لـ...ـ...ـ....ـ...ـ غرام ـ...ــ...ــ...ــ...ذة
للكاتبه : غموض الحزن

نبذة :...
لـ...ـ...ـ....ـ...ـ غرام ـ...ــ...ــ...ــ...ذة .... 
قصة دمجت بين واقع حب وبين حب مستحيل..... 
بين فكرة بالأبتعاد لكن بدون أسباب.......
بين دموع حزن وبين جنون الانتقام....
بين حب سامي وبين تضحية عسب الغير...
بين أنواع الحب من الموبايلات والنظرات والمواقف...

يمكن تكون القصة أو روتينها شرات قصص وايد عيال عم وجي بس
انشالله تكون غيييييييييييييييييير وتعيبكم يالسادة...


كتبت القصة فالصيف وخلصتها قبل شهر يعني القصة جاهزة بكل أجزائها وإنشالله أنزلهم كلهم بإسبوع واحد....

_______________________________________
الجزء الأول من لـ...ـ..ـ...ـ غرام ـ...ــ..ــ...ذة 

هزاع : شحالك عمي؟؟ عساك مرتاح
بو سيف : الحمدلله ياولدي ...يالله مب دراسة تاخذك منا جي
هزاع : شسوي يا عمي..(نزل راسه) إنت أدرى بالظروف
أم سيف : أي ظروف يا ولدي...الله يهداك بس..

دخلت وهي لابسة مريول المدرسة والشيلة ع نص راسها والقصة الطويلة اللي مغطيه عينها اليسرى ولا مبين منها شي : السلام عليكم
هزاع رفع راسه وابتسم في خاطره : ...
بو سيف وأم سيف ردوا السلام :...
أم سيف : إنتي رفعي شعرج من ع عيونج ..أنا ودي أعرف عينج ما تنصب من هالشعر
عنود وهي تحط الكتب ودور مبينهم على شي ومب منتبهه : ...
بو سيف : عنووووووووووووود
عنود وبعدها ادور: هاااااااااه
أم سيف : أنا أبا أعرف وش من المذهب فيج يا بنت بروك
بو سيف : هيه يا سلموه رديها علي الحين
هزاع منزل راسه لأن عنود ما كانت منتبهه لوجود ولد عمها وشعرها نصه برع ..ويضحك بصمت على عمه ومرته :...
عنود ترفع راسها : أوووووهووووو الحين كلها ع سبت إني .........(سكتت)
هزاع حس انها حست فيه فرفع راسه :...
عنود وهي تغطي شعرها :..أبوي ......(وطالعت أبوها لحظات بس تشجعت وصدت ع هزاع)..منو الشيخ ..لا ومتفيزر في الصالة ..(وتطالع أمها)..ليش ما تقولون انه في حد يالسين..
بو سيف قاطعها: أقول قبضي لج مذهب هذا ولد عمج ...شو بعد هذي متفيزر فالصالة؟؟
هزاع معقـ...ــ...ـ...ـ....ـ...ولة!!!! معقولة نستني وأنا اللي عمري ما نسيتها صورتها في بالي من أربع سنين ..(تنهد) : ..لا عمي أنا غلطت المفروض..
عنود قاطعته : صبر الشيخ ..وقت مستقطع ..أي ولد عم ...
بو سيف : ولد عمج سالم ...ما عرفتيه
عنود تعقد حياتها...عمي سالم ...حمود هني ...راشد هني ....زايد هني ...بس ..بس : هزا!!!!!!!!!!!!اع
هزاع سوى حركة بحلجه جنه يقول مقبولة منج :.. صبااااااح الخير .......افففف مسرع ما نسيتونا !!
عنود تتقرب منه : لا أفااااااااا..بس اشوف (تيود طرف راسه وتقلبه وتحرك راسه وتدور حواليه جنها خبله)......محللللللللللللللو ......اففففف جان الغربة جي تسوي أنا بعوفها البلاد ......وبعدين شو مسرع ما نسيتونا (تحط ايدها ع خصرها) ..مب جنها أربع سنين مسود الويهه
هزاع يطالعها مب قادر يوصف فرحته ..أصلا فرحته ما تنوصف ...كانت يطالعها بحب بشوق بوله ....(ابتسم) : توج تقولين مـحلو الحين مسود الويهه ما عرفنالج يا حرمة
عنود ولا حتى حست بنظراته أو بالمعلاية اللي صايرة بقلبه بس لأنه شافها :..لا ..لازم شوي أعطيك في الصميم عسب لا تصير خقاق
أم سيف : يالله سيري بدلي ثيابج وهفتي الريال بريحتج
عنود حطت ايدها ع قلبها وشهقت : أنااااااااا .....إذا أنا ريحتي خايسة بيطلع ولد سلوم جذاب
هزاع يود ضحكته : أنا جذاب؟؟ ...وبعدين تعالي لا يكون أبوي لا عب وياج بالسكة ..اونه سلوم
عنود وهي تركب الدري : سلوووووووووووووووووووووووووومي حبيبي كيفي
هزاع شافها لين ما بتعدت عن نظره ..والتفت لعمه : اوكي عيل عمي ..أنا بروح البيت الحين..تامروني بشي
أم سيف : لا والله إلا تتغدى عدنا
بو سيف :..هيه والله ...هذي عمتك أول مرة تصدق بشي ..إلا تتغدى عدنا
هزاع : عمي ..والله اسمحلي ...بروح أريح
بو سيف : ما عليه يا بوك ...لو ما إنك ياي توك من السفر ومن هالطيارة اللي تترقص في الهوى جان ما خليتك تسير
أم سيف : لا ......لا ما يظهر قول إلا ما تبى تخسر بيزاتك
بو سيف : يالله بستر الحين أنا بخيل
أم سيف : إلا بخيل .......زطيييييييييي
هزاع ابتسم ع هالحشرة اللي مسوينها وظهر:......
**********
عنود دخلت الحجرة صكت الباب ..وراحت صوب مكتب مهوي اختها وتطالع الجدول : خيبة اليوم بتيي الساعة خمس ..راحت صوب الكبت وظهرت لها ملابس ..ودخلت الحمام (كرمكم الله) ...وأول ما ظهرت طاحت ع الشبرية ..... يالله يا هزاع وايد متغير ..بس إنشالله هالتغيير يكون من برع بس ..مب من داخل...يالله يا قبل وين هزاع اللي ما خليت مكان ما حاوطت وياه .. وين الأيام اللي صحت صياح اونه كاتم أسراري بيسافر من بيود أسراري حشااا اسمني ملقوفة أي شي كان يصير ألو هزاع ...جني وكالة أنباء ..ولا ليش ألوو وتلفونات تراه كان طول الوقت فبيتنا ... ولا يوم نركب فوق السطح ونيمع الحلاوة فصحن وشموع أبو نص أونه حفلة ...ههههههههه :..
وشوي انتبهت للكتب اللي عدالها ..قامت ويلست ...يالله متى اليوم اللي بيجمعني فيك يا منصور ...(غمضت عينها) ..
منصور : عنود ..عنادي
عنود تتلفت يمين ويسار ..خايفة حد يشوفها : بلاك منصور ؟؟
منصور ابتسم : مشتاااااق
عنود ابتسمت : وأنا اتحرى عندك سالفة ..دومك مشتاق مب شي يديد
منصور : البارحة ليش غايبة؟؟
عنود ترفع واحد من حياته وتتدلع : وإنت شي خصك ؟؟
منصور : لا والله ...البارحة احترقت من الشمس ..اترياج تنزلين من الباص محد نزل ..قلبتي يومي نكد
عنود : بللللللل.. نكد مرة وحدة ...والحين مب محترق من الشمس
منصور : دام عنادي جدامي ..دام قمري جدامي ما تهمني الشمس
عنود : خيبة يالجذب ...القمر والشمس في وقت واحد ....أقول ترى أنا احترقت من الشمس الحين ....اوكي
منصور مسك ايدها : الاسبوع الياي بيون يخطبونج
عنود صدت بسرعة : لا منصور ..مب الحين
منصور : انزين ليش؟؟
عنود : قتلك مب الحين ...خلالالالالالالالالالالاص
منصور : بس ما بتكونين لغيري ....فاهمة؟؟ ......على جثتي تكونين لغيري
عنود طالعته لحظات وبعدين تقربت منه : بسم الله عليك حبيبي.. وبعدين أنا أموت ولا أبات في حضن غيرك دقيقة
منصور بتشكك:أكييييييييييييييييييييد؟؟
عنود : شاك فيني؟؟
منصور : مستحييييييييييييييييييييييييييل
عنود : اوكي عيل .......باااااااااي
منصور اكتفى بابتسامة : ...
عنود رقدت ولا افتكرت بهزاع ...هزاع يمكن كان الطفولة .....ومنصور باعتبارها شي غير الطفولة وهبلها ...شي تحس انه بتمتلكه وبيمتلكها 
********
منصور يالس في الميلس يتريا واحد من ربعه عسب يظهرون 
منصور : اففففف تأخر هذا رشوووووود دومه جي مب مـضـبوط في مواعيده
سارة دقت الباب ودخلت :.. أقول .......صرصووووور 
منصور : اسمي منصور يالقملة
سارة يلست عدال أخوها : بتظهر الحين
منصور : ليش تسجلين مواعيد ظهرتي ولا تقصين تصريح خروح
سارة تنهدت ورجعت راسها ع الكرسي :..سوري
منصور حس اخته فيها شي :..بلاج؟؟
سارة : ما فيني شي
منصور : عيل بلاج حارقة عوالتج ؟؟
سارة : أنا ..(وبلعت ريجها)...أنا حامل
منصور طالعها جنه يبي يستوعب وبعدين وقف : ساروه متأكدة؟؟
سارة تنهدت : هيه
منصور : عيل ليش مب مستانسة؟؟ ولا زعلانة من حبيب القلب!!
سارة وقفت وعطته ظهرها : ..منصور انت ادرى بالحال..كيف تبيني استانس واهل ريلي مب موافقين على وجودي ..كيف بيتقبلون ولد مني ...حفيدهم مني ...أصلا هو بالأساس قالي أجلي السالفة سنتين ثلاث..بس والله ما كنت ادري ..ما دريت إلا البارحة ..
منصور حطا ايده ع جتفها : بيستانس لا تخافي ....الأبو حتى لو قال ما يبا عيال يوم حزتها ينسى كل اللي قاله .....وبعدين مستحيل يرفضون حفيدهم ..تراه من لحمهم ودمهم ...والدم يحن ياسارة
سارة : تقص على روحك 
راشد : مرحباااااااااااااااااااااااااااااااا على أحلى العربان
سارة ومنصور طالعوه : مراحب
راشد راح صوب سارة ولوى عليها : شحالج حبيبي
منصور كفخه ع راسه : احشم عاد
راشد : خيبة .....كيفي حرمتي
منصور يرفع ايده : يالله متى بقول هالكلمة ...(تنهد) ...دخيلك يا ربي خلها تنجح سرعة أبغي أخطب ..أبي ألوي عليها 
راشد : صدق ما تستحي ولا كنها بنت عمي يالس اونه ألوي ....بديرك بطراق
سارة ما كان ودها تضحك ..بس اشكالهم الهبلة تخلي الواحد يضحك :..
منصور : يعلني ما أخلى من هالضحكة يا ربي
راشد : ايه ..ايه ..هذي حرمتي يالس تغازلها 
منصور ابتسم له بحزن وسكت بس عينه ما تباعدت وايد لانه التفت لسارة :..
سارة يوم شافت نظرات منصور ابتعدت عن راشد ويلست تصيح بحضن أخوها : ..
راشد يطالع مستغرب : شسالفة؟؟ ربي إلا خيييييير
منصور : هو خير للكل بس بالنسبة لكم ما ظني
راشد : ليش شالسالفة ؟؟ طمني .......
منصور : ..
راشد تقرب وسحب سارة من منصور ورفع راسها : سارة شاللي صاير ؟؟
سارة دموعها اللي اطيح ع خدها والسكوت اللي كان أقوى من الكلام خلاها تتأمل زود في راشد .....راشد حلوو ..عرض وجمال وأسمر بس سمارته حلوة عيونه عسلية اللي مخلية سمارته أحلى ..وحياته المقرونة ومسوي قفل بلحيته وشعره الطويل لين جتوفه والسفرة اللي محليه شكله ...وزود عن هذا كله طيبته وأخلاقه اللي ما في مثلهم ...وأولا وأخيرا حبه لي .....راشد ياني لين هني يصيح لان ابوي رفضه لانه اهله مب موافقين ..اللي كان وياه في الملجة والخطبة والعرس ما خلاه لحظه هو توأمه هزاع وأخوانه محمد وزايد ...
راشد يهزها : سارة فهميني شسالفة ....لا اطالعيني جي 
سارة ابتسمت له تحاول تهديه : حبيبي كل خير كل خير لا تحاتي
راشد : إذا كل خير ليش تصيحين ؟؟
سارة ابتعدت وعطته ظهرها ما تبى تشوف ردت فعله ...لانها خايفة تنصدم من ردة فعله: ..ولدك ......
راشد مب فاهم : ..أي ولد؟؟
منصور كان على طرف يراقب الوضع والوقت اللي لازم يدخل فيه بيدخل : ..
سارة : ..أنا .......حـــــ........ــــــامـــــ...........ـــــ ـل
منصور فز من مكانه من ردة فعل راشد : ..
راشد عفد ع سارة ولوى عليها بالحيل من ورى ما يدري ليش دموعه خانته في ذيج اللحظة ... : أحبج ..والله أحبج ...وما في شي بيفرقنا....سارووووه ....(ابتعد عنها شوي ومسك ويها بايده الثنتين ) خلاص ما أبي أشوف دموعج .....اسمحيلي ع كل اللي سويته ....وادري دموعج عسب هلي ...بس ما عليج منهم .....بيون لين هني يستسمحون منج بس المهم ......
منصور ظهر في هاللحظة ماحب يخرب عليهم واحد ويا حرمته أنا ليش ناشب لهم بالنص... وبعد احسن عسب بعدين لا عرست يفجون عني وعن رووووووووحي عنادي :..
سارة : شو المهم ؟؟
راشد طالعها بخبث : إنتي أدرى بالمهم
سارة ابتسمت : حشااا علي مادري
راشد باسها : أحبج ..تحبيني؟؟
سارة : أموووووت ع ثراك
راشد : عيل ما باج
سارة رفعت واحد من حياتها : ليش؟؟
راشد :شو أباج بعد ما تموتين
سارة كفخته ع راسه : سبااااااااال
**********
هزاع دق الباب 
أم محمد : قربي قربي .....محد غريب
هزاع دق الباب مرة ثانية وفتح الباب شوي شوي : مرحبااااا باهل الإمارات
الكل فج عيونه 
بدور : هزاااااااااااااااااااع .........حبيبي أنا (ولوت عليه)
والكل قام يسلم والسوالف وشرهات العيوز والصياح ..
هزاع : يالله تصيحون يقول راد جثة مب واحد حي
هدى : بسم الله لا تفاول على عمرك
هزاع : إلا يالدبة إنتي كل ما أرد بطنج بالونة متى تلحقين تحملين وتربين حشاااااا
هدى : تف تف .......خيبة بتحسدني 
هزاع ابتسم وصد لابوه : إلا رشود وييييين؟؟
بو محمد طالع ولده وسكت : وشدراني عنه تشوفه يفتر بالأسواق
هزاع طالع ابوه بحزن لأن سارة ما تستاهل اللي تلاقيه من عمها بو ريلها ......قام يبا يسير حجرته :..
أم محمد : وين يا هزاع ما تغديت 
هزاع ابتسم لامه ....هزاع دوم ابتسامته ع ويهه حتى لو هموم الدنيا ع راسه يمكن يشبه توأمه راشد بوايد أشياء بس طولة بال هزاع ما كان يمتلكها راشد ... : تعبان يا أماياا ياي من سفر .....انشالله لا قمت باكل
بو محمد يهز ريوله جنه مضايج : ...
هدى : أبوي
بو محمد : خيييييير
هدى : هزاع ما يستاهل إنه يشيل هموم الناس .....ومحد يعاونه
بو محمد : والحين قلت شي ..سأل عن أخوه وأنا رديت ..(قام ودخل حجرته) 
زايد : لا حوووووووووووووووول ......
****************
سيف ساند روحه ع السيارة والتلفون اللي بايده اللي بيشتكي من زود ما سيف راص عليه بالحيل ......آآآآآآآآآآآآآآآآآآآآآآآآه ..يالدنيا قولي لي ليش .....ليش سويتي فيني جي ليش يا عفرا ....كلمة حبيبي إلا ما تفارق لسانج وانتي ترمسيني ....وأحبك اللي أحسها تظهر بدون ما تنطقيها ...بعد سنتين تقوليلي .....إنساااااني ...كيف؟؟ وحد بهالسهولة ينسى .....لا والسبب اللي محيرني .....بعد سنتين تقولي اعذريني كنت اجذب عليك طول الوقت أنا متزوجة ....وع ذمة واحد ....ليش عفاري أنا شو سويت تعاقبيني هالعقاب .....ليش يوم كانت عزة نفسي فوق كل شي ....شموخي اللي محد يقدر يوصله .....ليش الحين يوم تنازلت عن كل شي عسب الحب وسمعت كلام الكل الحب تنازلات يا سيف .....يا سيف لا زم تتنازل عسب اللي تحبها...يا سيف مستحيل يستمر الحب إذا ما ضحيت ....وبعد ما ضحيت بكل شي شو صار ؟؟ استمر الحب .....خسي ...لا استمر ولا شي .....بس ما بتعدي سهله يا عفروووه .....والله مب سهله
***********
يالسة تقلب بقنوات التلفزيون :..اففففففففف ملل
مرجينا ( الخدامة) : إنتي روهو ما في مك...خلي فلم هندي ..أنا هزا فيلم ما في شوف
عذاري : افففففف ...انزين بس والله مب حلو .....ابوي وين
مرجينا اونها مندمجة : مادري ...أنا ما في أءرف ..يجي قول ما يبي غدا بعدين سير
عذاري انسدحت ع الكنبة : يعني يا ربي أنا شو اسوي بس أقابل ويهج وتقابليني
مرجينا : أنا طالع ويهه مال إنته ..(وتهز راسها) ..اسكت اسكت أنا يبي شوف فيلم
عذراي : انزين ردي ع التليقون نقع
مرجينا : خلي ولي 
عذاري : افففففففف منج ......(شلت التلفون) ...مرحبا
:......
عذاري : ألوووووو ..خاطري أعرف ليش تتصلون يوم ما بترمسون
: ..السموحة بس بغيت خالد
عذاري هالياهل يبا أبوي ؟؟ : ...موجود بس احسن لو تتصل بموبايله
:...موبايله مغلق...بغيته بشي ضروري لو سمحتي ..
عذاري : افااااا عليك ..ثواني
بعد خمس دقايق والريال منقع ع الخط
عذاري : ألوو
: ...أخيراً .....هلا الشيخة
عذاري : إنت بغيت منو بالضبط؟؟
:..إنتي تتمصخرين عليه شو؟؟ قتلج خالد!!
عذاري : لا تصرخ انزين ....بس شكلك مغلط
:..لا والله ....مب توج تقولين موجود 
عذاري تنهدت : انت بغيت خالد----؟؟ولا غيره
: ..خالد---- ؟؟!! لا ......خلود ----
عذاري : اسمحلي والله نقعتك عالخط... بس أنا قلت إنت وين وابوي وين
: ههههه.....وأنا شلي بابوج
عذاري : خلاص قلنا السموحة
:..اوكي عيل باي
عذاري : باي 
حرام والله نقعته ع الخط ...بس شسوي قال خلود اتحراه يدلع أبوي خخخ المهم الجانب الحلو من الموضوع خفف شوي من مللي
**********
جاسم :شفيك علوووووووه ....مب خلود تسأل عنه
علي : مادري شكلي مغلط بالرقم
جاسم : شو؟؟إنت ثور سنة لين ما تستوعب إنك مغلط فوق عشر دقايق وإنت ترمس
علي : وأنا شلي ..هذي قالتلي موجود وبعدين تقوليلي إنت منو تبى...آخر شي قالت انه بيت خالد ------ ..اونه ابوي أنا شلي بابوها .....افففففف خلود ذلنا صراحة وعاطنا رقم بيتهم غلط
جاسم : خالد -------؟؟
علي : هيه ، بلاك؟؟ الحين منو سنه لين ما يستوعب
جاسم : وحدة ردت عليك صح ؟؟
علي : لا ابوي ..الشيخ شارب شي شكلك رايح فيها
جاسم : جب لاه ، هذا عمي
علي : شوووووووووووو؟؟ صدق شارب شي أقوله بنت ردت علي يقوللي عمي
جاسم : يالغبي ..خالد----------عمي ...هذي بنت عمي .........................
علي : يجوز
جاسم : شو اللي يجوز ..إلا أكيد
علي : ليش محد---- غيركم
جاسم : ما قلت ...بس حاستي السادسة ترمس
علي : الله والإحساس عاد
جاسم : جب جب .....عطني الرقم
علي : هاك .............*******
جاسم : ألووو
مرجينا : هلووووووو
جاسم : أقول وين خالد
مرجينا : دقيقة ....
عذاري : منو؟؟
مرجينا : واحد رجال قوم يبي بابا
عذاري : اففففففف شكله لصقه ...صبري
راحت صوب التلفون
عذاري من غير نفس : ألووووووووو
جاسم : جني طلبت خالد هب إنتي
عذاري : الشيخ توك اتصلت وقلنالك مغلط عن الهبل ترى ما يمدحونه
جاسم : أدري انه ما يمدحونه.....أنا أبا عمي فيها شي
عذاري تستهبل : ... لا والله .....انزين منو أقوله
جاسم : ..عذاري شفيج ؟؟ عمي هني ولا لأ؟؟
عذاري انصدمت يعني هذا مب مغلط : ...انزين وأنا قتلك منو أقوله؟؟
جاسم : أشوف عادي عندج إني أعرف اسمج؟؟ ما اهتميتي
عذاري : اوكي تراك مب مغلط وتعرف البيت أكيد بتعرفني ..دام أبوي يصير عمك
جاسم : والله إنج داهية ....شحالج؟؟
عذاري : الشيخ ..
جاسم قاطعها : جاسم ......ولد عمج حميد 
عذاري شهقت وكنها كانت تحاول ترمس عادي بس الخوف اللي بصوتها مبين : ع العموم ...حصل خير .......أكلمج بعدين...بروح أصلي
جاسم تأكد عذاري فيها شي بس ما حب يتكلم حب يسمع وبس : ..
بو عذاري : منو ترمسين ؟؟
عذاري : ربيعتي ...(وسكرت السماعة).....ما عندها سالفة بس تحش في فلانة وعلانة قلت أسير أصلي أحسن 
بو عذاري : هيه جي أباج
***********
جاسم ابتسم :.....
علي يطالعه مستغرب:..
خالد اللي كان واصل من دقايق : خبلة شو؟؟
جاسم : شكلي
علي : هي؟؟
جاسم : افااا عليك ...قتلك أكيد هي
خالد : شو مطيح بانشي يديد (ويغمز له)
علي :ههههه.... لا ......هذي .....(وقاله السالفة من طق طق للسلام عليكم)
خالد : اف.......ليش متقطعة الأوصال شو؟؟
جاسم : لا مب جي ....بس وين تبانا نيلس بين الحريم..
خالد : عاااااااااااااااادي........تيكت إيزي
علي : يا عزيزي
جاسم : الله يذكره بالخير هزاع ...يوم كان هني كل يوم انطيح عند الحريم خخخ
علي : جي ما تدري هزاع اليوم الساعة وحدة الظهر واصل
جاسم : احلف ولا اتصل ولا مر.........إلا إنت شدراك؟؟
علي : تستهبل ...بيتنا قبال بيتهم ..شفته وهو نازل من السيارة ....
جاسم : إنزين يمكن رشود
خالد: صح علوه إنت شايفنه من بعيد
علي : لا لا هزاع أعرفه أبيض عن رشود وأعرض شو ربعي ما بميز مبينهم..

************
الجزء الثاني من لـ..ـ...ـ..ـ غرام ـ...ـ...ـ...ذة 

دخلت الحجرة ...خيبة ثلاجة مب حجرة ...لا وظلام .....اللي يدخل ما يقول بنهار ...دخلت الحمام (أكرمكم الله) وسبحت .... اففففففف عنود ما تعرف ترقد عدل ...المفروض ترقد بالطول وهي بالعرض دومها عوية ...أبا أناااااااام ....خوزت ريل عنود وانسدحت وشوي وردت عنود ريلها .....افففففففففف وبعدين عاد ...كله من أبوي اونه مب زين بنت اروحها في حجرة ...شو يتحرى بندخل بنغالي علينا ...بعدنهم الخدامات اطوروا هم اللي يروحوا لهم .....ههههههه.....أبا أنام ما بنام إلا إذا طفشت هالسبالة وقومتها ......قامت فتحت الليت....وتقربت من عنود ...وتقربت زيادة من اذنها : عنوووووووووووووووووووووووووووووووووووووووووووووووو وووووووووووووووووود
عنود فتحت عينها ببطء : همممممممم 
مها : خيبة .....والله تقهر بصيح...........عنوووووووووود قوووووومي خلالالالالالالالاص
عنود تنهدت وعدلت عمرها : شو اللي خلص؟؟
مها : شو اللي خلص؟؟؟ أقولج خلاص قومي أباااا أناااااااام
عنود : نامي انزين ......راقدة ع نصج أنا ...ولا لج عندي شي
مها : اوهووووووو
دخل يوم سمع الحشرة : بلاكم حشاااا ؟؟
مها : سيفان قومها أبا أنام
سيف : انزين ارقدي ..وبعدين خليها راقدة يمكن تعبانة ..(وانسدح عدال عنود)...صح؟؟
عنود : انت اللي فاهمني
سيف : إنت وماجي واللأكل ألذ خخخخ
عنود : هههههههه
مها : سيفان بغيتك عون صرت لي فرعون
سيف : أفااااا عليج ..لزي لزي عنها عنود ...ها تعالي انسدحي شي مكان
مها : مابا هذي غجرية ما تعرف ترقد
عنود بدلع : أناا؟؟
سيف : هاااا شوفي الرقة ......هي وين والغجرية وين؟؟
مها : هذي؟؟ خلاص يا أنا يا إنتوا؟؟
سيف : أمااااه خفت بنخش في القوطي
عنود : ههههههههههههه
مها وبغت تصيح تعبانة راحت حجرة سيف وقفلت الباب ...وكانت الحجرة مجهزة للرقاد باردة وظلام ...شكله كان ناوي يرقد ...عنلاته والله ما خليه يدخل ...انسدحت ع السرير كان الموبايل والبوك والسويج عدالها ...بغت تسوي مقلب فيه وتاخذ السويج ...بس قالت لو تاخذ الموبايل أحسن...ويوم مدت ايدها تبي تاخذ الموبايل رن ...خيبة حاسين فيني شو ...طالعت الاسم (خال مصري) ....نقعت من الضحك ....يلست تقلب الموبايل ..سيف محطي قفل ...بس إلا ابطله.....وبعدين ليش قافلة ....أكيد أرقام المعجبات والمعجبين ... ما شا الله عليك يا خوي ....كتبت الرقم 24680...تريت شوي بس اللي ظهر ع الشاشة خطأ في الرمز ....حاولت مرة ثانية 77777...بس نفس النتيجة ..... وبعد عشرين محاولة فاشلة ...قررت تتكتب رقم دكانهم تستهبل يعني 85800 ..فجأة تم فتح القفل ........استانست ...تتحرى عمرها كونان هههه.....دخلت الأسامي كل اسم أغرب من ثاني والأغرب انه حتى رقم موبايلها مسمنه (عمور@) ...ليش يعني ...يمكن عسب محد ياخذ الرقم...ليش انزين ما يوثق بربعه ..كل شي جايز .....خل أشوف المسجات....صندوق الوارد ....آخر مسج كان
هالدنيا كل شي فيها بالجلب.. عمري ما ترقعت فيها.. ولا ظني بترقع فيها باقي عمري.. وين ما اباها تمشي تعاندني وتمشي عكسي..
سواف سامحني بس خلاص ماريد منك غير البعد والمسامحة
************
راشد دخل البيت وهو مستانس: السلام عليكم
أم محمد وهدى وبدور وزايدومحمد : وعليكم السلام
بس محمد كملها : والرحمة
راشد صد له وابتسم : دومك شاذ........(ويلس حذال زايد)
محمد : شفت عاد ....القمر ما منه اثنين
راشد : أوب ......أوب .......(يغمز لزايد) صدق مال مغازل 
محمد : شوووووووووو؟؟
بدور ربعت يلست حذال راشد : رشود رشود........تدري انـ..
زايد : قاطعها : تدري إني موت أحبك وأن مالي غير حبك واللي ينبض في ضلوعي ...(سكت لأن حد كفخه بالمخدة عويهه) 
الكل رفع راسه 
راشد انصدم : هزاااااااااااااااااااااااااااااااع
هزاع وايه أخوه : لبييييييييييييييييه
راشد : متى واصل؟؟
بدور : أنا ..أنا بقول وصل
زايد : إنتي جب ....ليش رازة بعمرج ...
هزاع ابتسم : خلها ....ترى رزة الفيس من طبايع التيس
بدور : أنا تيس !!! .......أكيد إذا أخوي تيس شبطلع أنا؟؟
هزاع : يالحمارة 
راشد : هزااااع عندي لك خبر بمليون
هزاع : عيل لا تقول ......ما عندي مليون
راشد :يالله عاد
هزاع : قول 
راشد طالع حوله : لا مب هني
هزاع طالعه باهتمام : هميتني تراك شسالفة؟؟
راشد : كل خير
زايد : ليش ما تبي ترمس جدامنا؟؟
بدور : هيه ...نحن ندري انه عن حرمتك ....قول ليش تخبي علينا
راشد : إنتي ما يخصج
هزاع : راشد شفيها سارة؟؟
راشد رفع واحد من حياته صح ليش ما يقول حق اهله ترى هذا ولدهم ..حفيدهم ..وولد أخوهم :.....
بو محمد توه داخل : قول شو البلوة اليديدة ؟؟
راشد انقلب مزاجه ووقف : ..اسمحلي يا ابوي .بس سارة مب بلوة ...و..
بو محمد : و شو؟؟؟.......كمل لاه ليش سكتت.....صاير ولد مرتك .....ذيل مرتك....بنشوف شو علمتك بعد
هزاع : ما عليه أبوي راشد ما يقصد ....
راشد تنهد : أبوووووي ....بس سؤال ليش يوم قلت أبا أعرس قلت أختار اللي تباها ونحن موافقين ....ويوم اخترت سارة عاندت ليش ؟؟ بلاها سارة ؟؟ شلي ناقصنها ؟؟ ولا قلت لي اختار عسب اللي اباها تحرموني منها ....
بو محمد ارتبك وبين عليه : هاااه ...لا .......لا نحن ما قلنا جي ......بس ..
راشد : بس شو ؟؟ فهمني دخيلك يا بوي لا تسكت......ريحني ربي يريحك ..
بو محمد : هاااه....ما يخصك.....أنا كيفي ....إنت ولدي ولا أنا ولدك؟؟
هزاع : ما عليه خلاص ....أنا مب راد البلاد عسب اضايق بكم ....إذا وجودي بسوي هالضرايب ...اسمحولي عيل .......(وياي يظهر بس مسكه زايد من ايده)...
زايد : هزاع بلاك؟؟ مستوي أنا الشاكي أنا الباجي أنا الحساس
هزاع تنهد : عيل ما تشوفهم زايد ...من ايي هنا يتضاربون يقول متفجين ....حتى المرة اللي قبل ......عسبت الجنسية ومادري شو...والحين ....استغفر الله ...زايد هد ايدي
بو محمد دخل غرفته ..مايدري ليش يحس انه يخسر عياله واحد ورى الثاني من بعد وفاة المرحوم سعيد ...حس انه يخسر الواحد ورى الثاني
راشد تنهد : ما عليه هزاع امسحها في ويهي
هزاع : ما عليك ......حصل خير
بدور تحاول تهدي الموضوع : تعال رشود
راشد : شووووو؟؟
بدور : أنا فيني فضول بلاها حرمتك 
هزاع : هيه والله تراك ذليتنا مب سالفة
زايد : لاه ترى يبا المليون قبل
راشد ابتسم : سارة حامل
أم محمد دمعت عينها بس ما كانت فرح كانت حزن بس ما بغت تبين له الموضوع : مبرووووووووووك يا ولدي 
هزاع : اوب اوب من قدي بصير عم 
محمد يقلد صوته : بصير عم ......إنت ما يخصك بمحمد الصغير
بدور : منو قال بيسمونه محمد ...أصلا بيسمونه بدر عسب يطلع بنص جمالي ع الأقل
زايد : اللي يسمعكم يقول فحصتوا عليها ....لا أصلا هي بنت ...
هدى : ما شالله أنا في قسم الحمل والولادة 
هزاع : أفااااااا عليج ....لمن يرغب بموت ابنه ع يدينا
بدور : تفضلوا بزيارة قسم القتل والإجهاض
الكل : ههه ههه ههه ههه ههه ههه
*************
مها تطالع المسج وتقراه مرة ومرتين وثلاث ....سواف صاير له شي ...قعداته في البيت قلت ...دوم سرحان ...توقعت عمري اتوهم ولا حركات شباب...بس لأ سيفان صاير وياه شي ...أأأأأأأأأأأه معقولة تكون بنت..لا ما بظلمه ...بشوف اللي بعده
إعذرني ولو غلطت صعبة يعني تعذرني.. غلطة العاشق بألف.. وإنت سيد العارفين.. آه أشتكي لك هالجراح.. لا لا.. جرحي نساني السماح..
خلاص سيف انسى ....كل حد يغلط ..وأنا غلطت بس صحيت...بس بعد ما دمرت قلبك وقلبي ....إنت غالي علي وايد....بس ما يصير أخون ثقة هلي وثقة ...ريلي..
يعني وحدة بس كيف .....ريلي؟؟!!!.....كيف سيفان يرضى يحب وحدة معرسة...بس كله منها....لا ما بظلم ...يالله يا سيف ..صدق إنك قوي يا سيف...وما تبين حق حد..يالله يا الرياييل ونحن نتحرى ما فيكم إحساس...كملت تطالع المسجات وكانت من ربعه ..بس كانت تطوفهم تبى تعرف سالفة هذي البنت كان مسجلنها (ميود/)..كان فيه مسج منها اللي هو 
عسى الدنيا تضحك لك 
عساك تكون متهني
ترى من قلبي أفرحلك
رغم انك بعيد عني
حبيبي سواف اسمحلي ...سويت لك طاف بس 
بغيت انهي موضوعنا
ادري إنت مالك ذنب 
الغلطة غلطتي ..كله مني ...آسفة سيف..
آسفة إني خدعتك...سيف أنا معرسة ..وعذمة ريال..
انسااااااااااااااااااااااااني
والله حقيرة ...أونه أما معرسة وحبيبي سواف ......شو هاا الهبلة 
مسجاتها اللي بعدها كانت كلها حب وسوالف مالها شغل بالخيانة والبعد 
دخلت المسجات المرسلة ياها فضول تشوف مسجات سيف ..تشوف رده ع هالحقيرة
آخر مسج كان
ذاك أول اطلب وصاله .....وانخدع بطيب يلساته
وخل غيري اليوم يرثاله .....والا أنا ما أريد روياته
مردج بتردين لي ذليلة .....بس ذيج الساعة ماباج ...بس ماكون سيف ال..... جان مارديت جذبج عليج....وعذابج ...يصير أكثر من عذابي...يعني يوم ما تحصلينه اتصلتي بي ويوم لقيتيه تباتين ع صدره ....شو القلوب تسليه عندج؟؟
زين اللي تسويه فيها .......بس كلام سيفا وايد عود ....بس هي جلبة ويا بته لعمرها المسج اللي بعده
":،‘,’يا ظالمة زينك بشين السواياا..من وين لك قلب ع طول جاير..مبغى الدوىلا صار جرحك دوايا..باجر ع الظالم تدور الدواير’,؛:"
حراااااااااااااام عليج ردي علي خلنا نتفاهم ..
أنا أحبج ..ماقدر من دونج...
هني مهوي دمعت عينها...حست ان أخوها مجروح بس محد حاس ليش؟؟....ليش ما قال ؟؟
المسج اللي بعده
..<<>>.. صدمة ولا أقدر أفكر بعدها ثاني.. صعبة تخيل أعيش العمر من دونك.. تدري حبيبي أحبك حب خلاني.. أبيع كل من شراني لخاطر عيونك ..<<>>..
حياتي عفور عن المقالب الزايدة ...لا أييج البيت واسحبج من شعرج للمليج
هني صاحت ما قدرت تيود عمرها .....حبيبي سيفان ..ليش الحب ظلمه...بس صبروا...اسمها عفرة يعني..
المسج اللي بعده
ريح حياتي معك وأرتاح
لا تزيد همي وتشغلني!!
لا شفتني خذ معاك سلاح
صوب على القلب واقتلني!!
وإن شفت دمي بصدري ساح
ضمني وبدموعك إغسلني!!
وإن سألو أهلي علامه راح؟؟؟
قل.. غلطته ليش يهملني!!
وينج ما بينتي؟؟ ولا رديتي علي أكلم هلي ع الخطبة؟؟
يعني كان بيخطبها عسب جي فضحت عمرها...يعني كان جاد يحبها وناوي يستقر وياها ...ويمكن هي فحضن غيره الحين ولا حاسه ....آآآآآآآآآآآه

دق الباب بقووو خلا مهوي تفز من مكانها
سيف : مهوي يالسبالة طلعي أباااااا أنام
************
يالسة في الصالة منسدحة ع الكنبة وتغني : القصيد اللي على باب الغلا بايت نزيل بسإلك بالله كيف تحب من حرفك أهل،،،قدم أشواقك ولا وبقا ولا ترضى الهزيل ،،، واعزف ألحان الوفا همسة على دروب الأمل،،،فاطمة اسم(ن) على قلوب الشعب ماله مثيل،، اسم لو انه تبدى للفضل رد وخجل،، فاطمة يا أم الشيوخ الصيد وانصار الدخيل،، فاطمة يا ام الإمارات او بها نضرب مثل...>>>(فديتني وفديت أمي وأم الإمارات..)
بو عذاري : بلاج صدعة ؟؟
عذاري: أفاااا هذي أم الإمارات .....جي تنازعني
بو عذاري:ما قلنا شي.....بس صدعة ..وعاد الله والصوت
عذاري: والله لو صوتي ما حلو ما اختاروني كل اللي في الجامعة 
بو عذاري: أنا أشوف الشيخه فاطمة سادة أذنها بقطن
عذاري: هي هي هي .........إلا أقول أبوياااااااااااااااااااا
بو عذاري: خيييييييييييييييير .......هالدلع ما وراه خير
عذاري: ههههههه.....أبا أروح السوق
بو عذاري: يالله مناك
عذاري: حرام عليك منو بيوديني
بو عذاري : أنا بروح مب متفيج لج
عذاري: يعني يا ربي أبوي مب فاضيلي وأمي راحت وخلتني
بو عذاري: ..أقول ما فيني أشوف أفلام هندية .....روحي لبسي
عذاري: خلاص مابا
بو عذاري: تزعلين مني .......أنا أبوج......خلاص ما شي
عذاري: لا لا والله .......(وربعت تتلبس)
************
سيف : مهوي ما لقيتي غير حجرتي .....طلعي 
مها:..
سيف : خلاص سوري أسف السموحة ......طلعي بنام
مها طلعت من الرسايل عسب ما يحس انها قرت المسجات ..بس دخلت الأسامي وخذت رقم(ميود/) اللي هو رقم البنت..وقفلت الموبايل يوم تأكدت ان قفل والليت مال الموبايل بند قررت تطلع ...
فتحت الباب عيونها كانت محمرة من الصياح..بغت تتخطى سيف وتروح ما تقدر تشوف سيف تحسه مجروح حتى لو ما بين...
سيف مسك ايدها : تعالي يالحمارة ...ليش راقدة في حجرتي ...حارمتني الرقاد
مها رفعت راسها لاخوها وابتسمت بحزن : عسب تحس فيني يوم أبا أنام
سيف يطالع مها بصدمة : يالله عسب رقاد تصيحين
مها تطالع أخوه بحزن..كانت بتصيح فراحت الحجرة ركض : ...
سيف منصدم من اخته يالله يا انها دلوعه ..ولا حساسة زود عن الناس...ولا تخبلت ...خل أروح أشوفها
مهاد خلت الحجرة وطاحت ع السرير تصيح..
عنود تخرعت من دخلت مها ومن صياحها : مها شفيج؟؟مهوي أمي قالت لج شي ؟؟مهوي ردي علي
سيف : لا تصيح عسب وقفت وياج ضدها 
عنود : سالفة مساعة يالله مهوي ....ما أحيدج دلوعة ..وأن كان ع أخوج خذيه ما أباه
سيف : يالجلبة
عنود ضحكت : ...
مها يلست ومسحت دموعها وطالعت ويه سيف ..وتتكلم بهدووء....وهذا الهدوء اللي يسبق العاصفة: ليش ما قلتلي؟؟ ليش سيف؟؟ سيف ليش تسوي بعمرك جي؟؟أنا مب أختك ليش ما قلتلي ؟؟...(وغطت ويهها بايدها ويلست تصيح من الخاطر)...
سيف وعنود مب فاهمين الألغاز اللي تعقها مها
سيف : مهوي ممكن تفهميني شسالفة؟؟وشو تبيني أخبرج؟؟
مها :...
سيف : مها ....قولي شسالفة واللي تبينه بتعرفينه ....بس فهميني
مها رفعت عينها بعينه : ميود شخطة (ميود/)
سيف انصدم ووقف بسرعة وطلع
عنود : شسالفة ...أي ميود هذا؟؟
مها لوت ع المخدة وصاحت ورقدت وعنود مادرت عن شي
************
سيف كيف بطلت موبايلي؟؟ أصلا مب كيفها ؟؟ ليش تفتش أغراضي ......(تنهد) كيف بقابل مهوي ......مادري .......(مسح دموعه)......يالله يا بحر ما بتشلني واموووت وارتاح.... يالله يا عفور شو سويتي بي .......مب حرام عليج......والله مب هاين علي حتى أشوف عذابج....ما أقدر أضرج ....ومستحيل أضرج
مسك موبايله وطرش مسج
عفور شحالج؟؟ عساج مرتاحة ويااا شريك حياتج؟؟
اسمحيلي والله ...اتحملي مسجاتي ...مب سهله الواحد ينسى والله مب سهله
الله يهنيج
وضغط إرسال لـ(ميود/)
***********
عليا : بسج صياح....أصلا ليش تصيحين اللي سويته هو الصح
عفرة : منو يقولج؟؟ .......(تنهدت)....أحبه.....مادري ليش سويت جي ....والله مادري
عليا : مر أسبوع ع الموضوع وهو من ثلاث أيام لا اتصل ولا طرش مسج...يعني نساج ولو يحبج ما بينساج بهالسهوله
عفرة : بس...(قطع كلامها صوت المسج)....
عليا : منو هالمتفيج؟؟
عفرة ابتسمت بحزن : سيف
عليا سكتت : أنا ودي أعرف هذا ولد منو؟؟ وروح اذبحه يعني شو قلنا له معرسة وبعده لاصق
عفرة : يعني يحبني يعني ما نساني ....ولا تنسين إنه هاي جذبة وإنتي اللي طرشتي المسج..
عليا : عسب أبعدج عن الشر ...إنتي ربيعتي .....ولو يباج ما بيتم يكلمج سنتين ولا ايي يخطب
عفرة : حرااااام شوفي شو كاتب؟؟
عليا خذت الموبايل ...سيف كسر خاطرها لأنه كاتب لها شريك حياتج...ولا طارلها شي وأهم شي قاله الله يهنيج :...مسكين
عفرة : بتصل به
عليا : لأ .....لا تتصلين 
عفرة : مب كيفج ....(اتصلت).........ما يرد
عليا: اونه ولد أصول .....
عفرة : قولي يداري مصلحتي....(ردت تتصل)...... 
***********
سيف يطالع الرقم ليش اتصلت؟؟.....شو تبى مني بعد ما هدت كل اللي بنيناه؟؟ برد وبشوف .......لا ...لا ما بضعف جدامها....وبعد يمكن ريلها....سكرت ...أحسن بعد...افففففف اتصلت مرة ثانية...... برد واللي فيها فيها .....
عفرة : ألوووو
سيف حس عمره بيصيح...عذبتني وياك ..سهرتني أهااات ..والشوق ما أقواه ..يا ويلي يا ويلي ..من قلبي أهواك ...وإن قلت بنساك...ودي أنا بلقياك...يا ولي يا ويلي...عذبتني ضيعتني خليتني أسهر ما أنام يكفي كفاك وين الوفا ليش الجفا والله حرام :........
عفرة : ألووووووووو
سيف : مرحبااااااا الشيخة
عفرة حز بخاطرها جفاه وهي كلها شوق :...سألتني عن حالي في المسج وأنا اتصلت اخبرك عن حالي
سيف : اسمحيلي جان ضايقج المسج ...بس وعد مني آخر مرة و...
عليا كانت تسمع كل شي لأنه كان ع السبيكر ...حست بحزن سيف اللي ما ينوصف :...
عفرة وهي تقاطع سيف : سيف حرام عليك إنت تدري بغلاتك عندي لا تجفاني
سيف : اسمحيلي الشيخة ....مسرع ما صارت لي مكانة عندج وتوي إلا أعرفج
عفرة تصيح : سيف ....لا تظلمني ...لا تكون ظالم
سيف : الشيخة ...هههههه.....ظالم مرة وحدة ..الشيخة إنتي متصلة وأنا ما أعرفج وتقولين لي ظالم ومادري شو .......ترى الشيخة إنتي مغلطة
عفرة : سيف ..سيف حبيبي أنا عفرة ....عفور حبيبتك
سيف : ترى أقولج إنتي مغلطة ....سيف الأولي اللي ضعف جدام وحدة راااح ماااااااات ....أنا سيف ملك لوحده ثانية .....ودخيلج لا تسوين لي مشاكل ....لأنها آخر شي بتنقلب ع راسج
عفرة منصدمة وتصيح : ..
عليا حست إنها سبب في عذاب شخصين ...بس بالحلال أحسن :...
عفرة : سيف ......إنت حبيبي......كيف ملك لوحدة ثانية؟؟
سيف : بعرس ....بس لا تخافين بعزمج .....لا وأبا ريلج وياي في عرس الرياييل ......ههه خل نتعرف عليه ....
عفرة : سيف أنا.......
عليا سحبت الموبايل من عفرة : اسمحلي الشيخ بس ..
سيف : لا ما عليه حصل خير.....بس وصيها تتأكد من الرقم قبل لا تتصل..غلطانة تراها
عليا : لا هي داقة الرقم الصح......بس الشخص اللي رد هو الغلط
سيف : صدق عاد؟؟... ..اسمحيلي الشيخة ......أنا مب الغلط .....بس دامها معرسة ..أنا أصلا ما أرضى أكون بموقف ريلها وما أرضاها لريلها ......ع العموم دخيلج لا توصلين شي لريلها ...(تنهد)...وديري بالج عليها.... 
عليا : الشيخ لا توصي ...بس بغيت أقولك شي
سيف: اللي هو؟؟
عليا : لا خلاص مشكور
سيف : ولوووو......العفو 
****************
بيت بو عذاري
الساعة 11 بالليل
التلفون نقع ومحد رد عليه
عذاري: زين يوم سكت ما فيني أقوم
رد يرن مرة ثانية
عذاري : يعني مجبورة أرد .....ع كثر الخدم محد يتسهل يرد اففففففف
ألووووووو
جاسم استانس : مرحبااااااالساع
عذاري وبعدين عاد ....جاسم ما بيتوب ....صح بنت عمه بس هو ما يدري بطبع أبوي المتقلب ....الظهر معصب وإذا قتله كلمة بصكني بطراق...ومرة شرات أخوج الصغير لو تسبينه يضحك وما يزعل ....بس بالمزاجين حووووووووااااط : ..
جاسم : وينج؟؟
عذاري : آمر الشيخ
جاسم : شحالج؟؟
عذاري : آمر جاسم
جاسم : إنتي ليش جي ...تعامليني جني غريب...
عذاري : إنت مب محرم علي
جاسم : بس من لحمج ودمج
عذاري : اسمحلي تراك ما تعرف طبع أبوي...وحتى لو ما كان أبوي أنا ما رضى لعمري
جاسم : يالله كلها عسب بغيت اطمن عليج
عذاري : مشكور .....فيك الخير جاسم
جاسم ابتسم : شحالج؟؟
عذاري : يسرك الحال...وإنت؟؟
جاسم ما يدري ليش يستانس حيل يوم يكلمها : الحمدلله بخير وسهاله
عذاري: شخبار علاية؟؟
جاسم : الحمدلله
عذاري : ...عندك ؟؟ ولا شارد من البيت؟؟
جاسم : هههههه لا ويا الربع
عذاري : ...
جاسم : مودر ربعي بس عسب اتصل بج
عذاري ابتسمت : من طيب أصلك
جاسم : لا تصيرين رسمية وايد
عذاري : جاسم مب أنا اللي أكون فري
جاسم : إنتي ما عندج وسط يا رسمية وايد يا فري
عذاري : إنت شو تبى مني؟؟ ترى أنا مب من البنات اللي في بالك ....وحط في بالك دوم إني بنت عمك من لحمك ودمك ...لازم ما ترضالها بالشر...ولا تظن إني سايرتك يعني خلاص طحت صيدتك لا بس عسب إنك ولد عمي ...وأنا مابا أقطع الأوصال....جاسم
جاسم قاطعها : شو جاسم إنتي خليتي فيه شي ...شو بعد بتقولين ....واسمعي تراج ما حزرتي .... أنا اتصلت قلت ارد الوصل شرى ما كان ...بس مب الوصل بين الأهل تغير .....الأهل هم اللي تغيروا....قلت بنت عمي ووحيدة ويتيمة قلت انشد عن حاله بس مادريت انه طبعج خايس وما ينطاق
عذاري انصدمت وصاحت وسكرت الخط بويهه 
وزين انه سكرته بالوقت المناسب لان أبوها دخل
بو عذاري : بلاج تصيحين؟؟
عذاري : هااااه؟؟؟
بو عذاري صرخ : بلاج؟؟
عذاري : ماشي.....بطني وراسي يعوروني
بو عذاري : بتروحين المستشفى؟؟
عذاري : لا الحين بخذ بندول وبيخف
بو عذاري : ما عليه ..... (وراح)
عذاري انسدحت في الصالة ...أنا قسيت عليه هو متصل يسأل عن الحال...أنا استلمته بشراع وميداف...اففففففف أنا عمري ما سويت شي صح آآآآآآآآآآآآآآآآه
**************
جاسم شو تتحرى عمرها بنت الغرير وبنت شيوخ تغلط على الي تباه .....لا تقدر ولا تتحرم ....هذا يزاي مستهم واتصل اسأل ..(ساند راسه ع جتف ربيعه..... ربعه...اللي يالسين يشوون ويلعبون على البحر) ...جاسم لا تجذب ع روحك ....إنت تحبها وكنت تتمنى اليوم الي يرجع فيه هزاع عشان بس تردون تتجمعون شرى قبل وتشوفها .....هيه أحبها وأموت فيها بس تغيرت ....أحسها مب عذاري الحساسة الدلوعة اللي تحس فيني قبل لا أرمس ......آآآآآآآآآآآآه كل شي تغير..........(نزلت دموعه بدون ما يحس بعمره وبربعه اللي انصدموا وهم يطالعون دموع جاسم ....جاسم اللي عمرنا ما شفنا دموعه.......يصيح!!!!)
علي : جاسم شفيك شلي صاير؟؟
جاسم تنهد ومسح دموعه : وبقى شي ما صار
خالد : جسوم ....خرعتنا شو السالفة؟؟
جاسم : الشي الوحيد اللي كنت حاط أملي فيه أحسه راح من زمان...وأنا بعدي حاط آمال
سالم : كلام الألغاز ما ينفع بو محمد ....ارمس شفيك
جاسم : بنت عمي ..تغيرت وايد تغيرت ..... و(كمل السالفة)...
*************
عذاري ....حرام أنا ما بيني نوم بروح بتصل فيه ...ع الأقل باستسمح منه 
نزلت تحت ويلست عدال التلفون ...في البداية ترددت بس بعدين تشجعت حتى لو شو صار يتم ولد عمي ويمكن نيته كانت طيبة
*************
جاسم كان محطي التلفون ع الأرض وما فيه يرد مب متفيج لحد :...
علي : ما بترد 
جاسم : لأ
**************
عذاري افففففف ما يرد بخذ رقمه وبطرش له مسج من موبايلي ....بس إذا كانت نيته مب زينه...ولا أقول إذا صدق صار جي بقول مسج بالغلط كنت بطرشه لأي حد ...
أنا ليش وسواسية....وبعدين ما رد علي يوم اتصلت بيتقبل مسج؟؟ اوهووو برد اتصل
************
علي : جاسم إن ما رديت الحين أنا برد واللي فيها فيها
جاسم طالع علي وخذ الموبايل : ألوو
عذاري ما تدري ليش دمعت ذيج اللحظة من سمعت هالألو : مرحبا جاسم..شحالك؟؟
جاسم مستغرب بلاها : الحين تسألين عن حالي 
عذاري : أفااا جاسم زعلان؟؟
جاسم كان بعده حاز في خاطره فحط التلفون في حضنه ولا رد ..خل تعرف كيف الواحد يوم ينذل : ...
علي :سكرت ؟؟
جاسم سوى صوت بحلجه جنه يقول لأ : ..
خالد خذ الموبايل وحطاه سبيكر :..ارمس
جاسم طالعه بعصبية وسكت وخالد بعده ميود الموبايل : ..
عذاري : جاسم ...جاسم ادري إنك تسمعني ومطنش ع العموم اللي بغيته استسمح منك ادري كنت جاسية وياك بس .....(صاحت) ...جاسم إنت تدري مالي حد غيرك بهالدنيا لا أخو ولا أم وحتى الأب وجوده شرى عدمه ... رغم جي خليتني أربع سنين ما تدري ميتة حية الحين ياي تسأل .... أنت ما ترضى لعمرك تنذل ولا تنجرح ..بس أنا عادي ...صرت الطوفة الهبيطة ..الكل يعق اللوم علي الكل يتمنى لو مت ويا أماياا...عادي خل اتعود ترى أنا اليتيمة ...اللي حتى إنت يا جاسم ذليتها بهالشي وإذا كنت تعتبره كلام قلته في لحظة طيش ولا غضب ...بس هالكلام هزني....( وزاد صياحها)...
علي وخالد يطالعون بعضهم ويطالعون جاسم ...
جاسم اللي زادت دموعه وتنهد : عذاري..
عذاري : صبر جاسم صبر .....(وحطت السماعة ع طرف)
جاسم وعلي وخالد استغربوا منها :...

**************
الجزء الثالث من لـ...ـ...ـ غرام ـ...ــ..ــ...ذة 

عذاري : صبر جاسم صبر .....(وحطت السماعة ع طرف)
جاسم وعلي وخالد استغربوا منها :...
عذاري : هلا أبويا .....من وين ياي
بو عذاري : من عند الربع ......إلا إنتي ليش ما رقدتي؟؟..
عذاري : الحين بروح ارقد .....نزلت اشرب ماي
بو عذاري مشى ولا هو مهتم :..ما عليه ..بس لا تسهرين
عذاري : اوكي .......
يوم تأكدت انه راح 
عذاري : اسمحلي جاسم
جاسم : لا ما عليه ....هذا عمي؟؟
خالد وعلي مستغربين ...يالله هالقد ابوها شديد...وبعدين غريبة جاسم ما خوز السبيكر معقولة مب منتبه :..
عذاري تحيس حلجها : ليش في غيره ؟؟ .....ع العموم جاسم بغيت استسمح منك.....باي
جاسم :عذاري!!!
عذاري : آمر..
جاسم ابتسم بحزن : أحبج
عذاري : هه ..أخيرا جاسم تنازلت عن كرامتك 
جاسم : السالفة مب سالفة كرامة
عذاري : المهم جاسم .....إنت تدري بالحال الحين .....وتدري إنه هالشي مستحيل يطور للزواج ...... بس الشي اللي بغيتك تدريبه .....لو كنت لغيرك أنا أحبك
جاسم : لا تقولين هالرمسة ....... وإنتي تدرين بي 
عذاري : أنا أدريبك ...بس أعرف طبع عمامي وطبع أبوي أكثر .....جاسم أنا مستحيل أرضى لك ولا أرضى لنفسي نعيش حياتنا شرات راشد وحرمته......ويمكن نحن أكثر ناس ندري انه الاثنين ماسوى شي غلط......
جاسم تنهد : وبعدين وياج
عذاري : لا بعدين ولا قبلين .....بخليك الحين الساعة وحدة وبروح ارقد
جاسم : اوكي .........باي
بعد ثواني من الهدوء 
علي : ما بترمس
جاسم : شو أقول؟؟
علي : السالفة
جاسم : سويتوها سالفة ..
خالد : ليش قاطعة الأمل؟؟
جاسم طالعهم فترة تردد بس لو ما يعرفهم عدل وواثق منهم ما بيرمس : ..آآآآآآآآآآآآه .. سالفة صارت من اربع سنين يمكن الشي الوحيد للي كان الكل يعلق فيه الأمل هو هزاع 
علي : ليش هزاع بالذات ؟؟
جاسم : يمكن عسب اسلوبه صفاته طبعه ......
خالد : وليش ما تكون نفسه؟؟
جاسم : مستحيل ....أصلا محد يتقبل أو يسمع من حد إلا من هزاع
علي : انزين كمل السالفة ...
جاسم : ما دري السالفة مب قادر ارتبها ...... أصلا كل شي ملخبط.....
خالد : ما همنا الترتيب .....نبغي نخفف عنك بس
جاسم : أنا الحين زين .......وانشالله لي يا الوقت المناسب انتوا اول ناس بتدرون
علي : اوكي عيل .......سرينا
جاسم وخالد : يالله
*********
ومضى الليل الكل بفراشه ...يمكن المشاعر كانت مختلفة حتى لو كانوا في نفس البيت ...مها رقدت وهي حزينة ع حال أخوها ...عنود رقدت والحيرة ما كلتنها ...سيف المهموم المطعون بخنجر الحب ....محمد اللي يعتبر نفسه وحيد بعد وفات أخوه المرحوم ...هدى الحمل متعبنها ..راشد رقد في بيت أهل سارة من وناسته ...هزاع رقد وهو يخطط يجمع العايلة وهالمرة غير من أربع سنين بو سيف وعياله ما تجمعوا ويانا ...لازم اجمعهم ....وعلى طلب جاسم انه الحريم والرياييل في مكان واحد ..هالشي ما بصير إلا في مكان واحد ...
********
صباح الجمعة
الساعة 11 
مهوي قامت تسبحت وتلبست :..لازم اشوفه قبل لا يروح المسيد 
طلعت من الحجرة وهي طالعة سمعت صكة باب يوم التفتت :..
سيف ابتسم لها : صباح الخير
مها تقربت منه : صباح النور
سيف : من وين طالعة الشمس بالعادة ما تقومين إلا الظهر
مها : عشانك
سيف يحاول يتهرب : اوب من قدي ...خلاص روحي حطي لي الريوق
مها : خدامتك .......تعال برمسك
سيف : مها لا ترمسيني ولا أرمسج ........ولا ادخلين عمرج بالموضوع وإنت من الأساس مب داخله
مها تنهد : ترفض مساعدتي؟؟
سيف : ليش؟؟ شو اللي اللي تقدرين تسوينه؟؟
مها : وايد أشياء .........أهمها مواساتك 
سيف : لا اسمحيلي
مها : سيف تراك وايد غامض ...وكتوم 
سيف ابتسم لها : .. مب من طبعي أنسى ولا أجفى ،،، 
وهمي وبكاي سم ٍ جرى بالحناياااا.....
والغموض طبعي ولا برضى سوى ،،، 
عزة النفس رغم طيبة معناياااا...
( من تأليفي احم احم)
مها : كيفك!!
سيف ابتسم : ننزل نتريق
مها : يالله
********
راشد فتح عينه .....ويلس يدور بها عن حبيبته ......ويوم ما حصلها : سارووووووه.....ساروووووووه
سارة طلعت من الحمام ولافه شعرها بالفوطة: هلا
راشد ابتسم بخبث : وينج خليتيني روحي؟؟
سارة تستهبل: فديتك ليش تخاف ؟؟
راشد : هيه أخاف ...أخاف عليج
سارة ابتسمت : يالله انزين تسبح وانزل منصور يترياك
راشد : ليش ؟؟
سارة : لا لا شكلك بعدك راقد .... صلاة اليمعة
راشد : هيييييييييييييييه نسيت
**********
هزاع يالس يشرب جاي :...أبوي
بو محمد : يالله بالخير من الصبح
زايد وبدور : ههههههههه.......قفطه
هزاع : يالله يا ابويا....أصلا أنا ما اييب غير الخير
محمد : إنت؟!!!! ....مشكلة اللي مصدقين عمرهم
بدور : هيه والله .....زايد تعرف يقولون مدّاح نفسه يباله رفسه
هزاع : لا وإنتي الصادقة يقولون ......يزات الإحسان رفسة حصان
أم محمد : وشفيكم ع الرفيس من الصبح
زايد : ههههههههه
بو محمد :خير ولدي 
هزاع : أبغي مفاتيح المزرعة ...
بو محمد : المزرعة ؟؟!! شتبغي فيها
بدور : صدق والله ...اقحط عن المزرعة ما حصلت
هزاع : إنتي ما يخصج
بو محمد : ليش شتبغي بالمفاتيح؟؟
هزاع : بس جي
بو محمد يهز راسه : راسك يابس......مفاتيح المزرعة عند البيادير
هزاع : لا أبوي مفتاح البيت اللي فالمزرعة
بدور : شو بتعتكف هناك ؟؟
زايد : إنت شو تبغي به .....كله وصخ وصراصير...بتستوي بات مان
بدور : ههههه حلوة منك
بو محمد : سكتوا .....شو تبغي فيه
هزاع وقف عسب الأذان الثاني أذن : إبغيه ضروري
بو محمد : كل المفاتيح عند البيادير 
هزاع : زين عيل ........يالله سرينا
************
جاسم : علاية .......علاية
عليا : ياييييييييييييييه
جاسم : وين الدخون ؟؟
عليا : أي دخون ؟؟
جاسم : اللي يبته لج الإسبوع اللي طاف
عليا : شو تباه ؟؟
جاسم : شو يسوبه الدخون يعني ياكلونه؟؟ .......بدّخن
عليا : شوفوا يايبنه لي ويدخن منه ...يعطي باليمين وياخذ باليسار
جاسم : حشا مذلة .....عطيني عطيني 
عليا : أوكيك..(ويابت الدخون وحطته في المدخن وتمده له )
جاسم : نزين دخنيني 
عليا ابتسمت ونزلت ادخنه : هذي آخر مرة ...وبعدين ييب حرمتك ادخنك
جاسم : بعدين بتتمنين اطلب منج طلب
عليا : قول برتاح
جاسم سكت دقايق وقال بصوت واطي : أقول علاية 
عليا رفعت راسها : آمر
جاسم : متى بتخلصين دراسة؟؟
عليا عقدت حياتها : 3 شهور ليش؟؟
جاسم : ابغي اخطب
عليا وقفت وعطته ظهرها وهي تحط المدخن على الطاولة : الله يوفجك....(ويات بتروح)
جاسم مسك ايدها : مب مستانسة؟؟
عليا رفعت راسها تطالعه :..بلا
جاسم يوم شاف دموعها حز بخاطره ولوى عليها ... الله بلاه بإخت حساسة جي حتى فمواقف فرحته بتصيح: بس خلاص لا تصيحين 
عليا لوت عليه وهي تصيح : ....
جاسم : خلاص لا تصيحين ...وغلاتج ما أعرس إلا بعد ما تعرسين
عليا طالعته وربعت الحجرة : ....
جاسم ابتسم بحزن ونزل :...
*******
يطالع ابوه : أبويااااا ...يالله خلصوا صلاة 
بو منصور : أدري بس ما أبغي أرد البيت
منصور مستغرب : ليش؟؟
بو منصور : مادري ..... 
منصور : خلاص قوم نسير نتمشى .....ساروه عند ريلها
بو منصور : يالله 
ركبوا السيارة وبعد خمس دقايق من السوالف العادية 
بو منصور : منصور 
منصور : آمر أبويا
بو منصور : تدري ليش أنا رفضت راشد في البداية ...وليش أهل راشد رافضين سارة بنتي؟؟
منصور طالعه باهتمام : ليش؟؟
بو منصور : تعرف المرحوم سعيد؟؟
منصور : هيه!! ربيعي جي ما أعرفه
بو منصور تنهد :...
منصور وقف عند المطعم ونزلوا :...
*********
عفرة : انزين علاية ليش تصيحين ؟؟
عليا : مادري .....ما اتخيل جسوم يروح عنا
عفرة انسدحت وحطت الموبايل ع السبيكر عدالها : ...يالله الحين هذا أخوج مب أنا سواف راح عني
عليا : أنا أكلمج عن أخوي وشدخله سيف الحين 
عفرة : الحال من بعضه عسب جي لازم ادخل سيف .......تعرفين بطرش له مسج يوم بنخلص امتحانات انه انا مب معرسة ...بس سويت اللي سويته عسب أخوي بياخذ الموبايل لين ما أخلص امتحانات وادريبه على طول بيخطبني ....مستحيل يكون نساني ... ومستحيل يعرس ...انا ادريبه سوافي
عليا : بس بس دخيلج بروح أشوف امايا
عفرة : اوكي باي
عليا : بايات
*********
بو عذاري : يالله مب دراسة
عذاري والكتب حواليها في كل مكان من الصالة : شنسوي ثانوية عامة ...
بو عذاري : انزين عيل ....يالله أنا طالع إذا بغيتي فلوس بتحصلينها ع مكتبي
عذاري هزت راسها ويوم طلع أبوها : ليش أنا ما أحتاج إلا فلوسك ...ووجودك تتحراه مب مهم .......كيفك ما بضربك على إيدك ....
بو عذاري كان يلبس نعاله عند الباب وانصدم من اللي سمعه من بنته ... طلع من البيت وهو مهموم ......محتاي حد اشكي له ..وينج يا عايشه؟؟..أه ه ه ه ه ه ه ..آخر شي أعرفه اني قصرت ويا بنتي
**********
ع الغدا
عنود : باباتي ......عطاني الفتوش
مها : شوفي هذي تأمر على أبويا
بو سيف : خليها آخر العنقود...(وعطاها)
مها : ويا هالويهه
عنود : باباتي تسمعها شو تقول
أم سيف : وبعدين وياكم؟؟ان ما سكتوا بعطيكم بالنعال
سيف يضحك :هههههههه..... هيه بو الشباب
بو سيف ميود ضحكته : احشم ,,,احشم
*********
هزاع : يالله الحين تلحقني للمزرعة ...واليوم بتخلصون الشغل
الريال مال شركة التنظيف : بس بابا كيف احنا روح مافي شاحنة عشان شيل سامان
هزاع : وأنا شو يخصني ......عيل ليش فاتحين جان ما عندكم شي
الريال مال شركة التنظيف : لا بابا في شاحنة ....بس في يستوي خراب
جاسم يضحك :ههههه.... يقولك الريال يستوي خراب
هزاع ضحك : انت اسكت بعد ..والله لو ما الحاية ما قلنا للجلب عمي جلب
جاسم : ههههههههه عيل مب عمي جلب.....من وين يايبنه هالمثل بعد؟؟
هزاع : خخخ فلم مصري
جاسك : ههههههههههههههههههههههههههههههههههههههههههههه
هزاع :اسكت بس ... انزين يالله يود هذي خمسمية استأجر شاحنة ...
الريال مال شركة التنظيف : بس بابا ما يقدر يخلص شغل واحد يوم ..عطي ألف عشان يومين إيجار مال شاحنة
هزاع : حامض على بوزك والحين تروح تستأجر وتلحقني
الريال مال شركة التنظيف : إن شاء لله
جاسم : والله مستانس وايد ...إنه بنرد نتجمع 
هزاع : قول يارب عمي مبارك يوافق
جاسم : هيه والله .....بس تعال إنت متى بترد ألمانيا؟؟
هزاع : بعد ست شهور
جاسم : ليش؟؟؟ مب جنه وايد؟؟
هزاع : أجلت كورس 
جاسم : ليش؟؟
هزاع : سر
جاسم : ويا هالويهه ....صاير نفس الحريم
هزاع : ههههه......بس أبغي استقر
جاسم يطالعه بخبث : و؟؟؟؟؟
هزاع ابتسم وكفخه ع راسه: هيه...هيه بعرس
جاسم : مبرووووووووووووووووووووووووووووووووووووووووووووووو ووووووووووووو
وووووووووووووووووووووووووووووووووووووووووووووووووو وووووووووووووووووك
هزاع : خيبه ........كل هذا حقي

بس خمس دقايق

الريال مال شركة التنظيف : يالله بابا ....... كل سامان كل ريال داخل شاحنة
هزاع : يالله
جاسم : لا ....المعاريس قبل
هزاع : ياخي هذا اللي ذلنا .........عاد لا تخبر حد
جاسم : معلوووووووووووووم عن الحسد
هزاع : جب لاه
*********
منصور : شووووووووووووووووووووووووووووووو؟؟
بو منصور : اللي سمعته
منصور : كيف يعني ....راشد خذ خطيبة أخوه
بو منصور : الخطبة كانت كلام بين الرياييل ....وسارة وراشد ما يدرون .......واتمنى انهم ما يدرون بشي
منصور : لا توصي ......بس المرحوم سعيد ....ما قال حق أخوانه .... لا لا مب قادر استوعب سعيد خطب سارة إختي وإنت قلت بتفكر وبعدين شو اللي صار
بو منصور : سعيد سوى حادث وسلم روحه....وبعد سنه ونص ....ياني راشد وإخوانه يخطبون خطيبة سعيد لراشد ...رفضته لأن أهله كانوا رافضين إنه راشد ياخذ خطيبة أخوه سعيد ...... توقعت راشد يدري ....بس كل شي فيه يبين انه ما كان يدري
منصور : وليش ما تبغيهم يعرفون ...يمكن تتحسن العلاقة بينهم وبين أهل راشد 
بو منصور : خايف راشد يطلق ساره
منصور : شوووووو؟؟ ليش يطلقها ...أبوي إنت تدري شكثر راشد يحب سارووه ..ليش يطلقها
بو منصور :مادري يمكن لأني جستها ع سالفة السيارة
منصور : أي سيارة؟؟؟
بو منصور : تذكر يوم سعيد كان عنده الرنج.....راشد كان دايم يسرقها عن سعيد بس عشان يسوقها ......بس بعد ما توفى راشد رفض حتى انه يمسها.....
منصور : يعني ...إذا درى راشد برغبة المرحوم أخوه في ساره بيطلقها ....
بو منصور هز راسه : بو راشد صح يجافيه وما يعاملهم عدل .... بس ما يتمنى ولده يطلق سارة عسب جي ما قالهم للحين 
منصور ساند راسه ع الكرسي :......الله يعين من اللي ياي
************
هزاع فحجرته يفكر .... بعد إسبوع من تعبي أنا جاسم في المزرعة طلعت روعة ...غيّرنا الصبغ من برع وسويناه بيج وبني......أما داخل فالصبغ أسود ملكي ....يبين المكان فخم لدرجة ....والأثاث....محلي المكان زود ...... الصالة مفتوحة وفيها 7 أقسام ....يعني تحت ما فيه إلا صالات عاد أول ع حياة يدي كانت كشخة كله كنا هني ....المهم...المطبخ وغرفة الخدم برع ........ والقبو فيه غرفه رياضة وألعاب ....ويلسة ...بس القبو معطي شكل شبابي .......وفوق فيه 3 أقسام وفي وسطهم صاله....كل قسم فيه سبع غرف ...قسم للشباب ...وقسم للبنات ....وقسم للباقي اللي هم الشياب......طبعا البنيان كان من قبل بس الصيانة والتنظيف والأثاث .... بفضلي أنا وجاسم >>>خقاق.....

************************
الجزء الرابع من لـ...ـ...ـ...ـ غرام ـ...ـ...ــ..ذة 

الساعة 2.30 الظهر ............الأحد
هزاع : دخيلك يا عمي
بو سيف (مبارك) : .. هزاع .....إنت تدري إني أنا في حياتي ما رديتك ....بس هالشي لأ
هزاع تنهد : عمي استغل الفرصة ...... ترى اللي وياك اليوم ....يمكن ادورهم باجر بس ما تلقاهم
بو سيف طالعه : شتقصد ؟؟
هزاع بحزن وضيج : ولا شي .......
بو سيف يطبطب ع جتفه : منو بيروح ؟؟
هزاع ابتسم : كلمت أبوي ووافق وعمي حميد (بو جاسم) جاسم كلمه ووافق ....الحين ييت أكلمك وبعدها بروح أنا وجاسم لعمي خالد (بو عذاري)
بو سيف : هه خالد أخوي ..... مستحيل ايي ...
هزاع : انحاول ......عمي ترانا بنقعد يومين في المزرعة
بو سيف : بس المزرعة خرابة .... وين بتقعدنا
هزاع : المهم إنا نتيمع ..... مب مهم شكل المكان
بو سيف :صدقك .....بس ترى أنا وحرمتي بنيي .......سيف بيقعد عند البنات
هزاع بهت شوي : لييييييييييييييييييييييييييييييييش؟؟
بو سيف : وين تبا بناتي ايلسون ......وبعدين بنت عمك فيها الربو ...كيف بتيلس في المزرعة؟؟!!
هزاع : عمي دخيلك .....مب حلو إذا نقص حد من العايلة
بو سيف : ما عليه ........قلت يومين لا تكثر بعدين
هزاع ابتسم : انشالله ........بروح الحين عند عمي خالد
بو سيف : هذا راسه يابس ومابيي
هزاع : دام الراس العود وهو ايبس راس وافق ...أقول عمي ترى شي خدم لا تيبون
بو سيف ضحك : والله أغير رايي.........اوكي
هزاع : خلاص خلاص
وهو طالع شاف عنود ياية صوب البيت 
عنود : هلا هزاع
هزاع : هلا ومرحبا .......شحالج
عنود : الحمدلله......ليش ياي؟؟
هزاع : خيبه كاش في الويهه
عنود تضحك وبدلع اليهال: سوري
هزاع ياربي خلاص ما أقدر ......... فديت حبيبة قلبي : ..لا عادي ....بس زهبي شنطتج العايله كلها بتتيمع في المزرعة 
عنود فجت عينها : وابوي وافق؟؟
هزاع : هزاع يطلب منه شي ويرفض مستحيل
عنود : فديتك والله والله مشكور .......قول كم يوم بنتم ......لا تقول ما بنبات بذبحك ......دخيلك رد قوله بنبات .....
هزاع : خيبه خيبه ......(ابتسم) ....بنبات يومين ........بس أقول زهبي شنطتج (يغمز لها) حق أسبوع
عنود ابتسمت بخبث : يالمكار........انزين والمدرسة
هزاع يسوي حركة بإيده : عادي...تولي
عنود : هاااا أنا ثانوية عامة .....بتخربني تراك
هزاع : ههههههههههههههههههه.....أوكي عيل جاسم نقع في السيارة ....(ومشى عنها بس مسكت ايده ارتعش جسمه كله وهي حست برعشته بس هي تحس عمرها ياهله عسب جي عادي عندها ما تحس عمرها كبرت ) 
عنود : انزين ....بروح وياكم المزرعة بس بشرط 
هزاع صد لها وشكله كان عذاب ..وبصوت هادي : اللي هو؟؟
عنود تطالعه ما تدري هي منصدمة ولا مستغربة : ..
هزاه رص على ايدها : عادي اطلبي لا تستحين ...
عنود : ابغي كاكاو .......المزرعة ما تنقض كاكاو 
هزاع ابتسم ابتسامة خفيفة : أفاااا بس جي ....
عنود هدت ايده : هزاع بلاك زعلت ؟؟ ولا ثقلت عليك؟؟
هزاع : ياريت ...... بس لا لا تخافين بس راسي شوي يعورني
عنود : سلامات 
هزاع : الله يسلمج ......يالله دخلي داخل
دخلت وهو ركب السيارة عند جاسم
هزاع تنهد : ...
جاسم طالعه ورد صد جدام : وقفتكم برع ترى مب حلوه...وهذي آخر مرة انيي بيت عمي مبارك الساعة ثنتين ......حضرتك متيم على الوقت اللي بتييه
هزاع : اسكت دخيلك ...هي تتصرف شرات اليهال تمسك ايدي وتتفداني جي جنها ياهله وماتدري أنا شو يستوي بي ...
جاسم : بتدري بعد العرس 
هزاع : صدقك ......بس متى
جاسم يوقف السيارة : جريب انشالله ....يالله نزلنا
نزلوا ودقوا الجرس : ..
مارجينا : مرهبا مرهبا
جاسم رفع حياته : اختربت اللهجه الإماراتية
هزاع : ههههههه .....وين بابا خالد
مارجينا : بابا خلووووود يطلع ....يتغدى ويا ربيع مال هو ....عذاري في داخل
جاسم : يا ويل حالي ..
مارجينا : سوي حشيمة ....
هزاع نقع من الضحك :...هههههههههههههههههههههههههههههههه .. عيل ما سوي حشيمة
جاسم : خيبة ...تفهم كل شي 
هزاع : انزين سوي درب بندخل
مارجينا : ادخل ...ادخل
ويوم وصلوا عند باب الصالة 
مارجينا : عذاري ...شو ها أنا كم مرة قول ما في خراب صالة
عذراي : افففففف ...انزين برتاح بعدين بعدلها بروحي
مارجينا : انزين تغطي
عذاري : جي انقلبتي ريال شو اتغطى جدامج 
مارجينا : ايلس ..سوي حجاب سيده في ريال يجي 
عذاري : انزين وديهم الميلس واتصلي لأبوي ليش ادخلينهم عندي ...صدق إنج ..منفكه
مارجينا : سوي هشيمة سوي اهترام ...ما في قول كلام عيب
عذاري : افففففف ...يالله تغطينا دخليهم
جاسم : هود هود 
ودخلوا 
عذاري : هلا اقربوا
مرجينا :انا روح حطي فواله ما في روح
هزاع : انشالله عموه بس فكينا
مرجينا : أنا بيسكت هذي مره عشان انتوا ضيوف مالنا
جاسم : لا دخليج لا تسكتين عنه ...هذا صدق يباله أدب
عذاري : خير الشيوخ ....هالكثر السالفة ضرورية ما تقدرون تتريون ابوي ايي...
جاسم : وياج جاسم .......وهذا هزاع ولد عمج
هزاع : يعني أنا
عذاري ابتسمت : هلا 
هزاع : خيبة انزين أحنا يلسنا ...إنتي ليس واقفة
عذاري تطالع جاسم : إنتوا أدرى بأبوي
جاسم : انزين ...دامنج تبين الفكة بسرعة ....عسب الظروف الجوية السائدة (يقصد أبوها) ...نباج تتصلين به وتخلي ايي بسرعة
عذاري : اوكي ....وراحت صوب التلفون واتصلت ...
عذاري : نقعني عالخط.......( يوم يايه تسكر) 
بو عذاري : هلا بنتي
عذاري : ابويا ....في ريالين يايين البيت يبونك ضروري
بو عذاري : منو هاييل ؟؟
عذاري : جي أبويا ...تباني ايلس وياهم واسئلهم شو...
بو عذاري : لا خلاص أنا ياي ..واصل صوب المسيد
عذاري : اوكي عيل ...باي
وأول ماسكرت ..:....دخيلكم ...دخيلكم وروحوا الميلس
جاسم يطالعها : ليش؟؟
عذاري شوي وبتصيح : دخيلكم روحوا الميلس ...دخيلك جاسم أبوي بيذبحني جان شافكم هني
جاسم : انزين روحي فوق 
عذاري : ما ينفع جاسم ......روحوا له الميلس .......(وربعت فوق) 
هزاع : عمي شكله حال مستعصيه في دربك يا جاسم
جاسم وهو يمشي ...: وهو كذلك
توهم بيلسون في الميلس دخل عمهم خالد : جاسم ...هزاع!!! 
وتوايهوا الرياييل 
بو عذاري : خير يا بوكم ...
هزاع : كل خير ...بس بلاك عمي شلك تعبان ....شوف شكلك كيف غادي
بو عذاري تنهد : خلها على الله
جاسم : ليش عمي شو صاير؟؟
بو عذاري : عذاري يا بوكم .....خلكم مني الحين شو اللي صاير
جاسم : بلاها عذاااااااا...
هزاع قاطعه : عمي نحن بغيناك تتيمع ويانا في المزرعة تراك من أربع سنين ما شفت أخوانك 
بو عذاري تنهد :صدقك ...انا محتاي لشخص افضفضله ....كم يوم بنقعد
هزاع : يومين ...باجر واللي بعده .....بس الكل بيتجمع.....ولا تيبون خدم موجودين
بو عذاري : وعذاري وين بتيلسونها لا يكون بين الرياييل
هزاع : لا عمي نحن مدبرين كل شي 
بو عذاري :خلاص عيل ...اعتمد
*****************
وبدت التجهيزات للقاء المترقب من أربع سنين ....هزاع وجاسم زرعوا الأمل .....لكن شو اللي بيحصدونه ...خيبة الأمل ولا نجاح مخططاتهم....
***************
انتشرت سالفة التجمع عند كل أفراد العايلة في البداية الكل استغرب لأن بو سيف وبو عذاري وافقوا ...بس بعدين استانسوا والكل انشغل بترتيب أغراضهم ...وعنود ما خلت شي ما شلته ...وكل أنواع الحلاوة من باتشي وفواله ...لين كاكاو أبو نص من الدكان .....
****************
مها : عنود خايفة مابا أسير وياكم خلاص
عنود : مهوي عاد لا تخربين علينا إذا ما سرتي ...أنا وسيف بنضطر انتم عندج ..وبعدين بتخلين أبوي يذكر السالفة القبلية ..... وبينسى شوقه لأخوانه..
مها : عنود حسي فيني ...كيف بقابله بعد هالسنين تتوقعينها عادي؟؟سهلة؟؟
عنود تهز راسها شرات اليهال بمعني لأ : بس حاولي عشان الكل
مها : بس محمد داس كرامتي ....يا عنود ...كيف ترضين لاختج هالشي
عنود : الغلطة غلطتج ...انتي تدرين أنه محمد يبي غيرج ...وانه انجبر انه يخطبج ... بس وافقتي عليه ...مع انه ترجاج ترفضينه...
مها وتحس بالجرح اللي بقلبها ينزف : قلت يمكن اغيره ..
عنود : لأ إنتي ما كنتي تبين تغيرينه ...بس لإنج تحبينه ... 
مها نزلت راسها وتنهدت : بس مب هالطريقه يرد على حبي....
عنود : ليش شو تبينه ...ياخذج وبعدين يطلقج
مها : بس هو هاني ...... مسح كرامتي الأرض ...لا وبكل جراءه ...يا جدام ابوي ...أنا انجبرت آخذ بنتكم ... اسمحلي عمي افركش الموضوع ...لأني أنا واحد ما يصلح للزواج ...ومها انشالله تحصل اللي يسعدها
عنود : هي تراه ...وبسبتكم نقعت النزاعة بيت أبوي وعمي سالم
مها : اففففففففف...المهم خلصتي أغراضج 
عنود : هيه
*****************
عذاري منسدحه عالسرير ودموعها ع خدها : أمايا بنتيمع نحن وعمامي في المزرعة ...يا أمايا ما أبغي أروح خايفة من نظراتهم ....الكل يتهمني بموتج يا أمايا ...مع إنج إنتي وحدج تدرين إني حاولت أساعدج ....(غمضت عينها تذكر ذاك اليوم اللي قلب الموازين وكان عمرها في ذاك اليوم 14 سنة )
خالد : عايشة فديتج أنا بروح اييب سعيد من المطار ...تحملي من روحج ومن البيبي
عايشة وهي تحط ايدها ع بطنها : لا تخاف حبيبي ...بس دير بالك ع عمرك
عذاري وهي تحط ايدها ع خصرها : يعني بس هم .....أنا مالي شي 
خالد وهو يبوس بنته : عمري لج إنتي
عذاري تمد لسانه لأمها : بابا يحبني أكثر عنج ...وييييييييييييييوو
خالد يخلي عذاري ويلوي ع عايشة : يالله من كان ......أول شي الراس العود وبعدين انتوا
عايشة تضحك : فديتك والله
خالد : يالله عيل بروح ...عن ينقع سعيد في المطار
عذاري : بابا .......اشترالي أي شي تشوفه بدربك 
خالد : خيبه ....خلصت فلوسك يا بوي
عايشه : ههههههههههه......مب خساره علينا .......صح عذوره
عذاري : صح
خالد : لا لا .....أنا بطلع .......شكلهم اتحدتوا علي
بعد ساعتين 
عذاري : ماما شوفيج .......بتولدين؟؟ ....ماما ليش تصيحين؟؟
عايشه : لا ماما .......بس بطني يعورني
عذاري : قومي نروح المستشفى 
عايشة : لا لا ..........بس فوق دواي ايبي حبة وايبي لي ماي
عذاري هزت راسها وربعت فوق شافت دوا واحد على التواليت طلعت حبتين لأن امها وايد تعبانه ...وربعت المطبخ ويابت ماي ..
عذاري : ها ماما ......يودي
عايشة خذت الحبة وشوي يلست تصرخ وترجع دم :..
عذاري يلست تصيح ويا أمها :..
مرجينا اتصلت بأم محمد :...
وبعد عشر ساعات في العمليات
بو عذاري كان رايح لسعيد بس سعيد اتصل به انه شاف واحد من الربع وهو اللي بيوصله .......وفي الطريج سعيد سوى الحادث ....والشرطة اتصلوا في بو عذاري لأنه آخر واحد كلمه سعيد ونادوه للمستشفى ...بس في النهاية ... توفى سعيد وهو طالع من المستشفى شاف بو سيف وحرمته داخلين ولحقهم وخبروه السالفه كانت المصيبتين كبيرة عليه :...
الدكتور وهو يطلع من العمليات : ...
عذاري وبو عذاري والكل ربع صوبه :..
عذاري : هاااااا أمي ربت؟؟؟
الدكتور : المريضة وين كانت يوم تعبت؟؟
بو محمد : في بيتها
الدكتور : منو كان وياها؟؟
عذاري : أنا بس
الدكتور : انزين ......المريضة خذت دوى قبل لا تتعب؟
بو عذاري : اللحين طمنا عليها؟؟
الدكتور : سألت سؤال؟؟
عذاري : هيه ...خذت دوى ..هي قالت لي ايبه لها ..
النيرس : شرات هذا؟؟
عذري تهز راسها : هيه
الدكتور : هذي حبوب منع حمل ....والمريضة كانت حامل ....وشكلها خذت أكثر من حبه عشان جي توفى الجنين ...ويوم حاولنا نطلعه .......(تنهد) خرج الأمر عن سيطرتنا وتوفت المريضة ...
بو عذاري من خلص الدكتور كلامه طاح أبوي في غيوبه لمدة 3 شهور ... 
الكل كان يقولي .....كل هذا تغارين من أخوج رحتي جتلتيه...أنانية ......مجرمة ذبحتي روحين ...
7
7
بو عذاري : عذاري بلاج تصيحين؟؟
عذاري فتحت عينها وردت لواقعها : ما شي ..
بو عذاري يلس عدالها عالسرير : ..ارمسي اسمعج
عذاري فجأة صرخت وهي تصيح : أبيييييييي أماااااااااااااايااااااااااا......ردلي امايا ......... ردولي أخوي ..... والله ما ذبحته ...أحبه .....والله أحبه.......
بو عذاري طالعها فترة كان خاطره يلوي عليها بس طلع وخلاها بدموعها : ...
***************
ويا باجر 
زايد : هزاع بطني يعورني 
هزاع ..: ...ليش؟؟
زايد : مادري اتخيل يتضاربون مرة ثانية
هزاع : فال الله ولا فالك ......أمايا حطيتوا الأغراض في السياير
أم محمد : هيه خلاص .....أنا وأبوك بنسير ويا زايد ....وإنت خذ بدور
هزاع : وهدى بتطلع من هناك ؟؟
أم محمد : هيه بتطلع ويا ريلها وعيالها من الشارجة
بدور : هزاع ........عندك شرايط في السيارة ولا اييب
هزاع يهز راسه : عندي عندي .......بس جان تبين تيبين ايبي سيديات 
بدور : خلاص اوكي
محمد طالع من غرفته بوزار وفانيله وشكله توه قايم من الرقاد : اففففففف والله بالشين عمركم
بو محمد : يالله البس بسرعة والحقنا
محمد : بس أبوي كيف أسير وأقابل عمي بعد كل هالسنين
بو محمد : والله قوات عين ......يوم رحت له هناك وقتله مابا بنتك وابوي غصبني أخطبها ..... ما استحيت
محمد : أوهووووووو......ردينا ع طير يلي.........يوم رحت كنت ياهل وعقلي مب في راسي....الحين عمري 24 سنه ....كبرت وأدري إنه اللي سويته غلط .......بس مهوي قهرتني
زايد: ليش؟؟ شو سوت؟؟ كلها عسب كانت تحبك ووافقت عليك
محمد: اففففففف....أنا رحت لها لين البيت وقتلها ماباج وبعدها لاصقة ووافقت
أم محمد : بس انزين ........تعال ويانا سلم عليهم ورد لا تبات
محمد : انزين أنا جي بسوي............(وراح)
**************
عذاري مسحت دموعه وهي تطالع شكلها كيف مورم وعينها منتفخه من الصياح وويها أحمر : والله ما اتحمل كلمه إذا حد قالي شي بصيح..
مرجينا لوت عليها : ما في سوي صيح ...خلي قلب قوي...إذا صيح بيقول عذاري سوي شي غلط ...إنتي ما في سوي شي
عذاري وهي تمسح دموعها : اوكي......حطيتي الأغراض في السيارة 
مرجينا : هيه بابا قول تعالي جلدي
عذاري هزت راسها وهي طالعه : ..
مرجينا : ما في صيح....تعال جلدي ...أنا مايقدر يلس روهوا انتي محد
عذاري ابتسمت بحزن : والله الود ودي ما أروح........بس يالله ...كل شي ولا قطع الأرحام ..
*************
سيف : انزين أبوي ...إنت سير ويا أمايا والأغراض .....أنا بييب خواتي بسيارتي
بو سيف : ادل الدرب؟؟
سيف : هيه بس إذا ضيعت بتصل بك
بو سيف : خلاص .........عيل خواتك وين؟؟
سيف : عنود ...تسبح......ومهوي توها قايمة من الرقاد
بو سيف : شوووو؟؟ الناس طلعوا ونحن بعدنا 
سيف : عسب جي إنت اسبقنا ويوم بيخلصون بنيي
بو سيف وهو يركب السيارة : خلاص يالله بنطلع نحن ...... لا تتأخرون
سيف : أوكي
**************
عليا : جسوم .......ما شالله شو هالكشخة
جاسم وهي يتخقق : يعني تعرفين نحن رعاة الحفلة .......لازم يكون لحضورنا طلة جديدة
عليا وهي تحط ايده ع خدها : كمل كمل .........ابغي أرقد
جاسم شل المخدة وكفخها : لا تغلطيني على الراعي الرسمي للحفلة
عليا تستهبل: ليش رايحين نجوم الخليج
جاسم : جب جب .......الأغراض في السيارة
عليا : هيه فسيارة أبوي ......أنا طبعا بسير وياك
جاسم : سيارتي توني يايبنها من المغسلة
عليا : محد وصخ غيرك ........
جاسم : أنا ماقلت شي .........يالله نزلنا تحت
***********
سارة : راشد ما أبغي أروح
راشد : وإذا قتلج غصب؟؟
سارة : راشد هو شغل عناد
راشد : لأ بس أبا أخلص من هالهم يا ساروه
ساره : منو الهم ؟؟أنا؟؟
راشد : إنتي وايد صاير حساسة من حملتي
سارة : كيف يعني ..
راشد حط ايده ع حلجها : ساروه حياتي ......يالله بنروح
سارة طالعته : راشد خايفة
راشد : أنا وياج ما عليج من حد 
سارة : أكيد؟؟
راشد : ليش شاكة فيه ؟؟
سارة ابتسمت : مستحيل .......يالله .سرينا
**************
بعد ثلاث ساعات عند باب المزرعة ....كانت زحمة السياير ...السيارة تدخل ورى الثانية ..... والكل يحس بقلبه دور معلاية ..... وبطنه صار فيه إعصار جونو ....
بو محمد : مرحبا بالعربان 
بو سيف طالعه فتره وبعدين لوى عليه :...
بو محمد وحس عينه بتهل منها دموع : يالله يا مبارك إنت العود وتصيح نحن شو نسوي
بو جاسم وهو يمسح ع ظهر أخوه : هااا مبارك شكله عيبك حضن سالم وهونت عني
بو سيف لوى عليه : سا محوني يا خواني ...... بس ..
بو محمد : لابس ولا شي يالله اسكت 
بو سيف ابتسم : ..
والكل توايهوا وبو عذاري يلس يصيح بما انه أخوهم الصغير وهو بإرادته ابتعد عن الكل
البنات في السيارة ....سيف وخواته ما وصلوا .....
بو محمد : ما شالله عليكم ..(يكلم هزاع وجاسم)....غيرتوا فيها كل شي
هزاع ابتسم: أهم شي اللمه 
جاسم وهو يخق : أصلا كله بفضلي لولاي ما صارت جي
هزاع : قول لوما سيارتك .....ولو لاي
جاسم :اسكت إنت ........بس يفشل الناس
بو محمد : يالله دخلوا ......
بو عذاري : صبروا بنزل بنتي والأغراض
بو سيف : أنا عيالي بعدهم ما وصلوا
محمد في خاطره : وعساهم ما يوصلون لين ما أروح ما بغي أشوف مهوي
عذاري كانت أول البنات اللي نزلوا وهي بعدها ما عقت الغشوة : السلام عليكم
الكل كان يطالعها .....ما عرفوها آخر مرة كانت ياهلة ......وهذي اللي واقفة الحين حرمة 
بو عذاري يالس يعرفهم عليها : عذاري بنتي
بو سيف فتح ايده : تعالي بنتي
عذاري عاد ع الحبة وتتريا كلمة عسب تصيح لوت ع عمها وصاحت : .....
جاسم عصب ..الحين ليش تصيح...تعرف انها ما تهون علي ويالسة تصيح : ..
بو سيف : بس بنتي خلاص ليش تصيحين ؟؟
بو عذاري سحب بنته وسحب الغشاية من ويهها : كم مرة قتلج بسج صياح ؟؟
الكل كان منصدم ....شكلها وايد تغير عذاري بيضة ..وعينها حلوة...وجفونها ورامة من بونها ...وكل شي حلو فيها ..بس باين ع ويهها الحزن ...و شكلها صايحة صياح..
عذاري تمسح دموعه : بس أبويا ..
بو عذاري لوى عليها : بس خلاص روحي نزلي شنطتج ...(وصد لهزاع)...وين الخدم
هزاع طالع جاسم وابتسموا : نحن في الخدمة
بو عذاري : لا تستهبل وين الخدم ؟؟
جاسم : عمي .......ما شي خدم ..يعني كل حد يخدم نفسه بنفسه ..وخل عنكم الكسل
كل واحد قام يطالع الثاني
بو سيف : ومنو بيطبخ ؟؟ حرمتي يمكن من عشر سنين ما دخلت المطبخ؟؟
هزاع : عسب جي نقولكم ......خلكم من الكسل
***********
سيف : افففففففففف...مهوي بعدنه الدرب ثلاث ساعات لين العين ....يالله
مها : بس سواف .......بعدني ما خلصت
سيف : اففف.....وإنتي عنود
عنود تستهبل على الخدامة : اسمحلي أشوفك قبل ما أروح
اسمحلي أداوي الجرح وارتاح 
تدري بعادك يقتل الروح 
حكم الخريف والورق طاح
الخدامة مستحية تروح يمين ويسار تبى تخطف وعنود مب مخلتنها : ..كوزي
سيف يضحك : خليها فحالها ........ويالله أنا بركب وبروح ......اللي بروح وياي يركب قبلي
*************
الكل كان مستانس وبو سيف كل ساعة يتصل في سيف ...ويسألهم وين واصلين ....وبجي طاح الحطب وانكسر .....بس محمد خايف يشوف مها ما يدري شو بتكون ردة فعلها ....الكل يلس في صالة من حريم وبنات ورياييل وشباب والأغراض عدالهم محد يبا يروح حجرته ويخلي هاللمه ...
عذاري مستانسة ...لأن محد طرالها شي عن السالفة ...
جاسم كل شوي يطالعها ..ويبتسم ....وهي ما مسويتله سالفة
راشد وسارة ...الكل رحب فيهم بس بو محمد اللي حتى ما سلم على حرمة ولده ...وتم مطنشنهم
زايد وبدور شالين المكان بسوالفهم وضحكهم
هزاع ساكت يتريا عنود ...مشتاقة لها ...مع أنه البارحة شايفنها
***********
: ...السلام علييييييييييييييييييييييييييييييكم
الكل رفع راسه .سيف واقف ومبتسم وايده ورا ظهره ووراه وحدة لافة شيلتها ع راسها وشوي من قصتها برع أما اللي عدالها وحدة لابسة عباة مفتوحة ولابسة بنطلون وشيلتها ع نص شعرها ...الكل حس انه في تناقض بين مها وعنود...واستغربوا من سيف اللي مخلي اخته جي وبو سيف اللي ما قال شي لبنته 
هزاع : مرحبا والله
الكل قام سلم وسيف وايهم كلهم ...
مها : هاااه شحالك زايد ؟؟ بعدك ع طير ياللي
زايد :هههه لا اطورت
مها : مسود الويه
زايد : شوفوا هذي توها يايه وتسب
مها : كيفي ....(وتوها بتيلس لمحته رفعت راسه وتلاقت نظراتهم يعني هو كان يطالعني)
محمد صد الصوب الثاني بسرعة ....وايد تغيرت ..حلوت ... بس ياريتج ما كنتي مها يا مها :...
أما عنود بعد ما سلمت عليهم كلهم يلست عدال أبوها وهو حاط ايد ع جتفها : ..
عنود : باباتي .........إنت صايح؟؟
بو سيف ابتسم لها : لا حبيبي ........ يبتي دواج
عنود تقلب عيونها ....ما كانت منتبهه أنه في وايد عيون اطالعها .. : ما يخصك
بو سيف : أفا عنادي تخشين عني شي
عنود : لا ....هذا سواف لعاني ايبيه وايبه ...بلله كيف بنساه
سيف : جذابه ...وهي ياية تركب بس سألتها 
عنود : باباتي ترضى يقول عني جي
بو سيف صد لسيف : سيف اسكت عن اختك
سيف يدري انه النقاش ويا ابوه عن أي موضوع يخص عنود بيطلع منه بخسارة فسكت :...
بو سيف : يالله خذي دواج وروحي ارتاحي
عنود ساندت راسها ع جتف ابوها : انا مارتاح الا وياك
بو محمد : يالله يا بنت مبارك بعدج ع دلعج
عنود رفعت جتوفها : شوفت عينك....يالله هزاع
هزاع يطالعها : شو يالله ...
عنود ابتسمت : ما أدل الطريج
جاسم يطالعها ما يدري ليش يحس عمره يكرهها : ليش قالولج تكسي؟؟
عنود ابتسمت : باباتي طالعه يطنز عليه
بو سيف : ما عليج منه ....... أنا بوصلج
هزاع : لا لا عمي أنا رايح......
عنود تمشي ع الدري وظهرها ع ورى وتكلم مها : مهوي ما بتيين؟؟
مها : دقايق وبتبعج
عنود : يالله الحين تيين ...(وشوي تعثرت)
مسكها هزاع بس من خرعتها ..كانت دموعها اطيح بس ما تصيح بصوت وطريقة نفسها غريبة ...هزاع ماعرف شو يسوي عنود حبيبته بين ايده مب عارف بلاها ..
بو سيف وسيف ربعوا بسرعة لين عنود ....ومها على طول خذت شنطة عنود وربعت وياهم الكل كان يطالع الموقف مب فاهمين شي 
عنود كانت مزرقه و ودموعها ع خدها 
بو سيف : عنود ...فديج حاولي تتنفسي
سيف : عنود سوي مثلي.......عنود طالعيني ..
بو سيف : ركضي بسرعة انتي بعد 
مها طلعت حبة وعطتهم
سيف حطها تحت لسان عنود:...
بو سيف لاوي ع بنته مب عارف شو يسوي :..
سيف صد لهزاع : تعرف مستشفى هني؟؟
هزاع بهت شوي : هااااااه....هيه هيه .....أعرف
سيف : قوم نوديها 
عنود وهي فحضن أبوها : باباتي ......قوله لايوديني ...مابا ........باباتي دخيلك .....أنا بخير........لا تخربون علي وناستي ........ماصدقت افتكيت من مستشفيات دبي .........حتى هني
بو سيف : حبيبي متأكدة إنج بخير؟؟
عنود وهي تهز راسها : ..
بو سيف : خلاص سيف لا توديها
سيف : أبويااااا كيف ما نوديها .............لازم تروح
بو سيف : خلاص قتلك البنت ما تبى
سيف عصب : كيفك والله بنتك وإنت حر........يا عسى شو ما يكون فيها ما يخصني ...(وخلاهم وطلع).. 
بو سيف : قومي حبيبي ارتاحي
عنود وهي اطالع أخوها وهو يطلع : انزين
بو سيف وعنود ومها ودوها الحجرة وهزاع وصلهم للحجرة ونزل 
هزاع كان منصدم مستغرب من كل شي : ..
أم سيف : يا بوك ...جاسم نادلي سيف
جاسم : انشالله
بو محمد : أم سيف
أم سيف رفعت راسها وعينها مليانه من الدموع : ..
بو محمد : عنود بلاها؟؟
هزاع رفع راسه يشوف رده فعلها : ...
أم سيف : مادري شقولك .....بس بكلام الدكتور البنت اليوم ويانا باجر الله يعلم مكانها
الكل انصدم : شوووووووووووو؟؟؟
محمد : انزين شو مرضها؟؟
بو سيف توه داخل : الله يعلم
بو عذاري : كيف يعني الله يعلم....
بو سيف يلس ومسك راسه باياديه ... : ...يقولون ربو حاد وأنا اللي اشوفه غير جي ...المشكله انهم يرمسون انجليزي وسيف اللي يقوله لنا جي ......الله يعين
سيف حط ايده ع جتف ابوه :...ابوي حتى لو شو كان فيها .....مب يعني انك تمشي رايها ع الكل ....البنت ما تعرف مصلحتها ...بعدها ياهل
بو سيف : ما اقدر اردلها طلب وانت تدري
سيف يبي يغير الموضوع : هااااه هزاع بتخلينا بيوعنا ......قوم إنت ومساعدك اطبخوا
جاسم : هيه ما بقى إلا أنا أطبخ!!
سيف : لا والله لا يكون بتيوعونا هاليومين تعذيب
أم جاسم : جي وين الطباخات؟؟
جاسم : ماشي
راشد : جي انتوا مب قايلين شي خدم هني
هزاع ساكت مايدري يحس راسه ثقيل عليه كيف يعني مريضة بخذها بخذها مب مرض اللي بيمنعني :..
سيف : هزاااااااع وين رحت؟؟
هزاع رفع راسه : ماشي .......(وياي بيطلع)
جاسم أنا قايل أكرهها ....بس الحين أكرهها زود :..
سيف : وين بتروح؟؟
هزاع صد له : ماتبون غدا بيب لكم من برع .....ما يصير توكم يايين وتطبخون..(وطلع)

*********************
الجزء الخامس من لـ..ـ...ـ...ـ غرام ـ...ـ...ـ...ذة 

الاحد........العصر........الساعة 6
المزرعة........قسم البنات.......الصالة

بدور : افففففف ... والله تقهر أكرهها
عليا : شو تبينها سكتي عنها ...
عذاري : كلها يومين وكل حد بيرد بيته...
بدور تقلد صوتها : باباتي طالعه..........كريييييييييييهه........والله محد يدانيها حتى جسوم يوم يالسة ارمسه قالي .... مادري كيف هزاع يحب هالدلوعه الياهل
عليا : هههههههههه.....جسوم بعد صاير أبو الحاسة السادسة
بدور : شفتي عاد
عذاري : حرام عليكم ....والله انه أبو الإحساس
عليا تغمز لبدور : لا لا عذاري راحت فيها..
بدور : هههههههه ....شكلها
عليا : خلاص بنوصل المعلومه لابو الإحساس
بدور : الحين ما لقيتوا الإ جسوم الفقير تحشون فيه
عليا : تراج قطعتيها بنت الأوادم من الرمسة .... وبعدين هذا أخوي بذبحكم جان حشيتوا فيه
بدور : اونه بنت الأودام ...سكتي سكتي دخيلج...ما شفتي يوم عالغدا عمي يترجاها تأكل وهي تدلع أونه ما أروم ابلع 
عنود كانت واقفة عند باب الحجرة وسمعت كل شي...انصدمت صح...بس درت انه محد مستحملنها فهالبيت.....الكل يكرهها ..ليش؟؟.....أنا والله ما كنت قادره آكل ذيج الساعه ...والحين يعني هم ما يدانوني عسب إني أدلع عأبويه...يالله أنا ماييه إلا يومين وأروح ما بغي أخلي أنطباع مب زين عند عايلتي....ذيج الساعة سحبت شيلتها ...وبغت تروح لأبوها ...بس لأ بعدين شو بيقولوا عني زود نقالة رمسة جي بيكرهوني زود ...أنا يايه يومين وأروح ما بغي حد يكرهني ...هذيه عذاري اللي قالوا انها انانية وذبحت أخوها وأمها ...شوفوا كيف قاعدين يسولفوا وياها.... :...
مها : ليش رديتي؟؟
عنود : مادري حسيت بضيج قلت بخذ الدوا
مها : انزين خذيه شتتريي؟؟
عنود راحت وطلعت البخاخ من الشنطة :...
مها : انزين ....الحين يا ترقدين واطفين الليت لأني أبغي أرقد ...يا تتطلعين
عنود : لا ببدل ثيابي وبطلع..
مها : توج مبدله ثيابج؟؟!!!!!!!
عنود : هااااه ....بس جي بغير ثيابي
مها : كيفج....خمس دقايق وتطلعين ...ولا برد غرفتي
عنود : يالله بذلنا عاد.......خلاص دقايق
فتحت الشنطة ويلست ادور فيها عشي عدل ......ما تبغي تلبس بنطلون عن يقولوا ياهل ....شافت تنورة مها جي لونها تركواز ودرجات الأزرق تنفع .... :..... مب متعوده بس يالله 
لبستها وحطت ع راسها شيله ع أطرافها تركواز بحركات أوكي ..لبستها بس هالمرة غطت شعرها وطلعت شوي من قصتها ..عن يقولوا طاح شعري عسب جي غطيته ..خخخ ...وحطت شوي جحل وحددت عيونها بالأيلاينر...بس يقولوا اللي يبونه أنا سويت اللي عليه :..
طلعت من الحجرة 
عليا نغزت بدور بايدها عسب تسكت
بدور : شووووو؟؟......(رفعت راسها).....هلا عنود
عنود ..الحين هلا بعد ما قطعتيني بالرمسة :..هلا ومرحبا......عيل يالسين هني
عليا : شنسوي الرياييل برع يالسين
عذاري : تعالي قعدي ويانا؟؟
عنود اقعد وياكم لا ما يصير بعدين بتقطعون منو بالرمسة : ... لا ما عليه
بدور تطالعها من فوق لتحت : بطلعين عند الرياييل؟؟
عنود اففففف أبوي ما حاسبني اتيي هذي تحاسبني (ابتسمت لها ):..هيه بروح عند سواف
عليا : ليش بلاه سيف ؟؟
عنود : ولا شي ...بس حسيته زعل مساعه ...(وهي طالعه) ...ما بتييون ويانا ؟؟
بدور : لأ تعرفين إنتي الأهل ......عيب نطلع جدام الرياييل ...شو عوانس ونعرض عمرنا
عليا : بدور عاد
عنود طالعتها فترة وابتسمت : ...الله يعينج عيل...(وطلعت)..
بدور : هذي اللي بذبحها اليوم ..
************
سيف : هههههههههه .......أقول زايد من متى محد عطاك طراق
زايد : امممممممم من البارحة
راشد : يالله يالجذب ....ليش منو صافعنك البارحة؟؟ ....
زايد : هدوووووووه الدبه
هدى : محد دب غيرك يا السبال
زايد : خيبه هذي يالسه عند الحريم واذنها هني
جاسم(ريلها) : عن الغلط
هزاع يأشر ع جاسم : زايد هذا الجاسوس
جاسم : صدقت .......قوم صفعناه

عنود : السلاااااااام عليكم
الكل رفع عينه
هزاع تم يطالعها فترة ....طالعه حلوة جي....عنود شوي قصيرة وحنطاويةوكل شي حلو فيها :...
سيف طالعها وصد عنها الصوب الثاني عنود باست راس أبوها وراحت صوب سيف : سواف سوري
سيف : لا ما عليه حصل خير 
عنود يلست حذاله : افااااا سواف انزين طالعني
سيف رفع عينه لها : هاااااااه
عنود : ساااا...(قاطعها صوت موبايلها)...
لا واا حسافاه من فوادي رخص به
شخص(ن) هويته صد عني ونساني
واليوم كله بالهوا شاف دربه
روّح ترى ما جاني منك كفاني
تلعب بقلبي ...تلعب بقلبي
عنود تطالع ....رسالة بلوتوث ...طالعت الكل بس الكل اشكالهم عادية ...عنادي إنتي بخير الحين؟؟........كيف عرف انه هذا بلوتوثي ...(%بنت ناس ما تداس%)....محد غير سواف ومهوي......بس سواف ما مس الموبايل .......ومهوي راقدة ...سكرت البلوتوث ...
سيف : منو؟؟
عنود : محدمسج ..(غمزت عليه) رضيت عليه
سيف مسكها من رقبتها : لا الود ودي اذبحج...عسب لا تدلعين ثاني مرة
عنود :هههههههههه والله آخر مرة ....هدني
سيف يبتسم لها : كم تدفعين ؟؟
عنود: اللي تباه .....كح كح..........سواف خلني
سيف هدها : تعورتي؟؟
عنود دلعت لسانها : أعرف أمثل
سيف ابتسم : كريههههه
عنود : حرمتك!!
سيف على طول تذكر عفاري : يا ريتها هني
عنود غمزت له : افااااا عليك اشتغل خطابه لك
سيف ابتسم بحزن : وما بتحصلين اللي ابيها
أم سيف : إنت بس عزم ...وإنا اللي بختارها 
سيف يستهبل : عنود فتحتي علي أبواب مب قدها
أم سيف : شووو؟؟
عنود : لا امايا يقول هو معزم من متى 
سيف يطالع عنود : عنود ...لا تحطين علي بلاوي؟؟
أم جاسم : جيه ومن متى الحرمة بلوه
جاسم : بيتحدوا عليك كلهم سيف
سيف : أنا أشوفهم ......قوم ظهرنا
أم سيف : مسود الويهه.......
********
مها وبعدين وياه هذا.......كنت احبه ويوم خطبني يا لين عندي يقولي مغصوب عليج ....دخيلج رفضيني ....بس وافقت عليه لانه كان عندي أمل فيه ...بس هو ما كان يتريا قراري فركش الموضوع بروحه.....نتيجة هذا كله قطيعة بين أبوي وأبوه لأربع سنين ..والحين يوم تجمعنا مرة ثانية ...يالس يطالعني ... هذا يا أنه خبيل ....ويا أنه لعاب .....بس مب أنا اللي ينلعب فيه شطرنج محد يحدد مكاني بكيفه : ...
**********
بدور : علاية.........هزاع وجاسم في الحديقة روحهم بروح عندهم
عليا: لا لا .........ما بروح
بدور رفعت كتوفها : كيفج ....(وراحت صوب هزاع)...
هزاع : هلا 
بدور : هزاع ملانه
هزاع : سو وت؟؟
بدور : طلعني المبزرة
جاسم : هيه بحمار أبوج بطلعين
هزاع كفخه ع راسه : لا تغلط
بدور : دخيلك
سيف وهو طالع من المطبخ: عنوووووووووووووووووووووووووووووووووووود
عنود صدت له وابتسمت له : لبيه
بدور :هزاع أكلمك
جاسم : خليه قلبه هناك
هزاع طالعهم ورد صد صوب عنود :...
سيف : ليش يالسه روحج؟؟
عنود : ماشي ...مهوي قالت لي نزلي وأنا بلحقج تحت
سيف : تبين تطلعين؟؟
عنود : مادري ......كيفك
سيف : خلاص لبسي عباتج وشوفي إذا حد بيي وأنا بشوف الشباب
عنود : أوكيك
سيف وهو رايح صوب هزاع وجاسم : ما بتظهرون؟؟
هزاع : وين؟؟
سيف : مادري ....بظهر عنود المبزرة شكلي
بدور تطالع سيف فديته حاس فيني : ..شفت هزاع ؟؟
سيف يطالعها : شو يشوف؟؟........(يطالع هزاع)...بلاها أختك
هزاع : ما عليك الرضيعة خبله شوي
جاسم :ههههههههه
بدور : والله بتشوف..
هزاع : ليش منو الجذاب اللي قالج إني أعمى؟؟
جاسم : هزاع ....لا ترفع ضغطها
سيف :تبين تظهرين؟؟
بدور : هيه دخيلك
سيف يطالع هزاع: قوم لاه نظهر كلنا .......يالله بسرعة تزهبوا....بكلم عمامي
هزاع : سيفوووووه تعال ما فيني ع الصدعة
سيف : لا تستهبل ترى أنا بظهر خواتي ......قوموا ..لاااااااه ظهروا ويانا
جاسم : يالله بس بدور إن وحدة سوت حشرة لعطيها طراق
بدور : انزين .......(وربعت داخل)
سيف : هه...حرام عليك............عيل شوف خواتي اليوم كيف صدعة؟؟
محمد كان ياي من ورى سيف : خلاص بناخذ بندول عيل
سيف ابتسم له ......فجأة تذكر كل شي صار.....مهوي ومحمد ......الله يعين :.لا البندول ع حسابي..... أنا بروح أشوف عمامي جان بيظهرون
هزاع : بلشنا سيف......
جاسم : ما علي من حد ......اللي بيسوي حشرة بضربه
اتفقوا كلهم يسيرون ساعه بس لأن المبزرة بالليل والكشافات شغالة روعه شكلها ...الشباب كل واحد لبس له جينز ...سيف لبس بنطلون جنز أزرق وقميص كت أسود كان روعه عليه ...وهزاع لبس جنز بني ....وقميص تي شيرت بيج...والباقيين متكشخين جاسم عسب عذاري ..راشد لحرمته طبعا...والبنات لبسوا بنطلونات بس عباة مسكرة ...عنود كانت مب متعودة ع جي بس يالله كل ولا سمعة البنت...لبست عباة فوق الصدر فيها نقش ع شكل ورودبالأسودوتحت النقش كلها كسفات(كسرات) حتى ع الظهر كله كسفات...
بدور : إنتي رايحة عرس جي؟؟
عنود اللهم طولج يا روح ابتسمت لها بعبط : ..لأ
عليا : بالعكس حلوة
بدور : ما قلنا لأ ..بس جي بتروح المبزرة
عنود يايه بترد بس شافت سيف راحت صوبه ..بدال ما تحتشر هيه وياها وتستوي مشاكل..: سواف
سيف : لبيه
عنود : لبية قلبك ......خلصتوا؟؟
سيف ....لا تطرولي قلبي دخيل والديكم..... :..
مها تطالع أخوها والعذاب اللي فيه...والله الود ودي أعرف من هذي عفرى جان ذبحتها ...وفكيت أخوي من هالعذاب :..
عنود : سيفان أكلمك؟؟
سيف : هيه ركبوا السياير
بدور ركبت السيارة عند هزاع بسرعة : يالله عليا وعذاري تعالوا
الشياب والحريم رفضوا يسيروا وياهم وينزلون قالوا بس بيتمشون وطلعوا بسيارتين كبار سيارة بو سيف وبو عذاري....
راشد وسارة راحوا مع بعض..
هدى ويا جاسم(ريلها) وعيالها ...
محمد : صبري صبري بدور ......نحن بنطلع في سيارتين...سيارة البنات ويا سيف
وسيارة هزاع حق الشباب
بدور : مابي أنا بركب ويا أخوي ....خلا البنات يركبون هني وأنتوا روحوا ويا سيف
سيف : بس عليا وعذاري ومها وعنود ركبوا عندي وماشي مكان ...هزاع شلها وياكم ...
بدور تطالع سيف .... :..والحين؟؟
سيف طنش بدور ويطالع هزاع : شو هزاع ؟؟.....تدري سيارتي سبورت وبو باب واحد يعني أبد مالها مكان خذها وياك
هزاع يطالع بدور : خلاص اوكيك نتلاقى هناك سيفوه....تمام؟؟
سيف : تمام التمام
وركبوا السياير 
سيف يوم ركب :..أوه...أوه مهوي عدالي ......معقوله عنادي خلتج
عنود : لا تخلاني أعاند صدق وأنزلها
مها : لا لا دخيلك .......خل الجلب مروض
عنود : سبالة
سيف : انزين ماما حطي حزام الأمان عن اطيحي
عنود : جب جب ...وعفدت ع سيف ...تبى تشغل المسجل
سيف : خيبة ذبحتيني....أي شريط أنا بحطيه..الناس طلعوا ونحن هنيه
عنود : حط سيديه نجوم
سيف : أوكي ........عليا وعذاري؟؟
عليا وعذاري:...هاااه
سيف : محد مدين فيكم؟؟!!خخخ
عليا : لا لا تخاف شغل
سيف : انزين هذا السيدي وشغلناه ...سؤال أخير محد فيه القلب؟؟
عليا : لأ ليش؟؟
سيف من غير ما يرد حط الجير ع الريس وطلع :......
*********
وصلوا المبزرة ....بعد الريسات اللي صارت بين سيارة سيف وهزاع ..
الكل نزل بس سيف تم فالسيارة ساند راسه ع الكرسي ....وغمض عينه ...
7
7
عليا وهي تحط ايدها ع جتف : دخيلك لا تسرع ....سيف.....سيف وغلاة الغالي بس لا تسرع
سيف صد لها شوي ولفت عنه السيارة ...صد بسرعه ووقف ع الطرف ..الشباب ردوا عدال سيارة سيف وبطلوا الجامة 
جاسم : بلاك؟؟ 
سيف يطالعه ما يدري شو صار له : لا لا ما شي
جاسم : كيف لفت عنك السيارة ....بتذبحهم... وياك أرواح 
سيف صرخ فجأة : أدري ما أترياك تعلمني .....(وشغل الريس وتحرك)
جاسم : هذا بلاه؟؟
هزاع : مادري ..
محمد : شكله معصب من البنات .......تدريبهم حشرة 
جاسم : سيف ما يقول متعود ع الحشرة بلاه...
8
8
صد يوم شاف هزاع فاتح باب السيارة وعداله جاسم
هزاع : بلاك ؟؟
جاسم : سيف حد قالك شي من البنات .....بلاك؟؟
سيف طالعهم دقايق وصاح : ..خلاص أبا أموت ما أبغي أعيش بهالدنيا ......ليش أنا اللي انظلم في هالدنيا
جاسم لوى ع سيف مايعرف بلاه بس يمكن يخفف عنه :...
************
عنود : مهوي....نروح هناك؟؟
مها : ما بغي ...... روحي روحج
عنود : لا تستهبلي ..(يالسه تسحب مها من ايدها).... يالله قومي
مها : مابااااااااااااا
عليا حطت ايدها ع ظهر عنود : أنا بسير وياج
عنود ابتسمت لها : أوكيك 
بدور تساسر عذاري : شوفي عليا ...
عذاري : عادي انزين .......بنت عمها ما سوت شي غلط
بدور تضرب كف بكف : لاه ...هذي الدقايق اللي يلستوا وياها في السيارة .....استوالكم غسيل مخ
عذاري : لا غسيل مخ ....ولا غسيل معده....عاااادي
الصوب الثاني
عليا : عنود بسألج؟؟
عنود : أمري ......ليش كل هالرسميات؟؟
عليا : لا عادي ......بس ليش يوم قلت لسيف خفف السرعة طالعني دقايق وبعدين لفت عنه السيارة
عنود وهي تلعب بالماي : طبيعي كان صاد ورى لازم بتلف السيارة
عليا : لااااااااا...ليش كان يطالعني .....كان يطالعني غير
عنود طالعتها باهتمام : تدرين عاد..
عليا تباه تكمل الكلام: هيه؟؟!!!!!!!
عنود : مادري ...ههههههههههههههههههههههههههه
عليا قرصتها ع ايدها : سباااااااااااله
عنود : أأأأأأأأأأأيييييييي.....
************
سيف ماسك راسه : وبعدين وياكم ما فيني شي
هزاع : مب نحن اللي تجذب علينا
سيف طالعه وسرح .... حسيتها تشبهها ..لا ما تشبهها بس نفس الحركات نفس الصوت.....يالله يا عفرى شفت الكل إنتي ... أحبج بس حقدي عليج الحين صار أكثر من حبي لج ..... مردها الأيام بتخبرج من سيف .... اللي بلحظة ضعف مال لج ....وإنتي ستغيلتي كل شي قوتي ضعفى فرحي حزني دمعي ضحكتي سوالفي وسكوتي .....أحس إني عشت حلم وع آخرتها اكتشفت إنه كابوس ...(ابتسم بسخرية)... معقولة ما أعرف أميز بين اللي يحبني واللي يلعب علي :...
جاسم محطي ايده ع يبهة سيف : لا مب مريض...
سيف مسح ويهه : يالله نزلنا
جاسم : هزاع دخيلك ..أنا اللي مرضت الحين
هزاع : مب نازلين غير ما تقولنا تفسير باللي صار
سيف حاس بوزه : حبيتها وخلتني وعرست ...وللحين أشوف الكل هي ..
جاسم يجتف ايده : لا صراحة ...أحلى تفسير عطيتنا
هزاع : صدقه جاسم .......الحين نبي تفسير لتفسير السالفة
سيف : مب لازم تفهمون ..
جاسم : إنت تحب
سيف : كنت
جاسم : خليتها؟؟
سيف : هي اللي خلتني
جاسم : والسبب
سيف : صدق متخرج من كلية الضباط
جاسم : السبب؟؟
سيف : متزوجة
هزاع : تكلم وحدة معرسة!!!!
سيف : مادريت إلى قبل أسبوعين 
جاسم : الله والإحساس المتأخر
سيف : الله يسامحها
جاسم : لو شفتها شو أول تصرف بتسويه
سيف : ما أتمنى أشوفها
هزاع : لو؟؟
سيف : بصد عنها
جاسم : مب إنت سيف القوي اللي أعرفه
سيف طالعه ووقف جدامه : ليش جاسم لو كنت مكاني ..شو بتسوي؟؟
جاسم : لا تفاول
سيف : سرينا .......(وراح عنهم)
*********
تخبلوا خبل في المبزرة ....عليا حاولت تسأل سيف باللي بلاه بس مارد عليها ..وراح..
البنات وايد تقربوا من عنود...حتى بدور...
...والحريم مخططين لأشياء الله يعلم فيها..
**************
اليوم الثاني الساعة 2.30
عذاري ادق الباب بقو : جاااااااااااااااااسم جاسسسسسسسسسم قووووووووووم
جاسم فتح الباب وهو لابس وزار وفانيلة ومعقد حياته : عذاااااري؟؟شو تسوين هني؟؟
عذاري : جاسم مب وقته.......تعال بسرعة حجرة البيدار تحترق
جاسم : شووووووووووووووووووووووو؟؟؟.......(دزها وربع تحت)
الحريم كانوا واقفين عند الباب
جاسم :قوموووووووووووووووووووووووووووا
أم محمد : روح يا ولدي دخيلك ....زايد دخل عنده ولا طلع
هزاع ومحمد وراشد وسيف كانوا ورى توهم يايين وعلى طول الكل يترابع ع حجرة البيدار : ..
محمد : ألووووو....المطافي........
راشد اللي دخل البيت وياب لحاف : ...
سيف طللع وماسك البيدار ......راشد على طول لحفه وخلوه ع الأرض :....
الحريم كل وحدة تصيح من صوب يقول البيدار واحد من الأهل :...
هزاع طلع وسحب الفوز بس :.....ليش ما يطلع الماي
البيدار 2 :...بيب في مكسور ورى
جاسم مسكه من قميصه : يالجلب .....ليش ما تقول من قبل ...
هزاع سحب جاسم : خله الحين...
البيادير كل واحد شال سطل ماي يترسونه من الحوض ويرشون :...
زايد طلع من داخل ومن شافته امه يلست تصيح :...
زايد كانت شوية حروق ع ايده :...يا اميه ما فيني شي ........(وصد لجاسم )...اتصلتوا المطافي؟؟
محمد : هيه الحين بيون 
سيف : يالله طافت نص ساعة ولا حد يا
وشوية إلا المطافي عند الباب
جاسم يصرخ ع الحريم : دخلوووووووا داخل ..........عايبتكم اليلسة برع
الحريم ما حبوا يناقشوا ودخلوا كلهم داخل :....
عشر دقايق وطفوا الحريق ...
ريال من المطافي : سبب الحريقة هو شوط كهربائي في المكيف تعرفون انه من الساعة 2 الظهر لين 5 العصر فترة الذروة ...وتدرون انه جو العين وايد حار المفروض تغطون المكيفات بمادة عازلة ...
هزاع يمرر ايده بشعره : ما عليه الحين متى بيون الاسعاف؟؟
سيف : الحين
يات الإسعاف وخذوا البيدار...زايد رفض يروح بالإسعاف ...بس صياح أم محمد خلاه يروح..
الحريم ...في البيت ع أعصابهم...صح مب وايد محترق زايد...بس اللي يشوف الحريقة لازم بيخاف...
الشباب لبسوا كناديرهم وراحوا على طول بسياييرهم المستشفى
الساعة خمس في المستشفى 
بو محمد : والحين بنتم يالسين جي..
سيف : تدري عمي لازم يحققون في السالفة
بو جاسم : شو سالفته بعد كنا راقدين....نسمع صراخ البيادير...قمنا وحاولنا نطلع البيدار ونطف الحريقة ..يوم ما نفع وصلت المطافي...بس
سيف: بس عندهم ما بس.......ع العموم عمي روحوا البيت ونحن بنتم هني 
بو محمد : لا ما عليك
زايد طلع كانوا لافيين ايده بشاش
أم محمد : يمه ولدي ......
زايد هز راسه : يا أمايا ......ما فيني شي......إنا ما أقول غير الله يعينه البيدار......أنا جي ويالله يالله .....
وبعد التحقيق ...رجعوا البيت الساعة 7 المغرب
البيدار محترق حروق عميقة...وعلاجه بيطول شهور ومن بعدها بيعطونه تعويض وبيسفرونه..
الكل يالس يطالع ويهه الثاني
سيف يبغي يكسر حاجز الملل اللي مخيم عالمكان : إلا أقول أمايا
أم سيف : هاااااااااااه
سيف : كنكم قصرتوا ويانا اليوم
أم سيف : في شو؟؟
سيف : أنا صراحة ع لحم بطني من الصبح...منو وياي؟؟
هزاع : أنا وياك
راشد : أنا وياك
جاسم : وأنا
محمد رفع ايده... :.
سيف : هاا حتى المسكين ..(يأشر ع محمد) ..مب قادر يتكلم من اليوع
محمد فره بالمخدة ... : مب شراتك
أم سيف : خلاص يابوكم .......أنا رايحة أسوي العشا
وقاموا الحريم ...(أم سيف ) و(أم جاسم)و(أم محمد).....سارة بغت تنش بس ما خلوها ..
هزاع : إلا جاسم ....أنا فيه شي متعجب منه؟؟
جاسم : إللي هو؟؟
هزاع : إنت كيف قمت بسرعة؟؟
جاسم طالعه وبعدين طالع عذاري وابتسم :...
هزاع يطالع جاسم ويطالع عذاري .. :..هههههههههه أيوى أيوى
لا تحاول تعيد بدمعتك ما مضى
ما تداوي دموعك جرح طول البعاد 
إنتهى الحب يا اللى بيننا وانقضى 
ولا بقى لك بقلبي غير ذكرى وداد 
كنت أجيك بخفوق فيه حب ورضا
وكنت انته حبيبي غايتي والمراد 
وكنت أشوفك حياتي جوها والفضا 
وكنت يوم تغيب اموت هم ونكاد 
بس خذها بصراحه القضا بالقضا
ذوق كاس شربته منك اسمه عناد 
يرفض القلب مثلك به ودادٍ حظى
دامه انسان مثلك قطعةٍ من جماد (شعر فزاع)
(موبايل سيف)
سيف : ألووووووووووووو............هلا ومرحبا ....شووو؟؟.....هههههههه.......والله نسيت ... لا نحن طالعين ويا الأهل الحين.....لا العين......خيبة تخيب عدوك......لا لا تيي ولا تتعنى ... مب فاضيلك....شووو؟؟ههههههه.......عموووووور الأهل هني ولا بتييك كلمه.....أوكي حبيبي.......اسمحنا عاد ع القصور.....أدري أدري ما مني قصور بس......ههههههههه.... خلاص عزيزي يوم بوصل دبي بدق لك........مسموح بو خلي ..
عنود : سواف
سيف رفع عينه لها :..
عنود : ما بتقصد؟؟
بو محمد : تكتب قصيد
سيف طالع عنود ..: هيه عمي يوم أكون فاضي
بو جاسم :..انزين خل نسمع ..
سيف : الحين؟؟
جاسم : هيه يالله
سيف سكت متعايز :..
هزاع : أبوي تراه ما يقدر يتحدى
سيف : فعينك .....احم احم ....بقولكم آخر انتاجاتي الشعرية
محمد : ذليت أبونا يالله
عليا كانت تترقب وتحاول تحفظ كل كلمة بيقولها سيف :...
سيف : احم......احم
آسف انا في جيتي لـج تسرعـت ۝۝ ظنيت الاقـي فيـج شـيٍ فقتـه
كنت احسبج مجروحه مثلي تولعـتي ۝۝ جربتي فرقى شخص قلبـج وهبتـه
كنت احسبج من مر جرحج تجرعتي ۝۝ حبيت فيج احساس طفـلٍ لمحتـه
لوقلتي آآآه بوسط روحي توجعـت ۝۝ ولو شفت دمعاتج شعوري سكبتـه
ولو تطلبين اعيوني ابد ما تمنعـت ۝۝ واعطيج قلبي لو بعد مـا طلبتـي
وصلت بج ..... اعلى مكان وتربعت ۝۝ وفي قلب غيري ياالغضي ماوصلته
اذهلتيني بطباعج اللـي ... تطبعـت ۝۝ حتى قصيدي فيج ابد مـا فهمتـه
وأرجوج من صدج تراني تشبعـت ۝۝ خلج مع اللي عاجبـج او عجبتي
يكفي قهر في جيتي لج تواضعـت ۝۝ تركت غيرج لجـل عينـج وبعتـه
ياليتني عـن حـب مثلج..ترفعـت ۝۝ ياليت قلبي قبـل لعرفـج دفنتـه
لكن ابعدي دامني بج توهقـت ۝۝ الله يرحـم حبنـا اللـي ذبحـتـه
انا شريت الود والحين انـا بعـت ۝۝ وانا عطيتج قلبـي اللـي قهرتـه
في يوم جيتج اطلبـج ود واقنعـت ۝۝ نفسي بأنج شخص عادي عرفته
كملي حياتج مثل مـا انـا توقعـت ۝۝ تبقين اسير الماضي الـي فرضتـه
ولا يحزنج اني غلطان وتراجعـت ۝۝ حولج بدالج ألف شخـصٍ عجبتـه
اما انا لا يمكن اخضـع ولا طعـت ۝۝ يحرم علي اعطيـج قلـبٍ خذلتـي
باريّحج من شوفتي يـوم قاطعـت ۝۝ اسلوبج اللي بـة تجامـلين كرهتـه
غلطانه يا المقفيه انا مـا تتبعـت ۝۝ غيري يتابع خطوتـي مـا تبعتـه
ما ينحني راسي لو انـي تقطعـت ۝۝ وما هو بنا من لا رميتـه لقطتـه
وان كان غرج حكي عذالي وطعـت ۝۝ الله يعلـم كيـف قلبـي سكنـتيـه
اللي ملا قلبـج علـي وتسمعـت ۝۝ خلي يعوضج شخص مثلي خسرتـيه
انـا بمـا فيـة الكفايـة تولعـت ۝۝ واللي بقى من قلب فينـي حرقتـه
وان شفتيني صدفة بعينج تطلعـت ۝۝ ذكرتيني بانسـان غالـي فقدتـه!!!!!
باول لقا سلمته احساسي وضعـت ۝۝ غلطت حياتي يـوم قلبـي سلبج
واستسمحج ف البعد كاني تراجعت ۝۝ ما عاد ابلقـى فيـج شـي فقدتـه
طبعج مثل غيرج وطبعي كما كنـت ۝۝ احب شخـص ولا تركته...تركتـه
(صراحه ماعرف شعر منو ....بس عيبني)كلام كل إحساس مجرووح وسلاااااااااااااااااااااااااامتكم......
مها نزلت راسها .....جذاب سيف بعدك تحبها :...
الكل مبهت ...هزاع وجاسم حاسين بمعاناة سيف.......لأنه صعب الواحد ينسى
سيف يبا يغير الجو : شو ما عيبتكم؟؟؟؟
بو محمد : صح لسانكم................إنت تحب؟؟؟
سيف انعفس شكله .... :...هيه أحب أمي وأبوي وأخواني
بو جاسم : يعني ما فيه وحدة منخشة منا مناك
سيف ضحك: لا لا تطمن
هزاع : خلاص عيل اسمع 
محبوب قلبي كم اداريك...مدراة عينى دايم اداريك
ع البال دايم دايم اطريك...وافرح الى من مر طرواك
واحب اشوفك دوم وابغيك....ويرتاح بالى يوم بلقاك
حبك تشربك بي تشربيك....خذت العقل والروح جدواك
يا طير بوصل لك وباجيك...من كثر حبك مالي أفكاك
يا زين لي حلوه معانيك..والحسن لي كمل وغطاك
ببيع أنا عمري وبشريك...ماريد في حبك لي اشراك
عندي حبيبي من يساويك....ماحد أبد في الكون يسواك
اطلب عيوني والله اعطيك....وكل لي بغيتة كلة افداك
روحي غناتي شو بيرضيك....مني وانا لك عبد أملاك
ولو قامت العدوان تشنيك...عندي فأنا والله ما شناك
عزيز أنته عندي غاليك...يا من وسط الفواد سكناك
بد الدهر ما ظنى اسليك .....قلبي يحبك كيف يسلاك
انته حياتي هب ناسيك .....لا تفتكر باصد وانساك
من خافي في الروح بهديك...تحية من قلب يهواك
سوالم ...

سيف : ... ناديت لك صوت من الحب مجروح
ومحد سمعني غير نبضي ولاأشواق 
أبكي الغياب ودمعتي ترفض البوح
عليك ياللي ماتبي غير لفراق
ودي افارق دربك اليوم وأروح
لكن يرد القلب حب بالأعماق
لا .. لا تخليني مع الهم وتروح
تظلم علي دنياي وتضيق الأفاق
أسهر طوال الليل أبكيك وآنوح
واكتب بك اشعار على بيض الأوراق
والله ؟أحبك ...اعشقك.. يا هوى الروح
وفراقك اتعبني ولا عاد ينطاق
مالي بغيرك مع هل الحب مصلوح
انت الوحيد اللي لك القلب خفاق
باصبر ولو قلبي حزين ومجروح
بصبر مادام القلب لك حيل مشتاق......وسلامتكم

جاسم :..... يا سيف كل ناس ولها ناس...واللي رحل لا تصيح تبغيه
كانه موادع قول لا باس..باجر ترى الأيام تجزيه
من باع خله وجرح إحساس..هذي البداية كيف تاليه
شكله ذهب والباطن نحاس...كذاب في قوله ومعانيه
أتحسبه لي عون وساس...أثر الخيانة منه وفيهسيف طالعه وقام طلع برع :.....
هزاع لحقه بس ما سمعوا إلا تشخيط ويلات السيارة :.....

*******************************
الجزء السادس من لـ...ـ...ـ..ـ غرام ـ...ــ...ــ...ذة 

جاسم :..... يا سيف كل ناس ولها ناس...واللي رحل لا تصيح تبغيه
كانه موادع قول لا باس..باجر ترى الأيام تجزيه
من باع خله وجرح إحساس..هذي البداية كيف تاليه
شكله ذهب والباطن نحاس...كذاب في قوله ومعانيه
أتحسبه لي عون وساس...أثر الخيانة منه وفيه
سيف طالعه وقام طلع برع :.....
هزاع لحقه بس ما سمعوا إلا تشخيط ويلات السيارة :.....
بو محمد : الله يعينها هالسيارة....
هزاع دخل : جاسم الله يهديك ..يعني لازم ...
جاسم قاطعه: هزاع .......محد ينسى بسهوله ..ومب أنا اللي ذكرته
أم سيف دخلت : بلاه سيف ؟؟
بو سيف ...يعني هذي اللي قاللي سيف يبي يخطبها بس بعدين قال ما يباها؟؟؟؟ :.....
بو محمد : ما شي........... اتصلي فيه
أم سيف : عنود اتصلي ف أخوج وعطيني
عنود اتصلت وعطت أمها وحطته ع السبيكر :...ألوووووووه أبوي...
سيف صوته كان متغير شوي : هلا أمايا
أم سيف : وينك يابوي ....بلاك ظهرت جي...طيرت حمامة فوادي ..
سيف ابتسم :...فديتج....خلاص زهبي العشا وأنا ياي
أم سيف : الحين تعال
سيف : اسميج بعد أمايا حنانه .......خلاص مسافة الطريج
أم سيف : ليش أنت وين؟؟
سيف : تبين الصراحة
أم سيف : أكيد
سيف :الصراحة ........الصراحة يعني.......... فالشارع
عنود :هههههههههههههههههه
أم سيف : تستهبل علي إنت
سيف : خلاص يا امايا الحين خمس دقايق وبوصل
أم سيف : دقيقة وحدة ....تكون في البيت
سيف :أفاااااااا عليج ...........(وشغل الريس).........يالله أمايا عن أدعم بعد....(وسكرت قبل لا يسمع رد أمه..)
أم سيف : حسبي يالله .........هذا ولدك بشيب فيني
بو سيف : ما يصير ولدي إلا فالشين
أم سيف : هي ترى محد معلمنه العناد غيرك...
بو سيف : أناااااا؟؟
أم سيف : هيه.....وراسه يابس شراتك....
سيف :بلاكم؟؟ تحشون فيني
الكل صد لسيف وفج عينه:..
سيف كان ويهه أحمر شكله صايح :....يالله يا أمايا قلتي العشا زاهب
أم سيف تطالع ولدها : شو اللي صاير؟؟
سيف : ما فيش حاجه .....ببدل ثيابي .....زهبي العشا.......(وراح فوق)
وحطوا العشا الكل تعشى ......وسيف كان طبيعي .... والكل ما طراله شي من السالفة..... عليا انصدمت...وحست انه حبها له بس من طرف واحد.....يعني نتيجته النسيان...سيف مستحيل يصير لي...يعني يا علاية غسلي ايدج
الكل اكتشف حب سيف بس بعد شو؟؟......بعد ما مات هالحب....
سيف :خلوها ع الله...
***************
اليوم الثالث
الساعة 11 الصبح
عنود :اففففففففف......(تطالع الموبايل)......منو هالمتفيج....مسج بلوتوث.....<< قومي يالله صدق إنج مخيسة رقاد.....(قضية ما يتحملها ملف)>>> .......منو هذا؟؟........يالله بقوم ...بشوف منو هالقايم من الصبح والمتفيج وايد.....
قامت لبست تنورة بنيه وقميص أسود وفوقه جاكيت صغير كت بني وطلعت شافت عليا وسيف يالسين في الصالة اللي فوق وعليا تصيح وسيف يلعب باصبوعه :..
عنود : علاية فديتج بلاج؟؟
عليا : ما شي.........(وقامت)
عنود : وين بتروحين؟؟
عليا : الحمام ......
عنود طالعتها لين ما راحت ..... : بلاها علايه؟؟
سيف رفع جتوفه : مادري
عنود تطالعه بتشكك : صدق؟؟
سيف : هيه......شفتها يالسه تصيح وقلت بسألها ....فيها شي؟؟
عنود :لأ............وإنت وين ساير بعد؟؟
سيف وهو نازل : تحت ............ تعالي بنتريق
*********
أم محمد تبدل الشاش لزايد :....
زايد : يالله يا أمايا لفيه بسرعة سنة وإنتي تطالعينه .....
أم محمد : صبر .........
سيف : مرحباااااااااا
هزاع : مراحب .......تعال ...
جاسم : يالله يا سيف كل ها رقاد
سيف ابتسم : تقدر تقول
هزاع يطالع بخبث: ولا تفكر؟؟
سيف : أفكر بمنو؟؟
هزاع : فيني
سيف :هههههههههه......أنا أقول ما ياني رقاد ...عسب جي خذت حبوب منومه
جاسم : أنت تاخذ حبوب؟؟
سيف : من أسبوعين بس
جاسم : عطني أياهم
سيف : ليش؟؟
جاسم : بعقهم
سيف يستهبل: هذي بفلوس
جاسم : يا جي ...... يا بخبر الكل إنك تتعاطى حبوب 
سيف : اللي يسمعك يقول مخدرات
جاسم : كيفك
هزاع : اسمع كلامه......تراه يزيد رمسه
جاسم كفخه ع راسه : أنا يالحيوان
سيف : ههههههه
**************
عليا يالسه ورى الباب وميته من الصياح ..
7
7
سيف : علاية ليش يالسة روحج؟؟
عليا : مالي بارض اجابل حد
سيف ابتسم : حتى أنا؟؟
عليا : لا عادي ايلس
سيف يستهبل : ليش بالذات أنا عادي؟؟
عليا طالعته ودمعت عينها :....لأن قلبي مملوكك
سيف اعتدل بيلسته وطالعها : عليا؟؟

عليا : شو عليا ...هذي بعد ممنوعه علي...حرام أقول رايي
سيف يطالعها ومستغرب من عليا الخجولة ممكن تتغير جي..ممكن الحب يغيرها؟؟ :..... أنا ما قلت جي
عليا : سيف بس بسأك ؟؟........منو هذي سعيدة الحظ اللي عذبتك جي.وخلتك تقول قصيد فيها
سيف :محد
عليا :سيف ليش تجذب إذا كل شي واضح...
سيف :هه.......تراه ما بين إلا يوم ضاع هالحب من ايدي
عليا : والحين؟؟
سيف : شو الحين؟؟
عليا : بتوقف حياتك عشانها؟؟
سيف ساند راسه : مستحيل حياة أي إنسان توقف .....عسب إنسان ....يمكن أسبوع..شهر...بالكثير سنه...بس مستحيل تكون طول العمر
عليا : ليش مستحيل ...هذوه عمي خالد...أقرب مثال
سيف : بس حطي في بالج أنا مب خالد..........وأنا ما بوقف حياتي عسب وحدة نذلة وما حست بحقارتها إلا بعد سنتين
عليا تذكرت عفرى معقولة تكون هي :...سيف .......انزين شو اسمها
سيف : اسمها ..هه...مب لازم بس معنى اسمها الكره
عليا : كيف عرفت انها معرسة؟؟
سيف : عليا ............عرفت وخلاص
عليا : انزين كيفك 
سيف : انزين عليا ......بعد ما عرفتي سالفتي.......بعده قلبج مملوكي؟؟
عليا : محد ينسى أول حب له
سيف : بس أنا ما أول حب لج؟؟
عليا : شوووووووو؟؟
سيف : ليش ما تحبين أمج أبوج أخوج؟؟ ههههههه
عليا فرته بالمخدة :..سبال 
سيف : تعرفين عليا...........أخاف أختيارج لي يكون غلط.........بس حتى لو ما صار اللي تبينه وأنا أقولج ما أقدر أحققه لج......بس ...أبيج تحطين شي في بالج.....عيشي حياتج ويا غيري.....بس تذكري ولد عمج لج عون وسند
عليا طالعته وصاحت : مالي حياة إنت ما فيها يا سييييييييف
سيف سكت .... :...
عنود : علاية فديتج بلاج؟؟
8
8
عليا يعني خلاص .....قال بعظمة لسانه ......حياتج ويا غيري......يعني خلاص ...... مالنا حياة ويا بعض.....
***********
جاسم : عيل وين علايه؟؟
سيف صد له بسرعه : ....
عنود : فوق 
جاسم : شو تسوي؟
عنود : صراحة ما شتغلت جاسوسة بعدي
جاسم : بايخة
عنود : طالعه عليك
عليا : مرحبااااا
الكل : مرحبتين
سيف طالعها شوي وسكت :..
جاسم : إنتي صايحة ؟؟
عليا : ليش يبين؟؟
جاسم : بلاج؟؟
عليا : ماشي .......راسي يعورني
جاسم : خذتي الدلع من هالدلوعه
عنود : لا لا تخاف ما أبيعه
هزاع : أقول جاسم 
جاسم : هاااااااااه
يلسوا شوي يتصاصرون 
جاسم : قررنا نحن رعاة الحفلة ...الشيج جاسم ومساعده هزاع
هزاع : فعينك مساعدك...أونه شيخ منو تتحرى أبـــ
بو جاسم : هاااااااه.........عن الغلط
هزاع ابتسم : ..
جاسم : قررنا أنا والشييييييييييييييييييييخ هزاع......تدبيل الساحرات عليا وبدور ومها وعنود وعذاري بإعداد وليمة .....للــكبوش الحاضرين للحفلة
بو عذاري : كبوش بعينك
جاسم : اعذرونا إذا بالغنا في وصفكم.....فالمجامله هدفنا
محمد : وأنا أوافق الكبش جاسم على ما يقوله
جاسم : كبش يالدعله
بدور : انزين شو تبونا نسوي بيض وطماط ولا بيض موغر صراحة ما عرف إلا هذيل
زايد : لا يكون صدقتي إنا كبوش.......
عنود : يالله بنات شدوا حيلكم بساعدكم بالأكل
هزاع : لااا يا ماماااااااااااااا.............إنتي أولهم
عنود : يعني أنا كبش الفدا
بو سيف : لا عنود .....مريــــ
عنود قاطعته : لا الحمدلله ......يالله
راحوا البنات المطبخ وكل ساعة تيي وحدة تسأل كيف يسووا جي .....وكم نحطي؟؟
الشباب بطونهم تصارخ من اليوع وكل ساعة واحد يروح المطبخ ياخذ صدمات تجويعية ويرد...خلص الغدا ع الساعة 5 العصر..!!!!!!!!!!!!!!!!!!!!!!!!
بس كان غدا معتبر....مها وعليا سوو برياني دياي ومجبوس لحم .......عنود وبدور وعذاري ...تولوا صنع العصاير والحلويات والسلطات و غسل الوعيان ....
هزاع : الحمدلله ........صراحة ما قصرتوا
جاسم ...وهو يشرب العصير : شو ما قصروا ؟؟......حد يتغدى خمس العصر....الله يعين رياييلكم
عذاري رفعت عيونها بتحدي : بنشوف حرمتك...
جاسم شرق بالعصير : كح كح ........
هزاع يدق ظهره : بسم الله .......بلاك؟؟
بو جاسم : أشوف من طروا الحرمة .......تخبلت
جاسم المشكلة اللي طرتها لي :...لا بس ......
عذاري : ههه
جاسم يحرك برطمه يمين ويسار : عنلات فيسج
سيف رفع عيونه يطالع الشخص اللي من مساعه يراقبه بس هو مطنش : عليا ...ليش ما تاكين؟؟
عليا : ما خاطري أكل
سيف : جاسم ...شكلهم محطين شي فالأكل ...
جاسم يطالع وحده وحده من البنات :...اعترفوا شو محطين؟؟
عليا : حرام عليكم ......والله ما محطين شي
عنود : جذابه .....شفتج تحطين شي؟؟
عليا : أنااااااااا؟؟
عنود : عيل .....
عليا فرتها باللومي :...أدري شو بتقولي يالبايخة
عنود :ههههههه.....مسكينه تطبخ وتصيح
جاسم : ليش؟؟
عليا : عيل أنا آخر عمري أقطع بصل
بو محمد : أحسن تتعودي ...... 
عنود طلعت لسانها لها :......
*************
بعد صلاة العشا
عنود : أبويااااا
بو سيف : خير
عنود : خل يدبلون مثل ما دبلونا
سيف : نعم نعم؟؟ ........تبينا نحن نطبخ
مها : هيه .....المساواة بين المرأة والرجل
جاسم : في ميدان العمل مب الطببببببببببببببخ
عليا : عاد نحن مالنا خص
عذاري : هيه ونحن نعفي زايد من ضريبة العمل
زايد : أول مرة أعرف انه لهالحروق فايده
محمد : ههه.....خلاص فالكم طيب
سيف : شو فالكم طيب؟؟ أنا مب طابخ وأدريبهم خواتي يحبوني بيطبخون عني
عنود : منو قاص عليك؟؟
سيف : يالسبالة
وبعد حوارات مكثفة وضغوط سياسية من الشياب راح الشباب يطبخون 
بس تدرون ع الساعة 11 .......انصدم الكل بالعشااااااا ((((تونا وبصل))) لا غير
بو سيف يطالع الأكل ويطالع ويوه الطباخين : جزاكم الله ألف خير
عنود تطالع : الحين الساعة 8 و9و10 والحين 11 ......ع تونا وبصل
محمد : ما عايبنج رقدي بدون عشاااا
جاسم : ههههههههه سواله
راشد : شو سارة مب عايبنج؟؟
سارة : راشد كم رقم الكافتيريا؟؟
راشد : هههههههه.....
هزاع : أبوي حرمتك حامل خل تتعشى برع
عنود : والله سارة ولدج ولأول مرة ف حياته سوالج خير
سارة : هههههههه ...صدقج....
الكل كل العشا بس مع إضافات طلبوها من المطعم
الحريم وتخطيطاتهم السرية...........ومساسرهم .....ع شو ناويين؟؟.........الله يستر
بو سيف يطفف الليتات اللي تحت : يالله فوق
سيف : أبوي ........ذكرتني بأيام المدرسة
هزاع : صدقك........أحيدنا نشرد الدكان ما نرد إلا يوم يقفل الدكان..
محمد : هيه راع الدكان مصطفى ,,,, ما أدريبه مات ولا عايش
زايد : خيبه يفاول ع الريال.....
بو عذاري : يالله رقاد لا تصدعونا
عنود : عمي من صدقك؟؟
بو عذاري : هيه...يالله جدامي
الكل راح فوق بس بعد تجسسات ومراقبات قدروا الشباب يشردون للقبو
سيف وهزاع ومحمد يلعبوا بليارد
جاسم وزايد يلعبوا بلي ستيشن....
جاسم :هزاااااااااااااااااااع ........هذا أخوك غشاش مب لا عب وياه
هزاع يحط العصا ع الطاولة : بلاك؟؟ عمامي بيسمعون الحشرة وبيجكونا
جاسم ويتكلم بصوت خفيف : هذا عنلات فيسه.......يغش
زايد : قول مب قادر عليه
محمد انسدح ع طاولة البليادر :....تعب
سيف : أييييييييييييييييييييييييييييييييييييييييييييييييه ......يالحيوان خربت اللعب ....
عليا واقفة ع الدري ومحطيه ايدها ع خصرها : صاااااااااااااادوووووه
الشباب صدوا لها :.....
هزاع : غربلاتك يا سيف ......قلت لكم لا تصارخون 
عنود نزلت من الدري : تستقبلونا ؟؟
سيف : بصراحة ..................لأ
مها : لا والله 
جاسم : إنتوا شبهه ......وإذا ما شافوكم هناك بيقلبون الدنيا .......أما نحن إذا ما حصلونا بيتحرونا طالعين
عذاري : أفااااااااااا..............تدرون عاد يالسين ع قلوبكم
جاسم : لا إنتي عادي...........عسلللللل على قلبي
عذاري أحمر ويهها بس تدري يقول هالكلام عسب يطلعهم يلست عدال زايد : عيل دير بالك ع السكري
الكل : ههههههههههههههههههههههههههه
عنود تذكرت منصور .........آآآآآآآآآآآه ما تستوي معجزة ولا قيك هني جدامي :...
محمد : لأول مرة الهدوء يخيم ع عنود
عنود : لا هذا هدوء قبل العاصفة 
سيف : الله يعين
زايد وسيف يلعبون بليارد .........هزاع وجاسم يلعبون بلي ستيشن .....البنات يالسن يطالعون فلم ...محمد يراقب مها بكل حركه...
مها : أنا بروح اييب ماي حد يبا 
عنود مندمجة في الفلم: سكتي سكتي
مها : تبون ولا لأ
عنود : إذا تبين يبي....
مها طلعت :...
محمد حسب بعد ما طلعت مها 35 ثانية طلع هو ....محد كان منتبه له ...الكل مندمج باللي في إيده :....
مها حست بحد دخل المطبخ رفعت راسها شافت محمد :....
محمد راح صوب الثلاجة وطلع ثلج وبيبسي وحطاه فكوب : ...
مها حست بنار في فوادها.....الحين أنا وياه في مكان واحد.......وبعدين أنا سألت إذا حد يبا شي معقوله لهالدرجة يكرهني ....اففف :..جان قتلي بيب لك
محمد تقرب منها وتساند ع الطاولة : ...ولو قتلج بتييبين؟؟
مها : ليش لأ؟؟
محمد : أخاف تحطين سم....من كرهج لي
مها : أنا ما أكره حد
محمد : يعني ..(وهو يحرك الكوب اللي بايده)....بعدج تحبيني؟؟
مها طالعته : رجاء(ن)........محمد خلك فحالك وخلني فحالي
محمد : أظن اللي يحب ما ينسى حبه الأول ....وما يكره إللي يحبه ...لو شو ما غلط....صح؟؟
مها : محمد لوسمحت؟؟
محمد : حتى لو كان يحس لفتره انه قدر ينساه أو يكرهه في لحظه يتغير هالشي 
مها بغت تطلع بس مسكها من ايدها وسحبها : ...
محمد : سمعيني
مها : مب غصب ........هد ايدي
محمد يطالعها :...
مها : ليش تطالعني جي ؟؟
محمد : هه......اذكر أشياء صارت قبل
مها : وياليتها اتم ماضي ....ولا تخرب حياتي مرة ثانية.....ولا تخرب العلاقات اللي ردت
محمد : مها تعرفين يوم دخلت أول سنه كلية شفت وحده بس كانت يايه تسحب أوراقها لانها مضاربة ويا الدكاترة من أول أسبوع..... حاولت أساعدها ...وعيبني إسلوبها و هه دفاشتها وتطنيزها .....كل شي .... قدرت أوصل لها بعد شهرين ...حبيتها ما بجذب وبقول مجرد إعجاب.....لاني صدق حبيتها....بس كل ما كنت بخطبها كانت تأجل لأنه ظروفها ما تسمح ولا مادري شو؟؟......وصارت السالفة اللي تعرفينها ... بس بعد ثلاث سنين ...كنا يالسين ويا واحد من الربع ....قال انه عنده وحده مأذيته ما تتصل إلا تبا فلوس والمشكلة انها تهدده انها بتخرب حياته ويا حرمته....أنا رفضت آخذه لأني ما كنت أبا أخون خلود لو شو ما كان ...قال ربيعي بياخذ الرقم....يوم قالوا الرقم انصدمت تدرين رقم منو ؟؟.........هيه ...رقم خلود حبيبتي.....كانت تستغلني طول هالفترة عسبت الفلوس .....ويوم طلعت من الكلية .....لأنها ما دفعت أول قسط ..... ذيج الساعة صدق تندمت .....تندمت ع اللي سويته لج.....صدق انه محد يحس بالمجروح الا اللي ينجرح...
مها دموعها ع خدها : محمد ......... أنا شو المطلوب مني؟؟
محمد رفع راسه الدموع اللي كانت تنزل من عيونه تبين جديته : أبغيج تسامحيني
مها لا إرادي مسحت دموع محمد : محمد ...........إذا كلها تحبها وتصيح عشانها..
محمد قاطعها : مب عشانها ......عشانج ..مها أحبج....
مها طالعته : خايفه أصدق........وأظهر بحلم وأعذب عمري زود
محمد : مها ....تمي مها اللي أعرفها دخيلج
مها سكتت فترة وابتسمت لها : مسامحتك ..........(يايه تطلع)
محمد : مها
مها وقفت مكانها :...
محمد : يعني عقاب أنا الي أشيل الصينيه 
مها : هههههه.....
*****************
اليوم الرابع
الساعة 6 الصبح
عنود : هااااااااه جاهزين؟؟
عذاري :هيه
عليا : هيه
بدور : هيه
عنود : يالله عيل
بدور : صبري وين بنحطي الحدال(الهمبا الأخضر معلومة( ¬_^)
عليا : عندي الأكياس
عذاري : يالله عيل قبل لا ينشوون البيادير ...
طلعت عنود شوي شوي : الدرب آمن 
طلعوا البنات ..وكل وحده تمشي ع أطراف أصابعها .....
عليا : انزين شلوا نعلكم فإيدكم....الصوت ينسمع
عنود : اوكي....(وشلوا نعلهم بإيدهم)
كان شكلهم حرامية صدق
وصلوا آخر المزرعة عند شير الهمبا
بدور : عنود وصلنا للمكان المحدد بسلام
عنود : يالله كملوا المهمة بحذافيرها
عذاري : انزين نبا عصا
يلسوا البنات خمس دقايق ....يدورون ع عصاه بس ما حصلوا
عنود : انزين انروشهم بالنعل
بدور : لا والله ...وبعدين نركض حفاي
عليا : ههههههههههههه.....اتخيل أشكالنا
عنود : ما عليكم .....بطيح النعل......(عسب تثبت لهم فسخت نعالها وراشت نعالها وطاحت كم حبة لقطتهم بدور.....وقاموا البنات يروشوا نعلهم ....لين ما علقت نعال عليا فوق)
عليا : نعاااااااااااااااااااااااااااااااالتي
البيدار يركض ليهم : شو سوي هنا؟؟ ..........
بدور شلت الكيس وتركض.....
وكل وحده شاله نعاله بإيدها وتركض
عليا تركض بنعال وحدة 
البيدار يركض : تآآآآآآآآآآآآآآآل يا هرامية.........تآآآآآآآآآآآآآآآآآآآل
كان شكلهم مش ولابد...........دخلوا البيت بسرعة ويالسين يتراكضوا ع الدري ويضحكون من خاطرهم....وبالغلط انزلقت بدور ....
بدور : آييييييييييييي
البنات : هههههههههههههههههههههه
البيدار في الصالة : تآآآآآآآآآآآآآآآآآل ولا خبر أرباااااااااااااااااااااااب
البنات اطلعوا بعضهم ويتراكضون ودخلوا الملحق وسكروا الباب بسرعة ويالسين يلهثون ويضحكون....
عليا متسانده ع الباب ويالسه ع الأرض وتضحك من الخاطر والشيلة ع جتوفها
بدور الي يالسة ع ركبتها وميوده بطنها وتضحك
عذاري اللي مغطيه ويهها وتضحك
عنود تمسح دموعها من كثر الضحك
الشباب كانوا سهرانين يطالعون فلم......وشوي دخلوا عليهم البنات......البنات من سرعتهم دخلوا ملحق الشباب.....الشباب يطالعونهم ....
جاسم راح صوبهم : الشيوخ بلاكم؟؟
البنات يوم طالعوا عدل وشافوا الشباب اللي يطالعونهم باستغراب وجاسم اللي واقف ع روسهم....وقفوا بسرعة وعدلوا الشيلة ....عليا ياية تفتح الباب وتطلع ...بس جاسم مسك الباب : نو.........نو.........نو...........من وين يايات؟؟
عليا : ما من مكان ....ما سوينا شي
هزاع يطالعهم : صدق عاد ....اشكالكم ما أطمن
عنود : لا لا تطمن ما سوينا شي
سيف : آر يو شور؟؟
عنود : هيه هيه .......نحن ما رحنا مكان .....كنا فالـ...
زايد : في المزرعة؟؟
عنود : لا لا نحن أصلا ما رحنا المزرعة صح عذاري ؟؟
عذاري : هيه.......هيه.....نحن شو بيودينا هناك من الصبح
محمد تقرب من الجيس وطلع الحدال : عشان هذا!!!
عنود من شافته تذكرت السالفة وضحكت والبنات كلهم ضحكوا وياها.......
سيف مسك راسه اخته يجيس حرارتها : لا مب مريضه
عنود : سواف ما شفت كيف البيدار يراكض ورنا ....جان هههههههههههههه....جان هههههههههه 
سيف طالعها فترة مب مستوعب :...كيف؟؟
عليا قالت السالفة كامل من بعد ما فضحتهم عنود ...الشباب نقعوا عليهم من الضحك 
محمد : ههههههههههه......عسبت حدال
جاسم : هههههههه آخر مرة تفهمون ولا لأ؟؟؟
عنود حاست بوزها : بنفكر
وبعد تغليسات من الشباب خلوهم يطلعون 
*********
البنات رقدوا من التعب
الشباب من دامنهم سهرانين للحين رقدوا....
الشياب حاولوا يقومونهم بس ما شي فايده تغدوا رواحهم ...
وانتقلت تخطيطات الحريم السرية إلى كبار الوزراء(الشياب)....وتحولت لرمسة رياييل.... الله يستر ....
************
بعد الساعة ست العصر الكل قايم حصلوا كم هزبة على هالرقاد...
راحوا الرياييل الصلاة...وبعدها قرروا يشوون في المزرعة ...أونه الجو رومانسي...إلا حر موت ....بس الشياب هذي رومانسيتهم شو نسوي..خخخ
جاسم : يالله بنات روحوا سوو وياهم
عليا : يالله مناك متفيجين لك
سيف : كيفج بس لا تقولون ...كيف درى أبوي؟؟
عذاري : عن النذاله
مها : زين اني ما وياكم ...ولا بنذل ذل اليهد
عنود : أصلا نحن روحنا نبا نسوي مب عشانكم
هزاع : صدق عاد؟؟
البنات قاموا يسوون خلطات الدياي ومادري شو....ووكلوا عنود وبدور ينظفون الدياي بس عنود يلست ترجع من المقزة...وبجي دارت بدالها مها...وخلوها ترتاح
الشباب يولفون حطب ....الشياب يحاولون يولعون النار بهالحطب اونه بيسون جاي ع الفحم...لين ما يخلصون الحريم...
هزاع : وإنتي دبووووووه ليش يالسه
عنود بدلع : تعباااااااااااااااانه
هزاع طالعها ويلس عدالها : اونه عاد؟؟
عنود : لا صدق ........يلست أرجع وبجي أعفوني من الشغل اللي فرضه علي جسوم السبال
جاسم يتكلم بصوت خفيف وكان وراها : سبال أبوج
عنود فجت عينها : ما عليه جسووووووووم السباااااااااااال...أبويا
هزاع مسك حلجها(ثمها) : سكتي فضحتينا
عنود تتكلم وهزاع محطي ايده ع حلجها : مممممممممممممممم
هزاع خوز ايده : شووو؟؟
عنود : خله يسحب الكلمة اللي قالها بالأول
جاسم : السموحه......كله ولا عمي...خاطري أقول سبال ريلج...بس ما أبغى أغلط عليه عسب ....
عنود : عسب شو؟؟
جاسم : لأنه ما يهون علي
عنود سرحت.....معقوله يكون منصور كلمهم عني و ......... :..
هزاع :...وين رحتي ؟؟
عنود ابتسمت بخجل : عدالك ........(وقامت)
جاسم : هزاع لا يكون تدري وتستهبل ؟؟
هزاع ابتسم : جنها جي
***********
وانتهت الليلة على خير الكل مستانس وفرحان...

**********************************
الجزء السابع من لـ...ـ...ـ...ـ غرام ـ...ـ..ـ...ذة 

اليوم الخامس 
الساعة ست الصبح
عنود : يالله مها قومي
مها : أخيييييي عاد ......مب سايرة وياكم....
عذاري : يالله عاد مهوي......والله ما بنسوي شي ..بس بنتمشى
مها : أكيد؟؟
عنود : هيه
مها : خلاص انزين ببدل ملابسي
عليا : لبسي بنطلون كلنا لابسين
بدور : هيه محد قايم الحين ....
مها تفكر : ما عليه....
******************
هزاع : سيف ....وين فوطتك؟؟
سيف : هذي ع الكرسي.......يالله
جاسم : يالله
(وطبوا في الحوض.......يسبحون ...هزاع وسيف..وزايد ومحمدوجاسم.....)
*************
مها : تعرفون خايفة؟؟
بدور : من شو؟؟
مها : مادري
عليا تأشر ع البيدار ... :.طالعوا طالعوا البيدار
البنات : ههههههههههههههههه
عنود : شو يسوي عند الثيران؟؟
بدور : خليه عند أخوانه
مها : هههههه.....حرام عليج....شوفوا الثور حبله مبطل
عليا : يمكن عسب ينظفه
بدور : تعالوا نتقرب منه
عنود : لا أنا أخاف .......خلنا بعيد
بدور : كيفكم ........أنا بسير
بدور تقربت من البيدار ....البنات واقفين شوي بعيد يراقبون الوضع....
البيدار كان يرش ماي ع ظهر الثور ...أونه يغسله...بس يوم شاف بدور : إييييييه هرامية...شو سوي هنا؟؟
بدور : هذي مزرعتنا....كيفي
البيدار يبا يرشها بالماي عسب يبعدها.....بالغلط رش ع ويهه الثور ......وبجي ركض الثور....البنات قاموا يتراكضون ويصارخون كل وحده راحت صوب...وحده شرق ووحده غرب ...
البيدار ميود الحبل ويركض ورى الثور :.....
الشباب من سمعوا الصريخ كل واحد ربع لف عليه فوطة ويترابعون صوب الصوت :...
ومن شافوا الثور .. :...
جاسم : خيبة ......كيف هديته
البيدار وهويراكض : ...هذا .......هذا بنات هرامية....وايد سوي مشكله
الشباب يطالعون بعض...وفجأة ترابعوا يربطوا الثور ...ربطوه وردوه مكانه
هزاع راكب ع ظهر الثور :...منو هالحرامية .......حيدروه
البيدار : هذا بنات (وأشر ع وحده كانت يالسة ع الأرض تصيح)
جاسم : عذااااااااااااااااااااااااااااااااااااااري؟؟؟؟؟؟؟! !!!!!!
الشباب تقربوا من عذاري وجاسم الشرار يطلع من ويهه :...
جاسم كان واقف ع راسها وساكت :..
عذاري شافت ريل حد عدالها يلست تطالع من تحت لين ما شافت ويهه جاسم ....... لا يا ربي لا تييب آخرتي.....جاااااسم شكله معصب وايد ...مسحت دموعها ووقفت ..
جاسم يطالعها من فوق لتحت :...إنتي روحج؟؟
عذاري هزت راسها خايفة من الخاطر :...
سيف : جاسم ما عليه خلاها الحين
جاسم : إنت ما يخصك يالس أكلمها لا ترزون ويوهكم.......هه بعدها ما شافت شي..
عذاري ......معقوله جاسم إنتي جي جاسي.....يوم تعصب ما تعرف منو اللي جدامك :..
جاسم : عذاري.......أنا قبل شو كنت قايل؟؟......(صارخ) ما ترمسين ؟؟......
عذاري طالعته شوي وصاحت من الخاطر : جاسم والله آسفه.....(شهقت).....جاسم لا تصير جاسي علي......مب إنت جاسم اللي أعرفك........مب إنت .......(وزاد صياحها)
جاسم تم ساكت شوي ولوى عليها 
هزاع ......هه الحمدلله انه عذاري مالها أخوه ......ولا ما يلست صاحي يا جاسم :.....
جاسم احمرت عينه ...مادري بغى يصيح ...
وعذاري اللي ما سكتت في حضنه :..
جاسم بعدها عن حضنه...وحضن ويهه بايده..... :.. بس سكتي خلاص......
عذاري هزت راسها 
جاسم ابتسم وباسها ع راسها :...
هزاع : عذاري ......منو وياج؟؟
عذاري : كل البنات
سيف : وينهم الحين؟؟
عذاري : مادري ....... (ضحكت) .....كلهم ترابعوا بس أنا لابسه كعب ما قدرت أركض
جاسم : تعالي ...تعالي ........ليش لابسة بنطلون
عذاري : والله آخر مرة
سيف : خلاص عيل كل واحد يروح في صوب يدور
جاسم غمز : أنا حصلت البقرة الضايعه
عذاري ضربته ع صدره : بايخ
جاسم :ههههههههههه
افترقوا الشباب كل واحد يدور في صوب 
جاسم وصل عذاري المزرعة وراح يلبس ثيابه وبيرد لأن الشباب بعدهم بفوطهم....
*****************
سيف : عنوووووووووووود..........مهووووووووووووي.........أ ي وحده من البنات طلعوا .... مت من برد دخيلكم طلعووووووووووووووووووووووووووووووووووووووووووووووو ا
...(شوي وشاف وحده واقفة ورى الشيرة ...تحراها مها ...مسكها من جتفها)...مهوي ذليتيني....يالله نروووووووو.....(سكت يوم شافها عليا ..انصدم...).....
عليا من شافته صاحت :..سيف سوري ما سويت شي .......مب أنا ....هذي هذي .......(وصاحت)
سيف ابتسم لها : والله ما بقولج شي......لا تصيحين خلاص.....
عليا : (تشاهق)
سيف : خلاص والله أنا سيف مب جسوم
عليا يلست ع الأرض ميتة من الصياح : حتى لو ما كنت جاسم....بعد شوي بيي جاسم وبييب آخرتي
سيف نزل لمستواها : علاية......دام أنا وياج لا تخافين لا من جاسم ولا من غيره
عليا : هه ..إنت وياي يوم يومين وبعدين.....جاسم ما يفوت شي
سيف مسك ايدها وباسها :...وغلاتي لا تصيحين خلاص ......خل نروح البيت أنا متت من البرد
عليا تطالع ايدها سيف باس إيدي ؟؟.......أنا؟؟ :...
سيف قام وسحبها ووقفها معاه :...علاية مسحي دموعج
عليا مسحت دموعها :...
سيف ابتسم بخبث : انزين ما بتقولي لي شي؟؟
عليا : مثل شو؟؟
سيف : حتى لو كلمه وحده...
عليا وصلت بتفكيرها لشي ثاني.....ثاني غير عن اللي يفكر فيه سيف ...بغت تقول أحبك بس قالت بصبر .....سيف قلبه مب عنده ...وأكيد مب هذي الكلمه اللي يباها :..
سيف : على الأقل مشكور....... ما في شي؟؟
عليا ابتسمت بحزن : مشكور....لو جاسم جان رديت مكفخه
سيف : هههههههه
*************
زايد : أخيررررررررررررررررررراااااا .......مسودة الويهه
بدور : زايد والله سوري .......لا تخبر أبوي
زايد : أنا كل البنات اتوقعهم يصيحون إلا إنتي
بدور : أصيح على ثور .....صدق بطلع بقرة
زايد : هههههههههههههههههههه
بدور : وإنت عيل قايم الصبح تسبح في الحوض......ليش؟؟
زايد : اسمحيلي ما خذت إذنج؟؟
بدور : لا إذني ولا خشمي .....روح تلبس فضحتنا
زايد : أنا فضحتج ولا إنتي اللي فضحتيني....قايمين من الصبح رايحين عند الثيران
بدور طلعت لسانها : حررررررررررره.............(وربعت عنه)
***************
هزاع : هه..........................عنود بلاج منخشة جي...(تذكر مرضها ربع لها)
عنود كانت ميتة من الصياح ويالسة على الأرض بين الشير :...
هزاع نزل لمستواها : خلاص انزين لا تصيحين
عنود طاحت في حضنه تصيح وهوطاح على ورى ... :...هزاع خايفة......
هزاع مسح ع ظهره :...لا تخافي خلاص رابطينه الثور
عنود : ...
هزاع بعدها عن حضنه : انزين الحين يالله نقوم لأنه لو شافنا سيف بيذبحنا....ولأني ميت من البرد
عنود ابتسمت :..
هزاع : يالله سرينا
****************
محمد راح يدور عن البنات ما حصلهم ...قال بيسير البيت لأن الشباب متفجين يتجمعون هناك ويشوفوا البنات كلهم موجودات ولا لأ...وهو ساير شافها تمشي روحها ...عرفها ..كيف ما يعرفها ...مها لو تمشي بين ميت بنت...بيميزها محمد ....
ربع لها وهي حست بحد وراها على طول صدت :..
محمد فج عينه : مهوي انزين ليش تصيحين؟؟.......خلاص حصل خير
مها : محمد كيف حصل خير.....أبوي بيحشر الدنيا ...الحين مادريبها عنود وين؟؟....(وهي تمسح دموعها)....تدري إنها مريضة...خايفة يصير شي...ترى ما بيطيح إلا عراسي ...
محمد ابتسم وتقرب منها : عادي ياما تلقيتها لأني أكبر واحد من الشباب هم يغلطون وأنا اللي آخذ الهزبة
مها : ....
محمد مسك ايدها :..خلاص عاد لا تصيحين ...بعدين بصيح وياج
مها : هههه.....ما تخيل
محمد : فديت هالضحكة يا ربي
مها تأشر : سيف وراك
محمد صد وراه على طول ما كان حد موجود :..طيحتي قلبي يالسبالة
مها : ههههه يعني تعرف انه غلط ولا ما بتخاف
محمد:.. كلها أسبوعين.....ويصير كل شي صح
مها عقدت حياتها :...
محمد : أحبج يا حرمتي
مها : شوووووووو؟؟
محمد : شو شووووو؟؟ ...برمس أبوي
مها استحت وروحت عنه :...
محمد ضحك ولحقها :...
***************
الكل وصل البيت بعد محاضرة طويله يلقيها الإستاذ جاسم...ارتاحوا البنات نفسياً
هزاع : هههه .....جاسم حصل حبيبته...وزايد حصل إخته
جاسم : وإنت عنووووود يا روح قلبي
هزاع : جسوم جب
سيف : هههههههه هزاعوووووووه ما أطوفني هالحركات
جاسم : وسيف حصل إختيه البقرة
سيف : حرام عليك .......اسميها كانت ميته من الرعب ...
جاسم : لو ما إسويلها أفلام رعب ..... ما طلعت جي
سيف : دخيلك عاد
هزاع : ومحمد حصل مها......
الكل سكت هاللحظة يطالعون بعض
محمد : ليش ما عايبنكم؟؟
سيف : محمد هات من الآخر؟؟.........
محمد : لا آخر ولا آول.......كل واحد منكم لقى وحده ...شو تبوني أشوفها تصيح أودرها ....ودور غيرها
سيف يباه يكمل : انزين محمد؟؟!!!!
محمد يطالعه : شو ؟؟
سيف : وبعدين ..........إنت مب خالي في بالك شي ...
محمد : زين إنكم تفهمونها ع الطاير
سيف : هه.........انزين ارمس؟؟
محمد وقف وعطاهم ظهره : ...
سيف : ارمس ......ومثل ما كل حد درى بسالفتي... لازم الكل يدري
محمد : متأكد؟؟
سيف : لأنه خطبتك لمها...بتكون شفقه..وأنا أول واحد بيوقف بويهك...إذا ما قلت السالفة
هزاع : شوووووو؟؟ محمد خطبت مها؟؟
محمد : كلمت أبوي بس.......بس مادريت انه سيف كان يتوضى بالحمام وسمع السالفة...إلا بعد ما طلع من الحمام ونظرته كاشفته
سيف : والسالفة؟؟
محمد : .هه..تبون السالفة؟؟........بتيكم السالفة.........(قالهم السالفة كلها ....كل حد كان له راي بس سيف تمنى تكون سالفته جي ولا تكون معرسة وتروح من ايده نهائي)..
سيف حط ايده ع جتف محمد : ..هههههه......إنت الضحية الثانية
محمد ابتسم : صدقك ......بس أنا قدرت أطلع عمري من هالشي...وشفت الناس اللي يحبوني...عاد إنت طلع عمرك ودور حولك بتلاقي وايدين يبونك....
سيف طالعه :..ليته بهالسهوله .........أنا بروح ألبس يالله
....وبجي الكل راح يلبس ورقدوا...
..البنات بعد فلم الرعب اللي عاشوه يلسوا يضحكون على عمارهم وكلهم رقدوا في حجرة عليا اللي على الكنبات واللي متراصين ع السرير واللي فارشة لها تحت ...وكل وحدة تذكر اللي صار عذاري وجاسم....سيف وعليا...مها ومحمد ....بدور رقدت بدون تفكير إلا بالبيدار ههههههههههههه وكيف كان شكله وهو يراكض.....عنود يمكن فكرة شوية بهزاع واللي سواه لها...بس من يطري منصور....تنسى هزاع واللي يابه...
***************
طبعا يا وقت الغدا والشياب تعودو على يلستهم رواحهم ..لأن البنات والشباب راقدين... وبجي يقدرون يرمسون بتخطيطاتهم السرية الحريم والرياييل ...
الرياييل وافقوا وكل واحد يلس يتناقش مع الثاني....ما بقى إلا يخبرون المعاريس...أو الضحايا لهذي التخطيطات...
*****************
من الساعة 5 لين الساعة 8 بالليل 
كل واحد مقابل ويهه الثاني من الملل
الحريم راحوا يسوون العشا وسحبوا البنات وياهم...
الرياييل راحوا المكتب وقفلوا على عمرهم الباب...
هزاع محطي ايده ع خده :... أشوف الشياب من كثر ما قابلوا الحريم....صاروا مثلهم
جاسم :صدقك 
زايد : أونه دخلوا وقفلوا الباب عليهم
سيف : شكل السالفة فيها إن
محمد : إلا إن .......إلا قص رقاب...
راشد : وأنا حاس ...يعني إحساسي..الكل في السالفة إلا أنا
هزاع : دخيلك يابو الإحساس....ليش لأنك معرس
فجأة الكل يطالع ويهه الثاني وربعوا المكتب
جاسم يدق الباب: أبووووووي......بطل الباب بسرعة
بو جاسم بطل الباب : بلاكم؟؟
الشباب دخلوا 
هزاع بخبث: ما شي نبا نشارككم الصفقات اللي يالسين تعقدونها
بو عذاري : وأنا أتحرى عندكم سالفة
جاسم :...أبوي...بقولك شي
بو جاسم : شو؟؟
سيف افففففف.....جاسم دومه مستعيل ... .. مسك حلجه :...ما شي بس نبا ناخذ الـــ...
الكل يطالع بعض ...سيف ما يدري شو ناخذ.....
الشياب : بلاك؟؟
سيف : لا نبا ...ناخذ البانشيات
هزاع يالله من وين تييب الأفكار يا سيف :...
بو محمد : المفاتيح عند حيدروه...خذوها..بس شوي شوي
سيف طلع ولحقوه الشباب
احتشروا شوي ع جاسم ... بس عيبتهم فكرة سيف ...وراحوا عند البيدار...
هزاع : حيدروه دور بسرعة
البيدار : كيف دور بسرعة ..ما شوف واجد مفتاح هنا
جاسم : قوم قوم....(ويلس يدور)...هاذم..(وعطى كل واحد مفتاح....واشتغلت التخميسات...الحريم احتشروا بس الشباب ولا يسمعون الرمسة...كل واحد يخمس ع الثاني...كم مرة بغوا ينقلبون...بس الله ستر.....البنات كل وحده مستانسه ع أخوها...وطاف اليوم والكل مستانس)
***********
اليوم السادس (آخر يوم كل حد يجهز أغراضه ...عسب باجر من الصبح بيروحون..)
فجأة 
راشد : أماااااااااااااااااياااااااااااا............أماياا ااااااا لحقي سارة تعبانه..
الكل من سمع الصراخ قام يترابع لين حجرة راشد ....سارة كانت طايحة ع الأرض وتصيح ....وراشد ماسكنها ومب عارف شو يسوي...دخلوا الحريم..
أم محمد : روح شغل سيارتك...بنحط عليها عباتها...بنوديها المستشفى
راشد طالعها شوي ..بعدين سحب السويج ونزل :...
أم سيف يابت العباة ولبست سارة ..اللي ما ينسمع لها صوت غير هالدموع اللي عويهها:....
البنات كل وحده تطالع ومب عارفين شو السالفة ولا بلاها سارة ..اللي يعرفونه انها كاسرة خاطرهم : ....
الشباب واقفين في الصالة اللي فوق ..شافوا راشد يربع للسيارة بس ما فهموا منه شي.. وطلعوا الحريم ميودين سارة وشكلها صدق تعبانه :..
بو محمد من شافها تذكر المرحوم سعيد :..
بو عذاري تذكر حرمته وكيف ماتت بحمالها .... معقولة يكون راشد نفس مصيري :..
الشياب راحوا المستشفى ويا الحريم 
راشد وسارة وأم محمد راحوا بسيارة وحدة...راشد يطالع حرمته ومب قادر يسوق...يحس الدنيا ضباب من حوله مب شايف شي :...
*******
الشباب والبنات يلسوا يتريون...يوم شافوا السالفة طولت قرروا الشباب يروحون
*******
الساعة 4 العصر
دخلوا الشباب ....شافوا منصور عند الاستقبال...
هزاع وايه منصور : مسرع ما وصلت
منصور : لا أنا كنت جريب ..هني عندي دورة...قدرت أترخص اليوم ..عسب أشوف سارة
سيف : أي حجرة؟؟
منصور : الملاحظة 4
يوم وصلوا ما صدقوا الي يشوفونه ...
هزاع يطالع زايد 
وسيف يطالع محمد 
و منصور يطالع جاسم...
راشد رغم حزنه ع حرمته بس استانس وايد ع اللي صار...حتى انه ما يدري كيف وصل المستشفى بالسلامة... :..
بو محمد لاوي ع سارة : يا بنتي سامحيني ....أنا كانت لي أسبابي
سارة : مسموح عمي...
منصور : احم...احم
سارة من شافت أخوها صاحت زود ... منصور تقرب ولوى عليها :..
منصور : راشد أنا بشل سارة وياي دبي....
راشد : لأ هي تعبانه الحين...ما بتقدر ع الدرب
هزاع : إلا صح ... شو قالوا؟؟
راشد : ما شي فقر دم حاد...
سارة : منصور ..بتم هني؟؟
منصور : لا باجر بتشوفيني....باجر نازل إجازة
********
البنات الوضع مش ولابد عندهم .... خايفين ما يدرون بوناسة الكل في المستشفى...
********
سارة خلوها ترتاح ساعة لأنهم مركبين لها مغذي وعطوها حبوب حديد ...أونه تزيد الدم... وراشد في الطريج اشترالها عصير طماط...بغت تزاوع وهي تشربه....لووووووعه استغر الله ..نعمه بس مب حلو..
******
الكل رد البيت وطلبوا العشا ع حساب بو محمد والكل استانس. يوم دروا بصلح بو محمد وسارة....يعني خلاص سارة بتم في بيت بو محمد...وهذا المكان الصح اللي لازم تكون فيه من البداية...
عنود تخبلت يوم درت انه منصور هني والرياييل كلهم تعشوا في الميلس...عنود كانت تسوي أي شي عسب تشوفه...بس ما قدرت...وخاب أملها...
الكل جهز أغراضه...واستانسوا بهاللمه ...بس جاسم وعنود صار بينهم تتش..
**************
...جاسم اللي يحاول يتقرب من عنود ...عسب ما يحطي حواجر مبينهم..بعد اللي صار
7
7
جاسم ...منسدح ع السرير ويتذكر
جاسم وهزاع كانوا يالسين يسوون عصير عسب الشباب يبون يلعبون ورقة :..
عنود دخلت المطبخ :..شو تسوون؟؟
هزاع ابتسم لها وقبل لا يرد عليها :...
جاسم : وإنتي شلج؟؟ فكل شي رازة ويهج.......روحي يلسي عند البنات فكينا
عنود طالعته وبعدين تقربت منه : جااسم
جاسم طالعها : ..خيييييييييييييير؟؟
هزاع يراقب الوضع ووده يكفخ جاسم : ..
عنود تقربت من جاسم وكانت منزله راسها وبعدين رفعت راسها : بلاك عليه ؟؟.......جان أنا سويت شي غلط قولي ....غلطت عليك ؟؟زعلتك؟؟ ....جان شي ضايقك قول ......والله ما بزعل عادي ...بس ما أريد حد يحط في خاطره مني...
جاسم طالعها شوي : ..قصورج تغلطين عليّ.....وبعدين ما عندي سالفه أضايق عمري بسبتج
هزاع : جاسم بلاك عليها ....ما قالت شي
عنود : اوكي جاسم ....يعني الغلط مب مني...منك.... إذا إنت مب قادر تتقبلني ....فهذي مب مشكلتي...أنا سويت اللي علي وييت ورمستك وسألتك...وإنت رديتني ...كرامتي ما تنزل أكثر..........(وراحت)
8
8
جاسم معقولة ...ليش أعاملها جنها وحده من هالحقيرات ...وهي بنت عمي...وما سوت شي ...إلا سوت ..سوت وايد ......أولها خذت هزاع مني!!........
خلني من هالسوالف بتصل لهزاع ما فيني رقاد : ألووووو
هزاع كان مضايج من جاسم ع اللي سواه ف عنود :...أبا أرقد
جاسم : سوري هزاع....... لا تدلع إنت بعد......يالله قوم ننزل تحت
هزاع : ما غلطت علي عسب تتأسف
جاسم : خلاص السموحة .....ويوم بشوفها بستسمح منها .....يالله أنا نازل ...الحقني
هزاع :اوكي
جاسم سكر الموبايل ونزل تحت شاف عنود يالسة روحها بالصاله يالسة ع الأرض ومتسانده ع الكنبة ومحطيه ايدها عليها ......كانت لابسة كندورة سودا وعليها ورود بالأبيض ...وتطالع الأغاني ...ابتسم جاسم وتقرب منها : ..عندج عزا؟؟...
عنود رفعت راسها وابتسمت :...ثالث يوم
جاسم يلس حذالها ع الأرض يوم صد لها حس أنه وايد جريب منها ..بغى يبعد بس نزلت ايدها واونها تبى تييب الرموت ولزت شوية بعيد ...اسمنها حركات بنت بروك :..
جاسم : زعلااااااااانة؟؟
هزاع توه ياي يدخل الصالة شافهم يالسين عدال بعض القيج ضرب عنده وفول ع الآخر بس تم ساكت تساند ع الدري ويلس يطالعهم (الهدوء اللذي يسبق العاصفة).. :...
عنود وتلعب بأصابعها: لا ..
جاسم يستهبل: دامج مب زعلانة ....سيري سوي عشا
عنود : خيبة مب بطن كم مرة تتعشى
جاسم : خيبة تخيبج ......نحن متعشين الساعة 9 واللحين الساعة 3.30 ........تعالي إنتي ليش سهرانه؟؟
عنود : ولا شي ..بس ربيعتي بتروح المدرسة وبتتصل فيني لأني غبت وعلي امتحان... ما بييني رقاد لين ما أطمن
جاسم : صبري صبري ...تشلون مبايلات المدرسة؟؟
عنود : لا بس هي بتروح جي ع الساعة عشر بتمتحن وتروح ومنها بتسأل الأبلة
جاسم : انزين .....ما في امتحان إعاده؟؟
عنود ابتسمت بسخرية : كنا شاردين من الامتحان الأسبوع اللي طاف ....وهذا امتحان الإعادة ..وأنا غاااااايبة
جاسم يصفق : ما شالله بنت العلمي
عنود : يالله عاد .......احسن منك 
جاسم : أناااااااا؟؟........(حسيت بحد واقف رفعت راسي شفته هزاع بس نظرته كانت غريبة بس طنشت)......تعال ايلس ليش واقف؟؟
هزاع : لا دخيلك قوم ايلس فحضنها بعد
جاسم طالع عنود ورد يطالع هزاع ووقف : هزاع !!!!........الجو مغيم هني نطلع برع يكون أحسن
هزاع : ليش عادي ؟؟ ترى من الأهل !!
جاسم سحب هزاع وطلعوا ....
عنود بلاه هذا ؟؟........افففففف ما صدقت يرضى جاسم العنيد .....يظهر لي هزاع ......بس معقولة يغار......أففففففف والله وحشتني يا منصور مادري شخبارك الحين؟؟ راقد ولا تفكر فيني مثل ما أفكر فيك... :..

برع
جاسم : هزاع إنت شفيك ؟؟
هزاع يحرك ايده بعصبيه ومطنش :...
جاسم : هزاع إنت تعرف باللي في خاطري صوب عنود ...وتدري إني مستحيل أخون عذاري ... ولا أخونك..... أدري إنك معصب من اللي سويته وياها مساعه لكن الحين أنا ياي بس أتأسف منها ...
هزاع تنهد : حصل خير
جاسم : عيل قوم يالله نصلي الفجر...ونييب ريوق بالمرة
هزاع : يالله
عنود عند الباب متسانده ع اليدار :عاااااااد ...... لا تنسوني بالريوق
هزاع (ابتسم):......أوكي......(وطلعوا)
وع الساعة 11 كل حد رد بيته بعد السلامات والتوصيات والأحضان...

***********************************
الجزء الثامن من لـ...ـ...ـ...غرام ـ...ــ...ـ...ذة 

الكل رد البيت ورد حياته وانشغالاته ومسؤولياته...قبل لا أبدأ .....بقولك حياة كل شخص في الشهرين اللي طافوا ..(شهر أبريل ومارس)....

بو سيف : ...نفسيتي تحسنت وايد بعد ردتي أنا وأخواتي شرات قبل... أما عن شغلي نفس ما هو ما تغير كراف في كراف ...
أم سيف :... حياتي شرات قبل ما تغيرت من المطبخ لين الفريج...بس ييات عيال عم عيالي كثرت.. وهذا اللي يفرحني انهم ردوا أحسن من قبل ...
سيف :..اففففف أنا الحين مجابل هالخرايط اللي مدوخة راسي...مادري منو قص علي وقالي صير مهندس....بس بقوللكم سر. ...وايد تطري عليا ع بالي لا تستانسون وايد... بس كاسره خاطري...مادري أتشاور أحقق لها اللي تبيه ولا أخليها تشوف حياتها ويا غيري....ساعات أقول أنا بحاول أسعدها بس مستحيل أحبها...بس دامنها تحبني..هي بعد لا بتستانس ولا بتسعد ريلها ...يعني أنا اللي أضحي ولا أتريا تضحيات؟؟...شو رايكم؟؟..
مها :..أنا ما يخصكم فيني...أعرفكم مكارين ما تبون تعرفون عن دراستي...تبون تعرفون عن محمد.....بس ما بقوللكم...إذا محمد طلع ملقوف وقال...أنا ما يخصني...بس خلكم محترقين جي...
عنود :..أما عني أنا عايشة في حلم وردي وكل يوم أشوف منصور(قوات عين) هي ترى ما باجي غير شهر الامتحانات...يعني خلاص ما بشوفه إلا بعد العرس ...أما عن الامتحانات رييحنا صراحة حنيف ....أوه الدكتور حنيف . ...خلاه نظام فصلين...أما عن مذاكرتي كلت الكتاب من الخاطر...ولو تبوني الحين بألف لكم كتب يديده (من التخاريف خخ)...يالله بعد يومين الامتحانات ..يالله بذاكر ..التعنوا من ويهي (صدق عيال مدارس خخ)
بو محمد : ..ما شي حالي...بين الدوام والبيت البارحة عاقدين صفقة مع شركة(___)وبعنا عقارات في ..... إلخ
أم محمد :... إنتوا ما تسألون إلا وقت القايلة .......أنا زينة وبس...(طرده)
محمد : ..أنا مستانس حدي......وشاق الحلج من الزين...مادري إذا مهوي قالتلكم ولا لأ ...بس أنا ..........أنا خطبتها ووافقوا .....احم احم حد يرفضني أنا ؟؟.....المهم ملجتي بعد ما يخلصون عيال المدارس وتطلع النسبة ...جاو
هدى :...تسألوني عن حالي ...هذيل ثلاث عيال والرابع فالطريج وأنا بموت بالجلطة...من صدعتهم
راشد :..عن شغلي ماشي تمام التمام وعن حالي ويا حرمتي...مستانسين حدنا وبعد مستانس لأخوي محمد....
سارة :..الحمدلله راشد ما مخليني محتاية شي...أنا الحين في الشهر السادس...وبطني بدا يبين .اسميني مستانسة..أما حالي ويا عمي سمنة على عسل...
هزاع :..يعني إذا يهمكم تعرفون حالي .... مستانس كلمت أبوي وأمي عن عنود ...وهم كلموا عمي مبارك وعمي ما عنده اعتراض..بس ما بيقولون لعنود لين ما تخلص امتحاناتها ...بس عمي قال إذا ما كانت لك ما بتكون لغيرك...يعني خطيبتي رسمي....الملجة بتكون قبل العرس باسبوع و العرس بعد ثلاث شهور ..يعني شهر الامتحانات لا تحسبونه (شهر سته)...شهر ثمانية بيكون العرس وبعدها بنسافر شهر العسل بس بيكون ثلاث أسابيع ..لأنه بنرد آخر أسبوع عسب خطرتها...وبعدها برد أدرس وبخذها وياي......أدري عطيتكم تقرير كامل ..بس من وناستي...أكيد الحين عرفتوا سبب تخطيطات الحريم والرياييل .. بس صدق خططوها صح..
زايد :.. الدراسة ماشية في الكلية ع قولتهم على قدم وساق ..عطوني إنذار يوم غبت ورحت المزرعة...بس يوم شافوا الحروق وشوية من الخريط (الجذب) اللي عندي سحبوا الإنذار... أما عن الحروق الحين ما تبين...الامتحانات بدت وبنخلص عقب أسبوعين
بدور :..اففففف.....يالسة أذاكر أحيا وروحها هالمادة ما تدخل مخي بسرعة .... أنا زينة مثل ما خليتكم قبل شهرين ..شو بيصيبني يعني؟؟
بو جاسم :..الحمدلله كل شي زين وحرمتي لا تسألوها لأني أنا بقوللكم ..خلوها راقدة ترى إذا تكلمت ما بتسكت...وعلى فكرة صارت حواطة وااااااااايد ...
ZzZzZzأم جاسم :..
جاسم :..أنا بخير وسهاله .... جريب بتخرج من كلية الضباط....خطبت عذاري ........وعمي بعد تحقيقات ويا عذاري وافق...وريح قلبي ...بس الله يعين أنا ما برتاح صدق غير يوم أشوف عذاري صارت حليلتي صدق..
عليا :..أنا ما بجذب وبقول بخير...لأني من شهرين ما شفت سيف..أحاول أنساه بس مب قادرة...وما صرت أطلع برع وايد..لأني إذا شفت جاسم أصيح...وهو يصيح وياي ويقول ما بعرس إلا يوم تعرسين .... أنا ما بخرب حياته وحياة عذاري...عسب أنانيتي.. وأنا عاهدت نفسي ما أوافق على أي حد ...لأني ما أتخيل نفسي لواحد غير سيف ... بتقولون أكيد ما تذاكرين ومادري شو؟؟...... بس عزلتي عن الكل خلتني احفظ حتى أرقام صفحات الكتاب...واسمحوني إذا زعلتكم...بس إنتوا أقرب ناس لي....
بو عذاري :..أنا مرتاح ومب مرتاح ....بتقولون هذا لغز ولا شو؟؟.....بس مرتاح لأني أمنت مستقبل بنتي ......ومب مرتاح لأني ما أتخيل أدخل وما أشوف عذاري...نور البيت فبيتي....آآآآآآآآآآآآآآآآآآآآآآآآآآآآآآآه 
عذاري :..أنا مذاكرتي معتدله مب مصرية أكيلت كتب ومب هامله الكتب موليه.... بس بخبركم شي جاسم خطبني وذاك اليوم أبوي شو التحقيقات اللي سواها ...
(((((بخبركم الموقف))))
((عذاري : أبوي مادري ......إللي تشوفه
بو عذاري : كيف يعني اللي أشوفه؟؟
عذاري : يعني ..أبوي جان تشوفه يصلح لي...تراه يصلح....جان تشوفه ما بيريحني وساعات يخور ....خلاص...
بو عذاري : كيف يعني يخور ؟؟
عذاري : يعني أبوي إنت شو تحسه؟؟
بو عذاري بتحدي : جاسم زين بس عصبي وأدريبج ما تطيقين العصبية؟؟
عذاري بتحدي : خلاص أبوي.....ما أبغيه ..إنت تدري بمصلحتي
بو عذاري : خلاص أنا ببلغ بو جاسم برايج ...... بس يا خوفي يزعل ...(وطلع)
عذاري ذيج الساعة حسيت روحي بتطلع...كنت بركض ورى أبوي بقوله لا خلاص أباااه هيه أحبه....بس لا ترفضه...وبعدها غبت يومين عن المدرسة....ويوم رحت ...أشوف عليا مستانسة حدها .....وبعدها خبرتني أنه أبوي رد عليه بالموافقة...أسمني صحت صياح في المدرسة وعليا من درت وهي ميته من الضحك علي ....بس أنا شو ذنبي إذا أحب أخوها؟؟ ))
منصور :..أنا بخير جان عنادي بخير ......وبخبركم شي رضت عنود ولا ما رضت .... أنا بخطبها يوم إعلان النتايج... خلاص ما أقدر أصبر ثواني من دونها ....
عفرى :..أنا مستاااااااااااااانسة....مب عسب الامتحانات لأني خلاص ما باجي إلا هالشهر وبتصل في سيف وبراضيه .......أخ قلبي يعورني من الوناسه...الله يهديج يا علاية قطعتي علاقتي فيه ..بس والله لمدة شهر واحد ونرد مثل قبل .....صافي يا لبن؟؟؟
مرجينا :..أنا وايد في صيح...خلاص عذاري روه أنا ليش يجلس هنا خلي ولي روه بلاد مال أنا ..أهئ أهئ أهئ (فلم هندي)
البيدار المحترق(>_< ) :..هسبي الله ..على مكيف ...هسبي يالله على مكيف...أنا خلاص سوي عملية...يستوي زين ..يستوي واجد حلو...الحين كلو بنات داخل هند حبي أنا.... وبابا هزاع يعطي فلوس واجد ..أنا يصير شيخ...شيخ واجد هلو..
البيدار حيدروه :..إهئ إهئ إهئ......هذا يهترق صير مليونير ....أنا متى يهترق عشان صير مليونير ..متى؟؟
********************
شهر الامتحانات
الكل التهى بامتحاناته....زايد خلص الامتحانات أما البنات ما باجي لهم إلا أسبوع ويخلصون ..
البنات كانوا يصيحون كل يوم سهل ولا صعب...بما أنه نظام فصلين ...فامتحنوا في صفوفهم..والمراقبات يخلونهم يغشون بس يوم يشوفون حد طايف...ما ينسمع صوت من اللجنة أونه اللجنه المثاليه...ومن هناك كل أنواع الغش فيها من البراشيم لين تبديل الأوراق...
باجر امتحان إنجليزي ...
عليا :..جاسم اتصل في المدرس مايا؟؟
جاسم : اتصلت قبل خمس دقايق وقال الحين بيوصل ..
عليا : افففففففف......إذا رسبت بقول إنت
جاسم يهز راسه : كلنا كنا ثانوية عامه بس مثلج ما شفت حد....
***
عذاري :.مرجيييييييييييييينا قصري ع الصوت
مرجينا : زين زين ......افففف.......أنا بيروح حجرة مال إنتي شوف تليفجن..
عذاري : تلفجن........دخيلج باجر امتحان انجليزي.....لا تخربين اللغة
***
بدور : عطاني زايد
زايد : روحي روحي ......ذاكري عيال مدارس
بدور : سير لاه ......توي يايه من الامتحان وبعدين ما أقتل عمري عسب درجات دنيا..
محمد : إلا قولي ضاربة المصرية ضرب لين ما حلفت تغششج
زايد : هههههههههههههههههههههههه
***
عنود : اففففففففف ....ميت مرة مهوي فهمتني ولا افهم .......احسن شي بسير عندها ...
(عنود عند باب حجرة مها بغت ادق الباب بس سمعت شي خلاها تنصدم...)
مها : ههههههه.....لا والله.......هدوي ...هذا هزاع أخوج مرة ......ما صدق خزت من الدرب........ههههههههه ..... ولا كان يبين عليه..... صراحة أنا انصدمت .... لا ومقررين كل شي..... أنا انخطب قبل وعنود تعرس قبلي........ههههه لا لا دخيلج .....خلني رزينة أحسن... عن يقول ما صدقت .......ههههههه
عنود ...شووووو؟؟ .... هزاع خطبني......مب عكيفه ...... أنا حبيبي منصور ...ومستحيل آخذ غيره ....مستحييييييييييييييل :...
سيف حط ايده ع جتفها فجأة بس ما خافت ....طالع عيونها ...ما كانت تطالع شي محدد.....كانت منصدمة.... :..عنادي بلاج؟؟
مها سمعت صوت سيف : خلاص عيل بخليج ...بشوف سواف شبلاه.....باي .....(طلعت)
سيف كان يهز عنود بقو يكلمها..يصفعها خفيف ع ويهها بس كانت تطالعه شوي وتروح لعالم بعيد :...مهوي بلاها؟؟
مها ... :..أكيد سمعتني.......هيه ...سمعتني
سيف : شو سمعت؟؟ لا تتكلمين بالألغاز.......ارمسي
مها : درت انه ....هزاع خطبها...وأبوي وافق
عنود صدت لمها......شو يعني أبوي وافق؟؟........يعني أنا مالي شور.....يعني أنا خطيبة هزاع رسمي..وأنا آخر من يعلم؟؟...... :...
سيف : قومي نوديها المستشفى..
مها : صبر بخبر أبوي؟؟
سيف : تستهبلين ......أبوي ما يستحمل شي.....وبعدين أبوي وافق...ومستحيل يبعد عن أخوانه حتى لو عشان خاطر عنود
عنود تطالع وتسرح ...دخلت حجرتها .....ما صاحت صدمتها خلتها ما تحس بشي.... :..
سيف وداها غصب المستشفى ..ما سووالها شي....بس مغذي...:...
عنود ما رمست حد ذاك اليوم .......أصلا ولا نطقت ...راحت الامتحان وبعدها علامات الصدمة في ويهها ....الكل يسألها ..يكلمها..بس ما ترد ...
المراقبة : ..عنود بلاج؟؟
عنود ما تحركت ولا حتى فتحت الورقة ..خلاص عافت الدنيا ليش انجح وهو كان يقول لي إذا رسبتي...بذبحج ..ما أصدق آخر سنة ونعرس...والحين شو؟؟ ..... ما بنعرس هزاع بياخذني منك ......أكرهك هزاع ...بس :...(صاحت)
الكل فاللجنة يطالعها 
سميرة (تجذب تبى تساعد عنود): أبلة ........عندهم عزى
المراقبة : عزى؟؟!!....
وبعدها خذت ورقتها وبدلتها ويا وحده وما قصرت حلت الورقة كلها المراقبه كتبت اسمها وحطتها ع الطاولة وعنود بعدها في صدمه ...كنها انسانه عميا ما تشوف شي ولا تحس بشي وما تبا تسوي شي :..
ردت بالباص...ومثل كل يوم منصور يترياها :..
منصور : هلا بغلاااااااااااااي والله
عنود صد صوبه بس ما طالعته ...كنها بس حست بمصدر الصوت :..
منصور مسكها من جتفها : بلاج؟؟......عنود حبيبي......إذا ما حالّه شي في الامتحان ما عليه..حتى لو ترسبين عادي بترياج بس...لا تعذبين عمرج ...دخيلج..
سميرة : منصور ....هي من يوم يات وهي جي.....نحن حلينا ورقتها...ما تكلمت من دخلت ...
منصور طالعها ورد يطالع عنود : عنود حبيبي بلاج؟؟ شلي صاير؟؟
عنود ما صدت له ...ما كانت تقدر تسوي شي وهي تشوف الحب اللي حلمت به سنين ... راح بسبت الحقير هزاع ..معقولة يابوي....بعد كل هالدلع والدلال...تغصبني ع الزواج :..
منصور ماسكنها ....وشكله شوي وبيصيح :..عنوووووود دخيلج رمسي.....فهميني شاللي صاير
عنود قالت جملة وحده وراحت وهالجمله للحين ترن فإذن منصور :..خلاص لك درب فالدنيا ولي درب ..
منصور يصارخ لأنها ابتعدت : ليييييييييييييييييييييش؟؟ شو غلطتي؟؟ إني حبيتج ؟؟ ولا إني ما عرفت أختار؟؟
سميره ما تدري شسالفه بس كسروا خاطرها ... :..
منصور دخل البيت يصيح ويصارخ ابوه ما فهم شي..... منصور قفل ع عمره الباب ....وما يسمع إلا الأشياء تتكسر في الحجرة :..
عنود دخلت البيت :..
بو سيف : هااه حبيبي شو الامتحان ؟؟
عنود صدت صوب الصوت وركبت الدري :...
سيف وهو نازل من الدري : ..حليتي عدل ؟؟
عنود :..(وكملت طريجها)
مها تطالع سيف وسيف يطالعها :...
مها : صبر سيف لا تسير عندها الحين؟؟ 
سيف تنهد :..
بو سيف : سيف بلاها إختك؟؟
سيف : هااااااه ....لا ماشي شكله الامتحان صعب
****
في الحجرة 
يلست ع طرف السرير ... معقوله انهيت علاقتي مع منصور......وعسب منو هزاع ؟؟...... يا ربي ليش ما خذته قبل لا ايي يدمر حياتي ...ويدمر حب رسمته سنين... منصور شخبارك الحين ..(شهقت).....كيف أقلب هالموضوع أوقف بويهه الكل شرات محمد...لا بس أبوي ما بيستحمل صدمات .....ليش أنا استحمل عسب يصدمني......مادري شاللي براسي الحين ..بس لو يموت هزاع بينحل كل شي.... يا ربي بعده عن طريجي ...دخيلك يا ربي......الحب اللي ربيته وكبرته بقلبي وأثمر ووقت الحصاد...اتي الكارثة تهدم حب سنين....معقوله..أعيش مع غيرك منصور..لا ..لااااااااااااااا......ما أتصور ......ما أقدر أتخيل.....مستحيل أبات في حضن غيرك دقيقة يا منصور ...أنا وعدتك ....هزاع لو خذاني ما بيتهنى بيوم واحد في حياته..... :..
سيف : عنود ردي علي......صار لي خمس دقايق أكلمج ....دخيلج ردي علي
عنود وقفت ..وسحبت فوطتها بتدخل الحمام بس قبل ما تدخل : هزاع لو خذاني ما بيتهنى بيوم واحد في حياته... وخذها كلمه مني ياخوي...(ودخلت)
سيف : شووووو؟؟.........(ربع يدق عليها الباب بس ما بطلت)....
**********
سارة : منصور ..قوم نسير المستشفى شوف ايدك كيف تنزف
راشد : منصور.....شاللي صاير ؟؟
منصور : راشد......كل شي راح
راشد : شو اللي راح؟؟
منصور وهو يصيح : عمري...وحياتي...قلبي ...وحبي............كل شي راح ....ليش قالتلي ؟؟ ليش؟؟......أنا شو سويت؟؟......
راشد : عنود شو قالت؟؟؟؟
منصور : هه.......انتهى حبنا أنت في درب وأنا في درب
سارة : انزين ليش؟؟
راشد وقف.......خلاص فهمت كل شي ..... : ....
سارة : منصور .....لا تخاف أكيد خلاف بسيط.....لا تزعل عمرك قوم نروح المستشفى 
****
عنود طلعت من الحمام .....قفلت الباب وانسدحت ع السرير : منصور أحبك ....أنا غبية لا تخليني .....دخيلك........أحبك.......هزاع مستحيل أخليه يخرب حلم حياتي ...مستحيل أخليه يقضي ع أمنياتي......مستحيل ........منصور أحبك
بو سيف : مها......بلاها إختج
مها : مادري......هه......
أم سيف : بلاج تضحكين؟؟
مها : أبوي مب المفروض تسألها ع رايها .....قبل لا توافق ع هزاع
بو سيف: وهي عسب جي معصبه؟؟وتعبانه؟؟
مها : لا لااااااااا....عسب الامتحان...بس سؤال وفي بالي
بو سيف : هزاع ريال ما يتعوض...
******
سيف يالس ع الكرسي مال الكمبيوتر ويتحرك يمين ويسار عنود ما ذاكرت شي... وتهديدها تقول بيستوي شي جايد ......الله يستر.....بس ليش عنود رافضه هزاع؟.. مع إنه الكل يحبه...الكل يتمناه....صدق انه كل إنسان وله اسبابه... بس خايف يكون قلبها مب لها....
********
راشد ...(سكر عن هزاع بعد ما خبره بخبره السعيد)....كيف أوصل هالشي لهزاع......هزاع حطم قلبين ....قلبين كل واحد أحسن من الثاني...كل واحد أنقى من الثاني.....قلب ربيعك منصور وقلب بنت عمك .... لو دريت كنت بقدر أوقف هالشي....بس .....معقولة أنا توأمه ولا أدري حتى باللي يصير له واللي يصير حولي.....
**********
راحت عنود الامتحان ونفس الحالة....صح المراقبة كانت شديدة....بس يوم شافت حال عنود ما قدرت ما تساعدها ....
بعد الامتحان الكل يسألها بس ما قالت شي ...ما ردت ...غير كلمتين : هه......مخطوبة ومغصوبه...
عند الباص
منصور واقف على عادته والشاش اللي لاف ايده...تمنى تيي وتقوله ...كنت بس أجيس نبضك....بس هي مشت وحالتها أصعب من البارحة 
منصور سحبها من ايدها : ما بترمسين
عنود :...
منصور : ارمسيييييييييييي ريحينيييييييييييي
عنود : انخطبت
منصور : رفضي ...ليش تعذبيني وتعذبين عمرج؟؟
عنود طالعته شوي وصاحت :...منصور خلاص أصلا وافقوا عليه من شهرين وأنا دريت بس من يومين...تعرف يعني شو؟؟؟؟.............. أنا مغصوبه
منصور : جذب ......كله جذب......مستحيل يصير جي
راشد كان ورى عنود توه ياي :...منصور خل بنت عمي في حالها
منصور رفع راسه معقولة راشد إنت تقول جي :...؟؟؟؟؟؟؟؟؟
عنود صدت له ...راشد توقعها تستحي ولا تنحرج وتروح ...وانصدم من حركتها حيل :...
عنود : كله منك إنت وإخوك ........أكرهكم هدمتوا حياتي....هدمتوا حبي .....كلكم أنانيين ....عمركم ما بتتغيروا ......بس خذها كلمه يا راشد ووصلها لأخوك المصون ...... إذا خذاني يوم واحد ما بيتهنى في حياته.....ولا تتحرى أنا مثل مها ..أخاف من الفضيحة ... وأنطوي على عمري ......أنا غير......وحطوا هالشي في بالكم .......راسي بيتم مرفوع....وهزاع هو اللي بيرجع لكم ذليل .......(صدت لمنصور)....وغلاتك يا منصور وغلاة حبنا ......إن ما راويته نجوم الليل وقت الظهر ......ما أكون حبيبتك
راشد رفع ايده يبا يضربها ..يسكتها ....معاها حق.....بس .... :..
منصور حط ايده من بينهم عسب ما يمد راشد إيده عليها:...هزاع .......هزاع خاني؟؟!!!!!!!!!!
عنود : هيه .....ترى هذا اللي نفعتونا فيه يا عيال عمي ....تخونون وتغيبون كم سنة تظهرون لنا المشاكل وتروحون ..........(وراحت)..
********
غلطة حبك واغلطتها
وأنا اتحمل غلطي
حيل بيا وبعد خلها
تحرق خدودي دمعتي

وبعد حيل عيوني ابجت
بلجيّ تعمل من حسرتي
ايا!!.... روحي حيل بيج
من يشيلج لين وقعتي

عفتي كل الناس....ليش؟؟
بعشق هالظالم وقعتي
تنتظر ياللي تريدين انتظاري
وصغت لعيونج جحل مندم سماري

عيني امثاب البنفسج
حبيبتي يا أم التراجي
سنة العشاق تضحك
وانا من طبعي البواجي

صدق مخطوبة يا فلانة؟؟
وصدق باجر يزفونج
عسى انه لا يجي باجر
واشوف إن دمعة عيونج
(مخطوبة الـ......)
منصور يمرر ايده بشعره .........ليش أنا اللي اتعذب بالحب؟؟ مع إني واثق من حبيبتي؟؟......معقولة أحبها وتحبني ويدخل شخص عرض ياخذ حب حياتي...
********
مجبورة وغصب يا فلان
خطبوني ورضيت انا
يذبحوني بنصيح الا
واصير لك خبر كان

يذبحوني وتظل انت
وحيد بهاي دنيانا
لبست الخاتم بإيدي
ويا إيدي حيل حزنانة

هلا هل هم إلي يا فلان؟؟
ولج رموش العروسانة
اقوله شامة انك جاي
اقوله روح قل فلان قله تريدك فلانة

إذا ماحب يجي وياك
انطيه البطاقة وقله حزنانة
الخميس الجاي زفتها
وتريد اتشوفك فلانة..

عنود وهي تصيح......هذا آخر يوم امتحانات منصور.....المفروض تكون وداعيتنا لين عرسنا ..... بس هالوداعية كانت للأبد.......بس خلاص أنا قلت لراشد يوصل لهزاع الكلام ..وإذا هو ريال صدق......بينسحب من نفسه.....حطت نغمة موبايلها (مخطوبة حسين الـ....... ) ... (حتى التغمة يوم حد يتصل (مخطوبة)).....هه....أونه مخطوبه...قولوا مغصوبه...
بس انتقامي ما بتقدر عليه يا هزاع ......وكرهي لك ما كان موجود وإنت خلقته بقلبي وأنا أربيه بهالقلب لين ما كبر وصار أكبر من حمل اليبال...
*********
سارة : معقوووووووولة ....عنود تقول جي؟؟
راشد : عادي...اللي يحب يسوي أكثر.......
سارة : وبتقول لهزاااااع؟؟
راشد : أنا مالي شغل......منصور إذا متمسك فيها خل يروح لهزاع ..هزاع ربيعه وتدرين بهزاع يضحي بكل شي ...للغير....
منصور ..كان عند باب الصالة وسمعهم وهم يرمسون ...رد حجرته وخذ السويج والموبايل ... ونيته بس يتفاهم ويا هزاع .....بس ما بسكت عن حقوق قلبي......
سارة : منصور وين بتسير ؟؟
منصور : هه.......أتفاهم ويا هزاع ...تراه يضحي بكل شي ...للغيييييييييييييييير....
راشد درى ان منصور سمع كل شي :..خلاص بسير وياك
منصور : لا خلك......إنت مالك شغل أنا متمسك فيها أنا بروح لهزاع ...أنا ربيعه
راشد : منصور لا تفهمني غلط .....بس بعد هذا أخوي......هذا توأم روحي
منصور : الحين حسيت بتوأم روحك ........وعلى فكرة ...أنا من زمان أدري أنه توأم روحي عنادي.....بس أنا غير عنك ....أنا لو ابتعدت عني .....أمووووووووت....إذا صدق ما لي حياة ويا عنود .......فهالدنيا أنا ما أبيها......
سارة : انزين ..منصور ...حبيبي..........إنت إتفاهم ويا هزاع بعدين يصير خير
منصور : أنا رايح عنده الحين.....بس خلوا هالشي في بالكم.......ديري بالج ع ولدج وع أبووووووي................أنا رايح ساعة بالكثير وراد.....

في السيارة 
منصور :... ظلمني القدر وسرى الحزن بجوفي
سبايب حزني مخاواة العنا ..
ظلمني الوقت وعاش الياس بصدري
سبايب ياسي بعادي عن الغنا..

ظلموني الربع وهدر من الهم دمعي
سبايب همي هجران الوفا ..
ظلمني الحب وحفرت القبر بإيدي
سبايب وجودي بإيد رب المنا ..

ظلمني النوم وتواسى ليلي وفجري
سبايب سهري مجافاة الغلا ..
ظلمني الغرام يوم للغير باعني
سبايب هالظلم كله طيبتي أنا ..
(الكلمات من تأليفي)
خلاااااااااااااااااااااااااص عنود ....أنا حاس إنج مب لي...حتى قبل لا أروح عند هزاع ......
عنوووووووووووووووووووووووووود أحبببببببببببببببببببببببببببج ...
منصور من زود ما يصيح ما كان يشوف الدرب اللي جدامه....وغير جي الحفر اللي يالسين يصلحونهم ......آآآآآآه....آآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآه يا قلبي...
يا ربي وفجها في حياتها .....أنا خلاص حاس باللي بيصير......أدري إني رايح لك يا ربي.....بس ما قدر أصبر لين ما أشوف العرس ..يستوي جدامي ...ماقدر أفكر للحظة ..أنها تكون بحضن غيري.............ثواني لفت السيارة ع المنحنى ....حاول يضبط السكان عدل....بس لف ع الشاحنة .....ومنصور!!.....تحت الشاحنة.... بس سلم روحه لباريها....مستحيل ...يعيش دنيا عنود ما فيها....عنود إنتي دنيتي وحياتي وروحي......رحتي وخذيتي الروح والقلب ...منصور راح ......بس جسده تحت الشاحنه ...الرياييل يحاولون يطلعونه......وصلت الشرطه والإسعاف...بس خلاص.... ما منكم فايده .....سلمت روحي لربي.....بس يا ربي أنا راضي بقدرك....بس خل عنود ترضى بالمكتوب.....وفجها في حياتها........وفجهااا
******
راشد : ألوووووو
المستشفى :...بيت منصور عيسى ال....
راشد : هيه
المستشفى : منصور صار له حادث قبل ساعتين......
راشد : شوووووووووووووووووو؟؟ شخباره الحين...
المستشفى :.. منـــــ.... منصور سلم روحه لربه......تعال وقعوا الأوراق واستلموا الجثة....الله يعينكم ع مصابكم
راشد : !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!

**********************************
الجزء التاسع من لـ..ـ...ـ...ـ غرام ـ...ــ....ـذة 

سارة محطيه راسها ع جتف أم محمد :...رااااح.....وخلاني.....مالي غيره ....ليش خلاني...... منصوووووووووووووووووووووووور أنت أناني ....... أناني ..(وصاحت زود)
أم محمد : بس يابوج.....لا تعذبين عمرج وتعذبينه وياج.....صار له ثلاث أيام من راح وإنتي ما كلتي شي ..... 
سارة : مابي شي........يا ربي ليش ما خذتني بداله......ليش أخوي أنا ......ليش
أم سيف وهي تصيح :...يا بنتي أرضي بالمقسوم..
سارة : منصور خذني وياك خلاااااااااااااااص.....مب قادره أشوف هالبيت من دونك....حرام عليكم.......خذني..
أم محمد اتصلت في راشد ..لأن سارة حالتها وايد صعبه...واستأذنوا الحريم انهم بيدخلون ريل سارة ...
راشد دخل وعيونه محمرة ووارمه....منصور رفيج عمره ...ونسيبه...وأخوه...عاش وياه أحلى سنين في هالبيت...كيف بدخل هالبيت وما بلاقيك يا منصور...... والله لو أدري كنت سرت وياك...(تذكر شكله يوم في المستشفى...مغرق بالدم وجورحه تبين انها خطيرة وعميقة....بس ويهه ما كان فيه ولا خدش...) ....يا رب اغفر له وارحمه .....وافتح له أبواب جنتك...... : ..
أم محمد : راشد...رااااااشد ....ناديناك تسكت حرمتك مب تصيح...
راشد طالع أمه ودموعه ع خده....وتقرب من سارة :...سارة.....
سارة قاطعته :... شو سارة ؟؟.........(تصارخ).......مالك شغل بسارة.......كله منكم .....
راشد لوى عليها وهو يصيح صياح يقطع القلب :...سارة ......سارة ارحميني دخيلج.... أنا مالي شغل.....حرام عليج...أخوج راح وخلاني من صوب.....دخيلج ...لا تسويين مثله ....
ساره .. :... إنتوا ذبحتوا أخوي .....كله منكم ......مابيك روح ......بس أبي منصور ......(وهي تهزه)..... رد لي منصور....... مابيك ........أبي أخوي....(وهي تضربه ع صدره)......راشد ردي لي أخوي....رد لي إخووووووووي....(نزلت لريله)......دخيلك رده .......رده لي ولا ودني له.........أبوس ريلك يا راشد
راشد تم ساكت وهو روحه اللي فيه كافيه .... سكت ثواني وفجأة صرخ :...إنتي شو تتحريني......ما فيني إحساس..... أنا لولاه ما صرت ريلج.......منصور ربيعي ..... وأكثر من أخوي.......حرااااااااااااااااااام عليج اللي تسوينه والله حرام....حسي بي
سارة كانت يالسه ع الأرض : ..ليش ما حسيتو به يوم سويتوا اللي سويتوه......... (صارخت)...............منصور .......لا تصير أناني......ليش رحت؟؟......خليتني لمنو؟؟......
راشد نزل لمستواها :...سارة............ذكري ربج وادعيله..
سارة طالعته وطاحت في حضنه تصيح... :..راشد يعني خلاص...دفنتوه ...خلاص ما بشوفه.....
راشد صاح : خلااااااااااص راح
الكل في الصاله يصيحون يقرون شويه من كتاب الله.......ويصيحون وايد....سارة كسرت خاطرهم......شكلها تعبانه والعذاب ع ويهها؟؟
************
بعد نص ساعة
في الميلس
بو منصور يالس وجنه ما يالس ما يتحرك ما يسوي شي.......بو منصور تشلل....من الصدمه...هذا ولده الوحيد....سنده وعونه....يشوف جثته طايحه ع السرير...ما في فايده....تمنيت أعطيه روحي.....أحطيه فهالجسد ...اللي طول عمره كان قوي ..... :...مــ ...منـــ...منصوووووور
كل الرياييل صدوا له...راشد ربع عند ريوله :..عمي آمرني.....
بو منصور : نــ ....نااا...ناديلي....مـــ .....مـــ ...منصووور
راشد : أفا عمي مب عادني ولدك
بو منصور صاح :..ولدي.........و...و..وينه ...و..ولدي....راااااااح.......وخــ .....خلااااا أبووووه روحه.....راح سندي وظهري...
راشد نزل راسه ويلس يصيح شرات اليهال :..
هزاع مسكه يبا يطلعه عسب ما يتعب بو منصور زود :...
راشد دزه : قوم عنننننننننني.....إنت السبب.......حرااااااااام عليك......والله حرام
هزاع :..أنااااااااا!!!!!!!!!!اااااااا
راشد : استغفر الله العظيم......انسى السالفة
هزاع سكت لأنه هني رياييل يوم بيروحزن بيسأل راشد :...
*********
مها : حراااااام اللي تسوينه في عمرج.....خذي الدوا
عنود : ماباااااااااا........طلعي.........كلكم تعاونتوا علي........كلكم......منصوووووووور وينك؟؟...........خذني وياك..........مالي حياة من غيرك
مها مسكت ايدها : بس سكتي ........عن حد يسمعج
عنود تصارخ: خل يسمعون .......أبغيهم يسمعون................كل منهم ذبحوا منصور........ذبحوه مادري شو من قلب عندكم.....ذبحتوني وذبحتوه ...طلعي .......(تصارخ بصوت عالي)....طللللللللللللللللللعي
مها طلعت وقلبها يعورها ع إختها :...
عنود يلست تصيح ....منصور صدقك قلت ما بيفرقنا غير الموت ....وما فرقنا غيره.........(تشهق)......بس ليش ما خذتني وياك؟؟.....ليش رحت روحك....وخليتني روحي أواجهه هالمصير...بس أنت ذقت الموت مره....بس هزاع بذوقه الموت مرات...منصور إنت رحت ....وعمي تشلل....معقولة تخلي الكل يتعذب وتروح....والله حراام عليك.... اسرق من الدمع فرح..و أضوي من الظلمه شموع.. أعزف من جروحي نغم ..و أرسم مع الغربه رجوع..
**************
جاسم يالس ع الدري ومنزل راسه ....آآآآآآآآآآآآآآآآآآآآآآه....كل حد وله يومه......معقولة منصور راح؟؟........منصور خويي راح.....
7
7
منصور : جسووم......شوف شوف 
جاسم صد وراه ....وحدة فلبينيه :...ههه......قوم لا نستهبل عليها
منصور : لا حرمتي تغار ..
جاسم : يا هالحرمه اللي بعدها ما انولدت
منصور : لا مولودة وإنت الصادق....بس خذتها مشاغل الدنيا
جاسم : يا عيني على الاحساس
منصور : افاااا عليك أعيبك...قوم يالله هذي قامت
جاسم : هااااااه.....ترى بخبر حرمتك
منصور : ههههههههه.....
جاسم : هذا هزاع ....تأخر وخلاني وياك...
منصور : ليش مب عايبنك..؟؟..قوم قوم نش مسود الويهه
جاسم : لا بس إذا يلست وياك بصير مستقيم
منصور : هههههههههههههههه....أحسن جي
8
8
جاسم : ...سويت بنصيحتك يالغالي......هه صرت مستقيم.......بس ليش خليتني......أدري إنه محد يعيش للأبد......بس ......
سيف حطا إيده ع جتف جاسم ..... :..الله يرحمه
جاسم ودموعه ع خده وقال من خاطره : اللللللللللللله يرحمك يا منصور ويغمد روحك الينه... 
سيف : ..اللهم ارحمه برحمك...وأكرم نزله...ووسع مدخله...أغسله بالماء والثلج والبرد...وأبدله دارا خيرا من داره..واجعل مثواه الجنه..وارحمه برحمتك يا أرحم الراحمين ...
راشد وهزاع ومحمد وبو منصور ورياييل كانوا طالعين من الميلس : .. آميييييييييين
جاسم مسح دموعه وصد لهم ..وابتسم :...
بو سيف : مب لازم تتصنع الابتسامة إذا ما تقدر
جاسم نزل عيونه ونزلت دموعه غصب :...
***********
أهات من كيف الألم عذبتني
والموت اشوفه دوم واحلم بطيفه
وهموم قلبي بالموت اذبحتني
والعين باتت من بكاها رهيفه
حسبي على اللي في الهوى شاغفتني
قلبه على قلبي انجرح شاني كيفه!!
اشوف درب الصوت ما عا د يجري
يوم الألم في دنيتي زاد هيفه
عنود تمشي وتمسك اليدار عسب ما تطيح ..تحس راسها يدور عليها.....يالسة تترنح وهي تمشي ...دخلت الحمام...بس ما قدرت تمسك عمرها ....طاحت على طول ..
***********
بو منصور :..منـ ...منــ ...منصور ...ســ ...سارة....
سارة وراشد ربعوا له :...
سارة : آمر أبويا
بو منصور :.. لا ...لاااا.....تـ ..تروحون ...عني
راشد : عمي عمرنا ما بنخليك
بو منصور : و...وأبوك؟؟
راشد : ما عليه عمي أبوي بيقدر الوضع...باجر انشالله بنيب الأغراض ..
بو منصور : و..والــيوم؟؟
راشد : لا عمي بنتم بس..ما أقدر ايبب الأغراض والرياييل داخلين طالعين...ومحد هني
ساره تنهدت :....تبا تاكل أبوي؟؟
بو منصور : لـ ...لا..........بـ ....بنام
راشد دز الكرسي يبا يوديه الحجرة وسارة عداله :...
*************
مها : أبوي........أماااايا.......أمايااااااااااااااااااا ااااااااااااااا
سيف : بلااااااا...(وسكت انصدم...)....بلاها عنود ...(وهو يصفعها ع ويهها) عنوووووود...عنود
مها : سيف خل نوديها المستشفى....
سيف : ايبي عباتها...
لبسوها عباتها وودوها المستشفى 
سيف : هااااا دكتورة
الدكتورة :ضعف عام.......حطينا لها مغذي...خلوها اليوم بالمستشفى ...وباجر بنسويلها تحاليل...
سيف : تبات؟؟!!!!!
الدكتورة :..هي البنت وايد تعبانه..المفروض تيبونها من زمان ..........وايد تأخرتوا
مها تنهدت :..
************
هزاع منسدح ع السرير
7
7
منصور : هههههههه......ها بوخلي أشوفك قمت تخور
هزاع : شنسوي حد يرابع جسوم ويمشي سيده
جاسم : نعم .....نعم....أنا ما يخصني ما ضربتك ع إيدك وقتلك سو
هزاع : أيا الشيطان ....تتنكر بعد
منصور : هههههههه....ولعتها 
جاسم : هزاع ...قوم نصفع راس المنافقين
هزاع : يالله ...(قاموا من كراسيهم)
منصور ركض بعيد عنهم : إيييييييه نحن في المطعم..هههه شوف الكل يطالعنا
جاسم : شكرا .....شكرا......قام بدور البطولة ..راس المنافقين عبدالله بن أبي سلول
الناس يالسين يضحكون عليهم مستوين نكته :..
منصور : أنا ؟؟........صبر عيل ..(شل الماي يبا يفره عليه).....
جاسم ربع للباركنات : التوبه.............التوبه دخيلك
هزاع : منصور خلاص سامحه
منصور : لا لازم أخذ حقي
جاسم : أفااااااا ....إذا رب العالمين يسامح
منصور : ما بصب عليك الماي الحين ......بس يوم بنتلاقى جدام ربي.....بصب عليك سطل
جاسم : هههههههههه......خيبه خيبه
8
8
هزاع .....آآآآآآآآآآآآآآآآآآآآآآآه.....صدق يا ربي إنت تسامح.....سامح عبدك إذا سوى شي .... ومنصور سامحني إذا قصرت بحقك..أدري آخر الأيام ما قمت أطلع وياك وويا جاسم... بس مشاغل.....صدق انه العمر يخلص والشغل ما يخلص......بس راشد...راشد قال لي كلام اليوم ما فهمته
((((راشد دزه : قوم عنننننننننني.....إنت السبب.......حرااااااااام عليك......والله حرام
هزاع :..أنااااااااا!!!!!!!!!!اااااااا
راشد : استغفر الله العظيم......انسى السالفة))))))
شسالفه ليش ...أنا السبب؟؟
**********
بو سيف دخل الحجرة عند مها وكانت منسدحه ع السرير :..مهوي أبوي ..عيل وين إختج؟؟
مها : هاااااه....هي هي ...عنود ..في الحمام
بو سيف طالعها بتشكك :..باب الحمام مفتوح
مها : هاااه يمكن راحت عند سيف ما حسيت فيها..
بو سيف : وين إختج؟؟
سيف : بلاك أبوي؟؟
بو سيف : عنود وين؟؟
سيف : عنود ......(طالع مها)....وينها ما كانت عندج؟؟
مها : هااااااه هي هي بس ...
بو سيف : آخر مرة أعيد سؤالي وينها؟؟
سيف : ممممممممممممممممممم(يمرر ايده في شعره) .....عنود في المستشفى ...
بو سيف : ليش؟؟......بلاها بنتي؟؟
سيف : لا ما شي بس ما تاكل عدل..
بو سيف : كلها عسب الامتحان؟؟
سيف لا إرادي :..لا لأنها ردت بموضوع خطــــ ـ ـ ـ ـ ...
مها أشرت له انه يسكت :...
بو سيف ..فهمها :..خطبتها؟؟.......خطبة هزاع لها؟؟
سيف : لا لا........درت بموضوع..خطبتي
بو سيف : ابوي بلاك اليوم؟؟.... أي خطبتك؟؟
سيف بدال ما يجحلها عماها.......بغى يعدلها :..أبوي سمعتني أكلم مها ...لأني بغيت أخطب عليا بنت عمي
مها فجت عينها وحلجها ..سيف وعليا؟؟ : ..
بو سيف : أفاااااااا..الحين أنا أبوك ولا مها
سيف ..خلاص طاح الفاس بالراس يعني ......يعني خلاص باخذ عليا :...لا محشوم أبوي...بس ..
بو سيف يلس يبارك لولده ومادري شو ...تعرفونهم الشياب يعني :...(وطلع)
مها : بتخطب عليا؟؟
سيف طاح ع السرير بقو ....جنه حمل يبال وطاح عنه :...فكرة وتلح علي
مها وبحزن : وعفرى؟؟
سيف اعتدل بيلسته وطالع إخته :..تدرين انها معرسه ....يعني شو أترياها لين ما تطلق ولا تترمل .....وبعدين حاس انه عليا تحبني صح؟؟
مها تبى تغطي ع عليا : ..لا .........لا منو قال؟؟
سيف : أبوي ما تعدي علي هالحركات ...هي قايلتي بعظمة لسانها .......(وانسدح ع ظهره)
مها : شو قالت لك؟؟
سيف : قالت تحبني......وبعدين إذا هي تحبني عمرها لا بتستانس ولا بتسعد ريلها ...أنا مابا أدمر حياة شخصين ......وبعدين هي قالت مستحيل تعيش ويا غيري... يعني حسب تحليلي ... ما بتوافق على أي حد....وجاسم حالف ما يعرس...إلا إذا عرست...يعني بهدم حياه جاسم وعذاري بعد.... أنا عادي عندي ...بحاول أسعدها...بس ما أقدر أحبها .....مهوي إنتي شو رايج ...أضحي أنا؟؟......ولا أخلي غيري يضحي
مها طالعته فتره : صراحه كبرت بعيني ......وإذا تسال عن رايي....إنت فقدت الأمل بعفرى وتحاول تنساها....بس عليا بعدها متمسكه بالأمل.....لا تحرمها من هالشي...إنت مردك ببتزوج ...ومستحيل تحب اللي بتتزوجها بس بتسعدها قد ما تقدر....أنا أقول رمس عمي بالموضوع ...
سيف : شورج؟؟
مها : أوف كورس .....
سيف : بس خايف ...إيي يوم واظلمها
مها : ما خبري فيك ظالم................سيف؟؟
سيف : شوو؟؟؟
مها : بقولج شي.......بس أبغيك تتفهم الموضوع..
سيف : ؟؟؟؟؟؟
مها قالت له عن سالفه عنود ومنصور.....
******
منصور :..عنود ......انتي تعذبيني جي ...لا تسوين فعمرج جي...
عنود : ليش ما خذتني وياك؟؟....ليش خليتني أواجهه المصايب بروحي...ماقلت بنتم ايد وحده على طول
منصور : قلت يا عنود.......بس قتلج بعد ما بفرقنا أنا وياج غير الموت
عنود تصيح : حرام عليك كافي كافي
منصور : عنود ديري بالج ع روحج ......روحي عند سارة تراها محتاجتلج وايد... لا تخلينها روحها هي حامل وجريب تدخل السابع...وأبوي وصيهم عليه...عنود أحبج ...(وابتعد)
عنود تلحقه بس مب قادرة توصله : منصور إترياني بسير وياك منصوووووووووووووور .........(فتحت عينها)
النيرسات اللي في المناوبة بالليل كلهم حولها ....
عنود تصيح وتصارخ : ايبولي منصوووووور ....منصوووووووووور تسمعني...تعال محتايتك.......منصور
النيرس ضربت المغذي بإبرة منوم ... وما صارت ثواني إلا وعنود راقدة :...
*****
سبع الصبح
الكل يالس في الصالة تحت بيروحون لعنود
سيف :...إلا متى النتايج؟؟
مها تنهدت : عقب يومين ولا ثلاث
سيف : الله يعين
******
سارة منسدحه ع السرير تعبانه :...
راشد : سارة قومي كلي لج شي....إذا مب عشاني......عشان ولدج
سارة : ومن له بارض للأكل بعد كل ها...أبوي تشلل.....وإخوي راح
راشد : بس أنا بتم لج ....أنا بتم سندج يا سارة
سارة : لين متى؟؟
راشد : شو لين متى؟؟.......لين ما ربي ياخذ أمانته
ساره صاحت ولوت عليه : لا ....لا دخيلك لا تروح عني .....
راشد : حبيبي كل شي مقدر وإذا ربج كاتب....ما في شي يوقف أمر الله ...لا إنتي ولا حبنا ...
سارة : لا نحن بنتم للأبد....بنتم وحبنا بيتم ..صح؟؟
راشد ابتسم ...:..جان عيل تم حب عنود ومنصور ..... 
سارة : كله من هزاع ؟؟
راشد : هزاع شدراه بحبهم؟؟ أنا متأكد لو درى مستحيل يخطبها...وبعدين حتى لو ما كان هزاع ..بينخلق ميت سبب..لوفاة منصور......لانه ربج اللي كاتبه... وبعدين عنود وهزاع كانوا يحبون بعض بس...
سارة : بس شو؟؟
راشد : بعد الضرابه ..هزاع ابتعد وراح ألمانيا يدرس....عنود وايد افتقدت هزاع ...لين ما نسته...واللي ملى عليها هالفراغ اللي سواه هزاع...كان منصور....
سارة : بس قبل أربع سنين يعني عنود كانت صغيرة فالإعدادية
راشد تقرب منها بخبث : شنسوي نحن عايتنا ....الحب مولود فيها
سارة دزته : سخيييييييف
********
عنود : مابا ما أبا أسير وياك....بروح ويا سيف..
بو سيف : أفاااااا...وأنا أبوج
عنود هه....أبوي اللي هدم حياتي ويا القاتل هزاع :..
أم سيف : خل البنت ع راحتها
بو سيف : خلاص ......يالله سرينا
طلعت سيارة بو سيف ووياه أم سيف .....أما عنود ومها راحوا ويا سيف 
مها كانت يالسه عدال سيف وحاشرتنهم بالسوالف 
عنود كانت يالسة ورى متسانده ...شكلها صدق تعبانه :..سيف
سيف : عيون سيف
مها : بسجلها في التاريخ ...عنود نادت سواف سيف
سيف : ياعيني ع الأدب
مها : هيه...بتمدحه الأدب الحين ...يحقلك معرس
عنود : معرس؟؟
سيف : صراحة غرت منكم إنتوا تعرسون وأنا أصير عانس
عنود ابتسمت :..
مها : فديتج ماما...خلاص لا تصيحين
عنود : ومنو سعيده الحط؟؟
سيف : "عزّاه يا قلبٍ شفوقٍ ومشتاق متولّعٍ في حبّ زين الوصايف ..
عليه قلبي دايم الدوم خفّاق وينوح له في كل عالي ونايف ....
خلّي عليه امن التّواصيف ما فاق ومن الغزال اللّي يربّ الجفايف...
عين العديم اللّي على الكفّ توّاق نادر وصقاره عطاه الخفايف "
عنود : يا عيني
سيف : أفاااا عليج أعجبج..
مها : وينج يا علايه تسمعين ريلج يعد فيج قصيد
سيف ابتسم بحزن....هذا الشعر كان يقوله للربعه يوم يسألونه عن عفرى...أنا ما عديت القصيد بعليا... :..
مها : لا وبعد يسرح ...
سيف : جب لاه
عنود : يا حظج يا عليوه.......إنزين سواف
سيف : آمري
عنود : بروح بيت بو منصور 
سيف ومها صدولها بسرعه وردوا طالعوا جدام : ...
عنود : ليش سكتتوا؟؟
سيف : خلصت أيام العزى
عنود .....بس أنا عزاي ما خلص :..بس أبغي أطمن ع عمـــــي وع سارة
سيف : مب الحين من الصبح
عنود دموعها هلت ع خدودها : دخيلك.......مها قوليله
مها : عنود ......لا تروحين تعذبين عمرج وتردين ..
عنود : مها ليش ما تفهميني؟؟......أنا مب سايرة أصيح ع أطلال ماضي.....أنا أبغي أطمن ع عمـــــي وسارة ....والله ما بتأخر
<<مرت خمس دقايق ومحد رمس>>
وقف سيف ...صدت عنود للبيت...وبعدين طالعت سيف ..
عنود : مشكور سيف .....(تقرب وباسته ونزلت بسرعه بس قبل لا تسكر الباب)...نخدمك في الأعراس ههه
سيف : غصب(ن) عنج بتخدميني
عنود : الله يعين علاية عليك يالخقاق......(وراحت)
دقت الجرس 
راشد فتح الباب وانصدم : عنووووووود
عنود نزلت راسها : ممكن أشوف سارة؟؟
راشد : أكيد تفضلي
عنود دخلت : راشد اسمحني على اللي قلته لك ...أدري إنت مالك شغل...بس كنت مقهورة
راشد ابتسم : حصل خير......بس ليش جي شكلج تعبان؟؟
عنود : فراق الغالي.......قاللي ما بتدخلين هني إلا وإنتي عروس....والحين....هه....
راشد طالعها بحزن : المكتوووووووب 
عنود : ورضينا به...(دخلت الصاله سارة كانت يالسة تقرأ قرآن من شافتها وقفت)....
عنود ........تذكرت منصور هلا بغلاي والله ..آآآآآآآآه :...هلا بإخت الغالي
سارة ابتسمت بحزن ولوت عليها .... :..
عنود : شحالج حبيبي؟؟
سارة : عايشين بالدنيا
عنود : إنتي على الأقل راشد هني يخفف عنج.....أنا ما عندي حد...وبعد شهرين المعزة بتروح المقصبه
راشد ..هه هزاع مقصبه..... :..
سارة تنهدت :.. غريبه عنود تقوم من الصبح
عنود ابتسمت جنها تبى تغير جو النكد اللي عايشينه : غصب(ن) عني.....هذيل النيرسات كل ساعه وحده تطل علي ....اللي يقول بموت
سارة : نيرس؟؟
عنود : هااااااه؟؟......
سارة : إنتي كنتي بالمستشفى؟؟....
عنود : لا .....منو قال؟؟.....أناااا
سارة : ليته عايش ......ويشوف حبج له وين وصلج..
عنود : ههههه لبيتكم ..
سارة ابتسمت :..
راشد الحمدلله .....غيرت نفسيت سارة شوي :..
سارة : وأنا أقول غريبة دخلتج علينا ...
عنود : وصوني عليكم....
سارة : وصوج منو؟؟......كيف؟؟
عنود : منصور قاللي روحي لسارة إختي تراها تعبانة وجريب تدخل السابع..و قال ديري بالج ع أبوي...
سارة : الله يرحمك يا خووووووووي......
عنود تغير الموضوع : صراحه ساروه أول مرة أدري إنج بخيلة ؟؟ ولا خذتيه من الشيخ اللي يالس؟؟
سارة : ليش بخيلة ؟؟
راشد : أنا بخيل!!
عنود : يالله كوب ماي دخيلكم......
سارة : جي ما كلتي في المستشفى يايه ميوعه
عنود ابتسمت : لا لازم تتعودي أنا دوم يوعانه 
راشد : خلاص أبوي بيفتقر.......
الكل : ههههههه

********************************
الجزء العاشر من لـ...ـ..ـ...ـ غرام ـ...ـ...ـ...ذة 

عنود : ...طاوعت قلبك تغيب وتهجر أحبابك
وتنسى غلاهم وتتركهم وتنساهم
حرام تترك خفوقي يشكي غيابك
وأنت بقلبي أعز الناس وأغلاهم...
...ناديت والصوت لا شدك ولا يابك
يا سيدي يا عديل الروح يا فاهم
وأنت بوجه اشتياقي تغلق أبوابك
وأنا أقرب الناس من قلبك وأوفاهم...
سيف متساند ع الباب......صفق لها وابتسم :..
عنود مسحت دموعها وابتسمت :..من متى وإنت هني؟؟:..
سيف : من بداية الحفله
عنود : ههه...
سيف بحزن : ليش لابسه أسود؟؟
عنود : بس جي....اليوم عزاي
سيف : عزاااااج؟؟!!
عنود : ههه....مها راحت تييب الشهاده....وأنا صراحه ما حالّه شي في الامتحانات...متوقعه الرسوب..
سيف : مستحيل ...أنا أقول نسبتج..56...ولا 65...هههه
عنود : وايد تشجع..صراحه
مها تدخلت : هااااه.....كم تتوقعي؟؟
عنود بلا مبالاة : ...ما عطوج الشهادة..دور ثاني..هه
مها : ماشالله طموحه؟؟!!!!!!!
عنود : يالله عاد قولي كم؟؟
مها :..بدور ..يابت 92.6....
عنود : سألتج عني مب عنها؟؟وبعدين إنتي شدراج؟؟
مها:..اتصلت فيهم كلهم....انزين وعذاري....89.9....
عنود : عادي قوم أدبي...وأنا وعليا؟؟
مها : عليا ...
سيف يطالعها بس ما يبين عليه الاهتمام وايد :..
مها : عليا ......96.5...
عنود : شوووو؟؟......96...طلعت مصريه العروس
سيف ابتسم :..طالعه ع ريلها
عنود : وأنا؟؟
مها : أقول شكلها المصريه حاله لج بضمير..
عنود : مب مصرية.....اليازيه قوم خالي خليفة
مها:زييين طلع فيهم خير
عنود : انزين...كم نسبتي؟؟
مها : 98.2... مبروووووووووك
عنود مبهته : أنااااااا؟؟
سيف : يالمصرية ...الجذابه ......تقولين راسبه؟؟
عنود : أنااااااااا؟؟
مها : هاااااااه......ماشي عزومة
عنود ربعت : أمايااااااااااااااااااااااااا...
**********
جاسم :.علااااااااااااايه
عليا ابتسمت له :..ما بكلمك..........الهديه
جاسم : أفااااااا عليج عندي هديتين لج
عليا : أوب ..أوب........تويي أدري إنك حاتم الطائي
جاسم : جب جب.......غمضي عيونج
عليا غمضت عيونها بدلع :..غمضنــــــــــا
جاسم قام ولبسها سلسه شارنها من داماس...ع أشكال ورود وأوراق..فيها ذهب أبيض وأصفر..روعه :..شرايج؟؟
عليا طالعت السلسة وطالعت جاسم عيونها امتلت دموع :..مشــ......مشكور
جاسم : لا لا تصيحي.....عسب الهديه الثانية
عليا : اللي هي؟؟
جاسم يلس عدالها ومسك ايدها :..خطبوج
عليا وقفت وعطته ظهرها :..ليش؟؟
جاسم : شو ليش؟؟
عليا ..أأأأأأه الحين شقول؟؟.....أخاف أرفض وأخرب ع عذاري وجاسم...بس ماقدر أعيش بلي سيف......(بتردد) :..منو؟؟
جاسم وقف :..واحد ..له ريلين وله عيون في راسه..هههه
عليا : تستهبل علي إنت؟؟
جاسم بجديه :لأ......أنا كنت بقول لأمي وأبوي بالأول...بس هو قالي أسألها هي بالأول... ما بغي حد يغصبها ..
عليا : يغصبوني عليه؟؟.....ليش الشيخ محمد بن راشد وأنا مادري..
جاسم : لأ وإنتي الصادقه....سيف بن مبارك ال_______ي
عليا :..سييييييييييييييييييييييف خطبني!!!!
جاسم : شو الغريب؟؟.....إذا عن سالفته قبل...أنا أقولج الريال بينسى..وإنتي اللي بتنسيه...بس الراي متروك لج....(وطلع)
عليا سكرت الباب وكل أنواع الوناسه فيها ...خاطرها تتنطط...بس عن يقولوا خبله ولا انخسفت سبال..وما يزوجوني :..آآآآآآآآآآآآآآآآآآآآآآآآآآآآه مستانسه...فديتك يا سيف...أحبببببببببك......
*************
بدور مستانسه حصلت هدايا وايد من محمد وزايد وهزاع وراشد وسارة وهدى وأمها وأبوها :..تعرفون شي؟؟
الكل يطالعها :..
بدور : أول مرة أعرف فايده لكل هالإخوان
هزاع : ههههه......حيوانه ايبي هديتي
محمد : ايبي يالله.....سباله وحده..
بدور : ههههه....لا فديت خواني والله
هدى : وأنا؟؟
بدور : فديت أخواني وحريمهم وأختي وأمي وأبوي
راشد يستهبل: أقول ساره....الهدايا تأثيرها قوي
الكل : هههههههه
**********
تقرب منها أبوها وباسها ع راسها :..مبرووووك
عذاري بحزن : بس أنا أقل نسبه من بين البنات
بو عذاري : ما يهمني......المهم نسبتج ترفع الراس
عذاري ابتسمت :..إنت دوم راسك مرفوع
بو عذاري : فيج فديتج......(وعطاها ظرف صغير)...هاج
عذاري : شو ها؟؟
بو عذاري : هديتج
عذاري بطلت الظرف.....كان شيك بخمسين ألف.....وشيك ثاني 150 ألف درهم :..أبوي شو ها؟؟.......
بو عذاري: اللي بـ 150 ألف...هذا مهرج ويا فلوس زهبتج والذهب هم بيشترونه... 
عذاري ابتسمت ابتسامه صغيرة :..والثاني؟؟
بو عذاري : هديه عرسج ونجاحج...لفيت الأسواق ما عرفت شاشتري..قلت أشتريلج ذهب بس عندج وايد...عسب جي قلت أعطيج وتتصرفين
عذاري ابتسمت ولوت ع أبوها :..مشكوووووور أبويا
************
سلطان : ممكن أعرف شهالنسبة؟؟
عفرى ترمس في الموبايل وتأشر بيدها اصبر :..
سلطان : خلي الموبايل عنج...يالس أرمسج أنا
عفرى :..أففففففف.......أقول فديتج برمسج بعدين ...هههه......خلاص أوكي.....لا معقولة ... أوكي ......بااااااااايات
سلطان ميود عمره بالعافيه :..شهالنسبه ؟؟
عفرى بلا مبالاه : بلاها ؟؟.......عادي أنا سويت اللي علي
سلطان عصب والشياطين تتنقز جدامه :...(بهدوء)..تشوفينها عادي...تيبين 52.3.....عادي؟؟
عفرى وقفت :..وبعدين وياك؟؟.........أقول اطلع..أطلع......عندي أم تحاسبني.....أفففففف.......شفيك واقف.....يممممممممممممه........تعالي خذي ولدج...
سلطان عطاها كف من خاطره : جب جب.....تفهمين ولا لأ؟؟.......أنا ولي أمرج غصب عنج..
عفرى تصيح : مستغنيه عنك.........روح عني..الله ياخذك...
سلطان مسكها من شعرها....فجأة رن موبايلها...اللي خلا سلطان يسوي شي..أحسن من الضرب ....شل الموبايل من الأرض :..
عفرى : ايبه سلطان........سلطاااااااان دخيلك
سلطان : لا حياتي موبايلج بيتم عندي....لين ما تتأدبين وتحترمين نفسج...
عفرى : دخيلك سلطان ...سوى أي شي بس لا تاخذه
سلطان :..هه....كل ها غالي عليج....
عفرى : دخيلك.......سلطااااااااااااااااااااااااااااااااان
سلطان طلع عنها وحطا الموبايل في جيبه وروح :..
عفرى تصيح بحرقة ......الحين كيف ؟؟كيف اتصل في سيف...كيف أفهمه.....حراااااااام عليييييييك سلطاااااان.........والله حرام :....آآآآآآآآآآآآآآآآآآآآآآآه
***********
عنود لأول مره بعد وفاة المرحوم تطلع....أبوها كان عازمنهم في المطعم عسب نجاحها ... لبست تنورة سوده وفيها خط ع الطرف باللون الفوشي ...ولبست قميص فوشي كت وعليه نقش بالأسود ..وعباة مفتوحة...والشيله عليها تطريز بالفوشي...حطت جلوس ونزلت :..
سيف يستهبل يقلد المصريين :..(يصهل)...صلاااااااااة النبي عليك يا محمد
عنود : هههههههه.....الله يعين حرمتك
سيف يتخقق : أصلا لها الشرف ..
مها : ليش؟؟
سيف : لانها خذت أخبل واحد في العايلة
مها : هههه وجريب بتدخل إنت وياها مستشفى الأمل
عنود : عيل صدق الله يعينها..
بو سيف : يالله سريناااا
********
ومر أسبوعين...
بو جاسم درى بسالفة خطبة سيف لعليا وموافقتهم....واستعدادات علايه للملجه....لأنها باجر..
بو سيف...الاستعدادات عندهم شرات بيت حميد (بو جاسم)...بس وناستهم...ببجرهم كانت تبدأ بالنواح والصياح..
بو عذاري ....كل يوم طالع ويا بنته...تروح السوق......تشتري لملجه عليا...
بو محمد .....متصدع من محمد اللي يبا يملج....ومستانس لهزاع اللي راح حجز القاعة والفرقة ليوم العرس.....وحجز الليوا...والمعلايه...والهبان..والويليه (لأسبوع العرس)..
عفرى متأدبه ويا سلطان عسب يرد لها الموبايل ......
بو منصور قام يتعالج علاج طبيعي....وشوي شوي قدر يتحرك بس ما يقدر يمشي عدل..يعري
**********
سيف منسدح يمدد ظهره.....اليوم هلك...راح يشتري الخضرة لبيتهم وبيت العروس... وياب كناديره من الخياط....واشترى الغترة (السفرة)والعقال..وراح ويا أمه ومها وعنود يشترون الشبكة...والدبله...والساعة........آآآآآآآآآه خلاص عفرى...يعني انتهى اللي بينا باجر أنا ملزوم بـ عليا......ومستحيل أخونها ..إنتي الخيانه والجذب كانت بدمج...بس أنا مستحيل..أخونها عسب وحده خانتني....بس ليش أنا واثق انها تبى ترد لي الحين هي راقده بحضن ريلها..ولا مفتكره فيني....انشالله حياتي ويا عليا..تكون فال خير ....خلاص قالولي خذ اللي يحبك ولا تاخذ اللي تحبه...وأنا سويت اللي قالوه بس شو النتايج؟؟وشو العواقب....ها كله بيبين بعد العرس :....
*********
عليا محطية سماعات الموبايل في إذنها وتسمع أغاني .... مستاااااااانسه .... يالله يا سيف انشالله أسعدك وأسوي اللي علي....بس عفرى ما ترد علي..بلاها؟؟.....بتصل مرة ثانية بعزمها .. :...ألووو؟؟
سلطان : هلا الشيخه
عليا : هذا مب موبايل عفرى؟؟
سلطان : بلا .....أمريني شو تبين
عليا : بغيت صاحبة الموبايل
سلطان : اسمحيلي......عفرى ما بيرد لها الموبايل الحين...
عليا : إنت سلطان أخوها؟؟
سلطان : أوب أوني مشهور..
عليا : ع العموم سلم عليها .....وقولها ملجتي باجر.....من متى اتصل فيها وما ترد...باي
سلطان : انزين ....إنتي منو؟؟......أقول لها وحده اتصلت وقالت باجر ملجتها..
عليا : عليا ال_____ي....باي
سلطان : إخت زايد سالم ال_____ي؟؟
عليا : لأ...زايد ولد عمي....(وسكرت الموبايل)
سلطان ..الحين أقول حق عفروه ولا لأ.....بس أنا باجر بروح ملجة سيف...مب متفيج لها :..عفرى
عفرى طلعت من حجرتها : هاااااه؟؟
سلطان : عليا ال____ي اتصلت وتقول باجر ملجتها
عفرى صاحت :ملجتهااااااااا؟؟..كله منك حرام عليك......ليش تسوي بي جي؟؟.......
سلطان تنهد :...لإنج لو تأدبتي.....ما كان صار اللي صار
عفرى :..يعني باجر شو ألبس؟؟......كيف أسير
سلطان سوالها طاف وطلع :..
**********
يوم الملجه.....ملجوا سيف وعليا في المحكمه والحفله بالليل
عليا دخلت الصالون: مرحبااا
البنات : مرااااااااااحب العروس
مها : ليش جي متأخره؟؟.........خلاص أخوي ما يبا وحده كسوله
عليا : خلاص التوبه...التوبه.....بقوم من الساعه خمس الفير....كله ولا سيفاني
عنود : يا عيني ع الحب
عليا : فدييييييييييييييييته والله....والله مب مصدقه
البنات يطالعون بعض ..
عذاري : علايه ثقلي...الناس بيقولون إنه قوم ال____ي ما يصدقون يعرسون
عليا بثقل : لا أساسا ما يهمني..سيف...ولا غيره...
عنود : سوووووووووواف تعال خلاص لا تاخذها
عليا ابتسمت وخذتها الحرمه واستلمتها بالميك أب والتسريحه:..
**********
الشباب كانوا يشتغلون بيت بو جاسم يابوا العيش واللحم من المطبخ...غير البوفيه اللي يالسين يشوفون الرياييل وهم يحطونه....والشغل والكراف...
بو جاسم تقرب من سيف ولوى عليه بالحيل :..
سيف ابتسم..:..عمي الله يعينك ع ريحتي...ولاااااااا بنغالي منقع في الشمس
هزاع : شنسوي المشكله كلنا متعودين......خله يتعود 
سيف شل الديو اللي عداله:.. بتسكت ولا لأ ؟؟
هزاع : أفاااا وأنا نسيبك
سيف : ما تمشي عندي الواسطات
محمد يستهبل: عسب خاطر عليااااااااا
سيف بهبل حطا الديو عداله ويلس مؤدب :..
الشباب : هههههههه
راشد : هذا ويهه معرس!!
سيف : تتمناه هالويهه......إلا جسوم
جاسم : هاااااه
سيف : يالله حرمتي وين ايبوها ...بروح
جاسم :هههه عندي طراق ..ينفع؟؟.
سيف : هههههه....لا لا جاسم تخيل ...(مسك غرشه الديو...وحطا الغترة ع جتفه والعقال معواي ع راسه)....شوف الحين أحلى معرس...(يمشي شرات السكران)....جسوم...جسوم وين حرمتي...(وقف يوم شاف ماي انرش ع ويهه..مسح ويهه وصد فوق) .....أبووووووووي
الشباب : هههههههههههههههههههههههههههه
بو سيف : اصطلب.....الحين ما بيوزونك بنتهم
سيف يتكلم مصري :.دوول يحصل لهم الشرف...يتجوزوني...
زايد حطا ايده ع خده :..أيووووا يا حسنية
سيف : هههههههههههه......يالله عيل ...(يبا يطلع بس رد)..بخبركم...عاد...أبوي ترى مختنق من ريحتي قال برشه بماي عسب يفكنا ويسبح 
زايد : حلاتك وإنت فاهم
سيف صب الديو.. ع ويه زايد وربع :..
زايد : آه ....آه يالجلب ..(يربع وراه بس سيف شخطه وروح)
*********
سارة لبست فستان بيج ويا بني .......ومفيرة شعرها كانت روعه ...(يالسة تلبس الإكسسوارات) :..
يا راشد من وراها ولوى عليها .... :..خلاص الحين بيخطبوج عني
سارة :..بيخطبوني لو ما هالكرش
راشد ضربها ع راسها : يعني بايعتني برخيص السباله
سارة صدت له :..مستحيييييييل...
راشد يطالعها : شو المستحيل؟؟
سارة لوت ع رقبته :..مستحيل أخونك مع غيرك من البشر...لو منو ما كان..بس مابيك تروح عني.....
راشد : وأنا أقدر .......بيذبحني منصــــ....(راح صوته بعيد انقلب لصوت حزين ..منصور هه منصور راح .... ليش ياربي تاخذ الغالي من بين أهله...) سارة!!
سارة كانت منزله راسها بحزن من طاري أخوها :..هااااااه
راشد : ليش الفراق صعب؟؟!!!!!!
ساره : لأنك ما تحس بغلاة الغالي الإ يوم تفقده..
راشد رفع راسها وابتسم : يالله حياتي دخني كندورتي..الفرقة وصلت بيت عمي مبارك....
سارة : أوكي ....إدخل اسبح بسوي دخون بدخنك وبدخن أبوي
راشد هز راسه وسحب الفوطةودخل الحمام :..
سارة:...آآآآآآآآه ......وبدخن منصوووور ....منصور أخوي....(هزت راسها تبعد هالأفكار)
*******
سيف واقف جدام المنظرة يطالع عمره......لابس كندورة لونها بين بني والكركمي ...ولابس غترة بنفس اللون وعقال..وشعره الطويل لين فوق جتوفه بشوي....وريحه دهن العود اللي شاله الدنيا والدخون .....بس حزنه كان مبين بس أنا في التمثيل محد قدي....راح منصور وراحت عفرى كل واحد لمصيره...وأنا الحين مصيري..بس خير؟؟ ولا شر؟؟......افففف خل أنزل أحسن ....
********
وصلوا البنات بيت بو جاسم
عنود لبست فستان هيفاء وهبي الأبيض ....كان مفصخ من الزين ظهرها كله طالع والطره لين فوق الركب بس كان حلو عليها..بدور قالت لها انه هزاع يمكن يعصب لو درى بس سوت غياض ولبسته مع انها فصلت فستانين واحد أسود بس بعد مفصخ بس قالت يمكن يزعل سيف إذا لبسته....التسريحه كانت ع صوب وشعرها البني وفيه خصل بني فاتح وأشقر ...طالعه رووووعه...
مها لبست فستان فوشي ووردي روعة بدون أكمام ولا أكتاف ...بس حركة ع الأيد شرات السلاسل والتسريحه المرفوعه والميك أب كان عجيب عليها...
عذاري لبست فستان بني كله كسفات بدون أكمام ولا أكتاف بس ربطه ع الرقبه وفيه بروش كبير ع الصدر ...طالعه كيوت وحلوه..
بدور ...لبست فستان نمري فيه شغل حلو وكان راص عليها بس من تحت الركبة ايي منفوش حلووو وايد...
(العروس ما بوصفها لكم الحين...)
نزلوا البنات تحت يدخلون الحريم ويسلمون ويحطون العشا ويرقصون...وغيره 
********
بو جاسم :جااااااااسم
جاسم من حشرة الفرقة والوناسة ما يسمع :...
هزاع كان جريب من عمه : أمر عمي....تباني أناديه لك
بو جاسم : لا خله.....بس تقدر تسير البيت
هزاع: ليش؟؟......الحين بدت حفلة الحريم
بو جاسم : أدري.....بس ذهب عليا عندي في السيارة وداه للحريم
هزاع : خلاص أوكي ....(خذ مفتاح سيارة عمه وطلع الذهب وحطاه في سيارته وراح)
************
عليا : عناااااااااادي دخيلج....ماااااااااي
عنود : لأ... أول قولي بالعربي
عليا : ماااااااء,,,,,مااااااااااء
البنات ضحكوا ..هههههههههههههههههههههههههه
مها : يالعنز بلاج؟؟
عليا : أباااااااااا ماي
عنود : هههههههههه ......أفااااا عليج الحين اييب لج...(نزلت تحت تييب ماي من المطبخ...)
هزاع : عموه هذا ذهب عليا ناسينه فسيارة عمي
أم جاسم : ما تقصر ولدي......(راحت عنه)
هزاع ياي يطلع بس شاف وحده طالعه من المطبخ ....انصدم...كانت تكلم الخدامات ...تقرب منها ... :..شو هاللي لابستنه؟؟
عنود كانت عاطتنه ظهرها....وظهرها كله طالع...خايفة تصد ويشوف الفستان من جدام وتحصل طراق ...: ما يخصك ...(يايه تروح)
هزاع مسكها من ايدها وسحبها صوبه ...لا إرادي يا ويها جدام ويهه ما كانت بينهم أي مسافه :..شو اللي ما يخصني؟؟
عنود تخوز ايده بس مب قادره : هزاع....أنا بعدي مب حرمتك...هدني عيب عليك
هزاع : عادي المليج بعد شوي بيي أنا بعد بملج
عنود سكتت شوي : انزين ممكن تخلني الحين...
هزاع يطالعها ......ما كان خاطره يروح ولا كان خاطره يهزبها ..تم يطالعها :..
عنود حست انه عيونه شوي بتاكلها :..هزاع......ممكن ؟!
هزاع باسها ع خدها وراح :..
عنود حطت ايدها ع خدها : هذاااا ما يستحي!!!
***********
دخلت
عليا
ع صوت الجسمي
....
الكل مستانس لها....ويبارك لها....كانت حلوة صدق...لابسة فستان ذهبي كله شغل منفوش من تحت وايد...ومن فوق شوي شفاف(من عند البطن) وهو بدون أكمام ولا وأكتاف....وغير التسريحه والميك أب اللي محليتها زياده ...وابتسامتها الرقيقة ..اللي خلت الكل يرتاح لها..
واشتغل الرقص عند البنات...
عذاري : يالله عاد عنود عن الدلع
عنود : لأ أناا ما أعرف أرقص
مها : لا تستهبلي
عنود ..تذكرت منصور ....منصور ما كان يخليها ترقص...ساعات تغياضه وتقوله رقصت وهو يعصب.....وتذكرت نظرات هزاع لها الحين :..
بدور : بلاج؟؟.....خايفه من هزاع
عنود : اسكتي دخيلج ...توه شافني...بغيت أموت 
البنات فجوا حلوجهم : شووووووووو؟؟
مها : كيف شافج؟؟
عنود : مادري رحت المطبخ اييب ماي ..شفته و.هزبني
بدور : ههههههه........انزين تعالي الحين محد بيقوله
عنود ابتسمت ......:..لا هذا أخوج ساحر..شوية بشوفه مبين الحريم
البنات ضحكوا عليها وخلوها يالسه عدال عليا وهم راحوا يرقصون :..
عليا : عنود...ليش أحس انج مب مستانسه؟؟
عنود ابتسمت : لا بس اتخيل وضعي مكانج
عليا : تتخيلن عمرج مكاني...قلنا أوكي؟؟......بس مب هذا السبب
عنود نزلت راسها : بلا هذا السبب.....بس تمنيت اللي يدخل علي يكون منصور مب هزاع
عليا : ما عليه ..كل شي قسمه ونصيب....وسكتي عن تسمعج بدور
عنود ابتسمت لها وراحت :...
*********
بو جاسم : يالله الساعه عشر بنروح عند الحريم
سيف ابتسم:..ليش عمي ولهان ع حرمتك؟؟
جاسم : اسكت........الحرمه غاويه كاشخه اليوم
سيف ضحك يوم شاف بو جاسم رفع العصا ع جاسم :..
بو سيف : يالله سرينا
سيف : لا صبروا بروح ابدل
بو محمد : هذي ثاني كندورة تلبسها اليوم
سيف : شو عمي تباني أروح بالبنية...ولا هذي السودا....ببدل وبيي
زايد : عاد ما وصيج ع التأخير بنت عمي
سيف : تعرف خسارة أخرب كشختك .....وإلا كرتون الماي عدالي
زايد : هههههههه.......يا عمري والله..روح وتأخر ع راحتك
سيف : هههههههههه
راشد يساسر هزاع:بلاك هزاع؟؟
هزاع : ماشي
راشد : كيف يعني ما شي؟؟
هزاع : اففف...أبا أملج
راشد : هههههههههههههههههههههههه......من صدقك؟؟
الكل صد لراشد وهزاع 
هزاع عطا راشد نظرة وصد عنه:..
بو محمد : بلاك أبوي؟؟
راشد يخلي عمره يكح :كح ....كح لا ما شي سالفة شبابيه
بو محمد رافع حياته: تشوفني مب ريال شو؟؟
زايد : شفت يا عمي أونه نحن مخانيث
الكل صد لزايد......شو هالكلمه؟؟......
زايد : هذي كلمه عربية ....والله شفتها فالمعجم
رفعوا حياتهم له..........وصدوا لراشد
راشد : لا أبوي...محشوووووم
سيف : سرينا
الكل صد لسيف كان لابسة كندورة بين اللؤلؤي والثلجي وغترة من نفس اللون وعقال...وشعره البني طالع من الغترة...وكاشخ من الزين..بس..
زايد : ليش ويهك أحمر؟؟
سيف : مب أحمر ولا أخضر...ليش إشارة مرور وأنا مادري
زايد : لا وإنت الصادق...يا إنك مكثر البلشر؟؟...يا صايح؟؟
جاسم طالعه وتقرب منه ...الكل حط في باله شوقه لعفرى :...بلاك؟؟
سيف نزلت دمعه من عينه غصب عنه :..تمنيت أشوف منصور اليوم...هو واعدني أيول ويرقص ..وينه ..ما أشوفه سوى شي
بو سيف حطا ايده ع جتف سيف : اذكر ربك ......يالله سرينا
سيف : سرينا
***********
في الحفلة رغم الأغاني والحشرة...بس صوت السيارات برع وتخميسات الشباب واصله لهم...حتى سيف يلس يخمس وياهم...يوم نزل هزبه بو جاسم...أونه تبى ترمل البنت...

عليا ..توها حست بالتوتر والضغط ..من بعد ما كانت ما تطلع حتى شعرة جدامه...الحين شعرها كله طالع وأيدها وظهرها ...آآآه..يالله كل شي يهون

دخل سيف ومعاه جاسم وبو جاسم ...جاسم أول مادخل يلس يدور ع عذاري...يوم شافها استانس وغمز لها...وعذاري انحرجت...سيف اللي كان منزل راسه يبا يرفعه بس مب قادر..جنه وحده مغصوبه...يوم وصل لها رفع راسه بس ما دقق فيها عدل باسها ع راسها يوم ابتعد عنها ابتسم ...بو جاسم لوى ع بنته..ووايه سيف وطلع ...
جاسم وايهه سيف: ما وصيك ع المغازل الحين
سيف ابتسم له : لا توصي حافظين الدور
جاسم ابتسم وعليا رفعت راسها تطالع سيف وجاسم المخبل
جاسم خاشم عليا ..:..وإنتي ماوصيج من غازلج صكيه بالنعال...واتصلي 999....
عليا ابتسمت :..
سيف : غربلاتك...ترى الحريم ياخذونها جد
جاسم : ما عليك ....ترى الحريم مشتهيه ومستحيه
سيف ضحك من خاطره :..
الحريم صدوا له صح صوته ما كان واضح عسب الأغاني بس شكله وضحكته كم تسوى :.. 
جاسم ابتسم وطلع :..
سيف وعليا يلسوا وتموا ساكتين.. راحوا عندهم مها وعنود اونه يرفعون معنوياتهم..شويه وراحوا عنهم
سيف صد لها :مبروك حياتي
عليا ابتسمت له : ومبروك لك إنت بعد
سيف : هااااه الحين دخلتي قفص التعذيب...ياويلج مني
عليا : عادي دامني وياك
سيف استغرب من جرأتها بس بعد استانس..مد ايده ومسك ايدها :..
عليا انصبغ ويهها بالإحراج :..
ربع عليا
(1) :..شوفي شكله يموت عليها
(2) :..إلا ما يموت فيها ....من خلصنا امتحانات اسبوعين وملجوا
(3) :...عقبالنا
(1) : مستعيله خخخ
عذاري : عنود ها أخوج ما يستحي ؟؟
عنود : ليش؟؟
عذاري : شوفي كيف ماسك ايدها..
عنود : ههه عادي حلاله
عذاري :عاد مب جدامنا
بدور سكتت شوي : عيل صبري وشوفي هزاع بيسوي بلاوي
عنود ابتسمت ابتسامه صغيرة بحزن :..
بدور وعذاري تحروه من الإحراج مب من الحزن :..يا عيني
******
عليا وسيف ودوهم الصاله اللي داخل..
وحطوا العشا حق الحريم اللي في الصاله اللي برع
وفي الميلس كانوا بس شباب وشياب العايله حطولهم بعد العشا
***********
سيف يالس قبالها : بلاج ساكته ؟؟.....
عليا : أترياك ترمس
سيف : أحيد الحريم ثرثارات مب الرياييل
عليا ابتسمت له : لا حتى الشباب يخورون ساعات
سيف : انزين يالله لبسي عباتح
عليا رفعت واحد من حياتها :..ليش؟؟
سيف : بس هذا العرس.....ماقدر أستغنى عنج الحين
عليا ابتسمت له : مسرع؟؟
سيف :ههههه.....عليا
عليا رفعت راسها : لبيـــــــــــــــــــــــــــــــــه
سيف :..لبيه يا لبيه روح تلبي 
في كل نبض في شراين وعروق
مجنون شفتك شوفتك جننت بي
كن السما تحتي وهالأرض من فوق
..\..\لبييه.wav
عليا عمرها ما توقعت سيف يعاملها جي......مسرع ما نسى حبه الجديم !! :..تعرف سيف
سيف : سيف جي حاف
عليا ابتسمت له : عمري ما توقعتك جي
سيف :كيف يعني جي.....؟؟!!!!!!
عليا : يعني....(سكتت) ...ولا شي خلاص
سيف مسك ايدها ورص عليها :..حطي عينج بعيني
عليا طالعته :..
سيف : ما بغيج تترددي لحظه إنج معاي.....مابا يكون شي في خاطرج وتكتمينه....خلنا صريحين ويا بعض من البدايه....عسب ما يصير أي خلاف من بينا..أوكي
عليا : انشالله
سيف يطالعها بخبث :..ما شي حبيبي؟؟
عليا ابتسمت له : بتسمعها وايد وبتمل
سيف : ما ظني
*********
عفرى : سلطان؟؟دخيلك آسفه عطني الموبايل
سلطان : خلاص باجر بعطيج خليني ارقد الحين
عفرى طلعت وسكرت الباب وراها : خلاص يا سيف ......باجر بتصل فيك.......وبرد حبيبتك
ياني ولهانه ع صوتك....وكلمه حبيبي......

نهاية الجزء العاشر

*****************************
الجزء الحادي من لـ...ـ...ـ غرام ـ...ــ..ــ...ذة

سلطان : هاج
عفرى سحبت الموبايل من ايده وربعت حجرتها كانت تتنفس بسرعه تفكر بكل كلمه بتقولها لسيف...شافت الساعة 11 الصبح....بتتصل حق علايه مسرع ما ملجت 

عفرى ...اتصلت لـ $توأم روحي$ ...بس ليس لديك الرصيد الكافي ..شوووو؟؟آخر مرة كان 40 ..أفففففف أكيد سلطان سرق رصيدي....راحت صوب بوكها 20 درهم....أففففف أمايا مسافرة أبا خمس أبا اتصل...
********
عليا : لا والله
سيف : هيه والله
عليا :..أوكي عيل ......باي حبيبي
سيف : أونه الزعلانه
عليا : عيل في حد البارحه مالج والحين يهزب
سيف : وإنتي ما كفاج اسبوعين تحاوطين من سوق لسوق ومن صالون لصالون...بعد تبين تظهرين
عليا : سيفان.....والله إنت ما تدري كيف أنا وهي ربع..مادري شسالفه ما يات الملجه
سيف : خلاص أنا عندي فكرة...وحل لربيعتج هذي
عليا : اللي هو؟؟
سيف : أخذها عليج وتتمون مع بعض هههههههههههههههه
عليا : سبال .....كريهه......عنلاتك......صدق إنك
سيف بصوت عذاب : إنـــــــــــــي شو؟؟
عليا سكتت :...
سيف :..هههههه......علايه 
عليا : آمر الشيخ
سيف : فديت الزعلانين والله...
عليا :..لا عادي ...كل يوم لك حرمه
سيف : أنا؟؟
عليا دموعها ع خدها ما تدري ليش مع انها ثالث مكالمه من بينهم....بس حبها له زاد ميت مرة عن قبل....وغيرتها عليها محد يتخيلها.... تغار حتى إذا جاسم قال لها شي عنه وهي ما تدري به... :...
سيف حس انه صوتها تغير....بس يبا يرفع ضغطها زود .... بخقه :..أفا الشيخ سيف يرمسج ولا تردين عليه
عليا :..سواف برمسك بعدين ...أوكي
سيف :..مثل ما تبغين .......باي حياتي
عليا بصوت يالله ينسمع : بايات
عليا انسدحت.....ليش جي الحب عذاب...حتى بعد ما ملجنا ... :...
سيف قام لبس كندورة سودا وسفرة حمرة ...تعطر وخذ سويجه وموبايله وطلع :...
عنود : وين على الله؟؟
سيف : هههههه......شهالعيوز...خلاص أنا معرس ما أكلم بنات
مها وعنود : ههههههه
مها : صلبتك علايه
سيف ابتسم وطلع يوم وصل المكان اللي يبيه ولا اللي يابه قلبه له ..نزل وشاف جاسم الحين طالع :..
جاسم وهو يوايهه: البارحه عدنا اليوم وش تبا بعد ؟؟
سيف : هههههه......البارحه شفت خوادع المكياج اليوم أبا أشوفها ع الطبيعه
جاسم : هههههههههههههه.......والله بخبرها
سيف : انزين طلبتك
جاسم : تـــــــــــــــــــــــــــم النسيب
سيف : لا تقول حق عليا إني هني خلها تروح الميلس ...بس كلمتين...وإنت تم واقف لو تبى
جاسم : شسالفه؟؟
سيف : تعرفني ..أحب أغلس
جاسم : ههههههههه زعلانه من أول يوم!!!
سيف : ههههههههههههههههههههههههه ..... يالله روح ما أكلم عزابيه بعدين يخربوني
جاسم : ههههه ...أوكيك ...........(دخل البيت وراح حجرة عليا ويلس سنه يدق الباب لين فتحت)......
عليا لابسه كندورة بيت بيضا كت...وشعرها مفتوح وطويل لين فوق ركبتها بشوي ويهه احمر :...هاااااه؟؟
جاسم : يالله مب سيف... معذبنج جي
عليا : شدخله سيف الحين؟؟
جاسم :. ريلج...لازم ندخله بكل شي.....
عليا : آمرنــــــــــي
جاسم : تعالي أبا أرمسج
عليا : أرمس محد هنا 
جاسم : لأ أبوي في الحجرة ...
عليا : انزين ما بيسمع
جاسم : اففففففففف .....تعالي واحد من ربعي ياي سوي عصير
عليا ما حبت تناقش مب متفيجه :..
جاسم ...إخته كسرت خاطره وحلف ليضرب سيف:..
عليا بعد ما سوت العصير راحت صوب الميلس ودقت الباب :..
جاسم فتح الباب : تعالي محد هني
عليا : باااااااااااااايخ .......يعني لازم تقول اللي تبيه في الميلس
جاسم : انزين يلسي
عليا : مابا .......ارمس أسمعك
شويه حد دق الباب
جاسم راح صوب الباب ....وعليا واقفه مكانها ...تحس عمرها بكمرة خفيه
عليا ....سييييييييييييييييييييييييف!!!!!!!! :..
سيف طالعها وتقرب منها وباسها ع راسها : أسف
عليا حاولت تبتسم : لا عادي
جاسم ضرب سيف بقو ع ظهره : ..عسب ما تصيح إختي
سيف تفاجأ ..بعدين مسك ظهره : عنلاتك من فيس 
عليا : جاسم بلاك عليه؟؟
سيف راح ورى عليا.....عليا كانت عايبته لدرجه ...عيونها وشعرها قلبها وكل شي فيها :...دافعي عني يا حرمتي
جاسم : قوم قوم ......من وراها........ يالس يتحرش بإختي...مسود الويهه
عليا كانت زعلانه من سيف بس ما هان عليها :...
سيف سوى غياض في جاسم ولوى عليها من ورى :....فديت علايتي
عليا انصدمت ...حست نصخها بينقطع ..ويلست ترتجف...حتى سيف حس فيها وابتعد عنها :...
سيف : السموووووحه...ما قصدي .....(ياي يطلع)
جاسم : إيه سيفوه .....(مسكه من ايده ) ....لا يكون زعلت
سيف : صراحه هيه....
جاسم يطالعه :.............!!!.....
سيف : البارحه أقوللها ما أصبر عنج......أبا أعرس ما رضت..(ابتسم)
جاسم كفخه عراسه : ..يا ثقل طينك....تحريت صدق زعلت
سيف يطالع عليا : نحن ما نقدر نزعل......بس غيرنا عادي
عليا : لا والله..........
سيف راح صوبها ..وغمز لها :..البارحه خسفه......اليوم طالعه قمر
جاسم ابتسم وطلع عنهم :..
عليا صدت عنه :..سواف حرام عليك.......والله أحبك........وإنت عادي ولا هامتنك دموعي
سيف مسك ويهها بإيده الثنتين :..منو يقول؟؟......ولا تعرفين تقريين اللي بالقلوب
عليا : ....
سيف مسح دموعها : ...وغلاتي ....ما أبغي أشوف دموعج مرة ثانية ..أوكي
عليا : ..ما بوعدك...عن تقول بعدين خنت الوعد
سيف : فديت روحج
*************
بو سيف : عنود...عنادي
عنود نزلت من الدري : هلا أبويا؟؟!!
بو سيف : تعالي يا بنتي
عنود يلست عدال أبوها ..تطالع ويه مها ..ويه أمها بس ما فهمت شي :...خير أبويا؟؟
بو سيف : بو محمد .....اليوم عطاني مهرج ويا فلوس الزهبه والذهب
عنود : من هزاع ولا محمد؟؟
بو سيف :..يعني أنا زقرتج إنتي شدخلهم مها ومحمد؟؟
عنود......يعني خلاص بعرس وبخذ قاتل قلبي... :..
بو سيف عطى بنته بطاقة :..أنا حطيت فلوسج في البنك ..وهذي البطاقة بدال ما تشلين الفلوس من مكان لمكان
عنود : انشالله أبويا...ومها؟؟
مها : أنا بيعطوني الشهر الياي......لأن عرسي عالسنه اليايه شهر واحد...إنتي عرسج جريب...
عنود حاست بوزها :..أوكي عيل
**********
عذاري : أوكي عيل .....خلاص أشوف أبويا وأرد لج خبر..
بو عذاري : خير أبويااا؟؟
عذاري : ما شي عنود ..تقول بتروح المغرب السوق عسب تتزهب ...تقول إذا بروح وياها .. أشتري حق العرس
بو عذاري : سيف بيوديكم؟؟
عذاري : مادري يمكن عمي ..ويمكن سيف ويمكن حرمه عمي
بو عذاري : ما عليه سيري
عذاري : مشكور أبويا 
******************
سلطان : ميريييييييييييي........ميري بطلي الباب ويهد....(راح وبطل الباب)... أمري الشيخه
عليا : عفرى موجوده ؟؟!!!!!
سلطان : هيه
عفرى يات تركض من ورى سلطان : علايه .........حياتي والله ........عمري...
علايه : ههههههه......كل هالحب حقي!!
عفرى : سباله حيوانه......نسألها في المدرسة عن العرس...تقول ما بعرس لين ما أخلص جامعه.......ومن ثاني إسبوع ملجت
علايه : هههههههههههههههه......شسوي ؟؟
عفرى : لا تقولي مغصوبة.....كل هالوناسه مب مال غصب
سلطان يطالعه هالخبول اللي جدامه :...
علايه : لا مب غصب.....(تساسرها)...حب
عفرى : ههههههههههه......يا ريتني رحت البارحة وشفته
علايه : ههههههههههه..(بدلع)....ما يخصج بريليه
عفرى : جب جب......تعالي داخل بسوي تحقيق...
علايه : لا أنا قلت لسيف......بس نص ساعه
سلطان يطالعهم ....ياريتني شفتج يا علايه....من زمان ...شكلها حبوبه :...
عفرى : ولا يكون ما خلاج تيين؟؟
علايه : تصدقين....عاد......هيه...بس تعرفين البنات وتأثيرنا
عفرى : هههههه.....تصدقين شكله يحبج
علاية تذكرت هذيك اللي يحبها سيف قبل العرس :...ههه البارحه مالجه مسرع ما عرفت
عفرى : انزين تعالي داخل ....
(دخلوا الحجرة ويلسوا...سلطان قال لميري تودي لهم عصير )
عفرى : توي كنت بتصل لسيف حبيبي
علايه : ههههه تصدقين ريلي اسمه سيف بعد 
عفرى بتشكك: لا يكون؟؟... 
علايه : حشا علي .....من وين بعرفه سيف مالج؟؟
عفرى : هههههه......سيف مالج أونه
علايه : هههه....
عفرى اتصلت :...تصدقين قلبي يدق
علايه : أدري من زمان......هههه
******************
مها : مسرع ما اشتقت لها!!
سيف : هههههه........كانت زعلانه ما هانت علي
مها : أونه....اليوم ما هانت عليك....باجر غلاتها من غلاتج....واللي بعده أحبها
سيف يمشط شعره: ههههههه.....انشالله ليش لأ؟؟
(رن موبايله)
مها طالعت الموبايل وتغير شكلها : ..أرد 
سيف : منو ؟؟........قلبي؟؟..هههه.(طالعها) بلاج؟؟........علايه؟؟
مها : لأ ........عــفـ........عفرى
سيف : شوووووووووووووووووووووو؟؟؟
*********************
عفرى : افففففففف ........مارد..............برد اتصل
علايه : وهو قاللج عرس ......خلاص فكينا من سيرته...
عفرى حطته عالسبيكر : رد..........ألوووووه
(---) :....خيييييييييييييير؟؟
عفرى : إنتي منو؟؟
عليا : ؟؟؟؟؟؟؟؟؟؟؟؟؟؟؟؟؟؟؟؟؟؟؟
(---):...والله عجب.........يتصلون ويستهبلون؟؟
عفرى : أنا ما استهبل ...أبغي صاحب الموبايل؟؟
(---):...وياج......هذا موبايلي
عفرى :..لأ هذا موبايل سيف..........إنتي منو؟؟
(---):...أنا حرمته..........ولا تتحرين بإتصال بتخربين علاقتنا... سواف قايللي على كل شي....بس إنتي لو رديتي واتصلتي....أهلج بيدرون بكل السالفه......أوكي يا روح قلبي
عفرى : جذابه.........(صاحت)......سواف يحبني.....خذاج بس عسب ينساني....يحبني ...أنا ...... تفهمين ولا لأ...
(---):...أنا فاهمه ......بس إنتي ما بتفهمين إلا إذا قلت لسلللللللللللطان أخوج...تامريني ع شي عفررررررررى
عفرى صكت الموبايل وهي تصيح :...كيف عرس فشهر؟؟......كيف نساني بشهر؟؟!!!!!!.... 
علايه : ما عليج .....إنسي......وبتحصلين اللي ينسيج
**********
سيف تنهد : كان حطيتيه ع السبيكر....
مها : لأ....عسب ما تحن ولا تشتاق...والحين كلم علايه
سيف : عليا فبيت ربيعتها...
مها : خلاص كلمها .....عادي....عسب تنسى أي شي صار
سيف هز راسه وسحب الموبايل ........واتصل
مها طلعت وصكت الباب...
سيف بصوت تعبان :.ألو
عليا : هلا حبيبي ...بلاه صوتك؟؟
سيف تنهد : تعبان محتاجج
عليا وقفت :..حبيبي قولي بلاك ......طيحت قلبي
سيف : بسم الله عليج.......إنتي بعدج في بيت ربيعتج ...
عليا : هيه
سيف : خلاص بمرج
عليا : خلاص حبيبي.....أنا بخلي الدريول يوصلني بيتكم
سيف : لا.....تبين تيبين الرمسه لعمرج إنتي؟؟
عليا : خلاص تعال حبيبي
سيف : بس عمـــــي حميد
عليا تدري انه أبوها ما بيرضى سكتت : ..
سيف تنهد :..
عفرى تطالع عليااااااا :..
عليا : ما عليك حبيبي تعال....إذا ما وقفت وياك وش خانتي
سيف : وإذا أنا ما خفت عليج وداريتج وش خانتي
عليا : انزين....فهمني حبيبي شسالفه ؟؟
سيف : ما شي سالفه.....بس كلمه في خاطري
عليا : إللي هي؟؟
سيف : أحبـــــــــــــــــــــــــــــــــــــــــــــــ ـــج
عليا ..انصدمت في البدايه....معقولة سيف قاللي أحبج :..حرام عليك طيحت قلبي
سيف : وإنتي ما بتقولينها ولا بعدي ما استاهلها ؟؟
عليا : أنا قلتلك حتى قبل ما أعرس....سواف أحبك ...وطول عمري بحبك...
سيف ابتسم : وإذا طلبت منج شي....بتسوينه
عليا : آمر......
سيف :أبغي أعرس...بعد عرس عنود
عليا : بس إنت قلت؟؟
سيف : اللي قلته شي ....واللي بقلبي الحين شي ثاني
عليا : خلاص اللي تشوفه
سيف : حياتي والله....خلاص الأسبوع الياي بيي وبعطيج فلوس الزهبه ...أوكي
عليا : أوكي حبيبي..
سيف : باي
عليا : بايااااااااات
عفرى تمسح دموعها : بلاه ريلج؟؟
عليا : مادري شكله متضايج...قاللي أبا أشوفج بعدين هوّن...بعدين قاللي أحبج...والحين يقول أبا أعرس بعد شهرين ما بقدر اتريا للسنه اليايه
عفرى : يا حظج .....شكله يموت ع ثراج
***********
سيف من سكر حط راسه ورقد......أفكاره متلخبطه...ما يعرف شو يسوي ولا شو يبا.....اللي يعرفه انه محتاي لعليا ...
*********
وطافوا الشهرين
سيف كلّم عمه بو جاسم عن تجديم العرس...ما قالوا شي...لأن خير البر عاجله.. سيف ساعات يضعف ويبا يتصل في عفرى ....بس مها عراسه شرى الشيطان..لين ما تعود كلما تذكر عفرى اتصل في علاية ويلس يسولف وياها...وحجز كل شي حق العرس..
مها ..عمها عطاها فلوس الزهبة والمهر...وتروح ويا علايه وعنود وعذاري يشترون أغراض الزهبة
عنود ...اشترت أحسن وأحلى الأغراض في السوق....اللي يشوفها يقول مستانسه على هالعرس...بس هي تبى تقهر هزاع ع قد ما تقدر...وتحرق دمه...بدون محد يعرف...يعني تقتل الشخص وتمشي بجنازته.....وإذا عن الدراسه ...قدمت في كليه الطب بس محد يعرف..لأن الكل حاط في باله انها بتروح مع هزاع ألمانيا
عليا تعلقت زود سيف.....وهي ما تنكر أنها تحس انه سيف متعلق بها ...وإذا عن طلعات السوق ما قصرت فيها...وعن الدراسه قدمت في كليه الهندسة(شرات ريلها)
جاسم ...يستانس يوم يسمع أخبار عذاري وطلعاتها للسوق والزهبه..وغيره وغيره
عذاري وناستها مب أقل من جاسم ....وقدمت في التقنية وقبلوها
بدور قدمت في جامعه العين...وابتعدت شوي عن البنات..خاصة عليا...توقعت أنه سيف يميل لها على الأقل وانصدمت يوم عرفت بموضوع الخطبة...بس ما بينت شي... وكل البنات انخطبوا وماعندهم إلا مشاوير أغراض الزهبة والعرس...إلا هي!!
هزاع ....حجز كل شي حق العرس...وعدل ملحقه....وراح لندن يضبط الأمور مال شهر العسل..بس ما بيروحون بعد العرس على طول...لأن بعد يومين من عرسهم عرس سيف.. عقبها بروحون يميع لندن..
راشد يتريا ولي العهد بكل صبر...وسارة دخلت التاسع...يعني حتى مب أكيد تحضر العرس..
زايد سافر ويا ربعه ...الكويت والبحرين وسوريا ومصر وبيردون...بس السفر بيكون كله بالسيارة بس يوم راحوا من البحرين لين سوريا بطيارة ...
محمد ......لا جديد ....غير الشوق
***************
عنود يودت راسها من التعب ..... ويالسه تنافخ:..
عليا : بلاج؟؟
عنود : تعبت .....مليت....طول شهرين ونحن نراكض من سوق لسوق.....ومن ثلاث أيام رحنا المحكمه نملج....ومن اسبوع ونص....كل يوم الصالون...إلا حف....حمام مغربي...صبغ ...حمام زيت...بدكير....ومادري شوووو ......هلكت!!
مها : ما عليه .....ما باجي شي أربع أيام.....اليوم عندج بروفه عسب الميك أب...وبعد يومين بطرش الدريول اييب الفستان...
عنود : صايرة مديرة أعمالي..ههه......انزين والمسكه منو بيبها القاعه؟؟
مها : الدريول بيبها ....صدق أنا تعبت إنتي الله يعينج
عنود : افففففف.......ورى باجر بيون يشلون الزهبه صح؟؟
مها : هيه......واللي بعده حفلة الحنا
عنود : وانشالله متى بتحنى إذا على جي....
عليا :والله يوم بيون يشلون الزهبة ما يصير تطلعين.لهم...بنروح الصالون
عنود : بيون ويا المعلايه.......واله أحس ربشه....أبا أشوفهم ما أبا أروح الصالون
مها : ههههههههه تخبلت العروس
عذاري : ..مب بس هي هههههه
عليا : أقول أنا بروح عن ايي سيف ....مب حلوة...
مها : أوكي
عليا وقفت :..
شويه انفتح الباب 
سيف : مهوووووووو....(سكت يطالع عليا)....
****************
جاسم : هاااااااه شو المعنويات ...المعرس؟؟
هزاع : عال العال.......بس صدق تعب....
جاسم : هههههه....شو ما بتحضر عرسي
هزاع : أأجل عرسي...بس عشان عرسك
جاسم : مشكور ......بس أنا أرمس جد..
هزاع : بلا بنحضر ...بعد العرس بنتم يومين عسب عرس سيف..وبعدها بنسافر لندن ....ثلاث أسابيع والأسبوع الأخير ...بتكون العزومه عسب خطرتها...وترى نفس الإسبوع عرسك
جاسم : يالله كلنا بنعرس.....تصدق الحين أحس إني صدق غديت ريال....مع انه عمري 22 أحس انه الحين بس عقلت
هزاع : هههههههههههه........تذكر يوم ضربنا أم عبيد ويابت الشرطه
جاسم : هههههههههه خسنا في الأحداث يومين
هزاع : هم يقدرون يطلعونا .......بس أونه نتأدب
جاسم : ههههه وسوينا غياض ضربنا راع الدكان
هزاع : ههههههههههههه.......اذكر الدورية حافظه أشكالنا واسامينا بعد
جاسم : هههههههههه صرنا ربع ويا الدورية ع كثر البلاوي اللي سويناها
هزاع : اسكت .....أمسات رايح العين مول شفت عفان...مال الدورية
جاسم : أي واحد ...الأبيضاني؟؟
هزاع : لا الثاني الأسمر.........أسمنه فضحني جدام الربع
جاسم :ههههههههههه
*******************
عليا : أقول أنا بروح عن ايي سيف ....مب حلوة...
مها : أوكي
عليا وقفت :..
شويه انفتح الباب 
سيف : مهوووووووو....(سكتت يطالع عليا)....ع البال توك يا جميل
والحين أشوفك مستحيل
ما أصدق عيوني أنا
يا سيدي عمرك طويل
توني أسولف عنك هواك
وأسأل فوادي اللي معاك
وين أرضك إنت وسماك
والقاك فعلا مب قليل
البنات : ههههههههه
عليا..... سيف ماشالله عليه صوته عذاب روعه....خاصه يوم يغني محد يغلبه غير عنود... ضحكت : تخبلت!!
سيف : أكيد بتخبل ....أسبوعين ما ترمسيني....
عليا ابتسمت له ويايه تطلع :..
سيف سكر عليها الدرب :..نعم!!
عليا : الله ينعم بحالك ....أبا أطلع
سيف تقرب منها .....غمز لها: ما اشتقتي لي؟؟
عليا بدلع : سووووواف
سيف : ههههههه.........أصلا أنا جدامج ومشتاقه.. لو أسير شو بتسوين؟؟
عليا كلامه صح ...بس أونها تكابر :..ما بسوي شي
بو سيف يصارخ عند الدري : سييييييييييييييف يالله
سيف ابتسم وباسها ع خدها وطلع :..
عليا طالعته لين ماراح ...وطاحت في حضن عذاري : أحبه ......يا ربي ما با عرس ما عرس......أبا سوااااف
مها : أيه......ترى أخوي ......أغار
عليا ابتسمت....يلست شوي وطلعت :..
*********
عنود وهي تصيح : برق لمع في مقلتي والحشا ناااااار
وشوف من بين المقادير حدفي
جاني رسول أخبار من وادع وسار
قاسي حروفه فاقت أحزان وصفي
..\..\storry\brqan_lmaa3.rm
مها هزت راسها وراحت عنها :...
************
كل شي جاهز للعرس ...إلا معنويات عنود .....إللي هبطت للصفر......ما تبى ادمر حياته ولا تبى تعيش مع غير منصور ...باجر العرس الله يعينج يا عنووووود

*********************************
الجزء الثاني عشر من لـ...ـ...ـ غرام ـ...ـ...ـ...ذة 

سيف يطالع ساعته : الساعه 12....مهوي ما بتروحون الصالون...
مها : بلا بنروح الساعه وحده مع أحلى دريول
سيف رافع حياته :..عباسوه أحلى دريول!!!
مها ضحكت : لا.........إنت!!
سيف : هههههههه.......بوديكم بس مب لعيونج....عسب عروستنا....إلا بعدها راقده؟؟
مها : مادري ما دخلت عليها...قلت بروح أوعيها...بس أمي قالت خليها
سيف : هيه تعرفين عاد ....الليله عندها شغل ....هههههه...الليله صباحي
مها : هههههههههههههههههههههههههههههههههههههه
أم سيف : اسمنك ما تستحي......
سيف وقف : ههههه بروح أشوف العروس...
مها : بيي وياك
سيف فتح باب الحجرة ...انصدم الليت مسكر....والحجرة بااااااردة ...إلا مثلجه...بـــــــس !!.
**********
هزاع دخل : السلام
محمد وراشد وزايد وأبوه ردوا السلام ...
هزاع انسدح ع الكنبة الطويله لانهم كانوا يالسين يتريقون تحت :..تعباااااان
محمد : ما باجي شي..وبترتاح هههه
زايد : صدقك..(يالس يحسب بأصابعه)...أشوف ..13 ساعه وأحلــــــى راحه
بو محمد ميود ضحكته ... : اصطلب عاد
هزاع يهز راسه :.............(سكت شوي)....صبر....صبر...ليش 13 ساعه؟؟
زايد : لأن ساعه كامله بيلس أغلس عليك..
هزاع : أخ منك .....حتى يوم عرسي...بترز ويهك...(وقف)...أنا بروح انسدح تعباااان
راشد : ونحن بندق نذاله....ما بنوعيك ...إلا عقب الساعة 11 بالليل
زايد :..وبعدين عسب نهدي الوضع في القاعة..أروح أنا وأخذ عنود
الكل : ههههههههههههههههههههه
هزاع تقرب منه وضربه بقو ع راسه :..
زايد : أأأأأأأي........بلاك هذي حركة العرس
محمد : هههههههههه........أحلى حركه
***********
عليا : هااااااااه بدور تأخرتي
بدور : ههه الرقااااااااد سلطان!!
عذاري : منو هاااه سلطان بعد؟؟
بدور : أيييييييييييييييه.......لا تطلعوا عني سوالف...(بعفويه)عندي بدال الأخو خمسه..
سكتوا لحظات...
عليا حسيت الجو تكهرب وعيون بدور امتلت دموع.....وأي لحظه بتنهار ........الله يرحمك يا سعيد :...إلا بدور ...شخبار المعرس؟؟
بدور ابتسمت : معطنها رقده من الخاطر
عذاري بخبث : مسكين ......الليله وراه شغل يهد الحيل
البنات : ههههههههههههههههههههههههههههههههههههههههه
*************
سيف فتح باب الحجرة ...انصدم الليت مسكر....والحجرة بااااااردة ...إلا مثلجه...بـــــــس ..
مها ...سيف كان واقف جدامها ...ويوم باعدت عنه ...ودخلت تطالع الحجرة سكتت :...
عنود كانت يالسه ع الكمبيوتر ....مطوله ع الأغاني في الكمبيوتر...ودوّر بالكرسي يمين ويسار...وشعرها لافتنه بمشبك ...ونازله الخصل لين جتوفها...ودموعها مغطيه ويهها....من كثر الدموع....اللي شفتها والحزن ...دمعت عيني معاها .....\..\storry\sa3eed_kam-thiba7ny.wav.......
سيف كنت أسمع كلمات الشله ...وأحس أنها تنطبق ع عنود في كل كلمه يقولها ...تقربت وبطلت الليت... :..
سيف ....عنود صدت لنا .....الحزن بعيونها وملامحها ....بس كابرت وابتسمت بس مسرع ما اختفت....قالت كلام ما فهمته..وخذت دقايق عسب استوعب اللي قالته .. :..
عنود :.. " تبــيني اضحك وانا بداخلي هموم .. تبيني ابكي وشوف الناس فرحانه
عيت البسمه على شفاتي تدوم .. تــرتجي طيف له الــروح ولــهانه .. "
مها تقربت منها ...بس عنود ما تحركت ابتسمت ابتسامه ..مع انها ابتسامه بس قالت هالابتسامه كلام وايد...توصف حزنها ويأسها..توصف رغبتها الشديده بالموت... تحسس اللي ما يحس بالذنب..(حطيت ايدي ع يبتها كانت شابه ضو..والعرق يتصبب من ويهها ويختلط مع الدموع ) :...سيــــــــــــــــــــــــــــــــــــف!!!
سيف فهمت من نظرات مها كل شي...كيف اوديها المستشفى...وأمي وأبوي شقولهم...وغير جي اليوم عرسها!! ...بس كل شي يهون عسب إختيه ..(بجمود) :..لبسيها عباتها!!
عنود بتعب وصوتها المتقطع والدموع تخط مجراها ع خدودها : لا ما بروح ....أبا أمووووت......خلالالالالالالالالالاص.....لا تودوني صبروا علي دقايق...وربي بفك كم مني ...
سيف سحب العباة من ايد مها وقوم عنود بالغصب ومد لها العباة :..
عنود حاولت توقف دقايق...سيف صح كان ساندنها عسب توقف ...بس لحظات ...وطاحت عنود من ايده ...طاحت ع الأرض ...:...عنووووووود عنود ...ردي علي
سيف... حسيت ...انه كلامها طلع صح....( صبروا علي دقايق...وربي بفك كم مني ..)...لا إلا خواتي...مادري ليش دموعي ذيج الساعه خانتني :..عنود عنود قومي...
مها طحت ع الأرض احركها..ادزها اصفعها .......ماشي فايده..عنود ما ترد......عنووووووووود ....لا مستحيييييييييل يجيسها شي...هذي إختي الوحيده ..مستحيل أخلي شي يجيسها..
سيف بصوت مبحوح:..روحي شيكي انه الدرب فاضي..ما فيني ع حد ثاني بعد ...كافي علي (بتردد)..عــ .....عنــــــ.......عنود
مها بسرعة ركضت بدون حاسيه...أمي يالسه تشوف الخدامات ينظفون الميالس ...أبوي ؟؟......وينه افففففف.......أحسن محد السيارة ......ركضت فوق بس قبل لا أطلع من الدري..شفت سيف ساند عنود اللي مالها لا صوت ولا حس ..مادري أغمى عليها...ولا إختي راحت فيها؟؟ :..أبوي طالع...وأمي في الميالس...
مها >>>سيف ما رمس فر علي السويج وركضت جني هبله بطلت السيارة ...وسيف حطاها في السيارة وانطلق بكل سرعته...وهو طالع دخلت سيارة أبوي ...
بو سيف :..وين ساير سيف؟؟ما بيوصلكم القاعه؟؟
مها تطالع الساعه :..الساعة 12 ونص... :..نسينا شويت أغراض راح يشتريها..وباجي نص ساعه
بو سيف تنهد بحزن...بس هالحزن لأنه بيفارجها...مب للعذاب اللي هي فيه ..لأنه من الأساس ما حاس بهالعذاب :..والعروس وين؟؟
مها ..ليت تدري...شصار بهالعروس؟؟....ليتك يابوي :..العروس أظني تسبح
بو سيف : ما عليه عييييييل
***********
مها ركضت فوق...مسكت الموبايل بتصل في سيف...بس ماظني وصل بعده وبعدين هو معصب؟؟.......الله يعين...(حطت ايدها ع حلجها تبى تكتم هالشهقات اللي تشهقها من الصياح)...لا يا ربي عنود ما بتروح؟؟........عنود إختي ...ما بتروح....حتى لو كان مجرد إغماء بكلم أبوي لازم يوقفون هالتهريج اللي صاير.....هالعرس مستحيل يصير...(انتبهت ع موبايها يرن ) : ألوووووو
سيف : هلا مها..أقولج تلبسي وزهبي ثياب عنود...عسب تروحون الصالون..
مها وهي تمسح دموعها : إنت شو تقول؟؟......هالعرس مستحيل يصير...أنا ما بذبح اختي...بهالعرس.....أنا لازم أقول حق أبوي
سيف : لا ....مهوي...أنا قلت حق عنود بوقف العرس.....ما رضت
مها : جذاب ...عطني برمسها...
**********
زايد ...افففففففف....وأنا الغبي لازم العب كورة البارحة...ولا اتحرى عمري قوو... واقف حارس ...زين جي يوم التوت ايدي...والله بدخّل هزاع القاعة...وما علي من هالشاش...هذا مب سيف وعنود....بلاها عنود؟؟....شكلها تعبانه؟؟ معقولة من الخوف؟؟....تقربت منهم أبغي أسلم واتحمد لعنود بالسلامه..بس....الصدمه من اللي قالته خلتني واقف مكاني
**********
عذاري : مسرع بدور.....ما خلصوا تسريحتج...
بدور : الله وكبر عليج....مب عين
عليا : أصلا شعرها صغير ..لين جتفها
عذاري :..انزين...خل يرشون لج صبغ لونه أشقر وحطي ورود بلون الفستان
عليا : هيه خل يرشون الصبغ بس على الخصل النازلة
بدور : أوكي
الحرمه : يالله حبيبتي تعالي
عليا راحت حق الحرمه مال الميك أب :..بس ما بغيه ثجيل
الحرمه : ليش؟؟......هني المواطنات كله يسوون ثجيل
عليا : أدري...بس عرسي بعد كم يوم أبغي أغير شكلي كامل في العرس
الحرمة ابتسمت: مبروك مقدماً .....وأساسا العروس تطلع نيو لوك في العرس...أكيد.........بس بسويلج ميك أب لبناني..
عليا اكتفت بابتسامه :..
***********
سيف : لا ....مهوي...أنا قلت حق عنود بوقف العرس.....ما رضت
مها : جذاب ...عطني برمسها...
عنود : هلا مهوي....مهوي ...هالكلام ما يفيد الحين....لا والله......الحين فكرتوا توقفون العرس......ليش ما وقفتوا الملجه....الحين خلاص هزاع ...صار ريلي.....وحتى لو مغصوبه عليه......يعني شو تبيني أسوي؟؟..خلاص طاح الفاس بالراس.......مهوي لا تصيحين..... يعني حد كان يتوقع أبوي بعد كل هالدلع يغصبني ع ولد أخوه.....خلاص مهوي زهبي ثيابي شمس بتحتشر ما تحب حد يتأخر عليها(شمس المعدله للعروس ولــمها...بتيي لين القاعه تسويلهم الميك أب والتسريحة)....باااي
زايد انصدمت...كيف جي!!!!!!..........حد يفهمني .....هزاع اللي يموت ع ثراها...تكرهه....وفي يوم عرسها في المستشفى......بس ما أقول غير الله يعينك ياخوي ...شكلها الأيام السودا الحين بتبدأ في حياتك...تقربت أبغي أكلمهم بس في آخر لحظه تراجعت...ركضت لين السيارة بكل سرعتي....ما بيغتهم يلمحون حتى طيفي..عن صدق يوقفون العرس...هزاع بيروح فيها إذا صار جي:..
سيف بحزن : سريييييييييييينا
عنود بهدوء تحركت :...
************
الساعه أربع العصر
عنود ابتسمت لمها : طالع روعه عليج..
مها ابتسمت لها : صدق؟؟
عنود : هيه والله
مها : زين عسب أغطي عليج يالعروس
شمس وهي تحط البلشر لعنود : لا العروس مستحيل حد يغطي عليها...
عنود تسوي بيدها حركه : حره حره..
مها ابتسمت بحزن ...آآآآآآآآآآآآآآآآآه ياختي مادري شو بتكون حياتج بعد هاليوم؟؟.....بس أكيد هزاع بيغير قلبها...هزاع وايد طيب :..
شمس : مها بلاج؟؟.....
مها : هااااه؟؟
عنود : أناديج من مساعه ما تردين ....(ترفع ايدها)..الله يهنيك يا حمود
مها : حمود؟؟ أصغر عيالج شو؟؟
عنود : ههههههه......مشكوره شمس
شمس وهي تشل الأغراض...: العفو
عنود : ترى بتشوفين ويوهنا وايدعندج
شمس : أفاااا عليج....ومن ما يبا يشوف ويهج...بس ياليت يوم أشوفج مرة ثانية...هالحزن اللي في ويهج ما يكون موجود
عنود ابتسمت بحزن : لا .....عادي....
مها تبى تغير السالفه بس تحس عمرها مخنوقه ..ليش نمثل الفرح...والحزن كاسي قلوبنا :...لا شمس في شي ثاني بيتغير فيها
شمس : اللي هو؟؟
مها تغمز لها : ..الكرشة بتكبر
شمس ابتسمت : هيه والله...بس ما وصيج أول بنت ع أسمي...عسب تخلدين ذكراي
عنود : هههههههه....
شمس : يالله عيل ...مع السلامه..(طلعت)
عنود بصوت واطي : مع السلامه
مها : تصدقين توي انتبهت ع الطرحه وايد حلوه...
عنود تتخقق : أنا اللي محلتنها !!
مها : خقااااااااااااقه....
شوي ورن موبايل عنود
مها شلته : سواف ...أرد عليه ؟؟
عنود : هيه
مها : هلا......هااااااه.....هيه راحت....لا طالعه روعه....بتدخل؟؟....هي تعال من ورى القاعه....هههههه تستهبل....... خلاص ...أوكي...لا ما اعتقد ...خلاص
عنود: بلاه؟؟
مها : بيي يلس ويانا؟؟....ماشي شغل في البيت
عنود وقفت : أوكي عيل...تعالي بلبس الفستان...عن يضحك علي
مها : هههههه أونه طرحة وكشخه....ولابسة بنطلون وقميص
عنود : هذا إنتي جي تعلقين........ الله يعين سواف 
دخلوا الحجرة اللي داخل كانت جدرانها بورق جدران روعه..وفيها كراسي فخمه..يمكن هذي حجرة التصوير...مادري؟؟....وفيها بعد حمام...بعد كشخه....لا يكون يتصورون في الحمام ...هههههه......تذكرت شي!!!!
عنود : صبري بسير الحمام
مها : ههه ما فينا تسوينها ع الفستان....روحه إيجار
عنود : هههه سباله
رحت الحمام ..وبعدين طلعت ولبست الفستان بعد تعب وهلاك....لبسته ...كان روعه ..هو بدون أكمام ..بأكتاف بس كانت ع صوب ومتروسه شغل...الصدر كله شغل وكرستالات....أما من تحت فكان منفوش وايد...وفيه شرات القصات المتداخلة وفي بعد كرستالات ....أما الظهر..فكان شفاف وعليه كرستالات.....و الطرحة ...كانت كرستاله عوده ع بداية شعرها ....وفيه قطعتين منفصلتين يبينون الظهر...يوصلون لين كرستاله عوده في الفستان من ورى (بآخر الظهر)...وبعدها تنزل الطرحه عادي وفيها كرستالات.. كان رووووعه بمعنى الكلمه....تلمع من فوق لين تحت من الكرستالات....والميك أب كان تركواز وسماوي وفيه شوي وردي...وايد حلو..على لون المسكه....أوووووه المسكه؟؟
عنود : مهوي المسكه؟؟
مها : ما عليج سيف بييبها الساعه 7.30
سيف : ويييييييييييينكم؟؟
مها طلعت : هني ......إيه وين بتدخل
سيف : ليش حد داخل؟؟
عنود طلعت وتير الفستان...كان ثجيل ....آآآآآآآآآآآآه بس ما بيكون أثجل من همومي..اللي أيرها من مكان لمكان :...
سيف فج عينه يطالع عنود صدق طالعه روعه...عجيبه ...تقرب منها وباسها ع راسها .. وحط ايده ع راسها ويلس يقرا عليها ..
عنود ابتسمت : علمتك العيوز
سيف ابتسم لها...ما يبين أنها مغصوبه أو شي من جي...شكلها مستانسه...خلها الوحده مرة وحده تعرس :..
عنود : بلاك جي مبهت ؟؟.....لا صدق عدتك الوالده
مها : هههههه
(شوي ورن موبايل عنود)
مها : منو بعد؟؟.....عذاري؟؟.......أرد عليها؟؟
عنود : ههه مستويه مديرة أعمالي...ردي 
سيف : وإذا يبون موعد؟؟!!!!!...
عنود : ههه بعد شهرين ..
مها : خيبه........(ردت) ..ألو.....هههههههههههههههههههه....يالغبيه...منو وياج؟؟...هي زين...إنتوا وين ...انزين لفوا الدوار...ويوم بتكون القاعه ع ايدكم اليمين...هيه....خذوا الشارع الفرعي...هيه.توج..تشوفين باب زجاج ..هيه هذا هو...يالله.. يبتوا التوزيعات؟؟.....والعطور؟؟...خلاص أوكي يالله
(من سكرت ثواني ودخلت عذاري وعليا وبدور شكلهم انصدموا من وجود سيف ..يالله ما شافوا سيارته برع...)
عنود : شرايكم فيني
بدور : يا حظه أخوي
عليا : يالله تخبليييييييين..
ملاحظه : كانوا متغشيات ويرمسون ...بس كانوا لا بسين فساتينهم...ومحملين أكيلس بإيدهم ..
مها : حطوا الأكياس هني...
سيف ابتسم : علايه..(ناداها عسب يميز أي وحده فيهم ..لأنهم كلهم منتفخين بهالفساتين )...
عليا صدت له بس سكتت :..
سيف تقرب منها ..وسحب الغشوه بسرعه تم ساكت ... :..
عليا طالعته ..؟؟...... :..بلاك مب حلو؟؟!!!
سيف تقرب منها زود .... حست بنصخه يضرب بويهها ...غمضت عيونها :..
البنات يقول فلم مكسيكي كلهم يالسين يطالعونهم :...
سيف قال كلمه وحده وطلع بس صداها يرن في إذن عليا..كان خاطرها تلوي عليه..بطلت عيونها بس ما لقته...طالعت البنات وحده وحده وكل وحده تبتسم ..ولا تغمز :..
مها : يا حظج......سيف بن مبارك قالتج أحبــــــــــج...
عذاري : ما شالله عليه ويهه لوح
عنود : إيييييييييه ...لا تغلطي على أخوي لا رشج بالعصير أخرب المكياج...
عذاري : التوووووووووبه العروس
****************
هلابج يا عروستنا يا قلبن كلنا له عون
يا بنت اللي فهالدنيا أبد ما شي مثله اثنين
عسى ربي يوفقكم يهدي سركم ويصون
عسى ربي يهنيكم وخيره يجمع القلبين
(مقاطع إغنية الجسمي .....رسالة حب)
مشت بخطوات هاديه...تسحب خطاويها..والابتسامه غزت ويهها ...الكل يطالعها ومستانس لها...تخالطت مشاعرها بين فرحه وحزن...بسمه ودموع...بس الشي الوحيد اللي اتفقت عليه مشاعرها (((التعب))) ...الفستان هد حيلها ....كانت حركة العرس حلوة وطالعه وايد رقيقه عليها ..ركبت الستيج ...وكان ع الأطراف ورود بيضه وبينها شموع ....تمشي لليمين وتطف الشمعه..وتروح اليسار وتطف شمعه...من اليمين لليسار...دوخوا راسها....بس زين الكل عيبته الحركه...وغير هالتعب...المصورة كل ساعه تقولها وقفي وصدي..وهي تبتسم غصب عنها...الود ودها تفر المسكه عليها...بس أففففف..
تقربت منها مها ..اللي كانت تعدل الفستان لها ...:..شو الأجواء الداخلية؟؟
عنود وهي تبتسم وتطالع الناس :..الجو ملبد بالغيوم...
مها : هههههههههههه من شو عاد ؟؟
عنود : من المصورة اللعينه..
مها : هههههههههههه......تيك إت إيزي......(ويايه تروح)
عنود : مها...مها.........(بس راح صوتي وضاع بحشرة الفرقه..ما سمعتني...خيبه الناس كيف يطالعوني...)
**********
حطوا العشا للحريم......وبعدها اشتغل الرقص عند البنات ...والعيايز بعد يقومون يرقصون شوي ويلسون...مستهويات!!!
**********
الساعه 10 بالليل
بيدخل هزاع...طفوا الليتات ..وطفوا شمعة أمــ ـ ـل كانت بقلب عنود ...يعني خلاص صار العرس.......محد وقفه ولا شي ..صح إني منعت سيف ومها..بس بقلبي كان خاطري تستوي معجزه توقف هالمهزله...
بما أن باب القاعه عود ...دخل المعرس بالسيارة لين الستيج ...بعدها نزل من السيارة هزاع وأبوه وأبو عنود ...كان يمشي بكل ثقه...من ويهه تبين وناسته...وفرحته اللي محد يقدر يوصفه...تقرب من العنود بغت تشرد ...بس لو ما الفستان ثجيل جان سوتها..
تقرب منها وخوز الطرحه من ويهه وباسها ع راسها وخديها ..طالعته مبهته شوي..ابتسم لها ..استحت ما تبتسم...عن يقولوا نذله ولا خبيثه...ابتسمت ابتسامه صغيرة...
وبعدها سلموا الشياب عليهم...بو عنود تم لاوي عليها ويصيح... 
وعنود كانت ما سكه عمرها ما تبى تصيح من يوم دخلت القاعه لين هاللحظه...خانتها دموعها...وطاحت تبدي حياة الشقا...والعنا.....يلسوا فوق الخمس دقايق وهو يصيح وهي تصيح..زين انه محطين مثبت للمكياج والا كان راح المكياج قبل التصوير ...والكل يعرف بغلاة عنود عند بو سيف...
هزاع حطا ايده ع ظهر عمه وابتسم...
ابتسم له بو سيف وطلع بدون ما يصد وراه وتبعه بو محمد.....
بس من طلعوا الشياب يابوا غطى للعروس...يغطي شعرها واياديها لأن الشباب بيدخلون بيسلمون وبيطلعون بالسيارة ..اللي للحين صافطه داخل...
دخلوا كان سيف بالوسط ...وع يمينه محمد وجاسم ..وع يساره..راشد وزايد...بس أونهم محد يطالع الحريم عينهم ع الكوشه..بس كانوا يتكلمون ويضحكون 
سيف : شوف..شوف هالخبل ماسك ايد إختي
محمد : ههههه يسمونها حرمته
زايد : الغيرة لعبت به سيفوه...هههه
الشباب : هههههههه
سيف : لا عندي علايتي ..ليش أغار
جاسم : تعرف لو نحن ما هنيه كان فريتك بالطوي
الشباب : ههههههه
زايد : سينفطر قلب ليلى على قيس
الشباب : هههههههه
سيف : قيس محد غيرك يالخبول ....والحين اركب الستيج لا عقك من فوقه
الشباب كانوا يتكلموا وعينهم جدام ...ما يطالعون بعض ..بس يوم كمل سيف جملته 
زايد صد له بسرعه وكنه يهدده:..والله العظيم .....إن سويتها...بتروح عرسك مكسر
سيف : دخيلك .....لأ.....امشى يا الغزال
زايد : هههههههههههههههههه
**********
عذاري : خاطري أعرف شو يقولون
عليا : يعلقون ع فلان وعلان......وااااه فديت سواف شقى يضحك
بدور : قولي ع فلانة وعلانه
مها : لا حبيبي......ما يطالع غيري
عليا : عشتوا
***********
سيف أول واحد سلم ع هزاع ووخاشمه...وبعدها سلم ع عنود ...وتم يكلمها ومحطي ايده ورى ظهرها ...
الشباب سلموا كلهم.....بس واقفين يسولفون ...إلا محمد اللي طلع ما يحب يكون بين الحريم...
هزاع : سيفووووه خوّز ايدك
سيف : مابا........ما يخصك بإختي.....صبر ...صبر بصفي حسابي
هزاع ابتسم ورفع حياته : خيييييييير
سيف : ليش ماسك ايدها؟؟
عنود ابتسمت لإخوها... :..
هزاع مسك ايد عنود ورص عليها :..(عنااااد)
عنود بغت ادزه لو ما حشمت الناس ....بس بعدها مبتسمه..يقول مدبسين حلجها:..
سيف : ههههههه ما عليه الحين بس....تعال إنت ورى باجر وشوف اللي بيصير
هزاع : ههههههه شكلي بروح لندن علاج مب شهر عسل 
الشباب نقعوا من الضحك ...حشا شاللين القاعه ع راسهم...
سيف : يالله عيل نسترخص
هزاع : ما بيغيتوا
سيف : هههه أوكي...أوكي ...صاروا ثنتين
هزاع : ههههه......اقلب ويهك
سيف : أوكي أوكي...ثلاث
هزاع اكتفى بابتسامه...
سيف ركب السيارة مكان السايق....وراشد حذاله ..وورى جاسم وزايد...سيف حب يستهبل يعيبه يوم يشوف العيايز معصبين ..وتم يرجع ريوس (ع ورى)...وعند الباب شخطه بقو...زين ما مات راشد عليهم...لأنه ما يداني السرعه (أونه).....العيايز ..احتشرن ...صح كانت السيارة جريب القاعه ...بس الصوت طر اذونهم....
عليا : ههههههه فديت ريلي حركات
مها ضربتها بايدها وابتسمت للي جدامها:..
عليا رفعت راسه وتمت مستحيه...عمتها أم سيف جدامها :...
********
يلسوا المعاريس وطبعا ما راموا يرمسون وايد ..وهزاع قال لهم ما يبا يتأخر وايد ...عسب التصوير ...وبعدها الزفية اللي بتكون لين (((مريديان دبا))))....أونه أحسن يوم بعيد!!
بعد نص ساعه من طلعت الشباب قصوا الكيك ..وشربوا العصير...بس أم محمد قالت مب حلوه نطلّع المعاريس لحجرة التصوير...والقاعة فيها ناس...وتريوا بعد نص ساعه...لين ما حسوا الناس ع دمهم وطلعوا ..
صارت الساعه 11......وبعدين التصوير اللي كمل ساعه كامله...عنود رفضت تسوي كذا حركه قالولها تسويها..المشكله ..أمها وعمتها هني ولا بتصفع هزاع..بتقوله لا تجيسني...تصوروا وخلصوا وصارت الساعه 12 ..وطلعت الزفيه.. كشخه...طبعا أولهم سيارة المعاريس..وبعدها سيف وجاسم و غيرهم كانوا مسويين حشره في الشوارع وروحها دبي زحمه...زادوا الزحمه...والعيايز من الزحمه انقهروا الود ودهم يروحون دبا مشــــــــي!!!...
بس من وصلوا شارع الإمارات ....سيف طول ع الأغاني بالسيارة...وجاسم الخبيل ...أونه يالس ع جامه السيارة وايول...زين ما طاح...بس صدق كان ربشه...واستانسوا وايد...حتى عنود...كانت ميته من الوناسة..وأحسن شي بالسيارة...أنه هزاع يسوق...وهي يلست ورى أونه الفستان عود كيف تيلس جدام ..(إن كيدهن لعظيم)!!!
*************
في المريديان
الحريم فوق عند العروس...
الرياييل يالسين عند الاستقبال..داقين سوالف...
هزاع الود وده يطردهم...يقول عنود مب محتايه نصايح الحريم...طروا اذنها من هالنصايح...والرياييل طايحين فيه تعليق..
طلب العشا...وروحوا الكل...
.....وصفوا المعاريس روحهم.....
عنود كان شكلها تعبانه من الزين.....كانت بعدها بالمكياج والتسريحه...بس فصخت الفستان والطرحة ..ولبست مخور...
هزاع : بلاج حياتي ؟؟....ليش ما تاكلين؟؟
عنود ...هذا أكفخه بالصحن...لا تقولي حياتي ..اففففف :..
هزاع : فديتج عنود بلاج؟؟
عنود .. تفدوك غيلان قول آميييين :..ما شي تعبانه
هزاع ابتسم لها وكملوا أكل :..
بعد عشر دقايق 
عنود دقات قلبها تزيد.....كيف بقوله ..شو بيسوي..والله خايفه..(وقفت) :..بروح اسبح
هزاع : أوكي .....
عنود دخلت وسبحت وكانت تزهب كل كلمه بتقولها ...ودموعها ع خدها...تختلط بالماي بعد ساعه ..طلعت من الحمام...كانت مخلصه بس ما تدري كيف تطلع له بقميص النوم وتقوله هالرمسه.. :..
هزاع ابتسم لها : ما بغيتي!!
عنود ابتسمت له ... :. ما بتدخل تسبح؟؟
هزاع : الحين رايح..........(ودخل الحمام)
عنود صح ما كمل وايد في الحمام بس كنت تعبانه ...ولا كنت أبا أشرد من دوامة أفكاري المهم إني رقدت :..
هزاع طلعت من الحمام لقيتها راقده...يلست حذاله...فديتها شكلها بيبي وهي راقده ... بس ..بخليها راقده اليوم شكلها وايد تعبانه....بس باجر يا ويلها مني ...انسدحت عدالها ولويت عليها....وناستي محد يقدر يوصفها...صح ان السباله رقدت وخلتني بمنكري..بس المهم انها عندي ...عنود مال هزاع وبس ...ابتسم ورقد :..

******************************
الجزء الثالث عشر من لـ...ـ...ـ غرام ـ...ـ...ـ...ذة 

فتحت عينها ع صوت رنة المسج....خيبه منو هذا عدالي....(مسكت راسها)...أووووووه هذا هزاع اللي يسمونه ريلي...هه......أقتله ولا شو أسوي ...أوه المسج...(كانت شبه منسدحه...وعاطيه هزاع ظهرها)....بطلت المسج...
صباح الشوق
ودهن العود
وورده فيه يقطر نود
صباح الكلمة الحلوة
صباح الغلا بليا حدود
أعزك يا ترى تسمع 
أعزك وانته المقصود
صباح ريحته قهوة
وطعمه بالحلى معقود
صباح نغمته تغريد 
وصوته ينعش الميهود
ههههههه.......فديتك يا سواف.....(اتصلت)....
عنود وصوتها كله رقاد : ألوو
سيف : مراحب بأحلـــــــــى عروس
عنود : أنا ولا علايه؟؟
سيف : هههههه شو ياب القمر للنجوم
عنود : من قدي ......سواف ولد مبارك يمدحني
سيف : هههههه صدقتي عمرج ..علايه القمر
عنود : هههههههه عنلاتك......عيل جي متصل فيه..عسب تمدح ست الحسن
سيف : هههههه......لا بس ما بتيون
عنود طالعت الساعه اللي ع اليدار... :اليوم؟؟.. الحين؟؟ الساعه...10 الصبح؟؟....
سيف : أووووووووه (يستهبل).....نسينا مب راقدين ثركم
عنود انحرجت : لا تستهبل........إلا شو يالسين تسوون
سيف : ما شي أجواء العرس مستمرة...حتى بعد طلعتج
عنود : أكيد ثره عرسك.......انزين شخبار مهوي...واحشتني وايد...
سيف : ههههههه......مستانسه محد يرفسها طول الليل
عنود : سبااااااال يا ربي......تتمناه هالشي
سيف : ههههههه حشا أرقد وحمار عدالي يرفس طول الليل؟؟
عنود : حمارة حرمتك
سيف : ههههههه......شخبار هزاع؟؟
عنود : تمام التمام .......يالله الحين سكر.....ولا بسكر بويهك
سيف : هههههه معلوم..بتسكرين...عندج هزاع شو تبينا؟؟
عنود : بااااااااااااااايخ........تصدق أول مرة أعرف انه ما عندي سالفه أرمسك؟
سيف : من زمان وأنا مكتشف هالشي....بس ما حبيت أجرحج..
عنود : ههههه .......أوكي عيل حبيبي...برمسك بعدين 
سيف : أوكي ......أم سيف
عنود : لا والله.......يبت الولد وسميته بعد
سيف : أكيد........بيطلع مستخول
عنود : لا والله راح بلّوشي عيل
سيف : ههههههههههه .......أوكي فديتج...بسكر..رقدي عدل ..أوكي
عنود : ههههههه......لا توصي.....باي
سيف : باي
عنود توها بتحطي الموبايل ع الكوميدينو....هزاع لوى عليها :..منو ترمسين؟؟
عنود انقبض قلبها....خيبه خرعني أسود الويهه....زين إني رقدت البارحه..وما رمسته...بس اليوم لازم أرمسه ..:..سواف
هزاع طالعها دقايق :..
عنود ...بلاه هذا جي يطالعني...فيني رقاد ...حطت راسها ع المخده...وصدت الصوب الثاني:..
هزاع : عنود.....بلاج ما تبين حتى تطلين بويهي؟؟
عنود ..توك حسيت..... صدت له :..ولا شي.....
هزاع : يعني...شو أفسره؟؟....كلها مستحى؟؟ولا شي ثاني؟؟
عنود : سماه اللي تبيه
هزاع عقد حياته...مادري بلاه..جنها مب طايقتني؟؟ :..؟؟؟؟؟
عنود قامت من السرير.....وراحت صوب الشنطه تطلع لها ثياب :..
هزاع ..ما حب يتناقش وياها الحين...يمكن مستحية؟؟ولا يوم تقوم الصبح ما تحب ترمس؟؟....ولا ...ولا ....طلع ميت عذر لعنود ...بس ما كان بين كل هالأعذار الشي الصحيح:..
عنود دخلت تسبح...ودخلت ثيابها الحمام (أكرمكم الله).... كيف تلبس جدام هزاعووووووووه :..
***************
عليا راحت الصالون تتحنى...لأنها ما تحنت فعرس عنود...وباجر حفلة الحنا...عذاري راحت معاها...هي صح متحنيه..بس مب حلوه العروس تروح روحها...:..
عذاري : شو تعبتي؟؟
عليا : لا عادي .....أصلا بعدهم ما بدوا بالجد...بعدهم في البدايه..أذكر يوم الملجه هلكت هلاك...
عذاري : يا حظج ...ملجتوا قبلها بمده...مب نحن..قبل العرس بإسبوع نملج...
عليا : أبوي ما عارض هالشي...بس أحس مب حلو عرس ورى عرس تعب..
عذاري : صدقج...كلنا بشهر ...عنود وأنتي وأنا...
عليا : اففففففف يحرق خيبه...مب حنا...ماي نار(تيذاب)
عذاري : ههههههههه.....اللي يبا الغوى يستحمل
عليا : مستحملين....أقول ثرها عنود شو مسوية ويا هزاع؟؟
عذاري تغمز :..بلاوي
عليا ابتسمت من ورى خاطرها......بلاوي بس مب لصالح العرس ..بلاوي بتهدم العرس... الله يعين :...
*************
عفرى طالعه من الطبخ :...
سلطان : بلاج؟؟
عفرى كان شكلها يبين انها تعبانه ومصفره.... :..ماشي.....(ويلست)
سلطان يلس حذالها : علي أنا هالكلام؟؟
عفرى ودمعه حاره طاحت من عينها .تشكي اللي فيها بدون ما ترمس...بس ما يصير تقول لسلطان عن يدفنها بمكانها... :..ورى باجر عرس علايه وما شريت فستان؟؟
سلطان :..علايه ربيعتج؟؟.
عفرى : هيه..
سلطان قعد يقلبها في مخه...علايه قوم ال_______ي...وسيف ولد عم زايد قوم ال______ي...يمكن ريلها ولا شسالفه...امممممم.....: خلاص البسي وبوديج..
عفرى : صدق!!......(قامت تتلبس...ما فيها تضيع عرس أعز ربيعاتها..بسبب فراق سيف...عرس ربيعتها ما بيوقف ع مزاجها...).....
******************
كل العايله راقدين هالوقت ......لأنه إجازه...ولانهم البارحة تعبوا...من العرس..للزفيه...ومب سهله السواقه بالليل...ودرب من دبي لدبا...وردوا من دبا لدبي...
يعني العايله :..ZzZzZzZzZzZzZzZzZ
********************
عنود طلعت من الحمام .....كانت لابسة تنورة قصيرة لين الركبه لونها أسود وأبيض...وايد حلوة..والقميص أسود ..كله لمعه...بدون أكمام ولا أكتاف مجرد خيط ينربط ع الرقبه...وظهرها طالع..طالعت هزاع وابتسمت..من الحين بتبدأ خطة التعديب والانتقام يا منصور.. :..
هزاع طالعها......والله يا ناس أموت فيها...وأموت ع ثراها....تقرب منها ..وشكله شوي بيدخل فيها ..:..
عنود بدلع : هزاااااع
هزاع : يا ويل حالي ...(تقرب وباسها)......أحبج
عنود احترق ويهها من الفشيله هذا من أولها جي ... نزلت راسها وما رمست :..
هزاع رفع راسها بإيده .. : البارحه عذرتج يوم إنج رقدتي بس مب كل يوم..(وغمز لها)
عنود ..هه لا يا روح أمك.....كل يوم.. :..سوووووري
هزاع ابتسم لها : لا عادي.....(وحطا الفوطه ع جتفه ودخل الحمام يسبح)
عنود ما صدقت سمعت صوت قفل الحمام...طاحت بكل ثقلها ع الكنبه اللي بالحجرة :..خييييييييبه الله يعيني...أحس عمري بضرابه وإني بطلع منها خسارنه...
**********
ربع ساعه وطلعت من الحمام شفتها فاتحه البلكونه...وتطالع البحر....وشعرها يحركه هالنسيم الهادي....أخاف أحسد عمري عليج يا عنود .....لبست وهي ما انتبهت اني طلعت من الأساس....مشيت لعندها ...ولويت عليها من ورى....
عنود شهقت : ..خرعتني
هزاع : هههههههههه.....شو تسوين؟؟
عنود تساندت ع هزاع ..... :..أطالع البحر....وناسه لو نتم هني على طول لو ما الشوق للغاليين جان تميت
هزاع : هههههههههه.....(صد للبحر..وبعده لاوي ع عنود)....تدرين..إنتي عندج إنتهت كل أمنياتي...
عنود صدت له وحوطت ع رقبته بإياديها وابتسمت :..وشو كانت أمنياتك قبل لا تتزوجني؟؟
هزاع : قبل لا اتزوجج؟؟ .....إنتي ودراستي وشهادتي ولمة العايله
عنود : وسويت كل اللي تتمناه صح؟؟
هزاع : لا .....إلا شهادتي...باجي لي سنتين
عنود :الله يوفجك.......إلا بخبرك سر؟؟
هزاع يطالعها : اللي هو ؟؟
عنود تقربت من أذونه : يوعااااااانه
هزاع : هههههه....تصدقين نفس السر....كنت بقوله لج..
عنود : ههه.....شو رايك؟؟
هزاع يستهبل : المطبخ عندج روحي طبخي؟؟
عنود : what??what??what??
هزاع : ههههههه.....بلاج توطوطين...الحين بنطلب الريوق..كلتينا حشاا
عنود : هيه جي خلك شاطر ...
هزاع مسكها من رقبتها :..يا ناس أذبحها هذي....
عنود : شو سويت؟؟
هزاع : خبلتي بي .....مب عارف شو أقول ولا شو أسوي
عنود مررت ايدها بشعرها بدلع : ما أكون بنت أبوي عيل
هزا ع ابتسم لها وباسها :...
****************
الساعه 3 الظهر
جاسم قايم من الرقاد : ألووووووووووووووووووووووه
سيف : خيبه شفطتنا...مب ألووه هذي...راقد؟؟
جاسم : أنت شرايك؟؟
سيف يستهبل : شكلك قمت...
جاسم : سيفووووووه ..خلني أرقد...
سيف : لاوالله عرس هزاع حظرته من بداية الإسبوع...والحين يوم أسبوع عرسي راقد...أوكي ..الله يسامحك
جاسم : دخيلك حل عن سماي....أبا أرقد
سيف : نوم العوافي...(وسكر)
جاسم حطا راسه ع المخده : ياناس تعباااااااان.........تعباااااااااااااااااان
***************
راشد : هااااااه وينه جسوم؟؟
سيف سوى حركه بإيده : خله يولي.......عطيتوا الفرقه ماي؟؟
راشد : محمد ....رايح عند الحريم...بيقولهم وبيعطوه
سيف بخبث : مكار رايح يبا يشوف حرمته..
راشد : ههههه تصدق حتى أنا شاك بالسالفه..
محمد وراهم مجتف ايده : لا والله؟؟
سيف صد له: هيه عيل من متى تسوي خير في حياتك؟؟
محمد : أسود الويهه .........صبر علي..
سيف : ههههههه.......اسمحلي بو الشباب..
زايد ياي من عند الرياييل : عيل وين نسيبك؟؟
سيف اعتفس شكله وطنشهم وراح عند الرياييل :..
زايد : هذا بلاه؟؟
راشد : تلاقيه مضايج من جسوم ليش ما يا للحين
محمد : بعد جاسم يستهبل ......كلنا تعبانين من العرس البارحه....بس يينا
*************
عند البحر
هزاع : عنود الماي بارد.........عنود ...حرام عليج
عنود وقفت عن رش الماي : ..قول تووووووبه
هزاع ركض صوبها : ما عليه السباله
عنود من شافته يركض ربعت : والله خلاص..هزاع ......سوووووووووووووري
هزاع مسكها .. :...هاااااااه منو بيقول توبه الحين
عنود بعناد : ما بقول!!
هزاع شالها يبا يعقها في الماي : متأكده؟؟
عنود : التوبه ......التووووووووبه
هزاع عناد يلسها ع السيفه جريب البحر : دوااااااج
عنود : ما عليه ......وشلت الرمل وفرته بويهه وركضت ...كانت شويه بطيح ع ويهها..
هزاع مسكها من ايدها وسحبها : بسم الله عليج.....تعورتي
عنود سكتت شوي...أطالع ويهه كيف خايف علي...حسيت بندم من اللي أسويه وياه..بس من مر طيف منصور في بالي...تبخر كل اللي خطر ع البال :..
هزاع : عنود ...تعورتي؟؟
عنود : كيف بتعور وإنت مسكتني قبل لا أطيح؟؟
هزاع : ههه يعني كنت تبيني أودرج..
عنود ابتسمت له وحطت ايدها ع ويهه :..سوري
***********
جاسم ماسك راسه ما يدري ليش الصداع ملازمه طول الوقت ..... هو رقد وايد..ولا شوي ما يدري...طلع له كندورة سودا وسفرة حمرا وتسفر...تعطر وخذ موبايله وطلع..بس بعد خمس دقايق رد وخذ السويج....قلب الدنيا عليه برع ..وهو ما شله بالأساس...
أم جاسم :. بلاك ولدي...شاللي يعورك؟؟
جاسم خذ بيبسي كان محطوط ع الصينيه :..ما شي صداع وبيزول..
أم جاسم : كل لك شي لا تشرب بيبسي ع الريج..
جاسم : ما عليج ...ما يأثر فينا..هذيل اللي يطيحون..مصاروة ومدلعين...نحن رياييل بداو..
أم جاسم : المرض ما يعرف بدوي ولا مصري....
جاسم : ههههههههه.....لا مرة ثانية علميه..(وطلع)
دخلت السيارة وحطيت السويج...بس الصداع عور لي راسي عن ادعم...وخرب عرس اختي بعد...اذكر كان عندي بندول وينه؟؟.....هاذوه...وين الماي؟؟...افففف مب لازم...خذت الحبه وشربتها مع البيبسي....ههههه....أدري خبله...بس ما عليكم ما بيجيسني شي... 
وصلت العرس...كانت ربشه الليوا...تلثمت...ونزلت من السيارة رقصت شوي وياهم...وخوزت اللثام ورحت صوب المعرس...
جاسم : هااااااه النسيب .....
سيف طالعه : جان ما ييت
جاسم : هههههههه....الرقاد حلو يا ريال..
سيف : حلو ...وإنت بعدك ما عرست بعدين شو؟؟
راشد : هههه بعدين بيدود الفراش
سيف : هههه صراحه اله يعينها عذاري
جاسم : هااااااه رضيت عنا؟؟
سيف : لا......
جاسم يغني :..قلي يا أغلى الناس 
يا حساس
منهو غيرك؟؟
لو زعل لا باس
بوسة راس
وأرضي خاطرك...
سيف يكمل الإغنيه:.. يا حبيب الروح
مالي روح 
تقوى تهجرك
والعتب مسموح 
من مجروح
دايم يسهرك......
جاسم : ههههههههههه...(يلس عدال سيف وخذ الديو اللي جدامه)...شو راشد رقص المعرس ولا لأ؟؟
راشد : لا بعده.....نتحايل عليه مب راضي
سيف : عاد مب الحين .....بعد المغرب
جاسم :..ليش إنت بتفطر ولا بترقص ؟؟
الشباب : هههههههههههههههههههههههههههههههههههههه
سيف : مسود الويهه....(وكفخه ع راسه)
جاسم شرب الديو كله وفر القوطي ع سيف : ...سوي نظيف زين...ولا ما في سوي شادي مع أختي
زايد : ههههههههه......الشيخ؟؟....أخو حيدروه
سيف : هههههههههههههههه حلوه منك بو خليفه
جاسم : ههههههههه..هههه..هههه(مسك بطنه مب قادر يضحك)
الشباب يطالعونه يتحرونه يستهبل
محمد : وايد ضحكتك بالله؟؟؟
جاسم ماسك بطنه ومب قادر يتنفس ..رفع راسه بصعوبه ..
سيف طالع جاسم ......وانصعق!!!
******************
عليا : يالله .....ما في خلاص ..أنا تعبان
المحنيه :..صبر شوي....ما يستوي يابس...
عذاري : تبين تاكلين شي؟؟.. يوعانه؟؟
عليا : قولي ميته من اليوع...
عذاري: خلاص .......(تكلم المحنيه)...مافي كافتيريا قريب منا؟؟
المحنيه تهز راسها : فيه....هذا رقم ...*******
**********
هزاع : تدرين ماعرف شو مسويين في العرس؟؟
عنود : هيه والله .......فديته أخوي.....اتصل به
هزاع : انزين .....بس بشرط؟؟
عنود : اللي هو؟؟
هزاع : تفديني أنا بعد مب بس سيفوه
عنود : فديت ريليييييه والله
هزاع : هههههههه.......(اتصل).....ما يردون
عنود : تلاقي ربشة....ومب قادرين يسمعون الموبايل
هزاع : يمكن
**************
سيف مسك جاسم من جتفه : جاااااااااااااااسم......جسوم
جاسم دز سيف وقام بيركب السيارة وهو ماسك بطنه ...ودم يصب من حلجه...وكندورته كلها دم....
الكل قام يطالع جاسم بلاه؟؟
سيف سحبه بقو ..لين السيارة...وركب مكان السايق ...
جاسم وهو يكح ...ومحطي ايده ع حلجه..والدم يتصبب من ايده :...انزززززززززل ....اطلع من السيارة
سيف : جب .....اسكت إنت
زايد وراشد ركبوا وياه...
ومحمد راح بسيارته...وربعهم بعد راحوا وياه...
وصلوا المستشفى...
سيف نزل ونزّل جاسم من السيارة ....
جاسم : رووووووووح......روح العرس....
سيف : اسكت .......ما يخصك...
نزلوا راشد وزايد ..وربعوا داخل ينادون الدكاترة
سيف ماسك جاسم ويمشيه...لين داخل...شافوه الدكاتره وشلوه على طول...
************
بو سيف : أقول عمر 
عمر : آمر عمي
بو سيف : وينه سيف؟؟......
عمر : ما شــــــــي......راح يشوف واحد من الشباب خمس دقايق وبرد...
بو سيف : راح عند ريبعه يعني؟؟
عمر : هيه عمي
بو سيف : وليش مب ربيعك بعد؟؟
عمر : بلا عمي......بس قاللي محمد أمشّي العرس ...خمس دقايق بيرجعون هم
بو سيف هز راسه وراح :...
عمر : الله يعين .....لو درى انه جاسم ..بطيح من عينه...بس بلاه جاسم...أول مرة أشوفه بهالحال......
خالد : ياالخبلة تكلم عمرك!!
****************
هزاع : افففففففف ....هذي خامس مرة اتصل .....ومحد يرد...
عنود : اتصل في أبويا......ولا تصير شرات العياييز......يعني عرس ومرتبشين
هزاع : مادري.....قلبي ناغزني..
عنود : هههه يأبو الإحساس.....
هزاع ابتسم لها ...ورد يتصل في جــ ـــا ســـ ـــم 
*********
عليا : افففففف اتصل في جاسم ما يرد علي؟؟
عذاري : تلاقينه في العرس الحين...الدريول وين؟؟
عليا : يقضي اشغال حق أمايا....يعني جي عقب ساعتين ويمكن بعد يفضى
عذاري تكلم المحنيه : عادي احنا نوم هني.....بس واحد يوم
عليا : هههههههه خسج الله.....(اتصلت مرة ثانية)....شوفي الحين مشغول ...اسمنه مكار ريلج....
************
ملاحظة : طلع مشغول لأن عليا وهزاع يتصلون بنفس الوقـــــــــــــــــــــــــــــــــــــــــــــت !!!
************
سيف ضرب اليدار بإيده بكل قوته :....ما تقولون لي شو يسوون؟؟
راشد : ما عليه هدى بالك الحين...
سيف : ما شفتهم ينقلونه من الغرفه للعمليات .......ولا يرمسون الله يلعنهم ..ويحرق المستشفى ع راسهم
زايد :..لا تقول حق حد...لين ما يطلع بالسلامه.....ونعرف شو صاير....وإذا حد اتصل ردوا عليه وجنا في العرس.....وإنت سيف لازم ترد ...وإنتوا بعد يا محمد وراشد...أنا بتم عنده
سيف : لا فديتك ......ما يمشي علي هالكلام.....والله العظيم...لو صار شي فيه...يوم العرس دوروا المعرس وما بتحصلونه...
محمد : عيب عليك لا تقول جي.......وعليا شدخلها؟؟
سيف طالعه بنظره كلها عصبيه وصد عنه الصوب الثاني :...
محمد : اسمع نظراتك ما بتسكتني.....وعليا ما لها شغل...لا تهدم العايله عسب شي...جاسم غالي علي بس بعد هو ما بيرضى يصير أي شي لأخته الوحيييييييده
سيف سكتت جنه يقلب كلام محمد في راسه....بس ما كملت ثواني ...وطلعوا الدكاترة يسحبون سرير جاسم وكان مخدر....ولا راقد ولا ميت مادري....وأصلا مادري بلاه :..
الشباب توهم بيتقربوا من الدكتور :..
سيف كان أقرب واحد منه....ما سواله كاني ماني...مسكه من كندورته : بلاه جاسم....ما ترمس...بلاااااااااااااااه؟؟؟؟
الشباب مسكوا سيف 
راشد : سيف خل عقلك براسك.......الدكتور شيخصه ؟؟
سيف يصارخ والشباب ماسكينه : ما ترمممممممممممممس؟؟؟؟....ما ترررررررررررد ؟؟
الدكتور :ما تخفوش مجرد غسيل معده....هو أصله شرب كتير غازات مع حبة بندول..وغير ده..ما كنش ماكل حاجه...بس هو بخير ...ومن بكره بيأدر يطلع...
سيف رفع واحد من حياته ...يعيب ع الدكتور : ..هو بخييييييير......أكرمنا بسكوتك.....ولا بتشوف شي ما شفته...
الدكتور راح عنه...خله هو معصب الحين...وبعدين بيهدى :...
محمد : خلاص عيل ماله داعي سيف تيلس هني...لا تنسى أبوك وعمامي....بيلسون يحاتونك ....إنت المعرس....
زايد : إنتوا روحوا...محمد إنت بعد نسيبهم.....وإنت راشد معرس ولازم تكون واقف ويا أهلك .....أنا ما بيحطون بالهم علي وايد....وانشالله من يقوم بطمنكم
سيف : بــــــــس...بس
زايد : لا تبسبس.....روح الحين
****************
عفرى : مشكووور سلطان ....
سلطان : العفووووو.....هاااه أنا بروح تبين شي؟؟
عفرى : سلامة راسك.....
سلطان ابتسم لها :...(وياي يطلع)
عفرى : سلطاااااان
سلطان صد لها :..
عفرى : أسفه..
سلطان ابتسم لها : حصل خير.......(وطلع)
**************
ساره :أأأأأأأأأأأأأأأه.......بطني .....بمووووووووت......راااااااشد.... أبوووووووي....آآآآآآآي بطني ......أبوووووووويييييييييااااااا.... رااااااااااااااشد......يمه بطني مب قادره ...
سيسي : مدام شو فيه؟؟
ساره :..آآآآآآآآآآآآآه ناديلي .....راشد ......أيبي الموبايل بسررررررعه
سيسي ربعت للموبايل وعطته لسارة :..هاااه مدام 
سارة :...أأأأأأأأه بطني....يا ربي ساعدني...........ألوووه راشد.....راشد الحق علي...بمووووت راشد.........آآآآآآآآآآآه......ما أقدر تعال بسررررررررعه....
سيسي ربعت تييب العباة...لأن شكلها المدام بتربي... :..
************
سيف نزل من السيارة ...........تخطى الكل......... يبا يدخل البيت يبدل كندورته كلها دم النسيب :..
بو سيف شهق : سييييييييييييييييييييييف!!!!!
سيف رفع راسه...سيف يوم يكون معصب ولا مضايج...يتم عاقد حياته لا إرادي : خييير أبويا؟؟
بو سيف : شو هاااااه؟؟
سيف : واحد من الربع كان تعبان ووديته المستشفى..
بو سيف : والحين شو حاله؟؟
سيف : زييييين.....بس راقد الحين
بو سيف : تستاهل سلامته...
سيف هز راسه ومارد ...ركب الدري.....عن تشوفه أمه ...وتسوي بلاوي :...
************
راشد ..حمل سارة ع السيارة ......وطار بها لمستشفى الوصل...
ومن وصلوا المستشفى...تلقّوها الدكاترة وعلى طول ع غرفة الولاده..
راشد : ألو محمد...
محمد : بلاه صوتك راشد؟؟
راشد : محمد .......روح البيت اييب أمي وتعال المستشفى
محمد : راشد بلاك؟؟ جاسم صار له شي؟؟
راشد : لأ ....اييب أمي مستشفى الوصل....سارة في غرفة الولاده
محمد : خلاص ثواني ونكون عندك
راشد : دخيلك لا تتأخر..
محمد : ما عليك .......مسافة الطريج...
***********
عليا : اففففففففف.......خسنا هني...اتصل في راشد ولا محمد ما يردون علي بعد...
عذاري : اتصلي في زايد
عليا : لا سيف ....ما يخليني اركب ويا عزابيه
عذاري : اسمع عاد.....والله مليت ...إنتي مخلصه من ساعه ونص ونحن بس يالسين
عليا : شسوي أمايا تقول بعده الدريول مزحوم.....(اتصلت في زايد).....زايد بعد ما يرد
عذاري : عطيني بتصل بأبوي؟؟
عليا : هاااج...
عذاري : ألو ...هلا أبوي..منو بعد يقولك أبوي غيري؟؟..أنا عذاري بنتك....أبوي طرش حد لنا الصالون من ساعة ونص ونحن نتصل بواحد واحد ما يردون علينا.....خلاص ...لا تتأخر..
عليا : هاااااه .....شو؟؟
عذاري : فرجت.......أبوي بيمرنا...لبسي عباتج
***********
سيف لبس كندورة بنيه وتسفر.....وتعطر وحط دهن عود وطلع...مب متفيج ...مسك موبايله يتصل في زايد وما صارت رنه إلا ورد عليه زايد ...
سيف : هااااااه ؟؟طمني عليه؟؟
زايد :.......
سيف : زايد ......رد علي مب متفيج لهالهبل؟؟
زايد :....
سيف بعصبيه :...والله العظيم ...يا زايد....أنا الحين ياي لك وبتشوف سيف شو يسوي
جاسم :..ههههههههه......كلها تحبني؟؟
سيف سكت شوي :...
جاسم : مشكوووور ....سيفان....صدق بينت غلاتي عندك....
سيف : لا ولا يهمك الواجب
جاسم : أي هوم ورك .......هذا........زين ما صرطت الدكتور
سيف ابتسم :..شسوي؟؟......خايف تموت وأأجل العرس...
جاسم : ههههههه مسود الويه....أصلا إنت جذاب...تتحرى ما قالولي اللي قلته...أحسن رويتر في الإمارات زايد......
سيف : هههههه....بس أنا ما قلت شي؟؟......
جاسم :..مشكور بو خلي... 
سيف : العفوووووو......ما سوينا غير الواجب
جاسم : أنت صادعني بهالهوم ورك مالك....بلاك؟؟
سيف : معلوووووم.....عرف غلاته وقام يدلع
جاسم : ههههههه من حقي دام سيف بن مبارك....بغى يكنسل عرسه عشاني
سيف : ههههه........
**************
عنود : هزااااااع.......هزااااع
هزاع فتح عينه يطالع حوله :..خلص الفلم؟؟
عنود : لا والله...تترجاني أطالع وياك الفلم....ونص الفلم رقدت
هزاع : شسوي البارحه...سهرتني عيونج
عنود تطالعه .. الحين صاير صراع في نفسها بين نفس تحمّل هزاع موت منصور..وتكرهه....ونفس تحس بالصدق بكل نظرة أو كلمه من هزاع...بس أي نفس أقوى يا عنود ؟؟ :.....
هزاع : بلاج تطالعيني ؟؟
عنود وقفت وعطته ظهرها ويالسه تلعب بأظافرها :..هزاع بقولك شي...
هزاع : ارمسي حياتي .....إذا ما بتصارحين ريلج بتصارحين منو؟؟
عنود .....دخيلك لا تعذبني يا هزاع ...:....هزاااااع.....ياليت نكون بس ...بس..
هزاع : بس شو؟؟
عنود : نكون بس زوجين جدام الناس...(وسكرت عيونها تتريا رده)
هزاع وقف : شووووووووووووووووووووووووووووووو؟؟
عنود : هزاع لا تفهمني غلط......بس ..
هزاع ..لفها صوبه ومسكها من جتوفها :...ليش؟؟......أنا شو سويت؟؟....شو العيب اللي فيني؟؟
عنود :..مـــــــــــــاشي .......بس(صاحت)....اعذرني..(وركضت الحمام وقفلت الباب)...
هزاع يدق عليها الحمام : عنوووووووووود.......عنود بطلي ....حرام عليج.....فهميني...شاللي صاير؟؟.....شو من العيوب اللي فيني؟؟....
عنود تساندت ع اليدار وتصيح بحرقة قلب .....ما توقعته ينهار....حرام أنا شو سويت فيه..(سكرت عينها بقو يوم سمعت شي يتكسر برع..وصراخ هزاع)....(وهي تشاهق)...شسوي الحين؟؟......خايفة؟؟.....مادري أنا اخترت الوقت المناسب ولا لأ؟؟.... شسوي الحين....لا أنا ما لازم أضعف....أنا بظل وفيه لمنصور لين أموت....مستحيل أخضع وأحن ع هزاع...أنا حلفت يا منصور...حلفت بغلاتك...
7
7
عنود : انخطبت
منصور : رفضي ...ليش تعذبيني وتعذبين عمرج؟؟
عنود طالعته شوي وصاحت :...منصور خلاص أصلا وافقوا عليه من شهرين وأنا دريت بس من يومين...تعرف يعني شو؟؟؟؟.............. أنا مغصوبه
منصور : جذب ......كله جذب......مستحيل يصير جي
8
8
يا ريت يا منصور .....آآآآآآآآآآآآآآه يا منصور....عيشتي بلياك...صارت تحت الصفر.... مادري إذا كل اللي أسويه صح ولا غلط.......
7
7
عنود : كله منك إنت وإخوك ........أكرهكم هدمتوا حياتي....هدمتوا حبي .....كلكم أنانيين ....عمركم ما بتتغيروا ......بس خذها كلمه يا راشد ووصلها لأخوك المصون ...... إذا خذاني يوم واحد ما بيتهنى في حياته.....ولا تتحرى أنا مثل مها ..أخاف من الفضيحة ... وأنطوي على عمري ......أنا غير......وحطوا هالشي في بالكم .......راسي بيتم مرفوع....وهزاع هو اللي بيرجع لكم ذليل .......(صدت لمنصور)....وغلاتك يا منصور وغلاة حبنا ......إن ما راويته نجوم الليل وقت الظهر ......ما أكون حبيبتك
8
8
أنا حلفت بغلاتك......حلفت بحبنا......مستحيل أهون هالأربع سنين...أحلى سنيني...لواحد باعني وراح لمدة أربع سنين....ما سمعني صوته ولا سأل عني حتى.....باعني برخيص...وبعدها ياي عقب ما نسيته ويرد لي ....لا وغصبن عني...
هزاع : عنووووووووود ........عنود ردي علي حرام علييييييييييييييج...
عنود ..صوت هزاع كان مليان صياح وعذاب....يمكن كنت أمثل دور القسوة ....بس مب لهالدرجه أنا جاسيه ...
عنود بطلت الباب...
هزاع يالس عند باب الحمام يصيح بهدوء طالعها ...وهو ساكت يتريا الجواب..
عنود طالعته دقايق ...ورمت نفسها بحضنه تصيح بحرقه : هزاع دخيلللللك لا تسوي جي بعمرك .....(وزاد صياحها)
هزاع ..لوى عليها ما يدري يبا يخفف على نفسه بهالحركه ولا يخفف عليها ... :...

*************************************
الجزء الرابع عشر من لـ...ـ...ـ غرام ـ...ـ...ـ...ذة 

أم محمد : مبرو ك يا ولدي......مبرووووووووووووك
راشد مبهت :هههه......الله يبارك فيج يا يمه
محمد حط ايده ع جتفه : مبرووووك يا خوي
راشد ابتسم له....لا شو ابتسم عرض اسنانه كلها من الوناسه :..إلا دكتورة وينها سارة؟؟
الدكتورة : الحمدلله هي بخير....بس تدري ولاده وتعب عليها...وهذا مب واحد اثنين..
راشد ابتسم : وعيالي وين؟؟
الدكتورة : يسبحونهم ويلبسونهم ...تقريبا ساعتين وبتشوفهم...تفضل وياي عسب تسجيل العيال
راشد راح وراها :..
محمد : وحليله رشوووود ميت من الوناسه
أم محمد : أنا كنت أدري انهم توم بس هي ما بغت تخبره.....أونه مفاجأة
محمد : عقبالي يا يمه...
********
جاسم : ألووووه علايه....هااااه...إنتي كنتي متصله كذا مرة ..شبغيتي؟؟....هههه سوري خلاص......لا مشغول بالعرس.....هيه ...شو ما ربشه...هههههه.....أوكي عيل ...ارقدي الحين...باي
زايد دخل : هااااه هذي أوراق إخلاء المسؤوليه....وقع سي أفندي؟؟
جاسم مسك الورقة ووقع :...هااه خلص العرس عند سيفوه ولا؟؟
زايد : لا بعده الحين الساعه وحده ....باجي ساعه وتروح الفرقه 
جاسم : أهااااا....هزاع متصل 7 مرات ...لا يكون قلتوله؟؟
زايد : لا ما قلتله ....بس إذا ما قلتله بيعصب...وبشل في خاطره..
جاسم : أدري بس مب الحين...يوم بيون في عرس سيفوه...
زايد : كيفك ....بس اتصل فيه
جاسم : يالس اتصل .............افففففف نقعني ع الخط.......ألو
هزاع بصوت تعبان : هلا
جاسم : بلاك؟؟
هزاع صرخ : الحين أنا اللي بلاني ولا إنت ما تقولي ليش ما ترد علي.....ليش يوم احتاجك ما أحصلك...ويوم تحتاجني دوم أكون جدامك......هاااه؟؟.......ولا خلاص عوضوك عني؟؟... ع العموم كيفك......أنا مـــــ ...
جاسم قاطعه : هزاااااااااااااااع بلاك؟؟؟........شالللي صاير؟؟
هزاع : ما شـــــــــــــــي وما يخصك فيني.......فاهم؟؟
جاسم : صبر......هزاع....ليش؟؟.....شو سويت؟؟....إنت ليش مضايج؟؟
هزاع : خلصني الحين شو تبى؟؟
جاسم تنهد : حبيت أقولك ....ماريدت عليك.....لإني كنت في غرفة العمليات ...يا فهيييم .....أنا مرقد في المستشفى ...وإنت نايم في العسل.....يا....
هزاع قاطعه :..شوووووووووووو؟؟ليش؟؟؟؟وبعدين أي عسل تتكلم عنه؟؟.....جاسم تعال شوف حالي ....مب قادر استحمل أكثر
جاسم : انزين شاللي صاير؟؟؟؟؟؟؟
هزاع تنهد : شو عمليتك؟؟
جاسم : غسيل معده...لأني شارب بندول ويا البيبسي
هزاع : إنت أهبل ؟؟......ولا تحاول تستهبل؟؟....ولااا ...لا يكون إنت بعد مغصوب ع الزواج...
جاسم : إنت بلاك........هزاع....ارمس
هزاع سكر بويهه وغلق الموبايل :...
جاسم تنهد وقام يضرب الموبايل بكف ايده :..
زايد : بلاه هزاع؟؟
جاسم : مادري....قاللي كلام ما فهمته....أونه لا يكون إنت بعد مغصوب ع الزواج.....ويالس يصارخ ويتنازع ...مب فاهم شاللي صاير
زايد .... : هه مب لازم تفهم......أنا فهمت كل شي...(وطلع)
***********
هزاع انسدح ع الرمل ..آآآآآآآآآه الحين شدخله جاسم....هزبته...وسبيته...آآآآآآآه لخبطتي حياتي يا عنود ...غمض عيونه
7
7
هزاع ..لوى عليها ما يدري يبا يخفف على نفسه بهالحركه ولا يخفف عليها ... :...
عنود وهي تشاهق : ...
هزاع بعدها عنه ووقف : ..أبغي أعرف سبب واحد.....حبيتج....وبعد المشاكل اللي أنا ما يخصني فيها...سافرت أدرس بس والله ما غبتي عن بالي دقايق ...وتوقعتج بعدج تحبيني....حتى لو خف هالحب بداريه لين ما يزيد.....بس مستحيل حد ينسى حبه للأول...
عنود : الحين بعد ما هملتني أيام وسنين...ياي تقول ما غبتي عن بالي...أحبج... أي بنك أصرفه هالكلام.....إنت تدري انه بعد ما رحت....طحت في المستشفى...تدري؟؟...طبعا لأ......وامتحانات ثالث اعدادي ما عديتها إلا بــدور ثاني..وإنت لا سألت ولا اهتميت.....الحين ياي تقولي أبيج.....لا ومب بس جي....خليت أبوي...اللي هو أبوي يغصبني عليك.....خليته يدمر حياتي....كله منك!!
هزاع : أنااااااااا؟؟.........عنود الظروف خلتني أسافر ما كان بإيدي... خلاص الحين أنا ريلج.....عنود خل ننسى الماضي....لا تخلين الحاضر والمستقبل ...انتقام لماضي نحن مالنا شغل فيه...
عنود :...(تصيييييييييييييح)
هزاع : وبعدين كيف مغصوبة علي؟؟.....إنتي تقدرين ترفضي...وأنا أدريبج...
عنود : بس مب هالموقف.....إنت تدري انه أبوي ياته الجلطه يوم وفات يدي ويدتي بالحادث....وطيحته الثانية...يوم الضرابه....ولا حتى فكر حد منكم يزوره...بس ما قال شي....سكت وكتم....وما تصدق وناسته يوم ردينا شرات قبل...تبيني الحين أقتل أبوي واطيحه طيحته الثالثه...
هزاع : يعني شو؟؟......
عنود وهي تشاهق :..
هزاع : أنا ما تلزمني وحده تعيش وياي مغصوبة....أنا ما بطلقج الحين...لأنه أنا ما بيضرني شي...إنتي اللي بتنضر سمعتج...عندج شهرين بس وبعدها...تروحين بيت أهلج...(وطلع)
8
8
هزاع : كيف .....(يصارخ)...كيييييييييييييييف أطلقج؟؟.....أحبج......أموت فيج....(وهو يمسح دموعه).....حرام اللي يصير بي والله حرام..
تقربت منه ...وحطت ايدها ع جتفه :..مب بس اللي يصير بك حرام.....حتى أنا .. انظلمت منك أربع سنين...والحين ظلمني أبوي العمر كله...
هزاع صد لها ....عنوووووود ......آآآآآآآآآآه يا عنود ....(قام ما عبرها يبا يدخل الفندق توقعها تلحقه محد عند البحر عنود أكبر خوافه...صبرت دقيقه ...دقيقتين..ثلاث...بعدها التفتت لها)....عنود ..عنود شو تسوين؟؟
عنود يالسه ع حصاه عوده...جريبه وايد من البحر....والأمواج تضرب الحصاه بقو...وينتشر الماي عليها وحواليها .....:...
هزاع تقرب منها ويبي يسحبها للفندق :..
عنود سحبت ايدها من عنده : روح روحـــــــك...مب سايرة
هزاع صرخ عليها : لا تستوين ياهل.....وإنتي أمانه عندي لشهرين...بعدها سوي اللي تبغيه...انشالله تعقين روحج...من فوق ..توليييييين
عنود سوت له طاف...وردت تطالع البحر ......آآآآآآآآآآآه يا بحر...مالي غيرك اشكي له همومي.......بس يا بحر بتستحمل الهموم...ولا همومي بتزيد على عدد قطراتك.....صح صار اللي ابغيه.....بس مادري .....مادري.....أنا دمرت حياتي وحياة أهلي جي..منو يقول أبوي ما بيتعب إذا درى بطلاقي....لازم أتأسف عشان أبوي ....اففففف من هالحال :...
هزاع مسكها من ايدها...وسحبها بقو..عنود حاولت تسحب ايدها بس مب قادره...راص عليها بالقو....
************
ساره ابتسمت له: شرايك بعيالي؟؟
راشد : مب عيالج...عيالـــــــــي....منصور...وناصر
سارة : وبشو أناديك ...بو منصور.....ولا بو ناصر؟؟
راشد :كل شي من منطوقج يعجبنـــــــــــــــــــي
بو محمد : يا عينــــــــــــــــــــــــــــــــــــــي 
سارة وراشد : ههههههههه
**********
جاسم يدخل شوي شوي ....وركض حجرته ..بس
عليا : شو هاااا جاسم؟؟
جاسم : شو ما شي......
عليا وامتلت عيونها بالدموع :...شاللي صار بالعرس؟؟
جاسم حطى ايده ع خدها : ما صار شي....بس..
عليا : بس؟؟؟
جاسم : سوولي غسيل معده...
عليا : شووو؟؟ من شو؟؟
جاسم : ريلج يطعمنا أكل خايس....خخخ
عليا : صدق!!..
جاسم : ههههه...لا بس ما خذ بندول ويا البيبسي..
عليا تصفق : شاطر يمدحونك
**********
سيف ....آآآآآآآآآآآآآآآآآآآآآه يا عليا...مب قادر أحبج.....صفيت لج كل كلام الحب...حاولت اتقرب منج بكل شي....بس مب قادر عفرى غير...آآآآآآآآآه ...إنشالله مع العشرة والعيال أقدر أحبها
**********
دخلها الجناح مالهم في الفندق ..
هزاع يلس ومسك راسه:...
ثواني وبعدين
عنود طالعته...وراحت صوب الشنطه ..بس احتارت شو تلبس...عندها بدل ومخاوير...وقمصان نوم...ما عندها بيجامات..شو ألبس...بلبس قميص نوم...ما عندي شي...وخله يولي......ودخلت الحمام...
هزاع كنت منزل راسي بس احس بها تتحرك من مكان لمكان ...وبعدين دخلت الحمام ...آآآآآآآآآآه......شسوي ..كل شي اعتفس فوقاني تحتاني.....عنود حبيبتي وحياتي...طلعت ما تباني ومغصوبه علي......جسوم ربيعي..بعدته عني...آآآآه ومالي نفس سفر ولا دراسه...يا ربي شسوي...هذا المفروض أول يوم لي وياها....يوم الفرح انقلب يوم النكد....ضعت بأفكار مالها أول ولا تالي ودموعي تطيح بدون حساب...مادري كم طاف من الوقت بس هي طلعت من الحمام....
عنود طالعته كسر خاطري...أشوف الدموع تطيح ع ريله ....آآآآآآآآه ليش أنا قلبي رهيف جي...تقربت منه...ويلست عداله :..هزاع..!!!
هزاع رفع راسه يطالعها ...كانت لابسة الروب ..بس كان مال دلع..كت وفيه أشكال ورود ع الأطراف بالوردي والتركواز والبرتقالي والأخضرالزيتي...وشعرها رافعته بفوطه ...كانت حلووووه أدري مب وقته...بس حلوه: شو فيه تجريحات ثانية ما عقيتيها علي؟؟ ولا في أشياء ثانية تبين تبررين موقفج فيها ؟؟
عنود دموعها ع خدها ..قربت ايدها ومسكت ايدي ورصت عليها :..آسفه... 
هزاع بطنازة : هه وبالله وين أصرفها؟؟
عنود ..اففففف يولي لاه....يا ناس فهموني الغلط من منو؟؟.......مني اللي حبيت منصور بعد ما تخلى عني هزاع؟؟........ولا منه ليش انه تخلى عني...وخلاني لغيره؟؟....
هزاع ...هذي بلاها ...تقول كلمه وتسرح....اففففففف من هالحال ...انزين الحين شسوي... مب قادر اتخيل وضعي جي..واللله مب قادر..انزين ليش رافضتني؟؟...ويمكن تحبني مع الأيام؟؟....بس هذي حبيبتي كيف اترياه بعد لين ما تحبني؟؟......ولا لانها ياهل ...وهذا بس عسب تعبر عن زعلها لأني تركتها....هي ما في غير جي...عنود خبز ايدي... 
عنود قمت...خلاص مالي طاقه اترجاه أكثر..وبعدين أنا ليش مسويتله سالفه...خله يولي ... بروح امشط شعري....افففففف ما قول غير الله يعيني ع هالشعر وع هالريل...
هزاع يطالعها جيف متعذبه...شعرها طويل لين فوق الركبه بشوي وماشالله عليه كثيف وناعم.....مادري صح اللي سويته ولا غلط؟؟.....بس ما هانت علي ؟؟.. أدري بتقولون خبله وأدوس ع كرامتي......بس خلنا هالشهرين زينين...وبعدها نفترق بالمعروف...
عنود صديت له...استغربت بلاه؟؟...توه معصب؟؟...والحين ماخذ المشط ويمشط شعريه :.
*************
راشد طلعوه من الحجرة ...أو طردوه من المستشفى لأنه خلص وقت الزيارة...أمه رقدت عند سارة ...وهو راح يبات عند بو منصور...ما يقدر يخليه روحه....ومحمد ما قصر خبرهم كلهم ع الخبر السعيد....بمولد منصور وناصر....اتصلوا كذا مرة في هزاع يعطيهم مغلق...وعنود ..محد يرد لأنه ع السايلنت....عذروهم لأنهم معاريس...
*************
جاسم تنهد .....مادري هزاع بلاه؟؟......أحسه طايح بمصيبه...أول ما بيي بستلمه.... بس توهم معاريس لحقوا يتضاربون من صباحية العرس.... اللي يعلم....
*************
كل الناس مغمضه عيونها الحين.....إلا قلبين ...ع نفس السرير...بس كل واحد عاطي ظهره للثاني.....إذا رقدوا بأسرة منفصلة الحين...بيكون صعب عليها تتعود يوم بنروح الملحق...يانااااااااااااااس حد يساعدني بمصيبتي ...
عنود : هزاااااااااع؟؟
هزاع :....
عنود : ادري إنك ما رقدت
هزاع : نعم
عنود يلست وتطالعه : الله ينعم بحالك......
هزاع : في خاطرج شي الشيخه؟؟
عنود صاحت...صح الليتات مسكره بس يبين من صوتها انها تصيح :....
هزاع : أمري الشيخه؟؟
عنود : هزاع محتاجتك؟؟
هزاع : في شو؟؟
عنود (وهي تشهق):..
هزاع يهز راسه مضايج :..وبعدين.....في شو تبغيني؟؟
عنود : خلاص ماشـــــــــي
هزاع يلس : هاااااه عنود أرمسي ؟؟
عنود طاحت في حضنه :..هزاع خلني فحضنك خايفه....محتاجتك....لا تخليني
هزاع انصدم مب قادر يفهمها ....ليش كل ساعه تقول رمسه؟؟ :...لين متى؟؟
عنود ...مادري ...لا تسألني....آآآآآآآه :....
هزاع سكت ... حط راسه ع المخده...وهي في حضنه ولاوي عليها.....هو يقدر يبعدها عنه...بس هو بعد محتاج لها...... : خلاص بسوي اللي تبينه يا عنود... بس بعد شهرين ما بغـــ . ...
عنود قاطعتها :..خلاص تم....بعد شهرين بروح بيت أهلـــــي وإنت تروح المحكمه...والله يهنيك ..ويا غيري
هزاع نزلت دموعه بغزارة......ويا غيرج كيف؟؟.....ما أقدر؟؟....(تنهد ورص عليها بالقو)..:.
عنود حست باللي فيه....ادري انه عذابي عذابك...وعذابنا عذاب الكل..بس ما باليد حيله.......:...
****************
الساعه 9.30 الكل في المستشفـــــــى
أم سيف : تستاهلون سلامتها ...
راشد ابتسم ..: شرايج بأولياء العهد
مها : أحسن شي انهم ما يشبهوك
الكل : هههههههههههههههههههههههههههههه
راشد : بنشوف عيالج......أميرة موناكو
محمد : احم........احم
زايد يأشر ع محمد : محـــــــــامي الدفاع
راشد : أشوفه مسود الويهه ......بدال ما يهزب حرمته
منصور صااااااااااااااااااااااااااااح وطر أذنهم......
بدور : ما سويتي خير يوم يبتوا أولاد
سيف : شقصدج يعنــــــــي؟؟
بدور : ههههه 
**************
فتحت عينها....كان بعدنه لا وي عليها ....ابتسمت وترقبت من ويهه :...قووووم يا كسوووول...
هزاع : همممممممم
عنود : يالله عااااااد لا تدلع....
هزاع فتح عينه ببطء : هاااااااه
عنود : كسووووول واحد...قوم يالله
هزاع ابتسم لها..... :..بشرط !!
عنود : اشرط يالله بس خلصنا
هزاع طالعها بخبث :..
عنود فهمت قصده باسته ع خده وقامت :...يالله قوووووووووم
هزاع : بس دقايق إنتي ادخلي اسبحي....وبعدها بقوم
عنود ابتسمت....وطلعت لها ملابس...بعد الغدا بيطلعون لدبي....ودخلت الحمام :...
هزاع : آآآآآآآه.....يا عنود......مادري شو بسوي بعد هالشهرين...أحس حياتي بدونها جنه قلب قطعوا شريانه....بس هي باللي قالته مسحت كرامتي بالأرض....ومستحيل اتم ع ذمتي دامها باغضتني....بس لو سألوني عن حمالها شو أقول؟؟....أقول حرمتي بعدها بنت...اففففففففف........بس مستحيل أعيش مع غيرهااااا....مستحيل....
******************
جاسم :..عليوه.............علااااااااااااااااوي
عليا يات تركض : هااااااااه....
جاسم : قوليلهم يحطون الغدا يوعااااااااان
عليا تطالع الساعة :..الساعه 2....خلاص بتغدا وياك
جاسم : لا بعدين ما بيدخل عليج الفستان...
عليا : لا تطمن...بيدخل..وتطمن بعد انه الأكل مب من كيسك
جاسم : كريييييييييييييهه هالبنت...يالله بسرعه 
عليا تربع : أوكي
******************
هزاع لابس كندورة بنية وتسفر بسفرة بنية ...:..شرايج؟؟
عنود تستهبل تقرا عليه : تخزي العين 
هزاع مسك ايدها وسحبها ......تم ساكت يطالعها ...وشوي هدها وصد الصوب الثاني :..
عنود سكتت.....مرده بيتعود ع الوضع اليديد...:..أقول هزاع......هزااااااااعووووه
هزاع : أمري؟؟
عنود تقربت منه وحوطت ايده : أنا حرمتك وعلى ذمتك......وسوى اللي تبغيه تراني حلالك ....بس تالي الليل انسى هالشي
هزاع : يعني عادي؟؟
عنود عقدت حياتها : شوو؟؟؟
هزاع لوى عليهاااااا.......وبعدين ما يخصكم ..(افففف ... إنتوا ليش رزة )
***************
الساعه 7 الكل يرتب حق الحفله ...وكل شي صار أخضر...وكل شي جاهز...
العروس يات من الصالون ودخلت حجرتها لين بعدين ...
الساعه 8 اييون الناس..
الكل لابس وجاهز...
بس
عذاري : وين عنود ..مايات؟؟
مها : اتصل فيها مغلق...
بدور : لا يكون ما بتيي اليوم..
عذاري : لا دخيلج.....ما فينا ع صدعة علايه
أم سيف : أميه..مهوي اتصلي فاختج تحيرت؟؟
مهوي : هي من عرست ما فكرت تتصل حتى
بدور تستهبل: هزاع مكفيها
مهوي بجد : لا عاد مب جي....
عذاري : ترى من لقى أحبابه نســـــــى أصحابه
مها يا خوفي يكون صاير شي جايد:..
***************
الشباب كانوا في بيت مبارك
اليوم راحه لأنه باجر العرس
الشباب منسدحين في الصاله يسولفون
سيف : هذا هزااااع...ما يا؟؟
جاسم : اسكت هذا دواه بعدين ....
زايد : صدق أحسه تغير .....أول كل يوم يتصل فيه...والحين هذا ثالث يوم ولا حتى مسج وصلني
محمد : ما عليه..اعذروه إنتوا بعد......ما صدق تزوجها وصارت حليلته
سيف : حتى راشد ما يندرابه بيي باجر ولا لأ
:...تحشون فمنو؟؟؟
الشباب صدوا .....
هزاع : اعترفوا؟؟
هزاع كان كاشخ بكندورته وسفرته والعطور غير جي نفسيته من ويهه تحسه مرتاح....يبين عليه صج معرس....وكانت عداله وحده لا وي عليها من خصرها...عنود...كانت صدق عروس مستانسه...مب نفس شكلها الحزين بيوم العرس ...
الشباب توايهوا
زايد : هاااااه ما استغنيت عن عروسك يبتها هني بعد
عنود : ليش دايسالك ع طرف ؟؟
هزاع : ههههه....لا الحين بوديها بيت عمي...
زايد : الحين تسير تفرها هناك وترد...
سيف : يا عسى يفرونك في الخمام ..قول آمين .....(ولوى ع عنود).....فديت عنادي والله...وحشتييييييييييييني
الكل ما توقع من هزاع هالحركه..طالعوه ورافعين حياتهم
هزاع سحبها من عند أخوها ...وكان لا وي عليها من ورى...: ما يخصك فيها
سيف : شو ما يخصني؟؟....هذا إختيه
هزاع : ماصدق .....اييب الجواز...
عنود ابتسمت لهزاع ....بصوت خفيف: يالله بتأخر
جاسم يستهبل : نسيتي كلمه حبيبي
هزاع طالعه وغمز ويتكلم مصري: ما بلاش دي الحركات يا سي جاسم
عنود : يوم بسمع عذاري تقولك...بتعلم منها
زايد : ههههههههههههه لقط ويهك 
هزاع ابتسم وطلع يوصل عنود ...وبعدين رد للشباب
******************
عنود دخلت.....وكانت متغشيه سلمت ع عليا ...اللي كانت نازله وخلاص...
محد عرفها
عنود خوزت الغشايه : وين استقبال العروس؟؟
مها ربعت صوبها : فدييييييييتج 
وبعدين بدت السلامات وشرهات الحريم....بس قفطت يوم كانت بدور تستهبل
بدور : هاااااه؟؟......هزاع خطير ولا؟؟
عنود : من أي ناحية؟؟
بدور : يعني ما حامل...؟؟
عنود سكتت :..
مها : خيبه من ثالث يوم .....بيطلع هزاع صدق خطير جان حامل
بدور : هههههههههه
بعد الحفله...روحوا الحريم ..وربع علايه
وصفوا الأهل بروحهم....عسب جي دخلوا الشباب إلا سيف إلا انرزع في البيت
أم محمد : هاااااه ولدي عرست ....ومحد سمع لك حس
هزاع لوى ع جتف عنود : شسوي ما صدقت ضويتها
عنود رفعت راسها تطالع الصدق بعيونه والحزن اللي متخبي ورى هالصدق :..
عليا : شوفوا عنود شقى اطالعه....
عنود نزلت راسها استحت :..
هزاع طالعها وتلخبطت معلوماته....مادري تحبي ولا تكرهني يا ناس دلوني ع الجواب؟:.
مها : يا عيني ع المستحى ...
عنود ابتسمت :...
هزاع ..ابتسم :...أوكي عيل بنروح نحن الحييييييييين
الكل : شوووووووووووووووو؟؟
هزاع : ههههههه بلاكم ....شو اللي شو؟؟
زايد : بعدنها الساعه 10 يالديايه
محمد : صاير ترقد من وقت بو خلـــــــــي
هزاع ابتسم : خلاص عرّسنا.....ضبّطنا المواعيد
أم محمد : ضبطتوا المواعيد ولا..........
هزاع قاطعها بسرعه : اماااااااياااااا........
الكل : هههههههههههههههههههههههههههه
عنود رفعت راسها تطالع هزاع كيف حاط ايده ع جتفها ...وكيف يضحك ....:..
هزاع ابتسم : بلاج جي اطالعيني؟؟
عنود ابتسمت : يا عل هالضحكه ادوم ...وياي ولا بدوني
الكل طالعها صايره جريئه كانوا بيعلقون بس..
هزاع تغير شكله وصد لأبوه : يالله عيل أبوي تامرنا بشي
بو محمد : ايلس هني.....تعشى وروح....
عذاري : هيه تراها ما تعشت...الحب مسويلها عسر هضم
الكل ابتسم لها
زايد : دخيلج .......يعني هزاع كل ....كيف ياكل وهو ما يدري حرمته كلت ولا لأ؟؟
هزاع : حشاااا قطعتونا...
بو جاسم : كلنا عرسنا ما سوينا سواياكم..
هزاع سوايانا...صدق محد سوى سوايانا يا عنود....عيل لو تدرون بالمستخبي ...آآآآآآآآآآه :...ما عليه...عمي بنروح الحين
جاسم : والله تيلس.....وغلاة الغاليه عندك
هزاع : دامك حلفت بغلاتها بيلس.....بس يوم بنروح بعدين..وبيتصلوا بكم المستشفى ...سوو حادث.......لا تقولوا كيف؟؟
أم محمد : قوم اطلع الحين.....ويوم توصل اتصل فيني
الكل ابتسم ع أم محمد ......مسكينه تحاتي ولدها وااااااايد :...
هزاع : انشالله الغاليه يالله عيل
عنود وقفت وتغشت بالشيله : مع السلااااامه
ام سيف : قمنا نتغشى!!
عنود سرحت بعيد
7
7
هزاع : عنود بتطلعين جي ...ويهج كله مكياج؟؟
عنود : تبغيني اتغشى؟؟
هزاع : بس اليوم ...لأنج محطيه مكياج 
عنود : من عيوني
هزاع : فديت عيووووووووووونج
8
8
هزاع حضن ويهها بإيده :..حياتي وين رحتي؟؟
عنود انتبهت له... الكل كان يطالعها : ولا مكان..
هزاع : أكيد؟؟
عنود دمعت عيونها وما قدرت تخش ويهها إلا بصدر هزاع :..
مها تقربت تبا تكلم اختها ...بس هزاع أشر لها ...لا تتقرب بتأزم الموقف...ورفع ايده جنه يسلم وطلع هو وياها
ام سيف تمسح دموعها : ربي يوفقج يا بنتي
************
سكروا الليتات ...الأضواء ع القمر اللي نازل من الدري...مشت بهداوة ...ابتسامتها البريئه ...تنرسم ع ويهها ....لتبدأ أحلى حياة زوجية ...مع أغلى شخص ع قلبها ..... شافت عفرى وابتسمت لها من خاطرها...شافت دموع امها...ودموع ربعها...كانت ماسكه عمرها بالعافيه....يلست ع الكوشه ويوا الحريم يسلمون عليها ... وربعها ربشوا المكان بالرقص...بس عنود ما يات صارت الساعه عشر ومايات؟؟
أم محمد : مها يا بنتي اتصلي بعنود...مايات!!
مها : أمايا اتصل محد يرد...
عذاري : خل حد من الشباب يتصل لهزاع
مها : ما عندي رقم ولا واحد فيهم...عليا عندها بس الموبايل وين؟؟
بدور : موبايل علايا ....في البيت
عذاري : افففففف والحين
مها :بدور اطلعي عند الشباب برع...
بدور : شووووووووووو؟؟
مها : دخيلج...محمد وسيف بيحتشرون عليه...
عذاري : وأنا تعرفين أبوي..وتعرفين جاسم...بيذبحوني
بدور : افففففففف.........خلاص بلبس عباتي وبروح
(دخلت الغرفه ولبست العباة ولبست شيلتها واتغشت فيها...وطلعت)
بدور واقفه عند الباب ..الحين هناك كله رياييل شسوي؟؟....
جاسم : هذي منو عند الباب؟؟
سيف : أنا ما بطالع أنا معرس
زايد :ههههههههههههه أونه
سلطان ( أخو عفرى) : انزين روحوا يمكن وحده من الأهل
محمد : تخيل ما تطلع من الأهل
سيف : بتفلعكم بالجوتي
الشباب : هههههههههههههههههههههههههههه
بدور محترقه ...بلاهم جي يطالعوني.....امبيه....شسوي الحين
سيف : سلطان إنت قلت الفكره...روح شوف منو؟؟
زايد : صح محد قالك......
سلطان : لا والله
جاسم : روح دخيلك ..........
سلطان طالعهم...وراح صوبها
بدور ...امبيه هذا منو ياي .....بصيييييح؟؟
سلطان : الشيخه محتايه شي؟؟
بدور ..الحين بعد ما قطعتوني بالرمسه؟؟ : هاااه
سلطان يبتسم ....:.بغيتي شي؟؟ 
بدور : هااااه....هيه....أبغي..
سلطان : هيه؟؟
بدور ابتسمت من تحت الغشايه : هزاع هني؟؟
سلطان : لا والله مايا
بدور : اففففف....هذا دومه جي...
سلطان : إنتي أخته؟؟
بدور تستهبل : لا حرمته الثانيه....
سلطان رفع حياته : ..؟؟؟
بدور : أكيد إخته.....يعني................الشيخ طلبتك؟؟
سلطان : آمـــــــــري
بدور : بغيت زايد
سلطان : توج تبين هزاع؟؟
بدور ..شسوي اقطع شعري يا ناس :..أنزين نادلي زايد أخوي
سلطان : انشالله...(وراح)
سيف : هذي منو؟؟
سلطان : مادري ما دقيت وياها سوالف
جاسم : الله كلها وما دقيت سوالف
سلطان : لا اسألها ..ماترد...وأرد وأعيد السؤال
محمد : شتبغي....؟؟
سلطان تذكر : هييييييييه صح......زايد تبغيك
زايد : منو؟؟
سلطان : حرمتك.....شدراني...قالت نادلي زايد ..(ما كان يبا يبين شي لهم)
زايد ضرب راسه: بدروووووووووه......ما عرفتها
سيف : هههههههههههه
زايد راح صوبها ...بعده ماوصل لها ويالس يصارخ من بعيد : هااااااااه؟؟....شو تبي؟؟
بدور احترق ويهها من الفشلة ....زيود الله ياخذك :..
زايد وهو يمشي لين عندها : هاااااه؟؟ خيييييييييييير
بدور : اتصل في هزاع شوفه وينه؟؟ ووين عنود؟؟
زايد : هزاع ؟؟.......(وسكت وراح)...
بدور : لا تخبل أخووووي......(ودخلت القاعه)
عذاري : هاااه تأخرتي....؟؟
بدور : شسوي.....محد يا صوبي....بعدين يا واحد من ربعهم...وسوالي تحقيق....وبعدين يا زايد صوبي
مها : هااااه؟؟ شو قال؟؟
بدور : ما قال شي...
عذاري : إنتي تستهبلي؟؟....... عيل ليش طالعه؟؟
بدور : قتله اتصل لهزاع ؟؟..شوفه وينه هو وعنود؟؟.....ما رد علي..
مها : يمكن بيتصل..
****************
في المستشفــــــــــى
عنود : هزاع روح عادي...
هزاع : وأخليج هني بروحج؟؟
عنود : ياما ...وياما يلست هني بروحي...
هزاع : لأ
عنود : انزين ودنـــي الفندق وسير........دخيلك سيف بيعصب
هزاع يفكر : بس......حتى ولو لين ما أوصل القاعه بيكون سيف دخل
عنود : انزين روح وياهم فالزفيه....دخيلك
هزاع : وإنتــــــــــي؟؟
عنود ....يعني الواحد يوم يتعب ما يعرف متى يتعب...وأنا كنت زاهبه
هزاع يتذكر اللي صار 
7
7
عنود تدور : شرايـــــــــك فيني؟؟
هزاع مسك ايدها : رووووووعه يا حرم هزاع
عنود : وااافديت هزاع أنا.....هااااه زهبت؟؟
هزاع : كله تمام....نطلع
عنود : يالله.....(وحطت الغشايه عويهها)
هزاع : فديت اللي تسمع الكلام
عنود : ههههههههه
(نزلوا تحت عند الباركنات ...هم يايين يلفون يطلعون...واحد داخل من مدخل الخروج....فضرب السيارة من صوب عنود ...وتعورت ع ايدها...هزاع نزل يبا يضربه بس عنود ودموعها....خلته يرد ويوديها المستشفى...وطلعت بس رضه ع جتفها....بس حطوا اللف اللي ع ايدها عسب لا تحركها وايد ...ولأنها وارمه...والمكياج اللي اخترب كله..)
8
8
عنود : هزاع.......يالله
هزاع طالعها وابتسم بحزن : أروح من دونج؟؟
عنود ابتسمت له : بس اليوم.....عسب خاطر نسيبك
هزاع .....: سرينــــــــــــــا.......بوصلج الفندق وبروح
*******************
الساعه 11
سيف : باجي نص ساعه وبدخل.....وما يا هزاع
زايد نزل راسه : سيف بقولك شي؟؟
الشباب كلهم صدوا له
زايد : هزااااع وعنود .سوووو
هزاع قاطعه : مرحباااااااااا الساع
سيف : ليش ياي.....رد من وين ييت؟؟
هزاع : والله أسويها...........اسمحلي ما قدرت ايي قبل
سيف : ليش؟؟..وعنود يات؟؟
هزاع : ما يااااات.....رديتها الفندق
الشباب : ليييييييييييييش؟؟
سيف : هزاع انطق
هزاع : ما شي سوينا حادث.....بس بسيط....وتعورت ايدها 
سيف : شوووووو؟؟.......والحين شخبارها ؟؟
هزاع : لا الحين زينه...بس ايدها تعورها...ومايبتها لأن المكياج والتسريحه ومادري شو اختربوا من صياحها
محمد تنهد : مب لازم تحضر .....بس أهم شي سلامتها
سيف : أنا ليش عرسي نحس.....مرة جاسم ومره عنود
هزاع : لا تقول جــــــــي....جسوم روحه خبيل....وعنود الله كاتب
جاسم عصب: حتى أنا الله كاتب.....والله!!
هزاع : انزين...بس بالعقل حد يياخذ بندول مع غازات
جاسم : عاااااااد بيذلونا الحين
سيف : ع العموم .....هزاع اتصل وطمن الحريم داخل...
هزاع هز راسه واتصل لبدور : ألو
بدور : ألو ..هزاع وينك....والله نحاتيك
هزاع ابتسم : وحده وحده علي يا بنت الحلال......أنا هنيه...لا تحاتون
بدور : وعنوووود؟؟
هزاع : عنود تعبانه ما يبتها
بدور : بلااااااااها؟؟؟؟؟؟؟؟؟
هزاع : بعدين بدور.....بعدين الحين استانسوا بالعرس....باي
بدور بحزن : باي...(سكرت).....مهووي
مها : هاااااااه
بدور : عنود تعبااااااااانه
أم سيف وراهم : يما بنتي بلاها....
بدور صدت وراها وسكتت :...
أم سيف: ما ترمسييييييييين؟؟
بدور : مادري ما قالي هزاع...بس شكلها بخير لأنه يا وخلاها بالفندق
مها : كيف يعني؟؟....ما بيسافرون؟؟....اليوم طيارتهم ...هم وسيف وعلايا؟؟
بدور : الله العااااااااااالم

******************************
الجزء الخامس عشر من لـ...ـ...ـ غرام ـ...ـ...ـ...ذة 

عنود :.......ألو حبيبي
سيف : سلامات الغاليه ما تشوفين شر....
عنود : الشر ما اييك.....مبرررررروك واسمحلي ميت مرة...... والله كنت زاهبه
سيف : ما عليييييييج ....مسموحه حياتي
جاسم رافع حياته ...هذا يكلم منو جي؟؟ :...
الشباب يطالعونه..بعد خمس دقايق بيدخل القاعه وهو داق سوالف ويا مادري منو؟؟
عنود : ع العموم......فديتك...تروحون وتردون بالسلامه
سيف : ليش ما بتروحيييييين؟؟.......(تنهد) عيل حتى أنا...ما بـ.....
عنود قاطعته : لا حراااااام ما بغي أخرب ع علايا دخيلك سيييير
سيف : بــــــــــس...
عنود : فديتك أخوووووي.....عشان خاطري
سيف تنهد : شورج؟؟
عنود : هيه.....يالله عيل حبيبي عسب تدخل...
سيف :يا حظي ..أنا حبيبج.....عيل بخبر..ههه....
عنود : لا دخيلك تعرس إنت وأنا أرد مطلقه.....يالله سكر الحين
سيف : هههههههه..... أوكــــــــــي بس بتصل فيج يوم بطلع من القاعه..أوكي
عنود بخبث: ما تبغينا ذيج الساعه
سيف : أنااااااا؟؟؟ ههههههه حرام عليج....المهم فديتج لنا اتصال بعدين ..أوكي
عنود : أوكي ....باي...
جاسم رافع واحد من حياته....يتريا أي رد من سيف :..
سيف حطا الموبايل ع السايلنت وحطاه في جيبه :..ههههههه بلاك جي اطالعني؟؟
جاسم ما تغير في شكله شي :..
سيف : أنا شو بلشني بنسيب محقق.....(صد لهزاع)...صدق هزاع...ليش ما قلت إنكم ما بتسافرون؟؟
هزاع : عنود اللي كانت ع الخط!!..........والله خلاص مزهبين أغراضنا...بس خلاص ..مالنا نصيب بالسفرة..
جاسم سكت ..قفط بس ما بين شي :..
سيف : حصل خيييير......هااااه شو قالوا الحريم.؟؟..
محمد : مها بتقولنا... 
**************
دخل جاسم وكان مستانس لأخته سلم عليها.....وتمت لاويه عليه وتصيح....وهو يهديها...ونزل عليها الطرحه....ونزل
ثواني 
ودخل كان شكله رزة وشخصيه...ع يمينه بو جاسم وع يساره أبوه....جاسم كان نازل توايه هو والمعرس ع الستيج...وطلع جاسم....وكمل سيف طريجه...لعليا...
*********
عنود آآآآآآآآآآآآآآآآآآآآه.... والله مستانسة لك يا سيف وايد....بس حرام ما رحت له... 
بس هزاع...أحس إنه يداريني ويحاتيني وغير جي يحبني...مادري..أكمل طريجي وياه ولا ...أكمل طريجي اللي خططت له من زمان ...أكمله ويا أحلامي ويا منصور.... آآآآآآآه يا منصور ...رحت وخليتني..بحيرتي شسوي....دلني ع طريجي الله يخليك..... (صاحت) هزاع وينك خايفة؟؟.....وإيدي تعورني؟؟....مب قادرة أيلس بين أربع يدران بروحي... الله يعيني بعدين مها بتعرس...بس زين سيف بيعرس وعلايه بتكون وياي... بس لو تراجعت عن قراري.....هزاع بيرضى...أكيد لأ....محد تنجرح كرامته وعزة نفسه ويسكت... الكرامه أهم من طيبة القلب والحـــــــــــــــــــــــــــب....
هزاع : أرق؟؟.........ولا تترييني؟؟
عنود مسحت دموعها وابتسمت : تأخرت؟؟
هزاع طالعها مده ...وبعدين يلس عدالها وصد لها :..ليش دموعج؟؟
عنود : تأخرت علي
هزاع ...آآآآآآه يا عنود عيل بعد شهرين شو بتسوين؟؟ يوم بختفي من حياتج :..
عنود حطت راسها ع جتفه : شخبار سواف؟؟
رن موبايلها ...جنه يعفي هزاع من الرد
عنود : هلا سواااااااف.......سواف فديتك ...
عليا صاحت :..
عنود شهقت : علااااااايه بلاج؟؟
سيف كان محطي الموبايل ع السبيكر :..تصييييحج
عنود عاد ما تصدق صاحت :...علايه حياتي......لا تصيحين دخيلج أنا ما أستاهل دموعج...
عليا : عنلااااااااااتج يالخام....سباااااااله والله.....والله تستاهلينها .... ليش جي تقولين؟؟
عنود ابتسمت :..فديتج والله....خلاص عاد....آخر شي سواف بيسكر بويهي
سيف : هيه والله.......إحنا وصلنا المطار....مضطر أسكر
عنود : أوكي ....الغالي......اسمحنا عاد
سيف : مسموووووووووحه الغلا......
عنود : باي
هزاع : بلاها علايه؟؟......
عنود تنهدت :... ما شـــــــي زعلانه
هزاع ابتسم ولوى ع جتف عنود ... :..تعشيتي؟؟
عنود : بدونك مستحيييييييييييييييل
هزاع ..آآآآآآآآآآآآآه عيل بعد شهرين بتموتين من اليوع...هه...بلاني أفكر وايد باللي ياي.......خلنا نعيش يومنا...:..نروح المطعم؟؟
عنود : لا حبيبي....عسب ما نتأخر...تدري باجر من الظهر نحن في بيت عمي..
هزاع : قصدج بيتنــــــــــــا
عنود لا دخيلك لا تعودني ع هالكلمه....عسب بعد شهرين .. .اففف : اللي هو!!
هزاع اتصل خدمة الغرف وطلب عشا بحـــــــــــــــــــــــري 
***********
الكل فبيت بو محمد ...لأن هزاع وعنود ...بييون اليوم....
بدور : عيييييييل مهوي......ما جنهم تأخرو ...الساعه 1.30...نحن الساعه 2 نحط الغدا
مها : تعودنا ع هالتأخييير
عذاري : هااااااه شو شعورج....يوم محد في البيت غيرج؟؟.....
مها : بعدني ما حسيت.....البارحه حطيت راسي ورقدت (ابتسمت بحزن...آآآه كيف ما حسيت...أدور حد أسولف معاه...مب لاقيه)
بدور حست فيها بس بغت تستهبل : جدمي عرسج...
مها : شوووووووو؟؟
محمد ياي وراها : إذا هي بتوافق.....أنا اليوم بكلم عمي...
مها صدت وراها : لا والله؟؟
محمد : ما وحشتج...؟؟
مها : وأنا لحقت......كل يوم أشوف ويهك
محمد : ههههه لا والله
***********
سيف : قومي يا كسوووووووله
عليا فتحت عينها : هاااااه
سيف : يالله يا حرم سيف
عليا طالعته ...وخشت ويهها في اللحاف ..استحت....يوم تذكرت ليلة البارحه :...
سيف سحب اللحاف وانسدح عدالها :...شرايج بلندن ...؟؟
عليا تطالعه ...كان متسبح وشعره كله ماي ....شكله عذاااااب هالريال :..عجيبه
سيف بخبث : وأنا؟؟
عليا : خســــــــــف
سيف :هههه لا والله
عليا ابتسمت له :..الساعه جم؟؟
سيف : ما يخصج ....يخصج فيني أنا وبـــــــــس...
عليا استحت : ..
*************
هزاع دخل وابتسم :...
بو محمد : مرحبا وقرب
هزاع : مرحب ملايييييييييييييييييييييييييين و لا يسدن...و ان سدن فلا باس...
الكل ابتسم له :..
جاسم : يالللللللللللللللله حرام عليك يوعاااااااااااااان
عنود دخلت بعده لأنها كانت تفتح ربطة الجوتي ...رفعت راسها وابتسمت ...وبصوت هادي : السلام عليكم...
الكل يطالعهـــــــــــــــــــــــــــــا ....كانت لابسه تنورة بنية ويا تركواز....والقميص بني...وفوقه جاكيت شبك صغير ينربط عند الصدر ...وفوقه عباة مفتوحه عليها حركات بالصوف البني والتركواز....ومحطيه ميك أب تركواز ومغمجته والبني ياي فوقه وفاتح...ومحطيه جلوس....طالعه قمر
عنود تعيد مرة ثانية يمكن محد سمعها ..: السلام عليكم
هزاع : ..ما عليج منهم...أول مرة يشوفون قمر وقت الظهـــــــر
الكل ابتسم له...وسلموا ع عنود...كانت ايدها أحسن بس اللف بعده عليها ...
هزاع : عيل يالله حطوا الغدا لين ما أودي الأغراض فوق...
عنود تبى تلحق ريلها اللي شل الأغراض
زايد : وإنتي صايره ذيله وين ما راح؟؟
هزاع كان ع الدري وصد لعنود :...
عنود : وإنت شيخصك؟؟
زايد : خيبه كشر الأسد عن أنايابه
هزاع : ههههههه....عنود تعالي
عنود طالعت زايد : شفت حتى هو ما يستغنا عني ..(وراحت)
زايد : عشتووووووووا
عنود بصوت واطي ..بس هزاع سمعها لأنها كانت عداله : متووووووووا
هزاع : ههههههههههههه...
زايد : شو قالت ؟؟....والله تقول هزاع؟؟
عنود ركضت بسرعه فوق :..
أم محمد : عنود لا تركضييييييين
عنود قفطت وطالعت هزاع...اللي تغير شكله 
هزاع شل الاغراض وراح فوق :...
**********
بعد الغدا والسوالف والحشرة...وحركات جاسم لعذاري..اللي ما خلصت الا يوم هزبه عمه... 
عنود كانت يالسه عدال هزاع....حطت راسها ع جتفه : هزاع
هزاع صد لها :..هاااه؟؟
جاسم : إيييييه خوزي راسج عنه...لا صب عليج هالعصير
عنود شكلها كانت مضايجه ولا تعبانه ...خوزت راسها : اففف.....
هزاع : بلاج؟؟
عنود ...كانت معقده حياتها ....هي نفس سيف يوم تضايج اتم معقده حياتها : راسي يعورني...
هزاع يساسرها : محد قالج...البارحه أونه مسهرتنا نشوف الفلم....
عنود : اللي يقول شفته...قبل لا يبدا إنت راقد ع الكنبه
هزاع ابتسم لها : دواج
جاسم يالس يطالعها .....بس خاطري أعرف بلاه هزاع ذاك اليوم....يمكن كان معصب مني أنا؟؟....لانه هو وعنود سمنه على عسل
زايد....اللي يشوفها ما يقول هذي المغصوبة اللي طايحه يوم العرس عليهم ...
مها....الله يوفجها...أنا قلت هزاع طيب....وبيغيرها من صوبه...
عنود : عيل أنا بترخص بوطي راسي للعصر...
هزاع قام وياها ....
أم محمد : الله حافظج يما....
بعد ما راحوا...
بدور : انزين هو ليش راح وياها؟؟.......هي راسها يعورها
زايد : تبينه يموت..شو؟؟
بو محمد : بسكم خلوا الريال وحرمته في حالهم
بدور : هزاع مب ريال ...
الكل : شووووووووووووووووووووووو؟؟
بدور تصلح اللي قالته: هههه اقصد يعني مب غريب...هذا أخوي
جاسم :ههههههه لو سمعج بيصفعج
زايد : حتى لو مب غريب يعني تقطعينه بالرمسه
عذاري : اللي يقول ما كنت ترمس وياها بعد
زايد : ههههههه
***************
سيف : تدرين كان خاطري...هزاع وعنود يكونون ويانا؟؟
عليا : ليش مليت مني؟؟
سيف ابتسم : آمل من عمري ولا أمل منج...
عليا : هههههه.....انزين كل لأن الأكل بيبرد
سيف : بيبرد؟؟ ..ولا عسب إنتي يوعانه؟؟
عليا : عادي بكل أنا ما أستحي
سيف حطا ايده ع خده :..يالله كلــــــــي
عليا استحت : يالله عاد
***********
عنود منسدحه ع السرير كانت لابسه برمودة وقميص كت....: هزاع زعلت؟؟
هزاع منسدح عدالها : ليش؟؟
عنود : يوم.......يوم طرت عمتي.....ســـ سالفه الحمل
هزاع صد لها بسرعه : لازم اتعود....جدامي شهرين بيلسون يطرون السالفه...
عنود عينها امتلت بالدموع بعده يذكر سالفة الشهرين...ومنو يقدر ينساها أصلاً :.
هزاع تقرب منها كان منسدح عدالها ورافع راسه بإيده :..حبيبي ..أموت ولا أشوف دموعج... لا تصيحين.....خلج قويه مب ع أي كلمه بتصيحين...
عنود حطت ايدها ع ويهه : إنت قوتي يا هزاع...لو زعلت ولا عصبت أنا أضعف..
هزاع : لا ...خلي قوتج في نفسج يا عنود....لا تعلقينها بأي شخص عسب ما يستغل هالشي فيج...
عنود : لا أنا حاطه قوتي....بشخص مستحيل يستغلني
هزاع : وبعد غيابي....وين بتكون قوتج؟؟
عنود صاحت وغطت ويهها بإيدها :...مادري.........حرام عليك لا تذكرني
هزاع : هالشي مستحيل ننساه عسب أذكرج فيه ولا ما أذكرج...(سحب إيدها من ويهها) ... لا تصيحين...
عنود: ...ليش ما أصيح؟؟.....ليش؟؟
هزاع : لإنج قوتــــــــــــي يا عنود.....
عنود : (تذكرت كلامه خلي قوتج في نفسج يا عنود....لا تعلقينها بأي شخص عسب ما يستغل هالشي فيج...) :...يعني أنا استغليتك؟؟؟؟
هزاع حطا راسه ع المخده :..مادري.........إنتي أدرى بحالج؟؟
عنود .....آآآآآآآآآه حرام اللي سويته....أنا صدق استغليته...لأن غيره...مابينفذ اللي نفذه هزاع ....وحتى لو سوى...بيطلقني من ثاني يوم...... :..سوري...(وقامت تطلع لها ثياب الساعه خمس الحين عيب ما تطلع والكل متيمع عشانها )
هزاع :على شو تتأسفين؟؟
عنود : إذا ضايقتك فيوم......انزين أطلع لك كندورة..ولا بدله؟؟....
هزاع زعل ليش انها غيرت السالفه :...امممممممممممممممم......بدله مليت من الكنادير
عنود : ههههه(كانت ضحكتها باهتة من غير نفس)....اسكت بيسحبون عنك الجواز
هزاع : ههه...عادي عسب يقولون عنود ماخذه واحد بدون
عنود : لا والله....تبى الجنز الأخضر...؟؟
هزاع : عادي.....
عنود طلعت له الجنز الأخضر كان كله جيوب حلو.....والقميص كان تي شيرت...أخضر حلو ويطلع عجسمه...أونه يبين العضلات...
أما عنود طلعت لها كندورة راهيه لونها أخضر...وفيها لون الذهبي بعد...وايد حلوة .. 
***********
جاسم يطالعهم : أخضر على أخضر وملبوس الحبيب أخضــــــــــــــر...ياليتني خيزران يلوح بي الأخضر ..ههههههههه
هزاع وعنود : ههههههههههههههههههه
الكل يطالع عنود وهزاع....صدق لايقين على بعض....
أم جاسم : توك كندورة ومستعرب.....الحين جنك زلمه
هزاع : ههههههه
عنود : هههه أصلا كلشي حلو عليه
هزاع : أونها عاد عسب هي اللي مختارتنها
عنود : ههههه...
بدور : لا أخوي حلو .......من دون شي
زايد : من قدك........هزاعوووووووووه
محمد : احشم....المعرس بيعصب
هزاع : لا خلاص سيف سرق اللقب..هو المعرس...
أم محمد : إنت بعد.... بعدك ما كملت الإسبوع
عنود بصوت واطي : فديت معرسي
هزاع صد لها وابتسم : واااافديت عروسي والله
بو سيف : احشم.........احشم...
هزاع ابتسم لعمه ويلس ومد ايده لعنود :..تعالي
عنود حطت ايدها بإيد هزاع ويلست عداله : ..ماودي ...بس ما بردك
هزاع دزها بجتفه : قومي ..يالسبااااااله
عنود : ههههههه.....(بدلع) ...السموحه
هزاع : عمي بشتكيلك منها ؟؟
عنود : أنا؟؟ شو سويت؟؟
بو سيف : بلاها بنتي؟؟ بسم الله عليها ما تطلع منها العيبه
هزاع : عمي بغيتك عون صرتي لي فرعون
محمد : يقولك ما يشهدون الوالد ع الولد
زايد : هزاع ...قول شـــمسويه ونحن بنغسل شراعها...
هزاع طالعها بخبث : ما تهون علــــــــــــــــــــي
عنود غطت ويه هزاع بإيدها : لا اطالعني جي
هزاع : ههههه...أنا كيفي
أم سيف : الله يوفجكم ويديم عليكم السعاده ..ونشوف عيال عيالكم ونزوجهم..
هزاع انقلب شكله ميه وثمانين درجه ...وطلع قوطي الزقارة من جيبه وطلع(هو مايدوخ إلا يوم يكون مضايج حده)...
الكل يطالع شسالفه؟؟؟
عنود طالعت امها....وربعت لهزاع ....
الكل ساكت مب فاهمين شي.....

برع
عنود ماسكه ايد هزاع : هزاع حبيبي.....دخيلك لا تسوى جي بعمرك
هزاع : ...
عنود : حبيبي دخيلك .....(سحبت الزقارة من إيده).....تعال داخل
هزاع يصارخ : إنتي ما يخصج فيني......تفهمين ولالا؟؟؟
عنود انصدمت منه ودخلت تركض داخل وتصيح من خاطرها :...
مها مسكتها من جتفها : بلاكم؟؟.......ما يسوى عليها أمي يابت طاري العيال
عنود تصارخ وهي تصيح : إنتوا ما تعرفون شي.....ما تعرفون...
مها : شو اللي ما نعرفه...؟؟
عنود :...
مها : ارمســـــــــــــــي
عنود دزتها وهي تصيح : أنا ما ييب عيال.......ما ييب......(وركضت فوق)
الكل انصعق؟؟!!!!!!!!!!!!!!!!
************
سيف : تبيين تطلعين؟؟
عليا : لا ......توي يايه من برع...
سيف يلس عدالها : تبيين تقابليين ويهي يعني؟؟
عليا : ومنو يمل من هالويه؟؟
سيف ابتسم لها : فديييييييييييت ويهي
عليا : بعد اتحراه بيتفداني
سيف انسدح ع الكنبه :..فديت صوتك فديتك
شفتك ..عشقتك..هويتك
ياليت تدري ياليتك
غلاك يا كبر قدره...
**********
هزاع ......فر الزقارة بالأرض...الحين هي شو يخصها صرخت عليها....صح هي السبب... بس ما تهون علي....بعد عمتي...ما يخصها ...وما فيني يقلبونها مناحه...
دخل داخل ...الكل يطالعه ..مايدري شو كانت نظرتهم ..شفقه ولا حزن...وماكان يدري بعد باللي قالته عنود....تقرب من عمته وباس راسها : ويــ.......وين عنود ؟؟
أم سيف وهي تمسح دموعها : فوق
هزاع نزل لمستوى عمته : آسف عموه ما قصدي شي.....بروحي كنت مضايج...آسف....(وقام يروح عند عنود)....
بو سيف : بس يا سلمـــــى الولد روحه اللي فيه مكفيه... لا تزيدينها عليه
أم سيف تمسح دموعها بالشيله :..
جاسم ..معقوله يكون هالسبب.....بس هو يحبها وعمره العيال ما خطروا في باله...
زايد....عسب جي كانت رافضه هزاع؟؟......مسكينه ظلمتها...
بو محمد : قومي ...يا شيخه(حرمته)......سووا العشا...(يكلم الكل) وياليت محد يطري السالفه لهزاع..ولعنود بعد......(بحزن)....الله يعينهم..
***********
عنود كانت راقده ولاويه ع المخده وتصيح من خاطرها :..
هزاع يلس عدالها ع السرير وتقرب من ويهها : القمر زعلان؟؟
عنود قامت ومسحت دموعها ..اللي كل ما تمسحها..يطيحون أربع غيرهم:..
هزاع مسح دموعها بظهر إيده : لا تزعليــــــــــــــــــــن مني......أنا آسف
عنود : لا عادي.....بس..
هزاع : آمري .......
عنود : إنت مب زعلان؟؟
هزاع : وأنا أقدر.....(سحبها من خشمها)
عنود : انزين....عيل..........أنا زعلانه؟؟
هزاع : يالدلوعه......وكيف أرضيج؟؟
عنود : أبا......أمممممم......(كانت تبى تقوله بعطيك حقوقك...لا اطلقني ..بس منصور ما أبغي أخونه).....أبا أطلع
هزاع : بس جي.....لبسي عباتج
عنود تقربت منه وباسته ع خده بقو : مشكوووووووووور....
هزاع : هههههههه......يالله (خذ السويج )...
عنود لبست عباتها وشيلتها....كانت عليها حركات بالأخضر .. بشكل الأوراق...ولبست نعال خضرا ... : يالله
هزاع وقف وراها: غلاي بيتغشى ولا لأ؟؟
عنود صدت له : وأنا أقدر أقول لأ...(وباسته عخده)..
هزاع ياي يطلع :..يالله
عنود : هزاااااااااااااااااع
هزاع: هاااه؟؟
عنود شلت كلينكس...ومسحت خده :..روج...ههه
هزاع : هههههه
نزلوا تحت.......والكل سكت
هزاع .....هذيل بلاهم من ندخل سكتوا : مرحبا
عنود ابتسمت ...بس محمرة شكلها صايحه من الخاطر :...مرحبااااا
الكل : مراحب
هزاع : هااااه نحن طالعين تامرونا بشي؟؟
بو محمد : سلامتكم....
هزاع : لا توصي..يالله عنود
عنود : سير شغل السيارة وانا بتبعك
هزاع : أوكي ...(وطلع)
عنود نزلت راسها : ياليت ما تطرون السالفه جدام هزاع....ما يهون علي أشوفه مضايج...(ويايه تطلع)
مها : إنتي كيف عرفتي هالشي؟؟
عنود دمعت عينها : عرفت وخلاص....(وطلعت)
بو سيف : مها نحن شو قلنا؟؟
مها : أدري......بس ما سرع ما كشفت...وهي توها ما كملت إسبوع...وإذا قبل العرس ليش ما قالت لي...
بدور : نحن مالنا شغل
زايد وقف : إنتي كنتي تدرين ...مهوي لا تمثلين؟؟
محمد : شو تمثيله بعد؟؟
مها : والله ما كنت أدري......وكيف بعرف
زايد رفع وحده من حياته : عسب جي كانت رافضه هزاع...صح؟؟.......الكل يدري...أنها تحبه...وما شي إلا هالسبب عسب ترفضه....
مها حطت ايدها ع حلجها.....زايد فسر رفضها شي ثاني....بس هو شدراه :..
بو سيف : بس عنود ما كانت رافضة؟؟
زايد : ..أسال مها؟؟
الأنظار كلها تطالع مها
مها : نحن علينا بالحاضر.....هو راضي وهي رضت....خلاص هم مستانسين...وإنت زايد ...أنا مادري كيف عرفت....بس لا تفتح دفاتر جديمه...لا تهدم حياتهم...
زايد : مستحيل هالشي يصير.....أنا بروح أسبح
مها : بروح أشوف أمايا.....(وطلعت المطبخ)
بو سيف : بس هي عمرهاما قالت 
جاسم .....خلاص بان المستخبي :..
أم محمد : ما عليك .....يا مبارك ....
بو عذاري : أنا أقول خلوا العيال يعيشون حياتهم....ونحن نطلع منها
بو سيف : صدقك
******************
هزاع : ههههههههههههههه......انزين تبين باسكن...
عنود : يالله وفي حد يقدر يرفض هالمميزات
هزاع : ههههه هذا بس أول أسبوع....بعدين لأ
عنود تحيس حلجها : بعدين بيطلع البخل ولد عمي
هزاع : هههه.....أنا لو تطلبين عمري ....ما أبخل وأعطيج..
عنود : هيه عاد طلعني أنا البخيله
هزاع :ههههههه.........تبين شوكليت.؟؟..
عنود : ع هواك
هزاع تقرب منها ويطالعها بخبث : كل شي ع هواااااي
عنود : ههههه.........ع هواك
هزاع ابتسم ونزل الباسكن :...
**********
جاسم ......معقولة كلها يصير بربيعي الروح بالروح....آآآآآآآآآه لين متى بيستحمل؟؟.....شهر....شهرين...وبعدين والله خايف ع اللحظه اللي بيقولون له تزوج... عنود كاسرة خاطري مادري شو بيصير فيها لو تزوج عليها هزاع.....والله محد يدري بغلاتها عندي...هي وايد طيبه وسوالف...وغير جي حرمة الغالي هزاع...
عذاري : بشو تفكر؟؟
جاسم : روحي داخل عن يشوفج عمي ويتنازع...
عذاري : بروح بس إنت قولي ...بشو تفكر؟؟.....
جاسم : عنود كاسرة خاطري......مادري شو بيصير فيها ...
عذاري : ما بيصير شي لو يودنا حلجنا...
جاسم : هزاع لو كان يحبها كل هالحب....بس أكيد يبغي ..عيال......ما تخيل موقفها إذا تزوج هزاع عليها....ما أتمنى انها تنحط بهالموقف
عذاري : محد يتمنى هالشي....بس هزاع بعد ما يستاهل
جاسم بلع ريجه بحزن : عذاري ليش جي يصير؟؟......يوم يموتون فبعض...ينحرمون من الذريه....
عذاري : ما عليك......والحين تعال داخل الجو مب لذاك الزود عسب تيلس
جاسم : مالي خلق أشوف الكل ماد الشبر بوزين ....
عذاري :ههههههههههههههههههههههههههههههه....يقولون ماد البوز شبرين...
جاسم : ههههههههههههه .......اللي هو
هزاع دخل : هاااااه......عنود أنا سمعت عن الخلوه المحرمه...سمعتي عنها
عنود : هيه.......وشفت بعد
جاسم :هههههه أي خلوة......ونحن في الحوي
هزاع : المهم ما عندكم حد
عذاري : لا عدنا....(وترفع ناصر اللي كان بإيدها).....نصور يكفي...
عنود راحت صوبه تكلم ناصر: مسكين حالك........يعلموك كلام الغزل من الحين
جاسم : نحن نقول......بس ما نغلبكم يا أساتذة الحب
عنود : جي شايفني فوزية الدريع.....ههه....(شلت ناصر)......حبيبي والله..
هزاع وقف وراها.....إلا لصق وراها ....وقرب راسه من إذنها : أنا؟؟
عنود : هههههههه.....أكيد.....شياب القمر للنجوم
جاسم كان يطالعهم وابتسم بحزن .....وهم يرمسون وناصر بإيدها....:..
عذاري حست باللي في جاسم من نظراته لهم......وكيف ما تحس وهي تشوف هالموقف وياه :...
هزاع : بلاكم جي أطالعونا...... رسبتوا بأول امتحان حب؟؟؟
جاسم : هههههه......إنت صاف ميات
هزاع : ههههههه.....وإنت صاف أصفار
جاسم : أقول.....خذ الصفر ولا تبالي فإن الصفر من شيم الرجالي
هزاع : ههههههههه تذكر أيام الأمتحانات
جاسم : ههههههههه
عنود ابتسمت لهم....ودخلت وهي شاله ناصر :...السلام عليكم
الكل كان يطالعها وناصر بإيدها :....
عنود : هذا ولد شفناه معقوق بالشارع....خطفناه
ساره : ههههه حلفي.....كان عند عذاري
عنود تعطيها : هيه شليته عنها....مب لايق عليها...
سارة : شو اللي مب لايق...؟؟
عنود سكتت : هااااه....ماشي...بفصخ عباتي...وبيي
مها : تعشيتي؟؟ولا؟؟
عنود : هذا حميج بخيييييييل
هزاع دخل : أناااااااااا؟؟؟
عنود : ههههه........
هزاع : إنتي خليتي شي في المطعم .......
عنود : حرااااااام عليك......ما كلت شي
هزاع : ههههه.....وين رايحه؟؟...
عنود بعناد: برقد وإنت شلك؟؟
هزاع : <<<< لا تعاند عنادك في عنادك عنادي.. عطني قلبك يا قلبي حط قلبي مكانه.. حس نبضه بيوفك وإسمعه بك ينادي..إحفظه يا حبيبي وسط صدرك أمانة..>>>>
عنود : هههههه جربني.....(وتبى تروح).
هزاع : عنوووووود
عنود : هااااه؟؟
هزاع فرها بالكيسه :..يودي
عنود : مسود الويهه.......ولا باخذها
هزاع : ههههه.......يالله عاد
عنود خذتها :..
هزاع :ههههههه غصبن عنج
عنود فرتها عليها ......وركضت :...
هزاع شل الكيسه وترخص منهم .....ما فيه بعد ينزل تعبان قايم من الساعه 12 الظهر...
أم محمد : اللي يهنيكم.......
بدور : انزين أمايا.......
أم محمد : هااااه
بدور : ما تقدر تتعالج؟؟
جاسم : وإنتي شيخصج؟؟.......لا ترمسين يالياهل...
بدور حاست حلجها : حبيت أساعد
زايد : كثر الله خيرج......والله يهني سعيد بسعيده..
جاسم : ههههههه من وين يايبنه هالمثل بعد
زايد : مادري.......يمكن مسلسل مصري...هههه
الكل : هههههههههههه

********************************
الجزء السادس عشر من لـ...ـ...ـ غرام ـ...ـ...ـ...ذة 

فتحت عينها بكســـل ...تطالع حواليها ...أنا وين؟؟......هيه فبيت عمي ...تطالع هزاع.... راقد ع بطنه...جنه ياهل...شافت الساعه بإيدها...الساعه 8 ..حرام بخليه راقد...قامت وطلعت لها كندورة بيت بيضا وكمها طويل وواسع آخر شي...حلوة وعليها خيوط باللون الفوشي...زينه ع الصبح......دخلت تسبحت وطلعت...وهزاع ع نفس رقدته...مشطت شعرها ولفته بس هالمرة...تذكرت أول يوم شافت هزاع بعد الأربع سنين...كانت قصتها الطويله مغطيه عينها كامل...والحين كله ترفع شعرها كامل...فرقت شعرها ع صوب..وغطت عينها اليسرى بقصتها ... لبست إكسسوارات ورديه هاديه...وحطت جحل...ولمعه بيضا فوق عينها..وروج وردي خفيف....تطالع الساعه ...9 وربع...يالله يا هزاع مب رقاد...يلست تطالع الحجرة...وايد حلوة...واللي مختارنها ذوقه راهي...بقول لكم عنها...فيها سرير عود ع الطرف باللون البني ....وعليها حركات باللون البني الغامج...وفراش السرير بيج وبني...طبعا السرير مرفوع شويه....وفي دري قولوا ثلاث طبقات بس...الجزء اللي تحت...ع طرف فيه كنبه عوده..وعدالها ثنتين صغار...والتلفزيون مثبت ع اليدار بس ع مستوى الكنبات...والريسيفر والفيديو والديفيدي...مثبتين فوق... وفيه مكتب صغير ع الطرف الثاني...وفيه نفس حجرة صغيره بس بدون باب بستارة خفيفه...وفيها شغل...داخل محطين الكبت... والتواليت....وداخل الحجرة...الحمام.....وايد حلوة الحجرة... صدق مال معاريس... بس أنا ما أستاهلها...وما أستاهل هزاع بعد... ~~)(~~ ابنســحب في صمــت ما ستحمــل اوجاع .. واقطع حبال الوصــل بينك وبيني .. اكيد قصة حبنا كانت اخداع ... كل المشاعر كاذبه صدقني ~~)(~~.....أحسن لي أنزل تحت أشوف شي آكله يوعاااااااااانه...
**********
لندن 9وربع في الإمارات +4 = 1 وربع
عليا : هاااااااه الحين منو الكسول؟؟
سيف : حراااااااام عليج....أبا أرقد
عليا : وتخليني روحي بين أربع يدران؟؟
سيف : اففففففف ...أبا أنام
عليا : خلاص حبيبي.....(سكرت الليت والباب)......الحين شسوي...
دخلت الحجرة الثانية.....يالله برتب الأغراض هنيه....هناك ما أقدر أفتح الليت إلا وانتبه نومه واييييد خفيف....ع أي صوت بيقوم...
**********
بو سيف : عيل وين مها الساعه 9 للحين راقده؟؟
أم سيف : لا قامت الساعه 7 ..محد في البيت ردت ترقد
بو سيف : هيييييييييييييه ..البيت خلى ...عنود راحت ...وسيف مسافر...
أم سيف : عنود مالها إلا بيت ريلها.....وعقب كم شهر مها بتلحقها ...وسيف إلا شهر وبيرد هو عليا...
*************
زايد : بدروووووه.....
بدور تسوي سندويش جبن وعسل حقها :..شووووو؟؟
زايد : مستويه صحيه هههههه.....سويلي سندويش نوتلا
بدور : يمه يالياهل .......سوى حق عمرك
زايد : لا والله تشوفيني خدامج
بدور : ومن قص عليك وقالك إني خدامتك؟؟
عنود نازله من الدري والحشرة اللي في المطبخ التحضيري وصلتها ..فراحت صوبهم... : صباح الخير...
زايد رفع راسه وابتسم لها : صباح النور ...مرت أخوي...
بدور : هاااه شو أصبحتي؟؟
عنود : الحمدلله....شو تسوين؟؟
بدور : يوعانه ..قلت بتريق..
زايد : هذي الكريهه ما طايعه تسويلي .....يقول من كيسها
عنود : هههههه...شو تبغي أنا بسويلك؟؟
زايد : لا مابغي أعبل عليج
عنود تطالعه بتشكك :..من وين نازل الأدب؟؟....ولا هذا بس هدوء الصبح؟؟
زايد : ههههههه ...خلاص سويلي سندويش نوتلا....وأبغي حليب ويا العسل
بدور : حرام عليك ...هذي عروس وتكرفها...ريلها ما سوالها جي
عنود ابتسمت : عااااادي....وين النوتلا؟؟
زايد عطاها ويلس يطالعها كيف تسوي ....يالله دلوعه هالبنت...بس حرام ما تستاهل اللي يصير لها....ع هالدلع...مادري إذا عرس هزاع شو بتسوي...بتموت... أدري هزاع يحبها...بس الحب يقل بعد الزواج....ومحد ما يبغي عيــــ .... :..
عنود تحطي ايدها ع جتفه : زااااااايد ...وين رحت؟؟
زايد : هني...حذالج..
عنود تطالعه بتشكك : اللي ماخذه عقلك تتهنابه ...
زايد : ههههههه ....محد ما خذ عقلي.....إلا وين هزاع...
عنود ابتسمت له ....وهي تحط العسل في الحليب... :..راقد.....إلا بسألك زايد؟؟
زايد : أمـــــــــــــري
عنود : وين عموه؟؟
زايد : فالصاله....مستلمه ناصر ومنصور
عنود : هههههه...لازم يهال بعد ست شهور بيعتدل رقادهم....
زايد : الله يعين ساروه وأميه هالست شهور...
عنود : ما عليك أنا بتبرع وبخذ ناصر ...بس مب ست شهور...ما فيني أعيز بسرعه
زايد : هههههه...
عنود فتحت الكبت تبى تحط العسل ..شافت البكينغ باودر...شتهت كيكه ...وقالت بتسوي... :..
زايد : والله هالكه عمرج.....
عنود : لا عااااااادي....
زايد وبدور يالسين ع الطاولة اللي في المطبخ التحضيري ياكلون ويتناقرون : ...
عنود تسوي الكيكه وتسوي الكريمه....وتضحك ع تعليقات زايد اشتاقت لسيف أخوها .. ووحشتها تعليقاته اللي ما تخلص.. حطت الكيكه في الفرن وشغلت الساعه مال الفرن :..ممكن طلب..؟؟
زايد وبدور رفعوا راسهم :..
عنود : يوم بترن ساعة الفرن نادوني...؟؟
زايد وبدور شافوا حد يأشر لهم وراها : لأ ..
عنود : شو اللي لأ؟؟
زايد : ما بناديج 
عنود : كيفكم......ببدل وبيي.....بذلوني
زايد وبدور ابتسموا لها : ...
عنود يايه تلف دعمت اللي وراها فشهقت :..
هزاع وبدور وزايد : ههههههه
عنود ضربته خفيف ع صدره : طيحت قلبي
هزاع : سلامة قلبج يا قلبــــــــي
عنود صدت لزايد وبدور وردت تطالعه : احشم
زايد : لا عادي .....نتابع أفلام مكسيكيه
عنود ابتسمت وتخطت هزاع تبى تروح :..
هزاع مسكها وسحبها صوبه ..: وين؟؟
عنود كانت مستحيه ..كانت وايد قريبه منه ..وأخوانه هني ..بصوت واطي : هزاااااع!!
هزاع : يا عيون هزاع..
بدور روحها استحت :..
زايد ضحك وصد الصوب الثاني :..
عنود قامت عنه...تبى تروح..بس هو وقف جدامها :..
عنود : وبعدين؟؟
هزاع ..تقرب من إذنها ..:.قولي أحبك بخليج
عنود : لا والله؟؟
هزاع يساسرها : لا تخليني اسوي شي أكبر؟؟
عنود رجعت ورى : أدريبك ..ويهك لوح.....احشم إخوانك حرام عليك
هزاع : ههههههه....محشومين ...بس أنا قتلج....عسب مرة ثانية ما تنزلين وتخليني روحي في الحجرة...
عنود ورى زايد : أنا فحماية زايد....
زايد : لا دخيلج
عنود تضربه ع ظهره : والسندويش اللي مسوتنه لك....طلع جيمته ..
زايد وهزاع : ههههههه
هزاع: يالله أنا ولا إنتي؟؟
عنود : حراااام عليك...
هزاع تقرب منها :..
عنود ركضت الصوب الثاني:..والله بنادي عمووووه
هزاع : عادي ....إنتي حرمتي ما بتقول لي شي..
عنود باستسلام : أحبك......أحبك خلاص فكني
هزاع : لا ما رضيت ....(وطالعها بخبث)
عنود : بدور شوفي أخوج الياهل ؟؟
بدور : ههههههه...(ورفعت جتوفها جنه تقول ما باليدحيله)..
عنود تقربت منه : هزاع....عسب خاطري....بس اليوم...سامحني..ما قصدي
زايد ..يشوفهم كيف يتراكضون جنهم يهال .....الله يفرحكم .. :..
هزاع هز راسه : لأ.....اليوم يا أنا يا إنتي
عنود يايه تروح صوبه...بس سمعت صوت الفرن ...طلعت لسانها لهزاع وراحت صوب الفرن ..
هزاع تساند ع الطاوله يطالعها....كيف اطلع الكيكه من الفرن....وكيف تحط عليها الكريمه....وحطت النوتلا ع شكل خطوط أو شخابيط جي حركة بس طلعت حلوة :..
زايد حط صبعه في طاسه الكريمه :..شكله مشهي....
عنود : ههههههه.....
هزاع : عنود حطي لي ريوق......يوعااااان
عنود : مابا ......ما تقول يا أنا يا إنت...
هزاع حط ايده عسب ما يخليها تطلع ......وعنود ياهل انخشت تحت ايده وربعت صوب الصاله....وهم يضحكون عليها :..
**********
عذاري :..هلا مهوي.......راقدة؟؟
مها : من الملل......بس عادي
عذاري : نفس الحال....ما بطلعين...ناقصتني شوية أغراض
مها : حتى أنا ....أفكر أخلص الحين عسب ما ألتهي بعدين عن الدراسه
عذاري : خلاص الحين الساعه عشر ....نص ساعه وبييج
مها : خلاص بسبح ..وبترياج
عذاري : أوكي
**********
جاسم يتثاوب : أمايااااا .......مليت ..محد علايا......
أم جاسم : ما عليك كلها ثلاث أسابيع وبتقابل عذاري كل يوم
جاسم : يالله يا امايا........ما كلمتي علايا
أم جاسم : ما ترد
جاسم طلع موبايله واتصل في عليا :...
سيف وعليا يالسين يسولفون ...عليا قامت تبى تشل موبايلها...بس سيف سحبه ورد :.
جاسم : ألوووو
سيف : في غيبتك اشرب مرارة زماني ... قلبي وعقلي بالعنا يشتكونك
يبغون منك عطف ولا حناني ... عطف المحبه يعل ربي يصونك
ادمنت حبك وستحل بكياني ... لقدر اعيش العمر لحظه بدونك 
جاسم : هههههه...... حبك حبيبي في الضماير توالي ... كل الجوارح تشتكي من طعونك
لو بختياري ما فترقنا ثواني ... ولا عشت لحظه يا حياتي بدونك
الحال عقبك صار لا حلو تالي ... لو شفتني بتسيل دمعت عيونك
سيف : فديتك بو محمد...والله واحشنا....
عليا يلست عدال سيف ..والدموع في عينها : حطه ع السبيكر...
سيف ابتسم لها وحطه ع السبيكر :...
جاسم :..والله إنت أكثر.......شخبار عليا؟؟ وشخبار لندن؟؟
سيف : والله لندن مب حلوه بدونك.....وأما عن حرمتيييييي..بخير دامها قربي
جاسم : هههههه.....أسميك خقاق..
سيف : معلوم إذا سيف ال___ي ما يخق ...منو بيخق؟؟
جاسم : سيف ال____ي ..طل......
سيف : ههههههه......شتسوي
جاسم : ماشي...يالس ملل ما رحت الدوام
سيف : لا والله.....شرطة أبوك وأنا مادري
جاسم :..ما عليك إلا يوم واحد.....بس والله البيت ملل
سيف : ههههه......عيل وين هزاع عنك؟؟
جاسم : نايم في العسل .....لا يسأل ولا يتصل....
سيف : هههههههه جنها نغزة
جاسم : ههههههههههههههههههههههه ..... زين يوم تفهمها ع الطاير....عطني إختيه
سيف :منو إختك؟؟.....
جاسم : إيا الخاين....لا يكون ضيعتها...
سيف : ههههههه قصدك حرم سيف ال_____ي
جاسم : يا ربي ..(يكلم أمه)....أمايا أقتله هالخقاق
أم جاسم : تبى ترمل إختك
سيف : ههههههههههههههههههههههههههههههه.....أحلى محامي
جاسم : أمايا وكلج عنه شو؟؟
عليا بصوت واطي : فديتك أخوي
سيف ابتسم لها وعطاها الموبايل :..
جاسم : سيفوووووووه.....يالخيبه....
عليا : لا تغلط
جاسم : فديييييييتج والله....شخبارج؟؟ شخبار سيف وياج ؟؟....قال لج شي؟؟ زعلج في شي.؟؟...
عليا طالعت سيف :..
سيف طالعها وابتسم ودخل البلكونه وكان يسمعها وهي ترمس :...
عليا : لا فديته ما مقصر عليه....إلا إنت شخبارك ؟؟...وشخبار أمي وأبويه؟؟
*******
العصر
هزاع راح عند جاسم بعد ما دق عليه وقال مستمل وزايد وياه....بدور راحت ويا عموه عند بنت خالتهم مربيه...وسارة وراشد وعيالهم راحوا عند بو منصور....محمد راح ويا مها وعذاري بعد ما دق عليه أبوي ...لأن ما عندهم حد يوديهم...ما بغيت أسير هالشهرين كرهت السوق مررررررررة....
عنود في الصاله عدال حوض السمك : ما قدرت أصبر ثواني
في غيابك عن مكاني
أنا عنك ما تصبر
عود يا بسمة زماني
هزاع : هذا حقـــــــــــي؟؟
عنود صدت له كان هزاع وزايد وجاسم ....عدلت شيلتها وابتسمت لهم :..لا تصدق عمرك
هزاع يلس عدالها : عيل حق منو؟؟
عنود بعناد : سووواف أخوي
جاسم : مكارة......
عنود : ههههههه.....هاااه المستمل
جاسم يعيب عليها: المستمل.......تراج يالسة روحج الحين.. .ما مليتي
عنود : مب بروحي.....(غياض)...كافي علي ذكرى هزاع
زايد : أوب ....أوب من قدك
جاسم : يا عيني......وأنا أقول شاللي ملصق هزاع في البيت ما يطلع إلا بالقوة
هزاع وعنود : ههههههههه
هزاع : شسوي يا جاسم ...تعرف الحب وتأثيره
عنود قامت : وتدري بعد الشوق وتأثيره
هزاع صد صوبها : شو تأثير الشوق؟؟
عنود : ما يخصك......(راحت المطبخ التحضيري)...
هزاع راح وراها...
جاسم : الله يهنيهم.......
زايد : اسكت ما شفتهم شو سووا الصبح...
جاسم : شو سووا بعد ..؟؟
زايد يالس يخبره السالفه...

المطبخ التحضيري 
عنود : هزاع عاد......نحن مب بالفندق ..روحنا
هزاع لاوي عليها من ورى وكانت تقصص الكيك ..عسب تحطيه :..شسوي...أحبج..
عنود حطت السكينه عدالها وصدت له وهو ع نفس القرب :..انزين حبيبي ...أنا أستحي تسويلي هالحركات جدام الكل...لو كلام بنقول ما تقدر تيود لسانك....بس
هزاع ابتعد عنها وياي يطلع وكان يتكلم بحزن : مب كافي بعد شهرين بتحرميني منج للأبد...
عنود تقربت منه ومسكت ايده....
عاد عند الباب وكل شي يبين فالصاله...وجاسم وزايد يطالعونهم ...سينما
هزاع : آمري
عنود : آسفه حبيبي.......ما كان قصدي أزعلك...
هزاع : حصل خير ...(وراح)
عنود نزلت دموعها عليه.....ليش أنا ضعيفة ..في الفندق رمت أقوله ابتعد عني.... والحين يوم حبيته وأبغي قربه...مب قادرة أقوله ...مسحت دموعها...حطت العصير والكيك فالصينيه ....وراحت صوب الصاله :..
جاسم : بلاك قيس؟؟
زايد : ليلى زعلانه؟؟
هزاع : هه......مخبل
عنود دخلت وحطت الصينيه ع الطاولة وابتسمت لهم....
جاسم وزايد يوم شافوا ويهها فجوا حلوجهم ...بلاها صايحه..
عنود : بلاكم أول مرة تشوفوني؟؟
هزاع طالعها ...
عنود ما حبت تبين لهم شي يلست حذال هزاع :..
زايد راح صوب الصينه :..صراحة ما روم أقاوم
جاسم : ولا أنا.....هزاع أقرب البيت بيتك
عنود ابتسمت وطالعت هزاع : روح كل ...
هزاع طالعها...بعناد : ..القلب ما هو لعبتن في ايدينك
جرحن جديد وزاد ع جروحن جدام
الفرق واضح صار بيني وبينك
مثل اليقين ومثل طريات الأحلام..
عنود :...عشان الحب ...واللي بيني وبينك
عشان الحب ...عشان أيامي وسنينك
أبيك تراجع إحساسك
وتنسى جروحي وآلامك
حرام انه فهذا البعد تضيع أيامي وأيامك...
هزاع طالعها مده...والكل ساكت...بعدين لوى عليها ...
عنود دموعها تطيح ع صدر هزاع : آسفه حبيبي......لا تزعل مني
هزاع مسح دموعها وابتسم : أنا اللي ياهل ....أنا اللي غبي...بس لا تصيحين
عنود بدلع : زين يوم تعرف عمرك...
زاد وجاسم ساكتين......محد يقدر يتفاهم شرات عنود وهزاع....ومحد يزعل ويرضى بكلمه من الثاني إلا هالاثنين....ابتسموا لهم وردوا ياكلون...
راح هزاع صوب الصينية وسحب عنود وياه :...يالله كلي
عنود : ما أبغي ..
هزاع : انا ما أحب الحرمه جي متلاوكه...جنها قلم رصاص
الكل : ههههههه
عنود : ما أبغي والله
هزاع يدلع : انزين لقميني
زايد : اسمع الياهل
عنود : خله ع راحته......يوم بتعرس خل مرتك تلقمك.....
زايد : ههههههه حشا علي أنا مب بدلع ريلج..
عنود تلقم هزاع : ما يخصك بريليه
جاسم : اسكت عنها ....عن تنش تضربك 
زايد :ههههههههه
عنود : جي منو تتحراني؟؟
جاسم : شو قصدج؟؟
عنود : ولا شي.....
هزاع ياي يتكلم .....حطت اللقمة في حلجه 
عنود : إنت لا ترمس ماما.....لا كلام على الطعام
الكل : ههههههههههه
زايد : تصدقين عنود ....أول مرة أدري إنه صوتج حلو؟؟
جاسم: الله والصوت
عنود بدلع : المهم عايب ريليه.......صح؟؟
هزاع هز راسه ...: .......وقلت لقميني مب لكيني بالأكل
الكل : هههههههههههههه
**********
راشد : يالله سارة
سارة باست راس أبوها .....: يالله عيل أبوي...
بو منصور : عاد لا ترويني ويهج لين شهر..
سارة : ههههههه.....من قدك بتروح مصر
بو منصور : لو ما ربعي ما بسير....
راشد : عاد شهر عمي........يالله رديت شباب
بو منصور : ههههه.....
سارة : مع السلامه أبويا
بو منصور : ربي حافظج....
ركبوا السيارة ......
مسكينه سارة ماسكة منصور بإيدها......والخدامه ماسكه ناصر.....
سارة : بتتأخــــــــــــــــــــــــــــــــــر؟؟
راشد : لا قولي ساعتين
سارة : بس الساعه 6 ......حد يلعب سكوترات في البحر هالساعه
راشد : عادي ويا الربع مب روحـــــــــي
سارة : الله يحفظك......(ونزلت)
وهي داخله تسمع حشرة ومراكض في الحوي......وطبعا هذا حدث يديد .....منو هاليهال اللي بيراكضون...يوم دخلت ضحكت من خاطرها....عنود وبدور وزايد وهزاع وجاسم يلعبون بالبالونات وهي متروسة ماي....ومتخسرين من الخاطر
سارة : شتسوون؟؟
الكل وقف يطالعها...
عنود ربعت صوبها وباست منصور : بتلعبين؟؟
سارة : حشااااا عليه....تبي عمي يحتشر عليه.....حرمه شكبري ألعب
عنود : حرمة وشكبري أونه.........عمرج 21 بس....
سارة : شوفي كيف متخرسه عن تمرضين.....
عنود : لا تخافين....
الكل يا صوب سارة 
جاسم كان مستحي...ريال وهيبه يلعب : ..هذا كله من عنودووووووووه
عنود :ههههههه....شسوي ملل
هزاع : ايييييه لا تعقها ع حرمتي
زايد : الله والحرمه......أكبر ياهل
بدور : بس صدق قضينا ع الملل....واليوم الجو حار موت
عنود راشت البالونه ع راس هزاع وربعت داخل البيت:..
هزاع : يالسباله......(وربع وراها)
الكل دخل داخـــــــل 
بدور دخلت تسبح فحمامها طبعا...
عنود دخلت تسبح في حمامها..
أما هزاع وجاسم وزايد......يسبحون بالفوز ورى البيت وبالمرة يغسلون السيارات...ههه
سارة دخلت تسبح عيالها...وترقدهم
.....(يوم السبوووووووووووووح العالمي ههه)....
****************
عفرى : شفيك سرحان؟؟
أم سلطان : خليه اللي ماخذ عقله يتهنابه
سلطان : ههههههه لا بس..
عفرى : هذي البس اللي ينخاف منها؟؟
سلطان : يوم عرس ولد عم ربيعي...
أم سلطان تقاطعه: بلاه؟؟
سلطان : انزين خليني أكمل .......يوم العرس...كانت بنت طالعه من القاعه ...وكنا نعلق عليها ومادري كيف....وبعدين قالولي أسير صوبها ...أشوفها شتبغي..
أم سلطان شهقت : ورحت؟؟......هذيل رفاق السو...
سلطان : هههههه.....أمايا بلاج؟؟....رحت أشوف الحرمه محتايه شي ولا شي....
عفرى : انزين؟؟
سلطان : أقولج رحت صوبها كانت صح متغشيه بس الغشايه خفيفه...كانت صدق حلوة...
عفرى : صبر.....عرس علايه ربيعتي؟؟....
سلطان : هيه.....قوم ال____ي....
عفرى : انزين....شو سوت فلعتك بالجوتي؟؟....ولا شو كانت تبا؟؟
سلطان : كانت تسأل عن أخوها ....وأخوها طلع ربيعي....اسمها بدور ولا بدريه مادري
أم سلطان : لا وقالت لك أسمها بعد؟؟
سلطان : لا إله إلا الله......لا ما قالت ...أصلا ما قالت غير نادلي أخوي زايد.....بس زايد بالغلط قالت بدروووووه....يعني توقعت اسمها جي
عفرى : هيه عرفتها بدور قوم سالم ال_______ي...
سلطان : حلوة صح؟؟
عفرى : هي حلوة.....بس علايه أحلى
سلطان : اسكتي عني روحي متندم ليش ما شفتها قبل لا تملج..
أم سلطان : الله الله.....الحين شو المطلوب نروح نخطبها...لك
سلطان : لا .....أنا ما أخذ وحده غير إذا حبيتها وتحبني....بس تذكرت دفاشة بدور 
7
7
جاسم : هذي منو عند الباب؟؟
سيف : أنا ما بطالع أنا معرس
زايد :ههههههههههههه أونه
سلطان ( أخو عفرى) : انزين روحوا يمكن وحده من الأهل
محمد : تخيل ما تطلع من الأهل
سيف : بتفلعكم بالجوتي
الشباب : هههههههههههههههههههههههههههه
سيف : سلطان إنت قلت الفكره...روح شوف منو؟؟
زايد : صح محد قالك......
سلطان : لا والله
جاسم : روح دخيلك ..........
سلطان طالعهم...وراح صوبها
سلطان : الشيخه محتايه شي؟؟
بدور ..الحين بعد ما قطعتوني بالرمسه؟؟ : هاااه
سلطان يبتسم ....:.بغيتي شي؟؟ 
بدور : هااااه....هيه....أبغي..
سلطان : هيه؟؟
بدور ابتسمت من تحت الغشايه : هزاع هني؟؟
سلطان : لا والله مايا
بدور : اففففف....هذا دومه جي...
سلطان : إنتي أخته؟؟
بدور تستهبل : لا حرمته الثانيه....
سلطان رفع حياته : ..؟؟؟
بدور : أكيد إخته.....يعني................الشيخ طلبتك؟؟
سلطان : آمـــــــــري
بدور : بغيت زايد
سلطان : توج تبين هزاع؟؟
بدور ..شسوي اقطع شعري يا ناس :..أنزين نادلي زايد أخوي
سلطان : انشالله...(وراح)
سيف : هذي منو؟؟
سلطان : مادري ما دقيت وياها سوالف
جاسم : الله كلها وما دقيت سوالف
سلطان : لا اسألها ..ماترد...وأرد وأعيد السؤال
محمد : شتبغي....؟؟
سلطان تذكر : هييييييييه صح......زايد تبغيك
زايد : منو؟؟
سلطان : حرمتك.....شدراني...قالت نادلي زايد ..(ما كان يبا يبين شي لهم)
زايد ضرب راسه: بدروووووووووه......ما عرفتها
سيف : هههههههههههه
8
8
سلطان ابتسم...صح كانت متغشيه وما شافها عدل...بس طريقتها ودفاشتها واستهبالها ....عيبته...بس هذا مب كل شي...
***********
10 ونص
جاسم وزايد منسدحين ع السرير تعبانيين
جاسم : يالله والله هلكت من زمان ما ركضت جي...
زايد : هههههه بس صدق سوينا رياضه من الخاطر
جاسم : صدقك........بس زين اليوم وايد حر
زايد : تصدق أول مرة أحس البيت في حركه فيه صوت....دايما كان جنه مقبرة...بس الحين غير ..حتى أحس إني ما قمت وايد أطلع من البيت....أول حتى ريوق ما أتريق في البيت وما أرد إلا عسب أرقد
جاسم : صدق انزين.....تدري أول ما شفت عنود ...نفرت منها دلوعه وياهل...بس الحين مع إنها ما تغيرت وايد.....بس وايد طيبه وسوالف ...وإذا عنكم انتوا صح.... ما قمتوا وايد تطلعون...بس ما أقول غير الله يعينها
زايد : صدق الله يعينها....الحين يمكن عادي عندها تشوف عيال راشد....بس بعد كم شهر..أكيد عليا بتحمل ومها وعذاري.....أحسها بتتعب وايد
جاسم : الله يعينها...ويعين هزاع...
زايد : انزين نغير السالفه الحين
جاسم : يالله غير .....بسمع شو من السوالف اللي عندك
زايد:بات عدنا اليوم....محد عندك في البيت
جاسم : مادري أحس عيــــــــــب
زايد : شو عيب ياما رقدت هني......ارقد لا أسطرك الحين
جاسم : لا واللــــــ
قطعه صوت الباب اللي انفتح فجأة...قاموا يلسوا يشوفون شسالفه
عنود وهي غارق بالدموع : زاااا......زااااااايد
زايد وجاسم طالعوها وطالعوا بعضهم وربعوا صوبها
جاسم : بلاج عنود؟؟....شسالفه؟؟
عنود قام نفسها يقطع :..زايد......ر...راااا..
زايد راح صوب ثلاجته وعطاها ماي : اشربي....
عنود دزت الكوب : راشد ...راشد أخوك ....اتصلوا ربعه لهزاع....وقالوله.....ضاع
جاسم : ضاااااااااع؟؟ كيف يعني ضاع؟؟
عنود : ضاع في البحر...
جاسم وزايد ربعوا يطالعون شسالفه :..
عنود حاولت تتماسك....محد متفيج لها ...بس ما تقدر...والكل يدري انها ما تستحمل صدمات......نزلت ويلست ع الأرض عدال باب حجرة زايد...
محد كان في الطابق اللي فوق....غير عنود
زايد نزل تحت......سارة تصيح بحرقه...والخدامات يحاولون يسكتون ناصر ومنصور......أم محمد تحاول تهدي سارة وهي روحها تصيح....: وين هزاع؟؟
أم محمد وهي تصيح :راح يشوف أخوك وينه
جاسم : انزين يعني وين راح المركز....ولا عند دوريات البحر...ولا المستشفيات؟؟
أم محمد : مادري .....ياه تلفون....وخذ أبوك وراح..
جاسم : قوم بنتصل له في الدرب
زايد هز راسه وراح وياه :..
سارة وهي تصيح... : قال لي ما بيتأخر قالي ساعتين والحين.....مادري وينه؟؟.....عمتي ...عمتي قولي له....لا يخليني..
زايد صد لسارة وكمل طريجه :...
جاسم : ألووو هزاع......وينك؟؟.....كيف يعني؟؟.....الدوريه نقلته..أي مستشفى ؟؟....خلاص يايين.....هيه ....ليش؟؟....خلاص بييبه...باي
زايد : هاااه لقوووه؟؟
جاسم : تخيل ...مستشفى صقر براس الخيمه
زايد : شووو؟؟ من دبي لين راس الخيمه؟؟
جاسم : هيه......بس شكله تعبان وايد...
زايد : انزين ..إنت ليش رايح صوب بيتكم...
جاسم : بييب ليسني مال السكوتر البحري.....حضرته راشد ما عنده...
زايد : آهاا....
*************
الساعه 1 ونص في مستشفى صقر عند باب العنايه
هزاع : مشكور ماتقصر....
عيسى : العفو.......وهذا ربيعي شقى ما بتم وياه
هزاع : ما تقصر....
عيسى : مشكور ....واسمحنا ع القصور
هزاع : ما منك قصور الغالي
عيسى راح
زايد : بلاه هذا جي متخرس بالماي؟؟
هزاع : هذا ربيع راشد.....جاسم يبت الليسن؟؟
جاسم مده له:..شخبار راشد...؟؟
هزاع : الحمدلله يومين ويطلع...
زايد : دخلت عليه.....؟؟
هزاع : هيه.....الحين أبوي عنده...شخبار ساره؟؟
زايد : شو تتوقع يعني؟؟.....أنا بتصل البيت بطمنهم....(اتصل).....ألو
بدور : هلا زايد...حصلتوه
زايد : هيه الحمدلله......
بدور :صدق!!.......وينه عندك؟؟
زايد : لا الحين تعبان راقد...بسكر طمني سارة وأمي وعنود
بدور : زاااااااااااااايد!!!
زايد : شو؟؟.....والله مب متفيج لج؟؟
بدور : عنود طاحت علينا....عطيناها دواها بس وايد تعبانه تعالوا بسرعه
زايد : شوووووووووووووووووووو؟؟
هزاع وجاسم يطالعونه
زايد : خلاص ......مسافة الطريج...باي(وسكر قبل لا يسمع ردها)
هزاع : شسالفه؟؟
زايد : هااااه ....ما شي..بروح عندهم....محد عندهم
هزاع بتشكك: أمايا فيها شي؟؟
زايد : لا تخاف....(وياي يروح)
جاسم : صبر تراك ياي بسيارتي......قول شسالفه عسب أوديك
زايد : أوهوووووووووو.....(صد لهزاع).....هزاع حرمتك وايد تعبانه...
هزاع بلع ريجه ويطالعه .....ما قدر يوقف ع ريليه....جاسم سانده..............أخوه وحرمته مرة وحده شو هالمصايب؟؟....
زايد : لا تخاف...بس تدريبها بدور تبالغ......أنا بروح إنت ما بتقدر تسوق وجي حالتك
هزاع : لا ....إنت تم هني.....أنا وجاسم بنسير

*******************************
الجزء السابع عشر من لـ...ـ...ـ غرام ـ...ـ...ـ...ذة 

هزاع بلع ريجه ويطالعه .....ما قدر يوقف ع ريليه....جاسم سانده...أخوه وحرمته مرة وحده شو هالمصايب؟؟....
زايد : لا تخاف...بس تدريبها بدور تبالغ......أنا بروح إنت ما بتقدر تسوق وجي حالتك
هزاع : لا ....إنت تم هني.....أنا وجاسم بنسير
7
7
جاسم حطا ايده ع جتف هزاع :..يالله انزل وصلنــــــــا
هزاع فتح عينه يطالع جاسم ....وساند راسه : جاسم تعبان متى بفارج المصايب...ما صدقت استانس يومين...إلا وطلعت مصيبه
جاسم : ما عليك.....انشالله هذي آخر أحزانك
هزاع : هه إنت ما تعرف شي
جاسم : شو اللي ما أعرفه؟؟
هزاع بلحظة حزن ...طاحت دمعته وقال :..تبي طلاقها...تقولي عيش ويا غيري.....جاسم ما أقدر أعيش بدونها....ليش تسوي بي جي؟؟؟؟؟؟إنت تعرف شكثر أحبها...
جاسم : طلااااااااااااقها؟؟
هزاع تنهد :..
جاسم : ما عليه انزل الحين شوف حرمتك.....
هزاع نزل :..
جاسم : معقولة.....عنود ما تريت لين ما يفكر هزاع يعرس عليها ...بتنسحب روحها من هالحياة...(تنهد ونزل)
هزاع دخل الصاله ولحقه جاسم ...
أم محمد : هااااااه؟؟ شفتوه؟؟ هو بخير؟؟.....
سارة وهي تعدل شيلتها وتمسح دموعها : راشد بخير؟؟....يا وياكم؟؟
هزاع طالعهم....وربع فوق ...ما رد عليهم....كيف أطمنهم وهم ما يطمنوني عن حرمتي...
جاسم : راشد بخير......بخير.......وزايد وعمي عنده...
سارة : متى بشوفه ؟؟...متى بيرد؟؟
جاسم : جريب.....شخبارها عنود؟؟
أم محمد : تعبانه...والساعه الحين ثلاث بليل مب عارفين نداري سارة ولا عنود...
جاسم : ما عليه سارة روحي وطي راسج الحين....والعيال ديربي بالج عليهم...وباجر انشالله بنروح عند راشد
سارة اكتفت بهز راسها وخذت عيالها وراحت ترتـــــــــــاح :...
جاسم يلس ...مادري طاح ع الكرسي.....تعبان .. :..
أم محمد : تعال أبوي أرتاح حجرة زايد....
جاسم : لا ما عليه...بروح البيت
أم محمد : والله ما خليك تطلع جي
جاسم تنهد : محمد ويــــــــــــــــن؟؟
أم محمد : راح عند راشد من درى بالسالفه...
جاسم هز راسه
*****************
زايد : كييييييييييييييييييييييييييف؟؟بس هزاع ما قال جي
محمد : توي سألت الدكتور...
زايد : كيف يعني؟؟
محمد تنهد : يعني إذا ما قام خلال ثنين وعشرين ساعه...من الحين...بيتم طول عمره في غيبوبة
زايد : لا مستحيل يصير جـــــــــــي....
محمد :...أخوي سعيد راح....والحين راشد كان بينه وبين الموت شعره
زايد دموعه تطيح : جذب كله جذب..
محمد ساند راسه ع الكرسي ....مادري أهديك يا زايد ...ولا أهدي عمري... :..
زايد ..يذكر كلام سارة... قال لي ما بيتأخر قالي ساعتين والحين.....مادري وينه؟؟.....عمتي ...عمتي قولي له....لا يخليني.. : الله يعين..
**************
دخل الحجرة شافها....وتمنى يموت ولا يشوفها بهالحال...تقرب منها...
بدور قامت : من مساعه تناديك.....
هزاع صد لبدور...بس تعابير ويهه نفسها صدمه ..حزن..عذاب..شوق..حب..ورد التفت لعنود :..
بدور خلتهم روحهم ...وطلعت:...
هزاع تقرب ويلس حذالها ع السرير ومسك ايدها...عنود كانت مغمضه عينها....ومصفرة صفرة الموت...بس ما كانت باردة...كانت شابه نار:..
عنود فتحت عينها بهدوء : هزاااع...هذا إنت؟؟
هزاع سحب ايدها وباسها : حياتي لا تعبين عمرج...
عنود ابتسامه صغيرة بانت ع محياها :..شخبار راشد؟؟
هزاع ودموعه اطيح ....مب قادر استحمل يا ناس ليش أنا المظلوم في دنيتي...ليش أنا اللي أشيل هموم الناس ومحد يشيل همي... :..بخير
عنود حركت ايدها بتعب وهي تمسح دموعه :..بيرد لكم بالسلامه لا تصيييييح
هزاع نزل راسه ع ايدها وصاح بحرقه : وإنتي عنود؟؟.....ما تبين تردين لي؟؟ ما تبين؟؟
عنود غمضت عينها ونزلت دموعها :..
جاااااااسم احمرت عينه....وبدت دموعه تنزل ع ويهه...الباب كان مفتوح...ما كان منتبه لعنود ...كان منتبه لعذاب هزاع وبـــــس.....أنا هني يا هزاع...أنا أشيل همومك وإنت مب حاس ....ودخل حجرة زايد :..
عنود : حبيبي لا تخلي الدموع تشغلك عنــــــــــــي...
هزاع رفع راسه : محد بيشغلني عنج ......إنتي شغلي كيف انشغل عنج...
عنود ابتسمت له.....وسحبت ايده وحطته ع ويهها :..خلك بقربي.....لا تخليني...
هزاع مسح دموعه بظهر ايده الثانية .. : مستحيل يصير جـــــــــــــــي
عنود غمضت عينها :..
هزاع يحركها : عنود.....عنووووووود
عنود فتحت عينها بتعب : أبا أناااااااام.....أبا أرتاااااااح
************
سيف يتثاوب ويحط راسه ع ريل عليا :..اشتقت لأمايا
عليا تلعب بشعره :..وأنا أكثر منك....
سيف شل ايدها عن شعره وحطاها ع ويهه....كنه يشم ريحة ايدها :..
عليا ابتسمت له :..
سيف : قومي بنطلع برويج مكان وايد حلوووو
عليا : هههه الحين الصبح؟؟
سيف : أحلـــــى وقت نروحه الصبح..
عليا : يالله .....دقايق وبجهز.....(ودخلت الحجرة)
سيف : الله يقدرنــــــي وأسعدج..
عليا سمعته وطلعت راسها من الباب : ومنو قالك إني مب مستاسة وياك؟؟...
سيف ابتسم لها وهي ردت عليه بابتسامه :..
***********
أم جاسم : يا حميد......ولدك ما يا...
بو جاسم : الحين الساعه ثلاث ارقدي...
أم جاسم : وولدي؟؟
بو جاسم : اتصل فيه وقال بيرقد عند زايد..هنيه مستمل بروحه
أم جاسم : والحين تقول لي؟؟
بو جاسم حطا المخده ع راسه ... :..
********
هزاع : هه.....ههههه.....هههههههههههههههههههه الحين تبين قربي.....خلاص أنا بعتج
عنود : بس أنا حبيتك هزاع.....سامحني دخيلك
هزاع : نو وي ماي دير.....خلاص أنا ما أبيج.....عفتج ..وعفت دروب ممشاج
عنود نزلت عند ريله : دخيلك هزاع ......لا تقسى عليه...
هزاع : وإنتي يوم قسيتي علي في الفندق..؟؟.....عادي؟؟
عنود : سامحني....عشان اللي كان من بينا
هزاع : هههه وليش إنتي قدرتي هالحب.....إنتي طالق عنودووووووووه وشوفي حياتج ويا طيييييف منصور...يا غلا منصور..هه
عنود : لا .....لااااااااااااااااااااااا .......هزااااااااااع.....دخيييييييلك
هزاع فتح عينه وقام يهزها بقو : عنود.....عنود
عنود فتحت عينها ودموعها ع خدها : ..لا تخليني..هزاع لا تخليني....أحبك هزاع لا تخليني...
هزاع لوى عيها :..حبيبي ما بخليج...(ويمسح ع شعرها)...كان حلم....حلم يا عنود...
عنود لوت عليه بقو....وفرغت كل خزانات للدموع ع صدره :...
هزاع تنهد بحزن....وحطا راسها ع المخده ...ويلس يمسح ع ويهها :..
عنود حست بالأمان....بالراحه....وغمضت عينها ترتاح :...
**********
محمد : أبوي...روح إنت وزايد البيت...شكلك تعبان
بو محمد : لا أنا بتم هني لين يقوم ولدي...
زايد : ما عليه محمد ..... يوم بيوصلون جاسم وهزاع...أنا وأبوي بنروح...
بو محمد : لا روح إنت ...أنا بتم هني...
زايد : أبوي بس بسبح وببدل ثيابي وبنرد...
محمد : هيه يا أبوي....وإنت وطي راسك ساعه..
بو محمد : لا أنا ما برقد ....إلا إذا تطمنت ع راشد
زايد : أوووووووووه نسيت.....(ويود موبايله)
بو محمد : شو اللي نسيته؟؟
محمد : بلاك؟؟
زايد : عنود ....وايد تعبانه...بتصل لهزاع
بو محمد : ليش بلاها؟؟
زايد : مادري.....ألو هزاع ...راقد؟؟
هزاع تنهد : لأ.....
زايد : شخبار عنود؟؟
هزاع : وايد تعبانه ....(وصوته تغير جنه بيصيح)...مب عارف شسوي لها.....خايف تروح مني...
زايد : هالكثر تعبانه؟؟ودها المسستشفــــــــى
هزاع : مادري....
زايد : شاللي ما تدريبه؟؟..
هزاع : أمايا تقول صبر لين الصبح إذا ما خفت ودها
زايد : والله مادري....بس إذا قالولكم ليش تأخرتوا؟؟
هزاع تنهد:..الحين يصلون الفجر.....بصلي وبوديها
زايد : خلاص عيل........وطمنا
هزاع : انزين راشد شخباره؟؟
زايد : ع نفس حاله.....
هزاع : أوكي عيل باي
زايد : باي
محمد : هاااااه؟؟
زايد : ما وداها المستشفى بس يقول وايد تعبانه....
أم محمد : الله يعينا ع هالمصايب....
**********
هزاع مادري أوديها الحين....بس هي راقده ....آآآآآآآآه يا عنود....تقولي لي لا تخليني...مب فاهمج يعني بفترة مرضج؟؟....ولا طول العمر...أكيد بس هالفترة... و..
عنود فزت من نومها ...ويلست على طول ...وكانت تتنفس بصعوبة :..
هزاع تقرب منها : عنود لا تخافين أنا هني...
عنود تطالعه : وين رايح؟؟...ليش كنت يالس هناك؟؟
هزاع : بروح المسيد...قومي تسبحي يمكن تخفين وبوديج المستشفى ..
عنود : لا بسبح وبصير بخير......أحس إني أحسن الحين....بس
هزاع : بس شو؟؟
عنود : لا تتأخـــــــر
هزاع باس راسها : انشالله....بس يالله الحين تدخلين الحمام
عنود : ما فينـــــــــي
هزاع : لا .لااااااه..... ما عندي شغل يهال...
عنود : تعبانه ما أكسر خاطرك يعني...وجي حالتي؟؟
هزاع مسك ايدها : مب كافي بغيتي تذبحيني البارحه من الهم ..
عنود ابتسمت له ...مب عارفه شو ترد عليه..أقول بسم الله عليك حبيبي....ولا شسوي:..
هزاع مسك ايدها وقومها :..يالله حياتي
عنود : لااااااه تشوفني ياهله؟؟.....شرايك بعد تسبحني بالمرة..
هزاع : لو يصير بسبحج..
عنود : والله ما فيني أكفخك...تعبانه
هزاع : هههههه
عنود : يعلها دوم..
هزاع : شووو هي؟؟
عنود : ضحكتك...(وابتسمت له)
**********
عليا : والله رووووووعه!!
سيف واقف وراها : عيبج؟؟
عليا : وااااااايد
سيف : بروح اييب اسكريم ...
عليا لفت بسرعه عسب تروح وياه ....بس :..
سيف ...حسيتها وايد قريبه مني...هي طاحت ع حضني....بس مادري شاللي سويته ذيج الساعه كان صح ولا غلط مادري::...
عليا ...سيف مسح عويهي ..وكان يطالعني بنظرة غريبة ...أول مرة أشوفها بعيونه...ما دري شو كانت...:...
سيف ...ما عرف ليش ذيج الساعه....صدق حسيت إني ما أبغي غير عليا...معقولة حبيتها؟؟.....لأ هذا مب الإحساس اللي حسيته ويا عفرى :...
عليا ابتسمت له وابتعدت ...وعطته ظهرها : آسفه
سيف : لا عادي...
عليا : هيه إنت عايبنك مسود الويهه...
سيف : ههههه.....شو كنتي تبين تقولي لي؟؟.....
عليا : بروح وياك؟؟....ما أضمن اتم دقيقه بروحي
سيف : هيه ترى هني الحلوات على طول يخطفونهم.....(انصدم من عمره...مادري ليش كان يقولها بعفويه ومن خاطره...مع انه قبل كان يجبر عمره يقول لها كلمة حب ... عسب لا تقول إنه ما يحبها)
عليا طالعته ..بس ما عرفت ليش سكت..وليش هالنظرة في عينه :...بتشتريلي أسكريم؟؟....ولا ظهر البخل سيف ال_______ي؟؟
سيف : هههههه...يالله
*********
بو سيف : أبوي مها.....
مها يايه من المطبخ: هلا أبويا
أم سيف : خلصتي زهابج؟؟
مها : هيه خلاص.....الحين سنه ما بطب السوق ...كرهته..
أم سيف : ههههه وعذاري؟؟
مها : خلصت...خلااااااص
بو سيف : انزين تعالي بغيتج؟؟
مها : خير أبوي...
بو سيف : عمج سالم شارني شور وأنا ما أبغي أرده
مها : اللي هو؟؟
بو سيف : بنجدم العرس...
مها : وات ؟؟وات؟؟وات؟؟
بو سيف : شو اللي وات ع قولتج....بنجدم العرس...هاذم اللي أصغر منج إنتي ومحمد عرسوا...وأول مرة أدري انه الكبير يعرس آخر شي
مها : يعني متى قررتوا؟؟
بو سيف : بعد عرس جاسم باسبوعين...
مها : شووو؟؟ وعنود ما تبونها تحضر؟؟
بو سيف : وليش ما تحضر؟؟
مها : بتروح ويا هزاع..هزاع وراه دراسه
بو سيف : بيأخرها أسبوعين ......آخرها ست شهور ما يقدر يأخرها أسبوعين
مها : أبويا هو أجل كورس...وما يقدر يآجل أكثر
بو سيف : الحين هذي مب معضله....بتم أختج هني لين عرسج بعدين بخلي سيف يوصلها لين ريلها...
مها ...هه وهزاع بيصبر عنها ؟؟وهو ما يبا بيحضر عرس أخوه؟؟ :...سوو اللي تبونه
************
نزل تحت بيروح الصلاة....بس استغرب من اللي شافه...أمه وساره وبدور...يتريقون...وجاسم يالس ع الكنبه يشرب جاي....
هزاع ابتسم بحزن : شو المصايب ورى هاليمعه؟؟
جاسم : هاااه عنود شخبارها؟؟
هزاع تنهد :...شكلها أحسن....بس تعبانه
جاسم : قوم بنوديها المستشفى؟؟
هزاع : لا ما عليه بروح أصلي وبعدين بنوديها...
بدور مبتسمه : بقولك شي بس عطني البشارة
هزاع ابتسم : ولج البشارة...
بدور: راشد قام....و..
هزاع : صدق!!!!!!!!!!!!!!
جاسم : هيه......بس بيتم عندهم يومين....تحت الملاحظة...
بدور : هاااه.....شو بشارتي؟؟...
قاموا صلاااااااااااااااااااة الفجر
هزاع : بعد الصلاة ....وخل اطمن ع حرمتـــــي قبل
وراحوا الصلاة ..
*********
راشد : شخبار سارة؟؟....وعيالي؟؟
زايد : جب لا ترمس.....بعدين قول كله من زايد يسولف ويايه
راشد : بقول لهم زايد من يلس عندي ما سكت
زايد : هااااااه تراك تحت رحمتي بسحب عنك الأكسجين...
راشد : خيبه مب نفس عليك....تاخذ كل الأكسجين
زايد : هههههههه......لا بسحب الجهاز مال الأكسجين
بو محمد كفخه ع راسه : عسب تشوف عمرك مكانه
زايد : ليه يا بابا ؟؟......إنت ليه ما بتحبنيش؟؟......أنا عملتلك إيه؟؟
راشد : هههههههههههههه
بو محمد : اعدل حلقك العوي...لا صدق ...
محمد قطع عليه بدخلته : يالله أبوي يصلوووون
وطلعوا يصلون وخلوا راشد بروحه...
**********
نزلت تحت كانت لابسه كندورة فوشيه...وعليها شوية شغل بالذهبي....ولابسة شيله سوده وعليها باللون الفوشي...بس ولأول مرة ما كانت محطية ميك أب ولا حتى جحل....كانت تنزل ومتسانده ع الدري ...لأنها صدق تعبانه....بس ما تبى تشغل هزاع عن أخوه...وما تباهم يقولون ودر أخوه وراح يشوف حرمته....(ابتسمت لهم)
أم محمد من شافتها راحت صوبها:..شخبارج الحين؟؟ أهون؟؟
عنود شو أهون أحس عمري بموت من التعب.....ابتسمت لها.... : ما شي أخبار عن راشد؟؟
سارة : الحمدلله قام بالسلامه....الساعة 6 بنروح صوبه...
عنود : ست؟؟ مب جنه من وقت؟؟
بدور : لا...لين ما نوصل هناك قولي 9 ..8ونص...جي
عنود يلست حذال منصور اللي كان راقد ع الكنبه :..فديته..ليش مخلينه هني؟؟....(وشلته)
سارة :أوديه داخل شوي وصاح....ومب متفيجتله
عنود : هيه أكيد مب متفيجه....القلب عند حبيب القلب..(وابتسمت لها)
سارة ابتسمت : ...
هزاع وجاسم دخلوا : السلام عليييييييكم
الكل رد السلام :..
هزاع سار صوب حرمته :...
جاسم يلس ع الأرض : هااااه عندوووووه أحسن؟؟ ولا؟؟
عنود : الحمدلله...
هزاع كان يتأمل ويهها أول مرة تكون جي ...بدون مكياج ..ولاجحل...ولا إكسسوارات...وغير جي شكلها منهد حيلها :..
جاسم : هزااااااع بتسير صوب أخوك. بعد ساعتين؟؟
هزاع يطالع عنود ...وياي يرد بس ردت عنه عنود :..
عنود : أكيد بيروح...ولا بطّلعه من الحسبه سي أفندي؟؟
جاسم : بصب عليج دلة الحليب..
هزاع : جرب إنت بس.....
جاسم شل الدله: احلف إني ما أقدر
عنود تبتسم : سوى وبنردها في حرمتك أم الليف
بدور :هههههههههههههه
جاسم : بدرووه سكتي لا أفلعج إنتي الثانية
عنود يايه بتقوم ..حست بدوخه ....ما كانت تبى تبين لحد....بس يوم طالعت الكل كان يطالعها ..:
جاسم يعيب عليها : الحمدلله......قومي لبسي عباتج....بنوديج المستشفى
هزاع وقف : بدور روحي يبي عباتها...
عنود وقفت وكانت ماسكه الكرسي وراصه عليه بقو.. : قلتلكم ما فيني شي...ومب رايحه المستشفى...
هزاع صرخ : ليش هو بكيفج؟؟
عنود طالعته : عيل بكيف منو؟؟....
جاسم : هزاع بلاك ؟؟هدى عمرك شوي...
عنود حطت ايدها ع جتف هزاع : هزاع....والله أنا بخير...بس لأني مب ماكله شي من البارحه....لا تخاااااف
هزاع طالعها : وليش مب ماكله؟؟
عنود : وليش إنت كلت شي ؟؟
هزاع : أنا استحمل ...مب..
عنود : ما عليه الحين باكل....لا تعصب...
*********
بعد أربع ساعات
في رااااااااك
سارة ماسكه أيد راشد :...
والكل حواليه يسولفون وياه..
عنود : إلا شو اللي صار بالضبط ..؟؟
راشد : ماشي ....كنا نترايس بالسكوترات ....وشوي انحرف عني ودربيييي في البحر...
الكل : ههههههههههههههههههههههه
جاسم : ودربي......ما شالله هذا صوت الطيحه
زايد : لا هذي الطيحه السريعه
هزاع : بس مسكين عيسى ما قصر.....ياي لين هني ومتخرس بالماي...
راشد : ما يقصر ...عواس...
*********
وطافت الأيام عاديه...
الكل ملاحظ الحب الكبير اللي من بين هزاع وعنود ومضت الثلاث أسابيع وباجي شهر وأسبوع...
وراشد رد من راك وبعد اسبوع رد يدوام....
جاسم وترتيبات العرس....عذاري وطلعات الصالون....
سيف وعليا وحب من طرف واحد قام يصير من طرفين...
*********
عنود : مسود الويهه عيبتك القعده هناك...ما تتصل ولا تسال
سيف : اللي يقول إنتي اللي اتصلتي يالسباله
عنود باستهبال: ما عندي رصييييييييد
سيف : علمج هزاع الزطيييي
هزاع : أنااااااا زطي يالجلب...
عنود : لا تغلط ع أخويه لو سمحت
هزاع : وهو عادي يغلط عليه
عنود بدلع : وإنت خليتني أرد عليه...
سيف : جان فيج خير ردي
عليا : بلاكم بتتناقعون في المطار....
سيف : ههههه والله وحشتني هالسباله من شهر ما تضاربت ويا حد
عنود : ههههه سباله حرمتك......
عليا : نعم.....نعم وأنا شدخلني؟؟
عنود : محد قالج تاخذين أخوي....سوووووواف
سيف : عيون سيف....
هزاع : ايه احشـــــــــم
عنود : تسلم عيونك.... بس
هزاع قاطعها : لا والله كملتي وياه بعد
عليا : نحن نطلع من الحسبه
سيف :.. أكيد يوم الشيخه عنود ترمس كلكم تلبون
عنود : الله ....من قدي...
عليا : ما عليه عندوه ...
هزاع : لو ما أختك ......كنت دخلتك العناية.....يالس تغازلها من مساع
سيف بعناد : عنود حيااااااتي ..شخبار جاسم؟؟..والعرس؟؟
عنود تكمل وياه : فديتك والله......ماشي الحال....بس زعلان ليش ماييت من وقت...باجرالعرس وإنت اليوم ياي حبيبي
هزاع : إيه.....إيه.....إيه....والله لا أذبحكم...
سيف وعنود : هههههههههههههههههههههههههههههههههههه
عليا : ضحكتي بلي ضروس.....هزاع إنت ليش يايبنها وياك؟؟
عنود بخقة: ما يصبر ثواني بدوني
سيف : يالخقاقه ....عثرج طلعتي علي
هزاع : منو قص عليج؟؟.....وقالج هالرمسه..
عنود : أقول منو قال لي؟؟
هزاع : منو؟؟ يالجذابه
عنود بدلع : عيوووووونك......(وراحت صوب عليا)
هزاع تم فاج عينه.....:..
سيف: ما تستحين مسودة الويهه...تغازلينه جدامنا
عنود : عادي ...ياما شفناك تغازل عليوه
عليا وسيف : ههههههههه
**********************
جاسم : تو ما نورت البلااااااااااااد ...
سيف : مشكور بو محمد......وحشتني والله
جاسم : وإنت أكثر ....هاااااااه شخبار رضيعتي؟؟
سيف باستهبال : لا باس.....بس كم طراق وكم بكس..و...
جاسم : هي اللي عطتك ولا ..ههههههههه
سيف : ههههههه مسود الويهه.....شو المعنويات ؟؟
جاسم : المعنويات نفسها من أربع سنين ...
سيف : ههههههه....والخوف من عمي بعده ولا ؟؟
جاسم : لا خلاص من أسبوع صارت حليلتي..آآآآآآآآآه بطير من الوناسه ...
سيف : طير بس حاسب عاد
جاسم : ههه.....رحت البيت؟؟
سيف : لا ....ما يصير بعد ما أحضر حفلة حناك..
جاسم : والله ما ودي أسوي حفلة حنا حقــــي يكفي حق الحرمه بس....حلفوا علي...
سيف : ههههه أنزين أحلى .....تكون متميز في العايله......الوحيد من الشباب سوى حفلة حنا..
جاسم : صدقك.....
****************
عنود : شو المعنويااااااات عذوره؟؟
عذاري : لا تسأليني دخيلج؟؟
مها : خايفة؟؟
عذاري : إلاااااااااا بمووووووووت من الوناسه..فديته جسوم ما يخوف عسب أخاف
البنات : ههههههههههههههه
بدور : أول عروس أشوفها جي....بس ما وصيج ع الرزانه والمستحى...فالعرس
عذاري : لا تخافي حفظوني الدرس من بدريييييييييي.....بس علايه وينها... أبا أعرف أخبار المعرس...؟؟
مها : هذا ونحن نوصيج ع الرزانه والثقل ...
عذاري سوت حركه بإيدها : عادي..
المحنيه : إنتي ليش وايد حركات....اجلس مكان واحد
البنات : ههههههههههههههههههههههههههه
بدور : دواج يالدبه
عذاري : لا صدق وينها علاية؟؟
مها : فالبيت راقدة.....تعرفين سفر وتعب...
بدور كتمت حزن كبير ف يوفها وقالت: سيف وياها؟؟
عنود : لا سيف مايتعب ....بسم الله عن يطيح عليهم ...هههه .....هو عند جسوم فالعرس
عذاري : اسمه الشيخ جاسم لو سمحتي
عنود : سكتي...سكتي.....وإنتي والجسمي مالج...
عذاري : والله بذبحج قولي جااااااااسم
عنود : فديت الجسمي والله.....وشياب الثرى للثريه
عذاري : بدرووووه والله تفلعينها بعلبه الكلينكس...
بدور : لا مرت أخوي.....ما أرضى عليها
عنود :ههههه
***********
عليا .آآآآآآآآآآه سيف وينك؟؟....راسي يعورني...آآآآآآآآفففففف عسب جي ما أداني السفر.....بعيشة الله...يالسه تطالع عمرها...راقده بعباتها...بس الاكسسوارات والنعال حد شالهم عنها...أكيد سواف ..حبيبي والله....اففففف موبايلي ما فيه جارج... وراسي بينطر علي....بشوف عموه تحت.....ما فيني حتى أبدل...طلعت وأطالع حوالي محد فوق .....يعني لازم انزل تحت.....نزلت بس ما قدرت استحمل أكثر يلست ع الدري وتساندت عليه....وما حسيت إلا بعد خمس دقايق ...
صوت عموه : عليا بنتي شفيج؟؟.....عليا يمه؟؟
صوت أم محمد : عليا ....عليا بنتي شي يعورج؟؟
رفعت راسي وما قدرت أميز عدل إذا هذيل عماتي ولا لأ : سيف؟؟...سيف وين؟؟
أم سيف : فالعرس فديتج...تعالي ارتاحي...
حطيت راسي ع ريلي وبصوت تعبان : أبغي سيف...
ام محمد : الحين بنتصل فيه....
أم سيف : ألو يمه.......
سيف : هلا أمايا
أم سيف: يمه تعال شوي البيت...بغيناك بشغله
سيف : والله يا أمايا الشغل هني فوقي وتحتي...ما أقدر الحين
أم سيف : إنت تعال الحين.....الشغله ما تتأجل...
سيف : خلاص ......مسافة الطريج...باي
جاسم : على وين؟؟
سيف : أمايا تبغيني....بروح وبرد...
جاسم : لا تبطـــــــي
سيف ابتسم : وهل أجرؤ؟؟
جاسم :ههههههههه ..
سيف ركبت سيارتي.... واتصلت فعليا...بقومها السباله ..من متى راقده...عمتي متوله عليها ...حتى جسوم مسكين....إذا راقده للحين بسحبها من كشتها وبييبها...هههههه فديتها ما تهون علي......وعن جسوم يكنسل ويزتي بعد..ههههه..
سلامات حبيبي مو على بعضك سلامات
سلامات أشوف الحزن فعيونك سلامات
بلقياك القلب يشفي غليله
وأنا وياك مثل قيس(ن) وليلي
روايات ويما ألفوا عنها روايات
إذا راد الزمن يجرح ولا يداوي إذا راد
ولو زاد العمر واحد ولا ينقص ولو زاد
يا طيوب إبي منك دقيقه
تشجع وقلي بالحقيقه
حرامات نقضي العمر بالحسرة والآهات....اسمنك يا راشد الماجد...يالله وصلت...
بس يوم دخلت اطالع البنات والحريم كلهم متولفين صوب الدري...واللي شيلتها طايحه..واللي مادري بحالتها...بلاهم هذيل مهبل...اففففف أنا معرس ويالس اطالعهم ...عطيتهم ظهري: احم....احم......درب يالحريم
الكل صد لسيف وتقربت أمه منه : أبوي تعال ..
سيف صد ..ويوم طالع الدري...توقع انه ما يشوف عدل : علياااا؟؟....(تقرب صوبها)...بلاج؟؟
عليا رفعت راسها صوبه :...
سيف مسك ايدها :..بلاج مساعه مخلنج زينه؟؟....شاللي جاســج؟؟
عليا : مادري....راسي يعورني...وظهري مب قادره منه
سيف : ما عليج من الطيارة ...(مسكها وقومها)...تعالي وبوديج ترتاحين
عليا نزلت دموعها : سيف تعبانه؟؟.....مب قادره؟؟
سيف طالعها ...مب عارف شيسوي....صد لأمه ولعنود ولمها....يبى حل :..؟؟؟
عنود : وداها المستشفى؟؟
سيف : بس هذا تعب السفر....وكلنا ندريبه...
عنود : ويمكن لأ.....ودها وأنا بسير وياك.....
سيف هز راسه :...
أم سيف : أنا بسير بعد...
عنود : لا يمه....أنا جاهزه ...إنتوا روحوا عند عذاري محد عندها فالبيت...مب حلوه روحها يتيمه...وحتى حريم عمها وبناتهم مب وياها
الكل هز راسه بالإيجاب....
عنود بلاهم جنهم هنود يهزون لي راسهم ...ههههه لا ما بضحك....عن أحصل كف من يميني ولا يساري :..يالله سيف
***********
جاسم : هزاع ......سواف تأخر؟؟
هزاع : يمكن تعبان ....تعرف ياي من سفر...ووصل حرمته والحين يا هني واشتغل ....يمكن ما ايي...
وشوي سيف ياي صوبهم وأول ما ووصل صوب جاسم لوى عليه بقو كان مستانس حده :..
جاسم : بلاك ذبحتني ولد الحلال؟؟
راشد : ههه شو هالشغل اللي خلاك تطير من الوناسه جي
محمد : هههههههه سيف بلاك تبلمت...
زايد : لا جسووووم عيبه حضنك شكله
الشباب : ههههههههههه
سيف ابتعد عن جاسم :...اهتم من همه وهمي همه
ومنهاج قلبي منهجه منهاجه
ودمه على دمي ودمي دمه
أهو الدوا وأنا طبيب علاجه...
هزاع : بلاك تخبلت؟؟
زايد : على شو مستانس...
سيف : بيصير عندكم خقاق ثاني
الكل يطالعه بتشكك وع ويههم ميت علامة استفهام :.....؟؟؟؟؟؟؟؟؟؟؟؟؟؟؟؟؟.....
سيف : علايا حااااااااااااامل
محمد يطالع حوله..كان كله شباب : اسكت فضحتنا
جاسم لوى عليه : وااااافديت اختيه والله
زايد : أففففف بيصير عدنا عيل أكبر خقاق أبوه سواف وعمه جسوم
سيف : تتمنااااااه والله
راشد طالع هزاع أخوه...اللي لف وراح عنهم من غير ما يقول ولا كلمه...ورد يطالع سيف ...ما يقدر يقوله شي ...تذكر يوم ...يوم عرف انه سارة حامل شسوى...الله يرحمك يا منصور إنت اللي كنت شاهد ع فرحتي اللي محد يقدر يحس بها الإ إنت ...
سيف : بلاك رشود مب مستانس لي؟؟
راشد ابتسم له : مبررروك سيف
جاسم رفع واحد من حياته : بــــــــــــــــــــس!!
راشد صد لهزاع كان يالس ع طابوقة كانت جريبه من الزراعه ويالس يدوخ :..
الكل طالع وين راشد صد ......وسكتوا حسوا بالحزن............رغم فرحتهم بالعرس وبحمل عليا :...
سيف تنهد : ما كان قصدي أضايقه....(تذكر رده فعل عنود ...سلمت عليهم وكانت مستانسه من خاطرها لعليا ...معقولة كانت تمثل الفرح ...وفقلبها غيره)....بس عنود استانست لي....ما طرت شي من السالفه ..أو...(ما عرف شو يقول ..حس بغبنه )
راشد حطا ايده ع جتف سيف : ما عليك إنت ما سويت شي......بس القدر....والله كاتب لهم هالشي......ومحد يقدر يغيره...
جاسم : بس عنود بعد ما رحمته....
الشباب صدوا له : ...
سيف : كيف؟؟
جاسم : ماشي يالله بنروح صوبه..
سيف مسك ايده : شاللي صار؟؟
جاسم : مــــــــــــــا شي والله مب صاير شي....
سيف : أكيييييييد؟؟
جاسم : افااااااااااا تشك فيني......قوم قوم نروح صوب هزاعووووه 
راحوا الشباب صوبه..
زايد يلس قباله ع الأرض وهو يغني: أنا الشاجي أنا الباجي أنا الحساس
أنا اللي في المحبه خاضعن راسي
وأنا بغيرالمحبه ما خضعت للراس...
جاسم كفخه ع راسه : اسكتتتتت شردوا المعازيييييم
هزاع ابتسم لهم : خل إييون بالأول.....
سيف : حسب ظني ....
زايد قاطعه وهو يغني : حسب ظني وتقديري ......مالك أحد غيري...
راشد : بتسكت ولا أفلعك......لا شيفة ولا صوت...
الشباب :هههههههههههههههههههههههههههه
هزاع صد لسيف : مبروووووك سيف ....وعقبال باجي الدرزن
سيف ابتسم له....المفروض أقول عقبالك.....بس فهالحاله ما يصير :...
**********
بالباجر
بسم الله المعبود والرحمانـــــــــي
وأزكى صلاتن ع النبي العدنانــي 
على عروسن نورها يسبقـــــــــــــها
نمشي ونتبعها بنظر الأعيانــــــي
عروسنا كل الحسن يكسيـــــــــــها
والبدر يخجل لو يطالع فيــــــــــــــها
هي رايتن والشعر ما يوفيــــــــــــها
لو فيه غنت وأبدعت ألحانــــــــــــي
يلست ع الكوشة ...وقلبها طبوووول...محد مهدنها غير ذكرى جاسم.... وحلمها بقربه..
مضى العرس مثل أي عرس ...بس ربشة المعرس ووناسته...كانت مغطية ع الجو...ورابشتنه...بس العرس خلص الساعه 11ونص...ولأول مرة في عايلة ال_____ي.... لأن جاسم بغــــى يروح...وبجي جمع الله أهدى قلب...وأحن قلب...مع بعضهم بالحلال...

**************************************
الجزء الثامن عشر من لـ...ـ...ـ غرام ـ...ـ...ـ...ذة 

العصر
الساعه 5 ..
عذاري : على راحتك
جاسم : يعني ما بتزعلين
عذاري : افاااااا أنا؟؟ مستحيل دام هالشي بيريحك والله أنا مستانسه
جاسم : فديتج والله
عذاري: بس هاااه بعدين ما تقولي نسير وياهم بعد ...
جاسم يحك شعره : ما أضمن الظروف
عذاري : ههههه ......لا والله
جاسم : خلاص عيل بنروح الحين بيت أبوي...
عذاري : أوكي...
جاسم : هيه جي حرمه تسمعين الكلام
عذاري :بفرك بالكنلكس...
جاسم :ههههه .....ما تقدرين
عذاري :احلف..
جاسم سحب فوطته وربع الحمام وسمع كفخة قوطي الكلنكس بالباب : هههههه
عذاري ابتسمت ....بخبركم شو اللي قررناه أنا وجاسم ريلييييييه ....بنتم هني هالشهر لأن هذا آخر شهر بيتم فيه هزاع هني وما بيرد إلا بعد سنه بتم يومين وبيرد يدرس سنه وعقبها بيرد ومعاه الشهاده...وبما أنه جسوم ما يستغنى عنه بنتم هني هالشهر لين ما يروح...تعرفون قمت أغار من هزاع جنه هو حرمته مب أنا....حتى إنه أجل شهر عسلنا لين الشهر الياي عسب خاطر هزاعوووووه ... :..
*********
عليا : مرحبااااا
عفرى : حياتي والله..... فديتج.....شحالج ؟؟ شخبارج؟؟....يالله شهر لا تتصلين ولا تسألين
سلطان رفع راسه يطالع عفرى كيف مستلهثه :..
عليا : ههههه كلتيني بقشوري...الحمدلله أنا تمام.....ورايحه شهر عسل شبغيبج؟؟
عفرى : عليوووه يالكريهه ......الحين شتبغيني لاه؟؟....ليش متصلة سكري يالله
عليا : ههههههه شسوي سواف راقد قلت بتصل ف عفاري طبجتي
عفرى : هيه يعني أنا السبير مسودة الويهه
عليا : تقدرين تقولين ...ههههه
عفرى : كريههههههه ...والله تقهرين...
عليا : هههههه انزين بخبرج خبر بمليووووون
عفرى منصدمه: لا تقولي !!
عليا : خلاص ما بقول هه
عفرى : نقول مبروك
عليا : قولي واصهلي جان ترومين
عفرى : سباله .....إنتي حامل وأنا عنست هني 
سلطان....تذكر سيف كيف كان مستانس ...يوم خبر جسوم والباجين أن علايه حامل ... وفضح عمره بين الشباب....ربي يوفجهم :..
عليا : قولي بسم الله...
عفرى : الحين بييج ...بس قولي وين البيت ؟؟...
سلطان ....وهي وأنا تكسي الغزال اللي بيوديكم من مكان لمكان :..
عليا : خلاص ....تعالي صوب..(............................................ ...............................) أول بيت لونه ترابي...بيت عمي...
عفرى : بيت بو سيف؟؟
عليا : هيه نعم...يالله أتريااااج
عفرى : أوكي.......سي يو سون
عليا : سي يو سون ....باي
عفرى صدت لأخوه بابتسامه حلوة: فديت سلطووووني
سلطان : لا والله بنغالي أبوج تقصين عليه
عفرى : ههههه دخيلك عاد...
سلطان : روحي تلبسي دقيقه وتكونين جاهزة...
عفرى ربعت الحجرة :....أوكيك
*********
أم جاسم : هلا والله بالمعاريس
جاسم : احم احم أخجلتم تواضعــــــي
بو جاسم : أم خماس شو......شخبارج عذاري؟؟
عذاري : الحمدلله عمـــــــي
بو جاسم : ما كنكم خربتوا علينا...
جاسم : أبوي شهر العسل حقنا مب حقكم...
عذاري : ههههههههه
أم جاسم : وابيوي عليك.......ما تستحي
جاسم : هههه.......بنأجل شهر العسل شهر....
بو جاسم : ليش؟؟
جاسم : تدري عاد هزاع هذا آخر شهر من إجازته عقب بيروح هو وعنود ما بنشوفه سنه...
أم جاسم : هيه عاد كله ولا الطبجه
جاسم : أميه عاد .....يقولون ربيعي الروح بالروح مب طبجه...
بو جاسم : لا ...........تختصر الموضوع.....دخيلك خلها تختصر أحسن
جاسم :ههههههه.....خلاص عيل بروح أودي الأغراض فوق...
عذاري : عن اذكم
بو جاسم : اذنج وياج....شتبين بأذونا
جاسم : هههه......يالله كملوا مغازل بس مب وايد...
أم جاسم : بتروح ولا أصب عليك الماي
جاسم : عثرج مستعيله فطوووووووم
أم جاسم صبت عليه الماي : دواااااك
الكل : هههههههههههههههه
جاسم : حرام عليج أمايا كاشخ كشخت أسبوع
بو جاسم : حد قالك تتحرش فيها
جاسم : التوووووبه
************
هزاع : تبين تطلعين؟؟
بدور : وييييين؟؟
هزاع صد لها :...
زايد : إنتي وشلج؟؟.....أنا وهزاع وعنود بس؟؟
هزاع صد له :..وإنت عزمت عمرك بعد؟؟
زايد : هههه لا أصلاً ما تقدر تروح بدوني
عنود : وايد واثق
هزاع : ههههه.....بتروحون ؟؟
زايد : وين؟؟
هزاع : بنتمشى وبعدين بنتعشى ع السفينه
بدور : روعه....
عنود ابتسمت :...يا عيني ع الرومانسي
هزاع : هههه شفتي ريلج حركات بعد
زايد : خذت الخقة من سواااف شووو؟؟
عنود : هااااه لا تغلط عاد
هزاع : بسرعه لا أكنسل الطلعه
عنود : ليش العرض محدود
الكل : هههههههههههههههههههههه
زايد : حلوة منج مرت أخوي
هزاع : سباله تعيبين ع ريلج...
عنود : السباله ما تاخذ إلا سبال...
زايد : شو قصدج؟؟ لا تغلطين؟؟
هزاع : يالله أول مرة أدافع عني
زايد : لإنك إذا طلعت سبال شبيطلع أخوك؟؟حمار؟؟
الك ل: هههههههههههههههههه
هزاع : وأنا أقوووووول...
***************
عليا : مرحباا بالغلا كله والله
عفرى تسلم : فديتج والله ...شخبارك ربك إلا بخير؟؟
عليا : إيه أنا بنت مب ولد...
عفرى : وإنتي شدخلج؟؟ ...يالسه أكلم ولدج...يمكن يحطني فباله ويخطبني
عليا :ههههههه تعالي يلسي
عفرى يلست : حد فالبيت؟؟؟
عليا : لأ عموه ومها راحوا المول...وعمي عند ربعه....وسيف راقد...
عفرى : أها مع إني ما أعرفهم بس يالله ...بس إخت وحده عنده؟؟
عليا : لا ثنتين...وحده عرست قبلي بثلاث إيام
عفرى : أها...يعني سيف هني ما أقدر أخذ راحتي
عليا : أفا عليج أخذي راحتج ولا عليج من حد
عفرى : لا ...لا ....روحي قومي ريلج مب زينه رقدت العصر
عليا :ههههههه ماشالله ع المسلمه
عفرى : هههه من زود أمايا ما تلتعي ع سلطون ولا أنا شدراني
عليا : وأنا أقول
سيف نازل من الدري :علايااااااااااااااااااااا............عليووووووووو ووووووووووه
عليا طالعت عفرى : خيبه تخيب عدوج...
عفرى : ههههه سيري عنده عن يحدر علينا
عليا وقفت :..
سيف نزل من الدري : وينج من مساع قاعد أناديج؟؟......(بخبث)تولهت عليج
عليا ابتسمت له : هني بس...
سيف صد لعفرى : وإنتي مهوووووو.....(راح صوته انصدم عفرى شتسوي هني ...تم ساكت منصدم...وعيونه متعلقه باللي يالسه فالصاله)....
عفرى ....لا مستحيل هذا سواف حبيبي ......مستحيل يكون ريل علايه....مستحيل يعني علايه كانت تدري......يعني علايا خانتي ....يعني طرشت المسج لأنها حاطه عينها عليه مب لمصلحتي ...)...:...
عليا مسكت أيد سيف : سوواف ....روح .....ربيعتي هني...
سيف رد لواقعه...واقع يفرض عليه عليا وما يخونها لو شو ما صار....وتذكر خيانتها له... وزواجها ....تذكر كل شي بلحظة ....مادري ليش حب يقهرها ...حب يذوقها العذاب مرات ...(صد لعليا) :..أوكي حياتي أنا بظهر عند الربع دامج مشغولة ...يوم بتفضين دقي لي ...أوكي (وباسها ع خدها وطلع)...
عفرى انصدمت.....عرفني ...أدري أنه عرفني ....بس ليش يعذبني....عذبني بزواجه... والحين يعذبني ...يقولها حياتي ويبوسها....وتولهت عليج....(وقفت وعيونها امتلت بالدموع)...:..
عليا استحت وتقربت صوب عفرى : سواف ما يستحي....ما دري شو من مذهب فيه...
عفرى بعصبيه : هو ؟؟...ولا إنتي ست الحسن.؟؟
عليا تطالع عفرى : عفااااري بلاج؟؟.....لا يكون تغارين من سيف؟؟
عفرى : وتمثلين يالخاينه.....ولج عين اتجذبين بعد ما انكشف كل شي...
عليا : عفاااري بلاج؟؟.....شاللي صار؟؟....وبشو خنتج أنا؟؟
عفرى : لا والله ما تعرفين يعني؟؟
عليا : انزين خبريني......شاللي سويته....عسب تزعلين...
عفرى : الحين عرفت ليش طرشتي المسج لسواف....لإنج حطيتي عينج عليه....مب لإنج خاييفه علي مثل ما كنتي تمثلين.....بس أنا الغبية اللي صدقت...وقلت مستحيل علايا تخوني .....بس شاللي جنيته من غباي غير غباي....
عليا : مب فاهمه شتقصدين؟؟.....وإنا شعرفني بسيف عسب....(سكتت لانها خلاص اتضحت الصورة سيف اللي تحبه عفرى هو نفسه سيف ولد عمها ...هو نفسه ريلها.... وهو نفسه اللي كان يصيحها ويقول فيها أشعار .... يعني ريلي يحب ربيعتي...يلست لأنها خلاص تعبت مب قادرة )
دخلت مها وأم سيف بـــــــــــس انصدموا من اللي شافوه :..
عفرى : لاااااااه؟؟؟........ وبعد هذي تمثيليه ثانية منج؟؟؟ عسب تبينين جدام الكل اني أنا السبب فكل شي.....(صاحت بالحيل)...كيف قدرتي تخونيني؟؟.....كيف؟؟.... معقولة هانت عليج رفجتنا ؟؟.......
عليا صاحت : عفرى والله ما كنت أدري.....لو دريت والله ما وافقت
عفرى : لا حياتي....هاي التمثيليات تمثلينها على غيري......الواحد ما ينلدغ مرتين.... وأنا شبعت من خيانتج...خلااااااااااااااص
عليا مسكت ايدها : والله ما كنت أدري إنج تحبين سيف...والله ما كنت أدري انه نفسه ولد عمي.....والله
أم سيف تطالع مها ومب فاهمه شي:...
مها.....يعني هذي عفرى...هذي اللي حبها سيف ..... الحين ليش يايه تطلقت ولا جتلت ريلها هه.....ما استبعد من هالأشكال:...
عفرى كانت تصيح من خاطرها : علايه كيف قدرتي تخونيني ؟؟.....
عليا : والله عفروه ما خنتج ما كنت أدري.......صدقيني ....ليش ما تصدقيني؟؟.
عفرى : عيل ليش؟؟.........ليش طرشتيله المسج؟؟.....ليش جذبتي وقلتيله إني عرست؟؟.....ليش ؟؟؟.......لا تجذبين إنتي ما كنتي تبين مصلحتي.....إنتي..
عليا قاطعتها : بس حرام عليج عفروه بـــــــــــــــــــــــــــــس!!!......
عفرى : أنا بسير ....وبظهر من حياتج إنتي وياه.....تدرين ليش؟؟... لأنه باعني وخذاج....وخاني ويا ربيعتي......وما أرضى لعمري أخذ واحد خانني.... ولإنج إنتي الخيانه بكبرها وما استحمل أرافج وحده خاينه......(وخذت شنطتها ويايه تطلع)
عليا وقفت ومسكتها من ايدها : دخيلج عفاااااااري ......
عفرى دزتها تبى تبعدها عنها : ما يخصج فيني......ولا تيبين اسمي ع لسانج........(انتبهت لأم سيف ومها بس طلعت )
عليا مسكت بطنها وكانت تصيح من خاطرها .....ما تدري شك عفرى فيها اللي يصيحها ... ولا دزتها اللي خلت بطنها يعورها......ولا تفكيرها مجرد تفكير انه سيف كان يحب غيرها.......يحب ربيعتها!!! :...
مها ربعت صوبها : علايه تعورتــــــــــــــــــي
عليا طاحت ع حضن مها تصيح بحرقه :...
***********
سارة : ههههههه رشود شو تسوي؟؟
راشد يالس فالبانيو ويسبح ناصر ومنصور :...ههههه أسبح عيالج السبلان
سارة : هههههه وحليلك....أنزين جان قلت لي
راشد : كنتي راقده ما حبيت أقومج
سارة : ههههه خلاص أنا بطلع لهم ثياب....سوا سبح زين
راشد يهز راسه : زين أرباب
سارة : ههههه
*********
زايد : بلاك سوااااااااااف؟؟
سيف صد له : هاااااااااه........شو تبى؟؟
زايد : بلاك؟؟ إنت تدري أنا عن شو أسولف من مساعه
سيف : هيه تبى تنسى وتبدا حياتك...
زايد : أناااااااااا؟؟ أنسى شو؟؟ تخبلت سيف؟؟
سيف : أوهووووووووو مادري مادري
زايد : متضارب ويا عليوه؟؟
سيف سوى صوت بحلجه جنه يقول لأ :...
زايد : عيييييييييييييل؟؟
سيف : ما شي ولا تسال عن أروح عنك...
زايد : كيفك....
سيف .....معقولة يايه تبارك لحرمتي بحمالها....معقولة يطلعوا ربع....آآآآآآآآه يالدنيا كيف صغيرة :...
زايد : سيف .....سييييييييييييييييييف وصمخ
سيف صد له بعصبيه : شووووو؟؟
زايد : موبايلك يرن 
سيف :رد عليه أنا مب متفيجه ...
زايد رد وحطاه ع السبيكر :...هلا عموه....
أم سيف : منوووو؟؟
زايد : أنا زايد ...شحالج عموه؟؟
أم سيف : وينه سيف؟؟
زايد يطالع سيف : فالحمام بغيتيه بشي؟؟
أم سيف : قوله حرمته وايد تعبانه.....وديناها المستشفى ويا الدريول...(تغير صوتها)...البنت تعبانه خله ايي بسرعه...
زايد يطالع سيف اللي صار لونه أحمر وأصفر وأخضر مب ناقص اللي يحطونه فالشارع ... : خلاص صار...(وسكر)
سيف : أكيد عَرفت....أكيد
*********
عذاري تسوي شعرها : بلاك تطالعني جي؟؟
جاسم : ما مصدق انه خلاص صرتـــــــي حليلتي بعد سنين عذاب...
عذاري : هيه عيل شو ...تبى تصوم ..تصوم وتفطر ع بصلة؟؟
جاسم : ههههههههه ....غناتي والله.....تدرين؟؟
عذاري : شو؟؟
جاسم : أبغي أروح عند حرمتي الأولى وحشتني وايد
عذاري صدت له :شوووووووووووووووووووووووو؟؟
جاسم :ههههههه اقصد هزاع بلاج؟؟
عذاري : عنلاتك يالخام ...سبال
جاسم : ههههههه..........
*********
حطاها ع السرير ....ويطالع أمه ومها وكيف خايفين ع حرمته ....صد لحرمته ...
سيف ابتسم لها : هاااااه يالعيارة....شفتيني طلعت تبين ترديني البيت..
عليا دموعها تطيح حتى ما ردت له الابتسامه....:.سيف معقولة بعدك تحبها.... أدري إنك شفقت ع حالي لأني حبيتك وخذتني ......سيف إذا تحبها خذها عادي ما بقولك شي... بس لا تطلقني دخيلك سيف
أم سيف : عليا عيب عليج.....
سيف طالعها مده ووقف : ...سمعيني عدل ....أنا ما أخذ أوامري من حد.. وما أحب حد يأمرنـي.....وإذا هي قالت لج أي شي تنسينه الحين....ولا تفتكرين فيه....ولا مالنا عيشه مع بعض ....وإنتي كنتي تدرين بكل شي حتى قبل لا أخطبج.....و..
أم سيف قاطعته : سيف بلاك.......اذكروا الله
سيف تنهد : لا إله إلا الله......
عليا : محمد رسول الله......سيف صح أنا كنت أدري بس ما كنت أدري انها عفروه ربيعتي....وصح عفروه كانت تقولي عنك بس ما كنت أدري إنك إنت ولد عمي... والله مادري...
سيف : انزين بس خلاص ولا تفتحين هالسالفه مرة ثانية.....
عليا : وإذا قتلك أني أنا اللي طرشت المسج انه عفروه معرسة...لأني كنت أبا مصلحتها ...وهي ما كانت تدري....وبعد الامتحانات اتصلت فيك ...
مها :وأنا اللي رديت.....باعتباري حرمته.........صح؟؟
سيف منصدم .......يعني شو عفروه مب معرسة.....يعني هي انظلمت وهي مالها ذنب....آآآآآه بس خلاص انتهى كل شي..... :..
رن موبايل سيف
بو حمووووود يتصل بك...
سيف تنهد ورد : هلا
جاسم : هلا ومرحباااااا ...شحالك؟؟
سيف يلس : الحمدلله ......إنت شخبارك وشخبار الحرمه؟؟
جاسم : الحمدلله كله تمام .......وينك؟؟
سيف ابتسم : شو تبيغيني الحين عندك عذاري تكفي وتوفي
عليا رفعت راسها :...
جاسم : لا خلاص طاح كرتها
سيف : الله الله يعني أنا ما طاح كرتي
جاسم :ههههه لا متعلق.......وينك فالبيت؟؟
سيف : هيه .....(صد لعليا)...هذي إختك دلوعة ..ما مخلتني أظهر
عليا صدق انه الشباب يغطون ع مشاعرهم ومحد داري عنهم :...
جاسم : من حقها ...........
سيف : دامك وراها......رحت بلّوشي
جاسم :ههههههههههه........يالله أنا يايينكم
سيف : اففففففف ياخي ما نباك؟؟
جاسم : يالجلب.....بيي بيي مب إنت اللي بتمنعني
سيف : هههههههه تعال حياك....
جاسم : غصبن عنك...يالله حطوا العشا
سيف : خيبه...خيبه.....بطيني عثرنك
جاسم : ههههههه ...
وكملوا سوالف .......وسكر جاسم لأنه خلاص وصل ودخل سيارته بعد
سيف صد لعليا ومسح دموعها : حياتي......لا تصيحين خلاص.....وإي شي ماضي أباج تنسينه ...عشاني وعشانج وعشان الولد....أوكي؟؟
عليا تطالعه وساكته :...
سيف : أوكــــــــي...؟؟
مها : أوكيك
سيف : وإنتي شدخلج...لا أفلعج بهالدوا؟؟
مها : ههههه أرد عن علايا
سيف :هههه ......شو علايا مال أول
مها : ليش شو اليديد ....؟؟
سيف : أم بطــــــي.....
مها : يا عيني......وإذا طلعت بنت؟؟
سيف : مادري .......شدراني بأساميك إنتوا...
عليا بصوت واطي : غلا
سيف صد لها ...استانس انه يقدر يأثر ع عليا بكلمه.... واستانس انه خلاص نسى عفروه من وقع في ورقة الملجه والحين ولده بينسيه زود :....حلاته غلا سيف...
عليا ابتسمت له :...جسوم نقع تحت
سيف : شبغيه خذت اللي أباه منه......خلع يولي
عليا : شو اللي خذته ؟؟
سيف يطالعها : إنتـــــــــــي
مها : وجااااااااااان تستحي أم بطــــي
عليا : ههههههه
جاسم : هووووووووووووووووووووووود هووووووووووود
سيف : بطنك عوووووووووووود ......
جاسم : هههههههههههه محد بطنه عود غيرك
سيف قام يتوايه وياه :...ههههه......
*************
هزاع شابك ايده بإيد عنود .......وزايد حذال عنود وبدور حذال هزاع ...
زايد : تعرفين عندووووه...
عنود : شو؟؟
زايد : إنج أثرتي ع البيت بكبره من دخلتيه
عنود صدت له :..
هزاع وبدور صدوا ..لزايد ...كان يطالع جدامه ويرمس بجديه ::...
عنود : ليش عااد؟؟.....
زايد : مادري.....بس قبل صح كنا نيلس ونسولف بس مب دايماً.....يعني فالأسبوع مرة... بس الحين غير.....وقبل ما كنت أيلس فالبيت أيي تالي الليل بس عسب أرقد..... وهزاع من ايي يروح عند ربعه...وراشد لاهي ويا حرمته.....ومحمد من يروح الشركة ما يرد إلا بالليل(محمد عنده شركة مقاولات بس ع قده يعني)....
عنود ابتسمت له :..يمكن مب أنا السبب.....
زايد صد لها :...
عنود : يعني بعد عمي ما تصالح ويا مرت راشد....راشد رد البيت......ومحمد من خطب مهوي قام يوازن بين شغله وبين أهله....وهزاع يمكن لأنه عرس قام يقر في البيت...(وابتسمت لهزاع)...وإنت بما أنه الكل صار فالبيت مب عادينه فندق بس...فانت بعد حسيته جي وقمت ما تظهر وايد...صح؟؟
زايد : الأخت دارسه فلسفة.....؟؟
عنود : هههههه لا علم نفس...
هزاع : يا كبرها عند الله......علمي ودارسه علم نفس
عنود : يالله عاد ....يمسكها ع الحبه..
زايد : يالله ما بتأكلونا ......؟؟
هزاع ....زايد يقول عنود لها أثر فهالبيت......إذا طلعت شو بيصير؟؟... :..
عنود بحقد: اللي ما خذ عقلك يتهنابه
هزاع : هههههه......فديت اللي ماخذه عقلي
عنود بدلع : منو؟؟
هزاع يجذب: أمايا
عنود قفطت : يالسبااااااااااااااال
الكل : هههههههههههههههههههههههههههههههههههههههه
************
وطافوا الأسبوعيـــــــــــــن الكل مستانس ....
عنود تروح من الصبح عند مها ...وما ترد إلا الساعه 12بالليل....
عليا كملت شهر ونص.....سيف مستانس لولده ولأخته...

اللي
أقدر
أقوله
أنه
الكل
مستانسين
و
مرتبشين...

صار العرس....وطلعوا حرتهم من الرقص واليواله والربشه لأنه آخر عرس عندهم....وما يدرون متى يصير نصيب بدور وزايد..بيتأخر ولا جريب...
محمد ومها راحوا ماليزيا من ليلة العرس بيتمون ثلاث أيام وبعدها بيردون لين ما يروح هزاع وبعدها بيكملون شهر العسل ...
(مشكلة والله كلهم يأجلون عسب هزاع......ما يدرون باللي ياي!!)
**********
بس صار موقف في العرس بعده يمر في بال سلطان لهاللحظة
7
7
سلطان : هههههههه يالخبلة .....لازم اكل من غداكم
زايد :هيه عيييييييل .......غدا أمالي ما يتفوت..
سلطان : ههههههههه انزين لا تسرع ...
زايد دخل البيت ونزلنا من السيارة ..
سلطان : ....زين ما دعمت القطوة
زايد : فدوة عن راسك
سلطان : ههههه أشكر فنك عزيزي
وشوي بدور طلعت من البيت تصيييييييييييح من الخاطر...لا إرادياً صدينا اثنينتنا صوبها ...
زايد يبا يقول لها ادخلي داخل .......بس هي تصيح من خاطرها وطاحت فحضنه :..
سلطان أنا ما عرفت شسوي ....عطيتهم ظهري وتساندت ع السيارة...وين أسير أدخل الميلس لا هود ولا هدى....ولا أطلع من البيت :...
زايد : بلاج؟؟
بدور وهي تشاهق : مات ......مات
زايد انصدم :منو مات؟؟
بدور : الــ..........ال.......(وتصيح)
زايد عصب وارتفع عنده الكيج : منووووووووووو مات ؟؟
بدور : المتوووووووووه
زايد مادري كيف صار شكله هو يتحرى حد مات ..آخر شي طلع المتوووه :..
سلطان ....أنا ما قدرت أيود عمري أكثر .....حاولت أيود عمري بس ما قدرت : ههههه
زايد : الحين كلها الصياح وتروعيني ع متووووووه.....سيري داخل ربيعي هني....والله متفيجه
بدور تصيح : إنت ليش ما تحس؟؟........حرااااااام مات....أنا من سنين أربيه وآخر شي يمووووووووت عنيه.............أنا خلاص ما بروح العرس
زايد : ما عليه الحداد ثلاث أيام........دخلي داخل الحين
بدور : كلكم ما تحسووووووووووون .........كلكم....(ودخلت)..
زايد يا صوبي ومن شاف شكلي : هههههههه .....ما عليك هذي خبلة وفضيحه
سلطان أنا ما حبيت أطول السالفة .... : ما عليك......لا يكون هونت عن الغدا ....أنا يعت
زايد : اقرب....اقرب....أنا بقول للخدامات يحطون غدا......الرضيعه أعلنت الحداد .....
سلطان أنا ابتسمت له ....بس من راح عني هلكت من الضحك :...
8
8
سلطان ....آآآآآآآآآآآآآآه يا ناس ....خلاص أنا ما بغي غير هالحساسه ....الدفشة... وااااااافديت دفاشتها والله.......ما حببني فيها غير هالدفاشة....ههههههههههههه

وأحسن الله عزاااااااااااااااااااااااااااكم....

*************************************
الجزء التاسع عشر من لـ...ـ...ـ غرام ـ...ـ...ـ...ذة 

زايد : هاااه استانستوا ولا؟؟
محمد : حد يروح شهر العسل ولا يستانس...بيطلع غبي..
مها : أونه شهر العسل...كلها ثلاث أيام
زايد : هههههههه....يالله سرينا
محمد : يالله....
....وركبوا السيارة متجهين لبيت بو محمد ...
*******
بدور : نحن يوااااعه....هذا حمود تأخر
بو محمد : ريال طول بعرض تقوليله حمود....وابوي عليج
بدور : اللي يسمعك يقول صك الأربعين....إلا ست سنين بيني وبينه
عنود :وطايحه من عينج هالست سنين ؟؟...
بو جاسم : بلاكم كلتوها البنت....ههه
هزاع : بدال ما البنت تخطر...محمد اللي بيخطر ههه
جاسم : هههههههههههههههههههههههه....
راشد : حلاتها حمود يخطر...
أم محمد : قولوا محمد شو بعد حمود.....طايح من عينكم ولدي...
محمد دخل بس فج عينه العايله كلهم متيمعين : مرحبا
الكل قاموا يسلمون عليه ويباركون له...ما يقول قبل ثلاث أيام مباركين له:...
بعد العشـــــــــــا
زايد : عندي فكره جهنميه...
عنود : هههههههه...طالع من درس عربي...
جاسم : لا درس دين ههه
زايد: بتخلوني أقول ولا لأ؟؟
هزاع : طلع هالدرر يهالله....
زايد : بسم الله الرحمن الرحيم...بعد السلام والتحيه...
جاسم : إيه ....إيه وين تبى؟؟
زايد سواله طاف ويكمل :..تتشرف عايلة سالم ال_____ي...بدعوة عائلة مبارك وحميد وخالد ال_____ي .....بـ ....(يوم ما عرف يكمل بالعربي).....أنكم تباتون هني هالأسبووع
بو جاسم : أحلى عربي صراحه
عنود : طالبينك الإعلام....يبونك تكتب رسايل...
هزاع : الشيمه لا تردهم...
زايد : هههه أخجلتم تواضعي...
أم سيف : ضحكت بلي ضروس قول آميييييين
الكل : هههههههههههههه
بو محمد : لا صدق الحين الساعه 9 ارقدوا هنـــــــي
بو سيف : لا شووووو....بنروح
بو عذاري : أنا الساعه 10 لازم أكون فالمطار...اعذروني
محمد : إلا عمــــــي إنت وين بتسافر؟؟
بو عذاري : مصر بلحق بو منصور والربع...
سارة : أبوي قال شهر وشكله بيطول سنه
راشد :هههه شكلها المصريه لعبت فعقله
الكل :ههههههههههههههه
جاسم :عيل عمي سير يمكن تضويلك ع وحده ههه
عذاري كفخته ع راسه : أبوي لي أنا وبــــــس
الكل : ههههههههههههههههه
زايد : ليه يا عزاري.....بتأطعي رزق أبوكي....إنتي ما بحبيش لوه الخير؟؟....ولا إيه؟؟
أم محمد : ويديه بلاك؟؟...
الكل :ههههههه
بو محمد : لا تغيرون السالفة...بتباتون إلا يومين هم...
سيف : بس ما بيكفي البيت؟؟
هزاع : ما عليك تدبر...
بو سيف : إذا على جي .....تم
بو جاسم : خلاص صار
زايد :خلاص دامنها فكرتي سمعوا تقسيمتي... احم .....احم...تعرفون انه اللي يبا الشي لازم يقدم تضحيات
عليا : انزين....ارمس ذليتنا
زايد : احم .....احم....فالترتيب بيكون ....انه.راشد والحشكل ماله في حجرتهم....
راشد : حشكل عيالك ....
زايد : هههه...خلني أكمل......عمي مبارك فحجرة محمد ...
محمد يطالعه ...ووده يذبحه :..
زايد ابتسم له :..وعمي حميد فحجرة بدروووه....والشباب فحجرتي...والساحرات فحجرة هزاع وعنود....
هزاع يبا يصفعه ...بس ساكت ...والكل في خاطره يصفع زايد بس يالله صدقه.... اللي يبا الشي لازم يقدم تضحيات ....:..
أم سيف : اسمنك ما سويت خييير....هذيل كلهم معاريس...وين بترقد واحد شرق واحد غرب
سيف : لا ما عليج أمايا ...(يستهبل).بنفتك
عليا وقفت : تفتك مني؟؟.....(وغررت عيونها بالدموع....من حملت وايد صايرة حساسه)....
سيف طالع أم جاسم جنه يبا حل :...
جاسم : بلاج عليوه.....والله ما سويتي خير يوم حملتي
عليا : لا والله....الحين الغلط مني ومن ولدي....ولا....
سيف قام ومسك حلجها : دخيلج علايه .....الغلط مني.....مني أنا..... بس لا تصيحين....
عليا دزته : ..قوم عنــــــــي
سيف صد لجاسم وشكله بينفجر من عليا بس متحمل :...ريحنــــي يا بو محمد
هزاع :ههههههههههههههههه
بدور بعفوية : هي تراك مفتك من...( يايه تقول من العيال بس تداركت حلجها وسكتت)...
هزاع تغير شكله ...طالع عنود وابتسم بحزن :...
عنود رصت ع إيده وردت له الابتسامه :...
زايد طالع بدور بنقمه :...
هزاع : أوكي عيل .... بروح أسبح قبل لا يصير احتلال البنات ..(وابتسم)
عنود : هههه أنا بلحق بعلي العزيز
جاسم : عطونا مقفاكم.....يالله
هزاع ابتسم له وراح هو حرمته :..
الكل صد لبدور :..
زايد : ما تعرفين تيودين حلجج؟؟....
بدور : انزين نسيت
جاسم : لا دخيلج.....مرة ثانية لا ترمسين قبل لا تقلبين الكلام فعقلج...
راشد : بدور نحن متيمعين نستانس مب تغلسين علينا...
أم محمد : بلاكم ع البنت ؟؟....ما قصدها
بدور : هيه والله
بو محمد : بتسكتين ولا أضربج بالعصا
بدور حاست بوزها : سكتنــــــا
جاسم : عيل بنروح نييب ملابس وبنيي
وبعدها الكل قام يروح البيت يلقط شويه سامان وثياب....اللي يقول بيسافرون مب إلا هني فدبي.....
الســــــــــــــــــــــــــــــــــــــــــــاعه وحده فبيت بو محمد
بو جاسم : أنا بروح أرقد ....عن اذنكم...
زايد مسك اذنه : أنا أذني عندي...
الكل : هههه.....خبلة
زايد : إنتوا بتعقدوني ..... كل ما أتكلم قالولي خبلة
عنود : هاااه اعترف منو قالك غيرنا...؟؟
زايد : سلطوووون...
هزاع : منو سلطان؟؟....ولد عبدالله ال......؟
زايد : عليك لمبـــــا
عنود : هههههه خبلة
زايد يقلد أبوه: بتسكتين ولا أضربج بالعصا..
الكل ضحك بس هزاع وعنود يطالعونهم :..
هزاع : بلاكم؟؟
راشد : أبوي مساع يهازب ع بدرووه
هزاع : هههههه ليش؟؟
جاسم : ما تعرف أختك ولقافتها
عنود : مسكينه بدورة....
بدور تسوي حركات جنها بريئه :...
هزاع (يستهبل): وافديتج...
زايد : فديت صوتك فديتك
شفتك عشقتك هويتك
ياليت تدري ياليتك
غلاك يا كبر قدره
عليا طالعت سيف وابتسمت:..
سيف رد لها الابتسامه :..الحين أنا عندي فكرة جهنميه...
محمد : إنتوا بلاكم ع هالأفكار؟؟
زايد : هههههه مطلعينا من جهنم هههه
هزاع : ههههههه سواله...
جاسم :وقطع صرواله هههههههه
الكل نقعوا عليهم من الضحك.............
عنود : ما عليك منهم حبيبي أرمـــــس
هزاع : احم.....احم
جاسم : الغيرة وبلاويها
سيف :ههه .....انزين تعالوا بنلعب لعبة
زايد : لعبة شوو؟؟
سيف : لعبة الأغاني
عنود : أنا مستعده...
جاسم : ويا ويهج...
عنود : ويا صوتك...
سيف : ههه......يالله...ايلسوا ع الأرض ع شكل دايرة
وبما أنه الكل ما عندهم شغله وفاضيين....يلسوا مثل ما قالهم سيف ...
جاسم : وبعدين؟؟
سيف : الحين بنبدأ من عندي أنا حرف الألف...واللي عدالي الباء وجـــي
الكل : أوكي
مهـــــا: غرد ولا عليك أمارة
سيف : ههه.....أممممممم ....آه من قلب غدا حبه جنوني...وآه من خلن على بالي طرى .....
لي سطى فالروح وتملك شجوني....من شجونه يا ملا دمعي جرى....
فالمحبة يا عرب لا تعذلوني ....لأنه حبه في فوادي قد سرى...قد سرى....
جاسم : اشكر فنك والله....(بخبث) عاد حق منو؟؟؟
سيف يطالع عليا : وأنا عندي غيرها
الكل : ههههههه
زايد : يالله عنود مشي الدور
عنود : ... بكيتك لين ملتني عيوني ....صبرت وطال صبري وانتظاري
حرام النوم ما قارب جفوني......وانته للأسف منتى بداري
اناجي غربتٍ ليل وشجوني.....واراجع في هوا قلبي قراري
عسى ما تكون خانتني ظنوني....او انه خاب في الحب اختياري
عساهم يذكورني ما نسوني.....مثل ما ذكرهم في البال طاريه
ازعلهم مثل ما زعلوني......واراضيهم بعد رد اعتباري
(صدت لهزاع)...ابيك تختار بي ولا بدوني....كذا ولا كذا والليل ساري
حبايبنا عساهم يفهموني..... انا ما بيع دومن دومي شاري ...
هزاع قام من مكانه ودز بدور اللي كانت حذالها ...باسها ع خدها :...
عنود :ههههههه ....بلاك؟؟
هزاع بكل جرأة : أحبج
كل واحد يطالع الثاني...:...
عنود : أنا بعد بس قوم مكانك لا تخرب اللعبه
هزاع : أفااااااا طرده...
عنود ابتسمت له : اللبيب من الإشارة يفهم...
جاسم : ههههههههه لقط ويهك
هزاع رد مكانه :...سباله
عنود : ههههه يالله بدروه...
بدور : تحيه طيبه وبعد التحيا ...أحيي قلبك القاطع وصاله...مضت أيام بك ومضت عليا...سهر دموع وهموم وعباله...أسالي الناس عنك وإنت فيا... وهاذيبك تلايا اللي تاله....سلبت القلب والطرف وصبيا وزولك ذابح الفكر وخياله....ألا وينك تعال وحس بيه...أعاني من غيابك واحتماله....بغيت أعرف حياتك كيف هيا....عساك بخير وأطياب وسهاله....
زايد : الحمدلله أنا بخير وأطياب وسهاله
بدور : ومن قال انها حقك؟؟
محمد بتشكك : عيل؟؟
بدور : اممممممممم بدور حرم محد ههه
الكل : هههههه....
سارة : ماشالله عليج......يا حرم محد
بدور : هههههه شفتي عاد...
زايد : عاد ع حظي ثاء....اممممممممم ما شي....
هزاع : ما عليه قول الحرف اللي بعده ...
زايد : امممممممم......جاني رسول أخبار من وادع وسار
قاسي حروفه فاقت أحزان وصفي ...وكملوها روحكم...
جاسم يأشر ع هزاع: حاولت ألعب لعبتك...وأظهر بصورة ملاك...ولبس ثوب الثعالب....حتى أوصل مستواك....أني مو سيء أبد... لكن أسلوبك جبرني... ألبس آلاف الوجوه ....حتى أخدع من خدعني...
هزاع : خيبه ....شمسويلك أنا؟؟
جاسم : هههههه
محمد يأشر ع هزاع : خلاص منك مل صبري.....ذقت العنا والمر والويل....ضاقت بي الدنيا وصدري.... لا عاد بي حبابي من حيل....لا تبيع في قلبك وتشري ما طيق حب(ن) فيه تظليل أبعد خلي الحب يسري ...خلاص يا ساري سرى الليل
هزاع : خيبه ثرك تبي الفكه......إنتوا بلاكم عليه؟؟
محمد : هههههههههه عاد افهمها
هزاع : هههههه
مها : اممممممم ....ما في شي حرف الدال
سيف : فكري
مها : امممممممممممم ما شي
زايد : خلا ص طلعي وأنا بغني
مها قامت ويلست فوق :...يالله سمعنا
زايد يود قوطي الكلنكس ويدق عليه :...دقني شبعني داق يا ناس بالخيزرانه
جاسم يستهبل قام يرقص فالنص والكل يضحك عليهم :..
زايد : سيروا انشدوا الجيران عني شمسوي أنا..ودقني ودقني دقني دقني دقني ...الرقله ..ههههههههههههههه...
جاسم :هههههه شكرا شكرا
مها : الحين هذي تباني أغنيها مال المعلايه....
زايد : وشفيها اغنيه والنعم فيها هههه
سيف : ههههه يالله كملوا الدور...
سارة : أنا بنسحب من الحين..
راشد : ليش؟؟
سارة : بس جي...(وقامت يلست حذال مها ...يطالعونهم)...
سيف : يالله علايه
عليا : ذاق قلبي الندامه طارلك من هيامه شفت وشلون حبك خلى قلبي حمامه بس حمامه تحبك إلا ماتت فحبك مثل صاحبها ياللي ما يبي غير قربك...(وابتسمت لسيف)
سيف رد لها الابتسامه :..
جاسم : يا عيني ع المغازل .....عيني عينك بعد
سيف : ههههه ما نوصلك...بو محمد
عذاري : ما فيه شي بحرف الراء
عنود : ما عندج اطلعي
عذاري : اممممممممممممممممم......ما شي 
زايد : اظهري ولا عليج امارة
عذاري : سبلان.....(ويلست فوق)...
سيف : يالله هزاعوه حرف الراء...
هزاع : رحلتوا ومن بقى وياي ...يحس بضحكتي وبجاي ....وحتى الجرح في بعدك ....يغزيني وهلي به....ومادري بعدني شو يخرف؟؟
عنود : وافديت هالصوت يا ربي
هزاع : ههههه
راشد : افففففف وأنا ع حظي هالحرف ......ماعرف....
جاسم : ورينا عرض أكتافك...
راشد : ما يخصك....
سيف : عندك أغنية؟؟
راشد يلس عند حرمته : لأ
سيف : زماني يا زماني يا زماني...(يسوي حركات) حبيب الروح فالآخر نساني.... أعلمه الرماية كل يومن.... وحين اشتد ساعده رماني...
راشد : إنت في إغنيه ما حافظنها
جاسم : تف من بؤك يا خوي
الكل : ههههههههههههه
عنود : سلام الله عليهم..عد ماهلت سحب ومزون ..
سلام العز ..دام إني أنا زايد بن النهيان....
سلامي يا فخر داري...رساله وأول المضمون..
يحيكم سمي ....اللي به تفخر الأوطان..
زايد يسوي حركات يتحرى عمره فمسرحيه الحبيب :.. شكرا شكرا
عنود :هههه
سيف : الله يرحمك يا زايد
زايد : والله بعدي حي ما مت!!
جاسم : ههه يالغبي الرحمه ع الحي والميت
زايد : إذا جي يجوز ...
بدور : شاللي جرى مني تهجرني وتنساني يا أغلى خلاني يا فرحي وأحزاني....يا أغلى خلاني يا فرحي وأحزاني
زايد يكمل : لك الحق تلومني وأنا مثلك أعاني....مستحيل يحل ثاني مكانك يا غالي ...مستحيل يحل ثاني مكانك يا غالي
سيف : ماشالله ع الدويتو
زايد :هههه....
جاسم : بس غنى حرف الصاد...لا تتهرب
زايد حاس بوزه ويلس يفكر :........(بعد تفكير عميق)...صدق مخطوبه يا فلانه وصدق باجر يزفونج عسى إنه لا يجي باجر وشوف أندمعت عيونج...
عنود تنهدت وكملت وياه : مخطوبة وغصب يا فلان خطبوني ورضيت آني يذبحوني بنصيح ألا وأصير لك خبر كان...يذبحوني....يذبحوني وتظل أنت وحيد بهاي دنيانا...لبست الخاتم بإيدي ويا إيدي حيل حزنانه...هلا هل هم إلي يا فلان ولج رموش العروسانه...أقوله شامة إنك جاي أقوله روح قل فلان قله تريدك فلانه ...إذا ما حب يجي وياك....أنطيه البطاقه وقله حزنانه ...الخميس الجاي زفتها وتريد تشوفك فلانه...
سيف ومها طالعوها :...
هزاع بنقمه : وايد متأثرة حضرتج؟؟
عنود : ههههههه......والله حبيبي بس جي كملتها....
هزاع حاس بوزه :...
جاسم يبا يغير الجو: ما في غنية بحرق ض...
سيف : يعني تنسحب؟؟
جاسم : لا والله دور لي أغنية بهالحرف؟؟
هزاع :بدل المكان بو محمد
جاسم : عندك أغنية ؟؟.....(وبدلوا المكان)....
هزاع :.. ضيعوني...عذبوني..حسبي الله عليهم حسبي الله...
ولعوني ورحلوا.....عن شعوري ما سألوا.....ما يخافون من الله....حسبي الله
أفهموني...وعلقوني....حسبي الله عليهم حسبي الله...
شافوا بعيوني الوله.....حب بادي بأوله....صعبولي المسأله...حسبي الله
ريحوني...واتعبوني..حسبي الله عليهم حسبي الله...
وش بقى فيني شبقى....والزمن ما فرقه....ليت ما صار اللقى....حسبي الله
عنود بدلع: أفاااااااااااااااا.....
الكل : هههههههههههه
سيف : كمل بو جاسم ....
محمد : طاوعت قلبك تغيب وتهجر أحبابك
وتنسى غلاهم وتتركهم وتنساهم
حرام تترك خفوقي يشكي غيابك
وأنت بقلبي أعز الناس وأغلاهم
جاسم : مشكوووور ما قصرت....
مها : مشكله اللي يصدقون عمارهم...
عليا : ماشي حرف ظ....بقول اللي بعده
الكل سكت لأنهم قاموا يشغلون مخهم ....ويفكرون بهالحرف 
عليا : عودتني كل يوم أسمع أنا صوتك
عودتني لي ضاق صدري ما تخليني
والله وغيابك طال مدري وش أسبابه
وإن غاب صوتك خيالك باقي بعيني
جاسم: صراحه أنا أمووووووووووووووت فهالإغنيه
زايد :أنا عندي أغنية غيرها؟؟
الكل : قول
زايد وقف : عيشي بلادي عاش أتحاد إماراتنا ...(الشباب وقفوا وياه جنهم تحيه العلم مال المدرسه خخخ..وقاموا يقولون ويا زايد النشيد الوطني)....عشت لشعبن دينه الإسلام هديه القرآن حصنتك باسم الله يا وطن.....بلادي بلادي بلادي بلادي حماك إله شرور الزمان...أقسمنا أن نبني نعمل ..نعمل نخلص نعمل نخلص مهما عشنا نخلص نخلص ..دام الأمان وعاش العلم يا إماراتنا رمز العروبة كلنا نفديك بالدما نرويك نفديك بالأرواح يا وطن .... 
جاسم : هزاع....هزاع.هههه...وطننا؟؟
الشباب : من المحيط إلى الخليج...
جاسم : أملنا؟؟
الشباب : أمةٌ عربيةٌ واحده
جاسم : نموت لتحيى؟؟
الشباب : دولة الإمارات العربية المتحدة...
الكل : هههههههههههههههههههههههههههههههههه
عنود : وافديت بلادي والله
عليا : شو ؟؟طلعت الوطنيه فجأة
زايد : ههههههههه
سيف : يالله كملوا الدور..
جاسم يطالع عذاري : غيرك بقلبي ماسكن شخص ثاني ولا رام قلبي في غيابك يخونك
ميناك قلبي وانته ليه مواني ارسي على بحرك واهيم بفنونك
عانيت منك وانته مني تعاني اشكي فراقك وانته تشكي شجونك
عذاري بصوت واطي : حبيبي والله
مها ضربته بإيدها ..جنها تقولها سمعتج ...ههههه:...
سيف كمل بعده على طول....يطالع عنود :.. في غيبتك اشرب مرارة زماني قلبي وعقلي بالعنا يشتكونك
يبغون منك عطف ولا حناني عطف المحبه يعل ربي يصونك
ادمنت حبك وستحل بكياني لقدر اعيش العمر لحظه بدونك
عنود : حبيبي والله......عندي اغنيه بحرف القاف ...بس ما تناسب
جاسم : عادي قوليها
عنود : قالت احبك ياراشد قلت من قدي
هالكلمه هذي تموتني وتحييني
قالت ااحبك وكانت سبحتي بيدي
من دون ما اشعر بها طاحت من يديني......ههههههه
راشد لوى ع ساروه : والله يبتيها ع العوق...مرت أخوي
بدور : أمممممممممممم.....فكري يا بدور....فكري....خلاص...(شعر) كنتي بـ عيوني شي واليوم لاشي.....وكنتي ب خفوقي نبض واليوم حتفه.....الحي من موتك اهو الموت بك حي....كلمه وهي كلمه لها الف هتفه
عنود : يا عينــــــــي ع القو
بدور :هههههه....المشكلة من بنت لبنت
زايد : لا ردج الله لا ولا طلبت تردين أدعي عليج بعثرةٍ في صلاتي
عثرة تشلج ما بعدها تقوميــــــن يا اللي نقضتي عهودنا الماضياتي
خدانا لج بالقلب كانت بساتين وريضان وغصون بهايا نعاتي
كانت تروح الروح ساعة تروحين وتعاف نفسي شربها والمقاتي
وكنتي مناة القلب والروح والعين واليوم عينج يا علها ما تباتي
كنت أحسبج للعهد والحب توفين قلتي الغدر بالحب ما هو بسواتي
وبان الغدر سمٍ جرا بالشراييــــن يالله عسى يسقيج سم الفعاتي
عنود : خيبه ....خيبه....طلعت اللي بخاطرك
زايد :ههههه والله بس جي....حشا عليه ربي لا يبليني بالحب
هزاع : صدقت والله الحب بلوة
عنود : لا والله....
جاسم : نقع البكس هههه
الكل :ههههههههههههه
هزاع يطالع عنود وجنه يقصدها: ما هي هالليله وبس وإنت متغير علي صار لك كم ليلة وإنت وإنت بالك ما هو لي...حاضر بقلبك وغايب وأنا قلبي فيك ذايب ليه يا أغلى الحبايب إنت سامع عني شي...إنت سامع عني شي....
عنود ابتسمت له بحزن : ..
محمد : أنا أبوي هلكت بس بيلس أسمعكم.....(ويلس حذال مهوي)...
عليا : نامت عيونك يا خلي البال وأنا عيوني ما غفت والله بايت وفي همن وفي ولوال من ظلم ناس ما تخاف الله
سيف : الحين أنا ما أخاف الله...
جاسم : توك تدري....من زمان..هههههه
سيف : هههههه انزين جاملوني...
جاسم : هيمن ع أقصى الجمال ولمه
وجمع ثقافات البشر في تاجه
وقمه على قمه وذوقه قمه
ذوق وجمال وغرة وهاجه...
عذاري : مشكوووووووور والله
سيف : وصلتج بكيفي نعم وش تحسبي ...وبكيفي أهدم ما بنيتيه بشوي....لما أضيع لكنج بدوني تضيعي ...أنا بعينج مصدر الشوف والضي....أنا الفضا يا بنت مهما تكوني ...إهانه ما تنحني تحت رجليّ.........
عنود قاطعته : خيبه بلاك إنت وزايد...طحتوا علينا طيحه ...
الشباب : ههههههه دواكن
عنود ترفع أيدها للسما : يا رب أشكيلك بحالي..(تأشر ع الشباب) شكوى لغير الله مذلة.... لو مر وقت ما صفالي.... محدن بيسعفني سوى الله....
الكل :ههههههههههه
هزاع يطالع الساعه : اشهد انه الوقت طاف
الكل يطالع ساعته...واللي ما لابس ساعه يطالعون موبايلاتهم :...
جاسم : الساعه 3 ....بخبركم سر
الكل : قوووول
جاسم : عصافير بطني تزقزق
عنود : شو مأكلنها؟؟ هههههههههههه
الكل :هههههههههههههههههههههههههههه
هزاع : صراحه حتى أنا يوعان...
عنود : أنا عندي فكرة جهنميه الحين؟؟
محمد : لا حووووول قوليها
عنود : أنا وهزاع بنروح الشيشه (استراحة أدنوك)....بنشتري حلاوة...
جاسم : وهذا يسد اليوع بالله عليج..
عنود : عسب تنامون خفيفين...
زايد : ماشالله اللي تخاف ع صحتنا
عنود :هههه خلاص قوموا أمالي خل تسويلكم أكل
جاسم : عسب تفرنا بساعتها العجيبه ..
زايد : هههههههه كله ولا إعصار جونو اللي فشعرها
الكل : هههههههههههههه
سيف : أشهد إنك ما كذبت
عنود : يالله هزاع .....
هزاع : يالله ...شو تبون؟؟
عليا : خموا اللي تقدرون عليه ويبوه
جاسم : هيه عاد عليا عن اثنين
عليا فرته بالمخده : شقصدك مسود الويهه
جاسم : ههههههههه
عنود : أنا بلبس عباتي....
هزاع : بسرعه...
ثواني ولبست عنود عباتها وطلعت :سرينــــــا
نزلوا وخلوا الكل يسولف فوق....ركبوا السيارة...
*******
عذاري : جسوم أبا شي...
جاسم : آمري...
سيف : هااااه جسوم تخاف من حرمتك...
جاسم : ههههه بسحبك من كشتك أسكت...
سيف : ههههه
جاسم : شو تبين؟؟
عذاري : هوت دوج
زايد : أبيييييييه جاسم حرمتك تاكل كلاب...
الكل : هههههههههه
زايد : لا وبعد حاره ما تاكلها بارده ...الخقاقه
********
هزاع : خلاص كم واحد تبون......أنا بييب عشرة وتصرفوا فيهم......خلاص ...أوكي باي
عنود : بلاهم...؟؟
هزاع : يبون هوت دوج...
عنود : أهااا.........هزاع 
هزاع : لبيه...
عنود : ماخذ بخاطرك مني؟؟
هزاع صد لها ...ومسك ايدها :..حبيبي خلنا نعيش هالشهر بدون مشاكل وعوار راس...دخيلج....
عنود بحزن : انشالله
هزاع : يالله نزلنا...
عنود نزلنا وخميت كل شي لهم....مسكين هزاع حاسب الكونتر وطلع 385 درهم و75 فلس هههه وايد دقيقه.....ونحن طالعين :..
(......) : هزااااع؟؟
هزاع صد صوب الصوت : هلا والله ...يالله يالغالي لا تسأل ولا تنشد
علي :والله أنا موجود فالبلاد ....بس لا إنت ولا جسوم تسألون
هزاع : والله محد قالك تسافر وتودرنا
علي : شنسوي ..القلب ههههههه
هزاع : هههههه....حليلك....والحين شخبارك؟؟
علي : مادري ....
هزاع : ما تدري عن حالك؟؟
علي :لأ....تدري رحت هناك أجلت الكورس ....وتميت يالس ما أبغي أرد البلاد ولا أبغي أدرس ....(تنهد) ولا لي هدف فهالحياة..
هزاع تنهد وحطا ايده ع جتفه : أقولك رايي؟؟
علي : قول ..ولا تخاف
هزاع : عرّس...بتنسى بسرعه
علي : ماقدر....ماقدر أنساها..وماقدر أخونها يا ريال..
عنود أنا أيدي بغت أطيح من الأكياس ثجيلة وبالغلط طاحت كيسة من أيدي :..
هزاع وعلي صدوا صوبي :..
هزاع يا صوبي : فدوة عن راسج....(وخذ الأكياس)...
عنود :...سوري هزاع ...بالغلط...
هزاع ابتسم لها : ما عليج حبيبي ...ما صار شي...
علي فج عينه ...هزاع بلاه يقول حق البنت جي ...:..
هزاع رد صوب علي : اسمحلي بو حسن...
علي : مسموح ....الرضيعة؟؟
هزاع : لا الحرمــــــة
علي شهق : عرســـــــــــت؟؟؟؟
هزاع : هههههههه شسوي بك إنت ما خليت لك لا رقم ولا عنوان ....حتى الربع فألمانيا قلتهم يخبروك ...
علي : ما شفت حد منهم صراحه......صح متأخر بس مبروك.....
هزاع : الله يبارك فيك....وعقبالك
علي ابتسم له وحب يغير الموضوع :..يعني ما بتسكن ويانا فالشقة...
هزاع بحزن : صراحه مادري....
علي : أوكي عيل.....اسمحلي أخرتك...
هزاع : مسموح بس تعال ...تعال...
علي ابتسم : خير اللهم أجعله خير؟؟
هزاع : عطني رقمك...
علي :******* 050 و الرقم الثاني *******055
هزاع : أوكي عيل...أنا رقم دو مالي نفس رقم اتصالات بس 055
علي : أوكي.....(توايهوا) ...خلنا ع اتصال
هزاع : لا توصــــــي
ردينا البيت وكلنا كل الحلاوى وبعدها كل حد راح صوب حجرته.....
مادري ليش كلام علي وهزاع يتردد فبالي لين الحين
7
7
علي : شنسوي ..القلب ههههههه
هزاع : هههههه....حليلك....والحين شخبارك؟؟
7
7
علي : مادري ....
هزاع : ما تدري عن حالك؟؟
علي :لأ....تدري رحت هناك أجلت الكورس ....وتميت يالس ما أبغي أرد البلاد ولا أبغي أدرس ....(تنهد) ولا لي هدف فهالحياة..
7
7
علي : ماقدر....ماقدر أنساها..وماقدر أخونها يا ريال..
7
7
الله يعينه.......ما أتخيل هزاع ريلي نفس مكانه....بسم الله عليه....بس علي ذكرني بمنصور....
منصور : عنود ..عنادي
عنود تتلفت يمين ويسار ..خايفة حد يشوفها : بلاك منصور ؟؟
منصور ابتسم : مشتاااااق
عنود ابتسمت : وأنا اتحرى عندك سالفة ..دومك مشتاق مب شي يديد
منصور : البارحة ليش غايبة؟؟
عنود ترفع واحد من حياته وتتدلع : وإنت شيخصك ؟؟
منصور : لا والله ...البارحة احترقت من الشمس ..اترياج تنزلين من الباص محد نزل ..قلبتي يومي نكد
عنود : بللللللل.. نكد مرة وحدة ...والحين مب محترق من الشمس
منصور : دام عنادي جدامي ..دام قمري جدامي ما تهمني الشمس
عنود : خيبة يالجذب ...القمر والشمس في وقت واحد ....أقول ترى أنا احترقت من الشمس الحين ....اوكي
منصور مسك ايدها : الاسبوع الياي بيون يخطبونج
عنود صدت بسرعة : لا منصور ..مب الحين
منصور : انزين ليش؟؟
عنود : قتلك مب الحين ...خلالالالالالالالالالالاص
منصور : بس ما بتكونين لغيري ....فاهمة؟؟ ......على جثتي تكونين لغيري
عنود طالعته لحظات وبعدين تقربت منه : بسم الله عليك حبيبي.. وبعدين أنا أموت ولا أبات في حضن غيرك دقيقة
منصور بتشكك:أكييييييييييييييييييييد؟؟
عنود : شاك فيني؟؟
منصور : مستحييييييييييييييييييييييييييل
8
8
عنود نزلت دموع من عينها....من حقك يا منصور تشك فيني....من حقك.....
عليا كانت منسدحه عدالها ع السرير : عنود حبيبي بلاج؟؟
من خلصت كلامها...بدور وعذاري ومها اللي كانوا راقدين ع الكنبات يو صوب عنود :..بلاج؟؟
عنود ابتسمت لهم :..أبغي هزاع
البنات : هههههههه
بدور : آه يا شوقي إنت ذوقي يا هوى يسري بعروقي.....ههههه......(وطلعت من الحجرة)
عنود : هذي وين رايحه؟؟
بدور راحت صوب حجرة زايد ودقت الباب
زايد فتح الباب : شووووو؟؟
بدور ضحكت يوم شافت الشباب منسدحين ع الأرض واللي ع الكنبه :..هزاع وين؟؟
هزاع يلس : خييييييييييير؟؟؟
بدور : تعال
هزاع : شووووو؟؟
بدور : عنود تصيح
سيف يلس : بلاها؟؟؟
بدور تقلد عنود : أبغي هزاع....هههه
الشباب :هههههههههههههههههه
جاسم : يا حظك مب قادرة تصبر عنك....مب نحن مب مسويلنا سالفه
هزاع قام :..ناديها لي...
بدور هزت راسها :..
هزاع متساند ع الباب ويسمع تعليقات الشباب ويضحك :...
عنود يات صوبهم ...وكان خشمها أحمر....ولابسة كندورة بيت كت بيضا..ولابسه فوقها شمد الصلاة لونه أحمر وأبيض ...ابتسمت له : هلا هزاع...
هزاع طالعها شوي...كان يتأمل شكلها....فديتج يا عنود ....والله أحبج ..(تقرب منها ولوى عليها ):...
الشباب كل واحد يطالع الثاني....وكل واحد نظراته تقول تعليقه.......
مب بس هي تبغيه هو بعد يبغيها...
اسمنك يا هزاع فلم مكسيكي....
مسكين حالكم والله..... 
هذيل المعاريس ولا بلاش :...
هزاع بعدها عنه ومسك طرف ويهها وبصوت واطـــــي : أحبج
عنود ابتسمت له ..... وردت بصوت واطي : وأنا أموت فيك
سيف : عيب ..عيب....(يأشر ع زايد) في يهال هني
زايد : والله بخمس فيك ان ما سكتت
الكل : هههههههه
هزاع تقرب من عنود وباسها ع خدها ...ما يدري ليش طاحت دموعه من عينه وما رام يمسكها :..
عنود ابتعدت عنه بس يوم شافت دموعه ...(مسحتهم بإيدها) : حبيبي خلنا نعيش هالشهر بدون مشاكل وعوار راس......مب هذا كلامك؟؟
هزاع ابتسم لها :..السموحه الشيخه...
عنود :مسمووووح الغالي

***********************************
الجزء الجزء العشرين من لـ...ـ...ـ غرام ـ...ـ...ـ...ذة 

مسحت دموعها ...وحطت القرآن ع المكتب...قبل لا تفصخ شمد الصلاة تذكرت شي صار من سنين ...
7
7
منصور يالس ع السيارة : يا حلاتج وإنتي متحجه عدل...
عنود صدت وراها لمصدر الصوت :..ما يخصك إنت..
منصور : هههههههههههه عندكم عزى؟؟ ولا طاح شعرج؟؟ههههه
عنود : طاح شعر راسك ياربي....إنت منو؟؟ وشيخصك فيني؟؟
منصور نزل من على السيارة...وتقرب صوبها : ..إعتبريني شخص يهتم بمصلحتج
عنود : وااااااي فديت الأدب أنا..
منصور : هه أعجبج أفا عليج
8
8
آآآآآآآآآآآآآآآآآآآآآآآآه ...خلاص يا منصور صح لك مكانه بقلبي...ومكانه غاليه...غاليه وايد...بس يقولون الحي أبقى من الميت....ويقولون بعد ما الحب إلا للحبيب الأولي... وللثنين يقصدون هزاع......الله يرحمك يا منصور...الله يرحمك.....
فسخت شمد الصلاة....وتطالع البنات...علايا راقده عندها فوق لأنها حامل....عذاري ومهوي راقدين ع الكنبات.....ههه وبدور مسكين حالها ع الأرض ...تحتها فوطةومتلحفة بفوطه...هههه اليوم بقول لهزاع يشتريلها لحاف..
طلعت لها مخورة سوده وفيها ألون بين عنابي وبنفسجي متداخله ...كشخه...وطلعت لها شيله عليها تقريبا نفس الألوان ...ودخلت سبحت وطلعت ...حطت مكياج بس خفيف وحطت جلوس ...ولبست أكسسوارت....يوم لبست ساعتها......يالله الساعه 1 ومحد قام صدق مخيسة رقاد....طلعت لهزاع كندورة سودا وغترة حمرة...
سكرت الباب ع البنات ...واتصلت لهزاع...
***********
زايد يتثاوب :..هزاع رد ع موبايلك ..طر أذنـــــــي
هزاع :....
الشباب : ZzZzZzZzZzZz
زايد : هزاااااااااااااااااااااااااااااااااااااااااااااااا اااااااااااااااااع
هزاع لا حياة لمن تنادي :...
زايد شاف الرقم ((سبايب وجودي)) ....لا إراديا طلع برع بوزار وفانيلة...:..
عنود :هههههه.....بلاك حشاا؟؟
زايد : شو تبين؟؟
عنود : إبغي ريلي مب إنت
زايد : حرام عليج أبا أرقد ...لا تتصلين ترى هزاع ما يحس...
عنود حاست بوزها : أنزين قومه لي..
زايد : دخلي روحج وقوميه..
عنود : لا تستهبل
زايد : دخلي......دخلي قوميه وطلعي بسرعه
عنود دخلت :...ههههههه كيف أحصل ريلي بين هالجثث...
زايد : ههه هذاك اللي ع اليمين...
عنود راحت صوبه ..بس داست ع وايد ألغام...بيبسي....وشيبس...ووسخ مالها أول ولا تالي ....نزلت وحطت ايدها ع جتف هزاع : هزاع....هزاع
زايد يالس ع السرير : صارخي ما بيسمعج..
عنود : ههه......(نزلت صوب إذنه وتتكلم بصوت واطي)....أفااا حبيبي أكلمك ما ترد عليه
هزاع فتح عينه : هاااه؟؟
زايد فج عينه : قمت مسود الويهه وأنا راح صوتي ولا ترد عليه
عنود : ههه يالله حبيبي ...بسك رقاد
هزاع انقلب ع ظهره : الساعه جم؟؟
عنود : وحده........يالله
هزاع قام ....بس : كيف أقوم وكلهم راقدين؟؟
عنود : خلهم مخيسة رقاد هذيل
هزاع ...عاد منو يقول هزاع بيسكت ....مسك دبة الماي وصب عليهم كلهم وركض بسرعه..
عنود تطالع أشكال الشباب ...كيف قاموا جنه فلم رعب :...
جاسم :هزااااااااااااااااااااااااااااااااااع يالجلب
سيف : الله ياخذك..................أطلع يالحيوان...
محمد : الحين كيف أرقد جي..........أففففففففففففففففففف.....
جاسم : أطلع يالجلب ولا والله بتشوف شي ما شفته..
عنود : هههههههههه......امسحوها فويهي خلاص
الشباب انتبهوا لعنود :..
سيف : شتسوين هني...؟؟
عنود : أقوم ريليه
جاسم : وإنتي ما تأدبين ريلج الياهل....صبروا شوي
بعد خمس دقايق طلع هزاع من حمام زايد وهو يتحرى محد فالحجرة .......بس :...يالجلب......
الشباب : هههههههههههههههههههههههههه
جاسم : دواك محد قالك ترشنا بماي
هزاع : صبيت عليك ماي مب عصير.......بس ما عليك ماسك طبيعي
جاسم : هههههه عنود قوميلي عذاري......أبغي ملابسي...
هزاع : ما وصيج فثلاجتنا شي بيبسي....سبحيها
جاسم :بصفعج.....والله العظيم...
هزاع : يا عيني اللي يخاف ع مرته ومنها
محمد : لا صدقك مب زين تروعونها ....
سيف : هيه صدق ....بتروعونها من هني.....عليا بتسقط من هناك هههه
الشباب : ههههههههههههههههه
عنود : حرام عليك......يالله قوموا....(ويايه تطلع)
هزاع : أبا حقوقـــــــــــي
عنود صدت له وعقدت حياتها شو؟؟؟؟؟؟؟؟؟؟؟؟ :...
هزاع ابتسم : أبا حقوقي من جاسم ما خذت حقي.......
جاسم : أأأأأأأأأه يالمكر......أدخل أدخل أسبح....
عنود : ههه خلاص عقاب بيعزمنا ع مطعم بحسابه
جاسم : هيه عسب أفلس أنتوا غدا بألف ما يكفيكم
عنود : حشاااا بتعزم بقر هب أوادم أونه ألف...هه
جاسم : سيري عند أمالي وقوليلها تسويلج اللي تبينه
عنود : ههههههههه أخاف
هزاع : هههههه.........عنود فديتج ايبيلي ملابسي...
عنود : أوكيه...هذي كندورتك ويا الغترة (السفرة)...وبيبلك الحين الباجي...(وطلعت)
هزاع يصارخ: والفوطه
جاسم : عن أطيح بلاعيمك شوي شوي...
هزاع : هههههههههه.........(كان شي ماي شوي فالدبه صبه ع جاسم ودخل الحمام بسرعه)...
جاسم : كل من تغلى وراح هالوطر مادريبه....(يعلي صوته عسب يسمع هزاع).....دايم حزن وجراح لا إحساس ولا طيبه...
زايد : أأأأأأأه يالحساس.....
جاسم : ههههههه
*******************
الساعه 2 ونص....
زايد : والله فيني رقااااااااااااااااااااد
عنود : ههههههههه
زايد يستهبل: هزاع عندك مس كول ...
هزاع : منوووووو؟؟.......(ويطلع موبايله من جيبه).....
زايد : سبايب وجودي
هزاع فره بالمخده ......: وإنت شي يعورك؟؟
عنود : هههههههههه
أم محمد : جي سبايب وجودك......؟؟...........بإيد الله إذا بتعيش ولا بتموت مب بإيد عنود
هزاع صد لعنود :...بس إذا راحت ما لحياتي معنى ولا هدف.....وحياتي ما تحلى إلا وياها..
جاسم : يا ربي ع المغازل......تونا قايمين خاف ربك
عنود ابتسمت له بحزن وبلعت ريجها......خنقتها العبرة....مب قادرة تقوله ودي بقربك طول العمر :...
أم سيف : ما تبون غدا؟؟
سيف يطالع جاسم بخبث : لا نحن معزومين..
جاسم : قول نحن عزمنا عمارنا......أنا ما عزمت حد
محمد : عيل كيف عرفت عمرك؟؟
زايد : ههههههههههه صح نحن ما قلنا منو عزمنا....ولا ظهرت بخيل بو محمد
جاسم : شسوي البخل فدمنا....
بو سيف : شووووووووووووو؟؟......حشا علينا
عنود : أبوي اللي يسمعك ......يقول أحفاد حاتم الطائي هههه
الكل :ههههههههههههههههههههههههههه
جاسم : يالله بسرعة.......ترى العرض محدود
عنود : ههه.......يالله
لبسوا عبيهم ......وكل واحد ركب سيارته ويا حرمته....ووصلوا صوب المطعم اللي يشوف السياير يقول زفيه هب يايين ياكلون....هزاع وعنود....سيف وعليا....محمد ومها....راشد وسارة.....جاسم وعذاري......زايد وبدور ......
زايد : هههههههه بلاكم تمشون ع بيض...
هزاع : والله حريم عدنا تبانا نترايس بعد.....
جاسم : ياما سويناها.......تذكر يوم المبزرة
لا إراديا الكل طالع سيف
سيف : خيبه بلاكم.......ما يسوى علي ...
جاسم تذكر دموع سيف ذاك اليوم.....والحين هو ريل أختي :..يالله يا الريال(الجرسون) شو تبون....(يستهبل)....بس ها حاسبوا حدكم 20 درهم
عذاري : جي يايين ناكل براتا وجاي كرك؟؟
الكل :هههههههههههههههههههههههههههههههه
زايد يستهبل : سبايب وجودي......
عنود صدت صوبه : خيييييييييييير؟؟
هزاع : تعرف لو ما حشمت المكان ......كان سدحتك ع الأرض ودست فبطنك
زايد :ههههههههه مساج شو؟؟
الكل :هههههههههههههه
طلبوا وخلصوا ويلسوا يسولفون
جاسم يدق ع الطاوله :...وين إنت ياللي كل ما قلت وين إنت؟؟.....حتى السؤال يقول وين الإجابه؟؟ عامين ضايق وإنت لليوم مابنت ....في حالتي بين الحزن والكآبه...
زايد يكمل ع اللحن: أنااااااا داخل سوي طلبيه..........هههههههه.....بلاك جسوم مستقطع
جاسم : ههههههههه بس جي بربشكم......بتلعبون؟؟
عنود : لا يرحم والديك......عن الفضايح...
محمد :هههههههههههه......اللي يسمعك يقول الجسمي
هزاع : لا حياااااااااااة بو الروغة..
زايد : ليش هو مات؟؟
الكل :ههههههههههههههههههههههههههههههههه
راشد : لا يترياك...تصدق؟؟
زايد : الله يرحمه......ههههه..........بقولكم فكرة...
محمد : لا يكون جهنميه بعد؟؟
زايد :هههههه لا هذي مال الجنه.....
الكل : ههههههههههههههههههههههههههه
هزاع : شو هي..؟؟
زايد : نروح قبر الوالد
محمد : جتلت أبوي !!!!!
زايد :هههههههههههههههههههههه ....قصدي الشيخ زايد اله يرحمه
هزاع : أوكي بس الحين الظهر....وحريم ويانا...
زايد :انزين جان عن الحريم عادي......ولين ما نوصل صار العصر....
هزاع صد للكل : ومجلس الأمة شو رايكم؟؟
راشد : عادي
محمد : جان بتروحون كلكم بسير
جاسم : صار
سيف : يالله....... وياكم.........
وخمس دقايق من السوالف وبعدين يابوا الأكل
عنود تلقم هزاع :.....
جاسم : وابوي عليج .....أنا يالس ويا أجانب هب ويا عرب
هزاع : ههههههههه
سيف : إنتوا جدامنا جي......الله يعين من ورانا......
محمد : أكيد بلاوي تصير........
زايد : بلاوي شوي عليهم......
عنود :هههههههه....ما يسوى علينا....هزاع زوع اللي أكلتك له
الكل :ههههههههههههههههههههههههههههههههههههههههههههههه
هزاع يغني: لا لا تجاملهم.......حبيبي لا تجاملهم ....ذولا العواذل(يأشر عليهم) خلهم يولون
عنود: ههههههههههههههههههههه
هزاع:.. فديت هالضحكه يا ربي
زايد يسكر أذنه : ...أنا ما أسمع كلام عيب
عليا : شاطر ماما....
زايد :ههههههههه
**********
بعد نص ساعه
جاسم : يالله قرقشوا مخابيكم......
سيف : ههههه ادفع...ادفع
جاسم : بخبركم سر
هزاع : شووووو؟؟
جاسم : أنا مفلس.....
الكل : شوووو؟؟هههههههههههههه
محمد فتح بوكه :..
جاسم عصب : إيه إيه........أنا أتمصخر ...(وطلع بوكه وعطا الريال)
سيف : هههههههههه جسوم إنت ما تيي إلا بالعين الحمرا
جاسم : هههه ....يالله الساعه بتيي ثلاث وين نسير؟؟
عليا : نتمشــــــــى
عذاري : بس جي فالشوارع؟؟؟؟؟؟
هزاع كان سرحان : نروح دبا
الكل صد صوبه : ليش؟؟
عنود ابتسمت له :...
جاسم : متفيج والله..
هزاع :ههههههه
محمد : إذا على جي أنا بسير ماليزيا
الكل : ههههههه
سيف : يالله بنحوط فالشوارع ......أربع ونص نكون هناك ...
الكل : يالله
***********
سلطان يمسح عراسها : عفاري بلاج؟؟ ليش تصيحين؟؟
أم سلطان : من ردت من بيت ربيعتها وهي ع هالحاله...
سلطان : انزين ....ليش؟؟......عليا قالت لج شي؟؟
عفرى صدت لسلطان بتعب وعيونها كلها دمووووووع : لا تطريها لي .....مابا أسمع أسمها....
سلطان : خلاص انزين بس لا تصيحين....يالله قومي غسلي ويهج...وبخبرج خبر بتستانسين منه...
عفرى مسحت دموعها :..شو؟؟
سلطان : بخطب...
عفرى ابتسمت له : صدق!! منو المنحوسه...؟؟..
سلطان : منحوسه لاه .؟؟...(ويلس يحصحصها)....منو المنحوسه؟؟
عفرى : ههههههههه سلطون ولا أغار.....هههههههه خلاص سلطون....أنا المنحوسه....ههههه أنا والله أنا
سلطان خلاها : ...
عفرى :منو تعيسة ....أقصد سعيدة الحظ...؟؟
سلطان : أخت ربيعي زايد...
عفرى : بدور؟؟
سلطان : هيه نعم....
عفرى ....آآآآآآآه آخرتها نتناسب نحن وقوم عليا...(بحزن)...وقوم سيف:..مبروك فديتك....(بخبث) وعقبالي!!
سلطان :هههههه أنا ريال مب مستعيل كثرج..ههه
عفرى : ههههه ......(ودخلت الحمام وفرغت كل خزانات الدموع تحت الماي)...
***************
سيف : ههههههههههههههههههه .......علايا حرام عليج...
عليا : ما تشوفه بغى يدعمنا الأثول....
سيف : هههههههه هذا سيكل خان وجي تقولين......الله يعين لو داعمنا بباص...
عليا : لا وتباني أترياه لين ما اييب الباص
سيف : هههههههههههههههههههه.....الحمدلله ع نعمة العقل
***************
جاسم : شكلك تبي تبدا معاي الخيانه لا يا حبيبي هونك شوي هونك أنا اللي بنهي الحين قصة هوانا وأنا اللي ببدي بالخيانه وأخونك
عذاري ضربته ع جتفه : تباها من الله
جاسم : ههههههههه.......(تقرب منها).....تغارين؟؟
عذاري : طالع جدام ما بنفعك أنا يوم بنموت....
جاسم: يكفي يا زوجتي العزيزه.....أن أموت وأنا بقربك......ويدك تلامس يدي......
عذاري :ياويلاااااااااااااه يا قيس
جاسم : آآآآآآآآآآآآه يا ليلى......هههههههههههههه
***********
زايد : أنا أبا الجسمـــــــــي
بدور تطلع الشريط .....:..بتسمع عيضة بتسمعه ....
زايد يطلع الشريط ..: والله لا أشوتج هني فالشارع.......(حطا الجسمي).....بتسمعينه رضيتي ولا أنرضيتي
بدور : اففففففففف.........يا خي حط عيضة
زايد يستهبل يغني وياه : بلغ حبيبك وقله باخذك منه هذا هو الحل ومالي أي حل ثاني ما أقدر أقعد وأشوفك بس واستنى كل يوم عنك بعيد يزود جناني
بدور : يا ربييييييييييي كيف كرييييييييه
*************
مها : تصدق حمود أنا مب مصدقه
محمد يستهبل : جي أول مرة تركبين فور ويل....
مها دزته : سبال ما تفهم.....
محمد مسك ايدها وباسها : ارمسي حبيبي بس كنت اتمصخر...
مها : مابا......
محمد : تصدقين حتى أنا مب مصدق.....أنه خلاص تزوجنا.....وكل واحد خذ اللي يبغيها من العايله...
مها : تدري يمكن هالأربع سنين اختبار لحب كل واحد للثاني
محمد صد لها : ونجحت فالإختبار ولا؟؟؟
مها : أفااااااا عليك وبجدارة...
**********
راشد : حبيبي أنا.....حبيب بابا
سارة : طالع جدامك وسوق عدل......
راشد : كيف أطالع جدامي.....والقمر عدالي
سارة : ههههههههه .... خاطري أكلم أبوي
راشد : لازم تخربين الجو...
سارة : جي مطر وأنا مادري....
راشد : هههههه....
************
عنود محطيه راسها ع جتف هزاع وهو لاوي عليها ويسوق بإيده الثانية :..
عنود : هزاع فيني فضول؟؟
هزاع : من شو؟؟
عنود : شسالفة علي ربيعك؟؟
هزاع ابتسم : يحب وحده ..وكان كل يوم يوقف جدام المدرسة ...بس يبى يشوفها طالعه...ويوم رحنا ألمانيا...تصدقين أنه أيي هني السبت والأحد بس عسب يشوفها...
عنود : وهي ما كانت تدريبه؟؟.....
هزاع : بلا .....هي تصير بنت خالة أبوه.....بس شافها مرة وحده بالغلط....تعرفين هل العين شوي متشددين بهالسوالف...
عنود : أنزين؟؟
هزاع : ما شــــــي .....خطبها .....وعرسه المفروض قبل عرسنا بشهرين...
عنود : سو وات؟؟
هزاع : توفت..... توفت بليلة العرس....
عنود خوزت راسها عن جتف هزاع وتطالع ويهه هو كان يطالع الدرب يصد لي ويرد يطالع الشارع :...
هزاع : بلاج جي اتطالعيني؟؟
عنود : ليش جي يصير؟؟......مب حرام؟؟.....(ونزلت دموعها من عينها)...
هزاع : هههههه عنود أدري انه حرام....بس مب لازم يوقف حياته...وهذا أمر الله ...
عنود : اللهم لا اعتراض......وإنت ليش قلتله يعرس.؟؟..
هزاع : الحي أبقى من الميت يا عنود ...... أدري محد يقدر ينسى بسهوله.... بس علي بيتم يتعذب طول حياته جي
عنود : وإنت؟؟
هزاع فهم قصدها : وأنا شو؟؟
عنود : يوم......يوم بيصير هاليوم....بتعرس ؟؟
هزاع طالعها :...مادري......(يغير السالفه) اتصلي بسيف ضيعناهم.....هذوه جاسم جدامنا...وهذوه محمد ..وراشد متجدم عينا...وزايد ورانا بس سيف ما شوفه
عنود زعلت ليش انه غير الموضوع.....بس شكله ما يبى يرد لي....:...انزين
*********
الساعه خمس....نزلنا صوب قبر الوالد زايد....كان فيه ناس وسياح ومادري شو...المهم انه البنات كانوا ورى شوي...والشباب عند القبر قروا ع روحه الفاتحه.....ويوا صوبنا....
هزاع : هااااااه نرد البيت؟؟
جاسم : صراحه تعبت نرد...
عنود : صدقك ظهري وايد يعورني...
مادري ليش فجأة الكل طالعني ...
سيف تقرب مني :...ليش؟؟...أوديج المستشفى؟؟
زايد : يعورج وايد ولا...
عنود قاطعته : بلاكم؟؟......بس من يلست السيارة....
محمد رافع واحد من حياته : أكيد؟؟؟؟؟؟؟؟
عنود : خلاص عسب تتأكدون .....بالليل أبا أروح حديقه الحيوان....وأبا...
جاسم قاطعها : تأكدنا......تأكدنا
عنود : هههههههه.........(مشينا للسياير...بس فبالي سؤال واحد ليش خافوا عليه فجأة؟؟....لا يكون تحروا إني حامل ؟؟.....آآآآآآآآآه مادري بس الله يستر...)
***********
أم سلطان : خلاص فديتج بالخميس نحن عندكم......مشكورة الغاليه.......مع السلامه
سلطان دخل : هاااااااه أمايا صدتج.......منو تكلمين من ورانا؟؟
أم سلطان : اسمنك ما فيك مذهب....
سلطان : ههههههههه...........(يفصخ الجوتي...كان كله تراب...شكله لاعب كورة).......عفرووووووه .........عفرووووووووووووووووووووووووووووووووه
عفرى طلعت من حجرتها ...كانت لابسه بدلة بيت برمودا وقميص كت لونهم أحمر وأبيض.....وشعرها مفتوح:...هاااااه؟؟
سلطان فرها بالجوتي :...بلاج مستوية ينية؟؟
عفرى : ؟؟؟؟
سلطان : تعالي .......تعالي.........صدت أمايا تكلم من ورانا؟؟
عفرى ابتسمت:...صاااااااااادوه
أم سلطان : ما فيكم مذهب.......بس ما منكم مني أنا
سلطان : هههههههههه
عفرى بخبث: منو كنتي تكلمين؟؟
أم سلطان : أبوج متصل من تلفون القبر
سلطان وعفرى : هههههههههههههههههههههههههههههههههههههههههههه
سلطان : اسمنك خطير يابوي.......متوله وإنت فقبرك
أم سلطان : هذا بدال ما تدعيله مسود الويهه
سلطان : الله يطول بعمره.....
عفرى فرته بالجوتي : يالغبي......أي عمر وهو ميت.....قول الله يرحمه.....
سلطان .....:..أصلا أنا شفته عدل.......عسب أدعيله
عفرى : ليش كنت ضارب مخفي ههههههه
سلطان : لا عاكس هاههههههههههههههههههههاي
أم سلطان تهز راسها : الحين هذا الريال اللي رايحه أخطبله....ما فيني مخ..
سلطان : تخطبيلي؟؟ منو؟؟ منو قال إني أبا أعرس؟؟
أم سلطان : مب قايل تبى بنت سالم ال______ي
سلطان يستهبل : هيه أمايا أبغيها قير فرند مب زوجه
أم سلطان : شووووووووووووووووووووووو؟؟
عفرى : هههههههههههههههههههههههههههههههههههههههههههههه
أم سلطان وقفت : يا خسارة تربيتي فيك..............تف عليك........
سلطان : هههههههههههههههههههههههههههههه قويه يا أمايا هههههههههه
عفرى : ههههههههههههههههههههههه الله ع التفاله يا أمايا ههههههههههه
سلطان : عسل من ثمج ههههههه
أم سلطان تهز راسها :..مستشفى الميانين هب بيت
سلطان : ههههه...........لا أمايا صدق كلمتيهم؟؟
أم سلطان : هيه........والخميس الياي بروح عندهم أنا وعماتك
سلطان حاس بوزه : الله والعمات.....كل وحده صاكه الستين...
عفرى : هههههههه ما أتخيل بعد هالعمر أقول عموه...
سلطان : لازم تتعودي بعدين أم ريلج شو بتناديها ؟؟؟..فطوووووم ولا عوووشه
عفرى : ههههههه عسب أرد مطلقه من أول يوم
سلطان : هههههههه لا دخيلج بلا فضايح
أم سلطان : الله يعينج يا بنت سالم
سلطان :آآآآآآآآآآآآآآآآآه طريتي العوق يا عويييييييييييش
أم سلطان هزت راسها ودخلت الحجرة :...
***********
طافت الساعات وناسة وضحك وسوالف ولعب ومصخره
لين الساعه 9 ونص
عنود : أبي......أبي......
جاسم : ماذا هناك يا ولد؟؟
زايد : ههههههه هناك بناتٌ فالشارع
جاسم : هههههههههه وما دخلك إنت يا ولد؟؟
زايد : أحب بنات الكلية .....هههههههههههههههه
الكل ضحكوا عليهم....:...ههههههههههههههههههههههههههههه
عنود : أبويا ........برووووووووووووك
أم سيف : آمري يا عيون بروك
عنود : مب راضيين يظهروني
جاسم (مصري): حسبي الله ع الظالم والمفتري ......يبأه أنا يا بنت مخرجتكيش......ليه؟؟......بتكدبي ليه؟؟
عنود :ههههه..... أبوي تدري انه حديقة الحيوان يفتحونها بالليل الحين......خاطري أروحها..
هزاع : أفااااااا عليج يالله بنظهر
عنود : لا أحلى لو نظهر يميييييييع
سيف : هيه حرضي حريمنا...
جاسم : ليش هم محتايين؟؟ هذم تشققوا
عذاري : ههههههههه منو تقصد مسود الويهه؟؟
جاسم : ههههه يالله سرينا....
وركبوا ع نفس النظام اللي ظهروا فيه قبل ......ووصلوا لين حديقة الحيوان .....(zoo)...بقوللكم بعض المواقف اللي صارت هناك.....
عذاري : تسعمون صوت.؟؟
جاسم : هيه توي أسولف ويا اليني اللي وراج...
سيف : هههههههههه.....جسوم أختك بتموت علي اسكت
عذاري : والله والله ما تسمعون؟؟.......(تطالع الزرافه اللي عدالها)......أكيد هاي تتكلم؟؟
الكل نقع عليها من الضحك :....
سيف : من متى للزرافة لها صوت يالذكية؟؟
عذاري : ليش ومن متى انسحل صوتها؟؟
الكل : هههههههههههههههههههههههههههه
جاسم : ما عليكم تأثير الرقاد
زايد :عيل ما استبعد تالي الليل تقولك إنت منو؟؟
جاسم : ههههههه صراحه حاس إنها بتصير......وبطلع مفلوع
الكل : هههههههههههه
عنود : الللللللللللللللللللللللللله جسوم شوف أهلك...
جاسم كفخها ع راسها :...إنتي منهم .......هاذيج اللي ع طرف....
عنود : هيه طالع طالع عذاري كيف تنط
جاسم : شوفي هزاااااع ياكل موز مستانس...
عنود : شوف زيود كاشخ ويالس يغازل هذيج......بس جني مشبهه عليها
جاسم : لا هذي وحده فالمول ما تعرفينها........شوفي شوفي علايه بس كرشتها عوده وايد
عنود : طالع بدور يالس تاكل القمل اللي فشعر مهوووي
جاسم : ولا شوفي محمد يالس بروحه......يفكر بالمشاريع...
الكل يطالع عنود وجسوم كيف منسجمين بالسوالف :..
محمد شل الفراخ(البوب كورن)......وصبه ع راسهم :...
الكل : ههههههههههههه
عنود وهي تخوزه عن شيلتها : صراحه .....ما توقعت أشوف شجرة العايلة هني
جاسم : ههههههههههههههه ..........لا أنا كنت متأكد أني بلتقي بأهلي الضايعين
الكل : ههههههههههههههه
مشوا صوب السلاحف....
بدور : صراحه أنا مادري كيف اليازية.....تغني وفحضنها السلحفاة.....ليتها صغيرة .....عوده...
زايد : تلاقينها بايته فالحمام أسبوع كامل قبل لا تمثل الفيديو كليب...
مهوي : الله شوفوا الغيلان....
جاسم تقرب صوب الحارس اللي عدال الغيلان ...ويلس يكلمه...
عذاري : شو بتسوي؟؟
جاسم :بتصور وياه....
عذاري : لالالالالالالالالالالالالالالالالالالالالالالالالا لالالالالالالاه.......
الكل صد صوبها : بلاج؟؟ بتموتيييييييييييييييين شو؟؟
عذاري : والله ع جثتي تتصور ويا هييل
جاسم : اللي يقول رايح اتصور ويا بنات مب غيلان 
الكل :ههههههههههه
زايد : وشدراك إذا كانت غولة ولا غول هههههههه
سيف : هههههههههههه شو بعد غولة يالغبي
زايد: هههههههههه يعني حرمة مال الغول
سارة : سلامي ع اللغه ........
جاسم : اسكتي حرمه مال راشد ههههههه
الكل :هههههههه
عنود : اللللللللللللللللللللللللللله
زايد : شو ها؟؟
عنود : سنجاب....تستهبل يعني....طاووس
جاسم : الله يعين حرمتك يا زايد
زايد : تبوس ايدها جدام وورى
مها : سلامي ع الخقاق
زايد : ههههههه أفااااااا عليج أعجبج...
عليا : بس بخقه ريلي محد
جاسم : سكتي لا عقج إنتي وريلج هني عند النمور
عنود : عذاري ...أنا بغباء ريلج ما حصلت
جاسم : ريلج الغبي مب أنا
عنود : عيل في حد يا ناس ما يعرف الأسود من النمور
جاسم : قالولج مخاويهم
زايد : هههههههههههههههه........
عليا : بخبركم خبر مب زين...
الكل صد لها :...
عليا : يوعاااااااااااااااانه
زايد : تصدقي حتى أنا كنت بخبركم بهالخبر بس ما كنت أبا أصدمكم
سيف : ههههه يالله علي العشا......براتا وجاي
عذاري : وااااااااااااااااافديت أمالي والله
الكل : ههههههههههههههههههههههه
سيف : يالله بتروحون البيتزا
جاسم : تجدمنا هناك....
هزاع : عنود اليوع يأدب الإنسان عاثرنه
جاسم فره بدبة الماي كانت ع الأرض :...من بونه الأدب منزل علي
الكل :ههههههههه
عليا : سواف..........بناخذ البيتزا ونروح صوب البحر...
سيف صد للكل يشوف ردة فعلهم......يوم شاف الكل شاق الحلج ...: خلاص صار....أنا بروح صوب البيتزا......وإنتوا روحوا صوب البحر...
جاسم : خلاص صار...
*************
صوب البحر الساعه 12 ونص...
هزاع يالس ع السيفه ويشوف البحر :..
عنود يات من وراها ونزلت لمستواه وحطت ايدها عليه : ...
هزاع صد صوبها وابتسم :..
عنود ردت له الابتسامه...وقامت وياست حذاله :...تفكر فيني؟؟
هزاع : ههههه وأنا عندي حد أفكر فيه غيرج
عنود ابتسمت :..لا صدق بشو تفكر؟؟
هزاع : اممممم بحياتنا؟؟....بزواجنا؟؟...بكل شي..
عنود طالعت البحر بحزن.....يا بحر قدرت تتحمل همومه ولا لأ؟؟ ....إذا ما قدرت ع همومه همومي أنا منو بيقدر عليها...بس أنا بإيدي أوقف هالهموم بكلمه.....بس ليش أحس أنه ساعات ما بيغيني ...ويرخص بحبه عسب كرامته.....آآآآآآآآآه .......معاه حق.....بس يا هزاع أحبك......هالشي مب من يوم ولا يموين...إنت كنت دوم حبيبي.....والفراغ اللي سويته أحتله منصور لمده بس إنت رديت لي وما نسيتي......هذا أحسن سبب عسب أسامحك عهجرك لي.:...
هزاع : وين رحتـــــــــــــــي؟؟
عنود صدت له ...كانت بتقوله أحبك....أبيغك......بس :..
زايد يا صوبهم....: هاااه قيس وليلى ......ماذا تفعلون؟؟
هزاع : هااااااه يا سواف؟؟
زايد : هيه........تعالوا يالله.....
هزاع وعنود راحوا صوبهم بس : هههههههههههههههههههههههههههه
عنود : ليش جي مسويين؟؟
محطين البيتزا ع دبة السيارة وواقفين ياكلون....والشباب يالسين ع بونيت السيارة ....اللي يشوفهم يقول سكرانين :...
جاسم : هههههههه.......(جنه سكران) انضموا لنا......تراه (يرفع البيبسي).....يعدل المزااااااااج
هزاع : هههههههه يايينك وبنعدل المزاج
سيف : أبا الدورية تيي هههههه
الكل :هههههههههههههههههههههههههه
تعشوا وردوا البيت ......وكل واحد طلع له الثياب.....والحمامات صارت كلها Full ...اللي يالسين فالصاله ولاويين ع فوطهم....ومن يطلع حد ترابعوا كلهم منو يدخل قبل ..ههه 
...... تسبحوا والكل سار صوب الحجر ورقدوا......

طبعا دامهم كلهم راقدين ما صار شي.....ههه..........بالباجر الساعه 3 الظهر...

بو سيف : يالله عيل انشالله تتكرر بس فبيتنا....
بو محمد : أفاااا عليك متى ما بغيتنا.......نحن عندك
بو سيف : لا أبغي وعد....
بو محمد : رمسة رياييل .......والوعد عندك من الحين
بو جاسم : خلاص عيل ......بينا اتصال...
بو محمد : انشالله

صوب الشباب
جاسم يتوايه ويا هزاع : ..يالله عيل......
هزاع : هاااااااه بو محمد ما أوصيك
جاسم : افاااااااا عليك بعقها فالبيت واييك
محمد : هههههه........أنا ماعرف هزاع حرمتك ولا عذاري....
جاسم يلوي ع هزاع : واااااااااافديت حرمتي
هزاع : هههههههههه 
زايد : يالله ما نبا نشوفكم لين شهر....
سيف : وعثره.........يقول بنموت نبا نجابل ويهك
الشباب : هههههههههههه
جاسم : خلاص عيل ......نتشواف باجر فالقهوه(المقهى)
هزاع..: أنا ماقدر......
جاسم : أفااااااا ريلج يطلب من شي وتردينه
هزاع : هههههههه خلاص طلقني ماباك
الشباب :هههههههههههههههههههههههههه
جاسم : لا صدق ليش ما بتيي؟؟
هزاع : بجابل حرمتي من يومين ما شايفنها عدل...
زايد : ههههه ضارب مخفي......ههههههه
الشباب :ههههههههههههههههههههههههه
سيف : خلاص ....
زايد قاطعه: خلاص عافك الخاطر.........خلالالالالالالالاص عافك الخاطر .....روح بطريق وأنا بطريق ....وخلني على....
جاسم قاطعه :هههه يالخبلة بلاك؟؟
زايد : ههههههههههه .......يالله شلوا قشكم....شلوا قشكم .....طلعوا من بيتنا.....ترن ترن.....طلعوا من بيتنا
سيف ركب السيارة وقبل لا يسكر الباب : يالله لا تقاطعونااااااااااا .....
الشباب : لا توصـــــــــــي
زايد : سيف..............سيف
سيف فتح الدريشة : شووووو؟؟
زايد : أركب الحنطور وتحنطر....ههههههههه
الكل : ههههههههه
وكل حد ركب سيارته....بس فذاكرتهم أحلى ذكرى لأغلى الأهل وأغلى الناس..... الواحد يدفع فلوس الدنيا عسب يستانس......والله الوناسة محد يقدر يحصلها إلا إذا حس أنه في ناس يحبونه ويفدونه بروحهم....
الكل راح البيت ولكل واحد انطبااااااااااااااااااااعه الشخصي ردوا لأشغالهم اللي تراكمت عليهم..وكرفوا كراف هالغياب..هههههه حتى الوناسة لها ثمن...
**************
بعد أسبوع يوم الجمعه
بيت بو محمد 
زايد يستهبل يغايض....ويمد فالكلام: أوووووووونه خطبوهووووووووها بتعرررررس
بدور مستحية: جب جب ......
عنود : مبروووووووك حياتي....
محمد :...زاييييييييييييد ........من متى تعرفه؟؟
زايد يستهبل : منوووو؟؟ سلطون؟؟ .......ريل بدرووووووه؟؟
بدور تحيس بوزها فيها ضحكه بس ميوده عمرها :...
زايد يكمل : أعرفه من زمااااااااااااااان يوم ....ولدتني أمايا كان راقد بالسرير اللي حذالي في الشيشه ...ههههه
الكل :ههههههههههههههه
محمد : بترد ولا أقوم أصفعك؟؟
زايد : من أيام المدرسة .......ولا الروضه.....ولا الإعداديه.....ولا الثانويه....ولا الكليه
هزاع : ههههه أختار الإجابة الصحيحه.....
محمد : ههههههه ارمـــــــــــــس ويهد.......بدروووه دام ريلج جي أنا مب موافق...
الكل :ههههههههههه
زايد : لا والله ريلها محترم
عنود : ههههههههه يعني إنت مب محترم؟؟
زايد : لا أنا الاحترام يستحي يوقف حذالي
الكل :ههههههههههههه
مها : علمك سواف الخقه...
زايد :هههههه.......أعرف سلطون من أيام المدرسه....بس عندي سؤال؟؟
الكل :؟؟؟؟؟؟؟؟؟؟؟؟؟
زايد : كيف عرف انه تام عدنا ساحره ......اقصد بنت ...
عنود : عفروه إخته....ربيعت علايه....
مها تغير شكلها بس سكتت......:..
زايد يستهبل: حلوة؟؟مخطوية؟؟
عنود : ههههههههه وإنت شيخصك؟؟
زايد : لا سلطون حليو...قلت يمكن تشبهه
هزاع : شوفوا شوفوا .......بدروه شقى مستانسة
زايد : عدال عن ينطر حلجج ههههههه
الكل :ههههههههههههههههههه

**********************************
الجزء الواحد والعشرين من لـ...ـ...غرام..ـ...ـ...ذة 

هزاع ... آآآآآآآآآآآآآآآه حد يصدق انه باجر بنتفارج أنا وعنود.....باجر بنكمل شهرين ..وباجر بتروح في درب وأنا في درب......وباجر سفرتي بروح ألمانيـــا أدرس....والله خلاص مابغي أدرس ولا أبغي شي في الحياة....آآآآآآآآآآآآآآآآآآآآآآآآه.....(نزلت دموعه تعلن بدايه دروب الحزن..والكآبه) :.. ضيعوني...عذبوني..حسبي الله عليهم حسبي الله...
ولعوني ورحلوا
عن شعوري ما سألوا
ما يخافون من الله
حسبي الله
أفهموني...وعلقوني....حسبي الله عليهم حسبي الله...
شافوا بعيوني الوله
حب بادي بأوله
صعبولي المسأله
حسبي الله
ريحوني...واتعبوني..حسبي الله عليهم حسبي الله...
وش بقى فيني شبقى
والزمن ما فرقى
ليت ما صار اللقى
حسبي الله
زايد دخل ....الصالة .....وانصدم من حالة هزاع مساند راسه ع الكرسي....ودموعه ع خده...:...هزااااااااااااااااع!!!؟؟
هزاع رفع راسه بتعب ومسح دموعه : ..
زايد تقرب صوبه ..وحطا إيده ع جتف هزاع :..شفيك ؟؟
هزاع : هه.......شو فيني؟؟ وهو تم شي ما صار فيني؟؟.......
زايد : شاللي صاير؟؟ هزااااااااع ارمس دخيل والديك
هزاع : هه ارمس ؟؟ ليش ارمس؟؟وشو أقول؟؟
زايد : لااااااااااااااه.... انت ستخفيت........شفيك؟؟
هزاع نزلت دموعه : مادري .....مادري ......يوم بعرف بقول لك...
زايد يصارخ : عنووووووووووووووووووووووووووووووووووووود........عن وووووووووووووووووووووووووووووووووووووووووووووووووو ووووووووووووووووووووووووووووود
عنود يات تركض من الدري : ...بلاك؟؟
زايد : شفيه هزاع؟؟
عنود تقربت صوبهم :..........(من شافت حالة هزاع بلعت ريجها)...
زايد ....من تقربت عنود منه ....انصدم ....حالتها أخس عن حالة هزاع....ويهها يبين عليه السهر والتعب.....وعيونها حمرة ووارمه ............ : شفيكم؟؟
عنود ابتسمت له بحزن : ما شــــــــي
زايد :..شو يعنـــــــي ماشي؟؟........أنا مب ياهل تسكتوني بكلمه...
هزاع وقف : ومب عود عسب تفهم اللي يصير لنا........(وطلع)
زايد ..هذا شو يقول؟؟......كيف يعني ما بفهم؟؟ .....(صد لعنود) ...(ورفع حياته) :..
عنود تنهدت : زايد أنا بروح غرفتي.......تأمرني ع شي....؟؟
زايد : لأ......بس متى ما بغيتي تشكين لحد أنا أول واحد تفكرين فيه سمعتي؟؟
عنود : حاضر سيدي......(وابتسمت أداري حزن كبير بقلبها)..
زايد يطالع عنود لين ما راحت :..شكله شي جايد......عمرهم ما اختلفوا جي....وعمره الواحد منهم إذا شاف الدموع الثاني......ما يخليه ويقفي عنه......
***********
في المقهـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــى
عمر : عطني الورقة.......عطني يالغشاش
حمد : ههههههه.......كلن يرى الناس بعين طبعه...
غانم : أقول مب جنه هذاك هزاع...
صدوا لين وين يطالع غانم ...
يعقوب : صدقك......بلاه جي؟؟
عمر : قوموا نسير صوبه......
قاموا الشباب يلسوا ع الطاولة اللي يالس عليها هزاع...
عمر : شحالك بو الشبااااااااااب؟؟
هزاع سرحان :..
يعقوب منصدم يلس عداله : هزااااااع....بلاك تصيح؟؟
هزاع انتبه لحد يالس حذاله فصد له ....ومسح دموعه :..هلا يعقوب من متى إنت هني؟؟
عمر : من زماااااااااان.........بلاك هزاع؟؟؟
هزاع : ولاااااااا شي
غانم : علينااااااااا؟؟
يعقوب : أشكي يا خوي.....مب زين تخلي كل شي فصدرك وتكتمه
هزاع صد له وحنه يفكر بكلامه :..
حمد : ارمس هزاع.....شي صايب الأهل؟؟...
هزاع تنهد : الحرمه
الشباب : بلاهاااااااااااااااااااااااااااااااااا؟؟؟
هزاع : تبى تروح بيت أهلها...
عمر : هه وشو المشكله.....مب قادر تصبر عنها؟؟....
غانم : ودها ساعتين ورجعها .....ما صار شي
هزاع : هه يا ريت........تبى تروح وما ترجع.....
يعقوب : ليش؟؟ إنت غلطت بحقها؟؟ قصرت وياها بشي؟؟
هزاع : مادري..........مادري......
حمد : كيف ما تدري...
هزاع وقف وهو يصارخ ودموعه تخالط صراخه :...مادري تفهم شو يعني مادري.....
الكل قام يطالع هزاع :..
يعقوب : هزاع هدى بالك......يعني حرمتك يات وقالت طلقني.....بس جي...
هزاع : اوهووووووووو هيه....
غانم : أنا أقول روح تفاهم وياها....
عمر : تبى رايي..........اللي رخص فيك ملزوم ترخص به...
هزاع طالعه معصب وطلع من القهوه:..
حمد : وإنت لازم تقول رايك؟؟؟
عمر : هزاع بعد مادري كيف.......يصيح ع حرمة.....والله لو منو ما كانت....وترخص فيني ..........أشوتها فالشارع.....
غانم : عز الله تم حد متزوج عيل ههه
*******
عنود تحطي أغراض هزاع فالشنطه باجر بيسافر ....وتغسلهم بدموعها وتغلفهم بحزنها .....آآآآآآآآآآآآآآآه يا ناس طافوا الشهرين...ويا ليتهم ما طافوا....هالشهرين جددوا حبي الجديم....خلوني ماقدر أعيش من دونه......والحين بعيش من دونه ومالي حد يرافجني غير حزني ودموعــــــي......(شهقت).......أحبك يا هزاع .....أحبك ....:...
دخل والشرار يطاير من عينه :...
عنود تطالعه ....بلاه؟؟.....معقولة يباني أحس ع دمي وأطلع.....آآآآآه بطلع يا هزاع لا تستعيل .....بطلع وبتركك في عالمك......وبروح عالمي الخاص...آآآآآه ..(سكرت الشنطة) : خلصت شنطتك........شوف إذا تبى تحطي شي زود فيها ..
هزاع طالعها ...ورد يطالع التلفزيون :...
عنود بلاه أول مرة يطنشني...آآآآآآه يا ناس دخيلك حبيبي لا تعاملني جي..خلني أحبك لآخر لحظه :...
هزاع .....صدقه عمر.... اللي رخص فيك ملزوم ترخص به.....وعنود أرخصت فيني حتى قبل لا نتزوج......:...
عنود طلعت لهزاع ثياب عسب يتسبح وحطتهن ع السرير ويلست.....آآآآآه يا هزاع دخيلك خلني أشبع من شوفك.......مستحيل أقدر بعدين أيي هالبيت ...وأنا مطلقه :..
هزاع ...... اللي ما يبغيك لا تصيح تبغيه..ودر هواه ويوز عنه.....(سحب فوطته ودخل الحمام ):....
*****************
زايد ....آآآآآآآآآآآآآه ليتني أعرف شاللي صاير......هزاع تعبان ويصيح.....وعنود تصيح بينها وبين نفسها ...تبين الفرح وتكتم الحزن...تبين الابتسامه وتخبي الدمعه...
بس مثل ما يقولون يا خبر بفلوس باجر ببلاش نلقااااااه :...
**********
جاسم تنهد......زايد خرعني.....تعالوا وتعالوا.....ويوم رحت له ...يقولي هزاع وعنود فيهم شي!!......والله خبله......كل شخص له مشاكله وإذا حد تدخل فيها بتزيد.... هزاع وعنود أكثر ناس أعرفهم يقدرون يتفاهمون ويا بعضهم.... والحب الي من بينهم حب سنين ..كل ما كبروا كبر وياهم :...
***********
سيف دخل: حسبي الله عليك يا زيود
عليا ابتسمت : بلاه؟؟
سيف : متصل لنا تعالوا بسرعه.....وبعدها يقولنا هزاع وعنود فيهم شي....
عليا وقفت : فيهم شي؟؟؟
سيف : شكلهم متزاعلين.....(يحطي الكاب والسويج والموبايل ع الطاولة)...
عليا : وليش مب مهتم؟؟........عادي؟؟
سيف : علايه ...إنتي تعرفين هزاع وعنود مثل ما نحن نعرفهم......يتزاعلون وثواني ويتكلمون ولا جنه صاير شي...
عليا تنغزه : يا حظهم.....مب نحن من صحنا صرخوا علينا..( تحيس بوزها)...ولا تاكلي ولا العصا ....
سيف :ههههههههههه
*************
سارة : راشد .....بلاها عنود؟؟
راشد : أنا توني ياي شدراني؟؟.......(صد لها).....شفيها يعني؟؟
سارة : مادري اليوم ما نزلت .......تنزل ثواني وترد تدخل الحجرة....وشكلها تعبانه وصايحه صيااااااح ...
راشد : هيه اليوم قال لي زايد.....شكلهم متزاعلين....زايد يقول حالة هزاع نفس حالة عنود.....
سارة : كيف يعني؟؟
راشد : يعني شافه يصيح....مادري ....مادري....بس تعبان
سارة : يعني شي جايد؟؟
راشد : ههههه هزاع وعنود هذيل.....قيس وليلى ما يصير بينهم شي جايد
سارة : ونحن؟؟
راشد : عنتر وعبله ههههه
سارة : هههههه
****************
مها تمشط شعرها : تعرف قلبي ناغزنـــــي
محمد منسدح : بسم الله عقلبـــــــج
مها ابتسمت : لا صدق...
محمد : مب صاير شي.........لا تخافيين ......إذا تميتي جي توسوسين صدق بيصير شي..
مها سرحت بكلامه : انشالله ما يصير شي
*************
بالباجر
حد يدق الباب
عنود قامت ...تطالع هزاع اللي راقد حذاله ....آآآآآآآه فديتك والله...
حد يدق الباب
عنود ...كانت بتفتح بس ..
راشد : هزااااااااع بطل ذليت أبووونا
عنود ....ردت صوب هزاع ويلست ع طرف السرير....بصوت هادي : هزاع .....هزاع
هزاع : هممممممممممممممممممم
عنود : يالله حبيبي قوم
هزاع بطل عينه : هاااااه؟؟
عنود : راشد يدق الباب
هزاع : شو يبا؟؟
عنود : ما ظهرت له....يبغيك إنت
هزاع : انزين............
عنود دخلت الحمام 
وهزاع بطل الباب : هاااااااه؟؟
راشد ابتسم له : صبااااااح الخير..
هزاع رد له الابتسامه :..صباااح النور...خيرررررر من الصبح مجابل ويهك؟؟
راشد : ههه أباك تروح ويانا؟؟
هزاع : وياكم؟؟ وين؟؟ إنت ومنو؟؟
راشد : انزين وحده وحده علي....أنا وسارة....بنروح نطعم ناصر ومنصور....وتعرف ما تقدر سارة تيود هم اثنينتهم.....وأنا ما بقدر أسوق إذا مسكت واحد فيهم
هزاع : انزين ببدل ثيابي وبيي
راشد : لا تتأخر.......
هزاع : طرار ويتشرط.....ههه
راشد ابتسم لأخوه ...
هزاع : عنود طلعي لي بدله........
عنود تنشف ويهها : انزين.....(يايه بتسأله وين بتروح بس سمعت باب الحمام يتسكر.......طلعت له بدله...وبدلت ثيابها لبست مخورة تركواز ..حلوة ولبست إكسسواراتها...
هزاع طلع من الحمام وتلبس: والله حاله من الصبح تصبيغين عمرج بهالمكياج
عنود : ههههه ....وين بتروح؟؟
هزاع يلبس ساعته وكابه : مشوار أنا وراشد ......باي...(وطلع)
عنود رصت ع الجحل اللي كان بإيدها ....وبصوت واطي :..ربي يحفظك...
**********
راشد : والله غبـــــــــــي
هزاع :ههههه..........شسوي نسيته....
راشد : روح ايبه......بسررررررررعه
هزاع : انزين كلتنا.......(ودخل الحجرة....بس شاف دموعها وتم ساكت يطالعها)...
عنود انتبهت لحد دخل مسحت دموعها وابتسمت : مب توك مفارج ليش رديت ؟؟
هزاع تقرب منها وباسها ع راسها :..
عنود كانت تبى تبتعد عنه عسب ما تنفجر بالصياح اللي ماله لا أول ولا تالي.... وفي نفس الوقت كانت تبى تقوله أبغي قربك يا ولد عمي .......:...
هزاع سحب السويج : ههههه نسيته هني ........(وطلع)
عنود : هزاااااااااااااااااااع...............(بس راح صوتها وما وصل لإذنه...آآآآآه أكيد راح المحكمه ويا راشد ...آآآآآآآآآآه .....لبست عباتها وخذت شنطه حطت فيها موبايلها وبطاقات مهمه عندها ...ما تبى أي شي من ملابسها وأغراضها .......يايه تطلع بس......وقفت جدام برواز محطاي ع المكتب...فيه صورتهم يوم العرس.....هزاع كان لاوي عليها من ورى.....آآآآآآه يا هزاع....فتحت البرواز وخذت الصورة وطلعت.....ما كانت تبى تشوف حد ...)
أم محمد طالعه من المطبخ : على وين يمه؟؟
عنود باست راسها : صباح الخير عموه......بروح عند أهلي شوي
أم محمد : الحين؟؟ من الصبح؟؟
عنود : الساعه 10 ....يعني قايمين
أم محمد : خلاص يمه ع راحتج متى بتردين..؟؟
عنود بحزن : بتأخر شوي.................(وراحت)..
***********
هزاع : تأخرت سارة داخل...
راشد : مليت من مجابل ويهي شو؟؟
هزاع :ههه ......راشد بسألك؟؟
راشد : أسأل؟؟
هزاع : لو قلتلك أنا وعنود متضارين شو بتقول؟؟
راشد : بقولك كل زوجين بينهم خلافات....يمكن تكون صغيرة أو كبيرة....بس الحب من بينهم يهدم كل هالمشاكل ........وإنت وعنود ....ههه قيس وليلى....
هزاع : عن تحسدنا
راشد : هههه..........ليش متضاربين؟؟
هزاع : سالفه..
راشد : جايده؟؟
هزاع حاس بوزه : ما عرف.......
راشد : ههههه قالولي هزاع يتخبل بدون عنود ما صدقت....بس الحين ابصم بالعشرة
هزاع :هههه.............(خلاص عنود ....أنا أحبج....ماقدر أخليج بدون سبب.....لازم تعطيني سبب.....ولا نكمل حياتنا كأي زوجين...وأنا أدري إنج تحبيني )
سارة : يود ولدك......منصور ما صاح كثره
راشد : ههههه يالله قيس بنروح
هزاع ابتسم له : سرينــــــــــــــــــــــــــــــــــــــــــــــ ــــا
**********
عليا قامت: سيف ليش مارحت الدوام ؟؟؟؟
سيف فرها بالفوطه : يوم إنتي الكسولة ما قومتني...
عليا : سوري حبيبي
سيف : لا عادي .....ما بروح اليوم...
عليا : والشغل؟؟
سيف : ما عليج اتصلت بحسين اييب المخططات هني...
عليا هزت راسها ودخلت الحمام.....
سيف يلس فالصاله لأنه الحين بيي حسين بييب له الأوراق :...
ترن ترن ترن
سيف : ميري بطلي الباب
ميري : أوكي .......(بطلت الباب)...
دخلت عنود وكانت متغشيه :..
سيف : عنوووودوه ؟؟.......(قام يسلم عليها)...
عنود واقفه مكانها ودموعها مخرسة ويهها ....خلالالالالالالالاص انتهى زواجي....آآآآآآه :...
سيف سحب الغشايه : بلاج متغشــ......بلاج تصيحين؟؟
عنود طاحت فحضنها تصيح بحرقه :...
سيف : هههههه عسب بتسافرين اليوم؟؟.....لا تخافي ما بتفارجيني.....كله بتصل فيج لين ما تتصدعين
عنود ابتعدت عن حضنه وابتسمت بحزن :..ليش ما رحت الدوام؟؟
سيف : علالالالالالالايه ما قومتني.....الحين بيي حسين(المساعد ماله) وبييب الخرايط والمخططات
عنود: خلاص عيل أنا بسير داخل......
سيف : أوكي .......علايه فالحجرة
عنود هزت راسه وركبت الدري :...
***********
دخلوا البيت....كان زايد وبدور يتريقون
راشد : حد يتريق الساعه 11 ونص؟؟
زايد : اليوع كافر......تعالوا اتريقوا
هزاع : وين عنود؟؟
بدور تصب لهم جاي : ما نزلت يمكن راقده...
هزاع راح فوق .....عسب يدور شريكة حياته.....عسب يخليها تحت جناحه على طول.....
أم محمد يات من المطبخ :..وين هزاع مايا وياكم؟؟؟
راشد : بلا راح فوق عند عنود
أم محمد : عنود؟؟......عنود راحت بيت أهلها قالت بتتأخر شوي
زايد نزل كوب الجاي من إيده...ويطالع أمه : كيف يعني؟؟
أم محمد : بعد كيف يعني؟؟ راحت تسلم ع أهلها
زايد ربع فوق عند هزاع.....
راشد : بلاه هذا؟؟......(وربع وراه)
********
طايحه ع السرير ...... تصيح بألم وقهر.......آآآآآآه يا هزاع ....خلاص يا هزاع ما بشوفك مرة ثانية.....ولا بصبح ع ويهك...... ولا بشوف ضحتك.....ولا بواسيك بحزنك....آآآآآآآآآآآه :...
**********
زايد : هزاااااااااع .....هزاع ليش تصيح ؟؟
راشد دخل وانصدم من شكل هزاع ...هزاع يالس ع السرير لاف شيلة عنود ع إيده ويشمها ويصييييييييييح صياح يقطع القلب....
زايد يهز هزاع : هزاع ........ليش تصيح؟؟ شاللي صاير؟؟
هزاع وهو يصيح : خلالالالالالالالالالالالاص راحت عنود .....راحت
راشد : كيف يعني راحت.....؟؟
زايد يصارخ : ما ترد؟؟...........قول شاللي صاير؟؟
هزاع ع حاله ما جنه يشوف شي.......ما يشوف إلا خيال عنود والذكريات :...
زايد يتصل بعنود : ما ترد......
راشد : اتصل فجاسم ......خل إيي بسرعه
زايد : ألو هلا جاسم.......الحمدلله.......وينك ؟؟.....خلاص تعال الحين بسرعه.....ما صاير شي......بس أبغيك بسالفة........يالله باي....
**********
جاسم ......بلاه هذا......خل أروح وشوف شاللي صاير.......
**********
علايا : بلاها عنود تصيح؟؟
سيف : ما قالت لي شي..........بس حاس انه شي صاير بتصل فهزاع......
علايا : هااااااه شو؟؟
سيف : ما يرد .........بتصل فزايد...
علايا :...
سيف : هلا زايد
زايد : هلا سيف...
سيف: شحالك؟؟
زايد : الحمدلله ..
سيف : هزاع عندك؟؟
زايد يطالع هزاع : ليش؟؟
سيف : ما يرد ع الموبايل
زايد : أها يمكن يسبح.......عنود وين؟؟
سيف : فحجرتها..
زايد بتشكك : ليش؟؟
سيف : شو اللي ليش كان عندي ريال....فراحت حجرتها....
زايد : أهااا متى بترد؟؟
سيف : مادري.....(بجديه)...بس قول لهزاع أبغيه ضروري خل ايي عندي
زايد : خلاص صار......سلم ع عنود .....وقول لها يتريوج
سيف : أوكي باي
زايد : بااااااااااااااااااااي........
راشد : شو قال لك؟؟
زايد : هزاع شاللي صاير؟؟..............سيف متصل يقولك تعال له البيت ضروري
هزاع رفع راسه يطالع زايد ........ورد نزل راسه ...ورد لذكرياته...
جاسم دخل : هزاع بلاك؟؟
هزاع صاح بصوت : جاسم .....جاسم عنود راحت....
جاسم يلس حذاله : شووووووو؟؟
هزاع طاح بحضنه : راحت عني ....خلاص قلت لك بتروح.....وهذي راحت
زايد يطالع جاسم : شسالفه؟؟
جاسم : عنود تبى ورقة طلاقها
هزاع : ليش؟؟ جاسم؟؟ شو غلطتي؟؟ شذنبي أنا؟؟؟ ..........غلطتي أني حبيتها؟؟...... حبيتها ....
جاسم : هزاع ارتاح إنت نحن بنروح نشوف السالفه..
هزاع سحب مخدة عنود ....: جاسم قولها ترد.....جاسم أحبها قولها ترد.....مستحيل أعيش ويا غيرها.....مستحيل
جاسم : لا تصيح يا هزاع .....نحن بنروح بيت عمي مبارك وبنشوف عنود
زايد وراشد تجدموا جاسم
جاسم سكر الليت والباب ونزل تحت
مها : بلاكم ؟؟ 
زايد تنهد :..ما شي
محمد : بلاكم إنتوا كل ما سألنا حد قال ماشي ...
جاسم : لأنه ما شي سالفه ....... بتروح ويانا ولا بتيلس؟؟
محمد : وين؟؟
جاسم عصب: بتروح ولا لأ؟؟
محمد : يالله 
وركبوا كلهم سيارة جاسم وراحوا
**********
بو سيف : يمه عنود ....بطلي الباب......عنوووووود
سيف : أبوي من الساع 10 هي هني ومب راضيه تفتح لحد....وهزاع ما يرد علي.....والله لأكسر الباب إن ما بطلت
بو سيف : اصبر.......عنود .........عنوووووووود يمه
عنود بطلت الباب كانت بعدها بعباتها وشيلتها ع جتفها وعينها وارمه من الصياح : نعم أبوي
بو سيف لوى عليها : بلاج يا بنتي ؟؟ شاللي صاير
عنود تصيح بحضنه :...
سيف يتصل بهزاع : ما يرد.....
عنود : أبوي أنا بخير.......بس خلوني بروحي ما بغي أشوف حد
بو سيف : حتى أنا؟؟
عنود : أبوي دخيلك........خلوني بروحي...
بو سيف : انشالله...........(وطلع هو وسيف ونزلوا تحت)
عنود تساندت ع الباب : سامحني يابوي.....سامحني بس تعبانه.....(وسكرت الباب)
*********
أم سيف : بلاها بنتي ؟؟
بو سيف : سيف اتصل بهزاع خل ايي هني ....نبى نعرف شاللي صاير....نبى نعرف راسنا من ريولنا......
سيف : انشـــ.........(ما كمل كلامه إلا بدخلة جاسم وزايد وراشد ومحمد).....وين هزاع؟؟
زايد : وين عنود؟؟
بو سيف : يا بوكم ردوا علينا ......هزاع وينه؟؟......شسوى بالبنت؟؟....
جاسم : عمي ما صار شي......بس أبغي أكلم عنود شوي
بو سيف : عنود ما تبى تشوف حد.......(تنهد) حتى أنا.......شاللي صاير يا جاسم ارمس
جاسم تنهد.....بس مردهم بيعرفون..... : عنود طالبه الطلاق
الكل : شوووووووووووووووووو؟؟
سيف : ليش ؟؟ شاللي صار؟؟
جاسم تنهد : تقوله شوف حياتك ويا غيري....
سيف : انزين ليييييييييييييييش؟؟
زايد : يعني شتتوقع؟؟ أكيد ع سالفه العيال....
الكل سكت هني ما يقدرون يلومون عنود لأنها تبى الخير لريلها....ولا يقدرون يلومون حد.........>>> مساكين مخدوعين بسالفة العيال..
سيف تنهد : وهزاع وينه؟؟
جاسم : هزاع وايد تعبان....(تغيرت نبرة صوته).....يصيح صياح .....يكسر الخاطر يا سيف...كلم عنود.....ما أقدر أشوف هزاع يصيح جدامي وماقدر أسويله شي...
سيف بحزن :ماقدر أغصب أختي ع شي ما تبغيه
زايد يصارخ : وأخوووووووووووووي؟؟؟
سيف : هو للحين ما طلقها....خل عنود أسبوع أكيد بتشتاق لهزاع ..وبترد له
راشد : صدقك ......
جاسم تنهد : هي وين الحين؟؟
سيف : فحجرتها .....(طاح ع الكرسي)....مادري ليش نستانس يومين وتظهر بعدها مشاكل الدنيا....
زايد كان يالس وماسك راسه :..
محمد : ما عليه الحين........خلوهم ع راحتهم .....ما يصير فكل شي ندخّل
راشد : وانشالله ما يصير إلا كل خير
جاسم : هزركم؟؟
محمد وراشد : هيه نعم....
*************
فتح الكبت يلمس ملابسها....يشم ريحتها....لا تخاف يا هزاع راحت وبترجع.....راحت وبترجع..... مستحيل تخليك......هذي عنود حبيبتك........تساند ع الكبت.....آآآآآآآآآآآه.. عنود لا تخلينــــــي ......لا تخليني دخيلج...
7
7
عنود قاطعته : صبر الشيخ ..وقت مستقطع ..أي ولد عم ...
بو سيف : ولد عمج سالم ...ما عرفتيه
عنود تعقد حياتها...: هزا!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!اع
هزاع سوى حركة بحلجه جنه يقول مقبولة منج :.. صبااااااح الخير .......افففف مسرع ما نسيتونا !!
عنود تتقرب منه : لا أفااااااااا..بس اشوف (تيود طرف راسه وتقلبه وتحرك راسه وتدور حواليه جنها خبله)......محللللللللللللللو ......اففففف جان الغربة جي تسوي أنا بعوفها البلاد ......وبعدين شو مسرع ما نسيتونا (تحط ايدها ع خصرها) ..مب جنها أربع سنين مسود الويهه
8
8
آآآآآآآآآآآآآآه يا عنود .....والله ماأقوى هجرج ....رديلـــــــــــــــي ........دخيلج يا عنادي
7
7
سيف مسكها من رقبتها : لا الود ودي اذبحج...عسب لا تدلعين ثاني مرة
عنود :هههههههههه والله آخر مرة ....هدني
سيف يبتسم لها : كم تدفعين ؟؟
عنود: اللي تباه .....كح كح..........سواف خلني
سيف هدها : تعورتي؟؟
عنود دلعت لسانها : أعرف أمثل
سيف ابتسم : كريههههه
عنود : حرمتك!!
سيف على طول تذكر عفاري : يا ريتها هني
عنود غمزت له : افااااا عليك اشتغل خطابه لك
8
8
آآآآآآآآآآآآآآآآآآآآآآآآآآآآآآآآآآآه يا ناس محد حاس بمعاناتي....أحبها...أحب بنت عمي..... أحب حرمتي....لا هو بحرام ولا هو بعيب.....
**************
هزاع : هه..........................عنود بلاج منخشة جي...(تذكر مرضها ربع لها)
عنود كانت ميتة من الصياح ويالسة على الأرض بين الشير :...
هزاع نزل لمستواها : خلاص انزين لا تصيحين
عنود طاحت في حضنه تصيح وطاح على ورى ... :...هزاع خايفة......
هزاع مسح ع ظهره :...لا تخافي خلاص رابطينه الثور
عنود : ...
هزاع بعدها عن حضنه : انزين الحين يالله نقوم لأنه لو شافنا سيف بيذبحنا....ولأني ميت من البرد
عنود ابتسمت :..
7
7
هزاع أنا آسفه ....أنا الغبيه....اللي ضيعتك من إيدي......أنا ما ستاهلك يا هزاع...... إنت تستاهل وحده أحسن عني.....خلاص يا حبيبي شوف حياتك وأنا بشوف حياتي..... أدري أنه أنا مالي خانه بهالحياة...بس لو كان الموت بإيدي جان صارت وايد أشيا....آآآآآآه
************
أم محمد : شوووووووووووووووو؟؟
بو محمد : ليش ما بترد..؟؟...
بدور : شو يعني ما بتسافر ويا هزاع....؟؟
زايد : مادري....
جاسم يلس : هزاع ما طلع.؟؟.
بدور : لأ.......عنود ليش راحت اليوم بالذات؟؟......
زايد : يوم كنت أقولكم .....فيهم شي.....صاير شي جايد.....ما سمعتوني......الحين يايين تواسونه بعد ماطاح الفاس بالراس.....
جاسم : ونحن شدرانا أنه جي بيصير؟؟
زايد : إنتوا كنتوا تقدرون تمنعون هالشـــــــي .....بس إنتوا ما تبون تمنعونه
جاسم وراشد ومحمد : نحن!!!
زايد : هي نعم......أخوي طايح من صوب.....وحرمته من صوب....ونحن مب عارفين منو الصح ومنو الغلط......
محمد : ولا بتعرف.....عنود تبى لريلها الخير ع حسابها.......وهزاع مب قادر ع فراقها
جاسم : انزين هي تعرف انه هزاع ما يقدر يعيش بلياها......ليش تبتعد؟؟
زايد : شي طبيعي
الكل صد له : طبيعي؟؟!!!!!
زايد : هيه نعم.....عنود تدري أنه إذا ابتعدت هزاع بيصيحها شوي وآخرتها بيشوف حياته....صح؟؟
راشد : مب دايمـــــــــــن!!؟؟
زايد : بس الأغلب........وهزاع حتى لو ضعف......بيبين القوة...وبيكمل حياته....بس أنا كاسرة خاطري عنود
راشد :ليش؟؟
زايد : بنت مطلقة وما تيب عيال........ما تكسر الخاطر؟؟
أم محمد : مطلقة؟؟؟؟؟؟؟؟؟؟؟؟؟؟؟؟؟؟؟؟؟؟
جاسم : لا عموه.....قصده يعني طالبه الطلاق
بو محمد : تتوقعون بتحصل ع اللي تباه؟؟
راشد : ما نعرف........كله بعلم الغيب.......بدخل أوطي راسي تعبان
أم محمد : الله يحفظك....
جاسم : عيل أنا بروح........وبطوف عليكم العصر......هزاع متى طيارته؟؟
زايد : الساعه 7 العصر......
محمد : لو إني حاس إنه ما بيروح.......بس نتلاقى الساع 5 العصر....
الشباب : خلاص صار.......(وكل واحد سار صوب حجرته..وجاسم راح البيت)..
***********
عفرى .....آآآآآآآآآآآآه يا ناس محد حاس بعذابي......حرام عليج يا عليا اللي سويتيه فيني......والله محتاجتلج .....
سلطان دخل .....وربع لعفرى : عفرووووه بلاج؟؟.....
عفرى وقفت ع ريلها بس مب قادره :...
سلطان يطالع إخته تمشي وشوي بطيح......ومسود تحت عيونها وعيونها وارمه من الصياح والسهر.....يالله يا عليا شسويتي بإختي؟؟ .......(مسكها من إيدها ) :..عفروه شاللي صاير؟؟
عفرى سحب إيدها وتساندت ع باب حجرتها : ما صار شي.....بس بطني يعورني شوي؟؟
سلطان : وعليا؟؟ شو قالتلج؟؟ شسوت لج؟؟
عفرى صاحت : قلتلك لا تطريها لــــــي .....تفهم ولا لأ.......(ودخلت الحجرة)...

******
وخلص هالجزء بعذاب الطرفين......وانخداع الأهل بسالفه العيال....

*********************************************
الجزء الثاني والعشرين والأخير  من لذة غراااااااااااااام 

أم محمد ادق الباب : هزاع يمه............رد علي......لا تحرق قلبي عليك....
هزاع :.......
أم محمد : هزااااااااااااااااااااع يمه (تصيح)........رد علي يا ولدي.......الدنيا ما توقف عند زواج ولا طلاق........رد علي....حرام عليك يا ولدي
الكل واقف يطالع أم محمد ويتريون رد هزاع ..
زايد : راشد تعال بنكسر الباب
راشد : صبر شوي.....أمايا خوزي بدق عليه الباب
زايد : قلتلك ما ينفع............إذا أمايا ما رد عليه بيرد عليك!!.......صار له ثلاث أيام من راحت عنود وهو ما يرد علينا.........
راشد : يالله بنكسر الباب......
بعد محاولات
زايد : ما ينكسر.........بدور اييبي حديده...
بدور ربعت الستور ادور أي حديده ......شافت حدايد ما تدري مال شو وسكرايب.....شلتهم وركضت فيهم فوق :..
زايد شل الحديدة كانت ضعيفة بس قوية ما تنكسر ولا تنعوي......: راشد يود السكروب ودزه جي....
راشد سوى اللي قاله له زايد :...
زايد يلس يحاول لين ما انفتح الباب...
ودخلوا
أم محمد راحت صوب هزاع:..
هزاع كان يالس ع الكنبه بس راقد......وشكله تعبان حيييييل :...
أم محمد تمسح ع ويهه : هزاع يمه.........رد علي.....
زايد يضرب هزاع ع ويهه : هزاع .......هزااااااااااااااااااااع!!!!!!
راشد ياب دبة ما ي من الثلاجه وصبه ع راسه .....الماي كان بارد ....بس :..
هزاع ما تحرك ولا سوى شي :...
زايد : محمد شغل السيارة.......شكله مغمى عليه...
بدور عطت زايد العطر :...زايد رش ع ويهه.....
زايد رش العطر بإيده....ومسح ويهه هزاع بس ما يفيد هزاع ما يتحرك ولا يحس باللي حوله :.....
راشد : زايد يالله عاوني .....شله وياي
تحاملوه زايد وراشد لين السيارة وركبوا ويااااه :...
أم محمد : يا سالم ودني بروح ويا ولدي....
بدور : لا أمايا أبوي ما بيقدر يسير وهو تعبان بتصل فجاسم ......(وراحت صوب تلفون البيت)
***********
سيف معصب: عنود ........عنووووووووود بطلي الباب قلت لج؟؟
عنود وقفت ع طولها مب قادره ....تمشي وتحس عمرها بإي لحظه بطيح ....فتحت الباب وكانت متسانده ع اليدار : هااه؟؟؟؟؟؟؟؟؟
سيف فج عينه : عنووووووووود......عنود شمسويه ف عمرج ....... حرام عليج......
عنود ابتسمت بسخريه.....: خلني أستاهل هالعذاب اللي أنا فيه.......هذا عقاب ربي لي ع كل شي سويته....
سيف : عليا ايبي عباتها بنوديها المستشفى 
عنود : لأ مب سايرة سيف.....(وهي تصيح) مب كافي غصبتوني عليه....وهالعذاب كله بسبتكم........(وسكرت الباب بويههم ....وهي ميتة من الصياح....ما تدري ريولها بتوصلها للسرير ولا بطيح من التعب)
*********
عذاري : حبيبي لا تضايق عمرك......إنشالله مب صاير إلا كل خير
جاسم : مادري خايف ع هزاع ......و ع عنود......
عذاري : ما عليك انشالله اليوم أحسن إنت أرتاح والمغرب سير بيت عمي سالم
جاسم : انشـــالله ......(قطع عليهم صوت الموبايل).......بيت عمي سالم
عذاري.........الله يستر: رد عليهم 
جاسم : ألووووو....هلا بدور.........(وقف) شووووووووووو؟؟......خلاص ياي ......ما بتأخر....خلاص قلتلج..............مسافه الطريج..........(وسكر)
عذاري : شاللي صاير؟؟؟
جاسم : هزاع نقلوه المستشفى....
عذاري : شووووووو؟؟
جاسم خذ الموبايل والسويج.......وربع للسيارة :..
عذاري نزلت تحت :...
بو جاسم : بلاه جاسم؟؟
عذاري :..هزاع تعبان شوي.....
أم جاسم : الله يهديج يا عنود......ويهدّي سرهم يا رب
بو جاسم : وشخباره الحين؟؟
عذاري : مادري ......جاسم اتصلوا به وطلع
*********
أم سيف تصيح : دخيلك يا مبارك........شوف حال البنت.......
بو سيف : شو تبيني أسوي ؟؟ ما بإيدي شي
أم سيف : نحن حتى ما نعرف شاللي صار......
بو سيف تنهد :.....
سيف ياه اتصال :هلاااااااااا..... شوووووووو؟؟؟؟.........خلاص ياي......(وسكر)
عليا : شفيك.؟؟
سيف : ما شي.......(وربع برع)
أم سيف طالعت سيف لين ما راح....: مبارك اتصل فهزاع دخيلك خله ايي....
بو سيف : يصير خير
************
زايد واقف ومربع إيده......ودموعه نزلت ع ويهه :...
جاسم يالس وماسك راسه :...
محمد يالس ومربع إيده ويهز ريله بتوتر :...
راشد يمشي ع كبر الممر :...
بو سيف مساند راسه ع الكرسي ودموعه خانته ونزلت ذيج الساعه :...
سيف دخل :....زايد......زايد شو قالوا...
زايد رفع راسه وشاف سيف ياي صوبه ...ابتسم وهو سرحان :..مادري
سيف صرخ : شو ما تدرون..........بلاه هزاع........ما ترمسون؟؟
زايد طالع سيف وزاد صياحه :..
سيف لوى عليه :...محمد شو قالولكم؟؟؟
محمد رفع راسه بس :.....
طلع الدكتور
بالعاده الكل يوقف ولا يربع للدكتور......بس مب قادرين.....ريولنا أحسها تيبست..... مب قادر أخطي خطوه وحده......أحس إني تشللت ......ونظراتنا بس اللي تسأل الدكتور :...
محمد بلع ريجه : ارمس ليش ساكت؟؟
الدكتور مواطن ولأول مرة خخ :...أهل المريض ؟؟ ولا ربعه؟؟
سيف : أهله.........
الدكتور : انهيار عصبـــــــــي ......بس الحين هو زين....بس بنخليه في العناية هالأسبوع.....وبعدها بنظهره غرفة ملاحظه.......المريض عنده ضعف عام.......وغير جي عصارت المعده مأثره على العمليات الهضمية عنده..
زايد صرخ: هو تم شي ما قلته...
سيف : زايد.......ما عليك مب صاير إلا كل خير.....
الدكتور : انشالله........بس ما بتقدرون تدخلون عليه الحين......بعد يومين إذا تحسنت حالته بنسمح بالزيارة.....
الكل يطالعون الدكتور.....ويطالعون بعضهم ....
سيف : أنا أقول خلنا نروح.......واسمعوا الكلام عسب لا تتأزم حالته زود..
زايد مسح دموعه.....: بسير وياك لازم أشوف عنود....
سيف : لا دخليك......عنود وايد تعبانه.......
زايد مشى عنه: أنا بروح عندها ومب إنت اللي بتمنعني....
سيف مسك إيده :..خلاص تعال....
جاسم : أنا بعد بسير
راشد : كلنا بنسير
سيف طالعهم : بس شوي شوي عليها دخيلكم......
الكل هزوا راسهم بالإيجاب ....

وصلوا بيت بو سيف...كانوا ثلاث سيارات.....سيارة سيف....وجاسم....ومحمد......
نزلوا ودخلوا البيت.......سلموا ع أهل البيت بسرعه 
وراحوا فوق الكل ..سيف وزايد وجاسم ومحمد وراشد واقفين جدام باب حجرة عنود
سيف : عنووووووود......عنود بطلي الباب
عنود :....
سيف : عنووووووووووووووووووود بطلي الباب بسرعه......
عنود وصوتها كله صياح :..سيف يرحم والديك خلني.....
سيف : قلتلج بطلي الباب..........بطلي وإلا......... والله العظيم بكسره.....
بعد ثواني
وصلت عنود للباب وبطلته ................بس :...
الكل فج عينه هذي مب عنود......هذي وحده ثانية.....
زايد .....وأنا اللي ياي أعاتبها ظهرت حالته شراتك يا هزاع.....عنود بنفس العباة وشيلتها ع جتفها وشعرها مبطل...وعيونها ...آآآآه يا عيونها ...يبين عليها العذاب :..
جاسم ......مستحيييييييل هذي عنود ....هذي مب عنود الدلوعه الحلوة.....هذي مب عنود :.
عنود تطالعهم....ودموعها ع خدها.....نست انها مب مغطية شعرها ......بس وقفت تطالعهم......مب قادرة تدخل......ومب قادرة ترمس :...
سيف تقدم صوبها وسحب الشيلة وغطا راسها ...وحضن ويهها بإيده :...عنود نحن دومنا حذالج .....لا تسويين ف عمرج جــــــي
عنود مسحت دموعها وهزت راسها : انشالله........(ابتسمت)...شحالك زايد ؟؟؟؟
زايد ..هااااه؟؟ تكلمني؟؟ :.....الحمدلله إنتي شحالج.؟؟.
عنود : هه....مب مهم حالي.......(بصوت هادي ومتقطع)...ســ........ـــا.......فـ.......ر...؟؟
زايد : هزا............
سيف قاطعه : هيه سافر....
الشباب طالعوا سيف......يدرون انه خايف ع إخته.....وما يبى شي يضرها.....وخصوصاً وهي مريضة...وما تتحمل صدمات..بس لأول مرة عنود بهالمواقف قوية.....حتى أقوى عن هزاع:.
عنود طاحت بحضن سيف..... ><>< مشتاق له ميت عليه.. وينه بعد عمري أبيه..بحكي له عن كل الي صار.. عن غيبته ليل ونهار.. وبلهفتي بحضن إيديه .. وينه بعد عمري أبيه.. حسيت في غيابك حزن.. مريت بأصعب ظروف.. ليته يجي ليته يحن..وبعينه أحوالي يشوف.. من ياخذ أشواقي إليه .. وينه بعد عمري أبيه ><><.....:سيف.......سيف....(وراح صوتها بصياحها وشهقاتها)..
جاسم ماقدر يتحمل طلع بسرعه
ولحقوه الشباب...
**********
جاسم يالس فالسيارة ركب حذاله زايد
جاسم ساكت ويالس ينفخ بإيده ويطالع برع :..
زايد : والحين؟؟
جاسم صد له : مب عارف شسوي......كل واحد حاله أخس عن الثاني......عنود وايد تعبانه وخايف تكون طيحتها أخس عن طيحة هزاع...(تنهد تنهيده كبيرة)..خايف
زايد : هه....عيل أنا شقول؟؟........معاريس توهم مكملين شهرين.....جي يصير فيهم....
جاسم شاف سيارة محمد تحركت فتحرك هو بعد.....
***********
...بعد يومين...
في المستشفى
جاسم ابتسم : صدق مخيسة رقاد........يومين راقد مسود الويهه
هزاع ابتسم له :...منو يابني المستشفى؟؟
زايد :قول هو تم حد ما يابني المستشفى..
هزاع ابتسم .....صد لبدور : صبيلي ماي عنود..
الكل قاموا يطالعون بعض بحزن...
هزاع عدل غلطته .........بحزن : بدور ناوليني الماي
بدور صبت له ماي وناولته : هاك
هزاع مسك الماي وسرح :..
7
7
عنود :هههههههه....ما يسوى علينا....هزاع زوع اللي أكلتك له
الكل :ههههههههههههههههههههههههههههههههههههههههههههههه
هزاع يغني: لا لا تجاملهم.......حبيبي لا تجاملهم ....ذولا العواذل(يأشر عليهم) خلهم يولون
عنود: ههههههههههههههههههههه
هزاع:.. فديت هالضحكه يا ربي
8
8
زايد صد لجاسم :..
جاسم طالعه وتنهد :...
هزاع لا إرادي طاحت دموعه:..
7
7
عنود طاحت في حضنه :..هزاع خلني فحضنك خايفه....محتاجتك....لا تخليني
هزاع انصدم مب قادر يفهمها ....ليش كل ساعه تقول رمسه؟؟ :...لين متى؟؟
عنود ...مادري ...لا تسألني....آآآآآآآه :....
هزاع سكت ... حط راسه ع المخده...وهي في حضنه ولاوي عليها.....هو يقدر يبعدها عنه...بس هو بعد محتاج لها...... : خلاص بسوي اللي تبينه يا عنود... بس بعد شهرين ما بغـــ . ...
عنود قاطعتها :..خلاص تم....بعد شهرين بروح بيت أهلـــــي وإنت تروح المحكمه...والله يهنيك ..ويا غيري
هزاع نزلت دموعه بغزارة......ويا غيرج كيف؟؟.....ما أقدر؟؟....(تنهد ورص عليها بالقو)..:.
((((((((( ليش يا عنود؟؟ ليش؟؟ تسوين فيني جي ..........الفراق صعب ويالم وأنا ماقدر عليه روفي بحالي...........دخيلج))))))))))
8
8
جاسم حط ايده ع جتف هزاع : امسح دموعك.......لا أسطرك بكف.....(وابتسم له)
هزاع انتبه انه أهله كلهم هني فالحجرة......مسح دموعه :..لا الشيخ دخيلك
جاسم ابتسم : ويالله اطلع من البلاد ما نبى نشوف ويهك هني
هزاع :ههه بيلس ع قلبك عيل.....
جاسم : نحن حجزنالك ...وباجر طيراتك....
هزاع بجديه : مب مسافر
الكل : شو؟؟؟
جاسم : شو؟؟ اعذرني ترى هالأيام ما أسمع عدل ....شو قلت؟؟
هزاع : جاسم مب مسافر.......تفهم ولا لأ؟؟؟...
جاسم : ودراستك؟؟؟
هزاع : هه ..... انزين أدرس وأحصل الشهادة وبعدين
جاسم : تشتغل ........تعتمد ع نفسك
هزاع : حق منو اشتغل.......خلاص راح كل شي يا جسوم.....راحت عنود وخذت كل شي وياها....
زايد : عنود بخير يا هزاع.....ومثل ما هي بتكمل حياتها .....إنت كمل حياتك....بس اصبر عليها شوي.......بتردلك صدقني...بس اصبر
هزاع.......هه بتردلي كانت تتمنى هاليوم.....تباها الحين تردلي......:...
****************
الساعه 9 بالليل
بو سيف : آآآآآآآآآه والله ما يستاهل
سيف : أبوي أنا باجر بروح له مرة ثانية جان بتسير وياي
بو سيف : بسيييييير...........بس لا تييب طاري لإختك 
سيف : لا توصـــــــــي......يالله عليا
عليا : انشالله
***********
فصخ غترته :...
عذاري شلت الغترة وعلقتها :...شخباره؟؟
جاسم : أحسن عن قبل
عذاري : وعنود؟؟ ما رحتولها......
جاسم : اسكتي عنود مقطعه قلبي.........هزاع ريال ويروم يدبر عمره....بس عنود تكسر الخاطر يا عذاري .....
عذاري : الله يعينها.......ارتاح حبيبي......بروح أحطيلك عشا
جاسم حط راسه ع المخده : مابغي عشاااااا........أبا أرتاح....
************
عنود ضربته خفيف ع صدره : طيحت قلبي
هزاع : سلامة قلبج يا قلبــــــــي
عنود صدت لزايد وبدور وردت تطالعه : احشم
زايد : لا عادي .....نتابع أفلام مكسيكيه
عنود ابتسمت وتخطت هزاع تبى تروح :..
هزاع مسكها وسحبها صوبه ..: وين؟؟
عنود كانت مستحيه ..كانت وايد قريبه منه ..وأخوانه هني ..بصوت واطي : هزاااااع!!
هزاع : يا عيون هزاع..
7
7
زايد....آآآآآآآآآآآآآه يا عنود ......حرام اللي تسوينه في عمرج وفي هزاع.....ردي يا عنود مب بس هزاع محتاجج......الكل محتاجج يا عنود ........الكل!!!
***********
مها ....عنود ياختي مب قادرة أفهمج..................إذا صدق هالشي عسب العيال.....ولا عسب منصور... مب قادرة أفهمج تحبينه......ولا لأ.......تبين قربه ولا بعده....
************
هزاع : هلاااااا حمود ....شحالك؟؟.....الحمدلله والله بخير.....أبغيك بخدمه.......تسلم لي والله.......اييب المليج وتعال المستشفى.........قسم (................) حجرة (............).....اترياك .....أوكي عزيزي........باي
بعد ربع ساعه
حمد : هلا والله........سلامات ما تشوف شر
هزاع : الشر ما اييك.......وينه...؟؟
حمد : اتفضل.....
دخل المليج وبعده ريالين....ما أعرفهم....
بعد ما سلموا وتوايهوا
المليج : ورقة عقد الزواج وينها؟؟...
هزاع بطل بوكه كانت في ورقه مكسفة من الخاطر طلعها وعطاها لحمد ووصلها للمليج:.
يلس المليج يكتب......وأحس أنه الحبر من دمي أحس بالألم وهو يخط حرف.. حرف.....عطوه الشهود بطاقات الهويه وأنا بعد عطيته لحمد وحمد وصلها له....
المليج: باجر انشالله تروح المحكمه......وتاخذ ورقة الطلاق....
هزاع بلع ريجه :...
حمد : أنا بروح باخذها الريال تعبان.....وما بيطلع من المستشفى لين أسبوع..أسبوعين
المليج : خلاص ما عليه.........
وطلعوا ....سلم عليه حمد وطلع لأنه انتهى وقت الزيارة...........خلاااص يا عنود إنتي حره... وفكيتج من لقب حرم هزاع.....بس دخلتي بلقب مطلقة.....والله يعلم بالنوايا وبخفايا القلوب.......والله ربي يعلم بالآلم اللي بقلبي.....
**************
الصبح
الساعه 11
زايد : خلاص طرشت الورقة..
جاسم : زين سويت
زايد تنهد : بروح اليوم بشوف عنود
جاسم : خلها كم يوم......تدريبها ما تبى تشوف حد
محمد : ورقة شو؟؟
زايد : طرشنا ورقة مرض هزاع للجامعه فألمانيا....وكلمنا ربع هزاع....وقدروا يأجلون كورس ثاني لهزاع....بس بعد ست شهور لازم يروح يدرس...
ريال يا صوبهم : السلام عليكم
الشباب يطالعونه ونظراتهم تقوله إنت منو :..وعليكم السلام!!!!
الريال : حد عند هزاع ؟؟
جاسم : هيه الأهل عنده.....مشكور ع زيارتك الشيخ
الريال ابتسم : ..ما عليه بس عطاه هذي الورقه.....وقوله حمد ال___ي يسلم عليك
جاسم خذ الورقة : يوصل سلامك الغالي
حمد : مشكور وما تقصر..........(وراح)
زايد : ورقة شو هذي؟؟
جاسم بطلها......وحس بطنه بينفجر عليه.....والصدمة بينت ع ويهه :..
سيف : بلاك ورقة شو هذي؟؟
جاسم طالع ويهه سيف ورد يطالع الورقة :..
سيف سحب الورقة وانصدمممممممممممممممممممممممممممممممممم : طلقها!!!!!!!!
زايد : شو؟؟؟؟..........(وسحب الورقة من ايده......ويلس يقرا)......عقد طلاق......(يطالع الاسم(هزاع سالم حميد محمد راشد ال___ي)>>(((هالاسم من بالي طبعا))).........(يطالع الاسم الثاني) ....عنود مبارك حميد محمد راشد ال______ي........طلقها...؟؟ كيف طلقها؟؟..........(وربع داخل...الكل ربع وراه......زايد خبيل....بيسوي أي شي)....
الكل صدوا للي فتح الباب
بو محمد : شفيك زايد حد جي يبطل الباب ؟؟
هزاع يطالع زايد : بلاك جي اطالعني؟؟
زايد كان يطالع هزاع بنظرة احتقار......تقرب منه ومد له الورقة...: أقرا يا الشيخ هزاع
هزاع سكتت ويطالع الورقة :...زايد مب غلطتي .....هي قالت
زايد قاطعه وصرخ : حتى لو قالت .......تروح اطلقها......ياهل إنت؟؟.....
الكل : شوووووووووووووو؟؟؟؟؟؟
هزاع سحب الورقة من إيد زايد :...
سيف طالع هزاع : أنا ما بلومك.......بس لو إنت صدق تحبها كان ترييت عليها ع القليل أسبوع مب من ثالث يوم تطلقها.....
هزاع : والله أحبها يا سيف......إنتوا ما تعرفون شي ولا حتى تعرفون السبب.....عنود وصلتنا لطريق مسدود.......
سيف هز راسه : ما عليه..........(سحب زايد ) امشــــــــــــى......
هزاع : سيـــــف
سيف صد له :....
هزاع : عطا عمـــــــــــــي
سيف بلع ريجه .........بس محد يقدر يمهد الموضوع له غيري ............تقرب وخذ الورقة من أيد هزاع ....بس نزلت دموعه ..ذيج الساعه .....بتقولون ليش وهذا ريال وع أي شي يصيح.......بس هو كان يفكر بحال أبوه عقب ما يخبره.....خايف ع أبوه وأخته وولد عمه....والله مصااااااااايب :...
هزاع من شاف دموع سيف .....نزلت دموعه ولوى عليه :..
سيف تنهد ومسح دموعه : يالله عيل هزاع.....بييك العصر....
هزاع : انشالله
وطلع سيف وهو يفكر كيف يفاتح أبوه بمثل هالموضوع الصعب.......أبوه بيتعب وخايف عليه من القلب......بتكون هالطيحه الثالثه له......كيف أخبره؟؟...كيف :..
بدور تصيح : ....
أم محمد وهي تمسح دموعها : حد كان يتوقع هزاع وعنود يطلقون.....حد!!!!!
هزاع مسح دموعه ":،‘,’يا ظالمة زينك بشين السواياا..من وين لك قلب ع طول جاير..مبغى الدوى لا صار جرحك دوايا..باجر ع الظالم تدور الدواير’,؛:" :..يا امايا لا تزيدينها علي روحي تعبااااااان
<<<<<<<<الكل سرحان ويفكر شاللي بيصير بعد اليوم>>>>
**********
عنود ..... زمن قاسي وامل مخدوع وجرح كبــــــــــــــــــــــير بلايـــــــا حدود
دنيا تدور ما همها ..لا بحولــــــــــــــــــــــــــــــــــــــها ويمهـــــــــا
ناس تعيش فرحانه وناس تمـــــــــــــــــــــــــــــــــوت بهمهـــــــــــا
أعيش بهالعمر لحظات ولا ادري وش باقــــي مــــــــــن عمري
أداري جرحي بالآهات وأداوي بالصبـــــــــــــــــــــــــــــر صـــبري
ليالي طوال على هالحال وتواسي ليلي مـــع فجـــــــــــــــــــري...(منقول)..(تصيح).....: شحالك هزاع؟؟ إنت بخير من دوني؟؟ ولا تعاني مثل ما أنا أعاني؟؟
************
سيف : أبوي ....إنت تعرف عنود يايه هني ومب ناوية ترد لهزاع....صح؟؟
بو سيف تنهد : هيه يا ولدي أدري........بس ماقدر أغصبها ع شي......ما كافي غصبتها عليه وأنا مادري عن رايهها.....
سيف : ومثل إنت ما تقدر تغصب عنود إنها ترد لهزاع؟؟.....ما تقدر تجبر هزاع ولا تلومه ع أي خطوة بيسويها....
بو سيف : شسالفه يا سيف؟؟....
سيف : أبوي إنت تدري إنه كل شي بيصير بين هزاع وعنود هم يتحملون النتايج؟؟
بو سيف : يعني تبانا نطلع منها وما نسوي شي؟؟
سيف : بالضبــــــط
بو سيف : انشالله
سيف : هزاع طلق عنود
بو سيف : شووووووو؟؟
سيف يعطيه الورقة : وهذي ورقتها......
بو سيف مسك راسه ويلس :...لا مستحيل يصير جي....
سيف : أبوي ........ حط بالك ع صحتك ....وخل المشاكل ع صوب
بو سيف تنهد : بنتي مطلقة!!!!عنود ....عنادي بنتي مطلقة!!!!!
سيف تنهد وياي يطلع : ......
بو سيف : لا تقول شي لعنود عن الورقة.....خايف بنتي تروح من إيدي...
سيف : لا توصي يا بوي.....عنود إن درت بتروح فيها....
**********
زايد يالس ع كرسي الكمبيوتر ويهزه بقو.....
7
7
زايد يصارخ : عنووووووووووووووووووووووووووووووووووووود........عن وووووووووووووووووووووووووووووووووووووووووووووووووو ووووووووووووووووووووووووووووود
عنود يات تركض من الدري : ...بلاك؟؟
زايد : شفيه هزاع؟؟
عنود تقربت صوبهم :..........(من شافت حالة هزاع بلعت ريجها)...
زايد ....من تقربت عنود منه ....انصدم ....حالتها أخس عن حالة هزاع....ويهها يبين عليه السهر والتعب.....وعيونها حمرة ووارمه ............ : شفيكم؟؟
عنود ابتسمت له بحزن : ما شــــــــي
زايد :..شو يعنـــــــي ماشي؟؟........أنا مب ياهل تسكتوني بكلمه...
هزاع وقف : ومب عود عسب تفهم اللي يصير لنا........(وطلع)
زايد ..هذا شو يقول؟؟......كيف يعني ما بفهم؟؟ .....(صد لعنود) ...(ورفع حياته) :..
عنود تنهدت : زايد أنا بروح غرفتي.......تأمرني ع شي....؟؟
زايد : لأ......بس متى ما بغيتي تشكين لحد أنا أول واحد تفكرين فيه سمعتي؟؟
عنود : حاضر سيدي......(وابتسمت أداري حزن كبير بقلبها)..
8
8
ليش طلقها .؟؟؟....شو الشي اللي أنا ما بفهمه......؟؟....حتى لو شو كان ما يعطيه الحق انه ما يتفاهم وياها....ويعيشوا هم الاثنين فعذاب....
*************
العصر
صالة بو سيف
عليا : ما يستاهلون....والله هذي عين
سيف : هه خلاص صار اللي صار.........وهزاع يقول انهم وصلوا لطريق مسدود
عليا : معقولة......بس الكل كان يشوف الحب فيهم كلامهم....فعلهم ....صفاتهم....كل شي
سيف : يحبها ولا ما بتلاقينه طايح فالمستشى الحين........وتحبه والدليل تشوفينه جدامج كل يوم....
************
عنود طلعت تمشي وتتساند ع كل شي جدامها ....سيف وينك.......خلاص أبا هزاع....ماقدر أعيش بلياه.......كانت دموعها ع خدها من ابتعدت عنه هالدموع ما ابتعدت عن عيونها وخديها...وخاوتهم......نزلت من الدري بصعوبة بس :.....
سيف : ورقة طلاقها عند أبوي الحين.......بس أبوي وصاني ما يوصل أي خبر لعنود...
عليا : بس والله مب قادرة استوعب توهم من كم أيام سمنه على عسل.....واليوم صارت طليقته....
عنوووووووود صاحت زود : لالالالالالالالالالالالالالالالالالالالالالالالالا لالالالالالالالالالالالالالالالالالالاللالا....
سيف وعليا صدوا لها وربعوا لها :....
سيف : عنود حبيبي........عنود
عنود كانت منصدمه نزلت بهدوء ويلست ع الدري وبهدوء :..طلقني؟؟
سيف وعليا يطالعون بعض وساكتين
عنود : ورقة طلاقي عندكم ؟؟؟
سيف نزل لمستواها : ..حبيبي مب هذا اللي كنتي تبينه؟؟.....
عنود وقفت تبى تروح عنهم بس التعب هد حيلها والصدمه خلتها أطيييييييح ع ورى :.
سيف : عنوووووووووووووووووود.........علايا ايبي عباتها.....بسررررعه
عليا ربعت بسرعه فوق .....المفروض ما تركض لانها حامل بس من الزيغة :..
سيف يصفعها خفيف ع ويهها : عنوووووووود.......عنوووووووووووووود فديتج ردي علي......عنووووووووووووووووووود.....
عليا :قومها بلبسها....
سيف حطا عليها العباة وحطا الشيلة ع راسها .....وربع بها لين السيارة....وعليا وياه:.
************
زايد سحب الفوطه.......بسبح وبروح عند هزاع.....وبعدين بمر عنود.....لازم أكلمها....ماقدر أتحمل هالحزن اللي مخيم على المكان... وع العايلة.....فرحنا يومين ... طاحت علينا هالمصيبة......لو فرحنا أسبوع شبيصير؟؟...............بيطلقوا كل المعاريس.........هههه
*********
هزاع ابتسم لهم : قالوا بيطلعوني بعد أسبوع...
عذاري : زين قعدة المستشفى روحها تمرض
جاسم : ويالله بنتكرم عليك وبنعزمك عدنا أسبوع
هزاع :ههه زين يوم طلع فيك كرم بو محمد
الكل ابتسم لهزاع:..
هزاع نزل راسه ورد يطالعهم : ممكن سؤال؟؟
راشد : أسئلة جان تبغي بعد
هزاع ابتسم بحزن :..عنود....شخبارها من دوني؟؟....
الشباب تغير شكلهم وقاموا يطالعون بعض وكل واحد يخز الثاني بعينه عسب لا يرمس :...
والباجيين يطالعون ويتريون الرد......لأنه محد راح لها غير الشباب
هزاع : شخبار عنود؟؟
جاسم : الحمدلله......تشقح وتنطح (وابتسم له)
هزاع ابتسم بحزن : ....
******************
الدكتور : إنت شو تقرب للمريضة؟؟
سيف : أخوها
الدكتور : ممكن أكلمك ع انفراد..
سيف هز راسه وراح مكتب الدكتور : خير دكتور
الدكتور : تفضل
سيف واقف : أنا مب ياي أتفضل
الدكتور : البنت نفسيتها وايد تعبانه.... وغير جي شكلها قاطعه العيشة صح؟؟
سيف تنهد : هيه
الدكتور : وعيونها يبين عليها أنها تعبانه وتصيح صياح....وإذا تمت جي آخر شي بتنعمي....
سيف بلع ريجه: انزين...شسوي؟؟
الدكتور : ..سوولها اللي تباه....
سيف : وإذا كان اللي تباه مستحيييل؟؟!!!!!!!
الدكتور : أنا بكتب لك كم دوا....ومهديات وفيتامينات.....بس لازم تحاولون ترضونها وتنسونها هالحزن
سيف : ما نقدر.......كل شي حواليها يذكرها
الدكتور : خلاص عيل.......أنا بحطيلها دوا فعينها ..مرهم عادي....وبلف عينها بشاش......هي عينها زينه وما فيها شي....بس يمكن هالشي يوقف دموعها وينسيها حزنها وتعبها..(طبعا هالشي صح ويسونه فالمستشفيات النفسية...بسم الله عليكم)
سيف : ومتى بتخوزه....؟؟؟؟
الدكتور : متى ما شفتها إنت ردت لطبيعتها....ايبها وأنا بخوز لها الشاش...
سيف : خلاص سوى اللي عليك...
الدكتور وقف ومد ايده لسيف :..مشكور ع تعاونك
سيف سلم عليه :..إنت اللي مشكور نحن ما سوينا شي
الدكتور ابتسم له وراح صوب عنود
*************
زايد يالس يتغتر.....آآآآآآآه يا ناس ليش أحس إني وحيد بهالدنيا ومالي أي حد ..... أشكيله ويواسيني.... "نصيحه"......إذا فكرت تحب حب اللي يحبك......بس بعد ما تنفع....أنا لو بغيت أحب وأعرس.....بخذ وحده عايشة تجربه ذاقت عذابها ومرها... حتى لو فشلت فيها بس بجي بتقدرني....أكثر......أدري بتقولون ((قالوا عنك خبيل بس هالكثر ما توقعنا؟؟))....بس صدق.....وحده مجربه وفشلت بتجربتها....أحسن من وحده تاخذني فار تجارب لها........Right؟؟؟؟؟...يالله الساعه 5 ونص بروح المستشفى...
*********
طلعت عنود من الحجرة الدكتور لف ع عينها بالشاش....وشيلتها كانت ع نص راسها ...وقصتها طالعه......وما كانت لافتنها....سيف ما اهتم لهالشي....اللي اهتم له صحه عنود وبس.....سيف ماسكنها من ايدها اليمين....وعليا ع يسارها....بس كانت ماسكه شي بإيده...وراصه عليه بقو ما هدته...

دخل زايد المستشفى.........هذي...هذي مب عنود........ربع صوبهم : سييييييييف....سيف
سيف صد له وعليا صدت له ......أما عنود واقفه مكانها....ما تعرف منو هذا؟؟ وليش وقفوا؟؟
سيف تنهد :..هلا زايد
زايد بلع ريجه ويطالع عنود : عنووووود......شحالج؟؟
عنود عقدت حياتها :..زايد؟؟؟
زايد : هيه نعم......شحالج؟؟
عنود ابتسمت : الحمدلله.......إنت شحالك؟؟
زايد : الحمدلله.....(تذكر هزاع ....ليش سويت بها جي يا هزاع ......أشر لسيف جنه يقوله عرفت؟؟ )......
سيف هز راسه بمعني هيه :....
زايد سحبها للأسنسير(اللفت):..
سيف : أيييييييييه زيووووووووود......(بس اللفت تسكر......سيف عصب.....يلس يضغط ع نقطة اللفت......لين ما وصل اللفت الثاني......ركبه ولحقته عليا )...:...
زايد طلع من اللفت .........ويلس يسحب عنود لين حجرة هزاع :...
عنود :زايد ......زايد وين توديني....زايد شوي شوي.......
زايد دخل الحجرة والكل انصدم......
عنود سحبت ايدها من ايد زايد : زايد ......إنت وين مودني؟؟.....وين سيف؟؟
هزاع شافها .......حس انه يتنفس بصعوبه :...
زايد : ما تبين تسلمين ع أمايا وساروه؟؟
عنود : ليش هم شيسوون هني؟؟
زايد بلع ريجه : يطعمون ناصر ومنصور...
عنود ابتسمت : ما عليه زايد .......سلم عليهم......ما بغيهم يشوفوني وجي حالتي
زايد : ليش؟؟
عنود : لأني أنا أستاهل هالشي.......
<<<<<<<<سيف فتح الباب بقووووو>>>>>>>>
الكل صد صوب الباب
سيف : إنت تستهبل شوووو؟؟؟
زايد يطالع الصوب الثاني مسوي طاف لسيف :..
سيف مسك ايدها وسحبها: تعالي عنود
عنود :سيف شوي شوي......سييييييييييف
سيف يسحبها ولا صد ورى :....
عنود : سيييييييف......(طاح شي من إيدها).......سيف صبر
سيف طلعها من الحجرة :..
عليا صدت للي فالحجرة :..آسفة......سيف ما قصده.....بس ما يبيكم تشوفون أخته وهي بهالحال........(وطلعت)...
هزاع : جاسم ليش تجذب علي؟؟......قلت لي هي بخير؟؟
جاسم سكت :.........(بعد ثواني).....والله ما كنت أدري إنها وصلت لهالحال...
زايد نزل وخذ الشي اللي طاح من إيد عنود .....طالعه....وتقرب من هزاع :..
هزاع : زايد ليش ما قلتلي إنها جي تعبانه؟؟........زايد بلاك دخيلك اللي فيني مكفيني
زايد مد أيده :..
هزاع طالع ويهه زايد وخذ الشي اللي كانت بإيده......يلس يطالعها فترة :..صورة العرس!!
زايد : طاحت من إيد عنود قبل شوي..
هزاع يلس يطالع الصورة ودموعه تنزل عليها :....



8
< 5 >
7



بعد خمس شهوووور
الصبح
أم سيف : عنود يمه .......أنا بسير العزا ....ما بتأخر
عنود : خذي راحتج أمايا.......بس أبوي وين؟؟
أم سيف : راح القهوة عند ربعه.........هيه صح سيف أخوج اليوم بيي....
عنود : والله تولهت عليه من يومين ما شفته....
أم سيف : اليوم بتشوفيه ........يالله بحفظ الله
سيف خلص بيته من شهرين وانتقلوا له.....بس كل يوم أيينا بس من يومين ما يا..
عنود ......بقوم أسويلي شاي حليب....ما أبغي ريوق.....هههه أوني بعتمد ع عمري ...
دخلت المطبخ خذت الغلاية وحطيت فيها ماي.....وحطيت الشكر ....بس وين الشاي.....اممممممممممممممممممم هذوه ..........الحليب ويييييييين؟؟..........بعد بحث حصلته في الكبت اللي فوق.....حطيت الغلايه ع النار اترياه يثور.....(ههه أوني أعلمكم كيف تسوونه).......آآآآآآه يا هزاع......مادري شخبارك؟؟ وشخبار دراستك؟؟... من زمان ما شفتك ولا سمعت ضحكتك........كل ما أيي راشد يزيد شوقي وعذابي....مادري أكيد يوم بتيي بتعرس ؟؟....ما أتخيل أيي اليوم اللي يقولوا لي فيه هذا ولد هزاع....(مسحت دموعها) ........أنا غبية للحين أصيحه....
(..................) :.. يا خل يا مجفني ناسني مبعد ولا تسأل
وشبك خلفت الظن بي مذعني بين هموم ووجع
ويل و كدر مسقني مشقني حكمك ما هو عدل
عنود خافت تصد وراها عن يطلع حلم.........بس فالنهاية التفتت .....:...
(................) يكمل :..أنا بهواك أغني في فني لجلك تركت الكل
غيرك محد فتني وأذهلني يا كامل البدّل
حبك سكن ومحني مقصني ما خذني بالمهل
لا ذكر عهد معطني لاكني ما شفته بالفعل
صابر أنا ومتمني عسى أني ألقى لصدك حل
خلك معي مدعني دامني متعلق بالأمل
يا خلي يا مجفني ناسني مبعد ولا تسأل.....
عنود كانت لا بسة كندورة بيت كت بيضا....وشعرها لافته بمشبك والخصل طايحه منه....ما تدري تستر عمرها بشو؟؟......شافت شمد صلاة عدالها حطته ع راسها ............هه آخرتها أتغطى من هزااااااع :...
هزاع ابتسم :..شحالج؟؟
عنود ردت له ابتسامه : الحمدلله يا ولد عمي.......تبى شاي حليب؟؟
هزاع : أكيد عنود تسوي شي ......وأرفضه...
عنود ابتسمت له.......ليش رد؟؟ وليش يعاملني شرات قبل؟؟....ع الأقل أشوفه تحت عيني ....أحسن من لا شيء .....(صبت له شاي ومدت له الكوب)..: تفضل.......(وصبت لها هي بعد)
هزاع : دام فضلج........(يلس يحرك الكوب يمين ويسار ....).......(كيف أقوللها كيف أفهمها.....آآآآآآآآآآآه ليش تعاملني جي) .....:...
عنود ضربته ع جتفه : بشو سرحان؟؟
هزاع صد لها ....وابتسم :..كالعاده....
عنود تبى تتهرب من نظراته :...ليش رديت من الدراسه؟؟.....عندكم إجازه؟؟
هزاع يطالعها : وليش أنا متى رحت أدرس عسب أرد؟؟....
عنود : شو؟؟ بس سواف قاللي..
هزاع تقرب منها زود ...وقاطعها : يعني كنتي تسالي عني..؟؟!!
عنود رجعت ورى تبى تبتعد عنه وابتسمت له :..لا تصدق عمرك وايد...
هزاع تقرب منها...وطالعها بنظرة : عنود
عنود تبى تتهرب من نظراته بس هذا هزاع حبيبها ...ما تقدر خلاص.....دخيلك يا هزاع ما ابغي أضعف جدامك.....
هزاع بصوت تعبان عذاب :.. عنود
عنود نزلت راسها : لبيه
هزاع : أبغي القرب.....دخيلج يا عنود
عنود صدت له : بـــــــــــــس......
هزاع : بس شو؟؟ بعدج رافضتني؟؟ بعدج ما تبيني؟؟
عنود : هه..لأ بس تتوقع أنا أستاهلــ...
هزاع حطا إيده ع حلجها ....:...هيه ولا لأ ؟؟؟
عنود : وأنا أقدر أردلك طلب...
هزاع ابتسم لها :......وين عمي؟؟؟
عنود : في القهوه.....
هزاع غمز لها :..زهبي عباتج........بسحب عمي من كشته وبييبه
عنود : ههههه...
هزاع رفع إيده لها وطلع ..........ركب سيارته وراح:...
عنود تصارخ صح ما يسمعها بس من وناستها : 

أأأأأأأأأأأأأأأأأأححححححححححححبببببببببككككككككككك كك............

****************

بو سيف : الشغل كاسر ظهري والله
بو خليفة : كبرنا وما نقدر نتحمل ..... متى بيظهرونك تقاعد؟؟
بو سيف : والله طلعوني بس أنا رفضت وبالواسطه رديت
بو خليفة : ليش عاد؟؟
بو سيف : ماقدر ايلس فالبيت لسببين ..ماحب يلسة البيت لأني تعودت ع الشغل........(تنهد)....ولاني ماقدر أجابل عنود وما تنزل دمعتي عليها...
بو خليفة نزل راسها :..خليفة خطبها ورفضت.....وخطبوها وايدين ورفضت....
بو سيف : اسمحنا يا بو خليفة.......بس البنت ما تبى تعرس بعد ولد عمها...
بو خليفة : مسموح والله......وإذا عن...
هزاع من بعيد : عممممممممممممممممممممممممممممممممي ......
الكل صد صوب هزاع .....:...
بو سيف وقف : هزاااااع!!!
هزاع يا صوبه وهو يناهي .......مسك ركبته وتم يناهي.....:..
بو سيف : شفيك هزاع ؟؟ حد صابه شي؟؟سالم فيه شي؟؟
بو خليفة : بلاك يا ولدي؟؟
هزاع وقف :...عمي طلبتك لا تردنــــــــــــــي......
بو سيف : ما عاش من يردك......ارمس!!
هزاع : أبغي عنود
بو سيف : شووووووووووو؟؟؟
هزاع يلس ....وتم ساكت شوي....عسب يستوعب بو سيف السالفه...ويعدل الطريقه اللي قالها فيها صدق إني مطفوق.. ..منزل راسه :...
بو خليفة : والحين حد ايي يخطب جي......؟؟
هزاع رفع راسه طالع بو خليفه وطالع بو سيف:..
بو سيف كان سرحان فعالم روحه :...
هزاع : عمي دخيلك لا أنا أقدر أعيش بلياها ..ولا هي.......دخيلك يا عمي أدري ان نحن غلطنا....بس...
بو سيف قاطعه: لا تبرر موقفك.....
هزاع وقف : عمــــــــــــي دخيلك....أنا اليوم بالليل بسافر ألمانيا وأبغي آخذها وياي
بو سيف : السالفه ما يبالها تفكير.......بس إذا البنت وافقت......الحين بنسير المحكمه......
هزاع لوى عمه : مشكووووووور عمي.....ما تقصر...و...
بو سيف حط ايده ع حلجه : اسكت فضحتنا.....
بو خليفة : وأنا الشاهد ...
هزاع ابتسم لهم..........: يالله بسرعه.....(وربع لسيارته).....
بو سيف : ههههههههههه......
بو خليفه : هههههه الله يهنيهم
وصلنا البيت......خلال خمس دقايق....
بو سيف دخل البيت : عنوووووود.........عنووووووووووووووووووووووووود
عنود كانت لابسة بدله وكاشخه : هلا أبوي
بو سيف عقدت حياته : ليش جي كاشخه؟؟
عنود تجذب : سيف وعليا اليوم بييون يتغدون عدنا.....
بو سيف : أهااااااا.........عنود ولد عمج خطبج....
عنود صدت وراها عن تبين وناستها .....:...أي ولد عم؟؟
بو سيف : هزاع يبغي يردج...
عنود صدت لابوها : ويعني؟؟
بو سيف : موافقة ولا لأ......أنا صح غصبتج قبل بس الحين شورج بإيدج....موافقة؟؟
عنود : .....أحبه كيف ما بوافق......
بو سيف انصدم من جرأة بنته :هههه حسبي الله عليج....بتفضحينا...
عنود : هههه......
بو سيف : لبسي عباتج......يالله أبغي أفتك منج...
عنود ابتسمت له .......وربعت فوق تلبس عباتها :...

ورحنا المحكمه......وملجنا.........................برع المحكمه

بو سيف : ما وصيك عليها يا هزاع....
هزاع منزل راسه ومبتسم : لا توصــــــــي عمي....
بو سيف : هاااااه عنود الثقل صنعه ...
عنود : ههههه.....
هزاع رفع راسه ومد ايده لها : مبروك
عنود حطت ايدها بإيده : الله يبارك فيك...
هزاع طالعها شوي وسحبها بحضنه.....:...
بو سيف : حسبي الله عليكم فضحتونا.......شوفوا الكل يطالع ........أنا خلاص ما يخصني فيكم...........(ركب سيارته ودق لهم هرن وطلع).....
***********
بو محمد : صددددددددددددددددددق!!!!!!!!
زايد : هيه السبال .......توي دريت من سيف.....مسكين سيف روحه منصدم
أم محمد : الله يوفجهم يا ربي....
بدور تغمز لزايد : أمايا .....ترضين ولدج يتزوج بالسر......وإنت آخر وحده تدرين؟؟
زايد : لاا وما تعرفين ......إلا من أهل البنت.....يا خسارة تربيتج يا أمايا
بدور : هيه والله.......ما يستاهل هالسنين اللي تعبتيهن عشانه.....
زايد : هي والله حمليته فبطنج 9 شهور....
بدور : وسهرتي عليه الأيام.....
زايد : وغير تعليمج له....وتربيته
راشد : بتسكتون ولا لأ .........عيوز خيبر وأخوها
زايد وبدور : هههههه
أم محمد : المهم ولدي يكون مستانس ....
زايد يمد بالكلام: أونننننننننننه ..........أماااااااااااااايااااااااا.............م ا زعلااااااااااااانه
بدور : هههههه

بعد سنتين

دخلت و عمامي كلهم وياي....شفت الملاك اللي تريته سنين واقفه ع الكوشة تترياني أشيل عنها الطرحه... وأبدأ أحلى حياة ....مع أغلى وحده فحياتي......بخبركم خبر بيفرحكم وايد بس خل أرجع بذاكرتي لسنتين ورى 
7
7
جدام الجامعــــــــــــــــــــــــــــــــــــــــــــ ــــــــــــــة
زايد : ألو سلطان...
سلطان : هلااااااااا زيود
زايد : ياخي أختك مب راضيه تركب ........تتحراني بخطفها ههه
سلطان : عنلات فيسك ......عطني برمسها
زايد : الشيخه....
عفرى : نعم؟؟؟
زايد : سلطان يبغيج........(وعطيتها الموبايل)....
عفرى طالعته ...وخذت الموبايل......وبتردد :...ألو؟؟
سلطان : ههههههههههه ركبي .....شفيج فضحتينا
عفرى : سلطان أركب ويا واحد غريب؟؟؟
سلطان : هذا نسيبنا......أخو بدور.....وبعدين عفروه أنا رحت الفجيرة ضروري........عندج أخو ثاني عسب ايي ياخذ؟؟....
عفرى : يوم إنت مقطوع من شيرة .......أنا شو بكون؟؟
سلطان : مقطوعه من نخله هههههه
عفرى : عن العبط لا أفلعك الحين
زايد عطاها ظهره وضحك :...ههههه
سلطان :..ههههههه
عفرى تعلي صوتها عسب يسمع زايد : ضحكتوووووووووا بليه ضروس
زايد صد لها وابتسم: وصلت الرساله...
عفرى سوت طاف :...خلاص بركب.......بس تعال وبرويك شغل الله.......باي...(ومدت الموبايل لي )......هاك...
زايد : تفضلي......يا آنسه
<<<<<<<ركبت عفرى ورى >>>>>>
زايد مشيت شوي :...احم احم...
عفرى كانت تطالع الطريج وسرحانه:..
زايد يخلي عمره يكح : كح..........كح
عفرى انتبهت : عدال عن تغص....
زايد : ههههههه..........تدرين؟؟
عفرى رفعت راسها :...؟؟؟؟؟؟؟
زايد : الحزن اللي فويهج.......يدل ع شي واحد بس....
عفرى : أي حزن؟؟ لا تطلع سوالف......أنا مستانسة ولا فيني شي
زايد : يدل ع فشلج فتجربه في حياتج....
عفرى : يالسين فمختبر علوم نحن...
زايد ابتسم :...إنتي كنت متعلقة بشخص وهالشخص خلاج ..صح؟؟
عفرى : ؟؟؟؟؟؟؟؟؟؟ لو سمحت لا ...
زايد قاطعها : أنا أعرف أقرا العيون وتعابير الويهه....بس اللي ما عرفته فعيونج إذا هالشخص هجرج ...ولا راح لربج....ولا القدر حال بينج وبينه.....
عفرى :.إنت دارس فلسفه.؟؟
زايد : ههههه ......بس تدرين الكل يقول لي خبلة.....يوم أخبرهم عن صفات اللي بتزوجها....
عفرى : ليش؟؟
زايد : لإني إذا باخذ وحده .......لازم تكون مارة بتجربه وفشلت فيها......لأنها بتكون عايشة تجربه ذاقت عذابها ومرها... حتى لو فشلت فيها..... بس بجي بتقدريني....وتفهمني أكثر...
عفرى رفعت واحد من حياتها : إنت غريب؟؟؟؟؟؟؟
زايد : maybe.......بس للحين ما حصلت إلا بنت وحده......ولحد الحين رافضه
عفرى ...نست عمرها وتمت تسولف وياه :...رافضة لشخصك؟؟......ولا رافضه الفكره؟؟
زايد : رافضة بشكل عام.......
عفرى :أهااااااا
زايد : ممكن من وقتج شوي ؟؟
عفرى : تفضل
زايد :.. ممكن اعرف الدرب لين قلبج من وين؟
عفرى سكتت......كان يرمس عني أنااااااا ...شوووو هالقفططططططة.....خيبة كيف القط ويهي الحين...........كله منك يا سلطووووون...تمت منزلة راسها وساكته
زايد : عفرى انزين نحاول يمكن تحبيني بعد العرس؟؟
عفرى بلعت ريجها :...
8
8
واليوم عرسناااا.........السباله ذلتني سنه كامله.....وبعدها خلت فترة الملجه سنه كاملة أونه تتعرف علي أكثر.....بس فالنهايه يبتها.....بعد ولد ال____ي وما ايبها مايصير.....هههههه......
خوزت الطرحه من ويهها وبستها ع راسها :....أحبج يالحمارة
عفرى رفعت راسها وطاحت عينها بعيني : أحبك يا بعلي العزيز 
زايد : ههههه
أم ود شالة بنتها ع ايدها : مبروك بو خليفه.......ما بغيت....
زايد : ههه...الله يبارك فيج....يا عنود......عقبال ود
ود : أنا ما بعرت(أنا ما بعرس)
زايد : عقبال ميت سنه عنوسه..هههه
عنود ( أم ود): ههههه........(يرن موبايلها........نزلت من الستيج وردت عليه)......ألو
بو ود : فديت أحلى راعية ألو بالدنيا
عنود : هههههه.......خير شبغيت...
هزاع : في وحده تكلم ريلها جي.......باي باي بسكر
عنود : ههههه ........أفااااااا حبيبي تزعل من عنادي....
هزاع : وأنا أقدر........أنا مشغول حدي...
عنود : وليش متصل؟؟
هزاع : هههههه عسب أقولج شي....
عنود : شووو؟؟
هزاع :.. أحبج يا لذة غرااااااااااااااااااااااااااااااامي...




وانهي الحين قصتي........قصة خلطت بين الحب والعذاب.....بين الحب الأول والثاني..... 

.....ربحت عنود حبها الأول.........وربح سيف حبه الثاني........

......يقولون مالحب إلا للحبيب الأولي..... وهذا مب دايمن صح.........

.....ويقولون بعد حب اللي يحبك بس القلب مب بإيدك تتحكم فيه......

.....ويقولون الكرامه أغلى من عزة النفس......هالشي صح.....بس في ناس ما يقدرون يتخلون عن حبهم بهالسهولة.......


السموحه لو طالت عليكم قصتي......
بس هذا اللي قدرت عليه......
انشالله عيبتكم القصة ونهايتها......
كنت أقدر أحولها لنهايه مأساوية.....
بس كافي الحزن اللي خيم ع الأجزاء......قلت بروف بحالكم......وبونسكم..........خخخ

ويمكن لأن قصصي الثلاث القبلية كانت نهايته مأساوية من الزين.....
والكل كان يقولي أسوي قصة آخرها وناسة وفرح.....


فنزلت لـ...ـ...ـ....ـ...ـ غرام ـ...ــ...ــ...ــ...ذة....


وفي قصصي القبلية كانوا البنات مظلومين فالقصة.....
ومن ناحية التغيير خليت الشباب هم اللي ينظلمون فهالقصة>>>خخخ مب كله نحن....نحن بعد نصير ظلام يوم نبغي....


يمكن نزلت دموع هزاع وايد فهالقصة بس هالشي شفته فالواقع......
والواحد من زود ما يحب حرمته ويهواها.....
من تزعل أحسه يصيح مع أنه في وايد أشياء فالحياة تصييييييح وايد رياييل ووايد رياييل ينهارون بسبت هالشي بس كان هو أقواهم وكان يهديهم ومستحمل....
ويمكن لأني حسيت هالشخصية غريبة شوي وفيها غموض
كتبت عنها.....

www.saif.waphall.com