اليوم بسرعه

اتعبني الهجر لكن مانزل راسي 000(15)


مريوم : اف فطوم اول ثانوي صعب بس ماريد ادرس مليت شو ها كل يوم دراسه دراسه تعب 

فطامي : انزين بيطوفن الايام بسرعه من دون لا تحسين هو صح اول ثانوي صعب انا كنت شراتج كنت دايمن اقول متى اخلص ومتى اخلص مرن 3 سنين عليه بسرعه من دون لا احس واحين انا في الجامعه 

مريوم : انزين وشو جامعتكم

فطامي : والله اوكي بس صعبه شوي هب انها سهله 

مريوم : انا اريد اروح جامعتكم 

فطامي : خلصي ثانويه وتعالي 

مريوم وهي تنسدح جدام التيلفزون : يوم بخلص باي انزين املوه متى بتي ؟؟

فطامي : ماعرف بس يمكن على الاسبوع الياي

مريوم : فطوم ثرج قتيلي بتسويلي هات دوق الي انتي تسوينه 

فطوم : اوكي بس بشرط انتي تقصين البصل انا ما احب 

مريوم : زولي البشكاره هيه الي بتقص البصل

فطوم بنذاله وتفتح المجله الي جدامها وامبينه انه عاادي عندها :

اوكي خلاص مابسويلج احنا قايلين بنطبخ ما نبا البشكاره 

مريوم وهي تلتفت واطالع فطوم الي قاعده وراها : بدت النذاله 

اوكي خلاص امرنا لله بقص البصل بس المهم اكل

فطوم وهي تبتسم : اوكي يلا نروح الطبخ 

وحدن المطبخ وتمت فطوم اتقص الطماط قطع صغار وخلت مريوم 

تقص البصل وهي متلعوزه من الريحه وفطوم تضحك

مريوم : عنلاتج ليش تضحكين 

فطوم وهي تكمل قص : شكلج يضحك 

وتحدر عليهن امون في هل الوقت وتمت ساكته وهي اطالع شو

يسون لانه شكلهن كان مضحك

فطوم اول ما انتبهت سيده ركضت صوبه وحضنتها 

فطامي : يالسبااااااله وينج ماتتخبرين ولا شي ولهت عليج 

امون : تعرفين عاد احين هب كل شوي وبعفد البيت يأمه ازوجنا

وكبرنا وعدنا ريل 

مريوم وهي يايه بتسلم على امون 

امون : بعييييد بعييييد رحتج كلها بصل ولا وهب مغسله ايدج بعد

عسب عقب يوم ايي ياخذني فهود يشم ريحتيه بصل

مريوم : والله هاي بنت خالتج خلتني اقص البصل ولا انا ولا في

عمري قصيت البصل 

امون : ليش شو اتسون 

مريوم : اتخبري فطوم اونه خلطه هيه تسويها

امون : اوه اوه فطوم قمتي تعرفين تطبخين غريبه 

فطوم :ههه لا هاي متعلمتنها من مهو بنت خالوه وانا احين بطبق عسب ما انسى

امون : كيف بعد هاي 

فطوم : قعدي معانا وبتعرفين 

وتمن البنات يكملن شغلهن وبعد ماخلص ظهرن وراحن الصاله

وعطن يدوتهن ومعاهن ويعبتها الخلطه واتمدحت فيها بعد وفطوم 

متشققه هيه ومريوم الي ماسوت شي بس غير قصت البصل وهي تعتبر هل الشي انجاز


في سياره فهد

مروان : هههه فهود بس

فهود : ماريد عجيب يوم اطفر في الهنود ههههه

مروان : حرام عليك0 فهوود قررت ازوج

فهود صد عليه في هل الوقت : ومنو بتاخذ 

مروان : امم شو رايك اتقدم حق فطامي 

فهود سكت في هل الوقت وعقب رد قاله : مروان الي سمعته من

امون انه فطوم محيرينها حق ولد عمها 

مروان سكت وعقبها بدقايق : الله يوفقها مع اني تمنيتها تكون حقي 

ماعرف فهوود هاي البنت غيرت فيه واايد اشياء حتى البنات الي 

كنت ارمسهن قطعتهن وماقمت ارمسهن والصراحه احس حياتي تغيرت من قمت افكر فيها 

فهود : شورايك تقول حق امك هيه الي تختارلك دام مقرر تزوج 

مروان : بقولها اليوم اول ما ارجع البيت 

فهود : انزين وصلني عند سيارتيه بروح اخذ امون تاخر الوقت الساعه 10 ونص 

مروان : ليش وينها 

فهود يطالعه بنظرات : امم رايحه بيت فطفطفط فطووووم هههه 
مروان : يعني ليش فطفطفط
فهود : ماشي احب اطفربك 
مروان وهو يضربه على جتفه : مالت عليك 
وعقب دقايق وصل فهد عند سيارته ونزل وراح مروان بيتهم ورمس امه في الموضوع واستانست واايد انه قرر يعرس وقالت هيه تعرف وحده وبالصدفه اسم هاي الوحده فطامي وقال انشاء الله تعوضني عن فطامي الي كنت اريدها 

الساعه 12 فليل 
في غرفه هزاع الي كان منسدح على السرير ويفكر 
امم ليش ماعطتني سالفه الي اعرفه انه البنات ميتات عليه امم بس ماعليه انا ارواايج ان ماطفرتبج اعرف هي بس تتغلا ولا هيه ميته عليه باااااجر بجوفج يافطوم 
وصار اليوم الثاني وجاف فطامي في الجامعه وهو يسويلها حركات وهي تنقهر من حركاته الي اطفر في الواحد من كثر ماكانت معصبه كانت واقفه عند الكلاس هيه وربيعاتها وكانن مسويات سيركل 
فطوم : هااا ان ماياز عن حركاته والله لا اقومله اف كيف يقهر يعلني بلاااااااه اكره اكره 

بسوم : خيبه احين ها جيه يطفربج 
ميروه : طالعي كيف الويه احمر 
فطامي : اتخيلي البارحه تقولي شموه ها ليش جيه يطالعج كل حد لاحظ حركاته في الكلاس ويوم اظهر 
هزاع الي كان واقف قريب منها وسمع كل كلامها وراحلها 
وكل ربيعاتها تمن ساكتات 
هزاع وهو يطالعها بكل غرور ورافع خشمه شيخو ماتت عليه 
هزاع : نعم عندج اي مشكله الشيخه فاطمه 
فطامي وهي اطالع بنظرات كلها تحدي وشموخ واحتقار : اسمع اخ هزاع ان مايزت عن حركاتك والله لا اجوف سمعت بعدك ماعرفت منو اكون 
هزاع : ههااي ما اخاف من التهديدات ولا اهاابهن سمعتي يا الياهل باابا مره ثانيه لا اطولين لسانج على الاكبر منج انزين وبعدين منو قال اني اطالعج ماعندي سالفه قولي انج ميته عليه 
فطامي : نعم نعم اقين اقين انا اموت في وااحد شراتك وكانت تاشر بصبعها عليه ههااااااي مايابته امه بعده 
هزاع : المهم لو تبين تقولين شي تعالي عند عمج هزاع وقوليله لاني ما احب حد يرمس من وراااااايه 
وراح عنها وهي ماجافت غير قباره وربيعاتها تمن ساكتات 
فطوم : فقته فته الخاااايس يعلني بلااااااه كنت اقول انه هزاع ولد عمي كريه وما احبه بس ها ظهر العن عنه اكره اسم هزاااااااع اكره 
وحدرت الكلاس وهي مفوله 
وهو يوم حدر كان قاعد مع ربعه ومنقهر منها 

وتمو هل الاثنين على هل الحال يومين 

ومرن الايام بسرعه وامول يت من السفر وراحن قوم فطامي بوظبي وحتى امون ومريوم بعد راحت 

كل البنات قاعدات في الميلس امسويات جو الي يجوفهن مايقول كبار ومزوجات 
امون يايبه غرشه المااي العوده هب مسافي لا الثانيه الكبار وكانت ادق وامول واتغني وفطامي يابه خاشوقه وادق فيهن ومريوم اتصفق ويزوي اتشجع 
كان الجو يجنن عندهم وبعدها قامت فطامي ترقص رقصات استهباليه وشكلهن كان يضحك وايد وبعدها فطامي خربت على امون وركضت عنها وبعدها قعدت على الكرسي ويات امون اطيح فوقها ويت مريوم ويزوي كلهن طاحن فوق بعض 
فطوم وهي تحتهن : الفزعه املوووه بيذبحون ختج بمووووووت لحقيني اختج الوحيده بمووت اوصييييج ياختيه حدري المسن وسلمي على ربيعاتي كل يوم وقوليلهن بتوله عليهن وخاصه سلاامي ونواري انزييين وقوليلهن خل يذكرني وبعد اني زعلانه منهن انهن مازوجني حمدان الكتبي بموووت وانا ما ازوجته وسلمي على كل حد وقوليلهم اني احبهم 
يزوي : هيه حتى قولي حق هزاع انه يزوج 
فطامي : جاب مالت عليج وعلى هزاع فوقج 
وشوي يحدر منصور لانه يسمع زعاج وقال حق هزاع خل يترياه في السياره 
منصور اول مافتح الباب جاف البنات جيه وبغم : اييييييييييييه انتن وين تبن تباغمن صوتكن واصل لاخر بيت وانتي امول ماتقولين شي ويلتفت على امون وانتي المزوجه ماتقولين انا حرمه جنكن يهااال والله ان سمعت صوتكن مره ثانيه لا انحركن سمعتن 
قامن البنات وتمن قاعدات ويوم ظهر نقعن من الضحك ومنصور بعد بس بين انه هو معصب عليهم 
اول ماركب السياره كان يضحك 
هزاع : شو فيك تضحك 
منصور : اضحك على المخبل الي عنا في البيت وخبره السالفه وهزاع بعد ضحك عليهن لانهن كل مايكبرن خبالهن يزيد ماينقص


وعلى الساعه 11 ردت امول بيت ريلها وامون ردت دبي 
وتمن مريوم ويزوي وفطامي في البيت ويزوي بتبات في بيتهم 
وقعدن وتمن سهرانات ويرمسن عن الجامعه وجيه 
يزوي وهي تفتح ثلاجه فطامي الصغيره : فطوووم ماشي عندج ايسكريم 
فطامي : عندي بس في ثلاجه المطبخ روحي شلي لاني يوم احط اهنيه يذوب 
يزوي : اوكي تبن شي 
مريوم : هيه اريد معاج ايسكريم 
حولت يزوي تحت وجافت منصور في الطبخ وسمت باسم الله ودخلت جنه حادره حرب هب مطبخ 
ومنصور ما انتبلها 
يزوي : السلام عليكم 
في هل الوقت صد منصور وسكر الكبت الي كان فاتحنه 
منصور : يامرحبا الساع نور المطبخ
يزوي وهي تبتسم : منور بالهله امم على شو ادور 
منصور : امم اريد نودلز وقاعد ادور وين محطينه 
يزوي وهي رايحه تفتح الكبت الي يحطون فيه الشوربا وتشل نودلز : هاي هيه 
منصور : هيييييه تسلمين امم انزين تعرفين تسوينها 
ضحكت يزوي عليه : هه في ذمتك ماتعرف تسوي نودلز 
منصور وهو يحط ايده على شعره ويبتسم : هيه 
يزوي : عيل كنت بتتفلسف 
منصور: لا بزقر فطوم 
يزوي وهي تحر الماي وتسويله النودلز وبعد ماخلصت حطت المله على الطاوله وراحت تفج الثلاجه اظهرلها ايسكريم ويوم صدت جافت منصور قاعد على الطاوله ويلعب في الفورك 
يزوي : منصور فيك شي 
وينتبهلها منصور : امم يزوي ابا اكلمج في موضوع 

يزوي : شو 
منصور : تعالي قعدي 
وقعدت يزوي مجابل منصور وتلعب باطراف شيلتها 
منصور : امم بدخل في الموضوع سيده 
يزوي : اوكي احسن 
منصور : الصراحه يابنت عمي انا احبج وابا اتقدملج من متى وانا اترياج تخلصن مدرسه واحين خلصتي وفي الجامعه واتريا رايج ؟
يزوي تمت ساكته وبعدين رمست : امم انا موافقه ياولد عمي وما بحصل احسن عنك وراحت 
واستانس منصور بهل الشي الا تشقق 

وطاف هل اليوم بسرعه واليوم الثاني ردن دبي فطامي ويدوتهم ومريوم 

في الجامعه 
كانت فطامي متاخره كم دقيقه واول ماحدرت الكلاس جافها السير بنظره عسب انها متاخره دقيقتين ويوم حدرت تمت واقفه عند الباب ادور مكان ويوم حصلت راحت قعدت وما انتبهت بهل الشخص الي قاعد عدالها ويوم صدت انتبهت تغير لون ويها 
هزاع وهو انتبه كيف ويها تغير جان يكتبلها على الورقه الي جدامه 
ليش متاخره؟؟؟ ولز الورقه عسب تجوفها ويوم جافتها تمت ساكته وماردت 
هزاع وهو يكتب في الورقه :انزين بس سالت ما باكلج وشو هل الحب الطاري انج قاعده عدالي 
فطامي انقهرت جان تكتب : انت مالك خص ليش متاخره وثانين صد طالع الكلاس مافي مكان انزين ولا اطرش اي ورقه ثانيه لاني اريد انبته 

عند ربايع فطامي 
مريوم : فطوم الود ودها تنتحر 
ميروه بصوت واطي : هيه انتي طالعي كل شوي ويكتبلها شي 
وبعدها ردن انتبهن حق السير 
ويوم خلصو كلاس 
وكانت فطامي تلم كتبها الي على الطاوله 
هزاع : امم مره ثانيه لا تتاخرين 
سكتت عنه فطامي وراحت 
مرن الايام وهزاع يطفر في فطامي 
وامون حملت الكل استانس على هل الشي وخصوصن فهد الي استانس اما هيه صح مستانسه بس تقول انا بعدني صغيره 

*****
امول : ذياب حبيبي اريد اروح دبي عند يدوه فطامي تقول تعبانه من كم يوم 
ذياب : ليش شو فيها 
امول : مادري بس تقول شكلها ابدن هب عايبنها لانه ويها مغير والضغط دايمن يكون عندها مرتفع 
ذياب : اوكي روحي اتلبسي بنروح دبي 
رواحت تتلبس امول وارحن دبي 
وعلى الساعه 6 المغرب وصلو 
وجافو اليده قاعده تشرب قهوه 
ذياب وامول : السلام عليكم 
اليده : وعليكم السلاام يامرحبا الساع حياكم اقربو 
وقعدو امول وذياب 
امول : ها يدوه انشاء الله بخير 
اليده : بخير وسهاله الغاليه 
ذياب : اماايه خل اوديتج المستشفي طالعي ويهج كيف غادي 
اليده : مايحتاي بس تعب وبيروح 
فطامي وهيه تحدر وسمعت كلاام يدوتها : لا يحتاي ادريبج تعبانه بس بتروحين المستشفي عسب نتاكد مافيج شي 
وراحت توايه املوه وسلمت على ذياب 
اليده : لا اصلن فطامي تبالغ ما فيه شي قاعده جدامكم اجوفون فيه شي
ذياب : يا امايه احسن نوديج ويهج واايد مصفر روحي فطامي يبي عباتها 
راحت فطامي اتيب عبايه يدوتها وبعدها راحو المستشفي 
وقال الدكتور انه الضغط مرتفع عندها والسكري بعد ولازم تاخذ احبوبها ودقات القلب عندها سريعه بس يعني حالتها زينه 
وردو البيت وقعدو وياهم منصور الي كان عنده شغله في دبي وتعشو وبعدها رجعوا بوظبي وفطامي في هل الايام كانت تنام عند يدوتها


اتعبني الهجر لكن مانزل راسي 000(16)

نشت فطامي من الرقاد وجافت يدوتها وباستها على خدها وكان ويها بارد ولحفتها يوم كانت ياي بتظهر راحت عند يدوتها عسب تقولها انها بتروح الجامعه 
فطامي : يدوه يدووه قومي فديتج انا احين بروح الجامعه 
استغربت فطامي لانها من تقوم من الرقاد يدوتها تنتبهلها على طول وقعدت عدالها تهز جتفها : يدووه يدووه 
يوم جافتها ماترد عليها دمعت عينها خافت شلت ايديها وطاحت منها عرفت انها ماتت من هل الحركه وبغمت : يدووووووه قومي فديتج قومي يدوووه امااايه امااايه لا تموتين عني وتخليني بروحي اماااايه الله يخليج منو لي غيرج عند منو بنام ومنو بيخبرني شو كنت اسوي يوم كنت صغيره قوومي يدووه 
ركضت صوب التيلفون ادق على تيلفون بيت خالها لانه القريب منهم 
خالتها منى ام امون : الو 
فطامي وهي تصيح : خاااا لووه 
خالتها منى تروعت : شوو فيج 
فطامي : لحقي يدووه ماتت 
خالتها : شو تقولين 
فطامي : تعاالي ماعرف شو اسوي 
سكرت عن خالتها الي يات بسرعه هيه وعيالها وجافو يدتهم وشلوها على طول المستشفي وقالو حق فطامي اتم في البيت 
دقت حق منصور الي كان رايح الدوام 
منصور : مرحبا السااع في ختيه 
فطامي بصوت متقطع : م نصور 
منصور تروع من سمع صوتها : شوو فيج ليش تصيحين 
فطامي وهي تصيح : يدووه 
منصور : شو فيها 
فطامي : ماتت 
منصور : ايييييييييه شو ادعين عليها اقول باي باي انا احين ياي بخطف على امايه 
وخلال ساعه الكل وصل وخبروامول وذياب الي يو 
وراحو المستشفي 
في الوقت الي كان الدكتور ضاهر من غرفه يدوتهم ومنزل راسه : لاسف اتاخرتو البقيه في حياتكم 
فطامي وهي تتقرب من الدكتور : ايييييييييه انت شو تالف هاي يدووه لا ادعي عليهااااا يدووووووه حيه ماماتت وانهارت من الصياح ويوم ظهرو يدوتها من العنايه ركضت فطامي وامها وامول صوب السرير اما خالتهم منى انهارت وغمى عليها وامون كانت تصيح في حضن فهد ومريوم قالت مابتي المستشفي عسب مايقولون انها ماتت 
فطامي وهي تمسك ايدين يدوتها : يدووووه ليش خليتيني ورحتي يدوه منو الي غيرج قوومي يا ماايه قوووومي خلني ارقد في حضج شرات ماترقديني كل يوم اماااااااااااايه وهاي كانت اخر صرخه لفطامي وغمى عليها وشلوها النيرسات ودوها الغرفه ومنصور قاعد على طرف ويصيح بصمت يذكر كل شي سوتله اياه يدوته واذكر اول ما نجح من الثانويه اشترتله سياره وكانت دايمن تنصحه وتسويله كان يموت فيها وايد 
وبعدها ظهرو ام امون من المستشفي وراحو البيت عسب العزا بيكون في بيت اليده وام فطامي قاعده ومصدومه وتسلم على الناس وهي منصدمه وامول الي تعبت واايد من موت يدتها وامها الي مصدومه واختها الي في المستشفي في غيبوبه ماتعرف متى بتنش 
مريوم وهي تصيح في حضن امون : خلااص راحت عني الي ادافع عني راحت عني منو بقالي وتمت امون حاضنتها وتصيح 
عند الرياييل قاعدين خوان امون وفهد ومنصور وهزاع وبو فطامي وعمها وابو امون وذياب وابوه وايون الناس يعزونهم وابو مريوم 
ومرن ايام العزا بسرعه لدرجه ماحسو فيها اخر يوم العزا 
منصور وهو يكلم ابوه : ابويه بروح المستشفي بطالع فطامي 
بو فطامي : انزين ابويه يوم بتوصل خبرني 
يوم نش منصور راحله هزاع
هزاع : وين رايح ؟؟؟؟
منصور: بروح المستشفي عند فطوم بطالعها 
هزاع : اوكي باي معاك 
وراح معاه 
في المستشفي نشت فطامي وكانت قاعده تتريا حد من اهلها ايي يقولها صدق انه يدوتها ماتت ولا 
وصلو المستشفي وحدرو قسم الحريم 
منصور : اترياني هزاع بدخل اجوفها 
اول ماحدر جاف فطامي قاعده على السرير وشكلها وايد تعبان 
فطامي : منصوور صدق يدووه ماتت ولا كنت احلم 
منصور وهو يقعد عدالها وهو يعرف اشكثر فطامي متعلقه في يدوتها : فطامي فديتج الموت حق وكل انسان بيموت 
سكتت فطامي شوي وعقبها انفجرت من الصياح وتصارخ: جذااااااااااب ماماااااات ليش تمووووووت وتخليني ارييييييد يدووووووه ودوني عند يدووه وهزاع اول ماسمع صوت صراخ فطامي كان يبا يحدر بس قال اكيد هب لابسه شيله وحدرو عليها النيرسات وعطوها مهدى وردت رقدت وظهر منصور من الغرفه وهو يدمع على حال اخته 
هزاع : احين شو بتسوون وياها 
منصو ر: ماعرف مش متقبله الوضع ابدن 
هزااع : الله يصبر الجميع عاد هيه وايد معاها 
وردو البيت 
وبعد يومين ظهرت فطامي من المستشفي اول ماحدرت البيت كانو كلهم في بيتهم معادا هزاع الي رجع بوظبي هو وابوه عسب عندهم اشغال وما تتاجل 
فطامي اول ماحدرت جافتهم واحد ورا الثاني والكل كانت حالته ماتسر وراحت سيده غرفه يدوتها وتمت قاعده فيها واتصيح وقافله الباب عليها وهب راضيه تفتح لحد 
بو فطامي : خلوها على راحتها 
امول : ابويه مايصير انت ماجفتها كيف مستوي شكلها واايد تعبان 
ام فطامي وهي حزينه على حال بنتها وتعبنانه على فراق امها راحت فوق غرفتها 
وتمو قاعدين وفيه حريم ايون يعزون 

بعد ايام 
كانن ربيعات فطامي عندها يواسنها 
فطامي وهي قاعده على السرير نص قعده ووحاضنه الموسده : شو قلتو حق الجامعه 
ميروه: قلنالهم انه يدوتج توفت وبترجعين عقب وتفهمو الوضع وقالو عادي 
فطامي : خلاص بظهر من الجامعه ما اقدر اكمل 
شيخو : حراام ليش انزين 
فطامي: ما اقدر والله ما اقدر من اسبوع وكم يوم وانا ماداومت كيف تبيني ادوام بكمل على التيرم الثاني 
ميروه : سوي الي تبينه 
فطامي : ليش مايت بسوم 
مريوم : قالت اونه ماتروم اتي تعبانه 
فطامي : شو فيها 
شيخو : مريضه 
فطامي : ماتجوف شر 
وتحدر امول عليهم في هل الوقت يايبه عصاير حق البنات وقعدت معاهم تسولف 
اليوم الثاني في الجامعه يوم راح هزاع توله على فطامي مايدري ليش يحب يجوفها معصبه 
ويوم حدر الكلاس ما جافها وتم قاعد يفكر ليش مايات وتم يطالع طول الوقت الساعه يتريا متى تحدر وطاف هل اليوم وهزاع مستغرب ليش مايت 
واليوم الثاني 
يوم داوم هزاع بعد جاف فطامي هب مدوامه فراح عند ربيعاتها 
هزاع : امم اقول الشيخات 
شيخو : امر 
هزاع : وين ربيعتكن فاطمه ليش ما داومت من يومين غريبه عسها بخير 
مريوم : بخير بس هيه خلاص مابتكمل ماتبا 
انصدم هزاع وقالهم مشكورين وراح قعد عند ربعه وهو يسال نفسه مليون سوال ليش مابداوم ليكون بتعرس ولا شي عقب ماحبيتج رحتي ليش ليش 

في دبي 
بو فطامي : فطامي غناتي كيف اتمين بروحج 
فطامي : ابوويه ماريد اروح بوظبي مرتاحه في بيتنا انا ويدوه هل البيت فيه ريحتها ما اقدر 
بوفطامي : اماايه ما اقدر اخليج اهنيه وهذا اخر كلاامي 
فطامي : مااااريد اروح حرام عليك ابويه ليش تبا اظهرني 
بو فطامي عصب : اسمعي هاي اخر كلمه عندي عندج يومين اجهزين اغراضج وبترجعين بوظبي هل البيت بيكون ملك الورثا يعني مايصير تقدين فيه سمعتي 
راحت فطامي فوق غرفتها وعقت عمرها على فراشتها وتمت تصيح 
وعقب يومين كانت قاعده تتريا منصور اخو ايي يشلها هيه وامها من دبي وكانت حزينه انها بتودع البيت الي تربت فيه وعاشت احلى ايمها مع يدوتها 
ويوم وصل منصور حدر وجاف امه قاعده واغراض خويته عند الباب 
منصور : عيل وين فطامي 
ام فطامي: في غرفه اماايه 
وراح منصور هناك وجاف فطامي واقفه عند كبت يدوتها واطالع اغارض يدوتها وصورها هيه ومع يدوتها وتصيح وتقرب منها 
منصور : حبيبي اترحميلها انتي جيه اتعذبينها 
لفت فطامي ويها جدا منصور وحضنته : خلااص مابشم ريحه يدووه مره ثاانيه اهنيه اشم ريحتها وريحت عطرها 
منصور : بس الغاليه بس يلا خل نظهر ابويه ويزوي وحرت عمي وعمي يتريونج في البيت 
وضهرو من غرفه اليده وارحو وحطو اغراض فطامي في السياره وسكرن كل البيبان 
وركبت فطامي ورا كانت طول الوقت ساكته اطالع الشارع وادموها على خدها تودع احلى ايامها يوم كانت في دبي 
وطرشت مسج حق ربيعاتها 
كلهن حزنن انهن بيفارقن ربيعتهم من ايام الطفوله 
ويوم وصلو بوظبي حولو وحدرو 
بو فطامي وعمها ومرت عمها كان قاعدين يتريون متى يوصلون 
اول ماحدرت فطامي راحت وطاحت في حضن عمها وتمت تصيح وهو يمسح على راسها وبعدها سلمت على حرمت عمها يوم رحات عند ابوها سلمت عليه وراحت لانها زعلانه منه 
عم فطامي : توه مانورت بوظبي 
فطامي :منوره باهلها

وتمت قاعده معاهم ويسولفون وجيه 
بو هزاع : هزاع بعده مايا من الجامعه 
يزوي وهي اطالع ساعتها : اممم باقي ساعه عن يوصل 
فطامي : انا بروح انام تامروني بحايه 
الكل : لا سلامتج 
وراحت فطامي غرفتها وتمت قاعده في البدايه وعقب رقدت 
في الطريق هزاع كان طول الوقت يفكر في فطامي<< الي معاه في الجامعه 
بس عقب قال : ليش افكر فيها وانا محيريني حق فطوم بنت عمي خلاص خل انساها بس انشاء الله فطوم بنت عمي تكون شراتها 
وعقب وقف عند محطه البترول وبعدها كمل طريقه لبوظبي

اتعبني الهجر لكن مانزل راسي 000(17) 
مرن 3اسابيع من يت فطامي بوظبي وبدت تتقبل الوضع لانه الكل قاعد عنها وحتى ربيعاتها اين من دبي في الويكند 
وهزاع حاس انه الجامعه مش حلوه من دون فطامي مفتقدنها واايد 
في الجامعه 
هزاع وهو رايح عند ربيعاتها 
هزاع : امم ميره شحال فاطمه ربيعتكم 
ميروه استغربت في البدايه : والله بخير يسرك حالها 
هزاع وهو فيه فضول ليش انها ما ادوام : ممكن اسال سوال ؟؟
مريوم الي كانت مع ميروه وهي ترمس في خاطرها : شو هل الادب الي نازل 
ميروه : اسال 
هزاع : يعني هيه ليش ما اداوم 
مريوم الي ردت عليه : والله فطامي ملجه وبتزوج جريب عسب جيه 
هزاع انصدم صدمه : ها 
مريوم : شو 
هزاع : لا خلاص ماشي تامرن بحايه 
ميروه ومريوم : لا سلامتك 
راح هزاع وتم يفكر وحتى ماكمل الين مايخلص دوامه رجع على طول بوظبي وهو في الطريق دق على منصور
منصور : مرحبا الساع 
هزاع : هلا منصور شحالك 
منصور : بخير ربي يعافيك ومن صوبك 
هزاع : تمام اقول منصور 
منصور : قول 
هزاع : انت وين 
منصور وهويفتح باب سياره : والله احين ظاهر 
هزاع : وين رايح 
منصور : بروح مواعد حمد وحمدان وسعيد 
هزاع : هيه انزين انا يوم بوصل بوظبي بدقلك عسب اجوفكم وين 
منصور : اوكي يمكن نروح السينما 
هزاع : اوكي يلا باي 
منصور : هزااع 
هزاع : لبيه 
منصور : لبيه حاي انت مضايق صح ؟؟
هزاع : الصرااحه مضايق 
منصور : افا وانا ولد عمك ماتقولي 
هزاع : يوم بوصل بوظبي بخبرك 
منصور : اوكي يلا تحمل في الطريق 
هزاع : انشاء الله 
دبي الساعه 5ونص العصر
امون : نجود الله ينطبج ماروم اضحك امبوني بطني يعورني 
وسمعها فهود الي كان نازل من فوق : شو بطنج يعورج نجود ركضي ييبي عباتها بوديها المستشفي
امون : حياتي مافيه شي لا تحاتي 
فهود وهو يقعد عدالها ويطالعها بنظرات حب وخوف : بس عسب اطمن عليج مافيه ولديه شي يصيرله ولا حرمتيه
امون وهي تبتسمله: فديت خشمك والله ما احس بشي بس يوم اضحك 
فهود : اكيد 
امون : اكيييد يعلني فداك 
نجود وهي بعدها قاعده : نحن هنا 
فهود وهو يصد يطالعها : شو اسويلج 
نجود : يعني لا تتغزل فيها 
فهود وهو يقهر نجود ويبوس امون على خدها : كيفي حرمتيه وانا حر
امون تمت تضحك على نجود الي غدا ويها احمر 
فهود وهو ينش من مكانه : يلا غناتيه تامريني بحايه انا ظاهر 
امون : وين بتروح ؟؟
فهود : بروح عند مروان 
امون : لا سلامتك تحمل على عمرك 
فهود : انشاء الله من اعيوني ياعيوني
نجود : عافان الله مايقول حق اخته بعد تامرين بشي
فهود : لا لا منو قال اني بييبلج انا بس بييب حق حرمتيه مابيب حق ختيه ههه
نجود : لا والله انا اختك 
امون: حرام عليك ليش جيه اطفربها 
فهود وهو يروح يبوس نجود علي يبهتها : السموحه منج بس امزح 
نجود : لا عادي فديتك 
وراح فهود عند مروان 
في بوظبي 
امول : فطومي بتين معايه المارينا 
فطوم وهي تحسنت حالتها عن اول : اممم شو بتسوين في المارينا 
امول : بروح اخذلي ثياب واغراض وميكاب 
فطوم : انزين سويلي ابوينت منت في توبز اند توبز 
امول : شو بتسوين 
فطامي : اريد اسوي اضافيري وامم وبجوف شو بسوي 
امول : اوكي انا معاج بعد بسوي اضافيري دقي حق يزوي جوفيها جان تبا اتي معانا 
فطامي :اوكي 
دقت حق يزوي 
وهزاع الي كان توه ضاوي من دبي وسمع التيلفون يرن ورد عليه : الو 
فطامي : مرحبا 
هزاع في البدايه ما انتبه حق الصوت لانه فطامي كانت مزجمه ومتغير صوتها : منو؟؟
فطامي : هلا هزاع انا فطامي 
هزاع في خاطره شو هل الادب : هلا والله بنت العم شحاااااالج ويييينج اشعنه ماتين بيتنا 
فطامي وهي تحيس بوزها : بخير ربي يعافيك من صوبك 
هزاع : دام انتي بخير انا بخير 
فطامي : اوكي ولد العم ممكن اكلم يزوي ولا لا بعد 
هزاع : اكييييد فالج الطيب ماطلبتي 
وزقر يزوي وكلمتها فطامي وقالت بتروح معاهم وحجزولها معاهم 
وراحو على الساعه 7 
عند هزاع الي تسبح وغير ملابسه وراح عند منصور المول 
وهم في الكوفي 
حمدان : غريبه هزاع اول مره اجوفك تسال عن وحده 
هزاع : ماعرف حتى انا مستغرب من عمري يوم اتي الجامعه استانس ومن فتره ما اتي الجامعه 
منصور : ليش ؟؟
هزاع : ربيعتها قالتلي انها ملجت وبزوج قريب ها الي قاهرني والله انها بنت ناس وعرب تعرف اول بنت تتجاهلني وماتعطيني سالفه ها الي عيبني فيها وتحس بنظراتها كلها شموخ 
حمد : هزاع انت حبيتها ؟
اهنيه سكت هزاع ومنصور الي كان يتريا الاجابه 
هزاع : ماعرف يمكن تقول اعجاب بس ما اتوقع حب 
منصور اطمن بهل الناحيه لانه يعرف هزاع لو جاف وحده ثانيه يمكن ينعجب فيها لانه هو احين منعجب بشخصيه البنت 
حمدان : انزين يلا الفلم احين بيبدا 
وحدروا الفلم 
في نفس الوقت الي قوم فطامي كانوا حادرين المحل 
طبعن بس ساعه ونص خلو اشغالهم وردو البيت وامول راحت بيت ريلها 
في بيت عم فطامي 
الساعه 12فليل
يزوي قاعده على الاب قاعده على المسن وحدر هزاع عليها 
هزاع : السلام عليكم 
يزوي : عليكم السلاام هلا والله في اخويه العزيز 
هزاع : هلا والله في ختيه العزيزه 
ويقعد قريب منها ويطالع شو قاعده اتسوي 
هزاع : شو اتسوين
يزوي : قاعده على المسن 
هزاع : منو ترمسين ؟؟
يزوي : ارمس ربيعاتي 
هزاع : اهااا انزين عيل انا بروح اناام 
يزوي : تعال انت وين رحت اليوم ؟
هزاع : وانتي شولج 
يزوي: عافان الله انا بس اسال 
هزاع : رحت المارينا ليش
يزوي : وي احنا كلنا هناك 
هزاع يطالعها بنظره : شو اتسون ومع منو 
يزوي: انا وبنات عمي راحت املوه تشري وبعدها رحنا الصالون نسوي اضافيرنا 
هزاع : اها اوكي يلا بسج من اليلسه ثرج وايد تيلسين 
يزوي: عيل انا اهون من فطامي اتعرف يوم تيلس ما تنش ابدن الا يوم تبا تصلي ولا بترقد ولا بتظهر زخاصه هاي الايام واايد تقعد 
هزاع : شو اتسوي 
يزوي: تقعد على المنتدي وترمس ربيعاتها في المسن 
هزاع وهو ينش : سخيفات ماعندكن سالفه 
يزوي : عيل نقعد شو انسوي لا عدنا شغل ولا مشغله 
هزاع : دخلن المطبخ تعلمن الطبخ 
يزوي : امم الصراحه مافكرت في هل الاشياء 
هزاع : طبعن دامج مجابله لاب 24 ساعه انا حرمتيه قصبن عنها بتطبخلي 
يزوي: ههه اصلن فطامي ماتعرف تطبخ غير كمن اكله تسويهن بس العصاير مالها يم يم يمي 
هزاع وهو يمشي قريب الدري : عيل قوليلها يقولج هزاع اتعلمي الطبخ من احين 
يزوي : ان ماعندك فطامي
هزاع وهو ماسمع كلامها وراح فوق 
في بيت فطامي الي قاعده على المسن ترمس ربيعاتها 
فطامي و نواري و شموس و سلامي ومسويه انفايت هيه وسلامي ونواري اما شموس هب معاهن في الانفايت 
انا بنت (ن) يقال اني صعبه المنال ويقولون بعد اني قويه ما اهاب <<فطامي
مالي خص انا اريد ازوج وااحد جتبي وبشرط اسمه حمداااااااان 
[نفسي عزيزه ماتود الي ضايع وداده << نواري<< 
فطامي خلاص فالج الطيب بندورلج كككككك
[شوف شموخي ترا قالي معي ذاتي قلبي شموك يسواي الف من ذاتك <<سلاامي << [/
نوااري تعرفين البيدار مال العزبه مالتكم بنزوجه فطامي
[انا بنت (ن) يقال اني صعبه المنال ويقولون بعد اني قويه ما اهاب
انزين انزين سلاامي احين وانا ربيعتج تخليني اخذ بيدار خلاص انا زعلانه منج لا اتكلميني خمس دقايق:
[شوف شموخي ترا قالي معي ذاتي قلبي شموك يسواي الف من ذاتك
افا افا تزعلين من خويتج لا لا ماهقيتها وتعالي يالهبله شو لا تكلميني خمس دقايق 
[نفسي عزيزه ماتود الي ضايع وداده
خليها خليها انزين اخبركن انا بظهر احين
[شوف شموخي ترا قالي معي ذاتي قلبي شموك يسواي الف من ذاتك 
نواري شو هاا كل ما نرمسج تكوين مشغوله ولا تظهرين 
[نفسي عزيزه ماتود الي ضايع وداده
اسمحولي فديتك بس ما اقدر تعبانه بروح اوطي راسي شوي يوم الخميس بنسهر شورايكم 
انا بنت (ن) يقال اني صعبه المنال ويقولون بعد اني قويه ما اهاب 
 ليش تكسرين بخاطرنا ولا اقول خلاص خلاص عن نتعبج روحيحرااااااااام  ارتاحي فديتج ويوم الخميس فالج الطيب بنسهر 
[نفسي عزيزه ماتود الي ضايع وداده
اوكي عيل فديتكم ربي يحفظك فداعت الله << وظهرت من الانفايت وتمن سلامي وفطامي 
انا بنت (ن) يقال اني صعبه المنال ويقولون بعد اني قويه ما اهاب 
سلااااامي سلووم سوسو سلاامه سلومي الدبه 

شوف شموخي ترا قالي معي ذاتي قلبي شموك يسواي الف من ذاتك
اعيونها 
]انا بنت (ن) يقال اني صعبه المنال ويقولون بعد اني قويه ما اهاب
تسلم لي اعيونج ماشي اجرب اسمج هيهيهيهيهي كركركرر
"شوف شموخي ترا قالي معي ذاتي قلبي شموك يسواي الف من ذاتك
كيكيكي انزين اخبرج انا احين بجوف فلم هندي لا تظهرين اوكي ان ظهرتي لا اذبج 
انا بنت (ن) يقال اني صعبه المنال ويقولون بعد اني قويه ما اهاب
ليش انتي مجرمه اذا ذبحتيني القوم كله بييج انا فطاامي الي الكل ميت عليه والمعجبين والمعجبات حتى تخيلي ما اقدر اضهر من البيت من كثرهم الي يبا يتصور معايه والي يبا توقيع معذبيني يامه 
[
شوف شموخي ترا قالي معي ذاتي قلبي شموك يسواي الف من ذاتك 
هيه هيه الصراحه انا اشك في هاا الشي هههه انزين بربر يعني برب
انا بنت (ن) يقال اني صعبه المنال ويقولون بعد اني قويه ما اهاب
تي تو < تيت 

وحدرت في هل الوقت شموس ربيعه فطامي 
انا بنت (ن) يقال اني صعبه المنال ويقولون بعد اني قويه ما اهاب
مرحبا ملاااين ولا يسدن في ذمتيه هلا والله في شمس الشموسه 

الي بيسمع كلمه شموس شو بنقوله ( شاطر شاطر ) 
هلا والله بفطوم الدبه شحاااالج 
انا بنت (ن) يقال اني صعبه المنال ويقولون بعد اني قويه ما اهاب
بخير ربي يعافيج ومن صوبج 

الي بيسمع كلمه شموس شو بنقوله ( شاطر شاطر )
يسرج الحاااااااال 

انا بنت (ن) يقال اني صعبه المنال ويقولون بعد اني قويه ما اهاب

تعالي يا الدبه وينج ليش ماتحدرين اي مس يوو 
الي بيسمع كلمه شموس شو بنقوله ( شاطر شاطر )
مي تو كنت في العين فطووم طالعي الصوره 

انا بنت (ن) يقال اني صعبه المنال ويقولون بعد اني قويه ما اهاب
شموووووووووس غيري الصوره بسرعه بمووت اع شو تحطين صوره صراصير اع اع اع ما اجزين اف الله يارفهم انشاء الله 
[الي بيسمع كلمه شموس شو بنقوله ( شاطر شاطر
حرام الا هو صرصور مايسوي شي ههههههه حلو شكله ويمدحونه يوم ياكلونه مع السلطه شرات التايلنديين 
انا بنت (ن) يقال اني صعبه المنال ويقولون بعد اني قويه ما اهاب
حرام عليج غيري الصوره اجز اع والله بصيح انا اتورع من الصرصور وما احب حتى اطالع صورته 
وتمت فطامي تكلم ربيعاتها 
في بيت بوذياب 
في غرفه ذياب وامول 
امول : حبيبي شو فيك متغير من كم يوم 
ذياب وارتبك شوي : لا حياتي مافيه شي يعني شو بيكون فيه 
امول وتروح تقعد عداله : اكييييد يعني مافيك شي 
ذياب : هيه اكيد لو فيه شي اكيد بخبرج 
امول : اوكي غناتي يلا نام باجر وراك دوام 
ذياب وهوينش ويروح على السرير ونام 
اماامول الي كانت قاعده تفكر تحس انه فيه شي ولا خاش عنها شي 
اليوم الثاني الساعه 5 العصر في بيت فطامي 
ام فطامي : هلا والله ولديه شحالك الغالي 
هزاع وهو يقعد : يسرج الحال الغاليه ومن صوبج 
ام فطامي : والله بخير وسهاله 
هزاع : عيل وين عنج الباقين 
ام فطامي : عمك توه ظهر ومنصور فوق وفطامي راحت بيت بوذياب واحين يايه وصبتله قهوه وعطته اياها 
هزاع في قلبه اليوم بيلس يلسه الا واجوفج يافطوم 
وحول منصور وقعد مع هزاع وبعد دقايق وصلت فطامي وهي تحول من السياره وراحت البيت

اتعبني الهجر لكن مانزل راسي 000(18)

حدرت فطامي البيت وكانت عاقه الشيله على الجتف وتغني ويوم حدرت الصاله انصدمت صدمه قويه 
فطامي في خاطرها : ها ليش اهنيه شو يايبنه وشو عرفه فينا وتمت الافكار تاخذها وتوديها 

هزاع الي اول ما جاف فطامي وقف وانصدم 
هزاع في خاطره : هاي شو اتسوي اهنيه وكيف عرفتنا ومنو تكون معقوله ها الشي اللي يصير مستحيل قالوا انها معرسه 
منصور الي يطالع هزاع ليش انه وقف وفطامي الي واقفه مكانها وهب منتبه لحد 
ام فطامي وهي تزقرها : فطاامي 
انتبهت فطامي عليها وجافت انه امها اطالعها بنظرات عسب الشيله ولبستها بسرعه وهي تبا حد يفهمها ها ليش ياي بيتهم ومنو ها الشخص الغريب اللي فكل مكان تتلاقى معاه 

منصور : هزاع شو فيك وقفت اقعد 
قعد هزاع وهو في خاطره شو اتسوي اهنيه وليش يايه اهنيه 

ام منصور : فطامي عنبو اشبلاج واقفه عدال الباب تعالي هذا هب غريب ها هزاع ولد عمج 
هزاع التفه يطالع فطامي في الوقت الي هيه صدت اطالعه 
فطامي في خاطرها : انت ولد عمي الي كنت معايه في الجامعه وانا الهبله كيف ماعرفت اكيد هو يعرفني وحب يطفرني اف كيف اكره 

هزاع في خاطره والصدمه على ويهه : انتي بنت عمي ومعايه في الجامعه كيف ماعرفت وكيف ماسالت عن اسمج اسميني غبى 

منصور : اتخبركم انتو الاثنين شو فيكم جيه منصدمين 
فطامي : ها لا ماشي انزين تامروني بحايه بروح غرفتيه 
ام فطامي : لا سلامتج فديتج 
وهزاع اعيونه على فطامي ومنصور لاحظ هالشي وقال يمكن ولا مره جايفين بعض عسب جيه ومستغرب بنفس الوقت 
وراحت فطامي فوق في الوقت الي استاذن هزاع عنهم وراح بيتهم 

في غرفه فطامي الي عقت عمرها على السرير وهي تفكر في هزاع 
00 انا الهبله كيف ماعرفت انه ها ولد عمي يعني نفس الاسلوب اكيد هو يعرف اني بنت عمه وحب يطفربي ما اقهر حركاته السخيفه اف كييييف 

هزاع الي وصل بيتهم وراح على طول غرفته وامه وابوه مستغربين انه يوم حدر بس قال السلام عليكم وصعد فوق على طول وعق عمره على السرير وقعد يفكر 
يعني هاي الي حبيتها تكون بنت عمي كيييف الدنيا البنت ماتعرف ولد وعمها والولد مايعرف بنت عمه وانا ليش ما اتخبرت عن اسمها سبحااان الله البيت الي ماكنت اريدها ظهرت هيه الي انا حبيتها وكيف حبيتها حبيتها يوم جفتها المره الولى واخر شي تظهر بنت عمي ولا وربيعاتها قصن عليه اونه ملجت اصلن تروم تملج وتاخذ غيري والله لا انحرها لو فكرت في هل الشي فطوم لي وانا الها 

منصور الي كان مستغرب من ها الاثنين فقال عقب يسال هزاع ليش وقف يوم جاف فطوم 

في غرفه فطامي الي قاعده ترمس ربيعاتها 
فطامي : والله اول ماجفته انصدمت وقلت ها شو يسوي اهنيه وكيف عرف بيتنا 

شيخو : فطوم خلاااص دام هو ولد عمج انا باخذه 
فطامي : مالت عليه من ولد العم كيف سخيف 
ميروه : يعني ماكنتي تعرفين انه هو ولد عمج 
فطامي : لا لو كنت اعرفه جان بقوله في الجامعه 
ميروه :ههههههه والله فطوم السالفه اضحك يعني احين كيف ماتعرفين ولد عمج وهو مايعرف انج بنت عمه 
فطامي : والله ما اعرف انا بس الي اعرفه انه هو اسمه هزاع ولد عمي احمد وهو قد منصور اخويه وكل ما ادق بيت عمي هو يرد عليه وطفربي وجاف عمره مادري على شو 
شيخو : هزرج انه هو يعرف انج بنت عمه 
فطامي : امم اضن عيل ليش كان بيطفربي 
ميروه: يمكن انعجب فيج 
فطامي : انعجبت فيه جنيه قولي امين 
وتمن يسولفن وبعدها خبرن مريوم وبسوم الي ضحكن على السالفه 


في بيت ذياب 
امول : هههههه بس ذياب حياتي بس ما قدر اضحك ومشت اعيونها الي دمعت من كثر ماتظحك 
ذياب وهو يضحك فجاه سكت ومسك على خاصرته وامول انتبهت عليه 
امول : حبيبي شو فيك 
ذياب وهو يبتسم بس مابين انه هو فيه شي : لا حبيبتي مافيه شي بس من كثر ما اضحك 
امول بتشكك : اكييد 
ذياب وهو يبتسم رغم الالم الي اتيه : هيه 
وقعد ذياب يقاوم الالم الي اتيه وهو عارف من شوبس مايبا يقول حق امول 


بعد شهر من مرور الاحداث السابقه 
هزاع الي كان ايي باستمرار بيت عمه ويطفر في فطامي ومنصور الي قايل بيتقدم حق يزوي بس قال على الشهر الياي 
وفطامي كل ما اييها تكره حركات هزاع ويوم يروح تفتقد حركاته 
ويزوي الي عرفت من هزاع سالفته مع فطامي وضحت وقالتله جفت قتلك يوم بتجوفها بتحبها بس انت ماصدقت 
وامون الي كرشتها كبرت عن قبل وفهود دوم يعيب عليها 
واني حق روميو وجوليت ذياب وامول 
ذياب الي ظهر فيه فشل كلوي ولازم يسوي عمله وهو هب راضي يفكر فيه املوه وهي ماتدري انه هو فيه فشل كلوي 
تقريبا ها الاحداث الي صارت خلال ها الشهر 

فطامي الي كانت قاعده مع يزوي ومريوم بنت خالها الي يت بوظبي بتم عندها في الويكند 
فطامي: شو رايكم انروح المطبخ نبتكر شي 
يزوي : اوكي انا يوعانه الصراحه 
مريوم : فطوم دقي حق مهو بنت خالوه سلامه 
فطامي : ماحد مهو السباله سافرت 
يزوي : سافرت كيف سافرت وهي عندها مدرسه 
فطامي : ادربيها بس انتي ماتعرفين اعيال خالوه مايهتمون حق المدرسه ابدن راحت مع قوم عمها لندن بيروحون اسبوع وبيردون وهي قالت حق المدرسه وقالولها اوكي طبعن قصت عليهم قالت اونه انا رايحه حق علاج 
مريوم : ماكملنا شهرين من بدت المدرسه وهاي سافرت 
وراحن المطبخ 
وقعدن يخبصن في المطبخ 
حدر هزاع عليهن وطبعن لبسن الشيله 
هزاع اول ماحدر وعينه على فطامي : السلام عليكم 
الكل : عليكم السلام 

هزاع : ها حرميته اتعلمي من احين الطبخ لاني يوم باخذج انتي الي بتطبخين هب البشكااره 
فطامي وهي اطالعه بنظرات : نعم نعم 
هزاع : شوهب عايبنج الكلام 
فطامي : لا هب عايبني 
هزاع : مشكلتج هاي انزين شو اتسون 
مريوم : والله نطبخ شو اجوفنا انسوي 
هزاع : انتي ام لسان طويل اسكتي 
يزوي : حرام عليك ههه جعميتها 
فطوم الي كملت شغلها وماعطته سالفه 
هزاع وهو يقد على الكرسي : حرمتيه يلا انا يوعان اريد اكل 
فطامي : اول انا ماطبختلك ثانين انا هب حرمتك انزيييييين 
مريوم : هيييييييه لا تتامر على بنت عموتي 
هزاع : جب انتي يلا جب انزين خلاص انتو خسرتو انا كنت يااي عسب اظهركن قلت بوديكن العين تروحن امبزره لكن خلاص قعدن في البيت انتن هب ويه ظهره 
فطامي الي صدت : بنروح بنروح هب كيفك ما تودينا انا من متى اريد اروح امبزره يلا احين بروح اسبح واغير ثيابي اتريا لا اتروح 
هزاع فتح اعيونه وقال في خاطره : توها كارهتني من سمعت طاري مبزريه حبتني شو هل الحب اذا عن امزريه مستعد اوديها كل يوم 
فطوم سيده راحت غرفتها عسب تتسبح 
هزاع : خيبه هب امبزره جيه بتخليها اطير من الفرحه 
يزوي: هههه انا بقولك ليش 
هزاع : ليش 
يزوي: الله يسلم مترا فطوم مش صح تحب اسم حمدان الكتبي وها حمدان الكتبي الي في القصه ودا هله مبزره اونه لييييش يروحون وانا ماروح ليش يعني 
هزاع : اها بنت عمج هبله 
منصور الي كان توه ياي : هاا قتلهم 
هزاع : هيه يلا روحن غيرن ذيابكن 
راحن يزوي ومريوم يغيرن اثيابهن وبعد نص ساعه خلصن اول وحده كانت مخلصه وزاهبه هاي فطامي الي قاعده تحت بعباتيها وشيلتها 
وهزاع الي مانزل اعيونه عن فطوم لانها كانت ظاهره حلوه وكيوت 
علي الساعه 5 العصر تحركو وارحو العين وفطامي اصرت يحطون اغنيه ميحد درب العين 
فطامي : منصور حط اغنيه ميييييحد درب العين عسب احس اني صدق رايحه العين 
هزاع وهو يعاندها : هب كيفج انا ماريد اسمع هاي الاغنيه 
فطامي : هب كييييييفك انا اريد اسمعها 
هزاع وهو يحط ريوله على السيت يعني كيف افهكم كيف الشباب يقعدون يوم ريفعون ريل وحده يسوقون جيه بس منصور الي كان يسوق هب هزاع 
هزاع بعناد : انا اريد اسمع اغنيه ثاانيه 
فطامي وهي ماسوت واحد ثنين عفدت في النص من بين السيتين وحطت السي دي وصدت على هزاع : ماااااتغير السي دي 
هزاع هو حس بشعور غريب اول ماصدت عليه وتم سااكت 
وردت اسانت مكانها وتمت تسولف ويا البنات 
يزوي الي كانت قاعده ورا سيت منصور وهو كل شوي يطالها من المنظره ويتفداها 

وعلى 6 وصلو العين واول شي راحو العين مول وعلى الساعه 8 راحوا امبزره واستانسو اهنااااك واايد وخاصه على استهبالات منصور وهزاعوعلى الساعه 12 ردو بوظبي
ومر هل اليوم بسرعه 

اليوم الثاني 
في بيت بو ذياب 
مريوم : املوه بتروحين الخياط معايه 
املوه : هيه اريد اودي كناديري
شموه : انا بعد اريد اروح 
مريوم : اماايه صح باجر خالوه بتسافر نبا نروح انسلم عليها 
ام ذياب : انزين خلاص عقب المغرب بنروح 
شموه : وين راح ذياب 
املوه : راح عند ربعه 
بو ذياب : الي كان توه ياي من برع :السلام عليكم 
الكل : عليكم السلااااام 
ام ذياب : مرحبا مرحبا بو ذياب توه مانور البيت الغالي
وايي يقعد عدالها : مرحبا الغاليه شحالج 
ام ذياب: يسرك الحال فديتك 
شموه : داااااد اريد 800 حق اييب جلبتيه من البيطري
مريوم : انا بعد اريد اييب السنيك مالتيه هيه صح ابويه لازم ادفع 500
بوذياب : اتهبن هب عاطنكن البارحه شموه عاطنج 2000 شو سويتي فيهن 
شموه : امم رحت اخذلي من استادا فايرس لبسه 
بو ذياب : مشكلتج هاي كل يوم ناطتلي وابا 2000 ولا 3000 عنبو يوم واحد واتخلصينهن 
مريوم : مترا الفلوس ابسرعه تخلص
ام ذياب : ماشي محمد لا تعطيهم عسب يتادبون مره ثانيه 


ويحدر ذياب بهل الوقت وكان شكله مضايق وكانه هموم الدنيا كلها عليه سلم عليهم وقعد عدال امول الي حست انه شي فيه ومسكته ايدينه 
امول بهمس : الغالي شو فيك ؟؟
ذياب وهو يذكر الكلام الي قاله الدكتور وسكت 
بو ذياب : ذياب شو فيك الغالي 
ذياب وهو ينتبه على ابوه : لا ماشي ابويه المهم انا بروح انام اشوي تعبان وراح فوق وراحت املوه على طول واره 

في غرفه ذياب الي كان عاق عمره على السرير
ويات املوه وقعدت عداله : حبيبي شو فيك 
ذياب هو محتار اذا يقولها ولا وعقب دقايق اتخذ قراره : مافيه شي فديتج بس ابا انام شوي تعبان 
امول اطالعه بنظارت تشكك : اوكي 
وراحت عنه تحت وتم هو قاعد يفكر وعقب ناام

اتعبني الهجر لكن مانزل راسي 000(19)
في بيت بو فطامي 
فطامي قاعده اطالع تيلفزون وجدامها الدايري الي تكتب فيه يومياتها وكانت كاتبه قصيده عن بني جتب << هااي البنت واايد تحب هاي القبيله ليش ماعرف 
وحدر هزاع في هل الوقت الي كانت فطامي قاعده اطالع فلم هندي ومندمجه في الفلم واتصيح 
هزاع تم يطالعها لانه شكلها واايد كيوت وخاصه انها كانت يايبه شعرها على الصوب اليسار مع قصتها الي قاصتنها الين حياتها وظاهر شكلها صغير ولابسه كندوره تلي ورديه 
هزاع في خاطره : ياويل حالي فطوم ثرج خبلتيبي يالله متى ايي اليوم الي اكون فيه ريلج 
عقب ماشبع الحبيب من الجوفه هود 
هزاع : هود هود 
فطامي اول شي ماسوت سالفه كانت صدق مندمجه 
ويوم ظهرو دعايه صدت وانصدمت يوم جافت هزاع واقف عند الباب 
فطامي : انت متى ييت وليش ماخبرتني انك ييت<< اذكرت انه هيه هب لابسه الشيله ولبستها على طول وحدر هزاع وقعد على الكرسي الي قريب من فطامي 
هزاع : اولن يا الياهل انا هودت يوم انتي هبله وما اجوفين اي حد يحدر شو اسويلج لو احين ذياب حادر ولا حد ثاني شو بتسوين 
فطامي : والله على طول بلبس الشيله وانا ماعرف انه حد بيي والله ولا تعصب انزين هب اصغر اعيالك تعصب عليه 
هزاع وهو يطالعها بنظراته المعروفه الي كل البنات يتخبلن عليها : والله كيفي بعصب ثرج حرميته ويغمزلها 
فطامي تتنرفز يوم يقولها حرمتيه : اف اف لا تقول حرمتيه انااااا هب حرمتك انزيييين هب حرمتك انا قايله ماباخذ غير واحد اسمه حمدااااااان يوم بيكون اسمك حمدااااان تعال 
هزاع وهو اتنرفز من هاي الياهل : ايييه انتي << ويقوم من مكانه يروح قريب منها ويضربها على راسها ظربه خفيفه << بسج من هاي الاحلام ولا اخبرج انتي الظاهر فيج حاله نفسيه خل اوديتج عند دكتور نفسي 
عصبت فطامي : اتعرف شو انت المفروض الي تروح هب انا اتعرف شو اكرهك ماحبك اف كيف سخيف وارحت فوق 
هزاع : يااهل وربي انها ياهل مالت عليها ويغلد صوتها اكرهك اكرهك احين الي قول انا الي اموت فيج وقعد مكانه يتريا منصور الين ما ايي 
ولمح الدفتر الي فطامي تكتب فيه وهيه كانت مسكرتنه بس محطيه قلم على الورقه الي كانت تكتب فيها 
ويوم قرا العنوان ضحك 
بني جتب
من كثر حبي لكم يابني جتب 000 غديت في حبكم اسيره 
ولي نشدت الناس عن بني جتب 000 قالوا والنعم الساع فيهم 
قبيله شهد عليها التاريخ 000 والمدح فيهم يباله ايام وليالي 
تميزو في حلات منطوقهم الغاوي 000 في الختامي اطلب من ربي انه يضويني بواحد كتبي 000 
هزاع وهو يقرا الي كاتبنه تم يضحك : عافان الله خل اقرا شو بعد كاتبه وتم يقرا الي كاتبتنه من اشعار واغاني ويوميات وهزاع عيبه الدفتر ورده مكانه وصل منصور 
هزاع : لا لا جان تاخرت بعد توه الناس ليش ييت 
منصور : ههه شو اسوي والله مشغول قتلك اترياني شوي
هزاع : شوي مش واايد طالع ساعه وانت امعفني في بيتكم 
منصور: ليش وينهم الي في البيت 
هزاع وهو يرد يقعد مكانه : وانا اشدراني 
منصور راح وقف عدال الدري ويزقر على فطامي : فطوووووم فطاااااااامي 
فطامي وهي في الغرفه سمعت انه حد يزقرها وراحت اجوف منو وقفت قريب من الدري عسب اتجوف منو تحت ومنو يزقرها وجافت منصو رالي واقف 
فطامي من فوق وهي تبغم عليه : شووو تباااا 
منصور : لبسي شيلتج وحولي تحت 
فطامي لبست شيلتها وحولت ووايهت منصور وراحت قريب من المكان الي قاعد فيه هزاع شلت الدايري مالها وردت قعدت عدال اخوها 
منصور : وين امايه وابويه 
فطامي : امايه راحت بيت خالوه سلاامه وابويه ظهر مع عمي رايحين دبي 
وتحدر يزوي في هل الوقت : السلام عليكم 
الكل :وعليكم السلام 
فطامي :جان ماييتي من ساعه وانا اتريااج عنبو البيت هب من بعده كلهاا الا بيتين وبيتنا عدالهم ساعه يعني ساعه 
يزوي وهي واقفه عند الباب وتفتح عينها واطالع فطامي الي مسوتلها حفله 
هزاع بعناد : يزوي فديتج تعالي قعدي عدالي لا تسمعين كلام اليهال 
وصدت فطامي وهي مقهروه منه : انت منو رمسك انا ارمس بنت عمي 
هزاع : الي تكون بنت عمج تكون اختي ياغبيه 
منصور : انتو الاثنين مامليتو من هاي الضرايب الي كل يوم اتسونها ولا ها عندكم شي اساسي 
فطامي وهزاع بنفس الوقت: اسئلها واسئله
يزوي منصور الي ضحكو : ههه 
فطامي : منصور اريد اظهر مليت من القعد وطفرت بعد 
منصور : فالج الطيب احين بظهرج شو رايكم انروح السينما 
فطامي ويزوي : هيه هيه 
هزاع: لا تستانسن ماشي روحه اليوم الجمعه وزحمه بتكون السينما ويغمز حق منصور 
يزوي : حرااااام نبا نظهر ملينا من قعدت البيت وشو يعني جمعه ولا سبت ولا احد اف كيييييف لووعه انتو 
فطامي : اولن يا اخ هزاع انا بروح وماعليه منك اخويه هو الي اقترح ها الاقتراح ودامه اقترحه يعني برووووح سمعت 
منصور وهو يبا يطفر فيها : فطوم كنت بوديج لكن عقب الكلام الي قلتيه حق هزاع غيرت رااي عنبو احترمي الي اكبر عنج 
فطامي انقهرت : اقول انا مابقعد اذل عمري وهب محتايه ظهرتكم هاي اظهر انت وهزاع وانا ويزوي بنروح بيت خالوه سلاامه احسن من مذلتكم وراحت فوق على طول 
بعد ماراحت فطامي هزاع ومنصور الي ضحكو : هههههه ياهل والله 
منصور : يزوي روحي قوليلها خل تلبس يلا بنروح بس كنا انطفربكم 
يزوي : على فكره انتو واايد سخيفين وارحت فوق 
منصور فتح اعيونه وهزاع يطالع منصور وعقب ضحكو على اعمارهم وحاولو في البنات انه يظهرونه وعقب وافقو يظهرون وراحو المارينا يطالعون فلم رعب وهزاع ومنصور كرهو اليوم الي يابو فيه فطامي ويزوي اليسنما لانهم فضحوهم يوم يظهرون شي يصرخون وهزاع ومنصور يسكتونهم لكن هن امسويات اكبر طاف لانه الفلم يروع كان ويوم ظهرو خطفو على باسكن وبعدها ردو البيت 
اليوم الثاني 
في بيت بوذياب 
في غرفه ذياب 
ذياب وهو قاعد ويتالم وحدرت امول ويوم جافته راحت قريب منه ولمته لصدرها : حبيبي شو فيك ؟؟
ذياب وهو يقاوم الم : مافيه شي فديتج بس شويه تعب 
امول : لا هب شويه تعب 
ذياب هو خلااص يحس انه بيموت :آه لحقي عليه امول بمووت 
امول وهي تصيح : لا انشااء الله لا تقول جيه 
ذياب : حبيبتي اعرفي اني احبج لو مت احبج وانا عايش وبتم احبج وانا ميت 
امول : حبيبي لا تقول جيه انت بتعيش وبنيب بيبي وبيقولك بابا 
اصلن انت مستحيل اتموت واتخليني 
ذياب : بس احين احس اني بموت 
امول وهي تصرخ : خااااااالو مريووووووم شمووووووه عمييييي 
مريوم تظهر من غرفتها وقفت تسمع اذا حد يصرخ عليها وشموه نفس الشي وبوذياب وام ذياب الي ركضو فوق 
امول : عميييي خاااااااالو لحقوووو عليه 
في هل الوقت مريوم وشموه ركضو الغرفه مع بو ذياب وام ذياب واول ماحدرو الغرفه جافو املوه حاضنه ذياب الي كان شوي وبيموت 
بو ذياب : ساعديني امل خليني اقومه 
ويمسكونه وام ذياب تصيح على حال ولدها الوحيد ومريوم وشموه الي واقفين عند الباب يطالعون اخوهم كيف 
وشلوه ابسرعه وراحو المستشفى 
والدكاتره سيده اسعفوه 
وبعد دقايق الدكتور ظهر 
بو ذياب وهو يروحله:ها دكتور بشر ؟
الدكتور : الصراحه الولد فيه فشل كلوي حاد ولازم حد يتبرعه بكليه
بوذياب : انا بتبرعه حق ولديه 
ام ذياب : وانا بعد 
الدكتور : عيل يلا بسرعه خل نستعيل لانه كل تاخيره فيها خطر 
وراحو يسون تحاليل 
وبعد دقايق وصلو امل ومريوم وشموه مع ام فطامي وابوها منصور 
امول راحت ادور شرا المينونه 
بعد دقايق يو بو ذياب وام ذياب يتريون النتايج 
ام ذياب راحت اطيح في حضن اخويتها وتمت اصيح على حال ولدها 
بو فطامي : بشر يامحمد شو احين عن ذياب ؟؟
بو ذياب : مادري مادري ما اعرف شو اسوي قالو لازم حد يتبرعه في كليته 
النيرس تظهر : مين زوجتو ؟؟
امل : انا 
النيرس : تعالي معايه 
وراحت امل مع النيرس وحدرت غرفه ذياب 
ذياب اول ماجافها ابتسم : تعالي حبيبتي
راحت امل قريب منه ومسكت ايدينه وتمت اطالع ويهه 
ذياب : غناتي انا يمكن ما اعيش اكثر من جيه بس الي بقولج اياه تسمعينه اماايه وابويه ما اوصيج عليهم واعرفي اني حبيتج وحبنا كان من يوم الصغر واذا مت ازوجي انتي بعدج صغيره 
امول وهي تصيح : لا انت اصلن مابتموت انت بتعيش معايه ومع البيبي الي بنيبه وانت الي بتهتم في ابوك وامك انت ولدهم الوحيد لازم تقاوم المرض 
يات النيرس : لو سمحتي المريض مايقدر يرمس واايد اتري برع 
امل : اوكي وباست ذياب على يبهته وهمستله في اذنه انت بتعيش معايه ياغناتي 
وظهرت خاري في الوقت الي يا الدكتور وشكله مايسر 
بو ذياب وبو فطامي : ها بشر دكتور 
الدكتور : الصراحه النتايج انتو ماتفعون انكم تتبرعوله لازم شخص وماكمل كلامه امول تقاطعه : انا بتبرع انا زوجته 
الدكتور : يلا عيل بسرعه 
الكل صد على امول الي قالت بتبرع بكليتها 
وراحت مع الدكتور تسوي فحوصات 
وفي غرفه ذياب 
ذياب : نيرس 
نيرس : يس 
ذياب : منو الي بيتبرع ؟
النيرس وهي تبتسم : انت خذت احسن زوجه في العالم الي بضحي بحياتها عشانك 
ذياب مافهم الي تقصده : كيف يعني 
النيرس : المدام هيه الي بتبرعلك 
ذياب فتح عينه وبعدها قال : لا كله ولا حرميته ماريد حرمتيه عقب تتعذب خلو كليتها حقها اموت بس لا تشلون عنها كليتها 
وبعدها بدا مفعول التخدير فيه 
ويا الدكتور وبشرهم وقالو انه امول تنفع وبيسولها العمليه احين هيه وذياب 
ودخلوهم غرفه العمليات وبرع الكل ينتظر على نار وفطامي وعمها ومرت عمها الي يو مع هزاع 
وتمو يتريون مرت ساعه وعقب ساعتين ويات الثالثه عقب 4 ساعات ظهرو من غرفه العمليات 
والكل راح حق الدكتور : بشر
الدكتور : نجحت العمليه مبرووك 
الكل استانس ودو امل وذياب الغرفه عسب يرتاحون وعقب مرور كم ساعه نشو امل وذياب والكل تحمدلهم بالسلامه 
عقب مرور شهر من الاحداث السابقه 
في بيت بو فطامي وبالاخص في مكتب بو فطامي 
منصور : انزين ابويه وشو قلت 
بوفطامي : اتعرف اني بوافق ويزوي بنتي قبل لا تكون ولدي والبنت ماعليها كلام جمال واخلاق وكل شي انا برمس عمك باجر انشاء الله وبرد عليك خبر يوم بيردلي 
منصور وهو يبوس راس ابوه : مشكور ابويه ماتقصر 
بو منصور وهو يبتسم لولده : ها اجوف يزوي مخشعتنك 
منصور : هيه والله يابو منصور انا احبها من يوم كنا يهال 
بو منصور : لا تخاف بيوافقون انشاء الله 
منصور : وانا احس جيه وين بيحصلون واحد شراتي 
بومنصور : الله عل الغرور 
وينش من مكانه بو منصور ومنصور معاه ويحط ايدينه على ظهر ولده وراحو الصاله وقعدو يسولفون 
في دبي 
امون : فهوود حبيبي قوووم بطني يعورني اي قوووووم 
فهد : بس خمس دقايق 
امون : شو خمس دقايق شكلي بولد وتصرخ فهااااااااااااااااااد قوووم بموت بطني 
فهود استوعب وينش بسرعه من الرقاد : شو فيج حبيبتي 
امون وهي تصيح من الالم : بطني شكلي بولد احين 
فهود : لا لا شو تولدين احين اتري اشوي لا تولدين احين 
امون : ازقر على عموه بمووت 
زقر فهد امه ويات تساعد امون تلبس عباتها وراح فهود تغسل ابسرعه وراح عل طول المستشفي ودخلو امون غرفه العمليات واتصلو حق امها وابوها واخوانها وقعدو يتريونها 
وعقب ساعيتن ظهروها 
الدكتور : مبروووك 
فهد : الله يبارك فيج شو حرمتيه 
الدكتور : تمام بس هيه نايمه دل واتي 
يتبع <<
فهد : والبيبي 
الدكتوره : مبروك جالك بنت زي الامر 
فهد استانس انه يته بنت هو يتمنى انه اتيه بنت 
والكل بارك حق فهد وعقب ودو امون القسم وفهد قاعد عندها طول الوقت وكل شوي يروح يطالع بنته وامون تضحك عليه وخاصه يوم ايبونها عند امها يتخبل عليها 
وفي اليوم الثاني راحولها قوم امول وذياب وفطامي ومنصور ويزوي وهزاع الي يا معاهم 
اول ماحدرو راحو يطالعون البيبي وكان عندها ابوها ومروان 
ومروان اول ماجاف فطامي انصدم ماكان متوقع انه يجوفها 
منصور وهزاع الي راحو يوايهون فهد ومروان ويزوي وفطامي واقفين على طرف 
ومروان كان وايد يطالع فطامي وفطامي حست بهل الشي وهزاع انتبه على مروان انه يطالع فطامي وانقهر وراح قريب منهم 
وهزاع وشوي وبيظهر الشرار من اعيونه : اتغشن بسرعه لا ييكن كف على ويهكن وابسرعه روحو عند بنت خالتج 
فطامي ويزوي اتغشن سيده وارحن فوق وهزاع في خاطره يصفع مروان حس بالغيره يوم كان يطالع فطوم لانه يحس ان فطوم خلاص صارت ملكه ومايحب حد يطالعها غيره 
وراحو فوق وقعدو وسولفو 
فطامي : امون ليكون سميتي بنتج 
امون : لا بعدني 
املوه : سميها امل 
نجود : لا بتسميها نجود 
فطامي : لا نجود ولا امل بتسميها الجود ولا اممم قصايد 
امون : امم بسميها الجود يعني الكرم 
فطامي : فديت خشمج انا ماعليج انتي طرشيها صوبي يوم بتكبر انا بربيها 
يزوي : اترى خل تكبر اول عقب رمسي بتكونين انتي جدها معرسه 
فطامي : لا لا ماريد بعرس يوم بيكون عمري 20 
وكملو سوالف وبعدها ردو فطامي ويزوي ومنصور وهزاع بوظبي 
واملوه وذياب بعد 
عقب يومين 
في ميلس بيت احمد عم فطامي 
كانو قاعدين بو منصور وبو هزاع يسولفون وبعدها سكتو كل واحد يبا يقول حق الثاني عن الي عنده في في نفس الوقت قالو بومنصور وبوهزاع
بوهزاع : هههه امر شو تبا 
بو منصور : لا لا قول انت اول شو تبا 
بوهزاع : ماعليه الغالي انت الاكبر قول شو تبا 
بومنصور: الصراحه يا اخويه انا اريد اخطب اليازيه لولديه 
بو هزاع ضحك : ههههه نفس الشي الي كنت ابا اقوله وانا اريد هزاع لفطامي 
يتبع <<



بومنصور : والله انا ماعندي مانع جان تبونها شلوها من احين البنت بنتكم ومابتحصل احسن من ولد عمها 
بو هزاع : مايصير يا ااخويه لازم تاخذ برايها يمكن ماتوافق 
بو منصور: ماعندي بنات يتنقن من بين الريايل وهي بتوافق وين بتحصل احسن عن ولد عمها 
وبو هزاع : ومن ناحيه منصور واليازيه انا موافق ماعندي اي مانع بس بتخبر البنت وبردلك خبر 
بومنصور : خلاص عيل عطني يومين وبرد عليك 
بو هزاع : خذ راحتك الغالي 
وكملو سوالف وبعدها بو هزاع خبر ولده انه رمس اخوه وقاله ماعنده مانع وخبره بعد انه منصور يبا اليازيه واستانس هزاع انه خويه بيضوي اخته 
ومنصور نفس الشي بس بعدهم ماخبرو يزوي وفطامي عن الرمسه الي قالوها 
في سياره منصور 
منصور : اقول هزاع ؟
هزاع : قول 
منصور : احين ماتيب طاري عن البنت الي كانت معاك في الجامعه 
سكت هزاع شوي وعقب قاله : امم بقولك شي بس يمكن ماتصدقه 
منصور : شو افا عليك انا جد مره جذبتك 
هزاع : لا وامم ولا تاخذ عني فكره ولا تعصب 
منصور استغرب وتم ساكت يتريا هزاع يرمس 
هزاع : الصراحه الي كنت دايمن ارمس عنها وحبيتها مابقولك ماحبيتها ولين احين احبها صح بتقولي كيف وماعرف شو بس انا اول مره انعجب في بنت جيه انها في البدايه رفضتني وصدتني وها الي عجبني فيها واضايقت يوم قالو عرست وكنت افتقدها يوم ماتي الجامعه وكنت استانس يوم اتي الجامعه يوم كنت في بيتكم اول يوم اجوف فيه فطوم ختك وقفت اتعرف ليش ؟
منصور : ليش ؟
هزاع : لانها هيه هاي البنت الي كانت معايه في الجامعه وماكنت اعرف انها بنت عمي اتخيل ولا هيه عرفت اني ولد عمها جفت كيف الصدف يعني ابدن ماكنت متوقع انها تكون بنت عمي هيه الي كانت معايه في الجامعه والي ريتها عند سيارتيه ويوم خطبتها استانست لاني باخذ الي احبها وسكت 
منصور تم ساكت في البدايه وفي خاطره استانس لانه هزاع يحب اخته وبيحطها في اعيونه وعقبها قال : صدقني ياهزاع فطامي مابتكون لغيرك واي حد بيتقرب منها ياويله فطامي لك وانت الها 
هزاع استانس عل هل الرد وعقبها راحو بيت قوم هزاع لانه الكل متيمع هناك حتى قوم ذياب 

اليوم الثاني 
امول وفطامي ومهو وشموه ويزوي رايحين المول 
وبعدها راحن الكوفي 
اول ماحدرو انصدمو في الي جافوه وخصوصن اموله 
وكل البنات صدن يطالعن شو بتكون ردت فعل امول بس كل الي سوته قالت خل نرجع البيت 
وسيده رجعن البيت وراحت امول قسمها وفطامي راحت عند ابوها الي قال يباها 
فطامي : شووو هزاع خاطبني ؟؟؟؟؟
بو منصور : هيه 

في بيت ذياب 
ذياب رد من المول وقعد مع امه وخواته الي توه كانن ضاويات من بيت قوم امول 
ذياب : حبيبتي ليش مايت 
طالعنه شموه ومهو بنظره وقالن : دقلها وهي بتقولك 
وراح عل طول قسمه بيروح يدق حق امول بيتخبرها ليش مايت وامول ماترد عيله عصب وزقر شموه وقالها ليش قالت بتم 
شموه وهي اطالعه بنظرات : الصراحه هي جافتك يوم قاعد مع وحده 
انصدم ذياب وماكان متوقع انه اموله اتجوفه وعرف احين ليش اموله قالت بتبات في بيتهم 

نهايه البارت 

فطامي بتوافق على هزاع ولا ؟؟؟
ومنو هاي الي ذياب قاعد معاها ؟؟
وامول شو بتسوي هل بتطلب الطلاق ولا ؟؟
اتعبني الهجر لكن مانزل راسي 000(20) والاخير
في بيت بو منصور 
فطامي: ابووويه ماريده حرام عليك ليش تجبرني عليه 
بو فطامي : وليش ماتبينه شو فيه ولا قولي ليكون تحبين حد 
فطامي انصدمت من ابوها انه جيه يقولها ودمعت عينها جان تقوله : لو كانت يدوه عايشه جان ماقتلي جيه احين انا بنتك اتقولي جيه 
وظهرت من عند ابوها وراحت غرفتها وعقت عمرها على السرير وتمت اتصيح من الخااطر 
عند ذياب الي ين من قالوله املوه عرفت انه جافته وكان بيروحلها بس يوم جاف انه الساعه 2 قال فشله اروح وتم يدقلها 
امول كل ماتجوف الرقم اترد اتصيح 
وطاف هل اليوم الكئيب على ذياب وامول وفطامي بسرعه 
في اليوم الثاني 
ذياب اول مانش واصلن هو رقد ساعتين يتريا متى يصير الصبح عسب يروح يجوف امول 
وعلى الساعه 10 غير ثيابه ونزل تحت وراح بيت امول بسرعه 
اول ماحدر البيت جاف بومنصور وام منصور قاعدين يترقيون 
ذياب : السلاام عليكم 
بومنصور وام منصور : وعليكم السلاام 
ام منصو ر: مرحبا مرحبا ذياب اقرب فديتك 
ويا ذياب وقعد معاهم وهو يتريا امول متى تنزل 
وتم يسولف مع عمه ومرت عمه وعقب نزلت امول وماكانت تعرف انه هو في بيتهم واول مانزلت انصدمت وتمت واقفه اطالعه وهو بعد 
امول سوت عمرها هب مهتمه طالعته بنظرت احتقار : السلام عليكم 
الكل: وعليكم السلام 
وراحت قعدت قريب من امها وابوها وذياب عرف انه امول مستحيل ترجعله شرا قبل 
ذياب وهو قال لازم يقولها : اموله 
صدت امول اطالعه لانها ماتبا تبين انه صاير شي من بينها ومن بينه 
ذياب : تعالي الميلس بغيتج في شي 
وامول عرفته عن شو يبا يقول وراحت معاه 
واول ماسكرت الباب صرخت : ممكن اتفهمني انا في شو قصرت معاك 
ذياب : والله انها هب ربيعتيه وهاي ربيعي الي يعرفها وقاعده تخبرني عنه انه هو قال بيخطبها وماخطبها واتقولي اقوله 
امول : احلف انت بس احين الي بيقول انا صدقت عمري ماتوقعت ياذياب انك تخوني بس كل الي ابغيه منك انك اطلقني لانه مافي شي من بينا انه انتم مع بعض اليوم قاعد مع وحده وباجر شو 
ذياب وهو يمسك ازنودها : والله انج فاااااهمه الموضوع غلط 
امول : غلط وانت قاعد معاها في الكوفي وجدام الناس بعد 
ذياب : دقيلها وهيه بتقولج والله مابينا شي حبيبتي احبج انتي وربي ماحب غيرج
امول :ههه اكيد اتفقت معاها ومايهمني شي الحين براحتك ياذياب 
ذياب : ياابنت الحلال شو اتفقت معاها والله العظيم انها ربيعه ربيعي وانا تعرفيني ماعندي هل السوالف لو عندي جان كنتي بتعرفين انا قبل لا اخذج ما اكنت اكلم بكلم وانا ماخذنج 
امول : ماريد اسمع شي بس بقولك شي اذا انت نسيت هل الشي 
ذياب سكت يتريا امول شو هل الشي الي بتقوله 
امول : ان قلت ناسي تذكر يوم يا ناسي 2007 يناير يوم في عمرك
ما كنت راضي ولاكن قلت لا باسي ضحيت باغلى حياتي بس ما ضرك
ذياب وهو عرف انه املوه مستحيل تتفهم الوضع وقالها : امل 
في هل الوقت صدت املوه بسرعه لانه هو ولا مره قالها امل 
ذياب : لو كنت تبغي حبيبي تكتم أنفاسي ارضي بنارك و أعيش العمر في جمرك
و ان كان ذمك حبيبك لا فيه قاسي يكفي المحبة و لو قطرة ندى في ثغرك 
وظهر عنها وتمت امول قاعده تصيح وتذكر احلى ايامها الي كانت مع ذياب 
وذياب طول الطريق وهو يفكر 
بعد شهر من الاحداث السابقه 
امول عرفت انه الي كانت مع ذياب ربيعه ربيعه واتفهمت الوضع وامول احين حامل في الشهر الثاني لانه بعد ماظهر عنها ذياب اغمى عليها وظهرت حامل 
وفطامي الي اجبروها تاخذ هزاع وهي ماتباه
وباقي اسبوع عن عرس هزاع وفطامي ومنصور ويزوي 
في غرفه فطامي الي كانن عندها ربيعتها 
حصوه : بتحبينه فطوم عقب الزواج يعني جوفي انا ماكنت احب حمدان لكن عقب ماخذته نساني عبود 
في هل الوقت يرن تيلفون فطامي وتمت ادوره ماحصلت وعقب سكت الرنين وفكرت انه خلاص سكرو 
ميروه : هيه فطوم عقب الزواج بتحبينه 
فطوم : ماااا احبه اكره واايد يطفربي حتى يوم ملجنا كان دايمن يطفربي
مريوم : انا احسه انه يحبج ويموت فيج 
شيخو : وانا بعد 
فطامي : مابنكر انه مايحبني لا يحبني وهو اي شي اطلبه مايقصر معايه بس اناااا اكره حركاته يوم يغايض
بسوم: احسبج انتي تحبينه بس هب راضيه تعترفين 
عند هزاع الي كان يسمع رمسه فطوم ومصدوم بالي سمعه 
هزاع : يعني ماتحبني وتكرهني انا الغبي اني فكرت اخذ وحده شراتها اف عرفت هل الشي متاخر لو كنت ادري جان كنسلت العرس وتم هزاع مضااايق ومهموم 
بعد مرور يومين 
فطامي قاعده في غرفتها ومستغربه انه هزاع ابدن مادق ضاري يدق 
فطامي: انا شو همني دق ولا مادق لا كيف شو مايهمني احين ها ريلي وباقي كم اسبوع عن العرس لازم ادق اطمن عليه هو الصراحه واايد طيب معايه 
فطامي من بعد ماراحو ربيعاها عرفت انه هيه غلطانه في حق هزاع وانه هو ولا مره ضايقها بعكسها هيه الي كانت تكلمه غير وحست انه هيه تحبه بس تقول لا 
دقت عل هزاع 
واهزاع اول ماجاف الرقم استغرب قال فطوم داقه غريبه من ملجت عليها وهيه مادقت وتم متردد يرد ولا كل مايذكر الكلام الي قال
يغير رايه 0 وفطوم استغربت انه مايرد عليها وخافت قالت يمكن شي صار فيه وردت دقت مره ثانيه 
عند هزاع الي جاف حبيبتي يتصل بك اول 3 رنات مارد وعقب رد 
هزاع بدون نفس : الو 
فطامي : هزاااااع وينك انت 
هزاع : ليش شو يخصج وين انا 
فطامي استغربت في البدايه : قعدت احاتيك من يومين مارديت عليه ويوم دقيتلك بعد مارديت عليه 
هزاع : لاني هب فاضلج انا انسان مشغول 
فطامي وهي ماتحب اذل عمرها اكثر : اوكي خلاص سوري ازعجتك بباي
سكرت وقعدت تفكر ليش جيه كلمها 
وعند هزاع 
هزاع ليش جيه كلمتها كانت خايفه عليه وانا جيه ارد عليها عقب سكت وقال احسن تستاهل 
وفطامي ويزوي كل يوم ويظهرون ويروحون الصالون واشياء ثانيه وامون ومريوم الي ين بوظبي بيقعدن الين يوم العرس وامول كل مايبون شي اتساعدهم وحتى مريوم وشموه ومهو يساعدون فطامي ويزوي اذا بقن شي 
ومرن الايام بسرعه واليوم عرس فطامي & هزاع 
ومنصور & يزوي 
الكل مستانس في هل اليوم 
والجو عند الشباب امسكت والفرقه الحربيه ماقصرو في اليوله وهزاع ومنصور من زود فرحتهم يالو وياهم وشاركهم ذياب واخوان امون وحتى الشياب يالو وياهم كان العرس راقي بمعني الكلمه 
في صاله الحريم اتسكرت كل الليتات وحطو اغنيه 
ياسلام الله عليها الف صلو عن الرسول فاطمه والزين يشهد من بد الملا لوسألتو الورد عنها مره من باب الفضول جاوب الورد تبسم فاطمه ولا فلا 
في هل الوقت فطامي كانت تمشي كانها ملاك يمشي على الارض وتبتسم بس من داخلها ودها تصيح 
ويوم يا هل المقطع 
من سواها لا طاروها تبتسم كل الفصول رقه واطباع وعذوبه واطيب احساس الغلا وحده الي من حلاها ما ابالغ من كثر ماهي جميله تمشي وتوزع حلاها 
كانت صدق حلوه والكل شهد انها ظاهره واايد حلو وامول اطالع اختها وتبتسم الكلمات كانت صدق ترمس عن فطامي لانه يوم يا المقطع والدلع وصف عنها اسالو ريم الفلا 
كل ربيعاتها اشرو عليها وحتى امول وهي اطالعم وتبتسم ودها تصيح 
ويوم راحت وقفت مكانها يات امول تساعدها وهمست في اذنها انها تبتسم 
وبعدها حدرت يزوي الي ماشاء الله عليها ظاهره قمر والخحل باين على ويها وبعدها راحت وقعدت مكانهاا
وربيعات فطامي رقصن مع مهو وشموه ومريوم بنت خالها 
واستانست فطامي 
ويزوي استانست يوم جافت بنات خالتها الي ين من السفر عسبها وعسب هزاع 
نوره بنت خاله يزوي : مبرووووك يزوي عقبال مانجوفج حامل 
يزوي غدا ويها احمر من قالت جيه 
شيخو اخت نوره اطالع فطامي بنظرات قهر واحتقار انها خذت هزاع لانها كانت تحبه بس هو ماعطاها سالفه 
وقعدن مع يزوي شوي 
والحريم مدحن فطامي ويزوي 
وعلى الساعه 12 دخلو المعاريس وكل واحد من جاف عروسه انصدم ماتوقعو يكونون في هل الجمال
وبعدها زفو المعاريس لانه طيارتهم على الساعه 3ونص 
وفطامي تسلم على امول واتصيح وامول فاهمه عليها لانها فطامي خبرتها وراحو فطامي ويزوي الغرفه الي كانو يتعدلون فيها وغيرو الفستان الي لابسينه ولبسو بنطلون وقميص وعباه مسكره ودعوهم 
في سياره منصور 
منصور وهو ماسك ايدين يزوي : فديييت روحج يا يزوي واخيرن احين صرتي حرمتيه 
يزوي الي كانت مستحيه ومنزله راسها 
منصور وهو يرفع راسها : الحلو ليش مستحى عادي حبيبتي انا احين ريلج لا تستحين جوفي ويهج كيف احمر
يزوي رمست عقب مووت: عادي مش مستحيه بس الجو حار
منصور وهو يضحك: هههه اونه الجو حار والله انتو البنات سوالف 
في سياره هزاع 
الجو عندهم متكهرب 
هزاع الي كلام فطامي لين احين يدور في راسه 
وفطامي الي تحس انها خلاص شوي وبتصيح 
وعقب نص ساعه وصلو المطار 
وخلصو اوراقهم وكل شي وراحو 
هزاع الي سلم على خته وعلى ولد عمه لانه طيارتهم قبل طياره منصور ويزوي 
وفطامي الي طاحت في حضن منصور وتمت تصيح ومنصور يقولها احين هزاع بيقول عنج ياهل اسكتي وبعدها ياهزاع وبعدها عن حضن منصور ومسك ايدينها وقالها يلا نروح 
وباسها منصور على راسها وسلمت على يزوي وركبو الطياره 
وقعدت فطامي على الكرسي وطيحت السيت وقعدت اطالع الجامه وهزاع قاعد الصوب الثاني وكل واحد فيهم مايبا يرمس الثاني 
واتوجهو الي ايطاليا 
اما منصور ويزوي راحو المانيا 
وفي الطياره عندهم الجو حلو لانهم يسولفون ومزح وبعكس هزاع وفطامي 
عند فطامي وهزاع 
هزاع وهو يرمسها من ركبو الطياره: تبين تاكلين شي 
فطامي وهي تمسح دمعتهاوصدت اطالعه وهزاع لمحها انها كانت تصيح بس طنش 
فطامي وهي تبتسم : لا ماريد 
رمس هزاع الحرمه وقالها مايبون شي وكسرت خاطره فطامي مهما يكون ماتهون عليه ومسك ايدينها وصدت فطامي اطالعه 
هزاع : الحلو ليش يصيح 
فطامي وهي اطالع اعيونه ويهه واول مره اجوف هزاع جيه وهزاع عرف انه فطامي انه قاعده اطالعه: اول مره اتعرفين اني حلو 
فطامي : ههه لا بس اريد اجوف يقولون انه نشابه عسب جيه قاعده اتامل ويهك 
هزاع : ههه لا تحاولين انا احلى منج 
فطامي : بس تعرف مانشابه ليش يقولون انه نشابه 
هزاع : والله مااعرف اتخبريهم وعقب سكت شوي < هزاع: ممكن اسالج سوال 
صدت فطامي اطالعه : اكيد 
هزاع : ليش كنتي اتصيحين ؟؟
فطامي سكتت في هل الوقت وهزاع على باله ماتبا اتقوله 
هزاع : براحتج لو ماتبين اتقولين 
فطامي : لا هب جيه السالفه بس بتوله على قوم امايه وانا اول مره اسافر من دونهم
هزاع اطمن من هاي الناحيه وصد الصوب الثاني وفطامي شلت المجله الي جدامها وقعدت اطالعها 
عند امول وذياب
ذياب : كيف كان العرس حبيبي
امول : جنااااااان بيبي اتصدق يوم جفت فطوم عروس دمعت عيني احس انه فطوم ابدن ماتنفع تكون زوجه اعرفها كله الا بتغايض ولااذا قالها هزاع سوي هل الشي ولا تسوين ها بتقول انا هب بشكارتك 
ذياب : لا ماعليج انشاء الله تكون قد المسؤليه 
امول : انشااء الله 
في الطياره عند منصور ويزوي
يزوي الي كانت راقده على جتف منصور وكان شكلها سو كيوت 
بعد ساعات من يلستهم في الطياره وصلو 
عند يزوي ومنصور 
منصور : غناتي قومي وصلنا 
نشت يزوي بسرعه واستغربت من المكان الي هيه فيه وبعدها استوعبت الوضع 
وعند فطامي وهزاع 
فطامي الي رقدت ساعتين ونشت وهزاع الي كان راقد 
فطامي في خاطرها : اوه احين كيف اوعيه هو بعد ليش يرقد شو بعد ليش يرقد حرام من الصبح وهو قايم اكيد تعب امرنا لله بوعيه 
فطامي وهي تزقره بصوت عالي شوي : هزاااع هزاااع 
لكن لا حياه لمن تنادي فطامي حطت ادينها على جتفه : هزااااااع قوم يلا وصلنا 
نش هزاع وراح الحمام وبعدها رد وشلو اغراضهم وحولو 
خلصو اجرائاتهم وراحو الفندق ومنصور ويزوي نفس الشي 
منصور ويزوي سيده راحو ينامون 
يتبع<<<<


فطامي وهزاع يوم دخلو السويت مالهم عيبهم لانه كبير وديزاينه وايد حلو وراحت فطامي اطالع السويت حدرت المطبخ وجافت غرفتين وعيبنها وراحت عند البلكونه وقفت خاري والهواء كان وايد بارد ويوم بردت حدرت داخل وجافت هزاع قاعد جدام التيلفون بس هب فاتحنه وماد ريوله على الطاوله الي جدامه 
هزاع : عيبج الاسويت 
فطامي وهي تبتسم : امم هيه واايد حلو الديزاين 
هزاع : احنا دايمن كل مااني ايطاليا اني اهنيه بس هل المره الغرفه الي عاطينا اياها اسبيشل 
فطامي هزت راسها وراحت قعدت على القنفه 
هزاع قام وشل جنطته واغارضه وراح غرفته ووقف عدال الباب وصد على فطامي : غرفتج بتكون هاي الثانيه وياشر عليها 
فطامي استغربت في البدايه بس عقب قالت عادي شو يهمني وهيه بعد شلت اغارضها وحدرت الغرفه وقعدت تربت اغراضها في الكبت وتحط العطور عل التسريحه 
وبعدها يوم طاحت على السرير رقدت على طول 
في اليوم الثاني 
نشو منصور ويزوي بكل نشاط وراحو ترقيو وبعدها ظهرو وكان الجو عندهم توب 
اما عند فطامي وهزاع 
نشت فطامي قبل هزاع واتلبست وادتعدلت واتعطرت وظهرت وقعدت في الصاله اطالع تيلفزون الين ماينش هزاع ويظهرون
بعد خمس ديايق ظهر هزاع من غرفته وكان متكشخ ولابس بنطلون وقميص وشكله الصراحه طر 
فطامي وهي تبتسم : صباح الخير 
هزاع وهو يردلها الابتسامه : صبااح النور 
ويا يقعد عدالها وهو يطالعها بنظرات هيه استحت من النظرات وبعدها اذكر كلامها انها تكره وصد عنها واستغربت من هل الشي وقالها يلا خل نروح نتريق 
وراحو يتريقون وكانو يسولفون في سوالف عاديه وبعدها ظهرو وراحو يتمشون وقريب الظهر ردو الفندق يرتاحون وبعدها بيكملون
يزوي واايد مستانسه مع منصور الي هب مقصر معاها في شي 
في الامارات 
امون : الجوود ماما 
الجود اتسوي حركات في ويها وامون تضحك عليها 
يا فهد وشل بنته وقعدها في ثبانه قعد يلاعبها 
فهد : اتعرفين بنتي احلا منج 
امون : عاادي حتى بنتي احلى منك 
فهد : اصلن هيه تشبه ابوها ويوو خلاص احين انتي استويتي يع يعني البنت وابوها حلوين اما انتي يع يع 
امون : دام انا يع ليش ازوجيتني 
فهد : لاني احبج يا غبيه 
امون : وانا ما احبك ياغبي
فهد :عادي المهم اني احبج 
امون وفهود علاقتهم واايد حلوه مع بعض وانشاء الله ادوم هاي العلاقه 
في غرفه ذياب 
ذياب وهو طايح على ريول امول ويلعب بشعرها : حبيبي متى بتربين اريد اجوف ولديه ولا بنتي 
امول : اتريا كم شهر حياتي وبربي لاحقه على العوار 
ذياب : لا لا ماريد كم شهر واايد ظهري البيبي وعقب رديه مره ثانيه 
امول : حبيبي اتعرف 
ذياب : شوو بيبي؟؟
امول : انت عبيط 
ذياب : هي غناتي طالع على حرمتيه
امول : والله صايرلي مثل اليهال اونه ظهرلي البيبي ورديه 
ذياب : هه شو اسوي ولا شو رايج اتيبين توم حلو 
امول : خلاص قدم طلب 
وتمو يسولفون 
امول وذياب علااقتهم صارت من احسن مايكون والحب الداير من بينهم والاحترام وكل واحد يخاف على الثاني 
في المانيا 
يزوي : حياااتي بس تعبت 
منصور : لا بس شوي جدام عنبو انا ماخذ عيوز خلاص من ارجع البلاد بقول حق امايه تخطبلي وحده 
يزوي تظربه على جتفه : مالت عليك انزين خلاص انت بروح روح انا بترياك اهنيه 
منصور وهو يلمها لصدره :فديت روحج امزح انا وياويهج 
وصلو المحل الي كانو يبون يروحوله واشرو وبعدها ردو الفندق
بعد مرور اسبوع من الاحداث السابقه 
في ايطاليا عند هزاع وفطامي 
هزاع : هههههههه ماحد قالج اونج عاد امسويه عمرج اتنر تايقر 
فطامي: هيهيهي وانا شو دراني انه جيه 
هزاع : تستاهلين عسب مره ثانيه ماتستقوين اونج عاد بتروحين لو احين انا ماييت جان العيوز ودتج السجن 
فطامي فتحت عينها : جذاااااااب قول والله 
هزاع : احين انا اقص عليج 
فطامي : هيه امااااايه خلاص اريد ارد البلاد ماريد اتم اهنيه مايسون الامارات فديتها 
هزاع : ههه خلاص لا تحاولين مابيعطونج جواز 
فطامي : لا والله انا عندي جواااز الحمدالله 
هزاع : اتراج خذتي الجواز يوم انا خذتج ولا انتي ماعندج 
فطامي وهي تجدمه بالمشي: ههاااااي اصلن انا عندي جواز قبل لا تاخذه حتى 
هزاع وهو يزيد في سرعته وصلها : لا عيوني انا اكبر منج يعني انا خذته قبلج 
وتم فطامي تمشي وجافت جدامها قطوه وصرخت : اماااااااااااايه وحضنت هزاع الي كان عدالها وهي في حضنه : شلها من جداامي اكره الاقطاو امااااايه والله بصيح 
هزاع اول ماطاحت فطامي في حضنه حس بشعور غريب وحس انه هاي الي جدامه صدق ياهل تخاف من كل شي ماعادا الاجلاب ويقول غريبه هاي الانسانه الاصراحه وهمس في اذنها : خلااص راحت 
يتبع <<>>
فطامي تلف راسها شوي اطالع اذا القطوه مكانها ولا وماجافتها بعدت عن حضنه وكان ويها صاير احمر 
هزاع : يعني احين انتي تخافين من الاقطاو وانا عيل اربي قطاو في بيتنا 
فطامي: قول والله يوم ييت بيتكم ماريت الاقطاو عيل 
هزاع وهو يمغزلها : لا انا احط الاقطاو في غرفتيه يحبون الجو البارد 
فطامي : اوكي يوم بنرد الابلاد انا ببات في بيتنا وانت بات فيبيتكم مع قطاوك الخايسات يا الوسخ كيف ترقد معاك قطاو اع 
هزاع : هههه لا حرام كله ولا لوسي ما ارضى عليها انتي يوم بتجوفينها بتتخبلين 
فطامي : ما افكر اني اجوفها وخل لوسي حقك تعال ناخذ ايسكريم 
هزاع : اموبنج امزجمه بعد ايسكريم 
فطامي وهي تبتسم : اتعرف انا يوم امرض اكل ايسكريم اتشافى صدق 
هزاع : اول مره اعرف انه الايسكريم يشافي 
فطامي: عند ناس وناس 
هزاع : يلا ندخل 
وحدرو المحل وخذو ايسكريم وقعدو يسولفون وبعدها ردو الفندق وكل واحد راح غرفته 
عند هزاع
هيه يعني لين احين تكرهني انزين شو الي خلاها تكرهني والله اني اعاملها اوكي لو تطلب روحي بعطيها اياها 

عند فطامي الي طايحه على السرير وتفكر : وايد اوكي معايه بس انا الي خذت فكره غلط عنه وايد طيب ويخاف عليه وبعدها راحت اتسبحت ولبست قميص الين فوق الركب بشوي وتحت لاقنز وخلت شعرها مفتوح ولابسه ربطله على شعرها وحطت ميكاب خفيف وراحت الصاله وشلت الدايري مالها 
وقعدت اطالع تيلفزون وبعدها فتحت الدايري وقعدت تكتب اشياء وعقبها قعدت تفكر جان تكتب :

أتعبني الهجر لاكن ما نزل راسي و أنت بقلبي غلاك و عارفن قدرك 
أنت بطيبتك خذت القلب عن ناسي لين انتهى القلب يا محبوب في أمرك 

عقب سكرت الدفتر وحطت القلم فيه شرات ما اتسوي كل مره وقعدت اطالع فلم ورقدت من دون لا تدري 
في هل الوقت ظهر هزاع من غرفته وجاف فطامي طايحه شرات اليهال وراقده وشكلها كان كيوت كسرت خاطره انها راقده جيه فشلها ودهاغرفتها وطيحا على السرير ولحفها وظهر 
ويوم يا قعد بيطالع التيلفزون لمح الدفتر وقال من زمان ماجفت شو كتبت 
وقرا الي كانت كاتبتنه وبعدها جان يكتب تحت الكلمات الي هيه كاتبتنها 
اقول احبك يجيني ردك القاسي أدور رضاك و أنت تعاند بهجرك 
أهديك الحساس تكسر خاطر إحساسي أقول صبرك على قلبي ما رضى صبري

بعدها سكر الدفتر وقعد يفكر في الي كاتبنه فطامي وقال باجر بسالها احسن شي 
في اليوم الثاني نشت فطامي قبل واستغرب انه هيه في الغرفه وقالت منو وعاني ولا انا ييت راحت تتسبح وغيرت ملابسها ولبسه تنوره قصيره بس هب واايد ولبسه قميص نص كم وربطت شعرها على فوق واتعدلت بس كان خفيف لدرجه انه مايبن وتعطرت وظهرت جافت دفترها مكانه على الطاوله وبعدها حدرت المطبخ اونها تبتكر شي 
فطامي وهي في المطبخ : انا كنت شاريه بنا كيك وينه هيه حصلته وسوت بنا كيك < ها الخبز الي ايي شرات خبز الجباب حلو طعمه لوول << 
وحطت داخله نو تيلا اونه كريب على قولتها وسوت كم حبه حقها وحق هزاع وبعدها صبت العصير في قلاص ويابت بعد حليب وجبن وحطتهم على الطاوله وظهرت خاري اجوف اذا هزاع قام من رقاده ولا 
يوم ظهرت جافت انه هزاع بعده ماقام راحت قريب من الغرفه ودقت الباب وماحد رد عليها عقبها قالت انا زوجه ولي الحق اني احدر غرفته يوم حدرت جافته انه ماحد على السرير والغرفه كاانت وايد بارده قالت اكيد في الحمام 
وراحت غريب من الحمام 
فطامي واقفه عند باب الحمام : هزااااع هزاااااااااااااااع 
ماحد رد عليها استغرب وهزاع اصلن كان واقف في البلونكه وسمع فطامي يوم تزقره وياها من وراها قال بيروعها 
هزاع من وراء فطامي حط ايدينه عل جتفها وقمض اعيونها 
فطامي صرخت : هزااااااااااااااع اظهر امااااااااااايه 
وهزاع ميت من الضحك في خاطره ينفجر من الضحك وعقب لف فطامي صوب ويهه اول مافتحت عينها جافته جدامها 
هزاع خلاص مات من الضحك على شكل فطامي : ههههههههههههه حلو المقلب صح 
فطامي : يااااا السباااااااال روعيتني انزين ياهزاعوه احيييين بحرمك من الاكل الي سويته 
هزاع: بنسوي سباق من الغرفه الين المطبخ والي يوصل اول هو الي يباكل 
فطامي وهي تبتسم : اوكي 
هزاع : اذا سبقتج لا تصيحين ادريبج امبزايه 
فطامي : لا لا افا عليك 
هزاع وفطامي يقفون عدال الباب 
هزاع : ان دو دقواه << في الفرنسي الحبيب ثقافته فرنسيه
ويركضون طبعن هزاع الي سبق فطامي وقعد على الطاوله وفطامي بعد قعدت 
فطامي : غش غش مايصير 
هزاع : يصير لانج ماركضتي 
فطامي : يلا ذوق الي انا مسوتنه وقول رايك وتعطيه احلى ابتسامه 
هزاع وهو ياكل الكريب ويسوي حركات في ويهه : امم الصراحه هب حلو طباخج خلاص بزوج غيرج ماتعرفين تطبخين ويكمل اكل 
فطامي انقهرت ليش يقول عن طباخها هب حلو شلت الصحن عنه : خلاص مش اتقول مش حلو ليش تاكل 
هزاع : والله حلو بس امزح فديت حرمتيه تعرف تطبخ 
ابتسمت فطامي استانست يوم قالها فديت حرمتيه لانهم من ازوجو الين احين ماقالها فديتج ولا شي 
نشت فطامي من على الاكل لانها شبعت 
هزاع : تعالي وين رايحه 
فطامي : خلاص شبعت بروح اشوي الغرفه وباي 
راحت شلت الدايرى مالها ويوم راحت الغرفه قعدت اطالع الي كاتبته 
وانصدمت يوم جافت الكلام :
اقول احبك يجيني ردك القاسي أدور رضاك و أنت تعاند بهجرك 
أهديك الحساس تكسر خاطر إحساسي أقول صبرك على قلبي ما رضى صبري

فطامي عرفت انه هزاع هو الي كاتب وبعدها سكرت الدفتر وظهرت برع وجافت هزاع قاعد يطالع تيلفون 
وراحت قعدت عدال هزاع وتبا تساله البارحه هو الي يابها الغرفه ولا 
هزاع على باله فطوم زعلت عسب يوم قال الاكل هب حلو ويوم صد يطالعها جافها سرحانه وعيبه شكلها لانها محلوه اليوم 
هزاع : فطامي 
صدت فطامي اطالعه 
هزاع : ممكن اسالج سوال؟؟
فطامي : اكيد 
هزاع : امم الصراحه ماعرف كيف افاتحج في الموضوع 
فطامي استغرب : قول اسمعك 
هزاع: انا ماهجرتج بس الكلام الي سمعته خلاني جيه اسوي 
فطامي : اي كلام؟؟؟؟ 
هزاع : مره كنتي مع ربيعاتج وكنت داقلج ورديتي الظاهر بالغلط وسمعتج يوم تقولين انج تكرهيني 
فطامي انصدمت ماكانت متوقعه انه هزاع سمع الكلام 
هزاع: وانا الصرااحه احبج واعرف انج ماتحبيني اهينه كان يبا يعرف اذا هيه تحبه ولا 
فطامي : لا والله اني احبك بس انا كنت في البدايه ما احبك مااحب حركاته بس من خذتك وجفت انت كيف تخاف عليه وتعاملني اوكي حبيتك 
هزاع استانس من رد فطامي وكل الي سواه باسها عل خدها وهي افتشلت وغدا ويها احمر 
بعد سنه وكم شهرمن الاحداث السابقه 
طبعن ردو فطامي وهزاع ومنصور ويزوي 
في هل السنه اشياء وايده صارت 
امول ربت ويابت تؤم ولد وبنت وسمتهم شوق وحمدان وذياب مستانس عليهم واايد 
ومنصور ويزوي عايشين احلى حياتهم واحين يزوي حامل في الشهر الثالث ومنصور متشقق انه بيصير ابو
وامون تتنظر البيبي الثاني 
ومريوم بنت خالهم ازوجت واحد اسمه فارس وهو يصير اخو ربيعتها 
واخيرن اني حق فطامي وهزاع 
فطامي طبعن عقب ماصارحت هزاع انه تحبه اسوت علاقتهم واايد حلوه مع بعض وخصوصن هزاع الي الي يموت في فطامي وفطامي الي تعشق الارض الي يمشي عليها 

فطامي واقفه عدال الجامه والهواء يلامس خدها المحمر وحاطه ادينها على بطنها 
هزاع وهو يحدر الغرفه ويروح عند فطامي ويحضنها : الحلوه ليش واقفه بروحها 
فطامي : حبيبي متى ييت 
هزاع: توني 
فطامي وهي تمسك ايدينه وتروح تيلسه عل السرير : هزاااااااعوووووه 
هزاع: اعيون هزااعوه 
فطامي تبسم : بقوولك شي 
هزاع : امري انتي ادللي
فطامي : اممم امممم 
هزاع : يعني احين شو تفكرين شو بتقولين 
فطامي : امم مبرووووووك
هزاع : على شو 
فطامي : على البيبي الي ياااااي بالطريق 
هزاع اول شي مااستوعب عقب رد قال : يعني انتي حامل 
فطامي وهي تهز راسها بهيه 
هزاع: وفدييييييت دلوعتيه بتيبلي دلوعه صغيره 

************
طبعن فطامي ربيت ويابت ولد وسمته حمدان بن هزاع وظهريشابه ابوه وهزاع يغاض فطامي انه يشبه ومايشبها منصور يقوله لا جوف عمرك واايد لانه يشابهكم انتو الاثنين 

ومنصور متخبل على غلا بنته 

نهايه القصه 
29_ 7_ 2007
اتعبني الهجر لكن مانزل راسي 000 

حبيت اوضح شي صح اني كتبت هاي القصه في مده قصيره بس استانست وانا اكتب القصه لانه اغلبيه المواقف كانت حقيقه والشخصيات الي فيه القصه شخصيات حقيقيه وموجوده ماعاد شخصيتين الي يمكن حبيتوها الي هم هزاع ومنصور هاذيل الشخصيتين من وحي خيالي 
بس الي هب حقيقه انهم الشخصيات ما ازوجو هذا الي انا الفته 

وفي هل الزمن فيه بنات مايعرفون اعيال عمهم يعني لا ستغربون من هل الشي وها الي انا حبيت اوضحه 

واتمني انه عيبتكم قصتيه المتواضعه هاي وهاي اخر قصه بتكون الي يعني مابقولكم اتريوني في الصيف الياي 
واشكر كل من شجعني على القصه وخصوصن انتو يا الاعضاء الي خليتوني استمر في الكتابه والفضل يرجع الكم واشكر ختيه الي ساعتني في كتابت البارتات والي شاركتني فيهن بعد 

ختكم شــيـخة البــنـات 


أتعبني الهجر لاكن ما نزل راسي و أنت بقلبي غلاك و عارفن قدرك 
أنت بطيبتك خذت القلب عن ناسي لين انتهى القلب يا محبوب في أمرك 

اقول احبك يجيني ردك القاسي أدور رضاك و أنت تعاند بهجرك 
أهديك الحساس تكسر خاطر إحساسي أقول صبرك على قلبي ما رضى صبري

جيت ااسي الناس لاكن وين جلاسي موجود مع حب و جالس دون ما ادري 
ارحل عن الناس يملا القلب هوجاسي يا معذب القلب قولي اليوم شو عذره 

ان قلت ناسي تذكر يوم يا ناسي 2007 يناير يوم في عمرك
ما كنت راضي ولاكن قلت لا باسي ضحيت باغلى حياتي بس ما ضرك 

لو كنت تبغي حبيبي تكتم أنفاسي ارضي بنارك و أعيش العمر في جمرك
و ان كان ذمك حبيبك لا فيه قاسي يكفي المحبة و لو قطرة ندى في ثغرك 

ارجوك تلفي في المسا الماسي تنتعانك بحب صدري في حضن صدرك
تبنا قواعد محبتنا على الساسي و أعيش مفتون يا مزيون في سحرك
انا لقلبك حبيبي الجوهر الماسي و انت هدية حبيبي حقي بكبرك
يا طيب الساس ودي رافع راسي و ارفع حبيبي معايه راسك و قدرك

www.saif.waphall.com