مانسيتـــڪَ / بــســ أنـا طبعيـۓْ عنــيـــد
للكاتبه : احلى ظبيانيه
--------------------------------

الفــصــل الأول



البارحه:-
خوله عند نوال:وييه نوال اسبوع وبتموتين ..ملجتج ما بقى عليه شيء
نوال كان حدها مضايقه:خولوا اللي فيني يكفيني لا تقعدين تلعبين بأعصابي
خوله:قلتج لا توافقين على هالخقاق
نوال:خلاص هذا قسمتي واللي صار صاااار
خوله تحاول تخفف:اوجي خلاص يمكن بدر يطلع غير عن اللي متوقعينا
(خوله في خاطرها اشك الصراحه الله يعينج نوالوا)

اول ما سمعت حسه .. وقفت
نوال :اشفيج؟
خوله:هــا ؟؟ هيه تذكرت لازم ارد البيت
نوال:ليش تمي معااااي
خوله:لا وراي مشاااغل لازم اجهز حق ملجتج شوفي لا صبغت شعري ولا زهبت شيء
نوال:قلناج تعالي اشتري معانا بس انتي عندج حركاااات غير شكل
خوله تبتسم:مو انا خوله غير شكل
ابتسمت نوال :طوفي اوصلج 
وهي نازله من الدري عينها تراقب عيون اللي ما رجع البيت الا عشانها
وتحاول تكتم فرحتهـــا ... 

وعمر مب لحاله في الصاله .. امه كانت معاه وتصير خالة خوله يعني نوال وعمر عيال خالتهـ،ــا

سلمت على خالتها
خالتها (موزه):ماشاءالله انتي من متى هنا
خوله:صار لي (ساعه) ضغطت على هالكلمه 
صار لي ساعه وانا هنا ..
عمر فهم كانت تقصده
موزه: هيه وانا توني راجعه من برع
خوله:زين يوم لحقت عليج قبل لا اروح
موزه:وين رايحه تمي 
عمر قاطعهم:انزين قولي عمر شو اخبارك شو مسوي
خوله ما تحب يوم يقعد يحرجها جدام أحد .. فردها دووم فيه قفطه
خوله تمثل:اوه عمر انته هنا تصدق ما شفتك
عمر:لا والله 
خوله:شو اسوي يوم انته ضارب مخفي
عمر:يمه شوفي هي اللي باديه
موزه:خاطري اعرف ليش كارهين بعض انتوا
عمر في خاطره:يالله الا امووت عليها انا
خوله اونها ضحيه:خالوا هو اللي يكرهني ودوم يضاربني
عمر وخوله يحبون بعض بس جدام الناس كله يضاربون وفي الحقيقه هم غارقين في هالحب ..
عمر كان عنده سوابق ... لأنه كان يحب خوله بس ما قدر يقولها شيء فكان يوزع هالحب للبنات ... لين ما اكتشف انه خوله بعد كانت تبادله الحب ... هنا ترك كل شيء وراه وركض ورا خوله
بس هالشي محد يدري عنه .. لأنه خوله طلبت منه يكون سر لين ما تخلص من دراستها ويومها يخطبها رسمي

نرجع عندهم..

باست خد خالتها:يالله خالوا استأذن
لو تلاحظون الكل كان يتكلم الا نوال ... لأنه بالها مشغول بشي خطير ناويه تسويهـــا اليوم ...
خوله:نوال 
نوال انتبهت: ها
خوله:يالله انا سايره وبالتوفيق غدا
موزه:ولا كأنه بعد اسبوع ملجتها مول مب محسستنا بفرحه
خوله زل لسانها:هذا اللي يزوج بناتهم بالغصب
يوم شافت خالتها تتطالعها قالت تعطي شرده أحسن لها

بعدما ركبت سيارتها اتصل فيها عمر
خوله ردت عليه وهي تضحك
عمر:هيه لازم بتضحكين 
خوله:ومنو قالك اني اضحك انته تتوهم
عمر:محد مخبل في غيرج
خوله بدلع:ترى مب بكل بساطه تحبني لازم تعاني شوي
عمر:حتى لو اعاني من ساسي لين ظفري بتحمل بس ما ابتعد عنج
خوله:ويييه عمر لها درجه تحبني
عمر:لا تصدقين عمرج وايد
خوله:لا والله
عمر:ههه شو فيج
خوله:ما فيني شيء
عمر:يالله عاد 
خوله:شــو
عمر:شو .. شو؟
خوله: يعني شو؟
عمر:شو عندج ذباب
خوله:هيه انت اكبر ذباب
عمر:هههه يا حبج للوصاخه
خوله:خخخخ يعني انته وصخ
عمر:افا انا بنظرج واحد وصخ
خوله:انت اللي قلت
عمر:أنا ما قلت انا وصخ انا قلت يا حبج للوصاخه
خوله عباله الريال ما فهم الحبيبه ما تعرف انه قاعد يستعبط معاها
خوله:انزين كنت تقصد عمرك
عمر:لا ما كنت
ادخل سيارتها في باركن بيتهم
خوله خايفه:يعني انت زعلان
اونه زعل:لا مب زعلان
خوله:بس صوتك يقول انك زعلان
عمر يتغلى :لا مب زعلان
خافت على صوت دقة الجامه .. ويوم انتبهت انه اخوهــا 
صكت الخط على ويه عمر 
بندت السياره ونزلت بسرعه:هااي اخوي
سيف:شو مقعدنج في السياره
وبصوب الثاني .. عمر مستغرب ليش صكت الخط على ويه فحط في باله انها زعلت .. 
فرجع يتصل لها
خوله تحاول انها ما تتوتر:ماشيء حسيت بتعب وبكسل وقلت استريح شوي
وهنا رن تلفونها
يطالعها سيف بنظرات:وليش ما تردين على الاتصال
خوله:لأني ما ابغي ارد فيها شيء
سيف:خل عنج طوله لسان ويالله داخل
خوله تروح عنه:تراني كنت بروح

دخلت الصاله وموبايلها بعده مستمر في رنته ... وما ارتاحت لين ما دخلت غرفتها وقدرت ترد عليه وتشرح عن وضعها

هذا احداث البارحــــه 


والحين نوقف ع ساعه 3 قرب الفير
يعني الوقت الحالي

طشت على صوت حرمة اخوهــــا

حصه:خولوا خولوا قومي ما بتصدقين شو صار
خوله مب متفيجه:شو فيج خليني انام
حصه:سمعي .. نوال بنت خالتج يقولج مسكوها الشرطه
هنا فزت خوله من نومهــا:شـــــــــــــــــــــــــو؟؟
حصه:اقولج نوال بنت خالتج مسكتها الشرطه
خوله تمت ساكته للحظه تبى تتأكد اللي سمعته صحيح ولا هذي حرمة اخوها تعق كلام في كلام

حصه:خولوا شو فيج ؟
خوله:انتي قاعده تقعين خيط في خيط صح
حصه:شو خيط في خيط يقولج نوال مسكوها مع واحد تسمعين ومب اي احد تعرفين منو هالواحد .. هيه اكيد تعرفين مو انتي قريبه منها انا متأكده انج تعرفين كل شيء من زمان .. يالله خولوا قولي لي كيف ومتى خطتـوا لكـل هـذا؟
بعدت اللحاف عنهــا: شو تقولين انتي؟

وقفت:ممكن تظهرين من غرفتي؟
حصه:شو فيج ليش تكلميني بها الطريقه
طالعتها خوله بتغصص ...ودخلت الحمام ..

حتى يوم طلعت من الحمام لقتها بعدها حرمة اخوها فضوليه يالسه
تأففت
حصه:وش فيج خولوا 
خوله مب متفيجه لها وراحت ادور على موبايلهــا ... يوم حصلته دقت على رقم نوال وتغصصت يوم سمعت إنه الهاتف المتحرك الذي طلبته مغلق ..
حصه:حبيبتي اكيد بيطلع لج مغلق ترى اقولج إنهــا في (قبل لا تكمل خوله صرخت في ويها وطلبت منها تظهر من غرفه .. بعدما طلعت حصه معصبه .. صكت الباب بقوه .. وخوله قفلت الباب)

خوله اتصلت في نوال مره ثانيه وطلع لها مقفل بعد .. 
خوله بخوف:ياربي شو اسوي ألحين .. اتصل في عمر ولا لا .. اخاف اتصالي بكون مب في وقته .. (تضرب يدها على الشبريه)ويييييه 
بالاخير قررت تتصل فيه .. 
اكثر من خمس مرات اتصلت بعد كل اتصال اطرش له مسج
خوله معصبه:وهذا بعد ما يرد علي
دقايق ويوصلها مسج .. قرت المسج بلهف:شو فيج انتي؟ انا مشغول الحين ومب متفيج لحد
قرت المسج أكثر من مره .. وبالاخير يوم تأكدت انه هو بالفعل طرش

عصبت وفـرت تلفونهــا ...

شلت بعمرهـــا وطلعت برع غرفتهـــا لقـت حصه يالسـه 
في الصاله وشاغلـه عمـرهــأ بالتلفـزيـون

نزلت تحت لكنهـا تجـاهلتهــــا ... لأنه عيـونهـا تنـاظـر لبـرع تتـريــا اخــوهــــا ... 

وحصه يوم شافت كيف خوله قاعده تتحرقص ومتلهفه .. تعمـدت تروح لأستديو موبايلها وتشغل من رنات اللي عنـدهـا
وخوله وحليلهـا اول ما سمعـت الرنه صـدت مسكينـه عبالها اخوهـا متصل .. 
خوله بلهف راحت عندهـا:ردي شو تتريـــن
حصه بعبط:ليش ارد ما تشوفين قاعده اسمع ولا انتي فديتج عبالج اخوج متصل (ضحكت بسخريه)
خوله عادي كان تذبحهـــا ... من القهر اللي حست فيه
لكنها الحمدلله قدرت تمالك نفسها ..


تقريبا قرب الفير سمعوا صوت سياره ... حست انه اخوهـــا 
وبدون اي انتظار زايد فتحت الباب وركضت بـرع ..

خوله شافت اخوها نازل من السياره:سيـف .. شو صـار مع نـوال؟
سيف تم يطالعها بنظرات تخوف ... 
خوله :وش فيك ليش جيه تتطالعني
سيف صرخ عليها:انجلعي دااااخل بسرعه
خوله بعد عصبيه وما تخاف من اخوهـا:وليش تصرخ جاوبني وين نوال وشو صار معاها
سيف راح عندها ومسكها من يدها :اقولج انجلعي داخل ما تشوفين منو في سياره
طالعته باستغراب .. :في سيارتك
يوم انتبهت لقت شخص في سيارة اخوهـا .. وتذكرت انها بدون وقايه ... دزت اخوهــا وركض داخل الصـالــــه
سيف حاس بقمه الاحراج .. وبنفس الوقت معصب ...
صد صوب بدر .. 
سيف:حياك بدر
يوم دخل الصاله ما لقى أحد ... وبنفس الوقت ناوي على حرمته .. هو مطرش لها مسج انه بدر بكون معااااه .. فكيف خوله ما تعـرف
المهم بعدين بتفاااهم معاها ألحين خله يواسي بدر .. ربيعه وبنفس الوقت ولد عم نوال و وعمر


خلاص بتمووت من الضيج اللي فيهـا وفوقه عمر ما رد عليها ... 
وبنفس الوقت تفكر في نوال ... شو صار معاهــا يا ترى


اما في بيت محمد (بو عمر)
فالحشره والضرب هو عنوانهـــم ...
من خذوا نوال لبيــــت .. ومحمد طايح فيها ضرب 
موزه تحاول ادافع عن بنتها:بو عمر خلها بتذبحها
محمد معصب:اقولج قومي عنها .. بذبحها هااااي ,, شو بنقول لناس 
(يصفعهـــا)
طاحت نوال على الارض
محمد تم يدور يدور على شيء عسب يذبحها ويفتك منها فلقى على مزهريه فراح صوبه لكن عمر منعه ... 
عمر:خلاص اللي صار صار ألحين لازم نفكر كيف نحل المشكله
محمد:المشكله محلوله خلاص هذي من باجر تزوج هالنذل وتنجلع معاه 
ما ابغي اشوفها دقيقه جدامي فاااهمين

قال هالكلمه وراااااح عنهــــم
نوال تحضن امها وتصيح من خاطر ... لكن امها معصبه منها بعد
مطت شعرها:ليش سويتي جيه ؟ يا بنتي ليش؟ اذا كنتي مب راضيه ليش ما قلتي لنا
نوال تصيح:قلت لكم اني ما ابغيه بس انتوا ما رضيتوا
تركت شعرها و وقفت:حسبي الله ونعم الوكيل .. حسبي الله ونعم الوكيل
تمت توقل هالكلام لين ما ابتعدت عنهم
اما عمر فتم واقف يطالعهـــأ .. وهي مب قادره ترفع راسها ودموع من عينها ما تفارقهــــا
وبعد سكوت دام خمس دقايق رمست نوال وبنفس الوقت كانت تصيح
نوال:والله عمر ما كنت اقصد .. بس بغيت اودعه .. وانسى اللي كان بينا .. من جيه طلعت معاااه .. اعرف اني غلطت بس والله والله اني احبه.. 
عمر ما اهتم لكلامهـا ... 
عمر:انا بس ابغي اعرف شي واحد .. خوله كانت تعرف
نوال استغربت ليش ياب طاري خوله .. لكنها ردت عليه:لا خوله ما تعرف محد يعرف عني وعن منصور
عمر:روحي اغسلي ويهج ونامي .. وتحملي اللي ياااج واللي بييـج
مشى عنهــأ تمت نوال لفتره تصيح


(الحدث):-

نوال بنت خجوله وعمرها ما تمنت شيء او طلبت شيء دوم اهلها او الناس او الدنيا تمشيها على مزاجهم ... لكنها يوم تلاقت وعرفت منصور ولد جيرانهم و ولد عم خوله .. نست كل شيء وما تبى شيء غير انها تتمسك بحبها لمنصور ونفس الحال مع منصور ..
تمناها تكون له على سنة الله ورسوله .. وكذا مره راح وخطبها لكن محمد دوم يرده لأنها خلاص محجوزه لبدر ولد عمها ولأنه حالته الاجتماعيه ما تمسح

ويوم شافوا انه ما شيء فايده وكل شيء بدا يضيع .. وحلمهم انهم يكونون لبعض دوم بدأ ينتهي .. 
اصر منصور نوال تظهر معاه وتكون معاه لو خمس دقايق .. نوال حاولت وحاولت ترفض لأنها عمرها ما سوت هالحركه .. ولا مره هو طلب منها بعد .. لكن هالمره تم يترجاها ويترجاها لين ما ضعفت جدامه وطلعت معاااه

تمت معاه فتره قصيره .. لكن هالفتره كانت كافيه انها ادمر كل شيء
واحد من ربع منصور كان يعرف عن خطة منصور .. وهو اللي بلغ عنهم وعطاهم رقم السياره.

مسكتهم الشرطه ونادوا على أهاليهم وصارت زوبعه وحشره في المخفر .. منصور حجزوا لكن نوال قدروا يطلعونها بسبب واسطه محمد ... 
وبدر يوم عرف السالفه كره نوال وطوايفها وقرر يقطع العلاقه
الكل كان حالته حاله .. ومحمد اصر يطلع نوال من البيت من جيه قال بزوجها لمنصور عسب يفتك منها وتعيش الفقر معاااه



وبصوب الثاني .,. عمر بعدما هدأ حس بندم .. واتصل في خوله
شرح لخوله عن كل شيء ... ومسكينه خوله مب مصدقه وكل مره تقول لعمر احلـــف لين ما طفر منها ... وطلب منها تصكر عسب ينام
وطبعا خوله تعرف طبع عمر كيف .. لا تحنـــون عليه اذا كان مضايــج ..
طاوعته بدون نفس وصكت منه .. 
خطر في بالها تتصل في نوال .. بس حست مب حلوه منها لأنه ما بقى شيء على صلاة الفير ... 

حطت راسها وحاولت تنام لكن ما شيء فايده .. تفكر في نوال وبنفس الوقت تذكر موقفها مع اخوها ..
تنهدت:اكيد بذبحني .. بس نوال ومنصور ..منصور؟ ما غيره
كيف ومتى وييييه طلعوا مب هينيــــن .. بس كيف كيف .. وهذا بدر ما لقى يحضر الا بيتنا أوه نسيت صديق اخوي العزيز ويييه يلوع بواحد
زين اللي صار له .. اوه استغفر الله شو قاعده اقول انا ؟ لا حــول بس كيف نوال ؟ والله انها قويه والحين كيف ؟
هالافكار وهالاسئله لاعب بمخ خوله ...ما قدرت تنام وهي تفكر بالاجابات

--------------------------------
--------------------------------------------------------------------------------

الفصل الثاني:-

خوله من صار الساعه 10 تلبست وطلعت من غرفتهــا .. 
ويوم نزلت تحت شافت حصه يالسه وتاكل الريوق مع عيالها

زايد: عمو خولوا
زياد: تعالي خولوا فطري معانا
خوله تبوس زياد: اصغر عيالك انا تقولي خولوا
وتبوس زايد:شوف زيود كيف يحترمني
زياد يتكلم مثل الاجانب:يووو خولوا خلج كووول
ضحكت على حركاته
زياد عمره 7 سنوات و زايد 6 ويحبون عموتهم خوله وايد
خوله تشرب عصير زياد
زياد:ليش تشربين مالي
خوله بعدما شربت:كيفي .. يالله انا بروح 
حصه عصبت انه خوله مب مسويه لها سالفه
حصه:على الاقل سلمي ولا صبحي علي اونج عاد ما تشوفيني
خوله تجاهلتها وتبتسم لعيال اخوها:يالله حبايبي

وطلعت من عندهــــم ... تأدبها عسب ما خبرتها عن بدر هي تعرف طبع اخوها لازم يخبرهم .. وخاصه حصه يقولها اذا احد معاها ... 
وعاد خوله فهمت حركة حصه تعمدت ما تقولها عن بدر وتخليها في موقف محرج مع اخوها ...

بعدما طلعت خوله من البيت وركبت سيارتها ... لازم في هالوقت تروح لكليتها لكن لا ... كل همها نوال ...

حتى اول ما وصلت البيت ... نزلت بسرعه ودخلت على الصاله وزين انه محد كان .. وسيدا على غرفة نوال
دخلت على نوال لقتها 
خوله بخوف:نوااال
نوال يوم شافت خوله ... غطت ويها وزادت صياح ..
خوله راحت عندها:حبيبتي نوال .. 
تحاول تبعد يد نوال عن ويهها:حياتي لا تسوين في عمرج جيه .. 
بعدما بعدت يدها عن ويها:خوله ما ابغي اعيش ما ابغي اعيش
خوله:حبيبتي لا تقولين جيه ...
خلتها تقعد وحضنتها:انا ما فهمت شيء وابغيج تفهميني عسب نعرف نتصرف
نوال تصيح وتتكلم: والله ما كنت اقصد اشوه سمعة اهلي والله والعظيم 
خوله يوم شافت نوال كيف كانت تصيح وتكرر حلفانها كسر خاطرها عليها
مسحت دموعها: يالله نوال تانكي عندج يالله عاد بس وخبريني على كل شيء
نوال منزله راسها ... ودموع مب راضي يوقف
خوله تبغي تخفف عليها:شكلي لازم استعير بسطل ولا انتي ناويه تغرقينا بدموعج
ضحكت نوال على الخفيف
خوله:هيه فديتج يالله خلج بنت مطيعه وقولي لي عن كل شيء
وبدت نوال تحكيه لها عن كل شيء


خوله بعدما سمعت كل شيء ... عيونها توسعت مب مصدقه
نوال تتطالعها:خوله ليش ساكته دخيلج ما فيني انتي بعد علي
خوله رجعت لطبيعتها:لا لا نوال انا..قاعده استوعب المقوله الحب اعمى .. مب مصدقه انتي يطلع منج كل هذا
نوال:خــوله؟!
خوله:شو خوله؟! حبيبتي من وين لج هالقوه احيدج تخافين من ذبابه حتى ... ومنصور هذا يسولف معاي بس ما خبرني عنكم اوه صح اذا انتي العزيزه وقريبه من قلبي ما خبرتيني كيف اتوقع من ولد عمي يخبرني
نوال تقاطعها:كنا خايفين
خوله وقفت ومعصبه:خايفين من شو انتوا حبيبتوا مب مسوين جريمه .. كان لازم توقفين في ويه اهلج بس مب تشردين معاه
نوال:انا مب كنت ناويه اشرد
خوله:مب مهم .. بس اللي سويتوا غلط (يوم شافت ويها كيف صار؟)
هــدت وراحت تقعد عند نوال:انزين خلاص اللي صار صار وألحين ابوج على شو ناوي
نوال:يقول انه بزوجني منصور وبعده ما اطب البيت
خوله:شيء زين والله
نوال تتطالعها
ابتسمت خوله:لا اقصد زين انه بزوجج بس انتي تعرفين شيء عن اهله
نوال:شوي
خوله:شوي ها؟ شوفي عنده ام واربع بنات والله يعينج عليهم كل وحده اخس عن ثانيه .. لسانهم متبري منهم
نوال:انا علي من منصور وبس
خوله:المهم اتمنى لج التـوفيـــق

عمر كان راجع من برع ويوم شاف سيارة خوله .. تضايق
بعدما بركن سيارته بجنبهـــا:خوله شو ياينج ألجين
اتصل فيهـــا

وبغرفة نوال .. رن تلفون خوله..
خوله ما انتبهت عليه لأنه كان على سايلنت
تضايج اكثر يوم ما ردت عليه ..
بعدما نزل من السياره .. سيارة سيف دشت البيت 
راح عمر صوبه وسلم عليه ويوم شاف بدر بعد نازل .. في خاطره:الله يعين بس
سار صوبه عسب يسلم عليه .. ولاحظ انه بدر جاف معاه شوي ما ينلام
سيف وهو يمشي بجنب عمر:مب كانه هاي سيارة اختي
عمر:شكله هي
عمر لاحظ انه سيف عصب


بعدما دخلوا .. للصاله الكل كان مجتمع بو عمر وام عمر وسيف وبدر وعمر .. حتى انهم اتصلوا في منصور .. اللي وصل بعد خمس دقايق

محمد يطالع ولده:روح نادى على نوال
عمر:بس ابوي
طالعه بنظرات :قلت روح نادى عليها
عمر:إن شاءالله

دق على الباب
نوال:منو؟
عمر:انا عمر
خوله جاوبت من بدالها:دش عااادي
بعدما دش طالع خوله لثانيه ورد يطالع اخته:نوال البسي وقايتج وانزلي تحت
خوله:ليش؟
عمر:يبونهــا تحـــت لا تتأخرين
نوال:إن شاءالله
خوله حست انه في شيء .. :انا بعد بنزل معاها
عمر:لا انتي اقعدي هنا احسن
نوال مسكت بيد خوله (يعني خوله لا تخليني)
خوله:لا بنزل
عمر:لا تعانديني
خوله:زين
عمر:لا تتاخرين 
طلع من غرفتهـا
نوال:خوله لا تخليني
خوله:اكيد ما بخليج .. انا قلت انزين عسب يسكت
لبست نوال وقايتها ومتمسكه بيد خوله:الله يخليج خوله لا تخليني
خوله:لا تشيلين هم

طلعوا الاثنين من غرفتهــم
عمر يوم شاف خوله نزلت معاه .. تغصص وعطاها ذيك النظرات الحاره..لكن خوله .. اللي في راسها بتسويه .. 
هالصفه اللي ما يعجبه عمر فيها انها عنيده..

بعدما نزلوا .. خوله سلمت على خالتها وريل خالتها ..
تخيلوا كل هذا وماسكه بيد نوال .. 
سيف:انتي شو يابنج
خوله:أنته شو يابنك
سيف شوي وبضربها:خوله 
محمد:خلاص عاد انته وياهــا
نوال تتطالع منصور .. اللي كان يأشر عليها بعيونه انه هو معاها ولا تخاف ..
نظرات اطمن ونظرات تقول يا خاينه وحقيره ليش سويتي جيه اللي هو نظرات بدر وخاصة بعدما لاحظ النظرات المتبادله بين نوال ومنصور
حتى بلحظه غضب صرخ:انتي صج ما تستحين 
نوال خافت وانخشت ورا خوله
خوله:شو فيك انهديت عليها
عمر:بدر هذا مب اسلوب تفاهم
بدر:اي تفاهم هو بقى شيء نتفاهم فيه .. هذي لو مربينها عدل كان ما سوت اللي سوته

شوي الا ويلقى نفسى طايح على الارض ..
ودم طالع من حلجه
عمر كان بروح وبكمل ضربه لكن سيف مسكه ومنعه
محـــمد عصب: عمــــر 
عمر:يبـــه انت بنفسك سمعتـــه شو قـــأل
بدر وقف:وانا شـــو قـلـــت اصلا محد مخرب نوال غير هاي .. هي اللي عبت راسها بها الافكار وكانت تقولها اشياء شينه عني انا بنفسي سمعتهــا

خوله والسكوت عن حقها هذا شيء مستحيل:انت ايه ليش تلومني .. نوال مب ياهل .. عسب اقص عليها 

سيف:خوله انطبي وانجلعي من هنا
خوله:سكت ربيعك اللي مخلي عمره ريال
بدر اندفع صوبها:أنا ريال غصبن عليج وعلى اشكالج
هنا عمر عصب:بـــدر ؟!

منصور:ممكن اتكلم
بدر:هيه تكلم حبيب القلب العاشق
منصور تجاهله:انا اقول لو ننسى اللي صار كانت غلطه وبدون قصد بعد وانا مستعد اتزوج نوال .. وعلى شروطكم بعد
محمد يطالعه باحتقار:انته شو عندك عسب تزوجها على شروطنا
منصور:انا مستعد اسوي اللي تبونه بس لا تفرقون ما بينا
بدر عصب اكثر وراح صوبه ومسكه من كندورته:اسكت انته يا رومانسي
اونك عاد
نوال خافت على منصور
عمر راح وبعـده عن منصور
محمد:خلاص خلاص منصور انته تزوج نوال وفكنا منها .. 
بدر مب مقتنع:بس عمي هذا اهانه لي
محمد:بدر اذا تباها تزوجها انا ما ابغي اشوفها في البيت
بدر :اكيد ما ابغي اتزوجها بس مب يعني تزوجها اللي تباه هي وتربح
عمر:بدر الاحسن تطلع من البيت عن اذبحك اعرف اختي اغلطت بس مب يعني تغلط عليها انته
بدر يطالع خوله:حسبي الله ونعم الوكيل
خوله:حوو انا شو يخصني
سيف:خوله انطبي
خوله:ما صارت هذا يالس يرد علي وانت تقولي انطبي
سيف صرخ:خـــــولـــــه
خوله بعد عصبت:شــــو؟
سيف خلاص وصل حده راح صوبها ومسكها من ذراعهـــا وسحبها
خوله:شوفيك هدني
عمر سار عندهم:سيف خلاص اتركها
سيف:هذي وايد مصختها
سحبها لين برع ... وما تركها لين ما ركبها سيارتها
خوله:يعني ليش ادافع عنه وما ادافع عني
سيف:انتي روحي البيت و ياويلج اذا طلعتي
خوله:هيه صح خوفتني
سيف:صك باب السياره واشر عليها تتحرك

اما عمر فحس انه منقهر ما قدر يسوي شيء.. وبنفس الوقت يلوم خوله لسانها موول متبري منها

ساعه وانتهى كل شيء .,.. محمد وافق على منصور يتزوج نوال وياخذها باسرع وقت .. اما بدر فما عجب القرار وطلع من بيتهم معصب


وسيف عاد يوم وصل البيت متحلف يضرب خوله ...
سيف:وينها هــذي اللي ما تستحي
حصه فيها فضول:شو سوت خوله .. 
سيف:مب متفيج لج وينها ما اشوف سيارتها في البيت
حصه:هي من طلعت ما شفتها
سيف:يعني مب في البيت
اتصل فيها ما ترد عليه ..
سيف:بذبحها انا هاي
حصه:انزين شو صار .. لا تقول خوله سبب في اللي صار لنوال .. كنت متوقعه انها ورا كل هالبلاوي اصلا اختك مشكلجيه 
قاطعها سيف:انتي ايه لا تغلطين على اختي عاد لقتيها فرصه
حصه:وش فيك تكلمني جيه لا طلع حرة اختك علي
سيف تنرفز:اهوووو محد بذبحني غيركم انتم الحريم اروح غرفتي ابرك لي

ترك حصه زعلانه:ابتلشت وياء هالعائله



اما خوله فطلعت حرتها على الاكل ..طلبت لها غدى و وقفت قرب البحر 
محطيه على الاغنيه وتاكل غداها

انتبهت على رنة موبايلها ..
تركت اللي بيدها اول ما شافت منو المتصل
خوله:هلا عموري
عمر:شو هلا انتي بعد .. بكل بروده تسوين مشاكل وتغادرين
خوله:شو سويت انا .. ما تشوفه ولد عمك كيف كان يغلط علي
عمر:الريال معصب اعذريه
خوله:لا والله عيل هو يوم بدا يغلط على اختك شوي وبتذبحه ما قلت معصب وبعذره
سكت عمر .. 
خوله:ليش سكت هيه صح اختك لازم بدافع عنها بس انا منو اكون الا بنت خالتك ليش بتعور قلبك علي
عمر:خوله عاد لا تقلبينها فلم هندي
خوله:انت اللي ظلمتني
عمر:انا قلت لج لا تنزلين بس انتي عنيده ما تحبين تسمعين الكلام
خوله:زين يا سيد عمر .. الحين انا عنيده واحب اسوي مشاكل وملسونه .. شكرا ما قصرت .. يالله مع السلامه
صكت على ويه قبل لا يقول شيء
مسكين عمر .. حارق تلفونها وهي مب مسوتنه سالفه وعاد حرقت اعصابه اكثر يوم غلقت تلفونها
اما خوله فكانت تضحك وتكمل اكلها:ههه خله يتأدب
تتطالع عمرها بالمنظره:خولوا ترى انتي صج عنيده ومشكلجيه (تضحك):فديتني والله

اما عمر فكان يحاتيها:ابتلشنا وهذا وقته تزعل

وبصوب ثاني بدر كان يحس انه هو قصى على خوله .. 
هو عمره ما تكلم مع خوله حتى ما بينهم سلام بس هو بإذنه سمعها يوم تقول لنوال:انه بدر شايف نفسه والله يعينج عليه
المشكله خوله حست بوجوده وانه واقف وراها .. لكن فوق هذا كملت كلامها ..
وهو المسكين ما قدر يسمعها اكثر ودخل الميلس

رجعت االبيت ... ويوم شافت سيارة اخوها تذكرت حركته
خوله:عباله خايفه منه
دخلت البيت وكالعاده حصه كانت يالسه 
حصه:اخيرا شرفتي
خوله:اقول عاد يوم البيت بكون بيت ابوج ارمسي
سمعها سيف اللي كان طالع من الحمام
سيف:شـــو قلتـــي
هنا صاحت حصه:سمعتها .. ما ادري انا شو مسويه لها كل ما تشوفني تعق علي نغزااات
سيف يطالع خوله ... 
خوله:ليش تتطالعني جيه لا يكون صدقتها 
سيف:انا بإذني سمعتج شو قلتي لها
خوله:وانزين شو صار انا ما قلت شيء غلط البيت مب بيت ابوها
سيـــف: خــــولـــــه لآخر مره اقولج احترمي نفسج
خوله تبتسم بكل بروده:اخوي العزيز انا محترمه نفسي بس بعض الناس محتاجين احد يعلمهم الاحترام
حصه اونها تصيح اكثر:سمعتها كانت تقصدني
خوله بعد مثلت:ويييه اخوي سمعتني اطري اسمها .. حبيبتي اخوي واعرفه ما يظلم احد وانا ما طريت اسمج .. لو ابغي بطري اسمج انا ما اخاف منج
حصه تتطالع سيف: ما تقولها شيء
سيف صرخ: اوووه ذبحتوني 


ورااااح عنهــــــم ,,,,,


حصه تضرب الارض بريولها بعصبيه
تقربت منها خوله:وحليله الارضيه ليش اطلعين حرتج فيه
حصه معصبه:خوله انجلعي من هنا
خوله:اللي بنجلع من هنا هو انتي يا عمـري
عطتها بوسه على الهوا:اموووح

مشت وهي تغني .. وخلت حصه على اعصابهـــا .. مب بس حصه كانت على اعصابها ... عمر بعد كان ينتظر مكالمتهـــا او مسج منها
مثل ما تشوفون خوله حادة الطباع وما تكون طيبه الا مع اللي هيه تظنه يستاهل طيبتهـا .

--------------------------------
الفصـل الثـآآلـث



صار الزواج بين منصور ونوال بكل هدوء .. وطبعا ما سلموا من لسان الناس .. اول المهنيئن كانت خوله وبعدها عمر .. اللي اشرطت عليه خوله ما تكلمه لين ما يوقف مع اخته

وما يحتاج الوصيه اللي وصته خوله لمنصور كيف يهتم بنوال وان صابها شيء بتوقف في ويه على قولتها عادي عندي انا ما استحي

خوله بعدما تأكدت نوال راحت لبيت ريلها .. ارتاحت وقررت ترجع 
لكن عمر اللي كان معاها ما رضى يخليها ترجع
واقف ع باب سيارتها
خوله:عمر وش فيك خلني اروح
عمر:لا حبيبتي ماشيء روحه
خوله مربعه يدها:وليش ماشيء روحه
عمر:لانه عمر اللي يقولج
خوله تبى تلعوزه اكثر:ومنو حضرته عمر
تقرب:زوجج وحبيبج
خوله تضحك
عمر:من عاده البنات يستحون 
خوله تحاول تبعده:انزين انا ما استحي روح دور لك على وحده تستحي
مسكها من ذراعها:انتي بالعه فلفل شو ليش جيه حاره
خوله نفخت بويها على خفيف:والحين حسيت بالبروده
عمر:لا ما حسيت انفخي مره ثانيه
خوله:لا والله 
عمر:احبك بالاول
خوله:مب قايله
يرص على يدها وهي تــون:آآآي شو فيك
عمر:احبك بالاول
خوله تمسك ضحكتها:مب قايله

قاطعهم بدر:شيء صاير بينكم
يوم انتبهوا عليه .. عمر ترك يد خوله .. وخوله تمثل انها معصبه:شو فيك انته اقولك وخر عن سيارتي
عمر يطالعها وفهم اللعبه:سمعي انتي لا تتكبرين علي
خوله:قوم عني لاه
اونها دزته 
عمر:انزين ألحين بخليج بس اذا كررتيها ما بخليج
خوله تمثل الخوف:اويييه تعال شوفني كيف ارتجف

بدر واقف ويطالع المشهد اللي قاعد يصير بينهم
وبنفس الوقت يطالع خوله بنظرات احتقار ..احساسه يقول انه اكيد خوله السبب
وما انتبه الا على غبار التراب اللي طلع من سيارة خوله بعدما غبرتهم
عمر يكح:مب بنت
بدر يبعد الغبار بيده:شو صار بينكم
عمر:ماشي انته تعرفها تحب تلاسن
بدر:من هالناحيه صدقت بوم شفتك ماسك يدها قلت اكيد بتضربها
عمر اونه معصب من خوله:قهرتني يا اخي ..
المهم ما علينا .. حياك 
بدر:الله يحييك بس بغيت اعرف عمي هنا
عمر:لا محد ليش بغيت منه شيء
بدر:بغيت اعتذر على اللي بدر مني 
عمر:لا تشغل بالك ابوي يعرف انك كنت معصب ومب قصدك
بدر بغصه:نوال راحت مع هالنذل
عمر:هيه راحت ولو سمحت بدر يعني بلا هالاسلوب خلاص منصور صار ريل اختي
بدر:صدقت اعذريني يا اخوي
عمر:ادخل خلنا نطالع احداث خليجي 19
بدر وهو داش مع عمر:هيه صح مبروك على الفوز
عمر:الله يباركك بس ان شاءالله يبيضون ويهنا ويفوزون بالكاس
بدر:آمين بس الفوز للأفضل
عمر:لا انا واثق من منتخبنا
بدر:نصبر ونشوف



منصور :هذي غرفتنا اعرف انها مب من مقامج بس
قاطعته:لا تقول جيه انا راضيه بكل شيء يربطني فيك
منصور:لها درجه تحبيني
نوال مستحيه:تعرف حبي زاد لك بعدما حسيت انك بتضيع مني
منصور:خلاص مرحله وعدت
نوال:منصور
منصور:عيون منصور
ابتسمت:وين اهلك ما شفت احد منهم اخاف مب راصين بزواجنا
منصور:انتي تعرفين اهلي كيف حرمة ابوي ما يهمها انا عايش ولا ميت
واخواتي خلني ساكت عنهم بس وحده منهم قريبه مني 
صبري بروح اشوفهـــا


طلع من غرفته وراح لغرفة اخته 
حاول يفتح الباب لقى مقفل ..
دق على الباب .
مسحت دموعها وراحت تفتح الباب
تحاول انها ما تبين له ويها:اوه منصور هلا
منصور:افا بس امل هذا وانا قلت انتي قريبه مني لا باركتيني ولا شيء
امل:هيه صح مبروك وعساه ايامك كلها افراح
يطالع في ويها:وش فيج امل
امل تحاول تبتسم:ما فيني شيء
منصور:لا فيج شيء احد قايل لج شيء
امل:شيء عادي تعرف اني حساسه وامي نازعتني اليوم
منصور يحضنها:افا بس تعرفين انه دموعج غاليه
هنا طاحت دمعتها
ومسحته بسرعه عن يشوفها
رسمت الابتسامه على شفاتها:وينها حرمتك ابغي اشوفها واطفرها
منصور:لا والله من اول يوم
امل:امزح وينها هي هنا؟
منصور:هيه في غرفتي
امل:خلاص بغسل ويهي وبخطف اسلم عليها
منصور:نترياج عيل
بعدما راح اخوهــأ دشت غرفتهــا ..طالعت نفسها بالمنظره كيف كانت وكيف صارت ..
وبخاطرها:الله يسامحك ما توقعتها منك
غمضت عينها عشان الدموع لا تنزل مره ثانيه
دخلت الحمام 


توها الا نزلت من سيارتها زايد زياد ركض عندها
زياد وزايد:عمو عمو
خوله:هلا حبيبي
زايد:ودينا السوق
خوله:شـــــو؟! 
زياد:نبى نروح السوق
خوله:جيـــه حبايبـي شو عندكم في سوق لا يكون مواعدين
زايد:عمو شو يعني مواعدين
زياد:يعني ولد يواعد بنت
خوله تتطالعه وتضرب خدها:لا والله الحبيب فاهم الدنيا
زياد متخقق:الحين انتي بتودينا ولا كيف
خوله:تعال اضربني بعد .. بالاول شو عندكم في سوق
زايد:نبى نشتري هديه لسلوم ربيعنا باجر يوم ميلاده
زياد:وامي قالت يوم السايقه بتوصل خلوها توديكم
خوله تقلده:يوم السايقه بتوصل خلوها توديكم
اشتغل عند ابوها انا
زايد:اويييه عمو انتي سبيتي يدي
خوله تفتح باب سيارتها:لا .. اركبوا يالله وفكوني حشرتكم
بعدما ركبت السياره
زياد:خولوا حطي هذاك الاغنيه
خوله:بالاول قول عمو .. مو اشتغل عند ابوك انا
زياد:افوووو انتي كله تقولين ابوك ابوك
تحرك السياره:ابوك ابوك شو بتسوي ها
زياد متغصص:آخ لاااااه حطي الاغنيه
خوله:بالاول انطب مثل اخوك وبعدين بحط
حطت له اغنيته اللي يحبها
لفرقة الميامي 
هلي يارم هلي يارم 
خوله:اللي يقول عندك عرس ألحين
زياد مشغول في رقص




عمر:ملل مب حاطين شيء يستاهل
يدر:صدقت .. اسمح لي انا بروح
عمر:وين رايح
بدر:باجر داومي ببدأ وابغي اروح الجمعيه واشتري لي شامبو وهالسوالف
عمر:تعرف شو بروح معاك المهم اظهر
بدر:حيااااك


وفي محل تويز أند آريز 
زياد مطفر في خوله .. خوله تاركتنه على حاله لأنها بعده ما عصبها عدل بس من تعصب وتصرخ عليه خلاص بنطب زياد
هيه يالسه على الكرسي وتتطالع المجله
زايد ياء عندها:عمو هذا حلو
عينها على المجله:هيه
زياد دظ اخوه:قوم عني مالي احلى شوفي هذا حلو
خوله ما بعدت عينها عن المجله:هيه حلو
زياد:لا والله تحسبيني انا زايد .. انتي ماشفتي شو اشتريت
رفعت راسها وتنافخ:شو فيك .. اشوف شو اشتريت
شو ها ليش شاري مسدس هو الهديه حقك ولا حق ربيعك
طالعت مال زايد:هيه هذا حلو شوف الذوق انت بس شو الاختيار الصحيح
مب مالك
زياد:سيروا لااااه انتوا ما تعرفون شيء الاود يحبون مسدسات
خوله:انزين خلصتوا وراي مشوار
زايد:انا خلصت
زياد:و انا بعد

بعدما حاسبت لهم .. خذتهم لجمعيه

وفي الجمعيه
عمر:حاسب هذا بعد
بدر:قطعتني يا اخوك
عمر:انته كريم وانا استاهل
بدر:يفداك يا اللي تستاهل
عمر اونه يتخقق عليه:اقول رفيق اترياك في السياره
بدر :لا والله .. يـدور على شيء عسب يضربه
بس عمر عطاهـا شـرده

بركنت سيارتهـــا وقبل لا تبند سياره زياد بطل باب السياره
خوله عصبت:زياد عاد اصبر
زياد:يالله انزين شو تتريون
خوله:زياد لا تخلني اعصب واخليك في سياره
زياد بند باب السياره:لا خلاص خلاص
خوله تتطالع زايد وتبتسم
طالعت عمرها بالمنظره .. ويوم شافت كل شيء فيها ترتيب
تنطقت وارحمت زياد:يالله ننزل
زياد:اف اخيرا
خوله:بل مب لسان عليك
نزلوا من السياره ... وعاد زياد عطاها ركضه
وخوله تنادي عليه:زياد زيــــاد
وهي كانت قريبه من سيارة بدر ... فأنتبه عمر لصوتهـــا 
وتأكدت اكثر يوم شافها اطوف جدامـه وتدخل الجمعيه
عصب:ما تسمع الكلام
اتصل فيها
بدر توه مخلص من المحاسبه فشافهـــا يوم تدخل وهي ما انتبهت عليه
خوله بصوت منخفض:شو فيك معصب انزين
عمر:انا مب قايل لج لا تظهرين بدون إذني
خوله:وليش استأذن؟!..
عمر انا مب رايحه اتصيع وثانيا يوم بتصير زوجي صدقني بطيعك قد ما تبغي
عمر:وليش ما تسمعين كلامي الحين اعتبريني ريلج
خوله:عموري انا الحين في جمعيه وزياد مطفر في ممكن اكلمك بعدين
عمر:مب مشكله نتفاهم بعدين يالله اهتمي في عمرج
خوله:اؤجـي

بعدما صكر منها فـاجأ دخول بـدر ..
بدر:وش فيك
عمر:الله يهديك سويت لي فلم رعب
بدر:خذ الاجياس وانطب


وعند نوال ومنصور فكل شيء حلو كان
لأنه نوال ارتاحت لأمل وتموا يسولفون ..
امل:منصور بصراحه لأول مره اختيارك يكون حلو
منصور:ما بعترض في هذا
امل:يا سلام اخوي صار يسمعني
نوال تبتسم بحياء:اخوج اصلا من زمان طيب
امل:عاش ع الحب
منصور:هيه عسب تعرفين ..
قاطعه صوت 
أمل:شكلهم قوم امي
منصور:هيه شكلهم هم
طلعت امل من عندهم

أمل:يمه ما بتصدقين نوال شو حبوبه
فايزه:شـو فيج انهديتي علي
هنادي:اشوف الحبيبه مستانسه بحرمة اخوها
امل:اكيد بستانس 
فايزه تسحبهأ:اكيد شايفه نفسها صح
امل:لا يمه في قمة التواضع

هنا قاطعم منصور:يمه هذي نوال
صدت فايزه وتمت اطالعها نظرات بدون نفس:هـذي
نوال تجدمت وراحت تبوس راسهـا
فايزه بدون نفس:مبروك
هنادي عينها على على القلاده اللي كانت لابستنه نوال:واااو روعه هاالقلاده
نوال:عجبج
هنادي:هيه
نوال:يفـداج
هنادي استانست:صج
نوال:هيـــه
بطلت القلاده وعطتهـــا ... خذت هنادي من يـدهـا كأنهـا وحده مب مصـدقه
فـايزه يلسـت على الكنبه:ها نـوال تعرفيـن تسوين شيء ولا لانج بنت عز لازم نحن نخدمج
أمل بتغصص:يمــه شو تقولين
نوال ردت عليها بابتسامه:الحمدلله امي ربتنـي أحسـن تربيه
فـايزه بسخـريـه:واااضــــح
نوال فهمت انها تقصد السالفه اللي صار بينها وبين منصور ونفس الحال مع منصور ,, فسار عند نوال ومسك يدهـا:نوال تعبانه ولازم ترتـاح شـوي .. يالله حبيبتي خلنا اندش

--------------------------------
الفصل الرابع


حست بالملل وهي يالسه في الصاله .. ومنصور محد برع البيت
حاولت تقتل مللها بمشاهده تلفزيون لكن هالشي ما فادهـــا
بندت التلفزيون وراحت صوب غرف البنات .. دقت ع باب هنادي وبعد فتره شوي طويل فتحت الباب
هنادي بإدنها موبايل: نعم
نوال:شكلج مشغوله
هنادي:ماشاءالله عليج طلعتي ذكيه يالله فديتج
صكت الباب على ويهـا ..
رجعت نوال لورا..
يوم تجدمت سمعت صوت في غرفة أمل .. خافت ادق وتكون مشغوله بعد
رجعت تقعد في الصاله ..
واستانست يوم شافت أمل
أمل:اوه الغاليه يالسه لحالهـا ليش ما نـاديتي علي
نوال:ما بغيـــت ازعـجج
أمل راحت تقعد حذالها:مره ثانيه يوم تكونين لحالج تنادين علي اوجي
نوال تبتسم لها:اوجي
نوال هذي ثاني مره تشوف عيونهـا محمره
نوال:امل فيج شيء
امل تحاول تتهرب:لا ما فيني شيء
نوال:بس عيونـج
أمل تبتسم زيـف:هيـه عيونـي حياتي انا اعاني حساسيه بالعين من جيه اغلب الوقت بتشوفينه محمره
نـوال:أهـــا

سمعوا صوت جرس
أمل:انا بروح اشوف منو ياي
دخلت غرفتهـا وطلعت وقاية البيت وراحت برع تفتح الباب
امل شافت وحده عاطتنها ظهرها:نعم أختي
صدت خوله صوبها .. فصخت جامتهـا:هلا (وبنبره وحده محتاره):-أمل ولا هنادي
ابتسمت لها:أمل
خوله:ما عرفتيني صح .. باين من ويهج انا خوله
هنا ويـه أمل تغير وابتسمت مجامله لها: حيااااج
بعدما دخلت :نوال هنـا
أمل تجدمت عنها:هيه
نوال يوم لمحت خوله استانست وقامت تحضنهـا:والله اشتقت لج
خوله:وأنا أكثر
أمل:بسير اسوي العصير
مسكتها خوله:لا فديتج خلج معانا
أمل:لا ما يصير انتي اول مره ادشين بيتنا
خوله:هيه والله ما ادري كيف قطعنا بعض عيال عموم وجيه
أمل:خلاص عوضتيهـا ألحين
راحت أمل عنهـــم للمطبـــــخ
نوال تسحب خوله:تعالي ..
بعدما يلست خوله:ها طمنيني عساج مرتاحه
نوال:وايـــد والحمـدللـه
خوله:يرحمـج الله
نوال:هههه الواحد ما يروم يقول الحمدلله جدامج
خوله:خخخخخ
يت أمل وحطت لهم العصير وكانت بتروح لكن خوله منعتها:ها وين رايحه خليني اتعرف عليج اكثر وتعالي وينها اختج
أمل:يمكن راقــــده وبعد انتوا اكيد عندكم سوالف فبخليكم لحالكم
خوله:هو عندنا سوالف بس انتي مب غريبه عن سوالف بحش عنكم قعدي يالله
ضحكت أمل ونوال على كلامهــــا
قعـدت أمـل معـــاهـم ... يوم خوله ترمس أمل تسرح بويهـــا
وما تنـتبـه عليـهم الا يوم ينادون على اسمهـــا
خوله:صح امل انتي تدرسين
امل:هيه في كليه
خوله:شو تخصصج
أمل:الاعلام
خوله:الله يوفقج حبيبتي
أمل:وانتي معاي

عمر توه راجع من الدوام ... فلمح سيارة مب غريبــــه عليـــــه بمـا إنـه بيت منصور من نفس حارتهــم فقـدر يعرف إنهـا سيـارة خـوله
رجع لصوب سيـارتهـــا
عمر:أكيد يايه تشـوف نـوال
فكر ينزل بس يوم تذكر بيت منـو هـذا .. تراجـع ومشى لصـوب بيته وقرر يتم في سياره
عمر يبتسم:بتصل فيها واحرجهـا هههههه
اتصل فيهـــــا

رن موبايلهــــا اللي كان وراهـــا يعني أمل تقدر تشوف منو المتصل بكل وضـوح
شافت المتصل حبي الوحيـد
خوله:اوه تلفـوني
صدت وراهــا وخذت التلفـون يوم شـافت منو المتصل تـوتـرت
نوال:ردي
خوله حولته لصـامت:هذا ولد خالتج سيفـو ... أكيد ألحين بسألني وين انتي
نوال:تعالي اخبارج مع حرمة اخوج
خوله:ما قلت لج شو سويت فيها خليتها ما تتقرب صوبي
نوال:لاحول خولوا خلي الحرمه في حالها
خوله ادافع عن نفسها:خوله ما تظلم أحد وهي اللي بدت


عمر:اونهـــا ما ترد علي ... خخخخخ برجع اتصل فيها
تم يتصل ويتصل ويتصل
وهنــاك خوله في خاطرها متحلفه تأدبهــ
خوله:اسمحي لي نوال لازم اروح عن ينتحـر علي
نوال تبتسم:خخخخ مب مشكله فديتج
صدت صوب أمل اللي ويهـا صار شـاحب .. لاحظت عليها خوله بس مب متفيجـه ألحين تسألهـا عن شيء لازم تروح برع وتكلم هذا اللي اسمه عمر
بعدما سلمت عليهــــم وصلـوهـا لبرع
نوال من بعيد شافت سيارة اخوهـا:اوه عمر شكله رجع من الدوام
خوله مب مهتمه:يالله عيل
نوال:في حفظ الله
بعدما ركبت السياره نزلت الجامه:يالله دشي داخل
نوال:خخ سخيفه

ما صدقت انه نوال دشت داخل ورجعت تتصل في عمر
عمر:هلا والله كان ما رديتي بعد
خوله:لا والله شو عندك حارف تلفوني
عمر:اشتقت لج فيه شيء
خوله:انت تعرف اذا ما رديت عليك يعني عندي ظروف
عمر:شو ظروفج من الله يالسه عند اختي
خوله:لا والله وتقولها بعد يعني كنت تعرف
عمر ماسك ضحكته:قلت احرق في اعصابج
خوله:مبروك نجحت فشلتني جدامهـا .. أكيد أمل شافت المتصل حبي الوحيد
عمر من سمع اسم أمل سرح لثواني
خوله:بردها لك بتصل فيك في وقت محرج
ما لقت منه رد
خوله:ألـو عمـوري
عمر انتبه:هـا
خوله:لا والله في شو سرحان
عمر:ولا شيء تعالي بيتنا
خوله تحرك سيارتهـا:ليش؟
عمر:تعالي ابغي اشوفج
خوله تتغلى:ما اقدر انا وحده مشغوله
عمر:لا تتغلين تعالي انا يالس في سياره ما رضيت ادش البيت لين ما اشوفـج
خوله:وااااي حبيبي يترياني من قدي
عمر يضحك:شو نسوي بعد ابتلينا
خوله:احلى بلوه في حياتك
عمر:أكيـــد يالله تعـالي

حركت سيارتهــــا وبركنت صوب سيارته
نزل الجامه:هلا والله
خوله تضحك:نعم شو عندك
عمر متغصص:مول ما شيء ذرة رومانسيه عندج
خوله تضحك أكثر:انا هيك تباني تحملني
عمر:تعرفين انج حياتي ومالي غنى عنج
خوله:وانت بعد حياتي
عمر:قوليها بحيـاء انزين
خوله:خخخخخ شو اسوي انزين يوم ما استحي منك
عمر:وهذا اللي يعجبني فيج
خوله تبتسم:يالله فـارج لازم ارد البيت
عمر:الناس يالله حبيبي على الاقل اسمح لي وانتي فارج
تحرك سيارتها وبنفس الوقت تبتسم له:احبـك
ضحك :احبــج

يوم وصلت البيت شافت زياد مسوي حشره وعرفت انه كان يحاول يقنع ابوه ياخذه لحلفه ربيعه
انتبهوا علي يوم سلمت:السلام عليكم
سيف:وعليكم السلام
ما اهتمت خوله يوم حصه ما ردت السلام عليها
ركض زياد عندها:عمو اكيد بتودينا
استعبط عليه:وين اوديك ؟
زياد:اهوووووو
خوله تمشي:اهووو في كل مكان بس ما قلت شو تباه في صمغ اهوو
زياد عصب:عمو عاد اقولج ودينا الحفله
وانا اركب الدري :لا والله اشتغل عند ابوك انا
طالعت سيف اللي طالعني بنظرات ورجع يطالع التلفزيون
المهم ركبت الدري وزياد وراي يحاول يقنعني 
وعاد انا قلت اذله شوي ههههه يا قساوتي
فصخت عباتي ورجعت اقعد عندهم و زياد بعده يذل عمره
خوله:شوف زايد مب مهتم لشيء
زياد يضرب الارض بريوله:ودنــي الحفله
حصه تفتح ذراعها لولدهـا:تعال فديتك 
وبعتاب:شو بتذلون ولدي انتوا سيف ليش ما تاخذه للحفله
سيف:مب متفيج انا وراي اشغال
حصه:اللي يقول عاد مول رجل اعمال على آخر
سيف طالعها بنظرات:اقول عاد احترمي نفسج
فكرت خوله تدخل وتقول خلاص بتودي عسب ما يزيد بينهم الحوار
لكن حصه فاجأتهـا:شو هالعيشه انت من صوب واختك من صوب 
وسيف مووول بارد على آخر:شو بتسوين يعني
حصه خلاص وصلت حدهــا
خوله:ابيغكم تجهزون بعد صلاة العشا
حصه:شكرا عيالي مب محتاجين لشفقتج
خوله تحط ريول على ريول:حبيبتي اصلا انا ناويه أخذهم بس قلت اطفر في زياد مثل ما طفرني في جمعيه
زياد ركض عند عموته وباس خدهــا وهالشي زاد من حرتهــا
وقفت:ازلف من هنـا احسن لي

خوله:عاد ما اوصيكم ابغيكم تطلعون شيء شيء ترى هناك بكون بنوتات حلوات
سيف:خـوله؟!
خوله:شو
سيف:انتي تعرفين شو؟! لا تقعدين تخربين افكارهم
خوله:بلاك اعلم عيالك ع ستايل
طالعهـا بنظرات ردت عليه بابتسامه

خلصت من صلاة العشا ... يلست في غرفتهــا 
تكلم عمر
خوله:إنزين وابوك كان تعبان اليوم
عمر:حاولت آخذه لمستشفى بس تعرفينه ابوي عنيد
خوله:من هالناحيه انا اشهد
عمر:مسكينه امي تبى تشوف نوال بس ابوي مانعنها
خوله:وانت ليش ما تروح
عمر:أنا بعد قالي ما اشوفهـا
خوله:لا والله روح بالسر انزين
عمر:بشـوف
خوله:عسب خاطري روح زورهــا
عمر:وييييه عاد منو بمنعني ألحين كله ولا خاطر الغاليه
ابتسمت خوله:يا حلاتك يوم تسمع كلامي
عمر بأسلوب تمني:وياليت بعض الناس يسمعون كلامي مثل ما انا اسمع
خوله:ومنو قال اني اخالفك في شيء
قاطعها زياد:عمو خلصنا
عطته السويج:انزين روح شغل سياره
بعدما راح زياد
عمر:على وين ان شاءالله
خوله:بودي زياد وزايد حفله يوم ميلاد
عمر:متى ناويه تخبريني
خوله:ليش انا ما قلت لك
عمر:لأ
خوله:خلاص الحين قلت لك
عمر:خوله كم مره لازم اقولج
قاطعته:وانا وين رايحه يعني
وقفت وخذت عباتهـا:وليش معصب إنزين
عمر:وليش ما اعصب ما تخبريني وين تروحين لازم انا اكتشف بروحي يعني
خوله:لا تسوى من حبه كبه
عمر:هذا رايج في شكرا ما قصرتي
صكر على ويهـــا
خوله تتطالع موبايله:جيه يعني .. انزين مستر عمر
لبست وقايتهـــا
ولقت حصه تلبس زايد جوتيه
خوله:يا حلو صوبنا
زايد ابتسم ما عرف شو يرد
خوله:خلصتوا
حصه:صبري بعطيج هداياهـم
خوله تتطالع زايد:واااي فديتك تهبل .. كل بنوته في حفله بتحط عينها عليك
زايد زايغ:كيف يعني بتجلع عينها وبتحطه علي
خوله فجت حلجهأ:هـا؟! شو فهمت انت 
زايد: ما ابغي اروح عيل
خوله تضحك وتضحك
ويوم يت حصه انخش زايد وراها
حصه:شو فيك
زايد شوي وبصيح:ما ابغي اروح عمو تقول هناك وحده بجلع عينها وبتحط علي
طالعتها حصه بنظرات:ها وقته تخوفينه
بعـدت حصه عن خوله:لا فديتك انت فاهم سالفه غلط اسمع انا اقصد البنات يوم بشوفونك بنعجبون فيك
بان عليه الراحه ... مسكت يده:يالله نروح
خـذت الهدايـا من حصه وراحـت عنهـا
حتى ما سوت سالفه يوم حصه تقولها:هالله هالله بعيالي

بعدما شاف عمته يـايـــه ربع لورا 
وعاد ما يحتاج اقولكم زياد مشغل على اغنيه ولا بعد معلي على الصوت
خوله:شو عندك
قصرت على الاغنيه
زياد:لا
خوله:الحين بنزلك ترى
صدت ورا عسب تشوفه:شو سالفه عيال اخوي مسكتين اليوم
زياد:يعني حليو
يضحـــــك
خوله:شوف زياد كيف فهمني وحليلك انته
حركت سيارتهــــا وزياد مرتبش بالاغنيه اللي حاطنـه

عطنـي غلا واعطيك من خـافقـي نور
أبغي حنـانك دامك تبغي حنـاني


يوم وصلت حست انه زياد بفتح الباب .. قفلت باب السياره

خوله:انته ايه اصبر واسمعني
بأسلوب أمر:ع ساعه 11 ابغيكم برع تتريوني فاهمين
زايد:إن شاءالله
زياد:ممكن نروح
بطلت القفل:روح وفكني من صدعتك
خذوا هـداياهــــم وراحــــوا

امـا هي فما عرفت شو تسوي .. مضايقه لأنه عمور متضايق منها
فقالت تتصل فيه وشوي تتهاون :لا هو اللي صكر على ويهي
فرت تلفونهــا
خوله:اطلب لي احسن لي
راحت صوب الكافتيريا وطلبت لها شوراما مكسيكي وعصير موز
خذت موبايلها تتطالع شكلها 
وبالحقيقه كانت تنتظر مكالمه من عمر
يوم ملت فرت الموبايل وقعدت تغير في اغاني لين ما استقرت على اغنيه عشقها تسمعه
يا دمع عيني خف جرحت عيني ..
والعين تبكي خوف تفقد بصرها

كف يا دمع ماودي انك تجيني ..
بنسى عسى نفسي تدارى خطرها

ودي الصبر والوقت يرحم انيني ..
والنفس من ذا الصبر تجني ثمرها

تحب تسمعه لو كانت مستانسه او مضايجه
انتبهت على الهندي يدق على جامة سيارتها
نزلت الجامه عطته البيزات وخذت الجيس عنه.. وقبل لا ترجع ترفع الجامه انتبهت على بدر كان وراهـــا وكـان مشغول يطلب
لاحظت انه وحده كانت معاااه
خوله باستغراب:منو هاي؟
وأنا شو يخصني .. 
تحركت من المكان وتمت تتحوط ويوم حست بالملل رجعت البيت 



عمر في سيارته
عمر:لا تحاتـينـي ولا تسأل عنـي شو اسوي معـاهـا
تـذكر شخص كان يحبهـا وكيف كانت اطيعـه في كل شيء حتى مرات يفكر يرجع لهـا .. 
عمر:اعوذ بالله من ابليس .. إلا يخرب علي 
حبيبي خوله ما فيه مثلها وهي حبي الاول والاخير 
ابتسم على خفيف .. خذ تلفونه واتصل فيها
بتنزل من السياره رن تلفونهـــا .. 
صكت السياره تحاول انه ما يعرف انها توهـا راجـعـه البيت
ردت عليه:هلا والله
عمر:تتغلين شو
خوله ببراءه:أنا اتغلى
عمر:عيل ليش ما رديتي علي بسرعه
خوله تفكر بجواب:كنت بحمـام
عمر:اهـا عبالـي زعلتـي مني
خوله:هي حركتك بايخه كانت بس يالله وانا اقدر ازعل منكـ
يوم دشت الصاله تفاجأت بوجود حصه
نفخـت
عمر:شو فيج
خوله:لحظه اوكي

تجاهلت حصـه وراحت عنهــا لكن هيهات حصه تخليها بحالهـا
حصه:خـوله
خوله مشت عنهـــا
بس حصت مشت بسرعه و وقفت بآخر الدري
حصه:أكلمج هذا وقته ترجعين فيه البيت
وقفت في مكانها اكيد عمر سمعهــــا ..
ودليل لقت ماشي مكالمه
عصبت من خاطر حتى نزلت من الدري بشكل سريع ومسكتها من كتفها:إنتي ايه آخر وحده تدخلين في حياتي فاهمه
دزتهـــــا
حصه زايغه:شو فيـــــج والله لأخبر عليج سيف ياء انا ياء انتي
خوله تعطيها ظهرها وتمشي
حصه:انتي على شو شايفه نفسج
خوله تأشر بيدهـا وتسوي لهـا طاف

بعدما دشت غرفتهـــا حتى عباتهـا ما فصخته 
تتصل فيه وتتصل وتتصل لكن ما شي فايده ما يرد عليهــا
طرشت لها مسج:عموري عاد رد علي تزعل من حبيبتك
رد عليها:خوله خليني في حالي مالي نفس اكلمج
خوله فرت موبايلها بغيض:كيف يعني ماله نفس .. 


فصخت عباتها ويلست ع شبريه فجأه خطر في بالها بدر
واللي كانت معاه .. ولاحظت شيء هي كم مره شافت بدر بس ما تعرف شيء عن حياته غير انه عنده شركة مقاولات ويشتغل في جوازات
بضييييج:وانا شو يخصني فيه
رجعت تتصل في عمر بعد ما رد عليهــــا

فكرت تتصل في نوال وتنسى ضيجهـــا


في بيت منصور نوال كانت في مطبخ

فوزيه يالسه في صاله:يالله متى بتخلصين
أمل:اقوم اساعدها حرام توها عروس
فوزيه قعدتها:قعدي انتي يا الطيبه شو يعني توها عروس
امل:بس منصور بزعل اذا عرف
فوزيه:لا والله ومن متى يهمج منصور
أمل وقفت وتجاهلتهم
فوزيه:تغثنــــي
هنادي اطالع اظافرهـا:ما عليج منها معقده هاي

أمل دخلت المطبخ:هلا نوال اساعدج في شيء
نوال ابتسمت لها:قربت اخلص
أمل لاحظت تلفونها كان يرن:ليش ما تردين وانا بكمل الباقي
ارتاحت نوال:شكرا فديتج
ردت نوال على خوله اللي صوتها ظهر برع من كثر ما كانت معصبه:انتي وينج ليش ما تردين
نوال باستغراب:حياتي كنت مشغوله
خوله هدت:خلاص عيل اكلمج بعدين
نوال:لا انتي فيج شيء
خوله:لا بس خفت يوم ما رديتي علي قلت يمكن اهل ريلج ذبحوج
نوال تبتسم:الله يقطع سوالفج شو تقولين
خوله:خخخخخ حرمة عمي الكل يعرف عنها شريره المهم اكلمج بعدين
نوال:اوجي
صكت من عند نوال ... شافت ساعتها وبعده ساعه 9 ونص
فكرت تاخذ قيلوله بس قبل لا تاخذ قيلوله طلعت برع غرفتها
خوله:انتي ايه وعيني ع ساعه 11 عسب ايب عيالج
ما ردت عليها حصه
دخلت خوله غرفتها
ما صدقت اطيح ع شبريه وعطتهـا رقـــده


ما قامت الا ع صوت سيف يزاعج:
خــــــــــــــــــــــــولـــــــــــــــــه
الناس تفز وهي بكل بكل بروده:شـو فيك
سيف:انتي شو مسويه في حصه
خوله ادور على موبايلها:شاعه كم الحين
سيف:اكلمج أنـــا
بعدما لقت موبايلها وشافت الساعه
خوله:قلت لها الغبيه تصحينــي
سيف هنا عصب:منو تقصدين حصـــه
وقفت بكسل:تعجبني يوم تفهــم
سيف صرخ عليها:والله يا خوله آخر مره اعيدها احترمي زوجتي ترى والله بتشوفين شيء ما شفتي لا تشوفيني ساكت عنج قلتي تتمادينه
طالعته خوله بعيون بارده:خلصت
تفرك اذنهـــا اونه صراخه ازعجهـــا
سيف:آخر مره فهمتي
خذت عباتها ولبسته
خوله:مستويه سايقه لعياله وبعد يصرخ علي مب عشانك عشان عيالك بس
خذت سويج سيارتها وطلعت من البيت

وبرع البيت اللي مسوين فيه حفله زياد وزايد يتريون عمتهم
استغربوا يوم سمعوا صوت بدر
بدر يوم شافهم استانس:انتوا هنـا بعــــد
زايد:عمي منو يـاب
بدر:اخاف اقولكم وما تفهمون شيء
زياد:لا عادي قول انا بفهم
بدر يطالعه ويبتسم على فضول زياد:ماشي بنت جيرانا هنا في حفله وامها طلبت مني آخذهـا عسب محد عندهم 
طالعهم بحيره:انتـوا منـو بـردكم
زايد:عمو ألحيـن بتـي

بدر:خوله يابتنكم بس وينها ما اشوفهـا
زياد:تعرف بعد سواقة حريم كيف
ضحكـ من خـاطره بـدر على كلامه .. هذا 
زايد:هذي سيارتها
بدر رفع راسه وقدر يشوفها في سياره
خوله:يـو يـو شو هـا المصادفه هذا حياته كله غموض منو عنده هنا بعد
بعدما وقفت سيارتها 
ركض زايد عنـدهــــا
زياد:كأنه اول مره يشوفهـا
بدر:روح يا طويل لسان
زياد اونه يقلد الكبار:يالله عيل نشوفك على خير
بدر ضحك

خوله بعدما ركب زايد:اويه بدر يعرف يضحك بعد
انتبهت لزياد اللي صكر الباب بقوه
خوله:زياد بتكسر الباب شو
زياد:ليش تأخرتي
خوله:تعال اضربني بعد

بدر كان واقف ويطالع خوله وحركاتها يوم تكلمهم بس ما قدر يسمعهم
ويوم شافها تنتبه لجدام غير اتجاه ويـه
حركت سيارتهــــا
ابتسم يوم سمع هرن سيارتهـا ورفع يده يسلم

خوله في سياره تتنازع:والله كنت بذبحك ليش ادق له هرن عادي يحسبني انا
زياد:مب حلوه بعد شو نروح كل الرياييل يسون جيه
خوله بسخريه:لا والله وانا تشوفني ريال جدامك
زياد:انزين انا ريال
تمط خده:اسمع حبيبي
زياد:آآآي يعور
خوله تكمل:يوم بتسوق ذيك الساعه اضرب لهرن لهنووود بعد
زياد يبعد يدهـا وخوله تضحك عليه .. احمر ويـه
زياد معصب:يوم بكبر وبشتري سياره ما بخليج تركبين فيه
خوله تبى تغايضه:عادي حبيبي زايد بركني
زياد:هذا خواااف ما بسوق
خوله:انت متغاااايض


وصـلوا البيت وعاد زياد ما صدق يوم شاف عمره في البيت
ركض لصاله

نوال طالعه من الحمام وتنشف شعرهــا
استحت من نظرات منصور يوم قعد يطالعها بكل حب
نزلت راسها ومشت صوب التسريحه
تفاجـأت بيـده على فوطه وقعد ينشف لها شعرها
نزلت راسهــا من المستحى
منصور:سوري على اللي صار اليوم
رفعت راسها:على شو
منصور:خبرتني امل انه امي خلتج تسوين العشا وانتي توج عروس
نوال تبتسم له:بالعكس هالشيء فرحني وإن شاءالله اكسب قلب امك
منصور ترك الفوطه وراح يقعد بقربهـا:امي مزاجهـا صعب واخاف ما تتحملينها
نوال:حرام لا تقول جيه هيه صح عصبيه بس فوق هذا طيبه
حضنها منصور:الله يخليج لي
ابتسمت وبصوت واطي:ويخليك لي بعد



خوله ما قدرت تنـــام .. تمت تتقلب على فراشهـــا
شغلت المصباح اللي بقربهــا وقامت ويلست
خذت الموبايل نافخت يوم شافت ما شي مكالمه
خوله:كيف ارضي ألحين
كانت سارحـــه من جيه فزت يوم سمعت موبايلها يرن ولا بعد استانست يوم سمعت الرنه مخصصه لعمـر
غــرامكـ شيء عجيـــب وطبعـكـ مـا حصـل
أحبكـ لو تغيـب وراضـي بالأمـــل

صحيح الاغنيه قـديم لفرقة ميامي لكن هذا خوله شيء يدخل في خاطرها تحب تحتفظ فيه
وعاد هالاغنيه قريبه من قلبها فخلته رنه مخصصه لعمـر
ردت عليه بسرعه:هـلا حبيبي
عمر بعده ماخذ في خاطره:شو اسوي ما اقدر انام وما اسمع صوتج
خوله:حتى ما قدرت انام
عمر:يعني ما خربت رقادج
خوله:خلني ارقد عسب تخرب رقادي
عمر:لا قلت اكيد راقده ما يهمج زعلت ولا مت
خوله حسيت بضيج:لا تقول جيه انا صح ما ابين بس والله اني احبك
عمر:ليش ما تبيــن لـي انزين
خوله:ما اعرف انا جيـــه
عمر:بس حق طولة لسان شاطره
خوله:ويييه شكلك متصل عسب تذلني
عمر:قلت العوزج شوي
خوله:خخخ خذ راحتك انا استاهل
عمر :هههه لاخلاص ما تهونين علي
فجأه سمع امه تصااارخ
خوله:شو فيكـ
عمر:كأني سمعت امي تصرخ
خوله:ألحق عليها انزين
يوم سمع صراخهـا مره ثانيه فـــز
عمر بشكل سريع:اخليج يالله
صكت منه وهي تدعي انه ما صار شيء شيــــن


حاولت تنتظـره لكنهـا ما قـدرت وغفـلت .. وما قامـت الا بصوت اخوهـــا
سيف:خوله قـومي
خوله بكسل:شوفيك؟
سيف:قومي خالي محمد توفـى
قـامت بشكـل فجـائـي:شــــو قـلــــت
سيف وهو طالع:يالله قومي بسرعه وروحي عندهـم البيت خالتي حالتها حاله
قال هالكلام وطلع من عنـدهــــا
قـامت خـوله مب مصدقه خذت موبايلها ماشافت اي مكالمه من عمر ولا نوال
قامت بسرعه وراحـــت الحمـــــام


دفنـــوا خـالهــم محمـــد الظهـــر .. وبعد صلاة العصر الناس تجمعــت في بيتهــــم
خوله وحليلهـا ما عرفت تسكت منو نوال ولا خـالتهـــا
وقلبها على عمـر اللي ما شـافته الا مره من بعدما صار الحـدث
وما عندهـا علم عن مصيرهـا من بعـد هالـوفـــاه

--------------------------------
الفصل الخامس..

ما قدرت تنام فقعدت على الشبريه .. حاولت انها ما تصدر اي صوت لكن فوق هذا انتبه عليها منصور
ويوم شافها تصيح خاف وقعد:حبيبي شو فيك؟
نوال تمسح دمعتها:اوه آسف حياتي صحيتك من نومك
منصور:خليج مني انتي شو فيج
تبتسم له:ما فيني شيء انت كمل رقادك وراك نشه
منصور يمسك يدها:تذكرتي ابوج
نزلت دمعتهـــا
منصور:ترحمي عليه يا بنت ناس
نوال تصيح:احس ابوي مب راضي علي
منصور:ومنو قالج
نوال:عندي احساس
منصور:عيل احساسج مب في محله
نوال تتطالعه بحيره
منصور:المرحوم قبل لا يتوفى بأيام تلاقيت معاه في المسيد وتعرفين شو قالي
نوال بفضول:شوو
منصور:قالي اهتم فيج ولا بوريني الويل 
ابتسم :شفتي يعني ابوح راضي عليج صح هو عصبي بس بعد يحبكم انتوا عياله
نوال بعدما حست براحه:وليش ما خبرتني
منصور:لو اعرف انج بتتعذبين جيه كان خبرتج من زمان
نوال حضنته:احبك منصور
منصور:وانا بعد 



أمل تصيح:حرام عليك عمر ليش سويت فيني جيه
عمر:امل انزلي عن اطيحين
امل تصرخ:انت دمرت حياتي ما بسامحك ما بسامحك
عمر:امل والله كنت ناوي اتزوجج بعد اللي صار لكـن
امل تصيح اكثر:لكنك اخترت خوله عني اكرهك اكرهك
رجعـت لـورااا أكثـــر فطـااااحـــت
صـرخ عمـــر:أمـــــــــــــل
وقــأم مفـزووووع
عمر:استغفر الله استغفر الله شوفيني كله احلم فيها
قرأ المعوذااات وحاول ينــام لكن ماشي فايده
خذ تلفونه واتصل في خوله

بعدما رن لمده ردت عليه بكسل:ألـــو
عمر:نايمـه
يوم سمعت صوت واحد فتحت عينها وقامت تتطالع المتصل ورجعت ترد عليه باستغراب:عمـر؟!
عمر:هيه متوقعه غيري
خوله عصبت:عمور ؟!
عمر يبتسم على خفيف:امزح والله اشتقت لج ولعصبيتج
ابتسمت:لا والله
عمر:شكلج كنتي راقده
قامت وقعدت:الله يخلي حبيبي ناسيني هالايام ما صار يسهر معاي
عمر:نسيتي وراج كليه
خوله:عمور هذا مب عذر صار 3 اشهر على وفاة المرحوم ومن يومها انته لا تكلمني مثل قبل .. بالبدايه عذرتك عسب ظروفك لكن انت تماديت وصرت ما تذكرني مثل قبل
عمر تنهـــد وتم ساكت
خوله بكل حنيه:حبيبي في شيء مضايقنك
عمر:لا
خوله:لا تقول لا عندي احساس انه فيك شيء
تم ساكت وسرح:كيف اقولج اني احس بتأنيب ضمير تجاه اللي سويته لأمل
كيف اقولج اني بديت افكر كيف اصلح الغلط كيف اقولج ابقي معاااي شو ما صار
خوله:عمـر؟!
عمر انتبه لها:هلا حبيبي
خوله بدت تعصب:شو فيكـ؟
عمر:ما فيني شيء خليج مني وسولفي لي عنج
خوله:كيف اخليك وانته بها الحاله
عمر:خوله لا تشغلين بالج علي
خوله:لا لازم اعرف
عمر:خوله؟!
خوله:لازم اعرف
عمر:خوله نامي احسن لج
خوله:يعني مب قايل
عمر:اقولج ما فيني شيء
خوله:يعني ما بتقول
عمر باستسلام:خلاص خلاص يا بنت خالتي ام راس اليابس بقولج
احاتي امي .. منو بتم عندها بعدما ينتهي عدتهـــا وفوقه انتهت اجازتي كيف اخلي امي لحالهـــا
خوله:سهله تم شهر وبنتهي عدتها خلال هالفتره انا بتم عندها لين ما ترجع من شغلك ويوم بتطلع من عدتها يبهـــا عندنـا
عمر:هيه عسب يوم اروح الشغل ما احاتي على امي بس احاتيج انتي بعد
خوله:انا قوبه لا تخاف علي
عمر:افكر استقيل واشغل في شركة ابوي هذي بروحه مشكله 
خوله:والله فكره
عمر:انزين يالله نامي وراج نشه
خوله:لا ابغي اسولف معاك
عمر:نامي وباجر يوم بتروحين اتصلي لي
خوله:تباه الفكه مني
عمر:افتك من روحي ولا افتك منج بس حبيبي لازم تنامين وراج نشه
خوله:عمر
عمر:عيون عمر
خوله بشكل سريع:تزوجني
عمر:.................
خوله ما عجبها سكوته بس بعد كملت:ابغي اتم معاك في ضيقك وفرحك يوم شفتك في عزا كان ودي اخفف عنك واكون بقربك يومها حسيت لو طعتك وتزوجنا من قبل كان احسن
عمر:انتي ما تعرفين اني كيف اتمنى قربج بس ان شاءالله يصير خير بعدما انتهي اللي في بالي بس انتي اوعديني تظلين معاي لأخر لحظه
خوله:شو اللي في بالك
عمر بجديه:انتي اوعديني اتمين معاي شو ما صار
خوله:اوعـدك
عمر:يالله نامي
خوله:تصبح على خير
عمر:انتي من اهله
بعدما صكر منها .. حاول ينام بس ما شيء فاااايده
غمض عيونه .. لكنه فز يوم سمع رنة موبايله
رفع حياته ورد عليها:اشتقت لي ؟
خوله تضحك:خخخ تقريبا
عمر يضحك معاها:شو عندج
خوله:فيني فضول
عمر:عن شو
خوله:عن بدر
عمر مستغرب:بلاه
خوله:انا مره شفته مع وحده و (قاطعهـا)
عمر:أكيد اخته
خوله:أختـــه؟!!!!
عمر:هيه عنده اخت من ذو احتياجات الخاصه من كثر ما يحبها ويخاف عليها ما يطلع الا وهو معاها
خوله:والله؟!
عمر:هيه تعرفين هم يتامى فبدر يراعهـا ويهتم فيها وهي فقدت حاسه السمع ونطق من كانت صغيره لكنها تفهمج اذا كلمتيها ببطأ
خوله:وحليلها وما عنده بنوته صغيرونه لأني شفته في حفله اللي راحوا زياد وزايد
عمر:لا ما عنده هو دوم يساعد العيوز اللي ساكنه بجنبهم عندها حفيده 
فهو اللي يداريهـــم
خوله مب مصدقه وحست انها اول مره تعرف بدر
عمر:شو فيج سكتي
خوله:مستغربه اول مره اعرف بدر طيب لها درجه وراعي مسؤوليه
عمر:هو سألني مره انتي ليش تكرهينه
خوله:ما اكرهـا بس احسه متكبر
عمر:متكبر وانتي شو عيل
خوله بزعل:يعني انا متكبره
عمر يستهبل:هيه و وايد كله تتكابرين علي
خوله:هههههه
عمر:ههههه تضحك بعد اقول خولوا مب كانج تاخرتي 
خوله تتطالع ساعتها:هيه والله يالله ياالله مع سلامه
عمر يضحك:مع سلامه

بعدما صكرت منه .. حطت راسها على الموسده وتمت تفكر ببـدر
خوله تكلم حالها:معقوله بدر يطلع منه كل هذا .. 
صدت صوب ثاني:حراام ظلمت الريال
لحظات الا وعيونهــا مغمضه وغطت في نوووم

زياد و زايد دخلوا غرفتهـا يصرخون:عمـــو عمــــــــو
نقزوا على الشبريه وبدوا يصرخووون:عمـــو عمـــــو قومي
قامت مفزوعه:بسم الله شو صار؟
زياد يتكلم بسرعه:عمو راح عنا الباص قومي وصلينا
خوله ما فهمت شيء لأنها نعسانه على الاخر
تحاول تفتح عيونهـا عدل:شـــو
زايد:عمو امي تقول قومي وصلينا المدرسه راح عنا الباص
يوم استوعبت طالعت الساعه شافت بعده ساعه 7 وهي دوامهـا ع ساعه 10 
خوله:امكم شو قالت
زياد:تزصلينا المدرسه
خوله تهز راسها:هيه زين زين
قامت :يالله طلعوا وبلحقكم
طلعوا الاثنين من غرفتهـا وهي وراهـــم لين ما وصلت صوب الباب
خوله:قولوا لأمكم خوله ما تشتغل عند احد ويالله فااارجوا
صكت الباب وقفلته بعد
رجعت تناااام وانخشت تحت شبريتهـــا



زياد:ماماتي عمو ما تباه توصلنا المدرسه
حصه:قلتوا لها الباص راح عنكم
زايد:هيه بس عمو تباه تنام
حصه:نامت عليها الطوفه ان شاءالله
زايد:ماماتي لا تقولين عن عمو جيه
حصه:انطب
زياد بدا بيطل ازرا كندورته:الله ما بنسير المدرسه
حصه:اقول عن حركات الحين بتصل في ابوكم

اتصلت في سيف
حصه تمثل:سيف الحق علي
سيف طفران:شو فيج
حصه:اختك طلبت منها توصل عيالك المدرسه ما رضت
سيف:وليش ما يرحون بالباص
حصه:راح عنهم الباص
سيف معصب:وليش ما توعيهم بوقت 
حصه بزعل:دوم اللوم علي واختك هذي لا شغله ولا مشغله ما تقولها شيء
سيف ينافخ:انزين انزين قولي لها سيف يقولج وديهم
حصه:قلت لها قالت شو يعني سيف انا لا اشتغل عنده
سيف عصب:جيه قالت
حصه:هيه
سيف:اصبري الحين بتصل فيها
علقها ع الخط .. 
حصه كانت تضحك وانتبهت لنظرات عيالها اللي كانوا يطالعونها باستغراب
صرخت عليهم:شو فيكم
زياد:عمو ما قالت جيه
زايد:ماما االمعلمه تقول الجذب مب زين
حصه انحرجت منهم:اسكتوا انتوا شو عرفكم هذا سوالف كبار
انتبهت على سيف:ها شو قالت
سيف:ما ترد علي
حصه:قلتك اختك يبالها ضرب ما تسمعني
سيف:مب متفج لج ..انا الحين بترخص وبمر عليكم وعن تأخير
حصه:إن شاءالله
بعدما صكرت منه ابتسمت ابتسامه الانتصار



فوزيه:نوال يالله وين الريوق
نوال في مطبخ:ألحين بيوصل 
يابت لهـا الريوووق وحطت على طاوله
قعدت معـاهـــا
قوزيه ما لحقت تسمي .. وحطت الاكل في حلجهـا
الاكل في حلجهـا وتكلمهـا:اخبارهـا امج الحين
نوال تقطع الخبر:احسن عن قبل
فوزيه تهز راسها:زين زين
نوال:عمو شو رايج نروح نسلم عليها
فوزيه:ما شي شغله شو روحي انتي عن نفسي انا وحده مشغوله
قاطعتهم هنادي:صباح الخير
باست خد امها وقعدت معاها
فوزيه:روحي حطي لج هذا مالي
هنادي:وييه يمه انا وانتي واحد وانا مب متكاسله اروح المطبخ
مدت يدها هنادي فضربتها فوزيه على يدهـا
هنادي بدلع:يمه
نوال تبتسم لها:ولا تزعلين حبيبتي انا بروح ازهب لج الاكل
هنادي:تسوين خير 
قامت نوال من مكانهـا وراحت صوب المطبخ
هنادي بسخريه:طلع منها فايده
فوزيه تحاول تبلع اللقمه:الا وين اختج أمل
هنادي:بعدها دوامهـا مب الحين
فوزيه:وعيهاا خليها تلحق ع فطور من زمان مب ماكلين جيه
هنادي:كيفها خلي يفوتها 
دخلت عليهم نوال بصينيه فطور لهنادي
نوال:ان شاءالله يعجبج
هنادي بدت تاكل بشراهه:زين زين مشكوره
نوال:عمتي ممكن اروح اشوف امي
فوزيه:لازم تستأذنين من ريلج ولا اهلج ما علموج
نوال بضيج:استأذنت منه بس قلت يمكن تحتاجين مني شيء
فوزيه:روحي بس رجعي بسرعه لازم تسوين الغدى
ابتسمت نوال:ان شاءالله

قـامـت بكسـل ودشت الحمــأم ..
بعدمـا تجهــزت فتحـــت سدتهـــا ما لقت سويـج سيـارتهـا
خوله:اكيد تحت
طلعت من غرفتهـــا تجاهلت حصه اللي كانت تتطالعها وتبتسم
خوله:شو عنده الخبل يبتسم
ما ردت عليها حصه وظلت تبتسم كأنها فايزه بشيء
خوله قعدت ع طاوله:الحمدلله وشكر
بعدما خلصت من ريوقهــا وقفت وراحت قرب باب الصاله 
صوب علاقـة المفاتيـــح
واستغربت يوم ما لقت مفتاح سيارتهـا .. 
جيكت في شنطتهـا وما لقتـــه
رفعت راسها من الشنطه وسألت حصه:ما شفتي مفتاحي
حطت ريل ع ريل:لا

راحت غرفتهـــا وتمت ادوره فوق تحـــت
خوله معصبه:وين راااح
رجعت تنزل تحـــت وتمت ادوره في الصاله
حصه بعبط:شو ادورين
خوله رفعت حيـاتهـا:تستعبطين حضرتج سألتج شفتي سويج سيارتي
حصه بكل بروده:هيـــــه سويج سيارتج خذاه سيف
خوله باستغراب:وسيف ليش ياخذه
حصه:ما ادري والله رجع البيت وكان معصب منج شكله دق ع باب حجرتج وانتي ما رديتي عليه .. وقبل لا يظهر من البيت لقى سويج سيارتج خذا مع عيالي
اونها ما تعرف شيء:انتي مسويه شيء
خوله هنا فولــت:ع كيفه هذا 
اتصلت فيه بعدما رد عليها:سيف ليش شليت سويج سيارتج
سيف:عسب مره ثانيه تحاسبين وتحترمين اخوج
خوله:وانا شو مسويه
سيف:مب متقيج لج وراي شغل يوم برجع البيت بنتفاهم
خوله:لا والله وكيف اروح الكليه
سيف:يوم واحد تغيبن ما تفرق وكان لازم اسوي هالشيء عسب تتأدبين
خوله:سيــف سيـــف
حست انها انفجرت يوم صكر على ويهـــا ..
حصه وهي واقفه:قلت لج لا تتحرشين في
خوله شلت السجين اللي ع طاوله وراحت عند حصه .. وحصه يوم شافت خوله كيف معصبه وناويه تذبحها شلت بعمرها وركض على غرفتهــا

لحقتها خوله وتمت ادق على باب غرفتها:اقولج افتحي الباب
حصه تصارخ:يمه لحقي علي .. 
اويه نسيت موبايلي تحت .. خوله لا تتخبلين صدقيني انا ما يخصني
خوله ..
ماشي حس .. 
حصه تحط اذنها على الباب:خوله
فتحت الباب ومالقتهــــا
حصه حطت يدها على قلبها:يمـــه خبلـه هااااي



يلست بقوه على الشبريه وحدهـا منقهـــوره فصخت الشيله بقوووه
انتبهت على رنة موبايلهــا
ردت عليه بتغصص:ألو
عمر حس فيها بسرعه :شو فيج
خوله:ما فيني شيء
عمر:شو ما فيج شيء صوتج واضح وضووح الشمس انه فيج شيء
خوله ماسكه دموعهــا:سيــف
عمر بخوف:شو سوى فيج سيف لا يكون مد يده عليج
خوله:لا (خبرته باللي صار معاها)
عمر عصب:صج ما يستحي هذا سكانة مرته
خوله:والحين ما اعرف كيف اروح الكليه
عمر:اتصلي لأي وحده من رفيجاتج ولا بس فالحات قومي وصلينا
خوله:انته بنفسك قلت هم يطلبون مني مب انا اطلب منهم
عمر:يوم اقول انج متكبره ما تسمعين
خوله:عمـر؟!
عمر :خخخ خلاص تجهزي انا بمر عليج
خوله:انته
عمر:هيه انا طالع اشتري لي اغراض وبالمره اوصلج
خوله:تعرف انه سيف بعصب
عمر:خلي يعصب وانتي راكبه مع منو يعني مب مع ولد خالتج
خوله:دام السالفه بتخلي يعصب فبقهره وبروح معاك
عمر:ههه انتقاميه صايره
خوله:يستاهل

حصه سمعت هرناااات سياره
وقبل لا تروح تتطالع شيء نزلت خوله .. واول ما شافتها ركضت صوب المطبخ
خوله ضحكت:هههههه

تمت تضحك حتى بعدما ركبت السياره
عمر:الناس تصبح ولا تسلم والحبيبه تضاحك لي
خوله تحاول تسيطر على ضحكتها:لو شفت حصه كيف ركضت كان بتعذرني
عمر يتحرك:لها درجه مسويه لها رعب
خوله : شليت لها سجين وزين انها شردت ولا صج بسوي لها جريمه
عمر يطالعها:بل خطيره
خوله:هههههههه
عمر:فديت هالضحكه
خوله:شوف جدام احسن
عمر تغصص منها:ما يطلع شيء حلو منج
خوله:ههههه

عمر ضرب يـده براسه:اوووووووو
خوله:شو فيك
عمر:نسيت البوك
خوله:وانزين
عمر:دامني بدرب البيت بسير اييـه
خوله تتطالع الساعه:عموري مب ألحين تأخرت على محاضرتي
عمر وهو يسرع:بشرط سمعيني كلام حلو
خوله:عمور انت متفيج
عمر يهز راسه بإنه لا
خوله:عمر ؟
عمر:شوفي لفيت 
خوله:خلاص احبك واموت فيك يا اللي مطفر فيني
عمر يضحك:خخخخخخ (وزاد ضحكته يوم شاف تعابير ويها بعدما قص عليها ولف صوب بيته)
وهو نازل:دقايق مب متأخر
صدت صوب ثاني اونها زعلانه

لاحظت خوله في احد طالع من بيت منصور .. يوم دققت اكثر طلعت أمل
انتبهت على عمر اللي ركب السياره
خوله:عمر خلنا نوصل امل شكلها تتريا احد
عمر اختفت ابتسامته:هي تدرس معاج
خوله:لا بس بالاول بنوصلها وبعدين وصلني
عمر:توج شوي وبتاكليني بتأخر وبتأخر وألحين صايره طيبه
خوله:الطيبـه من زمان في عرجي
عمر يتحرك:مب متفيج اوصل أحد انا
خوله:في دربنا انزين
عمر :خوله ابغي اتم معاج لو شوي
خوله:بس حرام 
بنبره باين انه معصب:ما اشتغل عند احد انا
ويوم شافته طااااف عن بيتكم امل ... طالعته :ليش ما وقفت
عمر:لها درجه خايفه اتمين معاي
خوله:لا بس
قاطعها:قولي جيه السالفه وخلاص
خوله:عمر احب قربك واحب اكون معاك وليش اخاف منك يعني بتسوي في شيء مثلا
عمر طالعها بنظرات حب:عيدي هاي احب قربك واحب اكون معاك
خوله:هههه صد جداااام احسن
عمر يعرف نوايا خوله نيه طيبـه .. بس هو تعمد يعارضهـا
لأنه ما يباااه يشوووف امل ويرجع احساسه بالذنب

--------------------------------
الفصل السادس..


(القصـــه أحـداثهـــ ـا الحــآآره بـــتبـــدأ بعـد نهـــايـــة هالبـــارت
يعنــــي نـــاويـــه أعــذبكــــم خخخخخخ)


حصه من خبرته انه خوله طالعه مع احد ... وسيف قلبه قاعد يوسوس
اتصل فيهـا .. وهناكـ خـولـه متعمـده تجـقـره..

حتى في وقت رجعته ما شرفت البيت 
وسيف يالس في صاله ويطالع ساعته
قعـدت حصه حذاله:تتريا منو
سيف بعصبيه:منو بعد .. الاميره بعدهـا ما شرفت
حصه تمثل اونها مهتمه:اتصل فيها انزين
سيف:اتصلت وتتعمد ما ترد علي
حصه:ما ادري طالعه مع منو
سيف:وانتي ليش ما لحقتيهـا وتشوفينهـا راكبه مع منو
حصه:وانت دوم ادور شيء عشان تلومني فيه




وهناك خوله في بيت خالتها يالسه معاهم وتتغدى وتضحك مع خالتهــا
اما عمر فأغلب الوقت كان سارح
رن تلفونهـــا
موزه:يمه موبايلج من مساعه يرن ليش ما تردين عليه
خوله:خليه يتأدب
موزه:منو ها
خوله:سيف .. تخيلي شل عني سويج السياره عشان خاطر عيون حرمته
موزه:لا إله الا الله انزين يمه ردي عليه يمكن يبغي يطمن عليج
خوله:خلي يولي خالوا انتي تغدي ولا تحاتينه
موزه:عمر
موزه و خوله يناظرون في بعض
موزه:ولدي عمر
عمر انتبه لهم:هـلا؟!
خوله ميوده ضحكتها:خالوا شكله ولدج سارح بحرمة ولدج في مستقبل
طالعها عمر:وربج يمكن بعد عندج مانع
خوله:ليش بكون عندي مانع وحليلها هي اللي بتعاني
عمر ابتسم عسب يغايضها:الا قولي بتتهنى بحياتها يا سلام من قدها 
بتعيش حياتهـا صح يمه
خوله:ما عليك تجاملك امك
عمر:مشكله المحترين
تغيرت ملامح خوله هي تعرف هو يقصدها بس فيها قرصه يمكن يقصد وحده ثانيه
فسألته:ومنو هاي اللي بتتهنى معاك
انقهرت اكثر يوم قال:حاليا محد في البال بس بخلي امي تختار لي
وقفت بغصه:الحمدلله شبعت
موزه:يمه ما كلتي شيء
خوله:شبعت فديتج وبعد بتصل في سيف وأخلي ياخذني
موزه:يمه يلسي بخلي عمر يوصلج
بعدما يلست بضيج واطالع عمر اللي راسم على شفاته ابتسامه
موزه:بس اتصلي في اخوج وقولي له انج هنا عندنا
خذت موبايلها واتصلت لأخـوهــا
بعـدت التلفون من ويهـا يوم صرخ عليها
خوله بكل بروده:شو فيك
سيف بصوت عالي:انتي وين الحين
خوله:عند خالوا موزه
سيف بدا يهدي:سلمي عليها .. 
خوله :بيوصل
انتبهت ع صوت حصه تقول لسيف (أسألها مع من راحت)
فردت قبل لا يتكلم سيف:قول لحرمة ما يخصها واذا ادخلت مره ثانيه
في اموري قولها بذبحهـا
موزه:خوله عيب
سيف:عن طولة لسان ويالله ارجعي البيت بسرعه
خوله:برجع بمزاجي
سيف عصب اكثر:خـــولــــه
خوله بكل بروده:اخوي قاعده اتغدى اكلمك بعدين جاااو
صكرت على ويه

موزه:شو ها خولوا ما اذكرج جيه تلاسنين اخوج
عمر:يمه خوله من زمان جيه دووم تلاسن
خوله هدت بالبدايه تعرف انه تعمدت يحرق لها اعصابها بس الحين لو يمثل جدام امه بس زودهـــا
خوله قامت:يستاهل هذا سكانة حرمته وانت (اشرت بيدهـا): ما يخصك في
طالعهـا عمر باستغراااب وفوق هذا فكر يمكن انها تسايره في تمثيل
اما هي بأسلوب أمر:قوم وصلني البيت
عمر:اشتغل عندج انا
خوله:هيــــه
عمر:خلي اخوج يوصلج
خوله:مب مشكله بآخذ لي تاكسي .. ولا اذل نفسي جدامك
باست راس خالتهـــا اللي تتطالعهم ومستغربه من تصرفاتهم
مشت عنهــــم
موزه:حبيبي روح وصلها عن صج تسويها
عمر:ما عليج ما بتسويهــا
بس يوم شافوها بالفعل طلعت برع وصكت باب الصاله بقوه .. 
وقف عمر ولحقهــا بسـرعـــه

قدر يمسكهــا وهي شوي وبتطلع من البيت
عمر:خولوا وين رايحه؟
خوله بعصبيه:ما يخصك
عمر:لا والله يخصني ونص انتي (سكت )
كان بقول انتي حياتي بس يوم شاف نوال وأمل وراهـا كانوا 
غير وقال:انتي بنت خالتي
خوله بعد حطت في بالها بقول شيء حلو 
طالعته بعصبيه وصدت عنه .. 
نوال:خولوا شو صاير
خوله:انتوا من متى هنـا؟.
نوال:تونــا
خوله انتبهت انها ما سلمت على امل:اوه سوري امل ما سلمت عليج
امل:لا عادي
تقدمت وسلمت على أمل
عمر:اخبارج نوال؟! (ويناظر امل بخلسه)
نوال:الحمدلله بخير .. ييت اطالع امي وسحبت معاي امل بالغصب
عمر:زين ادخلوا وامي بعد داخل
بعدما دخلوا الاثنين .. وامل كله عيونها في الارض ما تبى تحط عينها بعين عمر او اي احد فيهم وتنفضح لأنه عيونها فاضحتنهـا
نوال:خولوا وين رايحه
خوله تذكرت انها معصبه:بروح البيت يالله اشوفكم على خير
نوال:كيف تروحين ما شفت سيارتج برع
خوله تتطالع عمر:بروح بتاكسي
نوال:من صدقج
خوله:هيه
وكانت بتطلع بس عمر مسكها بيدهــأ :عن دلع يالله اركبي السياره
خوله تحاول تهده:اقولك ما ابغي اركب معاك
نوال:في احد يفهمني شو قاعد يصير
عمر:ادخلي عند امي وهي بتخبرج بكل شيء
نوال:خلينا ندخل امل هذيلا دوم جيه يضاربون
امل يوم شافت كيف عمر ماسك بيد خوله حست بضيج بس ما بينت
وراحت مع نوال
خوله بعدما راحوا تنازع عمر:انت كيف تمسك يدي جدامهم
عمر:عيل اخليج تروحين بتاكسي
خوله:قلتك ما يخصك
عمر مسك يدها بقوه وسحبها لسيارته .. ركبهــا بغصب وصكر الباب عنها
وهي بعدما يلست ما قاومت 

من ركبت وهي ساكته .. 
عمر:ما يسوى علي يا ماما ..خلاص آسف انتي تعرفين كنت اتمصخر
خوله ساكته وصاده عنه
عمر يهز كتفها برفق:حبيبي يالله عاد
خوله تأففت:شو ؟! شو عندك
عمر يمثل براءه:زعلانـــه
خوله:هيه وما اظن يهمك
عمر:افا بس انا ما يهمني حرام عليج .. يالله عاد خوله انا ارضى بسرعه يوم ازعل منج وانتي ليش ما تسوين مثلي
خوله:خلاص دور لك ع وحده مثلك
عمر بدأ يعصب:وانتي كل ما اقول لج شيء قلتي لي دور لك ع غيري
ترى صج بسويهـــا
وقف صوب بيتهـــا نزلت وما ردت عليه بشيء
ما تحرك وتم يطالعهــأ لين ما دشت البيت
عمر تنهـــد:شو اسوي معاها بس



موزه:انتي وين غاطه ما كنت اعرف منصور عنده اخت مثلج
امل تبتسم لها:تسلمين خالوا بس انا ما احب اطلع مكان
نوال:يمه بديت اغااار من وصلنا وانتي الا تمدحين امل
موزه:خخخخخ شو تغارين انتي بعد
نوال ادز امل:من قدج امل خذيتي عني امي
امل اكتفت بالضحكه

قاطعهم دخول عمر 
موزه:ها وصلتهـــا
عمر:هيه
نوال:انتوا شو بينكم ليش كارهين بعض
عمر استغرب من شعوره ,, ليش حس براحه يوم قالت نوال جدام امل انكم كارهين بعض
عمر يرد عليها:هي اللي تبدأ
صد صوب امه:يالله امي بروح انام تعبتني بنت اختج
موزه تضربه ع يده:لا تقول عنها جيه
ابتسم لأمـــه وراح عنهــــم

حط راسه وتم يفكر:شو اسوي ألحين ..مشاعري متلخبطه 
لازم اصلح غلطتي وبنفس الوقت ما ابغي خوله تضيع مني
غفـل من غير ما يحس بعمره

اما خوله فأول ما وصلت البيت دخلت غرفتهـــا وحطت راسها ونامت
وما قامت الا على حزة العصر
بعدمـا صـلت راحت صوب التسريحـه وخذت ربطه وربطت فيه شعرها القصير 
طلعت من غرفتهــا حتى ما اهتمت لموبايلهـا .. اليوم مزاجهـا غير كانت هـاديـــه وغير مبـاليـــه لشـيء

ويوم نزلت مالقت احد في صاله البيت فاااارغ
بعد ما اهتمت .. طلعت برع واختارت مكان هادي في الحديقـــه
عند حوض صغير لأسمااج

بدر:انا عند باب بيتكم
سيف:خلاص ادخل الميلس وانا دقايق وبكون عندك
بدر:فضيحه يا ريال
سيف:البيت بيتك حبيبي ادخل وخذ راحتك وبعد محد في البيت الحرمه وعيال عند امهم وخولوا اكيد راقـده
بدر:خلاص عيل بترياك لا تتأخر

بعدما صكر من عند سيف دخل البيت .. وهو متوجه صوب الميلس سمع صوت عــذب ..فلفــت انتبـاهـ تبعـ الصـــوت 
واستغــرب يوم اكتشف مصدر هالصوت خـوله
كانت تغني وتحرك أصـابعهـأ بالمـاي 
بدر تم واقف في مكانه .. ويسمعهــا بكل خواسـه
وخوله مب داريه فيه عيون تراقبهــا .. تغني وتضحك 
لأنها قاعده تلعوز في اسماااك وتخوفهــم

وبدر يوم شاف شو قاعده تسوي فيهم .. ضحك 
وضحك اكثر يوم فرت القطوه بحصا .. تبعده عن حوض الاسمااااج

خوله تتطالع الاسماج:انا ما ادري كيف قدرتوا تعيشون للين ألحيـن ههههه

بدر تدارك نفسه وتذكر احتمال سيف بأي وقت يوصل
وكان ماله نفس يتحرك بس مجبور
راح صوب ميلس وقعد يتريااه سيف .. وكل ما يتذكر خوله ترتسم بويه ضحكه



عمر لبس بدلته عسب بروح يلعب كوره
وقبل لا يطلع حب يطمن على امه .. دخل عليها الغرفه لقاهــا نايمـــه .. راح صوبهـا وباس راسهــا
فتحت عينهـا:عمر
عمر بندم:اوه ما بغيت اخرب رقادج
ابتسمت موزه وقامت تقعد:شابعه رقاد انـــا
مسكته وخلته يقعد
موزه:عمر ما تفكر تزوج
عمر:غريبه شو ياب طاري زواجي
موزه:بصراحه انته الحين بتروح ادوام بشركة ابوك وانا بتم لحالي فأبغي اشوف عيالك بدال هالفراغ اللي بذبحني
عمر يبوس يدهـا:بسم الله عليج يمه 
موزه:انزين شو رايك بأمل
عمر توسعت عينه:امل
موزه:هيه دخلت خاطري البنت هاديه وحلوه واللي عجبني فيها اخلاقهـا
عمر وقف:يمه انا بروح العب كوره ألحين الله يعلم بعدما استلم الشغل متى بلحق العب
موزه:انت سمعت شو قلتلك انا
عمر وهو طالع:يوم برجع إن شاءالله بنتكلم عن الموضوع
من ركب سيارته وهو يفكر بالموضوع صار الوضع لا يحتمل امل مب راضيه تفارق فكره .. ومن صوب خوله
والغريب انه ما اتصل فيها ولا حاول يراضيهـــا .. 


منصور:نوال شو رايج نظهر مكان
نوال:ويــــن؟!
منصور:ما ادري يبانـا نطلع بر
نوال:بروحنـا
منصور:عائلتنا وعائلتج وعيال عمي 
نوال تحمست:شيء حلو والله متى انزين
منصور:بعد ما تظهر عمتي من عدتهـا
نوال:ما بقى لها شيء
منصور:شوي عمتي بتغير الجو
نوال:احبك منصور
منصور:وانا اموت على نوالي
قاطعتهم فوزيه اللي دشتت بدفاشه:انتوا ايه عصافير الحب
منصور:هلا يمه
نوال لاحظت منصور شخصيته ضعيفه جدام فوزيه .. بس سكتت وما اشتكت وعلى بالها طيبة ريلها هو السبب
فوزيه تتطالع نوال:اليوم انا عازمه رفيجاتي فأبيغج تسوين لنا عشا رايق
نوال مثل كل مره تبتسم وكلها تفاؤل:من عيوني
وفوزيه يوم تشوف ابتسامتها تتغصص اكثر 
صدت صوب منصور:وانت تم شيء من راتبك
منصور:لا للأسف
فوزيه بعصبيه:لا والله وانا عازمه حريم كيف ادبر حالي الحين
منصور:انزين البيت ما شاءالله مب ناقصنه شيء
فوزيه:قول ما تباه تعطيني وخلاص 
طالعت نوال بنظرات:الله يجزاي اللي غيرك علينا
طلعت من عندهم وصكت الباب بقوه

نوال حست بالذنب:حاسه امك تقصدني انا
منصور:لا تشيلين هم من كثر ما تحبني تغار علي منج (وحليلك منصور)
نوال:بس حياتي مول ما عندك شيء
منصور:عندي بس خليته حقج فكرت آخذج لسوق
نوال تمسك يده:امك اهم من السوق
منصور:امي مب مقصر معاها وما عليج عندها بس تبغي زياده عليه
نوال:حتى ولو يمكن شيء ناقصنها من الاغراض وعن نفسي لاحقه على السوق
منصور:قلت لج لا تحاتين وامي انا براضيها بطريقتي بس انتي باجر تجهزي .. كنت ناوي آخذج اليوم بس شكلج بتنشغلين
نوال بخوف: ان شاءالله ضيوف عمتي يعجبهم طبخي
منصور باس يدها الثنتين:بعجبهم غصبن عليهم كل شيء منج حلو
نوال بستحياء:منصور عاد
التوى عليها:حياة منصور

هنا الرومانسيه مستمره ... بس خلنا نطلع من غرفتهم ونروح لغرفة امل
هنادي تكلمها وهي ولا على بال
هنداي:اقولج كان طر حليووووو بس المشكله ما سوى لي سالفه
بس اكيد بييب راسه ..
شافت امل مب منبه لها
هنادي:انتي ايه اكلمج انا
امل انتبهت لها:ها ؟ شو قلتي
هنادي:شوفيج صار لج فتره مب صاحيه انتي
امل خاطرها تقول مشكلتها لأحد بس مب عارفه لمنو وبنفس الوقت حاسه نفسها بتنفجر
امل بضيج:هنادي
هنادي:نعم
سكـتت امــــل
هنـادي:شــو؟ ليش سكتـي
امــل صدت عنهـــا:ماشيء
هنادي سوت لها مالت:انتي صج مب صاحيه
دخلت فوزيه عليهم:بترحون معاي
هنادي اول وحده وقفت:ويــــن
فوزيه:بروح الجمعيه
هنادي يتكبر: مب من مستواااي بس بتحمل واروح لاني طفرااانه
صدت صوب امل:وانتي امل
امل:لا
هنادي تسحب امها:خليها هالعيوز 
اول ما طلعوا من عندها .. امل غطت ويها بيدها وتمت تصيح

حتى خوله حالتها حاله .. ودها تتصل بس متكابره واللي محيرنهـا اكثر انه عمر ما اتصل فيها ولا طرش لها مسج
قاطع تفكيرها دخول زياد
زياد:عمو ليش يالسه لحالج زعلانه من امي وابوي
خوله ابتسمت ... مستغربه من هالولد سوالفه سوالف واحد كبير
مد يدتها :تعال
مسك يدها وركب على شبريه
قعدته جـدامهــا وحضنته بقوه:انته ليش جيه سوالفك
زياد صد لورا عسب يطالعهـا:عمو انا ريال كبير
مطت خده:كله من ابوك اللي ياخذك في كل مكان
زياد:عمو باجر بنسير رحله مع المدرسه
خوله تتطالعه :وزبده
زياد:لو تودينا بوقت عشان اشتري جبس وعصاير وكاوكاو
خوله:جبس وعصاير وكاوكاو هــأ
مسكته وتمت ادغـدغـه وحليله مب قادر يمنعها وتم يضحك 
وهي تضحك معاه وتقلده:تبى عصير ها ؟ 

دخلت حصه عليهم:بسم الله وش فيه ولدي
وقفت خوله :وش فيه يعني
حصه:قلت بعد يمكن ذبحتيه مثل ما بغيتي تذبحيني
خوله:ترى الفكره بعدها في بال وإذا ما طلعتي الحين مو بس بذبحج الا بطبخج بعد وبأكل لحمج للجلااااب
حصه خافت وراحت صوب زياد مسكته من يده وسحبتـــه
حصه:تعال عن تسوي فيك شيء
خوله:زياد (اشرت على خدهـا)
بعـد يده عن امه وركض صوب خوله وباسهـا على خد
زياد:عمو هذي آخر مره ترى انا ريال
خوله تضحك:فديت هالريال انا
حصه:تعـآآآآآآل أنـت بـعـد
خوله:شوي شوي عن تقطعين يد الولد
ما اهتمت حصه وطلعت من عندهــا


بعدمـا طلعــت من عنـدهـا حصـه استسـلمـت لأمرهـا وخـذت موبايلها واتصلت في عمـر
اللي مـا رد عليهــا الا بعـد فتره 
خوله:تتغـلى
عمر:لا بس كنت مشغول
خوله:ليش انت وين
عمر:انا طـالـع بـرع البيت ألحين بكلمج يوم برجع البيـــت
خـولـه:يعني شو اتصل فيك وتقفطنـي
عمر بضيج:حبيبي اقولج مشغول
خوله:خلك في شغلك انا الغلطانه اللي قلت اراضيك واتصل فيك
عمر بكل بروده:اكلمج بعدين
صكرت على ويـــه
عمر فر تلفونه على الشبريه .. ماله بارض يسولف معاها خاصه بعد الكلام اللي دار بينه وبين ربيعه بعدما خلصوا مبارتهم
عمر:حميد ممكن اقولك شيء
حميد ترك دبة الماي على سيارته
حميد:افا عليك قول اللي في خاطرك
عمر:اقولك وامري لله .. اذا ظليت جيه ساكت احس اني بنفجر
حميد:شوفيك عمر
عمر:ارتبكت ذنب تجاه وحده يعني سويت معاها الحرام .. 
حميد طالعه بنظرات .. عمر ما قدر يفهمه
عمر:لا اطالعني جيه عندي شورك
حميد:مالك الا تزوجهـا بعد شو 
عمر:المشكله اني احب غيرها
حميد دزه :انت شو بنات الناس لعيه عندك اسمع انا ما اعرف شو اعذراك بس هالغلطه لازم تصلحهــا .. يعني انته ما تعرف شو عقاب اللي يزني
وبعض يقول تنحرم من ريحة الجنه .. ولا تشوف حالك ما عندك اخوات او اختك تزوجت خلاص ما بتنال عقابك ..
كلمه بهـدوء:اخوي لازم تصلـح غلطتـكـ وما عندي غير هالكـلام

هالتفكير ظل يستمر حتى في ليل حاول ينام لكن ما شيء فايده
وبصوب ثاني خوله معصبه منه وغلقت تلفونهـا وهي بروحهـا ما قـدرت تنـــأم
كل تفكيرهـا عمر يتصل فيهـا وهي غالقه تلفونهـــا.. 
فوق هـذا بعد تكـآآبر وما رضت تفتح التلفون
غمضت عينها بغصب وحاولت تنام

وعمر يوم شاف نفسه مب قادر ينام خذ تلفونه واتصل في خوله
عمر:شو هاي غالقه تلفونهـــا
سكـت للحظـه .. وبـدت اصابعـــه ادق على ارقام .. اللي نساهـم
لفتـره ..
وكل ما يحاول يسوي اتصال .. يرجع يمسح الارقام
وبالنهايه قرر يتصل فيها وسوى اتصال 
لأول مره حس انه متوتر وخايف مب عارف شو قاعد يسوي واللي يسوي صح ولا خطـأ
عمر:لا لا كيف اخون خوله .. اصكر قبل لا ترد علي
ألحين كان بصكر سمع صوتهـا:ألــــو

--------------------------------
الفصل السابع

سكـت للحظـه .. وبـدت اصابعـــه ادق على ارقام .. اللي نساهـم
لفتـره ..
وكل ما يحاول يسوي اتصال .. يرجع يمسح الارقام
وبالنهايه قرر يتصل فيها وسوى اتصال 
لأول مره حس انه متوتر وخايف مب عارف شو قاعد يسوي واللي يسوي صح ولا خطـأ
عمر:لا لا كيف اخون خوله .. اصكر قبل لا ترد علي
ألحين كان بصكر سمع صوتهـا:ألــــو
ظل ســاكـت
أمل:أكيد بالغلط متصل .. مع السـ
قاطعهـا:لحظه امـــل
امـل:نعـــم
عمـر:اخبـارج
امل:مثل ما شفتني عايشه
عمر:شفت الحزن في عينج اليوم
امل مسكت نفسها ما تبى تصيح جدامه
امل:انته تتوهـم
عمر:ممكن سؤال
امل:عمر ممكن تصكر ابغي انام
عمر:دقايق بس
امل:ليش ..؟! حرام عليك عمر اللي فيني يكفيني (نزلت دمعهـا)
عمر:انـا آسـف على كل شيء أمل
أمل:فات الآوان على اسفكـ
عمر:وان قلت لج اني ناوي اصلح غلطتي
مشكله امل مب قويه مثل خوله ..وهي بدت تتأثر بكلامه
امل:ما فهمت
عمر:اقصد اني ناوي اتزوجج
امل تمت ساكته
عمر:لا تفهميني غلط ولا تقولين اني رضيت اتزوجج لأنه صار شيء بيني وبين خوله احلف لج برب الكعبه انا وخوله علاقتنا بخير .. لكن ضميري صار يعذبني مب قادر انام 
امل قاطعته:وبعدما تزوجني اطلقني بس عشان تريح ضميرك
عمر تم ساكت للحظه
امل:يعني كلامي صحيح
عمر:امل انتي تعرفين اني احب خوله و ما في احد يقدر ياخذ مكانهـأ
امل:عمر انت شو من البشر
عمر:انتي فكري عدل بالموضوع استر لج وحتى بعد ما اطلقج بقول لناس الغلط مني وانتي ما عليج قصور الف من يتمناج وانا بكون صريح معاج في كل شيء عندج وقت تفكرين فيه
أمـل:ممكن اصكر
عمر:فكري بالموضوع
امـل:يالله مع سلامه
صكرت منه ومـا عطته فرصه يقولهـأ شيء طول ليل وهي تفكر بالموضوع..
شو من البشر هذا .. يقولي لي بكل وقاحه يحبها ويباه يزوجني عشان يريح ضميره .. شو انا بالنسبه له لعبه
انا الغبيه انا الغلطانه في كل شيء .. من حبيته وانا اعرف هو يحب خوله
وانا مجرد وسيله ترفيه عسب ينساه خوله
تضرب على قلبها بقوة:كله من هذا رغم كل شيء حبيته حبيتـــه 
تصيح بمراره :الله يغربل اليوم اللي طلعت معاااه صرت رخيصه
رخيصه .. 
دفنت ويها تحت الموسده وتمت تصيح

نوال اللي كانت واعيه ..لأنها ظلت تغسل الصحون وتنظف المطبخ
وبعدما خلصت كانت رايحه صوب غرفتهــأ فسمعت صوت طالع من غرفة امل ... ويوم تأكدت اكثر انها تصيح
دقت عليها الباب وما ردت عليها
فتحت الباب وقفت بخوف يوم شافت امل كيف تصيح
راحت صوبهــأ :امـــل ..أمـــل شو فيـــج
امــل مسحت دمعتهـــأ وقامت تقعد
بصوت مبحوح : ما فيني شيء
نوال : كل هذا وما فيج شيء
امل تمسح الدمعه :صج ما فيني شيء لا تحاتيـــن
نـوال تمسك يدهــا : اعرف اني غريبه بس والله حالتج مب عاجبني
فاجـأتهــا أمل يوم حضنتهــا وتمـت تصيــــح
نـوال تمسح بشعرهـــا وبخووف : أمـــل
أمل حضنتهــأ بقـــوه وتمـت تصيـــح وتصيــــح


بعدما صلت الفير ... خذت موبايلهـا وقعدت على الشبريه
فتحت موبايلهــأ .. استانست يوم سمعت رنة المسج
بعدما فتحته حست بخيبة امل
خوله:بس مكالمـه .. هذا وايد متغير علي
تنهــدت:يمكن انا صايره قاسيه معاه وهذي اول مره اكون زعلانه وما يحرق تلفوني
اتصل فيه .. واراضيـــه
اتصلت فيه .. ما رد عليهـــأ .. اتصلت لمره ثـالثــه بعـد مـا رد عليهـــا
تغصصت:شـــو هــــا
حطت راسهـــا على الموسـده وحاولت تغمض عينهـــا

وبصوب ثاني بعدما خلص من الصلاه ... و وصل البيت انتبه على اتصالات خوله .. 
عمر:شـو اقـولهـــا .. كيف اقـولهــا اسـاسـا؟
انـا اذا مـا حليـت هالمشكـلـه بتخبــل




حيل عذبني غموضك
وصارت اسرارك هواي 
وصار همي بس اعرفك 
اخاف لك غيري حبيب
اسالك ليش اتهرب 
يا شقى قلبي وعناي 
انت بـ عيوني الاماني
وانا عن عينك اغيب


مر يومين وعمر يتهرب من اتصالات خوله .. حتى بالمسجات ما يرد عليها .. وخوله تعبت كثر ما تسأله شو فيه 
وهو بنفسه في عالم .. 

والحال ما تسر عند امــل بعـــد ...
نصفهـا يقول لا تنزلين من كرامتج وتوافقين ونصفهـا يقول لين متى بتظلين على هالحال لازم يوم من ايام بسـألونـج ليش ترفضين كل من يخطبج
وانا غلطت لازم اصلح غلطتي .. بس عشان اصلح غلطتي اعيش حياه كلها جذب بجذب .. وهو بعده يحبهـا وخوله شو ذنبها في كل هذا 
ليش تعاني مثل ما عانيت انا ... 
بس هي حالتهـا مب مثل حـألي انا غلطت اما هي لا .. هي الف من يتمناهـا وأنـا 
آآآه شو اسوي يا ربي اوافق عليه و ادمر حياتي معاه ولا اتم جيه بس لين متى ..
خافت يوم امهـــا دخـلـــت
فوزيه:امـل شو تسوين
امل تحاول تخبي توترهـا:مـا شيء
فوزيه تتطالعها باشمئزاز:انتي ليش جيه ويهج صاير هـا؟
امل بحزن:شو فيني
قعدت بجنبهـا:شوفي ويهج بالمنظره وبنعرفين .. وهنادي بعد تقول كله تحبسين نفسج في غرفه
امل بتوتر:بس جيه 
فوزيه:سمعي انا الحين بخليج على راحتج وسمعت كلامج ورفضت ولد ام سالم بس انا خلاص شبعت من دلعـج كل ما تقدم لج احد رفضتي
وقفت:لين متى يعني بقعد احاتيكم وبتمون فوق راسي 
وبنبرة تحـذير:اقولج من ألحين اي أحد بي يتقدم لج بوافق عسى كان شيبه بعد فهمتي

وهي طالعه صكت الباب بقـوه ... خلت امل تفز من مكـانهـــا
خـذت موبايلهـــا وطرشت له مسج

عمر:حنفي شوي شوي علي يبالي وقت لين ما افهم
حنفي:مافيش مشكله هعلمكـ خطوه بخطوه
انتبه على رنة موبايله:لحظه حنفي
عقـد حيـاتــه يـوم قـرأ المسج
وقـــف عمـر:حنفي نكمل بعدين .. اوجي
خذ مفتاح سيارته وطلع بسرعه من مكتبـــه .. 

بعـد شهـريـــن


نزلت من السياره ولقيت سياره عنابيه في بيتنا 
خوله:اوه سياره عجيبه الصراحه
عمر:مال منو؟!
خوله:ما ادري بكلمك يوم بدش غرفتي اوجي
عمر:خليني على الخط .. سلمي عليهم محد بيعرف انج تتكلمين
خوله:اوجي
نزلت السماعه من اذنـي ودشيت الصاله
كعادتي ابتسمت:السلام عليكم

ما ادري شو صابني يوم سمعت حسهـــا وقفــت لا اراديـا اهم شيء تشوفني واشوفهـا عدل
رديت عليها وانا حدي مستانس:وعليكم السلام
انتبهت على سيف اللي وقف:وعليكم السلام ليش تأخرتي اليوم
ردت عليه خوله:شو اسوي هالكليه كل مره طلعت لنا بشي الا تقيم والا ما اعرف شو المهم (صدت صوبي وبكل احترام سألتني):اخبارك بدر
كنت مستانس ليش؟ ما اعرف يمكن لأنه خوله تغير اسلوبهـا معاي
المهم رديت عليها:بخير
عجبتني حركتهـا طلعت انت راعي سياره العنابيه
بدر:عجبج امسات اشتريته
خوله:أكيد بعجبني دامه عنـابي ..
صدت صوب اخوهـا:اخوي تغدوا عني حدي تعبانه وبسير انام
سيف:خلاص توكلي

الود ودي استمر واطالعهـا لين ما تختفي بس حسيت سيف كان يراقبني بنظراته .. فرجعت وقعدت بمكـانـــي

اول ما دشيت غرفتي حطيت السماعه بإذني:سووري
عمر كان معصب:لا والله .. كان خاطري اصكر بس والله ما تهونين علي
خوله:حبي انته بنفسك سمعت سيف كيف كان يحقق معاي
عمر:لا تردين على سيف كله اللي سمعته سوالفج مع بدر
خوله:تصدق شاري سياره عجيبه والاحلى فيها لونهـا
عمر:خـوله شو رايج بعد تركبين معاه
فريت شيلتي:ليش معصب انزين
عمر:مب معصب
انا بعناد:لا معصب لا يكون حاس بغيره
عمر اونه ينكر:لا ليش اغار .. انتي لي وانا لج
رديت عليه وانا اتنهد:اثبت لي يوم بتخلص اللي براسك
عمر بترجي:حبي تحملي شهرين بالكثير وبعده بطلقهـا
كاسره خاطري امل بس قلبي مب مطاوعني اترك عمر لغيري سألته بضيج:متى قررتوا العرس
عمر:بداية الشهر إن شاءالله ابغي اعرس بسرعه عسب بالنهايه اجتمع معاج بسرعه
سكـــوتــــي خلاااه يخاااف
فسألني:خوله تحبيني؟
رديت عليه بصوت منخفض:هيه
عمر:لأ انا ما ابغي اسمع هذا
ابتسمت:احبك عمر بس انت بعد لا تخون في
عمر:حبيبتي قلت لج انتي لي وانا لج غير هالكلام ما عندي
حسيت بالأمان:انزين انزين عن تاكلني
عمر:هههه انا ما آكل المر
خوله:انــا مـــر يـــا الحـامض
عمر:هههههههههه

ما ادري كيف وافقت على كلامه ما ادري .. 
احس نفسي تغيرت .. ما توقعت اني لها درجه احب عمر اني بقتنع بكلامه وبوافق يتزوج امل ونظل مع بعض لين ما يطلقهـا ويتزوجني بعده .. لها درجه صرت انانيه معقوله حبه عمـاني عن كل شيء خطـأ .. 
كل اللي اعرفه اني تألمت وحسيت في كل ثانيه اني بموت يوم عرفت انه بيخطب امـــل
رجعت راسي لورا واتذكر اليوم اللي خبرني عن قراره


بعدما سمع قرار امل طلع من شركته واتصل في وانا كنت في مجاضرتي ومحوله موبايلي على صامت وعمر اتصل لي اكثر من مره .. 
لو ما ربيعتي اللي انتبهت على ضوء شاشتي كان ما حسيت لين ما يخلص محاضره
ربيعتي:خوله تلفونج
خوله:اوه ما حسيت فيه
خذيت موبايلي ولقيت فوق خمس مكالمه لم يرد عليها ومسج
اطالع الاستاذ واطالع تلفوني .. 
قريت المسج:خوله ردي علي ضروري بلييييز
بعدما قريت المسج قلت بعتاب:توه الناس
ربيعتي:خولوا الاستاذ يطالعج
رديـت موبايلي لمكانه وابتسمت لأستاذي اللي كان يطالعني بنظرات

بعدما خلصت محاضرتي اتصلت في عمر .. كان خاطري اتغلى بس اشتقت له الصراحه
عمر:خوله انتي وين
خوله:بسم الله سلم اسأل عن احوالي
عمر:ما عندي وقت حق .. انتي وين ألحين
خوله:وين يعني في الجامعه
عمر:متى بتخلصين
خوله:ع ساعه 2 ليش
عمر:اوكي يوم بتخلصين مري بيتنا ابغيج ضروري
حسيت بحيره فسألته:ليش .. صار شيء
عمر:ما يصير على تلفون لازم نتكلم ويه بويه
خوله:عن شــــو انـزيــــن
عمر:اذا لها درجه مستعيله طلعي ومري بيتنـــا
خوله:لا ما اقدر خلاص يوم بخلص
عمر:اتــريـــاج
خوله:اوكي
عمر:خوله
خوله:هــلا؟!
عمر:أحبج
قلت خلني اتغلي عليه :وانا ما احبك يومين يا الظالم لا تسأل ولا تتصل
عمر اول مره يكلمني بها اسلوب:والله احبج واموت فيج والله يخليج خوله شو ما يصير لا تتخلين عني
حسيت انه شيء مب طبيعي كان يترجاني بكل حب
فخفت وسألته:عمور خوفتني
انا خايفه والحبيب يضاحك:ههه عيدي عيدي انتي تخافين
اوني زعلت:لا والله شو تشوفني مب انسانه
عمر:فديتج انتي مب انسانه انتي حــور يا جميييل
يعرف كيف يخليني اميل له:تعرف تيــب راسي 
طالعت ساعتي:انزين حبيبي لازم اروح بتبـدأ محـاضرتي
عمر:خلاص الله يحفظج ولا تنسين موعدنا
خوله:ان شاءالله .. يالله مع السلامه
عمر:احبج
خوله:وانـا بعد احبك
صكر منـه وأنـا في قلبي مليون سؤال حتى اكثر من مره يفوتني وما اركز على محاضره ... 
كل دقيقه اطالع ساعتي حتى ربيعتي تغصصت مني
ربيعتي:كرهتيني بالكلاس يا بنت
متغصصه:متى بخلص .. زهقت
ربيعتي:تحسسيني كأنج اول مره تدرسين
خوله:وراي مشوار
ربيعتي:ما بقى شيء تحملي
خوله:امري لله

ما صدقت خلص وقت المحاضره ... شليت بعمري لسيــأرتي
ويوم وصلت قريب بيت عمر .. اتصلت فيه 
خوله:انا قرب بيتكم
عمر:خلاص اترياج
خوله:اوجي

وقفـــت وخـذيت نفس:شو يبــأه عمـوري .. ان شاءالله خير
نزلت من السياره .. دشيت البيت لقيته واقف جدامي
خوله:خوفتني
مسك يدي:تعــالي
سحبنــي
خـوله:عمور على وين تاخـذيـن
بعدمـا تركـ يدي
عمر:ما ابغي احد يسمعني
خوله:شو عندك خوفتني
حسيت تنفس بصعوبه:انا اللي خايف كيف اقولج من وين ابدأ 
وشو بكون ردت فعلج
خلاص مل صبري:عمر بتتكلم ولا كيف
عمر مسك يدي :اوعديني ما تتخلين عني
انا مستغربه:اوعـدك؟
رص على يدي:خوله دخليج اوعديني
حسيته آلم يدي فقلت له بشكل سريع:اوعدك اوعدك ما اتخلى عنك
بس خبرني على شو كل هذا
تم ساكت ويطالعني بنظرات ما قدرت افهم منه شيء
وانا اسوي له حركات بويهي (يعني تكلم .. شو فيك)
ترك يدي وصد عني:خـولـــه أنــــا متـوهــق بس بألأول ابغي اعرف رايج بموضوع
خلاص حاسه نفسي بنفجر شو ها ليش قاعد يلف ويدور
صد صوبي وقال بشكل سريع:سيف ارتكب غلطه مع وحده والحين مب عارف شو يسوي؟
فجيت حلجي .. ما قدرت اتنطق بشيء
عمر:شو لازم يسوي
قلته:انت من صدقك
عمر:انتي قولي شو ناوي يسوي
مب مصدقه اخوي يسوي هالشيء فرديت عليه:اولا اخوي مستحيل ينحدر لها المستوى 
قاطعني:اقولج شو لازم يسوي
خوله:اقولك ما صدق
عمر:افرضي طلع صج
قلت وانا مب مصدقه:لازم يتزوجهـا بعد شو
عمر:حتى لو متزوج وعنده حرمه
خوله:هيه بنات الناس مب لعبه عنده لازم يتزوجهـا ويستر على البنت بس انا بعد اقولك اخووي مستحيـل يسـ
قاطعني وقرب ويهـا بويهي:وإن قلت لج انا ارتكبت هالغلطه
بعدت عني:انت مب صاحي اليوم .. خلني ارجع احسن لي
تحركت بس مسك يدي ..
غمض عيونه وانا اطالعه مستغربه من حركاته
تكلم بكل ندم:خوله انا ارتكبت هالغلطه .. وصدقيني كانت قبل لا اعرف انج تحبيني .. كنت اتسلى مع البنات بس عسب انسى اول حب بحياتي واللي كنت اعتقده من طرف واحد من طرفي انا .. بس عمري ما سويت معاهم شيء الا هــااااي ... بعدما حسيت خلاص ماشي امل معاج 
قررت بين نفسي اتزوجهــا ويمكن اقدر انساج .. 
لكني ما قدرت لا انساج ولا انسى حبي لج .. صارحتيني انج تحبيني 

(كنت اسمع كلامه ومب مصدقه منه ولا شيء بس ما اعرف ليش دموعي خانتني ونزلت غصبن عني)
بعده ماسك يدي بس هالمره قعد على كوعه وفتح عينه يطالعني:والله انتي حبي الاول والاخير ... بس شو اسوي حاس بالذنب اني دمرت حياة بنت .. مالها ذنب حبتني وانا خدعتهـا واقسم بربي ابغي اصلح غلطتي بس عشان ما اخسرج بعدين
حاولت اسحب يدي .. ما قدرت كان متمسك في بقوه
كمل كلامه:خوله انتي وعديني ما تتخلين عني .. تحملي شهرين بالكثير .. وبعده بطلقها وبتزوجج انا ما ابغي غيرج انتي وبس والله انتي وبس ... ولا يمكن اسمح لغيري ياخذج

دمعه ورا دمعه تنزل من عيوني ... 
ما توقعت في يوم من ايام بنجرح بها الطريقه او احد بخوني ومن منو من شخص حبيته من كل قلبي ... 
سحبت يدي بقوه .. لين ما قدرت احرره من قبضته .. صديت عنه ومشيت ..
هو مستغرب سكووتي ..
تبعني و وقف جدامي:خـولـه
طالعتـــه وانا عيني مجمعه فيها دموع
شكله ما تحمل وحاول يمسح دمعتي بس انا رجعت لورا
عمر بكل حب يترجاني:حيـــاتـي
بس كان في بالي سؤال:انت كلمتهـــا انك (سكــت ما قدرت اكمل)
حاول يمسك يدي لكني ما خليته وجاوبني بكل ثقه:لا ما كلمتهـــا ... قلت اكلمج بألاول .. ما بقدر اتزوجهـا لين ما انتي توافقين على الموضوع
طالعته بنظرات .. يتريا موافقتي على جنازتي .. اكيد عديم الاحساس
حسيت كل قوة العالم تجمع فيني .. ودفعت بعيد عنه .. ومشيت لسيارتي بأسرع ما عندي ... ركبت سيارتي وحركته 
ما اهتميت لصوته يوم نادى علي .. كل همي ابتعد عنــــه واظل لحـالي
اذكر مر شهر وهو يحاول معاي .. عمري ما شفت شخص ذل نفسه مثل ما ذل عمر نفسـه .. احيـاننـا يكسر خاطري واحياننا احس اني معصبه منه ومن اللي سواه معااااي
ما نمت ليالي وانا افكر فيه ... كنت احس بفراغ كبير في قلبي وكل ما يرن تلفوني واشوف رقمه ودي ارد عليه .. لكن في شيء يمنعنـي

وانا رايحه الكليه شفتـه واقف برع البيـــت .. 
سمعت صوته:خـولـه
واقــف جدام سيارتي .. 
دقيت هـرن عسب يبتعد ما رضى .. عصبت ونزلت من السياره
رحت صوبه:انت خبل عن احد يشوفنـا
عمر:مب متحرك لين ما تعطيني فرصه أكلمج
قلته بعصبيه:تم شيء وما قلتته
عمر بترجي:ارجوج خوله
ركزت في شكله حالته حاله كان .. تارك اشغاله ورا وراكض وراي
جزء بسيط من قلبي يقولي عطيه فرصه
خوله:خلاص انزين يوم برجع من كليه بمر بيتكم بتكون موجود؟
عمر تحمس:اكيد اكيد بترياج
خوله:وألحين بتتحرك
ابتعد عن سيارتي:اترياج انزين
ما رديت عليه ركبت سيارتي وتحركت عنه ... ظليت اراقبه من المنظره
ما قدرت اركز في شيء كنت اشخبط واشخبط
انتبهت على صوت ربيعتي:خوله شو فيج
صديت صوبها:ما فيني شيء
ابتسمت:كل هالشخابيط وتقولين لي ما فيج شيء
ظليت ساكته وما كلفت على نفسي ارد عليها بشيء .. حتى فوت محاضرتين .. لين ما ضاق خلقي وطرشت مسج لعمر :إني بمر عليه الحين
وصلني رده بسرعه:خلاص اترياج
رحت صوب سيارتي وانا خلاص حاطه في بالي انهي اللي بينا اصلا ما تم شيء عسب انهيـــه هذا بالنسبه لي ولازم اقنع عمر انه خلاص يستر على بنت وينساني
ترددت افتح باب بيتهــــم .. وقبل لا امد يدي .. انفتح الباب وعمر جدامي
عمر:ليش واقفه ادخلي
دخلت وانا اتظاهر بجديه:اختصر اللي عندك
عمر:ليش جيه خوله ليش هالقساوه
قلبي قاعد يتقطع بس كان لازم اصير جاده معاه:عمر خلاص ما بينا شيء تزوج البنت واستر عليها وانا خلني في حالي
تفأجـأت يوم مسكني من ذراعي:انتي لي انا ومحد بياخذج مني .. وليش مب راضيه تفهمين هالزواج مجرد اتفاق بيني وبينها ما ابغي اظلمهــأ
بعدت يدي ونزلت دموعي:عمر انته حبي الوحيد ما اقدر اتحمل واشوفك مع وحده ثانيه وانا تمنيت اكون اول وأخيره في حياتك مب الثانيه
مسح دمعتي:حبي محد محد بيقدر ياخذ مكانج انتي الاول وبتظلين الاول
خلاص ليش اعانده ليش اعذب نفسي شهر وانا بعيده عنه تعذبت كيف أفترق عنه ألحين وللأبد ما اقدر والله ما اقدر
كلمته وانا شبه راضيه بكلامه:شهرين بس
عمر:شهرين بس واقولج هيه تعرف عن علاقتي معاج
خوله:منو هاي البنت
عمر نزل راسه:أمـل
مستغربه على الآخر:امل بنت عمي اخت منصور؟!
هز راسه يعني (هيه)
مسكت راسي:معقوله ؟! بس هذي ما يبين عليها
حسيت نفسي ضايعه ومب فاهمه شيء 
عمر جبرني اصد صوبه واطالعه:سمعي .. سمعيني زين زواجنا مؤقت
اشر على قلبه:وانتي هنا للأبد زين حبيبي
مرتاحه ومب مرتاحه كله اللي اذكره في ذاك الوقت مشاعري متلخبطه كانت ...
طلعت من عنده وقلته بفكر بالموضوع
اتصالات لي ومسجاته كلهـا خلتني اقتنع بكلامه وارضى باللي قاعد يصير
ما حضرت خطبتهـــم ... و الودي ما أحضر ملجتهـم بعد 
بس اعرف الكل بقعد يسألني فقلت اتم لين دخلت امل وبعده بغادر ما اقدر اشوف عمر واقف معاهـا
وهو بعد اصر ما يسون حفله بس خالتي ونوال حنـوا عليه .. وما قدر يرفضهـــم


الوقت الحالي

دخلت علي حصه توريني فستانهـا
حصه:شو رايج بفستاني
متفيجه هذي رديت عليها:حلو
حصه:بس انتي ما شفتيه
طالعت الفستان:اقولج حلو
حصه:وانتي ما تجهزتي
خوله:بلبس اللي عندي
حصه:شكلج مب مستانسه من الملجه
خفت تلاحظ شيء فابتسمت لها:وليش ما استانس .. اخيرا خالتي بتحصل لها ونيس
حصه:هيه وحليلها ام عمر امسات تقولي انها تمل من القعده لحالها
ما رديت عليها بشيء خليتهــأ تسولف وانا بالي مشغووول

--------------------------------
الفصل الثـامـــن

سيف:ليش يالسه لحالج
حصه:يعني اقعد مع منو .. اختك 24 ساعه حابسه نفسها في غرفتهـا .. وحتى اذا طلعت لازم بتعق علي كلام
طالعها سيف بنظرات
حصه:شو ما تصدقني
سيف:خلينا من ها ؟ خلصت ياغراضج حق الملجه
حصه:هيه .. تصدق ما توقعت عمر بياخذ امل 
بس 
قاطعهـا سيف:كل شيء مكتوب ومقدر
حصه:ما ادري بس احس عائلتهـا لعبوهـا صح بالاول نوال والحين عمر
سيف:نحن ما يخصنا علينا نشاركهم وبس
حصه ما عجبها رده فسكـتت
زايد زياد توهـم داخلين البيت ويوم شافوا ابوهم ركضوا عنده
شلهم سيف:فديتكم انتوا وين كنتوا
زايد:كنا هنـاك نلعب كوره
زياد:بـابـا فـزنـا عليهـم
سيف مندمج معاهم:كم يبتوا
زياد:نحن 4 وهم 1 صيحـنـاهـم
سيف يضحك:لا تقولي كسرتوهم
زايد:هذا زياد كله يكسر ويضارب
زياد:فتااان
سيف:زياد عيب

●●●

طلعت من غرفتي ولقيت الكل مجتمع في صاله ...
وانا نازله:مساء الخير
زياد وزايد ركضوا صوبي
انتبهت على حصه:شوف كيف عاشقينها
رد عليها سيف:عمتهم لازم بحبونهـــا
شفت حصه بنظرات انتصار خليتهـا تموت تقهر
مسكت يد عيال اخوي ورحت عندهم
يلست حذال اخوي:اخبارك سيف
سيف:بخير انتي وين كله رقاد
خوله:شو اسوي اتعب وايد
سيف:مب كليه هذا
خوله:خخخ تعرف عاد اختك كسوله
سيف:يعني ما بتطلعين معانا
قلته بحماس وبنفس الوقت رن تلفوني
خوله:وين بنروح
سيف:نتعشى برع
بعد رن تلفوني
سيف:ردي عليهم
خوله:مسجات يا ابوك
ما عجبني نظرات حصه كانها شاكه بشيء فقلت اقفطهـا
خوله:تعال بقراه لك مسجاتي
سيف:لا لا خلي حقج
حصه:ما تلاحظ هالايام تلفونهـا وايد يرن
خوله:شو تقصدين خلج واضحه وبلا هاللف ودوران
حصه خافت:ما كنت اقصد شيء انتي فهمتيني غلط
سيف:حصه كلامج كان واضح وانا ما ارضى احد يغلط على اختي
حصه اونهـا زعلت:انزين ما قصدت شيء
قـامـت وراحت عنــــا

تفشلت من تلفوني مسج ورا مسج وكله من عمر .. من صارت السالفه وهو الا يغرق تلفوني بها المسجات ..
انتبهت على اخوي:خليني اروح اراضيهـا عن تقلب طلعتنا نكد
ابتسمت له:روح لهـا

انتبهت على زياد:عمو ليش امي ما تحبج
ابتسمت له:حبيبي انا وامك مثل مممم منو عندكم يضاربون بس بعد يحبون بعض
ابتسم زايد ابتسامه تهبل ورد علي:مثل عدنان وعبسي
ضحكت:هيه مثلهم نحن نحب بعض من جيه نحب نضارب
يوم بكفخهــا ذيك ساعه اسألني ليش ما احب امك انزين
هزوا راسهم بموافقه وضحكوا

يلسوا يطالعون تلفزيون وانا قعدت اقرأ مسجات اللي طرشهم لي عموري
بقرأ لكم بعض منه

يسألوني ؟ !
من اللي تحبه و تغليه
و من اللي تعده دوم غالي !
قلت : انشدوا قلبي من اللي ساكن فيه ...
و من اللي قدر علي
قالوا الله يعينك دامك هـ الكثر تموت فيه ! !
شنقول : غير الله لا يفرق بين غالي و غالي

ومسج الثاني


حاكني بأقوى تعابير "الكلام"
للفرح بأسلوب تكفى دلني
وضمني بأدفى مراسيل
"الغرام"
ومن شتات الوقت يمكـ
لمني
خلني طفل على "ينام"
غير قربك يا الغلا ما همني



وهالمسج عجبني وايد وفي غيره بس عاد اسمحوا لي ما اقدر اقرأ لكم وايد
أن يبقى حبك
" خيط ضيـآـآآء"
في ليل تسكنه الظلمة
أن يبقي في بحر
الأيام,
مرفأ رحمة...!
أن يصمد حبك
حين تنازله البغضآء
أن يصمد في وجه
ّالآلآم
أن يصمد في عنف
الأنـواء

وقفت عسب اروح اكلمه ...اشتقت له هههه


بصوب الثاني نوال ومنصور عند ام عمر 
منصور:ها عمتي شو رايج
ام عمر:ما ادري والله مالي بارض اطلع مكان
نوال:يمه خلينا من زمان ما ظهرنا مكان
ام عمر:خلاص انتوا كلموا عمر وشوفوا شو رايه
نوال:الا وينه ولدج من وصلنا ما شفته
ام عمر:وحليله كاسر خاطري رجع تعبان وراح غرفته ينام
نوال:بسير اطمن عليه

صعدت صوب غرفته وما حبت ادق الباب عسب ما تزعجــه
ويوم دخلت سمعته يقول:اموت عليج انا 
انتبه عليها:يا سلام على الحب
ارتبك:انتي من متى هنا
نوال تجدمت:من قلت اموت عليج انا
بصوب ثاني خوله كانت تضحك تتخيل شكل عمر
لكنها تضايقت يوم سمعتهـا تقـول:من قدها امل .. عمر ما غيره يتغزل فيهـا
صكرت على خـط
وفي غرفة عمر 
نوال:عطني اكلمهـا
عمر شاف الشاشه:خلاص صكرت
بعدما قعدت:اكيد استحــت
عمر متضايق بس ما بغي يبين لها:اخبارج نوال
نوال:بخير عيل امي تقول انت راقد وانت الحبيب (طالعته وضحكت)
عمر بدون نفس:بغيتي شيء
نوال:شو رايك بعد ملجتك نطلع جماعه للبر
عمر يوم تذكر ملجته بعد يومين تغيرت ملامح ويهـا
نوال ما لاحظته وقعدت تسولف:جيه نغير الوضع ونزيد بدال الفرحه فرحتين
فرحة ملجتك وفرحة طلعتنا
ها شو قلت
عمر مب مهتم:ما عندي مانع
نوال:انزين يالله قوم .. منصور تحت
منصور:انتي روحي وبلحقج بعد شوي
نوال:خلاص نترياك
بعدما طلعت اتصل في خوله بس خوله ما ردت عليه
فر تلفـونــه وطلع من غـرفتــه

ما ادري ليش تغصصت وحسيت بضيـج يوم نوال حطت في بالها عمر يتكلم مع أمـل . .. يعني شو عمر يكلم أمـل بعـد
انا الغبيه اللي صدقت كل كلامه
غلقت تلفوني وحطيته في ســـده ما ابغي منه شيء 
اصلي واقرأ قرآن احسن لي



ع ساعه طلعنا كلنا ورحنـا نتمشى بالاول خذنـا سيف لمـول اسمه " سينشري مول" وعاد زايد وزياد يوم شافوا الالعاب نخبلوا
حاولت انشغل معاااهم وانسى ضيقي بس ما قدرت 
قعدت مع حصه وسيف راح يلعب عياله
حصه:شوفيج خوله
رديت عليها:ما فيني شيء
حصه:بسألج انتي ليش جيه دووم مكشره و زعلانه
خوله:قولي لعمرج هالكلام
حصه:بصراحه فيه شيء بخاطري
خوله:اذا قلت لج لا تقولين ما بفيد معاج فقولي يا حرمة اخوي
حصه:احس انج مب مستانسه باللي قاعد يصير
انا فهمت شو تقصد بس بغيت اتأكد:من شو ما فهمت
حصه:احسج مب راضيه بارتباط عمر و أمـل
كان عادي خلاص انفضح واصرخ عليها لكني ولله الحمد قدرت امسك نفسي .. 
حطيت عيني بعينها وبأسلوب كأنه عادي ما همني رديت عليها:منو اكون انا عسب اكون مب راضيه بزواجهم
حصه بصوت واطي :اقولج شيء انا كنت شاكه شيء بينج وبين عمـر
اوني ضحكت:انتي تعرفين انا وعمر دوم نضارب يعني حبيبتي استريحي ما بينا شيء
سكت للحظه وبعدين سألتهـا:تعاالي انتي شو اللي خلاج تقولين جيه
حصه:ما ادري مرات احس نظراته لج غير
صديت عنهـا:تتوهمين انتي
حصه:يمكن ودليل انه اختار امل رغم اني احسهم مب لايقين لبعض
سكت وما رديت عليها ..كل ما احاول انسى لو لحظه ترجع تتكلم هالبغبغاء وتذكرني بجرحي

انتبهت على صوت سيف:يالله خلونـا نروح لنا مطعم ونتعشى
اول وحده وقفت:يكون احسن



وبصوب ثاني امل عايشه الهم وضيج واختهـا وامهــا قاعدين يخططون شو يسون وشو يطلبون 
رفعت راسهـــا يوم سمعت صوت نوال:وهذا الشاي وصل
محد رد عليها الا امل:ما قصرتي حبيبتي
قعدت بجبنها وبصوت منخفض:ها عيل طايحه غزل مع اخوي
طالعتها مستغربه:ما فهمت
نوال:سمعتج تسولفين مع عمر اليوم ويوم قلت بكلمج اونج عاد استحيتي وصكرتي
امل ابتسمت غصبن عنهـــا وصدت ويهـا لصوب الثاني ما تبى نوال تشوف دمعتهـــا
نوال حطت في بالها انهـا مستحيه
فما حبت تحرجهـا
قاطعت فوزيه و هنادي مشغولات في اغراضهم
نوال:عمتي قررنا نطلع لبر بعد الملجه شو رايكم
هنادي مستانسه:صج
نوال:هيه
فوزيه:زين من زمان ما طلعنا مكان
هنادي:اخيرا منصور طلع منه شيء
تضايقت نوال بس ما فضلت ما ترد عليهم
فوزيه:ومنو بروح معانا
نوال:امي وافقت تتطلع وانا بكلم خوله بشوفها اذا بتسير معانـا
فوزيه:ولازم يعني يرزون ويهم هذيلا بعد
وقفت نوال وبضيق:عمتي انا رايحه انام تآمرين علي بشيء
فوزيه بدون نفس:لا روحي
بعدما راحت نوال .. اشتغلت هنادي بالحش:شكلها ما عجبها كلامج
فوزيه:بطقاقه منو تكون يعني
هنادي:يمه شوي شوي عليها عن تقنع اخوها ما ياخذ امل
فوزيه:هيه والله تسويهـــا هذي وانا ما صدقت هذي تنخطب
هنادي:ما بنخاف لو هالاخت عرفت تلعبها صح وخلته خاتم بيدهـا
فوزبه:يا ليت لو اختارج انتي كان عرفتي تمشينا على مزاجنـا
هنادي:هيه والله
فوزيه متحسفه:بس شو نقول
هنادي تتطالع امل:يا اختي اهتمي في عمرج خلي ريلج خاتم باصبعج عسب مصلحتنا
امل تضايقت منهم ومن حالتها ... حتى ما قدرت تمنع دمعتهــا
وقفت وراحت لغرفتهــــا
وفي مطعم كانت وساكته وما ترد الا يوم يسألونهـــا


انتبهت على صوت سيف:خوله انتي مب طبيعيه اليوم
ابتسمت له:ما فيني شيء
حصه:صدقه اخوج شكلها مب عاجبنها الطلعه
خوله:لا بالعكس عاجبني بس شوي تعبانه
انبتهت على سؤال سيف:ايه مب كأنه هذا بدر
صدينـا صوب مكان اللي أشره فيه سيف
حصه:هيه مه اخته ياي
سيف نادى عليه:بدر
عيني ما فارت اخته .. بصراحه ويها كيوت وبشوشه
يــوا صوبنـــــا
وقفت وسلمت على اخته اللي حسيتها استانست يوم شافتني
بدر:شو هالمصادفه
سيف:حلوه صح
بدر:اكيد
سيف:اقعد خلنا وتعشى معانا تونا طالبين
بدر:لا يا ريال فشله
سيف:اسمع انتوا قال فشله اذا مستحي خلاص بنسير انا وانته نقعد بروحنا ونخلي الحريم لحالهم


بصراحه الود ودي اقول هيه بتم معاكم دام خوله هنا
بس حسيت فشله كيف اقعد معاهم فوافقت على كلام سيف
ورحت معاه وانا قلبي يقرصني .. ما ادري شو صابني ليش جيه تخبلت عليها .. وانا اللي كنت ما احبها ..محد كرهني فيها غير اسلوبهــا
يمكن انا منعجب فيها ما احبها ... ما اقدر اقول شيء لين ما اتأكد
قعدت مع سيف طاوله قريب من طاولتهم وطلبت لي أكل بما انه سيف طالب قبلي 


بصراحه دخلت خاطري هالبنت اضحك على حالي وانا احاول اتكلم معاها بالاشاره كل مره انسى انها تفهمني اذا تكلمت معاها بالبطأ
ولا بعد بصحح لكم المعلومه هي بس ما تسمع يعني عندها حاسة النطق مب مثل ما قالي عمور .. الا عمور شو اخباره فديته اكيد حارف تلفوني 
قعدتي مع بدريه نستني همومي فديتها احسها اول مره تنطلق جيه كأنها اول مره تقابل ناس اكيد بدر ما يخليها تظهر مكان او تتعرف على احد من جيه محد يدري عنهـا

علمتني كم حركااات مثلا اخبارج ؟ شو اسمج 
قلتهـا احبك كيف نسويهـــا ... فعلمتنـي هههههه
على قولة حصه:لمنو تتعلمين
رديت عليها ابغي اقهـرهـا:وربج بعد لنـاس
شكلهـا فهمتني بدريه فتمت تضحكـ
وعند امـل تحاول انهـا ما تتـأثر بعلاقة خوله و عمر شو يعني انا اصلا اعرف انهم يحبون بعض وهالزواج مجرد ستر لي ومن بعده اقدر استمر في حياتي ... هيه صح اقدر 

سيف أبد ما يمل من بدر ... ويوم يكون معاه يتغير 
والحين بعدما طلعنا من المطعم قروا نتمشى على البحر وانا في داخلي متحرقصه وخاطري اتكلم مع عمر .. بس يالله هالطلعه بعد وناسه للحظات بتنسيني هم ملجة عمر مع امل

انا وبدريه قعدنـا لحالنـا وحصه يلست تراقب عيالها اللي ما صدقوا لقوا لهم ارض واسعه وقاموا يراكضون

سألت بدريه:ما تملين من قعدت البيت
ردت علي:امـل بس شو اسوي بدر وايد يخاف علي من ارجع من دوامي ما اظهر مكان الا معاه
اوه ما نسيت اقولكم بدريه تشتغل تطوع في مدرسه لخدمات الانسانيه
قلت لها:اخوج هذا لازم احد يكلمه
بدريه:ما بيرضى
خوله:تعرفين انه انا اخوج وايد كنا نضارب
طالعتني وحسيت انها تبى تضحك كأنها تعرف عن الموضوع
طالعتها بنظرات:يحش عني صح
ما فهمت لي لأني تكلمت بسرعه 
عدت لها وهالمره كلمتها ببطأ: اخوج يحش عني صح؟
يوم فهمتني ضحكت
دزيتهـا:والله تقولين لي
ابتسمت لي:انا يوم عرفت انتي خوله تفاجأت
اوني زعلانه:شكله اخوج مشوه صورتي جدامج بس والله هو اللي يخليني اعصب عليه
بدريه:قدرت افهم شوي من اللي قلتيه .. واظن انتي فاهمه اخوي غلط انا عمري ما شفت اخوي معصب الا يوم يكون سيرتج
يوم شافتني اطالعهــا...اشرت علي بيدهــا (صبري بيوصلج السالفه)
ابتسمت لها وكملت كلامهـا:كان دوم يسأل انتي ليش تكرهينه جيه من جيه كان يتصرف معاج بأسلوب مو حلوه بس والله اخوي الكره مب في قاموسه
ما ادري ليش تميت اطالع بدر يوم سمعت كل هالكلام من اختـــه
من متى هو صديق اخوي لكن عمري ما اهتميت له

دقايق وسيف وبدر واقفين جدامنـا
سيف:خلاص خلنا نرجع
وقفت وقلت لبدر:بدر
مسكت بدريه يدي .. خايفه اقول لأخوهـا شيء
صديت صوبها:لا تخافين 
بدر:شو السالفه
سيف:لايكون خربتي عقل البنت
قلته بسخريه:ها ها سخيف ..صديت صوب بدر:ما يخصني اختك دشت خاطري واذا بظهر مكان بآخذها معاي .. وهذا مب طلب هذا امر 
ضحكــــت
سيف:لا والله طراره وتشرط بعد
انا مستغربه من سيف ... مخلني آخذ راحتي مع بدر لو كان عمر ولا غيره بيطالعني بنظرات
المهم انتبهت على صوت بدر:خلاص تم .. دامها بتظهر مع اخت سيف خلاص انا مرتاح
استانست بدريه وكان عادي تنقز بس مسكت نفسها
انتبهنـا على صوت حصه:شو انتوا دوم تسولفون من دوني
مسكت يد بدريه:سوالف خاصه يا اختي 
سحبتهـــا معـــاي لصوب السياره
حصه:شفتها اختك
طالعها سيف بنظرات خلتها تسكت وتروح صوب عيالهـا

--------------------------------
الفصل التاسع

حاس نفسي مستانس خاصة بعدما شفت خوله كيف كانت مع اختي
ما فكرت اتزوج لأني كنت خايف على اختي ويوم حسيت نوال هي المناسبه صارت مب من نصيبي .. 
وألحين عرفت ليش مب من نصيبي .. لانه القدر كتب لي خوله
انتبهت على سؤال اختي
بدريه:ماشاءالله عساك دووم
سألتها:شو دووم
بدريه:جيه مستانس
ابتسمت:الطلعة كانت نايس اليوم
بدريه:صدقت خاصة خوله دخلت قلبي .. بدر شو رايك تخطب خوله
قلت لها أوني مب مهتم لخوله: قلـوا البنات شو
بدريه: بدر كان واضح انك منعجب فيها حتى لو قعدت تمثل جدامي
حاولت اكتم ابتسامتي واتظاهر اني معصب بس ما قدرت


ويييه اول ما وصلت البيت مسيت عليهم وركض على غرفتي ... خذيت تلفوني .. بالستر كم مكالمه ومسجات ومصدر طبعا عموري ... اتصلت فيه و اول ما رد صرخ علي:
عمر: تتغلين حضرتج
قلته له وانا اتضكر كلام نوال : لا ما اتغلى
بعده يصرخ:عيل ليش غالقه تلفونج
بضيج:انت تعرف ليش
هـدأ وكلمني بكل هدوء: حبي انتي ليش تهتمين بكلامهـا انتي اكثر وحده تعرف منو اللي في قلبي 
قاطعته وانا شوي وبصيح: حتى لو عمر ما اقدر والله حاسه نفسي بموت فكيف تباني اتحمل وجودك مع غيري
شكله خاف من كلامي :خلاص خلاص حبي بكنسل كل شيء
ما ابغي اصلح غلطتي ولا ابغي اتزوجها خلاص ما ابغي الا راحتج وقربج غير هذا ما ابغي بس دخيلج لا تقولين لي هالكلام
قد ما كنت مضايجه كلامه ونسني حسيت بالفعل عمر يحبني
وبسوي المستحيل عشاني وبنفس الوقت فرصتي عسب اقوله تراجع ولا تزوجهـا .. لكن لكن لكن 
كيف اصير قاسيه واخرب حياة امل .. مافي اللي بصير لها بعدين .. ما ادري والله أحترت ..آه بس
انتبهت على عمر: حبي ليش ساكته لا يكون تصيحين
خوله: لا حبيبي لا تأجل ولا تكنسل بتحمل دامه مؤقت
عمر: والله يا خوله يوم عن يوم يزيد حبي لج

فزيت اول ما دش اخوي ... واقف على الباب يسألني: نايمه
قلته وحاولت ما ابين له توتري : لا يالسه اسمع اغاني
وبصوب ثاني عمر يالس يضايج بي :قولي تكلمين زوجج المستقبل عمور حبيبي 
احاول اكتم ابتسامتي : بغيت شيء
قعدت على السرير : مب ناويه تزوجين؟
هذا هو اخوي سيدا يدش على الموضوع ما عنده لف ودوران
وبصوب ثاني عمر ماله حس
رديت عليه: ها اخوي لا يكون تباه الفكه مني
سيف: حشى والله انتي اختي ومالي غيرج بس بصراحه بديت احاتي ليش رافضه فكرة الزواج
خوله: اولا انا مب رافضه فكرة الزواج بس انا حاليا مب مستعده لزواج
سيف:تفكرين بدراستج ترى عادي بخليج تكملين دراستج
ركزت على كلمه بخليج 
خوله:لحظه منو اللي بخليني في احد متقدم لي
سيف: لا محد بس انا حاط في بالي و اتمنى يتحقق
باستغراب: وشو حاط في بالك
سيف: اول شيء شو رايج بـ بـدر؟
فجيت حلجي: بدر؟
بكل ثقه: هيه بدر .. شو فيه الريال
خوله: ما في شيء بس انا ما افكر فيه ابدا وبعد تعال لا يكون خطبني منك
سيف وقف: لا ما خطبج بس انتي فكري بالموضوع وترى بدر مثل اخوي واعرفه زين ما بتحصلين مثله
قلت اختم الموضوع: يصير خير
سيف: إن شاءالله بس انتي الحين اتركي عنج هالاغاني ونامي

بعدما طلع سيف من عندي انهـد علي عمر
عمر: شو سالفتج مع بدر ... لا يكون بينكم شيء
خوله: شو قاعد تخرف انته
عمر: عيل شو تفسيرج كلام اخوج
خوله: ما يباله نفسير هو يباني لبدر مب انا اللي ابغيه
عمر بأسلوب تهديد: سمعي خوله انتي لي انا وبس فاهمه وهذا اللي اسمه بدر لا تقعدين تتكلمين معاه حتى ابتسامه لا توزعينه
خوله: عمر انت تعرف انا ما احب احد يتحكم في
عمر: انا مب عايد كلامي ما ابغيج تحتكين مع بدر
طفرت منه: يصير خير
عمر: لا حبيبتي تقوولين ان شاءالله
خوله: عمر تراك مصختها
عمر: خوله بذبحج اذا رحتي لغيري
خوله: انت مب صاحي اليوم انا اقول لو تصكر يكون احسن ولا تنسى ملجتك ما بقى عليه شيء يعني حرام تضايق بنفسك

سكـــت الريـال 




ناديت عليه: عمر؟!
بترجي: خوله والله احبج لا تكونين لغيري

شو اسوي مع هالشخص ودي ابتعد عنه واعاقبه على اللي سوى في بس مب قادره لأني اعرف اعرف يا ناس مدى حبه لي
قلته وانا واثقه من كلامي: يا بعدهم يا حياتي يا قلبي يا بعد جبدي وكليتي وكل شيء هههه
ضحك:هههه
كملت له: محد بياخذني منك انا لك ولك وانت لي ولي 

بعدما حس براحه صرنا نسولف بشكل عادي وسهرنا لين الفير



يقولون انه اليوم ملجتي وانا اقول اليوم بداية تعاستي
حاولت تبتسم وتكذب واقعهـــا
امل ليش ما تقولين هذي بدايه جديده لحياتي
لكن لا خانتها
عونها و ادمعت : والله اني احبه ولا زلت احبه
بس شو اسوي اذا هو قدر ينساني ويختار دربه
يوم حست احد بدش عليها مسحت دمعتها بسرعه

نوال: هلا بالعروس
ابتسمت لها
تقربت صوبها :ما شاءالله تبارك الرحمن 
الا وفجأه فوزيه دشت ودزت نوال : وييييه انتي بحسدونج اليوم
لازم اقرا عليج من عيون الحساد (طالعت نوال كأنها تعمدت تقصدها)
لكن فوق هذا نوال ابتسمت لها: صدقتي عمووو لازم تقرين عليها
امي : اعرف اعرف ما يحتاج تعلميني
لاحظت ويه نوال تغير فحبت تغير الجو: هنادي وينها
فوزيه: بعدها في صالون
نوال: اكيد عمر بعدما يشوفج بتخبل
فوزيه بخقه: اكيد بتخبل وين بلقى مثل بنتي هذا ذووق ولا بلاش
نوال حست اذا تمت عادي يضيق خلقها فحبت تتطلع من عندهم : اخليك على راحتكم
بعدما طلعت امل عاتبت امها: يمه خفي على نوال ترى والله ما تستاهل
ضربتها على خفيف: اسكتي انتي لا تتدخلين في سوالف الكبار
صدت عنها امـــل بحسره تعرف الكلام مع امها ضااايع

وبصوب ثاني
عمر يكلم خوله : شو تسوين؟
خوله بضيج: البس حلقي
عمر حاس فيها بس حاب يخفف عليها: اكيد تهبلين .. اصلا انتي بدون هالاصباغ اطيحين قلوب
ضحكت : قلوب عاد؟
عمر: هيه بعد شو ولا عندج شك بكلامي
خوله: لا حضرة القاضي ما عندي شك

سكتـــــوا

اليوم الاثنين مب حاسين بالفرحه ... عاد خاصة خوله مب عارفه كيف بتروح هالملجه وكيف بتتحمل الوضع

قاطعت السكوت : وانت من الصبح تسولف معاي ما تجهزت
عمر مب مهتم: وليش اجهز ما يستاهل
خوله: حتى لو لازم تتجهز وتكون ازقرت
ضحك: بكون ازقرت في عرسنا ان شاءالله يوم انتي بتكوني بجني
خوله : الله يسمع منك
عمر: خلج واثقه من كلامي محد بياخذ مكانج
تنهــدت: اتمنى والله بس اخاف اليوم يوم تشوفها تنساني
عمر: قالت تنساني قالت
دخلوا عليه الشباب : عمر انت بعدك مب جاهز
خوله: عمر خلاص اخليك
عمر رد عليهم: من الله بركب الكوشه وبس اجهز على شو
ويوم سمع خوله تقوله (خلاص اخليك)
رد عليها: لحظه لا تصكر

لكنها اضطرت تصكر لأنه حصه دشت عليها وهو بعد سمع صوتها : انتي بعدج .. وتعالي شو سالفتج 24 ساعه تتكلمين على تلفون
ضحك يوم سمع رد خوله: يوم بتكونين ولية امري ارمسي 
ولا بعد يوم بكون الرصيد من حسابج ادخلي زين والحين فارجي
حصه: اخوج يقول انتي بتوصلينا
انتبه عليها: خلاص اخليج الحين واشوفج في ملجه
رد عليها: خلاص 


اول ما دشينا القاعه حسيت عيون الناس تراقبنـــا
انتبهت على صوت نوال: خــوووولـــــه
استانست يوم شفتها فحضنتهـا: اشتقت لج
عاتبني: جذابه .. لا تمرين ولا تسألين
خوله: حقج علي وانتي بعد مب مقصره ما فكرتي تسألين
نوال: انشغلت حبيبتي
خوله: معلوم عندج ريل اكيد بتنسيني

صدينا صوب حصه: وانا اقول ليش نستني اونها عاد كأنها ما شافتني
نوال حست بفشله: والله آسفه شفت خوله نسيت كل شيء
صحيح حصه سلمت عليها بس كان واضح بدون نفس
نوال: حيااااكم
تجدمت حصه
مسكني نوال: اويه شكلها زعلانه
خوله: وفي يوم ما تزعل هاي
ضحكنـــا ... عليهـــــا ... قعدتنـــا نوال جـدااام
بس يوم شفت خالتي قمت ورحت اسلم عليها وعاد هي اصرت تقعدني بجنبها ... ودقايق ما كمل هي وحصه قامن وراحن يشوفون المعازيم
ظليت انا مع نوال 
نوال: عقبالج إن شاءالله
اكتفيت بالابتسامه
نوال: تعالي ما تبين تشوفين بنت عمج
خوله: أمـل؟!
نوال: هيه
وانا مب مهتمه : بشوفها في حزة طلعتهـا
نوال: صايره حلوه ما شاءالله لو بتشوفينها بتقولين هذي مب امل
حسيت اني ميته قهر اذا نوال طايحه مدح فيها اكيد عمر بعدما يشوفها بتخبل عليها
رن تلفوني وما عرفت الرقم لكنتي قلت ارد واشوف: الو
ما قدرت اسمع شيء بسبب الفرقه
استأذنت من نوال وقمت ...دورت لي مكان بعيد شوي من الفرقه
خوله: الـــوو
سيف: خوله انتي وين
خوله: منوووو
سيف: سيف بعد منووو
خوله: شو عرفني رقم منو هذا
سيف:رقم بدر .. ما لحقت اعبي لي رصيد اتزين سمعيني
بدريه هنا ومستحيه ادش
قاطعته: فديتها والله خلاص انا بمر عليها انتوا وين
بعدما دلاني على مكانهم ... طلعت من القاعه ورحت عندهم
وعاد ما شفتوا ويه سيف كيف صار يوم شافني مب متغشيه
سيف : ليش طالعه جيه
بكل بروده:شو فيني يعني عباتي ومستره ومب حاطه وايد مكياج
سيف:شو بتخسرين اذا تغشيتي
مب متفيجه له مووول: انا ما اشوف شيء يوم اتغشى وينها بدريه
اشر علي بسياره بدر ... رحت عندهـــا وخذيتهـــا معااااي 
كل هذا وانا متجاهله بدر تمــــامـا

اول ما دشيت القاعه رن تلفوني 
رديت بسرعه: هلا
بس هو مب كان رااايق: شو مطلعنج جيه ليش ما تغشيتي
ابتسمت لبدريه وطلبت منها تترياني شوي وصديت عنها: شو فيك ..
عمر: ليش مب متغشيه
خوله: ومن متى تشوفني اتغشى
عمر: خوله ترى خلاص مليت من حركاتج 
هنا عصبت: انا ما عندي سالفه اللي قاعده اتكلم معاك .. واذا تباه تتآمر عندك حرمه الحين روح تشرط عليها
صكيت على ويه التلفون

وانا اتنفس بصعوبه ... يت صوبي بدريه
بدريه:شوفيج خوله
مسكت نفسي: ما فيني شيء
رسمت البسمه على شفاتي: طالعه حلوه اليوم (بنفس الوقت اسوي لها حركات بيدي)
استحت وحليلها: اول مره اتكشخ جيه
قلت العوزهـا: تقصين علي 
بدريه: صج اول مره
خوله: هيه هيه بحاول اصدق
مسكت يدهـــا: تعالي بعرفج على اهلج

عرفتهــا على نوال .. 
اوه نسيت انه نوال تعرفهـــا .. بس مب وايد لأنها شافتها مره بس ..وهذا هم اهليه بس شو نقول دنيااااه
ارمس عنهم وناسيه نفسي .. بروحي قاعده اظلم بنت عمي
آآآه هذا الحب وبلاويه على طاري الحب اخباره عمور اكيد مفووول مني .. ههه احس لازم ما يستانس اليوم 

وصدقها خوله .. عمر فول يوم شافها واقفه مع سيف وبدر
خاصة بدر .. 
هي ما لاحظت الريال كان في سيارته وتخبل يوم شافهـــا طالعه ومب متغشيه
وما رضى يتحرك من مكانه الا يوم سمع صوت سيف:
يالله المعرس ما حصلت غترتك

ماشاءالله حلوه حلوه كانت
زين ما طحت من طولي ... تمنيت لحظه سيف ما يكون معانا 
واخبرها كيف كانت حلوه اليوم ... وعيونها ,, آه بس 
على قد وناستي بشوفتها مقهور بنفس الوقت ليش ما تغشت كيف ظهرت جيه ... هاللي ما احب فيها كل شيء بمزاجهـا ولا بعد ما رضت تعبرني لو بكلمه وانا بعد ما قدرت اقولها شيء خفت سيف يلاحظ على شيء ... هالبنت بتيــب لي الجنون اذا ما صارت لي

بدريه: خوله منو هاااي؟
خوله: تقصدين ام فستان البني
بدريه: هيه
خوله: هذي هنادي اخت العروس .. عجبتـــج
بدريه : لا ما عندي هالحركات بس حلوه 
طالعتها بنظرات : ادورين حرمة لأخوج
بدريه : لا لا ليش ادور وجـ
سكتت 
شكيت بشيء: شو كنتي بتقولين
بدريه بان عليها التوتر : ولا شيء بس هذي يايه صوبنا
نسيت كلام بدريه للحظه وصديت جدام
بدلع : هااااي خولوووا
رديت عليها بأسلوبها: هااااييين
هنادي هذي بدريه اخت بدر
هنادي تتطالعها: ما ادري ليش احس اني شفتج مكان
بدريه : بس انا اول مره اشوفج
هنادي : ما ادري .. المهم شو رايكم في
خوله: حلوه
هنادي: شو حلوه ؟! الا اهبل فديتج
طالعت بدريه اللي مخبيه ضحكتها
كلنا انتبهنا على نوال : هنادي عمو تسأل عنج
هنادي: اكيد بتاني اقعد مع ربعهـــا هذي امي ما عندهـا شغله
شكلها شافت ربعهــا: اوه رفيجاتي وصلن 
يالله بنات اخليكم 
بعدما راحت قلدتها: يالله بنات اخليكم
ضحكت بدريه
ضحكت معاها وصديت صوب نوال: كيف تتحملين دلعهـا
نوال: ما اهتم لها
خوله: بس ريلج بهتم .. هو شااافج اليوم
نوال مستحيه: هيه
خوله: اكيد فز وقال منو هالغرشوبه
نوال: ههههه 
خوله: اونها ما تباه تخبرنا 
بدريه: حرام خوله شوفي كيف احمرت
نوال: هيه بدريه سكتيها تراهـا تحب تلعوزني
سمعنا فوزيه تنادي على نوال
خوله:روحي big boss تنادي عليج
هزت راسها مع ابتسامتهـــا راحت عنـــا
بدريه: نوال وايد طيبه
خوله: وايد وايد ما تشوفين كيف قاصين عليها













انا تصدعت من الدق حظها بدريه مب محتاجه تسمع لحشره ..
خلاص بنفجر متى ادش العروس واظهر من هنـــا 
والحمدلله ع ساعه 11 قرروا يدخلون العروس .. تصدقون اني ابد ما صديت صوبهـــا ... حتى يوم ركبت الكوشه ما اهتميت لها
قعدت اعابل في تلفوني ... واقرا المسجات وانا في داخلي ضيييج وكاتمه دمعتي

بعدما قعدت يت نوال : خوله مب ناويه تسلمين على العروس
بدون نفس: تعرفين انا ما احب هالسوالف
صدت صوب بدريه: بتين
هزت راسها بموافقه وراحت مع نوال

وبلحظة قهر قمت اوني بظهر من هالمكان ... شليت سويجي الا وحصه وراي: على وين حبيبتي
غمضت عيني وافكر هذي شو سالفتها 
صديت صوبها: جهنم بتين معاااي
حصه: لا والله وليش ما بتسلمين على العروس
خوله: كيفي هو غصب
حصه: اشوفج مب مستانسه فيج شيء
ليش عندي احساس انها تعرف شيء .. 
سألتها: ليش تقولين جيه
حصه: والله هذا اللي اشوفه .. انا بسير اسلم عليها بتين؟
بدون نفس: هيه
رحت معاها لكوشه ما اعرف كيف سلمت عليها اصلا كيف جابلتها وانا اعرف هيه تعرف عني وعن عمر 
قلتها: مبروك
ابتسمت: الله يباركج
كنت برجع بس نوال مسكتني .. وخلتني اوقف معاهم عشان التصوير
ما اقدر ارفض هالواقع انه امل كانت غير اليوم وحلوه .. ولاحظت الحزن في عيونها .. انا آسفه امل بس مو بيدي 
بيد قلبي اللي عاشق عمر

بعدما خلصوا التصوير قلت لبدريه اني ناويه ارد البيت
بدريه: ليييش
خوله: راسي يعورني
بدريه: حرام خوله تمي
خوله: انتي تبين اتمين
بدريه: هيه واذا رحتي محد بكون عندي
خوله: ترى نوال بتكون معاج
بدريه: لا لا نوال بتنشغل وانا اول مره استانس جيه 
مسكت يدي: وانتي الوحيده اللي ارتاح لها .. ابغي اتم واشوف كل شيء صحيح ما اسمع بس والله حاسه بالفرحه
في خاطري : وييييه سوت لي فلم هندي هذي .. كيف اتم يعني اشوف عمر مع امل .. ما اقدر 
بالصدفه طالعت حصه ولاحظت انها تراقبني الحرمه
ابتسمت لبدريه:خلاص عشانج بس
تأكدت انه حصه تعرف شيء ... فطول الوقت انا اضحك واحياننا اصفق واسولف .. كل ها تمثيل عشان ست الجاسوسه ما تشك فيني اكثر
والله العالم في قلبي كيف الحزن والم


كل ما بدر يتكلم معاه يصده وما يرد عليه ... بدر لاحظ هالشيء بس ما حب يقول شيء ..
صحيح عمر كان معاااهم ... بس كان مقهور ومعصب اكثر من شعور الحزن ... حركة خوله وايد قاهرتنه 
يطالع سيف وفي خاطره: كيف يعني يرضى يخليها تظهر جيه .. هو لو مورنهــا عيون الحمره كان ما مصختهـــا

وبلحظة قهر طرش لها : انتي بعدج هناك
ردت عليه: هيه للحسره ما قدرت ارجع بسبب بدريه
ابتسم بسخريه: ولا بعد ادراي اخته
طرش لها: تحملي اللي بيوصلج الحين
انتبه على صوت منصور: يالله عمر استعد
بدر من صارت السالفه وهو ما يتكلم مع منصور ... اما منصور فحاول يتكلم معاااه بس ماشي فايده

وفي القاعه يوم قرت المسج استغربت : شو اتحمل .. شكله تخبل هذا


اعلنت الفرقه انه المعرس بدش ... اللي تباه تتغشى واللي تباه تستر وإلخ
عيوني على الباب ... اوني بقدر اشوفه يوم بدش .. واول ما دخل ما قدرت اصد صوبه ... صديت لجدامي وشفت امل منزله راسهـــا كان باين عليها الخوف والخجل


وعمر يوم دش مع منصور ... عينه كانت ادور على خوله ...
لكنه يوم ركب الكوشه تم واقف ومستغرب 
نوال: عمر فشلتنا
ضحكوا الناس .... 
بدريه: ههههه شفتي عمر شو سوى
باستغراب: لا شو سوى
بدريه: شكله انعجب اكثر بأمل ,,يوم شافها كيف محلوه
رفعت راسي اطالعهم ... ولقيت كلام بدريه صحيح .. عمر باين عليه الفرحه ومب مصدق ... 
واقف بجنبها ولا بعد ماسك يدهــــا ... واللي قهرني اكثر بعدما قعدوا ... قعد يهمس لهــا والحبيبه تضحك برقه اونهـــا
اسمحوااا لي بس انا ميته ميته ميته من الغيض ... 
احس اذا تميت دقيقه عادي يصير فيني شيء ...عادي انفضح
بس كيف اروح كيف اطلع من هنــــا
بختنق والله ...
مسكت راسي ...
حتى بدريه خافت: خوله؟!
وانا امسك دمعتي: ماشي بس راسي يعورني
ما احب الدق واااايد
بدريه بندم: انا السبب خليتج اتمين معاااي
ابتسمت لها: لا حياااتي مب انتي ..انا من صغري جيه ما احب الاصوات عاليه
بدريه:ما كنت اعرف ... خلاص روحي البيت
خوله: وانتي
بدريه: بتم شوي وبعدين بطرش مسج لبدر
خوله: متأكده
بدريه : هيه روحي والله ..
وقفت : يالله اخليج
كأني مب مصدقه اني اخيرا بظهر من هنا ... كل همي اظهر من هالمكان
بس لااااااا ... الجاسوسه لحقتني 
حصه: وين رايحه منو بوصلني البيت
بعصبيه: منو بعد اكيد سيف
حصه: وانتي ليش ظاهره الحين
كنت بصرخ بس مسكت نفسي ياكثر ما امسك نفسي بس لين متى
قلت لها : حصه اكسري الشر ترى والله مالي خلقج
حصه : يعني صح كلامي انتي وعمر بينكم شيء
ما همني كلامها : قولي اللي بتقولينه يا العيوزز
قلت لها هالكلام ورحت عنهـــــا

وعلى كوشه عمر شاف كل شيء ... وقدر يفهم من حركات خوله ... انه خوله مضايجه ... ويوم حس انه هو سبب حالتها ترك يد أمـــل
هو صحيح بالاول فكر يقهر خوله ويغايضها ... لكن ما توقع انه بنعجب بجمال امل ... اول مره يشوفهـــا جيـــــه
بس كل ها مب مهم اذا خوله زعلانه ومضايقه منه


خوله من طلعت سمحت لدمعتها تنزل ... مشت بسرعه لسيارتهـــا وتحركت اسرع ما عندهـــا


سيف صحيح كان واقف معاي ...لكنه ما قدر يشوف يوم اخته طلعت .. لأنه كان مشغول يدخل الرصيد ... لكني قدرت ألمحهــا وفيني احساس انها مب طبيعيه
تعمدت اقول لسيف: سيف اتصل في خوله شوفها تقول لبدريه اذا بترجع
سيف: اوكي
اتصل في خوله 
سيف: ما ترد علي .. بتصل في حصه
لا لا اكيد خوله فيها شيء .,.. شو اللي مضايقنهـــا
انتبهت على صوت سيف: متى راحت
خلاص خلاص مب متفيج لج انتي بعد شوفي بدريه اذا بترجع
بعدما صكر منها : تقول خوله رجعت البيت
رجعت حصه تتصل فيه وخبرته انه بدريه تباه ترجع
سلمت على سيف ورحت عنه ..
تمت بدريه تسولف عن الملجه وشكلها كانت مستانسه بس انا مب مهتم .. اول مره احد ياخذني عن اختي حتى قاطعتها: خوله شوفيها
بدريه: تعبت شوي
بدر: ليش؟!
بدريه : لا تحاتي خولوا ما تحب الاصوات عاليه فحست بصداع وحليلها عشاني بس تحملت
لا لا مب مقتنع بكلام اختي ... عندي احساس انه خوله فيها شيء

احساسك في محله يا بدر ... خوله من طلعت لين ما دخلت غرفتها وهي تصيح حتى عباتها ما فصخته

--------------------------------
الفصل العاااشر

أمل منزله راسهـــا ومستحيه .. وعمر مب مهتم كل همه خوله .. ندمااان ليش سوى معاهـا هالحركه

نوال: يالله عاد سولفوا
هنادي:اول مره اشوف واحد يستحي جيه
نوال:عمر فشلتني
عمر في خاطره : ماشي الا هالحل لازم امثل عليهم
ابتسم:انتوا خلونـا لحالنـا بالاول
نوال: لا ما يصير
هنادي : صج عيوز .. ذاك اول الحين عادي 
يالله قومي
عمر ما عجبه اسلوب هنادي مع اخته لكن هو ألحين مب متفيج لشيء 
بعدما طلعن الاثنين .. بطل ازرا كندورته وقف و سار بعيد شوي عن أمـل
تنفس: احس عمري بختنق

أمل : لها درجه وجودي يضايقك
عمر رد عليها من غير ما يصد لها: لا مب انتي السبب
أمل بضيج : أكيد خوله
عمر: هيه ما عجبني حالتها يوم طلعت من الملجه
أمل حست انها بتذبحه هذا شو بكل بروده يتكلم عن خوله ولا كأنه اللي معاه انسانه عندهـا قلب وفي يوم حبهـــا

عمر: ما حصلت فرصه اتصل فيها اكيد تحسبني مستانس ونسيتهـا
أمل: عمر؟!
صد صوبهـا : لها درجه تحبهـــا
فضل ما يرد عليهــــا .. طلع من عندهـــا بدون أي جواب

نوال يوم شافته طلع: بسكم شبعتوا؟؟
مب متفيج لها: امل وايد تستحي
هنادي: تراها مب طالعه علي
عمر: المهم انا رايح البيت امي وينهـــا
نوال: ألحين بنادي عليها
عمر: اترياهـا في سياره
يوم راحت نوال ... عمر كان بتحرك لكن هنادي قاطعته: عمر ما وصيك على اختي
بابتسامه زايفه : لا توصين حريص




تتوقع يصِير . . !

أعيش بلا حِ‘ـسڪْ

و إنت حي و بـ خير . . !

تتوقع يصِير . . !

أصرخ و أناديڪ

و تترڪني في حسره و مرير . . !

تتوقع يصِير . . !

أشوفڪ مع وح‘ـده غِيري

و مُو مِنْ حقي , [ أغيِر ] . . ! 



طايحه على الشبريه وتناظر فووق
ودموع تنزل من عينهـــا ... ومب هامنهـــا تلفونهــا اللي قاعد يرن ويرن
هي حافظه الرنه اللي حاطتنه لعمــر من جيه ما كلفت نفسها تصد صوب تلفونهـــا ... ساكته وتاركه دمعتهــا تحرقهـــا


هذي حالتها لين الفير .... وتلفونهـــا مب راضي يسكت 
وبصوب ثاني عمر ميت من الخوووف ... عليها

خلصت من الصلاه ... وجفت دموعهــا كل ها وخوله ساكته لو ما كانت بتصلي كان سكوتها بستمر .. 

حطت راسهـا على الموسدة وحاولت تنـام لكن ما شيء فايده
تنهـــدت ... وغمضت عينهـا



على كثر السنين اللي تمر ولا قدرت انساك .. خيالكـ ساااكـن عيوني ترى لو طالت سنيني 



فتحت عيونها يوم سمعت هالرنه ... 
صدت لورا ... وخذت موبايلها رقم غريب
حطت في بالها يمكن عمر متصل من رقم ثاني .. لكنها تذكرت انه عمر ما عنده الا رقم 
مالها نفس ترد على المتصل ... فرت الموبايل ورجعت تغمض عيونهـــا
لكن تلفونها رن مره ثانيه .. هالمره خذته وردت على المتصل 
ساكته:.......
سمعت صوت وباين عليه متوتر : خـولـه؟!
خوله عرفت هذا مب صوت عمر وهذي اول مره تنطق بصوت من رجعت من الملجه
من جيه كان صوتها مبحوح : منـو
ما قدر يسمعهـا عدل: شكلي خربت رقادج أنـا آسف
خوله : لحظه منـو؟!
المتصل : معاج بدر
قامت خوله وقعدت : بدر؟!
بدر تشجع: اسمجي لي على اتصالي بها الوقت بس ما قدرت ارتاح بعدما شفت حالتج
قاطعته: ما فيني شيء
بدر: بس انتي يوم كنتي طالعه من الملجه
بعد قاطعته: بدر لا تشغل بالك علي كنت متصدعه وبس 
بدر: عيل ليش كنتي تصيحين
عصبت: قلتك كنت متصدعه ويكون احسن لو ما تهتم او تدخل بأموري يالله مع سلامه
صكرت على ويـــــه


بصوب الثاني

شكلها عصبت .. فر التلفون إنا أصلا ما عندي سالفة متصل فيها 
أوني احاتيها هذي بتظل مثل ما اعرفهــا
قاسيه ومزاجيــــه

كأني حاسه بشبريه تهتز لا يكون زلزال..
اف بالقوه قدرت انام 
فتحت عيوني بالقوه ولقيت زايد وزياد يناقزون
قومي قومي .. عمو قومي 
زياد يهزني: عمو قومي بنطلع
خوله:خلوني انام
زايد : عمو 
صرخت عليهم: بــــــــــــــــــــرع
يعني صج كان صراخي عالي حتى سيف وحصه يوم دخلوا لقوا عيالهم متصلبين
سيف:شو صار؟
زياد وزايد ركض عند امهم
سيف:ليش تصرخين
غطيت ويهي تحت اللحاف: مب مخليني انـــام
سيف: ولازم تصرخين
حصه: شوف كيف قاعدين يرتجفون
خوله: سيف دخيلك ابغي انام
سيف: مب شابعه رقاد هذا وانتي راجعه بوقت
حصه: اكيد ما قدرت تنام
ما ادري ليش عندي احساس انه حصه بتموت بيدي في يوم من ايام
سيف: نحن بنظهر ما بتين؟
خوله: لا
سيف: على راحتج .. يالله خلوا عمو تكمل رقادهـا
بعدما ظهروا .... طار رقادي .. 
قعدت أتقلب في فراشي ... تذكرت شيء خذيت تلفوني عسب أتأكد .. سويت طاف لمكالمات لم يرد عليها لأنه معروف المكالمات من منو
ورحت لسجل المكالمات أوه ماكنت احلم .. صج بدر متصل
قعدت احك راسي:وحليله صرخت عليه
كتبت على سريع: آسفة على حركتي بس صج كنت متصدعه

وفي شركته كان مشغول مع المهندس
بدر: خلاص أهم شيء الشغل يخلص بوقت المحدد
ما ابغي أي إهمال وتأخير مثل قبل
المهندس: إن شاء الله
رن تلفونه : لحظه
بعدما قرأ المسج ابتسم
المهندس: بشارة خير؟
زادت ابتسامته : تقدر تقول جيه



حاطه راسي على الطاوله اتريا البشكاره تيب لي أي شيء تاكله
رن الجرس 
طلعت البشكاره من المطبخ 
كلمتها لأنه حدي يوعااانه : ارجعي بسرعه حدي يوعاااانه

دقايق والبشكاره رجعت : ماما واحد يباه انتي ضروروي
استغربت الصراحه : منو؟
البشكاره : مافي ملعووم
خوله : انزين روحي ييبي من غرفة حصه وقاية
راحت بشكاره صاروخ
حتى طالعتها باستغراب : صاروخ مب آدميه
احسها انها ماسكه ابتسامتهـــا ..
قلت لها : تعالي معااااي
خذيت الوقايه وطلعت برع 
ناديت على الشخص: منو برع
ما رد علي صديت وراي .. الا والبشكاره مختفيه
كاني في فلم اجنبي .. المهم رجعت اصد جدام الا وعمر جدامي
قلته : أنــت؟!
مسك يدي: هيه انا حبيبج
سحبت يدي : نعم؟!
عمر : شو نعم ؟! جيه ترحبين في
طالعته بنظراااات احتقااار
عمر : شو هالنظرات شكلج ناويه تذبحيني
ارتفع صوتي: انت اللي ناوي تذبحني .. وشكلك ما بترتاح لين ما اموت
مسكني من ذراعي : شو هالكلام ها ؟ انا اللي ابغي اذبحج ولا انتي حركاتج اللي بتيب لي الجلطه
احاول ابعده : اونك عاد مهتم في هالتمثيل سوى جدام حرمتك مب جدامي
ترك يدي : خوله
عسب يعرف انا مو لعبه عنده كملت كلامي : تعال انت كيف عرفت انه محد في البيت
بان عليه الحزن ومتأثر من كلامي : اتصلت في اخوج وخبرني انه طالع مع حرمته وعياله
خوله: عمر انت شو تباه في
عمر: هذا سؤال تسألينه
خوله: تعرف شو ؟ تم انت هنا وانا بسير داخل
رجع يمسك يدي : ما تروحين الا وانتي راضيه علي
دزيته : تباني ارضى عليك
خلاص بلا عرس بلا هالتمثيله تاخذها عندك واطلقها باسرع وقت .. لكني اتريا عرسك وبعده اتريا لين ما اطلقها لا 
عمر : تبيني آخذها بدون عرس
خوله: هيه مب صارت في ذمتك
عمر : بس يمكن هي في خاطرها تفرح
صج اني عصبت : لا والله هي تراعي خاطرها وانا اللي خليتني احبك واطاوعك بكل شيء شو مصيري مالي خاطر عندك
قعدت اضربه وبنفس الوقت اصيح:ليش خليتني احبك 
مسك يدي الثنتين : خلاص حبي كله ولا دموعج اللي تبينه بصير والله بصير عجبهم ما عجبهم بكيفهم 
بس انتي يكسر خاطرج لا والف لا
خوله: صـج؟!
عمر : وانا عندي اغلى من خوله
مسح دمعتي :والله احبج
خوله: عمر والله اني مب قادره اتحمل اكثر
عمر : خلاص حياتي شهرين بالكثير 
خوله: واااايد
عمر : حرام فكري فيها اذا طلقتها الحين الناس ما بترحمهـا
اقتنعت بكلامه .. كافي اللي قاعد نسوي فيها وبعد نخلي الناس ترمس عنهـا



هو جيه ولا جيه الناس بتتكلم بس شو نقول لعمر وخوله الحب عماهـــم عن كل شيء


سيف: لا منصور اسمح لي والله ما اقدر .. 
وتعرف بعد اذا طلعنا اليوم متى بنرجع وباجر دوامـات
مره ثانيه ان شاءالله
خلاص عيل اكلمك بعدين .. سلم على الاهل
بعدما صكر من منصور ...
حصه سألته: شو يباه فيك منصور؟
سيف: يبانا نظهر للبر
حصه: اليوم؟
سيف: هيه
زياد: الله يعني بنلعب بانشي
سيف: لا مب اليوم في يوم ثاني ان شاءالله باجر دوامـاتكم
زياد: ما يخصني ابغي اروح اليوم
سيف: انجلع ورا عن افرك برع
حصه: شوفيك تكلم الولد جيه
سيف: ربي عدل عن اربيج انتي وياه
حصه: بلاك معصب انزين
سيف:استغفر الله


هنادي دشت على أمل : ها يا العروس شو تسوين
أمل كانت قاعده وكالعاده تفكر
أمل : ولا شيء
هنادي : احسدج الصراحه طحتي في واحد طرر ولا بعد غني
أمل : هنادي ليش المظهر والماده يهمج
هنادي : لانه يا عمري الحياه جيه تمشي يباله حركات و ذكاء
أمل تتطالع هنادي ومب فاهمه شيء
هنادي: مثلا انتي .. شوفي حالتج يا اختي تكشخي خلج حلوه عسب ما يمل منج تفرحين انتي وبالمره نفرح نحن
امل فهمت هنادي على شو كانت تأشر
هنادي: ولا يوم تزوجينه ناويه تنسينـا
أمل: مافي شيء في هالدنيا يستاهل ابيع اهلي
هنادي :هيه خلج جيه
دخلت عليهم نوال 
نوال: هلا والله بالبنات
امل :اهلين نوال 
نوال : امل منصور طالبنج
أمل: ما قال في شو
نوال: لا 
أمل: خلاص بعد شوي بروح له
بعدما طلعت نوال ... هنادي سوت مالت
امل: ليش تكرهينهـا
هنادي: ويييه تلوعني دوم هالابتسامه في حلجهـا
قامت امل: الله يهديج
طلعت امل من غرفتهــا وراحت عند منصور
أمل : هلا اخوي
منصور: دشي اختي 
بعدما دشت .. طلب منها تقعد بجنبه
نوال :أخليكم على راحتكم
منصور: لا عادي نوال خلج معانـــا
صد صوب أمل : عمر اتصل في وقالي انه ما يباه عرس يباج من باجر تعيشين معاهم
نوال: اكيد مب صاااحي
منصور: حاولت اعرف السبب قالي مافيني شده اتحمل اكثر
نوال: يا عيني على الحب 
أمل منزله راسهــــا وبخاطرهـــا: معقوووله مب قادر يصبر اكثر عني
منصور: قلت آخذ رااايج
أمل رفعت راسها : اللي تقررونه انتوا انا راضيه
منصور: يعني عادي عندج ما نسوي عرس
ما ردت امل عليه
نوال: شكلها الاخت عادي عندهـا
منصور: شو هالشوق اللي ذابحنكم
احمر ويهـــا .. و وقفت بسرعه: انا برجع غرفتي اذا ما عندكم مانع
منصور : خلاص ردج وعرفنـا تقدرين تروحين غرفتج
وهيه صح جهزي اغرااااضج


دخلت الصاله وانا مستانسه وقاعده ارقص .. اكيد لانه عمر اتصل لمنصور وكلمه جداااامي .. 
واول مره حسيته انه شخصيه جيه خاصة يوم منصور قعد يسأله عن السبب 
طحت على الكنبه وانا اتنفس براحه : اخيراااا بتنتهي هالمهزله وعماااري بصير لي
انتبهت على صوتها: ماما اكل في جاهز
بالبدايه كنت برتكب فيها جريمه بس بعدما ارتاحت نفسيتي قلت اسوي لها اعفااااء

لكن الحاله عند قوم منصور مب مثل حاله عند خوله
فوزيه بعدما عرفت السالفه شلت البيت فوق راسهـا
فوزيه: لا والله بنتـنـا مب لاقطينها من شارع عسب ما تسون لها عرس
منصور: انزين يمه ترى امل راضيه
طالعت امل: هذي ياهل وما تعرف شو ترمس
بس العيب عليك انت اللي طاوعت الريال 
نوال تضايقت يوم فوزيه كلمت منصور جيه .. فشلت بعمرها لغرفتهم ما تباه تسمع اكثر
لكن فوزيه ما يطوفهـا شيء : راحت الدلوعه داخل
منصور: استغفر الله الحين نوال شو دخلهــا
فوزيه: اسكت انت سكانة حرمتك 
امل : يمه على شو كل هاليوله انا اصلا من بدايه ما ابغي عرس
فوزيه: هيه واخلي الحريم يشمتوون في
هنادي كانت قاعده وتتطالع المجله كانه السالفه ما يهمهـــا
صدت صوبها فوزيه: وانتي ما تتكلمين
منصور: الحين تسكتيني وتبين تسمعين كلام هنادي
هنادي بتكبر: انا اقول لو تخلينها تروح بيت ريلها احسن عن يغير رايه ويكنسل الزواج
طالعت منصور: يسويهـــا ؟
منصور: شكله كان جاد يوم طلب مني 
فوزيه: مب على كيفه
هنادي وقفت: خلاص اذا امل تباه تروح شو المانع وكل ما دشت بيتهم بسرعه كل ما تقربنا منهم اكثر
ابتسمت لأمها بخبث
امها فهمت مغزى هنادي فابتسمت : هيه صح
يوم اقول هنوودي اعقل وحده فيكم 
هنادي رجعت تتطالع الملجه: الدنيا تعلمنـا
منصور تغصص منهم: خلاص رضيتي ؟!
فوزيه تكابر: هيه 
منصور بنفجر بس مسك نفسه وكلم امل بهدوء: تراني رديت على عمر فقال بمر عليج الظهر
قال هالكلام ودش غرفتـــــه
دش غرفته مضااايق
نوال: شو فيك حبيبي
ابتسم: والله يوم اسمع منج هالكلمه انسى ضيقي
ابتسمت نوال وراحت صوبه
منصور: الحمدلله طلعتي من نصيبي ولا ما ادري شو بصير فيني
نوال: تضايقت من كلامهم
منصور: تخيلي تسوي سالفه لهنادي اكثر مني
نوال: ما عليه حبيبي هذي امك تحملهـا
منصور: المشكله انا اعتبرها امي بس هي ما تعتبرني ولدهـا
مسكت يده: لا تقوول جيه 
عجبه الوضع فقال يدلع على نوال: محد يحبني
ببراءه: افا وانا وين رحت
منصور: انتي بعد بتخليني
نوال: الموت اللي بياخذني منك
منصور: الله يطول من عمرج حبيبتي
انا كنت امزح معاااج
نوال اخيرا فهمت فدزته : لا والله
اونهـا زعلت .. 
باسها على الخد .. فأحمر ويهـــا




كنت قاعده اكلم عمر يوم دخلت علي ام الفضووول
حصه: عرفتي آخر الاخبار
خوله: وانتي ما تعرفين ادقين على الباب
وبصوب ثاني عمر يتكلم: ام المشاكل دشت
حصه:وليش ادق على الباب داشه على الاميره انا
خوله: اختصري شو تبين؟
حصه: اخوج عازم بدر واخته على العشا
خوله: انزين شو اسوي
حصه: بس حبيت اخبرج
خوله: خلاص خبرتيني يالله فارجي
حصه: حرمة اخوج انا مب بشكارتج عامليني باحترام
ابتسمت لها : تبيني اعاملج باحترام .. 
صبري .. قمت ومسكتها من ذراعهـــا وسحبتها لبرع
بعدما صكرت على ويها الباب وقفلته 
تمت تتحرطم وانا اضحك
عمر : شو سويتي فيها
خوله: تباني احترمها جان افرها برع
عمر :خخخ حرام عليج
خوله: تستاهل وايد ترز بعمرها
عمر: خلينا منها .. سمعت بدر بيتعشى عندكم
خوله: بس سمعت بدر ما سمعت اخته بعد بتي معاه
وبعد بدر مب اول مره يتعشى معانا .. اخته هيه اول مره
عمر : بمسك نفسي وما بضارب معااج
ضحكت
عمر: ليش تضحكين
خوله: شكلك كيووت يوم تعصب
عمر : هيه يعجبج يوم تعصبيني
خوله: مو انا حبيبتك يحق لي ادلع عليك
عمر : فديت الدلوووعين انا
خوله : خخخخ





بعد صلاة العشا تجهزت .. وعاد ما حطيت شيء في ويهي
حتى لو خفيف هذي اوااامر مستر عمر .. 

المهم سمعت صوت الجرس فعرفت انهم وصلوا
لبست شيلة ملونه .. 
على لون جلابيتي ... وطلعت من غرفتي
لقيت سيف قاعد يسلم على بدر
اشرت على بدر وسيف ما يسون حركات وفاجأت بدريه من ورا
يوم ضربتها على كتفهـــا
بدريه احسها تستانس وايد يوم تشوفني وفي احد ما يستانس يوم يشوفني ههههه
المهم حضتني بقوو كأنها من زمان ما شافتني .. 
وقبل لا اتحرك سلمت على بدر : اخبارك بدر؟
بدر يوم يبتسم مثل ابتسامه بدريه يوم تشوفني 
رد علي : بخير انتي اخبارج
مسكت يد بدريه : بخير
خذيتهــــا للصاله ويلستهـا حذالي 



سيف يكلمني وانا فكري شارد .. 
اول مره في حياتي اشوفها بدون مكياج ... معقوله كانت تخبي ويها ورا هالاصباااغ 
والله بتخبل
نطقت : سيف 
سكـــت
سيف: هلا بدر
زين اني مسكت نفسي والله كنت بقوله سيف زوجني اختك خلاص ما اقدر اتحمل
والله اني ابغيها حقي بس احبسها عندي 
انتبهت على سؤال سيف: شو فيك سكت
بدر: هــا .. هيه كنت بقولك سيف يوعااان
ضحك سيف: هههههه 
طوف جداااامي
ضحكت معاااه احرجت عمري

صار على وجودنـا 10 دقايق الا ويرن جرسهـــم
سيف: بروح اطالع منووو

كلهم كانوا يبون يعرفون منو على الباب الا انا اللي انشغلت اطالع خوله ... 
لكن لفتني صوت سيف يوم قال:حياااكم هذي احلى زياااره الصراحه
حصه:يكلم منو ها
ردت عليها خوله: شو عرفني

حصه لحقت تشوف منو لأنها كانت مجابله مدخل الصاله
صدت صوب خوله: شو هالصدفه
نظراتهـــا كان غيررر ... ما اهتميت لأنه حصه دووم تضارب مع خوله
سيف: شوفوا الصدفه 
خوله اول ما شافتهم .. قامت من مكانهـــا



وقفت من مكاني ... وخلاص مب قادره امسك ضحكتي 
سواااهــــا وفـاجأنـي
ولا بعد يطالعني بنظراااات مستانس الحبيب 
رحت اسلم على خالتي:- هلا والله شو هالزياااره الحلوه
شو هالصدفه
حصه: هيه والله احلى صدفه
اعرفها انها تتطنز ... حاطه في بالها متفقه مع عمر
سلمت على خالتي
ما اهتمت لها وصديت لعمر : اخبارك عمر
عمر مستانس: بخير

قاموا بدر وبدريه عشان يسلمون عليها .. بعدما قعدنـا كلنا
خالتي: زين يوم عمر اصر علي نمر عليكم 
سيف: افا خالوا يعني يايه من دون نفس
خالتي: لا والله فديتك من توفى المرحوم وانا ما لي نفس اظهر مكان
عمر: فقلت لها خلنا نروح عند اقرب ناس لنا ونستانس
حصه: في وقته وصلتوا كنا بنحط العشا
سيف: زين من زمان ما اجتمعنا جيه

--------------------------------
الفصــل الحـ 11 ــــادي عشـــــر



بعدما خلصنا من العشاء .. قعدنا كلنا في صاله 
وبدينا نسولف
خالتي وبيدهـا الشاي: عرفتوا ولدي الغالي شو سوى؟
حصة بفضول: شو سوى
خالتي: مب راضي يسوي عرس يبغي ياخذ بنت ناس بدون عرس
بدر مستغرب : ليششش ؟
سيف: حرام عليك عمر انا مخطط اييب حربيه في عرسك
خالتي : فهمـوا...... يمكن يغير راايـه
طالعني ع سريع ورجع يكلمهم : خلاص انا قررت وبصراحه ما فيني على عرس ويـوله
كسرت خاطري خالتي : والله لا استانست ببنتي ولا بولدي 
حصه: هذا هم العيال يوم يكبرون يسووون اللي في بالهم وما يفكرون بأحد
قلت ادافع عن عموري كل ها صار بسببي

خوله: خلاص اآنهـــو السالفه عمر تكلم مع منصور والبنت راضيه
الكل طالعني باستغراب كيف عرفت .. انتبهت على صوت عمر: كيف عرفتي؟
فكرت بسرعه : ترى نوال خبرتني وكانت مضايجه ..
تعمدت اقولهـا: وحليلهـا امل كاسره خاطري
طالعني بنظرات : خلاص عيل بفكر بالموضوع
قال هالكلام وابتسـم

كنت بنطق لكني مسكت نفسي بس نظراتي كانت على وشك تفضحني
فقلت احرق اعصابه صديت صوب بدر : بدر انته عندك شركة مقاولات صح؟
بدر: هيه
خوله: اهل ربيعتي يدورن على مقاول يسوي لهم بيتهم
بدر:مب مشكله نحن في خدمتهم
عمر وقف : يالله امايه خلنا نرجع باجر حرمة ولدج بتوصل البيت ولازم نرحبهـــا
وقفت خالتي : هيه والله 
سيف: شكلك خلاص مب ناوي تسوي عرس
عمر متغصص : ما فيني على صداع العرس

اول ما غادروا ... خذيت تلفوني وطرشت مسج لعمر 
(احبك ولا تزعل مني )
ويووم رجع يرد علي : (وانـا بعد احـبج بس عاد ارحميني ولا تقعدين تغايضيني بعمور )
بدريه : خوله في مجال تروحين معاي باجر
اكتب المسج وارد عليها بنفس الوقت : وين بتروحين فديتج
بعدما طرشت له : (انت اترك عنك حركاتك وانا بترك حركاتي)
صديت لها : ما قلتي وين تبين تروحين
بدريه : لأني ماقدرت افهمج
ابتسمت لها: سوري عسب منزله راسي
كلمتها وبنفس الوقت اشر لها : وين تبين تروحين
بدريه: ابغي اشتري هدايا لطلابي .. بعد باجر يوم مفتوح بكون عندنـا
انتبهت على رنة موبايلي وأنا آخذ تلفوني طالعت حصة كيف كانت تتطالعني
تجاهلتها وقريت المسج : أنتي أم الحركاااات مب أنا 
ابتسمت وتذكرت كأني سويت طاف لبدريه
خوله : خلاص باجر نروح نشتري .. بس ابغي مقابل
طالعتني باستغراب
خوله:ابغي أروح معاج في يوم المفتوح
استانست بدريه: صــج؟!
خوله : هيه اذا ما تبيني فهـذا 
قاطعتني : لا لا أكيد ابغيج تكونين معاي
خوله:خلاص تم
انتبهت على صوته : يالله بدريه خلنا نرجع

بعدما راحــــوا وكنت بصعد غرفتي بس حصه وقفتني
حصه : خوله تعالي ابيغج بسالفه
طالعتها : انتي تبيني بسالفه
حصه: ليش تقولينه بها الطريقه
خوله: انتي غير الفضول ما عندج شيء ثاني
سيف: شو عندكم واقفين هنا
حصه: حبيبي انت روح ارتاح
سيف: لا تتأخرين

بعدما صعد لغرفته .,.. مسكت يدي وسحبتني لوسط الصاله
خوله: شو فيج
حصه: خوله اللي تسوينه غلط
خوله: شو مسويه؟
حصه: قاعد ادمرين حياتج وحياة البنت
بعـدت يدهـــا : انتي وحده فاضيه
كنت بتحرك لكنها وقفت جدامي : بس تذكري شيء واحد عمر مب منه أمـان مثل ما قاعد يلعب في امل بطعن فيج بعد
قالت هالكلام ورااحـــــت
امـا أنـا فتميت واقفه في مكــــاانـــي افكر بكلامهـــــا



بيوم الثااني
امل اطلع شنطتهـــا الاخيره ...
ونوال تسااااعـــدهـــا
نـوال : شـو شعـورج؟
أمـل : ما ادري والله خايفه ومستانسه 
ما اعرف كيف اوصف لج
راحت عندهـا ومسكت يدهـا : لا تخافين عمور ترى وايد طيـووب وبتحبينه بسرعه
أمل تمت سااااكــــت

انتبهـــوا على صوت منصـور : خلاص ؟
نوال : هيــــه
منصور: انزين يالله البسي عباتج ريلج وعمتج هنــــا
نـوال: أمي هنـــا
منصور مد يده عسب نوال تمسكه 
نوال باستحياء مدت يدهـــا ومسكتـه 
طلعوا الاثنيـــــــن

أمـــل تنهـدت: اتمنى والله حياتي تصير مثلهم
دخول هنـادي فزهـــا: شـو هـــا؟؟
أمــل: خوفتيني
هنادي تروح صوبهـــا: شو ؟ ليش مب مخلصه
أمل اطالع عمرهــا: انا جاااهـزه
هنـادي: جاهزه اونه .. 
مسكتهــا و وقفتهــــا على المنظره : لا تخلين عمر يندم انه خذاااج
أمل ما فهمتهــــا
قعدتهـــا هنـادي على الكرسي : اليوم انا بساعدج بس هناك دبري حالج


عمر كل مره يطالع ساعته : مب كأنهـا تأخرت
نوال: توني راجعه من عندهـا لازم تصبر شوي
عمر مب متفيج لهم
موزه تشرب الشاي : هيه صح فوزيه يوم الخميس كل مره نجمتع مكان فليش ما تين معاي
فوزيه ما صدقت بس خلت عمرهـا مب مهتمه :ممم يوم الخميس بكون مشغوله
موزه: خساره بس مب مشكله تعوضينا معاي بيوم ثاني
فوزيه بشكل سريع : لا لا حرام اردج خلاص تم بسير معاج
عمر ماسك ضحكته

كلهم رفعوا راسهم على صوت هنادي
هنادي : آنساتي ساداتي اقدم لكم ملكة جمال الكون
تتتــــــــرا
ابتعـدت عن مكـانهـــا مسافه بسيطه عسب أمل تتجدم
امل اللي كانت مستحيه على الآخر .. بالقوه قدرت تمشي

أمل : السلام عليكم
عمر رفع حواجبه يدل انه انعجــــب فيهــــا
موزه :ماشاءالله عليج كل يوم تزيدين جمال
راحت امل عندهـــا وسلمت عليها .. 
قعدتهـــا موزه بجنبهـــــا
فوزيه: اصلا امل طالعه علي انا يوم كنت شابه جيه جمالي كان
منصور يطالع نــوال .. ويبتســم .. دزته نوال
الكل واقف برع ويودعون امل لأخر مره .. 
امل تحضن امهـــا: اهتمي في عمرج
عمر يسلم على منصور : اسمح لي عيل
منصور: اختي ما وصيك عليها
ابتسم : لا تحاتي
سار صوب سيارته وركــــــب ... وتبعتــه امـــه اللي قعدت ورا
عمر : يمه تعالي جدام
موزه: خلاص صار مكان حرمتك
عمر : لا والله مكانج هذا 
موزه : اسكت هذي حرمتك يـــت




ما قدرت انام عدل والسبب حصه الله يسامحهــا لازم تتدخـل .. شو ما صار مب مغيره رااااي ... عممور لي انا وبس ... 
طلعت من غرفتـــي وانا لابسه عباتي .. 
شافني سيف: على وين؟
اعدل شيلتي : بظهر مع بدريه تبـــاه تشتــــري اشيــــااء
زياد: عمو بروح معاااكم
خوله: خلك في مكانك 
حصه: شليهم انزين
خوله: هذو ابوهم خلي يطلعهم وانا ما فيني على حشرتهم خاصة هذا زياااادو
سيف: انا مب متفيج اطلعهم
وانا رايحه صوب الباب : يالله مع سلامه
طلعت وانا اسمع زياد مسوي حشره ,,, ضحكت على خفيف وركبت سيارتي
وانا اسوق وصلني مسج من عمر :اليوم الغلا ما سأل عنــــا
ابتسمت
وطرشت له : انشغلت شوي
رد وطرش: افا انشغلتي عنـــــــي
قلت ما يفيد بالمسجات اتصل فيه احسن 


وفي عند موزه ... فمفتـشـله منه اول ما نزلوا خل البشكاره تشل اغراضهـــا وراح عنهــــم
يعني ترك امل وامه في صاله وصعد لغرفته
موزه : يمه لا تستحين ترى البيت بيتج
أمل ماخذه في خاطرها من حركته بس فوق هذا كانت تبتسم لـ موزه
موزه : تعالي اوريج غرفتكـــــــم


عمر في غرفته يضاحك : هههه لا والله وتنكنين بعد
خوله : هههه لا بعدني احاول
رفع راسه انتبه على امه ادش غرفته ومعاها امل
موزه طالعته بنظرااات 
موزه: لا والله قاعد هنا ومخلي حرمتك تحت
عمر يبتسم بالغصب: قلت اكيد تبون تسولفون من جيه خليتكم على راحتكم
موزه : أتفاهم معاك بعدين
صدت صوب أمل : فديتج إذا احتجتي شيء لا تستحين منا زين
أمل : إن شاءالله
بعدما طلعت موزه من غرفتهـــــــم ... رجع عمر يتكلم بالتلفـــون
عمر : ديري بالج على عمرج .. واكلمج بالليل
صكر من عند خوله 
صد صوب أمل : تعالي
امل واقفه في مكانهــــا منقهره منه بس ما تباه تبين له
عمر : ليش مستحيه تعالي 
مشت بخطوات بطيئه صوبه ... وتمت واقفه 
هو رفع راسه: لا والله اكلمج جيه .. راسي بيعورني
قعدي
امل صدت عنه : جيه مرتاااحه
مسكها من يدهـــا وقعدهــــا .. حاولت تقوم بس ما سمح لها
عمر : شو فيج ؟ لا تخافين مب صاير بينا شيء ... بس ابغي اتفاهم معاج بأشيااااء
طالعته بحيره 
عمر : نحن جدام الناس متزوجين ... واذا شاء ربنا نفترق بوقت مناسب
لمعت عينه يوم ابتسم : واتزوج خوله
تم سااااكــــت ... يسبح في خياله للحظه
انتبه على صوتها الرقيق : عمـر
عمر : هلا؟!
امل ساااكته ومتردده 
عمر : أي شيء في خاطرج قولي ولا تستحين
امل : لازم تطلقني خلني في ذمتك وتزوج علي خوله والله ما عندي مانع
وقـــــف .. حطت في بالها انه عصب وناوي يصرخ عليهــــا .. 
لكنه فـاجـأهـــا بهدوء واللي فاجـأهــا كلامه
صدقني انا ودي اخليج بذمتي ... بس خوله ما تبغي .. وما ألومها هي من كثر ما تحبني
ما تباه احد غيرها يشاركهـــا .. وأنا حياتي يفدااهــا واللي تباه مني انفذه

قال هالكلام وظهر من عندهــــــا
وهي تحاول تستوعب كلامه : يعني شو انا وحده رخيصه جدامه
بس انا احبه والله احبه شو اسوووي يا ربي شو اسوووووي


وعند خوله الضييج لاعب دور .. وبدريه لاحظت هالشي
بدريه : شو فيج خوله
خوله تبتسم بالغصب: ما فيني شيء
بدريه : تعرفين موول الضيج ما يليق عليج
خوله :ليش لها درجه ويهي حلو
ضحكت بدريه على كلامهـــــا
وضحكت خوله معاااها ... حاولت تنسى هيه ليش مضااايجــــــه

بعدما وصلوا المركز التسوق ... تغشت بدريه
خوله: لحظه ليش تتغشين
بدريه: هـــا؟!
خوله بعدت الغشاوه: اكيد ما بتفهين شو كنت اقول؟
ليش تتغشين؟
بدريه : هذي اوامر بدر؟
طالعتها بنظرات سخريه : لا والله اوامر بدر ؟ وكيف بتفهمين شو بقولج اذا ما بتشوفيـنـي عدل
بدريه: قلته بس هو ما رضى
خوله: بس انا ما شفتج تتغشين قبل
بدريه : عسب نحن بروحنـا رايحـــات
خوله : اقول عاد خل عنج هالحركات ويالله نشوف شو اليديد
بدريه: بس
سحبــــــــــــــــــتــــــهـــــــــــــــا خـــــــــــولــــــــــــــــــــــه


مـــرر اسبـــــوع ... الكل مثل مــــا هـــــو
عمـــر خــــولــــــه بعدهـــــم مع بعض سوالف وسهر 
أمـــل كل ليله تدمـع عينهــــــــا وعمــــر مب داري عنهـــــــــا
بدر .. يدور على فـرص بس عشـــان يتـلاقـــــا مــــع خـولـــــــه
منصور و نـوال .. الحــب كل يوم يـزيد اللي بينهـــــــم 

لكن يا حـلويــــن بعد هالاسبـوع البــــارد .. يـأتيكـــــم اسبــــوع حــــااار


عمر قاعد في سيارته : انزين حبي بكلمج بعدين الحين انا وصلت البيت
خوله: خلاص عيل بترياك 
عمر : بس خلاص بتصكرين
خوله: ليش في شي بعد؟
عمر : هيه 
خوله: شو؟!
عمر : احبك مثلا
خوله : ههههه احبك يا الغالي
عمر : وانا احب اللي يحب الغالي
خوله:ههههه هيه صح عموري
عمر : ها حبيبي
خوله: ليش ما تكلمني في غرفه ثانيه احس مب شيء تكلمني جدام امل
عمر : عادي هي تكون نايمه
خوله: حتى ولو
قاطعها: لا لو ولا لالي ههه يالله نزلت من السياره
خوله: خلاص عيل بتريا اتصالك



عمر يوم دش الصاله ما لقى احد .. امه تكون راقده في هالوقت
دش غرفته واستغرب من وضعه 
ريحه عطر الياسميــــن ماليه اركان غرفتـــــه
والشموع في كل ركن من الغرفه
عمر : شو هــــــا
انتبه على باب ينتفح من وراه وصوت امل: وصلت حبيبي
والابتسااامه العذبه مرسومه على شفاتهـــــا
عمر تم سامر في مكانه يوم شافهــــا ... وفي خاطره هذي دوم تفاجأني احسها يوم عن يوم تحلا
(لانه امل مب من نوع اللي تحط مكياج بس يوم تبدأ تحط ويها يتغير وتصير حلوه)
تدارك نفسه: شو هــــا
أمل بيدهـــــا صينيـــــــه : أكيد مب متعشي صح
دشت وحطت الصينيــــه على الطـاوله
عمر يطالعهــــا ومستغرب
اما امل راحت عنده ومسكت يده .. زاد استغرابه كيف صارت جريئه جيه
امل بكل رقه: يالله حبي خل نتعشى
عمر كان يمشي معاهـــا بدون ما يقـــاوم
امل: يالله اقعد ولا انا بعد اقعدك
عمر : امل لحظه انتي عارفه شو قاعده تسوين
امل: هيه .. يالسه اخدم ريلي حبيبي
عمر:امـــــل؟!
امل تغيرت ابتسامتها ...
وبترجي: عمر انا عارفه كيف الوضع وانت تحب خوله وتباه هي تكون زوجتك ولا تفكر اني قاعده احاول آخذ مكانهــــا ... 
نزلت راسها :بقولك على شيء انت ما تعرفه
رفعت راسها وبكل مشاااااااعر نطقتهـــا: عمر انا احبك
ينـاظـرون بعض ... عيونهم هي اللي تكلمت 
وبلحظه فجائيه حظنته وتمسكت فيه بقوه: والله اني لين الحين احبك ودي 
ابتعد عنك وانسى حبك بس والله مب قادره
عمر بلحظه حن قلبه عليهــــا واسترجع المشاااعر اللي كان بينهم
في الماضي
لكن طيف خوله ... ما تركتهـــم يستمرووون بها الوضع
بعدهـــا ... ويلسهـــا على الكرسي ..
قعدت هو على الكرسي الثاني: امــــل تعرفين انه ماشي فايده من هالكلام
و أنـا خلاص
قاطعته يوم حطت يدهــا على شفاته: لا تكمل واسمعني للآخر
انا راضيه بنصيبي وقبل لا نفترق ابغي اعيش معاك حيااااتي ابغي آخذ من هالعلاقه ذكريات حلوه .. انا ما اقول بادلني الحب بس حاول انك تمثل معااااي 
ما ابغي منك كلمه احبج او اموت فيج ما ابغي كلام حلوه منك بس لا تمنعني انا اقولها 
خلني انا اعيش الدور وانت كله اللي ابغيه منك تتحملني
عمر .. ابغي حقوقي كزوجه
طالعهــــا عمر : انتي مب صاحيه
امل:انا بتحمل العواقب
عمر : بس انا ما ابغي عيال منج
امل : لا لا تخاف من هالناحيه انا دبرت امري ورحت المستشفى و وصفتني الدكتور الحبوب
عمر حس انه امل وايد متغيره وايد وايد كانت تسولف وتضحك بس عمرها ما كانت جريئه بها الشكل
رجعت تبتسم ولا كانها قالت شيء: يالله ناكل اكيد يوعان صح
عمر بعده يفكر بكلامها .. صد صوب الكل من غير ما يتكلم
مد يده عسب يحط له لكن امل سبقته وحطت له الاكل
واما حست انه كلامها بدأ يأثر فيه يوم سمح لها تـأكلــــه

وبعد العشا ... قعدت بقربه وبدت تسولف معــــاااااه
وهو اندمج معاها وخاصه سوالفهم كانت عاديه
امل كل ما تضحك عمر قلبه يفز ... لكن في كل مره قلبه يفز .. كان يحاول يدارك نفسه
وما يعطي أي امل لأمـــــل


بتسألون هالقون من ويتهــــا ... أمـــــل
.. امل صار لها اسبوع تفكر كيف تكسب قلبه .. وبلحظه سمحت لعمرها تكون في مكان خوله .. 
شو اللي في خوله وما فيها ... ليش عمر متعلق فيها بها الطريقه 
رغم قبل يوم عمر كان يكلمني كذا مره قال انها جافه وجاسيه 
وما تحس في .. آه مني كنت اعرف هو يحبها وفوق هذا سمحت لقلبي يركض وراه
ويطيح في شباااكه
هالافكار كانت تراود امل ... لين ما فكرت ليش ما ادافع عن هالعلاقه 
وتحاول قد ما تقدر تاخذ مكان خوله مثل ما خوله خذت مكانهــــا
بس كيف ؟؟ هذا ما قدرت تجاوب عليه

الا يوم استعانت بهنادي .. قالت لها القصه على انه قضيه صديقتهـــا في كليه
وهنادي عطت امل الخطه .. ومن غير امل اشترت كذا كتب (مثلا كيف تكسبين قلب زوجك ؟ الحياه الزوجيه السعيدده ..وإلخ ) وحاولت اطبقهم 
ومن اليوم بتصير امل القويه اللي ادافع عن زوجهــــا .. بس لازم تثبت لعمر انها راضيه باللي يصير وما بتمنعه من اللي مخططين عليه سابقــا
وجيه بتحصل على فرصه اكثر عسب تتقرب منه






والحين باااكـ تــو عمـــر و امـــل

عمر ما عرف شو يسوي يوم شاف امل حطت راسهـــا على كتفه
ما منعهـــا ولا نطق بكلمه بلعكس تم يمسع كلامهـــا
أمل: تعرف عمور انا ما توقعت اني للين الحين احبك
يمكن لانك شخص مميز
انتبهت انه عمر ساكت وما يرد عليها
رفعت راسها وطالعته وبأسلوب حب سألته :ليش ساكت حبيي
المفروض البنت اللي تحس بشيء لمن هنا الدور عكس عمر ذايب وبدا يفقد سيطرته
رد عليها: لأني قاعد اسمعج
مسكت يده : احبك عمر
بشكل سريع باسته على خده ودفنت ويها بصده .. من الحياء
اما عمر حاط يده على خده ويحاول يستوعب الوضع
حس انه امل كانت ترتجف .. وبنفس الوقت تحاول تتمسك به : كانها خايفه يضيع منها
ويوم رن تلفونه ... تمسكت فيه امل اكثر .. 
من كثر ما كان الوضع عاجبنـــــه ما حب يرد على المتصل نسى في لحظه منو صاحب الاتصال
وامل في خاطرها: يا رب ما يتركني ويروح يرد عليها
وكل ما تدعي تتمسك بعمر اكثر
الحظ ابتسم لها لأنه المتصل ما اتصل الا مره .. 
وهالشيء سمح للوضع اللي بينهم يزيد حب ورومانسيه



وبصوب ثاني خوله ما حبت تتصل مره ثانيه لأنها حاسه بذنب تجاه امل 
بس حبت تذكر عمر انه يتصل فيها
والسبب الثاني كانت مسطله .. وما قدرت تتحمل اكثر فنامت وحاطه في بالها يوم بتصل بقوم وبتسولف معاه

--------------------------------
الفصل الثـ 12 ـانـي عشـــر


فتحت عيوني على صوت المنبه .. يخبرني حانه موعد آذان الفير
قبل لا اروح اتوضأ .. جيكت على تلفوني
خوله: غريبه ..
ما اهتميت وايد لسالفه .. قمت ودشيت الحمام عسب اتوضـأ

بعدما خلصت من الصلاه طرشت مسج لعموري
(ليش ما اتصلت )
انتظرته بس ما لقيت منه أي رد


عمر كان في سابع نومه ... 
وخوله يوم طرشت المسج بنفس الوقت امل خلصت من الصلاه ويوم سمعت صوت التلفون يرن راحت صوبه بسرعه 
ما تباه عمر يحس 
امل : اكيد خوله
كانت بتمسح المسج بس تذكرت اكيد خوله بتقوله عن المسج وبيعرف انا اللي مسحته 
قررت ما تفتح المسج وتترك التلفون في محله بس قبل لا تتركه حولته لصامت
ورجعت لشبريه
حطت راسها قرب راس عمر .. ويلست تتأمله 
قربت يدهــا صوب شعره وبدت تمسح عليه بحنيه
وتبتسم
لكن فرحتها ما اكتملت يوم سمعته ينادي باسم خوله
سحبت يدها .. 
وحست بقهر يقطع قلبها ..وغصبن عليها نزلت دمعتهـا
في خاطرها تعطي لنفسها أمل : تحملي امل .. شكله هالدرب طويل وشاق .. 
صدت صوب عمر : بس بسوي المستحيل عشانك



فتح عيونه .. 
بكسل خذ تلفونه وشاف الساعه كم 
قعد من مكانه : ساعه 10 تأخرت على شغلي
حط يده على راسه : خـوله؟! كيف نسيتهـــا 
تذكر كل شيء البارحه شو صار مع امل
اتصل في خوله ..




خوله كانت يالسه في كافتيريا مع ربعهـا
رن تلفونهـــا
خوله مجرد انها سمعت الرنه عرفت منو المتصل ..
ربيعتها:تلفونج يا عسل
خوله : مب صمخه
خذته وحولته صامت

يوم ما لقى منها أي رد حط في باله أكيد زعلت
ترك التلفون و وقف : ياكثر ما تزعل هالبنت
دش الحمام


أمل يالسه تحت عند عمتهـــا
موزه:إن شاءالله مرتاحه
أمل تبتسم : الحمدلله
موزه: بنتي ؟!
أمل: هلا عمو
موزه: لا تاخذين في خاطرج على عمر .. مرات عليه حركات 
بس هو طيب
أمل منزله راسها: انا اصلا ما اقدر ازعل منه
موزه حست براحه : الله يديم المحبه بينكم
ما حست بعمرها الا ورافعه يدها: آمين
يوم لاحظت موزه اطالعها وتبتسم احمر ويها 
قامت: بسير اشوف عمر 
موزه: الله يحفظج


وفي كليه قامت خوله عسب تحضر آخر كلاس لها
تكلم ربيعتها: ما بتين
ربيعتها: لاااا مالي نفس
خوله :. وياء ويهج تحملي آخر كلاس
اشرت بيدها انها مب مهتمه
خوله:كيفج
مشت عنها .. ويوم طلعت من الكافتيريا اتصلت في عمر


بنفس الوقت دشت أمل .. وكانت بتشمي صوب الكبت وبطلع فوطه لعمر .. 
لكنها انتبهت على نغمة التلفون 
راحت صوبه ولقت المتصل حبي الاول والأخير
تغصصت وبدون قصد شلته وصكرت الخط على ويها

خوله مب مستوعبه او ل مره يسويهـا
طرشت له مسج : ما يسوى علي ما ارد كنت قاعده مع البنات 

امل يوم انتبهت شو سوت حست بخوف ... خاصة اذا عرف عمر 
اكيد بقولها شيء .. في نهايه هيه بعدها ما كسبت حبها بالكامل
تمت واقفه في مكانها وتفكر ... كيف تصرف
رفعت صوتها يوم شافت عمر طالع من الحمام وكان لابس شورت

ابتسم لها : صباح الخير
يوم شافت ابتسامته نست مشكلتها 
وابتسمت له من خاطر: صباح النور 
راح هو صوب الكبت وخذ له فوطه يمسح فيه شعره
تجرأت امل وراحت صوبه ...
خذت من يده الفوطه ..
امل بخجل : اقعد 
عمر يحاول ياخذ منها الفوطه: لا مب لازم اتعبين عمرج
أمل بترجي : الله يخليك
تنهد عمر لأنه استسلم جدام رقتها 
قعد على الشبريه وهي ظلت وراه .. تمسح شعره بفوطه
عمر مستانس : يا سلام تنفعين حق المساج
أمل: بس انا مب قاعده اسوي مساج
عمر : يوم انا اقول مساج يعني مساج
ضحكت امل: ان شاءالله
عمر: تعجبني الحرمه اللي تسمع الكلام
تم تدوين .. عمر ما يحب المعارضه..
لازم تسجل كل شيء ينفعها ويقربها من عمر
وبنفس الوقت يتها شعور بالخبث :
فسألته : يعني خوله ما تسمع كلامك
هنا مسك يدها : يكون الافضل لو ما تقارنين نفسج بخوله
وقف وابتعد عنهـــا ... راح صوب تلفونه 
بالاول اختفت ابتسامتها ما توقعت خطتها بتقلب عليها 
وما بعجبه كلامها .. شكلها تسرعت
وثانيا ألحين بقرأ المسج وبعرف

انتبهت على صوته وكان معصب : انتي صكرتي الخط على ويها
أمل : هيه بس بدون قصد .. يايه احوله صامت و
قاطعها بنبره جاده: يكون الافضل ما تتقربين من تلفوني بعد لو ينقع من الصياح
أمل منزله راسها:آسفه 
عمر ما عجبه وحس قلبه يأنبه على أمل .. خاصة بعد ما بان عليها الضييج
راح صوبها : شو رايج نروح نتعشى برع اليوم
ابتسمت: صج
عمر: هيه واذا مب متحمسه مب مشكله
نقزت مثل اليهال : لا لا اموت اذا رفضت قربك
انتبه عمر على كلامها وتم يطالعها
اما هي فيوم حست بكلامها .. استحت ونزلت راسها
رفع راسها بيده: امل لا تحبيني هالقد وانتي تتدرين انه قلبي لمنو
استغرب يوم ابتسمت واستغرب اكثر من كلامها: اعرف اللي بينا مب مطول وهالسبب يخليني استغل كل لحظه معاك
سكت عمر وما عرف شو يقولها
لكن بدأ يحس بشيء .. بشعور مب غريب عليه .. .
مشاعر الماضي اللي كان يكن لها
تم يناظرها ويراقب الامل وتفاؤل اللي بعيونها

وامل بين نفسها تعرف الطريق اللي تسكله عشان تكسب عمر
غلط .. لكن هالغلط عادي عندها دامه بقربها منه



لا اتصل .. ولا حتى حب يطمن علي
تغير ... واااايد تغير والسخيف وصلت فيه يصكر الخط على ويهي

المس : خوله انتي معانا
انتبهت عليها : ها؟!
المس : عن شو كنا بنحكي
جاوبت عليها بتغصص : مس ممكن اطلع
عصبت : لا والله 
خوله: مس والله واصله حدي خليني اطلع
مس: اظهري بس بعتبركي آبسنت
وقفت وما اهتميت ... لها
شليت اغراضي وطلعت من الكلاس .. ركبت سيارتي وانتظرت دقايق .. احر فيه السياره 

اول ما ظهرت من الكليه رن تلفوني .. 
خوله : اونك عاد
رديت عليه بس عشان اعرف شو سالفته .. 
اما هو فكان رايق على الآخر : هلا حبي
خوله: شو هالمزاج يا مستر عمر؟
عمر : شو في مزاجي عادي مثل ما هو
خوله: اكيد راقد عدل
حسيت من نبرة صوته مستانس الحبيب : سوري حبي ما قدرت اتصل فيج .. رقدت من التعب
خوله : .........
عمر : شو فيج خوله
خوله : ما فيني شيء .. عمر اكلمك بعدين 
عمر : ليش حبي .. ؟ شو فيج
خوله : انت رايح دوامك
عمر : هيه .. بس لا تغيرين السالفه شو فيج؟
خوله : أكلمك بعدين
صكرت منه .. حتى ما اهتميت شو كان آخر كلامه

تنهـــدت : نبرته غير .. ياما سولفت معاه بس اليوم هو غير 
كأنه عسب يجاملني متصل في
رن تلفوني وكان هو المتصل .. 
عسب ما اسمع وانتبه على رنته .. شغلت السيدي وعليت على الصوت

وصلت البيت حتى الغدى ما تغديت ... من دشيت غرفتي وانا طايحه على فراش 
اليوم انا مضايجه وحاسه بشعور غريب ....
حتى يوم دخلت علي حصه ما سمعت شو كانت تقول ..
وبعد ساعه دش علي سيف 

سيف: خوله
....................
سيف بصوت عالي: خوله ما تسمعين
انتبهت عليه : اوه .. هلا اخوي متى دشيت
قعد سيف على الشبريه يوم شاف شكلي :خولوا شو فيج؟
قمت وقعدت : ما فيني شيء 
سيف: شوفي ويهج كيف صاير ؟ ليش جيه لونه مخطوف
خوله ضحكت: نتصل الشرطه
سيف يطالعني مستغرب : ليش؟
خوله: مو انته تقول ويهي مخطوف نتصل الشرطه واندور عليه
بالاول طالعني سيف بنظرات ... ويوم دزيته: شو فيك تتطالعني ؟
ابتسم : انتي خبله تعرفين هالشيء
تفاجأ يوم حطيت راسي فوق حيره : اعرف
سألني بخوف: شو فيج خوله
تنهدت: تعبانه شوي
خلاني اقعد بغصب بس انا كل مره افر عمري على كتفه
لين ما عصب: اصطلبي .. وقولي لي شو فيج

هنا دخلت حصه : طولتوا شو عندكم؟
اطنز عليهم : روح حبيبة القلب مب قادره تستغنى عنك
اونها تباه تغايضني راحت عند سيف ومسكت يده : اكيد حبيبتي مو هذا ريلي و ابو عيال
رجعت انسدح على الشبريه : ومنو قال هذا ولد جيران
سيف : خوله ؟! تكلمي معاها عدل
زاد من ضيجه هذا بعد .. 
خوله : ممكن تظهرون من الغرفه ابغي انام
سيف : من رجعتي وانتي على هالحال ... شو سالفتج انتي؟
ما حبيت اصد صوبه حسيت نفسي عادي في أي وقت اصيح : ما فيني شيء
قال لي بأسلوب امر : على العشا بنظهر الحديقه بتين معانا
اول ما سمعت صوت باب غرفتي يتصكر ما قدرت امسك دمعتي اكثر


وصج سواها ... مره عياله يسون لي حشره ومره حصه ام الفضول تصحيني
ويوم شافوا ماشي فايده ... دش سيف واضطريت اقوووم وخاصه بعدما تم يوعيني بحنان
ما قدرت ارده ...

قمت بكسل ورحت اجهز ...
ما اهتميت لمكالمات اللي تراكم في تلفوني ولا لي مسجاااات



بعدما خلصت قعدت في الصاله ... 
شفت حصه ماشاءالله شاده حيلها وشاله اغراض
سألتها : ناوين تشووون
حصه :هيه 
خوله : ليش عندي احساس قوم بدر بكونون معانا
ابتسمت : هيه مستانسه؟
صديت عنها : عادي عندي
شفت زياد ناديت عليه 
زياد متكشخ الحبيب : على وين يا عمري
زياد : ما تعرفين بنسير حديقه
خوله :ومتكشخ حق البنات ها؟
حصه: خوله لا تعلمين عيالي هالسوالف
خوله : بخلي يطلع مغازلجي
حضنته وتميت ابوسه .. وهو وحليله يحاول يتهرب
يوم رحمته سألته : شو شليت معاااك
زياد: كوره
خوله: بس شل معاااك ورقه بنلعب اونووو
زياد متحمس : اوجي

قمت ورحت اشغل سيارتي .. تركت الباب مفتوح فشافني سيف
سيف: بتروحين بسيارتج؟
خوله : هيه
سيف: ليش ان شاءالله
خوله: والله منو يظهر للحديقه وناس وراهم دوام .. 
من جيه بسير بسيارتي عسب ارجع بوقت
سيف: حركااات انتي؟
ابتسمت له: طالعه عليك
ابتسم ومشى من عندي ... انتبهت على رنه تلفوني
ترددت ارد ولا لا ..
صكرت باب السياره ورديت عليه
وكنت بارده : هلا عمور
اما هو فكان معصب :شفتي كم مره اتصلت فيج ؟
خوله : لا .. كنت راقده
عصب اكثر: حرقت تلفونج انا وتقولي لي كنتي راقده
خوله: وليش حارق تلفوني بغيت شيء
عمر بضيج : خوله شوفيج كل ها عسب امل بالغلط صكرت الخط 
طلعت لا اراديا : شوووووووووووووو؟
عمر : بسم .. شوفيج
خوله : امل اساسا ليش تاخذ تلفونك 
عمر: كنت في حمام وهي بغت تحوله لصامت
خوله: لا والله وانت صدقت القصه
عمر : شو تقصدين؟
خوله: حبيبي حرمتك تعمدت تصك الخط علي
عمر : ليش تقولين جيه انتي شايفه عليها شيء
خوله : لا بس مجرد احساس
عمر : تظلمين الحرمه بس لأنج حاسه
خوله : وانت ليش ادافع عنها
عمر : ما ادافع عنها بس بعد حرام تظلمينها
خوله بسخريه: اوه منو يعرف حرااام
عصب: شو تقصدين؟
انتبهت على سيف اللي كان يأشر علي انهم بتحركون
وبنفس الوقت زياد ركب سيارتي
زياد: يالله عمووو
خوله: زياد روح عند ابوك انا ما ابغي اركب احد معاي
زياد يترجاني : عموووو عاااد
وبصوب ثاني عمر : على وين حبيبتي؟
خوله: سيف اصر يطلعنا الحديقه
عمر : بروحكم ولا زوج المستقبل معاكم بعد
قهرني يوم قال زوج المستقبل : تقصد بدر؟
عمر: في غيره
خوله:وانت ما تعرف منو زوجي المستقبل
حركت سيارتي ...
ويوم زياد شغل على المسجل ... عصبت عليه وخليته يقصر
رجعت لعمر : ما جاوبت
عمر : شو اقولج طلعاتج مع بدر كثرت .. 
خوله : وانزين وبعدين
عمر: ماشي انتي عمرج ما بتفهميني
صج عصبت عليه وصرخت : انا يا نذل .. 
سكت يوم شفت زياد يطالعني ومستغرب
صكرت الخط على ويه ... الا غلقت تلفوني وفريته ورا
والله اني تمالكت نفسي بقوه ... وبصوب ثاني زياد خايف كان
خـــــــــذيـــــــــــــت نفــــــــــــــــــــس
ابتسمت له غصبن علي : شو فيك ؟ خايف من عمتك
زياد: عمو انتي وايد صرتي عصبيه
خوله: شو اسوي حبيبي هالناس تخليني اعصب
مديت يدي صوب سيديات : اشتريت سيدي يديد بتسمعه
ردت فيه الروح : هيه هيه
وانا احط سيدي في مسجل: انت طالع على منو .. ميت على الاغاني
زياد: انا يوم بكبر بصير مغني
ضحكت: احلام ورديه يا ولد اخوي
بدت الاغنيه .. وانشغل فيه زياااد .. اما فلا تسألون فكنت في عالم ثاني 
يكلمني عن الظلم .. وما يشوف نفسه شو قاعد يسوي معاااي ولا بعد يدافع عنها


وبصوب الثاني ... عمر فاج حلجه ..
ويكلم نفسه: تقول عني نذل
هذي ما تسبني الا اذا صج صج اجرحتهـــا
حبيبتي واعرفهـــا
بس انا شو سووويت (مب حاس الريال )
احسن عسب ما تستانس معاهم .. تخليني متحرقص هنا وهي هناك تضاحك مع بدر

يوم تخيل المشهد ... 
خذ تلفونه واتصل لسيف ع سريع ...
عمر : هلا سيف اخبارك
سيف: بخير طال عمرك ... واخبارها خالتي
عمر : الحمدلله بخير مستانسه بحرمة ولدها
سيف:هههه ان شاءالله دووم 
عمر : انزين سيف شو عندكم اليوم تعالوا بيتنا
سيف: والله يا الغالي ما قلت من قبل طالعين نحن ألحين
عمر : أهـــا خلاص عيل مره ثانيه ان شاءالله
ألحين عمر يتريااا سيف يعزمه
سيف:ليش مره ثانيه ... نحن رايحين الحديقه ليش ما أتيــب خالتي وحرمتك
عمر : والله فكره ...امي بتستانس وايد



وصلنا الحديقه قبلهم بس عسب اقدر اشوفهـــا ... 
اوه يايه بسيارتهـــا
رحت اساعدهم في تنزيل الاغراض .. اما اختي فحظها راحت سيدا عند خوله
اللي من زياد فتح باب سيارتها .. 
انسمع الاغنيه اللي كانوا حاطينه ... اطالع سيف اللي مخلي اخته على راحته
لو كانت بذمتي كان ماشي كل هالدلع
ويوم هي فتحت باب سيارتها بندت على الاغنيه ..وسلمت على اختي
كانت اراقب عيون الشباب اللي كانوا واقفين عند بوابة الحديقه كيف كانوا يطالعونها ويتهامسون .. 
بصوت عالي : بتمون واقفات 
خوله حست اني معصب: بندخل بس لا اطر بلعومك
طالعني سيف : مب لسان عليها
بدر : عادي متعود عليها
واطمنت يوم دخلوا الحديقه .. وتبعنــاهـــم نحن بعد

بعدما فرشنا الحصير وجهزنا اغراض الشوي .. وحليلها حصه الوحيده اللي كانت تشتغل
اما بدريه و خوله مشغولين سوالف كانهم اول مره يشوفون بعض
بدر: حرام عليكم ساعدوا حصه على الاقل
بدريه : ها
عادت لها خوله الكلام: يبـانـا نساعدهــــا
بدريه:هيه صح .. حرام خلينها لحالها تسوي
سيف: حسوا في حرمتي وحليلها
ابتسمت حصه : لا عادي .. بعد شوي امل بتي وفديتها اعرف اكيد بتساعدني
ما ادري ليش صدت صوب خوله كأنها تبغي تغايضها
وبالفعل خوله تغير ملامح ويها .. معقوله حصه تقارن امل بخوله ...
صح خوله ملسونه ومزاجيه وما اقوم اشغال بس 
شـــوو؟!
اويييه : طيبه شو اليديد كلنا طيبين بس شو المميز فيها 
من عرفتها وما اشوف الا سلبياتهـــا 
صديت صوبها اطالعهــــا وابتسمت يوم شفتها تضحك 
وبلحظه كل عيوبها اختفى بنظري ...
كافي انها تضحك من قلب وكافي انها مب متكبره ودليل معاملتها مع اختي
واذا اختي حبتها اكيد خوله فيها شيء مميز بس انا يباني وقت لين ما اكتشف شوو؟
انتبهت على صوت سيف: يا ابوك اخطبها وفكنا من حشرتها
تفقطت من خاطر : سيــــف؟!
ضحك: شو فيك ؟! استحيت مثل الحريم
خذيت السجين وفريته عليه



فديتها امل .. مالت بس .. اونها تغايضني بس انا ما اكون خوله ان ما كنت على طبيعتي وهذا خله يشرف .. وانا اوريــــــه 
ولا اقول ليش اعور راسي .. واقهره بكون كوووول وعاديه
وحليها بدريه تسولف معاي وانا يالسه اتحرطم


اما عند عمر ... 
فعمر كان مستعيل ويسوق بسرعه
موزه: شوفيك ؟
عمر : يمه العرب يتريونـــا
أمل ظلت ساكته .. اصلا هي من سمعت عمر يقولها بنروح حديقه قوم سيف هناك وهي ساكته وضاربه حزن (يحق لها هالريال .. الواحد كيف يتصرف معاه ما تعرف)


رفعت راسي على صوته : السلام عليكم
تصدقون اني ما رديت السلااام من القهر اللي فيني ..
هيه صح خوله شو اتفقنا .. تكونين كووول وما يهمج شيء
وقفت عسب اسلم على خالتي .. فديتها هي شو يخصها 
حبيت راسها وحضنتها : شو هالمفاجأه الحلوه
باستني على الخد : فديتج والله
يوم شفت الكل ياي عند خالتي يسلم ... رحت اسلم على امل اللي حصه من شافتها ربعت عندها
ابتسمت لها من خاطر : اخبارج امل
شكلها مستغربه ردت علي : بخير .. انتي اخبارج
بعدني ابتسم : بخير فديتج
حياااج تعالي قعدي
صديت صوب عمر اللي كان يسلم ويطالعني 
سويت له حركه بعيوني : شو فيك تتطالعني
طالعني بنظرات وعطيته بنظرات .. 
رحت وقعد عندهم .. انا وبدريه يلسنا نسولف مع خالتي 
اما امل و حصه بدن في شغلهم واغلب الوقت كانوا يتهامسون

ما اهتميت لعمر ... اللي كان يراقبني وانا اضحك من خاطر واسولف مع امه
كلمت بدريه : بتين معاي الحمام
بدريه تتطالع بدر وكان باين عليها متردده
قلت لها : لا تخافين خالتي بتكون معانا
صديت صوبها: خالوا يا بعد جبدي بتروحين معانا الحمام ابغي اربط شعري
خالتي فديتها والله : من عيوني حبيبتي
وقفت جان يسأل سيف: وين؟
عاد خالتي ردت عليه : ورانا مشوار عندك مانع
الكل تم يطالع خالتي ...
عاد انا مسكت يدها وشاقه الحلج: ها اخوي عندك مانع
سيف: دام الزعيمه في سالفه اكيد انا ما عندي مانع
صديت صوب بدريه :ما بتين
زين يوم الاخ حس فيها ... : روحي اذا تبين تروحين
حركات اونه اذا تبين تروحين .. وانته مناك متحكم فيها
المهم رحنا نحن الثلاثه وعاد حصه وامل تموا يطالعونا
وانا العبيطه سويت حركه بيدي : كملوا شغلكم

الحين انا اللي ابغي اروح الحمام .. 
لكن الاثنين تأخروا وانا ربطت شعري وطلعت .. 
ريحه كانت لاعبه دور .. حسيت بخنقه وطلعت من الحمام
يا ليتني لو ما تميت لحالي .. الوحده تذكرني بالسخيف عمر .. 
فرجعت لضيقتي
انتبهت على رنة موبايلي 
قريت المسج : ليش واقفه لحالج ... اترياج تعالي ورا الحمام
ها؟! 
من صدقه هذا .. 
صديت وراي .. لقيته واقف ويأشر علي 
سألته : تخبلت
عمر : تعالي
خوله: لا انته صج تخبلت
عمر : ترى والله أي عندج واخلي امي و بدريه يشوفوني
خلني اروح عنده يسويها .. اعرفه
مشيت صوبه بسرعه ..
خوله: شو فيك
سحبني والحمدلله والحمدلله محد كان
سحبت يدي : عموور ؟!
عمر يطالعني بنظرات حب .. كنت بغرق فيه لو ما سمعت صوت بدريه وخالتي ينادون علي
سويت له طاف ومشيت .. لكن لا .. الريال سحبني ولصقني على اليدار
عمر : وين رايحه؟ 
دزيته بعيد عني : ما تسمع ينادون علي
عمر : بس انا ودي اكون معاج احس نفسي فاقدنج
كلامه .. جنان .. بس خوله كنترووول 
طالعته بنظرات سخريه : لا والله انت شو من البشر
عمر : شو فيني ؟ شو سويت انا؟
خوله : خلني اروح احسن لي
بعد كنت بتحرك .. ومنعني بس هالمره دزني بقوه على اليدار
طالعت بنظرات يدل اني عصبت منه
عمر : احبج خوله
خوله : افف عمر انته شو تبى مني .. اللي بينا خلاص انتهى
عمر : مو على كيفج وشو هالكلام اليديد
خوله: لا مب يديد هالمفروض اللي لازم يصير
عمر : شو تقصدين
خوله :عندي احساس انك بتتخلى عني .. ويكون احسن ننفصل من الحين عن يصير الاسوء
مسك يدي وبكل رقه : حبيبي والله احبج والله وانا آسف على اللي طلع مني اليوم

صار شي ء عمري عمري ما توقعتـــــــــــه
اني بفقد احتراااام ناس عزيزين على قلبي

طراااااااااااااااااااااااااااااااااااااااااااااااا ااااااااخ

يا اللي ما تستحي .. كيف ؟ كيف؟
صدت صوبي وطالعتني بنظرات بغييت اموووت منه 
وانتي ؟! .........
هذا اللي قدرت تقوله ... حتى في هاللحظه ما رضت تغلط علي

عمر يحاول يفهمها: يمه افهمج سالفه
صرخت عليه : شو تفهمني ؟ في شيء بقى وما فهمتني 
شو اللي قاعد تسووونه .. انت متزوج يا قليل الادب 
عمر :يمه افهمج في بيت بس انتي لا تضايقين

وانا عاد خلاااااااااااااااااااااااااااااااااااااااص
بأي لحظه بصرخ وبقول : الله يخليكم عيدو الزمن لورا خلوني امسح هالمشهد

بعتاب شديد: جدامي اشووف
مشيت جدامهـــا ... 
شفت بدريه كانت واقفه جدام الحمام ... وزين انها ما كانت مع خالتي
بدريه : وين كنتي
والله اني ما قدرت ابتسم : كنت ورا شفت يهال يلعبون 
خالتي : يالله نمشي




وصلنا عندهم ... 
خالتي حاولت تندمج معاااهم بس ما قدرت وكل مره يسألونها (أنتي بخير , خالوا فيج شيء؟)
اما انا ما اعرف كيف اوصف لكم حالي .. بالقوه كنت ارد عليهم وعلى سوالف بدريه
اما عمر .. قايل لهم بروح ايييب شبيسات و حلويات .. وياليته لو راح بدال ما 
يخطف صوب الحمام

ويوم وصل .. 
عمر: سوري تأخرت
سيف: وايد ما اذكر الدكان بعيد
عمر: ما عندهم شيء فانجبرت اروح دكان ثاني
يطالع خالتي وخالتي تتطالعه بنظرات احتقاااار

وفجأه خالتي حطت يدها على قلبها : حاسه بضييج اعذروني عيالي ما اظن اقدر اتم اكثر
عمر راح عندها: شو فيج يمه؟
خالتي: خذني البيت
أمل: عمو خلينا ناخذج المستشفى
خالتي:بس تعب ما يحتاج اروح المستشفى
سيف: لا خالوا لازم نوديج المستشفى
خالتي: والله بس تعب .. 
وقفت : سامحوني
بدر: حرام عليج القعده من دونج مو شيء
حصه : سلامتج خالوا
خالتي: الله يسلمج .. 
صدت صوب بدر : يوم ثاني ان شاءالل
عمر اعتذر منهم وامل سلمت علينا ...
دقايق واختفوا من انظارنـــا
وانا لازم بعد ارجع .. ما اتحمل اكثر .. 
صبرت لين ما خلصوا من الشوي ... كليت لي لقمتين .. وبعدها استأذنت منهم ورحت عنهم
لا لعبت مع زياد ولا سويت سالفه لأحد
شليت بعمري ورحت ... وانا في خاطري 
شو قاعد يصير الحين في بيتهم ؟. 
خالتي ؟! اكيد كرهتني
خيبة ظنها ..
نزلت دمعه حاااره .. مو لأني خيبت ظنها .. لا .. لأني ما زلت احب هالمينون
وحاسه بالاسى على نفسي .. بس القلب يا ليتني لو قدرت اظهره وافره بآخر زاويه من العالم
يا ليتني لو ما حبيته في يوم .. انا اكيد مينونه .. مب هو اللي مستمر في حبه لين الحين 
ظليت افكر وافكر ... وحتى بعدما وصلت البيت وانا يالسه في سياره ما قدرت انزل

--------------------------------
الفصـ 13 ــل الثـ ــالـث عشـ ـــر

بعدما وصلوا البيت ... .. تجدمت عنهم موزه
امل لاحظت انه موزه مضايقه وايد فسألت عمر : عمر وش فيها عمتي
عمر عصب عليها : ما فيها شيء يالله روحي داخل
ردت عليه بحزن: إن شاءالله

تم عمر واقف برع ...
ومحتار كيف يقولها وكيف يواجهـا ....
تنفس وقرر يسير ويخبر امه عن كل شي


ويوم دش لقى امل يالسه مع موزه ... راح صوبهم وبأسلوب امر تكلم مع امل : امل روحي الغرفه
امل فضلت اتم ساكته واطيعه ... كان باين من عينه انه معصب
باست راس موزه ومست عليها 

بعدما تأكدت انه امل راحــــت .... سار عند موزه
عمر : يمه
رفعت راسها : ليش يا عمر ؟ ليش
عمر قعد بجنبهـــــا : يمه سمعيني للآخر
موزه بعصبيه: في شيء بقى عسب اسمعه تراني كل شيء شفته بعيوني
عمر : يمه انا احب خوله
دزته بقوه : اذا تحبها ليش ما تزوجتهـــا .. يعني انا برفض مثلا 
ودي اعرف ليش سويت كل ها ؟ ليش تزوجت بنت ناس وانت في قلبك وحده ثانيه
عمر بان عليه الحيره ... احتار وما عرف كيف يفهم امه 
اما موزه فهدت عمرها وكلمته بجديه : اسمع عمر اذا تباه رضاي لازم تترك عنك هالسوالف ... محد من العايله سوى سواد الويه اللي انته سويته

ولا ... وبنت اختي ما قصرت تعرف انك متزوج وسايرتك ..صج قلية الحيا الحمدلله انه اختي مب موجوده ولا بتموت من الحسره على بنتها
عمر ما تحمل : يمه خوله ما يخصها
قاطعته: كيف ما يخصها هاي مسوده الويه
عمر : امايه انتي قاعده تظلمين خوله 
موزه: وما تحس باليتيمة اللي بذمتك
تنفس بضييييج 
موزه : لا تقعد تنافـــخ .. قلتك اذا تباه رضاي خلك بعيد من خوله والسالفه بتكون بينا وبس

وقف عمر : خوله .. انا مب متخلي عنهــــا شو ما يصير ... 
يمه نحن نحب بعض .. قبل لا اتزوج والمسكينه طاوعتني في كل شيء بس لأنها تباني اكون معاها وتبيني اتخلى عنها ألحين لا ... مستحيل

وقفت موزه ومستغربه على الآخر ... : انت شو قاعد تقول ؟ اذا تحبها ليش ما تزوجتهـا انزين

عمر بعدما كان متردد يقولها على كل شي .. هالمره استجمع قوته وخبر امه عن كل شيء ومع كل كلام تسمعه ... تحس انه ضغطها بيرتفع

عمر : وهذا كلي اللي صار

موزه تضرب ويها : خوش تربيه ... هذيك بغت تشرد مع منصور وانت مسود ويهنا مع بنت ناس وقاص على بنت اختي
وين اودي بعمري ...
تضرب راسهـــا : وين آروح .. .يارب تآخذني 
وبدت تصيح ...
راح عمر عندهـــا: يمه اوعدج انهي السالفه 
بعــدته عنهـا : انت مينون .. متزوج البنت وقاص عليها وبعد تباه تظلمهـــا
عمر : يمه انا وعدت خوله وما اقدر اتخلى عنها
والله اني احبها امايه والله .. ما اتخيل حياتي من دونهـــــا
موزه لاحظت كيف كان عمر يتكلم عن خوله ... 
فهمت العصبيه ما بتيب فايده فكلمته بهدوء: يا ولدي يا حبيبي اللي قاعدين تسونه غلط .. تزوجت البنت وبعدين اطلقها 
والله ظلم .. والله ما يحب ظلم ... 
ومعلق بنت اختي معاك .. وهذا بعد يتسمى ظلم ..
وانا ما احيد عمر اللي ربيته يحب يظلم ...
وهو بعد رد عليها بهدوء: يمه كيف اثبت لج مالي غنى عن خوله ..
اذا تبيني اختار بين امل وخوله بقولج اني ابغي خوله ...
عصبت اكثر وصفعته : انت مب ولدي ... مستحيل تربيتي توصلك لها الحاله ...
عمر لآخر مره اقولك امل هي زوجتك وبتكون ام عيالك .. 
وخوله تنساهـــا فـــاهـــــم
عمر بعد عصب : البنت اللي ابغيها هي خوله .. عجبكم ما عجبكم كيفكم ... وعشان احل المشكله .. 
الحين بطلقها امل وبتزوج خوله كل المشاكل من وراهـــــا ... انا غلطت يوم فكرت اصلح غلطتي ... لو كنت اعرف ببعدني عن خوله كنت ما صلحت ولا فكرت فيه اساســـــا
يمشي صوب غرفته وامه تحاول توقفه
موزه : قلت لك ما تسويها
عمر : لازم انهي السالفه
موزه : عشان خاطري عمر 
عمر مب مهتـــــــم
موزه تمسك قلبها : ولدي انت مب صاحي الحين
عمر وقف: يمه انا صحيت وعرفت حياتي مع خوله مو مع امل
موزه تتنفس بصعوبه وتحاول تكلمه: اللي تسـ .. تسـوي غلط يـا
والله مــا 
تجاهلها ومشى خلاص هو اتخذ قراره وما في احد بمنعه 
... بس يوم موزه شافت عمرها ما تقدر توقف ... طاحت على الارضيه
وعمر يوم سمع صوت الطيحه ... صد ورا وشاف امه طايحه على الارض 
ركض صوبهــــــا
وحاول يصحيهـــا: يمــــه يمــــــه
موزه بعدها في وعيها بس مب قادره تفتح عينها بالكامل وتحاول تفهمه : لا .. تسـ 
عمر: يمه لا تتكلمين حاولي تستريحي
صرخ على امل : أمـــــل أمـــــــــــــل
أمل طلعت مفزوعه ويوم شافت عمتها طايحه على الارض ركضت صوبهم 
أمل : شو صار؟.
عمر يصرخ عليها : روحي يبــي عبـاتهــــا
امل مب مستوعبه من الصدمه 
فصرخ عليها بصوت عالي خلها تهتز في مكانها
عمر : ما تفهمين روحي ييبي عباتها
امل ما نطقت بشيء وركض لغرفة موزه 







وعند خوله .. حتى حالتها ما تطمن .. . 
كل مره تمسك قلبهـــا كأنهـا حاسـه بشي خطير بصير ...
فكل مره تردد : اللهم اجعله خيرا 
وكل ما يطري في بالها يمكن عمر يتخلى عنها او خالتها يصير فيها شيء 
تزيد دقااات قلبهــــــا
وخاصة ما شيء أي اخباااار عنهــــم .. الود ودها اطرش له شيء بس تخاف الوقت يكون مب مناسب
وبنفس الوقت مب قادره تمسك نفسها اكثر ...


بعد فتره طويله من الخوف والتفكير ... دشت عليها حصه 
وزادت من خوفهــــا 
عصبت عليها : شو فيج ؟ خوفتيني
حصه تتكلم بسرعه : خالتج .. خالوه موزه في مستشفى
حصه استغربت من ردت فعل خوله ...
خوله فاجه عيونها وتمت سااااكته ..
تقربت صوبها حصه : خوله شو فيج؟ اقولج خالوا في مستشفى
خوله لا اراديـــا حضنت خصه وتمت تصيح
حصه تحضنها اكثر: إن شاءالله ما فيها الا كل خير لا تحاتين
بعدتهـــا ومسحت دمعتها : الحقينا بعدين اذا مب قادره تروحين معانا الحين

خلتها حصة و طلعت من عنـدهـــا ... 
اما خوله فمب قادره تمسك نفسها اكثر ... خذت الموسده وحضنته 
وبغصه تمت تضرب الموسده : كله مني .. انا السبب


حسيت بوجع في راسي ... أكيد من الصياح متى رقدت والله ما حسيت بعمري
ويوم تذكرت كل شيء ... ما تحملت ونزلت دمعه من عيني ... ما ادري ليش كان خاطري آخذ تلفوني 
خذيت لقيت مسجين 
ومسجين من عمر 
عمر : شكرا على اهتمامج وسؤالج عن أمي
تضايقت من هالمسج .... من وين لي نفس اسأل عنها بعد كل اللي صار

ومسج ثاني .. (حبيبي محتاجج توقفين بجنبي )

فريت تلفوني ... شو أسوي بعمري وين افر نفسي ... لكن بنفس الوقت 
مرتاحه انه عمر ما تخلى عني ..
ترددت اتصل فيه ولا لا ... الوقت ما يساعد بعدنا ع ساعه 6 الفير
اووه اتصل واظهر من الحاله اللي انا فيه

اتصلت .. رن رن ورن رون .. خططت اتصل فيه مره واذا ما رد ما بزعجه
وقبل لا اصكر سمعت صوته وشكله كان راقد
قلت بصوت واطي : آسفه ازعجتك بتصل فيك بعدين
سمعته يقول : لا لا تصكرين 
خوله: بس انت راقد اكلمك بعدين
سمعت ضحكته على الخفيف : اول مره في حياتي اسمعج تكلمين بها الهدوء
ابتسمت غصبن عني ... تذكرت خالتي فسألته : اخبارهـا خالتي
تنهد : بخيـر ألحين .. الضغط ارتفع عندها 
حسيت بتأنيب ضمير: كله من سببي
نادى علي بكل حب : خوله
بصوت منخفض رديت عليه : هلا
عمر : احبج ومب متخلي عنج شو ما يصير
ما ادري ليش انهديت من الصياح
وحليله عمر يحاول يسكتني : حبيبي بس عاااااد
وانا ماشي قاعده اصيح واصيح
عمر : لا يكون ما تبينا انتم مع بعض من جيه تصيحين
قلت له بسرعه : لا تقول جيه ما أتخيل حياتي من دونك
عمر: عيل ليش تصيحين
خوله : كنت خايفه تتركني بسبب الظروف
عمر : اتخلى عن روحي ولا اتخلى عنج انتي كل شيء بحياتي
خوله : احبك عموور
عمر : وانا بعد احبج
فجأه تذكرت امل فسألته : وينها امل؟
عمر : أصرت اتم عند امي
والله انها طيبه ... سامحيني على كل اللي بصير فيج من سببنـا

قعدت اسولف مع عمر لين الصبح و وعدت اني بمر على على خالتي حتى لو كانت مب راضيه علي .. بس لازم ازورهــــا



رقدت تقريبا 4 ساعات ... وع ساعه 10 قمت بما انه اليوم ما عندي غير محاضره .. فأقدر امر على خالتي ..

بعدما تجهزت وخلصت ... طلعت من غرفتي ولقيت سيف يتريق 
صبحت عليه
رد علي : صباح الخير .. متى بتروحين تزوريــن خالـــوا
ألبس شيلتـــي : وانا رايحه للكليه بمر ازورهــــا
قلت اسأل عنها عن يشك بشـيء : الا اخبارهــا خالتي ؟ وشو صار معاهـــا
سيف : عاد الدكتور قال الضغط عندها مرتفـــع .. 
وكأنه تذكر شيء لأني يوم بغيت امشي وقفني 
سيف: خوله انتي شو سالفتج
ما رديت عليه تعابير ويهي كانت تكفي تسأله شو فيني 
رد علي : حصه تقول كنتي تصيحين البارحه 
ما عرفت شو اقوله فخذت حجة خالتي : قلبي عورني على خالوا .. انزين سيف بتأخر يالله فمان الله

طلعت من عنده بسرعه عن يقعد يحقق معااااي ...
بصراحه يوم وصلت المستشفى .. ترددت وايد .. كيف بكون ردت فعل خالتي بعدما تشوفنـــــي ... أكيد بتسمعني كلاااام .. على العموم انا استاهل ...
رفعت نظارتي لفـــوق ... بندت سيارتي .. ونزلت .. 
وانا اصك باب سيارتي سمعت صوته وراي : صباح الخير يا الحب
صديت وراي .. ارتاح يوم اشوفـــــه : صباح النور
كيف عرفت اني بكون هنـــــــــا
عمر : الصدفه جمعتنا .. وصلت أمل البيــــت ويوم رجعـــت لمحت سيارتج
ابتسمت له: خوش صدفه
عمر : مو حلوه وقفتنا هنا خلنا نروح داخل
خوله : والله اني خايفه
عمر : لا تخافين امي صج زعلانه بس فوق هذا تحبج وما بتقولج شيء
تنهـدت : ما ادري والله
مسك يدي : خلاص انا بآخذج بمسك يدج عسب تحسين بأمـان
سحبت يدي وضربته على الخفيف: استح 
ضحك: يالله روحي وانا بمر عليج بعد شوي


مشت صوب .. الممر وسألت الممرضه في أي غرفه خالتهـــا
ترددت ادش ولا ما ادش .. 
دقت على الباب وما لقت خالتها ... طلعت برع تسأل عنها 
فقالتها الممرضه خذوها تسوي كم من الفحوصات عسب يطمنون عليها اكثر
وقفت برع الغرفه وتتريــــاهــــا .. وبنفس الوقت يالسه تشم الورود اللي اشترتهم لخالتهـــا
وما حست بعيون اللي كانت تراقبهـــا من بعيد ...
عيون شابيــــن كانوا مجابلين لهـــــا .. 
ويتهامسون عنهـــــا

انبتهت على خالتها اللي كانت مع الممرضه ..
راحت صوبها 
خوله: سلامات يا الغاليه (باست راسها)
طالعتها خالتها بنظرات : الله يسلمج
ابتسمت لممرضه : خليها انا بوديها الغرفه
مسكت خالتها وخذتهـــا لغرفتهــــا

بعدما يلستها على الشبريه وتحاول تغطيها سألتها موزه : ليش يا بنتي ؟ رضيتي بالغلط
طالعتها خوله وما ردت عليها ... رجعت تلحفهـــا
مسكت يدها : انتي حتى ما تبين تحطين عينج بعيني لأنج تعرفين اللي تسـووونــــه غلـــط
نزلت دمعه من عيوني ... وطاحت على يدهــا
موزه: اذا تحبينه لها الدرجه ليش وافقتي على الغلط
ما عرفت شو ترد عليهـــــا ... سحبت يدها : اسمحي لي
طلعت من الغرفه وتمت واقفه برع .. لبست نظاره عسب محد يشوف دموعهـــا


اصيح على نفسي وعلى حاله اللي انا وصلت فيه .. حاسه نفسي رخيصه
وخيبت ظن وحده مثل امي ..
آه امي لو كانت حيه وعرفت شو قاعده اسوي اكيد ما بترضى ...
بس شو اســـوي عمـر كل شيء بحياااتي حتى لو امي طلبت مني اتركه ما بقدر .. 
انتبهت على صوته 
شو فيها الحلوه زعلانه
رفعت راسي حطيت في بالي عمر فابتسمت له ويوم شفت شخص ما اعرفه اختفت الابتسامه مني
خوله : نعــــم؟!
الشاب: في شيء يضايقـــج
خوله : وانت شو يخصك .. روح من هني عن اجمع لك الناس
الشاب : شو فيج معصبه انزين
مشى عنــــــي الشــــــآآآب وسار عند ربيعه ما ادري ليش كان يضحكـ
المهم ما اهتميت .. لأني لمحت عمر كان ياي صوبـــــي

وفجأه وقف صوب الشباب ومسك واحد منهم من كندورته 
استغربت لا يكون شافه يسولف معاااي ... لا مستحيل ما كان موجود وهو يوم ياي صوبي كان يبتسم وفجاه وقف صوبهم وعصب

سمعت واحد منهم يقوله :خلاص خلاص لا تفضحنا نعتذر
ترك كندورته واحد منهم ... وياي صوبي معصب
حسيته بيصرخ علي : شو موقفنج هنا
ما عجبني نظراته بس رديت عليه : امك قاعده تعاتبني فتحملت وقلت اترياك
عمر يحاول يسيطر على اعصابه : لا والله .. خوش عذر وتبيني اصدقج يعني
خوله : شو تقصد وليش كنت تضارب معاهم
عمر : عور قلبج ها ؟ عيل صح كلامه كنتي تضاحكين معاه وقاعد يفتخر جدام ربيعه 
صج عصبت منه : انت مينون ؟! ليش اضحك له شو شافني بنت شوراع ولا متربيه في شارع 
عمر : انتي مب منج أمـــان مره مع بدر ومره مع فلان وعلان
قهرني والله قهـــرني ... لا إراديـا صفعته :انت صج حقير

دخلت الغرفه وتبعني ...و قلت يمكن نهدي اعصابنــــا
لكن لا ... نسى منو موجوده في الغرفه ونحن ويــــــن
مسكني وخلني اصد صوبه : كلام الحق معور لج قلبج
خوله : على الاقل احترم المكان اللي نحن فيه
عمر : بالاول انتي صيري محترمه
هزني كلمته ... اوكي انته عصبي بس تصير وقح لها درجه ما توقعته والله
وبصوب خالتي تبغي تعرف شو قاعد يصير بينا
خالتي : شو فيكم ؟ 
عمر صد صوب امه : يمه لا تتدخلين 
خوله : هذي امك اللي تتكلمها .. اوه نسيت مثلك انت ما يعرف الادب
عمر : تعالي علميني يا بنت الاصول
خالتي عصبت :انتوا إيه نحن وين عايشين .. لا لا انا مب مصدقه 
انته وياهـــا مخبـل بالاول تخططون على كيفكم والحين تضاربون في مستشفى وجدام عيني

اشر علي : هذي تستاهل .. الا تبتسم لفلان والا تكلم ما ادري منو
خوله : انت شكك هذا بوديك في داهيه
عمر : من عرفتج وانا عايش في داهيه
خوله : ومنو طلب منك تحبني
عمر :زين اني عرفت انج اكبر غلطه في حياتي 
فجأه خالتي تمت ساااكته ... واشتدت بينا الكلام
خالتي ما ادخلت بس عشان ينتهي اللي بينــــــا

خوله : خلاص انزين خلني في حالي من عرفتك وانا عايشه في عذاب
انت ما تستاهل حبي
تم ساكت يوم قلت له هالكلام شكلي جرحته بس هو يوم سمعني كل هالكلام .. ما حس في لو دقيقه
تقرب مني ... فاجأني يوم مسكني من شعري :وحده مثلج ما تنحب
ترك شعري ودزني 
خالتي هنا تنطقت : عمر صج ما تستحي تمد يدك عليها
عمر : يمه هذي اللي ادافعين عنها تحملت عليها اشياء واشياء 
قساوتها و زعلها ودلعهــــا .. والحين بغيت اكسر خاطرج بسببها
ابيع الناس لأجل عيونها بس وهي ...

خلاص نزلت دمعتي : وانا شو يا عمر ؟ لها درجه كنت متعذب بحبي 
وانا شو كان حالي .. وكم سهرت وتحملت عشااانك بس ...
كل ها بس عشان هالشاب ما ادري شو قالك او شو سمعت منه ... لها درجه ماشي ثقه وطايحه من عينك

تم ساكت كله اللي كنت اسمعه انفااااسه ...
مسحت دمعتي ... : عمر محمد مو انته اللي تنهي علاقتنا انا اللي بنهي ما يشرفني احب شخص افكاره طايحه وعلى كل دقه يسوي لي سالفه

كنت بمشي بس مسكني من ذراعي: تعرفين انه امل احسن عنج على تحلمتني رغم اني ياما قسيت عليها
ابتسمت له بسخريه : الله يهنيك معاها
ترك يدي ... بمهل ... كأنه متردد يتركني .. لكني انا سحبته بسرعه 
وطلعت من الغرفه 

خسي اصيح عشاااانه ... خوله اكبر من جيه ... هذا واحد ما يستاهل دموووع عيوني ... 
عيل عسب شيء تافه يسوي لي سبب .. كأنه كان يدور على شيء بس عسب يضاربني 
وما بتخلي عنج ... واحبج واموت فيج كل ها كلام وخرط .. بس شاطر يتكلم ... عباله قلبي عنده لعبه


بعد هالتحــرطيـــــ م وصلت لسيـارتهــــا ... قعــدت .. تمت سـاااكته
رغم انها كانت تتحرطم في داخلهــــا بس بعدهــــا شـاكه قبـل شـوي اللي صـار صج ولا كانت تتوهــــم هي صـج انهت علاقتهــــا مع عمر بعـد كله مروا عليـــــه واللي شـاغل بالهــا ضاربهـــا وقطعوا علاقتهم على شيء تافــــه بس شكله كان كبير بالنسبه لعمر ... 
بعصبيه تكلمت : احسن يوم صار شيء بينـــا ولا كنت بطفر من شكـوكـ اللي ما تخلص
هيه صح .. انا مب محتاجتنــــه 
اونها تعدل المنظره وتتطالع نفسها : مب محتـاجتنــــه شو يعني بموت من دوونه
اونها تضحك : اوه ما شغلت سيارتي
تحاول تحط السويج في مكان التشغيل بس يدها كانت تترجف ..
تحط ويزحلق من يدها .. 
بعدما دخلت السويج .. تشوف يدها اللي كانت تترجف 
مسكت يدها تحاول تهدي نفسها ...
تشغل السياره ومب راضي يشتغل مو لأنه خربان ولا فيه شيء ... هيه كانت بوضع يرثى عليه لكنها تحاول تكون قويــــه
ويوم شافت السياره مب راضيه تشتغل ... عصبت 
وبشكل فجــائــي صـرخــــت : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآه
تضرب السكاااان (المقود ) : اكره اكرهك يا الحقير 
تضرب وتصيح ... فرت راسها على المقود ... وتمت تصيح 
وبالغلط طاحت على هرن سياره ... ويوم طلع صوت شلت راسها من السكـان ... 
تمسح دمعتها ... وتعدل شيلتهـــــا ...
قدرت تمسك نفسها وتشغل السياره

--------------------------------
الفصـ‘ ــل الـ ــــرابــــــــع عشـــ 14 ـــــر

بعد اللي صار لهــا مع عمر .. وهي ما عندها اللي تفتر في شوارع ... وسآآآكـــت
هذا أسلوبها أتم ساكتة لفترة طويلة وبعدهـــا تنهـــد أو أحياننا ما تظهر أي ردة فعل مثل ألحين .. ساااكته وتسوق وتسوق ..

ومن غير في مستشفى عمر معصب وحاس نفسه بموت
موزه تتطالعه وبسخريه: اونك زعلان على اللي صار بس مب زعلان على اللي كنتوا تسووونه
عمر وقف : يمه انا بظهر تآمرين على شيء
موزه : سلامتك .. بس لا تنسى تيب امل خاطري اشوفهـــا فديتهـــا
عمر فهم انه امه يالسه تنغزه .. فضل يتم ساكت.. باس راسها وعلى وشك يظهر 
الا وموزه وقفته : مو اطلع حرتك على حرمتك
كله اللي سمعته يتـأفف وظهر من عندهـــــا

وصل الساعه 2 وبعدها ما رجعت البيت .. اتصل فيها اخوهـــا وما ترد عليه 
بالبدايه ما شغل باله .. لأنه حاط في باله اكيد عند خالته ...ويعرف طبعها كيف
فسار ينام .. وما قام الا على صوت حصه 
حصه تهزه : سيف قووم
بكسل :هــآآ
حصه: اقولك .. قـــوم 
قـام من مكانه وفر اللحاف : شو فيـــج .. اذى منك الواحد ما يقدر ينام براحته في هالبيت
حصه معصبه : شو فيك تتحرطم هذا جزاي يايه اقولك اختك لين ألحين ما رجعت 
يطالعها : اتصلتي فيها 
حصه : اتصلت وما ترد علي .. واتصلت في خالتك بعد قالت لي هي طالعه من عندهم من الظهر
خذ تلفونه : هالبنت ما ترتاح ولا تخلي احد يرتاح
اتصل فيها ... وتغصص يوم سمع رد التلفون : إنه الهاتف المتحرك الذي طلبته مغلق
رجع يتصل مره ثانيه وبعد نفس شيء
حصه : شو فيك
سيف: تلفونهـا مغلق
تحط يدها على قلبها : ويه وين راحت هاي
قام سيف من الفراش : متى ارتاح منكم
دزهــــا وراح صوب الحمام

حصه: وانا شو يخصني اف 

بعدما رجع من البحث .. على حزة المغرب
فر سويجه على الكنبه وقعد 
حصه يت ركض صوبه :ها وينها
صرخ عليها: عميه انتي .. تشوفينها عندي
حصه : ليش تصرخ .. أحاتيها مثل تحاتيها انته
سيف: رحت المستشفى وسألت عنها قال لي عمر ما شافهـــا ... بس خالتي قالت يت تسلم عليها وطلعت
حصه : عيل وين راحــــت
سيف: والله من اشوفها بلعن خيرها .. وايد خليتها تاخذ راحتهـــا

وبها اللحظه دشت خوله ..
حصه صرخت : هـــذي 
طالعتها خوله نظره وراحت تركب الدري ... بس سيف اول ما شافها ثااار .. وراح صوبها 
وقبل لا تركب مسكها من ذراعها بقوه وخلها تصد صوبه : انتـــــــــــي 
اول ما شاف ويها سكــــت وتم يطالعهـــا
خوله كانت شبه فاقده الوعي حتى ما كانت تحس بالألم يوم سيف مسك ذراعهـــا
ترك يدها وكانت بطيح فرجع يمسكها : شو فيج اختي
صدت صوب ثاااني 
جبرها تصد صوبها : شوفيج وليش جيه حالتج . ؟ ها ؟ جاوبيني
خوله ساكته ومالها أي حس
عصب سيف من سكوتها فبدا يعلي صوته : اقولج من وين يايه ؟ 
يهزها : تكلمي ..
حصه تحاول تهديـــه: سيف ما تشوف حالة اختك خف عليها
سيف: مب تاركنها لين ما تقولي من وين يايه وليش جيه حالتها 
حصه: تكلم معاها بعدين خلها تروح غرفتها
تجاهل حصه ورجع يكلم خوله اللي منزله راسها : خوله ارمسي
ثواني الا وخوله اطيح عليه وتحضنه ..
خاف يوم سمع شهقـــاتهـــــا ... كانت تصيح بصوت عاااالي وتحضن اخوهــا بقوه 
سيف خاف عليها وحاول يبعدها عسب يقدر يكلمها لكن ما شيء فايده متمسكه فيه وتصيح بمراره

اشر على حصه اللي كانت تتطالع وفي حيره .. اشر عليها تيب لها كوب ماي
ربعت حصه صوب المطبخ ... ورجعت بيدها كوب ماي .. عطته 
وهو بالقوه حاول يشربهــــا ...
بعدما شربت .. وقفت من الصياح بس بعدها كانت منهاره .. 
وأول ما سألها شوفيج .. رجعت تصيح ..
شلهــــا سيف ... وخذها لغرفتهــــا ...
لحفتهــــا حصـــــه ... اما هو فتم يالس بجنبها وماسك يدهـــا ..
صد صوب حصه : خلينا لحالنا
حصه : بس انا ابغي اعرف شو فيها
طالعها بنظرات : حصــــه
طلعت من غرفـــة خوله ومتغصصه على الآخر

اما سيف فتم ساكت ويطالع خوله اللي كانت تصيح بدون صوت ...
وفي باله مليون سؤااااال ... وخايف من اشياء واشيااااء

ويوم شافها بدت تغفل ... ترك يدهـــا وقبل لا يظهر قعد يدور على موبايلها تذكر انها يوم دشت البيت ..دخلت فارغـــــه
طلع من غرفتهـــــا ويوم نزل للصاله راحت صوبه حصه : شو فيها خوله
وهو رايح صوب الباب رد عليها : رقدت 
تبعتــــــه ...
لين سيارة خوله ...ولقوا سياره بعدها تشتغل .. زين منها بركنت سيارتها عدل
حصه تراقب سيف اللي كان يفتش سيارتها


حصه : على شو ادور (تبحث) 
ما رد عليها وتم يدور على موبايل ...
ويوم تعب نزل من السياره : وين حطتــــه؟
حصه: انزين قول شو قاعد ادور بساعدك
صكر باب السياره : ولا شيء


وهو داش لصاله رن تلفونه 
رد على المتصل : هلا عمر
عمر : اهلين سيف ... في اخبار عن خوله امي تتبى تتطمن عليها
سيف: هيه كانت عند ربيعتها وانتوا تعرفون خوله كيف تحب اطفر فينا
عمر : خلاص عيل بطمن امي
سيف: سلم عليها
عمر: يوصل

بعدما صكر من سيف ...
كتب مسج لخوله " حتى اخوج طفر منج موول ما عندج احساس ماا دري كيف حبيتج "
عاد عمر فيه عاده يوم يكره ولا يعصب ما يحاسب شو يقول
وهو طرش لها مسجات ومستغرب إنه خوله لين ألحين ما ردت عليه


مر يوم وسيف ما قدر ينام .. كل مره يدش على غرفة اخته يطمن عليها ...
حتى الصبح قبل لا يروح لشغله مر على غرفتها ولقاهـــا نايمـــــــه
مستغرب من نومتها المفروض بعد الرقاد اللي رقدت لازم تكون واعيه ومصححه ... 
بس هو تحمل وطلع من غرفتها مب وقته يسألها عن شيء



فتحت عينها يوم طلع اخوها من الغرفه ...
كانت تظاهر انها نايمـــــه ... اول ما حست بالباب ينفتــــح ..
ويوم حست اخوها طلع من غرفتها ... فتحت عينهـــا وحست بألم في راسهــــا وفوق هذا ساكته ..
تحس بألم فضيع في قلبها كأنه قاعد يعتصر ودها لو ادخل يدها داخل وتشله تفره سبب لها ألم 
يغصبها على البكاء وهي ما تباه تضيع أي دمعه عشان واحد مثل عمر 

لكن هالشي طلع مو بيدهـــا .. حتى لو بغت .. تذكرت شي تلفونهــــا
قامت ادور عليه ... وما لقته 
تمت ادور عليه بلهـــف يمكن عمر طرش لها شيء اعتذار ولا أي شيء .. المهم هيه مستعده تسامحه بس لا يتركهـــا 
ويوم ما لقت موبايلها تذكرت سيارتهــــا ... 
طلعت من غرفتهــــا واول ما طلعت شافت حصه يالسه وتقرا المجله .. ما اهتمت لها وطلعت ... لكن يوم حصه شافتها بتظهر تبعتهــــــا

حصه : انتي بعد ادورين 
خوله ما ردت عليها وتمت ادور على موبايلهــــا
حصه : خاطري اعرف انتي واخوج على شو ادورون؟
هنا وقفت خوله من البحث وصدت صوب حصه : سيف كان يدور على شيء في سيارتي
حصه: هيه بس ما قالي شو ؟ وتعالي انتي شو فيج البارحه كأنج شايفه الموت بعينج
ردت ادور : ما فيني شيء
وما ارتاحت لين ما لقت التلفون تحت السيت (مقعد ) سياره 
حصه بشكل سريع : لا يكون عمــر في سالفه
طالعتها : لا مب عمر ويكون احسن لو ما تدخلين
حصه: قلت لج بخون فيــــج
جرحهـــا الكلام ... من جيه راحت وما ردت عليها بشيء

حصه : الحين انا واخوها حارقين اعصابنا عليها والحبيبه ولا حاسه 
بتصل في سيف وبقوله الأميره نشت من رقادهــــا

دخلت غرفتها بسرعه وحاولت تفتح تلفونها بس مب راضي .. حطت على البطاريه ورجعت تفتحه
وانتظرت يرن تلفونها ويعلن عن المسجاااات
ابتسمت اول ما سمعت رنة المسج
فتحت المسج وكان من ربيعتها تسأل عن غيابها .. 
خوله : متفيجه هذي
رن تلفونها مره ثانيه .. 
وهالمره صج كان من عمر 
قرأت المسج: ردي البيت بسرعه وعن حركات اليهال
ابتسمت : اونك خايف علي
راحت لمسج الثاني : خوله ليش تخلين اخوج يحاتيج .. يعني لازم تسوين اللي براسج يالله رجعي البيت
وهي رايحه لمسج الثالث تتحرطم: ما يخصك ارجع متى ما ابغيه
لكنها يوم قرت المسج الثالث حست بضيج 
(ليش زعلانه ترى اللي صار لمصلحتنا انا وانتي ما أناسب بعض .. رجعي البيت ولا تخوفين اخوج عليج )
نزلت دمعتها غصبن عنهــــا
واللي قهرها اكثر يوم قرت آخر مسج طرش لها (" حتى اخوج طفر منج موول ما عندج احساس ماا دري كيف حبيتج " )
صرخت بصوت عالي : حقيــــــر
ومن الغصه طرشت له : ما يخصك هذي حياتي وانا حره فيه 
دقايق ويوصلها مسج منه : بتمين ياهل شو ما يصير
زين ما نقعت ازرا تلفونهـــا من كثر ما تضغط عليهم كتبت له
" اكون ياهل ولا اكون منحطه مثلك يا نذل "
عمر ناسي هو قاعد يتحرطم مع منو .. مع وحده ما تسكت عن حقهـــا

وعاد عصبت اكثر يوم طرش لها " المشكله اخوج ما عرف يصلبج عدل ولا عرفتي حدودج "
خوله تعرف طبعه كيف يكون يوم يعصب لكن يوصل لها الحد ما توقعـــت منه

كتبت له (شكرا عمر محمد على كل شيء وشكرا لأنك عطيتني سبب قوي عسب انهي اللي بينا )
ما رد عليها بشـــــيء ..


اسمحلي اقۈل لك اني ما ابيك
بس تذكر انك ما بتلقى شراتي
هذي حياتك ۈبالحب انته ما ۈفيت
اليۈم انتهينا ۈمابي اصبر صبري الاۈلي
هذا ۈداعي ۈاخر دمــۈعي تهمك
لانها تۈدعك ۈتقۈل لك فمان الله يا غناتي
عيش حبا يديد ۈعساك بالهنى ۈياه
ۈلا عاد تسال عني لاني رحلت
ۈلا تظن بيۈم برجع ابغي هۈاك
امسح اسمي ۈرقمي ۈدنيتي من دنياك
بس لي طلبه احفظ الرساله ذكرى انا ۈياك
قصه بديتها انت ۈانا ختمتها ۈالسبه سۈاياك
ۈفمان ربي يا خلي الغالي..~


سوت دليت لكل مسجات وصلهـــا من عمـــر .. 
ومسحت دمعتهـــا اللي نزلت من سببه
فضت تلفونها من كل شي له علاقة بعمـــر ... خلا ص ناويه تنسى 
وما تعرف الحب الاول دووم صعب نسيانه لكنه مو مستحيل




حطت راسهـــا على الموسده الا واخوها يدش عليها 
فزت بس ما نطقت بشيء ... .

قدر يعرف من عيونها انها كانت تصيح .. قعد جنبهــا
سيف: اخبارج الحين؟
اكتفت تهز راسها انها بخير
سيف: ابغي اسمع صوتج
خوله بصوت واطي: وانا ابغي انام
سيف: كم بتنامين ما بسج ..
مد يده وسحبهــــا ... يعني جبرهـا تقوم وتقعـــــد 
خوله قامت وقعدت بضيج ..
طالعها : شو سالفتج؟
خوله : ما فيني شي .. 
سيف: شفتي حالتج البارحـه كيف كان ؟ 
خوله :......
سيف : والحين بتقولين شو فيج ولا افسر الامور على كيفي
خوله : شو تقصد؟
سيف : ما اقصد شيء .. بس انتي مصختيها وايد وانا خليتج على راحتج 
خوله : واحد طلب منك تعور راسك معاي
صرخ عليها : المشكله تظلين اختي ... وامانه في رقبتي 
خوله : .....
سيف : بس من اليوم اسلوبي معاج بكون غير ... ماشيء طلعه مكان من الكليه للبيت فاهمه ؟
فـاهمــــه ؟
خوله : وين بروح يعني .. بشرد مثلا وياء واحد 
سيف : انتــــي حتى في اردى حاله ملسونه بعد
فرت راسها على الموسده :انزين مبروك ابغي انام
سيف: ما ادري ليش عندي احساس انج بتاكلين ضرب مني
ظهر من غرفتها وهي دفنت ويها تحت الموسده تكمل صياحهـــا



قلبكـ قسى .. وقلبي فهمها!!
بعد ما زرعت الفرحهـ بـ ع ـيـوني
.. صارت دمعتي هي صديقتي و وروحي!!
صحيح من قآل دوآم الحال من المحال
بس للآسف توني عرفت معنـاهـا
صحيح تـ ح ـبني وصحيح أحبكـ وكنـا حبايب ما يفرقنـا إلا الموت..!!
ولآحظ إني قلت (كنا )
لأنهـ هالشعور تغير من زمـآن
كانت فعلا قصة تـ ح ـدي عشـآن أتركـ حبكـ الي كنـت فيهـ أسير!!
كـانت قصة تحدي قويهـ وما عمـرهـا صآرت بالتآريخ!!
(تردي ليهـ )؟؟
لأني حبيتكـ بكل كيـآني ,, لأني حسيتكـ { إنت } .. (أنـا )
قطعهـ وحدهـ وقلـ بـن يملا هالكون يحيهـ طبعـا أكيد
شفت شلون مـ عـ نـآتـي ب ـ غيـآبكـ

--------------------------------
الفصل الـ خـامـ 15 ــس عشـر

أمل تحط الأكل على الطاوله وتتطالع عمر .. اللي صار له شهر وهو متغير وصاير طيب وحبوب معاها .. 
عمر عينه على الجريده : بلاها الحب تتطالعني
امل استحت : بس جيه 
عمر : معجبه 
امل : عمر عاااد
يت موزه وشاركتهم القعد ه ...
أمل:نورتي عمووو
موزه: النور بوجودكم ... وعقبال ما اشوف عيالكم ان شاءاالله
عمر :آمين

وبصوب ثاني ...
خوله صارت تشد حيلها في الدراسه .. وتكرس كل وقتها في دراسه .. 
ومن البيت لكليه والعكس .. 
الحين هيه في الكليه وبضبط في الكلاس
خوله متغصصه من رفيجتها اللي كل دقيقه تتطالع ساعتها
خوله : والله طفرتيني
رفيجتها: يا ربي متى بخلص الكلاس
خوله : شو عندج مستعيله
رفيجتها: الحب يترياني أكلمه
طالعتها : وانتي بعدج؟
رفيجتها: حاولت اتركه بس والله ما قدرت .. حتى لو الكل حواليج وتحاولين تستانسين ما تقدرين 
لازم يخطر على البال
خوله سرحت بعدما سمعت كلامها
وما انتبهت الا على صوت رفجيتها : اخيرا انتهى 
خوله: ها؟
رفيجتها: قومي خلينا نظهر 
خوله : اوكي
وقفوا الاثنين بس رفجـيتهـا سبقتها في الطلعه من الكلاس اما هي فتمت تمشي وتفكر ..
لو حاولت تنسى تحس نفسها ما تقدر .. مده وهم يحبون بعض وكل يوم يتكلمون مع بعض وبكل سهوله يخليها تتعود تعيش من دونه 

انتبهت على صديقتها اللي كانت تنادي عليها وبنفس الوقت تتكلم على تلفون
راحت صوبها خوله : خليج مع حبيب القلب وانا بكون في كافتيريا
رفيجتها: خلاص عيل اشوفج هناك



حسيت بملل يوم قعدت لحالي .. ودي اشغل عمري بشيء المهم ما افكر فيه
والله حتى الأكل يالسه ألعب فيه ..
انتبهت رنة مسج .. طلعت موبايلي من الشنطه .. وقريت المسج
ممم الرقم غريب .. نزلت تحت وقريت المسج
حياتي انتوا معزومين .. عندنا اليوم ع الغدى ردي البيت بسرعه
اوجي .. (ويه مبتسم )
وبس هاللي مكتبوب انزين منو صاحب الرقم ..
رحعت لرقم مره ثانيه .. والله مب غريب علي هالرقم
مممم
مممم
ممم
مم
إيـــــــــــه هارقمه بس صج ما يستحي ليش مطرش لي جيه مسج
اتصل فيه و وقفه عند حده 
اتصلت في بدر .. ورد بسرعه
وعاد انا بدون أي كلام جان انهـد عليـــــه : 
صج ما تستحي \.. شو هالمسج اللي مطرش لي 
حسيته انه يبغي يتكلم بس انا مب عاطتنه فرصه 
ومتسمره اتنازع معاه : بأي حق تقولي حياتي حرمتك انا ولا حبيبتك
سمعت ينادي علي بصوت عالي : خـــولـــــه؟!
وهنا انتبهت انه البنات يطالعوني .. وانتبهت بعد على صوت كان يناديني من تلفوني
وينــــج
رديت عليه :هـا
بدر : شوفيج لا سلام ولا تحيه سيدا طحتي في تسبيني
بالاول ارتفع صوتي : عيـل ..(ويوم تذكرت انا وين خفيت على صوتي ):- عيل شو تباني اقولك حبيبي ولا حياتي 
سمعت ضحكته .. وقهرني اكثر
خوله : صج عبيط ما توقعته منك
هنا سكت وصار جاد :- اولا صحيح هذا رقمي بس مب انا اللي مطرش المسج وثانيا يا آنسه خوله المسج من اختي هي اللي اصرت اطرش لج بعدما عزمنا اخوج وحرمته .. خافت ما تين معاهم
حسيت بالقفطه بس بعد فوق هذا يالسه اتنازع : انزين على الاقل كان حطت توقيع انا بدريه عسب ما اظلم احد
بدر : ما يحتاج اقول انتي شاطره في الظلم
خوله : شو تقصد يا المظلــــوم
ما ادري ليش ضحك مره ثانيه
خوله: شكلك متعاطي .. يالله باي
صكرت على ويه .. سخيف وانا وحده شابعه من السخفات .. 
شليت بعمري وطلعت من الكافتيريا 

اطالع موبايلي اللي تصكر الخط على ويهي 
بدر : شو فيها عصبت (ويسأل بعد شو فيها عصبت )
انتبهت على صوت اختي :بدر انت بعدك هنا ما بتروح تشتري اغراض للغدى
بدر :ألحين بروح
وقــــفت : تبين شيء ثاني بعد؟
بدريه : سلامتك اخوي

دخلت الكلاس وانا افكر منو بكون في العزيمه وشو هالعايله تسوي عزيمه ع كيف كيفهم 
انتي هنــــي
ردت عليها من غير ما اصد صوبها : وين بكون يعني
قعدت بجنـبـي : انتي بسألج ليش صايره عصبيه
خوله : شو علينا الحين
ردت علي :رايتيــــنغ
حسيت بملل : مب متفيجه للكتابه
ردت علي: ما ادري احسج مهمومه بس اونج تظاهرين انج مستانسه
خوله : اللي اذكره تخصصج ادارة اعمال مب علم النفس
ضحكت على كلامي فضحكت معاها بالغصب

انتهيت من كل محاضراتي صح اني شغلت سيارتي لكني تميت يالسه وما حركته .. 
احس اني ادور على فرص اكون فيه لحالي ..
شكلي بتأخر .. اتحرك احسن لي .. 
تحركت وانا اسمع اغنيه لهزاع المنهالي 

يا عذابي سبت جروحي .. يا مصابي يا شقا حالي
ليش عني تصد وتروحي .. وانت قلبي حبك الغالي
انت عمري وانت مربوحي 
بك حياتي دومي تحلالي
في بعادك بت مجروحي .. وانت عني ولا تسالي



أي شيء ... صرت اعشق اغاني حزينه اكثر عن قبل هذا عمر السخيف غير لي حياتي
وصلت بيتنــــا .. ولقيت حصه متيلس وقاعده تعابل موبايلها
سمعتني يوم اسلم عليها
ردت علي: زين ..وفرتي علي كنت بتصل فيج
خوله : ليش لابسه عباتج
حصه: ما خبرتج بدريه بنتغدى عندهم اليوم
خوله : اعرف بس من الحين بتظهرون
حصه: عيل متى ناويه تتغدين العصر .. وتعالي ليش متأخره 
طالعتها بنظرات : اتاخر انجلع اغيب ما يخصج فاهمه
سيف: خوله ؟!
طالعته وأنا كلش مب متفيجه له
سيف : روحي تجهزي ومره ثانيه لا تتأخرين 
خوله : يعنـ
قاطعني : بلا طولة لسان يالله روحي غرفتج
ما حبيت اطول لساني عليه (اللي يقول الاخت محافظه على لسانها جدام اخوها)
صعدت غرفتي ..
فريت عباتي وطلعتي لي بدله محترمه .. ورحت اتسبح 
بعدما خلصت من التجهيز .. عرفت انه قوم سيف راحوا عني يعني لازم الحقهم 
ولا اقول ليش اروح .. الا غدى .. يعني شو ما شي غدى عندنا
اطالع عمري في المنظره :-وكل هالكشخه وين اصرفه اروح لاأأأه
سقت سيارتي لصوب بيتهم .. واول ما وصلت حسيت بضيج تعرفون ليش .. بتعرفون يوم بقرر ادش
يـــوم بقـرر ادش .. 
صحيح اني نازله من السياره بس بعدني واقفه بجنبه .. النذل هناك اكيد ياب حرمته المصون 
كنت اتحرطم يوم رن تلفوني 
اف هذا سيف مب مخلني في حالي 
رديت عليه بدون نفس : هلا سيف
سيف:يالله خوله متنا من اليوع
خوله : تحسسني كأنك شحات ومب مصدق عازمينك
سيف: يا ليت لو تكونين سريعه مثل ردج علي
خوله : حلمك تحقق اخوي انا برع البيت مستانس؟
سيف: فديتج والله
ضحكني غصبن علي : هههه مب يوع هذا
صكرت من عنـــده .. نساني وخلاني اتحمس .. فديته والله شو بسوي من دونه

دخلت وانا شاقه البسمه : السلام عليكم 
الكل رد علي بصوت عالي : وعليكم السلام 

ضحكت : اويه شكلكم كنتوا تتريوني
طيحتني وطيحت قلبي بحركتها يوم غمزت وبأسلوب ذباحي قالت : سوووري
سملت على خالتها .. والله اني ارقب خطوتها وهي تسلم على امل وبدريه 
واحلى شيء يوم قعدت مجابلتني
سيف: ما بغيتي 
خوله :اخوي تراك فشلتنا شو بقولون عن حرمتك الحين مـخلتنك فقير وشحات
حصه : بسم الله علي انا حبيبتي حاطه اخوج في عيوني
سيف: وايد مآخذين راحتكم انتوا
صد صوب حصه اللي حست بعمرها واونها استحت
وقفت اختي : بسير اقول لبشكاره تجهز الغدى
قامت خوله وياليتها لو ما قامت
خوله : وبروح معاج عن ياكلونا من اليوع

راحوا الاثنين ... للمطبخ 
حصه : اختك غريبه اليوم
سيف: وليش تحسدينها ما صدقت اشوفها مستانسه
كنت بسأل شوفيها سبقني عمر
عمر: ليش شو فيها 
سيف: ما ادري شو صابها على فتره الاخيره كله ساكته وسارحه
ما ادري ليش امل وحرمة عمي تموا يطالعون عمر ما فهمت لنظراتهم المهم مب مهم الغاليه خوله كانت مهمومه وشملنا هذا خلها تسعد 
فقلت لسيف: شكلنا لازم نكثر من العزايم عسب تستانس الاميره خوله
وقف عمر : يوم بتحطون غدى نادوا علي .. تذكرت لازم اتصل الشركه واخبرهم اني بتأخر وبمر عليهم العصر
بدر: مسموح ..والله يعطيك القوه
سيف: الله يعينك شغلك متعب الصراحه
عمر: ربك كريم 
مشى عنـــــا
المهم احلى شيء خوله نست زعلها علي وانا حاط في بالي النبت بتكمل معروفها وبتغثنـي
تراها انتقاميه البنت .. ههههه بس والله عسل 

دخلت مع بدريه المطبخ ..وحاسه نفسي اتنفس بقوه حتى بدريه خافت علي
بدريه :شو فيج؟
خوله :فجأه حسيت بالخنقه
بدريه: شكلج مب متعوده على المطبخ
هزيت لها راسي: لا عادي بس شيء حمام هنا
بدريه : هيه فديتج روحي هناك 
ما صدقت شيء حمام .. دشيت بسرعه .. والله لو كان البيت فاضي جان صرخت من الألم 
دشيت وانا قويه واحاول ابتسم واضحك واتظاهر اني نسيت حبه 
بس والله ما قدرت ما قدرت .. 
كنت اصيح واحاول ما اطلع صوت ... قدرت اتمالك نفسي 
بس اهم ما يبين علي اني صايحـــه
رشيت على عيوني ماااي ... 
خذيت نفس : خوله ما يستاهل والله ما يستاهل 
رسمت على شفاتي بسمه وفتحت باب الحمام ورحت عند بدريه 



وانا شو يخصني فيها .. شكلها ما صدقت افترقنا .. وهذا رميووو يحاتيها 
اونه .. انزين انا ليش حارق اعصابي خوله واعرفها زين اكيد قاعده تمثل جدامي 
اخوها بنفسه قال خوله كانت حزينه .. اصلا ما تقدر تنساني
هالافكار اللي كانت ادور في راسه .. 
ابتسم كانه منتصر ومتأكد : فبدر اغسل يدك واصلا خوله لا يمكن تفكر فيه هي وحده متحرره اما هذا فمتعقد (ناسي عمره الريال ) وخوله تعرف هالشيء ..
صد وراه يوم سمع صوتها : حبيبي حطوا الغدى
ابتسم : ان شاءالله حبيبتي خـ
سكت يوم شاف امل وتغيرت ملامحه لجديه :انزين الحين بي
تجدمت امل صوبه وبعصبيه :ليش مب قادر تنساها مب قايل اللي بينكم انتهى وانك بتبدا معي صفحه يديده
عمر : ليش معصبه انزين 
امل: يعني كيف ما تباني اعصب وانته بعدك تفكر فيها
عمر: خوله اول حب لي يعني ما يصير انساها بهسوله 
امل: تقصد انك بترجع لها
عمر: ومنو قال اني برجع لها هيه صح حب حياتي بس انا مرتاح من دونها لا عوار قلب ولا صداع راس
تقرب صوبها : وانتي بعد حاولي تفهميني وتساعديني انساها
امل تمسك يده: بحاول باقصى ما عندي

انتبهوا ع صوت سيف: لا ه لاه قلنا امل بتروح هنا الدنيا ..بتنادي على عمر
تعالوا شوفوا عصافير الحب
امل ضحكت وعمر يزاعج: لا تفشلني يا ريال
سيف: اذا بتمون جيه بفضحكم انا اليوع ذابحني
عمر: يايين وياء هالراس


بدريه كانت وايد مهتمه في خوله 
بدريه : جربي هذا
خوله تضحك : شكلك ناويه تنفخيني
بدريه :حرام عليج .. انتي الا هيكل
خوله :كل ها وهيكل
سيف: اسمع اختك تنصح اختي وناسيه عمرها كيف هيكل
بدر: والله هالبنات ما ادري وين يبون يوصلون .. اونهم عاد سايز زيرووو
موزه : وشو ها بعد سايز ما اعرف شو
عمر: يعني يا امي العزيزه عظامهم يظهر برع
موزه باشمئزاز : اخ .. شو ها بعد يا حلاة البنت وهي بصحه وعافيه 
شوفوا حرمة ولدي ماشاءالله عليها كيف مصححه مب انتوا كل وحده هيكل
امل : عمووو عااد 
تبتسم بحياااء
عمر: فديتها والله
امل احمرت وما قدرت تقول شيء
اما الباقين ما عدا خوله فكانوا يطلعون اصوات ويعلقون عليهم 
مثل اونهم و من قدكم 
وخوله كانت تحاول تبتسم .. واحياننا تضحك .. قاعده تحاول قد ما تقدر ما تبين لهم او عمر يحس بحزنها او ضيقهـا من اللي قاعد تشوفه
حتى بعد الغدى قعدت معاهم شوي 
خوله : لازم ارجع البيت 
بدريه : حرام قعدتنا حلوه
خوله :ترى اليايات اكثر بس هالمره يكون برع البيت
بدر: هيه صح يبانا نختار مكان عجيب حق الطلعه
خوله : بس بليييز يكون في يوم اجازه
سيف: محسستنا وحده موول ما عندها وقت
خوله : ههههه وقتي ثمين يا اخي الغالي
وقفت :انزين يالله اسمحوا لي وراي رقااااد تعتبوني الصراحه
هههههههه
سلمت على الكل ويوم وصلت عند خالتها : خالوا ابغيج بكلمة راس
موزه :إن شاءالله
الكل تم يطالعهم 
خوله: يالله كيف الفضول خاصة بعض ناس
كانت تقصد حصه 
خذت خالتها وطلعوا من الصاله 

باست راس خالتها وقبل لا تبدأ بشي دمعتها سبقتها
خوله :خالوا سامحيني على كل شيء .. انتي حسبة امي وما اقدر اتحمل تكونين زعلانه مني
اعتبريني وحده غبيه .. مدمغه هبله اللي يريحج بس سامحيني 
موزه تمسح دمعتها: حبيبتي انتي بنت الغاليه مالي غنى عنكم حتى لو بغيت ازعل منكم ما اقدر
انا اعترف اللي صار غلط بس مب منج انتي بس حتى ولدي غلط 
فما اقدر الومج
خوله :يعني سامحتيني 
موزه : مب زعلانه منج
خوله : لا انا ابغي اسمع هيه سامحتج
ضحكت: ترى مب زعلانه منج يعني هيه سامتحج
حست براحه كبيره وقعدت تبوس خالتها اكثر من مره
موزه :ههههه خلاص يا بنت 
خوله :يمه انتي عزيزه وغاليه عندي
موزه : وانتي بعد خلاص حبيبتي شوفي نصيبج وانسي اللي صار
هنا تغير ملامح ويها وهذا اللي ما عجبها موزه .. قدرت تفهم انه خوله بعدها مب ناسيه عمر
بس هيه حرمه كبيره واعقلهم ما بتغصبها ولا بتقولها شيء
بتتصرف بأسلوبها
موزه : انسي وشوفي حياتج مثل ما عمر بدا يشوف حياته الله لا حسد شفتيهم كيف مستانسين مع بعض

خالتي العزيزه يالسه تنغزني .. مب مشكله مقبوله منها انا اسااسا استاهل 
حبيت لي واحد ما يستاهل حبي .. وصدقها خالتي باين عليهم السعاده
ولازم اشوف حياتي مثل ما هو قدر يشوف ... هو مب زوود عني
هالكلام اللي يدور في خاطرها
بعدما سكتت خالتها ما كلفت على عمرها ترد على كلامها غير بوسه على راس .. ومشت عنهـــا

ركبت سيارتها وبدت تسوووق بهدوء ..وصمتها هو سيد الموقف
بعد الهدوء لمده قصيره بدت تكلم نفسها: ما ادري ليش كل ما اقول بنساه ارجع عن كلامي 
ههههه مب كأنه هذا كلام تامر حسني ..
تمسح دمعتها وتبتسم : تخبلتي
ههه لا صج تخبلت ولا انا خوله يصير فيني جيه من متى اضعف 
من متى متى متى متى
حست بألم بيدها لأنها قعدت تطلع حرتها على السكان ..
اضطرت توقف ع جنب الشارع ولا صج كانت بترتكب جريمه في الخلق ..
رجعت تكلم عمرها:-
مستانس ها؟مستانس بحياتك وتاركني هنا اتعذب
ليش عمر .. ليش ليش 
انا ما استاهل .. اللي سويت فيني .. ولا اقول انا استاهل 
صدقتك وصدقت وعودك وكلامك الزفت .. 
يالحقير يا نذل اكرهك اكرهك كانت تصرخ وتطق هالكلمه 
حتى ما انتبهت على صوت الا بعد فتره بسيطه من هستيريتها 
هندي كان يدق على جامه سيارتها بعدما سمع صوت 
مسحت دموعها وطالعت عمرها بالمنظره شعرها كان يباله تعديل .. رتبت عمرها بسرعه 
ونزلت الجامه
خوله : نعم
الهندي: كل شيء فيه اوكي
خوله : ليش تسأل
هندي: انا يسمع صوت داخل سياره .. انتي في اوكي سياره مال انتي خراب؟
خوله : شو ما فيني يعني .. هذي انا عايشه بعدني ما مت 
وخر عن السياره لا ادعمك
حطت على D وباسرع ما عندها انطلقت
هندي يتحرطم: شو هاااي مينون


وبصوب الثاني ..
عمر فيه فضول يبغي يعرف خوله شو تباه من امه 
فسألها: يمه خوله شو تباه منج
موزه : وليش تسأل
امل كانت تتطالعه وهو مب مهتم لها
عمر: عندي احساس انه يخصني
موزه: احساسك في محله .. ماشي كانت تعتذر وقالت لي انها خلاص بتشوف حياتها وبترضى بأي ولد حلال بيخطبها
(زودتها موزه بس عشان تبعد ولدها اكثر عن خوله)
عمر اول ما سمع هالكلام .. صرخ : جـذااابه
موزه عصبت : آخ يا جليل الحيا تقول عن امك جذابه
عمر يبغي يصلحها : محشومه يا ام عمر كنت اقصد خوله جذابه
امل ميته قهر .. وصدت عنه
موزه : وليش بتجذب علي ترى البنت حست بغلطتها مثل ما انت حسيت ولا ها ؟ بعدك تحبها
عمر يطالع امل : يمه انا ما قلت اني بعدني احبها بس خوله واعرفها يوم تتعلق بشي ما تتركه 
موزه : لو تحاول تتقرب وتفهم حرمتك قد ما فاهم خوله يكون احسن
امل: لا عمو خلي في راحته مرده بيعرف منو اللي يحبه ويعزه ومنو اللي يلعب عليه
عمر : مب كانج متغيره وايد هالايام وصايره بايخه
امل ردت عليه بصوت عالي: بصير ابيخ من جيه بعد اذا تميت تفكر فيها 
عمر: انطبي لا اعطيج كف يطيرج بيت اهلج
نزلت دمعتها وتمت تصيح
موزه : صج ما تستحي تهددها بضرب وجدامي والله ان ضريتها بشي لا تشوفني ميته جدامك 
واقولك من الحين اذا بعدك تفكر فيها فأنسى مثل ما البنت نستك فاهم؟
ما رد عليها اكتفه يطلع حرته في سواااقه


حسيت براحه يوم قريت لي كم آيه بس برتاح اكثر اذا خذيت لي قسط من راحه
واول ما حطيت راسي على الموسده ..يلست افكر بحالتي وبوضعي 
وليش قلبي يتذكره وانا قاعده احاول انساه وقلبي مب راضي يساعدني
قبل لا اترككم وانام عنكم اهديكم هالكلام اللي يحسسني بضعفي
واني ما عند كلمتي يوم اقول ابغي اتغير
واهداااء لكم ولكل بنت تعاني مثلي 

انا مش عارف اتغير كل ما اقول هتغير .. تحصل حاجه ترجعني عن كل اللي ناويه
كل ما اقول انا ببدأ اعيش حياتي بمبدا 
برجع اضعف ثاني ومش بس أنا بضعف قوي
ايوا بفوق لما بروق .. وحاسب نفسي بكم سؤال
وارجع اقول ما فيش مخلوق ما بيغلط شيء ده شيء محال
وارجع ثاني واغلط ثاني .. كأني بكلم واحد ثاني
انا زعلان من نفسي حقيقي .. انا غلطان وضعيف واناني

كل يوم بعدي علي بعدي علي وينساني ..
واقول من بكره اكيد هتغير .. يجي بكره وبرجع في كلامي
على الحال ده بقالي كثير .. على الحال ده انا وكثير


ايوا بفوق لما بروق .. وحاسب نفسي بكم سؤال
وارجع اقول ما فيش مخلوق ما بيغلط شيء ده شيء محال
وارجع ثاني واغلط ثاني .. كأني بكلم واحد ثاني
انا ندمان على وقتي حقيقي .. انا مش هفضل كده في مكاني

--------------------------------
الفصـــــل الســ 16ـــــادس عشــــــر

عمر يبدل ملابسه : شوفيج ؟ لا تصدعين براسي
أمل قاعده على الشبريه : انت بعدك تحبها صح
عمر بعدما غير بدلته : اف حشره انتي
راح صوب التسريحه ومسك بمشط .. راحت امل صوبه : عمر حرام عليك وين مكاني في قلبك
عمر يطالعها بنظرات يدل انه متململ من اسئلتها لكن حب يجاملها: يا بنت امج وابوج خوله خلاص انتهت من حياتي .. انتي حرمتي وعقبال ما تصيرين ام عيالي
تشققت : صج عمر؟
عمر: يا حبج للأسئله 
تضحك : خلاص آسفه 
عمر : يالله بسير الشركه 
امل: ربي يحفظك

بعدما طلع من الغرفه .. تنفس : اذى منهـــا
نزل تحت ولقى امه قاعده وهو رايح: رايح الشركه
موزه : حاول انك ما تتاخر ولا تعب عمـ
ما لحقت تكمل لأنه عمر ظهر 
موزه : الله يهديك بس

ركب سيارته وباله مشغول بموضوع خوله 
يكلم نفسه : معقوله خوله تسويها وتزوج .. ليش لا انا سويتها 
انا صج اناني .. لازم اترك خوله تشوف حياتهـــا مثل ما سـويت واصلا نحن ما اناسب بعض
هيه هذا اللي بسوي بدعي لها الله يوفقها

قمت من رقادي على حشرتهم .. 
زياد:عمو ابوي يقول يالله قومي
صجيت صوب الثاني : وابوك هذا بتحكم في رقادي بعد
زياد: هـــا؟
رفعت راسي: ماشي .. قوله قامت عمو
زياد: انزين
طلع زياد .. واناا بعدني متكاسله .. الا واسمع صوته 
زايد : عمو انتي ليش كله تصيحين؟
طالعته باستغراب : ليش تقول جيه
زايد: انا كم مره سمعتج تصيحين 
اشرت عليه بيدي: تعال
خذيته وحضنته : عمو قلبها يعورها 
رفع راسه يطالعني : عمو ليش ما تروحين المستشفى
ضميته اكثر امنع نفسي من الصياح : الدواء ما ينفع لمرضي
بكل براءه قالي :بس امي تعطينا دواء يوم نمرض
ابتسمت :حبيبي هذا مرض حق كبار بس
زايد: بس عمو ..
قاطعته : لا بس ولا شبس يالله قوم وخلني أقوم عن ابوك يصرخ علينا
ضحك : ابوي كله يصرخ
ضحكت معاه : يحسب نفسه طرزان صح؟
ضحكنــا .. يالله كيف ادور سبب عسب اضحك بس 

ما هو بيدي أكتم الدمعة و أنوح ... هذا أنا إذا كتمت الهم عيوني تبوح
اكبر قهر إذا ضاع عمرك ورى إنسان تبي غلاه وهو يبي إنسان ثاني
ألا ياعين لا تبكين عيشي نعمة النسيان .. خسارة دمعتك تنزل على من لا يراعيها
رفع راسه على صوته ويوم شاف بدون نفس: اوه بدر .. توه ما نور المكتب
دخل بدر: ههههه تعرف تجامل عدل
عمر توتر حط في باله بدر عرف نيته فحب يعدله : قول زين اني اجاملك
بدر : هههههه كاش على ويه ها
عمر :هههه اقعد
بعدما قعد بدر : ماشي حبيت اخطف صوبك ونقعد نسولف من زمان ما اجتمعنا لحالنا
عمر كأنه مب مقتنع رغم انه بدر صج ياي يسولف معاه 
عمر : زين سويت زهقان من اشغال الشركه
يطالع المكتب : بس مكتبك عجيب
عمر : ما غيرت منه شيء مثل ما تركه المرحوم
بدر: الله يزيدك ويعطيك
عمر فكر يختبره : بدر
بدر: هلا
عمر: مب ناوي تزوج .. لين متى بتم جيه
ابتسم بدر : ودي اتزوج اليوم قبل باجر 
عمر ما عجبه يوم ابتسم .. فتظاهر انه هو بعد ابتسم وسأله :ها شكلك شايف لك شوفه
بدر: هههه لا يروح فكرك بعيد .. كنت اقصد انا مستعد استعداد تام لزواج بس احاتي اختي ابغي وحده مب بس تحبني تحب اختي بعد
عمر: وييه عاد هذا يبالك تقعد مع بنت بنت وتسوي لهم اختبار
بدر: تصدق مب لازم لكل هالاجراءات .. لاني حاط عيني على وحده
عمر تم سااااكت لأنه كان يتريا جواب بدر وبنفس الوقت ما يبغي يسمع اسمها بلسانه
بدر: وانت تعرفها عدل
خلاص عمر شوي وبموت من قهر بس بعد قاعد يمثل: انا اعرفها؟!
بدر: هيه خوله بنت خالتك 
تم ساااكت وما قدر ينظق بكلمه 
بدر يطالعه ومستغرب : عمر شو فيك؟
يحاول يتمالك اعصابه :ما فيني شيء بس انت قلت تبغي وحده تحب اختك وتحبك
بدر : وانزين خوله تحب اختي
عمر: وتحبك؟
بدر: مب مشكله بتحبني بعد الزواج
عمر: بس خوله شويه عصبيه مب شويه الا وايد وفيها تهور انت شفت بعينك كيف تعاملت معاك يوم سالفة اختي
بدر كأنه تذكر شيء ما يبغي يتذكره فتم ساكت وهنا عمر حس انه قدر يأثر عليه فكمل كلامه
عمر : وبعد خوله لسانها متبري منها وانا ادرى فيها كثر ما تضاربني وانت تبي وحده ما يهمها وين تكون وين ما تكون وتتصور على كيف كيفها
بدر وايد تضايق من كلام عمر ..ففضل يغير الموضوع :إنزين خلنا من هالسالفه .. 
الله كريم وهو اللي يكتب النصيب .. انت اخبارك وشو الحياه الزوجيه معاك
ابتسم عمر بانتصار وقعد يسولف عن حياته بكل سعاده .. 

مر شهرين وخوله حالتها تحسنت اكثر ...
قدرت تعود نفسها تنام وعينها ما تدمع .. لكنها ما قدرت على ذكرياتها ..مع عمر
وبصوب ثاني امل ..كانت تحاول انها تحمل .. فكل يوم في اسبوع تروح تسوي فحص 
ولكن نتيجه مثل ما هي سلبي .. 
كانت تحس اذا يابت ياهل عمر بقدر يجبها اكثر وينسى خوله للأبد

اما بدر من بعدما سمع كلام عمر .. تذكر كل المواقف الشينه مع خوله 
وكيف كانت تقلل من احترامه .. فبعد فكرة الزواج منها 
هذا كان عقليا اما قلبيا فقلبه مب راضي يطيعه ويسمع كلامه ودليل كل ما يشوفه يفز قلبه ويرجع يحبها من اول ويديد .. بس كان يقااااوم هالشعور

ما ادري ليش اشتقت لنوال .. خاطري اروح واسلم عليها لو من الباب 
خلاص بعد الكليه بروح لها ..
وبالفعل بعدما خلصت من محاضراتي .. قررت اروح لها .. خطفت صوب بيتهم 
وانا اسوق في حارتهم اتذكر عمر . .وارجع اتألم لكن هالمره ما اطيح دمعه من عيني 
بعدما وصلت اتصلت في نوال 
ردت علي : يا هلا والله بناسينا
خوله: تتمصخرين صح .. منو اللي تزوج ونسانا
نوال:ههههه والله انتي اللي نسيتيني
خوله :هههه خلاص ولا تزعلين نحن الاثنين نسينا بعض
نوال:صج خوله ليش ما تزوريني
خوله :طلبج رخيص يا بنت خالتي .. (نزلت من السياره وانا اكلمها دقيت ع جرسهم )
نوال: صبري خوله في احد عند الباب
خوله :خلاص انتي صكري والعصر امر ازورج اوجي
نوال:خلاص اتريااااج
بعدما صكرت من عندي .. نقعت من الضحك واتريا الباب ينفتح
تفاجأت يوم شفت منصور اللي فاتح الباب 
منصور: هلا والله
وانا بعدني اضحك: اهلين
منصور: اويه شوفيها خوله 
خوله :ههه ما فيني شيء بس حرمتك وين
منصور: ها اكيد عندج بشاره لا يكون انخطبتي
اختفت الضحكه مني .. ورديت عليه: مـخلني واقفه برع ومسوي لي سين وجيم
منصور استوعب: اوه سوري نسيت .. حياج يا بنت العم
بعدما دخلت تميت واقفه في الحوي
منصور: شو مب ناويه ادشين
خوله: لا بس يايه اسلم على نوال اشتقت لها من زمان ما شفت طلتها وبالمره اطمن واتاكد انك مب مكفخنها ولا مسوي فيها شيء
منصور: حرام عليج نوال احطيها في عيوني
خوله: الله على حب .. 
وغيرت نبرتي :انزين يالله روح بسرعه نادى عليها
منصور: تعالي اضربيني بعد
خوله :للأسف ما اقدر
منصور : انا اشل بعمري وانادي لج نوال احسن لي
خوله :ههههه
دقايق والا اسمع تصرخ :خـوووووووولووووووووا
اقلدها :نواااااااالوووووووو
حضنتي وفجاه تذكرت مقلبي فتمت تضربني : يا الجذابه 
اوني متألمه: شوفيج .. وهذا وانتي متزوجه
اونها تذكرت انها متزوجه واصطلبت
اضحك عليها: ما يليق عليج
نوال:هههه يا السخيفه
سولفت معاها لفتره بسطيه .. وبعدها غادرت من عندهم فكرت امر واسلم على خالتي بس العووق هناك وما لي نفس اشوفهم

وانا في سياره فاجأني مسج .. 
بعدما قريت المسج ضحكت لأني تذكرت كيف تنازعت مع بدر يوم وصلني من اخته مسج
وحليله وايد يعاني منه ههههههه
اوه خلني ارد عليها تباني اروح معاها .. السوق .. وانا منو عسب امنع نفسي من الترفيه
رديت عليها : اكيد من عيوني .. بعد صلاة العصر اوجي
وصلني ردها : اوجي حياتي

ومثل ما وعدتهـــا مريت عليها العصر .. واضطريت انزل لأنه محد رد على هرناتي .. دقيت جرس وبعد محد طلع لي .. 
اكلم نفسي: والحيييين شو اسوي 
همممممم .. ماشي الا هالحل 
اتصلت فيه وظل يرن ويرن ويرن .. ويوم استسلمت وقلت بصكر الخط وناويه اكسر بابهم .. تكرم مستر بدر ورد علي ومن صوته يبين انه كان تعبان : الـــو
اوني عاد متوهقه :آمممم شكلي متصله في وقت غلط

اووه شو ها ما صدت احصل فرصه انام فيه .. الله يغربله من تلفون مب راضي يسكت
رديت عليه الا واسمع صوت وحده ..
دخيلكم قولوا هيه .. خوله ما غيرها .. اللي يقول اول مره تكلمني وهذا وانا ناوي اطلعها من مـخـي .. شوي والا اسمعها تقولي خلاص انـا آسفه
جان اصرخ بدون قصد : لاااااااااااااااا اصبري
خيبه طر اذني بلاه يصرخ .. 
رديت عليه : شوفيك بدر؟
بدر:آسف آسف ما كان قصدي 
خوله وانا في خاطري شكله مب صاحي : لا عادي بس اسمحلي اتصلت فيك في وقت غير مناسب
بدر: انتي اتصلي متى ما تبين وانا الخسران اذا ما رديت عليج 
بعدت السماعه ابغي اتأكد انا قاعده اكلم بدر اللي 24 ساعه جاد
قلت اتأكد : انت بدر؟

اول ما قالت انت بدر ؟ استوعبت نفسي ... شو قاعد اسوي 
قلت اصلحها :نعم شو عندج ليش متصله ؟
خوله : لا والله .. اقول روح بلغ اختك اني اتريـــاهـــا برع
قبل لا اقول لها شيء صكرت الخط على ويهي 

--

--

--

--

--

هذا انا ساكت يالس افكر شو اللي سويته توه .. مب كأني خربته بدال لا اصلحه
بدر: نعم شو عندج ليش متصله ؟
والله فاجه حلجي احاول استوعب مزاجه 
ترى مب هو بس يعرف يعصب حتى انا اعرف بعد 
جان ارد عليه : لا والله .. اقول روح بلغ اختك اني اتريـــاهـــا برع
واصكر الخط على ويه .. عيل مالقى الا انا يستقوى علي

رجعت اركب سيارتي وتميت ادق هرن من خااااطر .. اعرف بدريه ما بتسمعني بس هذا اللي اسمه بدر لازم احشره .. واخرب رقااااده عدل





بعد الفشله اللي صار معاي .. حاس بضييج من خاطر .. 
خيييه شو ها منو يدق هرن جيه .. اوه اكيد خوله نسيت هذي واقفه برع
قمت وطلعت من غرفتي ورحت عند بدريه و كانت مخلصه 
رحت صوبها وحطيت يدي على كتفها لأنها ما انتبهت لدخولي 
صدت صوب : بدر ؟! انت مب كنت راقد
بدر : كنت راقد بس خوله صحتني تترياج برع
بدريه :اوووه كيف نسيت انه البشكاره محد بتكون اليوم اكيد وحليلها دقت جرس ومحد طلع لها
بدر: من جيه اتصلت في
بدريه : انزين اخوي اسمحلي ما ابغي أتـأخر عليها
بدر : تحملوا على اعماركم 
تبعتهــــا لأنه شيء في حلجي ناشب وابغيه اقولهـــا
يوم وصلت صوب باب الصاله .. مسكت يد بدريه عسب تنتبه لي
طالعتني بحيره 
قلت لها قولي لبدريه :آسف
استغربت اكثر: على شو وو
بدريه :قوليها وبس
بدريه :إن شاءالله


يوم انتبهت على بدريه .. رحمت هرن سيارتي .. ركبت بدريه ويلست تعتذر:آسفه آسفه 
نسيت البشاكير محد طلعوا جماعه .. وانا لو كنت اسمع كان ما انتظرتيني هالقد
كسرت خاطري فقلت لها: بس بس .. شو تقولين ..انا توني واصله اذا انتي ما بتدلعين منو بدلع عيل .. يا اميرتنا
ضحكت على كلامي :هههههه
وفجأه تذكرت شيء : هيه صح بدر قالي اقولج آسف
بسخريه :آسف ها ؟
بدريه:شي صار بينكم
خوله : اخوج هذا وايد مزاجي وخقاق ..
بدريه :هههه حرام عليج والله وايد طيب
خوله :هيه هيه بحاول اصدقج
تحركنــــا ورحنــا المركـز .. 
وهناك في مركز نقعت من المشترى كأني اول مره اظهر لسوق .. اول مره احس انه كل شيء عجبني 
وقعدت اشتري هذا وذاك .. 
من تعب يلسنا في مطعم .. ويانا الويتر 
قلته ييب اللي ابرد شراب عندكم ..
اما بدريه فطلبت عصير برتقال
بعدما راح عنـــا ..
تنفست : تعبت ههههه
بدريه: هههه لازم
خوله : تصدقين انتي اللي قايله تبين تشرين و شوفي منو اللي خم السوق
بدريه :ههههه 
ذوقه حلو طلع الويتر ياب لي شوكو مووو وكان بارد من خاطر
دفعت له البيزات وقمنا .. كنت مبهدله من خاطر بيدي عصير واجياس ويدي ثانيه شنطتي وبعد اجياااس تبهدلت من خاطر
بدريه: خليني اشل عنج
ابتعد عنها:حلفي انتي بس .. بروحج اللي عندج يكفيج
خوله :تعرفين شو خلينا نروح السياره ونترك الاجياس هناك
ما فهمت لي : ها
سحبتها:تعالي معاااي
وصلنا صوب السياره وحطينا الاغراض في دبه ..
بدريه:والله خوش فكره
خوله: ذكيه راحيه معاج مب أي احد
بدريه:هههههه
خوله:فديت ضحكتج هههه يالله خلنا نكمل المشترى
بدريه: تعبت
خوله:هههه يالله عاد
مشيت عنها .. وهي كانت ورااااي 
حطيت في بالي دقايق وبتكون بجـنبـي .. لكن اللي صار ما كان في الحسبان .. سمعت صريخهـــا
صديت وراي الا وسياره تخطف جدامي باسرع ما عندها .. يعني كنت على حافة الاصصدام جيه ريح خطف بويهي .. خلوني مني بس بدريه ليش كانت تصرخ .. صديت صوبها وتخبلت اللي شفته 
كانت طايحه على الارض ودم من كل صوب .. ركضت صوبها وانادي عليها بس ماشي رد

احتارت وما عرفت شو تسوي .. فاتصلت في بدر ..بالاول وبعدين اتصلت في اخوها سيف
لمحت على بدر ياي من بعيد
واللي اول ما شافها وشاف حالتها خاف : بدريه .. شو فيها وينها؟
خوله بالقوه كانت تتكلم :داخل 
تاشر بيدها صوب :هناكـ 
مره تحط يدها على حلجها ومره تحط على جبهتها ... حالتها مب مستقره كانت
وبدر يحاول يفهم منها شيء
خوله: كانت وراي وفي لحظه (يدها على قلبها):ما اعرف 
بدر يحاول يهديها: خوله تنفسي وتعوذي وفهميني شو صار 
ما قدر يآخذ منها شيء لأنها طاحت بين ذراعه .. حاول يمسكها يوم شافها فقدت توازنهـــا

--------------------------------
الفصـــــــل الســـابـــ17ــع عـــــشر

بعدما تأكدت من سلامه أختي وانه ما فيها شي لله الحمد مجرد كسور في ريولهـــا 
رحت عند سيف بعدما اتخذت قراري
سيف توه ظاهر من غرفة اخته
سألته : اخبارها ألحين
سيف: وحليلها من الصدمه اغمى عليها بس الحين اهون عن قبل 
بدر: يعني واعيه
سيف: هيه واحتمال يظهرونهـا باجر .. حشرتني كثرما تسأل عن بدريه واقولها بخير بس ما رضت الا تباه تشوفها
ابتسمت وبدون صبر قلت له: سيف ابغي حرمتك تكون اختي
سيف:ها
ضحكت : اقصد ابغي اختك تكون حرمتك
نقع سيف من الضحك .. وضحكت معاه وبنفس الوقت حاس بالإحراج
بعدما شبع من الضحك : حلوه طريقتك 
منحرج: آسف والله ما اقدر اصبر اكثر
سيف: خلها تقوم بسلامه وان شاءالله اكلمها بالموضوع
بدر: حتى لو ما رضت اجبرها
ضحك مره ثانيه :اجبرها ما اقدر .. بس ليش ترفضك
بدر: ما ادري يمكن اختك ما تحبني
سيف:لأنها ماتعرفك عدل وانت اطمن اذا شي نصيب بتكون لك
مب كاذب عليكم بس بعدني مب مطمن هالبنت راسها يابس


ما اهتمت لكلام اخوها .. وقامت من فراشها لازم تطمن على بدرية .. 
راحت عند استقبال وسألت عن غرفة بدريه بعدما دلتها ..راحت لغرفتها
وشافت على ريولها جبس كسرت خاطرها ودعت على اللي دعمها 
دخلت عندها وكانت راقده ما حبت توعيهـا .. فطلعت من غرفتها بسكووتها وهي تصك الباب بهدوء وصدت لورا الا وبدر جدامها
باستغراب: بدر؟!
بدر كان متوتر وخوله عارفه السبب لأنها سمعت الكلام اللي دار بينه وبين سيف 
بدر: اطمنتي عليها
ابتسمت لا شعوريا : هيه
ظلوا ساكتين .. هو منزل راسه وهي بعد منزله راسها ..
وفي خاطرها :آخر زمن انا وهو نستحي من بعض
الاثنين بنفس الوقت 
انـزين
سكتوا ثواني وبعدها ضحكوا .. 
لكن ضحكتهم ما دامت يوم سمعوا واحد بصوت عالي يقول : السلام عليكم 
كان في نوع من النغزه .. والجديه
صدوا صوب المتكلم .. 
بدر يوم شاف عمر وامل واقفين يطالعونهم ابتعد عن خوله 
ورد السلام عليهم : عليكم السلام هلا عمر 
عمر يطالع خوله باحتقار : اهلين 
خوله ما كلفت على عمرها ترد السلام وكانت صاده صوب ثاني
امل: اخبارج خوله
ردت عليها بدون ما تبتسم : بخير
امل: سلامتج قالنا اخوج انه اغمى عليج
خوله : هيه وتصدقين انه بدر نقذني وما سمح لي اطيح على الارضيه 
ابتسمت لبدر:نسيت اشكرك .. مشكور بدر ولا يبهتي بتووورم
بدر مستانس: في خدمتج نحن
خوله : ما تقصر. .انزين يالله اسمحوا لي
طافت بجنب عمر اللي كان مولع في داخل .. لو حطيتوا ثلج عليه بذوووب بثواني هههه(تشبيه بليغ صح)
بدر: حياكم 

دخلت غرفتها وكانت ناقعه من الضحك ..
خوله: ويه كان يضحك ..
اختفت ضحكتها يوم تذكرت كلام سيف وبدر .. وكيف فجأه تغيرت يوم شافت بدر
خوله: اوافق عليه ولامااوافق .. بدر شكليا ما عليه كلام بس شخصيا ما يشجع 
ما ابغي اغلط مرتين .. كافي عمر .. ما اظن اني بتحمل انجرح مره ثانيه
اوووه راسي عورني من التفكير .. ما يبالي افكر كل هذا بصلي الاستخاره وخلاص


طلعت من المستشفى بثاني يوم .. ومن يومها وانا كل ما ارجع من الكليه اطوف عند بدريه 
ويا كثر المواقف الحلوه والمرحجه اللي كانت تصير لي مع بدر.. بالبدايه ما كنت اشوفه
بس بعدين شكله حفظ موعد زيارتي من جيه كل يوم صرت اشوفه مرات يقعد معانا ومرات يتركنا لحالنا .. احس اني بديت احب شخصيتي 


نسيت كلام عمر ... خوله غير عن اللي قاله صحيح هيه عنيده وعصبيه بس فيه صفات حلوه تغطي على هالعيوب ..
من اكتشفت انها تزور بدريه كل يوم بعدما ترجع من الكليه .. صرت كل يوم اطب المستشفى 
عشان اشوفها .. اترك كل شيء وراي المهم اكون بقربها .. 
صار يعجبني وجودها وارتاح يوم اشوفها ما ادري سيف متى ناوي يكلمها
احس نفسي مب قادر اتحمل .. 
بدت تضحك على كلامي وترد علي باسلوب احسن من قبل 
البنت غير عن اللي رسمتها .. انا لازم اطفر في سيف واخلي يكلمها


دخل علي سيف وانا كنت مشغوله على لاب
سيف: شو تسوين
خوله : مثل ما تشوف
سيف: ما تعرفين تجاوبين عدل
ضحكت :احبك يوم تعصب
صكر لاب 
خوله: شو تسوي
سيف: سمعيني عندي شيء مهم اقوله
كاني فهمت بس لازم امثل : شووو؟عسى ما شر
سيف: شو رايج ببدر؟
خوله: هذي ثاني مره تسألني فيه عنه شو عندك؟
سيف: لاتسأليني ..وجاوبي على سؤالي؟
خوله:انزين لا تعصب ..بدر ممم زين
سيف: بس زين
خوله: وطيب
سيف:بس
خوله : وحليووو
سيف:هذا اللي شفتي فيه
خوله:هههه وين تباه توصل؟
سيف: قولي على الاقل بدر كل بنت تتمناه
استعبط: اويه ليش اقول هالكلام
سيف:يعني كل ها وما فهمتي مب مشكله ما احب الف وادور بس قلت اغير اسلوبي هالمره 
انتظر يتكلم
سيف: خوله بدر طالب يدج
تميت ساااكته حطيت في بالي بكمل كلامه
سيف سااااكت .. ويطالعني كانه يتريا مني رد
خوله: انزين
سيف: انزين شو .. ردي موافقه ولا لا
خوله: عطني وقت افكر انزين
سيف: شوفي محد بجبرج بس ما بتلقين احسن من بدر .. منا وفينا احسن من غريب
رجعت افتح لابي ..: بفكر انزين
تم واقف شوي وبعدين ظهر
تعرفون شوووو .. انا بروحي ما اعرف شووو
لكني حسيت بألم وعيني تدمع تمنيت بدال بدر يكون عمر 
المفروض اكون حرمة عمر .. 
استغفر الله شو قاعده اقول .. هذا قدر وزين اني اكتشفت عمر على حقيقته مريض شكي
بس ...
ليش حاسه بغصه .. افففف
حالتي تقهر ومب عاجبني 

ممم بعدما خلصت من صلاة الاستخاره .. حطيت راسي ورقدت 
متوكله على الله ... والمكتوب هو اللي بصير ..

وعيت وحاسه نفسي شابعه رقاد يمكن لأني رقدت بوقت بدون ما افكر بشيء
وبنفس الوقت مب حاسه بشيء يعني بس نشيطه وبس 
بعدما صرت فريش اكثر ... تجهزت ولأول مره في تاريخ بروح الكليه بوقت ولا بعد بـحضر المحاضره هههههه بيستانس الدكتور علي

لحقت على زايد زياد .. ولا بعد قررت اوصلهم المدرسه وطبعا سيف استانس وايد
خلصنا من فطور وسبقوني لسيارتي ..
وكالعاده مستر زياد سيدا على المسجل
ركبت سيارتي وشفته يتعبث فيه 
خوله: اصبحنا واصبح الملك لله 
زياد :عمو وينه سيدي
خوله : من صباح الله خير .. شو عندك 
زايد: هذا وايد يحب الاغاني
خوله: لا ابوك ولا امك ولا حتى عمتك جيه طالع على منو انته
زياد مب مهتم ابدا :اللــــــــــه لقيتـــــــه
حط سيدي في المسجل وشغل على الاغنيه ويوم رفع ع صوت جان اصرخ عليه ههههه
فخف على الاغنيه ..
وصلت لمدرستهم 
زياد متخبل يبغي ينزل وقفته :لحظه لحظه على وين يا بعد روحي
زياد: عمو تأخرنا
خوله: خل عنك يالله عطني بوسه على الخد
زياد: عمو فضيحه
زايد سبقه وعطاني بوسه على الخد ... 
نزل من السياره وقبل لا يصكر الباب ابتسم :مع السلامه عمووو
رديت عليه بابتسامه : مع السلامه حبيبي
صديت صوب زياد : وانت يا المتكبر
نقز وعطاني بوسه على سريع ... ضحكت عليه يوم شفته يفتح باب السياره ونزل بسرعه .. 

وصلت الكليه وتفاجأوا بنات كلاسي يوم شافوني داشه الكلاس
بنت كلاس 1: لا لاه المدام خوله مداومه بوقت اليوم
بعدما قعدت سمعت وحده منهم تقولي : توه ما نور الكلاس
ابتسمت لها... الا وربيعتي الحشره دشت الكلاس ويوم شافتني صرخت
اول مره اعرف اني مهمه عنده لها الدرجه هههههه
رغم اني مب لها زود محتكه



ما قدرت انام وانا افكر بالموضوع لين ألحين ما وصلني ردها ..
شو اسوي معاها ما فيني شده اتحمل اكثر ...من جيه قمت ورحت اتسبح لأني ناوي امر على سيف ... 


بالاول تردد وتميت يالس في سياره وانا افكر انه ما مره على الموضوع الا يومين ..وكأني يالس اذل عمري عشان شيء يمكن ما يكون من نصيبي
حركت سيارتي مبتعد ... الحين كنت بظهر من دوام سيف .. لا إراديا يدي اختار R ورجعت لباركن اللي رحت عنه .. نزلت من دون ما افكر بشيء خلاص انا خوله ابيغها وماشيء تردد في الموضوع حتى لو رفضتني بقعد احاول 
لين ما توافق علي 

دخلت مكتبه متحمس فتحت الباب .. وما حسيت بعمري الا يوم سيف واللي معاه قعدوا يطالعوني باستغراب
شكلي بالغت يوم فتحت الباب
انتبهت على صوت سيف:هلا بدر
ابتسمت بتوتر: اهلين اسمح لي ما كنت اعرف انك مشغول
ابتسم لي :لا عادي دقايق وبكون مخلص
بدر: خلاص بترياك برع

وبالفعل دقايق وظهر من عنده ...ودخلت أنـــا 
بعدما قعدت 
سيف: حيا الله بأخوي بدر
بدر: الله يحيك 
سيف: اكيد ياي تتكـلم عن المووضع صح
انحرجت: كيف عرفت؟
سيف:داش المكتب بـحماس وشوي بتكسرالباب كل هذا وتسألني كيف عرفت
ضحكت غصبن علي
وضحك معاي سيف
رجع للموضوع: والله بدر انا كلمتها وتعرف عاد دلع البنات كيف .. اكيد بطول شوي
انت خلك صبور بس
هالمشكله مب قادر اصبر اكثر
كمل كلامه :- انت خايف ترفضك
بدر: بصراحه هيه اختك هذي تخوف
ضحك: هههه وبعد تبغيها
بدر: هههه القلب اختار وانا امشي بدربه
سيف: لاه لاه انا لازم ازوجك اياها وبغصب بعد
نقعت من الضحك:هههههههههه 
وكملت على كلامه : تسوي في خير ههههههه
سيف: شوف انا برجع اكلمها مره ثانيه اليوم وإن شاءالله يصير خير
وقفت: تسوي خير وترحمني من الوساوس
سيف: بدر اذا ما وافقت بتزعل مني
بدر : مب بدر اللي ينسى عشرة عمره مع الغالي سيفوا بها السهوله
سيف:سيفوا ها؟ يالله روح دور لك 
قبل لا يكمل قاطعته: خلاص خلاص يا اخوي عزيز سيف ولد الغالي
سيف:هههههههههه 
ولا بعد رحت عنده وبست راسه


رجعت من الـــكـــــليه واستغربت يوم شفت سيارتـــــه ...شو يـابنه هذا
حتى من الغصه تركت سيارتي برع ونزلت ما ابغيهم يحسون بوجودي بتم قاعده في ملحق لين ما يرحون حتى لو رقدت عادي عندي المهم ما اجابلهم
لكني يوم دخلت استغربت من المشهد 
امل تتنازع مع عمر بس بصوت واطي عسب محد ينتبه لهم
ركزوا قلت محد ينتبه لهم مب محد يسمعهم لأني سمعت الكلام اللي بينهم
امل :انت ليش معصب وحارق دمك مو تقول اللي بينكم انتهى
عمر: انتهى انتهى ما تفهمين 
لاحظت انه امل كانها حست بوجودي ودليل كلامها 
أمل :عمر دخيلك قولها انك تحبني وما تفكر بـخـوله
عمر :الله يهديج بس هذا وقته
امل :قول وبخليك تروح
عمر :احبج احبج بس
امل: وانك نسيت خوله
عمر :هيه نسيتها طلعيتها من قلبي بس ارتحتي
كاسره خاطري هالبنت .. تترجى الريال يقولها وليش هو بنفسه ما يثبت لها انه يحبها 
مسكينه ما تدري عمر على حقيقته 
المهم انا شو يخصني .. يتنـاقعون إن شاءالله
وليش اتم في ملحق .... بــخطـف جدامهــــم هع بيتي هذا وكيفي
خطفت جدامهم كأني وحده متكبره ههههه 
عمر انتبه علي قبل لا اعديــــــهم حتى اما امل اونها رسمت ابتسامه بويها وسلمت علي: السلام عليكم خوله
ابتسمت بسخريه: وعليكم السلام
الحين كنت خلاص بطوف عنهم .. السخيف مسك يدي 
طالعته بنظرات
عمر: خوله لحظه
امل شوي وبتموت: عمــــــــــــر
تحاول تحسب يده من يدي
عمر: شوفيج ابغي اكلمها بس
خوله: تكلمني في شو يا حسره 
يطالع أمل: خلينا لحالنا
امل شوي وبتتخبل : انت شووو .. كيف اخليكم لحالكم انت اكيد بتقنعها ما توافق على بدر
هذي السالفه عيل من جيه كانت امل معصبه وحالتها حاله 
المهم قلت اسوي فيها خير : امل حبيبتي اطمني لا عمر ولا غيره يقدر يتحكم في انا أتخذ قرارتي بنفسي
صديت صوب عمر وبأسلوب امر:اترك يدي 
لكن اللي ما يستحي رص على يدي: عندي كلام مهم وما بآخذ من وقتج وايد
خوله: عمر اترك يدي مب متفيجه لك
ولا بعد يعصب اونه : اقولج مب مآخذ من وقتج وايد
بصوب امل وبصوب عمر وانا من بينهم عمر يتنازع مع امل ويسحب يدي 
وانا اتفرج على ضرابتهم 
بس هذا انا ما توقعته حتى امل يمكن ... 
دزها عمر بعدما تغصص منها ... دزها خلها اطيح على الارض
طلعت حصه ولقت امل طايحه على الأرض
اما .. أنــــــــــــــــــــــــــــــــــــــــــــــــ ـــــــــــا
عصبت وصفعته وشكله تفاجأ .. بصراحه انا بروحي متفاجأه مب لأني صفعته لا لأني ما صرت افهمه هذا عمر الحقيقي ولاشبيه
واللي كنت اعرفه منو كان عيل؟
تقربت حصه من امل وساعدتها توقف
وانا اليوم طلعت اللي قلبي: بصراحه ما ادري كيف حبيتك .. الله يعلن اليوم اللي سلمت فيه قلبي لك
انت واحد اناني ولا بدرجه عاليه بعد ... اذا هذي معاملتك لحرمتك فبشكر ربي الف مره اني ما صرت زوجتك
يحاول يهديني : خوله سمعيني 
حصه : انتوا صج ما تستحون 
تجاهلتها وكملت كلامي: اعرف عن شو بتكلمني .. لا توافقين على بدر 
وليش ما اوافق ها؟ قولي على الاقل بدر اشرف عنك وصادق بكل شيء مب مثلك 
بكبرك جذااااب وما عندك احساس
وبتحدي واصرار قلت له: انا خوله وجدام الكل اقول اني موافقه على بدر واللي بتسوي سوى 
حسيت براحه يوم سمعته هالكلام لكني ما انكر انه قلبي كان يدق بقوووه
دخلت الصاله .. وكنت اسمع حشرت حصه 
شكلها كانت تنازع عمر .. تجاهلتهم وصعدت لغرفتي



طۈيت صفحهـ حب قلبـي من آليۈم .. قررت نسيـآن آلآمــــل ۈ آلآمآنــــــي

دآم آلرجـآء بـڪ مآلنـآ فيـه مقسـۈم .. قفلـت بآبـهـ دۈن ۈآفــــي حنآنــــــي

رح خـل مـن غـرڪ يقآسمـڪ لهمـۈم .. قلبـڪ آنآ غيـرڪ حبيب دعآنـــــي

دفـنـت آنـآ ذڪـرآڪ مـآنـي بمـليـۈم .. دربـڪ تخيـرتـه ڪفـى مآشقـآنــي

يـآ مـدۈر آلـحـرمـآن تـلـقـآهـ مـعـلـۈم .. لآ بـد مـآيـطــآڪ غـــدر آلزمـآنـــــي

تـرجـع تـدۈر جـۈنـآ لـۈ بـه غـيـۈم .. تـقـۈل ۈيـن آللـــي بۈصلــــهـ هنآنـــــي

آجـآۈبـڪ ۈآقـۈل مـآنـي بملزۈم .. آتبع هـۈى مـن صـد عـنـي ۈ نـسـآنـــي

خلآص مآ بهـ بيننآ ۈصل ۈ سلۈم .. هذي آلنهآيـهـ آبعـدهـ لآ آنـت هــآنــي

--------------------------------
الفصل الثامن عشر

الحمدلله اني رجعت بوقت قبل سيف ولا رحنا فيها .. وبطيح من عينه
وقفت ورحت صوب الشرفه اطالع اذا الاكشن خلص ولا بعده
عمر مب موجود .. شكلهم روحوا .. رجعت اقعد وفيني فضول شوي 
شو يايبنهم ...
الا وفجأه يدش علي زياد 
عمو عمو 
خوله: ها وش فيك
زياد: خالوا امل تصيح 
خوله : هي هنا 
زياد: هيه وامي تسكتها بس هيه مب راضيه تسكت
خوله : ومنو معاهم بعد؟
زياد: بس امي و خالوا امل وزايد بو الحريم يالس يطالعهم
ضربته على خفيف: بو حريم شو ها بعد
زياد:كله يقعد مع الحريم
خوله: عيب وياء هالراس
زياد: انتي ام راااس ...
ركض قبل لا اقدر اسويه فيه شيء
واوه تعالوا نسيت أسأله .. ليش قوم عمر هنا
المهم بعرف بعدين .. قمت ورحت الحمام عسب اتوضأ واصلي
ما ظهرت من غرفتي ابدا لين ما سمعت صوت سيف ..
داش غرفتي : خوله
خوله:هلا 
سيف: انتي واعيه عيل
خوله: رجعت من الكليه بوقت وقلت اتغدى معاكم
قعدت بجبني: شو سالفتها امل حصه تقول انها تضاربت مع عمر
خوله: بس هذا اللي قالت لك
سيف: هيه 
خوله: انا بعد ما ادري يوم دخلت لقيتها تصيح ومثل ما خبرتك خبرتني
شكلها بتم هنا
سيف: شكلها 
خوله: وليش ما تروح بيت اهلها
سيف:تظل بنت عمـج .. ما علينا قومي نتغدى
خوله: ان شاءالله
طلع سيف جان اقلده : تظل بنت عمج .. 
طلعت من غرفتي وشفت سيف وحصه وعيالهم قاعدين
سيف: تريا عمتك
زياد: يبه يوعااان
خوله : خله يآكل بعد جبدي هذا
طالعتني حصه بنظرات .. ورديت عليها بنظرات
قعدت مكاني اوني عاد احاتي امل بس صج كسرت خاطري 
خوله: الا امل وين
حصه: بعد جبدي خذت حيلي ما رضت تآكل
في خاطري اقلدها خذت حيلي هههههه شوفيني صايره ياهل
تكمل كلامها: عزمتها تقعد معاي الصبح بعدما رحت لداومك 
وع ظهر اتصلت في ريلها عسب ياخذها لبيتهم 
وبعده سمعت صراخ وحشره في الحوي
ظهرت شفت امل طايحه
زياد: يعني عمي عمر كفخ خالوا امل
سيف طالعه: كل وانت ساكت .. 
صد صوب حرمته: بس خلاص لا تكملين 

قعدت على الشبريه .. وافكر في حياتي وبجديه ..
اللي مر .. مر وانتهى بعتبرها صفحه وانطوت 
صج يوم قال الخالق: عسى تكرهوا شيئا وهو خيرا لكم
كرهت بعادي وفراقي عن عمر .. وانا جاهله بمصيري كيف بكون اذا كنت عايشه معاه .. عمر انسان مب طبيعي كل شيء ابى و ابى 
لازم هو المنتصر في نهايه مب مهم عنده منو يتأذى منو يتألم بسببه
وانا بعد ما عاد يهمنـــي مستر عمر 
دخل علي سيف ..
وقبل لا يقول شيء نطقت : سيف انا موافقه على بدر
سيف تم واقف لفتره وفجأه تقرب وباسني على خد
سيف: توج اختي
ضحكت: لا والله
سيف:هههههه

--------------------------------
مب مصدقه اني وافقت على بدر .. صج والله احاول استوعب كانت لحظه حماس ولا لحظة قهر ولا جيه بس تخبلت وقلت هيه 

دخلت علي حصه : ها عيل يقولون وافقتي
ما رديت عليهــــا
حصه: ليش ساكته ولا بعد مب عاجبنج بدر
خذيت المجله وقعدت اقراه احب اقهــرهــــا
وقفت جدامي :اكلمج ولا تخلين عمرج ما تسمعين
بعد طـآآآآف
حصه : تعرفين كلمة مني لأخوج وتروحين فيها انتي وهالغرور اللي فيج
طالعتها :أنتي بس حاولي تتـكلمين
ورجعت اقرأ المجله 
يلست بجنبي: افرضي افرضي عمر تنطق بشيء
ازعجني هالشيء بس ما حبيت ابين لها 
نزلت المجله : شو مشكلتج في الحياه انتي .. ؟ تعانين من شيء ولا شووو
حصه: شو فيج ليش تقولين عني جيه
خوله: شوفي عمرج فيج فضووول مب طبيعي
حصه: كلامي صحيح بعد شو عمر واحد نذل اتوقع منه يسوي أي شيء
بغيت اغير االموضوع: الا امل وينها 
حصه: قبل شوي ام عمر يت وخذتها
خوله: لو بدالها جان افتكيت من عمر من زمان
طالعتني بنظرات : عسب تاخذينه انتي
خوله : اقول اكرميني بسكوتج وظهري برع

بعدما طلعت من غرفتي قعدت افكر بكلامها اتوقع من عمر أي شيء ... اذا وصله اني موافقه اكيد ما بسكت
الله يعين بس

وبصوب الثاني امل بعدما رجعت ... ما رضت تروح البيت 
حتى بعدما حنت عليها عمتها ما رضت .. فتمت بيت امها
لكن هالشي ضايق موزه وايد فدشت على ولدها اللي قاعد يطالع تلفزيون مب هامنه شيء الا خوله
موزه: لا والله قاعد مستريح البال ومخلي حرمتك تعاني هناك
عمر مب مهتم : هذي دلوعه ما عليج منها
موزه : عمر افتح عينك وشوف امل هي حرمتك خوله انساها 
تصفق بيدها: انساهــــــا ... ما تفهم البنت وافقت على الريال
بالبدايه مب مهتم لكلام امه بس يوم سمع انه خوله وافقت على بدر .. شدت انتباه
عمر : شو خوله وافقت
موزه: هذا اللي سمعته بس
عمر: يمه اسألج خوله وافقت على بدر
موزه :هيه وافقت والحين روح عند حرمتك وطيب من خاطرها
وقف : لا مب ع كيفها توافق
خذ سويج سيارته وطلع
موزه تتبعه: وين رايح .. عمر وين
عمر كمل دربه ومجاهل صوت امه

امل صاكه على عمرها الباب ... وقعدت تصيح 
سمعت صوت هنادي تقولها افتحي الباب ... 
مسحت دموعها وقامت تفتح الباب ... رسمت على شفاتها بسمه
هنادي يوم شافتها حضنتها:أختااااه انتي هنا
هنادي : خبرتني امي انج بتمين عندنا 
امل: هيه
دخلت هنادي:زين لأني وايد امل لحالي اخوج وحرمته مشغولين مع بعض 
أمل: هيه صح ما شفتهم يوم وصلت
هنادي :راح يودي ست الحسن والجمال العياده تقول انه بطنها يعورها
أمل:وحليلها
مسكتها هنادي وخلتها تقعد :خلينا منها انتي اخبارج وكيف حياتج اكيد دووم طلعات ومشترى من قدج عايشه حياتج
امل تسمع اختها تتكلم وتتكلم وتتكلم وتضيق نفسيتها اكثر كل ما تذكر حياتها كيف مع عمر ... فبدون ما تحس طاحت على اختها وتمت تصيح
هنادي بحيره: امل شو فيج

عمر حارق تلفون خوله وخوله مب راضيه ترد عليه 
وبصوب ثاني بدر يوم وصله الخبر .. تخبل واستانس من خااااطر
وبصوب الثالث بعد هنادي يوم عرفت مشكـلة امل .. تفاجأت 
هنادي: انتي من صدقج؟
امل تصيح وتهز راسها بهيه
هنادي: يعني ريلج في حياته وحده ثانيه وليش ما حاولتي تكسبينه
امل: حاولت والله اني حاولت بس ماشيء فايده
هنادي: ليش تزوجت اساسا دام يحب وحده ثانيه
(لو تلاحظون امل ما خبرتها بكل تفاصيل يعني حذفت شو سبب زواجهم ومنو هاي اللي يحبها عمر )
هنادي: تعرفين شو خذي التلفون واتصلي فيه
امل: شو اقوله
هنادي: قولي له انج حامل
امل: انتي خبله
هنادي: لا بس قولي له انج حامل 
امل: بس انا مب حامل
هنادي: انتي ما تقولين هالبنت وافقت واحتمال قريب تتزوج وبعد يراكض وراها
لأنه هو شايف امل يمكن ترجع له 
قصي عليه وقولي له انج حامل لين ما تزوج البنت
امل: مب مرتاحه واذا تأخر موعد زواجها
هنادي: عاد انتي وحظج
امل: مب مقتنعه بالفكره لا لا ما اقدر
هنادي: عيل خلي يضيع منج لازم تجازفين يا روحي
امل: لا لا انسي اني قلت لج شيء


بعدما تعبت من اتصالاته ردت عليه
خوله: نعم شو عندك ؟ ما خلصنا من هالموضوع
عمر: صج هالكلام انج وافقتي على بدر
خوله: هيه 
عمر يحاول يهدي عمره: خوله انتي بس تبين تحرقين لي اعصابي وتغايضيني بس انتي قاعده ادمرين حياتج
خوله: ومنو قال اني وافقت بس عشان اغايضك .. اسمح لي اصلح لك المعلومه 
بدر هو الشخص المناسب لي .. 
عمر: ع جثتي فاهمه
خوله: انت تخبلت .. ؟ تهددني
عمر: خوله شوفي انا آسف والله آسف على كل شيء سامحيني عطيني فرصه واعوض لج على كل شيء
ما قدرت ترد عليه .. 
لأنه بدريه دشت عليها تصرخ :خوووولوا 
وهي صكرت على ويه الخط من دون ما تقوله شيء
عصب وفره التلفون

بدريه : خووووولوا
خوله : بسم الله شوفيج
بدريه راحت عندها وحضنتها 
خوله:بدريه شو فيج
بدريه ما سمعتها ... فبعدتها خوله بحنيه :شو فيج بدريه
بدريه: اشكرج
خوله: على شو
بدريه:لأنج وافقتي على اخوووي .. 
خوله في خاطرها اشياء واشياء بس جدام بدريه كانت تمثل انها عاديه 
فابتسمت 
بدريه : ما تدرين اخوي اش قد مستانس مب مصدق تعالي
خوله: وين
بدريه : تعالي بس
سحبت خوله لبرع الغرفه :شوفي
اشرت على بدر اللي كان باين عليه الوناسه
خوله تتطالع بدر بتأمل وفي خاطرها لها درجه مستانس ... ابتسمت مجرد انه هو ابتسم
ومب قادره تستكشف المشاعر المتلخبطه في قلبها

رجعت لغرفتها ويلست تسمع كلام بدريه 
وتحت بدر يخطط مع سيف 


قعد يلف ويلف في شوارع لين ما حس بتعب ..
وهنا تذكر أمل ...
فكر يرجع البيت ويخفف من همومه وثقل اللي يحسه فيه .. 
بكنه يوم تذكر انه امل مب موجوده في البيت .. زاد من همه وقرر يروح ياخذها
وبالفعل امل استانست يوم عرفت عمر ياي ياخذها لكنها مثل وصتها اختها تتغلى عليه وما تبين له شيء
فتموا ساكتين في سياره .. لين ما وصلوا البيت
نزل هو ونزلت .. .وبعده ما بينهم كلاااام
موزه يوم شافت امل رجعت البيت ارتاحت ..
تنهد عمر وقعد على الكنبه : يوعااان
موزه: من عيوووني
امل كانت بتقوم بس موزه منعتها: لا خلج معاااه
الاثنين ساكتين ..
استانست يوم سمعت ينادي بأسمها
عمر: امل 
رفعت راسها تتطالعه
عمر: انا قررت اتزوج خوله 
امل كأنها اول مره تسمع هالكلام
عمر: عندي احساس خوله بتسامحني اذا خطبتها من سيف
اباج تتقبلين الواقع ... انا مب ندمان اني تزوجج بس بكون ندمان اذا ضيعت خوله
امل صما وبكمــا
نزل تحت : امل والله احبها .. احس اني بموووت 
اذا ضاعت مني
قامت امل من دون ما تتكلم اوترد عليه لو بالحركات
مشت صوب غرفتها... وتبعهـــــــــــــــــــــا
دخل عليها : سمعتي شو كنت اقولج
امل: عمر انا 
عمر: انتي شو
امل: انـــــــــــــــــــــا
عمر : اعرف اني ضايقتج وايد وايد .. بس والله مب بيدي قلبي وعقلي كله يفكرون فيها
امل ما تحملت اكثر فقالتها : عمر انا حامل
عمر : هــــــا؟
شـــــــــــــــــــــــــــــــــو
امل تتطالعه ودموعها في عيونها: انا حـ ــامل؟
راح صوبها : متأكده
بــــخوف : هيه
يوم شافت عمر كيف ساكت ومتوتر على الآخر .. فكرت تعترف له
امل : عمر أنـــا
وقف : هيه اعرف اعرف انتي حامل
تم يمشي يمين ويسار ويضرب يده
دخلت عليه موزه : العشاء جاهز
وعمر صما بكما .. 
موزه: شو فيك عمر
عمر : ........
موزه تحط يدها على كتفه : عمر
عمر قام وطلع من عندهم
موزه : عمر عمر .. شوفيكـ
تصد صوب امل: وش فيه عمر
أمل طاحت دمعه من عينها .. وموزه ترفع يدها : حسبي الله ونعم الوكيل 
يا رب تاخذني وتفكني من هالعيشه 

الفصل التاسع عشر

قعدت على البحر .. كنت ادور على مكان ما يكون في احد ...
مكان اكون فيه لحالي والحمدلله اني لقيت هالمكان 
شو بغيت ؟
وشو صار؟
تمنيتها تكون لي وبتصير لغيري .. 
فقدتها بنفسي بنفسي بنفسي
يــااااااااااااااااء
ابغيها والله ابيغها .. احبج خوله والله اني احبج 
ليش زعلتج ؟ ليش جرحتج ليش ليش


آآآآه 
يالله التراب كيف بااااارد .. أتمنى قلبي يحس بها البروده مثل هالترااااب
خلاص وللأبد مستحيل توافق علي .. خاصة بعد ما حملت امل
ضااااع مني كل شيء ..كل شيء

طاح ع تراب وترك خده يلمس التراب .. وسمح لأصابعه تكتب اسم خوله وحرفهـــا
عمر في حالة اكتئاااب ومن طاح والراحه اللي حاس فيه ما يبغي يقووم

وبصوب ثاني كأنها حست فيه ... من جيه كانت تتقلب ومب قادره تنام
قامت بضيج : اف وش فيني اتذكره .. حشى 
تضرب مخها: يالله اطلع
كانت حاسه انه فيه شيء .. بنفس الوقت تقول ما يصير جيه انا بتزوج الحين
عمر خلاص ماتت مشاعري صوبه 
اف والله انه وسوآآس في قلبي يقول انه صار له شيء 
بتخبل يا ناس
رجعت تنام ولقت المحاوله باءت بالفشل
خذت تلفونها وتضغط على رقمه .. وبلحظه تمسحه 
تكتب وتمسحه ومره ترجع فونها لمكانهـــا
خوله : اتصلي واطمني عليه بس .. هيه صح هذا وقته كل منا يترك الثاني يعيش حياته
خذت نفس واتصلت فيه


وبصوب الثاني دموعه على تراب ... 



ابحكليك عن احوالي .. وابيك تشوف لي صرفه
خيالك دايم في بالي .. واحس بشيء ما اعرفه


رن تلفونه .. فتح عيونه ع رنه اللي صار له مده ما سمعها
خذ تلفونه بلهفه
رد عليها :خوله
خوله سااكته
عمر : خوله انتي خوله صح؟
خوله يوم سمعت صوته حسته مب طبيعي الريال
خوله: عمر شو فيك
عمر صوته متخلل بدموعه: خوله احبج انا آسف والله آسف على كل شيء
ما تعرفين كيف ندمان من خااااطر والله من خاطر
قاطعته: عمر انت تصيح؟
عمر :................
خوله بشفقه :عمر ليش تسوي بعمرك جيه
عمر : مب قادر اتحمل فكره بعادج
خوله: افتح عينك عمر اللي بينا انتهى خلاص .. في ذمتك حرمه وانا بعد بصير بذمة ريال
بـحسره : ليش يا خوله ليش صار لنا كل ها
ليش افترقنا ؟
تنهدت خوله لأنها تذكرت السبب فراقهم 
بس فضلت تفهمه بدال ما تلومه 
خوله: عمر علاقتنا بالبدايه غلط ..طلبتك عمر 
عمر: يفداج كل ما عندي خوله
انتي آمري بس وقولي اللي بـــخاطرج
قاطعته : بس ابغيك تسمعني
سكــــــــت ... وفهمت خوله انها مستعد يسمعها
خوله: انت تجربه حلوه ومره في حياتي بس تجربه مستحيل انساها
صحيح اني حبيتك بس تصدق الحين فهمت اني ماعرفت اساسا معنى الحب
عمر اهتم باللي عندك ..
الحين انت منصدم ومب متقبل فكرة فراقي لكن بعدين بتعرف انه امل هي الوحيده اللي تناسبك ولا كانت ما بتكون من نصيبك وتحملتك هالقد ..

عمر محمد ارجع عمر اللي كنا نعرفه مب عمر الاناني والعمي 
شوف انانيتك وين و صلتك مثل ما انا ضعت منك حتى امل بتضيع منك
دخيلك عشان خاطر عشرة عمر اللي بينا فكر بكلامي ولا تعطي صوره بايخه للي كان بينا
عمر .. تسمعني
عمر: هيه
خوله: شو ردك على كلامي
عمر : انساج مستحيل بس اخرب اللي كان بينا بعد ما اقدر
بصوت مخنوق: خوله الله يسعدج مع بدر
خوله: نحاول نجنب بعض قد ما نقدر ونعيش حياتنا 
عمر : تصدقين لو ما امل حامل كان ما طعتج وخطبتج من اخوج
خوله مستانسه: امل حامل؟!
عمر : هيه
خوله: مبرووووك من قدك صرت بابا
عمر يبتسم : هيه
خوله: انزين شو ناوي تسميه
عمر: بعدنا 
خوله: انزين مب لازم تكون عند حرمتك الحين وتهتم فيها
تنهــــــــــــــــــــــــــد :هيه
خوله: توعدني انك تهتم فيها
عمر: بـحاول
خوله : لا لازم اسمع خوله اوعدج اهتم في امل وما بتركها شو ما يصير
عمر: اوعدج اهتم في أمل ومب تاركنها شو ما يصير
خوله: انزين انت وين الحين
عمر: ع البحر
خوله: ارجع البيت اكيد اهلك يحاتونك
عمر: إن شاءالله
خوله: يالله عيل في حفظ الله
عمر: خوله
خوله: هلا
عمر: اهتمي في عمرج وكوني قويه مثل ما عرفتج
خوله : إن شاءالله
عمر: خوله
خوله: ها؟
عمر: ولا شيء (ابتسم): مع السلامه
خوله: مع السلامه





وهنا كانت نهايه علاقتهم للأبد ... 

ما قدرت تغمض عينها .. كيف تغمض وعمر مب موجود والاهم من كل هذا جذبت عليه وتحاول تبرر موقفها بأنه عمر كان بضيع منها 
رفعت راسها يوم انتبهت دخول عمر 
امل : عمر
لمحت على ويه راحه غريبه .. المهم انه كان مب معصب
ولامضايج بلعكس تقرب منها ومسك يدها 
عمر: اوعدج اني اهتم فيج وبولدنا
ومن بعد اليوم مب مقصر فيج ابدا
امل ما عرفت تبتسم ولا تصيح او تصرخ وتقوله انا جذابه
جذبت عليك
حتى يوم خذاها وحضنها تجمدت ما عرفت شو تسوي ..


اول ما اشرقت الشمس وراح عمر لشغله استأذنت من عمتها وركض عند اختها
دخلت البيت ولقت نوال تحط الريوق لمنصور
أمل: السلام عليكم
منصور ونوال متفاجئين منها :وعليكم السلام
نوال : توه ما نور البيت .. 
امل: النور بوجودكم والله .. الا امي وينها
منصور: نايمه .. بس انتي من صبح عسى ما شر
امل: بس جيه بغيت هنادي 
منصور: زين انج لحقتي عليها تجهز عسب تروح الكليه
امل: عيل بروح لها
منصور: بالستر قعدي معانا سولفي خلينا نعرف عن اخبارج
امل: من عيوني بس بالاول لازم اشوف هنادي
منصور: الحقي عليها عيل
راحت بسرعه عندها ومنصور ونوال يناظرون بعض
بفضول

دشت امل عليها : هنادي
هنادي فزت وطاح من يدها المستشوار
هنادي: بسم الله شو فيج
امل راحت صوبها: كله منج
هنادي: شوفيج منهده علي .. شو سويت 
امل: طلبتي مني اجذب عليه واقوله اني حامل 
هنادي: لا يكون قلتي له
امل: هيه بعد شو والحين متوهقه
هنادي متشققه: حلفي انج قلتي 
امل: ليش مستانسه انتي
هنادي: اول مره اعرف انج قويه
امل دزتها: شو قويه .. توهقت عمر صار يهتم في و وعدني انه ما بضايقني
هنادي: انزين هالمطلوب
امل: ما تفهمين كل ها بدأ بجذبه 
هنادي: شوفي خلي كل شيء يمشي مثل ما هو واذا حظج حلووو حبيبته السابقه بتزوج 
قبل لا تنكشف لعبتج وبعدها اعترفي له كل شيء
امل : ما ادري ما ادري ليش طعتج وسمعت كلامج 
ظهرت من عندها ...
منصور: وين رايحه
امل: برجع البيت اسمحوا لي
طلعت من عندهم وما اهتمت لهم 
منصور: شو فيها
نوال: ما اعرف

ركبت السياره 
السايق: وين يروح
امل: خذني البيت

لف على طريق بيتهم وفجأه تذكرت شيء من كلام اختها 
أمل : ولا اقول اصبر
السايق: وقف؟
امل: هيه
كم رقمها .. اووه ما عندي
أمل : خذني لبيت سيف
السايق: بابا سيف
أمل: هيه

--------------------------------
الفصل العشرون (الأخير)

تمت قاعده في السياره .. تتريا السايق يرجع لها بـــــخبر 
ويوم لمحته نزلت الجامه
السايق: سياره ماما خوله هنا
امل :انزين خلاص ارجه بنترياها هنا
وبعد 10 او 15 دقايق ظهرت خوله من البيت 
وتفاجأت يوم لقت امل نازله من السياره
وقفت : امل ؟!
نزلت من السياره وراحت صوبها
امل عرفت انها خوله مستغربه من وجودها
امل:اخبارج خوله
خوله: بخير .. انت اخبارج عسى ما شر 
امل: الحمدلله كل شيء بخير وبكون خير اكثر اذا ما تردين لي طلب
خوله بـحيره: طلب؟ انزين حيااااج داخل
امل: لا خلينا نكون في مكان ثاني
خوله: مم وين؟
امل: اذا ما عليج امر بروح معااااج هذا اذا ما بعطلج من محاضرتج
تتطالع ساعتها: مب مشكله شي وقت
طالعت السايق: روح انته
وراحت مع خوله 
في سياره ما عرفت كيف تبدأ بالكلام معاها 
فخوله اللي بدت : هيه صح مبروك حامل
امل باستغراب : وصلج الخبر
خوله حست بالفشله فما عرفت كيف تبررها
امل: خوله بدون لف دوران انا مب حامل
طالعتها باستغراب :؟؟؟؟؟؟!!!!!!!
رجعت تصد جداااام
خوله: ما فهمتج
امل: اضطريت اجذب عليه لأنه كان 
خوله تسمعها بإنصاااات
امل: لأنه كان ناوي يخطبج وخفت توافقين عليه 
فاضطريت اجذب عليه بس عشان يستبعد فكرة الزواج منج
مهما كان خوله انا انسانه عندي قلب وهالقلب يحب عمر ومتحمل منه كل شيء
والله اني مب قادره اتحمل وحده تشاركني عمر
خوله تذكرت نفسها .. 
امل ودموع على خدها: طلبتج تزوجي بدر باسرع ما يمكن وبعده انا بصارحه بكل شيء 
المهم تكونين بعيده عنه

خوله: طلبج تم 
طالعتها امل: صج
خوله:هيه
امل مستغربه انه خوله ما علقت وما نطقت الا بكلمتين 
خوله: اوصلج البيت
امل: اذا ما عليج امر
خوله: مب مشكله
وصلتها البيت وقبل لا تنزل امل شكرتها انها سمعت كلامها 
خوله تمت ساااكته لين ما وصلت الـــــكـــــليه


ويوم رجعت نفذت طلب امل وطلبت من اخوها يجدم موعد العرس بدون أي خطوبه او حفلة ملجه بس يملج عليها... 
وهالشي فرح بدر حاط في باله انه خوله بعد مستعيله 

وعاد بعد الملجه بدأ يكــــلمها وياخذ راحته معاها
بدر: شو تسوين الحين
ضحكت خوله : ههههه
بدر: ليش تضحكين
خوله: هذي عاشر مره تسألني شو تسوين ألحين
بدر: هههههه ما اعرف شو اقولج
خوله: قول أي شيء
بدر: انزين انتي سولفي وقولي شو يعجبج وشو ما يعجبج عسب يكون عندي خلفيه
خوله :ممم شو رايك انت تسألني وانا اجاوب
بدر: اوجي .. لونج؟
خوله: عنابي
بدر: اكلتج المفضله
خوله : اكلات هنديه امووت عليهم
بدر: اغنية ؟
خوله :م مم وايد بس اكثر اغنيه تعجبني يا دمع عيني
لمنصور زايد
بدر: ممكن تغنينها لي
خوله : ههه لا ما اقدر
بدر: يالله عاد اعرف انه صوتج حلوه
خوله: انزين انا ما قلت صوتي مب حلو
بدر: يالله هالتكبر فيج مب طبيعي
خوله:يعني انا متكبره ؟
بدر: شوي
- - - - - - - - -
هذي خوله صكرت ع ويه الخط
رجع يتصل فيها وردت عليه بعد مده طويله شوي
بدر: ليش صكرتي على ويهي
خوله : مب انا متكبره ؟ شو تباه فيني
بدر: انزين انا اموت على المتكبره واحبها 
خوله : .......
بدر: شوفيج سكتي
خوله: ها
بدر: اونها تستحي 
خوله منحرجه : لا لا مب مستحيه
بدر: هيه مستحيه
خوله : لا مب مستحيه
بدر: اعترفي
خوله تراني اعترفت
بدر: احبج .. واموت فيج واعشقج 
يا اخت سيف والله اني احبج
خوله ما تحملت : بدر عاااد بس
بدر: اول شيء اعترفي انج مستحيه
خوله : خلاص استحيت 

وهذي حالتهم وخوله صارت تتعود على حركات بدر ونفس حال مع بدر صار يتعود على مزاجها وعنادها
اذا تخاصموا يتصالحون بنفس الوقت

وحان موعد عرسهـــــم والكل متحمس ومستانس لهم
في صالون يشتغلون على شعرهـــــــــــا
راعية صالون : تعرفي احلى ما فيكي شو؟
خوله تبتسم لها: شو
راعية الصالون : كل شيء
ضحكت خوله: تسلمين عيووووني
راعية صالون : هذي اخت زوجك
خوله: هيه اسمها بدريه
راعية صالون : عن حب ولا تقليدي
خوله: تقصدين الزواج
راعية الصالون: هيه
خوله: تقليدي .. هو صديق اخوي
راعية صالون : أها الله يوفقك معاه
خوله : آمين



ع ساعه 11 دخلت خوله لقاعه .. والكل انبهر منها 
وخوله كانت في قمة الخووووف ...
وبدريه ماسكه بيدها وحصه ادااري فستانها عسب تسهل عليها المشي
بينما كانت تمشي لمحت على امل فابتسمت لها
وردت لها امل بابتسامه

وصلت الكوشه وعاد تعرفون سواااالف تصوير والحركاااااات

والله يكون في عون بدر لأنه خوله صاير جنان وتهبل 
ودليل انه بدر تم واقف بجنبها ومب عارف شو يسوي بس كان يتأمل فيها 
بدريه: بدر والله فشلتنا
بدر انتبه على عمره وانتبه على ضحكة خوله
اللي كانت تحاول تضحك من خاطر بس اونها لأنها عروس تضحك برقه


وبنفس الليلة قررت امل تصارح عمر عن كل شيء
وبعد رجعتهم من العرس امل كلمت عمر وقالت له عن الحقيقه

شي طبيعي عمر يعصب لكن الاحلى من هذا انه قدر يسيطر على عمره وتذكر وعده مع خوله وتذكر كل المواقف الشينه والإساءه اللي تحملت منه امل
فقرر يسامحهــــــا ويبدون صفحه يديده تبدا باهتمام والحب وتنهي بالاهتمام والحب

مر سنه على زواجنــــــــــا ... خلال هالسنه ما توقعت انه كل شيء بتـــــعوض
الحب اللي سبب لي جراح هو الحب اللي بشفى لي هالجرووح
مع بدر قدرت اعرف معنى الحب الحقيقي 
الحب نعمة من الله لكن الموده اللي نلقاها من بعد الزواج شيء مختلف وحلو 
لو ما حبيت وانتظرت نصيبي كنت ما مريت بتجربه فاشله
بس يالله نتعلم من اخطآآنــــــا

بدر: خوله ترى ولدج طفر فيني
اوه نسيت اقولكم انه عندي بيبي واسمه علي وتعرفون شو العجب من بين اللي تزوجوا انا اول وحده رزقت بياهل
وطبعا الحمدلله ... بس بعد لازم اخبركم انه نوال في شهرها الاخير
وامل في شهرها الثالث

خلوني ارجع لبدر : والله مب انته اللي بغيت ياهل
بدر: قلت ابغي ياهل هادي مب صياااح
خوله: حبيبي هذا تاج راسنا ترى
بدر تقرب مني:فديته وفديت امه بعد
خوله :ههههه وينه خليته
بدر: عند بدريه 
كنت بروح عندهم بس منعني
بدر: وين يا بعد روحي
خوله: عند ولدنا يا بعد روحي
بدر: ياااي من قدي آنسه خوله تتغزل فيني
خوله:هههه تراك وايد سخيف
بدر: احبج 
خوله: سخيف
بدر: اموت فيج
بدر: سخيف ههههه
يتقرب اكثر: احبج
اوني امثل اني مب مرتبكه: كم مره تعيدها
بدر: بتم اعيدها و اعيدها واعيدها تبيني اصرخ واقولها 
احبببببببببببببببببببج
خوله: بس فشلتنا
بدر: محد بسمعنا
فاجأني يوم شلني : احبج
خوله: بدر نزلني
بدر:لا
وهذي حالتي معاااه .. .هيه و لا .. مره هو هيه ومره انا لا
ومره انا لا ومره هو هيه


النهــــــايــــــــه

www.saif.waphall.com