ترخص لك انفاسي يا اغلى ناسي
للكاتبه : روحي
------------------------------

الجزء الاول
عبيد … عمره 21سنه ضعيفون ابيض وعيونه عسليه وهادي وامه متوفيه من ولدت اخته وابوه مب مقصر معاه وما كان يبخل عليه بشي وهو كان من كبار بوظبي ومريم اخت عبيد الوحيده وهي في الكليه وعمرها 20 سنه وطبعا تاخذ من اخوها في الشكل بيضه وضعيفه والعيون العسليه بس هيه وايد حشره لسانها طويل وربيعتها شيخه بنت خالتها لكن هيه مب وايد معاها… وعند عبيد ربيع اسمه حمد هذا ربيعه الروح بالروح يحبه موووت وابوه ربيع بو عبيد وهو والوحيد وابوه مطلق امه..وهو طويل وضعيف وشوي اسمر وعيونه ناعسات وسود يخاوي عبيد فكل مكان… وهو عادي ايي بيتهم في اي وقت ويرقد معاهم لانهم معتبرينه واحد منهم..وهو بالاصل يستويلهم من بعيد
ريم… عمرها 20 في الكليه وهيه بيضه وعيونها عسليه على ابوها و ابوها واايد حلو وهو من كباريه العين بس هيه عايشه فبيت وحده من خواتها وامها متوفيه من مرض وعندها 5 اخوان 4 متزوجين 1 وواحد بعده يدرس باقيله سنه ويتخرج وعندها 6اخوات وكلهن متزوجات وهيه كله قاعده ويا النت لان ماعندها حد اترمسه غير ربيعاتها مهره وخوله ومب وايد وياهن بس ابوها كان موفر كل شي لها..
___________________________ 
كان عبيد داخل عالنت ويحاوط في المواقع وهو ملان ماعنده حد عالمسن جان يدخل المنتدى اللي هو فيه ويدور ايميلات الاعضاء ويجذبه ايميل سيده يسويله آدد وبالحظ كان اون لاين وكان نك عبيد وين بلقاك ياروحي…… 
وين بلقاك ياروحي :::السلام عليكم 
الغزال الشمالي ::: وعليكم …منو وياي؟!! 
وين بلقاك ياروحي ::: انا عبيد شحالك اخويه.. 
الغزال الشمالي::: انا بخير.. اخويه عبيد انا بنيه.. بس من وين يبت ايميليه 
وين بلقاك ياروحي ::: اوبس سوووري اختيه انا كنت احاوط فالمنتدى وجذبني ايميلج بس والله صدقيني ماكنت ادري انج بنيه..
الغزال الشمالي:::صدفه حلوه انته العضو (…………)
وين بلقاك ياروحي ::: هيه وانتي (……………)
الغزال الشمالي::: والله انك عضو فنان انا كان فخاطريه اتعرف عليك
وين بلقاك ياروحي ::: مشكوره حتى انتي عضوه فنانه والدليل من اول موضوع عينوج مشرفه وين نحن اول شي مراقب وبالغصب مراقب عام…
الغزال الشمالي ::: هههههه حليلكم…
وين بلقاك ياروحي ::: ماقلتيليه اسمج؟
الغزال الشمالي ::: الريم…عبيد كم عمرك؟
وين بلقاك ياروحي :::عاشت الاسامي ..عمريه 21
الغزال الشمالي ::: العمر كله يعني اكبر عنيه بسنه ووين تدرس
وين بلقاك ياروحي :::في الكليه
الغزال الشمالي::: حتى انا… انزين عبيد انا الحين بطلع تامرني بشي؟
وين بلقاك ياروحي ::: مايامر عليج العدو .. بس انتي متى وقتج؟
الغزال الشمالي::: ممممم تقول جيه الظهر وبالليل..
وين بلقاك ياروحي :::مثل وقتي..^ _ ^
الغزال الشمالي::: اوكي اجوفك على خير ورايه دراسه ولا كنت بقعد عشانك..
وين بلقاك ياروحي ::: … كله ولا ترسبين بسببيه …بااااااااي
ويروح عبيد عسب يتعشى وهو يفكر بالريم كيف شكلها وكيف صوتها ويتذكر كيف كان يستهبل عليها فالمنتدى وهيه تعصب وبعدين تسبه وهو ينقع عليها من الضحك..ويقول ليش ماتعرفت عليها هيه كانت اقرب وحده لي فالمنتدى وتوني اتعرف عليها عدل
مريم:: عبيد عبادي شو فيك هايم ؟؟
عبيد :: شو فيج حشره دايما تخربين عليه..شو تبين يلا فكينيه
مريم::ابغيك تاكل من بونك عصى ماشي لحم
عبيد :: جوفي عمرج اول بعدين اتكلمي
مريم:: عبود انته اتحب عسب جيه اتقول خربتي عليه هاااا من ورايه يالدب هههه
عبيد:: والله انج فايجه انا مب راعي هالسوالف…خليني اخلص اكليه
مريم::كل كل عساك تمتن وانا بعد
عبيد::ههههههههههه حليلج..ماعليه خليني اخلص اليوم صدق بتفيج لج
مريم:: هيهات اليوم بعد والله مب فايجه العب
عبيد :: مشكلتج..
وبعد ماخلصوا يلسوا يراكضون ويلعبون مثل اليهالو لين ماتعبوا وكل واحد راح يرقد
وتموا يستهبلون لين ماخلصوا وكل واحد قام وراح حجرته ورقد عبيد ويوم نش الا هو متاخر ومغيظ ويطير بسيارته (الـbmw سوده وعاكس)(دلوع ابوه) ويوم وصل مايحصل الا ربيعه يترياه اللي هو حمد (في الكليه)
وايي ويسلمون بخشوم 
حمد:: عبادي ..
عبيد::عيون عبادي
حمد::جيه متاخر
عبيد::خذني الرقاد والله تعبان
حمد::سلامات حبيبي شو فيك؟
عبيد::لالا كنت استهبل مع اختيه تمينا انراكض ونتضارب وجيه
حمد::حليلك ترا سجلوك غياب
عبيد ::ينقعون والله مشكلتهم بخلي الوالد يتفاهم معاهم وبخليه يسكتهم..
حمد:: ههههههههه .. يالله منو انت ولد الشيخ
عبيد:: ليش لا يلا انا بسير اكمل رقادي
حمد وهو معصب..::خس الله بليسك وانا طالع من الكلاس عشانك ويالس اترياك واخرتها اتقول بسير البيت..والله انا الغبي
عبيد::لا خلاص سوووري حبيبي حمود بقعدلك لين العصر بعدين ورايه ناس لازم اسولف وياهم..
حمد::هااا عبيداني منوه هذيل داق خيانه في حبيبك تخش عنه اشياء..
عبيد::حماده شوي شوي عليه خلنا انسير مكان واخبرك
حمد :: انزين خلنا انسير الكوفي

في الكوفـــــــــــــي
يلس عبيد يقول لحمد بالسالفه وبالصدفه كانت ريم وربيعاتها خوله ومهره هناك
حمد:: والله ياعبادي انك سالفه بس عن تلعب عليك مثل هذيج والله بنات هالايام كله لعب ماعندهن سالفه… ويضحكني حبيبي سولي توقيع فديتك ابغي بطاقه
عبيد::ههههههههه ترا صوتك عجيب وانت تقلد
حمد:: هيهات .. طالع هالبنات قمنا عليهن
عبيد::حموده يوز عن حركاتك تراهن براونك الشغل وبعدين انا اغار
حمد:: فديت عبــــــــادي الابيضاني
عبيد::ههههههههههههههه 
خوله ومهره وريم يالسات يضحكن ويستهبلن على بعض ويلست مهره تستهبل على ريم وبالغلط زقرتها بصوت عالي يعني بس اللي حذالهم يسمعون 
مهره:: ريــــــــــــــــــــــمووووه بس
ريم::: غربلات ابليسج خوفتيني.. اسكتي فضحتيني
خوله::ههههههههههههه ماروم استحمل
وفالوقت هذا صد عبيد ويهه وتم يجوف الريم مب مصدق باللي يجوفه
عبيد:: والله صدقت يوم حطت النك 
خوله:: ريمان جوفي ذاك الابيضاني قاعد يطالعج
وتصد ريمان ويهها واتجوفه مستغربه فخاطرها تبي اتعرف منو هذا ليش يطالعها..
عبيد::حمود دخيلك اذا اتحبني ازقرني بصوت عالي سير عند الباب أي مكان وازقرني بس قول عبيد مب شي ثاني
حمد::انزين انزين …… يمكن مب هيه
عبيد:: حمـــــــود
حمد:: انزين عن تاكلنا يلا لحظه …………………عبــــــــــــــــــــيدوسيده ترد اتصد ويهها ريم فخاطرها اتعرف اذا هو عبيد اللي وياها بالمنتدى نفس الصوره اللي في توقيعه وكان احساسها انه هو فضحكتله وعبيد ماصدق ويهه وضحكلها 
ريم:: بنات قمنا 
خوله هيه والله من دام هالخياس موجودين خلنا انروح
مهره::غربلات ابليسهم مايخلونا نتهنا بيمعتنا..لو تمينا بالكوفي مال كليتنا احسن
خوله::انزين اليوم عندنا اجازه..حق شو انرز ويهنا هناك
مهره :: هيه والله .. نسيت..يلا قمنا
بغى عبيد يلحقهن بس مسكه حمد وعبيد عصب
حمد:: عبيد جيه مصختها يمكن مب هيه 
عبيد:: …… ممم صدقك جيه مصختها
حمد:: قمنا ناخذلنا لفه وانرد البيت
عبيد:: بس تبات ببيتنا
حمد:: مايصير خاطرك الاطيب
فبيت عبيد

دخل عبيد ومعاه حمد وكانت مريم اخت عبيد توها حادره وجان يصد حمد ويهه وتم يتطالع مريم
عبيد:: مريومه شحالج؟
مريم:: بخير
حمد:: ها شحالج مريم
مريم:: الحمدالله بخير 
وبسرعه راحت غرفتها
حمد:: عبود انتو كلكم عندكم نعمه الجمال هههههه
عبيد:: حماده حتى انته حلو احلى واحد فالبيت
حمد:: اسكت الله يخليك ماعندي خوان ولا خوات..حليلي وحيد
عبيد:: وانا وين رحت
حمد:: انته عمري وحياتي يا روحي
عبيد:: خل هالكلام حق حبيبتك ههه يلا قمنا بسير عالمسن احس انها موجوده
حمد:: يالله عالاحساس قم بويه سير كلمها وفكنا
ويدخل عبيد المسن ويحصلها وكان حمد يالس يقرا قصه حب وايد يعيبه قصص الحب وكان موصنه عبيد انه مايرز ويهه عند شاشه الاب توب
الهايم::هلا والله بالزين كله هلا وغلا بالغزال شحالج الغاليه؟
ريم عين الدماني:: !!!!!!!!!! اهلين والله انا بخير وانته شحالك ؟
الهايم:: اكيد بخير مايبيلها بغيت اتخبرج؟
ريم عين الدماني:: هلا
الهايم:: انتي كنتي بالكوفي؟
ريم عين الدماني ::هذا انته؟
الهايم:: والله انج غزال..كنت متاكد انه هاي انتي
ريم عين الدماني:: ماشالله عليك احلويت
الهايم :: في مره جفتينيه!
ريم عين الدماني:: مب انت مره حطيت صورتك بالينب ومب واضحه بتوقيعك فالمنتدى
الهايم:: يالفضيحه جفتيها
ريم عين الدماني::هيه مايفوتني كل يوم اتضارب وياك وماتبيني اجوف توقيعك بس انته انقطعت عنا عسب جيه انته نسيت…… 
الهايم::ههههه ظروف
ريم عين الدماني::عبيد
الهايم::هلا …
ريم عين الدماني:: انته قد مره حبيت
الهايم::ليش؟
ريم عين الدماني:: فضول ^ _ ^
الهايم :: فخاطرج تعرفين
ريم عين الدماني:: اكيد
الهايم :: اها
الهايم:: انا حبيت وحده وانتي تعرفينها هاي العضوه (………) هيه اول ماشتركت قالتلي اسويلها ادد وانا كنت مسوي موضوع حق اللي يبي توقيع او بطايق اغاني سيده قالت ابغي توقيع وبطاقتين وانا ماقصرت معاها كنت كل يوم اسويلها توقيع بس كنت يوم عن يوم يزيد حبي لها وحتى هي كانت اتقولي انها بدت اتحبني كملنا 9 شهور معا بعض حتى هيه طرشتلي صورتها لكن مب واضحه..بس انا الصراحه حبيتها من الخاطر ومره وحده مارمت اصبر وقلتلها ابغي اخطبج جان اتقولي انته تستهبل لو يدرون هليه بقطعوني وانا قلتلها مب لازم يعرفون السالفه بقولهم ختيه اللي اختارت وانتي تعرفي عليها وهيه عصبت قالت انا ماحبك حق شو ابغيك اصلا انته شو صدقت عمرك بالكلام اللي اقوله لك والله مشكله انا غلطانه عطيتك ويه وهديه مني لك البلوك ودليت..جاسني قهر منها طلعت مصلحه والله كان فخاطريه اذبحها … حتى هيه الحين مختفيه او انها مغيره نكها مادريبها تول والله..والله انا كنت سخيف وغافل 
ريم عين الدماني:: صدق هالبنيه دبه وخايسه وما عندها احساس تلعب بمشاعر الناس لو كانت جداميه جان قطعتها
الهايم::هههههههههههه..ريمان
ريم عين الدماني::هلا
الهايم:: فخاطريه اقولج شي بس ماتزعلين منيه
ريم عين الدماني:: وليش الزعل انته قول وماعليك
الهايم:: ممكن اسمع صوتــــــج؟
ريم عين الدماني:: !!!!!!!!!!!!!!!!!!!!!!!!!!!!!
الهايم:: لاتزعلين مني السمـــــــــوووحه خلاص انسي السالفه
ريم عين الدماني:: انا بروحي احترقت يوم قتلي انك جفتني والحين تبغي تسمع صوتي
الهايم:: والله انا من زمان اعرفج يعني كانت علاقه سطحيه..بس ابغي اتعرف زياده..حراام دخيلج والله..بعد فخاطريه اقولج شي بس ابيه فالتلفون
ريم عين الدماني:: اتصدق ماروم اردك ... يالله انته عطنيي رقمك ولا بغير رايي
الهايم ::لا لا (……………) 
ريم عين الدماني:: رقمك فنان .. 
الهايم:: تسلمين عالمجامله
ريم عين الدماني:: اوكي .. انا بطلع الحين وانشالله بطرش لك مسج بعدين يلا باااااااااي
الهايم::مسج !! يلا خير وبركه منج .. انا فانتظارج باااااااااي
ويستانس عبيد والويه منشق من الفرحه
حمد:: اللهم لاحسد منو يقدر يفوت هالمشهد
عبيد:: حمود صدق او لا تصدق
حمد:: قالت احبك
عبيد:: لا بعدها بس خذت رقميه
حمد:: اونـــــــــه مبروووووووووك 
عبيد:: الله يبارك فحياتك انشالله خلني اتعرف عليها عدل وبعدين اخطبها .. فديتها كيف راحت عن بالي من زمان هالانسانه الحبوبه موجوده ومايت عيني عليها..والله انا غبي
حمد:: هههه وبتودع حياه العزوبيه لاتنسى الزواج مسؤوليه
عبيد:: حمودي سمعنا الكلام وملينا منه ياحبوبي حفظته
وبعد شوي يوصله مسج :::: ابيض مثل شمس صباحي عيونه ناعسات معسله::::
واستانس وعرف انها الريم ويرد عليها ::: كنت اتريا رقمج عشان اطرشلج هالبيت لكنج سبقتينيه:::
حمد:: عبيدووو انا برقد شوي اقعد ويا غزالك واتهنى به يلا تصبح على خير ..
عبيد:: وانته من هله
وبعد كم دقيقه يرن تلفونه وسيده طار عند البلكونه
 
------------------------------
وبعد كم دقيقه يرن تلفونه وسيده طار عند البلكونه 
عبيد:: الووو
ريم :: الوو
عبيد (وهو يستهبل)::اختي منو تبين
ريم:: بغيت الهايم
عبيد:: هو الحين مشغول
ريم:: اها يوم بيخلص شغله خله يكلمني
عبيد:: ههههههههه ريماني شحالج؟
ريم:: بخير بس ليش تستهبل واتقول انك بزي
عبيد:: بس جيه ههههه
ريم:: فديتك والله
عبيد:: عيدي عيدي عيدي
ريم:: اسمحلي والله بالغلط
عبيد:: تعرفين ذوبتيني بـ هالكلمه
ريم:: عيل بييك الكلام 
عبيد:: اعلن انتهائي
ريم::هههههه حليلك
عبيد:: فديــــــت الضحكه
ريم::…………………
عبيد:: شو فيج ساكته
ريم:: عبيد انا بخليك الحين
عبيد:: ليش انتي ديايه
ريم::هههههههه ليش يعني ديايه
عبيد:: كل ماكلمج شوي…… اتقولين بخليك
ريم:: استحــــــــي اقعد وياك واااايد بعدين بتمل منيه
عبيد:: وليش امل…. عندي بو الشباب ماشالله صارلنا 18 سنه مع بعض احبه ويحبني ههه
ريم:: ماشالله ولا مره اتضاربتوا 
عبيد:: يعني مرات تراه يغار مني 
ريم:: هو يدري انيه اكلمك
عبيد:: وين اقدر اخش عنه شي
ريم:: وما يغار
عبيد:: حلوه ههه .. لا لا شو يغار استهبل
ريم:: انا اسمع اصوات عندك يلا بخليك بالمره بسير اتعشى
عبيد:: هذا حمود نش يالله بالهنا والعافيه
ريم:: الله يعافيك مع السلامه
عبيد:: باااااااي
ويسير ويحصل حمد عالكمبيوتر يتسمع اغاني واتدق مريوم الباب 
حمد:: فديت الدقه
عبيد:: بس اسكت 
يطلع عبيد ويلايم الباب ويكلم مريم ويرز ويهه حمد عند الباب عسب يجوف حبيبته بدون مايحسون
مريم:: عبيده ماتبي عشى
عبيد:: فديت مرايم حبيبتي ييبي العشى هني
مريم::هاللي ناقص يلا انزل
عبيد::والله انتي كلي تحت وانا هني
مريم :: حبيبي انا بسير اكل يوم بخلص انت وحماده انزلو
عبيد:: بس لاتطولين لاني يوعان
مريم:: انشالله عبادي
ويدخل عبيد ويجوف حمد وهو منصدم يقول فخاطره شو فيه الولد ناقع من الضحك
حمد:: هاااا عبيده
عبيد:: حتى انت..لو تعرف كيف اكره هالاسم
حمد:: احسن .. فديتها قالت حماده
عبيد:: دامك تقعد تتفداها سير اخطبها..والله يالس تتفدى ختيه جدامي
حمد:: شو يعني عادي .. بعدين هيه تستحي مني دايما .. بس يمكن ماتبيني
عبيد:: احلف انت بس من ورايه يالدب .. انزين انا بكلمها بس بعد العشى ...وبعدين انا احيدها تمدحك واتقول انك حليو الا قمر
حمد:: والله …… خلاص باجر بييب بويه
مريم:: عباااااااااااااادي 
حمد:: فديتها قم بسيرلها
عبيد:: حماده اسكت اشوي………هااااا مرايم
مريم:: يلا تعال
عبيد:: ok
ويروح عبيد وحمد ويتعشون ويسولفون ويضحكون وبعدين يسيرون ويلعبون سوني2
حمد:: عبودي بسير ارقد الصراحه انا تعبان
عبيد:: وانا بسير عند مريومه
حمد:: لا خلاص طار الرقاد.. 
عبيد:: اسمينك شيطون يلا اقعد وسولك شي لين مايي 
حمد:: يلا توكل انت
ويسير عبيد عند اخته وهو ساكت مايعرف بشوه يبدا
مريم:: عبدو شو فيك شو تبي
عبيد:: لاتقولين عبدو
مريم:: انزين شو تبي
عبيد::امممممممممممممممممم
مريم:: عبود اذا بتقعد تستهبل روح عني مب فايجتلك
عبيد:: ولاتعرفين سالفتي مب مستعيل عليها.. باجر بخبرج المهم شو رايج بحمد
مريم:: ههههه ليش بيخطب
عبيد:: اتصدقين
مريم:: اممممم ولد اصول وحليو ومافيه حيله
عبيد:: عجيب.. متاكده من كلامج
مريم:: عبود يعني استهبل
عبيد:: خلاص خلاص حماده يبيج
مريم:: هااااا
عبيد:: هاا تبينه ولا
مريم:: وانا من زمان اتريا هاليوم
عبيد:: يعني اتحبينه
مريم(وهيه مستحيه):: اموت فيه
عبيد:: عاشوا فديت مريوم
ويمشي عبيد ببرد لين ماوصل الغرفه وحمد يطالعه ويقول فخاطره اكيد رفضتني او طلعته وواجعته
حمد:: بشر
عبيد:: بشوه
حمد:: لا تستهبل
عبيد:: انته عن شوه تتكلم
حمد:: عن مريم
عبيد:: هيــــــــه
ويرن تلفون عبيد وبسرعه يركض عند البلكونه 
ريم:: مرحب
عبيد:: هلا والله 
ريم:: بغيت اقولك شي
عبيد:: هلا
ريم:: تصبح على خير
عبيد:: هههههه وانتي من هله
وتصك ريم التلفون
ويسير عبيد ويحط راسه عالشبريه وينقز عليه حمد
عبيد:: اعوذ بالله
حمد:: يلا قول بروحي جايسني غياظ
عبيد:: انشالله البنيه اتحبك من سنه يديه
حمد:: والله ماصدق عبادي قول الصدق
عبيد:: اووووه حمود قوم عنيه من بونك عصا…حشى مب عظام كسرتنيه 
حمد:: انزين……يلا اتكلم
عبيد:: هيه اتحبك من زمان وتبيك وقول حق ابوك الاربعا ايي ويخطبها لك انا اخترت الاربعا الياي… سمعت الاربعا الياي
حمد:: ماعليه ……بس ماصدق انها تحبني
عبيد:: اووووووووووووه تصبح على خير
حمد:: ويا ويهك وانته من هله
عبيد:: لحظه بييب فراش من عند مريومه عسب مانتضارب بالشبريه
حمد:: ههههههه بس اللي بتيبه حقي
ويسير عبيد وييب فراش من عند مريوم ويوم وصل يعفد عليه حمد ويشل الفراش
عبيد:: حشى مب حب ياللحف
حمد::احم احم
عبيد:: فكنا من ضرابتك مب ترافس ويا احلامك
حمد:: ههههههه جوف عمرك..بعدين الشبريه ماشالله تكفي حق 10
عبيد:: انا بحلم بالريم يلا تصبح على خير حمودتيه هههههههه
حمد:: وانته من هله عبودتيه هههههه
ويرقدون الساعه ..:7الصبح ينش حمد ويتسبح ويتعدل ويستوي كشخه وبعدين ينزل ويقعد ويا تلفونه 
شوي وتنزل مريم وهو ماصدق عمره
حمد:: صباح الخير ..اشحالج مريم
مريم:: صباح النور…الحمدالله انا بخير وانت اخبارك
حمد:: الحمدالله
مريم:: تبيني اواعي عبود
حمد:: لا لا مشكوره خليه يشبع رقاد
مريم:: ههههههههه يلا مع السلامه
حمد:: مع السلامه........ الغاليه
وبعد ربع ساعه ينزل عبيد وهو يطالع حمد يقول شو فيه الولد متكشخ وحالته حاله
حمد:: هلا بالمهلي
عبيد:: حبيبي نحن مع الزير سالم وانا مادري
حمد:: فايج
عبيد:: هااا شو سالفتك متكشخ وناش اول واحد يالديايه …اهاااا عسب بعض الناس.. تراهم يدرون بسوالفك..ويعرفون انك اخر واحد تنش وكل شي...
حمد:: ادريبك دومك تفضحني……والله فديتها القمر
عبيد:: بس بس بعد تتفدى ختيه جدامي .. تراك لوعت بجبدي تغايضني يوم تعلق خلاص قمر مال اول
حمد:: بسك فلسفه
عبيد:: انسير بسياره منوه
حمد:: كل واحد بسيارته
عبيد:: جيه؟
حمد:: اليوم كلاساتيه غير عنك
عبيد:: حسنا…هيا بنا
حمد:: درينا بفسحتك
ويروحون الكليه وهناك الربع خالد وراشد وخليفه وعلي وذياب ورضا ويسلمون خشوم
عبيد:: حليلكم كلكم موجودين الا علوه وينه
خالد:: خلوف ورضوي ورشود يلا
خلود – رشود – خلوف – رضوي ::: علوه طاار توه طاير علووه طار توه طاااير
ذيااب ::ههههههه خله اييكم عسب يدعسكم
حمد:: يلا بباااااي اجوفكم بعدين
عبيد:: حمودي شوي شوي على عمرك يالمصري
حمد:: ههههه حليلي
خليفه:: يلا انا بسير رشود وخلود يلا قمنا
عبيد:: رضوي يلا نقعد بالكوفي 
رضا:: شو ورانا ……يلا
ويقعدون بالكوفي ويسولفون ويستهبلون وبعدين يروحون كلاساتهم ويوصل مسج حق عبيد انه مريم بالمستشفى وعبيد بغى قلبه يوقف 

------------------------------
ويوصل مسج حق عبيد انه مريم بالمستشفى وعبيد بغى قلبه يوقف يطلع من الكليه طاير عند اخته يجوفها تعبانه حيل وهو مكسور الخاطر ويسير عند الدكتور ويقوله السالفه وقاله لازم تاخذ فيتمينات 
عبيد:: هاا مريومه اتحسين انج احسن عن قبل
مريم:: هيه بس عبود ظهرني من المستشفى
عبيد:: اكيد
ويروح عند الدكتور ورخصها وراحوا البيت واغلق عبود تلفونه وقعد مع اخته وتموا يسولفون
وهيه مريضه يستهبل عليها عسب يضحكها وتم كم يوم منقطع عن رباعته وكان حمد 
مفول ومتفتف…خلاص قلبه بيطيح عسب ربيعه وحبيبه مختفي وبعد يومين دق عبيد حق حمد وتم يخبره السالفه لكن حمد بعده مغيظ وتم عبيد يراضيه ويحاول معاه لين مارضى عاد حمد يا وياب معاه باقه اكبر عنه وتحمد لمريم بالسلامه ومريم صدقت ويهها وبعد كم يوم صحت مريم ويا ابوها من السفر وقعد معاها يواسيها بعد غيابه وكان مستانس عسب بتنخطب من ولد اعز ربيع واخو له اللي هو بوحمد…ويا يوم الاربعا وكان محد قد حمد بكشخته ويرن تلفون عبيد وكانت الريم داقه بس كان تلفون عبيد مفرور بالغرفه وهو كان ناسي ريم عسب خطوبه اخته وبعدين خلو مريم وحمد بروحهم وحمد ماصدق عمره تم يتغزل فيها عكيف كيفه بس هيه ساكته شوي اتطلع رقتها وكان يقولها انتي اتحبيني بس هيه تسكت ماترد عليه… وكان عبيد رايح غرفته ويجوف تلفونه وسيده يدقلها
ريم:: الوووو
عبيد:: مرحبا بالغلا
ريم:: اجوفك نسيتنا
عبيد:: لاوالله ……ظروف عائليه حتى كنت مبند تلفونيه
ريم:: مسموح....عبيد!
عبيد:: هلا
ريم:: انته تعرف واحد اسمه ذياب طحنون المنصوري
عبيد وهو مستغرب::هيه … تعرفينه
ريم:: يستوي ولد خالتيه
عبيد:: هذا ذيبي
ريم:: ههههه انا الصراحه الحين ماجوفه وين اول كان كل يوم عندي
عبيد:: اهااا حليلكم
ريم:: فديته اشتقتله 
عبيد:: ريم الحين بخليج 
ريم:: عسى ماضايجتك
عبيد:: لالا… بس اليوم خطوبه ختيه بسير عندها
ريم:: وماتعزم
عبيد:: العرس غصب(ن) عنج بتين … الخطوبه بس مسوينها للاهل يعني جيه حفله صغنونه
ريم:: هيه … مبروك عليها
عبيد:: الله يبارك في حياتج…باااااي
ويصك التلفون قبل ماترد عليه ويسير عند حمد وهم قاعدين عند الرياييل 
عبيد:: حماده اترياك برع
حمد:: جنه السالفه خطيره يلا ياينك
ويسيرون حديقه البيت ويقعدون
عبيد:: حمود خلاص انتهيت
حمد وهو خايف:: عبود قول شو السالفه ليكون عن ريم
عبيد:: منوه غيرها
حمد:: عبود
عبيد:: ذياب يستوي ولد خالتها
حمد:: والله
عبيد:: شو اسوي يا ريال
حمد:: انساها
عبيد:: هاااااا عشان انتهي مول حمد انته تعرف شو اتقول
حمد:: عيل كلم ذياب تراه قال انه يبي يخطب ويمكن ياخذها
عبيد:: لا والله تبيني اقوله
حمد:: عبادي قرر بسرعه
عبيد:: تعرف خلني افكر كم يوم
حمد:: نصيحتي لك لاتبطي
عبيد:: انشالله احصل الحل
ويمر كم يوم وريم تتصل بعبيد لكن تلفونه مغلق وماتعرف شو سالفته

في الكليه 

ايي حمد ويدور عبيد بس مايحصله ويسلم عالربع 
راشد:: عيل وين حبيب القلب
حمد:: اتصدقون … ماعرف
خليفه:: عسى ماشر شي فيه
حمد:: انا اللي اعرفه انه قالي يبغي يخلص من سالفه..اكيد بعده الله يعينه
خليفه ::حليله
رضا:: عيل ذيبوه ماياء 
خالد:: هيه والله جيه مختفي
ومره وحده ايي الذيب وهو شاق الويه
ذياب:: شباب باركولي
حمد:: على شو 
ذياب :: خطبت ملكه جمال الامارات الا العالم
حمد:: منو هاي
رضا:: اووووه مبروووووووك 
راشد:: هههههههههه سو سلام حق حياه العزوبيه
خالد::هههههههههههه ياااااي حيك
ذياب:: خطبت بنت خالتيه
حمد وهو منصدم مايعرف شو يسوي خلاص يحس انه بينهار ويجوفه رضوي ويمسكه ويروحون الكوفي مال الكليه
رضا:: حمد دخــيلك اتكلم وقول شو السالفه اكيد تتعلق بعبيد
حمد:: بخبرك بس توعدني ماتقول حق ذياب او أي حد من الربع
رضوي:: ماعليه
حمد:: عبيد يحب بنت خاله ذياب الا يموت فيها 
رضا وهو منصدم ::انزين
حمد:: وهيه سالته اذا يعرف ذياب وكانت اتقوله انه يقربلها يستوي ولد خالتها
رضا:: يا ويل حاله عشان جيه هو غايب عنا ومبند تلفونه
حمد:: هيه
رضا:: والله مايخطر ببالي شي الا انّ انروح عنده وانقوله
حمد:: لا لا ماتحمل جوفته وهو يسمع بالخبر بيموت
رضا:: حمد ماشي غير هالحل واذا تبي مصلحته لازم انقوله وهو اكيد بالاخر بيعرف
حمد:: خلاص توكلنا
ويروحون عنده في الغرفه وكان حمد يرتجف وكان عبيد حاس انه في شي وعن ريم
رضا::عبيد الصراحه بتكلم ومن دون مقدمات
عبيد:: اتكلم
رضا::ذياب خطب بنت خالته
عبيد:: هااااا شو اتقول
حمد يلوي على عبيد
حمد:: عبود بتحصل غيرها الدنيا ماتخلى من البنات الطيبات والحلوات وكان ذياب اقربلها 
ولازم ترضى بالامر الواقع
عبيد:: والله كلامك صحيح اميه بالاميه..بس
ويرن تلفون عبيد ويجوف انه الريم داقه ويعصب ويفر التلفون بالقو وينكسر
عبيد:: و اتدق
رضا:: يمكن تبغي شي اتقولك
حمد:: هيه والله دقلها هاك تلفونيه
عبيد:: مابيني وبينها كلام خلاص وصلني الخبر
رضا:: عبيد دخيلك كلمها يمكن شي فخاطرها
ويشل تلفون حمد ويدقلها 
عبيد:: مرحب
ريم:: منو وياي………اممم عبيد؟
عبيد:: وبعد ماعرفتيني
ريم:: لا والله بس صوتك متغير والرقم غير بس حسيت ان هذا انت
عبيد:: هذا رقم واحد بس لاتدقين عليه مره ثانيه…و مبروك عالخطوبه
ريم:: أي خطوبه
عبيد:: خطوبتج من ولد خالتج
ريم:: وانته شو درابك..منو خبرك
عبيد:: الف مبروك…بااااااي
ويصك التلفون ويغلقه ويعطيه حق حمد
عبيد:: خله اليوم مغلق
حمد:: ماعليه
ـــــــــــــــــــــــ
عبيد:: وان دقت باجر رد عليها واذا سالتك عنيه قولها انك ماتعرفنيه
رضا:: عبيد…هيه سالتك أي خطوبه يوم قلتلها مبروك عالخطوبه
عبيد:: هيه تراها تستهبل يوم قلتلها …قالتلي أي خطوبه جان اقولها خطوبتج قالتلي شو دراك
حمد:: رضّوي خل عنك هذا خله يقعد شوي بروحه
ويروحون عنه ويقعد يفكر والدمعه تنزل من عينه وهو فخاطره يقول ليش حظي متردي
وتيه مريم واتجوفه على حاله وتلوي عليه
مريم:: عبادي قولي سالفتك..انته اتحب بس ليش ماخبرتني 
عبيد:: غزاليه شرد
مريم:: خيانه ولا
عبيد:: مريوم خطبوها الريم
مريم:: هااااااا…انته متاكد
عبيد:: هيه اليوم ولد خالتها اللي هو ذياب ياي وهو فرحان وقال انه خطب بنت خالته
مريم:: وقال اسمها
عبيد:: لا..شو هو اهبل يقول اسمها
مريم:: معقوله انته مافكرت…يمكن مب هيه .. بس عنده بنت خاله وحده!!
عبيد:: لا ذاك اليوم يوم كلمتها قالت انها اشتاقتله وكانت تتفداه
مريم:: ليش ماخبرتنيه انك اتحب
عبيد:: والله عذرينيه مريوم..كنت اريد افاتحج بس حمد اهم من سالفتي
مريم:: هيه وين تدرس أي سنه
عبيد:: معاج فالكليه وهيه قدج
مريم:: اسمها ريم
عبيد:: هيه ريم عبدالله الهاملي
مريم:: والله 
عبيد::تعرفينها
مريم:: هيه هي وياي فالكلاس مرات تيي عندي واتسولف معايه
عبيد:: بس خلاص هيه راحت عنيه
مريم:: بس غريبه هيه تداوم وماقالت شي.. كانت عاديه .. خلاص باجر بتخبرها
عبيد ماسوالها سالفه راح ورقد وكان تعبان وكان يقول فخاطره يعني اول وحده حبيتها وطلعت لعابه وثاني وحده حبيتها خذوها عني خلاص تعودت على هالسوالف شو وراي باجر برد مثل اول عبيدووه الاستهبالي
اليوم الثاني عبيد نازل وهو يغني ومستانس ومريم تطالعه وهيه مستغربه
مريم:: ها عبود اشحالك؟
عبيد:: احسن عن حالج هههههه
مريم:: غريبه اجوفك تستهبل ولك خاطر تضحك
عبيد:: طبعا انا دايما بشوش وفرفوش يلا باااااااي… تاخرت
ويروح عبيد الكليه وحمد ورضا مستغربين 
عبيد:: شحالكم شباب 
راشد:: والله نحن بخير انت وينك
عبيد:: انا هني ههههههه
خالد:: ههههههههههه سكتوه رشود
حمد ورضا سوو طاف لسالفه عبيد وقالو يمكن فكر بالسالفه وقرر انه ينساها ……وبعدين كل واحد راح كلاسه
في كليه البنات

مريم تتريا يخلص كلاسها ويوم خلص سيده راحت عند ريم وقالت مابتقولها انها اخت عبيد
مريم:: اشحالج الريم
ريم:: والله بخير… وينج غايبه عنى
مريم:: اتصدقين كانت خطبتيه من قبل كم يوم
ريم:: والله مبرووك.. 
مريم:: الله يبارك فيج…ريم… انتي مخطوبه ولا متزوجه
ريم:: الحمدالله لاهذا ولاهذاك
مريم:: احسبج متغيره
ريم:: هيه والله هالايام كله اسهر وهذا كله بسبه خطوبه ذيبوه ولد خالتيه ناقعين فالصالون وحالتنا لله وبعدين رقص وماعرف شو
مريم::ههههههه حليلج……منو خذا
ريم:: خذا بنت خالتيه شموه حبيبته هههههههه
مريم:: هــــــيه.. انزين شو رايج تين عنديه البيت
ريم:: اوكيك ماعليه بعدين بخبرج
فبيت عبيد
واتروح مريوم وهيه طايره من الفرحه عند عبيد وهيه تصارخ
مريم:: عبادي ريموو مب مخطوبه مب مخطوبه
عبيد:: والله مريوم.. دخيلج لا تستهبلين
مريم:: عبود ماجذب عليك والله
يتلبس عبيد ويطلع ويطير عند حمد ويخبره وبعدين يخبرون رضا
وبعدين بطرش عبيد حق ريم مسج :::::انـــــــــا اسف::::: وهيه اترد عليه :::توالناس::::: ويرد عليها ::::::ماعليه بعدين بخبرج بكل شي::::::وهيه::::::اشحالك::::::
عبيد يرد عليها :::::: باحسن حال::::::
واتروح ريم وتتلبس واتسير بيت مريوم وتقعد
مريم:: لحظه بسير اخبر اخويه انج هنيه
وكان يطرش مسج حق ريم::: ويــــنج::: هيه:::انا فبيت ربيعتيه::: ويرد عليها:::ليتح تين عندي ::: وهيه:::عبيد بعدين برمسك:::وتوصل عنده مريم
مريم::عبيد ربيعتي تحت ……مفهوم
عبيد::مفهوم .. بس ليتها ريم
مريم:: هيه ريم تحت
عبيد:: مريوم الحين بذبحج…ريم حبيبتي تحت
مريم::هيه
عبيد:: اتسيرين عندها واتقولين حقها اني اريد اكلمها
مريم:: لا لا شو هالكلام بعد..شو بتقول عني
عبيد:: مريوم
مريم:: اففف خلاص ان شاء الله
اتسير عند ريم وهي خايفه من ردت فعلها اذا قالتلها السالفه انها اخت عبيد وجيه 

------------------------------
مريم:: ريم بغيت اخبرج شي
ريم:: اللي هو؟؟
مريم:: انا اخت عبيد 
ريم:: هااا
مريم:: سوري والله …اني ماخبرتج بس البارحه ادري انه يكلمج
ريم:: لا بالعكس عادي…بس هو يدري اني هني
مريم::توه يدري وانا مابغيته يعرف… ويوم درى قالي يبغي يكلمج شوي على انفراد
ريم:: خليه ايي
اتدق مريم حق عبود
مريم:: عبود انزل
عبيد::وافقت
مريم:: هيه يلا…
ينزل عبيد بكشخته 
عبيد::شحالج ريم
ريم:: الحمدالله وانت
عبيد:: زين…احم احم
مريم:: انزين…بقعد بعيد
عبيد:: ريم……من قلتيلي ان ذيبوه يقربلج وانا داير راسي وتم يقوللها كل شي بالتفصيل
ريم:: عبيد…انته تحبني
عبيد:: بعد كل هذا وتسالين
اتقوم ريم وهيه مستانسه من داخل بس مسويه عمرها عادي ولاجنه ويلحقها عبيد ومريم اتطالع وهيه منصدمه اتحس انها في فلم هندي وتوصل ريم عند سيارتها ويمسكها عبيد
ريم:: تبي شي
عبيد:: انتي زعلتي
ريم:: لا والله
عبيد:: ها عيل
ريم:: ماقدر امسك عمريه فـ هالمواقف
عبيد::هههههه ……يلا ردي واقعدي عند مريومه وانا بسير عنج عشان ترتاحين
ريم:: لالا انت اقعد وانا بسير
عبيد:: ريم …اذا كان لي خاطر عندج اقعدي
ريم:: خلاص ماعليه
عبيد:: اجوفج على خير……فديــــتج
ريم:: عن الفلسفه
واترد ريم عند مريوم …..ومريم مشت كل شي على ماهو ولاجنه استوى شي وتمن يسولفن لين بالليل الساعه 11:30 وعبيد بعده برع يطرشلها مسج::: هاا استانستي::: واترد عليه:::لين الحين هيه::: هو :::يلا انا مابخرب كملي معاها سوالف وحش::: وهيه:: ماعليه دواك عندي بس خلاص لا تطرش::وهو عاندها::هههههه اوكيك بس يوم بتسيرين دقيلي::: وهيه سوتله طاف
وهن يسولفن كان عبيد وحمد فالسينما جان يظهر حمد شوي …ويتصل بمريم 5 مرات وهيه مسويه طاف حقه وتم كم مره يدق وماشي فايده ويزيد غياظه ويرد على الفلم
عبيد:: حماده شو فيك معصب وخلاص متفتف
حمد:: ادق حق بعض الناس وما يردون عليه
عبيد::اهاااا اذا كان قصدك حبيبه القلب تراها يالسه مع روحي وعمري من زمان
حمد:: ريــم فبيتكم
عبيد::اتصدق
وتم يقوله السالفه من اولها
حمد:: عبادي نفذ صبري بسير بيتكم وبتريا لين ماتسير الشيخه بس المهم اجوف حبيبتي
عبيد::خخخخخخخ روح بس ماتطول عندها وويلك ان حطيت عيونك بعيون غزالي خلني ادق حق رضّوي بعزمه عالكوفي
حمد:: اتصدق انك فايج
ويشرد حمد عسب مايسويله شي عبود……وبعد شوي يوصل حمد بيت عبيد ويجوف سياره غريبه وعرف انها سياره الريم ويتصل بمريم ويعلق
الريم:: هذا اكيد خطيبج اللي يدق
مريم :: ماشالله عليــــج
الريم:: حركاتهم معروفه ….يلا انا بسير اكلم ختيه الحامل شوي واتطمن عليها
مريم.:: حليلها باي شهر
الريم:: التاسع وهيه الحين بالمستشفى اظنها بتربي
مريم:: انزين سيري سيده بتحصلين صاله ثانيه خذي راحتج
وبسرعه اتروح الريم هناك وتكلم حد من خواتها
وتتصل مريم بحمد
مريم:: مرحب
حمد:: زين انج اتذكرتي حمد اللي قلبه بطيح
مريم:: بسم الله عليك شو فيك؟
حمد:: انا ادقلج وماتردين نقعت تلفونج.. قلبي بغى يطيح اتحريت صابج شي بس طمني بعدين عبيد وقالي انه حبيبته عندج 
مريم::سوري حبيبي
حمد:: مايفيد الاسف
مريم:: ترضيك بوســــه
حمد::افكورس..مب انتي خطيبتيه ولج الحق اتسوين اللي تبينه
مريم:: يالله عالفلسفه.. انته الحين وين
حمد:: كلنا معلقين على كلمه فلسفه……المهم انا جدام بيتكم
مريم:: لا تستهبل
حمد::والله
مريم:: شو تسوي
حمد::والله اتريا اتروح اللي عندج عشان اجوفج
مريم:: انزين هيه بتروح بعد شويه
حمد:: مريم ابغي اسمع منج كلمه احبك
مريم:: ماريد
حمد:: يعني ماتحبيني
مريم:: بالعكس
حمد:: شو بالعكس
مريم::مب قايله الكلمه.. يلا يلا بتي ريم الحين اصبر لين ماتطلع بعدين تدخل
حمد:: بصبر شو ورايه بس اتمنى من خطيبتيه ماتنسى البوسه
مريم:: لا تصدق ويهك.. يلا ريمان يت باااااي بااااااي
وتصك في ويهه وما عطته مجال يتكلم وهو عصب وزاد غياظه وكانت ريم مستانسه 
ريم:: مريومه خواتيه ربن
مريم :: ماشالله…… فن جيه هنتين مع بعض
ريم:: فطوم في الشهر السابع ويابت ولد وظبوي يابت بنوتين ووصيتهم باسم عبيد ومريم والثالث عكيفهم
مريم:: فديــــتج ترا اسميه حلو ماعليه باجر بمر عليهن
ريم:: قبل لا اطلع راويني صوره حمد وباجر وانتي يايه ييبي صوره عبيد حقيه
مريم:: انشالله هاج صوره حمودي
ريم:: ههههههههه اقول شو ماسكه بيدج اخر شي يطلع حبيبج ماشالله عليه حليو ولد العين شكله
مريم:: هيه مال العين
ريم:: اوكي باااااااااي
وتركض برع ويجوفها حمد اتحراها مريم بغى يسير عندها يوم قربت عرف انها ريم ويقول فخاطره:::بــــــل وااايد تشبه مريومتي ماشالله عليك عبادي ذوقك حلو وذوقي احلى::
ويدخل عليها
مريم:: فديتك محلو
حمد::……………
مريم:: حمد انته بعدك زعلان منيه
حمد:: الصراحه هيه بعد كل هذا وما تبيني ازعل
تتقرب مريم منه وتتلزق فيه وهو ماصدق ويهه وماقدر يمسك عمره جان يقوم
مريم::شو فيك
حمد::اذا قعدت بتستوي اشياء
مريم::ههههههه حليلك يلا سير خلني ارقد
ويطلع حمد وهو مصدق ويهه ويروح يرقد اونه ديايه واليوم الثاني تدق شيخه بنت خالتها حق مريم واتقولها ان حالتها تزيد ولازم اتسير برع تتعالج وتبيها تيي وياها لان ابوها مسافر وماعندها غير امها (خالتها)واخوها اصغر عنها (عمره 13سنه)وتمت تترجاها لدرجه رهيبه ومريم مارامت تصبر وراحت تكلم ابوها وهو يوافق وبسرعه اتروح تتجهز عسب اليوم الثاني الصبح اتكون فـ المطار
عبيد:: ليش اتجهزين شنطتج بتسيرين مع بويه مكان
مريم:: بسافر
عبيد:: ههههه مريوم وين بتسيرين العين ……دبي
مريم:: بسير المانيا
عبيد:: تستهبلين شو تسوين هناك
واتقوله مريم السالفه وهو يعصب ويزعل وتمت تراضيه وتفهمه لين ماقتنع
عبيد:: وحمد
مريم:: شو يخصه انا ما بطير عنه انشالله برد
عبيد:: والله انتي قوليله انا اخافه يزعل
مريم(وهيه معصبه):: شو هذا حرام الواحد يوقف مع اعز ربيع له
واتروح و يقرر عبيد انه يدق حق حمد
عبيد:: الووو حمود الحق
حمد:: عبود شي فيك
عبيد:: مب انا مريوم
حمد:: بسم الله قول شوفيها؟
عبيد:: مريوم باجر بتطير
حمد: عبـــــــود بصيح شو السالفه
عبيد:: مريم قاعده تتجهز وباجر الصبح بتسير المطار بتسافر المانيا الحقها انا ماقدرت عليها
حمد:: الحين بكون هنيه بااااااي
شوي ويوصل حمد ويركض عند مريم
مريم:: هلا حمد
حمد:: اذا تحبيني اذا لي خاطر عندج ماتسافرين
مريم(وهيه مفوله):: ربيعتي بين الحياه والموت وانت اتقولي ماسافر شو انت مريض
حمد:: وين امها ابوها اخوها 
مريم(وهيه تصيح من الغياظ):: حمد انت ماتفهم دخيلك خلني عراحتي هاي ربيعتي وبنت خالتي ومالها حد غيري من بعد بوها وامها هيه بروحها تترجاني اسير وياها…يالله منكم توه عبود والحين انت 
حمد:: ماتسيرين
مريم:: لو كان ربيعك بـ هالحاله بتهده
حمد:: وانا ماروم على فراقج
تطلع مريم من الغرفه
حمد:: مريم ماخلصت كلامي
مريم:: ولا بتخلص
حمد يقعد عالارض وهو واصل حده خلاص بينفجر اييه عبيد
عبيد:: ياريال ليش ماتفهمها
حمد:: والله فاهمنها المشكله بتبتعد عني خلاص مابجوفها الا بعد شهور او اكثر
عبيد:: القلوب اللي تتقارب
ويسير حمد البيت ويقعد وما يعرف شو يسوي فيطرش مسج حقها ::: بشتاقلج:::
وهيه تسويله طاف لانها متغايضه منه وهو يطرش:: دخيلج لا تزعلين بس والله وايد تفاعلت لاني ماروم على فراقج:: وهيه ماترد عليه
عبيد:: مريوم بشتاقلج واااااااايد
مريم:: عيل انا شو
ويقعدون يسولفون ويستهبلون 
عبيد:: مابتشتاقين حق حمد
مريم:: الصراحه احس اني بنتهي اذا ماجفته ماتحمل فراقه معنيه متغايظه منه
عبيد:: ليش ماتقولين حقه
مريم:: عسب مايصدق عمره.. عبيد بسير ارقد انا تعبانه
عبيد:: تصبحين على خير
اتروح ترقد مريم وكان عبيد فغرفته تنزل دموع من عيونه كان يفكر اول مره بيفترق عن اخته الوحيده كيف بيعيش بالبيت منو بيسمعه بيفتح قلبه حق منو.. وشوي ويدقله رضا
عبيد:: هلا رضّوووي
رضا::شحالك 
عبيد:: لاتنشد عن حالي
رضا:: عبادي شو فيك
عبيد:: اختي بتسافر شهوووور
رضا:: تعرف انا يوم سافرت ختيه عادي ماصحت يعني صح اشتقتلها شوي بس يعني
عبيد:: رضّووووي عندك 4خوات يعني كلكم 5 وانا عندي بس اخت وحده ومالي غيرها 
رضا:: في هاذي انت صادق يلا انا بخليك 
عبيد:: اوكيك بااااااااااي

------------------------------
اليوم الثاني ايي عبيد عند مريم ويجوفها بكل حزن
مريم:: ليش هالويه
عبيد:: بيفتقد اغلى ناسي..انا مب مامن على هالسفره
مريم:: عبيد
عبيد:: انزين انزين
مريم::يعلني افداك ..يلا انا بسير الحق
عبيد::دخيلج عالاقل بيي معاج لين هناك بس بوصلج
مريم:: لا لا دخيلك خلنا جيه احسن..انا بسير بسيارتي لين بيت خالو
وتيي حذاله وتبوسه وتلوي عليه واتروح عند ابوها واتسلم وتمت شوي فحضنه وبعدين تظهر اتحصل حمد توه واصل وماقدرت تستحمل واتصيح وتلوي عليه وحمد ساكت ولا يسوي شي وبعدين اتروح عنه وهو يدخل
حمد:: السلام عليكم
بوعبيد:: عليك السلام والرحمه
حمد::شحالك عميه علومك
بوعبيد:: الحمدالله عايشين..حمد انا بسير ارتاح اسمحلي والله تعبان
حمد::افا عليك خذ راحتك..انا بسير عند عبيد
عبيد وهو نازل:: هلا حبيبي
حمد::اهلين شحالك اخبارك
عبيد:: والله تعبان نفسيا
حمد:: كلنا جيه..المهم قمنا نظهر مكان
عبيد:: الحيــن..لا لا الحين الخدامه بتيب الريوق
حمد::خلاص عيل بقعد اليوم عندكم لين الليل
عبيد::حمد طلبتك قول تم
حمد::تم
عبيد:: ارقد عندنا كم يوم
حمد::واخلي ابويه بروحه
عبيد::ابوك اصلا متى يكون فالبيت
حمد:: انزين انزين
فريده::عبود يلا ريوق مال انته في خلاص
عبيد::فريدوو سويتي حق حمد
فريده:: ايه اكيد في سوي كله خلاص
حمد:: فديتها ماتنساني
عبيد:: هي هي اتفدى فريدو.. يلا فرووود زهبي حجره حمد بيرقد عندنا
فريده:: اوكي
عبيد يدق حق رضا
رضا::هلا والله
عبيد:: ههههه توك ناش
رضا:: انا بعدني راقد
عبيد::انزين انزين يوم بتقوم تعال بيتنا
رضا:: انشاءالله..يلا خلني اكمل الرقاد مع السلامه
حمد::انت شوه تتحرى كل العالم واعيه
عبيد:: ماشالله عليك..كل كل دخيلك
وبعد مايخلصون الريوق يروحون يلعبون سوني ويتضاربون وحالتهم حاله وبعد ساعه اييهم رضوي ومعاه ذياب وعبيد اول ماشاف ذياب اتذكر الريم اللي مارمسها..ويخليهم يلعبون ويروح حجرته ويدقلها
عبيد:: ماخليت من هالصوت فديتج السلام عليج
الريم:: مايفيد..وعليك السلام
عبيد::عن الدلع شحالج
الريم:: الحمدالله وانت
عبيد:: والله بخير
الريم:: وشو عذرك
عبيد:: ختيه سافرت
الريم:: وين
عبيد:: راحت عشان بنت خالو مريضه وبتسير تتعالج
الريم:: اها .. الله يردها بالسلامه..حبوب اصلا هيه خبرتني من قبلك
عبيد:: هيه حرقتي ويهنا
الريم::.......................
عبيد:: ريم ابغي اقولج شي
الريم:: هلا
عبيد::ابغي اخطبج
ريم وهي مستحيه:: وبعدين
عبيد:: بس ...انا الصراحه مب عايبني هالوضع..المهم انا عطيتج خبر ..مم باجر بيي عندكم
الريم:: بس انا ساكنه فبيت خواتي الهنتين..هليه فالعين
عبيد:: عطيني رقم ابوج
ريم (..............)
عبيد:: يلا انا بسير عند الشباب ارمسج بعدين
ريم:: انشاءالله مع السلامه
عبيد وهو نازل يحصل ابوه بيظهر ويبوسه عراسه
عبيد:: الوالد عندي سالفه
بو عبيد:: اللي هو فديتك
عبيد:: ابغي اخطب ريم بنت عبدالله الهاملي
بوعبيد:: هاي الساعه المباركه..خلاص انا بدق حق ابوها وبتفاهم
عبيد:: تعرفه
بوعبيد:: هيه اكيد..يلا مع السلامه بعطيك الخبر يوم برد
عبيد:: الله يحفظك الوالد مع السلامه
حمد:: انت هنيه
عبيد:: لا هناك
حمد:: وياويهك 
عبيد:: كنت ارمس ناس
حمد::اها
عبيد::هيه صح نسيت اخبرك..ترا ابويه اليوم بيدق حق ابو الريم بيخطبونها لي
حمد وهو منصدم:: والله..عيل الف الف مبروك يعلني افداك.. واخيرا تحقق حلمك يا حيك
عبيد:: تف تف عالحسود..ههه يلا قمنا انروح عند الربع
ويلسوا يلعبون ويسولفون وبعدين راحوا يتغدون..وبعد الغدا يلسوا فحديقه البيت وحمد راح وبدل ونقز فالحوض..وبعدين عبيد ياب شورتات حق رضّوي وذيبوه ويلسوا يتسبحون..وبعد السبوح كلهم راحوا المول يتمشون..وفـ هالوقت لمح عبيد الريم فدخل المحل اللي هي فيه وهو يمشي تدعمه بنيه بالغلط شوي واتطيح وبسرعه يمسكها
البنيه وهي قافطه:: السموحه منك والله.......
عبيد:: لا انتي اسمحيلي انا اللي دخلت عرض
عبيد انبهر بجمال هالبنيه تم يطالعها وراح فعالم ثاني والبنيه بعد وقفت فمكانها مارامت اتخوز عيونها وفجاه يرن تلفون عبيد وينتبه واتلوم عالموقف البايخ
عبيد:: اسمحيلي الشيخه
ويروح لين ماوصل عندهم
حمد::وين اختفيت انت عنبوه ساحر..وبعدين ليش ماترد
ذياب:: هههه ياريال ذلنا وين عبود وين عبود جنك ياهل ضايع
عبيد::ههههه .. كنت ارمس حد من الاهل وحمود كان عالخط الثاني
رضا::اخبركم..انا بسير شوي عند هليه مابتاخر
عبيد+ذياب+حمد:: خذ راحتك
عبيد وهو يشوف المحل اللي كان فيه حصل رضا فيه انصدم طلعت البنيه اللي دعمته هي اخته اكيد اخته لانه فيه شبه من بينهم..ويلس يتعوذ من البليس..وبعدين اتذكر انه لمح الريم ويلس يسب عمره..اخر شي دقلها
الريم::هلا والله
عبيد::اهلين حبيبتي..شو هالاصوات انتي وين
الريم:: انا فالصالون يايه مع ختيه عندها شغله
عبيد:: اها من متى وانتي فالصالون
الريم:: من ساعه..ليش يعني
عبيد:: ههه لا ماشي بس جيه..انزين انا بخليج برد عند الربع
الريم:: اوكي بحفظ الرحمن
حمد:: انت ماتشبع تلفونات
عبيد:: ليش تغار اعوذ بالله...والله اتريا شوي بيرن تلفونك الحبايب بيدقون
حمد:: ويا ويهك 
ويرن تلفون عبيد
حمد:: افففففففففففف اشوفك بعد المكالمه 
عبيد:: هيهي هذا ابويه..ياويلي قلبي يدق
عبيد:: الو
بوعبيد::هلا عبادي
عبيد::بشر
بوعبيد:: هههه شو فيك..بس انا اخبرك اني مابيي كم يوم 
عبيد وهو حزين:: اها
بو عبيد:: يلا مع السلامه
وانسير عند مريم وبنت خالتها
مريم:: يعلني افدا ابويه وخويه وحماده
شيخه ::بسج
مريم:: لا مب بسني والله اريد ارد
شيخه:: يا سلام
مريم:: المهم انا بقعد معاج بس شهرين
شيخه:: لا والله حرام عليج
مريم:: اوكي شهرين عندج وشهر عندهم
شيخه :: هيه جيه زين
سيف:: ماتعرفون تسكتون
مريم:: نعم شو قلت
سيف:: لا لا ماقصدج..انتي الشيخه عالعين والراس
شيخه:: هيه ماشالله
سيف:: انتي اسكتي انا مادانيج ..احمدي ربج اني ياي معاج
شيخه:: سيف عيب
سيف:: مب عيب انتي مغروره الا اكبر مغروره
مريم:: سيف حرام عليك
سيف :: لامب حرام ..انا بس قلت الصدق
مريم::شو رايك اول مانوصل انسير انحاوط ومانرقد
سيف::والله..يعلني افداج يا مريم

------------------------------
اليوم الثاني مريم اتدق لابوها
مريم:: حي الله بوعبيد اشحالك
بوعبيد:: اهلين فيج غناتي والله انا الحمدالله انتي شحالج شحال اللي عندج
مريم:: كلنا بخير..يعلني افداك والله اشتقتلك حيل
بوعبيد::فديت بنتي انا 
مريم:: افداك يا احلى ابو
بوعبيد:: ويلي انا انزين بنوتي شو الجو
مريم:: والله..اففففف هذا سيف حشره لازم يطول على صوت التلفزون
بوعبيد:: عيل حبيبتي انا بخليج..انشالله ادقلج مره..الله الله بعمرج
مريم:: انشاءالله ابويه الله يحفظك مع السلامه
وانرد لعبيد اللي توه ناش وبعد ماتسبح واتعدل ونزل
حمد:: تو الناس
عبيد:: صباح الخير
حمد::صباح النور والسرور..كيف الحال
عبيد:: حالي من حالك..انا يوعان...فرووووود وينج
حمد:: ول شوي شوي عليها
فريده:: ها هبيبي شنو يريد
عبيد:: شو يعني اريد.. انا يوعان فروود وين الريوق ..افا مازهبتي شي حقي
فريده::ابودي انا سوي ريوق حق انته ..شنو فيك بس دقيقه الحين في جيب
حمد:: احم احم
فريده:: انزين انزين
حمد::عبود اجوفك معلمنها الرمسه
عبيد:: هيه بس بعدها...حليلها بتكمل 12سنه وهيه عندنا
حمد::ادري كنت عايش وياكم على ماظن
عبيد::ههه انزين عن تاكلنا
ويرن تلفون البيت وترد عليه سابرينا وبعدين تيي عند عبيد
سابرينا:: ابيد بابا ارباب يريد انته
عبيد:: ابويه داق ليش مادق على تلفوني غريبه
سابرينا::هيه بابا مال انته
ويروح عبيد وحمد يلس يسولف مع سابرينا ومره وحده يسمع صوت عبيد وهو فرحان
حمد:: شو فيك اعوذ بالله
عبيد::حمود وافقوا
حمد:: اووه مبروووك اونك شي
عبيد:: فديتني والله وانا اقول ليش الشيخه مادقتلي
حمد::بصيح متى بتي مريامي ابيها
عبيد:: بعرس قبلك
حمد:: يلا انا قبلك
عبيد:: مب عكيفك اختي وكيفي..هههه
فريده::ابيد ريوق مال انته .. ولا في ينسى
عبيد:: هيه صح نسيته يلا حمود بناكل وبعدين بنظهر
حمد:: فايج حد يظهر عالضحى..بعدين ...اصلا اليوم بيي رضوي
عبيد:: متى
حمد:: بعد شوي
عبيد::عيل زين..خلاص بنسبح بالحوض
حمد::نسيت اخبر زراعنا عسب ينضف حوضنا ها اهبل لازم الواحد يخبره ولا هو مايسوي شي..وياويهه حمار مايفهم
عبيد:: بسك لاتسبه حرام..انا سمعت هرن على ماظن
حمد:: رضوي وصل
رضا::السلام عليكم
حمد+عبيد::عليكم السلام والرحمه
رضا::يالدبب
عبيد::تعال كل
رضا:: لا لا انا ختيه اكلتني لين ماشبعت
هني عبيد اتذكر اخته اللي شافها وسرح
حمد:: انزين ترانا بنسبح
رضا:: ول كل يوم بعدين انا مايبت الشورت انتوا ماخبرتوني
حمد:: عادي شي درازن..عبود ماشاءالله مب مقصر
رضا::فديته انا
حمد:: هيه صح ترا الاهل وافقوا عليه اظن بعد كم يوم الخطوبه الرسميه
رضا:: والله...عبوووود الف الف مبروووك عقبالنا
حمد::عبوود هــي
عبيد:: شبلاكم
حمد::انت اللي شبلاك الولد يالس يبارك لك عالخطبه
عبيد:: الله يبارك بحياتك
رضا::تو الناس..يلا قمنا نسبح
حمد+عبيد::اوكي
وكل واحد يقوم ويسير يسبح ويرت تلفون عبيد كانت داقه عليه مريم وخبرها عن الخطبه وهيه قالت مب مهم اتكون موجوده..وعبيد عصب عليها بس هيه رفضت قالت له انها ماتروم اتهد شيخه فـ هالوقت وعبيد كان يبغي ياجل الخطبه بس مريم ماطاعت وبعدين سكت ومارد عليها لان الخطبه بتكون عاديه مافيها شي ويبند عنها
عبيد::وين رضوي
حمد::هناك يالس يرمس حد من هله
عبيد:: اها..انزين اسمع مريامي مابتي
حمد:: نعم نعم والشيخه متى دقت
عبيد:: توه الحين
حمد:: يا سلام وانا ..ماسالت عني
عبيد:: لا
حمد:: لا والله ماعليه..وليش حضرتها مابتي
عبيد:: ها كله من شيخه
حمد:: وحاله مع هاي بنت خالتكم .. انا اكرهها
عبيد:: منو اصلا يحبها..افف منها من دام مريامي معاها خلاص بتتحول
حمد:: مالي خص..بردها مريم باجر
عبيد::كيف بتحصلها
حمد::هيه والله..انزين ماعليه يوم بتدق دواها عندي
عبيد::امري لله الا هيه خطبه..اتصدق بجوف بنات خالاتي من زمان ماشفتهن من يوم كنت 10 سنوات
حمد::هيه اتذكرتهن
عبيد:: حليلنا عمي وحرمته وعمتيه لو كانوا حيين جان زين
حمد:: الله يرحمهم..اللي كاتبنه الله نحن راضيين
رضا:: بسكم سوالف يلا قمنا نلعب 
عبيد::اوكي
ويمر هاليوم وكله وناسه صدق من الخاطر كل واحد استانس وبعد 3 ايام كان يوم خطبه عبيد وعبيد على اخر كشخته هو و حمد ورضوي
بوعبيد::فديت الكشخه
عبيد::ههه تعرف ابويه شكلك واحد معرس
بوعبيد:: حرام عليك
عبيد::انزين يلا بنتاخر
بوعبيد::ههههههه يالكلكجي
ويوصلون كلهم عاد الريم كانت اتراقب جافت عبيد وبغت اتذوب على شكله ومعاه حمد وواحد ماعرفته واستغربت منه شكله غريب بس حلو فيه اشياء واايد يجذب الشخص له
واخر شي يحدر عبيد عالريم وهيه صدق كانت مستحيه وماتروم تمسك عمرها وعبيد كان يالس يتمنظر فيها كانت صدق حلوه وهو اتخبل عليها
عبيد::ماخليت منج كل يوم تحلوين
ريم:: بسك لا تيلس جيه
عبيد:: والله ماروم..بعدين ليش جيه مستحيه حرام عليج
ريم:: لازم الحيا فالبنيه
عبيد:: ياسلام .. يلا خليج طبيعيه
ريم:: ممم انزين منو اللي كان ياي معاك
عبيد:: قصدج حمد
ريم:: لا الثاني
عبيد:: هيه رضوي
ريم:: ها
عبيد::اسمه رضا
ريم:: رضا..الصراحه اول مره يمر عليه هالاسم
عبيد:: حليله مادري شو سالفته بالضبط...بس هذا ابوه يوم كان مسافر ماعرف شي كانوا يقولوله عن الرضا المهم اول مارد حرمته ربت وسموه رضا..بس عادي اسمه حلو
ريم::هيه..علني افدا اسمك محلاته
عبيد::يفداج هالاسم
عبيد:: افففف يلا انا بخليج ترا التلفون من الصبح يرن يبوني اظهر
ريم:: ههه حاطنه سايلنت
عبيد:: المفروض اغلقه عشان محد يخرب..هيه رمستج مريم
ريم::هيه رمستني
عبيد:: الحمدالله..يلا يحفظج ربي ويخليج لي مع السلامه
ريم:: آميـــــن ..مع السلامه
حمد::هالشيخ مابغيت
عبيد::هيه لو كنت بدالي جان سويت مثلي
حمد::ههههه لا اكثر
رضا::ها انشاءالله مستانس
عبيد:: اكيد ياخي ليش ماتخطب
رضا:: هااي امايه تبيني اخذ بنت عمي
حمد:: انزين خذها
رضا:: مممم والله مادري بس انا لين الحين مافكر 
عبيد:: هيه صح بنات خالتي عندنا
رضا::عيل انا بروح عنكم
عبيد:: لا لا تيي بنيلس فالصاله اليوم ورانا سهره
رضا:: اوكيك
ويروحون واول ماوصلوا عبيد وحمد دخلو لكن رضا تم برع كان يرمس اخته وفجاه تحدر سيارتين السياره الاولى حذال الباب البرعاني لكن الثانيه دخلت وتنزل منها بنت وتقرب صوب رضا 

------------------------------
هني رضا بند التلفون وحس انه البنيه اتقرب منه مارام يسوي شي
ريام:: السلام عليك
رضا::عليكم السلام
ريام:: ماشالله عليك واايد تغيرت..احم احم ماعرفتني انا ريام
رضا::اسمحيلي ختيه ..اظن انتي بنت خاله عبيد
هني ريام تصطلب فمكانها وعرفت انه واحد من ربع عبيد
وتنزل البنت الثانيه من السياره وكانت مستغربه
ريام::اسمحلي خويه..سارو تعالي
والهنتين يحدرن ورضا تم فمكانه انعجب بشكل ريام بيضه والعيون الذباحه ماخذه شوي من عبيد ولاحظ انه اللي وياها تشبهها كانت اختها تقريبا العايله كلها تتشابه وبعدين انتبه انه في سياره ثانيه وقال فخاطره يمكن داخلهن بنات وهو توه بيركب السياره اييه حمد
حمد::على وين
رضا::بسير
حمد::ياسلام وانا اتم بروحي
رضا::وهييل البنات
حمد::رضوي هذيل يستون لي من بعيد مالي خص فيهن..انا عندي اهل من امايه بس كل هم بالعين واصلا ماعرف وين يسكنون
رضا::والله
حمد::هيه ..مم عبيد هو اللي يعرف كل شي..والله اني اشتقت لامايه بس ابويه الله يهديه استوت سالفه من بينهم وطلقها..رضوي اشكر ربك عندك نعمه ابو وام وخوات
رضا::الحمدالله على كل حال
حمد::خلنا من هذا يلا قمنا نحدر الصاله
فالصاله الثانيه ريام وساره واسما وعبيد
عبيد::عيل الشيخ ثاني متى بيي
ريام::والله قريب جيه بعد شهر
اسما::عبيد منو هذا ..اللي كان واقف برع
عبيد::ربيعي رضّوي
ريام::شو اسمه
عبيد::رضا
اسما::مم حلو اسمه بس غريب
ريام:: مب غريب.. روعه اسمه
اسما:: هيه صح شو كنتي اتسوين عنده
هني ريام قفطت وكان فخاطرها تذبح اسوم..
عبيد:: شو قلتي
ريام::لا لا ماشي ..بس سالته اذا كنت موجود
اسما::وماجفتي سيارته
ريام::انا شو درابي بسيارته الا تونا اول يوم هنيه
عبيد::ساره ليش ساكته
ساره وهي مستحيه:: ماعندي شي
ريام:: خل عنك يعني ماتعرفها من هيه صغيره وتستحي
اسما:: والله احسن عنج ماشالله عليها
عبيد::انزين شو رايكن بخطيبتيه
ريام::قمر 14..حدرنا عليها حليلها كانت مستغربه وبعدين يوم خبرتها اني بنت خالتك استانست
اسما::فديتها والله انها حبوبه
عبيد::اكيد انا اللي مختار..فديت سارونه والله
هني ساره صدق استحت ..هيه من زمان ماجافته وتوها ما اتعودت عليه وهيه عمرها 17 سنه يعني ماتتذكر ايام اول يوم كانت معاهم وهيه ماشالله عليها انسانه حلوه وطيبه..اما ريام اختها العوده وهيه 19سنه انسانه حبوبه دومها مرتبشه وهيه حلوه تشبه خوها العود ثاني 22سنه باقيله شهر ويخلص ويرد البلاد كان الكل يحبه لانه الولد الوحيد فالعايله عبيد مايعرف اهل امه الا 3 من خالاته من توفت محد قام يزروهم غير خالاته الثلاث وتموا معاهم كم سنه وبعدين انتقلوا لدبي وانقطعوا عنهم بس ثاني اللي تم مع عبيد لين ماسافر وشيخه مع مريم..اما اسما فهاي طالعه على ابوها عيونها السود والرموش الطويله والخدود مورده ولونها حنطاوي فيها من البياض كانت اتحب ثاني اتموت فيه بس هو مايدري بحبها كان دووم وياها على اساس انها مثل اخته يعزها واايد ووااايد يدافع عنها..وهيه هالايام واايد مستانسه لانه بيرد وهيه انسانه طيوبه كانت دووم تبي اتقرب من مريم بس شيخه ماكانت اتخليها لا هيه ولا ريام..شيخه حلوه لكن فيها من الحقد والانانيه وهي الوحيده اللي طالعه غير عن الكل.....
ريام::الا مريوم وين..وياويهي نسيتها
اسما::هيه والله
هني عبيد اتغير
ريام::شبلاك
عبيد::مريم محد مسافره مع شيخه
اسما :: مع شيخه
ريام::شيخه ماغيرها
عبيد::وانا شو اسوي فيها هاي شيخه اللي زنت على راسها..افففف منها لاتذكروني
ريام::احسن..ممم عبيد مب جنه ربعك هني
عبيد::هيه رياموو ماشفتي حمود
اسما::انا جفته ماشالله عليه حلو ماتغير واايد هه والله ايام يوم كنا يهالو
ريام::ههه ايام ماتنسى .. والله موول ماتغير..بعدين انتوا يالزط ليش ماعزمتونا عالخطوبه
اسما::هيه يلا قول
عبيد::والله انا شو درابي فرقمكم..بعدين ماتفيقت ادق خط لين دبي..احمدوا ربكم انه ابويه عزمكم على خطبتيه
ريام::فديته عمي دووم يسلم علينا..يوم ايي دبي
عبيد::ايي عندكم
اسما::هيه
ريام:: عبيد والله ربعك فالصاله الثانيه انت ماشفتهم يوم حدروا
عبيد::انزين انزين انا بسير عندهم ولا اول بسير المطبخ اشوف فرود ..يلا الشيوخ سيروا حاوطوا
فالصاله الثانيه حمد ورضوي يلعبون سوني 
رضا::حمد والله افكر اخطبها
حمد::والله واخيرا..وشو بتسوي بامك
رضا:: نعم نعم..وانا شو مب ريال
حمد::انزين عن تاكلنا..خلاص انا بتفاهم مع عبيدوو
رضا::زين عيل لك اللي تبيه
حمد:: ههههههه اونه
رضا(وهو يضربه)::جب 
حمد::فـــــــــزززت فديت حمد ولد ابوه والله
عبيد::ايه بسكم
رضا::يالله انا بسير
عبيد::على وين
حمد::خله يروح ..ههه الديايه ياويله من امه
رضا::ماعليه يالدب
حمد::دب ها انزين ماعليه
رضا:: سوري والله سوري ..اففف بدت المذله
عبيد::شو السالفه
رضا::مع السلامه
وبسرعه يظهر رضا ويلس حمد يفكر ويستهبل ويسوي حركات
عبيد:: شو استوابك
حمد::ماشي...عبيدووا الا بتخبرك هااي رياموو هههه ماخطبوها ماعرست
عبيد::لا لا..انت بسك من انتم يهالو وماتتدانون خلاص البنيه كبرت
سيده حمد يدق حق رضا ويخبره ورضا قاله انه يرمس عبيد واذا بوافقون عليه
حمد::عبود
عبيد::هلا
حمد::رضا يبي يخطب ريام
عبيد::كيف
حمد::شو كيف..
عبيد::كيف يعرفها
حمد::لالا..انا اللي قتله
عبيد::والله اوكي عاد رضوي بقرب صوبنا..حلات هالشي...ههههه بسير الحين ارمسها
حمد::ول ليش جيه مستعيلين .. فالعجله الندامه انا بسير الحجره اترياك
عبيد::والله انك مشاكل انا كيفي ابغي كل شي بسرعه
ويسير عبيد عند ريام واسما وساره
ريام::ولكم باك
عبيد::ريام رضا يبغيج..واتمنى اسمع ردج باجر
هني الكل انصدم وريام اللي اكثر وحده انصدمت كيف جيه بهـ السرعه
وانسير عند مريم
مريم::والله ياشيخه متلومه..الحين اكيد عبيد زعلان..استغفر الله انا شو سويت
شيخه::يامريم الاهيه خطبه..بعدين حرام عليج اتخليني هني ماتعرفين انه اللي عندي مايعرفون شي
مريم::خلاص اللي صار صار
شيخه::يختي ماصار الا الخير
ويدخل سيف وامه
ام شيخه ::السلام عليكم
مريم+شيخه::عليكم السلام
ام شيخه::ها شحالج بنتي
شيخه::زينه
مريم::بلاك سيف جيه مغيض
سيف:: ابغي ارد البلاد
شيخه ::نعم
سيف::اللي سمعتيه
ام شيخه::سيف شو هالكلام..كم مره قتلك انسى السالفه
سيف::والله يامايه..ان ماخليتيني ارد لا اسوي بعمري شي تندمين عليه..انا ماريد اقعد ولا لحظه عند هاي اللي اسمها شيخه
هني مريم صدق تنصدم ولد توه يدخل 14 سنه وجيه شخصيته قويه..دومه مستقوي على اخته وامه ودوم يتحكم بكل شي..ولد يحاول يبرز شخصيته
مريم::خلاص خالتيه انا وسيف بنرد
ام شيخه::خلاص والله يامريم انتوا ردوا..هالولد عنيد واخافه صدق يسوي شي بعمره
شيخه::لا مريم والله ماتروحين دخيلج
سيف::انتي جب ..ماعليه ماخليتيها اتروح خطبه خوها..بعد تبين اتخلينها هني مب عكيفج..تراني بذبحج هني ومااخليج عايشه بمنع علاجج
شيخه:: والله منو انت الا ياهل
سيف::وانتي مريضه بمرض اعوذ بالله منه..من عمايلج والله
هني حزت فخاطر شيخه ومارامت اترد عليه..وسيف نفس الشي ..سيف انسان طيب وحنون بس مع شيخه يستوي ذيب مايدانيها من هو صغير كانت اتعذبه ماتهتم فيه دووم اتواجعه وتضربه بس يوم كبر شوي بروحه قام يدبر عمره استوت له شخصيه من هو صغير انحرم من ابوه كان يتمنى يكون عنده اخو اكبر عنه..بس هو راضي باللي فيه
ام شيخه::بسكم..خلاص سيف انا قلت انك بترجع مع مريم
سيف::مريم انا بعيش عندكم
مريم::هيه لين مايردون
سيف::الله بجوف عبيد وبعيش بسعاده بعيد عن شيخه وبجوف عمي اللي شرات ابويه
ام شيخه بحزن ::اكيد
مريم::فديتك والله
واتسير مريم واترمس ابوها وابوها يستانس بالحيل ويحجزلهم وردتهم كانت اليوم الثاني فالليل ويوصل الخبر لعبيد وحمد وفرحتهم اللي ماتنوصف حتى بنات خالته استانسن 

------------------------------
وعلى اليوم الثاني الصبح حمد يتلبس ويتجهز عسب يرد بيته وهو نازل ماكان يدري انه في حد فالصاله فقال بيشرب شي وبيظهر لانه الحين الصبح ومحد بكون واعي واول ماحدر الصاله جاف جدامه ريام هني ريام عدلت شيلتها
ريام::شحالك حمد
حمد::تمام والله انتي شحالج
ريام::بخير ..ماشالله ما تغيرت وااايد
حمد::حتى انتي
ريام::............
حمد::يلا عيل بالاذن مافيني على حشره عبود..واتمنى انج اتوافقين على رضا
وبسرعه يظهر وهو ويبتسم اول ماشاف ريام اتذكر ايام اول عاد شريط الذكريات يوم هو يسويلها المشاكل دوم مايتوالفون ..وبعد كم دقيقه وصل البيت لانه بيتهم مب بعيد اصلا..اول مادخل حصل ابوه استانس واستغرب في نفس الوقت ابوه موجود فالبيت وفـ هالوقت..وسيده يبوس راسه
حمد::مرحبا بالشيخ
بو حمد::هلا والله بولدي
حمد::فديتك يابويه ..وينك عني
بوحمد(وحس بانه ظلم ولده)::ياحمد الحين انت كبير مب صغير عشان اقعد معاك 24 ساعه
حمد::ماعليه..انزين ياالوالد ترا مريم انشاءالله اليوم بتوصل..وانا اريد املج عليها هالخميس
بوحمد::حمود فديتك بس بتعطيها 3ايام مابكفيها
حمد::لا بكفي..المهم يابويه لي طلب ..بس اكيد بتعصب
بوحمد::افا عليك
حمد:: مممممم
بوحمد::يلا قول
حمد:: ابغي امايه تيي الملجه
هني بوحمد يتغير شكله وحمد يبتعد عنه خوفه يسويبه شي
بوحمد:: ياحمد انا كم مره قتلك هالسالفه مانعيدها
حمد::بس يا الوالد عالاقل تدري اني بعرس
بوحمد::يعني انت تبيني اشوه صورتها
حمد::ها
بوحمد::انزين حمد انا بخبرك السالفه..وبعدين انت وكيفك اذا تبي امك
هني حمد كله استغراب وتعجب..امه شو سوت عشان ابوه يكرهها جيه
بوحمد:: الله يسلمك..انا فالبدايه خذت امك وكنت غني عندي فلوس ماتنعد
امك كانت اتموت عليه قبل ماخذها وبعد ماخذتها بدت طلباتها اللي ماتنعد وانا كنت افكر بسالفه العيال لكن هيه اتقول مب مستعيلين وبعد سنه من زواجنا هيه حملت بك لكنها مب راضيه بـ هالحمل تمت زعلانه وتقريبا بالشهر السابع ربت بك ..ماكانت تهتم فيك موول ماكانت اتدانيك كانت الخدامه اللي تهتم وامك لا ..كانت طول الوقت برع الخدامه اللي تيني واتقولي شو اللي انت تحتاي ياما يلست معاها وحاولت لكنها قالت انا ماحب العيال وبعد سنه امك حملت طبعا زاد غياظها كانت اتفكر باي طريقه عشان تتخلص من الجنين وهيه كانت توها بالشهر الاول انا فلست استوت عندي مشاكل وراحت فلوسي كلها..هني استغفر الله مادري كيف اتخلصت من اخوك مادري اختك..وطلبت مني الطلاق واصرت على هالشي..وانا طلقتها ..تعرف يوم انت تيي عندها تضربك وتفرك انا ماتحملت هالمنظر عشان جيه وافقت عالطلاق..وفديتك بعد سنه ردت فلوسي كلها وطبعا هذا بفضل بوعبيد الغالي..بوعبيد ربيعي من نحن صغار لاخليت منه.وبعدين يتنهد بوحمد
هني حمد قاعد فمكانه منصدم..ندم ندمه ظلم ابوه كان يتحرى ابوه السبب..ماتوقع امه اتكون جيه..ماعرف شو يسوي بس قعد مكانه
بوحمد::ها حمد تبيها تيي ملجتك
حمد::لاتيي ولاشي..مابغي اجوفها موول ولاابغي اسمع طاريها
وسيده ايي صوب ابوه ويبوسه ويلوي عليه
حمد::لا خليت منك يابويه ..ماعرف والله شو اقولك
هني بدن ينزلن دموع حمد وبسرعه يسير حجرته وييلس خلاص قرر ينسى امه نهائيا واي ام هاي ..وسيده حطله شله ورقد
عبيد كان توه ناش ويسير الحجره الثانيه ويجوفها فاضيه عرف انه حمد راح وينزل تحت
عبيد::صباح الخير
ريام+اسما::تو الناس
ساره::صباح النور
عبيد::يعلني افدا ساره مب انتن
ويسير صوب ساره ويقعد حذالها هني ساره ماستحت عادي خلاص اتاقلمت معاه
ساره::عبيد
عبيد::عيون عبيد
ساره::افداهن والله..متى بتي مريم
عبيد(وهو متغصص)::والله هالشيخه مادقتلي بس رمست ابويه وقالت انها بتوصل عندنا 1 الصبح
اسما::ول
ريام::يالله متى بمر الوقت 
عبيد(بمكر)::اي وقت
ريام::شو قصدك
عبيد::ماشي
اسما::انا بسير المطبخ
ساره::انا بعد
عبيد::نعم شو تسون هناك
اسما::حبوب نحن مسوين سويت
عبيد::اوووه اونكم شي...يمي انا يوعان يلا بسرعه يالشيف اسما
اسما::وياويهك
عبيد::سارونه حبيبتي انتي تمي
اسما::وانا بروحي اشتغل
ساره::لا حرام عبيد انا بيلس اعدل بالسويت
عبيد::دامه من ايدج ..خلاص انا ابغيه
ويروحن ويوصل مسج حق عبيد واللي مطرشتنه هي ريم..كاتبه فيه انها بتظهر وبتسير المول..وطبعا عبيد ماقال لها شي غير انه لازم اتكون معاها الخدامه او حد من خواتها
ريام::الله الله
عبيد::بدت الرزه
ريام:: مممم منو اللي مطرش حمد
عبيد::ههه لا هذا رضا
ريام::اها انزين وشو كان كاتب
عبيد::وليش واايد مهتمه
ريام:: هاا لا ماشي ..يعني مب حرام اتقولي
عبيد::انزين ريوم هاي الريم غناتي
ريام::هيه انزين قول جيه..والله انك سوالف
عبيد::من دام ساره واسما محد..ماقلتي شو جوابج
ريام(وهيه مستحيه)::مم ليش انت مستعيل بعدني ماعرفته عدل
عبيد:: من دامه ربيعي بكون انسان طيب وحنون وصالح
ريام::.............
عبيد::اففففففف يلا قولي
ريام::انزين الشور مب شوري
عبيد::ادري..بس يعني انتي موافقه
ريام:: هيه
وسيده اتقوم 
عبيد::ههههه والله ماباكلج تعالي ردي مكانج
ريام::تبي شي
عبيد::شو بتخليني بروحي
ريام::افا عليك
ويدخل عليهم بوعبيد وسيده تيي ريام واتبوس راسه ووراها عبيد
بوعبيد::ها عبيد انشالله استانست
عبيد::هيه بويه الله يخليهن ماقصرن
بوعبيد::وانتي ريامي 
ريام::والله يالوالد عبيد ريال والنعم فيه..الصراحه هو شراتك ماشالله عليه
عبيد:: احم احم والنعم فيج
بوعبيد::ووين الحلوين
اسما::موجودين
وايين ويبوسن راسه وبوعبيد يلوي على ساره من كثر مايحبها
بوعبيد::فديت انا ساره
ساره::افداك والله
اسما::وانا مالي رب
بوعبيد::افا والله تعالي فديتج
عبيد::ها ماشالله اجوفك يااي من وقت
بوعبيد::اكيد بنتي مريامي بتي
اسما::يلا غدا
والكل يروح يتغدا وطبعا بدت السوالف والضحك وخاصه ريام وعبيد واسما هذيل الحشره اما سارونه كانت يالسه حذال بوعبيد بروحهم يسولفون بوعبيد كان يشوف في ساره صوره من حرمته ام عبيد..طبعا بوعبيد ماحرم عياله من شوفه صوره امهم بالعكس كان دووم يسولف عنها ويراويهم صورها كان عبيد ومريم يحسون انه امهم مب ميته يحسون انها عايشه معاهم..ومن الصوب الثاني حمد اللي راقد
ميريا::همد يلا قوم بابا في جنجال
حمد::انزين انتي روحي قوليله حمد تعبان مايبي
ميريا::همد انا مايريد مساكل يلا قوم
حمد::افففف منج انزين خلاص انقلعي الحين بنزل
ميريا::يلا قوم انا بعد سوي يجي
حمد::انزين انزين
يقوم حمد وهو ماله خاطر ويتسبح ويتعدل وينزل تحت يحصل ابوه يترياه بعد ماكل
حمد::ليش يابويه تترياني
بوحمد::مب انت ولدي
حمد(بكل حزن)::بس انا مالي خاطر
بوحمد::لك خاطر خل عنك هالدلع..اليوم بتي مريم وبتجوفك وانت جيه شكلك
حمد::منو قال اني بجوفها اليوم
اصلا هيه بتي الفليل ويالله يالله بتسلم على هلها وبترقد
بوحمد::وانت شو..تراك من هلها..انت تقربلهم
حمد::من بعيد
بوحمد::امك تستوي بنت خاله بوعبيد
حمد:: والله
بوحمد::هيه
حمد::ياويلي عالمفاجات اللي اسمعهن
بوحمد::يلا كل
حمد::يا بويه
بوحمد(ويتطالع ولده بنص عين)::خلاص عيل ماشي ملجه
حمد::ابويه انا يوعان اصلا كنت امزح معاك ههههه افا عليك
بوحمد:: يعني لازم العين الحمره
ويلسوا ياكلون بعد ماتعدل الجو اللي كان متكهرب
بيت رضا
رضا::عوشه وين خواتج
عاشه::فبيت عميه
رضا::اففف
عاشه::شوفيك
رضا::ماشي
عايله رضا حوشهم عود وفيه فلتين كبار وحده لابو رضا والثانيه لعمه عبدالله اللي هو بو خليفه خليفه ولده العود وهو يدرس فامريكا وعنده بنتين مريم وعفرا..اما ابو رضا حميد ولده العود رضا وعنده 4بنات عاشه وميره ومنيره ومريم وكلهم ماشالله عندهم الخير..وطبعا كان دووم الولد هو اللي اكثر شي يتدلع..ورضا كان دلوع من الخاطر اي شي يبغي يسووله
عاشه::رضوي الحين انت بتاخذ مريم بنت عمي عبدالله
رضا::نعم منو قال
عاشه::انا سمعت امايه
رضا::والله هاللي ناقص انا ماباها
عاشه::حرام عليك والله انها تحبك
رضا::العاش جوفي مريم وعفرا شرات خواتي ونحن عايشين في حوش واحد يعني كل يوم اجوفهن والعب معاهن من انا ياهل
عاشه::بس مريومه حلوه وهيه تستاهلك
رضا::حلوه ولا خسفه انا ماباها
عاشه::والله انك ظالم
رضا::هيه الظالمه..والله بتظلم عمرها معايه
عاشه::كيفك
رضا::غصبن عنج 
ابو رضا::السلام عليكم
عاشه+رضا::عليكم السلام
عبدالله::بويه رضا يلا قم معايه
رضا::وين
عبدالله ::اباك تي معايه الشارجه
رضا::انشالله الحين ايي
ويمر الوقت بسرعه الكل لاهي الا حمد..حمد ملان قاعد بروحه فالبيت
دق حق رضا بس رضا كان فالشارجه بغى يدق حق عبيد بس اتذكر انه بنات خالاته هناك احتار يلس يتطالع تلفزون من الملل اخر شي قام وراح بوظبي مول وهو يتحوط يحصل شله بنات وراه وكل وحده يالسه تمدحه
حمد::وياويهكن..وين الحشمه
ويروح عنهن هني البنات صدق انصدمن معقوله هذا جيه..وحمد يحاوط راح المارينا وهو مار زقره حد
ذياب::حمود واللقعه ياخي شو انت ماتسمع
حمد::اسمحليه كنت سرحان
ذياب ::تعال اقرب
حمد::اوه الكل متيمع
راشد::حي الله بحمود
حمد::الله يحييك
خليفه::ها شحالك؟
حمد::والله تمام..ها علوه شحالك؟
علي::زين..ها تبي تاكل
حمد::لا لامشكور خله حق البطن
ذياب::هههه..اخر يوم جفناك يوم خطبه عبيد واايد عليك
راشد::على طاري عبيد وينه ماجوفه وياك
حمد:: اليوم حد من هله برد من السفر
ذياب::هيه
ويلسوا الشباب سوالف وحش فالعالم لين ماصار نص الليل
من الصوب الثاني عبيد متحرقص فمكانه يتريا ابوه 
ريام::اففف عبيد لاتم جيه
عبيد:كله منكن ..ابويه ماخلاني اسير معاه
اسما::ياسلام بتخلينا بروحنا
عبيد::يعني منو بييكن
ريام:: هههه رحت ولا مارحت مصيرك بتجوفها
ومره وحده يسمعون صوت السياره والكل يستانس عبيد من فرحته راح وبطل الباب ..بس انصدم انه راعي المطعم اللي يا
عبيد::فقدتكن يالدبب
اسما::واخيرا وصل مابغى
ريام::يلا سير ادفع
عبيد::تامرن يالشيخات
اسما::غصبن عنك
ويلسن البنات يعدلن ويزهبن الطاوله وعبيد راح حجرته يرمس ريم غناته
عبيد::فديتج والله اشتقتلج
ريم::حتى انا
عبيد::ريم هالاربعا الملجه
ريم::ليش مستعيل
عبيد::مب مستعيل..وبعد شهرين العرس وماريد اعتراضات
ريم::انت تامر بس الشياب موافقين
عبيد::هيه..انزين تبين الملجه فبيتكم اللي فالعين ولا فبيت خواتج
ريم::لا هني احسن شو ينقعك العين..بعدين رياييل خواتيه محد بناخذ راحتنا
عبيد::اها.............
ريم:.............
عبيد::ااااه متى بيي هاليوم
ريم:: عبيد بسك .......... مممممممممممم اخبرك انا الحين بخليك..عندي ولد ختيه بسير اسويله حليب..اوكي يلا باي
عبيد::خلاص عيل يحفظج الرحمن مع السلامه
ريم::مع السلامه
هني عبيد يسمع حشره وبسرعه ينزل ويحصل مريم ويلوي عليها
مريم::فديتك غناتي تولهت عليك
عبيد::عيل انا شو
مريم(وهيه تصيح)::اسمحليه عبود والله ماعرف شو اسوي
عبيد::غناتي مريم اللي صار صار..خلاص
مريم::لا انت خويه الوحيد
هني مريم طول الوقت فحضن عبيد وسارونه صاحت ماتحملت الموقف واسما وريام مستغربات كيف جيه اخوان يحبون بعض اما بوعبيد كان فسيارته ومعاه سيف يسولفون..سيف كان فرحان من الخاطر واخيرا ابتعد عن اخته..واخيرا يا عند حد من هله
بوعبيد::يلا سيف قمنا ننزل
سيف::انشالله عمي
وهم حدروا الكل وقف مكانه مستغرب اسما وريام وساره استغربن معقوله سيف هني معقوله اتكون شيخه موجوده اما عبيد فكان اكثر واحد مستغرب منو هذا وشو يايبنه فـ هالوقت..تمت الاسئله اتدور فراس كل واحد...ريام ظهرت برع راحت تتاكد انه شيخه مب موجوده وارتاحت لانها ماحصلتها ونفس الشي اسما وساره ارتاحن
ريام::حي الله بسيف
اسما::مرحبا والله بالشيخ نورت
سيف:الله يحييكن
عبيد::هذا سيف..ماشااله عليه..تعال بوالشباب سلم
سيف وعبيد وهم يتوايهون
سيف::شحالك عبيد
عبيد::والله بخير انته شحالك علومك
سيف::والله اوكي
مريم::الله يسلمكم سيف بتم معانا لين مايردون هله
عبيد::اها..عيل يا سواف بحوطك بوظبي كلها
سيف::والله
عبيد::افا عليك..بتخاويني فكل مكان
سيف::ياي تسلم عبيد
اسما::يلا بسكم الاكل بيبرد
عبيد::اففف انتي اليوم مادري شبلاج عالاكل
مريم::هههه حليلها حلال عليها والله
ويروحون كلهم وياكلون..بعدين عبيد يدق حق حمد عشان ايي
واول ماوصل حمد حدر الصاله ويلس يتريا مريم..وبعد ماحدرت..سيده ايي حمد ويبوس راسها
حمد::الحمدالله على سلامتج
مريم(والشوق فعيونها)::الله يسلمك
حمد::اااه يامريم ليش جيه اتعذبيني..والله اشتقتلج بالحيل
مريم::...............
حمد::مريم الخميس بملج عليج
مريم::ليش مستعيل 
حمد::مب مستعيل دخيلج لاتقولين لا
مريم::خلاص ياحمد اللي تبيه
حمد::جيه اوكي..والعرس متى تبينه
مريم::خلنا نخلص من الملجه بعدين بنفكر فالعرس..
حمد::خلاص عيل ماطول عليج..مع السلامه
مريم::مع السلامه الغالي
يظهر حمد وهو تعبان وفي نفس الوقت فرحان بشوفه مريم...وبعدين الكل يروح يرقد الا ريام ومريم
ريام::مريامي انتي تعرفين رضا
مريم::مب وااايد بس انا اسمع عنه
ريام:: مممم
مريم::بس هو كيف يبغيج وانا سمعت عبود يقول انه بياخذ بنت عمه
ريام::مادري يختي..انتي تعرفين انه من اول ماجافني سيده رمس حمد وبعدين وصل الخبر عند عبود..هذا كله صار في ليله وحده
مريم::هذا ربج..انزين انتي وافقتي
ريام::مم انا وافقت بس مادري عن ابويه وامايه..اتوقعهم مايوافقون
مريم::لا تفاولين انشالله بوافقون..رضا ريال والنعم فيه..هيه صح باجر لازم انسير ناخذ ثياب حق الملجه
ريام::انتو ليش مستعيلين
مريم::هذا حمد بس العرس عاد واايد بعيد..وعبادي ملجته الاربعا
ريام::ماشالله عليكم..وعبود متى ناوي على عرسه
مريم:: عبود دومه مستعيل اكيد بعد شهرين او 3 بعرس انا اعرفه
ريام::اها
مريم::يلا ارقدي..تصبحين على خير
ريام::وانتي من هله
اليوم الثاني صدق كان ربشه اول مانشن البنات سيده راحن المولات يتشرن
وحمد بعد ماتريق فبيته يا عند عبيد بس عبيد كان راقد وسيف اللي كان واعي ويالس فالمطبخ الرئيسي..اول مادخل حمد انصدم
حمد::السلام عليك
سيف::عليك السلام
حمد::انته تقربلهم
سيف::هيه انا ولد خاله عبيد
حمد::اها انت سيف حي الله ..انا حمد ريل مريم
سيف::بعد كم يوم انشالله بتستوي ريلها
حمد::هههههه انزين عادي كله واحد..بس وين عبود
سيف::والله هو الحين راقد
حمد::اها
سيف::فخاطرك تظهر مكان
حمد::هيه والله يلا قمنا انسير كوفي لين ماينش عبيد
ويروحون الكوفي...وبعد مانش عبيد لحقهم..وبوعبيد حليله كان فالبيت ملان بس بوحمد يا عنده وقعد يسولف معاه لين الظهر جيه عالغدا والكل يدخل
الكل::السلام عليكم
بوعبيد+بوحمد::عليكم السلام
عبيد وسيف وحمد اييون ويبوسون راس بوحمد وعبيد
بوحمد::عيل هذا هو سيف
بوعبيد::هيه ماشالله عليه
سيف::حي الله بعمي ..والله لي الشرف بجوفتك
بوحمد::فديتك تعال اقعد حذالي..ها مريم انشالله خلصتي
مريم(وهي مستحيه)::هيه بس باقيلي شوي ..انشالله باجر بكون زاهبه
بوحمد::على خير
وهني جافن البنات انه مالهن قعده مع الشياب وراحن فوق..مريم سيده دقت حق الريم ويلست تسالها اذا شي ناقصنها..عاد عبيد كان راز بويهه
الريم::والله يامريامي اتريا باجر ..قلبي يدق
مريم::يختي عيل يوم عرسج شو بتسوين
الريم::والله مادري
مريم::هههه انا ورا باجر ملجتي وعادي ولاجنه
الريم::مادريبج
مريم::خلاص عيل الريم ..حبيبتي انشالله باجر الصبح انا عندج 
الريم::اوكي عيل مع السلامه
مريم::مع السلامه
عبيد::ها الريم ماتبي شي
مريم::لا هيه خلصت الحمدالله
عبيد::ياي متى بيي باجر
مريم::بعد انت..دومك مستعيل اللي تبيه يستوي
عبيد::اللهم لاحسد تف تف
مريم:: ههههه منو هذا اللي يروم يحسد عبيد ولد طحنون
واتقوم مريم واتسير الحجره عند البنات ويلسن يسولفن وكل شوي يدخل عليهم عبيد وسيف..بس جيه الفليل يظهر عبيد وسيف ويحاوطون في ربوع بوظبي...ويمر هاليوم على خير
واليوم الثاني الصبح اتقوم مريم وتتسبح وتتلبس واتروح عند الريم وهن الهنتين يروحن الصالون عشان يسون التنظيف والمساج لويهن ويتعدلن بروحهن وجيه الظهر ينشن البنات وعبيد وسيف وبوعبيد
اسما::صباح الخير عمي
بوعبيد::هلا اسامي
ساره::صباح الخير ياحلى عم
بوعبيد::فديتج غناتي يلا بسرعه تعالي..وين عبيد وسيف
عبيد::نحن وراك
بوعبيد::وريام بعدها فالمطبخ
عبيد::هههههه اونها تنزلت وحدرت المطبخ
ريام::هيه انسويلكم عصير فرش
عبيد::اوه زين في تطورات
ريام::عمي بعد الغدا بنروح الصالون
بوعبيد::الله وياكن
عبيد::ليش مستعيلين
اسما::حرام عليك الحين الساعه 3 ونص
ريام::هي والله..لين مانلحق على دورنا
ويلسوا يتغدون وكالعاده بدت الحشره اللي بين ريام وعبيد و اسما وسيف
وبعد الغدا بسرعه يتلبسن البنات ويروحن الصالون.وفالصالون كل وحده تتضارب اللي تبي تبدا قبل...واعتفسن لانهن اتحنن فـ هاليوم والحنا طلع لونه مب اوكي في ملجه الريم وعبيد يبيله يوم لين مايطلع لونه..وبعد العفسه كلها ردن البيت واتلبسن و يروحن بيت الريم..اما عبيد كان محتشر على فريده لانها تاخرت لين مايابت البخور
عبيد::فريدوو
فريده::اففف خلاص ها يبته
عبيد::تو الناس
حمد::هلا حبيبي
عبيد::اهلين فيك
حمد::يلا عيل بالمبارك
عبيد::الله يبارك فيك
حمد::هههههههه اونك شي
عبيد::ها دقيت حق رضوي
حمد::هيه دقيتله توه فالشهامه
عبيد::ول
حمد::خلاص بروحه بيي انا بدليه
عبيد::انزين يلا قمنا انروح عند ابوي وابوك
ويروح عبيد ويشل ابوه معاه وحمد يشل ابوه..ويوم وصلوا جيه بعد نص ساعه اييهم رضا وطبعا يلسوا سوالف وعبيد اللي كان متحرقص يبي يشوف الريم
عبيد::ذيبوه انا متى بحدر
ذيب::كم مره 
عبيد::انزين انزين
ذيب::حميد متى بيحدر عبيد عند ختك
حميد::ههه عبود اصبر ليش مستعيل
عبيد::اففف بنصبر
وبعد ساعتين يروح عبيد صوب الصاله ومعاه حميد اخو الريم الصغير وهني عبيد الارض مب واسعتنه..واخيرا بدت تتحقق احلامه 

------------------------------
اول ماحدر عبيد الصاله بدا قلبه يدق..يته صدمه من شكل الريم واايد
تغيرت هني كانت احلى عن الخطبه..فالخطبه كان مكياجها كثيف وايد
..اما اليوم فالملجه المكياج خفيف هادي ناعم والجحال المحدد على 
عيونها الوساع..هني عبيد باس راسها وحط عينه فعينها والريم مارامت
تستحمل وتنزل عيونها..وترز مريوم ويهها واتبوس عبيد
مريم::مبروك عبادي
عبيد::الله يبارك فيج
مريم::هيهي ياريال لاحق عليها
عبيد::احم احم...ممكن تسكتين
مريم::يلا يلا ريموو عن المستحى... قوموا عشان نتصور..بعدين عبود 
شعرك ظاهر
ريم::عادي خليه والله حلو
عبيد::لا لا امج بتحتشر عليه
واتعدل مريم غتره خوها وتلم شعره ويلسوا يتصورون وعبيد يلبس الريم
الشبكه واليهالو مب 
مصدقين ويهم عافدين على عبيد وهاليهالو كلهم عيال خوان وخوات
الريم وماشالله ماينعدون
وبعدين يشل عبيد الريم ويروحون غرفتها
هني عبيد ماعرف شو يقول فالتلفون سوالف وحش فالناس 
اما هني غير
عبيد:: ممم حلوه غرفتج ماشالله ذوقج فنان روعه
الريم::تسلم طبعا لازم هذا ذوق البنات
عبيد::هيهي عاد انتوا ماتصدقون
الريم::...........
عبيد::انزين
الريم::هيه
عبيد::شبلاج ساكته
الريم::شو تبيني اقول
عبيد::اي شي
وبعد لحظه سكوت
عبيد:: الريم والله احبج
ريم وهي قافطه::وانا احبك مووت
حميد::ها حلوين يلا بسكم
عبيد::لا حرام
حميد::لا والله بسكم ..ربع ساعه شو مايكفي
عبيد::هي مايكفي
حميد::هههه انت دخيلك عاد ماتشبع والله انك لاحق 
عليها بتمل منها حتى
عبيد::ماسويها
حميد::انزين يلا برع
عبيد::يلا مع السلامه الغاليه
الريم::مع السلامه
عبيد::انت شو ماتحس والله ماشبعت
حميد::اختي وكيفي
عبيد::دواك عندي
حميد::ههههه
حمد::تو الناس جان رقدت عندهم
حميد::لا دخيلك بعد يبغي يتم ماطاع يظهر
حمد::احلف انت بس..واايد مصدق ويهك
عبيد::ماعليه ماعليه..هذا ويهي ان خليتك عند بعض الناس
باجر.. 
حمد::افا..كنت استهبل معاك
حميد::هيهي حمود بتبدا شغله المذله
حمد::الله يعين
عبيد::ماعليه انتو الاثنين دواكم عندي
حميد::ههههه خلك بعيد عني
عبيد::لا لا .. انزين وين ذيبوا ورضوي
حمد::راحوا مابيتريونك
عبيد::خلاص انا بسير ارقد
حمد::لا شو ترقد قمنا نحاوط
عبيد::ماعندك سالفه انا تعبان
حميد::خله يروح
حمد::وانت شو وراك
حميد::انا برد العين
حمد::لا والله اتم خلنا انحاوط الليله وباجر رد
حميد::خلاص عيل تم
عبيد::اوووه زين عيل ..يلا مع السلامه
حميد+حمد::مع السلامه
حميد وحمد راحوا يحاوطون ماشي شغله..اما فبيت بو عبيد...
كان عبيد توه راد ويوم سال عن ابوه وسيف قالته الخدامه انهم رقود 
فهو راح يرقد..وبعدين يوصلن البنات ويروحن يتسبحن ويلبسن 
بجاماتهن وينزلن
ريام::والله حرام خلاص اليمعه بنرد
مريم::انزين ليش ماتمون
ريام::لا باجر امايه وخالاتيه بين بياخذن غرف فالفندق حق
ليله وحده
مريم::ليش قم خالوه مايون بيتنا ويرقدون
ريام::ماطاعوا
ساره::ريام بس والله نحن مصخناها وااايد قعدنا
ريام::هيه والله
مريم::لا شو هالكلام
اسما::شبلاكن
مريم::ماشي
ريام::وين كنتي
اسما::كنت ارمس فالتلفون..الا وين عبود
مريم::رحت عنده حصلته متسدح عالشبريه
ساره::ليش ماينزل
مريم::حليله تعبان بيرقد
اسما::هيهي بينش الصبح
مريم::اوووه لازم ارقد ورايه باجر اشياء
ريام::انا بعد برقد والله تعبت من الرقص
اسما::وانا بعد
ساره::امري لله برقد

وعاليوم الثاني الكل ينش الضحى ويتريق وبعدين عبيد وسيف يظهرون
مع حمد ..وبوحمد وبوعبيد يظهرون مع بعض...اما البنات يلسن شوي
وبعدين يروحن الصالون وبعد ساعات حلوه وطويله واللي الكل قضاها 
بمتعه يعدلن البنات ميلس الحريم وبعدين بدن الحريم ايين ومريم
كانت مستانسه لان خالاتها ين وقعدت معاهن والكل كان منبهر بجمال
مريم ورقتها...مريم كانت اشوي مستحيه بس بمرور الوقت اتاقلمت 
اما البنات فكانن مرتبشات من الخاطر لانه اخر يوم لهن فبوظبي 
وفبيت عمهن..ومن الصوب الثاني حمد اللي كان متكشخ عالاخير
رايح الحلاق ومعدل ويهه ومب مخلي عطر مب حاطنه والبخور اللي
متبخر فيه..وكان حليو وهو يتريا بفارغ الصبر انه يحدر..بوحمد وبو عبيد 
فعالم ثاني يالسين مع الرياييل سوالف وحاله فـ هاليوم بوحمد ماقعد 
مع ولده كثر ماقعد مع الرياييل سوالف

حمد::ماشالله طالع ابويه كيف يسولف ههه
عبيد::حتى ابويه..مايسولفون جيه معانا
حمد::ههههه ماعليك منهم
عبيد::ههههه
حمد::فديت قمريه اللي بجوفها
عبيد::هيه بخليك بس دقيقه عندها
حمد::لا حرام عليك شو هالظلم
عبيد::لاظلم ولا شي
حمد::والله ماعليه منك بتم لين ماشبع
عبيد::ههههههه
حمد::اففففففففف
عبيد::اسكت شوي
رضوي::السلام عليكم
حمد::تو الناس..زين انه تلفونك مانقع
عبيد::عليك السلام
رضوي::فديت عبيد شحالك
عبيد::والله تمام انت شحالك
رضوي:: الحمدالله..الف الف مبروك حمود
رضوي::اتحريت بعد..الله يبارك فيك
عبيد::هلا ريامو
ريام::اذا بيحدر الحين عادي
عبيد::ماعليه..ها شو اخبار العرب عندكم
ريام::مثل ماتسمع الحشره مرتبشين
عبيد::اخبرج وين الريم
ريام::قاعده حذال مريوم
عبيد::هيه انزين خليها هناك لاتغير مكانها لانه الحين نحن بنحدر
ريام::لازم اتجوفها..خلاص صار..يلا تعالو
عبيد::اوكيك باي
رضوي يلا انا بسير
عبيد::على وين
حمد::حرام عليك
رضوي::لا والله اسمحولي امايه توها داقه بترد وخواتي معاها
عبيد::خلهن مع ختيه
رضوي::لا لانه حمد الحين بيحدر وهم مايبون
حمد::خلاص عيل توكل
عبيد::مع السلامه
رضا::مع السلامه
حمد::ياويلي واخيرا
عبيد::ههههه اتقول اليوم العرس
حمد::ياليت والله
عبيد::يلا ادخل
حمد::لحظه اتطالع شكلي فيني شي غلط..ودخيلك مب وقت
استهبال
عبيد::انزين والله مافيك شي..ماشالله عليك جميل
حمد::ههه حلوه
عبيد::لاتغير السالفه وادخل
يدخل حمد وعبيد الصاله وعيون الحريم تتوجه لحمد ...حمد كان حلو
هالليله وعبيد اللي كانت عيونه عالريم من اول ماحدر وهم يقربون 
ايي حمد ويبوس راس مريومه وايي عبيد ويبوس مريومه ويقرب 
من الريم
عبيد::شحالج غناتي
الريم::الحمدالله انت شحالك
عبيد::من دام الحلوين بخير اكيد نحن بخير
الريم::انزين يلا روح مافيني
عبيد::فديتج والله ماخليت من هالقمر..مع السلامه
الريم وهي مستحيه::مع السلامه
وبعدين يلسوا يتصورون ويلبس حمد مريوم الشبكه وقعدوا شوي.
.وبعدين يمسك حمد ايد مريم ويروحون غرفتها
 
------------------------------
عبيد::حبيبيه سير الصاله ماتسير حجرتها
حمد::عبود لا تيلس جيه في ليلتيه
مريم::عبيد
عبيد::عشان خاطرج

ويلسوا حمد ومريم فالحجره

وفي عالم ثاني كانت عاشه اخت رضا سرحانه

رضا:: امايه بتخبرج انتوا ليش جيه مره وحده ظهرتوا
ام رضا::والله هاااي ختك حشرتنا
رضا::وانتي شو مشكلتك عوشه
عووش::.......................
رضا:: عوووووش
عووش::هلا
ام رضا::شبلاج غناتي تعبانه
عووش::هيه
ام رضا ::سلامتج حبيبتي خلاص اول مانرد ارقدي واذا زاد عليج
بوديج المستشفى
رضا::اظن عندكم دريول ماتحتايونيه
ام رضا::وشو كل دريول وانت شو فيك
رضا::يا امايه انا اريد اظهر ومب......
ام رضا::بس بس خلاص سو اللي تبيه نحن مانبيك
رضا::ههه احسن
ام رضا ::اضحك ماعليه

عاشه ماكانت تسمعهم كانت حزينه وتصيح من داخلها كانت البارحه
اتشوف عبيد وهو ياااي عند حرمته واليوم يحدر مع حمد وييلس
شوي مع حبيبته الريم ....كانت تتغايض تحترق من داخلها عاشه 
اتحب عبيد اتحبه موووت من ذاك اليوم اللي دعمته فالمول بس شو
بتسوي خلاص مالها امل انه ياخذها

في حجره مريومه وبعد السوالف

حمد:: شو رايج يكون عرسنا مع عبود
مريم::لا لا مب حلو
حمد::يا سلام
مريم:: انا اقصد ماريد اعرس الحين
حمد::انزين
مريم::عبيد خلاص عرسه بعد شهرين ونص..وانا ماريد جيه بسرعه
حمد::انزين الشيخه يلا حددي
مريم::مممم بعدين يصير خير
حمد::انتي قولي متى تبين العرس 
مريم::انزين شو رايك بعد عرس عبيد بشهرين..جيه انا واايد قربته بس
عشانك
حمد::ماشي اسمحيلي مب عكيفج القرار قراري بس انا كنت استهبل
عليج
مريم::نعم نعم
حمد::جوفي عرسنا بعد عرس عبيدووو بشهر ونحن قررنا من زمان 
وماشي نقاش خلاص
مريم::بس
حمد::لا بس ولا شي..عاد جانج ماتبيني قولي الحين
مريم:: لا انا ابيك
حمد::ممم وشو اللي ياكد
مريم::يعني لازم تحرجني
حمد::السالفه مافيها احراج
مريم::انزين خلاص.......الله يسلمك اللي ياكد اني ابغيك 
هو انه....
حمد::هيه كملي
مريم::احبـــك
حمد::وبس
مريم::شو بعد تبي
حمد::ماشي
مريم::انزين
حمد::هيه وشو كله انا اسال
مريم::محد قالك
حمد::انزين ارمسي
مريم::وانا شو يالسه اسوي
عبيد::ها شبعتوا 
حمد::انت شو يايبنك
عبيد::لا والله
حمد::انزين انزين ممكن دقيقه
عبيد::اكيد..... 
حمد::انت سير الصاله انا بييك ادل الدرب
عبيد::ههه اكيد تندله
حمد::انزين روووح والله بس دقيقه
مريم::انزين وشو سالفه هالدقيقه

هني يقرب صوب مريم ويحبها على خدها ومريم قفطت

حمد::مع الف السلامه حبيبتي
ومريم اللي كانت قافطه خلاص شوي ويغمى عليها
ريام::مريامي شبلاج
مريم::هااا 
ريام::ول ول شو سوابج حمود
مريم::شو هاي بعد حمود
ريام::ههه ادلعه المهم ترانا الحين بنروح
مريم::ليش
ريام::يلا بسرعه تعالي هناك نترياج انا بييب الشنط
مريم::انزين ليش الليله
ريام::خويه ثاني بيي..سبحان الله مادري ليش جيه شكله
خلص
مريم::اها الحين بيي 

ويسيرون كلهم عند الصاله العوده اللي هيه الرئيسيه 
وسلموا عليهم مريم اتضايجت شوي بس حرام خوهم بيي 
وخاصه اسما اللي اتحب خوهم ثاني تتريا من زمان ردته
ويمر شهر بطيء وممل بس يا الخبر الحلو اللي هو انه ثاني 
خطب اسما والكل استانس مريم وعبيد راحوا الخطبه بس 
ماباتوا هناك معنه ريام وثاني حلفوا عليهم وعبيد ماطاع اونه 
يبي يقعد عند ابوه حرام يخليه بروحه وبعد الخطبه كانت عايله 
بو عبيد يالسين فالصاله وهم يسولفون

بوعبيد::هيه ماخبرتكم ترا ام شيخه انشالله باجر بتي هيه
وبنتها
عبيد::وين بيون
سيف::بيتنا
مريم::الله يردهم بالسلامه
سيف::عميه شيخه اتعافت
بوعبيد::هيه الحمدالله
عبيد::وليش اتضايجت سيوف
سيف::اذا ردوا يعني برد معاهم البيت
مريم::انزين لازم تقعد بين هلك وبعدين انت كل يوم
بتينا
بوعبيد::الحين بتي 12 انا بسير ارقد ورايه نشه
الصبح..يلا تصبحون على خير
الكل::وانت من هل الخير
سيف::اشتقت لامايه فديتها والله
مريم::وشيخه ختك
عبيد::حرام عليك مهما صار هااي ختك
سيف::انتوا يوم بتعيشون معاها بتحسون
مريم::ماعليك يلا سير ارقد
سيف::ليش انا مب ديايه شراتج
عبيد::هههه افا عليك ماتبي اتقوم الصبح واتشوف امك
سيف::هيه اكيد عيل يلا انا بسير ارقد
مريم::تصبح على خير
عبيد::انا بظهر
مريم::وانا
عبيد::ارقدي
مريم::والله
عبيد::ها عيل
مريم::اقعد
عبيد::يالدبه انا من الصبح قاعد معاج
مريم::ماشبعت
عبيد::وانا شولي خص
مريم::ماعليه ماعليه هذا يزايه
عبيد::افا عليج غناتي..بس حرام حمادي يالس بروحه
مريم::اها عيل مرخوص..فديته والله سلم عليه
عبيد::ههههه انشالله
مريم::الله يحفظك

واتروح مريم عسب ترقد واليوم الثاني الكل راقد الا سيف
يالس فالصاله متحرقص يتريا امه ويدخل بو عبيد ومعاه بو حمد 
وكل واحد موول مب عارف يحصل حل حرام انه هالياهل يتيتم

سيف وهو يبوس راسهم::شبلاكم
بو عبيد::ماشي ياولدي تعال اقعد
بوحمد::سيف جانك صبي لاتسمع رمستنا
بوعبيد::وجانك ريال اقعد 
سيف::اكيد انا ريال ...
بوعبيد::.......................

هني سيف انقبض قلبه ماخطر فباله غير امه

سيف::امايه
بوحمد::هيه
بوعبيد::نحن كنا فالمكتب ويانا تلفون من المستشفى امك ماخطر 
فبالها غيرنا نحن هيه كانت تحتضر..استوى حادث فظيع يا سيف وانا
مب قايلك شي ثاني
سيف::وشيخه
بوحمد::الله يرحمها 
سيف::خبروني كيف الحادث
بوعبيد::بعدين بخبرك
سيف::انزين اريد اشوف اميه
بوعبيد::بس خلك ريال ولا تصيح عالمنظر اللي بتشوفه

وراحوا المستشفى وشافوا ام شيخه كان شكلها عادي ماتعورت
واايد بس كانت كبيره بالسن وماتتحمل شي فعشان جيه توفت
اما شيخه فكانت متشوها من الخاطر وسيف ماشاف غير امه يلس
فحضنها بس كان يصيح من داخله مانزلت منه ولادمعه بوعبيد كان 
يفتخر بــ هالولد كان يجوفه بكل حنان خلاص هو اللي بربيه وفالعزى
طبعا مريم ماقصرت بالحريم وكانن معاها ساره واسما وريام ..اما عبيد
ماقصر هو مع الرياييل طبعا بوعبيد وبوحمد وقفوا مع سيف وقرروا
يسافرون بعد كم يوم عسب يغيرون جو

وهم قاعدين كان ثاني موجود وخبر عبيد انه امه ماوافقت على 
خطبه رضا من ريام اتضايج رضا بس كان يدري انه اكيد مابوافقون لانه 
من بوظبي وهم من دبي ومايبون بنتهم تطلع من دارها وبعد كم ساعه
ايي حمد وطبعا احتشر عليه عبيد لانه متاخر والشباب ماقصروا يو 
اللي هم شله عبود وحمود ورضوي ..راشد وذياب وعلي وخليفه وخلف 
واخو ريم حميد... وعند البنات كانت ريم موجوده وبعض من بنات الكليه
اللي يعرفونهم ومرن 4 ايام وسافر بوعبيد+بوحمد+سيف لندن في 
هالوقت كانت الريم اتجهز فستانها واغراضها لانه ماباقي عالعرس الا شهر
ونص ومريم كانت بعد مفصله الفستان وهن يحاوطن فبوظبي مول حصلهم
حمد وسيده يدق على مريم

حمد::مرحبا
مريم::هلا حبيبي
حمد::وينج
مريم::فالمول
حمد::وحضرتج ليش يايه جيه بروحج 
مريم::يعني انت موجود ...انزين ماتشوف معايه الريم
حمد::بس
مريم::مب تارسه عينك
حمد::يعني ليش ماتيبن معاكن الدريول او البشكاره
مريم(وهي مغيظه)::حمد خلاص الحين برد
حمد:: انزين انتي حق شو يايه
مريم::عسب اخلص اغراض العرس
حمد(وهو مستانس )::اها عيل خذي راحتج
مريم::شي ثاني 
حمد::تعالي عند الدري 
مريم::هذا انت
حمد::طبعا
مريم::فديتك والله بس بخبرك شي
حمد::هلا
مريم::ليش لابس كركمي
حمد::حرام اتكشخ
مريم::مايناسبك..انت مب ابيض شرات عبادي
حمدوهو محبط::طالعوا هااي بدال ماتمدحني وتتفداني...بعدين
شو قصدج انا خال
مريم:: ليش لا
حمد::غناتي انا حنطاوي اللون يعني عادي اي شي يناسبني
مب اسمر ولا خال
مريم::انزين حياتي انا قربت منك بس عطني دقيقه بوصل
الريم المحل وبييك
حمد::اوكيك باي

شوي وتوصل مريم وتقعد معاه وبعد ربع ساعه اتدق الريم حق
مريم وحمد قال بيلحقهم من بعيد ومريم ماقالت شي
ومن الصوب الثاني عبيد كان توه ناش من الرقاد بس كان مريض
بالحيل تعبان اول ماوصلت مريم البيت ودت اغراضها ويت عنده

مريم::عبادي فديتك ليش جيه محمر ويهك
عبيد::تعبان
مريم::ياويلي عليك قمنا انروح المستشفى
عبيد::مريامي شو مستشفى
مريم::يلا قوم

وبعد الحشره اللي سوتها مريم راحوا المستشفى وسيده رقدوا
عبيد هناك بروحه ضعيف والحين اكثر ..اصفر ويهه وبدى يرتجف 
حتى عظامه بدت تبين عدل وعروقه اللي ظاهرات وشفايفه يتقطعن
كان شكله فظيع عالعصر ايي حمد وهو مفلوخ متروع على ربيعه 
قعد معاه وطبعا مريم ماقصرت دقت حق الريم كانت محتشره تبغي
تيي بس عبيد ماطاع قالها تيي يوم ثاني واليوم الثاني الصبح الريم 
يت وقالت حق مريم انها بتقعد معاه بروحها وحلفت عليها انها ماتخبر
اي حد وخاصه خواتها واول ماحدرت وشافت عبيد كانت خلاص بتصيح
وسيده لوت على عبيد وحبته بدون ماتحس بعمرها وقعدت معاه
ساعات ومريم كانت برع ملانه وبعد ساعتين ايي حمد بغى يحدر
بس ماخلته مريم وهيه اتوهقت اتقوله ولا لا

حمد:: ممم منو عنده
مريم:: محد
حمد::مريوم
مريم::مممم 
حمد::قولي انه الريم داخل انزين عادي مافيها شي
مريم:: انزين خلاص الريم داخل
حمد::وانتي ليش قاعده هني
مريم::وين اسير
حمد::تعالي معايه

ويمسكها حمد ويروحون بيته وهم قاعدين

حمد::جوفي ماتخبرين عبيد اني يبتج هني
مريم::وحضرتك ليش اتسوي كل ها
حمد::احبج
مريم وهي قافطه::انزين هاي مشكلتك
حمد::ادري
مريم::اوكي ممكن اسير
حمد::تبغين الفكه
مريم::طبعا لا
حمد::............
مريم::بس مايوز
حمد::وعبيد والريم عادي
مريم::عاد انا مالي خص فيهم
حمد::عشان خاطري
مريم::خلاص عشان خاطر هالعيون
حمد::يفدونج حياتي
مريم::فديتك ياربي
ويرن تلفون حمد 
حمد::مرحبا
ذياب::مرحبتين شحالكم يالقاطعين
حمد::ههه انتوا القاطعين
ذياب:: اشتقتولنا
حمد::هيه اكيد
ذياب::انزين منو حذالكم
حمد:: هاه.... اييكم شور بعدين ارمسكم انا مشغول الحين
ذياب::ههههه يلا عيل بااااااي
حمد::ببااااي
مريم::انت ليش جيه ترمس
حمد::ماشي هذا ربيعي يستهبل
مريم::انزين عطني تلفونك
حمد::ليش
مريم::شو بعد ليش هاته
حمد::اندوج
مريم:: منو بوعيون
حمد::ليش
مريم::قول منوه
حمد(بمكر)::اسمحيلي

سيده اتقوم مريم وهيه مفوله واتدق حق الدريول شوي 
ويوصل

حمدوبكل برود::زعلتي
مريم (وهيه خلاص شوي وتنفجر) ::لا افا عليك
حمد:: اوووه انتي صدق زعلتي مريامي تعالي
وهيه تمشي يمسكها حمد
حمد::ماشي ظهره
مريم::حمد انت انسان فايج تستهبل
حمد::انزين خلاص السموحه..والله كنت ابغي العوزج شوي
مريم::لا والله انا الحين يالسه احاتي عبادي وانت........
حمد::وانا شو
مريم::ماشي(واتصيح كانت وااايد زعلانه لانها اتحس بالضيج 
ابوها محد واخوها ميهود)

وحمد ماعرف شو يسوي يلس مبقق عيونه اتلوم فيها ندم
عالاستهبال والحركه السخيفه..سيده مسكها ولوى عليها

حمد::غناتي والله ماعرف كيف.....
مريم::حمد خلاص..انا وااايد مستهمه على خويه وابويه وانت
اللي زدت عليه والله ماروم استحمل
حمد::انزين امسحي دموعج..ترا بوعيون هذا ذيبوه

ويحبها وهني تبتسم مريم وتمسح دموعها وبسرعه اتغسل ويهها
وتركب مع الدريول واتروح المستشفى وحمد يروح غرفته ويقعد
شوي وهو مهموم وبعدين يقوم ويسير داماس وياخذ سواره حلوه
ورقيقه ومعاها ورده حمره ويروح بيت بوعبيد ويحط الهديه عند
شبريتها 

فالمستشفى وقبل ماتظهر الريم

الريم::عبيد ابويه يبغيني اسير العين اسبوعين
عبيد::ول
الريم::وشو الحل
عبيد::سيري
الريم::وانت
عبيد::فديتج عندي مريامي وحمد
الريم::ممم مادري انا بحايل معاه
عبيد::حرام عليج هذيل هلج
الريم::وانت حياتي
عبيدوهو مبتسم::لا خليت منج...
الريم::فديتك لا تعب عمرك ..المهم انا بسير
عبيد::على وين
الريم::غنايه ترا خواتيه يتريني
عبيد::اها عيل بحفظ الرحمن انشالله انشوفج قريب
الريم::افا عليك قبل ماروح بييك..مع السلامه
عبيد::مع السلامه حبيبتي
مريم::واخيرا
عبيد:: هههه حليلج
مريم::طالعوا الويه ارقد ارقد انا بسير بييك باجر ..قول حق حمد يبات 
عندك الليله
عبيد::هيهي بترقدين بروحج فالبيت..لا تحلمين... ماشي
مريم::الريم بتي
عبيد::اها يلا عيل مع السلامه
مريم::باااااي

اول ماتوصل مريم اتروح حجرتها عسب اتبدل وهيه اتبدل شافت كيس
صغيرون واول مافتحته شافت الورده واتخبلت عليها وفتحت العلبه
حصلت السواره هني يلست تتفدى حمد عرفت من ريحه عطره وسيده
طرشت المسج له::احـــــبـــــك مـــووت::
وحمد يوم شاف المسج اتخبل وعرف انها شافت الهديه كان هو فدربه 
عند غرفه عبيد

حمد::السلام عليكم
عبيد::عليكم السلام والرحمه
حمد::ههههه جوف شكلك اعوذ بالله
عبيد::ماعليه
حمد::حرام عليك ماتروعت الريم منك
عبيد::جب جب مالك خص
حمد::انزين عن تاكلنا...كمل رقادك

واول مايا نص الليل رقدت مريم والريم بعد السوالف وعاليوم الثاني اتروح
الريم واتسلم على عبيد واتكمل دربها للعين اما مريم فتمت عند عبيد
فالمستشفى تقريبا اسبوع ونص وبعدين رخصوه بس بعده مريض لكن 
حالته احسن عن قبل وبدا يتعدل شكله وبعد كم يوم ردت الريم وقعدت
يوم كامل مجابله عبيد اما حمد كان كل يوم ايي استغل هالفرصه كل 
يوم ايي ويشوف مريم ويسولف معاها شوي من دون مايدري عبيد وكان 
هو في احلى ايامه وبوعبيد وحليله كان كل يوم يدق بس ماكان يدري انه
مريض كان يتحرى فيه بس زجام اما بو حمد طبعا كان دوووم يتخبر عنهم
وخاصه ولده الحبيب حمد

وبعد ايام مره لعبيد بدت ترد عافيته وماشالله مريم ماقصرت كل يوم اتاكله 
فواكه لين ماغدا شكله طبيعي ومابقى عالعرس الا اسبوعين رد ابوه 
وسيف وبو حمد ويلسوا يزهبون خيمه الرياييل...الحريم فالفندق والرياييل 
فالخيمه

------------------------------
الجزء الاخــــيــــر


اليوم عرس عبيد والكل مرتبش وعبيد تعرف على خوان الريم الكبار وهم فالخيمه وبعد ماسلموا الشباب عليه

حميد:هالله هالله بختيه
عبيد:اكيد بحطها فعيوني
حميد:عاد انت رومانسي حيها ختيه
عبيد:انت الله يهديك مكثرهن بنات البلاد خذلك وحده
حميد:انشالله يوم بحصل ذيج البنت اللي بقتنع فيها 
عبيد:ماعليه باجر جان امك ماختارتلك وحده
حميد:اللي ايي من امايه انا راضي
عبيد:زين زين
حميد:يلا عيل انا بسير ارزف عند الشباب
عبيد:ههه عاد اتفنن
حميد:اكيد هه

ويروح حميد اخو الريم شويه وايي حمد بعد مارزف

حمد:فديتك والله خلاص باجر بتجوفها
عبيد:ياااه واخيرا بعيش معاها
حمد:وكيف بكون شهر العسل العجيب
عبيد:انا فكرت انه اقعد شهر في لندن واسبوعين في لبنان
حمد:ممم زين والله
عبيد:بس تعرف عندي فكره حلوه
حمد:اللي هي
عبيد:جوف شو رايك اتخلي عرسك الاسبوع الياي 
حمد:والله
عبيد:هيه انا وحرمتي بنترياك وكلنا انروح مع بعض شهر العسل
حمد:والله فكره حلوه
عبيد:خلاص بنحجز عرس الحريم في فندق عسب بسرعه انخلص
حمد:اوكي ومريم
عبيد:ماعليك انا بتفاهم
حمد:متى حضرتك بترمسها
عبيد:هاه ..خلاص اليوم
حمد:زين ...هيه صح ترا ابويه وابوك حجزوا غرفه في برج العرب
عبيد:بعد برج العرب
حمد:هيه بعد شو.... احلى مكان حق الحلوين
عبيد:انزين انزين وكم يوم
حمد:اظن 3 او يومين
عبيد:اها زين....علوووووو
حمد:ههه ول اول ماوصل سيده رزف..ولا يسلم
علي:مرحبا والله بالغاليين مبرووك مبروووك يالمعرس
عبيد:الله يبارك فيك عقبالك
علي :جب جب ماعندي سالفه اعرس..الا حمد شحالك
حمد:ربك بخير يلا قمنا انيول 
علي:يلا الشباب يتريون عبيد تعال
عبيد:بعدين

ويروحون علي وحمد ويلسوا يرزفون عاد حمد يلس يتفنن عالشباب عيناوي ماينلام
هو وسيف الصغير وطلعوا اللي بخاطرهم وطبعا عبيد موصي عالمصور يركز على 
ربعه والكل كان مرتبش وعبيد كان شوي متضايج لانه رضوي بعده مايا وكل مايدقوله
مغلق

هزاع: السلام عليكم
عبيد:هلا والله هزاع شحالك ربك بخير
هزاع :تمام والله انته شحالك
عبيد:والله يسرك الحال
هزاع:اووه عاد المعرس مانرومله
عبيد:ههههه
حمد:هزاع شحالك
هزاع:ربك بخير انته شحالك
حمد:والله تمام يلا تعال ويانا
هزاع:عبيد يلا قوم
عبيد:بعدين
رضا:السلام عليكم
عبيد:عليك السلام جان ماييت
رضا(وهو متلوم):السموحه منك عبيد بس امايه تعبانه فالمستشفى
عبيد:اسمحلي رضوي والله ماكنت ادري..
رضا:افا عليك ترا امايه اتسلم عليك وتستسمح منك لانها ماتروم تيي عرسك 
عبيد:افا عليك راحتها اهم وانا انشالله بييها
رضا:هذا من طيبك الا الشباب وين
عبيد:ههه جدامك
رضا:خلاص بروح عندهم..يلا تعال معايه
عبيد:مافيه
رضا:شو مب عكيفك راونا يوالتك
عبيد:ياريال 
رضا:عنبوه في ليله عرسك قوم خل حرمتك اتشوفك وانت اتيول
عبيد:اوكي

راح رضا يسلم عالشباب وقام عبيد ويلس ايول وطاحت الغتره وطلع شعره وحليله 
قفط كان متكشخ جان اييه حمد ويسفره وقاله بعدين اتغتر ويلسوا الشباب يرزفون
وايولون لين الفير
لانه كانت شي مسابقه حق اليواله بو عبيد مسونها فعشان جيه سهروا....وبعد 
كل هذا رد عبيد البيت عسب يرمس ابوه فحصله راقد لانه رد قبله فيلس فالصاله

سيف:هلا عبيد
عبيد:اوووه سيف انت ليش واعي
سيف:مافيه بعد شوي باذن بصلي وبرقد
عبيد:زين الا شو استانست اليوم
سيف:هيه وااايد يلست عند حمد اليوم
عبيد:ادريبكم..

شويه ولا يشوفون بو عبيد نازل

بوعبيد:السلام عليكم
عبيد+سيف:عليكم السلام
عبيد:ابويه بغيتك فسالفه
بوعبيد:خلنا انصل قبل...يلا سيف قمنا انروح..عبيد بتي معانا
عبيد:اكيد

راحوا يصلون مريم نشت وصلت بعدين حدرت تحت يلست شويه ولا تسمعهم
يايين فركضت للصاله الثانيه كانت تبغي اتطرش مسج حق حمد فسمعتهم وهم 
يرمسون

بوعبيد:يلا ياعبيد قول شو عندك
سيف:تبوني ولا اروح
عبيد:افا عليك سيف تراك منا
هني سيف استانس:لا اصلا انا فيه رقاد باجر بعرف السالفه يلا تصبحون على خير
بوعبيد+عبيد:وانت من هله
عبيد:ابويه جوف الاسبوع الياي نبي يكون عرس حمد 
بوعبيد:انا ماعندي مانع بس لازم اتشوف مريم
عبيد:مافي مشكله وقررنا عرس الحريم في فندق والرياييل بخيمه
بوعبيد:اللي يريحكم
عبيد:وبعد بكون شهر العسل كلنا مع بعض
بوعبيد:كيف
عبيد:يعني بنسير مع بعض
بوعبيد:ياعبيد شهر العسل لازم انت وحرمتك مع بعض تتهنون بروحكم
عبيد:لاالوالد نبي انسافر مع بعض وبنقضي شهر العسل 3 شهور... شهرين في 
لندن وشهر في لبنان
بوعبيد:خلاص عيل على راحتكم بس لازم الكل يكون موافق
عبيد:اكيد
بوعبيد:فديتك عندك شي ثاني
عبيد:سلامه راسك ابويه

ويبوس عبيد راس ابوه ويسير غرفته شويه وتيه مريم وهيه مستانسه عالكلام

مريم(بخبث):عبادي شو السالفه اجوفك يالس مع بويه
عبيد:ههه انتي واعيه يالساحره
مريم:انزين يلا قول شو استوى
عبيد(وهو يبتسم):اصلا انتي سمعتي كل شي
مريم(وهيه قافطه): هيه سمعت كل شي
عبيد:وشو رايج
مريم وهيه تلوي على خوها:اكيد عايبني هالشي ياااااي حلو
عبيد:ههههه عن يزيد خبالج يلا ابغي ارقد
مريم:اول شي قولي منو فاز
عبيد:وفي شك اكيد حبيب القلب
مريم:واااي فديته كنت ادري
عبيد:كان شي تنافس بيني انا وحمود وواحد من الربع ..بس حمادوو فاز ومادري 
كيف
مريم:ووين الشريط
عبيد:باجر بييبونه...افففف ماداني ريحه الحنه خوزي ايدج
مريم:ههه بعد حنيت شعريه
عبيد:بعد شعرج وععع انزين لمي شعرج ليش جيه فالتنه
مريم:شعريه وكيفي
عبيد:انزين الشيخه ممكن اتخليني ارقد
مريم:انزين انزين عن تاكلنا
عبيد:يلا روحي خليني اعطر الحجره من هالريحه
مريم:تصبح على الف خير 
عبيد:وانتي هله

ويعطر عبيد الحجره لانه لاعت جبده من ريحه الحنه وسيده يحط راسه وهو يفكر
بغناته خلاص باجر بتكون له..اما من الصوب الثاني الريم اللي ماياها رقاد طول الوقت 
اتفكر وكانت خايفه وقلبها يدق بسرعه وسيده نزلت تحت وتيلس فالصاله

الريم:انتي بعدج واعيه
ظبيه:توني ناشه هاي بنتيه مريم نشت وسوتلي حشره
الريم:فديتها ياربي بتكمل 8 شهور
ظبيه:ول كبرتيها بتكمل5
الريم:انزين عطيني اياها انتي سيري ارقدي
ظبيه:انتي اللي سيري ارقدي وراج عرس
فاطمه:ماشالله كلكم واعيين
ظبيه:غريبه انتي واعيه
فاطمه :هذا عيد توه ناش
الريم:فديته ياربي هاتيه
فاطمه:شلي عني عيّود والله عورلي راسي
ظبيه:وين عبيد
فاطمه:راقد فديته هذا مؤدب
الريم:لازم دووم التوام فيهم شي مميز
فاطمه:وانتي شعنه واعيه
الريم:والله اني متروعه ماروم ارقد
ظبيه:تعالي معايه الحجره
فاطمه:ظبوي هاتي مريومه الصغيره بوديهم الحجره وبلحقكم

ويروحن حجره الريم وتمن يرمسنها لين مارقدت الريم وراحن حجرهن


ويمر الوقت على هاليوم الحلو وكل واحد فالصالون يتعدل وين بنات خاله عبيد ريام 
واسما وساره وين خالاته وجيه عالمغرب الكل يروح الخيمه الا الريم وخواتها

عبيد:حماده شو رايك البس اي كندوره
حمد:مممم البس السماويه
عبيد:سماويه لا شو بقولون عني وين ابغي
حمد:عادي ولا تعرف البس عنابيه والله انها روعه عليك
عبيد:اوكيك
حمد:جوف هالسفره وااايد حلوه خاصه الاحمر ياااي عاللمعه
عبيد:هيه الحين كشخه
حمد:يلا انا بروح عند الوالد عندنا شغل لازم انخلص الخيمه
عبيد:لا والله ماتسير الا يوم بلبس
حمد:انزين بس لاتسوي بعمرك جيه

ويلسوا شوي يسولفون اما عن الريم فخلصت عدولها وراحت الخيمه ومعاها خواتها الكبار 5 هنتين عندها و3 عند عيد واللي كان يسوق خوها حميد ومعاه عبدالله والسياره الثانيه كان خوهم عيد ومعاه خواته...ووصلوا ونزلوا الريم وخواتها والشباب راحوا بيت عبيد وعالساعه تسع حدرت الريم على اغنيه هاديه وهيه تمشي كل شوي تبتسم معنها متروعه لكن خواتها موصاتها انها تبتسم واتخلي عمرها عاديه واول ماتوصل الكوشه تيها مريم واتسلم عليها مره ثانيه وخواتها نفس الشي وتيي ام الريم وتيلس اتحبب فبنتها وتلوي عليها وتيلس مريم تتطالع وعيونها تدمع كانت تتمنى تكون امها موجوده وتمت السوالف من بينهم وعالساعه 10ونص حدر عبيد وهو من الخاطر متعدل ومعاه حميد وبوعبيد وابوعيد اللي هو ابو الريم ويوصلون عند الريم ويحب عبيد راس الريم وهي خلاص بيغمى عليها يلسوا شوي يتصورون بعدين راحوا وتم عبيد والريم

عبيد:مبروك عليج
الريم:الله يبارك فحياتك
عبيد:ااااه والله انج عذاب
الريم:................

وتم عبيد يسولف والريم ساكته وبعدين شلها ووداها برج العرب وطبعا دقوا خط من 
بوظبي لين دبي وهاي اوامر بو عبيد
واتمر احلى ايام بالنسبه لعبيد والريم وكانوا احلى ثنائي وبعد 3تيام كان عبيد والريم قاعدين فالصاله فبيت عبيد

عبيد:ريماني
الريم:عيون ريماني
عبيد:لو يبنا ولد شو بتسمينه
الريم:مادري والله..الولد انت اللي بتسميه والبنت انا اللي بسميها
عبيد:اتفقنا
الريم:خلاص عيل اجل هالسالفه
عبيد:من عيوني يا عيوني
الريم(وهيه قافطه):تسلم عيونك من كل حسود
سيف:جني ييت بالغلط
الريم:هلا سيف
عبيد:لا لا تعال اقعد
الريم:سيف وين مريوم
سيف:توني كنت قاعد عندها حليلها المغرمه يالسه تسمع اغاني وسرحانه في
الحبيب
عبيد:ههههه الريم انتي كنتي جيه اتسوين
الريم:هاه لا ماكنت جيه اسوي
سيف:هيهي علينا
مريوم:احم احم
عبيد:هلا مريامي
مريوم :اللهم لا حسد محلاتكم
الريم:كل يوم جيه اتقولين
عبيد:احسن عن تحسدنا
سيف:عبيد انا بسير عند محمد 
مريم:منو هذا
عبيد:هذا ربيعه اتعرف عليه فالعرس
مريم:اها زين عيل
عبيد:عاد ماتينا نص الليل ترا ابويه موصني عليك
سيف:انشالله ترا الدريول معايه...يلا مع السلامه
الكل:مع السلامه

ويمر هاليومين بالسوالف الحلوه الكل كان مستانس وعلى يوم عرس الكل فالخيمه 
وبعد ماسلموا كل الشباب وبعد ماخلصوا الشله سوالفهم طبعا راحوا يرزفون وكان 
بوحمد وبو عبيد يرزفون عاد حمد وعبيد يلسوا يضحكون عليهم

حمد:عبود انا بسير ابدل كندورتي
عبيد:ليش
حمد:خاست قتلك انا ماريد البس ابيض
عبيد:انزين سير البس الكحليه
حمد:ناقص تعليقات بسير البس مثلها..كله منك انت قلت البس ابيض
عبيد:افف سير البس الكحليه
حمد:انزين انزين

ويسير حمد يبدل كندورته لانها خاست وهو عند سيارته اييب تلفونه....ووصل بيته 
ولبس كندوره كحليه وكان احلى فيها وسيده رد الخيمه لانها كانت عند بيتهم ويلسوا 
لين نص الليل وهالمره اللي فاز واحد من الشباب الربع
ويوم ردوا البيت يلس عبيد فالصاله

مريم(هيه عيونها اتدمع):هلا عبيد
عبيد:شبلاج غناتي
مريم:ماعرف ياعبيد والله اني خايفه(وتيلس اتصيح)

عبيد استغرب وماعرف شو يسوي جان تنزل الريم

عبيد:ييتي في وقتج
الريم:شبلاها
عبيد:غناتي انتي ادرى

اتشل الريم مريم واتوديها الحجره ويلست اترمسها لين الفير وعبيد يالس فحجرته يتريا

الريم:ليش مارقدت
عبيد:يالس اترياكم
الريم:ههه ماعليك
عبيد:فديت الضحكه ياربي
الريم:تفداك حبيبي
عبيد:انزين ومريم مافيها شي
الريم:اكثر البنات جيه ييلسن يفكرن ويخافن
عبيد:وانتي منهن
الريم:ممم يعني
عبيد:فديتج تعالي
الريم:انا بسير اتوضى يلا بياذن
عبيد:خلاص عيل بنزل الحين بينش الوالد

ويروحون يصلون وعاليوم الثاني المغرب الكل راح الفندق الا ريام والريم يالسين عند مريم

ريام:واااو اليوم انتي غير
مريم:بس دخيلج انا متروعه
الريم:ردينا خلج عاديه وحضرتج يوم بتحدرين تمي مبتسمه مب تراوينا ويهج الرعب
مريم:حليلي

ويدق عبيد الباب

عبيد:ماشالله فديت ختيه محلاتج..وااو ولا حياتي اروع
الريم:هذا كله عشانك
عبيد:مره ثانيه ماتتعدلين جيه بيحسدونج
مريم:بعدين قوللها هالكلام
عبيد:اوووه انتي ريام شو هالعدول ماعرفتج..شحالج
ريام :تمام انزين الشيخ يلا ودنا
عبيد:اوكي يلا يالبرنسيسه قومي

ويروحون الفندق واتروح مريم الغرفه اللي هناك وتقعد فيها ومعاها الريم وريام شويه ويحدرون على موسيقى هاديه عاد مريم طول الوقت مستانسه وشاقه الويه لين ماوصلت الكوشه وتمن الحريم يسلمن عليها ويتصورن وبعد ساعه ونص يحدر حمد ومعاه ابوه وابوعبيد وسيف وعبيد ويحب حمد راس مريم وهيه صدق استحت وتم يتطالعها لانه من زمان مارمسها يلس سيف يرزف واييه عبيد ويكمل معاه واتخبلن البنات على عبيد والريم غارت شويه بس سكتت حرام عرس خته وله الحق وبعدين راحوا الشبيبه ويلس حمد يتصور مع مريم وبعدين راحوا الغرفه ويلس حمد يتغزل في مريم وهيه طول الوقت ساكته اخر شي يلس يغايظها وهيه احتشرت عليه ويلسوا يتضاربون في ليلتهم واليوم الثاني الكل يروح المطار ويودعون بعض ويروحون لندن وكان احلى الايام في لندن وكانوا من الخاطر مستانسين بعد شهر ونص كانت مريم والريم قاعدات فالحديقه يجوفون اليهال

الريم:مريم 
مريم:هلا 
الريم:انا حامل
مريم:والله مبرووووك
الريم:الله يبارك فيج عقبالج
مريم:احم تراني انا حامل بعد
الريم:والله
مريم:هههه بس بعدني ماخبرت حمد اصلا انا اليوم خبروني
الريم:انا من اسبوع
مريم:يدري عبيد
الريم:لا
عبيد:شو تسوون
الريم :بسم الله
حمد:شحالج ريم
الريم:الحمدالله بخير انت شحالك
حمد:يسرج الحال مريم يلا
مريم:يلا باااي ريموو خبريني 
الريم:هههه اوكي
عبيد:شو السالفه
الريم:خلنا انرد

ويوم وصلوا البيت

الريم:عبيد انشالله ياينك نونو
عبيد(وهو مستانس ):فديتج والله مبرووك
الريم:الله يبارك فيك
عبيد:عاد اليوم بنروح احلى مطعم
الريم:ههه وابشرك ترا مريوم حامل
عبيد:ماشالله عيل خلاص عازمينكم

ويرن التلفون

حمد:عبووود اول شي مبروووك ثاني شي انا عازمنكم
عبيد:ههه انا توني ياااي اعزمكم
حمد:ماشي انا اللي عازمنكم
عبيد:لا انا
حمد:انا قبلك
عبيد:خلاص انت اللي بتخسر
حمد:عادي 
عبيد:كيفك
حمد:الساعه 8
عبيد:تم
حمد:مع السلامه

ويروحون المطعم ويقعدون ويسولفون وبعد مامر كمن اسبوع مريم والريم ماطاعن يروحن لبنان قالن يبن يردن البلاد وطبعا ردوا وبعدين خبروا الكل بانهن حوامل وخاصه بو حمد بييه حفيد اما بوعبيد بييه احفاد وحمد كان فخاطره بنيه ويسميها شما واذا ياب ولد بسميه حمدان على يده اما عبيد فقال اذا بنيه بسميها وديمه واذا ولد سعيد وبعد شهوور صعبه لمريم والريم ربن ويابت مريم بنيه واستانس حمد وااايد وسماها شما اما الريم فيابت توام بنت وولد وديمه وسعيد..وياهم خبر زواج رضا ببنت عمه اللي تحبه من سنين وتحقق حلمها وهو حبها والكـــــــــل عايش في ســعاده وبعد سنه وكم شهر 
مريم وحمد وعبيد والريم يالسين فبيت حمد

مريم:انـــــــــا حـــــامـــــــــــل
حمد(وهوماسك بنته شما):فديــــــــتج والله يامريم..شموه بكون عندج اخو

وحليلها شما اتطالع ابوها وتضحك وماتعرف شو السالفه

عبيد:مبروووك مريامي
الريم:ههه مبروك عاد هالمره بروحج
مريم:الله يبارك فيكم..يلا بمشي حالي عاد لازم توقفين معايه
الريم:اكيد
حمد:في اي شهر انتي الحين
مريم:الرابع...ههههه محد لاحظ هالشي وحليلكم انا من زمان ادري بس ساكته اتريا حد يلاحظ الكرشه
حمد:ههه شو درابي انا فـ هالاشياء
عبيد(وهو يشل سعيد):يلا قوموا خلونا انروح مكان
الريم:احسن شي اندق حق عمامي ونتيمع كلنا
مريم:هيه والله فكره واخبرهم بالخبر الحلو
حمد:خلاص انا بسير اييب العشا

والكل يتيمع وحمد ييب العشا ويقعدون وسيف يلس يستهبل عاليهالو وبعدين مريم اتخبر الشياب بانها حامل ويستانسون وبعد 3شهور اتربي مريم وتيب ولد وسموه حمدان بس حطوه فالحضانه لانه بعده ماكمل شهوره وبعد ماطلعوه راحوا العين وتموا فبيت حمد اللي هناك..وكل واحد كان متفاهم مع الثاني وهذا اللي يخلي السعاده تكبر معاهم ومع عيالهم

www.saif.waphall.com