مذكرات نورة عندما يجتمع الحب 
للكاتبه : bent_alnor

قررت اخيرا اني أكتب عني وعن خواتي..كانت الفكرة تدور في ذهني من مدة وبعد محاولات كثيرة...بديت اكتب..



القصه انقلها لكم واقع عشته انا وخواتي..قصة كل وحده فينا...غيرت الاسماء وغيرت بعض التفاصيل... 

ببدا بالتعريف عن نفسي....

اسمي نورة أدرس بجامعة الملك سعود أول جامعة قسم فنيه...وانا ترتيبي بين خواتي قبل الاخيرة.. طويله وبشرتي بيضا شعري طويل وناعم واعتبر مملوحه...(والناس اذواق).

مشاعل أكبر خواتي عمرها 24 متزوجه قبل سنتين.. قريبة مننا وهي مثل امي الله يرحمها..(توفت امي قبل 6 سنوات تقريبا).
كانت حلوة ولا هي طويله ولا قصيره..شعرها ماكان طويل..

زوجها خالد عمره30 وحيد أمه وأبوه وكلمته هي التي تتنفذ كان مغرور وشخصيته غريبه ,وكان وسيم...طويل وابيض وملامحه حاده..

بس وش الفايده!
وعلاقته مع مشاعل كانت متوترة..
مشاعل كانت تحب الارض التي يمشي عليها...اما هو فقلبه مشغول بغير مشاعل..بتعرفون التفاصيل....

سارة اختي الثانيه عمرها 23 وهي في اخر سنه بالجامعه مخطوبه...سارة شخصيتها حلوة ومرحه وهبله شوي يعني مرجوجه..

فهد خطيبها عمره 27 كان خفيف دم مرررة وحبوب والكل يحبه..واما عائلة فهد نخليها بعدين...

منار اختي الثالثه واقرب اخواتي لي...عمرها 21 في السنه الثالثة بالجامعه..شخصيتها مرحه.. مزاجيه مرة ..اناووياها دايما هواش..مع انها قريبة مني بس اختلاف التفكير بيننا نادر ما يتفق...كانت منار قصيرة وشعرها طويل وكيرلي(مجعد)

اما ريما فهي اختي الصغيرة عمرها 9سنوات توفت امي وعمرها 3 سنوات,دلوعة ابوي وعمتي الكل بالكل في البيت...وياويل الي ما ينفذ لها طلب...

اما أبوي اسمه عبدالاله او ابو مشاعل..رجال في نهايات الاربعينات... عانى الكثير بحياته وضحى عشانا كثير..وبعد وفاة امي انقلبت حياته كان رجال اجتماعي له علاقاته وله معارفه كان الشخصية المبتسمه والمتافئله بس الحين تغير كل شئ كل شئ في حياته..كان يحب امي مرة...

اما عمتي فوزيه وهي شقيقة أبوي وتسكن معنا, عوضتنا عن امي.. بس مافي بديل لمكان الام مهما كان الام هي الام...هي مطلقه وعندها ولد يسكن بامريكا...تطلقت من زوجها من سنوات(من عرفت نفسي وعمتي عندنا) مع انها تحبه وهو يحبها لكن في اسباب خلتهم يفترقون...ورجعت هي وبقى زوجها او طليقها وولده سلطان...زوجها كان رجال غني او كلمة غني قليله كان ثري وتوفي قبل فترة قصيرة..تقريبا قبل اشهر وترك ماله وحلاله لولده...(هي اخت ابوي الوحيد اما الباقين مو اشقاء لابوي وعمتي)

سلطان عمره 29 او 30 مااعرف بالظبط....وبتعرفون عنه التفاصيل...

وبتتعرفون لشخصيات كثيرة داخل


القصه..

___________________________________
(الجزء الاول)

(زواج ســـارة)





اليوم الخميس اول يوم لسارة وفهد من زواجهم...الساعه 11:00 



سارة وهي قدام المرايا تحط ميك آب وتتصلح...

سارة وشكلها مو عاجبها:المكياج ما ظبط معاي...وش اسوي؟
فهد الي كان نايم ما بعد قام من النوم..
سارة:فهد وش اسوي؟؟
فهد:............
سارة:فهد يلا قوم....
فهد:.......
سارة:فهد عااد قوم..
فهد وهو يلا يرد:لي ثلاث ايام وانا ما نمت زين بس افكر خليني الحين ارتاح..
سارة:انت ثلاثه ايام بس انا لي سنه ماانام كويس من التفكير..وامس بعد مانمت..
فهد سمع كلام سارة وقام من السرير وراح للحمام يغسل وياخذ له شاور وبعد ربع ساعه....
فهد وهو بالحمام:سارة حبيبتي اطلعي من الغرفة..
سارة:هههههههههههههه..ماراح اطلع..
فهد:سوسو حبيبي اطلعي..خمس دقايق بس..
سارة:نو نو نو..
فهد:صباحيه مباركه ياعريس...صباحيه مباركه من وين والا من وين..سوسو اطلعي
طلع فهد من الحمام وهو يحاول يمثل دور المعصب.. ولاف المنشفه على خصره:يعني ماراح تطلعين طيب انا اوريك..
سارة:ههههههههههه
فهد يقرب لسارة ويحب راسها:صباح الخير يا احلى عروس..
سارة حمر وجهها:صباح النور...نعيما..
فهد وهو يناظر سارة باعجاب: الله ينعم عليك ..يجنن شكلك..
سارة وهي تناظر فهد من المرايا:صدق؟؟
فهد:اييه صدق..
سارة:اليوم المكياج ما ظبط معاي..
فهد:لا لا بالعكس يجنن..بعدين انتي بدون ما تحطين ميك اب حلوة..
سارة:طيب يلا انا بروح البس ..
فهد:لااصبري مو الحين..
سارة:ليش؟؟
فهد:نفطر اول ونروق بعدين نروح...
سارة:طيب..
فهد:روحي الصاله..
سارة:لا..انت روح..ما بعد خلصت..
فهد وهو حاط يده على كتفها:ههههههههههههههههه سوسو روحي ..
سارة:طيب فهد وين بنروح؟؟
فهد:تلفين وتدورين وترجعين لنفس السالفه..ماعندك صبر شووي..ماابي اقولك واخرب المفأجاة..
سارة:لا والله ما تخرب..قوول انت بس..
فهد :قربي شوي..
سارة:فهد بلا استهبال ..
فهد:لااخاف احد يسمع..قربي..
قربت سارة لفهد...
فهد باسها على خدها:يلا روحي ابي البس..
سارة استسلمت لفهد:طيب..
وبعد عشر دقايق..لبس فيها فهد..
سارة:تعال انت احسن..
دخل فهد على سارة وهو لابس ثوب بس بدون شماغ..
جلس فهد جنب سارة وحط يده على كتفها:الحين الفطور بيجي..
سارة:يلا حكيني على الزواج امس..
فهد:لا انتي حكيني زواج الرجال ما فيه شي الواحد يحكي فيه..
سارة:مرة انبسطت تقريبا اغلب البنات الي عزمتهم جايين...
فهد:كويس..
سارة:كله كوم والزفه كوم ثاني..قلبي حسيته طلع من صدري من كثر ماكنت خايفه تخيل انت تمشي والناس تناظر فيك..شعور يخوف..
فهد:هههههههههه يا حلوك بس..,تصدقين عااد انا بطني عورني يوم دخلت عليكم....مع اني دايما ادخل بس ماادخل على اني المعرس..بس توبه..
سارة:وليش انشالله ناوي تدخل انت مرة ثانيه..
فهد:ههههههههههههههههه...لا اقصد بزواج بنتي ماراح ادخل..
سارة:اييه احسب..
فهد:سوسو ترا اقلاعنا 9..
سارة:مو كان 11؟؟
فهد:الا كان بس صار 9..
سارة:في احد يطق الباب صح؟
فهد ويحاول يبين انه يحكي بجديه:روحي افتحي..
سارة:انت روح افتح..
فهد:اكيد الفطور...
سحب فهد يده من كتف سارة ووقف وراح فتح الباب
ودخل الفطور...
فهد وهو يجلس:جوعااان..امس ما تعشيت زين..
سارة:بس لاتشبع عشان الغدا..
فهد:لا ماعليك..,بس انتي اشبعي اعرفك بتستحين تاكلين عندهم..
سارة:اصلا مااشتهي..
فهد:وشو بطنك انتي ما يجوع.. امس ما تعشيتي..
سارة:ايش اسوي..
فهد:افتحي فمك انتي الظاهر يبيلك احد ياكلك..
سارة وهي تغمز لفهد:اذا انت بتاكلني اكل عشانك..
فهد:هههههههههههههههه...انا الي اكلك..يلا افتحي فمك..
سارة:لا لا انا آكل..
فهد:سوسو لاتفشليني..
سارة وهي تفتح فمها:وحده بس..
فهد:والله وحده...
سارة:الحين بنروح بيت مرت ابوك الكبيرة؟
فهد:اييه الجمعه تكون عندها امي وخالتي كلهم يجون هناك واخواني وحريمهم وخواتي ورجالهم..
سارة:مشالله انتم كثار..
فهد:ههههههههههههههه عندكم يمكن ديرة نعتبر...
سارة:بس حلو...
فهد:لا مو حلو..
سارة:بس حلو الواحد تكون عنده عائله كبيرة..
فهد:مو دايما..يعني عائله كبيرة وكل واحد بحاله صح اننا نجتمع كل جمعه بس مو حلو..
سارة:فهد انا خايفه..
فهد:من جدك سوسو.؟
سارة:اييه والله..لو اني بروح عند امك وخواتك عادي....بس بروح عند عالم مشالله..
فهد:انتي خلي احتكاك بامي واخواتي والباقي ما عليك منهم بس تبسمي بوجيهم والي يسالك جاوبيه ...
سارة:تعال معاي..
فهد:هههههههههههههههه....قوي قلبك يوم ويعدي..
سارة:الله يسهل..
بعد نص ساعه خلصوا فهد وسارة فيها فطور...
فهد:شرايك متى نطلع؟؟
سارة:وحده..
فهد:الحين 12:30 يلا نصف ساعه تجهزي فيها...



سارة:طيب..




check out 
فهد:وانا بروح اسوي 



سارة:اوكي..
رن جوال سارة وكانت اختها مشاعل...
فهد:يلا يلا جوالك يرن..
سارة وهي تركض تدوره...
واخيرا لقته وردت...
الساعه وحده طلعوا فهد وسارة من الاوتيل وركبوا السيارة عشر دقايق ووصلوا بيت ابو فهد...
نزل فهد من السيارة وفتح الباب لسارة...
مسك يدها ودخلوا جو البيت..
سارة وهي تشد على يده:خايفه يافهد..
فهد:لا سوسو تراهم طيبين وحبوبين لا تخافين..
سارة:اييه عارفه..بس مدري وش اقولهم...
فهد:يلا ادخلي وانا بروح عند الرجال..
سارة والخوف باين على صوتها:لا لا لا من جدك والله ماادخل بلحالي..
فهد:هههههههههههههههههههه اجل حبيبتي خوافه لهدرجه..استهبل معاك بدخل بس بشووف وش بتقولين..
سارة:يا سخفك...
فهد فتح الباب ودخلوا هو وسارة جوا البيت...وكان باستقبالهم مضاوي وشيخه خوات فهد...
(شيخه وفهد ومضاوي اشقاء اما اخوانهم الباقين من امهات غير...ابو فهد كان رجل مزواج ومن كل وحده جاب عيال)
نرجع نكمل...
مضاوي:اهليييييييين سارة..
سارة وهي تضم مضاوي:يا حبيلك..شخبارك؟
مضاوي:الحمدالله بخير....
فهد:تعالي بس.. ابيك تنبهين لسارة وتحطينها بعيونك..ترا سوسو خوافه..

مضاوي:لا لا تخاف عليها بعيوني


..




فهد:ها حبيبتي ارتحتي الحين ..مضاوي بتنتبه لك..

سارة تناظر فهد:انا اوريك شغلك اذا طلعنا من هنا..
مضاوي:هههههههههههههههه
شيخه:اهلييييييييييييييييييييييييييين..
فهد:هلا هلا بحبيبتي...
شيخه:بسلم على سارة اول..
فهد:تحبون سارة اكثر مني طيب انا اوريكم..
.




شيخه:ياحلوكم والله اني امس بس اسمي عليكم..

فهد:سارة تحبينهم؟؟
مضاوي:ترا سارة صديقتي قبل لاتصير زوجتك..
فهد:صديقتك ولد عم ابوي حك ظهري..هي زوجتي الحين..
فهد مسك يد سارة:امشي بس ندخل نقعد نضيع وقتنا معهم..
سارة وفهد دخلوا الصاله الي جالسين فيها الحريم وسلموا عليهم وجلسوا سارة وفهد جنب بعض..
سارة كانت خايفه ومستحيه...
فهد يلتفت على سارة:يلا حبيبي انا بروح عند الرجال..
سارة لاشعوريا حطت يدها على ركبته:اجلس شوي..
فهد:كلمني تو وليد يقول تعال..
سارة:طيب خلاص روح..
فهد:يلا يصير بينا كوول وبعد شوي انا اجي...
سارة:طيب..
قام فهد وجت مضاوي جلست جنب سارة..
مضاوي بصوت واطي:هاكيف الزواج؟؟
سارة:هههههههههههههههههه مالي الا يوم مابعد عرفته عشان اقولك..بس انشالله حلو..
مضاوي:امس شكلك يجنن مشالله..صدق عروسه..وصدق عرفنا نختار..
سارة:وكيف الزواج حلو؟؟
مضاوي:مررة وناسه...
سارة:الحمدالله لاني اكره الزواج الي يكون كئيب..رقصتي؟؟
مضاوي:ماجلسنا..
سارة:يا حبيلكم..
مضاوي:والله كل البنات ماقعدوا..
سارة:يااااي اشتهيت اكون معكم..
مضاوي:هههههههههههههههههههه..كان نزلتي متنكرة وتشوفين واذا جا وقت الزفه تروحين تلبسين وتنزفين..
سارة:يالله على هالافكار الي مدري من وين تجيبنها..
مضاوي:انا بسويها انشالله..الناس ما راح يجي في بالها اني انا العروسه يحسبوني وحده اشبهها..
سارة:ههههههههههه منتي صاحيه..
شيخه وهي تجلس بينهم:شخبارك سارة؟؟
سارة:الحمدالله...
><

><
><><


دخل فهد مجلس الرجال..

فهد:السلام عليكم....
سلم فهد على ابوه وعلى الموجودين وراح جلس جنب وليد اخوه..وبدر ولد اخوه صالح..
وليد وهو يزغرت بصوت واطي:حيا الله المعرس...ويزغرت مرة ثانيه..
بدر:الف الصلاة والسلام عليك باحبيب الله محمد..
وليد:كلللللللللللللللللللللوليش..
فهد: ههههههههههههههههههههههههه ..وليد.. بدر بس ابوي قاعد يناظركم..
وليد خاف وعلى طول سكت:للحين؟
بدر:انا بلاك لست عند جدي من زمان..زغرت يا وليد انا مااعرف..
فهد:اعقلوا بس..
وليد:ها كيف الزواج؟؟
فهد:حلووو..
بدر:مررة؟؟
فهد:مرررة..
بدر:مرة مرة؟؟
فهد:انا وش قعدني عندكم..
وليد:ههههههههههههههههههه..اييه صح امس غنوا يلابنات سلموا على العروسه؟؟
فهد:ههههههههههههههههههه وشو ذي؟؟
وليد:اغنية محمد عبده..
فهد:مااعرفها..
بدر:طيب رقصتوا؟؟
فهد:رقصنااا؟؟
بدر:ههههههههههههههههههههههههه
وليد:ههههههههههههههههههههههههههههه
فهد مافهم قصد وليد:شلون يعني؟؟
وليد:يعني..
بدر يقاطعه:اسكت انا بقول..يعني رقصت انت وزوجتك؟؟
فهد ناظرهم ومارد ...
بدر:هههههههههههههههههههه ليش؟؟انا انشالله برقص مع زوجتي..
وليد:اييه صح وش فيها؟؟الى متى احنا بنصير كذا..
فهد:ههههههههههههههههههههههههه الله يثبتنا على العقل..والدين
وليد:طيب وش شعورك وانت داخل على انك المعرس..انت دايما تدخل يا اخو يا خال يا عم..
فهد:يخوف..تحس كل الحريم يناظرونك انت..
وليد:ههههههههههههههههههه..يااخي امس جتني الصيحه مااصدق انك تزوجت..
بدر:اييه والله انا وياه قاعدين بالسيارة وضايقه صدورنا..
فهد:هههههههههههههههه...
وليد:خلاص يعني مافي هبال مافي سفرات مع بعض مافي..
فهد:لا لا مافي..
ابو فهد بصوت عالي:شخبارك يا فهد؟؟
فهد:الحمدالله..بخير..انت شلونك طال عمرك؟
ابو فهد:بخير..بخير..
فهد:الحمدالله..
ابو فهد:وين زوجتك؟؟نشوفها..
فهد:الحين اناديها تسلم عليك..
وليد:بدخلها عندنا؟؟
فهد: خفيف دم مرة..
بدر:ايه صح تراني ما شفت مرت عمي...
وليد:ههههههههههههههههههههه...ترا ابوي ما يقول شي..دخلها بس واحنا بنتغطى..بس انا بتلثم..
بدر:انا مااتغطى اصلا.. بتحجب..
فهد ما رد عليهم وكان يكلم ابوه:الحين اناديها..واذا ما عليك كلافه ولا امر..بس تجي عند الباب..يعني..
ابو فهد يقاطعه:خليها هي تجي..مانيب قايم انا..
وليد وبدر كاتمين ضحكتهم وفجاة انفجروا ضحك..وكل الي بالمجلس انتبهوا لهم..
فهد:انشالله..
لف فهد على وليد:وش اسوي؟؟
وليد:ابووي بايعها..بيدخل الحرمه عند كل هالرجال المماليح..عشان تسلم عليه..ههههههههههههههههههه..
فهد:ياحمار مو وقت ضحك..وش اسوي انا الحين؟؟
بدر:طنشه بس..بينسى..
فهد:قسم بالله انكم مجناين..بعدين وش هالضحك الي ضحكتوا..استحوا شوي...
وليد:معليش..معليش بس ابوي انا مااستحمل اجلس عنده..غصبا عني..
فهد:وليد..ترا كل جمعه تجيك هوشه محترمه من اخوي صالح..استح على وجهك
وليد:والله ياناس غصبا عني..قدروني..انا ضحكتي بخشتي على طول تطلع غصبا عني..امانه الي تو قاله ما يضحك..هههههههههههههههههه اه اه يا بطني يبي يدخلها عندنا..
بدر:جدي فري..ماعنده وقت..
وفجاة وليد وبدر ضحكوا بصوت عالي وكل واحد يزيد لما يشوف الثاني...
بدر وهو يسوي نفسه فهد:الحين بخليها تجي واذا ما عليك امر بس تجي عند الباب..
وليد وهو يقلد صوت ابوه:خليها تجي منيب قايم..
بدر:يبه الباب قريب شفه هنا..بس تمشي شوي ..وتلقاه..
وليد:انت ما تفهم مانيب قايم..
بدر:يبه..يعني..طيب اشيلك؟؟
وليد:تمزح معي انت..اقولك منيب قايم.
بدر:لاتقوم انطق هنا علك ما شفتها..ما يحتاج..
فهد:والله ان ما سكتوا بيجي لكل واحد منكم كف..خلاص عاد..
بدر:خلاص خلاص وليد اعقل...
وليد:طيب...فهد وش بتسوي؟؟
بدر:انا عندي فكرة..نخلي وليد يتقمص شخصيه سارة..يلبس عبايه وكل شي..واذا جدي قال شي نقوله البنيه كذا..
فهد ناظرهم بطرف عين وقام من مكانه..
وليد:فهد لا تزعل خلاص والله بنسكت..
بدر:عمي عاد والا عشان تزوجت صرت تزعل...
فهد مشى وما رد عليهم...
بدر:والله مضخنها شوي..كلو منك..
وليد:لا والله..الحين انا الي كلو مني والا انت..
بدر:انت عمي والا انا عمك..انا اقلد عمي..
وليد:مين اكبر انا والا انت؟؟انا ما ينشره علي بس انت الشيب بدا يطلع لك..
بدر:اييه الشيب الي فيني مو عشاني كبير انا مسوي هاي لايت..بعدين ترا بيني وبينك خمس سنوات..
وليد:انا صغير وانت تمشيني على كيفك..
بدر:اسكت بس..الشره علي انا الي اجلس معاك اصلا..بروح عند فهد..
وليد:امش نروح نجلس جنبه..
بدر:المكان ما يكفي الا واحد..
وليد:نشيل ابوك ونجيبه هنا..
بدر:عشان يشيل راسك..
قام بدر قبل وليد وراح جلس جنب فهد..
وليد:انا اوريك..
*********************************



على صلاة العصر طلعوا سارة وفهد...جاييين لبيتنا...

بالسيارة..
فهد:ها كيف انبسطتي؟؟
سارة:اييه..
فهد:قلت لك ما يخوفون..
سارة:بس انهم مرة رسمين مع بعض..
فهد:اييه..
سارة:يعني خالتك الكبيرة مكشرة ورسميه ومن الحريم الي يحسبون لكل كلمه..
فهد:هذا مجتمعها الي ربت فيه...
سارة:وخالتك لمياء.. حبوبه مررة..
فهد:اييه هي الوحيده الي حليله..حتى عيالها الي هم اخواني تحف..واول واحد وليد..
سارة:وامك بعد..
فهد:لاامي شخصية قويه مافيها كلام...ومو اي احد يعجبها..
سارة:خواتك حبوبات..وحتى زوجات اخوانك وبنات اخوانك..
فهد:سوسو لاتجاملين..هم من الناس الي جامدين ورسمين..
سارة:ايييه..بس حبوبين
فهد:اما صارلي موقف مااحسد عليه..
سارة:هههههههههههه ليش؟؟
فهد:ابوي سالني عنك وقال ابي اشوفها..قلت اوكي وجيت قلت له بس تعال عند المدخل وهي تجي..قال لا ماراح اقوم خليها هي تجي..انا توهقت وش اقوله مااقدر اقوله لا..ووليد وبدر جالسين عندي تريقه وضحك ومسخرة..اليوم ابدعوا هالاثنين..
سارة:ههههههههههههههههههههههههههههههههههههههه....
فهد: عادالله يعافيه صالح ساعدني والا كان رحت وطي.. قال اذا دخلنا نتغدى وبعد ما نخلص تجي ونقول للرجال يجلسون..لان ابوي اول واحد يرجع للمجلس..
سارة:ههههههههههههههههههههههههههههههههه.


new year
فهد:اليوم بدر ووليد..


سارة:هههههههههههههههه مجناين..
فهد:بس يضحكون بس يتريقون..وليد متعودين عليه دايما كذا ولو ما في احد يضحك معاه يضحك بلحاله والا يروح عند البزران..بس بدر اليوم مو طبيعي يعني بدر مررة مود مرة مصعب ومرة رايق..

سارة:ههههههههههههههههههههه..
بعد سكوت قصير..
سارة:بتنزل؟؟
فهد:لا..
سارة:ليش؟؟
فهد:انا قلت اذا جيت امرك..
سارة: اها..ايه صح ترا ابوي بيودينا المطار..
فهد:لا سارة لاتعبينه..
سارة:لا بس ابوي هذا شي اساسي عنده لو انشالله الفجر بيودينا...لاوبعد يستقبلنا..
فهد:الي يشوفه..
سارة:طيب وين بتروح؟
فهد:بروح البيت ...
وصلوا لبيت ابو سارة..
سارة:متى تجيني؟؟
فهد:خمس ونص..
سارة:اوكي...يلاباي حبيبي..
فهد:مع السلامه..تيك كير..
سارة:يو تو..
دخلت سارة البيت وكنا كلنا باستقبالها...


عمتي كانت تزغرت وانا كنت ازغرت معها...

مشاعل:ساااااااااااااااارة يا حمارة شكلك يجنن..
سارة ضمت مشاعل
منار:مشاعل بعدي انا بخمها وحشتني...
:عروووووووووووووووووووووس تاخذين العقل...
سلمت علينا كلنا..
عبدالاله وهو يحط يده على كتف بنته ويقبها له:انشاالله مرتاحه؟؟
سارة: الحمدلله ...
عبدالاله:وين فهد؟
سارة:اذا جا يمرني بينزل...
عبدالاله:شلونه؟؟
سارة:طيب..
دخلنا جوا البيت وجلسنا بالصاله...انا ومشاعل كنا جنب سارة ومنار بكنبه بحالها وابوي وعمتي جنب بعض وريما بينهم...
فوزيه:ياحلو بنتي يا ناس..
سارة:يلا حكولي عن الزواج امس...
منار:لا الله يخليك متنا واحنا نحكي عنه اليوم..
مشاعل:والله كان الزواج يجنن...
فوزيه:مشالله كامل من مجاميعه..نظام وترتيب وتقديم وصاله ومطربه والي اهم من هذا كله العروس..قمر..
سارة استحت:ترا من قمت والناس تمدح فيني خفوا علي شوي..
عبدالاله:قليل الحكي بحقك اقل شي الواحد يسويه..
مشاعل:ياسلام انا يوم زواجي ماقلتوا هالحكي..
:الا والله قايلنه انتي الي نسيتي..
سارة:نورة امس شكلك مرة حلو غطيتي علينا كلنا..
ريما:وانا بعد كان حلو شكلي...
سارة:اييه وانتي بعد..
:تتوقعين انخطب؟؟
فوزيه:مافي زواج انسي..
عبدالاله:زوجت ثنتين بس الباقي الظاهر ماراح ازوجهم...
منار:احسن قرار بتاخذه انك ماتزوجنا...
فوزيه:لاانشالله كلهم يتزوجون.



.




:منار لازم تتحركين بشوف نصيبي...

منار:وانا ماسكه نصيبك اذا في احد يبيك بيجيك حتى لو انا ماتزوجت...
سارة:مشاعل انتي نمتي هنا صح؟؟
مشاعل:اييه..
فوزيه:يلاحكينا عن الحموله...
سارة:والله اني بس اقرا قبل لا ادخل عليهم..تعرفين مشالله كثار وغير كذا هم من الناس الي بزيادة رسمين وشايفين حالهم...يعني صعب التعامل معهم او انا ماتعودت..
مشاعل:بس حبوبين..انا اعرف بنت اخته مرة طيبه..
سارة:اييه طيبين بس انا اقصد اذا اجتمعوا مع بعض تحسين كل واحد بحاله..وكل واحد يبي يصير احسن من الثاني..
فوزيه:انتي ماعليك منهم اهم شي امه وخواته..
سارة:خواته يجنون عاد انا اعرف مضاوي قبل ايام المدرسه وحتى الجامعه...
منار:الام اهم شي..
سارة:شديده وشخصيه قويه هو من ايام الخطبه وهو يحكي لي عن امه...
عبدالاله:انا استأذن في رجال بيجي الحين...
فوزيه:هو الحين يجي..مو وقته..
عبدالاله:لا لا شوي بس..بيعطيني اوراق..
طلع ابوي ورجعنا لسواليفنا...


بوقتها رن جوال عمتي وكان سلطان ولدها..حكت معاه شوي وبعدين مدت الجوال لسارة..


فوزيه:يبي يبارك لك..
سارة استغربت:سلطان؟؟
فوزيه:ايه اييه..
مسكت سارة الجوال وطلعت برا الصاله وبعد خمس دقايق رجعت وهي تضحك..
:ليش تضحكين؟؟
سارة:ياحليله ياعمتي تصدقين اول مرة اكلمه من زمان ماكلمته.يحكي معاي انجلش...وبعدين استوعب وقام يحكي عربي..
مشاعل:اكيد بيحكي انجلش الولد من انولد وهو هناك يعني لغته العربيه بتكون ضعيفه..
فوزيه:هالولد بيجنني....
:عممتي تحبينه؟؟
منار:لاوالله وش هالسؤال؟؟
فوزيه:ومااحب الا هو..


كلنا مع بعض وبصوت واحد:وحناااااااااااااا


فوزيه:ههههههههههههههههههههه وانتم بعد ..
مشاعل:بيني وبينه خمس سنوات او سته هو الحين 29 صح؟
فوزيه:اييه تقريبا..
:مشالله رجال..
سارة:وليش مايتزوج؟؟
فوزيه:والله قلت له كم مرة...هو يعرف مصلحة نفسه واذا بغى يتزوج بيتزوج مايعوقه شي...
:طيب ليش ما يجي السعوديه؟؟
مشاعل:ترا كل ماشفتك تسالين هالسؤال وعمتي تقولك انه ما يحب السعوديه مثل ابوه..
فوزيه ضحكت:ردت عليك مشاعل...
سارة:شلونه عقب ابوه؟
فوزيه:والله يعني..ابوه راح وترك له مسوؤليه مب سهله..
:عمتي ولدك عاجبني..ترا خلاص بتزوجينيه..مالي شغل..
فوزيه:يا بخته والله لو ياخذك..
:يعني اعلن؟
سارة:وش تعلنين؟؟
:خطبتي..
فوزيه:ههههههههههههههههههههههههه..اعلني.
:على مسؤوليتك..مو اذا سالتيه قال لا..
فوزيه:على مسؤوليتي اعلني انتي بس..
:بنات ترا انخطبت من ولد عمتي سلطان..لاتقولون ما قالت لنا..
بنفس الوقت رن جوال منار وقامت من الصاله وراحت المطبخ عشان ترد..انا عرفت مين طبعا من الرنه الي حاطتها منار كانت تكلم واحد اسمه فيصل عمره 26 تقريبا لهم اربع سنين...منار تحبه بشكل احسها تبالغ وهويبادلها هالحب...فيصل كان ولد لعاب وراعي بنات وكان يشرب يعني كان انسان لايوصف ولا يطاق...لكن منار لانه حبته غيرته...الحين صار رجال ترك كل هالحركات..ويشتغل في بنك وينتظر اقرب فرصه عشان يتقدم لها)

نرجع لمنار الي رحات المطبخ تكلم..
منار:اهليين..
فيصل:هلا والله وغلا...شخبارك؟؟
منار:الحمدالله..انت شخبارك؟
فيصل:تمام...
منار:فيصل انا جالسه مع اهلي سارة عندنا واذا راحت اكلمك..
فيصل:منوري لي كم يوم كل مااكلم تصرفيني..والله اشتقت لك..
منار:اليوم بس..عشان سارة..
فيصل:طيب والله عندي حكي كثير اول ما تطلع اختك كلميني اوكي؟؟
منار:اوكي..
فيصل:باي..
منار:باي..
رجعت منار وهي مبتسمه...عطيتها نطرةولفيت كنت اكره الي تسويه..بس مالي حيله...
مشاعل:اييه صح سارة ماقالك وين بتروحون؟؟
سارة:لا....نشبت له عشان يقولي مارضا
مشاعل:ياااي مرة حلو انتي بعد ماعندك صبر..تدرين كنت اتمنى هالحركه يسويها خالد...
:اييه من جد حلوة الحركه...
رن جوال سارة وكان فهد...
سارة:هلا...
فهد:هلا حبيبي..ها كيف اهلك؟؟
سارة:طيبين..
فهد:سارة متى تبين نطلع المطار؟؟
سارة:مدري..
فهد:سبعه كويس؟؟
سارة:ايييه..
فهد:انا بكون عندك سته ونص..
سارة:اوكي,وينك الحين؟؟
فهد:بالبيت..,سوسو سته ونص بكون عندك تجهزي..اعرفك بارده..



سارة:من سته ونص برتزلك عند الباب ونشوف مين الي بارد..

فهد:هههههههههههههه..طيب يلا بباي..
سارة:باي.
فوزيه:متى بتطلعون؟؟
سارة:سبعه..
مشاعل:اقلاعكم متى؟؟
سارة:تسعه..
:تبين اكلم واسأل عن الرحله الي بتكون الساعه تسع وين رايحه؟؟
مشاعل:ياملقوفه...
:ابي اعرف وين بيروحون..بكلم بس ماراح اقولك..
سارة:انا بروح غرفتي في اشياء ما سويتها..
مشاعل:وانا معاك..
:واحنا يعني مانجي؟؟
مشاعل:يكون احسن..
طلعوا لغرفة سارة وجلسنا احنا..

مشاعل وسارة كانوا يرتبون اغراض سارة الي مارتبتها ويسولفون..

سارة:شلون خالد؟؟
مشاعل:ماادري..بس طيب..
سارة:للحين متهاوشين؟؟
مشاعل:اييه..
سارة:اححسن مشاعل هالمرة ازعلي بجد وخليه هو يجي يراضيك..
مشاعل:تخيلي امس جا الزواج عشر دقايق وطلع..ولاحتى كلمني يبارك..سارة حركاته تنرفزني..
سارة:وش دراك؟؟
مشاعل:ابوي قالي..
سارة:ابوي عرف انكم متهاوشين؟؟
مشاعل:ماقالي شي بس اتوقع انه حس..
سارة:بترجعين بيتك اليوم؟؟
مشاعل:اييه اكيد..
سارة:انتي اذا رجعتي بيني انك زعلانه منه بس مو معصبه لا ازعلي الزعل الدلع..
مشاعل:ههههههههه وشو ذا الزعل الدلع..
سارة:يعني ادلعي عليه..مو تكونين معصبه..مع انــي اشـك انه بيفتح الموضوع
مشاعل:واذا فتح الموضوع؟؟
سارة:ماراح يقول شي صدقيني انا عرفت زوجك وانتي مابعد عرفتيه..
مشاعل:تصدقين اشتقت له..
سارة:هههههههههههههههه ...الحمدالله..
مشاعل:بتاخذين هذا العطر؟؟
سارة:اييه بحطه بشنطة يدي...
مشاعل:خلاص في اشياء اذا رجعتي تاخذينها..
سارة:اييه انشالله...
مشاعل:تدرين انا كنت مخططه اول انك اذا سافرتــي اروح لبيتك بس يااختي الحين استحي


..

سارة:لا روحي وش عليك منهم..

مشاعل:لاعيب...
سارة:لاعادي..
مشاعل:لابس اخاف يقولون ليش يعني واحنا مانعرف نرتب يعني اكيد هم بيرتبون وبيسون..
سارة:اييه..اكيد..
مشاعل:سوسو بتسافرين وتخلينا..
سارة:وحده بوحده انتي دايما تسافرين وتخلينا...
مشاعل:وانتم بعد تسافرون....
سارة تقاطعها:بس مانخليك...نسافر بالوقت الي تكونين مسافرة...
مشاعل:ههههههههههههههههههه...اسحب كلمتي..
بعد وقت ماهو طويل...
رن جوال سارة..
سارة:هذا فهد...
سارة:هلا..
فهد:افتحي لي الباب انا تحت..
سارة:رن الجرس وتجي الخدامه تفتح لك..
فهد:لاانت تعالي افتحي..
سارة:طيب..
فهد:يلا بسرعه..اركضي..
سارة:طيب..
فهد:اركضي..
سارة:ههههههههههه فهد..
فهد:يلا باي...
سارة:باي..
نزلت سارة عشان تفتح الباب لفهد...وهي تمر من الصاله..
منار:وين..
سارة:فهد عند الباب بفتح له..
وانا اضحك:انا اروح افتح له..
سارة:اقعدي بس..بنات فهد بيدخل ..
:اييه انا بتحجب وبقعد..
سارة:منار ضفي اختك واطلعوا من الصاله..
منار:لا ماراح نطلع..
ساره:بلا سخافه..
فوزيه:لاتحرقين اعصابك روحي افتحي الباب خلاص هم بيقومون...
راحت سارة وفتحت الباب لفهد...
فهد:يلا ترا الساعه سبع وربع...بسلم على خالي وانتي سلمي بسرعه..ونطلع



سارة والخوف على وجهها:الحين يعني نطلع؟؟

فهد:اييه اييه يلا...سبع وربع كذا بنتاخر..
سارة:طيب..طيب..ادخل..
فهد:خواتك فيه؟؟
سارة:لا لا..
دخلوا الصاله وكان فيه ابوي وعمتي وريما طبعا...
فهد سلم عليهم وحتى ماجلس..
فهد:وين شناطك؟؟
سارة:ركبتهم السيارة...
فهد باستغراب:متى؟؟
سارة: لابسيارة ابوي..
فهد:ياخالي مايحتاج تعب نفسك..
عبدالاله:لاتحاول..انا الي بوديكم..
فهد:اجل انا بروح اركب شناطي بسيارتك..
عبدالاله:عط السواق مفتاح سيارتك وهو يركبه ارتاح انت..
فهد جلس وهو يوجه كلامه لسارة:يلا سارة ترا كذا نتاخر..
سارة خنقتها العبرة وبدت تصيح....
فوزيه:سارة تصيحين؟؟
فهد:سارة وش فيك ليش تصيحين؟؟
سارة:غصبا عني..
فهد:لاسوسو لاتضيقين صدرك روحي سلمي على خواتك وعيني من الله خير..
عمتي مسكت يد سارة وجو عندنا...
مشاعل وهي تضم سوير وتصيح هي الثانيه..
فوزيه بلهجة جديه:مشاعل...
سارة سلمت علينا...
سارة:وين عبايتي راحت..ابوي وفهد طلعوا..
مشاعل:انتي وين حطيتها؟؟
سارة:علقتها هنا..
منار:مافي شي وين طارت..
:بروح اسال فاطمه...
سارة:بسرعه..
منار:اروح اجيب وحده من عبايتك فوق..
سارة:حطيتهم بالشنطه ومشوار افتحها...
مشاعل تناظر ريما اختها:ريما وين حطيتي العبايه..؟؟
ريما:ماراح اقول..
:ههههههههههههههههههههههه ماتبتي ترا نفس الحركه سويتها بمشاعل...الا مشاعل رجعت لك العبايه؟؟
مشاعل:مو وقتك انتي..
فوزيه:ريما بسرعه وين العبايه؟؟
ريما:لاتروح سارة وتخلينا...
سارة رجعت تصيح:ريما حبيبتي ماراح اطول...
رن جوال سارة وكان فهد..
سارة:بسرعه وين عبايتي؟؟
مشاعل: بعطيك عبايتي..
سارة:بسرعه..
جابــت مشــاعـل عبــايتها وعــطتها ســارة..
ســارة لبــست العبــايه بســـرعه وطلــعت وركبــت السيــارة..
عبدالالــه:ســارة تاخرتــي يابنيــتي...
ســـارة:ريما اخــذت.......هنــا ســارة رجعـــت لصيــاح..
فــهد وهـو ملتــفت لســارة ومــد يــده وحطـها علــى ركبــتها:ســارة لاتصيــحين تــراك تقطــعين قلـبي...
عــبدالاله ابــتسم لكــلام فــهد وماقــال ولاكلــمه خـلا فـهد هـو الـي يحـكي ويـهدي سـارة..
سـارة:غصـبا عنــي...والله غصـبا عـنـي..بـس مـاتعـودت اروح واخـلي خـواتي..
فـهد:مـعليش سـوسـو هـدي نفـسك..
سـارة سكتـت..
عـبدالاله:ريمـا اخـذت عبايـتك اكـيد..
فـهد:هـهـهههههـهههـهههه تاخذهـا عشـان ماتسـافرين..ياحبـيتي..
عبدالالـه:نفـس الحـركه سوتـها مع مشـاعل..اخـذت العبـايه وخـبتها..
فـهد:طـيب رجعتـها؟؟
سـارة:لا اخـذت عبـاية مشـاعل..
عبـدالالـه:هـي مـن زمـان قايـلتلي ومخططه باخـذ عبايـة سـارة واخـبيها...
فـهد:ههههههههههههههههه الحـين هـي تـخبي العـبايه عشـان ماتروحـين كـان قلـتي لـها فـهد ماخـذني ماخـذني لـو تـخبين اغـراضي كـلها..
عبـدالاله:هههههههههههههههههههه..
سـارة استحـت مـن كـلام فـهد....
طـول الـطريـق ابوي وفهد يسـولـفون وسارةساكته...رن جوالها وكانت بنت خالتي نوال هاله...
(خالتي نوال اخت امي الوحيده والباقي اولاد...بنتها هاله بثاني جامعه وكانت مثل اختنا وقريبه لي ولمنار مرة...خالتي بعد ماجابت هاله سوت عملية واستئصلت فيها رحمها..وقبل سنه تقريبا تبنت ولد عمره 8سنوات واسمه طارق...وفي تفاصيل اكثر)
نرجع لسارة والمكالمه الي جتها من هاله...
سارة:هلا بهالة..
هالة:اهليين وسهلييين...بالعروسه..
هاله:شخبارك؟؟وكيفك بعد العرس؟
سارة:الحمدالله بخير..انتي شخبارك؟؟
هاله:الحمدالله...
سارة:شخبار خالتي؟؟
هاله:طيبه..هي جنبي تبي تكلمك..وسلميلي على فهيد..
سارة:انشالله...
نوال:هلا هلا بسارة...هلا بقلبي..
سارة:هلا والله خالتي..شخباركم؟؟
نوال:الحمدالله يا بعد عمري انتي..شخبارك وشخبار فهد؟؟
سارة:الحمدالله بخير..
نوال:انتبهي لنفسك يا سارة وانتبهي لرجلك...ومااوصيك عااد...
سارة:انشالله خالتي..
نوال:توصلون بالسلامه انشالله...وسلميلي على فهد..
سارة:انشالله..يوصل..
نوال:مع السلامه..
سارة:مع السلامه..
عبدالاله:مين؟؟
سارة:هالة وخالتي نوال..
وصلوا المطــار..
ابوي وهو ماسك يد سارة:انتبهي لنفسك..وانتبهي لفهد..ومانبي صياح..
ســارة:يـبه والله بشـتاق لـك..
عبـدالاله:وانا بعد بشتاق لك...هذي حال الدنيا...يلا سارة روحي مع زوجك لازم الحين تدخلون الصاله..
ســارة ضمت ابوي وكانــت تصيح:مع السلامه..
عبـدالاله:توصلون بالسلامه..
سـارة:الله يسلمك..
عـبدالاله:فهد سارة بعيونك..مااوصيك..
فـهد:توصيني على عيوني..
عبـدالاله ضحك على كلام فهد:يلا مع السلامه..
فـهد:مع السلامه..
مسك فهد يد سارة ودخلوا الصاله....


***********************

دخلت منار غرفتها وانسدحت على السرير مسكت جوالها واتصلت على فيصل كالعاده..

فيصل:هلا بالطيب الغالــي..
منار:هــلا وغلا..
فيصل:هلا بمنار..هلا..
منار:فيصل..
فيصل: ههههههههههههههه خلاص خلاص... راحـت سـارة؟؟
منــار وهي تتنهد:ايــه..
فيصل:ضايق صدرك؟
منار:ايه..
فيصل:يلا انتي فترة وتلحقينها..
منــار:ههههههههههه تصدق عاد ابوي اليوم يقول ماراح ازوجكم..
فيصل:ليش؟؟
منار:يقول ثنتين يكفون مااقدر على فراقكم..
فيصل:ههههههه ياحليــله ابوك..بس كان قلتي زوج ثلاثه وثنتين خلهم..
منار:هههههههههههه..
فيصل:شفتي اختي امس؟؟
منار:اييه يا حلوها اختك مشالله مررة كيوت..
فيصل:اييه حتى هي من جت وهي بس تمدح فيك...
منار:ياحبيلها..
فيصل:تقولي ماراح ازوجك الا هي..
منار:ههههههههههههههههه....
فيصل:المفروض ما تروحين..غطيتي على كل الحضور..
منار:هههههههههههههههههه..
فيصل:ليش تضحكين انا اقول شي واقع..
منار:ياعيني على الواقع...لو كل واحد بيمدح الي يحبها مااحد بيحضر الزواج...
فيصل:ههههههههههههههه....والله اشتقت لك..شخبارك بعد؟؟
منار:تخيل اختي ريما خبت عباية سارة عشان ماتروح..
فيصل:هههههههههههههههههههههههههههههههههههههه.....يا حلوها تحب سارة شكلها مرة..
منار:لا حتى يوم مشاعل كذا سوت هي متعلقه فينا كلنا بس اكثر شي سارة..
فيصل:اجل ابشتري درزن عبايات لك عشان اذا خبت وحده نطلع الثانيه..
منار:حرااااام...
فيصل:متى يجي اليوم يامنار الي اجي واخطبك فيه..
منار:يلا تعال..
فيصل:اهلك بوضع انهم يوافقون؟؟
منار:ماادري...بس والله مليت يافيصل..خلاص ابي نتزوج ابي كل الناس تعرف اننا نحب بعض مو هالعلاقه الي يمكن تنقطع لو احد عرف عنها..
فيصل:وانا اكثر منك يامنار..وانا قلت لك قبل وقلتي مو وقته عشان اختك سارة..والحين..
منار تقاطعه:الحين مافي شي تعال اليوم قبل بكرة...تعرف فيصل صار لنا ثلاث سنوات مع بعض او اكثر بعد...
فيصل:ثلاث سنوات وبنتم الرابعه بعد شهرين..
منار:هههههههههههههههههههههه...
فيصل:منور عندي لك خبر بيعجبك..


.

منار:وشو؟؟

فيصل:كم تعطيني؟؟
منار:فييصل بسرعه قولي..
فيصل:اول كم؟؟
منار:الي تبي..
فيصل:ابيك انتي..
منار:هههههههههههههه يلا عااد قول..
فيصل:رحت عند دكتور اليوم عشان التدخين..
منار:فييييييييييييييييييييييصل احبك..مرة كويس..
فيصل:ههههههههههههههههههههه...الله يسهل انشالله واتركه خلاص تعبت منه..
منار:صدقني بتقدر.تركـــت الشرب وهو اكبر منه بتقدر..
فيصل:التدخين تركه مو مثل الي يترك الشرب...ادعيلي يا منار..
منار:والله اني ادعي...
فيصل:ياحبيلك..تعرفين ماقلت لاحد الاانتي قلت لازم هالشي اول شي منار تعرفه..
منار: بس لازم تشد على نفسك قد ماتقدر ..تدري علي اختبار السبت وماذاكرته...
فيصل:بكرة عندك لسا في وقت..
منار:اييه صح بس حتى المادة صعبه..
فيصل:هههههههههههههههههههههههههههههههههههههههه
منار:لــيش تضحك؟؟
فيصل:على اختك ريما...ياحبيلها..
منار:ههههههههههههه فجاة...
فيصل:ماادري تذكرت السالفه وضحكت...
منار:قاعده تصيح الحين..
فيصل:مسكينه..
منار:عمتي قاعده تسكت فيها وتقولها قصتها هي وسلطان..
فيصل:ياحليلها عمتك والله اني احبها...
منار:شلون الشغل؟؟
فيصل:والله اني تعبااان يامنور...ظغط بالشغل مررة..
منار:الله يعينك وسع صدرك بس...
بوقتها دخلت الغرفه...
منار:وش تبين؟؟
:ابي اجلس معاك مشاعل رجعت بيتها وطفشانه..
منار:ماتشوفيني قاعده اكلم..
:مين؟؟
فيـصل:سلميـلي عـليها...
منار:فيصل يسلم عليك..


حطيت يدي على رقبتي وكان قصدي اني ودي اخنقه...وبصـوت واطي:الله لا يسلمه...
انا الوحيــدة من خواتـي كنـت أعرف عن فـيصل..
طلعت من الغرفه ونزلت تحت عند اختي ريما....وشفتهاتصيح...

:ريما ليش تصيحين؟؟

ريما بصوت متقطع:يعني.....ماتدرين..ليش؟؟
:سارة راحت مع زوجها وكل وحده اذا كبرت لازم تتزوج..حتى انتي وحتى انا بتزوج...بعدين المفروض تفرحين مو تصيحين..
ريما:لا..بصيح..وبعدين انا ماراح اتزوج ابغى اجلس عند ابوي...
:طيب لاتصيحين الحين لو جا بابا شافك تصيحين بيصيح هو بعد..
ريما:انا احب سوسو اكثر وحده..
من طرف خشمي:وانا؟؟
ريما:مااحبك...
:احسن..لاتحبيني..
ريما:ومشاعل بعد احبها..وعمتو..
:اووص بلا ازعاج واذا بتصيحين اطلعي لغرفتك..
ريما زادت صياح ماسكتت...
دخلت عمتي الصاله...
فوزيه:لا لا لا ليش قلبي يصيح؟؟
ريما:عمتووو..نورة تهاوشني..
فوزيه:نورة..
:تنرفزني حركاتها الي يشوفها يقول عمرها اربع سنوات..تراك عجوز عمرك 9سنوات..استحي على وجهك..
فوزيه بجديه:نورة..
:عمتي قولي لها تسكت..
عمتي مسكت ريما وجلستها..
فوزيه:تصيحين عشان سارة راحت؟؟
ريما:اييه..انا احبها..
فوزيه:بس هي بترجع..بتروح شهر بس..
ريما:...........................
فوزيه:انا ولدي راح عني وله يمكن خمسه وعشرين سنه وهو مو عندي...سارة بس بتروح شهر وبترجع..
ريما:طيب ليش ما يرجع؟؟
فوزيه:يبي يجي بس مايقدر..
ريما:ليش؟؟
فوزيه:يقول انا ماتعودت على السعوديه...
ريما:يعني هو يحب امريكا؟؟
فوزيه:اييه يحبها..
ريما:بس امه هنا..
فوزيه:وابوه هناك..
ريما:بس ابوه مات..
:ليش؟؟ليش؟؟ليش؟؟ازعجتيني..عمتي انتي تحاكين هالبزر ترا كل يوم تقصين عليها قصتكم ومابعد حفظتها...
فوزيه سفهت نورة وماردت عليها:شغله هناك..
ريما:بس...انتي بس تشوفينه بالاجازات ما تشتاقين له؟؟
فوزيه:الا اشتاق له..بس وش اسوي..
ريما:ابي اكلمه..
فوزيه: قبل امس كلمتيه...
ريما:ودي مرة اشوفه بالصدق..
:ههههههههههههههههههههههههههههه..وشو بالصدق؟؟؟هههههههههههههههههه
فوزيه:انشالله بالاجازة نروح له..
ريما:تعرفين سلطان مررة حلو مثلك..
فوزيه:ههههههههههههههههههههههه..
بوقتها دخل ابوي..واخيرا جا..
عبدالاله:السلام عليكم...
كلنا:وعليكم السلام...
فوزيه:راحوا الله يحفظهم..
عبدالاله:اييه..
فوزيه:وشفيك؟؟
عبدالاله:ضايق صدري...تعرفين..الواحد ما يدري وش مخبيه هالدنيا والزواج ماهو سهل..
فوزيه:ادعي لبناتك وكثر لهم الدعاء وربي يسهل انشالله...
عبدالاله:اما فهد تحفه...
فوزيه:هههههههههههههههههه..ليش؟؟
عبدالاله:الولد حبوب واجتماعي وسواليفه ماتنمل..وجرئ يكلم سارة ويقولها حكي ولا معبرني...
فوزيه:هههههههههههههههههههه...ياحليله الله يوفقهم..
عبدالاله:عكس خالد شتان بينهم..خالد ماتسمعين حسه.. ورسمي ووينه عند نفسه..ياحلو التواضع..
فوزيه:لا يا عبد الاله لاتفرق بين رجال بناتك ولاتقول قدام مشاعل كذا..
عبدالاله:لا لا تخافين منب قايل اصلا هي عارفه زوجها بدون مااحكي فيه..
:قالت لك سارة وش سوت ريما؟؟
عبدالاله:ههههههههههههههههههههههههه اخخخخخ بس من ريما ودلعها..تبي كل الناس يجلسون عندها..
ريما:كلو من مشاعل عطتها عبايه..
عبدالاله:فهد يقول قولوا لريما انا ماخذ سارة ماخذها لو تخبين كل اغراضها..
انا وعمتي:هههههههههههههههههههههههه
:صدق قال كذا؟؟
عبدالاله:اييه..
فوزيه:الا وين منار؟؟
:بغرفتها تذاكر السبت عليها اختبار...
فوزيه:وانتي كملتي عملك؟؟
:لا لسا عندي وقت...,عمتي بوريك رسمه رسمتها مررررة حلووة...
فوزيه:يلا روحي جيبيها...
:دقايق بس...
عبد الاله:فوزيه قوليلهم يحطون العشا..
فوزيه:انشالله..
ريما:عمتو متى اكلم سلطان؟؟
فوزيه:الحين يمكن نايم والا بشغله بكرة انشالله نكلمه..
ريما:طيب...
بعد فترة قصيرة رجعت ومعاي لوحتي..الرسمه كانت مرة عاجبتني وتعبت عليها...
قربت لعمتي ومديت لها اللوحه:عمتي وش رايك؟؟
فوزيه:مشالله مشالله..بنتي رسامه...
:مررة حلووة صح؟؟ 
منار وهي تدخل الصاله:اييش الوثوق هذا..
:والله تجنن..تعالي شوفيها..
عبدالاله وهو يمسح يده بعد ما غسلها عشان ياكل:اشوف؟


وقفت ورحت لابوي:وش رايك؟
عبدالاله بعد سكوت:مشالله..فنانه..

ابتسمت....
منار:الله لنــا..
:كل واحد ومواهبه..

************************

دخلت مشاعل بيتها الي كان هادئ وانواره مسكرة مافي الانور خفيف هو الي كان مفتوح..

مشاعـل استـغربت كـانت مــتوقعه ترجـع وتلقــا خــالد فيــه..راحـت غرفتها وبدلــت ملابسها وطلعت من بيتها وراحت لقراج السيارات عشان تشوف اذا سيارته فيه


ومثـل ما توقـعت سيارته فيــه معناته في بيت اهلهه (هاذي عادته وانا قلت لكم قبل شخصيته غريبه شوي)..رجعت مشاعل لبيتها وفتحت التلفزيون تقلب من قناة لقناة تقريبا الى الساعه 12 وخالد ما بعد رجع..طلعت مشاعل

من بيتها وراحت جلست بالحوش الي كان نفسه حوش بيت اهل خالد..كانوا يسكنون بنفس البيت لكنهم منفصلين عن بعض بس الي يجمعهم المدخل...يعني بيت خالد جوا بيت ابوه...

مشاعل كانت جالسه على عتبة مدخل بيتها...بنفس الوقت دخل ابو خالد البيت وانتبه لمشاعل الي كانت جالسه..
ابو خالد قرب لها..وقفت مشاعل عشان تسلم عليه..
مشاعل:هلا والله عمي..
ابو خالد:هلا هلا ببنيتي..مبروك ماسويتوا..
مشاعل:الله يبارك فيك..
ابو خالد:شلون العرسان الحين؟؟
مشاعل:الحمدالله طيبين..
ابو خالد:الحمدالله,الا وش مقعدك هنا؟؟
مشاعل:اغير جو شوي..
ابو خالد:وين خالد سيارته موجوده..
مشاعل:عندكم بالبيت..
ابو خالد ابتسم يخفف على مشاعل وماعرف وش يقول والا وش يرقع لحركات ولده:يلا تصبحين على خير..
مشاعل:وانت من اهله...



><

> <
> <
> <
> <
> <
> <
> <
> <
><



بالصاله خالد منسدح على الكنبه يشرب قهوة ويتفرج على التلفزيون وامه دخلت تنام..دخل ابو خالد وباين على ملامحه انه معصب..بس ماكان يقدر يقوله شي لانه مو منه حقه يعلمه وش يسوي والا وش مايسوي..

ابو خالد:خالد..
خالد:هلا يبه..
خالد:وش تسوي؟؟
خالد:جالس..
ابو خالد:زوجتك بالبيت وانت هنا..
خالد والوضع كان عنده عادي:رجعت!
ابو خالدماردعلى سؤال خالد:الله يهديك بس..
خالد:تصبح على خير..
ابو خالد:وانت من اهله..
نزل خالد من الدرج بسرعه وطلع من بيت اهله...وشاف مشاعل جالسه عندمدخل بيتهم..وقرب لها اكثر..
خالد على طول وجه لها السؤال:وش تسوين؟
(مشاعل تنرفزت الواحد يسأل كيفك شخبارك يقول وحشتيني)
مشاعل:الحمدالله بخير...
خالد ناظرها ومارد عليها ودخل البيت ودخلت مشاعل وراه...
مشاعل كانت تمشي بخطوات اسرع منه الى ماصارت قدامه..
مشاعل:خالد وش فيك؟؟
خالد:مافيني شي..
مشاعل:شخبارك؟؟
خالد:تمام...,متى جيتي؟؟
مشاعل:من زمان..
خالد:ليش ماقلتي لي؟؟
مشاعل:كنت بشوف اذا تفرق معاك اجي والا لا..
خالد:ماتفرق....
مشاعل:خالد انت للحين زعلان؟؟
خالد:على ايش؟؟
مشاعل:على هوشتنا هذاك اليوم؟؟
خالد:لا ابدا..
مشاعل:اجل ليش ماكلمتني لي يومين نايمه برا البيت وانت ماكلمت..
خالد:ماعندي شي اقوله...
مشاعل:تصدق اشتقت لك..
خالد:وانا بعد اشتقت لك... يلا تصبحين على خير..
مشاعل:صدق؟؟
(نسيت اقولكم ان مشاعل انسانه على نياتها وطيبه وينهك عليها بكلمتين...هي ماتعرف الكذب عشان كذا تشوف كل الناس صادقين)
خالد:وشو الي صدق؟؟
مشاعل:اشتقت لي؟؟
خالد:اييه صدق..


مشاعل انبسطت من كلام خالد:طيب اجلس معاي شوي...بكرة ماعندك شغل..والله وحشتني..
خالد:بكرة وراي صلاة جمعة...
مشاعل استسلمت وماحاولت تقنعه لانها عارفه ان راسه يابس:اوكي..تصبح على خير..
خالد وهو يحط يده على راسها:وانتي من اهله...
دخل خالد لغرفته اما مشاعل رجعت وجلست بالصاله وكانت مبسوطه من الي صار ومن الي قاله خالد....
على الساعه 2:00 دخلت مشاعل لغرفتها وخالد كان بسابع نومه..جلست مشاعل على السرير وكانت تناظر خالد..كان معبس وهو نايم وعاقد حواجبه..
مشاعل وهي تضحك:ليش كل هالتكشير...
حطت مشاعل طرف اصبعه على حواجبه ومشت على حاجبه وسوت نفس الشي مع حاجبه الثاني...
تقريبا بعد ربع ساعه رن جوالها وكان صوته عالي..مشاعل على طول حطته على...

silent...

وطلعت من الغرفه وردت وكانت سارة....

مشاعل:الحمدالله على السلامه..
سارة:الله يسلمك....وحشتيني..
مشاعل:وانتي بعد وحشتيني.. متى وصلتوا؟؟
سارة:لنا نص ساعه..
مشاعل:شلون فهد؟؟
سارة:طيب..
مشاعل:هاا وين؟؟
سارة:ايطاليا...احنا الحين بروما..
مشاعل:حلوووو...
سارة:وعاد مدري وين بنروح بعدين..
مشاعل:الله يسهل..
سارة:طيب ياحلوة اخليك تنامين..
مشاعل:سلميلي على فهد.
سارة:انشالله,,اييييييييييييييييه صح وش صار بينك وبين خالد؟؟
مشاعل:عاادي..
سارة:كويس..
مشاعل:اذا صحيتي من النوم كلميني..
سارة:انشالله..
مشاعل:يلا مع السلامه..
سارة:مع السلامه...


*************************

دخل ابو خالد غرفته وكانت ام خالد جالسه بصالة غرفتهم تنتظر زوجها..

ابو خالد:السلام علييكم..
ام خالد:وعليكم السلامـــــ..غريبه تاخرت اليوم!
ابـو خالد:تاخروا ماحطوا العشا..
ام خالد:شلون جمعتكم؟؟
ابو خالـد وهو يجلس جنب زوجته:زينه..
ام خالد:عبدالله وش فيك..عسـى ماشر؟
ابو خالد:ولدك بيرفع لي ظغطي..
ام خالد:صارت سالفتنا هالولد..
ابو خالد:رافع ظغطي..هذي حركات يسويها مع زوجته..البنت طيبه وتحبه ..مهب سواة العقال.. ولدك تصرفاته تصرفات مراهقين..
ام خالد:الولد ماحبها والي يسويه غصبا عنه..وانا تعبت وانا احكي معاه بس بدون فايده..
ابو خالد:حنا غلطنا يوم زوجنا غصبا عنه..
ام خالد:انت الي غصبته وانت الي رفضت انه يتزوج من الي كان يبيها..وتحمل غلطتك..
ابو خالد:يعني ازوج ولدي وحده مهب من مواخذينا عشان يرضى...صدق عيال آخر زمن..
ام خالد:اجل لاتجي كل يوم والثاني تفتح معاي موضوعه... ولدك كبير وهو ادرى بمصلحته..
ابو خالد:انا افكر اطلعه من البيت..
ام خالد:وين يروح..لا والله ولدي مااقدر على بعده..
ابو خالد:اجل عاجبك الي قاعد يسويه... الي يشوفه يقول عزوبي طول الوقت بغرفته والا مرتز لي بالصاله.


.

ام خالد:هالفكرة شلها من راسك..والي ربي كاتبه بيصير..
ابوخالد قام من مكانه ولارد على زوجته.....

اتوقع ان هاذي حالتهم كل يوم يتكلمون بموضوع خالد وكل واحد يحط اللوم على الثاني...


نهايــة الجزء

____________________________________
(الجزء الثاني)
(أحبك لو تحب غيري)



بالغرفه مضاوي منسدحه على السرير وشيخه جالسه على الكنبــه..(شيخه ومضاوي خوات فهد اذا نسيتو اذكركم)
مضــاوي:عقبالي انشالله...
شيخه:فجـاة!!
مضاوي:خلاص ملييت ابي اتزوج...
شيخه:الحمدالله...
مضاوي:قاعده اتخيل شكلي بالزفه...
شيخه:وانا وراك..
مضاوي:انشالله بسوي زواج لاصار ولا بيصر بخلي الي ما يحكي يحكي..
شيخه:مضاوي ترا سالفة الزواجات طعلت مع خشمي..
مضاوي:وبجيب نوال الكويتيه وحسين الجسمي..ومين بعد..
شيخـه مسكـت المخده ورمتها على مضاوي:غيري السالفه والا ترا بطلع..
مضاوي:وش تبيني اسولف؟؟بعدين كل واحد يسولف بالشي الي يعجبه..انا عمري سكتك اذا قعدتي تتكلمين عن مشاري؟؟
شيخه:الحين انا اتكلم عنه؟؟
مضاوي:اييه كل شوي جايتني شفتي مشاري وش سوا وشفتي مشاري وين راح..وشفتي خالتي وش قالت وشفتي خالتي وش سوت...وانا مااقولك شي
واسكت واعطيك وجه واتحمس معاك..وانا اذا حكيت عل طول غيري السالفه..
شيخه:مضاوي عالاقل سالفة مشاري احسن من خرابيطك..الي يسمعك يقول مخطوبه...كل ما جلست معاك ابي اتزوج وبسوي وبحط ويارب يجيني حلو والا مو لازم حلو




اهم شي اخلاقه ومرة يارب يجي طويل ومرة قصير...الحين ايهم احسن سوالفي والا سوالفيك؟؟



مضاوي:اطلعي برا..
شيخه:ماراح اطلع..
مضاوي:اجل اسمعي وش اقول..
شيخه:طيب..
مضاوي:انا مخططه اني فترة الخطبه اطول الملكه بخليها شهر وماتتعدى الشهر..
شيخه:بتجنني انتي..اذا مت فهو منك..انتي هذيك المرة قلتي ماراح اطول بالخطبه وبطول بالملكه..
مضاوي:لاياختي قعدت افكر امس احسن اطول بالخطبه..
شيخه:ايووه كملي..
مضاوي:وبعدين ابي اتزوج واسافر..سنه سنتين وارجع..عشان الواحد وهو وزوجته بالسفر تقوى علاقتهم..
شيخه:يالليل ماطولك..
مضاوي:امشي نروح عند امي..
شيخه:تتوقيعن فهد وسارة وصلوا؟؟
مضاوي:اكييد..امشي نروح نسال امي..
طلعوا شيخه ومضاوي من الغرفه وراحو عند امهم....


*********************






دخلت على منار بغرفتها..

:وصلت سارة..
منار كانت تكلم..كالعاده..وطبعا الاستاذ فيصل...
منار:دقيقه فيصل..
:ارحمي نفسك انتي اربع وعشرين ساعه؟؟
منار:متى كلمتكم؟؟
:قبل شوي كلمت على ابوي..
منار:اهااا..
:منار قفلي ابي اسولف شوي..
فيصل:وش تقول اختك؟؟
منار:تقولي قفلي...
فيصل:مو على كيفها..
منار:يقول مو على كيفك..
:والله لكم يمكن اربع ساعات وانتم تكلمون بعض..ماعنده شغل ولا مشغله...
(انا قلت لكم اني اكرهه..)
منار:وشو اربع سااعات توه هالدقيقه مكلمني...
فيصل:وش تقول؟؟
منار:تقول لكم اربع ساعات..
فيصل:لا غير اربع سااعات..
منار:ماقالت شي..
فيصل:الا سمعت..
منار:اجل ليش تسأل..
فيصل:قوليلها عناد ماراح اقفل انا تو كنت بقفل عشانها بس الحين عناد ماراح اقفل..
منار:نورة ربع ساعه واجيك..
فيصل:قوليلها..
منار:ما يحتاج..
فيصــل:قولي..
منار:يقولك فيصل اول كنت بقفل والحين ماراح اقفل...
:احسسسسسسسن لا يقفل اقعدي سولفي معاه الى بكرة..
طلعت من الغرفة وصبخت بالباب بقوة..حسيت ان البيت كله اهتز بصراحه نسيت ان الوقت متأخر وان الناس نايمه بس من جد كنت منرفزة بوقتها..
فيصل:اختك مدري متى بتحبني..؟
منــار:لا حرام ماتكرهك..
فيصــل:وش اكثر من كذا؟
منــار:هي بس تعصب من الي قاعدين نسويه..
فيـصل:وشو نسوي؟؟
منار:علاقتنا..
فيصل:انا احبك ومو قاعد العب او اقضي وقت فراغ..ولازم تعرف ان الي يحب بيسوي كل شي حتى لو كان غلط...بعدين الي نسويه شي طبيعي كل شخص يمكن




يتعرض له الا عاد الي مثل اختك..بعدين تحسبنا مراهقين والا طايشين ترا عمري 26 يعني مستوعب الي قاعد أسويه..



منار:فيصل لا تزعل..
فيــصل:مازعلت ابدا..بس ابيها تعرف انو علاقتنا جديه..وصدقيني لو كانت غير كذا كان انا انهيتها من زمان..
منار:فيصل عارفه كل هالكلام..خلاص عااد لاتعصب..
فيصل سكت واخذ نفس طويل..
منار:فيصل..
فيصل:تنرفزت من اختك هالسوسه..
منار:لا عاد كل شي الا النوري..
فيصل:ما قلت شي..
منار تبي تغير السالفه:شخبار لملووم؟؟
فيصل:كويسه..
منار:فيصل خلاص عاد فكها..
فيصل:يلا انا اخليك روحي اجلسي معها..
منار:لا ماعليك منها..
فيصل:لا انا جاني النوم وبكرة وراي صلاة جمعه..
منار:اوكي..براحتك..
فيصل:يلا تصبحين على الف الف خير..
منار:وانت من من اهله...
فيصل:باي..
منار:بباي..


**************************************






نبعد شوي ونروح للي بايطاليا فهد وسارة...اول مكان راحوا له ايطاليا اتوقع انو نص الي يتزوجون يروحون ايطاليا...

الساعه 2 الظهر سارة نايمه وفهد صحى من النوم دخل الحمام واخذ له شاور ..طلع وسارة للحين نايمه...
فهد:سارة..يلا حبيبي قومي..
سارة:....................
فهد:سارة...
سارة:.....................
فهد قرب لها:سوسو..
سارة ما فتحت عيونها بس حست فيه وابتسمت..
فهد:يلا قومي..
سارة ماردت..لانها كانت تعبانه...
فهد:والله طلع نومك اثقل من نومي...
سارة بثقل:قمت..
فهد يستهبل عليها:سارة..سارة..سارة..سارة..سارة..
سارة رفعت نفسها:بس..بس..ازعجتني..
فهد يتريق على سارة:تصدقين شكلك حلو وانتي نايمه....والاحلى كشتك..
سارة:تتريق؟؟
فهد:هههههههههههههههههههههههههههههه ليش انتي شايفه غير كذا..ترا مافي احد حلو شكله وهو نايم لاتغرك الافلام والمسلسلات..كلها كذب في كذب..
سارة:اسكت بس..
قامت سارة ودخلت الحمام وبدلت ملابسها..ربع ساعه وطلعت من الحمام..
فهد جلس على الكنبه:صباح الخير والاحســاس والطيــبه صبـــاح ما يليق الا بســــــــــــارة..
سارة:صباح النور..
فهد:ياحلو الي نومهم ثقيل والله..وخخ بس..
سارة:ههههههههههههه ترا والله تعبانه حرام عليك,,,
فهد:نوم العوافي...اهم شي ترتاحين...
سارة:الله يعافيك,انت انشالله ارتحت؟؟
فهد :احلى نومه جنب الي تحبه..
سارة:هههههههههههههههههههههه حلوووة..
فهد:شلونك بعد الصياح؟؟
سارة:هههههههههههههههه فهد..
فهد:بس من جد امس صحتي صياح..طيب ليش؟؟
سارة:فهد خلاص عاد..
فهد:لا جد ليش تصيحين متزوجه وحش انتي؟؟بعدين الواحد يصيح شوي ويسكت انتي طول امس وانتي تصيحين..هههههههههههه يا حليلكم يالبنات تضحكون..
سارة:ترا ان ما سكت بصيح..
فهد:لا لا لا اسكت وابلع لساني بعد بس بدون صياح..,يلا شرايك نطلع نروح ناكل لنا شي..وبعدين نشوف عاد وين نروح..
سارة:طيب..
فهد:يلا انا بلبس..وانتي البسي..
سارة:اوكي...


************************************






صحت مشاعل من النوم الستاير مسكرة والغرفة كانت ظلمه فتحت الاباجورة الي جنبها..لفت على جهة خالد وماكــان فيه مسكت الساعه وشافت الوقت كانت وحده ونص...

مشاعل:ماصليت الفجر...اووف راحت علي نومه..استغفر الله..
مشاعل نزلت من سريرها بسرعه ودخلت الحمام وغسلت وتوضت وصلت الفجر والظهر..
طلعت من الغرفة والبيت هادئ كالعادة خالد ماكن موجود...
بس خلصوا صلاة من زمان..اكيد في بيت اهله..رجعت مشاعل غرفتها وبدلت ملابسها وراحت لبيت اهل خالد...
دخلت مشاعل البيت وراحت الصاله وكانوا كلهم جالسين ..خالد وابوه وامه..
مشاعل:السلام عليكم..
كلهم:وعليكم السلام...
ام خالد وقفت لمشاعل:هلا والله.
مشاعل:هلا وغلا..شخبارك خالتي؟انشالله بخير؟
ام خالد:بخير..انتي شخبارك؟؟وشخبار الاهل؟؟وعمتك؟؟
مشاعل:الحمدالله بخير..
ام خالد:شخبار العرسان؟؟
مشاعل:الحمدالله...
ام خالد:سافروا؟؟
مشاعل:اييه امس ..
ام خالد:يرجعون بالسلامه..الله يوفقهم انشالله..
مشاعل:انشالله..
السواليف كانت بين مشاعل وام خالد..اما ابو خالد وخالد مستمعين..
ابو خالــد:استأذن انا... مجتمعين عيال عمي وبروح لهم...
ام خالد:اذنك معك..
مشاعل:مع السلامه..
خالد:سلملي عليهم...
ابو خالد:انشالله..
راح ابو خالد وبعده ام خالد راحت تسوي كم مكالمه...ومابقى الا مشاعل وخالد..
مشاعل قامت من مكانها وجلست جنب خالد...
مشاعل وهي حاطه يدها على كتفه:شخبارك؟؟
خالد ابتسم:طيب..
مشاعل:ليش ما قومتني الفجر؟؟
خالد:انا بعد ما قمت راحت لي نومه..
مشاعل:ليش ماقومتني افطر معاك؟؟
خالد:شفتك نايمه وشكلك تعبان ما حبيت ازعجك..
مشاعل:حبيبي وش فيك؟؟
خالد: راسي بينفجر من الشغل..
مشاعل:وش رايك نطلع؟؟
خالد:لا مالي خلق..
مشاعل:من زمان ما طلعنا..
خالد:وش المتعه اذا طلعتي؟؟
مشاعل:تغير جو..
خالد:لا معليش مرة ثانيه..
مشاعل:طيب..
خالد:شخبار سارة وفهد؟؟
مشاعل:طيبين..
خالد:الله يوفقهم..
مشاعل:اميين..
خالد:سارة وفهد زواجهم تقليدي؟؟
مشاعل:تقليدي؟؟كل الزواجات تقليديه..
خالد:لا اقصد كان يحبها قبل؟؟
مشاعل:لا طبعاا وين عايشين احناا...
خالد:والحين كيف؟؟
مشاعل:يموت فيها..
خالد:اهاا...
مشاعل:غريبه ليش تــسأل؟؟
خالد:لا بس...
مشاعل:انت بستافر؟؟
خالد:وش عرفك؟
مشاعل:شفت اليوم جوازك على الطاوله..
خالد:بسافر هولندا..عندي شغل..
مشاعل:وانا اخر من يعلم كالعادة...
خالد:يهمك يعني؟؟
مشاعل وهي مستغربه:اكيــــد يهمني..
خالد:طيب قلت لك وش فرقت معاك تعرفين الحين والا بعدين؟؟؟
مشاعل:يمكن انت ماتفرق معاك بس انا تفرق...,متى؟
خالد:بعد ثلاث ايام..
مشاعل:اهاا..
بعد سكوت ..
مشاعل:أبـوي يقول انك جيت الزواج ربع ساعه وطلعت..
خالد:اييه وايش المشكله؟
مشاعل:خالد انت مو من المعازيم تجي ربع ساعه وتطلع..المفروض تجلس وتستقبل بعد..
خالد:ابوك موجود وعمانك وخوالك يستقبلون..بعدين الي متزوجه اختي والا اختك..
مشاعل:لاانا مااقصد..بس انت لازم تدري ان اهلي اهلك..
خالد:مشاعل الموضوع بايخ عندك شي غيره قوليه ما عندك اسكتي..
مشاعل تنرفزت:انا برجع للبيت..
خالد ببرود:مع السلامه...
مشاعل بصيغة استفهام:وانت وش تجلس تسوي هنا؟؟
خالد:بجلس مع امي..
مشاعل:امك مو في..
خالد:الحين بتجي..
مشاعل:طيب..براحتك..
رجعت مشاعل لبيتها وكانت متضايقه من تصرفات خالد الي صارت ممله..بيتمون سنتين متزوجين وهو على نفس الحاله... بس اتوقع مشاعل تعودت عليه وعلى حركاته...واتوقعبعد انو للحين عندها امل انها تغيره..ليش لا كل شي جايز...
جلست مشاعل تقريبا ساعة ونصف تنتظر خالد يجي بس ماجا وبعد صلاة العصر كلمت عليها ام خالد عشان تجي تتغدى بس مشاعل ما راحت...
جلست مشاعل تنتظر وتنتظر بس بدون فايده...وبعد صلاة المغرب راحت مشاعل تشوف خالد وينه..
دخلت البيت وماكان فيه احد...طلعت فوق ومثل ماتوقعت نايم بغرفته..دخلت مشاعل عليه..
مشاعل:خا...(سكتت مشاعل وقررت انه تسفهه وترجع لبيتها..)
رجعت مشاعل لبيتها..وبعد نصف ساعه تقريبا...رجع خالد البيت...
دخل لاسلام ولاكلام راح لغرفته دخل الحمام وبعدها بدل ملابسه وطلع...
مشاعل وهي توقف:بتطلع؟؟
خالد:اييه..
سحب خالد علبة السجاير من الطاولة واخذ له وحده ودخل الباكيت جوا جيبه..وحط السيجارة بفمه وولعها...
مشاعل كانت تناظره وتناظر كل حركه يسويها..
خالد:ليش كذا تناظرين؟؟
مشاعل:عاجبني..
خالد:ههههههههههههههههه...
مشاعل:ليش تضحك..انا اقول الصدق..
خالد ما عرف وش يرد..واكتفى انه يبتسم...
خالد:تبين شي؟؟
مشاعل:لا سلامتك...انا بروح بيت اهلي..
خالد:اوكي..
مشاعل:توصلني؟؟
خالد:مو على الطريق بيت اهلك..
مشاعل:واذا مو على الطريق..
خالد:من صغر الرياض يا مشاعل...
مشاعل:بتروح عند احمد؟
خالد:اييه..,يلا مع السلامه..
مشاعل:مع السلامه...
><
><
><
><
><
دخلت مشاعل بيت اهلها وفصخت عبايتها وعلقتها وراحت لصاله كانت في عمتي فوزيه وريما..
مشاعل:أهلــين..
فوزيه:هلا والله..
مشاعل:شخبارك عمتي؟
فوزيه:الحمدالله...انتي شخبارك؟؟
مشاعل تنهدت:الحمدالله..
فوزيه:ماعجبتني الحمدالله حقتك..
مشاعل ما علقت على كلام عمتي..
مشاعل:ريما شخبارك؟؟
ريما:كويسه..انتي كيف حالك؟
مشاعل:كويسه..,الا وين البنات؟؟
فوزيه:منار تذاكر ونورة تلقينها بغرفة رسمها...
مشاعل:يا حبيلها نورة مبسوطه بالغرفه..مصدقه انها رسامه...(ماقلت لكم انو عندي غرفة ارسم فيها بس.. كان حلمي من يوم وانا صغيرة وابوي حقق لي هالحلم..)
فوزيه:الا يهبل رسمها..بسم الله على قلبها...
مشاعل: عطينا شوي من هالحب ..,وابوي؟؟
فوزيه:طالع..,شخبار خالد؟؟
مشاعل:طيب..
فوزيه:من زمان ماشفناه..
مشاعل:الشغل مقطعه..والا هو ما يطلع من البيت..
><
> <
> <
> <
> <
> <
> <
> <
><




بالسيارة خالد وأحمـد صديقه...احمد وخالد مثل الاخوان واكثر واتوقع ان خالد مايعرف الا احمد...خالد مو اجتماعي وعلاقاته محدوده..

أحمد:اعلنت خطبتي..
خالد:بالبركه...
أحمد:الله يبارك فيك..
خالـد:الله يعينك على الزواج..
احمـد:الزواج انشالله حلو..
خالد:المشكله حنا قبل ما نتزوج..ماندري اننا بنعيش طول عمرنا مرتبطين...
أحمـد:ههههههههههههههههههههه ايه والله..تصدق ما فكرت فيها ذي قبل..
خالد:انا احكي من جدي..يعني الواحد الزواج لاحق عليه والبنات كثر التراب..بس مدري ليش العجله..
أحمـد:شكلي بهون..
خالــد:احسن لك..
احمد:هههههههههههههه من جدك انا ماصدقت خطبت ارجع اهون..
خالد:ياناس ياعالم الزواج مو حلو..
أحمد:بالعكس يا خالد..الزواج استقرار..ارتباط..بس انت مو مقتنع بالي متزوجها لكن لو انك متزوج الي تبيها كان قلت كلام غير كذا..
خالد:يمكن...
احمد:مو يمكن أكيد..
خالد:لي سنيتين متزوج وكأن لي عشرين سنه..
قطع كلامهم جوال خالد كان يرن ...
احمد:جوالك..
خالد:لا مو جوالي..




nota 




احمد:الا بس شكله



طلع خالد جواله من جيبه...
خالد تنح شوي بالجوال..
احمد:وش فيك؟؟
خالد:اليوم عيد ميلادها..
احمد:مين؟؟
خالد:لميس..
(خالد كان يكلم وحده ويحبها ولكن اهله رفضوا انه يتزوجها لانها مو من مواخيذهم..واجبروه على الزواج من مشاعل..)
احمد سكت وماعلق..الموضوع قديم ومن زمان ماحكوا فيه..
خالد:اكلم والا ارسل مسج...
احمد ناظره بطرف عينه وبلهجة جديه:اعقل بس...
خالد:وشو اعقل بس؟؟
احمد:استح على وجهك..تكلمها وانت متزوج..بعدين افرض انها مخطوبه والا متزوجه..
خالد:لا لا مخطوبه ولا متزوجه..
احمد:وش عرفك؟؟
خالد:اجيب اخبارها..
احمد:ومن مين انشالله؟؟
خالد:مشاعل..
احمد تنح شوي:اييييييش؟؟
خالد:اييه مشاعل تعرفها..
احمد:ومشاعل تعرف انك تعرفها؟؟
خالد وهو عاقد حواجبه:لا طبعا..
احمد:اجل شلون تجيب اخبارها؟؟
خالد:مشاعل تشوف لميس بجمعاتهم..لانها صديقتها من ايام المدرسه..
أحمد:مسكينه مشاعل..مظلومه معاك..
خالد:انا هذا الي معذبني...هي تحبني وانا مااحبها...
أحمد:ماكنت اتوقع ياخالد ان قلبك حجر لهدرجه..
خالد ناظر احمد باستغراب:وش تقصد؟؟
أحمد:متزوج وما تحب زوجتك..تحب وحده ثانيه وغير كذا تجيب اخبار الي تحبها من زوجتك وغير كذا تعاملك معها....انت عارف شلون..
خالد سكت وماحاول يرد ولا يناقش بذا الموضوع...لانه ماعنده شي يقوله...
أحمد:وين تبي نروح؟؟
خالد:الي تبي..
احمد:قهوة المساء؟
خالد:اييه.اي شي..
بوقتها رن جوال خالد..وكانــــــــــــت لميس...(طبعا لميس الي يكملها خالد قبل لايتزوج اختي..)
خالد لما شاف الاسم تنح..
خالد:احمد لميس..
خالد:ارسلت لها مسج؟؟
خالد:ايه..
احمد بعصبيه:غبي..متخلف
خالد :اووص اوص برد من زمان ما سمعت صوتها..
خالد:الوو..
لميس بدون مقدمات:مين؟؟انا جاني مسج قبل عشر دقايق..
خالد:لميس؟؟
لميس:ايه نعم..
خالد:انا خالد..
لميس:ادري...
خالد:ليش تسألين مين؟؟
لميس:مو هذا موضوعنا...انت الحين متزوج على مااعتقد..
خالد بصيغة استهزاء:ايه..متزوج..
لميس:قلتها بلسانك متزوج..م..ت..ز..و.ج يعني في حرمه بحياتك يعني عايش مع وحده..وغير كذا اعتقد انك تعرف مين زوجتك؟؟ الي سويته اعتبره خيانه لصديقتي..اذا انت ترضى تخونها انا ماارضى اخونها..مع السلامه..
خالد:لميس لحظه..
لميس قفلت الخط بدون ماتنتظر الرد..
خالد تنرفز من كلام لميس..
احمد:وش قالت؟؟
خالد:هي الحين على بالها اني بكرهها؟؟انا اموت فيها..
احمد:عطتك كلام؟؟
خالد:زي السم..بس سمعت صوتها..سمعت صوتها يااحمد من سنتين ما سمعت صوتها...سنتين يا احمد..آآآآآآآآآآه بس.. قلبي يحترق يا احمد...ومااحد حاس بالي فيني..
احمد:لهدرجه؟؟
خالد:انا مبسوووووووووووووووووووط احبها..احبها يا ناس..
احمد:خالد اعتقد بسنتين المفروض انك تنسى ..وهالحب يخف..لا تبالغ ياخالد وتحسسني اني قاعد مع مراهق ما يعرف هو وش يقول..
خالد:احمد لو اني انا الي تركتها..كان تقدر..تقول كذا..بس انا انغصبت عشان اتركها..وغير كذا انجبرت على الزواج..يعني لما خطبت امي جت قالت لي..ماتتصور شلون انا مشتاق لها...انا عارف انها تحبني لو انها نستني ماكان اتصلت هي اتصلت وتبي تسمع صوتي لكن ما كان عندها حل الا انها تهاوش...لميس واعرف حركاتها..اخخخخخخ بس
احمد ناظر خالد بطرف عين وعصب و ضاق صدره وسكت وماعلق ولا حب يسال اكثر من كذا...
طول الطريق وحتى لما وصلوا للقهوة خالد هو الي كان يحكي..وكان يحكي عن لميس..خالد اليوم حس انه سوا شي مو سهل بحياته..




><><

على الساعه عشر ونص كلم خالد على مشاعل...
مشاعل:هلا..
خالد:هلا والله.,شخبارك؟؟
مشاعل:تمام..
خالد:وينك؟؟
مشاعل:في بيت اهلي..
خالد:طيب انا ربع ساعه واكون عندك..
مشاعل:ليش؟؟
خالد:وشو ليش؟؟بمرك ونطلع..
مشاعل:صدق؟؟
خالد:هههههههههههههههه ايه صدق..
مشاعل وهي مبسوطه:يلا انتظرك..
خالد:بااي..
:وش يبي؟؟
مشاعل:بيمرني ونطلع..
منار:وش عنده زوجك؟؟
:هههههههههههههههههههههههه..
فوزيه:منار..عيب..
منار:ميشو لا تزعلين بس غريبه..
مشاعل ماردت عليهم وطلعت فوق لغرفة سارة وحطت شوي مكياج..ولبست عبايتها وجلست تنتظره بالصاله..
منار:وين بتروحون؟؟
مشاعل ناظرتها بطرف عين ولفت..
منار:ميشو سوري والله سوري..بليز لا تزعلين..
رن جوال مشاعل وكان خالد..
مشاعل سلمت على عمتها وطلعت..
مشاعل وهي تفتح باب السيارة وتجلس:شخبارك؟
خالد:تماااااام..
مسك خالد السيجارة وولعها وشغل المسجل وحط اغنية طلال مداح..





أحبك لو تكون حاضر...أحبك لو تكون هاجر...ومهما الهجر يحرمني راح امشي معاك للآخر...



أحبك حب خلاني أبيع الدنيا من أجلك وبكرة لو تعود ثاني أخلي الغالي يرخصلك...
أحبك لو تحب غيري وتنساني وتبقى بعيد عشان قلبي بيتمنى يشوفك كل لحظه سعيد...
أحبك كلمه معناها حياتي وعمري في يدك يهون عليك تنساني وأنا صابر على ظلمك...
سنين وسنين وأنا صابر وراح أصبر كمان وكمان وبحر الشوق يلعب بي الين أوصل لشط أمان...


خالد:وين تبين نروح؟؟

مشاعل:الي تبي..
خالد:روما؟؟
مشاعل:اييه..
خالد:واذا صار زحمه نروح بيزا روما..
مشاعل:الي تبي..
خالد كان مبسوط ورايق...ومشاعل على نياتها..

************************
يوم الاثنيــن...الســاعه 10:30 الليل.. عبدالاله بالمكتب قدامه اوراق ولاب توب قدامه مفتوح والتليفون بيده يخلص من مكالمه ويبدا بمكالمه..
رن جواله وماكان طالع الرقم لان الاتصال دولي..جا في باله انها سارة ورد على طول..
عبدالاله:الوو..
الصوت ماكان صوت سارة كان صوت رجولي..
سلطان:هلا والله..
عبدالاله:هلا بك..مين معي؟؟
سلطان:سلطان عبد الرحمن..........
عبدالاله:هلا والله بولد اختي هلا
سلطان:هلا بخالي..شخبارك..وشخبار البنات وكيف الشغل؟؟
عبدالاله:الحمد الله بخير..انت شخبارك لا تكلم ولا تسلم ومانعرف اخبارك الا من فوزيه..
سلطان:تعرف .....الشغل..
عبدالاله:مو عذر..بس بمشيها لك...خير عسا ماشر ليش متصل؟؟
سلطان ماكان عارف شلون يبدى وحكيه كان ملخبط وهو مايبي يحكي انجلش مع خاله:امممممممممم..
عبدالاله:احكي بالي يرحيك اتلكم معاي بلغتك..
سلطان : انا قررت ارجع لسعوديه..
عبدالاله باستغراب:انت صادق؟؟
سلطان:من وفاة ابوي وانا افكر..انا مليت..
عبدالاله:والله يا سلطان انا ابيك تجي اليوم قبل بكرة..بس ترا الي يتعود يعيش برا السعوديه صعب يتاقلم..وخاصه انك ما جيت لسعوديه الا كم مرة..
سلطان:لا لا..انا..خلاص بجد ابي اجي وانا خليت واحد يدور لي بيت عندكم بالرياض..انا قلت يعني بالبدايه عالاقل يكون عندي بيت عند اهلي استقريت والا مااستقريت...
عبدالاله:ان ما شالتك الارض تشيلك عيونا..البيت خليه بعدين..
سلطان:تعرف الواحد لازم يصيرعنده بيت ..
عبدالاله يقاطعه:لا لا ابدا بيتي مفتوح لك..وانت تعرف ياسلطان يوم المنى الي نشوفك فيه عندنا..
سلطان:يصير خير..انشالله..ياخالي انا ما قلت لامي..قلت اقولك اول..
عبدالاله:لو عرفت امك يمكن تطير من الفرحه..سلطان عندنا..ولا بالاحلام كنا نفكر فيها..والشغل شلون؟
سلطان:بخليه مثل ماهو وانت تعرف عندنا نشاطات بالسعوديه اما الشغل صعبه اني انقله وانا خمسه بالميه افكر اني استقر...
عبدالاله:عين العقل الي سويته..لازم تجي عند امك..امك تموت فيك يا سلطان...,ومتى ناوي تجي؟؟
سلطان:شهر..اقل شي يعني على حسب..
عبدالاله:اسبوعين وتعال..شهر والا شهرين كثير..
سلطان:شهر كويس..
عبدالاله:الله يسهل انشالله..احلى خبر سمعناه والله..,الحين ابيك تكلم امك قبل لااكلمها..
سلطان:انشالله..يلا مااعطلك عن شغلك..نشوفك قريب انشالله..
عبدالاله:انشالله..وترا السكن عندنا من الحين اقولك..
سلطان:انشالله..
عبدالاله:مع السلامه..
سلطان:ببااي..
قفل سلطان من خاله وكلم على امه...
><
><
><
><
><

خالد كان يلبس ومشاعل تحط له اغراضه..الي ما حطها..

مشاعل:وش بعد تبيني احط؟؟
خالد:خلاص كذا اغراضي كامله...اييه ماكينة الحلاقه..
راحت مشاعل وجابتها وحطتها بالشنطه..
مشاعل:ترا حطيتها بالجيب..
خالد وهو قدام المرايا كان يمشط شعره:اوكي..
وقفت مشاعل وصارت جنبه مسكت العطر وحطت له..
خالد:اييه صح العطر..حطي بالشنطه..
مشاعل:طيب..
خالد:كذا اغراضي كامله..
مشاعل:كم يوم بتقعد؟؟
خالد:اربع ايام خمسه ايام..
مشاعل:اهاا..
خالد:مو كثير..
مشاعل:الا كثير..
خالد:ماراح تشتاقين لي..
مشاعل:لو تغيب يوم عني اشتاقلك..
خالد ابتسم لها..
مشاعل:وانت؟؟
خالد يسوي نفسه مو فاهم:انا ايش؟؟
مشاعل:ماراح تشتاق لي؟؟
خالد يغير الموضوع:خلينا من هالحكي الفاضي..ويلا انا الحين لازم اطلع المطار..بروح اسلم على امي وابوي..
مشى خالد وترك مشاعل..
مشاعل:وانا..
خالد بدون ما يلف:انتي ايش؟؟
مشاعل:ماراح تسلم علي؟؟
خالد:وش رايك يعني؟؟
مشاعل تضحك...
نزل خالد ومشاعل معاه..وعند الباب الداخلي لبيتهم..
مشاعل وهي تحط يدينها على كتفه:بتوحشني..
خالد وهو يحب راسها:مع السلامه..وانتبهي لنفسك واول مااوصل بكلمك..
بعد خالد عن مشاعل شوي..
مشاعل:هذا سلامك..يعني..
ابتسم خالد..على كلام مشاعل..
قربت مشاعل وضمته وباست خده..
وخالد كان جامد ما علق ولا حتى بادل مشاعل هالشعور...
خالد:يلا مشاعل مع السلامه..
مشاعل:كلمني اذا وصلت..وانتبه لنفسك..توصل بالسلامه انشالله..
خالد:الله يسلمك..
طلع خالد وترك مشاعل موقفه بنفس مكانها..بعد دقايق راحت مشاعل وسكرت شنطتها هي الثانيه عشان تروح بيت اهلها...
<>
><
<>
><
<>



منار بغرفتها منسدحه على السرير وكانت تكلم صاحبتها...قفلت منها ودخلت الحمام توضت عشان تصلي العشا..

دخلت عليها وهي تصلي...وبعد ما خلصت.
:تقبل الله..
منار:منا ومنكم..
:امشي ننزل تحت عند عمتي..
منار:انزلي انتي الحين انا الحين جايه وراك..
:ليش؟؟
منار:فيصل اليوم ما كلمني غريبه..والحين الساعه 10:00..
:ليش واجب والا فرض تكلمينه؟؟
منار:نورة بلا استهبال..
:لا احكي من جدي..مو لازم كل يوم..
منار:انا خايفه فيه شي..
:لا ما فيه شي..الشغل بس..
منار:لا لا..
:كلميه..
منار:موبايلي مفصول..
:تلقين جوالي بغرفتي..(بيني وبينكم كسرت خاطري..)
منار:يا حبيلك مرررة شكرا..
:ولو..حاضرين..,بس بسرعه انزلي لاتطولين معاه مااحب ادنس جوالي بالمنكر...
منار:من عيوني..ومنكر في بطنك...
طلعت من الغرفة ونزلت تحت ومنار راحت تجيب جوالي من غرفتي..جابت الجوال ورجعت غرفتها..وكلمت عليه..
على اخر رنه رد فيصل..
منــار:الــو..
فيصل بصوت تعبان:هلا.
منار:فيصل ليش كذا صوتك..
فيصل:منوري..شخبارك؟؟
منار:تمام..انت شخبارك ليش كذا صوتك؟؟
فيصل:فلو..على السرير مرة تعبان..
منار:بسم الله عليييييييك...ماتشوق شر..
فيصل:الشر ما يجيك..
منار:انا قلت فيصل ما يسويها وما يكلمني..
فيصل:توني بكلمك..القلوب عند بعضها..
منار:رحت الدكتور؟؟
فيصل:لا..
منار:وليش انشالله؟؟
فيصل:بس..
منار:فيصل روح للدكتور عشاني..
فيصل:ماراح يسوي لي شي..
منار:الا يعطيك دوا يخفف عنك شوي..
فيصل:جنبي مصنع برتقال وليمون..
منار:لا يا فيصل الفلو..مو برتقال وليمون..لازم علاج.
فيصل:طيب..انتي تعالي وديني..
منار:هههههههههه ...
فيصل:لو تجين اروح..عشانك..
منار:وين اخوك يوديك؟؟
فيصل:عندي..
منار:قله منار تقولك وديني الدكتور..
فيصل يكلم اخوه:فراس منار تقولك ودني للدكتور..
فراس:ههههههههههههههههههههه...الله لنا..
منار:فيصل اخليك الحين وبليز روح الدكتور..
فيصل:لا..لا لا..
منار:وشو؟؟
فيصل:لا تقفلين..
منار:وعدت نورة وبعدين هذا جوالها..
فيصل:اكلمك الحين على جوالك..
منار:بتزعل علي نورة..
فيصل:اختك ذي لازم لها صرفه شرايك ازوجها فراس عشان نفتك منهم الاثنين..
منار:ههههههههههه..ورا مانتزوج احنااحسن ونفتك منهم..
فيصل:انشالله..قبلهم احنا..
منار:طيب بس انا من جد لازم ااقفل..بروح اجلس مع نورة وعمتي..
فيصل:طيب..
منار:يلا انا اذا بغيت انام برسل لك مسج من جوال نورة عشان تكلم..


فيصل:لا انا بنام..
منار:طيب..
فيصل:يلا باي..
منار:باي..

قفلت منار من فيصل ونزلت تحت..راحت الصاله ماكان فيها احد وجت عندي بغرفة الرسم..

منار:نويير وين عمتي؟


مارديت وكنت مندمجه بالرسم...
منار:وصمممخ..ردي..
:هاا..؟
منار:وين عمتي؟؟
:اييه..تكلم...,غريبه قفلتي بسرعه..وليش انشالله مااتصل عليك؟
منار:حراام تعبان..
بلهج كنت اتريق فيها:ياحياتي..
منار:لا تتريقين..
:كيفي..
منار:جعل انشالله رسمتك تخرب..
مارديت..وقمت أغني وكملت رسمي..
منار:ابوي جا؟؟
:لا..
دخلت ريما بوقتها...
ريما:منار تشرحين لي العلوم؟؟
منار:لا لا انا مااعرف..,اسالي الرسامه ..
: انا قاعده ارسم...والا اقولك تعالي انا اشرح لك..امشي نروح الصاله..
جت ريما وجلست ومدت لي الكتاب..
مسكت الكتاب وجلست اقرا:هذي سخافات..ماعليك بس لاتذاكرينها..
ريما:لا لا نورة بعدين الاستاذة تهاوشني..
:اذا قالت لك شي قولي نورة قالت لي لاتذاكرين..
ريما:نوري والله الاستاذه تهاوشني...
:هاوشيها اذا هاوشتك..
ريما:بعدين تطردني برا الفصل..
:اطلعي برا واقعدي دوري..وبعدين ارجعي قولي خلاص كتبت مخالفه..
ريما والعبرة خانقتها:مااقدر..مااقدر..
منار:نورة لاتقعدين تلعبين بعقل البنت..يا ذاكري لها والا مشاعل الحين تجي وتذاكر لها..
ريما وهي تسحب الكتاب مني:خلاص مشاعل تذاكر لي..
:احسسن..بعدين في وحده تجي الساعة 10ونص تقول ابي اذاكر انتي لو شافك ابوي.....
بوقتها دخلت مشاعل..
مشاعل:السلام عليكم..
انا ومنار:وعليكم السلام..
رحت عند مشاعل وسلمت عليها:سافر زوجك مسكينه..
مشاعل:نورة عااد..
:مسكينه..انا ومنار اتفقنا انك تجلسين عندنا بس لكل ليله الف ريال..
مشاعل:وخري عن وجهي بس..وين عمتي؟؟
:تكلم..رجلي..
مشاعل:هههههههههههههههههههه..نورة استحي على وجهك..
:مافيها شي...بعدين انا استهبل...
منار بخوف وهي عاقده حواجبها:اسكتوا اسكتوا..مو هـذا صوت عمتي تصارخ؟؟
مشاعل:اييه والله..
رمت مشاعل شنطتها ولاشعوريا كانت تركض..نورة ومنار وراها...
فوزيه:يابنااااااات تعالوا بسرررعه....
مشاعل وهي تاخذ نفسها:عمتي...وش..فيك؟؟
وانا ناظر عمتي وعصبت منها :كل هالصراخ وانتي ما فيك شي..
منار:عمتي روعتينا..وليش تصيحين؟؟
فوزيه وهي تصيح:سلطااان...
قاطعتها:ماات؟؟
منار:هوو هوو نوير..
فوزيه:الله لا يقوله اعوذ بالله..
مشاعل:عمتي و شفيه اجل؟؟
فوزيه وهي تمسح دموعها:بيجي..الرياض..
صرنا كلنا نشوف عمتيمومصدقين الي تقوله..وفجاة قمنا نصارخ..
رحت اضم عمتي:واخيراا..ياعمتي..الي طول عمرك تحلمين فيه بيجي..
فوزيه:ولدي..وزوجك..
كلنا:ههههههههههههههههههههههههه
:لا لا هذي المناسبه يبيلها احتفال..لا لا انا مو مصدقه..
منار:طيب متى؟؟
فوزيه:يمكن بعد اسبوعين..
مشاعل:وكم بيجلس؟؟
فوزيه:مدري بس يقول افكر استقر..
كلنا بصوت واحد قمنا نصارخ
فوزيه:انا ما بعد صدقت..رشوا علي مااي..
:يعني في امل يستقر..لا لا لا مااصدق..
فوزيه ورجعت تصيح:اييه..انشالله..
:لا لا مااصدق..
فوزيه:هو قالي اني بشتري بيت بالرياض..بس عبدالاله قاله وما تسكن في بيت وبيتي موجود..
:يعني بيستقر اذا كان شاري بيت ؟
فوزيه:والله اني ماادري...
مشاعل:خبر يفرح...الله يديم علينا هاالاخبار.. 
ريما:يااااااااااااي اخيرا بيجي سلطان..
عبدالاله:واخيررا لقيتكم...
فوزيه:عبدالاله..
قامت عمتي وضمت ابوي:واخيرا بيجي ولدي..
عبدالاله:كنت دايما اقولك بيجي اليوم الي بيرجع فيه..
فوزيه وهي تصيح:وش بيصبرني انا اسبوعين..
عبدالاله:صبرك هالسنين ما تصبرين اسبوعين..
فوزيه:لا والله ما اصبر..هالاسبوعين..غير..غير..
عبدالاله:يالله الحمدالله...وترا اول كان شهر...
فوزيه:مهبول هو..كان اموت قبل لا يجي..
عبدالاله:هههههههههههههههههههه..
><><><><><

في باريس..شارع الشانزليزيه..الساعه 12لليل..فهد وسارة كانوا يمشون..

سارة وهي ماسكه يد فهد:تصدق اشتقت للرياض..
فهد:اشتقتي للرياض والا لاهلها.؟
سارة:وش رايك يعني؟؟
فهد:هههههههههههههههههههههههههههه...لسا باقي اسبوعين..
سارة:الحين صار لنا يمكن 12 يوم...
فهد:ماكلمتي اهلك اليوم؟؟
سارة:لا..
فهد:برررد..بس حلو الجو..
سارة:بس مو برد برد..يعني بريد..
فهد حط يده على كتف سارة وقربها له:يا شينها باريس هاديه..ماتعودت اجيها بوقت مو اجازة..
سارة:بالعكس..حلوة.. رايقه..بعدين مو هاديه..
فهد:جوعااااان..تبين نروح نتعشى؟؟
سارة:اييه..
فهد:لا اصبري مو الحين...
سارة:ليش؟
فهد:لانك مو جوعانه..وانا بصراحه ما عندي استعداد اروح اكل وانتي تتفرجين علي....متى ما جعتي ومتى ما سمعت صوت بطنك بروح اعشيك..
سارة:ههههههههههههههههههههه..فهد..
فهد:والله مااروح الا اذا سمعت صوت بطنك..
سارة:والله جوعانه..
فهد:طيب..طيب..انا مو جوعان اصبري ساعه بس ونروح..
سارة:براحتك..
فهد:شفتي شفتي انك مو جوعانه..
سارة:ههههههههههههههههههههه..بلشت فيك..
فهد:تعبتي؟؟
سارة:لا..
فهد:كويس..,تعرفين ودي احضر حفلة لمحمد عبده..
سارة:مااتوقع فيه حفلات الحين..
فهد:لا مافي..
سارة:ماجعت؟
فهد:انا ميت جووع..بس انتظرك..
سارة:بتقعد تنتظر بطني..اجل ما راح تاكل..
فهد:معليش..ودي احطك قدام السفرة واشوفك تاكلين وتاكلين..
سارة:ههههههههههههههههههه..
فهد:يعني انتي تستحين؟؟
سارة:استحي من مين؟؟
فهد:من ولد الجيران..
سارة:ههههههههههههههههه..لا مااستحي بس انا كذا مااكل..
فهد:تبين ايس كريم؟؟
سارة:اييه..
فهد وقف عند محل الايس كريم..
سارة:انا ابي..
فهد يقاطعها:توفي..بس هالمرة بعطيك شوكليت..
سارة:لا مااحبه..
فهد:مجنووووووونه..يجنن..
سارة:لا ماابي مااحبه..
فهد:طيب..احسن..
شرا فهد الايس كريم وعطى سارة حقها ورجعوا يمشون..بوقتها رن جوال سارة..
سارة وهي تمد الايس كريم لفهد:امسكه امسكه..
طلعت سارة جوالها وكانت مشاعل.
سارة:اهلييييييييييييييييين..
مشاعل:هلا والله وغلا..شخبارك؟
سارة:الحمدالله...انتي شخبارك؟؟
مشاعل:الحمدالله..شخبار فهد؟؟
سارة:طيب..
فهد:سوسو ايس كريمك بيموع...
سارة:شخبار ابوي وعمتي ونورة ومنار وريما؟؟
فهد:انا لو بسال عن كل اهلي كان ما خلصت الا بكرة..
مشاعل:الحمد الله طيبين...
سارة:وخالد؟؟
مشاعل:طيب..اليوم سافر..
سارة:وش اخباركم بعد؟؟
فهد:سوسو ايس كريمك بدا ينقط..بسرعه الحسيه..
سارة طنشت فهد..
مشاعل:عندي لك خبر..يجنن..
سارة:وشو؟؟
مشاعل:سلطان ولد عمتي بيجي الرياض..
سارة وهي تنطط:امااااااااااااانه...
فهد تنح بساره:سوسو وش فيك تناقزين بسم الله عليك؟؟هذا تعبيرات الفرح؟؟
سارة:فهد اسكت..,ومتى بيجي؟؟
مشاعل:يمكن بعد اسبوعين..
سارة:لا..لا ..لا مااصدق..وعمتي كيف؟؟
مشاعل:مبسووووووووووووطه وماهي مصدقه..واليوم سوينا حفله لما عرفنا...
سارة:طيب كم بيجلس؟؟
مشاعل:يمكن يستقر..
فهد:ايس كريم..ايس كريم..سوسو ايس كريمك..
سارة:ماابيه..انت كله بالعافيه..
فهد:انتظرك انا... يسلم عليك..
سارة:بيستقر طول العمر؟
مشاعل:يمكن...
فهد:اييه طول العمر..هههههههههههههه
سارة بعدت عن فهد وصارت تمشي بلحالها..
مشاعل:طيب سوسو يالله اخليك.وسلميلي على فهد..
سارة:انا بعد شوي بكلم عمتي..وسلميلي عليهم كلهم..
مشاعل:انشالله...يلا مع السلامه..
سارة:بااي..
لفت سارة لفهد وهو ما سك الايس كريم ياكل من هنا شوي ومن هنا شوي..
سارة:فهد ايس كريمي..
فهد:والله مااحد قالك تكلمين بعدين لي ساعه وانا اقولك ايس كريم ايس كريم وانت سافهتني..,مين الي بيجي؟؟
سارة:سلطان ولد عمتي..
فهد:الي بامريكا؟؟
سارة:اييه..تخيل.ماني مصدقه نفسي..ماقد جا السعوديه الا كم مرة..
فهد يتريق على سارة:بيجلس طول العمر؟؟
سارة:تتريق...انت ووجهك..,اييه يمكن..
فهد:ههههههههههههههههههههه..يا حليله...
سارة:ابي ايس كريم..
فهد:طيب بس اخلص واروح اشتري لك..
سارة:معاك ايس كريمين متى بتخلص؟
فهد:هههههههههههههههههههههه..طيب روحي روحي..
راحت سارة وشرت لها ورجعت لفهد وكان مخلص ايس كريم واحد وباقي واحد..
سارة:مشالله..مشالله..امداك؟؟
فهد:اييه الاكل وش يبيله؟؟
سارة:تعرف لو انا بس اسمع بواحد ياكل اكلك كان قلت هذا يمكن ما يدخل من الباب..بس مشالله مشالله عيني عليك باردة..
فهد:ههههههههههههههههههههه...قولي بالعافيه..بعدين ترا انا طبيعي الا شوي..انتي الي مو طبيعيه..
سارة:لا والله...
فهد:اييه والله..
سارة:اسكت بس..
فهد:طيب..بسكت..تامرين امر...
قربت سارة لفهد ومسكت يده...
فهد كان ساكت وماتكلم ولا كلمه..
سارة كل شوي تلتفت له تناظره وهو مو معبرها...
سارة بعد فترة قصيرة:فهد...
فهد:................
سارة:فهودي....
فهد:............
سارة:دودي...
فهد مارد وقاعد يغني..ومطنشها..
ساره:فهيد وصمخ...
فهد:تكلميني؟؟
سارة:لا ولد الجيران...
فهد:اييه صح نسيت انه جاي معنا...
سارة:فهد عااد...
فهد:انتي قلتي اسكت..
سارة:طيب خلاص لا تسكت..
فهد:يا سلام وانا على كيفك اِسكت..أسكت..تكلم ..أتكلم..
سارة:فهد عاد بلا سخافه...
فهد:انا الحين السخيف...طيب..
سحب فهد يده من يد سارة وصار قدامها بخطوات..
سارة بصوت عالي:فــــــــــــــــــــــــــهـــــــــــــــــ د..... طق راسك بالي تبي...وازعل
فهد:بعد أطق راسي..
سارة وهي تمشي بخطوات اسرع وصارت وراه بالظبط دفته بيدها...
فهد:بعد تضرب...عشنا وشفنا...
ويسرع فهد خطواته...
سارة:فهد ترا الاوتيل هنا والله ان ما عقلت برجع...
فهد:ارجعي...
سارة عصبت:طييييييب..اوريك...يافهد...ورجعني الرياض بعد...
لفت سارة وراحت عند الزباله ورمت الايس كريم وكملت مشيها للاوتيل...
الفندق كان مرة قريب من المكان الي هم فيه..يعني على شارع الشانز...
وصلت سارة للغرفه وكانت مرة معصبه من فهد..فصخت البالطو ورمته على السرير وفكت الشال ورمته هو الثاني على السرير...فصخت جزمتها وماشالتها من الارض خلتها بمكانها...ورمت نفسها على السرير..بعد عشر دقايق .. ربع ساعه تقريبا دخل فهد الغرفه وكان ميت ضحك...
فهد بصوت عالي:سارة..سوسو..سوير...
سارة ما تحركت ولا حاولت حتى تلف عليه...
فهد:لك حق تزعل ثم لك حق نرضيك....
سارة:...................
فهد:يا سلام قلبتها لمصلحتها..اخخخخ منك بس...
سارة:ممكن تسكت ابغى انام..
فهد:احد ينام بملابسه والنور مفتوح ..واصلا احد ينام وهو زعلان...لا وزعلانه مني بعد...
سارة ما ردت....
قرب فهد لسارة وجلس على السرير من جهتها...حط يده على شعرها وصار يلعب فيه...
سارة رفعت عيونها وكانت تناظره ..وهو منزل عيونه وكان يناظر شعرها...
فهد:الحين ليش انتي زعلتي؟؟
سارة:يعني مو عارف ليش؟؟
فهد:استهبل معاك..
سارة:بس مصختها..وانا مااحب احد يستهبل معاي كذا...ترا انا مو وليد ولا بدر..
فهد:هههههههههههههههههههه..يا قلبي والله...طيب اسف..والله اسف...امري وتدللي وش تبين اسوي بس؟؟
سارة:طيب رضيت..ماابيك تسوي شي..بس لاتعيدها..
فهد:تصدقين عاد يجنن الزعل عليك..وشكلك وانتي معصبه يجنن....واحلى شي وانتي قاعده تراضيني...لا وبعد تبي ترجع الرياض...هههههههههههههههه
سارة:هههههههههههه خلاص عااد..
فهد:وشو هذا الصوت؟؟
سارة:هههههههههههههههههههههههه
فهد:مو صوت بطني...صوت بطنك؟؟
حط فهد اذنه عند بطن سارة:هههههههههههههههههه صوت بطنك...واخيررررررررا..لا لا مااصدق اجل كل يوم بخليك تزعلين عشان تجوعين..
سارة:يا بكااش هذا صوت بطنك ههههههههههههههههههههههه
فهد:هههههههههه بوهمك..
سارة:هههههههه..
فهد وهو يمسك يد سارة ويرفعها:يلا يلا البسي وعلى طول على المطعم..
سارة:ههههههههه..طيب...
فهد:الا وين الايس كريم؟؟
سارة:كلو منك رميته..
فهد:ربي موكاتب تاكلين اليوم ايس كريم...بس بعد العشا بجيب لك احلى ايس كريم..ولاتزعل علينا حبيبة فهد...انا مااقوى على زعلها...
حلوة تكون الحياة الزوجيه كذا فيها حب ومزح وجد...انشالله بس ماتكون طفه يعني فترة وتنقلب الحياة لجحيم..مثل ماكثير من الناس في بداية الزواج او في اول شهر حياتهم عسل وبعدها انتم اعلم وش يصير فيها...

><><><><><

الساعه 3:17 الفجر مشاعل بغرفتها منسدحه على السرير تنتظر خالد يكلم عليها...
طقيت الباب ودخلت ماانتظرت رد مشاعل..
:مانمتي؟؟
مشاعل:الا نمت..وش شايفه انتي؟؟
:هههههههههه طيب غريبه..انتي دجاجه بالعاده تنامين..
مشاعل:انتي الي وش مقومك؟؟
:بكرة ماعندي جامعه..
مشاعل:اهاا..
:طيب ليش مانمتي؟؟
مشاعل:انتظر خالد يكلمني..
:ما بعد وصل؟
مشاعل:ماادري بس مااظن..لو وصل بيكلم..
:ايه صح..انتي وش رايك..انا قلت لابوي اننا نخلي جناح الضيوف لسلطان ونجيب غرفة جديده ونجيب له مكتب بعد..
مشاعل:وش عندك متحمسه؟؟
:من الطبيعي اني اتحمس ومو من الطبيعي مااتحمس..
مشاعل:طيب...
:والله حلوو الشعور...تخيلي فجاة بيجي يسكن معنا واحد..ياااااااااااي فلله..
مشاعل:الحمدالله على العقل...بعدين لاتتوقعينه شي حلو..
:ما فمهت؟؟
مشاعل:يعني كشخصيه وطبع وتعامل..
:بالعكس.. احسه مرة شخصيه..
مشاعل:اييه كلنا عارفين هالشي..شخصيه وبقوة بعد..
:احسه زي الي بالافلام..
مشاعل:اييه هو كذا شكله..
:اييه عارفه وشخصيته بعد..يعني واحد عايش بامريكا وش تتوقعين بيطلع..
مشاعل:يخوف..
:ليش؟؟
مشاعل:انتي قلتي عايش بامريكا وش تتوقعين يصير؟؟
سكتت شوي ورحت بدنيا ثانيه...
مشاعل:وين رحتي؟؟
:خوفتيني...
مشاعل:احسه غامض..
:لا..بس يمكن يصير غامض معنا...يعني اذا واحد جا عند ناس مو مثله لا تفكيراً ولا طريقة الحياة..ولا مجتمع..اكيد بيكون غامض بالنسبه لهم..لانه هو ماراح يظهر لهم طريقة تفكيره اذا هم ما راح يصيرون مقتنعين فيها...فهمتي قصدي؟؟
مشاعل:اييه..اييه..صح كلامك...
:فجأة قرر انه يجي..غريبه..تصدقين اول مرة افكر هالتفكير..
مشاعل:لاتفكرين..ولا افكر..ماتدرين هو شو تفكيره..
:بس والله لاكتشفه..
مشاعل:مجنونه...
بوقتها رن جوال مشاعل وكان خالد....
:يعني اطلع؟؟
مشاعل:بكيفك..
:متى بس يتصل علي...
ردت مشاعل وطلعت من الغرفة..بس اليوم احساني ماراح انام..افكر بالي بيجي ويقعد عندنا..يعني يحق لي افكر واتخيل....
نرجع لمشاعل الي تركتها تكلم خالد...
مشاعل:هلا وغلا..
خالد:هلا والله...
مشاعل:الحمدالله على السلامه..
خالد:الله يسلمك..
مشاعل:توك واصل؟؟
خالد:لي ربع ساعه..
مشاعل:انشالله ما تعبت؟
خالد:لا الحمدالله..
مشاعل:الحمدالله..
خالد:شخبارك؟؟
مشاعل:الحمدالله..
خالد:في بيت اهلك؟؟
مشاعل:اييه..
خالد:طيب مشاعل انا بكلم على امي بطمنها...
مشاعل:طيب...
خالد:مع السلامه..
مشاعل:انتبه لنفسك...
خالد:انشالله..
مشاعل:وكلمني متى ما فضيت..
خالد:انشالله.
مشاعل:مع السلامه..
خالد:مع السلامه...
مشاعل كانت مبسوطه..خالد اول مرة يكلمها قبل لا يكلم امه وابوه....

><><><><
بعد أربعه أيام...
اليوم الجمعه الساعه 4:10 العصر بشارع التحليه...وليد وبدر بالسيارة...بدر كان يسوق وجنبه وليد...
(وليد اخو فهد زوج سارة وبدر ولد اخوه اذا نسيتو اذكركم)
وليد كان مرة معصب من اخوه صالح ابو بدر لانه عطاه اليوم هوشه محترمه....
وليد وكان يهز رجله كان معصب ومتوتر:قل لابوك لا يتدخل فيني مرة ثانيه ماني بزر انا عنده ولا ولده يقعد يتحكم فيني..
بدر:ههههههههههههه اذكر الله...
وليد بصوت عالي:لا تضحك..انا مو قاعد العب ..
بدر:آســـف..
وليد:الدراسه شي يخصني انا وبس..مااحب احد يدخل فيها..
بـدر:انا مالي دخل..قل هالكلام له هو مو لي انا..
وليــد:لا لك دخل انت ولده..وابيك توصله هالحكي...
بـدر:لا ياشيخ...وانا مكلف فيك والا مكلف فيك..شايفني محامي والا شايفني لسانك؟؟
وليـد:انت حمار...
بـدر:حمار انت..
ولـيد:شف بتقوله الحكي بتقوله...اييه ولا تقوله اني انا الي قلت..قله انو وليد متضايق منك..
بـدر:لا احلللف انت بس...حلووووووووة ذي... اجل متضايق منه...يا جباااان..
وليــد:بعدين هو وش دخله مني ومن طلعاتي وسهراتي..حلووة ذي لا يكون ابوي بس وانا ماادري...بعدين ماعنده عيال هو والا لقافه يعني..
بـدر:شف يا ابن الناس...ابوي يدخل فيك طلبا من امك..والا ابوي مو ناقص تحمل مسؤوليات...بعدين انت اصغر عيال جدي من العيال طبعا.. ولازم احد ينتبه لك...وابوي تكرم وتنازل من بين اخوانه وقرر انه ينتبه لك...
وليــد:انا اوريها امي..هين..هين..اصبري بس اذا رجعت..يااخي خلي كل واحد يعيش بالطريقه الي هو يرتاح فيها...كل واحد يعرف مصلحته ويعرف كيف يعيش..
بـدر:انت ما تعرف مصلحتك...
وليـد:يا بدير لا تخليني اطلع حرة ابوك فيك...
بدر:طيب بسكت..
بعد فترة سكوت قصيرة..
وليد:انا هالمهزله ذي ما تعجبني..عموما الي صار عند ابوي..وانا اعرف كيف ابوي يتفاهم معاه..
بدر:هههههههههههههههههههههههههههههههههههههههههههههه ههه....انت الحين بتوريني انك شخصيه...يا شيخ طير بس...
وليــد:وقف السيارة وقف السيارة...بنزل لاني لو جلست بنفجر وبطيح ضرب فيك..
بدر:تامر امــر..
وقف بدر..ونزل وليد وصبخ بالباب صبخه رجت السيارة...
بدر عصب من وليد وفتح الشباك الي من الجهه الثانيه وقرب شوي..
بدر:سياااااارتي..ياحمار..شوي..شوي...
وليد لف عليه وناظره من طرف عين وكمل مشيه...راح جلس بقهوة وكلم على فهد....
وكمل بدر طريقه وهو بالطريق رن جواله وكان فهد...
بدر على طول رد:هلا هلا هلا..
فهد:الله الله الله..كل هذا ترحيب..
بدر:قليل بعد...شخبارك؟؟
فهد:الحمدالله..انت شخبارك؟؟
بدر:طيب..
فهد:ليش مزعلين اخوي؟؟
بدر:ههههههههههههههههههه وصلك الخبر..
فهد:توي مقفل منه..
بدر:اييه طبعا اخوك..اذا ما فزعت له تفزع لمين؟؟
فهد:اييه طبعا عااد كلش الا وليد..وانتي ياخي تنرفز..
بدر:شف شف..حلوة ذي..فهد انت ما حضرت الي صار فبليز لا تحكم وانت ما شفت شي..
فهد:يااخي قله.. طيب..تامر.. الي تبيه بيصر.. بس لا تقعد تحارشه..
بدر:وليد نرفزني..بعدين يتكلم من لامنطق..يعني يبيني اروح اتهاوش مع ابوي عشانه..معليش يعني بس هو عنده لسان ويعرف يحكي...
فهد:ههههههههههههههههههههههههه..طيب وراك انت معصب؟؟
بدر:يحق لي يااخي..انت متصل تهاوش..
فهد:الحين انا اهاوش؟؟
بدر:اييه تهاوش..
فهد:بدر..اسمعني وليد طيب وعلى نياته ويعصب بسرعه بس يروق بسرعه...وله حق يعصب معليش بس ابوك ماله شغل..
بدر:لا تقعد تعلني انت الثاني..تراه اخوك قبل لا يصير ابوي..ورح كلمه هو مو تكلمني انا...وانا الي قاعد يصير مو عاجبني بس وش اسوي يعني..بعدين على فكرة خالتي لمياء هي الي طالبه من ابوي...
فهد:اييه يمكن..بس اسمحلي اسمحلي ابوك مليقف من حينه...
بدر:ههههههههههههههههههههههه..شخبارك بس؟؟
فهد:الحمدالله...
بدر:متى راجع؟؟
فهد:انشالله عشرة ايام..
بدر:شخبار سارة؟؟
فهد:تسلم عليك..
بدر:الله يسلمها....
فهد:طيب بدر..نشوفك على خير انشالله وسلملي على الشباب وعلى اهلك..
بدر:انشالله يوصل... 
فهد:ولاتزعل وليد 
بدر:تامرون امر...بس فكوني..
فهد: ههههههههههههههههههه مع السلامه..
بدر:بااي...
بعد ما سكر بدر من فهد..اتصل عليه فيصل....
(فيصل وبدر كانوا اصدقاء من ايام المدرسه والجامعه والحين بعد يشتغلون مع بعض..وعلاقتهم مرة قويه.. مثل الاخوان..الدنيا صغيرة انا اؤمن بالهشي كل الناس تعرف بعضها)
فيصل:هلا..
بدر:هلا ومسهلا..
فيصل:شخبارك؟؟
بدر:طيب..
فيصل:وينك؟؟
بدر:بالسيارة..
فيصل:طيب تعال مرني...
بدر:طيب...
فيصل:وشفيك؟
بدر:منرفز...اسمع خمس دقايق واكون عندك..
فيصل:اوكي..انتظرك..
عشر دقايق تقريبا وجا بدر عند فيصل...
فيصل وهو يركب السيارة:هلااااا...
بدر:هلا بك..شخبارك؟؟
فيصل:الحمدالله..
بدر:الخشم احمر..ههههههههههههه
فيصل:اسكت بس تعبت تعب اووف الله لايعيده والزكام للحين ماراح..
بدر:فقدتك بالشغل يااخي..
فيصل:اييه ماالومك..,بعيدن وش فيك؟؟
بدر:منرفز من وليد وفهد..
فيصل:لا عااد كلش الا عديلي...
بدر:هههههههههههههههههههههه..ياعيني ياعيني...
فيصل:خلاص انا قررت اخطبها...هالايام بادي المح لامي...وانشالله..
بدر:عقبالي...
فيصل:نورة اخت منار..تصلح لك..
بدر:وش كبرها؟؟
فيصل:باول جامعه..
بدر: لا صغيرة..
فيصل:لا بالعكس..
بدر:خلاص بخطبها..هههههههههههههههههههههههه..
فيصل:ههههههههههههههههه..
بدر:وين نروح؟؟
فيصل:مدري الي تبي...
بدر:اوكي...
<>><<>><<>><<>
دخلت عمتي الصاله وهي لابسه العبايه ومعها شنطتها...
فوزيه:بنات مين يجي معي؟؟
مشاعل:وين؟؟
فوزيه:بروح اشوف غرفة لسلطان ومكتب..
منار:هذا اختصاص نورة....
اناطبعا انبسطت:اييه اروح ليش لا؟
مشاعل:اذا ما شرت لزوجها بتشتري لمين؟؟
فوزيه:ههههههههههههههههههههههههههه...يوم قلت له مات ضحك...قال يمكن لو اني متزوج كان جبتها..
مشاعل ومنار:ههههههههههههههههههههههههههههههههههههههه
:لا والله...وليش انشالله كم عمره هو؟؟
فوزيه:يمزح...
:احسسسن ماراح اروح..
فوزيه:يابنت الحلال يمزح..يلا بس تعالي...
:افكرر..
مشاعل:تتغلين انتي وخشتك..
:طيب..ترا عشانك يا عمتي بس..
فوزيه:وين ريما؟؟
مشاعل:تتفرج على كرتون بغرفة الفيديو..
فوزيه:اها..طيب يلا نورة روحي البسي...
:طيب..
رحت ولبست عبايتي ونزلت بسرعه...
:انا جاهزة..
فوزيه:يلا..
طلعنا ان وعمتي..
منار:مشاعل شخبار رجلك؟؟
مشاعل:طيب...
منار:متى يرجع؟؟
مشاعل وهي مبتسمه:اليوم..
منار:الله الله الله..على هالضحكه..يعني كل هذا عشان خالد بيرجع...يا عيني ياعيني...طيب متى؟؟
مشاعل:تقريبا على الساعه 3 الفجر..
منار:بترجعين بيتك؟؟
مشاعل:أكيييييد....
منار:سارة متى راجعه؟؟
مشاعل:بعد عشر ايام تقريبا..
منار:وسلطان متى بيجي؟؟
مشاعل:بعد اسبوعين بعد ثلاثه..ماادري,,
منار:مو هو قال بعد اسبوعين..
مشاعل:ماادري والله كل يوم يعطي موعد
منار:اهااا...
مشاعل:انا بروح ارتب اغراضي..
منار:متى بتروحين؟؟
مشاعل:يعني على الساعه 12..بس برتب اغراضي من الحين اريح..
منار:تبين اساعدك؟؟
مشاعل:لا يا حلوة شكرا...
طلعت مشاعل لغرفتها ومناربالصاله.. تتفرج على التلفزيون..بعد وقت قصير رن جوالها وكان فيصل..
منار:اهلييين..
فيصل:هلا..اسمعي منور..انا باشكال محل النظارات..وش رايك وش اشتري؟؟
منار:طيب وش عجبك انت؟؟
ايش رايك وش اخذ؟ free..و....Armani فيصل:فييه.. 
منار:اممممممممم..طيب وش احلى؟؟
فيصل:كلهم حلوين...
منار:ماادري...
فيصل:بدر يقول ارماني احلى..بس ماادري..انا قلت اخذ رايك ...
منار:طيب اسمع..البسهم وصور نفسك وادخل ماسنجر اليوم وارسلهم لي...وبكرة روح واشتري..
فيصل:خلاص اوكي...يلا بااي
منار:بااي..
<>><<>
بدر:ها وش قررت؟؟
فيصل:بكرة بجي اشتري..اسمع انا بلبس وانت صورني بعدين برسلهم على كمبويتري..عشان اوريهم منار..
بدر:يعني انت ما تثق فيني..طيب..اوريك يا فيصل..
فيصل:ههههههههههههههههههه..لا والله بس اثق بذوقها...
بدر:تراك مو اول مرة تسويها..كل ما بغيت تشتري شي تسال منار..لاتكون بس امك وانا ماادري..
فيصل:مالك شغل..يااخي..كيفي...
بدر:انا مسكين ما عندي احد...
فيصل:الله يرزقك انشالله بزوجه...يلا بس امش صور..
<>><<>><
الساعه 10:00 الليل رجعنا انا وعمتي... من الجوله الي سوينها والحمدالله بفايدة..
جلست على الكنبه وفكيت الطرحه واخذت نفس طويل:تعبت..
مشاعل:طيب لقيتو؟؟
فوزيه:والله شفنا غرفتين عجبونا...وماادري عااد..
منار:ومكتب؟؟
فوزيه:اييه شرينا..
:حلو مرة المكتب..
فوزيه:والله كلهم ذوق نورة..
مشاعل:ههههههههههههههههههههه..انشالله عاد يعجبه..
منار:والله وصارت نورة تطلع لمحلات اثاث..
:هيي انتم عاد بلا سخافه قلتها مرة امزح ومسكتوها...ترا بقوة مصختوها..
فوزيه:ماعليك منهم خليهم يتريقون الى بكرة...بس سلطان انشالله بزوجك ايااه..
منار:هههههههههههههههههههههه,,ياسلام..
فوزيه:مشاعل خالد اليوم بيجي؟؟
مشاعل:ايه انشالله..
فوزيه:بترجعين لبيتك والا بكرة؟؟
مشاعل:لا اكيد برجع..
فوزيه:ماكلمتكم سارة؟؟
منار:لا...
فوزيه:طيب انا بروح غرفتي بصلي ما صليت..نورة انتي بعد..
:انشالله...
طلعت فوزيه غرفتها..
:بناااااااااات شفت واحد...لا لا مو طبيعي..
مشاعل:الله يثبتك على العقل..
:ماشفتوه والا كان عقولكم طارت..
منار:هههههههههههههههههههههه...عاد نورة يعجبها احد اكيد انه حلو..
:كان هو وواحد ..مشالله مشالله...الله يخليه لاهله...
:هههههههههههههههههههه..اي محل؟؟
:البيت الفاخر..الي بالتحليه...
منار:اي واحد؟؟
:الي جنب الريف..وتاو..
منار:ايييه اييه...كانت تروح له سارة..تشتري منه..
:اييه..
منار:الي جنب اشكال محل النظارات؟؟
:اييه على صفته..ماتفهمين انتي
منار:اهاا...
مشاعل:روحي صلي بس..
:طيب...,متى بتروحين بيتك؟؟
مشاعل:مو الحين..هو قبل ساعه ونصف تقريبا كلمني وتوه يركب الطيارة يعني يمكن يوصل على الساعه 2 او 2:30...
:كويس..
منار:ترا كلمتك هاله..
:اييه كلمتني على جوالي..
منار:وش تبي؟؟
:تسولف..
منار:اهااا

الساعه 12:30 رجعت مشاعل بيتها...وكان نظيف ومرتب..ام خالد ارسلت الشغالات ينظفونه قبل لا يرجعون مشاعل وخالد...

طبعا الا الغرفه..لانها كانت مقفله..دخلت مشاعل غرفتها ورتبتها من فوق لتحت...وبعد ما خلصت تحممت ولبست..
وعلى الساعه2:00 خلصت مشاعل وراحت جلست بالصاله تتفرج على التلفزيون الى ما يجي خالد...
جت الساعه 3:00 وخالد ما بعد جا...ولا اتصل..رفعت سماعة التيلفون وكلمت عليه بس جواله كان مقفل...
الساعه 4:00 ولسا ما بعد جا...مشاعل نامت بمكانها بدون ما تحس...
الساعه 6:00 الصباح دخل خالد البيت...بهدؤ..مر من الصاله وشاف مشاعل نايمه...
خالد وهو يحط يده على كتفها وبصوت واطي:مشاعل..
مشاعل على طول فتحت عيونها..
مشاعل:خالد..
خالد:ليش كذا نايمه؟؟
مشاعل:انتظرك..وينك ليش تأخرت؟؟خفت عليك وكنت اتصل وجوالك مقفل..
خالد سكت شوي لما سمع كلامها وابتسم:الطيارة تأخرت مااقلعت كان فيها خلل..قعدنا تقريبا 3ساعات بالطيارة..
مشاعل:ياحياتي..
خالد لف وعطاها ظهره...
مشاعل تنحت شوي بخالد وهو معطيها ظهره...ضاق صدرها من برود خالد الزايد..حتى ما سلم عليها..
خالد لف عليها:ليش قعدتي؟؟
مشاعل:كنت ابغى اسلم عليك..
خالد ابتسم:خليها بكرة الحين كلنا تعبانين...(ماادري بس في احد ياجل السلام!!!)
خالد كمل مشيه ولاعلق على كلامها..دخل الغرفه وسكر الباب بهدؤ...
مشاعل لما سمعت صوت الباب يتقفل..انفجرت صياح..ماكانت تقدر تتحمل اكثر من كذا..صاحت ولا شعوريا ..دموعها كانت اقوى منها...
كنت مبسوطه برجعته ويجي ويعاملني ببرود ينرفز..مو معقوله في انسان كذا...
مشاعل ما نامت بغرفتها جلست بالصاله ونامت على الكنبه....
><
> <
الساعه 2 الظهر صحى خالد من النوم...وراح بيت اهله..ومشاعل نايمه...
بعده بشوي صحت مشاعل وما شافت خالد عرفت انه رايح بيت اهله..تعودت عليه..بس هالمرة بترد له حركته..وراحت هي الثانيه بيت اهلها..عناد فيه..
******************



دخلنا انا ومنار البيت تونا راجعين من الجامعه...واستغربت ان مشاعل عندنا ومن الظهر بعد!

:ميشوو عندنا؟؟
مشاعل:اييه..
منار:اشتقتي لنا؟
مشاعل ابتسمت...
:قرة عينك...
مشاعل:بوجه نبيك..
منار:عمتي شخبارك؟؟
فوزيه:الحمدالله...
:ماكلمك سلطان؟؟
فوزيه:الا..بيجي انشالله الجمعه مو الجايه الي بعدها يعني اسبوعين
منار باستغراب:مررة قريب
انا ومنار ناظرنا بعض باستغراب..
:قدمها مررة..
فوزيه:ايييه..هو قال بعد اسبوعين او ثلاثه..وراح اسبوع وبقى اسبوعين
:اهاا..,جوعاااااااااااااااااااااااااااااااااااانه. ..
فوزيه:يلا الغدا جاهز..ابوكم اليوم ماراح يجي على الغدا..
ريما توها داخله هي الثانيه...
فوزيه:هلا هلا..
ريما:مشاااعل..
مشاعل ومالها خلق تحكي مع احد:هلا حبيبتي..
فوزيه:كيف المدرسه اليوم؟؟
ريما:كويسه..
منار:انا بروح ابدل ملابسي...
:انا مالي خلق باكل اول بعدين اروح ابدل واناااااااااام..
فوزيه:يلا يلا اجلسوا.. بس غسلوا قبل..
رحت للمغسله وغسلت يدي...ووراي ريما..
جلسو كلهم على سفرة الاكل..الا مشاعل..
فوزيه بصوت عالي:مشاعل...مشاعل..
مشاعل:نعم..
فوزيه:تعالي يمه تغدي..
مشاعل:طيب..
جت مشاعل وجلست بهدؤ...والصحن فاضي قدامها..
:ليش ماتاكلين؟؟
مشاعل:الحين بحط لي..
فوزيه وهي تمسك الملعقه عشان تحط لمشاعل..
مشاعل:بس..بس..يكفي كذا عمتي..
فوزيه:المكرونه مرة لذيذة ما تبين؟؟
مشاعل:انا احط..ارتاحي عمتي..
فوزيه:نورة اليوم نروح نشوف الستاير ونروح نشتري الغرفه..وش بعد؟؟
:اليوم هذي الاشياء وبكرة نروح نشتري طقم للحمام...اييه وفرشه للغرفه...وش بعد؟؟
فوزيه:هذي الاشياء الرئيسيه والاشياء الباقيه اذا خلصنا هالاشياء..
:حلوو..
منار:مشاعل..اليوم شفت وحده اسمها لمى سالتني عنك...
مشاعل ماانتبهت لمنار..(مشاعل مو طبيعيه بس تعودنا مو شئ جديد)
منار:ميشوو..
مشاعل:هاااا..
منار:اقولك اليوم وحده سالتني عنك..
مشاعل:اييه..
منار:بس..
:وش عرفها بمشاعل؟؟
منار:تقرب لخالد..
فوزيه:اييه صح نورة..في وحده من بنات صديقاتي معاك..
:وش اسمها؟؟
فوزيه:منيرة................
:وع وع وع وع...اكرهها..
منار:وش عرفك فيها..
:معانا تجلس..
فوزيه:عيب تقولين كذا..
:انا اعبر عن الي فيني...البنت..اللهم لا شمااته اسسكت احسسسن..
فوزيه:استغفري..
:استغفر الله..استغفر الله..
ريما:الاستاذه قالت لنا انو الي تحكي بالناس كانها تاكل لحم انسان..
:عشتوو ريما...
منار:انا اكره الحش..
:انا بعد اكرهه بس الواحد مرات غصبا عنه..بعدين منار انتي تحشين..
منار:يعني مرات..
فوزيه:الواحد يعود نفسه ما يحكي...
:الله يهديني..
منار:الحمدالله..يلا انا بروح انام..
:وانا بعد..تصبحون على خير..
فوزيه:احنا ماراح ننام انتي الي تصبحين على خير..
فوزيه تشوف مشاعل وتشوف صحنها مثل ماهو ماتحرك...فوزيه سكتت وماقالت شي..وهي عارفه انو مشاعل فيها شي مو طبيعيه..من او ل ماجت..
قمنا انا ومنار...
دخلت منار الغرفه وان وراها...
منار:وش تبين؟؟
:مشاعل مضيقه صدري..
منار:مررة..
:انا اكره شي بالدنيا اسمه خالد..هذا انسان حمار..
منار:مشاعل بعد حمارة..
:حمارة لانها تحبه؟؟
منار سكتت شوي..:بس..


قاطعتها:مشاعل مو من النوع الي يحكي..بس باين عليها..اليوم واحنا نتغدى عيونها دمعت..
منار:احلفي؟؟
:والله..انا مررة ضاق صدري...
دمعت عيني غصبا عني مشاعل طيبه وتحب خالد يعني حرام الي يصير لها...
منار:نورة تصيحين؟؟
:مشاعل طيبه..وخالد حمار..
منار:خالد طيب..بس هو مايحبها واضح مرة من ايام ماكانوا مخطوبين..
:ليش جلست معاه كان فكت..اريح لها..
منار:حبته..بعدين انا مرة سمعتها تحكي مع سارة وكانت تصيح وتقولها اني اموت فيه بس هو مررة جامد...واربع وعشرين ساعه في بيت اهله..
:ودي اكلمه واهاوشه..اكرهه..ينرفزني...طيب ليش ماتطلق منه مشاعل؟؟
منار:ماادري عنها..والمشكله ابوي وعمتي عارفين انها مو مبسوطه وساكتين..
:لانها هي ماتقولهم شي..ترا مشاعل من النوع الي ما يحكي وماتقول الا لسارة...
منار:شكلهم متهاوشين هي وخالد هو امس الفجر راجع من السفر والطبيعي انها تجلس لانه امس راجع..
:يا ليتني بس اقدر اكلمه واعطيه كلام...
منار:خلاص نورة لا تضيقين صدري زيادة..انا بنام..
:انا بروح اجلس مع مشاعل ماابي يضيق صدرها..,
منار:سكري الباب..
:طيب..
طلعت ورحت الصاله وماكانت مشاعل فيه..:وين مشاعل؟؟
فوزيه:بغرفتها تكلم سارة..
:اهاا.
رحت غرفتي عشان انام...

<>

><
><
<>
><



بالصاله فيصل وامه واخته بسمه...

بسمه:غريبه فيصل رجعت بدري من شغلك...
فيصل:لا ما رجعت بدري قدمت نص ساعه بس...صرت راجع بدري؟
بسمه:لا مو نصف ساعه اكثر..
فيصل:كان عندنا اجتماع برا المكتب وخلصنا ومارجعت على البنك..
بسمه:اهااا...
ام فيصل:وين فراس تأخر...
فيصل:اكيد بالجامعه..
بسمه:اييه يمه فراس بذا الوقت عنده محاضرة اتوقع...
فيصل:حطوا الغدا..انا جوعاان..
ام فيصل:جاهز...يلا انزلوا..
بسفرة الاكل كلهم جالسين..
فيصل:يمه وش صار على موضوعي؟؟
ام فيصل:اي موضوع؟؟
فيصل:الخطبه...
ام فيصل:انا اقول اصبر مو الحين..البنات كثاار وماراح يطيرون..
فيصل:ادري ماراح يطيرون...وبعدين انا البنت لاقيها وقلت لك قبل...بس عليك انك تتصلين..
ام فيصل:يصير خير..
فيصل:يمه وشفيك كانك ما تبين تزوجيني؟؟
ام فيصل:الي تبيها انا ماابيها..
فيصل يناظربسمه:ومن الي قالك؟؟
ام فيصل:شف هالناس انا ماابيهم...
فيصل:وليش انشالله؟؟
ام فيصل:مااحبهم..
فيصل:انا الي بتزوج...واعتقد اني انا الي اختار زوجتي..
ام فيصل:واعتقد اني انا امك...
فيصل:وليش ما تحبينهم؟؟
بسمه:عشان كانوا خاطبين مشاعل لخالي ورفضونا..
فيصل:هذا سبب يخليك ترفضين؟؟
ام فيصل:اييه..ليش وش شايفين بانفسهم والا احنا مو مالين عينهم؟؟
فيصل:الزواج قسمه ونصيب...
ام فيصل:هالناس انا ماابيهم..
فيصل:براحتك..بس انا البنت ابيها...,تبين اعطيك رقم بيتهم؟؟والا عندك؟؟
ام فيصل:افهم من كلامك اني بكلم غصب عني؟؟
فيصل:لا انا مااغصبك...بعدين انا الي بتزوج...يمه حبيبتي انا البنت ابيها..
قام فيصل من الطاوله وكان معصب من الي صار...
ام فيصل:بكلمهم بس مو الحين بسأل عن البنت اول..
فيصل:اسبوعين بس...(ومن تخطيطات فيصل انه مايقول لمنار شي يبي يخليها مفأجاة لها..)
بسمه:على طول اقتنعتي؟؟
ام فيصل:مااقدر اقوله لا...
بسمه:يمه البنت مرة حبوبه وطيبه وحلوة بعد..
ام فيصل:ماشافت الحلا..
بسمه:لا والله بالعكس..
ام فيصل:بكلم..وبسوي الي براسه...
بسمه:يمه انتي السبب حقك مو مقنع بعد...
ام فيصل:يوم خطبنا مشاعل ترا كنا مغصوبين لان ماجد كان ميت يبيها ورفضوا...والحين اخوك يبي اختها ونشوف وش بيقولون..
بسمه:لا في فررق...ماجد كان يبيها لانه شافها...لكن فيصل ومنار غيير..,بعدين وش في بينكم؟؟؟
ام فيصل:عيلتنا وعيلتهم ما ياخذون من بعض من ايام جدانا..
بسمه:وليش؟؟
ام فيصل:مشاكل...
بسمه:اهاا..ياذا المشاكل..بعدين يمه انتم كل الناس متهاوشين معهم؟؟
ام فيصل:اسكتي الله يرحم والديك..

نهايـــــــه الجزء

________________________________
(الجزء الثالث)

(الليله احساسي غريــب)

بقوة تفتح مضاوي الباب على شيخه..
شيخه:مضيوووي كذا الواحد يفتح الباب..روعتيني ..
مضاوي:نايمه؟؟
شيخه:كنت توي مغمضه عيوني..حرااام علييك..
مضاوي:ارجعي غمضيها مررة ثانيه وين المشكله؟؟
شيخه:ياسخفك..
مضاوي:تخيييييلي..
شيخه:وشو؟؟
مضاوي:في واحد متقدم لي..
شيخه:وش الجديد؟؟
مضاوي:حزري ولد مين؟؟
شيخه:ولد مين؟؟
مضاوي:حزري...
شيخه:بسررعه عااد ولد مين؟؟
مضاوي:ولد...............
شيخه:امااانه..يقرب لسعد خطيبك؟؟
مضاوي:بس امي رفضت..
شيخه:ههههههههههههههههههههههههههههههههههههههههههههه ه......
مضاوي:ماادري بس احس صعبه...يعني انا اول كنت مخطوبه لولد عم امه..اجي انخطب له..
شيخه:يصير ولد عم امه؟؟
مضاوي:اييه..
شيخه:وليش انشالله جو؟؟
مضاوي:امي تقول بينهم مشاكل والظاهر يبون يرفعون ظغط ام سعد وخواتها..
شيخه:ههههههههههههههههه وعلى حسااب عيالهم...الحمدالله والشكر..
مضاوي:بقوة الحمدالله والشكر.
شيخه:طيب انا مااحد جاني..
مضاوي:يعني لو جالك بتوافقين؟؟
شيخه:وش رايك يعني؟؟
مضاوي:اممممممممممممم..
شيخه:ماادري...مضاوي مالي خلق اتكلم عنه..دايخه وابي انام..ممكن تطلعين؟؟
مضاوي:طيب..
************************
رن جوال منار وكانت رنة فيصل...منار كانت حاطه دقه غير لفيصل..
ماردت منار لانها كانت نايمه...ورن الجوال مرة ثانيه وردت..
منار وهي تتنحنح:الوو..
فيصل:نايمه؟
منار:اييه..
فيصل:طيب قومي..
منار:وش تبي؟
فيصل:ادخلي نت..
منار:الحين؟؟
فيصل:اييه اييه خمس دقايق بس..ابيك تشوفين الصور..
منار تحاول تجمع الحكي:ادخل...وارسل..بالماسنجر..
فيصل:ههههههههههههههههههههه..وشو؟؟شكلك بقوة نايمه..
منار:لاوالله صحيت...ارسل وادخل..
فيصل:هههههههههههههههههههههه ارسل وادخل..طيب..طيب..
منار:فيصل عااد..
فيصل:فهمت عليك..قصدك ادخل وارسل الصور على ايميلك..
منار:اييه..
فيصل:واول ما تصحين كلميني..عشان انا بروح شغلي وبعد مااطلع بروح اشتريها..
منار:اوكي...
فيصل:يلا ياحلوة كملي نومك..
منار:طيب..
فيصل:ببااي..
منار:بااي..
الساعه 6 صحت منار من النوم وصلت وعلى طول راحت ودخلت نت..
فتحت ايميلها وشافت اسم فيصل وعلى طول فتحت الايميل...وطلعت لها الصور..كانت صورتين كل وحده بنظارة...
كلمت منار على طول على فيصل..
فيصل:هلا هلا هلا..
منار:اهليين..
فيصل:صح النوم..
منار:ههههههههههههه..شخبارك؟؟
فيصل:طيب..انتي شخبارك؟؟
منار:الحمدالله...,انت بشغلك؟؟
فيصل:اييه..
منار:اهاا طيب..ارماني احلى..
فيصل:والله؟؟
منار:كلهم حلوات بس ارماني احلى..
فيصل:يعني اشتريها..؟
منار:اييه...
فيصل:تامرين...
منار:مرررة حلو شكلك..
فيصل:لا والله ماعندك سالفه..الخشم احمر..
منار:تجنن عليك الديرتي..
فيصل:والله؟؟
منار:مررررة..
فيصل:عيونك الحلويين..,طيب منور انا اول مااطلع بكلمك..
منار:طيب..
فيصل:بااي..
منار:بااااي..
><
<>
><
<>
><
مشاعل كانت مرة منرفزة وضايق صدرها...الحين الساعه 10 وخالد مااتصل...معقوله لهدرجه البرود والا كل هذا يبي يفتك مني...
كنا كلنا جالسين بالصاله سواليف وضحك ومشاعل ولا كانها جالسه معنا كانت بعالم ثاني....كانت تفكر بخالد اذا بيتصل والا لا...
مرت ساعتين بطيئه على مشاعل وكلنا استغربنا جلوس مشاعل لمثل هالوقت وخاصه.هي مو بعادتها بايام الاسبوع تطول عشان خالد...وغير كذا خالد توه راجع من 
السفر..وهي من الظهر عندنا...طبعا كلنا عارفين ان مشاعل فيها شي بس مااحد حاول يسألها...
انا ومنار رحنا ننام وأبوي بعد..ومابقى الامشاعل وعمتي...
كانوا ساكتين ويتفرجون على التلفزيون...
فوزيه:مشاعل..
مشاعل:هلا..
فوزيه:وش....
قطع حكي فوزيه جوال مشاعل ورنته العاليه..
مشاعل سمعت صوت جوالها..كأن الدنيا ردت لها..قلبها صار يدق بسرعه والفرحه باينه على وجهها وعلى طول ردت..
مشاعل:الوو..
خالد:هلا...مشاعل وينك؟؟
مشاعل:في بيت اهلي..
خالد:من الظهر وانتي هناك...
مشاعل:اييه..
خالد:طيب يلا تعالي تأخرتي..
مشاعل:طيب..
خالد:انتظرك..
مشاعل:طيب..بااي..
خالد:باي..
مشاعل وقفت وراحت عند عمتي و باست راسها:يلا مع السلامه عمتي..
عمتي تنحت بمشاعل:الله معااك..
وصلت مشاعل بيتها..ودخــلت الصاله ..كان خالد جالس يقرا كتاب..ويدخن..
لما سمع خالد صوت مشاعل رفع عيونه..
خالــد:اهليين..
مشاعل:هلا..
خالد:وينك؟؟
مشاعل:كويس حسيت انو في احد مو بالبيت من الظهر..
خالد:وش قصدك؟؟
مشاعل:خالد..انت عارف قصدي...
خالد:ماحبيت اضايقك..واتصل..
مشاعل:نايمه..ماحبيت اصحيك واضايقك..طالعه ماحبيت اتصل واضايقك..لو اموت اتوقع انك ماراح تجي وتشوف اذا انا حيه والا ميته عشان ماتضايقني...
أنا ابيك تضايقني...(وتعيدها مشاعل بصوت اعلى)أنـــــــــــــــــــــــا ابيك تضايقني..معليش ضايقني ضايقني..بس على الاقل احس اني عايشه مع انسان عنده مشاعر..انا ابي احس اني عايشه مع انسان مو مع جدار..ترا مافي فرق بينك وبين الكرسي الي انت جالس فيه...
خالد مااستوعب الحكي الي قالته مشاعل وتنح فيها...
مشاعل ماانتظرت رده ومشت ودخلت غرفتها..
خالد عصب وبدا يثور من جوا...طفى السيجارة ورمى الكتاب على الارض ودخل وراها الغرفه...
خالد:ياست مشاعل..اتوقع الي يطلع يكلم...يستأذن... يعطي خبر...مو يطلع ولا كأن في احد عايش معاه بنفس البيت
مشاعل تناظره وهي مستغربه:صباااااااااح الخير...تبي تطلع اني غلطانه باي طريقه...لو اني طلعت اليوم بدون مااقولك..ماهي جريمه ولا اقارن اصلا بالي انت تسويه..بعدين انت ماهمك استاذن والا مااستأذن بدليل انك ماقلت لي شي لما دخلت يعني عندك شي عادي...بس انت الحين تبي تبرر لنفسك وتدافع وتطلع اني انا الغلطانه..
انا بسألك سؤال فخاطري من زماان...انت تحس نفسك انك انسان؟؟؟
خالد وتعابير وجهه تغيرت وحمر وجهه ومسك يده وشد عليها عشان ما يتهور:ماراح ارد عليك انتي انسانه ساذجه والكلام معاك ماله فايده...
لف خالد وعطاها ظهره..وقف شوي ورجع لف علي مشاعل:مخلي الانسانيه لك...
طلع من الغرفه وسكر الباب بقوة..
وراح بيت اهله...
مشاعل مااستوعبت الي صار..ماستوعبت الحكي الي قاله..وقفت بمكانها تسمرت رجلها ما قدرت تتحرك ما قدرت تسوي اي انفعال كانت مصدومه...مصدومه من البرود الي في خالد...ومن الكلام الي قاله..
طاحت مشاعل من طولها على الارض..بدت عيونها تدمع...انا الحمارة الي استفزيته..بس الى متى بسكت الى متى..وحتى ماتوقعت ردة فعله بتكون كذا..ردة فعله تنرفز لا هذا ابدا ولا يمكن يكون انسان..بروده..كلامه..نظراته..آآآآآآه منك ياخالد.. 

دخل خالد غرفته الي في بيت اهله....كان متوتر ومعصب من الي صار..مااتوقع ان مشاعل تسوي كذا ومااتوقع انها في يوم من الايام تقول هالكلام..
بس استاهل..وقليل بعد في حقي...آآآآآه بس..وش اسوي بنفسي وانا قلت لها كلام ماهو سهل..غصبا عني تنرفزت وطلعت هالحكي...اكيد الحين انها منهارة..وش اسوي انا الحين...
دخل خالد يده بجيبه يبي يطلع علبة السجاير بس مالقى شي..طلع من غرفته وراح الصاله ولقى علبه ابوه واخذها ودخل غرفته..ولع خالد له وحده وانسدح على السرير وبدا بدوامه من التفكير....
><
<>
><
<>
><
يوم الاحد الساعه 6 المغرب...خالد بالسيارة مسك جواله وكلم على احمد صديقه..
احمد:هلا والله..
خالد:هلا بك..شخبارك؟
احمد:تمام..انت شخبارك؟؟
خالد:الحمدالله..,بشقتك؟؟
أحمد:اييه..
خالد:اوكي خمس دقايق واكون عندك..لا تطلع..
احمد:اوكي..
ربع ساعه وخالد بشقة احمد....
احمد:تبي تشرب شي؟؟
خالد:لا..
كالعادة خالد طلع سيجارة وبدا يدخن..وكان يهز رجله..(خالد صار يدخن بشكل مقرف و24 ساعه السيجارة في يده..يمكن هذا من الي فيه)
احمد:وش فيك؟؟
خالد:انا متوتر يا احمد..
احمد:بااين وجهك مو طبيعي..
خالد:مشاعل..
احمد:وش فيها؟؟
خالد:صارت بينا مشكله ماكنت اتوقع هالشي ابددا..
احمد:طيب قلي..
خالد:ما يحتااج..
احمد:براحتك..
خالد:معليش احمد..بس مشاعل مااحب احكي فيها....ولا ابي افكر فيها اصلا..
احمد:هاذي زوجتك..
خالد:انا مو قصدي لاني مااحبها ماابي اتكلم فيها..انا اذا فكرت فيها احس بتأنيب ضمير...احمد بشكل ماتتصوره...مع اني ما سويت شي عشان يجيني هالاحساس..
احمد:طلقها..صدقني..عشان هي ترتاح عالاقل...ويمكن تتزوج غيرها وربي يوفقك..
خالد:مستحيييييييييييل اطلقها..وش ذنبها هي عشان اطلقها..
احمد:وش ذنبها بعد ترتبط بانسان ما يحبها...مو بس ما يحبها ما يبيها..مو متقبلها..
خالد:اهم شي تكون بينا رحمه والفه..الزواج مو لازم يكون فيه حب...يعني تبي تفهمني ان كل هالناس عايشه مع بعض وكل واحد يحب الثاني؟؟
احمد:ياليت انت عايش معها وبينكم رحمه والفه...انت اعلم بحياتك اكثر مني..
خالد:شف انا الي اعرفه اني مستحيل اطلقها..ولاتعور راسي بحكي فااضي.
أحمد:براحتك...
خالد:رحت الشرقيه عند اهلك؟؟
احمد:لا..الويكيند الجاي يمكن...
خالد:اهااا..
احمد:اما في صفقه...ادعي لي بس ..
خالد:انت ولا مع شركتك؟؟
احمد:لا انا واخوي عبدالحكيم...
خالد:الله يتممها..
احمد:انشالله..,كيف سفرتك؟؟
خالد:يعني تحسفت اني رحت...كنت اقدر اخلي اي موظف يروح..
احمد:هذا الشغل..
خالد:يعني ما استفدت شي..انا كنت متوقع اني اطلع باستفادة كبيرة..بس يلا..
احمد:ابي اشتري سيارة جديدة..
خالد:ليش.؟
احمد: المدام تبيني اشتري..
خالد:وانت تسمع كلامها؟؟
احمد:اييه اسمع كلامها..بعدين هي ما قالت بس هي تحب الاودي...وعاد انا قلت اشتري..
خالد ماعجبه الحكي:اهاا..
احمد:امش نروح لمعرض الاودي..
خالد:اوكي...
احمد:دقايق بس البس واجيك...
طلعوا خالد واحمد وراحو للمعرض السيارات ووبعدين راحوا جابوا عشا ورجعوا للشقه عشان يتفرجون على مباراة...
وعلى الساعه 12:30 رجع خالد للبيت..بس مو بيته راح بيت اهله...
مشاعل ماطلعت من البيت ولا كلمت احد كانت نفسيتها تعبانه...

بعد ثلاثه ايـــــــــــام...مرت طويله على مشاعل وعلى خالد...مشاعل ما طلعت من بيتها وكانت تكلم عمتي وتكلمني مرات او انا اكلمها بالاصح. ...وكانت تكلم على سارة الي عارفة بالي صار...اما خالد كان من الشغل لشقة احمد ويرجع اخر الليل وينام..وهذي حالته..
><
يوم الاربعاء...الســاعه 7 المغرب..بالصاله عمتي فوزيه وانا ومنار وريما وعمتي حصه...(ماقلت لكم عنها هاذي عمتي بس مو شقيقة ابوي..عندها بنت وولد..بنتها متزوجه وولدها منصور ماتزوج وبتتعرفون عليه بالجزاء الجايه..)
فوزيه:حصه تعالي اوريك غرفة سلطان..
:لا لا عمتي لا تورينها لساا باقي اشياء ما سوينها...
فوزيه:اييه ميخالف..مب سلطان هي..
حصه:اييه والله...
منار:ههههههههههههههههههه....
فوزيه:يلا تعالي...
حصه قامت من مكانها:الا هو متى بالظبط يوصل؟؟
فوزيه:الجمعه يمكن الساعه تسع..
حصه:اييه زيين...يعني بعد بكرة؟؟
فوزيه:ايييه..
حصه:ياويل قلبي..عليك يااختي..والله لو انا ماانام..
فوزيه:من قال اني انام..ماتشوفين عيوني...
حصه:ماالومك..انا والله اني ماانام ولا اعرف النوم...ولدي بعيد عني وكل شوي متنقل من ديرة لديرة..
فوزيه:الضنااا...آآآه بس..
انا ومنار ساكتين وجالسين نسمع سواليفهم..عمتي حصه على نياتها وسواليفها ماتنمل وصح انها مرات تسمعني حكي بس تحبني)
فوزيه:هووو.وراك قعدتي؟؟
حصه:لي ساعه واقفه وانتي جالسه..تعبت..
فوزيه:يلا تعالي بس...
راحوا عماتي..
:الحين ليش اذا جت عمتي حصه..عمتي فوزيه تقلب معها عجوز؟؟
منار:هههههههههههههههههههههههههه..عيب والله لو يسمعونك يزعلوون..
:لا مافيها شي..الحين بسأل عمتي فوزيه..عمتي حصه طيبه..وماتزعل..
منار:يلا انتي متى بتروح؟
:استني شوي, اييه صح وين مشاعل؟؟تأخرت بالعادةمن خمس وهي عندنا..
منار:ماادري وكل هالمده ماجتنا لا يكون زعلت مننا...
:لا لا مازعلت ..انا كل يوم اكلمها..
منار:اييه ادري..بس ..
قاطعتها:زوجها تعبان..
منار:ادري..بس اخاف انها تكذب..لاننا هذاك اليوم قلنا لها وش عندك جايه وكنا نتريق عليها..
:اسكتي بس..وش ذا الخرابيط..
رجعوا عماتي..
:هاا عمتي وش رايك؟؟
حصه:تهبل الغرفه مشالله ذووق..
:شكرا..ترا كل الي شفتيه انا الي اخترته..
حصه:اييه تقولي فوزيه...بس اهم شي هو يعجبه..ترا اذا ماعجبه بيقول انها ما عجبتني همن انتي تزعلين..ترا الرجال اذواقهم صعبه...
:اذا ما عجبه باخذ الغرفه وخليه يروح يشتري له...حلوووة ذي..
فوزيه:لا بيعجبه...
:اييه صح عمتي...انتي الحين اذا جت عمتي حصه تصيرين مثلها...
فوزيه:نويير استحي...
حصه:وش تقول هالشيطانه؟؟
:هههههههههههههههههههههههههههههههههه...عمتي شلون عيالك؟؟
حصه:طيبين..
:وبنت عبير شلونها؟؟
حصه:طيبه يا حبيله...
فوزيه:مشاعل وينها؟؟
منار:اكلمها؟؟
فوزيه:اييه والله...
كلمت منار على مشاعل وسألتها اذا بتجي...بس مشاعل مقررة انها ما تطلع من البيت...وتعذرت مشاعل انها بتطلع مع خالد...
:منار يلا متى بنروح عند هاله؟؟
منار:يلا الحين..خمس دقايق بس..
حصه:لا اجلسوا عندنا ماغير مقابلين هاله..
منار:مواعدينها عاد..مرة ثانيه..
حصه:براحتكم..
طلعنا انا ومنار ورحنا بيت خالتي..
هاله وهي تنزل بسرعه عشان تفتح الباب لنا..
نوال بصوت عالي:هاله انتبهي لا تطيحين...

طارق:نورة بتجي؟؟
(طارق بثالث ابتدائي...أخذته خالتي نوال من دار التربيه الاجتماعي قبل سنتين تقريبا..جابته لانها ما تقدر تجيب عيال..جابت هاله ووبعدها سوت عمليه واستئصلت رحمها..وكان هذا سبب في انها تجيب طارق...)
نوال:اييه بتجي..
طارق:وريما؟؟
نوال:والله ماادري..
وقف طارق من مكانه وبدا يمشي لكن وزنه ما اكن يساعده بانه يركض بسرعه..فكانت خطواته بطيئه شوي..
هاله وهي تفتح الباب:توو مانور البيت...
منار وهي تنزل الطرحه من وجهها:اكيييييد..انا ونورة وش تبون اكثر من كذا..
:قصدك نورة يكفي نورها...
هاله:ادخلوا بس...
طارق وهو ياخذ نفسه:نوووووورة..اشتقت لك مررة..
فتحت يدي عشان اضمه:اهلييين وسهلييين...وانا بعد اشتقت لك..
منار:وانا مالي رب..
طارق:وحشتيني مررة..كيفك؟
:الحمدالله..انت كيفك؟؟
طارق:طيب..
منار:شخبارك طارق؟؟
هاله:طوريق ترا من الحين اقولك مافي جلسه عندنا..
طارق:ماجت ريما؟؟
:لا ما جت..
طارق:قهههر..
هاله:يلا بنات ادخلوا...


قرر خالد اليوم انه يرجع بيته ويكلم مشاعل...ويحط حد...قرر خالد ونفذ..
دخل خالد بيته وصوت التلفزيون كان عالي...
استغرب خالد..دخل الصاله وشاف مشاعل جالسه تتفرج على التلفزيون وكانت متصلحه...ولا كأن فيه شي...
خالد اتوقع يدخل ويلقاها تصيح وشكلها مبهذل...
خالد:السلام عليكم..
مشاعل بدون ما تلف عليه:وعليكم السلام..
خالد جا بيتكلم..
مشاعل حطت اصبعها على فمها:ممكن ما تتكلم..
خالد يناظرها وهو مستغرب..
مشاعل وبدون ماتناظره:المفروض ما تطلع من البيت لانك بترجع غصبا عنك....والمفروض انا الي اطلع لاني اذا طلعت اقدر ماارجع...وترا هذا بيتك وانا ماطردتك منه....والا يمكن حركتك هروب ماادري...
خالد:ممكن اتلكم..؟
مشاعل:اتكلم....
خالد:مشاعل..انا آسف..
مشاعل:بقبل آسفك..بس انا عارفه انك تأسفت مو عشان مشاعري ولا عشان قلبي الي انجرح..انت تأسفت لانك ماتبي تكسر روتينك...وانا بعد ماابي اغير روتين حياتي..
وقبلت اسفك...
سكت خالد وماعلق ولا حب يتانقش بالموضوع..قام من مكانه ودخل غرفته وبدل ملابسه وطلع الصاله وجلس...
كان كل واحد ساكت..مشاعل عيونها على التلفزيون..وخالد كان يناظرها ويرجع يناظر التلفزيون...
الساعه 12:00..ماقدرت تقعد مشاعل بذا الجو ...طبعا خالد كان عادي عنده لانها ما فرقت اذا كانوا ساكتين والا يتكلمون...
دخلت مشاعل غرفتها وبدلت ملابسها وانسدحت على السرير....وبدت تصيح...ما قدرت تمسك نفسها....يعني الواحد لما يتأسف فيه مليون طريقة..بس اسف خالد لمشاعل كان بايخ يعني لو ماتأسف احسن له...
بعد ربع ساعه دخل خالد الغرفه بهدؤ مشاعل ما حست فيه....خالد وقف بمكانه وكان يسمع مشاعل تصيح...
خالد انصدم اول مرة يشوف مشاعل تصيح هالصياح..ارتبك وخاف وماعرف وش يسوي...احسن شي انه يطلع ويرجع يدخل بقوة اكثر عشان تحس فيه...
خالد ماحب يبين لها انه سمع صياحها..لان مشاعل مبينه له دور القويه....
طلع خالد ورجع فتح الباب بقوة..مشاعل حست فيه وعلى طول سكتت...
دخل خالد الحمام وبدل ملابسه وراح وانسدح..مشاعل كانت معطيته ظهرها وهو بعد عطاها ظهره...
مشاعل كان باين انها تصيح..بس كانت تحاول انها ما تبين لخالد...
خالد لف عليها يبي يتكلم...بس ما قدر..وش بيقولها لا تصيحين..معها حق تصيح...
خالد:مشا.....
سكت خالد وماكمل كلامه...
خالد ماقدر ينام...ولا مشاعل قدرت تنام....كان كل واحد حاس بالثاني بس مااحد تنازل منهم وتكلم....
اذن الفجر..وراح خالد صلى ورجع...
خالد:مشاعل..
مشاعل:قايمه..
الساعه..10:00 الصباح قام خالد من النوم...واليوم الخميس وما عنده دوام...
مشاعل ماقامت من النوم او تحاول انها ما تقوم...ماكان لها خلق تشوف خالد...
وخالد كان كل شوي يدخل يشوف اذا مشاعل صحت من النوم والا لا...
الساعه وحده قامت مشاعل ودخلت الحمام اخذت لها شاور ولبست وتصلحت وطلعت من الغرفه ومعها عبايتها وشنطة يدها...
مشاعل مرت من الصاله وخالد كان جالس فيها..
مشاعل وهي تمشي ولا حاولت تلف عليه:انا بروح بيت اهلي..
خالد:انتي تستأذنين والا تعطيني خبر؟؟
مشاعل:انت وش شايف؟؟
خالد:لا مافي روحه..
مشاعل:لي اربع ايام ما رحت لهم..
طلعت مشاعل حتى بدون ما تقول مع السلامه...
وصلت مشاعل بيتنا...
مشاعل:السلام عليكم...وين النااااس؟؟
مااحد رد عليها..
دخلت مشاعل المطبخ..
مشاعل:فاطمه وين البنات؟؟
فاطمه:بغرفة سلطان يمكن..
مشاعل:اهاا..
طلعت مشاعل من المطبخ وجت لغرفة سلطان..
مشاعل وهي واقفه عند الباب:السلام عليكم..
كلهم:وعليكم السلام..
فوزيه وهي تسلم على مشاعل:ويين الناس..اشتقنا لك..
مشاعل:والله انشغلت بخالد..,هاله عندنا مااصددق..
(هاله رجعت معنا امس ونامت عندنا وسهرنا سهرة حلووووووة)
هاله:اييه والله مشتاقين مررة...
مشاعل:شخبارك..وشخبار خالتي؟؟وطارق ؟
هاله:الحمدالله طيبين...
:شخبارك ميشو.؟
مشاعل:الحمد الله انتي شخبارك؟؟
:تماااااااام..وحشتيني مررة يادبه..
مشاعل: وانتي بعد وحشتيني ,شخبار ابوي؟؟
فوزيه:الحمدالله..
مشاعل:وين منار؟؟
فوزيه:طالعه..
مشاعل:وين؟؟
فوزيه:مجتمعين هي وصديقاتها غدا..
مشاعل:اهااا..
:وش رايك بالغرفه؟؟
مشاعل:مرررة حلووة...تغيرت مررة..
فوزيه:بكرة بيجي سلطان..
مشاعل:يوصل لنا بالسلامه انشالله...الساعه كم؟؟
فوزيه:10 بالليل..
مشاعل:اييه زين..بتروحين تستقبلينه؟؟
فوزيه:اييه اكييد..بس هو يقول ما يحتاج..بس والله ماعلي..
مشاعل:هههههههههههههههههه...ايه والله روحي..وانتي نورة؟؟
:وانا ايش؟؟
مشاعل:بتستقبلينه؟؟
:استقبله!
مشاعل:اييه مو هو زوجك؟
هاله:ههههههههههههههههههههههههههه..ماقلتو لي شي...منار ماقد جابت لي طاري..
:يا سخفك..يا مشاعل..,عاد الحين هاله ماترحمني..
هاله:هههههههههههههههههههه اييه والله ماراح ارحمك...معليش يا النوري...
مشاعل:احسسسن,طارق ماجا معاك؟؟
هاله:لا نام قبل لانطلع والا كان سووا حفله...اول ماصحا كلمني يقول بجي..والى الحين ماجا...
مشاعل:ياحبيله...,انا بروح غرفتي شووي..
طلعت مشاعل من الغرفه وراحت لغرفتها فوق وكلمت على سارة...
سارة:هلا والله وغلا..
مشاعل:هلا..شخبارك؟؟
سارة:الحمدالله..انتي شخبارك؟؟
مشاعل وهي تتتنهد:الحمدالله..
سارة:وش صار عليك؟؟
مشاعل بدت تصيح..
سارة:مشاعل لو سمحتي بدون صياح..
مشاعل وهي تصيح:امس رجع البيت..وتأسف لي..وما تكلمت معاه ولا كلمه...وهو كان باين عليه انه ندمان على الي صار...وتحسينه يبي يتكلم بس ما يقدر...واليوم الظهر لما قمت لبست وطلعت وحتى بدون مااشاوره..
وترجع مشاعل تصيح:انا حمارة..اني سويت معاه كذا..
سارة:هو الي حمار..مشاعل ما عليك ولا تستسلمين قدامه...وخليه يحس انه غلطان..
مشاعل:لا يا سارة مااقدر اكون معاه كذا...
سارة:مشاعل..اسمعيني...الرجال لازم يحس بغلطته ..ولازم يحس بقيمة زوجته..يعني حركته الي سواها عاجبتك؟..ثلاث ايام طالع من البيت ولا رجع..يعني شي ينرفز!
ومو بس هذا الي سواه..يعني زوجك ما في شي يغفر له..كل حركاته ترفع الظغط وتعل الواحد..
مشاعل:شوفي ياسارة انتي ما بعد انحطتي بموقف زي كذا والله لا يحطك..انا مااقدر..على بلاطه..
سارة عصبت:أحسسسسن..ارجعي له زي الهبله...ولا تقولين لي شي مرة ثانيه عشان ماتنرفز..
مشاعل:شخبار فهد؟؟
سارة:والله لو انك قدامي اقل شي كف..,فهد يسلم عليك..
مشاعل:طيب سارة اكلمك بكرة..انشالله..
سارة وكانت مرة معصبه من مشاعل:طيب..يلا مع السلامه..
مشاعل:سارة وش فيك؟؟
سارة:مافيني شي..
مشاعل:يلا مع السلامه..
><><><><><><
بالسيارة منار راجعه من بيت صديقتها...رن جوالها وكان فيصل..بعد ثلاث رنات ردت منار..
منار:لا كويس تذكرتني..
فيصل:لا والله...كم مرة كلمتك تو؟؟
منار:خمس مرات
..

فيصل:وليش مارديتي؟؟
منار:الحين تهاوشني ليش ما رديت؟لك يومين ما كلمتني ليش؟؟
فيصل:مشغوول..كنت تعبان من ظغط الشغل..
منار:انا كم مرة كلمتك امس من جوال نورة؟؟
فيصل:3مرات..
منار:ليش مارديت؟؟
فيصل:مزاجي..
منار:ووش الي مزاجك؟؟
فيصل:ماابي ارد..
منار:يا سلام..وانا على مزاجك ترد والا ماترد..
فيصل:يعني مارديت اكيد اني كنت مشغول..
منار:اربع وعشرين ساعه الواحد يصير مشغول؟؟
فيصل:اييه..انا امس رحت الشغل من 8 الصباح ومارجعت الا 10..حطيت راسي ونمت..
منار:وقبل امس؟؟
فيصل:نفس الشي..
منار:ماتعرف ترسل مسج؟؟
فيصل:اكره المسجات..وماعندي وقت اكتب..
منار:يا سلام..انا اجلس يومين قلقانه عليك بالطقاق..
فيصل:يعني خفتي علي؟؟
منار:فيصل ترا ما يصيركذا.. ومو اول مررة تسويها.. بحركتك احس اني بوقت الفضوة تكلمني..
فيصل:كله الا منوري لاتزعلونها العزيزة عندي تعرفونها...حقك علي انا اسف ولو تبين اجي واحب راسك انا مستعد
منار:اييه هذا انت..تاكلني بلسانك اكل..(انا كل يوم تثبت لي منار انه تحب فيصل بشكل...ماينوصف..الله يستر من هالحب!)
فيصل:ههههههههههههههههههه..شخبارك؟؟
منار:تمام..انت شخبارك؟؟
فيصل:تمام..,تصدقين عاد اشتقت لك..يلا سولفي وش سويتي باليومين الي راحوا؟؟
><
><
><
><
><
> <
> <
> <
> <
> <
> <
> <
><
الساعه 11:15 الليل بالصاله...
كنت منسدحه على مشاعل راسي على رجلها اما جسمي على الكنبه كانت تلعب بشعري..امووت و احد يلعب بشعري..
:متى بس تجي سارة..
مشاعل:نورة ليش ما تقصين شعرك؟
:عاجبني..
مشاعل:اييه حلو..بس قصي اطرافه..
منار:انا اقولها..
:الي يشوف شعري يقول الى رجلي..بعدين ترا طول شعري زيك يا منار بس انتي عشان شعرك كريلي صاير اقصر..
مشاعل:ترا شعرك زيت مررة..
:اييه عاادي خذي راحتك..بتحمم..
فوزيه:ما بعد جت ريما؟
:خمس دقايق وتجي..
منار:بنات ما جعتوا؟
:الا انا ميته جووع..
مشاعل:لا انا ماابي..
منار:نورة من وين تبين؟
:اي شي..
منار:امممممممممم..ابغى بيتزا..
:لا لا..ماابي بيتزا...
منار:الا انا ابي بيتزا..
:لا مو على كيفك
..

منار:يا سلام على كيفك انتي..
:احسسن انا ماابي.. اطلبي انتي..
منار:احسن...
بوقتها دخلت ريما..
مشاعل:ريما تأخرتي..كيف الحفله؟
ريما: حلوة..
:الحين وش المناسبه للحفله؟؟ههههههههههههههههههههههه والله انكم تضحكون..
ريما:ما يضحك..
منار:اييه صح ليش؟الحين مو وقت حفلات..
فوزيه:وعجبتها الهديه؟
ريما:انا هديتي احلى وحده..
:يا عيني على الوثوق..
فوزيه:وانبسطتي؟
ريما:اييه..,عمتو ابي اسوي حفله..
فوزيه:انشالله..
ريما:الخميس الي بعدوو
:بعد حددت الشيخه..
بوقتها رن جوال مشاعل..وكان خالــد..
مشاعل:نورة بعدي عني..
شلت راسي بسرعه او هي الي شالت راسي...باين عليها انها فرحاانه ماالومها...
قامت مشاعل وطلعت من الصاله وردت..
مشاعل:الوو..
خالد:هلا..شخبارك؟
مشاعل:الحمدالله..
خالد:الساعه 11:30 وانتي من الظهر في بيت اهلك..ما عندك نيه تجين؟
مشاعل سكتت شوي:لا..بنام عندهم اليوم..
خالد:وانتي طبعا ما عندك نيه تتصلين وتقولين لي..يعني لو مااتصلت ماراح تتصلين ..
مشاعل:توني كنت بكلمك..
خالد:اييه واضح..وبعدين مرة ثانيه تقولين لي من قبل مو اخر من يعلم انا..
مشاعل سكتت..وخنقتها العبرة بس مسكت نفسها..
خالد:باي..
مشاعل تنرفزت وبدت تغلي من جوا..وشوي وتصيح
رجعت لصاله وشكلها كان مو طبيعي..
فوزيه:مين؟
مشاعل:خالد..
انا ومنار ناظرنا بعض..
مشاعل جلست وكانت ساكته..مانطقت ولا بكلمه..
الساعه وحده واحنا للحين بالصاله على حالتنا...كانت الجلسه ممله شوي...
ومشاعل للحين جالسه هي ما قالت لنا انها بتنام بس انا فهمت لنو لوخالد مكلمها يقولها وينك بتطلع على طول كالعاده ماتصدق يكملها على طول تطلعبس الحين طولت يعني بتنام...
فوزيه:مشاعل متى بترجعين بيتك؟؟
مشاعل:بنام هنا..
ناظرت منار وحركت شفايفي يعني كنت اتكمل بالهمس:ما قلتلك انهم متهاوشين..وانها بتنام
منار هزت رقبتها..
فوزيه:وبكرة بعد بتنامين..عاد بكرة اهم..سلطان بيجي..
مشاعل ابتسمت من غير نفس..احس بينها وبين نفسها وانا مالي ومال سلطان..
منار تكلمني:ياحبيلها عمتي..تحسينها مرة مبسوطه وتبي كل الناس تنبسط..
:هههههههههههههههههه..انا بعد مبسوطه..
فوزيه:يلا انا بروح انام..ابوكم شكله مطول ماراح يجي الحين..وانا الصراحه دخت..يلا تصبحون على خير..
كلهم:وانتي من اهله..
ريما كانت منسدحه على الكنبه وتحاول انها ماتنام..هالبنت ماتحب شي اسمه نوم لازم ماتفوت ولا شي بالبيت...
فوزيه:ريما يلا حبيبتي تعالي معاي نامي..
ريما وهي ترفع نفسها وتفتح عيونها اكثر:لا لا ما فيني نوم..
:عيونك منفخه وحمرة وشعرك منتفش وما فيك نوم..
منار:وش دخل الشعر..
:انا ينتفش شعري اذا جاني النوم..
منار:اجل انا شعري وش يصير..
فوزيه:متأكده يا ريما؟؟
ريما:اييه متأكده..خلاص عمتو انتي روحي نامي..
فوزيه:بكيفك..
طلعت فوزيه لغرفتها..
:مشتهيه اتفرج على فلم..
Dvd
منار:اييييه صح انا اليوم اخذت من دلال ـ
:وشو؟
منار:مدري وش اسمه بس تقول مرة حلو..
:طيب روحي جيبيه..
منار:ريما روحي جيبي الفلم تلقينه بشنطتي..
ريما:لا مالي خلق..
:اجل ما في جلسه معنا..
ريما:اذا جبته اجلس؟
:اييه..
ريما:طيب..
مشاعل:تصبحون على خير..
:اجلسي تفرجي معنا..
مشاعل:لاماأبي..
راحت مشاعل..
:مرة ضايق صدرها..من ذا الحمار زوجها..يا ربي لاتبلاني بواحد مثله..
منار:ماادري ليش يحب ينكد عليها كلم عليها دقيقه بس ورجعت البنت مو طبيعيه..
:ومشاعل ما تحكي..مرة تقهر..لازم تطلع الي بقلبها شوي..
ريما:جبت الفلم..
:شطووووورة..يلا عاد الحين روحي نامي..
ريما والعبرة خانقتها:لا لا لا لا انتي قلتي لي بجلس اشوفه معكم..
:ههههههههههههههههههههههههههه
منار:نورة حرام عليك..
ريما:حمارة نورة مااحبك دايما تكذبين علي..
منار:لا بتجلسين تشوفينه ما عليك..
:امزح عليك..بس بشوف وش تسوين..
تفرجنا على الفلم وانا الصراحه نص الفلم كنت نايمه فيه بس اهم شي اشوف النهايه....

يوم الجمعه...اليوم كان غير في بيتنا..وغير لعمتي..غرفة سلطان صارت جاهزة وكامله..ما تركت فيها شي الا وسويته...اناوعمتي طبعا

عطرتها وبخرتها..وكنت بحط وردة بعد على السرير....قلت لكم اني مرة متحمسه..

على الساعه 8:30 نزلت عمتي وكانت لابسه ومتصلحه ومعها عبايتها...

دخلت الصاله وكانت فيها مشاعل ومنار وعمتي حصه جت عشان سلطان..
فوزيه:وين عبدالاله؟
مشاعل تناظر منار وترجع تشوف عمتي:راح..
فوزيه وعلامات التعجب على وجهها:راح؟

مشاعل:اييه يقول ما يحتاج تجي عمتكم...هو بيروح ياخذ سلطان ويجي على طول..خلى السواق يروح عشان يجيب اغراضه..

عمتي عصبت وتنرفزت كان ودها تروح تستقبل ولدها....يحق لها تعصب كم مررةهو يجي...
جلست عمتي بدون ما تقول ولاكلمه وتعبيرات وجهها كافيه انها تبين غيظها..
منار:سلطان ما يبي يتعبك..بعدين عمتي ما تفرق يعني كلها ربع ساعه بس..
فوزيه ما ردت..
مشاعل تكلم منار بصوت واطي:اسكتي بس..
منار:وين نورة؟؟
مشاعل:بغرفتها..

><><><><>< 

لو تشوفون وش جالسه اسوي بغرفتي...لو كنت بروح زواج ما سويت هالحوسه..ماادري ليش بس كنت ابي اطلع عنده بشكل حلوو...ترا انا مومن البنات الي كذا تفكيرهم بس ماادري ليش؟؟

منار وهي تفتح الباب:نوري وش تسوين؟؟

سكرت السشوار:جالسه ارقص..وش شايفتني اسوي؟؟

منار:وليش انشالله السشوار؟؟
:بس كيفي..
منار:انتي شعرك ناعم وحلو بدون سشوار..
:كيفي..
منار:اكششششخ وش ذا اللبس؟؟متى شريتيه؟؟
:وشو جينز وبلوزة..عادي..
منار:مرررة حلو الجينز..
:ادري..والا كان ما شريته..
منار:يا عيني يا عيني..

فتحت السشوار وكملت..ومنار جلست على السرير وتناظرني..

خلصت من شعري..
:حلوو؟؟
منار:اييه حلوو..

مسكت الكريم وحطيت بوجهي وحطيت ميك آب خفيف..كحل ومسكرة وبلشر وكونسيلر وقلوس خفيف..بسس هذا الي حطيته...

منار وهي عاقده حواجبها:نورة وش ذا التصلح؟
:هوو عاادي..
منار:لا تحطين مكياج..
:الحين هذا مكياج..؟
منار:بسسس..
:مالك دخل فيني...
منار:كل هذا عشان سلطان...
:اييه الولد من زمان ما شافنا..بعدين لازم اطلع مرتبه عنده..
منار:ماله داعي تطلعين كذا عنده..تحجبي احسن لك..
:ماابي..بعدين بقعد اتحجب منه كل يوم..وشو بيقعد عندنا يا ماما..
منار:الحمدالله والشكر..
:مثل اخووي..,اطلعي ابي البس..
منار:طيب..
طلعت منار من الغرفه ونزلت تحت وبعدها بعشر دقايق نزلت..
وانا بالدرج انزل
كلهم صاروا يناظروني...
مشاعل:النورررري..اش اش اش ايه داه كلوه؟


حمر وجهي وابتسمت..انا على طول استحي اذا احد مدحني حتى لوكنت عارفه انه يجامل..
حصه:وش هالزين؟؟
اول مادخلت الصاله رحت عند عمتي حصه اسلم عليها...:الحين بس اليوم الي زين شكلي؟؟
حصه:لا والله كل يوم..بس عااد قلت ابفرحك شوي..
:يا حبيلك بس يا عمتي..(يعني اذا مدحتيني بفرح...قلت لكم عمتي طيبه)
فوزيه:وين ريما؟
حصه:واقفه عن الباب تنتظرهم..
فوزيه:يا حلوهاا بنتي..
:ترا من العصر وهي واقفه..,واقفه وش تسوي علمي علمكم..مدري يمكن سلطان بيجي بصاروخ ويوصل العصر...
مشاعل:حرام عليييك..
منار:اسكتي بس انتي اخر وحده تتكلم....كل هالتصلح والتكشخ لييش؟؟؟
كلهم:ههههههههههههههههههههههههههههههههههههههههههههه هه...

حمر وجهي وتمنيت لو الارض تنشق وتبلعني ولا أنحط بموقف كذا قدام عماتي..

يعني بيني وبينكم منار صادقه وكل واحد يبين فرحته بطريقته الخاصه يعني ريما من العصر وهي واقفه عند الباب تنتظر وانا تصلحت والمفروض اني مااتصلح كل هالتصلح...يعني انا بطلع عند رجال ما يحرملي والمفروض اني اطلع بحجاب..
مشاعل وهي تضحك وبصوت واطي:منار حراام عليك نورة حمر وجهها..ما يصير كذا تتريقين عليها..
منار:وانا صادقه...نورة متصلحه ومتكشخه عشان مين يعني؟؟
مشاعل:بس حتى..
عمتي حصه وهي تغمز لي :اجل كل هالتصلح عشان سلطان...
ويرجعون يضحكون..

عصبت منهم مرة :ما في شي يضحك..

حصه:امزح معك يا نوير..زعلتي ترا انا الي بقلبي على لساني..

ما رديت وقمت من مكاني وطلعت من الصاله...ورحت المطبخ..

فوزيه:زعلتو بنتي..عيب يا منار تقولين كذا احرجتيها قدامنا..
مشاعل قامت وراي..قلتلكم مشاعل مرررة طيبه وماتحب احد يزعل..
مشاعل وهي تدخل المطبخ وقربت لي:هو..هو..هو نوير...

لفيت وجهي من الجهة الثانيه:مالك دخل..

مشاعل:نورة لو انك جلستي وطنشتي احسسن..
:تفشلت..كلو من منار ذا الحمارة...يعني الي صار ما يفشل..
مشاعل:لا عاادي..بعدين انتي دايما تقلبين الشي لصالحك بمزح..كان قلبتيها لمزح..
:ارتفع ظغطي..ولاتجي عمتي تستخف دمها

..

مشاعل:نورة عيـــــــب هاذي عمتك وانتبهي لكلامك..لاترمين الحكي بدون تفكير..
:رفعت ظغطي..
مشاعل:خلاص نورة روقي...وامسحي كحلك لانه ساح شووي..
:طيب..
بوقتها دخلت ريما وهي تركض:عمتو عمتو...جا سلطان وبابا..
عمتي قامت من مكانها وصارت تمشي بسرعه باتجاه الباب..
مشاعل:يلا نورة امسحي كحلك...وحطي شوي قلوس..

ضحكت:طيب..

عمتي حصه بالصاله تزغرت..(عمتي فاهمه غلط ..مو بكل وقت الواحد يزغرت بس يمكن هالشي عندها يستحق ان تزغرت)

دخلنا انا ومشاعل الصاله..
:عرس وانا ماادري..(انا على طول ارد مااقدر اخلي شي بقلبي

..)

منار:هههههههههههههههههههه..بس يا بنت عيب..
مشاعل:اعرفك ما تسكتين تردينها لو مين ما كان..
رحنا كلنا لمدخل البيت عشان نستقبل سلطان...
اما عمتي فوزيه ماانتظرتنا راحت وطلعت لهم بالحوش...
:وينهم طولوا كل ذا سلام؟
منار:اييه طبعا ولدها كم لها ماشافته..
:ودي اشوف شلون يسلمون على بعض..
مشاعل:روحي..
:لا منب رايحه ارز وجهي..الحين هم يجون..
منار:جو جو جو...
:مشالله طوييييل...شوفي الفرق بينه وبين عمتي وابوي..
دخلوا جو البيت..وعمتي ما سكه يد ولدها..وكان الفرق بالطول باين...
(سلطان كان طويل وكتوفه عريضه شوي.. كانت بشرته حنطيه لا ابيض ولا اسمر وله عوارض خفيفه ديرتي.. وشعره طويل شوي)

حصه:هلا هلا بولد اختي الي ما عمري شفته..(عمتي مرات تجيب كلام ماادري من وين)

:ههههههههههههههههههه وش ذا السلام والترحيب...قسم بالله انها تضحك..
مشاعل:نورة..بس..
سلطان:هلا.خالتي..كيفيكِ؟
حصه:الحمدالله بخير...الحمدالله على السلامه تو ما نورت الرياض...
سلطان ابتسم...(حسيته ماعرف وش يرد..)
عمتي وهي تأشر على مشاعل:هاذي مشاعل..
سلطان:هلا مشاعل..اتذكرك...
مشاعل:الحمدالله على السلامه...شخبارك؟؟
سلطان:الحمدالله..انتي شخباركِ؟
مشاعل ابتسمت:الحمدالله...
فوزيه:وهاذي منار..
منار:هلا بسلطان..شلونك انشالله بخير؟
سلطان:الحمدالله...انتي كيف حالك؟
منار:بخير..
فوزيه:وعااد هاذي حبيبة قلبي..(عمتي باذن سلطان هاذي زوجتك)..كانت تقصدني مستوعبين الاحراج الي انا فيه...احس انوجهي صار
صغير..
(هاذي زوجتي..حلووة)

this my wife..pretty.. سلطان وهو يضحك وبصيغة عجب:

تنحت فيه وحمر وجهي...لا لا لا اليوم موطبيعي يا ليت اقدر اركض واروح غرفتي وماعاد اطلع والا احسن انو سلطان يرجع لديرته ولا يصير الي قاعد يصير لي...بعدين ملاخظين ان ابوي في..بس ماسمع..ماهي حلوة في حقي لو سمع...الله يسترمن الي جاي..

سلطان:كيفكِ؟
سكتت ماقدرت ارد بس لازم ارد واصير عادي يعني ليش انحرج وهو ماهمه:تمام...
كل تخطياطتي راحت كنت ابي اساله انت كيفك شخبارك ابي اقوله الحمدالله على السلامه بس ماقدرت...
فوزيه:وعااد هاذي ريما سلمت عليك قبل شوي..

reema my baby..
سلطان وهي يحط يده على راس ريما:

no I'm not your baby..
ريما:

ok..emmmm my sweet..good?
سلطان وهو يضحك:

yes
ريما وهي تبتسم:..

عمتي كانت ماسكه يد سلطان.. وكانها خايفه انه باي لحظه بيروح ويتركها...
رحنا كلنا لصاله وتوزعنا...ماكنت احاول اني اناظر كنت العب بيدي..وبينا حكي خفيف انا ومنار...
سلطان كان ماد يده على كتف امه وضامها له..كان شكلهم حلو تخيلت لو اني ارسمهم بتكون حلوة الرسمه...
بدون تفكير وقفت من مكاني..ماكنت ادري وين بروح..بس طلعت من الصاله ورحت المطبخ شربت كأس ماي وجلست على الكرسي...كنت اتذكر الي صار لي...والله فشيله...احس صار بيني وبينه حاجز...مااقدر الحين احط عيني بعينه..لا لا لازم ارجع للصاله واكون بشخصيتي الطبيعيه انا مااحب اكون عند الناس بشخصيه اصطنعها...فكرت وقررت ورجعت الصاله امشي بوثوق ولاكاني انا الي تو...جلست والوضع طبيعي..تعرفون اتوقع انه ما ناظرني ولا عبرني اصلا يعني ولاكأن في وحده هنا ...

عبدالاله:النوري صبي لي قهوة...
استغربت من كلام ابوي..اصب له قهوة ماقد طلب مني هالطلب...مستحيل اوقف واصب قهوة انا مااعرف اصب ولا اشربها اصلا..
بصوت واطي:منار قومي انتي...
منار:لا يا ماما ابوي قالك انتي...
وقفت ورحت اخذت فنجال ابوي وحاطيته على الصنيه وفتحت دلة القهوة وصبيت وسكرتها واخذت الفنجال وعطيته ابوي...
حصه:هههههههههههههههه كذا الواحد يصب القهوة..(ماتقدر تجلس ماتعلق..بعدين كأنها اول مرة تشوفني اسوي كذا يعني انا هاذي طريقتي..بس عمتي تحب تحرج)

لفيت عليها وابتسمت...

عبدالاله:علميها شلون تصب...
فوزيه:الي ما يشرب ما يعرف يصب..
ما رديت عليهم ماعجبني الموضوع...حتى سلطان ماعجبه وما تهمه هالامور...واتوقع هوبعد ما يعرف يصب...
بعد مده قصيرة رحنا كلنا لطاولة الاكل..ابوي على راس الطاولة وجنبه عمتي وجنبها سلطان بعدين ريما...ومن الطرف الثاني عمتي حصه بعدين انا وبعدي مشاعل ومنار...ملاحظين اني انا قدام سلطان وجهي بوجه...
عيوني مانزلتها منه..والله غصبا عني...كل مااحاول انزلها ارجع وارفعها ماكان ملاحظ وماكان يناظر...صحنه كان فاضي حط له اشياء خفيفه..وجهه كان تعبان يمكن من السفر...وماكان مبسوط حسيت هالشي بعيونه..عيونه كان فيها حزن ونادر ما يبتسم...
سلطان وهو يمد لي الكأس:نورا.. 
(نطق اسمي بطريقه...غير نطقنا كان مخفف حرف الراء وبالنهايه حط لي الف.عجبني اسمي على لسانه اول مرة احس ان اسمي حلو)
مارديت عليه ابتسمت اخذت الكأس...وانا اصب له حسيت انه يناظرني اويناظر الكأس بالاحرى...مديت له الكأس..

سلطان:ثاااانكس...

طبعا ما رديت ابتسمت بوجهه..انا بجد اليوم موطبيعيه اليوم مو انا..كلو منهم...
خلصنا عشا وعمتي حصه اخيرا رجعت لبيتها وكنت بقولها لا عاد تجينا مرة ثانيه...لا تلوموني...
وحنا جالسين رن جوال مشاعل...قامت من الصاله كلها وخطواتها كانت سريعه...طبعا خالد الي متصل

مشاعل:الوو..
خالد:هلا والله...كيفك؟
مشاعل:كويسه...
خالد:عاجبتك الجلسه عند اهلك..
مشاعل:اليوم سلطان جا..
خالد:الحمدالله على سلامته..
مشاعل:الله يسلمك..
خالد:طيب يلا ارجعي البيت..
مشاعل:انشالله...
خالد:امرك والا تجين مع السواق؟
مشاعل طبعا انبسطت :لا مرني..(هي موكانت زعلانه منه!!!قلت لكم انها طيبه)
خالد:اوكي خمس دقايق واكون عندك...(خالد اصلا كان واقف عند باب بيتنا وهو عارف انو لو قالها امرك بتقول اييه..,والله مو سهل هالخالد)
دخلت مشاعل الصاله والضحكه من هنا الى هنا...
مشاعل:خالد يسلم عليكم...,سلطان يقول انشالله بجي اسلم عليك...(تألف من عقلها بس عشان تبي تبين لنا انه طيب ومهتم)

thanx
سلطان:

سلمت علينا وطلعت ودقيقه ومشاعل راكبه السيارة...
(عمتي طبعا وقفت معاه)

ok..good night allسلطان وقف:

كلنا:وانت من اهله..
عبدالاله:ارتااح ونم زين..

God willing
سلطان:

راحو هو وعمتي للغرفه...
عمتي وهي تفتح باب الجناح:وهذاا جناحك..غرفة ومكتب..

thank you very much
سلطان:

فوزيه:والله ولا شي..انا لو ابي كان سويت لك قصر....
عمتي سكتت شوي:سلطاان انا مااعرف انجليزي وتراك بالسعوديه مو بامريكا...يعني تكلم بلهجتك
سلطان باس راس امه...
فوزيه:وترا هذا ذوق نورة..
سلطان:حلوو والله...(هذا الي قدر يطلع فيه)
فوزيه:يا حبيلها هالبنت..
سلطان:اييه...
بعد سكوت شوي..
سلطان:يمه أبي انام على حضنك مشتاااقلك...
عمتي على طول دمعت عينها:وانا بعد مشتاقتلك..انت لو تطلب عيوني اقدمها لك..
ابتسم سلطان..:اوكي انا بلبس بجامتي وبغسل...
فوزيه:وانا بنتظرك بالمكتب واذا خلصت اجيك..(عمتي كانت فرحاانه وماالومها على الي تسويه)
ربع ساعه وخلص سلطان وفتح باب غرفته ودخلت عمتي...سكرت عمتي الانوار وجلست على السرير وحط سلطان راسه على امه وعمتي كانت تلعب بشعره...
سلطان:يمه..
فوزيه:عيووووني...
سلطان سكت وماتكلم..
فوزيه:انا بحلم والا بعلم...والله اني مو مصدقه..
سلطان:حبيبتي يمه...
عمتي بدت تتكلم وسلطان ساكت...يمكن ربع ساعه وسلطان ناااااام وراح في سابع نومه...بعدته عمتي عنها وحطت راسه على المخدة وغطته باللحاف وباسته..وطلعت..
انا ومنار قاعدين ننتظر عمتي...اما ابوي وريما راحوا ينامون...
واخيـــــــــرا جتنا..
منار:عمتوو وينك..
فوزيه:انومه بعد قلبي..
انا ومنار سكتنا..
فوزيه:يقول ابيك تنوميني مشتاقلك...
انا دمعت عيني ماادري ليش ..مشتاقه لامي ابي اضمها ابي انام على حضنها...ماكنت ابي اصيح بس غصبا عني..وحسيت ان سلطان وعمتي محرومين من بعض وكل واحد اكثر من الثاني مشتاق..
اما منار سكتت...
عمتي جت وضمتني..:نوري تصيحين..
مارديت..
فوزيه:بس يا حبيبتي...
رفعت راسي ومسحت دموعي وابتسمت..:عمتي عجبت سلطان الغرفه؟؟
فوزيه:يقوول تجنن ..(تحب تبالغ عمتي)
نورة:كوييس..
منار:يا بختك يانوري عجبته الغرفة..
ما ضحكت على سخافة منار..ولا حتى ابتسمت..
فوزيه:يلا بكرة وراكم جامعات..تصبحون على خير..
كلنا:وانتي من اهله..
طلعنا انا ومنار ورحنا غرفتي...
منار:ههههههههههههههههههههههههه..
التفت عليها:وش الي يضحك؟
منار:ليش صحتي؟؟
:ماادري والله بس كسروا خاطري..يعني تخيلي امك فيه ومحرومه منها...
منار:امممممم..
:الله يخليهم لبعض..
منار:وش رااااااااااايك فيه؟؟
ابتسمت لها:مشالله مشالله مشالله توفي بحقه...
منار:يعني الي ما هذا هذا...
تنحت فيها:اييش؟؟
منار:ههههههههي يعني الي ما يعجبه احد احس يعجبه سلطان...
:ههههههههههههههههه...الله ياخذ بليسك...
منار:احسسه حليل مررة...
:لا تحكمين الحين لساا..
منار:بس باين من عيونه..يعني انا توقعته يرووع...
:لا ابددددا...شكله من النووع الهادي الي يحب الهدوء....
منار:اييه صحح..
:والله يا منار ما رفع عينه علينا...
منار:وش تبين بعد يقعد يناظر..بعدين يا ماما ياما شاف وشاف..
:شووفي والله في رجال لو وش شافوا ووين عاشوا عيونهم طويله او من الطبيعي ان الواحد يناظر..بس هذا لا ابددا..
منار:يمكن...
كملنا سواليف وتعليقات...وبعدين طردت منار ونمت...بكرة وراي قومه من 8 ولازم اروح الجامعه....

><
><
><
><
><

نروح لسارة ولفهد شوي الي بعد ثلاث ايام راجعين وماقالوا لاحد..هذا طلب سارة طبعا تبي تسوي مفأجاة لنا...

بالاوتيل..
سارةجالسه على السرير وفهد بالحمام ياخذ له شاور...عشر دقايق وطلع فهد من الحمام..
سارة:ماكلموني خواتي..يا سخفهم..
فهد وهو يمشط شعره:وليش يكلمونك؟
سارة:عشان سلطان...
فهد:بكرة يكلمونك..
سارة:انشالله...
فهد وهو ينسدح على السرير وسارة على طرف السرير جالسه:تعباااااان...وميت تعب.
سارة:نااام..
فهد:قولي بسم الله عليك..قولي بعد قلبي..مو نااام..
سارة:هههههههههه,انا لاني ابي مصلحتك قلت لك نام..
فهد:سكري الانوار طيب..
سارة:من عيوني..
فهد باس سارة:تصبحين على خير..
سارة:وانت من اهله...
><><><><><><><

اليوم السبت...الساعه 12:30 خلصت كان عندي محاضرة وحده وعملي واحد بعد..اما الي بعد 12 تكنسلت....كلمتني هاله بنت خالتي ورحت لها...

وصلت للمكان الي هي فيه...وكان معها بنات..سلمت عليهم...وحنا واقفين..
هاله:نوري ترا برجع معاك البيت...
ناظرتها وكشرت:ليش؟؟
هاله ابتسمت:بس كذاا...
:ماقلتي للسواقك يجي؟؟
هاله:لا ماقلت له..
ليش ما قلتي؟؟
هاله:يعني ماتبيني؟؟لا قوليها بوجهي..
البنات ضحكوا..
(بيني وبينكم انا استحيت وحسيت اني مصختها...بس من جد هي وش تبي ترجع معاي)
ضحكت ارقع السالفه:استهبل عليك...يلا امشي نطلع..
هاله:ومنار؟؟
:منار الساعه 3 تطلع..اليوم السبت..
هاله:اوكي..
سلمنا على البنات وطلعنا...
بالسيارة..
:طاهر روح بيت خالتي نوال..
هاله:نورة برجع معااك..
:يااختي عندنا ولد عمتي سلطان عيب تجين..
هاله:ادرري انا ابي اجي عشاان اشوفه..
:هاله برجعك بيتكم والا بنزلك مرة ثانيه للجامعه....
هاله:نوري بلا غباء وش فيها لو اجي؟
:ماقلت شي بس مو تجين غدا يعني تعالي مرة بالليل..
هاله:اخاف يكون طالع والا شي..
عطيتها نظرة بعيوني ولفيت..(حسيت اني غبيه ماادري ليش سويت كذا...بس بعد هي تصبر مو على طول تجي تنط وشو هو كائن غريب!)
هاله:ههههههههههههههههههه...اجل صاادقه مشاعل..
ضحكت وماعلقت..
هاله وهي تضربني بيدها:نورة والله مااجي بيتكم بس ليش لهدرجه ماتبين اجي؟
انا باندفاع:لانو ماله داعي بذا الوقت تجين...
هاله:ههههههههههههه طيب..بصدق..يا رب انشالله يرجع الحين لامريكا..
:الحمدالله والشكر..
هاله:يارب ترجعين وماتشوفينه...
:احسسن مو اكبر همي..
هاله:اووص بس..
:زعلتي؟
هاله:ازعل من النوري...لامازعلت بس لاعمرك تعيدنها..
ضحكت:انشالله...وانتي بعد لاعمرك تعيدنها
اخذتنا السواليف ودقايق ووصلنا بيت خالتي نزلت هاله ورحت انا البيت..واخيرا وصلت..نزلت بسرعه من السيارة ودخلت البيت...
:السلام عليكم..عمتووو وينك؟؟
مااحد رد...
رحت الصاله الثانيه بعد مافي احد...
رحت لجناح سلطان لقيت الباب مسكر..طبعا ماحاولت افتحه..رجعت ورحت فوق ودخلت غرفة عمتي ولقيتها تصلي..جلست على الكنبه وبعد ماخلصت...
:اخيررا لقيتك...
عمتي:هلا هلا...
:شخبارك؟
عمتي:الحمدالله..انتي شخبارك وكيف الجامعه؟
:الحمدالله كويسه...,وين سلطان؟
عمتي:نايم...
:اهاا ماقام؟؟
عمتي:الا قايم من 7...ورجع قبل شوي ابد يمكن ماله الا ربع ساعه...تعرفين نومه متلخبط..
(انقهرت كلو من هاله لو اني ماوصلتها كان وصلت قبل لايناام...يالله على الحظ...بس معليش الايام جايه)
:اهااا....,اوكي انا بروح انام..يلا تصبحين على خير..
فوزيه:ماتبين تتغدين؟
:لا مااشتهي..
فوزيه:براحتك..
طلعت غرفتي وبدلت ملابسي وصليت ورميت نفسي على السرير ونمت..ورحت في سابع نومه....
ماحسيت في نفسي الا ويرن جوالي وكانت صديقتي مرام...جيت برد قفلت..قمت من السرير ورحت فتحت النور وشفت الساعه كانت سبعه المغرب....مستوعبين اني نمت كل هالوقت ومااحد صحاني...دخلت الحمام بسرعه وغسلت وتوضيت صليت العصر والمغرب..وبدلت ملابسي ونزلت...دخلت الصاله وكان في عمتي ومنار وريما...
:اهللين..
منار:صححححح النوم...
فوزيه:وش هالنوم؟
:ليش ماقومتوني؟
منار:قومتك وماقمتي...
:راحت على صلاة العصر..توي اصليها مع المغرب..
فوزيه:انا والله انشغلت مع سلطان...
ابتسمت:وينه؟
منار ضحكت..
فوزيه:راح ماله الا خمس دقايق توه طالع..مره ولد عمه وراح يسلم على عمانه..(ربي استجاب دعوة هاله وما شفته..)
انا ضاق صدري..:طيب متى بيجي؟
فوزيه:اكيد بيطول وبيتعشى هناك..
سكتت وجلست على الكنبه واخذت الريموت وبديت اغير من قناة لقناة..
الجو كان ممل ساكتين ومااحد منا يتكلم ومشاعل ما جتنا اليوم...
رحت لغرفة رسمي وقعدت اخربط شوي..جبت لوحه وقعدت اشخبط عليها ..كل الالوان جربتها فيها...ماقدرت ارسم مااكان لي خلق..
على الساعه 11 رجعت الصاله وابوي كان في..جلسنا تقريبا الى الساعه 12 وبعدين كلنا طلعنا فوق...ماقدرت اجلس بحالي...
منار راحت ونامت وابوي بعد..وعمتي دخلت غرفتها بس اكيد انها ماراح تنام..لازم تشوف سلطان قبل لا ينام...
غسلت ولبست بجامتي وكلمت على هاله..
من 12 الى 2وانا اكلمها...ماحسيت ان احد جا...بعد ما قفلت منها طلعت من غرفتي ورحت غرفة عمتي ولقيتها نايمه..معناته رجع سلطان بس انا ما حسيت فيه..

نزلت تحت بس كنت ابي اكل شي جوعانه...مو عشان سلطان..لانه اكيد نايم وماراح يطلع من غرفته...
دخلت المطبخ وفتحت الثلاجه طلعت الحليب وكان فيه كيك شوكلت عشقي الشوكلت...
صبيت لي كاس حليب وقطعت لي كيكه..جلست بالمطبخ اكل...
كنت منزله رراسي ومتنحه بالكيكه وكانت العب بالشوكه...رفعت راسي بعد ما سمعت صوت...
جت عيني بعينه... سلطان الي جا..حمر وجهي انا كنت لابسه بجامتي...وهو بعد كان لابس شورت وتي شيرت..
سلطان:هااي...
:هلاا..
؟ 
glass قام يفتح الدولايب يبي كأس...لف علي:وين القى 
وقفت من مكاني ورحت فتحت الدولاب الي فيه الكاسات وطلعت كاس..ومديت يدي له..مد هو يده واخذ الكاس..
سلطان:ثانكس.. 
طلع من المطبخ قبل حتى لا ينتظر ردي..
رجعت وجلست وباخذ صحني..ماكنت مركزة وانا امد يدي عشان اخذاه طخيته وطاح الصحن على الارض...
انكسر الصحن وطلع صوت قوي..ارتبكت..وقفت وتنحت بالي انا سويته...
سلطان طبعا سمع الصوت ورجع المطبخ على طول..

what happened
سلطان:؟
مارديت عليه..جلست على ركبتي عشان اشيل قطع القزاز...
قرب سلطان وجلس هو الثاني وبدا يشيل معاي..
ماكنت احاول اناظره...مابينا الا مسافه قصيرة..كان قريب مني..
رفعت راسي له:سلطان شكرا مايحتاج انا اشيله..
سلطان:لا عادي اساعدك,بس انتبهي ليدك لاتجرحينها...
خلصنا..
وقفنا وصرت تقريبا جنبه...كان اطول مني بكثير...بس كان شكلنا حلو..يعني مناسبين لبعض..(مو حنا لا اقصد طولي وطوله)
سلطان:تدرسين بالجامعه؟؟
ابتسمت:اييه..
سلطان:كم لك؟؟
:اول سنه..
سلطان:وش تدرسين؟
:فنيه..
سلطان ابتسم:تعرفين ترسمين؟
ابتسمت بوثوق:طبعا اعرف والا ليش دخلت؟
سلطان:حلوو..
ابتسمت له...
سلطان:بكرة ماعندك جامعه؟
:الا عندي..
سلطان:مو متأخر الوقت الحين وانتي مانمتي؟
ابتسمت:الا متأخر بس ما فيني نوم..
سلطان:اهااا..
كان بخاطري اساله اذا هومرتاح والا لا..وطبعا انا الي في بالي اسويه..
:سلطان كيف الوضع عجبك؟
رفع حاجبه وابتسم نص ابتسامه(كان حلو شكله):يعني...ليش؟
:لا بس كنت ابي اعرف...
سلطان:على فكرة الغرفة والمكتب مرة حلوين..
حمر وجهي وابتسمت:شكرا...
ناظرني نظرة غريبه مااقدر اوصفها...
:كيف عيال عمك؟؟(انا ملقوفه..)
سلطان:كويسين...
ابتسمت بوجهه:اوكي انا بروح انام تصبح على خير..
سلطان:وانتي بخير...
مشيت انا وتركته...وانا عند الباب بطلع..
سلطان:نورا...
لفيت عليه:نعم..
سلطان:القى عندك حبوب عشان ابغى انام..
ضحكت من جوا...(اكتشفت شي انه ما يعرف يحكي...حكيه ملخبط شوي)
:اييه...بروح اجيب لك..
سلطان:ثانكس..
رحت فوق وقعدت ادور طولت شوي..واخيرا لقيتها ونزلت بسرعه مالقيته لا بالمطبخ ولا بالصاله...رحت جناحه ووقفت عند الباب وناديت عليه...فتح باب الغرفه ومشى خطوات قصيرة وصار قدامي..عطيته الحبوب...
سلطان:ثااانكس نورا..
ابتسمت له:العفو...
طلعت من جناحه ورحت غرفتي..وطبعا مانمت على طول...ماادري بس حسيت كأني بفلم كأن الي قاعد يصير لي حلم...كنت مبسوطه..

الساعه 7 المغرب جالسين كلنا بالصاله...انا وعمتي ومنار وريما وطبعا سلطان...الحين صار واحد منا..
ريما وسلطان كانوا يلعبون مع بعض..وانا معاي مجله اتفرج عليها..وكانت بينا سواليف انا وعمتي ومنار...
بوقتها رن تليفون البيت...انا الي كنت جالسه جنب التيلفون ورديت..
:الو..
ام فيصل:السلام عليكم..
:وعليكم السلام..
ام فيصل:ممكن اكلم ام سلطان؟
:انشالله..دقيقه بس..
hold__
حطيت التيلفون على....

:عمتي وحدة تبيك..
فوزيه وهي توجه الكلام لسطان:كل عماتك كلموا..من بقى ماكلم؟
سلطان ابتسم...:تبين اكلم انا؟
فوزيه:عطيني السماعه نوري..
مديت لها السماعه..وردت..
فوزيه:الوو..
ام فيصل:السلام عليكم..
فوزيه:وعليكم السلام..
ام فيصل:كيف الحال؟
فوزيه:بخير الحمدالله...,مين معي؟
ام فيصل:معاك ام فيصل ال............
فوزيه:ياهلا والله..شخباركم وكيف الاهل؟
ام فيصل: بخير الله يسلمك.
ام فيصل:بغيتك في موضوع خاص..
فوزيه:تفضلي يااختي...(طبعا عمتي على الطاير فهمتها..يبون يخطبون)
(انا ومنار سكتنا وكنا قاعدين نسمع وش تقول عمتي..اما سلطان مااهتم وكمل لعب مع ريما)
ام فيصل:ولدي على وجه زواج وندور له هالفترة وعاد شفنا منار بنت اخوك وعجبتنا وقلت اكلم اشوف..
فوزيه:والنعم والله نتشرف..
(منار وقف دمها..وجهها صار الوان..كانت تكره احد يتقدم لها...وشايله فكرة الزواج من بالها ..طبعا الا من فيصل..)
انا كنت اكلم منار:يمكن مو لك؟
منار:عمتي تناظرني انا ماناظرتك انتي...
نرجع لعمتي وام فيصل...
ام فيصل:يعني انتم موافقين على مبدا الزواج؟
فوزيه:اييه ماعندنا مانع...(عمتي تتكلم عن رايها بس مو عن راي منار ولا عن راي ابوي)
ام فيصل:لو ما عندكم مانع نجي نتعرف...حصل نصيب والا ماحصل..
فوزيه:الله يحيكم باي وقت..
ام فيصل:متى يناسبكم؟
فوزيه:الاثنين دور بكرة يناسبكم؟
ام فيصل:على خير انشالله...وهذا رقمي عشان لو حبيتوا تاجلون والا شي..
فوزيه:دقيقه ياقلبي...
عمتي:نورة اكتبي الرقم...
:طيب..
كتبت الرقم...
ام فيصل:يلا مع السلامه...
فوزيه:مع السلامه...
قفلت عمتي من هنا نطينا انا ومنار على عمتي...سلطان التفت اخيرا ووجه نظره لنا..
:لمين؟
فوزيه:لمنوري...
منار:لا لا لا لا...انا قايله لكم زواج الحين ماابي...وشي ثاني ليش تقعدين تتحددين..انا قلت لك لاتقولين شي الا اذا سالتيني..
فوزيه:نسال ونشوف..وش يضرك انتي...الحيم وافقنا حنا!
:ولد مين؟
فوزيه:اسمه فيصل ال...............
انا ومنار بصوت واحد:احللللفي..
عمتي ناظرتنا باستغراب:هو هو هو اكذب انا...
مااقدر اوصف لكم شعور منار والا شكلها...احسها كانت تبي تطير من الفرحه....ماهي مصدقه...وكان باين على شكلها حتى سلطان كان يناظرها...
رن جوال سلطان وقام من الصاله..
منار وقفت:عمتي لا تكلمينهم وتقولين شي...انا الصراحه اسم الولد عجبني...وانتي قولي لابوي..طيب؟
عمتي استغربت والافكار بدت تلعب براسها..عمتي ماهي غبيه وتعرف حركات البنات...
التفت وومالقيت الاغبار منار...شكلها ركبت صاروخ وطارت فوق عشان تكلم فيصل....
فوزيه:اخبرها ماتبي تتزوج..وش الي فرق الحين؟
:ماادري اسأليها...
عمتي ناظرتني نظرة غريبه وسكتت...
رجعت ومسكت المجله..وكنت بحاول قد مااقدر اني اصير طبيعيه...جلست شوي بعدين رحت غرفتي اكلم هاله...

هاله:هلا هلا والله بالطش والرش...
:هاله حزري بسرعه وش صار؟
هاله:وجعع نوير وش صار؟
:فيصل خطب منار...
هاله:احلففففففي..ياحمارة...ياحبيلهم...
:شفتي شلون..
هاله:ماالت علي.....(هاله قصتها كوم ثاااني....بقولك عنها بس بعدين شووي)
:مناار مررة مبسووطه..
هاله:ليش ماكانت تدري قبل؟
:لا شكله سواها مفأجاة لها..
هاله:ياحليله...الله يتمم على خير انشالله...
وجلسناا نسولف وطولنا مررة...
><><><><><><
دخلت منار غرفتها وسكرت الباب بالمفتاح...مسكت جوالها وكلمت على فيصل..
من اول رنه رد فيصل..
منار:ياحمااااااااار ليش ما قلت لي؟؟
فيصل:هههههههههههههههههههههه..الله حمار بكبرها...حرام علييك..
منار :فيصل احبك...احبك ..أحبك..احبك..أحبك..
فيصل:وانا اموت فيك...اموت فيك.. اموت فيك...
منار:ليش ما قلت لي؟
فيصل:حلوة المفأجاة اول والا لا؟؟
منار:احلى مفأجاة...فيصل ماني مصدقه...
فيصل:اهم شي منوري مبسوطه...
منار:ابي اطير من الفرح...فيصل اخيرا..
فيصل:يمكن شهر ونعلن خطبتنا...بنصير على كل لسان..منار انخطبت لفيصل ال...و فيصل خطب بنت ال....
منار:ههههههههههههههههههههه...انشالله..
فيصل:انشالله...ادعي ربك يامنار يتمم لنا..
منار:انشالله...
كملوا منار وفيصل سواليف عن زواجهم وعن خطبتهم وعن بيتهم وعن عيالهم....

><><><><><><
نرجع لصاله والي جالسين فيها...عمتي راحت..المطبخ والا غرفتها...ماعلينا..وانا وريما جالسين..
رجع سلطان الصاله..وماكان طبيعي انقلب فوق تحت..وطبعا ان استنتجت انه المكالمه هي الي سوت فيه كذا.
سلطان وهو يجلس:وين امي؟
:ماادري يمكن راحت غرفتها...
ريما:سلطان تكمل لي القصه؟
سلطان:بكرة اكملها لك..
ريما وهي تهز راسها:اوكي..
طلعت ريما من الصاله وراحت غرفة الفيديو...
انا اتفرج على المجله الي ماادري وش فيها اصلا..كنت اقلب الصفحات وانا ماادري وش اشوف..كنت كل شوي ارفع عيني واشوف الوضع...
اما هو كان يتفرج على التلفزيون وكان رافع رجله وحاطها على الثانيه وحاني كتفه شوي..ويهز برجله...
كان متوتر مرة...
حبيت اقطع سكوتنا شوي...
:وش فيك؟
سلطان ناظرني :أنا؟
:في احد غيرك؟
سلطان ابتسم:مافيني شي..
:شكلك مو مرتاح؟
mind your own business
رفع سلطان حواجبه:
انا تنحت ووجهي حمر وعصبت وارتفع ظغطي...وتمنيت لو اقدر اقوم واسطره...انا عارفه اني ملقوفه بس ما يرد علي بذي الطريقه...
طلع من الصاله وراح غرفته..وانا بعد قمت ورحت غرفة رسمي... عمتي دخلت علي شوي ومنار جت تقولي وش قالها فيصل...
بالصاله عمتي وسلطان...منار بغرفتها وريما نامت وابوي مابعد جا...
سلطان:وين نورة؟
فوزيه:بغرفة رسمها...
سلطان:وينها؟
فوزيه:تحت بالقبو...
سلطان:بالبيسمنت؟
فوزيه:اييه..اييه..
سلطان:ابي انزلها عادي؟
فوزيه:اييه عادي..وش تبي فيها؟
سلطان:بسألها عن شي..
فوزيه:طيب..
نزل سلطان تحت ووقف عند الباب الي كان مسكر طق الباب..
انا كنت منسدحه على كنبه وكانت الكنبه صغيرة ورجلي طالعه..( كانت بالغرفه عشان اذا تعبت من الرسم اجلس فيها)...وكنت حاطه سماعات الاي بود على اذني..ومااسمع زين الاصوات الي بره...
طق المرة الاولى مارديت...
مرة ثانيه..وسمعت الصوت..
انا بصووت عالي:مييييييييين؟؟
سلطان:انا سلطان..
ماسمعت الاسم ولاحتى ميزت اذا كان الصوت..صوت منار والا احد ثاني..
دخل سلطان..وانا كنت ملقيته ظهري..بس حسيت ان الي عند الباب دخل..
بصوت عالي :شووفي يا منار اذا بتتكلمين عن فيصل اطلعي انا مالي خلق...
سلطان قرب وصار بوجهي:انا سلطان مو منار...وشيلي الاي بود..عشاان تسمعين كويس...
ليش انا كذا يصير لي معاه..ربي مسلطه علي...
عدلت جلستي بسرعه وشلت السماعات من اذني ورفعت راسي عشان اقدر اشوفه زين..
:نعم...

i'm sorry noura:
سلطان
ناظرته ومارديت... 
سلطان:انا كنت معصب وردي كان وقح شووي..
:انا الي اسفه اني تدخلت..
سلطان:اهم شي ماتزعلين...
:لا..
سلطان:اوكي..اخليك..وانتبهي مرة ثانيه لاتقولين شي يمكن يحطك في مشاكل الا وانتي متأكده ان الي تبينه هو الي دخل..
طلع على طول قبل لا ارد..
ايش يبي هذا الانسان المتعجرف...احسه شايف نفسه مسوي هو الي فاهم واننا كلنا اغبياء..
طلعت من الغرفه ورحت فوق عند منار...
فتحت الباب بدون مااستأذن...وكانت تكلم...
:منااااااار ميين؟
منار:فيصل...
:اهااا...

طلعت من الغرفه وكنت مرة منرفزة ومعصبه رحت غرفتي ورميت نفسي على السرير وبديت اصيح...مشاعل متزوجه ومنشغله بزوجها وسارة بعد ومنار عايشه احلى قصه حب وقريب بتنخطب له...وأنــــــا لا احد مهتم فيني ولا انا مهتمه بأحد...مخدتي تملت دموع جلست ساعه.. وانا اصيح قمت وغسلت وجهي وتوضيت وصليت ركعتين...وحسيت نفسي أحسن..

><><><><><><

مشاعل وخالد جالسين بالصاله...كانوا ساكتين وبوقتها رن جوال مشاعل..
مسكت مشاعل جوالها وشافت المتصل وكانت صديقتها غادة...
على طول ردت مشاعل..
مشاعل:هلاااا والله وغلا..
غادة:هلا بك...
مشاعل:ويين النااس..صدق انك قاطعه..من بعد زواج سارة ما شفناك..
غادة:والله بنتي كانت تعبانه الفترة الي فاتت وانشغلت فيها مررة...,بعدين انتي بعد وينك؟
مشاعل:حبيبتي ماتشوف شر,..شخبارك بعد؟؟
غادة:بخيير...شخبار سارة وخواتك؟
مشاعل:الحمدالله بخير..,كيف امك سلميلي عليهااا مررة...
غادة:انشالله...,مشاعل عندي لك خبر..
مشاعل:حامل؟
غادة:لا..,خبر ما يخصني..يعني عن وحده من البنات..
مشاعل:سمر والا لميس؟؟
خالد لف على مشاعل على طول وركز انتباهه عليها...طبعا لميس الي يحبها خالد...وهي صاحبة مشاعل..
غادة:لا لميس..انخطبت..
مشاعل:صددددددددددددق...يا حبيلها...والله اني دايما ادعليها...ولد مين؟؟
خالد هنا وقف دمه ومانزل عيونه من مشاعل...وبدت الافكار تلعب براسه...
مشاعل:الله يوفقها انشالله...
غادة:امييين..وعقبال سمر انشالله..
مشاعل:انشالله..
غاده:اوكي ميشوو..اخلييك وانا عارفه اني اتصلت بوقت متأخر...
مشاعل:لا حبيبتي انتي تتصلين بأي وقت...نشوفك انشالله على خير..
غادة:انشالله..يلا مع السلامه..
مشاعل:مع السلامه..
اول ماقفلت مشاعل..
خالد:مين؟
مشاعل:غاادة صديقتي..
خالد:وش تبي؟
مشاعل:تسلم..وتقولي على وحده من البنات انخطبت..
خالد وهو ياخذ نفسه:مين؟
بوقتها دقيت انا على مشاعل..اعرف اوقت صح؟
مشاعل على طول ردت...
:ميشوو وحشتيني مررررة لك يومين ما جيتي؟
مشاعل:جلست اليوم مع خالد...وامس رحت مع خالتي ازور وحده وراح الوقت...
:ميشووو مررة ضايق صدري...
مشاعل:بسم الله عليك وش فيك؟
:ماادري..بس كذا...
مشاعل:أحد زعلك؟
:لا...
مشاعل:نوري ضيقتي صدري...
:عندك خالد؟؟
مشاعل:اييه..
:طيب..اخليك وسلميلي عليه...وبكرة تعااالي ترا بجي عندك اذا ما جيتي...
مشاعل:انشالله حبيبتي..انتبهي لنفسك..
:بااي..
قفلت مني مشاعل...
مشاعل:خالد وش تبي تتعشى؟
خالد:ولا شي..,وش كنا نقول قبل شوي؟
مشاعل:ولا شي...
خالد:ايييه صديقتك انخطبت؟
مشاعل:اييه..
خالد:ميين؟؟
مشاعل:لميس...
خالد هنا صفر وجهه والدنيا قامت تدور فيه..بلع ريقه:لميس؟؟
مشاعل:اييه لميس...الله يوفقها والله البنت مررة طيبه..(والله انتي الي طيبه)

خالد لا شعوريا وقف من مكانه وطلع من الصاله...راح الحمام غسل وجهه بماي بارد..يبي يتأكد اذا هو بحلم والا بعلم...
أخذ نفس طووووويل...مستحيل لميس انخطبت...لا لا يارب انه كذب...لا ليش مسحيل انا الي خنتها وتزوجت..مو هي..انا الي بعتها مو هي..انا الي هدمت حبنا مو هي...انا وانا وانا وانا...آآآآه...لازم انسى...شلون انسى..لميس حب عمري لميس اول حب واخر حب....
انا لازم اطلع من البيت..مشاعل اذا شافتني بذا الحاله بتشك وبتستغرب...
بدل خالد ملابسه وطلع من الغرفه وهو يمر بالصاله..
مشاعل بستغراب:على وين؟
خالد وماهو عارف وش يقول:احمد كلمني.. سيارته صار له حادث.. وبشوف..
مشاعل:اييش؟؟
خالد وهو يمسح على راسه:صار له حادث...
مشاعل بخوف:متى؟
خالد:تو كلمني..خلاص لا تكثرين اسئله..
مشاعل:لااله الا الله...طمني عليه.
طلع خالد من البيت وترك مشاعل المسكينه الي صدقت كذبته...

><><><><><><><
يوم الاثنين...الساعه 6 المغرب...توي اصحى من النوم...بدلت ملابسي ونزلت لصاله ..كلهم كانوا قاعدين..

:السلام عليكم..
كلهم:وعليكم السلام...
ابوي يكملني:شخبارك نوري..؟
:الحمدالله بخير..انت شخبارك؟
ابوي:الحمدالله طيب..,تعالي اجلسي جنبي من زمان ما جلست معاك..
رحت وجلست جنبه كان يسألني عن الجامعه وعن رسمي وعن اشياء كثيرة...
منار كانت جالسه جنب عمتي الي كانت جالسه بينها وبين سلطان...
منار بصوت واطي:عمتي قلتي لابوي عن الي تقدم لي؟
عمتي:لا ماقلت له نسيت..
منار:تنسين شي مثل كذا؟
عمتي:ماجلست معاه...اليوم انشالله اقوله..
ابوي يكلم عمتي:فوزيه كلمتي كل خواتي وعزيمتهم يوم الاربعاء.؟
فوزيه:اييه..عااد انت عليك اخواني..
عبدالاله:اييه قلت لهم...
:في عزيمه في بيتنا؟
فوزيه:ايييه عشان سلطان..يشوفونه خواله وخالاته وعيالهم...
:اهاا...
..بعد ساعه تقريبا جت مشاعل..
رحت لها وكانت تفصخ عبايتها..
:ميشووو وحشتيني..
مشاعل:هلا والله...
:كيفك؟
مشاعل:كوويسه...
:وجهك تعبان..
مشاعل:امس مانمت الا متأخر...
:ليش؟
مشاعل:احمد صديق خالد صار له حادث..ومارجع الا الفجر..
:ياساتر...بالمستشفى؟
مشاعل:لا لا مادخل..
ناظرته واستغربت..:اهاا
مشاعل:مين في؟
:كلهم..
دخلنا الصاله انا ومشاعل...

><><><><

ا لساعه 9 الليل...بالمطار سارة وفهد توهم واصلين الرياض...
كان باستقبالهم وليد اخو فهد وبدر ولد اخوه...
جالسين ينتظرونهم يجون...
وليد:تأخرو..
بدر:لا الرحله لها ربع ساعه واصله..اصبر..شوي..
وليد:اكلمه؟
بدر:اصبر شوي..تلقها ياخذ شناطه الحين..
عشر دقايق..وطلعوا سارة وفهد..
وليد:جو جو...
بدر يلتفت:وين؟
وليد:قداام وجهك..
بدر:اييه والله..
من الجهة الثانيه سارة تكلم فهد:ماقلت انهم بيجون يستقبلونا...
فهد ابتسم...ومارد على سارة..
قربوا وليد وبدر لفهد...
فهد وهو يفتح يده لوليد:هلاااااااااااااااا والله...
وليد:الحمدالله على السلامه تو مانورت الرياض...شخبارك؟
فهد:حبيبي والله منورة باهلهاا...الحمدالله انت شخبارك؟
وليد:الحمدالله بخير..
بدر:هلا والله وغلا..
فهد:هللا بك..شخبارك؟
بدر:الحمدالله بخير...
سلموا على سارة وراحوا السيارة..
بدر ووليد طبعا قدام وفهد وسارة ورا..
سارة بصوت واطي:فهد بيت اهلي..
فهد:نروح بيتنا اول..
سارة:لا..
فهد:ايش لا؟
سارة:بيت اهلي..
فهد:نروح البيت وتلبسين وتتحممين وتروحين بيتكم..
سارة:لا فهد بلييز مررة مشتااقه لاهلي...
فهد:وش تفرق معك؟
سارة:تفررق..
فهد:الي تبينه...
فهديكلم بدر لانه هو الي كان يسوق..:بدر بيت اهل سارة الله لا يهينك..
بدر:تاامر امر...
سارة:شكرا فهد..
فهد مارد عليهاا..
سارة سكتت وحست انه زعل(هذولا الرجال اذا ما نفذتي لهم طلب زعلوا)
فهد وبدر ووليد كانوا يسولفون ويضحكون وسارة ساكته...
وصلوا بيتنا...
سارة ماتكلمت ولا كلمه مع فهد..فتحت باب السيارة...
وهي تنزل:يلا مع السلامه...
وقفت سارة شوي تناظر فهد وبعيونها استفهام اذا بينزل والا لا..فهد ما تجاوب معها..
سكرت سارة الباب ولفت..ووقفت عند باب البيت...
بدر:انزل معها..يااخي..
فهد حس بتأنيب الضمير وفتح باب السيارة ونزل..
فهد:سوسو..
لفت سارة وببرود:نعم..
قرب لها فهد:سلميلي عليهم وبوسي لي ريما...
سارة:لاعمرك تزعل...
فهد:ههههههههههههههه...من عيوني..يلا حبيبتي ادخلي..وانتبهي لنفسك...
سارة:انشالله..يلا مع السلامه..
فهد:مع السلامه..
رنت سارة الجرس وجت الخدامه فتحت لها..ودخلت جوا البيت...
وهي قريبه من الصاله وقبل لانشوفها:السلااااام عليكم...
انا نطيت من مكاني:سااارة ساارة جت...والله هذا صوتها..
كلنا ركضنا لها انا وخواتي وعمتي..طبعا الا سلطان..
سارة لما شافتنا:وحشتووووووووووني مرررررة...
انا لما شفتها صررخت غصبا عني ورحت ضميتها على طوووووول...
كانت تصيح حبيبتي..
سلمنا عليها كلنا...ورجعنا لصاله..
اول ماشافت سلطان بكل براءة وغباء:سلطاااااان..
سلطان ابتسم ووقف:هلا والله سارة...
سارة وعلامات الانبهار على وجهها:كيفك؟
سلطان:كويس,انتي كيفك؟
سارة:الحمدالله..
سلطان:الحمدالله على السلامه..
سارة:الله يسلمك...,مررررررة تغيررررت..
سلطان وهو يضحك:احلى والا اشين!
سارة:لا والله كلك مللح..(ساارة على طول مانت عليه..هذا طبعها على طوول تمون وتسولف)
سلطان:هههههههههههههههههههههه(ضحك من قلبه)من ذوقك..
رحت سحبت سارة وجلستها جنبي:وحشتيني يا دبه..
سارة:بعد قلبي والله وانتي اكثر..
مشاعل:لييش ما قلتي لنا يا خايسه؟
سارة:مفأجاة...
عمتي:أحلى مفأجاه..
سارة:لا مفأجاة سلطان احلى...
سلطان ضحك..
عمتي:والله كلكم...
ريما كانت جالسه على حضن سارة...
منار:كيف فهد؟
سارة:طيب..راح بيت اهله..
:مين استقبلكم؟
سارة:بدر ووليد..
(منار ابتسمت لما سمعت اسم بدر..طبعاهذا صديق فيصل)
سارة:وين ابوي..مع الخبصه نسيت..
:الحيين بيجي..راح عند عمي..
سارة:اشتقت له مررة...
:يلا يلا حكينا وش سويتوا؟
كان في شخص قاعد يراقبني...اكييد عرفتوا مين..اتوقع اول مرة يشوفوني زين...كل مااقول شي او اسوي حركه كان يبتسم...
سارة:كل شي طااير من راسي الحيين..نخلي السواليف بعدين..

الساعه 12 الليل وحنا للحين على قعدتنا سلطان دخل غرفته ومشاعل رجعت بيتها وابوي جا..

سارة:يلا انا بروح...
منار:لا لا نامي عندنا اليوم..
سارة:يذبحني فهد..لا خليها يوم ثااني..
:الله لنـــا..
سارة ضحكت....:عقبالكم انشالله...
:منار كلها كم شهر وتتزوج..
منار عطتني نظرة..
سارة:في احد؟
:اييه..بعدين اقولك..
سارة:طيب منار موافقه..بالعاده ترفض..
:لا لا موافقه..
منار:نوير ترا قسم بالله كف..
سارة:لا لا ابي اعررف..
:بعديين اقولك..
سارة:لا لا تعالي الحين قولي لي..
سحبت سارة يدي وقمنا من الصاله..
ابوي:على وين؟
سارة:بتوريني رسمه لها قبل مااروح..
ابوي:سارة انا اوصلك..
سارة:لا يبه ما يحتاج..
ابوي:لا يحتاج..
:انا بروح معك يبه..
ابوي:طيب..
ريما:وانا؟
:انتي بتنامين...
طلعنا انا وسارة من الصاله وبعدنا شووي..
سارة:يلا ميين؟
:اسمه فيصل ال.....
سارة كشرت:ماراح يوافق ابوي..
انا باستغراب:لييش؟
سارة:في خلافات بينا مااتوقع يوافق..بعدين اتوقع هذا صديق بدر ولد اخو فهد...فهد دايما يقولي عنه..
انا بغباء:الا الا صديقه..
سارة:وش عرفك؟
:هاا لا اتووقع بس..
سارة ماصدقتني:اهاا...طيب يلا امشي...

طلعنا كلنا انا وسارة وابوي..وبالسيارة اتصلت سارة على فهد تقوله انها قربت عشان ينزلها..تستحي تدخل البيت بلحالها..(سارة عليها افكار غبيه)
دخلت سارة لبيتهم وكان فهد ينتظرها بالحوش..
اول ما شافته ابتسمت..:هلاا والله..
فهد كان قاعد بكرسي وقف لها:هلا بالي لفاني يا هلا به...
سارة ضحكت:كيفك؟
فهد:تماام..انتي كيفك..وكيف اهلك؟
سارة:طيبين...
فهد يناظر سارة:تصدقين اشتقت لك..
سارة:وانا بعد..
فهد:نصاابه..
سارة:نصاابه نصابه...لا تصدق..
فهد:والله اشتقتي لي؟
سارة:اييه..
فهد مسك يدها: يلا امشي ندخل اهلي ينتظرونك...
دخلوا جوا البيت...
طبعا سارة اول شي سلمت على ام فهد...الي استقبالها كان حار لسارة...
مضاوي وهي تسلم على سارة:توو مانور بيتنا ونورت الرياض كلها...
سارة:منورة باهلها..شخبارك؟
مضاوي:بخيرر..
سارة وهي تسلم على شيخه:شخبارك شيخه؟
شيخه:الحمدالله بخير...الحمدالله على السلامه..
سارة:الله يسلمك...
ام فهد:يلا عااد فهد خذ سارة وروحوا ناموا وريحوا وبكرة انشالله نجلس مع بعض...
فهد:انشالله..
سارة:تصبحون على خير...
كلهم:وانتي من اهل الخير...
طلعوا فهد وسارة من الصاله وراحوا فوق...كان لهم جناح كامل فيه غرفتين وصاله وصغيرة...
سارة اول مرة تشوف المكان الي بتسكن فيه,,طبعا بايام الملكه ماكانت تقدر تجي بيت اهل زوجها وتشوف المكان الي بتسكن فيه..

فهد:ها كيف عجبك؟
سارة:يجنن...
فهد:اهم شي..
رمت سارة نفسها على السرير..
فهد:شكلك ميته تعب..
سارة:مرررة..مرررة
فهد:وانا بعد...الحيين ننام ونعين من الله خير...
سارة رفعت نفسها وفصخت عبايتها وعلقتها..
فهد:بكرة اوريك غرفتي..
سارة:انشالله...
><><><><><
خالد اليوم طبعا نفسيته تعبانه مررة...وماشافته مشاعل اليوم...ولما رجعت مشاعل البيت..كان خالد بالغرفه ومنسدح..
سملت عليه عاادي وراحت بدلت ملابسها وجلست بالصاله...تقريبا نصف ساعه ودخلت الغرفه وخالد على حالته..كان فاتح نور خفيف ومنسدح....

مشاعل وهي تجلس على السرير:خالد وش فيك؟
خالد:ولا شي..
مشاعل:شكله ضايق صدرك؟
خالد:لا..بس تعبان شووي..
مشاعل:خالد انت دايما تعبان ليش ما تروح دكتور؟
خالد بكل وقاحه:انا الي فيني تعب نفسي مو جسدي..
مشاعل سكتت وكلمته كانت تدور في بالها وش يقصد بتعب نفسي..
مشاعل بعد سكوت...:خالد..
خالد:نعم..
مشاعل:انا افكر اترك حبوب منع الحمل...
خالد سمع كلامها من هنا وقام من مكانه:صااحيه انتي صااحيه؟؟
مشاعل خافت وماردت..
خالد:شايفتنا مستقرين بحياتنا؟
مشاعل:اييه مستقرين..
خالد يضحك باستهزاء..
مشاعل:تتوقع لو اني مااحبك بكمل معك...مافي وحده بتقدر تتحمل تعيش كذا..
خالد:شووفي مشاعل فكرة تتركين الحبوب شيليها من بالك نهايئا...انسي انسي...
مشاعل:يعني بنقعد كذاا بدون عيال...صار لنا سنتين متزوجين...
خالد:انا بناام بتسكتين والا...
مشاعل تقاطعه:لا لا اسككت..عااد انت تستانها من الله عشان تروح بيت اهلك تنام..
خالد انسدح مرة ثانيه وعطاها ظهره:طفي النور..
مشاعل اخذت مخدتها وراحت جابت لها فراش ونامت بالصاله...(هذا الي تقدر تسويه...)
الله يصبره اختي على مابلاها..
><><><><><
الساعه 9 الصباح صحيت من النوم...اليوم الثلاثاء وماعندي جامعه..واحب اصحى بدري اخلص شغلي الي هو رسمي واحب اروق..يعني حلو الصباح..
بدلت ملابسي ونزلت...دخلت المطبخ...
:فااطمه ابي هوت شوكليت..انا بالصاله..
فاطمه:انشالله يا ست نورة...ماتبغي حاجه تاكليها؟
:لا شكراا..
طلعت من المطبخ ورحت الصاله فتحت التلفزيون...بديت اقلب من قناة لقناة وطبعا كالعاده التلفزيون ما فيه شي.اخر شي حطيت على سبيس تون وقعدت اتفرج على توم آند جيري...امووت واتفررج عليهم..الصراحه الشي الوحيد الي بالتلفزيون يوسع الصدر وماينمل منه...
بعد ربع ساعه نزل ابوي وافطر وجلست معاه بعدين راح شغله..ورجعت انا لصاله..وتقريبا الساعه 10 طلع سلطان من جناحه وجا الصاله..
good morning
سلطان:
:صبااح النور..
سلطان:كيف نوري؟
ناظرته وانا مستغربه يمون الشيخ:كويسه..
سلطان:توم أند جيري مررة وحده..
ضحكت:احبه..

me to
سلطان:
مارديت عليه..شكله اليوم كان رايق مررة..
سلطان:ليش مارحتي الجامعه.
:اليوم عند اوف..
سلطان:حلو..
ناظرته ومارديت..
سلطان:نورا..
لفيت عليه:هلاا.
سلطان:ابي اسمع اغاني عربيه...
:ماقد سمعت؟
سلطان:بحياتي..
:تسمع طبعا اجنبي؟
سلطان:يب..
:وش تبي تسمع.؟
سلطان:امممممم..محمد عبده يقولون هذا احسسن مغني..
:اييه..(انا تحمست معاه وحسيت انها بدايه يمكن تخليني اتعرف عليه)
سلطان:عندك كاسيت له؟
:بروح اجيب لاب توبي واسمعك كل الي تبي..
سلطان:اووكي..,اكلتي فطور..
ابتسمت على كريقه كلامه:لا..
سلطان:اوكي بخليها تحط لنا فطور..
:اوكي...
انا انبسطت ورحت اركض لغرفتي وجبت اللاب توب ونزلت بسرعه لصاله..
جلست بالكنبه وفتحت اللاب توب...وقااعده ادور اغاني حلووة..
جا سلطان بكل وثوق وجلس جنبي..ومابيني وبينه شي..يعني لو اتحرك اصبخ فيه...
انا استحيت وارتبكت..وهو عاادي يحس انه تصرفه طبيعي..
بعدت شوي..
سلطان حس:يضايقك؟
:لا عااادي..(ماعرفت وش ارد عليه)
وقف سلطان ورجع مكانه..:خذي راحتك...
استحيت من الي صار..بس لازم يعرف حدوده..يعني لو احد جا وشافنا جالسين جنب بعض وبالقرب هذا وش بيقول!
شغلت له اغنية محمد عبده اختلفنا...
كان ساكت ويسمع...وانا اندمجت شوي وكنت اغني معاه..
بنص الاغنيه..
سلطان:كلمات كثيرة ما فهمتها..
:اييه عاادي انا بعد فيه اشياء ماافهمها..
رجعنا وسكتنا..وانا اغني..
سلطان كان يناظرني ومانزل عينه وانا ماكنت احاول اناظره..طبعا سكت وماصرت اغني..
سلطان:ليش؟
:اييش الي ليش؟
سلطان:ليش سكتي؟
ابتسمت بوجهه..
سلطان:صووتك حلوو..(طبعا كان يجامل لا تصدقون ان صوتي حلو...)
انا خلاص ذبت...يمكن تقولون اني ابالغ بس من جد ماادري وش هالشعور الي كان يجيني)
سلطان:صووتك احلى من صوته...
انا هنا انفجرت ضحك:لا شدعوة..
سلطان:والله..سكريه وانتي غني..
تنحت فيه وحبيت اغير الموضوع:وش تبي بعد اسمعك؟
سلطان:غيرره..احس يبيلي وقت على مااندمج على محمد عبده...
ابتسمت:اووكي..
فتحت له اغاني كثيرة....بعضها عجبته وبعضها لا...وأكثر اغاني عجبته اغاني كاظم الساهر...
سلطان:عطيني الموقع الي تدخلينه..عشان كل ما طفشت ادخل وادور..
:طيب..
جت بعد شوي عمتي وجلست معنا..بعدين انا رحت غرفة رسمي عندي مشروع لازم اخلصه بكرة بروح اسلمه...
><><><><><

دخلت منار البيت الساعه 1:30 سلمت بسرعه وطلعت لغرفتها عشان تكمل مكالمتها مع فيصل..

الي كانت حاطته لفيصل..
hold منار شالت
منار:تأخرت عليك؟
فيصل:لا خذي راحتك..
منار:راجع البيت؟
فيصل:لا انا مو بالسيارة بمكتبي..
منار:اهااا..
فيصل:منار..
منار:هلا..
فيصل:عمتك قالت لابوك؟
منار:لا لسااا..
فيصل:متى بتقوله؟
منار:مالقت وقت..بس انشالله اليوم...
فيصل:ضااايق صدري..
منار:باين من صوتك..
فيصل:ماادري خايف يامنار...
منار:انشالله ربي بيوفقنا..
فيصل:حلمت حلم ماراح عن بالي عجزت انسااه...
منار:خير انشالله...,اذا شين لاتقوله..
فيصل:مانويت اقول...
منار سكتت وفيصل بعد سكت كان كل واحد يفكر بمصيرهم...
فيصل بصوت كان فيه حزن:منور..
منار:هلاا..
فيصل:وين رحتي؟
منار:افكرر..
فيصل:الله يسهل انشالله والي ربك كاتبه بيصير...
منار:انشالله..
فيصل يبي يوهم نفسه ويوهم منار بعد:انا عندي احساس ان ابوك بيوافق..
منار انبسطت:والله؟
فيصل:اييه..
بوقتها طق بدر الباب..دخل..
بدر:هلااا والله...
فيصل:هلاا..
فيصل:منوري انا اذا طلعت من الدوام اكلمك..بدر عندي..
منار:اوكي..يلا بااي...
فيصل كان يلعب بالقلم ويناظره وماكان مع بدر ابداا..
بدر:وش فيك؟
فيصل:خاايف..
بدر:انهم يرفضون؟
فيصل:ايه...
بدر:الي ربك كاتبه بيصير...
فيصل أخذ نفس طويل...
بدر:عشر دقايق ويبدا الاجتماع....
فيصل:اييه والله نسيت...
بدر:يلا..
فيصل اخذ شماغه ولبسه بسرعه...وحط عطر..
وطلعوا من مكتب فيصل...
><><><
قفلت منار منه ونزلت تحت وجت عندي بغرفة الرسم...
منار وهي تفتح الباب:السلاااام..
:وعليكم السلام..
منار:كيفك؟
:الحمدالله..,وشفيك..؟
سألتها انا من هنا.. انفجرت صياح...قربت لها ومسكت كتفها..
:منار..وش فيه؟
ماردت علي..
:متهاوشين انتي وفيصل؟
منار هزت رقبتهابنفي..
انا بصوت عالي:ابوي رفض؟
منار:لااا..
:اجل؟
منار:خاايفه...
:من؟
منار:ابوي يرفض والا..ماادري اخااف يصير شي..
:لا انشالله...
منار:فيصل تو كلمني كان ضايق صدره وخايف وقال انه شايف حلم وشكله الحلم مو كويس...وانا الصراحه خفت..
:لا تفائلوا بالخير انتي ويااه...هااذي الافكار لازم تجي في بالكم بس انشالله ربي يسهل عليكم...
منار:عمتي ماادري متى بتقول لابوي..
:ماعليك انا اليوم اقولها...(كسروا خاطري منار وفيصل يعني حسيت انهم يحبون بعض مررة مع اني ماأؤمن بالحب بذا الوقت..)
منار:ياحبيلك يانورة...
ابتسمت لها...(انا بعد قلبي مو مطمئن ماادري ليش..الله يستر)
منار ابتسمت:تتوقعين بنتزوج انا وفيصل؟
انا سكت شووي احساسي كان يقول لا بس بنفس الوقت كنت احس انه فيه امل:اييه مو اتوقع الا متأكده انشالله...(مدري ليش كذا قلت لها المفروض اني احط في بالها انه يمكن ينرفض)
منار:روحي قولي لعمتي الحين الله يخليك..
:ابدل ملابسي واروح لها...
منار:لا لا اخاف ابوي يجي..روحي الحين..نورة الله يخليك..
:طيب..
طلعنا انا ومنار هي راحت غرفتها وانا رحت الصاله عند عمتي وسلطان...

عمتي اول ما شافتني:انا كم مرة قلت لك لا تدخلين الصاله بذا الملابس...(كنت لابسه تي شيرت مررة وسيع وطويل وبرمودا..)
ابتسمت بوجهها...:مالي خلق اروح ابدل...
عمتي:كانك بزر يانورة...
رحت جلست جنبها وكنت اتميلح عليها شووي...
:عمتي قلتي لابوي عن هذااك الي تقدم لمنار...
عمتي:لاماقلت له..
:طيب قوليله..
عمتي:ابقوله انشالله..
:عشاان تردين على الحرمه قبل لايجون...
عمتي:اييه اييه الحين ابقوله...اذا جاا
رن جوال سلطان وقام على طول ولما بعد من الصاله رد..كنت جالسه الاحظه...
بوقتها دخل ابوي..
:عمتي لا تنسين...
سلمت على ابوي وطلعت غرفتي....

فوزيه:شخبارك وشلون الشغل؟
عبدالاله:الحمدالله بخير..
فوزيه:اخليهم يحطون الغدا؟
عبدالاله:اييه الله لا يهينك..
فوزيه:بغيتك بموضوع..
عبدالاله:خير انشالله..
فوزيه:كل خير..اذا خلصنا من الغدا..
عبدالاله:انشالله..
نزلنا كلنا تغدينا وبعد الغدا راحت عمتي غرفة ابوي عشان تقوله على موضوع منار...
ابوي وهو يسكر باب الغرفه..:خير انشالله..
فوزيه:في واحد متقدم لمنار..
ابوي عادي مااهتم:ولد مين؟
عمتي:اسمه فيصل الـ...........
ابوي كشر شوي:بععد..انا الصراحه مااحب هالعيله..وش اسم ابوه؟
عمتي:طلال...
ابوي كشر زياده:مااحب هالرجال من هالعيله خاااصه..ومتى كلمتك الام؟
عمتي:قبل يومين..قالت نبي نجي نتعرف حصل نصيب والا ماحصل..
ابوي سكت ومارد..
فوزيه:اخليهم يجون؟
ابوي:خليهم...
عمتي:على خير...
ابوي:اييه فوزيه ابيك تروحين انتي وسلطان مكه ياخذ عمره ويشوف الحرم...
فوزيه:اييه والله على بالي..
ابوي:متى تبون احجز لكم؟
فوزيه: الاثنين زين؟
ابوي:انشالله...
عمتي طلعت من الغرفه وخلت ابوي ينام..وراحت عند سلطان بغرفته...
عمتي وهي تطق الباب:سلطان ادخل؟
سلطان قام وفتح لها الباب..
عمتي:تو خالك يقول لازم سلطان يروح مكه...تاخذ عمرة وتشوف الحرم..
سلطان:اووكي..انا بعد ابي وبخاطري من زمان..
عمتي:الاثنين زين؟
سلطان:اييه زين..
طلعت عمتي وجت عندنا بالصاله انا ومنار...
عمتي وهي تجلس:الاثنين انشالله بنروح مكه انا وسلطان...
:مشالله كوييس...
منار ناظرتني وبصوت واطي:مو الاثنين بيجون اهل فيصل...اساليها..
:عمتي..
عمتي:نعم...
:مو الاثنين مواعده الناس؟
عمتي:ايييه والله..اجل ابكلمهم واقولهم الاحد..
انا المح لها:لا أول اسألي ابوي يمكن مايوافق مبديئا..
عمتي:قلت له....ماعجبه مررة..بس قال خليهم يجون...
منار وقفت:انا بروح انام...
طبعا منار انبسطت وراحت تكلم فيصل تبشره.... 

_______________________________________
(الــجزء الرابــــع)



حنا اتفقنا في كل شي....الا الزمان عيا الزمان لا نتفق..


اليوم الاربعاء الساعه 4 العصر....دخلت البيت وانا ميته تعب....كان البيت هادئ..ابوي نايم وعمتي لازم تاخذ قيلوله بذا الوقت ومنار بعد..واتوقع سلطان بعد..الصراحه مابعد عرفت جدول نومه...
دخلت الصاله وماكان فيها احد كملت طريقي وانا عند الدرج رن تليفون البيت..رحت بسرعه ورديت...

:الوو..
سارة:هلا والله..
:اهليين..سوير..كيفك؟
سارة:تمام انتي كيفك؟
:كويسه..
سارة:ترا انا الحين بجيكم...
:مافي احد الحين بيستقبلك كلهم نايمين وانا توي راجعه من الجامعه وبروح انام لي ساعه..
سارة:عمتي اكيد الحين تقوم..اليوم عندنا عزيمه...
:ايييييييييييييييه صححححححححح....ماااالي خلق..حراام عليهم مو وقت عزاايم..
سارة:طيب ياقمر روحي نامي وانا الحين بجي..يلا بااي..
:بتلبسين عندنا؟
سارة:اكييد..
:طيب..يلا بااي..
سارة:بااااي...

طلعت انا غرفتي وبدلت ملابسي ورميت نفسي على السرير ونمت اليوم من الساعه 8 وانا بالجامعه...هذا الي يدخل فنيه كله كرف..لو اني داخله طب يمكن ارحم لي..

الساعه 4:40 تقريبا دخلت سارة بيتنا...راحت الصاله وكان فيه سلطان جالس..

سارة:السلام عليكم...
سلطان:وعليكم السلام..
سارة:كيفك.؟
سلطان:بخير..
سارة:وين عمتي؟
سلطان:ماادري والله انا توي طالع من غرفتي ومالقيت احد...
سارة فجأة:شرايك بالرياض؟
سلطان:صرااحه ماطلعت من البيت الا مرة...
سارة:لا لازم نطلعك...
سلطان ابتسم..:عندنا وقت انشالله..
سارة:انشالله...
سلطان:كيف زوجك ما شفناه...
سارة:الحمدالله بخير..اليوم بيجي انشالله..
سلطان ابتسم...
قامت سارة وراحت المطبخ ماكان في احد...طلعت وراحت المطبخ الخارجي...وكان فيه عمتي..جلست شوي سارة وطلعت فوق لغرفة منار...

سارة وهي تفتح الباب:منار يلا قومي يكفي نوم...
منار:قاايمه قاايمه...
سارة:وش بتلبسين اليوم؟
منار:ماادري...
سارة:ايييه منار..سألت فهد عن الي متقدم لك..
منار على طول رفعت نفسها:وش قال؟
سارة:يقول ان الولد كاااان مررررة لعااااب...وسمعته لك عليها..
منار:شلون عرف؟
سارة:بدر ولد اخوه يصير صديقه مررة...
منار:يعني بدر ذا بعد لعاب..(منار كانت عارفه ان بدر مو مثل فيصل ابدااا)
سارة:لا بدر مايقارن فيه...يعني ماكان مثله..
منار:طيب الولد الحين كيف؟
سارة:لا مررة كويس...فهد دايما يجتمع معااه ويطلعون مع بعض ويسافرون بعد...
منار سكتت:طيب لا تقولين لابوي..
سارة:لييش؟
منار:بسسس..
سارة وهي تناظر منار نظرات فيها شك:منار انتي تعرفينه؟
منار:كيف يعني اعرفه؟
سارة:ماادري...
منار:يعني مثلا اكلمه..لا طبعاا وش دعوووة وش شايفتني....(حلوو الواحد يكون معترف بغلطه...يعني منار مو مقتنعه بالي تسويه)
سارة:اجل؟
منار ارتبكت:ماادري..عادي يعني...بعديين بيني وبينك ابي اتزوج..
سارة:اهااا..
منار:وش بتلبسين؟
سارة:تعالي غرفتي اوريك..
><><><><><
الساعه 6:00 صحيت من النوم ...دخلت الحمام اتحمم..وبعد ماخلصت رحت غرفة منار...وكانت سارة فيه بعد...مادخلت الغرفه وقفت عند الباب...

:هلا سارة...,منار وش بتلبسين؟
منار:هذاا..
:اها..
سارة:وانتي؟
:بلبس فستان..
منار:اي واحد؟
:البيج...الي انا وهاله يوم نطلع شريناه...
منار:اييه اييه حلوو..بس ما يصلح..
:لييش؟
منار:اولا قصير ثانيا من فوق مو ساتر....
:طيب وش البس؟
منار:اي شي..بس يكون ساتر...يعني انتي ماتحجبتي من سلطان..لازم تكون في حدود للبسك وتكون ساتره..
سارة:منار يلا ابيك تسشورين شعري...
منار:اوكي..
طلعت..رحت اسوي شعري وسشورته ستريت...طلع مررة حلوو...على الساعه 8 بديت احط ميك آب....وبعد ماخلصت رحت ولبست تنورة ماهي طويله مررة.. وبلوزة كانت حلوة..يعني طلع شكلي حلو...نزلت تحت وكانوا كلهم قاعدين الا منار وسلطان..سلمت على مشاعل..وجلست..
:متى بيجون؟
مشاعل:شووي ويجون...
بوقتها جا سلطان...
عمتي:والله اني مااحب البنطلونات..يا سلطان..ورا ما تفصل لك ثياب؟
سلطان:ماتعودت يمه...
عمتي:لازم تفصل قبل مانروح مكه..
سلطان:انشالله..(سلطان كان يسكت عمتي ومانوى يفصل ثياب..)

بدوا يجون عماتي وعماني...طبعا الرجال في المجلس واحنا في مجلس ثاني...وجو كل بنات عماتي...وكل وحده متصلحه على سنقة عشرة...ماكنت احبهم..شايفين حالهم بزيادة...
وعلى اخر الوقت جا سلطان عندنا...يسولف مع عماتي..طبعا البنات تحجبوا..وانا الوحيده الي ماكنت متحجبه...حسيت شكلي غلط...ومررة بايخ...

دخلت ريما بوقتها وكانت تصيح..كلنا لفينا عليها..
راحت عند عمتي وبصوت متقطع:عمتو..طقني سعود..بالكورة...
كان سلطان جنب عمتي جالس..:لا لا لا ريما حبيبتي..لا تبكين...
ريما:عورني...رمى الكورة على بطني..والله لاطقه..
سلطان:انا اطقه...بس خلاص لا تصيحين...
ريما:الا بصييح...اقولك عورني..
سلطان:اقعدي جنبي ولا تلعبين معاااه...
مسك سلطان ريما وجلسها على حضنه...:الحين يعورك بطنك؟
ريما ونفسها متقطع وتهز رقبتها:اييه..
سلطان:الحين يروح ..شوي بس..
انا كنت اناظر ريما وودي اروح واسطرها...وش هالاهتمام الزايد لريما...

على الساعه 1 فضى البيت وكلن رجع بيته....

كلهم طلعوا لغرفهم الا انا ومنار...
جالسين نسولف ونعلق...ربع ساعه وجا سلطان..كان لابس بجماته...

:كيف العزيمه سلطان عجبتك؟
سلطان:اييه...
رن جواله..وحسيته انه ماكان ينتظر مكالمه..رد وهو عندنا وقف وطلع..بس سمعت بداية المكالمه...كان يكلم وحده...وشكلها مو اي وحده...يعني يمكن اممممممم ماادري صراحه...استنتجت هالشي من طريقته بالحكي معها...
بيني وبينكم ضااق صدري مررة....وتنرفزت..ماادري وش دخلني بس حتى..
منار:شكله يكلم وحده...
:طيب...وش اسوي له؟
منار:سلامتك..لاتسوين شي..
رن جوالها هي الثانيه وطلعت على طول لغرفتها..
جلست بالصاله بلحالي...كان ضايق صدري..ماادري ليش..
رجع سلطان وماطول بمكالمته...

مالفيت عليه ولا حاولت اناظره..
جلس سلطان..وكان معاه اوراق..ماادري صراحه اوراق ايش..بس يمكن شغل..
سلطان:نورا حكيني على الناس السعودين...عن عاداتكم وعن اشياء كثيرة...انا مااعرف هالامور...
:ما تعرفت على ناس سعودين هناك؟
..
my best friend saudiسلطان:الا كثييير...
:يدرس هناك؟
سلطان:اييه...رجع قبل شهر السعوديه خلص دراسته...
:وماراح يرجع.؟
سلطان:يفكر..بس بيتزوج اول..
:اهاا...
سكت شووي..:انت حكيني عن حياتك هنااك...
سلطان:امممممم حياتي هناااك حلوووووة...
:طيب ليش فجأة قررت انك ترجع؟
سلطان:بجررب اعيش في بلدي...انا هنااك ماكنت احس بالانتماء...
:بسس اتوقع انت ما تعرف ايش الانتماء للوطن..
سلطان:مافهمت...
:يعني انت ما قد عشت في ديرتك...
سلطان يقاطع:تصدقين انا احس الحين اني غريب....يعني مكاني مو هناا..
:تبي ترجع؟
سلطان:شووفي بدري على هالكلام يعني بعتبر نفسي جاي زيارة لمدة شهر...بعدين امممممم(سكت شوي حسيته انه ما عرف يعبر لي على الي بخاطره)

It will be nice to see my Family
سلطان:
سكت شوي..حسيته راح بدنيا ثانيه...
:وين تسكن؟
سلطان:ههههههههه في بيتي...
:لا اقصد..في بيت في شقه...
سلطان:لا طبعا في بيت...
:لوحدك؟
سلطان:لا في الخدم...
:لا اقصد...والا خلاص ولا شي..
سلطان ناظرني نظرة تخوف شوي...
بعد سكوت شوي..
سلطان:يلا حكيني..
:عن ايش؟
سلطان:عن كل شي..
:بحكيك...بس خليني اتعرف عليك انت اول..
سلطان ابتسم:اوكي...
:سلطان انت هناك درست دين؟
سلطان:اييه ابوي كان يدرسني لما كنت صغير...
:ولما كبرت؟
سلطان:لا..
:يعني في كثير من امور الدين انت تجهلها..
سلطان:انا اعرف الاساسيات..وبعدين انا الحمدالله اصلي..واقرا قرآن...واصوم وبوقت الزكاة نزكي...ونطلع صدقات..
سكت شووي..
سلطان:اتوقع في ناس عايشين هنا ما يسون هالاشياء..
:يمكن..بس مو شرط....يعني في واجبات وهي فرض على كل مسلم...مافيها كلام..
سلطان سكت شوي:اوكي نورا انا بروح أنام...
:وانا بعد..تصبح على خير..
سلطان:وانتي من اهله...
انبسطت من الحكي الي صار بينا انا وسلطان..والايام قدامي...انا ماابي احبه ولا ابيه يحبني..وماابي تصير بينا قصة حب...انا كل الي ابيه اني اتعرف عليه...اكتشفه..يعني امممم تقدرون تسمونه فضول....أحس سلطان مدينه وانا رحالة وبكتشف هالمدينه وكل شي فيها...

مسكت دفتري وبديت أكتب...ماادري وش كنت اكتب بس الي اعرفه اني ابي اكتب...

><><><><><><

الساعه2:30 الفجر سارة وفهد توهم يدخلون البيت...لما طلعوا من عندنا راحوا يلفون بالشوراع...
عند المدخل...فهد يناظر سارة. نظرات فيها خبث شوي..
فهد:سارة والله انك نتيفه...(يعني جرمها صغير)
سارة:اكرره احد يقولي كذا..
فهد:ما قد شلتك..
سارة:والله ان شلتني لا ذبحك يا فهد..
فهد:هههههههههههههههههههه....خوفتيني...
سارة وهي تبعد عنه..بس هو مسكها قبل..وشالها..
سارة وهي تصارخ:فهد فهد يا حمار..نزلني..
فهد:والله انك خفيفه...هههههههههههههه..
سارة:فهد والله لاطقك وارمي نفسي..
فهد:ارمي نفسك وبتتعورين...
فهد دخل جوا البيت وهو عند الدرج..
سارة:نزلني يا فهد يا حمار..تبي تطيحني انت...
فهد:نو نو نو...
فهد بدا يطلع الدرج...وسارة تصارخ..
فهد:نايمين..اهلي يا سارة بلا صراخ وهبال..
سارة:نزلني..
فهد:الحين بنوصل الغرفه...
سارة:لا لا لا نزلني...
مارد عليها وكمل مشيه الى ماوصل الغرفه..
ورماها على السرير...
سارة:غبي...
فهد:هههههههههههههههه...
سارة:مايضحك...
ام فهد قامت من نومها من الازعاج الي صار من فهد وسارة..
دخلت على جناحهم..وهي معصبه...
سارة لما شافتها وقفت ..
ام فهد:الساعه 2:30 الفجر راجعين والناس نايمه..ومسوين لي مهزله...كذا الواحد يدخل...
فهد:يمه اسف..حصل خير..
ام فهد:صحتيني من النوم وطيحتوا قلبي وحصل خير...انا قلت صار فيهم شي..
فهد:معاك حق...
ماردت عليه..و طلعت ام فهد من جناحهم...
لف فهد على سارة وشافها تصيح...
فهد:سارة تصيحين؟
سارة:فشيله يا فهد...وش بتقول امك علي...
فهد:ما عليك منها..بس بدون صياح..سارة بليز...
سارة:بس عيب..والله موقفي شين..مالي الا يومين..جايه..
فهد:سوسو شفتي الي صار اليوم يامالك منه...هذا طبع امي وانا قلت لك قبل...انها مررة عصبيه وشخصيتها قويه..
سارة:خوفتني..منها يا فهد..
فهد:لا يا حبيبتي انا مااخوفك..بس اقولك تعودي...
سارة سكتت وتضايقت من الي صار.. وقامت فصخت عبايتها ودخلت الحمام...
><><><><><><

يوم الخميس...رحت انا ومنار عند هاله بنت خالتي...وانا نمت عندها طبعا بعد محاولات وترجي لعمتي وابوي وافقوا اني انام بس منار بترجع البيت..ماتحب تنام الا في غرفتها.....وسلطان راح عند عمه..مسوين له عزيمة كبيرة ومافي احد ماعزموه...

رجعت منار البيت...دخلت الصاله ماكان فيه احد الا سلطان...
منار:السلام عليكم...
سلطان:وعليكم السلام...
كملت منار مشيها عشان تطلع فوق..
سلطان:وين نورا؟
منار:نامت عند بنت خالتي..
سلطان:اهاا..
منار تستهبل عليه:ليش تبيها بشي ضروري؟
سلطان ببرود:لا بس اسأل...
منار كملت مشيها...وطلعت فوق...
(حلو الشعور لما احد تحسين انه مو مهتم فيك..سأل عنك..يعني انا افرق عنده و وجودي مو مثل عدمي...)
><><><><><><
يوم الجمعه..بعد الصلاة رجعت البيت...طبعا بعد صلاة الجمعه...
دخلت الصاله وكانوا كلهم قاعدين وحتى سارة ومشاعل...
:السلام عليكم...
كلهم:وعليكم السلام..
رحت سلمت على ابوي بعدين عمتي...وعلى خواتي وجلست..ماسلمت على سلطان...ماادري بس حسيت انه ماله داعي..
مشاعل:نوري ترا بنروح نتغدى في مطعم كلنا...
:متى؟
ابوي:الساعه 2...انا الحين بروح عند الجيران واذا رجعت ابيكم جاهزين....
كلنا:انشالله...
طلع ابوي وكملنا احنا جلستنا...كلنا نسولف الا سلطان اليوم ماادري شفيه..والا حاول يناظرني..كان ساكت...
الساعه 2 الا ربع..
عمتي:يلا الي يبي يروح يتجهز يروح..ابوكم قال 2 خلكم جاهزين...
راحت عمتي غرفتها وخواتي بعد..وقفت انا عشان بروح فوق...
سلطان:نورا...
لفيت عليه:هلاا..
سلطان:وانا ما تسلمين علي؟
انا استحيت وحسيت اني مرة سخيفه..:مرررة سوري والله اسفه...
سلطان باسلوب ينرفز:لا تتاسفين..ماله داعي الاسف...بس في شي اسمه ذوق..يعني انا حسيت نفسي جدار..
قام من مكانه ومشى وسفهني...انا ضاق صدري وبنفس الوقت انقهرت من اسلوبه...انا عارفه وش يقصد..مو اهمتام ابداا..ويمكن لو احد يسوي فيني كذا بزعل...يعني تقدير اني اسلم...

جا ابوي ونزلنا كلنا تحت وطبعا انقسمنا..قسمين..
ابوي وسلطان وعمتي وريما بسيارة...وانا خواتي بسيارة...
بالسيارة...
منار بسلوب ينرفز وكانها بزر:اييه نورا امس سلطان لما رجعت البيت سألني عنك...وقلت له انك نايمه عند بنت خالتي..والله وصار ينسأل عناا..
ناظرتها بطرف عين:طيب؟(طبعا انا انبسطت وتشققت من الفرح...)
سارة:يسولف معاك؟
:اييه يسولف..
سارة:وش يقول؟
:مو مررة بس نحكي على خفيف..
مشاعل:ما قد حكيت معاه الا السلام عليكم وعليكم السلام...
منار:ولا انا...
ناظرت منار:اييه انتي فاضيه له اصلا...
مشاعل:بس لاتمونين عليه يانورة..وخليك رسميه معاه..وحاولي ماتحتكين فيه مرة...
:اييه طبعاً(مادرت عني...بس الي اسويه غصبا عني..الفراغ مشكله)
سكتنا شووي..
سارة:بروح الاربعاء مكه...
مشاعل:صدق؟
سارة:فهد امس قالي نروح ناخذ عمرة...
:عمتي وسلطان بيروحون الاثنين..
سارة:اييه ادري..
:انا ابي اروح جده...بقول لابوي..
منار:ماله داعي...
:الا نروح..الشاليهات..وسارة وفهد يجونا الخميس...والله حلوو..
مشاعل:اييه والله ليش لا...نقول لابوي الحين..
سارة:واذا تعذر بشغل ..تعالوا معنا..انا وفهد..
:تحمست..خلاص..انشالله..
وصلنا المطعم...

بيني وبينكم ما عجبتني الطلعه..سلطان كان اليوم مزاجه زفت مو بس هو حتى منار ومشاعل......قلنا لابوي على روحة جده ووافق...وقررنا اننا كلنا نروح...تغير جو

>>><<<>>><< 

دخلت مشاعل بيتها..وخالد كان منسدح بالصاله...
مشاعل:هلاا خالد..
خالد بصوت مبحوح:هلااا..
مشاعل جلست جنبه وحطت يدها دقنه:حلوة عليك الديرتي...
خالد ناظرها نظرة وكأنها هي السبب بالي قاعد يصير له...
مشاعل بعدت شووي:خالد الويكند الجاي أهلي بيروحون جده...ودي اروح معهم اذا ماعندك مانع...
خالد:روحي..
مشاعل:شكلك ما تبيني اروح؟ (مشاعل كانت تبيه يقول لا..تبي تحس باهتمامه..تبي تقنع نفسها انه هو مهتم فيها..هو حتى ماحاول يفكر اذا تروح والا لا جوابه كان جاهز ورده جا بسرعه)
خالد:لا بالعكس.ابيك تروحين تغيرين جو..
مشاعل ابتسمت من غير نفس:شكرا...,أكلت شي؟
خالد:لا..
مشاعل قامت وفصخت عبايتها وراحت المطبخ تسوي له شي ياكله...
سوت له ساندويش وعصير برتقال وسلطه..حطتهم بصنيه وراحت الصاله...
مشاعل وهي تحط الصنيه قدامه..
خالد ناظرها:قلت لك تسوين لي اكل؟
مشاعل:وجهك تعبان ومااكلت شي من الصبح...قلت اجيب لك..
خالد وهو معصب:لا شكرا كليه انتي...
مشاعل:في اسلوب احسن...تكلمني فيه...
خالد ناظرها ومارد...
اخذت الصينيه ورجعتها المطبخ...وراحت غرفتها...
><><><><><
يوم السبت...
بالسيارة انا ومنار راجعين من الجامعه ورايحين البيت..
:شفت اليوم شيخه اخت فهد...وبعدين جت مضاوي..
منار:شخبارهم؟؟
:الحمدالله...
منار:وش عندهم؟؟
:رجه هالبنات..قرقوا على راسي قرق مو طبيعي...بس خفيفين دم مررة
:ههههههههههههههههههه..سارة تقول كل العائله فيهم خفة دم...لافهد ولا اخوانه....
:اييه بقوة..
بنفس الوقت رن جوال منار وكان فيصل..
:ميين؟؟
منار:فيصل..
:ياكثره..
منار ردت:اهليين..
فيصل:هلا وغلا..شخبارك؟
منار:الحمدالله..انت شخبارك؟؟
فيصل:تمام..منار وينك؟؟
منار:بالسيارة..رايحه البيت..
فيصل:اذا قلت لك لفي التفتي بسررعه اوكي؟
منار:انت هنا؟؟
انا باستغراب:وين هنا؟؟
منار:وينك؟؟
فيصل:انا وراكم..
منار:هههههههههههههههههههههههههه وش مطلعك من شغلك؟؟
فيصل:رايح البيت..
منار:اها..
فيصل:ترا انا وراكم من زمان..انا اشوف السيارة مو غريبه علي..بعدين تذكرت مرة قلتيلي لوحة سيارتكم..
منار:كيف الشغل؟؟
فيصل:الحمدالله..,التفتي بسرعه..
منار لفت لا شعوريا وبسرعه بس ما لحقت عليه..
منار:ليش كذا مسرع..ما شفتك..
فيصل:ما يحتااج..
عصبت مررة:تستهبليين انتي وياه؟؟والا يعني عشاان خطبك ياخذ راحته ويقعد يستهبل..
منار ما ردت علي..
فيصل:معاك نورة؟؟
منار:اييه..
فيصل:ليش قاعده تهاوش؟
منار:ما علييك منها..
فيصل:قولي لها ترا صدفه..
منار:تاكل تبن..
:تاكلين تبن انتي وياه..
:طاهر علي الصوت على المسجل..
رفع طاهر الصوت..
:اعلى شي..
منار:ياحمارة تستهبلين..كذا مااسمع..طاهر قصر..
:علي..
منار:اسمع الكلام وقصر..
فيصل:منار خلاص انا بقفل..لا تصير هوشه بينكم الحين..
منار:لا لا لا ما راح تقفل عناد فيها..مالها شغل هي..
فيصل:منوري معليش بقفل واذا وصلت وتغديت وانتي تغديتي اكلمك..
منار:لا يعني لا..شخبار بدر؟
فيصل:طيب..
منار:اييه صح متى بتسافر؟؟
فيصل:أنــــا بسافر؟؟
منار:اييه اييه انت قلت لي؟؟
:انا اوريك...بالبيت شغلك. يا منار يا حمارة
منار:اوص بس..
:اوص انتي..
فيصل:متى قلت لك؟؟
منار:قل ايه انت..انا ابغى اسولف..
فيصل كان يبي يقفل عشاني:منار امي تكلمني..شوي واكلمك..
منار:بلا نصب..
فيصل:بااي..بااي..
منار:فيييصل..
فيصل قفل الخط قبل لا ترد منار..
منار:شوفي انتي مالك شغل بالي اسويه..بعدين هو جا صدفه..والا الشارع ملكك وانا ماادري؟؟
:لا مو شارعي..بس مو معناته يجي يتميلح..منار انا احبك واكره اني اختي تسوي هالحركات
منار:كلي تبن واسكتي..اماانه شفتي وجهه؟؟
:لا...بس ترا فيصل صديق بدر..وبدر ولد اخو فهد..
منار:وش الجديد؟؟
:يعني بدر اكيد يعرف؟
منار:اييه يعرف..
:ماهي حلوة بحقك ولا حق سارة اختي..
منار:شوفي ..انا مقتنعه بالي اسويه وماعلي من احد...بعدين تحسبين بدر متخلف مثلك...
:الحين انا تفكيري متخلف؟؟
منار:اييه متخلف ونص..
:لايا ماما في شي اسمه رادع ديني..خوف من الله..والي تسوينه حرااام..المسئله مو مسئلة قناعه..والا تخلف..
منار:انشالله بنتزوج..اسكتي بس انتي اصلا ماعندك سالفه وبزر...
: انتي الي اسكتي و الا والله بيجيك شي...
منار:خوفتني..وش بتسوين يعني؟؟
:اوص..
منار:نورة مااحب...
قاطعتها:اوص...اوص..(انا احب اسوي هالحركه لمنار عشان تنقهر...بس انا من جد كنت معصبه وظغطي واصل 1000)
منار مسكت علبة المناديل ورمتها باقوى ماعندها على...شعرة بس بين طرف المنديل وبين عيني...حسيت بالم فظيع..الطرف دايما يكون حاد 
:ااااااااااااااااااي..يا حمارة...عورتيني..
دمعت عيني من الالم...
نطيت على منار وفكيت طرحتها وشديت شعرها...
منار تصارخ:وخري عني..
كنت أشد زيادة شعرها..
منار جت وشدة شعري...
أنا اشد زيادة ومنار تزيد اكثر مني..
منار:نورة فكي..
:فكي انتي..
منار:انتي فكي اول..
طاهر:يابنات ايش فيكم؟؟
:مالك شغل..
طاهر:عيب انتووو كبار..
منار:طاهر انتبه لسواقتك احسن لك..,وانتي شيلي يدك بسرعه
:ياسلام انتي الي بديتي..
منار شالت يدها من شعري...:يلا شيلي يدك..
شلت يدي من شعرها..
منار:امسحي الدم بس..
:طلع لي دم؟؟
منار:اييه..
:ياحماااااااااااااااااااااااااااااارة...
منار:ووجهك في مخوش مني..تشوهتي..
انا دمعت عيني من القهر هي الغلطانه وانا الي يصير فيني كذا
منار:احسسسن...هذا اقل شي يجيك..انتي ووجهك..
:والله مااسكت لك..
منار:روحي علمي بابا وعمتو...
:حماااااارة ..أكرهك..
وصلنا البيت..
دخلت البيت وكنت معصبه رحت الصاله وكانت في عمتي و سلطان جالس يقرا الجريده وماكان يشوفني..
عمتي وهي مستغربه:نورة وشفيك ليش كذا شكلك..؟
سلطان نزل الجريده بسرعه:نورا ايش فيك؟؟توك جايه من حرب!
:تهاوشنا انا ومنار الحمارة...
دخلت منار تمشي بوثوق:أحسسسسن...انا منار يا حبيبتي مو ريما...
وكملت مشيها...وجلست بالكنبه وحطت رجل على رجل..
سلطان قام من مكانه وراح جاب منديل ووقف قدامي قرب ديه الي فيها المنديل ومسح الجرح.....انا كنت ساكته واناظر وش يسوي واحس اني.. مااقدر اوصف لكم الاحساس...
لمس الجرح باصبعه..:هاذي قطوة مو انسانه...
ضحكت بصوت عالي نسيت الالم..بس من جد قطوة مو انسانه...
منار:بععععععد...
سلطان سفه منار:انتي وش سويتي لها؟
:شديت شعرها..
سلطان:ههههههههههههههههههههههه..
فوزيه:وراكم الحين تذابحتوا؟؟
:خلينا ساكتين احسسن والا يا منار؟
منار ناظرتني بطرف عين وقامت وطلعت فوق...
سلطان:نورا في احد عاقل يقعد يتهاوش بالسيارة..؟(حسيته ابوي...وحسيت نفسي اني وحده عمرها خمس سنوات)
:غصباا عني..بعدين هي الي رمت علي علبة المنديل..
سلطان وهو يناظرني:ياساتر..انتي شفتي وجهك؟
:لااا...
رحت على طول عند المرايا..بس من جد الي يشوفني يقول قطوة وناطه علي وسوت فيني هالشي...
رجعت الصاله..وانا معصبه..
:انا بروح انااام..تصبحون على خير..
عمتي:والغدا؟
:ماابي..
طلعت غرفتي ونمت....والساعه 6 صحيت من النوم..طلعت من الغرفه وكنت اسمع صوت سارة وعمتي بغرفة منار..رحت هناك ولقيتهم يسولفون عن بكرة والناس الي بيجون..
منار:اطلعي برا غرفتي..
مارديت عليها ورحت نزلت تحت كان في ابوي وريما...
اول ماشافني ابوي:نورة ليش كذا وجهك؟
ريما قامت تضحك وكانها شايفه اراقوز..
:تهاوشنا انا ومنار..
ابوي:وكذا الواحد يتهاوش ماعندكم اخلاق ولا اسلوب لتفاهم اطفال انتم؟
مارديت عليه وسكت..
ابوي:الحين انتم تحسبون نفسكم صغار!وحده بكرة بيجونها ناس بيخطبون تسوي مثل هالتصرفات؟
:هي الي بدت..
ابوي:يصير خير..
جا سلطان الصاله وقام يسولف هو وابوي عن الشغل..شووي وقمت ورحت غرفة رسمي...جلست شوي بعدين رجعت الصاله..
بعد فترة ماهي قصيرة..جا سلطان
سلطان:ايش فيك؟
:مافيني شي..
سلطان:للحين زعلانه من منار؟
:لا..
سلطان:بيجيني الحين صاحبي الي قلتلك عليه...
:السعودي الي جاي هنا من فترة؟
سلطان:يب..
:حلووو..
سلطان:امس جا الرياض...
:ليش ما يسكن هنا؟
سلطان:لا هو من جده مو نجدي..
:اهاا..,طيب ليش جا انت رايح مكه بعد بكرة..
سلطان:هو جااي عندهم مناسبه امس واليوم بيمرني قبل لا يطلع المطار..
ابتسمت بوجهه..
رن جواله..ولما شاف الاسم ابتسم...رد وهو عندي...
تعرفون مين الي اتصل عليه؟هي نفسها الي اتصلت عليه هاذيك المرة...سمعت بداية المكالمه كالعاده وبعدين طلع...
انا هالمرة تنرفزت زيادة...وش تبي هاذي منه.....راح سلطان ولا رجع... تقريبا ربع ساعه وجا صديقه..اسمه لؤي...غالبا ماتكون اسماء اهل الحجاز كذا..

رحت الصاله وكان في عمتي وسارة ومنار...يسولفون عن الي بيجون لنا بكرة وايش بيحطون وايش بيسون..وانا كنت ساكته وماحكيت معهم ولا حاولت اصلا...

سارة:يلا انا برجع الحين بيتي...
:لييش تونا الساعه 8..
سارة:والله جيت عشان منار نطلع لها لبس..واليوم تعبت تعرفون رحت الجامعه..ومانمت العصر..
منار:مشاعل بتجي بكرة؟
سارة:بتجي بس مااظن تدخل..مالها خلق..
منار:اهاا..سارة بليز لا تتأخرين..
سارة:لا لا انشالله..
عمتي:سلميلنا على ام فهد..
سارة:انشالله..,يلا مع السلامه...
طلعت سارة وراحت منار غرفتها وبقينا انا وعمتي...
عمتي كانت تكلم..تسكر من هنا ويرن التيلفون من هنا..وهاذي حالتنا...
بعد ساعه تقريبا دخل سلطان وكان شايل ريما...
عمتي:راح صديقك...
سلطان وهو يجلس وريما جلست على حضنه..:اييه راح...
ريما:وراني صورة بنت اخته...
عمتي:سلطان ترا ريما كبيرة ما يصير تشيله وتحطها على حضنك....
سلطان:يمه وش هالتعقيدات..البنت عمرها 9 سنوات..
عمتي:الحين تعشقه والا هي تعشقك...بعدين عاد تقول اييه والله امي صادقه...
سلطان:هههههههههههههههههههههههههههههههههههههههههه.. ..يمه لو اني متزوج بجيب بنت بعمرها...ايش هالتفكير...
عمتي:والله ياما ناس قالوا كذا...
سلطان وهو يقرص ريما:تصيرين زوجتي...ياحظي والله
عمتي كانت ماخذه الموضوع جد..اما سلطان ماخذه ضحك وتريقه بزيااده....بس عمتي صادقه..بس طبعا مو عشان يحبها والا يكرهها بس ريما كبيرة...ومايصير يقعد يشيلها...
عمتي:بيروح جده الحين؟
سلطان:يب...
عمتي:معرس هو؟
سلطان:لا...
عمتي:ورا ما يعرس؟(عمتي عليها اسئله ماادري من وين تجيبها...)
سلطان:ماادري...
عمتي:كم عمره؟
سلطان:25...
عمتي:احسبه كبرك..اثره اصغر منك..
سلطان مايدري وش يرد على امه:اييه اصغر مني...
وعمتي تسأل وسلطان يجاوب..وانا كنت احاول مااضحك ولا حتى اناظر سلطان..
><><><><><><
اليوم الاحد...الظهر رجع أبوي من شغله..وبعد ماخلصنا غدا نادى عمتي وراحوا مكتبه..
أبوي:فوزيه متى واعدتي الحرمه؟
عمتي:اليوم..ليش؟
أبوي:هالناس ما نبيهم...
عمتي باستغراب:ادرري..بس انت قلت نشوووف..
ابوي:يعني لا تحاولين تاخذين وتعطين معها مررة...انا اليوم سألت واحد ومامدح لي بالولد...
عمتي:على خير انشالله..
أبوي:بتنزل منار؟
عمتي:لازم...
أبوي:لو انك رديتهم من البدايه احسسن من الاحراجات..
عمتي:لا مافيها شي..دايما نستقبل ناس لسارة ومشاعل وكنا نردهم..
ابوي:على خير..
طلعت عمتي من مكتب أبوي وكانت طبيعيه وماقالت شي.. 

الساعه 6:30 المغرب...منار بغرفتها وعندها سارة...
منار وهي تحط مكياج:حلو سارة؟
سارة:اييه حلوو..لا تكثرين..
منار:لاماراح اكثر...
سارة:عدلي الكحل شوي..
منار بعد ماعدلته:كذا؟
سارة:اييه حلوو...
منار:سارة تتوقعين يصير شي؟
سارة:لا...
منار بخوف:ليش؟
سارة:ماادري...شوفي ترا مشاعل تقدم لها واحد قبل منهم وابوي رفض..أبوي ما يحبهم..
منار:ادرري..بس انا أحس انو ابوي بيوافق...
سارة:لا مستحييل ابوي لو سأل عن الولد بيرفض....تعرفين اذا الواحد ماحافظ على سمعته...الناس ماراح تنسى حتى لو تغير...
منار سكتت وبدت الافكار توديها وتجيبها....
طلعت سارة من غرفة منار...وبوقتها رن جوال منار وكان فيصل...
منار وصوتها ماكان طبيعي:هلا..
فيصل:هلا والله وغلااا...,كيف القمر؟
منار:كويسه..
فيصل:امي توها طالعه من البيت..جايتكم بالطريق..
منار:اممممم..
فيصل:ايش فيك؟
منار:خاايفه..
فيصل:من ايش؟
منار:من الي بيصير...
فيصل سكت...
منار:وش فيك؟
فيصل وهو يتنهد:لا مافيني شي..اوكي منار اخليك يلا بااي...
منار:فيصل دقيقه...
قفل فيصل على طول....فيصل بعد كان خايف ومكالمة منار زادت له الطين بله...
طلعت منار من غرفتها وجت عندي...
منار:نوررررررة...خاايفه...
مارديت عليهااا...
منار:نورة عااد بلا سخاافه...
:منار اطلعي برا...
منار ناظرتني نظرة غريبه..عيونها كان فيها خوف..كان فيها حزن..
بوقتها رن الجرس وطبعاا كانت ام فيصل....
كان باستقبالها عمتي وسارة...دخلوا المجلس..وبدوا يتكلمون..طبعا ام فيصل هي الي كانت تحكي..كانت تتكلم عن فيصل وعن شغله وكم عمره...ومن هالحكي..
وبعد ربع ساعه جت سارة ونادت منار ودخلوا المجلس.
انا بالصاله بلحالي كنت اتفرج على التلفزيون...جلست انتظر سلطان يجي بس ماجا...رحت وجلست عند المجلس انتظرهم يخلصون...
جلست انتظر وانتظر وانتظر واخيـــرا...طلعت منار ومشت ولا عبرتني وراحت غرفتها..وبعدها عمتي وسارة..
وقفت:هاا وش صار؟
عمتي:ماصار شي...,وش رايك سارة متى اكلمها؟
سارة:بكرة..
عمتي:بكرة بسافر واخاف انسى..
:مين تكلمون؟
سارة:ام فيصل..
:ليش؟
عمتي:ياكثر اسئلتك يا نوير..يعني وش نبي فيها؟
انا وحسيت ان قلبي طلع من صدري:بترفضون؟
سارة:واحنا موافقين اصلا؟
:لا بسسس..(سكت ماعرفت وش اقول عاادي مو اول واحد يرفضونه وكان الوضع عادي ومايهمني..والحين فجأة بهتم)
عمتي:اكلمها الساعه 9 زيين..
سارة:اييه زين..
انا انبلع لساني..بكل برود عمتي وسارة يتكلمون وكان الشي عادي..مايدرون انهم بالي بيسونه بيذبحون منار...يا قلبي يا منار..وش بتسوي لو عرفت...
انا وقفت بمكاني..وعمتي وسارة راحوا الصاله...ماادري احس دمي نشف...لا لازم اساعد منار...
ركضت بسرعه ورحت عندهم بالصاله وكان في سلطان...
:عمتي سألتي منار قبل؟
عمتي:حنا ماوافقنا اصلا... اجي واسألها...
:لا لا ما يصير لازم تسألونها..يمكن هي موافقه..
سارة:توافق على اي اساس..احنا ما سألنا عن الولد..
:يعني انا لو تقدم احد بترفضون بدون ما تشاورني..لا يا بعد قلبي..انا هنا لي رأي...(ماادري انا وش قمت اخبص بالحكي..بس كنت ابيهم يأجلون فكرة الرفض هاذي)
عمتي وهي تضحك :من قالك ما تقدم لك أحد..بس نرفض يا حبيبتي...مابقى الا نوير ازوجها..قلوو البنااات الا انتي يخطبونها..
سارة:ياسلام على هالحب لنورة وحنا تبينا الفكه منا...(الموضوع يا ناااس أكبر من مزحكم البااايخ)
سلطان كان يناظرني وحسيت بعيونه كأنه فاهم الموضوع...او حاس بشي...
:مو على كيفكم ترفضون...اسألو عن الولد..يمكن كويس..
سارة تناظرني وهي مستغربه:نوري وش هالحماس...خلاص..
عمتي:أبوك اليوم قالي انه الولد ما يمدحونه..
سارة:غريبه أبوي يسأل....
عمتي:مانوى..بس يقول انها جت صدفه..وسألت..
:ياسلام على هالمنطق..سألتو واحد وحكمتو...
عمتي عصبت:غثيتنا يا نورة....روحي شوفي رسمك احسسن لك..
رن جوال سارة..ووكان فهد...بعد ما قفلت..
سارة وهي توقف:يلا انا بروح..
عمتي:وين توك بدري...
سارة:فهد الحين بيمرني وبنروح عند أبوه...
عمتي:يا حسافتك والله...
سارة وهي تسلم على عمتي:بكرة انشالله اكلمك..ونشوفك في جده...مع السلامه..
عمتي:مع السلامه..
سارة:بااي سلطان..
سلطان:بااي..

مرت ساعه ومنار للحين مانزلت...وانا جالسه بالصاله على قلب عمتي...وسلطان يروح ويجي..
مسكت عمتي سماعة التيلفون وطلعت الرقم من جوالها...ردت عليها ام فيصل وماطولت المكالمه كانت تقريبا خمس دقايق...حسيت ان الدنيا تدور فيني...منار لو عرفت وش بتسوي... قفلت عمتي.وبوقتها جت منار...وجلست...
منار:ماجا أبوي؟
عمتي:لا...
انا مانزلت عيني من منار..أحسها كانت مبسوووووطه..
عمتي بكل برود:كلمت تو ام فيصل يا منار...
(انا هنا بدون مبالغه وقف شعر راسي...)
منار وهي مستغربه:ليش؟
عمتي:اعتذرت لها..
منار تحاول انها تفسر كلام عمتي على شي ثاني:على ايش اعتذرتي؟
عمتي:بسم الله عليك.. على ايش يعني بعتذر؟ قلت لها والله والنعم فيكم بس....
منار هنا وقفت ووقف قلبي معاها...
منار وهي تصارخ:مو على كيفكم..من قال؟ ما شاورتوني.. من قال..ليش حرام طيب..والله حرام...وبدت تصيح....
عمتي وسلطان يناظرونها وهم مستغربين...
منار ونفسها كان سريع..وقلبها يدق بقوة وصياحها يزيد:انا موافقه انا ابيه...فاهمين وش معنى أبيه...انا ابيه ابيه ابيه....
...حلم عمرها ماراح يتحقق...منار كان حلمها فيصل..مو مبالغه..بس منار كان حلم حياتها فيصل...منار تحط الدنيا بكفه وفيصل بكفه ثانيه....مااقدر اوصف لكم حب منار لفيصل...
رحت ومسكتها:منار حبيبتي خلاص..امشي فوق..
منار كانت شبه منهارة...كانت تصيح..الشغالات جو يشوفون ايش فيه..ريما كانت واقفه وتصيح وهي مو عارفه وش السالفه...
مسكتها وطلعتها فوق....دخلت غرفتها وسكرت الباب بوجهي....ماقدرت اسوي شي...
طلعت عمتي فوق...وشافتني واقفه عند غرفتها...
عمتي كان باين على وجهها انه ضايق صدرها..ومعصبه..
عمتي وهي تطق الباب:منار افتحي..
منار ماردت...
عمتي تطق مررة ثانيه وثالثه ومنار مادرت...
:عمتي خليها تهدى شووي...
عمتي ماردت وسفهتني ونزلت تحت...
><><><><><><
ام فيصل كانت متوقعه هالرد..وبالعكس كانت مبسوطه...
بسمه:لو عرف فيصل بيزعل..
ام فيصل:ماخلق ربي الي هي...
بسمه:بسس..
ام فيصل تقاطعها:انا مااحبهم وجت منهم...الحمدالله..
بسمه سكتت...
وبوقتها دخل فيصل وكان مبتسم...
بسمه:هلا والله..
فيصل:شخباركم؟
كلهم:بخير..
ام فيصل:كلمتني تو عمتها..
فيصل:وش تبي؟
ام فيصل باسلوب منرفز:ماتبي الا سلامتك وتقول الله يوفقه..ويرزقه ببنت الحلال...
فيصل:ايييش؟
ام فيصل:انا قايله لك انهم بيردونا..بس انت...اصريت..
فيصل وكان معصب وصوته عالي:هو على كيفها...والا على كيفها...
ام فيصل:والله عااد..هذا الي صار..
فيصل بصوت عالي:وليش؟؟
ام فيصل:اسألها..
فيصل:الواحد يرد بدون سبب؟لازم تقولك السبب..
ام فيصل:والله خيرة انهم رفضوا...ازوجك احسسن البناات..مابقى الا هي...(امه انسانه منرفزة وبدال ما تهدي تزيد الطين بله)
فيصل سكت ومارد و يده كانت ترتجف من كثر ماكان متوتر وماعرف وش يرد...وقف من مكانه وطلع من الصاله...
بسمه وهي تلحق اخوها وتمسك يده:والله ماتطلع من البيت يا فيصل...
فيصل وهو يدف يدها ويصارخ:بعدددددي عني...
بسمه:فيصل الله يخليك هدي نفسك...
فيصل:اوص اوص...ولا كلمه...بسمه لاتخليني اطلع الحرة فيك...
طلع فيصل من البيت وركب سيارته...وبعد ماهدا شوي..كلم على منار...
منار ردت وكانت تصيح...
فيصل سكت..وماتكلم..ومنار تصيح..
بعد مدة قصيرة...
فيصل وصوته فيه بحه:منار..
منار مادرت كانت تصيح....ونفسها متقطع...
فيصل:حبيبتي...
منار بعد ماردت ما كانت تقدر تتكلم....
فيصل:حيااتي..وروحي..وكلي. ودنيتي.. وقلبي...انتي لي وانا لك...وربي ..يامنار الي خلقني...اني مااحب غيرك ومااتزوج غيرك...(فيصل كان مقهور وبهالكلام يهدي نفسه ويطلع حرته..ويتحدى الدنيا كلها)
منار وهي تحاول تهدي نفسها:انا بمووت يا فيصل..والله بموت...
فيصل:بخطبك مرة ثانيه وثالثه ورابعه وخامسه وسادسه...انتي لي يا منار..انا وبس...
منار:أحبك...
فيصل:وانا احب الارض الي تمشين عليها....منار حبيبتي اهدي..
منار:فيصل انت مستوعب الي صار؟حلمنا...تعرف وش الي صار...حطموناا...ذبحونا...فيصل انت..انت...وترجع منار تصيح..
فيصل:انا ماراح استسلم...منار انا احبك ولاني احبك بدافع عن حبنا...وبنتزوج..غصبا عن الي ما يرضى..
منار سكتت...
فيصل:ليش ساكته؟ماانتي مصدقتني؟انا بثبت لك...بكرة بروح لابوك...
منار:والله؟
فيصل:اييه بروح له..
منار رجع لها امل ولو كان بسيط:يارب يا رب يافيصل...
فيصل:انشالله...ادعي يامنار..
><><><><><><
بالسيارة فهد وسارة طلعوا من بيت ابو فهد وراجعين البيت...
فهد:وليد بعد أسبوع بيروح لندن...
سارة:ليش؟
فهد:اخوي صالح بدون مايشاوره ارسله في بعثه...ووليد منجن..
سارة:مو هو داخل عسكريه؟
فهد:انطرد...
سارة:اوف اوف...
فهد:صالح يعرف ناس كبار بالحرس...وقالوا برنجعه بس وليد قال كرامتي فوق كل شي...ليش يطردوني ..الي ما يبيني ما ابيه..
سارة:هههههههههههههههههههههههههههه...عذرا اقبح من ذنب...اخووك مجنون...
فهد:مررة..بايع الدنيا...واهم شي هو وينبسط..وماخذ الدنيا ضحك..
سارة:يعني خلاص اكيد بيروح؟
فهد:اييه..
..وصلوا البيت..وراحوا الصاله وفي مضاوي وشيخه...
فهد ما جلس راح الغرفه وبدل ملابسه ونزل...
سارة:بتطلع؟
فهد:اييه..
سارة:ويين؟
فهد:بروح امر بدر وفيصل..وبنروح قهوة..
سارة:اهااا...اوكي..
فهد:تبين شي؟
سارة:لا سلامتك..
فهد:بااي..
سارة:بااي...
مضاوي:شخبار نورة ومنار؟
سارة:الحمدالله...
فهد وهو واقف عند بيت اخوه صالح ينتظر بدر...خمس دقايق وجا بدر..
بدر وهو يفتح باب السيارة ويركب:هلاا بأبو عبدالله...
فهد:هلا بك..
بدر:نمر على وليد؟
فهد:لا الله يخليك..يسوي لنا مهزله مالي خلق..
بدر:اوكي...,ترا فيصل ماراح يجي...
فهد:ليش؟
بدر:مشغول..
فهد:طيب وراك ماقلت لي قبل نأجلها..الحين نطلع انا وياك..
بدر:وش وراك أنت؟
فهد:ماوراي شي..
بدر:يلا بس..
فهد:نروح الفيصليه؟
بدر:الاوتيل.؟
فهد:ايه..
><><><><><
انا بغرفتي منسدحه وكان مرة ضايق صدري على الي صار اليوم....البيت كان هادئ...وكل واحد ما يبي يحط عينه بعين الثاني...
كلمت على هاله بنت خالتي اقولها على الي صار...
هاله:هلاا...
:هلا..كيفك؟
هاله:الحمدالله...انتي كيفك.
:تمام..,هاله فااتك وش صار اليوم...
هاله:اييه جت عندكم ام فيصل...وش صار بسررعه...
:جت وياليتها ماجت....اليوم منااحه بالبيت..
هاله:بسررعه قولي...
قلت لهاله السالفه...وكل الي صار اليوم في بيتنا....
الساعه12:00 تقريبا دخلت عمتي علي الغرفه...انا لما شفتها ارتبكت..
عمتي وهي تجلس على طرف السرير:اختك ماترد علي...
انا سكت ومارديت...
عمتي:روحي جربي معها..انا خايفه عليهاا..
مادريت طلعت من الغرفه ورحت عند باب غرفة منار...وطقيت الباب..ومااحد رد..حاولت بس بدون فايده...
رجعت لغرفتي:ماردت علي...
عمتي:ممكن تفهميني على الي صار اليوم؟
:عمتي كل شي واضح..
عمتي:لا مو واضح..نورة انا للحين هاديه..تكلمي..
:مااعرف شي..
عمتي:نورة انا عارفه انك ماتبين تقولين..بس انا ابي اساعد منار..
ناظرتها:صدق؟
عمتي:ليش ما قلتوا لي؟
:وش نقول لك؟ تبين تقولك انها على علاقه مع واحد وتحبه وهو يحبها...
عمتي:من متى؟
:من زمااان..
عمتي:من زماان كم يعني...كم لكم وانتي واختك تلعبون عليناا...
:عمتي انا مالي شغل..والي صار ماكان عاجبني....بعدين ما سوت شي حرام انها تحب؟
عمتي:نورة انتبهي لكلامك....والواحد يحب بس بحدود...فيه اساليب للحب ..تكلم واحد...توصل انها تكلم..انا كنت اقول على اللي يسون هالاشياء ما ربوا بناتهم زين..تجي بنت اخوي وتسوي هالشي....ليش ليش يانورة...احنا مقصرين معها بشي؟
:عمتي انا تعبانه...وتكلمي بذا الموضوع مع منار..
عمتي:انا ماراح اقول لابوك ولا لخواتك...بس ابيك تعرفين شي واحد يانورة...اني انا احبكم واخاف عليكم...
ناظرتها ومارديت...طلعت عمتي من غرفتي..وكانت مرة معصبه...
كان في خاطري كلام كثير وابي اطلعه....طلعت دفتري من الدرج الي جنب سريري وبديت اكتب...
><><><><><><><
الساعه 1:00 تقريبا رجعت عمتي ودخلت عندي وانا طبعا كنت صاحيه ماقدرت انام...
عمتي:مافتحت لك الباب؟
:لا...
طلعت عمتي وراحت عند غرفة منار..وانا طلعت معها بس وقفت عند باب غرفتي وكنت اناظر وش بتسوي...
عمتي تطق الباب:منار..افتحي الباب...
منار واخيرا ردت:ماراح افتح...
عمتي:منار كل شي بالتفاهم..افتحي الباب..
منار:لا...
عمتي طقت الباب بقوة:اقولك افتحي...
منار:وش تبين مني..خلاص خلوني انا ابي اموت..ماابي عيشتكم...ماابي شي..بس خلوني براحتي...
عمتي:منار ان ما فتحتي ورب البيت لاعلم ابوك على الي صار اليوم...
:عمتي من جدك؟
ماردت علي..انا الصراحه خفت..أبوي لو عرف ماادري وش بيسوي...
:منار ماتحب اسلوب التهديد..شوي شوي عليهاا..
منار:علمي أبوي...خلاص انا مااحد يهمني...مو كافي الي صار...(قلت لكم منار شخصيتها قويه وعنيده..وماادري شلون تفكر..)
عمتي:منار افتحي..الله يرحم والديك..
قربت عند باب منار...:مناار افتحي شوي بس..
منار ماردت واخيرا اقتنعت وافتحت الباب..
عمتي:نورة روحي غرفتك..
سمعت كلامها ورحت...
منار وهي واقفه عند الباب وعيونها كانت منفخه وحمرة وكحلها نزل على وجهها.. وشعرها منتفش...
عمتي:ممكن اتكلم معاك شوي..
منار:تكلمي..
عمتي دخلت داخل الغرفه وسكرت الباب وراحت جلست على سرير منار...
منار واقفه وكانت تناظرها...
عمتي:الي صار اليوم انا مابعد استوعبته..ولا ماني مصدقه عيوني...
منار ساكته..
عمتي:ابوك وامك الله يرحمهاا ربوكم احسن تربيه..
منار كانت جريئه مع عمتي مررة:عمتي انا احبه...
عمتي بعصبيه:لاتقولين احبه...هذا طيش وهبالة بنات وقلة حياا...
منار:انا احبه..اكذب عليكم..يعني... وهذا مو طيش ولا قلة حيا...
عمتي هنا وقفت وكانت معصبه...عمتي نادر ما تعصب..بس الموقف وكلام منار كان اكبر..
مسكت يد منار بقوة وشدت عليها..
منار وهي تبعد يدها:اتركيني ...انا امي وهي امي ما قد طقتني...
عمتي شالت يدها وسكتت..
منار بدت تصيح...:انتم ما تدرون وش سويتوا فيني...
عمتي ماردت عليهاا وطلعت بهدؤ..بدون اي انفعال...ماحبت انها تطول الحكي..ويصير بينهم كلام يجرح...
انا كنت واقفه عند الباب وسمعت كل الي صار...
ركضت ورا عمتي..ورحت معها لغرفتها..
عمتي:نورة اطعلي وخليني..
:لا ماراح اطلع..عمتي الكلام الي قالته منار صدقيني ردة فعل وغصبا عنها..لا تزعلين منها..
عمتي:الظاهر انا انتهى دوري عندكم..وماصار لي لا قدر ولا حشمه..انا الي كنت احسب انكم تقدروني وتعتبروني مثل امكم....
:عمتي انتي امنا مو نعتبرك مثل امنا...
عمتي:انا بحياتي ماكنت اتوقع ان احد منكم بيقول مثل هالكلام....والا بيسوي مثل الي سوته منار..تحسبين الي سوته سهل...انتي ليش ماقلتي لي؟
نورة الي سوته اختك مايرضي الله ولا يرضي احد...مافي بقلوبكم خوف من الله..
سكت ومارديت..
عمتي:اطلعي برا يا نورة...
:انشالله..تصبحين على خير..
ماردت على عمتي..وانا طلعت ورحت غرفة منار..ولقيت الباب مفتوح..ومنار كانت منسدحه بالسرير..
:منااار..
منار ماردت...
رحت لها وجلست على السرير وحطيت يدي على راسها:منار خلاص...لسا في امل...مو معناته رفضنا اول مرة مانوافق ثاني مرة..
منار وهي تصيح:لا مافي امل..مافي امل..تكذبون علي كلكم حتى فيصل يكذب علي...انا ماراح اصدق احد...
:منار ردة فعلك كانت قويه..ولاتحسبين بتنتهي السالفه على كذا...المفروض تصيرين قدام عمتي طبيعيه..شوفي وش سويتي بنفسك..
منار رفعت راسها وتناظرني:انتي بعدي عني..انتي اصلا انسانه ماتعرفين الحب..وماعندك مشاعر وماعندك قلب...انتي تعرفين وش فيصل بالنسبه لي؟انتي المفروض اكثر وحده تعرفين...فيصل ابيع الدنيا كلها بالي فيها عشانه...(كلام منار اثر فيني مررة...يعني عشان ماابين الي بقلبي صار ماعندي قلب ولا مشاعر..)
:منار عمتي مرة زعلانه ومومعناته انه ما صارخت وطقتك انها راضيه...
منار تقاطعني:اطلعي برا...
مارديت عليها وطلعت من الغرفه......
><><><><><><
اليوم الاثنين...
صحيت الصباح ورحت الجامعه ومنار ما راحت معاي...رجعت الساعه 3 للبيت...دخلت ما لقيت احد بالصاله....رحت غرفتي ونمت...والساعه 6 صحيت...
عشان عمتي وسلطان اليوم بيروحون مكه...واقلاعهم الساعه 8...بدلت ملابسي بسرعه ونزلت...دخلت الصاله وكان في أبوي وعمتي وريما...ومشاعل وسارة جو بعد..
سلمت عليهم وجلست..
جلسنا شوي وجا سلطان كان توه متحمم...
عمتي:عبدالاله يلا الحين دورك...ترا سلطان ما يعرف يلبس الحرام..وانا قلت يلبس هنا...احسن من الطيارة..
ابوي يضحك:انشالله...,نورة قولي لشغاله تنزله...
:انشالله....(ابوي قبل أمس شرا حرام لسلطان وعطيته الشغاله تغسله)
رحت وجبته وعطيته ابوي...
ابوي وقف من مكانه ومده لسلطان:روح ولف المنشفه هاذي على خصرك وبعدين تعال اظبط لك..
سلطان سكت شوي:اوكي...
راح سلطان غرفته...وبعد خمس دقايق جا وكان لاف المنشفه على خصره وماسكها بيده..
ريما قامت تضحك بصوت عالي:ههههههههههههههههههههههههههههههههه...
سارة:ريمااا..
ريما:والله يضحك شكلووه...نورة صح يضحك شكلووه؟
انا لاشعوريا:لا...(ردي كان طبيعي ..يعني ادبا وذوقا...)
سلطان ناظرني وابتسم..لفيت وجهي عنه وماابتسمت..احسن انا مقهورة منه ومن حركاته...
مااهتم سلطان اني ابتسمت والا له...
أبوي قام من مكانه وراح لسلطان..ظبط له الحرام...وجاب المنشفه الثانيه وعلمه كيف يحطها..ويلفها عليه...
ريما وهي للحين تضحك...
سلطان:ياحلو ضحكتك والله..(ريما كان صوتها مبحوح وضحكتها تخلي الواحد غصبا عنه يضحك)
أبوي:بعد ما تأخذ العمرة...لازم تحلق شعرك...
سلطان:اييه اعرف...
أبوي:يلا فوزيه تجهزي..
عمتي كان ضايق صدرها وعن غير عادتها طبعا عشان الي صار...
عمتي:جاهزة...
جلس سلطان على الكنبة..:خالي ما يطيح؟
أبوي:هههههههههههههههههه..لا ما يطيح...
كلنا ضحكنا...الصراحه شي يضحك..
عمتي:عبدالاله انت بتودينا المطار؟
أبوي:لا والله انا عندي موعد...
بعد فترة قصيرة...عمتي وسلطان قاموا...
أبوي:وين منار؟
سلطان على طول ناظرني..
:فووق بغرفتها..
ابوي رفع سماعة التيلفون ورن على غرفتها:منار وينك انزلي بسرعه عمتك الحين بتطلع للمطار...
منار ماردت لانها ما تبي تنزل..
بصرف الموضوع:يمكن تتحمم...
مارد ابوي..
سلمت عمتي علينا كلنا..
عمتي بوصت واطي:نورة انتبهي لاختك...
:انشالله.....,عمتي لاتضيقين صدرك...وادعيلها
عمتي ناظرتني ومادرت..
طلعوا سلطان وعمتي...
وابوي بعد طلع...راحت مشاعل فوق عند منار...
مشاعل وهي تطق الباب:مناار..انا مشاعل افتحي..
منار قامت وافتحت الباب...
مشاعل:وش فيك؟
منار:تعباانه..
مشاعل:تعالي تحت..
منار:ماابي..
مشاعل:ابوي تو يسأل عنك..وعمتي راحت وانتي ما سلمتي عليهاا..
منار:تووصل بالسلامه..
مشاعل:يعني ماراح تنزلين؟
منار:لا..
مشاعل:بكيفك..
نزلت مشاعل تحت وهي تدخل الصاله:نورة وش فيها منار؟؟
:مافيهاا شي..
مشاعل:مو طبيعيه..
:ماادري..
سارة:أبوي الفترة الاخيرة أحس طلعاته كثيرة...
انا ومشاعل ناظرنها باهتمام..
مشاعل:لا مااحس..
سارة:الا...
مشاعل:وش يدريك انتي...
سارة:حتى من قبل لا اتزوج...
سكتت شوي...ماادري كلام سارة صح...يعني ابوي كان بيتوتي ومن الشغل للبيت...وجمعاته قليله...
مشاعل:يالله عليك ياسارة ماادري من وين تجيبين هالافكار...
:وش قصدك بالي تقولينه؟
سارة:ولا شي...
بدت الافكار تلعب براسي..ورحت بدنيا ثانيه...لا مستحيل ابوي يسويها...
سارة:وش رايكم نطلع؟
مشاعل:يلاا..
:اييه والله من زماان ما طلعنا...
سارة:نورة كلمي هاله نمرهاا..
:اوكي...
طلعنا كلنا من البيت انا ومشاعل وسارة وريما..ورحنا مرينا هاله..
بالسيارة...
مشاعل:هاله ليش ما تجين معنا؟
هاله:ماقالت لي نورة...
نورة:صرااحه ماجا في بالي..
سارة:يمكن خوات فهد يجون..
انا نطيت بوجهها:وش دخلهم يجون؟
سارة:قلت لهم وماادري عااد..اذا بيجون والا لا..
هاله:طيب يمديني اجي؟
:اييه يمدي..
هاله:نورة عطيني جوالك بكلم امي..
طلعت لها جوالي من الشنطه:خذي..
هاله كلمت وبعد ما قفلت..
:ها وش تقول؟
هاله:بكيفك..
سارة:اكلم ابوي يحجز لك؟
هاله:لا انا اكلم الحين على ابوي واقوله وهو يحجز لي..
سارة:لاعشان رقم الحجز يصير نفسه...
هاله:ماادري والله...
:سارة ماله داعي يجون خوات فهد...
سارة:بسم الله علييك انا اقول يمكن..
سكت ومارديت...

فيصل بالسيارة وبطريق المطار...كلم على منار..
منار على طول ردت..اليوم ماكلمهاا ابداا..
فيصل:اهليين..
منار:كوويس تذكرتني..
فيصل ما علق على كلامها وغير الموضوع:كيفك؟
منار:مو طيبه...ولا بخير..
فيصل:حبيبتي استغفري وش هالحكي..
منار:كيفك؟
فيصل:كويس..
منار:وينك اليوم؟
فيصل:انشغلت...
منار:ياسلااااام..
فيصل:يامدام..
منار:مو انت قلت لي بروح عند ابوك..ليش مارحت؟
فيصل:ماقدرت...
منار سكتت:اجل ما قدرت!احسسن لا تروح..
فيصل:منار وش ذا الحكي؟
منار ما ردت عليه..
فيصل:منار انا وصلت المطار..
منار:نعم؟
فيصل:بساافر..
منار:وليش توك تقولي..
فيصل:انا ماعرفت الا اليوم..
منار عصبت منه مررة:اهاا..
فيصل:حبيبتي لا تزعلين..
منار:الا بزعل..
فيصل:اهون عليك..
منار:اييه تهوون علي..
فيصل:اممممممم...أهون على قلبك..مااتوقع اني اهون عليه...بسافر وانتي زعلانه مني..
منار:خلاص رضيت...بس لاعمرك تعيدها..
فيصل:انشالله تامرين امرر...يااحلى منور بالدنيا كلها..
منار:طيب وين بتروح؟
فيصل:دبي...
منار:طيب اذا ركبت الطيارة كلمني...اوكي؟
فيصل:انشالله...يلا ببااي..
منار:بباااي..ولا تنسى..
فيصل:انشالله...

><><><><>< 

يوم الثلاثاء...
صحيت من النوم الساعه 12 تقريبا طبعا اليوم ماعندي جامعه...رحت غرفة منار..وكانت موجودة..
:صباح الخير..
منار ويلا ترد:هلا..
:كيفك الحين انشالله احسن؟
منار:لا..
:ليش مارحتي الجامعه؟
منار:كيفي..
:منار الي تسوينه يضرك انتي..
منار:انا ابي اضر نفسي...كيفي..
:ترا بكرة اقلاعنا الساعه 1 الظهر..
منار:ماراح اروح..
:مو على كيفك..
منار:بروح عند خالتي انام ماابي اروح معكم...
:منار بلا حركاات بزران..
منار:ماابي اشوفكم..ارتحتي..ماابي اشوف عمتي ولا ابوي..ماابي..كيفي..
:الله لا يبلانا..صدق انك هبله...ومتخلفه بعد..
طلعت من الغرفه وكنت مرة منرفزة منها ومن تصرفاتها....
على الساعه 1:30 جا ابوي من شغله...جلسنا كلنا على طاولة الاكل..وبوقتها نزلت منار...
منار سلمت على ابوي وجلست..
منار:يبه ترا ماراح اروح معكم جده..
أبوي:ليش؟
منار:السبت علي اختبار...
أبوي:ذاكري هناك..
منار:ماراح اقدر..
ابوي:خلاص انا اقعد معااك...وهم يروحون..
منار:لا اروح عند خالتي نوال..
ابوي ماعجبه الكلام بس وش يسوي:الي تبينه..براحتك.
منار قامت من الكرسي وطلعت غرفتها..
جلست مع ابوي الى ماخلص غدا وبعدها رحت لغرفتي... 
ريما وهي تفتح الباب بقوة:نورة ابي اكلم عمتوو..
:كلميهاا..
ريما:مااعرف رقمهاا..
:طيب...رحت جبت التيلفون وخليتها تكلم عمتي وبعدها انا كلمتهاا..
><><><><><><
يوم الاربعاء الساعه9:00 الصباح....
هاله وهي تفتح ستاير غرفتي:يلا يلا قوومي...
:هاااااااااله يا بثرة وش جابك؟
هاله:نسيتي اني بروح معكم..
فتحت عيوني بصعوبه وشفت الساعه:الساعه 9 الحيين...
هاله:يلا عااد بلا سخاافه..قومي..نفطر..وعلى مانخلص بنطلع المطار..
:طيب..
هاله:الحين منار من جدها بتروح بيتنا؟
:ماادري عنهاا..ماتحكي معاي..
هاله:تو رحت غرفتها بس لقيته مقفل بالمفتاح..
مارديت عليهاا وقمت من سريري ورحت الحمام...
هاله وهي واقفه عند باب الحمام:اسمعي نويير...
:اصبرري انتي..
هاله:قلت لبنت عمتي الجوهرة تجي هناك....هم هناك عندهم شاليهات ملك لهم...
(انا هاذي الانسانه اكرهااا..مااطيقها..انسانه مغرورة وشايفه حالها انها هي الحلوة...)
فتحت باب الحمام والمعجون بفمي وماسكه فرشة الاسنان:ليييييييييييش؟
هاله:وشو ليش؟
:لا بس...خلاص ولا شي..
هاله:انتي وش فيك ما تبين احد يجي...
:اناا؟؟
هاله:لا عمتي...اييه انتي...ماتبين احد تبين تروحين لوحدك زي الجنيه..
دخلت مرة ثانيه الحمام وبعد ما خلصت...
:لا حراام علييك..بس صرااحه مالي خلق اقعد اتصلح..وبنت عمتك ما تجينا الا على سنقة عشرة وانا مااحب اكون اقل من احد....
هاله:ياسلام صرااحه..
بوقتها دخلت منار...
هاله:هلااا والله...
منار ماردت على هاله...
منار:نورة وين الجينز حقي؟
:ماادري مو عندي يعني انا قد لبست ملابسك...
هاله:منار انا وش دخلني..
منار طلعت وماردت على هاله...
هاله:مب صااحيه أختك...
:تووك تدرين..
طلعت هاله ورا منار...ودخلت معها الغرفه...
هاله:منار...ترا الي صار مو نهاية الدنيا...
منار:هاله ممكن ماتكلميني بذا الموضوع..
هاله:اوكي...بأجل الموضوع وبنتكلم فيه بعدين..لاننا لازم نتكلم...
منار:لا الحين ولا بعدين..انتم يا بليدين الاحساس والمشاعر مااحد يتكلم معكم...متى ما بديتوا تحسون وتعروفن وشو الحب تعالوا تكلموا..بعدين اشك ان هالاشكال تحب..
هاله طارت عيونها من كلام منار وماحبت ترد عليها وتسوي مشكله..رجعت هاله عندي بالغرفه وكانت معصبه..
:وش قلتي لها؟
هاله:تقولي انتم بليدين الاحساس والمشاعر مااتلكم معكم..متى ما بديتوا تحسون تعالوا وتكلموا بالحب..وانتم ما تعرفون الحب..قهرتني مررة
:منار ما تحسب للكلام الي تقوله..
هاله:والله لو اني مااعرفها واحبها..كان سطرتها...
:يا شيخه..تراها تقول هالحكي تبي تطلع حرتها...
هاله:حسيت..
:الله يهديها ويهدينا..
هاله:بعدين انا احب واعرف الحب...(هاله كانت مقهورة من كلام منار لها...)
:هههههههههههههه طيب...
هاله:لا تقهريني انتي الثانيه...
:طيب..
<>
< >
< >
< >
< >
< >
< >
< >
<>
الساعه 12:00 بالمطار كلنا الا سارة وفهد..
أبوي:مشاعل كلمتي سارة؟
مشاعل:لا..
أبوي:كلميها بسرعه شوفي وينهم..
مشاعل:طيب..
طلعت مشاعل جوالها وكلمت على سارة...
سارة وصوتها نوم:هلاا..
مشاعل:ناااااايمه.؟
سارة:ايييه..
مشاعل:ياحمارة الساعه 12 الحين ما بعد قمتوا... الاقلاع الساعه 1..ساااااارة بسررعه قوومي انتي وزوجك..
سارة رمت الجوال وبصوت عالي:فهههههههههههد..الساعه 12..
فهد فز لما سمع صوت سارة:وش فيك ..خير..وشو؟
سارة:الساعه 12 الحين..
فهد نط من السرير:لازم اتحمم وانتي بعد...بناخذ عمرة..
سارة:بتفوتنا الطيارة...
فهد راح ودخل الحمام..رجع مرة ثانيه:ساارة روحي اي حمام تحممي بسررررعه..
سارة:انت رووح..حمامك...
فهد استوعب:طيب طيب...
اخذ روبه وراح ركض لحمامه وسارة دخلت الحمام الي بجانحهم....
خمس دقايق وخلص فهد ورجع لغرفته:سااااااارة بسرررعه..
طلعت سارة ولبست..
فهد:البس الحرام بالطيارة..
سارة:سكرت شنطتك؟
فهد:اييه اييه..
لبست سارة عبايتها ونزلوا ركض..ركبوا السيارة والسواق الي كان يسوق..
فهد:بسرررررررعه بسررررعه يا قاسم...
سارة:اسرررع شي..
فهد:كلووو منك يا سااارة..
سارة:لا والله حطهاا فيني..
فهد:اييه بحطها فيك..انا ليش تزوجت..
سارة تقاطعه:يا سلاااام تزوجتني عشان اصحيك من النوم...
فهد:قااسم قلت لك بسررعه...مو قلت لك طير..هدي شووي..تبي تموتني..حرام عليك ياشيخ توي متزوج...
سارة:مشاعل كلمتني عشرين الف مرة...
فهد:يلا يلا قربناا...
قربوا للمطار..
فهد:قاسم ...ماعندنا وقت..
سارة:وحده الا ربع..
فهد:يمدي يمدي انشالله....
حنا طبعا ركبنا الطياارة..ومشاعل وابوي كل شوي يتصلون على سارة وفهد...
واخيــــراً وصلوا...طبعا اخر من ركب الطيارة هم...ولا بعد لما جلسواا..
فهد وكان نفسه سريع من كثر ماكان يمشي بسرعه..لف على سارة وناظرها وانفجر ضحك...
سارة وفهد صاروا يضحكون وكل مالهم يزيدون...اصواتهم كانت عاليه وملفته شوي..
فهد بعد ما هدى:بحياتي ماركبت الطيارة بدري...يا اخر واحد يا قبل الاخير..
سارة:ابوي مواعيده مظبوطه...الحين بتجينا هوشه محترمه...
فهد:وين ابوك..وخواتك؟
سارة:ماادري..
>>><<<
وصلنا مطار جده بالسلامه....احنا ركبنا سيارة وفهد وسارة سيارة...حنا طبعا بنروح الشاليهات..وسارة وفهد بيروحون مكه...
وصلنا الشاليهات...بعد ساعه تقريبا...اتصلت الجوهرة على هاله....وبعد ما قفلت..
هاله:نورة يلا امشي نروح لها...
:لا بجلس شوي بنتظر عمتي...
هاله:اييه صح انا بعد بنتظرهم...
ناظرتها:وش تبين فيهم؟
هاله وهي تضحك:بسلم على عمتك اشتقت لهاا...
:لا ياماما روحي عند بنت عمتك...
هاله:نورة يا ساتر علييك..والله ماراح آكله...
:هاله روحي عند بنت عمتك..لا ترفعين ظغطي..
هاله:قسم بالله ماانتي صاحيه..
:لا صااحيه..
هاله:بنتظرك...
(يعني خلاص خليها تروح عند بنت عمتها)
هاله وهي تفتح شنطتها وتطلع منها علبة المكياج..وبدت تحط...
:هاله..خير خير..ليش تحطين ميك آب؟
هاله لفت علي وعيونها طايرة:نعم...
انا استحيت:لا ولا شي..بس نسيت..يعني قلت نطلع واحنا حاطين ميك آب..
هاله:هههههههههههههههههههههه....طيب..صدقت..
قمت انا بعد وقعدت احط مكياج...عشان البنات الي بنشوفهم طبعاً
طلعنا الصاله وكنا لابسين عبايتنا....
مشاعل:على وين؟
هاله:بنروح عند بنت عمتي الجوهرة...
مشاعل:في عاليا؟(عاليا اخت الجوهرة)
هاله:ماادري بس اكيد تجي..
أبوي:نورة وهاله وين رايحين..تونا واصلين ماامدا..
:بنروح عند الجوهرة..بنت عمة هاله...عندهم شاليه هنا...
أبوي:اهاا...
شووي ودخلوا عمتي وسلطان..
رحنا كلنا لعمتي وسلمنا عليها...
how are you?
سلطان وهو شايل ريما:

I'm fine:
ريما
سلطان:يا حلوك والله...,كيفك نورا؟
:الحمد الله...انتا كيفك؟
سلطان:كويس...لف وعطاني ظهره..
هاله:نورة امشي احس شكلي غلط...
:انا قلت لك اطلعي من أول..
سلطان ماعبرها واتوقع بعد ما شافها..هذا الانسان تصرفاته غريبه انا للحين ما بعد فهمته...
طلعنا من الشاليه...وحنا عند الباب..
هاله:مشالله مرررره حلوووو..
ناطرتها ومارديت..
هاله:بس ما عطاني وجه..
:هههههههههههه أحسسن..
هاله:اييه طبعا انبسطي...
:اييه بنبسط..
هاله:تخيلي يتزوج اختك ريما..ويصيرون مثل الي بالقصص...
مارديت عليهاا...
بوقتها جت الجوهرة..
الجوهرة:اهليييييييين..وحشتيني يا دبه..(طبعا تكلم هاله..)
سلمت على هاله...
الجوهرة:هلا نورة..كيفك؟
:كويسه..انتي كيفك؟
الجوهرة:الحمدالله بخير...
وحنا واقفين نسولف...جا ولد عمتي حصه...(اسمه منصور عمره 24يشتغل بالديوان الملكي...6شهور بالرياض 6شهور بجده..وهو طبعا كل ويكيند يجي الشاليهات...
منصور لما كان صغير وتقريبا الى ماصار بالثانوي كان يموت بمنار بس طبعا هي ما تحبه....بس الحين تغير طبعاا..ولو ما بقى الا منار ماراح ياخذها)
منصور وهو يناظرنا وماهو عارف مين بالظبط...
انا بصيغه استفهام:منصور؟..(صراحه اخر انسان جا في بالي اني بشوفه)
منصور:اييه منصور يا نوير...
بعدت عن البنات وصرت قريبه منه وكنت مستحيه منه:اهلين..
منصور:هلا بك..شخبارك؟
:الحمدالله...
منصور شال نظارته من عيونه ورفعها وكمل مشيه بوثوق وعلى وجهه ابتسامه غريبه شوي ودخل جوا...
هاله:تعالي هذا ولد عمتك من وين طلع؟
:هاله هذا منصور..نسيته؟
هاله:هههههههههههههههههههههههههههههه...اماااانه يا حليله تغير مرة...اول كان شين..ذكريات هالانسان..
الجوهرة:دايما اشوفه هنا..
:ايه...(اكرهها هاذي الانسانه..)
هاله:امشوا طفشت وانا واقفه...
الجوهرة:اييه والله..امشوا..
:انا بدخل بجلس معهم شوي..بعدين اجيكم...
هاله:اووكي..خلاص احنا نجي نمرك...
راحوا وانا دخلت...منصور وسلطان كانوا يسولفون واستغربت انهم اندمجوا مع بعض يعني كل واحد شخصيته غير الثاني...
عمتي:نورة ليش ما جت منار؟
:عليها اختبار..
عمتي ما صدقت طبعا الكذبه الي مطلعتها منار...
كنت اتكلم مع مشاعل...كانت في عيون تراقبني بكل فرصه تسمح لها....ماكانت عيون سلطان.. لا الي جالس جنبه..
بعد تقريبا نصف ساعه..اتصلت علي هاله وقالت لي انهم الحين بيجون عشان اروح معهم...
طلعت من الشاليه..وطلع معاي منصور...وقفت انا انتظرهم..
منصور:نورة...ليش ماجت منار؟
ناظرته وابتسمت:عليها اختبار...
منصور:ليش هالنظرة الخبيثه؟
انا ارتبكت وحسيت اني سخيفه...
منصور:تنتظرين صحباتك؟
:اييه...
منصور:انتبهي لنفسك...ولاتروحون اماكن فيها شباب كثير..
:ياسلام..
منصور:ايش يا سلام؟
:والله اروح المكان الي ابيه..
منصور:لا مو على كيفك..
:اجل على كيف مين...بعدين أبوي موجود..وترا انا مو اول مرة اجي هنا..
منصور:عااد قلت لك..
:واذا قلت لي؟
منصور:اجل نوير للحين عنيده..وشرانيه..
:اسمي نورة..
منصور:نوير..كيفي..
ناظرته ولفيت..
منصور:تغيرتي...
لفيت عليه:وانت بعد تغيرت..
منصور ابتسم..:ياصديقة الطفوله..
ضحكت على كلمته من قلبي...
منصور:ههههههههههههههههههههه...
استحيت ووجهي صار احمر...
راح منصور..وعلى وجهه ابتسامه...احسه كان يتذكر ايام اول ايام ما كنا صغار..كانت أحلى ايام...
منصور كان الولد الشيطاني الي مهبل بكل البزران..طبعا البزران الي كنا احنا...ولما كبرت شوي انضميت معاه..وصرنا ثنائي تحفه..طبعا منصور كانت كل خططه على منار....يحب يهبل فيها...بس اذا احد صيح منار يا ويله...ياحلو أيام اول...
><
><


سارة وفهد وصلوا مكه واخذوا عمرتهم وبينامون اليوم بمكه وبكرة بينزلون عندنا بجده..
دخل فهد الغرفه توه راجع من الحلاق..عشان العمرة.. وكانت سارة جالسه على الكنبه...
سارة وقفت لما شافته:نعيماا...
فهد:الله ينعم عليك...
سارة:بس ما حلقته مرة...
فهد:مو لازم...
سارة:طيب يلا تعال انت وقص شعري...
فهد سكت شوي:مااعرف..
سارة:ما يبيلها شي...
فهد:طيب...يلا وين المقص..
جلس فهد على طرف السرير..وسارة على الارض وكانت رافعه نفسها شوي....
سارة:امسك وقص شوي..
فهد:اوكي...
فهد بدا يقص بشعر سارة..
سارة:بس...
فهد:لا لا اصبري..شوي بس..,خلاص خلصت...
قامت سارة وراحت عند المرايا...
سارة وهي تصارخ:كذا الواحد يقص؟
فهد:ليش؟
سارة:خرررررررررربت شعري حرااام عليك..
فهد وهو يضحك:سارة عااد لا تبالغيين..
سارة وهي تمسك شعرها:شووف شووف وش سويت...
فهد:والله ماخرب يتهيأ لك...
سارة وشوي وتصيح:والله توي قاصته وكان حلو...
فهد:سوسو والله انك دلوعه...ما في شي..
سارة:لا تتكلم...اسكت بس...
فهد:ههههههههههههههه..رجعنا لاسكت بس...
سارة لفت وجهها عنه...
فهد راح وجاب المقص:يلا قصي شعري وسوي فيه الي تبين...
سارة:سكتني سكتني بهالكلمتين...
فهد:كل شي يتصلح...اذا رجعتي قصيه...
سارة:انا كذا كان عاجبني...
فهد:بوديك باريس واحسن واحد يسوي لك شعرك وش تبين بعد؟
سارة:تتريق انت وخشتك...
فهد:هههههههههههههههههههههههه....سوسو لا تعصبين....
سارة ماردت عليه وقامت ودخلت الحمام....عشان تتحمم...
تقريبا ربع ساعه وطلعت سارة...
سارة:يلا ادخل تحمم..ابي البس...
فهد:انشالله عمتي....
دخل فهد وبعد ما خلص طلع...
فهد:سوسو وش تبين تاكلين..؟انا ميت جوع...
سارة:ماابي شي...
فهد:ياحول الله على دلع البنااات...شعرك يتصلح..بلا دلع...
سارة:انا مو جوعااانه...
فهد:بجيب لك معاي اخاف اذا شفتني اكل تشتهين وبعدين تخلصين اكلي...
سارة تحاول انها ماتضحك وكاتمه ضحكتها:ماراح اكله...
فهد:ياساااااااتر علييك اضحكي...
سارة:ماابي...
فهد يقلدها:ماابي...كاني اشوف بنت عمرها سنتين...يلا عاد فكيها...
راح فهد وكلم على مطعم الاوتيل وطلب لهم عشاء...
بعد نصف ساعه تقريبا فهد كلم بدر فيها..وسارة كلمت عمتي ومشاعل جا الاكل....
فهد وهو يحطه قدامه ويجلس:اممممممممممممم ريحته تجنن....
سارة ما ردت ولا حاولت تناظر....
فهد بدا ياكل:ولا بايطاليا ما ذقت مثل هالستيك...
سارة تناظره وطبعا مو مصدقته...
فهد:تعالي ذوقيه..واذا ما عجبك لا تاكلين..
سارة:ماابي..
فهد:ياسلام على الشوربه..
فهد وبكل وسائل الاغراء قاعد يحاول ان يخلي سارة تجي تاكل...
فهد:سوسو عشااااااااااااني...
سارة:بس بذووق...
فهد:خلاص ذوقي..
جت سارة وجلست....واكلت شوي..
فهد ما علق وسكت...
بدت سارة تاكل وعاادي وكأن ماصار شي...
فهد:اجل ما تشتهين...وشبعانه...
سارة:فههههد يا حمار...خلاص عاد...
فهد يستهبل:انا حمار؟
سارة:لا ولد الجيران...
فهد:اشوااا على بالي...كلي حبيبتي بالعافيه...
سارة:بدون ما تقول يا حبيبي باكل...
فهد:ههههههههههههههههههههه...
سارة:متى بكرة ننزل جده؟
فهد:متى ما تبين...
سارة:الصبااح..
فهد:اووكي..تامرين امر...
سارة:الساعه كم؟
فهد:11...
سارة:انا داااااااايخه...
فهد:وانا بععد..,انا بنام الحين...وبقوم الساعه 3:00 واروح الحرم...
سارة:وانا بعد...
><><><><><><><
رجعت شاليهنا تقريبا على الفجر..طبعا انا وهاله...دخلنا وماكان في احد صاحي....دخلنا الغرفه وبدلنا ملابسنا وانسدحنا..كنا انا وهاله بغرفه وعمتي ومشاعل وريما بغرفه....وابوي بغرفه وسلطان بغرفه...

هاله وصوتها نوم:نورة...
:نعععم..
هاله:ودي اروح الكويت...
:هههههههههههههه...الحمدالله..
هاله:يااختي من زماان ما شفته...
(طبعا انتم ما عرفتوا وش السالفه...بقولها لكم بعدين اكمل لكم كلامي انا وهاله....هاله تحب ولد عمها....عمها يسكن بالكويت....اسمه عبد الرحمن عمره 23...انا صراحه ما قد شفته..بس هاله تقول انه..اسمر ولا طويل ولا قصير وشين....في احد يقول على الي يحبه انه شين..بس المشكله انه حب من طرف من واحد....اسؤا انواع الحب..)
هاله:انا قلت لا بوي اننا نروح الكويت...بس ابوي ماادري وشفيه هالايام...تعبان..
:وشفيه تعبان؟
هاله:ماادري...
جلست هاله تسولف على راسي وانا طبعا نمت ونص الحكي ما سمعته ولاادري وش قالت...
الساعه 10:00 الصباح دخلت سارة علينا الغرفه تصحينا...
سارة:هاله ونوير يلا قوموا...
طبعا احنا رايحين في سابع نومه...
سارة وهي تشيل الغطا مني:نووووير قومي..
وراحت لهاله وسوت نفس الشي..
هاله:سارة..وش جابك؟
سارة:جيت...
هاله رجعت وانسدحت مرة ثانيه..
سارة:قوووووووومي...
:يا مزعجه..جيتي وجا الازعاج معاك..
سارة:نورة قوومي شوفي شعري..لا يفوتك شوفي وش سوا فيني فهيد..
:وش سوا؟
سارة:قوومي شوفي...
رفعت نفسي..
سارة:شفتي؟
:ههههههههههههههههه..
هاله:مسكينه...
سارة:اسكتوا بس...يلا يلا قوموا...بسررعه...
:مانبي اطلعي برا..
سارة:يا سخفكم عااد قوموا...
:طيب..
سارة:يلا بسرعه قوموا غسلوا والبسوا...
قمنا وغسلنا ولبسنا...
هاله:نورة وين عبايتي؟
:ماادري عنك..
هاله:بلبس عبايتك طيب؟
:طيب..
اخذت عبايتي ولبستها.....
هاله:نورة دوريها وين راحت؟
مارديت على هاله واخذت جوالي وكلمت على منار..امس كنت اكلمها وماردت علي....
منار وصوتها نوم:هلا..
:اخيرا رديتي..
منار:نعم..
:نايمه؟
منار:اييه..
انا طبعا عرفت انها ردت وهي ما تدري...منار اذا كانت نايمه ماتحس بنفسها...
:اوكي...اذا صحيتي كلميني..
ماردت علي وسكرت..
هاله:وش تقول؟
:نايمه..
هاله:عاد اختك تكون فاقده الوعي وهي نايمه...
ناظرتها وضحكت على غباءها شلون فاقده الوعي وهي نايمه...هاله تخبص مرات بالحكي...
:هاله وش هالذكاء الزايد..الي قدامك وشو؟
هاله:اييه والله ما انتبهت..
طلعت ورحت الصاله..وفي عمتي وسارة...
:صبااح الخير..
عمتي:صباح النور..
:وين الناس؟
سارة:ابوي لسا نايم...
:ومشاعل؟
سارة:يمكن تلبس.وريما برا مع سلطان...
:كيف عمرتك؟
سارة:الحمدالله..
جت مشاعل ووجها مو طبيعي..
سارة:وش فيك؟
مشاعل:خالد ما يرد علي...
عمتي:كلمك امس؟
مشاعل:ايه كلمني...
:يمكن نايم..
مشاعل سكتت...
سارة:ايه صدق يمكن نايم..
مشاعل:لا امس لما كلمته كان تعبان...بداية انفلونزا...
عمتي:شلون تسافرين وزوجك بداية انفلونزا...
مشاعل:والله ماكنت ادري....انا لما كلمته بالليل كان تعبان...
:عاد الحين مشاعل بتجلس طول اليوم وهي زعلانه وضايق صدرها...
مشاعل:اييه بجلس كذا..عندك مانع؟
مارديت عليها..
هاله:السلام عليكم...
كلنا:وعليكم السلام...
جلست هاله وقعدنا نسولف شوي...رن جوالي وكانت منار..أخيرا اتصلت...طلعت برا وكان في سلطان وريما بس ما حكيت معاه ورديت على منار..
منار:هلا...
:اهلييين وسهليين..وحشتيني..
منار:كيفك؟
:الحمدالله..انتي شخبارك؟
منار:مو كويسه...
:منار خلاص عاد هونيها..
منار:انا ضايق صدري يا نورة...فيصل مسافر بعد واحس اني وحيده ومامعاي احد..
:يلا بكرة بنرجع لك..انتي اهم شي وسعي صدرك...
منار:عمتي كلمتني ثلاث مرات بس ما رديت..
:ليش؟
منار:ماابي..
:عمتي يا منار مرة ضايق صدرها...وما تحكي مع احد..
منار:وانا بعد ضايق صدري وماابي احكي مع احد...
مارديت عليها..
منار:اوكي نورة سلميلي عليهم...
:انشالله...
منار:باي...
ريما:نورة الحين بروح اسبح بالبحر وبعدين بتشمس...
:روحي..
ريما:وسلطان بعد بيجي معاي...بس هو يقول ماراح اسبح...بيجلس يناظرني بس...
ابتسمت بوجهها..
سلطان كان ساكت وماتكلم ولا كلمه...ناظرته ولفيت وكملت مشيي ودخلت جوا...

نهاية الجزء.... 

_______________________________________
( الجـزء الخـامـس)

شعـوري غيــر...اشــواقي غيــر..حتى الاغـاني غيــر...

اليوم الخميس....وطبعا احنا لسا في جده ما رجعنا الرياض..ووقفت بالجزء الي قبله..اممممممم...مااذكر وين وقفت...ماعلينا وين وقفت..خليني اقولكم وش صار اليوم...

أنــا وهاله كنا مع الجوهرة والبنات.. وتقريبا على الساعه 2:30 الظهر طبعا...رجعت الشاليه كنت ابي اجيب جوالي...دخلت وماكان فيه الامشاعل...
:ميشوو..ليش جالسه لوحدك؟
مشاعل:سارة راحت مع فهد...وعمتي مع سلطان..وابوي نزل جده..عنده شغل..
:كلمك خالد؟
مشاعل:لا..
:طيب كلمي على بيت اهله..اساليهم..بلا ذكاء..
مشاعل:اكلمهم اقولهم وين زوجي والله مو جالس يرد علي..
سكت شوي...
:اييه قولي ان قلقت عليه..ويمكن انه تعبان والا شي..
مشاعل سكتت وكأنها اقتنعت بالي قلته...وانا صادقه..المفروض كذا تسوي...
دخلت الغرفه واخذت جوالي..وطلعت مرة ثانيه..
:ميشو.سارة وفهد وينهم؟
مشاعل:مع عمتي وسلطان...راحوا لشاليه منصور..
:مشاعل امشي نروح عندهم..
مشاعل:لا..
:لو سمحتي..
مشاعل:الحين انا اجي...معليش نورة بس مالي خلق..
:اوكي على راحتك..
طلعت ورحت شاليه عمتي..الي هو شاليه منصور...
الشاليه كان على البحر على طول...غير شاليهنا..
وعمتي وسلطان كانوا جالسين على البرندا...وريما تسبح ومنصور كان واقف عندها...
:السلام عليكم..
عمتي وسلطان:وعليكم السلام..
:وين سارة؟
عمتي:مابعد جت لسا..
:اهاا..
سلطان ماكان طبيعي لا امس ولا اليوم...انا متاكده فيه شي...
رحت عند ريما ومنصور..
ريما كانت منسدحه على الكرسي..على بالها انها تتشمس..تحفه هالبنت...
منصور لما شافني لف علي:هلا بطمطوم...
طيرت عيوني وضحكت..
منصور:ليش تضحكين؟
:عليك..
منصور:تو تذكرت الاسم...اول ما نسميك الا طمطوم...
:ايه اتذكر..وانت كنا نسميك...امممم ماادري نسيت..
منصور:انا مااتذكر من طفولتي...الا اني كنت شين..وكنا مسوين انا وياك عصابه...
ضحكت.. وبيني وبين نفسي اما بس هذا الي تذكره من طفولتك...كثر لي منها يا منصور..يعني نسينا منار...
ريما:نورة ما صرت سمرا؟
ناظرتها وضحكت..
منصور:لها ساعه كل شوي تسألني منصور ما صرت سمرا؟
ريما:ابي اصير زيك يامنصور...
منصور:ههههههههههههههههه...
:هذا من ربي...
منصور:مو مقتنعه..تقول لا انت تجلس عند الشمس..
:ريما منصور هذا لونه من ربي وعشانه يجلس عند الشمس بعد...
ريما:انا بجلس عند الشمس الى ما تروح...
بوقتها جو سارة وفهد...اول ما شفت سارة رحت لها..
:سارة وينك اخيررا جيتي..
سارة:نوير يلا تركبين معاي جتسكي؟
:اييه اييه ابي مررة...
سارة لفت على فهد:فهد يلا انا ونورة نبي نركب...
راحت سارة عند فهد..وانا رجعت لمنصور وريما..
منصور:تبين تركبين؟(طبعا سمعنا انا وسارة)
ابتسمت:ايـه..
منصور:يامر امر طمطوم....
سارة:فهد بركب معاك..اخاف اركب بلحالي..
:لا اركبي معاي...وخلي فهد بلحاله..
سارة:لا والله ما اثق فيك..
:سوير عاد..
سارة تناظر فهد:اركب معها؟
فهد باذن سارة:قبل لا تتزوجيني مع مين كنتي تركبين؟
سارة:ههههههههههههههههه....
فهد:والا يوم تزوجتي جا الدلع..
سارة:فهد..
فهد:هههههههههههههههه..
:ابي الاصفر..
سارة:لا الاحمر..
:لا يا حبيبتي مو على كيفك..
سارة:طيب...
قرب الرجال الجتسكي لمنصور..وقربنا حنا..دخلنا شوي بالبحر..
ركبت انا قبل سارة...ورفعت عبايتي وتحجبت زين عشان ما تطيح الطرحه..
منصور:نظراتك نورة وجوالك..
فصخت نظارتي وطلعت جوالي من جيبي ومديتهم لمنصور...
جت سارة وركبت معاي...وركب فهد بواحد..اما منصور ما ركب...وكان ماسك اشيائي..
سارة وهي متمسكه فيني بقوة:نورة شوي شوي..
:طيب..لا تخافين معاك سواقه..
سارة:اشك صراحه..
بديت ادور وسارة كل شوي تصارخ...فهد كان قريب منا...الوضع كان حلو...ومافي ناس..يعني كنا بعيدين عن الناس والخبصه...
انا كنت مبسوطه..بس يا ليت ماركبت سارة معاي..ازعجتني...
بعد فترة ماهي طويله...اشوف من بعيد ثلاث دبابات وفيها عيال..جاين لجهتنا...
عادي الوضع للحين كان حلو...بس لو ماجو هالشباب..
سارة:بعدي بعدي عنهم...
واحد منهم كان قريب منا شوي..
:كل ماابعد يجون..
سارة:وين فهد؟
:وش يدريني عنه...
سارة كانت عيونها على فهد...وتشوف وش يسوي..
سارة:ياويلي...فهد..
:خايفه عليه..
سارة:ياويل قلبي رجلي..
:لاتخافين عليه..بلا غباء..مافي شي يخوف..
بوقتها جا واحد وقرب منا بزياده..
سارة صرخت:نورة بعدي عنه..بسرعه...
:سارة لا تصارخين وتخليني ارتبك..
واحد منهم وكان بعيد صرخ بصوت عالي ونادا على اسم ولد مااتذكر الاسم...بس أكيد كان يقصد الي يدور حولنا..
فجأة يجي ويلف علينا بقوة وحك الجتسكي حقه فينا..ماقدرت امسك توازني وطحنا انا وسارة...
طبعا كنا لابسين جاكيت..بس من قوة الصبخه غطسنا داخل البحر وارتفعنا مرة ثانيه..انا احس راسي بينفجر..لما طحت صبخ راسي بالدباب..احس بألم فظيع...
كل الي صار كان باقل من ثانيه..الموقف كان صعب..ويخوف..
فهد على طول جا عندنا وباين على ملامحه الخوف..
فهد:الحقير....,سارة تعورتي؟
سارة كانت تصيح....وجهها كان اصفر وشفايفها ترتجف..
فهد:سارة...مدي يدك لي..
فهد سحب سارة وركبها معه..
من الطرف الثاني...
منصور كان واقف ويناظرنا..وشاف كل الي صار...منصور من كثر ما كان خايف..رمى جوالي ونظارتي وصار يركض بسرعه...وطير شباشبه..
منصور:صلاح جيب واحد بسرعه...
جاب صلاح الجتسكي وركب منصور...
عمتي وسلطان ومشاعل جالسين على الطاوله...
عمتي وهي تصارخ:بناتي..يا ويل قلبي...,هذا الي يركب هالاشياء الخطرة..
سلطان بدا يركض وصار عند البحر دخل جوا شوي..
عمتي ومشاعل بعد جو..
منصور لما جا عندي ..فهد راح..
منصور:نورة صار فيك شي؟
انا كان حيلي مهدود مااقدر اتحرك...شربت مويه من البحر كثير...احس بطني كله مويه..وكنت اكح من المويه الي دخلت بخشمي...
منصور:تقدرين تركبين بلحالك..
مارديت عليه..
مد منصور يده ومسك يدي وسحبني..
منصور:تقدرين تسوقين؟
هزيت رقبتي بالنفي:احس اني بدوخ..
منصور:نورة فيه شي يعورك..
:راسي...
منصور كان موقفه صعب..انا مااقدر اسوق..مافيني حيل..واستحى انه يركبني معاه..
ومد يده لي...
ما تجاوبت معاه..ماادري بس شلون بركب معاه..مااقدر..صعبه..يعني بمسك فيه..لا لا مستحيل..
منصور مدي يده مرة ثانيه:نورة معليش..
مامديت يدي له ركبت بنفسي وبصعوبه....
منصور:امسكي فيني كويس..
مديت يدي ومسكت طرف بلوزته وكانت مبلله شديتها شوي..مو شوي كثير..احسها بتتقطع من كثر ماكنت شادتها..ومتمكسه فيها..يعني ماحاولت امسك فيه..
ماحسيت نفسي الا وانا نازله من الجتسكي..وسلطان كان قريب مني..
اما عمتي ومشاعل مع سارة...
سلطان:تعورتي نورا؟
ناظرته ومارديت...وللحين وانا اكح...
منصور:ابن الكلب الحقير..هذا..وين بيفلت مني بس..
كنت تعبانه ومالي خلق احكي...دخلت الشاليه..طبعا شاليه منصور...
دخلت الحمام..وبديت ارجع...كبدي كانت تحوم..واحس اني شربت نص موية البحر..رجعت وجلست على الكنبه...
لازم ارجع شاليهنا البس...بس شلون برجع...وين طرحتي؟طاحت بالبحر..حطيت يدي على راسي..
وقفت من مكاني ودخلت غرفة...كان فيها دولاب فتحته...كان فيه مناشف..اخذت لي وحده ونشفت شعري فيها..ولفيتها علي..
رجعت الصاله وبوقتها دخل منصور..
منصور واقف عند باب الشاليه:نورة شلونك الحين؟
:الحمدالله..
منصور:راسك يعورك؟
:لا..خف..
منصور:الحمدالله...
كمل مشيه ودخل غرفته..يبدل ملابسه..
سلطان دخل وماتكلم ولا كلمه وجلس...
كنت اناظره ومانزلت عيني منه...اخيرا حس ورفع عينه...صديت عنه..
ملاحظين...انه مااحد سأل عني..وكلهم مع سارة...يعني لو اني مت مادروا عني....انا من جد مقهورة..وابي اصيح بعد..لهدرجه انا ممسوحه من القائمه...
كنت منرفزة واهز رجلي...وين جوالي! اكلم لي هاله حبيبة قلبي تجي تهتم فيني وتعطيني وجه...انا عطيته منصور..بس وينه؟
طلع منصور من الغرفه طبعا بعد ما بدل ملابسه..
كنت مستحيه اسأله وين جوالي..الصراحه انا استحي من منصور مرة...
بعد تردد:منصور..
منصور كان يشرب ماي..:هلا..
:وين جوالي؟
منصور صبخ يده بجبهته:نورة اسف..بس شكلي مع الخبصه رميته هو والنظارة..اروح اشوف..
طلع منصور...والانسان الي قدامي او الجدار ساكت ومو مهتم ولا حتى عبرني...كان سرحان..عيونه مخبيه سر..فيها غموض عجيب..
سارة كانت بالغرفه ومعها عمتي ومشاعل وريما وطبعا فهد..سارة كانت مسويه مناحه..
سارة وهي تصيح:الحمار...الي ما يستحي على وجهه..
ريما:سوسو لا تبكين...
فهد كان مرة معصب وشوي وينفجر وسارة تزيده..
عمتي:انا قايله لكم..لا تركبون هالبليه..وكل ماركبته اختك هالمهبوله تطيح..مب اول مرة ذي...
فهد:لا نورة مالها دخل..هالحمار الي دخل عليهم..
سارة:والله كان قاصد..
فهد:انا كنت حاس انهم ناوين على شر..
عمتي:وانت بعد يافهد..المفروض تصير مع البنات..
فهد:عمتي مو بسيارة حنا نمشي ورا بعض...
فهد وقف من مكانه وبعيونه شر...
سارة:على وين؟
فهد:بروح شوي..
سارة:فهد الله يرحم والديك مانبي مشاكل...
فهد:لا لا تخافين..
سارة:ابي ملابس..
فهد:اروح اجيب لك..واجي بسرعه..
مشاعل:لا انا اروح..
طلع فهد من الغرفه ومر من الصاله...وهو بيطلع منصور كان بوجهه بيدخل..
فهد:منصور تعال شوي معاي..
منصور:اوكي..
وجه منصور نظراته لي:نورة انا من جد اسف بس شكلهم راحوا جوا البحر...معليش سوري..
سكت ومارديت..لا والله يرمي اغراضي وبكل برود انا اسف...
بوقتها جت مشاعل..
مشاعل:نورة حبيبتي عسا ماتعورتي..
ناظرتها ومارديت..
مشاعل:نورة وش فيك؟
:روحي عند سارة بس...
مشاعل:نورة...
انا هنا خنقتني العبرة وعيوني امتلت دموع..بس من جد كنت مقهورة..
مشاعل:نورة وش فيك تعورتي..
:بعدي عني..مالك دخل..
بوقتها رن جوال مشاعل..وكان خالد..اخيرا اتصل...
سلطان يناظرني وهو مستغرب...
:لا تقعد تناظر انت الثاني..
سلطان:ليش الصياح الحين؟
:بسسسسسس كيفي..
سلطان:اوكي..كيفك..
جت عمتي وكانت معصبه...
عمتي:نورة انتي ماتتوبين..كل ماركبتي تطيحين...
ناظرتها ومارديت..
عمتي:والله العظيم وهذاني احلف..انك ماتركبينه مرة ثانيه..
:عمتي بدال ما تقعدين تهاوشيني.. قولي بسم الله عليك..قولي شي..والا بس سارة الي تخافون عليها وانا بالطقاق..
عمتي:اييه بالطقاق..
:بععععد...
عمتي سفهتني ولفت على سلطان...
يعني كل هذا عشان منار والي سوته...منار مو بس ضرت نفسها وضرتني انا..عمتي مو طايقه تشوفني ولا حتى تكلمني...
:ياليتني مت...
عمتي:ياليتك متي..وفكتيني منك..
انا هنا انفجرت وعصبت وصحت...عمتي الي تحبني وماتشوف الا انا كذا تقولي...
وقفت من مكاني وكنت متجه للباب عشان اطلع..
عمتي:وين وين..طالعه؟
:بروح الشاليه...
عمتي:اقعدي بس..تطلعين كذا..عبايتك مويه وبعد مامعاك طرحه..
:اييه..بروح ارمي نفسي بالبحر واموت..عشان ترتاحين...
عمتي:انتي فصختي الحيا مرة وحده.,.كذا الواحد يتكلم..
رجعت اصيح مرة ثانيه..
سلطان:يمه خلاص عاد..
عمتي:وانا الي كنت احسبها بريئه ودبشه وطفله..طلعت..
سلطان:يمه وش هالحكي...
انا مااقدر اوصف لكم شعوري..يعني ماقدرت ارد..عمتي الحين غيرت نظرتها لي...تقول عني هالكلام وانا ماسويت شي...
سلطان:نورة اطلعي برا..
عمتي:انطقي هنا مافي طلعه...
سلطان:نورة روحي اجلسي هنا..مو تروحين الشاليه..
ماطلعت برا..رجعت وجلست بمكاني ولفيت عن عمتي عشان مااناظرها..
نروح لمشاعل الي راحت ترد على خالد..
خالد وصوته كان تعبان:هلا..
مشاعل:خالد وينك خوفتني عليك...
خالد:تعبان..
مشاعل:والله اني حاسه...
خالد:جوالي كان بالصاله...عشان كذا ما رديت..
مشاعل:طيب امك ما جت عندك؟
خالد:لاتخافين علي..
مشاعل:غصبا عني..,طيب رحت الدكتور؟
خالد:لا..مايحتاج..انا اخذ مسكن وفيتامين..واصير احسن انشالله..
مشاعل:طيب انا الحين بكلم الشغاله واخليها تسوي لك شوربه...
خالد:لا خلاص امي قالت لها..
مشاعل سكتت..
خالد:اوكي مشاعل..اخليك..
مشاعل:طيب...انتبه لنفسك...وانا كل شوي بتصل اطمن عليك..ورد علي..لا تخوفني عليك..
خالد:انشالله..يلا باي..
مشاعل:مع السلامه..

><><><><>< 

فهد ومنصور طلعوا من عندنا وكانت نيتهم قشرا...فهد كان مولع...وماراح تطفى ناره الا اذا طلع حرته...
منصور كان يعرف الولد..يعني دايما يشوفه..
منصور:فهد مثل مااتفقنا مانبي ضرب..يعني كلام..
فهد:لا لا توصي...
قربوا منهم..طبعا العيال عرفوا ليش جاين فهد ومنصور..
فهد صار قدام الولد ومد يده وسحبه بلوزته وشده لجهته..:لما الواحد يحترم نفسه..الناس تحترمه..وانت ما خليت فيها احترام..
منصور:فهد مااتفقنا كذا..
فهد وبقوة رمى الولد..:فيها سجن..تسمع وش اقول..والله ماتمر عليك كذا ياابن الكلب..
**:انا ابن الكلب...مين تحسب نفسك انتا...
بدقايق الطرفين تشابكوا..وماتميزين بينهم...اصدقاء منصور بعد جو...وطبعا تطلع الفزعات بذا الامور..وكل واحد يعرف له واحد قام وفزع له...
هذا يسب هذا.. وهذا يطق هذا...يعني شي ما يوصف...


حنا كنا جالسين..وطبعا مو عارفين عن الي صار...رن جوال مشاعل..وكانت هاله..طبعا اتصلت علي يعطيها مسكر..
مشاعل:هلا..
هاله:مشااعل ماتدرين وش قاعد يصير برا...
مشاعل خافت:وش فيه؟
هاله:مطاااقه..بيتذابحون بعد شوي...فهد وولد عمتك...
مشاعل:من جدك؟
هاله:ايه والله...
مشاعل:سارة رجلك قاعد يتهاوش برا..مع عيال..
سارة:يا ويل قلبي زوجي..مين قالك؟
مشاعل:هاله...
عمتي:انا قايله انه بيسوي شي..
سارة:مشاعل عبايتك..بسرعه..
عمتي:والله ماتطلعين صاحيه انتي...
سلطان كانت على وجهه علامات تعجب..
عمتي:سلطان رح وشف وشفيه..
سلطان قام بسرعه وطلع...
:مو صاحين فهد ومنصور..بس احسن...أبي اروح..
عمتي:عاد انتي مهبوله اخاف تطبين معهم...انتي خلاص انفصخ الحيا..
انا عصبت..عمتي بزياده صارت تحكي...هاذي مشكلتها ما تعرف تمسك نفسها..
سارة:عمتي خايفه عليه..اخاف يصير فيه شي...
عمتي:لا لا انشالله...
دقيقه ورا دقيقه...وحنا ننتظر مرت ربع ساعه وللحين ما بعد جو ماصارت مطاقه هاذي...سارة كانت ميته خوف...وعمتي طبعا خافت على سلطان...وانا صراحه كنت خايفه عليهم كلهم...يعني من جد تنكدنا..بالي صار...تعرفون اني للحين بملابسي...ما بدلتها...عمتي عيت علي اروح...
سارة وهي توقف: عمتي انا بروح اشوف وش صار مااقدر اصبر..
عمتي وهي تمسك يدها:سارة اجلسي...
سارة:والله خايفه...
:عمتي والله مت من البرد..ابي اروح الشاليه ابدل...
عمتي:لا مافي روحه...دوري لك شي ينلبس والبسيه..بلوزة والا شي...
:عمتي هي ماوقفت على البلوزة انا كلي مبلله...
عمتي:البسي عبايتي..
:خلاص شكرا..ماابي البس شي..خلوني امرض..أحسن..
عمتي:روحي البسي العبايه اقولك..
:ماابي...
مشاعل:اسمعوا اصواتهم...شكلهم برا...
اول من دخل سلطان..شكله كان رايح فيها..بلوزته مشقوقه.وفيه مخشه خفيفه على خشمه...بعدين انا الي اعرفه ان سلطان راح يفك مو راح يطق..
عمتي اول ماشافته راحت له...وهي تحط يدها على كتفه:وشفيك؟بسم الله عليك..
سلطان كان معصب وقلبه يدق بسرعه ووجه كان تعبان...
منصور شكله مايوصف...ماكنت اشوف ملامح وجهه...خشمه نزف دم..
عمتي:منصور وراك كذا...مهبل انتم..لا والله مهبل..
سارة طلعت برا عند فهد..والثاني بعد حالته حاله..
جلس منصور وسند راسه على الكنبه..وكان حاط منديل على خشمه...
عمتي:نورة جيبي ثلج لمنصور...وجيبي منشفه فيها مويه..نمسح هالي بوجهه
انا لا تعليق على أشكالهم..عيوني كانت طايرة...رحت وجبت الي طلبته مني عمتي..
ريما كانت ميته خوف من اشكالهم وشوي وتصيح...
عمتي:لو معهم سكاكين وذبحوكم..الله خير حافظ..
منصور ضحك على كلام عمتي..
عمتي:ماقلت شي يضحك...
سلطان ماكان طبيعي ابدا..مع انه اقل واحد يعني ماكان معهم من البدايه..
سارة وهي تدخل جوا:ابي ثلج...
مديت لها الثلج ومنشفه.. وطلعت برا..
عمتي:ممكن تفهموني الي صار..
سلطان وقف من مكانه...
عمتي:على وين انشالله؟
سلطان:بروح شاليهنا..
طلع سلطان بسرعه...
عمتي:الحين انت عاجبك الي صار.؟.
منصور:والله ياخالتي ان نيتي ماكانت ضرب ولا هواش..بس فهد..طب على الولد والي مع الولد طبوا علي..وبدوا العيال يتجمعون..
عمتي:فهد ذا مو صاحي...شف وش جاب لنفسه..
منصور:وجاب لنا حنا بعد..
عمتي:وولدي وراهم طقوه وش دخله هو؟
منصور:سلطان جا يفكنا وطبعا لازم يجيه ضرب...
عمتي:حسبي الله ونعم الوكيل عليهم...
:عمتي انا بروح الشاليه...
عمتي:طسي..
كذا تكلمني قدام منصور..تقولي طسي..وشو انا قدامها..
:وبعدين بروح مع البنات..
عمتي ماردت علي..
طلعت من الشاليه ورحت شاليهنا..دخلت وماشفت سلطان..اكيد انه بغرفته...تحممت ولبست وبعد ماخلصت طلعت من الغرفه ورحت الصاله..بتجيني هاله وطبعا بنت عمتها بعد شوي...
الشاليه كان هادئ..ومافي صوت لسلطان..بعد فترة ماهي طويله..حسيت بأحد يفتح باب...وكان الصوت طبعا من باب غرفة سلطان...
دخل سلطان الصاله وعلى وجهه ملامح التعب..جلس بدون مايتكلم ولا كلمه...سند راسه على الكنبه..
شكله كان تعبان مرة..مو طبيعي..خفت صراحه..يعني جت في بالي افكار كثيرة..
كان كل واحد ساكت ويحاول انه ما يناظر الثاني...
هاله وهي واقفه عند الباب الخارجي وتطق الباب...انا كنت اشوفها بس هي ماكانت تشوف...قربت وجهها للقزاز وبدت تسوي حركات..بفمها وتلصق خشمها..يعني كان شكلها تحففففه...
:هههههههههههههههههههههه..مجنووووونه..
سلطان لف على جهة الباب و ضحك على شكلها..بس ماادري حسيته يضحك وكأنه مغصوب او مايبي يضحك..
سلطان:يا حليلها...
ناظرته ومارديت...عصبت وشو يا حليلها..يعني..امممممممم والله انقهرت...انا طبعي مو كذا ولا من البنات الي يغارون..بس ماادري وش فيني ماابي سلطان يشوف احد..اقصد باحد يعني بنت..المشكله انه ماوقفت على هالبنات..اكيييييد انه شايف مليون وحده...
وقفت بسرعه قبل لا تدخل هي وبنت عمتها الي ماتتسمى...
:هاله يا مرجوجه دقيقه لا تدخلين..روحي وقفي هناك..وانا الحين اجيكم...
هاله دخلت راسها وشافت سلطان جالس..
هاله:ههههههههههههههههههههه..يعني عشااان..
دفيتها:الحمدالله والشكر..يلا بس بعدي..وبقولك وش صار فينا...
هاله:وين تبين اوقف؟
الجوهرة:الحمدالله والشكر..يعني تبينا نوقف هناك عشان ما يشوفنا!
:مالك دخل انتي...
هاله:نورة..
:اييه مالها دخل انا ماكلمتها..
الجوهرة:اسمحيلي بس انتي من وين تفكرين؟
:افكر من الي افكر منه..انتي ايش دخلك..
الجوهرة:انتي انسانه متخلفه..
:انا انسانه متخلفه..
الجوهرة:متخلفتين..
:وخري عن وجهي بس..انا احتراما لهاله بس اقدرك واحترمك..
الجوهرة عصبت...انا عارفه اني كنت وقحه معها..بس انا الي مااحبه مااقدر ابين اني احبه..واقوله بوجه بعد انا اكرهك...
هاله مسكت الجوهرة وبعدوا..وانا دخلت الشاليه..
اتوقع ان سلطان سمع..بس هو ماقال شي..بس على وجهه علامة تعجب..!
دخلت وسكرت الباب..ورحت بسرعه ولبست عبايتي واخذت شنطتي...وانا امر من الصاله..كان سلطان يكلم...كان يتكلم بسرعه بصراحه ما فهمت وش يقول..يعني انا لغتي مو مرة...بس الي فهمته انه يكلم..دكتور.. كان يردد كلمة دكتور...يمكن واحد منصبه بالدارسه دكتور او صاحبه دكتور...مااهتميت للموضوع صراحة..
رحت مع البنات..وقلت لهم عن الي صار.. اتعس يوم في حياتي...يعني لا من الي صار لي ولا من كلام عمتي..بالي ماكان معاي ابددددا..
رجعنا الشاليه انا وهاله بوقت متأخر...وكان أبوي صاحي..وبعد ماجينا راح ونام...
حطينا رؤسنا ونمنا..يعني بعد عناء يوم طويل بالنسبه لي...
دخلت عمتي علينا تصحينا لصلاة الفجر..وبصعوبه قمنا...صليت ورجعت انام..بس ما قدرت..جلست نصف ساعه تقريبا على السرير واحاول اني انام بس ما قدرت..قمت من السرير وطلعت من الغرفه وبروح المطبخ اشرب مويه..اخذت لي كاس وصبيت لي..رحت وقفت عند باب الشاليه المنظر كان حلو..كنت سرحانه بس ماادري بايش..
سلطان من وراي:نورا..
ماحسيت فيه لما جا...ماحسيت الا وهو يناديني..لفيت عليه وماكنت ابي الف...الصراحه شكلي مو يوصف..كحلي كان شوي نازل..عيوني احسها بتطلع من قل النوم..وكنت لابسه قميص الى ركبتي وعليه صورة ارنب..وبنطلون ماله علاقه بالقميص ابدددا...
:وش مصحيك؟
سلطان:الي مصحيك..
:صحيت اصلي الفجر وماقدرت ارجع انام..
سلطان:انا من قبل الفجر وانا صاحي...مافيني نوم...
:ياشين هالحاله...
سلطان:امشي نطلع برا..
سكت شوي عجبتني الفكرة..:اوكي..
تقدم شوي وفتح الباب:تفضلي...
طلعت قبله وهو وراي...الجو كان روعه...المكان هادئ والهواء بارد شوي...
جلسنا..كنت بعيده عنه...السكوت هو الي كان بينا...
انا كنت افكر فيه...بس هو يفكر...ياليت اقدر ادخله واعرف هو بايش يفكر..
سلطان:الجو حلو..
:اييه..
سلطان ناظرني وابتسم...ماادري وش سر هالابتسامه..
:كيف مكه...اول مرة طبعا تروح لها..
سلطان:شعور حلو لما تشوفين الكعبه..تحسين بشي غريب داخلك...يمكن جلست ربع ساعه اتأملها...
مارديت عليه كنت سرحانه..ماادي رحت بدنيا ثانيه...افكار تجيبني وتوديني...
سلطان وهو يأشر لي بيده:وين رحتي؟
ابتسمت..
سلطان ناظرني وعقد حواجبه...
:ليش كذا تناظرني؟
سلطان:اقرا افكارك..
:وش قريت طيب؟
سلطان:احب احتفظ فيها لنفسي,وانتي عارفه وش قريت..
:يمكن مو صح عليك..
سلطان:يمكن...ويمكن صح علي..
:لا مو صح...ماتقدر تقرا افكاري وانت لسا ماعرفتني ولا عرفت كيف افكر..
سلطان:انتي واضحه...والي بقلبك على لسانك...مافي شي تخبينه والا تخافين منه..
:مشالله حللت شخصيتي...
سلطان:الانسان الواضح سهل الواحد يعرفه..
:والانسان الي مو واضح....صعب وصعب مرة بعد تعرفه..
سلطان:امممممم يمكن..بس مع الوقت بتعرفه..
:يمكن..
سكتنا شوي...
:بس حتى ما تقدر تعرف انا بايش افكر..
سلطان:هههههههههه...
انا استحيت..يعني قعدت افكر بشي مايستاهل..ويعرف يقرا افكاري والا مايعرف انا مالي...
:اوكي انا بروح انام...
سلطان:مافيك نوم ليش تروحين؟
:وش عرفك ما فيني نوم...
سلطان:انا قلت اعرف انتي بايش تفكرين..
:بس انا فيني نوم..
سلطان:نو..
ناظرته وانا مستغربه:ياسلام..يعني غصب مافيني نوم...
سلطان:لا...يلا تصبحين على خير..
:وانت من اهله...
دخلت الشاليه..وماادري اليوم كلامي كان غير معاه يعني احس انه اليوم كان يتكلم براحته او بدون تكلف...واممممم غير كذا..ماادري بس شعور اول مرة احس فيه..
يمكن مع الايام يتبين وش هالشعور...
انسدحت بالسرير..بس ماقدرت انام.. كنت افكر..افكر بكل شي..منار وفيصل.. عمتي.. مشاعل.. هاله...سلطان..ويمكن سلطان هو الي اخذ اكثر تفكيري...
><><><><><
يوم الجمعه...الساعه 7 المغرب وصلنا الرياض..السفرة ماكان لها داعي..يعني رحنا وتنكدنا..ورجعنا..
وصلنا البيت ومنار كانت واصله قبلنا..سارة طبعا راحت مع فهد..ومشاعل من بيتنا على بيتها على طول..طبعا خالد ماطلع يستقبلها لانه تعبان..
دخلت مشاعل بيتها وراحت على غرفتها على طول...وكانت في ام خالد..اما خالد كان منسدح على السرير..
مشاعل:السلام عليكم...
ام خالد:وعليكم السلام...الحمدالله على السلامه..
مشاعل:الله يسلمك..
مشاعل على طول راحت لخالد وجلست جنبه...
خالد:الحمدالله على السلامه..
مشاعل:الله يسلمك...شلونك الحين؟
خالد وصوته تعبان:الحمدالله..
مشاعل وهي تحط يدها على راس خالد:حرارتك مرة مرتفعه...
ام خالد:والله اني من امس وانا عنده احط له كمادات..تروح وترجع..الحرارة..
مشاعل:ياحياتي..
ام خالد:اخليكم انا..مع السلامه..
مشاعل:مع السلامه..
طلعت ام خالد...
مشاعل:يا ليتني مارحت وخليتك..
خالد:ترا ما فيني شي..تعب يومين ثلاثه ايام ويخف انشالله..
مشاعل:انشالله...
قامت مشاعل وراحت فصخت عبايتها وبدلت ملابسها ورجعت لخالد..
خالد وهو يمسك يد مشاعل:يدك بارده..
مشاعل:انت الي يدك حارة..
خالد مسك يدها الثانيه..
مشاعل كانت ساكته..
خالد:انبسطتي؟
مشاعل:لا...شلون انبسط وانت تعبان...
خالد سكت وراح بدنيا ثانيه...
سحبت مشاعل يدها من يد خالد..
خالد ناظرها:ليش؟
مشاعل:خليها تبرد شوي..صارت يدي حارة..
خالد:لا معليش...
رجع مسكها مرة ثانيه..
خالد وهو يناظر يده ويد مشاعل ويشوف الفرق بينهم..
خالد:يدك صغيرة..
مشاعل:انت يدك كبيرة..
خالد:لا انا يدي طبيعيه..بس انتي يدك صغنونه..
مشاعل تناظر يدها ويده وتضحك...
خالد:والله شوفي الفرق...
مشاعل:وش رايك نروح الصاله..تغير شوي من جلسة السرير..
خالد:طيب..
جلسوا تقريبا الى الساعه 12 الليل..
مشاعل:خالد ماتبي تروح تنام؟
خالد:الا والله تعبت...
راحوا وناموا...على الساعه2:00 الفجر..تقريبا..
خالد حرارته ارتفعت مرة...
خالد وصوته مبحوح:مشاعل...
مشاعل على طول تنبهت:فيك شي؟(مشاعل كانت مبرمجه..لما الواحد يكون حاط في باله شي انه بيصحى عشانه..بيقوم على طول)
حطت مشاعل يدها على راس خالد وكان راسه ناار...
مشاعل وهي ترفع نفسها وبخوف:حرارتك ارتفعت..
خالد ماكان يقدر يتكلم من كثر التعب..
مشاعل نزلت من السرير وراحت بسرعه للمطبخ وجابت ثلج...وخافض للحرارة...
رجعت لغرفتها وخالد على حاله..
عطته الحبوب كانت كل شوي تحط له كمادات...
خالد:بردان...
مشاعل مسكت يده وكانت اطرافه باردة...
مشاعل:اروح اجيب لك بطانيه..دقيقه بس..
راحت مشاعل وجابت له...
مشاعل كانت ماسكه يده وتهمزها...
خالد سكر عيونه..وغفى شوي...
فترة قصيرة وصحى..
مشاعل:خالد..
خالد رفع عيونه وناظرها...
مشاعل:انا الصراحه خايفه عليك...نروح المستشفى..
خالد:لا...
مشاعل:اذن الفجر...ولنا ساعتين..وحرارتك مانزلت...
خالد:الحين..
مشاعل وهي تحط يدها على راسه وخانقتها العبرة:والله حرارتك مرة مرتفعه...
خالد:لاتصيحين طيب..
مشاعل:خااالد..لو سمحت..نروح المستشفى...عشاني..
خالد:لا..
مشاعل:مو عشاني...عشان نفسك..
:لا..
مشاعل وهي تصيح:خالد ما يصير..بتروح يعني بتروح...
خالد سكت ومارد..
مشاعل:خالد..الحين انا اكلم ابوك ونروح المستشفى..
خالد:مشاعل ان كلمتي.....سكت خالد وكمل كلامه..
مشاعل:طيب...الي تبيه..
جلسوا مشاعل وخالد تقريبا ساعه..الى مانزلت حرارة خالد..ناموا..مشاعل كانت كل شوي تقوم تتطمن عليه...
><><><><><><
يوم السبت...الساعه 6 المغرب جالسين بالصاله انا وعمتي ومنار...
ساكتين ومااحد يكلم الثاني..كل واحد يحاول يشغل نفسه باي شي...
بوقتها رن جوال وكانت رنته عاليه...كان جوال منار..
عمتي على طول وجهت نظراتها لمنار...
منار كانت طبيعيه..قامت من مكانها وطلعت برا الصاله وردت...
منار:هلاا..
فيصل:هلا والله..منار مكتب ابوك وينه؟
منار:ليش؟
فيصل:انا بروح له الحين..
منار انبسطت:والله؟
فيصل:اييه والله...
قالت له منار وين مكتب ابوي..وجلسوا شوي يسولفون ولما وصل فيصل قفلوا..
منار رجعت الصاله وكانت مبسوطه...
عمتي:مين؟
منار:وشو الي مين؟
عمتي:مين الي تو يكلمك؟
منار:صديقتي..
عمتي:عطيني جوالك اشوف..
منار:يعني اكذب عليك..
عمتي:اييه تكذبين..
منار:عمتي..
وقفت عمتي وسحبت الجوال من منار...
عمتي:شلون اطلع المكالمات جوالك ما عرفت له..
منار ماردت عليها..
عمتي:نورة شلون اطلع تعالي طلعي اخر رقم كلمها..
:عمتي....
عمتي قاطعتني:اقولك تعالي..
وقفت من مكاني ورحت لها...مدت لي الجوال ولما اخذته..سحبته مني منار بقوة...وراحت ركضت لغرفتها وسكرت الباب..
عمتي عصبت مرة...وانا وقفت بدون اي تعليق..
عمتي:اختك تجني على نفسها...
مارديت عليها..
بوقتها دخل سلطان...كان طالع مع ولد عمه...
سلطان:السلام عليكم...
عمتي ما ردت عليه وطلعت من الصاله...
سلطان:خير وش فيها امي؟
:ماادري..
سلطان:شلون ماتعرفين وانتي جالسه معها...
:غصب يعني اعرف...
سلطان عصب مرة من اسلوبي:لا طقيني احسن..
طلعت وتركته ورحت لمرسمي...
طلع سلطان فوق لغرفة امه...
سلطان وهو يطق الباب:يمه..ممكن ادخل؟
ماردت عمتي...دخل سلطان...
عمتي كانت جالسه على الكنبه...
سلطان وهو يحب راسها:شخبارك؟
عمتي وهي يلا ترد:بخير..
سلطان:انتي هالايام مو عاجبتني..
عمتي:تعبانه..
سلطان:لو اني ماادري والا ما شفت الي صار...بمشيها لك..بس انتي زعلانه من منار...
عمتي:هذاك عارف ليش تسأل..
سلطان:مافي شي يزعل..عشان تزعلين..
عمتي:مافي شي يزعل!كل الي صار ومافي شي يزعل..
سلطان سكت ومارد..هو الي يشوفه شي عادي جدا...يعني وحده تحب واحد..وين المشكله!طبعا هذا بوجهة نظره...
سلطان:ليش ما وافقتواعلى الولد؟
عمتي:لا تسألني...يا سلطان والي صار صار...
سلطان:انا ماسألتك الا لما شفتك متضايقه...
عمتي:والله يا سلطان انا ماادري وش اسوي...انا افكر اقول لاخوي..
سلطان:لا يمه..اصحك...انتي لما عرفتي ردة فعلك كانت قويه..لو خالي عرف وش بتكون ردة فعله..لا يمه انتي حلي المشكله بنفسك..
عمتي:انا ردة فعلي قويه؟
سلطان مارد..
عمتي:لو ردة فعلي قويه مثل ما تقول كان شفتني طقيتها وسحبت الجوال منها وسويت الي مايتسوى...انت تحسب انه شي عادي..هذا عندكم بامريكا بس حنا عندنا دين ونخاف الله..
سلطان حز بخاطره كلام امه..يعني بكلام عمتي انه سلطان......امممم عرفتوا ما يحتااج اقول
سلطان:اوكي..انا بنزل تحت...ولا تتأخرين..
ماردت عليه عمتي...
سلطان:براحتك...
طلع سلطان وكان متضايق من كلام امه..

><><><><>< 

مرت ساعتين...فيصل ماكلم منار فيها..منار حاولت كم مرة بس هو ماكان يرد عليها...
نزلت منار تحت وابوي كان في بالصاله وعمتي...مادخلت منار عندهم..ابوي رجع يعني فيصل من زمان طالع من عنده...
نزلت منار تحت..وبدون ما تطق الباب دخلت علي...
منار:نورة..
منار اذا احتاجت شي تجي عندي...
لفيت عليها:نعم..
منار:فيصل كلمني من زمان وكان بيدخل عند ابوي..وللحين مااتصل علي..
ناظرتها:طيب..وش اسوي...اكلمه اقوله كلم على منار..والا اروح اسأل ابوي وش قلت لفيصل..
منار سكتت وجلست على الكنبه وفجأة انفجرت صياح...
:منار وش فيك..والله امزح ماكنت اقصد شي...
منار:وش فيني....بموت يا نورة..بموت ومااحد حاس فيني...
رحت وضميتها:منار خليك اقوى من كذا...وصدقيني الي ربي كاتبه بيصير..
منار وهي تصيح:انا قاعده اموت بالبطئ...انا انتهيت...
سكت ماعرفت وش ارد..انا بذا الامور مااعرف اتصرف...
منار:خلاص..كل شي راح...مافي امل...

من الطرف الثاني...فيصل وبدر بالسيارة...
بدر:لسا في امل يا فيصل...
فيصل:تقنعني والا تقنع نفسك...مافي امل ولا صفر بالميه..
بدر:مو نهاية الدنيا..حاول مرة ومرتين وثلاثه واربعه...
فيصل:انا الي جنيت على نفسي...انا لو كنت محافظ على سمعتي..كان الحين تغيرت اشياء كثيرة...
بدر:اولهم انك ماراح تحب منار...
فيصل سكت...
بدر:انت حبيت منار لانها غيرتك...حبيتها لانها ساعدتك واستحملتك..
فيصل:ياليتني ماخطبتها...
بدر باستغراب:ليش؟
فيصل:عمتها عرفت...ومنار بهالحاله ماراح تكلمني..
بدر:قالت لك شي؟
فيصل:ماقالت بس بتقول...اموت بدونها..
بدر:الى متى وانت بتجلس تكلمها..
فيصل:الى مااموت...
بدر:وتتوقع انها بتجلس تكلمك..لا يابابا بيجي يوم وتقولك انا يا فيصل انخطبت...
فيصل:مستحيييييييل...
بدر:لا مو مستحيل..
فيصل:ادعي ربي يابدر انه ما يفرقنا الا الموت...انا ولا اقدر افكر ان منار تتزوج واحد غيري...
بدر ناظره ومارد...
رن جوال فيصل وكانت منار...
بدر:رد عليهاا..
فيصل:الحين اروح البيت واكلمها...
><
منار:نورة ما يرد...
:الحين يكلمك..لا تخافين..
منار:انا عارفها انه يتهرب..انا عارفه ابوي وش رد عليه..
:يمكن يستهبل عليك...(اعرف اصرف صح...)
منار ناظرتني:انتي الي تستهبلين علي...
سكت...
ربع ساعه تقريبا وكلم فيصل على منار...
منار:فيصل وينك؟
فيصل:كنت مع بدر..
منار:واذا مع بدر ما ترد علي..
فيصل:اسف..
منار سكتت..
فيصل:ليش ما سألتي وش قال ابوك؟
منار:مايحتاج اسأل..
فيصل:صح..ما يحتاج..
بعد سكوت قصير..
فيصل:منار اخليك...
منار:طيب..
فيصل:باي.
منار:باي..
لفت علي منار وبدت تصيح:حمار اكرهه...
ناظرتها:مين الي حمار؟
منار:فيصل..بروده ينرفز..برود بيذبحني...
:وش تبين يقولك...تبينه يضحك..والا تبينه يصارخ..
منار:ابيه يصارخ..ابيه يصارخ..ابي اشوفه معصب منفعل مقهور..ابي يقولي..اي شي اي شي بس ما يكلمني ببرود...بروده يجيب لي اليأس..بروده يخليني اكرهه..
بوقتها دخلت ريما علينا...
ريما:بابا يقول تعالوا فوق..
:طيب يلا الحين بنجي..
منار:ماابي اروح..
:منار خليك طبيعيه..قد ما تقدرين..ترا ابوي بيستغرب اصرار فيصل..ونفسيتك التعبانه..ابوي مو غبي..
منار:ماابي اشوفهم..وخاصة عمتي..شفتي اليوم وش سوت..كاني بزر..
:معليش منار..وترا الي يجيك يجيني وانا مالي ذنب..
ريما:بتجون والا لا؟
منار:اطلعي برا خلاص بنجي..
ريما:طيب...
طلعنا كلنا فوق,,وجلسنا مع ابوي..
><><><><><
يوم الاحد..اخر العصر تقريبا...تيلفون غرفتي كان يرن يعني تحويلة من البيت..
:نعم.
عمتي:اسحبي الخط هاله..
:طيب..
سحبت الخط..
هاله:اهليين وسهليين...
:هلا..
هاله:نوير نايمه؟
:لا...
هاله:توك صاحيه؟
:لا..
هاله:طيب..اسمعي انا بعد صلاة المغرب بروح المملكه..وبمرك طيب؟
:بسأل عمتي اول..
هاله:ماراح تقول شي..
:ايام اول..
هاله:طيب..اسأليها الحين وردي لي..امي قالت ما تروحين بلحالك..وقلت عاد اخذك معاي..
:طيب..
هاله:يلا باي..
:باي..
قفلت منها ونزلت تحت وكان في عمتي وسلطان وريما..
:عمتو..بقولك شي..
عمتي:نعم..
:اول شي قولي ايه..
عمتي:لا منب قايله...
انا ضحكت يعني كنت ابي احاول اني اقلب كلام عمتي لمزح..وانا عارفه انها جديه..بس عشان ماافشل نفسي..
:طيب لا تقولين...هاله تو كلمتني تقول بمرك ونروح المملكه...
عمتي:لا مافي روحه..
:ليش عمتي..الله يخليك ابي اروح..
عمتي:لا تناقشين...لا يعني لا..
:مايصير تقولين لا بدون سبب...
عمتي:والله مو انتي الي تعلميني وش اقول..ولا تنطقين بكلمه زياده..
:عمتي وش فيك علي انتي..انا كل مااقول شي تردينها علي بعشرة..
عمتي:بعد..لك عين تتكلمين وتواقحين..
انا عيوني احس اني ماصرت اقدر اشوف فيها..امتلت دموع..بس كنت احاول اني امسك نفسي ومااصيح..
عمتي:انتم اصلا مو كفو شي ولا تستاهلون الواحد يسوي لكم شي...
ماقدرت اتكلم..لاني اذا تكلمت بصيح...
طلعت من الصاله ونزلت تحت لمرسمي وسكرت الباب باقوى ماعندي...انا ما عصبت لانها عيت علي اطلع..كلامها صار جارح يعني انا مالي ذنب..ولو كنت غلطانه ماتعاملني كذا...صارت تهيني بزياده..قدام سلطان وخواتي...بعد فترة ماهي قصيرة...احد كان يطق الباب..
:مين؟
سلطان:انا سلطان..ممكن ادخل؟
قمت من مكاني ورحت فتحت له الباب:وش تبي؟
دخل سلطان وجلس على الكنبه..
:خير فيه شي؟
سلطان:نورا لو تبين تروحين مع هاله..انا بقنع امي وتروحين..بس لاتصيحين وتضيقين صدرك..
:ماابي اروح..
سلطان:وليش ما تروحين؟
:انا اصلا ماكنت متحمسه اني اروح..وبعدين الحين مالي خلق..
سلطان:ليش صحتي اجل؟
:سلطان..انا ماصحت لاني ابي اروح..عمتي دايما ماتوافق لي اني اروح...وعادي..بس طريقة كلامها معاي تغيرت...
سلطان:انا عارف...
انا هنا خنقتني العبرة..
سلطان:امي زعلانه من منار...وانتي عارفه..
قاطعته:طيب انا وش دخلني...
سلطان:مالك دخل..بس امي تطلع حرتها فيك..
انا سكت..
سلطان:نورا لا تزعلين وبس صياح ..انتي دمعتك جاهزة لو احد قالك ب صحتي..
ضحكت..
سلطان:طيب ماتبين تروحين..واروح معاك؟
:والله؟
سلطان:والله...
فكرت شوي...هاله لو بروح بتروح..وسلطان بيجي معي..لا والله مايحتاج نروح..
:لا ماابي..
سلطان:اوكي..
سكت شوي سلطان وكان يتفرج على اللوح الي بالغرفه..
وقف وراح يتفرج عليهم..
سلطان:رسمك مرة حلو..
انا استحيت:شكراً
سلطان:مو بس حلو رسمك..فنانه بعد...
:شكرا..
سلطان:شكرا شكرا شكرا...عفوا..
وجهي حمر:وش اقول يعني؟
سلطان:قولي ادري..مايحتاج تقولي..
:هههههههههههههه..
سلطان:تعرفين ترسمين اشخاص..مثلا ترسميني؟
:لا...مااعرف يعني مو مرة..احاول..مرات..يعني اقدر ارسم من الجنب..
سلطان:حلو والله...
ابتسمت..
سلطان:بكم اللوحه تبيعنها؟
:ههههههههههههههههههههه..
سلطان:ليش تضحكين؟
:لوحي مو للبيع..
سلطان:انا عاجبتني وحده وابي اشتريها..
:اعطيك اياها هديه..
سلطان:ابي الرسمه الي قاعده ترسمينها الحين..
:وليش هي بالذات؟
سلطان:ماادري...
:خلاص الرسمه لك..اخلصها بس..
سلطان:اوكي...
اكتشفت شي..سلطان انسان مرة طيب...يعني هوماهو مجبر يجي يقولي هالحكي..ولو ماقاله ماراح اعتب عليه...حسيته يهتم بمشاعر الي حوله....
انا كل مرة احكي معاه اكتشف فيه شي جديد..
><><><><><
بالسيارة..وليد وصديقه مصعب وبدر..رايحين المطار...اليوم وليد بيسافر لندن...
وليد كان معصب وزعلان وحالته حاله..
بدر:وليد ترا الدراسه هناك حلوة..وتطلع انشالله بفايده..
مصعب:لا والله يدرس هنا ويكمل الماجستير هناك...ماله داعي يروح يكمل الجامعه هناك...ما عندنا جامعات..
بدر:ماتعرف تاكل تبن انت...
وليد:اسكتوا كلكم...الحين انا بسافر..وانتم كل واحد قاعد يعطيني رايه...
سكتوا كلهم..وفجاة..
وليد:اصلا ابوك هالعله هو الي وصلني هناك..يبي يفتك مني..
بدر مارد عليه..
مصعب:شهر انشالله وترجع لنا..
بوقتها رن جوال بدر..وكان فهد..
فهد:هلا..وينكم يااخي..؟
بدر:بالطريق..انت وينك؟
فهد:انا بالمطار..
بدر:لو انت الي بتسافر ماطلعت المطار بدري..
فهد:خفت اتأخر ويروح وليد وانا ما شفته..
بدر:قريبين حنا...خمس دقايق..
فهد:انتظركم..
وليد:بالمطار؟
بدر:اييه..
وصلوا المطار..وفهد كان باستقبالهم..سلموا عليه وجلسوا شوي..,وطلعوا..بدر راح مع فهد..
بالسيارة..
بدر:احس ان السعوديه بترتاح بعد ماراح وليد..
فهد:ههههههههههه..الله يقطع بليسك..
بدر:يااخي انسان لا يطاق...لا هو ولا صديقه..
فهد:اييه والله ياليت من طيره بعد معاه..
بدر:علني بالسيارة..يقول لوليد شهر انشالله وانت راجع..
فهد:ههههههههههههههههه..
بدر:يابغيت الفعه..يعني يرفع الظغط بشكل...,والا يقول ماله داعي تكمل هناك..ماعندنا جامعات هنا...
فهد:الله يعقله وليد...وانشالله يفيد معاه..
بدر:مايفيد..اسألني انا...وليد ما ينفع له الا نفي للقطب الجنوبي..وانشالله يفيد..
فهد:ههههههههههههه..وراك انت عليه؟
بدر:يااخي ما يحترم لا كبير ولا صغير...ماغير يسب بابوي..
فهد:ياشيخ...,الا شخبار فيصل؟
بدر:الحمدالله طيب..
وصل فهد..بدر بيته وراح البيت..
><><><><><><
يوم الاثنين..
الساعه 1:00 الظهر...بالجامعه واقفين انا وسارة اختي...
سارة:وراك انتي جالسه الحين ما عندك شي؟
:الا بس مالي خلق بسحب..
رن جوال سارة وكانت مضاوي اخت فهد..
سارة:يوووه ما قلت لها ان فهد بيجي يمرني...
:طيب ترجع معكم...
سارة:هلا مضاوي..
مضاوي:وينك؟
سارة:انا عند بوابه خمسه..
قفلت منها وبعد خمس دقايق جت مضاوي..
سلمنا عليها..
مضاوي:يلا سارة السواق جاي من زمان...
سارة:لا..فهد بيجي يمرني..
مضاوي:ليش يجي؟
سارة:بنطلع انا وياه...
مضاوي:اهااا,اوكي يلا اجل انا بطلع..باي..
بعد ماراحت..
سارة:شكلها زعلت..
:وليش تزعل؟
سارة:لاني ما قلت لها من الاول..
:مافي شي يزعل..ولو زعلت تطق راسها بالجدار...
سارة:ياساتر على الاخت الشرانيه..,لاتخربيني على حمولتي..
:هههههههههههههه..
سارة:فهد مواعيد عرقوب..
:الزحمه...والا نسيتي ترانا بالرياض..
سارة طلعت جوالها وكلمت عليه..
فهد:خمس دقايق..احسبي من هالدقيقه لخمس دقايق..
سارة:بسررررعه..
فهد:جوعانه..والا مشتاقتلي؟
سارة:هههههههههههههه...
فهد:يعني مشتاقتلي..بس عندك احد ومستحيه تقولين..
سارة:فهد..خلي الحكي بالسيارة..
فهد:طيب...يلا تجهزي..
سارة:طيب..
:ها وينه؟
سارة:يلا انا بروح..مع السلامه..
:ساارة بجي معكم..
سارة:الحين مااخذت اخته اخذك انتي..
:هههههههههه طيب..يلا بس انقلعي..باي..
راحت سارة...
بالسيارة..
فهد:كيف الجامعه؟
سارة:قرررف..
فهد:يلا ما بقى شي..
سارة:كيفك؟
فهد:الحمدالله...
سارة:وين نروح؟
فهد:مالك دخل..انا بوديك للمطعم الي تحبينه..
سارة:الله يخليك ابي شي زين..ماابي لا هندي ولا صيني...
فهد:بوديك الي يعجبك..
بعد سكوت شوي..
فهد:الا ما قلتي مشتاقة لي..والا جوعانه..
سارة:الاثنين..
فهد:لا لا واحد..يعني وش اكثر؟
سارة:امممممممممم...مشتاقتلك..
فهد:وانا بعد مشتاقلك..
وصلوا فهد وسارة المطعم...وبعد ما خلصوا راحوا البيت..
وهم عند الدرج بيطلعون..
ام فهد من وراهم:وعليكم السلام..
لفوا عليهم..
فهد:هلا والله...
ام فهد:وينكم اليوم ما تغديتوا معنا؟
فهد:ابدا مريت سارة من الجامعه ورحنا تغدينا بمطعم...
ام فهد:والي يطلع ما يقول..وبعدين انتم مو عايشين بلحالكم..انتم عايشين مع ناس..
فهد:صح يمه معاك حق...
ام فهد:انا جلست انتظركم على الغدا يمكن نصف ساعه...
فهد:حبيبتي والله...حقك علي..
ام فهد:اتمنى ما يتكرر هالشي...
فهد:انشالله...
سارة كانت ساكته وتشوف الحوار الي يدور بين فهد وامه...فهد يحترم امه بشكل..ويعطيها الف حساب..
طلعوا سارة وفهد لجناحهم...
سارة وهي تفصخ عبايتها:هاذا اولها..
فهد سكت وماعلق..
سارة:انا ماكنت احسب امك كذا...اوكي انا عارفه ان شخصيتها قويه...بس مو كذا تعاملنا..
فهد:سارة..انا كنت مبين لك هالشي من قبل..
سارة:صح عليها المفروض اننا نكلم ونقولهم اننا ما راح نتغدى...بس امك يا فهد اسلوبها وطريقه حكيها معنا كأننا اطفال والا بمدرسه...يعني اسلوبها امر..
فهد:تتعودين..
سارة:لا ماراح اتعود...امك صعب التعامل معها...او صعب التعايش معها...
فهد:سارة تبالغين..وقفلي على الموضوع..
سارة:فهد ماابيك تزعل مني..بس المفروض انها تمسكك على جنب وتقولك..مو قدامي...
فهد:سارة انا مااتضايق من اسلوب امي..بالعكس انا احترمها..
سارة:هاذي امك...اكيد ما راح تتضايق..
فهد مارد على سارة..
سارة:انا اسفه اذا زعلتك...
فهد:لا مازعلت..
سارة:الا زعلت..
فهد:والله ما زعلت..كلامك منطقي بالنسبه لك...بس مو لي..
سارة:اوكي..
><><>><><><><><

يوم الثلاثاء صحيت الصباح..طبعا اليوم ماعندي جامعه...اتوقع انكم حفظتوا جدولي..
نزلت تحت وماكان في احد صاحي رحت المطبخ..
:فطوم وين عمتي وسلطان؟
فاطمه:عمتك نايمه..وسلطان خرج..
:وين راح؟
فاطمه:مااعرف..اسال الرجال وين خارج انتا؟
:طيب طيب..ابي فطور..
فاطمه:انشالله ياست نورة..
طلعت من المطبخ ورحت الصاله..وين راح سلطان؟
رحت جناحه وطليت ابتأكد يمكن رجع..بس مالقيت احد...دخلت الغرفه..توقعت انها تكون مقفله..بس كانت مفتوحه..
دخلت جوا وكانت الغرفه مرتبه..وريحتها عطر..رحت وقفت عند التسريحه اخذت العطر ورشيت شوي علي...كانت حلوة ريحة العطر..
جلست على السرير كنت اناظر الغرفه..اول مرة ادخلها بعد ما جا فيها سلطان..
كانت على الطاوله شنطه ولفت انتباهي انها ماركه كانها صندوق..وقفت ورحت واخذتها فتحت الشنطه..
كانت مليانه ادويه...انا وجهي احس تغير لونه..مدري بس خفت..يعني الحبوب الي شفتها لواحد مريض..مو مرض عادي..ماادري الافكار بدت تلعب براسي..رجعت الشنطه مكانها وطلعت من الغرفه بسرعه...ماقدرت اكل ولا افكر..سلطان تعبان...اكيد الحبوب له مو لاحد غيره..ياويل قلبي...اكيد مااحد يعرف...
انا كنت حاسه انه فيه شي..تعبيرات وجهه ماتريحني مرات...
بوقتها دخل سلطان وعلى وجهه ابتسامه..
سلطان:صباح الخير..
انا كنت مرتبكه:صباح النور..
سلطان:كيفك؟
:الحمدالله..
سلطان:ايش فيك؟
:هاا..لا مافيني شي..
جلس سلطان ومسك الجريده وقعد يقراها..اما انا كنت متنحه فيه..ماني قادرة استوعب الي شفته...
طول اليوم وانا ماكنت طبيعيه ابدا..كنت افكر..وكان ضايق صدري مرة..
><><><><
يوم الاربعاء...
الساعه7:00 المغرب...
جالسين انا وعمتي وسارة ومشاعل...
عمتي كانت تكلم...وحنا نسولف..
بعد ماسكرت عمتي..
عمتي:عبدالعزيز خطب...(عبدالعزيز ولد عمي)
:اييه ادري..
مشاعل:وش عرفك؟
:قالت لي لمياء...ووحده حجازيه بعد الي خاطبها...
سارة:مابغى يتزوج بيوصل الاربعين...
مشاعل:احسن الواحد يتزوج لما يحس انه مستعد لزواج...
عمتي:عقبال سلطان..
سارة:عروس سلطان علي انا...
:مين في يصلح له؟(ترا مو من قلبي هالحكي..)
سارة:مضاوي اخت فهد..والله تصلح له مرة..
عمتي:اييه والله والنعم والبنت تهبل...
مشاعل:اييه من جد احسها تصلح له...
ماعندهم سالفه ماتصلح له ابدا..مالقوا الا موضي ماادري مضاوي...
مشاعل:والا هاله بنت خالتي..
عمتي:لا والله ماتصلح مرجوجه البنيه..
بعد مابقى الا هاله تاخذه..
عمتي:والله بنت صديقتي منيرة تهبل...
كلنا:منى؟
عمتي:اييه مشالله كلها ملح..
:لا والله شينه...
عمتي:من زينك انتي..ومن زين طبايعك..
انا مرة عصبت...ومارديت عليها...
سارة:بسم الله على اختي..ماتقارن فيها..
مشاعل:اييه والله...ونورة مايشوفها احد الا يسأل بنت مين..
بوقتها دخلت عمتي حصه علينا...
سلمت علينا وجلست...
عمتي:ايه نورة قبل ماانسى.. تلقين كيس مع الشغاله لك..
انا باستغراب:وشو الكيس..ماخبرتك تجيبن لي هدايا..
عمتي:من منصور...روحي وشوفي..
:منصور!
سارة:روحي وشوفي..لا تكثرين اسئله..
طلعت من الصاله ورحت اخذت الكيس من الشغاله...كنت امشي والكيس بيدي وماكنت اشوف طريقي..عيوني كانت على الي داخل الكيس..
ماحسيت بنفسي..ولا كنت اشوف الي قدامي..وماادري الا واصبخ بعامود على جبهتي..
:ااي..وجع..
حطيت يدي على الالم وكنت امسح عليه...
سلطان:انتبهي..
رفعت راسي:احس بيطلع لي صعرور..
سلطان:صعرور..!
:يعني شفت الي بالكرتون لما احد يضربهم على راسهم وينتفخ شي..
سلطان:هههههههههههههههه..طيب فهمت..
رجعت اناظر وش فيه بالكيس:جوال!
سلطان مااهتم..
:ياحليله منصور...
سلطان هنا ركز انتبهاه علي:ايش دخل منصور؟
:منصور هو الي جاب لي..
سلطان:وايش المناسبه؟
:مو هو طيح جوالي بالبحر...عشان كذا..
سلطان:يعني هديه..
:لامو هديه..
سلطان:وانتي تقبلين هدايا؟
ناظرته باستغراب:كيف يعني اقبل هدايا؟
سلطان:يعني بدون مناسبه تقبلين هديه من واحد...
:اولأً هاذي مو هديه..ثانياً منصور ولد عمتي...
سلطان باسلوب ينرفز:شي حلو منه...
مشى سلطان وسفهني...
وقفت بمكاني افكر بكلام سلطان...عيب اخذه..برجعه لعمتي..
رحت لصاله..
سارة:وشو؟
:يالقفك...
مشاعل:لاعاد وشو؟
مارديت عليهم ولفيت على عمتي..
:عمتي والله فشيله..قوليله شكرا..وماتقصر..
عمتي حصه:والله انا مالي دخل..اصلا هو ماجا من جده..بس وصى احد من هنا..
سارة:وشو نوير عاد بلاسخافه..
:جوال..
عمتي فوزيه:ماله داعي الجوالات انا بقول لابوك اصلا ياخذه منك...
انا هنا ولعت ومرة عصبت من كلام عمتي..انا اللي اكلم والا منار..انا الي اعرفه ان الي تكلم هو الي ينسحب جوالها مو اختها!
مارديت على عمتي وكاني ماسمعت شي ولا علقت على كلامها..
بعد فترة ماهي طويله...انا كنت مكتمه فيها وساكته...
رن جوال عمتي حصه وردت على الي متصل وكان منصور..
عمتي حصه:ايه ايه عندي...تقول ماابيه...مايحتاج....(شفتوا عمتي شلون قلبت الحكي..انا قلت ماابيه ومايحتاج.!يعني لو صرت وقحه يمكن اقول كذا)
عمتي حصه:خذ خذ كلمها...ايه جنبي..نوير..منصور يبيك...
انا استحيت وش اكلمه وش اقوله..انا مااعرف احكي وهو اكيد بيلزم علي...
:عمتي استحي اكلمه...
عمتي حصه:تستحي تكلمك...
انا استحيت زياده..عمتي ما تفكر بكلامها الي تقوله..كانها بزر والي ينقلها الحكي تروح تنقله بالتفاصيل ولا مرات تألف بعد..
عمتي حصه:يقول منب ماكله..
سارة:وش ذا الحيا الزايد انتي..وهو صادق مو ماكلك..
مدت عمتي الجوال واخذته..وانا لاشعوريا طلعت من الصاله..
:الو..
منصور:هلا والله...,كيفك؟
:الحمدالله بخير.,انت كيفك؟
منصور:بخير..,الحين تستحين مني؟
ضحكت ومارديت عليه..
منصور:امي تقول ماتبين الجوال..
:لا..
منصور:وشو لا؟
:ماقلت كذا...بس والله فشيله..واخزياه(انا ماادري شلون طلعت معاي الكلمه)
منصور انفجر ضحك...يعني كان يضحك من قلب..
منصور:واخزياه..ياحليلك..لا واضح امي مأثرة عليك مرة..
ضحكت بدون نفس..
منصور:عاد نورة خلاص شريته..يعني ما يصير تفشليني..
ماعرفت وش ارد عليه...بس خلاص ماله داعي اطولها وهي قصيرة..
:مشكور منصور...ماتقصر..
منصور:ولو..انشالله يعجبك..سلميلي عليهم..
:انشالله..
قفلت منه ورحت رجعت الجوال لعتمي وطلعت فوق لمنار...
فتحت الباب بقوة:منار انتي لازم تتركين فيصل..
منار:وش تبين انتي؟
:عمتي..انا احس اني بنفجر..انا مااقدر استحمل نظرات الشك وكلامها الجارح..وكاني انا الي مذنبه..
منار سكتت..
:منار انا نفسي ادخل جوا عقلك واعرف شلون تفكرين..عمتي عرفت انك تكلمين وانت ولا همك..يعني الواحد يحس على دمه شوي..خلاص كل شي له نهايه..
منار:انا عارفه انه كل شي له نهايه..بس تفرق نهايه عن نهايه..
:ماعلي...انا الي ابيه تتركين فيصل...وعمتي تعرف..عشان ترتاح وتريحنا معها..
منار:ماراح اتركه لو تنطبق السما على الارض..
:كل الناس تحب..ومو لازم الواحد يرتبط بالي يحبه..حبيه وانتي بعيده عنه...
منار:نورة روحي وانزلي تحت عندهم احسن لك..
وقفت بمكاني بدون مااتكلم...كنت اناظر منار نظرات..مو حقد ولا استحقار..يمكن نظرات ترجي...
منار:لا تقعدين تناظريني كذا...
طلعت من غرفتها ونزلت تحت...
><><><><>
الساعه 2:00 الفجر...انا بالغرفه منسدحه..يعني نص نايمه...
دخلت عمتي علي الغرفه بدون ماتطق الباب..
عمتي:نورة ابي رقم فيصل...
انا ناظرتها وتنحت فيها:ايش؟
عمتي:رقم فيصل..هو مو اسمه فيصل..
:الا فيصل...بس وش تبين فيه؟
عمتي:مالك دخل وش ابي فيه...
:ما عندي رقمه..
عمتي:تجيبنه لي..
:عمتي انتي ليش كذا تعامليني؟
عمتي:اسألي نفسك..من يوم رايح مافي الا هالتعامل..
ناظرتها:الله ياخذني وافتك منكم...
عمتي:امين..
:عمتي تدعين علي..
عمتي:انتي الي تدعين على نفسك..,ابي الرقم الحين..
:عمتي مااقدر..انتي روحي لمنار وخذيه..
عمتي:بكرة تجيبنه لي فاهمه..
طلعت عمتي وماانتظرت ردي...
رجعت وانسدحت..حاولت انام بس ماقدرت الافكار تلعب براسي...انا للحين افكر بسلطان وبالي شفته...

><><><><

نهاية الجزء... 

_________________________________________________
( الجزء السادس)


لا لا هاذي ماهي حالة...قلبي مايهدا الا وانت قباله..
روحي تعلقت بك روحي عافت جروحي ولك ميالة..



الغرفه كانت باردة وانا متلحفه كلي ومتكورة على نفسي من البرد...بدت اصوات المكنسه تعلى وتقرب لغرفتي..شلت الغطا عني وقمت من السرير وشفت الساعه كانت 8:00..طلعت من الغرفه وكنت معصبه...
:فااااااااطمه...
مااحد رد علي..
:ميلييييييييييييييين...فطوووووووم اي احد يرد علي..
تسكرت المكنسه ورجع هدا البيت...
فاطمه:نعم يانورة..
:بلا ازعااج ابي انام..
رجعت غرفتي ورميت نفسي على السرير..جلست يمكن الى 9:00وانا مانمت..بعد ماغفت عيني رجعت اصوات بس ماكانت مكنسه كان صراخ ريما وضحك سلطان....لاحرااااااااام عليكم ابي انام..احد يقوم بذا الوقت اليوم اجازة..ماقمت من سريري كنت احاول انام بس ماقدرت...بهدوء ينفتح باب غرفتي وكانت عمتي فتحت عيني وكنت اناظرها..فتحت الستارة ولفت علي وانا كنت مغمضه عيوني من قوة اشعة الشمس..
عمتي:يلانورة قومي..
:قايمه انا نمت أصلاً..
عمتي:جبتي الرقم؟
:لا..
عمتي:روحي الحين وجيبيه..
:انشالله...بس اغسل والبس واروح اجيبه..
فكرت اجيب الرقم والا لا..ماادري انا محتارة بين عمتي ومنار..بضر منار بكل الحالتين..ان تركتها وماجبت الرقم وان جبت الرقم وكلمته عمتي..
بعد تفكير قررت اني اجيب الرقم...رحت وغسلت وبدلت ملابسي
..دخلت غرفة منار بهدؤ وعلى اطراف اصابعي..مسكت جوالها واخر مكالمه كانت منه..اخذت الرقم بسرعه وطلعت..حسيت نفسي نذله شوي..بس انا بالي اسويه ابي مصلحة منار..انا ماابي السالفه تكبر وتوصل لابوي...واقول بوقتها ياليت..
نزلت تحت وكان في سلطان..
سلطان وعلى وجهه ابتسامه:صباح الخير..
بادلته الابتسامه:هلا صباح النور...
عمتي:جبتيه؟
:اييه جبته..
مديت لها الورقه الي كتبت فيها الرقم...
اخذت عمتي الورقه وطلعت..
سلطان:ايش عطيتها؟
:رقم امممممم..رقم...
سلطان:اوكي براحتك لاتقولين..
بصوت واطي عشان ما تسمع ريما:فيصل..الي منار على علاقه معاه..
سلطان وعلامات التعجب على وجهه:
you can't be serious.

مافهمت وش قال كان يحكي بسرعه..
سلطان:انتي تمزحين مو جادة بحكيك...
:لا ماامزح..
سلطان:
you are crazy..

ناظرته واستغربت من ردة فعله..
ريما:سلطان عندك العاب في جوالك؟
سلطان:ماادري..
ريما:عطني اشوف..
مد سلطان الجوال لريما...
:سلطان انا الي سويته غلط؟
سلطان:
I don't know..

عصبت منه يجي يقولي مجنونه والحين يقولي ماادري انا عارفه انه مايبي يرد ولا يبي يدخل نفسه...
:احسن..
سلطان ناظرني وهز رقبته...
كان كل واحد ساكت وريما تلعب بجواله..قطع لعب ريما مسج جا لسلطان...
ريما:سلطان جوالك..
ومدت له الجوال..
انا وجهت نظراتي له..
كانت على وجهه ابتسامه وهو يقرا المسج الي جاه...
ريما:خلصت؟
سلطان:ممكن شوي بس..
ريما:اوكي..
انا ما نزلت عيني منه كنت ابي اشوف تعباير وجهه...يمكن نصف ساعه ومسجات على جواله..
رجعت عمتي الصاله وكان على وجهها علامات الرضا..اكيد انها كلمته...
عمتي:اليوم معزومين عند صديقتي منيرة وترا بتجين معاي..انتي ومنار..
:اليوم بنروح عند خالتي كلنا انا وخواتي...الا مشاعل يمكن..
عمتي:منار تروح معكم..
:اييه انشالله...
بعد ساعه تقريبا..نزلت منار لصاله..
منار:السلام عليكم..
كلنا:وعليكم السلام..
منار:نورة تعالي شوي..
انا هنا خفت اكيد ان فيصل كلمها وقالها...بس ماكان على باين على وجهها انها زعلانه او معصبه..ز
:طيب..
طلعنا من الصاله ورحنا لغرفة الفديو..
جلسنا وكل وحده كانت ساكته..انا كنت انتظرها تبدا وهي خايفه تتكلم...
:وش فيك؟
منار:انا قررت.....
سكتت منار وعلى وجهها علامات خوف..
:وش قررتي؟
منار وصوتها خانقته العبرة:خلاص بترك فيصل...
سكت شوي...
:من جدك؟
منار:ايه...
:قرارك والا احد ظغط عليك؟
منار:انا فكرت ولو ربي كاتب لنا نصيب بنتزوج..
:واخيرا يامنارً
منار ناظرتني وبدت تصيح...
:م.....
سكت وماكملت بقولها لا تصيحين بتسكت مثلا..خليها تصيح وتطلع الي بقلبها لو انا مكانها بموت صياح بعد...
منار:انا..انا خايفه..كيف بقوله..
:ربي بيساعدك يامنار ولاتفكرين بالكلام الي بتقولينه..
منار هزت رقبته تقبلا للكلام الي قلته...
منار سكتت شوي وحسيتها راحت بدنيا ثانيه...
رجعت تصيح واكثر من اول..
منار:شلون بعيش بدونه يانورة..انا بدونه ولا شي..حياتي بتتغير بيصير فيها فراغ..
:ادعي ربك..
سكتنا شوي..
:اليوم تقولين له..
منار:هاا..
:منار انتي اتخذتي قرارك ونفذيه بوقته مو تأجلين..
منار:لا..لا ماراح أجله
ضميتها لاني كنت مبسوطه من كلامها وأخيراً بتتركه...
معانته فيصل ماكلم منار وقالها ان عمتك كلمتني...
><><><><><
فيصل ماكان متوقع اتصال عمتي كان مرة ضايق صدره ومعصب...وش اكثر من كذا بيصير ولازم يترك منار عشان مايسبب لها مشاكل..
طلع فيصل من غرفته وكان لابس وشكله انه بيطلع...
ام فيصل:بتطلع؟
فيصل وهو ماله نفس يرد:ايه..
بسمه:اليوم الي ماعندك شغل تطلع فيه...اجلس معنا..
فيصل:عندي اجتماع..
فراس:ترا اليوم في عزيمه في بيت عمي...
فيصل عقد حواجبه ومارد على فراس..
فراس:ماراح تروح؟
فيصل:ماادري..
طلع فيصل من البيت واليوم الجو كان غبار والرؤيه معدومه...
فيصل وهو موقف عند سيارته الي مليانه تراب:شلون بطلع كذا...
ركب السيارة وباله ماكان معاه..كان يفكر بكلام عمتي...مايعرف اذا يقول لمنار والا يمشي السالفه وينسى ان عمتي كلمته...الافكار كانت متضاربه بين انه يقول لمنار والا مايقولها...
ركب سماعة الجوال على اذنه واتصل على منار...
فيصل ببرود:هلا..
منار:اهلين..
فيصل:كيفك؟
منار:الحمدالله..
بعد سكوت..
منار:فيصل ابي اقولك شي..
فيصل:قولي..
منار كانت مترددة وماهي عارفه وش تقول...
فيصل:وش فيك؟
منار:امممممم...مشغول؟
فيصل:شوي وبدخل الاجتماع بس لسا ما بعد وصلت...
منار:ترا مو شي مهم اذا طلعت كلمني اوكي؟
فيصل اخذ نفس طويل وكانه ارتاح ان الموضوع مو مهم:اوكي...
منار:باي..
دخل فيصل الاجتماع وباله ماكان معاه..منار الي ماخذه عقله..فيصل يمكن لاول مرة يفكر بجد..يفكر ان كل بدايه ولها نهايه وعلاقته مع منار لها نهايه عاجلاً او آجلاً اليوم والا بكرة...ومهما كانت النهايه..قبلناها او رفضناها هاذي حال الدنيا...
وبعد ماخلص الاجتماع طلع فيصل اول واحد..بدر لاحظ ان فيصل اليوم مو طبيعي طلع وراه..
بدر وهو يمشي بخطوات سريعه:فيصل..
وقف فيصل ولف على بدر وعلى وجهه علامات اليأس:نعم..
بدر:ماتبي نروح نتغدى؟
فيصل:مالي مزاج..
بدر:وش فيك؟
فيصل:مافيني شي..
بدر:اليوم انت ماكنت طبيعي ابدا...ومانطقت ولا بكلمه..
فيصل:ظروف..
بدر عرف انه عن منار وماحب انه يظغط على فيصل..
فيصل:يلا مع السلامه..
طلع فيصل وركب السيارة وكلم على منار...
منار:هلاا..
فيصل ماكان معاها وماانتبه انها ردت..
منار:فيصل..
فيصل:هلا هلا..
منار:خلصت الاجتماع؟
فيصل:ايه..
منار:اهاا..
فيصل:وشو الموضوع؟
منار:الحين تبيني اقولك؟
فيصل:ايه..
منار سكتت وماعرفت وش تقول...فيصل رد سكوتها بسكوت حس انه الموضوع يخص علاقتهم...
منار بعد تردد:أبيك تساعدني يافيصل..
فيصل اخذ نفس طويل...
منار:وش فيك؟
فيصل:ولاشي...
منار:انا طول الاسبوعين الي فاتوا.....كنت أفكر..
فيصل:وانا بعد كنت افكر..
منار خنقتها العبرة:يعني...يعني...ماادري وش اقولك..
فيصل:بدون صياح منار..
منار ماقدرت تمسك نفسها وانفجرت صياح..بعمرها مافكرت ان الحب الي بينهم بينتهي عند مكالمه كل واحد يودع الثاني فيها..كان صعب عليها واصعب عليه...كل واحد منهم كان يخطط ويحلم لمستقبلهم وحياتهم وبيتهم...وكل هذا صار سراب..
فيصل كان ساكت..يسمع صياح منار وقلبه يتقطع ماكان يقدر يرفض انها تنهي الي بينهم وخاصه بعد مكالمة عمتي له...كل شي وله حد..
فيصل:منار حبيبتي ممكن تهدين نفسك...
منار وصوتها مبحوح وماهي قادرة ترد:طيب..
فيصل:أبيك تعرفين شي واحد بس...اني أحبك وماراح أحب غيرك...هذا وعد مني لك..مااحد راح يجي مكانك...
منار:وانا بعد..
فيصل ضحك باستهزاء:لا انتي بتحبين واحد ثاني وبتتزوجين وتعيشين حياتك...
منار رجعت تصيح:فيصل انت تشك في حبي لك..
فيصل:بعمري ماشكيت..
منار:الايام بتثبت لك..
فيصل:لايامنار ماابيك توعديني لانك بتخلفين بوعدك..
منار سكتت وماردت..
فيصل تنهد:يعني خلاص...كل شي انتهى..والسبب أبوك..بلحظه هدم حياتنا..حطم احلامنا..انا نفسي اعرف ليش رفضني..معقوله عشان خلافات كانت بين عايلتنا..لهدرجه الناس للحين تعيش هالتخلف...أيام وراحت وعدت وش ذنبنا احنا...واذا مو هذا السبب وكان سببه اني ماكنت ولد ماشي بالطريق المستقيم...كل واحد يغلط ويتوب..احنا بمجتمع مايغفر..وماينسى..
سكت شوي فيصل....معاه حق انه يرفضني..
منار كان نفسها يطلع وينزل قلبها يدق بسرعه...
فيصل:أنا افضل اننا ننهي المكالمه ماله داعي نطول بالحكي...
منار حاولت انها تمسك نفسها عشان تقدر تتكلم معاه..
منار:ابيك ماتنسى اني احبك..
ابيك تحبني انا وبس...ماابي احد ياخذ مكاني...
فيصل انتبه لنفسك ولاترجع تشرب وكمل علاجك انك تترك الدخان..فيصل ابيك ماتتغير..ومااحد يغيرك..
رجعت منار تصيح..
فيصل:على عيني وعلى راسي...وانا بعد ابيك تكونين قويه مثل ماعرفتك..ابي منار الي ماحد يهز شعره منها..ابيك تتزوجين وتحبين زوجك ابي لك الخير وابي حياتك تكون سعيدة...ابيك متفائله..
سكوت كان كل واحد منهم ما يبي ينهي المكالمه..هاذي بتكون آخر مكالمه..
فيصل:اوكي منار نقفل؟
منار سكتت..
فيصل:يعني نقفل..
منار:لا..
فيصل:انا اقول نقفل احسن..
منار:.......
فيصل:أحبك..
قفل فيصل بدون ما ينتظر رد منار..اعصابه كانت تعبانه..كانت مشدودة كان متوتر ماهو قادر يفكر وش بعد هالمكالمه!
خلاااااص منار انتهت..وانتهى كل شي معاها من بعد هالمكالمه.. 



من الطرف الثاني...
منار:فيصل..فيصل.. فيصل..
.......
منار:غبي غبي أكرهك أكرهك,ليش تقفل مابعد خلصت كلامي..
رمت نفسها على السرير وكانت منهارة..ماكانت مستوعبه الي صار...
دخلت الغرفة وكانت اسمع صوت صياح وكان صياح منار...وجهت نظري لسرير وكانت منسدحه على بطنها وشعرها مغطي وجهها...
انا بخوف:منار...خلاص؟
منار ماردت علي وكانت تصيح..
قربت منها وحطيت يدي على شعرها ومسحت على راسها:منار خلاص والله كذا تقطعين قلبي..
بعدت منار شعرها عن وجهها وكانت عيونها حمرا ومنتفخه من الصياح:ارتحتوا الحين...الي...تبونه...صار...
سكت ومارديت عليها...
منار:لو امي في كان تزوجته..
كانت تحاول تقنع نفسها او تحلم وتتوهم...يمكن لو امي في ماكان كلمته ولا صار الي صار من أصله..
منار:سكر وماقلي مع السلامه...ماخلصت كلامي كان في كلام كثير أبي اقوله...ماتوقعت فيصل تكون ردة فعله كذا..عادي ماحاول انه يقنعني...انا حسيته مايحبني برود مااقدر استحمله...
مارديت والي فهمته انه ماقال لها ان عمتي كلمته..
منار:اطلعي برا...ماابي اشوف احد..
مارديت عليها وسمعت كلامها وطلعت من غرفتها عشان ترتاح وتطلع كل الي بقلبها...
دخلت غرفتي وانسدحت على السرير كنت افكر بمنار وافكر بالي صار لها...افكر بهاله افكر بكل بنت تحب...
رفعت نفسي وفتحت الدرج الي جنب سريري وطلعت دفتري...
بديت اقلب الصفحات ادور لي على صفحه فاضيه بس مالقيت...دفتري كل قصة حياتي مكتوبه فيه..كل موقف يصير لي اي شي احس فيه اكتب بدفتري...دفتري مخزن اسراري...انا ماعندي اسرار بالاصل يمكن مخرن عواطفي ومشاعري...حاولت القى لي لي صفحه فاضيه بس مالقيت...رجعت دخلته ورحت لمكتبتي وشقيت ورقه من دفتر عشان اكتب فيها...
قطع حبل افكاري صوت جوالي...مديت يدي واخذته وكانت هاله...
:اهلييين..
هاله:نوررررررررة..بموت من الفرحه..
ماكان لي خلقها:تموتين مرة وحده...طيب وشو بسرعه قبل لاتموتين..
هاله:الاسبوع الجاي بروح الكويت...تخيلي
:لا لا يحق لك تموتين من الفرحه...
هاله:تو ابوي جا يقولي...واخيراً بروح..
:اييه والله أخيراً
هاله:وش فيك والله شكلك مو فرحانه لي..
:الا فرحانه لك..بالعكس..
هاله:لا والله فيك شي..
:ضايق صدري مرة على منار..تخيلي تركت فيصل..
هاله وردت فعلها كانت عاديه واستغربت:أحسسسسسن..هذا الشي مفروض من زمان يصير...
:ادري بس..
هاله:بس ايش لا يانورة يكفي ماجاك منها..شوفي عمتك شلون تعاملك الحين وكانك انتي المذنبه...
:عارفه..
هاله:شلون اقتنعت منار؟
قلت لها السالفه كلها...
><><><><><
بالصاله مشاعل وخالد جالسين..كانوا ساكتين ويتفرجون على التلفزيون...
رن تليفون البيت وقطع سكوتهم...مسك خالد الريموت وقصر صوت التلفزيون ورد..
ابو خالد:السلام عليكم..
خالد:هلا والله وعليكم السلام..
ابو خالد:يوم السبت بنروح شرق مورتنيا انا وعمانك ومجموعتنا..عاد ابيك تجي معي..
خالد ماكان يبي يروح بس مايقدر يقول لابوه لا..
خالد:انشالله,مين طالع قبلنا عشان يجهز المكان..
ابو خالد:اليوم في مجموعه راحوا يجهزون وحنا السبت انشالله..
خالد:انشالله..
ابوخالد:يلا فمان الله..
قفل خالد وجهه نظراته لمشاعل..
مشاعل:وين بتروحون؟
خالد:مورتنيا..
مشاعل تضايقت:ليش؟
خالد:رحلتهم السنويه..
مشاعل:عاد مورتينا..
خالد:وش اسوي يعني اقولهم لا؟
مشاعل:مو لازم تروح انا مااحب هالرحلات الي تسونها..
خالد:وانا بعد مااحبها..
مشاعل:طيب لاتروح..
خالد ناظرها ومارد عليها..
مشاعل:الناس الي هناك تخوف..
خالد باستهزاء:ليش رايحه؟
مشاعل:مو بس الناس الي تخوف يعني كل شي يخوف هناك....
خالد:لا مايخوفون انا اروح..
مشاعل:وش المتعه بالصيد يعني؟
خالد:...........
مشاعل:كم بتجلسون؟
خالد:اسبوع.. عشرة ايام..
مشاعل:لا حراااام عليك كثير..
خالد:مشاعل كنك بزر...انا بروح يعني بروح..لا تجلسين تقنعين فيني..
مشاعل ناظرته وماردت..
خالد:بكرة نجهز الاغراض انا وياك..
مشاعل:يعني ملزم؟
خالد:مشاعل عسا ماشر..
مشاعل:خلاص اسفة..
جلسوا ساكتين وخالد كانت تجيه اتصالات من عيال عمه كل واحد بشوف مين بيجي ومين ماراح يجي..
راحت مشاعل غرفتها وبدلت ملابسها وراحت بيت اهل خالد..مجتمعين خالات خالد وبناتهم وبتسلم عليهم..
دخلت مشاعل البيت وتوجهت لصاله مباشرة...وكانوا كلهم جالسين...
سلمت عليهم وجلست...كانوا كلهم يحبون مشاعل مرة...ومشاعل عندهم وين مو اي وحده..
بعد ماراحوا جلسوا مشاعل وام خالد يسولفون..
ام خالد:بيروح خالد لمورتنيا؟
مشاعل:ايه بيروح ,خالتي ماابيه يروح اقنعيه انه يجلس..
ام خالد:وراك ماتبينه يروح؟
مشاعل:اخاف عليه ياخالتي..
ام خالد:يابنت الحلال قوي قلبك..صالح كان كل سنه يروح مرتين ثلاث مرات..والله ان قلبي يتقطع بس ربك يسهلها...
مشاعل:خالتي الله يخليك قوليله يجلس..
ضحكت ام خالد:انشالله بقوله..
مشاعل ابتسمت...
بعد فترة ماهي طويله جا ابو خالد وبعده بشوي دخل خالد...
جلست مشاعل معهم شوي وراحت بيتها..عشان خالتها تقول لخالد..
ام خالد توجه كلامها لولدها:خالد بتروح مع ابوك؟
خالد:ايه انشالله..
ام خالد:والله مايحتاج تروح..اجلس عندنا انا وزوجتك..
ابو خالد:مايروح عشان يجلس عندكم..طول عمرك تجلسين بلحالك..
ام خالد:عشان مشاعل...
ابو خالد:كل الي بنروحه عشرة ايام..
ام خالد:والله مشاعل ياحياتي ضايق صدرها ماتبي خالد يروح...
ابو خالد ضحك وهو يناظر خالد:ياحظك ياخالد في احد يخاف عليك...اما انا..
خالد ابتسم من كلام ابوه..
ابو خالد:ها ياخالد بتصمل تجي معنا..والا بتجلس عند زوجتك..
خالد:لا انشالله بجي..
وقف خالد:يلا تصبحون على خير...
دخل خالد البيت وكانت مشاعل جالسه بالصاله تنتظره..
خالد وهو عاقد حواجبه وعلى وجهه ابتسامه..قرب لمشاعل وجلس جنبها..
خالد:لهدرجه تخافين علي؟
مشاعل ابتسمت:يعني ماراح تروح؟
خالد:لابروح..
مشاعل ناظرته ولفت عنه..
خالد:ميشو خلاص عاد...
مشاعل:طيب..
وقف خالد:انا بروح انام..ماتبين تنامين؟
مشاعل وقفت:الا..

>>>><<<< 

سافر خالد يوم السبت..ومشاعل ماجت عندنا عشان ام خالد ماتخليها تجلس بلحالها بالبيت...
يوم الاحد ابوي سافر جته سفره مفاجئه...
منار انتم اعلم وش بيكون حالها..
اما انا مايصير لي شي..اليوم مثل بكرة وبكرة مثل أمس..
سلطان الانسان الغامض...
عمتي لما عرفت ان منار تركت فيصل...رجعت معاي طبيعيه بس للحين احس ان فيه حاجز..
يوم الثلاثاء سافرت هاله الكويت...
><><><
يوم الاربعاء العصر كنت نايمه وغاطسه بنومي..
رن جوالي وكانت مشاعل..لما شفت اسمها مارديت..
رجعت كلمت مرة ثانيه وحسيت انها تبي شي ضروري ورديت عليها..
صوتي كان نوم:نعم..
مشاعل:معليش حبيبتي صحيتك من النوم..
:وش تبين؟
مشاعل:اليوم بيجون عندي غادة ولميس وسمر...وابيك تجين..
:الحين انتي مو ضايق صدرك عشان زوجك..ليش يجون؟
مشاعل:وش اسوي هم احرجوني والا انا مالي خلقهم...وتعرفين هم ماشافوا بيتي..
:خلاص طيب..
مشاعل:ياحبيلك..مرررة شكراً
:طيب وين سارة ومنار؟
مشاعل:سارة اليوم عندهم عزيمه ومنار تعبانه..
سكرت السماعه بدون مااقول مع السلامه لاني من جد كنت نايمه..مشاعل عادي متعودة..
لما صحيت من النوم نزلت تحت عشان اقول لعمتي..وسلطان ماكان فيه اليوم ماشفته ابدا..
طلعت غرفتي ولبست وتصلحت وعلى الساعه 7 رحت لبيت مشاعل..
دخلت بيتها وكانت بغرفتها تلبس جلست بالصاله انتظرها...بعد فترة قصيرة جت مشاعل..
مشاعل:اهلين..
وقفت وسلمت عليها..
:متى بيجون صديقاتك؟
مشاعل:شوي بس..
:شخبار خالد يكلمك؟
:ماكلمني الا اول ماوصل..والحين ماادري عنه..
:ياويلي مشاعل لو انا مكانك اموت..
مشاعل:نورة بس خلاص لاتحرقين قلبي أكثر من كذا..
رن جوال مشاعل وكانت لميس..
مشاعل:اكيد انها جت..
ردت عليها مشاعل وكنت لميس عند الباب..رحنا انا ومشاعل نستقبلها..
دخلت لميس وكانت قصيرة وشعرها قصير يعني بوي تقريباً وناعم.. ملامحها كانت ناعمه..يعني مشاعل احلى منها بنظري انا..الناس اذواق ومقياس الجمال يختلف من شخص لشخص..
سلمت على مشاعل وكانت طبيعيه يعني مافي نظرات حقد او غيرة بالعكس لميس كانت تحب مشاعل مرة...اصلاً مين مايحب مشاعل...
بعدها جت غادة ومعها بنتها وسمر بعد غادة...الجلسه كانت حلوة سوالف بنات كبار يعني عن الزواج وعن العيال وعن بيوتهم وعن رجالهم...ونصايح للميس..وانا كنت اسولف معهم واعطي رايي وكاني وحده متزوجه والا مخطوبه وعندي تجربه...مشاعل وغادة متزوجين وسمر أرمله ولميس مخطوبه...
سمر اول وحده منهم تزوجت بعد ماتخرجت من ثالث ثانوي تزوجت ولد عمتها وبعد سنه من زواجهم توفى بحادث سيارة...كانت الصدمه قويه عليها..عزلت نفسها عن الناس, ونفسيتها تعبت مرة ولاكملت دراستها وباخر سنتين تحسنت نفسيتها..دايما تجي في بالي قصة سمر..
غادة:مشاعل نبي نشوف بيتك..
مشاعل:ايه اكيد انا ناويه..,امشوا الحين قبل العشا..
قاموا كلهم وانا طبعا قمت معهم...
بيت مشاعل دور واحد ومفتوح على بعض...صاله الي يجلسون فيها وصاله ثانيه الي جالسين احنا فيها وسفرة طعام على الصاله...وجناحهم والمطبخ طبعاً ..
دخلنا الصاله وكانت مليانه صور لمشاعل وخالد...
وقفوا البنات يتفرجون على الصور...
غادة:رجلك راعي بر مرة..نص صوره وهو بالبر..
مشاعل:والحين طالع بعد...
سمر:بذا الحر؟
مشاعل:لا مو بالسعوديه ورايحين صيد...
لميس كانت بدون تعليق...تتفرج على الصور بهدؤ ولاحظتها صور خالد هي الي تركز عليها..والا الصور الي خالد ومشاعل مع بعض...
طلعنا من الصاله الا لميس موقفه بمكانها وماسكه صورة تناظرها..
مشاعل:لميس..
حطت لميس الصورة بسرعه ولفت علينا:طلعتوا..ماانتبهت لكم..
ومشت بخطوات سريعه وصارت قريبه مننا..
مشاعل ورتهم كل شي في بيتها...كلهم كانوا يعلقون ويسألون الا لميس...كانت تتفرج وبدون اي تعليق كانت تسرح كثير..
بعد ماخلصنا رحنا نتعشى وجلسنا كلنا على سفرة الطعام..
بعد ماخلصنا عشاء..اول من قام انا ولميس رحنا المغاسل نغسل بعد الاكل...
وحنا نمشي بنروح لصاله....
انفتح باب المدخل وعلى طول وجهنا انظارنا للباب...

><><><>


بدر بسيارته موقف عند بيت فيصل ينتظره يطلع...

طول فيصل ماجا..اخذ بدر جواله واتصل عليه..
بدر:فيصل وينك؟
فيصل:يلا يلا جيت...
خمس دقايق وينفتح باب البيت ويطلع فيصل منه لابس شورت وتي شيرت..
نزل بدر من سيارته..
بدر:وراك جاي كذا؟
فيصل:وش فيني؟
بدر:بتطلع كذا؟
فيصل:معليش بدر مالي خلق اروح..
بدر:تو كلمتك وقلت ايه مرني...مالي خلق اسوق وانت تعال...والحين تقول ماراح اروح..
فيصل:مالي خلق الشباب..
بدر:اوكي مانروح لهم...امش معاي بالسيارة..
فيصل:اوكي..
رجع فيصل سكر الباب وركب مع بدر..
فيصل:شخبار وليد؟
بدر:كل شوي يكلم يبي يرجع..
فيصل:الله يعينه..
بعد سكوت شوي..
بدر:امي هالايام كل حكيها معاي عن الزواج..
فيصل:تبي تزوجك؟
بدر:مرررة..
فيصل:زيين..
بدر:عاد انا بعد طاري علي الزواج..قلت لها دوري لي...
فيصل ابتسم ببرود:الله يوفقك..
بدر:فيصل وش فيك..انت الاسبوع الي فات ماكنت طبيعي..
فيصل سكت وراح بدنيا ثانيه ولف وجهه على الشباك..ماكان يناظر شي بس يمكن هروب من سؤال بدر...
بدر:لا من جد مو طبيعي..
فيصل:تركت منار..
بدر:من جدك؟
فيصل ناظره ومارد..
بدر:لا يعني اقصد...انت ماكنت تبي هالشي..
فيصل:عمتها كلمتني يوم الخميس الي فات..وطلبت مني اني اترك منار وابعد عنها...
سكت شوي فيصل وكانه يتذكر الي صار...
كلامها كان مقنع ولبق واسلوبها خلاني استحي...وقبل لا انفذ طلب عمتها منار هي الي طلبت اننا ننهي العلاقه...وانا متأكد ان هالقرار بقناعه منها ومااحد ظغط عليها...
بدر:وقلت لها ان عمتك كلمتني؟
فيصل:لا طبعاً..ماله داعي اني اقول...واسبب مشكله..
بدر:الحمدالله على كل شي...
فيصل ناظر بدر نظرة غريبه وصد عنه..
><><><><

مشاعل ماقالت لي ان خالد اليوم راجع..اكيد انها ماتدري...

الي دخل كان خالد ومعاه واحد مااعرف مين بس اتوقع واحد من عيال عمه...
خالد شكله كان مبهذل..وتعبان.. عيونه كانت غايرة والسواد حولها من التعب وقل النوم ذقنه كان طالع ..و راسه ملفوف بشاش حق الجروح..ويده بعد..
لميس صنمت بمكانها وكانها مصدومه من الي شافته..كانه شخص لاول مرة تشوفه..
لميس:خالد!
خالد وجهه نظراته لها وناظر فيها لثواني وكانه يتأكد من الشخص الي قدامه..صد عنها وبانت على ملامحه انه معصب..
طلع الي معاه بعد ماقال شي لخالد بصوت واطي...
خالد بصوت عالي:مشاعل...
انا دخلت على طول الصاله...ولميس وراي..
لميس جلست على الكنبه وحسيتها وكانها متلخبطه ومتضايقه من الي صار..
انا بهاللحظه مافكرت بردة فعل لميس وخالد..كنت افكر بجية خالد المفاجأة...
مشاعل قامت من مكانها بسرعه ثواني وهي عند المدخل وعلى وجهها ملامح الخوف...
مشاعل:خالد!
خالد:اهلين..
مشاعل قربت منه وكانت تناظر وتتفحص شكله..
خالد مد يده لها وضمها وحب راسها..
انا ولميس بالصالون.. والمرايا كانت تعكس لنا..انا ماحاولت اناظر احس انها خصوصيه وماله داعي اناظر...لميس مانزلت عينها منهم..كانت تناظر لهم وكأنها تتحسر او ندمانه على شي راح...ماادري مااقدر اوصف لكم ايش كان شعورها بالظبط...
مشاعل بخوف:خالد وش فيك..ليش كذا شكلك..
خالد:انا تعبان ادخل اول واقولك على كل شي...
مشاعل:دقيقه بس صديقاتي هنا..اقولهم يروحون الصالون..
دخلوا غادة وسمر عندنا بعد ما لبسوا عبايتهم...
غادة:نورة وش فيه؟
:علمي علمك..ماادري عن شي..
سمر جلست جنب لميس وكانت تحاكيها بصوت واطي ولميس ماترد عليها...سمر معناته عارفه عنهم..هذا حسب استنتاجي..
دخل خالد الصاله وجلس على الكنبه..
مشاعل جلست جنبه:خالد قلي وش فيك والله بتطيح قلبي..
خالد وهو يوجه نظراته ليده:جاني طلق رصاص بالغلط..
مشاعل شهقت:ياويل قلبي..
بدت مشاعل تصيح..
خالد:مشاعل حبيبتي ماصار شي..شوفيني قدامك..
مشاعل وهي تصيح:طلق رصاص وتقول مافيني شي..يعني لو انها جايه على قلبك كان...
ترجع مشاعل تصيح...
خالد حط يده على راس مشاعل:مشاعل...
مشاعل ضمت خالد وكانت تصيح..
خالد وهو يمسح على شعرها:خلاص عاد...
مشاعل:يعني ماتبيني اصيح...,انا اصلا قايله لك لاتروح بس انت ما سمعت كلامي..
خالد:الي صار صار..
رفعت مشاعل نفسها:والي براسك وشو؟
خالد:من قوة الضربه طحت على راسي...
مشاعل:رحت المستشفى؟
خالد:اول ماوصلت..
مشاعل:ليش ما قلت لي؟
خالد:تبيني اكلمك واقولك عشان تموتين علي!
مشاعل:يعورك؟
خالد:شوي..
مشاعل تناظره وكانها تتحسر على عمرها..
من الطرف الثاني..
كنا نسمع كل كلامهم الي دار بينهم..وعرفنا كل السالفه..
لميس وجهها كان الوان..وكانت تهز رجلها وساكته بدون اي تعليق..وسمر كانت بين فترة وفترة تتكلم معها..
بعد فترة قصيرة..راحت غادة..وبعدها سمر..ومشاعل عند خالد للحين..
وانا لميس جالسين على حالنا..
ماادري لميس ماريحتني ابداً...انا متأكده ان فيه شي...ردة فعلها لما شافت خالد..والحين وضعها مو طبيعي ابداً...وقبل نصف ساعه رن جوالها وكان السواق يعني المفروض تطلع...!
جتنا مشاعل الصالون..وأول ماشافتها مليس وقفت وراحت لها..
لميس:وش فيه خالد؟
ناظرتها وانا كل شوي الشك عندي يزيد...
مشاعل:جا طلق رصاص على يده بالغلط..
لميس:والحين شلونه؟
مشاعل:الحمدالله..,فشيله راحوا البنات وانا ما سلمت عليهم..
لميس:لا معاك حق..
:مشاعل جا السواق انا بروح..
مشاعل:اجلسي شوي..ابيك..
:اوكي..
لميس:انا بعد جا السواق..قدامه العافيه ومايشوف شر..
مشاعل:الشر ما يجيك..
طلعت لميس...
:يلا روحي لرجلك وانا برجع البيت عمتي بس تتصل علي..تعرفين ابوي مسافر..
مشاعل:سلمي على عمتي ومنار..
:انشالله.,نادي ميلين..
مشاعل:كلميها على التيلفون..
:طيب..
طلعت من بيت مشاعل وانا بالسيارة...فكري كان مشغول أفكر بلميس وخالد..انا متأكده انه في شي...ردة فعل لميس وصدة خالد عنها..
وصلت البيت..دخلت البيت كان هادئ..والانوار مسكرة ومو مفتوح الا انوار خفيفه...
دخلت الصاله وعمتي جالسه وسلطان حاط راسه على رجلها..
:السلام عليكم..
كلهم:وعليكم السلام..
رفع سلطان نفسه ووجه نظره لي:ماشفتك اليوم..كيفك؟
:الحمدالله.زانت كيفك؟
سلطان:كويس..
عمتي:وراك تأخرتي..
:سالفه مشاعل تقولها لك..
عمتي:وراك انتي ماتقولينها؟
:مشاعل قالت لي لا تقولين لعمتي انا بقولها..
عمتي:طيب..,يلا تصبحون على خير..
:وانتي من اهله..
وجهت نظري لسلطان..شكله كان متغير..
سلطان بادلني النظرات..
:حلقت شعرك؟
سلطان:ههههههههههههه توك تنتبهين..
:ايه..نعيماً
سلطان ابتسم..
شكله كان حلو...أحلى من اول..
جلست على الكنبه الي قدامه..كان ودي اني اسولف معاه من زمان ماحكينا..
جا لجواله مسج مد يده واخذ جواله شافه بسرعه وقام من الكنبه..مشى خطوات قصيرة ولف علي:تصبحين على خير..
مارديت عليه وقمت انا بعد وطلعت فوق رحت غرفة منار والانوار كانت مسكرة وشكلها كانت نايمه...
رحت غرفتي وبدلت ملابسي ماكان فيني نوم...اخذت اللاب توب عشان ادخل نت من زمان ما دخلت..
دخلت ماسنجري وكان مليان...قعدت اسولف مع الي فيه نصف ساعه وطلعت مااحب اطول..اطفش بسرعه..
انسدحت على السرير وبعد فترة ماهي قصيرة رن جوالي..ارتعت وقمت بسرعه من السرير..الجوال كان على التسريحه اخذته بسرعه ورديت وكانت مرام صديقتي..
><><><><

يوم الخميس...
الساعه 2:00 الظهر...
بالصاله كلنا..
ريما:طفشاانه..
مااحد رد عليها..
ريما:ياربي بس..
عمتي:قولي لا اله الا الله..
ريما:لا اله الا الله..
بعد فترة قصيرة..
ريما:للحين طفشانه..
:الناس توها قايمه..يعني ماامدا على الطفش..
ريما:مالك دخل..
سلطان:وش تبين طيب؟
ريما:ابي اسوي حفله..
:الحمد الله..يعني وش المناسبه؟
ريما وهي تفكر:حفلة نجاح..
دخلت منار الصاله..ومن زمان منار ماجلست معنا..كان وجهها اصفر وذبلانه مرة..لافه الشال عليها ومنحف وجهها زياده..
منار:السلام عليكم..
ردينا عليها..
جلست وماكانت تحاول انها تناظر..وجهت عيونها لتلفزيون وكانت تناظر وهي ماتدري وش جالسه تشوف..
ريما:ابي اروح الفيصليه..عمتو الله يخليك ابي اروح..
عمتي:كلمي على سارة..يمكن توديك..
:انا اوديك..
عمتي:لامافي روحه بلحالكم..
:تروح معنا فاطمه..نروح نتغدى ونرجع...
ريما:الله يخليك عمتو..
عمتي:لا لا تحاولون..
سلطان:انا اروح معهم...
ريما:ياااااااااااي..خلاص بنروح...
عمتي ماكان لها خيار انها ترفض..
سلطان:يلا انا بروح ابدل ملابسي..
:وانا بعد..,منار تعالي معنا..
منار:ماابي..
:براحتك..
طلعت غرفتي وسلطان راح غرفته..
اخذت عبايتي وشنطتي ولبست نظارتي الشمسيه...ونزلت تحت..
اول من جا انا..
عمتي ومنار كانت كل وحده ساكته وماتكلم الثانيه كانهم ضرات..
جا سلطان وكان لابس بنطلون جينز وقميص ابيض كمه طويل بس رافعه شوي...وجزمه بيضا..
جلسنا شوي ننتظر ريما.. وأخيراً نزلت..
سلطان:عروسه..عروسه..
ريما:يلا..
ركبنا السيارة..سلطان قدام وانا وريما ورا..
ريما:طاهر شغل المسجل..
سلطان:ريما لازم تشغل بالسيارة المسجل يا سلام والله...
:لا ريما نبي مسجل..
ريما:الا انا ابي..
سلطان:نورا تبين والا لا؟
:لا ماابي..
سلطان:انا بسمع كلام نورة..
ريما:لا والله..مو على كيفها..
سلطان:انا ونورة مانبي..اذا رجعنا نشغل اوكي؟
ريما ماعجبها الحكي:اوكي..
وصلنا الفيصليه..
ريما مسكت يد سلطان وتقدموا شوي عني..
لف سلطان علي:بتمشين ورا بلحالك..
صرت امشي بخطوات اسرع وصرت جنب ريما..
كان شكلنا حلو..حسيت امممممم كاني وحده متزوجه..ناظرت ريما وحسيتها كبيرة يعني ما تصلح تصير بنتي..وجهت نظري لسلطان يمكن هو يصلح يصير ابو..ابتسمت لافكاري الي تضحك..
طلعنا الدور الثالث المطاعم كلها فوق..
ريما:انا ابي ماكدونالز..
سلطان وجه نظراته لي:وانتي نورة؟
:ماادري,انت وش تبي؟
سلطان:ماادري انتي اعلم,انا الي تبينه ابيه..
ابتسمت:اوكي..بنينوس..
مشينا ورحنا اول شي ماكدونالز..طلبنا لريما..
وبعدين رحنا لبنينوس..وقفنا انا وسلطان جنب بعض عشان يختار وش يبي..
:وش عجبك؟
سلطان:احسهم نفس الشي كلهم...مايهم اي شي..
ريما كانت ورانا واقفه..سمعت صوت حرمه نادت على ريما..لفينا انا وسلطان..
كانت شيخه اخت فهد...ماتوقعت اني اشوفها وهي بالذات يعني..
شيخه:هلا نورة..وش هالصدفه الحلوة..
:هلا فيك..كيفك؟
شيخه:الحمدالله..
لف سلطان وعطانا ظهره..
جت مضاوي..
مضاوي:نورة ياحبيلك شخبارك؟
:الحمدالله بخير انتي شخبارك؟
مضاوي:بخير..
شيخه:انتي وريما بس الي جاين؟
ابتسمت..جيت بتكلم ريما قاطعتني:لا سلطان معنا..
مضاوي:ولد عمتك؟
ابتسمت:ايه..
ريما راحت لسلطان:سلطان يلا نروح نجيب أكلي..
سلطان:طيب..
لف سلطان علي ومد لي الفاتورة:نورا انا بروح مع ريما وانتي خذي الفاتورة اذا خلص عطيه..
:اوكي..
مضاوي وشيخه تبادلوا نظرات من تحت الغطا.. ماادري افسرها اعجاباًبسلطان والا انهم مستغربين لاني طالعه معاه...
شيخه:اوكي نورة نشوفك انشالله يلا مع السلامه..
:انشالله..سلمولي على سارة..
مضاوي:هههههههههههه انشالله..مع السلامه..
:مع السلامه..
راحوا ..شوي وجو سلطان وريما..كان شايل الصنيه الي فيها الاكل..
سلطان:ماخلص؟
:الحين باخذه..
اخذت الاكل ورحنا كلنا لقسم العوايل طبعاً..جلسنا بطاوله جنب شباك يطل عالشارع..ريما وسلطان جنب بعض وانا قدامهم..
سلطان وهو يناظر من الشباك:زحمه الرياض..
:تجيب القرف بعد..
ريما وهي تمد يدها لسلطان:افتح لي الكاتشب مارضى ينفتح..
سلطان اخذ الكاتشب منها:ايش هذا كله سعابيلك..
:ههههههههههههههههه..
ريما:ايه انا افتحه بفمي..
:عسل والله..
فتح لها الكاتشب واخذ مناديل ومسح يده..
سلطان لما ياكل مايرفع عيونه يكون نظره على اكله وبس..
كنت كل شوي اناظره واراقب حركاته..
انا خلصت اكلي وهو لسا ماخلص..مرة بطئ وهو ياكل..بس انا اخذت شاندويش وهو اثنين..
رفع عينه وجت بعيني ماقدرت اشيلها خلاص مسكني بالجرم المشهود...ابتسم ابتسامه غريبه ورجع نزل عينه وللحين وهو مبتسم..
ريما:ابي ايس كريم..
:اصبري شوي..
ريما:وابي اروح اشتري لي الوان..
سلطان:بنروح الي تبين..
ريما ناظرتني وابتسمت ابتسامة نصر..
سلطان:خلصتوا؟
:اييه..
ريما:اييه انا خلصت..
وقفت ريما..وانا جلست اعدل طرحتي...سلطان استغل انشغالنا وطلع حبوب من جيبه واخذ وحده وبسرعه حطها بفمه وبلعها بدون مايشرب شي بعدها...
رفعت عيني وهو يحطها بفمه...شافني..ملامحه تغيرت حسيته ارتبك..
قمت من مكاني وخليت نفسي طبيعيه ولا كاني شفت شي..
وقف من مكانه هو بعد..
طلعنا ورحنا شرينا لريما الي تبي وسلطان انقلب موده 180 درجه..ياليتني ماشفته..
وحنا بالسيارة...
ريما كانت بس تتكلم مسويه ازعاج...
ريما:سلطان ليش ماتتزوج؟
انا التفت على ريما وقرصتها..
ريما:آآآآي ياحمار يانورة..
سلطان:انشالله بتزوج..
ريما:بتتزوج مين؟
سلطان:انتي بتخطبين لي..
ريما:بخطب لك استاذتي..مرررة حلوة..
سلطان لف على ريما:لا..
ناظرني:نورا تخطب لي..
:مايحتاج احد يخطب لك..انت تخطب لنفسك...
سلطان ناظرني وابتسم ورجع مكانه:صح انا اخطب لنفسي..مثل ماقالت نورا..
ريما:طيب تبغى تتزوج وحده مثلنا والا مثلك؟
سلطان:هههههههههههههههههههه...
رجع ولف وكان يناظرني:لا وحده مثلكم..
ريما:واذا جبت بنت تسميها ريما..
سلطان:بسمي كل بناتي ريما..
ريما:هههههههههههههههههه..
وصلنا البيت ونزلت قبلهم...دخلت الصاله وكان في عمتي وسارة ومنار..
:السلام عليكم..
كلهم:وعليكم السلام..
سارة:نورة الله يخليك جيبي طرحتي..والا اي شي..
فصخت طرحتي وعطيتها لسارة..
عمتي:ورا ما قلتي لنا ان خالد جاه طلق رصاص..
:مشاعل قالت لي لاتقولين لعمتي..انا اقولها..
عمتي:استانستوا؟
:يعني..
دخل سلطان وكان شايل ريما على ظهره..وسمعني..
سلطان وهو يناظرني بطرف عينه:مرررة انبسطنا صح نورا؟
ابتسمت:اييه..
ريما:شريت دفتر الوان وصلصال والوان زي الي عند نورة..
:سارة شفنا مضاوي وشيخه..
سارة:اييه قالوا لي تعالي..رايحين هم وبنات خالتهم..
:ايه معهم بنات..,شلون خالد الحين؟
عمتي:الحمدالله طيب..
سلطان:خير وش فيه؟
عمتي:طالع يصيد وجاه طلق رصاص على يده..
سلطان:اوف...وكيفه الحين؟
عمتي:الحمدالله..
سارة:ترا الرصاصه حكت يده بس..
عمتي:الي هو عاد..
سارة:اليوم في عزيمه ومالي خلق اروح..,بس خالتي احرجتني.ولازم اروح..
عمتي:انا بعد اليوم معزومه..
:وانا وين اروح؟
سارة:انطقي بالبيت..
سلطان:توك راجعه..
:اييه اجلس لو معاي احد بس بلحالي..
سلطان:وانا ومنار وريما مو مالين عينك؟
منار ضحكت..
:الا مالين عيني..
سلطان:اييه اشوا..بعد دلع بنات..
اول مرة سلطان احسه يمون علي...واحسه ماخذ راحته وهو يحكي..
سارة:اجل انا بروح بيتي..يلا يمديني اتجهز واروح..
:تو الناس ما شفتك..
سارة:جيت باخذ اغراضي وبرجع...
:ياسخفك..,ماراح تجي مشاعل اليوم؟
عمتي:تترك رجله وتجي تقابلك..
سارة:يلا مع السلامه..

><><><><><>< 

الساعه 8:00...
بالصاله جالسين نتفرج على التلفزيون..وسلطان معاه اللاب توب يشتغل فيه..
عمتي:يلا نورة تسوين شعري..
:انشالله من عيوني..
عمتي:يلا قبل لاينشف شعري..
طلعنا انا وياها فوق لغرفتها وسشورت شعرها وبعد ماخلصت..
:عمتي ماتبين اسوي لك ميك آب؟
عمتي:لا انا اسوي لنفسي..
:الله يخليك ودي مرة احط لك..
عمتي:لا تحوسين بوجهي..
:لا هو وشدعوة تراني فنانه..
بعد ماخلصت لها المكياج طلعت ورحت الصاله...
:وين منار؟
سلطان:راحت غرفتها..
وبعد ربع ساعه نزلت عمتي وهي لابسه ومتكشخه..
:عروس..عروس..مشاالله لا اله الله..
سلطان:اييه والله عروس..
:اييه طبعاً انا مسويه لها شعرها والمكياج..
عمتي:وش رايك بلبسي حلو؟
:يجنن...ماناقص الا نزوجك..
لف علي سلطان وعطاني نظرة...
عمتي:هههههههههههههههه..الله لا يهبلنا انشالله..,يلا مع السلامه..
طلعت عمتي...
بعد فترة سكوت شوي..لفيت على سلطان..
:سلطان ليش عصبت لما قلت لعمتي مابقى الا نزوجك؟
سلطان:يعني تبيني ارد عليك؟
:اييه ابعرف رايك..
سلطان:شي يخصها لو بغت تتزوج, بس انا ماراح اوافق..
:ياسلااام..الحين انت عايش بامريكا وتاركها هنا...ولك عين بعد تقول ماابيها تزوج..
سلطان:نورا تبين تتناقشين بموضوع..انا مستعد بس بموضوع ماله فايده لا تتكلمين..
:الا له فايده..انا بس ابي اعرف المبدا حتى لو هي ماراح تتزوج..
سلطان:قلت لك ماراح اوافق..
:وليش؟
سلطان:بسس..
انا تحمست وتربعت على الكنبه:ليش بس؟؟
سلطان مسك المخده ورماها على وجهي..
:سليطين ترمي المخده على وجهي..
سلطان:اييه ارمي المخده على وجهك..بعدين اسمي سلطان..
:انا بسميك سليطين..
ومسكت المخده ورميتها بس ماجت عليه..
سلطان:ياحوله..
:بس حتى ما يصير الانانيه..
سلطان:انا لما احب احد احبه يصير لي انا وبس..
:هذا كلام أطفال..مو كلام رجال..
سلطان:عادي ابوك يتزوج؟
:لا طبعاً...بس يااستاذ سلطان حالة ابوي وحالة امك مختلفتين..انا ابوي يحب امي وماانفصل عنها.. الموت هو الي فرقهم..اما امك وابوك لهم سنوات وهم منفصلين...
سلطان: وياآنسه نورا انا بعد امي وابوي يحبون بعض...بعلامة ان ابوي ماتزوج بعد ماطلق امي..ولا امي..مع ان امي كان لها المجال..
سكت شوي...:بس حتى..
سلطان:انا ماابي تتزوج مو لاني اناني...انا حبيت امي اكثر من حب ابوي لها..انتي ما تعرفين ليش انفصلوا..ومايحتاج تعرفين..
:انا مقتنعه بوجهة نظري...
سلطان:وانا مقتنع بوجهة نظري..
:وجهة نظرك خطا في خطا..
مسك سلطان المخده ورماها علي مرة ثانيه:اووص بس..بعدين وش هالعناد راسك يابس..
جلسنا نسولف بأشياء كثيرة وكان دايما مختلفين..نادر مانتفق بوجهة نظر وحده...
سلطان:احسن شي اني اقوم لاني لو جلست معاك يمكن اطقك..
:اختلاف الرأي لايفسد في الود قضيه...وبعدين لو طقيتني بشتكي عليك ويقولون واحد امريكي تعدى على فتاة سعوديه وقام بضربها...والسبب اختلاف الراي..أين احترام الرأي ووجهات نظر الاخرين أيها الامركيان...
سلطان:ماراح ارد عليك..
:لان ماعندك شي ترد عليه..
سلطان ناظرني وقام من مكانه..
:شفت ان ماعندك شي ترد فيه..
سلطان حسيته عصب:
I do not like to be incon-venienced like this.

(انا مااحب احد يضايقني بهالشكل.)
سكت ومارديت عليه حسيته عصب من جد..
سلطان:أولاً انا سعودي...وحطي هالشي في بالك..وثانياً انا مارديت عليك لاني احس اني اتكلم مع وحده ما نضجت..وتفكيرها محدود وماعندها تجربه بالحياة..
انا هنا عصبت وحسيت اني بنفجر..
:مو معناته انك كبير ودارس في احسن الجامعات ومن اكبر التجار وبحسابتك ملاين..ان يكوت رايك هو الي صح والباقي غلط...والعمر ماهو مقياس...
مشى سلطان بخطوات واثقه وطلع من الصاله...
انا ولعت ماتوقعت يكون عصبي لهدرجه ولا منفعل وحساس كذا..مهما كان غلطي ماتكون ردة فعله كذا..
جلست بالصاله شوي..وكنت متوترة من الي صار...طلعت فوق ورحت غرفة منار..
باب غرفتها كان مسكر..طقيت الباب مااحد رد..فتحته لقيت منار طايحه على الارض..كانها نايمه..انا قلبي بدا يدق بسرعه..نزلت لها بالارض...حركتها بيدي ماصحت..حسيت اني تشنجت مااقدر اتحرك..مسكت نفسي وطلعت اركض مااشوف الي قدامي..كانت ابي اوصل لغرفة سلطان..حسيت وكاني اركض لمسافه بعيده..وصلت لغرفته..فتحت الباب بقوة..كان منسدح على السرير ويكلم..
سلطان رفع نفسه:نورا وش فيك؟
انا انفجرت صياح ماقدرت اتكلم..
وقف سلطان من السرير وقرب مني:نورا تكلمي وش فيك؟
:منار..منار..ياسلطان ماادري وش فيها..بسرعه تعال معاي..
رمى سلطان جواله وكان يركض..طبعاً كان اسرع مني..وفي ثواني واحنا بغرفة منار..
سلطان حط يده على وجه منار وكان يحركه:منار منار..
سلطان:جيبي كلونيا..
اخذت من التسريحه عطر ومديته لسلطان..
حطه على خشمها..تحركت منار..
:اجيب ماي؟
سلطان:ايه ايه..
رحت ركض للمطبخ وجبت كاس ماي..وطلعت بسرعه..
:جبت ماي..
سلطان:اشيلها واحطها بالسرير اول..
شالها سلطان وكانه يشيل شي خفيف ماله وزن...حطها على السرير..وعطيتها ماي..
انا كنت اصيح اول مرة انحط بموقف مثل كذا...
فتحت عينها منار بصعوبه..
:سلطان نوديها المستشفى..
سلطان:لا لا مايحتاج..,بعدين ماله داعي الصياح..
استمريت بالصياح..
سلطان بعصبيه:نورا خلاص اسكتي..
:كيفي بصيح..
عطاني نظرة وهز رقبته ورجع يشوف منار..
سلطان:منار تحسين بشي؟
منار هزت رقبتها بالنفي..
:بكلم عمتي اقولها..
سلطان:كلميها وشوفي وش بيجيك..
منار بتعب:ابي انام..
سلطان:اكلتي شي اليوم؟
منار هزت رقبتها:لا..
:منار ما قد اكلت اصلاً..
سلطان:جيبي لها شي تاكله..
كلمت على الخدامه عشان تجيب لها اكل..
سلطان:انا بالصاله الي هنا بجلس..وانتي خليك عندها..
:طيب..
طلع سلطان وانا جلست عندها..
على الساعه 1:00 رجعت عمتي وقلت لها على كل الي صار...
><><><><><><


جالسين بالصاله نشوف خطبة الجمعه انا وعمتي وريما...
دخل سلطان توه راجع من الصلاة..
سلطان:السلام عليكم..
كلنا:وعليكم السلام..
عمتي:سلطان وشرايك تروح اليوم تفصل لك ثياب..
سلطان:انشالله..,انا بطلع الحين..
عمتي:في عزيمه عند عمانك؟
سلطان:لا..معزوم عند شيخ....
قال اسمه وكان شيخ معروف...
عمتي:هو وش عرفك فيه؟
سلطان:كان يجي امريكا للجاليات المسلمه الي هناك...ويدعون للاسلام ومجالاتهم كثيرة مشالله
:وعلاقتك قويه معاه عشان يعزمك..
سلطان ناظرني ومارد...
معقوله للحين زعلان من الي صار امس..بعدين مين الي له حق يزعل انا والا هو..
عمتي:وين بيتهم؟
سلطان:اذا ركبت السيارة بكلمه عشان يوصف للسواق..
عمتي:اييه زين,نورة ماقامت منار؟
:ماادري..
وقفت عمتي من مكانها:انا بروح لها..
طلعت عمتي وانا وقفت عشان بطلع..
سلطان:نورا..
لفيت عليه..
سلطان:خلاص ولا شي..بس كنت بشوف اذا زعلانه والا لا..
:ايه زعلانه..
سلطان:لو انك زعلانه ماكان رديتي علي..بتكملين مشيك وبتسفهيني وبتخلين الحقك واطلب منك انك تقبلين آسفي..
:بس انا زعلانه..
سلطان:امممممم يعني تبين اجيب لك دليل ثاني انك مو زعلانه..تو لما سألتيني...يعني لو انك زعلانه ماراح تسألين صح والا لا؟
:لا والله ذكي طلعت..
سلطان:ههههههههههههههه...
:طيب انت ليش مارديت علي لما سألتك؟
سلطان:بس..
:بس..اوكي براحتك..
طلعت من الصاله وماادري وين كنت بروح أصلاً..
اكتشفت شي بسلطان واكيد انتم بعد اكتشفوته...ماراح اقوله لانكم انتم عرفتو وش اقصد..
صار عندي اصرار اني اعرفه اكثر واكثر...احسه بيغير أشياء كثيرة في حياتي...أحسه بيتعبني..أحس اني بحبه او تصير بينا مودة..
انا من ناحيتي تقبلته ومن طرفي في ود اتجاهه..مو حب لايروح بالكم بعيد...
امممممممممم..مااذكر وش صار بعد...مااقدر اتذكر كل شي...
مر شهر بهدؤ..
علاقاتي مع سلطان..آآآآآه بس من سلطان..بيني وبين نفسي مابعد اعترفت بشي..لا ماابي احبه...تتوقعون اذا الواحد بيحب بيستأذن الحب قبل...ياليــــــت كان كل واحد حب بعقله قبل قلبه...بس انا ماحبيت سلطان...لا ماحبيته ..اقصد ماانجذبت له الا لما حسيت انه يبادلني نفس الشعور...يمكن افسر غلط انا متأكد اني افسر غلط..كل البنات يفسرون على كيفهم...كلمه يمكن يقولها الطرف الثاني..بدون تفكير...نحسبها الف حساب ونفسرها مليون تفسير..وطبعاً كله لصالحنا..بس انا ماابي اكون كذا..
سلطان..سرين لسا مااكتشفتهم..مكالمته والادويه الي شفتها...بالمستقبل بعرفهم اكيد..
منار على حالها نفسيتها من اسواء لاسواء...وكل هذا من الحب...لا الي حب مرتاح ولا الي ماحب مرتاح..
مشاعل وخالد اغرب علاقة شفتها بحياتي..تناقضات..مرة زي العسل ومرة انتم اعلم..
سارة وفهد..هم نفسهم سارة وفهد...
أبوي...سفراته المفاجأة كاثرة..طلعاته اكثر واكثر...في استفهام عليه..
فيصل اتوقع نفسيته تعبانه وحالته حاله..ومو بعيد عن منار...
بدر للحين يدور له.. في ناس يجلسون سنوات وهم يدورون لهم على زوجه...وياليت بالاخر يطلعون بزوجه على نفس متطلباتهم...
خلصنا اختبارات..وبدت الاجازة الصيفيه...
------------------
يوم الخميس...في عزيمه كبيرة في بيت عمتي حصه..
انا بغرفتي كنت ألبس ومسويه حوسه بالغرفه كالعاده طبعاً لو بطلع اقلب الغرفه من فوق لتحت..
دخلت عمتي علي وهي لابسه ومخلصه..
عمتي:نوير مابعد خلصتي؟
:شوي شوي بس..خمس دقايق..
عمتي:انا قايله لاختي بنجي بدري..
:طيب تونا الحين..
:واختك خلصت؟
:لاهونت ماتبي تروح..
طلعت عمتي من غرفتي وراحت لغرفة منار..
عمتي:منار منتب رايحه؟
منار:لا عمتي مالي خلق..
عمتي:عشاني الله يرحم والديك يامنار..اطلعي وغيري جو..
منار:انا هنا اريح لي..
عمتي:عشاني يامنور..
منار:طيب..
عمتي:عافيه بنيتي..
لبست منار لبس عادي وفكت شعرها مثل العاده وحطت كريم بوجهها وملمع...طلعت منار من غرفتها ودخلت علي..
انا كنت جاهزة..وشكلي كان حلو..
منار:نورة مرة صايرة طويله..
:وش اسوي طيب بنفسي..
وقفت جنب منار والفرق بينا كان كثير..بكل شي..
نزلت تحت وعمتي وريما كانوا بالسيارة راكبين...
كان على الكنبه البعيده جالس سلطان..
سلطان ناظرني نظرة امممممم مااقدر افسرها يمكن اعجاب مو يمكن الا اكيد..عقدت حواجبي وابتسمت له..
سلطان ابتسم..
:سلطان ماراح تجي معنا؟
سلطان:لا بسافر اليوم..
:من جدك؟
سلطان:اييه من جدي..
:وين بتروح؟
سلطان:باريس..
اخذت نفس طويل:على بالي..
سلطان:على بالك ايش؟
:امريكا..
سلطان:ماتبيني اروح؟
مارديت على سؤاله:متى؟
سلطان:الساعه 12..
:يمدينا نشوفك قبل لاتروح؟
سلطان:ماادري والله..
:عمتي سلمت عليك؟
سلطان ضحك:ايه سلمت..
:يعني ماراح نشوفك؟
سلطان:ارجعي بدري وتشوفيني..
سكت شوي:طيب كم يوم بتجلس؟
سلطان:اسبوع عشرة ايام..
:الله..!
سلطان:كثير؟
:لا..
سلطان:ليش تقولين الله اجل؟
منار نزلت تحت:نورة طلعت عمتي خلي حكيك معاه بعدين..
سلطان:يووه خليها تحكي معاي..وتطلعون كلكم انشالله..
:بيسافر اليوم..
منار:توصل بالسلامه انشالله..
سلطان:الله يسلمك..
:طيب سلطان يلا مع السلامه..
سلطان وماهو عاجبه اسلوبي ورد على بنفس البرود:مع السلامه..
انقلب مودي مرة ضاق صدري وعصبت لانه توه يقولي...بيسافر اسبوع والله كثير...بعدين انا حاسه ان سفرته لسبب غير الشغل..انا متأكدة..
وصلنا بيت عمتي وكنا اول الواصلين...
دخلنا البيت واسمع صوت عمتي تهلي فينا بس مابعد شفتها..
جيت بفصخ عبايتي..
عمتي:اصبري يمكن فيه منصور والا زوج عمتك..
رجعت حطيتها ولفيت طرحتي زين..
سلمنا على عمتي حصه وبنتها عبير...
منار:عبير في منصور؟
عبير:ايه جالس بالصاله..
ناظرتني منار وحسيت انها ماتبي تشوفه..منار ماتطيق منصور..ولاتحب تشوفه..
دخلنا الصاله وفعلاً منصور كان جالس مع بنت عبير الصغيرة يلعبها...
وقف منصور لما شافنا..
منصور:هلا هلا بخالتي..
عمتي:هلا بك,شلونك انشالله بخير؟
منصور:بخير دام انتي بخير..
ريما:منصور وحشتني..
منصور:هلا بريما الحلوة..وانتي اكثر وحشتيني..ليش كذا ضعافنه؟
ريما:ماادري..ماصرت احب اكل..
جلست منار ولاعبرت منصور ولانوت تسلم عليه..
لف عليها منصور:كيفك منار؟
منار:الحمدالله..
رجع ولف علي:شخبارك نورة؟
:الحمدالله,انت شخبارك؟
منصور:الحمدالله..
جلس كل واحد بمكان ومنصور كان معنا بما ان الحريم لسا ماجو..
منصور ماكان يناظر منار ولا حتى كان يحاول انه يناظرها..كانت عيونه مركزة علي..اكره احد يناظرني كذا..
><><><><><
طلعت سارة من الحمام وكانت معصبه ومرة ضايق صدرها..
فهد:ها؟
سارة:لا..
سكتت سارة شوي:اخاف اكون حامل..
فهد:لا لا مااتوقع..
سارة جلست وكنت متضايقة لفكرة انها تكون حامل..
فهد:لا سارة صدقيني موحامل..
سارة:تروح الحين الصيدليه ركض تجيب الجهاز الي يكشف الحمل..
فهد:من جدك..سارة شيلي هالافكار من راسك وتعوذي من الشيطان..
سارة:فهد انا كذا ماراح اقدر اروح بيت عمتي..الله يخليك ابي ارتاح..
فهد سكت شوي:اوكي..ثواني بس ابدل ملابسي واطلع...
طلع فهد من البيت بسرعه وراح الصيدليه وجاب الجهاز وبدقايق رجع البيت..
فهد وهو يفتح باب الجناح:سارة حبيبتي وينك؟
طلعت سارة من غرفتها بسرعه:جبته؟
فهد:اييه..
علمها فهد كيف يستخدم ودخلت الحمام وبعد فترة قصيرة طلعت..
ينتظرون النتيجه تطلع يبيلها دقايق على ما يبين..
سارة تغير لون وجهها وخنقتها العبرة..
فهد:خطين..سارة حامل يعني..
سارة:لا يمكن خربان والا فيه شي..
فهد:سارة مالنا الا شهرين متزوجين..ماابي اطفال..
سارة:كلو منك أصلاً..
سارة بدت تصيح..
فهد ماعرف وش يسوي خلاص حس انه الدنيا سودت بوجهه..
فهد:سارة البسي عبايتك بسرعه نروح للمستشفى..
سارة قامت واخذت عبايتها ولبستها وطلعوا من البيت..
سارة كانت طول الطريق وهي ساكته وتدعي ربها..
فهد:طيب تطلع التحاليل الحين؟
سارة:ماادري..
وصلوا المستشفى وراحوا قسم التحاليل وسوت سارة التحاليل المطلوبه وبعد ساعه تطلع النتايج..
ركبوا السيارة..وبعد ساعه بيرجعون للمستشفى..
سارة:مالي الا شهرين متزوجه واحمل ومشاعل لها سنتين..سنتين متزوجه وماحملت..
فهد:سارة استغفري..الي ربك كاتبه بيصير..
سارة:انا متاكده اني حامل..متأكده..
فهد:انا احساسي يقول لا واحساسي مايخيب..
سارة ناظرته وماردت..
فهد:نروح نشتري لنا شي يبرد على قلوبنا..
سارة:لك نفس تشرب شي...
فهد:بعدين واذا حامل وش فيها يعني؟
سارة:مافيها شي ابداً وشرايك يعني؟ وبعدين حنا مخططين بعد سنه احمل مو بعد شهرين..
فهد:سارة هذا امر الله..
سارة:فهد ماابي اتكلم بشي انا مو متأكده منه..خلاص خليني افكر..
فهد:طيب طيب..فكري..
كلمت سارة على مشاعل عشان ما تروح العزيمه وحاولت مشاعل تستفسر منها بس سارة ماعطتها جواب..
مرت ساعه طويله عليهم...وبالظبط وصلوا المستشفى بعد ساعه..نزل فهد بسرعه واخذ التحاليل وسارة حامل التحاليل اكدت هالشي..
ركب فهد السيارة بهدؤ..
سارة:ها وشو؟
فهد:حامل..
سارة ناظرته شوي:احلف..
فهد:اكذب عليك يعني..
سارة:فهد انا اعرفك من عيونك..شكلك تنصب علي..
فهد:والله العظيم انك حامل..
سارة بدت تصيح وفهد ساكت مانطق ولا بكلمه..
سارة:ودني بيت مشاعل..
فهد:سارة من جدك..
سارة:ماابي اروح البيت..وديني بيت مشاعل..
فهد:ماراحت العزيمه؟
سارة:لا..
فهد:يعني تبين مرة؟
سارة:ايه..
فهد:بس انا ابيك تكونين معاي..
سارة ماردت عليه..
فهد:اوكي اوديك بيت مشاعل..

نهايــــة الجزء.. 

__________________________________
(الجزء السابع)



وحشتني سواليــفك ووحشـة شوفتك أكثـــر...

دخلت سارة بيت مشاعل الي كانت باستقبالها..
سارة اول ماشافت مشاعل انفجرت صياح...
مشاعل بخوف:سارة وش فيك؟
سارة ضمت مشاعل وهي للحين تصيح:انا...حامل..
مشاعل بعدت عن سارة شوي وسكتت سارة حامل ومالها الا شهرين وهي لها سنتين وماحملت...
مشاعل:تأكدتي؟
سارة:ايه..
مشاعل:وليش كل الصياح والمناحه الي مسويتها انا قلت البنت فيها شي والا زوجها جاه شي...تصيحين عشانك حامل!
سارة:مالي الا شهرين متزوجه واحمل..
مشاعل وهي تمسك سارة وتجلسها:سارة مايجوز كذا تسوين هذا امر الله..بعدين وش الي مزعلك لهدرجه يعني تحسين نفسك مو مستقرة مع فهد؟
مشاعل تحسب ان كل الناس مثلها او مثل تفكير خالد..
سارة:لاأبداً انا مبسوطه مع فهد...بس احس ان الحمل بدري عليه...ماكانت متوقعه ابداً
مشاعل:اكيد انك نسيتي مرة تاخذين حبوب..
سارة:اكيد..
مشاعل راحت افكارها لبعيد..تفكر بحياتها مع خالد..الي مالها طعم..تحس ان حياتهم تمثيل في تمثيل خالد يحاول انه يتأقلم بحياته يومين وبعدها يرجع خالد الاول...مشاعل حريصه على انها تاخذ الحبوب وماتتأخر ولا تنسى..لانها للحين تحس ان حياتهم مو مستقرة...او خالد يحسسها هالشي..
سارة:مشاعل وش اسوي؟
مشاعل:هاا؟
سارة:برمي نفسي من الدرج..
مشاعل:صاحيه انتي..ماتخافين الله..ترا في ناس تحمل مرة وحده وماتقدر تحمل بعدها يعني انتي بتظمنين انك تحملين مرة ثانيه!
ناس يتمنون انهم يحملون وانتي....
سارة:استغفر الله...
مشاعل:وفهد وش رايه؟
سارة:مايبي هو بعد..
مشاعل:ليش؟
سارة:يقول تونا نبي ننبسط والحمل انشالله بعدين..
مشاعل:يعني اذا جاكم عيال ماراح تنبسطون..وش هالتفكير..
سارة:طيب وراك ماتحملين انتي؟
مشاعل سكتت ودمعت عينها لاشعورياً..
سارة:مشاعل والله آسفه لا تزعلين..
مشاعل وهي تاخذ منديل:مازعلت...
سارة:ماابي ارجع البيت..بروح بيت اهلي..
مشاعل:سارة كبري عقلك..
سارة:ياربي ساعدني..
مشاعل:تبين قهوة؟
سارة:لا,ابي ماي..
مشاعل:طيب..
راحت مشاعل المطبخ وخالد كان جالس يسوي له ساندويش..
دخلت مشاعل بدون ماتنطق ولا بكلمه..
خالد:وش عندها سارة؟
مشاعل بدون ماتلف عليه:ماعندها شي..
خالد:الا عندها شي...الجيه المفأجاة فيها شي..
مشاعل:اييه في شي..
خالد ببرود:تبين ساندويش؟
مشاعل:شكراً..
خالد:ترا انا بطلع الحين..بروح امشي..
مشاعل:لوحدك؟
خالد:انا واحمد..
اخذت مشاعل كاس ماي لسارة ورجعت لصاله..
سارة:زوجك فيه؟
مشاعل وهي تمد لها الكاس:ايه..الحين بيطلع..
خالد بصوت عالي:ياولد..
مشاعل:تعال تعال..
تغطت سارة..
خالد:هلا سارة شخبارك؟
سارة:بخير..انت شخبارك؟
خالد:الحمدالله,شلون فهد؟
سارة:بخير الله يسلمك..
طلع خالد...
مشاعل:افصخي عبايتك..
وقفت سارة وفصخت عبايتها..
مشاعل:امشي نروح الصاله..
راحوا الصاله...انسدحت سارة على الكنبه ومشاعل جالسه على الطرف..
كانوا ساكتين وكل وحده تفكر...كلن على هما سرا..كل واحد يفكر بهمومه وبحياته وبمشاكله...
سارة بدا نفسها يطلع وينزل وتصيح بدون صوت...
مشاعل التفت على سارة:تصيحين؟
سارة:يا ليت امي في يامشاعل...
مشاعل سكتت شوي..وفجأة انفجرت صياح هي الثانيه..
سارة رفعت نفسها:ليش تصيحين؟
مشاعل:اصيح على امي..
سارة ضمت مشاعل وبدو يصيحون..
مشاعل:لو ان امي في كانت بتساعدني...كان وجهتني وفهمتني وعلمتني وش اسوي ووش مااسوي..
سارة:انا دايما اقول كذا...لو امي في كان تغيرت اشياء كثيرة بحياتنا...
مشاعل:لو جتك بنت سميها ناديه..
سارة ابتسمت:اكيد..
مشاعل:وانا بعد بسمي بنتي ناديه..
بوقتها رن جوال سارة وكنت انا...استغربت انها ماجت..وقلت اتصل اشوف وينها..
سارة:هاذي نورة..
مشاعل:ردي..
ردت سارة وصوتها ماكان طبيعي..
:هلا سوير وينك؟
سارة:ماراح اجي..
:ليييييييش..لا انتي ولا مشاعل يا سخفكم..
سارة:انا عند مشاعل..
:اهاا في اجتماع مغلق يعني؟
سارة:اييه..
:ما يصلح اجي؟
سارة:انثبري بس..
:طيب عطيني ميشو..
مدت سارة الجوال لمشاعل..
:ميشو ياسخفك انتي واختك..
مشاعل:لهدرجه تحبينا؟
:شفتي كيف..
مشاعل:سلميلي عليهم كلهم..,وبكلم عمتي اعتذر لها..
:طيب..يلا باي..
مشاعل:باي..
><><><><><><
بشارع الملك عبدالله بالممشى خالد واحمد يمشون بخطوات سريعه اقرب للركض...باجسام رياضيه ولياقه واضحه عليهم..
الممشى كان زحمه...بجميع الاعمار والاجناس..شباب وبنات وحريم ورجال واطفال وكل واحد وغرضه سواء كان رياضه او تمشيه او معاكسات ومضايقة الناس..
أحمد:ملكتي بعد اسبوع..
خالد يلتفت عليه:غيرت الموعد؟
احمد:اييه الصراحه بعد اجازة الصيف بعيد مرة..
خالد يناظر احمد وماهو عاجبه كلامه:يعني لهدرجه مستعجل على الشقا..
احمد يتريق:اييه مستعجل مرة..
خالد:بالشرقيه طبعا؟
احمد:اييه..
خالد:ومتى الزواج؟
احمد:ببداية الدراسه..
خالد:الله يوفقك..
احمد:امين..
خالد:وهي ماعندها مانع تجي تسكن هنا؟
احمد:طبعاً ماعندها مانع والا ماكان وافقت..
خالد:هههههههه...
احمد:وبتكمل دراستها هنا..
خالد:بتبدا من جديد؟
احمد:اييه...هي لسا في ثاني جامعه..
خالد:اهاا..
بعد سكوت شوي..
خالد:شفت لميس..
احمد مااستوعب ولارد على خالد..
خالد:اقولك شفت لميس..
احمد لف عليه:شلون؟
خالد:قبل شهر...لما رجعت من الصيد..انا ماقلت لمشاعل اني برجع بهاليوم..وشفتها..
احمد:ياسلام عالصدفه..
خالد:يعني مواعدها مثلا..
احمد:ماادري عنك..
خالد:بس تعرف وش سويت...لما شفتها صديت عنها وناديت على مشاعل...بهالموقف حسيت كاني طفل..يبي يقهر الي قدامه بالي معاه..
احمد ضحك باستهزاء..
خالد:طلعت بعد مااطمنت علي...
احمد:بعد!
خالد:غريبه قصتنا...والاغرب الي يصير معاي..
احمد:مالغريب الا الشيطان..انت لو تنسى وتستغفر ربك كان انت بخير..
خالد سكت ومارد وماحب يتكلم بذا الموضوع اكثر من كذا..
>>><<<
جالسه ومكتمه وضايق صدري ومنرفزة...ابي ارجع البيت..ابي اشوف سلطان قبل لايسافر بسلم عليه وبوصيه على أشياء.. عشان يكلمني...شفتو شلون انا ذكيه..
الساعه 11:15...
:عمتي...
مادرت علي..كانت تسولف وتضحك ومبسوطه..
:عمتي...عمتي فوزيه..
اخيراً ناظرتني:نعم ياعيوني..
:نرجع البيت..
عمتي حصه نطت علي:وش ترجعين البيت تونا.. دجاجه انتي...اليوم انشالله الى الفجر...
وبصوت اعلى..:شوفوا ياخواتي وياحريم اخواني اليوم ابيكم تسهرون عندي..
لا لا لا حرااام عليك..يعين وقته عزيمتك..ياربي وش اسوي...
بعد تفكير ومحاوله اني اقنع نفسي..هو ماقلي الا اليوم..يعني انا مو اكبر همه...احسسن مااراح اروح ليش اهتم بانسان مايهتم فيني..
منار بصوت واطي:انا بعد ابي اطلع..طفشت..
:انتي قولي لعمتي..
منار قامت وراحت جنب عمتي:عمتي ابي ارجع...لو سمحتي انا جيت عشانك الحين ابي ارجع..
عمتي بعد تررد:تروحين انتي ونورة وانا وريما بعدين..
منار:طيب..
رجعت منار:يلا امشي..
:والله؟
منار:اييه..
وقفت بسرعه..
منار بصوت عالي:يلا مع السلامه..
عمتي حصه:هو هو هو لا والله ماتروحون...
:عمتي معليش مرة ثانيه..
عمتي حصه:أبداً..انا قايله بتسهرون عندي وجيبوا بجايمكم بعد..
منار:والله اني تعبانه عمتي وماجيت الاعشانك..يلا اسمحيلنا هالمرة..
عمتي وبان عليها انها زعلانه:براحتكم..
:والله انا ودي اقعد بس عشان منار..
لازم المجاملات في حياتنا والا كان علوم..
عمتي حصه:اقعدي وانا اخلي السواق والشغاله يودونها..
ناظرت منار وكاني اطلب منها المساعده..
منار:لا اخاف اروح البيت بلحالي..
عمتي:بكيفكم اجل..
انا سلمت عليهم بسرعه واخذت عبايتي وطلعت قبل لاتجي عمتي وتمسك فيني بعد..
منصور كان عند الباب يابيطلع والا توه راجع..مو وقته أبداً..
منصور:رايحين؟
:اييه..
منصور:بدري..
:من عمرك..
منصور:ليش؟
:منار تعبانه وبنطلع..
منصور ناظر منار:سلامتك..
منار:الله يسلمك..
طلعت منار..على طول..
منصور:نشوفكم انشالله قريب..
:انشالله..
منصور:مع السلامه..
طلعت بسرعه بدون حتى ماارد عليه..ركبت السيارة وشفت ساعة يدي وكانت على 11:30...بعد نصف ساعه بيطلع المطار..
:طاهر الله يخليك بسرعه..
طاهر:بسرعه يعني كم تبغي امشي؟
:لا تقعد تتفسلف..بسرعه وبس..
:عمي موصيني ماامشي بسرعه حدي 100..
منار:تبين توصلين بسرعه عشان سلطان؟
ناظرتها:ايه..
منار:تحبينه؟
سؤال مو بوقته أبداً..
لفيت عليها:لا طبعاً...مستحيييل..ياجعلي مااحب الا رجلي..
منار:ترا بيت عمتي بحي الواحه..وحنا بالمحمديه..يعني مطولين..
:لا انشالله بيمدي..بيمدي..
الطريق كان زحمه بشكل..كل ما نوقف عند اشارة تصير حمرا...الطريق زحمه بمعني الكلمه..
الساعه 11:45...
:طاهر بسرررررعه الله يخليك..
طاهر:يابنت تبغي تموتينا..
:انت الحين على بالك تمشي بسرعه...انت تمشي على بيض..
طاهر:حياتنا ثمينه تبغي اضيع حياتي عشانك..
:شوف طريقك الله يرحم والديك..
منار:وش تبين فيه؟
ناظرتها وسكت...
منار:لا من جد وش تبين فيه؟
:ماادري..
منار:ياسلام..
وصلنا البيت 11:54 تقريبا...
:لا تدخل السيارة اصبر ابغى انزل اول..
فتحت باب السيارة بسرعه ونزلت اركض لجوا البيت...دخلت البيت وكان هادئ ومظلم..
رحت جناحه ولقيته مظلم ومايدل على وجود احد فيه..
خلاااااص راح لا هو قالي 12 والحين 12...يعني المفروض الحين يطلع...
منار:راح؟
:ايه..
منار:طيب ليش كذا ضايق صدرك؟
:كنت ابي اوصيه على شي..لو انه قالي من قبل انه بيسافر وش بيضره..يقهر
منار:كلميه..
:هاا..
عجبتني الفكرة بس لا ماراح اكلمه..
منار:والا ارسلي مسج وقولي له وش تبين...,بعدين حنا كلها شهر ونسافر يعني الي تبينه بتشترينه انشالله...
:ايه صح..
اصلاً ماكنت ابي اوصيه على شي..
طلعنا فوق رحت غرفتي ومنار راحت غرفتها...
بعد مابدلت ملابسي رحت عند منار..
منار قدام المرايا:اسود تحت عيوني مرة...وحبوب طالعه تقهر..
:نفسيتك هالايام اكيد بيصير لك كذا..
منار:شهر ماكلمني يانورة...
:منار هاذي علاقه محرمه وترا الي تسوينه غلط...الى متى حنا بنعيش بهالتخلف..
منار سكتت وماردت علي...ماادري اذا افسر سكوتها انها اقتنعت بالي قلته او انها ماتبي تتكلم بذا الموضوع...
منار:امشي ندخل نت نشوف طلعت درجاتنا والا لا..
:يلا...
جبت اللاب وشبكت نت..
منار:ادخلي ماسنجري..
:وش الباس حقك؟
منار:من واحد الى سبعه..
دخلنا موقع الجامعه ومابعد نزلت الدرجات..كالعاده...
منار:نورة..
:نعم..
منار:احس بيصير شي بينك وبين سلطان..
ناظرتها:لا ماراح يصير شي..
منار:الا..
:حتى لو صار بيصير من طرف واحد بس..الي هو انا..
منار:لا تحبينه يا نورة...
هو بيكفي مااحبه والا احبه..
ناظرتها وابتسمت...

><><><><>< 

دخل خالد بيته الساعة 12:00 تقريباً وسارة قد رجعت بيتها...
مشاعل كانت منسدحه على الكنبه ولامه نفسها...
خالد:السلام عليكم..
مشاعل بدون ماتقوم ولا تناظره:وعليكم السلام..
خالد:وش فيك؟
مشاعل:مافيني شي..
قام خالد ودخل غرفته واخذ له شاور تقريبا بنص ساعه خلص وطلع مرة ثانيه لصاله ومشاعل على حالها..
جلس خالد واخذ له سيجارة وبدا يدخن...
خالد:الخميس الجاي ملكة احمد..
مشاعل ببرود:ايه..
خالد:عاد اقوله لهدرجه مستعجل عالشقا..
مشاعل ماردت عليه...
خالد:وش تبي اختك؟
مشاعل:حامل..
خالد سكت شوي:مشالله..
بعد سكوت..
خالد:وش فيك زعلانه عشانها حامل؟
مشاعل رفعت نفسها ووجهت نظراتها لخالد:لا زعلانه على نفسي...زعلانه على حياتي..
خالد:رجعنا لنفس السالفه..انا ماصدقت الفترة الي فاتت هاجده وربي مطمنك باسمه...لو سمحتي مشاعل لا تصكين راسي بحكي ماله فايده..
مشاعل:يعني عشاني ساكته اكون راضيه والا مبسوطه...انا بشوف وتاليتها,خالد...
خالد يقاطعها:مشاعل اسكتي والا بروح انام..
مشاعل بعصبيه:ماراح اسكت وماراح تروح تنام...اذا انت ما بعد استقريت معاي ليش مستمرين بحياتنا..وش الي يحدك؟
خالد:مافي شي يحدني...وانا مبسوط بحياتي..
مشاعل:خالد لا تقنع نفسك وتقنعني..انا مااطلب منك حب انا ابي يصير بينا الفه ابي اشوف هالشي بعيونك...خالد حتى تصرفاتك معاي الفترة الي فاتت انا عارفه انك تقنع نفسك فيها...كل كلمه تطلع منك مااحسها من قلبك احسك قاعد تمثل..تتصنع..خالد انا مليت مليت...
خالد ببرود:والمطلوب؟
مشاعل تنرفزت من ردة فعله وبصوت عالي:ولا شي..ولا شي..
قامت مشاعل وراحت غرفتها...قام خالد وراها..
خالد:يعني تبين تحملين؟
مشاعل وهي تصيح:خالد...انا وياك لنا سنتين وبندخل بالثالثه..ماادري ليش احنا عايشين اصلا..انت لو رافض مبدا اني احمل عشان احنا مبسوطين مع بعض...انا موافقه وماعندي مانع..بس انت...انت ماتبي لان حسب وجهة نظرك اننا مااستقرينا بحياتنا..وبنجلس الى متى كذا؟
اربع سنوات خمسه سته سبعه!!
خالد:متى ما استقرينا انشالله عشرة..
مشاعل ماردت عليه وانسدحت وغطت نفسها باللحاف..
خالد:انا لو ابي اطلقك كان سويت هالشي من زمان..ترا مافي شي يمنعني..واكثر ماكثر ربي هالبنات ومليون وحده تتمناني..
مشاعل شالت الغطا عن وجهها:مخدوعيييين مخدوعييين كله ظاهر وبس..
مارد عليها وطلع من الغرفه..
مشاعل بوصت عالي:روح روح بيت اهلك وش وراك انت اصلا...
خالد ماقدر يمسك اكثر من كذا..رجع الغرفه وبعيونه شر..ماقدر يتكلم اكتفى بانه يناظرها نظرات تفسر كل الحكي الي بيقوله...
مشاعل رجعت وغطت نفسها باللحاف:اطلع برا وماابي اتكلم معاك..
مسك خالد اعصابه وطلع من الغرفه بهدؤ وبدون اي انفعال يبين انه معصب..
><><><
الساعه 5:00 الفجر منسدحه على سريري ماقدرت انام...اخذت جوالي واتصلت على مرام صديقتي ماردت اكيد انها نايمه..اتصلت على هاله..اول رنه ردت..
هاله:خير وش فيك؟
:مافيني شي بسم الله عليك..طفشانه ومافيني نوم..
هاله:وانا بعد..
:تعالي عندي..
هاله:الحين!
:اييه الحين وشفيها خلاص طلعت الشمس...
هاله:اقول بس..وشخبارك؟
:هاله انا صراحه كلمتك عشان ابيك تحسبين لي سلطان الساعه كم يوصل..
هاله:شايفتني آله حاسبه...,سلطان مسافر؟
:ايييييييه سااافر ماقلت لك...اليوم سافر وتخيلي ماقالي الا اليوم...
هاله:ترا مو زوجك هو..
:انا عايشه معاه بنفس البيت...وماادري..,المهم ما علينا يلا احسبي هو اقلاعه الساعه 1 وتقريبا بينا وبين باريس 6 ساعات...
هاله:وحده ثنتين ثلاث اربع خمس ست..الساعه 6 والا خمس ونص ماادري على حسب..
:يعني ماراح اعرف الا بكرة....
هاله:بيرجع؟
:اييه طبعاً تخيلي ما يرجع...بيروح اسبوع..
هاله:اييه تخيلي اليوم طارق حبيبي قعد يصيح ومات بعد من الصياح..
:ليش؟
هاله:ولد عمي قعد يقوله انك انت مو ولدهم وحكي بزران..
:ياحياتي..
هاله:سويت مناحه معاه..وطحت لك تهزئ بولد عمي..
هاله دايما تعرف توقت لسواليفها..
بوقتها دخلت عمتي علي...
:هاله شوي واكلمك..
عمتي:هاله بالفجور؟
:اييه..
ناظرتني نظرات شك..
:والله العظيم هاله تبين اكلم عليها عشان تتاكدين
عمتي:اختك مانومتني...
:حتى اليوم؟
عمتي:عرقانه مرة وبس تتقلب..
:طيب الحين نامت؟
عمتي:ايه..والله توها نايمه..
:طيب وديها دكتور..
عمتي:لا مايحتاج..هي هالايام طري امك وتسأل عنها فترة وتروح..
:طيب نامي الحين..
عمتي:بنتظر سلطان يكلمني...
:اييه صح..
عمتي:يلا انتي نامي ترا بكرة بقومك بدري.
:انشالله...
><><><><><
وصلت مطار باريس الساعه 6:00...
انا سلطان حبيت اساعد نورة في مواقف ماراح تقدر هي تكتبها....نورة ماراح تقدر توصف مشاعري وتبينها وعشان الصورة تكمل قلت أكتب بعض الاشياء...
وصلت لمطار باريس وكان باستقبالي زوجتي رانيا ايه زوجتي على سنة الله ورسوله...
لي شهرين ماشفتها كان كثير بالنسبه لها واكثر بالنسبه لي...رانيا لبنانيه وتعرفت عليها عن طريق الشغل كانت تشتغل بشركه من الي اتعامل معاهم..وهاذي بدايتنا وبعدها بسنه تزوجنا ولنا الحين سنه متزوجين...ابوي طبعاً كان رافض هالزواج وهذا السبب الي خلاني مااقول لاحد..
لمحت رانيا من بين زحمة الناس...صارت تمشي بخطوات سريعه..انا وقفت بمكاني وفتحت يدي لها..ركضت لي وضمتني..
رانياوهي تصيح:اشتئتلك...
:
me to

رانيا:شو اخبارك؟
:الحمدالله بخير...
رانيا:لاتحكي هيك..
ابتسمت لها...توقعت اني اكون اكثر تفاعل معها...ماادري هالمرة غير المرات الي قبل..
رانيا:سلطان حبيبي شوبك مش على بعضك..
:تعبان توي واصل من السفر وش تبيني اكون؟
رانيا:هههههههههههههههههههههههه..
:مابيضحك كلامي...انا هيك بحكي اصلاً..
رانيا:بيجنن عليك لو شو ما بتحكي..
ناظرتها وابتسمت:وحشتيني..
طلعت موبايلي واتصلت على امي اطمنها اني وصلت..
بعد ماخصلت طلعنا من المطار ورحنا الاوتيل وهذا طلب رانيا ماتبي تروح الشقه..وانا مااقدر ارد لها طلب..
><><><><><
صحيت من النوم قبل على العصر تقريباً...نزلت تحت وكان في ابوي وعمتي وريما..
:السلام عليكم..
كلهم:وعليكم السلام..
ابوي:تونا بادين اجازة يانورة على طول يبدا السهر..
:لا والله امس ماقدرت انام ماكنت ناويه اني اسهر..
ابوي:وين منار؟
:ماادري ما شفتها..
وقف ابوي من مكانه:نورة تعالي ابيك شوي..
ماادري اول مرة اخاف جت افكار كثيرة في بالي وش يبي مني...
:ليش؟
ابوي ابتسم:مافي شي تعالي معاي..
وقفت من مكاني والتفت على عمتي بعد ماابوي طلع من الصاله:وش يبي؟
عمتي:ماادري والله..
رحت لمكتبه وكان جالس على الكرسي..
ابوي:تعالي اجلسي..
جلست بالكرسي الي قدامه وصرنا متقابلين..
ابوي:نورة اختك وش فيها؟
ارتبكت ماعرفت وش ارد عليه ابتسمت بوجهه:ماادري...لا اقصد ما فيها شي..
ابوي ناظرني:تحب؟
انا طارت عيوني وجهي انقلب الوان..ماتوقعت هالسؤال ابداً وماقد تكلمنا بمواضيع مثل كذا...يمكن ابوي يحاول يصير مكان امي...
:شلون يعني؟
ابوي ناظرني بنظرات شك:الكلمه مالها تفسير ثاني هو سؤال وانا ابي جواب..
:لا ماتحب..,يعني تحب مين مثلاً؟
سؤالي هذا ابي اعرف قصد ابوي وش نوع الحب هذا...
ابوي:واحد من اقربانا من اهلنا..
انا بوثوق:لا لا ابداً بس ظغط الدراسه وهي تقول طفشت من الجامعه...
ابوي:الله يسهل عليكم..
:امين..
ابوي:ايوه نوير وش اخر ابداعتك من زمان ماورتينا شي..
:انت هالايام منشغل ومانشوفك مثل اول..
ابوي ابتسم:تعرفين الشغل,وبعدين انا مالاحظت على نفسي هالشي بالعكس انا مثل ماانا ماتغيرت..
انحرجت وتحسفت على الي قلته حتى لو اني كنت ملاحظه هالشي المفروض اني مااقوله بهالطريقه الي كني شاكه فيه..
:بوريك رسمه توي مخلصتها..
ابوي:يلا روحي جيبيها..انتظرك بالصاله..
رحت وجبت له اللوحه وورتيها ابوي وطلعت لمنار بغرفتها..
فتحت الباب بقوة:منار وينك؟
منار:كنت اتحمم..
:منار حزري ابوي تو وش سألني.؟
منار:وشو؟
:قالي منار وش فيها ليش كذا متغيرة...ماعلينا من هذا جا قالي منار تحب؟
منار وردة فعلها كانت طبيعيه ولااهتمت للي قلته:وش قلتي؟
:قلت لا طبعاً,منار انتي لازم ترجعين مثل اول..
منار:ارجع مثل اول يعني لازم ارجع لفيصل..
:منار انتي سلبيه لابعد درجه..
منار:انا مو على كيفهم ومو هم الي يمشوني,انا انسانه مثلي مثلهم وموكافي الي صار منهم..وش تبون بعد مني خلوني بحالي..
سكت ومارديت عليها وطلعت من الغرفه ونزلت تحت مرة ثانيه..
:ريما تبين من ماكدونالدز؟
ريما:لا..
عمتي:والله من قامت مااكلت شي..
ريما:ماابي مو جوعانه..
:ريما لازم تاكلين شوفي كيف انتي ضعفانه ووجهك اصفر..
ريما:ماابي ماابي..
:كلمك سلطان عمتي؟
عمتي:ايه..
دخلت علينا مشاعل ومبين على شكلها انها مو طبيعيه..
سلمت علينا وجلست وكانت ساكته..
وبعدها بشوي دخلت سارة وهي الثانيه نفسيتها اردى واردى..
بعد فترة تقريبا على المغرب وكان الوضع ممل كل وحده ساكته وحكي خفيف كان بينا بغير العاده..
عمتي:وراكم كذا انتم..متهاوشين مع رجالكم؟
:ههههههههههههههههههههههه...
ريما تناظرني وتضحك اشك انها فهمت انا على ايش اضحك...
عمتي:لا والله مو طبيعين..فيكم شي..
:هذا الزواج..
عمتي:مشاعل وسارة متزوجين بس منار ماعندها رجل وراها مبرطمه كذا..
سارة:مافينا شي...


سوت سارة حركه لمشاعل انهم يطلعون من الصاله..
طلعوا الثنتين من الصاله..
وبعد فترة قصيرة طلعت عمتي بعد من الصاله..
دخلت غرفة سارة الي كانوا قاعدين فيها..
مشاعل كانت تصيح..مشاعل اول مرة تصيح كذا قدام سارة...مشاعل هالمرة وصلت معها والانسان له صبر بس الصبر مايدوم لازم يجي اليوم الي ينفذ فيه...
عمتي:مشاعل وش فيك؟
مشاعل وهي تمسح دموعها:مافيني شي..
عمتي:بعيني اشوفك تصيحين وتقولين مافيني شي...
سارة:مشاكل مع خالد..
عمتي:عارفه انه مشاكل مع خالد,بس الي مااعرفه وش هالمشاكل؟
مااحد رد..
عمتي:انا مثل امكم وانتم وربي يعلم انكم بناتي مو مثل بناتي..,مشاعل لاتحسبين الايام الي راحت اني ماادري ان في مشاكل بينك وبين خالد...هاذي خصوصيتك وحياتك والحرمه لازم تحفظ اسرار بيتها,لكن في اشياء الواحد مايسكت عنها ولازم يستشير احد اكبر منه له خبرته بالحياة..انا قدامك حرمه مطلقه تزوجت وانا عمري 19 سنه ورحت لامريكا جلست سنتين وبعد ماحملت رجعت لاهلي ماقدرت استحمل اعيش هناك مع اني كنت احب عبدالرحمن وهو يحبني بس في اشياء ماقدرت استحملها...والوحده منا اذا ماجابت عيال وحست ان حياتها ماهي مستقرة او ماحبت زوجها..تنفصل عنه وربي يعوضها...
مشاعل رجعت تصيح بس ماتكلمت ولا كمله مشاعل ماكانت تقدر تحكي وتطلع الي بقلبها في اشياء كثيرة اتوقع ان حتى سارة ماتعرفها...
عمتي:براحتك يامشاعل...
سارة:عمتي بقولك شي..
عمتي لفت على سارة:خير..
سارة:انا حامل..
عمتي طارت عيونها:صادقه انتي؟
سارة خنقتها العبرة:اييه صادقه...
عمتي:هههههههههههههه,وراك تصيحين؟
سارة:ماكنت متوقعه,عمتي مرة ضايق صدري وخايفه..
عمتي:هذا امر الله والمفروض تفرحين مو تصيحين..
سارة:ودي افرح بس مااقدر...يعني ماادري بس خايفه..
عمتي:ياحليلك ياسارة..اجل حامل..
سارة:عمتي..
عمتي دمعت عينها:والله وبصير جده..
سارة ضمت عمتي وصاحت...مشاعل كانت ساكته وحست ان موقفها كان صعب...
عمتي:والله كنت ابي مشاعل تحمل قبلك.بس كلكم واحد..
مشاعل قامت وطلعت من الغرفه...
عمتي:سارة حلفتك تقولين لي مشاعل وشفيها؟
سارة:متهاوشه مع خالد..
عمتي:ادري وطبيعي الوحده تصير لها مشاكل بحياتها بس ماادري هالمرة غير..
سارة:يمكن مشكله كبيرة شوي...
عمتي:يعني ماتبين تقولين؟
سارة:مشاعل ماتبي تقول لاحد..
عمتي:بس انا عمتك..انا اخاف عليكم سارة ترا قلبي متقطع لا تزيدين الي فيني..
سارة:مشاكل عشان الحمل,خالد مايبي..
عمتي:بس؟
سارة:خالد ما يبيها تحمل لانه خايف ان حياتهم ماتستمر..ومايبي يصير بينهم عيال..
عمتي:خايف انها متستمر اجل ليش عايش معها..لهدرجه المشاكل بينهم؟
سارة:مشاعل تموت عليه والا لو وحده ثانيه مااستحملت يمكن...
عمتي:وهو؟
سارة:الي اشوفه انه ما يحبها..
عمتي:شوفي ياسارة البنت قبل لاتتزوج تحسب انها بتلقى الحب والسعاده الي كانت تتخيلها قبل لا تتزوج,بس اذا تزوجت يمكن تنصدم...وبيصير عكس ما تخيلته تماماً...انا الي ابيك تفهمينه مشاعل ان الحب مو شي اساسي اهم شي الاحترام والتفاهم والحب يمكن يصير مع العشرة والعيال...ترا نص الي تشوفينهم ما يحبون حريهم بس في بينهم احترام والفه ورحمة..وتلقينهم عايشين حياتهم مبسوطين ومرتاحين..
سارة سكتت وكانها تفكر بكلام عمتي اذا هو صح والا لا..كل انسان وله طريقة تفكيره وله مبادئ ومفهوميات تختلف عن الثاني...يمكن هالكلام يقنع عمتي ويقنع سارة بس ما يقنع مشاعل...
دخلت ريما وقطعت كلامهم وكانت ماسكه جوال عمتي
ريما:سلطان يبغى يكلمك..
اخذت عمتي الجوال وطلعت من الغرفه..
نزلوا سارة وريما عندنا بالصاله..انا ومنار
سارة:بنات بقولكم شي..
لفيت عليها اما منار مااعت اي اهتمام..
سارة:منار ياحمارة بقولكم شي..
منار وهي تلف:يعني لازم اشوفك..تراني اسمع..
سارة:احست ماراح اقولك..,نورة وريما تعالوا بقولكم باذنكم..
انا طبعاً اللقافه طلعت عندي وقمت من مكاني ورحت عند سارة..
سارة:قربوا عشان منار ماتسمع..
:سوير عاد يلا قولي..
سارة بصوت واطي ومو مسموع:انا حامل..
مااستوعبت الي قالته سكت شوي..
ريما ماكانت مبسوطه هي دلوعة البيت واذا سارة جابت بنت او ولد بياخذ مكان ريما وبيصير كل الحب له..
:نصااااااااااااااابه..
سارة وعلامات التعجب على وجهها:ليش يعني انصب...
ريما وهي تناظر بطن سارة وترجع تشوفها:يعني بيصير عندك بيبي؟
منار لفت علينا:سارة حاااااااااااامل؟
سارة:ايه..
منار:من جدك؟
سارة:ليش يعني اكذب؟
:مايليق لك تصيرين حامل...انتي كلك هالطول وش بتصيرين اذا حملتي..
سارة:ياسخفكم بس انا خلقه ضايق صدري وتجون انتم كذا تسون..
منار:ياحبيلك ياسارة مااصدق انك حامل..
سارة:شفتو شلون..
:يلا نروح نشتري له ملابس..
ريما كانت ساكته وراحت جلست بكنبه ثانيه..
مناروهي تجلس بينا:بعدي عني نورة..
حسيت ان منار مبسوطه بالي صار..
سارة:اذا جتني بنت بسميها ناديه..
:لا لا الاسم محجوز انا ابغى اصير اول وحده اسمي على امي...
سارة:قدامك ثلاثه تبين تسمين قبلهم لا مافي انا بصير اول وحده انشالله...
منار:قدامك ثنتين انا ماراح اتزوج بس يمكن اتبنى بنت واسميها ناديه...
سارة:الله يرحم حالك انتي..
دخل ابوي بوقتها وقالت له سارة انها حامل وطبعاً ردة فعل ابوي مثل ردة فعل اي أب يفرح لحمل بنته وخاص انه الحمل الاول في العايله...
ابوي:وين مشاعل؟
سارة:فوق..
ابوي قام من مكانه وطلع فوق لمشاعل...
:سارة بتنامين عندنا؟
سارة:ليش انام اعندكم؟
:مو انتي حامل ولازم تتوحمين وتجين عندنا..
سارة:لا تخافين بجي بس اول مااحس بشي..
على الساعه 1:00 الليل وحنا للحين على جلستنا..ابوي طلع فيها..ومشاعل يلا تقول كلمتين على بعضها...
رجعت سارة لبيتها ومشاعل بتنام عندنا..
على الساعه 2:00 طلعوا كلهم ينامون الا انا جلست اتفرج على التلفزيون...
لو في سلطان كان يمكن الحين جالس معاي وساكت كالعاده وانا اراقب حركاته...وفجأة يطلع مني سؤال ينرفزه ويطلع من الصاله ويروح ينام...ياليته في عالاقل يكون في احد يحكي معاي....
قطع حبل افكاري منار وهي نازله تركض ومعها جوالها..
منار:نورة لقيت مكالمه من فيصل...
:احللفي..
منار:والله العظيم..وش اسوي نورة؟
:عطيني موبايلك..
منار:لا والله اصلا المكالمه من الساعه 10:00...بعدين موبايلي مفصول..
:احسسسن..
منار:اخاف فيه شي..
:لو فيه شي ماكان كلم..لا تقنعين نفسك..
منار:عطيني موبايلك..
:لا انسي..انا مااساعد على نشر الفساد
منار:احسن بكلم من البيت..
:منار والله ماتكلمين..
سكتت منار..
:منار اذكري الله...
منار:ماراح اتصل خلاص..
:تعجبيني انتي كذا بديتي تفكرين صح..
منار بعد سكوت شوي:بس اخاف يزعل..
:ماراح يزعل والله ماراح يزعل,الحين انتي اجلسي عندي واذا خلاص استويتي اطلعي نامي..اخاف تسوين شي..
جلسنا الى الفجر وحنا نسولف شوي نتفرج على التلفزيون...وبعدها طلعنا لغرفنا...

><><><><>< 

أكيد البعض منكم يبيني اتكلم اكثر عن نفسي وعن علاقاتي مع رانيا والبعض الثاني اكيد انه كرهني ويمكن ما يبي يقرا عني بعد..
قدام المرايا حطيت عطري المفضل ومشطت شعري بحركه سريعه وظبطت 
cravat..عندي اجتماع شغل...
لفيت على رانيا وكنت ابس اسالها عن شكلي:نورا..
استوعبت اني غلطت وارتبكت كنت افكر فيها لا تستغربون هالشي...يمكن انا بصورة الانسان الجامد نوعاً ما لكن كنت افكر بنورة بهالوقت ماادري ليش كنت افكر فيها...هالانسانه غيرت اشياء كثيرة فيني نورة غير اي بنت قابلتها في حياتي..انا عرفت بنات كثير من كل الجنسيات كل الاعمار علاقات شغل علاقات صداقه...عرفت سعودين كثير في امريكا السعودين مرتبطين في بعض وعلاقات قويه بين كل فرد فيهم سوا كان كبير او صغير...بس نورة غير...
رانيا ردت فعلها كانت سريعه وبعصبيه:ياحبيبي والله..انت هون معي مو بالسعوديه عند بنت خالك..
ناظرتها ومااهتميت للي قالته وجلست على الكرسي اعدل جزمتي..
بدت تتكلم فرنسي وبصوت عالي.. وانا طبعاً مو فاهم وش تقول..
انا عصبت منها واكره لما تتكلم كذا معاي وبصوت اعلى منها:ranya stopped..,there's no need to shout.

رانيا:ايه طبعاً ما الو لزمه اني اصرخ..
:وانا كم مرة قلت لك لا تحكين معي فرنسي..
رانيا:مو انتا تحكي معي بالانجلش,وانا مابفهم فيها كتير وماالتئلك شي وبعدين بحكي باللغه الي بتعجبني..
:اوكي احكي باللغه الي تعجبك انا طالع..
رانيا:امتا راجع؟
مارديت عليها وطلعت من الغرفه وجت وراي..
رانيا:سلطان مين المفروض الي بيزعل..لو ناديتك باسم واحد شو بدا تكون ردة فعلك؟
:اذا رجعت اتكلم معاك..
طلعت بدون ماانتظر ردها...ماادري وش فيني معقوله اتغير على رانيا مستحيل انا احبها ومقتنع في هالحب يمكن ظغط الشغل والظروف الي انا امر فيها...
بعد ماخلصت اجتماع رجعت الاوتيل وراضيت رانيا..رحنا تعشينا وتكلمنا عن اشياء كثيرة ومن ضمنهم نورة...تكلمت عنها كثير ويمكن بالغت بالكلام عنها..رانيا تضايقت انا ماادري ليش كل هالخوف منها..هي عارفه اني احبها...وخوفها يمكن هو الي نبهني على نورة اكثر...
><><><><><
مرت ثلاثه أيام مشاعل للحين عندنا وابوي طبعاً عرف بالسالفه مو بتفاصيلها لكن عرف ان في مشكله وحاول انه يساعد مشاعل وكان كثير ما يقعد معها ويتكلمون..وخالد ماكلمها من اول ماجت عندنا.. ومنار من بعد مكالمة فيصل لها احسها رجعت نفسيتها مثل اول يعني ماادري وش استفاد من هالمكالمه لو انه مكلمها يمكن احسن...انا ماصدقت انها بدت تتأقلم...
سلطان ماادري عنه ماكلمني مو المفروض انه يكلمني من سافر وانا ماادري عنه اسأل عمتي عنه تقول طيب وش بتقول لي يعني...
صدق ابو نورة باغنيته... لي ثلاث أيام ماجاني خبر.. وعنا قلب المولع وعنا..

نزلت مشاعل وحنا جالسين بالصاله وكانت لابسه عبايتها ومعها شنطتها..
مشاعل:انا بروح شوي وبرجع..
عمتي:وين؟
مشاعل:بروح بيتي...
عمتي فهمت قصد مشاعل انها بتروح بيتها تجيب اغراضها وترجع..
حنا كنا ساكتين وبدون تعليق ماكنت احب اتكلم مع مشاعل بمواضيع مثل كذا حساسه...
طلعت مشاعل من بيتنا وراحت بيتها...دخلت البيت وكان هادئ...فصخت عبايتها ودخلت الغرفه وكانت ظلمه وفي احد نايم طبعا خالد الي كان نايم...توه راجع من شغله وهذا وقت نومته...
دخلت الغرفه بهدؤ عشان ما يقوم..حس خالد بدخول احد الغرفه..رفع نفسه ولمح طيف مشاعل..
خالد:مشاعل..
قام خالد من السرير وفتح الستارة ونورت على الغرفه وصار يشوفها بوضوح اكثر..
كملت مشيها ولا عبرت خالد..
دخلت غرفة الملابس واخذت شنطه صغيرة من الدولاب تكفي ملابس لمدة اسبوع...
خالد وهو واقف عند الباب:جايه تاخذين اغراضك؟
مشاعل:ايه...قلت اخليك فترة تفكر وانا افكر فيها وكل واحد يرتاح شوي..
خالد:افكر بايش؟
مشاعل:اذا بنستمر بحياتنا والا لا..
خالد يقاطعها:من جدك تبيني افكر كذا..مستحيييل..
مشاعل:مو انت قلت ما في شي يمسكني اني مااطلقك ومليون بنت تتمناني..الله يوفقك وشوف طريقك بعيد عني..
خالد:مشاعل كان حكي بلحظة غضب ولا تاخذينه بمحمل جد..
مشاعل بدت تصيح:تقعد تجرح فيني وماتبيني اخذها بجد..ليش احنا قاعدين نلعب والا كل واحد يمزح عالثاني..
خالد:مو هذا قصدي بس..
مشاعل تقاطعه:الي انا اشوفه ان كل واحد يجلس يفكر والي ربي كاتبه بيصير انا ماعندي استعداد اعيش حياة بمشاكل وهموم.
خالد سكت شوي:اوكي اذا هذا الي يريحك سويه..بس تأكدي اني عند رأيي...
ماردت عليه مشاعل وكملت شغلها وبعد ماخصلت طلعت من بيتها ورجعت لبيتنا..

دخلت مشاعل البيت والشغاله شايله شنطتها..السكوت كانت ردة فعلنا مااحد حكى فينا استغربنا من هالشي...المشاكل وصلت لهدرجه..
عمتي ماكانت مستغربه وشكلها هي الي قالت على مشاعل هالفكرة..
عمتي:منار ترا مابقى على موعدك الا نصف ساعه..يلا تجهزي..
منار:ماابي اروح..مافيني شي..
عمتي بصرامه:انا بروح البس وبنـزل والقاك جاهزة..
منار:ياربي يعني غصب...
ماردت عمتي وطلعت من الصاله...وطلعت منار بعد وهي تتأفف ومو عاجبها انها تروح الدكتور تسوي تحاليل...
مابقى الا انا ومشاعل وريما...
ريما كانت منسدحه على الكنبه وشكلها تعبان...
مشاعل كانت ساكته واحسها تفكر بخالد هذا الي براسها الحين..
اما انا ادور لي شي افكر فيه غير سلطان...ماابي اخلي كل تفكيري فيه..
طلعوا عمتي ومنار راحوا وحنا على حالنا...
بالسيارة..
منار ساكته ولافه على الشباك كانت تتجنب نظرات عمتي لها...
بعد سكوت دام لدقايق..
عمتي:منار..
منار بدون ماتلف عليها:نعم..
عمتي:انا ماقد حكيت معاك بموضوع فيصل..ولا انتي قد جيتي وحكيتي...انا توقعت انك تجين تصيحين عندي وتطلبين مني اني اقنع ابوك..بس ماشفت هالشي...شوفي يامنار انا كنت اقدر اقول لابوك وانتي تعرفين وش اقل شي بيجيك منه...مايحتاج اوصف لك ردة فعله..
منار:.............
عمتي:انا خايفه عليك يامنار والي سويته ما يرضي الله...وانتي وحده كبيرة وعاقله وفاهمه..مو مراهقه عمرها 16 سنه..
انا بكلم فيصل واخلي يرجع يتقدم لك لو كان يبيك صدق..
منار وجهت نظراتها لعمتي باستغراب..
منار وهي تمسح دموعها:والله عمتي؟
عمتي:ايه..
منار:ياحبيلك والله اني احبك عمتي الحين كلميه الله يخليك..
عمتي ابتسمت من غير نفس:انشالله..
عمتي سوت هالشي بدون رغبتها...بس كانت تبي تصحح غلطه طاحت فيها منار..
منار:خلاص نرجع البيت ماابي اروح المستشفى..
عمتي ماردت عليها..
منار:خلاص نروح المستشفى ولو تبون بعد انام هناك..
عمتي لفت عليها:بسم الله عليك..
منار ابتسمت ابتسامه عريضه وكانت تعبر عن الفرحه الي فيها...معقوله بيرجع الامل لمنار وفيصل وبيتزوجون ليش لا كل شي جايز...
راحوا المستشفى وسوت منار التحاليل والدكتور بدون ما ينتظر النتايج عرف ان عندها فقر دم ونقص حديد...
رجعوا البيت ومنار الضحكه من هنا لهنا..انا شكيت انه صار شي...
منار:نورة تعالي بسرعه..
عمتي لفت على منار وهزت رقبتها..
رحت معها الغرفه وكانت تركض من الفرحه...
دخلنا الغرفه وسكرت الباب..
:يلا قولي وشو؟
منار:اقرصيني اول..بشوف اذا انا بحلم والا بعلم..
:بلا سخافه يلا قولي..
منار:تخيلي تخيلي يانورة عمتي قالت بكلمه يتقدم لك مرة ثانيه...,بس صح شلون تكلمه ماتعرف رقمه ولا اخذته مني..
سكت شوي:وانتي ليش مبسوطه؟
منار:بنتزوج يانورة انا مرات يجيني احساس انه في امل...انا الحين احس خلاص فيصل مكتوب لي وانا مكتوبه له..
:افرضي ابوي رفض؟
منار:عمتي ماقالت كذا الا انها بتقدر تقنع ابوي وخاصه ان الولد مافي شي يعيبه..
:يارب يارب انك تتزوجينه وتفكينا منك..
منار:آميييييييين..,وش رايك اكلمه؟
:مجنووونه انتي..لا طبعاً..
منار:ايه صح ما يحتاج احسن اذا جا وتقدم ووافقنا....
جلسنا نحكي شوي بعدين نزلنا تحت ومنار ماهي منار الي قبل ساعتين بس..انقلبت 180 درجه...
><><><><
سارة منسدحه على السرير وفهد قدام المرايا...
سارة:فهد..
فهد:عيون فهد..
سارة:يقولون ان الكعب العالي مو زين للحامل..
فهد:اجل لا تلبسينه..
سارة سكتت وكانت بتتكلم بس ماكملت..
فهد:سارة حبيبتي شيلي هالافكار الاجراميه من راسك..ترا مااسمح لك هذا ولدي..
سارة:ههههههههههههه..
فهد:سارة انتي حملتي وخلاص انتهى الامر...ولازم مانعترض على امر الله..
سارة:مااعترضت..
فهد:تراك حامل مني..الي في بطنك ولدنا..سوسو مستوعبه بيصير عندنا بنت والا ولد..يعني انتي بتصيرين ام..
سارة سكتت وابتسمت..
فهد وهو يحط كلونيا:انا بقول لاهلي..
سارة بصوت عالي:فهد وش حطيت ارمي هذا العطر في الزباله...
فهد:الحين على بالك تتوحمين..
سارة:بروح انام في بيت اهلي..
فهد:هههههههههههههههه...اعقلي بس..
سارة:ريحة عطرك خايسه...لا تحطها عندي..
فهد:وخري بس انتي وهالوحم..
سارة:ليييش..ترا كذا الوحم..
فهد:اعرف بس مو تقعدين تمثلين ولا ما تعرفين بعد..
سارة:والله ماامثل..
فهد قرب لسارة:من جدك؟
سارة:بعد عني ريحة عطرك تصك الراس..
فهد:الا والله هذا وحم..
سارة:لا تقعد تتريق..
فهد:ههههههههههههههههه..معليش يعني بس مو فجأة بعدين هم يقولون اذا مر شهر يبدا الوحم..
سارة:وش عرفك؟
فهد:اذكر يوم امي تتوحم فيني..
سارة:يالله عالسخافه..
فهد:ههههههههههههههههه..انا ادري عنك وش هالسؤال,عرفت وبس..
سارة:وين بتروح؟
فهد:بروح عند واحد من الشباب في مباراة اليوم..
سارة:يارب يفوز النصر..
فهد:ادعي ربك بس..
سارة:طيب توصلني؟
فهد:اوكي..بسرعه..
سارة:بروح بملابسي..
فهد:طيب...ترا بقول لامي وخواتي.
سارة:مو قدامي استحي...
فهد وهو يضحك:ياعيني على الي يستحون بس..
><><><><
عمتي بغرفتها خلصت من صلاة العشاء واخذت جوالها وقررت انها تتصل الحين على فيصل...قرار غريب اتخذته عمتي يمكن احساسها بتانيب الضمير..واحس ان الي صار لمشاعل يمكن هو الي خلاها تقرر هالقرار ماتبي تشوف وحده منا ماهي مبسوطه بحياتها...
طلعت رقم فيصل وكانت مخزنته برقم استفهام..

من الطرف الثاني...
بخيمه مليانه شباب..صراخ وضحك وتعليقات ومتحمسين مع المباراة...
فيصل كان جالس معهم...
بدا جواله يرن..ماحس فيه بالبدايه وبدت الرنة تعلى واخيراً حس فيه فيصل ودخل يده بجيبه وطلع الجوال الرقم ماكان مخزن عنده...كان حريص على انه يرد على اي رقم غريب يمكن تكون منار..
رد على طول..
فيصل:الو..
عمتي:السلام عليكم..
ماميز فيصل الصوت...طلع من الخيمه عشان يسمع بوضوح اكثر..
فيصل:وعليكم السلام..
عمتي:فيصل؟
فيصل:ايه نعم..
الحين بس ميز الصوت وعرف انها عمتي..الي هي عمة منار...جت افكار كثيرة براسه..
عمتي:انا ام سلطان عمة منار..
فيصل:هلا والله خالتي...
عمتي:كيف الحال؟
فيصل:بخير الله يسلمك..
عمتي سكتت وماعرفت وش تقول..
فيصل بخوف:منار فيها شي؟
عمتي:لا مافيها شي..بغيتك بموضوع..
فيصل:تفضلي..
عمتي:انت للحين تبي منار؟
فيصل استغرب هالسؤال:الى مااموت..
عمتي:تقدر تجي تخطبها..
فيصل سكت شوي..:خطبتها مرتين ورفضتوني لو اجي هالمرة بتوافقون؟
عمتي:انشالله..
فيصل:شلونها الحين؟
عمتي:الحمدالله..,فيصل انا قلت لك وماراح انتظر منك مكالمه ولاراح اكلم عليك مرة ثانيه..انا سويت الي علي والباقي عليك...
فيصل:انشالله..
عمتي:مع السلامه..
قفل فيصل وعلى ماكثر ماكان مبسوط تضايق من المكالمه..

دخلت عمتي الصاله وكان عندنا هاله وطارق..
عمتي جلست جنب منار وبهدؤ:كلمته..
منار نطت من مكانها:وش قال؟
عمتي:ماقال شي..
منار:شلون ماقال شي.؟
عمتي:قال انشالله..
منار:بس؟
عمتي:وانشالله يتقدم لك مرة ثانيه..
منار سكتت وماردت..
هاله كانت متحمسه تشوف المباراة وهي ماتدري وش السالفه..بس سارة حاطة تبي تشوف مين يفوز عشان فهد ماتبيه يضيق صدره..
:سارة عاد غيري حومتو كبدي..
سارة:وش عليك انتي..
هاله:لا لا تغيرين..
:الا غيري هاله انتي جايه عشان تجلسين معاي والا عشان تشوفين مباراة؟
هاله:والله تحمس مرة المباراة..
الجلسله تطفش..هاله وسارة يشوفون المباراة ومتحمسين على تفاهات..ومنار تتحمس معهم شوي وتبي الهلال يفوز عشان فيصل..
شفتوا شلون الناس..الله لايبلانا..
رن تيلفون البيت..مااحد رد قمت انا ورديت..
:الو..
سلطان:اهليين..
على طول عرفت صوته واخيراً اتصل..
:هلا والله..
سلطان:مين؟
:بنت الجيران..
سلطان:هههههههههههههههههه..,هلا هلا بنورا...
:امممممم.كويس عرفتني ما نسيت اسمي..
سلطان:صح كويس..
:كيفك؟
سلطان:الحمدالله..انتي كيفك؟
:كويسه..
سلطان:اقدر اكلم امي..كلمتها على موبايلها ماترد..
:اوكي ثواني بس..
مكلم عشان عمتي جاني احباط اكثر واكثر يعني ماكلم عشاني..وليش يكلم عشاني انا مين اصلاً..
طيب انا اوريك يا سلطان..اخذت السماعه وسكرت بوجهه...انقطع الخط انا مالي دخل انا بروح انادي عمتي بس انقطع الخط..
اتصل مرة ثانيه ومارديت عليه هالمرة...
الساعه 12:00 الليل للحين جالسين وطبعاً خلصت المباراة وسارة زعلانه عشان فهد اما هاله ومنار مبسوطين..
بعد ماراحت سارة وهاله وعلى الفجر تقريبا كنا انا ومنار نسولف وقالت لي ان عمتي كلمت فيصل..
طلع فيصل اول ما خلصت المباراة على طول باله ماكان معاه كان يفكر بمكالمة عمتي...معقوله بيرجع لهم الامل...
وصل البيت ودخل بهدؤ من الباب الخلفي للبيت في جمعة خالته في بيتهم وماكان له مزاج ان يسلم عليهم راح على غرفته على طول..وبدل ملابسه وانسدح على السرير...يكلم منار والا ما يكلمها هذا الي يدور في باله الحين...بس قرر انه ما يكلمها الا لما يصير بينهم شي...قرر انه بعد ثلاثه ايام بيفكر فيها بيقول لامه عشان تتصل مرة ثانيه وتخطب منار..انبسط فيصل للفكرة ورجع له الامل..
><><><
بالصاله جالسين بعد ما خلصنا غدا...
ابوي:فوزيه ابيك شوي..
عمتي ماعلقت ولا سألت ليش قامت وراه وطلعوا من الصاله ورحوا المكتب..مكتب ابوي..
وحنا جالسين انا ومنار ومشاعل..
توقعت الكلام الي بيصير بينهم عشان مشاعل..مو بس انا اتوقع حتى مشاعل نفسها جا في بالها هالشي..
قمت انا بعد ورحت مرسمي...من زمان مارسمت شي جديد..
مسكت الفرشه وانا ماادري وش ارسم مافي شي محدد في بالي...بجرب ارسم وجه..
بديت ارسم واول شخص جا في بالي ارسمه سلطان..بديت ارسم بسرعه وبدون تركيز...
جلست ساعه تقريباً وخلصت يمكن هاذي اسرع رسمه خلصتها بس لسا مالونتها..
بعدت شوي اناظر الرسمه بتمعن..وانفجرت ضحك الرسمه كانت تضحك..رسم طفل عمره اربع سنوات..كنت اضحك حسيت اني رديت اعتباري شوي..كان الرسمه انتقام من سلطان ولحركاته السخيفه...
حسيت بصوت وراي لفيت وكانت منار واقفه تناظرني ومستغربه..
منار:نوير وراك تضحكين؟
ماكنت ابيها تشوف الرسمه وقفت وغطيتها..
:تذكرت شي يضحك..
منار:من جدك؟
:ايه...اصور الماضي لنفسي واسليها..
منار:تخيلي عمتي وابوي للحين يحكون...شكله فيصل كلم على ابوي...تتوقعين بيوافقون؟
:يمكن..
قربت منار مني:ابي اشوف وش كنتي قاعده ترسمين..
:لا لا ماابيك تشوفينها..احسن اذا خلصت..
منار:الا الله يخليك..
:لا منار انقلعي خلاص..
منار جت مسكتني ودفتني...
:هيييييييي منار ياحمارة..
منار:هههههههههههههههههههههه وشو هالرسمه مين؟
:مالك دخل..
منار وهي تناظر زين وتبي تعرف مين الشخص..بعد سكوت لمنار فجأة انفجرت ضحك:هذا سلطان..
:لا..
منار وهي تضحك:الا والله سلطان..مجنونه وش هالرسم..
:مو حلوة؟
منار:وليش يعني هو بالذات..ها ها اعترفي...
:وخري عن وجهي بس..
منار:تحبينه؟
مارديت عليها واخذت اللوحه وحطيتها ورا ظهري:يلا اطعلي برا..
منار:خليني افضى لك بس..
رحنا فوق وعمتي للحين مابعد طلعت...
جلسنا شوي وبعد فترة قصيرة مرت عمتي من الصاله وطلعت فوق..وجهها كان منصفق ومكتمه...اما ابوي ما شفناه..
:وش فيها؟
منار:انا جالسه معاك..
مشاعل:غريبه والله..
الحين تأكدت ان الموضوع مايخص لا مشاعل ولا منار..
مانزلت عمتي الا المغرب اما ابوي طلع من البيت...عمتي كانت ساكته وماتكلمت ولا كلمه...
وطلعنا انا ومنار وهاله رحنا تعشينا في بيزا روما ورجعنا بعدها البيت ونامت عندنا هاله...
><><><><

جالس فيصل مع امه واخته..كان ساكت ويفكر اذا هذا الوقت المناسب انه يفاتح امه بموضوع منار..
بسمه:فيصل..
فيصل لف عليها:سمي..
بسمه:وين وصلت..
فيصل ابتسم..
ام فيصل:بسمه يلا تجهزي بنروح بيت جدتك..
فيصل:الحين بتروحون؟
ام فيصل:ايه..
فيصل:اهاا..
ام فيصل:عندك شي؟
فيصل:لا ماعندي شي...
رن جوال فيصل بوقتها وكان بدر..
فيصل:هلا والله..
بدر:هلا بك,شخبارك؟
فيصل:بخير,انت شخبارك؟
بدر:الحمدالله,وش عندك اليوم؟
فيصل:ماعندي شي.
بدر:كويس,وش رايك نطلع؟
فيصل:اوكي,تعال مرني..
بدر:ورا ما تجيب لك سواق.دامك ما تحب تسوق..
فيصل وهو يضحك:انشالله بجيب..
بدر:ربع ساعه وانا عندك..
فيصل:اوكي..
ربع ساعه تقريباً وبدر عند فيصل..
بالسيارة..
بدر:فيصل بغيت اسألك عن نورة..
فيصل باستغراب:نورة مين؟
بدر:نورة اخت منار..
فيصل:وش فيها؟
بدر:مضاوي وشيخه مدحوا لي البنت مرة..
فيصل:تخطبها؟
بدر:ماصار شي هم قالوا لي على كم بنت ولفتت انتباهي نورة من بينهم وقلت اسأل عنها..
فيصل:مااقدر اقولك الا ان نورة مافي مثلها..
بدر:شلون يعني؟
فيصل:والنعم فيها..
بدر:مدحوها لي مرة...
فيصل:ناخذ انا وياك خوات..
بدر باستغراب:صار شي؟
فيصل:بتقدم لها مرة ثانيه..
بدر:ثالث مرة قصدك..عندك امل لهدرجه؟
فيصل:مرة..
بدر:ترا قد قلت لي مرة انك بتخطب لي نورة..
فيصل:ولو تبي اروح معاك بعد اروح..
بدر:لا لا تجي انت بلاك لست عندهم..
فيصل ناظر بدر من طرف عينه ولف عنه...
بدر:هههههههههههههههههه..امزح يااخي..
فيصل:اسأل فهد عنها..
بدر:بناخذ انا وياك وفهد خوات...ياسلاااام والله حلو..
فيصل:نروح ونجي مع بعض وحريمنا مع بعض...
بدر:عجبتني الفكرة...بخلي مضاوي تقول لامي عنها..
فيصل:شكلك والله بتتزوج انت نورة وانا ومنار مابعد تزوجنا..
بدر وهو يضحك:ليش لا...
فيصل:والله فكر فيها يا بدر..البنت والنعم..
بدر:الله يكتب الي فيه الخير...
><<>><><
يوم الجمعه...
مر علي اسبوع وانا في باريس قررت اني ارجع اليوم على رحلة الساعه 12:00 الليل...رانيا ماعجبها هالشي ابداً وكانت تبيني اجلس معها وخاصه ان لنا فترة طويل ماشفنا بعض...بس بيني وبينكم انا مليت..بحياتي مااتوقعت اني بمل من رانيا او اني ابي اترك المكان الي هي فيه...
جت معاي المطار وصار بينا عناق طويل...ماادري متى بشوفها مرة ثانيه بس قريب لاني بعد فترة بروح أمريكا..
ماقلت لامي اني برجع الرياض اليوم لاني حسب ماخططت له اني برجع الاثنين...قبل لا اركب الطيارة اتصلت على امي وقلت لها لاني اكيد بوصل الفجر وماراح يكون في احد صاحي...
><><><><
انا اليوم بنام عند هاله الساعه 2:00 الفجر جالسين نتفرج على فلم..ومندمجين مرة معاه...
رن جوالي بوقتها..
هاله:ياحمارة مو قلت لك حطي جوالك سايلنت..
:ليش الالفاظ هاذي طيب..
كانت منار رديت عليها..
منار:هلا نورة..
:هلا وش تبين قاعدين نتفرج على فلم..خربتي علينا..
منار:بقولك شي بيقهرك..
:وشو؟
منار:سلطان قبل ساعتين تقريباً او اكثر اتصل على عمتي والحين بيركب الطيارة بيرجع الرياض..
:نصابه الاعيبك مو علي..
منار:وربي اني مااكذب اسألي عمتي بعد..
:طيب يلا مع السلامه..
منار:انا قلت لو بكلمك قبل بترجعين وبتكسرين بخاطر هاله..
:يانذله يامنار..انا دايما اساعدك..
منار:اجل تحبينه؟
منار تلف وتدور الى ماتوصل للي تبيه...ترا كل اللكاعه الي قاعده تسويها عشان تعرف..
:مالك دخل..
قفلت السماعه بوجها وش هالحركة السخيفه..الي سوتها
هاله:وشو؟
:ابرجع البيت..
هاله:انثبري بس...وش فيه؟
:تخيلي سلطان بيجي اليوم..
هاله:هههههههههههههههههه يااااي فللله..انتي عندي..
:برجع برجع مالي دخل..
هاله:مو تكرهينه وقفلتي السماعه بوجهه ورسمتي رسمه شينه وش تبين فيه بعد؟
:اسكتي بس..حظي سبحان الله دايما كذا..
هاله:وناسه وناسه...انتي الحين بتعذيب..
:اصلا ماراح يوصل الا الفجر او الصباح...واول مااقوم برجع البيت...
هاله:بحبسك بالغرفه...
:الحمدالله على العقل..
هاله:يارب اذا رجعتي البيت يكون طالع رايح يسلم على عمه...وعمه يلزم عليه انه يتغدى عندهم..وبعدين يجي ولد عمته ويقوله امش نطلع انا وياك..وبعدين يطلع..واذا طلعوا يجي يقوله ابدا لازم اعشيك...ومايرجعون البيت الا متأخر ويسهر عندهم وتقوله عمته نام عندنا...وينام عندهم وبنت عمته تصير تحكي معاه وتعجبه بعدين يجي يخطبها...
:مسكينه مسكينه وش على بالك انتي..
هاله:على بالي يااختي على بالي..
:اوص هاله..
هاله:ياسلااااااااام..والله فللله...
ماكملنا الفلم قعدنا نسولف وهاله بس تتوعد وتخطط وش بتسوي فيني بكرة..

نهاية الجزء... 

_________________________________________
الجزء الثامن



(الفصل الاول)
انا بصراحة أحبك...


صحيت من النوم تقريباً على الساعه 12:30 الظهر هاله كانت نايمه وبسابع نومه بعد...دخلت الحمام وغسلت وبدلت ملابسي وصليت جلست على الكرسي افكر اروح والا لا....
:هاله...هاله..لو سمحتي قومي..
هاله ماردت علي..
:هاله اروح البيت والا اجلس عندك؟
هاله وصوتها نوم:لا اجلسي..
:انا افكر كذا..
هاله رفعت نفسها ووجهت نظرها لي:اييه احسن...عشان يعرف انه مو اكبر همك..
:اذا على هالشي انا مو مبينه انه اكبر همي ابداً..
هاله:اجلسي وصبري نفسك الى العصر...
:تهقين؟
هاله:ولا تتعدين رأيي بعد,تعالي نامي بس..
:ايه والله فيني نوم...
هاله:ترا بيكون نايم..
:اييه صح ماجا في بالي..
رجعت وانسدحت بملابسي ونمت...
بعد العصر دخلت علينا خالتي وصحتنا..
بالصاله جالسين نفطر انا وهاله..
:طارق اتصل على البيت وقلهم ارسلوا السواق لنورة..
هاله:نوير ياسخفك اجازة حنا ايش وراك؟
:بالليل ارجع لك والا انتي تعالي..
هاله:خلاص انا بجي..
:طيب...اتصلت؟
طارق:دقيقه قاعد اكلم..
دخلت البيت وكنت اسمع اصوات...رحت الصاله واول شخص طاحت عيني عليه سلطان...
:السلام عليكم..
كلهم:وعليكم السلام..
سلمت على عمتي وابوي ومنار ومشاعل وسلطان كان آخر واحد..
:الحمدالله على السلامه سلطان..
سلطان:الله يسلمك..,كيفك؟
:بخير..انت شخبارك؟
سلطان:الحمدالله..
بدون اي كلمه زياده جلست وسكت...
كنت انتظر اي احد يتكلم يفتح موضوع..ابوي ماسك الجريده ويقراها...وعمتي موجهه عيونها على التلفزيون..
:وين ريما؟
مااحد رد علي...ماادري اذا سمعوا او ما يبون يسمعون..كل واحد جالس عقله مو معاه...انا متأكده من هالشي...وكلن على همه سرا..
وقفت من مكاني وطلعت من الصاله..
كنت متوقعه لقاء اكثر حرارة من كذا...رحت غرفتي وبعد ساعه نزلت..
دخلت الصاله وماكان في الا سلطان..ماحكيت معاه ولا هو حكى معي..جلست بهدؤ واخذت الريموت وبديت أغير من قناة لقناة..وانتظر الي قدامي يقول شي..
دخلت ريما الصاله وهي تركض لسلطان..
ريما:سلطان وحشتيني..
:وانتي بعد وحشتيني..
جلست ريما جنب سلطان وكانت تسولف معاه...
سلطان وهو يناظرني بطرف عينه وكان يكلم ريما:وحشتيني وحشتيني وحشتيني...
ريما:وانتا كمان وحشتني..
سلطان:لا لا ابدا ما اشتقتي لي...لو اشتقتي لي كان جلستي تسولفين معاي مو تجين وتجلسين وبس..
ريما وهي تضحك:والله انا اسولف معاك..
سلطان:لا ماتسولفين معاي...
ريما وترجع تضحك:والله انا اسولف..سلطان لا تستهبل..
سلطان:انا استهبل!
ريما:ايش جبت لي هديه؟
سلطان:اممممممممم ماجبت لك شي...لانك ما تحبيني..
ريما:الا انا احبك..
سلطان:حطي عينك بعيني..
ريما وهي تقرب منه وتناظره:شوف عيني..
سلطان كان يناظرني ماكان يناظر ريما...يناظرني بطرف عينه..
حسيت ان وجهي صار احمر وقلبي يدق بسرعه وكنت مرتبكه لفيت ووجهت نظري لتلفزيون...لا مستحيل يقصدني انا اتوهم وافسر تصرفاته على كيفي...
ابتسم ورجع يناظر ريما..
سلطان:عيونك حلوة..
ريما سكرتها وكانت تضحك..
سلطان:طيب جبت لك هديه..
ريما:والله.؟
سلطان:اييه..
ريما:وينها؟
سلطان:روحي غرفتي وافتحي شنطة ملابسي تلقين فيها كيسه جيبيها...
ريما قامت بسرعه وكانت تركض..
سلطان كان يتنحنح ويناظرني...ماالتفت عليه ولا حاولت اصلا..
سلطان:كيفك؟
مارديت عليه..
سلطان بصوت أعلى:نورا كيفك؟
لفيت عليه:أنا..
سلطان وهو يلتفت:ليه في أحد غيرك هنا!
:اييه فيه..انت..
سلطان حاول انه ما يضحك وحط يده على فمه ولف على الجهة الثانيه..
جت ريما وهي تركض:مالقيت شي..
سلطان:ريما دوري كويس..
ريما:انت تعال دور..
سلطان وقف وبخطوات هادئة مسك يد ريما وطلعوا من الصاله..
بعد فترة قصيرة رجعوا..
ريما وباين على وجهها ان الهديه ما عجبتها..
ريما:سلطان انتا ما تفهم انا مااعرف الوقت...
سلطان وهو يجلس:اعلمك عليها..
ريما:ابي هديه احلى من هاذي..
سلطان:اممممممممم...اوكي اذا سافرت مرة ثانيه اجيب لك هديه حلوة..
ريما:سلطان انا مرة معصبه منك..
سلطان:ياحلو الي معصبين والله..
ريما:سلطان لا تعصبني..انا ماابي الساعه..
سلطان اخذها ومدها باتجاهي:نورا تبينها؟
لفيت عليه وناظرت الساعه:ايه ابيها..
سلطان مد يده وقرب اكثر مديت يدي واخذتها..
ريما:نورة هاذي حقت بنات صغار..
:انا عجبتني..,شكراً سلطان..
سلطان: عفواً..تعرفين لساعه؟
ناظرته ومارديت..
سلطان ابتسم ولف على ريما:ريما لا تزعلين مني..
ريما خنقتها العبرة:ماراح ازعل..بس انا تعبااانه...
سلطان:ليش تعبانه؟
ريما:ماادري..
سلطان:شكلك ماتاكلين..
ريما:اييه..
دخل ابوي علينا:نورة سارة وينها؟
:ماادري اذا بتجي والا لا؟
ابوي:هذا وانا قايلها تجي بدري..كلميها وقولي لها تجي..
:ان شاء لله..
ابوي:نورة انا بالصاله الي باليسمنت اذا جت اختك تعالوا كلكم عندي..
ناظرته باستغراب:ليش؟
مارد علي وطلع من الصاله...
دخلت مشاعل الصاله ومنار وراها...
:ميشو ابوي وش عنده؟
مشاعل:ماادري والله..
منار:جت سارة؟
:لا..
ماكان في موضوع نحكي فيه...
بعد فترة قصيرة دخلت سارة الصاله..
سارة:السلام عليكم..
كلنا:وعليكم السلام..
سارة:وش عنده ابوي؟
:ماندري..
سارة:وينه؟
منار:بمكتبه..
:لا تحت..
وقفت مشاعل:امشوا ننـزل..
نزلنا كلنا تحت ودخلنا الصاله...
ابوي:وين عمتكم؟
:مانزلت..اتوقع انها بغرفتها..
رفع ابوي سماعة التيلفون وكلم على غرفتها..
ابوي:فوزيه..فوزيه..
رفعت عمتي السماعه:نعم..
ابوي:الله يهديك بس المفروض انتي اول وحده تنـزل..
عمتي:انشالله...جايه..
سكر ابوي ومانطق ولا بكلمه..وحنا بادلنا سكوته بسكوت...كل وحده منا كانت تناظر الثانيه والاستفهام يزيد...
دخلت عمتي وعلى وجهها استياء وواضح انها ما تبي تجلس معنا..
عمتي:السلام عليكم..
جلست ونظراتها على ابوي...
ابوي:انا مااعرف الف وادور وأبدا بمقدمات..انا واضح وصريح وماعندي شي اخاف منه واخبيه..
ناظرنا بعض نظرات تعجب وش هالحكي الي يقوله ابوي كلامه يخوف وفي شي خايف منه ومخبيه بعد..
ابوي:اتوقع انه الوقت المناسب..او يمكن ما يكون مناسب بالنسبه لبعضكم..بس انا بعد تفكير قلت الحين والا بعدين بتعرفون وردة الفعل وحده..
كلامه واضح ووصل لناالشي الي يبي يقوله من مقدمته..
ابوي:انا متزوج..
سكوت لثواني نستوعب الي قاله..
عمتي حطت يدها على راسها وكانها خايفه من الكلام الباقي الي بيقوله..
ابوي:زوجتي حامل...
خلاص كل شي له حد وانا مااقدر استحمل اكثر من كذا..
سارة خنقتها العبرة:يعني متزوج من متى؟
ابوي:ثمانية شهور..
شهقت:ياويل قلبي..
منار:ثمانية شهور واحنا ماندري....كيف ما حسينا..
مشاعل:يبه ليش ما قلت لنا من الاول؟على الاقل احنا نخطب لك..
سارة جت بتوقف.
ابوي:هاذي ردة فعلكم تهربون وكل وحده تقفل على نفسها..انا ما بعد خلصت كلامي..حنا لسا في بداية الموضوع..
عمتي:خلهم ياعبدالاله..وكمل حكيك بعدين..
:انا بسمع قل الي عندك..
ابوي:احنا بدينا وبننتهي ماراح نأجل..كلكم تجلسون الى ما نخلص...
منار:نجلس وش نسمع اكثر من كذا بعد..ومين هاذي انشالله الي تزوجتها؟
ابوي:منار نبي احترام شوي..
منار بدت تصيح:احترام من وين اجيب الاحترام انتم خليتوا فيها احترام..
ابوي وعلامات الغضب على وجهه:كلمة زياده يامنار واقلبها على راسك...والا نسيتي اني ابوك!
عمتي:عبدالاله هدي شوي..
منار وقفت:انا ماابي اسمع شي...مابقى تقول الا بجيبها تعيش عندكم..
ابوي:منار اجلسي..
جلست منار..
ابوي:يوم انام هنا ويوم انام هناك..
:نعم..يوم هنا ويوم هناك..
ابوي:هاذي زوجتي..
منار:لاتقول زوجتي..لاتقول زوجتي..
ابوي:منار اطلعي غرفتك..
طلعت منار ومشاعل راحت وراها..
سارة:كافي يبه..الي تبي توصله لنا وصل..سوي الي يريحك..
قام ابوي وطلع من الصاله...وعمتي راحت وراه..
طلعت سارة جوالها وكلمت على فهد يجي يمرها...
ابوي توقع اننا نصرخ ونصيح بس العكس كانت ردة فعلنا...الصدمه كانت اكبر من اننا نستوعبها بهالطريقه...ابوي متزوج من 8 شهور وزوجته حامل..حامل انا ماني فاهمه وش معنى هالكلمه..حامل من ابوي..يعني بتولد..لا لا لا مستحيل...ابوي مو مستوعب الي قاله يمزح مااتوقع يمزح...ابوي يحب امي..آآآآآآه ياامي..مافي شي اسمه يحب...الي يحبه مات..والحب مات بعد..
بس مستحيل ابوي يحب امي...ومو معنى زواجه انه يكره امي...كل رجال يحتاج لحرمه...وهذا شي حكمة من رب العالمين..وحنا مخلوقين على الفطرة...اتفلسف او اقنع نفسي...انا مصدومه ومابعد استوعبت الي قاله...انا مااقدر استحمل الصدمات عقلي يتوقف عن التفكير...
اهدي يانورة وريحي اعصابك.. اعصابي مشدودة..مااقدر اتحرك ابي اقوم من مكاني..
اخذت نفس طويل ووقفت بصعوبه ورحت مرسمي اقرب مكان اروح له...
دخلت وسكرت الباب بقوة حسيت الجدارن اهتزت..
جلست على ركبتي وبديت اصيح..أصيح من قلبي احس بشي غريب بداخلي...
انفتح الباب بهدؤ...توقعت اي احد يدخل علي بهالوقت...
لفيت وكانت ريما..
ريما:نورة..
:ريما اطلعي برا..
ريما:ابوي قالي انه متجوز..
ناظرتها بتعجب:هو قالك؟
ريما تهز رقبتها:يعني بابا عندو جوزة..
رجعت اصيح:ايه ايه عنده زوجه..
ريما قربت مني:نورة لا تبكين..
:الا بصيح..بصيح وبموت من الصياح بعد..
ريما:نورة لا تصيحين..
ضميتها وكنت اصيح اصيح...انا مقهورة من الي صار..

><><><><><>< 

فيصل بالصاله جالس مع امه وبيفاتحها بموضوع منار..
فيصل:يمه بطلبك طلب ولا ترديني..
ام فيصل:خير انشالله..
فيصل وهو يعدل جلسته:ابيك تكلمين وتخطبين لي منار مرة ثانيه..
ام فيصل:بسم الله علي انشالله..
فيصل:بسم الله عليك وش فيك؟
ام فيصل:اكلمهم مرة ثانيه عشان اخطب منار..والله لو انها ملاك...
فيصل:يمه انا ماابي منك الا هالشي...واتمنى انك تسوينه..
ام فيصل:انسى..
فيصل:يمه انا الي بتزوج...وانا الي اختر مع مين برتبط..
ام فيصل:لا يا عيوني مو انت بس الي تختار انا امك بعد ولي حق اختار زوجة ولدي..
فيصل:انتي تبين سعادتي وانا سعادتي بتصير مع منار..
ام فيصل:من زينها..انا اخطب لك وحده تطيح الطير من السما..
فيصل:انا ما يهمني الشكل..
ام فيصل:وانا ابي ازوج ولدي وحده تملى عيني..
فيصل:تملى عينك!مين الي بيتزوج يمه..
ام فيصل:حلفت وهذاني احلف مرة ثانيه ورب البيت ما تاخذ منار..
فيصل:ماراح اتزوج..
ام فيصل:لا تتزوج..
فيصل:انا بكلم ابوي..
ام فيصل:ابوك اشد مني ما يبيهم..,فيصل ياولدي كبر عقلك..
فيصل:انا بكلم ابوي وبقنعه..
ام فيصل:فاضي لك ابوك والا بتسافر له..
فيصل:ايه اسافر له..
ام فيصل:الله يقويك..
فيصل:آمين..
ام فيصل:مسوية لك سحر هالبنت..
فيصل قام وطلع من الصاله..ماحب يدخل بنقاشات مع امه..
>><<>><<
سارة جالسه على السرير وتصيح وفهد جنبها يهديها..
فهد:سارة حبيبتي..الموضوع ما يساتهل..
سارة:مايساتهل..ابوي تزوج..وزوجته حامل...تقولي ما يساتهل..
فهد:يعني لو صحتي وش الي بيرجع؟
سارة:فهد الله يرحم والديك خليني اصيح...انا ابي اصيح..
فهد:سارة انا ابوي متزوج ثلاثه...ومااتذكر احد قام يصيح..
سارة:تستهبل انا مو رايقة لك يافهد..
فهد:سارة انتي متزوجه واستقلتي بحياتك...ليش كل هالصياح..
سارة:انا لما كنت اشك انه متزوج كانت اقول هالشي بس ماكنت افكر فيه...بس الحين صار هالشي وفكرت فيه..ابوي اتربط بحرمه صار عنده زوجه وقريب زوجته بتولد..
فهد:ابوك لازم يتزوج...
سارة:مو لازم..
فهد:كلكم بتتركونه....انتي ومشاعل تزوجتوا ومنار ونورة مابقى عليهم شي..الرجال ما يقدر يعيش لوحده...
سارة:في عمتي..
فهد:سارة لا يصير تفكيرك محدود وكانك طفله...انا متاكد مليون بالميه انك مقدرة زواج ابوك..وابوك تزوج ومن حقه...يعني بس انتي الي تبين تعيشين..!
قامت سارة بسرعه ودخلت الحمام..فهد راح وراها..
فهد:سارة وش فيك؟
سارة:احس روحي بتطلع...كبدي تحوم..
فهد:هذا وحم والا عشان ابوك تزوج..
سارة:اطلع يافهد ماني فايقة لك..
فهد:سارة وش فيك؟
سارة ماردت عليه وكانت ترجع..
فهد:اجيب لك ماي؟
سارة تاشر له بيدها انه يطلع..
فهد:طيب طيب اطلع..
طلع فهد ووقف عند باب الحمام...
سارة:فهد امسك يدي..احس اني بدوخ..
فهد دخل بسرعه ومسك يدها ويده الثانيه لفها حول خصرها وطلعوا من الحمام..
فهد:سارة
سارة:ابي انسدح..
فهد:لا تنفعلين بزيادة..
سارة:انا كذا غصبا عني..
فهد:الله يهديك بس..
سارة:فهد اذا مت بتتزوج؟
فهد يستهبل:يمكن قبل لا تموتين اتزوج
سارة:فهد عاد..
فهد:انا ادري عنك وش ذا السؤال..
سارة:ماادري خواتي وش صار عليهم..
فهد:نفس الي صار لك..
رن جوال فهد بوقتها وكان واحد من اخوانه..
وبعد ما قفل..
سارة:فهد روح لجمعة اخوانك..
فهد:اروح واخليك..
سارة:روح ولا تطول..
فهد:يعني انتي الحين تبين تقنعيني انك تبيني اروح..يابكاشه انتي من جوا تقولين لا تروح..
سارة:هههههههههههههه..
فهد:شفتي..اعترفي لا تكابرين ياساتر عليك..
سارة:خلاص اقعد..
فهد:بقعد..
><><><><
دخلت غرفة منار وفي عمتي ومشاعل..
عمتي كانت تتكلم ومنار ومشاعل ساكتين ويسمعون...
عمتي:نورة تعالي واجلسي..
سمعت كلامها وجلست على طرف السرير..
عمتي:ابوكم من حقه انه يتزوج..
منار:لا مو من حقه..ليش يتزوج؟خلاص هو تزوج مرة وحده وزوجته ماتت..
عمتي:ابوكم له حق يتزوج وهالشي ما يختلف عليه اثنين..
مشاعل:له حق مااحد يقدر يمنعه بس امي وين راحت..
:ابوي بالي سواه احسه جرحنا كلنا...مافي وحده تقدر تجي تاخذ مكانة امي..
عمتي:وهي ماراح تاخذ مكانة امك...
:زوجته وحامل وبتجيب منه عيال ليش ما تاخذ مكانة امي!
عمتي:الي تفتح فمها بكلمه قدام ابوكم ماتلوم الا نفسها..
:شلون يعني ماتلوم الا نفسها؟
عمتي:هذا اخوي ومااحب احد يضيق صدره..
منار:وحنا تضيق صدورنا..
عمتي:انتم بتتزوجون وتتركونه...
قاطعت عمتي:هاذي سنة الحياة..
عمتي:سنة الحياة انه يتزوج بعد..,الحكي ماله فايده ابوكم تزوج وزوجته حامل وبالشهر السادس بعد..وقريب انشالله بتتعرفون عليها..
:بالشهر السادس! هاذي تبي تربط ابوي معها..
عمتي:سارة اختك حامل ومالها الا شهرين..
:لا سارة غير..
عمتي:نورة اذا بتقولين شي يقنع قوليه..
:عمتي المفروض تصيرين معنا مو ضدنا..
عمتي:انا مع الصح..وابوك ما غلط..
مااحد رد يمكن كل وحده فينا تفكر بكلام عمتي اذا هو صح او غلط...
عمتي:وابوكم تزوج وماقالكم مو تحدي وهو حتى لو شاوركم ورفضتوا بيتزوج..بس ظروف خطبة سارة ماخلته يقول ويشغل تفكيركم...
منار:عمتي لا تعذرين له خلاص تزوج وخلاص ماله داعي نقعد نقنع بعض..
عمتي وقفت:على قولتك ماله داعي اقعد اقنعكم هو تزوج وخلاص..
طلعت عمتي وتركتنا...
مشاعل:عمتي صادقه بالي قالته وابوي من حقه انه يتزوج وتقبلوا الوضع مهما كانت ردة فعلنا..ماله داعي تقعدون تبينون انكم زعلانين ومعصبين ابوي ماسوا شي غلط...
منار:لا والله من حقه يتزوج.. هو كذا خان العشرة..هو قال لامي قبل لاتموت ماراح اتزوج بعدك..يجي الحين وينقض وعده اذا مو قد كلامه لايقول هالشي..
مشاعل:مااحد يقدر يوفي..احنا بشر وكلامنا يتغير مليون مرة...
قامت مشاعل وطلعت من الغرفه..
منار:اذا ابوي تزوج وهو عايش مع امي وجايب منها عيال ويحبها اجل فيصل وش بيسوي؟
:بيتزوج وحده غيرك..ليش قيس وليلى انتي وياه..وبعدين انتي يمكن تتزوجين مو هو..
منار:اطلعي الله يخليك ولا تقعدين تعبين راسي بخرابيطك..
طلعت ورحت غرفتي....جلست الى الساعه 10:00 الليل ومااحد دخل علي ولا انا طلعت..
فتحت الباب بهدؤ وطلعت من الغرفه البيت هادئ ومافي اي صوت...
نزلت تحت ومالقيت احد...دخلت المطبخ..
:فاطمه وين الناس؟
فاطمه:خارجين من زمان..
:مين الي طلع؟
فاطمه:عمتك وريما..
:وسلطان؟
فاطمه:مااعرف بس هو خارج من زمان..
:ومنار ومشاعل؟
فاطمه:مشاعل بعد خرجت..
:هوو وين راحوا!
رحت وجلست بالصاله...جت في بالي فكرة مو في وقتها أبداً بروح غرفة سلطان واشوف الادويه يمكن اشوف ورقه والا شي اعرف هو وش فيه...قمت من مكاني وبخطوات سريعه وصلت الغرفه فتحت باب جناحه ورحت لغرفته على طول..لقيت الشنطه الي فيها الادويه بالطاوله الي جنب سريره..اخذتها وجلست على السرير وفتحتها كانت مليانه حبوب ومن كل نوع كم حبه...
ماكان في ورقه ولا اي شي يبين نوع المرض..
حسيت بحكره من وراي بس ما لفيت حسيت نفسي تجمدت ومااقدر اتحرك..
سلطان:نورا وش تسوين؟
لفيت عليه والشنطه بيدي..
سلطان:تفتشين باغراضي..أصلا كيف تتجرئين وتدخلين غرفتي..
انا ارتبكت وماعرفت وش اسوي ولا حتى وش ارد عليه موقفي بايخ ومحرج لابعد درجه..
سلطان وهو يسحب مني الشنطه:مافي احترام الخصوصيه حتى..
:سلطان..
سلطان:اطلعي برا...
:سلطان ابي افهمك بس..
سلطان يقاطعني وبصوت عالي:
get out.

طلعت برا وماحاولت اتكلم اي كلمه زياده..كان معصب بشكل يخوف..حسيت عروقه بتنفجر من كثر ماكان معصب معاه حق يدخل ويشوفني افتش بأغراضه وش بتكون ردة فعله..
كنت معصب بشكل...أحس بحرارة بداخلي من الي شفته شلون تجيها الجرأة انها تفتش باغراضي مااحترمت خصوصيتي انا اقدر اسكر الباب بالمفتاح بس ماتوقعت ان في احد بيدخل غرفتي يفتش فيها...
معها شنطة الادويه يعني عرفت اني مريض..اخر ماكنت تتوقع ياسلطان..جلست بطرف السرير اريح اعصابي شوي..لا البنت هاذي تصرفاتها تحير...
وقفت وطلعت من الغرفه ورحت الصاله ومثل ماتوقعت كانت قاعده بالصاله وشكلها يدل على انها تصيح...البنات اذا مالقوا شي استخدموا سلاحهم الي يخلي كل رجال يتعاطف معهم..
:انتي الحين ليش تصيحين؟
ماردت علي..
:نورا اكلمك ردي علي والا على الاقل ناظريني..
نورة:اصيح لاني ابي اصيح..والا انت موشايف الاشياء الي حولي تخليني اصيح..
:عشان ابوك متزوج..
نورة:ايه عشانه متزوج..
:ليش انتي زوجته عشان تصيحين..
نورة:انا انصدمت اخر ماكنت اتوقعه ان ابوي متزوج..
:كل شي توقعيه..الحين حنا لازم ماننصدم من تصرفات الاخرين..
نورة:سلطان..
:خير..
نورة:سلطان وش فيك ..انت تعبان صح؟
لفيت وجهي من الجهة الثانيه وماكنت ابي احط عيني بعينها..
نورة:انا عارفه انك تعبان..وش فيك سلطان الله يخليك علمني..
:مالك دخل فيني..
ماادري ليش جا ردي قاسي لهدرجه بس انا منرفز من حركتها...
نورة:الا لي دخل فيك..
:ههههههههههههههههه ياسلام نورا لها دخل فيني..عشنا وشفنا..
نورة:لا تتريق...انا من حقي اعرف وش فيك..وترا انا من زمان شايفه الادويه بس اليوم دخلت غرفتك قلت يمكن القى ورقه والا شي واعرف انت وش فيك...
:بعد! انا ماادري شلون تفكرين..كيف تخطر على بالك هالاشياء تدخلين وتفتشين..
نورة:مافتشت فيها انا..
قاطعتها:اوكي هالمرة ما دخلتي تفتشين..المرة الي قبلها وش دخلتي تسوين؟
نورة:سلطان...
:نورا..
نورة:سلطان..
:ماعندك شي تقولينه انتي دخلتي تفتشين..
نورة:طيب دخلت افتش..ممكن تقولي انت وشفيك؟
:لا مو ممكن..
نورة:سلطان لو سمحت..
:انتي مالك دخل فيني..
نورة:بقول لعمتي عن الي شفته..
انا هنا عصبت زيادة تجلس تهددني مين هي عشان تهدد فيني..
:وش تحسبين نفسك انتي؟
نورة:سلطان لا تعصب تراك تخوفني..
:بتجنني انتي..
ناظرتني نظرة غريبه امتصت فيها كل غضبي..هالبنت بتطير عقلي..
:نورا انسي الي شفتيه..
نورة:سلطان انت فيك شي يخوف اكيد والا ليش مصمم انك ماتقولي..
:مالك شغل,ترا الحركه الي سويتها نرفزتني..بعدين تبين تعرفين اهتمام والا تدخل بامور الناس؟
نورة:قصدك لقافه..لا مو لقافه ولا تدخل بامور الناس على قولتك..
ناظرتها نظرة فيها خبث:امممممم يعني اهتمام..
ردت بسرعه وبدون تفكير:لا مو اهتمام..
:يعني لقافه على قولتك؟
نورة:سلطان لاتصرف الموضوع..انت وش فيك؟
:اقولك..بس الي اقوله يدخل من هنا ويطلع من هنا..
هزت راسها وكانت مركزة انتباهها علي:طيب..
:انا تعبان من فترة..امممم يمكن من سنتين..
نورة:اييه..
:مااحد يعرف بمرضي..
نورة:ايه..
:وماابي احد يعرف..
وقفت من مكاني ومشيت خطويتين..
نورة:سلطان وين بتروح؟
:نورا انا ماابي اقول لاحد..
نورة:براحتك..بس انا بجلس افكر وماراح ارتاح الا اذا عرفت..
ابتسمت لها وافكاري راحت لدنيا ثانيه..
:مو لازم ترتاحين..
كملت مشيي ورحت لغرفتي..
انتي الي بتجنني ياسلطان..ليش ما تقول لي وش فيك ليش تبي تخوفني انا ناقصه الي فيني كافيني..أنا أحبك اعترف لك او اعترف لنفسي..اواعترف لكم...وليش ماأحبك..لانك غامض بالنسبه لي..سلطان الي اعرفه انه ولد عمتي...لا لا لا ياربي ماابي احبه..احبه وتالية هالحب..نهايته اتزوجه!ماقد فكرت بهالشئ انا الي افكر فيه اني احبه وبس...اممممممم ليش مااتزوجه..انا عارفه اني اضحك وماادري انا وش اكتب...يمكن سلطان يحب...طيب ليش كذا يعاملني؟..لاني بنت خاله جواب مقنع ..بس انا ماابي اقتنع...انا حاسه انه يبادلني ولو شي بسيط...يكفي انه متقبلني ومهتم فيني...افكاري مشوشه احس ان راسي بينفجر...
خلوني اكتب لكم شي احسن من اني اخربط عليكم...
دخل خالد بيت اهله توه راجع من الشرقيه عشان ملكة أحمد صديقه..
راح الصاله وكانت امه جالسه سلم عليها وجلس ومانطق ولا بكلمه..
ام خالد:مشاعل لها اسبوع في بيت اهلها..ماتبي ترجعها..
خالد سكت ومارد..
ام خالد:انا احترم اسرار بيتك بس في امور لازم طرف ثالث يتدخل فيها..وانا اقولك ان ماتدخلت انا.. ابوك بيدخل ابو مشاعل بيدخل واذا دخل احد من طرف البنت السالفه يمكن تتعقد اكثر..اسمع شوري وانا امك..رجع زوجتك ترا مشاعل مافي مثلها..
خالد:انا مانويت اطلقها والا اتركها انا قلت كل واحد منا يرتاح..
وقف خالد:طيب يمه انا بروح بيتي..تامرين على شي؟
ام خالد:لا سلامتك..
طلع خالد وراح بيته...دخل البيت وكان هادئ راح غرفته وبدل ملابسه وانسدح على السرير يفكر بمشاعل وبحياته...البيت فاضي بدونها مع ان وجودها يمكن بالنسبه له زي عدمها....

نهاية الفصل.... 

____________________________________________
(الجزء الثامن)



الفصل الثاني
كلامك يعطيني أمل انك تعنيني بكلامك...تجي وتروح وتاخذها معاك الروح....



قمت من النوم الساعه 2:00 الظهر...انا اصلا نمت عشان اقوم.. انام ساعه واصحى ساعه.. الي صار امس ماخلاني انام...
غسلت وصليت وبدلت ملابسي ونزلت تحت..
كان في عمتي وريما..
:السلام عليكم..
عمتي:وعليكم السلام...
:وين منار ومشاعل؟
عمتي:مشاعل بالمطبخ ومنار ما نزلت..
:ابوي؟
عمتي:اليوم بيتغدى هناك..
:ماامدى امس قالنا يجي اليوم يبدا..
عمتي:هذا عدل اجل تبينه يظلم بنت الناس..
:يروح يسكن عندها أحسن...
ماردت علي عمتي..
:وين سلطان؟
ريما:جا منصور وسلطان راح معاه عشان يتغدون...
:فجأة منصور..مشالله من متى العلاقه؟
عمتي:ولد خالته شلون من متى العلاقه..
:طيب..
مشاعل:صباح الخير نورة..وش هالنوم؟
:مانمت اصلا..الي صار خلاني انام..انا مو قادرة استوعب..
مشاعل:خليها على الله..
مشاعل الي فيها كافيها ولو بتفكر بزواج ابوي يمكن يجيها شي...مشاكلها مبعدتها عننا..
عمتي:كلمت اختك تو نايمه..
مشاعل:شكله بدا معها الوحم...
:هو فجأة يبدا؟
مشاعل:ماجربته...بس اقول يمكن هذا وحم..
عمتي:انشالله تجربينه...
مشاعل ماردت وراحت افكارها لدنيا ثانيه..
ريما:انا تعبانه يمكن وحم؟
:هههههههههههههههههههههههههههههه..ياغبيه
عمتي:عقبال مااشوفك تتوحمين..,الوحم لما الوحده تصير حامل يجيها..
جلسنا نسولف شوي وطلعت فوق عند منار..
دخلت وكانت منار جالسه على السرير وتصيح..
:منار وشفيك؟
منار وهي تصيح:وش فيني قولي وش مافيك..
:منار الي صار صار وابوي بيتزوج الحين الا بعدين..
منار:تقنعين نفسك والا تقنعيني..انتي على بالك امس مادريت وش صار فيكم..كل وحده بغت تموت من الصياح وتقولين بيصير الحين والا بعدين...
:وش بيفيد الصياح..؟
منار وهي تصيح:يفيد والله يفيد..اصلا الي مايصيح هو الي يمرض..الصياح الشي الوحيد الي نقدر نطلع حرتنا فيه...اذا ما صحتي ما ترتاحين..
:عارفه..
منار:عمتي لها اسبوع مكلمته ولا جا خطب ولا كلم..
:وش دخل فيصل بابوي..
منار:خلاص الولد راح ومايبيني..
:ترا اسبوع مو سنه..
منار:انا خلاص ماراح اثق باي رجال..
:منار انا خلاص طفشت من هاذي السالفه مصخت وطالت..انتي لازم تفكرين صح..وبلا حب وبلا هم..انا اقولك من الحين ماراح تتزوجينه...
منار:احسسسسن انا اصلا ماابي اتزوج...اتزوج وبعدين يجي يتزوج علي..
:منار انتي بسرعه تتاثرين بالي حولك..ابوي غير فيصل غير خالد غير فهد..كل رجال وله طريقة تفكيره..
منار ناظرتني وماردت..
:تدرين ابوي اليوم عندها...ماراح نشوفه الا بكرة..
ماردت علي..
:طيب انا بنـزل..
نزلت تحت وعمتي ومشاعل على قعدتهم..
سمعنا صوت الباب الداخلي ينفتح واصوات كانت لسلطان ومنصور..
وقفت من مكاني بسرعه وطلعت من الصاله وانا اركض..مالي خلق اشوف منصور أبداً يعني مو وقته..ومشاعل وراي..
دخلنا البيت انا ومنصور رحنا تغدينا...تعرفت على منصور اكثر..طيب وحكيه مرتب وباين عليه انه مثقف وفاهم..
تقدمت عن منصور ودخلت الصاله قبله..أنا ماتعودت اني استاذن قبل لا ادخل اذا المكان في حريم ...
منصور تنحنح:ياولد..
لفيت عليه:تعال مافي احد..
سلم على امي وجلس ويسولف سواليف خفيفه عن الشغل وغيره..
سكوت عم المكان لثواني..
منصور:شخبار البنات؟
امي:الحمدالله بخير..
منصور:ونورة كيف اختباراتها,وينها مااشوفها..
ريما:كانت في قبل شوي ولما جيتو طلعت فوق..
منصور ابتسم..
فترة قصيرة ونزلت نورة...حطت شيله على راسها وشال على خصرها..
نورة:السلام عليكم..
منصور:هلا والله وعليكم السلام..,شخبارك؟
نورة:الحمدالله بخير..انت شخبارك؟
منصور:بخير دام انتي بخير..
ابتسمت نورة ابتسامه عريضه وجلست..
منصور نظراته لنورة شككتني بشي بينهم ماكان ينزل عينه الا اذا ناظرته والا نورة تجي عينها بعينه..
ماكانت نظرات تجي صدفه ابدا كنت اشوف بنظراته ان نورة لها مكانه خاصه عنده...ماحبيت هالفكرة أبدا ولا كنت ابي افكر فيها..
غيرت رأيي ونزلت يمكن تقولون كلامي متناقض قبل شوي ماكان لي خلق اشوف منصور بس الحين ابي اشوف منصور يمكن عشان اقهر سلطان شوي...مع اني احس ما تفرق معاه..منصور كأنه داري اني احب سلطان ويبـي يساعدني..كأننا متفقين انه يناظرني ويحكي معاي ويسأل عني.. بس لايكون منصور....لا لا مااتوقع انا من متى لمتى اشوف منصور...
كنا كلنا نسولف الا سلطان يرد بكلمات مختصرة...ماكان باين عليه انه معصب والا منرفز بس باله مشغول...
وقف من مكانه:انا بروح انام شوي..
وقف منصور الثاني:وانا بعد استأذن..سلطان خلينا نشوفك قريب..
سلطان:أكيد..
منصور:يلا مع السلامه..
سلم علينا منصور وطلع..
سلطان:بمه كلمني خالي محمد صديق ابوي الله يرحمه..
عمتي:اييه عرفته اذكرهم لما كنت بامريكا..
سلطان:جايين السعوديه زيارة وكلمني عشان اشوفه..
عمتي:زين علمتني عشان اكلم اعزمها..
سلطان:ايه..عاد بطلع اليوم انا وياه..
ريما:عمتو في وحده تبغى تكلمك..
عمتي:حوليها على الصاله الثانيه..
طلعت عمتي من الصاله..وكلنا كنا ساكتين ونتفرج على التلفزيون..
سلطان:ريما الي يفتش اغراض الناس ايش نسوي له؟
ريما:تزعل منه وتقوله لو فتشت اغراضي مرة ثانيه بزعل منك مررررة...
سلطان:لا لا مايكفي بس ازعل...
ريما:اعطيه بوكس على عينه..
سلطان:هههههههههههههههههههههههههههههه...بوكس واااو ريما ايش الافكار الخطيرة هاذي..
ريما:ههههههههههههه..
يقصدني بكلامه اسلوبه منرفز ..احس اني بولع بعد شوي...عنده كلام مابعد قاله يجي يقوله بوجهي مو يقعد يتميلح كذا وش يحسب نفسه هو..
سلطان:لا ابي شي اقوى من البوكس..
ريما:اذبحوو..
سلطان:امممممممم فكرة..
:سلطان لو سمحت اذا انت للحين زعلان تعال وقلي مو تقعد تستهبل كذا...
علامة تعجب على وجه سلطان استغرب من ردة فعلي وماكان متوقع اني برد كذا..
سلطان:نعم! عيدي وش قلتي..
حسيته انه معصب مو حسيته..الا كان معصب خفت صراحة ماتوقعت انه بيقول كذا..
سلطان بصوت عالي:عيدي الي قلتيه..
:لا ماراح اعيد.. كلامي ماينعاد..
كلامي ماينعاد والا خفت منه..تبغون الصراحه خفت وقلت كذا لاني مااقدر اعيد كلامي..
لف وجهه من الجهة الثانيه وقام يضحك:نورا انا مااقدر اتعامل معاك...
جيت بتكلم قطع كلامي:اوش...انا ماابي اتكلم معاك..
:انا بعد ماابي اتكلم معاك..
لف علي:قلتي شي؟
صديت عنه ومارديت..
ريما:الا قالت انا بعد ماابي اتكلم معاك من زينك..
سلطان:اهاا كويس..انا كنت خايف انها تحكي معاي وانا ماابي احكي معها..
وش يحسب نفسه اني ميته عليه يعني... وحتى لو كنت ميته عليه ماراح احكي معاه...
بعد فترة ماهي قصيرة كان كل واحد منا ساكت ومايحكي مع الثاني.. رن جرس البيت...

مين بيجي بذا الوقت الساعه 3:00 الظهر...
رفعت السماعه:مين؟
كان صوت بنت..الصوت لهاله..دايما تسويها وتجي فجأة بدون ماتتصل...
هاله:افتحي انا هاله..
:هاله وش جابك بذا الظهر..
هاله:افتحي وانا اقولك..
فتحت الباب ودخلت داخل البيت..
هاله بصوت عالي وباين انها تصيح:نورة وينك...
قمت من مكاني وقبل لا اطلع من الصاله جتني هاله..
هاله وهي تصيح:نورة الحقيني..
:هاله وجع وش فيك؟
ضمتني وبدت تصيح..
:هاله وش فيك خوفتيني ابوك امك اخوك فيهم شي؟
هاله وهي تصيح:لا ما فيهم شي..
ريما:هاله ليش تبكين؟
هاله سحبتني من يدي وطلعنا من الصاله ونزلنا تحت البيسمنت لمرسمي..
منظر هاله وهي تصيح يعور القلب مااحب اشوف أحد يصيح قدامي وبهالطريقه كنت ساكت واشوف هاله وهي تصيح وتضم نورة...علامات التعجب على وجههي وماادري وش اسوي اقوم واخليهم على راحتهم والا اجلس واسكت واشغل نفسي باي شي...
نورة زاد في قلبي شي لها من هالموقف..حسيت انها ملجأ هاله ومنار..ويمكن بعد في ناس غيرهم..ياحظهم فيها نورة شكلها انسانه فيها مميزات وصفات ماهي عند غيرها...الي شفته ان الكل يحبها خواتها اقاربها امي...ويمكن انا بعد..تمنيت اكون بمكان هاله بهالوقت...
دخلنا المرسم وجلست هاله على الكنبه وانا جلست قدامها وكنت اناظرها ومركزة نظري عليها ابي اعرف وش فيها هاله مو من عادتها انها تصيح وماهي من البنات الكئيبات الي بس يصيحون ويتشكون...
:هاله وش فيك قولي والله طيحتي قلبي..
هاله:خطب خطب يانورة تخيلي..عبدالرحمن خطب..
حطت يدي على صدري وشهقت:احلفي..
هاله رجعت تصيح أكثر من أول:شفتي شلون يانورة طول عمري وانا احبه واخر شي يجي يخطب..
:آخر ما كنت اتوقعه ياهاله صدمتني..
هاله:حمار حمار...الله لا يوفقه...
:استغفري..لا تدعين عليه...
هاله:استغفر الله استغفر الله مو قصدي بس انا مقهورة..انا انجرحت يانورة...حسيت اني ولا شي حسيت اني كنت احلم واتوهم...انا غبيه اصلا..غبية.. غبيه..
:هاله ترا ما يساتهل تسوين بنفسك كذا..
هاله:انا اصيح على نفسي اتحسر على عمري...كنت عايشه بوهم احلم واتخيل واحب وهو مو معبرني ولا جاب خبري..
:شلون يخطب هو لسا صغير..
هاله:ماادري ماادري...اهلي كلهم عرفوا اني احبه..
:مجنووووونه انتي..
هاله:وش اسوي غصباً عني ماقدرت امسك نفسي..
:طيب وش قالوا؟
هاله:ما عطيتهم فرصه على طول جيتك..
:انتي تحبينه؟
هاله:وش رايك يعني؟
:الصراحه ما ينحب ثقيل دم مرة..
هاله:وش يعرفك انتي فيه..
:احس..
هاله:يعني هو ثقيل دم شوي..
:هههههههههههه..
هاله:يعني لازم احب واحد خفيف دم..
:انا اقصد ثقيل دم انه جامد وبايخ وتافه وماعنده سالفه..
هاله:لا مو لهدرجه..يعني هو كذا شوي..
:تصيحين عشانه بعد..
هاله:احبه..
:حبتك القراده..اعقلي بس وبلا حب وخرابيط..
هاله:خلاص راح الي احبه..
سكتنا شوي وكلن راح بأفكاره...أفكر بهاله ومنار وامي وابوي...منار الي تحبه ما تزوجته وهاله الي تحبه بيتزوج وابوي الي كان مايشوف الا امي قدامه تزوج...
:هاله اقولك شي بس لاتقولين لامك..
هاله:ايش؟
:ابوي تزوج..
هاله:اماااااااانه..مااصدق..
:لا صدقي..
هاله:لا تضيقون صدوركم يانورة...
ابتسمت:لازم تضيق صدورنا ترا الي صار صدمه بالنسبه لنا..
هاله:ياحياتي انتم..
انفتح الباب بقوة لفينا كلنا باتجاه الباب وكانت منار..
منار:هاله وش فيك..ليش تصيحين؟
هاله خنقتها العبرة:عبدالرحمن خطب..
منار:امااانه..ياحبيبتي ياهاله..
هاله:شفتي حظي الاغبر...
منار:حظك انتي بس..
هاله:صح اني ماأقارن فيك بس حتى...
جلسنا تقريباً الى المغرب هاذي تصيح وهاذي تتشكى وكلن يغني على ليلاه...

><><><><>< 

الساعه 6:00 المغرب بمكتب من مكاتب البنك فيصل جالس وبين يده اوراق يشتغل فيها..دخل بدر عليه..
بدر:احسبك طلعت..
رفع فيصل راسه ووجه نظراته لبدر:انهد حيلي من الشغل تعبت..
بدر:مو مثلي..
فيصل:وينك قبل شوي جيتك المكتب ومالقيتك؟
بدر:يمكن كنت عند مشعل..
رجع فيصل ونزل راسه يشوف الاوارق..
بدر:تتوقع لو اتقدم الحين لنورة الوقت مناسب؟
فيصل بدون ما يرفع راسه:ماادري..
بدر:وش فيك؟
فيصل:امي رفضت انها تكلم مرة ثانيه..
بدر سكت شوي:فيصل ماتدري وين الخيرة فيه..
فيصل:وش قصدك؟
بدر:يعني كل مانقول انحلت ترجع تتقعد اكثر من أول..
فيصل:بس مو معناته اني استسلم..
بدر:لا تستتسلم بس ارضى بالي بيصير..
فيصل:لااعتراض على قضاء الله..
بدر:ماودك نطلع؟
فيصل:الا بطلع خلصت...
بدر:بتروح عند الشباب..؟
فيصل:لابروح النادي الحين..
بدر:اهاا..
فيصل:بعد بكرة بسافر..
بدر:بتاخذ اجازة من الحين؟
فيصل:لابروح عند ابوي انشالله يقتنع..
بدر:بتروح له عشان تقوله ابي اخطب!
فيصل:اييه..
بدر:اهاا..
فيصل:كانه مو عاجبك؟
بدر:لا ابدا عاجبني..
اخذ فيصل شماغه وحطه على كتفه وطلعوا من المكتب...
><><><><
الساعه 2:00 الظهر قمت بعد ازعاج من عمتي وريما بدلت ملابسي وصليت الظهر ونزلت تحت..
لقيت سارة جالسه وشكلها تعبان لها ثلاثه ايام ماجتنا من بعد مااجتمع ابوي فينا ماجت..
سلمت عليها وجلست..
:شكلك تعبان مرة..
سارة:مرة تعبانه بعد.
:وين الناس؟
سارة:لي ربع ساعه جايه وماشفت احد..
بوقتها دخلت عمتي..
عمتي:نورة ترا اليوم بيجون لنا ناس..
:مين؟
عمتي:وحده كانت معاي من ايام ماكنت بامريكا..
:الي سلطان طلع معاه هذاك اليوم؟
عمتي:ايه هم كلهم بيجون..
:مو لازم انزل وش دخلني؟
عمتي:الا عنده بنت قدك وقلت لها تجي..
:يعني لازم؟
عمتي:اييه لازم..
سارة:انا ماراح ادخل..
عمتي:ايه هذا انتم تفشلوني ولا وحده منكم بتدخل..لا انتي ولا مشاعل ومنار..
:انا بدخل..
سارة:ايه نورة تكفي..
عمتي:نورة تراهم بيجون الساعه سبعه من الحين تجهزي..
:عشا والا ايش؟
عمتي:الا عشا..
:احد يجي عشا الساعه سبعه!
عمتي:عاد كذا سلطان قالي..
:طيب..
عمتي:لا تقعدين تكشرين الحين..
:طيب ماراح اكشر..
عمتي:مااتصل خالد على مشاعل؟
سارة:لا..
عمتي:الحين كذا الواحد يسفه وما يتصل..المفروض يتصل يتفاهمون يتكلمون..
سارة:لا احسن انه ما يتصل كل واحد يرتاح ويفكر وربي يسهل..
:والله لو انا مكان مشاعل بطلب الطلاق..
عمتي:مالك شغل انتي..
سارة:لاتقعدين تقولين كذا قدام مشاعل..
:ماراح اقول بس انتم المفروض تقولون..
عمتي:نوير اقتراحتك خليها لك..
:بخليها لي..
اخذت الريموت وبديت اغير من قناة لقناة وسارة وعمتي ما سكتوا..
تعرفون لي يومين مااحكي مع سلطان..انا عنيده وهو اعند وماراح احكي معاه الا لما هو يحكي معاي..
الساعه 7:00طلعت غرفتي بعد تهزيه من عمتي انا كذا طبعي باردة واذا كان الشي مو لي انسوا اني اخلص بدري وانزل استقبل...تححمت وسشورت شعري وبعد ماخصلت مكياج...
دخلت سارة علي..
سارة:نورة عمتي تقولك انزلي بسرعه..
:بس بلبس..
سارة:بسرررررعه...
لبست بسرعه وشفت شكلي بالمرايا نظرة اخيرة اتاكد انه حلو قبل لاأنزل..
مسكت كعبي بيدي وطلعت من الغرفه نزلت بسرعه وجلست على اخر درجه عشان البس الكعب..
سلطان وبيني وبينه خطوات قصيرة كان متردد اذا يوقف والا يكمل مشيه ولا كانه شافني...
كنت متررد اني احكي معها والا اكمل مشيي..يومين ما حكيت معها خلاص عقاب كافي..
:نورا وش هالكعب العالي؟
رفعت راسها ووجهت نظراتها لي جت بتتكلم بس كانها تذكرت شي وسكتت..
:اييه صح نسيت انا مااحكي معاك..
ابتسمت وماردت علي..
:يالطيف ردي..
نورة:ماراح ارد..
:رديتي..
نورة:لا مارديت..
:شغلك بعدين خليني بس افضى لك..
نورة:ههههههههههههه..
ضحكتها كانت تضحكني وتخليني غصب اضحك...

شفتوا شلون رضيت بسرعه...انا مااعرف ازعل وعلى طول ارضى..معذورة لاتلومني...
دخلت الصالون الي فيه عمتي ونور وبنتها ميسون...
سلمت عليهم وجلست...
ميسون كانت بنت في عمري 19 20 مايتعدى عمرها هالحدود..
لاقصيرة ولا طويله شعرها طويل الى كتوفها ماحبيتها صراحه... بتقولون هاذي مين تحب؟..لا بس من جد شكلها مايريح...
جلست جنبها وبدينا نحكي شوي..اغلب كلامها انجلش طبعا...قلت لها يااحكي عربي يااحكي شوي شوي..انا كذا ماافهم وانا ماكذبت صريحه معاها والبنت تقبلت هالشي وحسيتها انحرجت...كانت تحكي عن سلطان كثير وانه هو مثل اخوها الكبير وانها معجبه بشخصيته ومن هالحكي انا قلت لكم اني ماارتحت لها وحسيت ان وراها شي...حسيت ان شياطيني بتطلع هاذي الي اعرفها اكيد في غيرها بعد...لما افكر كذا احس ان الدنيا تسود بوجهي واني ولا شي عند سلطان...تدرون وش قلت لها ان سلطان خطبني انا مااحب اكذب ولا اعرف اصلا اكذب بس ماادري شلون قلت لها كذا...لانها قهرتني كانت تحكي عن سلطان وكانها هي قريبته مو انا...انا كنت ابتسم وماارد عليها مالقيت شي اقدر اقهرها فيه الا اني اقول ان سلطان خطبني...وجهها صار الوان والبنت فجأة كتمت وقامت من مكانها وسالتني وين الحمام...يمكن راحت ربع ساعه ورجعت والبنت انقلبت فوق تحت..انا خفت من الي قلته ياويلي انا وش سويت الحين بنكشف عند سلطان أكيد انها بتقول لابوها وابوها بيقول لسلطان وبعدين سلطان لا لا لا ياربي انا وش سويت...
بعد ماراحوا طلعنا انا وعمتي من الصالون ورحنا الصاله كانت في سارة..
دخل سلطان وعلى وجهه ابتسامه..
سلطان:ها نورة كيف انبسطتي مع ميسون؟
انا ارتبكت:لا..
سلطان عقد حواجبه:لا!ليش؟
عمتي:مايعجبها العجب والله البنت حليله وتسولف ومبتسمه...
:انا ما عجبتني متصنعه بزيادة..
عمتي:لا والله ماعندك سالفه..
سلطان:لا بالعكس البنت حبوبه وطيبه وماهي متصنعه مثل ما تقولين..
:هذا رأيي..
سلطان:مااسمح لك تقولين عنها كذا..
انا لما سمعته يقول كذا بديت اغلي من جوا...
:وليش ما تسمح لي؟
سلطان:ابوها اعز صديق لابوي الله يرحمه..والبنت مو مثل ماتقولين انا احترم رأيك بكل شي... لكن انك تقولين شي عن الناس هو مو فيهم وغير كذا انتي ماجلستي معها الا مرة وحده شلون بتحكمين؟
عمتي:نورة مشالله عندها احساس من النظرة الاولى..
سلطان وسارة:ههههههههههههههه..
:اييه عمتي صادقه انا اعرف الناس من اول مرة اشوفهم..
سلطان:اجل الله يعين هالناس..
سارة:من جد الله يعينهم...
قمت من مكاني وماكان لي خلق احكي معهم ولا اقدر اصلا احكي وخاصه مع سلطان..مااقدر احط عيني بعينه يافضيحتك يانورة...
رحت عند منار وترددت اذا اقولها والا لا...بس ما قلت لها استحيت صراحه من الي سويته..
دلخت غرفتي وكلمت هاله وقلت لها على الي صار وطبعا هاله ما ترحم كل المكالمه وهي تتريق علي..
هاله:ايه نورة قبل مااقفل بكرة بنروح مزرعة عمي تعالي معنا..
:اييه اييه بـجي..
هاله:غريبه متحمسه؟
:لو تبين بعد اجي اسكن عندك..
هاله:ههههههههههههههههه يامصلحجيه...
:اييه مصلحجيه قولي الي تبين تقولينه..
هاله:طيب ترا من الصباح بنروح...
:لو تبين من الفجر ماعندي مشاكل..
هاله:طيب قولي لعمتك اكيد ماراح توافق...
:لا لا ماعليك بقنعها انا بروح اشوف اذا نامت والا لا..
هاله:طيب وردي لي
:اوكي..,ايه صح بيجي عمك الي بالكويت؟
هاله:لا الحمدالله اصلا لو بيجون ماراح اروح..
:طيب طيب..يلا بروح اقول لعمتي..
قفلت من هاله ورحت لغرفة عمتي ولحقت عليها قبل لاتنام...وقعدت ساعه وانا اقنع فيها والحمدالله اقتنعت..الاوضاع للحين في صالحي بروح المزرعه وماراح ارجع للبيت الا بعد بكرة...وبعدين ربي يحلها...
رحت غرفتي واكذب عليكم ان قلت لكم اني نمت...الساعه 8:00 الصباح اتصلت علي هاله تصحيني...على طول قمت وجهزت اغراضي ولبست واخذت معاي شنطه صغيرة وحطيت فيها لبس يعني سبحان الله...
وصلت لبيت خالتي ومليان سيارات عند بيتهم...هم يسكنون بمجمع مع عمانهم...
دخلت كانت هاله والبنات جالسين سواليف وضحك وكانت في الجوهرة تتذكرونها الي شفتها بجده الي قلت لكم اني مااحبها او هي ما تحبني....سلمت عليهم وجلست وبعد ربع ساعه ركبنا كلنا سيارة وحده يعني حنا البنات هم طبعاً مبسوطين ويغنون وكل وحده اروق من الثانيه وانا ربي اعلم بحالي الله لا يبارك بالشيطان وهالميسون لو ماجت كان انا بخير الحين نايمه بغرفتي مرتاحه ومروقه وافكر بسلطان وافكر وش اقوله...
صحيت من النوم وبدلت ملابسي وكنت مروق لابعد درجه...طلعت من غرفتي ورحت الصاله كانت امي صاحيه وجالسه تكلم بالتليفون وبعد ما قفلت..
:صباح الخير..
امي:هلا صباح النور..
:افطرتي؟
امي:لا انتظرك..,جاهز الفطور على طاولة الطعام..
:يلا اجل..
قمنا انا وامي وكنا نسولف عن اشياء كثيرة..
رن جوالي وقطع كلامنا شفت المتصل وكان خالي محمد او ابو ميسون..
:خالي محمد..
امي:اكيد بيتشكر على العزيمه..
ابتسمت:لا ماعندنا حنا هالاشياء..
قمت من مكاني ورديت عليه:هلا الله..
خالي محمد:هلا فيك..كيف الحال؟
:بخير..
خالي محمد:والله ما توقعتها منك ياسلطان..
:خير انشالله..
خالي محمد:توقعت اني اول واحد بعرف بهالخبر..
:اي خبر!
خالي محمد:خطوبتك..
خفت صراحة..خفت لا تكون رانيا قالت شي لان صاير بينا مشكله وتوقعت انها تسوي اي شي..
:اي خطوبه؟
خالي:خطوبتك على بنت خالك..
:بنت خالي!
خالي:اييه بنت خالك نورة..وصلنا الخبر..
:كيف كيف..وصلكم الخبر؟
خالي:امس نورة قالت لبنتي ميسون..
انا هنا انفجرت ضحك ماقدرت امسك نفسي لا نورة مجنونه.. تقول كذا لميسون هالبنت ماادري كيف تفكر..
خالي:الصراحه ما توقعتها ياسلطان انت تعرف اني اول واحد بفرح لك..
:لا ياخالي ماكان قصدي وانا آسف وحقك علي...الصراحه حنا في بداية الموضوع وماصار شي..
ماحبيت اطلع نورة كذابه قدامهم موقفي وموقفها بيصير بايخ لابعد درجه بمشي كذبتها بس والله يومها اسود..
خالي:مبروك مقدماً..
:الله يبارك فيك..
حكينا شوي وبعد ما قفلت رجعت لامي وانا اضحك من الي صار اخر شي ممكن يجي في بالي انها تقول كذا..بس ليش كذا قالت معقوله نورة......مااتوقع الله لايقوله انا الي فيني كافيني بس انا بعد انجذبت لها وحبيتها بس مافكرت وش نهاية هالشي...قلت لكم قبل نورة بتجنني...
انا بصراحه للحين مصدوم من الي صار نوقف احسن...

نهاية الجـــزء 

________________________________________
(الجزء التاسع)



كلام الي أنا قلته وهالورد الي أرسلته ولا حسيت أبد انتا تشطر عاد وافهمها....



بمطار لندن بين زحمة الناس فيصل بينهم يمشي ومعاه شنطته كان يسحبها وراه ويمشي بخطوات سريعه...فيصل جاي عشان يفاتح ابوه بموضوع منار ترك شغله واصر على رايه وقوى على امه عشان يجي لندن ويطلب ابوه..فيصل كان خايف ومتوتر والافكار ماليه راسه يمكن تكون آخر محاوله له اذا ابوه ماوافق بينتهي اخر امل له...كان باستقباله سواق لابوه اخذ شنطة فيصل وركب فيصل السيارة بالمرتبه الخلفيه كان يتأمل شوراع لندن ويسترجع ذكرياته...فيصل سكن بلندن فترة ايام الثانوي...
وصل فيصل لشقة ابوه ونزل من السيارة على طول ودخل العمارة...ركب الاصنصير وظغط على الدور الثاني...ثواني وفيصل واقف عند باب الشقه رن الجرس وفتحت له حرمه كبيرة في السن...
دخل فيصل وكان ابوه جالس بالصاله واول ماشافه وقف له..
سلم فيصل على ابوه وجلس بكنبه قريبه منه..
ابو فيصل:والله ياولدي ماودي اردك وانت جاي من الرياض عشان هالشي..
فيصل:نأجل الموضوع لليل انا تعبان ومافيني اتكلم..
ابو فيصل:براحتك,كم بتجلس؟
فيصل:بعد بكرة راجع..
ابو فيصل:وراك اجلس عندي من زمان ما جيتني..
فيصل ابتسم:امي واخواني بيجون الاسبوع الجاي انشالله..,وانا والله ودي اقعد بس انت تعرف الشغل..
ابو فيصل:انت لو تترك شغل البنوك اريح لك..
فيصل:انشالله..
ابو فيصل:وكيف الرياض واهلها؟
فيصل:الحمدالله بخير يسلمون عليك..
ابو فيصل:كلمت امك تطمنها انك وصلت؟
فيصل:ايه..
جلس فيصل يسولف مع ابوه بس ما فتح معاه موضوع منار ولا جاب له طاري...
>>><<<
الساعه 7:00 المغرب جالسين كلنا انا والبنات مشغلين المسجل ورقص وضحك كانت حلوة الجلسه ونستني شوي الي سويته...مع اني مو قادرة انسى بس اتناسى...اكيد سلطان عرف الحين... ابتسمت وانا اتخيل الصدمه لما قاله ابو ميسون..وعقدت حواجبي وانا اتخيل موقفي قدامه...
قطع تفكيري هاله تصارخ باذني:نورررررررررة...
:روعتيني..لا تصارخين باذني..
هاله بصوت واطي:امشي نطلع من هنا...
:وين؟
هاله مسكتني من يدي:امشي وبس..
طلعنا من المكان الي كنا جالسين فيه بهدؤ عشان مااحد يلاحظنا من البنات...
المزرعه كانت كبيرة وفيها بيت في بدايتها ومسطحات خضراء وملاعب واسطبل الخيول...
بدينا نمشي انا وهاله بالممرات وبعدنا عن البيت الجو كان حار وفي هواء خفيف...
كنا ساكتين وكل وحده من سرحانه...جلست هاله على عتبه بين الممر والزرع ماحسيت فيها وكملت مشيي...
هاله بصوت عالي:نورة..
لفيت عليها وابتسمت:ماشفتك..
اشرت هاله بيدها بالمكان الي جنبها:تعالي اجلسي..
رجعت وجلست جنبها...
هاله:تعرفين نورة انا متحسفه اني حبيت عبدالرحمن..
ناظرتها ومارديت اول مرة احس هاله تحكي بجديه..
هاله:لا تناظرني كذا..اصلا احنا ليش نحب!فضاوة..فراغ عاطفي.. طيش.. وبالاخير بنضحك على انفسنا..
:يمكن..اذا جربت اعلمك..
هاله:يعني انتي ما تحبين سلطان؟
:هاله انا اكره اتكلم عن هالمواضيع احس اني تافهه و فاضيه..انا عندي افكار واحلام وطموح بعيده عن الحب والخرابيط البنات تفكيرهم محصور بالحب والزواج انا مااقولك اني ماافكر بس بعد لازم نفكر باشياء ثانيه...
هاله باستهزاء:اسمع كلامك اصدقك اشوف افعالك استعجب..
عقدت حواجبي:وش تقصدين؟
هاله:لا سلامتك..
اخذت نفس طويل ورحت بأفكاري..
هاله فجأة قامت تضحك وضحكها كل ماله يزيد...
ناظرتها وانا مستغربه:هاله وش فيك؟
هاله وهي تضحك:اضحك عليك..
ضحكت لانه لازم اضحك والي قلته يضحك والي اسويه يضحك...
قمنا من المكان الي جالسين فيه وكملنا مشي...
هاله وهي تلفت لورا:نورة مرة بعدنا...
ناظرتها وضحكت:وش دعوة بغابه حنا..
هاله:يااختي احس المزرعه مسكونه..
:اعوذ بالله...
هاله:امشي بس نرجع..
:نكمل ونرجع من الجهة الثانيه..
كملنا مشينا والمكان بد يظلم الانوار هنا كانت مسكرة...
هاله كانت تمشي على ورا وجهها قدامي...انا اشوف الي قدام وهي تشوف الي وراي..
هاله فجأة تجمدت تعابير وجهها وصرخت بصوت عالي وبدت تركض بسرعه...في شي وراي خوفها..لفيت بسرعه وشفت زول لشخصين ماميزت الملامح وماعرفت اذا هم رجال والا بنات...,صراخ هاله خوفني..بديت اركض وقلبي يدق بسرعه ماحاولت التفت مرة ثانيه اشوفهم...كنت اركض بسرعه وكأني بسباق,ماقدرت امسك توازني التوت رجلي اليمين وحسيت انها انفكت طحت بقوة على ركبتي ويدي احتكيت بالارض الي كانت اسفلت..بديت اصارخ باقوى ماعندي كنت خايفه بشكل,
احس اني بموت من الخوف:هاااااااااااله هااااااااااااله....
وقفت هاله بعد ماسمعت صوتي ولفت علي وكان بينا مسافه قصيرة...
رجعت عندي بسرعه وجلست على ركبتها..
هاله وباين على صوتها الخوف:نورة وش فيك؟
ماقدرت ارد عليها قلبي كان يدق بسرعه ونفسي سريع وبصعوبه:رجلي..رجلي..
وجهت هاله نظرها لرجلي:اي وحده؟
حطيت يدي على رجلي:هااذي..
مدت هاله يدها وفصخت جزمتي حطت يدها على رجلي وبدت تلمسها:نورة شكلها انكسرت..
:هاله احس اني بدوخ...
بنطلوني انشق من مكان الركبه وجلدي انقشع الجرح كان كبير...
هاله تناظرني وماهي قادة تسوي شي..
هاله بخوف:نورة تقدرين تمشين؟
بصعوبه رديت عليها:ماادري..
حطت هاله يدها على خصري ويدها الثانيه مسكت يدي فيها..حاولت انها توقفني بس ماقدرت..
بديت اصيح من شدة الالم..
هاله:نورة انا بروح انادي احد شوي بس..ماراح اطول..هنا الرجال شفتي الملعب الي قدامك جالسين يلعبون هناك..
:لا لا ماتروحين وتخليني بلحالي..
هاله:شوي بس..ثواني وارجع لك..
:رجلي..رجلي..بموت..
سمعنا صوت ضحك من ورانا كانوا يضحكون بصوت عالي...رفعت هاله راسها ولفيت بصعوبه عشان اشوف مصدر الصوت كانت الصاعقه..اثنين من عيال عم هاله اعمارهم 15 14 سنه..
هاله بصوت عالي وكان اقرب لصراخ:مشعل وعبودي ياقليلين الادب كذا تسون فينا..تعالوا بس ساعدوني..
جو وباين على أشكالهم الخوف من الي صار..
فقدت الوعي وبعدها ماادري وش الي صار ماحسيت الا وانا منسدحه بالسرير وجنب خالتي ومااذكر مين الي كان حولي...
كانت غرفة من غرف المزرعه...
خالتي:نورة رجلك للحين تعورك؟
بصوت مبحوح:ايه..
رجلي كانت منتفخه وماهي بحالتها الطبيعيه..والجرح الي بركبتي وبيدي يحرقني..
خالتي تكلم هاله:جيبي عبايتها وكلمي ابوك بنرجع لرياض..
سمعت هاله لتوجيهات امها بسرعه وراحت جابت عبايتي ودقايق واحنا بالسيارة انا وهاله وخالتي وزوجها..
الطريق كان بالنسبه لي طويل احسه دهر..واخيرا دخلنا الرياض واول مستشفى رحنا لها وعلى الطؤارى على طول...
طلع عندي كسر ولازم يجبسون رجلي...
انا على السرير جالسه والدكتور قدامي ومعاه ممرضات..
الدكتور:يابنتي انتي عندك هشاشة عظام المفروض تكونين اكثر حرص..
ناظرته ومارديت يعني وش اسوي بنفسي..
جت عندي خالتي:الحين وش بقول لعمتك يانورة..
مارديت عليها انا مالي خلق اسمع كلام من احد وماابي احد يكلمني..
خالتي:انتي الي جنيتي على نفسك..
هاله:يعني هي اول مرة..
:مااحد حاس بالالم..,ابي ارجع البيت ماخلصوا شغل فيني..
طلعنا من المستشفى ورجلي مجبرة ومعاي عكاز...انا ناقصه نكد...
وصلنا البيت وقلبي يدق بسرعه واحس بحرارة..والافكار ماليه راسي..هالليله ماراح تعدي على خير..
نزلت هاله قبلي وجت فتحت لي الباب وساعدتني بالنزول..مسكت العكاز تسندت عليهم وبديت امشي...
دخلت البيت...وهاله وراي..
وقفت عند باب المدخل الداخلي..
:هاله خايفه..
هاله:اقعدي صيحي وتبكبكي وادلعي ماراح يقولون لك شي...وعلى الاستاذ ماراح يقولك شي يمكن تكسرين خاطره..يمكن مو أكيد...
:هاله ياحمارة...
هاله:انا اقولك الصدق..
:تعالي معاي..
هاله:لا انا بجلس هنا بكرامتي اكيد كل اهلك بالصاله جالسين..
:وين امك؟
هاله:مانزلت,يلا ياحلوة ادخلي..مع السلامه حنا بنرجع المزرعه,وعيال عمي بسطر لهم لك ولا تزعلين,كلميني ابي اعرف وش صار..
كملت مشيي وللحين مااحد جاني..شكلهم ماعرفوا مين الي عند الباب..
في جلسه صغيرة رحت جلست وطلعت موبايلي عشان اتصل على منار...
اول ماردت علي..
:منار بسرعه تعالي عند المدخل..
منار بخوف:ليش؟
:بسرعه تعالي..
سكرت منها وثواني وهي عندي...
اول ما شافتني شهقت:نورة وش فيك...مجنونه انتي..ياويل قلبي..
:منار الله يخليك تعالي ساعديني عشان ادخل...
منار:شلون كذا تكسرتي؟
:طحت..
منار:نورة ماادري متى بتعقلين..
:مين في بالصاله؟
منار:كلنا..
:وابوي؟
منار:لا..
:وسلطان؟
منار:ماادري..انا مو جالسه بالصاله...اتوقع انه طالع..
:طيب تعالي ساعديني...
وصلنا الصاله واول مادخلت الكل صار يناظرني وردات الفعل مختلفه...
عمتي وباين على صوتها الخوف:اللهم صلي على محمد..انتي رحتي سالمه ورجعتي مكسرة...
:عمتي والله العظيم اني..
عمتي تقاطعني:اسكتي اسكتي..عارفه وش بتقولين..
سارة وهي تضحك:نورة انتي مجنونه..
مشاعل:شوي شوي على البنت..
قامت مشاعل ومسكتني وجلستني جنبها..
في انسان جالس بالصاله ماعبرني ولا كاني موجوده...اول مادخلت عطاني نظرة...ماادري اذا عرف والا لسا..
عمتي جت وجلست جنبي:يابعد قلبي انتي...عسا ماتعورتي؟
عمتي لو وش اسوي ترجع تحن علي..
:اكيد تعورت...
مشاعل:كيف طحتي؟
بديت احكي وقلت لهم السالفه...وسلطان مايحرك ساكن ولا التفت علي ولا حتى حاول مافي اي تعابير الي صار لي ماهمه ابدا..
سارة وهي تضحك:عشان كذا شعرك منتفش والكحل نازل على وجهك من الروعه..
:كذا شكلي!
منار:زين ماصار شعرك ابيض من الروعه..
وقف سلطان من مكانه وطلع من الصاله بدون ما يلف علي ولا حتى عيونه حركها علي..
جلسنا نسولف واقولهم على الي صار لي...وبعد ربع ساعه رجع سلطان وكان لابس وشكله بيطلع..
سلطان:يمه انا بطلع الحين..
عمتي:بتروح عند عمك؟
سلطان:لا عندي شغل..,يلا مع السلامه..
عمتي شكلها ماكانت تعرف شي عن شغله..


انا كنت معصب ومااتصنع تصرفاتي...نورة منرفزتني بشكل..وغير كذا تجي ورجلها مكسورة..انا افكاري مشوشه ومشاكلي بدت تكثر مااقصد على نورة لا ابدا..الشغل ورانيا وامي والوضع الي انا عايش فيه كله متعبني...كنت رايح اقابل واحد جاي من امريكا يشتغل عندي وبشوف اوضاع شغلي...ويعني في افكار براسي تدور عشان اسوي مشروع بالسعوديه ابوي قبل لايتوفى كان مخطط لهشي وقلت اكمل الي ابوي كان يبيه..
><><><><><><
الساعه 12:00 الظهر بتوقيت لندن طلع فيصل من غرفته بعد ما بدل ملابسه واتجه لصاله جلس على الكنبه وفتح التلفزيون بدا يغير من قناة لقناة ماعجبه شي سكر التلفزيون وقف من مكانه وطلع للبلكونه المطله على الهايد بارك جلس على الكرسي طلع باكيت الدخان من جيبه فيصل بالفترة الاخيرة ترك العلاج ورجع يدخن مثل اول واكثر...بعد فترة ماهي قصيرة جا ابو فيصل..
ابو فيصل وهو يجلس:صباح الخير..
فيصل:صباح النور..
ابو فيصل:تبغى نفطر هنا؟
فيصل:الي تشوفه..
بعد سكوت شوي وبعد ماجا الفطور عندهم..
فيصل:يبه ودي افاتحك بالموضوع الحين..
ابو فيصل كان معاه كوب القهوة اشر بيده لولده انه يبدا..
فيصل:ودي اخطب..
ابو فيصل:ياليت والله انا ودي اشوف ولدي متزوج ومستقر بحياته..
فيصل:بس الي ابيها امي رافضه انها تزوجني اياها..
ابو فيصل:مو خطبتها لك ورفضوا!
فيصل:الا..
ابو فيصل:خلاص الموضوع منتهي وامك مارفضت من اول مرة...بالعكس كلمتهم بس هم الي رفضوا..
فيصل:بس ما يمنع ان امي تكلم مرة ثانيه..
ابو فيصل:والله ياولدي امك كلمتني وقالت لي وجهة نظرها وانا معها..
فيصل:كيف يعني معها؟
ابو فيصل:انا بعد رافض هالزواج..مافي الا هالبنت..
فيصل:لا في بس انا ابي هالبنت..
ابو فيصل بلهجة استهزاء:وش حب وغرام وخرابيط مابعد كبرت على هالحركات..
فيصل سكت ومارد..
ابو فيصل:وش فاد هالناس الي متزوجه عن حب الا الغثا والمشاكل..ياولدي حنا اكبر منكم واوعى منكم وحنا نشوف شي انتم ماتشوفونه..
فيصل:يبه انا مالي علاقه بالي قاعد تقوله انا جاي لندن ابيك تساعدني وتوقف معاي...
ابو فيصل:اذا وافقت امك يمكن انا اوافق وترا رفضي اشد من رفض امك...وزواج من دون رضانا مااظنك تسويها...
فيصل:بتزوج برضاكم انشالله,والبنت الي ابيها..
ابو فيصل:يعني تحدي؟
فيصل ناظر ابوه ومارد..
ابو فيصل بلهجه جديه:اسألك تحدي؟
فيصل:تبيني اقولك تحدي!ماراح اقول..
ابو فيصل:انتهى الموضوع ولا تفكر تفتحه معاي مرة ثانيه ولا مع امك وتقدر ترجع الرياض..
فيصل:تامر امر..
قام فيصل من مكانه وراح غرفته حط الاشياء الي طلعها ورتب شنطته وطلع من غرفته حط شنطته عند الباب وراح لابوه بالبلكونه..
فيصل:يلا يبه انا راجع..
ابو فيصل:لقيت حجز بذا السرعه!
فيصل:رايح على دبي..
ابو فيصل:على خير اجل..
سلم فيصل على ابوه وطلع من الشقه وراح جلس في اوتيل..

>><< 

جوالي يرن ويمكن هاذي المرة الخامسه الي يرن فيها بدون ماارد كنت نايمه ومالي خلق اشوف المتصل...رجع يرن مرة ثانيه مدت يدي واخذته وكانت هاله حطيته سايلنت ومارديت عليها..شفت الساعه وكانت 3:00 رفعت نفسي بسرعه حطيت رجلي وجيت بنزل من السرير وطحت على وجهي نسيت ان رجلي مكسورة رفعت نفسي واخذتي عكازتي ورحت الحمام بدلت ملابسي وصليت وطلعت لصاله الي فوق وماكان في احد كلهم تحت جالسين...
وقفت عند الدرج وبديت انادي على منار وعمتي ثواني وابوي طلع فوق عشان ينزلني..
ابوي وعلى وجهه ابتسامه:اخخخخ بس منك..
ابتسمت:شفت وش صار فيني..
ابوي:بسم الله عليك فيني ولا فيك..
:لا بسم الله عليك..
حط ابوي يده على خصري وبدينا ننـزل بهدؤ وأخيراً وصلت اخذت عكازتي وكملت مشيي بدون مساعدة ابوي..بالدرج صعب النزول والطلوع بالعكاز..
دخلت الصاله وكانوا كلهم جالسين توهم خالصين من الغدا...
ابوي:جاهزين اليوم المغرب لاستقبال زوجتي..
السكوت عم المكان ومااحد رد عليه,ابوي كان يناظرنا ينتظرنا نرد بس مااحد رد عليه..
عمتي:ايه جاهزين البنات..
ابوي:ان شاء الله انكم ترتاحون لها..
مااحد رد..
عمتي:ان شاء الله..
ابوي:اتمنى استقبالكم لها يكون طبيعي وبدون تكلف ومانبي النظرات الي من تحت لتحت اعتبروها اي حرمه جايه تسلم عليكم وحده من قرايبكم وحده من خالاتكم عماتكم مانبي حساسيه..
عمتي:ان شاء الله الي تامر عليه بيصير..
ابوي:اعرف بناتي وماراح يخيبون ظني...
طلعوا ابوي وسلطان عشان يصلون العصر...
منار:ماراح انزل..
:وانا بعد ماراح انزل..
عمتي:بتنـزلون وانتم ما تشوفون الدرب..
منار:يعني غصب الواحد ينزل..
عمتي:لا مو غصب بس عشان ابوك بتنزلين..
:عمتي انتي تحسبينه سهل علينا...
مشاعل:مثل ماقال ابوي اعتبروها وحده من قرايبنا وانسوا هي وش تصير..
منار:نلعب على انفسنا يعني!
مشاعل:ايه العبي على نفسك..
عمتي:المغرب ابيكم تصيرون جاهزين..
طلعت عمتي من الصاله..
ريما:وانا انزل؟
مشاعل:اكيد..
ريما:تعالي ميشو معاي اطلع لي لبس..
قاموا مشاعل وريما وطلعوا من الصاله..
قامت منار من مكانها وجت جلست جنبي وبصوت واطي:نورة فيصل ماجا ولا كلم ولا حتى عبرني بهالسرعه نساني..
:منار انا من جد ماادري وش اقولك..
منار:بتصل عليه بس بتطمن..
:لا يامنار انتي وعدتي عمتي ولازم تصيرين عند وعدك..بعدين عمتي ما قصرت وكلمته وقالت له يجي يتقدم بس هو الي ماجا..
منار:انا خايفه صار فيه شي..
:مافيه الا العافيه..
منار:قلبي ماراح يطمن الا لو كلمته,نورة انا مااقدر اصبر بروح اتصل عليه..
:والله يامنار لو اتصلتي بقول لعمتي..
منار بدت تصيح:انا احبه احبه انتم تبوني انساه كيف انساه علموني كيف انساه..علميني يانورة علميني انتم تعطوني اوامر وانا انفذها وللحين ما شفت شي...
دخل سلطان بوقتها وجلس لا سلام ولا كلام...كانه داخل الصاله ومافيها احد..
منار لما شافته طلعت من الصاله بسرعه..
:لا لا منار وين رحتي..
اخذت عكازتي ووقفت من مكاني مشيت خطوتين وسلطان يناظرني وبصوت واطي وبحده:ارجعي مكانك..
مارديت عليه وسويت نفسي ما سمعت وكلمت مشيي..
سلطان:نورا..
لفيت عليه:نعم..
سلطان:ممكن تجلسين؟
:خير؟
سلطان:ابي اتكلم معاك..
قلبي بدا يدق بسرعه وارتبكت ماعرفت وش ارد عليه رجعت مكاني وجلست..
سلطان باستهزاء:ايوا يانورا متى الزواج؟
مارفعت عيني كنت العب بشعري:اي زواج؟
سلطان:زواجنا..
بديت اضحك او اتصنع الضحك:زواجنا!؟
سلطان:مو انتي خطيبتي نسيتي انتي قبل امس اعلنتيها بس كان المفروض تقولين لي قبل والا؟
عقدت حواجبي:وش قاعد تقول انت؟
سلطان قام من مكانه وجا جلس بالكنبه الي جنبي:وتعرفين تمثلين بعد..
:سلطان!
سلطان بحده:نورا لاتقعدين تمثلين علي..
:سلطان ممكن تفهمني انت وش قاعد تقول؟
سلطان:
I am beginning to lose my patience.

:انت قاعد تقول حكي انا مو عارفته..ممكن تفهمني السالفه؟
سلطان:اوكي اوكي نورا انا اقولك..انتي ما قلتي لميسون انك مخطوبه لي؟
:انا!
سلطان باستهزاء:لا انا..
:سلطان وش ذا الحكي؟
سلطان سكت وبدا يناظرني نظرات غريبه..
:ميسون كذابه..
سلطان:ليش تكذب ميسون بنت محترمه وماتكذب وماتعرف تلف وتدور..
:يعني انا مو محترمه وكذابه؟
سلطان:ايه..
ماأقدر استحمل اكثر من كذا احس اني بغرفة تحقيق ومسويه جريمه..سلطان اسلوبه يخوف ونظراته تموت..
جيت باخذ عكازتي اخذها قبلي ومسكهم بيده:ماراح اعطيكها الا لما تقولين الصدق..
:لا تعطيني انا بمشي بدونهم..
سلطان:يعني رجلك مو مكسورة جايه تمثلين علي وتبين تكسرين خاطري..
خنقني العبرة من كلامه احسه يكرهني بشكل:سلطان..
سلطان ابتسم:وقفي وامشي وتطيحين وتنكسر رجلك الثانيه..
:سلطان لو سمحت عطني العكازة..
سلطان:نو..
مديت يدي بسحبهم منه مسك يدي بيده وكانت باردة حسيت بحرارة وقلبي يدق ونفسي سريع سحبت يدي بهدؤ وماتكلمت ولا كلمه...
ماادري وش الاحساس الي جاني لما مسكت يدها كانت حركه عفويه ولا شعورياً مديت يدي ومسكتها احس الحرارة الي بيدها انتقلت لكل جسمي..سكوت ونظرات بيني وبينها سحبت يدها بهدؤ وحطتهم بجيبها ابتسمت لحركتها...شفتوا وش سوت طلعت نفسها انها برئيه وان ميسون كذابه وتتبلى..المشكله اني اعرف الثنتين كويس وعارف حركات كل وحده, ميسون لا يمكن انها تسوي كذا وليش اصلا تقول كذا...
بهدؤ اكثر وبصوت واطي:نورا الي صار احرجني..
ماردت علي وماكانت تناظرني تحاول تشغل نفسها باي شي..
:
I think you are getting carried away

عقدت حواجبها لكلامي ووجها صار احمر يمكن غلطت بالتعبير والمفروض اني مااقولها كذا..
نورة:سلطان انا ماقلت شي ولا انجرفت بعواطفي ولا بالغت ميسون تألف من عقلها وشكلها هي...
سكتت وماكملت كلامها..
:شكلها هي ايش؟
نورة:اسألها..
سلطان:بسألها بس قلت قبل اقولك اخاف اسألها وتطلعين انتي الي قايله الكلام وتنحرجين..
ماكان عندي نيه اسأل ميسون ولا راح اسألها بس ابي اخوفها شوي..
نورة:سلطان ممكن عكازتي؟
:ممكن بس قبل مااعطيك بقولك شي.نورا انا ماابيك تحكين معاي ولو حكيتي ماراح ارد عليك انا رجال وماني مراهق بجلس العب معاك وامزح..
كلامي يمكن جرحها مو يمكن أكيد ان جرحها بس انا من جد ماابي احكي معها انا ماابي احبها وماابيها تحبني يمكن صعب علينا كلنا لكن لازم يصير كذا انا مااقدر اكون حبيب لنورة ولا بطل قصة حبها لاني عارف اني بالنهايه بجرحها عارف اني ماراح اتزوجها وبرجع لامريكا ويمكن ماارجع لهم مر ثانيه..
حسيت انها ماقدرت تحكي ولو حكت بتبكي وبصعوبه:انا..بعد..ماراح احكي معاك وماابي اصلا احكي معاك..
:يكون احسن..كذا حنا متفقين..
مديت لها العكاز وطلعت من الصاله كنت متضايق من الي صار كنت قاسي معها ومااهتميت لمشاعرها...
انفجرت صياح دموعي كانت اقوى مني ,كلامه كان مثل السم سلطان ما يعرف هو بالنسبه لي ايش انا احبه وبهالموقف حسيت اني ماعني له ولا شي ليش ليش كذا يصير معنا كلنا ننجرح انا ومنار ومشاعل وهاله كلهم ما يحسون فينا كل واحد همه نفسه وبس واخر ما يفكر فيه الطرف الثاني..اكرهك اكرهك ياسلطان..
طلعت من الصاله ونزلت لمرسمي كنت انزل وانا جالسه مالقيت احد ينزلني وماكنت ابي احد اصلاً..
جلست بمرسمي الى الساعه 6:00 ,نصف ساعه ويأذن المغرب وزوجة ابوي بتجي بعد المغرب وانا للحين ماتجهزت...جتني مشاعل وطلعتني فوق تحممت وبدلت ملابسي ونزلتني عمتي وصرنا كلنا تحت الا منار..
عمتي:وين منار؟
سارة:الحين بتنـزل..
الكل ساكت وننتظر ابوي وزوجته دقايق ورن جوال عمتي وكان ابوي..
عمتي بعد ما سكرت:تراهم عند الباب..
تبادلنا النظرات..
عمتي:ريما روحي نادي منار وقولي لها تنـزل بسرعه..
قامت عمتي وراحت عند المدخل عشان تستقبلها...
التوتر باين علينا وكل وحده منا تفكر واكيد بالي بتجينا بعد شوي...
اقتربت اصواتهم وتوترنا يزيد..
وأخيراً جو عمتي وابوي وزوجته وراها..
تقدمت عمتي وتقدموا ابوي وزوجته وصاروا جنبها..
ابوي:بنات هاذي زوجتي سحر...
ماكانت طويله ولا قصيرة طولها عادي شعرها كان قصير يغطي اذنها تعتبر بيضا مااقدر اقول عليها تميل لسمار كانت تميل للبياض اكثر عمرها 30 33 بالكثير وبطنها كان كبير تقريباً ومبين عليها الحمل..
وقفوا مشاعل وسارة عشان يسلمون عليها,مشاعل سلمت عليها زين اما سارة سلمت بدون ماتتكلم ولا كلمه وتحسبون ان سحر كانت تسأل وتسلم بادلت برودهم ببرود وكان مبين انها داخله وبقوة وماتبي تعطينا مجال نتمرد عليها..جت وسلمت علي بدون ماتنطق ولا كلمه وانا ماحاولت اتكلم...
جلست جنب ابوي وعمتي كانت تسأل وتسولف اما حنا كنا ساكتين ولاحاولنا اننا نوجه انظارنا لها...
دخلت منار وكانت لافه شعرها وصاير منفتش لان شعرها كيرلي ولابسه تي شيرت وبرمودا شكلها كان مرة مبهذل ولا بالبيت ماتجلس كذا منار مدت يدها وصافحتها بس وراحت جلست..ابوي تغيرت تعابير وجهه وباين انه تضايق من منار...جلست منار جنبي وماحاولت انها تناظرهم ابدا تشغل نفسها باي شي تفك شعرها وتربطه تطق اصابعه تتكلم معاي...
منار ببرود وباسلوب منرفز:ايه صح وش اسمها يبه؟
عمت عطت منار نظرة وابوي نفس الشي بس حاول انه يجاريها
ابوي جا بيتكلم قاطعته زوجته (معليش اسمحولي ماتعودت على اسمها وماابي اقوله):اسمي سحر ال........
منار:اول مرة اسمع بهالعيله..
ابوي هنا عصب وماقدر يمسك اعصابه وكان يبي يحط حد لمنار عشان ماتتمادى مع الايام اكثر..
ابوي:منار..
منار:وانا صادقه اول مرة اسمع فيها..
ابوي:اطلعي غرفتك..
قامت منار بوثوق وغرور وهي تمشي طالعه من الصاله..
سحر:تراني بنت ناس وعالم يامنار ولو اني مو قد المقام ابوك ماتزوجني...
منار:مايهمني انتي وش تكونين واحتفظي هالحكي لنفسك,وياما ناس اخذوا الي اعلى منهم بكثير..
طلعت منار من الصاله بخطوات سريعه السكوت عم المكان وابوي ماراح يعدي هالليله على منار بخير..
مد ابوي يده على كتف زوجته يهديها ابتسمت بوجهه وبصوت مسموع:منار مثل اختي الصغيرة وانا عارفه انها متضايقه وماراح اخذ بحكيها...
قامت سارة وطلعت من الصاله بسرعه...
عمتي تحاول انها تسولف وتغير الجو المتكهرب...
بعد فترة قصيرة جت فاطمه ووقفت عند طرف الصاله وبصوت عالي شوي:مشاعل عمي خالد عند الباب ادخله بالصاله والا بالخيمه؟
مشاعل تغيرت ملامح وجهها ونظرات صارت بينا كلنا ماادري تعابير مشاعل كانت ممزوجه بفرح واستغراب وتوتر..
عمتي:بالخيمه..
ثلاث اسابيع ومشاعل ماشافت خالد وحنا بالاسبوع الرابع يعني بيصير شهر وهي ماتدري عنه...مشاعل تحب خالد وحبه واضح بعيونها ماتقدر تخبي هالشي ولا تنكره...قامت مشاعل واستأذنت قبل لا تطلع وكانت تمشي بسرعه وكانها خايفه انه يروح..
قامت عمتي وراها...
مشاعل وعمتي عند باب المدخل يحكون بصوت واطي..
عمتي:ماقالك انه بيجي؟
مشاعل:لا..عمتي انا خايفه..
عمتي:تخافين من ايش مشاعل هذا زوجك وان شاء الله انكم بتتفاهمون وبتنحل كل الامور..
مشاعل:خايفه يكون جاي يطلقني..
عمتي:مشاعل وش هالحكي؟
مشاعل:عمتي الافكار ماليه راسي..
عمتي باست راسها:يلا يابنيتي روحي وكل خير ان شاء الله بيصير..
مشاعل راحت عند المرايا تشوف شكلها..
عمتي:تهبلين وكلك ملح..
ابتسمت مشاعل وطلعت وبخطوات بطئيه...
وقفت عند باب الخيمه الي كان قزاز والي داخل يشوف الي برا...
دخلت مشاعل بهدؤ وبصوت واطي:السلام عليكم..
التفت عليها خالد الي كان واقف ومعطيها ظهره:وعليكم السلام...
قرب خالد منها ومسك يدها وباسها:شخبارك مشاعل؟
مشاعل:الحمدالله,انت شخبارك؟
خالد:ماكنت بخير..
مشاعل سكتت..
خالد:انا بدونك يامشاعل مااسوى شي..
ناظرته مشاعل ومو مصدقه الي قاعد يقوله..
خالد:ليش كذا تناظريني؟
مشاعل:مو مصدقتك..
خالد اخذ نفس طويل:ممكن نجلس..
مشت مشاعل قدامه وجلست..جا خالد وجلس بمكان قريب منها..
خالد:مشاعل انتي رحتي بيت اهلك عشان ترتاحين وتفكرين...
مشاعل:ارتاح!انا بحياتي ماارتحت ياخالد انا من تزوجتك وانا مو مرتاحه..
خالد:انا عارف..
مشاعل:شخبار امك وابوك؟
خالد:بخير يسألون عنك..
مشاعل:الله يسلمهم..
خالد:مشاعل انا جايك وابيك ترجعين لبيتك ولزوجك..
مشاعل:ماراح ارجع ياخالد..
خالد عقد حواجبه:كيف يعني ماراح ترجعين؟
مشاعل:ماراح ارجع واتعذب معاك اجلس في بيت اهلي معززة مكرمه عارفين قدري وقيمتي..
خالد:قدرك وقيمتك محفوظين...
مشاعل:خالد انا..انا احبك بس مااقدر اعيش معاك خالد انت قلبك وعقلك مو معاي ابدا انت عايش بجسد بدون روح انا احس اني عايشه مع صنم مع جدار خالد انا صبرت ولصبر حدود...
خالد:عارف..
مشاعل:مادامك تعرف ليش انت كذا؟
خالد:اوعدك يامشاعل اني اتغير..
مشاعل سكتت كانت تفكر بكلامه وماهي مقتنعه بالي يقوله..
خالد:انا اوعدك..
مشاعل:ماراح ارجع معاك الحين..
خالد ابتسم:انا ماراح ارجعك البيت..جهزي نفسك بعد اسبوع مسافرين..
سكتت مشاعل..
خالد:اتمنى انك توافقين؟
ابتسمت مشاعل:انشالله..
خالد:الاربعاء الجاي رحلتنا الساعه 6:00المغرب..
مشاعل:خالد ترا في كلام كثير ما قلته..
خالد:اذا على موضوع الحمل...
قاطعته مشاعل:شايلته من بالي وماابي احمل مااحد يعرف الدنيا وش بتجي عليه..
خالد:يكون أحسن..
سكتت مشاعل وراحت بأفكارها لبعيد..
خالد مد يده وحطها على راس مشاعل:مشاعل وش فيك شكله ضايق صدرك؟
مشاعل خنقتها العبرة:ابوي...ابوي..تزوج..
خالد باستغراب:تزوج!!
مشاعل بدت تصيح:اييه تزوج..
قرب خالد لها اكثر وضمها:لاتضيقين صدرك مشاعل..
مشاعل:غصبا عني ياخالد..
خالد:معليش مشاعل لاتبكين.. 

بوقتها دخلت عمتي وماحسوا فيها..
عمتي بصوت عالي:السلام عليكم..
بعدت مشاعل عن خالد ولفوا على عمتي..
خالد:وعليكم السلام..
وقف لها خالد وراح سلم عليها..
جلست عمتي تسولف مع خالد وبعد ماطلع خالد رجعوا مشاعل وعمتي عندنا...وابوي وزوجته طلعوا..
سارة:ها وش صار؟
عمتي وهي تحط يدينها فوق بعض:نصف ساعه وقلب راس البنيه ولا بعد..
مشاعل تناظر عمتي عشان ماتكمل حكيها وتحرجها قدامنا:عمتي..
سكتت عمتي وماكملت حكيها..
سارة:ههههههههههههههههههه...
مشاعل سحبت سارة من يدها وطلعوا من الصاله..
عمتي توجه نظراتها لمنار:عجبك الي سويته؟
منار:ماسويت شي..
عمتي:ما سويتي شي!!نازله لي بخرقة وشكلك وحده كانها بعزاء وغير كذا سلامك زي وجهك مسلمه على رجال انتي لا وبعد ترمي حكي يدل على اخلاقك ماشاء الله لا اله الا الله..
منار:عمتي انتي ما شفتي كيف هي وقحه وداخله على شر...اصلا لو هي تحب ابوي كان ماردت كذا..
:وبعدين عمتي شفتي سلامها كيف هي الي بدت والبادي اظلم والله لاوريها نجوم الظهر...
منار:وانا بعد مع نورة..
عمتي:زين تحنسدون على هالاخلاق...لا والثانيه بعد قامت وراحت تطلع كانها شايفه لها جني..
منار:سارة؟
:هههههههههههه ايه سارة..
منار:ههههههههههههه...
عمتي:مافي شي يضحك...ابوكم الي بيتصرف معاكم مو انا..
ريما:انا بعد مااحبها شكلها شريرة...
منار:حتى ريما ماحبتها..
عمتي:مين خواتها..
قامت عمتي وطلعت من الصاله...
><><><><><
طلع فيصل من فندق الشيراتون بدا يمشي بشارع اكسفورد والخليج مالين المكان بداية الاجازة ولندن تزدحم ماحاول فيصل يختلط بأحد كمل
مشييه وصل البيكدلي وراح على طول لبلانت هوليوود
وطلب له شي خفيف واكل بسرعه وطلع من المطعم وكمل مشي الجو كان بارد شوي وبدا ينزل مطر الي ماحسب له فيصل حساب ماأثر بفيصل وماحاول انه يرجع للاوتيل..فيصل كان يمشي ويسترجع أحلى ذكريات له بلندن...
بلندن بداية منار وفيصل الشارع الي فيصل يمشي فيه بنفس المكان كان واقف هو ومنار ابتسم فيصل وهو يسترجع ذكرياته وكيف تعرف على منار..
قبل ثلاث سنوات تقريباً وقريب بتصير اربع سنوات...
بدت اجازة الصيف وبدينا نرتب لسفرنا والي كان هالسنه للندن مثل السنه الي قبلها...كانت سفرة مثل اي سفرة قبلها لا تأثر ولا تزيد 
طلعنا كلنا انا وخواتي للقهوة جالسين ومعنا بنات عمتي القهوة كانت مليانه تقريبا...سواليف بنات الجلسه كانت هادية ومافي اي شي يعكر مزاجنا...منار جالسه جنبي وحاطه شنطتها على الطاوله بلحظه وبسرعه وبدون مانحس جا واحد وسحب الشنطه وبدا يركض منار لا شعوريا بدت تركض وراه ماتقارن سرعته بسرعة منار كان يركض بسرعه ومنار تحاول انها تلحق عليه..كانت وراه وتصارخ تبي احد يمسكه..
منار بصوت عالي:شنطتي شنطتي..
فيصل كان بوجهها ولما سمعها ركض وراه بس الي سرقها قد راح...ودخل على شارع ثاني..
منار وهي تركض لفيصل:رااااح..شنطتي ياحماااار ياحراامي...تجيك سيارة وتطيرك انشالله..
حطت يدها على خصرها:وانت ليش مامسكته؟
فيصل:آسف اختي بس مالحقت عليه..
منار بصوت عالي:ابييي شنطتي...
فيصل:شنطتك فيها شي؟
منار:اكيد فيها..
فيصل:محفظتك فيها؟
منار:لا..
فيصل:اجل وش فيها؟
منار:مالك دخل وش فيها..
فيصل:اقصد فيها شي ثمين؟
منار كانت تسب الي سرق شنطتها وتدعي عليه وماردت على فيصل..
فيصل طل بوجهها:شكلها فاضيه..
:وخر عني..
فيصل:تبين نبلغ عنها بس مااتوقع بينمسك..
منار:لا شكراً..
منار جلست على الارض وربطت جزمتها زين لانها انفكت من الركض..
فيصل:فيها موبايلك؟
منار:نعم؟
فيصل:موبايلك فيها؟
منار:لا..
فيصل:هههههههههههههههههه يعني جايبتها كشخه بس؟
وقفت منار وكملت مشيهها وفيصل جنبها يمشي منار كانت قصيرة مرة بالنسبه لفيصل..
فيصل:مااتوقع فيها مكياج لان شكلك يروع..
منار لفت عليه:بعد قليل ادب..
فيصل:تبين مرايا تشوفين شكلك؟
منار:بعد عني..
منار صارت تمشي بخطوات اسرع..
فيصل من وراها:هذا محل يبيع شنط تين اشتري لك وحده؟
ماردت عليه وكملت مشيهها..
فيصل:بس ودي اعرف وش فيها..كسر خاطري الحرامي سرقها وهي فاضيه..بس اتوقع الحين بيجي ويرميها بوجهك..بعد تركض وراه ههههههههههههههههههه...
منار:والله بالجزمه على وجهك...
فيصل:بنت ديرتي تمونين...
رجعت منار للقهوة الي جالسين فيها وكنا مايتين خوف عليها..
سارة بصوت عالي:منااااااااااااااار كذا تروحين وراه مجنونه انتي؟
فيصل كان وراها ويسمعنا نحكي معها راح فيصل عند ربعه وماصار شي بهاليوم...
شهر كامل جالسين فيه وفيصل نظراته لمنار صارت واضحه وكل مكان نروح له نشوف فيصل فيه....ماحاول انه يكلمها ولا يتعرض لها..
بعد اسبوع بنرجع وفي يوم...
قبل غروب الشمس وكنا راجعين لشقه انا ومنار بنغير ملابسنا وبنطلع مع ابوي وعمتي...
مرينا من مطعم كان جالس فيه فيصل ومعاه عيال..اول ما شافنا فيصل قام من مكانه وصار يمشي جنبنا ما انتبهنا له انا ومنار..بعدنا شوي عن المطعم الي كان جالس فيه..
فيصل:منار ممكن شوي اتكلم معاك؟
لفت عليه منار والشر بين عيونها:تعرف اسمي ياقليل الادب..
فيصل:والله سمعته بالصدفه..
سحبتني منار من يدي وصرنا نمشي بسرعه..
فيصل:منار اسمعيني بس انا بكرة بطلع من لندن..
منار:احسسسن..
فيصل:منار يمكن ماراح اشوفك الا السنه الجايه ويمكن مااشوفك..لو سمحتي خذي هاذي الورقه بس..
منار:بععععععد عني زبالتك..
فيصل:قويه قويه يابنت عبدالاله..والله ماراح اطلع من هنا الا وانتي...
قاطعته منار:لاتطلع من هنا عفن وموت واندفن بلندن وماراح اخذ منك شي..
وقف فيصل وماصار يمشي ورانا مافقد الامل ومن بكرة شفناه لوحده وربعه طلعوا من لندن...
رجعنا الرياض وانتهة الصله الي بينا وبين فيصل...
دخلت مرة على منار وكانت تكلم وارتبكت لما شافتني وسكرت الخط بسرعه واكتشفت انها تكلم فيصل منار كسرت كلمتها وكلمته...
كانت صدمه بالنسبه لي صارت بينا مشكله انا ومنار وتركته بس رجعت له مرة ثانيه...منار حبت فيصل وهو حبها غيرت فيصل من واحد راعي بنات وشرب لواحد عاقل يصلي يخاف ربه...لكن وش استفادت مابني على باطل فهو باطل عدت الجمله اكثر من مرة ولي هدف ماراح اقوله هو واضح بدون مااتكلم انا فيه....
><><><><><
مر اسبوع وانا وسلطان مانتكلم مع بعض...ابوي مايكلم منار عشان الي سوته بزوجته...سارة الوحم بدا فيها وحالتها حاله..اما مشاعل اليوم بتسافر....
منسدحه ساره بالسرير تنتظر فهد يرجع من شغله الساعه 5:00 العصر وفهد للحين مارجع ولا اتصل..
بعد فترة قصيرة دخل فهد وكان يكلم صحت سارة من صوته...
سارة:وينك؟
فهد ياشر لها بيده انها تصبر شوي..
بعد ما سكر وهو يفصخ شماغه:هلا والله حبيبتي..
سارة:وينك,مو المفروض تكلم..
فهد:اتصلت وانتي مارديتي شوفي موبايلك..
سارة:ماحسيت فيه..
فهد:نايمه؟
سارة:ايه مليت وانا انتظرك..
فهد:تغديتي؟
سارة:لا..
فهد:امشي ننـزل نتغدى..
بدلت سارة ملابسها وظبطت شكلها شوي وبعد ماطلع فهد من الحمام طلعوا من الغرفه..
فهد حاط يده على على كتف سارة ويسوفون بصوت واطي,وهم نازلين من الدرج ام فهد كانت طالعه..
ام فهد:فهد جيت ماشفتك؟
فهد وهو يحب راس امه:تاخرت اليوم بالشغل..
ام فهد:سارة وينك ماشفناك بالغدا؟
سارة:قلت انتظر فهد..
كملت ام فهد وسارة وفهد نزلوا تحت...
على سفرة الطعام..
فهد:حبيبتي ليش ما تاكلين؟
سارة:مااشتهي..
فهد:كيف ما تشتهين لازم تاكلين والا نسيتي انك حامل..
سارة:عشاني حامل مااشتهي..
فهد وهو يحط لها اكل بصحنها:عشاني طيب كلي الي تشتهين..
سارة:فهد والله مااشتهي..
فهد:عشاني..
سارة:شوي بس..
فهد:هذا شوي..
اخذت سارة الملعقه بس مااكلت تلعب فيها وتحرك الاكل فيها..
فهد:سارة وش فيك سرحانه؟
سارة:مافيني شي..
فهد:اييه ذكرتيني امس انا وبدر نسولف..
سارة:ايه.
فهد:اصبري اكمل حكيي,يبي يخطب وله فترة يدور وعاد مذكورة له نورة اختك..
سارة تقاطعه:نورة؟
فهد:ايه نورة..كان يسألني عنها وقالي اسأل زوجتك اذا هم يوافقون يزوجنها قبل منار ويعني من هالحكي..
سارة:لانورة صغيرة بعدين منار قبلها وعمتي لو تبي زوجت نورة تقدم لها ناس مرة كثير وماينعابون,ومن ايام ماكانت بالثانوي وانا مخطوبه لك وهو يجيها...
فهد:اسألي انتي طيب..
سارة:هاله بنت خالتي تجنن البنت وحبوبه وطيبه ومملوحه..
فهد:ايه صح تصلح له هاله..
سارة:قله عنها وشف وش يقول...انا اشوف هاله تناسب لبدر اكثر من نورة..
فهد:خير ان شاء الله..
سارة:بدر كم عمره؟
فهد:26..
سارة:وين يشتغل؟
فهد:بسم الله عليكم يالحريم الاسئله جاهزة..
سارة:ههههههههههههههه بعد بنت خالتي..
فهد:هاله كم عمرها؟
سارة:بثاني جامعه قسمها ترجمه وحيدة امها وابوها..
فهد:ههههههههههههههههه الاجوبه جاهزة بعد..
سارة:فهد عاد زواج هذا مو لعبه..
فهد:اقول لبدر اول..
سارة:انت شو قالوا لك عني قبل لا تخطبني؟
فهد:قالوا جمال ودلال واخلاق وطيبه قبل مافي احد مثلها وقالوا يابخت الي بياخذها..
سارة:هههههههههههههه...ماكذبوا
فهد:لاوالله ما كذبوا..
بوقتها جت مضاوي..
مضاوي:هلا فهييد وينك اليوم؟
فهد:هلا والله تأخرت شوي..
مضاوي:سارة تنتتظرك وقالت ماراخ اتغدى الا مع فهد..
فهد:ماتقدر تتغدى بدوني...
مضاوي:انت والله الي ماتتغدى بدونها..
فهد:اييه كلنا مانقدر نتغدى بدون بعض..,والا سارة؟
سارة حمر وجهها وابتسمت بوجه فهد..
مضاوي:الله يزوجني انشالله..
فهد:الله يعين زوجك..
سارة:لاوالله ياحظه..
مضاوي:ياحبيلك شف الذوق انت..
جلسوا يسولفون وجت شيخه معهم الى صلاة المغرب...
><><><><><

منسدحه بالصاله واتأمر على ريما روحي وجيبي وسوي طبعا كل هذا مصلحه من ريما يعني مو عشاني تبيني اروح معها عشان تشتري لها العاب...
مشاعل توها طالعه هي وخالد رايحين للمطار اليوم سفرهم وان شاء الله خالد يتحسن مع مشاعل والله ما تساتهل الي يصير لها...
ريما:نورة يلا متى نروح؟
:بعد شوي بتجي هاله واذا جت نطلع..
ريما:كلميها شوفي متى راح تجي..طفشت..
:ريما ترا والله مااروح معاك..
ريما:نورة انتي كذابه كذابه..
:قلت لك طيب بروح معاك اصبري شوي تجي هاله..
ريما:لو عمتي ماراح تروح لناس كان جت معاي..
:خلاص روحي قولي لمنار..
ريما:انا قاعده اجيب لك ماي وكل شي تبينه والحين تقولين كذا..
:اجل اصبري...
ريما:صبرت صبرت صبرت...
دخل سلطان وهو يضحك كان يكلم ومبسوط توه راجع اليوم من الظهر وهو مو بالبيت..
اول ماشافته ريما ركضت له وضمته شالها وكان يكلم وهي معاه بعد ما قفل جا لصاله وجلس وحط ريما جنبه..
ريما:سلطان شوف نورة..
سلطان:ايش سوت لك كمان؟
ريما:انا ابغى اشتري العاب وعمتو الحين بتطلع ومشاعل سافرت مع جوزها ونورة قالت لو سمعتي كلامي اطلعك وانا سمعت كلامها والحين تقولي اصبري شوي عشان تجي هاله ونروح كلنا..نورة كذابه..
سلطان:شلون توديك وهي مكسرة...بعدين نورة بنت كذابه ما يختلف عليها اثنين...
ريما:ههههههههههههههههههه...
سلطان:انا اوديك..
ريما:والله..
سلطان:اييه والله يلا تجهزي..
انا بصوت عالي:السواق بيصر مع عمتي والسواق الثاني انا ابيه...
سلطان وهو يناظر ريما:انا اليوم جبت سواق وسيارة بيصرون لي ولك..
ريما:والله؟
سلطان:انا قد كذبت عليك؟
ريما:لا..
سلطان:خلاص يلا انا ببدل ملابسي ونروح للي تبين..
قامت ريما وجت عندي:سلطان يوديني من زينك انتي اصلا...
وطلعت غرفتها بسرعه..وقام الثاني وراح غرفته..
انا مرة عصبت يقول علي كذابه..ماقدرت ارد عليه حقير والله لاردها لك ياسلطان...
بعد فترة قصيرة وبعد ماطلعوا ريما وسلطان جت هاله..
هاله:بعد قلبي والله المكسرين...
جت وسلمت علي وجلست جنبي..
:هاله انا مرة معصبه..
هاله:زعلانه للحين؟
:تخيلي بس سلطان تو يقول اني كذابه لريما..
هاله:يااختي هذا الانسان قليل ادب نورة لايصير اكبر همك..
:اسكتي بس..
هاله:ايه صح مو بنطلع الحين مع ريما؟
:راحت معاه الحمارة..
هاله:الله يعافيها امشي نطلع وين منار؟
:فوق...
هاله:عمتك طلعت؟
:ايه,وين نروح؟
هاله:انا جوعااااانه وابي اروح مطعم..
:وانا بعد جوعانه..
هاله بصوت عالي:منااااااااااااااااااااااار..
:ماراح تسمعك..
قامت هاله وجلست بالكنبه الي جنب التيلفون:كم رقم غرفتها؟
:23
هاله:منااااااااااااار انا وصلت تعالي تحت مرررة مشتاقتلك..
منار:يلا الحين بنزل..
ثواني ومنار تحت عندنا وعيونها منفخه من الصياح..
هاله:منار وش فيك؟
منار:مافيني شي..
هاله:كنتي تصيحين؟
منار سمعت هاله من هنا انفجرت صياح..
هاله راحت جلست جنب منار وضمتها:منار حبيبتي لا تصيحين وفيصل ان شاء الله بيجي ويتقدم لك..
منار:ماراح يجي ماراح يجي..تلقين الحين لقا له وحده ثانيه..
هاله:منار معليش لا تصيحين..
منار بعدت عن هاله ومسحت دموعها:يلا تبون نروح؟
:يلا..
منار:استأذنتي من عمتي؟
:ايه قلت لها..
منار:طيب يلا امشوا..
طلعنا حنا الثلاثه ورحنا تعشينا....
بالسيارة بدر يسوق وفهد جنبه طالعين من بيت ابو فهد الكبير ورايحين بيت فهد...
فهد:وين فيصل يااخي من زمان ماشفناه..
بدر:انا والله مااشوفه الا بالشغل..
فهد:وراه تغير؟
بدر:ماادري والله
فهد:قل ماابي اقول لاتقول ماادري..
بدر:ماابي اقول..
فهد:اييه سألت سارة عن نورة اختها..
بدر:وش قالت؟
فهد:قالت مااظن ابوي بيوافق يزوجها قبل منار,وقالت لي على بنت خالتها..
بدر:وكيف البنت؟
فهد:والله ونعم تمدح فيها وتقول تصلح لبدر,وانا بعد اقول انها تصلح لك..
بدر:وش اسمها؟
فهد:هاله ال....
بدر:كم عمرها؟
فهد:ثاني جامعه..
بدر:وكيف البنت؟
فهد:التفاصيل خواتي يقولونها لك..
بدر:طيب ابي اشوفها..
فهد:تشوفها!!
بدر:ابي قبل لا اخطبها اشوفها..اروح اخطب البنت وانا ما شفتها..
فهد:مضاوي وشيخه اتفق انت معاهم انا مالي شغل..
بدر:طيب بالبيت الحين؟
فهد:ماادري والله..
بدر:اتصل شوف عشان انزل والا لا..
اتصل فهد على مضاوي وكانوا بالبيت..نزل بدر مع فهد عشان يشوف مضاوي وشيخه ويسألهم عن هاله امدحوها البنات لبدر واتفقوا انهم يعزمونا لبيتهم عشان بدر يشوفها طبعاً بدون علم هاله...يعني للحين حكي وماصار شي وياما بالخطب تصير هالاشياء ولكن ربي ما يتمم يعني هاله وحده من الي انذكروا لبدر ويمكن تصير من نصيبه ويمكن لا...
><><><><><
بعد مارجعنا من المطعم جلست هاله عندنا شوي ورجعت بيتها,طلعت منار غرفتها تبدل ملابسها وتنزل تحت عندي..عمتي للحين مابعد جت ولا سلطان وريما مالهم حس...
بعد فترة قصيرة جو سلطان وريما...
دخلت ريما والضحكه من هنا لهنا وشايله معها اكياس وسلطان وراها شايل بعد اكياس..
ريما جت جلست قدامي على الارض وحطت اكياسها..
ريما:سلطان جيب الاكياس هنا عشان نورة تشوف الالعاب الي شريتها..
:انتي شكلك شريتي المحل كله..
ريما:رحنا محل الالعاب وبعدين رحنا شفنا شقة الفيصليه بالكورة الكبيرة اكلنا وبعدين رحنا شفنا شقة سلطان هي بالفيصليه بعد..
وجهت نظري لسلطان وكأني بتأكد من كلام ريما..
صد عني وكأنه يتهرب...سلطان بيطلع من بيتنا معقوووووله لا لا مستحيييل عمتي ماراح توافق له لا يكون بياخذ عمتي معاه بعد لا مااتوقع..الافكار تعلب براسي وماكنت مركزة مع ريما..
وقف سلطان عشان يروح غرفته..
:سلطان..
ماالتفت علي ورد علي وهو معطيني ظهره:وش قلت لك انا؟
:سؤال وابي جوابه..
سلطان وللحين معطيني ظهره:مالك شغل اطلع والا ارجع لامريكا والا اجلس..
:انا اسأل بس..
سلطان:لا تسألين بس..
:يعني بترجع لامريكا اجل ليش شريت الشقه؟
سلطان:على بالك اني بجلس هنا؟
ريما:سلطان بتروح وتخلينا؟
لف سلطان علينا وكان يناظرني وهو يحكي:باخذك معاي..
ريما:لا انتا اجلس هنا..
سلطان ابتسم:انا عشاني احبك جلست هنا بس الحين خلاص..
ريما:ماصرت تحبني؟
سلطان:لا احبك بس...
دخلت منار وقطعت حكينا..قلبي احسه تقطع ووجهي صار احمر ويدي ترتجف كلام سلطان احسه ماادري بس يمكن يقصدني يعني ماادري ماادري...
ماادري انا وش قلت كنت اقصدها والحكي طلع مني بدون مااحس ماادري شلون قلت كذا مو لساني الي كان يتكلم قلبي انا مااقدر اجلس هنا ماابي تتطور الامور اكثر من كذا..احس اني اضعف قدامها المفروض ردة فعلي تكون اقوى على موضوع الخطبه بس يمكن كنت مبسوط او عاجبني الي صار لا تستغربون من كلامي نورة تصرفاتها بدون قصد وعفويه ومندفعه بعواطفها...
منار دخلت الصاله وانا طلعت كانت فرصه لي اني انسحب....
رحت غرفتي وكلمت رانيا اليوم مكالمتنا كانت هاديه وبالي ماكان معها ابداً..
><><><><
جالسين انا ومنار وسارة وريما بالصاله على نهاية المغرب تقريباً وعمتي بالصاله الثانيه تكلم...
سارة:ماترد مشاعل ياثقل دمها..
منار:مشاعل مع خالد تنسى الدنيا,يااختي اموت واعرف وش يسوي بأختي..
:ههههههههههههه..
سارة:منار لو سمعتك مشاعل بتزعل..
منار:وانا صادقه..
:اذا تزوجتي نشوف بتردين علينا والا لا..
منار:من قال اني بتزوج...
سارة:حكي قلنا قبلك وتزوجنا..
منار:انتم بس انا لا..
سارة:اييه طيب قابليني..
جت عمتي وعلى وجهها ابتسامه وراها شي,جت بتتكلم بس سلطان قطع حكيها ونادها اليوم سلطان بيروح زواج بنت عمه..
راحت عمتي لسلطان وماكملت حكيها..
سارة:نورة انتي ماعندك اليوم؟
ابتسمت:الا عندي,لا تقولين لعمتي نست مالي خلق اروح..
سارة:الا بقولها..
ريما:انا بقولها..
:والله الي يقولها...
سارة قاطعتني:بطقينا بالعصا حقك..
انبلع لساني وماقدرت اتكلم عيوني كانت على سلطان الي كان ورا عمتي لا بس ثوب وشماغ..
عمتي:بسم الله عليك الرحمن الرحيم...
سلطان ابتسم ومارد على امه..
عمتي:اقرا على نفسك ياولدي..
سلطان:ان شاء الله..
سارة:معرس ماشاء الله ياعمتي..
عمتي:اسمع ياسلطان..
سلطان وعلى وجهه ابتسامه:يلا على يدك ياسارة..
عمتي بصوت عالي:فااطمه وين البخور..
منار تناظرني وتضحك..
عمتي:والله ياسلطان انك بالثوب املح واحلى مية مرة..
ريما:كانك زوج ياسلطان..
سلطان:عجبك شكلي؟
ريما:اييه..
رن جوال سلطان وكان واحد من عيال عمه..
سلطان:دقايق وانا عندكم..
قفل منه ولف على عمتي:يلا يمه انا بروح..
عمتي:البخور يافااااااطمه..دقيقه بس ابخرك..
سلطان:مايحتاج يمه..
جت فاطمه وتمشي بخطوات سريعه ومعها البخور..
اخذت عمتي منها البخور وبدت تبخر سلطان..
عمتي:عقبال ماابخرك معرس..
سلطان:آمين..
رد سلطان على عمتي مجامله بس ماكان يحب يتكلم بذا الموضوع واحسه يتضايق يمكن امممممممممم ماادري..
طلع سلطان بخطوات واثقه وشكله كان حلو بالثوب والشماغ توقعت بيطلع عليه شين...عمتي للحين تسمي وتقرا عليه..
سارة:يلا ياعمتي عندك نورة لسلطان..
عمتي:يالييييييييت والله
انا وجهي صار احمر الحمدالله عمتي رجعت مثل اول..
عمتي وهي تناظر منار:كلموا توا ناس يخطبون يامنار..
منار اعصابها انشدت وصارت تناظر عمتي بتركيز وتنتظرها تقول مين..
سارة:مشاالله وش قصة الخطاب هالايام..
ناظرت منار وناظرت عمتي:مين؟؟

________________________________________
(الجزء العاشر)

ما كل ما يتمناه المرء يدركه ....تجري الرياح بما لا تشتهي السفن....
منار اعصابها مشدودة وافكارها راحت لبعيد كانت تنتظر عمتي تنطق باسم فيصل هذا الي جا في بال منار ولا توقعت واحد غيره,منار حست ان احلامها بدت تتحقق وان الحظ صار معها هالمرة...
عمتي:والله واحد ماجا في بالي ابداً ولا كنت اتوقع انه يجي..
سارة:عمتي عاد لعب اعصاب هو..
:من جد عمتي يلا قولي..
منار ماقدرت تحكي احس انها جمدت في مكانها..
عمتي:مساعد ولد سليمان صديق ابوك..
اسمه كان صاعقه لنا كلنا عقدت حواجبي:مساعد؟
منار وجهها صار اصفر والدنيا سودت بوجهها احلامها تبخرت بسرعه وتخيلاتها صارت سراب,تعابير وجهها جامده ومانطقت ولا كلمه..
سارة:بسم الله عليك عمتي يمكن اسامه,مساعد متزوج..
:ايه والله حاضرين زواجه بعد..
عمتي:مايطلق الواحد..
سارة:طلق فاتن؟متى ؟مادرينا..عندهم بنت ياعمتي..
عمتي:لهم سنه منفصلين..
سارة:الله,هم متزوجين قبل مشاعل..
عمتي:ايه قبل مشاعل بكثير..
:شلون يتقدم لمنار وهو مطلق ولا بعد عند بنت..
عمتي تناظر منار:ماعلقتي يامنار؟
منار:مايهمني الموضوع..
عمتي:واحد متقدم لك ما يهمك الموضوع؟
منار:لا ما يهمني..
عمتي:تراني مارديت عليها بقول لابوك اول..
منار:شايفني محروله والا ناقصه يد والا رجل عشان اتزوج واحد مطلق لا وعنده بنت بعد..
سارة:من جد عمتي مساعد كبير..
عمتي:عشانه مطلق نرفضه..مو عيب الطلاق والولد مشاء الله ما ينعاب واحسن من مية واحد ما تزوج..
سارة:والنعم فيه ما قلنا شي..
:ليش طلق طيب؟
عمتي:ماارتاحوا لبعض مو عيب لاحد فيهم..
منار:مالي شغل انا فيهم يطلقون يرجعون..
سمعنا صوت ابوي توه داخل للبيت..
وقفت منار عشان تطلع من الصاله:ولا أحد يفتح هالموضوع قدامي..
دخل ابوي وطلعت منار من الصاله بسرعه..
ابوي:اي موضوع؟
عمتي:اقولك بعدين..
سارة:هلا يبه شخبارك؟
ابوي:هلا سارة,ورا وجهك كذا؟
سارة ابتسمت:الحمل متعبني..
ابوي:اول الحمل وبعدين ترتاحين,نورة كيف رجلك؟
:احسن..
ابوي يناظر عمتي:وش الموضوع؟
عمتي:نروح الصاله الثانيه..
طلعت عمتي وابوي جنبها وراحوا الصاله الثانيه..
ابوي وهو يجلس:خير وش سالفتها منار.,الفترة الاخيرة البنت منقلبه فوق تحت..
عمتي:مافيها شي دلع,كلمتني قبل شوي منال زوجة صديقك ابراهيم..
ابوي:ابراهيم امس عندي..,وش تبي منك؟
عمتي:تخطب..
ابوي يقاطعها:منار؟
عمتي:ايه..
ابوي:اسامه؟
عمتي:لا مساعد..
ابوي:ايه هو قالي انه ولد يبي يخطب..
عمتي:عاد شفت بنتك ما تبي نطت بوجيهنا..
ابوي:مساعد والنعم فيه رجال بمعني الكلمه منطق واخلاق ودراسته ومحامي ناجح مشاء الله..
عمتي:مطلق وعنده بنت..
ابوي:مو عيب..
عمتي:معاك بس بنتك ماتبي..
ابوي:والله انا مساعد كنت اتمناه لوحده من بناتي..
عمتي:والله حتى منال تحس انها تبي منار وتبي تناسبنا..
ابوي:القرار يرجع لمنار..
عمتي:الله يكتب الي فيه الخير..
بالطرف الثاني انا وسارة جالسين نحكي وبعدها طلعنا فوق عند منار..
الساعه 11:00 جالسين بالصاله الي فوق انا وسارة وعمتي ومنار مع ريما بغرفتها..
ريما اليوم التعب رجع لها وحرارتها ارتفعت ووجها كان اصفر واطرافها باردة...عمتي ومنار كانوا عندها يحطون لها كمادات وخافض حرارة اما سارة اليوم بعد ما تعشينا تعبت مرة الوحم بادي معها هالايام وخاصه انها بتدخل الشهر الثاني...
اما انا انتم اعلم بحالتي متمددة على الكنبه ورجلي مرة متعبتني...
:سارة بتنامين عندنا؟
سارة:ايه شكلي..بكلم فهد بقوله..
اخذت عكازتي ورحت لغرفة ريما..دخلت بهدؤ عشان مااصحي ريما وجلست على طرف السرير وبصوت واطي:عمتي وديها الحين الطؤارى ترا الحرارة مو كويس ترتفع..
عمتي:لا الحمدالله خفت وبكرة بوديها المستشفى,مابعد جا سلطان؟
:ماادري والله..
طلعنا كلنا عشان ما نزعج ريما ورحنا لصاله..
سارة كانت تكلم فهد..
عمتي:للحين تكلمين رجلك؟
سارة:دقيقه فهد,لا عمتي قبل شوي لما كلمته مارد..
عمتي:تنامين؟
سارة:اييه بنام..
فهد من الطرف الثاني يكلم سارة:سارة لا تدلعين مافيك شي..
سارة:الا والله تعبانه..
فهد:طيب انا زوجك المفروض تجلسين عندي مو تروحين بيت اهلك..
سارة:فهد مالي خلق حتى امشي..
فهد:اخر كلام عندك؟
سارة:اذا حسيت نفسي احسن بالليل اتصل عليك..
فهد:يعني تصريفه..طيب حبيبتي انتبهي لنفسك يلا مع السلامه..
بنفس الوقت سمعنا صوت تحت وكان لسلطان توه راجع من الزواج..
دخلت الصاله وماكان فيها احد اكيد انهم جالسين فوق قطع افكاري صوت امي تناديني..رحت عند الدرج وامي كانت واقفه هناك..
:هلا يمه..
امي:شلون زواجكم؟
:حلو,غريبه جالسين فوق!
امي:ريما تعبت اليوم مرة..
:وش فيها؟؟
امي:حرارة وصداع..
:وينها الحين؟
امي:فوق بغرفتها..
:بطلع لها فوق..
امي:نايمه..
:اوكي انا بروح ابدل ملابسي..
دخلت غرفتي واحس بتعب انسدحت عالسرير ماكان في شي في بالي.. افكار كثيرة جتني لثواني وقطعتها بسرعه واخذت موبايلي واتصلت على رانيا..كنت اسمعها وارد بكلمات مختصرة انتهت المكالمه بسرعه وتبيني اجي لبيروت بس حنا متفقين اننا بنتواعد في امريكا..
><><><><
طلعت من غرفتي توي قايمه من النوم الساعه 2:00 الظهر تقريباً مشيت ورا الصوت وكان من غرفة ريما...
دخلت وفي عمتي وسلطان..
:صباح الخير..
عمتي:الساعه 2 وصباح الخير..
سلطان مارد ولا كأنه سمع شي..
:ريما شلونك الحين؟
ريما:كويسه..
وجهت نظري لعمتي:تودينها المستشفى؟
عمتي:جالسين نقنعها ماتبي تروح..
:عمتي لا تشاورينها..
ريما خنقتها العبرة:مالك دخل انا ماابي اروح..
سلطان:لازم ريما تروحين وانا بروح معاك بعد..
عمتي:ماقاموا خواتك؟
:ماادري..
سلطان:انا بروح ابدل ملابسي وانتي ريما بعد بدلي ملابسك عشان نروح..
طلعت انا وسلطان من الغرفه انا رحت لصاله وهو نزل تحت وعمتي عند ريما عشان تبدل ملابسها..
بعد ساعه ونصف..انا للحين جالسه بالصاله انتظرهم يرجعون, سارة منسدحه بغرفتها ومنار للحين نايمه او تحاول تنام..
أخيراً رجعوا سمعت اصواتهم تحت وقفت ورحت اطل عليهم من فوق:عمتي وش قال الدكتور؟
ماردت علي لانها قد طلعت الدرج...رحت عند الدرج واول ماشافتني عمتي..
عمتي:ماقال شي عطانا خافض حرارة ومسكن لصداع بس يقول مافيها شي نفسيتها يمكن في احد مهبل فيها بالبيت..
:لاعاد عمتي صدق؟
عمتي:مااكذب عليك..
جا سلطان وكان شايل ريما..
ريما:نورة بعدي..
ناظرتها وبيني وبين نفسي والله لو ماكنتي تعبانه كان وريتك شغلك...
بعدت شوي وكمل سلطان مشي وراحوا لصاله..
طيب ياسلطان انت الي بديت حركاته تنرفز برود واستحقار انت تعاملني كذا انا ماراح اعاملك كذا بعاملك اشين...
بصوت عالي:فااااااااااطمه..فاااااااااااااطمه..
كنت اناديها لاني ابي انزل لمرسمي...مانزلت عشان ارسم نزلت لاني ماابي اجلس مع سلطان بمكان واحد...
جتني فاطمه ونزلتني تحت....
><><><><><
نبعد شوي ونطلع من حدود السعوديه ونروح لمشاعل وخالد...
مشاعل كانت جالسه في البلكونه والبحر قدامها الجو كان رطب وحار..
مشاعل تفكر بحياتها اذا بتتغير مثل ما يقول خالد والا كلام يرضيها فيه..بس مشاعل متفائله ان خالد بيتغير...
خالد وهو يجلس بالكرسي الي قدام مشاعل وعلى وجهه ابتسامه:حلو المنظر..
مشاعل:مرة..
خالد:امشي نروح نمشي على البحر..
مشاعل:طيب..
خالد:مشاعل وش فيك؟
مشاعل:مافيني شي..
خالد:الا فيك شي,مشاعل انسي الي فات وخلينا نبدا حياة جديده..
مشاعل:توعدني ياخالد انك تتغير؟
خالد سكت شوي:اوعدك..
مشاعل ابتسمت:ان شاء الله..
خالد:حنا الحين معاريس وبشهر العسل..
مشاعل ضحكت:طيب انا بروح البس..
خالد:انتظرك..
><><><><><
بعد مارجع ابوي للبيت نادى منار وعمتي وراحوا جلسوا بالصاله الثانيه...
ابوي وهو يناظر منار:اتمنى الي صار ما يتكرر انتي اهنتيني بكلامك بعد مو بس زوجتي..
منار:ماكان قصدي.
ابوي:كان قصدك والا ماكان قصدك كلامك يدل على قلة الادب والاحترام انا ماربيتكم على هالشي..
منار:انا ماقلت شي يزعل انا اول مرة اسمع بعائلتها..
ابوي:لو صاحبتك وسألتيها وش اسمك وقالت لك عائله اول مرة تسمعينها بتقولين لها كذا؟
منار سكتت شوي:على حسب..
ابوي:معناته انتي قليله ادب مع كل الناس..,عندك مشكله ولازم تحلينها..
منار ماردت..
ابوي:واذا تزوجتي بتصيرين قليله ادب بعد؟يجي زوجك يقول ماربيتو بنتكم..
منار:يبه..
عمتي:ابوك صادق يامنار وانا حكيت معاك لازم الواحد ينتبه لكلامه..
ابوي:منار وش رايك بمساعد؟
منار:لا انا ماابي اتزوج..
ابوي:مساعد رجال ماينرد..مشاء الله محامي ناجح وعلاقاته كثيرة واجتماعي...
منار:يبه مطلق وعنده بنت..
ابوي:مافيها شي..
منار:بقعد اربي بنته؟
ابوي:بنته عمرها سنه او اكثر يعني مع امها الحين..
منار:وبعدين.؟
ابوي:منار انا بالنسبه لي هذا سبب مو مقنع...
منار:انا احسه مقنع عشان مااتزوجه..
عمتي:انا معاك عبدالاله سبب مو مقنع يعني الولد واهله ينشرون,بس انه يسكن بالشرقيه..
ابوي:وابوه اعز اصدقائي واعرفهم زين..
منار ساكته وكنت تسمع كلامهم..
ابوي:ماراح نرد عليهم ابيك تفكرين..
منار:ليش طلقها؟
عمتي:ماارتاحوا لبعض..
منار:ياسلام سنتين متزوجين وحملت بعد وماارتاحوا..
عمتي:شوفي اختك مشاعل الولد مافيه شي ومشاعل بعد بس..
منار تقاطعها:الا خالد فيه شي..
ابوي:انا مرتاح لمساعد اكثر من فهد وخالد,الي تعرفه غير الي ماتعرفه..
عمتي:فكري انتي وحنا بعد وربي يكتب اللي فيه الخير..
ابوي:والزواج قسمه نصيب..
منار الافكار مالية راسها وتخيلات كثيرة جتها في لحظه..
منار وقفت:الي ربي كاتبه بيصير..
طلعت منار من الصاله وجت عندنا بغرفة سارة..
منار وهي تجلس:سارة انا ماابي اتزوج..
:ابوي عشان هالموضوع كان يبيك؟
منار:عشان زوجته بعد..
سارة:وش قالك؟
منار:يمدح في الولد يعني ماحكينا كثير..
سارة:وانتي ليش ما تبين؟
منار:انا رافضه فكرة الزواج اساساً..وبعدين مساعد عنده بنت..
سارة:ايه صح انا معاك..
:يعني انتي تفكرين انك توافقين؟
منار:ماادري..وفوق كذا يسكن بالشرقيه..
استغربت من منار مجرد انها تفكر بالزواج او تفكر بواحد متقدم لها..
راحت سارة الحمام ومنار للحين ساكته وسرحانه..
:منار من جدك تفكرين؟
منار وقفت:تعالي غرفتي..
طلعت منار من الغرفه بسرعه وطلعت انا وراها ورحت غرفتها..
:منار وش تفكرين فيه؟
منار:انا اقول اوافق وفيصل اكيد بيعرف وبيكلم وبعدين افك خطبتي وفيصل يجي ويتقدم لي..
:يعني تلعبين على ولد الناس..منار لاتصير افكارك كذا الولد خطب يبي يرتبط مو يلعب..
منار:فكرة بس..
:وبعدين فيصل نساك ولارجع اتصل منار وش تسمينه هذا,فيصل لعاب..
منار:لا مولعاب نورة انتي ماتعرفينه كثري..
:اوكي هو يحبك وعقل بس الا مايرجع لخرابيطه..
منار:نورة وش رايك انتي بمساعد؟
:مااعرفه ومنار لاتفكرين تسوين هالحركه...
منار:ماراح اسويها..
:عارفه ماراح تسوينها بس مجرد انك تفكرين كذا مشكله..
دخلت سارة بوقتها علينا:ليش طلعتوا؟
منار:سارة انتي وش رايك؟
سارة:اروح اجلس مع عمتي واشوف وش تقول عن الولد..
منار:انتي لما خطبك فهد كيف وافقتي؟
سارة:كنت بس افكر واستخير واسأل وحسيت براحه,انا بروح عند عمتي..
:منار..
منار:نورة انا توقعت ردة فعلي تكون اقوى من كذا وارفض بشده بس ماادري احس في شي يمنعني..
:استخيري..
منار:اكيد بس اول شي بعرف كل شي عن الولد..
:منار وش الي غير رايك فجاة؟
منار:ماادري ماادري..
:يعني مو عشان تعلبين؟
منار:لاوالله يانورة الي تو قلته فكرة بس..

><><><><>< 

بالسيارة بدر وفهد طالعين من البيت ورايحين يستقبلون وليد اليوم بيرجع من لندن...
بدر:ربع وليد بيطلعون بعد..
فهد:يطلعون يسلمون عليه وحنا بناخذه..
مد بدر يده وفتح الراديو..
فهد حط يده وسكره:مااحب اسمع اغاني بكل وقت..
بدر:ايه فهد وش رايك ببنت خالة زوجتك؟
فهد:ياشين الي مايدري وش يسوي بعمره..
بدر:يااخي زواج هذا..
فهد:سألت خواتي ومدحوا لك البنت وقالوا خلاص نعزمها وتشوفها..
بدر:ومتى ان شاء الله خواتك يومهم سنه..
فهد:بدر والله توك عالزواج..
بدر:انا مستقر واحس اني قد مسؤولية الزواج..
فهد:ترا ان اخذت هاله ابي تعطيني حق التدوير بعد لقيت لك عروس..
بدر:يعني شغل خطابات..
فهد:هههههههههههههه عاد سمها الي تبي تسميها..
وصلوا المطار وباقي على وصول الرحله ربع ساعه جلسوا بصالة الاستقبال ينتظرون وليد..وكان في ربع وليد بعد جايين يستقبلونه..
اول ماوصل وليد كلم على فهد وقاله انه وصل دقايق ووليد عندهم..
وليد كان مبسوط انه راجع وبعد ما سلم عليهم..
بدر:وين شناطك؟
وليد:اوووه ذكرتني تعالوا معاي نجيبها..
فهد:ناوي الاخ يطلع وماعليه..
وليد:والله مع الفرحه..
راحوا عشان يجيبون شناط وليد وعربتين كلها شناط له..
بدر:وليد صاحي انتي وش هالشناط؟
فهد:انا توقعت شنطه صغيرة وملابسك مليانه هنا..
وليد:لا خلاص ماراح ارجع هناك جبت كل ملابسي وغير الي شريتهم وغير الهدايا وغير عاد الخرابيط.
بدر:ماراح ترجع؟
فهد:قل ايه انت..
وليد:والله ماارجع حلفت..انا هناك تعبت نفسياً..
بدر:دراستك؟
وليد:ماابي اكمل سحبت اوراقي..
فهد:يصير خير..انت الحين فرحان ومبسوط انك جاي ماراح نقولك شي..
وليد:انا بروح مع ربعي وبعدين بجيكم على بيت ابوي..
فهد:امك وخواتك ينتظرون..
بدر:سووايق حنا جاين ناخذ شناطك ونرجع البيت وانت تروح مع اخوياك..
وليد:من زمان ما شفتهم بروح ساعه وبجي لبيت خلاص ماصار شي..
بدر:خذ شناطك معاك انا ماراح اركبهم سيارتي اصلا ماتكفي وش بيشيل هالعفش..
وليد:ليش ماخليتو السواق يطلع؟
فهد:انت ماقلت لنا ان معاك كل هالشناط..
وليد:اوكي يلا نشوفكم هناك مع السلامه..
راح وليد عند ربعه وترك فهد وبدر..
بدر:اخوك هذا قليل ادب والله ما يستحي على وجهه..
فهد:امش بس نروح عند الشباب..
><><><><
جالسين بالصاله كلنا الا ابوي وسلطان..
:عمتي اليوم لازم اروح لمستشفى..قبل امس موعدي ومارحنا..
عمتي:ايه والله وراك ما ذكرتيني؟
:ماادري انا بعد نسيت..
عمتي:بروح اكلم المستشفى اشوف في موعد الحين والا لا..
راحت عمتي وبعد فترة قصيرة رجعت:يقول الحين تجون الدكتور بعد ساعه ينتهي دوامه..
:طيب يلا..
عمتي:طاهر رايح يقضي كلمي على مرزوق..
اخذت التيلفون واتصلت على غرفته ومااحد يرد..
:عمتي مايرد بغرفته كم رقم جواله؟
عطتني رقم جواله وطلعت فوق عشان تبدل ملابسها..اتصلت عليه وبعد مايرد كسرت جواله ومارد علي..
نزلت عمتي وهي لابسه عبايتها:يلا البسي عبايتك..
:مايرد علي مرزوق..
:اتصلي مرة ثانيه..
:كسرت جواله مايرد.
عمتي:جربي بعد..
اتصلت ومارد..
:تلقين جواله بالغرفه وطالع برا..
اتصلت على المطبخ وسألت فاطمه وماتدري عنه..
:الحين هاذي زوجته وماتدري وين زوجها منقلع مو وقته ابدا..
طلع سلطان بوقتها من غرفته وكان لابس وباين عليه انه بيطلع..
سلطان:يمه انا بطلع..
عمتي:وين بتروح؟
سلطان:شغل..
اجوبة سلطان ما تعجبني مختصرة ومايبي يقول وين بيروح..
عمتي:نورة عندها موعد ولازم نروح للمسشتفى ومافي سووايق اخذ سواقك شوي..
سلطان:لنورا والا لريما؟
عمتي:لا نورة..
سلطان ناظرني ولف على امه:اوكي..
:لا عمتي مايحتاج خلاص بكرة نروح..
عمتي:وشو مايحتاج لازم تروحين مايصير يانورة..
كنت احكي واناظر سلطان:ماابي اروح مع سواق مو سواقي..
عمتي:هووو نوري وش ذا الحكي..
سلطان وهو يضحك وباسلوب منرفز:يعني كبرياء والا ايش الكلمه!
منار وهي تضحك:عزة نفس؟
سلطان:اممم ايه يعني عزة نفس..
عمتي:كيفك رجلك واذا جاك شي انا مالي دخل..
:ماراح يجيني شي ان شاء الله,وين ابوي يوديني؟
عمتي:صباح الخير ابوك طالع..
سلطان:يمه اروح؟
عمتي:ايه كيفها ماتبي تروح ماراح اغصبها..
سلطان:اوكي يلا بباي..
وصلت معاه يكلمني كذا قدامهم حركاته واضحه ومنرفزة فشلني قدامهم وانا ماعرفت ارد انا الي اجيب لنفسي هالشي..
طلعت عمتي فوق وتركتني..
منار بصوت واطي:نورة وش عندك انتي وياه؟
:على باله يعني ,اصلا هو وش يبي جالس عندنا.. يطلع والا يرجع لديرته..
منار:بيرجع ماراح ينتظرك هو...
:وش عرفك؟
:ماادري سمعته مرة يكلم..
:احلفي؟
منار:مو انتي تبينه يرجع..
:بس ماقد قالت عمتي شي..
منار:ماتعرف..
:هو قال مرة انه شرا شقه هنا..
منار:اييه سمعته بس شراها كذا هبالة مو عشان بيسكن هنا..يعني يبي يصير عنده بيت بديرته...
جتنا سارة بوقتها نازله من فوق ولابسه عبايتها وباين انها بتطلع..
:وين بتروحين؟
سارة:مجتمعين اليوم اهل فهد ولازم اروح..
:ترا ما في سواق..
سارة:بيجي سواقي بروح البس في بيتي وبعدين بروح..
:شكلك تعبانه مو لازم تروحين..
سارة:كلمتني خالتي واستحي مااروح..
منار:وانا ان شاء الله بقعد اسمع كلام امه..
سارة:ايه يابعدي بتسمعين كلام امه,يلا جا سواقي مع السلامه..
طلعت سارة وبعد فترة قصيرة نزلت عمتي..
عمتي:ترا اليوم بنروح عند عمتك حصه..
منار:مالي خلق..
عمتي:كلكم بتروحون من زمان مارحتوا..
كلنا بنروح يعني كلنا بنروح وبعد ساعه ونصف تقريباً كلنا في بيت عمتي..
عمتي حصه:ياليت في مشاعل وسارة من زمان عنهم..
عمتي فوزيه:سارة حبيبتي بدا معها الوحم وكلمتها ام زوجها وقالت الا تجين للعزيمه..
:عمتي عبير وينها؟
عمتي:الحين بتجي..
جلسنا نسولف شوي وبعد فترة طويله شوي دخل منصور بعد مااستأذن..
سلم على عمتي وبعدها ريما كانت جالسه..
منصور:ريما صرتي سمراء مثلي..
ريما ضحكت من غير نفس لانها تعبانه:لا كذاب..
منصور:ايش فيك؟
ريما خنقتها العبرة:تعبانه..
منصور:حبيبتي والله سلامتك,عمتي وش فيها؟
عمتي:حرارة بس الحمدالله خفت..
لف علينا منصور انا ومنار..
منصور:الله الله الله سلامتك نورة ماتشوفين شر..
ابتسمت:الشر ما يجيك..
منصور:حادث سيارة؟
ضحكت:ليش شايفني اسوق,لا طحت..
منصور:قدامك العافيه..
:الله يسلمك..
سلم على منار وجلس جنب عبير اخته..
رن جواله بوقتها طلع من الصاله شوي ورجع..
منصور:كلمت سلطان وقلت له يجي وعاد هذا سواقه اوصف له البيت..
ياسلام سلطان بيجي,انا اوريك على بالك انك اكبر همي,مع اني مااحب احكي مع منصور بس عشان بتكلم اليوم معاه..
فترة قصيرة ودخل سلطان سلم على عمتي حصه ومنصور,قامت عبير وجلس جنب منصور..
خليتهم شوي يسولفون وبعد ماسكتوا اخذتها فرصه اني اسأل منصور اي شي..
منصور المنقذ دائما بدا هو بالسؤال:نورة كيف درجاتك ان شاء الله كويسه؟
:الحمدالله,وانت كيف الشغل..
منصور ابتسم ابتسامه حلوة بانت فيها غميزاته اكثر:الحمدالله..
:الحين انت بجدة والا بالرياض؟
منصور:لا تركت شغل الديوان..
:ليش؟
منصور:صعب..يعني انا على وجه زواج وماابي اتعب زوجتي معاي..
:ايه اريح لك..
منصور:اييه والله اريح لي,الجبس مطول برجلك؟
:ماادري والله عن الدكتور بعد ماحطه لي مارحت له...
كنت اقول كلامي واناظر سلطان,هو ماعبرني ومسوي نفسه مومهتم انا عارفه انه معنا ويسمع حنا وش نقول..
منصور:انتي رايحه ثاني جامعه الحين؟
ابتسمت:ايه..
منصور:ترا ما قد شفت رسمك..
ياعيني عليك يامنصور وكأنك عارف اني ابي احكي معاك..
:ان شاء الله اذا سويت معرض تشوف رسمي..
منصور ابتسم:ان شاء الله...
قلت لكم قبل نورة ومنصور بينهم شي في انسجام بينهم انا ماقلت كذا عشان كلموا مع بعض لا الوضع عادي عندي ومنصور ولد عمة نورة عيونهم تفضح في سر ورا عيونهم ابتسامات مو عاديه نظرات غير...اعجاب منصور بنورة واضح بس نورة بمنصور في حوله غموض واستفهام...
انا اليوم مو على بعضي احس بتعب شوي واحسه باين على وجهي كنت قد مااحاول اصير طبيعي...
الآلام خفيفه ويدي كانت تألمني وهالالم مايريح وبداية لشي اكبر
..لازم اطلع واروح البيت ارتاح..وقفت بحركه سريعه وابتسمت ابتسامه باهته:يلا عن اذنكم..
منصور:بدري..
:عندي شغل..
خالتي حصه:اجلس معنا سلطان من متى لمتى حنا نشوفك..
ابتسمت:معليش مرة ثانيه..
سلمت عليهم بسرعه وطلعت وانا بالسيارة كنت افكر اروح للمستشفى اخاف الالم يزيد وبكذا اكيد الكل بيعرف..قررت اني ارجع البيت والدكتور عطاني علاج لمثل هالآلام...
وجه سلطان ما عجبني الافكار بدت تلعب براسي اكيد انه تعبان تخيلات كثيرة اخاف يصير له شي..سلطان الي فيه مو سهل والا كان قال لامه وعالاقل يقولي...قلبي مو مرتاح لازم نرجع للبيت لانه لو صار له شي ماراح اسامح نفسي..
ناظرت منار وبصوت واطي:يلا منار طفشت قولي لعمتي نطلع..
منار:انتي قولي..
:منار لو سمحتي..
منار:لو قلت لها عمتي حصه بتنط بوجهي..
:ريما كيفك الحين وجهك تعبان..
ريما:كويسه..
سكت شوي وكنت انتظر فرصه عمتي حصه تصير منشغله..
ناظرت عمتي وحركت فمي بدون مااحكي:يلا...
عمتي:يلا عشان ريما اختك..
عمتي حصه:تونا اقعدوا..
عمتي:ريما تعبانه..
وقفت عمتي وانهت الحاح اختها لها..
وقفنا انا ومنار بعد وسلمنا عليهم وطلعنا...
بالسيارة الافكار الشينه ماليه راسي..انا لو مااعرف عن مرض سلطان يمكن ماألاحظ...
أخيراً وصلنا البيت احس الطريق كان مفتوح لنا والشوراع انطوت...
اخر من دخل البيت انا...سلطان ماكان بالصاله..
وجهت نظري لعمتي وكانت بطريقها لغرفة سلطان لازم تمر عليه...


انا بغرفتي وحالتي حالة ماكنت اتوقع هالشي ابداً انا الحمدالله بديت اعالج وحالتي بتطور للأحسن.. ماادري وش الي جاني..
الآلام فوق صدري وبجسمي كله يدي كانت تألم وكأن قلبي بيدي مااقدر احدد الالم وين بالظبط...ابي اطلع جوالي اكلم اي احد يجي فيها موت وحيا..
بوقتها دخلت امي آآآآه يايمه ربي ارسلك لي ماكنت اتوقع انها تجي..
لو اقدر اوصف لكم ردة فعلها كان وصفت صعب علي امي كانت مصدومه...
جت عندي بسرعه وصوتها ممزوج بالصياح والخوف:سلطان يمه ولدي وش فيك..
ماقدرت ارد عليها احس اني مخنوق...
امي بصوت عالي كانت تنادي على نورة ومنار ورددت اسماء كثيرة مع الخوف..
انا كنت واقفه ولسا مابعد جلست كأني واقفه انتظر شي بيصير الحين سمعت صوت عمتي وكان اقرب لصراخ لفيت على منار..الي قامت من مكانها بسرعه وركضت وراحت لمكان الصوت..
قلبي يدق بسرعه ماادري وش الي جاني سلطان سلطان سلطان كل شي الا سلطان..تجمدت رجلي بمكانها وكأني خايفه اروح...
ركضت ريما من جنبي وانا للحين واقفه..
بخطوات بطئيه وثقيله كنت امشي رجلي احسها ترتجف...الصراخ يزيد انا ماادري وش الي قاعد يصير هناك...
وصلت الى نص الطريق وعمتي ومنار ماسكين سلطان كان ثقيل عليهم ماراح يقدرون يكملون كذا..
رجعت لصاله بسرعه وكلمت على السواقين هم بيقدرون يمسكون سلطان..
راحت عمتي مع سلطان وكلمت منار على ابوي عشان يروح لهم بالمستشفى...
الوضع بالنسبه لي اقرب للموت كنت خايفة ومتوترة..وريما تصيح ومنار تهديها..
مرت ساعه وللحين مااحد اتصل...
:منار اتصل على ابوي؟
منار:اتصلي..
ريما:انا بكلم بابا..
مديت يدي على التيلفون كنت خايفه اكلم ماادري ايش الجواب الي بيجيني,مارد ابوي سكرت ولفيت على منار:مارد..
منار:الحين يتصل..
:والله خايفه يامنار يصير فيه شي..
منار:لا ان شاء الله..
بعد فترة قصيرة رن تيلفون البيت شفت الرقم وكان ابوي رفعت السماعه على طول..
:طمني على سلطان؟
ابوي:لا الحمدالله طيب..
:الحمدالله,ايش فيه؟
عنده القلب وهذا شي يجيهم ويسمونه كذا..
angina:ابوي
صدمني الكلام الي قاله ابوي ماادري انا مااعرف ايش مرض القلب بس الي اعرفه انه شي خطير:عنده القلب!!
ابوي:الحمدالله نورة هو طيب الحين وبينام بالمستشفى وبكرة ان شاء الله يطلع..
:طيب طيب عمتي شلونها؟
ابوي:بخير..يلا اخليك مع السلامه..
منار:عنده القلب؟
بديت اصيح غصباً عني دموعي نزلت مني:اييه..
منار:يعني توهم يعرفون والا من زمان عنده..؟
:لا من زمان عنده..
ريما:ايش يعني؟
منار:طيب بيطلع والا بينام بالمستشفى؟
:لا بينام..
ريما:ماراح يرجع..
ورجعت ريما تصيح..

><><><><>< 

بالسيارة فهد وبيوصل سارة لبيتنا...
سارة كانت تصيح وفهد يراضيها..
فهد:سارة حبيبتي والله امي ماكانت تقصد..
سارة:تقصد والا ما تقصد كلامها كان اهانه لي..
فهد:سارة والله تبالغين.امي كانت معصبه لما حاكيتها وقالت لك كذا...
سارة:انا زعلانه على نفسي المفروض مااقول شي...
فهد:والله ما يستاهل كل هالصياح..
سارة:فهد امك ماهي خالتي ولا عمتي علاقاتي مع امك مهم انها تكون صافيه وما فيها شي..
فهد:صدقيني امي تحبك..
سارة:خلاص فهد انتهت السالفه..
فهد:ماابيك تنامين وانتي زعلانه..
سارة تتصنع ابتسامه:عشانها امك ماراح ازعل..
فهد:ويلومني فيك بعد..
سارة سكتت..
فهد بادلها السكوت وماحب يتكلم اكثر..
وصلوا للبيت وفتحت سارة الباب بسرعه ونزلت وهي واقفه عند الباب:مع السلامه..
فهد:مع السلامه وبس كذا..
فتح فهد باب سيارته ونزل وراح وقف قدام سارة وحط يده على راسها..
فهد:سارة حبيبتي كل الناس يزعلون الا انتي..
سارة:فهد قلت لك اني مازعلت وبنسى الي صار..
فهد:وعد؟
سارة:والله..
فهد:طيب حبيبتي انتبهي لنفسك
سارة:وانت بعد..
فهد:يلا مع السلامه وسلمي على اهلك..
بعدت سارة شوي عن فهد:مع السلامه..
دخلت سارة البيت وجت لصاله وجهها ماكان طبيعي..
وهي تجلس:شخباركم؟
منار:الحمدالله..
سارة:وين عمتي وابوي؟
منار جت بتتكلم قاطعتها ريما:سلطان تعبان وراح المستشفى وقلبه تعبان..
سارة بخوف:وش فيه سلطان؟
منار:طاح علينا وودينا المستشفى..
سارة:عنده القلب؟
منار:ايه..
سارة:اوف ياحياتي والحين شلونه؟
منار:طيب..
سارة ناظرتني:نورة حبيبة قلبي والله..
ناظرتها ومافهمت وش تقصد بكلامها..
قامت سارة وكلمت على ابوي عشان تطمن اكثر..
جلسنا الى الساعه 2:00 الفجر وابوي للحين مابعد جا بعد فترة قصيرة سمعنا صوت الباب وكان ابوي..
دخل الصاله ووجهه تعبان:السلام عليكم..
كلنا:وعليكم السلام..
سارة:شلونه الحين,وعمتي شلونها؟
ابوي وهو يجلس:اختي ضايق صدرها مرة...
سارة:هو من زمان تعبان؟
ابوي:من ثلاث سنوات وماعلم احد,من اسبابه كثر التدخين..سلطان كان مدمن دخان وبعد ما تعب ترك التدخين..
:طيب متى بيطلع؟
ابوي:ان شاء الله بكرة...
وقف ابوي وباين عليه التعب:يلا انا بروح انام بكرة عندي شغل...
اول ماطلع ابوي من الصاله...
منار:وانا اقول ليش ما يدخن يعني استغربت واحد عايش بأمريكا اكيد بيدخن..
:لا مو شرط اي احد يعيش هناك يدخن في ناس تكره الدخان..
سارة:مسكينه عمتي والله تلقين قلبها يتقطع على ولدها..
وانا بعد قلبي يتقطع عليه ياليت اقدر اشوفه الحين..
بعد صلاة الفجر كل وحده مننا راحت غرفتها...
><><><><><
في بيت فيصل بدر هناك جالسين بالخيمه والجلسه كانت رايقه...
بدر:بكرة ورانا شغل والحين الساعه 2:00..
فيصل:انا لو انام ساعه تكفيني..
بدر سكت شوي وناظر فيصل الي كان يدخن ومن سيجارة لسيجارة:فيصل ارحم نفسك بتموت انت من كثر ماتدخن من جلسنا خلصت باكيت...
فيصل:انا مالي حيله ماعندي الا الدخان اطلع حرتي فيه,تعرف بدر انا مليت من الرياض ومن السعوديه ومن الي فيها بعد انا افكر اروح للندن عند ابوي...
بدر:صاحي انت..
فيصل:مليت مليت يابدر..
بدر:تترك اهلك وربعك يعني مو منطق يافيصل الي تفكر فيه..
فيصل:الله يخليك وش نفعوني اهلي وربعي فيه...
بدر سكت شوي:انت الحين منظغط وافكارك سلبيه وكل الناس عندك واحد..
فيصل سكت ومارد على كلامه وفتح موضوع ثاني:انت بداية السنه بتبدا شغل جديد؟
بدر:ان شاء الله وانت معاي بعد..
فيصل:ماادري والله انا ابي اترك شغل البنوك كله..
رن جوال بدر وقطع كلامهم وبعد ما قفل طلع بدر وراح لبيته...
><><><><><
صحيت من النوم الساعه 12:00 الظهر غسلت وبدلت ملابسي بسرعه وطلعت بالصاله ماكان في احد صاحي جلست بالصاله وكنت مترددة اكلم عمتي اخاف انهم نايمين وماابي ازعجهم...
جلست فترة قصيرة ورن تيلفون البيت شفت الرقم وكانت عمتي رفعت السماعه بسرعه:هلا هلا عمتي..
عمتي وصوتها كان تعبان:هلا نورة,شخباركم؟
:الحمدالله بخير كلنا..انتي شخبارك وسلطان ان شاء الله احسن الحين؟
عمتي:لا الحمدالله طيب..
:عمتي بتطلعون الحين؟
عمتي:الدكتور تو جا يقول بالليل احسن..
:اهاا,طيب عمتي اقدر اجي؟
عمتي:اييه انا مكلمتك ابيك تجين..
:وش تبين اجيب معاي؟
قالت لي عمتي اجيب لها ولسلطان اغراض..
قلت لفاطمه ورتبت الاغراض وحطتهم بشنطه صغيرة...
بدلت ملابسي ولبست عبايتي وجت فاطمه ونزلتني ورحنا انا وياها للمستشفى...
وصلت لجناح سلطان طقيت الباب بهدؤ ثواني وفتحت عمتي الباب..
اول ما شفتها ضميتها..وجهها كان تعبان وباين انه ضايق صدرها مرة..
حطت فاطمه الاغراض وطلعت..
للحين ما شفته كنت خايفه ادخل واشوفه كذا..قلبي ما يطاوعني..
مشيت بخطوات بطيئه وعمتي قدامي...
دخلت وعلى وجهي ابتسامه..جت عيني بعينه رفع نفسه شوي لما شافني ورد لي ابتسامتي وجهه اصفر وعيونه كانت ناعسه شكله مرة تعبان..
عمتي اخذت الاغراض وراحت القسم الثاني بالجناح عشان تبدل ملابسها..
وقفت قدامه مديت يدي له صافحت يده وكانت باردة..
:ماتشوف شر ان شاء الله..
سلطان:مايجيك ان شاء الله..
:كيفك الحين؟
سلطان:مو زعلان منك..
ابتسمت مو وقته الحين الي يقوله مارديت عليه..
سلطان:تعبان..
جلست بالكرسي القريب من السرير:كان باين التعب لاحظته عليك وحنا في بيت عمتي..
سلطان:اول مرة يجيني كذا,امي زعلانه على الي فيني..
:كان لازم تعرف قبل..عمتي انفجعت..
سلطان:ماكنت ابي احد يعرف ابي اتعالج ويروح الي فيني..
:الحمدالله على كل شي..
سلطان:شكلك دعيتي على امس لانك مارحتي موعدك..
ناظرته وطيرت عيوني:من جدك..
سلطان ضحك:ما تسوينها؟
جت عمتي بوقتها وجلست بطرف السرير:ماتبي تتغدى الحين؟
سلطان:لا يمه مااشتهي..
:عمتي شكلك تعبانه..
عمتي:مانمت امس..
:انسدحي الحين شوي..
سلطان:لازم ترتاحين عالاقل انسدحي هنا عشاني..
قامت عمتي وانسدحت بالكنبه...
كنت احاول اتكلم بصوت واطي عشان ماازعج امي وعشان ما تسمع بعد الكلام الي يدور بينا..
بصوت خافت:ليش جيتي الحين؟
ناظرتني نورة وعلامات التعجب على وجهها استغربت من سؤالي ويمكن فهمت اني ماابي اشوفها...
نورة:تبيني اطلع اروح الحين..
ناظرتها وضحكت:لا لا اقصد ليش الحين جيتي؟
احرجتها بسؤالي بس كنت ابيها تجاوب بصدق...
:جيت عشان عمتي تبي اغراض..
عقدت حواجبي:على بالي جيتي الحين تبين تتطمني علي ما قدرتي تصبرين تجين مع خواتك..
ضحكت باستهزاء:افكارك راحت لبعيد..
:امممممم كيف ريما؟
نورة:طول امس وهي تبكي..
:حبيبتي كان جبيتها معاك..
نورة:اصلا ماراح تجيك للمستشفى تعبانه ومناعتها الحين ضعيفه..
:اهاا..
سكت شوي وناظرتها بخبث:وانتي مو تعبانه رجلك مكسورة وعكازة وحالتك حاله.. كان ما جيتي وخليتي فاطمه تجيب الاغراض..
اخذت عكازتها ووقفت:اوكي سلطان ماتشوف شر وقدامك العافيه..
:وين توك جايه؟
نورة:جبت الاغراض وتطمنت عليك..
:اوكي براحتك نشوفك ان شاء الله اليوم بالبيت..
راحت عند امي وحبت راسها وطلعت...
والله لو ماكان تعبان كان مسكت عكازتي وطقيته..سخيف لابعد درجه طيب ياسلطان الشرهه علي انا الي اجيك وانت كذا تعاملني...
اسلوبه استفزازي درجه اولى...
وصلت للبيت وكانت سارة صاحيه وجالسه بالصاله..
جلست معها وحكينا شوي..
سارة:مضاوي وشيخه يبون يعزمونكم انتي ومنار وهاله..
:متى؟
سارة:اليوم بيكلمونك ويقولون لك..
:وهاله بعد؟
سارة:اييه..
:ذكرتيني بروح اكلمها..
طلعت من الصاله ورحت الصاله الثانيه وكلمت على هاله وقلت لها الي صار...
آخر العصر منار وسارة راحوا المستشفى ماطولوا لان جناح سلطان صار مليان رجال عمانه وعيالهم واهل ابوه..الخبر انتشر بسرعه ولازم يسون الي عليهم لو كان على حساب المريض..
مارجعوا اليوم البيت عمتي وسلطان ورجعتهم صارت بكرة...
كلمتني شيخه عشان تعزمني عندهم بكرة واخذت رقم هاله...
><><><><

رانيا ماادري عنها الجوال ممنوع عني ومااقدر اكلم فيه...كنت متضايق وابي اطلع وارجع للبيت باسرع وقت الدكتور أجل طلعتي لبكرة ماادري ليش انا احس نفسي طيب الحين..
امي ماتركتني ولا دقيقه كأنها خايفه اني اروح منها باي لحظه...نفسيتها كانت تعبانه وماتنام الليل نوم المستشفيات يتعب...
اليوم كل العائله جت زارتني الخبر هنا ينتشر بسرعه البرق ماكنت ابي احد يعرف مو كفايه امي عرفت...
انا ماتعودت على هالطقوس والترابط وانا بامريكا ماكان في احد من اقاربي اصحابي هم اهلي...
الساعه 11:00 الظهر جا خالي عبدالاله عشان يسوي اجراءت الخروج تجهزنا انا وامي وفترة قصيرة طلعنا من المستشفى وصلنا البيت وكان هادي الكل نايم دخلتني امي غرفتي وراحت هي غرفتها...
طلعت جوالي وفتحته واتصلت على دكتور بامريكا وبعده اتصلت على سكرتيري يطمني على اوضاع الشغل واخر مكالمه كانت لرانيا...
كانت خايفه ومن اول رنة ردت..يومين ماكلمتها وغير كذا موبايلي مقفل...طمنتها على حالتي وخاصه انها تعرف عن مرضي...
نمت تقريباً الى 2:00 الظهر وبعد ما صحيت بدلت ملابسي وطلعت لصاله وكانوا كلهم جالسين الا امي..
اول ماشافتني ريما ركضت عندي..
ريما:سلطان وحشتني..
:وانتي كمان وحشتيني..
ريما:انا ابغى اجيك للمستشفى بس بابا مارضى..
:معليش حبيبتي انا الحين شفتك..
ريما:قلبك يعورك؟
ابتسمت:لا الحين كويس لاني شفتك..
ضحكت من قلبها احب هالبنت لما تضحك..مدت يدها ومسكت يدي ومشينا انا وياها لصاله..
سلمت عليهم كلهم ومعهم نورة بعد... ورحت الصاله الثانيه...
كنا انا وسارة نسولف عن مساعد ومنار ساكته تسمع وش نقول..
سارة:الصراحه يامنار انا ماكنت ابيك توافقين قبل بس الحين لما سمعت كلام ابوي عنه ماشاء الله مرة زين الولد...ابوي يقول انه محامي شاطر وهو صغير الناس تطلبه ويشتغل في شركه كبيرة واخلاق مرة..
:نوري انتي استخيري..
منار ساكته وكأنها تفكر بكلامنا:انا طول الليل امس وانا استخير..
سارة:وكيف؟
منار:حسيت براحه بس ماادري..
سارة:لازم تخافين شعور طبيعي..
منار:اليوم بيجي هو وخالي ابراهيم عند ابوي..
:ايه ادري..
منار:واليوم حنا معزومين عند مضاوي وشيخه..
ناظرتها:طيب؟
منار:ماراح اروح بجلس ابي اشوفه..
سارة:لازم تجين..
منار:بنروح حنا بعد العشا وهم بيجون الساعه عشرة تقريباً..
سارة:حنا كلنا بنروح انتي اجلسي وشوفيه يمكن ما ترتاحين لشكله..
منار حسيتها متضايقه وشايله هموم الدنيا على راسها:ماادري ماادري..سارة ساعديني..
سارة ناظرتها باستغراب:منار وش فيك؟
منار:سارة الموضوع بالنسبه لي مو سهل والله مو سهل,ماابي اتزوج واصير مثل مشاعل..
:انتي لا تشوفين مشاعل بس شوفي الناس الثانين..
منار:والي مضيق صدري انه يسكن بالشرقيه..
سارة:لا تفكرين بهالشي الحين..
وقفت سارة:بروح المطبخ تبون شي؟
ناظرنها كلنا:لا..
:منار انتي متأكده انك تبين بمساعد؟
منار:نورة ماادري وش جاني..احس اني بحلم شلون قدرت افكر بغير فيصل..
:خلي فيصل على جنب..
منار:اخاف انساه يانورة وانا وعدته اني ماانساه..
:منار انتي فكري بنفسك وبمساعد وبس..
منار:ابي احد يساعدني يانورة انا مرتاحه وخايفه بنفس الوقت..
:ترا ما يضر لو الولد شافك وشفتيه يمكن تحسين بالراحه اكثر ويمكن ما ترتاحين ومايصير شي..
منار:وبنته؟
:يمكن مساعد احسن من واحد مااتزوج...
منار:انا شايله هم البنت ماابي اصير زوجة اب..
رجعت سارة وسمعت اخر كلمه لمنار..
سارة:زوجة اب!!
منار:انا ابي اتزوج واحد لي انا وبس مو اتزوجه هو وبنته..
سارة:امها موجوده,وبعدين لو جا وشافك وشفتيه وكلمك تتفهامون على هالاشياء..
منار:ولو ماتفهامنا؟
سارة:خلاص ما يصير شي,ماراح تعلنون خطبتكم انتم..
وقفت منار:الله يكتب الي فيه الخير..
راحت منار فوق لغرفتها..
سارة:انتي نورة وش رايك؟
:ماادري..
سلطان وريما يسولفون وريما مبسوطه على سلطان اسمع ضحكها من هناك..
سارة:الحين بيجي فهد بنتغدى انا وياه..
:يعني مشتاق يتغدى معاك؟
سارة:من زمان ماتغدينا انا وياه مع بعض..
:طيب روحي تحممي وغيري ملابسك..
سارة:مالي خلق كيفه هذا شكلي..
:شعرك مدهن..
سارة:لا مو مرة حرام عليك..,البس قبعه؟
:سارة منتب صاحيه تحممي,رجعتي لقبعتك.
سارة:ياحبيلها من زمان ما لبستها..
قامت سارة وراحت غرفتها لبست جينز وتي شيرت وقبعتها ونزلت تحت..
سارة:كذا كيف شكلي؟
:زين..
سارة:والله اني تعبانه ماتشوفين وجهي اصفر..
:الا باين عليك التعب..
رن جوال سارة بوقتها وكان فهد..
طلعت له سارة برا ودخلوا من الجهة الثانيه..
جلست اتفرج على التلفزيون..اسمع اصوات سلطان وريما...
بعد فترة قصيرة جو عندي بالصاله...
مااهتميت وكنت طبيعيه و متحمسه مع الفلم...
ريما:نورة غيري انا اتابع كرتون الحين يجي..
:انا قاعده اتفرج الحين روحي غرفة الفيديو هناك تشوفين الكرتون..
ريما:ابغى اجلس مع سلطان..
:خذي معاك سلطان..
ناظرني سلطان:هذا الفلم بايخ ومعيود 100 مرة خليها تشوف الي تبي..
:لا مو على كيفكم..
سلطان:ايش مو على كيفنا؟مين تقصدين؟
اسلوبه كان يخوف ماكنت ابي اناظره كنت احكي وانا مركزة عيوني على التلفزيون:مين اقصد يعني؟
سلطان:كيفنا يعني انا وريما مو؟
:افهمها مثل ما تبي تفهمها..
سلطان:نورا لما احكي معاك ناظريني..
:انا قاعده اتفرج على الفلم..
سلطان:اوكي..,ريما نروح انا وياك غرفة الفيديو..
وقفت ريما ووقف هو معها وطلعوا من الصاله..
امانه عليكم مين الي يبي يتهاوش مع الثاني...انا ماقلت له شي هو الي بدا..مايبي يحكي معاي لايحكي بس لا يكلمني بذا الاسلوب اكرهه...
اليوم ابوي عند زوجته له ليلتين ينام عندنا ولازم يعطيها حقها...بيتغدى عندها وبعد العشا اكيد بيجي بيستقبل صديقه وولده وبعدها بيرجع لزوجته...
الساعه 6:00 قبل آذان المغرب بنصف ساعه طلعت غرفتي عشان اتجهز اليوم بنروح عند شيخه ومضاوي مثل ما تعرفون..
تحممت ونشفت شعري حطيت ميك آب خفيف ولبست برمودا وبلوزة حلوة..طبعا انا مااقدر البس جينز عشان الجبس الي برجلي...
اتصلت علي هاله وكانت جاهزة وبتجي تمرني وبنروح..ومنار بتجلس عشان تشوف مساعد من ورا الشبابيك...وسارة راحت لبيتها قبلنا..
نزلت تحت وكانوا كلهم في يعني عمتي وسلطان وريما ومنار..
عمتي:نورة ما يصير نازله طالعه...تعبين نفسك..
ابتسمت:وش اسوي..
عمتي:وانتي بعد ما رحتي الدكتور..
:بكرة ان شاء الله ابوي يوديني..
عمتي:هاله بتجي تمرك؟
:ايه..
عمتي:ترا من الحين اقولك مافي نوم..
:ماقالت شي بس يمكن انام عندهم...
منار ناظرتني:لا لا تنامين..
:اوكي ماراح انام...
رن جوالي رنه وقفل هاذي هاله تعلمني انها عند الباب..
بالسيارة...
هاله:كيف سلطان الحين؟
:والله ياهاله انه الحين هو الي يدور الشر يبي يستفزني بأي طريقه..
هاله:ياغبيه معناته يحبك..
ناظرت هاله وصرت اضحك على كلامها..
هاله:ما يضحك,طيب كيف تعبان الحين؟
:لا الحمدالله..
هاله:يااختي هذا الانسان بحياته اسرار كثيرة..احسه قصه..
:ليش يعني؟
هاله:والله يانورة انه غامض ومليان اسرار..
:جتنا مشاعل الثانيه..
هاله:وش عندهم مضاوي وشيخه عازمينا,,
:من زمان وهم بيعزمون..
هاله:عاد انا لي خلق اشوف ناس جدد مليت من الي اشوفهم كل يوم..
:هاله سواقك يعرف بيتهم؟
هاله:لا نسييييييييت اقوله..,جميل وين رايح انتا؟
السواق:رايح المطعم..
انا انفجرت ضحك...
هاله:لا لا مانبي المطعم وقف وقف هنا.,نوير كلمي سارة اختك؟
:عطيني جوالك.انا جوالي استقبال..
طلعت هاله جوالها واتصلت على سارة وساعه على ما دلينا البيت...
دخلنا بيتهم وباستقبالنا مضاوي وشيخه...
فصخنا عبياتنا وقعدنا عند المرايا نتصلح شوي...
وبعدها رحنا لصاله..
:وين اختي اجل؟
مضاوي:فوق..
شيخه:وين منار؟
:تعبانه..
شيخه:سلامتها والله كنت ابيها تجي..
:هي بعد كان ودها تجي..يلا معليش المرة الجايه عندنا ان شاء الله...
نزلت سارة وشكلها كان تعبان...
الجلسه كانت حلوة ..سوالف شيخه ومضاوي تضحك وماتنمل...
وقفت سيارة عند باب البيت وكانت لبدر توه جاي حسب الاتفاق الي بينه وبين عماته..
اتصل بدر على مضاوي يعطيها خبر انه وصل وهو عندهم قامت مضاوي من عندنا...
مضاوي وهي تسلم على بدر:وينك تأخرت؟
بدر:ماطلعت من شغلي الا الساعه 6:00 ويعني زحمه ماك شغل فيها.
مضاوي:ترا والله مااخليك تشوفها..
بدر:ياشني الي يطلب منك طلب..
مضاوي:ماراح اخليك تشوفهم كلهم هاله وبس...
بدر:انا ماابي اشوف الا هي..
مضاوي:طيب الحين بخليهم يحطون العشا.,وهم طالعين من الصاله ورايحين لسفرة الطعام تشوفها..
بدر:طيب طيب عمتي الي تبينه,لا تروحين وتسفهيني..
مضاوي:لا ماراح اسفهك لاتخاف..
رجعت لنا مضاوي وعلى وجهها ابتسامه..
بعد فترة قصيرة جت الخدامه تقول لمضاوي ان العشا جاهز...
قمنا كلنا ورحنا لسفرة الطعام الوضع كان عادي ومالاحظنا اي شي...
مضاوي راحت عند بدر..
بدر:طولتي..
مضاوي:كيف تشوفها الحين دخلوا لسفرة الطعام وجلسوا..
بدر:بشوفها بشوفها لا تقعدين تصعبين الامور.
مضاوي:طيب انا بسكر الانوار الي حول الحديقه وانت تجي من هناك..
بدر:انتي خليك معاي..
طلعوا مضاوي وبدر وسكرت الانوار الي برا...سفرة الطعام حولها قزاز وعلى الحديقه...
مضاوي:غمض عينك يابدير..عشان ما تشوف الا هاله,اصلا سارة ونورة ماراح تقدر تشوفهم انا خليت شيخه تجلس جنب هاله..
بدر:والله ماراح اشوف الا هي..
مضاوي:
بدر:هي الي جنب شيخه؟
مضاوي:ايه هي..
بدر سكت شوي وكان يناظر..
مضاوي:بس بس خلاص..
بدر:بشوفها زين..
مضاوي وهي تحط يدها على عيون بدر:خلاص خلاص,وش رايك؟
بدر:مالك شغل وش رأيي..
مضاوي:بدر عاد الحين اخليك تشوفها وماتقولي وش رايك...
بدر:بقول لامي عنها..
مضاوي:يعني عجبتك؟
بدر:عيب يلا روحي لهم..
مضاوي:يلا انت روح..
بدر وللحين يناظر:بروح بروح..
مضاوي:عجبتك؟
بدر:مالك شغل,يلا مضاوي مشكورة نشوفك على خير..
مضاوي:بدر ياسخفك عاد قلي..
بدر:مايصير مضاوي اقولك خلاص ماابي احكي بالبنت..
مضاوي:طيب يعني بتخطبها؟
بدر:اممممم بفكر..
مضاوي:يعني عجبتك..
بدر:يلا مع السلامه..
مشى بدر وترك مضاوي وركب سيارته وراح عند فيصل....

><><><><><

من الجهة الثانيه بالرياض وتحديداً في بيتنا بغرفة عمتي منار واقفه عند شباك تطل على مدخل الرجال تنتظر مساعد وابوه...
ملت منار الانتظار وبعد فترة قصيرة انفتح باب المدخل ودخل منه رجالين الاول كان باين شكله كبير وهذا خالي ابراهيم عرفته منار والي بعده مساعد...مثل ماتوقعته منار كان طويل تقريباً وملامحه حاده له سكوكه خفيفه حواجبه سوده و مقرونه بشكل خفيف...
انا استغربت تصرف منار اكيد انتم بعد استغربتوا...مافي شي بهالدنيا نستغربه كل شي الواحد يتوقعه..وربي كاتب حياة كل واحد من قبل لايخلق والامور بيد الله سبحانه وتعالى...والواحد مايدري وين الخيرة فيه...
حياتنا في تغير دائماً ومافي شي يبقى على ماهو عليه...

____________________________________
(الجزء الحادي عشر)


قولي لي كيف سأنقذ نفسي من أشواقي وأحزاني...
قولي لي ماذا أفعل فيكِ..أنا في حالة ادمانِ...
قولي لي مالحل فأشواقي وصلت لحدود الهذيان...


اليوم رحنا بيت سارة او اهل زوجها العزيمه بالنسبه لنا كانت عاديه جداً لكن هم عازمينا لشي في بالهم انتم تعرفونه...
وصلتني هالة للبيت وراحت هي لبيتها..دخلت الصاله وماكان في احد طلعت فوق ريما بالصاله منسدحه وتتفرج على التلفزيون..
:هلا ريما..
ريما:ماجت هاله معاكي؟
:لا,وين الناس؟
ريما:عمتو تحت مع سلطان ومنار بغرفتها..
:اهاا..
كملت طريقي ورحت لغرفة منار ابي اعرف الاخبار مو اليوم جانا مساعد وابوه..
فتحت باب غرفة منار بهدؤ وكانت منسدحه على السرير..
:هلا منوري..
منار:تأخرتي..
:افتح النور؟
منار:لا..
مشيت بهدؤ وجلست على طرف السرير..
منار:كيف البنات؟
:كويسين,انتي كيفك؟
منار:مو كويسه..
:شفتيه؟
منار:ايه..
ابتسمت:وكيف؟
منار:ماادري..
:كيف شكله؟
منار:مااعرف اوصف..
:يعني ارتحتي لمظهره الخارجي؟
منار:حلوة مظهره الخارجي,حسيته رجال..
عقدت حواجبي:اكيد رجال..
منار:حسيته كبير شوي..
:دب؟
منار:هههههههههه,لا..
:عمتي شافته معاك؟
منار:منشغله مع سلطان..
:منار تفاعلي معاي شوي..
منار:نورة والله احس راسي بينفجر من التفكير..,ماراح تجي سارة؟
:ماادري عنها..
رفعت منار نفسها بس ماكانت تناظرني كأنها تحكي مع نفسها:يعني احس اني ارتحت شوي لما شفته..امممممم ماادري..
تخيلته زوجي..(ضحكت منار لاخر كلمه قالتها وراحت بدنيا ثانيه)..
سكت شوي وكنت اناظرها:وش تخيلتي؟
منار:تخيلت حياتي معاه..
:وكيف؟
منار ابتسمت:ماادري..
:خلي عنك الخيالات وفكري بجد,ماادري بس انا اقول انك ترفضين..
منار:ارفضه!
:ليش التعجب هذا كله؟
منار:بشوف سارة وش تقول..
:تبين احد يقتعك؟
منار:لا لا بس انا مليت..
:مليتي من ايش؟
منار:ماادري مليت وبس..
:طيب انا بروح ابدل ملابسي..
ماادري موقف منار ماعجبني وكلامها مااقنعني..فيصل وين راح! انا صح ماابيها تتزوجه لكن تفكيرها يتغير بهالسرعه!!
دخلت غرفتي وكنت افكر بكل شي كل شي حولي..فكرت انزل لمرسمي بس استصعبتها...
جلست بغرفتي الى الفجر صليت ونمت...
><><><><><
رجع فهد لبيته على العصر تقريباً تو طالع من شغله...
دخل البيت وكان هادئ وقت قيلولة امه...طلع لجناحه بخطوات سريعه...
سارة جالسه بصالتهم تكلم مشاعل...
فهد بصوت واطي:السلام عليكم..
سارة ابتسمت:وعليكم السلام.ميشو فهد جا خليني وانا بعد بخليك..
فهد جلس جنب سارة وبعد ما قفلت:شخبارك؟
سارة:كويسه..
فهد:ترا الساعه 5:00 عندك موعد..
سارة:اييه..
فهد:جوعااااان..
سارة:اخليهم يحطون لك الغدا..
فهد:اصبري شوي نسولف..
سارة:نسولف وحنا نتغدى..
فهد وهو يوقف ويفصخ شماغه:كيف البنات امس انبسطوا عندنا؟
سارة:ايه..
فهد:وهاله؟
سارة:ايش فيها؟
فهد:اقولك شي بس بيني وبينك ما يطلع لخواتك..
سارة:وشو؟
فهد:بدر امس شاف هاله..
سارة:من جدك؟
فهد:اييه..
سارة:وانا آخر من يعلم..
فهد:انا بعد ماعرفت بينه وبين خواتي..
سارة بعصبيه:بعد..!!
فهد:ليش عصبتي؟
سارة:وليش ان شاء الله يشوفها؟
فهد:يبي يخطبها..
سارة:يقول لامه وهي تكلم ويروح يشوفها ماله داعي هالحركات..
فهد:يمكن ماحب يحرجها اذا ماعجبته..
سارة:لا اجل يشوفها وهو يقرر وهي يالغافل لكم الله..
فهد:لا تعقدين الامور..
سارة:باي حق يشوفها؟
فهد:لا تقعدين تتفلسفين سارة..
سارة:اسمحلي يعني خواتك حركتهم بايخه...مسوين العزيمه عشان ولد اخوك يشوف هاله..
فهد:سارة اكره هالاسلوب خواتك وولد اخوك اعتقد لهم اسماء..
سارة:اسلوبهم الي بايخ اسمه استغفال...
فهد:سارة قولي لهم يحطون الغدا..
قامت سارة وماردت عليه...
بدل فهد ملابسه ونزل تحت عشان يتغدى...
جلس على سفرة الطعام ينتظر سارة تنزل..
طولت مانزلت وقف من مكانه وطلع فوق...دخل الغرفه وسارة كانت منسدحه...
فهد بتعجب:نايمه!!
سارة:لا..
فهد:انا انتظرك تنزلين تتغدين معاي..
سارة:مااشتهي..
فهد بحده:طيب قولي انك ماتشتهين.. جلست انتظر..
سارة ببرود:آسفه..بعدين عشر دقايق ماصار شي ماله داعي تعصب..
فهد:اسلوبك الي عصبني..
سارة:انا اسلوبي نرفزك!!والا انت الي تبي تتنرفز؟
فهد:الاثنين...بعدين لما تحاكيني لفي وناظريني مو تعطيني ظهرك..
سارة:انا منسدحه كذا من اول,انت تعال قدامي وكلمني..
فهد:لا جد مو طبيعيه...
تنرفز فهد من الي صار نزل وماحب ياخذ ويعطي معها...
بعد ماخلص غدا وروق شوي طلع فوق..دخل الغرفه وسارة قدام المرايا تعدل شكلها..ابتسم فهد وقرب لسارة..حط يده على كتفها:سوسو فكيها عاد..
سارة وهي تبعد عنه:فهد الله يخليك تعبانه والحين عندي موعد..
رجع قرب لها:روقي سارة..
سارة:مروقه والله مروقه..
فهد:والمطلوب مني الحين؟
سارة:تجي معاي المستشفى والا اروح مع السواق؟
فهد:لا طبعاً بجي معاك..
سارة:وبعدها بروح بيت اهلي..
فهد:امممممممممم اوكي بس الساعه 9:30 بجي امرك من بيت اهلك..
سارة:ليش؟
فهد:مالك شغل ليش..
ابتسمت سارة:طيب يلا بدل ملابسك..
فهد:اوكي...
><><><><><
قمت اليوم من النوم الساعه 2:00 الظهر بس ماشفت سلطان كان بغرفته جالس وعمتي كل شوي تروح له..الحين تقريباً آخر العصر....
دخلت عمتي وعلى وجهها ملامح التعب..
:عمتي اليوم موعدي ولازم اروح..
عمتي:كلمي ابوك يوديك انا تعبانه والله..
:مو مشكله اروح انا ومنار..
عمتي:تروحون بلحالكم للمستشفى!
:لضرورة احكام..
عمتي:والله ماادري اتصلي على ابوك اول..
:ماراح اتصل خلاص انا ومنار وناخذ فاطمه معنا..
عمتي:الي تشوفينه..
نصف ساعه وانا ومنار بالمسشتفى جلست بصالة الانتظار ومنار راحت الكونتر تشوف موعدي...
عشر دقايق ورجعت لي منار..
منار:الدكتور الي انتي عنده مو موجود الحين وبيدخلك على دكتور ثاني..
:لا اخاف مو زين..
منار:لا زين لا تخافين بعدين انت كلها كسرة رجل..بيسوي لك عملية هو..
:استشاري؟
منار:ماادري والله خلاص ندخل ونشوف..
ربع ساعه وجت الممرضه ونادت على اسمي ودخلنا على الدكتور..
كان جالس الدكتور ومنزل راسه وبين يده اوراق...
تقدمت الممرضه خطوات وراحت جنب الدكتور رفع راسه قدرت اشوف وجهه...ملامحه حادة وكأنهامرسومه, شعره كان اسود داكن ولفتني سواده ومرجعه على ورا بالجل له سكسوكه يميل للبياض..ثلاثيني 35 33 بهالحدود يمكن اكبر بس هذا الي قدرت اعرفه من ملامحه...
جلسنا انا ومنار كنا ساكتين وننتظره يتكلم...
الدكتور والاوراق بين يده:موعدين عندك قبل وماجيتي...
مارديت عليه ماله شغل اجي والا مااجي..
لف عالمممرضه وتكلم معها..
جتني الممرضه ومسكت يدي ووقفتني مشينا خطوات قصيرة وجلست على السرير...
وقف الدكتور وقرب مني..لفيت وجهي من الجهة الثانيه ماحبيت تجي عيني بعينه والمسافه بينا قريبه..
وجه نظره على رجلي مكان الجبس كنت راسمه عليه رسمه صغيرة لاحظت انه كان يناظرها بس مافي اي تعابير بوجهه...
ماادري وش سوى فيني ثواني ورجع مكانه...
:دكتور متى افك الجبس؟
مارد علي ولف على الممرضه وكلمها...يمكن ماسمعني عليت صوتي شوي:دكتور لو سمحت متى افك الجبس؟
بدون ما يناظرني:بعد اسبوع الموعد الجاي..
ناظرت منار وعقدت حواجبي وبصوت مو مسموع:استغفر الله..
لفيت عليه و كانت على وجهه ابتسامه خفيفه اكيد انه شافني...انحرجت وحسيت نفسي بايخه...
وقفت منار ووقفت معها..
:شكراً دكتور..
الدكتور:العفو..
قالها من غير نفس..
طلعنا انا ومنار ورحنا الكونتر عشان يسجلون موعدي الاسبوع الجاي...
:منار مكتوب بالورقه اسم الدكتور؟
منار كانت تتكلم وماردت علي..
ناظرت الرجال الي كان يتكلم مع منار:لو سمحت ايش اسم الدكتور؟
الرجال:الدكتور عبدالمحسن ال.......
:اهاا..قلتلي...
وصلنا البيت ورحت عالطول لصاله وفي عمتي وسارة وسلطان...
:السلام عليكم..
عمتي:وعليكم السلام,شلون الموعد؟
:ماعنده سالفه لو مارحت احسن..
عمتي:اجل انتي الي عندك سالفه..
:لا يعني ماادري طل برجلي ورجع مكتبه..ويلا يحكي ويناظر من طرف عين
ضخمت صوتي شوي:بعد اسبوع الموعد الجاي...
منار توها داخله الصاله وكانت تضحك علي:وش تبين يقعد يطق معاك سواليف والا يتبسم بوجهك!
:عالاقل مايناظر من طرف عين وكأنه قرفان ويتكلم بثقل نرفزني..
سارة:وش عليك انتي منه دكتور هو مو رجلك..
منار وعمتي:ههههههههههههههههه..
سلطان ماكان يناظرني وعيونه على التلفزيون ولا شالها..ماادري البرامج المهمه الي قاعد يتفرج عليها والا سالفة عناد..
منار:اهم شي انه قاعد يناظر الرسمه الي بجبسك...
:تجنن الرسمه..
سارة تتريق:تعالي اوقع لك..
منار:ههههههههههههه..
:مايضحك...
كنت ابي الفت انتباه سلطان وابي اشوف تعابير وجهه:بس رزة الدكتور وكشخه يعني دايما الدكاترة يجون قصار ومو مرتبين...
سارة:على كيفك..
منار ناظرتني وضحكت حسيتها فهمت وش اقصد...
عمتي:ومتى موعدك الجاي مو تسفهين وماتروحين...
:لا لا اكيد بروح...
الكل سكت وكل واحد منا الله اعلم بالي في باله...
:عمتي ماراح نسافر؟
عمتي:نخلص موضوع اختك وبعدين انا ماراح اسافر واترك سلطان وغير كذا سارة اختك تعبانه..
سارة:لا عمتي سافروا..
منار:وش فيه موضوعي بعد؟
سلطان:لا يمه انا بعد بسافر بعد اسبوعين..
عمتي بضيق:شلون تسافر وانت تعبان؟
سلطان وصوته تعب:بكون أحسن ان شاء الله...
تقطع قلبي على سلطان...انا مو مستوعبه الي فيه..أحسه تعبان من كل شي حوله..عيونه شايله هموم الدنيا كلها...
سرحت بعيونه وكنت اناظرها ومو حاسه بنفسي..
شفته يأشر باصبعه علي وكأنه يقول طولتي وانتي تناظرين صحصحي..
ابتسمت ووجهي صار احمر احسه بينفجر من كثر مادمي طلع لوجهي..
ابتسم بثقل وبدون ما يناظرني...انا دايماً احط نفسي بمواقف محرجه...
الحين انا المفروض اصير جامده معاه مو اقعد اتنح بوجهه...
منار وكانت تكلم عمتي بصوت واطي:ابوي وش رايه؟
عمتي:منار ياحبيبتي انا قلت لك مليون مرة ابوك شاري الولد انتي ماعليك من كلام ابوك ولا كلامي...سوي الي يريحك...
منار:شلون ياعمتي لازم تساعدوني..
عمتي:انتي الحين ما تبين ولد ال....؟
عمتي كانت تقصد فيصل..
علامات التعجب بوجه منار وبدون تفكير:لا..
عمتي:استخيري يابنيتي..ترا هذا زواج..
سارة:منار فكري زين ترا هاذي حياتك..دائماً حطي هالشي في بالك...
منار:ابغى اكلمه..
عمتي عقدت حواجبها:مين تكلمين؟
منار:مساعد...لازم اكلمه ابي اعرف منه اشياء كثيرة قبل مااوافق..
عمتي:تجي امه عندنا واسأليها الي تبي..
منار:لا انا ابي اكلمه..ابغى اعرف عن بنته وكيف بنعيش وبعدين لا تنسون انه بالشرقيه يسكن..
عمتي:انا هذا الي مخوفني ماابي بناتي يبعدون عني..
منار:بالعكس انا هذا الي شجعني وخلاني افكر بالموضوع بجديه انه يسكن بالشرقيه..
سارة:ماتبينا؟
منار:لا ماابي الناس الي هنا طفشت منهم..
:حكي مااحد يقدر يعيش بدون اهله..
منار:انا ابي ابعد عن الناس الي هنا ابي ابدا حياة جديده بتعرف على ناس غير...
كلام منار أكد لي انها بتوافق ,تصرفاتها وقراراتها دائماً تصدمني...
><><><><><
مضاوي وشيخه جالسين بالصاله ينتظرون بدر, بيجي يمرهم ويطلعون... فترة قصيرة وبدر عند الباب...
طلعوا البنات بسرعه..لما شافهم بدر نزل من سيارته وفتح الباب للي بتركب جنبه..
مضاوي:شيخه انا الكبيرة وانا بركب قدام..
شيخه:لا والله انا بركب..
بدر:ههههههههههه تتهاوشون مين بيركب قدام..
شيخه:ياسلام اجل تفتح لها الباب وش فرق هي عني..
بدر:افتح لك الباب ولا تزعلين..
ابتسمت شيخه:لا خلاص انا افتحه بس بالرجعه انا بركب قدام..
بدر سبق شيخه وفتح لها الباب:تفضلي ما عاش مين يزعلك..
رجع بدر وركب السيارة..
مضاوي:ياحظ زوجتك والله..ذووووق كلك ذووق..
بدر:عشان فتحت الباب..المفروض كل الرجال كذا يسون..
شيخه:ياحسرة وينهم يسمعون..
بدر:ههههههههههه,شخباركم بس؟
شيخه ومضاوي:بخير..
بدر:وين تبون نروح؟
شيخه:على ذوقك..
بدر:لا الطلعه لكم اختاروا الي تبون..
مضاوي:شيخه وش رايك؟
شيخه:امممممممممم الريف الايطالي او سبازيو..
بدر:مضاوي تبينه؟
مضاوي:اييه...
بدر:تامرون امر..
مضاوي:طيب يلا قلي وش رايك بهاله؟
بدر:انا ليش عازمك اجل..
شيخه:عشانها؟
بدر:ايه ابي اعرف عنها كل شي وبعدين بقول لامي...
مضاوي:يعني عجبتك؟
بدر:كل شي يكمل بعضه..
شيخه:طيب اسأل وحنا نجاوب...
بدر:نخلي الحكي اذا وصلنا..

><><><>< 

الساعه 12:00 وحنا للحين جالسين بالصاله, سارة فهد جا مرها بدري يعني حركات فهد...
عمتي وهي توقف:سلطان انا بروح انام تبي شي؟
سلطان:سلامتك..
عمتي:وين ريما؟
منار:طلعت غرفتها قبل شوي..
عمتي:يلا تصبحون على خير..
جلسنا حنا الثلاثه ومافي اي كلام بينا...
سلطان ماسك جواله وموجه تركيزه فيه..
منار معها الريموت وتغير من قناة لقناة...
بعد فترة قصيرة دخلت ريما علينا...بس الشكل ماكان شكل ريما..
بصوت عالي:ريما وش حاطه بوجهك انتي؟
لفوا سلطان ومنار عليها..
سلطان:ريما ليش كذا شكلك؟
منار:والله اني حاسه انك بتجلسين تلعبين بالكريم..
ريما:حطيت كريم حق نورة التان...
سلطان بحده مصطنعه:انتي شفتي شكلك؟
ريما بصوت عالي:ساعدوني كيف اشيله..
ضحكنا كلنا على ريما لا شكله كان يضحك وتعابير وجهها تضحك اكثر..
سلطان:تعالي تعالي بسرعه..
مد يده واخذ مناديل وبهدؤ كان يمسح وجه ريما..
لاتقولون ماينرفز وش هالدلع الزايد لريما..يعني ريما كبيرة تعرف تروح تغسل وجهها والا تاخذ منديل وتمسحه لكن هو يحب يدلعها ويسوي لها كل شي...انا مرات احسها بنته...
ريما كانت واقفه قدامه وبهدؤ.. ويدها فيها كريم بعد...
وجهت نظرها ليدها ورفعت عينها لوجه سلطان وبسرعه حطت يدها على وجهه..وارتفعت ضكحتها..
ريما:وجهك كله دبابيس..
سلطان:ريما كذا تسوين فيني..
ناظرت منار وبصوت واطي:الحين هذا هواشه!شاطر يطلع لسانه علي..
منار:هههههههههههههههه..
سلطان وقف:انتي لازم تغسلين وجهك...
مسك يدها وتوسخت يده بعد من الكريم الي بيدها..
:بعدين انتي من اذن لك تستخدمين اغراضي؟
ريما:اصلا من زينه..
سلطان:ايه والله شوفي وش سوا في وجه بنتي..
مشوا بهدؤ وطلعوا من الصاله..
منار بلهجة فيها تريقه:هدي اعصابك يانوري..
:اسكتي بس..
منار:شوفي هو يحق لك انك تعصبين بحاله وحده بس اذا كنتي.....
قاطعتها:اوووش اووش بس..
منار:ياالله عالكبرياء الي عندك..
:مو كبرياء...لو حبيت واحد بخلي كل الناس تعرف..
منار:ههههههههههه...لا يكثر بس..
:نطلع فوق؟
منار:تبين اساعدك يعني؟
:ياليت..
طلعت لغرفتي وراحت منار غرفتها...
سكرت انوار الغرفه ووقفت عند الشباك...الهوا في رطوبه شوي غير عن العاده..السماء كانت سودة وانوار خفيفه منورة الشارع...
الجو هادئ سيارات بين فترة وفترة تمر..
مافي شي اتأمله كنت اشوف شارع قدامي...
مرت سيارة بسرعه الي يسوقها كان يمشي بسرعه جنونيه...
يمكن معاه احد تعبان...او في احد صار له حادث...يمكن يبي يتابع مباراة...او يمكن زوجته حامل والطلق جاها...او يمكن شاب طايش....أحب افكر بكل شخص اشوفه قدامي..
مرت سيارة وصوت المسجل عالي والسيارة تهز من كثر ماكان الصوت عالي...
ضحكت..وضحكتي بدت تعلى...شكله مبسووووط ومروق وماعليه من احد...
تعبت وانا واقفه..مشيت بهدؤ واخذت لي كرسي وقربته من الشباك وكملت سهرتي معاه...
><><><><
مرت ثلاث أيام بهدؤ...
منار محتارة وماهي عارفه وش تقرر بموضوع مساعد...
سلطان حالته تحسنت...
مشاعل للحين مارجعت وبكرة بترجع...
سارة على حالها..
وانا كما أنا...
جالسه بالصاله انا وعمتي...
كانت تسألني عن منار اذا هي تبي مساعد ونست فيصل...
انا مثلها ماني عارفه وش سر هالتغير ...
دخل ابوي بوقتها توه راجع من صلاة المغرب...
ابوي وهو يجلس:اليوم بنطلع كلنا نتعشى..
عمتي:اسمحوا لي انا بجلس عند سلطان.,وانا اقول تطلعون بلحالكم احسن..
ابوي:بتجي معنا سحر..
عقدت حواجبي وكشرت..
ابوي:بدون تكشير وبرطمه يانورة..
:ماسويت شي..
ابوي:الساعه 10 ابيكم جاهزين انا بطلع الحين عندي شغل..
:يبه انا مااقدر اطلع ورجلي كذا..
ابوي:ياسلام يانورة صحباتك تعرفين تطلعين لهم..
:يعني..
ابوي:عشاني تحملوا شوي..
عمتي:الي تبيه بيصير..
ابوي:جهزيهم لي ماابيهم يتأخرون بجي امركم وبعدين نروح نمر سحر..
:مين سحر؟
ابوي ناظرني بتعجب..
ضحكت:استهبل..
عمتي:والله من قل الملح بعد..
طلع ابوي من الصاله وحسيته تضايق من حركتي..
:والله ياعمتي اني نسيت اسمها..
عمتي:تحبون تضيقون صدر ابوكم..
:والله ماكان قصدي..
الساعه 9:30 ابوي كان عندنا..وحنا جاهزين انا ومنار وريما...سارة تعلثت بانها تعبانه وماجت...وطاحت علينا حنا...
عشان ابوي لازم اضحي بهالامور البسيطه...
ركبنا حنا الثلاثه ورا..الحين بنروح نمرها وهي طبعاً الي بتركب قدام...
ابوي:مااوصيكم ابيكم تبينون لها الصورة الصحيحه عنكم وخاصة انتي يامنار ماابيها تقول بناتك ماتربوا...
منار:هذا ماكان ينقصنا..
ابوي بحده:منار انتي على وجه زواج والمفروض تصيرين اعقل من كذا..وتراك بتتزوجين واحد عنده بنت..موقفك مثل موقف سحر...عامليها زين واحترميها عشان بنت زوجك تحترمك..
منار انقلب لونها وكلام ابوي كان مثل السم لها...المفروض ما يقولها كذا...كلامه بالصميم..
منار:بالعكس انا بحبها وبموت فيها بعد وبعتبرها مثل بنتي...اصلا يكفي انها بتصير بنت مساعد الي هو بيصير زوجي..
كلام منار صدمني اكثر..
ابوي ابتسم:يعني انتي موافقه؟
منار:مبدئياً بس..يعني يمكن اغير رأيي باي وقت..
ابوي:يصير بينا كلام ان شاء الله...
السكوت عم السيارة...كنت افكر بكلام ابوي وكلام منار..
وصلنا لبيت ابوي الي هو بيت سحر..
اتصل ابوي عليها يعطيها خبر..
مرت خمس دقايق تقريباً وللحين ماطلعت..فتح ابوي باب السيارة ونزل..
منار:حلوة ذي نجلس ننتظرها..
:منار سمعتي كلام ابوي تو؟
منار:تحسبين اني مافكرت فيه؟
:وانتي من جدك وافقتي مبدئياً؟
منار:ايه..
مرت دقايق وحنا ننتظر سحر تشرف...
منار:لها ربع ساعه وللحين مابعد نزلت..
ريما:اتصلي على بابا..
:الحين يجون...
بعد عشر دقايق انفتح باب البيت...
منار بدت تسب وتتحلطم..
:منار اوص جو..
فتحت الباب الي قدام:السلام عليكم..
كلنا:وعليكم السلام..
سحر:شخباركم بنات؟
مااحد من خواتي رد..سبقتهم ورديت:بخير..
ابوي:وين تبون نروح بنات؟
:الي تبي..
منار:مايهم...
ابوي:ريما؟
ريما:ماني جوعانه..
ابوي:سحر؟
سحر:الي تبيه انا ابيه..
كنت اشوفها وماني مستوعبه ان هاذي زوجة ابوي...هاذي الي اخذت مكان امي بقلب ابوي...انابعمري ماشكيت بحب ابوي لامي حتى بعد ماتزوج...وغير هذا كله انها حامل...والي في بطنها بيصير اخونا..
رحنا المطعم وسحر كانت مستفزة لابعد درجه..ومنار تستفزها اكثر..اما انا الطرف المسالم ماكنت احب ازعل ابوي...
هاله اتصلت علي خمس مرات ماادري وش عندها...
رجعنا ابوي البيت وراح هو مع زوجته اليوم عندها...
دخلت الصاله وماكان في احد...
جلست ورفعت سماعة التيلفون واتصلت على هاله...
رد علي طارق وقعد ساعه يسولف..وانا اسمعه مااحب اكسر بخاطره..
دخل سلطان بوقتها وشكله كان طالع وتو راجع..
جلس على الكنبه وبدون اي تعليق...استغربت انه كان طالع عمتي ماطلعت معنا عشانه...يمكن تصريفه من عمتي عشان نطلع حنا مع سحر لوحدنا او جت الطلعه مفاجأة..
تركيزي صار كله على سلطان...بالي كان منشغل..
اضحك واعلق وانا ماادري طارق وش جالس يقول...
:طارق حبيبي ممكن تعطيني هاله؟
طارق بضحكه تجنن:كنت احسب انك تبغين تكلميني انا..
:ابغى اكلكم الاثنين انت وهاله...
طارق بصوت عالي:هااااله هاااله نوري تبغى تكلمك..
ثواني ورفعت الخط هاله...
هاله:وينك يادبه اتصل وماتردين؟
:كنت طالعه مع ابوي..
هاله:تخيلي في وحده اتصلت على امي اليوم تخطب..
:وش الجديد يعني؟
هاله:انا ماعلي منها انا علي مين ولدها...
:عبدالرحمن؟
نسيت ان سلطان جالس عندي وجهت نظري له وبشوف اذا هو مركز معاي ماكان يناظرني ومافي اي تعابير على وجهه انا متأكده انه سمع وش قلت..
هاله:عبدالرحمن خاطب ياغبيه...
:ماادري قلت يمكن فك..
هاله:واحد ماتتوقعينه ابدا..
:هاله ياحمارة مين؟
هاله:يعني يقرب لفهد..
:فيصل؟؟
سلطان ولا شعورياً رفع عينه علي..
هاله:لا لا قربتي قربتي,وفيصل مايقرب لفهد..
سكت لثواني افكر فيها:بدر!
قلت اسمه كذا يعني هو صديق فيصل ويقرب لفهد بس ماتوقعت انه يكون هو..
هاله:ههههههههههههه ايييه..
:اماااااااانه مااصدق..احلفي ياهاله
هاله:والله العظيم..
جت عمتي بوقتها..
عمتي:هلا نورة ...على طول مسكتي التيلفون..
لفت على سلطان وبدت تحكي معاه..
:هاله هاله دقيقه بروح الصاله الثانيه..
قمت بسرعه والي قالته هاله كان صاعقه بالنسبه لي...بدر صديق فيصل مو صديقه اقرب له من اخوه بعد...يعني الي يبون بعض ما يتزوجون والي مايعرفون بعض يتزوجون...الدنيا عجايب..
رحت لصاله الثانيه وجلسنا انا وهاله ساعه نسولف... نزلت منار عندي وقلت لها..منار انصعقت من الخبر...
منار:الحين هاله متأكده انه هو نفسه بدر صديق فيصل؟
:بدر ولد اخو فهد مو يصير صديق فيصل؟
منار:الا..
:اكيد هو...
منار:بتصل على سارة اكيد انها تعرف عن الموضوع..
:اتصلي..
اتصلت منار على سارة وأكدت لها سارة ان بدر الي خطب هاله هو ولد اخو فهد ومافي احد غيره اسمه بدر بالعيله..
منار:نورة لو تزوجت هاله بدر بيصير في شي يربطني بفيصل..
:لو تزوجته,مستحيل هاله توافق..
منار:افرضي..
:اذا وافقوا ذيك الساعه بفكر..
منار:وليش هاله ماتوافق؟
:لانها...
قاطعتني: يعني تحب عبدالرحمن!!خطب الولد..
:بس حتى صعب على الوحده انها توافق انها تتزوج وهي تحب واحد..
منار:نورة انتي ما قد حبيتي ولا قد حبك احد,يعني لا تقعدين تتفلسفين بشي انتي ما جربتيه..
ماعلقت على كلام منار يمكن معها حق بالي قالته...انا عندها ما قد حبيت وانا مااقتنعت بحب سلطان وماادري اذا هو حب والا لا...يقولون الحب من طرف واحد اعجاب... انا مااتفق معهم الحب حب والاعجاب اعجاب...
مشكلتنا اننا مانميز بين الاثنين ونخلطهم في بعض...ماراح اكثر عليكم فلسفه..
><><><><><><
اليوم الي بعدو...
مشاعل وخالد بالسيارة توهم واصلين لرياض ورايحين البيت...
خالد يكلم بجواله ومشاعل كانت تكلم عمتي تطمنها وتقول لها انها وصلت...
سكرت مشاعل من عمتي وكان عندها مسج..
فتحت المسج وكان من غادة صديقتها...
:اهلين ميشو اتصلت عليك وموبايلك مسكر بطاقات زواج لميس عندي اذا انتي بالبيت ردي علي عشان ارسلك البطاقات..
ابتسمت مشاعل لما قرت المسج وخاصه انها ماتوقعت ان زواج لميس بيكون الحين...
خالد بعد ما قفل:كيف اهلك؟
مشاعل:بخير..
السكوت الي ساد بين خالد ومشاعل بالسيارة...وصلوا البيت وسلمت مشاعل على ام خالد وابوه وبعدها راحت لبيتها وخالد جلس عندهم..
اتصلت مشاعل على غادة وقالت لها ترسل البطاقات وبعدها راحت تحممت وبدلت ملابسها..
طلعت مشاعل لصاله ولافه المنشفه على شعرها..
تمددت مشاعل على الكنبه وغمضت عينها وراحت بأفكارها بعيد..
قطع حبل افكارها صوت خالد..
خالد:مشاعل نمتي؟
لفت عليه:لا مانمت..
خالد:انا بدخل اتحمم..
دخل خالد الغرفه..ورن جرس البيت بوقتها..
دقايق والخدامه جايه ومعها كيس البطاقات..
وقفت مشاعل واخذت الكيس منها..فتحته بسرعه وطلعت البطاقات وكانت لها ولسارة ولعمتي..
بعد فترة ماهي قصيرة طلع خالد من الغرفه..
مشاعل:نعيماً..
خالد:الله ينعم عليك..
جلس خالد على الكنبه وتنهد تنهيده طويله:تعبااان..
مشاعل:اتعشى ونام..
خالد:مااشتهي..
مشاعل:ماراح تروح عند اهلك؟
خالد:ابوي طلع وامي عندها عزيمه...
مد خالد يده عالطاوله واخذ باكيت الدخان وولاعته...
لفت انتباهه الكيس الي كان فوق الطاوله..مد يده واخذه..ماانتبه للأسماء الي مكتوبه على الكيس اسم لميس وزوجها كانت مطبوعه بشكل خفيف ويمكن مو الكل يلاحظها...
فتح الكيس وطلع بطاقه وبصوت مسموع:مشاعل ال.....
فتح البطاقه وبدا يقرا وقف عند كلمة ابنتنا.....
وكأن احد صفعه على وجهه...ماكان متوقع مثل هالخبر وبهالوقت خصوصاً..
مشاعل:زواج لميس صاحبتي بعد اسبوع...
خالد مارد عليها ورمى البطاقه وبدات يتصنع انه يكح..
طفى السيجارة وقام بسرعه وراح المطبخ..
مشاعل قامت وراه وبسرعه راحت تجيب له كاس ماي..
مد خالد يده واخذ الكأس منها وبدا يشرب وعيونه كانت على مشاعل...
مشاعل:خالد وش فيك؟
خالد:مافيني شي مافيني شي..
مشاعل:كل هذا من الدخان..
خالد:مشاعل مالي خلق هالحكي الحين..
ماردت عليه مشاعل ورجعت لصاله..
رجع خالد الصاله وباله كان مشغول...استرجع كل ذكرياته مع لميس..شريط وانفتح وماقدر يسكره..
مشاعل ماحاولت تحكي معاه..كانت ساكته وعيونها على التلفزيون...
بعد فترة طويله شوي...
خالد:بتروحين الزواج؟
مشاعل:أكيد..
خالد:كيف يعني أكيد؟
مشاعل استغربت من سؤاله ومافهمت قصده:ايش الي كيف يعني؟
خالد:بدون ما تستأذنين؟
مشاعل:بقولك قبل..
خالد:انتي خالصه ومقررة انك بتروحين..
مشاعل:المطلوب مني؟
خالد:ماراح تروحين الزواج..
مشاعل:خالد الزواج بعد اسبوع مو وقته الحين هالحكي..بعدين انت من متى ما ترضى لي اروح واجي؟
خالد:انا ماابيك تروحين... هالناس انا مااحبهم..
مشاعل:لميس صاحبتي من أيام الثانوي كيف مااروح عرسها..
خالد:انا زوجك..انتي بكلامك تبدين صاحبتك على زوجك..
مشاعل:خالد اذا تبي تتخانق أجلها لبكرة..
وقفت مشاعل عشان تطلع من الصاله..
خالد بعصبيه:وش شايفتني عندك ها بزر انا قدامك تقولين لي هالحكي...
مشاعل:خالد لو سمحت حنا اليوم راجعين من السفر وتعبانين..
خالد:اجلسي اجلسي..
مشاعل وهي تجلس:تفضل قول وش عندك..
خالد:اولاً اسلوبك يتعدل معاي..ثانياً لما اقول شي تسمعين كلامي...
مشاعل استغربت من طريقته بالحكي:خالد وش هالاسلوب؟
خالد:انتي تعدلي معاي عشان اتعدل..
مشاعل:انا ماقلت شي..يعني مو وقته هالحكي...
خالد:روحة لزواج مافي..
مشاعل:بروح للزواج..يعني بروح..
خالد باسلوب مستفز:تو..مافي روحه..
مشاعل وهي توقف:الا في روحه..
طلعت بخطوات سريعه من الصاله...
وخالد يناظرها في برود..رفضه على انها ماتروح عناد ويبي يرضي غروره..المفروض ان لميس زوجته...وهو على هالاساس يفكر...
انا اصنف خالد من الناس الي اذا حبوا استحاله ينسون...
><><><><><
اليوم جو عندي صديقاتي فرح ولولو...كانت حلوة الجمعه وانبسطنا وخاصه اننا من زمان ماشفنا بعض..
بعد ماراحوا...جلست شوي أكلم هاله وبعد ما قفلت رحت لصاله وماكان في أحد..يمكن جالسين بالصاله الي بالبيسمنت...
صعبه على النزله تحت وماكان لي خلق انزل..جلست بالصاله وفتحت التلفزيون...
بعد فترة ماهي قصيرة سمعت صوت احد طالع من درج البيسمنت..وكان لسلطان الصوت...كان يغني..أول مرة اسمعه يغني..قصرت على صوت التلفزيون شوي..عشان اسمعه..مرة من الصاله وهو للحين يغني..
التفت علي ورفع حواجبه وعلامه الاستغراب بوجهه اني جالسه هنا...ابتسم ابتسامه باردة ولف عني ورجع يغني بس هالمرة اغنيه كانت عربيه ولكاظم الساهر..
قولي لي كيف سأنقذ نفسي من أشواقي وأحزاني...
قولي لي ماذا أفعل فيك انا في حالة ادمان..
قولي لي مالحل وأشواقي وصلت لحدود الهذيان..
صوته ماكان حلو واللحن من جهة والاغنيه من جهة ثانيه....ماادري كلمات الاغنيه حسيتها دخلت بقلبي وجاني احساس غريب وقلبي بدا يدق بسرعه...واحس بحرارة بجسمي...
مسكت الريموت وعليت على صوت التلفزيون..بدون أي تفكير سويت الحركه..
لف علي ولاحظت ابتسامه على وجهه وبدا يضحك بصوت عالي...كان يضحك من قلبه...
من جد هالبنت تضحكني...حركاتها عفويه ومن غير قصدها أحياناً..فكرت لثواني امشي واتركها والا احكي معها...
من زمان مااخذت وعطيت معها بالحكي...
ماكانت تناظرني وعيونها على التلفزيون...
ترددت وقررت اني اكمل طريقي واروح غرفتي ومااقولها اي شي..انا بديت ولازم اكمل..وانا اخذت عهد على نفسي اني مااحكي معها..ماابي يصير شي واندم عليه...
دخلت غرفتي وكنت شايل هموم الدنيا على راسي...انا مرات اندم اني جيت ومرات اقول المفروض اجي هنا من زمان واشوف امي واهلي...صح ان الوضع ماعجبني ولا الحياة هنا عجبتني...بيئه مختلفه تماماً عن البيئه الي كنت عايش فيها وربيت فيها...انا امريكي اتكلم عربي...واللهجه النجديه بعد......انا مو سلطان الي هناك...شخصيتي مختلفه ولا اقدر اقارن...حياتي بأمريكا كانت مختلفه عن حياتي هنا.. كانت حياة ترف..مااحب اقول وش كنت...
بعد ماعرفت عن مرضي...حسيت ان الدنيا ظلمت بوجهي..وحالتي ازدادت سؤ...
موقف واحد غيرني وقلب كياني...مقابله لدقايق مع داعيه كان في واشنطن هذاك الوقت..
درست هناك في أحسن الجامعات وبنفس الوقت كنت اشتغل مع أبوي...اروح واجي معاه اجتماعات و لقاءات..ناس مختلفه وأجناس كثيرة...بآخر سنتين وقبل وفاة أبوي الشغل تقريباً كان كله تحت يدي..
حياتي هناك في حالة تغير مستمرة...

><><><>< 

اليوم الي بعدو..
الساعه 8:00 الصباح..
في مكتب من مكاتب البنك..فيصل جالس بمكتبه وبين يده اوراق وبيده الثانيه كوب القهوة...
اليوم فيصل كان نشيط وحس ان الدنيا بدت تضحك بوجهه...
دخل بدر على مكتب فيصل...
بدر:صباح الخير..
فيصل وعلى وجهه ابتسامه:أحلى صباح..
بدر ابتسم لما شاف صديقه مبتسم:وجهك يبشر بالخير..
فيصل ضحك:تقدر تقول..
بدر وهو يجلس:عطنا الاخبار..
فيصل:رحت عندي جدي امس وقلت له يخطب لي منار..
بدر:جد؟
فيصل:ايه..
بدر:وافق؟
فيصل:وقال ماعاش مين يرد لك طلب..
بدر:حبيب جدك..
فيصل ضحك:ان شاء الله عاد يفيد..
بدر:وأهلك؟
فيصل:جدي اذا قال شي مااحد بيرده..
بدر:وليش توك تروح له انت؟
فيصل:ماأحب ادخله بكل شي ابوي يزعل..بس السالفه هالمرة اكبر وقلت لازم يتدخل..
بدر:الحمدالله,كيف الشغل؟
فيصل:كويس..ترا في اجتماع الساعه 10:00 مع واحد من كبار العملاء..
بدر:مين؟
قاله فيصل الاسم...
بدر:ياثقل دمه بعد,
فيصل يضحك:يلا بس روح مكتبك..
وقف بدر وطلع من مكتب فيصل..
فيصل اليوم متفاءل وخاصه بعد ماالتقى بجده وعطه لو أمل بسيط...
><><><><
نايمه وكنت غاطسه بنومي..انفتح باب الغرفه بقوة وكانت عمتي...
دخلت وفتحت الستاير وسكرت المكيف وخلت الباب مفتوح وطلعت...
فتحت عيني بصعوبه:عمتي سكري الباب..
أكره هالاسلوب ينرفزني...
قمت من سريري ورحت غرفة منار...ماادري ليش رحت كنت اقدر اسكر كل شي وارجع انام..
انسدحت جنبها بالسرير وسحبت شوي منها اللحاف...
كنت اسحب وهي تسحب...
منار وهي ترفع نفسها وبعصبيه:وش تبين انتي جايه عندي؟
:عمتي خربت على نومتي..
منار وهي تسحب اللحاف:اطلعي برا الغرفه..
:منار بلا سخافه..
منار:نامي بدون غطا والا روحي جيبي لحافك..
تكورت على نفسي ونمت...
بعد فترة قصيرة دخلت عمتي وبصوت عالي:اقومك تجين تنامين هنا..منار ونوير يلا قوموا يكفي نوم..
وتفتح الستاير وتجلس على الكرسي:منار ترا كلمت اليوم ام مساعد..
منار لما سمعت الاسم فزت ورفعت نفسها:ليش؟
عمتي:قلت لهم تعالوا عندنا..
منار:متى؟
عمتي:عاد هي قالت اليوم..
منار:لا لا لا عمتي اليوم لا..
عمتي:وليش لا؟
منار:بتجهز قبل..
عمتي:عندك العصر كله تجهزي فيه..
:بعدين اليوم بتجي مشاعل..
عمتي:مشاعل بتجي العصر وبتجلس الى الليل..هم بيجون المغرب بس..
منار:وش تبين فيهم يجون؟
عمتي:ابوك قالي..لازم تحكون معهم..
منار:انا ابي احكي معاه مو مع أهله..
عمتي وهي توقف:يلا قومي وتجهزي من الحين الى المغرب...
طلعت عمتي من الغرفه ومنار للحين على جلستها..
منار:الحين من جدهم بيجون..
قامت منار من السرير وراحت الحمام..وانا رجعت ونمت....
صحيت بعد فترة ماهي طويله...وبدلت ملابسي وغسلت ونزلت تحت بمساعدة فاطمه...
دخلت الصاله وكانوا كلهم الا سلطان...مشاعل وسارة جايين اليوم بدري..
سلمت على مشاعل وسارة وجلست..
:ميشو يجنن عليك اللون..
مشاعل ابتسمت:خالد ماعجبه مرة..
منار:وش يعجبه هو أصلاً ماعليك منه..
سارة:الرجال يبونا على كيفهم بيضا والا سمرة شعري قصير والا طويل..مالهم شغل فينا..
منار:اذا يبي يدخل بشكلي انا بعد بتدخل بشكله واخليه يسوي الي أبي..
عمتي:بسم الله علينا عاد..
:منار متى بتسوين حواجبك؟
منار من غير نفس:بعد شوي بروح..
يوم ام فيصل بتجينا منار كانت طايرة طيرة بحياتي ماشفتها مبسوطه كثر هاذيك المرة...
مشاعل:ترا الاربعاء زواج لميس صديقتي..
سارة:ياحليها...
مشاعل:معزومه تراك وانتي بعد عمتي..
عمتي:اسمحيلي يامشاعل..
سارة:وأنا بعد..
مشاعل:ليش عمتي؟سارة تعبانه وانتي وش عذرك؟
عمتي:انا قلبي تعبان وماأقدر اروح وأخليه..
مشاعل:بسم الله على قلبك..
عمتي كانت تقصد سلطان..
دخلت ريما وكانت ذابله مرة وناحفه عن اول بشكل واضح..
مشاعل:هلا هلا هلا..
ريما:وحشتيني..
مشاعل:ليش كذا نحفتي..عمتي وديتها دكتور؟
عمتي:ايه وديتها..
مشاعل:وش قال؟
عمتي بصوت واطي:يقول نفسيتها تعبانه..تعرفين انتي بعد ماطلعت سارة تغيرت..وزادها زواج ابوك وحمل زوجته..
ريما:طفشاانه عمتوو..
:وش تبين نسوي لك يعني عشان تنبسطين؟
ريما:ابغى أطلع..
عمتي ناظرتني:انتي بعد رجلك مكسورة والا كان خليتك تطلعين معها..
مشاعل:انا اروح معها,وين تبين تروحين ريما؟
ريما:الفيصليه..ابغى اروح الملاهي وبعدين ابغى اروح التعليم المبكر..
مشاعل وهي تناظر الساعه بيدها:بعد ساعه نطلع طيب؟
ريما:طيب..
سالفه ورا سالفه..وهاذي حالتنا طول العصر..وآخر العصر عمتي راحت تتجهز وانا وسارة مع منار فوق تتجهز ومشاعل وريما طلعوا...
المغرب..وبعد الصلاة ام مساعد واختها واخت مساعد كانوا عندنا في البيت وعمتي ومنار باستقبالهم...
وانا وسارة بالصاله....
وسلطان أكيد انك تسألون وين مختفي..طالع من الظهر وللحين مابعد رجع..بس انا عارفه وين رايح..أكيد بشقته..والا هو ليش شاريها...
بعد فترة قصيرة دخل البيت..مر من الصاله واكتفى انه يسلم وكمل طريقه..كان بيده اكياس ماعرفت وش فيها..
بعد صلاة العشاء وبعد ماراحوا الي عندنا..
منار والكعب بيدها وتمشي بخوات بطيئه ومتجه لصاله..
سارة:وراك مكشرة؟
منار:مو مكشرة..
سارة:ها كيف؟
منار:عادي..
سارة:ماحكت امه عن طلاقه؟
منار:الا..
:وش قالت طيب؟
منار سكتت شوي وكأنها تفكر وش قالت امه..
مسكت سارة المخده ورمتها على منار:صحصحي..
منار:سارة بلا استهبال..
سارة:احكي..
منار:تقول والله ماارتاحوا مع بعض وماانفصلوا لعيب بأحد منهم..وان الحمل بالغلط وماعرفت انها حامل اصلا الا بعد ماطلقها..
:كم عمر بنته؟
منار:سنتين بهالحدود..
:وهو بيجلس طول عمره بالشرقيه؟
منار:هو شغله هناك..
عمتي:والله لو بناخذهم ناس يهبلون والنعم فيهم..
منار:حبوبين..
عمتي:وابوه صديق ابوك الروح بالروح..
طلعت منار من الصاله وحسيت انها بدت تفكر الحين جد وعرفت ان المسأله مو لعب...
عمتي:ومشاعل وريما مابعد جو؟
سارة:تو كلمتها بالطريق..
عمتي:سلطان جا؟
سارة:ايه..
طلعت عمتي من الصاله واكيد انها راحت عند سلطان..
سارة:اليوم كلمتني خالتي نوال تسأل عن بدر..
:وش قلتي لها؟
سارة:قلت لها الي اعرفه..
:خالتي عندها نيه تزوج هاله؟
سارة:ايه شكلها موافقه على مبدا الزواج..
:منار وهاله مرة وحده حرام عليهم..
سارة:ماتدرين انتي بعد تلحقينهم..
:مافي أمل...
مر اليوم وكل حكينا عن منار ومساعد..
رجعت مشاعل بيتها وسارة نامت عندنا...
طلعنا كلنا فوق وجلسنا بغرفة سارة وكلمنا السوالف وبعد مانامت سارة طلعنا انا ومنار وكل وحده راحت غرفتها...
اليوم الي بعدو...
صحيت من النوم كالعاده بعد حركات عمتي الي لازم كل تسويها...
نزلت بوقت الغدا وأبوي اليوم عندنا...
تغدينا كلنا مع بعض وبعدها ابوي اخذ منار وعمتي اجتماع مغلق طبعاً وممنوع الدخول...
بعد ساعه تقريباً او اقل طلعت منار وعلى وجهها في استفهامات واحس بعيونها حيرة..
جت عندنا انا وسارة...
سارة بصوت واطي:وش طلعتوا فيه؟
منار:ابوي يقول بكرة ابي ارد لهم..ولو رد لهم بكرة..مساعد بيجي الخميس هذا الرياض عشان يشوفني..
سارة:منار استخيري مليون مرة قبل لا يتصل ابوي عليهم..
منار:اكيد..ومو معناته انه جا وشافني اني خلاص موافقه..يمكن مااعجبه والا هو مايعجبني..
:ماشفتيه هذاك اليوم؟
منار:اييه شفته بس مو مرة زين.,سارة خايفه..
دمعت عين منار وبدت تصيح..
سارة تهديها:منار هدي نفسك ماله داعي الصياح..
منار وهي تصيح:خايفه ياسارة..
سارة:الزواج قسمه ونصيب واذا كان مساعد مكتوب لك بتاخذينه انتي اذكري الله..
منار:لا اله الا الله..
سارة:روحي الحين توضي وصلي..وبتحسين براحه..
منار وهي توقف:طيب انتم وش رايكم؟
سارة:اقولك بصراحه..الولد مشاء الله كويس واهله بعد والنعم فيهم ونعرفهم زين...بس عيبه انه عنده بنت..
منار:اكثر شي مخوفني..
سارة:انتي بأول مكالمه ان ربي تمم على خير..تكلمي معاه بكل شي بس لا تفتحين موضوع طلاقه والا ليش طلق...يعني انتي اعتبري نفسك مخطوبه لواحد اول مرة يتزوج...
منار:لا,لازم احكي معاه عن بنته..
سارة:عن بنته بس مو عن زوجته..
منار:طليقته..
سارة:طليقته ولا تزعلين..
منار سكتت شوي:فاتن طيبه وحبوبه اكيد بتكرهني لما بتعرف اني باخذ مساعد..
سارة:وش عليك منها بينك وبينها علاقه؟
منار:لا,وماقد حكيت معها الا مرة..بس حتى تعرفني يعني لو شفتها اسلم عليها..
:مو هم ماارتاحوا لبعض..ماراح تزعل..
منار وهي توقف:انا بروح غرفتي..
طلعت منار من هنا وابوي وعمتي جو عندنا..
:يبه اليوم موعدي يمكن افك الجبس...
ابوي:الساعه كم؟
:الساعه 6:00 ...
ابوي وهو يناظر الساعه:الحين 5 نصف ساعه وابيك جاهزة..
ابتسمت:ان شاء الله..
نصف ساعه وانا جاهزة انتظر ابوي ينزل...
بالمستشفى...
دخلنا مكتب الدكتور المتعجرف او عبدالمحسن..
سلم على ابوي وجلسنا بكراسي منفصله..
الدكتور كان محترم مع ابوي وذوق لابعد درجه بعكس لما كنا انا ومنار جايينه..تفسير واحد اكيد ان يحب زوجته ومايحب يضايقها حتى لو ماكانت تعرف عنه...يقولون الدكاترة اذا كانوا متزوجين لازم يلبسون خاتم بالمستشفى بس يعني عشان يبعدون عنهم الجنس الناعم...ناظرت يده وماكان لابس خاتم...يمكن من النوع الي مايلبس..
قطع حبل أفكاري صوت ابوي وهو يناديني:نورة..
ناظرته..
ابوي:الممرضه تكلمك..
لفيت عليها وكانت واقفه وراي...اخذت عكازتي ورحت جلست على السرير...
بيدها كان شي حاد عشان تفك الجبس...وجت ممرضه ثانيه عشان تساعدها...
شكله خوفني لفيت وجهي وسكرت عيني...
ماادري وش صار بوقتها..
حسيت وكأن رجلي طلعت للحياة مرة ثانيه...
فتحت عيني وناظرتها:اخيراً..
وقف الدكتور ومشى بخطوات هادية وبطئيه وقرب مني..
قرب يده ومسك رجلي..حسيت بقشعريرة لما مسكني...
مسكها بهدؤ وبدا يظغط عليها اكثر..
بدون مايناظرني:في ألم؟
:لا..
الدكتور وهي يظغط اكثر:هنا؟
:يعني..
بدا يحركها يمين ويسار وبأقوى ماعنده مطلع كل حيله برجلي..
:آآي..شوي شوي على رجلي..
ابوي وعلى وجهه ابتسامه:استحملي..
الدكتور وهو يبعد عني ويلتفت على ابوي:بناخذ لها أشعه نتأكد..
ابوي:اوكي..
:مايحتاج..انا مااحس بألم مرة..
ابوي ناظرني:معليش..
طلعنا من مكتبه ورحنا لقسم الاشعه وسويتها وبعد ماخلصنا رجعنا مرة ثانيه لمكتبه...
الدكتور ونظره موجهه على أبوي:لا الحمدالله كل شي سليم..ورجلها رجعت لوضعها الطبيعي..,والحين تقدرين تمشين بعصا في بداية الامر بس..
:لا انا احس نفسي اقدر امشي بدون عصا..
مارد علي ورجع يتكلم مع ابوي..
مسكينه زوجته والله...انا جد ابي اعرف من ايش يتركب..يعني انا مريضه وهو دكتوري..ماراح اكله ولا راح اسوي له شي...ليش هالتعامل...
طلعنا انا وابوي من عنده وابوي طبعاً عطاني محاضرة عشان انتبه لنفسي ويعني من هالحكي...
وصلني ابوي البيت وراح لشغله...
دخلت الصاله وكانوا كلهم جالسين..الا سلطان..
بيدي كانت العصا ماسكتها كذا بس..عشان ابوي...
سارة:مبروووك مبروووك..
ناظرتهم وانا مبتسمه:وأخيراً تعبت منه..
منار:وليش عصا معاك؟
:عشان اطق الي ما يسمع كلامي..ليش يعني بتصير معاي؟
عمتي:نورة انتي لازم تنتبهين لنفسك اكثر..
:والله ياعمتي ابوي توه معطيني محاضرة هالطول..
مشاعل:يلا عاد ارقصي لنا الحين..
عمتي:الله لا يخليك تنكسر الحين علينا مرة ثانيه..
:برقص لكم بس اصبروا على رجلي شوي..
سارة:اقعدي بس وارتاحي..
مر الليل بسواليف جتنا عمتي حصه وسهرت عندنا...
وبعد مافضى البيت وكل واحد راح لطريقه...نزلت تحت لمرسمي..
فتحت الباب بهدؤ والغرفه مظلمه فتحت الانوار.وفتحت المكيف..
كان في اكياس عند كنبتي ومصفوفه بشكل مرتب...
استغربت..يعني انا ماشريت شي جديد..ومااحد يدخل مرسمي ويحط اغراضه..
فضولي سبقني ورحت فتحت الاكياس..
كان فيها ألوان جديدة وانواع مختلفه..
مين بيجيبها لي؟ابوي عمتي مشاعل هم الي جو في بالي..
بس الالوان مو الي استخدمها وشركه مختلفه عن الي دايماً اشتري منها..
اممممممم أكيد مشاعل..
رجعت الاكياس مكانها وطلعت من مرسمي بسرعه ورحت فوق...
لقيت سارة جالسه..
:سارة... مشاعل هي الي جابت الالوان الي تحت؟
سارة ناظرتني وعقدت حواجبها:اي الوان؟
:يعني هي ماجابت لي شي لما سافرت؟
سارة:ماادري..بس ميشو رايحه جزيرة ماراحت مكان في سوق...
:عمتي؟
سارة:ماادري والله اسأليها..
طلعت فوق ودخلت غرفة عمتي بعد ما طقيت الباب..
:بس بسألك عمتي انتي الي جايبه الالوان الي تحت؟
عمتي:لا والله ما جبت شي,ليش؟
:اكيد ابوي..
طلعت من غرفتها بسرعه وكنت متأكده ان ابوي هو الي جاب لي الالوان...
نزلت تحت وسارة على قعدتها جلست معها بنتظر ابوي الى مايجي واشوف اذا هو الي جابهم والا لا..
مر وقت طويل وابوي للحين ما بعد جا..
:سارة ابوي اليوم ماراح ينام هنا؟
سارة:هههههههههه من جدك ابوي جاي من زمان ونايم الحين..
باستغراب:متى جا ماشفته؟
سارة:ماادري والله وين كنتي فيه..
ناظرت الساعه وكانت 3:00 الفجر..
بوقتها دخل سلطان البيت...اول مرة يتأخر ويرجع بمثل هالوقت..
مر من الصاله ووقف بس مادخل:السلام عليكم..
انا وسارة:وعليكم السلام..
ناظرني وناظر رجلي بس ماعلق مشى وكمل طريقه لغرفته...
ماكنت منتظرة انه يقول شي ومااستغربت حركته...
سؤال يدور في بالي انا ايش بالنسبه لسلطان؟
احس اني نكرة ومااعني له اي شي...
ونهاية هذا كله ايش؟
المفروض اسأل نفسي هالسؤال..امممم نهايته بيرجع سلطان لامريكا وتنتهي قصتي...
شلت هالافكار من راسي ورزكت على الفلم الي كنا نتفرج عليه انا وسارة...
:سارة الحين انتي لك يومين تنامين عندنا ورجلك ساحبه عليه..
سارة:ماني طايقه ريحه غرفتنا بشكل ماتتصورينه..حايمه كبدي من كل البيت..
:طيب الى متى بتجلسين كذا؟
سارة:الى ما يخف الوحم..
جلسنا الى آذان الفجر وبعدها طلعنا فوق وكل وحده راحت غرفتها ونامت...

><><><><
اليوم الي بعدو...
دخلت علي منار:نورة... نوير..يلا قومي..
مارديت عليها...
منار:نورة تو ابوي اتصل علي...عشان ياخذ اخر كلام لي..
رفعت نفسي ووجهت نظري لها:وش قلتي؟
منار:ايه..
طيرت عيوني:خلاص من جدك؟
منار:والله اني مانمت طول الليل امس وانا اصلي..وبعد الفجر ماجاني النوم..
ادعي ربي واقرا قرآن...ولما قامت عمتي رحت لها..وقلت لها اني موافقه..
:منار انتي مرتاحه؟
منار:احس براحه لكن بنفس الوقت خايفه..
:طبيعي تخافين بس اهم شي تكونين مرتاحه..
منار:ايه مرتاحه...
:الساعه كم؟
منار:12:30..
:وجهك اصفر وعيونك حمرا..
منار:مانمت..
:طيب روحي نامي..
منار:ماني قادرة...نورة اختياري صح والا استعجلت؟
:ان شاء الله صح...وصدقيني حتى ابوي وعمتي مرتاحين لخطبتك لمساعد..يعني تذكرين خطبة مشاعل وسارة طولوا فيها...بس انتي كل شي جا بسهوله..
منار:ايه انا احس بعد كذا..
:اليوم الثلاثاء..
منار:الخميس هذا يمكن يجي..
سكتت منار شوي:ابوي اليوم بيدخل جوازتنا يسوي لنا فيز..
:بنسافر؟
منار: ايه,ايطاليا...
:وابوي وعمتي مايبون يسافرون..
منار:ابوي ماراح يجي عشان زوجته طال عمرها...وعمتي تو تقول سلطان بيروح أمريكا بعد اسبوع..
:من جدك؟
منار:ايش الي من جدي؟
:سلطان بيروح أمريكا؟
منار:عمتي تو تقول..
:طيب حنا بنروح بلحالنا؟
منار:ابوي بيجي معنا يومين بس ويرجع..
:مشاء الله متى هالتخطيطات؟
بوقتها دخلت سارة وشكلها كان تعبان..
سارة وهي تنسدح بالسرير:مانمت من التعب..حتى الماي ماني قادرة اشربه..
:عذاب هذا مو وحم...
سكتنا شوي..
:وسارة كيف نتركها ونسافر؟
سارة:لا ماراح اعطلكم اذا بتسافرون انا بجلس هنا..
:تجلسين بلحالك؟
سارة:اخلي فهد يجي ينام هنا..امه وخواته بيسافرون بعد اسبوع..
منار:صاحيه انتي تجلسين بلحالك..
سارة:انا بيتي ماني طايقته وفهد بيجي عندي...
:ماعلينا..ممكن تخلوني انام..
طلعت منار وسكرت الباب وسارة كملت نومتها عندي...
><><><><><
طلع خالد من شغله بدري..عنده موعد بالمستشفى...وبعد ما يخلص بيرجع لشغله..
وصل خالد المستشفى وطلب منه الدكتور يسوى تحاليل.. وسوى التحاليل وبعد ثلاثه ايام بتطلع نتيجة التحليل..
الموعد مااحد كان يعرف عنه وخالد ماقال لمشاعل..شي من خصوصيته وماحب أحد يعرف..
غير مساره وهو بالسيارة وراح عند أحمد صديقه بمكتبه...
جلس عنده ربع ساعه وبعدها رجع لبيته..
><><><
صحيت من النوم الساعه الساعه 2:00 غسلت وصليت الظهر بدلت ملابسي ونزلت تحت...وأخيراً بنزل بدون مااحد يساعدني..احس بحريه الحين...نزلت تحت وعمتي وسلطان وريما جالسين بالصاله..سلمت ورحت للمطبخ سويت لي ساندويش مع كأس حليب..افطرت بسرعه ونزلت تحت لمرسمي الاغراض للحين شاغله بالي...
اخذت الاكياس وفكرت اني أطلعها فوق..نفذت الي في بالي واخذتهم وطلعت فوق لصاله...
جلست والاكياس للحين بيدي وعلامة استفهام بوجهي:شفتي عمتي هاذي الالوان الي قلت عليها..ماادري مين جابها؟
عمتي:بسم الله الرحمن الرحيم..مين بيجيبها يعني؟
:لا انتي ولا مشاعل ولا سارة,وابوي ماادري عنه اتوقع انه هو..
عمتي:يمكن صديقاتك يوم يجون عندك؟
:لا لا مااتوقع..
كنت طبيعي ومااهتميت للموضوع..بحرق اعصابها شوي...وخليها تفكر وماتخلي أحد ما تسأله..حركتها واضحه طلعت الاغراض فوق عشان توجه لي سؤال غير مباشر...
انا الي جبت لها الالوان... انا كنت ناسي الموضوع تماماً ولا جا في بالي....يعني انا كنت طالبهم من سكرتيري من فترة طويله ووصلوا السعوديه من زمان بس توي اتذكر...
جلست هي وأمي وريما بعد شاركتهم.. يفكرون مين الي جاب الالوان...
وأمي طلبت من نورة انها ما تفتح الالوان ولا تستخدمهم...ماادري ليش بس اتوقع أفكار حريم...
ابتسمت بوجه امي لما سمعتها تقول كذا:ليش ما تفتحها؟
امي:ماادري الحين يصير فيهم بلا..
عقدت حواجبي مافهمت الكلمه الاخيرة الي قالتها...
نورة وهي تضحك:عمتي وش دعوة؟
امي:يعني يخاف الواحد,والا ارميهم بالزباله..
انا هنا بديت اضحك:اووف 
garbage!!

نورة بدت تناظرني وحسيت من نظراتها انها عرفت انهم مني..
:طيب لو اقول اني انا الي جبتهم..
امي:انت جايبهم؟
:يب..
ماقدرت اعرف من تعابير وجه نورة اذا عجبها اني انا الي جبت الالوان او ماعجبها هالشي...
امي:وراك توك تقول؟
:بشوف وش بتسون..
ريما:وانا ماتجيب لي شي؟
ابتسمت:انتي غير نورة..اذا صرتي رسامه بجيب لك الوان..
كنت انتظر منها عالاقل تقول شكراً..
طلعت نورة من الصاله والاكياس بيدها أكيد انها نزلت لمرسمها.. تحسفت اني عطيتها...يعني انا طول الفترة الي فاتت اتجنب معها الكلام.. اجي الحين واعطيها...الي صار صار..ومااحب اندم على شي سويته...
طلعت امي فوق وريما للحين جالسه..مرت ساعه تقريباً كنت اتفرج على التلفزيون...
قمت من الصاله ورحت لغرفتي..انسدحت بسريري اتصلت على رانيا..
كانت تحكي وانا اسمع مالي نفس احكي...
سمعت طق خفيف على الباب:
who?

الصوت الي ورا الباب:نورة..
:
ok ranya I will call back later.

تنرفزت منه بشكل..هذا اسلوب يعطيني فيها اغراض جايبها...حركته بايخه ومن جد عصبت منه...
كنت واقفه انتظره يفتح بعدت شوي عن الباب..عشان مااكون قريبه منه مرة..
انفتح باب الغرفه بهدؤ..وطلع سلطان وهو يناظرني وكأنه مستغرب ليش جيت..
حطيت الاغراض قريب من بابه:شكراً سلطان بس انا مااقدر اخذهم..
سلطان ببرود:اوكي لا تاخذينهم..بس على فكرة انا كنت بجيبهم لك من زمان يعني من قبل...انتي عارفه ايش 
ما يحتاج اذكرك...تذكرتهم قبل امس وقلت اجيبهم..
:شكراً مرة ثانيه..
سلطان:ماراح اخذهم بخليهم هنا أكيد بتحتاجينهم يوم...
:لا ماراح احتاجهم..
قهرني بشكل..والله لو اقدر اطقه اقل شي بسويه..معاه حق يعصب مني عشان السالفه الي صارت بس مو معانته ان يعاملني باستحقار..
لفيت وعطيته ظهري سكر الباب قبل لا امشي...وهاذي حركه اسجلها عليك ياسلطان..
عارف ان ردي كان وقح شوي..طريقتها ماعجبتني شكراً سلطان مااقدر اخذهم منك...
ماكنت مستغرب منها هالتصرف وهي لازم تسوي كذا...بخليهم لها انا متأكد انه بيجي يوم وبتاخذهم...
الثلاثاء الجاي برجع لامريكا خلاص لهنا وكفايه انتهى دوري..مااعتقد اني برجع مرة ثانيه...
><><><><><
بعد الموقف الي صار بيني وبين سلطان ماشفته بالليل...واحسن اني ما شفته...
و يوم الاربعاء مر بدون احداث تذكر..
اليوم الخميس...
قومتنا منار بدري انا وسارة نطلع لها لبس..اليوم بيجي مساعد بعد صلاة المغرب...
منار واقفه عند دولابها وتطلع الملابس وتورينا...
منار:ها وش رايكم بهذا؟
سارة:حلو..
:لا مو حلو البيج أحلى..
منار وهي تاخذ لبس ثاني:انا عجبني هذا أكثر..
سارة:لا ماعجبني..
منار:حددوا انتي وياها واحد...
:انا احس هذا مطلعك نحيفه مرة...
سارة:اييه صح منار انتي نحيفه وهذا منحفك زيادة...
منار:وهذا احس قصير بزيادة..
سارة:ايه صح...
:البيج أحلى شي...
سارة:خلاص البسي البيج..
منار:شكلي كذا اصلا هو رايق وناعم...
سارة:جربيه طيب..
دخلت منار غرفة الملابس ودقايق ورجعت مرة ثانيه:حلو؟
سارة:ايه حلو.,تسشورين شعرك؟
منار:لا خلي يعرف ان شعري كريلي وكشه..
سارة وهي توقف:مجنونه...
طلعت من الغرفه...
منار:نورة مصدقه الي انا فيه؟
ناظرتها:لا.. جد يامنار بكون معاك صريحه ماتوقعت ولا واحد بالميه انك بتوافقين...
منار:حتى انا ماتوقعت...نورة الي سويته صح؟
:يمكن مية مرة سألتني هالسؤال وقلت لك ايه..
منار:فيصل خلاص انتهى من حياتي من زمان,انا بحاول انساه قد مااقدر..
:منار المفروض انك ماتفتحين سيرته مرة ثانيه..
منار:وهذا الي بيصير..
سرحت منار بدنيا ثانيه ودمعت عينها غصباً عنها...ماحاولت أحكي..خليتها براحتها..
دخلت عمتي بوقتها:بتلبسين هذا يامنار؟
منار:ايه..
عمتي:نورة تو اتصلت وحده من المستشفى وتقول انك ناسيه سلسلتك هناك..
حطيت يدي على رقبتي:ايه والله سلسلتي..
عمتي:وليش فصختيها؟
:مو انا سويت أشعه ولازم افصخها..
منار:احمدي ربك انها اتصلت..والله لو اخذتها ماجبتي خبرها..
:طيب مين يجيبها؟
عمتي:العصر انتي روحي وجيبيها..
:لا مااحب اروح المستشفيات..
عمتي:تحبين والا ماتحبين هذا الي ينسى اغراضه..
بعد صلاة العصر طلعنا انا وريما ورحنا للمستشفى عشان سلسلتي...
دخلت القسم وكان مليان ممرضات ماعرفت اي وحده منهم كانت ممرضتي رحت الكونتر وقلت لها السالفه وقالت انها ماتدري وين الممرضه الي انا اسأل عنها رفعت سماعة التيلفون وقامت تكلم وتسأل وماعطتني جواب صحيح..
اكره انحط بمواقف مثل كذا..ماادري وين اروح ومااعرف أحد هنا...وقفت حوالي ربع ساعه ابي اي احد يساعدني...
رحت لها مرة ثانيه وقالت ان الممرضه طالعه وبعد شوي بتجي...
مر بوقتها واحد ولفتني شكله...جلست اناظره زين كان لابس نظارة شمسيه ومغيرة شوي من شكله... الا هو دكتور عبدالمحسن...لابس كاجول واللاب كوت ماسكه بيده..
احترت اروح اسأله والا لا...وقفت لثواني وقررت اني اروح انا بس ابغى يقولي وين ممرضته الي تشتغل معاه...
لا لا آخر قرار اني ماأساله...
جا عند الكونتر وتكلم مع الممرضه وبعدها التفت علي..
بصوت رجولي وضخم:الآنسه نورة؟
:ايه...انا جايه..عشان..
الدكتور:ايه عارف..انتظري هنا دقايق بس الحين هي جايه..
ريما:طفشنا واحنا ننتظر...
ابتسم ونزل نفسه شوي لمستوى ريما:دقيقه بس ياقمر..
ريما:طيب..
الدكتور:ايش اسمك؟
ريما وهي تبتسم:ريما..
الدكتور:عاشت الاسامي ياريما...
رجع وقف ووجه كلامه لي هالمرة:دقايق وتجي..ارتاحوا هنا بالكراسي..
كمل مشييه بغرور وخطى واثقه وراح بممر من ممرات المسشتفى...
اشوا ماقال اطلعوا برا..كنت ظالمته...
دقايق وشرفت الممرضه ومعها سلسلتي اخذتها منها بسرعه وتشكرت منها وطلعنا من المستشفى....
دخلت البيت وكان هادئ واسمع اصواتهم فوق..
طلعت فوق..
عمتي:وراكم تأخرتوا؟
:ساعه انتظر حضرتها تشرف..
سارة:جبتيها عاد؟
:ايه.,وين منار؟
سارة:تتحمم...
الساعه الحين5:30 بقى على المغرب شوي...ومنار بدت تستعد...
6:30 بالظبط منار خلصت...
كان شكلها حلو وناعم...فكت شعرها ومسكته من الاطراف..حطت كحل ومسكرة وشي خفيف من البلشر...
شكلها كان طبيعي...
راح ابوي يصلي المغرب وبعد الصلاة جا وكان معاه مساعد...
جلس ابوي معاه ربع ساعه تقريباً...ودخل علينا...
منار كانت جالسه جنب عمتي وماسكه يدها والخوف باين عليها..
ابوي وعلى وجهه ابتسامه:منار جاهزة..
التفت منار علي بعدين على سارة..
سارة:منار ترا كلها خمس دقايق بس..
عمتي:قولي لا اله الا الله..
منار:لا اله الا الله..
ابوي وهو يمسك يد منار ويقومها:لا يابنيتي..
منار وهي توقف:يلا..
مسك ابوي يد منار وشدت على يده..وكان يكلمها بصوت واطي..
عشر دقايق او اكثر شوي...رجعت منار وهي تركض..
عمتي وهي تناظر ساعتها:شافك زين؟
منار:قلبي..احسه بيطلع...يخوف الموقف..
سارة:ههههههههههه...مجنونه حكينا وش صار..
منار وهي تاخذ نفسها:دخلت مع ابوي وجلست جنبه..والمكان الي جلست فيه ما يقدر يشوفني فيه زين...جا ابوي بصوت واطي قالي اغير مكاني..انا هنا بديت اعرق وخفت زياده...جلست بكنبه قبال وجهه..يعني شبع مني بعد..
:مجنونه ..وانتي شفتيه كويس؟
منار:يعني ماقدرت..
:وش قالك طيب؟
منار:كيفك وكيف الاهل..
عمتي:بس؟
سارة:تبين يطق معها سوالف..
عمتي:لا يعني يسولف أكثر من كذا..
منار:وانا يالله ارد عليه..
عمتي:ياليت شوي من هالحيا عندنا..
انا وسارة:ههههههههههههه..
منار:مافي شي يضحك...
سكتت شوي منار وحسيتها تفكر بفيصل...مو حسيت الا أكيد تفكر فيه...سرحت عيونها بدنيا ثانيه...
اخذت نفس طويل ورجعت ناظرتنا..
سارة:الحين بيطلع؟
عمتي:أكيد..
سارة:بروح اشوفه من الشباك امشي نورة معاي..
طلعنا انا وسارة بسرعه من الصاله ورحنا فوق....

><><><><

مارجع خالد اليوم البيت..عنده عزيمة غدا بشغله وبعدها كان اجتماع...بعد ما خلص من شغله وبعد صلاة المغرب...راح للمستشفى ياخذ تحاليله...
دخل مبنى المستشفى وراح لدكتور الي راح عنده المرة الي فاتت....
دخل غرفة الدكتور..دخل وهو ما يدري وش ينتظره.. 

______________________________________
الجزء الحادي عشر 


(الفصل الثاني)
لا يجمعنا لاموعد ولافرحه ولا أحلام لايمكن في يوم انا نتلاقى مع الايام...
لكن ذا قدر عمري أحبك ليه أنا ماادري..

طلع خالد من الدكتور والدنيا مظلمه بوجهه حس بثقل برجله وماقدر يمشي..وقف لثواني وكأنه جالس يستوعب الي قاله الدكتور...
عقم..خالد مايقدر يجيب عيال..هذا الكلام الي قاله الدكتور لخالد وأكد له هالشي..كان صدمه الكلام بالنسبه لخالد...
مشاعل..لو عرفت وش بتكون ردة فعلهاوهي منيتها انها تحمل..أمي وابوي..
كان صعب على خالد انه يتخيل هالشي..
بخطوات ثقيله طلع خالد من المستشفى وتمنى انه مادخلها ولا عرف هالشي...
ركب سيارته وأخذ نفس طويل..فصخ شماغه الي حس براحه لما شاله...
سند راسه على المرتبه يبي يهدي نفسه شوي عشان يقدر يسوق...
مد يده واخذ باكيت الدخان وسيجارة ورا سيجارة...
خلص باكيت كامل..وحس نفسه طول وهو للحين بالسيارة..
حرك سيارته..وماكان يبي يرجع البيت...
..طلع من مواقف المستشفى...وكان يمشي ومايدري وين رايح...من شارع لشارع...
راح لمكتبه..المكان الوحيد الي ماراح يشوف في أحد...
الهدؤ يعم المكان وماكان في أحد...غير الحارس وبعض العمال..
جلس بالمكتب وبعد فترة قصيرة رن جواله وهاذي يمكن المرة الميه الي تكلم مشاعل على خالد..
قرر خالد انه يرد ماكان يبي يقلق اهله عليه...
اول مارد..
مشاعل:خالد وينك؟
خالد:بالمكتب..
مشاعل:خوفتني عليك اكلمك وماترد..
خالد:ماسمعته..
مشاعل:اليوم الخميس وش مجلسك الى الحين بالمكتب؟
خالد:شغل..
مشاعل:خالد أبي اروح الزواج..
خالد وهو ياخذ نفس طويل:اوكي..
مشاعل:طيب انا اكيد بجلس الى الفجر وعمتي وسارة ماراح يجون...يعني تقدر تجي تمرني؟
خالد:اوكي..
مشاعل وهي مبسوطه:طيب انا اخليك..
اول مرة خالد يوافق انه يمرها من زواج...كانت مفأجاة بالنسبه لمشاعل..
الي بخالد الحين اكبر من لميس وزواج لميس...خالد كان تعبان وماهو عارف وش يسوي...
ماهو عارف وش يقول لمشاعل...يقولها الحين والي يسكت ولا كأن صار شي...
لو قالها مشاعل بتكمل معاه والا بتطلب الطلاق..الفكرة الاخيرة خوفت خالد...هو صح مااعترف بحب مشاعل..لكن لها مكانه بقلبه...وش السبب الي بيخليها تجلس معاي هاذي الفكرة الي كانت في بال خالد...انا مااعطيها من نفسي وتعاملي معها نوعا ما ومرات يكون قاسي وجاف...
مرت ساعتين طويله على خالد...كان يبي يوصل لقرار..
قرر انه ما يقول لمشاعل هالفترة...
هذا قضاء الله وقدره...اقتنع خالد بهالشي...وهو لا اول واحد ولا آخر واحد...
طلع خالد من مكتبه ويحس براحه اكثر...راح لبيت اهله..كان محتاج انه يحكي مع امه...
دخل خالد بيت اهله بخطوات هادئه وبطئيه..
دخل الصاله وأمه جالسه وكانت تكلم...
ام خالد حست بالقلق والخوف لما شافت خالد وشكله كان مايطمن أبداً..سكرت ام خالد بسرعه من الي كانت تكلمها..
ام خالد بخوف:خالد يمه وش فيك؟
سؤال امه هد حيله ماقدر يمسك نفسه أكثر من كذا..جلس على الكنبه وحط يده على راسه وبصوت مبحوح:يمه انا تعباان..تعباان..
قربت امه منه وحطت يدها على كتفه:بسم الله عليك خالد وش فيك..صاير بينك وبين مشاعل شي؟
خالد وهو ياخذ نفس طويل:لا..
ام خالد بخوف واضح:أجل وش الي متعبتك؟
خالد:يمه انا مااقدر أجيب عيال...انا عقيم..عقيم..
سكوت لثواني ام خالد كانت تستوعب الكلام الي قاله ولدها..
خالد ولدها الوحيد..وجا بعد 10 سنوات من زواج امه وابوه...
خالد بيعاني مثل ماعانا ابوه بفترات طويل من العلاج..جابوا خالد ولا قدروا يجيبون غيره..
ام خالد ماكانت تبي ولدها يذوق الي ذاقته هي وزوجها..
جربت مثل هالصدمه قبل...رجعت لها الذكريات لورا..
ام خالد وهي تشد يدها على كتف ولدها:هذا قضاء الله...والطب الحين تطور...
خالد يقاطع امه:ست سنوات! عشرة! 15 سنه اجلس اعالج...
ام خالد سكتت ولا ردت على ولدها..
خالد بتعب:يمه..لا أحد يدري...
ام خالد وهي تاخذ نفس طويل:ان شاء الله..
خالد:يمه مشاعل انتبهي تقولين عندها شي..
ام خالد:لا ياولدي لا تخاف..
خالد:ولا تفتحين معها موضوع الحمل...
ام خالد بحزن:ان شاء الله..
سكوت لفترة قصيرة بدت بالكلام ام خالد:ماراح تقولها؟
خالد مارد على سؤال امه...
حست امه ان مو وقت مثل هالحكي والا سئله ولدها تعبان ومو قادر يركز ولا يفكر بأي شي..
سكتت ام خالد وسرحت هي الثانيه..
بعد خالد شوي عن امه وعدل جلسته..حط راسه على رجل امه واكتفى بالسكوت..
ام خالد دموعها كانت اقوى منها وهي تشوف ولدها بهالحال...
مرت ساعه وخالد على حالته..
صوت الباب انفتح...رفع خالد نفسه بحركه سريعه وحاول انه يصير طبيعي قد ما يقدر..
وقف خالد:يمه انا رايح لبيتي..
طلع خالد من الصاله وابوه داخل..
ابو خالد:السلام عليكم..
خالد:وعليكم السلام..
ابو خالد:راجع لبيتك؟
خالد:ايه,تصبح على خير..
ابو خالد:وانت من أهله..
طلع خالد من البيت بخوات سريعه وثواني وهو في بيته..
ماغفت عين خالد..طول الليل وهو يفكر..
اذن الفجر...قام خالد وتوضى وراح للمسجد يصلي وبعد مارجع شاف مكالمه بجواله من مشاعل..
اتصل خالد عليها ومن اول رنة ردت..
مشاعل:نايم؟
خالد:لا لا..أجيك؟
مشاعل:ايه..
خالد:وين الزواج؟
قالت له مشاعل وين الزواج..وربع ساعه وخالد عندها..
فتحت مشاعل باب السيارة بهدؤ:السلام عليكم..
خالد وعلى وجهها ابتسامه متصنعه:وعليكم السلام..
مشاعل:آسفه اذا صحيتك من النوم..
خالد:لا ماكنت نايم..
مشاعل:ليش؟
خالد:ماقدرت انام بدونك..
مشاعل ضحكت:لا جد؟
خالد:ماجاني نوم..
سكوت لثواني..
خالد:كيف الزواج؟
مشاعل:حلو..
خالد:انبسطتي؟
مشاعل:ايه..
خالد:الحمدالله..
وصلوا البيت...
بغرفة الملابس..مشاعل وهي جالسه على الكرسي وتفصخ كعبها...
مشاعل:رجلي راحت فيها..
خالد:من الكعب العالي..
مشاعل وهي تحط يدها على ظهرها:ظهري احسه متكسر...
خالد وهو يلبس بجامته وكان يناظر مشاعل:حلو شكلك..
مشاعل رفعت راسها وابتسمت:شكراً..
خالد كان يناظر مشاعل وكأنه اول مرة يشوفها..
خالد:وفستانك بعد حلو..
مشاعل استغربت من كلام خالد اول مرة يعلق على شكلها ويقولها هالحكي..
مشاعل:شكلك تعبان..
خالد تنهد ولف وجهه من الجهة الثانيه:يعني..
طلع خالد بسرعه من الغرفه...
بدلت مشاعل ملا بسها ومسحت مكياجها..راحت للغرفه وخالد كان منسدح...
مشاعل:الحمدالله بكرة جمعه ماعندك دوام..
خالد:ايه الحمدالله..
جلست مشاعل عالسرير وكانت معطيه ظهرها لخالد...
نزل خالد من السرير..لفت عليه مشاعل:وين رايح؟
خالد:بروح ادخن..
مشاعل:خالد!!مو وقت دخان..
خالد:مافيني نوم..
طلع خالد من الغرفه..ومشاعل انسدحت وماحبت تروح له عشان ما تصير مشكله ويتخانقون على سبب تافه...
><><><><><><
اليوم الجمعه..
الساعه 2:00 الظهر..
نزلت تحت والبيت كان هادئ...
سمعت صوت بالصاله الثانيه رحت هناك وطليت وكان في فهد وسارة..
بصوت عالي:سارة تعالي..
ثواني وسارة عندي..وكان شكلها مبهذل يعني انا ماقدر شفت سارة بهالشكل...
:وين عمتي وابوي؟
سارة:راحوا عندي عمي عبدالمجيد..
:وريما وسلطان معهم؟
سارة:ايه..
رجعت سارة لزوجها...
وانا رحت الصاله...
نزلت منار عندي بعد فترة قصيرة...جلسنا نسولف وتغدينا انا وياها... وسارة مع زوجها طبعاً..
بعد صلاة العصر...
وانا ومنار للحين على جلستنا..دخل سلطان من الباب الخلفي من البيت..وجهه ماكان طبيعي...باين انه صار له شي هناك..شكله كان معصب ومنرفز..
منار:عمتي وابوي ماجو؟
سلطان:لا..
كمل سلطان مشيه وراح من طريق غرفته..
منار وهي تناظرني باستغراب:وش فيه؟
:علمي علمك..انا جالسه هنا معاك..
مرت ساعه كامله وسلطان للحين بغرفته..
جتنا سارة بعد ماطلع فهد..
منار:سارة هذا شكل تطلعين فيه لزوجك؟
سارة:انا تعبانه ومالي خلق حتى اشوف وجهي بالمرايا ويستحمل شكلي مثل ماانا قاعده اتحمل هالوحم..والا بس انا اتعب بلحالي!
:اوكي معاك حنا..بس يعني شوي ترتبي عالاقل ملابسك..
سارة ماعجبها حكينا وغيرت الموضوع:ماجو اهلي؟
:نو..
منار:جا سلطان بس..
دخلت بوقتها عمتي سلمت علينا وراحت غرفة سلطان على طول..
ابوي كان باين انه متضايق وفي شي صار في بيت عمي انا متأكده...
منار:خير يبه وش السالفه؟
ابوي وعلى وجهه علامات تعجب يتصنعها:اي سالفه؟
منار:سلطان جا وهو معصب وعمتي بعد مو طبيعيه وانت بعد..
ابوي ماقدر يتهرب:مااعتقد انه يخصكم..
سكوت لفترة قصيرة...
رجعت عمتي الصاله وشكلها كان ما يطمن...
عمتي وهي توجه كلامها لابوي:انا ماادري اخوي ليش قال كذا لسلطان..مو زين له الانفعال..انا خايفه عليه..
ابوي:مو قدام البنات..
عمتي:يعني لو ماكان يحب سلطان ولا ابوه ماله داعي..
ابوي يقاطعها:فوزيه هناك نتكلم..
وقف ابوي ووقفت عمتي معاه..وبوقتها مر سلطان من الصاله اول مرة اشوفه بهالشكل..حواجبه كانت معبسه بشكل..واحسه كان ظاغط على اضراسه بقوة...
سلطان:انا طالع عندي شغل...
عمتي:سلطان اذا تحس نفسك تعبان اجلس ياولدي الشغل أجله..
سلطان:مافيني شي,مع السلامه..
طلع سلطان وماانتظر رد عمتي..
طلعوا ابوي وعمتي من الصاله...اما حنا جلسنا نحلل ونفكر ايش الكلام الي قاله عمي وخلاه يعصب بهالشكل..
بعد فترة رجعت عمتي وابوي طلع من البيت..
سارة:خير عمتي وش القصه؟
عمتي بعصبيه:ماابي اتكلم..بنات الله يخليكم لا تسألون وش صار..
زاد فضولي الحين أكثر..وخاصه ان الموضوع يخص سلطان...انا الي فهمته ان عمي عبدالمجيد قال كلام وجرح سلطان فيه...
الوقت يمر وسلطان للحين ما بعد رجع...
الساعه 1:00 الفجر..
عمتي اتصلت على سلطان كم مرة عشان تتطمن عليه..
سارة طلعت فوق عشان تنام...وريما بعد معها...
انا ومنار جالسين مع عمتي..
فترة قصيرة وسمعنا صوت وأكيد انه لسلطان..ابوي اليوم مو عندنا...
سلطان وهو يمشي:السلام عليكم..
ردينا السلام...
سلطان:تصبحين على خير يمه..
عمتي:اجلس شوي معنا..
ماحب انه يرد طلب امه وجلس..
ساكت ولا تكلم وجه عيونه على التلفزيون يشغل نفسه شوي..
عمتي:سلطان متى بتروح أمريكا؟
سلطان وهو يناظر امه:الثلاثاء..
عمتي بخوف:الثلاثاء الي بيجي؟
سلطان:ايه..
الموقف كان صعب علي الثلاثاء سلطان بيرجع لامريكا...انا تعودت عليه..تعودت سلطان بينا وواحد منا..فكرة سفره ماكنت مصدقتها أبداً..
:السبت.. الاحد ...الاثنين.. الثلاثاء.. انت بتروح؟
غصباً عني تكلمت الموقف اجبرني اني اتكلم وبدون تفكير..
حسيت بعيونها خوف وماتبيني اقول اني الثلاثاء الجاي انا راجع...روحة ويمكن تكون بدون رجعه لسعوديه...
استغربت انها سألتني مو المفروض انها زعلانه وماتبي تحكي معاي...
يمكن مااشوفها مرة ثانيه..خلاص ياسلطان فكها كلها ثلاثه ايام وبترجع..
ناظرتها:ايه الثلاثاء هذا..
تغير لون وجهها وحسيتها تضايقت وكان باين على ملامحها وواضح وضوح الشمس...أمي كانت تناظرها وكانها عارفه وش الي بيني وبين نورة...اقصد مشاعرنا في شي يربطهم في بعض...
ناظرت منار وبعدها امي وأخيراً انا...كانت تحاول انها تصير طبيعيه..
عدلت جلستها بارتباك وسندت ظهرها على الكنبه حطت يدها على صدرها وكأنها تتحسس دقات قلبها وتتأكد ان قلبها بمكانه...واكتفت بالسكوت..
تضايقت من الموقف..ماكنت ابي اعرف ردة فعلها..كنت ابي اي احد يوصلها..
سكت انا الثاني وحسيت ان لساني انربط ماقدرت اتكلم..كنت اناظرها..ومانزلت عيني منها...
احسها كانت تعرف اني ماراح ارجع...ومتأكده من هالشي...
اما امي ما حبيت اقولها الحين اني ماراح ارجع...
وقفت نورة وبوصت هادئ:تصبحون على خير..
طلعت من الصاله بخطوات سريعه..وقفت انا الثاني وحبيت راس امي ورحت لغرفتي...

><><><><>< 

سلطان بيروح الثلاثاء..ياويل قلبك يانورة...انا مصدومه وللحين مااستوعبت الي قاله...ثلاثه ايام ويختفي سلطان عن عيني...
شلون بعيش بدونه..سلطان صار جزء من حياتي...جا وغير حياتي مية وثمانين درجه...حياتي قبله كانت مثل حياة اي بنت عايشه بسلام وبعديه عن الحب...انا مرات أفكر كيف كنت عايشه قبله...
موقفي تو كان صعب..صعب..سلطان بنفسه يقولي انه بيروح أمريكا..عمتي فيه..شافتني..واكيد انها عرفت...ولو ماعرفت حست..
انا ماادري وش كانت ردة فعلي ولا حتى وش كان موقف سلطان اتجاهي..كانت غارقة بأفكاري...
صحت..وصحت..وبموت صياح بعد...
وبس كذا يرجع..بكل برود..وبدون ما يحس فيني...
دخلت منار بوقتها وشافتني أصيح...وماكان صياح عادي..
منار وعلامات الخوف والتعجب بوجهها:نورة لا لا حبيبتي..
قربت مني وضمتني وصياحي زاد عن أول...
منار وهي تمسح علي:نورة يكفي صياح..
كنت ازيد مااخف...
منار بعدت عني شوي وحطت يدها على كتفي:تحبينه؟
حسيت ان قلبي بيطلع من مكانه ..ناظرت منار:ايه..
منار ابتسمت:مرة؟
وانا للحين أصيح:ماادري..
منار:هو؟
ناظرتها ورجعت أصيح:بيجنني..بيذبحني يامنار..
منار:احسه يميل لك..
سكتت شوي ومنار ورجعت تحكي:ماشفتيه تو..تضايق مرة وقام بعدك على طول..
انا انبسطت من الحكي الي قالته منار:يعني كيف؟
منار:حتى عمتي حست انه فيه شي..وبعدين مو بس على هالمرة...انتي عند سلطان غير..
:كيف عرفتي؟
كنت أبي اسمع اكثر..يمكن يطمن بالي شوي...
منار:حركاته..نظراته..
:مااحس..
منار:انا هذا الي أشوفه..
:طيب لو يحبني مايروح أمريكا..
منار:بيروح وبيرجع..
سكت ورحت بدنيا ثانيه..
منار:نورة كل هذا مخبيته عني..ليش ما قلتي لي من أول..
:ماادري..
منار:طيب يكفي صياح..اذا هو يحبك بيخطبك..واذا مايحبك..
قاطعتها:انا عارفه انه ما يحبني...
منار:قومي غسلي وجهك..
قمت غسلت وجهي ورجعت لمنار وجلسنا نحكي انا وياها عن سلطان وعن خطبتها...
><><><><><
صباح يوم السبت..
الساعه 8:00 ...وقف فيصل سيارته عند مبنى البنك...وبدر جنبه بالبارك الثاني....
نزل فيصل من السيارة..وبدر بعد من سيارته..
فيصل على وجهه ابتسامه:صباح الخير..
بدر وشماغه ماسكه بيده وكان لابس الطاقيه والعقال:صباح النور..
فيصل:شكلك من السرير على السيارة..
بدر وهو يتثاوب ويحط يده على فمه:ايه ميت نوم..
مشى فيصل وصار جنب بدر وكملوا مشي لداخل البنك..
سلموا على الموظفين الي كانوا بطريقهم ودخلوا مكتب بدر..
بدر وهو يجلس:اسبوع ونرتاح من الشغل..
فيصل:ان شاء الله..
سكوت لثواني بدا بدر فيها الكلام:وش صار على جدك؟
فيصل:سافر..وعدني اذا رجع...
بدر:اهم شي يكون عند وعده..
فيصل:نشوف اذا رجع وش يصير,انت ماصار شي على موضوعك؟
بدر:يعني قالوا نأجل لبعد الاجازة..الناس بتسافر ومو وقت خطبات..
فيصل وهو يقوم من مكانه:الله يكتب لك الي فيه الخير..
بدر:اليوم الشباب عندي لاتنسى.
فيصل باستغراب:اليوم السبت!
بدر:ايه السهرة الى 12..
فيصل وهو يضحك:اوكي...
طلع فيصل من مكتب بدر وراح مكتبه...
><><><><><
قمت من النوم وانا احس بنشاط عن غير عادتي...احس في شي بداخلي وأبي اطلعه..
وقفت قدام المرايا وتأملت شكلي لثواني...مسكت شعري وربطته..حطيت كحل خفيف..
شكلي كانت مرتب..فتحت باب الغرفه بهدؤ..وبخطوات سريعه كنت امشي..نزلت تحت وصوت التلفزيون كان عالي...
دخلت الصاله..وريما كانت جالسه ترقص وسلطان كان يضحك على حركاتها...
عصبت بشكل..مبسوط وش عليه..
بعصبيه:ريما قصري الصوت مرة عالي..
ريما وهي ترقص:ماراح اقصر..
سلطان:خليها..
جلست وخليتها تسوي الي تبيه او مثل ما يبي الاستاذ سلطان..
ريما وهي تقرب مني اكثر وتميل نفسها علي...
وراحت سوت نفس الشي لسلطان...
مسكها سلطان وباسها وقربها منه وجلسها جنبه:شكلك تعبتي..
ريما:يعني.. شوي..
جت ريما بتوقف بس مسك يدها:خلاص يكفي رقص..
ريما وهي زعلانه:طيب..
بعد سكوت لثواني..
ريما:تلعب معاي؟
سلطان:اوكي..بس ماابغى اتحرك من مكاني..
ريما وهي تضحك:ماتتحرك, امممم تبي تلعب سبت أحد..؟
سلطان عقد حواجبه:ايش سبت أحد؟
مسكت يده وحطتها فوق يدها..ويدها الثانيه تحت يده..
ريما:انا اقولك السبت..انت تقول الاحد..واذا جا الجمعه وضربت يدك قبل ما تشيلها انا افوز..
سلطان وهو يضحك:مافهمت..
ريما عادت الشرح بس سلطان مافهم..
سحبت يدها منه وجت عندي:نورة العبيها معاي عشان يعرف سلطان..
:لا ريما مالي خلق..
سلطان وهو يبتسم:العبي معها عشان اعرف اللعبه..
كنت ابي اصير طبيعيه قدام سلطان قد مااقدر...
:اوكي وان شاء الله تفهمها..
لعبنا انا ونورة وسلطان كان يناظرنا وعلى وجهه ابتسامه..وبعد ما خلصنا..
سلطان:مافهمت.. ريما ممكن تعيدونها مرة ثانيه؟
ريما بحماس:طيب..
:لا مو ممكن..
سلطان وهو يضحك:آخر مرة وعد..
:تو.. ماراح نعيدها..
سلطان:امممممممم طيب خليني العب معاك عشان افهم..
حسيت بحرارة ووجهي حمر..ماادري ليش استحيت وتلخبطت...
سلطان لف وجهه من الجهة الثانيه وكان يضحك...حسيته انحرج هو بعد..
ريما:سلطان لا تصير غبي..سهله اللعبه..
سلطان:اوف اوف...طيب تعالي نلعب بس مااصير غبي..
رجعت ريما وجلست عنده...لف جسمه وصار قدامي...
عدلت جلستي ووجهت عيني على التلفزيون...كنت احس بعيونه تراقبني..ماحاولت التفت عليه..ماابي عيني تجي بعينه...
ريما وهي تضرب يد سلطان بكل قوة:الجمعععععه...خسرت..
سلطان وهو يضحك:لا لا ما يصير..انا ماكنت اعرف..
ريما:يووووووه..طيب..
عادوا اللعبه..وهالمرة يوم الجمعه كان على سلطان..
سلطان بحركه سريعه:الجمعه...
بس ريما سحبت يدها قبل لا يمسكها..
ريما وهي تضحك:خسرت..انا الفايزة..
سلطان:تلعبين علي..انتي دايما تفوزين علي..
ريما:انت ضربت نفسك..
سلطان:انتي سحبتي يدك..اكيد بضرب يدي
ريما وهي ميته ضحك:لازم اسحب يدي..عشان تضرب يدك وتخسر..
سلطان:ماعجبتني اللعبه..انتي تفوزين وانا اخسر...
ريما:نلعب ايش طيب؟؟
سلطان:انتي تطلعين من الصاله وانا بخبي شي...واذا قلت لك خلاص تجين..
ريما:طيب..ايش بتخبي؟
سلطان:اممممممم..
ريما:موبايلك؟
سلطان:لا..
ريما:بنستي؟
سلطان:لا صغيرة..
ريما وهي تناظر حولها وتدور شي يخبونه:نورة؟
قالتها وهي ميته من الضحك...الحين الي قالته المفروض انه شي يضحك..
سلطان ناظرني وكان يضحك:لا نورة كبيرة مااقدر اخبيها..
ريما:عندي كورة صغيرة تصلح؟
سلطان:ايه..
راحت ريما بسرعه وجابتها..
سلطان وهو ياخذ الكورة من يد ريما:يلا روحي..
طلعت ريما من الصاله..
سلطان والكورة بيده وكان يدور مكان يحطها فيه..وبدون ما يناظرني
سلطان بصوت واطي:نورا...انتي زعلانه لاني برجع أمريكا؟
سؤال قلته بدون تفكير...يمكن قلبي محتاج للاجابة...كنت ابيها تحسسني باهتمامها لي باي طريقه...تجيني لحظات اكون مستعد اضحي عشانها...لكن لما افكر بجد...احس اني علاقاتي معها استحاله...شي صعب الوصول له...
نورة انا اتوقع منها اي تصرف..ومااستغرب منها اي رد...
بكل برود ردت علي:ماتفرق معاي..
جوابها ماكان صاعقه بالنسبه لي..متوقع مثل هالجواب...لكن بنفس الوقت صدمتني...أقل شي تقدر تسويه لو كانت تميل لي انها تعبر عن مشاعرها...نورة ماتعرف عن رانيا..انا بالنسبه لها شخص مو مرتبط..يمكن تكون لي قصة حب ويمكن لا...
امممممممم جوابها اقدر اعكسه والعكس هو الصحيح...لانها لو اعتبرت سؤالي مجرد سؤال من ولد عمتها الي تعتبره مثل اخوها..ماراح يكون هذا ردها...بتجامله وبتقوله الصدق..ماراح تقوله ماتفرق معاي...
ضحكت من داخلي...
انا ماادري وش ابي من نورة..مرة ابيها تبعد ومرة ابيها تقرب مني..
انا متلخبط وافكاري متصادمه...احس اني ضايع..
في هاذي اللحظه بس..خفت ماادري ايش الي خوفني...
ابتسمت بكل برود..اتصنعتها مثل مااتصنعت غيرها..ردها كان قاسي وانا بصير اقسى معها...
ريما من الطرف الثاني بعالمها الآخر...تنتظرني اخبي الكورة..انا وين وهي وين..
بصوت عالي:خلاااص؟
:لا لا دقيقه بس..
خبيت الكورة بسرعه وجلست بمكاني..وبصوت عالي:تعالي...
سؤال ماكنت متوقعته أبداً...صدمني السؤال ورديت ببرود..مو لاني ابي ابين له اني مو مهتمه..استغربت من سؤاله وكنت في حالة ذهول وردي جا له بكل برودة..
ابتسم وبابتسامته كلام قريته وكأنه يقول مثل ما توقعت ياسلطان...
فرصه ضاعت منك يانورة...عالاقل اسكت وماارد ..وتشطر عاد وافهمها ياسلطان...
انا تعبت مااقدر استحمل اكثر من كذا...ليش سألني؟يبي يجنني بس...
احس قلبي يبي يصرخ وبأعلى صوت يقوله اني أحبـــك...قلبي ماايقدر يتحمل.... هالكلمه ثقيلة عليه...
حسيت بغصه بحلقي..ابي اصيح....كفايه لحد هنا وكفايه..
وقفت بسرعه وانا امشي طالعه من الصاله..
رمى سلطان الكورة بقوة ومرت من جنبي..
قهرتني..احس بقهر..ليش الكبرياء هذا كله...رميت الكورة بدون قصد..ابي اطلع الي فيني شوي..
كنت ابيها تجي عليها..ابيها تصحى..وخلاص يكفي...انا تعبت..تعبت من كل شي حولي..
رانيا..امي...نورة...الشغل..مرضي..كل شي..كل شي...
لفت علي...صديت عنها ولفيت وجهي من الجهة الثانيه...ماكنت ابي اناظرها..احس عيوني بتفضحني..
كملت مشيها..وطلعت من الصاله...
وقفت انا الثاني وطلعت من الصاله..
ريما:سلطان ماتبي تلعب؟
لفيت عليها:لا حبيبتي...
كملت طريقي ورحت غرفتي...
><><><
طلعت فوق ورحت غرفة منار وعندها عمتي وسارة..
:صباح الخير..
سارة:اي صباح..!
مارديت عليها ولفيت على عمتي:شخبارك عمتي؟
عمتي بضيق:الحمدالله..
:منار وش عندك؟
منار:ماعندي شي...
:موافقه؟
منار وهي تاخذ نفس طويل:ايه..
جلست على الكرسي الي قدام التسريحه..العب بشعري وافكاري بالي جالس تحت...
منار وسارة يحكون وعمتي تشاركهم بالحكي...الموضوع عن منار وخطبتها..الي شاغلة كل البيت..
سارة:اليوم بالليل خالتي بتسافر..
:انتي قلتي الاسبوع الجاي..
سارة:قدموها..المغرب بروح لهم لازم اشوفهم قبل ما يسافرون..
بعد فترة قصيرة وكان الحديث عن اهل فهد...
نزلوا عمتي وسارة وبقينا انا ومنار...
قلت لمنار الي صار قبل شوي بيني وبين سلطان..
منار وهي تضحك:نورة انتي مجنونه وهو اهبل..
توقف منار عن الضحك وترجع تضحك اكثر من أول:لا لا لا نورة...الي سويتيه قمة الهباله...يعني في اسلوب احسن من كذا..
انا بعصبيه:يعني تبين اقوله بشتاق لك ياسلطان وانا ضايق صدري ومرة زعلانه...
منار وهي تضحك باستفزاز:لا ياغبيه ياتقولين له كذا..ياتقولين ماتفرق معاي...يعني لو يسألني سلطان هالسؤال بقوله ايه والله بنفقدك وتعودنا عليك بس عاد هاذي الدنيا..
:ماراح يسألك..
منار وهي تغمز لي:ماراح يسألني لاني مو مهمه عنده...امممممممم..سلطان كان يبي منك جواب محدد حاطه في باله..
سكتت منار شوي تفكر فيها وتحلل سؤال سلطان وجوابي..
منار وهي تعدل جلستها:سلطان سألك ويبي منك تقولين له كذا...بالعكس انتي ذكيه يانورة..
ناظرتها وفكرت بالكلام الي قالته:مجنوووووووووونه..والله مجنوونه..
منار:شفتي شلون فايدة الاخت..
:يعني سلطان كان يبيني اقوله كذا..
منار سكتت شوي:نورة..أخاف انه سألك لانه يعتبرك مثل اخته..وسؤاله كان عادي ومايقصد فيه شي..وانتي جوابك كان قمة في الادب...
:منار يرحم ابوك اسكتي..خلاص ارحميني من تحليلاتك...بتذبحني انتي..
منار:يعني عشان ماتنصدمين...الصراحه سلطان غامض..وماتدرين تصرفاته تدل على ايش..حب والا كره يعني على بلاطه طحتي بواحد...
:اووش منار..
طلعت من عندها لاني ماكنت ابي اسمع كلامها الي ماراح يفيدني بشي...
مر العصر وانا بغرفتي مانزلت تحت...
><><><><
بعد صلاة المغرب سارة دخلت بيتها...
ماكان في أحد باستقبالها...الكل منشغل..اليوم سفرهم...
دخلت الصاله واستغربت ان فهد ماكان جالس فيها...
طلعت فوق ولقت خالتها جالسه بالصاله..
سارة وعلى وجهها ابتسامه:السلام عليكم..
ام فهد من غير نفس:هلا والله وعليكم السلام...
سارة وهي تسلم عليها:شخبارك خالتي ان شاء الله بخير؟
ام فهد:بخير..,زين جيتي تسلمين علينا قبل ما نسافر...
سارة ابتسمت:أكيد بجي..
ام فهد:فهد يقول انها ماراح تجي تعبانه وعلى سريرها..وانها ماهي طايقه البيت..عاد ماشاء الله مافيك الا العافيه..انتي تبين تجلسين عند أهلك وتعذرين بالوحم...
سارة بهدؤ والابتسامه ما فارقتها:انا لو اقدر اجي هنا... ولا اترك فهد..صعبه علينا والله..ان شاء الله فترة قصيرة وارجع للبيت...
ام فهد:عاد اقول لفهد يسافر معنا..وقال اسبوع واجيكم..تعرفين بالبيت بلحاله...اتزوج عشان احد يجلس معاه يوسع صدره...بس عاد..
قالتها وهي تضحك باستفزاز..
سارة ماقدرت تتحملها وتتحمل حكيها...يمكن البعض يشوف كلامها شي عادي ومايزعل...
بوقتها جا فهد والابتسامه بوجهه وبصوت عالي:هلا هلا حبيبتي...
سارة:هلا والله..
فهد ووهو يجلس جنبها ويمسك يدها:كيفك؟
سارة وهي تسحب يدها:كويسه..
فهد وهو يقرب منها اكثر ويبوس راسها:والله اشتقت لك..
سارة حست بالاحراج يعني فهد مو وقته أبداً...
كل هذا تحت أنظار ام فهد..
وقفت سارة:انا بروح عند البنات..
طلعت سارة من الصاله بخطوات سريعه وراحت عند مضاوي وشيخه...
جلست نساعدهم بترتيب الاغراض الي مارتبوها...
مر الوقت بسرعه تحاول فيه سارة انها تتجنب الكلام مع خالتها...الساعه 11:00 الليل..
والحين اهل فهد بيطلعون للمطار..فهد وسارة وبعد ماسلموا عليهم...
فهد وهو يسكر الباب ويلتفت على سارة:سارة وش فيك؟
سارة:مافيني شي..
فهد:الا فيك..
سارة:تعبانه..يلا انا برجع البيت توصلني والا اروح مع السواق؟
فهد:ماراح ترجعين..
سارة:فهد..
فهد:ماراح ترجعين يعني ماراح ترجعين..بتنامين هنا اليوم..
سارة:ماراح انام هنا..حايمه كبدي ويكفي اني استحملت كل هالوقت اجلس فيه..
فهد:سارة ورب البيت ان ماجلستي عندي بكرة بسافر وراهم..
سارة:يعني كلام امك صدق..
فهد:اي كلام؟
سارة:بتلحقهم بعد اسبوع..
فهد:تو بس الفكرة جت في بالي..
سارة:ايه العب علي..مخطط وحاجز ومظبط عمرك..روح حبيبي...
فهد:سارة لا تقعدين تستهبلين..
سارة:انا اتكلم جد..انا تعبانه وجالسه عند اهلي..وانت هنا بلحالك سافر..
فهد:ماراح اروح واخليك..
سارة:انا ابيك تروح..عشان امك ماتقعد تقول جلس عشانها..وهي في بيت اهلها..
فهد:ماراح تقول كذا..
سارة:قالت وخلصت..
فهد:طيب ممكن نجلس؟
سارة:الحين 11..12 بطلع..
فهد:مو على كيفك.,اليوم بتنامين..
سارة:فهد حبيبي والله ماني طايقه البيت..
فهد بعد سكوت:اوكي انا عندي حل يرضي الطرفين..
سارة بحماس:وشو؟
فهد:باخذ غرفة بالاوتيل...
سارة سكتت وماردت..
فهد:خلاص نروح هناك الى مايخف وحمك..عشان اهلك بعد ياخذون راحتهم اذا بيسافرون...وعشاني انا طبعا..مااقدر اجلس بدونك...اول اهلي في بس الحين البيت فاضي علي..
سارة:بس انا تعبانه فهد وماابي اتعبك معاي..
فهد:سارة اهم شي اكون معاك...انا بعيد عنك مو تعبان..ميت تعب..
سارة ابتسمت:الي تشوفه حبيبي..
فهد:امشي الحين نروح وبكرة نجيب كل اغراضنا..
سارة:طيب اكلم اهلي اقولهم..
هذا القرار الي فهد وسارة اتخذوه..او اتخذه فهد وماقدرت سارة ترد طلبه...

><><><><>< 

اليوم اتصلت ام مساعد..وانتهت المكالمه بالاتفاق...واعلنت خطبة منار لمساعد...
مشاعل ماجت عندنا...في عزيمه لاهل خالد وماقدرت تجي..
سارة بتنام هي وفهد بالاوتيل...
اما انا..ماصار بيني وبين سلطان اي شي...ماشفته بعد الي صار الظهر...شفته وهو راجع بالليل..دقايق وراح لغرفته...
دخلت مشاعل بيتها توها راجعه من العزيمه وكانت مع خالتها..
دخلت الغرفه وخالد منسدح عالسرير..
مشاعل:السلام عليكم..
خالد وهو يرفع نفسه:وعليكم السلام..
مشاعل:طلعت من البيت؟
خالد:لا..
مشاعل:تعشيت والا اسويلك؟
خالد:لا مااشتهي..
مشاعل:خالد لك يومين وانت ماتاكل وجهك اصفر..
خالد ماعجبه كلام مشاعل وغير السالفه:كيف العزيمه؟
مشاعل:حلوة..
مشاعل وهي رايحه لغرفة الملابس وتتكلم بدون ماتشوف خالد:ولدت زوجة نواف ولد خالتك..
خالد ولاول مرة يتحسس من موضوع مثل هذا مارد عليها..
مشاعل وهي تلف عليه:أكيد كلمك نواف..
خالد بضيق:ماشفت جوالي...
مشاعل:جابت ولد..
خالد ساكت..
مشاعل:وجدتك ياحبيلها مسكتني واسئله...
خالد:عاد انتي الغاليه عندها..
مشاعل وهي بغرفة الملابس وتتكلم بصوت عالي:تقول يلا احملي واتركي عنك الحبوب...
خالد وكأنه احد صفعه على وجهه وسوى نفسه ما سمع..
مشاعل استغربت سكوت خالد طلعت راسها من الباب:خالد ترا مااقصد شي بكلامي..انا فكرة الحمل الحين شايلتها من بالي...
خالد ارتاح لكلام مشاعل مع انه عارف بيجي يوم بتعرف فيه مشاعل عن الي فيه...
مشاعل:شكلك نمت!!
خالد:ها..لا لا مانمت...
بعد ما بدلت ملابسها طلعت مرة ثانيه...وهي تجلس عالسرير..
مشاعل:قلت لك منار اختي انخطبت..
خالد:ما شاء الله... بس احسها ماكبرت..
مشاعل:الوحده ما تكبر الا اذا تزوجت..
خالد:ولد مين؟
مشاعل:مساعد ال.......,ابوه صديق ابوي الروح بالروح..
خالد:اعرفه مساعد بس كبير...اتذكره كان معاي بالمدرسه..بس الظاهر هو اكبر مني بسنه..كم عمره؟
مشاعل:30 31..
خالد:لا 31 يمكن...مو كبير على اختك؟
مشاعل:مطلق بعد..
خالد باستغراب:وابوك يزوجها واحد مطلق؟
مشاعل:وعنده بنت بعد..
خالد:لا لا ماانتو صاحين..مشاعل الزواج مو لعبه..
مشاعل:الولد مرة زين واخلاق ومحترم,ابوي عاجبه الولد...
خالد:اهم شي منار..
مشاعل:موافقه ومااحد جبرها...
خالد:الله يوفقها..,مشاعل خليها تستخير مليون مرة ترا الزواج مو سهل..
مشاعل:اكيد..
خالد:لا تغصبونها يا مشاعل...
مشاعل:خالد وش فيك؟ماراح نغصبها وحنا مو من هالناس...
خالد وهو يطفي النور:تصبحين على خير..
مشاعل:وانت من اهله..
><><><><><
هاله وهي تفتح الستارة وبصوت عالي:نورة قومي...
رفعت نفسي بسرعه لما سمعت صوت هاله وش جابها بهالوقت...انا بحلم والا بعلم...
هاله:صباح الخير..
الشمس على عيوني وماقدرت افتحها:وش جابك؟
هاله:مسوية لك مفأجاة..
بخوف:اليوم اي يوم؟
هاله وهي تناظر الساعه بيدها:الساعه 2:30..
:هاله اليوم اي يوم مو الساعه كم؟
هاله وهي تضحك:اليوم الاحد..
:احسبه الثلاثاء..خفت..
هاله:هههههههههههه..يلا صباح خير قومي بس..
:حلمت انه راح وقاعدين نسلم عليه...
هاله:قومي غسلي انتي وكشتك..
:هاله صدق وش جابك؟
هاله:بسلم على سلطان قبل ما يسافر..
:ياخف دمك ياهاله..
قمت من السرير ورحت غسلت وبدلت ملابسي ورحت اصلي...هاله قدام المرايا تجرب المكياج...وتبخ من العطور..
بعد ما خلصت صلاة:تغديتي؟
هاله:تقبل الله اول..
:منا ومنكم..
هاله:لا ماتغديت..جوعااانه..
نزلنا تحت وتغدينا...وبعد ما خلصنا نزلنا تحت لمرسمي..
هاله وهي تجلس:لو انا مكانك يانورة مااتحرك من قدامه...بعد بكرة بيسافر..
ناظرتها وماردت على كلامها..
هاله:ماعجبك كلامي عارفه..
دخلت بوقتها منار..
هاله اول ماشافتها:هلا والله بالعروسه..
منار:هلا..من زمان عنك اشتقنا لك..
هاله:اتغلى عليكم..,كيف الخطبه؟
منار:ياساتر مسرع ماانتشر الخبر...
هاله:الي تنخطب عندنا بدقيقه الخبر منتشر عند كل البنات..
منار سكتت وراحت بأفكارها بعيد...عرفت وش تفكر فيه الحين...فيصل...
هاله:اهم شي تكونين مرتاحه..
منار:الحمدالله..,وانتي وش صار عليك؟
هاله:بعد الاجازة أجلنا الموضوع..الحين صيف وحنا بنسافر بعد اسبوع وهم بعد بيسافرون يعني مو وقت خطب...
منار:والله ياهاله بدر مرة كويس اسألني عنه..اعرفه كثر مااعرف......
سكتت منار وما كملت كلامها...
هاله:عارفه..عشان كذا اهلي ماخذين الموضوع جد....
:ايه وحيدتهم مايبون لها اي واحد..
سواليف بنات...سالفه ورا سالفه...
المغرب جو سارة ومشاعل عندنا...
سلطان طالع ورايح بيت عمه...
اليوم ما شفته...اليوم الاحد...وبعد بكرة بيرجع...في احساس بداخلي يقولي انه ماراح يسافر...ان شاء الله يصدق هالاحساس...
رجع سلطان البيت الساعه 12 وكنا كلنا جالسين بالصاله...دخل من الباب الثاني وراح على جناحه بدون مايمر من عندنا...
بعد ماطلعوا خواتي وهاله...جلست الى الفجر بالصاله انتظر..يمكن يطلع..يمكن يحن علي ويطلع....
بعد ما فقدت الامل وتأكدت انه ماراح يطلع رحت لغرفتي...
طلعت دفتري وفتحت صفحة جديدة...اخذت القلم الازرق الجاف...حسيت يدي تجمدت بمكانها...ماقدرت اكتب...
يوم لاجديد فيه...
اليوم الاحد تاريخ../.../...
كتبت الي صار اليوم...واخر الصفحه بخط حلو كتبت...سأشتاق اليك....
ماادري ليش طلعت معاي هالكلمه بس...احس بداخلي كلام ماراح تكفيه صفحات...بس ماقدرت اكتب...
سكرت الدفتر...ودخلته بالدرج...
نومي اليوم كان متقطع..كل شوي اصحى...مااقدر انام وفي شي شاغل تفكيري...
الساعه 12:00 قمت واحس نفسي شبعانه نوم...بس كنت احس بالتعب بعد...مانمت الا 7 الصباح...
بدلت ملابسي بسرعه ونزلت تحت...كنت متأكده اني بشوف سلطان...
دخلت الصاله..ومثل ماتوقعت كان جالس..
كنت خايفه اتكلم..بس لازم اقول اي شي..بصوت واطي:صباح الخير..
سلطان:صباح النور..غريبه قايمه بدري..
:ماادري وش فيني ماجاني نوم...
سلطان:واضح عيونك تعبانه..
جلست والسكوت هو الي كان بينا..اكرهه لما يسكت..
:عمتي ماقامت؟
سلطان ببرود:ماادري..
سكتنا شوي..وكان قاعد يتفرج على فلم..ماني فاهمه قصته...ومالاابي افهم قصته...الي ابيه اني احكي معها...
:سلطان لو سمحت ممكن تغير؟
لهجته بالحكي كان فيها ضحكه بس كاتمها:لا نورا مو ممكن...
ابتسمت بيني وبين نفسي...كنت ابيه يرد علي كذا..عشان اقدر اخذ واعطي معاه بالحكي..
:الفلم بايخ وانا مو فاهمه قصته..
سلطان:افهمك قصته..
:سلطان عاد..
سلطان بنفس اسلوبي:نورا عاد..
ضحكت...وضحك معاي...
سلطان وهو يناظرني وكنت اكرهه لما يناظرني كذا:ايش تبين احط لك؟
ابتسمت:ماادري بس غير..
بوقتها جت فاطمه:الفطور جاهز...
سلطان:ثانكس فاطمة..
التفت علي:تعالي نفطر سوا..
سكت شوي افكر فيها..:اوكي..
سكت شوي اراجع جوابي:اروح اشوف عمتي..مو حلوة نبدا وهي صاحيه..
ابتسم سلطان ومارد علي..وقف وراح لسفرة الطعام..
اما انا طلعت فوق وناديت عمتي..نزلت تحت...
سلطان:صاحيه؟
:ايه الحين بتجي..
جلست وثواني وعمتي جت..
سلطان:هلا والله صباح الخير..
عمتي:صباح النور..
سلطان وقف وباس امه:مايكفيني بس اصبح عليك..
عمتي وعلى وجهها ابتسامه:سلطان كم بتجلس هناك؟
حسيته ماكان متوقع هالسؤال او ماجهز جواب...
ماادري ليش ارتبكت..انا مجهز جوابي..وكنت عارف انها بتسألني او اي احد ثاني..في احد ثاني كان ينتظر الجواب بحماس..مانزلت عيونها مني...
:
3month

سكتت امي واخذت نفس طويل:ماراح ترجع ياسلطان؟
ناظرت امي وناظرت نورا باترباك شوي:ماادري...
امي وعيونها امتلت دموع:كنت عارفه انك ماتبي ترجع...
قاطعتها:يمه انا لو بيدي ماافارقك..انا لو اقدر اخذك معاي..يمه انا هنا مااقدر اعيش...حبيت اهلي وحبيت الناس بس اعيش صعب والله صعب...وانا قلتلك قبل..يمكن مااقدر استقر..
امي وهي تحاول انها ماتصيح:هاذي حياتك..وهناك انت عشت وهناك تربيت...انا مااقدر اجي الحين وعمرك صار 30 اقولك ياولدي تعال وعيش عندي...
ابتسمت للكلام الي قالته..اهم شي تكون هي راضيه..وقفت من مكاني وبستها من خدها وراسها..ومسكت يدها:اهم شي رضاك علي...
امي:راضية عليك ياولدي...
بوقتها حسيت بحركه من الطرف الثاني لطاوله...رفعت راسي وشفت نورة معطيتني ظهرها وتمشي بخطوات سريعه..
امي:رتبت اغراضك؟
:ايه رتبتها يعني باقي اشياء ماترتبت..بعد شوي بروح اسويها..
امي وهي توقف:بروح انا اسويها..
راحت امي غرفتي..ونزلت انا تحت لمرسم نورة...ماادري ليش نزلت..حسيتها تضايقت من الي صار...
طقيت الباب بهدؤ:نورا انا سلطان ممكن ادخل؟
سلطان وش جابه..انا الحين بحاله مايعلم فيها الا الله...وقفت بسرعه كنت ابي مرايا اشوف فيها وجهي...
مسحت دموعي وحاولت اني اصير طبيعيه قد مااقدر..
سلطان من ورا الباب:نورا..
بدون تفكير:ادخل ادخل...لا لا تدخل..
فتح الباب بهدؤ ودخل راسه:ادخل والا ماادخل؟
كنت اصيح..وللحين جالسه اصيح..عيوني متنفخه وخشمي احمر...مااقدر اخبي كل هذا...موقفي باين قدامه..اصيح لانه ماراح يرجع..اصيح للكلام الي قبل شوي قاله...
بعصبيه وبصوت عالي:لا تدخل..وش تبي فيني؟
ماسمع كلامي ودخل:ابيك..
حطيت يدي على وجهي:وش تبي؟
بصوت حسيت فيه جديه:شيلي يدك من وجهك..
:ماراح اشيلها..سلطان بسرعه قول وش تبي؟
عطاني ظهره وحط يده على خصره:بتكلم بدون مااشوفك..شيلي يدك..
:شلتها..
اسمع دقات قلبه..احس اني كنت اسمعها..يتنفس بعصوبه وكأنه له ساعات وهو يمشي..:ابي لوحه من لوحك..
استغربت من طلبه:لوحه!
بجديه:ايه لوحه..
:لوحي مو للبيع..
:من قال اني راح اشتريها...باخذ منك لوحه..
سكت شوي:ليش؟
سكت وكأنه يدور سبب ليش بياخذ مني لوحه:عشان..عشان..اتذ..(سكت وماكمل كلمته..
لا عشان انا كل دوله ازورها احب اخذ منها شي...
ضحكت باستهزاء:اهاا قلتلي..اوكي انا عندي لك فكرة..خذ لوحه فيها صورة للحرم بمكه..
سكت شوي:حلوة الفكرة..,بس انا ابي اخذ شي من...ابي اخذ شي منك انتي..
خنقتني العبرة بوقتها ماادري بس كنت ابي اصيح..انا مقهورة احس اني بموت من بعده...في غصه بحلقي..ولازم اصيح...
:ليش؟
لو بيدي يانورة كان اخذتك معاي انتي...ياليت اقدر..ياليت..
ماكنت ابي اشوفها وهي تصيح..انا عارف انها كانت تصيح...انا مااحبها تصيح...تجي تصيح عشاني...هي قاعده تصيح عشاني...
حسيت بضيق..ماابي اربك نفسي ويمكن اتعب..انا قلبي مايقدر على الزعل...
:لاني..لاني احب رسمك..
عارف انه مو هذا الجواب الي تبيه نورة...بس انا مااقدر اجاوب الجواب الي تبيه..
سكتت وماردت...سمعت صوت صياحها وكان مكتوم..ماادري وش الاحساس الي جاني بوقتها..صياحها ماكان صياح عادي...
لفيت عليها غصباً عني...ماكنت اقدر اشوفها تصيح واجلس اتفرج عليها...
:نورا..
قربت منها شوي:لاتصيحين عشاني..
يدها على وجهها وصياحها كان يزيد...وش سويت فيها ياسلطان..انشليت عن الحركه..
ياليت اقدر اضمك بين يدي...بس مااقدر..
حطيت يدي على راسها:نورا..ناظريني..
ماكنت ابيه يشوفني وانا بهالحاله...انا باضعف حالاتي الحين..انا لما اصيح مااحب احد يشوفني..فما بالكم اكثر انسان كنت ابي ابين قوتي عنده هو الي يشوفني...
ماسمعت كلامه لاني ماكنت اقدر اشوفه:خذ اي لوحه تبيها واطلع برا..
ويده للحين على راسي:ابي لوحه على ذوقك...
وقفت وبعدت عنه شوي..دورت له على أحلى لوحه عندي اخذتها ولفيت عليه..جت عيني بعينه..
مديت يدي له وبدون ماانطق اي كلمه...
وقف وقرب مني مد يده واخذ اللوحه وكان يناظرني..
لفيت وعطيته ظهري:تقدر تروح...
طلع بدون مايقول اي كلمه...سمعت صوت الباب يتسكر وغير هالصوت ماسمعت...
من اصعب المواقف الي مريت فيها...عقلي يتحكم بقلبي...هذا الي صار لي...
كنت اقدر اقولها كل الي في قلبي...بس عقلي كان اقوى من قلبي...انا مقتنع بالي سويته...وهذا المفروض الي اسويه..اتحكم بمشاعري..انا تعديت مرحلة العواطف الي دايما تكون اقوى..انا الحين افكر بعقلي وبس..وغير هذا مستحيل لانه اي تصرف بيكون خاطئ مية بالميه..
طلعت فوق..مالقيت امي بالصاله وتذكرت انها ترتب اغراضي...
دخلت الغرفه...امي جالسه على طرف سريري بس ماكانت ترتب اغراضي...
محفظتي بيدها ومارمشت عينها كانت مركزة نظرها فيها...لدرجة انها مارفعت عينها تشوف مين الي دخل..
باستغراب:يمه..
امي:مين هاذي ياسلطان؟
سكت ومارديت عليها قربت منها وجلست بالسرير واخذت منها المحفظه بكل هدؤ ناظرت الصورة وكانت لرانيا..تأملت الصورة لثواني..رفعت عيني وبصوت واطي:هاذي زوجتي...
رفعت امي يدها وحطتها على كتفي بقوة...حسيتها طلعت منها بقهر..
دمعت عينها:ليش ياسلطان ليش..
مسكت يدها وبستها:يمه انا عارف انك زعلانه...وماتوقعتي هالشي..بس هاذي زوجتي على سنة الله ورسوله...صار لنا سنه او اكثر متزوجين...قبل وفاة ابوي تزوجتها...رفض زواجي وتزوجتها بدون علم احد..كنت اقدر مااتزوجها وارضيكم بس مااح ارضي رب العالمين...يمه الي ابيه منك تقدرين ظروف زواجي...
امي وحسيت بصوتها زعل:تقوم تتزوج هاذي ليش قلوا البنات..
:انا تزوجت الي احسها تناسبني...
امي:تناسبك هالحثاله!!لا والله عرفت تلعب بعقلك زين..
مافهمت معني الكلمه الي قالتها امي...بس حسيت فيها اهانه..:يمه هاذي زوجتي...وتراها عربيه ومن لبنان..
امي:زوجتك..لو انك تحس انها تناسبك كان اعلنت زواجك..ليش سكت عنه؟قلي ليش؟عشانها تناسبك؟انت اصلا عارف انها ماتناسبك ولا هي من مواخيذك..
:يمه انا كلامك ماافهمه...وانا تزوجتها وانتي لازم تعترفين بهالزواج...
بعصبيه:اذا تبي رضاي ياسلطان طلقها...طلقها قبل ماتحمل ويطيح الفأس بالراس..
:اطلقها!!مستحيل..يمه انا سعادتي معها..واذا تبين سعادتي ادعيلي بالتوفيق..وانا من بكرة بعلن زواجي...وخلي كل الناس تعرف..عماني وخوالي واهلك كلهم...ابيهم يقولون سلطان متزوج وحده لبنانيه...
امي وبدت تصيح:سلطان انت الي سويته لا يرضيني ولا يرضي ابوك الله يرحمه..
قاطعتها:انا مو اول ولا اخر واحد يتزوج من جنسيه غير جنسيته...يكفي اني تزوجت وحده مسلمه وعربيه...هاذي الي انا كنت ادور عليها..انا بحياتي مافكرت اتزوج وحده سعوديه...ولا ابي اتزوج وحده سعوديه...ومن سابع المستحيلات اخذ وحده سعوديه...
امي:والكلام الي كنت تقوله..ايه دور لي على وحده...انا ابي اتزوج وحده من ديرتي..كله كذب..تبي تسكت امك..تبي تلعب عليها..تبي توهمها...انا كنت ابي اخطب لولدي احسن البنات..
قاطعتها:يمه مين بتوافق على واحد عايش بامريكا!والا تحسبين اني بجي واسكن هنا...
امي:وش حبيت فيها هاللبنانيه؟!
:يمه انا ماجيت من قريه واول وحده شفتها حبيتها وتزوجتها...انا ماكنت فقير وماادري وش الدنيا فيه..انا ماكنت اعمى وفتحت...انا قابلت كثير..كثير..كانت لي علاقات قبل..بس لما قابلت رانيا..اللبنانيه على قولتك..حبيتها...مو لاني ساذج وقدرت تلعب علي..
امي وهي تصيح:ونورة بنت خالك؟
ناظرت امي وآخر ماتوقعت انها تقوله..وش جاب نورة على بالها...لهدرجه حنا مفضوحين..سكت شوي افكر بسؤالها..الي يشوف دفاعي عن رانيا يقول ان هذا يعشقها...بس كلامي يمكن ردة فعل ودفاع عن موقفي انا ماكنت ابيها تعرف ولا اي احد ثاني.لاني عارفه زواجي من رانيا نهايته الفشل...
نورة هي الي مسيطرة على بالي كله...رانيا حسيت انها مختلفه عني تماماً..تزوجتها لاني كنت ابي اصون نفسي..هي الي كانت قدامي بهاذيك الفترة..
:ايش دخل نورة بموضوعنا؟
امي وهي توقف:مالها دخل...واذا تبي رضاي طلقها..وغير هذا انا ماعندي..وفكرة انك تعلن زواجك انساها..وارجع ياسلطان لامريكا...ولاعاد تجي لاهلك..وعش حياتك بسعادة مثل ماتبي...وانسى امك...انا كنت اتمنى ان ابوك يرجع لسعوديه..وكنت اتمنى انه يترك خرابيطه..بس مانفذ الي ابيه..رجعت لاهلي وتركته...جا ولدي وبيسوي مثل ماسوا ابوه...تبي تتركني اتركني..وعش حياتك مثل ماتبي..انا مااوقف بسعادة اي احد...وخاصه ان كان ولدي..
قالت امي كلامها وطلعت من الغرفه...هذا الي كان ناقصني ان امي تعرف عن زواجي بهالطريقه...
فكري مشوش ومااقدر افكر...بداية مع نورة وانهتها امي...
><><><><><
العصر الساعه 4:00 كنت بغرفة منار...الوضع بالبيت مرتبك..عمتي بغرفتها وسلطان طلع..مافي الا تفسير واحد ان عمتي ضايق صدرها لان سلطان ماراح يرجع...
رن تيلفون البيت بوقتها...انسحب الخط من تحت وردت ريما...
دقايق وجت ريما تركض ونسمع صوتها:منوووري زوجك يبغاك...
دخلت علينا وبعد مااخذت نفس طويل:منوري حبيبتي زوجك يبغاك..ارفعي السماعه..
منار:احلفي؟
ريما:والله العظيم..
منار لفت علي:نورة مااستعديت اني اكلمه..وش اقوله؟
:لا تقولين شي هو الي بيقول...
منار:انا كنت مخططه كلام اقوله..,نورة انتي كلميه..
:بلا غباء..اسحبي الخط وتكلمي معاه بهدؤ..خلي كلامك واضح واسأليه عن كل شي..لا تستحين..منار خليك واثقه من نفسك ولا تخبصين بالحكي...
منار:اطلعوا برا بسرعه...
اخذت ريما وطلعنا برا....
ساعه الا ربع تقريباً...وينفتح باب غرفتي بقوة:نورة..
:قفلتي؟
منار:ريما اطلعي برا..
ريما:لا ماراح اطلع..
:يلا قولي وش صار..
منار:ماتوقعته كذا..
:يعني كيف؟
منار:عجبني..نورة كلامه مرتب وماتحسينه يغلط بشي...متسلسل ويعرف وش يقول..وعارف هو انا وش ابي..ماطولنا لكن تكلمنا بكل شي...يعني كل شي عطيناه حقه...اسم بنته داليا..شكله مرة يحبها..
:اكيد بنته بيموت فيها بعد,طيب انتي وش قلتي؟
منار:اممممم مالك دخل..
:منار عاد..
منار:يااختي حسيته رجال جدي..شغلي وبيتي وبنتي...
وهي تقلد صوته:من الشغل للبيت..مو كل يوم اروح الجم...يعني انا شغلي وبنتي هم حياتي...وطبعا زوجتي..
يجي الرياض كل شهر تقريباً...مايحبها ابداً..يقول اذا عشتي بالشرقيه بتكرهين الرياض..
:طيب كيف.. ارتحتي من كلامه؟
منار:ايه احس اني مرتاحه...بيسافر يوم الخميس..
:طيب تكلمتوا عن الزواج؟
منار:تخيلي يبي الملكه بعد الصيف..يعني اول اسبوع من الدراسه..
:من جده؟
منار:ايه..تعرفين انا بعد احس احسن..مايحتاج نطول..
:يعني لو صارت الملكه اول اسبوع من الدراسه متى الزواج؟
منار:يقول بعد شهر من الملكه...
:يعني 3 شهور خطبه ملكه زواج؟
منار:ايه كفايه..
:طيب دراستك؟
منار:ماادري..قال لو تحبين تكملين دراستك بالبحرين..او انتساب..
:كويس طيب..
منار:ايه..نورة لما كلمته حسيت براحه..احسه مرة طيب..
:ان شاء الله ربي يوفقك..
شفت الراحه بعيون منار...يمكن ماتكون مقتنعه فيه كثر ماهي مرتاحه..توقعت تجي وتقول ماابي اكمل وبفك خطبتي..لكن توقعاتي دائما خطأ...
><><><><
رحنا اليوم عند خالتي وسهرنا عندها..رجعنا بوقت متأخر...ماكان في عمتي ولا سلطان...
رحت غرفتي جت عندي منار سولفنا شوي وبعدها راحت غرفتها..وحطيت راسي ونمت...كنت ميته تعب...
يوم الثلاثاء...
الساعه 9:00 الليل...
سلطان الحين بيطلع المطار...
الكل كان بالصاله الا انا...عمتي حصه ومنصور بعد كانوا فيه...
لازم الحين اطلع للمطار...
بس نورة مو في...من المغرب وحنا جالسين وهي فوق..
امي كانت متضايقه..يمكن الكل فسر زعلها لاني بسافر..
منصور:سلطان شكلك ماتبي تطلع..
وقفت:يلا..
مشيت خطوات قصيرة وقفت قدام امي..وضميتها..كانت تصيح..تصيح بضيق..
ماادري اذا تصيح لاني بسافر او تصيح لان ولدها خيب أملها..
بصوت واطي:يمه سامحيني..
بعدت عني شوي:انتبه لنفسك ياولدي..
ريما هي الثانيه..كانت جالسه جنب امي..
وقفت على الكنبه عشان تصير بطولي..ضمتني وكانت تبكي..
ريما:سلطان حبيبي ارجع عندنا مرة ثانيه...
ابتسمت:اكيد برجع..انا لو برجع هنا بجي عشان احضر زواجك..
وهي تصيح:ماراح اتزوج اصلا..يعني ماراح تجي
ضحكت عليها..
قربت منها وبصوت واطي باذنها:روحي نادي نورة بسرعه..
سمعت كلامي من هنا وقامت بسرعه من مكانها...
سلمت على خالتي حصه..رحت الصاله الثانيه وفي مشاعل وسارة ومنار..سلمت عليهم..
خالي:يلا يا سلطان..
نورة للحين مانزلت لازم اشوفها قبل مااطلع...
ناظرت منار وكنت احرك شفايفي بس ماكنت ابي احد يسمع:نادي نورة..
قامت منار بسرعه وطلعت فوق...
منار ورا الباب:نورة افتحي بسرعه...
كنت اصيح سلطان الحين بيسافر وانا ماسلمت عليه..مااقدر انزل لاني لو سلمت عليه قدامهم بصيح..وانا ماابي هالشي..
قمت وفتحت الباب:نعم..
منار:نورة سلطان يبيك..هو قالي نادي نورة..
:تو ريما جتني وقلت لها ماراح انزل..منار مااقدر..
منار:نورة امسكي نفسك وانزلي..يمكن ماتشوفينه مرة ثانيه..نورة صدقيني بتتحسفين بعدين..
:بصيح يامنار بصيح..مااقدر..
منار:كان سلمتي عليه قبل..الكل تحت يقوله يلا ياسلطان وهو يحاول انه يجلس...
جت منار واخذت منديل ومسحت وجهي...وجابت ربطة شعر ومسكت شعري فيها..
منار وهي ترمي لي شيله:يلا نورة تحجبي فيها وانزلي..
اخذت منها الشيله وتحجبت فيها زين..
طلعنا انا وياها من الغرفه ومنار كانت تمشي بخطوات اسرع مني وكأنها هي الي تبي تشوفه مو انا..
نزلنا لكن بعد فوات الآوان..
منار بصوت عالي:راحوا؟؟
سارة: مااظنهم يمكن قاعدين يركبون السيارة..
لفت علي منار وصوت واطي مايسمعه غيري:اطلعي برا سلمي عليه..
:وابوي ومنصور وش بيقولون؟
منار:اطلعي عالاقل يشوفك بس..
مشيت بخطوات سريعه وطلعت برا..رحت عند مواقف السيارات..
كانوا طالعين تأخرت شوي...
جت بعد دقايق منار:شفتيه؟
كنت اصيح من القهر:لا ماشفته...
منار:غبيه غبيه يانورة..
:منار لا تزيديني الله يخليك...
ليش يانورة مانزلتي تسلمين...عالاقل اشوفك قبل مااروح...
نهاية قصتنا بايخه..وسخيفه..حبينا بعض بس مااحد عبر عن مشاعره..كان كل واحد منا يبين العكس...
انا السبب بكل الي صار..اتمنى اني انساك يانورة... 

______________________________________
( الجزء الثاني عشر) 

ماكنت أصدق تروح هانت عليك الجروح...
أطلبك بالله تروح كفاك تجرح كفاك...قلب عطاك الوفا..مجنون لو مانساك...


شهر وعشر أيام مرت وبقى على الاجازة اسبوع...
اسبوع وتبدا الدراسه...مرت كل هالفترة بدون مااشوف سلطان ولا حتى اسمع صوته...
سافرنا لايطاليا..السفرة كانت ممله بالنسبه لي..ومو لي يمكن للكل...
عمتي من سافر سلطان وهي متغيرة في شي شاغل بالها.. الله اعلم فيه...
ابوي كان باله مع زوجته الي بتولد هالايام..ماكان مقرر انه يجي معنا..بس على اخر شي غير رأييه...
ومنار علاقاتها مع مساعد رسميه..كلمها ثلاث مرات تقريباً..
مرتاحه نوعاً ما...
سارة مثل ماهي عليه...
مشاعل..تعتقد تغير خالد من الخطه الي خططت لها عشان خالد يتغير...مااعتقد انه هذا التغير الي كانت تبيه...
انا حالتي النفسيه تعبانه...خطبة منار يمكن اشغلتني شوي..لكن سلطان في بالي...تفكيري كله بسلطان...احاول اني الهي نفسي وافكر باي شي...بس مااقدر...كنت اتمنى اني اكلمه اسمع صوته بس...عمتي مكالمتها معاه قليله...بعكس اول ماادري ليش...يعني هو الي كان يكلمها دقايق وتقفل منه...
بقى اسبوعين بس على ملكة منار...وبعد الملكه بشهر زواجها...احس كل شي قاعد يصير بسرعه ماادري اذا كان بمصلحة منار هالشي...
مساعد مستعجل ويبي يتزوج باسرع وقت ممكن...
قطع حبل افكاري صوت الباب وهو ينفتح...سكرت الدفتر بسرعه ورفعت راسي اشوف مين الي دخل..
منار:وش تكتبين؟
اخذت الدفتر وحطيته بالدرج:مالك شغل..
منار:توني مقفله من مساعد...
:وش يقول؟
منار:ماله الا ساعه واصل لبيته...مو كان مسافر...
:اييه وش قال؟
منار وهي تجلس:انا ساكته وهو يحكي..قفل مني عشان بينام..
ناظرت الساعه:تونا الساعه 10..
منار:بكرة عنده شغل..
جلسنا نحكي انا ومنار شوي.. وبعدها نزلنا تحت..عمتي رايحه عند عمتي حصه ومعها ريما..
جالسين انا ومنار بالصاله ونتفرج على التلفزيون وكل وحده مننا في عالم ثاني....
قطع افكارنا صوت الجوال...سكوت لثواني انا ومنار ناظرنا بعض فيها...
جوال منار الي كان يرن...هاذي الرنه رجعتني لورا...النغمة الخاصه لفيصل...
منار وقلبها يدق بسرعه ووجها انقلب لونه:نورة!!
ناظرتها وبسرعه:لاتردين..
وقفت منار واخذت جوالها وكانت تمشي بخطوات سريعه..
انا بصوت عالي:منار ياويلك ان رديتي...منار ملكتك بعد اسبوعين...منار..منار..
ولا كانها سمعت وش قلت..طلعت من الصاله وردت...ردت بدون اي تفكير...
منار كانت ساكته ونفسها كان مسموع..ماقدرت تتكلم...او كانت تنتظر فيصل يتكلم..
فيصل وكان سرحان بكل رنه يسمعها...يحس ان هالرنه خاصه بمنار...انقطعت هالرنه وحس بارتباك..
فيصل:الو..
منار:ا..ا..الو..
فيصل:منار؟
منار:ايه..
فيصل:كيفك؟
منار:بخير..انت كيفك؟
فيصل:الحين صرت بخير..
منار خنقتها العبرة وباستهزاء:فيصل للحين تقول هالحكي..
فيصل:وحشتيني..
منار سكتت وماردت عليه..
فيصل:والله وحشتيني...
ماردت عليه...ماعرفت وش تقوله..وحشتني انت بعد..صعبه هالكلمه تقولها وهي الحين شبه متزوجه...
فيصل:منار وش فيك؟
منار وهي تحاول تمسك نفسها:ممكن اعرف ليش متصل؟
فيصل مااتوقع ان ردة فعلها بتكون كذا:منار حبيبتي انا لو بيدي كان ماتركتك...انتي عارفه هالشي..
منار تقاطعه:لاتقول حبيبتي...فيصل خلاص الي كان بينا انتهى...
فيصل بعصبيه:منار ماانتهى الي بينا ماانتهى وماراح ينتهي...انا للحين احبك والى مااموت احبك..انتي فاهمه انا وش قاعد اقول..انا..
تقاطعه وكانت تصيح.:انا انخطبت يافيصل...انخطبت..
فيصل سكت شوي ومااستوعب الي قالته وبصوت حاد:كذابه..تكذبين صح!منار..؟
منار وصياحها يزيد وماهي قادرة تتكلم:ملكتي بعد اسبوعين..
فيصل حس انه تشنج وماهو قادر يتحرك حط يده على راسه وكانه يستوعب الي قالته...دمعت عين فيصل..وحس انه مخنوق..وفي غصه بحلقه منعته من الحكي..
منار كانت تصيح بصوت عالي..
فيصل الصدمه كانت قويه بالنسبه له مااتوقع انها بهالسرعه بتنخطب..فيصل مكلم منار يقولها انه جده بيجي وبيخطبها من ابوها...بس خلاص كل شي انتهى...ضرب فيصل يده برف سيارته..
فيصل كان يصيح...ويمكن بعمره ماصاح...فيصل دائما الشخصيه القويه الكتومه...بالنسبه لمنار..ماكنت تتخيل ان فيصل بيصيح يوم من الايام عشانها...وغير كذا قدامها..كانت تسمعه يصيح..كان يصيح مثل ماهي تصيح..ماكانت دموع تنتهي بثواني..
فيصل الرجال الي مايهزه اي شي...يصيح عشان وحده يحبها وراحت من يده..
دقايق بهالوضع...
سكر فيصل..وانهى مكالمته بعكس ماكان يتوقع...كان يتوقع انه اخر شي بيقوله..اكلمك اذا صرنا مخطوبين...يمكن هاذي الكلمه الي دارت في بال فيصل...
منار وهي تصيح:فيصل..فيصل..والله اني احبك..
انا بعد كنت اصيح معهم...شفت كل الي صار..اصيح عشانهم واصيح على نفسي...
ضميت منار وحطيتها على صدري وخليتها تطلع كل الي في خاطرها...
منار:ليش كلمني يانورة ليش..
ماعندي اي جواب لاسئلتها...
منار وهي تصيح:نورة كان يصيح...فيصل كان يصيح قدامي..احس اني اشوفه...انا بحياتي ماتخيلت اني بشوف فيصل بهالوضع..نورة انا خايفه عليه...كان منهار..كان..
ماقدرت تكمل كلامها ورجعت تصيح..
:منار خلاص يكفي..الله يخليك والله قطعتي قلبي..
منار:نورة ليش كلمني؟
:منار خلاص..
منار:ليش انا ابغى اعرف ليش..نورة انا بموت..قفل مني وهو يصيح..انا خايفه يصير فيه شي..
:منوري حبيبتي قولي لا اله الا الله..
منار:انا خاينه..انا حمارة..مااستاهله..كنت ظالمته طول هالفترة..طيب ليش مااتصل قبل...
:منار لا تقولين كذا..
منار:انا احبه هو مااحب مساعد...مساعد جا وخطبني ووافقت وبس..مااحس قلبي تحرك له..احس اني بحلم..وقاعده اسوي اشياء انا ماني حاسبة لها...
:منار وش هالخرابيط..
منار:خلاص...بسكت وماراح اقول اي شي..خلوني اموت..انتم تبوني اموت..وانا قاعده اموت بالبطئ..احسن شي..ياربي..
قاطعتها:منار استغفري ولا تكملين كلامك...
منار:الله ياخذك يالندن...الله ياخذك يالي سرقت شنطتي...الله ياخذ الحب...
كنت اناظر منار وانا منصدمه من الكلام الي قاعده تقوله...
منار:لا تناظريني كذا...نورة لا تحبين سلطان...لا تتعبين مثلي..انسيه..خلاص شيليه من بالك..عيشي حياتك بدون حب..خليك مثل ماانتي...
:منار اذكري الله..
منار:خليني بلحالي نورة...الله يخليك اطلعي وخليني..
:ماراح اخليك...
منار وهي تمسك جوالها وترميه على الجدار بكل قوتها..
طاح الجوال على الارض وأجزائه متناثرة على الارض..
:منار صاحيه انتي..
منار:انا ماابي اي ش يذكرني بفيصل..
قامت من مكانها وراحت مكان ماطاح الجوال تدور على شريحتها...
اخذتها ورمتها بالزباله...
لفت علي منار:نورة اطلعي برا..
:طيب..
طلعت من عندها وسويت الي تبيه...
منار ردة فعلها طبيعيه...بعد ايش يجي فيصل ويتصل...فيصل اتوقع ولا جا في باله حتى ان منار ممكن انها تكون مخطوبه...يعني الفترة الي تركوا فيها بعض ماهي كثيرة لدرجه انه يتقدم واحد لمنار وتوافق...
أخليكم تعرفون ردة فعل فيصل احسن مما اسوي تحليلات من عقلي...


فيصل كان يكلم منار وهو بالسيارة...وفيصل مو من النوع الي اذا عصب او تنرفز من اي شي يركب سيارته ويطلع..كان بالعكس يحب يرجع البيت...وفعلا رجع فيصل للبيت...
الصدمه كانت قويه بالنسبه لفيصل وأثرت فيه...منار جابتها عالجرح..فيصل حس انه انجرح..او ماكان هذا احساس..فيصل بجد انجرح من منار...كل الي كان في باله...ان منار خانته يعتبر هاذي خيانه...
دخل فيصل البيت الي كان فاضي..اهله مارجعوا من السفر...ماكان في بالبيت الا هو وفراس اخوه الي اصغر منه....
جلس في الصاله فترة قصيرة..كان يحس بضيق وماهو قادر يفكر..
خطر في بال فيصل شي..يمكن ينسيه شوي الي هو فيه...كان يحاول انه يشيل هالفكرة من باله..بس الشيطان كان اقوى منه...
وقف فيصل وطلع من الصاله ونزل تحت لصاله صغيرة كانت خاصه بابوه اذا جا بين فترة وفترة لسعوديه...
دخل الصاله وطاحت عينه على زاوية الغرفه فيها دولاب خشبي..هالدولاب خاص بابوه بس..ماكان احد يدخل هالصاله..
خمر...(wine)تقدم فيصل بخطوات بطئيه لجهة الدولاب..مد يده وفتحه...الدولاب فيه رفوف مليانه
كان يمد يده ويرجع يشيلها مرة ثانيه...هو عارف ان الي جالس يسويه حرام...
رجع فيصل يده واخذ له قارورة وسكر الدولاب بسرعه وراح جلس على الكنبه...حطها على الطاوله...وكانه يبي يرجع يفكر اذا يشربها او لا...ضعف الايمان بالله هو الي خلاه يلجأ لمثل هالشي..
مرت ساعتين وفيصل على حالته كان شبه فاقد وعيه..مو شبه كان فاقد عقله..وحده ورا وحده...شرب كميه كبيرة خلته بهالحاله..
بعد فترة قصيرة دخل فراس البيت..وهو بطريقه لفوق...شاف انوار مفتوحه وحس بحركه بس ماكان عارف من وين المصدر بالظبط...
راح الصاله بخطوات سريعه...وكان مستغرب انها مفتوحه يعني مين بيجلس فيها..ابوه وبلندن وفيصل مستحيل يدخلها...
دخل الصاله وكان منصدم من الي قاعد يشوفه...
فراس مارمشت عينه من شده صدمته..معقوله فيصل يرجع لخرابيطه...
فراس:فيصل وش تسوي انت؟!
فيصل ناظر فراس ومارد عليه..
فراس يناظر القوارير الي على الطاوله:فيصل شارب كل هذا؟صاحي انت والا مجنون؟
فيصل كان لسانه ثقيل وماهو عارف وش قاعد يقول:فراس..اطلع..
فراس قرب لاخوه وجلس جنبه حط يده على كتفه وبدا يهزه وبعصبيه:فيصل يرحم والديك يكفي..
سحب من يده القارورة..
فيصل ماكان يقدر يتحرك.حركته بطئيه وبثقل..بعد يد فراس عنه وسند راسه على الكنبه وبدا يخربط عليه بحكي مو مفهوم..
فراس طلع جواله واتصل على بدر..يمكن عارف عن الي قاعد يسويه اخوه...
بدر انصدم من الي قاله له فراس...فترة قصيرة وبدر عندهم بالبيت...
بدر:فراس امش نطلعه فوق لغرفته عشان ينام..
فراس بضيقه:اموت اعرف وش صار له؟اليوم كان مبسوط ومافيه ولا شي..
بدر وكان مرة ضايق صدره من حال فيصل..:ماادري يافراس ماادري..
طلعوا فيصل فوق لغرفته...
فيصل فجأة بدا يصيح وكان يخربط بالحكي وذكر اسم منار بين كلامه...
بدر ناظر فراس:منار هي سبب الي فيه..
فراس:لا يكون صار شي للبنت..
بدر:وش الي بيصير لمنار بيخليه كذا..اخوك الي فيه مو طبيعي..فيصل ترك الشرب من زمان..فيصل تغير...يجي فجاة يرجع يشرب وبهالكميه هاذي..يعني اخوك الي شربه مو شوي...
فراس:فيصل منار وش فيها؟
فيصل مارد عليه اكتفى انه يناظره ويمكن هالنظرة جاوبت لفراس..
فراس:تزوجت؟
بدر:من جدك مستحيل..
فراس:ليش يمكن انخطبت..
بدر:بس مستحيل فيصل يسوي كذا...انت عارف حجم الي اخوك سواه..سكران فاهم وش معنى سكران..
نام فيصل وبدون مايحس بنفسه..حط راسه بالسرير وعلى طول نام..
فراس يناظر الساعه وكانت 2:00...
فراس:بدر خلاص روح بيتك بكرة عندك شغل..
بدر:فراس اسمحلي بس انا بنام هنا..ماراح اقدر اخلي فيصل وهو بهالحاله...
فراس:لا بدر ماابي اتعبك..
بدر:مابينا يافراس..
فراس وهو يوقف:انا بروح ابدل ملابسي..,وهنا غرفة الملابس حقت فيصل خذ لك شي تلبسه..
بدر:طيب..
بعد فترة ماهي طويله راح فراس غرفته واما بدر انسدح بالكنبه الي بغرفة فيصل..
بدر كان باله مشغول بفيصل..وماهو قادر يصدق ان الي شافه قبل شوي هو فيصل...
فترة قصيرة واذن الفجر...
قام بدر وتوضى وهو طالع من الحمام فراس دخل الغرفه..
بدر:شكلك مانمت؟
فراس:لا,احسبك نمت قلت اجي اقومك..
طلعوا بدر وفراس وراحوا المسجد
بعد مارجعوا كل واحد راح بطريقه...
بدر ماراح الشغل..اما فراس راح لدوامه..
الساعه 11 قام بدر من النوم الي كان مقطع والمكان الي نايم فيه مو مريح...
الساعه 1:00 الظهر قام فيصل اخيراً من النوم..بعد محاولات من بدر..
فيصل وهو يرفع نفسه ويحس بصداع شديد ويناظر بدر وهو مستغرب:وش جابك انت؟
بدر بلهجه جديه:ماتدري يعني وش الي جابني؟
فيصل:كثرت امس وانا اشرب..!
بدر:كنت بحاله الله اعلم فيها..اتصل على فراس وجيت لبيتك بسرعه...وكان منظرك لا يوصف..
فيصل:مااتذكر..
بدر بعصبيه:ايه طبعا ماتتذكر انت كنت بعقلك!
فيصل:الساعه كم؟
بدر:وحده..
فيصل:مارحت الشغل؟
بدر:نمت عندك..
فيصل سكت شوي وانحرج من بدر وحس بموقفه انه مرة بايخ..
بدر:فيصل ليش كنت تشرب امس؟
فيصل وهو منزل راسه وكأنه يتذكر وش السبب الي خلاه يشرب..
بدر:منار وش فيها؟
فيصل:انخطبت..
بدر ماانصدم من جواب فيصل لانه كان متوقع شي اكبر من كذا:وعشانها انخطبت تسوي كذا؟
فيصل:بدر الي صار امس انساه لو سمحت...
بدر:اكيد تبيني انساه لانك متفشل من الي سويته...وندمان عليه..فيصل المفروض انك تلجأ لربك..مو تسوي الي سويته...يعني انت بتجلس تسوي كذا كل ماضاقت فيك الدنيا!
فيصل بعصبيه:بدر احس راسي بينفجر...
بدر:فيصل عشانها انخطبت تسوي كذا!!اسمحلي اقولك هالكلمه وان كانت بتزعلك..انت تافه..
فيصل بصوت عالي:انا عاجبتني تفاهتي..ممكن تقفل على الموضوع انا مااقدر اتكلم ومالي خلق..
بدر:ماراح اتكلم..بس فيصل الي صار امس ضيق صدري..انت تركت الشرب من زمان..انت غيرت نفسك مو عشان منار..انت غيرته بقناعه من نفسك ان الي تسويه حرام...يوم انخطبت منار ترجع تشرب!
فيصل:انا ماتغيرت..امس كنت بضعف وماعندي حل الا اني اشرب..
بدر تنرفز من فيصل مرة:طيب فيصل انا بروح المكتب الحق على ساعتين على الاقل...
فيصل:انا بجي معاك..
بدر:تجي وانت شكلك كذا..فيصل ارتاح اليوم..
فيصل سكت ومارد على بدر..
بدر حب راس فيصل..:يلا فمان الله..
فيصل:تعرف بدر..جدي وافق انه يخطب لي منار...ووعدني الخميس الجاي انه يروح ويخطبها لي...ماادري ليش قررت اني اكلمها واقولها اني الخميس جاي وبخطبك...صدمتني يابدر لما قالت لي انها انخطبت...جن جنوني بوقتها ماكنت اتوقع ان منار بهسرعه بتنساني...انا انصدمت لاني اكتشفت ان منار ماتحبني..يعني كل الي كان بينا مشاعر تطلعها لي..والسبب الفراغ العاطفي..يعني انا كنت تسليه..خطبتها ماخطبتها ماتفرق معها...شوفها انخطبت..ملكتها بعد اسبوعين..يعني مستعجله مرة..احس بضعف يابدر..احس اني انهزيت..احسها هزت رجولتي..
بدر:انا مااعرف وش اقولك..انساها يافيصل وبتلقى غيرها..صدقني منار ماتستاهلك...
فيصل اخذ نفس طويل:الله يوفقها..هذا الي بقوله..هي اختارت طريقها بعيد عني..انا بشوف بعد حياتي بعيد عنها..,بدر روح شغلك..يلا مع السلامه..
بدر:قم توضى وصلي وادعي ان ربي يغفر لك...
سكت شوي فيصل:بدر وش رايك نروح مكه؟
بدر:لو تبي نروح..انا بعد ابي اخذ عمرة..
فيصل:الويكند الجاي..
بدر:اكلم احجز اليوم..,يلا مع السلامه..
فيصل كان متضايق من الي سواه امس..حاس بتأنيب الضمير..ولازم يحس بهالشي واقل شي انه يحس بهالاحساس....
ان شاء الله ربي يغفر له ويصلح امره....انا ادعي هالدعوة لكل الشباب الي ماشين بطريق الضلاله...

><><><>< 

الساعه 4:00 العصر..
جالسين انا ومنار وهاله بالصاله الي تحت بالبيسمنت(القبو)...
منار منسدحه وبعالم ثاني...وانا وهاله نسولف..
هاله:نورة وش رايك في بدر؟
:مااعرفه والله,اسالي سارة عنه..
هاله سكتت شوي:ابوي سأل عنه والكل يمدح فيه...
:وامك؟
هاله:امي بعد حسيتها متقبله..يعني تبيهم...
:ياسلام انتي ومنار تنخطبون مع بعض..
هاله:انا ومنار اكبر منك انتي وخشتك..
:الله يوفقكم,انا ماابي اتزوج..
هاله:توفرين عرسان..
:ياسخفك..
منار:يلا بنات تجهزوا..الحين بنطلع..
هاله:ماخلصتي سوق؟
منار:يعني بدور اشوف سوق الرياض..لازم اروح..
:جت مشاعل؟
منار:ايه دقت على رنه وقفلت..
طلعنا كلنا السوق..ومافي مكان مارحنا له..طبعا كل هذا عشان منار..ولو مشاعل ماقالت لمنار نطلع..كان طنشت منار الموضوع وماطلعت..
نومي ترتب وصرت انام بدري واقوم بدري...السبت الجاي تبدا الدراسه...
متكورة على نفسي واللحاف مغطيني كلي..كنت داخله فيه...واحس بدفئ.وخاصه ان الغرفه باردة..
الافكار تدور في راسي..فكرة ورا فكرة...بعضها يعجبني وبعضها احاول اشيلها من بالي...
الفكرة الي في بالي الحين...
منار وهاله تخلوا بسهوله عن الي يحبونهم...منار وافقت على مساعد وهاله مبدئياً اقدر اقول انها موافقه على بدر..قبل فترة ماهي طويله...... منار وهاله رافضين فكرة الزواج...منار مجنونة بحب فيصل... وهاله ولهانه على حب عبدالرحمن...
كنت اسمع كلامهم واقول معقوله في حب لهدرجه!
في حب للحين كنت انبسط شوي لان الدنيا لسا بخير...
انا مو مستغربه تصرفهم كثر ماكنت مستغربه هالحب...
عبدالرحمن ماكان يحب هاله ولا يدري عن حبها وخطب وحده غيرها...
وفيصل عند منار انه تركها ولا رجع خطبها...وشافت مساعد الانسب لها...(وانا اشوف بعد كذا..)
يمكن هذا سبب لكل وحده منهم انها توافق على الي تقدموا لهم....
وانا وش بتكون نهايتي؟
بترك حب سلطان وبتزوج واحد ثاني؟يمكن..
انا ماراح استغرب اي تصرف اسويه ولا اي قرار اتخذه..مثلي مثل غيري...يمكن ماانسى سلطان...لكن بنفس الوقت بحب زوجي وبعيش معاه احلى عيشه....
><><><><><
مر اسبوع بهدؤ وكآبه..بما انه السبت تبدا الدراسه فالاسبوع الي قبله دائما مايكون كئيب..وغير كذا أجواء بيتنا كئبيه نوعاً ما...
اليوم الجمعه...الساعه 7 المغرب...
جالسين بالصاله وعندنا مشاعل وسارة...كلامنا كان عن الملكه والزواج..
مشاعل:منار سوي زواجك عائلي احسن لك صدقيني..مو لازم تسوين زواج كبير...
سارة:لا والله هاذي ليله بالعمر..الا سوي زواج كبير واعزمي كل الي تبين..
:ايه انا بعد مع سارة...
عمتي:منار زواج عائلي.. 150 شخص يعني بهالحدود..
منار كانت ساكته وكأن الموضوع ما يهمها وحنا قاعدين نتكلم عن وحده ثانيه...
سارة:منار انطقي قولي شي..
منار:الي تشوفونه..
مشاعل:حنا بنتزوج والا انتي!
منار:انا اقول ماله داعي اكبر الزواج..يعني بعزم الي ابي..والي احس اني بفرح بجيتهم وهم بيفرحون لي...اما اقعد اجمع كل هالناس..ولو وحده شفتها مرة عزمتها..ماابي كذا..
رن تيلفون البيت بوقتها وقطع كلامنا...رفعت مشاعل السماعه...
ماعرفنا المتصل..بس وجه مشاعل تغير وانقلب لونه...
مشاعل:مبروك..والحمدالله على سلامتها..ايه هاذي عمتي عندي..
مدت مشاعل السماعه لعمتي...
سارة:ولدت الي ماتتسمى!!
لفينا كلنا على مشاعل ننتظر منها الجواب...حنا عارفين انها حامل بس يمكن ماقد فكرنا بجد انها بتولد وبتجيب لنا واحد ينضم لعائلتنا...
مشاعل:ايه..
:وش جابت؟
مشاعل:ولد..
كلنا ناظرنا بعض وكل وحده منا ماكانت تبي هالشي...كنا نتمنى انها تصير بنت..كنا نتمنى ان كل خلفتها تصير بنات..فينا انانيه واكره اننا نكون كذا...حنا بشر وماراح نصير الناس المثالين..
سارة:الله ياخذها..اكرهها ماني قادره اطيقها..
مشاعل:استغفري..
:انا بعد اكرهها..جابت الولد عشان تلزقه بابوي..
مشاعل:انا بعد اكرهها لكن هاذي زوجة ابوي...ومايجوز اننا نقعد ندعي عليها ونحقد عليها بهالشكل..
سكتت منار وماعلقت على الموضوع...منار موقفها كان صعب..وخاصه انها بتتزوج واحد عنده بنت..ويمكن هالبنت في يوم من الايام بتقول مثل هالحكي....
بعد ما سكرت عمتي وكانت مبسوطه..عشان ابوي..
عمتي:بيسمونه فواز..
سارة تناظر مشاعل:خلاص راحت ابو مشاعل...
مشاعل ناظرت سارة وماعلقت...
عمتي:ترا بكرة بنروح نزورها من الحين اقولكم..
سارة:لا انا تعبانه وماراح اروح..
عمتي:لا بتروحين ان شاء الله...
من بكرة رحنا كلنا..وزرنها واخذت لها عمتي بعد هديه لها ولولدها...ابوي طلب منا اننا نروح ونشوف ولده او اخونا...رفضنا هالشي..وماكنا نبي ابدا اننا نشوفه...ماادري ليش بس ماكنا نبي...ابوي باسلوبه المحرج والي فيه نوع من الامر..رحنا وشفناه...
ماكانت ملامحه باينه..يعني طفل عمره يوم وش بيكون شكله!
><><><><><
ليه مكانك مو مكاني..ليه زمانك مو زماني..
ليه تاركني أعاني ليمتى والوقت سراق..
دامك انت مثلي مشتاق ليه دايم بينا فراق...


اطلعكم شوي واخليكم تبعدون...تبعدون وتجون معاي لامريكا...
وضعي مستقر واحس براحه اكثر...امي زعلانه علي ومن رحت لامريكا ماشفت منها اي اتصال..انا الي كنت دايماً اتصل..وتنهي المكالمه بسرعه...ماكانت تبي تكلمني وانتم عارفين ليش..انا الي نفسي امي تفهمه اني الي سويته مو حرام...ليش كل هالزعل منها...يارب مااطلب الا رضاها..
تبون نتكلم عن نورة او رانيا!
خلوني احكي عن نورة..لاني مشتاق لها وابي احكي عنها باي شي....
مااتصلت ابداً ولاحاولت اني اكلمها...احس لو كلمتها بقلب المواجع...انا ناقص...بس في شي بداخلي يقولي كلمها اسمع صوتها على الاقل....بس مو المفروض انها هي الي تتصل...رحت ولا سلمت علي..اقل شي تسويه انها تتصل...
علقت لوحتها في غرفتي..عشان تكون نورة دايماً معاي..ماانكر ان هالشي ضايق رانيا..
كل مااحس اني اشتقت لها واشتقت لحركاتها كنت اتذكر كل موقف صار بينا...
رانيا كانت تتضايق لما احكي عن نورة..
انتقلت رانيا بهالفترة لبيتي..اعوضها عن الي راح شوي...كانت في كامل سعادتها..لكن انا ماكنت مبسوط...مشاكلنا كثرت لكن سرعان ماتنحل...انا كنت دايما الطرف الغلطان..بس رانيا هي الي كانت تراضيني...
صحيت من النوم...ورانيا للحين نايمه..غسلت وبدلت ملابسي..ورجعت لغرفتي عشان اصحي رانيا
:ranya...ranya wake up.
وهي تفتح عينها بصعوبه:
mmm..ok
طلعت من الغرفه..رحت الصاله..جلست شوي انتظر رانيا عشان نفطر سوا...ناظرت الساعه وكانت 8:00 الصباح...يعني الوقت مناسب اني اتصل..طبعاً اتصل على السعوديه...قمت من النوم وانا احس بشوق لنورة..الاتصال كان لنورة...
اتصلت..وانا ماادري وش بقول...
انقطع صوت الرنين وانرفعت السماعه من الطرف الثاني:الو..
الصوت ماكان لنورة ارتبكت لاني مااعرف وش قول:هلا والله..منار؟
منار:ايه منار..سلطان؟
ارتحت لانها منار..يعني اقدر اقولها وين نورة:ايه,كيف حالك؟
منار:بخير..
:ممكن اكلم نورا؟
منار:ايه اكيد ممكن..ثواني بس...
جت بوقتها رانيا وماكانت لابسه لبس الدوام..
good morning...
مارديت عليها وحطيت اصبعي على فمي:اوش..
عرفت طبعا ليش سويت لها كذا...
جت وجلست ملاصقه لي..ناظرتها وماعلقت...
طال انتظاري ونورة للحين ماجت...
وأخيراً...
نورة:الو..
اخيرا سمعت صوتها:هلا نورا..
نورة ولهجتها فيها تعجب وخوف:سلطان!!
:ايه سلطان..
سكوت لثواني...
:كيفك؟
نورة:كويسه..
ماعرفت وش اقول بس كنت انتظر منها سؤال تسألني عن حالي..
:شخبار خواتك؟
نورة:الحمدالله..
ندمت بوقتها اني كلمت...ماتوقعت بتكون ردة فعلها كذا...
:اوكي نورا حبيت اسلم عليك يلا باي..
نورة:باي..
قفلت الخط بس مو هاذي المكالمه الي كنت ابيها...كان في بالي كلام نفسي اقوله..
سكت شوي ورجعت اتكلم:دقيقه نورا..انا جد اشتقت لك..ونفسي ارجع لسعوديه عشان اشوفك...وان شاء الله باقرب وقت بجي...انتبهي لنفسك..
سكرت السماعه..وانا احس بخيبه...
وقفت من مكاني..ووقفت معي رانيا..وبصوت عالي وبعصبيه:
l am beginning to....lose my patience..sultan..
سكت ومارديت عليها كملت مشيي..
رانيا بصوت اعلى من قبل:

That's disgusting!sultan..
لفيت عليها:
ranya..i'm very upset..ok?

ماانتظرت ردها كملت مشيي ونزلت تحت..الفطور كان على الطاوله..مااشتهيت..نفسي انسدت...
><><><><><
نادتني منار وماكنت اعرف مين الي متصل..سحبت الخط وعندي سارة...
ماقدرت احكي..انربط لساني وعجزت اتكلم..نفسي اساله انت كيفك..يعني اخذ واعطي معاه بالحكي اكثر من كذا...بس سارة كانت عندي...حتى لو سارة فيه..هاذي اعذار جالسه اطلعها لنفسي...انا مقهورة من الي صار...بس فرحانه انه كلمني وسأل عني...عالاقل سمعت صوته...
سارة سؤال ورا سؤال..ليش متصل؟ وش عندك انتي وياه؟نورة انتبهي منه؟وش معنى انتي بالذات يكلمك؟لايكون بينكم شي؟ومن هالاسئله واكثر..انا ماكنت مركزة معها واسئلتها بايخه..قمت بسرعه ونزلت تحت وكنت معصبه من منار..
دخلت الصاله وشيطايني كانت طايرة وبصوت عالي:منار حركتك مرة بايخه..
منار:وش قالك؟
:ليش ماقلتي انه سلطان الي متصل؟
منار:قلت اسوي لك مفاجأة..
:مرة بايخه يامنار..
منار:ليش؟
:اولا كانت عندي سارة ثانياً انا ماجهزت حكي..
منار:وش قال؟
:دقيقه..مو دقيقه ثانيه بعد..كيفك وكيف خواتك..حبيت اسلم عليك طراخ..
منار:وانت وش قلتي؟
:كويسه..الحمدالله..طراخ..
منار:نورة مرة اسفه..
مسكت المخده ورميتها عليها:وش يفيد الاسف انتي وخشتك..
طلعت من الصاله ومنار كانت وراي:نورة..والله اسفه..
ماكنت ارد عليها..
منار:نوري والله ماكان قصدي..
مشيت وسفهتها..
منار:وش تبين فيه اصلا..يجيب البلا..
لفيت عليها وبعصبيه:بلا يبيلي شيطانك ان شاء الله..
منار:اجمعين..
:منار انقلعي عن وجهي ماني طايقه اشوفك..
طلعت لغرفتي واتصلت على هاله..
طولت ماردت واخيراً..
هاله وعندها ازعاج:هلا هلا نورة..
:هلا وينك انتي؟
هاله:انا قاعده اسشور شعري؟
:ليش وش عندك؟
هاله:اليوم بيجي بدر يشوفني..
:هو...هو..هاله وانا آخر من يعلم؟
هاله:والله ماكان اليوم بيجي...بس ماادري صحتني امي من النوم وقالت بيجي اليوم يشوفك..مو هو كان بمكه بعد قلبي..
:شكله رايح يستخير..متردد الولد مرتاع منك..
هاله:..طيب بردها لك بس انا مشغوله الحين يانوير.. وبعدين والله اني تو بتصل عليك ابيك تجين..
:وش اجي اسوي..ادخل معاك؟
هاله:احش رجلك..
:اخسو بدينا نغار..بسم الله علي..
هاله:يلا بس تعالي..لاتتأخرين..
:طيب..طيب..تبين شي؟
هاله:لا شكراً يابعدي..
قفلت منها وماكنت مستوعبه الي قالته...يعني ماتوقعت صح ان سالفتهم من زمان صايرة وكان عندهم وقت كافي انهم يسألون..لكن ماتوقعت انها بتوافق...
بعد صلاة المغرب طلعت على طول ورحت بيت خالتي عند هاله..وصلت قبل ماتدخل بدقايق..
دخلت الصاله وفي هاله وخالتي..
:السلام عليكم..
هاله:نورة والله اني خايفه..
ابتسمت:ردي السلام طيب..
هاله:وعليكم السلام..الحين بدخل يانورة..
:لا تخافين وقوي قلبك..ياما وياما حكينا وكنا نخطط وش بنسوي بهالموقف..وكنا نتمناه يجي..
هاله وعلى وجهها ابتسامه:عقبالك ان شاء الله..
خالتي:يلا هاله..
هاله:طيب يمه تعالوا معاي..
خالتي وهي تسمي عليها:يلا يابنيتي..
هاله وهي تمشي بخطوات سريعه وقابلها ابوهاعشان يدخلها...
مرت فترة اعتبرها طويله تقريباً ربع ساعه او اقل بشوي..
خالتي:كأنها طولت..
:تلقينها طقت سوالف معاه..
خالتي وهي تضحك:الله يستر..
بوقتها نسمع صوت خطوات واكيد انها لهاله..
وقفنا انا وخالتي ورحنا لها بسرعه..
خالتي:ها شلون؟
:نمتي هناك..
هاله:والله ماكان ودي اطلع بس ابوي طلعني..
خالتي:انا بروح اشوفه اجل من الشباك..
خالتي كانت متحمسه مع هاله..والي يشوفهم يقول خوات مو ام وبنتها..
هاله:نورة والله اني حبيته..
:حكيلي وش صار بالتفصيل..
هاله:دخلت وعلى طول درعمت وجلست..وقف هو بس ماسلمت عليه..كان مستحي والله اني احسه مستحي اكثر مني...
:هاله لا لا يابنت خالتي خليك اثقل من كذا..
هاله:لا تخافين كنت ثقيله..,ايه وسألني كيفك وكيف امك..وكيف الاجازة معاك..وانتي الحين رايحه لاي مستوى..يسولف الاخ ماعليه..احس ابوي يقول مابقى نجيب لهم الا شاهي وفصفص يروقون ويسولفون..
كنت اضحك على كلام هاله:ايوه وانتي وش سالتيه؟
هاله:ماسألته شي..هو الله يهديه سؤال ورا سؤال..بعدين ابوي ناظرني وحسيت بنظرته كأنه يقولي تقدرين تروحين يابنيتي..
:كيف شكله..؟
هاله: اصبري الشكل يبيله جلسه...اسمعي انا بوصف وانتي ابيك ترسمينه..
:مابقى الا هي بعد..مارسمت عمري عشان ارسمه..
هاله وهي تمسك يدي ونروح لصاله ونجلس..بوقتها دخلت خالتي..
هاله:شفتيه؟
خالتي:لا ماقدرت..
هاله:يمه تعالي بوصف لكم الشكل مرة وحده..منب جالسه كل شوي اعيد..
:والله من زين الاخلاق بعد..
هاله:الطول.. ماشفت طوله زين..بس يعني طوله زين اهم شي انه اطول مني...ماكان اسمر بس مو ابيض..
قاطعتها:حنطي..
هاله:ايوه حنطي..شفتي امه كيف ملامحها هو يشبه لها شوي..خشمه واقف وفيه عظمه بس مو كبير صغير..له سكسوكه خفيفه مرة..
:ايه السكسوكه نص شبابنا..
هاله توصف وتوصف وماعندها نيه تخلص الوصف...
خالتي:ماعلينا من شكله يابنتي..اهم شي انك مرتاحه؟
هاله:ايه مرتاحه..
جلست عندها الى بعد صلاة العشا ورجعت البيت...
كنت مبسوطه لهاله مرة...بعكس منار..صح اني فرحت لها لكن ماادري يمكن لانها هي نفسها مو فرحانه...
الله يوفق الجميع...
><><><><

سارة جالسه مع مضاوي وشيخه..سالفه ورا سالفه...
سارة وهي تناظر الساعه:الله الساعه وحده!
مضاوي:ياسرع الوقت..
سارة:غريبه فهد مابعد رجع بكرة عنده دوام..
مدت سارة يدها واخذت جوالها واتصلت على فهد مايرد..اتصلت عليه مرة ثانيه وثالثه بعد مايرد..
سارة بدت تقلق والشيطان يلعب براسها...
سارة بخوف:بنات مايرد..
شيخه:متخانقه انتي معاه؟
مضاوي:شيخه لا تتدخلين بشي مايخصك..
سارة:ايه بس مااحد زعل..بعدين الصباح..
مضاوي وهي تمسك جوالها وتتصل على اخوها بس مارد..
سارة بدت تصيح:اكيد صار فيه شي..
مضاوي وشيخه ينظارون سارة وهم مستغربين..
شيخه:سارة لاتصيحين..صدقيني مافيه شي..
سارة وهي تصيح:الا اكيد فيه شي..الحين الساعه وحده ولا رجع ولا حتى اتصل..
مرت ساعه كامله وفهد للحين مااتصل ولارجع..
مضاوي:بتصل على بدر..
شيخه:افرضي نايم تخوفينه..
سارة:وش تخوفينه فهد للحين مابعد رجع ولا قد صار..ايه الله يخليك اتصلي..
اتصلت مضاوي على بدر وطبعاً كان نايم وعلى آخر رنه رد..
بدر وصوته نوم:الو..
مضاوي:هلا بدر..تعرف وين فهد؟
بدر مااستوعب الي قالته مضاوي:لا..
مضاوي:ماشفته اليوم؟
بدر وصوته نوم:لا..
مضاوي:طيب مع السلامه...
سارة:مضاوي تستهبلين انتي..كان قلتي له يدور عليه يتصل على اي احد يعرفه...
مضاوي:نايم ماايدري حتى انا وش قاعده اقول..
سارة وهي تصيح:ياويل قلبي على رجلي...ترا ان ماشفتوا لي حل بلبس عبايتي وبطلع ادوره..والا بتصل على ابوي...
مضاوي:يمكن صديقه تعبان والا صار له اي شي..
سارة:واذا صديقه تعبان ما يتصل يطمني..لا انا متأكده انه فيه شي..
شيخه:بتصل على احد من اخواني..
مضاوي:وليد هو الي اكيد قايم وماعنده دراسه ولا شي..
اتصلت شيخه على وليد وبعد مارد عليها..اتصلت عليه كم مرة وبعدها تسكر الجوال..
مر الوقت ببطئ..وسارة تصيح والبنات يهدونها...
سارة:اذن الفجر وللحين مابعد رجع...وش اسوي بنفسي انا..
مضاوي:سارة الحين اذا مارجع بتصل على اخوي محمد...
صوت خطوات احد ينزل من الدرج بسرعه...
دخل فهد الصاله وهو لا بس بجامته ووجه نوم وماسك جواله بيده وبصوت فيه خوف:وش فيكم؟ وش صاير؟ مين مات؟
البنات يناظرون بعض ومو مصدقين الي قدامهم..
سارة وهي توقف وتروح لفهد:الحمدالله انك بخير...
فهد سكت شوي وكأنه قاعد يستوعب..هو كان زعلان من سارة ولما رجع البيت ماراح لها ولاحتى كلمها..دخل غرفته ونام...
فهد وهو يضحك ويضم سارة:مجنووونه والله مجنوونه..
الكل صار يضحك على الي صار...
مضاوي:فهيد..بلا حركات قدامنا انت وزوجتك الي اغشى عليها من الصياح..
فهد:حبيبتي والله..بس تستاهلين...انا كنت زعلان منك..
سارة بعصبيه:والله يافهد لو كنت ذابحتك ماترجع البيت الا وانت قايلي مو كذا تخوفني عليك..
فهد:هههههههههههههه...اسمحولي انكم اذكياء اطلعوا شوفوا سيارتي فيه او لا..تطلعين انتي للغرفه تشوفين..مو تقعدين تصيحين وتنحين وماتخلون احد ماتتصلون عليه..
شيخه وهي تضحك:لا وبعد كانت بتلبس عبايتها وتطلع تدورك..
فهد وهو يضم سارة اكثر:والله طلعتي قويه ياسارة...بعدين لهدرجه تخافين علي؟
سارة وجهها حمر وكانت مرة مستحيه...
فهد:بروح اتوضى بتوفتني الصلاة وشغلك اذا رجعت..
سارة:انت شغلك والله اذا رجعت..
انقلبت هالليله لضحك ومااحد راح ينسى هالموقف....
><><><><
اليوم الي بعدو...
الساعه 4:00 العصر خالد توه داخل بيته راجع من شغله...
مشاعل بغرفتها ترتبها وتنظفها..
دخل خالد وعلى وجهه ابتسامه:السلام عليكم..
مشاعل رفعت راسها:وعليكم السلام..
خالد:غيرتي اشياء بالغرفه...
مشاعل:الطفش...
خالد:حلو..
مشاعل:تأخرت اليوم..
خالد:كان عندي اجتماع..
مشاعل:اهلك تغدوا..تبي احط لك الغدا؟
خالد:انتي تغديتي؟
مشاعل:لا انتظرك..
خالد:اوكي خليهم يحطون الغدا...
راح خالد يبدل ملابسه ومشاعل راحت تحط الغدا...
بسفرة الطعام...
خالد كان متررد يتكلم بس لازم يقول لمشاعل هالشي:مشاعل ابيك تتركين الحبوب..
مشاعل تناظر خالد وهي مستغربه:اي حبوب!
خالد:منع الحمل..
مشاعل وهي مستغربه:اتركها!
خالد:ايه مايحتاج تاخذينها انا سمعت ان اضرارها كثيرة...
مشاعل:اذا تركتها بحمل..
خالد ارتبك:معليش اتركيها..
مشاعل:انت تبيني احمل؟
خالد بارتباك:ايه ليش لا..
مشاعل ابتسمت:اوكي..اتركها...
خالد بعدها ماتكلم..كان يحس بتأنيب الضمير..يبي قولها بس مايقدر...الله يستر من الجاي..
><><><><><
اليوم الاربعاء ملكة الرجال...تمت الملكه الحمدالله..وخطبة هاله وبدر اعلنت..
الحمدالله الاجواء الي نعيشها كلها فرح وسعاده...اهم شي الصحه والعافيه و راحة البال وراحة الي حولك...خطبة منار وهاله الكل فرح فيها...طبعاً الحين انا الي بالوجه..والكل يوقل عقبالك يانورة عقبالك يانورة..اجاملهم واقول ان شاء الله وان كانت بنت اقولها عقبالك انتي بعد..بس بداخلي كنت اقول مستحيل انا اتزوج...يمكن هذا شعور مؤقت ويتغير...
جالسين كلنا بالصاله وهاله بتنام عندنا اليوم ...وسارة ومشاعل بعد..
نسولف عن بكرة..وعن التجهيزات ويعني مثل هالحكي...
والحين الساعه 12:00 تقريباً...
رن جوال هاله بوقتها...
كلنا التفتنا عليها..
منار:مين؟
سارة:تراي مرت عمه..
مشاعل:لا وبعد يعرف يوقت..
تعليقات كنا عليها..وهاله وجهها حمر..ومن كثر ماكانت مستحيه ماردت عليه..
سارة:هو ردي عليه...تسفهينه ياحول كذا..
مشاعل:هاله بعد قلبي روحي اي مكان تبينه وكلميه..
هاله:مرة ثانيه بحط جوالي سايلنت..يمه منكم..
سارة:نسيتي وش كنتي تعلقين علي..ماتخلين فيني ولا تبقين..رجعت لك ومادارت السنه بعد..
هاله وهي توقف:بروح شوي بس..عن اذنكم..
طلعت هاله من الصاله بسرعه عشان تكلمه...
هاذي المكالمه الثانيه الي بين بدر وهاله...اتوقع انهم بيصيرون ثنائي حلو...
مشاعل:وانتي مساعد ورا ما يتصل عليك؟
منار:يتصل بس مو كثير..وانا ماابي اصلا اكلمه اربع وعشرين ساعه...
سارة:عاد انتي رجلك كبير..تدرين انه اكبر من فهد..واكبر من خالد الظاهر..
منار كانت متضايقه وكلامهم ضايقها اكثر..انا ماكنت اشوف فيه اي شي يزعل..لكن منار اخذته بحساسيه زايده..
منار وهي توقف:عاجبني والي مو عاجبه يطق راسه..
طلعت منار من الصاله تبادلنا كلنا النظرات..
سارة:زعلت؟
مشاعل:ماقلنا شي يزعل..
:لا هي متوترة شوي..
سارة:ماادري مااحسها مرة مبسوطه...يعني شوفي هاله تحسينها مبسوطه مع ان مالها الا يومين خطبتها..
مشاعل:لا منار هي كذا من النوع الي يفكر ويضيق صدره ويخاف..صدقيني لو مو مقتنعه ماكان وافقت..
سارة:احس ابوي وعمتي ظغطوا عليها شوي..
:لا ماظغطوا بالعكس..
سارة:احساسي..
مشاعل:بعدين صدقيني اذا تعرفت عليه اكثر بتحبه..
طلعت انا من الصاله ورحت عند هاله وكانت جالسه على الكنبه وتكلم..
اول ماشافتني بدت تغمز وتأشر تبيني اطلع برا..
ابتسمت ابتسامه عريضه:ماراح اطلع بسمع وش تقولين..
هاله بصوت هادئ والي يسمعه ما يقول هاذي هاله:دقيقه بدر..
حطت هاله جوالها على 
hold
او تحسب انها حطته على الهولد..
بصوت عالي:نوير ياحمارة اطلعي برا..
:ماراح اطلع هاله عاد بجلس اسمع وشو تقولين ودي اشوفك وانتي تكلمينه...
هاله:نورة انتي صغيرة على هالاشياء..
مسكت المخده ورميتها على وجهها:يابنت مابعد تزوجتي وتقولين لي كذا..
هاله:نورة انقلعي الله يخليك طولت وانا حاطته على الهولد..
:احسن اثقلي ياغبيه..
هاله فقدت الامل اني اطلع...رجعت واخذت جوالها وبدت تظغط فيه ماعرفت انها ماكانت حاطه على الهولد قبل شوي..
هاله بصوت كله رقه وهدؤ:هلا سوري تأخرت عليك..
بدر كان يضحك...يضحك من كل قلبه..
هاله ماتوقعت انه يضحك لانه سمعها وهي تهاوش وباعلى صوتها...
بدر وهو للحين يضحك:هاله اسف بس واحد تو كلمني ويقول لي سالفه وضحكتني..
هاله:لا عادي..
طبعاً هاله مثل اي بنت في البدايه بتكون مستحيه نوعاً ما وبتصير رقيقه وناعمه...واغلب الوقت ساكته وهو الي يحكي...
طبعاً احسن علاقه بين الطرفين بايام الخطبه والملكه...اغلب الناس تكون هاذي الايام اسعد ايام حياتهم...لكن بعدين؟؟الله اعلم فيها..
يوم الخميس...اليوم نشاطنا زايد والكل كان يرتب ويساعد ويصلح...
رحنا الكوافير كلنا الا منار وعمتي بتجي لهم وحده تصلح لهم...
بعد مارجعنا وعلى اخر المغرب بدينا نلبس ونتجهز..كل عماتي وبناتهم وحريم عماني وبناتهم كانوا موجودين وخالتي وحريم خوالي وبناتهم يعني كل عائلتنا كانت موجوده...صديقات منار...وصديقاتي بعد..واهل مساعد طبعاً..
البنات عند منار بغرفتها تعليقات وسوالف معها...
الساعه 10:00 نزلت منار عند مساعد...بعد ماصوروا دخلوا عندنا..لبسها الشبكه وصورا كم صورة...
اليوم سويت مناحه ماكانت طبيعيه ابداً...منار بتتزوج وتتركني..وغير كذا بتسكن بالشرقيه...
الكل راح..ومساعد للحين عند منار...
خلونا نتكلم عن مساعد..اكيد كثير منكم يبي يعرف شخصيته...
مساعد وهو يتثاوب ويناظر الساعه بيده:ثلاثه ونصف...الوقت يمشي بسرعه معاك..
منار ابتسمت وحست هالكلمه مجامله..
مساعد وهو يناظرنها نظرات فيها حنان ومشاعر صادقه..
منار نزلت عينها وكانت يدها متشابكه وتلعب فيها..
مساعد وهو يمد يده ويمسك يدها:خلي يدك مع يدي والعبي فيها..
منار وجهها حمر وارتبكت اكثر من اول..
منار:بكرة بترجع الخبر؟
مساعد:ان شاء الله..تعرفين حبيت الرياض اليوم بس..
منار ماعرفت وش ترد عليه واكتفت انها تبتسم..
مساعد وهو يوقف وللحين ماسك يد منار ووقفها معاه:يلا انا بمشي الحين..
منار:اوكي..
مساعد:بمرك بكرة ان شاء الله قبل ماامشي..
منار:ان شاء الله..
مساعد:يلا مع السلامه..
منار:اوصلك..
مساعد ابتسم مشوا الى الباب الخارجي..
باسها بكل هدؤ:تصبحين على الف خير..
منار:وانت من اهله..
حست منار بمشاعرها تحركت تجاه مساعد بس يمكن مو مشاعر حب...يعني ود او راحه...
جتنا منار الصاله وكلنا كنا فيه..ننتظرها تجي لازم نسمع الاخبار..
سارة وهي تتثاوب:وه ما بغى يروح طقت كبدي..
مشاعل وهي تمسك يد منار:يلا قولي لنا وش قلتوا؟
هاله:منار علميني تكفين تراني بوجه زواج..
منار:الي متزوجين ماراح اقولكم وش دخلكم تعرفون..استحوا تراكم معرسين...
:انا قولي لي..ماتزوجت..
منار:لا بقول لهاله..
هاله:يسلم راسك...
سارة:الحين مانمنا نبي نعرف وش صار تجي ما تقولين لنا..
منار:ماصار شي وش بيصير مثلاً؟
سارة:يعني وش قلتوا وش علق..
منار:يسولف بس...
مشاعل:ايه حنا نبي وش يسولف؟
منار:سواليف اتوقع ان رجالكم قالوها لكم..
:منور عاد قولي يلا..
منار:تكلمنا عن مواضيع تناقشنا فيها..طبعا بما انه محامي انا مااقدر اتناقش معاه..واحس انه ماعندي ماعند جدتي..
مشاعل:وش يقول عن بنته؟
منار:شفت صورتها..
:هو قالك تعالي شوفيها؟
منار:لا انا قلت له ابي اشوفها,خلفية جواله صورتها اصلا..
هاله:اخاف بعدين مايحب عيالك..
ناظرت هاله نظرة...منار حساسه من هالكلام وماهي ناقصه احد يزيدها..
مشاعل:وكيف شكلها؟
منار:كيوت..
سارة:تحبينها..
منار ابتسمت:ايه احبها..يكفي ان ابوها زوجي..
سالفه تجر سالفه...صلينا الفجر ورجعنا بعد نسولف...
اليوم حسيت براحه لاني شفت هالشي بمنار..كنت قلقانه عليها مرة.. 

____________________________________________
الجزء الثالث عشر...


الفصل الاول..
اعود اليكم من بعد غياب...قد يكون طويلا على البعض..
ها أنا اقلب صفحاتي وأقف عند هذه الصفحه...




مر اسبوع على ملكة منار...
مكالمات شبه يوميه بينها وبين مساعد..
مر اسبوع واضيفه على الاسابيع الي قبل فترة بعدي عن سلطان...
مر اسبوع وخالد ومشاعل في وضع مستقر...
مر اسبوع وسارة يوم تعبانه ويوم احسن...
مر اسبوع وفيصل يتحسر على الي فات...
مر اسبوع وهاله وبدر الثنائي الجديد بأحسن حال واندماج فوق ما كنت متصورة...
><><><
><><
><
يوم الاربعاء...
مجتمعين اليوم في بيت عمتي حصه...
كل عماتي وحريم عماني وبناتهم موجودين..
جمعة حريم سواليف تخصهم...لا تخلو من النقد..والقصص وقالت ويقولون...
استمتع في بعضها ويمللني اكثرها...
في ركن من المجلس بعض البنات جالسين وانا ومنار من ضمنهم...ونسولف بعيد عن الحريم...
رن جوالي وما اهتميت ولا حاولت اشوف المتصل...كنت احكي مع بنت عمي ولا حبيت اقاطعها...
رن مرة ثانيه وبعد ما حسيت ان المتصل مصمم اني ارد..طلعت الجوال من الشنطه وكانت هاله...
طلعت من المجلس ورديت عليها كلمتين ورد غطاها وقفلت منها بسرعه...
مشيت بخطوات هاديه ودخلت المطبخ اخذت لي كأس ماي وانا طالعه من المطبخ من الجهة المقابله منصور طالع من الصاله...
ماكان لي مزاج اني اشوفه...
لي فترة طويله ما شفته...
رجعت بحركه سريعه بس بعد ما شافني..
منصور وعلى وجهه ابتسامه تبين غمازاته:هلا نورة...
ابتسمت من غير نفس:هلا والله..
منصور:كيفك؟
:بخير...
منصور:مبروك لمنار..
ابتسمت:الله يبارك فيك..
منصور:عقبالك...
ضحكت بصوت واطي:عقبالك انت..
منصور:عقبالنا انا وياك ان شاء الله..
عقبالنا ماعجبتني كلمته كان يقدر يجيب كلمه احسن منها...حسيته خطيبي او شي مرتبط فيني...
ابتسمت ومارديت عليه...
جت بوقتها وانقفدتني منه عبير اخته..
عبير وعلى وجهه ابتسامه وباسلوب فيه شك:وش عندكم انتم الاثنين!!
منصور ما عجبه سؤال اخته وشفت هالشي بملامحه...
ناظرت منصور باستغراب وضحكت..
منصور تركنا بدون ما يقول اي كلمه..يمكن فهم من طريقه ضحكي...انه وش بيكون بيني وبين منصور!!
ضحكت بيني وبين نفسي على تعابير وجه منصور...
اسلوب عبير في السؤال يضايق نوعاً ما...انا ما تضايقت لان منصور مايعنيني...بس يمكن هو تضايق امممممممم ماادري ليش..الرجال مخلوقات نادراً ماافهمها...
انتهت العزيمه وكل واحد رجع لبيته...
دخلت غرفتي وانا ميته من التعب...
دقايق وانا بسريري...
اكره افكار وهواجس قبل النوم...
سلطان...
سلطان...
سلطان..
هو الي ماخذ عقلي وقلبي...
دايماً ماافكر وش الفايدة من كل هالتفكير...
خلاص هو راح وماعنده نية رجعه...
يعني الي بينا انتهى...
مرات كثيرة اقول اشغل نفسي..
وهذا السبب الي اقنع نفسي فيه...
وآخر قرار اتوصل له...اني أحبه..
اشتقت لك سلطان...
><><><><><
الجو بارد...
وأحس بكل شي حولي متجمد...
اطرافي باردة..
حطيت يدي على فمي ونفخت عليها...
غطيت نفسي باللحاف..وخليت لي فتحة صغيرة اتنفس منها...
مرت دقايق والغرفة هاديه ومافي صوت لرانيا..

بصوت عالي شوي وانا تحت الفراش.. ناديت عليها...
:صباح النور.,بتروحين الشغل؟
رانيا:يب..
عقدت حواجبي:رانيا لبسك مو عاجبني..
ناظرت نفسها ورجعت ناظرتني:
:شوفي نفسك بالمرايا وانتي تعرفين وش فيه لبسك!
رانيا بعصبيه:سلطان لبست مابدي غير لبسي..
عطيتها ظهري:اوكي لاتروحين الشغل..
رانيا:سلطان..
:ماابي اي نقاش..
ماابي اي نقاش يعني ولا كلمه زيادة ممكن اسمعها...
شخصيتي القويه الي اخذتها من ابوي الله يرحمه..كثير يقولون اني عبدالرحمن المصغر...
شكلي وطريقة كلامي...تعاملي مع الناس...
رانيا وهي تجلس على السرير:مابدي روح..
مارديت عليها..
رانيا بعصبية اكثر من اول:سلطان..
قاطعتها:رانيا كلمة زيادة ماابي...
رانيا:سلطان شو بك؟شو الي غيرك؟وين الحب...
قاطعتها مرة ثانيه وبكل برود:راح الحب...
هدؤ عم المكان...صوت الباب ينفتح بكل هدؤ..
لفيت ومالقيت رانيا...
حسيت ان رانيا خافت من كلمتي...خاصه اني اول مرة اعترف لها بهالشي...وقلت كلمتي بدون مااحس طلعت مني بدون اي تفكير..
اروح وراها والا اطنش!هاذي الفكرة تدور في بالي الحين..الحل الاخير احسن...
><><><><><
مشاعل وخالد بالمطبخ قاعدين يسون لهم عشاء..او بالاحرى مشاعل تحدت خالد يسوي عشاء...وهي دخلت معاه عشان تساعده...
خالد وهو يلتفت على مشاعل:ميشو كيف اكسر البيضه؟
مشاعل انفجرت ضحك:من جدك ما تعرف!
خالد:بحياتي ما قد سويت بيض...
قامت من مكانها وراحت وقفت عند خالد واخذت البيضه منه:بكسر لك وحده بس..
كسرت مشاعل البيضه بكل سهوله...
خالد:سهل والله..روحي اجلسي خلاص..
بدا خالد يكسر البيض ويطيح القشر معاه بالصحن..
خالد:لو طلع لك مع البيض قشر لا تستغربين..
مشاعل:اسمحلي خالد بس انت فاشل..
خالد:فاشل بالطبخ بس..
مشاعل:بس!
خالد:امممممم بس..
مشاعل:وفاشل رومانسياً بعد..
خالد سكت ومارد على مشاعل...
مشاعل:تعرف لي كم يوم وانا مشتهيه ورق عنب...
خالد:ماادري شلون تاكلينه..
مشاعل:مشتهيته مرة...سارة تقولي لا يكون بس حامل..
خالد بخوف:وش دخل الحمل يامشاعل بورق العنب!
مشاعل:قصدها اني...
خالد يقاطعها:تعالي كملي بس انا طفشت..
مشاعل:خالد وش فيك؟
خالد:مافيني شي...انا برتب الطاوله..
مشاعل:اوكي..
خالد:ناكل هنا والا بطاولة الطعام؟
مشاعل:لا هناك..
خالد وهو يأشر على درج الصحون:هنا الصحون؟
مشاعل:ايه..
فتح الدرج ولفت انتباهه صحن مختلف عن الصحون الي كانت موجوده..عليه رسمات ولونه ملفت...
مشاعل وعلى وجهها ابتسامه:وش فيك تنحت؟
خالد:هاا لا لا ولا شي..
مشاعل:هذا الصحن لبنتنا ان شاء الله...قبل امس كنت طالعه محل وعجبني طقم للبيبيات وشريته...
خالد بعصبيه:مشاعل انتي حتى ما حملتي!!
مشاعل:مايضر اني اشتري..بعدين لاتنسى اني تركت الحبوب
خالد:واذا تركتي الحبوب مو شرط انك تحملين..
مشاعل سكتت وماحبت ترد عليه..
مد خالد يده يطلع الصحون وبيده الثانيه وبحركه مقصودة منه..دف الصحن الي شرته مشاعل لبنتها على قولتها...
طاح على الارض وانكسر..
لفت مشاعل بحركه سريعه وعلامات الخوف على وجهها..حولت نظرها للارض ورجعت شافت خالد:جاك شي..؟
خالد بارتباك:لا لا...
مشاعل:كسرت صحن بنتي..
خالد:سوري مشاعل بس انتي حاطته بالطرف..
مشاعل:يلا معليش..
خالد:مشاعل نادي الخدامه تساعدك وتحط السفرة...انا طفشت...
مشاعل بضيق:اوكي..
خالد طول ماهم يتعشون وهو ساكت...
مشاعل قاعدة تأمل وانا ماابي هالشي..لازم اقولها..مصيرها بتعرف الحين والا بعدين...
افكار كثيرة مالية راس خالد..
><><><><><
فيصل وبدر بالسيارة رايحين عند ربعهم...
بدر يسوق وفيصل جنبه...
صوت عبدالمجيد بكل ارجاء السيارة...وكل واحد منهم سرحان بافكاره...
بدر وهو يغني:انت العزيز انت..انت المهم انت...انت اغلى ناسي كلهم...
فيصل:شخبار خطيبتك؟
بدر ماكان يحب هالسؤال لانه بيجر اسئله ثانيه بدر مايبي يجاوب عليها.:الحمدالله...
فيصل:شكلك ودك تكلمها..خذ راحتك..
بدر:من قال؟
فيصل:كل شوي ماسك جوالك..
بدر وهو يضحك:اذا وصلت كلمتها..
يرجع بدر يغني:مشيت في كل الدورب...ومرت على قلبي قلوب... بس انكتب اني اذوب واختارك انت بينهم...
فيصل:بدر انا ماقد سالتك عن منار...
بدر سكت ومارد..
فيصل وهو يسكر المسجل:اسمحلي اقطع عليك اغنيتك..بس ابيك تجاوبني..
بدر:انت ما سالت عشان اجاوب!
فيصل:شخبار منار؟
بدر:بخير..
فيصل:اقصد شخبارها مع خطيبها؟
بدر:الحمدالله...
فيصل:مافكت؟
بدر سكت شوي وبعد تفكير لثواني:فيصل انا ماكنت ابي اقولك بس لازم تعرف...منار تملكت الخميس الي فات..
فيصل سكت..
بدر:فيصل..
فيصل:ليش ما قلت لي؟
بدر:هذاني قاعد اقول..
فيصل لف وجهه لجهة الشباك..يبي يبتعد من نظرات بدر...
بدر:فيصل الحياة تجارب واعتبر منار تجربه بحياتك مانجحت...
مارد على بدر...وخلىّ افكاره ترجع فيه لورا...
وصلوا عند ربعهم..نزل فيصل وجلس بدر بالسيارة يكلم هاله وبعدها بينزل...
><><><><><><
يوم الخميس..
على نغمات الموسيقى العاليه...
وبعض البنات يرقصون..والبعض يصفق...
مجتمعين في بيتنا صديقات منار ومسوين حفله صغيرة لمنار قبل زواجها...
والكل كان مبسوط لان منار اول وحده من صديقاتها بتدخل عش الزوجيه...
منار وهي تجلس حنبي وقربت من اذني:روحي شوفي وين عمتي..هي قالت بنزل اسلم على البنات...
انسحبت من الصاله الي كنا جالسين فيها...
هدؤ ومافي صوت لعمتي ولا ريما..
طلعت فوق وكنت انادي عليهم بس مااحد يرد...
سألت الخدامه وقالت انهم طلعوا..
:متى طلعت؟
فاطمه:قبل ساعه..
عمتي ماكان عندها نية تطلع... فجأة تغير قرارها بدون ما تقولنا..
ماادري قلبي مو مطمن..بدون تفكير رحت واتصلت عليها..
ماردت علي..
اتصلت مرة ثانيه وثالثه ورابعه بدون فايدة..
الشيطان بدا يلعب براسي..
اتصلت على طول بمشاعل...
سألتها وماتعرف عن اي شي..
رجعت للمكان الي جالسين فيه وناديت منار...
منار:نعم وش تبين؟
:عمتي طالعه هي وريما!وماقالت لنا..واتصل عليها ماترد..
منار:يمكن راحت عند عمتي حصه..
:بدون ماتقول..وماترد على جوالها..
منار:حاولي طيب..
قاطعتها:كسرت جوالها..
منار:اتصلي على السواق اساليه اجل..
:ماخطرت على بالي الفكرة,كلمي من جوالك...
اتصلت منار على السواق..
منار:الوو,طاهر وينك؟
طاهر:انا في البيت..
منار:عمتي وين راحت؟
طاهر:المستشفى..
منار وعلامات الخوف بوجهها:نورة عمتي راحت المستشفى..
سحبت الجوال منها:طاهر ليش عمتي راحت... مين تعبان؟
طاهر:ريما..
ناظرت منار بخوف:ريما اختي تعبانه...
علامات الخوف بوجه منار:بورح اتصل على ابوي..
راحت منار وانا وراها..
في احساس بداخلي غريب...ماني مطمنه..احس فيه شي..
رد ابوي من ثاني دقة..
منار:يبه وينك؟
ابوي وصوته متغير ماكن طبيعي ابداً:بالمستشفى..مع ريما اختك تعبانه شوي..
منار:وش فيها؟
ابوي:مافيها الا الخير..
منار:يبه انا قلقانه..
ابوي:منار قلت لك ما فيها شي,انا مشغول الحين شوي وبنجي..
منار بعد ما قفلت من ابوي:يقول تعبانه شوي بس ماادري وش فيها..
:منار انا ماادري ليش خايفه..ريما من زمان وهي تعبانه..ومتغيرة..
منار:لا يلعب الشيطان براسك..
هاله من ورانا وبصوت عالي:وينكم انتم؟
:يلا جينا..
هاله:وش فيه؟
منار:مافي شي..
مشينا حنا الثلاثه راجعين للبنات..رن جوال منار..
:ابوي؟
منار:لا مساعد..مالي خلق ارد..
هاله:ردي ولا تطولين..
منار:ماابي ماابي..
:منار عيب..
منار:مااحب احكي معاه..
ناظرت منار وانا مستغربه من كلامها...ماقد قالت انها ماتحب تحكي معاه وبهالطريقه...
:منار ردي..
منار وهي تظبط صوتها:هلا والله..
مساعد بصوت ضخم:هلا وغلا..,كيفك؟
منار:بخير..
مساعد:توني واصل الرياض..
منار:الحمدالله على السلامه..مو قلت انك ماراح تجي..
مساعد:يعني ارجع؟
ضحكت منار بتصنع:الظهر قلت انك ماراح تجي فاستغربت وش غير رأيك..
مساعد:لاني الويكند الجاي بسافر.طلعت لي سفرة..والي بعده بيكون الويكند الي قبل زواجنا..ماعندي الا هالويكند الي اشوفك فيه..
منار: اها,ان شاء الله ماتعبت؟
مساعد ببرود:لا الحمدالله..,انا الحين بروح اسلم على اهلي..وبتحمم والبس واجيك..اذا ماعندك شي؟
منار:انا الحين عندي البنات..اتوقع على وحده يطلعون او قبل بشوي...
مساعد:اهاا..اوكي تكلميني اذا طلعوا؟
منار:طيب..
مساعد:يلا اخليك معهم..باي..
قفل مساعد على طول قبل حتى لاتكمل منار كلامها..تنرفز من برود منار...او انه هو حساس بزيادة...او هذا طبعه..
منار وهي تدخل علينا وباين عليها انها مو مبسوطه..وفي شي نكد عليها..
ماادري اذا منار تحس بتأنيب الضمير..وهذا الي يضيق صدرها...بعد ماتنتهي من كل مكالمه من مساعد تجلس اوقات طويله سرحانه..
بس انا بعد اقول...انها بتحب مساعد مع الوقت..هي لو بس تشيل فيصل من بالها..بينحل كل شي..
مرت ساعه..بالي منشغل فيها على ريما...للحين مابعد رجعوا..
منار بصوت واطي تكلمني:مساعد بيجي..
:جا الرياض؟
منار:ايه..
ابتسمت..بس بادلتني منار بتكشيرة..
دخلت بوقتها فاطمه وبصوت واطي عند اذني:عمتي جت..
نقزت من مكاني وطلعت بسرعه...
رحت الصاله...عمتي جالسه..
وابوي كان بوجهي شايل ريما وهي نايمه...وجهه كان تعبان مرة..ماكان بحالته الطبيعيه أبداً..
:يبه وش فيها ريما؟
ابوي بضيق:تعبانه شوي..
ناظرت يدها و بلاستر على يدها:سوت تحليل؟
ابوي:ايه..
وجهت نظري لعمتي:عمتي طلعتي وماقلتي لنا..خوفتينا مرة...
ماردت عمتي علي..
قامت من مكانها وجت عندنا:عبدالاله عطني ريما..
ابوي:لا لا انا ارقيها..صلحي فراشها...
:عمتي وش فيكم؟
ابوي ناظر عمتي واشر لها انها تطلع فوق وكأنه ما يبيها تحكي معاي...
طلعت عمتي وابوي وراها...
ماارتحت ابداً...ريما فيها شي..احساسي يقولي كذا...اتمنى ما يطلع صحيح..
رجعت للبنات...
مرت فترة قصيرة انا ماكنت بحالتي الطبيعيه ابداً ريما شاغله بالي...
راحوا البنات ومابقى الا هاله...بتنام عندنا اليوم...
منار وهي تتمدد على الكنبه وبصوت عالي:فيني نوم..مالي خلق مساعد..
هاله:منار ترا عيب الي تسوينه..له اربع ساعات ماسك خط والصباح تلقينه مداوم يعني ميت تعب...وبيجيك..ولا بكرة بيمسك خط..
منار:في اختراع اسمه طيارة..وفيه اختراع بعد انه يقولي..مو كذا يفاجئني...
:منار وش تفرق يعني؟
منار وهي تأشر على عينها:فيني نوم..فيني نوم..وعيوني حمرة...تبون اقابله بهالشكل..
هاله:اسمحيلي يامنار..انتي مرة بايخه..
منار:ابدل ملابسي؟
:ايه بدليها..
منار وهي تقوم من مكانها وتمشي باتجاه الباب:مالي خلقه ياناس...ماابيه يمسكني...وماابي اشوفه على بلاطه..ماابي اتصنع..
منار كانت تحاكي نفسها وتخربط..خليها تطلع الي في قلبها...
هاله:ماهي صاحيه اختك..
:الله يستر عليها بس..
رن بوقتها جوال هاله..
:هاله وش هالرنه المزعجه الي بقلاع وادرين يسمعها..
هاله:هذا بدر..
:الحين بجلس انا طول الليل بلحالي!!
هاله:عاد اليوم خميس..اسمحي لي يانورة..
:انتي الحين ليش ما تردين؟
هاله:اثقل شوي..ارد اخر شي..
انا انفجرت ضحك...على افكار هاله:فاهمه الثقل غلط..ردي بس..
طلعت من الصاله..ورحت غرفتي...وخليت هاله مع بدرها...
كنت احس بشعور بايخ..بالنسبه لي...شعور الوحده..يمكن يجي لاي احد مننا...
احس بضيق..احس اني ابي اصيح...ابي اصيـــح الى ماتخلص دموعي

سكوت للثواني..
نظرات بين الطرفين..
شالت عينها وسرحت بأفكارها..
اما هو عينه مانزلت منها...
مساعد بصوت واطي:وش تفكرين فيه؟
منار رجعت تناظره:ولاشي..
مساعد وهو يناظر ساعته:لي نصف ساعه بس جاي..
منار ناظرته وماردت..وكأنه يقصد انه نصف ساعه وطفش بسرعه...
مساعد وهو يمد يده وياخذ ريموت التلفزيون ويفتحه...
منار بدون اي تعليق..
مساعد:ليش ماتحكين كثير؟
منار ناظرته وهي مستغربه من سؤاله:احكي..
مساعد:تستحين والا هذا طبعك؟
منار:لا مااستحي..ومو هذا طبعي...
مساعد:أجل؟
منار:احب اسمع كلامك..
مساعد:تحبين تسمعينه؟
منار:يعني انا اخلي الشخص الي جالس معاي يحكي..واذا خلص كل كلامه..انا ابدا احكي..
مساعد وهو يبستم:حلو..بس احلى لما تحكي مع اي احد انت تقول سالفه وهو يقول سالفه..نتبادل افكارنا مع بعض...مو لما اخلص كلامي..يبدا الشخص الي جالس معاي يحكي..احس الوضع كذا يصير ممل..صح؟
منار:ممل بالنسبه لك يمكن...
مساعد:يمكن..
رجع السكوت بينهم..
قرب مساعد لمنار اكثر..وصار ملاصق لها..مد يده على شعرها وكان يلعب فيه بكل هدؤ..
مساعد:حلو شعرك..
منار ابتسمت وكأنها مو مصدقته..:شكراً..من ذوقك..
مساعد عقد حواجبه:طيب شين شعرك..
منار وهي تضحك:من ذوقك بعد..
مساعد:لا يجنن...انا احب الشعر الكيرلي مررة..
منار:يتعبني..
مساعد:ليش؟
منار:بتصليحه..يعني مو مثل الشعر الناعم..
مساعد بصوت واطي:انا أصلحه لك..
منار ضحكت:خلك عند كلمتك..
مساعد:اعتبريه وعد..بس اذا ماعجبك مالي دخل..
منار:اوكي..
سكوت لثواني...
مساعد كان يبي يفتح اي موضوع يتكلم فيه:منيار..
منار وعلى وجهها ابتسامه:ايش منيار؟
مساعد:قاعد ادور لك دلع....لي انا بس..وش رايك فيه؟
منار:اذا عجبك سميني منيار..
مساعد:خلاص بسميك منيار..,يلا عاد يامنيار ابي كاس ماي..
منار:وش تبي غير الماي؟
مساعد:بس..
راحت منار وجابت له الي يبي..
رجعت وكان مسند راسه على الكنبه وحاط يده على عينه..
منار بصوت واطي:مساعد..
على طول شال يده وعدل جلسته..
منار:نمت!
مساعد وهو يمد يده ياخذ الكاس:لا مانمت,شكراً...
منار كانت تناظر عيونه..تحسها ذابله من كثر ماهو تعبان وفيه نوم..
مساعد:عجبتك عيوني؟
منار استحت وبدون تفكير:لا...شكلك دايخ..
مساعد وهو يضحك:بعد تقولين لا..جامليني عالاقل..
منار حمرت خدودها..وانحرجت شوي..
مساعد وهويقرص خد منار:حمرت خدودك..
منار وهي تحط يدها على وجهها:لا ماحمرت..
مساعد انفجر ضحك عليها:طيب ماحمرت..,تعالي اجلسي بتبتلين واقفه!
منار جلست بس بعيده شوي عنه..قرب لها مساعد وحط راسه على رجلها..غمض عينه وماتكلم باي كلمه...
منار ماعرفت وش تسوي...ثواني تفكر فيها..
حطت يدها على راسه..ويدها الثانيه على كتفه...وماتكلمت ولا كلمه هي الثانيه..
بحاول اني اوصف شعور منار...
كانت مرتبكه...مشاعرها اليوم بس تحركت لمساعد...عفويته..ابتسامته.. كلامه..طيبته..كل هالاشياء جذبتها لمساعد..بس مانستها فيصل طبعاً...
محتارة بداخلها..ماتبي تحب مساعد..لان حب فيصل بداخلها...
منار دايماً تقول..حب فيصل محفور بقلبي...مايقدر احد يشيله...فيصل بكفه والناس كلها بكفه...
بيقدر مساعد يخليها تحبه؟
كل شي جايز بهالحياة...
بعد سكوت لدقايق..
منار:مساعد عندك شيبه..
مساعد:الحمدالله ما شفتي الا وحده..
منار وهي تضحك:اجل بتزوج شايب..
مساعد:الحياة شيبت براسي..
ماردت عليه منار..
مساعد:ان شاء الله انتي تخلين هالشيب يروح من راسي...
منار ابتسمت...
مساعد تزوج منار على أمل انها تغير حياته وتنسيه كل الي فات...ويبدو ان حياة مساعد قبل كانت كلها مشاكل....

><><><<<>< 

اليوم الي بعده..يوم الجمعه...
الساعه 1:00 الظهر...
فتحت باب غرفة منار..وهاله عندها نايمه...
بصوت عالي:بنااات يلا قوموا...
مااحد رد علي...شكلهم غاطسين..ماادري امس متى ناموا..
سكرت الباب ورحت الصاله...
اول مادخلت عمتي وابوي سكتوا..
ناظرتهم وابتسمت:صباح الخير..
لفيت على ريما الي كانت منسدحه على الكنبه وباين انها تعبانه:كيفك ريما؟
ريما تهز راسها بانها طيبه...
جلست جنبها بالكنبه وناظرت ابوي:يبه وش فيها ريما؟
ابوي:مافيها الا العافيه..
:شكلها تعبانه..
عطاني نظرة وكأنه يقولي خلاص اسكتي...
سكت بعدها ومانطقت باي كلمه...
انسحبت من الصاله بهدؤ..وطلعت فوق عند البنات..
دخلت الغرفة..ومنار جالسه على السرير وهاله بالحمام...
:صباح الخير..
منار:صباح النور..
:كيف مساعد؟
منار:طيب..
:بيجي اليوم بعد؟
منار:بيجي يسلم علي قبل لايروح الشرقيه..
منار وهي تنزل من سريرها وتروح الحمام تطق على هاله:سااعه..يلا هاله اطلعي..
هاله وهي تفتح الباب:خلصت..ماتخلون الواحد ياخذ راحته..
منار:قلت لك روحي حمام نورة..
دخلت منار وطلعت هاله...
:متى نمتوا امس؟
هاله وهي تنسدح بالسرير:بعد الفجر..
:بس يكفي نوم..
هاله:ماراح انام بس انسدح..
:شخبار بدر؟
هاله:طيب..
بصوت واطي:ماقد حكى عن فيصل ومنار؟
هاله:ولا قد جاب طاريهم..
:كويس..
><><><><><><
فهد وهو يفتح باب جناحهم بقوة وبصوت عالي:سارة..سارة..
سارة كانت منسدحه بالسرير,رفعت نفسها شوي:خير فهد وش فيك؟
فهد وهو يفصخ شماغه ويرميه على السرير:عندي عزيمة غدا الحين..باخذ لي شاور وببدل وبطلع بسرعه..
سارة تناظره:طيب..تبي شي اسويه؟
فهد بعصبيه:وش رايك يعني...تعالي تعالي..
يمشي فهد وسارة وراه..راح لغرفة الملابس وفتح الدولاب وطلع لها ثوب:خلي الشغاله تكويه..
سارة:مكوي الثوب..
فهد:انا ابخص..والغترة بعد..اجلسي عندها وهي تكوي..
مد لها فهد ودخل الحمام على طول..
سارة:فهد ليش ما قلت لي انك ماراح تتغدى هنا..عشان اروح بيت اهلي..
ماانتظرت رده لانها عارفه انه مايحكي اذا دخل الحمام... راحت عطت الخدامه الثوب والغترة...
بعد فترة قصيرة..طلع فهد من الحمام..
وبصوت عالي:وينهم ياسارة؟
سارةالحين بتجيبهم..
فهد بعصبيه:مو قلت لك اجلسي عندها..
سارة:تعبانه..
فهد:بسرعه روحي جيبهم..2 لازم اكون هناك...
طلعت سارة بخطوات سريعه من الغرفه وهي تتأفف...
دقايق..وفهد كان لابس ومخلص...
سارة:مين عازمك؟
فهد:بعدين سارة اذا رجعت اقولك..
سارة راحت وجلست ومانطقت ولا بكلمه...اما هو طلع بسرعه عشان يلحق على الموعد...
سارة تضايقت من تصرفه..بس مالها الا انها تمشي الموضوع...هاذي الحياة..
على الساعه 4:30 تقريباً....
ينفتح باب الجناح بهدؤ..
المكان هادي..
استغرب فهد...سارة ماقالت له انها بتطلع...
فتح باب الغرفه وكانت ظلمه وسارة نايمه...
فهد بصوت عالي:سارة..سارة..
سارة وهي تفتح عينها:مانمت..
فهد:والله انك صايرة كسلانه...اربع وعشرين ساعه منسدحه...
سارة:تعبانه..
فهد:بسم الله عليك..,امشي ننزل عند اهلي...
سارة:كيف العزيمه؟
فهد وعلى وجهه ابتسامه:حلووة...
سارة:داخل البيت معصب...ورحت وجيت وانقلب المود..الضحكه من هنا لهنا..,الا ماقلت لي مين عازمك؟
فهد:فارس ولد خالتي وفيه كم رجال ومع حريمهم...
سارة:وليش ماقلت لي اجي معاك؟
فهد:شغل..شغل..
سارة:ياسلام..
فهد:بعدين تراهم اجانب مو سعودين..
سارة:اتعرف عليهم..كل الناس كذا تسوي..
فهد:مو انتي تعبانه؟؟
سارة:خلاص قفل على الموضوع.,انا بروح بيت اهلي..
فهد:اصبري بعد المغرب روحي...اهلي تحت مجتمعين..انا احب جمعة العصر اكون جالس مع اهلي..
سارة:وانا بعد احب اجلس مع اهلي..وبعدين لي ثلاث ايام ما شفتهم..
فهد:ساعتين بس وروحي..وش تفرق؟
سارة:تفرق...انا عندي تفرق..
فهد بعصبيه:تحبين تعاندين..روحي وسوي الي براسك..
نزل فهد عند اهله...اما هي بدلت ملابسها وجت عندنا في البيت...
اجتمعنا كلنا...وكلامنا كان عن زواج منار...هذا الموضوع الي نحكي فيه هالايام...
الكل لاحظ..سكوت عمتي الغريب بالنسبه لنا..
ماعلقنا على الموضوع كثير ومااحد مننا سألها عن شي...
بعد العشاء طلعنا انا ومشاعل ومنار...
><><><><><
صفحات كثيرة عديتها...محتارة وين اوقف...خلوني احكي شوي..وبعدها يوم زواج منار...
يوم ورا يوم...وموعد زواج منار يقرب..
عمتي وابوي مخبين شي...تصرفاتهم واضحه...
ريما تعبانه وحالتها سيئه...مراجعتها لدكتور كثيرة...
عمتي تقول عندها فقردم..ان شاءالله انه فقر دم مو شي ثاني...
اليـــوم الخميس...
يوم ماراح ينسونه منار ومساعد...وفيصل بعد...هاليوم بيكون غير عنده...ماابي ادخل فيصل بكل شي...بس انا احس فيصل جزء من حياة منار....ماراح تنساه...
هالليله ماقدرت انام..كل تفكيري بمنار..بفقدها...بفقد اقرب انسانه لي بالبيت...غير انها بتتزوج! بتسكن بالشرقيه..
انا لما افكر بهالشي..احس بضيقه...
ناظرت الساعه وكانت 10:00...
طلعت من غرفتي ورحت غرفة منار...
فتحت الباب بهدؤ..
منار على السرير جالسه...ثانيه ركبتها...ومسنده راسها عليهم..
ناظرتها وانا مستغربه:تصيحين؟
منار وهي ترفع راسها:خايفه يانورة..خايفه...
جلست بطرف السرير:ماادري وش اقولك..بس لا تخافين منار...يعني طبيعي انك تصيحين...بس..
منار:انا خايفه من حياتي الجديده...نورة حياتي كلها بتتغير..
:مشاعل وسارة تزوجوا الحمدالله مبسوطين...
منار وهي تصيح:مساعد مرة طيب...واخاف مااسعده..هو يبي يتزوج ويرتاح بحياته..وانا احس اني بتعبه...انا ماني قادره انسى الماضي...
منار مشوشه...ومواضيع كثيرة دخلتها في بعض..كل الي في قلبها طلعته...طول الفترة الي فاتت كنت احسها كاتمه الي بداخلها والحين انفجرت....
منار:نورة ساعديني...الله يخليك...
ناظرت منار وماكنت فاهمه عن ايش تحكي...
منار:تعرفين مساعد مانام ابد...كل شوي يكلمني...
ابتسمت:اجل كلكم خايفين..
منار:يكلمني..عشان يهديني...انفجرت صياح وانا اكلمه...قعد يقول لي ادعيه..وقام يحكي علي يانورة...كلامه حلو..وارتاح لما اسمعه...انا احسد نفسي على مساعد...احسه يحتويني بكلامه...اضيع..لما يتكلم...
:منار كل هذا وتخافين..انتي لو ماارتحتي له كان مااستمريتي...حافظي عليه يامنار...ولا تضيعينه من يدك..عشان ايام طيش عشتيها وماانتي قادرة تنسينها....
ماردت علي وراحت بدنيا ثانيه...
:منار يادبه بشتاقلك...
ضميتها..كنت اصيح..خلاص منار بتطلع من بيتنا..مثل ماطلعوا قبلها مشاعل وسارة....
سارة وهي تفتح الباب:لازم يعني تسون مناحه...
:بعد اختي بتتزوج ما تبيني اصيح؟ولا بعد مو اي اخت..
منار تناظرني وتضحك...
سارة:اهم شي منار نمتي؟
منار:ماغفت عيني..
سارة:حبيبتي...ذقتي ماذقنا..يلا عقبال نوير..
ناظرتها:لا الله يخليك..انا كذا مبسوطه..
رن جوال منار..وقطع كلامنا...
منار:هلا..
مساعد من الطرف الثاني:هلا..كيفك؟
منار:كويسه..
مساعد وهو يضحك:كم مرة سالتك كيفك؟
منار:كل ماكلمتني سالت..
مساعد وهو يضحك:تعودت..,انا الحين رايح الحلاق بتظبط لك شوي...
منار وهي تضحك:تتظبط لي انا!والا للمعزايم؟
مساعد:الصراحه لك انتي..ماهموني هم...
منار:اشوا..
مساعد:وبعد ماأطلع من الحلاق..بروح اخذ بنتي..بلعبها وبتغدى معها..تعرفين بنشغل عنها الشهر الجاي..
منار:بوسها لي..
مساعد:ان شاء الله... يلا انا وصلت..انتبهي لنفسك..
منار:ان شاء الله..
بعد ما قفلت منار...
انا وسارة نحكي..وقطعت كلامنا منار..
منار:ماابي اغار من بنته..
ناظرنها انا وسارة وانفجرنا ضحك...
:من جدك تغارين؟
منار:غصباً عني..مااغار..بس احس انها شي ثاني بالنسبه له...ماادري كيف افهمكم...
:ماراح تجي الزواج؟
سارة وهي تضحك:من جدك انتي!!
منار:لا طبعاً...بيبي..,الظهر..بيروح يتغدى معها ويلعبها...
:مو صغيرة؟؟
منار:بس تعرف..
سارة:مشاء الله عليه..فاضي...
:بنته..بعدين اقل شي يسويه خاصه انها مو عايشه معاه..لازم يعوضها..
سارة:نوير مالي خلق اتناقش بمواضيع مالها داعي....
جتنا مشاعل بعد فترة قصيرة...
مشاعل:صباح الخير..,كيفك منار ان شاء الله نمتي؟
منار:لا..,بسألكم عن شي؟
مشاعل:اسألي..
منار تناظرنا وتبتسم:امممممممم..
سارة:نوير روحي شوفي عمتي قامت والا لا؟
ناظرتهم:حركات مكشوفه...هاذي تسوينها مع ريما...
مشاعل:اجلسي ما عليك..
تقريباً نصف ساعه واحنا نحكي..او هم يحكون...انا طرف صامت..
مر الوقت بسرعه...
رحنا كلنا للفندق..
ترتيبات تجهيزات...منار مرتبكه...وانا بعد احس اني متربكه معها...
هاذي تسوي شعرها..وهاذي تحط ميك آب...
جالسه على الكنبه..خلصت شعري ومكياجي...
سرحانه..كنت بعالم ثاني...عبرت بحار وقارات...ورحت عند سلطان..
وش قاعد يسوي الحين؟
كل مااتخيل ان ميسون هناك..وقريبه منه ماادري وش يجيني..وأكيد في غير ميسون...
ماادري وش جابها على بالي هالبنت...حطتني بموقف بايخ مع سلطان...
اتذكر حركاتي مع سلطان احس اني طفله....
أبي اشوفه الحين اكثر من اي وقت ثاني..
قطع افكاري صوت هاله العالي.:نورة شكلي شين...
ناظرتها..وكان شكلها روعه..:هاله من جدك مرررة حلو شكلك..
هاله:ماعجبني...
:والله يجنن..مرة كيوت..
هاله:وين الكريم بمسح مكياجي..
:من جدك انتي...هاله والله العظيم اني مااجامل شكلك حلو...
هاله:احلفي..
:والله..
هاله وهي تاخذ العبايه:بروح اسأل امي..
طلعت هاله ودخلت مشاعل ومعها ريما..
ريما:نورة حلو شكلي؟
:يجنن..شعرك مرة حلو..
مشاعل:خليها تجلس عندك..لا تخلينها بلحالها..
:طيب..
جلست ريما وطلعت مشاعل...
ريما:كلمني سلطان اليوم...
ناظرتها على طول..كأنها عارفه اني افكر فيه..
:وش يبي؟
ريما:يقولي انتي بتجين عندي..
:بس؟
ريما:وقال..اممممم... بس..
ناظرتها:صدق ماعندك سالفه...,انا بروح هنا عند منار...
ريما:مشاعل قالت لا تخليني وحدي..
:هنا الغرفه..باب بينا بخليه مفتوح...
دخلت على منار..
منار:مالبستي؟
:احس تونا..
منار:الحين 8:30..
: 9:30 بنزل..مايجون الناس بدري..
سارة وهي تدخل علينا وباين انها معصبه:نورة مابعد لبستي؟؟؟
:الحين بلبس..
سارة:يابردك يانورة..قومي..
:سارة مرة حلو شكلك..
سارة:باين اني حامل؟
منار:باين شوي...
:هذا الي محليك..صغنونه وحامل..
سارة:وين رجلي يشوفني..
قعدت اضحك على سارة...كلامها كانها عجوز..
هاله:هابنااات وش رايكم؟
سارة:هلا هلا بمرت ولدنا..
هاله وهي تضحك:حلو شكلي؟
كلنا:يجنن..
هاله:يلا نوير البسي...
كل من شافني قالي البسي...احس الوقت بدري..رحت ولبست وسويت الي يبونه...
><
> <
> <
> <
> <
> < 
><
الساعه 11:00 الصاله امتلئت بالحضور...
البنات يرقصون على صوت المطربه...
كنت احاول اني ارقص..كل ماافضى..
انا واعده منار من يوم كنا صغار..اني بزواجها ماراح اقعد..ياسرع الايام ماتمر...
كنا نتمنى هاليوم يجي..وهاليوم جا...ونفذت وعدي لها...
كنت كل شوي اروح لمنار..مو انا بس البنات كلهم...
منار مرتبكه..ماكنت تحكي كثير..تبتسم لو احد قالها اي شي...فكرها مشوش...
ليلة العمر...
اشرت لي منار بيدها..قربت منها..بصوت واطي:نورة احس اني بنفجر صياح..لا تدخلين احد من صديقاتي..
ناظرتها بخوف:طيب..
انا وهاله عندها الحين..
حطيت يدي على كتفها:منار هدي نفسك...
منار وهي تطق باصباعها:خايفه..خايفه...
:منوري..
منار:خايفه ادخل على الناس..
:انا بمشي وراك..وبظبط فستانك...مثل مااتفقنا..
منار ضمتني وبدت تصيح:نورة والله اني أحبك..
خنقتني العبرة انا الثانيه:منار..والله بشتاقلك..
هاله:بنات بس...منار بيخرب مكياجك..
منار وهي تمسح دموعها:ياليت....أمي..في...
انا زدت صياح...في لحظات بحياتنا..نبي الي نحبهم معنا...فما بالكم اعز انسانه ماتكون في...
منار كانت ترتجف وهي تصيح:نورة..خلاص..يكفي صياح..
هاله:من جد ماادري وش اقول...
دخلوا بوقتها سارة ومشاعل...
مشاعل:منور مجنووونه..وش ذا الصياح..
هاله:تعالوا وعقلوا خواتكم..انا مااقدر صراحه..
مشاعل وهي تاخذ المنديل وتمسح وجه منار بهدؤ:منار كلنا سوينا كذا...بس هاذي الدنيا...كلنا صحنا نتمني ان امي تكون معنا...بس مانفع صياحنا...خلاص حبيبتي..هدي نفسك...
غصب عننا نسوي كذا...دخلنا بدوامه من الصياح...
كنا دايما نحاول نتجنب هالموقف...
الساعه 12:30...موعد الزفه...
تسكرت الانوار...
هدا الوضع تماماً...الكل يدور له مكان مناسب عشان يشوف العروسه زين....والمعرس بعد...
صديقات منار وبنات من اقاربنا.. جلسوا على اطراف الممرات...استعداد لا ستقبال منار..
من خلف الصاله وعند الباب..منار ماسكه يدي ويد سارة:خايفه يابنات..ادخلوا معاي..
سارة وهي تترك يد منار:انا بدخل الحين..بصير معاك خطوة بخطوة..من بعيد..
:منوري..صارت وحده الا ربع...مايصير خلاص..
منار وهي حاطه يدها على صدرها وتسمي..
فكيت يدي منها...
انفتح الباب بهدؤ...
توجهت الانظار كلها على الباب..
منار بينها وبين نفسها:بسم الله..بسم الله...
خطوة بطئيه...التفت على يمينها...عماتي واقفين..
اشروا لها..
ابتسمت...
خوات بطئيه تمشيها..وانا كنت وراها مثل ماوعدتها..
سارة كانت جالسه على كنبه بالممر...
تأشر لها بيدها بانها تبتسم..تستجيب منار لسارة..وتبتسم ابتسامه عريضه...
منار تناظر قدامها وبس...
قلبها يدق بسرعه..وكل خطوة تمشيها كانت تاخذ نفس طويل بعدها وكانها مشت مسافه طويله...
تعليقات صديقاتها..عشان يضحكونها..
منيرة:تزوجتي قبلنا يامنار ياخاينه..
مها:الله يحفظك..قمر.. قمر..
ووحده ثانيه:منار عطينا وجه...وش ذا الثقل؟؟
منار تلف عليهم وتضحك..
وأخيراً وصلت لكوشتها...
جلست بكل هدؤ..مشاعل تصلح فستانها...
منار الابتسامه ما فارقتها لكن احسها ماهي فرحانه من داخلها...
تناظر الي حولها..وكأنها مو مصدقه ان هذا زواجها..
عينها تتنقل بينا..
الف الصلاة والسلام عليك ياحبيب الله محمد...
البنات بأعلى صوتهم..ويعيدونها كم مرة..
بدت المطربه تغني...
اجتمعنا كلنا بالمنصه وبدينا نرقص..
اجتمعنا كلنا...واخذنا كم صورة...
حنا ومنار..
منار وصديقاتها...
اهل مساعد بعد...
مرت ساعه ومنار جالسه...
الرجال بيدخلون..
الرجال بيدخلون..
دقايق وبعض الحريم معهم طرحهم...وبعضهم يروح يجلس ورا...
وبعضهم لا طرحه ولا هم يحزنون..المعرس مو فاضي يناظرنا...قباله زوجته..هاذي حجتهم...
يدخلون الرجال بخطوات سريعه كالعادة...
ابوي على يمين مساعد...وثنين من اخوان مساعد الصغار...
ضمت منار ابوي...
ابوي:مبروك يابنيتي..
منار:الله يبارك فيك...
مساعد وهو يمسك يد منار ويبوس راسها:مبروك لنا...
منار:الله يبارك فيك..
صوروا مع بعض...
ابوي طلع..اما مساعد جلس...
تعليقات من مساعد...ومنار تضحك..
مساعد:تجلسين والا بتطلعين معاي؟
منار:لا بطلع..
مساعد مسك يدها ووقف هو وياها..
سلم مساعد على اهله..وطلع هو ومنار...

_________________________________________
الجزء الثالث عشر...
الفصل الثاني...



فهد بسيارته توه طالع من الزواج..وبيروح عند ربعه..
رن جوال فهد بوقتها وكان بدر..
فهد:توني بتصل عليك..
بدر:تأخرت يااخي..
فهد:وين مجتمعين؟
بدر:بيت فيصل..
فهد:يلا شوي وانا عندكم..
قفل فهد منه..ودقايق ووصل عندهم...
فهد بصوت عالي:السلام عليكم..
ردو عليه الشباب...وكل واحد سلم عليه بطريقته الخاصه...
فيصل:تأخرت يارجال..
فهد:كنت بزواج...
بدر يقاطعه:اييه انا قلت اكيد عنده شي...
فيصل يناظر بدر وعلى وجهه علامات استفهام...
فهد يوجه كلامه لفيصل:تلعب بلوت؟
فيصل:لا..مالي مزاج..
فهد:ثامر..صالح ؟
بدر:يلا يلا وزع..
فيصل ماقدر يحكي..قلبه حس ان في شي...
كتم فيصل...وماقدر يركز مع الي جالسين عنده..
سوالف ولعب ونكت...وفيصل ولا هو معهم...
مرت فترة طويله...تعشوا فيها..ورجعوا للعبهم...وفيصل يحاول انه يسأل بدر..بس كان يتهرب منه...
بدر وهو يناظر ساعته...2:30...
وقف..واخذ شماغه..وبصوت عالي:يلا شباب...فمان الله...
طلع بدر بسرعه وكان خايف ان فيصل يجي وراه...
الي خايف منه بدر..صار..
فيصل:بدر..بدر..وقف..
بدر وهو يلف عليه:هلا..
فيصل:وش فيه؟
بدر:مافي شي!!
فيصل:انت كنت معزوم زواج اليوم..رحت شوي وماطولت..فهد بعد معزوم زواج..وشكل الزواج ناس قراب منه..لانه طول..ويوم جا بيقول قاطعته..
بدر:فيصل تعرف الي يدور الشر لنفسه هذا انت..وش عليك زواج مين!!
فيصل وهو يناظر بدر نظرات خوف:زواجها؟؟
بدر سكت ومارد..
فيصل:بدر..تزوجت؟
بدر:ايه..
حس فيصل وكأن الدنيا تدور فيه...فقد توزانه..قلبه يدق بسرعه..:اعرف...كنت حاس...
بدر:فيصل لا تسوي سواة...
فيصل يقاطعه:بدر اسكت..ماابي اسمع ولا كلمه..
بدر وهو يحط يده على كتف فيصل:وش فيك؟
بقوة يبعد يد بدر عنه ويدفه:بعد عني..تقدر تروح..
بدر:فيصل..الشباب جوا..يعني روق شوي..
فيصل بعصبيه:انا ماابي اشوف احد..ماابي اشوف احد..ادخل وصرفهم...
بدر وهو مرتبك:طيب..طيب..الي تبيه بيصير..بس يرحم والديك..سواة هاذيك المرة..
فيصل يقاطعه:بزر عندك..تقولي هالحكي..,اسمع انا بدخل البيت...وانت خلاص روح..فراس عندهم...
مشى فيصل بخطوات ثقيله باتجاه البيت..وترك بدر يتصرف...
عقله توقف عن التفكير...ماانصدم مثل صدمته لما انخطبت..
حس بالضيقه..ووحده..منار كانت عنده شي ثاني...
حبهم لبعض متساوي..مااقدر اقول منار تحبه اكثر والا فيصل يحبها اكثر..
فيصل ماهو اول ولا آخر واحد..بيخسر الي يحبها...
><><><><><
الساعه 4:30 الفجر...
بدوا الناس يروحون...وتقريباً كل الي موجودين الحين اقاربنا...وصديقات منار...
بخطوات سريعه كنت امشي متجه للكنبه الي جالسين فيها البنات..
بصوت عالي:قربوا لي..قربوا لي..
بعدو شوي وخلوا لي مكان اجلس فيه..رميت نفسي من كثر التعب:انا خلاص استويت...
هاله:افصخي كعبك..
انحنيت شوي عشان افصخ الكعب:آآه يارجلي...عذاب هذا..
رن جوالي بوقتها وكانت منار..رديت بسرعه:هلا هلا..
منار:نورة وينك؟يلا انا بطلع الغرفه الحين..تعالي بسرعه..
:ثواني وانا جايه..
هاله:وين بتروحين؟
:بروح عند منار الحين بتطلع غرفتها..
مسكت كعبي بيدي ورفعت فستاني شوي..وصرت امشي بخطوات سريعه اقرب لركض..رحت اخذت عبايتي وبعدها رحت لهم..
خواتي وعمتي عند منار..
قربت من عند منار..وبصوت واطي مااحد يسمعه غيرها: تذكرين مرة قلتي...انا كل شي عندي يهون الا اول ليله...بنام مع رجال غريب..
منار وهي تضحك وبضحكتها فيها خوف:نورة لا تخوفيني...
مساعد:وش قاعده تقولك؟
منار تناظر مساعد وتضحك: أحسن لك ما تعرف..
مساعد:نورة..لاتخوفين زوجتي...
:لا لا تخاف عليها..منار تخوف بلد..
منار عطتني نظرة..اما مساعد ضحك على كلامي..
عمتي بعد عطتني نظرة...
سلمنا على منار...سارة ومشاعل ذكروها بالنصايح الي عطوها...
:مساعد..حط منار بعيونك..ولا تزعلها..تراها عندي غير..
مساعد:بحطها بعيني وبقفل عليها...
عمتي للحين تناظرني..وتبيني اسكت...
:وابيك بعد كل اسبوع تجيبها الرياض...
عمتي:ورا ماتكتبين طلباتك بورقه وتعطينها مساعد..
ضحك مساعد وحسيته يقول بنفسه..ايه والله...
مساعد مسك يد منار...شفت الخوف بعيونها..دمعت عيني..عطيتهم ظهري..مشيت بسرعه وطلعت من المكان الي كنت فيه ورجعت للقاعه...
ماراح اطول عليكم بتفاصيل ماهي مهمه...
يوم الجمعه بعد صلاة الجمعه رجعنا لبيتنا...
هدؤ بالصاله..
كل وحده منا منسدحه بكنبه..كنا تعبانين..وكل حده يالله تفتح عينها..
عمتي وهي تدخل الصاله وبصوت عالي:لا تتسدحون..جبتوا لنا الخمول..قوموا...
قمت من الكنبه بسرعه:انا بروح انام بغرفتي واذا جت منار قوموني..
على الساعه 5:00 العصر تقريباً..
انا للحين نايمه وماني حاسه بالي حولي...
انفتح باب غرفتي بقوة وبصوت عالي:يادبه يانوير..نايمه..
فتحت عيني بسرعه ورفعت نفسي وجهت نظري للي عند الباب وكانت منار...شكلها يجنن..حسيتها وحده متزوجه..
بصوت عالي:ياحمااااارة يامنور شكلك يجنن...
ابتسمت منار لي..
:والله شكلك غير..احسك الحين جد وحده متزوجه...وش قال فيك مساعد؟
ناظرتني منار وضحكت:وش بيقول يعني؟؟
:ماقال شكلك حلو؟
منار:قال..وكل الرجال في بداية الزواج يقولون..يعني مو كل شي يقوله الرجال يتصدق..
اخذت المخده ورميتها عليها:يعععع منار...وش ذا الحكي..تراك توك متزوجه..,المهم كيف اهل رجلك؟
منار:يسلمون عليك..
:لا اقصد كيف كانوا؟
منار:ماتعرفينهم يعني!!تعالي بس نرتب الاشياء الباقيه..
:ثواني بس اروح الحمام واجيك..
راحت منار غرفتها..وبعد ما خلصت رحت لها..
:الا متى مسافرة؟
منار:الفجر..
:شين..
منار:يعني..
جلسنا نرتب شوي..نحط هذا ونشيل هذا..ومنار ساكته ومانطقت ولا بكلمه وانا احكي لها عن الزواج..
منار فجأة:نورة..
ناظرتها:هلا..
منار:احس عمتي ماهي فرحانه لي..يعني عكس زواج مشاعل وسارة...تحسينها بتطير من الفرحه...
قاطعتها:لا يامنار وش ذا الحكي..
منار:انا اعرف ان عمتي ماتحبني كثركم وخاصه انتي...بس على الاقل تبين انها مبسوطه قدامي..يعني ماله داعي تضيق صدري...
وتقولون انها مثل امنا...مافي احد مثل الام..
ضايقني كلام منار مرة...وماعرفت وش ارد عليها..
:الا مساعد وينه؟
منار:تحت..
رن جوالها..
منار:هذا مساعد..,هلا
مساعد:انا طلعت..بروح عند لولو..وبعدها بروح اسلم على اهلي...متى تبيني اجي؟
منار:متى ماخلصت تعال..
قفلت منار من مساعد...
مر الوقت بسرعه..ومنار متضايقه من عمتي مرة...صار بينهم حكي بس بشكل مو مباشر..
اتصل مساعد على منار عشان تطلع..
سلمت منار عليهم كلهم...يوم جا دوري..
:لا أنا بوصلك المطار مع ابوي..
منار:ايه اشوا...
طلعت منار من بيتنا..وراحت مع زوجها...
مشاعل اكثر وحده صاحت..
انا مخبيه دموعي اذا وصلتها المطار...
><><><><
بالسيارة انا وابوي...وصلنا منار ومساعد وراجعين للبيت..
ساكته ومانطقت باي كلمه...
ابوي بادلني السكوت....بعد فترة قصيرة..
ابوي:نورة..يابنيتي ودي احكي معاك..
ناظرته بخوف:خير يبه وش فيه؟
ابوي كان خايف ومتردد واضح هالشي من طريقته بالكلام:الاحد ان شاء الله بنروح لامريكا..انا وعمتك وريما..
قلبي دقاته صارت اسرع..احس بحرارة بجسمي..حسيت بخوف...
الموقف هذا معيود..نفس النبرة..نفس الكلام..ابوي قاله لنا لما امي تعبت..
يابناتي بسافر انا وامكم لامريكا...
دخلنا بنوبة صياح..كنا نعرف ان امي تعبانه وبتسافر عشان تعالج...
حسيت بغصه...وكأن الايام تنعاد...الايام الي راحت رجعت لي..
دمعت عيني وانا لسا ماعرفت السبب..عقلي الباطني يسترجع الاسبوعين الي فاتوا..تغير مزاج عمتي..تعب ريما..مواعيدها لدكتور..
:يبه..ريما وش فيها؟؟؟وش فيها ريما؟؟
انفجرت صياح..صرت ارتجف...انتظر الجواب من ابوي...
ابوي فقد تركيزه... بحركه سريعه وقف السيارة على جنب الشارع..
ابوي بعد مااخذ نفس:تعبانه اختك يانورة..
عجز لساني عن الكلام...ماقدرت اتكلم..ناظرته وعيوني كانت تتكلم..
ابوي:تعب بسيط ان شاء الله ويخف..
مسك ابوي يدي..الي كانت ترتجف..كان يسمي علي..
بصعوبه:وش..في..ها..؟
ابوي:مشكله بالدم..العلاج هنا زين..بس نبدا بامريكا ونرجع ان شاء الله نكمل هنا..
ماادري وش الي يدور في راسي..كنت عاجزة عن التفكير..اتلقى الصدمات من ابوي..
ابوي:انتي بتجلسين هنا اسبوع..او اكثر..وبعدها بتلحقينا..
كمل ابوي طريقه...اما انا كنت بحالة هستيريا..ماوقفت عن الصياح..
وصلنا البيت...نزلت بسرعه..كنت اركض..ابي اشوف ريما..
دخلت الصاله وعمتي جالسه تنتظرنا...
رميت نفسي بحضنها..وبديت اصيح..
عمتي:بسم الله عليك يابنيتي..اختك ان شاء الله..بتجينا كل فترة وفترة..
هزيت راسي:لا..لا..
دخل ابوي بوقتها..عمتي تناظره وهي مستغربه..
ابوي:قلت لها..
عمتي بدت تصيح...:بسم الله عليك..
:ليش ماقلتوا لنا..ليش..ريما اختي تعبانه واحنا اخر من يعلم..انا بموت ياعمتي لو ريما صار لها شي..امي راحت وريما بعد..
عمتي وهي تصيح:لا اله الا الله...يابنيتي الي باختك ان شاء الله يروح..
:كذاااابين...كل الدكاترة كذابين..قالوا امي بتطيب ومافيها شي..وراحت...
عمتي:استغفري يانورة...
بعدت عنها:انا بروح عندها..
طلعت من الصاله بخطوات سريعه...رقيت فوق..
فتحت باب غرفتها بهدؤ..وكانت نايمه...
انسدحت جنبها بالسرير...حطيت يدي على شعرها ومسحت على راسها..
ذكرياتي ترجع لي...
ضحكها...دلعها..زعلها...
صوتها يرن في اذني...ماكان فيها شي..والله ماكان فيها شي..
قربت منها اكثر وضميتها..يارب..يارب انك تشفيها...
ماذاقت عيوني النوم...ماتحركت من مكاني..
اذن الفجر..صليت..ورجعت انسدحت جنبها..
مر الوقت ببطئ...
الساعه 10:00 الصباح...
ريما توها قايمه..تناظرني وهي مستغربه..
ريما:نورة يادبه..ليش نايمه عندي؟؟
ابتسمت وقربت منها بستها من خدها ومن راسها:اشتقت لك...
ريما:ماراح اروح المدرسه؟
:لا..
نزلنا انا وياها افطرنا...وبعد فترة ماهي طويله نادتني عمتي نرتب الشنط...
من الكلام الي قلناه..
:عمتي..
ناظرتني:سمي..
:انا وين بروح؟
عمتي:عند هاله...اسبوع الى ماتطلع الفيزا وتجينا..
:كم بنقعد؟
عمتي:والله يابنيتي ماادري..
:وين بنقعد؟
عمتي:عند سلطان..
فز قلبي لما سمعت اسمه..معقوله القدر بيجمعنا مرة ثانيه وبسكن معاه بعد...
:وش بتقولون لمنار؟
عمتي:اذا رجعت نقولها...
:وخواتي؟
عمتي:اليوم نقول لهم..
جلسنا نحكي انا وعمتي..واحس اني بحلم..انتظر بس متى اصحى منه...
><><><><>< 

منار ومساعد توهم واصلين الاوتيل...بعد عناء يوم طويل...
مساعد:اوكي..اوكي..ثانكيو...باي..
منار جالسه على الكنبه وعلامات التعب على وجهها:وش يقول؟
مساعد:يقول بكرة ان شاء الله تجي تاخذها..
منار بضيق:ليش يعني شنطتي من بد كل الشناط..
مساعد:الحمدالله معاك شنطة ثانيه..
منار:بس هاذيك فيها كل ملابسي..
مساعد:ياليتهم ضيعوا شنطتي...
منار وهي تضحك:ايه من جد..
مساعد:لا والله..
منار:اجل انت تلبس وانا لا..
مساعد:ولا تزعلين باعتبر شنطتي ضايعه..
منار ابتسمت..
مساعد:وجهك تعبان..يلا حبيبتي نامي وارتاحي..واذا قمنا ربك يحلها..
منار:ابي بجامه..
مساعد وهو يضحك:بتضيعين جوا البجامه..
فتح مساعد شنطته وطلع لمنار وحده من بجايمه:تفضلي..الشورت تقدرين تضوقينه الى اخر شي..
منار عقدت حواجبه وهي تتخيل كيف بيصير شكلها:شكراً..
دخل مساعد الحمام..وبدلت منار ملابسها ولبست البجامه وشلكها كان تحفه...
><><><><><
اليوم كان طويل...متعب..حزن..كآبه..سارة ومشاعل عرفوا بمرض ريما..
بيتنا انقلب من فرح لحزن..حالتنا كانت سيئه..صدمه قويه لنا كلنا..وريما المسكينه ماتدري وش الي فيها..
يعني ماادري ليش مااكتشفوا الي فيها من زمان...وخاصه انه اعراضه كانت واضحه...
ريما مريضه باللوكيميا...مااحب اتكلم بهالشي...لو اقدر اشيل هالشي من ذاكرتي اشيله...اسوا ظروف مرت علينا...
كلنا تعبنا..مو بس ريما..كلنا نعاني معها...
كلمتنا منار وحاولت قد مااقدر امسك نفسي...كانت مبسوطه.. نوعاً ما...صاحت شوي وصحت معها...
اليوم يوم الاحد...
كلنا مجتمعين بالصاله..عمتي حصه وعبير بنتها...
كانت جلسه تضيق الصدر...رحلتهم الساعه 11:00...
الساعه 9:00 طلعوا للمطار...منصور الي وصلهم..
الوادع كان شي ثاني...احس ان عيوني نشفت..حمرة ومتنفخه من الصياح...
ظروف صعبه الي قاعدين نمر فيها...
رجعت كل وحده من خواتي لبيتها..وانا رحت بيت خالتي...

><>><<>><< 

دخلت مشاعل بيتها..وخالد جالس بالصاله..
لما شافها وقف:هلا حبيبتي..
مشاعل ضمته وبدت تصيح...خالد يمسح على راسها:بس حبيبتي..لاتبكين..
مشاعل وهي تشد بيدها:تعبانه..انا تعبانه ياخالد..
خالد بصوت مبحوح:ميشو لا تقطعين قلبي..
مسكها بهدؤ وجلسها على الكنبه:حبيبتي هذا قضاء الله..والحمدالله في لها علاج..وان شاء الله انها بتطيب وترجع مثل اول..
مشاعل:ياليتني انا ولا هي..خالد انت منت حاس بالي فيني..ريما صغيرة..حتى ماتدري وش الي فيها...تبكي معنا بس هي ماتدري وش فيها..خالد العلاج يتعب..الناس الكبار مايستحمولنه..شلون هي الضعيفه بتستحمله...انا بموت لو صار لها شي..
خالد يضمها لصدره:مالنا الا الدعاء يامشاعل..
مشاعل وهي تصيح:مبسوطه انها بتسافر وبتروح عند سلطان..ماتدري وش الي بيجيها هناك..
خالد:حبيبتي الله يخليك عشان ريما لا تبكين...
مشاعل وهي تمسح دموعها:بحاول..
><><><><><
نفسيتي الايام الي راحت كانت تعبانه..عشان ريما..احسها بنتي..أحبها حب ثاني والكل يعرف هالشي...
جالس بالصاله..كان عندي كم اتصال...بعد ماخلصت من مكالماتي..
جلست اشتغل على الاب...
رانيا توها داخله البيت:مساء الخير...
حوارنا كان بالانجليزي..
:مساء الخير,ايش جديدك؟
رانيا وهي تبتسم:ولا شي..
جلست ملاصقه مني:اشتقت لك..
ماحاولت اناظرها..
رانيا:سلطان..
:جهزتي اغراضك؟
رانيا وباين انها زعلانه:ايه..
:كويس,اليوم ارجعي للشقه..
بعصبيه:من اليوم!!
:احسن..
رانيا:سلطان..امك وعارفه..ليش بدك تخبي لهلا؟
ماكان لي خلق احكي بس مظطر اني ارد عليها:رانيا انا قلت لك امي رافضه زواجي منك..ولو اعلنته مو من صالحي...اوكي؟ممكن تروحين الحين تاخذين اغراضك وتروحين لشقتك..
رانيا بعصبيه:اوكي..
:اتصالات كثيرة ماابي..
قاطعتني:وامتى بدي شوفك؟
:ماخصلت كلامي...متى مااتصلت عليك اشوفك..انا وقتي مو لي..بصير مشغول..
رانيا وهي توقف:حياتنا صارت بتطفش...
تركت المكان وراح للغرفه...انا مو كذا اسلوبي معها ابداً..تغيرت بشكل واضح ومااقدر اتهرب من هالشي..انا ماابي اطلقها..كذا بدون سبب...احترم مشاعرها..وماابي اجرها بمجرد ان قلبي مال عنها وحب وحده غيرها....
احس ببرود تجاه رانيا..ماابي ولا اشوفها حتى...عشان مااضايقها...
><><><><><
الجو بارد..وقارس البرودة بعد...
منار ومساعد يمشون بخطوات بطئيه..
تعليقات من مساعد...
تشاركه مرات..ومرات كثيرة تبتسم و الا تكتفي بكلمة ايــه...
تشابكت اطراف اصابعه بيدها..كانت باردة وكأنها بفريزر..
مساعد:يدك باردة.!
منار حطت يدها على خدها:من كثر ماهي باردة مااحس فيها..
gloves 
مساعد:امشي نروح نشتري لك
منار:لاعادي..مايحتاج..
مساعد:لا يحتاج..حبيبتي يدك مرة باردة..
منار:طيب..
رجع ومسك يدها:بعطيك حرارة شوي عشان تدفى..
كملوا مشيهم يدورن على محل يبع هالاشياء..
مساعد:تتوقعين هذا المحل عندهم؟
منار:ندخل..مايضر..
بداخل المحل..
مساعد:عندهم الوان بعد...يلا اختاري الي تبين..
منار:احمر..

gloves
اخذ مساعد
قرب منها..مسك يدها اليمين..باسها بهدؤ..لبسها...سوى نفس الشي بيدها الثانيه..
منار تناظره ومستسلمه له:شكراً..
ابتسم:منيار!!
منار بادلته الابتسامه:لانك لبستني..
مساعد وهو يضحك:اهاا..طيب عفواً..
طلعوا من المحل وراحوا يتعشون..
منار مرتاحه بداخلها...وانسجمت مع مساعد مرة...ماحست بتصرفاته اي تصنع..هاذي شخصيته وهذا طبعه عفوي..بسيط..
><><><><><

اليوم الثلاثاء...
لابسه عبايتي انتظر منصور...بروح السفارة عشان اطلع لي الفيزا...
خالتي:خلي طارق يروح معاك يانورة..
:لا خالتي مايحتاج..
خالتي:تركبين مع ولد عمتك بلحالكم..
:خالتي منصور مثل اخوي..
هاله وهي تغمز لي: اصلا اخوكم من الرضاع..
خالتي:صدق!!
:اييه مع سارة..
خالتي:اييه اشوا..
هاله بصوت واطي:نورة خذي معاك طارق..
:مايحتاج..بروح اتقهوى معاه!!
هاله:كيفك..
بعد فترة قصيرة رن جوالي وكان منصور..طلعت على طول..
وقفت لثواني قدام السيارة محتارة وين اركب!!قدام والا ورا...موقف محرج..استحي اركب قدام..واخاف اركب ورا..يقول سواق عندها...
بهدؤ انفتح شباك السيارة..
منصور:نورة اركبي بالمكان الي يريحك..
ابتسمت:طيب..
بدون تفكير فتحت الباب الي ورا وركبت...
منصور:عسى ماتأخرت عليك؟
:لا عادي..
منصور:شخبارك؟
:يعني..
هدؤ بالسيارة...انا ساكته وبادلني منصور السكوت...
وقفنا باشارة وكانت زحمه...
..اناظر السيارات....واتخيل حياة الناس الي بداخلها...كل واحد له مشاكله وهمومه...منشغلين بأنفسنا وبس وعسانا نلحق بعد...
سيارة مليانه اطفال..فاتحين الشبابيك وهالشي قمة وناستهم..
ذكرتني بطفولتي..كانت حلوة نوعاً ما...بس مااتمنى انها ترجع ابداً...
سيارة ثانيه...بداخلها ولد عشريني والي معاه واضح انها حرمه كبيرة..
الحرمه تتكلم..والولد يسمع وموعاجبه الكلام الي تقوله...
وسيارة فيها شباب..معلين على صوت المسجل..كانت تهز السيارة من كثر ماكان الصوت عالي...والضحكه من هنا لهنا...
ماادري وش المتعه لما الصوت يصير على آخر شي...يعني تبي تسمع براحتك..اما انك تسمع خلق الله معاك!!
عدت سيارات وجت بدالها سيارات..
ملاصقه لنا سيارة فخمه...رينج روفر..
رفعت راسي شوي..اشوف الي بداخلها...رجال في نهايات العشرينات...واقدر اقول انه بالثلاثين...عليه النظارة الشمسيه..هيئته كانت حلوة...
سماعة الجوال باذنه...يتكلم شوي ويرجع يضحك...كان يضحك من قلبه...حركة يده كثيرة..
.كثير ما نقابل ناس لما يحكون يدهم ماتنزل.. مو شرط انها تصف الشي الي قاعدين يحكون فيه..يعني حركه غير اراديه...
قطع منصور حبل افكاري:وين وصلتي؟
عدلت راسي وجت عيني بعينه من مراية السيارة:حولك..
ابتسم منصور ومافهم وش قصدي..
وصلنا السفارة...نزلنا انا ومنصور..سوينا الاجراءت المطلوبه...مااخذ مننا وقت طويل مرة...
وحنا بالسيارة راجعين البيت..
:منصور..
منصور:سمي..
:تتوقع متى تطلع الفيزا؟
منصور:لا تشيلين هم..
:اخاف تجلس شهر او اكثر..
منصور:لا ماعليك ان شاء الله السبت وهي طالعه..
:صدق؟
منصور:صدق...والاحد او الاثنين تروحين ان شاء الله..
انبسطت مرة...اليوم الثاني واحس بملل وضيقه صدر..ابي اروح عند اهلي..
وصلنا البيت..فتحت باب السيارة بسرعه..وقبل مااقفله:منصووووور مرررة شكراً..
منصور:وش دعوة نورة مابينا..انا حاضر واي شي تحتاجينه قولي لي ولا تستحين..
:ماتقصر..
منصور:نشوفك ان شاء الله على خير..
:ان شاء الله...مع السلامه...
الحين بس ارتحت...ان شاء الله مايجي الاسبوع الجاي الا وانا بامريكا...
><><><<<><

الايام تمر ببطئ...انا خلاص احس اني بنفجر..
منار كل يوم تكلمني واحاول قد مااقدر اني اصير طبيعيه..
مشاعل وسارة كل يوم يجون بيت خالتي...
أخيراً السبت طلعت الفيزا..مثل ماوعدني منصور...
الاحد يوم سفري...كنت خايفه مرة اول مرة اسافر بلحالي...وياليت لشي قريب لامريكا...
طلعت هاله وقضت لي اشياء تسليني بالطيارة على قولتها...
اغراضي كلها جاهزة...
الساعه 11 الاقلاع...
هاله بتروح معاي المطار..ومنصور بيجي على هناك..
وداع لا يخلو من الدموع...
ركبت السيارة ومعاي هاله...
هاله:نورة كل يوم تتصلين فيني..واذا مااتصلتي مسجات تصير بينا...والله بفقدك..انتي ومنار بوقت واحد..
:ان شاء الله مانطول..ادعي ياهاله..
هاله:ان شاء الله..
:الحمدالله بعد عندك بدر..
هاله وهي تبتسم:اييه والا كان علوم...
طول الطريق وحنا نسولف..
منصور وصل قبلي للمطار..اتصل مرتين يسأل ويني...
وقفت السيارة عند بوابة المطار...وكان زحمه شوي...
منصور واقف اول ماشافني جا عندي..
منصور:تأخرتي نوير..9:30 الحين...يلا امشي..
منصور قدامنا وانا وهاله نمشي وراه...
راح منصور شوي وبعد فترة قصيرة رجع..:يلا نورة..
هاله:مااقدر ادخل معاك؟
:منصور هاله ماتقدر تدخل معاي؟
منصور:ايه..ادخلها..
دخلنا كلنا صالة الانتظار..
انا وهاله نسولف..ومنصور جالس جنبي..يكلم بجواله...
هاله بعد ما قفلت من جوالها:نورة لازم اروح الحين...امي قالت يخوف الطريق..
وقفت هاله ووقفت معها..
هاله وهي تضمني:نورة بشتااق لك مرة..
:وانا بعد..
هاله وهي تبعد شوي:بوسي لي ريما..وسلمي على سلطان..
ابتسمت:ان شاء الله..
هاله:خفي عليه شوي وبلا حركات الاطفال حقتك..
ابتسمت:ان شاء الله..
هاله:اول باول الاخبار..
:اوش..منصور وراي..
هاله وهي تضحك وتصيح بنفس الوقت:طيب..يلا مع السلامه..
:مع السلامه..
راحت هاله..وانا جلست مع منصور...
بعد فترة ماهي طويله...
منصور:يلا نورة تركبين الطيارة الحين..
:طيب..
منصور:لاتخافين نورة..بس بالطيارة بتجلسين بلحالك...
:هذا الي يخوف..
منصور:مين بيجي يستقبلك؟
ابتسمت:سلطان..
منصور:كويس..يلا امشي..
عند باب الطيارة..
منصور:انتبهي لنفسك واذا وصلتي كلميني..اوكي؟
:ان شاء الله..منصور شكرا..
ابتسم:يلا فمان الله..سلمي لي عليهم كلهم...وبوسي لي ريما...
:ان شاء الله...
دخلت الطيارة وكنت احس بخوف فظيع..الشيطان يوسوس لي...اوهام كثيرة جتني..
استغفر الله استغفر الله...
ركبت بمقعدي..جنب الشباك والمقعد الي جنبي فاضي..
كنت ابي احد يجلس جنبي ..عالاقل احكي معاه..وبنفس الوقت ماابي..
كل مادخل احد..اقول هذا بيجلس جنبي والا بتجلس ويمرون من المقعد ومااحد يجلس فيه..
الطيارة..فيها انواع من الناس..الي علاج والي دارسه والي شغل..
وقفوا الركاب من الدخول...
اذكر الله...وادعي...كلمت على مشاعل..وكلمت على ابوي..
مابقى على وقت الاقلاع شي..
يدخل واحد وباين انه كان يركض...طويل وعريض..كان جنتل اكثر من انه وسيم...
اشرت له المضيفه على المقعد الي جنبي..
قلبي بدا يدق بسرعه..لا لا لا مو هذا يجلس جنبي..
حط شنطته..وجلس بهدؤ..ماكان يناظر..ولا انا كنت اناظر..بعدت شوي..احسه مرة قريب مني..
لفيت وجهي من الجهة الثانيه...
بصوت واطي كان يكلم بجواله:اييه..ركبت الطيارة..الحمدالله لحقت...يلا اذا وصلت ان شاء الله اكلمك..فمان الله...
دقايق..وتسكرت الانوار...هدا الوضع..
صوت الطيار من المكرفون...
بعده دعاء السفر...وكنت ادعي معاه كلمه بكلمه...
ربطت الحزام..
تحركت الطيارة...
احس اني انخنقت..قلبي يدق بسرعه..
اما الي جنبي...باين انه مايقعد في ديرة..طلع علك..وبدا يعلك..
دمعت عيني غصباً عني...خايفه..وميته خوف بعد..
نظرات خاطفه من الي جنبي..احس فيها...
مانطق باي كلمه...
مرت ساعتين...وانا ماتحركت من مكاني..الي جنبي مانام ولا تسكرت عينه..معاه كتاب يقرا فيه..
اتفرج على التلفزيون...اوسع صدري شوي..طلعت لي شوكلت وشبس من الي جابتهم هاله..
مرت ساعتين... نمت فيها شوي...الوضع هادي...
لنا اربع ساعات...الوقت يمر بسرعه...الله يوصلني بالسلامه...
صوت رجولي وفي بحه واضحه:رايحه لامريكا دراسه؟
لفيت عليه وابتسمت:لا علاج..
عقد حواجبه:عسى ماشر؟
ماعرفت وش ارد عليه:اختي الصغيرة تعبانه..
ابتسم:مااشوف معاك احد؟
:اهلي رايحين قبلي..,انت؟
ابتسم:علاج..الوالد الله يشفيه ان شاء الله... من فترة طويله وهو يعالج في امريكا..
:الله يشفيه...
بعد فترة كنا ساكتين فيها..
بدا هو بالكلام:من زمان وانتم هناك؟
:لا اهلي لهم اسبوع رايحين...
ناظرني:اهاا..ان شاء الله ماتطول المده وترجع اختك بصحه وعافيه..
:ان شاء الله..
سكتنا بعدها ومااحد مننا تكلم..
الطيارة بدت تهز...
شهقت بصوت عالي..
شديت بيدي على المرتبه...
سمعت ضحك مين الي جالس جنبي:مطبات هوائيه..لا تخافين..
:اكرهها..تخوف..
ابتسم:شوي..
هدا الوضع ورجع مثل اول...
مر الوقت...واحس فيه دقيقه بدقيقه...
وأخيراً وصلنا...
ابي اطير واروح عند اهلي..ياليت اقدر..
وقفت ووقف هو معاي:اهلك بيجون يستقبلونك؟
:ايه بيجي سلطان..
لاشعورياً..من الفرحه قلت له كذا..
ابتسم:كويس..خليك معاي الى ماتشوفينهم..
:مشكور..
مشى قدامي ومشيت وراه..طلعنا من الطيارة...دخلنا المطار..
عيني تدور عليه بين الناس..مافي هنا الا المسافرين...ابوي قال سلطان بينتظرك عند باب الطيارة...
رجع لي الخوف وبديت اتخيل اني بضيع وخرابيط...اكره هالمواقف..
:وينه..وينك ياسلطان..؟!
للحين وهو واقف جنبي:امشي معاي الحين..واذا شفتيه..
قاطعته:لا لا ابوي قالي سلطان بيجيك...
هو:اوكي..ننتظر..
:تقدر تروح..
عقد حواجبه وبلهجه جديه:لا طبعا مااخليك..اذا لقيتي سلطان اروح..
عيني تدور على سلطان معقوله نست شكله..طيب وينه ياربي...
صوت من وراي..صوته هو..صوت سلطان:نوراا...
حسيت برجلي ترتفع..لفيت بسرعه وحطيت يدي على وجهي:سلطاااان..
هو نفسه ماتغير..ابتسامته..وقفته..قرب مني:الحمدالله على سلامتك..
:الله يسلمك..
مد يده يصافحني..ومديتها بدون اي تفكير...حسيت بحرارة لما لمست يده...حط يده الثانيه فوق يدي:وحشتيني..
انا اختفيت..احس كل دمي طلع لوجهي..نزلت عيني وماقدرت احطها بعينه...يقولي انا وحشتيني...عيدها عيدها ياسلطان..
سلطان وللحين ماسك بيدي:ان شاء الله ماتعبتي؟
هزيت رقبتي بالنفي:لا..لا..
نسيت الي كان معاي...لفيت بسرعه بس مالقيته...يلا كيفه..كان نفسي اتشكر له بس..سلطان عندي الباقي بكيفهم..
سحبت يدي منه بهدؤ...
سلطان:يلا نورا..
مشينا جنب بعض..كان كل شوي يلتفت علي وكأنه يتأكد اني معاه او لا..
اخذنا الشناط...وطلعنا من المطار على طول...
ركبنا السيارة..هو يسوق..وانا جنبه..هالمرة مافكرت فتحت الباب الي قدام على طول...سلطان غير غير...لاتلومني انا بوقتها كنت بطير من الفرحه...
:كيف ريما؟
سلطان:الحمدالله...
:مبسوطه انها بتجيك..
سلطان:ياليتها جتني بظروف غير كذا..
تنهدت تنهيدة طويله..وسرحت بعدها..افكر بريما..
سلطان:نورا..ايش فيك؟
ناظرته:مافيني..
سلطان:وجهك تعبان..
:الي جاني شوي..
سلطان:ان شاء الله ربي بيشفيها...
سكتنا شوي..
سلطان:كنت مخطط اجي السعوديه بعد شهرين..
ناظرته:بكاش..
سلطان وعلى وجهه ابتسامه:ايش يعني بكاش؟
:يعني..امممم كذاب..
عقد حواجبه:انا كذاب..طيب يانورا..
:لانك لما رجعت كان واضح انه ماعندك نية رجعه..
سلطان:على كيفك!!
ابتسمت:هذا الي واضح..
سلطان:نورا..
ناظرته..
سلطان:انتي عندي في امريكا!!انا ماني مصدق..
انحرجت من كلامه..
سلطان مو هذا الي كان عندنا..معقوله الواحد اذا جا السعوديه يتغير!! 

__________________________________________
الجزء الرابع عشر...


انا أحبك واقولها لك كلمه خليها في بالك...
انا ماني اي عاشق انا لما اعشق أغيــر والله لما أعشق اغير..




اليوم غير بالنسبه لي...
نورة جالسه قدامي...بينا مسافه قصيرة...اشوفها بعيني..
بكت لما شافت ريما..جلست جنبها ويدها على كتفها مانزلتها...
انا وامي بالكنبه المقابله لهم...وخالي يكلم بجواله...
ماني قادر انزل عيني منها...وكأنها بتختفي بأي لحظه...
اليوم بس قررت اني اصير شخص ثاني مع نورة...
ليش اكتم حبي لها؟
عشان رانيا؟
انا لو احب رانيا كان ماحبيت نورة....
يمكن اكون عند بعضكم شخصية الرجال الي اي وحده يشوفها يحبها...
والا الرجال الي مايعرف يحدد مشاعره...
لا لا لا...أنا أبداً مو كذا...نورة غير قلبت كياني...
كلنا نحب..لكن مين الي بيقلبك وبيلخبط حياتك!!
اليوم اعترفت وقلت لها..وحشتيني...ولا شي من الي كنت ابي اقوله... مجهز كلام كثير...بس لما شفتها طار الحكي...
وحشتيني هي الي طلعت وبس....
فجأة نورة شهقت:يوووه نسيت اتصل على منصور...
طلعت منها لا شعورياً...
غصباً عني ناظرتها وكأني اقولها انا هنا..احترميني...
توجه كلامها لامي:عمتي عطيني جوالك برسله مسج...
امي:تلقينه فوق الطاوله...
قامت نورة وراحت لطاوله الي اشرت عليها امي واخذت جوالها...
أرسلت لمنصور مسج .. ورجعت مكاني..كنت أحس بتعب...وثقل براسي..
هدؤ...كلنا ساكتين..مافي شي نقوله والا مااحد يبي يحكي...
عمتي وهي تناظر جوالها وكان يرن:نورة هذا منصور يتصل..
:ردي عليه..
عمتي:لا تعالي انتي ردي اكيد انه يبيك..
ناظرت سلطان وكأني استأذنه اني ارد او لا...صد عني وماحط عينه بعيني..
اخذت الجوال من عمتي ورديت:هلا والله..
منصور:الحمدالله على السلامه..
:الله يسلمك..
منصور:كيف الرحله؟
:الحمدالله كويسه..
منصور:اهم شي ماخفتي..
ضحكت:يعني لازم..
منصور:يلا الحمدالله..سلمي عليهم وانتبهي لنفسك..طمنينا عنك..
:ان شاء الله..مع السلامه..
بعد ما قفلت منه..
رجعت جلست...قامت عمتي تشوف وين ابوي...
سلطان:انتي ماارسلتي له مسج!!
سكت شوي..استغربت منه..مو بالعاده يعلق..
:الا ارسلت..
سلطان:طيب ليش يتصل؟
ابتسمت:ماادري عنه..يطمن..
سلطان يناظرني وموعاجبه كلامي:اهاا..
ثواني افكر فيها اسأله ليش...لا لا أحسن خليه يانورة..
ابتسمت..وعدلت جلستي...والله وبديت اشغلك ياسلطان...
ابتسامتها وراها شي...شلت عيني منها ووجهتها على التلفزيون...
تناظرني كل ما سمح لها الوضع...
تلعب بشعرها...وباين انها تعبانه وفيها النوم...كل ماتطيح عيني عليها اشوفها تتثاوب...
:نورا..
ناظرتني:نعم..
:روحي نامي..شكلك تعبانه..
ضحكت:بروح..
امي:ايه والله نورة روحي نامي وارتاحي..
:انام عند ريما؟
امي:لا ريما عندي تنام..,تعالي معاي اوديك للغرفه..
قامت امي وقامت نورة معاها..وهي تحب راس ريما: تصبحين على خير حبيبتي...
لفت علي وابتسمت:تصبح على خير سلطان...
بادلتها الابتسامه:تلاقين مثله خير...
مشت بخطوات هادئه وطلعت من الصاله...
دخلنا انا وعمتي الغرفه الي بنام فيها..وكانت كبيرة ومكمله من كل شي....
:عمتي منار بترجع الاربعاء على الرياض انا خايفه عليها..
عمتي:مالهم الا اسبوعين..
:رمضان..
عمتي:ناسيه والله ان بالي مو معي,ابوك قال لمساعد وهو بيقولها..
بضيق:الله يعين بس...
عمتي:نامي يابنيتي وربك يحلها...
طلعت عمتي وخلتني بعالمي...
ماقدرت انام على طول..راسي بينفجر من التفكير...
><><><><><
يدخل فهد جناحه..يروح لصالتهم سارة جالسه وتكلم...
فهد:هلا هلا بالزين كله..
سارة تبتسم:هلا فهد...
فهد وهو يجلس جنبها:كيفك ياقمر؟
سارة:الحمدالله..,ايه مشاعل خلاص اجيك اليوم...يلا باي..
فهد وهو يحط يده على بطن سارة:يازينك وانتي حامل..
سارة:باين؟
فهد وهو يبوس بطنها:هاذي بوسه لعزوزي..والا لبنتي وش بتسمينها؟
سارة وهي تضحك:ناديه على امي..
فهد:وش ادلعها..دودو؟
سارة:اذا جت يطلع الدلع..
فهد:طيب نتغدى؟
سارة:طيب..
فهد:سارة الله يخليك لا تضيقين صدرك..والله اني اتعب معاك..
سارة:فهد غصباً عني..
فهد:ان شاء الله بتطيب..كثير ناس يتعالجون منه...
سارة:ان شاء الله..
فهد:وش رايك نسافر؟
سارة:لا مالي نفس..
فهد:اربع ايام تغيرين جو فيها..لبنان والا مصر..
سارة:معليش فهد مالي نفس..بعدين رمضان مابقى عليه الا كم يوم..
فهد:فكري...انا عشانك بسافر ابيك تغيرين جو...
سارة:يصير خير يافهد..تجي منار وبعدها الي ربك كاتبه بيصير..
><><><><><><
خالتي وهاله جالسين بالصاله وبينهم نقاش حار يخص هاله طبعاً...
خالتي:هاله المكالمات الكثيرة ضرها اكثر من نفعها..
هاله:يمه هذا خطيبي وبيصير زوجي لازم اعرفه قبل لا اتزوجه..
خالتي:انا مااقولك لا تكلمينه..
هاله تقاطعها:تبين اقوله بدر تكلمني مرتين بالاسبوع بس!!لا يمه ما يصير..
خالتي:ياهاله انا امك واعرف مصلحتك زين..بايام الخطبه العلاقه تصير رسميه احسن...
هاله:لا لا لا انا اعرف وش اسوي..يمه لو سمحتي قفلي على الموضوع..
خالتي بعصبيه:بتندمين وبتقولين ياليت سمعت كلام امي...
هاله:شوفي مشاعل ماكانت تكلمه كثير وشوفي شلون زوجها الحين!اما سارة تكلمه كثير ومبسوطين...يعني لو مشاعل عرفت خالد زين كان فكت منه...
خالتي ناظرتها وماردت..
رن بوقتها جوال هاله وكان بدر طبعاً..
ابتسمت هاله وقامت من الصاله بسرعه وردت:هلا..
بدر:هلا وغلا..
هاله:وينك اليوم مااتصلت؟
بدر:توني طالع من مكتبي..
ماكانت مكالمه طويله قفل بدر من هاله لما وصل البيت...طبعاً هذا مو اخر اتصال بينهم اليوم...
><><
مرت ثلاثه ايام..ماطلعت فيها من البيت..
اليوم ريما وعمتي وابوي رايحين من الصباح للمسشتفى..
وسلطان رايح لشغله..
جالسه بالصاله اتفرج على التلفزيون احاول اشغل نفسي...
بعد فترة طويله..
سمعت صوت سلطان من تحت...أخيراً جا..
قمت من مكاني ورحت عند الدرج..طليت على تحت..
حس فيني سلطان رفع راسه:هلا نورا...
ابتسمت:هلا..
سلطان:انزلي انزلي..
بخطوات سريعه نزلت..
سلطان وعلى وجهه ابتسامه:نتغدى؟
:ايه..
سلطان:والا شرايك نطلع نتغدى برا؟
ابتسمت:ايه نطلع..
سلطان:ابدل ملابسي ثواني..
طلعنا انا وياه لفوق..راح غرفته وانا رحت غرفتي..بدلت ملابسي وطلعت وكان ينتظرني بالصاله..
:انا جاهزة..
ابتسم:يلا..
ركبنا السيارة..طبعاً ركبت قدام...
مد يده بهدؤ اتجاهي..لصقت بالمرتبه لا شعورياً...سحب الحزام وسكره..:انتي بامريكا مو بالسعوديه..
:ايش تحبين تسمعين؟
ابتسمت:اي شي..
:ترا عندي عربي..
ضحكت:اممممم وش عندك؟
:هاذي الاغنيه الي احبها..
شغلت المسجل وكانت اغنية فضل شاكر(ضحكت الدنيا)..اغنيتي المفضله لما صرت اسمع عربي...
ناظرت نورة وابتسمت...بادلتني الابتسامه...هاذي الاغنيه لك يانورة...
نظرته وابتسامته كان يقصد فيها شي...ماقد ركزت بكلمات الاغنيه بس الحين لازم اركز واسمعها زين...
على الصوت اكثر..وكان يطبل بيده على دركسون السيارة..
حمرت خدودي وذبت..انا مااقدر على كذا..
ضحكت الدنيا وأخيرا لاقينك...
حبيبي حياتي كل عمري فداك...
والله ماننسا ان في يوم حبينك...
حبك بقلبي على طول ماانساه...
يااغلى الحبايب..الي دوم عندي غايب انا ملك ايديك....
يكفيني قربك وطيبة قلبك.. عمري انا اهديك...
ياحياة الروح تفداك الروح...حبي وعمري وكلي فداك...
وينك نصيبي ياعمري وحبيبي والله اشتقنا...
دايما في بالي حبيبي الغالي وين اروح القاك...
مين يقول العشق في الدنيا حرام..مااحنا عشقنا..
حبينا وتحبينا ونسينا وتناسينا وذبنا..
قلبي يدق بسرعه...ماحطيت عيني بعينه...انا قاعده اعيش قصة حب..بعمري مافكرت فيها...
انا بعد ماكنت اناظرها...كنت منحرج وماابي احرجها بعد...
نورة يانورة..وش سويتي فيني انتي...
كنت اعيد الاغنيه كل ماخلصت..
احس بشعور اول مرة احس فيه...
ساكتين طول الطريق والاغنيه هي الي تتكلم عنا...
اجمل احساس لما يكون الي تحبه معاك...تحرك يدك وتجي على يده...تلف وتلقاه قدامك...تبتسم ويبادلك الابتسامه عيونكم هي الي تتكلم...
وصلنا المطعم..نزلنا من السيارة..وقفت بمكاني ..انتظرتها تجي.. ومشينا بخطوات بطئيه ودخلنا المطعم...
جلسنا بالطاوله متقابلين..
حطيت المنيو عالطاوله..عارف طلبي...كثير مااجي هذا المطعم...كنت اناظرها ومانزلت عيني منها..المنيو بيدها ومارفعت عينها..
تقلب المنيو..يمكن قرته ولا عشر مرات...
بالي ابداً مو معاي..مرتكبه وخايفه وفرحانه..مشاعري متلخبطه...اقرا وماادري وش انا قاعده اقرا...
سلطان:تبين اساعدك؟
رفعت عيني وابتسمت:وش احلى شي عندهم؟
سلطان:كل شي حلو..,تبين اطلب لك مثلي؟
:اوكي..
بعد ماطلب سلطان...سكتنا لثواني..
سلطان:شخبار منار؟
:الحمدالله..
سلطان:وكيف زوجها؟
:مساعد مرة طيب وان شاء الله بيسعدها...
سلطان:ان شاء الله..
وقف سلطان وكان يضحك...التفت وكان في رجالين...رجعت عدلت جلستي..
قربوا مننا سلم سلطان عليهم...وعرفهم فيني..اكتفيت بابتسامه..مدوا يدهم..ماعرفت وش اسوي بس اظطريت اني اصافحهم...
رجعت جلست..وسلطان يحكي معهم...
حكيت معهم شوي ورجعت جلست:نورا يقولون انك حلوة..
حمرت خدودها وابتسمت وبدون اي تعليق..
:قلت لهم كل البنات السعوديات حلوات..
انفجرت هنا ضحك...
:ليش تضحكين؟
نورة:اضحك عليك..
لو تدرين بعد وش قلت لهم...قلت بس هي احلى وحده منهم....
نورة حلوة في عيني..بس مو شرط انها تكون عند كل الناس حلوة..ويمكن بعد مااحد يشوفها حلوة غيري...
><><><><><>< 

سارة ومشاعل في بيتنا بانتظار منار...هي للحين ماتعرف ولا شي...
سارة:والله يامشاعل اني خايفه عليها...
مشاعل:الله يستر بس...
وقفت السيارة عند باب البيت..فتحت منار باب السيارة بسرعه..
مساعد نزل معها..
منار:بتدخل؟
مساعد:ايه..
مساعد ماكان يبي يخلي منار بموقف مثل كذا...
منار تمشي بخطوات سريعه...دخلت البيت..توجهت لصاله على طول..ومشاعل وسارة جالسين..
بعد ما سلمت عليهم..عيونها تنتقل بين مكان لثاني...
منار باستغراب:وينهم؟
مشاعل وسارة ناظروا بعض ومااحد منهم تكلم..
منار:وش فيه؟
مشاعل:مسافرين..
منار وهي تضحك:بلا نصب...
وبصوت عالي:عمتي..نورة...نويير بلا استهبال..
سارة:منار والله مسافرين..
منار حست ان الوضع مو طبيعي ابداً..:بنات وش فيه؟
مشاعل مسكتها بهدؤ وجلستها على الكنبه:منار...ريما تعبانه..والعلاج برا بيكون أحسن...ابوي وعمتي خبوا علينا لبعد زواجك..وبعده بيومين سافروا...
منار بدت ترتجف..عيونها امتلت بالدموع قلبها يدق بسرعه:لا تقولين ان ريما فيها......
مشاعل تقاطعها:بس يقولون كثير ناس يشفون منه الحمدالله...
منار وهي تصيح:وكثير ناس ما يشفون منه...ياليته فيني ياليته فيني ولا بريما...
مساعد من الطرف الثاني..واقف عند الباب...محتار يدخل والا يطلع...
قرر انه يطلع ويروح عند اهله...ركب سيارته...كان يفكر بحياته مع منار كيف بتصير...
اسبوعين مرت كانت جافه معاي...ماادري اذا هذا طبعها والا هي مو مرتاحه معاي...
اقدر يامنار اخليك تحبيني..ونصير زوجين يحبون بعض..والا نعيش مثلنا مثل كثير من الناس احترام وتقدير بينهم لكن حب مافيه...
حياتي مااستمرت مع فاتن مو لعيب لاحد فينا..ماكانت فيه الراحه النفسيه..لاهي مرتاحه ولا انا مرتاح..بعد حملها حاولت اني اخلي حياتنا تستمر لكن ربي ماكتب..انفصلنا وكنت مرتاح لقراري..كثير مااندم واقول ياليتني ماطلقتها...
><><><><><><
الساعه 12:00..وخواتي للحين مجتمعين في بيتنا...
يرن جوال منار وكان مساعد..يعطيها خبر انه بالطريق...
منار وهي توقف:يلا بنات انا بروح الحين..
سارة:متى بتروحين لشرقيه؟
منار بضيق:بكرة..
مشاعل:لييش؟؟
منار:دوامه السبت ولازم نترتب..
سارة:تمرينا بكرة؟
منار:أكيد..
مشاعل:متى بتمشون؟
منار:العصر..
سارة:خلاص نتغدى هنا..
منار:بتغدى عن اهل مساعد...
سارة:يووه نسيت انك متزوجه...
منار:بعد الغدا..
سلمت عليهم منار وطلعت...ومساعد ينتظرها بالسيارة..
وهي تركب:السلام عليكم..
مساعد:وعليكم السلام..كيف خواتك؟
منار:بخير...,انت كيف اهلك؟
مساعد:يسلمون عليك..
فترة قصيرة ووصلوا للفندق...
دخل مساعد الحمام..اما منار جلست على السرير..والافكار ماليه راسها...
مساعد بعد ماطلع من الحمام...وهو يبدل ملابسه:منار..
رفعت عينها باتجاهه..
مساعد:بدلي ملابسك...
هزت راسها بالموافقه...
رمى مساعد نفسه بالسرير:تعبااااان..
رفع نفسه قرب شوي لمنار وحط يده على كتفها:منار بدلي ملابسك وبعدها بنحكي..
قامت منار وبدلت ملابسها وغسلت...وهي تجلس على طرف السرير:يعني كنت تعرف يامساعد؟
مساعد:ابوك قالي..
منار:وليش ما قلت لي؟
مساعد:وش الفرق لو عرفتي هناك والا لما ترجعين؟
منار:تفرق..
مساعد:منار ماتفرق وموهذا موضوعنا...ريما باذن الله انها بتشفى...
منار:ان شاء الله..
مساعد:ارتاحي الحين..
منار وهي تنسدح:تصبح على خير..
مساعد:بدون تفكير يامنار...

><><><><>< 

يوم الخميس...
راحوا مساعد ومنار عند اهل مساعد...
وبعدها مروا على بيتنا عشان تسلم على سارة ومشاعل...
الطريق من الرياض للشرقيه اربع ساعات تقريباً...
مر الوقت بسرعه...
وصلوا للخبر..
مساعد وهو يفتح باب الشقه الي بيسكنون فيها:تو ماتباركت..
منار ابتسمت:شكلها كبيرة..
مساعد:حلوة لاثنين توهم متزوجين..
مساعد يمشي ومنار وراه:هاذي الصاله طبعاً..
منار:والله يامساعد حلو ذوقك...
مساعد:عيونك الحلوين..,هذا المطبخ..
منار:الي بنطبخ فيه انا وياك..
مساعد وهو يضحك:الشكوى لله انا وياك..
ضحكت منار معاه...
دارو الشقه كلها...كانت حلوة ومرتبه ومكمله من كل شي...
بعد ما ريحوا شوي وبدلوا ملابسهم...
جالسين بالصاله..
منار:لازم نطلع نتقضى..
مساعد:يلا نروح السيفوي ونجيب لنا عشا..
منار:بتغير ملابسك؟
مساعد:لا..
منار:اروح البس عبايتي...
><><><><><

خلص الشهر ودخل رمضان...
مرت خمسه ايام من رمضان بسرعه..
اجواء جديده ورمضان غير عن اي رمضان قبل...
جالسين كلنا بالصاله..الا سلطان...
نتكلم انا وعمتي بصوت واطي عشان ما تسمعنا ريما...كنت اسألها عن علاجها ومن هالحكي...
دخل سلطان وكان باين انه مستعجل وبيطلع الحين..
سلطان:السلام عليكم..
كلنا:وعليكم السلام..
سلطان:انا بروح عند خالي محمد...مجتمعين فطور عنده..ترا ميسون كلمتني تقول خلي نورة تجي..
عمتي:سلم لي عليهم..
:لا تعذر لي منها..
سلطان وعلى وجهه ابتسامه:ليش..تعالي بتتعرفين على بنات كثير...
عمتي:روحي معاه يانورة..
عمتي تبيني اطلع واروح عشان اوسع صدري...
:يبه عادي اروح؟
ابوي:براحتك..
:بفكر..
طلعت من الصاله ورحت لغرفتي بشوف لي لبس مناسب...
اخيراً طلعت لي شي البسه..تظبطت شوي...
دخلت انا غرفتي ولبست بسرعه وطلعت جلست شوي بالصاله...ناظرت الساعه..لازم اطلع الحين..
وقفت ومشيت باتجاه غرفة نورة طقيت الباب وبصوت عالي:يلا نورا انا بالسيارة..
كملت مشيي...وسمعت صوتها من وراي التفت:كل هذا لبس!
ابتسمت:ماقلت لي الا متأخر بعد..
:طيب اسف خذي راحتك...
وحنا بالسيارة...
نورة:سلطان مستحيه...اجلس مع ناس مااعرفهم..
:تعرفي عليهم حبوبين بعدين تعرفين ميسون..
نورة:بس حتى...شفتها مرة..
ابتسمت بخبث:ايه عرفتيها مرة ونصبتي عليها..
حسيتها انحرجت ولا ردت علي..
:ترا للحين ما صار شي بينا...اخاف احد يسألك..
ناظرتني وهي مستغربه:ايش؟
ابتسمت:على خطبتنا ماصار شي..
وجهها حمر وماعرفت وش ترد..
:سوري مو قصدي اضايقك..بس لو احد سألك..
نورة:سلطان رجعني ماابي اروح معاك...
:قربنا نوصل شلون ارجعك..
نورة:ماابي اروح...
:بتروحين..
نورة:غصب يعني؟
:لا موغصب بس خلاص طلعنا ومابقى شي..انسي ارجعك...
نورة:ماراح انزل..
:انا بقفل السيارة..
نورة:سلطان الله يخليك..
:الله يخليك انتي يانورة بلا حركات اطفال...
ماادري شلون قررت اني اروح...ابي ارجع للبيت ماابي انزل واشوف ميسون...واكيد في غير ميسون...وانا شكلي بيصير غلط بينهم...
:سلطان احس شكلي بيصير بايخ..
ناظرني باستغراب:مافهمت!!
:مو لازم تفهم ابي ارجع..
بعصبيه:قلت ارجعك انسي..
:وديني اي مكان..
سلطان:تحسبين نفسك بالرياض انتي...
وقف السيارة وبعصبيه:هذا مكان يلا انزلي فيه..
:سلطان..
ناظرني:نورا..
:خلاص بروح...
سلطان:صدقيني بتنبسطين حبوبين كلهم..
فترة قصيرة ووصلنا للبيت الي معزومين فيه...
دخلنا وسلطان على وجهه ابتسامه عريضه..اما انا اتصنع الابتسامه...
ميسون باستقبالنا:اهلين سلطان..
مدت يدها تصافحه..الوضع كان طبيعي وهذا شي متعودين عليه..
سلطان:هاذي نورة..
ميسون وعلى وجهها ابتسامه:هلا نورة كيفك؟
سلمت عليها..
سلطان:وين جالسين؟
ميسون تمشي قدامنا وحنا وراها...
بصوت واطي:سلطان نجلس مع بعض؟
سلطان:ايه..
:من جدك؟؟؟
سلطان:ايه..ليش؟
:ليش ما قلت لي قبل..
سلطان:وش تفرق عندك!!
ناظرته وانا مقهورة منه..جد عصبت..
دخلنا المكان وكان مليان..جالسين على سفرة الطعام..رجال حريم بنات شباب...
كنت منحرجه لابعد درجه...واحس كان باين على وجهي اني منحرجه ومتضايقه...
سلطان يعرفني بالموجودين:خالي محمد...خالتي نور...دكتور صلاح...زوجته منال...عادل وزوجته عروب...
دلال..سوسو..مي..مازن..جاسم..وائل..مشعل..
ابتسم لما اسلم على كل واحد منهم...لو تعرف الاحراج الي انا فيه ياسلطان...
جلس سلطان بكرسي بعيد عني..وانا جلست جنب البنات...
دلال كان باين انها حبوبه..عمرها 25 او 26..اكبر البنات..جايه امريكا مع اخوها مشعل..هو يدرس جامعه وهي ماجستير..
سوسو اسمها سوسن بس هي تفضل ان الناس ينادونها سوسو...جايه مع اهلها...ماادري اذا دراسه والا شغل...
مي عمرها 22 من الكويت..شكلها من الي من زمان بامريكا وعلاقتها قويه مع ميسون...
والعيال الباقين جاين دراسه كلهم...
فترة قصيرة جلسنا وبعدها افطرنا...
كلهم مبسوطين وعارفين لبعض..
هذا يقول سالفه..وهذا يقول نكته...
حوارهم مع بعض كله بالانجليزي...يعني تطلع بالغلط كلمه عربيه...
انا ساكته وابتسم اذا قالوا شي ضحكني..
كانوا يحكون معاي البنات والعيال..يسألون عن كل شي...مافي تكلف ولا حواجز...هم كلهم عائله وحده...
سلطان كل شوي يناظرني وكأنه يطمن على الوضع..
بعد فترة قصيرة..
وقف سلطان وبصوت عالي:يلا نشوفكم قريب..
الاصوات ارتفعت وكلها تطلبه بانه يجلس..
سلطان:عندي شغل ولازم اطلع..الجايات اكثر...
خضعوا للامر الواقع..
سلطان يوجه الكلام لي:يلا نورا..
ابتسمت ابتسامه عريضه:يلا..
وقفت وسلمت على البنات...
يمشي سلطان قدامي وانا وراه...
ركبنا السيارة وبدون ما ينطق باي كلمه...
:سلطان...
مارد علي ولا حتى ناظرني..
:سلطان ليش طلعت بدري؟
سلطان:عشانك..
:اذا انت تبي تجلس كان جلست يعني..
يقاطعني:والحفله الي سويتها قبل ماندخل!!
:ماادري بس كنت منحرجه..
سكت ومارد علي...
:سلطان..
سلطان:نــعــم..
:البنات قالوا لي طلعي لك شريحه جوال اوفر لك من الشريحه السعوديه...من وين اقدر اطلع؟
سلطان:انا اجيب لك..
ابتسمت:شكراً..
سكت وماسألني اذا انبسطت والا لا..
:سلطان..
سلطان:وش تبين يانورا؟
:ماسألتني اذا انبسطت والا لا؟
سلطان:اكيد بتقولين انهم ثقال دم وماعجبوني وماادري ايش..
ناظرته وانا مستغربه:ليش يعني اقول كذا؟
سلطان:مو انتي مو اي احد يعجبك؟
:ياسلام..البنات كلهم حبوبات وخاصه دلال بس ميسون مااحبها وماراح احبها وقول الي تبي تقوله...
سلطان:الحمدالله انهم عجبوك..وميسون ماهي محتاجه لحبك..
عصبت من كلمته نرفزتني بشكل..ناظرته ومارديت..
بادلني السكوت وماتكلم...
وصلنا البيت ونزلت على طول..كلامه خلاني اعصب...
><><><><><
مساعد بصوت عالي ينادي على منار:يلا منيار بقى خمس دقايق ويأذن العشاء..
منار وهي تلبس عبايتها:جيت جيت..
مساعد:تأخرنا..
منار:ان شاء الله القى لي مكان..
مساعد:صغيرة انتي خليهم يدخلونك بينهم...
منار وهي تضحك:مانفعني الصغر..لو اني طويله اخذ حقي عالاقل..
طلعوا مساعد ومنار من شقتهم رايحين للمسجد يصلون التراويح...
هاذي عادتهم من بدا رمضان...
دخل مساعد مسجد الرجال ومنار مسجد الحريم...
بعد ما خصلت الصلاة..وركبوا السيارة..
رن جوال مساعد..
مساعد:هلا..بخير..ايه توني طالع من الصلاة بكلمك بس سبقتني...لا اسمحلي..الجايات اكثر ان شاء الله...بحاول..خلاص على خير مع السلامه..
منار:معزوم؟
مساعد:ايه..
منار:ليش ما راح تروح؟
مساعد:انا الحين شغلي عساني اروح ماابي اتركك اجي اروح عزايم!
منار:لا مساعد روح...
مساعد:منيار خلاص ماراح اروح..
منار:انا اشغل نفسي باي شي..يعني يمكن هاذي خامس عزيمه ولا تروح..
مساعد:وبعدين معاك؟؟
منار:خلاص براحتك...
وصلوا الشقه..نزلت منار ومساعد راح لشغله...
يمر الوقت ببطئ..منار تحاول تشغل نفسها بالمكالمات والتلفزيون...
الساعه 12:00 ومساعد للحين ماجا...
ترددت بانها تتصل او لا...
رفعت السماعه واتصلت عليه..
منار:هلا مساعد وينك؟
مساعد:بالطريق..
منار:تأخرت..
مساعد:تبيني اجي..ثواني وانا عندك..وقبل شوي تقولين روح العزيمه اقعد بلحالي..
منار وهي تضحك:اذا بتروح استحمل الشكوى لله..,لا تسرع..
><><><>< 

كلمتني اليوم دلال الي شفتها في بيت ميسون...بيطلعون وتبيني اطلع معهم..ماعطيتها الموافقه قلت اسأل عمتي اول...
رحت الصاله...وسلطان توه داخل..
اكتفينا اننا نبتسم لبعض...يعني قدام ابوي وعمتي...
:عمتي..كلمتني دلال الي حكيتك عنها...
عمتي:ايه عرفتها وش تبي؟
:بيطلعون وتبيني اطلع معهم..
عمتي:لا والله يانورة اخاف عليك..
:ليش تخافين..يبه انت وش رايك؟
ابوي:والله الي تشوفه عمتك..
عمتي:خليهم يجونك البيت..
:لاعمتي..مرة ثانيه اقولهم انتم تعالوا..
عمتي:سلطان البنات ثقه؟؟
سلطان:ايه يمه محترمات..
عمتي:روحي مع اني ماارتحت..
:مشكورة...
ريما:انا ابغى اروح معاك..
:عمتي اخذها معاي؟
عمتي:لا ريما تجلس عندي..وبعد شوي بنروح الملاهي مع سلطان..
وقفت عشان اروح الغرفه..
عمتي:نوير مين بيوديك؟
:هم بيمروني..
رحت غرفتي...وبعد ساعه وكنت جاهزة فيها اتصلت دلال تقولي انها تحت ومعها البنات ينتظروني...
سلمت على عمتي وابوي عطاني توصيات لو اكتبها ماخلصت...
فتحت الباب...والبنات نازلين من السيارة ويحكون مع سلطان...
انا هنا فار دمي..بديت اغلي من داخلي..وش نزل سلطان وطلعه برا وخلاه يحكي معهم...
حتى لو كان يعتبرهم مثل خواته وهذا شي متعودين عليه..انا اغار...
وقفت بمكاني وكنت اناظرهم..
سلطان معطيني ظهره والبنات قدامه...يضحكون ويسولفون معاه...وميسون واقفه جنبه بعد..
سوسو وهي تأشر لي بيدها:هاي نورة..
:هلا...
نزلت من الدرج بخطوات بطئيه...
بعد عنهم سلطان وقرب مني وصار وجهي بوجهه:انتبهي لنفسك..
ناظرته ولفيت..
سلطان:نورا!!
بصوت واطي:يعني مرة خايف علي!!
سلطان طير عيونه واستغرب من كلمتي:اوش نورا مو قدام البنات..
:مايسمعون..
مشيت وتركته..هو بعد كمل طريقه وتركني ودخل البيت..
سلمت عليهم وركبنا السيارة..
دلال هي الي كانت تسوق وجنبها مي..وانا وسوسو وميسون ورا...
وصلنا المطعم...كان باين عليه انه حلو...وكان مليان عرب...في اماكن معينه يكثر فيها العرب...
توزعنا على الطاوله..الوضع للحين حلو..
بعد ماطلبنا..
طلعت ميسون باكيت دخان من شنطتها واخذت لها سيجارة...
ناظرتها دلال وكأنها تقول مو قدامها...
طنشت ميسون وعطت سوسن اما دلال ومي مااخذوا...
ارتبكت وحسيت اني بنخنق..ماقدرت احكي..ماني مستغربه من الي قاعد يصير بس ماتوقعت...وكنت ميته خوف..
وقفت من مكاني:انا بروح الحمام..
وانا امشي...شفت وجه بين الجالسين مو غريب علي...وين شفتيه يانورة..ايـــه تذكرت هذا الي كان معاي بالطيارة..
جت عيني بعينه ابتسم ورديت له الابتسامه...وقف وجا باتجاهي:هلا اختي..
ابتسمت:هلا..
...:كيفك وكيف الاهل؟
:بخير..
...:وكيف اختك؟
:الحمدالله...
...:كويس اني شفتك مرة ثانيه..
:سوري على هذاك اليوم كنت ابي اتشكر لك بس..
قاطعني:لا وش دعوة ماسويت شي...
:عن اذنك..
...:نشوفك على خير..
هذا الي كان ناقصني..انه يشوفني وانا مع هالبنات...
استغربت انه ماقال اسمه..المفروض انه يقول...يمكن اشوفه مرة ثانيه ويمكن لا..
رحت الحمام واحس اني ابي اطلع...انا اجلس مع بنات كذا...اكره اشوف نفسي بمواقف مثل كذا...
رجعت لمكاني واول ماشافوني سكتوا...
جلست ومانطقت باي كلمه...
سوسن باسلوب منرفز:نورة شكلك متضايقه..
:من ايش متضايقه؟
سوسن:انا ماالومك لو تضايقتي..يعني انتي ماتعودتي على الحياة هنا..ولا على الناس الي هنا...فطبيعي انك بتنزعجين..
ناظرتها ومارديت...
دلال:ماعليك منها يانورة..
ميسون:تتعودين بعد ما تتزوجين...
تقصد لما اتزوج سلطان...انا اوريك ياميسون انتي والي معاك..
:من قالك بنسكن هنا!!عالعموم هاذا مواضيع خاصه ومااحب احكي فيها...
مي:بنات خلاص..
سوسن:مين هذا الي تو سلمتي عليه؟
ناظرتها بطرف عين ومارديت...
انا مااقدر اتعامل مع ناس اسلوبهم استفزازي بهالشكل...وغير كذا كلامهم يقولون كلام ..مااحب اذكره واستغني عنه...
الحين هم الكول والناس الي فاهمين وانا القرويه والي مااعرف شي...
معليش يانورة استحملي...كنت قاعده اصبر نفسي طول ماانا جالسه معهم...
وأخيراً خلصنا والا خلصوا احسن..انا ماقدرت آكل شي..ابي اطلع وبس..
مي:وين نروح الحين؟؟
ميسون:وين تبغون؟
:لا معليش بنات بس لازم ارجع البيت..
دلال:نوصلك مو مشكله..
سوسن:بعيد البيت..
:خلاص انا اخلي سلطان يجيني..
مي:لانوصلك ماعليك من سوسو..
طلعت جوالي من الشنطه واتصلت على سلطان..
اول مارد:سلطان ممكن تجي تمرني..
سلطان وباين انه مستغرب:نورا وش فيك صار شي؟
:لا ماصار شي,بس انا ابي ارجع البيت وهم بيروحون اماكن ثانيه..
سلطان:روحي معهم..
:خلاص ارسلي السواق..
سلطان عصبيه:طيب طيب..وينك انتي؟
قلت له المكان الي انا فيه..ومسافة الطريق وبيكون عندي...
:خلاص سلطان الحين بيجي..تقدرون تروحون..
دلال:ماراح نخليك لوحدك..اذا جا نروح..
:لا دلال روحوا معليش..
مي:مايصير نورة نخليج..
:لا حبيبتي روحوا...انا انتظر هنا..
سوسن:براحتها..امشوا نروح..
ميسون:نجبرها يعني كيفها..
يمكن بعضكم بيقول اني انا وقحه وغلطانه بالي اسويه..بس جد تنرفزت منهم بشكل..
راحوا البنات وتركوني بالمطعم...مااكذب عليكم كنت ميته خوف...اتحمل هالخوف ولا اجلس تحت رحمتهم..
نصف ساعه مرت وانا جالسه لوحدي...
أخيراً رن موبايلي وكان سلطان..اول ماشفت الاسم على طول طلعت برا...
فتحت باب السيارة وكنت مرة معصبه وسلطان معصب اكثر مني..
ركبت بدون ماانطق باي كلمه..
سلطان:ممكن افهم وش الي صار؟؟
:قال محترمات قال...
سلطان:نورة لا تغلطين..
:اسفه استاذ سلطان..
سلطان:نورا ممكن تفهميني الي صار؟
:سوسن وقحه..وميسون اوقح...وانا مااقعد مع ناس كذا..يسون الي يسونه كيفهم بس مو قدام الناس..
نخلي هذا على جنب..كلامهم..سلطان كلامهم ماينقال..
سلطان:مافهمت شي!!نورا بدون الغاز..ممكن؟؟
:لا وبعد..قدام مين..الي كان معاي بالطيارة..فشلوني قدامه حسبي الله عليهم..
سلطان:نورا استغفري..كأني اشوف وحده عمرها 70 سنه وقاعده تحكي..
سكت ومارديت عليه...
سلطان:الحين هم وينهم؟
:ماادري..
سلطان:راحوا وتركوك!!
:ايه..
سلطان بعصبيه:مجنونه انتي..تجلسين بلحالك؟؟
:ايه,هم الي راحوا وتركوني..اقولهم اقعدوا..
سلطان:اوش اوش نورا حسابك معاي بالبيت...
:مو انت الي تسكتني..
سلطان بعصبيه وبصوت عالي:خلاااص..مو كفايه اخرتيني عن موعدي..
تنرفز والا ماتنرفز...اسلوب نورة هذا ما يعجبني...مندفعه وانا مااحب الي كذا..
لو صار لها شي..بكون انا السبب....انا الي خليت امي توافق انها تطلع معهم...
وياليت كل هالحكي فهمت منه شي...ماادري وش الي ماعجبها وخلاها تسوي كذا...
تصرفاتها في بعض الاحيان تقهرني..
ساكته وماحكت ولا كلمه...
وصلنا البيت..وفتحت باب السيارة على طول..
:نورا..
لفت علي بدون ماترد..
:ياليت الوضع يصير طبيعي عند امي وخالي...
ماردت علي وكملت طريقها..
اما انا رحت موعدي الي نورة اخرتني عليه...

><><><><>< 

يمكن المفروض اني مااسوي الي سويته...وبالغت بردة فعلي..لكن هذا الي صار...
وسلطان بعد زاد الي فيني...هو معاه حق انه يستفسر بس مو بهالطريقه المستفز...
يعني انا قلت له يرسل سواق اذا باخره عن موعده بس هو الي جا يتحمل...
دخلت البيت وماكان فيه احد..عمتي وابوي وريما راحوا الملاهي يلعبونها...
جلست فترة طويله لوحدي...كلمت هاله ومنار...
بعدها جو ابوي وعمتي...جلسنا مع بعض شوي..ابوي دخل ينام وعمتي راحت تنوم ريما وبعدها جت...
يدخل سلطان الصاله وبيده كاس ماي:هلا يمه..
عمتي:هلا وينك تأخرت؟
سلطان وهو يجلس:عندي موعد..
ماناظرني ولا انا ناظرته..
عمتي:ورا وجهك كذا؟
سلطان:تعبان من الشغل وتعبان من كل شي..
عمتي:بسم الله عليك ياولدي...
سلطان وعلى وجهه ابتسامه:لاتخافين يمه..امزح معاك..بس الشغل اليوم تعبني...
عمتي وسلطان هم الي يحكون..وانا طرف صامت...
وقفت من مكاني بروح لغرفتي...
:يلا تصبحين على خير عمتي..
عمتي:وانتي من اهله..
سلطان:نورا انزلي تحت وخذي شريحتك...نسيت اطلعها معاي..
:مشكور..
امانه ما ينرفز..هو مانساها انا متأكده حطه تحت قاصد عشان انزل واجيبها...
نزلت تحت واخذت الشريحه وطلعت مرة ثانيه فوق...
سلطان:تعالي..تعالي..نسيت الفصل البايخ الي سويتيه..
عمتي وهي مستغربه:نوير وش مسويه؟
:ماسويت شي عمتي..
سلطان:ماسوت شي..انا الي سويت...
عمتي:سلطان وش السالفه؟
سلطان:كلمتني وقالت تعال مرني من المطعم والا ارسل لي سواق..انا ابي ارجع البيت الحين..
عمتي:نورة ماقلتي لي شي..
:وش صار يعني لو كنت ابي ارجع البيت؟؟
سلطان:عالعموم انتي ماتطلعين مرة ثانيه الا مع امي والا معاي...
:اجلس بالبيت احسن..
عمتي:نورة وش السالفه؟
:عمتي تخيلي بس ان البنات يدخنون..وحركاتهم مرة تقهر..ولو تسمعين كلامهم بعد..
عمتي:هو هو هو اللهم صلي على محمد...
سلطان بعصبيه:واذا دخنوا يانورا..يعني موقاعدين يشربون هم والا مسوين شي يستحق ردة الفعل هاذي!!
عمتي:لا والله تنتظرهم يشربون..هذا الي ناقص بعد ياسلطان..انا قلبي ماكان مطمن..
:لاوبعد ياعمتي الي معاي بالطيارة كان في بالمطعم...وش بيقول عني؟؟
سلطان:الا تعالي وش سالفة الي بالطيارة لك ساعه وانتي تحكين فيه..
:واحد كان جنبي ومرة محترم...
سلطان:واذا شافك..نورا الي صار شي عادي..
عمتي:لا والله مو عادي...,عادي عندك اما حنا لا..
هو الي بدا وحكى قدام عمتي..يتحمل كلامها والي بتقوله..
سلطان وهو يوقف:يلا تصبحين على خير يمه..
انقهرت من حركته..على كيفه انا...
طلعت من الصاله قبله ورحت غرفتي..
صعب صعب الي قاعد يصير...انا لو تزوجت نورة شلون بتتحمل تعيش هنا!!
يمكن مع الوقت بتتعود...اكيد...
ماخلتني امي اروح وقعدت تحكي عن الي صار....
انا مقدر ان هالشي مايعجبهم ولا يرضون فيه..بس نورة مبالغه بردة فعلها...
دخلت غرفتي وماقدرت انام...
استرجع كل الي صار اليوم....
انا بعد بالغت بردة فعلي وعصبت عليها..
قمت من سريري ورحت لغرفة نورة..طقيت الباب مرة ومرتين وثلاثه..
نورة:ادخلي عمتي..
:نورا تعالي ابغى احكي معاك...بالصاله ها...
ماانتظرت ردها لاني عارف ومتأكد انها بتجي...
رحت الصاله وبعد فترة قصيرة جت..
:كويس انك جيتي..توقعت انك بتطنشيني..
ناظرتني وماردت..
:الله الله كل هذا معصبه...
نورة:لا يعني سلطان كمان الي سويته يقهر..
:اوكي يقهر..بس الي سيوته يقهر اكثر..
نورة:لا مايقهر..سلطان انا ماتعودت على كذا عشان كذا عصبت...يمكن انت تشوفه شي عادي...اوكي في مثلهم كثير بالرياض..بس مو قدام الناس..بتقولي هاذي البيئه الي متربين فيها...انا ماقلت شي..وانا اختلط مع بنات مثلهم في الرياض واردى بس محترمين انفسهم...
:نورا يانورا...انا مقدرك والله مقدرك..بس انتي انفعلتي بزياده..وسويتي على قولتهم من الحبه قبه..
:سلطان انا امشي واسلك نفسي بس اذا كانوا محترميني...
:طيب انتي الحين هدي بالك..وروقي وما صار شي..ولوتبين اطقهم لك اطقهم..
ناظرتني وهي معصبه:سلطان تستهبل!!
:ههههههههههه...لا والله ابيك ما تزعلين..
نورة:خلاص الي صار صار...
:اوكي انا بروح انام بكرة وراي شغل..يلا تصبحين على خير..
نورة:وانت من اهله...
><><><><><><
مر شهر رمضان بسرعه بدون احداث ومواقف تذكر...
اقلب صفحات دفتري...خلونا نوقف عند يوم العيد...
استعدينا كلنا...
بنروح السفارة السعوديه....
تقريباً كل السعودين جاين..
الوضع كان حلو والواحد يحس انه في ديرته...وبين اهله...
شفت الي كان معاي بالطيارة وأخيراً عرفت اسمه...
جا سلم على ابوي وسلطان...وتعرفوا على بعض...
الاجواء كانت رائعه..ومن الايام الي ماراح انساها في حياتي....
العيد بالرياض كان كئيب بالنسبه لخواتي..
منار ومساعد جو الرياض...
اجتمعوا البنات في بيت عمي...وبعدين راحوا بيت خالتي...
جالسين بالصاله..سالفه ورا سالفه...
بيجلسون شوي وبعدها كل وحده تروح لاهل زوجها...
رن جوال هاله وكان بدر...
ردت على طول:بدري..
بدر:والله آسف...بس انشغلت..كل عام واحلى هاله بخير..عيدك مبارك ومن العايدين...ولا تزعلين علينا..
هاله:وانت بخير وصحه وسلامه...ورضيت عليك..
بدر:كيفك؟وكيف العيد؟
هاله:الحمدالله..والعيد كئيب شوي.,انت كيف عيدكم؟
بدر:عيدي انا هالسنه غير...دايماً عزوبي..
جلسوا يحكون وسالفه ورا سالفه...
><><><><><

العيال مجتمعين في بيت فيصل...كل شي مجهز... هاذي عادتهم كل سنه يطلعون للبر يوم العيد..يجلسون كم يوم...
فيصل:شباب محمد يقول يلا اطلعوا...
بدر:ننتظر فهد..
ثامر:فهد لازم كل سنه يأخرنا..
فيصل:كل واحد يركب سيارته على مايجي فهد..
مصعب:صادق فيصل...
فيصل:شوي وراجع..اركبوا انتم..
طلع فيصل من المكان الي جالسين فيه وكلم على اهله يسلم عليهم..الي مسافرين من خمسه ايام تقريباً...
توصيات من امه وخواته..
بعدما قفل منهم طلع فوق يسلم على اخوه..
فيصل بصوت عالي:فراس..فراس..وينك..
انفتح باب غرفة فراس الي كان يكلم:لحظه شوي..
فيصل:يلا يارجال انا بمشي الحين..
فراس:انتبه على نفسك..
فيصل:ان شاء الله ...ها ماراح تجي اخر كلام؟
فراس:لو بجي بعد يومين ان شاء الله بس مااظن..
فيصل:حاول..يلا نشوفك على خير..
فراس:انتبه لنفسك يافيصل..
فيصل:فراس وش قصتك؟
فراس:مافيها شي لما احرصك..
فيصل وهو يضحك:طيب..يلا فمان الله..
نزل فيصل بخطوات سريعه...
يحس في شي ناقص ماسواه هالمرة...
بالعاده يتصل على منار..وماترضى تقفل منه الا بالقوة...
وبدر بمكان ثاني من البيت يكلم هاله..
هاله:مااوصيك يابدر انتبه على نفسك..
بدر:ان شاء الله..
هاله:ماودك تهون؟
بدر يضحك عيها..
هاله:يعني بتجلس اربع ايام كثير..
بدر:عشان تشتاقين لي.,يلا ياقمر بركب السيارة..انتبهي لنفسك انتي بعد..
ركبوا السيارة..
بدر يسوق وجنبه مصعب وفيصل ورا...
وبالسيارة الثانيه فهد وثامر وصالح...
راحوا للمكان الي تواعدوا فيه مع باقي ربعهم..يمكن يجون حوالي عشر سيارات...
الطريق طويل ويبيلهم كم ساعه الى مايوصلون للمكان الي يبونه...
فيصل:هالايام ماجد مايروح من بالي...
مصعب بضيق:الله يرحمه..
بدر:له سنتين؟
فيصل:يكمل بعد شهر تقريباً..
مصعب:ياسرع الدنيا..
ماجد ولد خالة فيصل وكان مثل اخوه واكثر...علاقتهم كانت قويه...وقبل سنتين صار له حادث وتوفى...
مصعب:بدر شكلك تعبت خلني اسوق..
بدر:اييه والله..
وقف بدر السيارة وتبادل هو ومصعب...
فيصل:مصعب الله الله بالركاده..
مصعب:ماعليك...
السيارات تمشي ورا بعض..بهدؤ...مرة هذا يسرع ويسبق ومرة هذا يعني الوضع تمام...
تقرب سيارة من سيارة فيصل والي معه...ينفتح الشباك وبصوت عالي:ها مصعب قدها؟
مصعب يفتح الشباك:قدها..
تقدموا السيارتين عن الباقي...وهذا يسرع والثاني يزيد...
بدر:ادعس مصعب..
فيصل:لا شباب تكفون انا الهبال مااحبه..
مصعب:ماعليك..مصعب يسوق فيك..
مصعب كل ماله يزيد سرعه...
يرن جوال بدر وكان فهد...
فهد:هدو هدو شوي..
بدر:مصعب الي يسوق..
فهد:حتى لو مصعب..
بدر:ان شاء الله..
مصعب سرعته صارت جنونيه..
فيصل تقدم شوي وبخوف:مصعب هدي...ترا عندك زوجه وبالطريق ولدك..
مصعب:فيصل يعني ما تثق بسواقتي؟
بدر:هدي شوي يارجال..
كفرات السيارة مااستحملت هالسرعه..انفقع الكفر..ماقدر مصعب يتحكم بالسيارة..انقلبت..وانقلبت..وانقلبت ثلاث مرات السيارة تتقلب...قدام كل السيارات الي كانت وراهم...
فهد بسيارته وبصوت عالي:وقف وقف...
وقفت السيارات..
انفتحت الابواب ونزلوا منها العيال بدون اي تفكير...
السيارة انقلبت قدام عيونهم..اشبه بفلم وهذا مقطع منه قاعد يصير قدامهم..بينهم مسافه قصيرة...
طلعوهم من السيارة وكانوا كلهم فاقدين الوعي وبحاله ربي اعلم فيها...مايدرون من الحي من الميت فيهم...
بطريق مقطوع ومافيه مستشفيات..ويبيلهم ساعيتن على ماياصلون الرياض...
فهد جالس بالمرتبه الي ورا وعلى رجله بدر مستلقي...
فهد:اسرع ياثامر..بيموتون وحنا ماوصلنا..
ثامر:شف دقات قلبه..
فهد بخوف:ضعيفه...,لازم نسوي شي ياثامر..بيروحون من يدينا..ما يصير...
ثامر:اتصل على العيال شف شلون فيصل ومصعب..
دخل فهد يده الي كانت مليانه دم وطلع جواله واتصل على واحد من ربعه بسيارة ثانيه ومعاه فيصل...
فهد:ها وشلون فيصل؟
عمار من الطرف الثاني:ان شاء الله..ان شاء الله انه طيب..
الطريق اخذ منهم ساعه وربع تقريباً كانوا يمشون بسرعه قد ما يقدرون...
وصلوا المستشفى...الي كانت مجهزة كل شي ومستعده لاستقبالهم...
اتصل فهد على اخوه الي هو ابو بدر وقاله يجي المستشفى...واتصل على فراس اخو فيصل...
فهد:هلا فراس..
فراس وصوته نوم:نعم..مين؟
فهد:انا فهد..
فراس وكان احد صفعه على وجهه وفز من مكانه:فيصل فيه شي؟
فهد:حنا بالمستشفى صار حادث..
فراس يقاطعه وبصوت عالي:فيصل معهم؟
فهد:فراس اذكر ربك..تعال انت..
فراس:باي مسشتفى؟
فهد:التخصصي...
قفل فراس السماعه...وطلع بالي عليه..الافكار ماليه راسه...قلبه كان حاس انه بيصير شي...
ركب سيارته وعلى طول عالمستشفى...
العيال كلهم مجتمعين عند قسم الطؤارى...
وصل فراس وعلى وصوله العيال كانوا يصيحون ويدعون لواحد منهم مات...
فراس بصوت عالي:مين..مين الي مات؟؟
واحد من العيال:مصعب...
فراس تسند على الجدار وكأنه ارتاح شوي:وين فيصل؟
صالح قرب لفراس:اخوك بهاذي الغرفه...
طلع بوقتها الدكتور وكان يناظر حوله ماهو عارف يكلم مين...
فراس:..دكتور طمني عليه...فيصل اخوي..
الدكتور وهو يحط يده على كتف فراس:الله يرحمه...تأخروا بوصلوهم للمسشتفى وفارق الحياة جاه نزيف حاد..
الله يرحمه..الله يرحمه...الله يرحمه..هاذي الكلمه الي سمعها فراس..
حط يده على راسه يبي يستوعب الي قاله الدكتور...
انشل عن الحركه وماقدر ينطق باي كلمه...جلس على الارض...نفسه كان سريع امتلت عيونه بالدموع:فيصل..فيصل..راح اخوي راح...اخوي راح...
رجعت الصجه بالمكان..صدمتين بوقت واحد..فيصل ومصعب راحوا بغمضه عين...
طلع فهد من الغرفه الي بدر فيها وبصوت عالي:فيصل مات..لاحول ولا قوة الا بالله..لا حول ولا قوة الا بالله...
بخطوات بطئيه راح فهد عند عمار ومسكه بقوة:شفت وش سويت ياعمار..فيصل ومصعب راحوا والسبب انت..
عمار كان منهار وهذا اقل شي..الكل بيحط اللوم عليه وعلى الي كانوا معاه....
بعد فهد يده ودفه بقوة على الجدار...
ابو بدر يمشي بخطوات سريعه تو واصل المستشفى...اول ماشافه فهد راح له..
ابو بدر:ها يااخوي طمني..
فهد:الحمدالله..حالته مستقرة فيه كسور بسيطه...
ابو بدر:الله يطمن قلبك..وينه الحين..
فهد وهو يأشر على الغرفه:هنا..
ابوبدر:معاه احد؟
فهد:الي معاه توفوا..
ابو بدر:لا اله الا الله...
فهد:فيصل ومصعب..
ابو بدر انصدم لما سمع اسماء اقرب اصدقاء لولده:لاحول ولا قوة الا بالله...
فهد:الله يرحمهم ويصبر اهلهم..
دخل ابو بدر عند ولده...
مرت فترة ماهي قصيرة...ناس تجي وناس تروح..
><><><><><
وصل الخبر لاهل فيصل بلندن..الخبر صعقهم..الصدمه كانت قويه...فيصل راح..
الوضع سيئ لابعد درجه...انهاروا اهل فيصل...قبل فترة ماهي طويله كلمهم..والحين يوصلهم خبر وفاته...
لهم فترة ما شافوه...
وبالفترة الاخيرة فيصل ماكان معهم ابداً الي صار له مع منار بعده عن اهله كثير...
انتهت قصة فيصل بموته....
الحياة قصه وماتنتهي الا بالموت...
الله يرحمك يافيصل ويدخلك فسيح جناته...
نفقد الي نحبه بلحظه..بغمضة عين..يوصلنا خبر وفاته..
نصيح.. نتألم..ويمكن نحزن طول عمرنا على فراقه...
ليش مانستغل كل لحظه مع الي نحبهم...
يااحنا الي بنروح ياهم...
هاذي حال الدنيا....
راحوا بسبب طيش...
مصعب نسى زوجته الي حامل..الله يصبرها ويصبر كل من فقد احد عزيز عليه...
><><><><
سارة ومضاوي وشيخه وام فهد مجتمعين بالصاله وحالتهم كانت سيئه...
سارة وهي تكلم مشاعل:هاله مابعد درت عن بدر..والله اني خايفه عليها...
مشاعل:كلمي خالتي وقولي لها..احسن ماتنفجع وتسمع الخبر من احد...
سارة بضيق:طيب مشاعل اكلمك بعدين..
مشاعل:طيب..مع السلامه..
ام فهد:الحين الساعه 9:00 وفهد مابعد جا...
مضاوي:مايبي يترك بدر..
شيخه:الله يعين بدر اذا عرف عن فيصل...
بعد فترة قصيرة...صوت الباب ينفتح...
نقزت سارة من مكانها وبخطوات سريعه راحت عند الباب..
فهد واقف وشكله تعبان...ثوبه فيه بقع دم...وجهه كان اسود..عيونه ذابله..وحيله مهدود..
فهد وصوته مبحوح:سارة..امسكيني..
قربت سارة منه بسرعه ومسكته من يده...
ام فهد:بسم الله عليك ياولدي...عظم الله اجرك بالي ماتوا..
فهد ناظر امه بحزن:اجرنا واجرك..
مشى فهد بخطوات بطئيه كان ماسك يد سارة فيها...
طلعوا لغرفتهم..
فتحت سارة الباب واول مافتحته جلس فهد على ركبه...
نزلت سارة وجلست جنبه حطت يدها على راسه ومسحت عليه..قربته لصدرها وضمته..
فهد كان يصيح..يصيح بحرقه..وكانت تصيح معاه:اذكر ربك يافهد..هاذي حال الدنيا..
فهد بصوت مبحوح:قدام عيوني ياسارة..قدام عيوني صار الحادث...ماتوا..ماتوا ولا قدرنا نسوي شي..
والله ياسارة حاولنا..بس مو بيدنا المسافه كانت بعيده...نزفوا الى مافارقوا الحياة...
سارة:يابعد قلبي يافهد..هاذي حال الدنيا..
فهد وهو يصيح:مصعب متزوج وزوجته حامل...لو تشوفين اخو فيصل..منهار..خفنا على الولد لا يصير فيه شي..اهله مسافرين وماشافوه..ابوه يسكن بلندن وله فترة طويله ما شافه...
سارة كانت تصيح على زوجها..تصيح وهي تشوفه بهالحاله....
يوم صعب على الكل...مااحد نام بهالليله...
انقلب يوم العيد ليوم تعيس وحزين على الكل....

><><><><>< 

الجزء الاخــير..


(الفصل الاول)


حرمتينا من الغالي يادنيانا حرمتينا..بقت كلمه فخواطرنا بعدنا لا ماقلناها..
وعلى غفله من الفرحه يافرقانا سرقتينا.. حكايتنا مع الغالي بعدنا ماكتبنها..
ولنا غنوة فرح عيت ظروفك لا تخلينا نغنيها وهو ياما بصوته قال وغناها..
رسمنا الحلم لعيونه وبالغنا بأمانينا...اثارينا نعيش اوهام بنتعب ماوصلنها....
ترا تو القلوب صغار ترا تو العشق فينا..حبايب مابعد شفنا الدموع وماذرفنها..
على صوت الخطى الغبطة البرئيه.. حزن جيتينا حكايتنا وأمانينا كأنه ما بدينها..


*************

لامست كلمات هذه الاغنيه قلبي.. وأشعر أنها تصف ما بهذا الجزء بكل احداثه...

عرفت هاله بالي صار لبدر..كانت في حالة صياح متواصل وامها عندها تهديها...
هاله وهي تصيح:يمه الله يخليك ابي اروح له..
خالتي:اسألي ابوك وشوفي وش بيقول..بعدين اصبري كم يوم يعني الحين اهله عنده ومحتاسين..
هاله:انا خطيبته ويحق لي اروح له...
خالتي:وانا ماابيك تروحين وتشوفينه تعبان...
هاله:ياويل قلبي عليك يابدر....
خالتي بضيق:الله يعين اهله ويعينه,هم بعد خايفين عليه اذا عرف بالي معاه..
هاله وهي تناظر امها بخوف:الي معاه توفوا!!
خالتي:اثنين..
هاله دخل فيها الشك والخوف طلعت من المكان الي فيه و اتصلت على سارة تسألها مين الي كان معاه...
هاله:هلا سارة..
سارة:هلا حبيبتي..كيفك؟
هاله:مين الي كان مع بدر؟
سارة:فيصل ال...ومصعب ال...
هاله وكأنه احد صفعها على وجهها:فيصل مات؟؟
سارة وهي مستغربه:ايه..
هاله زاد صياحها:منار عرفت؟؟
سارة:والله ماكلمتها..
هاله:ياويلك لو عرفت ياسارة...وقولي لمشاعل..
سارة بخوف:ليش؟؟
هاله:لاتعرف وبس..
سارة:يعني عشانه تقدم لها!!
سكتت سارة وكأنها تسترجع الي فات:هاله..منار تعرف فيصل؟؟
هاله:ماادري..
سارة بعصبيه:شلون ماتدرين؟؟كانت تعرفه صح..وجا تقدم لها واهلي ماوافقوا ومنار انقلب حالها...
لا لا مستحيل...هاله هي تعرفه صح!!
هاله:يلا سارة مع السلامه..
سارة:لحظه لحظه..شلون بنخبي عليها؟؟اكيد بتعرف وان ماعرفت مننا بتعرف من الناس ومن الجرايد..
هاله:ماادري بس لاتعرف..لا تعرف اخاف يصير فيها شي...
سارة:طيب هاله انا بكلم مشاعل..
قفلت سارة من هاله وانقلب حالها...ضاق صدرها زياده على منار...
اتصلت على مشاعل وقالت لها..وبعد ما قفلت منها اتصلت علي...
اسمع جوالي يرن..قاعدين نتعشى كلنا...
:الو..
سارة وصوتها ماكان طبيعي ابداً:هلا نورة..
:اهلييييييين سوووير كيفك؟
سارة:بخير..انتم شخباركم؟
:الحمدالله..
سارة:وريما؟
:الحمدالله..
سارة:كلمتك هاله؟
:امس مكلمتني..
سارة:ماعرفتي بالي صار؟
بخوف:لا وش صار؟؟؟
سارة:بدر صار له حادث..
:احلفففففي؟؟صار له شي؟
سارة:بالمستشفى..
:طيب صار فيه شي؟
سارة:كان بالعنايه بس الحمدالله طلع منها...وان شاء الله انه طيب..
:ياحبيبتي ياهاله...
سارة:مو هنا المشكله..
دخل الخوف لقلبي من كلمة سارة في شي اكبر بعد صار:وش فيه؟
سارة:كان معاه اثنين..
قاطعتها:لا تقوليييييين!!
سارة:فيصل..
سمعت اسمه..وحسيت برعشه بكل جسمي وقلبي نبضاته صارت اقوى قاطعتها:وش صار فيه؟
سارة:توفى..
شهقت باعلى صوتي:ياويل قلبي..لا اله الا الله...
سارة بخوف:نورة..
قعدت اصيح..اصيح على فيصل والا على منار...بس دموعي كانت تنزل وبدون توقف..
سارة:نورة خلاص اذكري ربك..
وانا للحين اصيح:منار عرفت؟
سارة:لا..انا هذا الي مخوفني..هاله كلمتني وقالت لاتعرف..نورة وش نوع العلاقه الي بينهم؟
سكت وماعرفت وش ارد على سارة...
سارة:يعني لو عرفت وش بتسوي؟نورة الله يخليك ردي..
:والله ياسارة ماادري...اخاف يجيها شي...
سارة:لهدرجه؟
:واكثر..
سارة:ومساعد..!!منار متزوجه..اخاف يبين عليها..
:اجتمعوا في بيتنا وخلوها تجي..وانتم قولوا لها احس ماتسمع من احد...
سارة:على قولتك..اخاف تعرف ومساعد يكون عندها..
:لا لا الله يقوله...سارة اتصرفوا...الله يخليك..
سارة:وش هالمصيبه الي حنا فيها..
:سارة انا بكلم هاله..طمنيني اول باول..
قفلت من سارة..وماني مستوعبه الي صار..
فيصل مات..يعني منار انتهت معاه...
الله يستر عليها...قلبي مو مطمن..
انا ماصدقت انها بدت تنسى او عالاقل قدامي تبين انها ناسيه..
وفاة فيصل بتأثر فيها..
انا ماابي اتخيل حتى صدمتها اذا عرفت..
قطع حبل افكاري صوت عمتي:نورة وش فيك تصيحين؟
:بدر خطيب هاله صار له حدث..
عمتي:لا حول ولا قوة الا بالله.عسى ماجاه شي؟
:بالمستشفى..وماادري عن حالته..
عمتي:وهاله شلونها؟
:ماادري ماكلمتها..سارة كلمتني وقالت لي...,عمتي تعرفين مين كان مع بدر..!!فيصل ال..
عمتي بخوف واضح على وجهها:الي يبي منار؟
:ايه هو..
عمتي:عسى ماجاه شي الولد؟
:توفى..
ردة فعل عمتي كانت غير ماتوقعت..تضايقت مرة وصاحت عليه...
يمكن انا جالسه اكتب وماني مستوعبه الي صار...
حسيت بشخص واقف عند الباب...لفيت وكان سلطان وعلى وجهه علامات استفهام...
سلطان:وش الي صاير؟؟
ناظرتني عمتي ومافهمت وش قصدها بهالنظرة..
عمتي:مافي شي..بدر خطيب هاله صار له حادث..
سلطان:هاله بنت خالتك؟
:ايه..
طلع سلطان وماسأل اي سؤال زيادة...
كلمت هاله وحالتها يرثى لها...
حاولت قد مااقدر اني اطمنها واهدي بالها...
><><><><><

منار:صباح الخير..اوه تكلم..
مساعد جالس بالكنبه ويكلم بجواله..عقد حواجبه مستغرب ان منار قايمه بدري..
مر وقت ماهو طويل..وقفل مساعد من مكالمته والسكوت هو الي كان بينهم...
الله اعلم براس كل واحد فيهم..
مساعد:انا معزوم على الغدا مع واحد من الشباب...
لفت عليه منار:وديني بيت اهلي اجل..
مساعد:نصف ساعه واطلع..
منار اكتفت انها تهز راسها بالموافقه..
مساعد:وش فيك؟
منار:مافيني شي..
مساعد ناظرها وكأنه يقول كل هذا ومافيك!!
مساعد وهو يوقف:ماادري وش تاليتها!!
منار ناظرته وهي مستغربه من اسلوبه..اول مرة يرمي عليها كلمه...وكلمته ماكانت عاديه وكأنه يقصد فيها شي..
ماردت عليه..وطلع هو من الصاله..
تنهدت منار..وحست بضيقة زيادة على الي فيها..
راحت وراه للغرفه..
هو يبدل ملابسه..وهي قدام المرايا تظبط شكلها..
محتارة بانها تسأله وش يقصد بكلمته..والا تمشي الموضوع...
قررت انها تسأله..التفت عليه..مانزلت عينها منه..تتأمل شكله تراقب حركاته..او يمكن تتخيله فيصل الي قدامها..
مساعد:وش فيك؟
منار:هاا..لا مافيني شي...,مساعد وش تقصد بكلمتك؟
قرب منها مساعد وحط يده على كتفها وشد عليه:أخيراً سالتي..
منار عقدت حواجبها:مساعد..
مساعد:منار حنا في بداية حياتنا..والبدايه ماتطمن..انا شاريك وابيك..وابي اعيش حياة سعيده فيها تفاهم..ابيك تكونين قريبه مني..اقرب من اي شخص ثاني..انتي زوجتي..فاهمه وش معنى هالكلمه؟
منار جت بتتكلم..بهدؤ حط يده على فمها:مو لازم تبررين..منار احنا في البدايه..وقدامنا فرص كثيرة..
منار محتارة بالرد الي لازم تقوله..كلامه صح ميه بالميه ولا يختلف عليه اثنين...
مساعد:نخلي كلامنا لليل..يلا استعجلي..
مسافة الطريق..وصلت منار بيتنا...
البيت فاضي..هدؤ يعم المكان..
جلست بالصاله تتفرج على التلفزيون وبعدها طلعت لغرفتها..
فتحت باب الغرفه بهدؤ...وقفت لثواني تناظر غرفتها..
انسدحت بسريرها..
استرجعت ذكرياتها..
أحلى ذكريات..احلى غلطة واشينها...
فيــصل..
ياترى وش قاعد تسوي الحين..
ناظرت الساعه..وكانت 2:00..
اكيد انه بالبر..هذا وقت طلعتهم..الله يحفظه..
السنه الي فاتت بنفس هالوقت..
ماقد خطر في بالي..ان السنه تدور وانا بعيده عنه...وياليت كذا..متزوجه بعد..
كثير مااحس ان زواجي اكبر غلطة سويتها بحياتي..
ياليت اقدر ارجع شهرين بس..
هذا الي يدور براس منار..تحس بغصه بحلقها..
دمعت عينها غصباً عنها...
وقفت من سريرها..وراحت لدرجها الي محتفظه بكل شي من فيصل فيه..
ترددت بانها تفتحه او لا..
بفتحه وبرمي كل الي فيه..انا خلاص متزوجه وبذمة رجال..وفيصل لازم انساه..
هذا الي قررته منار...
فتحت درجها..وطلعت الي فيه..
نثرتهم على الارض..
اشرطه اغاني كانت تسويها له...واشرطه منه..
مدت يدها واخذت واحد منهم..حطته بالمسجل..
عادته من الاول ورجعت لمكانها..
صوت رجولي..مبحوح...
اهداء لاحلى منار..
يضحك..ويرجع يتكلم..
انا عارف انك قاعده تضحكين وانتي تسمعين...
منور..
اسمعي كل كلمه..وكل حرف..
قفلت منار المسجل..وطلعت الشريط..
البوم صور..كلها كانت له..
تتفرج على الصور وتتأمل كل صورة..
انفتح باب الغرفه..
سارة:اهلين..
منار ارتبكت..وانقلب لون وجهها..:هلا هلا..لا تدخلين..الغرفه مرة حوسه..
سارة دخلت وماسمعت كلامها:وشو هالاشياء؟
منار وهي تلمهم:خرابيط..خرابيط ماعليك..
اخذت سارة البوم الصور...
منار:سارة لو سمحتي..
سارة:لو سمحتي انتي يامنار..
سارة فتحت الالبوم..وتقلب من صورة لصورة..
منار وهي تسحبه:خلاص عاد..
سارة:هذا فيصل؟
منار ناظرتها وهي مستغربه:مين قالك؟
سارة:تعالي تحت ابي احكي معاك..
منار بصوت عالي:سارة مين قالك؟
سارة:تحت نتكلم..
طلعت سارة ومنار وراها..
منار:تعرفين شكله؟
سارة:لا..
منار:اجل؟
سارة:ادري انك كنتي على علاقه معاه..
منار وكأنه احد صفعها على وجهها:من متى وانتي تعرفين؟
سارة:اليوم بس عرفت..
منار وهي تجلس:سارة بلا استهبال..
سارة:منار ابيك تسمعيني..
منار تقاطعها:سارة وش فيه؟
سارة:انتي الي وش فيك؟انتي الحين متزوجه ليش محتفظه بصور لواحد كنتي على علاقه معاه..
منار بعصبيه:سارة يرحم اهلك..قفلي على الموضوع..فيصل ماضي وخلاص..
سارة:اكيد انه ماضي؟
منار:من قبل ماارتبط بمساعد وحنا تاركين بعض..
سارة:بس شكلك للحين...
منار تقاطعها:والله ياسارة ان ماسكتي..
سارة:بسكت..بس..
منار:بس ايش بعد!!
سارة:امس..امممم..
منار:امس ايش؟؟
سارة:امس بدر صار له حادث بطريق البر..
منار تجمدت بمكانها ولسانها انربط وماقدرت تحكي صدرها ينزل ويطلع.. نفسها صار سريع..
سارة:وكان معاه فيصل..
منار عيونها امتلت بالدموع وتنتظر سارة تكمل كلامها..
سارة دمعت عينها:والله يامنار ماادري وش اقولك..
وقفت منار من مكانها وصارت قبال سارة وبصوت عالي:فيصل وش فيه؟؟؟ردي علي..فيصل وش فيه..
سارة:منار اذكري ربك..
مسكت منار كتف سارة:سارة ردي..فيصل وش فيه؟
سارة:توفى..
صرخت منار باعلى صوتها:لاااااا..لااااااا..لااااااااا..كذابه..انتي كذابه...
حست بهزل بجسمها وضعف بمفاصلها...اطرافها ترتجف..اختل توزانها وطاحت على الارض...
سارة:منار..منار. ارفعي نفسك..
مافي اي رد من منار..صياح اقرب لصراخ...
سارة كانت تصيح معها..وتصيح على الي هي فيه..
شلون بترفعها وهي حامل..
سارة بصوت عالي:فاااااطمه..فااااطمه...
بخطوات سريعه وعلامات الخوف باينه على وجه فاطمه:خير ايش الي صاير؟؟
سارة:تعالي ارفعيها معاي..
فاطمه وهي تنزل وتصير بمستواهم..وتمسك منار من كتفها..وترفعها مع سارة...
دخلت مشاعل بقوتها وكانت تمشي بخطوات سريعه..
طبعا عرفت كل الي صار..سارة قالت لمنار..
مشاعل وهي تجلس جنب منار وتضمها:منار ياحبيبتي..هاذي الدنيا..وكلنا بنموت..
منار بدون اي تفاعل...تصيح وصياحها يزيد مايخف..ماابدت اي ردة فعل مع مشاعل..
شبه فاقده الوعي..ماتحس بالي حولها..صدمة فاة فيصل شلت تفكيرها..
مشاعل:منار الله يخليك ناظرني...ردي علي..
سارة:مشاعل اخاف يصير فيها شي..انا الحمارة الي اقولها..
مشاعل:سارة..كان انتظرتيني اجي..انتي دايما كذا..
سارة:مشاعل لا تزيدين الي فيني..
سحبت منار يدها من مشاعل ووقفت من مكانها وبخطوات بطئيه كانت تمشي وباتجاه الدرج..
وصلتها مشاعل الغرفه..وسارة طلعت معها عشان يجلسون بالصاله الي فوق ويصيرون قريبين منها..
مرة ساعه وساعتين وثلاثه..ومنار على حالتها بالغرفه..وماتبي احد عندها..
مشاعل:سارة الوقت يمر..ومساعد اتصل مرتين على جوالها...
سارة:انا بالليل اكلمه واقوله انها تعبانه وبتنام هنا..
مشاعل:تمشي عليه..!!
سارة:ماعندي حل..
><><><><><<
بالمستشفى..وتحديداً بغرفة بدر...
هدؤ يعم الغرفه..
مجموعه من الحريم جالسين على الكنبه...يبكون بصمت على حال ولدهم...
والرجال بمكان ثاني من الغرفه...
يفتح بدر عينه بهدؤ..وهاذي حاله اليوم يفتح عينه...يتأمل الوجوه الي قدامه ويرجع ينام...
بصعوبه قدر يتكلم:يمه..
هاذي اول كلمه نطق فيها..لشخص الي بيحس فيه وبيساعده..
قامت امه بسرعه من مكانها وراحت لولدها:ها ياضناي يابعد اهلي كلهم..وش تحس فيه انادي الدكتور؟
بدر وهو ياخذ نفس:وش الي صار؟
ام بدر تلف على الي قاعدين:نادوا ابوه..
راحت وحده من الجالسين ونادت ابو بدر وجا معاه فهد الي كان توه جاي من العزاء
ابو بدر وهو ماسك يد ولده:صار لك حادث..
بدر وكأنه الذكريات بدت ترجع له..ويتذكر الي صار..
نفسه صار سريع وعينه امتلت بالدموع:ايه حادث..صار لنا حادث..
ابو بدر:بس الحمدالله انت بخير..
فهد:كل الي معاك بخير..
بدر:فيصل؟
ابو بدر:الحمدالله..
سكت بدر لثواني..سرحان فيها...ماادري اذا كان يفكر بشي والا يتألم على الحادث الي صار لهم...
بدر:ابي..اكلم..ها..
امه تقاطعه:الجوال مو زين لك..
بدر:يمه..ابي اكلمها..
ابو بدر:خليه يكلمها..
فهد:بدر الجوال مضر وانت بهالحاله..اجلها شوي الى ماتتحسن حالتك..
بدر بتعب:لا..
ابو بدر:جيبي رقمها وخلي يكلمها..عشان يرتاح..
ام بدر:ان شاء الله..
><><><><
يرن جوال هاله ويقطع حبل افكارها..تشوف الرقم..ماهو مسجل عندها وغريب..
هاله:الو..
بدر كان ساكت...
هاله:الو..
بدر:هاله..
هاله بصوت عالي:بدر ايه والله بدر..
بدر:ابي اشوفك..
هاله:وانا بعد..والله ابي بس ماادري..بدر وشلونك؟ان شاء الله انك طيب..قلي انك طيب..طمن قلبي..
بدر:طيب..
هاله:متى اجيك؟
بدر:الحين..
نظرات من خالتي لبنتها..
هاله:عندك اهلك..بكرة الصباح اجيك..
بدر:لا..الحين..
هاله:خلاص الحين اجيك..
قفلت منه...
هاله:يمه ترا بروح له..
خالتي:مجنونه انتي مجنونه..وش تبين يقولون عننا..
هاله بعصبيه:ماعلي منهم..وبروح يعني بروح..ويقولون الي يبون..
خالتي:هاله لا تخليني احلف انك ماتروحين..
هاله وهي تصيح:يمه حرام عليك..
خالتي:الحين كلمك وارتحتي..ماله داعي الروحه..
ابو هاله وهو داخل الصاله:وش الي صاير؟
ام هاله:بنتك تبي تزور خطيبها..وش تبي يقولون علينا الناس..
ابو هاله:من حقك تزورينه..وانا بوديك بعد...
هاله:ياحبيلك يبه..,اروح البس؟
ابو هاله:اصبري يومين بس..
هاله:لا لا لا كثير والله كثير..
نقاش دام لفترة قصيرة مااقتنعوا اهلها بانها تروح له اليوم...
مثلت هاله انها مقتنعه قدامهم..وبكرة الصباح بتروح له بدون مايدرون..
هذا الي قررته هاله...

><><><><><>< 

مشاعل:سارة تكلمين مساعد والا اكلمه؟؟
سارة:مشاعل ماراح يقتنع..
مشاعل:لازم نكلمه..كسر جوالها وهو يتصل..
سارة:عطيني الجوال..
مدت لها الجوال..
سارة وهي تطلع المكالمات:والله احسه ماراح يصدق..
مشاعل:ربك يحلها..
من اول رنة رد مساعد:وينك ياشيخه؟؟
سارة:هلا والله مساعد..
مساعد ونبرة خوف بصوته:هلا بك اختي..,خير وش الي صاير وين منار؟
سارة:كل خير...بس منار تعبت علينا..
مساعد يقاطعها:تعبت عليكم!!
مشاعل بصوت واطي:انخفض الظغط عندها..
سارة:انخفض ظغطها..
مساعد:وينها الحين؟
سارة:نايمه..
مساعد:مايصير المفروض انكم تقولون لي..قلقت عليها..
سارة:اعذرنا بس انشغلنا معها..
مساعد:عساها ما تعبت مرة؟
سارة:لا الحمدالله..,اتصلت اقولك لو تخليها تنام اليوم..
مساعد يقاطعها:ليش تنام؟هي تعبانه لهدرجه؟
سارة:لا لا اطمن..بس عشان نهتم فيها..
مساعد:لا انا اجي عندها...ارتاحوا انتو في بيوتكم..
سارة:لا لا مايحتاج تجي..حنا في..
مساعد حس انه في شي مو طبيعي قاعد يصير:اوكي..اوكي..اقدر امرها؟
سارة:هي نايمه الحين..
مساعد:طيب..انا اكلمها بعد شوي..فمان الله..
قفل مساعد الخط قبل ماينتظر ردها..
سارة:اقطعي يدي ان كان مصدق..
مشاعل:لازم نخليها تكلمه..عشان يصدق..
سارة بعصبيه:انتي شايفه انها تقدر تكلم!!
مشاعل بضيق:سارة نوديها المستشفى يعطونها مهدئ او اي شي..
سارة:لا..الحين اعطيها حبوب تنومها..
مشاعل:ان شاء الله ينفع..
يرن تيلفون البيت بوقتها..وكنت انا المتصله..ردت مشاعل..
:هلا مشاعل..شخبار منار؟
مشاعل:للحين على حالها..
:ابيها..
مشاعل:ماراح ترضى..
:اقولك ابيها..
راحت مشاعل لغرفة منار..
مشاعل:منار..نورة تبي تكلمك..
حطت مشاعل السماعه باذن منار..
سكت لثواني ماادري وش اقول فيها...
منار وهي تصيح:نورة شفتي وش صار فيني..راح فيصل راح...انا السبب انا الي موته...
انا حمارة..انا حقيرة..انا ولا شي...مات وهو زعلان مني..تعرفين وش معنى زعلان مني...فيصل حياتي وروحي وكلي مات وهو زعلان مني..
منار بصوت عالي:فاهمه وش معنى الي احبه يموت وهو زعلان مني...ياليتني انا الي مت ولا هو...انا ولا هو...انا وشو انا..ولا شي..ولا شي بدون فيصل...
:منار وش هالحكي...
منار:اكثر وحده تعرفين وش كان بينا...نورة فيصل مات..انتي مصدقه؟؟
:منار..
صياح منار كان يقطع القلب..ماقد شفتها بهالحاله ومااتوقع اني بشوفها..
منار:ليش تزوجت مساعد؟؟ليش ماقلتي لي منار انتي تحبين فيصل لاتوافقين على مساعد..ليش ماقلتي لي..ليش..
انا وش اسوي بمساعد..وش اسوي فيه..ماابيه..مااحبه..اصلا وشو مساعد..ولا شي بالنسبه لي...اكرهكم كلكم...ابوي هو السبب....ليش ماوافق ليش..وعمتي كانت تقدر تخليه يوافق..انتي بعد كنتي تقدرين..مااحد كان يبي يساعدني مااحد حاس فيني..
اكرهكم..اكرهكم..
سحبت مشاعل السماعه من منار وسكرتها بوجهي..
منار:اطلعي برا..ماابي اشوف احد..
مشاعل جلست جنب منار:الله يخليك هدي نفسك..عشان فيصل..
رمت منار نفسها بحضن مشاعل ودموعها تنزل بدون توقف..
مشاعل بهدؤ وهي تمسح على راس منار:هاذي الدنيا يامنار...كلنا بنموت..نهايتنا وحده..جدتي عايشه وجدي..امي..فيصل...وكثير كثير غيرهم..منار مايصير تسوين بنفسك كذا..ادعيله ادعليه يامنار..فيصل يبيك تدعين له..
منار وهي تصيح:مشاعل انا الي متعبني..انه مات وهو زعلان مني..تركنا بعض عشان الوضع يهدى..ولارجع اتصل..عمتي كلمته قالت له تعال اخطبها..بس ماجا..ماادري ليش بس بوقتها قلت خلاص اكيد انه مايبيني...وافقت على مساعد..وليتني ماوافقت..
مشاعل:منار الي راح راح...
منار:مقهورة..مقهورة من نفسي..
><><><><><><
ناظرت الساعه..3:00 الفجر...
ابي انام وماني قادرة..لي ساعتين وانا اتقلب على سريري بدون فايده...
الي صار مشوش لي تفكيري..
قمت من سريري وطلعت من غرفتي..
ثواني وقفت اشوف المكان..
رحت الصاله..التلفزيون مسكر وماحاولت افتحه...
خليت افكاري تبحر فيني...
من منار لفيصــل..وهاله وبدر..
صوت منار باذني..صوت صياحها..كلامها...
علاقتها بفيصل...
قطع تفكيري...صوت خطوات تطلع الدرج..
كلهم نايمين ومافي احد برا البيت..
سلطان بصوت واطي:وش مصحيك؟
مارديت عليه وكنت اناظره...
خفت..لو صار لسلطان شي وش بسوي...
اعوذ بالله...
سلطان:نورا..
:هاا..
سلطان وهو يجلس:نورا وش فيك؟
اخذت نفس طويل:ليش كذا الدنيا ياسلطان؟
عقد حواجبه مستغرب من الي قلته وقدرت اشوف ابتسامته:وش تبينها تصير؟
:ماادري...
سلطان:وش الي صاير؟
:كل هذا ومافي شي..
سلطان:نورا كلامك الغاز..
:فيصل الي تحبه منار...
سلطان باهتمام:ايه..
:صارله حادث وتوفى..
سكت ومارد علي...
رجعت بهدؤ وتسندت على الكنبه...دمعت عيني غصباً عني..
سلطان وهو يعدل جلسته ويتقدم شوي:تصيحين عشان منار؟
:اصيح على نهايتهم..تركوا بعض وكل واحد يحسب ان الثاني نساه...منار تزوجت وفيصل توفى...
سلطان:نورا هاذي الحياة..
ناظرته ومارديت عليه...ماعجبني كلامه...
بالي ماكان معاي ابداً...رحت لرانيا..وياليتني مارحت..
انا كل مااشوفها احس بضيقه...ليش انا اسوي معها كذا...
راسي بينفجر من التفكير..
اطلقها...
صعبه علي..
وامي..نورة...
ماابي اجهد نفسي بالتفكير..
اليوم حسيت بتعب..وماابيه يتضاعف..
:نورا الوقت تأخر..ماتبين تنامين؟
هزت راسها بالنفي..
سكت وماتحركت من مكاني...انتظرها متى بتقوم..
مرت فترة قصيرة ساكتين فيها..
نورة:سلطان روح نام..
:خليني جالس معاك..
ابتسمت:نجلس ساكتين..وش الفايدة؟
:مايحتاج نتكلم..يكفي اننا جالسين مع بعض..
آآآآه ياقلبي...انت تعرف وش قاعد تقول ياسلطان..
اختلطت مشاعري بحزن وفرح وحب...
الي قاعد تقوله من قلبك..يكفي اننا جالسين مع بعض!!
حاولت اشغل نفسي باي شي..ماابي كل تركيزي يصير معاه..
فكيت ربطة شعري..وجلست العب فيه...
اذا يحبني سلطان ليش ما يقول؟
انا اقول لو كان..
صعبه عليه!!مااتوقع..
يفصل بيني وبينه طاوله صغيرة...
يدي اليسار على طرف الكنبه...ويدي الثانيه العب فيها بشعري..
عدل سلطان جلسته وقرب لطرف الكنبه اكثر...
حسي بشي بارد يلامس طرف اصبعي..يده مو اي شي ثاني..
يده ملاصقه ليدي...طرف اصبعي يلامس طرف اصبعه..
رفعت عيني وناظرته وبعيني مية سؤال وسؤال...
ماشال عينه مني...شفت فيها كلام كثير...واضحه..وش اكثر من كذا يانورة..
سحبت يدي بسرعه ودخلتها بجيبي...
دقات قلبي صارت اسرع..
ليش سويت كذا ماادري...
أحبها...هذا الجواب كافي..!
ليش اخبي عليها واكذب على نفسي...
تصرفي خاطئ وتفكيري ميه بالميه انه غلط...
انا انسان وماني معصوم عن الخطأ..
لمتى بعيش وافكر مليون مرة قبل مااسوي الشي..واحسب حساب لاي شي..
وبالنهايه مو كل شي يطلع مثل ماابي..
زاوجي من رانيا فكرت بدل المرة مليون..والحين اكبر غلطه بحياتي..
ابتسمت لما شفت ردة فعلها..
ناظرتني وكأنها تقول سلطان تحبني..
دخلت يدها في جيبها..ضحكتني هنا اكثر..
قمت بهدؤ...ومانطقت باي كلمه...
><><><><><
مانامت هاله الليل..منشغل بالها على بدر...
تحاول تشغل نفسها باي شي...
الوقت يمر ببطئ بالنسبه لهاله..تنتظر متى تجي الساعه 10:00...
واخيراً جاء الصباح...وعلى الساعه تسعه بدت تظبط هاله الوضع...
حطت ورقه عند باب غرفتها بانها نايمه وماتبي احد يزعجها..
واتفقت مع الخدامه...انها تشيل الورقه اذا اتصلت عليها...
ركبت هاله السيارة والخطه للحين ماشيه مثل مارتبتها..
وصلت المسشتفى...
تمشي بالممرات وتدور على غرفة بدر..واخيرا لقتها..
وقفت عن الباب..
خايفه..ومن اصعب المواقف الي مرت فيها وبتمر فيها..
صعب عليها انها تدخل وتشوف خطيبها بهالحاله...
دمعت عينها..ومسحتهابسرعه..
اخذت نفس طويل..وبهدؤ مدت يدها على الباب..وطقته..
ثواني وينفتح الباب..
صوت انثوي من ورا الباب:مين؟
هاله بارتباك:انا..انا هاله..
ام بدر:هلا يابنيتي ادخلي ادخلي..
دخلت هاله بهدؤ وسلمت على ام بدر...
وقفت بمكانها ولا تحركت..
ام بدر:ادخلي..
هاله بخوف:صاحي بدر؟
ام بدر:اذا شافك بيصحى..
مشت ام بدر..وهاله للحين بمكانها..
تلف عليها:هاله يابنتي ادخلي..
هاله:..........
ترجع خطوات لورا..وتمسك هاله من كتفها وتمشيها معها..
هاله وهي تصيح:لا ماابي ماابي..
ام بدر:اذكري الله...بدر مافيه الا العافيه ان شاء الله..
هاله:صدق؟
ام بدر:ان شاء الله..
غمضت هاله عينها..وكانت خايفه تفتحها...
قدام السرير واقفين ومايفصل بينها وبينه الا مسافه قصيرة...
فتحت هاله عينها وشهقت وصارت تصيح اكثر من اول..
ام بدر وهي تقرب لها الكرسي وتجلسها:هاله يابنيتي..لايقوم بدر ويشوفك كذا...انا بروح لصاله وبتركك معاه...
طلعت من الغرفه وتركتهم بلحالهم..
ثواني مرت وهاله على جلستها...
وش الي تقدر تسويه..بدر خطيبها..للحين ماصار زوجها..
نست هاله هالشي ويمكن مافكرت وش نوع العلاقه الي بينها وبين بدر...
وقفت من مكانها..وقربت منه اكثر..
بصوت واطي:بدر..بدر...
علت من نبرة صوتها:بدر..بدر..
فتح عينه بصعوبه وبصوت مبحوح:هاله..
هاله:ايــه هاله..كيفك؟
يهز رقبته بحركه بطئيه..بانه طيب..
هاله:صدق؟
بدر:ايه,مااحب اشوفك تصيحين..
هاله وهي تتصنع الابتسامه:ان شاء الله..
بدر:اجلسي..
هاله وهي تجلس على الكرسي..بدر:لا بالسرير..
ابتسمت هاله ورفعت نفسها شوي..وجلست على السرير..
مرت ربع ساعه...السكوت هو الي كان بينهم..واكتفوا بنظرات بينهم مايفهمها غيرهم...
هاله:انا لازم اروح..
بدر بتعب:شوي بس..
هاله:والله لو بيدي اجلس وانام عندك بعد...
بدر:بكرة؟
هاله:نفس هالوقت..,يلا مع السلامه..
><><><><><

مساعد ماسك يد منار..ويمشون بممر من ممرات المستشفى...توهم طالعين من الدكتور...
ماتكلم مساعد وماحاول يسأل منار عن الي فيها...
الكلام الي سمعه من الدكتور شغل باله...
فتح لها باب السيارة..ورجع المرتبه شوي على ورا...
بعد ماركبوا السيارة..
منار ملتفته على الجهة الثانيه ودموعها تنزل بدون اي صوت او انفعال...
مساعد فكره تشوش..وماهو عارف وش الي صار بيوم وليله وقلب منار...
مساعد:منار وش الي صار؟
منار تهز راسها بالنفي..
مساعد:شلون مافي شي.؟الدكتور يقول حالتها النفسيه سيئه مرة..
سكتت منار وماردت عليه...
مساعد:اوكي براحتك..بس انا لازم اعرف وش الي صار...
وقف السيارة قدام البيت..مرت ثواني..ومنار مانزلت..
مساعد:منار وصلنا..
فتحت باب السيارة بسرعه..ونزلت بدون ماتنطق باي كلمه..
مساعد يناظرها وبراسه مية سؤال وسؤال..
مرت فترة قصيرة وهو بالسيارة..ماقدر يتركها بهالحاله ويمشي..لازم يعرف وش الي صار..
نزل هو الثاني ودخل البيت..
سارة في بيتها ومشاعل فوق عند منار..
استاذن مساعد وطلع فوق عندها..
وقف مساعد لثواني يتأمل غرفة منار..
بخطوات بطئيه يمشي..ويجلس عالسرير قريب منها..
مساعد:ماادري بس انا مستغرب..متعجب من الي قاعد اشوفه...انا سويت لك شي..زعلتك..احد زعلك..؟
منار تعلب بيدها وكل تركيزها موجهته بيدها:تو..
مساعد بنبرة عاليه:ماانتي مرتاحه معاي؟مجبورة على الزواج مني..؟شفتي تصرف وضايقك؟
منار ماردت عليه..
مسك يدها وبعدهم عن بعض:ناظريني انا اتكلم معاك..لا تعيشيني بحيرة..انا ابي ارتاح وابي اريح الي تعيش معاي..
تبين الطلاق..مستعد للي تبينه..يرحم والدينك تكلمي..
منار دموعها تنزل..وماهي قادرة تتكلم..الي فيها اكبر من كلام مساعد..
مساعد وهو يفصخ شماغه ويرميه عالسرير ويقرب لمنار اكثر..مسكها من كتفها بقوة وبصوت عالي:انطقي..حسي فيني..انا قاعد اكلم جدار..!!
منار انفجرت صياح وبعدت يده عنها:اتركني..اتركني..ابي ارتاح..
رمت منار نفسها على حضن مساعد وضمته وهي تصيح..
سكت مساعد وماتحرك من مكانه بالبدايه..كل الي قاعد يصير عليه استفهام..
مساعد وهو يمسح على راسها:بس حبيبتي..منيار خلاص..الله يخليك..
يزيد صياحها مايخف..
منار:لا تخليني يامساعد..الله يخليك..لا تتركني..انا مالي غيرك..لاتروح..لاتروح وتتركني ...
مساعد:ماراح اخليك حبيبتي..انا معاك..والله معاك..
مرت فترة قصيرة...ومنار على حالتها...
جلس مساعد عند منار..الى مانامت..بعد ماعطاها حبوب منومه طبعاً..
طلع مساعد من الغرفه...بعد ماتأكد انه مافي احد..
حاله انقلب..لما شاف منار بهالوضع...
بخطوات بطئيه يمشي شماغه على كتفه..والعقال يلعب فيه بيده..
فكرة في باله تدور انه يسأل مشاعل عن منار...قرر انه يسألها..عشان يرتاح شوي..
بس مشاعل ماعطته الي يبي..تعذرت له باسباب كثيرة...مايستوعبها عقل مساعد..
مااحب يظغط عليها..وطلع من البيت...
فترة طويله ومساعد للحين بالسيارة قدام البيت..
راسه بينفجر من التفكير...
ليش كذا يصير لي...ادور الاستقرار والراحه بس الظاهر انا مكتوب علي الشقى...
حس ان الدنيا تقفلت بوجهه...مايدري وين يروح ولا وش يسوي..
ارجع لشرقيه..هذا الي قرره...
><><><><><
مر اسبوع...بطئ على الكل...
مساعد رجع لشرقيه ومنار للحين بالرياض..نفسيتها سيئه لابعد درجه...
هاله بشكل يومي تروح لبدر...وضعه مستقر..وللحين ماعرف عن فيصل مصعب...
اسئلته بشكل مستمر..وكأنه حاس...
><
><
الساعه 4:00 العصر...
مشاعل توها داخله بيتها... وباين على ملامحها التعب..
لها يومين ماجت بيتها..
خالد بالصاله جالس..وباين ان توه راجع من شغله..
خالد وهو يوقف:هلا والله..
مشاعل بتعب:هلا..كيفك؟
خالد:الحمدالله..كويس جيتي..,شكلك تعبانه!
مشاعل:اييه تعبانه..
خالد:شلون منار؟
مشاعل:متعبتني مرة..ماادري وش اسوي..
خالد:انا اقول تروح لاهلك بامريكا..
مشاعل:ماادري والله مافكرت فيها..
خالد:تغير جو وتطلع مين الي هي فيه...
مشاعل:وش بنقول لمساعد وابوي؟
خالد:اي عذر..بيقتنعون..
مشاعل:بكلم عمتي..,اييه خالد عندي موعد الساعه سته..
خالد:تبين اروح معاك؟
مشاعل:ياليت..
خالد:موعد ايش؟
مشاعل:دكتورة نساء..
خالد حس بغصة بحلقه وماقدر يتكلم مشى خطويتن لقدام وماصار وجه بوجها:الساعه سته امممم مااظن اقدر عندي موعد..
مشاعل:احط لك الغدا؟
خالد:الله لا يهينك..
كمل خالد خطواته لغرفته...وتضايق من الي صار..لمتى وهو بيخبي عليها..
مشاعل لازم تعرف..بس الظروف الي تمر فيها صعبه اجي انا وازيدها...
راحت مشاعل لموعدها..وهاذي مو اول مرة تروح هالايام...
بعد ماطلعت من موعدها راحت لمنار وسارة عنده اليوم هي الي بتنام...طول الاسبوع الي فات ومشاعل هي الي كانت عند منار...
الساعه 12:00 رجعت مشاعل لبيتها...
دخلت وخالد كالعاده جالس بالصاله يتفرج على التلفزيون والسيجارة بيده..والدخان مالي المكان..
مشاعل:كتمتنا بهالدخان..
ناظرها خالد ومارد...الاسطوانه هي نفسها بتعيدها مشاعل اذا رد عليها..
مشاعل:وين رحت اليوم؟
خالد:ماطلعت من البيت..
مشاعل:رحت لموعدي..
خالد:.......
مشاعل:الدكتورة تقول مافيك شي..والمفروض انك تحملين..
خالد يقاطعها:بكيفها الدكتورة هذا كله بامر الله..
مشاعل:اييه انا اقصد انه ماعندي مشاكل..
خالد:حبوب منع الحمل تأثر...
مشاعل:بس انا الحمدالله مااثرت فيني..
خالد:طيب مشاعل وش المطلوب مني؟
مشاعل ارتبكت:لا انا بس اقولك..
ناظرها خالد ومارد..
مشاعل:يعني...
تسكت مشاعل وماتكمل كلامها..
خالد:يعني!!
مشاعل:يعني الدكتورة قالت لو زوجك...
خالد انقلب لون وجهه وماقدر يتكلم..
مشاعل:خالد مافيها شي لو تروح..
خالد بوثوق متصنع:اعرف ان مافيها شي..بس انتي كأنك مستعجله..يعني يتأخر الحمل سنه سنتين قدام..
مشاعل تقاطعه:سنه سنتين قدام..كثير.. الحين بيصير لنا ثلاث سنوات..وحنا متزوجين..
خالد:ماعندي مانع اروح بس انا هالفترة مشغول..وياليت ما تفتحين هالموضوع مرة ثانيه..
مشاعل:خالد ليش انت ماتبي تحكي بموضوع الحمل..انا لاحظتك اذا حكينا مزاجك يتعكر..
خالد:أنا!!
مشاعل:ماادري وش الي في بالك صراحه..
خالد بنفس اسلوب مشاعل:انا مو متشفق على الاولاد صراحه..
مشاعل:غريب..
خالد:ليش غريب؟
مشاعل وهي تقوم من مكانها:نقفل عالموضوع احسن..
><><><><><
اليوم الي بعده...
الساعه 12:00 الظهر..
تطلع سارة من غرفتها وبخطوات بطئيه متجهة لغرفة منار..تفتح الباب وماتلقاها بالغرفه...
بخطوات سريعه صارت تمشي..وراحت الصاله...
منار جالسه على الكنبه ولابسه عبايتها..
سارة وعلامات التعجب بوجهها:منار وين بتروحين؟؟
منار تناظر سارة ولا ترد..
سارة:اكلمك ردي علي..
منار تناظرها بطريقه وكأن سارة السبب بالي صار..
سارة:منار وصمخ وين بتروحين؟
يرن جوال منار وترد:اييه انا جاهزة..عند الباب...طيب..
سارة:منار..اكلمك ردي..
منار بعصبيه:مالك شغل فيني..
سارة:حسبي الله ونعم الوكيل..منار لا تطيرين عقلي...
منار قامت من مكانها وصارت تمشي بخطوات سريعه باتجاه الدرج..
سارة بصوت عالي:مناااااااار..
تلف منار بكل برود:برجع لبيتي..
كملت مشيها وسارة وراها:من جدك؟؟ومع مين ان شاء الله؟وليش توك تقولين؟
منار:سارة بس بس سؤال ورا سؤال..كلمت مساعد امس وقلت له اني ابي ارجع...جا امس بالليل الرياض...والحين رحلتنا..ارتحتي!!ريحتي فضولك!!
سارة:تروحين وانتي بهالحاله؟؟مجنونه انتي؟؟
منار عيونها امتلت بالدموع:احسن من اني اجلس هنا..ماابي اشوفكم ولا ابي اتذكر شي..ابي انسى..خلاص ابي انسى..ابي انساكم انتم بعد..انتم سبب كل الي انا فيه الحين..
صاروا عند الباب...منار بكل برود:مع السلامه..
طلعت منار وسارة ماهي مستوعبه الي سوته منار...
وقت قصير ووصل لي الي سوته منار...
ماصدقت بالبدايه الا بعد مااتصلت عليها..
كلمتين وماامداني اكلمهم..وسكرت الخط...
رجعت اتصل عليها مقفله جوالها...
خوفتني حركة منار...كأنها بتروح وماتبي ترجع لنا ابداً!!
معقوله كذا تفكر...انا مااستبعد اي شي عن منار..
هي تحمل الي صارلها بأبوي وعمتي...وحنا بعد معهم...
ماقدرت انام...النوم طار من عيني...
منار وريما...في بالي ومايروحون...
احس انهم قاعدين يضيعون...وانا واقفه اتفرج ماني قادره اسوي اي شي...
امتلئت مخدتي بالدموع..
بكيـــت لوقت طويل...وياليت الدموع تفيد..!
********
لماذا يحصل لنا هذا!
دائماً مايدور هذا السؤال في اذهاننا...
والجواب...هذه الحياة...
لهذه الدرجه الحياة قاسية معنا؟
دائماً ماافكر بأن كل احد منا يعاني ويقاسي الحياة..
ليس شخصاً ولا اثنان بل الجميـــع...
الجميع يشكون من الحياة وهمومها...
هل يعيش أحد منا براحه...
ومن عاش براحة يوم فغداً لن يعيشه..
اننا ضعيفون..من ابسط مايحصل لنا تنهار قوانا..
كلمات مبعثرة خطتها يدي...
*******
نمت والدموع بخدي..جسمي ماقدر يتحمل اكثر...
قمت الصباح مفزوعه..نزلت من سريري بسرعه..بخطوات سريعه اتجهت لباب..وتذكرت اني ماغسلت ولا بدلت ملابسي..
مايهم..فتحت الباب ورحت لصاله..
عمتي وجنبها ريما..
:عمتي مارحتوا للمستشفى؟
عمتي بضيق:سلطان من الليل وهو بالمستشفى..
بخوف:وش فيه؟
عمتي:تعب..
:وانتي توك تعرفين؟
عمتي:نمت امس وهو مابعد رجع للبيت..ولما قمت دريت..
:تعبان مرة؟
عمتي:لا ان شاء الله مافيه الا كل خير...هو الله يهديه ينفعل والانفعال مو زين له..
جلست على الكنبه وانا احس بتعب احس ان رجلي ثقيله...
عقلي انشل من التفكير..احس انه بينفجر...
عمتي:الحين بنروح المستشفى ريما عندها موعد..
:اييه صح اليوم لها جلسه..,طيب عمتي بروح معكم..ثواني بس ابدل..
قمت من مكاني بسرعه..
نصف ساعه وحنا بالمستشفى...
ابوي لاقنا عند الباب..
عمتي:شلون سلطان؟
ابوي:الحين بيطلع...مافيه الا العافيه..
عمتي:انا بصير مع ريما..وخليك انتي مع سلطان..اكيد انه محتاج لك..
عمتي:طول هالسنين مااحتاج لي مااظنه بيحتاج لي ابد..
كلمات عمتي كانت قويه..انصدمت من الي سمعته..لهدرجه!!
ابوي ناظر عمتي ومستغرب من الي قالته..
ماقدرت ارد عليها وماعرفت وش اقولها..
ليش كذا عمتي قالت..سلطان ولدها..وماعندها غيره..تضايقت من الموقف الي صار..تضايقت بشكل ماتتصورنه..
دخلنا القسم المخصص لمثل هالامراض..
امشي وراهم وبالي مشغول مع سلطان...
الممرضه كانت بانتظار ريما..
ابوي يناظر ريما:يلا حبيبتي..
ريما وباين بعينها الخوف:عمتو!!
عمتي:ايه بجي معاك..
ريما امتلت الدموع بعيونها:ماابغى اروح يابابا..
ابوي وهو ياخذ نفس طويل:مرتين بس باقي وخلاص..
ريما وهي تصيح:لا لا ماابغى..
عمتي بضيق:ياليتني انا ولا هي..
نزلت شوي لمستوى ريما:معليش حبيبتي..عشان تصيرين كويسه ونرجع لرياض..
ارتمت بحضني وكانت تبكي:انا اخاف يانورة..
ابوي وعمتي يناظرون ريما ومو قادرين يسون اي شي...
مسحت على راسها:انا بقولهم اخر مرة..
ابوي:يلا حبيبتي..
ريما وهي تتمسك فيني بقوة:لا لا ماابغى...بليز بابا..نورة قولي لبابا..
شالها ابوي وحاول انها يقنعها..وكالعادة ترضخ للامر الواقع..وتستسلم...
دخلوا كلهم الا أنا..
جلست بكراسي الانتظار...
اتصلت على منار ماردت وهاله بعد ماردت...
مر وقت طويل وانا بمكاني..سرحانه وماني حاسه بالي حولي...
سمعت صوت احد يصيح جنبي..لفيت وكانت وحده عرفت انها عربيه لحجابها...
حاولت اني مااناظرها واخليها تصيح براحتها وتطلع الي بقلبها...
مر وقت..وهي للحين تصيح..
حطيت يدي على كتفها اواسيها شوي:معليش اختي هاذي الدنيا...
رفعت راسها:تاخذ مننا الي نحبه ونقول معليش..
:امر ربي..
طلعت لها مناديل من شنطتي وعطيتها..
ابتسمت بتصنع:شكراً اختي..
:سعوديه؟
**:ايه..
سكت وماحاولت اني اصير متطفله وازعجها..مع ان كان ودي احكي معها..
باين انها في عمري او اكبر مني بشوي..
**:مين الي مريض لك؟
:اختي..
شفت بوجهها تعابير الاسى:وش فيها؟
:اللو كيمياء..
**:مثل زوجي..
عورني قلبي لما قالت كذا:من زمان وانتم هنا؟
**:خمسه شهور..
:العلاج يطول لهدرجه؟
**:ناس يكملونه كله هنا وناس يرجعون..والي ربي يشفيه والي ربي ياخذ بعمره..
:احنا لنا شهرين تقريباً او اقل شوي...,انتي بس الي جايه معاه؟
**:ايه..,اخوه وامه جو كم من مرة..
:الله يشفيه..
سرحت لبعيد...اكيد تفكر فيه..بيعيش او بيموت..
سرحت بعد انا..
كنت افكر فيها..باين انها صغيرة وشكلها قريب متزوجه...كسرت خاطري مرة...
**:انا بروح اجيب لي شي اشربه تبين شي؟
:اجي معاك..
قمنا انا وياها وصرنا نمشي جنب بعض..
**:ماعرفت اسمك..
ابتسمت:نورة..وانتي؟
**:سماح...
رحنا واخذنا شي نشربه...سولفنا مع بعض شوي..ورجعت هي لزوجها..وانا رجعت مكاني...
يرن جوالي وكانت هاله..أخيراً احد اتصل علي..
:هلا والله..
صوت صياح هاله هو الي جاني..
:هاله وش فيك..بدر صار له شي؟
هاله وهي مازالت تصيح:عرف عن فيصل ومصعب..
:ليش قالوا له الحين؟؟؟؟
هاله:لازم يعرف...انجن يانورة انجن..مهدئات من امس وهم يعطونه...نفسيته تعبت..الدكتور قال لازم له علاج نفسي من الحادث الي صاره وفجعته باصحابه...
:لاحول ولا قوة الا بالله..اذكري ربك ياهاله..
هاله وهي تصيح:انا خلاص بموت يانورة...
:ادعيليه وان شاء الله بيرجع مثل اول..
هاله:والله ماوقفت عن الدعاء...
استمرت المكالمه لوقت طويل...هاله تصيح وانا اهديها...
ليش المصايب تجي بوقت واحد..
انا تعبت نفسياً من كل الي قاعد يصير حولي..
طلع ابوي اخيراً...
:طولتوا؟؟
ابوي:ارجعي يانورة البيت..ريما بتقعد اليوم بالمستشفى..
:بتنام؟؟
ابوي:لا لا..
:طيب في احد يرجعني؟؟
ابوي:الحين اتصل على السواق يجي ياخذك..
:طيب..
طلع ابوي وجلس عندي..مكالمه ورا مكالمه...
فترة قصيرة وجا السواق..وطلعت من المستشفى..
صار شي غريب غريب مرة...هذا الي ماكان على البال ولا الخاطر...
نزلت من السيارة وامشي بخوات بطئيه متجه للباب الداخلي...
انفتح الباب قبل لا افتحه..
وجهي بوجهها...
وحده اييه كانت وحده..وماهي اي وحده..كانت حلوة وجمالها لفتني مع اني ماشفتها زين..
ناظرتني بطريقه غريبه.. لثواني وكملت مشيها..
انربط لساني وماقدرت احكي..جد ماقدرت احكي من هول الصدمه...
مين هاذي؟؟وش مدخلها بيت سلطان؟
مايبيلها اي تفكير ولا اي ذكاء خارق عشان احد يجاوبني على هالسؤال..
هاذي وحده بينها وبين سلطان علاقه..ايش نوع العلاقه اعتقد انها واضحه مثل وضوح الشمس..
ماقدرت امشي.جلست بمكاني مااستوعب الي شفته..
لا لا لا مستحيل...سلطان يحبني..صح انه ماقال لكن باين حركاته وكلامه..
مستحيل اني كنت افسر حركاته غلط..
يلعب فيني..يلعب بمشاعري..ليش انا وش سويت له؟؟
قالوا لي خواتي سلطان غامض ومايريح..
بس انا ارتحت له!!
ليش ماتكون له علاقه واثنين وثلاثه..سلطان عايش طول عمره هنا...وتربيته هنا غير تربيتنا..
ماخالطنا ولا يعرف عاداتنا ولا تقاليدنا...
ليــش كذا يسوي معاي..معقوله انه من النوع اللعاب والي يحب اي بنت يشوفها..
لا لا مااتوقع...
ليش مايكون كذا؟؟انا ماعرفته زين..
احد يرش على وجهي ماي..ويصحيني من حلمي..
ياليت كل الي قاعد يصير حلم...ياليت اقوم من نومي..والقى نفسي بسريري..وكل الي صار كابوس..
ماجا سلطان ولا صار كل الي صار... 

_________________________________________
الجزء الاخير 

الفصل الثاني


صار شي غريب غريب مرة...هذا الي ماكان على البال ولا الخاطر...
نزلت من السيارة وامشي بخطوات بطئيه متجهه للباب الداخلي...
انفتح الباب قبل لا افتحه..
وجهي بوجهها...
وحده اييه كانت وحده..وماهي اي وحده..كانت حلوة وجمالها لفتني مع اني ماشفتها زين..
ناظرتني بطريقه غريبه.. لثواني وكملت مشيها..
انربط لساني وماقدرت احكي..جد ماقدرت احكي من هول الصدمه...
مين هاذي__وش مدخلها بيت سلطان_
مايبيلها اي تفكير ولا اي ذكاء خارق عشان احد يجاوبني على هالسؤال..
هاذي وحده بينها وبين سلطان علاقه..ايش نوع العلاقه اعتقد انها واضحه مثل وضوح الشمس..
ماقدرت امشي.جلست بمكاني مااستوعب الي شفته..
لا لا لا مستحيل...سلطان يحبني..صح انه ماقال لكن باين حركاته وكلامه..
مستحيل اني كنت افسر حركاته غلط..
يلعب فيني..يلعب بمشاعري..ليش انا وش سويت له__
قالوا لي خواتي سلطان غامض ومايريح..
بس انا ارتحت له!!
ليش ماتكون له علاقه واثنين وثلاثه..سلطان عايش طول عمره هنا...وتربيته هنا غير تربيتنا..
ماخالطنا ولا يعرف عاداتنا ولا تقاليدنا...
ليــش كذا يسوي معاي..معقوله انه من النوع اللعاب والي يحب اي بنت يشوفها..
لا لا مااتوقع...
ليش مايكون كذا__انا ماعرفته زين..
احد يرش على وجهي ماي..ويصحيني من حلمي..
ياليت كل الي قاعد يصير حلم...ياليت اقوم من نومي..والقى نفسي بسريري..وكل الي صار كابوس..
ماجا سلطان ولا صار كل الي صار...
ياليـــــت...
جلست بمدخل البيت مدة مااحدد وقتها.......
محتارة وش اسوي!!
اصير طبيعيه ولا كأني شفت شي...او ابين اني عارفه عن الي قاعد يسويه سلطان...
طيب ليش راح تفكيري بعيــد..يمكن وحده معاه بشغله...
اقنع نفسي بالفكرة الاخيرة وارتاح...
وقفت على رجلي وبهدؤ فتحت الباب...
بخطوات سريعه كنت امشي..
طلعت فوق وقفت لثواني..اروح اشوف سلطان والا ادخل غرفتي..
الي شفته لخبط لي كياني والشك دخل قلبي..
كملت مشيي باتجاه غرفة سلطان...
الباب كان مفتوح..وسلطان منسدح عالسرير ومعطيني ظهره...
طقيت الباب..مالف طقيت مرة ثانيه وبثقل التفت علي..
كان باين على وجهه التعب وبصوت واطي:نورا..
ابتسمت بتصنع:سلامتك سلطان وماتشوف شر..
سلطان:الله يسلمك...
ثواني مرت وانا ساكته وهو بعد ساكت..
سلطان:ادخلي..
:كيفك الحين_
سلطان:أحسن..
تقدمت شوي لداخل الغرفه...
سلطان:اقعدي..
اخذت لي كرسي وقعدت على مسافه بعيده شوي عنه...
ماكنت اناظره..ولا ابي احط عيني بعينه...كنت العب بيدي..
سكوتها مو غريب بالنسبه لي..
دائماً نورة تتهرب وتتجنب انها تحكي معاي كثير...
يعني هذا الي احسه...بس يمكن هي تشوف ان الي تسويه كثير علي..!!
مر وقت وحنا ساكتين..
:كيف حبيبتي__
ناظرتني باستغراب..
:ريما..
رجعت شالت عينها ونزلت راسها:اييه..ان شاء الله انها كويسه..
:نورا..
بدون ماتناظرني:نعم..
:ليش لما احكي معاك ماتحطين عينك بعيني__
ابتسمت وعينها للحين منزلتها:سلطان خلك بتعبك..
وقفت من الكرسي وعطتني ظهرها..
بهدؤ وبكل بطء لفت علي وشفت بعينها كلام كثيـــر...
ماادري كان نفسي بوقتها اعطيه كف على وجهه...
حسيت بكره اتجاهه بشكل..
كان نفسي اسأله مين الي كانت عندك...لو اعرف برتاح..
لما اتعمق بالتفكير...
واتخيل الي قاعد يصير لي..مع وحده غيري
بفكر بطريقة مختلفه...أفكر بعقلي..مو بعواطفي......

ليش بيحبك انتي!!انا متأكده انه حياته ماكانت عاديه...
حطي هالنقاط في بالك...
متربي بامريكا وجياته لسعوديه تنعد عالاصابع..
تربيته مختلفه تماماً عن تربيتنا...
وبعد ماعاش حياة بسيطه..حياته كانت مرفهة وماعنده لاحسيب ولا رقيب...
كفاااايه...راسي بينفجر...
><><><><>< 

منار متمددة عالسرير..الانوار مسكرة ماعدا نور خفيف..شباك الغرفه مفتوح والهوا برى قوي..
ماكانت حاسه منار باي شي حولها...تفكر بحياتها...
الي راحت والي بتجي...
الماضي فيصل والحاضر مساعد...
المستقبل!!
يمكن مساعد ما يتحمل الحياة معاي..ويحق له يمل من الوضع الي قاعد يعيشه..
لازم اتغير معاه..عالاقل اكون قدامه مثل ما يبي..
والي بداخلي مستور...مايحتاج ابين الباطن...
هذا الي يدور في راس منار...
عيونها تدمع بدون ما تحس..اعتادت على هالشي وكأنه فرض عليها...
ينفتح باب الغرفه..ترفع منار نفسها بسرعه..تمسح دموعها..
مساعد وقف بمكانه يناظرها..
شاف دموعها..
مساعد:ليش تبكين__
منار:ماني قاعده اصيح..
مساعد:اييه صح ماانتي قاعده تصيحين..
منار:والله..
مساعد:لاتحلفين كذب!!...
طلع مساعد من الغرفه وراح لصاله..
صوت باب الشقه يتسكر بهدؤ...
قامت منار من مكانها بسرعه وراحت لصاله ومساعد مو موجود...
توه راجع من شغله..طلع من الشقه لانه تنرفز مني..
حست بغصه..
ماهو طايق يشوفني...
كره تصرفاتي وماالومه...
ركب مساعد السيارة وماهو عارف وين يروح..
مرت نصف ساعه وهو يدور بسيارته...
ظغط الشغل ومنار وبنته..كل شي متجمع عليه...
اتصل على اعز اصدقائه واقربهم له..
مساعد:هلاا عبدالعزيز..
عبدالعزيز:دقيقه خلك معي..
ثواني مرت..
عبدالعزيز:عسى ماطولت_
مساعد:كيف الحال_
عبدالعزيز:بخير..
مساعد:عندك شي الحين_
عبدالعزيز:توي طالع من شغلي راجع البيت..
مساعد:قلت اشوفك بس اخليها مرة ثانيه..
عبدالعزيز:طيب لو بعد ساعه_
مساعد:اجلها يارجال..
عبدالعزيز:على خير..
مساعد:فمان الله..
مساعد ماكان من النوع الي يحكي..واتوقع ان اكثر الرجال كذا..
راح مساعد لمكتبه..يخلص باقي الشغل الي اخره..
رجع البيت اليوم أبكر من العادة عشان منار..بس للاسف..
الوقت يمر وللحين هو بالمكتب..
منار بالبيت مترددة اذا تتصل عليه او لا...
الساعه 12:00 وللحين مابعد رجع...
نصف ساعه اذا مارجع بتتصل هذا الي قررته..
مرت نصف ساعه..رفعت منار سماعة التيلفون واتصلت عليه...
مارد...اتصلت مرة ثانيه وثالثه وبعد مارد..
تسكر الجوال...
مر وقت طويل ومنار تتصل يعطيها مقفل...
ماغفت عين منار...كانت خايفه..وتصيح..
ماسألت منار اذا كانت تصيح خوف على مساعد او على حالها.....
منار بعد وفاة فيصل صارت موسوسه...تحس ان اي احد بتفقده باي وقت وبدون انذار......
الساعه 4:00 الفجر...ينفتح باب الشقه..
قامت منار من مكانها بسرعه وراحت عند الباب وكان مساعد..
زاد صياحها لما شافته..
مساعد مااتوقع ردة فعلها
بخوف وهو يمسكها من كتفتها ويقربها له:حبيبتي وش فيك__
عطته ظهرها عشان تروح للغرفه..
بحركه سريعه مسكها من يدها وقربها له:منيار..والله آسف..
منار:ليش كذا سويت فيني__
مساعد:رحت المكتب ونمت وانا مو حاس بنفسي...
منار:كذاب..
مساعد:وربي يشهد علي يامنار..
منار:اتصل عليك وفجأة يقفل الجوال__
مساعد:مافيه بطاريه...
دخل مساعد يده بجيبه وطلع الجوال:افتحيه وشوفي اذا انتي مو مصدقه..
منار:ماأبي اشوف...
سحبت منار يدها وراحت للغرفه..
انسدحت بالسرير وغطت نفسها بالفراش...
دخل الغرفه ومنار مارفعت الغطا عنها...
كان يحس بأنفاسها..من تحت الغطا.....
بدل ملابسه وانسدح..مرت فترة ماهي قصيرة..
مساعد حاس بتأنيب الضمير وماهو عارف وش يقولها..
مساعد بتردد واضح:منار..منار..منااار..
ماردت عليه..
مساعد:ماتبين تشيلين الغطا عن وجهك...طيب انا اوريك..
غطى وجهه هو الثاني..
مساعد بهدؤ يناسب الجو الي هم فيه:ليش تصيحين__
منار بدون ماتناظره:كنت خايفه يامساعد..خفت لو جاك شي..الشيطان يلعب براسي..والله كنت بنجن..
مساعد وهو يمسك يدها الي كانت ترتجف:حبيبتي انا قدامك..ومافيني شي..
منار:قلبي يعورني..
مساعد وهو يضمها:ياقلبي انتي...والله آسف..والي صار ماراح يتكرر..
من غلطه بسيطه سواها مساعد ماتحملت منار الي صار...وهو!!
ربي رزق منار بزوج لو تدور الدنيا ماراح تلقى مثله...!!
> <
> <
> <
> <
> <
> <
> <
باب البلكونه مفتوح...هوى بارد يدخل الغرفه...الشمس على وشك الغروب...
بدر جالس..بهدؤ..يتأمل..يفكر...مافي تعابير باينه على وجهه...
هاله لها فترة مازارته..ولاكلمته ..ظروف تعبه ماكانت تسمح لها...
ينفتح باب الغرفه بهدؤ..
تبتسم هاله لشغاله وتشكرها...كل وحده تروح بطريق..
مايحرك ساكن..ماالتفت لمصدر الصوت...
هاله وقفت لثواني ساكته ماعرفت وش تقول فيها...
هاله:السلام عليكم..
بحركه سريعه لف بدر..ناظرها..لثواني ورجع لف..
هاله:كيفك بدر__
سكت شوي وبعدها رد:مثل ماانتي شايفه..
هاله:الحمدالله على كل حال..
بدر:الحمدالله..
سكوت لثواني بين الطرفين..
بدر:وينك الفترة الي فاتت__
هاله:تــعرف....يعني.....امممم..
بدر:حتى ولو..
هاله:اسفة اعرف اني غلطانه..
بدر يلتفت يناظرها ولايرد...
مرت فترة قصيرة..بدر ساكت وهاله ماهي عارفه وش تقول...
كانت مجهزة كلام كثير..كثير..طار الحكي..وماعرفت تقول كلمتين على بعضهم...
هاله ضامه يدها بقوة وكانت تهز على خفيف...
بدر:وش فيك؟؟__
هاله: مافيني شي!!..
بدر:هاله اجلسي..
مشت خطوتين وصارت قدام بدر..جلست على الارض وسندت ظهرها على طرف الكنبه الي جالس فيها..
رفعت راسها:عادي اقعد هنا_
بدر وهو يحط يده على راسها وينزل طرحتها:عادي..
هاله وباين بكلامها التردد:بدر..ماني عارفه وش اقولك..
بدر:لاتقولين..
هاله:بس..بس..انا ابي احكي..ابي اواسيك..بدر صدقني قلبـي معاك...حا..حاسه فيك..
بدر بكل هدؤ ينزل يده ويمسح دموع هاله..وبدون اي تعليق..
هاله حست انها لازم تنسحب احسن من انها تقعد وتخربط اكثر...
دقايق ودعت فيها بدر وطلعت من البيت بسرعه...
انا اعتبرها قويه ومتماسكه...تشوف خطيبها بهالحاله صعب..موقف صعب...
كأنه واحد عمره خمسين سنه..وجه اصفر وسواد تحت عيونه..الشعر مالي وجهه ...
بدر تعبان نفسيا اكثر من تعبه جسدي..الي صار له صعب ويبيله وقت على ماينسى ويرجع مثل أول...
><><><><>< 
<><><><><>< 
>< 
مر شهر بسرعه على بعضنا وطويل على بعضنا.....
عمتي تطق باب الغرفه:يلا يانورة...
:طيب عمتي دقيقه بس...اركبوا السيارة..
عمتي:استعجلي..
فتحت الدولاب نظرة سريعه على الجزم سحبت وحده...رحت للمرايا شفت نفسي نظرة اخيرة وطلعت من الغرفه بسرعه...
ركبت السيارة..
سلطان قدام وعمتي جنبه و ريما ورا..
:وين ابوي_
عمتي:مايبي يجي..
:ليش_
عمتي:مايحب ابوك السوق ماتدرين يعني..
ماكان في موضوع نحكي فيه..
سلطان مشغل المسجل اغنية مروان خوري كل القصايد...اول مرة اسمعها من سلطان
سلطان صار يحب يسمع الاغاني العربيه......
وصلنا وكل واحد راح للي يبي..
انا اغلب الوقت بلحالي..ريما شوي معاي واغلب الوقت مع سلطان..
كلمت منار اسألها على اشياء موصيتني عليها....
وبعدها مشاعل وسارة..
اغلب الاشياء الي اشتريتها لهم وللبيبي الي جاي بالطريق...
قربنا نرجع لرياض أخيـــرا..
قطع حبل افكاري صوت ريما الي تناديني بصوت عالي...
التفت لمصدر الصوت وكانت واقفه عند باب المحل:نورة تعالي في محل ألعاب مرررة حلو..
قربت منها اكثر:وين سلطان__
ريما:ماادري...ايه صح يكلم..
مسكت يدها ورحت المحل الي تبيه...
طولنا بالمحل..ماخليت شي في خاطرها الا شريته لها...
دخلت المحل الي جنبه..ولو مارحت مع ريما محلها يمكن مادخلته...
ولفتتني وحده بالمحل...اعرفها..قد شفتها...صورتها ماراحت عن بالي...
هي او اني اتوهم...أبدا مااتوهم هي الي شفتها طالعه من بيت سلطان هذاك اليوم!!...
كنت اناظرها...
ومانزلت عيني منها..
حسيت بنار بداخلي...
وش بينها وبين سلطان...
علاقة..اي نوع من العلاقات..
حب!!
ايش الحب عندهم__
لا لا لا لا..
طلعت هي من المحل..
ومر وقت قصير..وانا للحين واقفه بمكاني..
حسيت بغثيان...مجرد اني فكرت هالتفكير...تعبت...جد تعبت...
سلطان كان واقف برا...اشوفه من الجنب..
ماسك جواله ويكلم...
صار شي غريب..
غريــــب....
موقف قدام عيني...
اشوفها واشوف سلطان...
لما شافته تعابير وجهها تغيرت...
ابتسامه عريضه على وجهها بتنادي باسم سلطان..بس
سلطان حط اصبعه على فمه..وعطاها نظره بعيونه..
تغيرت تعابير وجهها..ومشت من جنبه ولا كأنه تعرفه...
دقات قلبي بدت تزيد..لفيت بسرعه ودخلت لداخل المحل اكثر عشان ما يشوفني..
شعوري ماينوصف بوقتها...
اختلطت احسايسي...
كل شي واضح...
ومثل ماتوقعت...
سلطان علاقته معها مو شغل...
علاقه من نوع اكبر...
تفكيري قبل دقايق ما كان خطى ابدا ولا ظلمت سلطان فيه...
جلست على الكرسي..وماادري كم المده الي جلستها...
رن جوالي وهاذي المرة الثالثه الي يرن فيها..
كانت عمتي..
بصوت مبحوح رديت عليها..
عمتي بصوت عالي:نويررررر وينك انتي__
:انتم وين__
عمتي وصوتها ارتفع اكثر:بنروح نتغدى الحين تعالي بسرعه...
قفلت السماعه وماقالت لي هم وينهم...
طلعت من المحل واتصلت عليها مرة ثانيه ورحت لهم...
قاعد وريما بحضنه يلعب معها ويضحك...
رفع راسه وناظرني...
ماني طايقته...
ولا ابي اشوف وجهه..
عمتي بخوف:نورة ورا وجهك كذا..
حطيت يدي على وجهي:تعبانه..
عمتي:بسم الله عليك وش جاك..
:ابي ارجع البيت...
سلطان:نتغدى ونرجع..
:ابي ارجع الحين..
عمتي وهي تمسك يدي:يدك باردة...
شديت على يدها بقوة:عمتي الله يخليك ابي ارجع البيت...
رحنا على البيت على طول...
دخلت ورحت لغرفتي...
قعدت على السرير..
شريط مر علي..
سلطان..سلطان..سلطان..
ينفتح الباب بقوة..
فزيت من مكاني..
ريما:نورة تعالي نتغدى..
:لا..
ريما:بليييز..
:ماابي..
ريما:نورة بليز..
:شوي وبنزل..
مسكتني من يدي:تعالي معاي الحين
نزلنا تحت..
سلطان قاعد على الطاولة بلحاله..
سلطان:نورا وش فيك__
جلست ومارديت عليه..
سلطان:نورا وش فيك__
رفعت راسي وحطيت عيني بعينه وبعصبيه:مالك شغل..
سلطان وعلامات التعجب بوجهه:نورا!!
:اييه مالك شغل...يااخي مالك شغل فيني يوووه..
امتلت عيني بالدموع ولو برمش بتنـزل على طول..
وقفت من مكاني وطلعت لغرفتي...
ماادري وش الي سويته..
ماادري وش الي خلاني انزل اصلاً...
غلط..الي سويته غلط...
استغربت من جوابها..فيه وقاحه وقل تقدير لي......
نورة طلعت الدرج من هنا وامي جت بوقتها..
توجه الكلام لي:ليش طلعت نورة فوق__
:ماادري..
ريما:سلطان هو الي زعلها..
ناظرتها:ريما!!
امي:سلطان وش صار__
:يمه والله انا مثلك ماادري..سألتها وش فيك قالت لي مالك شغل..وقامت هذا الي صار..
جا بوقتها خالي..شفت نظرة من امي اني اقفل عالموضوع...
خالي:وين نورة اجل__
ريما:نورة زعلا..
امي تقاطعها:تعبانه تعرف البنات..
بعد ماخلصنا غدا طلعت فوق لصاله...امي جت بعدي على طول..
كان باين انها بتروح لنورة..
مر وقت ماهو قصير...وامي للحين ماطلعت من عندها...
تسكر باب الغرفة بهدؤ حسيته مصطنع من عمتي...نقاش حاد صار بينا...
ماادري وش هالجرأة الي جتني...وخلتني احكي واقول كل الي بقلبي لها...
عمتي كاشفة كل الموضوع...تقول عيالي كيف مااعرف..تقصدني انا وسلطان...
غير هم ريما الي شايلته...كانت شايله همي وهم سلطان...
عمتي:نورة انتي بنتي وانا ماابي الي صار لي يصير لك..لاتحسبين اني ماابيك لولدي...انا ابي لك واحد احسن من سلطان...ابي واحد يناسبك..متفاهمين انتي وياه..نورة حتى ابوك كلمني ومتضايق بشكل ماتتصورينه..لدرجة انه كان بيرجعك لرياض...
بالبدايه كنت ادافع واحكي بوثوق..وبعدها كأن احد سكر فمي ولا قدرت احكي...اسمع وعمتي تتكلم وتتكلم بدون ماتوقف..
عمتي:نورة كلامي أبيك تاخذينه بجد وتفكرين فيه...
ناظرتها وبعيوني كان كلام...كلام كثير..
انا يمكن الي بيخليني افكر الي صار اليوم مو كلام عمتي...
يبوني اقرر اني ابعد واكره سلطان!!
نزلت لمكتبي اشغل نفسي شوي...بس بالي مشغول مع الي صار...
طرقات خفيفه على الباب..اشارة لدخول...
امي وباين انها متضايقه:عندك شي سلطان_
:ابدا...
قعدت امي بالكرسي وقمت من كرسي مكتبي و قعدت قدامها...
:خير يمه وش فيها نورا_
امي:انا جايه احكي عنها...
عقدت حواجبي:فيها شي_
امي وهي تتنهد:انت بعد ياسلطان..
عقدت حواجبي زيادة وبدون اي تعليق..
امي:الي بقوله صعب علي سلطان بس لازم ينقال ياولدي...
بدت تتكلم امي..وانا اسمع ماودي اقاطعها مع اني مااتقبلت كلامها ابدا..
سكتت امي وناظرتني وكأنها تسأل اكمل كلامي_
:يمه..حسستني وكأني ولد ال17 سنه وانتي قاعده توجهيني وتفهميني اشياء انا مغمض عنها...
امي بانفعال:سلطان كلامي مو عشان اقنعك ولا افهمك اشياء انت مغمض عنها...انا ماهمني الا نورة..هي الي مغمضه ماهي عارفه وش يصير حولها...
انت متزوج ياسلطان وانا مستحيل...
:زواجي مو جريمه...انا بديت باجراءت الطلاق..وبعدين منار تزوجت واحد مطلق وعنده بنت مارفضتي بالعكس رحبتي وزوجتها..وهذا اول زواج لمنار...
امي تقاطعني:تقارن نفسك بمساعد!!
ماتزوج وسكت عن زواجه...انت ياسلطان مانويت تقول..تبي تطلق وتجي تتزوج نورة وكأنه اول زواج لك!!تلعب على بنتي..
كلام امي خفف من ثقتي بنفسي ماراح اقدر اناقش بقوة مثل قبل...
بديت احكي واحكي وامي ماهي فاهمه الي اقوله..
امي:سلطان اذا عندك شي قوله بالعربي..
:آسف آسف يمه...
انتهى نقاشنا وطلعت امي...
احترم رأي امي واعرف انها تفكر بطريقة صحيحه...بس انا بعد اعرف انا كيف اافكر وأقرر...

><><><><>< 

في الرياض....
وتحديدا بالمستشفى...
سارة بغرفة الولادة ومعها مشاعل وفهد..
مرت ساعه وساعتين وثلاثه واربعه وللحين سارة ماولدت...
فهد كان بحالة ربي اعلم فيها...
يقولون الرجال يجيهم تأنيب ضمير لما يولدون زوجاتهم!!
طلبت الدكتورة من فهد ومشاعل يطلعون من الغرفه...
طلعت مشاعل وفهد مارضى يطلع...
قعدت مشاعل بكراسي الانتظار..
رن جوالها وكان خالد...
خالد:هلا..ها ماولدت__
مشاعل:للحين..
خالد يسأل لانه مايعرف كم الوقت المفروض الي تولد فيه:طولت__
مشاعل:اييه
>< 
>< 
>< 
>< 
وهو يمسك يد سارة ويبوسها:الحمدالله على السلامه حبيبتي...
سارة بتعب:الله يسلمك..
فهد دمعت عينه..
سارة وهي تحط يدها على وجهه:حبيبي..
فهد:كنت خايف عليك ياسارة..
وصل أحلى خبر سمعته هالايام الكئيبه الي نعيش فيها....ولادة سارة...
جابت بنوته وسمتها ناديه على أمي الله يرحمها...
بعد الظهر بالمستشفى...
سارة:مشاعل ماابي احد يزورني...نفسيتي تعبانه وجد مالي خلق احد..
شيخه تناظر اختها وكأنه مو عاجبها الكلام..
مشاعل:نقول انك طلعتي..
مضاوي:امي مستحيل توافق..
شيخه:سارة يومين تحملي..
يدخل فهد بوقتها وابتسامه عريضه على وجهه ويقعد على السرير:كيفك سارة__
سارة:الحمدالله..
فهد:ليش تقولينها وانتي مكشرة..
سارة بصوت واطي:فهد ماابي احد يزورني..
فهد:حقك حبيبتي لا تشيلين هم..
سارة:امك خاف ماتوافق..
فهد:لا لا انا بقولها..بتتفهم وضعك..
سارة:اختي تعبانه وانا ماابي..
فهد يقاطعها:عارف ياقلبي والله عارف...
فهد يلف على خواته الي كانوا يناظرونهم:خلونا ناخذ راحتنا بالحكي انا وزوجتي..قاطين معنا..
يضحكون كلهم...
مشاعل وهي توقف من مكانها:سارة انا بروح ساعه وبرجع لك..
سارة:لا تطولين..
طلعت مشاعل ومشاعرها ممزوجه بفرح وحزن...
فرحانه عشان سارة وبنفس الوقت تفكيرها مشغول بريما وحياتها مع خالد...
دخلت البيت هي وخالد بنفس الوقت...
خالد:شكلك تعبانه..
مشاعل:بموت من التعب..
خالد:كيف سارة__
مشاعل:الحمدالله بنتها تجنن..
خالد وهو يضحك باستهزاء:مالها الا كم ساعه وتجنن__
مشاعل:مايضحك..وانت اصلا قلبك قاسي مو على الصغار...
خالد وهو يفصخ شماغه:نتغدى الحين__
مشاعل:انا بنام اذا قمنا نتغدى..
راح كل واحد بطريقه يبدل ويغسل...
سكرت مشاعل الستاير وانسدحت..
خالد جا بعدها خفض من درجة حرارة المكيف وانسدح..
مشاعل:خالد حراام عليك برد..
خالد:مشاعل انا مااعرف انام الا كذا..
سكتت مشاعل ولا ردت هذا حالهم كل يوم..
مرت دقايق...ومااحد منهم نام..
خالد بصوت واطي:مشاعل تبين تحملين__
مشاعل سكتت شوي:اييه..
خالد:تبين انا اكون ابو عيالك_
مشاعل وهي تلف وتعطي وجهها لخالد:وش عندك__
خالد يلف هو الثاني:اسألك جاوبيني...
مشاعل:انت ماتبيني اكون ام عيالك__
خالد:ماابي احد غيرك..
سكتت مشاعل..
خالد:جاوبيني..
مشاعل:خالد انت زوجي وحبيبي وأكيد ابيك تصير ابو عيالي..
خالد رجع عطاها ظهره..
مشاعل:كم تبي يصير عندنا__
خالد يضحك:خلينا نجيب واحد اول وبعدها نفكر كم بنجيب..
مشاعل:خالد..
خالد:نعم..
مشاعل:ليش....والا اقولك خلاص..
خالد:اسألي!
مشاعل:بعدين,تصبح على خير.....
><><><><>< 
اليوم منار بتشوف بنت مساعد داليا...كانت خايفة شوي...خايفه ان بنته ما تتقبل منار...
مساعد واقف قدام التسريحه يتعطر ويصلح شماغه..
منار:ليش كل هالكشخه__
مساعد:عندي موعد قبل..
منار:مساعد اخاف بنتك ما تحبني...
مساعد:اولا مين مايقدر يحبك...وثانيا هي صغيرة وماراح تكره احد..صدقيني يامنيار بتقدرين تخلينها تحبك...
منار:طيب بطلع اشتري لها اي شي وش رايك__
مساعد وعلى وجهه ابتسامه عريضه:فكرة حلوة...
انبسط مساعد بشكل..يعني كان مخوفه ان منار ما تتقبل بنته..بس هي كانت العكس...
مساعد وهو يطلع محفظته من جيبه..
منار:مساعد قلت مني مو منك...,بعدين مع مين بطلع__
مساعد:اخلص من موعدي واجي امرك..
منار:بعدين ترجعني وتروح تجيب داليا...تعب عليك..
مساعد:مين عندي غير زوجتي وبنتي!!
ابتسمت منار من غير نفسها..(بنتي) ضايقت الكلمه منار غصبا عنها..
><><><><><>< 
موبايلي يرن وصوت الدقه كل ماله يرتفع...يتقفل ويرجع يرن...
رديت بدون مااشوف الاسم وصوتي نوم..
منار:نوير وش ذا النوم__
:منار..
منار:مساعد راح يودي بنته...
صحصحت شوي ورفعت نفسي:ايييه اليوم جتك بنته__
منار:نورة مرررة غرت منها..
ضحكت من غير نفس:يامجنونه..
منار:تخيلي طول ماهي عندنا قاعده بحضنه..وبس يبوسها..
:منار بنته هاذي..
منار:ولو..بزيادة يحبها..المفروض ما يبين قدامي..
:طيب كيف كانت معاك__
منار:كتكوته..تنحب بس صغيرة..,رحت انا ومساعد شريت لها العاب..
:كويس طيب..
منار:فكرتي..
ضحكت بصوت عالي:اييه انتي ام الافكار..
منار:بكرة بنطلعها..لانها الجمعه راجعه..
:متى بتروحين الرياض__
منار:الجمعه..
:ومساعد__
منار:لا عنده شغل...
قعدنا نسولف شوي..وفجأة منار:نورة جا مساعد يلا باي..
قفلت السماعه قبل لا ارد عليها..
منار:مساعد رحت بصاروخ انت..!!
مساعد وهو يقعد جنبها:وحشتيني..
منار:لو سمحت مساعد مااحبك تسرع...
مساعد:لاتخافين علي..زوجك فنان بالسواقه..
منار ودقات قلبها زادت:راحت ارواح ناس يامساعد..
مساعد:الي تامرين به....
سرحت منار لدنيا ثانيه..
مساعد وهو يقرب منها:حبيبتي..
منار:بنتك تجنن الله يحفظها..
مساعد وهو يحط يده على كتفها:انتي الي تجننين..
<> 
< >
< >
< >
< >
< >
<> 
الساعه 10:00 الصباح...
قاعد في مكتبي الي في البيت عندي شغل بخلصه...
امي وخالي بيرجعون بعد اسبوع...مضايقني هالشي مرة..احس اني تعودت عليهم..وبيفضى بيتي بعدهم..
ينفتح باب المكتب بقوة افزعتني...
رفعت عيني وكانت رانيا شكلها مبهذل وجايه في لبس بيت...
:رانيا!!
بدت تتكلم بصوت عالي اقرب لصراخ..
قمت من مكاني بسرعه وسحبتها لداخل المكتب وقفلت الباب..
بعصبيه وانا ظاغط على يدها:اهلي فوق..بدون صراخ..
رانيا باستهزاء:سوري حبيبي..
:ارجعي بيتك وانا اجيك في الليل نتفاهم..
رانيا:على شو بدك تتفاهم..الي بينا انتهى..بدون ما تعطيني خبر حتى!!
:رانيا انا تعبان ومشاكل شغلي ومشاكل اهلي كلها فوق راسي..ماني ناقص مشاكلك انتي بعد..ارجعي بيتك رانيا..انا طلقتك عشان امي..
ومكانك في المكتب هو ما تغير...
رانيا تقاطعني:كتر خيرك سلطان...
كانت تصيح وهي تتكلم..قلبي كان يتقطع عليها..بس يمكن الي كان باين لها اني ولا جبت خبرها...
ينفتح الباب..
لفينا انا ورانيا لجهة الباب..
كانت أمي..
ارتحت شوي...كنت خايف يكون خالي او نورة...
ثواني مرت وحنا ساكتين..
رانيا وهي تناظرني:سلطان حبيتك اكتر من نفسي..ماتنسى هالشي..
طلعت بخطوات سريعه..الى مااختفت عن عيني..
وجهت نظري لامي وبادرتني بالسؤال:هاذي زوجتك__
:طلقتها..
حطت امي يدها على صدرها وكأنها مصدومه من الي قلته:وانت الزواج والطلاق عندك لعب!!
استغربت من ردة فعلها...هذا الي كانت تبيه ليش غيرت رأيها!!
:يمه انتي ماكنتي تبيني اطلقها__
امي:يعني تبيني افرح انك طلقتها..الطلاق ما يفرح ياسلطان..
ناظرتها وانا مستغرب:انا بروح لمكتبي..
أعرف انا من صنف الرجال الحقيرين!!بعتها بسهوله..بالنسبه لها..بعتها بدون مااراعي شعورها...بعتها والاهم أنا....
><><><><><><
بكرة بنرجع الرياض..
قاعدين كلنا بالصاله الا سلطان مابعد رجع للبيت..
سعادتي ماتوصف..برجع أخيـــــــــــراً..
...
اشتقت للرياض وأهلها..وكل شي فيها...
ماادري اذا بنرجع مرة ثانيه او بنكمل علاج ريما في الرياض..
ابوي يسأل عمتي:وين سلطان__
:اتصلت عليه قبل شوي يقول عندي شغل ويمكن أتأخر...
سلطان من هذاك اليوم وانا ماتكلمت معاه..يعني سؤال ورد غطاه..ثلاث اسابيع تقريباً...!!!
مرت ساعتين تقريباً وللحين سلطان ماجا..الساعه 12:00..
دخل ابوي..
وعمتي لها ساعه تحاول بريما يدخلون ينامون...
اخذت الاب توب اتسلى فيه شوي......
دخلت عمتي ومعها ريما..بتنومها وبترجع عشان تبي تشوف سلطان..
سمعت صوت خطوات..أكيد كانت له..لسلطان..قلبي زادت دقاته مع كل خطوة كنت تقترب أكثر...
ماادري ليه خايفه!!خايفه اواجه خايفه أحكي معاه..خايفه اودعه...خايف تجي عيني بعينه...أحبه وأكرهه بنفس الوقت..أكره حبي له أكره اختلافه عني !!...
دخل الصاله...وانا مارفعت عيني..
جلس على الكنبه..
سلطان:وين أمي_
:عمتي دخلت تنوم ريما..
ماكانت حركاتي كثيرة...راكزة في مكاني وعلى وضعيه وحده...
عيني على شاشة الكمبيوتر وماكنت اشوف شي...تركيزي كله بالي جالس على بعد خطوات مني....أحس اني اسمع دقات قلبه وتنفساته.......
يناظر التلفزيون ويرجع يناظرني..
وقف من مكانه ورمى الريموت على الكنبه وراح غرفته..
لا لا لا ماكنت ابيه يروح ينام..
:سلطان..
بدون ما يلف:نعم..
:تصبح على خير..
سلطان:ليش بتنامين_
:لا,انت بتنام..
سلطان:لا بروح ابدل ملابسي..
ارتحت لما قالي كذا..كمل طريقه..
طول وهو يبدل ملابسه..فقدت الامل انه بيجي..لكنه خيب ظني ورجع...
ابتسامه غريبه رسمها على وجهه...
ناظرته مستغربه..
مر وقت قصير..نتبادل فيه نظرات
سلطان بهمس ومااشوف الاحركة شفايفه:أبيك..
عقدت حواجبي وناظرته باستغراب..
سلطان يعيدها بنفس الطريقه:أبيك..
سمعتها هالمرة زين..بلعت ريقي وقلبي زادت دقاته..حسيت بحرارة بجسمي..
سكرت شاشة الاب توب بقوة..أحد ينقذني من هذا الموقف..
مااعرف اتصرف وش ارد عليه وش المفروض الي اقوله..
وين كلامي ووين قوتي...
صفحات اكتبها رسايل لسلطان...وين راح__ماادري..
...
جت عمتي بوقتها...وطلعتني من الي انا فيه...
اول ماشفتها قمت من مكاني ورحت لغرفتي..
دخل الغرفه رميت الي معاي..صرخت بصوت مكتوم..
كنت اتحرك بالغرفه من مكان لمكان..وأخيرا ريمت نفسي بالسرير أبي استوعب الي قاله...كل مااتذكر كيف قالها دقات قلبي تزيد وكأني توني اسمعها...
وقفت قدام المرايا وابتسامه عريضه على وجهي..وبديت ادندن اغنية ذكرى...قالها قالها قال أحبك قالها...أخيرا قالها...
مايهم انه همسها المهم انه قالها...
كأمي امتلكت الدنيا بوقتها حسيت اني اسعد انسانه..حسيت اني قصة حبي مافي مثلها....!!
ماابي انام ولا ابي اسوي اي شي..خلاص احس اني امتلكت الي ابيه وهذا يكفيني..!!
><><><><><><><> 
ايه أحبها..وابي اقرب منها اكثر..ومافي شي بيقربني لنورة الا الزواج...!!
كنت افكر كيف افاتح امي وخالي ونورة هي الاهم...
الاكيد انه مو الحين بس باقرب فرصه ممكنه بروح لرياض واتقدم لها...واتمنى اني ارجع معها..وماارجع بدونها...
حبيت هالانسانه بكل مافيها...حبيت براءتها وقوتها احبت تعابير وجهها احب زعلها...كل شي فيها...امتلكتني وانا الي كنت احسب ان مافي وحده بتاخذني مني!!!
عندي امل ان نورة بتكون في يوم زوجتي...
ايه زوجتي...!!
><><><><>< 
قمت الصباح من نومي بنشاط عن غير عادة برجع لرياض وسلطان قالها...
الابتسامه مرسومه بوجهي...وليش ماافرح!!
دخلت على عمتي وبعدها ابوي يتاكدون اني قمت..بعد ساعه بنطلع للمطار..
اغراضي جاهزة...بس باقي البس..
استعديت باسرع وقت وطلعت لصاله...
ماكان فيه سلطان..ماكنت ابي اسال عنه ...امري مكشوف ولازم اغطي على نفسي شوي..
ركبنا السيارة..وسلطان مو معنا ولا شفته بالبيت!!
يعني ماراح اشوفه!!كنت خايفه من هذا الشي..
وصلنا المطار..وكان سلطان بانتظارنا...يافرحة قلبك يانورة..
قعدنا انا وعمتي وريما وابوي راح مع سلطان...
بعد ربع ساعه جا سلطان..
سلطان:يلا يمه لازم تدخلون..
عمتي:وانت بتجي معنا_
سلطان:لا مايصلح ادخل..
عمتي وعلامات الضيق بوجهها..
سلطان وهو يقرب لامه وينزل شوي لمستواها وحضنها بأقوى ماعنده:ليتك تقعدين عندي...ليتك تعوضيني شوي عن الي راح..
عمتي ودموعها تزيد:لاتقطع قلبي ياولدي..
سلطان وهو يبعد عنها ويحب راسها ويدها:ان شاء الله مااطول عنك..
وراح لريما وشالها وودعها بحرارة...
بقى أنا...كيف بسلم عليه__بيحضني او بيشليني مثل ريما...
او يمكن مايسلم!!هاذي الافكار تدور براسي...
لف وجهه علي...عيني بعينه...نسيت الي حولي..مااحس باحد غيره...
سلطان وابتسامه على وجهه وهو يمد يده..
شافني مامديتها..سحبها ومسكها بيديناه الثنتين:انتبهي لنفسك...
هزيت راسي وبصوت واطي:ان شاء الله..
سلطان وللحين ماسك يدي:أوعدك اني بجي لرياض...واخذك معاي..
بدون اي تفكير:صدق ياسلطان??
سلطان وهو يبتسم:اييه صدق...
سحبت يدي منه واكتفيت اني ابستم وهمست بداخلي:بشتاق لك...اييه بشتاق لك ياسلطان...
سلطان:توصلين بالسلامه..
مشيت وهو واقف قرب مني والتصق كتفي بكتفه مالفيت وكملت مشيي...حسيت بنظراته تتبعني...ومالفيت عليه انا تحت مراقبة عمتي وابوي...!!!

><><><><><><><><>< 

قاعده مشاعل عالسرير...وخالد جنبها منسدح
مشاعل وعلى وجهها ابتسامه ملتفته لخالد:وش فيك??
خالد يبادلها ابتسامه باردة:مافيني شي..
يسحبها من يدها ويقربها له:مشاعل..
مشاعل تكتفي انها تناظره..
خالد وهو يرفع نفسه شوي:مشاعل..انا رحت لدكتور...
مشاعل باهتمام وهي تهز ارسها:ايــه..
خالد:انا..
مشاعل:لاتحرق اعصابي وش فيك ياخالد????
خالد وعينه بعين مشاعل..:عقيم...
مشاعل تناظره لثواني مااستوعبت الي قاله..
بعدت عنه ونزلت من السرير وبصوت مرتفع شوي:انت تعرف من زمان صح تعرف من زمان???تعرف وماقلت لي???
خالد:مشاعل والله...
مشاعل تقاطعه:لا تحلف لاتحلف...انت كذاب..
بدت مشاعل تصيح بصوت عالي...وقعدت عالارض..نزل خالد لها وقعد ملاصق لها:مشاعل انا ماعرفت الا من فترة قصيرة وماكنت عارف وش اقولك وكيف...ماقصدت اخبي عليك..
مشاعل:لا قصدت تخبي...قصدت تكذب..المفروض انا اول من يعرف..خالد انا زوجتك متى بتحسسني هذا الشي...
قامت مشاعل وتركته وراحت الحمام...
خالد وهو يطق باب الحمام:مشاعل مو زين تبكين بالحمام..
مشاعل:خالد لو سمحت اتركني...
خالد:مشاعل أنا أحبك..أحبك يامجنونه..
مشاعل وصياحها يزيد وماترد عليه...
قعد خالد عند باب الحمام..
يسمع صوت المويه وصوت صياحها...
وأخيرا ينفتح الباب وتطل مشاعل وتشوفه قاعد:اطلع خالد ابي البس..
خالد:طيب..طيب..بس بعطيك منشفتك مادخلتيها..
مد لها المنشفه وطلع...
طلعت مشاعل بعد مالبست..وراحت لغرفتها وانسدحت...
ماقدرت تنام...احلامها كلها ضاعت...
مشاعل كان حلمها بزوج يعشقها وعيال تربيهم...
كانت دايما تقول هالشي..ابي اتزوج واحد يموت فيني ومايشوف غيري بالدنيا...وابي اجيب عيال يشبهونه حتى لو كان شين...
ولاشي من الي كانت تحلم فيه صار لها..لازوج يموت فيها ولاعيال...!!
دموعها تنزل بهدؤ...مر وقت طويل..وهي على حالها..وخالد قاعد برا...
الساعه 8 الصباح...قامت مشاعل واتجهت لصاله على طول...وخالد نايم بالكنبه...
بعد مالبست وطلعت لصاله لقته صاحي..
خالد:صباح الخير..
مشاعل:صباح النور,خالد انا بروح بيت اهلي..
خالد بخوف:ليش؟
مشاعل:اليوم بالليل يوصلون..
خالد:مشاعل اقعدي ابي احكي معاك..
مشاعل وهي تقعد بعيد عنه:احكي..
خالد:القرار بيدك...
مشاعل سكتت شوي وبصوت عالي:القرار بيدي؟؟؟
تضحك باستهزاء..
خالد:مشاعل!!!
مشاعل وصوتها يعلى:يعني مايهمك اجلس اروح القرار بيدي انت بتستسلم عالطول؟؟؟
خالد:موقفي ضعيف يامشاعل وانا مالي حق اني اقولك اقعدي!!
مشاعل:مين الي له حق؟؟
خالد:مشاعل نأجل احسن انتي شكلك ماعندك اي استعداد تفهمين او تقدرين حتى؟؟؟؟انتي تحسبيني مبسوط بالي انا فيه...انا من اول ماعرفت وانا اعاني وافكر وشايل همي بلحالي...ولما اجي احكي معاك تستهزين وتفهمين غلط؟؟؟
مشاعل وهي تصيح:خالد انا تعبانه..
خالد:انا الي تعبان يامشاعل!!
سكوت بينهم ويكتفون بالنظرات...
مشاعل:انا بروح بيت اهلي كم يوم ارتاح...
خالد:براحتك..
><><><><><>< 
وصلنا لرياض...باستقبالنا منصور وفهد زوج سارة...
ركبنا السيارة انا وعمتي وريما مع السواق...والله حتى هو اشتقت اركب معاه...
كل شي في الرياض وحشني...حتى الاشياء الي اكرهها اشتقت لها....
وصلنا للبيت أخيرا....
باستقبالنا مشاعل وسارة ومنار.....الكل كان باستقبالنا...
لقاء حار اختلط بدموعنا..
حطيت يدي على كتف منار ومشينا لصاله...تغيرت وصارت احسن من اول...
:ياعلني ماافقدكم مرة ثانيه...
سارة ورانا:يعني بس منار...
لفيت عليها ومكستها من يدها:لا والله كلكم...
قعدنا كلنا جنب بعض...حسيت جد بشوقي لهم...اشتقت لجمعتهم اشتقت لقعدتنا وسواليفنا...
شهقت فجأة وكأني تذكرت شي:سوسو وين ندويا؟؟؟؟
سارة:نايمه...
:الحين تقومينها...من جدك تنام واحنا تونا جاين؟؟
سارة:بكرة ان شاء الله تشوفينها...
سهرنا الى الفجر...كنا نقاوم النوم...نسولف عن كل شي...
عن سلطان وعن مساعد وعن فهد وعن خالد...حديثنا رجالي كان..كل وحده تشكي...
انا ماكنت احكي عن سلطان بس هم الي كانوا يسألون...
<><><>>>><><><><>><><><<>< 
مر اسبوع بأحلى مايكون...
مشاعل ومنار للحين عندنا..اما سارة نامت يومين بس ورجعت بيتها...تقول مااقدر اخلي فهد...!!
نروح شوي لهاله....
يرن جوالها...للمرة الثالثه تطلع من الحمام بسرعه وترد:هلا بدر..
طلب منها ان يجيها بعد ساعه...استغربت هاله طلبه..ووافقت له طبعا...
استعدت له بدون ماتتكلف...فكرها مشغول ياترى وش يبي!!!
بعد ساعه بالظبط...
يرن جوالها عشان يعلمها انه هو تحت...
ماعلمت هاله امها...وابوها كان مسافر...
نزلت هاله بسرعه وفتحت له الباب...
بدر:نجلس برا احسن؟؟
هاله:براحتك
بدر:ماابي احرجك..
جلست هاله على درج المدخل..وبدر واقف قدامها..
هاله:اجلس..!
بدر وهو يجلس:يمكن اكون جرئ ووقح اني اجي عندك...
هاله تناظره وهي مستغربه وبدون اي تعليق..
بدر:هاله انا ابيك...
حمر وجه هاله وراحت تحرك عيونها بعيد عنه..
بدر:وكنت ابيك تصيرين زوجتي وللحين ابي...
ناظرته هاله بخوف..
بدر:بس انا مااقدر...مااقدر ياهاله...تعبان وفكرة الزواج شلتها من بالي...ماابي اتعبك معاي...انا ماصرت مستعد ابدا اني اتزوج بعد الي صار...
هاله تحاول انها تمسك نفسها وماتنزل اي دمعه وماتسوي اي انفعال قدامه..
هاله:ماادري وش اقولك...انت قررت انك تتزوج وخطبتني والحين تقرر انك ماتبي تتزوج وتتركني!!
تضحك باستهزاء:انتهى الي بينا..
ناظرها بدر:أنا آسف..ياهاله..
هاله وهي تحاول تكتم صياحها:لا ليش تتأسف!!يعني...بدر خلاص..
تنزل دموعها الي كانت اقوى ...
بدر:لو بفكر بالزواج ماراح افكر بغيرك تأكدي من هذا ياهاله..
هاله:ايه ايه...انتظرك بدر..تقرر انك تتزوج مرة ثانيه...
مشت هاله بخطوات واثقه وتركت بدر.....
<><><><><><><><>< 


جالسين بالصاله...
رن جوالي وكانت هاله..رديت عليها:هلاا هلا والله بهاله..
هاله وهي تصيح:نورة..
نطيت من مكاني:وش فيك؟؟؟؟بدر فيه شي؟؟
هاله وهي مستمرة بالصياح..
والاسئله من خواتي وانا ماارد عليهم..
قمت من الصاله بسرعه لما حسيت ان الامر مو هين..
هاله:مايبيني يانورة...مايبيني بدر..
:فكيتي؟؟؟؟
هاله واسمع تقطعات انفاسها:هو الي فك الخطبه...
وترجع تصيح أكثر من اول..
انتهت المكالمه بسرعه...ورجعت لصاله وباين على وجهي اثار الصدمه..
منار ومشاعل بصوت واحد:وش فيها هاله؟؟؟
:فكت خطبتها..
مشاعل:ليش؟؟؟
قلت لخواتي كل الي صار...حاولنا نحلل الي صار وطريقة تفكير بدر...وردة فعل هاله...
وتناقشنا بأنانية الرجال...وكل وحده منهم تقول موقف او قصة سمعتها!!!!
<><><><><><><><><><><><<> 
رجعت منار لشرقيه...اما مشاعل للحين عندنا...جا خالد كم من مرة...وماقدرت اعرف اذا صاير شي بينهم...
مشاعل تقول انها مشتاقه لنا وتبي تقعد!!عمتي تحكي معها وتحاول تفهم منها بس بدون فايدة!!!
دخلت علي مشاعل المرسم وباين انها متضايقه...جلست على الكنبه وبدون ماتنطق باي كلمه....
:وش فيك؟
مشاعل:مافيني شي..,حكيني عن سلطان..سمعنا انه صار شي..
ضحكت من قلبي:وش سامعه؟؟
مشاعل:انتي قولي؟؟تحبينه؟
:ماادري..مرات احس اني احبه ومرات احس العكس..ومرات احس اني بموت عليه...
مشاعل:هو؟
حمر وجهي هنا وماعرفت وش اقول..
مشاعل وهي ترمي المخده علي:قولي يادبه..
:قالي قبل ماارجع..يقول انه بيجي..بس ماادري متى!!
قعدنا نسولف واقولها عالاشياء الي صارت بينا...صح انها مو كثيرة ويمكن ازيد عليها شوي بس كنت اشوفها قصة حب ولابالاحلام!!!
سألتها اذا صاير شي بينها وبين خالد ورفضت تجاوبني!!
توقعت هالشي ماقالت لعمتي ولسارة بتقولي انا!
><><><><><><><><><>< 
قاعدين المغرب بالصاله...
يدخل أبوي بعد ماخلص مكالمته...وباين على وجهه الضيق..
عمتي:خير عبدالاله وش فيك؟
يرد عليها وهو يوجه نظراته لمشاعل:أبو خالد بالمستشفى تعبان...
مشاعل بخوف:عمي؟؟؟
ابوي:اييه عمك وانت اخر من يعلم؟؟!!
قامت مشاعل من مكانها بسرعه واختفت عن انظارنا...
رجعت وهي لابسه عبايتها قالت لنا انها بتطلع وراحت!!
كان مريض بالسرطان ماادري وين بالظبط بس يقولون من الدخان...كان مدمن بشكل غير طبيعي!!
مشاعل استمرت على هالحال تروح من الظهر لخالتها وترجع لنا بالليل...ماتخليها ولا دقيقه...اما خالد ماكانت تشوفه الا قليل...واذا شافته تحاول ماتحتك!
بس الا مايجي موقف يجبرها انها تحكي معها...
كانت الساعه 10 بالليل تقريبا...
ام خالد ومشاعل كانوا بالمستشفى قاعدين بالغرفه الثانيه الى مايروحون اعمام خالد...
بعد تقريبا نصف ساعه راح كل الموجودين...
مشاعل وام خالد راحوا الغرفه الثانيه..
خالد كان مسند راسه على الكنبه وباين انه تعبان..
ام خالد:ياولدي انا اليوم بنام عند ابوك وانت ارجع ارتاح بالبيت واذا صار العصر تعال..
خالد:لا يمه انا هنا ارتاح اكثر..
مشاعل:عشان خالتي روح البيت وارتاح..
خالد وهو يقوم من مكانه ويروح يهمس باذن مشاعل:تجين معاي؟
مشاعل:خالد!!
يهمس باذنها مرة ثانيه:ياتجين والا بقعد...
مشاعل:بجي..بجي ياخالد..
طلعوا الاثنين من المستشفى..
بالسيارة..
مشاعل:رجعني البيت خالد..
وقف خالد السيارة بحركه سريعه:انتي وش تبين؟؟؟؟تعاندين نفسك والا تعانديني؟؟؟؟
مشاعل قلتها قبل واقولها لك انا المريض انا الي فيني المشكله انا الي اعاني!!!انتي تعاقبيني على اني ما قلت لك؟؟انا كنت خايف خايف على مشاعرك خايف على زاوجنا!!
انتي قاعده تستغلين ضعفي عشان تكونين اقوى!!
برجعك للبيت مثل ماتبين...
ماقدرت تقول مشاعل اي كلمه ماقدرت ترد...دموعها تنزل...كرهت نفسها لان خالد فكر كذا فيها...مشاعل كانت تبيه يبين تمسكه فيها كانت تبي تحس انه يبيها لاخر نفس في حياته...تبيه يقولها انا مااقدر اعيش بدونك!!!
رومانسية مشاعل الزايدة او احتياجها لحب خالد عشان هي تقوى وتعيش معها بدون عيال....
اعرفها مستعده تضحي عشان الحب...لكن كل شي جايز
><><><><><><><><><><>< 
أكيد تسألون وين سلطان...انا بعد ماادري عنه شي...
من رجعت الرياض ماكلمني ولا كلمته...وعمتي ماتجيب طاريه...يمكن قدامي بس!!
الكلمه الي قالها بتخليني انتظر...انا لسا بالبدايه واحس بفقدان الامل....يمكن لاني احسه بعيد عني...انا بنتظر ومالي الا الصبر....
نفسية مشاعل كانت تعبانه بشكل...ماقد شفتها بمثل هالحاله!!
دخلت عليها بالغرفه وكانت مغطيه وجهها بيدها وتصيح...
ضميتها لصدري وكانت تصيح تصيح..صياحها يقطع القلب...
:مشاعل احكيلي انا اختك!!
مشاعل وهي ترفع راسها:خالد اليوم تعب عليهم بالمستشفى..ماياكل وماينام زين..
:ليش ماتروحين طيب؟؟
مشاعل:انتي ماتعرفين..
:قولي لي طيب...
مشاعل:الي اقوله ما يطلع يانورة..
ابتسمت بداخلي اخيرا بتطلع الي بقلبها:لا لا مااقول...
مشاعل:مانقدر نجيب عيال يانورة...
قالت هالكلمه وانفجرت صياح مرة ثانيه...
انصدمت من الي سمعته!!ماكنت متوقعه صراحه انه شي كبير مثل هذا مايجيبون عيال!!!
مشاعل:وش اسوي يانورة؟؟
:منك او منه؟
مشاعل:وش تفرق يعني!!!
:منك؟
مشاعل:لا..
:انت تبينه؟
مشاعل:اييه ابيه وبنفس الوقت في شي بداخلي يمنعني!!
سكت شوي ماادري وش ارد عليها...
:مااقدر اقولك كملي معاه او اتركيه!!مااقدر ادخل بحياتك...مشاعل قولي لابوي لو لعمتي...صدقيني مافي غيرهم بيساعدك...
حكينا كثير وماادري ايش قررت...بس كنت احس انها تبيه...
انا ماابيها ترجع له..ماابيها تضحي عشانه...أكره التضحيات عشان الرجال...تضيعنا بعد مايفوت الوقت...
طلعت من غرفتها...وكنت مرتبطه مع هاله اليوم بنطلع انا وياها ابيها تغير جو شوي...
ماكانت هاله احسن حال من مشاعل...منصدمه من الي سواه...هي كانت مستعده تتزوجه لو برجل وحده على قولتها...يجي يتخلى عنها هو بسهوله...
انا اقولها خيرة..وماتدرين يمكن يرجع وهذا احساسي...
رجعت البيت الساعه 12 عمتي كانت تنتظرني بالصاله...
:اهلين عمتي...وين ابوي؟
عمتي:اليوم مو عندنا..
:ايييه صح,مشاعل مانزلت؟؟
عمتي:راحت..
كان احد صفعني على وجهي:ايش؟؟؟
عمتي:راحت بيتها..!!
:غبيه..
طلعت مني...احسها تسرعت...بس بالاول والاخير هذا قرارها...
><><><><><><><><><>< 
دخلت مشاعل بيتها بهدؤ...راحت الصاله خالد كان منسدح والانوار مسكرة...
خالد:يمه؟؟
ماردت مشاعل..
خالد:ميين؟؟؟
مشاعل:انا..
خالد جاي بيقوم..
مشاعل وهي تحط يدها على كتفه:اقعد خالد..
رجع خالد وعلى وجهه ابتسامه فيها تعجب..
مشاعل:ممكن تقرب لي..
بعد خالد شوي وقعدت ملاصقه له وحطت راسها على كتفه..
خالد يهمس باذنها:لاتتركيني...
مشاعل تناظره وماترد..
خالد:أحبك..
مشاعل:انا بكون معاك ياخالد طول عمري...بس ابي منك شي واحد..لاتخليني اندم يوم اني رجعت لك..
سكت خالد:انا الي ابيك ماتندمين ولا دقيقه انك رجعتي..!!
مشاعل:اوعدني..
خالد:أوعدك يامشاعل..,انتي اوعديني..
مشاعل:اوعدك...
كلهم حطوا نهايات..قرروا وفكروا...ونفذوا...
منار قررت انها تصير لمساعد بكل مافيها...
ومشاعل قررت انها ترجع وتكمل حياتها مع خالد...
وبدر فك خطبته من هاله...
وسارة غاصت بحياتها العائليه...زوج وبنت زي القمر...
باقي أنا...أنتظر...وأنتظر..وأنتظر...
صعب الانتظار...أشين شعور انك تحسب كل دقيقه وكل ثانيه...
احس ان الوقت بطئ والايام ترجع لورا...ماتتقدم..
اليوم كان طويل بالنسبه لي...وكئيب...روتين مايتغير...
اليوم مثل امس ومثل بكرة...
كل مايرن تيلفون كان عندي امل انه يكون هو..دايما اشوف الباب واقعد لدقايق وكأني انتظره باي وقت بيدخل...بس للاسف...
يوم عن يوم افقد الامل...
سألت مرة عمتي عن سلطان..وردت علي من غير نفس وكأنها تقول مالك دخل فيه!!
تقول يكلمني ويسأل عنكم..
هاله تقولي كلميه!!وأنا رافضة هالفكرة...اكلمه وش اقوله ؟؟
شهرين مروا وانا على حالتي...
تأقلمت مع وضعي صرت أحب اسهر وأنتظره واسمع اغاني...أحب اتذكر كل شي عنه حتى انا صرت اذكرني فيه!!
أكتب أكتب فيه...أكتب له...شي وكأنه فرض علي اني اكتب عالاقل كلمه...
لا لم أرى اليئس ولن يقربني...
أحبك وحبي لك اقوى من كل شي...
أعلم انك ستأتي...وتحضن قلبي....
أحبك وكل مافيني يحبك... 

><><><><>< 
أحتاجك...أحتاجك بقربي...
أشعر بالضعف...وانت قوتي...انت من يمدني بها...
أريدك...أريدك أكثر من اي وقت مضى...
><><><><>< 
وعدتني وستفي بوعدك...قد يطول تنفيذه ولكن ستنفذ وعدك!!

6 شهور مرت.....مرت وانا على حالتي...انتظار...6 شهور ومااحس اني أنا...
مزاجيه...دموعي دايما تغلبني...حساسه...ماصرت اهتم لاحد !!! 


أوضاع العائله ممتازة ريما بتحسن... 
والباقي حياتهم مستقرة...
قمت من النوم مفزوعه...تاخرت على الجامعه...ربع ساعه وانا بالسيارة..
صباح غير اي صباح...
طلعت دفتري وقعدت اكتب...
صباح أحلى من اي صباح...
صباح أتفاءل فيه...
اصبح عليك ياحبيبي...أرسل لك سلامي وأشواقي...
صباح بارد...ترتعش اطرافي وتدخن انفاسي...
وقفت كتابتي ونزلت للجامعه...
كنت خايف مااادخل المحاضرة...بس الحمدالله انها وافقت ودخلتني!!!
حمدت ربي ..اليوم الحظ مبتسم لي...دخلت بعدي وحده بخمس دقايق وطلعتها برا!!!
اليوم دوامي يخلص 2 طلعت من الجامعه ورحت انا وصحباتي تغدينا...وعلى الساعه 4 رجعت للبيت...
فتحت باب المدخل الداخلي...
وكنت أسمع أصوات...على غير عادة...بهذا الوقت دايما البيت يكون هادي...
احاول اجمع الاصوات...مشيت بخطوات مترددة...ماكان لي خلق اشوف احد...
صوته...والله هالمرة صوت سلطان مااتوهم...كلي كنت انبض...مو بس قلبي...
دخلت الصاله...وجت عيني بعينه...تصنمت بمكاني ماقدرت اتحرك...قداااااااام عيني...هو سلطان مااحد غيره...قدام عيني...
التفت على عمتي واستاذن منها اذا يقوم يسلم علي او لا!!!اه ياعمتي امه وامي وهي الي توقف بطريقنا!!
هزت راسها بالموافقه...
مشى بخطوات سريعه باتجاهي...رجعت انا خطوات لورا...مسكني من يدي واختفينا عن انظارهم!!
دفيته من كتفه بقوة وانا الي حسيت بألم مو هو:وينك ياسلطان.؟؟؟
سلطان وعلى وجهه ابتسامه عريضه:كنت تنتظريني؟؟؟
حمر وجهي بس كنت جريئه معها:كل دقيقه...
سلطان:كيفك؟
:الحمدالله..انت كيفك؟
سلطان:انا قدامك بأحسن حال الحمدالله...
ضربته مرة ثانيه من كتفه كنت مقهورة منه...في شي بقلبي...6شهور كثيرة...6شهور انخلقوا ناس فيها وماتوا ناس..6شهور تغير القلوب..
سلطان:انا لك اضربيني وسوي فيني الي تبين..
:ليش طولت كذا؟؟
سلطان:ارجع حياتي..
مافهمت وش كان يقصد...اكتفيت اني ابتسم...
سحبت يدي الثانيه الي كانت معلقه فيه يده ومافكيتها..:خلينا نروح لصاله...
مر اليوم واحس اني طايرة...مبسووووطه بشكل...
نظراته لي كانت تقتلني...أحلى من اي شي ثاني...
همس لي سلطان واحنا نتعشى...اذا راحوا كلهم ينامون يبي يحكي معاي..
خفت بالبدايه بس اظطريت اني اوافق...هو جاي عشاني وانا طول الفترة الي فاتت انتظره...
كنت انتظر بس متى يروحون ينامون...وكأنهم حاسين اني ابيهم يروحون ينامون..ويعاندون ويقعدون...
أخيرا على 12 ماصار في احد وانا طلعت معهم بعد وسلطان راح لغرفته...
الوضع كان مناسب جدا للقاءات غراميه سريه!!!
الساعه 1 لما تأكدت ان مافي احد وكلهم نايمين...نزلت..وقلبي مع كل خطوة تزيد نبضاته!!
ماعرفت وين اروح استبعدت فكرة اني اروح غرفته!!
توجهت للمطبخ ولقيته هناك!!
جالس واول ماشافني وقف..:تأخرتي..
ابتسمت ومارديت..
My princessسلطان:خلينا نروح برا
:طيب...
ثواني مرت..
سلطان:نورا من وين نطلع؟؟
:ايه ايه من هنا(وانا أشر على باب المطبخ)
فتح باب المطبخ بهدؤ...
وانا واقفه بمكاني... افكر بالي اسويه اعرف انه غلط...!! بس هذه مغامرة هذا من الخيال والاحلام...هذا الي ماكنت اتوقعه بيصير واقع!!
ابتسم سلطان وسحبني من يدي بخفه وطلعنا برا...قعدنا على عتبة الباب...
سكوت لثواني...
حسيت وكأني أعيد مراهقتي....حسيت وكأنها اول قصة حب في حياتي...
شعور غير..كنت احس باللذه...كنت اعشقها...اتبسم لما اشوفها وماابي عيني تبعد عنها....
كانت مستحيه...وشكلها كان يجنن وهي كذا...
الجو بارد ومظلم..ودقات قلبها احس فيها...كانت تلعب بيدها وحاطه كل تركيزها فيهم...
ماحبيت افتح معها الموضوع على طول...كنت ابي خوفها يروح شوي...
قعدنا نسولف..او انا الي اسولف...
ولما تحكي هي...ماانزل عيني منها...وكنت اسمع لها...كيف تحكي كيف تنطق بعض الحروف بطريقه حلوة...
ضحكتها...كل شي يعجبني فيها...
تقريبا ساعه وشوي مرت....
رجع السكوت...
:نورا...
رفعت راسها وناظرتني...
:تعرفين ليش جاي؟
سكتت شوي...
حسيت ان سؤالي بايخ ومحرج بالنسبه لها..
ضحكت بداخلي...:جاي عشانك...ابي اخطفك..
ضحكت من قلبها...
ضحكت انا مثلها...مو على الي قلته!!ضحكت لانها ضحكت...
:اييه ابي اخطفك...لا تضحكين...بس انا حرامي مؤدب باخذ رايك اول...
الحمدالله انه كان ظلام....لأن وجهي تقلب لكل الالوان...ابي اطير...كنت فرحانه وبنفس الوقت خايفه!!
ماكان ردي جاهز وماراح اقوله اييه اخطفني ياسلطان مثل ماهو كان متوقع قرار سريع طايش بدون ماافكر....
:سلطان...لازم افكر...
سكت شوي ماعجبه ردي..:بس انا اسبوع قاعد..اليوم السبت...انا بروح الجمعه...يعني الى الخميس لك...
ابتسمت:اوكي..
وقفت بسرعه:تصبح على خير...
مسكني من يدي وقعدني:نورا ماخلصت...,تبين اقول لخالي..وامي؟؟
:لا ابوي لا...بس عمتي...
سلطان:طيب ابوي لا بس عمتي الي تامرين فيه...
:طيب,اروح؟
ابتسم:تصبحين على خير...
طلعت بسرعه لغرفتي...واحس ان فيني طاقه تعيشني سنوات....ماابي انام وماابي اكل وماابي اسوي اي شي....بس بنفس الوقت خايفه خايفه من اي قرار بتاخذه سواء كان بموافقه او......!!!
كلمت هاله وقلت لها عن كل شي...وطبعا هاله قالت بدون ماتفكرين اصلا وافقي...
ماكانت ليلة موفقه بالنوم...ماغفت عيني...كنت افكر وافكر وافكر وراسي بينفجر من كثر التفكير..
ساعتين او اقل الي نمتها...صحيت ورحت الجامعه...
بعد مارجعت البيت سألت ريما...وقالت سلطان راح لبيته!!!
:اي بيت؟؟؟؟
ريما:ماادري..
جا في بالي انه رجع لامريكا...
اسمع صوت عمتي من وراي:راح لشقته لاتخافين يقول ابي نورة تفكر زين!!
:عمتي انتي ليش ماتبينه؟؟
تبتسم عمتي:ولدي يانورة هذا...بس ماتصلحون لبعض...فكري يانورة..
:عمتي يمكن انتي ماقدرتي تعيشين بس انا يمكن اقدر!! لا تقارنين بين حالتين مختلفين!!
عمتي:قبل شي يابنتي انا لازم اقولك شي سلطان مايبيك تعرفينه...مو عشان تكرهينه ولا تغيرين رايك...بس ماابيك تنخدعين...ابيك تعرفين عنه كل شي..
كل شي شين جا في بالي...خفت ماادري وش الي بعرفه الحين عن سلطان هو الي مخلي عمتي انها ما تأيد...
نصف ساعه قتلتني فيها عمتي...
أحلامي تبددت وطارت...
طلعت لغرفتي وانا في حالة يرثى لها...
مااعرف صعب الامر علي زيادة!!
كلمت منار وقلت لها...ماكان رفضها للموضوع عشان متزوج!!!لا بالعكس تقول عالاقل انه خاف الحرام وسوى كذا!! بس كانت خايفه اني مااتاقلم..خايفة علي من الحياة هناك!!
هاله كانت بعكس راي منار...لما عرفت انه كان متزوج تقولي وش يضمن لك مايتزوج!!!يضحكني تفكير هاله بس لها نظرة واحترمها!!
مالي الا مشاعل امي..
كلمتها وقلت لها تجي...
علقت تعليق بسيط..وقالت لي هاذي حياتك يانورة...مااحد يتاخذ معاك قرار ..انتي سمعتي راي كل وحده فينا...وانتي الي تقررين....
صح كلامها...انا الي اقرر مو هم...تقولي انا مرة سمعت براي وحده من صديقاتي وندمت بعدها واحط مرات اللوم عليها!!!
كنت ادعي ربي واستخير...ماكنت اقعد لحظه وحده بدون ماافكر...سلطان كان يجي الصباح ماشفته ابدا.....
أحد يساعدني محتاجه أحد...رحت في ليله عند عمتي وبكيت عندها....كنت ابيها تساعدني....بس ماعطتني الي ابي!!!
اليوم الاربعاء يعني بكرة موعدنا مثل ماقال سلطان!!!
أنا خايفه...خايفه...!!
فكرة جت في بالي ارتحت لها...
مانمت هالليله ولاشافت عيني النوم...اجهز الحكي الي بقوله...ومتأكده انه هو الصح!!
منار جتنا الخميس الصباح عشان بالليل كان في زواج بنت خالة مساعد...
حكينا طول النهار...وايدتني على فكرتي...!!
الساعه 10 بالليل تقريبا...رن الجرس...وكان سلطان...
عمتي كانت طالعه...وسارة ومشاعل قاعدين بصالة فوق...ومنار كانت شوي وتطلع للزواج...
نزلت لصاله وكان قاعد...ابتسم وكان باين عليه الخوف...مااعرف عمتي وش قالت له!!
ابتسمت له...وقربت منه ومسكت يده..وسحبته انا هالمرة...
أعشقها...الحركه الي سواتها..ذوبتني...سحبتني من يدها كاني واحد صغير...شديت لعى يدها وكأني اقولها انسي افك يدي عنك...
رحنا لصالة ثانيه ابعد شوي...
تسحب يدها وانا شاد عليها...
تناظرني:سلطان..
:اسف...
سحبت يدها بهدؤ وجلست...وامرتني بعد اني اجلس...
:كنت محتاجه تكون معاي...تفكر معاي ياسلطان!!
:انا معاك..ومستعد لاي شي!!
:اي شي ياسلطان؟؟
:ايييه...
قلتها وانا اضحك:تعال الرياض..
سكت شوي...:ماتبين تجين معاي؟
:سلطان مااقدر اعيش هناك!!
:تقدرين!!
:سلطان انا ابيك ومستعده اسوي اي شي..بس مااعيش هناك ...
ضحكت باستهزاء:كيف اي شي الا تعيشين هناك!!!انا ماابي منك شي الا انك تعيشين هناك!!
:مجتمع ثاني حياة ثانيه كل شي غير!!مو سنه ولا سنتين!!طول عمري...
:مجتمع بسيط وسهل انك تتأقلمين معاه!!
:سهل سنه سنتين اربع!!بس مو عمري..
:الي يخليك تتأقلمين سنه سنتين بيخليك تعيشين طول عمرك هناك!!!صح؟؟؟
:انت تقدر تعيش هنا وتتأقلم...
ضحكت بصوت عالي شوي وفيه استهزاء:اتأقلم هنا!!مستحيـــــل يانورا..
:هنا اهلك هاذي ديرتك ياسلطان!!
:ايييه بس مااقدر اعيش هنا بعد ماكنت هناك...بس انتي تقدرين تعيشين هناك...تعيشين مثل ما تبين...مو مثل هنا!!يبيلي انولد من جديد عشان اقدر اتأقلم!!
انقهرت من كلامه...بدينا نوصل لباب مسكر..
ناديت اسمه بقهر:سلطااان!!
:نورا!!
:ليش تبيني اضحي وانت ماتضحي؟؟؟
:نورا تفكير حتى ماافكر..شي صعب انتي ماتتصورينه!!شغلي وحياتي كلها هناك مو هنا...انا ماعندي شي هنا!!الا امي وانتي بس!!!
:عشاني طيب؟
سكت ومارديت عليها...
:سلطان..
:نورا انا جيت وكلي وثوق اني برجع وقلبك معاي!!
:سلطان انا كنت واثقه انك بتساعدني اكثر من كذا...انت مقفلها بوجهي!!
:نورا انا هاذي بتكون اخر مرة اجي فيها...لو رفضتي...
انا اما سمعته كذا يقول تنرفزت وغصبا عني صحت وانا اتكلم:اناني ياسلطان!!انت مو قاعد تساعد انت يا ايه يا انا اسف مااقدر اسوي شي..
قربت منها اكثر وكان نفسي احضنها او اسوي اي شي:نورا لاتبكين..الله يخليك..
قلتها بعصبيه:الا بصيح بصيح..!!!!شوف انت كيف تحكي معاي!!!
:آسف..
:وين اوديها هاذي!! لاتتاسف...سلطان نروح نعيش في دبي عالاقل!!في لندن اي مكان بس مو هناك!!
:يامجنونه انتي وش فكرتك؟؟؟نورا هذا قرار لحياتك...تعيشين هناك تدرسين بتكون حياتنا حلوة اوعدك يانورا...
:واجي مرة بالسنه او بالسنتين او انسى اهلي بالمرة!!
:انتي فكري بنفسك!!مو بغرفتك وخواتك وصحابتك!!
:انت تقدر تفكر بنفسك بس انا مااقدر ياسلطان!!انت عشت بدون عايلة!!انا وقت نومي بس اكون بدونهم!!تبيني اقرر وبسهوله اتخلى عنهم!
ضحكت على سخافتها الي اكيد انه صح:جلسة اقناع هاذي...انا قلت ابي رايك وبس!!ايه او لا!! مو تقنعيني و اقنعك!!
:عشاني ابيك !!تبيني ارمي لك الكلمه واروح؟؟
:اجل تقنعيني بالهوا وتروحين!!تقطعين قلبك وتعورين قلبي وتروحين!!!
:انت قاعد تصعبها وتقفلها!!عنييييد!!عنييد
بديت اصيح مرة ثانيه...
بعصبيه:ليش تبكين!!!!!!انتي بيدك القرار...نورا لاتصيرين سلبيه !!!ايه او لا؟؟؟؟
صياحي يزيد وباسلوب فيه ترجي:سلطااان!!
:ايه او لا؟؟؟انا عندي طيارة بعد ساعتين!!ايه او لا يانورا؟
كنت ساكته وماارد مااقدر مااقدر اقول ايه ومااقدر اقول لا!!!
:نورا؟؟
بعد مارديت عليه...عشر دقايق وهو يناظرني وبنظراته توسل اني اوافق...
حسيت بخوف مااقد حسيته بحياتي...كلمة تقولها تقرر مصيرنا...ايــه او لا...
كانت ساكته وتصيح...مترددة واضح عليها...خايفه....
كنت احس انها محتاجتني...او انا الي كنت محتاجها..وافقي وافقي وافقي الله يخليك يانورا لا تضيعينا...!!!
اصعب موقف واصعب شي بقوله في حياتي:لا..!!!
ناظرني لثواني وعطاني ظهره ومشى...مشى...سلطان قاعد يروح مين بين يدي...انتهى كل شي..كلمه قلتها..انهت كل شي...ارجع ارجع ارجع الله يخليك ارجع...أحبك...أحبك ياسلطان...مااقدر اعيش بدونك...
طلع من الصاله...واختفى عن انظاري....
اناني...كان معاي اناني...ليش يبيني يضحي وهو لا!!!!!
ليش الرجال يطلبون التضحيات وقله هم الي يضحون!!!
ليش احنا الي نضحي!!ونتحمل!!!
انا ماقلت له اني اعرف انه تزوج عشان مااخرب الي بينا!!!
اصير غبيه قدامه معليش..واضحي!!
راح مني....كبرياء او عناد او انانيه...ماتفرق..راح سلطان...ماراح يرجع متأكده ماراح يرجع!!!
ليتني قصه أكتب نهايتي!!!!!
جرحتني...جرحت كل شي فيني...تخلت عني بسهوله...
أكره نفسي لاني حبيت!!! استحقر نفسي لاني سلمت نفسي لامراة!!او لطفله!!لعبت بمشاعري....
شي يعصر بقلبي لما سمعت كلمتها...تجمدت وماقدرت حتى ارد...كلمتها اقوى من اي شي...
ليتني ماسلمتك قلبي يانورة!!


النــــهـــــــــايـــــــــــــه 

www.saif.waphall.com